A Brief Presentation of the Crucial Points in Six-Part Practice of Inner Wind in the Stage of Completion

*, ,SBYOR BA YAN LAG DRUG GI RDZOGS RIM GYI GNAD BSDUS PA RJE'I GSUNG BZHIN RGYAL STENGS PAS MDZAD PA BZHUGS SO, ,

, ,NA MO: GU RU BHYA: PHRA RAB RDUL SOGS BEM PO'I KHAMS ZAD CING, ,RNAM KUN STONG GZUGS PHYAG RGYA CHEN PO LAS, ,BYUNG BA'I MI 'GYUR BDE BA CHEN PO NI, ,PRA PHAB MKHA' LA DBANG PO'I GZHU BZHIN DU, ,MTSAN DPES SPRAS PA'I LONGS SPYOD RDZOGS PA'I SKUR, ,GANG DU SHAR BA'I BLA MA DUS 'KHOR GYI, ,ZHABS KYI PADMOR GUS PAS PHYAG BTZAL TE, ,MANG DU GSUNGS PA'I RGYUD KYI SNYING PO'I DON, ,SKAL BZANG SKYE BO BGROD PA'I LAM GYI MCHOG ,RMAD BYUNG YAN LAG DRUG GI GDAMS MA'I GNAD, ,SNGON MED LAGS BSHAD BRJED DU PHANGS PA RNAMS, ,RDO RJE 'CHANG CHEN BLA MA'I GSUNG BZHIN 'DRI, ,SBYOR BA YAN LAG DRUG GI BLA MA DAM PA NYE BRGYUD KYI LO RGYUS NI, RNAL 'BYOR GYI DBANG PHYUG DPE MED 'TSO, DES TSONG DPON GYI BU DPAL 'DZIN, DES PAndI TA 'OD BYED LHA, DES THAMS CAD MKHYEN PA CHOS KYI 'BYUNG GNAS ZHI BA, DES GRUB THOB NYI MA DPAL YE SHES, DES RIN CHEN 'TSO, DES BI BH'U TI TZANDRA, YANG NA CHOS 'BYUNG ZHI BAS PAndI TA GRAGS PA'I LHA LA, DES PAndI TA CHOS 'PANGS, DES BI BH'U TI, DES MANG PO LA GNANG DU ZIN KYANG, BLA MA KO BRAG

, ,PA DANG, GA-YUNG PHUG PA, NYEG PO CHOS LDAN GSUM LA GNANG, YANG BI BH'U TI LA SHA BA RI DBANG PHYUG DNGOS SU BYON NAS GNANG BAR YANG BYED, BLA MA DE GSUM LA GO LUNG PA GZHON NU DPAL GYIS ZHUS, DES LO TZVA BA CHEN PO THAR PA BA, DES BU RIN PO CHE, DES BLA MA BDE CHEN PA CHOS KYI DPAL BA, KHYUNG PO LHAS PA GNYIS LA, DE RNAM GNYIS LA THAMS CAD MKHYEN PA SHAR TZONG KHA PA CHEN PO, DES BDAG LA GNANG STE, RJE DE'I GSUNG BYIN RLABS KYI BDUD RTZIR BYON PA NI, BSKYED PA'I RIM PAS RGYUD SMIN NAS, RDZOGS RIM SGOM TSUL LA, YAN LAG DRUG DANG BRAL BAS MCHOG MI 'GRUB PAR BSTAN PA, RDZOGS RIM 'DI'I MTSAN GYI RNAM GRANGS, GANG ZAG SO SO'I BSGOM BYAR 'DOD PA MI RIGS PA, JI LTAR SGOM TSUL DANG BZHI LAS, 'DUS PA PHYI MAR DANG PO'I DON LA, BSNYEN PA'I YAN LAG DRUG TU NI, ,BYAS NAS MCHOG NI BSGRUB PAR BYA, ,GZHAN DAG GIS NI BSGRUBS GYUR NA, ,MCHOG NI 'GRUB PAR MI 'GYUR RO, ,ZHES GSUNGS PAS, YAN LAG DRUG DANG BRAL NA MCHOG MI 'GRUB PAS YAN LAG DRUG NGES PAR TSANG DGOS SO, ,'O NA RGYUD 'DI NAS BSHAD PA'I GRANGS KHO NA LTAR DGOS

SAM SNYAM NA, SOR SDUD SOGS DRUG GIS DBU MA SBYONG BA SOGS KYI BYED LAS THAD KA THAD KA'I GANG BYED DE 'DUG NA DON GRUB PAS, DRUG GI THA SNYAD DE KHO NA LTAR DGOS PA'ANG MIN NO, ,YANG YAN LAG DRUG GI THA SNYAD MTHUN YANG, THAMS CAD DON GCIG TU 'CHAD DGOS PA'ANG MIN TE, RIM GNYIS KYI BSNYEN SGRUB BZHI MING MTHUN YANG DON MI MTHUN PA BZHIN DANG, YAN LAG DRUG KYANG SGRON GSAL BZHIN DU, N'A RO PAS RGYUD PHYI MA'I DON DU BSHAD LA, 'DI PA'I YAN LAG DRUG DBANG MDOR BSTAN BZHIN DU BSHAD DO, ,GNYIS PA NI, RNAL 'BYOR YAN LAG DRUG ,BSNYEN SGRUB BZHI, RDO RJE GSUM, PHYAG RGYA BZHI'I RDZOGS RIM ZHES MTSAN GYI RNAM GRANGS GSUNGS PA LA, PHYAG RGYA BZHI LAS, LAS, YE SHES, PHYAG RGYA CHEN PO GSUM NI GRAGS CHE LA, RNAL 'BYOR RGYUD DU CHOS RGYA ZHES PA, 'DIR YE RGYA'AM PHYAG RGYA BZHI PA DAM TSIG GI PHYAG RGYA STE, 'DI LA 'JIG PA MED PA'I PHYAG RGYA ZHES PA, 'GYUR BA MED PA ZHES BSGYUR BA BDE BAS, DAM TSIG GI PHYAG RGYA 'GYUR BA MED PA'I BDE CHEN TE, 'DI BSGRUB BYA YIN LA, PHYAG RGYA SNGA MA GSUM NI SGRUB BYED YIN NO, ,DE'ANG DBANG PO RAB PHYAG CHEN, 'BRING YE RGYA, THA MA LAS RGYA LA BRTEN NAS SGRUB PO, ,TSUL 'DIS SEMS 'GREL SKOR GSUM GYI RDZOGS RIM LA MI 'DRA BA MED DO, ,GSUM PA NI, KHA CIG SOR BSAM GNYIS DBANG PO RAB, 'BRING GIS SROG 'DZIN GNYIS, RJES DRAN DANG TING NGE 'DZIN THAMS BSGOM ZHES PA MI 'THAD DE, 'GREL PAR YAN LAG GANG GI SKABS SU'ANG GANG ZAG GCIG GI CHA RKYEN DU YAN LAG DRUG GA DGOS PAR GSUNGS SO, ,BZHI PA NI, BOD KYI BLA MA SNGA MA RNAMS,

, ,SNGON 'GRO LTOS MED DRUG ,DNGOS GZHI RNAM GZHAG DRUG ,RJES SRUNG SDOM DRUG DANG, BCO BRGYAD DU MDZAD NAS, DANG PO'I DON, LUS NGAG YID GSUM LA BLTOS PA MED PA GSUM, 'PHO BA'I BDE BA LA BLTOS PA MED PA DANG, LUS DANG DBANG PO LA BLTOS PA MED PA GNYIS BSNAN NAS DRUG TU BYED DO, ,DE'I TSE LTOS MED DRUG BSNYEN PAR BSHAD PAS, YAN LAG DANG PO BZHI GA NYER SGRUB TU BYA DGOS SO, ,TSUL 'DI RIM PA GNYIS KA'I SNGON 'GRO YIN GYI RDZOGS RIM KHO NA'I MIN NO, ,DNGOS GZHI RNAM GZHAG DRUG LA, SKU RDO RJE THOG MAR DGE PA BSNYEN PA'I YAN LAG SOR BSAM GNYIS, GSUNG RDO RJE BAR DU DGE BA NYER SGRUB KYI YAN LAG SROG 'DZIN GNYIS, THA MAR DGE BA LA GNYIS SU BYAS NAS, THUGS RDO RJE SGRUB PA'I YAN LAG DRUG RJES DRAN, YE SHES RDO RJE SGRUB CHEN GYI YAN LAG TING NGE 'DZIN DANG DRUG TU BYED PA NI RGYUD 'GREL GYI DGONGS PA LEGS PAR BSHAD PA'O, ,DE'ANG RGYUD 'DI LA BRTEN PA RNAMS KYIS, DBANG BZHI PA, GSUM PA DANG, DPE DON DU SBYOR ZHES SMRA BA TZAM MA GTOGS, BSGRUB BYA DBANG BZHI PA 'DI'O, ,DE'I SGRUB BYED 'DI LTAR RO ZHES THON PA NYUNG BAR SNANG NGO, ,DE'ANG RGYUD 'DIS RTZAL DU BTON NAS 'CHAD PA NI, STONG GZUGS PHYAG RGYA CHEN MO LA BRTEN NAS MCHOG TU MI 'GYUR BA'I BDE BA SGRUB PA 'DI YIN LA, DE SGRUB BYED LAS DANG YE SHES KYI PHYAG RGYA GNYIS BRGYUD NAS SGRUB BYED YIN KYANG, DNGOS KYI SGRUB BYED PHYAG CHEN KHO NA YIN LA, DES NA RGYUD 'DIR STONG GZUGS LA BSNGAGS PA CHE BA'I RGYU MTSAN DE YIN NO, ,STONG GZUGS PHYAG CHEN LAS MI 'GYUR BA'I BDE BA SKAD CIG DANG PO DE THOB NAS

DBANG BZHI PAR 'JOG GO ,DES NA STONG GZUGS KYI NYAMS SNANG TZAM DANG, BDE BA BAN PUN LA DE TZAM MI BSNGAGS TE, PHYAG RGYA CHEN MO NI RJES DRAN THOB NAS 'BYUNG GI DE'I GONG DU MI 'BYUNG NGO, ,DES PHYAG CHEN DE'I GZUGS NI SOR BSAM GNYIS, SROG 'DZIN GNYIS KYIS SROG BSGRUBS PA'I SGO NAS, PHYAG CHEN LAS BDE BA DNGOS SU 'DREN PAS, PHYAG RGYA GZHAN BAR DU BRGYUD MI DGOS PAS DANG POR STONG GZUGS PHYAG RGYA CHEN MO BSGRUBS, DE LA BRTEN NAS MA 'GYUR BA'I BDE BA BSKYED TSUL LA NGES PA RNYED NA, LAM GYI LUS RDZOGS PA LA GO BA CHAGS SO, ,TSUL DE LA GSUM, BDE CHEN 'DREN BYED STONG GZUGS KYI SGRUB BYED KYI YAN LAG ,GZUGS DE LA BRTEN NAS BDE CHEN DNGOS SU SGRUB BYED KYI YAN LAG BSGOMS PAS GRUB PA BSGRUB BYA TING NGE 'DZIN GYI YAN LAG GO ,DANG PO LA GNYIS, GZUGS SGRUB BYED KYI YAN LAG ,SROG SGRUB BYED KYI YAN LAG GO ,DANG PO LA GNYIS, GZUGS MA GRUB PA SGRUB BYED SOR SDUD KYI YAN LAG ,GRUB ZIN BRTAN PAR BYED PA BSAM GTAN GYI YAN LAG GO ,DANG PO LA DRUG ,SOR SDUD KYI MTSAN DON, DANG PO SGOM PA'I DUS MTSAMS, YAN LAG JI LTAR SGOM PA'I MTSAN NYID, TSAD MA GANG YIN DPYAD PA, DAG DBYE, GNAS SKABS DANG MTHAR THUG GI 'BRAS BU'O, ,DANG PO NI, SO SO NI THA DAD DANG, SDUD PA NI 'GAG PA STE, DBANG PO LNGA SO SO YUL SO SOR 'JUG PA BKAG NAS STONG PA LA 'JUG PA STE, DBANG PO LNGA DANG YUL LNGA'I 'BREL PA CHAD PA YIN GYI, YID DANG CHOS KYI 'BREL PA CHAD PA MIN TE, YID KYI CHOS SKYE MCHED PA'I GZUGS STONG GZUGS MTHONG DGOS PA'I PHYIR RO, ,DRI MED 'OD LAS, 'DIR SDUD PA

