*, ,RNAM SHES GONG DU 'PHO BA'I RGYA CHER BSHAD PA GSER GYI SGO 'BYED PA BZHUGS SO, ,
, ,RGYUD KYI RGYAL PO KHA SBYOR GYI BRTAG PA BRGYAD PA'I RAB BYED GSUM PA, RNAM SHES GONG DU 'PHO BA'I RGYA CHER BSHAD PA GSER GYI SGO 'BYED PA ZHES BYA BA, RJE BTZUN BLA MA 'JAM PA'I DBYANGS KYI ZHABS KYI PADMO LA GUS PAS PHYAG 'TSAL LO, ,YE SHES DBANG PO STON PA BCOM LDAN 'DAS, ,'KHOR GYI GTZO BO RDO RJE SNYING PO DANG, ,LAM 'DI'I LHA MCHOG YE SHES MKHA' 'GRO DANG, ,'JAM DBYANGS BLA MA'I ZHABS LA GUS PHYAG 'TSAL, ,RNAM SHES GONG DU 'PHO BA'I GDAMS NGAG NI, ,LUGS 'DI KHO NA SHIN TU ZAB PO ZHES, ,BYANG PHYOGS 'DI NA SHIN TU MANG MOD KYANG, ,RGYUD DON JI BZHIN BSHAD PA NYUNG MTHONG NAS, ,RDO RJE MKHA' 'GRO RDO RJE GDAN BZHI DANG, ,SDOM 'BYUNG 'JAM DPAL ZHAL GYI LUNG RNAMS KYI, ,GNAD KUN BSDUS NAS KHA SBYOR RGYUD KYI DON, ,RGYUD SDE'I MTHAR SON GDAMS PA'I MDZOD GYUR PA, ,MKHAS PA 'JIGS MED 'BYUNG GNAS SBAS PA YI, ,RGYA CHER 'GREL PA'I RJES SU 'BRANGS NAS NI, ,BSHAD KYIS 'PHO BA'I GNAS KUN SHES 'DOD PA'I, ,RNAM DPYOD LDAN RNAMS GUS PAS
, ,MNYAN PAR GYIS, ,DPAL YANG DAG PAR SBYOR BA'I RGYUD KYI BRTAG PA BRGYAD PA'I RAB TU BYED PA GSUM PA, MU STEGS KYI YE SHES 'JIG PAR BYED PA ZHES BYA BA 'PHO BA'I RAB BYED LA GNYIS, RAB TU BYED PA DNGOS BSHAD PA DANG, RAB TU BYED PA'I MTSAN BSTAN PA'O, ,DANG PO LA GNYIS, RGYAS PAR BSHAD PA DANG, DON BSDU BA'O, ,DANG PO LA GSUM, YE SHES GONG DU 'PHO BA'I TSUL BSHAD PA DANG, YE SHES KYI KHYAD PAR BSTAN PA DANG, RNAL 'BYOR GYI BSTAN BCOS KYI CHE BA BSTAN PA'O, ,DANG PO LA LNGA, 'PHO BA'I MTSAN NYID SPYIR BSTAN PA DANG, 'PHO BA'I LAM NYID BSHAD PA DANG, ZHAR LA GRONG 'JUG DANG TSAR BCAD RJES 'DZIN BSTAN PA DANG, DON BSDUS TE BSTAN PA DANG, 'PHO BA'I RNAL 'BYOR GANG GI DON DU GSUNGS PA BSTAN PA'O, ,DANG PO LA DRUG ,'PHO BA'I GDAMS PA NYAN PAR BSKUL BA DANG, DON DE ZHUS PA DANG LAN GYIS YANG DAG PAR BSHAD PA DANG, DBANG PO'I SGO RENGS PAR BYED PA'I THABS BSTAN PA DANG, YI GE PHYED DANG GNYIS KYIS BSKUL BA ZHAR BYUNG DANG BCAS PA DANG,
'PHO BA'I PHAN YON BSTAN PA DANG, 'PHO BA'I DUS BSTAN PA'O, ,DANG PO NI, SNGAGS SPYOD PA'I GNAS KHYAD PAR CAN GYEN DU BGROD PA NI 'PHO BA'O, ,DE'I RNAL 'BYOR NI DE'I DON DU 'JUG PA'I TING NGE 'DZIN NO, ,TING NGE 'DZIN DE'I MTSAN NYID DE RANG BZHIN NAM RANG GI NGO BO'I KHYAD PAR DE NYID JI LTA BA GANG YIN PA DE RDO RJE SNYING PO ZHES BOS NAS NYON CIG CES GSUNGS SO, ,BZANG PO'I LAM GYIS TE 'PHO BA'I LAM KHYAD PAR CAN GYIS TE BSGOM PA'I RNAL 'BYOR PA RIG PA 'DZIN PA'I RTEN KHYAD PAR CAN GYI 'GRO BA MDZES PAR 'GRO BA'I THABS KHYOD LA BSTAN PAR BYA'O, ,'PHO BA'I RNAL 'BYOR 'DI GSHIN RJE GSHED DMAR PO'I RGYUD NAS MDOR BSDUS PA ZHIG GSUNGS PA DANG, 'JAM DPAL ZHAL LUNG NAS GSUNGS PA MA GTOGS PA, GSANG 'DUS LA SOGS PA PHA RGYUD KYI SKOR NA MI GSAL LO, ,RNAL 'BYOR MA'I RGYUD LA YANG RDO RJE GDAN BZHI DANG, ,THUN MONG GI BSHAD RGYUD SAMBU tI DANG, BDE MCHOG GI SGOS KYI BSHAD RGYUD SDOM 'BYUNG RNAMS NAS GSUNGS LA, DE YANG 'PHO BA'I SPYI KHOG GI GNAD RNAMS JI LTA BA BZHIN DU MTHUN PAR YOD DO, ,GZHAN YANG 'PHO BA'I RNAL 'BYOR GYI SKABS SU 'CHI BA BLU BA DANG, RIMS DANG DUG 'JOMS PA DANG, GTUM MO SBAR NAS DGA' BZHI BSKYED PA SOGS KYI DGOS PA MANG DU GSUNGS SO, ,'DI GANG LA GSUNGS PA'I GANG ZAG NI, RAB TSE 'DI LA 'TSANG RGYA BA DANG, 'BRING BAR DOR 'TSANG RGYA BA DANG, THA MA SKYE BA BRGYUD NAS 'TSANG RGYA BA GSUM GYI NANG NAS, PHYI MA NYID KYI DBANG DU BYAS NAS GSUNGS SO
, ,ZHES BLA MA GONG MA RNAMS 'CHAD DO, ,'ON KYANG GANG ZAG DANG PO'I DBANG DU BYA BA MIN YANG, ,GNYIS PA'I DBANG DU BYAS NAS 'PHO BA'I RNAL 'BYOR GSUNGS PA 'JAM DPAL ZHAL LUNG NA YOD LA, ,GZHAN NI SKYE BA BRGYUD NAS 'TSANG RGYA BA'I DBANG DU MDZAD NAS GSUNGS SO, ,GNYIS PA LA LNGA, ,STON PA LA ZHU BA 'BUL BA DANG, ,ZHUS PA'I LAN RGYAS PAR BSHAD PA DANG, ,BSHAD PA DE RNAMS KYI DON BSDU BA DANG, ,'CHI LTAS KYI MTSAN MA BSTAN PA DANG, 'PHO BA'I RNAL 'BYOR MCHOG TU 'GYUR TSUL LO, ,DANG PO NI, ,RNAM SHES 'PHO BA'I SGO RNAM DGU NI JI LTAR LAGS PA DANG, YE SHES TE RNAM SHES 'PHO BA'I SGO YI DBYE BA LA BRTEN PA NI, BDE 'GROR SKYE BA'I YON TAN DANG, NGAN 'GROR SKYE BA'I SKYON JI LTAR LAGS PA YE SHES KYI DBANG PO ZHES STON PA LA BOS NAS BDAG CAG RNAMS NYAN PAR 'TSAL BA STE 'DOD DO ZHES ZHUS SO, ,RDO RJE MKHA' 'GRO LAS, ZHU BA 'DI SNGON DU BTANG NAS DE'I 'OG TU SNGAR GYI BSHAD PAR ZHAL GYIS BZHES PA 'BYUNG NGO, ,'CHI RTAGS BYUNG NAS BZLOG THABS BYAS KYANG MA BZLOG PA'I DUS SU SROG NI 'CHAD PA STE 'CHI BAR 'GYUR BA'I YANG DAG PA STE 'DOD PA'I DON LA MI BSLU BA RAB TU SBYOR BA STE RJES SU SGRUB PA NYON CIG CES RDO RJE SNYING PO LA NYAN PAR GDAMS SO, ,'DI NI DUS SU ZHES GSUNGS PAS, SNGAR BSHAD PA'I DUS LA BAB PA NA, 'PHO BA'I SGO NAS SROG 'DOR BA'I DUS YIN GYI 'CHI NAD KYIS THEBS PA'I SROG CHAD PA LA MI BZUNG STE, DE NI 'OG NAS BKAG PA'I PHYIR RO, ,DE'I PHYIR 'GYUR GZHAN LAS, SROG NI
CHAD PA'I DUS DAG TU, YANG DAG SBYOR BA ZHES 'BYUNG BA NI, 'GYUR GYIS MA THON PA'O, ,GNYIS PA NI, DE LTAR DRIS PA'I LAN STON PA NA, THOG MAR SGO DGU DANG, DE NAS 'PHO BA'I SKYON YON STON PA NI, 'BROG 'GYUR LAS LEGS PA'I LAM NI MDZES PA'I GNAS, ,NGAN PA'I LAM YANG SKYON RNAMS NYID, CES 'BYUNG BA LA, 'GOS 'GYUR LAS, LAM BZANG PO YIS YID 'ONG GNAS, ,LAM NGAN GYIS NI SRID PAR SKYON, ZHES 'BYUNG BA BDE BAS SGO BZANG PO NAS 'PHO BA'I LAM BZANG PO YIS NI YID DU 'ONG BA'I GNAS TE BDE 'GROR SKYE BA DANG, 'PHO BA'I SGO NGAN PA'I LAM GYIS NI SRID PAR SKYON NI NGAN 'GRO GSUM DU SDUG BSNGAL BAR GNAS PA'O, ,RNAM SHES 'PHO BA'I SGO DGU NI, YONGS SU GRAGS PA'I LTE BA'I SGO'I MTSAN NYID DANG, LHAG MA BRGYAD LA YANG SGO'I MTSAN NYID CES SBYAR RO, ,STENG GI SGO NI SPYI GTZUG DANG, THIG LE'I SGO SMIN MTSAMS DANG, MIG DAG DANG SNA'I SGO GNYIS DANG, SOGS KYIS BSDUS PA SRID PA'I SGO ZHES PA KHA'I SGO LA BSHAD DO, ,RNA BA DAG GI SGO NI RNA BA'I BUG PA GNYIS SO, ,BTUNG BA'I SGO NI GCI BA'I LAM GYI SGO'O, ,BTUNG BA MIN PA'I SGO NI BSHAD PA'I LAM GYI SGO'O, ,MIG DANG RNA BA DANG SNA LA BUG PA GNYIS GNYIS YOD KYANG SGO DGUR BYED PA NA SGO RE RER BYA'O, ,SMIN DBUS KYI SHA DANG PAGS PA LA BUG PA MED KYANG RUS PA LA BUG PA YOD PAS SGOR BZHAG STE, SPYI GTZUG BZHIN NO, SGO DE DAG NAS 'PHOS PAS 'GRO BA GANG DU SKYE BA STON PA NI, ,LTE BA'I SGO NAS RNAM SHES 'PHOS PAS 'DOD PA CAN TE 'DOD KHAMS KYI MTHO RIS TE
, ,LHAR SKYE'O, ,THIG LE'I GNAS SMIN MTSAMS KYI SGO NAS RNAM SHES 'PHOS PAS, GZUGS KHAMS KYI LUS CAN GYI LHAR SKYE'O, ,'DIR 'BROG 'GYUR LAS, STENG NI STENG DU GNAS PA YI, ,'GRO DANG 'ONG BAR YONGS SU GRAGS, ZHES 'BYUNG LA, 'GOS 'GYUR LAS, STENG NAS 'GRO BA STENG GI NI, ,'GRO BA DAG TU RAB TU BRTAG ,CES GSUNGS PA'I 'GYUR PHYI MA LEGS TE, RDO RJE MKHA' 'GRO LAS KYANG, STENG NAS 'GRO BA STENG GI NI, ,MYUR DU 'GRO BA BYED PAR 'GYUR, ZHES GSUNGS SHING, MAN NGAG SNYE MA DANG, RDO RJE MKHA' 'GRO'I 'GREL BA LAS KYANG, 'ONG BA ZHES PA MI 'BYUNG BAR STENG NAS TE SPYI GTZUG GSER GYI SGO NAS RNAM SHES 'PHOS PAS, STENG GI 'GRO BA STE 'GRO BA KHYAD PAR CAN DU SKYE BAR BSHAD PA'I PHYIR RO, ,STENG GI 'GRO BA NI BYANG CHUB SEMS DPA' LA SOGS PA'I GNAS RNAMS SU GNAS PA'I 'GRO BA GZHAN KHYAD PAR CAN DU 'GRO BAR MAN SNYE LAS BSHAD DO, ,'O NA SDOM 'BYUNG LAS, STENG GIS GZUGS MED KHAMS SU STE, , DE NI BZANG POR 'GRO DBYE'O, ZHES GSER GYI SGO NAS 'PHOS NA, GZUGS MED KHAMS SU SKYE BAR BSHAD CING, ZHAL LUNG LAS KYANG, SPYI GTZUG YE SHES 'PHO BA NA, ,GZUGS MED KHAMS SU SKYE BAR 'GYUR, ZHES GSUNGS PA'I PHYIR NA GSER GYI SGO NAS 'PHOS KYANG, SNGAGS SPYOD PA'I RTEN KHYAD PAR CAN DU SKYE BAR MA NGES SO ZHE NA, SKYON MED DE 'DIR SGO 'DI NAS 'PHOS NA 'DIR SKYE ZHES BSHAD PA RNAMS NI, 'PHO BA BSGOM PA'I 'BRAS BU'I DBANG DU BYAS NAS BSHAD PA
KHO NA MA YIN TE, SGO NGAN PA GSUM NAS 'PHOS NA NGAN SONG GSUM DU SKYE BAR BSHAD PA BZHIN NO, ,DES NA GZHI DUS KYI RNAM GZHAG BSTAN PA YIN LA, ,DE YANG GZUGS MED KHAMS SU SKYE NA SPYI GTZUG NAS 'PHO BA DANG, ,GZUGS KHAMS SU SKYE NA SMIN DBUS NAS RNAM SHES 'PHO BA SOGS BSTAN PA YIN GYI, ,SPYI GTZUG NAS RNAM SHES 'PHOS TSAD GZUGS MED DU SKYE BAR STON PA MA YIN NO, ,DES NA 'PHO BA SBYANGS NAS SPYI GTZUG GSER GYI SGO NAS RNAM SHES 'PHOS PAS BYANG CHUB SEMS DPA'I GNAS SU SKYE BAR STON PA LA 'GAL BA MED DO, ,SNA'I SGO GNYIS DAG LAS RNAM SHES 'PHOS PAS, GNOD SBYIN DU SKYE BAR 'GYUR LA RNA BA'I SGO GNYIS DAG LAS RNAM SHES 'PHOS NA GRUB PA'I LHAR SKYE BAR 'DI DANG RDO RJE MKHA' 'GRONG BSHAD LA, ZHAL LUNG LAS RIG PA 'DZIN PA'I GNAS SU SKYE BA DANG, SDOM 'BYUNG LAS MI 'AM CIR SKYE BAR BSHAD DO, ,GAL TE MIG GNYIS LAS RNAM PAR SHES PA 'GRO BA STE 'PHOS NA, MI RNAMS KYI RGYAL POR SKYE BAR 'DI DANG RDO RJE MKHA' 'GRO DANG, GDAN BZHI DANG SDOM 'BYUNG DANG ZHAL LUNG RNAM LAS BSHAD PA, MAN NGAG SNYE MA LAS, MI GNAS MI'I 'GRO BAR RO, ZHES BSHAD PA LTAR NA RGYAL PO NI MTSON PA TZAM YIN PAS, MI'I 'GRO BA SPYI LA BSHAD DO, ,SRID PA'I SGO LAS RNAM SHES 'PHOS NA YI DVAGS SU SKYE STE, DE BZHIN DU GCI BA DRI CHU'I LAM NAS RNAM SHES 'PHOS NA BYOL SONG SOGS SU SKYE'O, ,BTUNG BA MIN PA BSHAD BA'I LAM NAS RNAM SHES 'PHOS PAS,
