A Collection including 'The Verses of Diamond,’ on the Six Preliminaries; an Explanation of the Same; Notes on the Secret Teaching of the Wheel of Time (Kalachakra); Notes on the Practice for Realization, and the Empowerment, in the Secret Teaching of the Wheel of Time (Kalachakra); Notes on Essential Points in the Six Practices of Inner Wind; and a Method for Determining the Day of One's Death, and the Remainder of One's Life

*, ,SBYOR DRUG GI RDO RJE'I TSIGS BCAD, DE'I BSHAD PA, DUS 'KHOR GYI ZIN BRIS, DUS 'KHOR GYI MNGON RTOGS DANG DBANG GI ZIN BRIS, SBYOR DRUG NYER MKHO'I ZIN BRIS, 'CHI ZHAG DANG TSE LHAG JI TZAM YOD DPYOD PA RNAMS BZHUGS SO,, ,,

, ,DPAL DUS KYI 'KHOR LO LA PHYAG 'TSAL LO, ,SO SOR SDUD DANG BSAM GTAN YAN LAG GIS, ,AA BA DH'U T'I'I YAR SNAR SROG SDUD SHES, ,SGRA GCAN LAM LAS RLUNG SNGAGS MI PHYED PAS,, LHUN GYIS GRUB PA'I ZAB MO RDOR BZLAS SHES, ,BUM PA CAN GYIS SROG DANG THUR SEL GNYIS, ,DBU MA'I NANG DU KHA SBYOR BYED TSUL SHES, ,'DZIN PAS THIG LE LA NI SROG ZHUGS PAS, ,DAG PA'I SKU LAS SPRO DANG BSDU BA SHES, ,RJES DRAN STONG GZUGS PHYAG RGYA'I CHU SKYES KYIS, ,MI 'GYUR BDE BA CHEN PO'I 'DREN TSUL SHES, ,DE PHYIR LUGS 'DI DUS 'KHOR TSUL SMRA BA, ,LUGS GZHAN DAG LAS KHYAD PAR 'PHAGS PA STE, ,DE LTAR MI SHES DUS 'KHOR TSUL SMRA BA, ,DE DAG CHU NANG NANG SHAR BA'I ZLA GZUGS BZHIN, ,ZHES DUS KYI 'KHOR LO'I SBYOR BA YAN LAG DRUG GI RDO RJE'I TSIGS SU BCAD PA RJE THAMS CAD MKHYEN PAS GSUNGS PA'O,, ` ,,DPAL DUS KYI 'KHOR LO LA PHYAG 'TSAL LO, ,SBYOR BA YAN LAG DRUG GI 'KHRID LA GSUM, ,THOG MAR DGE BA SKU RDO RJE BSNYEN PA'I YAN LAG BAR DU DGE BA GSUNG RDO RJE NYER

, ,SGRUB KYI YAN LAG ,THA MAR DGE BA THUGS DANG YE SHES RDO RJE BSGRUB PA SGRUB CHEN GYI YAN LAG GO ,DANG PO LA GNYIS, GZUGS SGRUB BYED SOR SDUD KYI YAN LAG DANG, DE BRTAN PAR BYED PA BSAM GTAN GYI YAN LAG GO ,DANG PO NI, DUS ZHABS SNYAN RGYUD LAS, KUN LA DRUG DRUG SHES BYA STE, ZHES 'BYUNG BA LTAR, SOR SDUD KYI MTSAN DON, SGOM PA'I DUS MTSAMS, YAN LAG GI SGOM PA'I MTSAN NYID, TSAD MA GANG YIN PAR, SBYANG GZHI GANG DAG TSUL DANG DBYE BA, GNAS SKABS DANG MTHAR THUG GI 'BRAS BU'O, ,GSUM PA LA LNGA, SOR SDUD KYI MTSAN NYID, RNAL 'BYOR GNYIS SU DBYE BA, PHYE BA SO SO'I DON SGOM TSUL, DPOGS CHOG ,SGOM 'PHRO LA SHI YANG RNAL 'BYOR GOMS STOBS LAS 'JUG PAR BSTAN PA'O, ,GSUM PA LA MTSAN MO'I RNAL 'BYOR DANG, NYIN MO'I RNAL 'BYOR BSGOM TSUL LO, ,DANG PO LA DRUG ,GANG DU BSGOM PA'I GNAS, LUS KYI 'DUG STANGS MIG GI LTA STANGS, DBANG PO'I BYED BCINGS, SEMS KYI 'JOG TSUL, NYAMS RTOGS SKYE TSUL LO,, ` ,,GSUM PA NI, DRI MED 'OD LAS, 'KHOR LO CAN GYI ZHES PA GTZUG TOR GYI KHRO PO'I BLTA BAS

ZHES PA MIG MI 'DZUM PAR STENG DU LTA BAS MTSAN MAR GYUR TE, ZHES STENG DU BLTA BA TZAM LAS GZHAN GSAL BAR MA GSUNGS SO, ,SBAS PA MIG 'BYED LAS, GTZUG TOR DU BLTA BAR BSHAD KYANG DON MIN NO, ,BZHI PA NI, RNAL 'BYOR GSUM SNYING LAS, BYED PA LNGA LA BCING BA GNYIS, ,BLA MA'I ZHAL LAS SHES PAR BYA, ,ZHES GSUNGS PA'I BYED PA LNGA NI, DBANG PO LNGA'O, ,BCING BA GNYIS NI, DBANG PO'I RLUNG PHYI ROL TU 'GRO BA STOD SMAD GNYIS NAS 'CHING BA'O, ,LNGA PA NI, DMIGS PA LAS SROG DBU MAR SDUD PA NI DU MA ZHIG BSHAD LA, DE LA LUS KYI DBU MA'I GNAS GCIG TU SEMS GTOD PA MED NA MI 'BYUNG BAS, SMIN MA'I DBUS DRANG PA NA DH'U T'I'I YAR SNA YOD PAS DER GTOD PA YIN TE, RTZA BA'I RGYUD LAS, SO SOR SDUD PA PHYAG RGYA CHE, , NAM MKHA' STONG PA'I MTSAN NYID DO, ,GANG ZHIG KHO NAR YID DAG NI, ,BKOD PA DE YI PHYOGS SU SNANG, ,MTSAN MA'I MTHAR NI RE KHA GANG, ,DE LA SNA TSOGS RGYU MI RGYU, ,MA LUS SGOM PAR BYED DE LA, ,ZHES GSUNGS PA LAS SHES TE, MTSAN MA BCU'I MTHAR RE KHA NAG PO MTHONG BA NI, MI'I SNA LA AA BA DH'U T'IR MTHONG BA DANG, DE'ANG SOR SDUD KYI SKABS SU YID GTOD PAR GSUNGS PA'I PHYIR DANG, DH'U T'IR YID GTOD PA'ANG GNAS GZHAN DU MIN PA'I PHYIR RO, ,DES NA RI GI AA RA LI LAS, MIG PHYED GYEN DU BZLOG NAS NI, ,SMIN MA'I DBUS SU SEMS BYAS NA, ,ZHES SHIN TU GSAL BAR GSUNGS SO, ,PAn CHEN SH'AKYA SHV'IS KYANG, DBU MAR RENGS PA'I LTA STANGS NYID, CES BSHAD DO,, ` ,,DPAL DUS KYI 'KHOR LA LO PHYAG 'TSAL LO, ,

, ,'DIR GNYIS SU MED PA RNAL 'BYOR BLA NA MED PA'I PHA RGYUD DANG, MA'I RGYUD GNYIS KA'I LUGS KYI RDZOGS RIM GYI LAM GYI GTZO BO MANG DU YOD KYANG GNYIS KA NAS GSAL BAR STON PA NI BDE STONG SBYAR TE BSGOM PA'O, ,DE'I BDE BA NI SROG DH'U T'IR ZHUGS GNAS THIM GSUM BYAS PA LAS BYUNG BA'I LHAN CIG SKYES PA'I BDE BA CHEN PO YIN NO, ,SROG DH'U T'IR ZHUGS GNAS THIM GSUM BYED PA'I RKYEN LA GNYIS LAS, NANG GI RKYEN NI RDOR BZLAS DANG BUM PA CAN LTA BU'I RLUNG SBYOR BYED PA DANG, RTZA DBU MA'I GNAD CHE SAR THIG LE SOGS LA DMIGS PA GTAD NAS BSGOM PA'O, ,PHYAG RGYA'I RKYEN NI, LAS KYI PHYAG RGYA RIGS BZHI DANG, YE SHES KYI PHYAG RGYA SNA TSOGS YUM LA SOGS PA BSGOMS PA'I LHA MO DANG, STONG PHYOGS KYI PHYAG RGYA CHEN MO'O, ,'DI LA RGYUD GZHAN NAS THABS DE DAG GIS DRANGS PA'I LHAN SKYES KYI BDE CHEN 'DREN THUB NA DE NYID DANG STONG NYID KYI LTA BA GNYIS NGO BO DBYER MED DU SBYAR NAS BSGOM PA DANG, SGYU LUS BSGOM PA NYID KYIS CHOG GI SNGA MA RNAMS LAS MA GTOGS PA'I PHYAG RGYA'I STOBS KYIS BDE CHEN 'DREN THABS GSAL BAR MA BSHAD DO, ,DUS KYI 'KHOR LO'I LUGS KYIS NI, THABS SNGAR BSHAD PA DE DAG MIN PA PHYAG RGYA'I SGO NAS BDE CHEN 'DREN THABS SHIG YOD PA DE RGYUD GZHAN DU SBAS NAS GSAL BAR MA GSUNGS TE, DE'ANG BZHI PA DE'ANG DE BZHIN NO, ,ZHES GSAL BAR MA BSTAN PA 'DI YIN NO, ,DE CI 'DRA ZHIG YIN SNYAM NA, DBANG GSUM PA DNGOS DBANG BSKUR BA'I DUS SU LAS KYI PHYAG RGYA LA

BRTEN NAS LHAN SKYES KYI DGA' BA BSKYED PA DE DPER BYED DO, ,BYED LUGS NI, LAS RGYA DPER BYAS PA'I DON NI, STON GZUGS KYI PHYAG RGYA CHEN MO'O, ,LAS RGYA LAS BDE BA BSKYED PA BZHIN DU STONG GZUGS LAS MI 'GYUR BA'I BDE BA BSKYED PA'O, ,DES NA TSUL DE RGYUD GZHAN RNAMS KYI DON DU YOD KYANG GSAL BAR MI STON PA DUS KYI 'KHOR LO LAS GSAL BAR STON PAR BZHED DO, ,DE 'DRA BA'I PHYAG RGYA CHEN MO DES DRANGS PA'I DGA' BA GSUM GYI MTHAR SKYES PA'I LHAN CIG SKYES DGA' DE, TING NGE 'DZIN GYI YAN LAG GI 'GYUR MED KYI BDE BAR 'JOG GI ,PHYAG RGYA DE DANG BRAL BA'I THABS GZHAN GYIS DRANGS PA'I LHAN SKYES KYI DGA' BAR NI MI 'JOG GO ,'O NA BDE BA KHYAD PAR CAN DE 'DREN PA'I STONG GZUGS KYI PHYAG RGYA RJES DRAN GYI YAN LAG DE JI LTAR BYAS PAS 'GRUB CE NA, DE LA NI SNGON DU GZUGS GRUB PA ZHIG DANG, SROG GRUB PA ZHIG DGOS PAS, DE GNYIS SGRUB BYED LA YAN LAG DANG PO BZHI GSUNGS SO, ,DE LA GZUGS GRUB PA DGOS PA NI, NYIN MTSAN GYI RTAGS BCU NI, SROG DBU MAR ZHUGS PA'I SEMS KYI SNANG BA YIN LA, DA GZOD KYI STONG GZUGS PHYAG CHEN KYANG SROG DBU MAR ZHUGS PA'I SEMS KYI SNANG BA LAS GRUB PA ZHIG DGOS PA DANG, DA LTA'I RTAGS BCU MI BRTAN NA'ANG DA GZOD KYI GZUGS DE MI BRTAN PAR 'GYUR BAS, DE BRTAN POR BSGRUB PA LA DA LTA'I RTAGS BCU'ANG BRTEN PA ZHIG DGOS PAS GZUGS BSGRUB PA LA SOR BSAM GNYIS GSUNGS SO, ,SROG SGRUB PA DGOS LUGS NI RDOR BZLAS DANG BUM PA CAN GNYIS KYIS RLUNG SEMS KYI RJES SU BYED PA BSGRUB

, ,PA YIN LA, 'DZIN PAS NI SEMS RJES SU BYED PA DE BRTAN PAR BYED DO, ,DE BYAS PAS STONG GZUGS KYI PHYAG CHEN 'PHEN PA BTANG BA TZAM GYI RJES SU BYED PA ZHIG 'ONG BAS SROG BSGRUB PA LA SROG 'DZIN GYI YAN LAG GNYIS GSUNGS SO, , DE LTAR NA SOR SDUD KYI SKABS SU MUN PA SHIN TU GNAG PA DANG, PHYED MIG LTA STANGS GYEN DU PHYOGS PA CUNG ZAD KYANG MI 'GUL BA DANG, SEMS SMIN MTSAMS SU GTOD PA GSUM DNGOS GZHI YIN LA, DE SKYONG BA LA BYING RGOD GCOD TSUL MA KHAS PA ZHIG DGOS TE, DE NI TING NGE 'DZIN THUN MONG BA DANG 'DRA'O, ,DE LTAR BSGOMS PAS RTAG RDZOGS PA DGOS SHING, KHRIG CHAGS SU 'CHAR BA MA NGES PA DANG, DBANG SHES KYI SNANG BA LOG PA RNAMS THUN CUNG ZAD RE 'KHYONGS PA TSUN CHAD NI SOR SDUD DO, ,DE NAS BSAM GTAN GYIS BRTAN PAR BYED PA NI DMIGS PA SNGA MA DANG MI 'DRA BA'I SKYONG TSUL BSTAN NAS BRTAN PAR BYED PA MIN TE, BSAM GTAN GYI YAN LAG LNGA KA'ANG SOR SDUD GOMS PA'I MYONG BA BSKYED RIM DU SNANG PA'I PHYIR RO, ,DE'I PHYIR SOR SDUD KYI SKABS KYI SKYONG TSUL DE NYID BYAS PAS SNGAR BSHAD PA THUN NGES CAN DU 'KHYONGS PA BRTAN PA'I DON DU BZUNG NGO, ,DE LTAR BYAS PAS RTZA DBU MA SBYONG BA 'GRUB LA, DE GRUB PA NA RDOR BZLAS DANG BUM PA CAN GYI SROG RTZOL GNYIS KYI GNAD ZIN PAR BYAS LA BSKYANG ZHING, 'DZIN PA'ANG RE ZHIG LTE BA'I BUM PA CAN GYIS CHOG GO ,DE LTAR BYUNG NA STONG GZUGS KYI PHYAG TSAN MTSAN NYID TSANG BA 'GRUB LA, DE GRUB KYANG BDE CHEN BSKYED MI NUS PA ZHIG BSHAD PAS, DE'I TSE LAS