, ,ZHES PA NI, 'KHOR BA RNAMS KYIS SDUD PA NI, MIG LA SOGS PA'I DBANG PO RNAMS GZUGS LA SOGS PA'I YUL 'DZIN PA'O, ,YONGS SU SPONG BA NI PHYIR SDUD PA ZHES BRJOD DO, ,STONG PA NYID KYI GZUGS LAS, GZHAN SHA'I MIG LA SOGS PA RNAMS KYIS GZHAN GZUGS LA SOGS PA'I YUL 'DZIN PA NI, NYE BA'I SGRUB PA'O, ,ZHES SO, ,SPYIR THUN MONG GI TING NGE 'DZIN BRTAN PAS, DBANG SHES KYI DE MA THAG RKYEN MTSANG BAS DBANG SHES YUL LA SKYE MI THUB PA 'BYUNG BA'ANG 'DIR DE TZAM GYIS MI CHOG GIS, DBANG SHES KYI BZHON PAR GYUR PA'I RLUNG CHINGS PA DGOS SO, ,DE'ANG YUL YUL CAN GYI 'BREL PA CHAD PA TZAM GYIS KYANG MI CHOG GIS, GZHAN MTHONG ZHES PA, STONG PA NYID KYI YUL LNGA MTHONG DGOS TE, DRI MED 'OD LAS, YUL YUL CAN GYI 'BREL PA BCAD NAS SEMS STONG PA NYID LA 'JUG PA NI, SOR SDUD KYI MTSAN NYID DO, ,STONG PA'I GZUGS KYI YUL RNAMS LA GZHAN MIG LA SOGS PA LNGA PO RNAMS KYIS RAB TU 'JUG PA'O, ,ZHES SO, ,GNYIS PA NI, SNA BUG GA-YAS KYI RLUNG RGYU BA'I DUS SU THOG MAR 'GO 'DZUGS TE, DER BTZUGS NA RLUNG SDUD SLA BA'I RTEN 'BREL KHYAD PAR CAN YOD DO, ,GSUM PA LA, THABS NYIN MTSAN GNYIS SU DBYE BA RGYU MTSAN DANG BCAS PA, SO SO'I SGOM TSUL, MA GRUB NA SPOGS PA'I CHO GA ,SGOM 'PHRO LA SHI NA'ANG RNAL 'BYOR GOMS STOBS KYIS 'JUG PA'O, ,DANG PO LA GNYIS, DBYE BA DNGOS DANG, DE LTAR 'BYED PA'I RGYU MTSAN NO, ,DANG PO NI, SPYIR LO LA LHO BGROD DANG BYANG BGROD, ZHAG LA NYIN MO

DANG MTSAN MO, GNANG SEMS CAN LA SKYE 'CHI, RNAL 'BYOR PA LA SPOR MI DANG SDUD RIM GNYIS 'DUG PA'I PHYIR GSUNGS PA YIN KYANG, RGYU MTSAN DU 'GRO TSUL DPYAD DGOS PAR SNANG NGO, ,GNYIS PA LA GNYIS, RNAL 'BYOR GNYIS KYI KHUNGS DGOD PA, SO SOR DGOS PA'I RGYU MTSAN NO, ,DANG PO NI, PHYAG RDOR BSTOD 'GREL LAS, BSGOM PA 'DI NI BCOM LDAN 'DAS KYIS SHES RAB KYI PHA ROL TU PHYIN PAR YANG GSUNGS PA 'DI LTA STE, LHA RNAMS KYI DBANG POS, RAB 'BYOR SHES RAB KYI PHA ROL TU PHYIN PA LA RNAL 'BYOR DU BYED PA DES JI LTAR BSLAB PAR BYA, RAB 'BYOR GYIS SMRAS PA, KOO SHI KA, GANG NAM MKHA' LA RNAL 'BYOR DU BYED PA DE SHES RAB KYI PHA ROL TU PHYIN PA LA RNAL 'BYOR DU BYED PA'O, ,BLA GAB MED PA LA RNAL 'BYOR DU BYED PA DE SHER PHYIN LA RNAL 'BYOR DU BYED PA'O, ,ZHES GSUNGS SO, ,GNYIS PA NI, KHA CIG MTSAN MO'I RNAL 'BYOR GYI DUS SU, NYIN MO'I RTAGS RNAMS SHAR NA, NYIN MO'I RNAL 'BYOR SGOM MI DGOS ZHES ZER BA MI 'THAD DE, MUN PA LA SNYONG GZUGS 'CHAR SLA LA, SNANG PA YOD SAR 'CHAR DKA' BAS, MUN PA LA 'CHAR THUB KYANG, SNANG BA LA 'CHAR THUB PA'I NGES PA MED, STONG GZUGS RNAM PA THAMS CAD DU 'CHAR BA ZHIG DGOS SHING, DE 'CHAR BA THAMS CAD MUN PA LA LTOS NA HA CANG THAL BAS, SNANG BA LA'ANG 'CHAR THUB PA ZHIG DGOS SO, ,DES NA MTSAN MO'I DUS NYIN RTAGS RNAMS SHAR YANG, SNANG BA LA NGES PA MED PAS, THAMS CAD 'DOD DGUR 'CHAR BA'I CHED DU, NYIN MO'I RNAL 'BYOR NGES PAR BSGOM DGOS SO, ,YANG 'DI SNYAM DU, MTSAN RTAGS RNAMS

, ,MUN PA LA 'CHAR SLA BAS, THOG MAR MUN PAR SGOM PA LTAR, NYIN RTAGS RNAMS KYANG THOG MAR MUN PA LA BSGOMS NA 'CHAR SLA MOD SNYAM NA, NYIN RTAGS RNAMS NI, MTSAN RTAGS LAS 'CHAR DKA' STE, MTSAN RTAGS RNAMS RDZOGS PAR SHAR NAS, YUL YUL CAN GYI 'BREL MA CHAD PAR NYIN RTAGS RNAMS 'CHAR MI SRID PA'I PHYIR, DES NA MTSAN RTAGS RNAMS 'CHAR SLA BAS MUN PA LA BSGOM, DE RNAMS RDZOGS PAR SHAR BA'I MTSAMS NAS NYIN MO'I RNAL 'BYOR BSGOMS PAS, MTSAN RTAGS RNAMS 'DOD DGUR 'CHAR THUB PA DANG, DE'I STOBS KYIS NYIN RTAGS RNAMS KYANG MYUR DU 'CHAR BAS, RNAL 'BYOR GNYIS KYIS SO SOR SDUD KYI YAN LAG RDZOGS PAR 'THOB PO, ,GNYIS PA SO SO'I SGOM TSUL LA, MTSAN MO'I RNAL 'BYOR DANG NYIN MO'I RNAL 'BYOR GNYIS LAS, DANG PO LA DRUG ,GANG DU SGOM PA'I GNAS, LUS GNAD, LTA STANGS, DBANG PO'I BYED BCINGS KYI NGES PA, BSGOMS PAS MYONG BA SKYE TSUL, GANG LA DMIGS PA GTOD PA'I DE KHO NA NYID NI BYED BCINGS SU 'DU'O, , DANG PO NI, SNANG BA CUNG ZAD KYANG MED PA'I MUN KHANG SHIN TU GNAG PA STE, DER BSGOMS NA STONG GZUGS 'CHAR SLA BA'I PHYIR RO, ,DE'ANG 'DIR PHRA PHAB PA DANG DPE DON DU BYAS NAS, PRA'I RIGS 'GA' ZHIG LA MUN PA SHIN TU GNAG PAR MIG 'BRAS MI BSGUL PAR BSDAD PA TZAM GYIS MTHONG SNANG 'CHAR PA BZHIN NO, ,GNYIS PA LUS KYI GNAD GZHAN NI SPYI DANG MTHUN, LAG PA'I 'JOG STONGS NI DRI MED 'OD LAS, 'DIR LAG PA GNYIS KAS RDO RJE KHU TSUR BCINGS NAS KHU TSUR GYIS MTHE BONG BSDAMS PA DAG BRLA GA-YAS

DANG GA-YON PA'I STENG DU RDO RJE'I GDAN LA GNAS PA NI RDO RJE'I PHYAG RGYAR 'GYUR RO ZHES BYA BAS, LAG PA GNYIS RDO RJE KHU TSUR BRLA STENG DU BSNOL BA'AM DRANG POR BZHAG PA GANG RUNG BYA'O, ,GSUM PA NI, 'DUS PA'I RGYUD PHYI MAR BSNYEN PA'I DUS SU GTZUG TOR CHE, ZHES PA'I DON GTZUG TOR 'KHOR BSGYUR GYI LTA STANGS SU BSHAD PAS, MIG MA LCIBS KYIS PHYED BKAB STE, PHYED MIG STENG DU BLTAS LA MIG 'BRAS MI BSGUL PAR BYA'O, ,'DIS KYANG STONG GZUGS 'CHAR BA'I DGOS PA YOD DO, ,DRI MED 'OD DU, 'KHOR LO CAN GYI ZHES PA GTZUG TOR GYI 'KHOR LO'I BLTA BA'I SHES PA MIG MI 'DZUM PAR STENG DU BLTA BAS MTSAN PAR 'GYUR RO, ,ZHES GSUNGS PAS, RA 'DRO'I PHYAG BZHES NAM MKHA' LA BLTA BAR BZHED PA MI LEGS SO, , BZHI PA NI, KHA CIG BYANG PA SO SO LA BCING PA SO SOR BYED PAR SNANG STE LEGS PAR MI SEMS SO, ,'JAM DBYANGS KYIS MDZAD PA'I RNAL 'BYOR GYI SNYING PO GSAL PAR, MTSAN MO GA-YENG MED KHYIM DU NI, ,SHIN TU MNYAM GZHAG SGRUB PA POS, ,BYED PA LNGA LA BCINGS PA GNYIS, ,BLA MA'I ZHAL LAS SHES PAR BYA, ,ZHES MIG GI LTA STANGS DE NYID KYIS, ,RTZA DANG YAN LAG GI RLUNG GNYIS KA 'CHING PAR KHA CIG BZHED DO, ,'DIR 'KHRID YIG BYED PA KHA CIG GIS SROR SDUD KYIS SROG DH'U T'IR MI TSUD CING, TSUNG NA, YAN LAG GSUM PA DON MED DU 'GYUR RO, ,ZHES ZER, KHA CIG TSUD PAR BZHED KYANG RGYU MTSAN YANG DAG BSTAN RGYU MI 'DUG GO ,'DIR CUNG ZAD BSHAD NA, SOR SDUD KYI DUS SU DBU MAR TSUD PA DGOS PA'I RGYU MTSAN, GANG GIS BTIR 'DZUD

, ,PA'I DMIGS PA GNYIS LAS DANG PO NI, RTZA RGYUD DU, DU BA LA SOGS BSGOM BYA STE, ,SEMS NI GA-YO BA MED BYAS LA, ,DBU MA SBYANG BA BYAS NAS NI, ,MCHOG TU MI 'GYUR BSGOM PAR BYA, ,ZHES PA SOR SDUD DBU MA SBYONG BYED DU BSHAD LA, SBYOR TSUL NI, CHU 'DREN PA NA YUR BA'I NANG SEL BA'I DPES, SBYONG MKHAN NI RLUNG YIN LA, DES NA DBU MA'I NANG DU MA PHYIN NA DBU MA JI LTAR SBYONG, YU BAR CHU 'DREN PA'I PHYI NAS BSAL NA BZHAD GAD KYI GNAS YIN NO, ,DES NA SOR SDUD KYIS RLUNG DBU MAR MI TSUD NA, DES DBU MA JI LTAR SBYONG SOMS SHIG ,'GREL PAR, 'DIR DANG POR SROG DBU MAR GZHUG PAR BYA STE, GANG GIS MTSAN MA MTHONG BAR GYUR BA AA WA DH'U T'I, ZHES GSUNGS SHING, DU SOGS KYI MTSAN MA MTHONG BA SROG DBU MAR ZHUGS PA LA BSHAD CING, SOR SDUD KYI DUS SU SROG DBU MAR TSUD PA MED NA, DANG POR SROG DBU MAR 'DZUD PA GZHAG SA MED CING, GZHAN YANG, GZUGS KYI RGYU MTSAN NYID PA NI SOR SDUD KYI SKABS SU RTAG BCU 'CHAR DGOS PAR NI THAMS CAD 'DOD LA, DE RNAMS KYANG RLUNG DBU MAR TSUD PA LAS YIN TE, 'GREL CHEN DU, 'DIR SNGAGS KYI THEG PA DANG PHA ROL TU PHYIN PA'I THEG PA LA RNAL 'BYOR RNAM PA GNYIS TE, NAM MKHA' DANG BLA GAB MED PA LA RNAL 'BYOR DU BYED PA'O, ,GANG ZHIG NAM MKHA' LA RNAL 'BYOR GOMS PAR BYED PA DES MTSAN MO BUG PA MED PA'I KHYIM DU MUN PA LA NAM MKHAR KUN NAS ZHEN PA'I SEMS DANG MIG MI 'DZUM ZHING, RDO RJE'I LAM DU RAB TU ZHUGS PA ZHES 'DIR DBU MA

