Notes on the Secret Teaching in Two Sections

*, ,RGYUD BRTAG PA GNYIS PA'I ZIN BRIS BZHUGS SO, ,

, ,BLA MA DANG DPAL KYEE RDO RJE'I ZHABS LA GUS PAS PHYAG 'TSAL LO, ,RGYUD BRTAG PA GNYIS PA 'DI LA, RGYA GAR DU RGYUD RGYAS PA LAS BRTAG PA GNYIS PHUNG BAR 'DOD PA DANG, RGYUD LOGS PA BSDUS RGYUD DU 'DOD PA GNYIS BYUNG STE, MU TIG PHRENG BA LAS, 'DI SKAD BDAG GIS THOS PA ZHES BYA BA LA SOGS PA GLENG GZHI'I TSIG NI, KHA CIG NA RE GANG GI PHYIR MDOR BSDUS PA'I RGYUD GZHAN YIN NO ZHES ZER RO, ,GZHAN NA RE RGYUD CHEN PO LAS BRTAG PA GNYIS PA 'DI BTUS TE, DER JI LTA BA BZHIN DU BSDUS TE BZHAG PA NYID 'DIR GLENG GZHI'I TSIG DANG BCAS TE BTUS SO ZHES ZER RO, ,ZHES GSUNGS LA, RANG LUGS KYI 'DI 'THAD MA GSUNGS SO, ,BHA BA BHA DRA'I 'GREL PA LAS, DE LA DGYES PA'I RDO RJE ZHES BYA BA NI, RGYUD GZHAN NYID DU GYUR PA STE, DGYES PA'I RDO RJE CHEN PO LAS PHYUNG PO NI MA YIN NO, ,ZHES 'BYUNG STE 'DI NYID LEGS TE GUR NAS GSUNGS PA LTAR GYI RDO RJE SNYING PO BYANG CHUB PA DANG, SGYU 'PHRUL GYI BRTAG PA GNYIS LOGS SU BKOL PA YIN NA NI, GONG DU BRTAG PA BCU GNYIS PAR, ZHES GSUNGS PA MI RIGS LA, SMAD NAS PHYUNG BA YIN NA'ANG MING MI MTHUN PAS GNOD DO, ,

, ,DES NA BRTAG PA SO GNYIS PA LAS PHYUNG ZHES PA'I DON NI, RGYUD RGYAS PA DE LAS BSDUS NAS GSUNGS PA'I BSDUS RGYUD YIN PA LA DGONGS SO, ,DE LTA BU'I RGYUD 'DI LA BSHAD SROL GYI LUGS SHIN TU CHE BA GNYIS TE, RDO RJE SNYING PO'I 'GREL PA DANG, DE'I RJES 'BRANG GI LUGS GCIG DANG, 'GREL PA SKOR GSUM RGYA GAR DU MA PHEBS PA'I GONG DU BYUNG BA'I RGYA GAR BA'I BSHAD SROL LO, ,PHYI MA LA BOD DU 'GYUR BA'I 'GREL PA MANG DU YOD PA LAS, 'DIR NI MTSO SKYES DANG dOM BI HE RU KA'I BSHAD SROL 'DZIN PA MI THUB ZLA BA'I 'GREL PA LA SHAS CHER BRTEN PA'I LUGS SO, ,DE LA RGYUD 'DI'I DE KHO NA NYID KYI LTA BA LA 'GREL TSUL GNYIS LAS, SH'ANTI PA RJES 'BRANG DANG BCAS PAS, SEMS TZAM DU BKRAL BA DANG, MTSO SKYES, MI THUB ZLA BA, BHA BA BHA DRA SOGS KYIS DBU MAR BKRAL BA GNYIS LAS, 'DIR NI DBU MA'I LUGS SU BYED LA, DE NYID RGYUD KYI DGONGS PA YIN TE, RTZA RGYUD LAS, DE KHO NA NYID STON PA'I SKABS THAMS CAD DU, SHER PHYIN GYI MDO DANG, DE'I DGONGS 'GREL KLU SGRUB KYI GZHUNG RNAMS LAS 'BYUNG BA BZHIN DU, RNAM PAR MA PHYE BAR NGO BO NYID

MED PAR GSUNGS SHING DE'I SKABS GANG DU'ANG NGO BO NYID GSUM DU PHYE NAS, KUN BRTAGS TZAM RANG GI MTSAN NYID KYIS MED LA, GZHAN GNYIS RANG MTSAN GYIS YOD PA'I PHYOGS ZUR TZAM YANG MA BYUNG BA'I PHYIR DANG, 'DIR BSHAD RGYUD GUR LAS KYANG, KUN RDZOB TU NI 'JIG RTEN YOD, ,DPYAD PAS GANG NA'ANG 'JIG RTEN CI, ,RTAG TU 'JIG RTEN LDAN PAR 'JUG ,BYANG CHUB TSUL 'DI BSTAN PA'O, ,ZHES BDEN PA GNYIS SU YOD MED KYI TSUL NGO BO NYID MED PAR SMRA BA'I LUGS JI LTA BA BZHIN DU MDZAD PA'I PHYIR DANG, 'DI'I GDUL BYA'I GTZO BO NI PHAR PHYIN THEG PA'I GDUL BYA'I GTZO BO LAS KYANG DBANG NGO RNO BA'I PHYIR DANG, SEMS TZAM YANG DRANG BA'I DON DU BZHAG NUS PA'I PHYIR RO, ,'O NA 'DI'I LUGS DE THA SNYAD DU PHYI ROL GYI DON YOD MED GNYIS DANG, RNAM SHES TSOGS BRGYAD DANG DRUG TU SMRA BA GANG GI LUGS YIN SNYAM NA, 'DI LA MTSO SKYES DANG, MI THUB ZLA BAS GSAL BAR MA BSHAD LA, BHA BA BHA DRAS RNAL 'BYOR SPYOD PA'I DBU MA PA'I LUGS SU 'GREL TE, MAN SNYER YANG DE BZHIN DU 'GREL LO, ,'DI LA GUR GYI DRUG PA LAS, RIN CHEN SEMS LAS PHYIR GYUR PA, ,SANGS RGYAS MED CING SEMS CAN MED, ,GNAS PA'I DON DANG RNAM SHES DAG ,PHYI ROL GYUR PA 'GA' YANG MED, ,KHAMS GSUM NA NI DBANG PHYUG CHE, ,SANGS RGYAS KUN NYID YID KYIS BYED, , KHAMS GSUM NA NI RGYAL CHEN PO, ,SEMS NYID GCIG PUS 'THOB PAR 'GYUR, ,GZUGS DANG SGRA DANG DE BZHIN DRI, ,RO DANG REG BYAR SKYES PA'I DNGOS, ,RIN CHEN SEMS 'DIR BRJOD NYID DE, ,CHOS DBYINGS MCHOG TU ZHI BA'O, ,GZUGS DANG

, ,TSOR DANG 'DU SHES DANG, ,'DU BYED DANG NI RNAM SHES NYID, ,THAMS CAD SEMS 'DI'I DNGOS PO LAS, ,THUB PAS GZHAN DU MA GSUNGS SA, ,ZHES DANG, YUL DANG DBANG PO'I RANG BZHIN NI, ,SEMS LAS PHYI ROL GYUR MED KYANG, , GZUGS SOGS SO SOR SNANG BA RNAMS, ,SEMS NYID KHO NA SNANG BA YIN, ,DE NAS PHYAG NA RDO RJE BYANG CHUB SEMS DPA' SEMS DPA' CHEN POS DE BZHIN GSHEGS PA RNAMS LA ZHUS PA, BCOM LDAN 'DAS DE BZHIN GSHEGS PA THAMS CAD, STONG PA MA YIN PA'I PHYI ROL GYI DON DU SEMS STANG PA DE JI LTAR SNANG BAR 'GYUR BA LAGS, DE BZHIN GSHEGS PA RNAMS KYIS GSUNGS PA, THOG MA MED PA'I SRID RGYUN NAS, ,PHYI YI DON DU BTAGS PA STE, ,THAMS CAD SEMS KYI RNAM 'PHRUL ZHING, , SEMS NYID KUN TU SONG BA'O, ,ZHES GSUNGS PA RNAMS KYIS PHYI DON BKAG NAS, SEMS TZAM ZHIG TU BSHAD PAR 'DOD PA SNANG MOD KYANG, GZHUNG GI DON MIN TE, LUNG PHYI MA'I SNGON DU, AE MA HO CHOS KYI BSTAN PA NI, ,CHOS RNAMS THAMS CAD STONG PA LA, ,YANG DAG DNGOS GRUB RAB GNAS GANG, ,CHU SHING SNYING PO MED PA LA, ,SNYING PO 'BRAS BU ROR LDAN ZHING, ,DE BZHIN SNYING PO MED LUS LA, ,BDE BA'I 'BRAS BU DNGOS GRUB GNAS, ,NAM MKHA' 'BYUNG BA THAMS CAD DANG, ,CHOS RNAMS KUN GYI GZHIR 'GYUR BZHIN, ,MKHA' BZHIN DAG PA'I SEMS NYID KYANG, ,BDE MCHOG DAG PA'I SEMS NYID DE, ,YUL DANG DBANG PO'I RANG BZHIN NI, ,ZHES NAM MKHA' STONG PA 'BYUNG BA LA SOGS PA'I CHOS KUN GYI GNAS SU 'GYUR BA BZHIN DU,

SEMS RANG BZHIN GYIS STONG PA'ANG CHOS KUN GYI GZHIR GSUNGS PAS, DE'I CHA NAS SEMS CHOS KUN GYI GZHIR GSUNGS PA DANG, YANG THA SNYAD DU SEMS 'KHOR 'DAS KUN GYI BYED PA PO YIN PA LA'ANG DGONGS TE, THAMS CAD SEMS KYI RNAM 'PHRUL ZHING, , SEMS NYID KUN TU SONG BA'O, ,ZHES PAS SHES SO, ,LUNG SNGA MA'I GONG DU'ANG, SKYE 'DIR SANGS RGYAS MCHOG NYID DU, ,SEMS BSGOMS PAS NI SANGS RGYAS SO, ,RIN CHEN SEMS LAS ZHES SOGS GSUNGS PAS, 'KHOR 'DAS KUN LA SEMS GTZO BOR BSGRUB PA YIN GYI, PHYI ROL 'GOG PA MIN LA, THOG MA MED PA NAS PHYI ROL TU MNGON PAR ZHEN PA'I DBANG GIS, SEMS LUS CAN GYIS STONG PA DE LUS CAN GYIS MI STONG PA'I PHYI ROL TU SNANG BAR GSUNGS PA LA, MNGON ZHEN GYI BAG CHAGS KYI DBANG GIS, MA DAG PA'I SNOD BCUD DU SNANG BA 'BYUNG BA PHYI ROL YOD PAR SMRA BA'I LUGS KYANG YIN PAS NA MI GNOD DO, ,SEMS NYID KHO NA SNANG BA YIN, ,ZHES GSUNGS PA'ANG DBANG SHES LA GZUGS SOGS SNANG BA NA, RNAM MED DU SNANG BA LTAR MI SNANG BAR RNAM BCAS PA LTAR SNANG BAR STON PA'O, ,GNAS PA'I DON DANG ZHES SOGS NI, SEMS KYIS BTAGS PA TZAM LAS PHYI ROL TU GYUR PA 'GOG GI ,THA SNYAD DU PHYI ROL MI 'GOG GO ,DE BZHIN DU RTZA RGYUD LAS, SEMS NI CHEN PO GCIG NYID LAS 'BYUNG BA LTAR 'JOG ,CES SOGS GSUNGS PA RNAMS KYANG SNGAR BSHAD PA RNAMS KYIS SHES PAR BYA'O, ,DE LTAR NA SEMS KYI RANG BZHIN STONG PA NYID LAS PHYI ROL TU GYUR PA MED PA DANG, THA SNYAD DU CHOS RNAMS KYI BYED PA PO LA GZUGS

, ,SEMS GNYIS KYI NANG NAS SEMS GTZO BO YIN PA DANG, SEMS KYIS BTAGS PA TZAM LAS PHYI ROL DU GYUR PA MED PA SOGS LA BSAMS NAS SEMS LAS PHYI ROL TU GYUR PA MED PA DANG, GZUGS SOGS SEMS TZAM DU GSUNGS PA'I GSUNG RAB RNAMS KYI DON SHES PAR BYA'O, ,RGYUD LA MTSAN GYI DON DANG, MTSAN DE LDAN GYI GZHUNG GNYIS SO, ,DE LA GNYIS, GLENG GZHI DANG, DE LA BRTEN NAS 'BYUNG BA'I CHOS SO, ,DANG PO LA SDUD PA PO DANG, STON PA NGO BO THA DAD KYI TSUL DANG, THA MI DAD KYI TSUL GYIS BSHAD PA GNYIS SO, ,DANG PO NI, THOS PAS KHYAD GZHIR BYA'O, ,DE'I KHYAD PAR GYI CHOS LA LNGA LAS, GANG THOS PA NI 'DI SKAD KYIS STON TE, DE BZHIN ZHES PA NAS ZE'U 'BRU LA NI A'I RNAM PA'O ZHES PA'I BAR TE KHA SBYOR GYI DGONGS PA'O, ,YANG 'DI SKAD CES PA THAS TSUL LA'ANG MANG PO BSHAD DE, DON NI SGRO SKUR DANG BRAL BAR 'OG NAS 'BYUNG BA LTAR RO, ,BDAG GIS ZHES PA NI SDUD PA PO STE 'DI RDO RJE SNYING PO YIN PAR KU MU tI DANG BHA BA BHA DRAS SO, ,GANG GI CHE THOS PA NI, DUS GCIG STE, CHOS RNYED DKA' BA DANG, SDUD PA PO THOS PA MANG BA DANG, BSAM MI KHYAB KYI RNAM THAR THOB PAR STON PA GSUM DU BSHAD DO, ,GANG LA THOS NA, BCOM ZHES PA STE, BHA GA WAN GYI SGRA SNGA MA SKAL PA DRUG DANG, MI MTHUN PHYOGS BCOM PA GNYIS LA DRANG DU RUNG ZHING, LDAN PA NI DE GNYIS DANG LDAN PA'O, ,'DAS PA NI BOD KYI MKHAS PAS BSNAN PA'O, ,DE LAS THOS ZHES PA'I RNAM DBYE LNGA PA LA, DE LA THOS ZHES BDUN PA'I

PA'I SPRA'O, ,THOS ZHES PA NI RGYUD DON THAMS CAD MNGON DU GYUR PA GCOD LA, BDAG GIS STON PA LA THOS PAR BSTAN PAS, BRGYUD NAS 'ONGS PA'ANG GCOD DO, ,GANG DU THOS PA NI, GZHUNG LHAG MAS STON PA'I SKU GSUNG THUGS KYI NI RIGS LNGA DANG SNYING POS NI DE DAG GI RGYU DANG MCHOG TU GYUR PA'I DE BZHIN GSHEGS PA DRUG PA'O, ,DE LTAR DRUG GI RIGS LNGA'I RDO RJE BTZUN MO SPYAN SOGS BZHI DANG, BDAG MED MA LNGA NI BTZUN MO'O, ,BHA GA NI GTZO BO DE RNAMS KYI LONGS SPYOD PA'I GNAS SAM, KHYIM STE, BSHAD PA DANG PO 'DIR GZHAL YAS KHANG GI RTEN CHOS 'BYUNG YIN LA, DE'I DBUS KYI GZHAL YAS KHANG NA BZHUGS PA LA THOS SO, ,SNYING PO DANG BHA GA RNAMS ZHES KU MU tI RA YOD LA, MAN SNYER YANG STE, DENG SNYING PO'I SGRA DPE KHA CIG LA MED PA MA DAG PAR BSHAD CING, BHA BA BHA DRAS KYANG MANG TSIG GI DON BSHAD DO, ,SDUD PA PO DANG STON PA PO THA MI DAD KYANG, SAm BHU tI LAS, 'CHAD PA PO DE ZHES SOGS KYIS BSHAD DO, ,'DI LA'ANG GZHUNG LHAG MA'I DON NI SNGAR DANG 'DRA LA, SDUD PA PO GZHAN MED PAR GSUNGS PA NI, RGYUD GZHAN PA DANG DMAN MCHOG YOD PA 'GOG GI SDUD PA PO MED PAR STON 'DOD PA NI GTAN MIN NO, ,BSHAD PA DE GNYIS SNGON 'BYUNG RNAM 'PHRUL LTAR BSHAD PA YIN LA, RJES 'JUG NYAMS LEN LA NI BSKYED RIM STON PAR BOD DAG 'CHAD DE, KU MU tI DANG MTSO SKYES DANG, BHA BA BHA DRA SOGS KYIS MA BSHAD KYANG RUNG NGO, ,BSHAD PA GNYIS PA LA AE YIG SA RU SHES PAR BYA, ZHES SOGS DRANGS TE BSHAD PA NI, YI GE DANG PO ? BZHI'I BSHAD PA

, ,YIN LA, RDZOGS RIM DANG SBYAR NA 'KHOR LO BZHI LA BRTEN PA'I GTUM MO BSGOM PA LA BSHAD DU RUNG NGO, ,DE'I TSE RDO RJE BTZUN MO'I BHA GA NI RTZA 'KHOR BZHI LA BYA, SRA BA'I CHOS KYI SA NYID DE, ,ZHES SOGS DRANGS PA NI LAS RGYA'I SKABS SO, ,STON PA NI YI GE BZHI'I NGO BO NYID BCOM LDAN 'DAS KYI NGO BOR BSHAD PAS KU MU tI'I DGONGS PA LHAN SKYES LA BSHAD NA BDE'O, ,YANG NA ZHES BSHAD PA GSUM PA LA, KHA SBYOR GYI AE BAm GNYIS KYI DON BSHAD PA DRANGS PAR, BUD MED LA NI AE MDZES PA, ,DE NI BAm GYIS RNAM PAR BRGYAN, ,CES DRANGS PA NI, DA LTA 'GYUR PA LA MI SNANG ZHING, MAN SNYER YANG DE MI 'DON PAS DPE KHA CIG LA MED PAR GSAL LO, ,DE DAG GI DON NI SNGAR GYI BSHAD PA GZHAN DOR NAS RTZA 'KHOR GNYIS 'CHAD PA'O, ,GNYIS GNYIS SU NI BRJOD PA NYID, ,BDAG GIS THOS PAS 'DOD CHAGS CHE, ,MTSON 'GYUR 'DI LA YANG DAG GNAS, ,ZHES DRANGS PA NI DA LTA 'GYUR BA LA, BDAG GIS THOS PA ZHES BYA BA NI, DE SKAD DU 'DOD CHAGS CHEN PO 'DI LA RTAG TU GNAS PA'O, ,SHRU ZHES BYA BA NI 'DZAG PAR GSUNGS PA'O, ,TRA ZHES BYA BA NI GANG YANG BDE BA CHEN PO'I MGON PO'O, ,ZHES PA 'DI YIN LA, DE'I DON NI MAN SNYER AE BAm GYI DON LHAN SKYES KYI CHAGS CHEN GYI RGYUD KYI DBU ZHABS THAMS CAD KYI DON DU GNAS PA LA BSHAD DO, ,SHRU DANG TRA'I DON BSHAD PA KU MU tIR MA BYUNG YANG, BSHAD PA GSUM PA'I 'CHAD LUGS YIN PAS 'DIR BLANG NGO, ,SRA BA'I CHOS KYI ZHES SOGS KYIS LAS RGYA'ANG BSTAN PAS, RDO RJE BTZUN MO

SPYAN SOGS BZHIS NI NANG GI RTZA 'KHOR DANG, PHYI'I LAS RGYA GNYIS STON NO, ,DUS GCIG NA LA GSUM BSHAD PA'I SNA NI MI'I SNA STE, SKYES PA DANG BUD MED KYI DH'U T'I'I MAR SNA DANG, DE'I 'O MA'I RGYUN BZHIN DU 'ONG BA'I BYANG SEMS 'DZAG PA BDE BA'I DUS DANG, PHYI ROL TU 'PHOS PA NI 'GRO BA STE GDUNG BAR BYED PAS ME DANG 'DRA BA LA MAN SNYER BSHAD DO, ,MTSO SKYES LTAR NA DE'I 'GREL PAR, PHYI DANG GSANG BA DE BZHIN NANG, ,DE BZHIN NYID DON RNAM PA BZHI, ,DKYIL 'KHOR LAS KYI PHYAG RGYA DANG, , LUS DANG RANG BZHIN MED RNAMS SO, ,ZHES BHA GA LA BZHI GSUNGS PA'I PHYI'I BHA GA'I DKYIL 'KHOR LA BSHAD PA NI SNGON BYUNG LTAR BSHAD PA DANG DON 'DRA'O, ,GSANG BA LAS KYI PHYAG RGYA'I BHA GA LA BSHAD NA THOS PA NI BTZUN MO'I BHA GA LAS 'DZAG PA'O, ,BI NI SNA TSOGS PA DANG, DZA HA RA NI 'PHROG PA'I DON DU BSHAD DO, ,LAS RGYA'I BHA GA LA BRTEN NAS BYANG SEMS 'DZAG PAS, RNAM RTOG SNA TSOGS 'PHROG PA'I LHAN SKYES SKYE BA LA BYA'O, ,BSHAD PA DE LA AE BAm MA YA DANG, DUS GCIG DANG, BCOM LDAN 'DAS LA BSHAD PA MA BYUNG YANG, GZHAN RNAMS NI BSHAD RGYUD SNGAR DRANGS PAS SHES PAR BYA, STON PA NI HA RA'I DON DANG DON GCIG PAR BYA DGOS PA 'DRA'O, ,BSHAD PA GSUM PA NANG LUS KYI BHA GA LA BSHAD NA, AE BAm MA YA NI 'KHOR LO BZHI DANG, SHRU TRA NI 'DZAG PA DANG 'KHOR LO BZHI LA BZHUGS PAR BSHAD PA TZAM LAS MA BYUNG YANG, 'KHOR LO BZHI LA BRTEN PA'I GTUM MO BSGOM PA SLOB DPON 'DI YIS SGRUB THABS SU BSHAD PA LTAR BYA'O, ,BSHAD PA

, ,BZHI PA LA, AE BAm NI YANG DAG PAR SBYOR BA DANG, BDAG GIS NI BDAG TU 'DZIN PA DANG, THOS PA NI 'DZAG PA DANG, DUS GCIG NI THAMS CAD KYI THUN MONG MA YIN PA'I SKAD CIG LA BSHAD PA TZAM LAS MA BYUNG NGO, , BSHAD PA LNGA PA LA 'DI SKAD BDAG GIS NI TSANGS PA'I GNAS BZHI LAS SO, ,THOS PA NI BYUNG BA DANG, BCOM LDAN 'DAS NI BDE BA CHEN PO DANG, BHA GA LA BZHUGS PA NI STONG PA NYID KYIS SO, ,ZHES BSHAD PA'I SNGA MA DE BZHIN NYID LA BSHAD PA DANG, PHYI MA 'BRAS BU LA SBYOR BA YOD KYANG, MI 'BYOR BAS SNGA MAS NI TSANGS PA'I GNAS BZHI'I NGO BO 'KHOR LO BZHIR GNAS PA'I AA HAm YANG DAG PAR SBYAR BAS, BYANG SEMS 'DZAG PA LA BRTEN NAS, BDE CHEN GYI LHAN CIG SKYES PA'I BDE BA, STONG NYID KYI DON LA ZHUGS PA NYID KYIS BZHUGS PA NI BSGRUB BYAR BZHED PA'I DON NO, ,DE LTAR BYAS NA BSHAD PA DANG PO'I DON GYIS RGYUD SMIN PAR BYAS, DE NAS NANG GI 'KHOR LO BZHI LA BRTEN PA'I GTUM MO BSGOM PA DANG, GSANG BA PHYAG RGYA LA BRTEN PA GNYIS NI SGRUB BYED YIN LA, BSGRUB BYA NI LHAN SKYES KYI BDE STONG SBYOR BA YIN NO, ,ZHES PAR 'GYUR TE SHIN TU LEGS SO, ,BSGRUB BYA BDE STONG SBYOR BA'I RANG BZHIN MED PA'I STONG PA NI, LE'U LNGA PAR GZUGS MED NAS SEMS LAS BYUNG BA'ANG MED CES PA'I BAR GYIS GSUNGS PA LTAR YIN LA, DE'ANG MTSO SKYES KYIS MTHONG BA PO LA SOGS PAS, MIG NAS LUS DBANG GI BAR LNGA DANG, GANG ZAG KYANG MED PA DANG, CHOS KYI SKYE MCHED KYANG SDUD DO, ,MED TSUL NI NGO ? BOS

MED PA LA BSHAD DE, GANG ZAG DANG CHOS LA RANG BZHIN GYIS GRUB PA MED DO, ,DE LTAR DBU MA'I LTA BAS GTAN LA PHAB PA'I STONG NYID DE'ANG BSGOM PA NA, LHAN SKYES KYI BDE BA CHEN POS BSGOM DGOS PAS, BDE BA DE 'DREN PA'I THABS NI, SNGAR BSHAD PA'I NANG DANG GSANG BA'I SGO NAS LUS LA GNAD DU BSNUN PA GNYIS YIN NO, ,RGYUD 'DIR RTZAL DU BTON NAS 'CHAD PA NI, LHAN SKYES KYI BDE STONG SBYOR BA YIN PAR GZHUNG GI CHA DU MA ZHIG LAS SHES LA, KHYAD PAR DU 'JIG RTEN 'DI DANG PHA ROL DU, ,DE MED PAS NI DNGOS GRUB MED, ,GANG GIS MI SHES KYE RDO RJE, ,DE YI NGAL BA DON MED 'GYUR, ,ZHES GSUNGS PA LAS KYANG SHIN TU GSAL BAS, BCOM LDAN 'DAS BHA GA LA BZHUGS PAR STON PA'I GLENG GZHI'I SKABS SU, BDE STONG SBYOR BA LA NGES PA CHEN PO STER BA GRUB CHEN MTSO SKYES KYIS BSHAD PA 'DI 'DRA ZHIG NGES PAR DGOS SO, ,'DIR MU TIG PHRENG BA LAS, GLENG GZHI'I TSIG GIS GSANG CHEN BSTAN PA 'GOG PA LA, DANG POR BSTAN PA DANG, 'OG TU 'CHAD PAR 'GYUR BA DANG, YI GE'I DON LA MA ZHUGS PA'I PHYIR, 'CHAD 'GYUR GYI DON GZHAN LA DON GZHAN GYI TSIG GIS NAN GYIS SBYOR BA NI, RMONGS PA NGO MTSAR BSKYED PA'O, ,ZHES BSHAD PAS NI MTSO SKYES KYIS GLENG GZHI RDZOGS RIM LA SBYAR BA 'GOG CES KHOD KHA CIG SMRA'O, ,RGYUD 'DIR THOG MAR BYUNG BA'I GLENG GZHI'I TSIG RNAMS RGYUD RGYAS PA LAS BKOL BA'I MGOR, RGYAS PA'I GLENG GZHI YANG BKOL NAS SBYAR BA DANG, RGYUD RGYAS PA LAS GZHAN PA'I BSDUS RGYUD KYI MGOR GLENG GZHI GSUNGS PAR

, ,'DOD PA DANG, GZHAN DAG NI 'DI GSANG CHEN MCHOG GI DON GZHAN YIN NO, ,ZHES ZER RO, ,ZHES BSHAD PAS 'DI SKAD BDAG THOS SOGS GLENG GZHI'I DON DU MI 'CHAD PAR RDZOGS RIM STON PA LA SBYOR BA 'GOG PAR 'DUG GO ,'ON KYANG RGYU MTSAN GSUM PO LA BRTAGS NA, 'DI SKAD SOGS KYI DON LA RDZOGS RIM GYI DON LA BSHAD PA BYED PA'ANG 'GOG PA 'DRA BA ZHIG 'DUG STE DGONGS PA GZHAN YOD MCHIS MED PAR DE LTAR BZHED NA NI SHIN TU MI RIGS TE, 'DUS PA'I GLENG GZHI LA DGONGS PA LUNG STON DANG, RDO RJE PHRENG BAS RDZOGS RIM GYI DON DU MA ZHIG BSHAD PA'I PHYIR DANG, KHA SBYOR LAS KYANG DE LTAR GSUNGS PA'I PHYIR DANG, GSANG BA GRUB PA DANG DE NYID GSAL BA LAS KYANG RDZOGS RIM LA SBYAR NAS DU MA ZHIG BSHAD PA'I PHYIR DANG, RGYU MTSAN GSUM PO LA'ANG BZLOG NA GNOD PA CAN GYI TSAD MA MED PA'I MA NGES PA'I RTAGS SU 'DUG PA'I PHYIR DANG KHYAD PAR DU YI GE'I DON LA MA ZHUGS PAS GZHUNG DE'I DON MIN PA DANG, DE LTAR 'CHAD PA RMONGS PA NGO MTSAR BSKYED PAR SMRA BA LTAR NA, YE SHES RDO RJE KUN LAS BTUS NAS GSUNGS PA'I TSUL BZHI'I BSHAD PA DANG, MTHA' DRUG GI DRANG NGES GNYIS DANG, SGRA JI BZHIN MIN PA DANG, DGONGS BSHAD THAMS CAD KYANG DE LTAR THAL BAR 'GYUR RO, ,GNYIS PA DE LA BRTEN NAS 'BYUNG BA'I CHOS LA BRTAG PA SNGA PHYI GNYIS KYI DANG PO LA, BRTAG PA SNGA PHYI GNYIS KYI DANG PO'I LE'U DANG PO LA GNYIS KYI ZHU BA NI, 'DIR MA BYUNG YANG DGOS TE, 'OG NAS LEGS SO LEGS SO ZHES SOGS KYIS SHES SO, ,ZHES BOD KYI BLA MA KHA CIG GSUNG

STE, KU MU tI DANG MTHUN NO, ,JI LTAR ZHUS PA NI, RDO RJE SNYING POS STAN LAS LANGS TE, BLA GOS PHRAG PA GCIG TU GZAR NAS PUS MO GA-YAS PA'I LHA NGA SA LA BTZUGS TE, THAL MO SBYAR BA BYAS NAS BCOM LDAN 'DAS LA 'DI SKAD CES GSOL TO, ,YE SHES KYI DBANG PO DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO RJE BTZUN GSANG BA'I YANG SHIN TU GSANG BA'I GLANG GZHI'I TSIG GSUNGS PA NYAN PAR 'TSAL NA, SKU NI GANG GSUNG NI GANG THUGS NI CI LAGS, DE NYID GSANG BA GSUM PO 'DI RNAMS KYI'ANG SNYING PO SHIN TU CHES GSANG BA DE GANG LAGS, DE'I PHYIR BCOM LDAN 'DAS KYIS BSHAD PAR RIGS LAGS SO, ,ZHES PA'I TSUL GYIS ZHUS PAR KU MU tI LAS 'BYUNG NGO, ,LAN LA BSHAD PAR DAM BCA' BA DANG, DON DNGOS SO, , DANG PO NI, DE BZHIN NAS NYON CIG CES PA'I BAR RO, ,'DIR PADMA CAN, MU TIG PHRENG BA, BHA PA BHA DRA'I 'GREL BA RNAMS NAS, DER DE BZHIN GSHEGS PA THAMS CAD CES 'BYUNG GI ,DE NAS ZHES PA MED LA, KU MUR tIR DE NAS DE BZHIN GSHEGS PA ZHES 'BYUNG NGO, ,DER ZHES PA LTAR NA BKA' STZAL PA'I GNAS SO, ,DE NAS ZHES PA LTAR NA ZHUS PA'I RJES DE NAS SO, ,GSANG BA GNYIS DANG RJE BTZUN LA KU MU tIR BSHAD PA MA BYUNG LA, PADMA CAN LAS GSANG BA NI RDO RJE GSUM DANG CHES SHIN TU GSANG BA NI, GSANG BA GSUM GYI SNYING PO RDO RJE SEMS DPA' 'BRAS BU NYID LA BSHAD DO, ,MU TIG PHRENG BAR GSANG BA NI GSANG SNGAGS KYI LHA RNAMS KYI SKU GSUNG THUGS KYI RDO RJE NI DAD PAR DKA' BA DANG, SHIN TU GSANG BA NI DRAG PO DANG CHAGS

, ,BA DANG LDAN PA DANG, RJE BTZUN NI MCHOG GI LHA DANG, AE MA HO NI RDOR SNYING RDO RJE'I RIGS CAN YIN PAS RIGS DE RNYED DKA' BAS NGO MTSAR BA DANG, GZHAN DON LA SEMS PA'I SNYING RJE CHEN PO DANG, RANG LA PHAN PA'I BSAM PA CAN GYI BYANG CHUB SEMS DPA' NI SKYES BU'I MCHOG TU GZIGS NAS LEGS SO GNYIS GSUNGS PAR BSHAD DO, ,ZHU BA LA DGYES PA'I DON DU MI 'CHAD DO, ,BHA BA BHA DRAS RJE BTZUN NI YI DAM 'GRO BA KUN GYI BLA MAR GYUR PA DANG, GSANG BA GNYIS NI RIM PA GNYIS LA BSHAD DO, ,AE MA HO NI NGO MTSAR BA'O, ,LEGS SO GNYIS NI NGO MTSAR BA DANG RTZOD PA DANG ZHES SOGS LTAR RO, ,SEMS DPA' GSUM NI RIM PA BZHIN DU SKU GSUNG THUGS YIN LA, DE'ANG RIM PA BZHIN DU PHYAG GNYIS PA DANG, PHYAG BZHI PA DANG, PHYAG DRUG PA STE, DE GSUM DANG 'BRAS BU SNYING PO NYON CIG CES BSHAD DE, SNYING PO KYEE RDO RJE NI PHYAG BCU DRUG PA'O, ,LAN DNGOS NI, SKU GSUNG THUGS NI RAB TU GRAGS BAS GRUB PAS, DE GSUM GYI SGRA DON LA MA ZHUS PAR, DE GSUM GYI MTSAN GZHAN GYI SGRA DON ZHUS PA'I SGO NAS, YON TAN GYI KHYAD PAR SHES PAR 'DOD NAS ZHUS PA NI, GANG PHYIR ZHES PA GSUM MO, ,DE DAG GI LAN STON PA NI GZUGS BRNYAN LA SOGS PA LTAR RANG BZHIN MED PA'I STONG NYID NI, MTSAN 'DZIN GYIS MI PHYED PA'I PHYIR RDO RJE'O, ,YUL DE DANG GNYIS SU MED PAR MNYAM PA NYID DU ZHUGS PA'I NGO BOS, SRID PA GSUM GYI DNGOS PO THAMS CAD GCIG PA STE RO MNYAM PA NYID DU GYUR PA'I YE SHES NI, SEMS DPA' STE RKANG PA GNYIS KYI

SKU RDO RJE NI RDO RJE SEMS DPAR GSUNGS SO, ,YE SHES DANG CHEN PO GZHI MTHUN YIN LA, DE'ANG YE SHES LNGA RNAMS SO, ,DE'I PHYIR SANGS RGYAS LNGA'O, ,RO NI KHA BA SOGS DRUG DANG, DE DANG YE SHES CHEN PO GNYIS KYANG GZHI MTHUN PAS TE GUR LAS, KHA BA DANG TSA BA GNYIS RDO RJE MI BSKYOD PA DANG, MNGAR BA RNAM SNANG DANG, SKYUR BA RIN 'BYUNG DANG, LAN TSVA 'OD DPAG MED DANG, RO THAMS CAD DAM BSKRA BA NI DON GRUB KYI RIGS SU BSHAD LA, RO LONGS SPYOD PA'I GNAS NI MGRIN PA YIN PA'I PHYIR RO, ,ROS GANG BA'I GSUNG RDO RJE NI SEMS DPA' CHEN POR GSUNGS SO, ,DAM TSIG NI BSKYANG BAR BYA BA STE, DE LA'ANG GNYIS LAS BSRUNG BA'I DAM TSIG BZHI DANG, BZA' BA'I DAM TSIG BCUD LEN TE, ,BDUD RTZI LNGA BSTEN PA LA 'DRIS PA DANG, GOMS PAR BYED PA NI, RTAG TU DAM TSIG LA SPYOD PA'O, ,DE'I PHYIR THUGS RDO RJE NI DAM TSIG SEMS DPA' 'O, ,DAM TSIG BZHI NI RNAM SHES LNGA YUL LNGA LAS BSRUNGS PA DANG, PHUNG PO LNGA 'DUS PA DANG, KHAMS BZHI 'DUS PA DANG, BYANG CHUB KYI SEMS LA GOMS PA'I DAM TSIG TU KU MU tI LAS 'CHAD DO, ,SEMS DPA' GSUM GYI DRIS LAN NI, PADMA CAN DANG MU TIG PHRENG BA DANG BHA BA BA DRA DANG, NAG PO PA'I 'GREL PA RNAMS SU RIM PA BZHIN DU CHOS SKU DANG LONGS SKU DANG SPRUL SKU GSUM LA 'CHAD PA NYID LEGS SO, ,SHES RAB 'DI YIS RDO RJE SEMS DPAR BRJOD CES PA'I BSHAD PA NI, RIGS PAS ZHES BYA STE CHOS KYI SKU'O, ,YANG NA NGES PAR 'BYED PA 'DIS SHES RAB DANG RIG PA NI SBYOR BA STE SNYING RJE'O, ,YE SHES NI THABS DANG SHES RAB KYI BDAG NYID DO, ,DE'I ROS GANG BA NI LONGS SPYOD RDZOGS

, ,SKU'O, ,CHEN PO NI BYANG SEMS RNAMS KYIS RTOGS PAR BYA BA'O, ,DAM TSIG NI YANG DAG PAR 'GRO BAR BYED CING THOB PAR BYED PA STE, GDUL BYA RNAMS KYI DON GYI PHYIR RAB TU 'JUG PA'I DAM TSIG SEMS DPA' NI SPRUL SKU'O ZHES PADMA CAN LA'O,, SNYING PO DRIS LAN GYI DRI BA LA, MTSAN BSDUS PA'I DON DRIS PA NI, MING ZHES PA GNYIS SO, ,KYEE RDOR GYI MTSAN SO SOR PHRAL BA'I DON DRIS PA NI HE'I RNAM PAS ZHES PA GNYIS SO, ,'DIR KU MU tI LAS, SNGAR GYI SEMS DPA' GSUM GYI SKU GSUNG THUGS GRUB PAS DE LAS GZHAN PA'I KYEE RDO RJE ZHES PA'I MTSAN 'JUG PA'I RGYU MTSAN GANG YIN SNYAM NAS BRIS PA DANG, DE'I LAN DU SEMS CAN THAMS CAD LA SNYOMS SHING NYI TSE BA LAS CHE BAS SEMS CAN THAMS CAD SKYOB PAS SNYING RJE CHEN PO DANG, NGES PA RNYED PAS THE TSOM CHOD PA'I SHES RAB NI RDO RJE DANG HE'I DON SNGAR BSHAD PA LA BLTOS NAS YANG GI SGRA SBYAR RO, ,DE 'DRA BA'I SHES RAB DANG SNYING RJE'ANG SKU GSUM TZAM DU 'GYUR BAS DE LAS GZHAN PA'I DE RNAMS KYI SNYING PO MED PAS SNYING PO KYEE RDO RJE NYON CIG CES PA MI 'THAD DE, SKU GSUM LAS GZHAN PA'I SANGS RGYAS MED CING, SKU GSUM 'DUS PA TZAM LA SANGS RGYAS SU 'JOG PA'I PHYIR TE, 'DUS PA LAS, SKU GSUNG THUGS NI RNAM PA GSUM, GSANG BA ZHES NI MNGON PAR BRJOD, ,SANGS RGYAS THAMS CAD CES BYA BA, ,'DUS PA TSOGS PAR GSUNGS PA NYID, ,CES BSHAD PA'I PHYIR RO ZHE NA, DE NI MA YIN TE, 'DUS PA DER SKU GSUM BSDUS PA'I PHYIR, THABS KYI YAN LAG 'BA' ZHIG GSUNGS KYI, SHES RAB KYI YAN LAG NI MA YIN NO, ,'DIR NI THABS DANG LDAN ZHING

