, ,RJE BTZUN MA BDAG MED MA'I DKYIL 'KHOR GYI SGRUB THABS ZIN BRIS BZHUGS SO,,
, ,RJE BTZUN BDAG MED MA'I DKYIL 'KHOR GYI SGRUB THABS LA, DANG PO GNAS DBEN PAR RDO RJE SKYIL KRUNG DANG, LAG PA MNYAM GZHAG BYAS LA, ,RANG LHAR BSGOM PA MI GSAL YANG, MI THUB ZLA BAS RANG GI SNYING GAR PAm LAS PADMA DANG, RAm LAS NYI MA'I STENG DU AAm BSAM PAR BSHAD PAS, BDAG MED MAR BSGOM MO, ,DE'I 'OD ZER GYIS GANG SPYAN 'DREN PA NI, SH'AnTI BA DANG AA BHA YAS BDAG MED MA'I DKYIL 'KHOR LA BSHAD, BDUD RTZI 'OD LAS, NAM MKHAR RJE BTZUN BLA MA DANG, ,MI BSKYOD PA YI SKU LTA BU'I, ,MNGA' BDAG RDO RJE DBANG DMIGS TE, ,ZHES GSUNGS SO, ,DE LA BSOD NAMS GSOG PA NI, BDUD RTZI 'OD LAS, PHYAG 'TSAL BA DANG, DKAR MO SOGS LNGAS BDUD RTZI LNGA DANG, LHAG MA GSUM GYIS RO DANG CANG TE'U DANG, 'KHYUD PAS MCHOD NAS, SDIG BSHAGS, YI RANG, SKYABS 'GRO SEMS BSKYED TSAD MED BZHI BSGOM PAR BSHAD LA, MI THUB ZLA BAS YAN LAG DRUG PA BZHIN DU BSHAD DO, ,DE NAS SH'U n+YA T'A'I SNGAGS DON BSGOM PAR GNYIS KAS BSHAD LA, MI THUB ZLA
, ,BAS, DNGOS PO BDEN RDZUN RNAM DPYAD NAS, RTOG PAS BYAS KYANG BSGOM MI NUS, ,SKYE BA MED PAR RAB SBYOR NAS, ,SKYE BA 'DI NI RAB BSHAD DO, ,ZHES 'BYUNG BA NI, RIGS BSDUS KYI SGRUB THABS LAS, YOD MED DNGOS PO DPYAD PA LAS, ,BRTAGS PAS NYE BAR MI DGOS TE, ,'DI DAG GZUGS BRNYAN DAG DANG MTSUNGS, ,SNA TSOGS DNGOS PO MED PA RU, ,DNGOS RNAMS THAMS CAD BSGOM PAR BYA, , ZHES BSGYUR BA LEGS TE, GUR GYI 'GYUR LA'ANG CI RIGS SU YOD DO, ,DE NAS STONG PA'I NGANG LAS LANGS TE SRUNG 'KHOR BSGOM PA LA, BDUD RTZI 'OD LAS PADMA MA BYUNG YANG, ,MI THUB ZLA BA'I SGRUB THABS LAS PADMA DANG SNA TSOGS RDO RJE GNYIS KA GSUNGS PA LTAR BYA LA, SRUNG 'KHOR NI, YAN LAG DRUG PA LTAR BYA'O, ,BDAG MED MA LA'ANG KHRO BCU'I SRUNG 'KHOR BSGOM PAR LHA'I RIGS KYI BLO GROS CHEN POS BSHAD DO, , DE NAS CHOS 'BYUNG BSGOM PA LA, SA BON NI GNYIS KAR MA BSHAD DO, ,DER 'BYUNG BA BSGOM PA LA BDUD RTZI 'OD DU, SA NAS RLUNG GI BAR DANG, SA DKYIL LJANG GUR BSHAD LA, MI THUB ZLA BAS YAN LAG DRUG PA LTAR MDZAD DO, ,BDUD RTZI 'OD LAS 'DRES PA'I SNGON DU 'KHOR LO BSGOM PA MA BSHAD LA, MI THUB ZLA BAS, BHUm LAS 'KHOR LO'I STENG DU BDAG ,SRID PA BAR MA BSAMS BYAS NAS, ,AE WAm NYID DU RAB TU
