*, ,SANGS RGYAS THOD PA'I MI 'JIGS GZHUNG 'GREL SOGS KYI ZIN BRIS RJES GNANG BA BZHUGS SO, ,
, ,SANGS RGYAS THOD PA'I 'JIGS MED GZHUNG 'GREL DU, 'O NA 'DI RNAMS MCHOD PA MCHOG NI 'DOD PA BYED PA KHO NA STE, DE'ANG SKYON YIN NO ZHE NA, SKYON MIN TE, GANG GI PHYIR MI GOS PAS SO, ,'O NA 'DOD PA BYED PA KHO NA GOS PA'O ZHE NA MA YIN TE, GANG GI PHYIR PHRAG DOG LA SOGS PA RNAMS DANG LDAN PA NI GOS PAR BRJOD NA, RNAL 'BYOR PA DE LA PHRAG DOG LA SOGS PA'I NYES PA DE RNAMS KYIS 'DI LA GNOD PA MA YIN NO, ,'O NA JI LTAR 'DI 'DRA BA'I MCHOD PA NI, CHES MCHOG TU GYUR PA DANG RJES SU 'BREL PA CAN YIN, SGRO BTAGS PA'I KHYAD PAR YIN PA'I PHYIR RO ZHE NA, SGRO BTAGS PA RNAM PA GNYIS TE, DE KHO NA NYID KYI NGO BO DANG DE KHO NA NYID MA YIN PA'I NGO BO'O, ,DE LA DE KHO NA NYID KYI NGO BO'I BDAG NYID KYI SGRO BTAGS PA NI MA LA SOGS PAR SPRO BTAGS PA BZHIN DU BRGYUD NAS BYANG CHUB BSGRUB PAR BYED PA'I PHYIR NYES PA MED DO, ,'ON 'GA' ZHIG GIS NYAMS SU MYONG BA'ANG BKAG PA NYID KYI PHYIR 'GAL BAR 'GYUR RO ZHE NA, MA YIN TE, LAS NI RNAM PA GNYIS TE, KUN NAS BSLANG BAR BYA BA DANG KUN NAS SLONG BA PO'I DBYE BAS SO, ,DE LA LUS DANG NGAG GI LAS THAMS CAD KUN NAS BSLANG BAR BYA BA STE,
, ,YID KYIS NI KUN NAS SLONG BA'O, ,DE'ANG RNAM PA GNYIS TE, MA CHAGS PA LA SOGS PA'I NGO BO DANG DE LAS CIG SHOS SO, ,DE LA CHAGS PA LA SOGS PAS KUN NAS BSLANG BA'I LUS DANG NGAG GI LAS THAMS CAD MI DGE BA STE, DE'ANG BKAG PA'O, ,MA CHAGS PA LA SOGS PAS KUN NAS BSLANG BA THAMS CAD NI DGE BA KHO NA'O, ,PHYAG RGYA CHEN PO GNYIS SU MED PA'I RNAL 'BYOR DANG LDAN PA'I RNAL 'BYOR PA NI MTHA' DAG MA CHAGS PA LA SOGS PA'I BDAG NYID 'GRO BA LA SNANG BAR BYED DO, ,DES NA 'DI SPYOD LAM THAMS CAD DANG LDAN YANG MI DGE BA MI DMIGS PA'I NGO BO NYID KYI PHYIR DGE BA'I BDAG NYID KHO NA'O ZHES GSUNGS PA, RNAL 'BYOR BA DE ZHES PA LA SOGS PA'O, ,DE KHO NA NYID KYI PHYAG RGYA CHEN PO'I RANG BZHIN NO, ,DE'I PHYIR 'KHOR BA'I NYES PA RNAMS KYIS MA GOS SO, ,DE'I PHYIR SHES RAB DANG THAMS KYI RANG BZHIN GNYIS SU MED PA'I BYANG CHUB KYI SEMS BSGOMS PA KHO NA SDIG PA THAMS CAD RNAM PAR SBYONG BA LEGS PA THAMS CAD BYED PA'O, ,DE 'PHAGS PA KLU SGRUB ZHABS KYIS GSUNGS PA, 'DI NI THEG PA CHES MCHOG STE, ,'DI NI BYANG CHUB SEMS MCHOG GO, MNYAM PAR BZHAG RNAMS 'BAD PA YIS, ,BYANG CHUB SEMS NI BSKYED PAR GYIS, ,'KHOR BAR RANG GZHAN DON BSGRUB LA, ,BYANG CHUB SEMS LAS MA GTOGS PA'I, ,THABS GZHAN SANGS RGYAS RNAMS KYIS NI, ,SNGON CHAD GZIGS