, ,TSA BA LA SOGS PA'I DMYAL BA BRGYAD DU NI SKYE'O, ,DE LTAR NA SPYI GTZUG GSER GYI SGO NI RAB PO, ,SMIN MTSAMS DANG MIG DANG RNA BA DANG SNA DANG LTE BA'I SGO LNGA NI 'BRING PO'O, ,BSHANG GCI DANG KHA'I SGO GSUM NI SGO THA MA'O, , TSA DMYAL NI GTZO BO YIN PAS 'DI DANG GDAN BZHI LAS BSHAD KYI, ,RDO RJE MKHA' 'GRO DANG SDOM 'BYUNG DANG ZHAL LUNG LAS DMYAL BA SPYI LA BSHAD DO, ,LHA MA YIN MA BSHAD PA NI, GZHUNG GZHAN NAS LHA MA YIN RNAMS DUD 'GROR BSHAD PA DANG, YANG KHA CIG NAS LHA MA YIN 'GA' ZHIG LHA DANG 'GA' ZHIG DUD 'GROR BSDUS NAS BSHAD PA LA DGONGS PA 'DRA'O, ,TSUL 'DI DANG 'PHAGS PA THOGS MED KYIS MNGAL SKYES RNAMS LA DANG POR BAR DO'I RNAM SHES KHU KHRAG GI DBUS GANG DU ZHUGS PA'I GNAS DE PHYIS SNYING GAR 'GYUR ZHING, LUS 'DOR BA NA SNYING GA NAS RNAM SHES 'PHO BAR BSHAD PA DANG MI 'GAL TE, ,NANG NAS RNAM SHES 'PHO BA NA SNYING GA NAS RNAM SHES 'PHO BA YIN YANG, LUS KYI SGO SO SO NAS PHYI ROL TU RNAM SHES 'PHO BA NA, 'DI NAS GSUNGS PA BZHIN DU 'PHO BA'I PHYIR RO, ,'O NA MDZOD 'GREL LAS, 'CHI BA NA LUS KYI PHYOGS GANG DU RNAM PAR SHES PA 'GAG CES DRIS PA'I LAN DU CIG CAR 'CHI BA NI YID DANG BCAS PA'I LUS KYI DBANG PO MOD LA 'GAG PAR 'GYUR RO, ZHES BSHAD DE CIG CAR 'CHI BA NI 'DIR 'DOD GZUGS KYI SEMS CAN RDZUS SKYES 'CHI BA'O, ,RIM GYIS 'CHI BA NI SKYE GNAS GZHAN GSUM GYIS 'CHI BA'O, ,GAL TE RIM GYIS
'CHI NA NGAN SONG DU SKYE NA RKANG PA DANG, MIR SKYE NA LTE BA DANG, LHAR SKYE BA DANG DGRA BCOM PA 'CHI NA NI SNYING GAR RNAM SHES 'GAG GO ZHES GSUNGS PA DANG, 'DIR BSHAD PA MI MTHUN PA JI LTAR YIN ZHE NA, MDZOD LAS, RKANG PA DANG, LTE BA SNYING GAR YID 'CHI 'PHO ZHES GSUNGS PA'I YID 'PHO BA'I DON NI, 'GREL PA LAS GNAS DE DAG TU YID 'GAGS PA'I DON DU BSHAD LA, DE YANG LUS KYI DBANG PO MA LUS PAR RKANG PA LA SOGS PA'I GNAS SU 'GAGS PA'I STOBS KYIS, YID KYI RNAM SHES 'GAGS PAR 'GREL BSHAD LAS BSHAD PA LTAR YIN PAS, GANG DU LUS DBANG 'GAGS PAS YID KYI RNAM SHES 'GAGS TSUL SO SO BA STON PA YIN GYI, GNAS DE DAG NAS RNAM SHES PHYI ROL DU 'PHO BAR STON PA MIN PAS 'GAL BA MED DO, ,GSUM PA NI, RDO RJE SNYING PO LA, RIGS KYI BU ZHES BOS NAS, SNGAR BSHAD PA DE LTAR NA GANG GI PHYIR SRID PA 'PHO BA'I MTSAN NYID NI RNAM SHES 'PHO BA'I SGO'I KHYAD PAR TE, MCHOG DMAN LAS NI BDE 'GRO DANG NGAN 'GRO'I 'KHOR BA'I SGO MCHOG DMAN GYI KHYAD PAR GYI DBYE BA YANG DAG PAR 'BYUNG BA DE'I PHYIR RNAL 'BYOR PAS NI MNYAM PAR BZHAG PAS TE RTZE GCIG TU LAS GZHAN MED PAR SGO MCHOG NAS RNAM SHES 'PHO BA'I RNAL 'BYOR LA BRTZON PAR BYA'O, ,SPANG PHYIR ZHES PA 'GYUR GZHAN LA MED CING, MAN SNYE LAS KYANG DE'I DON MA BSHAD DO, ,BZHI PA NI, 'CHI BA'I DUS KYI STE DUS THOB PA RNAMS KYI 'CHI BA'I MTSAN MA STE 'CHI LTAS RGYUD RNAMS LAS BSTAN PA NYID SHES PAR BYA'O, ,'DIR 'PHO BA LA 'PHO BA'I DUS LA MA
, ,BAB PAR 'PHOS NA, NYES DMIGS CHEN PO GSUNGS PAS DUS NGES PA GAL CHE LA, DE LA YANG 'CHI LTAS BYUNG BA LA 'CHI BLU BYAS PAS ZLOG MI NUS NA, 'PHO BA BYED PAS 'CHI LTAS LA MKHAS PAR BYA'O, 'DI LA GSUM, PHYI'I 'CHI LTAS DANG, NANG GI 'CHI LTAS DANG, 'CHI BA BLU BA'I TSUL LO, DANG PO NI, SDOM 'BYUNG LAS RKANG MTHIL DAG TU PHUG PA DANG, ,GANG TSE LTE BAR PHUG SNYAM GYUR, ,DE TSE NYI MA GSUM PHA ROL, ,LNGA YI GONG DU 'GRO BAR 'GYUR, ,BSHANG GA CI ZAG PA'I DUS DAG TU, ,DUS MTSUNGS SPRID PA BYUNG GYUR NA, ,DE NYID KYI NI DUS TSOD LA, ,LO GCIG GIS NI 'CHI BAR 'GYUR, ,RTAGS DANG BHA GA MNYAM SBYOR BA'I, ,BAR DANG THA MAR SPRID PA BYUNG, ,DE TSE DUS MTSUNGS ZLA BA NA, ,NGES PAR 'CHI BA DAG TU 'GYUR, SNYING GA LKOG MA'I DBUS DAG TU, ,GANG TSE DUS MTSUNGS ZUG GZER BYUNG, ,GAL TE CHOS LA MI BRTEN NA, ,PHYOGS (ZLA PHYED GSUM) GSUM GYIS NI 'CHI BAR 'GYUR, ,MIG GA-YON 'BRAS BU'I GZUGS BRNYAN NI, ,GANG ZHIG ME LONG LA MA MTHONG, ,GAL TE ZLOG PAR MI BYED NA, ,ZHAG BDUN NAS NI NGES PAR 'CHI, ,RNA BA'I RTZA BA SMIN MA'I DBUS, ,SPYI DKYIL RNAMS SU ZUG GZER NI, ,BZHI PO MTSUNGS PAR GZER BYUNG NA, ,DE TSE 'PHRAL DU 'CHI BAR 'GYUR, ,GLO BUR DU SKYES TSON PO DANG, ,RID DANG KHRO DANG 'JIGS PAS 'KHRUGS, ,GAL TE CHOS LA MI GNYIS DANG BRTEN GANG, ,DE NI LO YIS 'CHI BAR 'GYUR, ,DKAR PO YI NI TSES GCIG LA, ,GAL TE KHU BA NAG POR 'GYUR, ,DE TSE ZLA BA DRUG GIS 'CHI, ,DMAR POS NAD 'BYUNG MTSON PA
STE, ,RTAG TU 'DZAG PA'I MIG DANG LDAN, ,GZUGS LA BLTAS KYANG RNAM PAR 'KHRUL, ,GANG ZHIG ME LONG CHU LA YANG, ,RANG GI GRIB MA MA MTHONG DANG, ,MTSAN MO DBANG PO'I GZHU DANG NI, ,NYIN MO SKAR MA'I DKYIL 'KHOR MTHONG, ,SPRIN MED PAR NI LHO PHYOGS SU, ,RTEN PA'I GLOG 'GYU MTHONG BA DANG, ,NYIN PAR GRIB MA'I LAM (DGU TSIGS) MTHONG DANG, ,SKAR MDA' LTUNG BAR GYUR BA DANG, ,NGANG PA BYA ROG RMA BYA RNAMS, ,GCIG TU 'DUS PA MTHONG BA DANG, ,ZLA BA GNYIS DANG NYI MA GNYIS, ,DE BZHIN RANG GI MGO BOR 'BAR, SHING RTZE RI YI RTZE MO LA, ,DRI ZA'I GRONG KHYER MTHONG BA DANG, ,YI DVAGS SHA ZA MTHONG BA'AM, ,GZHAN YANG 'JIGS SU RUNG BA MTHONG, ,GLO BUR DU NI RAB TU 'DIR, ? ,YANG DANG YANG DU (DUS GCIG TU MTHONG BA DANG,) BRGYAL BA DAG ,(DE RNAMS LAS GCIG ,) ,MTHONG BAR GYUR NA'ANG GCIG PU DE, ,ZLA BA'I KHONGS SU 'CHI BAR 'GYUR, ,ZLA BA RA RI SPANGS PA DANG, ,NYI MA 'OD ZER DANG BRAL BA, ,MTSAN MO NYI MA NYIN MO ZLA, ,DE BZHIN RANG GI (STE RANG GI MIG) 'DRIN BYED 'BAR, ,SKAR MA LHUN PO'I TSAD DANG NI, ,RGYA MTSO YANG NI CHU BO BZHIN, ,BSHANG DANG GCI BA'I DUS DAG NA, ,MTSUNGS PAR KHU BA LHUNG GYUR PA, ,GAL TE CHOS LA MI BRTEN NA, ,PHYOGS GCIG LA NI 'CHI BAR 'GYUR, ,DER YANG SKYE BO'I GZUGS CAN GYI, ,GRIB MA LA NI NYIN MO BLTA, ,MGO BO MA MTHONG BA LAS DE, ,LO YI NANG DU 'CHI BAR 'GYUR, ,LAG PA GA-YON PA MA MTHONG BAS, ,BU DANG CHUNG MA RNAMS PAR ('CHI BLU LAS DER YANG ZHES PA'I GONG DU, SNGA DRO'AM YANG NA PHYI DRO'AM, ,ZLA ZER DAG LA YUN RING DU, ,DPUNG BA BRGYAD PA'I GREB MA LA, ,BLTAS TE RIM GYIS MKHA' LA BLTA, ,ZHES
, ,TSIGS BCAD GCIG 'BYUNG NGO,) ,NYAMS, ,GA-YAS MA MTHONG BAS PHA DANG NI, ,CHUNG MA LA SOGS TSOGS CHEN 'CHI, ,DRI CHU'I RGYUN NI MNGAR GYUR DANG, ,GA-YON NAS 'KHOR ZHING DRI NGA ? DANG, ,DRI CHU SKYUR BA LA SOGS GYUR, ,ZLA BA DRUG GI NANG DU 'CHI, ZHES GSUNGS LA, RMI LAM GYI 'CHI LTAS KYANG DE NYID LAS, ,GANG ZHIG GI NI RMI LAM MTHAR, ,BYE MA'AM THAL BA'I PHUNG PO'AM, ,LHA KHANG MCHOD SDONG LA 'DZEGS NYID, ,DE NI SNGA MA BZHIN DU 'CHI, ,GAL TE BONG BU'AM SPRE'U ZHON, GROGS MKHAR PHYAG DAR PHUNG PO LA, ,MNGON 'DZEGS LHO PHYOGS 'GRO BA NI, ,GANG GI RMI LAM MTHAR MTHONG DANG, ,BUD MED GANG ZHIG GOS NAG CING, ,MDOG NAG 'DOD PA SPYOD PA'I MI, ,DE NI DUS MTSAN MOR SHES BYA, ,GSHIN RJE RU NI 'GRO BAR BSTAN, ,BYA RGOD CE SPYANG KHYI DANG WA, ,DRED DANG YI DVAGS SHA ZA YIS, ,ZA BAR RMI LAM MTHONG NA NI, ,NGES PAR LO GCIG DAG GIS SO, ,GOS DMAR LUS LA RAB GA-YOGS DANG, ,PHRENG BA DMAR POS RNAM BRGYAN DANG, ,GANG TSE TIL MAR BKUS PA RMI, ,DE NI ZLA DRUG LAS MI 'TSO, ,ZHES GSUNGS TE DE RNAMS PHYI'I 'CHI LTAS SO, ,PHYI'I 'CHI LTAS RGYAS PAR SHES PAR 'DOD NA, ,NGAG DBANG GRAGS PA'I 'CHI BLU'I MAN NGAG LAS SHES PAR BYA'O, ,GNYIS PA NI, ,NANG GI RLUNG GI 'CHI LTAS NGES PAR MA BYAS PAR, PHYI'I 'CHI LTAS TZAM GYIS 'CHI BA'I NGES PA MED LA, ,PHYI NANG GNYIS KA NGES PAR BYAS NA GSAL BA YIN NO, ,ZHES 'CHI BLU DANG MAN NGAG SNYEM LAS GSUNGS PAS NA NANG GI 'CHI LTAS RTOG PA GAL CHE'O, ,DE YANG SDOM 'BYUNG LAS,,
DKAR PO RNAMS KYI TSES GCIG NAS, ,YANG DAG BRTZAMS TE NYIN GSUM RLUNG, ,ZLA BA LA RGYU THUN PHYED LA, ,DE NAS NYIN GSUM NYI MA LA, ,YONGS RGYU'I TSUL GYIS JI SRID RLUNG, ,DKAR PO'I TSES NI BCO LNGA'I BAR, ,NAG PO RNAMS KYI TSES GCIG NAS, ,BRTZAMS TE NYI MA GSUM DU RLUNG, ,NYI MAR BRJOD LAS SNGA DRO RGYU, ,JI SRID TSES NI BCO LNGA'I BAR, ZHES GSUNGS SO, ,DE DAG GI DON NI DKAR PO ZHES PA'I RKANG BA DRUG GIS, ,ZLA BA YAR NGO'I RLUNG RGYU TSUL STON TE, YAR TSES GCIG NAS BRTZAMS TE NYI MA GSUM DU DANG POR ZLA BA LA STE SNA BUG GA-YON PA NAS THUN PHYED DU RLUNG 'BAB BO, ,DE NAS TSES BZHI NAS BRTZAMS TE NYI MA GSUM DU DANG POR NYI MA LA STE SNA BUG GA-YAS PA NAS YONGS SU RGYU BA'I TSUL GYIS THUN PHYED DU RLUNG 'BAB BO, JI SRID NAS BCO LNGA'I ZHES PA'I DON NI SNGA MA BZHIN DU, RLUNG JI SRID BCO LNGA'I BAR DU YANG RGYU BA STE, TSES BDUN NAS BRTZAMS TE DGU'I BAR NYI MA GSUM DU SNA BUG GA-YON PA NAS DANG POR RGYU, , BCU NAS BRTZAMS TE BCU GNYIS KYI BAR ZHAG GSUM DU THOG MAR SNA BUG GA-YAS NAS DANG BCU GSUM (SNGA DRO) NAS BRTZAMS TE BCO LNGA'I BAR DU ZHAG GSUM DU THOG MAR GA-YON NAS RLUNG 'BAB BO, ,NAG PO ZHES PA BZHI'I DON NI, MAR PO'I TSES GCIG NAS BRTZAMS TE ZHAG GSUM DU NYI MAR BRJOD PA STE, SNA BUG GA-YAS NAS RLUNG RGYU BA DANG, DE NAS ZHAG GSUM GYI BAR DU GA-YON NAS RGYU, DE NAS ZHAG GSUM GYI BAR DU GA-YAS NAS DANG, DE NAS ZHAG GSUM GYI BAR DU GA-YON NAS
, ,DANG, DE NAS ZHAG GSUM GYI BAR DU DANG PA GA-YAS NAS RLUNG THUN PHYED DU RGYU'O, ,TSUL DE 'DRA DE NI, 'CHI BLU LAS, GO RIM 'DI NI NGES PA YIN, ZHES GSUNGS PAS, 'OG NAS 'CHAD PA'I 'CHI LTAS SOGS KYI SKYON MED NA, RGYU TSUL DER NGES PA YIN NO, DANG POR RGYU BA'I DUS SDOM 'BYUNG DAR, ,'CHI BLU LAS MI GSAL YANG, MAN SNYE LAS TSES GCIG SOGS KYI THO RANGS KYI DUS LA BSHAD DO, ,ZHAG GI THO RANGS KYI DUS KYANG ZHAG GSUM GYI RNAM DBYE LA BRTEN NAS, MI 'DRA BA MANG DU YOD KYANG, 'DIR NI 'JIG RTEN NA TSES GCIG LTA BU'I THO RANGS NI TSES GCIG GI NYI MA SHAR BA'I SNGA ROL DU SONG ZIN PA LA BYED CING, ZHAG DE LA NYIN MTSAN GNYIS YOD PA'I NYIN GYI DUS MTSAN GYI DUS LAS DANG PO'ANG DGOS PAS, TSES GCIG SOGS KYI SKYA RENGS DANG PO NI, ZHAG DE'I NYIN GYI THOG MA YIN PAS, DE NAS BZUNG STE NAM LANGS KYI BAR LA BYA'O, ,DE NYID SNGA DRO DANG PO YANG YIN PAS, SNGA DRO ZHES GSUNGS PA YANG MI 'GAL LO, ,THUN PHYED NI RGYUD DE NYID LAS, THUN NI BRGYAD CHA ZHES PA DRAN, ZHES GSUNGS PAS, ZHAG GCIG LA THUN PHYED BCU DRUG YOD PA'I LUGS YIN LA, THUN PHYED RE LA NI PHYED DANG BCAS PA'I DBUGS BRGYA PHRAG BCU GSUM RE'O, ,MAN SNYE LAS THO RANGS KYI DUS SU DUS SBYOR GCIG GI THUN PHYED KYI RLUNG RGYU ZHES DE GNYIS GDAM NGA CAN DU BSHAD LA, DUS SBYOR GCIG GI RLUNG NI DBUGS BRGYA PHRAG BCO BRGYAD LA BSHAD CING, THUN PHYED KYI RLUNG NI SNGAR DANG 'DRA'O, ,YAR NGO MAR NGO'I THOG MA'I RGYU TSUL GYI RLUNG LTAS DE ZHAG DRUG DANG, PHYOGS GCIG STE ZLA PHYED
