*, ,KYEE RDO RJE'I RGYUD KYI ZIN BRIS RJES GNANG BA DANG KYEE RDO RJE'I ZIN BRIS BCAS BZHUGS SO, ,
, ,KYEE RDO RJE'I NGES PA'I DON GYI RGYA CHER BSHAD PA LAS DNGOS GRUB GTAN LA PHAB PA ZHES BYA BA'I LE'U'I RGYA CHER BSHAD PA GNYIS PA LAS, RDO RJE SNYING POS GSOL PA, NAM MKHA' LTA BU'I CHOS RNAMS LAS, ,RGYA MTSOR KU BA JI BZHIN DU, ,RANG 'DOD LHA YI GZUGS KYIS NI, ,SEMS CAN JI LTAR 'GRUB PAR 'GYUR, ,ZHES BYA BA LA, KYEE BCOM LDAN 'DAS KYIS THOG MA DANG THA MA DANG BAR THAMS CAD DU CHOS RNAMS NAM MKHA' LTA BU'O, ,ZHES YANG DANG YANG DU GSUNGS LA, BDAG GIS KYANG KHONG DU CHUD LAGS NA, 'GRO BA 'DI DAG NI RANG GI RNAM PAR RTOG PAS BSKYOD DE, DPER NA RGYA MTSO CHEN PO LA KU BA GTONG PA DAG SKYES BU 'GA' ZHIG GIS DOR NAS PHYOGS GCIG TU MI GNAS PAR 'PHYO BA LTAR, RANG RANG GI RNAM PAR RTOG PAS BSKYOD DE GNAS PA 'DI DAG GIS JI LTAR BSGRUBS NA 'GRUB PAR 'GYUR ZHES ZHUS PA'O, ,BCOM LDAN 'DAS KYIS BKA' STZAL PA, BDAG MED RNAL 'BYOR LDAN PA'AM, ,YANG NA HE RU KA DPAL BRTZON, ,GZHAN GYI SEMS KYIS SKAD CIG KYANG, ,DNGOS GRUB 'DOD PAS MI GNAS SO, ,ZHES BYA BA GSUNGS TE, KYEE RDO RJE SNYING PO DE LTA YIN GYIS KYANG, LAS KYI DANG PO LA GNAS PA'I RNAL
, ,'BYOR PAS, GONG DU BSTAN PA'I DKYIL 'KHOR DU GZHUG LA BSKYED PA LHA'I NGA RGYAL GYI DUS DANG, DE YONGS SU RDZOGS NAS BDAG MED MA'I RNAL 'BYOR LA GNAS PAR BYAS NA, NGES PAR KYEE RDO RJER 'GYUR RO, ,DE'I PHYIR DNGOS GRUB 'DOD PAS RIM PA GNYIS LA BRTEN PA MA GTOGS PA GZHAN GYI SEMS KYIS SKAD CIG KYANG MI GNAS SO ZHES BYA BA GSUNGS SO, ,DE YANG LAS DANG PO PAS THOG MAR JE RING KHA DOG DANG DBYIBS KYI BDAG NYID LA MNGON PAR ZHEN PAS GNAS LA, DE MTHAR GYUR PA NA BDAG MED MA'I RNAL 'BYOR LA BSLAB PAR BYA'O, ,BDAG MED MA DE YANG JI LTA BU ZHIG SNYAM PA LA, JI LTAR NAM MKHA' PHYOGS RNAMS KYI, ,KUN NA'ANG RTAG PAR MI GNAS PA, ,DE BZHIN CHOS RNAMS THAMS CAD LA, ,GSANG SNGAGS MGON PO MI GNAS SO, ,JI LTAR DNGOS RNAMS NAM MKHA' LA, ,GNAS SHING RTAG TU RNAM SNANG YANG, ,DE NI GNAS SU MI 'GYUR BA, ,GSANG SNGAGS MGON PO DE BZHIN NO, ,NAM MKHA' DUS GSUM LA SOGS DANG, ,JI LTAR BRAL BAR 'DOD PA BZHIN, ,DE LTAR GSANG SNGAGS MGON PO YANG, ,DUS GSUM MED KYANG RNAM SNANG MDZAD, ,MING TZAM DU NI GDAGS PA'I GNAS, ,BYED PA PO LA SOGS DANG BRAL, ,NAM MKHA' LA NI THA SNYAD DU, ,MKHAS PA RNAMS KYIS 'DOGS PAR BYED, ,MING MA GTOGS PAR CUNG ZAD KYANG, ,YOD PA MA YIN NAM MKHA' BZHIN, ,DE BZHIN GSANG SNGAGS DBANG PHYUG KYANG, ,THA SNYAD TZAM DU SNANG