PA NAM YANG MED, ,CES SO, ,'DI DE RNAL 'BYOR MCHOG DE'I PHYIR, ,DE BZHIN GSHEGS RNAMS KYIS PHYAG 'OS, ,DE LAS BYUNG BA'I RNAL 'BYOR NI, ,MTHA' YAS PA RNAMS RAB TU BSGAGS, ,DE KHO NA LAS TING NGE 'DZIN, ,MTHA' YAS PA LAS YANG DAG 'BYUNG, , PHYAG RGYA DKYIL 'KHOR SNGAGS RNAMS NI, ,RNAL 'BYOR DE LAS RNAM DAG NYID, ,ZHI BRGYAS PA NYID KYI LAS, ,SNGAGS LAS SKYES PA GZHAN GANG YANG, ,JA HU'I BU MO'I BYE MA'I GRANGS, ,JI SNYED DNGOS GRUB PHRA RNAMS DANG, ,PHYAG RGYA'I DNGOS GRUB GZHAN NYID RNAMS, JI SNYED PA LA RNAM GRANGS PA, ,RNAL 'BYOR 'DI LAS SKYES PA RU, ,THUGS KYI RDO RJES GSUNGS PA YIN, ,GANG YANG NGES 'BYED CHA MTHUN PA, ,RNAM PA BZHI DANG SA BCU DANG, ,'BRAS BU LA GNAS DE THAMS CAD, ,RNAL 'BYOR 'DI LAS YANG DAG SKYES, ,BYUNG DANG GANG YANG 'BYUNG 'GYUR BA, ,'BYUNG BZHIN PA YI RGYAL BA'I SRAS, ,'JIG RTEN DBANG SOGS SEMS DPA' CHE, ,DE RNAMS KYANG 'DI KHO NAR GNAS, ,'DAS DANG MA BYON SANGS RGYAS DANG, ,DA LTAR BYUNG BAR 'DOD GANG DANG, ,BSE RU NYAN THOS DGE 'DUN TE, ,DE RNAMS KYANG NI 'DI LAS BYUNG, ,RNAL 'BYOR SPYOD DANG BYA BA YI, ,DBYE BAS JI SNYED SPRUL PA 'BYUNG, ,DE SNYED THAMS CAD RNAL 'BYOR NI, ,'DI KHO NA LAS NGES PAR 'BYUNG, ,KUN TU BRTAG PA'I NGO BO NI, ,BAG CHAGS STOBS LAS BYUNG RNAMS DANG, ,JI SNYED BRTAN DANG GA-YO BA'I DNGOS, ,DE SNYED DE LA BRTEN PA'O, ,ZHES SO, ,'DOD PA RNAM LNGA MED NA STONG PA NYID NI RO BRO BA MED PA KHO NAR 'GYUR RO, ,ZHES GSUNGS PA JI SRID CES PA LA SOGS PA STE, JI SRID DU YUL GYI BCUD RNAMS KYIS BYANG CHUB SEMS KYI MYU GU SKYED BAR
, ,MI BYED PA DE SRID DU SANGS RGYAS KYI DPAG BSAM GYI SHING 'BYUNG BAR MI 'GYUR TE, CHU BRAN PA DANG BRAL BA'I MYU GU LAS SHING PHUN SUM TSOGS PA BZHIN NO, ,DE SA RA HA'I ZHABS KYIS GSUNGS PA, SEMS KYI MYU GU SHIN TU CHUNG BA NI, ,YUL BCUD DAG PAS GAL TE MI BRAN NA, ,NAM MKHA' KHYAB PA'I 'BRAS BU SBYIN PA YI, ,DPAG BSAM SHING NYID JI LTAR THOB PAR 'GYUR, ,ZHES SO, ,YANG SANGS RGYAS THOD PA'I MI 'JIGS GZHUNG 'GREL DU, GANG YID CES GSUNGS PA DE NI 'DIR DNGOS BO'I GRONG KHYER MA LUS PAR RNAM PAR DPYAD PA 'JUG PA'I DON DU'O, ,DE LTAR NI RAB TU 'GREL PA 'DIS KHAMS BCO BRGYAD RNAMS GSUNGS SHING, DE RNAMS KHO NA BSDUS PA LAS SKYE MCHED BCU GNYIS RNAMS TE SHIN TU BSDUS PA LAS PHUNG