SROG RAB TU ZHUGS PA LAS STONG PA KHO NA LAS DU BA LA SOGS PA'I MTSAN MA MTHONG STE, NAM MKHAR KUN NAS ZHEN PA'I SEMS NI MIG NI MI 'DZUM RDO RJE'I LAM LA RAB TU ZHUGS PA YI, ,STONG PA LAS NI DU BA SMIG RGYU RAB GSAL DRI MA MED PA NAM MKHA' NYI DANG MAR ME DANG, ,ZHES PA NAS MTSAN MO'I RNAL 'BYOR GYIS MTHONG ZHES GSUNGS SHING, MDOR BSDUS DANG POR YANG, DE BZHIN SEMS KYI 'OD GSAL RTOG PA YI, ,SGOM PA'I THABS RNAMS DAG GIS MI MTHONG STE, ,DE NYID DU NI RKYANG MA DAG DANG NI, ,RO MA GCIG TU SBYAR BAS MTHONG BAR 'GYUR, ,ZHES DANG, SHA BA RI'I GZHUNG CHUNG DU'ANG, RLUNG BCU DH'U T'IR TSUD GYUR PA, ,SO SOR DPYOD PA'I YAN LAG GO ,ZHES GSUNGS SO, ,SROG RTZOL DU THAL ZER BA 'DOD PAS CHOG CING DE LTA NA'ANG YAN LAG GSUM PA DGOS MED DU MI 'GYUR TE, DE GNYIS DNGOS KYI DMIGS TSUL MI 'DRA BAR 'OG TU STON NO, ,'O NA THABS GANG GIS DH'U T'IR 'DZUD SNYAM NA, 'GREL PAR RGYUD GZHAN DAG GIS RTOGS PAR BYA BAR GSUNGS PA LTAR RI GI AA RA LI LAS, MIG GNYIS MA PHYE MA BTZUM PAR, ,SMIN MA'I BAR DU SEMS BYAS NA, ,MUN PA MI BZAD PA YI TSUL, ,DANG POR RNAL 'BYOR PAS MTHONG 'GYUR, ,ZHES RKANG PA DANG POS LTA STANGS, GNYIS PAS DMIGS PA GANG LA GTOD TSUL, THA MAS RTAGS GANG 'CHAR STON NO, ,DE BZHIN GSHEGS PA'I RDO RJES, SOR BSAM GNYIS RIM PA DANG PO LA SBYAR BA ZHIG DANG, YANG SOR SDUD LA BSHAD PA GNYIS PA ZHIG MDZAD PA'I SKABS SU MIG GNYIS GYEN DU LDOG NAS NI, SMIN MA'I DBUS SU SEMS GTAD DE, ZHES DANG,

, ,RTZA BA'I RGYUD LAS KYANG, SO SOR SDUD PAS SMIN MA DAG GI DBUS SU DH'U T'I'I NANG DU GZHAG PAR BYA'O ZHES DRANGS SHING, 'DI PA'I LUGS KYIS DH'U T'I'I YAR SNA SMIN DBUS NA YOD PAR BZHIN PAS DER SEMS BZUNG BAR GSUNGS TE, 'DI NYID KYI RTZA RGYUD LAS, SO SOR SDUD PA PHYAG RGYA CHE, ,NAM MKHA' STONG PA'I MTSAN NYID DO, ,GANG ZHIG KHO NAR YID DAG NI, ,GTOD PAR BYED PA PHYOGS SNA LA, ,MTSAN MA'I MTHAR NI RE KH'A GANG, ,ZHES DANG, LTE BA'I GONG DU GDOL MOR BRJOD, , AA WA DH'U T'I MI YI SNA, ,'OD ZER LNGA YI RANG BZHIN SROG ,DKYIL 'KHOR LNGA NI 'BAB BYED PA, ,ZHES BYA BAS, 'DIR MI'I SNA NI DH'U T'I TZAM LA BYED PAS, SOR SDUD KYI SKABS SU YID SNA'I PHYOGS SU GTOD PAR BSHED LA, LUNG PHYI MAS DH'U T'I LA BSHAD PAS YID DH'U T'I'I PHYOGS SU GTOD PA GSAL POR BSHAD DO, ,SPYIR SOR BSAM GNYIS 'KHOR SGYUR GYI LTA BA DANG, SROG 'DZIN BGEGS MTHAR BYED KYI LTA BAR BSHAD KYANG, DMIGS KYIS BSAL NA 'GREL PAR, BGAGS MTHAR BYED NI BDUD RTZI 'KHYIL BA'O, ,DE'I LTA BA NI BDUD RTZI'I GNAS SU SON PA STE, DPRAL BAR SON PA'O, ,BGEGS MTHAR BYED KYI LTA BA BDUD RTZI'I GNAS SU SON PA DE YIS NYA BAR SGRUB PA LA YAN LAG DRUG GO, KYANG YIG GIS SROG RTZOL DANG 'DZIN PA BYA STE, SROG GI GZUGS BRNYAN MTHONG BAR GYUR BA NA NYE BA'I SGRUB PA'O, ,ZHES BYA LA MDOR NA BGEGS MTHAR BYED PA'I LTA BA NI BDUD RTZI'I GNAS DPRAL BAR SON PA'O, ,DE YIS ZHES PA, GONG GI SOR BSAM GNYIS BSNYEN PA'I YAN LAG TU BSHAD PAS,

BDUD RTZI'I GNAS DPRAL BAR SAN PAS BSNYEN PA'I YAN LAG THOB PA DE YIS NYE BAR BSGRUB PA YAN LAG DRUG CES PA LA, 'GYUR MANG LAS, YAN LAG DRUG GI NYER SGRUB LA ZHES BSGYUR BA BDE BAS, DES NA BSNYEN PA'I YAN LAG THOB PA DE YIS KYANG, NYER SGRUB KYI YAN LAG SROG 'DZIN BSGOM DGOS SHING, BSGOMS PAS SROG GI GZUGS BRNYAN MTHONG BA NA DE GRUB PA'O, ,ZHES GSUNGS, DES NA BDUD RTZI'I GNAS SU SON PA'I LTA BA SGOM PA GCIG BSHAD, SROG 'DZIN GNYIS NI MIN, BSAM GTAN SOR SDUD BRTAN BYED YIN PAS, SER SDUD KYI SKABS SU SGOM PA 'OS MED KYI DMIGS BSAL LO, ,'GREL PA'I KYANG GI NUS PA'ANG DE LTAR BYA DGOS SHING, MDOR NA, DE YIS SHES PA DANG, 'DZIN PA BYA STE ZHES PA DANG, MTHONG PAR GYUR PA NA ZHES PA'I NUS PA'ANG, BDUD RTZI'I GNAS DPRAL BA'I RTZA 'KHOR LA BLTAS SHING GNAD DU BSNUN PAS SOR BSAM GNYIS BSNYEN PA'I YAN LAG THOB PA'I GANG ZAG DES SROG 'DZIN NYER SGRUB KYI YAN LAG BSGOM PAR BYA'O, ,ZHES BLO GROS KYIS DPYAD SHES NA RGYUD 'GREL DE GNYIS KYIS GSAL POR BSTAN SNANG NGO, ,SNGAR DRANGS PA'I RTZA RGYUD KYI LUNG NI 'DI'I YANG KHUNGS YANG DAG GO, DES NA SOR SDUD SROG DH'U T'IR SDUD PA'I BRGYUD PA'I SROG RTZOL YIN KYANG, YAN LAG GSUM PA'I SROG RTZOL NI DNGOS SU RLUNG LA DMIGS NAS SROG 'GOG PAS, DMIGS PA DNGOS MI 'DRA ZHING, SROG RTZOL NI SROG RTZOL GYI PHYOGS GCIG GI MING GIS BTAGS PAS, 'DIR 'GYUR PA'I SKYON ? YANG MED DO, ,DES NA SROG RTZOL GYI RGYA CHUNG CHUNG ZHIG LA MI

, ,BZUNG NGO, ,DE LTAR BYAS NA DPRAL BAR MA DAG PA'I GNAS SKABS BSKYED PA'I THIG LE YOD LA, SOR SDUD KYIS DE SBYANGS NAS DAG PA'I LUS BSKYED PAS SKU RDO RJE'I RNAL 'BYOR LA'ANG SHIN TU 'GRIG GO ,DUS ZHABS PAS KYANG, DPRAL BA'I THIG LER SROG BCUG LA, ,SA RLUNG RGYU BA'I DUS SU BSGOM, ,ZHES DPRAL BAR GNAD DU BSNUN PAR BSHAD DO, ,LNGA PA NI, DE LTAR LUS LA GNAD DU BSNUN TE BSGOMS PA LAS, STONG PA LAS NI DU BA SMIG SGYU RAB GSAL CES SOGS SNGAR DRANGS PA DANG, RGYUD PHYI MAR, DANG PO SMIG RGYU LTA BU DANG, ,GNYIS PA DU BA LTA BU YIN, ,GSUM PA MKHA' SNANG ME KHYER BZHIN, ,BZHI PA MAR ME LTA BU DANG, ,LNGA PA SPRIN MED NAM MKHA'O, ,ZHES DANG, GUR DU'ANG DE BZHIN 'BYUNG NGO, ,MKHA' SNANG NI ME KHYER BZHIN DU GSAL LO, ,DE'ANG DU SOGS KYI NYAMS SNANG GANG BYUNG GIS MI CHOG GI ,DH'U T'IR TSUD PA LAS DE RNAMS SHAR PA DGOS TE, SNGAR BSHAD ZIN TO, ,GNYIS PA NYID MO'I RNAL 'BYOR LA, GNAS NI BLA GAB MED PA'I PHYOGS CHU DANG GANGS KYI BSER MAS MIG LA MI GNOD PA'I SAR, SNGA DRO NUB, PHYI DRO SHAR DU BLTAS TE RGYAB NYI MAR BSTAN TE BSGOM, GUNG GI DUS SU NYI ZER GYIS MIG LA GNOD PAS SO, ,GZHAN LUS GNAD SOGS SNGA MA BZHIN NO, ,BSGOMS PAS MYONG BA SKYE BA'I TSUL NI, RGYUD LAS, 'BAR BA DANG NI ZLA BA NYI MA RDO RJE RNAMS DANG MCHOG GI CHA DANG THIG LE MTHONG BAR 'GYUR, ,DE YI DBUS SU SANGS RGYAS GZUGS NI YUL DANG RNAM PAR BRAL BA DU MA LONGS SPYOD RDZOGS PA'I SKU, ,NAM MKHA' CHU 'DZIN BAL BA DAG LA RNAL 'BYOR BA

YIS BGRAD PA'I MIG GIS BLTA BAR BYA BA STE, RE KH'A NAG PO DRI MED 'OD ZER 'BRO BA DUS KYI RTZAL MTHONG BAR 'GYUR GYI BAR DU'O, ,ZHES DANG NGI ? MED 'ONG LAS, DE NAS SPRIN MED PA'I NAM MKHA' LA BLTA STE, NAM MKHA' DE LAS KYANG, NYI MO'I RNAL 'BYOR GYIS, NAM MKHA' LAS BYUNG RANG BYUNG BA, ,SHES RAB YE SHES ME BO CHE, ,ZHES 'BAR BA MTHONG STE, SPRIN MED PA'I NAM MKHA' LA'O, ,DE BZHIN DU, 'OD CHEN RNAM PAR SNANG BAR BYED, ,YE SHES SNANG BA LAM ME BA NI ZLA BA SNANG BA'O, ,'GRO BA'I MAR ME NI NYI MA'O, ,YE SHES SGRON ME NI RDO RJE SGRA GCAN NO, ,GZI BRJID CHEN PO 'OD GSAL BA NI GLOG STE MCHOG GI CHA'O, ,SNGAGS MCHOG MNGA' BDAG RIG SNGAGS RGYAL NI THIG LE'O, ,DE LTAR MTSAN MA RNAM PA BCU STE, 'DUS PA LA SOGS PAR MTSAN MO'I RNAL 'BYOR DANG, MTSAN YANG DAG PAR BRJOD PA LAS NYIN MO'I RNAL 'BYOR GYIS BCOM LDAN 'DAS KYIS GSUNGS SO, ,ZHES GSUNGS TE, DE LA 'BAR BA NI ME 'BAR BA LTA BU DANG, THIG LE NI DBYIBS ZLUM PO, KHA DOG SNGON PO, DE'I NANG DU DBANG PO LNGA'I YUL LNGA 'DRA BA DANG, CHOS KYI SKYE MCHED PA'I GZUGS KHA CIG DANG, LHA SKU SOGS DU MA LONGS SPYOD RDZOGS PA'I SKU DANG, DH'U T'I'I NANG DU RE KH'A NAG PO LA 'OD DANG LHA SKU SOGS 'CHAR BA MTHONG STE, DE RNAMS THIG LER BSDUS TE NYIN RTAGS DRUG ,MTSAN RTAGS BZHI STE RTAGS BCU PO, RLUNG BCU DH'U T'IR TSUD PA LAS, 'CHAR BA YIN GYI GA-YAS RLUNG TSUD PAS MTSAN RTAGS, GA-YON RLUNG TSUD PAS NYIN RTAGS 'CHAR PAR 'DOD PA MI 'THAD DO, ,RO MA LA RGYU BA'I RLUNG TSUD NA RKYANG MA NAS RGYU BA MA TSUD PA MI SRID DE, GA-YON LA RGYU BA NA, GA-YAS

