*, ,BCOM LDAN 'DAS 'KHOR LO CHEN PO'I MNGON RTOGS BZHUGS SO, ,
, ,BCOM LDAN 'DAS 'KHOR LO CHEN PO'I DKYIL 'KHOR DU DBANG LEGS PAR THOB, DAM TSIG DANG SDOM PA TSUL BZHIN DU BSRUNG BA'I RTEN GYI GANG ZAG GIS, MTSAN NYID DANG LDAN PA'I GNAS SU STAN BDE BA LA 'DUG NAS, SNGON 'GRO GTOR MA BTANG STE 'OG NAS 'BYUNG BA LTAR NANG MCHOD BYIN GYIS BRLABS LA, MCHOD PA RNAMS AA MRi TAS BSANGS, SVA BH'A WAS SBYANGS, AA LAS BYUNG BA'I THOD PA YANGS SHING RGYA CHE BA'I NANG DU, H'Um H'Um LAS BYUNG BA'I MCHOD YON, ZHABS BSIL, ME TOG ,BDUG SPOS, SNANG GSAL, DRI CHAB, ZHAL ZAS, ROL MO RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm ARGHAm A'A: H'Um, P'A D-YAm, PUshPE, DH'U PE, A'A LO KE, GANDHE, NEE WI DYE, SHAPTA, RNAMS SBYAR RO, ,STONG NYID TING NGE 'DZIN RDO RJES, DUS GSUM 'BYUNG BA'I SANGS RGYAS DANG, ,THEG CHEN DAM CHOS 'DI DANG NI, ,DGE 'DUN SANGS RGYAS SRAS TSOGS LA, ,BYANG CHUB BAR DU SKYABS SU MCHI, ,NGO MTSAR CHE MCHOG BYANG CHUB NI, ,BLA MED DAG NI THOB NAS SU, ,SHIN TU MTHAR THUG MYANG 'DAS LA, ,'GRO
, ,BA MYUR DU DGOD PAR BGYI, ,RANG NYID PHYAG NA RDO RJE ZHAL GCIG PHYAG GNYIS PAR GSAL BA'I THUGS KAR NYI MA'I DKYIL 'KHOR LA GNAS PA'I H'Um GI 'OD ZER GYIS, PHYOGS BCU NA BZHUGS PA'I GANG+G'A'I KLUNG GI BYE MA SNYED KYI SANGS RGYAS RNAMS DANG, BLA MA DANG DKYIL 'KHOR GYI LHA TSOGS BYANG CHUB SEMS DPA' RNAMS SPYAN DRANGS, 'OD ZER RANG GI SNYING GAR THIM, (GONG MA RNAMS KYIS TSOGS ZHING SPYAN DRANGS NAS, 'DZAM GLING SOG KHA SOGS BSKYED PA'I STENG DU BZHUGS PA NI, RDO RJE SLOB DPON LA GSOL BA GDAB PA'I MAndAL DBUL BA'I SKABS LA BSAM PAR SNANG STE, DZVA BA RI PA'I GZHUNG DU SKABS 'DIR DE LTAR BSHAD PA MED PAS 'THAD PAR MA MTHONG NGO), ,PHYOGS BCU'I SANGS RGYAS THAMS CAD DANG, ,DKYIL 'KHOR GSANG BA'I LHA TSOGS DANG, ,BYANG CHUB SEMS DPA' THAMS CAD LA, ,SGO GSUM DAD PAS PHYAG 'TSAL LO, ,SANGS RGYAS CHOS DANG DGE 'DUN LA, ,MCHOD PA BLA NA MED PAS MCHOD, ,AOm SARBA TA TH'A GA TA ARGHAm P'U DZA ME GHA SA MU DRA SPHA RA nA SA MA YE H'Um, (DE BZHIN DU) P'A DYAm (NAS,) SHAPTA'I (BAR GYIS MCHOD LA), 'KHOR BA THOG MA MED PA NAS, ,MTSAMS MED LNGA DANG NYE BA LNGA, ,(BYANG SA'I PHAM PA BZHI SO SOR PHYE BA LA SNGA MA RNAMS BZHED), MI DGE BCU DANG LCI BA BRGYAD, ,KHA NA MA THO LA SOGS RNAMS, ,'PHAGS PA'I SPYAN SNGAR SO SOR BSHAGS, ,'JIG RTEN DGE BCU SPYOD PA DANG, ,NYAN THOS RANG RGYAL
DGE TSOGS BCAS, ,SANGS RGYAS SRAS BCAS 'GRO DON MDZAD, ,DE KUN LA YANG YI RANG NGO, ,PHYOGS BCU'I SANGS RGYAS ZHING RNAMS SU, ,MNGON PAR RDZOGS PAR SANGS RGYAS NAS, ,RING POR MA LON THAMS CAD LA, ,CHOS KYI 'KHOR LO BSKOR BAR BSKUL, ,'KHOR BA JI SRID MA STONGS PAR, ,MYA NGAN MI 'DA' BZHUGS SU GSOL, ,DGE BCU JI SNYED YOD PA DANG, ,BSDU BA'I DNGOS PO BZHI DANG NI, ,PHA ROL PHYIN PA BCU LA SOGS, ,BYANG CHUB CHEN POR BSNGO BAR BGYI, ,BDAG GI LUS 'DI JI SRID DU, ,LEN PA RDO RJE SLOB DPON DANG, ,'KHOR LO CHEN PO'I LHA TSOGS DANG, ,SANGS RGYAS SRAS DANG BCAS PA LA, ,NGAG YID DANG BAS DBUL BAR BGYI, ,RKANG GNYIS GTZO BO SANGS RGYAS DANG, ,'DOD CHAGS BRAL BA'I CHOS RNAMS DANG, ,TSOGS KYI ZHING GYUR DGE 'DUN LA, , DANG BA'I YID KYIS SKYABS SU MCHI, ,BYANG CHUB MCHOG GI RANG BZHIN CAN, ,SEMS CAN KUN LA KHYAB PAR GNAS, ,MA RTOGS 'KHOR BAR 'KHYAMS PA RNAMS, ,DE NGAG DON DU SEMS BSKYED DO, ,DUS GSUM SANGS RGYAS SRAS BCAS RNAMS, ,BSLAB DANG SLOB PAR 'GYUR BA YI, ,DGE BA CHOS SDUD TSUL KHRIMS DANG, ,SDOM PA'I TSUL KHRIMS LDAN PA DANG, ,SEMS CAN DON BYED TSUL KHRIMS GSUM, ,YANG DAG BLANGS TE GNAS PAR BGYI, ,DUS 'DI NAS NI BZUNG NAS NI, ,'KHOR BA'I NYES PAS MA GOS PAR, ,MCHOD PA KUN DANG LDAN PAR NI, ,DUS KUN TU NI BDE BAR MNOS, ,SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,SDUG BSNGAL DANG SDUG BSNGAL GYI RGYU DANG BRAL BAR GYUR CIG ,SDUG BSNGAL MED PA'I BDE BA DANG MI 'BRAL BAR GYUR