DMIGS PA MED PA'I PHYIR SKU GSUM LAS 'DAS PA SHES RAB KYI YAN LAG GI SNYING PO GSUNGS SO, ,DE BAS NA, DE YI YAN LAG GNYIS BRTEN PA, KYEE RDO RJE KHYOD NYON CIG ,CES BYA BA NI MDZES PA'O, ,DE BZHIN DU BSHAD PA'I RGYUD DU SNYING RJE SHES RAB DAG NI DMIGS PA MED PA NYID LA'ANG GSUNGS PA, SPROS PA MED PA'I RANG BZHIN NYID, ,SHES RAB CES NI YONGS SU GRAGS, ,YID BZHIN NOR LTAR MA LUS PA'I, ,SEMS CAN DON MDZAD SNYING RJE NYID, ,DMIGS MED GNAS SU SHES RAB DANG, ,DMIGS MED SNYING RJE CHEN PO NYID, ,BLO DANG LHAN CIG GCIG GYUR PA, ,NAM MKHAR NAM MKHA' JI LTA BA'O, ,ZHES 'CHAD DO, ,DE LTAR 'CHAD PA NI THABS SGYU LUS DANG, SHES RAB LHAN SKYES GNYIS KYI NANG NAS 'DUS PAR SNGA MA GTZO CHER BSTAN LA, 'DIR NI PHYI MA GTZO CHER BSTAN PAR 'DOD NA NI RUNG GI ,DE LTAR MA YIN PAR 'DUS PAR THABS TZAM DANG, 'DIR DE GNYIS KA BSTAN PAR 'DOD NA NI MI RIGS TE, GSANG BA 'DUS PA RNAL 'BYOR GYI RGYUD CES PA'I RNAL 'BYOR GYI DON BSHAD PA NA, RGYUD PHYI MA LAS, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,ZHES GSUNGS PA'I PHYIR DANG, GNYIS SNANG MED PA'I DMIGS MED KYI SHES RAB LA 'DOD NA NI, 'DUS PAR STONG PA BZHI'I SGO NAS GNYIS SNANG DAG TSUL BSHAD PA 'DRA BA 'DIR MED PA'I PHYIR RO, ,DES NA SEMS DPA' GSUM SKU GSUM DU BSHAD PA DE LAS NGO BO THA DAD PA'I SNYING PO 'DOD NA NI SHIN TU MI RIGS TE, SANGS RGYAS KYI SKU GSUNG THUGS GSUM GA LAS NGO BO THA DAD PA'I

, ,SANGS RGYAS MI SRID PA'I PHYIR DANG, SKU BZHI PAR 'JOG PA YANG LDOG PA THA DAD PA'I SGO NAS 'JOG GO ,CHOS SKU SOGS LAS NGO BO THA DAD MIN PA'I PHYIR DANG, HE BADZRA'I DON YANG SNGAR BSHAD PA'I RDO RJE SEMS DPA' LAS NGO BO THA DAD DU 'DOD NA, SNGAR GYI BSHAD PA DANG 'GAL BAR 'GYUR BA'I PHYIR RO, ,DES NA SNGAR BSHAD PA'I SKU GSUNG THUGS KYI GSANG BA GSUM DANG, SEMS DPA' GSUM DANG, SKU GSUM LAS NGO BO THA DAD PA'I SNYING PO KYE RDO RJE ZHES PA'I BZHI PA MED KYANG, RGYUD 'DI'I BRJOD BYA'I GTZO BO RTZAL DU BTON NAS 'CHAD RGYU NI, RJE BTZUN GSANG BA LAS KYANG CHES GSANG BA ZHES PA DANG, SNYING PO KYE RDO RJE ZHES PA 'DI YIN LA, DE'I STONG PA DANG SNYING RJE'I STONG PA NI BDAG MED PA'I DE KHO NA NYID MTHAR THUG PA'I YUL LAM DE RTOGS PA'I SHES RAB YIN LA, DE TZAM ZHIG NI PHAR PHYIN THEG PA DANG, RGYUD SDE 'OG MA DANG YANG THUN MONG BA'O, ,SNYING RJE ZHES PA SEMS CAN SDUG BSNGAL BA LA DMIGS NAS, SDUG BSNGAL THAMS CAD DANG 'BRAL BAR 'DOD PA'I RNAM PA CAN YANG DE DANG 'DRA LA, YANG SNYING RJE'I YUL CAN YE SHES KYIS BYAS NAS DE DANG YUL STONG NYID GNYIS, CHU LA CHU BZHAG PA BZHIN DU SONG BA'I NAM MKHA' LTA BU'ANG, LAM GZHAN DE DAG TU DU MA ZHIG BYUNG BAS, DE GTZO BOR STON PA SPYIR BLA MED KYI RGYUD RNAMS DANG, BYE BRAG TU RGYUD 'DI'I KHYAD CHOS GA LA YIN, DES NA YUL STONG NYID DANG YUL CAN YE SHES RO GCIG TU SONG BA NI, SNGAR RDO RJE SEMS DPA'I DON DU BSHAD PA DE YIN LA, DE NYID LONGS SPYOD RDZOGS PA DANG SPRUL PA'I SKUR SNANG BA'I SEMS DPA' CHEN PO DANG, DAM TSIG SEMS DPA'ANG

YIN PAS 'DIR BSHAD RGYU DE LAS MA BYUNG NA, SNYING PO KYE RDO RJE LA 'BUR DU DOD PA'I BSHAD PA MA BYUNG BA YIN NO, ,DES NA PADMA CAN LAS, BSGRUB BYA'I DON ZHUS PA NI, HE BADZRA ZHES PA STE, THABS BDE BAS SEMS CAN RNAMS SKYOB PAR BYED PAS, SNYING RJE CHEN PO'AM YANG NA MAH'A KAm ZHES BYA BA STE, MAH'A NI CHEN PO'O, ,KAm NI BDE BA STE, BDE BA CHEN PO BSDUS PA ZHES BYA BA'O, ,DA BAS SHES RAB DANG THABS KYI BDAG NYID KYI RGYUD CES PA, RGYUD NI GNYIS SU MED PA'I BDAG NYID KYI SBYOR BA'O, ,ZHES GSUNGS PA LTAR SHES DGOS SO, ,DE LA SNYING RJE CHEN PO'I SKAD DOD MAH'A KA RU nA ZHES PA'I MA DANG KA DANG nA PHYIS, RU'I KHONG GI AU YIG AER BYAS NAS HA LA SBYAR BAS, HE ZHES PHAR SONG BASH'ANTI PA BZHED PA LTAR YIN PAS, HE'I YI GES NI, MAH'A KA RU nA SHES DGOS SO, DE'I TSE MAH'A NI CHEN PO DANG, KAm NI BDE BA DANG, RU nA BSDUS PA STE, BDE BA CHEN PO BSDUS PA ZHES PA LHAN CIG SKYES PA'I YE SHES KYI BDE BA CHEN PO YIN GYI, BDE BA GZHAN MIN NO, ,BDE STONG SBYAR BA NI BDE BA DES BDAG MED PA'I DE KHO NA NYID MTHAR THUG PA JI LTA BA BZHIN DU RTOGS PA'I TSUL GYIS YUL YUL CAN DU SBYOR BA'AM, YANG NA STONG NYID RTOGS PA'I BLO DE BDE CHEN DE'I NGO BOR GRUB PA DE GCIG TU SKYES PA LA BYA YI, BDE STONG CHEN PO DANG CHOS NYID YIN PA TZAM LA, PHAN TSUN RGYAS BTAB PA TZAM NI DE'I DON MIN NO, ,DE LTAR NA BDE STONG SBYOR TSUL THUN MONG MA YIN PA'I DON NI MTSAN BSDUS PA'I DON DRIS PA'I LAN YIN LA, PHREL NAS ZHUS PA'I DON NI DE GNYIS KYI RE RE'O, ,SNGAR RDO RJE SEMS DPA'I DON BSHAD

, ,YUL CAN RO GCIG PA TZAM ZHIG BSHAD KYI, YUL CAN KHYAD PAR CAN GYI STENG NAS RO GCIG TU BSHAD PA MED LA, 'DIR NI BDE STONG SBYOR BA DE SNYING PO KYEE RDO RJE'I DON DU 'CHAD PAS KHYAD PAR SHIN TU CHE STE, DES NI GSANG BA DANG CHES GSANG BA'I DON YANG SHES PAR NUS SO, ,DE NI DPER NA BYAS PA MI RTAG PA YIN KYANG, BYAS PA'I DON LDOG THUN MONG MA YIN PA NGES PA'I BLO DES MI RTAG PA NGES PA MIN PA DANG, BYAS PA BRJOD PA'I SGRAS KYANG MI RTAG PA MA BRJOD PA BZHIN DU, SNYING PO KYEE RDO RJE SEMS DPA'I SGRA'I DON BSHAD PA'I SKABS KYI YUL YUL CAN RO GCIG PA YIN KYANG, SNYING PO KYEE RDO RJE 'DIR BDE STONG SBYOR BA BRJOD PA'I DON NGES PA'I BLO DANG, DE BRJOD PA DANG, SNGAR GYI RDO RJE SEMS DPA'I DON BSHAD PA'I SGRA BLOS BRJOD TSUL DANG NGES TSUL NI SHIN TU KHYAD PAR CHE'O, ,DE LTAR MA BYAS PAR SNGAR GYI SKU GSUM DBYER MED TZAM LA BSHAD PA DANG, DE NYID ZHAL BRGYAD PHYAG BCU DRUG PA SOGS SU SNANG BA'I SKUR SHAR BA'I STENG NAS DAG PA RGYAS PAR YOD PAR GO BAS NI, SNYING PO KYE RDO RJE ZHES SNGA MA GSUM LAS ZUR DU BSHAD PA'I DON MI RNYED PAS, RGYUD 'DI'I BRJOD BYA'I GTZO BO NGOS MI ZIN PA'I PHYIR RO, ,GANG GIS MI SHES KYEE RDO RJE, ,DE YI NGAL BA DON MED 'GYUR, ,ZHES PA DER 'GYUR RO, ,DE NI BDAG GIS BSHAD KYIS NYON, ,ZHAS PA'I BSHAD BYA'ANG SH'ANTI PAS RGYU RGYUD DANG 'BRAS RGYUD KYI KYEE RDO RJE SNGAR BSTAN ZIN PAS, 'DIR THABS RGYUD KYI KYEE RDO RJER 'CHAD GSUNGS KYANG, PADMA CAN LAS BSHAD PA LTAR SNGAR BSHAD PA'I BDE STONG SBYAR BA DE NYID BSHAD PA LA SBYAR TE, GTZO BO'I DON NGES NA 'OG NAS

'CHAD PA'I DON GZHAN RNAMS DE NGES PA'I YAN LAG TU GO BAR 'GYUR BAS SO, ,DE LTAR BYAS NA RDO RJE SNYING POS ZHUS PA'ANG, SNYING PO KYEE RDOR ZHUS PA YIN LA, DE NAS BKA' STZAL ZHES PA DANG, NYON CIG CES PA DANG, MING DON BRIS PA'I LAN GYIS KYANG GTZO POR SNYING PO'I DON NYID 'CHAD PAS, GZHAN RNAMS NI DE'I YAN LAG TU DRIS PA DANG, BSHAD PAR ZUNG ZHIG ,'CHAD PAR ZHAL GYIS BZHES NAS 'CHAD PA NA, LTA STANGS ZHES PA BRGYAD GSUNGS PA NI, BRTAG PA DANG PO'I LUS RNAM GZHAG TU BLA MA DAG 'CHAD DE BHA DRA BHA DRA DANG MTHUN NO, ,DE LA LTA STANGS NI 'CHAD PAR 'GYUR BA BZHI'O, ,DGUG PA NI DGA' BZANG MA SOGS DGUG PA'O, ,BRDA CHEN NI BDUN PAR 'CHAD PA RNAMS SO, ,DON BYED PA MANG PO NI CHAR DBAB PA DANG SPRIN BRAL BA SOGS SO, ,RENGS PA NI STOBS CAN LA SOGS PA GNAS NAS MI GA-YO BA'O, ,SGROD PA SOGS GSUM NI SLA'O, ,SDE RENGS NI DPUNG RENGS PA STE SNGA MA DANG ME 'DRA'O, ,BSKYED PA NI GANG DU BSKYED PA'I KHA DOG DANG, ,DBYIBS SOGS KYI MTSAN MA'O, ,GNAS NI GZHAL YAS KHANG NGO, ,BYED RGYU NI MNGON BYANG NGO, ,DON BYED NI NUS PA ZHES PAR YANG BSGYUR LA, DON NI BZLAS SGOM LAS BYUNG BA'I MTHU'O, ,YE SHES NI DE KHO NA NYID LA PADMA CAN DANG, MU TIG PHRENG BAR SKAR MA'I RTZIS LA SOGS PA LA BSHAD DO, ,RNAM SHES NI SNGA MAR RDO RJE ME LA SOGS PA DANG, PHYI MAR SLOB DPON GYI LAS THAMS CAD SHES PA LA BSHAD DO, ,LHA RNAMS JI LTAR 'BYUNG BA NI PHYAG GNYIS PA LA SOGS PA'I RNAL 'BYOR LA PADMA CAN LAS SO, ,HE RU KA ZHES SOGS KYIS RE ZHIG DMIGS PA DANG BCAS

, ,PA'I THABS GSUNGS SO, ,DE LA HE RU KA BSKYED PA'I RGYU NI DE 'BYUNG BA'I PHUN TSOGS KYI RGYU RTZA'I 'KHOR LO DANG, BSKYED RIM MO, ,DANG POR RE ZHIG GCIG YIN NO ZHES 'BYUNG NGO, ,GROL 'DOD SRID PA LA ZHE SDANG BA RNAMS, HE RU KA BSKYED PA'I RGYU DANG, HE RU KAS KYANG CI ZHIG BYA SNYAM PA LA DNGOS PO ZHES PA GCIG GSUNGS TE, GROL BA THOB PA'I TSE'ANG PHUNG SOGS KYI DNGOS PO DANG BCAS PAS YIN GYI PHUNG SOGS KYI DNGOS PO MED PAS NI MA YIN TE, NYID KYI DON NI DE LTAR BYA'O, ,'DIR DOGS PA SKYE MKHAN NI NYAN THOS SDE PA YIN LA, DES LHAG MED KYI DUS SU 'DUS BYAS RGYUN CHAD PAR 'DOD DO, ,DE LA NI 'BRAS BU MTHAR THUG PA'I SKABS SU HE RU KA'I GZUGS KYIS CI BYA SNYAM PA 'ONG YANG, LAM GYI SKABS SU DNGOS PO CI BYA SNYAM PA MI 'THAD DO SNYAM NA, LAM GYI SKABS SU DNGOS PO BSGOM PA 'BRAS BU'I SKABS SU RIGS 'DRA 'JUG PA LA BSAMS PA'O, ,GAL TE GROL BA'I SKABS SU'ANG PHUNG SOGS 'ONG NA, SEMS CAN RNAMS GANG GIS 'CHING SNYAM PA LA, DNGOS PO'I 'CHING BAS ZHES PA GCIG STE DNGOS PO LA BDEN PAR ZHEN PAS 'CHING NGO, ,DOGS PA DE NI PHUNG SOGS YOD PA DE SRID DU ZAG BCAS YOD PAS GANG BCINGS PA'I SDUG BSNGAL YOD PA LA BSAMS PA'O, ,BDEN ZHEN GYIS BCINGS NA NAM YANG MI GROL LO SNYAM PA'I DOGS PA NI 'DZIN PA DE NAM YANG MI LDOG GO SNYAM PA'O, ,DE YONGS ZHES PA GCIG STE PHUNG SOGS KYI RANG BZHIN SHES PAS GROL BAR 'GYUR RO, ,DE JI LTAR SHES SNYAM PA LA DNGOS PO SGOM 'GYUR ZHES PA GNYIS SO, ,PHUNG SOGS GCIG DANG DU BRAL GYI RIGS

PAS RANG BZHIN MED PAR YONGS SU SHES NAS, LHA LA SOGS PA'I DNGOS PO BSGOM DGOS LA, DE LTA NA PHUNG SOGS KYI DNGOS PO'I DNGOS MED RANG BZHIN MED PA'ANG BSGOM DGOS KYI DNGOS PO 'BA' ZHIG BSGOM PA MIN NO, ,DE LTA NA STONG NYID TZAM BSGOM PAR BYA YI, LHA'I DNGOS PO BSGOMS PAS CI BYA SNYAM NA, GUR NAS GSUNGS PA'I, GAL TE STONG PA THABS YIN NA, SOGS DRANGS TE, MI 'DRA BA'I RGYUS BSGRUB MI NUS PAR BSHAD DE, KU MU tI'I BSHAD PA'O, ,RGYUD KYI DANG POR GCIG STE GNYIS SU MED PA'I YE SHES BSHAD PA YIN NO, ,DE BSGOM PA'ANG DNGOS PO'I YANG DAG PA NYID BSAMS PAS GROL GYI GZHAN DU MIN PAS NYID CES SO, ,GANG GIS 'CHING NA DNGOS PO LA BDAN PAR ZHES PA'I CHAGS PAS SO, ,'CHING BYED DE NI DNGOS MED YONGS SU SHES PA'I GNYIS SU MED PA'I YE SHES KYIS BCAD PA'I SGO NAS GROL BAR 'GYUR RO, ,DNGOS PO MED PA SHES PA'I YUL DE NYID KYANG BDEN PA MED PAR SHES TE, PHUNG SOGS KYI DNGOS PO DANG, DE BDEN YOD KYIS STONG PA GNYIS KA BDEN PA DANG BRAL BA'I DE GNYIS KYI RANG BZHIN DANG DBYER MED PA'I HE RU KA SNGAR BSHAD PA DE LTAR BSGOM PAR BYA'O, ,ZHES PA NI PADMA CAN GYI DGONGS PA BZHIN NO, ,DER DANG PO DNGOS PO BSGOMS PAR GSUNGS PAS BSKYED RIM THOG MAR BSGOMS PA'ANG DGONGS PA'O, ,MDOR BSDU NA GZHUNG 'DI'I DON NI 'DI YIN TE, SNGAR BSHAD PA'I BADZRA'I DON STONG NYID KYI SHES RAB DGOS PA'I RGYU MTSAN DANG, DE LHA'I RNAL 'BYOR DANG SBYAR BA NI, SNGAR SEMS DPA' GSUM GYI SKABS SU GNYIS SU MED PA'I YE SHES NYID SKU

, ,GNYIS SU SHAR BAR BSHAD LA, DE'ANG RANG DANG RJES MTHUN GYI RGYUS BSGRUB DGOS PAR GUR GYI LE'U DANG PO DANG, BCU BZHI PA NAS 'BYUNG BAS, DE BZHIN DU SGRUB PA DE SHES PAR BYED LA, STONG NYID KYI SHES RAB DE'ANG LHAN SKYES KYI BDE BA CHEN PO'I NGO BOR BSKYED PA NI LE'U DANG PO'I GZHUNG LHAG MAS STON NO, ,GZUGS SKU'I RNAM PA CAN GYI LAM GYIS RIGS MTHUN GYI 'BRAS BU BSGRUB PA LA, GROL BA'I SKABS SU PHUNG PO RGYUN CHAD 'GOG PA NI, DNGOS PO NYID KYIS ZHES PAS BSTAN TE, 'GOG BYED KYI RIGS PA NI, RIG PA RGYUN MI CHAD PAR BSGRUB PA'I RIGS PAS BYA'O, ,THEG CHEN PA GNYIS 'BRAS BU'I SKABS SU GZUGS SKU YOD PAR MTHUN KYANG, RGYU LA MI MTHUN PAS, DE LAS KHYAD PAR DU BYA BA'I PHYIR DU LHA'I SKU'I DNGOS PO BSGOM DGOS PAR GSUNGS SO, , DE LA'ANG RIM PA GNYIS KYI SKABS GNYIS DANG SBYAR NAS GZUGS SKU GRUB LUGS SHES PAR BYA'O, ,LUS LA SOGS LE'U DANG PO'I GZHUNG LHAG MA RNAMS KYIS, GTZO BOR HE'I YI GE'I DON STON NO, ,LUS RTAN DANG BDE BA BRTEN PA'I RNAM DBYE STON PA NI, LUS ZHES PA BZHI'O, ,LUS MED PAR YE SHES MI GNAS PAS, DE'I RTEN DU LUS BLANG BAR BYA STE, KHA SBYOR LAS, RANG GI LUS NI SANGS RGYAS NYID, ,LUS LAS GZHAN DU SANGS RGYAS NYID, ,GZHAN NI GAR YANG MI GNAS TE, ,MI SHES PA YI SGRIB PAR BRJOD, , CES DRANGS NAS YE SHES DE PHYOGS GCIG PA SPANG BA'I PHYIR RKANG PA GSUM PA SMOS PAR BSHAD DO, ,LUNG DE RNAMS KYI DON MAN SNYER NYAN THOS SDE PAS SANGS RGYAS KYI MYANG 'DAS KYANG PHUNG PO LNGA ZAD PA LA 'DOD PA 'GOG PAR 'CHAD DO, ,PADMA CAN LAS, YE

SHES CHEN PO NI BDE CHEN GYI YE SHES SO, ,KUN RTOG THAMS CAD SPANGS PA NI DMIGS PA MED PA'I YE SHES TE, DES KUN RTOG 'JOMS PA'O, ,LUS LA BRTAGS PA YIN KYANG LUS LAS MA SKYES PAS, KHYAB PAR BYAD PA DANG SKYE 'GAG MED PA SOGS YIN NO, , ZHES BSHAD PAS, HE RU KA GANG DU BSGOM PAR BYA BA'I GNAS STON PAR MDZAD DO, ,RKANG PA GSUM PA'I DAN NI, YE SHES DE DNGOS PO KUN GYI DE KHO NA NYID LA RJOS SU ZHUGS PA'I DON NA, ,LUS LA GNAS KYANG LUS SKYES MIN PA'I DON KYANG, GANG LA KHYAB PA'I DE BZHIN NYID LA BSHAD PA GCIG DANG, GANG GIS KHYAB PA'I YE SHES LA BYAS PA GNYIS LAS, DANG PO NI, SKYE 'GAG MED PA'I MA SKYES PA'O, ,GNYIS PA NI LUS KYI NYER LEN GYI RGYU BYAS NAS SKYES PA MIN PA'O, ,DON BSDUS NA DANG POS LUS LA GNAD DU BSNUN PA LAS, BDE CHEN BSKYED DGOS PAR BSTAN, GNYIS PAS MTSAN MAR 'DZIN PA'I KUN RTOG THAMS CAD 'JOMS 'GRO BAR BSTAN, GSUM PAS NI DE LTAR 'JOMS PA'ANG DNGOS PO KUN GYI DE KHO NA NYID LA RO MNYAM PA'I TSUL GYIS 'JUG PAR BSTAN, BZHI PAS LUS LAS SKYE'ANG LHAN CIG BYED RKYEN DU 'GRO BAR BSTAN TO, ,GANG LA GNAD DU BSNUN PA'I GNAS 'DRI BA NI, ,KYEE BCOM LDAN 'DAS ZHES BOS NAS, RDO RJE'I LUS LA RTZA'I GTZO BO DU ZHES PA'O, ,SO GNYIS TE ZHES PA'O, ,SO GNYIS TE ZHES PA NI GTZO BO'I DBANG DU BYAS PA YIN LA, GTZO BOR 'JOG PA'ANG BYANG CHUB KYI SEMS 'BAB PA'I SGO NAS TE, KHA SBYOR LAS, 'KHOR LO BZHI YI RAB DBYE BAS, ,BRGYA DANG NYI SHU LHAG PA NYID, ,BYANG CHUB SEMS KYI RANG BZHIN GYIS, ,RTZA NI SUM CU RTZA GNYIS MCHOG ,CES

, ,GSUNGS PA LTAR RO, ,ZAG BCAS KYI YUL LAS BYUNG BA'I BDE BA RNAMS LAS CHE BA NI BDE CHEN NO, ,DE'I GNAS NI LTE BA'I DKYIL 'KHOR RO, ,SH'ANTI BAS BDE CHEN GYI GNAS LAS 'JOG PA LA GNAS SU 'DZAG CES PA NI, LNGA BA'I DON LA BDUN PAR 'CHAD DO, ,MCHOG RNAMS KYI'ANG MCHOG GSUM DU GSUNGS PA NI, DE RNAMS KYI NANG NAS ZHES PA NAS, KUN 'DAR MA'O ZHES PA'I BAR RO, ,GTZO MOR 'JOG PA'I RGYU MTSAN NI RKYANG MA ZHES PA BZHI'O, ,DANG PO GNYIS KYI DON NI, THABS SHES KYI NGO BOS LEGS PA'I THUN MONG MA YIN PA'I RGYU'O, ,PHYI MA GNYIS KYI DON NI KUN 'DAR MA 'BRAS BUR GYUR PA GNYIS SU MED PA STE, MA NING GI PHYIR DANG, MTHA' GNYIS DANG BRAL BA DANG GZUNG 'DZIN SPANGS PA'O, ,DE RNAMS NAS GANG 'BAB PA'I DBYE BA NI, RKYANG MA ZHES PA BZHI'O, ,KHA SBYOR LAS, BYANG SEMS SUM CU RTZA GNYIS KYIS, ,GANG TSE 'DIR NI GANG GYUR PA, ,DBANG PO PHUNG PO LNGA 'BYUNG BA, ,SANGS RGYAS DE YIS DE MA THAG ,CES SO, ,PADMA CAN LAS, LUS LA JI LTAR BRTAG PAR BYA, ,SNYAM PA'I SGO NAS ZHUS PA NI, ,KYE ZHES SO, ,BSGRUB BYA SO SOR RTOG PA'I PHYIR DU DE RNAMS ZHES SOGS GSUNGS TE, THABS SHES SO SO BA DANG DE GNYIS DBYER MED PA'I RTZA GSUM GSUNGS PAR 'CHAD DO, ,KU MU tI LAS, ,RDO RJE'I LUS NI KYEE RDO RJE'I LUS LA STE ZHES PA NI 'GYUR 'KHRUGS PA STE, ,KYE ZHES PA NI BOD PA'I DON YIN PA'I PHYIR DANG, SGRUB PA PO'I LUS LA 'CHAD PA'I SKABS YIN PA'I PHYIR RO, ,SH'ANTI PAS SHES RAB RANG BZHIN GYIS ZHES PA GTZO BOR ZLA BA BRGYU BA DANG, THABS KYI ZHES PA NI THABS KYI NGO BO KHRAG BRGYU BA DANG, RNAM RTOG

BTANG PAS AA BA DH'U T'I NI GZUNG 'DZIN SPANGS PA STE, GNYIS SU MED PA'I BYANG CHUB KYI SEMS TZAM 'BAB PA DANG, LA LA NA DANG RA SA NA GNYIS MGRIN PA NAS BZUNG NAS LTE BA'I NANG GI MTHA'I BAR GYI GA-YON GA-YAS KYI RTZA NI, ZLA BA DANG NYI MA ZHES BYA'O, ,LTE BA'I 'OG GI SKYE GNAS KYI RTZA GNYIS NI LA LAN DANG RA SA NA STE, DANG PO NAS MI BSKYOD PA DANG, GNYIS PA NAS GTZO BOR KHRAG BRGYU'O, ,ZHES 'CHAD DO, ,GA-YAS GA-YON GYI RTZA GNYIS RGYUR BSHAD PA NI, DE GNYIS SU RLUNG BRGYU BA BKAG PA NI LEGS PA'I RGYU'O, , DH'U T'I 'BAS BUR BSHAD PA NI SNGA MA GNYIS SU BKAG PA'I STOBS KYIS DH'U T'IR RLUNG TSUD PA 'BRAS BU YIN PA'I DON TE, GNYIS SU MED PA'ANG DE'O, ,MA NING GI DON NI, RTZA GZHAN GNYIS SKYES PA DANG BUD MED DU GYUR PA'I RLUNG GNYIS 'DRES PA STE, , MTHA' GNYIS DANG BRAL BA'ANG DE YIN LA, THABS SHES GNYIS DBYER MED KYI RTZAR BSHAD PA'I DON YANG DE YIN NO, ,DE LTAR NA BYANG SEMS 'JAG PAS RTZA SO GNYIS 'GONGS PA LAS LHAN SKYES KYI BDE BA CHEN PO SKYE LA, DE'ANG RO RKYANG LAS BRGYU BA'I RLUNG BKAG PA'I STOBS KYIS DH'U T'IR TSUD PA LAS GTUM MO 'BAR TE BYANG SEMS BZHUS PA LAS 'BYUNG BAR STAN PAS, HE YIG GI DON RGYUD LA BSKYED TSUL THUN MONG MA YIN PA STON PA'I DON DU GZUNG ZHIG ,MI PHYED MA LA SOGS PA SO GNYIS LA RKYANG MA SOGS GSUM NI DE RNAMS KYI NANG NAS GTZO MO GSUM DU BSTAN CING, DBUS DANG GA-YAS GA-YON DU GNAS PAR BSHAD PAS, 'KHOR LO BZHI GANG GI 'ANG RTZA 'DAB MIN PAS 'DI'I BRGYAD TSAN RE 'KHOR LO RE RE'I RTZA 'DAB TU 'DOD PA DANG, SPYI BO'I RTZA 'DAB SO GNYIS

, ,SU 'DOD PA NI MI RIGS SO, ,SUM SKOR MA LA SOGS PA LNGA NI SNYING GA'I DBUS DANG PHYOGS NA GNAS PAR SH'ANTI PA, AA BHYA KA RA, BHA BA BHA DRA, RATNA RAKshI TA RNAMS BZHED PA LTAR LEGS SO, ,DE'I LHAG MA NYER BZHI NI YUL NYER BZHI'I RTZA YIN NO, ,DE LA RTZA RNAMS KYI BYA BA NI, PU LI RA MA LA YA LA SOGS PAR BYANG SEMS 'BAB PAR BYED PA NI THUN MED DANG, SO DANG SEN MO 'BAB PA SOGS NI THUN MONG MA YIN PA'O, ,MING NI MI PHYED MA SOGS SO, ,RA NI SRID GSUM YONGS GYUR CES PA'I DON NO, SRID PA GSUM NI SKU GSUM STE DE'I GZUGS KYI GNAS PA'I RTZA GSUM MO, ,THAMS CAD NI RTZA SO GNYIS SO, ,DE GSUM YONGS SU GYUR PAS GNAS PA NI SKU GSUM LA BYA STE, THAMS CAD KYANG LUS NGAG YID GSUM GYI NGO BOR GNAS PA'O, ,DON DAM PA LAS NI DH'U T'I RANG BZHIN TE DES NA GZUNG 'DZIN SPANGS PA'O, ,ZHES PADMA CAN LAS BSHAD PA NI LHAG MA SO GCIG PO THAMS CAD KYI RLUNG DANG BYANG SEMS DH'U T'IR SDUD PA LA DGONGS SO, ,YANG NA ZHES PA NI DON DAM PA'I TSUL DE LAS GZHAN DU YID LA BYA TSUL STON TE, THAMS CAD THABS KYI NI ZHES PADMA CAN DU BSGYUR BA'I STENG NAS BSHAD DE, THAMS CAD NI RTZA RNAMS SO, ,LHA MO BCO LNGA'I DNGOS PO'I MTSAN NYID DU BRTAG PA STE BSGOM PAR BYA'O, ,THABS KYI ZHES PA NI SNGA MA'I NGES DON LA BLTOS PA'I DRANG DON NO, , CI RTZA 'KHOR 'DI KHO NA HE RU KA BSKYED PA'I RGYU YIN NAM, 'ON TE RGYU GZHAN YANG YOD CE NA, RTZA 'KHOR TZAM DU MA ZAD SDOM PA'ANG BSHAD PAR BA'O, ,SDOM PA LA 'DIS SDOM PA'I SDOM THABS DANG, 'DIS SDOM PA'I SDOM GZHI GNYIS LAS, PHYI MA NI

RDO RJE'I LUS SO, ,DE'I DBYE BA NI KHYAD PAR TE, 'CHAD 'GYUR GYI LUS YAN LAG DANG NYID LAG GO ,SDOM PA'I SKAD DOD SAm B'A RA LA SAm MAm SHAm NI BDE BA DANG, B'A RA NI MCHOG YIN PAS, DE LA BSAMS NAS KU MU tIR, ,SANGS RGYAS KUN GYI BDE MCHOG GI ,BDE BA SDOM ZHES RNAM PAR BSHAD, ,SGYU MA KUN GYI SBYOR BA YIS, ,SDOM PA DES NA SDOM PA NYID, ,CES PA DANG, RDO RJE SKYE BA MI 'DA' BA'I, ,SDOM PA DAM TSIG NYID DU BRJOD, ,CES DRANGS TE, PHYI MA NI SDOM PA DAM TSIG TU BYAS TE SGRA'I DON BSHAD PA'O, ,'DIR GANG DU DANG GANG GIS DANG GANG DANG JI LTAR SDOM PA BZHI DANG, SDOM PA RANG GI NGO BO DANG LNGAS SHES PAR BYA'O, ,DE'I DANG PO NI BSHAD ZIN TO, ,GNYIS PA NI 'CHAD PAR 'GYUR RO, ,GANG SDOM PA LA MANG DU YOD PA'I THOG MA A'A LI ZHES SOGS LA, MU TIG PHRENG BAR NYI ZLA'ANG YOD LA, KU MU tI DANG, PADMA CAN DANG BHA BA BHA DRA'I 'GREL PAR DE GNYIS MA BYUNG NGO, ,A'A LI BCO LNGA BSDUS PA LTE BA'I AA DANG, K'A LI SO BZHI BSDUS PA SNYING GA'I H'Um NOR BU'I RTZER SONG BA STE, RIM PA BZHIN ZLA NYI DANG, SHES RAB DANG, THABS DANG, BDAG MED MA DANG HE RU KA'I RANG BZHIN NO, ,ZHES MU TIG 'PHRENG BAR BSHAD KYANG, PADMA CAN LAS A'A LI K'A LI NYID THABS DANG SHES RAB DAG STE, DE DAG KYANG LA YA NA DANG RA SA NA'AM, YANG NA TZAndA L'I DANG GZHOM DU MED PA DAG GO ,ZHES GSUNGS PA LTAR RTZA GNYIS DANG LTE BA'I GTUM MO DANG, SPYI BO'I HAm YIG GIS MTSAN PA'I DON DKAR DMAR GNYIS SO, ,RTZA GNYIS SDOM RGYUR BSHAD PA LTAR NA SDOM GZHI NI DH'U T'I DANG SDOM RGYU NI PADMA CAN LAS ZLA BA DANG NYI MA DAG GI ,SNA'I BU GA GA-YAS DANG GA-YON

, ,PA DAG GI RLUNG NGO, ,DE NYID A'A LI DANG K'A LI DAG STE, ZHES GSUNGS PA'I RTZA GNYIS NAS BRGYU BA'I RLUNG GNYIS LA BYA'O, ,'DIR SDOM THABS NI SNGAR BSHAD PA'I 'KHOR LO BZHI LA BRTEN PA'I GTUM MO BSGOM PA SOGS LUS LA GNAD DU BSNUN PA'I THABS RNAMS SO, ,JI LTAR SDOM PA NI RTZA GA-YAS GA-YON LA RLUNG BRGYU BKAG NAS DH'U T'IR 'DZUD PA'O, ,SDOM PA'I NGO BO NI RLUNG GNYIS DBU MAR DANG POR RO GCIG TU BYAS PA DANG DE NAS SNA BUG TU 'BYUNG 'JUG MI BYED PAR DER GNAS PAR BYA BA DANG MTHAR RLUNG DE GNYIS THIM PA'O, ,'DIS NI, THABS SHES DBYER MED KYI RTZA DANG MA NING DANG, MTHA' GNYIS SPANGS PA SOGS KYANG SHES PAR BYA'O, ,DE LTAR BSHAD PA NI RLUNG GI DBANG DU BYAS PA'I SDOM PA YIN LA, THIG LE'I DBANG DU BYAS PA'I SDOM PA NI RTZA GZHAN NAS BRGYU BA'I THIG LE GNYIS DH'U T'IR BSDUS PA DANG LTE BA DANG SPYI BO'I DKAR DMAR GNYIS 'DRES PA RNAMS GSANG GNAS KYI RTZER 'DUS PA STE, 'DI BSHAD RGYUD RDO RJE PHRENG BA LAS 'DUS PA'I DON 'DRES PAR GSUNGS PA DANG 'DRA'O, ,CHOS DANG ZHES PA NAS SUM CU RTZA GNYIS SO ZHES PA'I BAR GYIS NI, SDOM BZHI'I DBANG DU BYAS PA SHES CHE LA, 'KHOR LO BZHI LA BRTEN PA'I GTUM MO BSGOM PA'I SGO NAS BSHAD NA, SDOM THABS SU'ANG 'GYUR RO, ,'KHOR LO'I GRANGS KYIS BZHAG PA'I SKAD CIG MA BZHI DANG, DGA' BA BZHI NI BSDAMS PA LA BRTEN NAS 'BYUNG BA'I BDE BA STE, SKAD CIG MA'I NGOS 'DZIN 'OG NAS BSHAD PA LTAR NA, RLUNG GNYIS DH'U T'IR BSDAMS PA LAS BYUNG MA BYUNG CI RIGS SU YOD LA, DGA' BA BZHI LA NI DER BSDAMS PA LAS BYUNG BA SHAS CHE'O, ,SKAD

CIG MA BZHI DANG DGA' BZHI 'KHOR LO BZHI LA MAS RIM GYIS BZHAG PA NI MAS BRTAN GYI DBANG DU BYAS SO, ,BDEN PA BZHI DANG DE KHO NA NYID BZHI DANG, SDE PA BZHI 'KHOR LO BZHI LA BZHAG PA NI PHYI MA NI 'KHOR LO BZHI DANG CHOS MTHUN YOD PAS MING BTAGS PAR 'OG NAS 'CHAD LA, DE LTAR BSHAD PA'I DGOS PA NI, BDEN PA BZHI YON TAN SKYE BA'I RTEN YIN PA BZHIN DU, 'KHOR LO BZHI'ANG DE LTAR GO BA'I PHYIR DU YIN TE, THEG PA GZHAN GYI YON TAN THAMS CAD LAM 'DI LA 'DU BAS SHES PA'I PHYIR DU'O, ,BDEN PA BZHI NI YUL TZAM MIN GYI SHES SPONG SNGON DU BYED SGOM PA DE 'KHOR LO BZHI LA BZHAG PA'ANG SNGA MA DANG 'DRA'O, ,DE KHO NA NYID BZHIR 'JOG TSUL NI, PADMA CAN LAS THUGS RDO RJE DE NYID BDAG GI RANG BZHIN DANG, LHA'I RNAM PA LONGS SKU SGYU MA LTA BU'I RANG BZHIN DANG, DE NYID SHES PA DANG 'GRO BA SKYOB PA'I RANG BZHIN DANG, GNYIS MED KYI BDE BA CHEN PO RANG RIG PA'I TSUL GYIS RIM PA BZHIN DE KHO NA NYID BZHI DANG, DE NYID CHUNG 'BRING CHEN PO CHEN PO'I CHEN PO'I DBYE BAS DGA' BZHIR BSHAD LA, THUGS RDO RJE DE NYID SDUG BSNGAL LA SOGS PA'I TSUL GYIS SHES PAR BYA'O, ,ZHES GSUNGS PA NI DE NYID SDUG BSNGAL SHES PA SOGS SU'ANG 'JOG PA'I DON NO, ,BDEN BZHI MAS RIM NAS BZHAG PA'ANG BDEN BZHI'I RIM PA DANG, MAS BRTAN GYI RIM PA GNYIS 'DRA BA TZAM MO, ,DE NYID BZHI MAS RIM NAS BZHAG PA'ANG DE DANG 'DRA BAR BYA'O, ,DE LTAR THAMS CAD BZHI'O ZHES PA NI SNGAR BSHAD PA SOGS KYI BZHI TSAN RNAMS 'KHOR LO BZHI LA 'JOG PA'I DON YIN LA, SKABS NI DGE 'DUN PHAL CHEN PA ZHES PA'I MJUG THOGS SU 'JOG PAR MU TIG