DANG, PHYOGS GNYIS TE ZLA PHYED GNYIS DANG, PHYOGS GSUM TE ZLA PHYED GSUM DU GO RIM LOGS NA, SKYON CI 'BYUNG BA'ANG SDOM 'BYUNG LAS GCIG DANG GNYIS GSUM BZHI DANG LNGA, NYI MA DRUG TU ZLOG PA LAS, ,GAL TE RLUNG NI RGYU BA NA, ,DE TSE RTZOD PA CHEN PO 'BYUNG, ,PHYOGS GCIG PHYIN CI LOG PA LAS, ,NAD NI KUN TU CHEN PO 'BYUNG, ,PHYOGS GNYIS PHYIN CI LOG PA LAS, ,SNYING SDUG GNYEN RNAMS RGUD PAR 'GYUR, ,PHYOGS GSUM PHYED CI LOG PA LAS, ,ZLA DRUG RNAMS KYI 'CHI BAR 'GYUR, , ZHES SO, ,'O NA YAR NGO MAR NGO'I RLUNG GI BRTAGS PA 'DI ZLA BA GANG LA PHYED PA'I ZLA BA'I NGES PA YOD DAM MED CE NA, ,SDOMS 'BYUNG DANG MAN SNYE LAS ZLA BA'I NGES PA YOD MED GSAL BAR MA BSHAD KYANG, 'CHI BLU LAS DGU NA ZLA 'BRING SOGS 'PHO BA YI, ,ZLA BA NYA SOGS THAMS CAD LA, ,'CHI BA'I MTSAN NYID SPYI YI NI, ,NANG PAR THOG MAR BRTAG PAR BYA, ZHES ZLA BA BCU GNYIS PO THAMS CAD LA 'CHI BA SPYI'I MTSAN NYID NANG PAR BRTAG PAR GSUNGS SO, ,'O NA ZLA BA PHYED DANG GNYIS KYI BAR DU RLUNG BLTAS MA LOG PAR BYUNG NA, DE LA 'BRAS BU CI ZHIG 'BYUNG ZHE NA, 'DI LA GSAL BAR BSHAD PA MI SNANG, MA LOG PA LA SKYON YON GANG RUNG ZHIG BSKYED DGOS LA, LOG PA LA SKYON BSKYED PAS, ,MA LOG NA YON TAN BSKYED DGOS LA, DE'ANG NAD MED PA DANG, GNYEN MI RGUD PA DANG, ,MI 'CHI BA LA BYA DGOS SHING, DE RNAMS KYANG SKYON GYI PHYOGS LA BSHAD PA'I RIGS PAS, YON TAN GYI PHYOGS LA'ANG ZLA BA DRUG TSUN CHAD DU MI 'CHI BA SOGS LA BYA DGOS SAM SNYAM STE BLO GROS DANG LDAN PA RNAMS KYIS DPYAD
, ,PAR BYA'O, ,GZHAN YANG 'CHI BLU LAS, LAM GSUM (SNA BUG GNYIS DANG KHA'I) RTOGS PA RLUNG RGYU NA, SLAR GSO BAR NI NUS MA YIN, ,NYI MA PHYED NI 'DAS NAS 'CHI, ,RLUNG NI 'PHO BA MED PA RU, ,LAM NI GNYIS KA DAG LAS KYANG, ,ZHAG BCU'I (NAM SNA BUG GA-YAS GA-YON DU) BAR DU GYU GYUR NA, 'PHO BA'I TSE NA DE 'CHI'O, ,NYIN ZHAG (GANG LA SNA BUG GI RLUNG GNYIS, STE MNYAM POR RGYU BA THOB PA'I SKAD CIG DE LA) MNYAM 'DRA SKAD CIG THOB, GANG GI MIG NI MGUL 'GYUR BA, DE YI SROG NI NYIN ZHAG NI, GCIG NA 'JIG PAR GDON MI ZA, ZHES DANG, SNA BUG GNYIS SDANGS NAS RNA BA NAS RGYU NA, NYIN ZHAG DE LO NA LA 'CHI BAR BSHAD, ,YANG MAN SNYE LAS, DGUN ZLAR BAR 'PHO BA'I DUS BRTZAMS NAS NYIN LTAR NYI MA'I LAM NAS RGYU NA LO BCO BRGYAD RNAMS KYIS SO, , THA SKAR CAN LA DE LTAR RGYU NA LO BCO LNGA RNAMS KYIS SO, ,DBYAR ZLA THA CHUNG LA DE LTAR RGYU NA LO BCU GNYIS RNAMS KYIS SO, ,DBYAR ZLAR BA LA DE LTAR RGYUN LO DGU RNAMS KYIS SO, ,NAG PA CAN GYI LA DE LTAR RGYUN LO DRUG RNAMS KYIS SO, MCHU CAN GYI LA DE LTAR RGYUN LO GSUM RNAMS KYIS SO, ('CHI BRU LAS DGUN ZLA 'BRING PO LA BSHAD), ZHES GSUNGS SO, DE RNAMS NI 'CHI BLU'I GZHUNG LA BRTEN NAS MAN SNYE LAS BSHAD PA LTAR YIN LA, RGYAS PAR SHES PAR 'DOD NA 'CHI BLU LAS SHES PAR BYA'O, DE LTAR 'CHI LTAS RTOG PA YANG KHAMS SNYOMS SHING BDE BAR GNAS PA'I LUS LAS BRTAG DGOS PAR 'CHI BLU LAS, GAL TE 'GA' ZHIG 'CHI BA YIS, MTSAN NYID SHES PAR 'DOD GYUR NA, ,DER NI BDER GNAS LUS LAS NI, ,SHES BYA GZHAN
DU YID GNYIS 'GYUR, ,KHAMS NI SNYOMS DANG 'DOD CHAGS DANG, ,RAB RIB LA SOGS DBANG GYUR DANG, ,'JIGS DANG MYA NGAN SOGS PA'I RGYUS, ,GANG PHYIR GZHAN DU SO SOR SNANG, ZHES GSUNGS SO, GSUM PA NI, 'CHI BLU LAS, 'KHOR BAR SROG LAS GCES PA NI, ,CI YANG YOD PAR MA MTHONG STE, ,DE BAS MYUR DU THABS MANG POS, ,'CHI BA BLU BA KUN TU SPYOD, ,GANG PHYIR RIGS PAR THABS SBYAR BAS, ,DKA' BA CUNG ZAD YOD MA YIN, ,NOR BU SPAGS DANG SMAN RNAMS KYI, ,MTHU NI THAMS CAD 'BOD PA YIN, , 'CHI BA'I MTSAN NYID LAS RING NAS, ,SHES PAR BYAS NAS RIGS PAS BCOS, ,SPYI BOR THOG NI BABS PA LA, ,RAB TU MKHAS KYANG CI BYAR YOD, ,CES SROG LAS GCES PA GZHAN MED PAS 'CHI BLU'I THABS KYIS BCOS NA, PHAL CHER 'CHI BA BLU THUB PA DANG DE YANG SNGON DU RONG MO NAS 'CHI LTAS MTSAN NYID SHES PAR BYAS NAS BCOS DGOS PAR GSUNGS PAR LTAR 'CHI LTAS MTHONG BA DES SNGA MO NAS 'CHI BA BLU BA LA 'BAD PAR BYA'O, ,SDOM 'BYUNG LAS KYANG DE LTA'I GSAMS NGAG LDAN RNAMS KYIS, ,'CHI BA BLU BAR 'GYUR BA STE, ,DE NYID KYIS NI 'CHE LAS RGYAL, ,CHOS KYI 'CHI LAS RGYAL BA STE, ,DE PHYIR CHOS NI MCHOG TU BSAM, ZHES 'CHI BLU'I SGOS KYI GDAMS NGAG DANG, ,SPYIR CHOS LA BRTEN PAS 'CHI BA BLU BAR GSUNGS SO, ,'CHI BLU'I SGOS KYI GDAMS NGAG RGYUD DE NYID LAS BSHAD PA NI GSUM STE, ,DANG PO NI LHA'I RNAL 'BYOR SNGON DU BTANG NAS THO RANGS RLUNG STONG PHRAG RE MA CHAG PAR BGANGS PAS 'BUM PHRAG GCIG GIS BZLAS BRJOD NA, ,CHO ZAD PA YANG LO LNGA RU 'TSO BAR THE TSOM
, ,MED, (,CES GSUNGS PA DANG, 'CHI BLU LAS, 'JUG PA'I RLUNG 'BUM PHRAG TU BGRANG BA LA BSHAD CING, NYIS 'BUM LA SOGS ZLOS PA NYID, TSE 'PHEL BAR NI BSGRI BAR BYA, ZHES 'BUM PHRAG GNYIS BZLAS NA LO LNGA NYIS 'GYUR DU TSE 'PHEL BA DANG 'BUM PHRAG GSUM BZLAS NA SUm 'GYUR DU 'PHEL BA SOGS BSHAD DO,) ,LHA'I RNAL 'BYOR SNGON DU 'GRO BAS SPYI BO NAS RKANG MTHIL GYI BAR DU (BAR THAMS CAD RLUNG GIS BKANG NAS 'DZIN PA'I BUM PA CAN LA GOMS PAR BYAS PAS, LAG PA LAN GSUM MNYE ZHING LAN DRUG SA GOL BRDABS PA LA GCIG TU BYAS PA'I RAB BRGYA RTZA BRGYAD, 'BRING BDUN BCU DON GNYIS, THA MA SUM CU RTZA DRUG GI) ,RLUNG NANG DU 'DZIN PAR NUS PA BYUNG NA YANG 'CHI BA BLU BAR BSHAD CING, ,GZHAN YANG LHA'I RNAL 'BYOR SNGON DU 'GRO BAS SNYING KA'I PADMA'I LTE BAR ZLA GDAN LA GNAS PA'I H'Um YIG DKAR PO LA SEMS BRTEN PAR BYAS TE, STENG 'OG GI RLUNG KHA SBYAR BA'I SNYING GA'I BUM PA CAN BSGOMS NA YANG 'CHE BA BLU BAR GSUNGS SO, ,'CHI BLU'I MAN NGAG LAS, 'CHI BDAG BLU BAR 'BAD PA NI, ,DAD PA YIS NI BYED PAR NUS, ,DE BAS DAD PA BRTAN PAR BYA, ,GZHAN DU NGAL BA DON MED 'GYUR, ZHES DKON MCHOG DANG BLA MA LA DAD PA BRTAN PO BSKYED PA 'CHE BLU'I GAL CHE SHOS SU GSUNGS LA, ,BYA DANG NYA DANG RI DVAGS SBRUL, ,RKUN PO GSOD PA'I PHYOGS GTOGS RNAMS, ,SROG SKYABS PA YIS 'PHRAL DU NI, ,TSE THUNG PA YANG TSE RING 'GYUR, ZHES DANG, MI DGE BCU NI SPANGS PA DANG, ,DE BZHIN GSUM LA SKYABS 'GRO DANG, ,BSLAB PA LNGA DANG BRGYAD BSRUNGS NA, ,'CHI BDAG THAG NI BSRING BAR 'GYUR, ,BTZON RAR BCUG DANG
NAD CHEN GDUNGS, ,DE BZHIN 'JIGS PAS NYEN PA RNAMS, ,SKYABS BYAS NA NI NGES PA RU, ,TSE RING 'CHI BDAG BLU BYED 'GYUR, ,DMAN DANG MGON MED NGO MTSAR BCAS, ,TSUL KHRIMS LDAN LA'ANG GUS PA NI, ,'DOD PA'I DON NI RAB STER BAS, , TSE NI NGES PAR 'PHEL BAR 'GYUR, ,PHA DANG MA DANG BLA MA RGAN, ,SHES PAS RGAN SOGS LA GUS SHING, ,MCHOD DANG BKUR STE BYIN PAS KYANG, ,'CHI BDAG DANG NI NYE MI 'GYUR, ,RANG GI 'DOD LHA DE LA GUS, ,DKA' THUB CAN LA'ANG GUS PA YIS, , RTAG TU NANG PAR LHA PHYAG BYA, ,BYAS PAS TSE NI 'PHEL BAR 'GYUR, ,MCHOD RTEN GAS DANG 'JIG PA LA, ,SO PHAG LA SOGS KYIS BCOS NA, ,TSE THUNG TSE NI RING BAR 'GYUR, ,DGE SLONG BSOD SNYOMS PA DANG MTSUNGS, ,LHA KHANG SKU GZUGS MCHOD RTEN SOGS, ,BYED DANG KUN DGA' RA BA 'DZUGS, ,MCHOD RTEN CHE BRGYAD SOGS MCHOD KYIS, ,RTAG TU TSE NI 'PHEL BAR 'GYUR, ,'DUN PAS SLONG BA LAS RNYED PAS, ,RDZAS KYIS DGE 'DUN MCHOD STON GSOL, ,ZHAG BDUN TSE THUNG TSE RING 'GYUR, ,CHOS RGYAL MYA NGAN MED DANG MTSUNGS, ,BYE MA'I MCHED RTEN BYED PA DANG, ,DE BZHIN TSA TSA 'DEBS PA DANG, ,MCHOD RTEN LA SOGS PHYAG BYAS PAS, ,TSE NI NGES PAR 'PHEL BAR 'GYUR, ,'DUS PA CHEN PO'I MDO DANG NI, AA TA NA TI KA YA'I MDO, ,PHRA MOR BCAS DANG SPRIN CHEN DANG, ,SHIN TU BKRA SHIS TSIGS BCAD RNAMS, ,GUS PAS DGE SLONG 'DON 'JUG PA'AM, ,RANG NYID KYIS NI RAB BTON NA, ,DE BZHIN TSE RING 'THOB 'GYUR ZHING, ,'CHI BDAG BLU BAR 'GYUR BA
, ,YIN, ,THEG PA CHEN PO STON BYED DANG, ,SDONG PO RGYAN SOGS MDO SDE RNAMS, ,RTAG TU RTZE GCIG PAS BKLAGS NA, ,'CHI BDAG BLU BAR 'GYUR BA YIN, ,SANGS RGYAS KYIS GSUNGS RNAL 'BYOR GYIS, ,RGYUD SOGS MA LUS BKLAGS BA'AM, ,SRUNG BA LNGA YI CHO GAS KYANG, ,'CHI BDAG BLU BAR 'GYUR BA YIN, ,GTZUG TOR BCUG PA'I MCHOD RTEN SOGS, ,SKOR BDAG NI BYAS PA DANG, ,GZUNGS NI BZLAS PA BYAS PAS KYANG, ,'CHI BDAG GI NI BRTZON PA 'JOMS, ,DKON MCHOG SGRON MA BZLAS PA DANG, ,GZUNGS KYI TSOGS LAS GSUNGS PA YI, ,GZUNGS SNGAGS ZLOS LA BRTZON PAS NI, ,MKHAS PA RNAMS NI 'CHI BA DANG, ,NYE BA'ANG RING DU GNAS PAR BYED, ,DKYIL 'KHOR 'DRI DANG SBYIN SREG DANG, ,PHYAG RGYA 'CHING BAR BYED PA DANG, ,GTOR MA DANG NI TSOGS 'KHOR LO, ,RAB SBYIN 'CHI BDAG BLU BA YIN, ,PHYOGS BZHI'I 'PHAGS PA'I DGE 'DUN LA, ,MCHOD BSTOD MAL CHA SBYIN SOGS DANG, ,CHOS GOS TZAM ZHIG 'CHANG BA LA'ANG, ,SBYIN PA 'CHI BDAG BLU BYED 'GYUR, ZHES GSUNGS LA, GZHAN YANG AINDRA NI LA LA SOGS PA'I NOR BU CHEN PO BCANGS PAS KYANG, ,'CHI BA BLU BAR BSHAD CING, ,SGROL DKAR GYI 'CHI BLU'ANG GSUNGS TE, PADMA DKAR PO'I DBUS GNAS PA'I, ,ZLA BA'I GZUGS KYI GDAN STENG DU, ,RDO RJE SKYIL KRUNG BCAS NAS SU, ,MCHOG SBYIN PA DANG AUTPALA BSNAMS, ,STON KA'I ZLA BA'I MDANGS 'DRA BA'I, ,ZLA BA YI NI RGYAB RTEN PA, ,RGYAN RNAMS THAMS CAD YONGS SU RDZOGS, ,BCU DRUG LO LON
LUS DANG LDAN, ,RDZOGS SANGS RGYAS KUN DE YI SRAS, ,MCHOG SBYIN KUN NI 'CHANG BA'I SKU, ,'PHAGS MA SGROL MA'I SNYING GAR SGOM, ,DE YI 'KHOR LO 'OD ZER DKAR, ,RTZIBS BRGYAD LA NI YI GE NI, ,BRGYAD KYI YONGS SU BSKOR BA LAS, LTE BAR AOm DANG HA YIG GI ,DBUS NI SGRUB BYA'I MING DANG LDAN, ,ZLA DRUG BRTAN ZHING NGES PAS NI, ,RTZE GCIG PA YI SEMS KYIS BSGOM, ,YI GE BCU YI SNGAGS 'DI NI, ,SKYO BAR MA GYUR SEMS KYIS BZLAS, ,DANG POR AOm NI BZHAG NAS SU, ,DE 'OG T'A RE RAB TU SBYAR, ,DE 'OG TUTT'A RE TU RE, ,SV'A H'A MTHA' CAN LAS KUN BYED, CES SO, ,'DI LA'ANG ZHO DANG MNGAR GSUM GYIS BSKUS PA'I SBYIN BSREG MANG DU BYAS NA SNGON GYI LAS LAS BYUNG BA'I 'CHI BA'ANG NGES PAR ZLOG PAR BYED DO ZHES GSUNGS SO, ,DE BZHIN DU GSANG 'DUS NAS 'BYUNG BA'I SPYAN MA'I SNGAGS KYI BZLAS PA DANG, ,DE LA BRTEN PA'I DUR PA LA SOGS PA'I SBYIN SREG BYED PA DANG, ,LCE CHUNG BA'I BDUD RTZI 'THUNG BA'ANG 'CHI BLU BSNGAGS PA CAN DU BSHAD LA, ,STONG NYID RGYUN LDAN DU SGOMS PA'ANG 'CHI BLU RU GSUNGS PA SOGS MANG DU GSUNGS SO, ,LNGA PA NI, 'BROG 'GYUR LAS, ,RIMS LA SOGS PAS MA PHYE BA'I, 'PHO BA'I RNAL 'BYOR DAM PA NYID, CES 'BYUNG LA, 'GOS 'GYUR LAS, , RNAL 'BYOR PAS RIMS LA SOGS PAS MA PHOG PAR SGOM KHYAD PAR CAN LAS SHIN TU MNYAM PAR BZHAG PAS 'PHO BA'I SBYOR BA BYA STE, ZHES 'GYUR MI 'DRA BA GNYIS 'BYUNG NGO, ,MAN NGAG SNYE MAR 'CHI BA'I DUS LAM BAB PA KHO NAR RGAS