BAR ZAD, ,ME DANG CHU DANG RLUNG MA YIN, ,SA DANG NYI MA'ANG MA YIN ZHING, ,ZLA BA LA SOGS GZA' KUN MIN, ,NYIN BAR DANG NI MTSAN MO'ANG MIN, ,SKYE BO DANG NI RGA BA'ANG MIN, ,'CHI BA DANG NI RGUD PA'ANG MIN, ,SKAD CIG MA YIN YUD TZAM MIN, ,LO LA SOGS PA'ANG MA YIN ZHING, ,'JIG PA DANG NI CHAGS PA DANG, ,BSKAL PA'I GRANGS KYANG YOD MA YIN, ,DGE DANG MI DGE LAS BYUNG BA'I, ,'BRAS BU'ANG YOD PA MA YIN NO, ,KUN MKHYEN GO 'PHANG 'DOD PA YIS, ,RTOG PA RNAM PA SNA TSOGS PA, ,DE KUN GANG LA MED GYUR PA, ,DE LA RTAG TU BRTZON BAR BYA, ,ZHES GSUNGS SO, ,DE BAS NA BDAG MED PA'I RNAL 'BYOR 'DI LTA BU LA DUS RTAG PAR NUS PA RNAMS KYIS DUS RTAG PAR KYEE RDO RJE MTHONG BA YIN NO, ,YANG DE NYID LAS, DE LTAR YANG DPER NA RNA BAR CHU ZHUGS PA, CHU GZHAN GYIS GDON PAR BYA, ZHES BYA BA GSUNGS TE, RNA BA'I BU GA'I GTING NA CHU'I THIGS PA 'GA' YOD NA CHU GZHAN SLAR BZHIN BLUGS PAS PHYIR 'BYUNG BA NI 'JIG RTEN PA LA MNGON DU GRUB BO, ,DPE DE BZHIN DU, DE BZHIN DNGOS PO'I RNAM RTOG KYANG RNAM RTOG NYID KYIS SBYANG BAR BYA, ,ZHES BYA BA STE, SPROS PA'I TING NGE 'DZIN DANG BRTAGS PA'I CHOS LUS DANG LUS KYI CHA SHAS LHA'I RNAM PAR BRTAGS PA SRID PA'I MTSAN NYID CAN MA GTOGS PAR GROL BAR 'GYUR BA'I THABS MED PAR 'GYUR RO,, ,, KYEE RDO RJE NGES PA'I DON GYI RGYA CHER BSTAN PA LAS, LHA'I SGRUB THABS BSTAN PA'I LE'U BRGYAD PAR, STONG NYID DMIGS PAR BYA BA'I PHYIR, SMON PA RNAM PAR BRTAG PAR BYA, ,DNGOS PO RANG BZHIN STONG PA'I PHYIR, ,RGYU ZHES PA YI MTSAN MA MED, ,RTOG MED PHYIR
, ,NA SMON NYID MED, ,'DUS BYAS DANG BRAL MI PHYED PA, ,SKYE DANG 'GAG PA'I DNGOS MED PAS, ,SMON PA'I DON NYID MED PA LA, ,CHOS DANG CHOS NYID MED PA'I PHYIR, ,BYANG CHUB MED CING SANGS RGYAS MED, ,JI LTA RMI LAM SGYU MA BZHIN, ,DRI ZA'I GRONG KHYER JI BZHIN PAR, ,DE BZHIN SANGS RGYAS SEMS CAN YANG, ,DE NYID BSGOMS PAS BLTA BAR BYA'O, ,BRAG CHA GRAG PA JI LTA BAR, ,DE BZHIN SANGS RGYAS CHOS RNAMS STON, ,DE LTAR RNAM PAR BRTAGS NAS NI, ,SEMS CAN RNAMS NI GZUNG BA'I PHYIR, ,'KHOR BA'I