, ,KYI DE NYID 'PHOS NAS RGYU BA YIN CING, DKYIL 'KHOR LNGA'I RLUNG GCIG NYID GA-YAS GA-YON LA 'PHOS NAS RGYU BA YIN PA'I PHYIR RO, ,GA-YAS DANG GA-YON GYI RLUNG GNYIS SO SOR BSDUS PAS, RTAGS GNYIS SO SOR 'CHAR BAR 'DOD NA DE GNYIS RIM GYIS 'CHAR LA, DE LTA NA CIG CAR 'CHAR BA'I RGYU MTSAN BSHAD DKA' 'O, ,'O NA RLUNG BCU DH'U T'IR 'DUS PAS, RTAGS GNYIS RIM CAN DU 'CHAR BA JI LTAR YIN ZHE NA, BSHAD PAR BYA STE, MTSAN RTAGS RNAMS NI RLUNG DH'U T'IR TSUD TZAM LA 'CHAR LA, NYIN RTAGS RNAMS NI DH'U T'IR ZHUGS GNAS THIM PA LAS 'CHAR RO, ,SHA BA RIS KYANG, DH'U T'IR RLUNG BCU TSUD GYUR PAS, ,NYIN DANG MTSAN MO'I RTAGS BCU MTHONG, ,SO SOR SDUD PA'I YAN LAG GO ,ZHES GSUNGS SHING, SPYIR NI TING NGE 'DZIN THUN MONG BA BSKYANGS PAS KYANG, 'OD DANG NAM MKHA'I 'OD 'DRA BA, ,RI MO NAM MKHA'I DBYINGS 'DRA MTHONG BAR LANG GSHEGS LAS GSUNGS SO, ,DES NA RLUNG DH'U T'IR TSUD MA TSUD GNYIS KA LAS DU BA SOGS 'DRA BA 'BYUNG BAS KHYAD PAR PHYED PA GAL CHE STE, MU STEGS DANG THUN MONG BA'I TING NGE 'DZIN 'GA' ZHIG LA RNAL 'BYOR BLA NA MED PA'I RDZOGS RIM DU 'DZIN PA MANG DU MTHONG BAS, LAM RNAM DAG LA BAG CHAGS 'JOG PA'I BGEGS CHEN POR SNANG NGO, ,KHYAD PAR RNAMS MA PHYED NA, DU SOGS KYI RTAGS GANG SHAR SOR SDUD KYI RTAGS SU SKYES PAR RLOM ZHING, RTAGS DE DAG SKYES PA NA, RGYUD 'GREL NAS BSHAD PA'I YON TAN DE DAG RANG LA MI 'DUG PAR RIG NAS, RGYUD SDE NAS DE LTAR BSHAD KYANG MI BDEN NO SNYAM NAS SDIG GSOG PA THAMS CAD

DH'U T'IR TSUD PA'I RTAGS DANG, TING NGE 'DZIN THUN MONG BA'I RTAGS RNAMS MA PHYED PA'I SKYON YIN NO, ,DE LTAR MA PHYED NA, MTSAN NYID THEG PA LA STONG GZUGS KHYAD PAR CAN GYI SGRUB BYED YOD PAR 'DOD DGOS PAS HA CANG THAL LO, ,DES NA RLUNG DH'U T'IR TSUD MA TSUD KYI RTAGS RNAMS KYI KHYAD PAR RNAM LA SGRON GSAL DU, BRTAN GYUR RDO RJE'I LAM NAS NI, ZHES PA'I 'GREL PAR, RDO RJE'I LAM NAS ZHES PA, 'DA' BAR MI BYA BA'I MTSAN MA LNGA'I RIM GYIS, ZHES PA'I SKABS SU BSHAD PA BZHIN GO DGOS LA ZHAL LUNG GI 'GREL PA MDZES PA'I RGYAN DU, DBANG PO'I RLUNG CUNG ZAD LDOG PAR RTZOM PA DANG, LOG PA DANG, DH'U T'IR TSUD PA DANG, THIM PA LAS RTAGS RNAMS 'CHAR BAR GSUNGS PA NI LEGS PAS TSUL DE LTAR SHES PAR BYA'O, ,GSUM PA SPOGS CHOG NI, DUS ZHABS PAS, SO SOR SDUD PA'I SPOGS PA NI, ,BYED BCINGS DRAG TU BRTZAM PAR BYA, ZHES BYED BCINGS DAM DU GTOD PAR BZHED PA DANG, KHA CIG ZANGS CHUS BKANG BA'I NANG DU MIG SBRING SBRING DU BLTA, DE NAS NAM MKHAR BLTAS PAS STONG GZUGS 'CHAR ZHES SOGS KHAMS PA RGA LO'I MAN NGAG YIN GSUNG NGO, ,DANG PO'I DON DPYAD DGOS TE, DAM DU GTONG BA'I DON GANG YIN, LUS GNAD SOGS MA BYUNG BA 'CHOS PA YIN NA NI, DE NI RTZA BA'I SGOM LUGS MA SHES PA YIN LA SPOGS CHOG NI SGOM LUGS SHES NAS BSGOMS PAS KYANG MA GRUB NA BYED PA YIN TE, SGOM TSUL SLOB PA TZAM SPOGS CHOG TU JI LTAR 'THAD, SGOM TSUL SHES NAS BSGOMS PAS MA GRUB PA LA SGOM TSUL DE NYID DAM DU GTONG BA SPOGS CHOG YIN NA NI, DES MA GRUB PA LA JI LTAR BYA BYAS PA LA DE MA GRUB NA DE NYID BYA'O, ,ZHES

, ,PAR SONG BAS, DE 'BRA RI SPOGS CHOG DGOS PA MED DO, ,GNYIS PA'I DON KYANG GNAD MA RNYED PA YIN TE, RLUNG DH'U T'IR SDUD PA'I THABS MED PAR STONG GZUGS 'BA' ZHIG 'CHAR PA'I THABS LA 'BAD KYANG, RLUNG DH'U T'IR MA TSUD PA'I STONG GZUGS JI TZAM SHAR YANG, STONG GZUGS KYI PHYAG CHE NA SGRUB PA'I YAN LAG TU MI RUNG BAS SOR SDUD KYI YAN LAG TU MI RUNG NGO, ,DES NA 'DIR RLUNG DH'U T'IR TSUD PA LAS BYUNG BA'I STONG GZUGS 'CHAR DGOS LA, DE LA SNGON DU RLUNG DH'U T'IR TSUD PA DGOS LA, DE YOD NA STONG GZUGS RANG SHUGS KYIS 'BYUNG BAS, SPOGS CHOG GZHAN MI DGOS SO, ,DH'U T'IR 'DZUD THABS MED PAR SPOGS CHOG GI GZHI STONG GZUGS LA BYAS NA, RTZA BA POR NAS YAL GA 'TSOL BA BZHIN NO, ,DES NA RGYUD LAS, SO SOR SDUD PA LA SOGS RNAMS KYIS GAL TE SNGAGS PA RNAMS KYI 'DOD PA GRUB PAR MA GYUR NA, ZHES PA'I 'GREL PAR SO SOR SDUD PA LA SOGS PAS GA-YAS PA DANG GA-YON PA'I RLUNG MA CHINGS PA NYID KYIS, ZHES GSUNGS PA'I SOR SDUD KYI RLUNG DH'U T'IR MA CHINGS NA, DE'I TSE BTZAN THABS BYA BAR BSHAD PA LTAR BYA'O, ,GAL TE SGOM 'PHRO LA SHI NA'ANG TSE RABS GZHAN DU SNGAGS SPYOD PA'I RTEN KHYAD PAR CAN THOB STE LAM BSGOMS PA'I BAG CHAGS KYIS LAM MYUR DU RGYUD LA SKYES NAS MCHOG 'THOB PAR 'GYUR RO, ,BZHI PA NI, DBANG PO'I MNGON SUM TSAD MA DANG 'DRA BAS NA DBANG PO'I MNGON SUM MO, ,DE'ANG STONG PA NYID KYI GZUGS SGRA SOGS KYI YUL CAN YIN PAS DBANG PO'I MNGON SUM DANG 'DRA LA, MNGON SUM NI RTOG PA DANG BRAL BA LA STONG GZUGS SOGS

GSAL BAR SNANG BA YIN TE, RNAM 'GREL LAS, RNAM RTOG RJES SU 'BRANG BA LA, ,DON GSAL SNANG BA CAN MA YIN, ,ZHES GSUNGS PAS SO, ,MA 'KHRUL PA'I DON NI, GNAS SKABS DANG MTHAR THUG GI 'BRAS BU 'GRUB PA LA MI SLU BA YIN NO, ,LNGA PA NI, DBYE BA RNAM PA BCU'O, ,DRUG PA NI, GNAS SKABS KYI 'BRAS BU SNGAGS KYI TSIG 'DZIN PA SOGS DANG, MTHAR THUG YE SHES KYI PHUNG PO SOGS DRUG DRI BRAL DU GYUR PA 'THOB STE, RTAGS 'DI RNAMS YAN LAG DRUG GI SKABS THAMS CAD LA KHYAB PAS DRUG PA RDOR SEMS KYI RIGS YIN NO, ,RGYUD LAS, SO SOR SDUD PA'I RNAL 'BYOR PA NI YUL DANG RNAM PA BRAL BA SNGAGS RNAMS KUN GYIS BYIN GYIS RLOB, CES PA'I 'GEL PAR, DA NI SO SOR SDUD PA LA SOGS PA'I 'BRAS BU GSUNGS PA, SO SOR ZHES PA LA SOGS PA STE, 'DIR GANG GI TSE SO SOR SDUD PAS GZUGS BRTAN PAR GYUR PA'I RNAL 'BYOR PA RNAM PAR DAG PAR GYUR PA DE'I TSE SNGAGS RNAMS KUN GYIS BYIN GYIS BRLAB PAR 'GYUR TE, TSIG GIS MCHOG SBYIN PA LA SOGS PA SBYIN PAR 'GYUR RO, ,ZHES DANG, 'DIR DANG PO'I LAS LA SO SOR SDUD PA NI RGYAL BA'I DBANG PO ZHES PA YE SHES KYI PHUNG PO'O ZHES GSUNGS SHING, 'DUS PAR, SO SOR SDUD LA SNYOMS ZHUGS PAS, ,SNGAGS RNAMS KUN GYIS BYIN GYIS BRLAB, ,CES GSUNGS SO, ,MDOR NA RLUNG DH'U T'IR MA TSUD NA, MCHOG MI 'GYUR GYI BDE CHEN 'DREN PA'I STONG GZUGS KYI PHYAG CHEN MI 'GRUB LA, SOR SDUD SGOM PA NI, STONG GZUGS DE 'DRA BA'I SGRUB BYED YIN ZHING, DES NA SOR SDUD KYI THOG MAR RLUNG RDH'U T'IR TSUD PA'I SGOM PA ZHIG DANG, BAR DU DE LTAR BSGOMS

, ,PAS RLUNG DH'U T'IR CHINGS TE, DBANG PO LNGA DANG YUL LNGA'I 'BREL PA CHAD PA DANG, MTHAR DE'I SGO NAS STONG GZUGS MTHONG STE, RE KH'A NAG PO SKRA'I TSAD TZAM LA AA WA DH'U T'I'I NANG DU MTHONG PA NA SOR SDUD KYI YAN LAG MTSAN NYID TSANG BA YIN PAS, MTSAMS DE NAS BRTAN BYED BSAM GTAN GYI YAN LAG SGOM PA YIN NO, ,DES NA 'DI LA YAN LAG LNGA STE, DANG POR BSGOMS PA'I DUS MTSAMS, GANG SGOM PA'I YAN LAG, DAG DBYE TSAD MA, 'BRAS BU'O, , DANG PO NI, SOR SDUD KYI RTAGS BCU RDZOGS PA NA'O, ,GNYIS PA LA, DGOS PA GANG GI PHYIR SGOM PA, ,YAN LAG GI DBYE BA, BSAM GTAN GRUB PA'I TSAD BSTAN PA'O, ,DANG PO NI, SOR SDUD NI GZUGS MA GRUB PAR GRUB PA'I PHYIR SGOM PA YIN LA, BSAM GTAN NI DE GRUB ZIN BRTAN PA'I PHYIR SGOM PA YIN NO, ,'O NA DMIGS PA GZHAN ZHIG BSGOMS NAS BRTAN PAR BYED PA YIN NAM, JI LTAR YIN ZHE NA, DMIGS PA DE NYID GOMS PAS RGYUN BRTAN PAR BYED PA YIN NO, ,GNYIS PA NI, 'DUS PA LAS, BSAM GTAN RNAM PA LNGA RU 'GYUR, ,RTOG PA DANG NI DPYOD PA DANG, ,DGA' BA DANG NI BDE BA DANG, ,SEMS KYIS RTZE GCIG NYID DANG LNGA, ,ZHES PAS RTOG PA NI, STONG GZUGS RAGS PA MTHONG BA'O, ,DPYOD PA NI STONG GZUGS PHRA BA MTHONG BA'O, ,DGA' BA DE NI PHAN YON YIN TE, RIM PA BZHIN LUS DANG SEMS SHIN SBYANGS 'DREN PA'I SEMS KYI DGA' BA DANG, LUS KYI BDE BA'O, ,SHES RAB NI 'DUS PAR SEMS RTZE GCIG PA NI, SHES DANG SHES BYA CUNG ZAD PA'I, ,RANG SEMS LNGA PAR SHES PAR BYA, ,ZHES GSUNGS PA LTAR