'DRES, ,ZHES GSUNGS SHING, BDUD RTZI 'OD DU, AE WAm DU BDAG DANG 'DRES PAR GSUNGS PA'I DON NI, AE NI RTEN CHOS 'BYUNG YIN LA, WAm YIG NI SKABS 'DIR BRTEN PA 'BYUNG BZHI DANG 'KHOR LO, BDAG NI RANG GI RNAM SHES SO, ,DE SRID PA BAR DOR BSHAD PA NI, SKABS 'DIR YANG SBYANG GZHI DANG SBYAR NA BAR DO'I SKABS YIN PA LA DGONGS SO, ,'DIR STONG NYID LAS LANGS PA'I TSE, NAM MKHA' BAR DO MTSON BYED KYI YI GE 'JOG MI 'JOG NI, MAN SNYE LAS, BDAG MED MA LA'ANG RGYU 'BRAS KYI RDO RJE 'DZIN PA'I RNAM GZHAG MDZAD DE, DE NYID LAS, ZLA BA DANG NYI MA'I DBUS NA GNAS PA'I PHYAG MTSAN GYI NANG DU SON PA'I SA BON GYI NGO BO NI, 'DIR RGYU RDO RJE 'DZIN PA'O ZHES DANG, 'DI SKAD GSUNGS TE YE SHES BZHI RNAMS NI RGYUR GYUR PA RNAMS TE, LNGA PA 'BRAS BU'O, ,ZHES GSUNGS SO, ,ZHES SO, ,DE LTAR NA ZLA NYI'I BAR DU BAR SNANG LAS N'A DA BABS NAS RIM GYIS AAm DU RDZOGS PAR BYA'O, ,MAR LUGS PA RNAMS 'DI LA BAR SRID MTSON PA'I N'A DA 'JOG PAR 'DOD DO, ,'DRES PA LAS GZHAL YAS KHANG DUR KHROD DANG BCAS PA BSGOM MO, ,DER 'PHAR MA GNYIS BSGOM PA NI, ZE'U 'BRU LAS NI GCIG 'GYUR TE, ,GRU GSUM GYIS NI PHYI MAR BRJOD, CES PA'I BAR KU MU tI LAS, ZI'U 'BRU NI SNYING PO'O, ,GRU GSUM NI PHYI ROL MTHA' GSUM MO, ,ZHES DANG, 'PHAR MA GNYIS ZHES BYA BA NI KHA SBYOR LTA BU'I 'PHAR MA STE, RDO RJE'I 'PHRENG BAS YONGS SU BCAD PA DANG, ZHES SO, ,MU TIG PHRENG BA LAS, LTE BA YIS ZHES PA NI, LTE
, ,BAS NYE BAR MTSON PA 'DAB MA BRGYAD DO, ,GRU GSUM GYI ZHES PA CHOS KYI 'BYUNG GNAS KYIS YONGS SU 'BYED PA, PADMA'I PHYI ROL GZHAL YAS KHANG GI NANG GI GNAS SO, ,ZHES GSUNGS TE, MTSO SKYES DANG MAN SNYE YANG DE DANG MTHUN TE, DBUS SU PADMA 'DAB BRGYAD DANG, DE'I PHYIR LHA SNAM DANG BCAS PA'O, ,PADMA'I LTE BA DANG PHYOGS BZHI'I 'DAB MA LA RO LNGA DANG, PHYI ROL GYI MTSAMS DANG SGO BZHI DANG, STENG 'OG TU'ANG RO'I GDAN NO, ,'DIR MAN SNYE LAS, DE RNAMS KYI SNYING GAR SNGON DU ZLA GDAN BSKYED DE, DE NAS MNGON BYANG LNGA BSGOM PA BSHAD DO, ,'DI LA SH'ANTI PAS, LTE BAR DBYANGS BCO