RGYAL BSTEN PAR BYAS NAS RIM GYIS GZUGS KYI SGO NAS DGA' BA RNAMS BSGRUB PAR BYA'O, ,STONG GZUGS KYI PHYAG CHEN DANG SGYU LUS GNYIS DON GCIG TU BSHAD DU MI RUNG BA'I 'DI'I LUGS KYI KUN DAN LTA BUS BKANG NAS, BEM PO'I PHUNG KHAMS SOGS ZAD PAR BYED PA LAS SHES PAR NUS SO, ,'DUS PA NAS SNGON DU SROG BSGRUB NAS DE'I 'OG TU SGYU LUS KYI GZUGS BSGRUB PA YIN LA, DE'I TSE YUM DANG BCAS PAR 'GRUB CING, DE DANG SNYOMS PAR ZHUGS PA LAS LHAN SKYES BSKYED PAR NUS PAS DUS 'KHOR BZHIN DU GZUGS BSGRUB PA MA BSHAD PA YIN NO, ,STONG NYID KYI PHYAG RGYA LA DUS 'KHOR NAS SNGAR BSHAD PA NI SNANG PHYOGS KYI STONG NYID KYI PHYAG RGYA'O, ,DRIL BU ZHABS KYIS PHYAG RGYA CHEN PO BSGOMS PAS NOR BU 'GONGS PA'I RIM PA GSUNGS PA NI STONG PHYOGS KYI PHYAG RGYA CHEN MO'O, ,DE NI STONG NYID BDE CHEN GYIS BSGOMS PAS BYANG SEMS ZHU NAS NOR BU BKANG BA LAS LHAN SKYES BSKYED PA'O, ,'DI MAN SNYE NAS LHAN SKYES KYI GTUM MOR GSUNGS PA DE YIN TE, STONG PHYOGS KYI PHYAG RGYA LA DMIGS NAS NOR BU 'GENGS PA'I DUS 'KHOR GYI SKOR NAS GSAL BAR MI SNANG BAS GNYIS KA LA MKHAS PAR BYA'O, ,RJES DRAN SGOM PA'I DUS SU SROG AA B DH'U T'IR GZHUG GO ,DE NAS SROG DBU MAR ZHUGS BZHIN PA'I DUS KYI RLUNG DE DANG NGO BO GCIG PA'I YID, YE SHES KYI SNANG BA PHYAG RGYA CHEN MOR SHAR BA DE DANG SNYOMS PAR ZHUGS PAS DGA' BZHI BSKYED PAR BYA'O, ,RGYUD 'DIR LAS RGYAS 'DZAG PA'I BDE BA DANG, YE RGYAS GA-YO BA'I BDE BA DANG, PHYAG CHEN GYIS MI GA-YO BA'I BDE

, ,BA SBYIN PAR BSHAD PA'I 'JIG PA SOGS NI LUS KYI NANG NAS 'DZAG PA SOGS LA BYAS NA ZHU BDE MI 'ONG BAS MI 'THAD LA, RDO RJE'I SGO'I PHYI ROL TU 'DZAG PA SOGS LA BYED NA, PHYAG RGYA GZHAN GNYIS KYANG MI 'GYUR BA'I BDE BA 'PHEL BA'I DON DU BSTEN PAR GSUNGS PA DANG 'GAL BAS DON DE GANG YIN SNYAM NA, 'DZAG PA SOGS NI NANG GI MI 'JAG PA'I RGYAN DANG BRAL BA'I PHYAG RGYA'I NGOS NYID NAS BRTZI'O, ,DE LTAR BYAS NA LAS RGYAS NI PHYI ROL TU 'DZAG PAR 'GYUR LA, YE RGYAS NI PHYI ROL TU MA 'DZAGS KYANG KHAMS RDO RJER BABS PA GNAS BZHIN DU 'GRO BAS GA-YO BAR 'GYUR RO, ,PHYAG CHEN GYIS NI KHU BA RDO RJE'I NANG DU BABS PA GNAS GZHAN DU MI 'GRO BAR SDOD PAR 'GYUR PAS BRTZEG THUB PA YIN NO, ,PHYAG RGYA DE'I RANG NGOS NAS BYANG SEMS ZHU BA PHYIR 'PHO MI SRID LA, BDE BA'I RTEN NI MI YAL BAR SDOD PAR YANG 'GYUR RO, ,('DI RJE RIN PO CHE NYID KYI MAN NGAG CHOS RJE RGYAL TSAB PA'I DRUNG NAS, BLA MA JO GDAN BSOD NAMS LHUN GRUB LA 'DI TSAR GCIG LTOS GSUNG NAS GNANG BA LA, SENG DPAL BDAG GIS KYANG 'BAD RTZOL CHEN POS ZHUS PAS DPE 'DI 'DRIR GNANG TZAM BYUNG BA LAGS SO,,) ` ,,NANG GI LE'U'I 'GREL PA LAS, DGU DANG BCU GSUM MI BDAG CES PA NI 'DIR LHA DGU RNAMS KYI DKYIL 'KHOR GYI TSAD NI KHRU GCIG GO ,BCU GSUM RNAMS KYI KHRU GNYIS SO, ,MI BDAG CES PA BCU DRUG RNAMS KYI KHRU BZHI'O ZHES PA NAS BRTZAMS TE, NYI SHU LHAG PA'I BRGYA PHRAG BCU DRUG RNAMS KYI KHRU STONG GI MTHAR THUG PA BRI BAR BYA STE

'BYOR BAS SO, ,DBANG MDOR BSTAN GYI 'GREL PA LAS, SNGAR MDOR BSTAN PA'I DBANG BCU GCIG PO RNAMS KYI NANG NAS 'JIG RTEN DANG 'JIG RTEN LAS 'DAS PA'I DNGOS GRUB KYI KHANG BZANG GI THEM SKAS SU GYUR PA, LOG MA KUN RDZOB KYI GZUGS CAN DBANG BDUN PO RNAMS RNAM PAR BSHAD NAS GANG ZHIG RNAL 'BYOR PA LA KUN RDZOB TU GYUR PA 'JIG RTEN PA'I DNGOS GRUB SGRUB PAR BYED CING, DON DAM PA'I RJES SU MTHUN PA'I DBANG RNAM PA GSUM PO RNAMS BUM PA ZHES PA LA SOGS MDOR BSTAN TO,, ` ,,TZA MIS, RDO RJE'I RI NI RTA GDONG GI ME'O, ,BA TSA CAN GYI RGYA MTSO NI CHU'I KHOR YUG GI BAR DU STENG 'OG BRGYA'I CHA RNAM PAR GNAS PA NI 'DZAM BU'I GLING CHEN SA GZHI'I BAR DANG, PHYOGS THAMS CAD DANG 'OG TU'ANG BA TSA CAN GYI MTSO GNAS SO, ,ZHES BSGYUR BA DANG, RVAS, RDO RJE'I RI NI RTA GDONG GI ME'O, ,TSA'I RGYA MTSO NI CHU'I KHOR YUG GI BAR TE 'OG TU BRGYA'I CHA MNAN PA'O, ,ZHES BSGYUR, LO GRAGS PAS, RDO RJE'I RI NI RTA GDONG GYI ME'O, ,BA TSA'I RGYA MTSO NI CHU'I KHOR YUG GI BAR TE, 'OG TU BRGYA'I CHA YIS GNAS PA'O, ,ZHES BSGYUR TO, CHA DRUG LA NI 'BUM PHRAG GNYIS GNYIS ZHES PA'I SKABS SU, LO GRAGS PAS, PHYOGS CHA DRUG TU 'BUM PHRAG GNYIS GNYIS ZHES PA NI 'DIR GSUNGS PA'I RIM PAS 'OG DANG STANG DANG SHAR DANG NUB DANG LHO DANG BYANG STE DRUG CHA LA SA'I 'KHOR YUG GI DBUS NAS 'BUM PHRAG GNYIS GNYIS ZHES BSGYUR TO,, ` ,,(DUS 'KHOR GYI MNGON RTOGS DANG DBANG GI ZIN BRIS BZHUGS,) ,BLA MA DANG DPAL DUS KYI 'KHOR LO

, ,LA PHYAG 'TSAL LO, ,DUS KYI 'KHOR LO'I DBANG GIS LAM GYI SNOD RUNG DU BSGRUB PA LA DKYIL 'KHOR GSUM RDZOGS PA LA BRTEN PA DANG, THUGS KYI DKYIL 'KHOR RKYANG PA LA BRTEN PA'O, ,DE GNYIS LA LHA RDZOGS MA RDZOGS YOD KYANG DBANG LA RDZOGS MA RDZOGS KYI KHYAD PAR MED DO, ,DBANG BDUN PA DANG GONG MA LA RDUL TSON GYI DKYIL 'KHOR DGOS MI DGOS NI, DBANG MDOR BSTAN GYI 'GREL PA LAS, DBANG BSKUR BDUN PO 'DI RNAMS RDUL TSON GYI DKYIL 'KHOR RNAM PAR SPANGS NAS, GZHAN RAS BRIS LA SOGS PA'I DKYIL 'KHOR DU SBYIN PAR BYA BA MA YIN NO, ,BUM PA LA SOGS PA'I DBANG RNAMS NI DKYIL 'KHOR BZHENGS PA LAS GZHAN GYIS KYANG SBYIN PAR BYA'O, ,ZHES GSUNGS LA DE'ANG DBANG GONG MA RNAMS RGYUN GCIG LA BSKUR NA NI DKYIL 'KHOR ZUR PA BZHED MI DGOS PA LA DOGS PA MED LA, RGYUN GCIG LA MI BSKUR NA DOGS PA 'ONG BAS SNGAR RDUL TSON LA BRTEN PA'I DBANG BDUN SNGON DU SONG NA, PHYIS DBANG GONG MA RNAMS BSKUR BA'I TSE DKYIL 'KHOR BZHENG MI DGOS PAR STON PA YIN GYI DBANG BDUN SNGON DU MA SONG BAR DBANG GONG MA RNAMS ZUR DU BSKUR BA RGYUD 'GREL GYI DGONGS PA GTAN MIN TE, DBANG LE LAS, GANG GI GNAS SU ME TOG BZANG PO LHUNG BA DE NI MI YI BDAG PO DE YI RIGS SU NGES, ,PHYI NAS DBANG NI BDUN PO RNAMS DANG RNAM GSUM 'DIR NI DE BZHIN BLA MED YANG DAG RAB SBYIN BYA, ,ZHES DKYIL 'KHOR DU ME TOG DOR NAS LHA NGO BSTAN PA'I PHYI NAS TE RJES SU DBANG BCU GCIG BYA BAR GSUNGS SHING, DE'I 'GREL PAR D'A RI KA PAS KYANG, DE NAS RIGS

KYI LHA LA SOGS PA'ANG BSTAN PAR BYA'O, ,PHYI NAS DBANG BDUN DANG NI RNAM GSUM BLA MED CHEN MO 'DIR NI SBYIN PAR BYA, ZHES BYA BA NI SLOB DPON GYI LAS KYI GO RIM YIN TE, ZHES DBANG BCU GCIG RIM PA BZHIN DU BSKUR BA SLOB DPON GYI DBANG BSKUR BA'I LAS KYI GO RIM DU BSHAD LA, YANG DE NYID KYIS, DE'ANG RNAM PA BDUN ZHES BYA BA NI CHU LA SOGS PA BDUN TE BYIS PA RNAMS GZHUG PAR BYA BA YIN LA, RNAM GSUM ZHES BYA BA NI BUM PA DANG GSANG BA DANG SHES RAB YE SHES TE 'JIG RTEN KUN RDZOB KYI DBANG GSUM MO, ,BLA MED CHEN MO ZHES BYA BA NI 'JIG RTEN LAS PA'I DBANG YIN TE, DE NI 'JIG RTEN PA'I DBANG GI RJES SU SBYIN GYI SNGON DU NI MA YIN NO, ,ZHES 'JIG RTEN PA'I DBANG BCU'I RJES SU SBYIN GYI, DBANG 'OG MA RNAMS SNGON DU MA SONG BAR DBANG BZHI PA MI SBYIN PAR BSHAD PA'I PHYIR RO, ,'JIG RTEN PA'I DBANG GIS NI DBANG BCU KA 'JIG RTEN PA'I DBANG DU YANG YANG BSHAD PA LTAR BZUNG GI ,BUM DBANG SOGS GSUM TZAM ZHIG LA MI BYA'O, ,GZHAN YANG BSKYED RIM BSGOM PA'I SNOD RUNG DU BSGRUB PA'I DBANG BZHAG CING, RDZOGS RIM BSGOM PA'I SNOD RUNG DU BSGRUB PA'I DBANG GZHAN RNAMS KYANG BZHAG NAS DON DAM PA'I DBANG BZHI PA TZAM BSDUR BAS KYANG CHO GA'I SKYON DU 'GYUR TE, 'JIG RTEN PA'I DBANG BDUN DOR NAS 'JIG RTEN LAS 'DAS PA'I DBANG BZHI PA BSKUR BAS CHOG PA'I PHYIR DANG, DBANG CHOG GIS BDUN THOB PA'I NUS PA DGOD PA DOR NAS SA BRGYAD PA SOGS KYI NUS PA DGOD PA BYAS PAS CHOG PA'I PHYIR RO, ,BDE MCHOG RTZA RGYUD LAS KYANG, DKYIL 'KHOR MA MTHONG BAR RNAL 'BYOR