, ,CIG ,NYE RING CHAGS SDANG MED PA'I BTANG SNYOMS LA GNAS PAR GYUR CIG ,PHYI DANG NANG GI DNGOS PO THAMS CAD BDEN PA'I GCIG DANG DU MA'I NGO BO NYID DANG BRAL BA'I PHYIR, RANG BZHIN GYIS STONG ZHING BDAG MED PAR GYUR, ,AOm SH'U N+YA T'A DZNY'A NA BADZRA SVA BH'A WA A'ATMA KONYAHAm, (BAR SRID MTSON PA'I YI GE RGYUD DANG GZHUNG GZHAN DU BYUNG YANG, SLOB DPON 'DI'I GZHUNG NAS BSHAD PA MA BYUNG NGO), ,STONG PA'I NGANG LAS RAm LAS NYI MA'I DKYIL 'KHOR GYI STENG DU, H'Um LAS SNA TSOGS RDO RJE SHAR GYI RVA DKAR, LHO'I RA SER, NUB KYI RVA DMAR, BYANG GI RVA LJANG, LTE BA MTHING NAG LA H'Um GIS MTSAN PA LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RVA BA, STENG DU 'PHROS PAS RDO RJE'I GUR, GUR GYI 'OG RVA BA'I STENG DU RDO RJE'I BLA BRE, (SGRUB THABS KYI GZHUNG KHA CIG TU, RA GUR, CHOS 'BYUNG, ME RI, 'BYUNG BA RIM BRTZEGS RNAMS MED KYANG, DRAG PO GSUM 'DUL GYI RGYUD LAS, DE NAS GSANG BA'I DKYIL 'KHOR NI, ,RDO RJE ME DPUNG 'OD DANG LDAN, ,DE NYID MKHA' DANG 'BYUNG BA LAS, ,ZHES GSUNGS PAS 'THOB GSUNG NGO), ,THAMS CAD KYANG RDO RJE 'BAR BA'I RANG BZHIN BAR MTSAMS MED PAR DUM BU GCIG TU GYUR PA'I PHYI ROL TU BSKAL PA 'JIG PA'I DUS KYI ME LTA BU KHA DOG SNA LNGA'I ME DPUNG PHYOGS BCUR 'PHRO BA, RVA BA'I DBUS SU AE LAS CHOS 'BYUNG PHYI DKAR LA NANG DMAR BA, GDENGS KA CHE BA GYEN DU PHYOGS SHING, RTZE MO PHRA BA THUR DU ZUG PA, DE'I NANG DU YAm LAS RLUNG GI DKYIL 'KHOR LJANG SNGON GZHU LTA BU BA DAN GYIS MTSAN PA, DE'I STENG DU RAm LAS ME'I (GONG MA RNAMS CHOS 'BYUNG DU 'BYUNG BA RIM BRTZEGS, GO LDOG BZHU NAS GZHAL YAS KHANG BSKYED PA NI, KYEE RDOR GYI GZHUNG
'GA' ZHIG 'BRU MA NON PAR SNANG NGO), ,DKYIL 'KHOR DMAR PO GRU GSUM RAm GYIS MTSAN PA, DO'I STENG DU BAm LAS CHU'I DKYIL 'KHOR DKAR PO ZLUM PO BUM BA CHUS GANG BAS MTSAN PA, DE'I STENG DU LAm LAS SA'I DKYIL 'KHOR SER PO GRU BZHI PA ZUR BZHIR RDO RJE RTZE GSUM PAS MTSAN PA, DE'I STENG DU SUm LAS RI RAB RIN PO CHE SNA BZHI'I RANG BZHIN, DE'I STENG DU PAm LAS BYUNG BA'I SNA TSOGS PADMA'I STENG DU, (SNA TSOGS PADMA DANG DE'I STENG DU SNA TSOGS RDO RJE MI BYED PA PHRENG BAR BKAG GO), H'Um LAS SNA TSOGS RDO RJE'I LTE BAR BHR'Um YONGS SU GYUR PA LAS GZHAL YAS KHANG GRU BZHI SGO BZHI PA PHYI NAS RIM PA BZHIN, DKAR SER, DMAR LJANG, SDO BA'I RTZIG PA LNGA DANG LDAN PA'I STENG DU, RIN PO CHE'I PHA GU GZHI DMAR PO LA RIN PO CHE ZUR GSUM DANG GRU BZHI LA SOGS PAS SPRAS PA, PHA GU'I STENG NA GSER GYI SKA RAGS BZHI'I PHYI NGOS SU CHU SRIN GYI KHA NAS RIN PO CHE'I DRA BA DANG DRA BA PHYED PA 'PHYANG BA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG DU MDA' YAB PADMA 'DAB MA PHYED PA'I DBYIBS CAN LA BA DAN DANG RGYAL MTSAN SNA TSOGS PAS MDZES PAR BYAS PA, RTZIG PA'I MTHA' NAS 'DOD YON GYI SNAM BU DMAR POS 'GRAM STEGS KYI RNAM PAR BSKOR BA LA LHA MO MCHOD RDZAS THOGS PA RNAMS 'KHOD NAS MCHOD PA BYED PA, SGO DANG SGO KHYUD KYI MTSAMS DANG GRU BZHIR ZLA PHYED RDO RJE RIN CHEN GYIS SPRAS PA, SGO BZHI SO SO'I MDUN DU KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, NANG KA BA BRGYAD KYIS BTEG