, ,PA DANG NAD RNAMS KYIS GDUNGS PAS NI, ,RNAM SHES DBYE MI BYA STE 'PHO BAR MI BYA'O, ,ZHES RIMS LA SOGS PAS DBYE MI BYA ZHES PA'I DON DU BSHAD DO, ,KHA SBYOR LAS GSUNGS PA DE LTAR YIN YANG GDAN BZHI LAS, 'CHI 'PHO MTSAN MA MTHONG BA YIS, ,'CHI BAR 'GYUR BA'I DUS BYUNG NA, ,RIMS LA SOGS PAS MA PHOG PAR, ,'PHO BA SBYOR BA'I MCHOG YIN NO, ZHES RIMS LA SOGS PAS MA PHOG PA'I GONG DU SGO BZANG PO NAS 'PHO BA NI 'PHO BA'I RNAL 'BYOR GYI MCHOG TU GSUNGS LA, ,ZHAL LUNG LAS KYANG, ,GANG ZHIG DUS NI PHYI ZHIG LA, ,'CHI BA'I MTSAN MA BDAG GIS MTHONG, ,'CHI BAR 'GYUR BA'I DUS BYUNG NA, ,NAD KYIS YANG DAG MA RNYONGS PAR, ,'PHO BA'I SBYOR BA YANG DAG BYA, ,ZHES GDAN BZHI DANG MTHUN PAR GSUNGS PAS, RGAS PA DANG NAD KYIS GDUNGS NAS 'PHO BAS RNAM SHES LUS LAS 'BYED PA DANG, NAD KYI MA PHOG PA'I GONG DU RNAM SHES 'PHO BA'I RNAL 'BYOR BYED PA GNYIS KA SHES PAR BYA'O, DES NA BOD KYI GDAMS NGAG KHA CIG LAS, ,RGAS PAS SHIN TU SDUG BSNGAL BAR MTHONG NAS, 'PHO BA BYA ZHES ZER BA NI, DE LTAR BYAS NA DMYAL BAR LTUNG BAR GSUNGS PAS, ,PHYIN CI LOG TU SMRA BA CHEN PO'O, ,GSUM PA LA GNYIS, ,SNGON DU JI LTA BU ZHIG BYAS NAS 'PHO BA BYA BA DANG, ,DBANG PO'I SGOR RLUNG RENGS PAR BYED PA'I THABS DNGOS SO, ,DANG PO NI, 'PHO BA BYED PAR 'DOD PAS, ,LAS LA SBYOR BA'I DANG POR TE SNGON DU BUM PA CAN GYI RLUNG SBYOR BRTZAMS NAS GOMS PAR BYAS
TE, ,DES NI MIG LA SOGS PA'I DBANG PO'I SGO RNAMS THAMS CAD DU RENGS PAR BYED PA STE RLUNG PHYIR 'GRO BA 'JOMS PAR 'GYUR RO, ,MIG LA SOGS PA'I SGOR YI GE BKOD NAS RLUNG PHYIR 'GRO BA 'GOG PA YANG DUM PA CAN GYIS RLUNG RENGS PAR BYED PA'I LHAN CIG BYED RKYEN YIN PAS DE DANG BCAS PA'I BUM PA CAN BSGOM PA YIN GYI, ,BUM PA CAN RKYANG PA SGOM PA MIN NO, ,RDO RJE MKHA' 'GRO LAS KYANG, ,GNAS KYI MTHA' NI DAG PAR BYA, ,DAG PAS SRID PA 'PHO BYA YI, ,GZHAN DU NA NI DON MED 'GYUR, ,ZHES GSUNGS SO, DE'I DON BHA BA BHA DRAS BDE SDUG GI SNOD YIN PAS GNAS NI LUS TE, GTUM MO'I RNAL 'BYOR BSGOMS PAS LAS DAG PA STE SBYANGS PA'O, ,GNAS KYI MTHA' NI NANG STE, NANG GI SGO RNAMS DAG PA STE SBYANGS PA'O, , GZHAN DU NA NI ZHES BYA BA NI, SBYANG PA DE GNYIS DANG BRAL NA 'PHO BA BYAS PA'I 'BRAS BU THOB PAR MI 'GYUR RO, ZHES GSUNGS SO, YANG RDO RJE MKHA' 'GRO LAS, BUM PA CAN GYI SGO BCINGS NA, ,SGO YI BU GA DAG PAR 'GYUR, ZHES GSUNGS PA BZHIN GDAN BZHI LAS KYANG GSUNGS SO, ,BUM PA CAN SBYANG BAR GSUNGS PA'I DON LA, BOD MANG POS SNGAR BSHAD PA'I BUM PA CAN RAB 'BRING THA MA GSUM GYI, THA MA YOD NA DES CHOG ZER BA NI RGYUD KYI DON MA RTOGS BZHIN DU SMRA BA'O, , RGYUD SDE NAS BSHAD PA'I 'PHO BAS NI, BHA BA BHA DRAS 'GRO BA KHYAD PAR CAN DU SKYE BAR BSHAD PA DANG, ,MAN SNYER BYANG CHUB SEMS DPA' LA SOGS PA GNAS PA'I GNAS SU GNAS PA'I 'GRO BA KHYAD PAR CAN DU SKYE BAR BSHAD LA, DE YANG SPYI GTZUG
, ,GSER GYI SGO NAS 'PHO THUB PA'I 'BRAS BUR GSUNGS PAS, LHA MI'I RTEN TZAM DU 'PHO THUB PA LA MI BYED DE, ,SGO GZHAN RNAMS NAS 'PHO BA BKAG NAS GSER GYI SGO NAS 'PHO DGOS PAR GSUNGS PA'I PHYIR RO, ,RTEN KHYAD PAR CAN DE'ANG ZHAL LUNG LAS, ,GAL TE SKU GSUM MA GRUB NA, ,RIGS PA 'DZIN PA'I GTZOR 'GYUR TE, ,RIM GYI PHYAG RGYA CHEN PO 'GRUB, CES 'PHO BAS 'CHI BA'I 'OD GSAL GYI DUS SU LAM GYI CHOS SKU DANG, ,BAR SRID 'GRUB PA'I DUS SU LAM DUS KYI LONGS SKU DANG, SKYE BA LEN PA'I DUS SU LAM DUS KYI SPRUL SKU 'GRUB PAR BSHAD PA LTAR MA GRUB NA, RIGS PA 'DZIN PA'I GTZO BOR 'GYUR BA 'PHO BA'I RNAL 'BYOR GYI 'BRAS BUR GSUNGS PA LTA BU'I SNGAGS SPYOD PA'I RIGS 'DZIN GYI RTEN KHYAD PAR CAN 'GRUB PA YIN NO, ,YANG ZHAL LUNG LAS, ,DE BAS BKA' LUNG RAB THOB NAS, ,DAM SDOM RNAM PAR BSRUNG BYA STE, ,ZHES GSUNGS PA LTAR DBANG BSKUR BA RNAM PAR DAG PA THOB NAS DAM TSIG DANG SDOM PA TSUL BZHIN DU BSRUNG BA GCIG GIS 'GRUB PAR GSUNGS KYI, ,DE DAG MED PA DANG SPYANG BA GNYIS SNGON DU MA BTANG BAR DANG PO NYID NAS RNAM SHES 'DON PA'I DMIGS PA LA GOMS SU 'JUG PA GDAMS NGAG MANG PO LA 'DUG PA LTAR GYI 'PHO BAS NI BDE 'GRO'I RTEN TZAM DU 'PHO THUB TU CHUG KYANG GZHUNG KHUNGS THUB NAS GSUNGS PA'I RTEN KHYAD PAR CAN 'GRUB PA SHIN TU DKA' STE, GZHAN DU NA NI DON MED 'GYUR, ZHES GSUNGS PA'I PHYIR RO, ,DES NA 'PHO BA'I GDAMS
NGAG BYAS PAS SPYIR 'PHO THUB PA TZAM DANG, SGO 'BRING PO LNGA NAS 'PHO THUB PAS MI CHOG GI ,GSER GYI SGO NAS 'PHO DGOS BAR RGYUD KYI DON DU SHES PAR GYIS SHIG ,GNYIS PA LA GNYIS, MIG LA SOGS PA'I SGOR YI GE DGOD PA DANG, ,RLUNG BUM PA CAN SGOM PA'O, ,DANG PO NI, 'BROG 'GYUR LAS, MCHOD RTEN RNAMS KYI LCAGS SGROG LNGA, ZHES 'BYUNG YANG, MAN NGAG SNYE MA 'GYUR GSAR LAS, 'BAR PO LNGA CAN MCHOD RTEN SGO ,ZHES BSGYUR BA LEGS PAS, 'BUR PO LNGA ZHES PA MNGAL GYI SKABS LA BSHAD PA DANG 'DI MI 'DRA BAS, LAG PA GNYIS DANG, RKANG PA GNYIS DANG, MGO DANG LNGA'O, ,LNGA PO DE DAG DANG LDAN PA CAN NI LUS YIN LA, MCHOD RTEN NI LUS DE'I MGO BO'O, ,'BROG 'GYUR LAS, SGO YI BUG PA'I SGOM PA NI, ZHES 'BYUNG BA LAS, MAN SNYE 'GYUR GSAR LAS, DE YI BUG PAR SGOM PA STE ZHES BSGYUR BA LEGS PAS, MGO BO LA STENG GI SGO DANG SMAD KYI SGO GNYIS LAS, MGO BO'I STENG GI SGO NI SPYI GTZUG GSER GYI SGO DANG SMIN MA'I DBUS SO, ,GSER GYI SGO DE YI BUG PAR KshUm DANG KshUm GYI 'OG H'Um BKOD DE BRTZEGS PA BSGOM PAR BYA'O, ,SMIN DBUS GNAD 'BYED PA'I SGOR NI, H'Um DANG DE'I NANG BDE CHEN GYI 'KHOR LO'I LTE BAR HAm BKOD DO, ,MCHOD RTEN DE'I STENG GI SGO DE BAS DMA' BA'I SGO LCE'I RTZA BA DANG, MGRIN PA'I BU GA'I SGO NYID DU NI RIM PA BZHIN, SA BON SUm DANG SMRI ? CHU LTA BUR DKAR BA NYID DGOD DO, ,BTUNG BA DANG BTUNG MIN GYI SGO DANG, ,DE YI STE LTE BA'I SGO GSUM DU ME YI NI SA BON KshAmAR ? ME 'BAR BA LTA BUR
, ,DMAR BA DGOD DO, ,'BROG 'GYUR LAS, DE YI DANG PO DBUGS KYI YANG, ZHES PA LA, 'GOS 'GYUR LAS, DE LA SHIN TU MNYAM GZHAG PAS, ,DBUGS NI SNGON BZHIN BSGOM PAR BYA, ZHES 'BYUNG BA RDO RJE MKHA' 'GRO DANG MTHUN PAS SHIN TU LEGS LA, DON NI SA BON GYI YI GE BKOD PA DE RNAMS LA, SHIN TU MNYAM PAR BZHAG PAS TE YID RTZE GCIG TU BYAS NAS, DBUGS NI SNGON DU BSHAD PA BZHIN DU BUM PA CAN DU BYAS TE BSGOM PAR BYA STE, YI GE BSGOM PA 'DI RNAMS BUM PA CAN GYI RLUNG RENGS PAR BYED PA'I LHAN CIG BYED RKYEN YIN PA'I PHYIR RO, MAN SNYE LAS, RLUNG 'CHING BA NI, 'DI RNAMS KYI DGOS PA'O, ZHES MNGON PAR DGONGS PA'O ZHES MIG LA SOGS PA'I SGOR YI GE BKOD PA NI, NANG DU RLUNG 'CHING BA'I LHAN CIG BYED RKYEN DU GSUNGS PAS, BUM PA CAN BYAS NAS YI GES MI 'GOG PA'AM, YI GES SGO RNAMS BKAG NAS BUM PA CAN MI BYED PA LTA BU MA YIN PAR GNYIS KA SGOM PAR BYA'O, ZHES PA STE GNYIS KA BYAS NA RLUNG 'GOG MYUR BA'I DGOS PA YOD PAR GSAL LO, ,RLUNG GI KHA DOG CAN SNGON PO LUS TE H'Um YIG NI RLUNG GI DKYIL 'KHOR RNAM PAR BZHAG PA'I SEMS KYIS BSGOM STE, MIG GI SGO GNYIS SU DGOD DO, , H'Um YIG 'DI NI 'PHO BA LA SOGS PA LA KHA DOG DKAR PO KHO NAR BYA'O, ,'DI DANG SA BON GZHAN RNAMS KYI'ANG SNGON PO NYID NI LAS GZHAN SGRUB PA LA KHA DOG GZHAN NYID MTSON PA'O, ,RLUNG GI SA BON NI YAm YIN LA, YAm SA BON DU YOD PA
CAN GYI RLUNG NI 'KHOR 'DAS KUN GYI RTZA BA YIN NO, ZHES PA STE ZHAR BYUNG NGO, ,MAN SNYE'I 'GYUR LAS, RLUNG GI SA BON RTZA BA CAN ZHES 'BYUNG NGO, ,RLUNG NI SA YI RTZA BA CAN ZHES PA LA, 'GREL PAS BSHAD PA MA MDZAD CING, RKANG PA SNGA MA LAS DON ZUR PA MED LA, RDO RJE MKHA' 'GRO NA YANG MED DO, ,THIG LE NI KLAD KOR DANG N'A DA BSGYUR NA SGRA TZAM YIN YANG, 'DIR N'A DA AU YIG TU MAN SNYE LAS BSHAD PAS, 'DI GNYIS LDAN PA'I YUm ZHES PA'I SA BON RNA BA'I SGO GNYIS DANG SNA'I SGO GNYIS LA BKOD DE BSGOm MO, ,DE LTAR SGO SO SOR SA BON GYI YI GE BKOD PA RNAMS SEMS KYIS YONGS SU BSGOM PA NYID KYIS RLUNG PHYIR 'GRO BA DGUG PA STE DGAG PAR BYA LA NANG DU GZHUG PAR BYA'O, ,'BROG 'GYUR LAS, RDO RJE CAN GYI YON TAN GYIS, ,'JIGS PA'I LCAGS KYU LA SOGS SBYAR, ZHES PA LA, MAN SNYE 'GYUR GSAR LAS, RDO RJE MA ZHES DANG, 'JIGS MA ZHES BSGYUR BA LEGS LA, DON NI YE SHES MKHA' 'GRO MA LHA BCU GSUM GYI 'KHOR GYI LHA MO RDO RJE MKHA' 'GRO MA DANG SENG GE MA'I SA BON SUm DANG SMRAm STE, SNGAR LCE'I RTZA BA DANG MGRIN PAR BKOD PA'O, 'JIGS MA'I SA BON NI KshUm STE SNGAR SPYI GTZUG TU BSGOM PAR BSTEN PA'O, ,SOGS KYIS BSDUS PA LHA MO LHAG MA RNAMS KYI SA BON GYI YI GE LHAG MA RNAMS BZUNG NGO, ,SNGAR BSHAD PA LTAR SGO SO YU SOR SA BON GYI YI GE RNAMS SGO SO SO'I NANG DU DGOD DO, ,GNYIS PA NI BUM PA CAN GYIS RLUNG RENGS PAR BYED TSUL NI, GNAS BCU NI SNGAR BSHAD PA'I SGO DGU'I STENG DU SNYING GA'I SGO BSNAN PAS BCU'O, ,MGO BO DANG SPYI GTZUG DANG, SMIN DBUS DANG,
, ,MIG DANG, RNA BA GA-YAS PA DANG, RNA BA GA-YON PA DANG, SNA DANG, KHA DANG, MGRIN PA DANG, RGYAB STOD LTAG PA DANG, PHRAG PA DANG MTSAN KHUNG DANG, NU MA DANG, SNYING GA DANG, LTE BA DANG, PHO MTSAN DANG, RTAGS DANG, BSHAD SGO DANG, BRLA DANG, PUS MO DANG, BYIN PA DANG, RKANG PA'I RGYAB DANG, MTHE BONG DANG, SOR MO STE LUS KYI NYI SHU RTZA BZHI'I GNAS LAS 'JIGS MAS TE, GTUM MO AAm YIG GI 'OD ZER LCAGS KYU LTA BUS DGUG CING SNA BUG NAS NANG DU 'DREN PA'I DGANG BA LA SOGS PAS KYANG BKUG NAS, GSANG GNAS KYI 'KHOR LO'I DBUS SU RLUNG GONG BU GCIG TU BYAS TE, DE'I DH'U T'IR DMIGS PA GTAD NAS GSANG GNAS KYI BUM PA CAN BSGOM PAR BYA'O, ,DE LTAR GOMS PAR BYAS PA DES SPAR BA'I GTUM MO 'BAR BA'I LCAGS KYU 'OG NAS 'CHAD PA'I SNYING GA'I RLUNG GI DKYIL 'KHOR LA SOGS PA RNAMS LA SBYOR BAR BYA'O, ,RLUNG BUM PA CAN SGOM PA'I BSHAD PA GZHAN RNAMS LA STENG GI SNA SGO NAS STENG RLUNG PHYIR 'THEN PA DANG, LUS KYI SMAD NAS 'OG GI RLUNG GYEN DU 'THEN PA TZAM GYI KHA SBYAR LAS MA BSHAD LA, 'DIR NI PHYIR RGYU BA'I RLUNG 'THEN PAR MA ZAD, PHYIR MI RGYU BA'I KHYAB BYED KYI RLUNG SPYI BO DANG, SPYI GTZUG LA SOGS PA'I LUS KYI NANG GI GNAS RNAMS NAS BKUG STE, BUM PA CAN BSGOM PAR BSHAD PAS GZHAN RNAMS LAS KHYAD PAR DU 'GYUR RO, ,NAD BSKYED PA RNAMS PHAL CHER KHYAB BYED KYIS BSKYED PAR BSHAD PAS, KHYAB BYED KYI RLUNG BSDUS TE DUL BAR BYED PA NI, NAD 'PHROG PA LA