, ,NYID 'DOD PA NI, SMIG RGYU'I CHU LA 'THUNG BAR 'DOD PA DANG 'DRA BA DANG, DKYIL 'KHOR DU MA ZHUGS PAS BSGRUBS KYANG MI 'GRUB PAR GSUNGS PAS DKYIL 'KHOR DU GZHUG PA'I SKOR DOR NAS DBANG BSKUR BA NI MA GO BA CHEN PO'O, ,'O NA 'DI'I DBANG BSKUR BA LA THUGS DKYIL LTAR DBANG BDUN BSKUR BA'I LHA TSANG BA DKYIL 'KHOR NA DGOS SAM SNYAM NA NGES PAR MI DGOS TE, NANG GI LE'U RTZA 'GREL LAS, LHA DGU MA SOGS KYI DKYIL 'KHOR DU DBANG BSKUR BAR GSUNGS PA'I PHYIR RO, , DE LTAR NA DBANG GI GO RIM NI, SA BDUN GYI NUS PA KHYAD PAR BA 'JOG PA'I DBANG BDUN BSKUR, RGYUD RDZOGS PAR NYAN PA'I DON DU RDZOGS PAR BSKUR PA'I 'JIG RTEN PA'I DBANG BZHIS SA BRGYAD PA DGU PA BCU PA SOGS KYI NUS PA 'JOG ,DE NAS GONG MA'I DBANG BZHI BSKUR BA NI RGYUD STON PA SOGS KYI DON DU YIN LA SA BCU GNYIS PA'I NUS PA 'JOG GO ,'DI LA RGYUD GZHAN GYI DBANG CHOG RNAMS LAS, SNGAR BSHAD PA LTAR GYI DBANG BZHI TSANG BA THOB PAS RGYUD RDZOGS PAR NYAN DU MI RUNG BA DANG, BZHI TSAN DANG PO'I DBANG BZHI PA DE DBANG GSUM PAR 'DOD DO, ,'DIR 'JIG RTEN LAS 'DAS PA PHYAG RGYA CHEN PO'I DBANG BSKUR BA LA NI, 'JIG RTEN PA'I DBANG DGA' BA BZHI LAS RGYA DANG YE RGYA LA BRTEN NAS BSKYED PA SNGON DU 'GRO DGOS SO, ,BUM DBANG GNYIS KYI DKAR 'DZIN LA REG PA NI MTSON PA TZAM STE, 'KHYUD PA'ANG DGOS TE BUM DBANG GONG MA NI 'KHYUD PAS DGA' BZHI DANG PO SKYES PA'O, ,GSANG DBANG 'OG MA NI GSANG RDZAS MYANGS PA DANG, GNAS GSANG BA LA BLTAS PA LAS BYUNG BA'I BDE BA'O, ,

GSANG DBANG GONG MA NI YUM GYI PADMA RDO RJE SNYOMS PAR ZHUGS PAS DGA' BA GNYIS PA SKYES PA'O, ,SHES RAB YE SHES KYI GONG MA NI 'OG MA'I DBANG BZHI PA'ANG 'DUS SO, ,DE LA NI DBANG BDUN BSKUR BA SNGON DU 'GRO DGOS TE, THA MAL PA'I PHUNG KHAMS SOGS KYI DRI MA 'KHRUD PA'I NUS PA MA BZHAG PAR DGA' BZHI'I DBANG BSKUR DU MED PA'I PHYIR TE, DPER NA BSKYED RIM PA'I SKABS SU THA MAL PA'I SNANG ZHEN SBYONG BA'I LHA'I GSAL SNANG BRTAN PO MED NA YE RGYA LA BRTEN NAS DGA' BZHI BSKYED MI NUS PA BZHIN NO, ,RJES GNANG GI MING 'DOGS KYI SKABS SU RDOR DRIL GYI DAM TSIG GNYIS GSUNGS PA'I SHUGS LA BSTAN PA'I PHYAG RGYA'I DAM TSIG LA YAB YUM 'KHYUD PA'I RNAM PA CAN DU BSGOM PA NI LUGS 'DIR MI 'THAD DE, DE LTAR BYAS NA BUM DBANG YE RGYA LA BRTEN NAS BSKUR BA DANG KHYAD MED DU 'GRO BA'I PHYIR RO, ,BRTUL ZHUGS KYI DBANG GI SKABS SU MTHE BO'I RDO RJE ZHES PA NI, D'A RI KA PA'I 'GREL PAR SOR GDUB TU BYAS TE RDO RJE'I SOR GDUB BO, ,DE LTAR RGYUD SNOD RUNG DU SONG NAS LAM BSGOM PA LA RIM PA GNYIS LAS BSKYED RIM BSGOM PA LA BOD KYI DUS 'KHOR BA MANG POS THUN MONG GI DNGOS GRUB BSGRUB PAR 'DOD PA LA DE BSGOM DGOS PA YIN GYI MCHOG 'DOD PAS NI RDZOGS RIM NYID NAS BSGOM PAR BYA'I BSKYED RIM BSGOM PAR MI BYA STE, DE NI RNAM RTOG GIS BSGOM PA YIN LA, RNAM RTOG JI 'DRA BA ZHIG YIN KYANG MCHOG 'GRUB PA'I GEGS YIN PA'I PHYIR DANG, RNAM RTOG BSGOMS PA LA 'BRAS BU RNAM RTOG NYID 'BYUNG GI MI RTOG PA'I YE SHES MI 'BYUNG BA'I PHYIR NA SANGS RGYAS

, ,RGYU MIN NO ZHES ZER ZHING, YANG DBANG GI SKABS SU DBANG BDUN BSKUR BA SOGS KYIS SA BDUN GYI NUS PA 'JOG PA SOGS KYANG ZER BA NI 'GAL BA MI BZANG PA'I KHUR 'DZIN PA ZHIG STE, BSKYED RIM BSGOM PA'I SNOD RUNG DU BYED PA'I DBANG BSKUR GYIS MCHOG 'GRUB PA'I NUS PA 'JOG LA, BSKYED RIM BSGOM PA SANGS RGYAS KYI RGYU MIN ZHING GEGS SU SMRA BA'I PHYIR RO, ,GZHAN YANG LUGS 'DI NI 'GREL CHEN DU GSUNGS PA'I LE'U'I GO RIM NGES PA'I RGYU MTSAN DANG, DGOS 'GREL GYI DGOS PA DANG NYID DGOS KYI 'GREL PA BSHAD PA DANG DBANG BDUN BSKUR BAS DKYIL 'KHOR GYI 'KHOR LO SNGON DU BYED NA SA BDUN GYI DBANG PHYUG 'GRUB PAR GSUNGS PA DANG, RDOR SNYING 'GREL PA LAS, 'BRAS SA LU 'DEBS LA LA THOG MAR KO TRA PA BTAB NAS SBYONG BA BZHIN DU RIM PA GNYIS KYI GO RIM YANG DE BZHIN DU GSUNGS PA THAMS CAD DANG 'GAL BAR 'GYUR BA SOGS KYI GNOD PA DU MA ZHIG SNANG BA'I PHYIR RO, ,DE LTAR BYA DGOS PAR 'JIG RTEN PA DANG 'JIG RTEN LAS 'DAS PA'I DBANG RNAMS KYI GO RIM LAS KYANG SHIN TU GSAL LO, ,DBANG MDOR BSTAN GYI 'GREL PAR YANG GSAL BAR GSUNGS TE, SNGAR MDOR BSTAN PA'I DBANG BCU GCIG PO RNAMS KYI NANG NAS 'JIG RTEN DANG 'JIG RTEN LAS 'DAS PA'I DNGOS GRUB KYI KHANG BZANG GI THEM SKAS SU GYUR PA 'OG MA KUN RDZOB KYI GZUGS CAN DBANG BDUN PO RNAMS RNAM PAR BSHAD NAS GANG GI RNAL 'BYOR PA LA KUN RDZOB TU GYUR PA 'JIG RTEN PA'I DNGOS GRUB SGRUB PAR BYED CING DON DAM

PA'I RJES SU MTHUN PA'I DBANG RNAM PA GSUM PO RNAMS BUM PA ZHES PA LA SOGS PAS MDOR BSTAN TO, ,ZHES KUN RDZOB PA'I DBANG BDUN DNGOS GRUB GNYIS 'GRUB PA LA THEM SKAS SU GSUNGS SHING, BUM PA LA SOGS PA GSUM DON DAM PA'I DNGOS GRUB KYI RJES SU MTHUN PA'I RGYUR GSUNGS PAS DE DAG BSKUR BAS BSGOM PAR BYA BA'I RIM PA DANG PO'I LAM RNAMS MCHOG GI DNGOS GRUB KYI RGYUR LTA CI SMOS PA'I PHYIR RO, ,RDZOGS RIM GYI STON DU BSKYED RIM BSGOM PAR BAB YIN NA TZA TZAM ZHIG BSGOM PAR BYA SNYAM NA, SPYIR DUS 'KHOR GYI SGRUB THABS LA GNYIS TE, LHA YONGS SU RDZOGS PA DANG, MA RDZOGS PA'I SGRUB THABS GNYIS SO, ,DE LA GNYIS TE, THUGS DKYIL KYI SGRUB THABS DANG, DE LAS KYANG NYUNG BA'I SGRUB THABS SO, , SGRUB THABS PHYI MA LA NI THUGS DKYIL LAS NUS MA BRGYAD MTSAN MA BZHI, BUM PA RNAMS DANG STENG 'OG GI KHRO BO GNYIS BZHAG PAS LHA NYI SHU RTZA LNGA MA DANG, DE LAS SEMS DPA' SEMS MA BZHAG PA LHA BCU GSUM MA NANG GI LE'UR BSHAD PA LTA BU DANG, DE LAS SGO BA BZHI BZHAG PA'I LHA DGU MA DANG, DE LAS GSHEGS MA BZHI BZHAG PA'I LHA LNGA MA DANG, GTZO BO LA NUS MA BRGYAD KYIS BSKOR BA DANG, GTZO BO YAB YUM RKYANG PA DANG, YUM MED PA'I DPA' BO GCIG PA LA SOGS PA'ANG BSGOM PAR GSUNGS TE, 'GREL CHEN LAS, DUS KYI 'KHOR LO DPA' BO GCIG PA'AM SHES RAB DANG THABS KYI BDAG NYID DAM LNGA'I BDAG NYID LA SOGS PAR GSUNGS ZHES PA DANG, GCIG PU'I SKU NI NUS MA DANG LDAN GNAS DGU DANG BCAS NYI SHU LNGA YI

, ,BDAG NYID LA SOGS PA, ,BSGOM NA PHYAG RGYA LA SOGS GRUB PA RNAMS SU NGES PANG NYIN ZHAG DAG GIS YANG DAG 'GYUR, ,ZHES GSUNGS PA LTAR MI 'DRA BA MANG NGO, ,DE LTAR DGOS PA'I DBANG GIS MI 'DRA BA MANG DU GSUNGS KYANG, RDZOGS RIM GYI SMIN BYED DU 'GRO BA LA NI YAB YUM RKYANG BA MI RUNG BAS YAB YUM GNYIS 'KHYUD LHA LNGA TZAM LA MA MTHA' BYA'O, ,SGRUB THABS DNGOS GZHI'I SNGON DU 'GRO BA LA GNYIS YOD PA'I SRUNG 'KHOR LA NI DBANG GI LE'U NAS GSUNGS PA'I SRUNG MA DRUG CU YAN CHAD BSGOM PA NI RGYAS PA DANG, DE LAS KHRO BO BCU BSGOM ZHING BCU TSAN LNGA BZHAG PA NI 'BRING DANG, SRUNG 'KHOR GYI GTZO 'KHOR RNAMS BZHAG NAS RANG GI LUS BSRUNG BA DANG, BDUD BSKRAD TZAM BYED PA NI BSDUS PAR RUNG BA 'DRA STE BRTAG GO, YANG RDO RJE GUR GYI NANG NANG DU ZHES GSUNGS PA BYED NA'ANG SRUNG BA BSDUS PAR RUNG SNYAM MO, ,DE LTAR BYED NA SBYOR BA TSOGS BSAG SNGON DU DANG, SRUNG 'KHOR 'OG TU 'ONG NGO, ,SBYOR BA TSOGS BSAG LA KHA CIG RGYAS BSDUS GNYIS SU MDZAD PA LTAR RUNG BAS LHA LNGA MA LA'ANG BSDUS PA BYA'O, ,STONG PA BSGOM PA LA RTZA BA LTAR NA RNAM THAR GSUM DANG, 'GREL PAR RNAM THAR BZHI'I SNGAGS GSUNGS TE RGYAS BSDUS SU MNGON NO, ,'DIR DNGOS PO MED PA BSGOM PA MED, ,CES SOGS KYIS RNAM PAR DPYAD CES PA NI BSDUS RGYUD NAS GSUNGS PA DANG MTHUN PAR BYA DGOS KYI, TSIGS BCAD DE RDZOGS RIM LA SBYAR BA'I BSHAD PA SKABS 'DIR BSHAD PA NI MI 'GRIG GO ,BSDUS RGYUD KYI RNAM