, ,PA'I RDO RJE'I GDUNG GIS MDZES PAR PHUB PA'I RTZE MOR RDO RJE RIN PO CHE'I TOG GIS SPRAS PA, STENG GI THOG DANG 'OG GIS GZHI THAMS CAD SHAR DKAR LHO SER NUB DMAR BYANG LJANG, DBUS SNGO BA, RDO RJE RA BA ME RI DANG BCAS PA'I PHYI ROL TU GTUM DRAG LA SOGS PA'I DUR KHROD BRGYAD NA SHIRshA LA SOGS PA'I SHING BRGYAD KYI RTZA BA NA GNAS PA'I BRGYA BYIN LA SOGS PA'I PHYOGS SKYONG RNAMS DANG, GZHAN YANG, RDU 'PHRUL CHEN PO GLANG PO CHE'I GDONG PA CAN LA SOGS PA'I ZHING SKYAB RNAMS DANG, CHU BRGYAD DANG, DE LA GNAS PA'I NOR RGYAS LA SOGS PA'I KLU BRGYAD, STENG GI NAM MKHA' LA SGROGS PA LA SOGS PA'I SPRIN BRGYAD, ME BRGYAD, MCHOD RTEN BRGYAD, GZHAN YANG KENG RUS DANG, GSAL SHING GIS PHUG PA'I RO DANG, SHING LA DBYANGS PA DANG, SKYES BU ZAB DANG, MTSON GYIS PHUG PA DANG, BYA ROG DANG, BYA RGOD DANG, KHYI DANG, CE SPYANG DANG, SENG GE DANG, STAG LA SOGS PA DANG, CA CO SGROG PA'I RO LANGS DANG, GNOD SBYIN DANG, SRIN PO LA SOGS PA RNAMS KYIS 'JIGS SU RUNG BA, GRUB PA DANG, RIG PA 'DZIN PA DANG, DAM TSIG SPYOD PA'I RNAL 'BYOR PA BCOM LDAN 'DAS LA RTZE GCIG TU BLTA BA GCER BU SKRA BSHIG PA, PHYAG RGYA LNGAS BRGYAN PA, CANG TE'U DANG THOD PA DANG, KHA tV'Am GA THOGS PA, THOD PAS SPYI BOR BRGYAN PA, RGOD CING DUR KHROD DU 'JUG PA SOGS KYIS SHIN TU NGO MTSAR BAR BYED PA'I DUR KHROD RNAMS KYIS BSKOR BA'I GZHAL YAS KHANG GI DBUS SU, 'KHOR LO SNGON PO RTZIBS BZHI PA, LTE BA MU KHYUD DANG BCAS PA'I LTE BAR, GA-YAS SU TSANGS PA DKAR PO KHA SPUB TU BSKYEL BA'I SOG DBRAG TU ZLA
BA, GA-YON DU BRGYA BYIN DMAR PO KHA SPUB TU BSKYEL BA'I SOG DBRAG TU NYI MA, RTZIBS BZHI'I STENG DU SNA TSOGS PADMA DANG NYI MA, SHAR GYI RTZIBS LA DRI ZA PHO MO, LHO'I RTZIBS LA GSHIN RJE PHO MO, NUB KYI RTZIBS LA CHU LHA PHO MO, BYANG GI RTZIBS LA GNOD SBYIN PHO MO, SGO BZHIR ZLA GDAN, DBUS KYI NYI MA'I STENG DU H'Um H'Um LAS KHRO BO'I RDO RJE RTZE LNGA PA DANG THOD PA H'Um H'Um GIS MTSAN PA, DE LAS 'OD ZER 'PHROS PAS PHYOGS BCU'I GANG+G'A'I KLUNG GI BYE MA SNYED KYI SANGS RGYAS RNAMS SPYAN DRANGS DE NYID DU THIM, (GONG MA RNAMS A'A LI K'A LI LAS NYI ZLA SOGS MNGON BYANG LNGA BSKYED MDZAD KYANG, SLOB DPON GYI GZHUNG DU CHO GA GSUM BSKYED GSAL BA'I PHYIR RO, ,YONGS SU GYUR PA LAS, RANG NYID SANGS RGYAS 'KHOR LO CHEN PO GOS SNGON PO CAN, SKU MDOG MTHING NAG ZHAL GSUM PHYAG DRUG PA, ZHABS GA-YAS BSKUM ZHING GA-YON BRKYANG BA RTZA ZHAL MTHING GA ,GA-YAS ZHAL DKAR BA, GA-YON ZHAL DMAR PO ZHAL GSUM ZLA BA'I DKYIL 'KHOR LTAR RGYAS PA, ZHAL RE RE LA'ANG SPYAN GSUM GSUM ME'I PHUNG PO 'DRA BA, SMIN MA DANG DBRAL BA'I MTSAMS SU KHRO GNYER BSDUS PA, LJAGS 'DRIL ZHING MCHE BA GTZIGS PA, H'Um H'Um DANG AA LA LA'I SGRA SGROG PA, DBUGS ME LCE LTAR TSA ZHING 'BAR BA, DBU SKRA KHAM SER GYEN DU BRDZES PA, RAL PA'I COD PAN LA SANGS RGYAS MI BSKYOD PA SNGON PO GA-YAS RDO RJE GA-YON SDIGS MDZUB MDZAD PA, GA-YON BRKYANG GI STABS KYIS BZHUGS PA, LTO BA YANGS SHING GSUS PA'I SMAD 'KHYIL BA, PHYAG GA-YAS KYI DANG POS KHRO BO'I RDO RJE RTZA LNGA PA 'PHYANG ZHING, GA-YON DANG POS SDIGS
