*, ,'PHO KHRID KYI RTZA TSIG BRTAG PA BRGYAD PA'I RAB TU BYED PA GSUM PA BZHUGS SO, ,
, ,NYON CIG RDO RJE 'THO BA YI, ,DE NYID MTSAN NYID DANG RNAL 'BYOR, ,LAM BZANG PO YI RNAL 'BYOR BA, ,'GRO BA MDZES PA STON PAR BYED, ,SGO DBU PO NI GANG LEGS DANG, ,YE SHES SGO YI BYE BRAG LAS, , SKYON DANG YON TAN CIR 'GYUR BA, ,YE SHES DBANG LA NYAN PAR 'TSAL, ,SROG NI 'CHAD PA'I DUS DAG TU, ,YANG DAG SBYAR BA MNYAN BAR GYIS, ,LAM BZANG PO LA YID 'ONG GNAS, ,LAM NGAN GYIS NI SRID PA'I SKYON, , THIG LE LTE BA SPYI GTZUG DANG, ,MIG DANG SNA SOGS RNA BA NYID, ,CHU DANG CHU MIN SGO MTSAN NYID, ,LTE BA LAS NI 'DOD KHAMS LHA, ,THIG LES GZUGS CAN MTHO RIS TE, ,STENG NAS 'GRO BAS STENG GIS NI, ,'GRO BA DAG TU RAB TU BRTAG ,SNA GNAS GNOD SBYIN GNAS SU STE, ,RNA BA DAG NI 'GRUB PA'I LHA, ,GAL TE MIG LAS YE SHES 'GRO, MI RNAMS KYI NI BDAG POR 'GYUR, ,SRID PA'I SGO LAS YI DRAGS 'GYUR, ,DE BZHIN CHU LAS DUD 'GRO STE, , CHU MIN GYIS NI DMYAL BA BRGYAD, ,RIGS KYI BU DE LTAR NA, SRID PA 'PHO BA'I MTSAN NYID NI, ,SGO'I BYE BRAG LAS 'KHOR BA'I BYE BRAG TU 'GYUR BAS, 'CHI BA'I DUS LA BAB NA, MTSAN MA SHES PAR BYA STE, RNAL 'BYOR
, ,PAS RIMS LA SOGS PAS MA 'PHOG PAR SGO KHYAD PAR CAN LAS SHIN TU MNYAM PAR BZHAG PAS, 'PHO BA'I SBYOR BA BYAS TE, SGO RNAMS THAMS CAD BKAG NAS NI, ,SNGON DU BUM PA CAN NI BRTZAM, ,RGYAS PA LNGA NI MCHOD RTEN GYI, ,SGO YI BU GAR BSGOM PAR BYA, ,DE LA 'OG GI SGO RU NI, ,CHU YI SA BON DKAR PO BSAM, ,CHU DANG CHU MIN SGO RU NI, ,ME YI SA BON 'BAR BA STE, ,DE LA SHIN TU MNYAM BZHAG PAS, ,DBUGS NI SNGON BZHIN BSGOM PAR BYA, ,LUS NI RLUNG GI MDOG TU STE, ,RLUNG GI DKYIL 'KHOR BSGOM PAR BYA, ,DE YI RTZA BAR RLUNG YIN TE, ,RLUNG GI RTZA BA'I SA BON NO, ,THIG LE SGRA DANG LDAN PA NI, ,SEMS KYI SA BON 'DREN PAR BYED, ,RDO RJE'I SA BON DRAG PO NI, ,LCAGS KYU RU NI SBYAR BAR BYA, ,NYI SHU RTZA BZHI GNAS DANG NI, ,GNAS BCU LAS NI DRAG PO DANG, ,GNAS GANG NAS NI GONG MA'I GNAS, ,TSIGS DGU LAS NI STENG DU STE, ,SMIN MA'I SA BON STENG DU 'DEGS, ,YI GE PHYED DANG GNYIS KYIS SBYAR, ,NGA RO DRAG TU BRJOD BYA BA, ,BRGYAD KYI MTHA' MA'I SA BON LA, ,DRAG PO'I SDE NI DRAG PO NYID, ,DANG PO DANG PO PHYED PHYED SBYAR, ,'OG TU RLUNG GI SA BON TE, ,RLUNG GI SA BON LDAN PA YI, ,RLUNG GI DKYIL 'KHOR BSAMS NAS SU, ,SGRA YIS SGRA NI 'PHUL BAR BYED, ,NYI SHU RTZA BZHI'I GNAS NAS NI, ,GONG NAS GONG DU DE NAS MCHOG ,RNAL 'BYOR PA YIS GYAN