PO RNAMS SO, ,KHAMS GSUM PA'ANG DE RNAMS KHO NA'O, ,DE'ANG SEMS TZAM KHO NA STE, DE LANG KAR GSHEGS PA'I MDOR GSUNGS PA, KYE RGYAL BA'I SRAS RNAMS 'DI LTA STE KHAMS GSUM PA NI SEMS TZAM MO, ,ZHES SO, ,'PHAGS PA KLU SGRUB ZHABS KYIS KYANG, BYANG CHUB SEMS 'GREL DU GSUNGS PA, ,BDAG TU 'DZIN PA BZLOG DON DU, ,PHUNG PO KHAMS SOGS BSTAN PA STE, ,DE YANG SEMS TZAM RNAM GZHAG PAS, ,BSHAL PA CHEN PO RNAMS KYIS BSHIG ,CES SO, ,SEMS DE'ANG KUN RDZOB PA STE DE NYID DU GSUNGS PA, 'DI RNAMS THAMS CAD SEMS TZAM ZHES, ,THUB PA RNAMS KYIS GANG BSTAN PA, ,BYIS RNAMS SKRAG PA SPANG PHYIR TE, ,DE NI DE KHO NA NYID MIN, ,ZHES SO, ,JI LTAR SEMS DE KHO NA NYID MA YIN ZHE NA, GSUNGS PA, GNYIS RNAM DPYAD LAS ZHES PA DNGOS PO DANG DNGOS PO MED
PA'I RANG GI NGO BO RNAM PAR BRTAG PA LAS SO, ,'O NA RNAM PAR DPYOD PA PO'I SEMS DON DAM PAR YOD DO ZHES GSUNGS PA, RNAM DPYOD CES PA STE, RNAM PAR DPYOD DU 'JUG GO ZHES PAS RNAM DPYOD DE RNAM PAR DPYOD PA PO'I RNAM SHES NI DER NI STE, GNYIS RNAM DPYAD PAR GYUR PA MA YIN NO, ,DE 'PHAGS PA ZHI BA LHA'I ZHABS KYIS GSUNGS PA, DPYAD BYA RNAM PAR DPYAD PA NA, ,RNAM DPYOD LA NI RTEN YOD MIN, ,RTEN MED NYID PHYIR MI SKYE STE, ,DE YANG MYA NGAN 'DAS PAR BRJOD, ,CES SO, , DE BZHIN DU, GANG TSE DNGOS DANG DNGOS MED PA, ,BLO YI MDUN NA MI GNAS PA, ,DE TSE RNAM PA GZHAN MED PAS, ,DMIGS PA MED PAR RAB TU ZHI, ,ZHES GSUNGS SO, ,RGYAL PO LA GDAMS PA RIN PO CHE'I PHRENG BAR YANG GSUNGS PA, 'GRO BA'I CHOS KUN RNAM SHES KYI, ,ME YIS BUD SHING NYID DU 'DOD, ,DE RNAMS JI BZHIN RNAM DPYOD PA'I, ,ME YIS BSREGS PA NYER ZHI'O, ,ZHES SO, ,JI LTAR GNYIS RNAM PAR DPYOD CE NA, GSUNGS PA DNGOS PO LA ZHES PA LA SOGS PA STE, DNGOS PO DANG DNGOS PO MED PA DAG PHAN TSUN DE'I BDAG NYID DU MED NA, 'GAL BA'I PHYIR RO, ,THA DAD DU YOD DO ZHE NA GSUNGS PA, DNGOS PO DNGOS MED GNYIS KA STONG, ,ZHES TE, DNGOS PO DANG DNGOS PO MED PA'I RANG BZHIN DAG STONG PA DAG STE, SEMS NI GCIG DANG GCIG MIN GYI RANG BZHIN DANG BRAL BA NYID KYIS NA RANG BZHIN MED PA NYID KYI PHYIR RO, ,DE LTAR NA NI DE GCIG MA YIN TE, GCIG NYID NI SNGON PO DANG SER PO'I NGO BO NYID DU KHRA BOR SNANG BA'I MYONG BAR MI 'GYUR ZHING, SER PO LA SOGS PA MTHA'