, ,MDZUB MDZAD PA, BAR PA GNYIS THAL MO'I SGRA SGROG PAS YUM LA 'KHYUD PA, THA MA GNYIS KYIS GDOL PA'I RIGS STOBS RGYU DANG RIGS LDAN NAG PO'I RKED PA NAS BZUNG STE, MGO BO RTZA ZHAL DU GSOL ZHING 'JUG MA ZHABS 'OG TU MNAN PA, GOS SNGON PO'I STOD GA-YOGS DANG, STAG GI BAGS PA'I SHAM THABS 'PHYANG BA, RGYAL RIGS NOR RGYAS DANG DUNG SKYONG SER POS DBU SKRA BCINGS SHING, RJE RIGS DGA' BO DANG NYER DGA' BO DMAR POS SNYAN RGYAN BYAS PA, BRAM ZE'I RIGS PADMA DANG CHU LHA DKAR POS PHYAG GDUB DANG DPUNG RGYAN DANG ZHABS GDUB BYAS PA, GDOL PA'I RIGS STOBS RGYU SNGON POS MCHOD PHYIR THOGS BYAS SHING RIGS LDAN NAG POS SKA RAGS BYAS PA, DE'I BANG NA LHA MO MDZES LDAN MA SKU MDOG MTHING NAG ZHAL GCIG PHYAG GNYIS GA-YAS GRI GUG 'DZIN PAS YAB LA 'KHYUD CING GA-YON THOD PA KHRAG GIS GANG BA YAB KYI ZHAL DU STOB PA, DBU SKRA RAL BA KHAM SER PHYED BCINGS SU BYAS PA, (DER DANG RIN PO CHE'I RGYAN SNA TSOGS KYIS BRGYAN PA ZER BA'ANG 'DUG) ,DAR SNA TSOGS KYI NA BZA' MNABS PA, ZHAL MCHE BA GTZIGS SHING, SPYAN GSUM DANG LDAN PA, YAB KYI THUGS KAR NYI MA'I DKYIL 'KHOR LA GNAS PA'I YE SHES SEMS DPA' PHYAG NA RDO RJE SNGON PO ZHAL GCIG PHYAG GNYIS GA-YAS RDO RJE GA-YON SDIGS MDZUB MDZAD PA, GA-YON BRKYANG GI STABS KYIS BZHUGS PA, GOS SNGON PO'I STOD GA-YAGS DANG STAG GI BAGS PA'I SHAM THABS CAN DE'I THUGS KAR NYI MA'I STENG DU TING NGE 'DZIN SEMS DPA' H'Um YIG MTHING NAG 'OD
ZER LNGA 'PHRO BA, YAB KYI GSANG GNAS MI DMIGS PA'I NGANG LAS H'Um LAS BYUNG BA'I RDO RJE RTZE LNGA PA BU GA H'Um GIS MTSAN PA, YUM GYI GSANG BA MI DMIGS PA'I NGANG LAS AA LAS BYUNG BA'I PADMA 'DAB MA BRGYAD PA ZE'U 'BRU LA AS MTSAN PA, YAB YUM SNYOMS PAR ZHUGS PA'I THUGS KA'I H'Um GI 'OD ZER GYIS, SANGS RGYAS DANG BYANG CHUB SEMS DPA' THAMS CAD SPYAN DRANGS, YAB KYI ZHAL DU ZHUGS, THUGS KAR CHAGS PA CHEN PO'I MES ZHU, RDO RJE'I LAM NAS YUM GYI PADMAR THIG LE KHA SBYOR BRGYAD DU GYUR PA'I THIG LE KHA SBYOR BZHI SBYOR MTSAMS NAS RTZIBS BZHI'I GDAN GYI STENG DU SPROS PA'I CHA BZHI LAS RDO RJE BZHI, LHAG MA CHA BZHI LAS THOD PA BZHI, DE RNAMS YONGS SU GYUR PA LAS, BDUD LAS RGYAL BYED LA SOGS PA'I KHRO BO BZHI DANG, 'OD ZER CAN MA LA SOGS PA'I KHRO MO BZHIR GYUR PA NI, SHAR GYI GDAN LA KHRO BO BDUD LAS RGYAL BYED SKU MDOG DKAR PO ZHAL GCIG PHYAG BZHI, GA-YAS DANG POS KHRO BO'I RDO RJE RTZE LNGA PA 'PHYAR ZHING, GA-YON DANG POS RTZE GSUM 'DZIN PA, 'OG MA GNYIS SDIGS MDZUB BSNOL BAS YUM LA 'KHYUD PA, DE'I BANG DU LHA MO 'OD ZER CAN DKAR MO ZHAL GCIG PHYAG GNYIS SPU GRI 'DZIN PAS YAB LA 'KHYUD CING, GA-YON THOD PA KHRAG GIS GANG PA YAB KYI ZHAL DU STOB PA, LHO'I GDAN LA RDO RJE GZI BRJID SER PO ZHAL GCIG PHYAG BZHI GA-YAS DANG PO SNGAR BZHIN DANG, GA-YON DANG PO DBYUG TO 'DZIN PA, 'OG MA GNYIS SDIGS MDZUB BSNOL BAS YUM LA 'KHYUD PA, DE'I PANG DU LHA MO MDANGS CAN MA SER MO ZHAL GCIG PHYAG GNYIS,
, ,GA-YAS ZANGS GRI 'DZIN PAS YAB LA 'KHYUD CING, GA-YON SNGA MA BZHIN, NUB KYI GDAN LA RNGAM PA SGRA SGROG DMAR PO ZHAL GCIG PHYAG BZHI GA-YAS DANG POS SNGA MA BZHIN, GA-YON PAS SBRUL ZHAG 'DZIN PA, 'OG MA GNYIS SNGAR BZHIN, DE'I BDAN LHA MO SGRA GCAN MA DMAR PO ZHAL GCIG PHYAG GNYIS GA-YAS STA RE 'DZIN PAS YAB LA 'KHYUD CING, GA-YON SNGAR BZHIN, BYANG GI GDAN LA BDUD RTZI 'KHYIL PA LJANG GU ZHAL GCIG PHYAG BZHI, GA-YAS DANG POS SNGAR BZHIN, GA-YON DANG POS BE CON 'DZIN PA, 'OG MA GNYIS SNGAR