LNGA DANG, GSAL BYED SO BZHI LAS ZLA NYI SOGS BSKYED NAS, GTZO MO RDZOGS PA DE'I THUGS KAR, SA BON LAS 'KHOR GYI GDAN RNAMS KYI STENG DU ZLA BA DANG NYI MA BCU BZHI PA GNYIS SPRO BA DANG, NYI MA'I STENG DU SA BON BSGOM PAR BSHAD LA, dOm BI BA'I GZHUNG DANG MI THUB ZLA BA'I SGRUB THABS SU 'DRA BAR RGYUD GZHAN LAS MA BYUNG YANG, SA SKYE BAS MNGON BYANG LNGA BSKYED NI RE RE LA GTZO MO BZHIN BYED DE, KU MU tI'I DGONGS PA YIN LA, MAN SNYE DANG YANG MTHUN, ZLA NYI'I BAR DU SA BON BSGOM PAR BSHAD DO, ,RNGOG PAS 'KHOR BCU BZHI LA YI GE RE RE LAS ZLA NYI BSKYED PA'I MNGON BYANG BYED PAS GTZO MO DANG BSKYED TSUL MI 'DRA'O, ,'DIR MU TIG PHRENG BA LAS, DANG PO'I SA BON NI SBYOR BA'I DANG, PHYAG MTSAN NI DNGOS GZHI'I DANG, DE LA MTSAN MA'I SA BON NI YONGS SU GCOD PA DANG, SPRO BSDU NI GZHAN GYI BDE BA STE BDE BA BZHIR BSHAD DO, ,
MI THUB ZLA BAS GTZO MO'I THUGS KAR YE SHES SEMS DPA' BSGOM PAR BSHAD DO, ,TING NGE 'DZIN SEMS DPA' 'ANG DGOS SO, ,DE NAS dOMPI PA'I GZHUNG DU MI GSAL YANG MI THUB ZLA BAS BSHAD PA LTAR, YE SHES PA SPYAN DRANGS TE BSTIM PA DANG, SKYE MCHED SKU GSUNG THUGS BYIN GYIS BRLAB BO, ,DE NAS DBANG LHA SPYAN DRANGS PA SOGS YAN LAG DRUG PA DANG 'DRA LA, RIGS BDAG NI, GTZO MO SOGS NANG GI LNGA LA RIM PA BZHIN RIGS LNGA DANG, PHYI'I BZHI MTSAN GNYIS LA DON GRUB MA GTOGS PA RIGS BZHIS RGYAS GDAB PO, ,STENG 'OG GNYIS LAN BDUD RTZI'I 'OD LAS, 'OG DANG STENG DU SKU GSUNG GI ,PHYAG RGYA BYED PA RDZOGS PA'O, ,ZHES GSUNGS LA, MI THUB ZLA BA'I SGRUB THABS LAS, SKU DANG GSUNG NYID KYIS, MKHA' SPYOD MA DANG SA SPYOD MA, ,ZHES BSHAD DO, ,MAN SNYE LAS, MKHA' SPYOD MA LA RNAM SNANG DANG, SA SPYOD MA LA 'OD DPAG MED KYIS RGYAS 'DEBS PA BSHAD DO, ,DE NAS NAG PO SOGS KYIS YAN LAG DRUG DANG GTUM MO BSGOMS PAS DUB NA, DAG PA DRAN PAR BYA STE, DE LA BZHI LAS, PHUNG PO'I DAG PA NI GZUGS PHUNG NAS RNAM SHES KYI PHUNG PO'I BAR LNGA RDO RJE MA NAS, BDAG MED MA'I BAR LNGA DANG, KHAMS KYI DAG PA NI SA'I KHAMS SOGS BZHI PU KA SI SOGS BZHI DANG, YUL GYI SKYE MCHED KYI RNAM DAG NI, GZUGS NAS RO'I BAR BZHI PHYI'I GOO R'I SOGS BZHI DANG, REG BYA NI SA SPYOD MA DANG, CHOS KYI SKYE MCHED NI MKHA' SPYOD MAR BSGOM MO, ,NYON MONGS PA DANG NYE NYON GYI RNAM DAG NI, ZHE SDANG 'DOD CHAGS GTI MUG, NGA RGYAL PHRAG DOG LNGA LA RIM PA BZHIN DU BDAG MED MA, RDO RJE MA, CHU'I RNAL 'BYOR MA, GOO R'I