, ,DAG SNGON PO'I NANG DU 'DUS PAR RTOGS PAR THAL BAR 'GYUR BA'I PHYIR RO, ,SNGON PO'ANG SNGA MA DANG PHYI MA DANG BAR MA THA DAD NA RAGS PAR SNANG BA NYID KYIS RTOGS PAR MI 'GYUR GYI, GANG LA PHYOGS CHA DBYE BA YOD, ,DE NI GCIG TU MI RUNG NGO, ,ZHES PA'I RIGS PA LAS, RDUL PHRA RAB TZAM NYID DU SNANG BAR 'GYUR RO, ,GCIG MIN YANG MA YIN TE, SEMS GCIG MIN NYID NA RDUL PHRA RAB TU DAD PA'I PHYIR NA DE LAS GZHAN PA YANG DAG PAR MYONG BA MED NA'ANG RDUL PHRA RAB SO SOR RANG RIG PA'I NGO BO NYID KYIS NA, DE KHO NA RDUL PHRA RAB SO SOR SNANG BAR LA 'GYUR RO, ,GNYIS KA'I NGO BO NYID DU'ANG MI RIGS TE, DE LTA BU'I RNAM PAR MYONG BA MED PA'I PHYIR RO, ,THAMS CAD LA KHO BO CAG GI LTA BA TSAD MA'I PHYIR RO, ,LDOG PA'I NGO BO LHAN CIG PA'AM LOGS PA RJES SU RTOGS PAR BYA BA MNGON SUM DU MYONG BA'ANG NYE BAR DMIGS PA MA YIN ZHING, RJES SU DPAG PA'I BDAG NYID KYANG STE DE NI SNGON MA CAN NYID KYI PHYIR RO, ,MA DMIGS SHING CHAD MA MED PA'I LDOG PA'I NGO BO NYID RJES SU RTOGS PAR BYA BA JI LTAR RTOGS PAR BYA BA JI LTAR RTOG ,CI STE KHRA BO NYID KYIS RAGS PA'I RNAM PAR RAG RIG PA'I NGO BO MYONG BA NI BSNYON MI NUS SHING DE TZAM DU YOD LA DE'ANG LDOG PA'I NGO BO NYID RJES SU RTOGS PA BYA BA MED NA MI 'GYUR RO, ,ZHES PAS DE NI DE YOD PA LAS GZHAN DU MI 'THAD PAS YONGS SU BRTAG PAR BYA'O ZHE NA, DE NI MA YIN TE, GNYIS KA MA YIN PA'I NGO BO NYID KHO NAS SPROS PA MED PA NYID DU CHES GSAL BAR 'THAD PA LAS DON GYIS GO BAR ZAD PA'I PHYIR RO, ,DE'I PHYIR SKYE BAR YANG MI RIGS TE, 'BRAS BU DANG
RGYU'I DNGOS PO LA CHED MA MED PA'I PHYIR RO, ,SNGA MA DANG PHYI MA GNYIS KYI TSAD MA 'JUG PA NI 'BRAS BU DANG RGYU'I DNGOS PO RNAM PAR BZHAG PA YIN NA, RNAM PA GNYIS DANG BRAL BA'I GNYIS MED PAR MYONG BA NI SNGA MA DANG PHYI MAR 'JUG PA DANG LDAN PA'ANG MED CING, DE LAS GZHAN PA'I YANG DAG PAR RIG PA'ANG YOD PA MA YIN TE, ,TSAD MA MED PA'I PHYIR RO ZHES BSGRUBS ZIN TO, ,GANG GI TSE DE LTAR 'BRAS BU DANG RGYU'I DNGOS PO LA TSAD MA MED PA'I PHYIR SKYE BA MED PA KHO NA YIN PA DE'I TSE BDAG LAS SAM GZHAN LAS SAM GNYI GA LAS SAM RGYU MED LAS YIN, DE LTAR SKYE BA MED PA'I PHYIR SEMS NI DNGOS PO'I NGO BO NYID DU'ANG MED DE, 'BYUNG NGO ZHES PAS NA DNGOS PO STE, MED PA SNGON MA CAN GYI 'BYUNG BA KHO NA LA RNAM PAR BZHAG PA'I PHYIR RO, ,DE NYID KYI PHYIR DE NYAMS PA'I NGO BO DNGOS PO MED PA'I NGO BO NYID KYANG MED DO, , DNGOS PO DANG DNGOS PO MED PA'I RANG BZHIN MED PA'I PHYIR YANG SPROS PA THAMS CAD MED PA STE, DE RNAMS NI DNGOS PO DANG DNGOS PO MED