BZHIN, DE'I PANG NA LHA MO RLUNG 'BYIN MA LJANG GU ZHAL GCIG PHYAG GNYIS, GA-YAS 'KHOR LO 'DZIN PAS YAB LA 'KHYUD CING, GA-YON SNGAR BZHIN, THIG LE KHA SBYOR BZHI SGO BZHI'I STENG DU ZER BA'ANG 'DUG ,GDAN GYI STENG DU 'PHROS PA'I CHA GNYIS GNYIS YONGS SU GYUR BA LAS, SHAR SGOR LCAGS KYU GNYIS, LHO SGOR ZHAGS PA GNYIS, NUB SGOR LCAGS SGROG GNYIS, BYANG SGOR DRIL BU GNYIS, DE RNAMS YONGS SU GYUR PA LAS, LCAGS KYU LA SOGS PA'I KHRO BO BZHI DANG, LCAGS KYU MA LA SOGS PA'I KHRO MO BZHIR GYUR PA NI, SHAR SGO'I GDAN LA RDO RJE LCAGS KYU DKAR PO ZHAL GCIG PHYAG GNYIS GA-YAS LCAGS KYU 'PHYAR ZHING, GA-YON SDIGS MDZUB MDZAD PAS RANG 'DRA'I LHA MO LCAGS KYU MA LA 'KHYUD PA, LHO SGO'I GDAN LA RDO RJE ZHAGS PA SER PO ZHAL GCIG PHYAG GNYIS GA-YAS ZHAGS PA 'PHYAR ZHING, GA-YON SDIGS MDZUB MDZAD PAS RANG 'DRA'I LHA MO ZHAGS PA MA LA 'KHYUD PA, NUB SGO'I GDAN LA RDO RJE'I LCAGS SGROG DMAR PO ZHAL
GCIG PHYAG GNYIS GA-YAS LCAGS SGROG 'PHYAR ZHING, GA-YON SDIG MDZUB MDZAD PAS RANG 'DRA'I LHA MO LCAGS SGROG MA LA 'KHYUD PA, BYANG SGO'I GDAN LA RDO RJE DRIL BU LJANG GU ZHAL GCIG PHYAG GNYIS, GA-YAS DRIL BU 'PHYAR ZHING, GA-YON SDIGS MDZUB MDZAD PAS RANG 'DRI'I LHA MO DRIL BU MAL 'KHYUD PA, BDUD LAS RGYAL BYED LA SOGS PA'I KHRO BO BRGYAD PO THAMS CAD KYANG DBU SKRA KHAM SER GYEN DU BRDZES PA, ZHAL MCHE BA GTZIGS SHING, SPYAN GSUM GSUM DANG LDAN PA GAS SNGON PA'I STOD GA-YOGS DANG, STAG GI PAGS PA'I SHAM THABS 'PHYANG BA, KLU RIGS BZHI RGYAN DU BYAS PA, GA-YON BRKYANG GI STABS KYIS BZHUGS PA, 'OD ZER CAN MA LA SOGS PA'I KHRO MO BRGYAD PO THAMS CAD KYANG DBU SKRA RAL PA KHAM ZER PHYED BCINGS SU BYAS PA, ZHAL MCHE BA GTZIGS SHING SPYAN GSUM GSUM DANG LDAN PA, DAR SNA TSOGS KYI NA BZA' MNABS PA (DAR DANG RIN PO CHE'I RGYAN SNA TSOGS KYIS BRGYAN PA ZER BA'ANG 'DUG) ,THAMS CAD KYANG YE SHES KYI ME RAB TU 'BAR BA'I DBUS NA BZHUGS PA'O, ,RANG GI THUGS KA'I H'Um LAS 'OD ZER 'PHROS RANG BZHIN GYI GNAS NAS YE SHES KYI 'KHOR LO SPYAN DRANGS, YI GE NYER GCIG PAS PHYI 'BRANG GI BGEGS BSKRAD, PHYOGS BCU'I SANGS RGYAS THAMS CAD DANG, ,DKYIL 'KHOR GSANG BA'I LHA TSOGS DANG, ,BYANG CHUB SEMS DPA' THAMS CAD LA, ,SGO GSUM DANG BAS PHYAG 'TSAL LO, ,MCHOD YON SNGON DU 'GRO BA'I NYER SPYOD LNGAS MCHOD LA, BADZRA AAm KU SHA DZA: BADZRA P'A SHA H'Um, BADZRA SPO tA BAm, BADZRA GHAndA HO: YE
, ,SHES PA RNAMS RANG RANG GI DAM TSIG PA RNAMS LA GNYIS SU MED PAR GYUR, LHA THAMS CAD KYI SPYI BOR ZLA BA LA DE BZHIN GSHEGS PA GANGG'A'I KLUNG GI BYE MA SNYED KYI SKU RDO RJE'I NGO BO AOm DKAR PO, MGRIN PAR PADMA LA A'A: DMAR PO, SNYING GAR NYI MA LA H'Um SNGON PO, THUGS KA'I H'Um LAS 'OD ZER 'PHROS, SANGS RGYAS GANGG'A'I KLUNG GI BYE MA SNYED DANG SPYAN MA LA SOGS PA RNAMS SPYAN DRANGS SNGAR BZHIN MCHOD, DE BZHIN GSHEGS PA RNAMS KYIS MNGON PAR DBANG BSKUR DU GSOL, ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I LHA MO RNAMS KYIS RDO RJE RTZE LNGA PAS MTSAN PA'I BDUD RTZIS GANG BA'I BUM PA THOGS NAS, JI LTAR BLTAMS PA TZAM GYIS NI, ,ZHES SOGS DANG, AOm SARBA TA TH'A GA TA AA BHI shE KA TA SA MA YA SHR'I H'Um, ZHES PAS DBANG BSKUR, CHU LHAG MA YAR LUD, THAMS CAD LA MI BSKYOD PAS DBU BRGYAN, SNGAR BZHIN CHU GNYIS SNGON DU 'GRO BAS MCHOD, NANG MCHOD GTOR MA BZHIN BYIN GYIS BRLABS, RTZA BA'I BLA MA NAS BZUNG STE BLA MA RNAMS KYI MTSAN DANG, LHA SO SO'I SNGAGS KYI MTHAR AOm A'A: H'Um BTAGS LA 'BUL, CHOS DBYINGS YE SHES NGO BO NYID, ,RNAM SHES ZHE SDANG RNAM DAG CING, ,MI BSKYOD RDO RJE'I BDAG NYID DPAL, ,ZHAL GSUM PHYAG DRUG RDO RJE 'DZIN, ,GDUG PA TSAR GCOD YAB YUM SKU, ,RIGS BZHI KLU