, ,RDO RJE MKHA' 'GRO MA LNGAR BSGOM PAR BSHAD DO, ,PHYAG RGYA LNGA'I DAG PA LA GNYIS LAS DGOS PA NI, BLA MA DANG 'DOD LHA LA 'DUN PA DANG, SLOB DPON SMOD PA'I TSIG MI NYAN PA DANG, SNGAGS BZLAS PA DANG, SROG CHAGS LA GNOD PA SPONG BA DANG, PHYAG RGYA BSTEN PA'O, ,NGO BO'I RNAM DAG NI SPYI BO'I 'KHOR LO MI BSKYOD PA SOGS SO, ,BSAM GTAN GYIS DU BA NA DBYANGS BCU DRUG GI THA MA SPANGS TE, MGOR AOm DANG MTHAR PHAt SV'A H'A SBYAR BA'I BZLAS PA BYA BA DANG, DE NAS GTOR MA BYA BAR MI THUB ZLA BAS BSHAD DO, ,BDAG BSKYED KYI DKYIL 'KHOR LA LHA MO BRGYAD KYIS MCHOD PA'I TSUL NI MU TIG PHRENG BA LAS, DE LA DANG PO DRUG GI PHYAG NA THOD PAR MCHOD PA'I RDZAS RNAMS BSTABS PAS, RANG GI MTHAS DA RNAMS SU MGO STE DE YONGS SU SPYAD PAS MCHOD DO, ,BRGYAD PA SME MA NI, DKYIL 'KHOR GYI BDAG MO'I MGUL NAS 'KHYUD DO, ,DE LA GZHAN RNAL 'BYOR MA BDUN SPROS PA'I TSUL GYIS 'JUG PAR BYA'O, ,DE'ANG RANG GI PADMA LAS BYUNG BA'I RDO RJE DANG SBYOR BAS BCOM LDAN 'DAS MA THAMS CAD LA YONGS SU SPYOD DO, ,ZHES LHA MO SNGA MA DRUG GIS MCHOD RDZAS YUL RNAMS LA BSTABS PA NA, RANG GI MTHUS MCHOD YUL GYI PHYAG GI THOD PAR SONG NAS, YUL DE DAG GIS LONGS SPYOD DO, ,DE NAS LHA MO GZHAN BDUN GA-YUNG MO LA BSDUS NAS, PADMA RDO RJER GYUR PA DANG PADMA SBYAR NAS BDE BA BSKYED PAR BSHAD DO, ,'DI NI YAB KYI SGRUB THABS KYI SKABS SU'ANG GTZO MO MA GTOGS PA GZHAN DGU LA'ANG SBYAR RO, ,SH'ANTI PAS GTZO MO RDZOGS PA DANG PO SBYOR BA DANG,
DE'I 'OG NAS BZUNG STE YAN LAG DRUG BSGOM PA'I BAR DKYIL 'KHOR RGYAL MCHOG DANG, DE NAS GTZO BOS BSKUL BAS RANG RANG GI SKU LAS, RANG 'DRA'I SPRUL PA'I SPRIN SPROS NAS 'GRO BA'I DON BYAS NAS DE BSDUS PA NI LAS RGYAL MCHOG DANG, BSGOMS PAS SKYE NA BZLAS PA BYA BAR BSHAD DO, GZHAN YANG THUN GYI MTHAR 'KHOR GYI LHA MO RNAMS GTZO MO'I THUGS KA'I SA BON LA BSDUS TE SPYOD LAM LA 'JUG PA DANG, THUN