BSNGAGS SO, ,RDO RJE MKHA' 'GRO'I 'GREL PAR 'PHO BA LA SNGON DU GTUM MO BSGOMS NAS LUS SBYANG DGOS PAR BSHAD PA YANG GSANG GNAS KYI BUM PA CAN BSGOM PA DANG LHAN CIG TU RTZA GSUM 'KHOR LO BZHI DANG BCAS PA GSAL BTAB NAS, RTZA 'DAB LA YI GE DGOD PA MA BYUNG YANG, DBUS KYI YI GE BZHI BKOD DE 'BAR 'DZAG GI DMIGS PA LA SEMS GTOD PAR BYAS NA LEGS PAR SEMS SO, ,DE LTAR 'PHO BA LA DBANG PO'I SGOR 'GRO BA'I RLUNG NANG DU LDOG PA BYED PA DANG, GSANG GNAS KYI BUm PA CAN GYIS RLUNG 'CHING BA NI SROG DBU MAR 'JUG PA'I CHED YIN LA, ,SROG DBU MAR 'JUG PA SNGON DU 'GRO BA NI, SROG DBU MAR ZHUGS PA NA 'CHI BA'I RIM PA DANG RJES SU MTHUN PA'I RLUNG THIM PAR 'GYUR BA 'BYUNG BA YIN LA, DE BYUNG NA 'PHO BAS RNAM SHES LUS LAS 'DON PA'I RIM PA RNAMS 'GRUB PAR SLA BA'I CHED YIN TE, GRONG 'JUG LA SBYANG BA 'DI RNAMS SNGON DU GTONG BA'I RGYU MTSAN YANG DES SHES PAR BYA'O, ,BHA BA BHA DRAS GTUM MO BSGOMS NAS LUS SBYONG BA SNGON DU GTONG DGO PAR BSHAD PA YANG, GTUM MO 'BYONGS NA BYANG SEMS DKAR DMAR GNYIS LUS KYI GNAS RNAMS LAS BSKYED PA BDE BLAG TU NUS LA, DE LTAR NUS NA SEMS RTEN DU GYUR PA'I THIG LE DKAR DMAR YANG BSKYOD PAR NUS PA LA DGONGS PAR MNGON TE, GNAD 'DI RNAMS 'PHO BA LA DGOS PAR SHES PA SHIN TU GAL CHE BAR SNANG NGO, ,DES NA 'PHO BA'I SNGON DU LUS DANG, LUS KYI MTHA' SPYOD LUGS RNAMS NI RDZOGS RIM GYI YANG GNAD DAM PAR SNANG BAS, 'DI RNAM SHES LUS
, ,LAS 'DON PA'I 'PHO BA TZAM GYI DBANG DU BYAS PA MIN PAR SHES PAR BYA'O, ,BZHI PA NI, 'BROG 'GYUR LAS, GO 'PHANG GNAS KYI GO 'PHANG STE, ZHES PA LA, MAN SNYE 'GYUR GSAR LAS, GO 'PHANG GNAS KYI GZHI LA CI, ZHES 'BYUNG BA LEGS LA, GO 'PHANG NI 'PHO BA'I 'BRAS BU RTEN KHYAD PAR CAN NO, ,DE'I GNAS NI 'PHO BA'I RNAL 'BYOR RO, ,DE LA GOMS PAS GNAS NAS GZHI LAS TE, RNAM SHES 'DON PA'I RTEN DMIGS PA LA, GONG DU BSKYOD PA'I SA BON CI LA SBYAR ZHES DRIS LA, DE'I SHUGS KYIS 'OG GI GNAS SU SA BON LA SBYAR BA'ANG GSUNGS SO, ,DE'I LAN DU, YI GE PHYED DANG GNYIS BUG PA'I SGO DGU'I STENG DU STE, GSER GYI SGO LA DAG PA'AM SBYAR BAR BYA'O ZHES PAS LAN BSTAN NO, ,MDZOD SPU NI SMIN DBUS SO, ,DER SKRA DKAR NYAMS PAR BYED PA NYE BAR MTSON PA'I SA BON HAm DANG H'Um DGOD LA, SA BON DE GNYIS KYIS SKRA DKAR NYAMS PAR BYA'O, ,DRAG PO NI 'CHI BA'I RGYU'O ZHES PAS, 'TSO BA 'DZIN PA RNAMS KYI SGRA SKAD DE, DE'I STENG DU GSANG CHEN POR, NANG GI BRJOD PAS BSKUL BAR BYA, ZHES SBREL LO, ,DE YI GE CI YI GDANGS YIN CE NA, AA KA TZA tA TA BA YA SHA STE SDE PA BRGYAD RNAMS KYI MTHA' NI HA YIG STE, DE SA BON AI YIG GIS KHYAD PAR DU BYAS NA NI, DRAG PO YI GE PHYED KYIS SBYAR BA'O, ,YI GE PHYED DANG GNYIS NI SBYANG, ZHES PA LA MAN SNYE 'GYUR GSAR LAS, SA BON YI GE PHYED KYIS SBYAR, ZHES 'BYUNG NGO, ,YI GE PHYED PA DE GANG ZHE NA, SDE PA
BRGYAD PO RNAMS KYI SNGA MA DBYANGS KYI SDE PA GANG GI DANG PO YIN PA DE NI, SDE PA SNGA MA DANG PO CAN TE GA SDE'O, ,DE YI SNGA MAG YIS BOD NO, ,'BROG 'GYUR LAS, 'JIGS DANG 'JIGS PA'I SDE TSAN GYI, ,DANG PO LA SOGS DANG PA NI, ZHES PA 'GYUR MI LAGS PAS, MAN SNYE'I 'GYUR LAS SDE PA SNGA MA DANG PO ZHES PA 'GYUR LEGS TE, MDOR BSDU NA, HI YI GE GANG PO DANG, KA DBYANGS MED YI GE BYED PAR BYAS PA'I HI KA GO , ,MAN SNYE LAS, SGRA YI SGRAS ZHES 'BYUNG BA'I SGRA NI, 'OG GI GSANG GNAS KYI RLUNG NGO, ,SGRAS ZHES PA NI RLUNG DES SBAR BA'I GTUM MO'I SGRA YIS SO, ,RLUNG GI SA BON NI YUm STE, 'OG MA LAS ZHES PA NI, YI GE DE RLUNG GI DKYIL 'KHOR GYI 'OG GI MTHAR 'GOD CING, STENG GI MTHAR YANG RLUNG GIS BON DE DGOD LA, 'DI THAMS CAD RLUNG GI DKYIL 'KHOR LA GNAS PAR SEMS KYIS BSGOMS PAS, NANG GI GAL TE GNAS NI NYI SHU RTZA BZHI RNAMS NAS BSKYOD PA'I RLUNG BKUG NAS, DE NAS GSANG BA'I 'KHOR LO LAS STENG DU LTE BA DANG SNYING GA DANG, DE LAS STENG DU MGRIN PA DANG, SMIN DBUS KYI MTSAMS DANG, DE LAS GONG DU 'PHO BA'I DUS SU BSKUL BAR BYA BA NI MCHOG GO ,RNAL 'BYOR PA YIS GAL TE SLAR YANG 'CHI BA BCOM NAS SKRA DKAR LA SOGS PA NYAMS PAR 'DOD BDE'I TSE, 'PHO BA'I THABS BSGOM PA POR NAS GZHAN RNAMS BSGOM ZHING, STENG GI YI GE SKRA DKAR NYAMS BYED KYI SA BON HAm DANG, H'Um NAG POR BSGOMS LA BZA' BAR BYA BA STE, 'OD ZER NAG PO RNAMS KYIS, BDUD RTZI'I CHAR PAS KHYAB PAR
, ,BYAS NAS MGO BO DANG, GZHAN DU YANG SKRA DKAR DANG SPU DKAR PO BSAL BAR BYA'O, ,'DI YANG NYE BAR MTSON PA STE, GDAMS NGAG JI LTA BAR BSGOM PA'I DBYE BA LAS, GNYER MA DANG NAD DANG 'CHI BA NYAMS PAR BYED PA SOGS LA'ANG BYA'O, ,'DIR NUS PA MED PA YANG MCHOG TU BSKUL BAR BYA'O, ,ZHES GSUNGS SO, ,DE'I TSE NI BUG GU STE SGO DGU'I STENG MA MCHOG STE SPYI GTZUG GSER GYI SGO PHYE NAS 'PHRAL DU YID NYID 'PHO BAR BYED DO, ,LNGA PA NI, GAL TE SGO MCHOG NAS 'PHO BA DE SDIG PA CAN GYI GANG ZAG GIS BYED PAR MI NUS SAM SNYAM NA, DE LA YANG SGO MCHOG NAS 'PHO BA YOD PAR STON PA NI, NYIN BZHIN ZHES PA LA SOGS SO, ,SAm PU tA'I 'GYUR GNYIS DANG RDO RJE MKHA' 'GRO DANG GDAN BZHI LAS, NYIN ZHING DANG NYIN RE ZHES 'BYUNG LA, MAN SNYE LTAR NA, LHA DANG BRAM ZE GSOD PA DANG, ZHES 'BYUNG NGO, ,DE LA LHA'I SKU GZUGS LA SOGS 'JIG PA'AM, NYIN RE ZHING BRAM ZE STE SDIG PA DANG BRAL BA'I MI RNAMS GSOD PA DANG, PHA MA DANG DGRA BCOM PA GSOD PA DANG, DGE 'DUN GYI 'KHOR LO'I DBYEN BYED PA DANG, DE BZHIN GSHEGS PA LA NGAN SEMS KYIS KHRAG 'BYIN PA STE, MTSAMS MED PA LNGA NI BYED PA DANG, CHOM RKUN LA LONGS SPYOD PA, ZHES PA LA, RDO RJE MKHA' 'GRO LAS, RKU 'PHROG 'DOD LA SPYOD PA'ANG, ZHES 'BYUNG BA LEGS PAS, MA BYIN PAR LEN PA DANG, 'DOD PAS LOG PAR GA-YEM PA YANG, GSER GYI SGO NAS 'PHO BA'I LAM 'DIS GROL
BAR 'GYUR RO, ,GROL BA'I DON NI 'PHO BA'I LAM GYIS SNGON BAG MED PA BYAS PA'I SDIG PAS GOS PAR MI 'GYUR BA STE, DE'I DBANG GIS NGAN SONG DU MI 'GRO'O, ,MANG POS CI BYA STE, SRID PA 'KHOR BA'I SKYON NYON MONGS LA SOGS PA DANG, NAD DANG RGA BA LA SOGS PA LAS RING DU 'GYUR TE, 'PHO BA'I MTHUS BDE 'GROR SKYES PA NA, BYANG CHUB SEMS DPA' LA SOGS PA DANG MJAL BAS SKYON DE RNAMS RTZAD NAS 'BYIN PA'I THABS SGRUB PA'I PHYIR RO, DPER NA 'DAM LAS SKYES PA'I PADMA GZI BRJID DRI MA MED PA DANG LDAN PA DE BZHIN DU, 'DAM SOGS ZHES PA'I SOGS KYI SKAD DOD, MAN SNYER DANG PO'I DON DU BSHAD PA LEGS PAS, 'DAM LTA BU'I SDIG PA RNAMS KYIS DANG POR LUS LA GOS PA YIN YANG, 'PHO BA BYAS PAS SRID PA BAR DO LA SOGS PA RNAMS SU YE SHES TE, YID KYI RANG BZHIN GYI SKU STE LUS KYIS RANG 'DOD PA'I GNAS SU SPYOD PAR 'GYUR RO, ,DE LTAR DU RGYUD MANG PO LAS GSUNGS PAS SHIN TU DON CHE BA'I PHYIR TSUL 'DI LA 'BAD PAR BYA DGOS SO, ,DRUG PA NI, 'PHO BA'ANG 'CHI BA'I BUS THOB PA STE, DUS LA BAB NA 'PHO BYA STE, DUS MA YIN PAR 'PHO BA BYAS NA, LHA GSOD PA'I SDIG PAR 'GYUR TE, DE'ANG PHUNG PO SANGS RGYAS LNGA BDAG NYID, ,DE LA SMOD PA BRGYAD PA YIN, ,ZHES PA'I NYES PA 'BYUNG BAS, YON TAN MI SKYE BAR MA ZAD SKYON BSKYED PAS 'PHO BAR MI BYA'O, DUS SU 'PHO BAR BYA'I DUS MA YIN PAR 'PHOS NA, NYES PA BSKYED PA DE'I PHYIR, LUS KYI STE LUS LA 'CHI BA'I MTSAN MA STE RTAGS BYUNG BA SHES NAS BLO STE RNAM DPYOD DANG LDAN PAS 'PHO BA'I
, ,RNAL 'BYOR BRTZAM PAR BYA STE, GDAN BZHI LAS, DE BAS LUS LA RTAGS BYUNG NA, ,BLO DANG LDAN PAS SBYOR BA BRTZAM, ,ZHES GSUNGS SO, RDO RJE MKHA' 'GRO DANG SDOM 'BYUNG LAS KYANG, LHA RNAMS GSOD PA TZAM GYIS NI; ;DMYAL BAR NGES PAR BSREG PAR 'GYUR, ,DE BAS 'CHI BA'I MTSAN MA NI, ,MKHAS PAS 'BAD DE SHES PAR BYA, ZHES 'PHO BA'I NUS PA THOB KYANG, DUS MA YIN PAR 'PHOS NA DMYAL BAR LTUNG BAR BSHAD PA'I NYES DMIGS SHIN TU CHE BAS 'PHO BA'I DUS GANG YIN PA SHES PA SHIN TU GAL CHE BAR SNANG NGO, ,DE LA 'PHO BA'I DUS NI 'DI YIN TE, ZHES RGYUD RNAMS LAS GSAL BAR MA BSHAD KYANG, DE'I PHYIR LUS KYI MTSAN SHES NAS, ZHES PA DANG, DE BAS 'CHI BA'I MTSAN MA NI, SHES PAR BYA ZHES PA RNAMS KYI DON GDAN BZHI LAS, LUS LA 'CHI LTAS KYI RTAGS BYUNG NA 'PHO BA BRTZAM ZHES GSUNGS PA LTAR SHES PAR BYA'O, DE'ANG 'CHI LTAS KYI RTAGS BYUNG BA TZAM NAS RNAM SHES LUS LAS 'DON PA'I 'PHO BA BYED PA MA YIN GYI, 'CHI RTAGS BYUNG NAS 'CHI BLU BYAS KYANG MI ZLOG PAR MTHONG BA DGOS SO, ,'O NA 'CHI BLU BYAS NAS MI ZLOG PAR MTHONG NA, DE TZAM NAS 'PHOS PAS CHOG GAM SNYAM NA DES KYANG MI CHOG STE, DPER NA SNGAR BSHAD PA LTAR GYI 'CHI RTAGS BYUNG NAS LO BRGYAD NA 'CHI BA SOGS LA 'CHI BLU BYAS KYANG ZLOG MI NUS PAR MTHONG BA TZAM NAS 'PHO BA BYAS NA, DUS MIN LHA RNAMS GSOD PAR 'GYUR, ZHES PA'I SKYON DU 'GYUR BA'I PHYIR RO, ,'O NA DE DAG LA 'PHO
BA'I DUS NAM YIN SNYAM NA, GDAN BZHI'I 'GREL PA LAS, RIMS LA SOGS PAS MA 'PHOG PAR, ZHES BYA BA NI, RIMS LA SOGS PAS PHOG PA NA, GONG DU 'PHO BA'I SBYOR BA MI NUS PA'I PHYIR DANG, 'JIG RTEN PAS BRNYAS PA'I PHYIR DUS ZAD PA LAS, ZLA BA DRUG GI GONG ROL TU STON NO, ,ZHES 'DI TZAM NA 'CHI'O ZHES PA'I DUS ZAD PA LAS, ZLA BA DRUG GI GONG DU 'PHO BAR GSUNGS TE, 'CHI LTAS BYUNG NAS LO GCIG NAS 'CHI BA YAN CHAD KYI DBANG DU BYA'O, ,SNGAR BSHAD PA LTAR RIMS LA SOGS PA'I NAD KYIS MA GDUNGS PA'I GONG DU 'PHO BA BYA, ZHES PA'I DGONGS PA 'PHO BA'I RNAL 'BYOR GYI NUS PA THOB PA RNAMS KYANG NAD KYIS MNAR BA NA GONG DU 'PHO MI NUS PA DANG, 'PHO MI NUS PA NA 'JIG RTEN PAS KYANG BRNYAS SHING, MI SNYAN PA SGROG PA'I PHYIR NA NAD KYIS MA PHOG PA'I GONG DU 'PHO BA BYA ZHES BSTAN PA LTAR YIN PAS, 'CHI BA'I NAD KYIS THEBS PA'I DUS SU 'PHO BA BYED PA NI RGYUD RNAMS KYI DON DU MI SNANG NGO, ,'CHI LTAS BYUNG NAS 'DI TZAM NA 'CHI ZHES PA'I NGES PA MA THOB PA RNAMS LA, 'CHI BLU BYAS KYANG MI ZLOG PA'I MTSAN MA MTHONG NA, JI LTAR BRTAGS PAS JI LTAR 'OS PA ZHIG GI MTSAMS SU 'PHO BA BYAS NA, DUS MA YIN PAR 'PHOS PA'I NYES PA MED DAM SNYAM STE, DPER NA PAndI TA GA YA DHA RA'I RNAM PAR THAR PA BZHIN NO, ,DES NA MAN SNYE LAS DUS LA BAB PA NA 'PHO BAR GSUNGS PA'I 'BRU GNON LA, 'CHI BA'I DUS LA BAB PA NA, ,ZHES BSHAD PA'ANG 'CHI LTAS BYUNG BA LA ZLOG THABS BYAS KYANG MA ZLOG PA'I DUS LA BYA'I, 'CHI NAD KYIS THEBS PA'I DUS LA MI BZUNG NGO, ,GNYIS