, ,PHRENG BA LAS 'CHAD PA LTAR RAM, YANG NA DBYU GU DANG THUN TSOD DANG 'PHO BA DANG CHU TSOD KYI RLUNG BRGYU BA RNAMS 'KHOR LO BZHI LA MAS RIM NAS SBYAR RO, ,ZLA NYI ZHES SOGS BZHI DANG, THABS SHES ZHES PA 'DI RNAMS SKABS THOB KYIS DON DU MA ZHIG LA 'GRO MOD KYANG, SDOM PA'I DBYE BA'I SKABS 'DIR NI RTZA GNYIS DANG DE NAS BRGYU BA'I RLUNG GNYIS DANG, KHAMS DKAR DMAR GNYIS LA CI RIGS PAR BSHAD DGOS LA, SKABS 'DIR NI RTZA DANG RLUNG NGO, ,SNA SGOR BRGYU BA'I NYIN ZHAG GCIG GI RLUNG LA, NYIN MTSAN GNYIS KYI RE RE LA THUN BZHI BZHI STE THUN BRGYAD DANG, DE PHYED MAR BYAS PA'I 'PHO BA BCU DRUG DANG, DE NYIS 'GYUR GYI CHU TSOD SO GNYIS DANG, DE NYIS 'GYUR GYI DBYU GU RE BZHIR BSHAD DE 'KHOR LO BZHI'I RTZA 'DAB NAS BRGYU BA'I RLUNG GI GRANGS DANG YANG SBYAR RO, ,'DIR RLUNG BSHAD PA LA NYAMS LEN BYA THABS NI, MU TIG PHRENG BA LAS MDZOD 'GREL NAS BSHAD PA LTAR GYI BGRANG BA SOGS BYAS NAS, RLUNG LAS RGYAL BAR BYED PA LA BSHAD DO, ,'DI 'DRA BA'I BSHAD PA RNAMS NI YUL CAN KHAD PAR CAN LHAN SKYES KYI BDE BAS DE KHO NA NYID BSGOM PA LAM 'DI'I GZHAN LA MED PA'I KHYAD CHOS SU 'GRO BA'I TSUL GYIS BSHAD SROL LA MA BRTEN PA'I RGYU MTSAN GYIS BYUNG BA'O, ,DE NAS 'DIR RLUNG BSHAD PA LA NYAMS LEN JI LTAR BYED PA NI LTA STANGS KYI LE'UR DBYUNG BA SOGS BZHI BSHAD PA DANG, BSHAD PA'I RGYUD SAm BHU tAm LAS, 'PHO BA'I SKABS SU BUM PA CAN BSHAD PA LTAR DANG, DER RLUNG BZHI BSHAD PA LA BRTEN NAS RDOR BZLAS BYED PA MAN SNYER BSHAD PA LTAR SHES DGOS TE, 'DIR RLUNG BSGOM PA NI

LHAN SKYES KYI BDE CHEN 'DREN PA'I PHYIR YIN LA, THEG PA THUN MONG GI RLUNG BGRANG BA SOGS LA NI JI TZAM ZHIG 'BAD KYANG, BDE GSAL MI RTOG PA ZHES GRABS PA'I SEMS GNAS THUN MONG BA TZAM LAS BSKYED MI NUS PA'I PHYIR RO, ,SDOM PA'I DBYE BA LA PADMA CAN LAS DE NYID BDE BA CHEN PO'I MCHOG GI DBYE BA BSHAD PAR BYA BA NI, DBYE BA'I MTSAN NYID DE ZHES GSUNGS PAS, SDOM GZHI RDO RJE'I LUS KHO NA LA MI BZUNG BAR LHAN SKYES KYI BDE CHEN YANG SDOM GZHI DANG SDOM PA'I NGO BO GNYIS KA LA BSHAD DE, KU MU tIR SDOM PA BDE CHEN LA MDZAD PA'I KHUNGS DRANGS PA DANG YANG 'DRA'O, ,SDOM GZHI DER GANG SDOM PA NI SKAD CIG MA BZHI LA SOGS PA SNGAR PADMA CAN LAS BSHAD PA LTAR SDOM PA STE, 'KHOR LO BZHI TZAM ZHIG SDOM GZHIR MI GZUNG NGO, ,BLA MA 'GA' ZHIG GAS BSHAD PA LA 'DI'I SDOM PA'I DBYE BA BSHAD PA'I DGOS PA DNGOS GZHI NI JI SNYED YOD PA'I CHOS THAMS CAD RTZA DANG 'KHOR LO LA SOGS PAR BSDUS PA'I SPROS PA BCAD PAS LAM LA THE TSOM SEL LO ZHES PA DANG, YANG 'GA' ZHIG SDOM PA'I DBYE BA STON PA'I GZHUNG RNAMS KYIS 'KHOR 'DAS KYI CHOS THAMS CAD RNAL 'BYOR PA RANG GI LUS SEMS GNYIS LA TSANG BAR BSTAN NAS DE SHES PA'I CHED YIN LA, SHES NAS KYANG AAm NAS PA DANG RDZOGS CHEN GYI LTA BA'I DON DE SHES NAS CI'ANG BYA MI DGOS ZER BA LTAR DANG, RANG LA DE RNAMS TSANG BAS CI'ANG BYA MI DGOS PAR STON PA MIN GYI, TSANG BA'I RGYU MTSAN GYIS BSGOM DU BTUB PA YIN ZER MOD KYANG, SNGAR BSHAD PA LTAR GYI DH'U T'IR SDOM LUGS DE HE YIG GIS MTSON PA'I DON SNYING RJE CHEN PO, LUS LA YE SHES CHEN PO GNAS, ,ZHES PAS,

, ,YE SHES DE LUS LA GNAD DU BSNUN PA LAS SKYE BAR BSHAD PA'I DON NYID, SDOM PA'I DBYIBS 'CHAD PA, GNAD KYI DON MA SHES PA YIN PAS, SKABS KYI DON STOR BA'I BSHAD PA'O, ,DE NAS BDUD RTZI 'OD LAS, RNAL 'BYOR MA NI BDAG MED MA'I, ,SDOM PA'I DBYE BA BSHAD PAR BYA, ,LTE BAR PHYAG RGYA CHEN PO GNAS, ,RTAG TU BDE BA CHEN PO MDZAD, ,RNO PHYIR ME YI GZUGS SU NI, ,'BAR BCAS RNAMS LA MA MO KHYOD, ,DANG PO DBYANGS YIG RANG BZHIN TE, ,BLOR NI MKHAS PA RNAMS KYIS BRTAGS 'JIG RTEN GSUM DU KHYAB PA NA'ANG, ,SO SO'I SKYE BOS MI SHES SO, ,BDAG MED LUS KYI NANG GNAS PA, ,GZHOM MED KHA NI 'OG TU'O, ,RTAG TU BYANG CHUB SEMS NYID KYI, ,RGYUN MI 'CHAD PA'I SBYOR BA 'DZAG ,DE PHYIR LUS LA RTZA RNAM GSUM, ,ZHES GSUNGS SHING, DE NAS RKYANG MA SHES RAB RANG BZHIN GYIS, ZHES SOGS GSUNGS PA'I MTHAR, NYIN MTSAN KUN TU LHAN SKYES SKYE BA DE BZA' BA STE LONGS SPYOD PAR GSUNGS PAS, SDOM THABS NI GTUM MO BSGOM PA YIN LA, SDOM LUGS NI DE BSGOMS PAS RLUNG GNYIS DH'U T'IR SDOM PA 'DI'I GNAD DU BZUNG DGOS SO, ,LTE BAR GTUM MO ZHES SOGS KYIS NI, SNGAR BSHAD PA LTAR RLUNG GNYIS DH'U T'IR BSDAMS PA NA, LTE BA'I GTUM MO 'BAR NAS SPYI BO'I HAm LAS RI BONG CAN KUNDA LTA BU'I BYANG SEMS 'JIG PAR GSUNGS TE, DE GSANG GNAS KYI RTZER PHAB PA MI 'PHO BAR BCINGS PA LAS, HE YIG GI DON LHAN SKYES KYI DGA' BA SKYES PA BSGOM PA NI, DNGOS SU MED KYANG SHUGS KYIS SHES NUS LA, DE'ANG BDAG MED PA'I DE KHO NA NYID PHU THAG CHOD

PAR NGES PA'I LTA BA DANG SBYAR NAS BSGOM DGOS PA NI, SNGAR GYI BADZRA'I DON DU BSHAD PA DANG, MTSAN BSDUS PA'I DON DRIS PA'I LAM GYIS DANG, DNGOS PO'I 'CHING BAS 'CHING BA DANG, DE YONGS SHES PAS GROL BAR GSUNGS PAS SHES DGOS SO, ,GZHUNG 'DIS NI GSANG BA LAS RGYA DANG, NANG GIS KYI BHA GA LA BRTEN PA'I LUS LA GNAD DU BSNUN PA'I THABS GANG BYAS KYANG BDE BA SKYE LUGS NI, LTE BA'I GTUM MO 'BAR BA'I MTHUS SPYI BO NAS BYANG SEMS PHAB PA LAS YIN PAR STON LA, 'ON KYANG 'DI LA BRTEN NAS NANG LUS KYI RDO RJE BTZUN MO'I BHA GA RTZA 'KHOR BZHI LA BRTEN PA'I GTUM MO BSGOM PAR STON PA YANG, dOM BI PA DANG MI THUB ZLA BAS BSHAD PAS DE'ANG SHES DGOS SO, ,KU MU tI LAS TSIG DON MA BSHAD LA, PADMA CAN LAS GTUM PA NI NYON MONGS RTZAD NAS 'BYIN PA'O, ,'BAR BA NI MCHED PAS TE SNANG BAR BYED PA'I BAR DU'O, ,A'A LI ZHES PA NI RI MO'O, ,'DI RGYA DPE LA TZAndA L'I ZHES YOD PA'I DON YIN ZHES BOD KHA CIG ZER BA LTAR YIN NO, ,DE LTAR NA SNGAR GTUM MO'I DON BSHAD PA NI BYED LAS KYI SGO NAS YIN LA, 'DIR NI KHRAG RDUL GYI RI MO STE RANG GI NGO BO'I SGO NAS SO, ,LTE BA NI BDE CHEN GYI PADMA'I LTE BA LA BSHAD PA NI, GANG NAS 'BAR BA'I LTE BA NI GRAGS PA LTAR GYI LTE BA YIN KYANG, DER YOD PA'I RDUL GYI RI MO DE JE CHER 'PHEL BA STENG DU RIM GYIS GYEN DU SONG BA HAm YIG GI GNAS SU SLEB DGOS PAS, DE LA DGONGS PA 'AM YANG NA LTE BA ZHES PA HAm 'DZAG PA'I GNAS LA SBYOR BA'O, ,BSRAGS PA NI NGO BO NYID MED PAR BYAS PA YIN LA, DE'ANG GSHEGS PA PHUNG PO LNGA DANG, SBYAN SOGS 'BYUNG BA BZHI'O, ,GANG DU

, ,BSREGS NA BDAG BSREGS PA STE BDAG TU 'DZIN PA BSREGS PA'I TSE NA'O, ,ZHES BSHAD DE, BSREGS PA'I DON NI PHUNG KHAMS KYI RTOG PA DANG BDAG 'DZIN BCOMS PA'O, ,DE LTAR NA ZHUS PA'I GTZO BO'I DON RJE BTZUN CHES SHIN TU GSANG BA SKU GSUNG THUGS KYI SNYING PO'I DON YIN LA, DE NYID NI HE DANG BADZRA SO SOR PHRAL NAS ZHUS PA'I DON GNYIS MED DU SBYOR BA MING BSDUS PA'I DON DRIS PA'I LAN YIN CING DE NYID BSHAD BYAR ZHAL GYIS BZHES PA'I DON 'CHAD PA NA, LTA STANGS ZHES SOGS KYI BRTAG PA DANG PO'I DON MDOR BSTAN, HE RU KA NI, ZHES PA NI, HE RU KA BSGOM BYA, ZHES PA'I BAR GYIS BADZRA'I DON MED NA 'KHOR BA LAS 'DA' MI NUS PAS DE NGES PAR BSGOM DGOS PAR BSTAN, DE NAS DON DE HE'I DON LHAN SKYES KYI BDE BA'I YE SHES CHEN POS MA BSGOMS NA DON SNGA MA TZAM ZHIG BSGOMS KYANG SRID PA LAS GROL BA TZAM DANG YANG THEG PA 'DIR BSHAD PA'I LHA'I 'KHOR LO DANG, THEG PA GZHAN NAS SBYIN SOGS KYI THABS RGYA CHEN PO DANG BCAS PAR BSGOMS KYANG TSE GCIG GIS BLA MED KYI BYANG CHUB MI 'GRUB PAS BDE STONG SBYAR DGOS LA, DE'I BDE CHEN LUS LA GNAD DU BSNUN PA LAS BSKYED DGOS PAR LUS LA ZHES SOGS KYIS BSTAN TO, ,DE NAS LUS LA GNAD DU BSNUN PA ZHUS PA'I LAN DU DE'I GTZO BO RTZA SO GNYIS DANG DE'I NANG NAS GTZO MO GSUM DANG, DE LAS KYANG GTZO MO MTHAR THUG PA ZHIG BSTAN PAS DH'U T'I LA BRTEN NAS LHAN SKYES 'CHAR DGOS PAR BSTAN, DE NAS RTZA SO GNYIS KYI MING DANG RTZA RNAMS KYI DON YID LA BYA TSUL GNYIS BSTEN, DE NAS DH'U T'IR GNAD DU

BSNUN PAS LHAN SKYES 'CHAD PA LA, DER SDOM TSUL 'PHRES DANG BCAS PA BSTAN, DH'U T'IR GA-YAS GA-YON GYI SROG BCINGS PA LA BRTAN NAS BDE BA BSKYED TSUL NI, LTE BA ZHES SOGS KYIS BSTAN LA, 'DIR DNGOS SU 'BAR 'DZAG LAS MA BSHAD KYANG DE LA BRTEN NAS YAS BABS KYI DGA' BZHI DANG, MAS BRTAN GYI DGA' BZHI BSKYED TSUL NI, BSHAD RGYUD PHYAG CHEN THIG LE LAS SHIN TU GSAL BAR BSTAN LA, DE 'DRA BA'I YAS MAR GYI LHAN SKYES KYI DUS SU BDE STONG SBYAR NAS SNYING PO KYEE RDO RJE'I DON BSGOM DGOS PA 'DI DANG, RO RKYANG GI RLUNG DH'U T'IR SDOM PA'I THABS MANG DU YOD KYANG, LUGS 'DI LA LAM 'DIS GRUB PA BRNYES PA'I BDAG NYID CHEN PO YAN LAG MED PA'I RDO RJE DANG, dOm BI HE RU KA DANG, MTSO SKYES RDO RJE SOGS KYIS GTUM MO'I SGOM RIM GTZO BOR BSHAD PA 'DI'I GNAD LA NGES PA RNYED PA NI KYE RDO RJE'I LE'U DANG POR BRTAG PA SNGA PHYI'I GNAD BSDUS NAS BSTAN PA GZHUNG LHAG MA'I BSHAD PA RNAMS KYI MI 'PHYUGS PA'I GZER 'DEBS YIN PAS, LEGS PAR BSHAD PA'I SNYING PO BSDUS PAR SHES PAR GYIS SHIG ,RDO RJE NI RDO RJE SEMS DPA' LHAN SKYES KYI HE RU KA'O, ,DE'I RIGS NI DE BSKYED PA'I GNAS TE RGYU YIN LA, DE'ANG GZHUNG 'DI YIS GSAL BAR BYED PA LA LE'U ZHES BYA STE YONGS SU BCAD PA'O, ,DANG PO NI, GNYIS PA SOGS LA BLTOS NAS SO, ,DE NI PADMA CAN GYI DGONGS PA'O, ,KU MI tIR RDO RJE NI BDE STONG SBYAR BA'I BYANG CHUB KYI SEMS DANG, RIGS NI DANG PO'I RUS TE, A'A LI DANG K'A LA ZHES BSHAD PA NI A'A LI BSDUS PA'I AA THUNG GI NGO BO GTUM MO DANG, K'A LI BSDUS PA'I HAm YIG GI NGO BO KUNDA LTA BU'I 'BAR 'DZAG STE,

, ,DE NI SNGA MA'I RGYU'O, ,LE'U NI BSHAD PA'I GZHUNG LAS BSHAD DO, ,SNGAGS KYI LE'U STON PA'I 'GREL PA NI KU MU tIR, GLENG GZHI'I YI GE BZHIS MTSON PA'I RTZA'I 'KHOR LO RTOGS PA'I PHYIR DU GSUNGS PAR BSHAD DE, RTZA 'KHOR LA DGOD PA'I SNGAGS BSTAN PAR 'DOD PA'I LUGS SO, ,LE'U DANG POR BSHAD PA'I THUGS RDO RJE DE NYID SNGAGS KYI GZUGS KYIS, SNA TSOGS PA'I DON BYED PAR NUS SO, ,ZHES BSTAN PA'I PHYIR DU GSUNGS PAR PADMA CAN LAS, SO, ,'DIR BSHAD RGYUD KYI DON NAG PO SPYOD PAS, SNGAGS BTU BA RDZOGS RIM DANG SBYAR BA GSUNGS PAS DE LTAR BYED NA, KU MU tIR DRANGS PA LAS, A'A LI K'A LI GNYIS NI SNGAGS, YANG NA DE LAS GANG BTUS PA, ZHES PA LTAR SNGAGS BTU PA'I GZHI DBYANGS GSAL DANG, DE LAS BTUS PA GNYIS SO, ,DE'ANG RTZA 'KHOR GYI DBUS KYI YI GE BZHI DANG, 'DAB MA LA BKOD PA'I YI GE STE, GTUM MO BSGOM PA LA SBYAR RO, ,BTUS PA'I BZLAS PA'I SNGAGS RNAMS KYI NGES DON GYI DBANG DU BYAS NAS, RDO RJE'I BZLAS PA LA'ANG SBYAR RO, ,DE DAG GI NANG NAS KYANG GTZO BO NI AA THUNG YIN LA, DE'ANG LTE BA'I DBUS SU GNAS PA LA SAm BHU tI LAS BSHAD CING DE LA BSNGAGS PA MANG DU MDZAD DO, ,PADMA CAN LAS KYANG, LHA YI DANG, SNGAGS KYI DANG, RIGS KYI LE'U GSUM GYI DBYIBS DANG, SNGAGS DANG CHOS KYI RNAL 'BYOR GSUM BSTAN PAR BSHAD LA, BAR PA NI RDOR BZLAS LA MDZAD PA MANG NGO, ,MU TIG PHRENG BA SOGS SU DON BYED RNAM MANG DANG, RENGS PA NAS MNGON SPYOD KYI BAR RNAMS 'CHAD

PAR BSHAD DO, ,SNGAGS NI SNYAN GSAN 'BEBS PA DANG, DE KHO NA NYID BSKUL BA YIN LA, DE LAS LHA BSGOM PA DANG MCHOD PA DANG RAB GNAS DANG SBYIN SREG DANG, DKYIL 'KHOR DANG LAS TSOGS KUN LA GTOR MA SNGON DU 'GRO BAS THOG MAR GTOR SNGAGS GSUNG SO, ,AOm NI BKRA SHIS PA DANG, DAM BCA' BA SOGS KYI DON NO, ,AA KA RA'I KA RA NI YI GE LA'ANG 'JUG PA'I DBYANGS YIG GO ,MU KHAm NI, KHA DANG GDONG DANG SGO LA'ANG 'JUG PA LAS, 'DIR SGO STE DANG PO'I SGO'O, ,AA YIG DE LAS YI GE THAMS CAD 'BYUNG BAS YI GE RNAMS KYI SGO'O, ,DE'I PHYIR MCHOG TU GSUNGS TE, AA NI YIG 'BRU KUN GYI MCHOG ,DON CHEN SDE TSAN 'DREN PA NYID, ,LUS CAN RNAMS KYI SNGAGS KUN NI, ,DE NYID LAS NI YANG DAG 'BYUNG, ,ZHES SO, ,DE LAS YI GE GZHAN RNAMS 'BYUNG DU CHUG KYANG, JI LTAR DANG PO YIN ZHE NA, SARBA SOGS KYIS GTAN TSIGS STON TE, SARBA DHARM'A n'Am NI CHOS THAMS CAD DO, ,AA dY'A NUD PANNA TV'AD NI GDOD MA NAS SKYE BA MED PA NYID DO, ,ZHES PAS TE, AAS NI SKYE BA MED PA MTSON TE, DE PHYIR DE 'GRUB BYED PA'I SNGAGS, ,NGES PAR GANG YANG YOD MA YIN, ,SKYE BA MED PA'I RANG BZHIN PHYIR, ,SNGAGS KYI SDE TSAN DBANG PHYUG MCHOG ,CES SO, ,'BYUNG BO NI 'GRO BA DRUG DANG, GTOR MA NI MCHOD PA DANG DE BYIN GYIS RLOB PA'I SNGAGS SU KU MU tIR BSHAD DO, ,PADMA CAN LAS SKYE MED DANG DBYER MED PA'I BDE CHEN GYI NGO BOR MOS NAS RMI LAM DANG SGYU MA LTA BU'I SEMS CAN RNAMS TSIM PAR BYA BA'I PHYIR DU GTOR MA SBYIN PAR GSUNGS PAS, GTOR MA 'BUL SNGAGS SU'ANG BYA'O, ,YI GE GSUM GYIS

, ,NI, SGO GSUM BYIN GYIS BRLAB PAR BSHAD PA NI RANG DANG MGRON GNYIS KYI'O, ,PHAGS NI GDUG PA CAN ZLOG PAR BYED PA DANG, SV'AH'A NI SGO GSUM DE KHO NA NYID DU ZHI BAR BYED PAR BSHAD DO, ,MU TIG PHRENG BAR 'BYUNG BO NI DBANG PO LA SOGS PA 'KHOR BCAS DANG, SARBA DHA RM'A n'Am NI MCHOD BYED SOGS KYI 'KHOR GSUM DANG, YI GE GSUM GYIS RANG DANG MGRON GYI SGO GSUM DE BZHIN GSHEGS PA'I SKU GSUNG THUGS DANG MNYAM PA NYID DU BYED PA LA BSHAD DO, ,DE BZHIN GSHEGS PA LA RIGS MTHA' YAS KYANG, RIGS THAMS CAD SDUD PA NI RNAM SNANG LA SOGS PA LNGA YIN LA, DE DAG GI SA BON BH'Um LA SOGS PA NI, DE DAG STON PA DANG BSKYED PA'I SNGAGS SO, ,GTOR MA'I RJES SU BH'Um LA SOGS PA BSTAN PA NI, GTOR MA'I RDZAS RNAMS PAR SHU MA MU'I DON GYIS BDAG NYID LNGAR BYA BA'I DON DU BHA BAS BSHAD DE, SKABS DU MA ZHIG LA 'KHYER DGOS SO, ,RGYUD 'DI LA PHYAG BCU DRUG PA GTZO BO YIN PAS, 'DI'I SNGAGS DON DU GSUNGS PA DA BA NI ROL PA DANG LHA'O, PI TZU NI PHUL DU BYUNG BA'I 'DAB BAL TE, THAMS CAD RJES SU 'DZIN PAS BAL SHIN TU 'JAM POS RTZVA LA SOGS PA 'DZIN PA DANG CHOS MTHUN PAS PI TZU'O, ,BADZRA NI GDUG PA CAN 'JOMS PA LA RDO RJE DANG 'DRA BAR BSHAD DO, ,LHAG MA NI SNGAR BZHIN NO, ,SNGAGS THAMS CAD KYI RKANG PA ZHES PA LA P'A DA ZHES PA RKANG PA DANG GNAS DANG TSIG LA'ANG 'JUG PAS SNGAGS THAMS CAD KYI TSIG LA ZHES 'GREL PAR BSGYUR BA SHIN TU BDE'O, ,H'Um PHAt KYI RNAM PA NANG DU GZHUG PA NI, SV'AH'A'I SNGON DU 'JUG

PA'O, ,PHAt DANG SPEL ZHES KYANG 'BYUNG NGO, ,DE 'DRA BA DE 'DI'I SNGAGS GANG LA SBYOR BA NI, KU MU tEER KHYAD PAR MA BSTAN PA'I DE BZHIN GSHEGS PA THAMS CAD KYI SNGAGS DANG, LHA MO THAMS CAD KYI SNGAGS DANG GRONG KHYER DKRUG PA LA SBYAR GYI GZHAN KHYAD PAR BSTAN PA RNAMS LA NI MA YIN NO, ,SBYAR TSUL NI, AOm A'A: H'Um H'Um PHAt SV'AH'A, ZHES SOGS DANG, AOm A'A AA A'A: ZHES SOGS DANG, AOm A'A: AA KA TZA tA TA PA YA SHA H'Um PHAt SV'AH'A, ZHES PA DANG, tREE DANG tRI NI GSUM MO, ,LOKYA NI 'JIG RTEN NO, ,KshE PA NI SDUD PAS TE KHAMS GSUM BDE BA CHEN PO'I RANG BZHIN DU SDUD PA ZHES BCOM LDAN 'DAS LA BOD PA'O, ,DZVA LA GNYIS NI 'BAR BA STE, DNGOS PO THAMS CAD BDE CHEN GYI RANG BZHIN DU 'BAR BAR GYIS SHIG PA'O, ,BHYO NI BCOM LDAN 'DAS ZHES PA'O, ,KI tI GNYIS NI CHOS THAMS CAD DANG BDUD THAMS CAD CHOMS SHIG PA DANG, BADZRA NI KYEE RDOR RO, ,MU TIG PHRENG BAR TSANGS PA DBANG PO KHYAB 'JUG DRAG PO SOGS 'JIG RTEN GYI LHA GTZO BO RNAMS NI TREE LO KYA'O, ,KshE PA NI TSAR GCOD PA'O, ,DZVA LA NI 'BAR BA'O, ,BHYO NI GDUG PA RNAMS PA SREG PA'I PHYIR ZHES BSHAD DE, BHYO'I SGRA RNAMS LA 'JUG PA'I STENG NAS SO, ,YANG NA CHED DU ZHES PA'I DON DU BYAS PA'O, ,KO tI SKAD KYI BYINGS NI 'GRO BA'I DON TE SEMS CAN THAMS CAD RJES SU 'DZIN PA'O, ,BADZRA NI GDUG PA CHAD PAS GCOD PA LA BSHAD DO, ,AA PHU'I PHU NI KLU SPYI'I SA BON YIN LA, AA MTHA' YAS KYI MING YIG DANG PO'O, ,AA PHU NI LAN BRGYAR 'DON PA DANG, DE LA MTHA' YAS BSKYED PA SOGS LA BSHAD DO, ,

, ,A'A NANDA NAS PA TA YE ZHES PA NI BOD PA'O, ,HA NI SPYAN DRANG BA'O, ,HE RU KA NI MING NGO, ,'DIR HE RU KA'I SGRA GNYIS PA MED KYANG DE GNYIS LAN GNYIS SU BYED PAR GZHAN DAG 'DOD CES 'CHAD DO, ,BZLOG LUGS NI SV'AH'A, ZHES SOGS KYI TSUL GYIS SO, ,AARDZA GA NI PA NA SA STE DE'ANG SDONG BU DKAR PO NYI 'OD KYIS REG PA TZAM GYIS RNAM PA DU MAR 'GAS PA ZHIG YOD PA DE BZHIN DU 'GAS PA LA BSHAD DO, ,KHA tI KA NI PADMA CAN DANG MU TIG PHRENG BAR RDO RGYUS SU BSGYUR TE, , KU THA RA NI STA RE DANG, TZTSINNA NI GCOD PA STE RDZAS SHIG GI MING NGO, ,GRUB RTAGS BYUNG BA NA RDO RGYUS KYIS SPYI BLUGS KYI MGRIN PA LA RI MO BTOD NA DGRA'I MGRIN PA'ANG DE BZHIN DU 'ONG LA, DES DKON MCHOG GSUM LA GNOD PA BYED PA SOGS LA LDOG NA LEGS LA, MI LDOG NA BSKOR NAS BCAD DO, ,TSANGS PA NI BLAKshA LA BSHAD LA, BOD DAG RGYA SKYEGS KYI SHING LA 'DOD DO, ,TZI tA KA SEN RTZI YIN CES BOD DAG ZER RO, ,CHANG SKYUG PA'I SNGAGS PADMA CAN LAS 'BYUNG NGO, ,MYA NGAN MED PA'I BRGYAD KYANG, DPYID ZLA RA BA'I TSES BRGYAD DANG, MYOS BYED KYI 'BRAS BU SO SO 'CHA' DANG, KA KA MA TZI KA'I KHU BA NI RGYA SKYEGS KYI KHU BA DANG, DUS MA YIN PA'I DUS NI MAR DO LA KHA CIG 'CHAD DO, ,ZLA BA 'DZIN PA DANG NA GA'I SNGAGS LHAG MA'ANG PADMA CAN LAS SO, ,LHAG MA DANG LE'U'I MTSAN DON NI SLA'O, ,LE'U GNYIS PAS GSUNG SNGAGS BRJOD NAS GSUM PAS LUS SKU BRJOD PA'I PHYIR LHA'I LE'U ZHES GSUNGS SO, ,SO SO SKYE BO BLA MA LA MA BLTOS PAR 'JUG PA

RNAMS RMONGS PAR BYA BA'I PHYIR, LHA'I MNGON RTOGS KYI RIM PA 'DIR GSUNGS PAS NA, RGYUD NAS BSHAD PA'I SGRA JI BZHIN PA NI SPANGS TE 'KHRUGS PA BSDEB PAR BYA'O, ,RNAL 'BYOR DANG RJES SU MTHUN PA'I GNAS SU STAN BDE BA LA 'DUG NAS, RNAL 'BYOR PAS RANG GI SNYING GAR PAm DMAR PO LAS BYUNG BA'I PADMA DMAR PO DANG, RAm DMAR PO LAS BYUNG BA'I NYI MA LA H'Um YIG BSGOMS PA LAS, RANG GI SNYING GAR RE PHA BSGOM, ZHES PA NAS RANG BZHIN CAN ZHES PA'I BAR RO, ,DE NAS MYU GU'I LHAN CIG BYED RKYEN SA CHU SOGS DANG 'DRA BA'I BSOD NAMS KYI TSOGS BSAGS PA NI, NAM MKHAR RJE BTZUN BLTAS NAS NA, ZHES PA NAS, GA-YUNG MOS SKU LA 'KHYUD PA NYID, CES PA'I BAR RO, ,DE NAS RGYUD 'DIR MED KYANG BSHAD RGYUD GUR DU MTHONG BA BLANG BA NI, SDIG BSHAGS YI RANG SKYABS 'GRO SEMS BSKYED DO, ,DE NAS TSAD MED BZHI BSGOMS PA NI DANG POR BYAMS PA ZHES PA BZHI'O, ,DE NAS STONG NYID BSGOM PA NI, STONG NYID BYANG CHUB CES TE, DE KHO NA NYID RTOGS PA'I SEMS NI 'BRAS BU'I BYANG CHUB KYI RGYUD DANG, DE KHO NA NYID KYI NGO BO YIN PAS BYANG CHUB KYI SEMS SO, ,YANG NI GONG DU BYANG CHUB TU SEMS BSKYED PA DON GYIS YOD PA LA BLTOS NAS 'DIR YANG BYANG CHUB KYI SEMS BSGOM PA BYUNG PA'O, ,BYANG CHUB KYI SEMS STONG PA TZAM BSGOM MAM SNYAM NA, YAN LAG BZHI BSGOM DGOS PA NI, GNYIS PA LA NI ZHES PA GSUM GYIS STON NO, ,STONG PAR BSGOM PA LAS YAN LAG LHAG MA GSUM DU 'GYUR TSUL NI, RE PHAS ZHES PA GNYIS TE, PAm DANG RAm DMAR PO GNYIS

, ,LAS MDUN DU PADMA DMAR PO DANG NYI MA'I STENG DU H'Um NI SA BON DANG, BSKYED PA NI BSDU ZHES PA'I DON TE YAN LAG GNYIS PA'O, ,DE LA SNA TSOGS RDO RJE BSKYED PA NI GZUGS BRNYAN DANG PHYAG RGYA DANG, MTSAN MA RDZOGS PA STE, YAN LAG GSUM PA'O, ,DE'I LTE PA LA H'Um YIG GIS MTSAN PA NI YIG 'BRU DGOD PA STE YAN LAG BZHI PA'O, ,DE BSGOM PAS CI ZHIG BYA SNYAM NA, SNA TSOGS RDO RJE SA BON DANG BCAS PA DE NYID KYIS NI RDO RJE'I RA BA DANG GUR BYA STE, GANG GIS SA GZHI DANG BLA BRE 'ANG BSDU'O, ,DE DAG GIS NI RO GANG DU BSGOM PA'I GDAN MA BSTAN LA, GDAN YANG DGOS NA DE GANG ZHE NA, BLA MA LA ZHU BA'AM BSHAD RGYUD DU BTZAL DGOS TE, BSHAD RGYUD LAS, NAM MKHA'I KHAMS NI PADMA LA, NYI MA'I DKYIL 'KHOR BSAM PAR BYA, ,DE LA H'Um SKYES SNGON PO NI, ,BRTUL ZHUGS CAN GYIS PHYAG GNYIS BSGOM, ZHES GSUNGS PA'I NAM MKHA'I KHAMS SU PADMA DMAR PO DANG, DE'I STENG DU NYI MA, DE'I KHAR RO SGOM PA NI DANG POR RO NI ZHES PA BZHI'O, , RO'I SNYING GAR MNGON BYANG LNGA BSGOM PA LAS, BCOM LDAN 'DAS BZHENGS PA BSGOM PA NI, A'A LI ZHES PA BZHI'O, ,NANG DU NI ZLA NYI'I BAR DU'O, ,DE NYID NI SA BON H'Um YIG GO ,RDOR SEMS SU 'JOG PA'I RGYU MTSAN NI MCHOG TU DGA' BA'I RANG BZHIN YIN PA'I PHYIR RO, ,'DI NI MU TIG PHRENG BAR SA BON SBYOR BA DANG, PHYAG MTSAN DNGOS GZHI DANG, MTSAN PA'I SA BON NI RJES KYI BDE BA DANG, ZLA NYI 'DUS PA LAS BDE BA SKYE BAR BSHAD PA LTAR BYAS NA LEGS SO, ,SA BON BSKYED PA'I 'OG TU JI

LTAR BYA BA NI, H'Um LAS BYUNG BA'I RDO RJE NI, ZHES PA BCU'O, ,SNGON PO DANG SNGO DMAR DU BSGOM PA GDAM NGA CAN DU STON PA NI, DAD PAS BSGOM ZHES PAS BSTAN TE, GANG LA DAD PA LTAR BSGOM PA'O, ,GTZO BO BSKYED TSUL DE LTAR YIN NA 'KHOR GYI LHA MO RNAMS JI LTAR BYA SNYAM PA LA, RANG GI LUS MTSUNGS RNAM PAR SPRO, ,ZHES SOGS KYIS BSTAN TE GO SLA'O, ,ZHES KU MU tIR BSHAD LA, BSDUS NAS SNYING GAR BKUG PA NA RNAL 'BYOR PA ZHE SDANG RDO RJER 'GYUR TSUL YANG MA BSHAD DE, LUGS 'DI LA MA BSHAD PA DE RNAMS KYANG DKA' BAR SNANG LA, SNGO DANG NYI MA MTSUNGS PA'I MDOG ,CES PA'ANG SNGAR YANG DE LTAR BSHAD PAS LAN GNYIS SMOS PA'I RGYU MTSAN YANG DKA'O, ,DE 'DRA BA'I BCOM LDAN 'DAS GANG DU CI ZHIG MDZAD SNYAM NA, DUR KHROD DU NI RNAM PAR RO, ,ZHES SOGS SMOS SO, ,DUR KHROD NI GNYIS TE, YI DVAGS KYI GNAS DANG LUS SO, ,DANG PO NI SHING BRGYAD KYI RTZA BAR PHYOGS SKYONG BRGYAD GNAS PA'I GNAS TE, DE NI PHYI ROL GYI DUR KHROD YI DVAGS KYI GNAS SU GRAGS SO, ,'O NA LUS JI LTAR DUR KHROD YIN SNYAM PA LA, DBUGS BRGYU BA DANG SROG NI DUR KHROD DE HE RU KA'I LUS SO, ,PHYAG GNYIS PA'I BSKYED TSUL JI LTA BAR PHYAG BZHI PA DANG, PHYAG DRUG PA'ANG DE BZHIN TE, KHYAD PAR NI PHYI MA GNYIS SHES RAB MA DANG BCAS PA'O, ,ZHES PA NI KU MU tI'I BSHAD PA'O, ,LE'U 'DIR SGRAS ZIN TSOD LA LHA'I RNAL 'BYOR MI 'DRA BA MAR DU GSUNGS PA RNAMS RTAGS DKA' BAS, PADMA CAN LTAR BSHAD NA, SNGAGS DANG DBYIBS DANG CHOS BDAG NYID, ,SBYOR BA RNAM PA GSUM DU 'DOD, ,CES GSUNGS PA'I

, ,RIGS PAS SNGAGS DANG CHES GNYIS SNGAR BRJOD NAS, 'DIR DBYIBS KYI RNAL 'BYOR STON LA, DE'ANG CHOS THAMS CAD KYI RANG BZHIN DANG DBYER MED PA'I BDE BA CHEN PO'I TSUL GYIS ROL BAS LHA'O, ,DE GTAN LA 'BEBS PA NI DE'I LE'U STE DE BSHAD PAR BYA'O, ,BYAMS SOGS BSKYED PA'I RNAL 'BYOR PA'I BYANG CHUB KYI SEMS BSKYED PA NI, RANG GZHIN GYI DON GRUB PAR BYED PAS NA, TSAD MED BSGOM PA LA 'JUG PAR BYA'O ZHES STON PA NI DANG POR ZHES PA BZHI'O, ,BYAMS SOGS BZHI SPYI LTAR MA KHYAD PAR DU NA DGA' BAS BSDUS PA'I RANG BZHIN MNYAM PA NYID LA GNAS PA NI BYAMS PA DANG, SNYING RJE'I SKAD DED KA RU nA'I KA NI BDE CHEN DANG RU NI SDUD PAS TE, GNYIS MED KYI BDE CHEN LA BRTZON PA NI SNYING RJE DANG, LHAN SKYES RJES SU MYONG BAS MCHOG TU DGA' BA NI DGA' BA DANG, DE NYID DU NYON MONGS PA LA BTANG SNYOMS BSTE DPYOD ? PAR MI BYED PA NI BTANG SNYOMS SO, ,STONG PA'I BYANG CHUB SEMS ZHES PA LA NGO BO NYID DANG BRAL BA NI STONG PAS TE DES RNAM THAR GZHAN GNYIS KYANG BSDUS SO, ,DE 'DRA BA'I CHOS THAMS CAD KYI DON DAM PA RTOGS PA NI BYANG CHUB KYI SEMS TE, SHER PHYIN LHAN SKYES KYI GNAS SKABS SO, ,YAN LAG BZHI GSUNGS PA'I GNYIS PA LA NI SA BON BSDU, ZHES PA'I SA BON NI H'Um YIG LA SOGS PA DANG, DE LAS BSKYED PA NI BSDUS PA'O, ,YANG NA SA BON GYIS BSDUS PA ZHES PA STE BYANG CHUB PA BZHI PA BYA BA BSGRUB PA'O, ,DE NAS GZUGS RDZOGS PA DANG YI GE DGOD PA GNYIS SO, ,YAN LAG BZHI PO DE NI SPYIR BSTAN PA'O, ,STENG NYID BSGO