SRID PA JI SNYED PAR, ,BYANG CHUB SEMS DPA' GNAS PAR MDZAD, ,SHES BYA'I SGRIB PA NYID DANG NI, ,NYON MONGS BDUD NI MNYAM GYUR PAS, ,SPANGS PA TZAM GYIS BSRUNG BA'I PHYIR, ,'KHRUG CHEN GYIS KYANG BSREG PA MIN, ,SEMS CAN KUN LA BRTZER LDAN PA'I, ,BYANG CHUB SEMS DPA' BRTZON CHEN GYIS, ,SANGS RGYAS RDO RJE SEMS NYID LA, ,THAMS CAD NYID DU RNAM DPYAD DE, ,STONG PA NYID DU DMIGS MED PA'I, ,SNGAGS 'DI DAG NI BRJOD PAR BYA, ,AOm SH'U NYA T'A DZNY'A NA BADZRA SVA BH'A BA A'ATMA KO NYAHAm, DE NAS DANG PO'I SMON LAM RJES SU DRAN PAR 'GYUR TE, ,DE YIS SMON LAM GYI SEMS TE 'GRO BA'I DON GYI ROL MO BSGRUB PA'I PHYIR NA, SNGAGS PA RANG GI SEMS LHA'I DNGOS POR BRTAG CING BSGOM PAR BYA'O, ,RTZA BA'I RGYUD LAS JI SKAD DU, ,RNAM RTOG RGYA RU CHUD PA YI, ,'GRO BA GSUM PO RNAMS GZIGS NAS, ,JI LTA JI LTAR GROL 'GYUR BA'I, ,DE DANG DE YI THABS BSTAN TO, ,RNAM RTOG BAG CHAGS KYIS BCINGS LA, ,THOG MAR
RTOG PA'I CHO GA BSTAN, ,RNAM RTOG RANG BZHIN SHES PA NA, ,MI RTOG PA LA RNAM 'JUG BYA, ,DKYIL 'KHOR 'KHOR LO'I KHANG PA DANG, ,LHA RNAMS JI LTAR BSKYED PA DANG, ,YE SHES DGUG DANG DBANG BSKUR DANG, ,DE BZHIN 'KHOR LO RTZA DANG NI, ,KHU BA RLUNG RNAMS GANG BSTAN TE, ,BYIS PA RNAMS NI GZHUG PA'I PHYIR, ,'JIG RTEN MGON POS BSTAN PA YIN, ,MA YIN NGES DON GZHAN DU DPYAD, ,DKYIL 'KHOR TSUL DANG LHA DAG DANG, ,YE SHES DGUG DANG DBANG BSKUR DANG, ,KHU BA RLUNG DU SU LDAN PA, ,KYEE RDO RJE DES MI SHES, ,ZHES GSUNGS SO,, ,,KYEE RDO RJE'I NGES PA'I DON GYI RGYA CHER BSHAD PA LAS RNAM PAR DAG PA'I LE'U'I RGYA CHER BSHAD PA DGU PA LAS, KYEE BCOM LDAN 'DAS GZUNG BA DANG 'DZIN PA GANG LAGS ZHES BYA BA NI, GANG GIS GANG LA JI LTAR 'DZIN ZHES GSUNGS PA'O, ,BCOM LDAN 'DAS KYIS BKA' STZAL PA, ZHES BYA BA NI LAN DU'O, ,MIG GIS GZUGS LA 'DZIN PAR BYED, ,SGRA LA RNA BAS NYAN PAR BYED, ,SNA YIS DRI LA SNOM PAR BYED, ,LCE YIS RO LA MYONG BAR BYED, ,DNGOS PO LUS KYIS REG PAR BYED, ,CES GSUNGS TE, BYIS PA RNAMS NI YUL DANG YUL CAN DANG, BDAG DANG BDAG GI DANG, BDE BA DANG SDUG BSNGAL GYI TSUL DU YUL RNAMS LA 'JUG PAS, RNAM PAR MA DAG PA YIN LA, RNAL 'BYOR PA MKHAS PA NI, DE NYID THABS KYIS 'JUG PAR BYED, DE RNAM PAR DAG GO ,'DI LTAR BDE BA DANG SDUG BSNGAL THAMS CAD NI, GZOD MA NYID NAS NGO BO NYID KYIS STONG ZHING DBEN TE, GANG GIS DE LTAR SHES PA DE NI RNAM PAR SBYANGS PA STE NGES PA'I DON TO, ,DES NA YID KYIS BDE BA SOGS