DU NI, ,RTZA BAR PHYED NI SBYAR TE PHUL, ,TSEGS DGU LAS NI YAR 'DEGS NA, ,MOD LAS 'PHO BAR SHES PAR BYA, ,NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,RKU 'PHROG GIS NI LTO 'BYING PA'ANG, ,LAS 'DI YIS NI DGANG 'GYUR TE, ,SDIG PAS GOS PAR MI 'GYUR ZHES, ,SRID PA'I SKYON LAS RING DU 'GRO, 'DI LTAR 'DAM NAS SKYES PA YI, ,PADMA DRI MED YID 'ONG PA, ,DE BZHIN LUS KYI 'DAM LAS NI, ,YE SHES SKU NI 'OD BZHIN 'GRO, DUS LA BAB NAS 'PHO BYA STE, ,DUS MIN LHA RNAMS GSOD 'GYUR BAS, ,LUS LA MTSAN MA SHES BYAS LA, ,BLO DANG LDAN PAS SBYOR BA BRTZAM, ,RNAL 'BYOR BSGRUB PA'I KHYAD PAR GYIS, ,DE NYID JI BZHIN RDO RJES NYON, ,SNGON BZHIN MTSAN NYID THAMS CAD NI, ,MNYAM NYID SEMS KYIS BSGOM PAR BYA, ,SNYING GI DKYIL 'KHOR DBUS GNAS PAR, ,SANGS RGYAS LNGA YI SA BON TE, ,DE YI 'OD ZER 'BAR BAS NI, ,GZUGS KYI MTSAN NYID BSAM PAR BYA, ,SNGON BZHIN MTSAN NYID YANG DAG LDAN, ,SNGON BZHIN DU NI STONG PA YIS, ,GZUGS RNAMS THAMS CAD RTOGS PAR BYED, ,ZLA BA'I DKYIL 'KHOR DBUS SU NI, ,H'Um ZHES BYA BA GNAS PAR BSAM, ,SA BON GZUGS NI YONGS BZUNG BAS, ,PADMA'I GDAN LA BZHUGS PA YI, ,YE SHES MKHA' 'GRO DE NYID BSAM, ,ZHAL GSUM PHYAG NI DRUG PA STE, ,SPYAN GSUM COD PAN GYIS NI BRGYAN, ,BZHED DANG KHRO DANG SGEG PA'I NYAMS, ,RGYAN RNAMS KYIS NI RNAM PAR KLUBS, ,KUNDA ZLA BA LTA BU'I MDOG ,SHIN TU MDZES PA'I NA BZAS BRGYAN, ,SEMS DPA'I DKYIL 'KHOR LEGS GNAS TE, ,SANGS RGYAS SPRIN RNAMS RNAM PAR
, ,SPRO, ,GA-YAS NAS MNGA' NI GSOR BA DANG, ,DE BZHIN GNYIS PAS LCAGS KYU STE, ,GSUM PA NA NI RDO RJE GSOR, ,GA-YON PA SDIGS MDZUB ZHAGS PA DANG, ,GNYIS PA DPAG BSAM LCUG MA STE, ,DE BZHIN GSUM PA GO CHA'I GZHU, ,'OD ZER SNA TSOGS 'BAR BA DANG, ,DBUGS NI MI GA-YOR BSGOM PAR BYA, ,A'A LI K'A LI RAB SBYOR BA'I, ,SA BON JI BZHIN BTUS PA LAS, ,BRGYAD KYI MTHA' YI YI GE NI, ,SA BON DAM PA DGOD BYA STE, ,'OD KYI SNANG BA DKAR PO CAN, ,CHU SHING ME TOG PADMA NI, , SNYING GA'I SGO SKYES GNAS SU STE, ,DE DBUS YE SHES RNAM SHES BCAS, ,MI GA-YO 'TSE BA MED PAR NI, ,DNGOS PO BSGOM PAS BSGOM PAR BYA, ,DE NAS PHYI ROL SBYOR BA NI, ,MKHAS PA YIS NI GZUNG BAR BYA, ,SEMS