YUL YUL CAN GYI 'BREL PA CHAD PA'O, ,KHA CIG YAN LAG SO SO LA SGOM TSUL RE RE BYED PAR SNANG STE, YAN LAG 'DI DAG BSAM GTAN BSGOMS PAS RTOGS PA SKYES PA'I RIM PA YIN GYI SGOM TSUL SO SO BA MI DGOS SO, ,GSUM PA NI SOR SDUD KYI SKABS SU LUS LA GNAD DU BSNUN PA'I DMIGS PA DE NYID BSGOMS PAS YE SHES KYI YAN LAG YUL YUL CAN GYI 'BREL PA CHAD, RTOG DPYOD KYI YAN LAG STONG GZUGS PHRA RAGS MTHONG NAS STONG GZUGS DE NYID BSGOMS PAS TING NGE 'DZIN THUN 'KHYONGS PA'I MTHAR, PHAN YON GYI YAN LAG LUS SEMS SHIN SBYANGS SKYES PA NA BSAM GTAN GYI YAN LAG GRUB PA YIN TE, RGYUD LAS, BSAM GTAN DAG KYANG SHES RAB RTOG DANG DPYOD PA GA-YO DANG DGA' DANG GA-YO MED BDE BA RTZE GCIG SEMS PA'O, ,ZHES DANG, DE'I 'GREL PAR, DE BZHIN DU GZUGS DE NYID LA SHES RAB CES PA NI LTA BA'O, ,RTOG PA ZHES PA NI DNGOS POR 'DZIN PA'O, ,DPYOD PA ZHES PA NI NGES PA'I DON TO, ,DGA' BA ZHES PA NI GZUGS LA CHAGS PA'O, ,GA-YO MED BDE BA ZHES PA NI GZUGS DANG LHAN CIG SEMS GCIG TU BYED PA'O, ,DE LTAR GZUNG BA DANG 'DZIN PA'I DBYE BAS BSAM GTAN RNAM PA BCU PA'O, ,ZHES GSUNGS SO, ,YE SHES SPYAN GRUB LAS, SNANG BA'I STENG DU 'OD GSAL BZUNG, ,PHRA BA'I 'OD LA BRTEN NAS NI, ,RIGS PA'I 'OD CHEN NGO SPRAD PAS, ,RTOG MED 'OD LAS SRID 'DAS SNANG, ,SROG RTZOL SGO RU 'OD GSAL BZUNG, ,'GYU BA RLUNG GI DE NYID SHES, ,RLUNG LNGA'I KHA DOG MTHONG BAR 'GYUR, ,DH'U T'I'I NANG DU 'OD GSAL BZUNG, ,RTOG MED SEMS KYI DE NYID SHES, ,RDO RJE LUS KYI

, ,GNAS LUGS MTHONG, ,GSANG SNGAGS CHOS LA MKHAS PAR 'GYUR, ,ZHES PA DANG, MNGON SHES SGRUB PA RNAMS 'DI'I SPOGS CHOG TU BYED PAR SNANG STE, MNGON SHES NI, BSAM GTAN GRUB ZIN NAS BYED RGYU YIN PAS, 'DI MA GRUB PA 'GRUB PA'I SPOGS CHOG TU JI LTAR 'THAD, GZHAN DE RNAMS KYANG STONG GZUGS KHO NA'I SPOGS CHOG TU SNANG BAS, 'DI'I SPOGS CHOG 'OG TU 'CHAD DO, ,DAG DBYE NI, RNAM SHES KYI PHUNG PO RNAM PAR DAG PA RGYAL BA MI BSKYOD PA YIN LA, DBYE BA NI, YAN LAG LNGA LA YUL YUL CAN GYIS PHYE NA BCUR 'GYUR TE, 'GREL PAR, BSAM GTAN MI BSKYOD PA NYID DO, ,ZHES PA RNAM PAR SHES PA'I PHUNG PO STE, RNAM PA BCU NI, YUL YUL CAN BCU PO RNAMS GCIG NYID DU SNA TSOGS GZUGS LA BSAM GTAN PA'O, ,ZHES PA'O, ,'BRAS BU NI, GNAS SKABS SU MNGON SHES LNGA 'THOB CING SANGS RGYAS LA CHOS NYAN, MTHAR THUG NAM MKHA'I KHAMS DANG, RNAM SHES KYI PHUNG PO SOGS DRUG TSAN GCIG SGRIB BRAL DU DAG PA RGYAL BA MI BSKYOD PA SOGS DRUG TSAN GCIG 'GRUB PAR BYED DO, ,SOR BSAM GNYIS SKU RDO RJE SGRUB BYAD BSNYEN PA'I YAN LAG THOG MAR DGE BA'I 'KHRID YIN NO ZHES GSUNGS SO, ,GNYIS PA SROG SGRUB BYED KYI YAN LAG LA, SPYIR BLA MED KYI RGYUD RNAMS LAS, RLUNG DH'U T'IR ZHUGS PA DANG, GNAS PA DANG, THIM PA GSUM BSHAD LA, RGYUD 'DIR NI THIM PA NI BCINGS PA DANG, BSRES PA DANG, BSAD PA ZHES BSHAD PA RNAMS YIN LA, ZHUGS GNAS GNYIS YAN LAG RE RER BSHAD PAS, 'DI LA GNYIS, SROG RO RKYANG LA RGYU BA

BKAG NAS DH'U T'IR 'JUG PAR BYED PA'I YAN LAG SROG RTZOL, ZHUGS GNAS BRTAN PAR BYED PA'I YAN LAG 'DZIN PA'O, ,DANG PO LA DRUG LAS, MTSAN DON NI, RTZOL BA'I SKAD DOD LA AA YA MA ZHES PA 'GOG PA DANG, MTSUR RING BA LA 'JUG PA LAS 'DIR NI 'GOG PA'I DON DU BSHAD DE, DE LA SROG NI RLUNG YIN LA, DE RO RKYANG LA RGYU BA BKAG NAS DH'U T'IR 'DZUD PA NI RTZOL BA'I DON TE, SGRUB LER SROG GI RTZOL BA DAG KYANG LAM NI GNYIS PO DAG NI BSKYEL ZHING DBU MAR SROG NI ZHUGS PA DAG TU 'GYUR, ZHES PA'I 'GREL PAR, LAM NI GNYIS PO ZHES PA GA-YON DANG GA-YAS PA'I LAM BSKYEL BA STE 'GOG CING DBU MA'I LAM DU RAB TU ZHUGS PA'O, ,DE'ANG DKYIL 'KHOR BCU 'GAG PA LAS RNAM PA BCU'O, ,ZHES GSUNGS SO, ,'DUS PAR SROG NI TSE DANG, RTZOL BA NI RING DU MCHED PAR BYED PA'I DON YIN GYIS SROG RTZOL ZHES 'DI DANG MI MTHUN PAR BSHAD KYANG, RLUNG RO RKYANG LA RGYU PA BKAG NAS DBU MAR 'JUG PA'I RLUNG SBYOR LA SROG RTZOL GYI YAN LAG TU BYED PA LA, BLA MED KYI RGYUD KUN 'DRA BA YIN NO, ,RGYUD SDE 'OG MA DANG SROG RTZOL CES MING TZAM MTHUN YANG DON MI MTHUN NO, ,GNYIS PA DUS MTSAMS NI, DANG POR SOR BSAM GNYIS SGOM PA'I DUS SU, DNGOS SU RLUNG LA MA DMIGS KYANG, LUS KYI GNAD CHE SAR BSNUN PAS RLUNG DBU MAR TSUD DE DBU MA SBYANGS PA'I MTSAMS NAS YIN TE, DE NAS RLUNG LA DNGOS SU DMIGS PA'I SROG RTZOL BSGOMS NA GNAD DU 'GRO TSABS CHE BA'I DGOS PA YOD PA'I PHYIR RO, ,DE LA DGONGS NAS RGYUD 'DIR GO RIM DE LTAR BSHAD PA YIN TE, YE LER DU BA LA SOGS SGRUB PA BYAS NAS 'CHI

, ,PA'I 'JIGS PA BYED PA'I DBU MA DAG NI BSGRUB PAR BYA, ZHES DANG, MCHOG MI 'GYUR DU, DU BA LA SOGS PA'I MTSAN MA BSGOMS PAS, LAS DANG PO PA DBU MA YONGS SU SBYANGS PA ZHES GSUNGS, GSUM PA YAN LAG DNGOS LA, DBYE BA, SGOM TSUL, MA GRUB NA SPOGS PA'I CHO GA GSUM LAS, DANG PO NI, BLA MA SNGA MA RNAMS, RDOR BZLAS, RNGUB PA, DGANG BA, GZHIL PA, RE TZA KA, BUM PA CAN TE DRUG TU BZHED KYANG, GNAS SKABS 'DIR BUM PA CAN DANG, YE LER, SDOM CHEN GYI SKABS SU RDOR BZLAS GSUNGS SHING, DE GNYIS KYIS DGOS PA 'GRUB PAS, RGYUD GZHAN NAS KHA 'GENG MI DGOS SHING, DES NA DBYE BA, RGYUD 'GREL LAS BYUNG TSOD BUM PA CAN DANG, RDOR BZLAS GNYIS SU BYA'O, ,GNYIS PA NI, DNGOS SU RO RKYANG LA RGYU BA MA BKAG PAR BSGOM PA RDO RJE BZLAS PA SGOM TSUL DANG, DNGOS SU RGYU BA BKAG NAS BSGOM PA BUM PA CAN SGOM PA GNYIS LAS, DANG PO LA DRUG LAS, SGOM PA'I GNAS DANG, LUS GNAD SOGS NI SOR SDUD DANG 'DRA LA, KHYAD PAR NI, RKANG PA GA-YON PA'I RTANG PAS DRI CHEN GYI LAM BKAG PA'AM, RDO RJE'I RTZA BA MNAN PA'O, ,LTA STANGS NI SOR SDUD LTAR BDUD RTZI 'KHYIL PA'I LTA BA STE, DE LA DRANG NGES GNYIS LAS, NGES DON GYI BGEGS MTHAR BYED RLUNG YIN LA, DE LA LTA BA NI, YID KYIS DMIGS PA YIN TE, RDOR BZLAS KYIS RLUNG 'JUG GNAS LDANG GSUM LA DMIGS LA, BUM PA CAN GYIS RLUNG GNYIS KHA SBYAR DU BYAS PA LA DNGOS SU DMIGS PA'O, ,DRANG DON GYI BGEGS MTHAR

BYED KYI LTA BA NI, MIG GIS BLTA BA'O, ,GSUM PA BYED BCINGS NI, BYED PA NI DBANG PO DE'ANG LTA STANGS GTZO BO, ,BCINGS PA NI RLUNG YIN TE, PHYAG RDOR BSTOD 'GREL DU, SROG RTZOL ZHES BYA BA NI LA L'A NA DANG, RAS NA GA-YON PA DANG, GA-YAS BA'I LAM 'GOG PA LAS SROG GI RLUNG RTAG TU DBU MA AA WA DH'U T'I'I NANG DU RAB TU 'JUG PA STE, AA WA DH'U T'IR DGANG BA DANG, BUM PA CAN DANG, DBYUNG BA'I SBYOR BAS AOm YIG GIS 'JUG PA DANG, H'Um YIG GIS 'GOG PA DANG, A'A: YIG GIS 'BYUNG BA ZLA BA DANG SGRA GCAN DANG NYI MA'I RANG BZHIN GYI RNAL 'BYOR PAS BYED PAS SROG RTZOL GYI YAN LAG GO ,ZHES GSUNGS PA'I DON BSHAD NA, DE LA SROG RTZOL CES PA'I RTZOL BA'I DON, LA L'A NA ZHES PA NAS 'GOG PA LAS ZHES PA'I BAR GYIS RO RKYANG LA RGYU BA 'GOG PAR BSHAD LA, SROG GI DON NI, RLUNG ZHES RLUNG LA BSHAD CING, LAS ZHES PA DANG, AA WA ZHES PA NAS 'BAB PA STE ZHES PA'I BAR GYIS RO RKYANG LA RGYU BA 'GOG PA LAS AA WA DH'U T'IR 'BAB PAR BSHAD DO, ,AA WA DH'U T'IR DGANG ZHES PA MAN CHAD KYIS NI RO RKYANG LA RGYU BA 'GOG PA'I THABS STON TE, ZLA BA STE SKU RDO RJE AOm YIG GI RANG BZHIN GYIS DGANG BA STE NANG DU 'JUG PA DANG, SGRA GCAN TE THUGS RDO RJE H'Um GI RANG BZHIN GYIS BUM PA CAN TE NANG DU GNAS PA DANG, NYI MA STE GSUNG RDO RJE A'A:'I RANG BZHIN GYIS PHYIR DBYUNG BA'I SBYOR PA BYA'O, ,GNAS GANG NAS BYED CE NA, AA WA DH'U T'IR DGANG BA DANG ZHES GSUNGS PAS, DBU MA NYID NAS 'JUG GNAS DBYUNG BA'I SBYOR BA BYA'O, ,