PA'I 'OG TU YAN LAG LHAG MA GSUM BSGOM TSUL NI, RE PHAS ZHES PA RAm LA ZHES BSGYUR TO, ,DE NYID KYI NI ZHES PA LA BSHAD PA MI GSAL YANG, SNA TSOGS RDO RJE H'Um GIS MTSAN PA DE NYID LAS SPOS PA'I 'OD ZER GYI RA BA SOGS BSGOM STE 'OG DANG STENG DU TSANGS PA'I GNAS LA THUG PA DANG, RGYA 'JIG RTEN GYI KHAMS LA SOGS PA'I TSAD RA BA GRU BZHI PA SNA TSOGS RDO RJE 'PHRO BA BSGOM MO, ,YANG GI SGRAS 'OG TU RDO RJE'I SA'O, ,RA BA'I DBUS SU PADMA 'DAB BRGYAD KYI LTE BAR CHOS THAMS CAD BDAG MED PA'I PHYAG RGYA'I RANG BZHIN MTSON PA'I RO BSGOM PA NI, DANG POR ZHE PA BZHI'O, ,RANG ZHES PA NI DE MA THAG TU BSHAD PA'I RO'O, ,DE'I SNYING GAR NYI MA LA H'Um DANG PHYAG MTSAN DES MTSAN PA DANG, DE LAS LHAR BSGOM PA NI RANG GI ZHES PA NAS RNAM PAR BSGOM ZHES PA'I BAR RO, ,ZHE SDANG BDAG NYID NI ZHE SDANG RNAM PAR DAG PAS TE, DE DAG GIS NI DPA' BO GCIG TU BSGOM PA BSTAN TO, ,YANG NA DANG POR LHA MO BRGYAD KYI TSOGS ZHING LA MCHOD PA SNGON DU MA BTANG BAR BYAMS SOGS BSGOM PA LAS GZHAN MCHED PA SNGON DU BTANG NAS BYAMS SOGS BSGOM PA'I TSUL STON TE, TSUL DES LHA MO BRGYAD KYIS BSKOR BA'I MNGON BYANG LNGA BSKYED STON NO, ,RJE BTZUN NI GANG LA DAD PA SGROL BA 'AM, MCHOG GI 'DOD PA'I LHA KYEE RDO RJE SOGS SO, ,DE NAM MKHAR BLTAS PA NI 'OD KYIS SPYAN DRANGS TE, NAM MKHAR BZHUGS PA BSGOM PA'O, ,RDO RJE SKYE BA NI BDE STONG DBYER MED LAS BYUNG BA DANG, RDO RJE RTZE LNGA PA LAS BSKYED PA GNYIS SO, ,DKAR MO DANG, GOO RI DANG, RI SRAS DANG,

, ,AU MA NI DBANG PHYUG GI CHUNG MA'I MING GI RNAM GRANGS YIN LA, DE'I MING GAS LHA ME 'DI LA BTAGS PA TZAM STE, KHA DOG GI SGO NAS BTAGS PA NI MIN NO, ,RI DVAGS MTSAN MA NI ZLA BA STE DE'ANG BYANG SEMS DKAR PO'O, ,BDUD LAS RGYAL BA NI NYI MA STE DE'ANG RAKTA'O, ,CHU NI DRI CHU'O, ,SMAN NI MAR ME LNGA ZHES TE SGRON ME LNGA ZHES GRAGS PA'I SHA LNGA'O, ,RDO RJE NI DRI CHEN NO, ,RO NI SBRANG RTZI'I, ,DE'I RJES SU BYAMS SOGS DANG STONG NYID BSGOM PA'I 'OG TU RE PHAS ZHES PA BZHI NI SNGAR BZHIN LA, PHYI NAS DUR KHROD BRGYAD KYIS BSKOR CING, DBUS SU PADMA 'DAB BRGYAD KYI LTE BAR RO DANG, DE'I SNYING GAR A'A LI K'A LI'I ZLA NYID DANG, DER SA BON H'Um LAS PHYAG MTSAN DANG, DE'I DBUS SU STE LTE BAR SA BON NO, , DBUS SU SA BON ZHES 'DON GYI NANG DU ZHES MI 'DON NO, ,SA BON DER RDOR SEMS SU 'JOG PA NI MCHOG TU ZHES PA'O, ,H'Um DE LAS KYEE RDO RJE'I SKU LTA BU DANG, RNAL 'BYOR MA RNAMS KYI SKU LTA BU'I 'OD ZER SPROS TE MDZAD PA MDZAD NAS, TSUR BSDUS PA NI SNYING GA STE H'Um LA GZHUG STE BYA BA BSGRUB PA'I YE SHES SO, ,SNYING GAR 'GOD PA'I H'Um LA SNYING GA ZHES BTAGS SO, ,YI GE STE RNAL 'BYOR PA SHIN TU DAG PA'I CHOS DBYINGS YE SHES KYI NGO BO ZHE SDANG DAG PA'I KYEE RDOR DU GYUR BA NI MNGON BYANG LNGA PA'O, ,SNGO DMAR NI THABS SHES DAG PA'O, ,MTSO SKYES KYI SGRUB THABS SU DBYANGS GSAL LAS ZLA NYI BSKYED PA MI GSAL YANG, BYA DGOS PA NI 'DIR BSHAD PAS SHES LA, 'KHOR GYI LHA MO BRGYAD BSKYED TSUL MI GSAL YANG,

SGRUB THABS BZHIN BYA DGOS PAS, RGYU 'BRAS GNYIS KA'I HE RU KA'I SKOR RNAMS TSUL 'DI LA'ANG BYA DGOS PA 'DRA STE DPYAD PAR BYA'O, ,MGON PO ROL ZHES PA'I ROL BA'I DON RANG GI SHES RAB DANG, LHAN CIG TU GNYIS SU MED PAR SBYOR BAS DGYES PA LA BSHAD PAS, PHYAG GNYIS PA LA'ANG YUM BZHED DO, ,YUM NI MU TIG PHRENG BAR KHA CIG GA-YUNG MO LA 'DOD PA YOD KYANG, DE MCHOD PA'I LHA MO YIN PAS 'DI'I YUM YANG BDAG MED MA LA BYA GSUNG PA LTAR LEGS SO, ,DUR KHROD LA Y DVAGS DANG RO LA SOGS PA'I GNAS DANG NANG GI LUS GNYIS LA BYAS NA 'ANG DUR KHROD DU 'JOG PA'I RGYU MTSAN NI PADMA CAN DANG KU MU tI GNYIS SU MI GSAL BAS MU TIG PHRENG BA LAS, DE LTAR 'DI'ANG SHVA NI STE RE'O, ,SA TI NI BA SA TI STE GNAS SO, , DES NA SHVA SA TI STE RO'I GNAS SO, ,DE LTAR DON SBYAR BAS DRU KHROD DU BRJOD DO, ,DRU KHROD NI SMA SHVA NI ZHES BYA BA STE, 'DIR SHVA SA TI'I TSIG GI DON RNAM PAR SBYAR BAS SO, ,DE LA TSIG RNAM PAR SBYAR BA NI, BASANTA SMIN ZHES PA NI DER GNAS PAR BYED PA STE, GNAS ZHES BYA BA'I DON TO, ,DE'ANG SHA BA NAM BA SAN ZHES BYA BA LA, TSIG GONG MA LA 'OG GI BA MAR BSGYUR TE BTAGS NA SMA'O, ,TSIG PHYI MA LA BA AAR BSGYUR TE, SA 'OG MA LA BTAGS NAS RING POR BYAS PAS, SAB BA SA NA SMAS NAR BSGYUR TE, ZHES SHVA SA TIS SHVA SA NI RO DANG, BA SA TI NI GNAS YIN PA RO GNAS PA'I DUR KHROD DANG, SHVA BA NAM BA SA NA ZHES PA'I BA GONG MA MAR BSGYUR NAS SHVA LA BTAGS PA DANG, BA 'OG MA'I AA BTON NAS SA LA BYIN PAS SA RING POR BYAS PA SMAS NA ZHE

, ,BA DUR KHROD KYI SKAD DOD DU BSHAD PAS, DBUGS RGYU'I SKAD DOD SHVA SA TI'I STENG NAS BSHAD DGOS LA, NANG GI LUS LA SBYOR NA DE DANG 'DRA BAR BDAG DANG BDAG GI BAS STONG PA'I DON TE, SNOD BCUD THAMS CAD RANG GI NGO BO NYID KYIS STONG PA LA DMIGS PA'I BDE BA CHEN POS GNAS PA NI, DUR KHROD DU ROL BA'I DON DU MAN SNYE LAS BSHAD DO, ,DUR KHROD NI MU TIG PHRENG BA DANG MAN SNYE LAS RDO RJER BA'I NANG DU BSHAD LA, RDO RJER BA'I PHYI ROL TU BYED PA DANG TSUL GNYIS YOD DO, ,DE LTAR NA HE RU KA GSUM GYIS BSKYED TSUL RIM PA GCIG TU BYAS NAS, LHA MO'I 'KHOR GYIS BSKOR BA NYID LA 'CHAD PA KU MU tI'I LUGS DANG, HE RU KA RNAMS LA DPA' BO GCIG PA DANG, RNAL 'BYOR MA'I 'KHOR GYIS BSKOR BA'I BSKYED CHOG GNYIS BYAS NAS DANG PO NI CHO GA GSUM BSKYED DANG, PHYI MA NI MNGON BYANG LNGA BSKYED LA 'CHAD PA PADMA CAN GYI LUGS TE, 'DI'I LUGS KYI YAN LAG BZHI NI LHA BSKYED TSUL SPYI LA SBYOR GYI, DE GNYIS LAS LOGS PA MI BYED DE, SH'ANTI PAS YAN LAG BZHI BSKYED TSUL ZUR PA ZHIG DANG DE NAS CHO GA GSUM BSKYED CIG DANG, DE NAS MNGON BYANG LNGA BSKYED LA LHA MO'I 'KHOR YOD MED GNYIS BYAS NAS BSKYED TSUL BZHIR 'CHAD DO, ,DE LTAR MANG DU YOD KYANG PADMA CAN LTAR LEGS SO, ,BSKYED TSUL SNGAR BSHAD PA DE PHYAG BZHI PA LA SBYOR BA NI, GONG DU ZHES SOGS TE MDOG GZUGS GNYIS KHA DOG DBYIBS SO, ,YUM RDO RJE PHAG MO LAS,

'OG MA LTAR GRI THOD CAN DU KHA CIG 'CHAD DO, ,PHYAG DRUG PA LA SBYOR BA NI, GONG DU ZHES SOGS TE, PHYAG MTSAN NI SA BHU tIR, THOD PA PHYAG GIS BZUNG BA DANG, ,GZHU DANG MDA' NA 'DZIN PA NYID, ,DE BZHIN RDO RJE DRIL BU NYID, ,DANG POR RDO RJE 'BAR BA DANG, ,GSUM PAR DE BZHIN RTZE GSUM PA, ,DPAL LDAN SHES RAB 'KHYUD PA DANG, ,ZHES GSUNGS PA'I DON MAN SNYER, GA-YAS KYI GSUM NA RIM PA BZHIN DU RDO RJE DANG MDA' DANG, RTZE GSUM DANG GA-YON GYI GSUM NA, DRIL BU DANG GZHU DANG THOD PA DANG, PHYAG DANG PO GNYIS KYIS 'KHYUD PAR BSHAD DE, GZHUNG 'DI DANG MI MTHUN NO, ,HE RU KA RDZOGS PA NI DBANG BSKUR NAS RIGS BDAG GIS RGYAS BTAB PA'I BAR GYIS YIN LA, 'DIR THUN GSUM DANG GUR LAS THUN BZHIR BSHAD DO, ,LHA GSUNGS NAS DE'I RIGS BRJOD PA'I PHYIR, DE NAS ZHES GSUNGS SO, ,DE KHO NA NYID NI DE'I DNGOS PO STE PHYAG RGYA RIGS LNGA'O, ,DE GANG DU STON PA NI DE KHO NA NYID KYI LE'U'O, ,DE RTOGS PA'I PHYIR NGO BOS ZHES GSUNGS TE, YUL DRUG DANG DBANG PO DRUG DANG, SEMS KUN NI RNAM SHES KYANG YANG DAG PA MA YIN PA'I PHYIR, GZUNG BA GZUGS SOGS DANG, 'DZIN PA MIG SHES SOGS DON DAM PAR MED DO, ,DE 'DRA BA'I DE KHO NI NYID DE GANG DU MTSON PAR BYA SNYAM NA SKYED BYED CES GSUNGS TE, MA NI GSANG DBANG BSKUR BA'I BLA MA'I YUM MO, ,SRING MO NI BLA MA LAS LHAN CIG TU NYAN BA MO'O, ,MCHOD PA NI MA NYES PA BSKYED BA'O, ,RNAL 'BYOR RIG PA NI MNYAM

, ,PAR SBYOR BA'I BSTAN BCOS ZHES PA'O, ,MA SRING GANG YIN SNYAM PA LA, GAR MA ZHES SOGS GSUNGS SO, ,BSHAD RGYUD LAS MA NI BRAM ZE MO DANG, BU MO GA-YUNG MO DANG, MNA' MA GDOL PA MO DANG, SING MO GAR MA DANG, SRING MO'I BU MO CHOS MA'O, ,ZHES BRDA'I SKAD DU GSUNGS SO, ,DE KHO NA NYID SHES PAR 'DOD PAS RIGS LNGA'I PHYAG RGYA 'DI RNAMS THABS RANG DANG, SHES RAB RIG MA'I CHOG SHES PA'I SGO NAS MCHOD PAR BYA BA KU MU tI LAS BSHAD DO, ,'DI NI DKA' BA'I GNAS GAL CHE BA YIN LA, DE'ANG PADMA CAN LTAR SHES DGOS PAS DE'I LUGS NI, SNGAR GSUNGS PA'I SNGAGS DANG LHA'I DE KHO NA NYID 'CHAD PA'I 'BREL GYIS CHOS THAMS CAD KYI DE KHO NA NYID GSUNGS PA NI, NGO BOS ZHES SOGS RKANG PA DRUG GO ,DE LA GZUGS SGRA DRI RO REG BYA LNGA DANG, MTHONG BA PO NAS REG PA PO'I BAR LNGAS NI MIG SOGS KYI DBANG PO LNGA STE, PHUNG PO'I NANG NAS GZUGS PHUNG DANG, SKYE MCHED KYI DBANG DU BYAS NAS GZUGS CAN BCU MED CES BKAG GO ,SEMS NI RNAM SHES KYI PHUNG PO DANG YID DO, ,SEMS BYUNG NI PHUNG PO BAR MA GSUM DANG, YID KYI DMIGS YUL CHOS STON NO, ,PHUNG PO GZHI MED CES PAS NI CHOS KYI SKYE MCHED NGO BO NYID MED PAR BSTAN TO, ,YANG LTA BA PO LA SOGS PA'I TSIG LNGAS BDAG DANG GANG ZAG LA SOGS PA'ANG 'DZIN PAS, MDOR NA GANG ZAG DANG CHOS RNAMS MED PA'O, ,MED TSUL NI NGO BOS MED CES PAS STON TE, PADMA CAN LAS,

JI LTAR MED SNYAM PA LA NGO BO NYID KYIS GZUGS LA SOGS PA'I RANG BZHIN MED DE, NGO BO MED CES PA'I DON TO, ,ZHES GSUNGS TE, DGAG BYA LA KHYAD PAR SBYAR BA'O, ,'DIR NI RANG BZHIN GYIS DANG RANG GI MTSAN NYID KYIS MED CES GSUNG RAB LAS MANG DU 'BYUNG BA RNAMS KYI DON YIN TE, 'CHAD TSUL DE NI GANG ZAG DANG CHOS KYI BDAG MED GNYIS GTAN LA 'BEBS PA'O, ,GZHAN YANG PADMA CAN LAS, YANG MED CES PA NI, NGES PAR MED PA STE, GZOD MA NAS CHOS THAMS CAD SKYE PA MED PAR DGAG PA NI DNGOS POR MNGON PAR ZHEN PA DGAG PA'I PHYIR RO, ,ZHES GSUNGS PA NI GANG ZAG DANG CHOS LA RANG GI NGO BO NYID KYIS GRUB PA BKAG PA DE'ANG, BDAG GNYIS KYI DNGOS POR MNGON PAR ZHE NA PAS 'CHING BAS DE BZLOG PA'I PHYIR DU YIN PAR BSHAD DE, LTA BA GTAN LA PHAB BA'I DGOS PA'O, ,GUR LAS, BDAG TU 'DZIN PA BZLOG PA'I PHYIR, STONG PA RGYAL BA RNAMS KYIS BSTAN, ZHES GSUNGS PA'I DON TO, ,YANG PADMA CAN LAS DNGOS PO MED PA NI YUL DANG DUS NGES PA MED PA NYID KYI DNGOS PO MED PA'O, ,RNAM PA THAMS CAD KYI THAMS CAD DU DNGOS PO MED PA LA NI DE BZHIN DU DGAG PA'I SBYOR BA MED PA'O, ,ZHES GSUNGS LA 'DI LA DPE KHA CIG LAS, YUL DANG DUS NGES PA NYID LA DNGOS PO MED PA'O ZHES 'BYUNG BA NI MA DAG STE, RANG GI NGO BO NYID KYIS GRUB PA'I DNGOS PO 'AM RANG BZHIN MED PA NI YUL DUS MA NGES PAR THAMS CAD LA DANG, THAMS CAD DU YOD DGOS PA'I PHYIR RO, ,DE LTAR YIN KYANG THAMS CAD KYI THAMS CAD DU MED PA NI MIN TE,

, ,YIN NA NI 'GOG MKHAN DANG, DE'I SGRUB BYED SOGS KYANG MED PAS 'GOG MI NUS PA'I DON TO, ,DE'I 'OG TU PADMA CAN LAS, 'O NA DE LTAR NA DE KHO NA NYID BSGOM PA JI LTA BU GANG DU NYE BAR BRTAG PAR BYA SNYAM PA LA, MA DANG ZHES BYA BA LA SOGS PA GSUNGS TE, MCHOD PAR BYA ZHES PA NI DGA' BA LA SOGS PA'I SKAD CIG BSKYED PAR BYA'O, ,SBYOR BA RIG PAS ZHES BYA BA NI, THABS DANG SHES RAB GNYIS SU MED PA'I SBYOR PA SHES PA'O, ,RTAG TU ZHES PA NI, SKAD CIG KYANG GZHAN DU SEMS MA YENGS PA'O, ,ZHES GSUNGS PA'I DON KYANG SHIN TU GAL CHE LA DKA' BAS ZHIB TU BSHAD NA, SNGAR BSHAD PA DE LTAR DE KHO NA NYID GTAN LA PHEBS NA, DE KHO NA NYID DE JI LTAR BSGOM PAR BYA, GANG DU NYE BAR BRTAG PA STE BSGOM PAR BYA BA'I GNAS, RTEN GANG LA BRTEN NAS BSGOM PAR BYA ZHES PA'I LAN DU, MA DANG ZHES PA'I RKANG PA GNYIS KYIS DON DE STON TE, MA DANG SRING MO SNGA MA DANG 'DRA'O, , RTEN DE MCHOD PA STE, SNYOMS 'JUG GIS MNYES PAR BYAS PA LAS DGA' BA BZHI BSKYED DE BSGOM PA NI DRI BA GNYIS PA'I LAN NO, ,DE LAS BSKYED PA'I LHAN SKYES SKYES PA DANG, THABS SHES KYI BDE STONG GNYIS MED DU SBYOR SHES PAS YUL YUL CAN GNYIS MED DU SBYAR TE MA YENGS BAR RTAG TU BSGOM PA NI DRI BA DANG PO'I LAN NO, ,DE KHO NA NYID KYI BSGOM TSUL 'DRI BA'I TSIG GI NUS PAS NI, BDAG MED KYI LTA BA'I GO BA BSKYED PA LA PHAR PHYIN GYI DBU MA

DANG THEG PA 'DI GNYIS 'DRA BAS, DE BSKYED PA'I 'OG TU BSGOM PA NA YUL CAN CI 'DRA BAS BSGOM PA'I TSUL SHIN TU MI 'DRA BAS, DE DRIS NAS LAN STON PA NA, AA HAm GI 'BAR 'DZAG GI MTHUS DRANGS PA'I BDE CHEN GYIS BSGOM DGOS PA STON PAR BZHED NAS, RIM PA 'DI LTAR DU GSUNGS PA'I DON GRUB CHEN GYIS BKRAL BA LA NGES PA RNYED PA GAL CHE'O, ,DE LTAR NA HE DANG BADZRA'I DON SBYOR BA'I SNYING PO'I DON LE'U DANG POR BSHAD PA NA, SHES RAB MED NA 'CHING BA GCOD MI NUS PA DANG, DE'ANG PHUNG SOGS KYI DNGOS MED RANG BZHIN MED PAR SHES PAR BSTAN PA ZUR TZAm LAS MA BYUNG BA LA 'DIR, GANG ZAG DANG CHOS KYI SHES BYA MTHA' DAG GI STENG DU RANG GI NGO BO NYID KYIS MED PA'I RANG BZHIN MED PAR SHES PA DANG DGAG BYA LA KHYAD PAR SBYAR BA'I NUS PAS GANG YANG YOD PA MIN PA'I CHAD STONG DU MA SENG BAR BYA BYED KYI RTEN 'BREL SHIN TU 'THAD PA'I TSUL GNYIS KYIS, SNGA MAS RTAG LTA DANG PHYI MAS CHAD PA BKAG PA'I RTAG CHAD DANG BRAL BA'I STONG NYID RTOGS PA'I SHES RAB BADZRA'I DON LEGS PAR BSHAD DE, DE NI THEG PA CHEN PO GNYIS THUN MONG BA LTAR DU GTAN LA DBAB, DE GTAN LA PHEBS NAS BSGOM PA'I DUS SU SROG DH'U T'IR BTZUD PA'I MTHUS GTUM MO 'BAR BAS BZHUS PA'I BDE CHEN HE YIG GI DON SNGAR BSHAD PA, DE'I THABS NI GNYIS TE, PHYI'I THABS SHES RAB MA LA BRTEN PA DANG, NANG GI THABS RTZA 'KHOR DU DMIGS NAS BSGOM PA'I TSUL GNYIS LAS, 'DIR SNGA MA BSTAN PA NI SNGAR GLANG BZHI'I SKABS SU BSHAD PA'I

, ,BSHAD PA GCIG GI DON TO, ,RIM PA NI SNGON DU NANG GIS THABS KYIS BYED LA, DE'I 'OG TU 'DIR BSTAN PA BZHIN BYED DE, DMIGS BSAL NI YOD DO, ,MA SRING KHO NAR MA ZAD GZHAN LA'ANG MCHOD PA NI GAR MA ZHES PA BZHI'O, ,BSTEN TSUL NI JI LTAR ZHES PA GNYIS TE, BYE BA NI GNYIS SU BYE BA DANG, SNOD MIN GYIS SHES PA'O, ,SAm BHU tIR JI LTAR RTOGS PAR MI 'GYUR BAR, ZHES KYANG 'BYUNG NGO, ,MA GSANGS PAR BSTEN PA'I NYES DMIGS NI MA GSANGS ZHES PA GNYIS TE, MA MTHONG BA PHYI MA'I NYES DMIGS NI NGAN 'GROR 'GRO BA'O, ,DE KHO NA NYID LA CHAGS PA LA GAR MA SOGS 'DIS CI ZHIG BYA SNYAM PA LA THAR PA NI MI GNAS PA'I MYANG 'DAS LHAN SKYES KYI BDE BA CHEN PO'I GO 'PHANG YIN LA, DE LA RIGS MTHUN GYI RGYU BSGOM PA MYUR ZHING DE'I RGYUR PHYAG RGYA LNGA PO 'DI RNAMS DGOS SO, ,BUD MED RNAMS NI RIGS YIN MOD PHYAG RGYA JI LTAR YIN SNYIM PA LA, RNAL 'BYOR PA'I GSANG BA'I RDO RJE 'DIS NI GANG LA BTAB PA DANG, BSKYOD PA'I PHYIR NA BUD MED NI PHYAG RGYA STE, DE'ANG GANG LA GSANG RDOR GSANG GNAS SU ZHUGS PA'I GNAS KYIS YIN GYI ,PHYAG RGYAS BTAB PA DANG MTSAN MAS NI MIN NO, ,ZHES KU MU tIR RO, ,PADMA CAN LAS, RDO RJE 'DIS ZHES PA 'DI PA LA GRAGS PA'I GSANG RDOR RAM, DE BZHIN GSHEGS PA LNGA'I RIGS SAM, GNYIS MED KYI YE SHES KYI RDO RJE 'DIS PHYAG RGYAS BTAB PAS NA GAR MA SOGS KYANG PHYAG RGYA'O, ,YANG NA DE RNAMS LA RIGS LNGA'I NGO BOR BLTAS PAS

DE KHO NA NYID BSGOMS PAS NA, 'BRAS BU DE KHO NA NYID KYIS PHYAG RGYA'I RGYU LA 'BRAS BU'I MING GIS BTAGS PAR 'CHAD DO, ,PHYAG RGYA LA 'DEBS BYED DANG GDAB BYA DANG, BTAB PA GSUM YOD PA LAS, SNGA MA LTAR NA GDAB GNAS DE DANG, PHYI MA LTAR NA DANG PO GNYIS CI RIGS SU SBYAR RO, ,PHYAG RGYA DE RNAMS KYI MING CI SNYAM PA LA, RDO RJE ZHES PA BZHI'O, ,SNYING RJE CHEN PO DAM PA YIS, ZHES PA NI RIGS MAD DU ZIN KYANG, LNGA PO 'DI RIGS MTHA' YAS PA SDUD BYED YIN PAS MCHOG GO ZHES PA'I DON TE, DAM PA NI MCHOG GI DON TO, ,GAR MA SOGS DE RNAMS GANG DANG GANG GI RIGS YIN SNYAM NA, RDO RJE'I PHYAG RGYA ZHES PA NAS, MDOR BSDUS PAS NI BRJOD PAR BYA, ZHES PA'I BAR RO, ,DE BZHIN GSHEGS PA ZHES SMOS PA'I DON GANG SNYAM NA, DPAL GYI TSOGS GNYIS KYIS SO, ,YE SHES KYI TSOGS KYIS NI DE BZHIN NYID DU GSHEGS PA DANG, GSOD NAMS KYIS SLAR YANG 'KHOR BAR 'ONGS PA NI SLAR GSHEGS TE, MI GNAS PA'I MYANG 'DAS SO, ,SNGAR PHYAG RGYA MA'I RIGS BSHAD LA, 'DIR DE BZHIN GSHEGS PA'I RIGS KYI DBYE BA STON PA NI, RIGS NI ZHES PA BZHI'O, ,LNGA RU 'JOG TSUL NI, RIGS NI ZHES PA GNYIS SO, ,GRANGS DANG BGRANG BYA LA MU TIG PHRENG BAR BSNGOS DANG BGRANGS PA ZHES BYA 'DIS, ZHES PA YOD DE, RIGS MTHA' YAS PA RNAMS 'DIR BSDUS PAS RIGS SO, ,PADMA CAN LAS, DGA' BA LA SOGS PA'I DBYE BAS GRANGS SU BYAS PA'I LHAN SKYES NI RIGS SU BRJOD PAR BSHAD DO, ,SGOM PA PO MED CES

, ,PA GNYIS KYIS SNGAGS DANG LHA'I DE KHO NA NYID STON TE, YE SHES CHEN PO'I NGOR DE DAG MED PA'O, ,DE LTAR NA NGAL BA DON MED DO SNYAM PA LA, SNGAGS DANG LHA YOD PAR BSTAN TO, ,YOD NA RTAG LTAR 'GYUR RO, ,SNYAM PA LA SPROS PA MED CES TE, GNAS PA MED PA'I SBYOR BAS LHAN SKYES SU GNAS PA'O, ,DE BZHIN GSHEGS PA RNAMS KYI MING NI CI RIGS DRUG NI GANG SNYAM PA LA, SNANG MDZAD CES PA GNYIS SO, ,'DI DAG MING GZHAN GYIS RTOGS PAR BYA BA'I PHYIR DU MING GSUNGS PA NI, TSANGS PA ZHES PA GNYIS SO, ,MING GI DON 'CHAD PA NI, TSANGS PA ZHES PA DRUG GO ,DE LA SANGS RGYAS NI RNAM SNANG NGO, ,KHYAB PA NI CHOS DBYINGS KYIS TE MI BSKYOD PA'O, ,BYA BA GRUB PA'I RANG BZHIN GYIS SEMS CAN THAMS CAD LA 'JIG RTEN DANG DE LAS 'DAS PA'I DGE BA STER BAS ZHI BA NI DON GRUB BO, ,MNYAM NYID YE SHES KYIS CHOS THAMS CAD MNYAM PAS THAMS CAD NI RIN 'BYUNG NGO, ,SOR RTOG YE SHES KYIS DE KHO NA NYID RTOGS PA'I BDE CHEN NAM MKHA' LTA BUR GYUR PAS DE NYID NA 'OD DPAG MED DO, ,LHAN SKYES KYI BDE CHEN RTOGS PA'I GNAS SKABS KYI, RNAM SANGS RGYAS NI RDOR SEMS SO, ,RIGS THAMS CAD BSDU NA DER 'DU BAS RNAM PAR NI KHYAD PAR DU 'PHAGS PA'I SANGS RGYAS SO, ,YANG NA BDE STONG SBYAR BA'I LHAN SKYES NYID, SNGAGS DANG LTA DANG, RNAM SNANG SOGS DRUG DANG, TSANGS PA SOGS DRUG TU BSHAD DO, ,LHAR GSUNGS PA'I DON LUS LAS ZHES PA GNYIS KYIS TE, DE HA SAm BHA BA ZHES PA'I HA DANG SA BHA

PHYIS PA'I DE BA NI LHA DANG, YI GE TSANG BA'I DON LUS LAS 'BYUNG BA'O, ,BCOM LDAN 'DAS SU 'JOG PA'I TSUL GNYIS NI SNGAR BSHAD ZIN TO, ,BDE CHEN GYI SHES RAB KYIS 'GRO BA BSKYED PAS NI BRTAN GA-YO THAMS CAD DE'I BDAG NYID DU BYUNG BA'O, ,DGA' BA SOGS 'BYED CING STON PAR BYED PA DANG, CHAGS CHEN GYI DGA' BAR BYED PA DANG, SANGS RGYAS THAMS CAD KYI YON TAN 'JO BA DANG, 'DREN PA DANG, CHOS THAMS CAD KYI RANG BZHIN DU GAR BYED PA DANG, MI GNAS PAS GA-YO BA DANG, RNAM RTOG LAS BYUNG BA'I NYON MONGS THAMS CAD KYIS REG TU MED PAS MA LA SOGS PAR BRJOD DO, ,HE RU KA'I RNAL 'BYOR PA RNAMS KYI SGO GSUM GYI BYA BA THAMS CAD PHYAG RGYA DANG SNGAGS DANG TING NGE 'DZIN DU STON PA NI, A'A LI SOGS SO, ,RKANG PA'I RJES ZHES PA GNYIS NI, BRTEN PA HE RU KAS MNAN PA'I GZHI DE RTEN GYI DKYIL 'KHOR DU 'JOG PA BZHIN DU DKYIL 'KHOR DU STON PAS TE, NYED PHYIR NI MNAN PAS ZHES BSGYUR BA'I DON TO, ,PHA LAS BDE BA THOB PA NI BLA MAS MAN NGAG BSTAN PA DANG, DE LA DBANG DUS SU THOB PA'O, ,'CHI BA NI KUN RTOG BCAD PA'I DON TO, ,LE'U'I DON BSDU NA DE KHO NA NYID KYI LTA BA BTZAL RNYED PA NA GSANG STE TE, LAS RGYA LA BRTEN NAS RTAG TU BDE STONG SBYAR TE BSGOM, DE LTAR BYED PA'ANG 'BRAS BU'I SA'I GNAD KYIS DANG, YUL DE RNAMS PHYAG RGYAR 'JOG PA'I GNAD KYIS YIN, PHYAG RGYA BSTEN PA LA SO SO'I RIGS BSNGAGS PAS RIGS NGO SHES PAR BYED DO, ,DE BZHIN GSHEGS PA

, ,RIGS DRUG DANG LNGA DANG GSUM DU GSUNGS PA'I NGES DON GYI RIGS KYANG PHYAG RGYAL BRTEN NAS BSKYED PA'I YE SHES DE NYID LA 'JOG PA LA PHYI'I 'JOG TSUL DANG, SO SO'I 'JOG TSUL GNYIS DANG, NGES DON GYI PHYAG RGYA SHES RAB MA'ANG, YE SHES DE LA 'JOG TSUL DANG, YE SHES DE LDAN GYI RNAL 'BYOR PA'I BSNGAGS PA STON PAR 'DU'O, ,LE'U DRUG PA LA MTSAMS SBYOR NI, DE NAS ZHES SOGS TE, RGYAL TSAB KYI GNAS DBANG DU BYAS PA DE KHO NA NYID RIG PA'I RNAL 'BYOR PAS, SEMS CAN RJES SU BZUNG BA DANG DE KHO NA'I DON LA NGES PAR SEMS PA'I PHYIR DU, SPYOD PA'I LE'U BSHAD PAR BYA'O, ,DE KHO NA NYID BSHAD PA DES NA DER MA ZAD DON GZHAN YANG BSHAD DO, ,SPYOD PA NI GNAS DANG NYE BA'I GNAS SU BRGYU ZHING 'GRO BA'O, ,PHA ROL PHYIN PA NI SO SKYE GZHAN LAS SHIN TU 'DAS PA'O, ,MCHOG NI SGRUB PO'I DAM TSIG GI TSOGS SO, ,'O NA DGOS PA SNGA MA GNYIS KYI PHYIR THABS MANG DU YOD NA, KUN TU RGYU BAS KHAMS ZAD PAR BYED PA'I SPYOD PA 'DI CI'I PHYIR GSUNGS SNYAM NA, SPYOD PA GANG GI RGYUD 'DIR GSUNGS PA'I GRUB PA'I GNAS BCU GNYIS KYI MTHAR THUG PAR 'GRO BA'AM, GNAS DER BZHUGS PA'I RNAL 'BYOR PHO MO RNAMS DANG NYE BAR 'GRO BA'O, ,DER 'GRO BA'ANG CI'I PHYIR SNYAM PA LA, KYEE RDO RJE'I DNGOS GRUB NI SANGS RGYAS YIN LA, DE'I RGYU NI RNAL 'BYOR MA STE DE DANG LHAN CIG TU 'DUS PAS GO 'PHANG DE 'THOB PA'I PHYIR RO, ,RGYAL TSAB DE'I RGYAN NI, SGOM PA PO YI RNAM

'DZIN PA, ZHES PA NAS STAG GI PAGS PA NYID KYI BAR RO, ,KHA ZAS NI BDUD RTZI LNGA'O, ,HE RU KA ZHES PA DRUG LA BSHAD PA MA BYUNG NGO, ,RGYAL TSAB DE'I BSGOM PA'I GNAS NI, SHING GCIG LA SOGS PA LNGA NI RIM PA BZHIN, SHING GNYIS PA MED PA DANG, SROG SONG BA'I GNAS DANG, TSANGS MA SOGS MA MO BDUN GYI GNAS DANG, SKYE BO MANG PO SPANGS PA DANG, LAM RING PO'O, ,MTSAN ME NI DUS MA YIN PA'O, ,GNAS KYI BSHAD PA GNYIS NI, RANG BZHIN 'OD GSAL GYI YE SHES NI SHING GCIG STE DE DANG 'DRA BA'O, ,JI LTAR NA SHING GZHAN MED PA BZHIN SPROS PA'I CHOS GZHAN MI DMIGS PA DANG, 'BRAS BU LA SOGS PAS SEMS CAN LA PHAN PA BZHIN DU, DNGOS GRUB GSUM GYIS RGYU BYAS NAS PHAN 'DOGS PA'O, ,RNAL 'BYOR MA BCO BRGYAD KYI MA MO RNAMS KYI KHYIM RTZA'I 'KHOR LO DANG, DUR KHROD NI DPUGS BRGYU ZHES PA'I RIGS PAS RANG GI LUS SO, ,YANG NA RUS PA'I DUM BU LA SOGS PA'I GNAS YIN PAS DUR KHROD DO, ,DBEN PA NI SKYE BOS TE RTOG PA LAS RGYAL BA'O, ,BAS MTHA' NI BDE CHEN 'KHOR LO'I 'OG GI 'KHOR LO GSUM GYI NANG GI LAM ZHES TE DH'U T'I'O, ,SGOM PA BZANG BA NI YID DER RO GCIG PA'O, ,DROD THOB PA NI SGOM PA CUNG ZAD THOB PA'O, ,GAL TE ZHES PA NI SPYOD PA BYA BAR NGES PA MED PA'O, ,SHES RAB MA MED PAR SPYOD PA SPYAD PA MA YIN ZHES STON PA NI SHIN TU BZHIN BZANG SOGS SO, ,RJES SU CHAGS PAR BYA BA'I PHYIR DGA' RTZED KYI RKYEN GSUNGS PA NI, GAL TE GLU BLANG ZHES SOGS TE, DGA' BA NI

, ,RNAL 'BYOR MA DGA' BAR BYA BA'I PHYIR RO, ,RDO RJE LDAN PA NI GLU LEN PA RDO RJE'I TSIG DANG LDAN PAR BYED PA'O, ,'DOD PA'I RTZED MO'I LONGS SPYOD NI, SMAN NI ZHES SOGS GSUNGS PA'I SMAN NI TZANDAN DMAR PO'O, ,CHU NI RI DVAGS LAS SKYES PA'I CHANG NGO, ,ZHES TE KU MU tI'I BSHAD PA'O, ,SNGAR BSHAD PA'I DE KHO NA NYID KYI RNAL 'BYOR GYIS, DROD THOB PA'I RNAL 'BYOR PA RNAMS KYIS SPYOD PA BYA BA NI, DE NAS ZHES PAS BSTAN TE, ,SPYOD PA MA LUS PA'I PHA ROL TU PHYIN PA STE, MCHOG TU GYUR PA GTZO BO'I SPYOD PA BSHAD PAR BYA'O, ,GANG LA NI, 'CHAD PA'I SPYOD PA GANG GIS GRUB PA'I MTHA' RNAL 'BYOR BA RNAMS KYIS SPYOD PA'I GZHUNG LUGS DER 'GRO BA STE DON DU GNYER BA LAS SO, ,DGOS PA NI KYEE RDOR GYI RGYUD DU GSUNGS PA'I DNGOS GRUB KYI RGYUD DE MTSAN MA BYUNG BAR SHES PA DANG, SPYOD PA SPYAD PA'I PHYIR RO, ,DA NI GNYIS MED KYI DE KHO NA NYID BSGOM PA'I SRAS KYI THU BO RGYAL TSAB KYIS CHOS KYI RGYAL SRID SKYONG BA'I DBANG DU BYAS TE, RGYAL TSAB KYIS RGYAN RNAM PAR 'DZIN PAR BSHAD PA NI, RNA BA DAG LA ZHES SOGS GSUNGS SO, ,HE NI RGYU SOGS STONG PA STE ZHES SOGS KYI TSUL GYI BDAG NYID DU SBYOR BA NI HE RU KA'I SBYOR BA'O, ,DES KHA DOG LA LA GNAS PA'I LNGA NI, BRAM ZE LA SOGS PA DANG, RDO RJE'I RIG LA SOGS PA'I MTHAR THUG PA'I THA MA RNAMS SO, ,DE RNAMS LA MNYAM PAR GNAS TE SPYOD PA NI RIGS NGAN MA'ANG 'GROGS SU SLONG BA DANG, LUS LA REG PA SOGS BYED PA STE, RIGS GCIG TU BRTAG PA'ANG DE'O, ,YANG NA RIGS

SAM KHA DOG LNGA NI SANGS RGYAS LNGA'I BDAG NYID KYI PHUNG PO LNGA'O, ,DE LA MNYAM PAR SPYOD PA NI, DE LNGA GA DE BZHIN NYID DU BSDUS NAS RIGS GCIG PA STE RO GCIG TU BRTAG PA STE BSAM PAR BYA'O, ,DE LTAR BYA DGOS PA'I RGYU MTSAN NA DON, DAM PAR NA KHA DOG RIGS LNGA'I DBYE BA SNA TSOGS PA MI DMIGS PA'I PHYIR RO, ,SPYOD PA BYED PA'I GNAS NI SHING GCIG CES SOGS KYIS STON PA'I SHING GCIG NI GNOD SBYIN LA SOGS PAS BYIN GYIS BRLABS PA'O, ,MA MO'I GNAS SNGAR DANG 'DRA, MTSAN MO NI SHES RAB YIN LA, DE'ANG RNAL 'BYOR MA'I GNAS DANG ZHING LA SOGS PA'O, ,NANG BSHAD NI LAG RKANG LA SOGS PA'I YAL GA DANG LDAN PA'I LUS NI, BDE CHEN 'BRAS BU SMIN PA BSKYED PAS SHING DANG DBUGS PHYUNG BAS DUR KHROD DU BSHAD DE, DUR KHROD LA'ANG 'JUG PA'I SHVA SA TIR DBUGS PHYUNG GIS 'JOG PA'O, ,MA MO NI SNGAR DANG 'DRA, MTSAN MO NI SHES RAB KYIS CHAGS SOGS 'GOG PA'O, ,DBEN PA NI SNYING STOBS LA SOGS PA'I RTOG PA DANG BRAL BA'O, ,BAS MTHA' NI 'KHOR LO BZHI'I NANG DH'U T'I'I LAM STE, 'DI NI BGROD DKA' BA DANG LAM RING BA'I PHYIR RO, ,SPYOD PA BYED RAN PA'I DUS NI, DROD CUNG ZAD THOB NAS ZHES TE DROD NI MTHU 'AM NUS PA STE, DE'ANG MU TIG PHRENG BAR MI DANG MI MA YIN DANG, BKRES SKOm DANG GRANG DRO'I GNOD PAS MI BRDZI BA LA BSHAD PA LTAR YIN PAS, DROD NI NUS PA LA BSGYUR BA LTAR LEGS KYI, SBYOR LAM DROD THOB PAR STON PA NI MIN NO, ,GAL TE DON NI SNGAR DANG 'DRA BAS,