PA'I RTEN CAN NYID KYIS NA DE DAG GIS KHYAB PA NYID KYI PHYIR, KHYAB BYED MED NA KHYAB BYA'ANG MED PA'I PHYIR RO, ,DES NA RNAM PAR DPYAD PA 'DIS SPROS PA MED PA NYID KYI STONG PA NYID RTOGS PAR BYA'O, ,'DI KHO NA'ANG DE KHO NA NYID MTHONG BA STE GANG SHES RAB KYI MIG GIS NGES PAR DPYAD PA LAS YANG DAG PA'I YE SHES KYI SNANG BA 'BYUNG BA NA, CHOS RNAMS THAMS CAD MI MTHONG BA'O ZHES PA'O, , JI SKAD DU BCOM LDAN 'DAS MAR GSUNGS PA, SANGS RGYAS BCOM LDAN 'DAS RNAMS KYI YE SHES KYI SPYAN CI ZHE NA, GANG GIS CUNG ZAD KYANG MI MTHONG BA'O, ,DE BZHIN DU DON DAM PA MTHONG BA CI ZHE NA, GANG CHOS RNAMS THAMS CAD MI MTHONG BA'O ZHES SO, ,DES NA DE KHO
, ,NA NYID KYI RNAL 'BYOR PA SPYOD LAM THAMS CAD LA GNAS PA RNAMS KYIS KYANG CHOS RNAMS THAMS CAD MTHONG YANG MTHONG BA MED PA'O, ,'DI 'DRA BA KHO NA MTHONG BA MED PAR DGONGS KYI, GNYID LOG PA DANG MIG BTZUM PA DAG GI MIG BZHIN DU GANG YID LA MI BYED PAS NI MA YIN NO, ,DE LTAR NI BAG CHAGS MA SPANGS PA'I PHYIR 'DU SHES SNYOMS PAR 'JUG PA LA SOGS PA LAS LANGS PA BZHIN DU SLAR YANG GZUGS LA SOGS PA MNGON PAR ZHEN PA'I RTZA BA CAN 'DOD CHAGS LA SOGS PA RNAMS SKYE BA'I PHYIR RNAL 'BYOR PA MA GROL BA KHO NAR 'GYUR RO, ,THOG MA MED PA'I DUS CAN GYI GZUGS LA SOGS PAR MNGON PAR ZHEN PA YID LA BYED PA YONGS SU BOR BTZAM LAS SPONG BA'ANG MIN TE, 'DU SHES MED PA'I SNYOMS PAR 'JUG PA LA SOGS PA LAS KYANG SPANGS PAR THAL BAR 'GYUR BA'I PHYIR RO, ,GZUGS LA SOGS PA'I YUL LA THE TSOM SPONG BA MED PAR DE YID LA BYED PA YONGS SU SPONG BAR YANG NUS PA MA YIN TE, ME MA SPANGS NA CHE BA MI SPONG BA BZHIN NO, ,DE'I PHYIR THE TSOM GYI SA BON DANG BRAL BA KHO NA LAS GZUGS LA SOGS PAR MNGON PAR ZHEN PA BSAL BAR BYA'I, TSER MA GDON PAR BYA BA BZHIN DU NI MA YIN NO, ,ZHES BYA BA NGES PA'O, ,DE LTAR DNGOS PO DANG DNGOS PO MED PA DANG RANG GI DNGOS PO DANG GZHAN GYI DNGOS PO LA SOGS PAR YID LA BYED PA BSAL BAS THAMS CAD LAS YID BSDUS TE CUNG ZAD KYANG MI BSAM MO, ,DE DE LTAR MI SEMS PA LAS SNGON RNAM PAR DPYOD PA'I DUS KHO NAR BLA MA BSNYEN BKUR BA'I RNAL 'BYOR PAS GANG BLA MA'I