THAR GSUM YANG BZHI'I LTA BA GTAN LA 'BEBS PA LA BYA'I, DE BZHAG NAS TSUL GZHAN DU 'CHAD PA NI MIN NO, ,ME DANG MUN PA'I MTHA' ZHES PA LA ME NI NYI 'OD KYI SNANG BA DANG, DE'I MTHA' NI NYI MA DMAR THAG CHOD PA'I MTSAMS SO, ,MUN PA NI DE'I 'OG TU MUN PA DANG PO ZHUGS PA'O, ,DE'I MTHA' NI THO RANGS KYI CHA SKYA RENGS DANG PO'I MDUN NO, ,MDOR NA SNANG MUN GYI DANG PO NAS THA MA'I BAR GYIS KHYAB PA'I NAM MKHA'O, ,NAM MKHA'I KHAMS NI RNAM PA THAMS CAD PA'I GZUGS ZHES PA NI RNAM PA THAMS CAD PA'I NGO BO, YUL DANG RNAM PAR BRAL BA NI, BZUNG BA DON GZHAN DU MI BDEN PA STE, KHAMS GSUM PO RDUL PHRA RAB LAS 'DAS PA'I ZHES PA'ANG DE'O, ,DBUS KYIS NI 'OD GSAL STONG PA NYID KYI GZUGS TE NGO BO, DE LAS GANG BZHAG PA NI SEMS KUN GZHI NAM MKHA'I KHAMS SO, ,RTEN BSKYED PA'I SKABS SU YI GE DGU RE RE LAS RLUNG NAS SGRA GCAN GYI BAR RE RE BSKYED, DGU PO THAMS CAD GCIG TU 'DRES NAS YI GE DGU BSKYED, DE NAS DE YONGS SU GYUR PA LAS RLUNG NAS SGRA GCAN GYIS BAR DGU GRUB PAR SEMS PA'I DGOS PA GANG ZHE NA, DANG PO NI, PHAL CHER SNOD BSKYED PA DANG BSTUN TE SNOD SBYONG BYED DO, ,GNYIS PA NI NANG GI RANG RGYUD SBYONG BA STE, RLUNG NAS PADMA'I BAR DRUG GI KHAMS DRUG LDAN GYI GANG ZAG GO ,ZLA NYI SGRA GCAN GSUM TSAN GSUM LAS, DANG PO NI SGRUB PA PA'I LUS KYI KHU RDUL RNAM SHES GSUM MO, ,GZHAL YAS KHANG GI NANG GI GDAN GSUM NA RTZE GSUM MO, ,MDOR NA GANG ZAG GCIG GI LUS LA DGU PO DE BSDUS PA DANG,

, ,PHYI LA DE RNAMS SO SOR YOD PA'I DBANG DU BYAS SO, ,SGRA GCAN GYI GDAN GYI STENG DU KHANG BRTZEGS BSGOM PA DANG, RDO RJE'I GUR BSGOM PA GDAM NGA CAN MDZAD PA'I PHYI MA LA YUM GYI SKYE GNAS SU NI RDO RJE DANG BCAS PADMA ZHES PA'I SHES PAR BYED LAS SO, ,ZHES GSUNGS PA'I DON NO, ,MA'I GSANG BA'I PADMAR ZLA NYI SGRA GCAN GYIS MTSON PA'I BSHAD GCI DANG, KHU BA 'BAB PA'I RTZA GSUM 'DUS PAR GSUNGS PAS, ZLA NYI SGRA GCAN GSUM NI DE GSUM YIN PAS PADMA'I STENG DU RDO RJE'I GUR BSGOM PAR SONG LA, DE'I TSE MA'I PADMAR PHA'I RDO RJES SON PA MTSON PA'O, ,GUR GYI ZLUM PO'I DBYIBS KYIS MA'I LUS MTSON LA, DE'I RANG BZHIN RDO RJE YIN PAS NI SNGAR LTAR MTSON PAS SKYON MED DO, , 'GREL CHEN LAS BCOM LDAN 'DAS MNGAL DU 'JUG PA'I DUS MNGAL SBYANG BA'I CHO GA'O, ,ZHES GZHAL YAS KHANG BSKYED PA'I SKABS SU GSUNGS PAS BSGOM PA'I GZHAL YAS KHANG NI YUM GYI MNGAL MTSON PA'O, ,DER KHU RDUL GNYIS DANG BAR DO'I SHES PA 'DUS PA MTSON PA NI, DBYANGS DANG ZLA BA DANG GSAL BYED DANG NYI MA DANG H'Um YIG GO, DE DAG GIS MNGAL 'DZIN PA DANG MTHUN PAR BSGOM PA BSTAN TE, RLUNG NAS SGRA GCAN GYI BAR MA LA SBYAR BA DANG, GZHAL YAS KHANG MA LA SBYAR BA DANG, MA'I PADMAR PA'I RDO RJE ZHUGS PA'I DUS SU PHA'I KHU BA DANG MA'I RDUL DANG BAR DO'I SHES PA GSUM 'DUS PA'O, ,'BRAS BU LA SBYAR BA NI MTSAN DPE DANG YE SHES LNGA DANG SBYAR BA'O, ,LAM LA GNYIS LAS, BSKYED RIM LA SBYAR BA NI MNGON BYANG LNGA BSGOM PA'O, ,

MNGON BYANG LNGA SNGON MA BZHI BSGOM PA NI PHA MA'I KHU KHRAG DANG RNAM SHES RLUNG GI BZHON PA CAN BZHI MTSON PA STE, SPYIR KHU KHRAG 'DUS PA LAS RNAM SHES BDE CHEN DU BSKYED PA'I RDZOGS RIM GYI SMIN BYED, DE GSAL POR MTSON PA NI HAm YIG GI MNGON BYANG BZHI STE, RNAM BCAD NYI MA DANG THIG LA ZLA BA GNYIS BRTZEGS PAS RO RKYANG GI RLUNG DBU MAR 'DUS PA LAS RNAM SHES RLUNG GI BZHON PA CAN BDE CHEN DU BSKYED PA'I RDZOGS RIM GYI SMIN BYED DO, ,'DIR ZLA BA LA DBYANGS DANG NYI MA LA GSAL BYED 'GOD PAR GSUNGS PA'I DON KHA CIG NA RE, SGRA GCAN GYI DKYIL 'KHOR STENG DU ZLA BA ZHIG BSKYED PA LA DBYANGS YIG RNAMS BKOD PA YONGS SU GYUR PA LAS ZLA BA LA DBYANGS YIG GIS MTSAN PA BSGOM PA YIN, NYI MA LA'ANG DES 'GRE ZHES PA MI 'THAD DE, NYI ZLA'I DKYIL 'KHOR LAN GNYIS BSGOM DGOS PAR 'GYUR BA'I PHYIR RO, ,RANG GI LUGS KYI ZLA BA ZHIG DKRONGS BSKYED BYAS PA LA DBYANGS SO GNYIS 'GOD, DE NAS ZLA BA'I 'OG TU NYI MA ZHIG BSKYED PA LA GSAL BYED BRGYAD CU 'GOD PA'O, ,ZLA BA ZHU BA DBYANGS DANG LDAN PA NI ME LONG LTA BU'I YE SHES TE, GZUGS PHUNG BSKYED PAR BYA BA RNAM PAR SNANG MDZAD CES PA NI, GZHAN NAS KHU BA 'OD DPAG TU MED PA LA BSHAD PA DANG 'GAL LO ZHE NA, ZHES PA'I LAN DU SKYON MED DE, ZLA STOBS KYIS GZHAN DANG GZHAN DU 'GYUR BA'I PHYIR, BSHAD GSHI KHU BA GSUM LA BSHAD PA RNAM SNANG DANG, GCI BA MI BSKYOD PAR BYAS NA 'OD DPAG MED DU 'GYUR TE, JI LTAR BSHAD PA RNAM SNANG DANG, GCI BA KHU BA'I DAM TSIG NI, ,MI BSKYOD 'OD DPAG MED YIN PA, ,ZHES RDO RJE SNYING

, ,'GREL LAS GSUNGS PA BZHIN NO, ,BDUD RTZI LNGA LA DRI CHU 'OD DPAG MED DU BYAS PA NI KHU BA MI BSKYOD PA YIN TE, NANG LER BSTAN PA BZHIN NO, ,'DOR KHU BA DANG RDUL DANG DRI ZA DANG RLUNG DANG RNAM SHES RIGS LNGAR BYAS PA NA KHU BA ZLA BA YIN, ZLA BA NI SKU RDO RJE YIN, SKU RDO RJE'I SBYANG GZHI GZUGS PHUNG YIN PAS ME LONG LTA BU'I YE SHES DANG RNAM SNANG DU BYAS PA MI 'GAL TE, YE LER SKU RDO RJE'I DBANG DU BYAS RNAM SNANG DKAR POR GSUNGS PA'I PHYIR RO, ,ZHES GSUNGS PA NI LEGS SHING, MNGON BYANG LNGAS SKYED PA'I DUS 'KHOR RDOR SEMS KYI RIGS LA RTZA ZHAL NAG PO DANG, GLUS BSKUL BA LAS BZHENGS PA'I DUS 'KHOR MI BSKYOD PA'I RIGS LA SKU MDOG NAG POR GSUNGS PAS PHYOGS RE'I SGO NAS SKU MDOG DANG DKYIL 'KHOR GYI MTSON SA'I KHA DOG GSUNGS PA LA NGES CAN DU 'KHRUL BAR MI BYA'O,, ` ,,(DUS 'KHOR GYI RDZOGS RIM SBYOR BA YAN LAG DRUG GI NYER MKHO'I ZIN BRIS BZHUGS,,) 'DIR DPAL DUS KYI 'KHOR LO'I GO 'PHANG 'THOB PAR BYED PA'I THABS ZAB LAM RDO RJE'I RNAL 'BYOR SBYOR BA YAN LAG DRUG GI MAN NGAG NYAMS SU LEN PAR BYED PA LA, THOG MAR THEG CHEN GYI DGE BA'I BSHES GNYEN BSTEN TSUL NAS BZUNG STE BYANG CHUB SEMS SBYONG GI BAR GYI LAM THUN MONG BAS RGYUD SBYANGS SHING, THUN MONG MA YIN PA 'DI'I DBANG RNAM PAR DAG PA RDZOGS PAR MNYAN LA, DAM TSIG DANG SDOM PA RDZOGS PA TSUL BZHIN DU BSRUNG BA'I GANG ZAG GIS RDO RJE SEMS DPA'I SGOM BZLAS, BLA MA'I RNAL 'BYOR RNAMS SNGON DU BTANG STE, YAR 'BRAS BU BAR DU RDZOGS RIM, MAR SBYANG GZHI

DANG CHOS MTHUN PA'I BSKYED RIM GYIS RGYUD SMIN PAR BYED DGOS SHING, BSKYED RIM LA'ANG RGYAS PAR SKU GSUNG THUGS YONGS SU RDZOGS PA, 'BRING THUGS DKYIL, BSDUS PA LHA LNGA TZAM NI NGES PAR DGOS LA, DPA' BO GCIG PA DANG, LHAN SKYES TZAM NI MA YIN NO, ,DE LA KHA CIG RDZOGS RIM BSGOM PA'I SNOD RUNG DU BYED PA LA, BSKYED RIM BSGOM PA SPANGS SHING, DU BA LA SOGS PA'I LAM DUS KYI DBU MA RNAM PAR SBYANG BA DGOS PA ZHES PA MI 'THAD DE, NGES PAR BSKYED RIM BSGOM PA SNGON DU 'GRO DGOS PA RGYUD 'GREL DANG, BDAG GI BLA MA DAM PA MKHAS GRUB CHEN PO'I MAN NGAG RNAMS SU RGYAS PAR BSHAD ZIN CING GSUNG LAS 'BYUNG NGO, ,DU BA LA SOGS PA'I LAM GYIS DBU MA SBYANGS PA NI, SOR SDUD KYI DGOS PA'I GTZO BO YIN PAS, RDZOGS RIM GYI SNOD RUNG DU SGRUB PA'I CHOS MIN NO, ,KHA CIG RDZOGS RIM GYI SNGON 'GRO'I CHOS LA YID CHES GSUM LDAN ZHIG DGOS ZHES PA NI, RDZOGS RIM KHO NAR MA ZAD GSANG SNGAGS KYI LAM SPYI'I SNGON DU 'GRO DGOS LA, DE'ANG BLA MAS RGYUD BSHAD PA NA DE'I LEGS BSHAD MTHONG NAS RGYUD LA YID CHES LA, RGYUD NAS JI LTAR BSHAD PA'I MAN NGAG RNAMS BLA MAS BSTAN PAS BLA MA LA YID CHES SHING, MAN NGAG NYAMS SU BLANGS PAS RGYUD NAS BSHAD PA LTAR GYI RTOGS PA KHYAD PAR CAN RGYUD LA SKYES PAS RANG LA YID CHES PA GSUM MO, ,RDZOGS RIM DNGOS LA GANG GNAD DU BSNUN PA'I GZHI RDO RJE LUS KYI GNAD NGOS BZUNG BA, DE LA GNAD DU SNUN BYED SBYOR BA YAN LAG DRUG GI THUN MONG GI DON BSHAD PA, YAN LAG DRUG SO SO'I DON BSHAD PA'O, ,DANG PO LA, GNAS PA RTZA,