, ,TSE 'DIR MCHOG THOB PAR 'DOD NA NGES PAR SPYOD PA BYA DGOS LA GZHAN LA MA NGES SO, ,RANG GCIG PUS MIN PAR GROGS KHYAD PAR CAN DGOS PA NI, SHIN TU BZHIN BZANG NAS GZUNG BAR BYA BA'I BAR GYIS SO, ,RDO RJE'I RIGS KYI PHYAG RGYA MA MA RNYED NA, RANG GI YI DAM LHA'I RIGS KYI SHES RAB MAS BYA BA NI RANG 'DOD CES PA'O, ,BYANG CHUB KYI SA BON GDAB PA NI, BYANG CHUB KYI SEMS BSKYED PA'O, ,SBYANG BA NI DBANG BSKUR BA'O, ,GLU LEN PA'I TSE RDO RJE'I TSIG DE KHO NA NYID STON PAR BYED PA MCHOG DANG LDAN PAS BYA'I, GRONG PA'I GLU PHAL PA NI MIN NO, ,RGYAN LNGA'I DAG PA SLA LA, SHES RAB NI STONG PA NYID KYI'O, ,THABS NI BDE CHEN NO, ,ZHE SDANG DAG PA NI KYEE RDOR GYI GZUGS SO, ,SMAN NI DRI CHEN DANG, CHU NI DRI CHU'O, ,RTAG PA ZHES PA DAS CI TZAM DU BYA BA STON PAS BZA' BA MI 'CHI BCU PHYED DANG MI ZLOS SO, ,DE ZOS PA'I PHAN YON NI RGA SHI ZHES PA GNYIS KYIS SO, ,HUm BYUNG NI KYEE RDOR TE DE LAS RUS PA'I RGYAN SBYAR BA'AM, RANG NYID DANG DE GNYIS BSGOMS PAS SBYAR BAR BYA'O, ,SKRA'I SKUD PA NI RKUN MA'I STE, RKUN MA MTSON GYIS BSAD PA DANG, 'GAGS TE SHI BA SOGS SO, ,RUS PA'I SKA RAGS YOD KYANG SKRAS SKA RAGS BYA BAR BSHAD PA'I RIGS PA NI, RIN PO CHE DANG RUS RGYAN LA SOGS PA'I SKABS GZHAN KHA CIG TU'ANG SHES PAR BYA'O, ,RDO RJE THOD PA NI KYEE RDOR TE ZHES PA NI RDO RJE NI BADZRA DANG, THOD PA NI KA P'A LA BDE BA SKYONG BA HE'I DON TO, ,BRKAM PA NI 'DOD CHAGS DANG

DUG GSUM DANG, 'BYUNG PO LA 'JIGS PA DANG, NGO TSA BA NI ZHUM NAS 'DZEM PA SOGS TE, 'DI RNAMS KYIS HA CANG MI GNOD PA'O, ,GNYID SPONG BA NI DES, LAM GYI BAR CHAD DU 'GYUR BA'O, ,BDAG NYID KYANG SPANG ZHES KHU'I 'GYUR LA YOD PA'I DON NI BDAG LTA RTZAD NAS DBYUNG BA'O, ,LUS SBYIN PAR GTONG BA NI SEMS TZAM GYIS YIN LA, DE'ANG RDO RJE RNAL 'BYOR MA RNAMS DANG SEMS CAN THAMS CAD KYI PHYIR RO, ,SKAL DANG SKAL MIN SOGS KYI DON GCIG DANG DU MA'I SBYOR BA DANG BRAL BAS, SBYIN BYA DANG SBYIN BYED DON DAM PAR MI DMIGS PA'I PHYIR, DON DAM PAR LUS SBYIN PAR MI BYA ZHES PA NI, SKAL PA ZHES PA MU TIG PHRENG BAR CHA DANG CHA MIN ZHES PAR YANG BSGYUR PAS CHOG LA, DE'I TSE CHA BCAS SAM ZLA BCAS NI DU MA DANG, CHA MED DE ZLA MED NI GCIG YIN PA DANG, BDEN PAR BZUNG NAS MI SBYIN PA NI DON DAM PAR MI SBYIN PA'I DON TO, ,BZA' BCA' ZHES PA NAS, RNAM RTOG NYID DU MI BYA'O ZHES PA'I BAR GYIS ZHEN PAR DANG, RNAM PAR RTOG PAR MI BYA BA'ANG BDEN 'DZIN MED PAR DE RNAMS SPYAD PAR BYA BA'I DON TO, ,SPYOD PA'I SKABS 'DIR SKU GZUGS SOGS LA PHYAG BYED PA BKAG YOD PAS, DE LTA NA BLA MA LA'ANG PHYAG RGYA MI DGOS SAM SNYAM NA, DNGOS GRUB THOB PA'I SLOB MA GANG ZHES PA BZHIS, PHYAG MA BYAS NA MNAR MED DU LHUNG BAS PHYAG BYA DOGS SO, ,ZHES GSUNGS PAS RDO RJE SLOB DPON GYI ZHING NI SHIN TU GNYAN NO, ,LUS LA SOGS PA'I 'JUG LDOG GI BYA BA NGES PA NI BSLAB PA'O, ,DKYIL 'KHOR DU 'JUG PA NI

, ,DBANG NGO, ,DBANG NI CHO GAR YANG BSGYUR RO, ,NGO TSA BA NI 'DZEM PA STE KHREL YOD PA'O, ,DE NI 'DIR RDO RJE THEG PA RANG GI RIGS KYIS BYA BA BZA' MIN ZA BA DANG, BGROD MIN LA BGROD PA MA 'DZEM PA'O, ,DE 'GOG PA NI DE BZHIN ZHES PA STO DE LAS KYANG GROL ZHES PA'O, ,PHUNG PO LNGA'I DNGOS PO THAMS CAD KYI RANG BZHIN STONG NYID DANG, SNYING RJE CHEN PO NI LHAN SKYES KYI BDE BA YIN LA, DE 'DRA BA'I STONG PA DANG SNYING RJE DBYER MED DU SBYOR BA'I SKU YIS GNAS ZHES PA'O, ,RNAM DPYAD NI DE GNYIS SBYOR BA'O, ,SBYIN SREG SOGS NI PHYI'I DBANG DU BYAS LA, DE BYAS NAS NANG DU BDE STONG LA SBYAR TE BSGOM PA LA GNOD PA RNAMS MI BYED PA'O, ,'JIGS PAR MI BYED PA'I TSUL NI, 'JIGS PA'I RGYU MTHONG NA RANG DANG GNYIS SU MED PAR DMIGS NAS SEMS ZHUM PAR MI BYED PA'O, ,SNYING RJE NI BDE CHEN NO, ,DE'I RGYUR BTUNG BA NI AA BA DH'U T'I BZHOS NAS TE, DER KUN TA LTA BU PHAB NAS 'THUNGS PAS RTAG TU BDE CHEN BSKYED PA'O, ,RNAL 'BYOR PA BTUNG BA DE LA SHIN TU DGA' BAS NI, PHYI ROL GYI BTUNG BA'I RO LA CHAGS SHING DGA' BAR MI BYA'O, ,ZHES BSHAD PA RNAMS NI PADMA CAN GYI LUGS DE LEGS PAR SNANG NGO, DON BSDU NA PHYI NANG GI LHAN SKYES 'DREN THABS KYIS BDE CHEN DRANGS TE, DE KHO NA NYID BSGOMS PA LA BRTEN NAS, SNGAR BSHAD PA LTAR GYI MTHU THOB PA NI, RIG MA MTSAN LDAN KHRID, DUR KHROD KYI CHAS KYIS BRGYAN TE, GNAS DANG ZHING LA SOGS PA'I

GNAS RNAMS SU BYON NAS, PHYAG RGYA LA BRTEN TE, LHAN SKYES KYI BDE STONG NYID SKYONG BA DANG, BDUD RTZI LNGA RTAG TU BSTEN PAR BYED DE 'DI NI KHAMS RGYAS PA'I YANG RGYU CHEN PO'O, ,DE LTAR NA RIG MA'I 'DOD YON LA RANG BZHIN YONGS SU SHES PA'I BDE CHEN GYIS SPYOD PA NI, SPYOD PA'I DON YIN LA, DE LA'ANG SPROS BCAS SOGS GSUM GSUNGS PA LAS, 'DIR GSUNGS TSOD NI SPROS MED RGYAS 'BRING BSDUS GSUM GYIS BSDUS PA YIN MOD KYANG, DES MTSON NAS GZHAN RNAMS KYANG SHES PAR BYA'O, ,LE'U BDUN PA LA MTSAMS SBYAR BA NI, SPYOD PA'I LE'U GSUNGS PA'I RJES DE NAS, TZTSA MAM STE BRDA'I LE'U BSHAD DE, SPYAD PA BYED PA'I CHE GZHAN NAM RANG GIS DAM TSIG LA GNAS PA'I RDO RJE RNAL 'BYOR MA LA SOGS PA MTHONG BA NA, BRDA DANG BRDA'I LAN MA SHES NA, DE DAG DANG NYE BAR 'DU BA'I SKAL BA MED PAS, DE SHES PA'I RGYU PHYAG RGYA GSUNGS SO, ,LE'U'I DON DNGOS LA NI BRDA DANG BRDA LAN SHES PA GANG GIS RANG GI DAM TSIG LA GNAS PA'I RDO RJE SPUN DANG, SRING MOR THE TSOM MED PAR SHES PAR 'GYUR BA NI BSHAD DO, ,'DIR PHYAG RGYA RNAMS NI LAG PA GA-YON PA'I BYA BAR MI TIG PHRENG BA SOGS LAS BSHAD PAS, RNAL 'BYOR MA GANG ZHIG GI SOR MO GCIG STON PA NI, LEGS PAR 'ONGS SAM, ZHES 'DRI PA YIN LA, RANG GI SOR MO GNYIS BSTAN PAS NI, SHIN TU LEGS PAR 'ONGS SO ZHES LAN 'DEBS PA'O, ,GCIG NI MDZUB MO DANG GNYIS NI GUNG MDZUB DANG, MDZUB MO'I BRDAS NI SHES

, ,RAB KYI PADMA BSKUL BA DANG, LEGS PAR 'ONGS SO ZHES PA'I BRDAS NI, SOR MO'I SBYOR BAS BSKUL BAS SHU KRA BKUG PA'I DON DANG, SNYUN GYI PHYAG RGYAS NI GA-YON PA SHES RAB KYI PADMA DANG, MTHE BO NI RDO RJE DANG BCANGS PA NI 'BAB PA'I DUS SU SHIN TU BTZIR BAR SBYOR PHRENG LAS SO, ,SNYUN GYI PHYAG RGYA'I LAN SOR MO GCIG STON PA LA BHA BAS SO, ,DE'I ZHES PA RNAMS NI DE'I LAN DU ZHES PA'O, ,GOS STON ZHES PA NI PADMA CAN DANG MU TIG PHRENG BA SOGS SU, GUNG MDZUB GNYIS DBRAL BAR THOD LTAR 'PHRENG LA 'DZIN PA LA BSHAD CING, PHYI MAR THOD STON PA 'BYUNG GI, GOS ZHES PA MED LA BHA BA'I 'GREL PAR BYUNG NGO, ,SA NI SPRUL PA'I 'KHOR LO DANG, KHA MI SMOS PAR 'KHOR LO ZHES STON NAS, DE'I DON SNYING GA'I 'KHOR LO LA SBYOR PHRENG LAS BSHAD CING, BHA BAS 'KHOR LO'I DON MTHEB MDZUB GNYIS RTZE SBYAR TE, SOR MO GSUM DGROL BA SNGON DU 'GRO BAS ZLUM PAR 'CHANG BA LA BSHAD DO, ,LTO BAS ZHES PA LA NI MU TIG PHRENG BAR LTA BA'I DGA' BAS BRTZE PAR BYA, ZHES 'BYUNG LA, PADMA CAN LAS PHO LONG ZHES PA NI BTZUN MO DANG RTZE BA'I RGYUS PAGS PA LA SOGS PA'I RIL BU GYEN DU 'PHEN PAR STON ZHES BSHAD DO, ,RTZE GSUM NI MTHE BOS MTHE'U CHUNG MNAN NAS LHAG MA GSUM BSGRENG BA'O, ,MTSAMS NI SKRA MTSAMS SO, ,DAM TSIG GIS NI STE BRDAS DBYE BA STE GSAL BAR BYA'O, ,PHRENG BA BTANG BA, PHRENG BA LAN STON GYI BRDAS

LAN DE DE LTAR BYA BAR STON PA'O, ,BRTUL ZHUGS BZANG ZHES POS NAS, DAM TSIG LA GNAS PAR GYIS SHIG PA'O, ,BZANG PO'I SPYOD YUL NI ZHING DANG GNAS LA SOGS PA BZANG POR RO, ,GANG DU 'DU BA'I GNAS KYI GRANGS ZHUS PA NI, KYEE BCOM LDAN 'DAS ZHES SOGS SO, ,LAN NI GNAS ZHES PA NAS BRJOD MI BYA ZHES PA'I BAR RO, ,SA BCU GNYIS NI, RAB DGA' SOGS BCU NI SAm BHU tI LAS BSHAD LA, LHAG MA GNYIS NI MOS SPYOD KYI SA DANG, BCU GCIG KUN TU 'OD KYI SA LA, MU TIG PHRENG BA DANG, MAN SNYE DANG BHA BAS BSHAD DO, ,SAm BHU tIR GNAS NAS NYE ZHING GI BAR BZHI, RAB DGA' NAS 'OD 'PHRO'I BAR BZHI DANG, TZTSA NDHO MDON DU GYUR PA DANG NYE BA'I TSTZA NDHO SBYANG DKA' BA DANG, 'DU BA GNYIS DANG DUR KHROD GNYIS NI RING DU SONG BAS NA CHOS KYI SPRIN GYI BAR LA BSHAD PA'I MTHAR, PHA ROL PHYIN BCU SA RNAMS LA, ,RNAL 'BYOR MA YI KLA KLO'I SKAD, ,CES GSUNGS SO, ,DE'I SHUGS KYIS NI 'THUNG SPYED MOS SPYOD DANG, NYE BA'I 'THUNG SPYOD KUN TU 'OD LA BYA DGOS SO, ,SA RNAMS KYI BDAG PO LA, RAB DGA' SOGS SA BCU'I DBANG PHYUG NI BYANG SEMS DANG, MGON PO NI SANGS RGYAS SO, ,DE RNAMS SA DE DAG LAS GZHAN DU MED PA NI RKANG PA THA MAS STON NI, ,GANG 'DRA BA ZHIG GNAS LA SOGS PA LAGS ZHES DRIS PA DANG LAN NI NYE BA'I DUR KHROD BRJOD PAR BYA ZHES PA'I BAR RO, ,MAN SNYER KOLLA GI RI DANG AURnA GI RI DANG, PU LIR MA LA YA DANG, RDO RJE'I GNAS ZHES PA RNAMS RNAM GRANGS SU BSHAD PAS, KOLLA GI RI NI BU LI RA'O, ,

, ,BYED PA'I BRANG DANG PAGS PA'I BRANG ZHES PA GNYIS NI MAN SNYER, KA R'AndA KA dA KA DANG, KA TA RA BAtA KA ZHES MA BSGYUR BAR BZHAG PA LTAR BYAS NA DAG GO, BA'I MCHOD SBYIN DANG KHA BA'I RI NI, GO TA BA RI DANG, HI MA LA YA GNYIS BSGYUR BA'O, ,TSTSA NDHO HA NI 'DUN RTOG CES PAR BSGYUR TO, ,GRONG KHYER NE PA tA LI BU tAR DANG, LAN TSVA'I RGYA MTSO'I DBUS SU SO NA BA NI HA RI KE LA'I KHYAD PAR DU MU TIG PHRENG BAR RO, ,BANDHA NI MAN SNYER 'BIGS BYED DU BSHAD DO, ,'THUNG SPYOD LA GRONG DANG GONG KHYER GYI SA GZHI GNYIS GCIG TU BYAS PA NAS GZHON NU'I GRONG KHYER GYI BAR LNGAR BYAS SHING, NYE BA'I 'THUNG SPYOD KYANG DE DANG NYE BA LNGAR BSHAD DO, ,DUR KHROD LA RAB SONG GI SA GZHI DANG, RGYA MTSO'I 'GRAM GNYIS SU BYED PAR BRTAG GNYIS KYI LUGS SU MAN SNYER BSHAD PAS DGE 'DUN ZHES PA 'GYUR SKYON NO, ,KYI RDOR DU 'DU BA DANG NYE BA'I 'DU BA GONG DU SMOS NAS, SKABS 'DIR MA BSHAD PA NI PHYAG CHEN THIG LER, ZHING LA MU MU nI DANG, DE WI KO tI GNYIS SU BYAS NAS, 'DU BA LA KARMA RA P'A tA KA DANG, GSER GLING GNYIS DANG, NYE BA'I ZHING LA KU LU TA DANG AAR BU TA GNYIS DANG, 'THUNG GCOD LA KHA CHE DANG KI RA TI GNYIS SU BYAS NAS, NYE BA'I 'DU BA LA KONG KA NA DANG 'BIGS BYED GNYIS SU BYAS PA LTAR BYAS NA 'THAD PA 'DRA STE DPYAD DO, ,MAN SNYER AAR BU TA SAm BHU tIR GNAS DANG, KYEE RDOR DU NYE BA'I ZHING DU BYAS PA DANG, GO RA BA TI NI SAM BHU tI RA NYE BA'I GNAS DANG, KYEE RDOR DU NYE BA'I ZHING DANG

PHYAG CHEN THIG LER TZTZA NDHO HAR BSHAD PA RNAMS MI BGAL TE, GNAS DANG ZHING GNYIS DANG, TZTSA NDHO HA RNAMS TSA GRANG BZHIN DU MI 'GAL BA'I PHYIR DANG, DON GCIG LA'ANG MING SNA TSOGS 'JUG PA'I PHYIR DANG, 'DUL BYA'I DBANG GIS SNA TSOGS STON PA MI 'GAL BA'I PHYIR RO, ,ZHES GSUNG NGO, ,TZTSA NDHO HA NAG PO SOGS DRUG BSGOM PA NI MNYAM PA NYID KYI DON LA KHA DOG TU ZHEN PA'I SKYON SPONG BA'I PHYIR DU YIN PAR PADMA CAN LAS GSUNGS TE, BSGOM LUGS NI MTSO SKYES KYI SGRUB THABS KYI 'GREL BA LAS, GTZO BO'I THUGS KA'I H'Um YIG NAG PO DANG, DE LAS THIG LE'O, ,DE'I 'OD ZER GTZO BO'I BA SPU'I BU GA LAS THON NAS, RTEN DANG BRTEN PA THAMS CAD NAG POR BYAS PAR SEMS SHING, DE BZHIN DU KHA DOG GZHAN LA'ANG BYED PAR BSHAD PA LTAR RO, ,DE'I MTHAR KHA DOG BSHIG NAS 'OD GSAL DU 'JUG TSUL YANG 'GREL PA DE NYID LAS, THUGS KA'I ZLA NYI'I BAR GYI H'Um YIG LAS, A'A LI K'A LI 'PHROS PA DBUGS 'BYUNG BA'I LAM NAS THON PA'I 'OD ZER GYIS 'JIG RTEN GSUM PO GCIG TU BSDUS NAS DKYIL 'KHOR LA BSDUS SHING, RIM PA BZHIN DU LHA MO BRGYAD ZHAL BRGYAD DANG, YUM YANG YAB LA BSDUS PA'I MTHAR, NYI ZLA KHA SBYOR GYI BAR GYI SA BON GNAS PA'I TSE THOG MA THA MA ZHES SOGS KYI DON RIG PAR BYAS NAS, GTZO BO YANG 'OD GSAL DU 'JUG STE, YI GE DANG ZLA NYI GSUM 'DRES PA NI SNANG MCHED THOB GSUM GYI YI GE DAG PA DANG, BDUD RTZI'I RANG BZHIN 'OD

, ,GSAL DANG MAR ME'I RTZE MO NUB NAS 'GRO BA BZHIN DU 'OD ZER GYI PHUNG PO'I RNAM PA RNAMS GCIG LA GCIG THIM NAS RNAM SHES NAM MKHA' DANG 'DRA BA'I 'OD GSAL LA THIM ZHING DE NAS SLAR YANG LDANG BA'I RIM PA BSHAD DO, ,DE LTAR NA DGA' BRAL MTHAR YANG ZHES PA'I DON NI, DGA' BRAL GYI DON NI LHA SKYES YIN LA'ANG GI SGRAS NAG PO SOGS BSGOM PAR MA ZAD LHAN SKYES KYANG BSGOM ZHES PA'I DON NO, ,YANG NA DGA' BRAL ZHES MI 'DON PAR RNAM PAR DGA' BA ZHES 'DON TE, KHYAD PAR DU 'PHAGS PA'I DGA' BA YIN LA, DE'I MTHA' NI SNGAR DANG 'DRA'O, ,DE BZHIN ZHES PA NI KHA DOG BSHIG PA'I MTHAR LHAN SKYES BSGOM PAR MA ZAD, SKABS GZHAN DU'ANG SNGA MA BZHIN DU BSGOM PAR BYA ZHES PA NI PADMA CAN GYI DGONGS PA STE, MTHAR ZHES PA SKABS GANG DU BSGOM PA STON PA MIN GYI, BSGOM BYA STON PA'O, ,DPAL YAN LAG MED PA'I RDO RJES NI SPRUL PA'I 'KHOR LO Am YIG NAG PO 'OD DANG BCAS PA BSGOM, DE GYUR PA LAS MAR ME'I 'OD LTAR 'BAR BA'I 'OD ZER BA SPU'I BU GA NAS BYUNG STE, GOO R'I SOGS SNANG BAR BYAS NAS RTEN DANG BRTEN PA'I DKYIL 'KHOR THAMS CAD MIG SMAN BCAG PA'I MDOG LTAR BSGOM STE, RIM PA DES DKAR PO'I BAR YAN LAG DRUG BSGOM PAR BYA'O, ,PHYI NAS DGA' BRAL MTHAR YANG DE BZHIN NO, ,ZHES PA LHA MO BRGYAD RANG RANG GI PHYOGS KYI ZHAL BRGYAD DU ZHUGS NAS, RANG GI SA BON GNAS PAR BYA'O, ,DE NAS

YUM YANG YAB KYI THUGS KAR ZHUGS PAR BSAM MO, ,DE NAS GTZO BO'ANG SNGAR LUS LA BKOD PA'I RTZA 'KHOR BZHI LAS 'OD ZER 'PHROS PAS, 'OD KYI RANG BZHIN DU BYAS TE THUGS KA'I SA BON LA GZHUG GO, SA BON GYI GDAN NYI MA'ANG SA BON LA DANG, SA BON H'Um YANG THIG LER GYUR NAS THIG LE DANG BCAS PA'I 'KHOR LO GSUM NI, BDE CHEN GYI RANG BZHIN 'OD ZER DKAR PO'I RNAM PAR BSGOM MO, ,DE'ANG RIM GYIS RANG GI BDAG NYID DU ZHU NAS MI DMIGS PAR BSAM MO, ,ZHES BSHAD DO, ,'DI'I LUGS KYIS KYANG YAN LAG DRUG BSGOM PA'I MTHAR LHAN SKYES LA 'JUG TSUL SNGA MA DANG 'DRA LA, dOm BI PAS, PHYI NAS KHA DOG RNAM PAR DAG, CES PA'I DON YANG DE DANG 'DRA'O, ,YAN LAG DRUG PA LAS, YAN LAG DRUG GIS BSKYED PA NI, DANG PO SPRIN DANG 'DRA BAR MTHONG, ZHES SOGS GSUNGS PA'I YAN LAG DRUG KYANG, BDUD RTZI 'OD LAS NAG PO SOGS BSGOM PA LA YAN LAG DRUG TU GSUNGS PA DANG 'DRA'O, ,GUR LAS KYANG, PHO BRANG BSKYED PA SOGS KYI YAN LAG DRUG RDZOGS PA'I MTHAR DE NAS YAN LAG DRUG BSGOMS TE, RANG YANG RANG BYIN BRLAB PA YIS, ,BYIN GYIS BRLAB PAR BYA BA YIN, ,CHO GA'I GO RIM RIM PA YIS, ,DE NAS MTSAN MO MTSON PAR BYA, ,DANG PO SPRIN GYI RNAM PA STE, ZHES SOGS GSUNGS PAS, KYEE RDOR GYI LUGS LA YAN LAG DRUG LA 'CHAD TSUL GNYIS YOD DO, ,SEMS 'GREL GYI SKOR NAS, YAN LAG DRUG BSGOM RNAL 'BYOR PAS, ZHES PA'I DON SOR SDUD LA SOGS PA DRUG LA

, ,BSHAD PA'ANG YOD DE, RDO RJE'I TSIG GCIG LA DON DU MA YOD PA MI 'GAL BAS, LUGS RE RE KHO NA BZUNG NAS LUGS GZHAN 'GOG PAR MI BYA'O, ,STON PAS BDEN GNYIS KYI DBYE BAS RIM PA GNYIS GSUNGS PA LA, NAM MKHA'I KHAMS SU BHA GA BSAMS ZHES SOGS KYIS NI BSKYED PA'I CHA'AM RIM PA LNGAR BSHAD PAS, DE DAG GI DON GNYIS PA RDZOGS RIM GYI CHA BSHAD PA NI, NAM MKHA'I ZHES SOGS SO, ,NAM MKHA'I KHAMS DAG PA'I PADMA NI NAM MKHA' 'O, ,BHA GA NI BYANG CHUB KYI SEMS SO, ,DBUS SU BSGOM PAR BYA BA NI THABS SHES SNYOMS PAR 'JUG PA'O, ,DE LAS BYUNG BA'I BDE CHEN NI 'KHOR LO STE LHA RNAMS 'DUS PA'I PHYIR RO, ,JI LTAR RIGS PA NI, DE'ANG BDE BA STE RIGS PA'I STOBS NYID KYIS RANG RIG PA BDAG DANG GANG ZAG LA SOGS PA MED PA'O ZHES GSUNGS TE, BDE BA DES RANG GI DE KHO NA NYID BDAG MED RIG PA'I DON TO, ,LHA RNAMS JI LTAR 'BYUNG BA ZHES PA'I LHA NI, BYANG CHUB KYI SEMS STONG NYID DANG SNYING RJE DBYER MED PA'I LHA BDAG MED PA'O ZHES BSHAD PA NI SNGAR GYI RANG RIG PA GSAL DU BTANG BA'O, ,JI LTAR RDZAS NI 'BYUNG 'GYUR BA ZHES PA NI, DE LAS 'BYUNG BA'I RIM PA LAS 'DA' BA MED PA'I MTSAN NYID DO, ,'DI NI SNYOMS PAR ZHUGS PA LAS KUNDA LTA BU 'BYUNG, DE LAS BDE BA DANG DES BDAG MED PA RIG PA'I RIM PA LAS MI 'DA' BA'O, ,'DIR BSHAD PA'I RDZAS KHU BA NI YAB KYI DBANG DU BYAS LA, BHA GA YE SHES SAM

BYANG CHUB KYI SEMS SU BSHAD PA NI YUM GYI DBANG DU BYAS PA'O, ,DE LTAR NA NAM MKHA' NI PADMA'I DBUS KYI NAM MKHA' DANG, BHA GA NI BYANG CHUB KYI SEMS 'DZIN PA'I RTEN SKYE GNAS KYI GZUGS DANG, DE'I DBUS SU BSGOM RGYU'I 'BYUNG BA NAS RTEN GYI DKYIL 'KHOR GYI BAR BSGOM PA NI BHA GA DER RDO RJE ZHUGS PA'I SNYOMS 'JUG DANG, 'KHOR LO NI DE LAS BYUNG BA'I BDE BA 'DUS PA DANG, DES DE NYID RIG PA NI JI LTAR RIGS PA DANG, BDE STONG DBYER MED NI LHA DANG DE RNAMS KYI 'BYUNG RIM LAS MI 'DA' BAR BYA BA NI JI LTAR 'BYUNG BAS BSTAN TO, ,'DI RDZOGS RIM GYI BDE BA LA BSHAD PAS SNYOMS 'JUG GI THABS KYIS RLUNG DH'U T'IR BTZUD PA LAS LHAN SKYES 'DREN PA'O, ,TSUL DE LA LHAN SKYES GNYIS SU BYED PA NI LHAN CIG GO ZHES PA ZHIG GO ,DE GNYIS GNAS PA'I RTEN LA PHO MO GNYIS SU BYED PA NI, RE ZHIG CES PA GNYIS TE, 'DIS NI SNGAR SNYOMS 'JUG PA ZHES GSUNGS PA'I RTEN GNYIS BSTAN TO, ,BDEN GNYIS KYI DBYE BA LAS SLAR YANG LHAN SKYES LA GNYIS SU 'BYED PA NI KUN RDZOB CES PA GNYIS SO, ,DE'I 'BYED TSUL LA RTEN GYI SGO NAS 'BYED PA NI, RE ZHIG CES PA GNYIS SO, ,DE RTEN GZHAN LA'ANG SBYOR BA NI SKYES BU JI BZHIN ZHES PA GNYIS SO, ,RTEN KHU BA LA LHAN SKYES SU BZHAG PA NI, KUN RDZOB KUNDA LTA BU STE, ZHES PA'O, ,BRTEN PA BDE BA LA BZHAG PA NI, DON DAM BDEN PA'I GZUGS CAN NO, ,ZHES PA'O, ,GZHAN YANG BDE CHEN GYI CHA DANG, STONG NYID RTOGS PA'I CHA NAS KYANG

, ,LHAN SKYES LA KUN RDZOB DANG, DON DAM PA'I DBYE BA GNYIS SU BYA DGOS SO, ,DE NYID PHYIR NA DGA' BA YANG, ,DBYE BA YANG NI RNAM PA BZHI, ,ZHES 'DON TE, DE'I RGYU MTSAN NI GANG PHYIR LHAN CIG SKYES RNAM BZHI, ZHES 'DON TE, 'DI LTAR GYI DON NI GANG GI PHYIR GYI DON NO, ,LHAN SKYES NYID CHUNG 'BRING LA SOGS PA'I DBYE BAS DGA' BA BZHI'I RJES SU 'JUG PAS, LHAN SKYES KYI DGA' BA NYID LA DGA' BA BZHIR 'BYED PA YIN LA, TSUL DE BSKYED RIM LA MED PAS RDZOGS PA'I RIM PA'I PHYOGS LA ZHES GSUNGS SO, ,DE NYID PHYIR NA ZHES PA NI RTEN GYI SGO NAS BZHIR 'BYED PA'ANG LHAN SKYES KHO NA'I SGO NAS 'JOG PA DE'I PHYIR NA ZHES PA'I DON TO, ,BSKYED RIM PA'I DGA' BZHI LA LHAN SKYES RJES SU MI 'GRO BA LA, GNAS NGES PA NYID DO ZHES GSUNGS PA NI, BZHI PO DE NGO BO SO SOR NGES PA'AM, YANG NA DH'A T'IR ZHUGS PA MIN PA'I 'BAR 'DZAG LAS SKYE BA'I DON TO, ,DE DAG GIS NI BSKYED RIM PA'I DGA' BZHI LHAN SKYES LA MI 'BYED PAR NGES KYANG, RDZOGS RIM PA'I DGA' BZHI THAMS CAD LHAN SKYES LA 'BYED PAR STEN PA MIN GYI, RTEN DE LA MTSAMS SHIG NAS DE LTAR YOD PAR STON PA'O, ,LE'U DGU PA NI BRGYAD PAR GSUNGS PA'I BDAG MED MA'I DKYIL 'KHOR DANG PHYAG BCU DRUG PA'I RNAM DAG STON PAS, DE NAS ZHES SO, ,RNAM DAG LA GNYIS LAS MCHOG NI DE BZHIN NYID KYI DANG, PHAL PA NI LHA'I RNAM DAG GO, DANG PO NI, PHUNG SOGS KYI DNGOS PO THAMS CAD KYI DAG

PA NI DE RNAMS RANG GI NGO BO NYID KYIS GRUB PAS STONG PA'I DE BZHIN NYID DU BRJOD DO, ,'DI LA DNGOS PO RNAMS GDOD MAS DE LTAR GNAS PA NI YUL GYI RNAM DAG YIN LA, DE RTOGS PAS DRI MA SBYONG BA NI KHYAD PAR GYI RNAM DAG STE, BHA BAS BSHAD PA LTAR GNYIS SU BYA'O, ,PHYI NAS ZHES PA GNYIS NI PHUNG SOGS LHA SO SOR DAG PAR STON PA'O, ,DAG PA SNGA MA STON PA NI PHUNG PO ZHES SOGS TE SKYE MCHED DRUG NI PHYI'I YUL DRUG GO, DE RNAMS RANG BZHIN GYIS DAG PA NI DE BZHIN NYID KYI BDAG NYID KYI NGO BO NYID KYIS DAG PAR BSHAD PA LTAR RANG BZHIN GYIS GRUB PAS STONG PA NI, DE BZHIN NYID YIN LA PHUNG SOGS RNAMS STONG PA DE'I NGO BOR GNAS PA'I DON TO, ,GAL TE DE LTAR DAG NA LAM GYIS DAG PAR BYA CI DGOS SNYAM PA LA, NYON MONGS ZHES PA ZHIG STE, RANG BZHIN RNAM DAG KYANG PHUNG SOGS KYI RANG BZHIN LOG PAR ZHUGS PA'I GLOR BUR GYI NYON MONGS KYIS BSGRIBS PAS, DE'I RANG BZHIN RTOGS PAR BYA BA'I SGO NAS SBYONG BAR BYED DO, ,PHUNG SOGS KYI RANG BZHIN DRI MAS BSLAD PA MED KYANG, SEMS DRI MAS BSLAD LA, DRI MA'ANG SEMS KYI RANG BZHIN MA SHES PA'I MA RIG PA'I DBANG GIS 'BYUNG BAS, DE'I RANG BZHIN SHES PAR BYAS PA DE NYID BSGOM STE SBYONG BA'I DON TO, ,RANG RIG BDAG NYID DAG PA YIS, ZHES 'DON PA LTAR NA DES DAG PAR 'GYUR GYI DAG PA GZHAN GYIS RNAM PAR GROL BAS SANGS RGYAS 'THOB PA MIN ZHES PA'O, ,DAG PA GZHAN NI PHA ROL TU PHYIN PA'I TSUL GYIS DE BZHIN NYID KYI DAG PA BSHAD PA YIN LA, 'DIR NI RDZOGS PA'I

, ,BYANG CHUB KYI LAM GYI TSUL RANG GI RIG PA'I BDE BA CHEN PO MCHOG GIS DE BZHIN NYID RTOGS PA'I RNAM DAG GO, 'DIS NI YUL CAN GYI SGO NAS DE BZHIN NYID KYI RNAM DAG KHYAD PAR CAN STON PAS, DE BZHIN NYID KYI RNAM DAG LA THEG PA 'DI DANG PHAR PHYIN GYI TSUL GNYIS STON PA PADMA CAN GYI LUGS LTAR BYA'O, ,'GREL PA GZHAN GYIS RANG GIS RIG PA'I DAG PA DE BZHIN NYID RTOGS PA TZAM DANG, DAG PA GZHAN NI DE BZHIN NYID MA RTOGS PA STE, DES MA GROL ZHES 'CHAD PA RGYUD KYI DON MIN TE, RANG GI RIG PA'I BDE BA MCHOG ,CES PA DANG, 'DOD YON LA CHAGS PA LAM DU BYED PA NGES PAR BSTEN PAR GSUNGS PAS SO, ,DES NA GZHAN GYIS RNAM GROL MIN ZHES PA NI, BDE STONG SBYOR BA SGOM PA MED PA'I LAM RNAMS LA'ANG, MTHAR LAM 'DI ? MA BSNAN PAR 'TSANG MI RGYA BA'I DON TO, ,DE LTAR BYAS NA DE BZHIN NYID KYI DAG PA DANG LHA'I RNAM DAG GNYIS KYI DANG PO LA, THUN MONG BA DANG THUN MONG MONG MA YIN PA GNYIS SU YOD PAS RNAM DAG GNYIS SU BYA'O, ,RANG RIG PA'I DAG PA DANG, DE BZHIN NYID KYI DAG PA GNYIS, SO SOR BYED PA DON MIN TE, RANG RIG PAS DAG PA LA DE BZHIN NYID KYI DAG PAS KHYAB PA'I PHYIR RO, ,YUL GYI DNGOS PO DAG PA'I DON PADMA CAN LAS MA BKRAL YANG, GZUGS SOGS KYI YUL GYI DNGOS PO RANG BZHIN GYIS DAG PA BLA NA MED PA DANG PHAR PHYIN PA GNYIS THUN MONG BA YIN PA'I PHYIR DANG, THUN MONG MA YIN PA'I DAG PA ZHIG KYANG 'DIR YOD PAS NA, RANG GIS RIG PA'I DAG PA ZHES SNGAR BSHAD PA NI

YUL CAN KHYAD PAR CAN BDE BA CHEN PO YIN LA, DE DANG DE BZHIN NYID KYI SBYOR BA NI GZHAN GYIS DAG PA LAS MCHOG GO ZHES SBYAR RO, ,GZUGS SOGS KYI YUL DANG GZHAN YANG PHUNG SOGS RNAL 'BYOR BAS GANG MTHONG BA RNAMS KYI RANG BZHIN RNAM DAG GI TSUL DANG, SANGS RGYAS KYI RANG BZHIN DAG LUGS GNYIS DBYER MED LAS, 'GRO BA'I DE NYIS SANGS RGYAS RDO RJE 'DZIN PA'I RANG BZHIN DANG, DE LTAR RTOGS PAS 'GRO BA SANGS RGYAS SU 'GYUR RO, ,KYE ZHES 'DRI BA NI 'DI THAMS CAD RANG BZHIN GYIS DAG NA, MA DAG PA MI 'DUG PA SNYAM NAS 'DRI BA'O, ,DE'I LAN DU GZUGS SOGS SO ZHES GSUNGS PA NAS, DE LAS DAG PA YIN NA RANG BZHIN GYIS DAG PAR BSHAD PA 'GAL SNYAM PA LA, MA DAG PAR 'JOG LUGS 'CHAD PA NI, CI'I SLAD DU NAS PHYIR RO ZHES PA'I BAR RO, ,GZUNG 'DZIN DU 'GRO LUGS DRIS NAS LAN MDZAD PA NI, KYE ZHES PA NAS, YID KYI BDE SOGS 'THOB PA NI, ZHES PA'I BAR TE GZUNG 'DZIN LA BDEN PAR ZHAN PAS MA DAG PAR 'JOG LA, GZUGS SOGS LA BDEN 'DZIN GYIS 'CHING BA DANG, GZUGS SOGS NGO BO NYID KYIS GRUB PAS STONG PA'I NGO BOR GNAS PA LA 'GAL BA MED PA, RANG BZHIN GYIS DAG PAR BSHAD PA DANG MI 'GAL LO, ,GZHAN YANG GZUGS SOGS YUL YID DU 'ONG BA LA SRED NAS, DE DAG LONGS SPYAD PA'I RKYEN GYIS KYANG NGAN 'GROR 'KHRID PA SOGS BYED PA'ANG MA DAG PA'O, ,'O NA BDEN 'DZIN 'BAD PA KUN GYIS MI BSKYED PAR DGAG DGOS PA BZHIN