KYI PHYOGS NI BSGOM PA LAS, ,PHYI ROL RLUNG GI DKYIL 'KHOR TE, ,DE YI DBUS SU ME YIN NO, ,ME YI DBUS SU NYI MA LAS, ,A'A LI K'A LIR LDAN PA YI, ,SA BON DMAR POR BSAM PAR BYA, ,RNAL 'BYOR PA YIS KHYAD PAR DU, ,'BYUNG DANG 'JUG PA BZLAS PAR BYA, ,'BYUNG BA'I YE SHES SA BON TE, , DE YI DBUS SU BSNUN PAR BYA, ,'JUG PAS SNYING GI YE SHES LA, ,ME TOG LTA BUR BSNUN PAR BYA, ,'BYUNG DANG 'JUG PA'I RNAL 'BYOR GYIS, ,'BYUNG DANG MI 'BYUNG BZLAS PAR BYA, ,BDAG NYID PHYI ROL BYA BA LA, ,MTSAN NYID MTSON PAR BYA BA NI, , 'BYUNG DANG 'JUG PA'I SBYOR BA YIS, ,DE KHO NA NYID MNYAM BSGOM PA, ,MNYAM GZHAG DANG POR BSGOMS NA NI, ,'GRUB 'GYUR 'DI LA THE TSOM MED, ,SGRUB PA POS NI RNAM SPRAL PA'I, ,PHYI ROL LUS LA DE NAS NI, ,GZHAN GYIS SEMS NI RJES
BSAMS LA, ,MKHAS PA YIS NI SHES PAR BYA, ,BSGOM DANG BZLAS PA'I KHYAD PAR GYIS, ,SHIN TU MNYAM GZHAG SEMS KYIS NI, ,BZANG PO'I LAM GYIS RNAM BSAMS NA, ,'GRUB 'GYUR 'DI LA THE TSOM MED, ,DE NAS YE SHES GZUGS GYUR NI, ,ME MAR LTA BUR BSAMS NAS SU, ,MKHAS PA YIS NI LAS RNAMS BYA, ,NYAN THOS LA SOGS DE NYID NI, ,'DIR NI LEGS PAR BSHAD PA YIN, ,SEMS NI SHEL DANG 'DRA BA GNAS, ,ME MAR LTA BUR BSAM PAR BYA, ,SPROS PA KUN LA DMIGS NAS NI, ,SPROS PAS SPROS PA MED PAR BYA, ,RNAL 'BYOR RANG BZHIN MED PA YIS, ,'DI DAG THAMS CAD YONGS SU BTANG, ,KYI BCOM LDAN 'DAS, YE SHES KYI KHYAD PAR GANG DAG LAGS, ,BKA' STZAL PA, ,YE SHES RNAM PA LNGAR GSUNGS TE, LHA RNAMS YE SHES GSAL BA YIN, ,LHA MIN YE SHES KHRO BO'O, ,YI DVAGS YE SHES ZHEN PA STE, ,DMYAL BA'I YE SHES 'JIGS PAS GNON, ,BYOL SONG YE SHES BLUN PA STE, ,BRTAN PA RNAMS NI SEMS MED PA'O, ,LKUGS SHING GLEN PAS GRIBS PA DANG, ,BYIS PA'I SHES PA ZHAN PA CAN, ,RNAL 'BYOR BSTAN BCOS KHYAD PAR GYIS, ,YE SHES DE NYID BYE BRAG SHES, ,SKYE BA BYE BA STONG PHRAG TU, ,NGA YIS YE SHES KYIS BSKUL YIN, ,DE BAS RNAL 'BYOR BSTAN BCOS LA, ,'BAD DE DAD PA BSKYED PAR BYA, ,GAR GYI GNAS DANG MTSUNGS PA YIS, ,PHYI ROL BSTAN BCOS SUN 'BYIN PA, ,RNAL 'BYOR BSTAN BCOS DRES 'BRANGS NAS, ,SPYOD DANG GROL BA'I 'BRAS BU THOB, ,SNYING PO LAS KYANG SNYING PO MCHOG ,RNAL 'BYOR MDZES PA KHYOD LA BSHAD, ,KUN TU KHA SBYOR LAS BYUNG BA, ,MU STEGS CAN GYI YE SHES KYI TSUL BSTAN PA STE, BRTAG PA BRGYAD PA'I RAB TU BYED PA GSUM PA'O,, ,