, ,GA-YO BA RLUNG, BKOD PA BYANG CHUB KYI SEMS BSHAD PA'O, ,DANG PO NI, RTZA'I 'KHOR LOR RKYANG DBU MA GSUM NI, GSANG GNAS NAS GTZUG TOR GYI BAR KHOG PA'I DBUS DRANG PO LA SONG STE, GTZUG TOR NAS GUG STE SMIN MTSAMS KYI THAD DU RO MA'I RTZE SNA BUG GA-YAS DANG, RKYANG MA GA-YON DANG, DBU MA DBUS KYI THAD DU ZUG STE, RO RKYANG GNYIS NAS SNA BUG GA-YAS GA-YON GYI RLUNG RGYU'O, ,PHYAG CHEN THIG LE LAS RTZA MDUD SUM CU RTZA GNYIS BSHAD CING RGYUD 'DIR MI GSAL LO, , 'DIR NI RIGS DRUG GI RTZA 'KHOR DRUG STE, GTZUG TOR DU RTZA 'DAB BZHI PA'I 'KHOR LO NI NAM MKHA'I KHAMS KHA DOG LJANG GU, DPRAL BAR NANG SKOR LA 'DAB MA BZHI, BAR SKOR LA BRGYAD, PHYI SKOR LA BCU DRUG CHU'I KHAMS KHA DOG DKAR PO, DBYIBS ZLUM PO'O, ,MGRIN PAR NANG SKOR LA BZHI, BAR SKOR LA BRGYAD, PHYI SKOR LA SO GNYIS, ME'I KHAMS KHA DOG DMAR PO, DBYIBS GRU GSUM, SNYING GAR RTZA 'DAB BRGYAD, RLUNG GI KHAMS KHA DOG NAG PO, DBYIBS GZHU'I RNAM PA CAN NO, ,LTE BAR NANG SKOR LA BZHI, DE'I PHYI SKOR LA BRGYAD, DE'I PHYI SKOR LA BCU DRUG PA STE, BZHI STONG PA'I RTZA YIN, LHAG MA BCU GNYIS LHO BGROD BYANG BGROD KHYIM BCU GNYIS KYI RTZA STE GA-YAS RO MA LA ZUG PA DRUG GA-YON RKYANG MA LA ZUG PA DRUG STE DRUG TSAN GNYIS PO RE RE ZUG PA'I RTZA LNGA LNGA STE DRUG CU DANG STONG PA'I RTZA BZHI STE DRUG CU RE BZHI'O, ,'DI SPYI'I KHAMS (YIN, SA'I KHAMS KHA DOG SAR PO,) DBYIBS GRU BZHI, NANG GI 'DAB MA BZHI YE SHES KYI KHAMS SO, ,GSANG GNAS NA NANG SKOR RTZA 'DAB DRUG ,BAR SKOR BCU,

PHYI SKOR BCU DRUG GO ,YE SHES KYI KHAMS KHA DOG SNGON PO, GTZUG TOR GYI RTZA GNYIS, MGRIN PA'I RTZA BZHI NI STONG PA'I RTZA YIN NO, ,GTZUG TOR MGRIN PA LTE BA'I RTZA 'DAB KYI GRANGS RNAMS NI GYI SKOR GYI DBANG DU BYAS LA, GSANG GNAS KYI NI BSDOMS PA'I DBANG DU BYAS PA'O, ,DBANG MDOR BSTAN NAS NOR BU'I DBUS NA 'DAB MA BRGYAD PA'I RTZA 'KHOR YOD PAR BSHAD DO, ,RO RKYANG DBU MA GSUM LTE BA YAN CHAD DU GNAS PA GSUM, MAN CHAD DU GNAS PA GSUM STE RTZA'I GTZO BO DRUG GO ,RTZA GSUM LTE BA YAN CHAD DU DH'U T'I NI DBUS, KHA DOG LJANG GU RLUNG 'BAB PA SGRA GCAN GYI RTZA ZHES SO, ,RO MA NI GA-YAS KHA DOG DMAR PO KHRAG 'BAB PA, SHES RAB KYI RTZA R'A SA NA ZHES SO, ,RKYANG MA NI GA-YON, KHA DOG DKAR PO KHU BA 'BAB PA THABS KYI RTZA, ZLA BA'I RTZA L'A LAN ZHES SO, ,LTE BA MAN CHAD DU DH'U T'I NI KHA DOG SNGON PO RTZA GSUM GYI GA-YAS KHU BA 'BAB PA DUNG CAN MA ZHES SO, ,RO MA NI GA-YON KHA DOG NAG PO GCI BA 'BAB PA DMAR SER CAN ZHES SO, ,RKYANG MA NI DBUS KHA DOG SER PO BSHANG BA 'BAB PA LUG CES SO, ,KHU BA DANG LCI BA 'BAB PA'I RTZA NI RDO RJE'I RTZER ZUG BSHANG BA 'BAB PA NI BSHANG LAM DU ZUG GO ,LUS LA GNAD DU BSNUN CES PA NI, LUS KYI GNAD CHE SAR DMIGS PAS BSNUN PA'O, ,DE'ANG SOR BSAM GNYIS SMIN MTSAMS SU DANG, SROG RTZOL GYIS LTE BA 'DZIN PAS 'KHOR LO DRUG KA LA RJES DRAN GYIS LTE BA, TING NGE 'DZIN GYIS GSANG GNAS NAS GTZUG TOR GYI BAR LA GNAD DU BSNUN PAR BYED DO, ,GNYIS PA GA-YO BA RLUNG BSHAD PA NI, SROG 'DZIN LA SOGS PA'I RLUNG BCU DANG POR SKYE BA'I

, ,GNAS SNYING GA ,BAR DU GNAS PA'ANG SNYING GA YIN, RGYU BA NI RLUNG RGYU BA'I RTZA THAMS CAD LA RGYU'O, ,SROG 'DZIN NI SNYING GA'I RTZA MDUD YAN CHAD KYI RTZA GSUM LA RGYU ZHING, STENG RLUNG THAMS CAD GA-YO BA'I BYA BA BYED DO, ,THUR SEL NI SNYING GA'I MDUD PA PHYIN CHAD KYI RTZA GSUM LA RGYU ZHING 'OG RLUNG THAMS CAD GA-YO BA'I BYA BA BYED LA, SROG 'DZIN NAM MKHA'I KHAMS KHA DOG LJANG GU, THUR SEL YE SHES KYI KHAMS KHA DOG SNGON PO, MNYAM GNAS DANG RUS SBAL GNYIS SNYING GA'I SHAR DANG SHAR LHO'I RTZA 'DAB LA GNAS RLUNG KHAMS KHA DOG NAG PO, GYEN RGYU DANG RTZANGS PA GNYIS LHO DANG LHO NUB KYI 'DAB MA LA GNAS ME KHAMS KHA DOG DMAR PO, KHYAB BYED DANG LHA SBYIN GNYIS BYANG DANG BYANG SHAR GYI RTZA 'DAB LA GNAS CHU KHAMS KHA DOG DKAR PO, KLU DANG NOR LAS RGYAL GNYIS NUB DANG NUB BYANG GI 'DAB MA LA GNAS SA KHAMS KHA DOG SER PO, LTE BA'I RTZA 'DAB BCU GNYIS NAS RLUNG RGYU TSUL NI, GA-YAS KYI 'DAB MA DRUG SGAL TSIGS LA NYE BA'I RTZA NAS SA STONG BRGYAD BRGYA LA, NGA DRUG RKANG BCAS KYIS DMAN PA RGYU, NGA DRUG RKANG BCAS NI YE SHES KYI RLUNG STE DH'U T'I NAS RGYU'O, ,DE NAS GA-YON GYI RTZA 'DAB NAS NAM MKHA'I RLUNG STONG BRGYAD BRGYA LA NGA DRUG RKANG BCAS KYIS DMAN PA RGYU ZHING, DE NAS YE SHES KYI RLUNG RGYU BA SOGS DANG, RE MOS KYIS RGYU BA SOGS 'DRA'O, ,SA RLUNG NI SNA BUG NAS SOR BCU GNYIS BAR DU PHYIR 'GRO ZHING, NANG DU LTE BAR SLEB PA TZAM, CHU ME RLUNG NAM MKHA'I RLUNG RNAMS RIM PA BZHIN, PHYIR SOR BCU GSUM BCU BZHI BCO LNGA BCU DRUG RNAMS RGYU ZHING, LTE BAR SOR

GCIG GNYIS GSUM BZHIS MA SLOB TZAM DU RGYU BAR BYED DO, ,GSUM PA, BKOD PA BYANG CHUB SEMS KYI BSHAD PA NI, RTZA 'KHOR RNAMS SU GNAS SKABS BZHI'I THIG LE GNAS SHING, DE'ANG SPYI BO NA SANG BA'I GNAS SKABS SKYED PAR BYED PA LUS KYI THIG LE, MGRIN PA NA RMI LAm GYI GNAS SKABS SKYED PAR BYED PA NGAG GI THIG LE, SNYING GA NA GNYID 'THUG GI GNAS SKABS SKYED PAR BYED PA YID KYI THIG LE, LTE BA NA BZHI PA'I GNAS SKABS SKYED PAR BYED PA YE SHES KYI THIG LE GNAS, YANG LTE BA GSANG GNAS NOR BU'I DBUS DH'U T'I'I MAR SNA RNAMS NA RIM PA BZHIN, SAD RMI GNYID 'THUG BZHI PA'I GNAS SKABS SKYED PAR BYED PA'I LUS NGAG YID YE SHES KYI THIG LE BZHI BZHI GNAS SO, ,SAD PA'I GNAS SKABS SKYED PAR BYED PA'I THIG LE'I STENG GI DRI MA SBYANGS YUL SNANG SNA TSOGS SU SNANG BA DE NYID THABS MKHAS KYI LAM DU BYAS PA LA BRTEN NAS STONG GZUGS SNA TSOGS PA GRUB PAR BYED DO, ,RMI LAM GYI THIG LE'I STENG GI DRI MA BSAL, BRJOD PA SNA TSOGS PA DE NYID LAM DU BYAS PAS GSUNG RNAM PA THAMS CAD 'GRUB PAR BYED, GNYID 'THUG GI THIG LE'I STENG GI MI SHES PA'I MUN PA'I CHA DE NYID SBYANGS, MI RTOG PA DE NYID LAM DU BYAS PAS RNAM PAR MI RTOG PA'I YE SHES 'GRUB PAR BYED DO, ,BZHI PA'I GNAS SKABS SKYED PAR BYED PA'I THIG LES STENG GI 'DZAG PA'I DRI MA BSAL, BDE BA DE NYID LAM DU BYAS PA LA BRTEN NAS MCHOG TU MI 'GYUR PA'I BDE BA 'GRUB PAR BYED DO, ,BZHI PA ZHES PA'ANG BDE BA ZHES PA'I DON YIN CING, GZHI LAM GANG GI SKABS SU'ANG KHAMS BAB PA BZHI PA'I GNAS SKABS SKYED BYED KYI THIG LE DANG PHRAD PA NA BDE BA CHES KHYAD PAR DU

, ,'PHAGS PA 'BYUNG NGO, ,GNYIS PA YAN LAG DRUG GI THUN MONG GI DON BSHAD PA NI, THOG MAR DGE BA SKU RDO RJE, BAR DU DGE BA GSUNG RDO RJE, THA MAR DGE BA THUGS RDO RJE DANG YE SHES TE, DGE BA GSUM DANG RDO RJE'I BZHI'I KHRID, BSNYAN SGRUB YAN LAG BZHI'I KHRID, YAN LAG DRUG GI CHINGS SO, ,DE'ANG SOR SDUD KYIS STONG GZUGS SNGAR MA GRUB GSAR DU SGRUB PAR BYED, BSAM GTAN GYIS DE NYID BRTAN PAR BYED PAS NI, SOR BSAM GNYIS SKU RDO RJE'I YAN LAG ,SROG RTZOL GYIS RLUNG DBANG DU BYED CING 'DZIN PAS DE NYID BRTAN PAR BYED LA, NGAG GI RTZA BA RLUNG YIN PAS SROG 'DZIN GNYIS GSUNG RDO RJE'I YAN LAG ,RLUNG GI DE NYID DBANG DU BYAS PA'I STOBS KYIS STONG GZUGS YAB YUM GYI SKU DNGOS GNAS LA SHAR BA DE NYID MNYAM PAR SBYAR BAS BDE CHEN GYI YE SHES BSKYED PAR BYED LA, DE NYID RJES DRAN DANG MCHOG MI 'GYUR GYI BDE BA DANG POR SKYES PA NAS TING NGE 'DZIN GYI YAN LAG TU 'JOG LA, DE NYID THUGS RDO RJE DANG YE SHES RDO RJE'O, ,'DIR TING NGE 'DZIN GYI YAN LAG MCHOG MI 'GYUR GYI BDE CHEN BSKYED PA LA, RJES DRAN GYI YAN LAG STONG GZUGS KYI SKUR DNGOS SU LDANG BA DGOS SHING, DE LA'ANG SNGON DU SROG 'DZIN GYIS RLUNG DBANG DU BYED CING, DE LA'ANG SNGON DU STONG GZUGS KHYAD PAR CAN BSGRUB PA'I SGRUB GZHI'I STONG GZUGS SNA TSOGS PA DE NYID SOR BSAM GYIS BSGRUB DGOS SO, ,SOR SDUD KYI SKABS KYI GZUGS MTHONG PA'ANG DH'U T'I'I NANG GI SAD PA'I GNAS SKABS SKYED BYED KYI THIG LE'I NANG DU MTHONG BA ZHIG BYUNG NA RGYUD 'DI NAS BSHAD