, ,PA 'PHO BA'I LAM NYID BSHAD PA LA GNYIS, TSIG GI DON SO SOR BSHAD PA DANG, NYAMS SU BLANGS PA'I RIM PA BSDUS TE BSTAN PA'O, ,DANG PO LA GSUM, YE SHES MKHA' 'GRO MA SGOM PA'I GZHUNG BSHAD PA DANG, DE'I SGO RNAMS SU SA BON GYI YI GE BKOD NAS RLUNG GA-YO BA MED PAR BYA BA DANG, 'PHO BA'I DMIGS PA DNGOS BSTAN PA'O, ,DANG PO NI, STONG PA NYID DANG SNYING RJE'I BDAG NYID KYIS 'PHO BA BSGRUB PAR BYA STE, BYED PA'I KHYAD PAR LAS TE LHA'I RNAL 'BYOR KHYAD PAR PAS JI LTAR 'PHO BA'I DE NYID SGRUB PAR BYED PA RDO RJE SNYING PO NYON CIG ,SEMS KYI DNGOS PO STE RANG BZHIN GYIS NI RO GCIG PA'I MNYAM PA NYID SNGAR RAB BYED DANG POR GSUNGS PA'I KHAMS BCO BRGYAD KYI MTSAN NYID THAMS CAD LA SNGAR RAB BYED DANG POR GSUNGS PA'I STONG PA NYID KYI NI MTSAN NYID YANG DAG PA DANG LDAN PAR GZUGS SOGS THAMS CAD GZHIG PAR TE MI DMIGS PAR BYA BA NI, SNGAR GYI STE SNGON DU BSGOM PAR BYA'O, ,DE NAS RANG GI SNYING GA'I ZLA BA'I DKYIL 'KHOR GYI DBUS SU SANGS RGYAS LNGA STE, YE SHES LNGA'I BDAG NYID CAN GYI SA BON H'Um 'OD ZER DMAR PO DANG H'Um YIG 'DI NI 'OD ZER NYI MA'I 'OD ZER LTA BU 'BAR BA'I NGO BO SEMS KYI MTSAN PAR BYA BA STE BSGOMS PAR BYA LA, H'Um LA GNAS PA'I 'OD ZER GYIS YE SHES MKHA' 'GRO MA MDUN DU BKUG PAR SEMS KYIS NI BSAM ZHING, MCHOD PA DANG SKYABS SU 'GRO BA DANG SDIG PA BSHAGS PA DANG SEMS BSKYED PA LA SOGS PA BYAS NAS, SNA
TSOGS PADMA DANG ZLA BA'I DKYIL 'KHOR GYI DBUS SU YANG, SA BON H'Um DKAR PO'I GZUGS KYIS NI YE SHES MKHA' 'GRO MA'I GZUGS BSKYED NAS PADMA DANG ZLA BA'I GDAN LA BZHUGS PAR NI, YE SHES MKHA' 'GRO MAR BDAG NYID BSAM PAR BYA STE, ZHAL GSUM MA DANG PHYAG DRUG NYID DANG, ZHAL RE RE LA SPYAN GSUM GSUM DANG DBU RGYAN GYIS NI BRGYAN PA DANG, RTZA BA'I ZHAL BGRAD CING DKAR BA DANG GA-YAS ZHAL KHROS SHING NAG PA DANG, GA-YON ZHAL SGEG CING DMAR BA DANG, RIN PO CHE'I RGYAN RNAMS KUN GYIS RNAM PAR BRGYAN CING, KUNDA DANG ZLA BA'I MDOG LTAR DKAR BA, SHIN TU MDZES PA'I SNA TSOGS PA'I GOS KYIS BRGYAN CING, SKRA'I ZHAGS PA CHAS LEGS PA DANG, SANGS RGYAS SPRIN NI SPRO BA RNAMS KYIS NAM MKHA'I KHAMS 'GENGS PA, SEMS DPA'I SKYIL MO KRUNG DU GNAS PA BSAM MO, ,PHYAG GA-YAS KYI DANG POR MDA' NI DGOD PAR BYA LA, DE BZHIN DU, GNYIS PAR LCAGS KYU NYID DANG, GSUM PAR RDO RJE 'PHYAR BA'O, ,GA-YON GYI DANG POR SNYING GAR SDIG MDZUB, ZHAGS PA DANG BCAS PA NYID DANG, GNYIS PAR DPAG BSAM GYI SHING GI LCUG MA DANG, GSUM PAR GZHU YI GO CHAS KHYAB CES PA LA, 'GREL PAR STENG DU GO GON PA'I GZHU BSNAMS PA ZHES 'BYUNG BA NI, GDAN BZHI LAS STENG DU GZHU NI 'GENGS PA STE ZHES 'BYUNG BA LTAR BYA STE GA-YAS PA'I PHYAG MTSAN RNAMS NI YAS RIM DANG, GA-YON PA'I PHYAG MTSAN RNAMS NI MAS RIM NAS 'GOD PA'O, ,'OD ZER GYI 'PHRENG BA DU MA CAN DBUGS KYI RLUNG NI PHYIR GA-YO
, ,BA MED PAR BSGOM PAR BYA'O, ,GNYIS PA NI, DBUGS MI GA-YO BA NYID JI LTAR BYA ZHE NA, H'Um SUm YUm, KshUm SMRYUm HMRYUm YMRYUm KshMRYUm ZHES PA'I SA BON BRGYAD NI BRTZON PA DANG LDAN PA YIS YI GE'I GZUGS KYI RNAM PAR DGOD PA'I SGO NAS MIG LA SOGS PA'I SGOR DGOD PAR BYA'O, ,DE LA'ANG GO CHA'I DON DU PHRAG PA GNYIS LA HMRYUm DANG SNYING GAR YMRYUm DGOD LA, LHAG MA DRUG SGO DGUR DGOD DO, ,LCE'I RTZA BAR SUM DANG MGRIN PA'I BU GAR SMRYUm STE GNYIS NI KHA'I SGO ZHES SGO GCIG TU BGRANG BA LA GNYIS DGOD PA'O, ,'O NA SGO LHAG MA BRGYAD YOD PA LA YI GE TSAN PA BZHIR BYED PA JI LTAR YIN ZHE NA, H'Um LA GSUM YOD KYANG KshUm GI 'OG GI H'Um MI BRTZI BAS H'Um GNYIS DANG, YUm LA GNYIS DANG, KshAm LA GSUM DU BYED PAS SKYON MED DO, ,'DIR SMIN MTSAMS KYI H'Um GI NANG DU HAm BKOD PA MA BGRANGS 'DUG GO ,SA BON DE RNAMS KYANG A'A LI K'A LI RAB TU SBYAR BA LAS, JI LTAR RIGS PAR BTUS PA CAN TE MAN SNYE LAS SA BON LDAN ZHES PA'I DON DU BSHAD DO, ,GAL TE YANG YI GE RNAMS SNGAR KHA DOG SNA TSOGS PAR BRJOD MOD KYANG, 'DIR SA BON THAMS CAD KHA DOG DKAR PO, ,ZLA BA'I 'OD ZER LDAN PA STE 'OD ZER DKAR PO CAN RNAMS SO, ,'DIR MAN SNYE LAS 'OD ZER 'THUG PO RNAMS KYIS BAR MTSAMS MED PAR BYAS NAS NANG DU MGO BO BSTAN PA RNAMS BSAM MO, ,ZHES GSUNGS PAS, YI GE RNAMS MGO BO NANG DU BSTAN PA LA, 'OD ZER 'THUG PO RNAMS KYIS SGO SO SO'I BUG GU BAR MTSAMS
MED PAR BKAG PAR SGOM DGOS TE, PHRAG PA DANG SNYING GA'I GO CHA'I YI GE LA DE LTAR MI DGOS SO, ,DE LTAR SGO RE RE LA DMIGS PA GTAD DE BSGOMS NA DMIGS PA GSAL BA DANG, DE LA SEMS ZIN PA RNAMS KYI YUN MI RING BAR SNA SGO'I RLUNG PHYIR 'GRO BA NANG DU ZLOG PA 'ONG BAR SNANG LA, DE NI SGO GZHAN LA'ANG MTSUNGS TE SROG DH'U TIR 'DZUD PA'I THABS KYI DMIGS PA SHIN TU ZAB PA YIN PAR SNANG BAS, 'PHO BA MIN PA'I SROG DBU MAR 'DZUD PA'I THABS LA'ANG 'DI RNAMS BSGOMS NA SHIN TU LEGS PAR GO'O, ,GSUM PA NI, PADMA SNYING GAR GNAS PA'I RTZA 'KHOR LA BYA STE, MAN SNYE 'GYUR GSAR LAS, SNYING GAR PADMA CHU SHING GI , ZHES 'BYUNG BA LTAR RO, ,CHU SHING ME TOG GAm, ZHES PA NI RGYUD 'DI'I RAB BYED NYER GSUM PAR, RTZA DBU MA 'CHAD PA'I SKABS SU, CHU SHING GI NI ME TOG LTAR, BRKYANG ZHING KHA NI 'OG TU'O, ,ZHES CHU SHING GI ME TOG KHA CUNG ZAD BYE BA DANG, KHA THUR DU BSTAN PA BZHIN DU SNYING GA'I RTZA 'KHOR GYI DBUS KYI DBU MA YANG KHA 'THUR DU BSTAN PA DANG KHA CUNG ZAD DBYE BAR BSHAD LA, SNYING KHA'I RTZA 'KHOR YANG KHA THUR BSTAN NO, ,SNYING GA'I DBU MA'I DBUS SU SGO NGA SKYES TE H'Um YIG GZHAG PAR BYA'O, ,DE YI DBUS SU STE SNYING GA'I PADMA'I DBUS SU RNAM SHES KYI BZHON PAR GYUR BA'I SROG 'DZIN GYI ZLUNG MTSON PA'I RLUNG GI DKYIL 'KHOR 'GOD, DE'I STENG DU YE SHES TE RLUNG GI BZHON PA CAN GYI RNAM SHES MTSON BYED H'Um YIG DGOD, ,RNAM PAR SHES PA LHAN CIG BAS ZHES PA'I DON NI, H'Um GI STENG DU YUm DANG, H'Um GI 'OG TU YUm DANG, YUm SNGA MA'I DBUS SU HI DANG
, ,GNYIS PA'I STENG DU KA DGOD PA YIN NO, ,SDOM 'BYUNG LAS, SNYING GAR YI GE H'Um SBYAR TE, ,YI GE PHYAD DANG GNYIS PO NI, ,'OG DANG STENG DU GZHAG PAR BYA, ,DE'I 'OG GI CHAR RLUNG GI ,SA BON 'OG TU BLTAS PA'O, ,RLUNG GI SA BON GNYIS BYA STE, ,RNAL 'BYOR LDAN PAS KHA SBYOR BYA, ZHES GSUNGS SO, ,YUm HI KA LA SOGS PA RNAMS SNGON PO DANG H'Um YIG LA SOGS PA RNAMS 'OG TU MGO BSTAN PAR SGOM MO, ,'BYUNG BAS NA DNGOS PO STE KHAMS BCO BRGYAD KYI NGO BO RANG BZHIN MED PA'I STONG PA NYID DANG SNYING RJE ZUNG DU 'BREL BA 'DI THAMS CAD BSGOM PAR BYA ZHES PA'I DON TO, ,GA-YO BA MED CING 'TSO BA MED, ,CES PA LA, GANG NA BZHIR, 'JIGS PA MED CING 'TSE MED PAR, ,ZHES 'BYUNG STE SGOM PA'I GNAS BSTAN NO, ,DE NAS PHYI ROL TE RANG LAS GZHAN PA'I RNAM SHES 'PHROG PA'I RNAL 'BYOR RNAMS LA RNAM PAR MKHAS PAS BZUNG BAR BYA BA STE BSAM PAR BYA'O, ,'DI 'OG GI TSAR BCAD DANG RJES 'DZIN GYI SKABS DANG 'BREL BA YIN NO, ,LUS KYI STENG DANG 'OG GI GNAS GNYIS KYI STE GNYIS SU SEMS PAR BYED PAS NA SEMS TE, STENG 'OG GI SGO NAS RGYU BA'I RLUNG RNAMS SO, ,RLUNG DE RNAMS KYI DGANG BA DANG BUM PA CAN DANG ZHI BYED RNAMS KYIS SDUD PAS, LTE BA'I 'OG TU SOR BZHI DOR NAS RLUNG GI DKYIL 'KHOR BSGOM PA'I SEMS KYIS BZLAS BA BYA ZHES 'OG TU 'BREL LO, ,GSANG GNAS KYI RLUNG DE'I STENG DU DBUS SU MED NYID DE ME'I DKYIL 'KHOR RO, ,GSANG GNAS DE'I STENG DU STE BA LA NYI MA STE RDUL LO, ,DER A'A LI'I GTZO BO SA BON AI STE
N'A DA'I NGO BO'O, ,K'A LIR LDAN BA'I SA BON H'Um STE SNGAR SNYING GAR BKOD PA'O, ,DE NYID DE DE KHO NAR NI AAm GI SA BON DE KHA DOG DMAR BOR BYA'O, ,DE KHO NA DMAR PO ZHES PA'I KHO NAS GANG LAS KHYAD PAR BYED CE NA, H'Um YIG LAS KHYAD PAR DU BYAD PAS Am YIG KHO NA DMAR POR BYA ZHES PA'O, ,KHA CIG RGYUD NAS DE LTAR GSUNGS PA LAS ZLOG NAS H'Um DMAR MO ZHES PA'I 'PHO BA BYED PAR SNANG NGO, ,'DIR RNAL 'BYOR PAS KHYAD PAR DU BYA BA NI, 'BYUNG DANG RNGUB PA ZHES PA THAMS CAD MAN NGAG SNYA MAR, KHYOGS DANG 'KHYER BYED CES PA'I DON DU BSHAD DO, ,DE LA SEMS KYI RGYAL PO BZHON PA'I PHYIR KHYOGS DANG 'DRA BAS KHYOGS TE, STENG DU RJES SU 'GRO BA'I RLUNG DO, ,'KHOR BAR BYED DO ZHES PAS KHYER BA KHO NA 'KHYER BYED DE RLUNG NANG DU 'JUG PA'I TSE 'OG TU 'JUG PA'O, ,DE DAG GIS BZLAS PA BYA BA STE GOMS PAR BYA'O, ,SNYING GA'I DBUS SU GNAS PA'I YE SHES TE, SEMS MTSON BYED KYI SA BON NI H'Um DANG DE GANG GI DBUS SU BZHAG PA SNGAR BSHAD PA'I RLUNG DKYIL YUm LA SOGS PA'I YI GE DANG BCAS PA 'BYUNG BA YIS NI STE RLUNG PHYIR 'BYUNG BA'I TSE BSNUN BYA ZHING STE SPYI BO JI SRID PAR LUS KYI STOD DU 'DREN NO, ,DE'I RJES SU RLUNG NANG DU RDUBS PAS SAm, KHYER BYED KYIS SNYING GA'I YE SHES TE H'Um YIG 'KHOR DANG BCAS PA NI BSNUN PAR BYA BA STE SNYING GA JI SRID PAR TSUR 'DREN NO, ,DE LTAR KA SHI'I ME TOG BZHIN 'DREN PA DANG, TSUR 'DREN PA NI RNAM PAR SHES PA KHYER BAR BYED DO, ,SNYING GA'I 'KHOR LO KHA THUR BLTA YIN ZHING, STENG DU BSNUN PA'I TSE RTZA 'KHOR PHYI NANG LOG NAS STENG DU PHYOGS PA DANG, SNYING GAR KHYER BYED KYIS