, ,DU, 'DOD YON LA SRED PA'ANG DE LTAR BYA DGOS TE, DE GNYIS KA'ANG 'CHING BYED KYI MA DAG PAR MTSUNGS PA'I PHYIR RO, ,DES NA PHYAG RGYAL BRTEN PA'I ZHU BDES DE KHO NA NYID BSGOM PA THEG PA GZHAN LAS KHYAD PAR DU 'PHAGS PA'I LAM DU MI 'GYUR RO SNYAM NA, BDE CHEN BSKYED PA NI BDEN MED KYI DE KHO NA NYID BSGOM PA'I PHYIR YIN LA, DE LTAR BYED PAS NI BDEN 'DZIN GYI 'DZIN STANGS KYI DNGOS GNYEN RGYUN DU BSTEN PA YIN PAS, BDEN 'DZIN DE 'BAD PAS DGAG DGOS SO, ,SRED LDAN GYI LAS RGYA CHED DU BYAS NAS BSTEN PA NA 'DOD YON LA SRED PA 'DREN PAR BYED KYI, DE'I 'DZIN STANGS KYI BZLOG PHYOGS MI BSTEN PAS MI MTSUNGS SO, ,BDEN 'DZIN GYI 'DZIN STANGS KYI BZLOG PHYOGS RGYUN LDAN DU BSTEN KYANG, RE ZHIG GI BAR DU SRED PA MI LDOG LA, MTHAR BDEN 'DZIN ZAD PA NA SRED PA LDOG KYANG MI 'DOD PA MIN PAS 'GAL BA'I SKYON MED DO, ,DES NA BDE CHEN GYIS DE KHO NA NYID SHES PAS DAG PAS, 'DOD YON LA SRED PAS NGAN 'GROR 'KHRID PA DANG, LAM GYI GEGS BYED PA'I DUG RNAMS MED PAR BYED PAS, DE LTAR BYAS NAS 'DOD YON 'DI DAG NGES PAR BSTEN PAR BYA'O, ,MDOR NA RIG MA'I 'DOD YON LA CHAGS PA GANG ZAG PHAL MO CHE LA DUG TU 'GYUR YANG, GANG ZAG GI KHYAD PAR 'GA' ZHIG LA DUG TU MI 'GYUR BA'I STENG DU MYUR DU GROL BA'I LAM DU 'GYUR BA LTAR, BDEN 'DZIN 'CHING RGYUR 'GRO MI 'GRO GNYIS MED PA'I DON

TO, ,LHA'I RNAM DAG STON PA NI GZUGS PHUNG NAS PHUNG PO SBYANG PAR BYA, ZHES PA'I BAR TE SLA'O, ,'JIG RTEN BCINGS PA NI PHUNG PO DANG CHAGS LA SOGS SU BSHAD DO, ,'DI DAG GI BZLOG PHYOGS DE NYID SHES PAS GROL BA NI BDAG MED SHES PA TZAM MIN GYI YUL CAN KHYAD PAR CAN GYIS SHES PA'I DON BSGOM PA'O, ,DE'I PHYIR DRI MED CES SOGS NI LNGA PA LTAR GTAN LA DBAB BO, ,DE NYID SHES PA KHYAD PAR CAN LA NI DBANG MA BSKUR NA NYAN PA SOGS BYAR MED LA, DBANG BSKUR BA'ANG DKYIL 'KHOR MED PAR MED PAS, DKYIL 'KHOR JI LTAR BRI BA'I RIM PAR BSHAD PAR BYA ZHES PA NI, DE NAS ZHES PA GNYIS SO, ,DE NAS GNYIS KYIS NI DBANG BSKUR BA'I TSIG BSHAD PAR DAM 'CHA' BA'O, ,SA SBYANG BA DANG LE'U GSUM PA LAS GSUNGS PA LTAR SRUNG 'KHOR BYA BA NI DANG POR ZHES PA BZHI'O, ,DKYIL 'KHOR BYA BA'I GNAS NI TSAL DANG ZHES PA BZHI STE, BYANG SEMS KYI KHYIM NI LHA KHANG NGO, ,DAM PA'I TSON NI RIN CHEN ZHES PAS BSTAN TO, ,BDAG MED MA'I DKYIL 'KHOR LA KHRU GSUM DANG MTHEB SOR GSUM LHAG PAR BYA BA'I NANG BSHAD NI KU MU tI LAS, LAS RGYA'I PADMA ZUR GSUM PA DANG THABS KYI RDO RJE SBYOR BA LA BSHAD DO, ,DKYIL 'KHOR GYI MTSAN NYID NI 'OG NAS STON PA 'DIR BLANG NGO, DER NI RIGS LNGA ZHES SOGS NI, SA CHOG DANG STA GON DANG DKYIL 'KHOR BRI SGRUB DANG, GZHUG PA DANG ZHUGS PA LA SLOB DPON GYI DBANG GI BAR BSKUR BA'I RJES SU, ,GSANG BA DANG SHES RAB YE SHES

, ,KYI DBANG BSKUR BA'I DBANG DU BYAS PA'O, ,'DI'I RIG MA LO BCU GNYIS NAS NYER LNGA'I BAR GZHAN DU GSUNGS LA, DER MA ZAD JI SRID CES PA GNYIS KYI PHYAG RGYA LA BYANG SEMS DKAR PO JI SRID 'DZAG PA DE SRID KYI BAR DU DBANG GI PHYAG RGYAR BSTEN PA 'DIR GSUNGS SO, ,GDONG GNYIS MIG DAR GYIS 'CHING BA NI, GSANG DBANG LA THE TSOM ZA BA SRID PAS ZHES GSUNGS KYANG, GSUM PA LA'ANG NGO TSAS BCINGS NA BDE CHEN NGES MI ZIN PA SPANG BA'I PHYIR YIN NO, ,BSTEN PA ZHES PA GNYIS NI GSANG DBANG BSKUR BA'O, ,RO MNYAM ZHES PA BHA BA'I 'GREL BAR DE NYID LA ZHES PA'I 'OG NA YOD PA LTAR BYA'O, ,SHES RAB YE SHES BSKUR BA NI DE NYID LA'ANG BYA BA NYID CES 'DON PA'O, ,DE NYID NI DKYIL 'KHOR GYI SA DE NYID DAM RIG MA DE NYID DO, ,YANG GI SGRAS NI RIG MA GZHAN LA'ANG BYA'O, ,DBANG DE BSKUR BA LAS RO MNYAM GYI DE NYID SLOB MA'I SPYOD YUL DU MTSON PAR BYA'O, ,SHES RAB YE SHES KYI DBANG NI RANG RIG CES SOGS KYIS STON PAR PADMA CAN LAS GSUNGS LA, KU MU tIR DBANG BZHI PA STON PAR BSHAD DO, ,RANG RIG YE SHES SU 'GYUR TSUL NI RANG DANG GZHAN DU SNANG BA'I GNYIS SNANG RAGS PA SPANGS PA'O, ,MKHA' MNYAM NI NAM MKHA' DANG 'DRA BA'O, ,RDUL BRAL NI NYON MONGS PA DANG MA 'DRES PA'O, ,STONG PA NI DE LA ZHUGS PA'O, ,DNGOS DANG ZHES PA GCIG GI DON NI THABS SHES 'DRES

PAS BSTAN TE, DE LTAR RAM YANG NA YUL RTEN GNYIS KUN TU DGA' BAR MTSUNGS PAS MNYAM PA NYID KYI SEMS THOBS PA'O, ,CHAGS DANG CHAGS BRAL NI MCHOG DGA' DANG DGA' BRAL GNYIS 'DRES PA STE, 'DI'I DON NI LHAN SKYES KYI DUS SU DE GNYIS DNGOS 'DRES PA MED KYANG DE GNYIS SO SOR MA DMIGS PA NYID KYI DEN LA MAN SNYER BSHAD DO, ,SHES RAB YE SHES KYI DBANG GI GTZO BO NI GSANG GNAS KYI RTZER BYANG SEMS PHAB PA PHYIR MA 'PHOS PA LAS SKYES PA'I LHAN SKYES KYI BDE BA DANG STONG PA GNYIS YUL YUL CAN DU DBYER MED PAR SBYAR BA YIN PAR GZHUNG SNGA MA RNAMS KYIS GSAL BAR BSTAN TO, ,YE SHES DE THAMS CAD DU SONG BA MTSON PA'I PHYIR DU GSUNGS PA NI, DE NYID SROG CHAGS RNAMS KYI SROG CES PA NAS YANG DAG GNAS ZHES PA'I BAR RO, ,SROG NI DE NYID DE MI GNAS NA 'CHI BAR 'GYUR BA'O, ,YI GE NI 'GYUR MED DU BSGYUR TO, ,RANG BZHIN DE MA SHES PAS MING GZHAN NI NGO BO NYID KYI GZHAN GYIS BTAGS PA RNAMS DON DAM PAR NI LHAN SKYES NYID DO, ,DE DANG DE'I RNAM PAR GAR BYED DE, ZHES BSHAD PAS THA SNYAD MANG DU BTAGS PA RNAMS KYI GZHI LA DPYAD NA LHAN SKYES KYI RANG BZHIN LAS MI 'DA' BA'I DON TO, ,'DIR MU TIG PHRENG BA LAS, RIG BYED KYI MTHA' PA NA RE THAMS CAD RNAM PAR SHES PA'O, ,ZHES ZER RO, ,GRANGS CAN NA RE, SEMS LA SKYES BU ZHES ZER RO, ,GANG ZAG TU SMRA BA RNAMS NA RE YANG NAS YANG DU 'GRO ZHING THIM PAS GANG ZAG CES ZER RO, ,DBANG PHYUG TU SMRA BA

, ,RNAMS NA RE, BDAG RTAG PA SHES PA RTAG PA DANG LDAN PA NI DBANG PHYUG GO ZHES ZER RO, ,BDAG TU SMRA BA RNAMS NA RE BDAG NYID SKYE BA DANG 'TSO BAR BYED PA DANG, 'CHI BAR BYED PA DANG, 'CHING BAR BYED PA DANG GROL BAR BYED PA'O ZHES ZER RO, ,DE BZHIN DU GCER BU PA RNAMS NA RE 'TSO BA ZHES ZER RO, ,DE BZHIN DU SEMS CAN DU SMRA BA RNAMS NI RE SEMS CAN ZHES ZER RO, ,DUS SU SMRA BA RNAMS NA RE SKYE DGU 'DI DAG DUS KYIS BSDUS SO ZHES ZER RO, , GANG ZAG TU SMRA BA KHA CIG NA RE LAS KYIS GANG ZHING DE RNAMS 'GRO BAR ZAG PAR BYED PA NYID KYIS GANG ZAG CES ZER RO, ,ZHES GSUNGS PAS GSO BA NI 'TSO BA ZHES BSGYUR LA DON YANG DE LTAR BSHAD DO, ,DE LTAR LHAN SKYES BSHAD NAS DGA' BZHI SO SOR STON PA NI, DANG POR ZHES PA BZHI'O, ,DGA' BA DANG PO GNYIS LHAN SKYES BSKYED PA'I THABS SU 'GYUR LA, DGA' BRAL NI THABS SU MI 'DOD DO, ,LHAN SKYES BSKYED PA'I RIM PA DE DRAN PAR BYED PA TZAM YIN PAS, GSUM PO DE DAG LA MTSAN NYID DANG BRAL BA LHAN SKYES NI BZHI PA STE, BZHI PA'I GRANGS RDZOGS PA YIN GYI GSUM PA'I BAR MED PAR GNAS PA NI MA YIN NO, ,ZHES LHAN SKYES KYI MCHOG DAG'I RJES DANG, BRAL DGA'I GONG DU SKYE BAR BSHAD DO, , BRTAG PA PHYI MA LAS KYANG, BDAG GIS BDE BA ZOS PA YI, ,GROS NI RNAM PAR NYED PAR BRJOD, CES DANG, RNAM NYED DGA' BRAL DGA' BA NYID, CES SNGAR DGA' BA GSUM RIM GYIS BSKYED PA RNAMS DRAN PA LA BYAS SO, ,'ON KYANG BYANG SEMS

NOR BU'I RTZER RDZOGS NAS PHYIR MA 'PHOS PA'I TSE LHAN SKYES SKYE BA LA NI MTHUN PAR SNANG NGO, ,DGA' BA DANG PO SOGS BZHI NI LHAN SKYES SHIN TU YUL DU BYUNG BA DE, STON PAS GSAL BAR MDZAD DO ZHES PA'I DON TO, ,'GRO BA NI GONG MA DANG BCAS PA'O, ,STON PAS RNAM PA GZHAN GYIS KYANG GSAL BAR BYED PA NI, 'DOD CHAGS ZHES PA BZHI'O, ,DE'I DON NI THOG MTHA' LAS LTOS NAS DBU MAR 'JOG PA LA DE GNYIS MED PAS DBU MA'ANG MED DO, ,THOG MA DANG DBUS DANG MTHA' STONG PA'O, ,YANG NA CHAGS PA DANG CHAGS BRAL LA LHAN SKYES MED NA DE GANG LA YOD SNYAM NA, GSUM PO LAS GREL BA LA LHAN SKYES 'JOG STE, DE'ANG DMIGS SU MED CING MI 'GYUR BA'O, ,ZHES GSUNGS TE LHAN SKYES DMIGS SU MED PA'O ZHES 'BYUNG NGO, ,GAL TE DE LTA NA LHAN SKYES 'JIG RTEN PA'I YUL MIN PAS, RTOGS PA DANG 'THOB PA MED DO SNYAM NA, DGA' BRAL GYI DANG POR MTSON PAR BYA BA'I LHAN SKYES DE'ANG, BLA MA'I MAN NGAG BSGOM PA'I STOBS LAS GSAL BAR 'GYUR RO ZHES KHA BSKANG NGO, ,DE LAS GSAL BAR 'GYUR BA'I RIM PA STON PA NA, DANG PO SPRIN ZHES PA RNAMS GSUNGS SO, ,RE ZHIG LA SPRIN GYIS BSGRIBS PA LTA BUR SNANG NGO, ,DE NAS CUNG ZAD GSAL TE SGYU MA LTA BUR RO, ,ZHES BSHAD DO, ,BLO NGOR, NGO BO NYID GSAL BA SNYAM BYED KYANG DE LTAR DU MI GNAS PA'O, ,DE NAS SGOM BYA'I DON DE SHIN TU GSAL TE RMI LAM LTA BUR RO, ,SNGON SAD DUS SU MTHONG BA DE NYID RMI LAM DU GSAL BAR MTHONG BA BZHIN DU'O, ,DE NAS

, ,KYANG SHIN TU BSGOMS PAS RMI LAM DANG SAD PA DBYER MED PA LTAR GNAS SKABS THAMS CAD MNYAM PAR GSAL BA'I TSUL GYIS SO, ,YUL DANG YUL CAN DBYER MED PA DNGOS SU SNANG BA'I PHYAG RGYA CHEN PO'I DNGOS GRUB TU 'GYUR RO, ,STON PA ZHES PA NAS GSUNGS PA NYID KYI BAR NI SLA LA, RNAM RGYAL SHAR DU SBYIN PA NI SHAR SGO'I GA-YAS SU BZHAG PA'O, ,JI LTAR BSAM GTAN ZHES PA GNYIS NI, SNGAR LHA'I LE'U LAS GSUNGS PA'I SRUNG 'KHOR LTAR BYA BA STE, SNGAR 'BAD PAS H'Um LAS ZHES PAS GSAL DU BTANG BA'O, ,RANG GI ZHES PA RANG GI YI DAM GYI LHA'I DKYIL 'KHOR DU'O, ,MCHOD DANG ZHES PA GNYIS NI TSOGS ZHING GI SKABS SU BYA BA BZHIN DU 'DIR YANG BYA BA'I DON TO, ,STENG 'OG GI MTSAN MA NI RIM PA BZHIN DU PHYI'I GOO R'I DANG, RO LANGS MA'I MTSAN MA DANG NYE BAR BYA BA NI MAN NGAG TU BSHAD DO, ,RDO RJE SEMS DPA' ZHES PA DGU NI SNGAR GYI SA CHOG GI SKABS SU DRANG NGO, ,SLOB MA DBANG BSKUR BA'I PHYI NAS DE NYID BSHAD DO, ,RNAM DAG YI SHES RANG BZHIN GYIS ZHES PA NI LHAN SKYES KYI RANG BZHIN GYIS SO, ,'KHOR LA RNAM PAR BYANG BA ZHES PA LTAR BYA LA, DON DAM PAR SRID ZHI GNYIS MA GRUB PAS KHYAD PAR MED PA'O, ,DE LTA'I SRID PA ZHES PA NYID MYA NGAN LAS 'DAS PA'I ZHES PA'O, ,MCHOG DGA' ZHES SOGS NI DON GYI LHAN SKYES KYI NGOR BSGOM BYA DANG SGOM PA PO GZUNG 'DZIN DU GYUR PA MED CING, LUS MED PAS SHA LA SOGS PA'ANG MED DO, ,YANG NA BSGOM BYA NI RTEN

GYI DKYIL 'KHOR DANG, SGOM PA PO NI BRTEN PA'I DKYIL 'KHOR RO, ,LUS KYANG MED PA NI PHUNG PO LNGA LHAR DAG PA'O, ,GZUNG BA GZUGS SOGS DANG 'DZIN PA MIG SOGS MED PA NI GOO R'I DANG GTI MUG RDO RJE DAG PA'O, ,SHA SOGS MED PA NI BU KA SI SOGS DANG, SGYUG PRO BA MED PA NI SNYING RJE LA SOGS PA'I DAG PA STE, SPYAN LA SOGS PA'ANG DE NYID KYI RANG BZHIN NO, ,'DOD CHAGS MED CES SOGS DRUG 'KHOR LO SGYUR BA DRUG GO ,SGOM PA DANG SGOM PA PO MED PA NI RIM PA BZHIN DU SEMS DANG GANG ZAG DANG SEMS PA SOGS SO, ,GROGS SANGS RGYAS KYI YON TAN 'BYUNG BYED DANG, DGRA NI NYON MONGS TE 'DI THAMS CAD DMIGS SU MED PA'O, ,DE'I RGYU MTSAN NI BYE BRAG DU MAR RTOG PA ZHI BAS LHAN SKYES LA DE DAG MI RTOG PA NI, RLOM SEMS MED PA'I DON TO, ,SNA TSOGS NYID NI DE SPANGS PA'O, ,BZOD NAS ZHES PA GSUM GYIS ZHUS PA DANG LAN GYI RKANG PA GNYIS KYI DON NI, MTSON BYA DANG MTSON BYED KYI LHAN SKYES KYI DBYE BA SHES PAR 'DOD NAS ZHUS PA STE, LHAN SKYES THAMS CAD LAS DBEN PA SNGAR BSHAD PA LTAR YIN NA, 'BYUNG BA'I LUS KYI BDAG NYID DU 'GYUR BA 'GAL SNYAM PA'O, ,LAN NI MI 'GAL TE RANG BZHIN LA DGONGS NAS DE RNAMS KYI BDAG NYID DU BSHAD CES PA'O, ,KYE ZHES PA NI, CI'I STE GANG GI SLAD DU 'BYUNG BA'I PHUNG PO RNAMS SU 'GYUR ZHES DRIS SO, ,DE'I LAN DU MTSON BYED DPE'I LHAN SKYES NI, DANG POR PHYAG RGYA LAS BSKYED DGOS LA DE BSKYED PA NA, SRA GSHER SOGS KYI 'BYUNG BA LAS SKYE BAR 'GYUR TE,

, ,RGYU MTSAN NI RDO RJE DANG PADMA SBYAR BA NA, REG PA SRA BA'I CHOS DMIGS DGOS PA DANG, BYANG SEMS ZHU BA DGOS LA CHU'I KHAMS DANG BSKYOD PA DGOS LA, DE LAS ME SKYE BA DANG BYANG SEMS ZHU BA DE GSANG GNAS KYI RTZE'I BAR DU 'GRO DGOS LA, DE'I GSO BA NI RLUNG YIN LA DE BZHI TSOGS PA LAS SKYE BA'I BDE BA NI, NAM MKHA'I KHAMS YIN PAS, LNGA PO RNAMS KYIS BSKOR BA STE LNGA PO TSOGS PA LAS MTSON BYED DE 'JOG DGOS PA'I PHYIR RO, , DE 'DRA BA'I 'BYUNG BA CHEN POS BSKYED PA'I BDE BA YIN PA DE'I PHYIR DE 'DRA BA'I BDE BA NI, DON LHAN SKYES KYI DE NYID YIN NO, ,BDE STONG GI THABS SHES LHAN CIG TU SBYAR TE BSGOMS PA LAS, GANG SKYES PA'I DE KHO NA NYID MNGON SUM DU RTOGS PA NI DON DAM GYI LHAN SKYES ZHES BYA STE, DE'ANG GANG SNYAM NA DNGOS PO RNAMS KYI RANG GI DON DAM PA'I NGANG TSUL DANG RO GCIG PA NYID DU SKYES PAR BRJOD PA'O, ,DE NAS PHYI ROL GYI YUL LA SOGS PA LA DNGOS SU BLTOS PA 'BYUNG BA CHEN PO'I BDAG NYID NI, RANG BZHIN LHAN SKYES SU JI LTAR 'OS, BDE CHEN DE NI CHOS KYI SNANG BA THAMS CAD DE KHO NA NYID DU SDOM PA STE RO GCIG TU SDUD PA'O, ,DE 'DRA BA'I YO GA RNAL 'BYOR BA'I PHYAG RGYA NI RANG RGYUD KYI SHES RAB STE, DE'ANG DON DAM PAR RGYU'I SBYOR BA DANG BRAL BAS RANG BZHIN GYIS SKYE BA MED PA'I DE NYID RTOGS PA'O, ,DE DANG SNYING RJE BDE CHEN GNYIS DBYER MED DU SBYOR BA NI BYANG CHUB KYI SEMS SO, ,SNGAGS BZLAS SOGS MED PA NI PHYI'I 'O, ,DON DAM PA'I BYANG CHUB KYI

SEMS DE NYID SHES PA DANG, 'GRO BA SKYOB PA DANG, YANG DANG YANG DU BYED PAS SNGAGS BZLAS SO, ,DE NYID KHA NA MA THO BA THAMS CAD 'GOG PAS DKA' THUB STE BRTUL ZHUGS SO, ,NYON MONGS DANG PHUNG PO'I SREG RDZAS 'JOMS PAS SBYIN SREG DANG, NGES DON RDO RJE RNAL 'BYOR MA DANG HE RU KA 'DUS PAS DKYIL 'KHOR BA DANG, CHOS THAMS CAD KYI SNYING PO YIN PAS DKYIL 'KHOR RO, ,MANG DU SMRAS PAS CI ZHIG BYA STE MDOR BSDUS NA, DE NYID CHOS THAMS CAD 'DUS PA'I TSUL CAN TE, CHOS THAMS CAD KYI BDAG NYID CAN TE, DE'I PHYIR DE NYID BSKYED PAR BYA STE, DE NYID KYI 'DED DON THAMS CAD 'GRUB PAR 'GYUR RO, ,ZHES PADMA CAN LAS GSUNGS SO, ,DES NA SEMS NI 'DUN PA'I CHUL CAN DU GSUNGS PA'I DON NI, CHOS THAMS CAD KYI BDAG NYID CAN KHO NA LA MI BZUNG BAR, DE NYID SNGAGS BZLAS NI DKYIL 'KHOR DE NYID DO, ,ZHES PA LAM GZHAN RNAMS 'DIR 'DUS PAR BSHAD DGOS SO, ,LAM GZHAN GYI GNAS SKABS DANG MTHA'I DON GANG 'GRUB THAMS CAD LAM 'DIR MA TSANG BA MED PA DANG, RING POR MI THOGS PAR DANG, LAM BDE BAS 'GRUB PA'I TSUL BYED LAS KYI SGO NAS LAM THAMS CAD 'DIR 'DU BA'I TSUL SHES NAS THA NA MOS PA YID BYED KYIS KYANG BDE STONG SBYOR BA LA RGYUN MI 'CHAD DU GOMS PAR BYA'O, ,DBANG BSKUR BA SOGS KYIS SLOB DPON GYI GO 'PHANG THOB PAS CHOS BSTAN NAS, SEMS CAN GYI DON BYED PA'I RGYU SEN GDUL DKA' BA LA BSTAN PA 'JUG PAR BYED PA'I THABS GSUNGS PA NI, MNYAM PA

, ,ZHES GSUNGS SO, ,'DIR LTA STANGS BZHI LAS LTUNG BA DANG RENGS PAR BYED PA GNYIS NI GA-YAS GA-YON LA MI BLTA BAR DBUS SU BLTA BA YIN PA NI, MNYAM PAR DANG DBU MAR ZHES PAS STON LA, KHYAD PAR LA DANG POR NI DPRAL BA'I PHYOGS KYI STENG DU CUNG ZAD BLTA BA DANG, GNYIS PA NI SNA RTZE'I DBUS SU BLTA BA'O, ,MA RUNGS PA NI KHROS PA'I SEMS KYI DANG, GNYIS NI MIG 'BRAS GNYIS SO, ,DBANG LA GA-YON NA GNAS ZHES PA NI GA-YON DU BLTA BA DANG, GZUGS BRNYAN ZHES PA NI 'BRAS BUR MANG POS BSGYUR BA LEGS PAS, MIG 'BRAS GNYIS KAS GA-YON DU BLTA BA'O, ,DGUG PA NI GA-YAS PA'I CHA STE PHYOGS SU DANG, DE'ANG MIG 'BRAS GNYIS DANG PO'I STENG DU BZLOG STE DE NAS GA-YAS SU'O, ,RLUNG GI RNAL 'BYOR GANG GIS LTA STANGS GANG BSGRUB SNYAM PA LA, 'BYUNG BA ZHES SOGS TE RLUNG PHYIR 'BYIN PA DANG NANG DU BRDUB PA DANG, NANG DU DGANG BA DANG, NANG DU ZHI BAR BYED PA BZHIN BSGRUB STE, 'DI RNAMS LA LHA'I RNAL 'BYOR DANG SNGAGS BZLAS PA NI SNGAR BSHAD ZIN PA LTAR RO, ,DE LTAR BYED PA DES DANG POR GANG LA BSLAB PA NI SHING RLON PA'I 'BRAS BU MA SMIN PA LTUNG BA DANG, RGYANG RING PO'I ME TOG RANG GI DRUNG DU BSDU BA DANG, MKHREGS PA'I SHING GYEN DU 'GRENG BA THUR DU DGUG PA DANG, RLUNG DRAG POS BTAB PA'I RTZA RNAMS MI GA-YO BAR BYED PA LA BSLAB STE, DE BYUNG NA LAS BZHI BOR 'GRUB PO, ,YUN CI TZAM GYIS 'GRUB PA NI ZLA BA DRUG GIS YIN LA, DE LA 'KHRUL BA STE THE TSOM MI

BYA BA NI, 'DI LA ZHES PA GNYIS SO, ,DGANG BA BUM PA CAN LA MU TIG PHRENG BAR BSHAD PAS, DE RNAMS KYIS RDOR BZLAS DANG, BUM PA CAN GYI RLUNG SBYOR GNYIS BSTAN PAR BYA LA, DES NI LE'U GNYIS PAR RLUNG GI RNAM DBYE MANG DU GSUNGS PA LA BRTEN NAS, RLUNG LA NYAMS LEN BYA TSUL BSTAN PAR YANG BZUNG NGO, ,BSAD LAS BYAS NA DAM TSIG NYAMS PAS MI BYA BAR GSUNGS PA NI, BSAD GSO NUS PA SOGS KYI MTSAN NYID DANG MI LDAN PAS BYAS PA LA DGONGS KYI, RNAM PA THAMS CAD DU 'GOG PA MIN TE, DES NI SEMS CAN BSLU BA STE GNOD PA'I SBYOR BA MA GTOGS ZHES BSHAD PA'ANG RIG PAR BYA'O, ,NA DANG GA DANG HA YIG MING GI THOG MAR 'ONG BA NI, MI DANG BA LANG GLANG PO CHE'I DBANG DU BYAS LA, BAR PA NI GA WI ZHES PA BA LANG GI MING DU BYAS PA'I LUGS SO, ,SHVA YIG MING GI MTHAR 'ONG BA NI RTA LA AA SHVA ZER BA'O, ,SHVA YIG DANG PO 'ONG BA NI KHYI LA SHVA NA ZHES PA'I DBANG DU BYAS SO, ,DGA' BRAL LA SMOD PA NI RNAM RTOG SUN 'BYIN ZHING, LHAN SKYES LA DGA' BA STE DES 'GRUB PA'O, ,PADMA CAN LAS SNGAR BSTAN CES BTON NAS SNGAR LE'U GNYIS PAR KU RU KU LLE'I SNGAGS GSUNGS PA LA 'CHAD PA LTAR NA, GONG DU ZHES PA GNYIS DA LTA'I 'GYUR LA 'DUG PA BZHIN, YOD MED GNYIS RGYA DPE LA YOD PAR GSAL LO, ,BYE BAS PHYUGS ZHES PA NI DUD 'GRO'I BYE BRAG KLU DANG, GNOD SBYIN ZHES PA LA GLEGS BAM KHA CIG LA BAKshA NI ZHES PA YOD KYANG, YAKshA NI ZHES YOD PA DAG PAR 'GREL PA KHA CIG LAS

, ,BSHAD DO, ,'DI LA LE'U'I MING 'DOGS GSAL BAR MA BYUNG YANG LTA STANGS KYI LE'U ZHES PA DON GYIS 'THOB BO, ,RDOR SNYING MNGON PAR BYANG CHUB PA NI DE SANGS RGYAS PA'O, ,MING DE NI SNGAR GYI LE'U BCU GCIG PO'I SPYI MING NGO, ,DBANG BSKUR BA SOGS LAS SLOB DPON GYI GNAS THOB PAS RAB GNAS BYED PAS DE STON PA NI RDO RJE SOGS SO, ,RDO RJE NI SANGS RGYAS NYID KYI SKU GSUNG THUGS RDO RJE DANG, DE'I SNYING PO NI RDO RJE SEMS DPA' YIN LA ZHU BA PO'ANG DE'I NGO BO NYID YIN PAS, SANGS RGYAS THAMS CAD GCIG TU BSDUS PA'O, ,CI GSUNGS ZHES PA NI, JI LTAR RNYED PAS SBYIN SREG BYA ZHES BSGYUR LA, DE'I DON JI LTAR 'BYOR BAS BYA BAR PADMA CAN LAS GSUNGS SO, ,'DI'I SBYIN SREG NI RAB GNAS KYI STA GON GYI SKABS SU BYA'O, ,DKYIL 'KHOR ZHES PA GCIG NI RAB GNAS RGYAS PA'I DBANG DU BYAS PA STE, RAB GNAS KYI LHA LA DBANG BSKUR BA MI BYED NA DKYIL 'KHOR BZHENG MI DGOS PA'I PHYIR RO, ,'DI LA SA CHOG NI SNGAR BSHAD PA BZHIN BYA LA, SNGA BAR SKU GZUGS SPYOD BA NI, STA GON ZHES PA GCIG NI 'OG TU GDON NO, ,STA GON LA BUM PA DANG LHA DANG SNGA BAR NI NANG BAR ZHES PAR BSGYUR LA, MTSAN MO STA GON BYA BA LA BUM PA STA GON BYAS PA'I 'OG TU SBYANG BA BYA BA DANG, CHU DANG KHRUS CHAL GYIS BKRU, DE NAS LHA RNAMS SPYAN DRANGS TE MCHOD NAS SNYAN GSAN DBAB, DE NAS NAM MKHAR BZHUGS PA'I SANGS RGYAS RNAMS SKU GZUGS SOGS LA GZHUG LA BKRU

BA DANG, MCHOD PA SOGS BYA STE SLAR YANG MCHOD NAS YE SHES PA GSHEGS SU GSOL TE LHA STE GON NO, ,PADMA CAN LAS DBANG BSKUR BA MA BSHAD KYANG DKYIL 'KHOR BZHENGS NA DGOS SO, ,SNA TSOGS H'Um LAS SKYES PA ZHES BSGYUR BA DANG, DE'I DON YANG ME TOG SOGS DE LAS SKYES PAR BSHAD DO, ,RGYUD PHYI MA DE NYID BSDUS PA DANG, RGYUD SNGA MA 'DUS PA LA BSHAD DE, RGYUD RGYAS PA LA DGOS SO, ,THAB RNAMS LA STENG NI RGYA DANG 'OG NI DPANGS TSAD DO, ,'DI NYID LA LHAG MA SGRUB PA NI DBANG DGUG DANG DBYE BSKRAD SOGS MA BSHAD DO, ,AOm AAG NA-YA NAS BHI TE BHA BA'I BAR NI ME LHA THAB KYI SHAR LHOR BZHUGS SU GSOL BA'I SNGAGS DANG, SVA AARTHA NA, SOGS NI GSHEGS SU GSOL SNGAGS DANG, AOm BADZRA AA NA LA NAS, DZA: H'Um BAm HO: SA MA YA STVAm ZHES PA'I BAR NI SPYAN 'DREN PA'I SNGAGS SU DANG, AOm DZA: H'Um SOGS NI KHA KHYER LA BZHUGS PA'I DUS SU CHU 'BUL BA'I SNGAGS SU PADMA CAN LAS TE, 'GREL BA GZHAN LAS ME LHA NYID KYI MCHOD YON GYI SNGAGS SU BSHAD DO, ,SBYIN SREG GI SKABS SU NANG NGES DON GYI SBYIN SREG KYANG PADMA CAN LAS GSUNGS SO, LE'U BCU PA'I 'GREL NI SNGAR THABS MANG DU GSUNGS KYANG NGES PAR GZUNG BA'I PHYIR DU ZHUS PA PADMA CAN DANG, GANG ZHIG BSOD NAMS 'DOD PA DANG, SRID PA'I LONGS SPYOD 'DOD PA RNAMS NI, DKYIL 'KHOR DANG RAB GNAS KYIS CHOG PAR 'DZIN LA, SANGS RGYAS NYID NGES PAR 'DOD PA RNAMS KYI DON DU, DE'I DNGOS

, ,GRUB KYI RGYU GTAN LA DBAB PA'I PHYIR DU LE'U 'DI GSUNGS PAR KU MU tIR BSHAD DO, ,NAM MKHA' LTAR MTHA' YAS PA'I PHUNG KHAMS SKYE MCHED KYI 'KHOR BA'I CHOS LA BYING BAR GYUR BA, RGYA MTSO CHEN POR KU BA LHUNG BA LTA BUR 'PHYO BA'I SEMS CAN RNAMS, JI LTAR NA 'DOD PA'I LHA'I GZUGS 'GRUB PAR 'GYUR, ZHES ZHUS PA STE, DE'ANG HE RU KA BZHI DANG, BDAG MED MA DANG KU RU KU LLE'I LHA MANG DU GSUNGS PA'I NANG NAS, LHA GANG GI RNAL 'BYOR GYIS 'GRUB PAR 'GYUR ZHES ZHUS PAR KU MU tIR RO, ,CHOS RNAMS NAM MKHA' LTAR MTHA' YAS PA'I PHYIR, RANG BZHIN MED PA'I NGO BO DRI MA MED PA'I NGO BO DES, JI LTAR RGYA MTSOR KU BA LHUNG BA DANG, CHUNG BA DANG NGES PA MED PAR 'GRO BA DE BZHIN DU, SEMS CAN NGES PA MED PAR 'PHYO BA DANG, DGE RTZA CUNG ZAD PAR NGES PA RNAMS THABS GANG GIS 'GRUB PAR 'GYUR, ZHES ZHUS PA'I LAN DU BDAG MED MA'I RIM GNYIS KYI RNAL 'BYOR DANG LDAN PA'AM, YANG NA HE RU KA'I RIM GNYIS LA BRTZON PAS 'GRUB BO, ,KU NU tIR SHES RAB KYI RNAL 'BYOR BYED NA BDAG MED MAS BYA'I KU RU KU LLEES MIN PA DANG, THABS KYI RNAL 'BYOR GYIS BYED NA PHYAG BCU DRUG PA'I HE RU KAS BYED KYI, HE RU KA GZHAN GSUM NI DPAL ZHES PA GCOD DE, 'BRAS BU 'BYUNG BA MED PA'I PHYIR DPAL GYI 'OS MA YIN PA'I PHYIR ZHES BSHAD DO, ,RDZOGS RIM GYI RTOGS PA RDZOGS PAR SKYE BA'I RGYUD SMIN BYED DU 'GRO BA'I BSKYED RIM LA, BDAG MED MA DANG HE RU KAS GTZO BO BYAS PA'I DKYIL 'KHOR GYI 'KHOR

LO DGOS PA LA DGONGS NAS DE GNYIS GSUNGS KYANG, HE RU KA GZHAN GSUM GYIS DKYIL 'KHOR GYI GTZO BO BYED NA NI SHIN TU'ANG RUNG BAS, PHYAG BCU DRUG PA GTZO BOR GYUR BA LA 'GREL PA MKHAN GYIS BSAMS PAR MNGON NO, , RNAL 'BYOR DE GNYIS LA BRTZON PAR BYED TSUL NI, GZHAN PAS ZHES PA GNYIS TE, SKAD CIG KYANG GZHAN SEMS MED PAS ZHES BSGYUR BA LTAR, GUS SBYOR DANG RTAG SBYOR GNYIS KYIS BSGOM PA YIN LA, SKAD CIG KYANG ZHES PA'I DON GZHAN NI 'CHAD PAR 'GYUR RO, ,DANG POR ZHES PA BZHIS NI BRTAN PA MA THOB PA, GSAR DU GOMS PAR BYED PA'I GNAS DMIGS KYIS BKAR BA YIN LA, RANG GI KHYIM DU MTSAN DUS ZHES PA BZHIS NI, GZHAN GYIS MTSOR BAR BSGOM DGOS SHING, DE LA NI MTSAN MO'I DUS BSNGAGS PAS DER MNYAM PAR BZHAG PA'I RNAL 'BYOR GYIS BSGOM PA'O, ,SHES RAB CAN ZHES PA NI MCHOG 'GRUB PA LA RDZOGS RIM DANG, DE'I RGYUR BSKYED RIM DGOS PAR SHES NAS DE GNYIS GANG RUNG BSGOM PA NI RNAM DPYOD DANG LDAN PA'I SNGAGS PA YIN GYI, MCHOG BSGRUB PA LA BSKYED RIM 'DOR BA NI SHES RAB MED PAR STON PA'O, ,BDAG NYID CES PA NI DNGOS GRUB BDAG NYID SEMS DPA' YIS, ZHES PAR BSGYUR LA DON NI BDAG NI RANG BZHIN GYIS DAG PA'O SNYAM PA'I NGA RGYAL DANG LDAN PA LA PADMA CAN LAS SO, ,RKANG PA 'KHRU DANG ZHES PA NAS RNAL 'BYOR MA NI RNAM PAR BSGOM, ZHES PA'I BAR GYIS NI NYIN MO MA'AM PAR MA BZHAG PA'I DUS KUN TU LHA YID

, ,LA BYA BA DANG MI 'BRAL BAR MU TIG PHRENG BAR RO, ,BCOM LDAN 'DAS NA BSTAN PAR BYA BA NI BSGOM PAR BYA BA DANG SBYAR RO, ,LAM LEGS PAR SHES PA'I SHES RAB DANG SNGAGS KYI KUN SPYOD JI LTAR GSUNGS PA LAS MI 'DA' BA'I BRTUL ZHUGS DANG LDAN PA NYID KYIS RNAL 'BYOR MA BSGOM PA NI MTSON PA STE HE RU KA'ANG NGO, ,GZHAN ZHES PA NI RANG DANG LHA DBYOR MED DU BYAS PA LAS GZHAN DU BYED PA STE, THA MAL BA'I BLOS SNGA MA'I 'DU BYED NYAMS PA'O, , DE LA NI SGRUB PA PO MKHAS PAS 'BAD PA DRAG POS SKAD CIG KYANG GNAS PAR MI BYA'O, ,LHA DANG DBYER MED DU DRAN PA'I 'DU BYED NYAMS NAS SO SOR PHYE BA NI MA RIG GRUG PA'I SEMS TE, NGES GNAS PAR BYA BA MIN ZHES SEMS DE SUN 'BYIN NO, ,BSAM GTAN SDIG PA DUG 'JIG PA NI, BAG CHAGS DANG BCAS PA'I SGRIB PA 'JIG PAR BYED PA'O, ,BSGOMS PAS SNGON BSAGS PA'I SDIG PA 'DAG PA DANG, NYON MONGS CUNG ZAD PHRA BAR GYUR BA NA DUR KHROD LA SOGS PAR DANG PO RAB TU BSGOMS, ZHES PA'I TSUL GYIS ZLA BA PHYED DU BSGOMS PAS DNGOS GRUB KYI MTSAN MA STE NUS PA 'BYUNG BAR BHA BAS SO, ,RTZE BA NI RIG MA LA ROL BA'I SGO NAS BSGOM PA'O, ,BSAM PA THAMS CAD CES PA GCIG NI SNGAR BSHAD PA'I GZHAN DU SKAD CIG KYANG MI GNAS PA'O, ,LHA'I GZUGS SU SEMS PA NI DE'I RANG BZHIN DU SEMS PA YIN LA, DE LA NI LHAN SKYES DANG LHA'I RNAM PA BSGOM PA GNYIS SO, ,CHUL DES ZLA PHYED BSGOMS PA'I MTHAR NYI MA GCIG TU BAR MA CHAD PAR BSGOMS