GZHAN LA 'JUG PA NA RANG NYID BDAG MED MAR GSAL BA'I THUGS KA'I SA BON LAS 'KHOR GYI LHA MO SPROS NAS GNAS SU BKOD PA LA YE SHES PA GZHUG PA SOGS DANG, THUN THA MA'I MTHAR 'KHOR GYI LHA MO RNAMS KYI YE SHES PA GSHEGS TE, DAM TSIG PA BDAG LA SDUD PA SOGS BYED PAR MU TIG PHRENG BA LAS BSHAD DO, ,DE DAG GIS NI GZHAL YAS KHANG BSKYED PA DANG SDUD PA SOGS KYANG SHES NUS SO, ,BDUD RTZI 'OD LAS, RNAL 'BYOR MA NI BDAG MED PA'I, ,SDOM PA'I DBYE BA BRJOD PAR BYA, ,LTE BAR PHYAG RGYA CHEN PO GNAS, ,BDE CHEN BYED PA'I GZHI 'BRAS MA, ,RNO PHYIR ME YI GZUGS SU NI, ,'BAR BCAS RNAM PA MA MO KHYOD, ,DANG PO'I DBYANGS YIG RANG BZHIN TE, ,BLOR NI SANGS RGYAS RNAMS KYIS BRTAGS, ,ZHES DANG, BDAG MED LUS KYI NANG GNAS PA, ,GZHOM MED MA NI THUR DU BLTAS, ,ZHES DANG, DE'I PHYIR LUS LA RTZA GSUM GNAS, ,ZHES GSUNGS NAS, DE GSUM SKU GSUNG THUGS KYI GZUGS KYIS DANG, RO MA THABS DANG RKYANG MA SHES RAB KYI RANG BZHIN GYIS GNAS PA DANG, DH'U T'I'I DBUS SU GNAS NAS GZUNG 'DZIN SPANGS TE BDE CHEN BSKYED PAR BSHAD
, ,PA'I MTHAR, MTSAN MO'AM NYIN PAR DAG TU'ANG, ,RTAG TU YE SHES SKYE BA NYID, ,LHAN CIG SKYES DGA' MCHOG DGA' BA, ,PHA YI BDE BA BZANG PO 'BAB, ,CES GSUNGS SO, ,DE DAG GIS NI LHAN CIG SKYES DGA'I YE SHES NYIN MTSAN KUN TU SKYONG DGOS PA DANG, DE'ANG SPYI BO'I BYANG SEMS 'DZAG PA LAS SKYE BA DANG, DE 'DZAG PA'ANG LTE BA'I GTUM MO 'BAR BA LAS DANG, DE'ANG DH'U T'IR RLUNG TSUD PA LAS GZUNG 'DZIN GYI RTOG PA GCOD PA'I TSUL GYIS YIN PAR GSUNGS PAS, LE'U DANG PO'I SDOM PA'I DBYE BA RNAMS DANG, LTE BAR GTUM MO ZHES SOGS DANG, KUN 'DAR MA NI ZHES SOGS KYI DON YANG DES SHES PAR BYA'O, ,DBU MAR GA-YAS GA-YON GYI RLUNG GNYIS BSDOM PA LA 'KHOR LO BZHI'I LTE BAR YI GE BKOD PA'I GTUM MO BSDUS PA BSGOM PA DANG, SNYING GA'I SDUD RIM YAN LAG DRUG BSGOM PA MTSO SKYES KYIS GSUNGS LA, NAG PO SOGS KYI YAN LAG DRUG DANG GTUM MO BSGOM PA NI dOMBI PA DANG MI THUB ZLA BAS KYANG BSHAD DE, 'KHOR LO BZHI DANG YI GE BZHI LA BRTEN PA'I RDZOGS RIM NI, KYEE RDO RJE'I SGRUB THABS DU MA ZHIG LAS GSUNGS PAS, 'DI LA GTUM MO LEGS PAR SHES DGOS SO,, ,,SARBA MANGGA LAm ,,