, ,RNAL 'BYOR PAS BYED PA ZHES PA NI, DE LTA DH'U T'I NAS 'BYUNG 'JUG MI BYED PA STE, DBU MA NAS 'JUG GNAS LDANG GSUM GYI SBYOR BA BYED PA, RNAL 'BYOR PAS BYED PA BYED PA STE MOS PAS BYED PA'O, ,SROG CES PA MAN NI, SBYOR BA DE NI SROG 'GOG PA'I YAN LAG THABS SO ZHES BSTAN NO, ,MDOR NA GZHUNG DES RLUNG GI GDANGS GSUM DANG YI GE GSUM DBYER MED DU SBYAR TE AA WA DH'U T'I NAS 'JUG GNAS LDANG GSUM BYED PAR RNAL 'BYOR PAS MOS PA BYED PA NI, SROG GI RLUNG RO RKYANG LA RGYU BA BKAG NAS, DBU MAR 'BAB CING 'JUG PAR BYED PA'I YAN LAG GO ,ZHES GSAL BAR BSTAN NO, ,DES NA KHA CIG GA-YAS NAS RGYU BA RO MA DANG, GA-YON NAS RGYU BA RKYANG MA NAS RDOR BZLAS BYED PAR 'DOD PA NI RDOR BZLAS KYI MI MTHUN PHYOGS 'BA' ZHIG YIN TE, RDOR BZLAS KYI DUS SU YID KYIS DBU MA NAS 'BYUNG 'JUG BYED PAR MA MOS NA, DNGOS PO LA RO RKYANG GI RLUNG DBU MAR 'DZUD PA'I THABS CUNG ZAD KYANG MED DO, ,DE NAS RDOR BZLAS KYIS DNGOS SU RO RKYANG GI 'BYUNG 'JUG MA BKAG KYANG, RLUNG DBU MAR TSUD PA'I GNAD CHE SHOS NI, YID KYIS DBU MA NAS 'JUG GNAS LDANG GSUM BYED PAR MOS PA NYID YIN PAS DE BOR NAS RDOR BZLAS GZHAN CI TZAM BYAS KYANG DGOS PA 'GRUB PA LA MI PHAN NO, ,ZLA NYI SGRA GCAN ZHES SOGS KYI DON YANG SNGAR BSHAD PA LTAR YIN LA, GONG DE MA THAG TU 'JUG GNAS LDANG GSUM BYA BAR BSHAD PAS SHES SO, ,'GREL PAR, GA-YON PA DANG GA-YAS DANG DBU MA'I SROG YANG DAG PAR RGYU BAS RDO RJE BZLAS PA'I RIM PA DANG, MA NING GI BZLAS PA'I RIM PA'O, ,ZHES PA NI,

BCOM LDAN 'DAS KYI NGES PA'O ZHES PA DANG, 'DIR NGES PA'I DON NI, DUS THAMS CAD DU BRTAN PAR GYUR PA DANG, BUM PA CAN GYI GNAS SKABS SU GYUR BA JI SRID PAR DUS THAMS CAD DU RNAL 'BYOR PAS 'JUG PA DANG 'BYUNG BA NYID KYI SROG DBU MAR BSGOM PAR BYA'O, ,ZHES GSUNGS SO, ,'O NA RLUNG SNGAGS SBYOR TSUL 'DUS PA DANG MI MTHUN PA 'DI JI LTAR YIN ZHE NA, CUNG ZAD MI MTHUN PAR SROG RTZOL GYI GNAD MI 'PHYUG PAS SKYON MED DO, ,RLUNG SNGAGS SBYOR TSUL YANG RLUNG GI RANG GDANGS YI GE GSUM DU SGROG GIN YOD PA NYAN PA'I RNAM PA LTA BUR BYA'I, YI GE GSUM GYI GZUGS DANG SGRA'I RNAM PA LTA BUR BYAS NA PHYIN CI LOG TU BZUNG PAS, GNAD BLA MA'I ZHAL LAS SHES DGOS SO, ,LNGA PA BSGOMS PAS MYONG PA SKYE TSUL NI, BLA MA SNGA MA RNAMS BDE DROD DANG RTZA RLUNG GI KHA DOG MTHONG BA SOGS 'BYUNG NGO ZHES GSUNGS TE, DE LA NYAMS SNANG LA RTZA'I 'KHOR LO DANG, DE NAS RGYU BA'I RLUNG GI KHA DOG MTHONG BA DANG, 'JIG RTEN GYI KHAMS DU MA MTHONG BA SOGS 'BYUNG STE, DE DAG NI RMI LAM DU MTHONG BA DANG 'DRA BAS KHA CIG BDEN SRID KYANG YID BRTAN MI RUNG NGO, ,RDO RJE 'PHRENG BAR LUS DBEN RDZOGS NAS RDOR BZLAS ZLA BA DRUG BYED PAR BSHAD PA'I ZLA BA BZHI PA LA RTZA 'KHOR GYI KHA DOG MTHONG BAR BSHAD PA NI RANG BZHIN PA MTHONG BA YIN YANG RDOR BZLAS KYI MYONG BA SKYE TSUL PHAL PA YIN LA, GTZO BO NI RLUNG DH'U T'IR ZHUGS PA'I RTAGS 'KHRUL MED RNAMS 'CHAR DGOS SO, ,SNYAN RGYUD LAS, SNGON 'GRO GEGS SEL RDO RJE BZLAS

, ,PAS RTZA LAM SBYONG ZHES BSHAD PA LA BOD KYI MKHAS PAS SNGON 'GRO TZAM DU BYED PA MI 'THAD CES GSUNGS PA BDEN TE, DE DAG GI DGONGS PAS SROG RTZOL GYI DNGOS GZHI BUM PA CAN DANG, RDOR BZLAS SNGON 'GRO GEGS SEL DU BZHED LA, DE NI BRTAGS NA MI 'THAD DE, RDO RJE BZLAS PAS RTZA SBYONG BAR NI DE DAG KYANG BZHED LA, DBU MA SBYONG NA DBU MA'I NANG DU RLUNG ZHUGS DGOS SHING, DE RDOR BZLAS KYIS BSGRUB NA, RO RKYANG LA RGYU BA BKAG NAS RLUNG DH'U T'IR 'DZUD PA SROG RTZOL GYI DNGOS GZHIR JI LTAR MI 'THAD, YANG SNYAN RGYUD LAS, 'JAM RLUNG DGANG STONG GI SBYOR BAS SROG DBU MA'I THIG LER GZHUG CES GSUNGS PA, RLUNG 'JAM POS GANG LA RGYU PA'I SNA BUG NAS RLUNG NANG DU DRANGS TE LTO BA KHENGS PA DANG, RLUNG MI RGYU PA PHYOGS KYI SNA BUG NAS BTANG BAS MNYAM RGYUR SGRUB CING, DES SROG DBU MAR 'DZUD PAR 'DOD PAR SNANG STE, RLUNG SBYOR 'DI LA'ANG DBU MA'I NANG GI GNAD LA BRTEN PA MI SNANG PAS DE CI TZAM BSGOMS KYANG DH'U T'IR TSUD PA DKA' LA DBU MAR TSUNG PA'I RTAGS MNYAM RGYUR THENGS PA GCIG PUS MI CHOG GI ,NANG GI RTAGS 'KHRUL MED RNAMS 'CHAR DGOS SO, ,RGYUD 'DI'I SKOR NAS TSUL 'DI GSAL BAR MA BYUNG YANG, RGYUD GZHAN NAS 'BYUNG GSUNG YANG RGYUD BSGYUR TSAD GANG DU'ANG 'DUG PA MA MTHONG GSUNG NGO, ,'ON KYANG RLUNG SBYOR 'DI LA KHAMS BDE BA SOGS KYI DGOS PA YOD PAS 'DI DANG 'OG GI RLUNG SBYOR BZHI'I BYED LUGS ZUR DU BYA'O, ,YANG KHA CIG RDUB PA DANG DGANG BA

DANG GZHIL BA'I RLUNG SBYOR MAN NGAG 'GA' ZHIG LAS, MAN SNYE DANG, 'GREL PAR DGANG BA DANG, DBYUNG BA DANG, BUM PA CAN GYI SBYOR BAS RTAG PAR BSNYEN PAR BYA'O, ,ZHES PA'I DGONGS PAR MDZAD SNANG STE, RGYUD 'GREL GYI DGONGS PA NI PHYAG RDOR BSTOD 'GREL LTAR, RDOR BZLAS BSTAN PA YIN LA, MAN SNYE'I DGANG DBYUNG BUM PA CAN GSUM YANG 'JUG GNAS LDANG GSUM LA BSHAD CING, ZHI PA NI, BZHUGS NAS GA-YO MED DU GNAS PA'O, ,ZHES BSHAD PAS, DE'I DGONGS PA'ANG MA YIN NO, , SDOM 'BYUNG LAS, 'CHI BLU'I SKABS SU, LUS KYI NANG THAMS CAD RLUNG GIS 'GENG PA SOGS BSHAD KYANG, DBU MAR 'DZUD PA'I SROG RTZOL SGOM PA'I SKABS SU, DH'U T'I'I RTZA GNAD LA BRTEN PA'I SROG RTZOL MED PAR, LTO BA DGANG BA'I RLUNG SBYOR BSGOMS PAS NI RLUNG DBU MAR TSUD PA LA CI'ANG MI PHAN NO, ,RGYUD 'DIR SROG RTZOL GYI YAN LAG SOGS BSHAD PAS, GZHAN NAS KHA 'GENG DGOS PA'ANG YIN NO, ,SLOB DPON GYI KHA NAS 'ONGS PA MA YIN NO, ,ZHES GSUNGS PA LA BLA MA'I MAN NGAG GZHAN GYIS KYANG KHA 'GENG MI DGOS SHING, ,RGYUD 'GREL LAS BSHAD PA'I SROG RTZOL GNYIS PO NYID LA NAN TAN CHER BYA'O, ,GNYIS PA GNAS LA SOGS PA DRUG LAS GZHAN RNAMS NI, RDOR BZLAS DANG 'DRA LA, BYED BCINGS NI SPYIR RLUNG 'BYUNG 'JUG MA BYED PAR NANG DU GNAS PA LA'ANG BUM PA CAN DU BSHAD PA YOD LA, DE RGYUD SDE 'OG MA LA'ANG YOD CING, DER MA ZAD GRANGS CAN LA'ANG YOD PAR BSHAD PAS, PAndI TA SA'I SNYING POS MU STEGS DANG MA RGYUD KYI RLUNG SBYOR KHYAD PAR 'BYED

, ,DKA' GSUNGS PA LA BLA MA SNGA MA RNAMS LTA BA BYANG CHUB KYI SEMS KYIS ZIN MA ZIN GYIS 'BYED GSUNG BA RLUNG SBYOR GYI NGO BO'I SGO NAS MA PHYED PA'I GTAM DU SNANG STE, GRANGS CAN SOGS LA RLUNG KHA SBYAR NAS RLUNG BUM PA CAN BYED PA TZAM YOD KYANG KHYAD PAR CHE STE, RTZA 'KHOR GYI DH'U T'I'I DBUS SU KHA SBYAR BYAS NAS BZUNG NAS LHAN SKYES 'DREN PA MED PA'I PHYIR RO, ,DES NA RLUNG NANG DU GNAS PA TZAM GYIS BUM PA CAN MU STEGS DANG RGYUD SDE 'OG MA LA'ANG YOD PAS, DE LAS KHYAD PAR DU GYUR PA'I BUM PA CAN DGOS PAS DE BSHAD PAR BYA'O, ,'DI LA LNGA, 'OG GI RLUNG 'THEN PA'I GO RIM, STENG 'OG GI RLUNG GANG NAS 'THEN PA, THEN NAS GANG DU KHA SBYAR BYA BA, BYAS NAS KHA SBYAR DE NYID LA SEMS GTOD PA, GTAD NAS SGOM PA'I YUN TSAD BSTAN PA'O, ,DANG PO NI, GZHI DUS SU SROG 'DZIN STENG GI SNA SGO NAS PHYIR 'BYUNG BA NI, THUR SEL 'OG SGO NAS PHYIR 'BYUNG LA, SROG 'DZIN NANG DU ZHUGS PA NA, THUR SEL NANG DU ZHUGS NAS LTE BA'I BAR DU 'ONG BAS, RTOG PA BYANG NA DUS GCIG TU KHA SBYAR BYED NUS SRID KYANG, DA LTA PHAL CHE BAS MI NUS PAS RIM CAN DU 'THEN DGOS PAS, DE'I TSUL BSHAD PAR BYA STE, BYANG SEMS 'DZAG PA DANG, DE SRUNG BA'I MAN NGAG MED NA, SROG 'DZIN NGES PAR SNGON DU 'THEN DGOS TE, THUR SEL SNGON DU 'THEN NA 'DZAG PA'I NYEN CHE'O, ,DE 'DRA'I MAN NGAG YOD NA SNGON DU 'THEN KYANG SKYON

MED DO, ,GNYIS PA LA, SNGA MA PHAL CHER GYIS, STENG 'OG GI RLUNG SPYIR KHOG PA TZAM NAS 'THEN PA MA GTOGS GNAD DU 'GRO BA'I 'THEN LUGS MI SNANG LA, 'THEN LUGS DES JI TZAM 'THEN KYANG GNAD DU 'GRO DKA' BAS, GNAD DU 'GRO NGES SHES PA'I 'THAN LUGS SHIG DGOS TE, 'DI LTAR STENG RLUNG DH'U T'I'I NANG NAS 'OG TU 'THEN PA'I TSE, 'OG RLUNG YANG DH'U T'I'I NANG NAS STENG DU 'THEN PA DGOS TE RGYU MTSAN 'OG TU 'CHAD DO, ,GSUM PA NI, 'O NA 'THEN NAS GNAS GANG DU KHA SBYAR BYED CE NA, 'DI LA'ANG SNGA MA DAG ,STENG 'OG GI RLUNG LTE BA'I BAR DU 'THON NAS KHA SBYOR BYED ZER BA TZAM MA GTOGS, GNAD RNYED PA'I KHA SBYOR BYED LUGS MI SNANG NGO, ,'O NA JI LTAR BYED CE NA, DBU MAR TSUD PA'I SROG RTZOL BUM PA CAN GNAD DU 'GRO BA ZHIG BYED NA, 'DI LTAR BYA STE, STENG RLUNG DANG 'OG RLUNG DH'U T'I'I LAM NAS LTE BA'I BAR DU 'THEN TE, DH'U T'I LA RO RKYANG GI MDUD PAS BCINGS PA'I RTZA 'KHOR GYI DBUS DH'U T'I'I NANG DU RLUNG KHA SBYOR DU BYA'O, ,BZHI PA NI, DER KHA SBYOR BYAS NAS DBU MA'I NANG GI KHA SBYAR GYI RLUNG DE NYID LA SEMS GTOD PA YIN TE, 'DUS PAR NYE BAR SGRUB PA'I DUS SU NI BDUD RTZI 'KHYIL PA'I GZUGS BRNYAN NO ZHES PA DANG, RGYUD DU, BGEGS MTHAR BYED PA'I BDUD RTZI'I LAM DU SONG BA YIS KYANG NYE BA'I SGRUB PA YAN LAG DRUG ,CES DANG, BGEGS MTHAR BYED NI NGES DON GYI RLUNG LA BSHAD LA, BSTOD 'GREL DU'ANG DE, DE NAS BDUD RTZI 'KHYIL PA'I GZUGS BRNYAN GYI MING CAN DGONGS PA'I SKABS GZHAN GYI RLUNG LA GSUNGS SO, ,DE'ANG RNAM PA LNGA STE,