, ,THOB PA RNAMS DAG PAS DUG MED BYAS NAS NI, BSTEN BYA 'DI DAG BSTAN PAR BYA, ZHES BYA BA LA, RNAL 'BYOR LA MKHAS PA DANG, BYIS PA'I RANG BZHIN CAN DAG GIS 'DI LTAR RIG PA BZHIN DU, BDEN PA GNYIS LA BRTEN TE, RNAL 'BYOR PA MKHAS PAS KYANG, SGYU MA'I DPE BCU GNYIS DANG, DAM TSIG 'KHOR LOS KUN RDZOB KYI BDEN PA MI SPANG STE, RANG RANG JI LTAR 'DUL BA BZHIN DU DKYIL 'KHOR GYI 'KHOR LO BSTAN TO,, ,,KYEE RDO RJE'I NGES PA'I DON GYI RGYA CHER BSHAD PA LAS, DBANG GI LE'U'I RGYA CHER BSHAD PA BCU LAS, RDO RJE SLOB DPON RIG SNGAGS 'CHANG GIS, GDOD MA NYID NAS CHOS THAMS CAD RMI LAM LTA BU DANG CHU ZLA LTA BU LA NYE BAR GNAS TE, SLOB MA DKYIL 'KHOR DU GZHUG PA DANG, LAS RGYAS PA THAMS CAD BYA BA'I SKAD CIG DE LA MA YIN NO, ,DE CI'I PHYIR ZHE NA, CHOS THAMS CAD GZOD MA NYID NAS NGO BO NYID KYIS DBEN PA'I PHYIR RO, ,DE STENG GANG LA 'DU SHES 'DI DAG GIS DBEN PA'I SKYE BOS LAS 'DI DAG LA 'JUG CING SLOB MA SDUD PA DAG NI, GLANG PO CHE SMYON PA DANG MTSUNGS TE RANG GI SDE BRLAG PAR BYAS NAS PHA ROL GYI SDE PHUNG BAR BYED PA YIN NO, ,DPAL DGYES PA RDO RJE'I DKA' 'GRAL RDO RJE'I TSIG BTU BA ZHES BYA BA'I LE'U BZHI PAR, 'DI SKAD DU RNAL 'BYOR PA SHES DANG YE SHES KYI BDAG NYID KYI SEMS BDE BA'I 'BYUNG GNAS DE TSOGS PA BZANG NGAN GYIS 'GRO BA DAM PA DANG, DAM PA MA YIN PAR GYUR PA THAMS CAD LA BDE BA CHEN PO DBYER MED PAR RTOGS PA 'THOB PA'I THABS NI RANG GI SEMS KHO NA BAS, RANG BZHIN GYIS
BDE BA 'BYUNG BA ZAG PA DANG BCAS PA'I CHOS RNAMS 'GAG PA THOB PA NI BSAM GTAN PHUL DU BYUNG BA BSLABS PA LAS 'BYUNG BAR BLA MA DAM PA RNAMS KYIS GSUNGS SO, ,ZHES BYA BA STE 'DI NI 'DIR MAN NGAG GI STE, DE BAS NA BRTAG PA DANG PO'I LE'U BCU PA LAS, PHYAG RGYA'I RGYU DANG RNAM PAR BRAL CES GSUNGS TE, SKYE BO SHES RAB DANG SNYING RJE'I RKANG PA DANG LDAN PA DE DAG LA NI DANG PO YANG GSANG BA SHES RAB YE SHES DANG BZHI PA RNAMS DGOS PA MA YIN LA, PHYI NAS KYANG SPROS PA DANG BRAL BAS PHYAG RGYA CHEN POS GTOGS PAR PHYAG RGYA GZHAN LA BRTEN PA NYID MI DGOS SO, ,DE LTAR NA DE DAG NI 'DOD CHAGS KYI NYES PAS KYANG MA REG PA, 'DOD CHAGS KYIS GROL