PA'I STOD GZUGS SU 'GRO LA, MTHONG SA LUS LA GNAD DU BSNUN PAR MI 'GRO'O, ,YAN LAG DRUG SO SO'I DON BSHAD PA LA, SOR SDUD LA GNYIS SU DBYE BA, PHYE BA SO SO'I DON BSHAD PA, MA BYUNG NA DPOGS CHOG BYA TSUL LO, ,DANG PO NI, YUL SO SOR 'DZIN PA'I DBANG SHES KYI BZHIN PAR GYUR PA'I RLUNG NANG DU BKAG PA'I STOBS KYIS, YUL RTEN GYI 'BREL BA GCOD PAS NA SOR GCOD CES PA'AM, SOR SPONG SOR SDUD CES PA'O, ,MTSAN MO'I RNAL 'BYOR SGOM PAR BYED PA LA NGES PA DRUG DANG LDAN PA DGOS TE, GNAS KYI NGES PA NI MTSAN BUG PA MED PA'I KHYIM DU ZHES SOGS GSUNGS, LUS KYI GNAD KYI NGES PA NI, RKANG PA RDO RJE SKYIL KRUNG, LAG PA RDO RJE KHU TSUR KHA PHYIR BSTAN LA BRLA GNYIS KYI RTZA BAR BZHAG ,SGAL TSIGS DONG RTZE LTAR BSRANGS MGRIN PA YID TZAM DGUG ,MCHU DANG SO RANG SOR BZHAG ,LTA STANGS KYI NGES PA NI PHYED MIG GYEN DU LDOG STE SMIN MTSAMS KYI DBUS KYI DH'U T'I'I NANG DU LTA BAR BYED DO, ,KUN NAS NAM MKHAR ZHEN PA'I SEMS DANG MIG NI MI 'DZUM RDO RJE'I LAM DU RAB ZHUGS PA YIS, ZHES PA RDO RJE'I LAM NI DH'U T'I'I NANG NGO, ,NYAMS RTAGS 'CHAR TSUL GYI NGES PA NI, SNGAR BSHAD PA LTAR LUS GNAD LTA STANGS RNAMS BSTAN NAS, SEMS CUNG ZAD ZIN PA NA MDUN GYI BAR SNANG LA DU BA SMIG RGYU LA SOGS PA'I SNANG BA SNA TSOGS 'CHAR LA, DE LTA BU NA SEMS GNAS CHA BRTAN PO BYUNG BA PHAL CHE BA LA 'ONG BAS STONG GZUGS KHYAD PAR BA MIN ZHING, LUS 'DAR BA DANG SBRING PA SOGS LA BRTEN NAS 'KHRAB PA DANG, NGAG TU TSIG SNA TSOGS SMRA BA 'ONG YANG NYAMS KHYAD

, ,PAR BA MIN LA, GEGS YIN PAS DE'I DBANG DU MA SONG BAR GEGS SEL DGOS SO, ,LUS KYI STOD MGO SOGS ZA BA 'PHRUG 'DOD PA DANG, SNGAR GYI DU SOGS KYI RTAGS DE RNAMS KYANG DVANGS SHING PHRA LA BRTAN DU SONG BA NI RLUNG DH'U T'IR 'JUG PAR RTZOM PA'I SNGA LTAS YIN LA, DU SOGS KYI MTSAN MA DE DAG SNA BUG TU ZHUGS PA DANG, DH'U T'I'I NANG DU SPRUL DANG DBYUG PA SKUD PA SOGS ZHUGS PA LTA BU'I SNANG BA 'CHAR BA DANG, RTAGS DE DAG MGO BO DANG DH'U T'I'I NANG DU MTHONG LA, SNA BUG GI RLUNG MNYAM RGYU SHED MTSUNGS BRGYU PA NI DH'U T'I'I NANG DU RLUNG ZHUGS PA'I RTAGS YIN LA, DE NAS DBANG SHES LNGA'I BZHON PAR GYUR PA'I RLUNG RNAMS RENGS TE SNA BUG GI RGYU BA CHAD DE RLUNG RNAMS DH'U T'I'I NANG DU THIM PA NA, DU BA SMIG RGYU MKHA' SNANG ME KHYER MAR ME 'BAR BA LTA BU'I RTAGS BZHI NI BSGOM RES KYIS RIM PA NGES CAN DU 'CHAR BA ZHIG DGOS SO, ,MDOR NA DU SOGS KYI SNANG BA SNA TSOGS PA'I SNANG BA 'CHAR BA NI RLUNG MA RENGS PA NAS KYANG 'ONG LA, DU SOGS KYI RTAGS DE RNAMS DH'U T'I'I NANG DU SHAR NAS STOD GZUGS KHYAD PAR CAN 'GO RTZOM PA YIN NO, ,DE'ANG NYIN MTSAN GYI RNAL 'BYOR GNYIS DGOS PA'I RGYU MTSAN KHA CIG LO GCIG LA BGROD PA GNYIS, ZLA BA LA YAR NGO MAR NGO GNYIS, GZHAG GCIG LA NYIN MTSAN GNYIS SU BYED PA THABS SHES SU SPYOD PA NI MA 'BREL PA STE, 'DI NI NYIN MTSAN GYI DUS THAMS CAD DU 'CHAR BA'I CHED DU YIN LA, MTSAN MO'I RNAL 'BYOR THOG MAR BSGOM PA NI SLA BA'I GO RIM YIN LA, DE'ANG MTSAN MO MDUN

DU PHYI ROL GYI GZUGS RNAMS RANG SHUGS KYIS MTHONG NA 'GOG NUS PA'I RGYU MTSAN GYIS YIN NO, ,NYIN MO'I RNAL 'BYOR NI, LUS GNAD LTA STANGS SEMS KYI 'JOG LUGS SNGAR LTAR LA, GNAS NI, NAM MKHA' SPRIN MED KYI BSER BU CUNG ZAD KYANG MED PA'I GNAS SU NYI MAR RGYAB BSTAN MIG GIS MTHONG SAR NYI ZER SOGS KYIS MI GNOD PA'I GNAS SU BSGOMS PAS NAM MKHA' SPRIN MED PA LA 'BAR BA ME DANG, ZLA 'OD DANG, NYI 'OD DANG, SGRA GCAN TE NAG LAM GYI SNANG BA DANG, MCHOG GI CHA STE GLOG 'KHYUG PA LTA BU'I SNANG BA DANG, THIG LE SNGO SKYA YUNGS 'BRU TZAM SHIN TU 'TSOR BA MTHONG LA, DE'I NANG DU NGES PA LNGA LDAN GYI SANGS RGYAS KYI SKU KHYAD PAR CAN MTHONG LA, NGES PA LNGA LDAN NI, MTHONG SA NGES PA DH'U T'I'I NANG DU, DUS NGES PA SOR SDUD KYI RTAGS DGU RDZOGS PA'I DUS, RNAM PA NGES PA SANGS RGYAS KYI RNAM PA CAN, MTSAN NYID NGES PA MTSAN DPES SPRAS PA'I YAB YUM ZHAL SBYOR LONGS SKU'I RNAM PA CAN, NGO BO NGES BA RDU BA PHRA RAB LAS 'DAS PA'O, ,SKU DE NYID SHAR BA'I RJES SU RE KHA NAG PO SKRA'I TSAD TZAM DRI MED 'OD ZER 'PHRO BA THIG LE'I DANG DU 'CHAR LA, RE KHA DE'I NANG DU KHAMS GSUM GYI SNOD BCUD DANG, SANGS RGYAS GI SKU BSAM GYIS MI KHYAB PA MTHONG NGO, ,MA BYUNG NA DPOGS CHOG BYA BA NI, BTZAN THABS KYI SBYOR BAS N'A DA BSGOM PAR BYA STE, ZHES PAS STON LA, 'DI NYID 'DZIN PA'I SKABS SU RGYAS PAR 'CHAD LA, SOR 'SDUD DANG 'DZIN PA GNYIS KA'I SPOGS CHOG STON PA YIN NO, ,KHA CIG 'DI'I SPOGS CHOG LUS KYI BYED BCING

, ,DAM DU GTONG BA TZAM GYIS BYED PA MI 'THAD DE, LUS GNAD LTA STANGS SOGS MA 'PHYUGS PAR BYAS KYANG, SGOM RTAGS MA THON NA SPOGS CHOG BYA BAR BSHAD PA YIN NO, ,KHA CIG MIG SBRID PA'I THABS SNA TSOGS BYAS TE, MIG SNGAR ZANG ZING SNA TSOGS BYUNG BA SPOGS CHOG BYED TSUL DANG, DE YIS 'BRAS BU 'GRUB PAR 'DOD PA'ANG DON MIN NO, ,GSANG 'DUS SU RTAGS BZHI'I SNGON DU SMIG RGYU 'CHAR BA DANG, 'DIR SNGON DU DU BA 'CHAR BAR BSHAD LA, DE'ANG 'DUS PA NAS BSHAD PA DE NYID RNAL 'BYOR PA'I LUS KYI SA KHAMS KYI RNAM SHES KYI RTEN BYED PA'I NUS PA NYAMS PA LAS RIM PA BZHIN DU, SMIG RGYU DU BA SRIN BU ME KHYER MAR ME 'BAR BA LTA BU'I RTAGS RNAMS 'CHAR BA YIN LA, 'DIR NI SNYING GA'I RTZA BRGYAD STENG 'OG RTZA GNYIS DANG BCU LA GNAS PA'I RLUNG BCU DH'U T'I'I NANG DU THIM PA LAS DU SOGS KYI RTAGS 'CHAR BAS RGYUS DANG DUS MI GCIG GO ,SOR BSAM GYI SKABS KYI DU SAGS KYI RTAGS RNAMS GNAS GYUR BA LAS, 'DZIN PA'I SKABS SU LHA MO DU BA MO SOGS KYI SKU RJES MTHUN PA 'CHAR ZHING, RJES DRAN GYI SKABS SU YE SHES KYI SKU MTSAN NYID PA 'CHAR BA DANG SNYOMS PAR ZHUGS PAS MCHOG MI 'GYUR BA'I BDE BA KHYAD PAR CAN SKYED PAR BYED DO, ,'DI NYID KYI SMIN BYED BSKYED RIM GYI SKABS NAS PADMA 'DAB BRGYAD KYI STENG DU DU BA SOGS KYI LHA MO BRGYAD SGOM PAR BYED PA YIN NO, ,SOR SDUD KYI RTAGS BCU RDZOGS PA'I RJES SU RNAL 'BYOR PA TSE'I 'PHEN PA BTANG NA SNGAGS SPYOD PA'I RTEN KHYAD PAR CAN GRUB NAS LAM BZANG 'DI LA BRTEN NAS

TSE PHYI MA NYID LA DUS KYI 'KHOR LO'I GO 'PHANG THOB PAR 'GYUR RO, ,'DIR TSAD MA GANG GIS GZUGS MTHONG BA NI RGYUD 'GREL 'DIR MI GSAL LA, RDO RJE SNYING 'GREL DU DBANG PO'I MNGON SUM GYIS MTHONG ZHES GSUNGS PA NI, MIG DBANG GIS GZUGS MTHONG BA LTAR YID DBANG GIS DU SOGS KYI RTAGS MTHONG BAS DBANG MNGON ZHES BTAGS PA YIN GYI DBANG MNGON MTSAN NYID PA MIN NO, ,'DI'I 'BRAS BU NI BDEN PA'I TSIG 'GRUB PA SOGS YIN NO, ,DBYE BA NI DU SOGS KYI RTAGS BCU'O, ,DAG PA NI YE SHES KHAMS DANG PHUNG PO DAG PA'O, ,MTHAR THUG NI 'BRAS BU RDO RJE SEMS DPA'I SKU 'GRUB PA'O, ,GRUB ZIN BRTAN PAR BYED PA BSAM GTAN GYI YAN LAG NI, KHA CIG GZUGS GRUB PA DE NYID BRTAN PAR BYED PAS NA BSAM GTAN CES ZER RO, , DE'ANG SOR SDUD KYI RTAGS YONGS SU RDZOGS NAS BSAM GTAN LA 'JUG PAR BYED LA, NYIN MTSAN GYI RNAL 'BYOR LUS GNAD LTA STANGS RNAMS SOR SDUD BZHIN DU BYED CING, SOR SDUD KYI SKABS SU STONG GZUGS LA PHAR BLTA BA'I YUL YUL CAN NAS RGYANGS CHAD DU SNANG LA, 'DIR RDO RJE SEMS DPA' YAB YUM GYI SKU DANG BSRE BA STE DBYER MED DU SONG BA'I NGA RGYAL BYA STE, BRTAN PAR SONG BA NA STONG GZUGS GANG SHAR THAMS CAD RDO RJE SEMS DPA' DANG DUS KYI 'KHOR LO'I RNAM PAR BLTAS LA RIM PA BZHIN GCIG LA GCIG BSDUS, MTHAR RTZA BA'I STONG GZUGS LA BSTIM PA'I SDUD RIM GYI DMIGS PA KHYAD PAR CAN BYA'O, ,BSAM GTAN GYI YAN LAG LNGA NI, PHAR PHYIN THEG PA NAS BSHAD PA LTAR RTOG DPYOD DGA' BDE SEMS RTZE GCIG PA