PAS YONGS SU BRTAG PAR GYIS SHIG DANG, SNGAR BSHAD PA'I DROD CES PA MTHU KHYAD PAR CAN THOB PAR 'GYUR RO, ,'KHOR BA NA RANG GZHAN GYI DON BSGRUB PA'I THABS, GONG DU BSHAD PA'I RIG MA LA BRTEN NAS BSGOM PA LAS GZHAN TE, MCHOG TU GYUR BA MED PAS, RIG MA DANG LHAN CIG GOMS PAR BYAS PAS 'PHRAL DU STE RING POR MI THOGS PAR 'DOD DON MNGON DU BYED DO, ,DE LTAR BSGOMS PA'I PHAN YON NI 'JIGS ZHES SOGS BZHIS STON PA LA 'JIGS PA NI SKRAG PA'O, ,SMYO PA NI SEMS RNAM PAR 'KHOR BA STE RNAM PAR 'KHRUL BA'O, ,'BRAS LA SOGS PA'I SDUG BSNGAL GYIS MYA NGAN DU 'GYUR BA NI YID GDUD BA'O, ,'TSE BA NI GZHAN GYIS 'CHING BA DANG SDOM PA SOGS SO, ,NYON MONGS PA CHEN POS NYON MI MONGS PA NI, GNOD PA DE RNAMS KYIS ZIL GYIS MI NON PA'O, ,RANG GI LAM GYI PHAN YON DANG, DE LAS GZHAN DU GA-YENGS PA'I SPYOD PA LAS, GNOD PA'I 'BRAS BU 'BYUNG BAR SHAS NAS NI, RNAL 'BYOR BA DE NI SKAD CIG KYANG DON MED DU JI LTAR GNAS TE MI GNAS SO, ,DE BZHIN DU NGU 'BOD DE SDUG BSNGAL DRAG PO DANG, RNAM RTOG LA SOGS PAS DKRUGS PA'I 'KHOR BAR JI LTAR GNAS TE MI GNAS TSUL NI SNGAR BZHIN NO, ,DE LTAR YIN NA BSOD NAMS KYI LAS BYED PA RNAMS 'DIR 'JUG LA, ,SDIG PA'I LAS BYED PA RNAMS MI 'JUG STE, ZHUGS KYANG 'BRAS BU MI 'THOB BO SNYAM NAS, MTSAMS MED CES PA DRUG GO ,RMONGS PA NI BAG MED PAR GYUR PA'O, ,MA RUNGS PA'I LAS NI NYE BA'I MTSAMS MED SOGS SO, ,DE DAG GIS

, ,KYANG LAM 'DI BSGOMS NA, SDIG PA DE RNAMS BCOMS NAS TSOGS GNYIS BSAGS PA'I MTHUS SNOD DU 'GYUR BA'O, ,'DI YANG GTZO BOR MTSAN NYID DANG LDAN PA'I BSHES GNYEN LAS DBANG GI DUS NAS KYANG BDE STONG GI TING NGE 'DZIN BSKYED NUS PA'I DBANG DU BYAS SO, ,DE RNAMS KYIS KYANG 'GRUB PA YOD NA CHOS LDAN GYI GANG ZAG GIS NGES PAR 'GRUB PA NI, DGE BCU ZHES PA BZHI'O, ,RE ZHIG NI RIM PA STON PA STE DANG POR 'GRUB PA'I DON TO, ,DE LTAR RGYUN DU BSGOMS PAS DNGOS GRUB STE NUS PA CUNG ZAD 'THOB BO, ,ZLA BA GCIG TU GSANGS TE SPYOD PA BYED CES PA'I SPYOD PA'I DON NI RGYU BAR BYED PA'O, ,GSANG BA NI CUNG ZAD KYANG MI BSTAN PA DANG, GZHAN GYIS MI RTOGS PAR BYA BA LA BSHAD DE, SPYOD PA KUN GYI MNGON GYUR DU MI BYED PA STE DE'ANG LUNG BSTAN SOGS MA RNYED KYI BAR DU'O, ,ZLA BA GCIG NAS NI, LUNG BSTAN RNAL 'BYOR MA LAS RNYED DE, ,DE'ANG GA BUR DANG LDAN PA, DGOS PA NI DE DANG MI LDAN NA SPONG BA'O, ,DE'I RGYU SBYONG BA NI BYANG CHUB CES PA GSUM MO, ,LHA'I GZUGS GCIG PA NI KYEE RDOR LTA BUR LHA'I RNAL 'BYOR GCIG PA'O, ,SEMS KYANG GCIG PA NI PHYAG RGYA CHEN PO'I DON DU BYED PAR GCIG PA'O, ,SKAL BA NI DBANG PHYUG LA SOGS PA'I YON TAN DRUG GO ,MCHOG RNYED CES PAR BSGYUR NAS DE'I DON RNAL 'BYOR MAS BSTAN PA RNYED PA LA BSHAD DO, ,DE LTAR NA MCHOG GIS BSTAN PA'I BUD MED RNYED CES PA'AM YANG NA BUD MED MCHOG RNYED PA ZHES PA'O, ,DE'I PHYIR RTOG PA THAMS CAD

SPANGS PAR BSHAD PA NI DE LA RTEN NAS RTOG PA ZAD PAR GYUR PA'O, ,BDAG GI DAM PA MNGON DU'I PHYIR ZHES PA NI BDAG NYID BRTAN PA'I RKYEN DU'O, ,ZHES PADMA CAN LAS 'BYUNG LA DON NI RANG NYID SDUG BSNGAL LA SOGS PA'I 'JIG RTEN GYI CHOS BRGYAD KYIS MI 'PHROGS PA DE 'THEB PAR BYA BA'I DON DU BSHAD DO, ,GONG DU GANG BSHAD PA'I SPYOD PA 'JIGS PA'I TSUL DE THAMS CAD SEMS RTZE GCIG PA'I DKA' SPYAD KYIS SPYOD PA DE, 'DOD PA LA CHAGS PA'I DBANG GIS LONGS SPYOD PA'I PHYIR MA GSUNGS SO, ,BRTAN PA'I RKYEN DU'O, ,ZHES ('CHAD PA NI SEMS) NI ZHES PA GNYIS KYIS SO, ,RDOR SNYING GIS PHYAG RGYA NYID CES JI LTAR BRJOD CES PA NI, SPAR BSHAD PA'I LHA'I RNAL 'BYOR DANG LDAN PAS PHYAG RGYA'I RNAL 'BYOR GYIS DNGOS GRUB BSGRUB DGOS NA, 'O NA BDAG MED MA BSGOMS PA'I RNAL 'BYOR BA DES PHYAG RGYA MA GZHAN DANG THABS SHES SBYOR BA MED PAS PHYAG RGYA'I DNGOS GRUB JI LTAR 'THOB CES DRIS PA'O, ,'DI'I LAN DU BUD MED GZUGS NI SPANGS NAS ZHES SOGS GSUNGS SO, ,SNGAR BDAG MED MAR BSKYED PA'I RNAL 'BYOR GYIS 'GRUB PAR GSUNGS PA NI, RTEN PHO MO GNYIS KA'I DBANG DU BYAS KYI BUD MED LA DGONGS PA MIN NO, ,DE BZHIN DU HE RU KA'I RNAL 'BYOR YANG YIN NO, ,'ON KYANG SNGA MA BSGOM PA NYID LA 'DRI BAR RGYUD NYID DANG PADMA CAN DANG, MU TIG PHRENG BA DANG, BHA BAS BSHAD DO, ,DES NA RTEN GYI SGO NAS MIN GYI, RANG LHA MOR BSGOM PA'I DOGS GCOD YIN TE, SGOM MKHAN SKYES PA LA'ANG 'DRA'O, ,DE LTA MIN PAR RTEN GYI SGO NAS YIN

, ,NA NI, BUD MED KYIS HE RU KA BSGOM PA LA'ANG ZHU BA 'DI BYA DGOS SO, ,DE LTAR NA, BUD MED GZUGS NI SPANGS NAS GZHAN, ,BCOM LDAN 'DAS KYI GZUGS SU BYA, ZHES GSUNGS PA'I DON NI BDAG MED MAR BSGO PA'I GZUGS YIN LA, SPONG TSUL NI DMIGS PA BSGYUR NAS SPONG BA YIN GYI BUD MED KYI RTEN SKYES PAR BSGYUR BA MIN NO, ,DE'ANG ZHAL GCIG PHYAG GNYIS PA DANG, SKU MDOG NAG PO DANG, GRI THOD 'DZIN PA SPONG BA MIN GYI, ,LHA MAR 'JOG PA'I RTAGS THUN MONG MA YIN PA NU MA RGYAS PA DANG, PADMA'I RNAM PA BSGYUR BA'O, ,JI LTAR NA NU MA GNYIS KYI DMIGS PA BSGYUR NAS RDO RJE BYED, PADMA'I 'GRAM GNYIS KYI DMIGS PA BSGYUR NAS DRIL BU STE 'BRAS BU'I RNAM PAR BYED, RDO RJE DE'ANG PADMA'I ZE'U 'BRU GANG DU GNAS PA'I GNAS DER BYED PAS, ZE'U 'BRU'I DMIGS PA BSGYUR NAS RDO RJE GNAS DER BSGOM PA'O, ,DMIGS PAS BSGYUR PA NI BHA BAS GSAL BAR BSHAD CING, LA LAS NI BUD MED SPANGS TE SKYES BU NYID SKAD CIG TZAM GYIS MNGON DU BYED PA'I NUS PA RNYED NAS SPYOD PA BYED PAR 'DOD PA'I GZHAN LUGS BKOD DO, ,BOD KHA CIG KYANG THABS KYI RKYEN GYIS SHES RAB GROL GYI, DE LAS ZLOG PAS MI GROL BA SPYIR BTANG BA YIN LA, DMIGS BSAL DU RANG DANG RTOGS PA MNYAM PA'I THABS RNYED NA RGYUD GNYIS CIG CAR GROL BAR 'GYUR LA, DE MA RNYED NA BUD MED KYI RTEN DON LA BSGYUR BAR BYA, LAN GYI GZHUNG GIS BSTAN PAR 'DOD PA NI DON MIN NO, ,LTAG MA BDAG NYID CHEN

PO NYID, CES SOGS KYI DON NI PHYAG GNYIS PA'I HE RU KA LA DE'ANG PHYAG MTSAN GI THOD CAN DU BYA STE, DE LTA MA YIN NA BDAG MED MAR MI 'GYUR RO, ,YANG NA NU MA RGYAS PA DANG PADMA SPANGS PA MA GTOGS PA BDAG MED MA'I SGOM PA 'BA' ZHIG GIS BYA'O ZHES BHA BAS BSHAD DO, ,BDAG MED MA'I RNAM PA CAN GYIS BYA DGOS PA NI, SNGAR BDAG MED MA'I RNAL 'BYOR GYIS 'GRUB PAR GSUNGS PAS SHES LA, 'ON KYANG LHA PHO'I RNAM PA CAN DU BSGOMS PA LA HE RU KA ZHES BYA'O, ,BHA BA'I 'GREL PAR SKYES BUR 'GYUR GYI DOD LA 'GRUB PAR 'GYUR ZHES 'BYUNG BA LEGS TE, SKYES BUR 'GYUR BA NI SKYES BU NYID CES PA LA BSTAN ZIN PAS, DE 'DRA BA'I RNAL 'BYOR GYIS RING DU 'BAD PA MED PAR BDE BLAG TU DNGOS GRUB 'GRUB PA'I DON TO, ,DE LTAR BDAG MED MA'I RNAM PA CAN LHA PHOR BSGOM PA'ANG SNYOMS 'JUG GI BYA BA DGOS PA'I SKABS SU BYED KYI, SKABS GZHAN DU NI LHA MO NYID DU BSGOM PAR BYA'O, ,SLONG MOS RGYU BA DU MA ZHIG PHYAG RGYA MA DANG LDAN PAR MTHONG YANG 'GRUB PAR MA MTHONG BAS, SPYOD PA LA MI DAD PA'I SEMS CAN RNAMS KYIS 'PHAGS PA'I SPYOD PA 'DIS CHOG GO SNYAM PA LA, GSAL BAR ZHES PA GNYIS TE, NUS MTHU RDZOGS PA'I RNAL 'BYOR PA GSAL BA STE MNGON DU GYUR PA DE'I PHYIR DU SPYOD PA GSUNGS KYI, LTO 'TSOL BA'I CHED DU SPYOD PA BYED PA LTAR 'CHOS ? PA'I PHYIR DU MIN ZHES KU MU tIR RO, ,PADMA CAN LAS NUS MTHU GSAL BAR SKYES PA'I RNAL 'BYOR PAS SPYOD PA BYA'I, SRID PA TZAM GZHAN GYI DBANG DU BYAS PA NI MIN ZHES

, ,SO, ,PHYAG RGYA CAN GYI RNAL 'BYOR PA DANG PHYAG RGYA GNYIS GZHAN GYIS MI PHYED PAS LHAN CIG 'GRUB KYI GCIG PUS NI MIN TE, GUR LAS, MI YI PHYAG RGYA BLANGS NAS NI, ,DE LA CHOS NI RAB TU DBYE, ,DE DANG LHAN CIG DNGOS GRUB 'GYUR, ,PHYAG RGYA'I DNGOS GRUB RAB TU BSGRAGS, ,MI PHYED MTSAN NYID PHYAG RGYA YI, ,DNGOS GRUB YO GI KHYAD PAR 'PHAGS, ,ZHES GSUNGS PA KU MU tIR DRANGS SO, ,LHAN CIG CES PAS NI GNYIS KAS 'GRUB PAR STON TE, YUM LA BRTEN NAS YAB LA LHAN SKYES SKYE BA LTAR, YAB LA BRTEN NAS KYANG YUM LA NGES PAR LHAN SKYES SKYE BA'I PHYIR TE, 'DI NI PADMA SU KHA DHA RA SOGS KYI GNAD SHES PA DANG, RTZA 'TSOL BA'I GNAD LEGS PAR SHES PA LA RAG LUS SO, ,'DI RNAMS LEGS PAR MA SHES PAS SNGAR GYI GZHUNG RNAMS MA SHES PAR SNANG NGO, ,DE NI PHYAG RGYA CHEN PO'I DNGOS GRUB THOB PA'I RNAL 'BYOR BA'I SKYE BA DANG 'CHI BA DGAG PA'I PHYIR GSUNGS PA NI CHAGS DANG ZHES SOGS, PADMA CAN LAS, SKYE BA DANG NI 'JIG PAS KYANG, ZHES 'BYUNG NGO, ,THABS SHES DBYER MED KYI BYANG CHUB KYI SEMS MTHAR SON PA GANG, DE JI LTAR SKYE 'CHIS 'CHING BAR 'GYUR, RGYU MTSAN GANG GIS PHYIR NA, THABS KYIS NI 'BYUNG BA STE BLTAMS PA DANG, BYANG CHUB PA DANG CHOS KYI 'KHOR LO BSKOR BA SOGS BYED LA, SHES RAB KYIS NI SRID PA'I BAG CHAGS MA LUS PA SBYANGS TE MTHAR PHYIN PAR BYED DO, ,SHES RAB KYIS NI SRID MTHAR BYED, CES PAR BYA'O, ,DE 'DRA BA'I THABS SHES DE LA RAB TU 'JIG PA STE 'CHI BA DANG,

CHAGS PAS TE SKYE BA LEN PA MED PA NI DON DAM PA STE GNAS DON NO, ,'ON KYANG BLTAMS PA DANG MYA NGAN LAS 'DAS PA STON PA NI, KUN RDZOB TU STE GZHAN DU'O, ,LA LA STE SEMS CAN RNAMS 'TSO BA'I RGYU SROG DANG BRAL BAS 'CHI MOD KYANG, GANG NAM MKHA' JI SRID PAR BZHUGS PA'I RGYU MTSAN MA TSANG BA MED PA DE LA, 'JIG PA DNGOS MED ZAD PA'I 'CHI BA MED DO, ,KU MU tIR 'BYUNG BA NI SKYE BA DANG ZAD PA SPANGS PA DANG 'JIG PA NI RTOG PA THAMS CAD 'JIG PA DANG, SHES RAB NI BDE CHEN LA BSHAD DO, ,'BRAS BU DE DON DU GNYER BA 'DI 'DRA BA'I DNGOS GRUB GANG DU 'GYUR ZHAS DOGS PA LA, BSKYED PA ZHES PA BZHI STE DANG POR SPROS PA BSKYED RIM DANG DE NAS RMI LAM LTA BUR BYAS NAS SPROS MED BSGOM PA'O, ,JI LTAR ZHES PA BZHIS NI, DKYIL 'KHOR DPE DE GSUM DANG KHYAD PAR DU BAR SRID BZHIN DU BSGOM PAR GSUNGS TE, 'DI LA NI BDAG BYIN GYIS BRLAB PA'I SGYU LUS SHES DGOS SO, ,DKYIL 'KHOR SPROS MED DU 'GYUR TSUL PHYAG RGYA CHEN PO ZHES SOGS KYIS STON PAR KU MU tIR BSHAD DO, ,'ON KYANG PHYAG CHEN LHAN SKYES MTSON PA'I PHYIR DU DBANG GSUM PA'I SKABS DER, JI LTAR SHES SHING NYAMS SU MYONG BA'I BDE CHEN DE YIS, RANG GI SEMS 'DI NI BYIN GYIS BRLABS TE BSGOM PA LAS BAR SRID SOGS DANG 'DRA BA'I DKYIL 'KHOR DE 'BYUNG GI DE DOR BA'I RGYU GZHAN LAS NI DE MI 'BYUNG NGO, ,BDE BA CHEN PO DES KUN LA KHYAD PAR STON PA NI, BDE BAR LA RNAG CING NAS, BDE BAR BRJOD KYI BAR RO, ,RDZOGS RIM STON PA NI RDO RJE ZHES

, ,SOGS KYI DRIS LAN NO, ,'DIR BSKYED RIM BSGOM MI DGOS ZHES BRTZAD PA'I LAN DU, LUS KYI ZHES SOGS LAN DU 'GYUR TSUL NI, BDE BA LA GZHI LAM 'BRAS GSUM GANG GI SKABS SU'ANG RTEN DU GYUR PA DAG PA'I LUS SHIG DGOS LA 'BRAS BU GZUGS SKU'I LUS BSGRUB PA LA NI, DA DANG RNAM PA RJES SU MTHUN PA BSGRUB DGOS PA'I PHYIR DANG, RDZOGS RIM GYI BDE CHEN BSKYED PA LA'ANG PHYI'I THABS LA NI LHAR BSGOM PA NGES PAR DGOS LA, NANG GI THABS LA'ANG LUS LHAR BSKYED PA'I SGO NAS BYA DGOS PA'I PHYIR RO, ,DNGOS DANG DNGOS PO NGA MA YIN, ZHES PA DANG, DNGOS PO DANG NI DNGOS MED NGA ZHES PA GNYIS DON 'DRA BAS SNGA MA LTAR NA, DNGOS PO DANG DNGOS MED KYI SKU RE RE BAS SANGS RGYAS SU MI 'JOG PA DANG, PHYI MA LTAR NA GNYIS KA TSOGS PAS 'JOG PA STE THABS SHES KYI SGO NAS KYANG SBYAR RO, ,DNGOS PO RTOGS PHYIR ZHES PA GSUM GYI DANG PO NI, BUDDHA'I SGRA'I DON DANG MTHUN PA YIN LA, PHYI MA GNYIS NI SHES RAB CHUNG ZHING LE LO CHE BAS NGA GONG LTAR YIN PA MI SHES ZHES PA'O, ,'CHAD PA PO NI LONGS SKU DANG, CHOS NI CHOS SKU DANG, NYAN PA NI SPRUL SKU DANG, 'JIG RTEN STON PA NI GZUGS SKU GNYIS DANG, BSGRUB BYA NI LHAN SKYES KYI CHOS SKU'O, , 'JIG RTAN ZHES PA GCIG NI SNGAR KHYAB PAR BSTAN PA LTAR RO, ,LHAN SKYES KYI RANG BZHIN NGA NI BDE CHEN DU STON PA'O, ,DE RIGS MTHUN GYI RGYUS BSGRUB PA NI, MCHOG MTHA' ZHES PA GSUM MO, ,BTZUN MO'I ZHES PA BZHI'I DANG PO NI SKU GNYIS

KYI GNAS BZHI'O, ,DE NAS GNYIS NI LONGS SKU DANG, DE NAS GCIG GIS NI KHU BA DANG BDE BAS SKU GZHAN GNYIS MTSON NO, ,DE MED CES PA GCIG NI ZHU BA MED NA BDE BA MED PA DANG, BDE BA ZHES PA GCIG NI BDE BA 'BYUNG RUNG DU MED NA KHAMS DRUG PA'I ZHU BA MED PAR 'GYUR RO, ,RTEN ZHU BA DANG BRTAN PA BDE BA GNYIS RE RE RKYANG PAR GNAS MI NUS PAS PHAN TSUN BLTOS PA DANG BCAS PA NI, GZHI LAM GYI DUS SU KHAMS DRUG PA LA YIN LA, 'BRAS BU'I SKABS SU NI DAG PA'I LUS MED NA BDE BA MED PAR BSHAD DO, ,DES NA LHA'I RNAL 'BYOR LAS BDE BAR 'GYUR BAS DE BSGOM PAR BYA'O, ,DE'I PHYIR ZHES PA GNYIS NI SNGAR BSHAD PA DANG 'DRA'O, ,ZHAL PHYAG CES PA GCIG NI SNGAR DNGOS PO ZHES PA DE YIN LA, MCHOG CES PA NI DNGOS MED CES PA'O, ,'GRO KUN LHAN SKYES DANG DE'ANG RANG BZHIN LA DGONGS PAR BRJOD DE, 'GRO BA RNAMS RE RE'I RANG BZHIN DANG DBYER MED PA'O, ,RNAM DAG CES PAS NI SNGA MA DE GSAL DU BTANG BA'O, ,SANGS RGYAS DANG MI'I LUS GNYIS PHUNG PO LNGA LNGA ? NYID DU'ANG 'DRA BA DANG, SHA LA SOGS PA PU KA SI SOGS KYI RNAM PAR DAG PA'ANG 'DRA BA NI BZHIN LAG CAN GYI LHA'I GZUGS DANG LDAN PA'O, ,DE LTAR BYE BRAG MED NA SEMS CAN RNAMS CI'I PHYIR 'KHOR SNYAM PA LA, 'ON KYANG RANG BZHIN RIGS KYIS, ZHES 'BYUNG STE, THOG MED KYI MA RIG PA'I BAG CHAGS KYI DBANG GIS 'KHOR BA'O, ,DUG GI ZHES SOGS KYIS NI SNGAR BSHAD PA'I 'DOD YON LA CHAGS PA LAM DU BYED PA LA SKYON MED PA'I TSUL STON NO, ,MU TIG PHRENG BAR

, ,LHA'I SKU BSGOMS PAS THA MAL GYI LUS LDAG PA'I DPER, DPE MANG PO GSUNGS PAR BSHAD DE, DE LA DPE SNGA MA GNYIS KYIS NI RIGS MTHUN GYI GNYEN PO BSTEN PAS SNGAR GYIS DUG DANG RLUNG NAD MI 'PHEL BAR ZAD PAR BYED CING GNYEN PO GNYIS KYIS KYANG MI 'DOD PA MI BSKYED PA DE BZHIN DU, CHAGS PA LAM DU BYED PA LA'ANG, ,DE KHO NA NYID LA SO SOR RTOG PA'I RNAM RTOG GIS MI RTOG YE SHES 'DREN PA DANG, SRID PA STE 'JIG RTEN PA TSOGS SBYOR GYI LAM GYIS, SRID PA DAG PA'I 'JIG RTEN LAS 'DAS PA ZAG MED KYI YE SHES BSKYED PA DANG, DNGOS PO'I RNAM RTOG NI THA MAL GYI RTOG PA DANG, RNAM PAR NGES PA NI RNAM SNANG SOGS SU BSGOM PA DANG, SBYONG BYED KYI CHAGS PA RNAMS DE KHO NA NYID LA CHAGS PA DANG, MI BZAD PA'I LAS KYI GROL BA NI MNGON SPYOD KHYAD PAR BA BYED PA LA MU TIG PHRENG BAR RO, ,DE LTAR BSHAD PA'I ME'I BAR NI RIGS MTHUN GYI GNYEN PO BSTEN PAR 'OS PA'I DPE YIN LA, DON NI SKYE BO ZHES PA BZHIS SPYIR BSTAN TO, ,BYE BRAG TU BSHAD NAS 'CHING RGYU 'DOD CHAGS DANG, DES GROL BAR BSTAN PA NI, SNGAR BSHAD PA LTAR 'CHING RGYU GZHAN LA MI 'DZIN PAR BYE BRAG PA CHAGS PA YIN PAR BSTAN PAR BZHED PAS SO, ,RIGS MTHUN BSTAN TSUL NI, 'DOD CHAGS LA MI SDUG PA BSGOM PA'I RIGS MI MTHUN MI BSTEN PAR THABS MKHAS GZHAN DANG 'BREL BAR DE STON PA'O, ,CHAGS PAS GROL ZHES PA'I CHAGS PA NI GANG ZAG GZHAN LA 'CHANG RGYUR BSHAD PA'I CHAGS PA YIN PAS, DE KHO NA NYID KYI

DON RTOGS PA LA BSHAD DU MI RUNG NGO, ,'O NA CI 'DRA BA ZHIG YIN ZHE NA, 'DOD YON LA CHAGS PAS DRANGS PA'I BDE BA CHEN POS DE KHO NA NYID KYI DON BSGOMS PAS, MTHAR CHAGS SOGS KYI NYON MONGS THAMS CAD ZAD PAR BYED PA'I DON YIN PAS, DE LTAR BRGYUD PA MIN PAR CHAGS PA DE DE LAS GZHAN PA'I CHAGS SOGS KYI NYON MONGS KYI GNYEN POR STEN PA MIN NO, ,DES NA GUR LAS, 'DOD CHAGS KYIS BSKYED 'JIG RTEN RNAMS, 'DOD CHAGS SPANGS PAS BRLAG PAR 'GYUR, ZHES PA DANG, CHAGS DANG BRAL BA'I BYANG CHUB NI, ,CHAGS PA MCHOG LDAN RNAMS KYI SLAD CES GSUNGS PA SOGS KYI DON NI, 'DOD YON LA CHAGS PA LAM DU BYAS NAS DRANGS PA'I BDE CHEN GYI STONG NYID BSGOMS PA 'DRA BA'I NUS PA LAM GZHAN GANG LA'ANG MED PA'I GNAD LA DGONGS SO, ,GSUNG RAB GZHAN NAS CHAGS PA LA RANG GI 'DZIN STANGS KYIS ZLOG PHYOGS 'DZIN PA'I GNYEN PO BSTEN PA LAS ZLOG NAS RIGS MTHUN BSTEN PA'I BSGOM TSUL NI, ,LAM 'DI LA GZHOL BA'I GANG ZAG LAS GZHAN PA'I RANG GI SDE PA DANG, GZHAN SDE THAMS CAD KYIS MI SHES PAR GSUNGS PAS, PHA ROL TU PHYIN PA DANG RGYUD SDE 'OG MA NAS RTEN KHYAD PAR CAN LA 'DOD LA SPYOD LA THABS MKHAS DANG ZHES SOGS KYI TSUL DE NYES MED DU BSHAD PA YOD KYANG, SNGAR BSHAD PA DANG GTAN MI 'DRA BA'I TSUL RNAMS ZHIB TU SHES PAR BYA'O, ,'BYUNG BA LNGA'I ZHES PA NAS MCHOG DGA' BA'I RIGS LAS BYUNG BA RNAMS ZHES PA'I

, ,BAR GYIS RNAM SNANG LA SOGS PA'I RIGS JI SNYED PA THAMS CAD LHAN SKYES LAS BYUNG BAR BSTAN PA'I DON NI, 'DI YIN TE, LHAN SKYES KYI BDE STONG SBYANG BA'I STONG PA NI CHOS THAMS CAD KYI YIN LUGS JI LTAR YIN PA BRTAGS PA NA RANG GI NGO BO NYID KYIS GRUB PA'I RANG BZHIN MED PA DER THAMS CAD RO GCIG TU 'GYUR BAS, CHOS CAN MI 'DRA BA MTHA' YAS KYANG DE'I RIGS LAS MI 'DA' BA'I TSUL ZHIG STE 'DI NI RGYUD SDE GZHAN DANG THEG PA GZHAN DANG THUN MONG NGO, ,DE LTAR STONG PA LA GANG ZAG GI BDAG MED PHRA RAGS GNYIS DANG, DBU SEMS KYI DBYE BAS CHOS KYI BDAG MED LA PHRA RAGS GNYIS LA SOGS PA'I RIM PA DU MA ZHIG BSHAD KYANG MTHAR THUG PAR GTUGS NA NI SNGAR BSHAD PA'I STONG PA DE'I NGO BOR, CHOS CAN THAMS CAD GNAS DGOS PA BZHIN DU, STONG NYID DE BSGOM PA LA'ANG THABS RGYA SHIN TU CHUNG BA THEG DMAN PA DANG, SHIN TU RGYA CHE BA PHAR PHYIN GYI THEG CHEN DANG, SNGAGS DANG PHYAG RGYA DANG LHA'I RNAL 'BYOR DANG, GNAS SKABS KYI DNGOS GRUB RIGS MI 'DRA BA DU MA LA BRTEN NAS SGOM PA'I RIGS JI SNYED CIG GSUNGS KYANG, LHAN SKYES KYI BDE CHEN BSKYED THABS GSAL BAR MA BSTAN PA THAMS CAD DU, STONG NYID BSGOM PA'I YUL CAN KHYED PAR CAN GDUL BYA'I DBANG GIS MA BSTAN PAR SBAS PA YIN LA, RNAL 'BYOR BLA MED KYI RGYUD DU NI DE'ANG GSAL BAR STON PAS STONG NYID BSGOM PA'I YUL YUL CAN GNYIS KA TSANG BAR GSAL BAR BSHAD PA NI, 'DI KHO NAR NGES PAS DE BSGOMS

PA'I YUL CAN MTHAR GTUGS PA NA'ANG BDE BA CHEN PO NYID YIN PAS, DE BZHIN GSHEGS PA RNAMS GANG LAS SKYE BA'I RIGS SPYI DANG BYE BRAG MTHA' YAS PA THAMS CAD KYI GNAS NI DER NGES SO, ,RIGS DES KHYAB TSUL LA STONG PA'I PHYOGS KYIS NI SEMS CAN THAMS CAD LA DNGOS SU KHYAB LA, BDE BAS NI DNGOS DANG 'BYUNG RUNG CI RIGS SU KHYAB PA'O, ,DES NA GONG DU CHAGS PA LAM BYED BSHAD PA DPE MANG POS BSGRUBS SHING, DES NA RNAM SNANG SOGS KYI BSKYED RIM STON PA NA, RDO RJE DANG PADMA SBYAR NAS LHAN SKYES KYI DGA' BA BSKYED PA'I TSUL BSTAN TE, ,LE'U GSUM PA'I 'GREL NI SNGAR BSHAD PA'I DNGOS GRUB KYI THABS NI 'DUS PA LA SOGS PA'I THABS RGYUD THAMS CAD KYI GLENG GZHI ZHES GRAGS PA'I DON 'DIS STON PA DANG, GLENG GZHI'I SKAD DOD KYI STENG NAS NGES PA LA 'JUG PA YOD PAS, DE RNAMS LA NGES PA STER BA'AM, DE RNAMS KYI NGES PAR KU MU tIR RO, ,RGYUD KYI GLENG GZHI'I DON GANG GI RGYUD THAMS CAD LA 'JUG PA'I THABS DANG, THABS DES DNGOS GRUB 'GRUB PA'I THABS SU PADMA CAN LAS SO, ,THABS DE MDOR BSTAN PA NI SDOM PA DANG DBANG DANG, BRDA'I SKAD KYI DON DANG, DGA' BA DANG SKAD CIG MA'I DBYE BA DANG, BZA' BA LA SOGS PA'O, ,SDOM PA NI SHAM PA RAm BDE BA'I MCHOG DANG, CHOS THAMS CAD 'OD GSAL DU SDUD PA'O, ,DBYE BA NI GNYIS TE THABS SANGS RGYAS KYI SDOM PA DANG, SHES RAB RNAL 'BYOR MA'I SDOM PA STE DE GNYIS NI SANGS RGYAS KUN GYIS ZHES PA BZHI DANG, AE'I CHA BYAD CES PA BZHIS BSTAN TO, ,'DIR RGYUD

, ,THAMS CAD NI SAm BHU tI LAS, RGYUD THAMS CAD KYI GLENG GZHI ZHES PA LA, RGYUD THAMS CAD NI 'DUS PA LA SOGS PA'O, ,ZHES GSUNGS PA LTAR YIN LA, GLENG GZHI ZHES GRAGS PA'I MING GI DON DU GYUR PA'I THABS NI, DON DE RTOGS PAS 'DUS PA SOGS KYI RGYUD THAMS CAD KYI GNAD DON RTOGS PA LA 'JUG PA'I THABS DANG, TSE 'DIR MCHOG 'GRUB PA'I THABS SO, ,DE NI SPYIR GSUNG RAB THAMS CAD DANG, KHYAD PAR DU RNAL 'BYOR BLA MED KYI DON GYI GTZO BO'I GNAD THAMS CAD GLENG GZHI'I SKABS SU 'BYUNG BA'I AE BAm GYI DON DU 'DU BAR RGYUD MANG PO LAS GSUNGS PAS, 'DIR DE BZHIN DU SHES DGOS SO, ,DE LTAR NA AE BAm GYI DON LA GSUM DU DBYE STE, THOB BYA 'BRAS BU'I AE BAm DANG, THOB BYED LAM GYI AE BAm DANG, DE 'DREN BYED RTAGS KYI AE BAm MO, ,DE'I DANG PO NI RDO RJE BTZUN MO ZHES PA BZHI DANG, BTZUN MO'I BHA GA BDE CHEN DU, ,STON PA SUM CU RTZA GNYIS MTSAN, ,ZHES PA BZHIS BSTAN TE, CHOS 'BYUNG DANG DE'I NANG GI GZHAL YAS KHANG NI RTEN GYI DON AE DANG, DER BZHUGS PA'I RGYUD 'CHAD PA PO NI BRTEN PA'I DON BAm MO, ,YANG CHOS GZUGS GNYIS SAM 'BRAS BU'I BDE STONG GNYIS LA'ANG SBYAR RO, ,GNYIS PA NI, AE BAm RNAM PA'I BDE CHEN PO, ZHES SOGS KYIS BSTAN TO, ,GSUM PA NI, SANGS RGYAS ZHES PA'I RKANG PA DANG PO DANG, RKANG PA GSUM PA SBYAR BA DE GANG DU GNAS PA'I GZHI RKANG PA GNYIS PAS BSTAN PA DANG, MKHA' 'GRO MA'I SDOM PA'I SKABS KYI AE BAm GYIS STON NO, ,KU MU tIR RAB

TU GNAS PA'I DON 'BYUNG GNAS TE, DE LAS BDE CHEN SKYE BA LA BSHAD LA, PADMA CAN LAS KYANG, AE DANG BAm LAS DBANG BSKUR BAS SHES PAR BYED PA'O, ,ZHES SO, ,DBANG LAS SHES PAS BDE CHEN DES DRI MA 'KHRUD PAS YANG DAG TU BSHAD PAS, YANG DAG BDE CHEN GYI KHYAD PAR DU BYA'O, ,DBANG LAS BDE CHEN SHES PAR BYA BA'I DON DE GSAL BAR BYED PA NI, DE NAS ZHES SOGS SO, ,AE'I CHA BYED NI DE'I DBYIBS CAN GYI SHES RAB BO, ,GANG ZHES PA NI SPYIR BSTAN PA DANG, BZANG PO NI DER BCOM LDAN 'DAS BDE CHEN ROL PA DANG, BAm NI THABS DANG, DBUS SU NI ZE'U 'BRU LA DES BRGYAN PAR BYAS PA DANG, RIGS LNGA PO THAMS CAD KYI BDE BA'I GNAS TE GZHI DANG, SANGS RGYAS NI RNAM SNANG SOGS DANG, DE NYIS KYI KHYAD PAR DU 'PHAGS PA RIN CHEN DANG, ZA MA TOG NI DE'I GNAS SU KU MU tIR BSHAD CING, PADMA CAN LAS AE BAm NI THABS DANG SHES RAB LA BSHAD PA'I DON NI, THABS SGRUB PA PO DANG, SHES RAB RIG MA DANG, DE GNYIS KYI RTAGS GNYIS LA'ANG SBYAR RO, ,NANG GI LUS LA SBYAR BA NI SAm BHU tIR RTZA 'KHOR BZHI'I GNYIS AE DANG, GNYIS BAm GYI RNAM PAR GNAS PAR BSHAD PA'O, ,'O NA MKHA' 'GRO MA'I SDOM PA SHES PA DANG, MI SHES PA SPYOD PA 'DIS CI ZHIG BYA SNYAM PA LA, SKAD CIG MA BZHI'I DBYE BAS PHYE BA'I DGA' BA BZHI PA NI, MKHA' 'GRO MA'I SDOM PAR BSHAD PA'I AE BAm DE LAS SKYE BAR 'GYUR BAS DE SHES DGOS SO, ,DE LTAR NA SANGS RGYAS SDOm PA'I AE BAm GYI BDE STONG SBYAR BA NI BSKYED BYA YIN LA, MKHA' 'GRO MA'I

, ,SDOM PA'I AE BAM THABS SHES GNYIS NI, SNGA MA DE BSKYED PA PO DANG, RTAGS KYI AE BAm GNYIS SDOM PA STE 'DUS PA NI BSKYED THABS DANG, DE'ANG THOG MAR DBANG GSUM PA BSKUR NAS MTSAN DGOS PAR BSTAN TE, GLENG GZHI'I DON 'DI LTAR BSHAD PA 'DI NI, BLA MED KYI RGYUD THAMS CAD LA 'JUG PA DANG MCHOG 'GRUB PA'I THABS SO, ,SKAD CIG GI 'BYE BA BZHI YONGS SU SHES NA, AE BAm SDOM PA'I GZHIR RAB TU GNAS PA'I BDE CHEN SHES PAR 'GYUR RO, ,SKAD CIG MA'I MING GIS DBYE BA NI SNA TSOGS ZHES PA BZHI'O, ,DE LTAR ZHES PA NI AE BAm GYI SDOM PAR SHES PAR BYED PA'O, ,'KHYUD DANG ZHES PA BRGYAD KYIS DE BZHI'I MTSAN NYID BSTAN TO, ,'DI'I SKABS SU PADMA CAD DANG KU MU tI GNYIS KA NAS, RNAM PA SNA TSOGS SNA TSOGS DGA', ,'O DANG 'KHYUD PA LA SOGS PA'O, ,RDO RJE PADMA MNYAM SBYOR BAS, ,RNAM PAR SMIN PA YE SHES MCHOG ,RNAM NYED PHYAG RGYA NYED PA'O, ,MTSAN NYID BRAL BA DES BRTAG BYA, ZHES DRANGS PA NI DA LTA GZHUNG NA 'DUG PA DANG CUNG MI 'DRA LA, MU TIG PHRENG BAR GZHUNG GI 'GYUR GZHAN LA BSHAD PA MDZAD DO, ,SKAD CIG MA DANG DGA' BA SBYOR BA NI SNA TSOGS DANG PO'I DGA' BA ZHES PA BZHI'O, ,DGA' BA RNAMS SKAD CIG MA DANG SBYOR BA NI DGA' BA SHES PAS, SKAL BA DANG LDAN PAR BYED PA'O RGYU NI DBANG STE DE NI, SLOB DPON ZHES PA BZHIS STON NO, ,GANG LAS GANG DU JI LTAR BSGRUB PAR BYA BA BRTAG SNYAM PA LA, SLOB DPON ZHES SOGS GSUNGS PAR BSHAD DO, DGA' BA RNAMS