DRIN LAS RTOGS PA KHO NA'I BCOM LDAN 'DAS MA SHES RAB KYI PHA ROL TU PHYIN PA SKYE STE, TSANG MA DANG GZHAL BYA DANG 'BRAS BU'I TSE DANG YANG DAG PAR BRAL BA NYID KYIS NI RANG GSAL BA'I RANG BZHIN SPROS PA MED PA NYID KYIS NI, SPROS PA'I BDAG NYID CAN 'KHOR BA'I RANG BZHIN GYI SDUG BSNGAL GYI TSOGS DANG BRAL BA LAS MCHOG TU DGA' BA'I RANG GI NGO BO NYID MTHONG BA MED PA'I TSUL GYIS MNGON DU RTOGS TE, DE'I MTHU LAS KYE MA MA LA GTI MUG GI NUS PA GANG GIS SEMS CAN 'DI RNAMS MYA NGAN LAS 'DAS PA YIN YANG BDAG NYID MA RTOGS TE, 'DI RNAMS JI LTAR RTOGS PAR BYA ZHES RNAM PAR BSAMS TE, DE'I BDAG NYID KHO NAR 'GRO BA MTHA' DAG LA'ANG DMIGS TE, DMIGS PA MED PA'I NGO BO'I SNYING RJE CHEN PO SKYE'O, , DE'I BDAG NYID CAN KHO NA RDZOGS PA'I DKYIL 'KHOR GYI NGO BO BDAG DANG DNGOS PO THAMS CAD KYI RANG BZHIN SNYING RJE CHEN PO'I BDAG NYID NI, BCOM LDAN 'DAS MA SHES RAB MA MING GZHAN PHYAG RGYA CHEN MO DANG DE'I BDAG NYID KYI PHYIR DBYER MED PA'I RANG BZHIN DU BLTA'O, ,DE'I TSE STONG PA NYID DANG SNYING RJE DAG DE'I BDAG NYID DE, DE'ANG RNAM PAR MI RTOG PA'I RNAL 'BYOR RO, ,DE KHO NA, SO SOR SDUD DANG DE BZHIN DU, ,BSAM GTAN SROG SDOM 'DZIN PA DANG, ,RJES SU DRAN DANG TING 'DZIN TE, ,RNAL 'BYOR YAN LAG DRUG TU 'DOD, ,CES 'DUS PA PHYI MAR GSUNGS PA'I YAN LAG GI RNAL 'BYOR RO, ,DE LTAR NI GZHON NU MAS PHRA PHAB PAN MTHONG BA BZHIN DU DBANG PO RNAMS STONG PA NYID DANG RO GCIG PAS RANG GI YUL LAS 'DZIN PA NI SO SOR SDUD PA'O, ,DE LAS BSAM
, ,GTAN TE, DE'ANG RTOG PA DNGOS PO NGES PAR RTOG PA DANG, DPYOD PA DNGOS PO MED PA STONG PA NYID KYI RANG BZHIN DU RNAM PAR DPYOD PA DANG, DE LTAR DPYAD PA LAS DE KHO NA NYID LA 'JUG PA LA MNGON DU PHYOGS PAS GANG YID BDE BA NYID DGA' BA DANG DE LAS LUS SHIN TU SBYANGS PA LA SOGS PA BDE BA CHEN PO DANG, DE LTAR GOMS PA LAS CHOS THAMS CAD STONG PA NYID DU GCIG TU MTHAR THUG PA'I SHES RAB KYI BDAG NYID SEMS RTZA GCIG PA NYID CES RNAM PA LNGA'O, ,DE NAS RKYANG MA DANG RO MA DAG 'GAGS PA'I KUN 'DAR MA'I LAM KHO NAR 'JUG PA DANG GNAS PA DANG 'BYUNG BA'I BDAG NYID CAN GYI SROG GI RLUNG 'JUG PA NI SROG SDOM PA'O, ,DE NAS KUN 'DAR MA LAS PHYIR MA BYUNG BAR BYANG CHUB SEMS KYI THIG LE LA SEMS KYI BZHON PA SROG RLUNG 'JUG PA STONG PA NYID DANG RO GCIG PA NI 'DZIN PA STE, DE'I TSE'ANG GTUM MO LAS NGES PAR BYUNG BA CHER 'BAR ZHING, RI BONG CAN YANG DES CHER GDUNGS PAS SHIN TU CHES 'DZAG GO ,DE'I TSE RDO RJE NOR BU'I NANG DU TSUD PA'I MA NYAMS PA'I BYANG CHUB KYI SEMS RIM GYIS RGYU MTHUN PA LA SOGS PA'I BDE BAS RDZOGS PA DRI MA MED PA NYID JI SRID PAR 'GYUR RO, ,DE NAS 'DZIN PA LA SEMS RAB TU ZHUGS PA NA MTSAN MA SO SOR SNANG BA SNGON MA CAN RDZOGS PA'I DKYIL 'KHOR GYI LHA MTHONG BA GZUGS BRNYAN GYI RNAM PA CAN RNAM PAR RTOG PA MED PA DE LAS 'OD ZER DU MA 'PHRO ZHING, DE LAS KHAMS GSUM PA SPRO BA ZHES DRAN PA'O, ,DE NAS DE KHO NA RNAM PAR MI RTOG PA'I RNAL 'BYOR MI 'GYUR BA'I BDE BA CHEN POR RANG BZHIN ZUNG 'JUG GI