, ,DE BZHIN DU 'DUS PAR, RIN CHEN LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,CES SOGS GSUNGS PA LTAR, GONG BU'I GZUGS KYIS ZHES PA LA, 'GYUR KHA CIG LAS, 'DRIL BA'I GZUGS KYIS ZHES 'BYUNG BAS, YE SHES LNGA'I RANG BZHIN DKYIL 'KHOR LNGA'I RLUNG DE RO RKYANG GNYIS LA SO SOR RGYU BA AA WA DH'U T'IR 'DRIL BA'I GZUGS KYIS PHYUNG BA STE, DBU MA'I LAM NAS SNA DRANGS NAS SNA'I RTZE MO ZHES PA LTE BA'I RTZA 'KHOR GYI DBUS SU RAB TU BRTAGS TE BSGOM MO, ,RKANG PA GSUM PAS RLUNG DBU MA'I NANG NAS 'DREN PAR BSTAN, RKANG PA BZHI PAS LTE BA'I RTZA 'KHOR GYI DBUS SU BSGOM PAR BSTAN NO, ,MDOR NA RAB TU BRTAGS PAS TE BSGOM BYA'I DNGOS PO DKYIL 'KHOR LNGA'I RLUNG RO RKYANG LA RGYU BA DBU MA'I LAM NAS DRANGS NAS, GANG DU SGOM PA'I GNAS SNA'I RTZE MOR TE LTE BA'I RTZA 'KHOR GYI DBUS SU BSGOM ZHES GZHUNG DES GSAL BAR BSTAN NO, , LNGA PA NI, SEMS GTAD NAS YANG YANG BSGOMS PAS MGO BO NA BA LUS LA 'OD KOR MTHONG BA, SNYING GA RDEB PA SOGS BYUNG NA, DE PHAN CHAD DU BSGOMS NA SROG 'CHAD PA SOGS NYES DMIGS YOD PAS DE PHAN CHAD DU MI SGOM MO, ,DE'ANG BUM PA CAN BSGOMS PAS MTSAMS SHIG NAS RTZA 'KHOR GYI DBUS DH'U T'I'I NANG DU GNAS PA MIN KYANG, LTE BA'I RTZA 'KHOR TZAM DU RANG SHUGS KYIS GNAS PA ZHIG 'ONG BAS MTSAMS DE NAS 'DZIN PA LA NAN TAN CHER BYA'I, DE MA BYUNG BAR

DU AA NA TSUGS BYAS NA GEGS BSKYED PAS, LUS LA MI BDE BA MA BYUNG GI BAR DU BSGOM PAR BYA'O, ,DRUG PA DE LTAR BSGOMS PAS MYONG BA SKYE TSUL NI, BOD KYI MKHAS PAS 'DZIN PA'I SKABS KYI MYONG PA SKYE TSUL RNAMS 'DIR DRANGS NAS BSHAD KYANG, 'DZIN PA'I SKABS NYID DU BAB PO, ,'DI'I SKABS SU GTUM MO 'BAR BA DANG RTZA DANG RLUNG GI KHA DOG MTHONG BA LA SOGS PA NI PHAL PA YIN LA, GTZO BO NI SROG DBU MAR TSUD PA'I RTAGS 'KHRUL MED RNAMS YIN PAS DE DAG 'CHAR DGOS SO, ,RE TZA KA'I RLUNG SBYOR YANG ZUR DU 'CHAD LA, YANG SNYAN RGYUD LAS, RTZUB RLUNG BUM PA CAN GYIS SROG DBU MAR BCINGS ZHES PA'I SNGA MAS DBU MAR TSUD PA 'DIS DBU MAR GNAS PAR BYED PAR 'DOD PAR SNANG STE, SROG RTZOL GYIS DBU MAR TSUD PA DANG, DER GNAS PA 'DZIN PA'I BYED LAS YIN GYIS, SROG RTZOL GYIS DBU MAR GNAS PA BSGRUB NA 'DZIN PA'I YAN LAG DGOS MED DU 'GYUR ZHING, DES NA SROG DBU MAR ZHUGS PA'I RTAGS 'KHRUL MED RNAMS NI SROG RTZOL GYI BYED LAS YIN NO, ,YANG SNYAN RGYUD DU, MA TSUD CING MA CHINGS NA BTZAN THABS KYI SBYOR BAS GA-YAS GA-YON NYI ZLA'I RLUNG DGAG CES DANG, 'OG SGO 'GAGS NA SROG GI SBYOR BAS 'GROL CES GSUNGS PA'I DON, 'JAM RLUNG GI SA ? MA TSUD PA RTZUB RLUNG GIS MA CHINGS NA, KYEE RDO RJE LAS, LONGS SPYOD KYI NI BRLABS GNYIS PA, ,RANG GI GA-YAS DANG LAG GZHAN GYI, ,MTHE BONG DANG NI SRIN LAG GIS, ,DE NI RNAM 'BYOR PA YIS BRTZIR, ,ZHES LONGS SPYOD 'KHOR LOR KHU RDUL RLUNG GSUM

, ,GYI RTZA GSUM GSUM GA-YAS GA-YON DU YOD PA'I RLUNG GNYIS RGYU BA'I RTZA BGAGS NA, BDE BA DANG MI RTOG PA SKYE, RLUNG DH'U T'IR TSUD PAR 'DOD DO, ,DE 'DRA'I BTZAN THABS RGYUD 'DIR BSHAD PA MED PAS, 'OG TU 'CHAD PA LTAR, RGYUD 'GREL NAS BSHAD PA'I BTZAN THABS NYID BYA'O, ,RDOR BZLAS KYIS RLUNG DBU MAR MI TSUD NA NI DE DBU MA SBYONG BYED DANG 'GAL ZHING, TSUD NA NI RLUNG SBYOR DE GNYIS RDOR BZLAS KYI RJES SU BYED PA'I RIM PA NGES PAS 'DIR BTZAN THABS BYED DON MED DO, ,SROG GI SBYOR BAS DGROL CES GSUNGS PA'ANG, DRI CHEN DRI CHU'I LAM GNYIS 'GAGS NA LTE BA'I BAR DU THUR SEL LA RDOR BZLAS BYED PA'I DON NO, ,BZHI PA MA GRUB NA SPOGS CHOG BTZAN THABS KYI SBYOR BA NI, SO SOR SDUD PA LA SOGS RNAMS KYIS GAL TE SNGAGS KYI 'DOD PA GRUB PAR MA GYUR NA, N'A DA GOMS PAS BTZAN THABS CHU SKYES SU GNAS PA'I RDO RJE NOR BUR THIG LE BKAG NAS BSGRUB PAR BYA, ZHES DANG, DE'I 'GREL PAR, DA NI BTZAN THABS KYI SBYOR BA GSUNGS TE, 'DIR GANG GI TSE SO SOR SDUD PA LA SOGS PAS GZUGS MTHONG BAR GYUR PA LA SROG MA CHINGS PA NYID KYIS 'GYUR BA MED PA'I SKAD CIG MA MA SKYES NA DE'I TSE, N'A DA GOMS PA CHAD PAR 'GYUR PAS BTZAN THABS SU DBU MAR 'BAB PAR BYAS NAS SHES RAB KYI CHU SKYES SU GNAS PA'I RDO RJE NOR BUR BYANG CHUB KYI SEMS KYI THIG LE BGAG NAS MI GA-YO BAS 'GYUR BA MED PA'I SKAD CIG BSGRUB PAR BYA'O, ,ZHES PA NI BTZAN THABS KYI RNAL 'BYOR RO, ,ZHES

GSUNGS SO, ,'DI'I DON BSHAD PA LA GSUM, DUS NAM GYI TSE BYED PA, BYED PA'I TSUL DNGOS, DES RLUNG CHINGS NA SGRUB TSUL LO, ,DANG PO NI, BOD KYI MKHAS PAS RGYUD 'GREL DU, 'GYUR BA MED PA'I SKAD CIG MA MA SKYES NA, ZHES PA LA DGONGS NAS, 'DZIN PA'I YAN LAG THOB NAS MCHOG MI 'GYUR GYI BDE BA MA SKYES NA, DE'I TSE SGOM ZHES GSUNG PA NI MI BDEN TE, 'DZIN PA THOB NAS, RJES DRAN GYI SKABS SU, PHYAG CHEN LA BRTEN NAS BDE CHEN 'DREN MA NUS PAS LAS RGYA LA BRTEN NAS 'DREN DGOS SRID KYANG, DE'I SKABS SU RLUNG DBU MAR MA CHINGS PA'I SPOGS CHOG BYED DGOS PA MI SRID LA, 'DI NI RLUNG DBU MAR MCHINGS PAS BDE BA MA SKYES NA, RLUNG DBU MAR 'DZUD THABS SU GSAL BAR BSTAN NO, ,'GYUR PA MED PA'I SKAD CIG MA ZHES GSUNGS KYANG MI 'GRUB STE, RGYUD 'DIR 'GYUR BA MED PA'I BDE BA ZHES GSUNGS PA THAMS CAD DON GCIG TU BZUNG NA, RGYUD 'DI'I DON LEGS PAR 'CHAD MI THUB CING, SKABS KYIS GO BAR BYED DGOS PAS, 'DIR NI, 'GYUR BA MED PA BYANG SEMS NOR BU'I RTZER 'DZAG PA BKAG NAS NOR BUR BRTAN PA'I LHAN SKYES LA ZER BA YIN TE, RDO RJE NOR BUR THIG LE BKAG STE BSGRUB PAR BYA, ZHES GSUNGS PAS SHES SO, ,SNGA MA KHA CIG SROG RTZOL GYIS MA GRUB NA BYED CES GSUNGS YANG SO SOR SDUD PA LA SOGS RNAMS KYIS ZHES SOR SDUD KYIS MA GRUB NA BYED PAR GSAL TE, BSAM GTAN NI SOR SDUD KYI BRTAN BYED TZAM YIN LA, DES NA SOGS KHONGS NAS GTZO BOR SROG RTZOL BZUNG DE, DE'ANG SOR SDUD

, ,GYIS DH'U T'IR TSUD NAS SROG RTZOL BSGOMS NA, SROG RTZOL GYIS DH'U T'IR MI TSUD MI SRID PAS, SOR SDUD KYIS DH'U T'IR MA TSUD PAR SROG RTZOL BSGOM PA'I DBANG DU BYA'O, ,DES NA SOR SDUD DANG SROG RTZOL BSGOMS PAS STONG GZUGS MTHONG YANG RLUNG DH'U T'IR 'DUS RTAGS MA BYUNG NA 'DI BSGOMS PAS TSUD PAR 'GYUR RO, ,'O NA 'DIS DBU MAR TSUD NA DANG PO NAS 'DI BSGOMS PAS CHOG MOD SNYAM NA MI CHOG STE, DANG POR SOR SDUD KYI MAN NGAG YUN RING DU BSGOMS NAS RLUNG SHIN TU LAS RUNG DU MA BYAS PAR BTZAN THABS KYI DRAG SBYOR BYAS NA MI TSUD KYI STENG DU GEGS CHEN PO BSKYED PAS DANG PO NAS 'DI SGOM DU MI RUNG NGO, ,DRAG SBYOR GYIS GEGS MED PAR DBU MAR TSUD NA SROG RTZOL SGOM PA SOGS NGAL BAS CI ZHIG BYA, YUN RINGS BSGOMS KYANG MA GRUB NA DE'I TSE 'DI BYED PAR BSHAD DE, SPYIR BLA MED KYI RGYUD SDE PHAL CHE BAR RLUNG DBU MAR BTZUD NAS LHAN SKYES 'DREN PA RDZOGS RIM GYI DNGOS GZHIR 'CHAD CING, 'DIR DE'I STENG DU DE'I THABS STONG GZUGS SGRUB PA GTZO BOR 'CHAD DE, SNGAR MANG DU BSHAD DO, ,DE LA'ANG RLUNG DBU MAR TSUD DGOS SHING, DE MA TSUD NA BTZAN THABS BYA BAR RGYUD DANG 'GREL PAR BSHAD PAS, DE'I DON CUNG ZAD BSHAD NA, RKANG PA DANG POS SOR SDUD SOGS KYIS SROG SDUD KYI DMIGS PA YUN RING DU BSGOMS PAS DU SOGS KYI MTSAN MA MTHONG YANG SROG DH'U T'IR MA CHINGS PAS DON DU GNYER BYA'I 'GYUR MED KYI BDE BA MA SKYES NA ZHES BSTAN, 'GREL PA'I LUNG 'DIS,