YIS RGYAN DU BYAS, ,SNA TSOGS PADMA'I GDAN STENG NA, ,TSANGS PA DBANG PO BDUD BZHI RNAMS, ,GA-YAS BSKUM GA-YON BRKYANG ZHABS KYIS MNAN, ,PHYOGS BCU'I SANGS RGYAS THAMS CAD KYIS, ,DBANG BSKUR RJES GNANG MTHU STOBS CAN, ,RDO RJE 'DZIN LA PHYAG 'TSAL LO, ,GZUGS DANG GTI MUG RNAM DAG CING, ,ME LONG YE SHES NGO BO NYID, ,RNAM PAR SNANG MDZAD BDAG NYID DPAL, ,BDUD LAS RGYAL BYED YAB YUM BSTOD, ,TSOR BA SER SNA RNAM DAG CING, ,MNYAM NYID YE SHES NGO BO NYID, ,RIN CHEN 'BYUNG LDAN BDAG NYID DPAL, ,RDO RJE GZI BRJID YAB YUM BSTOD, ,'DU SHES 'DOD CHAGS RNAM DAG CING, ,KUN RTOG YE SHES NGO BO NYID, ,'OD DPAG MED PA'I BDAG NYID DPAL, ,RNGAM PA SGRA SGROG YAB YUM BSTOD, ,'DU BYED PHRAG DOG RNAM DAG CING, ,BYA SGRUB YE SHES NGO BO NYID, ,DON YOD GRUB PA'I BDAG NYID DPAL, ,RDO RJE 'PHRIN LAS YAB YUM BSTOD, ,DRI ZA GSHIN RJE CHU LHA DANG, ,GNOD SBYIN RNAMS NI GDAN DU BYAS, ,ZHAL GCIG PHYAG BZHIS MTSON CHA 'DZIN, ,DRAG POS TSAR GCOD PHYAG 'TSAL BSTOD, ,SGO YI PHYOGS NA GNAS PA NI, ,TSAD MED BZHI YI NGO BO NYID, ,ZHI RGYAS DBANG DANG MNGON SPYOD KYI, ,YAB YUM 'PHRIN LAS BSGRUB LA BSTOD, ,(RGYUD KYI BSTOD PA'I LE'U NAS DRANGS,) DMAR GYIS MNGON RTOGS SU BSTOD PA 'DI DRANGS, DE NAS GSANG BA'I DKYIL 'KHOR NI, ,RDO RJE ME DPUNG 'OD DANG LDAN, ,DE NYID MKHA' DANG 'BYUNG BA LAS, ,DUR KHROD BRGYAD DANG LDAN PA'I GNAS, ,THABS DANG SHES RAB GNYIS MED PA'I, ,KHA SBYOR NYI ZLA'I 'PHRO 'DU LAS, ,BGEGS RIGS STONG PHRAG 'JOMS MDZAD
, ,PA'I; ,'KHOR LO'I BDAG PO KHYOD LA BSTOD, ,THABS DANG SHES RAB SBYOR BA YIS, ,KHA SBYOR NYI ZLA'I 'PHRO 'DU LAS, ,DRI ZA'I GDUG PA 'DUL MDZAD PA'I, ,BDUD LAS RGYAL BYED PHYAG 'TSAL BSTOD,, THABS DANG SHES RAB GNYIS MED PA'I, ,KHA SBYOR NYI ZLA'I 'PHRO 'DU LAS, ,GSHIN RJE'I GDUG PA 'DUL MDZAD PA'I, ,RDO RJE GZI BRJID PHYAG 'TSAL BSTOD, ,THABS DANG SHES RAB GNYIS MED PA'I, ,KHA SBYOR NYI ZLA'I 'PHRO 'DU LAS, ,CHU BDAG GDUG PA 'DUL MDZAD PA'I, ,RNGAM PA SGRA SGROG PHYAG 'TSAL BSTOD, ,THABS DANG SHES RAB GNYIS MED PA'I, ,KHA SBYOR NYI ZLA'I 'PHRO 'DU LAS, ,GNOD SBYIN GDUG PA 'DUL MDZAD PA'I, ,RDO RJE 'PHRIN LAS PHYAG 'TSAL BSTOD, ,'BYUNG BA LNGA YI BDAG NYID CHE, ,MDZES LDAN 'OD ZER CAN DANG NI, ,MDANGS CAN SGRA DBYANGS RLUNG 'BYIN TE, ,SKYAD BYAD LAS KUN GRUB PA LA, ,'GUGS SHING SDUD DANG SDOM ZHING 'DZIN, MTHA' RTUL LAS RNAMS BSGRUB LA BSTOD, ,CHOS RNAMS GZUGS BRNYAN LTA BU STE, ,DAG CING GSAL LA RNYOG PA MED, ,BZUNG DU MED CING BRJOD DU MED, ,RGYU DANG LAS LAS KUN TU BYUNG, ,DE BZHIN NYID LAS NGES PAR SKYES, ,BDEN PA DE YIS DKYIL 'KHOR DU, ,GZUGS BRNYAN GSAL BA'I SLOB MA YI, ,KUN GYIS DRI MED MTHONG BAR SHOG ,BSKYED PA'I RIM PA LA BSLAB TSUL LA, RNAM PA LA BSLAB PA NI, THOG MAR GTZO BO ZHAL GCIG PHYAG GNYIS PA LTA BU'I RNAM PA GSAL BTAB LA, DE LA GSAL BA NA ZHAL PHYAG RGYAN CHA LUGS YUM DANG BCAS PA LA BSLAB,