BDAG NYID YE SHES KYI SKU RDO RJE 'DZIN PA CHEN PO'I RANG BZHIN NI TING NGE 'DZIN NO ZHES PA'O, ,DE LTAR RNAL 'BYOR PA GANG GI TSE SPROS PA MED PA'I SHES RAB DANG THABS KYI BDAG NYID YIN PA DE'I TSE, BSOD NAMS THAMS CAD KYI RANG BZHIN DANG, YE SHES THAMS CAD KYI RANG BZHIN DKYIL 'KHOR GYI LHA MTHA' DAG GI BDAG NYID DANG PHA ROL TU PHYIN PA MTHA' DAG GI RANG BZHIN DU MGON PO RNAMS KYIS RNAM PAR BZHAG GO ,DE GSUNGS PA, 'DI DE RNAL 'BYOR DAM PA STE, KUN TU RTOG PA THAMS CAD SPANGS, ,GANG LA RNAL 'BYOR PA GNAS PA, ,KUN MKHYEN BCOM LDAN DNGOS SU 'GYUR, ,'DI DE DE NYID DAM PA STE, ,SHES RAB THABS KYI RANG BZHIN ZHI, ,'DI NYID GNYIS MED YE SHES TE, ,'DI NI BYANG CHUB SEMS MCHOG GO ,ZHES SO, ,'PHAGS PA KLU SGRUB ZHABS KYIS KYANG GSUNGS PA, MI GANG SKAD CIG GCIG TZAM YANG, ,BYANG CHUB SEMS NI RAB BSGOM PA, ,DE YI BSOD NAMS PHUNG PO NI, ,'DI TZAM ZHES PA BGRANG MI NUS, ,NYON MONGS MED PA'I RIN CHEN SEMS, ,'DI NI NOR MCHOG GCIG PUR BRJOD, ,NYON MONGS BDUD SOGS CHOM RKUN GYIS, ,GZHOM DU MED CING DBROG TU MED, ,CES SO, ,'DI THAMS CAD LA DGONGS TE GSUNGS PA, ,'DI DAG SEMS KYI DAG PA NYID, ,CES PA STE, 'DI RNAMS NI 'DI'O, ,DE NYID KYI PHYIR BDE BA CHEN PO'I NGO BO RDO RJE 'DZIN PA'I SA NI 'DI KHO NA SGRUB PAR BYED PA'I PHYIR PHA ROL TU PHYIN PA'I TSUL LAS 'DI KHYAD PAR RO, ,'O NA 'DI NI GNYIS SU MED PA'I YE SHES KYI NGO BO KHO NA STE, DE'I KHYAD PAR CI YIN ZHE NA, KHYAD PAR YOD DE DE'I NGO BO NYID DU BSGRUB PA KHO NA'O, ,JI LTAR DNGOS POR NA STONG PA NYID DANG RO
, ,GCIG PA'I STOBS DANG MI 'JIGS PA LA SOGS PA RNAMS NYAN THOS KYI TSUL LA RTOGS PA RNAMS KYANG STONG PA NYID DU MA BSGRUBS PA'I PHYIR DANG, PHA ROL TU BYIN PA'I TSUL LA BSGRUB PA'I PHYIR KHYED PAR CHEN PO SGROGS PA BZHIN NO, ,'O NA BSAM GTAN DANG PO THOB PA RNAMS KYANG 'KHOR LA SGYUR BA RNAMS BZHIN DU BDE BA NYE BAR STON NA, BDAG MED PA GNYIS KA RTOGS PAS CI BYA, DE LTAR NI DGA' BA LHAG PA KHO NA LAS DANG PO PA NI RAB TU DGA' BAR BRJOD DO, ,ZHE NA BDEN TE, 'DI LHAN CIG SKYES PA'I BDE BA NI MA YIN ZHING DE