PAR BYED PA'I THABS LA YANG GNAS PAS NA GSANG BA DANG, SHES RAB YE SHES KYI GNAS KYI MAN NGAG RNAMS GZUNG BA DANG, SBYIN PA LA DBANG THOB PA YANG YIN NO, ,JI LTAR NA DE DAG DBANG BSKUR BA DANG BRAL BZHIN DU, DE'I MAN NGAG 'DZIN PA DANG, SBYIN PA LA DBANG THOB PA DE LTA NA, YANG DAG DBANG NI BSKUR BA LA, ,DE NYID BSTAN CES RDOR 'DZIN GSUNGS GZHAN DU DE LA DNGOS GRUB NI, ,MED CING BYANG CHUB MED PAR 'GYUR, ,ZHES BYA BA LA SOGS PA YANG DE LTA MIN NO, ,ZHE NA, DE NI MA YIN TE DPER NA MIG SMAN GYI THUR MAS MIG DBYE BA'I TSOR BA SDUG BSNGAL MA MYONG BA RNAMS LA, THUR MA'I RIG PA BZUNG BA DANG, SBYIN PA'I DBANG MED PA NI MA YIN PA LTAR 'DI YANG DE DANG 'DRA'O, ,GAL TE DE NI MA YIN TE, 'DIR NYAMS SU MYONG BA'I DON STON PA YIN NO, ,ZHE NA, DE NI MA YIN TE, LHAN CIG SKYES DGA' GZHAN DAG GIS, ,BRJOD MIN GANG NAS MI RNYED KYANG, ,ZHES
, ,GSUNGS PA'I PHYIR DANG, DE BZHIN DU GZHON NU MA YI RAB DGA' LTAR, ,BSTAN DU MED PA'I BDE BA 'BYUNG, ,ZHES GSUNGS PAS, RANG GIS NYAMS SU MYONG BA JI LTA BA SLOB MA LA BRJOD PA YIN NO, ,GZHAN YANG NYAMS SU MYONG BA'I DON BRJOD NA, CI DBANG PO GNYIS LAS BYUNG BA'I BDE BA NYAMS SU MYONG BA BRJOD PA'AM, YANG NA SPROS PA DANG BRAL BA'I YE SHES RTOGS PA BRJOD, DANG PO NA MA YIN TE DE NI BLA MA LA RAG MI LAS SHING 'DOD CHAGS DANG MA BRAL BA THAMS CAD LA 'BYUNG BA'I PHYIR RO, ,PHYOGS GNYIS PA LTAR NA NI DE THOB PA LA RAG MI LAS SHING PHA ROL TU PHYIN PA'I RNAM PA DANG MI LDAN PA 'GA' ZHIG GIS KYANG 'GRUB PAR THAL BA'I PHYIR RO, GANG GSUNGS PA'I YANG DAG DBANG NI BSKUR BA LA ZHES BYA BA LA SOGS PA NI ZLOG PAR BYED PA NYID MA YIN TE, RIG PA'I DBANG GI DGONGS PA DANG YUL THAMS CAD MA GZUNG BA'I PHYIR RO, ,DE LTA MOD KYI 'DI NI RIG PA MA YIN TE, RIG PA'I DBANG NI SKU RNAM PAR DAG PA YIN LA, GSANG BA DANG SHES RAB YE SHES DAG PA NI GSUNG DANG THUGS RNAM PAR DAG PA YIN PA'I PHYIR, GANG GIS RIG PA'I DBANG BSKUR BA DE NI SKU 'BA' ZHIG RNAM PAR DAG PA YIN GYI THUGS DANG GSUNG DAG PA MA YIN NO ZHE NA, DE LTA MOD KYI 'DI NI MCHOG TU 'KHRUL PA'I GNAS GANG ZAG GI BSAM PA LA BRTEN PA TZAM YIN GYI NGES PAR GYUR PA NYID MA YIN NO, ,DE LTAR MIN NA RIG PA'I DBANG YONGS SU NYAMS PAR 'GYUR TE,