, ,KHYER BA'I TSE 'KHOR LO DANG RTZA 'KHOR LA SOGS PA THAMS CAD KHA 'OG TU PHYOGS TE DANG POR GNAS PA BZHIN GNAS PAR BSAM MO, ,RNAM SHES LUS LAS 'DON PA'I DMIGS PA'I BYED TSUL 'DIR BSHAD PA LTAR NA 'CHI BA'I TSE, SNYING GA'I RTZA 'KHOR KHA GYEN DU LDOG PA 'DRA'O, ,'BYUNG DANG 'BYUNG MIN NAS RDUB PA'I ZHES PA'I BAR GYI DON, ,KHYOGS KYI STE STENG DU 'GRO BA'I RLUNG GIS KHYOGS ZHES PA, SNYING GA'I H'Um YIG 'KHOR BCAS GYEN DU SKYOD PAR BYED PA'O, ,KHYOGS KYI RJES THOGS SU KHYER BYED KYANG, BZLAS PAS SROG RLUNG DBANG DU BYAS NAS, RNAL 'BYOR BAS BDAG NYID KYI LUS LAS PHYI ROL TU YANG GOMS PAR BYA'O, ,PHYI ROL TU GOMS PAR BYED TSUL JI LTA BU ZHEN, 'DEGS PA NI KHYOd TE SNYING GNAS PHYI ROL TU 'DREN PA'O, , DES RLUNG LA SOGS PA MTSON PAR BYA BAS NA MTSAN NYID DE KHYER BA NI 'KHYER BYED DE SNYING GA JI SRID BAR 'JUG PA'O, ,DE NYID MTSAN NYID DE BLOS MTSON PAR BYA'O, ,BSAM PAR DE LTAR MNYAM PAR BZHAG PA STE RNAM GA-YANG MED PAR JI LTAR 'GYUR BA DE LTAR YANG DANG YANG DU GOMS PAS, 'BYUNG BA STE KHYOGS DANG RNGUB PA STE KHYER BYED KYI RNAL 'BYOR GYI TING NGE 'DZIN LAS MNYAM PA NYID DE RO GCIG PA NYID RANG GI NGANG GIS 'BYUNG BA NYID DE 'GRUB PAR 'GYUR RO, ,RLUNG DANG RNAM SHES KYI DE KHO NA NYID RO MNYAM NYID DANG DE LTAR BSGOMS PA DE RANG GI RANG GIS 'BYUNG BA 'GRUB PAR 'GYUR BA 'DI LA THE TSOM MED DO, ,MDOR NA STENG DU 'GRO BA'I RLUNG GIS RAB TU SBAR BA'I LTO BA'I Am YIG GI ME GYEN DU SONG BAS BSNUN PA'I MTHUS, RLUNG PHYIR 'BYUNG BA'I TSE
SNYING GA'I RTZA 'KHOR PHYI NANG LOG NAS H'Um YIG 'KHOR BCAS SPYI BO RU YAR LA 'DREN PA DANG, RLUNG NANG DU 'JUG PA'I TSE H'Um YIG 'KHOR BCAS SNYING GAR PHAB NAS MGO THUR DU BLTA BA, RLUNG 'BYUNG 'JUG GNYIS LA YANG DANG YANG DU GOMS PAR BYAS PAS, RANG GI NGANG GIS 'JUG PAR 'GYUR BA 'GRUB 'GRUB KYI BAR DU BYED PA'O, ,GNYIS PA NI, SNGAR BSHAD PA DE DAG GI DON NYAMS SU LEN PA'I RIM PAR BSDUS TE BSTAN NA, YE SHES MKHA' 'GRO MA LHA BCU GSUM GYI DKYIL 'KHOR RAM, BDED GYOS LA SOGS BA'I DKYIL 'KHOR DU DBANG BSKUR BA LEGS PAR THOB CING, DAM TSIG DANG SDOM PA TSUL BZHIN BSRUNG BA'I GANG ZAG GIS, SNGAR BSHAD PA BZHIN DU STONG PA NYID SGOM PA DANG, SBYOR BA TSOGS BSAGS NAS BRTZAMS TE, YE SHES MKHA' 'GRO MAR BSKYED PA SOGS KYI BAR DU BYAS LA, YE SHES MKHA' 'GRO MA'I SKU LA DMIGS PA GSAL BA DANG, SEMS GNAS PA BYUNG BYUNG GI BAR DU BSLAB PO, ,DE NAS SPYI GTZUG GI SGOR KshUm DGOD LA DE'I 'OD ZER GYIS, SPYI GTZUG GI SGO BAR MTSAMS MED PAR DGAG ,KshUm GI 'OG TU H'Um YIG DGOD, SMIN MTSAMS KYI BU GAR H'Um YIG BKOD NAS SGOR 'GOG PA SNGAR BZHIN BYA, H'Um BKOD PA DE'I NANG DU HAm DGOD, ,LCE'I RTZA BAR SUm DANG DE'I THAD KA'I MGRIN PA'I BUG PAR SMRYUm DGOD, MIG GNYIS LA H'Um DANG, RNA BA'I BUG PA GNYIS DANG, SNA BUG GNYIS LA YUm DANG, LTE BA'I SGO DANG DRI CHU'I SGO DANG DRI CHEN GYI SGO GSUM GAR KshRYUm ? RE DGOD, YI GE RNAMS NYAL STABS SU GNAS SHING MGO NANG DU BSTAN PA, KHA DOG DKAR PO, ,DE DAG GI 'OD ZER DKAR PO MTHUG PO RNAMS KYIS SGO SO SO RNAMS BAR MTSAMS MED
, ,BAR BKAG PAR BSGOMS TE, DE YANG SGO SO SO'I SGO RE RE'I YI GE 'OD ZER DANG BCAS PA LA RIM PA BZHIN DU GSAL SNANG DANG DE LA SEMS GNAS PA GNYIS BSGRUBS LA RLUNG NANG DU LDOG PA'I RTAGS BYUNG BYUNG GI BAR DU BSGOM MO, ,PHRAG PA GNYIS LA, HMRYUm RE DANG SNYING GAR YMRYUm GI GO CHA DGOD DO, ,DE'I RJES SU SNYING GAR KHA THUR DU BLTAS PA'I RTZA 'KHOR GYI DBUS SU, THUR DU PHYOGS PA'I SROG GI RLUNG GI DKYIL 'KHOR DANG DE'I DBUS SU RNAM SHES KYI NGO BO H'Um DE'I STENG GI MTHAR YUm YUm GYI DBUS SU HI,, H'Um YIG GI 'OG TU MTHAR YUm YUm GYI STENG DU KA YIG STE, YI GE LNGA PO THAMS CAD KHA DOG SNGON PO MGO BO THUR DU BSTAN PA'O, ,DE RNAMS KYI GOMS PA SNGON DU BTANG NAS KHYAD PAR DU BUM PA CAN BSGOM PA NI, SKYIL KRUNG BCAS NAS LUS DRANG POR BYAS SHING MIG SNA RTZER GTAD LA, SNGAR BSHAD PA'I LTE BAR BKOD PA'I Am YIG DMAR PO'I 'OD ZER GYI LCAGS KYUS LUS THAMS CAD LA SONG BA'I KHYAB BYED KYI RLUNG BKUG STE, LTE BA'I NANG DGANG BAR BYA'O, ,DGANG BA'I RLUNG SBYOR GYIS DUG DANG GDUNG BA DANG RIMS LA SOGS PA ZHI BAR BYED PA'I 'BRAS BU MTHONG BAS NI, LTE BA KHO NAR RLUNG DANG SEMS RAB TU ZHUGS PA BUM PAR CHU MI 'BO BAR GNAS PA LTA BU'I BUM PA CAN BYA'O, ,DES NI SGO DGU PO RNAMS KYI RLUNG RENGS PAR 'GYUR RO, ,DE YANG THOG MAR ZUG MI BSKYED TZAM GYI BAR DU RLUNG BKAG STE BSGOMS LA, RTZOL BAS RLUNG BKAG PAR RKYANG BA MIN PAR RLUNG RANG SHUGS KYIS GNAS PA'I 'GO RTZOM PA NAS RLUNG NANG DU 'DZIN PA YUN RING DU BYA, GTONG BA'I TSE KHA NAS MI GTONG BAR, SNA BUG NAS DAL BUS
GTONG, DE'I RJES SU DAL BUS LUS THAMS CAD LA SONG BA'I RLUNG GSANG GNAS KYI 'KHOR LO'I LTE BA KHO NAR RIL BO GCIG TU BYAS PA 'BYUNG BA DANG 'JUG PA DANG BRAL BA'I BUM PA CAN BSGOMS PAR BYA'O, ,ZHES PA RAB TU ZHI BA'I MTHAR THUG PAS RLUNG DBANG DU BYA'O, ,DE LTAR BYAS PAS STENG DU 'GRO BA'I RLUNG GIS RAB TU SBAR BA'I LTE BA'I Am YIG GI ME GYEN DU SONG BAS BSNUN PA'I MTHUS, SNYING GA'I PADMA KHA GYEN DU PHYOGS PAR BYAS NAS, DER SON PA'I RLUNG GI DKYIL 'KHOR YI GE DANG BCAS PA SENG DU PHYOGS TE, HI DANG KA H'Um YIG GI STENG DANG 'OG TU GNAS PA'I HI 'OG DANG, KA STENG DU GNAS PAR GYUR BA DAG MAN DAG JI LTA BAR NANG GI BZLAS PA BYED CING, BDE BA CHEN PO'I 'KHOR LO JI SRID PAR DRANG BAR BYA'O, ,DE'I RJES SU RLUNG 'OG TU 'JUG PA'I, KHYER BYED KYIS SNGAR BZHIN DU THAMS CAD 'OG TU PHYOGS SHING KA DANG HI DAG KYANG, RANG GI GNAS SU SLAR DRANG BAR BYA'O, ,DE LTAR YUD TZAM SO SO LA DE LTA KHO NAR 'DREN PA DANG SLAR 'DREN PA DAG GIS RNAM SHES KYI BZHON PA SROG RLUNG DBANG DU BYAS TE, STENG DU DBYUNG BA DE KHO NAS STENG GI SGO PHYE NAS 'PHO BAR RUNG BA NYID KYI CHED DU PHYI ROL TU YANG DE LTA KHO NAR DE DAG GI DBANG DU BYA'O, ,ZHES DANG, 'CHI BA NI JI LTAR BSHAD PA'I GTUM MO'I RNAL 'BYOR GOMS PA RAB TU GYUR BA KHO NA LAS NGES PAR BLU BAR BYED CING, GNYER MA LA SOGS PA SPANGS TE, DE KHO NA LAS RLUNG DBANG DU GYUR PA LA SOGS PA, YON TAN RIN PO CHE'I PHUNG PO BSKYED PA'I PHYIR ZHES MAN SNYE LAS BSHAD DO, ,DE LTAR DBUGS 'BYUNG RDUB GNYIS DANG MNYAM POR SROG GI RLUNG YI GE DANG BCAS PA SPYI BO'I BAR
, ,DU 'DREN PA DANG, SLAR YANG SNYING GAR 'BEBS PA LA RANG GI NGANG GIS 'JUG THUB THUB KYI BAR DU GOMS PAR BYED PA NI, RNAM SHES KYI GZHON PA'I SROG RLUNG LA DBANG BYED PA'I CHED DU SNANG LA, MTSAMS DE NAS SPYI GTZUG GI PHYI ROL TU'ANG 'BYUNG 'JUG GI DMIGS PA SNGAR BZHIN BYA STE, SROG GI RLUNG DBANG DU BYED PAR SNANG STE, DE NYID NI RNAM SHES KYI GZHON PA'I RLUNG GI GTZO BO YIN PA'I PHYIR, SDOM 'BYUNG LAS, RNAM SHES BZHON PA RLUNG YIN TE, ,GANG DANG GANG DU BGROD PA YI, ,RLUNG GI SGOR NI BSAM BYAS NA, ,GROL BA'I DNGOS GRUB STER BYED PA'I, ,ZHES SROG GI RLUNG GI DBANG DU BYAS NAS GSUNGS SO, LUGS 'DI LA SBYONG BA'I DUS SU DANG POR SPYI GTZUG TU 'PHUL BA KHO NA BYAS PA'I MTHAR LUS KYI NANG DU 'BEBS PA MA YIN GYI DANG PO NAS YAR 'PHUL DANG MAR 'BEBS GNYIS RE MOS SU BYED PAS, SNGAR BSHAD PA LTAR BZLAS PA GNYIS KYI DMIGS PA RANG GI NGANG GIS 'JUG THUB KYI BAR LA MTSAMS BYAS PAR SNANG GI ,SPYI GTZUG NA BA LA SOGS PA'I BAR LA BZUNG BAR MI SNANG BO, ,SNGAR YI GE PHYED DANG GNYIS SKAD GSANG MTHON POS BRJOD NAS GYEN DU SKYOD PAR BYED PA SKABS 'DIR MAN SNYE LAS MA GSUNGS PA NI, SBYONG BA'I DUS SU DE MI DGOS PAS, LAS SBYOR GYI DUS SU BYED PAR GSAL LA, ,HI KA'I GRANGS KYANG SDOM 'BYUNG LAS, NYI SHU RTZA GCIG RIM PA YIS, ,YI GE PHYED DANG GNYIS SNGAR BRJOD, CES GSUNGS PA LTAR RO, ,GSUM PA ZHAR LA GRONG 'JUG DANG TSAR
BCAD RJES 'DZIN BSTAN PA NI, SNGAR BSHAD PA LTAR YE SHES MKHA' 'GRO MA BSGOM PA DANG, YI GE BKOD NAS DBANG PO'I SGO RINGS PAR BYED PA DANG, BUM PA CAN SGOM PA SNGON DU BTANG STE KHYOGS DANG KHYER BYED KYI BZLAS PA RANG GI NGANG GIS 'JUG THUB PA DE NAS, SGRUB PA PO RANG GIS LUS LAS RNAM PAR SHES PA BTON NAS, PHYI ROL TU RNAM PAR SHES PA SRID PA BAR DO LA SOGS PAR SPRUL PA DANG, PHA ROL GYI LUS KYI GRONG DU SPRUL PA STE, 'JUG PAR 'GYUR BA DANG, GZHAN GYI SEMS LUS LAS PHRAL NAS, RANG GI LUS LA BCUG STE GSANG GNAS KYI ME LA BZUNG BA'I RJES SU, GZHAN GYI SEMS GZHAN GYI SNYING GAR BCUG NAS RJES SU SEMS PA LA RNAM PAR MKHAS PAR SHES PAR BYA'O, ,DE LTAR TSAR BCAD DANG RJES BZUNG NUS PA 'DI NI, BDAG NYID CHEN PO ZHES GZHAN LA RTOGS SU GZHUG PAR BYA'O, ,RTOGS NA PHA ROL BSTAN PA LA SOGS PA LA GNOD PA BYED PA SPANGS NAS PHAN PA BYED PA LTA BUR BYED PAR 'GYUR RO, ,TSAR BCAD DANG RJES 'DZIN BYED PA'I TSUL NI, GTUM MO'I SA BON GYI THIG LE LAS BYUNG BA'I 'OD ZER DANG BCAS PA 'BAR BAS, RANG GI RNAM SHES KYI NGO BO H'Um YIG A'A LI K'A LI'I PHRENG BA DANG LHAN CIG ,SNA GA-YAS NAS BYUNG STE BSGRUB BYA'I SNA BUG GA-YON NAS ZHUGS NAS, SNYING GA'I CHU SKYES SU SONG BA'I 'BAR BA'I RIN PO CHE'I RNAM PA CAN GYI RNAM SHES LA KHYAB PAR BYAS TE, RNAM SHES DE DRANGS NAS BSGRUB BYA'I SNA GA-YAS NAS BYUNG ZHING, RANG GI SNA BUG GA-YON PA NAS ZHUGS GSANG GNAS KYI MER BCUG LA BSREG CING TSAR BCAD DO, ,DE'I RJES SU BSGRUB BYA GNOD PA BYED PA LA SOGS
, ,PA'I BSAM PA LOG PA DE, ME DANG BRAL BA'I GSANG GNAS KYI RLUNG LA BZHAG PA LA BDUD RTZI'I RGYUN DKAR PO RNAMS KYIS DBANG BSKUR BA LAS, NAD LA SOGS PA RAB TU ZHI ZHING, SER PO RNAMS KYI YON TAN GYI TSOGS RGYAS LA, DMAR PO RNAMS KYIS DBANG DU BYAS PA DE KHO NA LTAR STON TO, ,BCUG NAS SNYING GA'I CHU SKYES SU GNAS SU BCUG PAS RJES SU 'DZIN TO, ,A'A LI K'A LI'I PHRENG BA DANG LDAN PA'I RNAM SHES 'DON 'JUG GI DMIGS PA 'DIR MI GSAL YANG, SDOM 'BYUNG LAS, RNAM SHES DPROG PA'I SBYAR BA DANG, ,GZHAN YANG PHA ROL BGROD PA LA, A'A LI K'A LI'I MNYAM LDAN PAR, ,MKHAS PA YIS NI SBYAR BAR BYA, ZHES GSUNGS PA'I DON NO, PHA ROL BGROD PA NI, ZHAN GYI LUS KYI GRONG DU 'JUG PA YIN LA, DE YANG RANG GI SEMS KYI NGO BO H'Um YIG A'A LI K'A LI'I 'PHRENG BA DANG BCAS PA, RANG GI LUS LAS SNA BUG GA-YAS NAS THON NAS, RO'I SNA BUG GA-YON NAS ZHUGS TE, SNYING GAR GNAS PA YIN NO, ,'DI LA BOD KYI BLA MA 'GA' ZHIG GIS DMIGS PA MANG PO BSHAD KYANG RGYUD NAS 'BYUNG BA'I TSUL NI 'DI TZAM MO, ,BZHI PA NI, YE SHES MKHA' 'GRO MA SGOM PA DANG KHYOGS DANG KHYER BYED KYI BZLAS PA MNYAM PAR BZHAG PA STE, RTZE GCIG PA'I SEMS KYIS NI, LEGS PA STE GSER GYI SGO LA SOGS PA'I LAM NI BSAM PAR BYAS NA 'GRUB PAR 'GYUR BA 'DI LA THE TSOM MED CES DON BSDUS SO, ,'PHO BA'I RJES THOGS DE NAS KYANG YE SHES GZUGS TE, YID KYI RANG BZHIN GYI LUS SU GYUR NAS RANG DANG GZHAN GYI MUN PA 'JOMS PA'I PHYIR MAR ME BZHIN DU DE KHO NA NYID SNANG BA'I