DE LA SNGAR LTAR LABS PA NA SNGA MA MA BRJED PA'I NGANG LAS LHA DE 'KHOR GYI LHA GNYIS DANG SBREL BA NAS RTEN BRTON PA'I DKYIL 'KHOR DUR KHROD DANG BCAS PA JI LTAR GSAL BTAB PA LTAR 'CHANG BA DANG, DE'ANG JI SRID 'DOD KYI BAR SEMS GNAS PA'I GNAS CHA BRTAN PA DANG, NGA RGYAL LA BSLAB PA NI THA MAL GYI ZHEN PA BSAL NAS LHA DE DANG DE'I NGA RGYAL BCOS MA MA YIN PA BSKYED PA LA 'BAD PAR BYA'O, ,RDZOGS PA'I RIM PA LA BSLAB TSUL NI GZHAN DU SHES PAR BYA'O, ,BSGOMS PAS SKYO NA THUN MTSAMS SU BZLAS PA BYA BA NI, LHA SO SO'I THUGS KA'I SA BON GYI MTHAR, BZLAS BYA'I SNGAGS KYIS BSKOR BA LAS DKYIL 'KHOR GYI LHA TSOGS SPROS 'GRO BA'I DON BYAS, SLAR 'DUS TE THUGS KA'I SA BON LA GZHUG PA'I SPRO BA DANG BSDU BA'I MDZAD PA CAN DU BSAMS LA, TADYA TH'A, 'DI LTA STE, BHO BHO BAN KYA KYE BAN SHES PA LTAR NA BRANG 'GRO RI KLU RNAMS KYI BDAG PO KHYOD CES PA DANG, B'AN ZHES PA LTAR NA BCOM LDAN KHYOD KLU RNAMS KYI BDAG PO ZHES PA'O, ,N'A GA AA DHI PA TE AI DAm N'I L'Am BA RA DHA RA SHA R'I RAm, GOS SNGON PO 'DZIN PA'I SKU CAN, BADZRA P'A nI HRi DA YAm YA: HYAG NA RDO RJE'I SNYING PO LAS, SA M'A TI KRA MA THA, MA 'DA' ZHIG ,M'A KU LA AU TA S'A DA NAm BHA WI shYA NTI RIGS NYAMS PAR GYUR NA MI RUNG BA, ,TADYA TH'A, 'DI LTA STE, BUDDHA BUDDHA, RTAGS PA RTOGS PA, BI BUDDHA BI BU DDHA, RNAM PAR RTOGS PA RNAM PAR RTOGS GA M'A TI KU MA THA, MA 'GA' ZHIG ,HA RA HA RA PHROGS PHROGS, N'A G'A N'Am, KLU RNAMS KYI, PRA HA RA BRA HA RA, RAB TU PHROGS RAB TU PHROGS, SARBA N'A G'AN'Am, TZTSINDA TZTSINDA, CHOD CHOD, N'A GA HRi DA Y'A NI, KLU RNAMS KYI SNYING, BHINDA BHINDA, PHUG CIG PHUG CIG ,N'A G'A
, ,MA RM'A nI, BI SH'ARYA NTU N'A GA SHA R'I RI RA nI, BI SPHO tA YA N'A GA NA YA N'A NI, TADYA TH'A H'Um PHAt, N'A GA BI D;A RA n'A YA H'Um PHAt, KLU RNAMS 'JOMS SHIG , N'A GO TA S'A DA N'A YA H'Um PHAt, N'I L'Am BA SA N'A YA H'Um PHAt, AA PRA TI HA TA BA L'A YA H'Um PHAt, PA R'A KRA M'A YA, KLU RNAMS KYI GNAD, ~ KLU RNAMS KYI LUS SNYIL, ~ KLU RNAMS KYI MIG PHYUNG, H'Um PHAt, KRi TA NT'A YA H'Um PHAt, KRi TA NTA R'U P'A YA H'Um PHAt, RO shA n'A YA H'Um PHAt, ~KLU RNAMS NYAMS PAR GYI BSHAG , SHAM THABS SNGON PO CAN, TR'A SA N'A YA H'Um PHAt, ZHOM BU MED PA'I STOBS, PHA ROL GNON PA'I, KUm BH'A ndO TA S'A DA N'A YA H'Um PHAt, PRE TA, PI SH'A CA, BI N'A SHA KA R'A YA H'Um ~MTHAR BYED KYI CHED DU, ~MTHAR BYED KYI GZUGS CAN, ~KHROS PA'AM GTUM PO'I CHED DU, PHAt, YAKSHA AA PA SM'A RA, BI N'A SHA KA R'A YA H'Um PHAt, HA SA, ~SKRAG PAR GYIS, HA SA, DHA RA, DHA RA, M'A RA YA, ~ GRUL BUM RNAMS NYAS SA PAR GYIS SHIG ,~ YI DVAGS, , SHA ZA, ~ RNAM PAR ZHI BAR MDZOD, M'A RA YA, N'A SHA YA, N'A SHA YA, SARBA BI GHN'A NA, BI N'A SHA KA R;A ~GNOD SBYIN BRJED BYED, ~RNAM PAR ZHI BAR MDZOD, LA BZHAD PA, YA H'Um PHAt, ~BZHAD GA ZUNG, ZUNG, ~SOD, SARBA SHA TRUm SAm GHA BI N'A SHA KA R'A YA H'Um PHAt, H'I L'm BA RA DHA RA BADZRA P'A nI R'A DZNYA PA YA TI SED, ZHI BAR GYIS, ZHI BAR GYIS, BGEGS THAMS CAD, RNAM PAR ZHI BAR MDZOD, SB'A H'A, AOm PA R'A KRA M'A YA H'Um PHAt, AOm KRi TA NT'A YA H'Um PHAt, AOm KRi TANTA R'U P'A YA H'Um PHAt, DGRA'I TSOGS THAMS CAD RNAM PAR ZHI BAR MDZOD, ,GOS SNGON PO 'DZIN PA'I PHYAG NA RDO RJE'I BKAS BSGO BAR BYED DO, ,AOm RO shA n'A YA H'Um PHAt, KHRA BO BZHI'I SNYING PO'O, ,AOm BI D'A RA n'A YA H'Um PHAt, AOm N'A GOTA S'A DA N'A YA H'Um PHAt, AOm N'I L'Am BA SA N'A YA H'Um PHAt, AOm AA