RLUNG DBU MAR TSUD PA'I DU SOGS KYI MTSAN MA MTHONG BA MED PAR DU SOGS KYI MTSAN MA CI TZAM MTHONG YANG, 'DOD BYA LHAN SKYES 'DREN MI NUS PAR BSTAN NO, ,DES NA STONG GZUGS SHAR TZAM LAS LHAN SKYES 'DREN PA DANG RDZOGS RIM GYI GTZO BOR 'DOD PA'ANG LUNG 'DIS BKAG GO ,DES NA RLUNG DBU MAR TSUD MA TSUD LHAN SKYES 'DREN MI 'DREN GYIS SHES SO, ,GNYIS PA NI, N'A DA GOMS PAS BTZAN THABS ZHES PA, N'A DA ZHES PA SGRA TZAM DANG, DE'ANG H'Um GI SGRA'O, ,DE'I SGOM TSUL NI RKANG PA RDO RJE'I SKYIL KRUNG LAG PA GNYIS RDO RJE KHU TSUR SNYING GAR BSNOL, MGO YID TZAM SGUR, RLUNG SNA NAS DRAG TU DBU MA'I NANG DU RNGUB PAR BYA STE, RLUNG GI GDANGS SGRA H'Um SGRAR MOS, DE DANG LHAN CIG 'OG SGO GNYIS GANG RUNG NAS THUR SEL LTE BA'I GONG TZAM DU 'THEN DE NAS KHAD KYI JE MTHO JE MTHOR 'THEN PAR BYA'O, ,DE'ANG DRAG LA RGYUN RING BAR BYA STE, HA CANG RINGS NA SHUGS ZAD NAS, DRAG PO RGYUN RING MI 'ONG BAS, DE 'DRA THOG MAR NYI SHU RTZA RE DKYUS GCIG LA BYA, GOMS NAS MANG DU BTANG NGO, , DE LTAR BSGOM PAR 'DI NAS BSHAD LA, RGYUD GZHAN NAS GSAL BAR MA BYUNG YANG, BLA MED KYI RDZOGS RIM KUN LA SHES PAR BYA'O, ,GSUM PA NI, MTSAN BRJOD 'GREL PAR NYI MA DPAL YE SHES KYIS, RGYUD KYI LUNG 'DI LHAN SKYES NAS SKYES NAS, LAS RGYA LA BRTEN NAS SGRUB PA'I KHUNGS SU DRANGS KYANG, N'A DA GOMS PAS ZHES PA'I 'GREL PA DANG MI MTHUN NO, ,BZHI PA DAG DBYE NI 'DU BYED DANG PHUNG PO DAG PA DON GRUB DANG, DBYE BA RLUNG BCU 'GAG PAS BCU'O, ,TSAD MA

, ,NI YID KYI MNGON SUM TSAD MA'O, ,'BRAS BU GO SLA'O, ,GNYIS PA 'DZIN PA'I YAN LAG LA SNGAR BZHIN DRUG LAS, MTSAN DON NI, SROG RTZOL GYIS RLUNG DBU MAR TSUD PA 'DZIN PA'AM, DBU MAR GNAS PAR BYED PAS 'DZIN PA'O, ,DUS MTSAMS NI, SROG RTZOL GYIS DBU MAR TSUD PA'I RTAGS 'KHRUL MED RNAMS SHAR TE BRTAN PA NAS SO, ,YAN LAG DNGOS LA, MTSAN NYID NI, RNAL 'BYOR GYI STOBS KYIS RLUNG DH'U T'IR ZHUGS PA 'GRO 'ONG MI BYED BAR DER GNAS PA TZAM YOD KYANG, DBU MAR GNAS PA MIN PAS DE LA KHYAB CHES PA'I SKYON MED LA, THOG MAR 'DZIN PA SGOM PA LA DH'U T'I'I NANG DU GNAS PA MED KYANG DE BSGOMS PA'I 'BRAS BU LA YOD PAS KHYAB CHUNG PA'ANG MIN NO, ,DBYE BA NI, BOD KYI MKHAS PAS NYE BAR BSGRUB PA YAN LAG DRUG CES PA KHUNGS SU DRANGS NAS, 'KHOR LO DRUG LA 'DZIN PA'I 'DZIN PA DRUG TU MDZAD LA, LUNG DE'I DON NI DE MIN YANG DBYE BA DE LTAR DGOS SO, ,SGOM TSUL NI, BOD KYI MKHAS PAS RTZA 'KHOR GYI DBU SU 'DZIN PAR GSUNGS PA MI LEGS TE, 'DZIN PA LA RTZA 'KHOR GYI DBUS SU 'DZIN PA DGOS NA, DBU MAR 'JUG PA LA RTZA 'KHOR GYI DBUS SU DMIGS PA GTOD DGOS PA SHES PAR GYIS SHIG, SNGAR DRANGS PA'I LUNG DE BDE MCHOG BSTOD 'GREL DU, SROG 'DZIN GNYIS KA'I KHUNGS SU DRANGS PAS SKRA'I RTZE MOR TE RTZA 'KHOR GYI DBUS SU RLUNG KHA SBYAR BYED TSUL SNGAR LTAR RO, ,DE'ANG THOG MAR LTE BAR BSGOM LA,

DE NAS SA CHU LA THIM PA'I TSUL GYIS SNYING GA DANG CHU ME LA THIM PA'I TSUL GYIS MGRIN PA DANG, ME RLUNG LA THIM PA'I TSUL GYIS DPRAL PA DANG, RLUNG NAM MKHA' LA THIM PA'I TSUL GYIS SPYI BO DANG, NAM MKHA' RNAM SHES LA THIM PA'I TSUL GYIS GSANG BA'I RTZA 'KHOR GYI DBUS RNAMS SU BSGOM MO, ,YANG NA GSANG GNAS NAS RIM PA BZHIN BYA'O, ,BSGOMS PAS MYONG BA SKYE TSUL NI, DE BSGOMS PAS DANG POR RANG SHUGS KYIS GNAS PA MI 'ONG YANG, MTSAMS SHIG NAS DH'U T'IR RANG SHUGS KYIS GNAS PA 'ONG LA, DE NAS RGYUN BSRINGS NAS BSGOMS PAS RIM PA BZHIN ZHAG GCIG ZLA BA PHYED DANG ZLA BA GCIG DANG, ZLA BA DRUG DANG, LO GCIG DANG, RTAG TU GNAS PA 'BYUNG LA, DE RNAMS LAS RIM PA BZHIN, DPRAL PA, SPYI GTZUG ,MGRIN PA, SNYING GA ,LTE BA, GSANG GNAS, NOR BU'I RTZE RNAMS SU BYANG SEMS GA-YO MED DU 'DZIN NUS PA, SPYIR STONG GZUGS KYI PHYAG CHEN LA BLTOS KYANG, 'DI RNAMS KYI'ANG NUS PA YOD PAS DA LTAR DU BZHAG GO , RTAG TU 'DZIN NUS ZHES PA'ANG LO LAS LHAG PA'I DUS TSIGS GCIG BZUNG DGOS TE, DUS THAMS CAD DU 'DZIN NUS PA, RLUNG NYI KHRI CHIG STONG DRUG BRGYA MA 'GAGS PAR MI 'BYUNG BA'I PHYIR RO, ,DRUG PA NI, PHUNG PO LA SOGS PA DRUG DRI BRAL DU GYUR PA 'THOB BO, ,RJES DRAN GYI DON NI, 'DZIN PA'I STOBS KYIS RLUNG CHINGS TE, DES GTUM MO SPAR BAS BYANG SEMS ZHU NAS RIM GYIS BYIS PA DANG, DAR LA BAB PA DANG, RGAN PO'I BDE BA LTAR, DGA' BA GSUM RIM GYIS NYAMS SU MYONG BAS,

, ,MTHAR LHAN SKYES SHAR TE, DE NAS LTA BA DRAN TE BDE STONG GI NGANG NAS, 'PHEN SHUGS DANG BSAMS PA TZAM GYIS STONG GZUGS KYI 'DOD LHA YAB YUM DU SHAR NAS PHYAG RGYA CHEN PO RJES SU DRAN NAS 'KHYUD PA LA GSUNGS TE, BDE MCHOG BSTOD 'GREL DU, DE NAS LHA YI GZUGS BRNYAN SGRUB PA ZHES PA 'DZIN PA'I STOBS KYIS LTE BA'I GNAS SU GTUM MO 'BAR BA RNAL 'BYOR BAS MTHONG STE, SGRIB PA THAMS CAD DANG BRAL BA PRA PHAB PA LTA BU PHYAG RGYA CHEN MO SANGS RGYAS KYI 'OD ZER GYI SPRIN MTHA' YAS PA SPRO BAR BYED PA'I 'OD ZER GYI DKYIL 'KHOR GYIS SPRAS PA, DE'I RJES SU DRAN PA'I YAN LAG SGRUB PAR BRJOD DE, 'DZIN PA'I MTHA' GTUM MO'I RNAL 'BYOR BSGOM PAR BYA'O, ,ZHES PA'I NGES PA'O, ,ZHES DANG, DRI MED 'OD LAS, RJES SU DRAN PA LEGS PAR DAG PA ZHES PA LA 'DIR RJES SU DRAN PA NI, GZUGS LA 'KHYUD PA'I SEMS RNAM PAR RTOG PA DANG BRAL BA, DE'I PHYIR GANG GI TSE DAG PAR GYUR PA DE'I TSE DRI MA MED PA'I 'OD KYI DKYIL 'KHOR DU 'GYUR RO, ,ZHES GSUNGS SO, ,TING NGE 'DZIN GYI DON NI, RJES DRAN GYI SKABS SU, GTZO BOR, STONG GZUGS KYI PHYAG CHEN LA BRTEN NAS MAS BRTAN GYI DGA' BZHI'I MTHAR, MCHOG TU MI 'GYUR BA'I BDE BAS STONG PA NGES PA'I SEMS BDE STONG DU SONG BA DANG, DE'I DUS SU YID 'ONG LUS STONG GZUGS KYI DUS KYI 'KHOR LO YAB YUM DU SHAR BA TSOGS PA NAS 'DZIN TE, PHYAG

RDOR BSTOD 'GREL LAS, TING NGE 'DZIN ZHES BYA BA NI 'DOD PA'I LHA LA RJES SU CHAGS PA LAS 'GYUR BA MED PA'I BDE BA THOB STE, DE LA GCIG TU GYUR PA'I SEMS GZUNG BA DANG 'DZIN PA DANG BRAL BA NI DE BZHIN GSHEGS PA RNAMS KYI TING NGE 'DZIN GYI YAN LAG TU BRJOD DO, ,ZHES SO, ,DRI MED 'OD LAS, SHES RAB KYI BDAG NYID KYIS NI ZHES PA, SHES PA DANG SHES BYA GCIG TU 'DRES PAR GYUR TE, 'GYUR BA MED PA'I BDE BA'I DBANG GI GZUGS LA TING NGE 'DZIN TO, ,ZHES GSUNGS SHING, 'DI LA'ANG DBANG PO RNO BRTUL 'BRING GSUM GYIS PHYAG RGYA GSUM LA BRTEN PA'I SGOM TSUL GSUM GSUNGS SO, ,SHING RTA'I SROL CHEN DUS KYI 'KHOR LO'I RGYUD, GSAL BYED SEMS DPA'I 'GREL PA GSUM GYI DON, RJE BTZUN BLA MA'I MAN NGAG GIS BRGYAN TE, ,BYIN GYIS BRLABS PA'I GSUNG GI BDUD RTZIR BYON, ,'DIR 'BAD DGE BAS 'GRO RNAMS SRID MTSO LAS, ,MYUR DU BSGRAL TE THEG CHEN ZHI BA'I TSAL, RNAM KUN PHYAG RGYA CHEN PO'I LAM ZHUGS TE, , DUS KYI 'KHOR LO MNGON DU BYED GYUR CIG ,YAN LAG DRUG GI RDZOGS RIM GYI GDAMS PA'I GNAS BSDUS PA RMAD DU BYUNG BA'I MAN NGAG RDO RJE 'CHANG GNYIS PA SHAR TZONG KHA PA CHEN PO'I GSUNG BYIN RLABS KYI BDUD RTZIR BYON PA BRJED DU PHANGS NAS, RJE BTZUN BLA MA DAM PA DE NYID KYI ZHABS KYI RDUL SPYI BOS LEN CING GSUNG DGI BDUD RTZI'I RO CUNG ZAD MYANGS BA SH'AKYA'I DGE SLONG RGYAL STENGS PAS, 'BROG RI BO CHE DGE LDAN RNAM PAR RGYAL BA'I GLING DU BRJED BYANG YI GER BKOD PA'O, ,'DIS KYANG BSTAN PA RIN PO CHE PHYOGS DUS KUN TU RGYAS PAR BYED NUS PAR GYUR CIG , ,