NYID KYI PHYIR BDE BA CHEN PO MA YIN LA, LAS DANG PO PA'I GNAS SKABS SU THABS SU GYUR PA'ANG MA YIN TE, KHAB KYI BUG PA NI BU GA ZHES PA NAM MKHA' DANG MNYAM PA NYID DU NYAMS SU MYONG BA MA YIN PAS SA, ,'O NA SHES RAB KYI PHA ROL TU PHYIN PAR GANG BLA NA MED PA YANG DAG PAR RDZOGS PA'I BYANG CHUB KYI BDE BA'O, ,ZHES GSUNGS PA MA YIN NAM ZHE NA, 'DI NI GSUNGS MOD 'DI'I THABS BSTAN PA NI MA YIN TE THABS SU GYUR PA LHAN CIG SKYES PA'I BDE BA CHEN PO NYE BAR MA BSTAN PA'I PHYIR RO, ,DE NYID KYI PHYIR DE'ANG RIM PA 'DI KHO NAS GO BAR BYA'O, ,DE CI'I PHYIR PHA ROL TU PHYIN PA'I TSUL LA BYANG CHUB MED DAM ZHE NA DE LTAR MA YIN TE, SHES RAB KYI PHA ROL TU PHYIN PA MED PAR BLA NA MED PA YANG DAG PAR RDZOGS PA'I BYANG CHUB KYI DRI'ANG CI LAS YIN, MTHAR THUG PA'ANG NGAS PAR THABS 'DI LA BLTOS SO ZHES BRJOD PAR BYA'O, ,ZHES PA SHIN TU RGYA CHE BAS MCHOG STE, MAN NGAG RIG PA RNAMS KHO NA KHYAD PAR 'DI YONGS SU GSAL BAR SHES PAR 'GYUR
RO, BDE BA CHEN PO SGRUB PAR BYED PA NYID KYIS NA GTZO BOR YUL REG BYA DANG DE'I DBANG PO DANG DE'I RNAM PAR SHES PA SNYING RJE LA SOGS PA'I NGO BOR DANG SHES RAB LNGA'I NGO BOR YANG SGRUB PA'I CHED DU GSUNGS PA, DE NAS ZHES PA LA SOGS PA'O, ,PHYI ROL GYI SHES RAB MA'I LUS YUL DANG, DE DANG SBYONG BA LAS NANG GI LUS DANG, YE SHES DAG SBYONG BA'I PHYIR RO, ,GANG 'GYUR BA DE NI 'CHAD PAR 'GYUR RO, ,LTA DANG LDAN PA ZHES PA BUD MED MCHOG MTHONG BA NI SNYING RJE STE, SDUG BSNGAL DANG BRAL BA'O, ,'KHYUD PA BYAMS PA STE, BDE BA DANG LDAN PA'O, ,DBANG PO GNYIS DRUD PA LAS DGA' BA STE BDE BA DANG MI 'BRAL BA'O, ,BYANG CHUB SEMS 'GYUR BA LAS BTANG SNYOMS TE RNAM PAR RTOG PA THAMS CAD DANG BRAL BA'O, ,DE BZHIN DU NANG GI LUS DANG SHES RAB DAG SNYING RJE LA SOGS PA'I NGO BO DAG GO ,DE LTAR GYUR PA'I RNAL 'BYOR LDAN ZHES PA SNYING RJE LA SOGS PA'I NGO BO'I PHYAG RGYA CHEN PO DANG LDAN PA 'DOD CHAGS LA SOGS PA RNAMS KYIS 'CHING BA MA YIN NO, ,PHYAG RGYA CHEN PO'I RNAL 'BYOR MED NA 'GRO BA 'CHING NGO ZHES GSUNGS PA, MTHONG BA LAS ZHES PA LA SOGS PA'O, ,CUNG ZAD LHAG PA NI DE'I 'BRAS BU'O, ,KUN GYI MTHA' STE 'GYUR BA LAS SO, ,DE LTAR DGA' BA DANG SKYO BA 'BRAS BUR GSUNGS SO, ,KHAMS GSUM PA SKYES PA NI STONG PA NYID KYIS SNYING RJE LA SOGS PA RNAMS KYANG GROL BA'I RGYU'O, ,ZHES PA DGONGS PA'O, ,'DI RJE NYID KYIS ZUR DU BKOL BA'O,, SARBA MANGGA LAm,,