PRA TI HA TA L'A YA H'Um PHAt, 'GREL PAR, 'OG MA 'DI GNYIS LA AOm DANG H'Um MA SBYAR RO, ,KHRO MO BZHI'I SNYING PO'O, ,DBANG GI DAG THER BYAS PA LTAR YIN NO, ,AOm HA RA HA RA GO: AOm PRA HA RA HA BAm, AOm TZTSINDA TZTSINDA DZA: AOm BHIND BHIND H'Um, SGO BA YAB BZHI'I SNYIN GPO DANG, AOm HA SA HA SA H'Um, AOm DHA RA DHA RA DZA: AOm N'A RA YA M'A RA YA BAm, AOm N'A SHA YA N'A SHA YA HO: SGO BA YUM BZHI'I SNYING POR 'GREL BAR BSHAD DO, ,AOm N'I L'Am PA RA BADZRA P'A nI R'A DZNY'A BA YA TI SV'AT'A, KHA CIG 'DI NYE SNYING DU 'DOD, ,AOm N'I L'Am BAR DHA RA BADZRA P'A nI HRi DA YA MAH'A KRO DHA SATVA H'Um PHAt, YAB KYI SNYING PO'O, ,THUN MTSAMS SU GTOR MA BYA BA NI, AA MRi TAS BSANGS, SVA BH'A WAS SBYANGS LA YAm LAS RLUNG GI DKYIL 'KHOR GZHU LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR GRU GSUM ME 'BAR BAS MTSAN PA, DE'I STENG DU AA LAS MI MGO'I SKYED BU GSUM GYI STENG DU, AA LAS THO PA YANGS SHING RGYA CHE BA'I NANG DU, PADMA DMAR PO 'DAB MA BRGYAD PA LTE BA LA HRIS MTSAN PA, SHAR LA SOGS PA'I PHYOGS BZHI DANG DBUS SU, BRUm Am DZRIm KHAm LAS BYUNG BA'I BA LANG, KHYI, GLANG PO CHE, RTA MI'I SHA LNGA LA, GO KU DA HA NA'I YI GES MTSAN PHA, ME NAS BRTZAMS TA MTSAMS BZHI DANG, DBUS SU LAm MAm PAm TAm PAm LAS BYUNG BA'I DRI CHEN, RAKTA, BYANG SEMS DKAR PO, RKANG MANG DRI CHU RNAMS LA, BIR SHU MA N'U'I YE GES MTSAN PA, DE'I SNYING DU ZLA BA LA H'Um LAS RDO RJE H'Um GIS MTSAN PA, DE'I STENG DU AOm YIG DKAR PO 'OD ZER 'PHRO BA, RDO RJE'I LTE BA'I H'Um GI 'OD ZER GYIS RLUNG BSKYOD BAS ME SBAR THOD PA'I RDZAS RNAMS BSKOL BA'I NANG DU, RDO RJE ZLA GDAN DANG BCAS PA LHUNGS NAS DKRUGS
, ,PAS, DRI MA SBYANGS SKYON MED PAR BYAS, PADMA HR'I: DANG BCAS PA ZHU BAS BDUD RTZI CHAGS PA'I RO DANG LDAN PAR RTOGS PAR BYAS, AOm YIG GI 'OD ZER GYIS PHYOGS BCU'I DE BZHIN GSHEGS PA THAMS CAD KYI YE SHES KYI BDUD RTZI BKUG NAS BSNAN PAS MANG POR SBAR ZHING SPEL BAR GYUR, AOm A'A: H'Um GA GO GR'I: SA BYIN GYIS BRLABS LA, MDUN GYI MAN MKHAR PADMA 'DAB MA BRGYAD PA'I LTE BA'I DBUS SU, SANGS RGYAS 'KHOR LO CHEN PO YAB YUM, SHAR DU 'DUD LAS RGYAL BYED YAB YUM, LHOR RDO RJE GZI BRJID YAB YU, NUB TU RNGAM PA SGRA SGROG YAB YUM, BYANG DU BDUD RTZI 'KHYIL PA YAB YUM, DE'I PHYI'I SHAR DU RDO RJE LCAGS KYU YAB YUM, LHOR RDO RJE ZHAGS PA YAB YUM, NUB TU RDO RJE LCAGS SGROG YAB YUM, BYANG DU RDO RJE DRIL BU YAB YUM, 'DAB MA BRGYAD LA PHYOGS SKYONG BA RNAMS DANG, KLU CHEN PO BRGYAD GSAL BTAB LA, THUGS KA'I H'Um GI 'OD ZER GYIS 'KHOR LO CHEN PO'I DKYIL 'KHOR LA PHYOGS SKYONG DANG KLU RNAMS KYIS BSKOR BA SPYAN DRANGS SNGAR BZHIN MCHOD NAS, DGUG ,GZHUG ,BCING, MNYES BYA, DBANG BSKUR DKYIL 'KHOR GYI LHA RNAMS LA MI BSKYOD PAS RGYAS BTAB, MCHOD PAS MCHOD NAS, MGRON RNAMS KYI LJAGS H'Um LAS SKYES PA'I RDO RJE RTZE GCIG PA 'OD KYI SBU GU CAN AOm YIG GIS MTSAN PAS GSOL BAR BSAMS LA, YI GE NYER GCIG PAS 'JIG RTEN LAS 'DAS PA RNAMS DANG, PHYOGS SKYONG 'BYUNG PO RNAMS LA, AA K'A RO MU KHAm SARBA DHARM'A n'Am AA DYA nU TPANMA TV'AD AOm A'A: H'Um, ROS 'JIG RTEN PA
RNAMS LA LAN GSUM GYIS DBUL, PHYI NANG GI MCHOD PA DANG, BSTOD PAS BSTOD NAS, NONGS PA BZOD PAR GSOL, 'DOD DON LA GSOL BA GDAB, YI GI BRGYA PA BZLAS TE, 'JIG RTEN LAS 'DAS PA'I YE �SHES PA DANG 'JIG RTEN PA RNAMS RANG GNAS SU GSHEGS, 'DAS PA'I DAM TSIG PA BDAG LA BSDU, THUN MTSAMS SU SPYOD LAM THAMS CAD LHA'I NGA RGYAL GYIS GNAS PAR BYA'O, ,THAMS CAD MKHYEN PA BLO BZANG GRAGS PA'I DPAL GYI GSUNG LAS ZIN BRIS SU BYAS PA'O,, ,,