*, ,BCOM LDAN 'DAS SME BRTZEGS KYI SGRUB THABS RJES GNANG BA BZHUGS SO, ,
, ,BLA MA DAM PA RNAMS LA PHYAG 'TSAL LO, ,BCOM LDAN 'DAS SME BA BRTZEGS PA SGOM PAR 'DOD PAS, SKYABS 'GRO DANG SEMS BSKYED PA SNGON DU SONG NAS, SVA BH'A WAS STONG PAR BSGOM, STONG PA'I NGANG LAS PAm LAS PADMA, RAm LAS NYI MA'I STENG DU, H'Um LJANG SNGON LAS 'OD ZER 'PHROS, 'PHAGS PA MCHOD, SEMS CAN GYI DON BYAS, TSUR 'DUS RANG GI SDIG PA DANG SGRIB PA THAMS CAD SBYANGS, DE YONGS SU GYUR PA LAS, RANG NYID KHRO BO SME BA BRTZEGS PA SKU MDOG LJANG SNGON, ZHAL GSUM PHYAG DRUG PA, RTZA ZHAL LJANG GU , GA-YAS DKAR, GA-YON DMAR BA, PHYAG DANG PO GNYIS THUGS KAR SDIGS MDZUB BSNOL BA, GA-YAS KYI 'OG MA GNYIS RDO RJE DANG RAL GRI 'DZIN PA, GA-YON 'OG MA GNYIS ZHAGS PA DANG LCAGS KYU 'DZIN PA, ZHAL RE RE LA SPYAN GSUM GSUM DANG LDAN PA, KHRO GNYER MCHE BA GTZIGS PA, SKRA KHAM PA GYEN DU BRDZES PA, SKU LA RIN PO CHE'I RGYAN SNA TSOGS KYIS BRGYAN PA, SKU STOD LA DAR LJANG SNGON GYI NA BZA' GSOL BA, SKU SMAD LA STAG GI PAGS PA'I SHAM THABS CAN, ZHABS GA-YAS CUNG ZAD BSKUM PA, GA-YON BRKYANG BAS BZHUGS PA'O, ,DE'I DPRAL BAR AOm, MGRIN PAR A'A: THUGS KAR H'Um, H'Um LAS 'OD ZER 'PHROS PAS, YE SHES PA MDUN GYI NAM MKHAR SPYAN DRANGS LA, AARGHAm LA SOGS PAS MCHOD NAS, DZA: H'Um BAm HO: SA RANG DANG GNYIS SU MED
, ,BSTIM, YANG H'Um LAS 'OD 'PHROS DBANG GI LHA RIGS LNGA 'KHOR DANG BCAS PA SPYAN DRANGS LA, AARGHAm LA SOGS PAS MCHOD NAS, AOm SARBA TA TH'A GA TA AA BHI shINYTZA TU MAm, ZHES GSOL BA BTAB PAS, DE BZHIN GSHEGS PA THAMS CAD KYI ZHAL NAS, AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNG ZHING SPYI BO NAS YE SHES KYI CHUS DBANG BSKUR BAS, DRI MA THAMS CAD DAG CHU LHAG MA YAR LUD PAS, DON YOD GRUB PAS DBU BRGYAN PAR BSAM MO, ,SNGAGS BZLA BAR 'DOD NA, RANG GI SNYING GAR NYI MA'I DKYIL 'KHOR GYI STENG DU H'Um LJANG SNGON, DE'I MTHAR GA-YAS SKOR DU, AOm BH'UR KUm MAH'A PR'A n'A YE BH'U RTZI BH'UR KI BHI MA N'A SE AU TZUshMA KRO DHA H'Um H'Um PHAt PHAt SV'AH'A, ZHES PAS BSKOR BAR BSAM MO, ,DE DAG LAS 'OD 'PHROS 'PHAGS PA MCHOD, SEMS CAN GYI DON BYAS, TSUR 'DUS RANG GI SDIG PA DANG SGRIB PA NYAMS GRIB LA SOGS PA MI GTZANG BA THAMS CAD DAG PAR BSAM, BSOD NAMS DANG YE SHES KYI TSOGS RGYAS PAR BSAM ZHING, GONG GI SNGAGS BZLA BAR BYA'O, ,YANG RANG GZHAN GYI DON DU KHRUS BYED PAR 'DOD NA, RANG SNGAR BSHAD PA LTAR LHAR BSGOM, MDUN DU ZANGS GZHONG LA SOGS PA'I SNOD KHA TEB KYI NANG DU, SROG CHAGS MED PA'I CHU GTZANG MA BLUG LA, DE'I STENG DU ZLA BA'I DKYIL 'KHOR, DE'I STENG DU GONG GI SNGAGS KYI YIG 'BRU KHA DOG LJANG
GU RNAMS KYIS KHENGS PAR BSAM MO, ,DE NAS RANG GI SNYING GA NAS SA BON DANG YIG 'BRU LAS 'OD ZER 'PHROS PAS, MDUN GYI YIG 'BRU LA PHOG ,DE LAS BDUD RTZI'I RGYUN BABS PAR BSAM ZHING GONG GI SNGAGS BZLA BAR BYA'O, ,BZLAS PA TSAR BA DANG, AARGHAm LA SOGS PAS MCHOD NAS, SNGAGS BZLAS PA'I MCHIL MA ZANGS GZHONG DU BTAB PAS, ZLA BA DANG YIG 'BRU 'OD DU ZHU NAS CHU LA THIM PAR BSAMS LA, RANG GZHAN GYI KHONG DU BTANG BA DANG, KHRUS BYAS NA, DME DANG, MDZE DANG, YUG SA DANG, NYAMS GRIB LA SOGS PA MI GTZANG BA THAMS CAD SEL BA'I MCHOG TU 'GYUR RO, ,ZAS DANG, GNAS DANG GROGS LA SOGS PA NYAM NGA BA BYUNG BA'I TSE RANG LHAR DRAN PA TZAM BYAS LA, SNGAGS LAN GSUM TZAM BZLAS PAS THUB PAR NGES SO, ,'DI'I BRGYUD PA NI RDO RJE SME BA BRTZEGS PA, DPAL LDAN AA TI SHA, DGON PA BA DBANG PHYUG RGYAL MTSAN, SNE'U ZUR BA YE SHES 'BAR, DGYER SGOM GZHON NU GRAGS, DBON STON GZHON NU 'BYUNG GNAS, DPAL LDAN DGON PA BA, BLA MA DO PA, BLA MA BKRA SHIS RGYAL MTSAN, MGON PO TSUL KHRIMS SO,, MANGGA LAm,, ,