SEMS KYIS YUL RNAMS KYIS SENG GE BZHIN DU DOGS PA MED PAR RNAM PAR ROL ZHING GZHAN LA PHAN PA'I LAS BYA'O, ,'DIR SENG GE RNAM ROL GYI PHYAG RGYA BYED PA'I GZHUNG ZHIG YOD PAR SNANG STE 'BROG MI DANG 'GOS 'GYUR LA CHAD DO, ,DE'I PHYIR ZHES PA 'GOS 'GYUR LA MED CING, MAN NGAG SNYE MAR YANG BSHAD PA MED DO, ,LNGA PA NI, 'O NA 'DI THAMS CAD LAGS PAR BSHAD PA KHO NA STE, 'DI 'DRA BA'I CHA SHAS KYANG LTA BA GZHAN LA YOD PA MA YIN MOD, 'ON KYANG BDE STONG GI DE KHO NA NYID LA GOMS PA DANG LDAN PA'I GANG ZAG NI, DE KHO NA LAS 'DOD PA THAMS CAD 'GRUB PA'I PHYIR NA 'PHO BA'I THABS BYAS PAS CI ZHIG BYA ZHE NA, NYAN THOS LA SOGS PA NI THEG PA 'DIR RIGS MA NGES PA'I GANG ZAG RNAMS SO, ,DE RNAMS SKYE BA GCIG LA BDE STONG GI DE KHO NA NYID LA LHAG PAR MOS PA BRTAN PA MA YIN PAS, 'DIR 'PHO BA LA SOGS PA'I DE NYID LEGS PAR BSHAD PA NI BSGRAGS PA NYID YIN NO, ,GANG DAG SHIN TU YUN RING POR BSOD NAMS BSAGS PA'I GANG ZAG RNAMS NI, THE TSOM DANG BCAS PA'I DRI MAS MA RNYOG PA NYID KYIS SHEL LTAR DAG PA'I SEMS NI BRTAN PAR BYAS NAS SNGA MA LTA BU LA PHAN PA'I CHE DU GSUNGS PA RTOGS NAS SPROS PA RNAMS DOR BAR BYA'O, ,MAR ME'I RNAM PA LTA BU 'OD GSAL BA'I SEMS KYIS KYANG SNGON DU SPROS PA THAMS CAD DMIGS NAS NI, SPROS PA NYID NI THAMS CAD RDZOGS RIMS KYIS SPROS PA MED PAR BYED DE, STONG PA NYID DANG SNYING RJE DBYER MED PA'I RNAL 'BYOR KHO NA LA DMIGS NAS NI, 'PHO BA LA SOGS PAS 'DI DAG THAMS CAD YONGS SU SPONG, DE NI RBDE STONG DBYER MED KYI LHAN SKYES KYI YE SHES LA GOMS PA
, ,SHIN TU BRTAN PO BYAR YOD PA RNAMS KYIS 'PHO BA LA SOGS PA MA BYAS KYANG, LAM DE NYID BSKYANGS PAS CHOG PAR STON PA YIN GYI GANG YANG RUNG BA MA YIN NO, ,GNYIS PA YE SHES KYI KHYAD PAR BSTAN PA NI, SNGAR LHA LA SOGS PA'I 'GRO BA RNAMS KYI RNAM SHES SGO 'DI NAS 'PHOS NA 'DIR SKYE ZHES GSUNGS PA LAS 'PHROS NAS KYE BCOM LDAN 'DAS ZHES BOS NAS, LHA LA SOGS PA'I 'GRO BA RNAMS KYI YE SHES TE RNAM SHES KYI KHYAD PAR JI LTA BU LAGS ZHES ZHUS SO, ,'BROG 'GYUR LAS, GANG GI YE SHES KHYAD PAR 'PHAGS PA LAGS ZHES 'BYUNG BA NI 'GYUR MA LEGS PAS, 'GOS 'GYUR LAS, YE SHES KYI KHYAD PAR GANG LAGS ZHES 'BYUNG BA LTAR BYA STE, MAN NGAG SNYE MAR YANG DE LTAR DU BSHAD DO, ,DRI BA DE'I LAN BCOM LDAN 'DAS KYIS BKA' STZAL PA, YE SHES NI LHA DANG LHA MA YIN DANG, YI DVAGS DANG DMYAL BA DANG BYOL SONG GI SHES PA STE RNAM PA LNGA RU GSUNGS SO, ,'GRO BA DMAN PA RNAMS KYI SPYOD YUL MA YIN PAS NA GSANG BA DANG, YUL LA SPYOD PA'I SHES PA RNAMS ME LONG BZHIN DU DVANGS SHING, PHAL CHER MI DGE BA MI SPYAD PA'I PHYIR, ME LONG YE SHES NI LHA'I YE SHES SO, ,LHA MA YIN RNAMS KYI YE SHES NI, LHA'I PHUN SUM TSOGS PA LA MI BZOD PA 'BAR BA'I KHRO BA'I SEMS SO, ,YI DVAGS KYI YE SHES NI BKRES PA LA SOGS PA'I SDUG BSNGAL GYIS 'KHRUG PAS, DMAN PA'AM ZHAN PA'I YID CAN NO, 'GOS 'GYUR LAS, YI DVAGS YE SHES ZHAN PA STE 'BYUNG BA MAN SNYE DANG MTHUN NO, ,DMYAL BA PA RNAMS KYI YE SHES SAM
SHES PA NI, GSHIN RJE'I SKYES BU RNAMS KYI LAS MI MNYAM PA'I SDUG BSNGAL GYIS DU BA DANG, 'JIGS PAS NON PA'I SEMS RNAMS SO, ,BYOL SONG STE DUD 'GRO RNAMS KYI YE SHES NI, SHIN TU BRTAN PA'I GTI MUG DANG RMONGS PA DANG LDAN PA'I SEMS SO,, DE LTAR LNGA YI DBYE BAS YE SHES LNGAR BSGRAGS SO, ,MI RNAMS KYI YE SHES NI SHIN TU DANG BA DGE BA LA GZHOL BA YIN PAS, LHA'I YE SHES LAS ZUR DU MA SMOS SO, ,'O NA SHING RNAMS NI SEMS PA CAN YIN TE, MTSAN MO NYAL BA'I PHYIR RO ZHES PHYOGS KYI GSO CAN GCER BU PA RNAMS 'DOD PA'I YE SHES KYI KHYAD PAR DE JI LTA BU YIN ZHE NA, DE 'DRA BA NI CI YANG MED DE, SHING RNAMS LA SEMS PA MED PA KHO NA'I PHYIR RO ZHES GSUNGS PA NI, RGYUN RING DU GNAS PA SHING SDONG PO LA SOGS PA BRTAN PA DANG, LA SOGS PAS BSDUS PA DUS THUNG NGUR GNAS PA GLOG LA SOGS PA NI SEMS MED PA KHO NA'O, ,NYAL BA LA SOGS PA'I SGRUB BYED NI PHYOGS GZHAN DU SHING RTA CHEN PO RNAMS KYIS SUN PHYUNG ZIN TO, ,SNGAR BSHAD PA'I RNAM PA DE LTA BU'I SHES PA CAN 'KHOR BA BA LHA LA SOGS PA 'DI RNAMS NI GLEN PA STE, MA RIGS PAS KHYAB PAS LUS KYIS NYES PAR SPYAD PA NGAN PAR SEMS PA'I PHYIR RO, ,KHEBS PA NI 'DOD CHAGS LA SOGS PAS KHYAB PAS LUS KYIS NYES PAR SPYAD PA SPYOD PA'I PHYIR RO, ,LKUGS PA NI YANG DAG PA'I DON GYI DE KHO NA NYID SMRA BAR MI NUS PA'I PHYIR RO, ,MAN SNYE 'GYUR GSAR LAS, GLEN PA KHEBS PA LKUGS PA RNAMS, ZHES 'BYUNG NGO, ,RGYU MTSAN DE RNAMS KYI PHYIR BYIS PA STE, SEMS KYIS BSAM
, ,PA NGAN PA SEMS SHING LUS KYIS BYA BA NGAN PA BYED LA, NGAG GIS SMRA BA NGAN PA SMRA BA'I NGANG TSUL CAN NI BYIS PA'O, ,ZHES GSUNGS SO, ,DE RNAMS KYI BYIS PA'I SHES PA'I SHES PA STE BSAM BCAN NI 'KHOR BA PA'O, ,GSUM PA RNAL 'BYOR GYI BSTAN BCOS KYI CHE BA BSTAN PA NI, DE 'DRA BA'I 'KHOR BA'I BAG CHAGS SPONG BAR 'DOD PAS, DE KHO NA NYID KHYAD PAR CAN BDE STONG DBYER MED PAR SBYOR BA'I YE SHES NI, SHES RAB DANG THABS DBYER MED PA GSAL BAR BYED PA'I PHYIR RNAL 'BYOR DANG, NYON MONGS PA'I SGRA 'CHOS PA DANG NGAN 'GRO'I 'JIGS PA LAS SKYOB PAS NA BSTAN BCOS TE, RGYU RGYUD DANG THABS RGYUD DANG 'BRAS BU'I RGYUD GSUM BSDUS PA RDZOGS PA SNYING PO'I DON RAB TU GSAL BAR BYED PAS NA KHYAD PAR TE, RGYUD GZHAN RNAMS LAS KHYAD PAR DU 'PHAGS PA DPAL YANG DAG PAR SBYOR BA'I RGYUD 'DI LAS RTOGS PAR BYA'O, ,RGYUD 'DI'I CHE BA'I BDAG NYID GSAL BAR BYED PA GZHAN GSUNGS PA NI, RNAL 'BYOR GYI BSTAN BCOS 'DI SKYE BA BYE BA STONG PHRAG TU SHIN TU RNYED DKA' BA STE, 'DUS BA'I LE'U BCU BDUN PA LAS BSHAD PA LTAR BCOM LDAN 'DAS MAR ME MDZAD TSUN CHAD DU SANGS RGYAS KYI ZHING 'DIR BSKAL PA SHIN TU MANG PO RNAMS LA RGYUD MA LUS PA'I SNYING PO, RGYUD SDE RIN PO CHE 'DI BDAG KHO NAS BSHAD KYI, SANGS RGYAS GZHAN RNAMS KYIS NI MA YIN NO, ,DE PHYIR NGA YIS TA BDAG GIS 'DIR BSHAD PA'I GNYIS SU MED PA'I YE SHES KYIS BSKUL BA'I RNAL 'BYOR GYI BSTAN BCOS 'DI KHO NA LA, KYE THAR PA 'DOD PA RNAMS 'BAD PAS DAD PA BSKYED PAR BYAS TE 'JUG PAR GYIS
SHIG DANG, MKHAS PA STE DE KHO NA NYID KHYAD PAR CAN SHES PA DANG LDAN PA SHIN TU BAR 'GYUR RO, ,PHYI ROL BSTAN BCOS SGRA LA SOGS, ZHES 'BYUNG BA YANG, MAN SNYER, PHYI ROL BSTAN BCOS SGRA ZHES BKOD PA LTAR LEGS PAS 'BYUNG BA LHA MO AU MA'I BDAG PO DBANG PHYUG LA SOGS PAS BSHAD PA, BLA NA MED PA'I DE KHO NA NYID LAS PHYIR PHYOGS PA PHYI ROL GYI BSTAN BCOS RGYUD LA SOGS PA'I SGRA BKOD PA RNAMS LAS, DE KHO NA NYID KHYAD PAR CAN GYI YE SHES BTZAL YANG RNYED PA MIN TE, DE RNAMS DPER NA GAR GYI GNAS KYIS GZHI LA, GSAR DU TSIG BKOD PA 'THAD PA DANG BRAL BA NYID KYIS NA, LTAD MO BA RNAMS RANGS PA TZAM GYI YID CHAGS PAR BYED PA'I PHYIR GAR MKHAN GYI TSIG DANG 'DRA'O, ,KHA DOG BZHIN ZHES PA MED PAR GAR GYI GNAS KYI GZHI DANG MTSUNGS ZHES PA'I DON DU 'GREL PAS BSHAD DO, ,DES NA SNGAR BSHAD PA'I RNAL 'BYOR GYI BSTAN BCOS KHYAD PAR CAN RJES SU BTZAL BA KHO NA LAS, 'GOS 'GYUR LAS, SPYOD DANG GROL BA'I 'BRAS BU THOB, CES 'BYUNG BA LTAR, 'DOD PA'I YON TAN GYI YUL LA YANG DAG PAR SPYOD PA DANG RNAM PAR GROL BA'I 'BRAS BU 'THOB PA'I CHED DU RNAL 'BYOR LA 'BAD PAS BSGRUB PAR BYA'O, ,GNYIS PA DON BSDU BA NI, DON 'DI KHO NA SNYING PO LAS TE BSKYED PA'I RIM PA LAS SNYING PO LA RDZOGS PA'I RIM PA'I SNYING PO MCHOG, ,RNAL 'BYOR ZHAL MCHOG STE ZHAL MDZES PA KHYOD LA BSHAD DO, ,GNYIS PA RAB TU BYED PA'I MTSAN BSTAN PA NI, KHA SBYOR LA BRTAG PA BCU YOD PA'I BRGYAD PA LAS MU STEGS CAN GYI BDE 'GRO DANG
, ,NGAN 'GROR 'PHO BA'I LAM PHYIN CI LOG TU STON PA'I YE SHES TE SHES PA 'JIG PAR BYED PA ZHES BYA BA STE RAB TU BYED PA GSUM PA'O, ,'GOS 'GYUR LAS, MU STEGS CAN GYI YE SHES KYI TSUL BSTAN PA ZHES 'BYUNG YANG SNGA MA LEGS LA, MAN SNYER MTSAN DE LA BSHAD PA MA BYUNG NGO, ,'PHO BA'I RNAM GZHAG RNAMS LEGS PAR DMIGS MA PHYED PA'I 'PHO BA LA YANG PHAN YON CUNG ZAD 'BYUNG MOD KYANG, GO BAS LEGS PAR DMIGS PHYED PA DANG KHYAD PAR SHIN TU CHE'O, ,DE'I PHYIR RDO RJE MKHA' 'GRO DANG, GDAN BZHI DANG, SDOM 'BYUNG DANG, ZHAL LUNG DANG, KHA SBYOR DANG, DE DAG GI 'GREL BA RNAMS LA BRTEN NAS GZHUNG DE RNAMS LEGS PAR GUNG BSGIGS TE MKHAS PA CHEN PO AA BHA Y'A KA RA'I BSHAD PA ZHIB PAR MDZAD PA'I RJES SU 'BRANGS TE BSHAD PA YIN PAS, BSTAN BCOS 'DI LA BRTEN NAS 'PHO BA'I GNAD RNAMS LEGS PAR SHES PAR BYAS TE, 'PHO BA'I GDAMS NGAG LA SBYANGS NA 'PHYUG PA MED PA'I GDAMS PAR YOD PAS SGO KHYAD PAR CAN SPYI GTZUG GSER GYI SGO 'BYED PAR NUS LA, DE MA NUS NA'ANG SGO 'BRING PO NAS 'BOS PA'I RTEN KHYAD PAR CAN DU SKYES NAS, BLA NA MED PA'I LAM RNAMS LEGS PAR BGROD NUS PAR 'GYUR RO, ,SHIN TU ZAB PA'I RGYUD SDE MANG PO NAS, ,GSUNGS PA'I 'PHO BA'I GNAD RNAMS DBYE DKA' BA'I, ,RDO RJE'I TSIG GIS DAM DU BCINGS PA RNAMS, ,MKHAS PA 'JIGS MED 'BYUNG GNAS RJES 'BRANGS SHING, ,RDO RJE MKHA' 'GRO RDO RJE GDAN BZHI YI, ,
'GREL PA SOGS LA BRTEN NAS LEGS PAR BSHAD, 'DIR NI NONGS GANG SNYING NAS BDAG GIS 'CHAGS, DGE BAS 'GRO KUN YANG DAG LAM BGROD SHOG, ,CES RGYUD KYI RGYAL PO KHA SBYOR GYI BRTAGS PA BRGYAD PA'I RAB BYED GSUM PA, RNAM SHES GONG DU 'PHO BA'I RGYA CHER BSHAD PA, GSER GYI SGO 'BYED PA ZHES BYA BA, RGYUD GDAN BZHI DANG, ZHAL GYI LUNG RNAMS LEGS PAR GUNG BSGRIGS SHING, DE DAG GI 'GREL PA RNAMS LA 'DRIS PAR BYAS NAS, MANG DU THOS PA'I DGE SLONG SHAR TZONG KHA PA BLO BZANG GRAGS PA'I DPAL GYIS 'BROG RI BO CHE DGA' LDAN RNAM PAR RGYAL BA'I GLING DU SBYAR BA'I YI GE PA NI SDOM BRTZON DGE SLONG BSOD NAMS BLO GROS SO, ,'DIS KYANG BSTAN PA RIN PO CHE PHYOGS DUS KUN TU RGYAS BAR BYED NUS PAR GYUR CIG, ,SARBA MANGGA LAM,