, ,LNGA'O, ,'DIR STONG GZUGS RAGS PA LA RTOG PA RTOG PA DANG, PHRA BA LA DPYOD PA DPYOD PAR BYED PA NI, DBANG MDOR BSTAN GYI TSIG RIGS GCIG LA CUNG NYE BA'I LUGS TE ZHIB TU DPYAD DGOS SO, ,DGA' BA NI SEMS SHIN TU SBYANGS PA LA BRTEN NAS SKYES PA'I DGA' BA, BDE BA NI LUS SHIN SBYANGS KYI BDE BA, SEMS RTZE GCIG PA NI, SHES DANG SHES BYA BYUNG ZAD PA'I RANG SEMS LNGA BAR SHES PAR BYA ZHES BA'I 'GREL PAR, N'A RO BAS SHES PA RANG GI BLO SHES BYA YUL GNYIS DBYER MI PHYED PA LA GSUNGS SO, ,'DI TSAD MA GONG DANG 'DRA, DAG PA NI RNAM SHES KYI PHUNG PO DANG NAM MKHA'I KHAMS DAG ,DBYE BA RTAGS BCU'O, ,GNAS SKABS KYI 'BRAS BU NI SA 'OG GI GTER MTHONG BA DANG MNGON SHES LNGA 'GRUB PA'O, ,MTHAR THUG MI BSKYOD PA'I SKU MNGON DU BYED DO, ,BAR DU DGE BA GSUNG RDO RJE SROG 'DZIN GYI YAN LAG LA, BSGOM PA'I DUS NI BSAM GTAN GYI RTAG RDZOGS PA NAS SO, ,GNAS LUS GNAD LTA STANGS SOGS NI LAG PA MNYAM GZHAG MA GTOGS PA SNGAR DANG 'DRA'O, ,SROG RTZOL LA KHA CIG ,BRDUB PA DANG, DBYUNG BA DANG, DGANG BA, GZHUG PA, BUM PA CAN, RDUL ZLA CAN TE RLUNG SBYOR DRUG TU 'DOD PA NI SEMS 'GREL SKOR GSUM GANG NAS KYANG MA BSHAD DO, ,KHA CIG SNA BUG GA-YAS PA NAS RLUNG RGYU BA NA RO MA DANG, GA-YON NAS RGYU BA RKYANG MA NA RDOR BZLAS BYED LA, DE NYID ZLA NYI SGRA GCAN GYI RDOR BZLAS KYI DON DU 'CHAD PA NI MI 'THAD DO, ,RO RKYANG LA RGYU BA 'GOG PA'I DON DU RDOR BZLAS BSTAN PA YIN

LA, ZLA NYI SGRA GCAN GYI SKU GSUNG THUGS KYI RDOR BZLAS LA SBYAR RO, ,SROG RTZOL GYI SKAD DOD AA YA MA NI TSE BSRING BA ZHES PA STE, 'DIR SROG NI RLUNG, RTZOL BA NI 'GOG PA STE, DH'U T'I'I NANG DU RLUNG 'GOG PA'O, ,SROG RTZOL GYI RLUNG SBYOR LA RDOR BZLAS DANG BUM PA CAN GNYIS SU NGES LA, RDOR BZLAS NI RLUNG NANG DU 'JUG PA SKU RDO RJE AOm GYI GDANGS KYIS DH'U T'I'I YAR SNA'I NANG GI STONG GZUGS DANG LHAN CIG BRDUBS LA, LTE BA'I DH'U T'I'I NANG DU THUGS RDO RJE'I H'Um GI GDANGS SU GNAS PAR BYED LA, PHYIR 'BYUNG BA GSUNG RDO RJE AA'I GDANGS SU BYAS TE RDOR BZLAS BYA'O, ,'DI'I DGOS PA GTZO CHER DH'U T'I'I NANG DU RLUNG 'JUG PA'I PHYIR DU YIN KYANG, THUN MONG MA YIN PA'I STONG GZUGS KHYAD PAR LTE BA'I DH'U T'I'I NANG DU BZHENGS PA'I CHED DU YIN NO, ,SROG RTZOL GYI RLUNG DBANG DU BYA BA'I PHYIR DANG, 'DZIN PAS DE NYID BRTAN PAR BYED DO, ,DE LTAR RDOR BZLAS BYAS PAS SROG 'DZIN GYI RLUNG STENG SGO NAS DH'U T'I'I NANG DU ZHUGS PA NA THUR SEL KYANG 'OG SGO NAS DH'U T'I'I NANG DU NGES CAN DU 'JUG PAS, SROG THUR GYI RLUNG DANG, RANG GI SEMS RDO RJE'I SKU DANG BCAS PA'I LTE BA'I DH'U T'I'I NANG DU BRTAN PAR BYAS NAS BUM PA CAN BSGOM PA LA 'JUG STE, DES YE SHES LE'U NAS RDO RJE BZLAS PA'I STOBS KYIS BUM PA CAN GYI GNAS SKABS THOB PA NA ZHES GSUNGS SO, ,BUM PA CAN BSGOM PA NA STENG RLUNG PHYIR THON 'OG RLUNG CUNG ZAD YAR THEN TE, LTE BA'I DBUS KYI THIG LE'I NANG DU SROG THUR BSRES TE SEMS KYI GZUNG BYA DUS KYI 'KHOR LO YAB YUM GYI RNAM PAR SHAR BA LA RTZE GCIG TU BRTAN PA NA, LTE BA'I GTUM MO KHYAD PAR BA 'BAR TE KHAMS ZHU BA'I YAS BABS MAS BRTAN GYI DGA' BA SKYES PA NA SNGAR NGES ZIN STENG NYID KYI LTA BA DANG

, ,SBYOR BAR BYED DO, ,'DI'I GNAS SKABS KYI 'BRAS BU NI, DE BZHIN GSHEGS PA THAMS CAD MTHONG BA DANG, BYANG CHUB SEMS DPA' RNAMS KYIS LEGS SO STER BA DANG, 'CHI MED KYI DNGOS GRUB 'GRUB BO, ,MTHAR THUG GI 'BRAS BU NI, 'DU BYED KYI PHUNG PO DRUG TSAN DAG CING, RLUNG GI KHAMS KYI DRUG TSAN DAG PAR BYAS TE, DON GRUB KYI GO 'PHANG THOB PAR BYED DO, ,'DI'I DPOGS CHOG BYA TSUL NI, RKANG PA'I PUS MO STAN LA PHAB PA'I SKYIL KRUNG GA-YAS PA'I RTING PA GA-YON PA'I LONG BU LA GTAD, GA-YON PA'I RTING PA RTAGS DANG BSHANG LAM GYI BAR DU GTAD DE, LAG PA RDO RJE KHU TSUR NU MA GNYIS KYI STENG DU BZHAG ,PHYED MIG GYEN DU LDOG STE, DBUGS NANG DU 'JUG PA H'Um GI GDANGS KYIS BRDUB PA DANG, LTE BA PHYIN GYI DH'U T'I'I KHA DOG SNGON PO'I MAR SNA'I NANG DU H'Um SNGON PO MGO GYEN DU BSTAN PA YAR THEN TE LTE BA'I DH'U T'I'I NANG DU LHAN CIG TU 'DZIN PAR BYED PA'O, ,'DZIN PA'I YAN LAG BSGOM PA NI, LTE BA'I DH'U T'I'I NANG GI BZHI PA'I GNAS SKABS BSKYED PA'I THIG LE'I STENG GI RLUNG SEMS SHIN TU PHRA BA DANG, SROG THUR GYI RLUNG BSRES TE SEMS KYI GZUNG BYA DUS 'KHOR YAB YUM GYI RNAM PAR SHAR BA LA BRTEN PA NA, SA CHU LA THIM PA'I TSUL DU SNYING GA'I GNYID 'THUG GI THIG LA'I NANG DU 'DZIN, DE NAS CHU ME LA THIM PA'I TSUL DU MGRIN PA'I RMI LAM GYI GNAS SKABS BSKYED PA'I THIG LE'I NANG DU 'DZIN, DE NAS ME RLUNG LA THIM PA'I TSUL GYIS DPRAL BA'I GNAS SKABS BSKYED PA'I THIG LE'I NANG DU 'DZIN, DE NAS RLUNG

NAM MKHA' LA THIM PA'I TSUL DU GTZUG TOR GI THIG LE'I NANG DU 'DZIN DE NAS NAM MKHA' YE SHES LA THIM PA'I TSUL DU GSANG GNAS KYI THIG LE'I NANG DU 'DZIN PA YIN LA, SNYING GA'I THIG LE'I NANG DU RLUNG 'DZIN DUS LTE BA'I THIG LE'I STENG GI RLUNG SEMS SHIN TU BRA BA'ANG SDUD NUS LA, THIG LE GZHAN GYI STENG DU 'DZIN PA'ANG DE DANG 'DRA'O, ,DE'I GNAD DU BSNUN SA 'KHOR LO DRUG GI GNAS SO, ,GNAS SKABS KYI 'BRAS BU BDUD BGEGS GZHAM PA DANG, MTHAR THUG GI 'BRAS BU TSER BA'I DRUG TSAN DAG CING, ME'I KHAMS KYI DRUG TSAN DAG PAS 'BRAS BU RIN 'BYUNG GI GO 'PHANG THOB PAR BYED DO, ,THA MAR DGE BA THUGS RDO RJE RJES DRAN DANG TING NGE 'DZIN GYI YAN LAG BSGOM PA LA DANG PO NI, SNGAR GYI RNAL 'BYOR BSGOM PA'I STOBS KYIS DBANG PO RNON POS NI STONG GZUGS KYI PHYAG RGYA RJES MTHUN PA LA BRTEN NA SA STONG GZUGS MTSAN NYID PAR LDANG NUS LA, DBANG PO 'BRING GIS YE RGYA, RTUL POS LAS RGYA DANG MNYAM PAR SBYAR TE, RLUNG KHA SBYOR BZUNG NAS ZHU BDE KHYAD PAR CAN 'DREN PA LA GOMS PA'I STOBS KYIS STONG GZUGS KYI SKU MTSAN NYID PAR LDANG NUS PA'I MTSAMS NAS RI RAB KYI RDUL GYI GRANGS DANG MNYAM PA'I STONG GZUGS KYI PHYAG RGYA DANG, DKYIL 'KHOR GYI RNAL 'BYOR MA'I GRANGS DANG MNYAM PA'I PHYAG RGYA DANG, NUS MA BCU'I GRANGS DANG MNYAM PA'I PHYAG RGYA DANG MNYAM PAR SBYAR BA LA BRTEN NAS SKYES PA'I BDE BA DANG, RNAM MED KYI STONG NYID GNYIS SBYOR BAR BYED NUS SO, ,'DU SHES KYI PHUNG PO DANG CHU'I KHAMS DAG PAR BYED NUS SHING, 'OD DPAG

, ,MED KYI GO 'PHANG MNGON DU BYED DO, ,STENG GZUGS MTSAN NYID PA GRUB NAS SKU LAS 'OD ZER BRGYA PHRAG 'GYED PAR BYED DO, ,TING NGE 'DZIN GYI YAN LAG NI MCHOG MI 'GYUR GYI BDE BSKYES PA NAS TING NGE 'DZIN GYI YAN LAG TU 'JIG LA, DBANG PO RNON POS THOG MA NAS PHYAG RGYA CHEN PO LA BRTEN NAS MCHOG MI 'GYUR GYI BDE BA 'DREN LA, DBANG 'BRING GIS NI YE SHES KYI PHYAG RGYA LA BRTEN NAS DGA' BZHI 'DREN CING, DES MTSON NAS PHYAG RGYA CHEN MO LA DNGOS SU DGA' BZHI 'DREN LA, DBANG RTUL GYIS LAS RGYAL BRTEN NAS DGA' BZHI 'DREN CING, DES MTSON NAS PHYAG RGYA CHEN MO LA BRTEN NAS MCHOG MI 'GYUR GYI BDE CHEN 'DREN PAR BYED DO, ,NU MA DANG SGRAR LDAN PA'I LAS KYI PHYAG RGYA NI, 'DZAG PA'I BDE BA 'BYIN PA MO STE, PHYAG RGYA'I NGOS NAS RNAL 'BYOR BA'I KHAMS PHYIR 'DZAG PA'I BYA BA BYED DO, ,YE RGYA LA BRTEN NAS KHAMS RTZA NANG NAS NOR BU'I RTZE'I BAR GA-YO BAR BYED NUS PAS NA, YE RGYA NI GA-YO BA'I BDE BA 'BYIN PA MO YIN NO, ,KHAMS ZHU BA NOR BUR SLEBS PA DE NYID RGYAS BTAB PA BZHIN DU GA-YO MED DU 'DZIN CING GNAS GZHAN DU 'GYUR MI SRID PAS PHYAG RGYA CHEN MO NI MI 'GYUR BA'I BDE BA SBYIN PA MO YIN NO, ,PHYAG RGYA CHEN MO DNGOS SU GRUB PA DE NYID DANG MNYAM PAR SBYAR BA'I NOR BU'I RTZE MO NAS GTZUG TOR GYI BAR THIG LE NYI KHRI CHIG STONG DRUG BRGYA BRTZEGS PA LAS RLUNG NYI KHRI CHIG STONG DRUG BRGYA 'GAGS, BDE BA NYI KHRI CHIG STONG DRUG BRGYA RDZOGS PA NA, BEMS PO'I KHAMS MA LUS PA ZAD NAS 'JA' LUS KYI 'KHOR LO'I GO 'PHANG MNGON DU BYED

DO, ,BDE BA STONG BRGYAD BRGYA PA TSAR DANG PO RDZOGS NA MOS SPYOD KYIS THOB LA, GNYIS PA RDZOGS PA NA MTHONG LAM THOB PAR BYED CING, BDE BA STONG BRGYAD BRGYA PA TSAR BCU GNYIS RDZOGS PA NA MOS SPYOD KYI SA NAS BZUNG STE SA BCU GNYIS THOB PAR BYED DO, ,DE'ANG NOR BU NAS GSANG GNAS, DE NAS LTE BA, DE NAS SNYING GA ,DE NAS MGRIN PA, DE NAS DPRAL BA, DE NAS GTZUG TOR GYI BAR DRUG PO RE RE LA BDE BA SUM STONG DRUG BRGYA RDZOGS PA GNYIS GNYIS THOB PAR BYED DO, ,'DI'I MI 'GYUR BA'I BDE BA THOG MAR SKYES PA DANG, STONG PA ZUNG DU 'JUG PA'I BDE STONG DBYER MED KYI ZUNG 'JUG NI DBANG BZHI BA'I DON DU GYUR PA ZUNG 'JUG GO ,TING NGE 'DZIN GYI YAN LAG THOB NAS DNGUL CHUS LCAGS ZA BA LTAR, LUS KYI BEMS PO'I KHAMS KYI CHA RNAMS SO SO NAS PHRA RU SONG NAS THIG LE DANG BCAS PA ZAD PA'I SHUL DU 'JA' LUS SU LDANG BA YIN NO, ,'DIR BIMS BO'I CHA LHAG MED DU MA SONG BAR DU STONG GZUGS DANG SBRAGS PA LAS LOGS SU DBYE MI NUS PAS, 'DUS PA SOGS KYI SGYU LUS DANG MI 'DRA'O, ,'DIR SA'I KHAMS DANG, GZUGS DRUG TSAN DAG ,RNAM PAR SNANG MDZAD KYI GO 'PHANG THOB PA'O,, ` ,,'CHI ZHAG DANG TSE LHAG JI TZAM YOD BRTAG PA BZHUGS, ,GA-YAS NYI MA'I 'CHI LTAS LA 'CHI ZHAG DANG TSE LHAG JI TZAM YOD DPYAD PA, RTZA 'DAB 'DOD PA'I ZHAG DANG ZHAG LHAG ,'CHI ZHAG RNAMS RTZA 'DAB GCOD PA'I ZHAG LA GTOGS MI GTOGS DANG, 'CHI ZHAG RNAMS TSE LHAG LA GTOGS MI GTOGS DANG, 'CHI ZHAG GI GRANGS RNAMS SNGA MA'I STENG DU PHYI MA SNON PA YIN MIN DPYAD PA DRUG LAS, DANG PO NI, LTE BA NA KHYIM BCU GNYIS KYI RTZA 'DAB BCU GNYIS YOD PA'I 'DAB MA DANG PO LA SNA