'DI LTAR CHU DANG COD PAN DANG RDO RJE DANG DRIL BU DANG, MING GIS RIM PA BZHIN DU ME LONG LTA BU DANG MNYAM PA NYID DANG, SO SOR RTOG PA DANG BYA BSGRUB PA DANG SHIN TU RNAM PAR DAG PA'I CHOS KYI DBYINGS KYI YE SHES RNAMS 'GRUB PAR GSUNGS PA'I PHYIR RO, ,GANG YANG YE SHES LNGA RNAM PAR DAG PA'I MTHAR GYUR KYANG GSUNG DANG THUGS RNAM PAR MA DAG PA ZHIG NA, SU ZHIG BSTAN PA 'DI LA BRTZON PAR 'GYUR, DE BAS NA GANG GIS RIG PA'I DBANG GZUNG BA DE NI DBANG RNAM PA GSUM LA DBANG PO KHO NA'O,, DE LTAR NA 'DI DAG NI BRTAN PAR MI 'GYUR TE, DON MED DO ZHE NA THAMS CAD DU NI DAG PAR MI SBYOR RO, ,DPER NA 'GA' ZHIG TU NI MU TIG DO SHAL DAG PA BAS, CHAD PA STONG PA BSTAN PA NYID CHES THABS SU 'GYUR PA LTA BU'O, ,BRTAG PA GNYIS PA'I LE'U GNYIS PA'I RDO RJE'I CHAG BTU BA LAS, DE LTAR YANG GSUNGS TE, THA MAL RNAM PA GZHOM PA'I PHYIR, ,RANG LA LHA YI NGAR 'DZIN BYA, ,NGAR 'DZIN DE YANG GZHOM PA'I PHYIR, ,DMIGS PA MED PA'I RNAM PAR BSGOM, ,GANG TSE SEMS NI MNYAM GNAS PA'ANG, ,DE'I TSE DE NYID YIN PAR NGES, ,ZHES SO, ,JI LTAR NGAR 'DZIN PA'I TSUL YANG, ,DANG PO'I LAS CAN RNAL 'BYOR PA, ,DES NI SPRUL SKU LA GOMS BYA, ,SPRUL PA BRTAN PAR GYUR PA NA, ,LANGS SPYOD RDZOGS PA BRTAN PAR BSGOM, ,SPRUL PA'I SKU NI GNAS 'GYUR CING, ,LONGS SPYOD RDZOGS PA GSAL TZAM NA, ,CHOS SKU DMIGS PA MED PA STE, ,'DI NI MDOR BSDUS SMOS PA'O, ,ZHES GSUNGS SO, ,LE'U BCU GCIG PA'I RDO RJE'I TSIG BTU BA LAS 'DI YANG YANG DAG PA'I YE SHES
, ,MNGON SUM DU BYAS PA DANG, DE DPE'I YE SHES MNGON SUM DU BYAS PA'I DBYE BAS RNAM PA GNYIS NYID DU SHES PAR BYA STE, DE LTAR MIN NA DPE'I YE SHES NYI TSE 'BYUNG BA YANG DANG POR DPE SNGON DU NGES PAR 'GRO BA'I PHYIR NA MI SRID PA'O, ,DE BAS NA DPE'I YE SHES KYIS NI 'DI DMAN PA NYID LA DPE CAN GYI YE SHES KYIS MCHOG TU GYUR PA KHO NA'O, ,DE'I PHYIR GANG GIS DANG PO NYID NAS DPE LA MA BRTEN PAS DPE CAN GYI YE SHES 'BYUNG BAR NUS PA DE DAG NI DPE'I YE SHES LA MI BRTEN LA, 'GA' ZHIG DPE'I YE SHES LA MA BRTEN PAR DPE CAN LA 'JUG PAR MI 'GYUR BA DE DAG NI GNYE GA LA BRTEN PA'O, ,'DIR YANG NGES PAR TSANGS PAR SPYOD PA'I SNGAGS PAS NI, RE PA'I YE SHES NYAMS SU MYONG BAR MI BYA STE, RTZA BA'I BLA MA DANG BCAS TE NGAN 'GROR GZHOL BA'I PHYIR RO, ,GANG ZHIG NGAS DE NYAMS SU MYONG BAR 'GYUR GYI, GZHAN GYIS NI MA