, ,BUG GA-YAS NAS BAR MA CHAD PAR ZHAG LNGA BRGYUS NA LO GSUM LAS MI THUB CING DE THUB BO, ,DE BZHIN DU 'DAB MA GNYIS PA LA BCU DANG, GSUM PA LA BCO LNGA DANG, BZHI PA LA NYI SHU DANG, LNGA PA LA NYER LNGA DANG, DRUG PA NYER DRUG DANG, BDUN PA LA NYER BDUN DANG, BRGYAD PA LA BCO LNGA DANG, DGU PA LA BCU, BCU PA LA LNGA, BCU GCIG PA LA GSUM, BCU GNYIS PA LA GNYIS RNAMS BRGYUS NA RIM PA BZHIN LO GNYIS DANG, LO GCIG DANG, ZLA BA DRUG DANG, ZLA BA GSUM DANG, ZLA BA GNYIS DANG, ZLA BA GCIG DANG, ZHAG NYER GCIG DANG, ZHAG BCU DRUG DANG, BCU GCIG DANG, GSUM DANG, GCIG NA 'CHI'O, ,GNYIS PA NI, 'DAB MA DANG PO NAS SNA BUG GA-YAS LA THOG MAR BAR MA CHAD PAR 'CHI ZHAG LNGA, DE NAS ZHAG RANG BZHIN PA SUM BRGYA SUM CU, DE BZHIN DU 'DAB MA GNYIS PA THOG MAR RANG BZHIN PA NYER LNGA, DE NAS 'CHI ZHAG BCU, DE NAS RANG BZHIN PA SUM BRGYA BCU GSUM PA LA THOG MAR RANG BZHIN PA BZHI BCU, DE NAS 'CHI ZHAG BCO LNGA, DE NAS RANG BZHIN PA BRGYA BCO LNGA, BZHI PA LA THOG MAR RANG BZHIN PA LNGA BCU, DE NAS 'CHI ZHAG NYI SHU, DE NAS RANG BZHIN PA BCU GNYIS, LNGA PA LA THOG MAR RANG BZHIN PA SO GNYIS, DE NAS 'CHI ZHAG NYER LNGA'O, ,DRUG PA LA THOG MAR RANG BZHIN PA GNYIS, DE NAS 'CHI ZHAG NYER DRUG GO ,BDUN MAN CHAD LA NI 'CHI ZHAG DANG RANG BZHIN PA'I ZHAG SO SOR BGRANG RGYU MED DO, ,GSUM PA LA THOG MAR RANG BZHIN PA NYER LNGA, DE NAS

'CHI ZHAG BCO LNGA DANG, LNGA PA LA THOG MAR RANG BZHIN PA NYER BRGYAD, DE NAS 'CHI ZHAG NYER LNGA, DE NAS RANG BZHIN PA BZHI DANG, DRUG PA LA THOG MAR RANG BZHIN PA GCIG ,DE NAS 'CHI ZHAG NYER DRUG ,DE NAS RANG BZHIN PA GCIG CES ZIN BRIS LAS 'BYUNG BA'ANG 'DAB MA GSUM PA'I 'CHI ZHAG TSE LHAG LA MI GTOGS PA DANG, LNGA BA LA TSE LHAG DGU BCU LAS MI 'ONG RGYU LA GO LNGA DANG, DRUG PA LA TSE LHAG ZHAG DRUG CU LAS MI 'ONG RGYU LA RE BZHI 'ONG BA SOGS KYI SKYON SNANG NGO, ,GSUM PA NI, SPYIR LO GSUM LA ZHAG STONG BRGYAD CU YIN LA, DE'I STENG NAS 'DAB MA DANG PO 'DOR BA LA ZHAG SUM BRGYA SO LNGA, ZHAG LHAG BDUN BRGYA DANG ZHE LNGA, DE BZHIN DU GNYIS PA LA SUM BRGYA DANG, ZHAG LHAG BZHI BRGYA, GSUM PA LA BRGYA BDUN CU, ZHAG LHAG NYIS BRGYA SUM CU, BZHI PA GYA GNYIS, LHAG BRGYA ZHE BRGYAD, LNGA PA LNGA BCU RTZA BDUN, LHAG GO GCIG ,DRUG PA NYER BRGYAD, LHAG RE GSUM, BDUN PA MAN CHAD RANG RANG GI 'CHI ZHAG GI GRANGS KYI 'DAB MA RNAMS 'DOR ZHING, LHAG KYANG DES SHES PAR NUS SO, ,BZHI PA NI, 'CHI ZHAG RNAMS RTZA 'DAB DE DANG DE GCOD BYED KYI GTZO BO YIN PAS 'DAB MA DE DAG 'DOR BA'I ZHAG TU MI GTOGS PA MI RIGS SHING, 'DAB MA RE RE 'DOR BA LA SNGAR BSHAD PA'I ZHAG GRANGS DE MI TSANG NGO, ,DPER NA 'DAB MA DANG PO LTA BU LA MTSON NAS, THOG MAR 'CHI ZHAG LNGA, DE NAS RANG BZHIN PA GSUM BRGYA SO LNGAR BYED DO SNYAM NA, DE LTA NA 'DAB MA GNYIS PA SOGS LA'ANG DE BZHIN DU

, ,BYED DGOS PAS, 'DAB MA GNYIS PA MAN CHAD LA BZHAG BDUN BRGYA ZHE LNGA LAS MANG BA YOD PAR 'GYUR ZHING, TSE LHAG GI GRANGS RNAMS 'CHOL PAR 'GYUR RO, ,LNGA PA NI, 'CHI ZHAG RNAMS TSE LHAG LA GTOGS SAM MI GTOGS SNYAM NA, SNA BUG 'DI LA RTZA 'DI NAS BAR MA CHAD PAR ZHAG 'DI TZAM ZHIG RLUNG BRGYUS NA, 'DI TZAM NAS 'CHI ZHES ZER BAS 'CHI ZHAG RNAMS TSE LHAG LA MI GTOGS PA 'DI BA ZHIG SNANG YANG, 'DAB MA DANG PO, GNYIS PA, GSUM PA, BZHI PA RNAMS KYI SKABS SU NI 'CHI ZHAG GI GRANGS RNAMS TSE LHAG LA GTOGS DGOS PAR SNANG STE, 'DAB MA DANG PO NAS SNA BUG GA-YAS LA BAR MA CHAD DU ZHAG LNGA RLUNG BRGYUS NA LO GSUM NA 'CHI ZHING, LO GSUM LA ZHAG STONG BRGYA BCU LAS MED LA, DE'I STENG NAS 'DAB MA DANG PO 'DOR BA'I ZHAG SUM BRGYA SO LNGA SANG RTING ZHAG LHAG BDUN BRGYA ZHE LNGA LAS MED LA, 'CHI ZHAG TSE LHAG LA MI GTOGS NA ZHAG LHAG BDUN BRGYA DRUG CU 'ONG BA SOGS MI 'GRIG PA CHE BAR 'DUG PAS SO, ,'DAB MA LNGA PA MAN CHAD LA NI RANG RANG GI 'CHI ZHAG RNAMS RANG RANG GI TSE LHAG LA MI GTOGS TE, LNGA PA LA TSE LHAG ZLA BA GSUM LAS MI 'ONG RGYU LA ZLA BA BZHI DANG, DRUG PA LA ZLA BA GNYIS LAS MI 'ONG RGYU LA GSUM 'ONG BA SOGS KYI SKYON SNANG NGO, ,DES LHAG MA'ANG SHES PAR NUS SO, ,'ON KYANG 'CHI ZHAG DANG RANG BZHIN PA RGYU TSUL SNGAR LTAR BYAS KYANG 'DAB MA BZHI PA LA LNGA PA DANG THUN MONG DU MA SONG BA'I TSE LHAG ZLA BA GSUM 'ONG RGYU LA

ZHAG GYA DGU DANG, LNGA PA LA DRUG PA DANG THUN MONG DU MA SONG BA'I TSE LHAG ZHAG SUM CU 'ONG RGYU LA NYER BRGYAD DANG, DRUG PA LA THUN MONG MA YIN PA'I TSE LHAG ZHAG SUM CU 'ONG RGYU LA NYER BDUN DANG, 'DAB MA BZHI PA LA TSE LHAG 'DAB MA LHAG MA RNAMS DANG THUN MONG BA ZHAG DGU BCU LAS MI 'ONG RGYU LA GO GCIG DANG, 'DAB MA LNGA PA LA TSE LHAG ZHAG DGU BCU LAS MI 'ONG RGYU LA GO GCIG DANG, DRUG PA LA TSE LHAG 'DAB MA LHAG MA DANG THUN MONG BA ZHAG SUM CU 'ONG RGYU LA SO LNGA SOGS MI 'GRIG PA 'GA' ZHIG SNANG BA NI RAGS RTZIS DANG ZHIB RTZIS KYI KHYAD PAR DU MNGON NO, ,DRUG PA NI, 'CHI ZHAG BCU DANG BCO LNGAR BYED PA SOGS RNAMS ZHAG SNGA MA'I STENG DU PHYI MA BSNON PA YIN NAM, BCU BCO LNGA NYI SHU SOGS RNAMS SNGA MA'I STENG DU PHYI MA MA BSNAN PAR RGYU SNYAM NA, GA-YAS NYI MA'I LTAS LA NI MI BSNON PAR ZHAG BCU, BCO LNGA SOGS RNAMS ZHAG PAR MA CHAD DU RGYU BA YIN LA, GA-YON LA SNGA MA'I STENG DU BSNON PA YIN NO, ,GA-YAS NYI MA'I 'CHI LTAS LA LTE PA'I RTZA 'DAB BCU GNYIS KYI GA-YAS SKOR GYI 'DAB MA DANG PO LA 'CHI ZHAG LNGA, TSE LHAG LO GSUM, GNYIS PA LA 'CHI ZHAG BCU, TSE LHAG LO GNYIS, GSUM PA LA 'CHI ZHAG BCO LNGA, TSE LHAG LO GCIG ,BZHI PA LA 'CHI ZHAG NYI SHU, TSE LHAG ZLA BA DRUG ,LNGA PA LA 'CHI ZHAG NYER LNGA, TSE LHAG ZLA BA GSUM, DRUG PA LA 'CHI ZHAG NYER DRUG ,TSE LHAG ZLA BA GNYIS, BDUN PA LA 'CHI ZHAG NYER BDUN, TSE LHAG ZLA BA GCIG ,BRGYAD PA LA 'CHI ZHAG BCO LNGA, TSE LHAG NYER GCIG ,DGU PA LA 'CHI ZHAG BCU, TSE

, ,LHAG BCU GCIG ,BCU PA LA 'CHI ZHAG LNGA, TSE LHAG DRUG ,BCU GCIG PA LA 'CHI ZHAG GSUM, TSE LHAG GSUM, BCU GNYIS PA LA 'CHI ZHAG GNYIS, TSE LHAG ZHAG GCIG STE DE NI DBU MA LA RGYU'O, ,LTE BA'I RTZA CHEN BCU GNYIS KYI GA-YAS SKOR GYI RTZA 'DAB DANG PO BSKAMS PA LA, LO GSUM GYI ZHAG STONG BRGYAD CU'I STENG NA ZHAG SUM BRGYA SO LNGA, ZHAG LHAG BDUN BRGYA ZHE LNGA, GNYIS PA BSKAMS PA LA ZHAG LHAG STENG NAS ZHAG SUM BRGYA ZHE LNGA, DE'I ZHAG LHAG BZHI BRGYA, GSUM PA BSKAMS PA LA, ZHAG LHAG GI STENG NAS BRGYA BDUN CU, ZHAG LHAG GNYIS BRGYA SUM CU, BZHI PA BSKAMS PA LA, DE'I STENG NAS ZHAG GYA GNYIS, ZHAG LHAG BRGYA ZHE BRGYAD, LNGA PA BSKAMS PA LA DE'I STENG NAS NGA BDUN, LHAG GO GCIG ,DRUG PA BSKAMS PA LA, NYER BRGYAD, LHAG RE GSUM, BDUN PA BSKAMS PA LA ZHAG NYER BDUN, LHAG SO DRUG ,BRGYAD PA NAS BCU GNYIS PA'I BAR GYI RTZA 'DAB RE RE 'DOR BA'I ZHAG GRANGS LA NI RANG RANG GI 'CHI ZHAG GI GRANGS KYI TSAD 'DZIN NO, ,ZHAG LHAG GI GRANGS NI, TSE LHAG GI ZHAG GRANGS NYID YIN NO, ,SARBA MANGGA LAm,, ,,