YIN PA DE DAG GIS KYANG, DANG PO'I SDOM PA NYAMS PAR MI BYA'I LEGS PAR GTAD PAR BYA'O, ,SLOB DPON CHEN PO KA MA LA DHE NU PAS MDZAD PA, RGYA GAR GYI MKHAN PO BI NA YA NGE BA DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB,, SHU BHAm,, 'DIS KYANG SANGS RGYAS KYI BSTAN PA RIN PO CHE SGO THAMS CAD NAS PHYOGS CAD DU DAR ZHING RGYAS LA YUN RING DU GNAS PAR GYUR CIG , ,,(KYE RDO RJE'I ZIN BRIS), ` DPAL KYEE RDO RJE'I SGRUB THABS LA, RIGS BSDUS PA DANG, RIGS SO SO PA
GNYIS TE, GUR LE'U LNGA PA LAS, DKYIL 'KHOR RE RE BSGOM PA'AM, YANG NA BSDUS PA'I DKYIL 'KHOR TE, ZHES SO, ,RIGS BSDUS PA LA'ANG TSUL GNYIS TE, DE'I RJES NAS BRGYAD BRGYAD DBUS SU GNAS PA'AM, YANG NA NYI SHU RTZA LNGA RU, ,GANG TSE DKYIL 'KHOR BSDUS PA YI, ,SGOR NI LCAGS KYU ZHAGS PA DANG, ,LCAGS SGROG DE BZHIN RDO RJE NYID, ,CES GSUNGS TE, 'GYUR GZHAN LAS, DE BZHIN RDO RJE 'BEBS MA NYID, ,CES GSUNGS TE, LHA ZHE LNGA DANG NYER LNGA MA GNYIS TE SGO MA BZHI NI GNYIS KA'O, ,RIGS SO SO BA LA LNGA YOD KYANG, 'DIR RDO RJE'I RIGS KYI'O, ,DE LA RTZA RGYUD LAS BZHI GSUNGS PA LA, 'DIR NI ZHAL BRGYAD PHYAG BCU DRUG PA'O, ,DE RNAMS NI YAB GTZO BOR GYUR PA YIN LA, YUM BDAG MED MA GTZO BOR BYAS PA LA LHA MO BCO LNGAS BSKOR BA NI, GUR BRTAG GNYIS KA LA GSUNGS SHING, RIGS LHAG MA BZHI SO SO BA DANG, RIGS BSDUS PA GUR LAS GSUNGS SO, ,ZHAL BRGYAD PA'I SGRUB THABS PAD DU YOD KYANG, 'DIR NI MI THUB ZLA BA'I YAN LAG DRUG PA'I LUGS SO, ,SLOB DPON 'DIS MDZAD PA LA DKYIL CHOG BZANG PO YONGS BZUNG DANG, SGRUB THABS LA RIGS BSDUS DANG, YAN LAG DRUG PA DANG, BDAG MED MA'I DKYIL 'KHOR GYI SGRUB THABS DANG, GTOR CHOG DANG, BCUD LEN GYI CHO GA DANG, RTZA RGYUD KYI 'GREL PA STE BDUN MDZAD PAR GRAGS SO, ,SLOB DPON 'DI dOm BI HE RU KA'I DNGOS SLOB TU GRAGS LA, DE YANG YAN LAG DRUG PA LAS, dOm BI PA'I ZHAL SNGA NAS
, ,KYI RIM RNYED PAS, ZHES GSUNGS PA DANG MTHUN NO, ,'DIR BSKYED RIM DANG RDZOGS RIM GNYIS LAS, DANG PO LA SNGON 'GRO DANG, DNGOS GZHI DANG, RDZOGS BYED KYI YAN LAG DANG GSUM, DANG PO LA GNYIS KYI SBYOR BA TSOGS BSAG PA LA, TSOGS ZHING SGRUB PA NI, 'DIR RANG NYID LHAR BSGOM PA MI GSAL YANG, YAN LAG MED PA'I RDO RJES LHAR BSKYED PA GSUNGS LA, GTZO BO ZHAL GCIG PHYAG GNYIS PAR BYA'O,, MANGGA LAm ,,