GANG LAS BRTAG PA NI DBANG BSKUR BA LAS SO, ,DBANG GANG GI SKABS SU BRTAG PA NI GSUM PAR RO, ,JI LTAR BRTAG PA NI SLOB MAS BLA MA LA MCHOD BSTOD SNGON DU BTANG BA DANG, DE LA BLA MAS RIG MA GTOD PA SOGS MDZAD PA'O, ,DE NAS DO LTAR BZHI PA'ANG ZHES LA, DE NAS NI GANG BSGRUB PAR BYA BA'I BDE BA'O, ,DE BZHIN DPE'I BDE BA LAS 'DAS PA'O, ,YANG NI PHYIS SMRA PAR BYA BA'O, ,DE BZHIN GYIS NI DPE DANG CHOS MTHUN PAR MAN NGAG GIS STON PA MU TIG PHRENG BAR RO, ,DBANG GI GRANGS KYI DGA' BA SOGS SHES PAR BYED TSUL NI RGOD PA DAG PA ZHES SOGS BZHIS STON PAR KU MU tIR RO, ,PADMA CAN LAS SLOB DPON GYI DBANG GIS NI, CHU LA SOGS PA KUN BSDUS TE DES SKU DAG PA DANG, GSANG DBANG GIS GSUNG DAG PA DANG, GSUM PAS THUGS DAG PAS BSGRUB BYA BA BZHI PA BSGRUB PAR BYA'O, ,DBANG GSUM PA BSKUR BA GCIG PUR DBANG BSKUR BZHI 'ONG TSUL NI, RGOD PA ZHES PA BZHI'O, ,RGOD PA DANG SMRA BA SOGS DAG PA DANG, GSANG GNAS SU BLTA BA DANG, LAG PAS 'KHYUD PA DANG, PHAN TSUN DU 'DUS NAS 'KHYUD PA THABS SHES DBYER MED KYI YE SHES DER GNAS PAR BSHAD DO, ,RGOD PA NI GNYIS KAS DGA' BA 'DOD NAS RTZOM ZHING SPYOD PA DANG, BLTA BA NI MTSAN MA SBYOR BA DANG, LAG BCANGS NI, SHES RAB KYIS KUN TU 'KHYUD PAS PHUL DU BYUNG BA'I YE SHES BSKYED PA DANG, GNYIS GNYIS 'KHYUD NAS SBYOR PA'I DGA' BA SKYES PA LA MU TIG PHRENG BAR RO, ,GTOR ZHES PA LA PADMA CAN DANG MU TIG PHRENG BAR BKRUS ZHES 'BYUNG NGO, ,BLUGS

, ,PA NI NI shI tA ZHES PAS LUGS SU BLUG PA'I RNAM PAR BYED PA'O, ,GSANG DBANG SNGAR BSHAD KYANG MTHEB SRIN GYIS STER BA MA BSHAD PA 'DIR BSHAD DO, ,SLOB MA SHES PA NI GSUM PA DNGOS DBANG DU BSKUR BA'I SKAL LDAN DU SHES PA'O, ,GCIG BZHI DE NI GCIG TU GUS DANG GCIG TU BRTZON, ZHES BSGYUR TO, ,MCHOG TU NI PHYI NAS SLOB MAS MCHOG TU DGA' BA THOB PA'O, ,DBANG GZHAN GSUM BSKUR NAS BZHI PA NI 'DI NYID CES PA LNGAS STON PAR PADMA CAN LAS SO, ,DE'ANG THAMS CAD DU KHYAB PAR BYED PA DANG, GNYIS SU MED PA DANG, STONG NYID SNYING RJE DBYER MED PA'I BYANG CHUB KYI SEMS DANG, GNYIS SU GZUGS DANG MI LDAN PA'I DE KHO NA NYID CAS BSHAD DO, ,RNAL 'BYOR MA'I RGYUD DU NI DON GYI BZHI PA BDE STONG LA BYED PA MANG YANG, YAN LAG BDUN LDAN DU BSHAD PAS KHA BSKANG NA LEGS SO, ,YE SHES DE THABS GANG GIS 'GRUB PA NI, DKYIL 'KHOR 'KHOR LO SOGS THABS KYIS, ZHES PADMA CAN DANG MU TIG PHRENG BAR RO, ,SOGS KYI DON DU MU TIG PHRENG BAR DPA' BO GCIG PU BSGOM PA LA BSHAD KYANG, RANG BYIN RLABS LA BSHAD NA 'OG NAS 'BYUNG BA DANG MTHUN NO, ,RNAL 'BYOR MA RNAMS LA BZOD PAR GSOL BA NI, RNAL 'BYOR MA'I BDAG NYID CHEN PO STON PA LA YIN PAR MU TIG PHRENG BAR RO, ,'KHRUL PA NI THE TSOM SKYES PA'I DON TO, ,DKYIL NI SNYING PO DANG, DE'ANG BYANG CHUB SEMS NI BDE CHEN PO, ,ZHES PA LA KU MU tIR KUN RDZOB DANG DON DAM

GNYIS BSHAD DE 'OG NAS 'CHAD PA LTAR BYA'O, ,MAndAL'I LA YIG NI GSUNG LEN PA'I DON TO, BYANG CHUB KYI SEMS GNYIS PO DE THOB PAR BYED PA YIN LA, DE'ANG ZHES PA GNYIS KYIS BSTON TO, ,BYANG CHUB KYI SEMS NI LHA RNAMS 'DUS PAS NA, BSTAN PA'I DKYIL 'KHOR GYI SGRAS BSTAN TO, ,DES DKYIL 'KHOR BSHAD NAS 'KHOR LO'I DON NI, GZUGS SGRA SOGS KYI YUL LONGS SU SBYOR BA STE MI MTHUN PHYOGS GCOD PAS SO, ,DE 'ANG NAM MKHA' DANG 'DRA BA'I STONG NYID RTOGS PA'O, ,BHO LA ZHES PA GNYIS KYIS NI DKYIL 'KHOR GYI DON DU BSHAD PA DE 'THOB PAR BYED PA'I THABS BSTAN PA'O, ,DE LTAR NA THABS SHES KYI RTEN GNYIS MNYAM PAR SBYAR BA LAS SNYING PO'I PHYOGS GCIG KUND LTA BU BLANGS PA LA BRTEN NAS SNYING PO'I PHYOGS GCIG BDE CHEN BSKYED LA, DE DANG 'KHOR LO'I DON STONG NYID GNYIS SBYAR BAS MA DAG PA SBYONG BAR BYED PA DE GOMS PAS DON GYI DBANG BZHI PA, 'DI NYID YE SHES CHEN PO NYID CES SOGS KYI DON SKYED PAR BYED DO, ,DBANG THOB PA DES SDOM PA DANG DAM TSIG JI 'DRA BA ZHIG GIS GNAS PAR BYA BA NI, SROG CHAGS GSONG PA SOGS BZHI'O, ,DE LA DRANG NGES KYI DAM TSIG GNYIS LAS, DRANG DON RTOGS SLA BAS, NGES DON BSHAD PA NI, SEMS GCIG CES PA DRUG GO ,RNAM PAR RTOG PA'I SEMS BSDUS NAS DE BZHIN NYID DU RO GCIG PAR BYED PA NI GSOD PA YIN TE, RGYU MTSAN GANG GIS PHYIR NA, SROG CHAGS SAM SEMS CAN DU THA SNYED 'DAGS PA'I GZHI NI SEMS YIN PAS NA DE SDUD PA NI GSOD PA'O, ,'JIG RTEN

, ,ZHES PA RDZUN TSIG TU 'GRO TSUL NI, BSGRAL BYA'I BDAG MA DMIGS PA DANG, THA SNYAD DU SEMS CAN NAM MKHA' LTAR MTHA' YAS BSAD SGROL MI NUS PA'O, ,PHA ROL GYI BUD MED NI RANG DANG SKAL BA MTSUNGS PA'I MDZES MA YIN LA, DE BSTAN PA NI DE DANG 'DU BA'O, ,DE'I TSE BTZUN MO'I KHU PA DES MA BYIN PAR TSUR LEN PA NI MA BYIN PAR LEN PA'O, ,'DIS NI RIG MA'I DMAR CHA TSUR 'DREN PAR 'DOD PA BKAG LA, DKAR CHA 'DREN LUGS NI RTZA BTZAL TE RNYED PA NA JI LTAR BYA BA SHES PA LA RAG LUS SO, ,BUD MED BSTEN PA SGRA JI BZHIN MA YIN PA'I BSHAD PA NI STONG NYID BSGOM PA LA BSHAD PA MANG NGO, ,DE NAS ZHES SOGS KYIS NI SNGAR YUL RNAMS SBYONG BAR BYED PA 'DRI BAR 'DOD NAS DRIS LA, DRI PA'I DON NI SBYANG GZHI PHUNG KHAMS BSKYE MCHED DANG DE'I RANG BZHIN RTOGS NAS SBYONG BA'I RANG BZHIN JI LTAR YIN ZHES ZHUS SO, ,DRI BA SNGA MA'I LAN NI, YUL DRUG GI NI ZHES PA NAS, BCO BRGYAD RNAMS SU BSHAD CES PA'I BAR RO, , GNYIS PA'I LAN NI, RANG BZHIN ZHES PA BZHI'O, ,'DOD PAS ZHES PA NI BYANG CHUB 'DOD PAS RNAL 'BYOR MA ZHES PA'O, ,DE NI RIGS PA DRUG CU PA LAS RGYU RKYEN LAS SKYES PA RNAMS RANG GI RANG BZHIN GYIS MA SKYES PAR GSUNGS PA KU MU tIR DRANGS SHING, GCIG DANG DU PRAL GYIS BSGRUB PA'ANG BSHAD DO, ,RANG BZHIN GYIS MA SKYES PA LA RGYU RKYEN LA BRTEN NAS SKYE BA MI 'GAL BA NI, 'DI LTA STE ZHES SOGS KYIS STON PA NI PADMA CAN DANG KU MU tI GNYIS KA'I DGONGS

PA'O, ,KUN RDZOB PA'I BUM PA LTAR BDEN PA MIN PA DANG, RI BONG GI RVA LTAR BRDZUN PA MIN PAR KU MU tIR RO, ,RGYUD GNYIS LAS, BTZAL NA GCIG NA'ANG YOD PA MIN PA RGYU MTSAN DU BYAS NAS MED BDEN PA MIN PAR BSGRUBS PAS NA, GONG DU RKYEN GSUM TSOGS PA LAS ME 'BYUNG BAR BSTEN PA RGYU MTSAN DU BYAS LA, RDZUN PA MIN PAR SHES PAR BYA'O, ,DE NI GUR LAS, KUN RDZOB TU NI 'JIG RTEN YOD, DPYAD PAS GANG NA'ANG 'JIG RTEN CI, ZHES 'BYUNG BA DANG 'DRA STE GNANG SHIN TU CHE'O, ,SNGON BYUNG LA RNAL 'BYOR MA RNAMS KYIS DE LTAR RTOGS PA'I RJES SU, STON PA LA BDE BA BSKYED PA'I GSANG MCHOD KYIS MCHOD PA NI, RJES 'JUG LA DE KHO NA NYID KYI LTA BA GTAN LA 'BEBS PA'I 'OG TU, BDE CHEN BSKYED NAS BSGOM DGOS PAR STON NO, ,SNGAR MDOR BSTAN DU, GZHAN YANG BZA' BA LA SOGS PA, ZHES GSUNGS PA'I DON BSHAD PAR BZHED NAS BSHAD PAR ZHAL GYIS BZHES PA NI, DE NAS BCOM LDAN 'DAS DGYES NAS ZHES PA NAS NYON ZHES PA'I BAR RO, ,BSHAD PA DNGOS NI BZA' BTUNG ZHES PA NAS, MGO SKYES LEGS PAR BCING BAR BYA, ZHES PA'I BAR RO, ,DES NA DE 'DRA BA'I STONG NYID NAM MKHA'I KHAMS LTA BU RTOGS PA'I BLOS MA DAG PA SBYANG BAR BYA'O, ,DE LA BZA' BA NI SHA LNGA LA SOGS PA DANG, BTUNG BA NI BYANG CHUB KYI SEMS LA SOGS PA DANG, BGROD BYA NI YUL LAS BYUNG BA'I BDE BA DANG, BGROD MIN NI YUL LAS 'DAS PA DANG, GTZANG SPRA NI DAG PAR RTOGS PA STE CHOS KYI DBYINGS RTOGS PA

, ,STE CHOS KYI DBYINGS RTOGS PA LAS LHAG PA'I GTZANG SBRA MI BYED PA DANG, GRONG GI CHOS NI BDE BA STE DE SHES NAS MI SPONG BA STE, GRONG GI CHOS NI SPONG MI BYED CES PAR BSGYUR TO, ,RNAL 'BYOR GYI GNYID MI SPONG BA DANG, MIG GTI MUG RDO RJE LA SOGS PA'I RNAM PAR BSGOMS NAS DBANG POS YUL GYI RO MYANG BAR BYED PA MI 'GOG GO ,DGRA GNYEN LA KHRO CHAGS MI BYED PA DANG, LHA RNAMS LA PHYAG MI BYED PA NI, DE DAG DANG BDAG LA SO SOR 'BYED PA'I BLO MI BSKYED PA'O, ,GA-YUNG MO SOGS LA'ANG BDAG GI LUS HE RU KA'I SKU LTA BUR BYAS NAS REG PA'O, ,REG RING ZHES 'DON PA LTAR NA REG PA YUN RING DU BYED PA'O, ,BU RAM NI KHRAG DANG, CHANG NI RKANG MAR DANG, DUG NI ZHAG DANG, NIM PA NI BAGS PA STE, DE'ANG BU BTZAS TE BU BTZAS PA LAS BYUNG BA'O, ,DRI NGA SOGS NI RUL PA CHANG DANG CHU DANG KHRAG DANG, ZHES PAR BSGYUR NAS RIM PA BZHIN DU DON GRUB DANG RNAM SNANG MI BSKYOD PA DANG, RIN 'BYUNG DU BSHAD DE, SNANG MTHA' BYANG SEMS DKAR PO'ANG DGOS SO, ,ME TOG RAB SONG NI SROG SONG BA'I RO LA GTOR BA'I ME TOG GO ,SNGAR LE'U DGU PAR DBANG PO'I RNAM DAG MI GSAL BA 'DIR ZHUS PA DANG LAN NI, DE NAS RDO RJE SNYING PO ZHES PA NAS, SEMS DPA' CHE ZHES PA'I BAR RO, ,MDOR BSTAN DU DGONGS PA'I SKAD CES PA 'CHAD PA NI, DGONGS PA'I SKAD NI ZHES PA NAS, GUS PAS BZUNG ZHES PA'I BAR RO, ,RGYUD RNAM PA BZHIR MA BSGRAGS PA'I DGONGS PA'I SKAD 'DIR GSUNG BAR ZHUS PAS,

KYEE RDOR RGYUD SDE LNGA PAR BYA DGOS ZHES SMRA BA NI DON MIN TE, GZHAN DU NA RGYUD 'DI GNYIS SBYOR GYI RGYUD MIN DGOS LA, DE LTA NA THABS SHES MNYAM PAR SBYAR BA LAS, HE'I DON LHAN SKYES KYI BDE CHEN DRANGS TE, BADZRA'I DON STONG PA NYID KYI SHES RAB DANG, DBYER MED DU SBYAR BA'I SNYING PO KYEE RDO RJE'I DON GTZO BOR STON PA'I RGYUD MIN PAR 'GYUR BA'I PHYIR DANG, BLA MED KYI RGYUD GZHAN GNYIS SBYOR GYI RGYUD YIN PA DANG, RGYUD 'DI DE MIN PA'I KHYAD PAR 'BYED PA'I GTAN TSIGS CUNG ZAD KYANG MED PA'I PHYIR RO, ,DES NA GNYIS SBYOR GYI RGYUD YIN KYANG 'DIR BSHAD PA LTAR, BRDA'I SKAD MA BSHAD PA MANG PO YOD PAS DE LA DGONGS KYI GNYIS SBYOR GYI RGYUD GANG YIN DU MA BSHAD PA MIN NO, ,KYEE RDO RJE NAS KHRO BAR BYED CES PA'I BAR GYIS, TSOGS 'KHOR LA SOGS PA'I DUS SU DE LTAR DE MI SMRA BA'I NYES DMIGS STON NO, ,GNAS BZHI LAS SKYES PA'I GSUM NI LHAN SKYES DANG SNGAGS SKYES DANG ZHING SKYES YIN LA BZHI PA NI SHA ZA MO LAS SKYES PA LA BOD KHA CIG 'CHAD DO, ,PHYAG RGYA'I LE'U NI SNGAR GSUNGS PA'I DON LA THE TSOM ZHUGS PAR ZHU BA STE, DE'ANG SPYOD PA'I LE'U LAS, GAL TE DGA' BAS GLU BLANGS TE, DE TSE RDO RJE MCHOG LDAN NO, ,ZHES SOGS KYI SKABS SU GLU GAR GYI DNGOS GRUB 'GRUB PAR GSUNGS PA'I 'GRUB LUGS DANG, GLU GAR JI LTAR BYED PA 'DRI BA'O, ,LHA DBANG BSKUR BA'I LE'U LAS, RIGS KYI PHYAG RGYAS RGYAS 'DEBS PAR GSUNGS PA LA, GANG NI STE GDAB BYA DANG, PHYAG RGYA NI 'DEBS BYED DE, DE CI 'DRA BA ZHIG CES PA'O, ,SNGAGS LE LAS, A'A LI RNAMS RNAL 'BYOR MA RNAMS KYI

, ,SA BON DU GSUNGS BA LA, RNAL 'BYOR MA GANG GI DANG, DBYANGS KYI NANG NAS GANG SA BON DU 'GRO BA DANG, RIGS LE LAS RTZA SO GNYIS BSHAD PA DE RNAL 'BYOR MA GANG GI RNAM DAG TU 'JOG TSUL 'DRI BA'O, ,DRI BA DANG PO'I LAN LA GNYIS LAS, GLU'I LAN NI KO LA NAS BADZDZA AA AI ZHES PA'I BAR RO, ,KOLLA GI RI NI GNAS SO, ,AI TI NI BOD PA STE KYE HO'O, ,RthI AA NI GNAS PA'O, ,BO LA NI RDO RJE STE, BSDU NA KO LA'I RI GNAS RDO RJE DANG, ZHES PA'O, ,DE LA GNAS PA'I SBYOR PAS PHO LA NI RNAL 'BYOR PA'I RDO RJE'O, ,ZHES BSHAD DO, ,MU MMU nI ZHING NGO, ,KA KOm LA NI ZHING DE LA GNAS PA'I RNAL 'BYOR MA'I PADMA STE, RKANG PA DE GNYIS KYIS NI GNAS LA SOGS PA NA ZHUGS PA'I RNAL 'BYOR PHO MO 'DUS PA GSUNGS TE, BSDU NA MUMMU'I PADMA 'DUS PA YI, ZHES SO, ,DE LTAR NA RE NI 'DUS PA'I DON YIN LA, BOD KHA CIG NI RE ZHES BOD PA'I DON DU 'DOD, MU TIG PHRENG BAR KO LA ZHES SOGS 'DI LA, TSIG RKANG BZHI PA'I TSIGS BCAD BZHI YOD PA'I RKANG PA GNYIS DAM BU KHRIGS SU SBYAR BA DANG, TSIGS BCAD BZHI CHAR GYI MTHAR THA MA GNYIS SBYAR BSHAD PA'I DON RKANG PA GNYIS GNYIS KYI MTHAR THA MA GNYIS SBYOR BA LA MKHAS PA DAG BZHED DO, ,GHA NA KI BI d'A HO BADZDZA AI ZHES PA'I GHA NA NI TSOGS LA 'JUG MOD KYANG RGYUN DU ZHES PA LA 'ANG 'GRO BAS 'DIR PHYI MA'O, ,KI PI tA NI RNGE'U CHUNG NGO, ,HO LA SOGS PA NI BRDUNG BAR BYA BA STE RGYUN DU RNGE'U CHUNG SGRA SGROGS SHING, ZHES BSGYUR TO, ,

CHOS THAMS CAD SGRA BRNYAN LTA BUR GSUNGS PA'I DON MNGON DU BYAS TE, GLU GAR BYA ZHES PA'O, ,MU TIG PHRENG BAR HE'I DON NI KYE ZHES BOD PA LA BSHAD DO, ,KA RU nE KI A'A AI n'A RO LA'I RO LA NI, RTZOD PA DANG, KU CO DANG, 'THAB PA'O, ,DE MED PAS BKAG PA MI BYA BA DANG, KA RU nA KE NI SNYING RJE'I DBANG GIS ZHES PA STE, SNYING RJES KU CO MI BYED LA ZHES BSGYUR TO, ,KU MU tIR AA AI nA NI MA BYED CES PA LA BSHAD DO, ,BSDU NA PHAN TSUN BYAMS PAR BYA ZHING SEMS CAN THAMS CAD LA'ANG SNYING BRTZE BAR BYA'O, ,ZHES PA'O, ,TA HAm B'I LA KH'ADZDZA AI'I TI H'Am NI DER YANG NGO, ,BA LA NI SHA'O, ,KH'ADZDZA AI NI BZA' BAR BYA BA'O, ,DER NI BSGRIMS TE SHA ZA BA ZHES PAR BSGYUR BA LTAR NA, KHA SOGS KYI DON NI BSGRIMS TE ZHES PA'O, ,GHA dHEm MA AA n'A PIDZDZA AA AA'I GA dHOm MA NI SHIN TU ZHES PA'O, ,AA nA NI CHANG NGO, ,PIDZDZA AI NI BTUNG BAR BYA'O, ,SHIN TU DGA' BA SKYED PA'I CHANG ZHES PA'O, ,NYIN MTSAN CHANG NI BTUNG BA YIN, ZHES BSGYUR BA LTAR NA, DANG PO NYIN MTSAN LA'ANG 'JUG GO ,HLE KA LINYDZA RA PA NI AA AI DANG PO NI KYE ZHES RNAL 'BYOR MA RNAMS LA BOD PA'O, ,HLE KA LIN NI SKAL LDAN DANG, DZA RA SOGS NI GZHUG PAR BYA STE RNAL 'BYOR DANG, RNAL 'BYOR MA SKAL LDAN NO, , DU DU RA BADZDZA AA AI DU DU RA NI SKAL MED DAM DAM TSIG DANG MI LDAN PA STE, DBANG MA BSKUR CING THE TSOM ZA BA'O, ,LHAG MA'I DON NI SPANG BAR BYA BA'O, ,DAM TSIG MI LDAN SPANG BAR BYA, ZHES BSGYUR TO, ,TZA AU SA MA KA KA STHU RI SI HLA ZHES PA

, ,LA, TZA TUR ZHES KYANG 'BYUNG BAS DE BZHI'O, ,SA MA NI MNYAM PA'O, ,KA STHUR LA AI AA ZHES BA DANG, RKANG PA SNGA MA NI, BZHI MNYAM DANG NI GLA RTZI DANG, ,SI HLA GA BUR BYUG PA YIS, ZHES BSGYUR TO, ,DE LTAR NA AA MAN CHAD KYI DON BYUG PA'O, ,PADMA CAN LAS, TZA AU PA MA SI HLA BU RA LA ZHES 'BYUNG LA, SNGAR BSHAD PA TZA TUR SA MAm BRJOD, GCI BA KA STHU RI ZHES BRJOD, CES BSHAD DO, ,PADMA CAN LAS, DRI CHEN DANG KHU KHRAG GSUM GYIS BYUG PAR BSHAD KYANG DRI CHU'ANG DGOS SO, ,AI RA AI ZHES KYANG 'BYUNG NGO, ,MA LA AINDHA NA SHA LIm DZA LA, TSOD MA M'A LA TINBHA NI ZHES PA LTAR PADMA CAN LAS KYANG BSHAD, SA LAm DZI'I DON NI PADMA CAN LAS TSOD MA RNAMS DANG SHA CHEN KHYAD PAR GYIS DER BZA' BA'O ZHES BSHAD LA, SHA CHEN GYI TSOD MA KHYAD PAR DU ZA BA'O, ,MU TIG PHRENG BAR P'A LI LAS SKYE SA PA LAS BSHAD DE, DZA NI SKYES PA'O, ,TA HIm BHA RU KHA AI AA AI'I TA HIm NI DER RO, ,LHAG MA'I DON NI RGYUN DU BZA' BAR BYA BA'O, ,RKANG PA GNYIS PA DE NI, SH'A LI LAS SKYES BTZOS SBYAR BA, ,DER NI RGYUN DU ZA BA YI, ZHES BSGYUR TO, ,DES MA LA AA AInHA nA LI AA ZHES ZER RO, ,PHREm KHA nA KHE tA KARNTE NI SNGAR 'GRO BA KHEtA ZHES DANG, 'OD PA PHREm KHA nA RU BRJOD CES PA LTAR BYA LA, LHAG MA'I DON NI BYED PA'O, ,PHREm ZHES KYANG 'BYUNG NGO, ,SHUDDHA NI DAG PA DANG, AA SHUD DHA NI MA DAG PA'O, ,N'A MA NI ZHES BYA BA'O, ,DER YID LA MI BYED PA NI nI AA AI'O, ,NI RAm

SHU AAm GA TZA tA BI LA, NI RADSHU NI RUS RGYAN NO, ,AARGA NI YAN LAG GO ,BI NI RNAM PA LA'O, ,TZA tA NI GDAGS PA'O, ,TA HIm DZA BAR BA PA NI AA AI LA SHAR BA NI RO DANG, PAm NI AA AI NI GZHUG PAR BYA BAR MU TIG PHRENG BAR RO, ,DUS DER SKYES BA'I RO 'BUL BA'I DON NO, ,MA LA AA DZE'I MI LA AA DZA NI 'DU BA'O, ,KUNDH'U RU NI DBANG PO GNYIS SBYOR KUNDH'U RU ZHES PA LTAR RO, ,PA dA AI NI DE BYED PA'O, ,dI ndA MA TI HAm nI BADZDZI AA AI SNGA MA NI RIGS NGAN PA'O, ,BADZDZI AA AI NI SPONG BA LA BSHAD PAS, 'DIR nA SA BKAG PAS MI SPANG BAR BSTEN PA'O, ,DE RNAMS NI SGRA JI BZHIN PA'I BSHAD PA STE, TSOGS LA 'DUS PA SOGS KYI SKABS SU'O, ,YANG DE'I DON NANG GA LUS LA GNAD DU BSNUN PA'I TSUL LTAR BSHAD NA, KOLLA AI RI NI MGO BO LA'O, ,t'I AA NI DE LA GNAS PA'O, ,BO LA NI RDO RJE 'DZIN PA GZHOM MED KYI HAm NGO, ,MUMMU nI RE NI LTE BA'I PADMAR RO, ,KA KO LA NI DER SHES RAB TZANdA LI'I RNAM PAR GNAS PA'O, ,GHA NA NI DGA' BRAL MED PA'I DGA' BA RGYUN LDAN PA'O, ,KI PI tA NI GZHOM MED KYIS LHAN SKYES SO, ,BADZDZA AI NI KUNDA CHAR LTAR 'BAB PA'O, ,KA RU SOGS NI BDE CHEN GYI YE SHES KYIS RNAM RTOG GI RTZOD PA MI BYA BA'O, ,TA HIm SOGS NI CHAR 'BAB PA DER THA MAL PA'I SHA STE PHUNG SOGS SNANG MED DU BYED PA'O, ,G'A dEm MA SOGS NI SNYING RJE BDE BA CHEN PO'I RO SHIN TU 'THUNG BA'O, ,HLE SOGS NI RDOR SEMS KYI RANG BZHIN BDE CHEN BSGOM PAR BYA BAR RO, ,DU DU RA SOGS NI RNAM RTOG THAMS CAD DU SPANG BAR BYA BA'O, ,TZA AU SOGS MI

, ,BDE CHEN DE LA, RNAM SNANG SOGS ZHUGS PA'O, ,MA LA SOGS MA NI SA DANG, LA NI CHU DANG, AINDHA NI ME DANG, SHA LIm DZA NI RLUNG DANG, DE RNAMS TA HIm SOGS KYIS SHIN TU SNANG MED DU BYA BAR STON NO, ,PHREm SOGS NI SHES RAB KYI 'GRO 'ONG BYED PA DANG, SHUDDHA SOGS NI, DE GNYIS YID LA MI BYED PAR BDE CHEN DU RTZE GCIG PA'O, ,NI RAm NAS BA PA NI AA AI BAR GYI DON NI, BYANG SEMS DKAR PO YAN LAG RNAMS LA BZHAG NAS LUS THAMS CAD LA KHYAB PAR BYED PAS GZHUG PAR BYA'O, ,MA LI SOGS KYI DON NI SNGAR DANG 'DRA, ,dIndI MA SOGS NI RNAM RTOG GIS REG RGYU LHAN SKYES BSTEN PA'O, ,BSHAD TSUL DES GTUM MO SGOM PA RGYAS PAR NI BHA BAS BSHAD DO, ,RAB LA DBANG BSKUR BA'I DBANG DU BYAS NAS, KO NAS LA'I BAR NI THABS KYI LTE BA'I 'OG DANG, DAR GNAS PA'I RDO RJE DANG, M'U NA LA'I BAR NI SHES RAB KYI LTE BA'I 'OG DANG, DER GNAS PA'I PADMA DANG, GHA NA SOGS NI PADMA DE LA RDO RJE'I RANG BZHIN GYI KRI PI TA RDUNG BA NI SPYOD PAR BYED PA'O, ,KA RU SOGS NI BDE CHEN 'BYUNG BAS RTZOD PA MI BYED CING BRTAN PAS RGYUN DU BDE BA'I MCHOG BSTEN PA'O, ,TA HIm SOGS NI DE'I TSE RNAM RTOG ZA BA 'AM, DGA' BA BYUNG BA ZA BA'O, ,KA SOGS NI YANG YANG BTUNG BA'O, ,KA LINYDZA SOGS NI LHAN SKYES BSGOMS PAS GZHUG PA'O, ,DU DU SOGS NI DGA' BRAL SPANG BA'O, ,DZA AU SOGS NI LHAG MA'I DON NI SNGAR BZHIN NO, ZHES PADMA CAN LAS SO, ,GAR 'CHAD PA LA HE RU KA GZUGS NI KYEE RDOR GYI NGA RGYAL GYIS SO

CHAGS BRAL NI MA ZHI BA STE DE MIN PAR DE KHO NA NYID GOMS PA'O, ,RDO RJE CHOS NI DE'I BDAG NYID KYI GLU ZHES PA'AM, YANG NA DE'I RNAL 'BYOR CAN GYIS SO, ,SANGS RGYAS KYANG RNAM SNANG GI BDAG NYID CAN GYI GAR RAM, DE'I RNAL 'BYOR DANG LDAN PA'O, MA MO LA SOGS PA'I RNAL 'BYOR MA RNAMS KYIS SAM, ? YANG NA GOO R'I SOGS KYIS BSKOR BA RNAMS KYIS DE LTAR BYA'O, ,SNGA MA NI GAR MA SOGS LA 'CHAD DO, ,GLU GAR BYAS PA'I DGOS PA NI, 'DI NYID CES PA SDE RANG DANG GZHAN 'JIGS PA LAS BSRUNG BA DANG, GZHAN DBANG DU BYED PA DANG SNGAGS KYI BZLAS PAR 'GYUR BA'O, ,GANG DU GUS PA DANG RGYUN KYI SBYOR BAS GLU GAR BYED PA DE, TSOGS KYI BDAG PO DPAL HE RU KA MDUN DU STE MNGON DU BYAS NAS SO, ,TSOGS KYI BDAG PO MDUN BYAS ZHES 'BYUNG NGO, ,GLU GAR BYAS PA DE LA DE'I BYIN RLABS MTSON PAR BYA BA LA, DRIS MTSON PA NI SGOG PA ZHES SOGS GSUM STE, MA YA'I DRI NI TZANDAN GYI DRI'O, ,SGRAS MTSON PA NI NGAN PA ZHES PA ZHIG DANG, BA LING ZHES PA ZHIG DANG, GANG DU THES PA NI PHYI ROL TSAL DU'ANG ZHES 'BYUNG BAS PHYI NANG GNYIS GANG RUNG DU'O, ,DE MNYAN PA'I DUS NI GLU BLANGS PA'I RJES NAS SO, ,DRI NI GAR DANG SGRA NI GLU'I BYIN RLABS SU BHA BAS SO, ,RNAL 'BYOR MA'I 'KHOR LO BSGOMS PA LAS DE 'BA' ZHIG MNGON DU 'GYUR NA, RGYAS 'DEBS KYI PHYAG RGYAS CI ZHIG BYA ZHES DOGS PA LA RIGS 'CHOL BA STE 'KHRUGS PA DANG, RIGS LA BLTOS PA MED PAR RIGS BDAG GI RGYAL BAS STONG PA BSDOMS PA LAS MNGON DU 'GYUR NA'ANG,

, ,GZUGS BRNYAN LTA BUR 'DOD DON BSGRUB PA'I NUS PAS STONG PAS DNGOS GRUB MED PA'O, ,RANG GI RIGS GANG YIN MI SHES PAS BSGRUB BYA MI SHES PA'I PHYIN SGRUB PA PO'ANG MED DO, ,MI BSKYOD PA RNAM SNANG RIN 'BYUNG SNANG MTHA' DON GRUB LNGAS, RIM PA BZHIN DU BDAG MED MA NAS RDO RJE MKHA' 'GRO MA'I BAR DANG, YANG DANG PO BZHI RIM PA BZHIN DU, PU KA SI DANG GOO R'I DANG, SHA BA RI DANG TZOO RI DANG, TZAndA LI DANG, BI TA LI DANG, GA-YUNG MO DANG GHASMA RI LA DANG, RNAM SNANG GIS SA SPYOD MA DANG, SNANG MTHAS MKHA' SPYOD MA LA RGYAS GDAB BO, ,DBYANGS GANG LHA MO GANG GI SA BON YIN PA NI, A'A LI DANG PO ZHES SOGS KYIS STON PA LA SA BON THAMS CAD ZLA PHYED THIG LE DANG BCAS PAS MTSAN PAR BHA BAS SO, ,LNGA GNYIS NI DBYANGS BCU PA'O, ,RTZA SO GNYIS LA RTZA GANG LHA MO GANG DU STON PA LA, MI PHYED MA LA SOGS PA GNYIS GNYIS 'KHOR GYI LHA MO RE RE DANG, RO RKYANG DH'U T'I GSUM GTZO MOR STON PA NI RIGS KYI ZHES PA DRUG GO ,DE LTAR NA RTZA SO GNYIS KYI LHAG MA GCIG LUS PAS, LHA MO RNAMS KYIS RTZA SO GNYIS MA BSDUS PAR 'GYUR RO ZHE NA, 'BAD PAS ZHES PA GCIG GO ,DE SPONG BA'I GTAN TSIGS NI, GANG PHYIR ZHES PA GCIG GO ,GAL TE BCU DRUG GI CHA MED PA DANG, LHAG MA SPANG ZHES PA GNYIS 'GAL BAS BCU DRUG GI CHA YOD DO ZHE NA, CI'I SLAD DU ZHES SOGS GSUNGS SO, ,DON TE DGOS PA BSGRUB PA'I DNGOS PO'I BYA BA STE SKYED PAR BYED PA'I BCU

DRUG GI CHA MED PAS, BCU DRUG CHA MED PAS ZHES GSUNGS TE, DPER NA BU YOD KYANG BU'I BYA BA MI BYED PA NA BU MED CES BRJOD PA BZHIN NO, ,DE'I PHYIR CHA BCO LNGA PA NYID DU GRUB CING, CHA BCU DRUG PO MA YIN PA DE NYID GSAL BAR NI ZLA BA ZHES SOGS BZHIS BYED PA NI KU MU tIR RO, ,DE'I DGONGS PA NI A'A LIS BDE CHEN MTSON LA, PHYI NANG GI DKAR CHA 'PHEL BA'I CHA BCO LNGAS, PHYI NANG GI ZLA BA'I DKAR PHYOGS RDZOGS PA'I PHYIR DANG, RNAL 'BYOR MA RNAMS DKAR CHA MTSON BA'I A'A LI'I CHA RE RE YIN PA'I PHYIR NA, BCU DRUG PA'I CHA MED DE BCU DRUG PA NI NAG PHYOGS YIN PA'I PHYIR RO SNYAM DU BSAMS SO, ,'DI NI DBYANGS YIG BCU DRUG PA 'DOR BA'I RGYU MTSAN DU SNANG YANG, DE'I SGO NAS RTZA'I LHAG MA BDUNG BRAL MA 'DOR BA'I RGYU MTSAN DU'ANG BYA STE, DE'ANG GZHI DANG LAM GYI SKABS MTHON POR MA SLEBS BAR DU RTZA DER BYANG SEMS DKAR PO MI 'BAB PAR MAN SNYER BSHAD PAS SHES DGOS SO, ,PADMA CAN LAS, RTZA DANG DBYANGS RNAMS LHA MO RNAMS DANG SBYOR BA NA, BDUD 'JOMS MA'I RNAM DAG LHA MO RNAMS LA MA GSUNGS PA DANG, A'A LI'I GZUGS CAN BYANG CHUB KYI SEMS KYI ZLA BA DANG CHA BCU DRUG GI CHA'I RANG BZHIN SA BON AA: MA GSUNGS PAS, RTZA SO GNYIS DANG DBYANGS BCU DRUG PO LTA MOS MA BSDUS SO SNYAM PA LA, KUN GYI THA MA SPONG BA'I RGYU MTSAN GANG GI PHYIR BCU DRUG CES GSUNGS SO, ,DE'I RGYU MTSAN YANG DON GYI BYA BA ZHES PA GCIG GO ,DE'I DON NI CHA'ANG CHA MED PA DANG, DON GYI BYA BA SBYOR BA MED PAS

, ,TE CHOS KYI DBYINGS KYI RANG BZHIN GYIS SO, ,LHA MO'I RNAM DAG LHA MO BCO LNGA BSGOM PA'I GNAS SKABS SU 'DUS PA DANG, DON GYI BYA BA MI BYED PA DANG, GANG DU CI'I PHYIR BSGOM PA'ANG DON GYI BYA BA BSGRUB BYA DE NYID YIN ZHES GSUNGS SO, ,DE'I DON NI RTZA GNYIS GNYIS PA BCU DRUG BYAS PA DANG, YI GE BCU DRUG GI CHA BCU DRUG PA YIN YANG, DON GYI BYA BA SBYOR BA'I CHA MED DO, ,YI GE BCO LNGAS BYANG SEMS KYI ZLA BA 'PHEL BA'I CHA BCO LNGA RDZOGS PAS, BCU DRUG PA NI BDE BA LA MIN GYI CHOS KYI DBYINGS KYI RANG BZHIN STONG PA NYID MTSON PA'I DON YIN PA'I PHYIR RO, ,DES NA LHA MO BCO LNGA BSGOM PA'I GSEB TU 'DUS PA NI BDE STONG SBYOR BA'I SGO NAS SO, ,DON GYI BYA BA MI BYED PA NI BYANG SEMS KYI ZLA BA MTSON PA'I BYA BA GTZO BOR MI BYED PA'O, ,RTZA GANG LHA MO GANG DU DGOS PA CI'I PHYIR DU BSGOMS PA'I DGOS PA NI, DON GYI BYA BA BYED PA'I BSGRUB BYA DE NYID YIN PA'I PHYIR ZHES PA'I DON NO, ,BHA BAS BDUD 'JOMS MA 'DOR BA NI, KUN GYI LHAG MA SPANG ZHES PA'O, ,DE'I RGYU MTSAN NI GANG PHYIR ZHAS PA GCIG GO ,DE BSGRUB PA NI DON GYI ZHES GSUNGS PA'I CHA NI RTZA GNYIS GNYIS YIN NA, BDUD 'JOMS MA NI RTZA GCIG YIN PAS JI LTAR BYED CES 'CHAD DE, DON DU MA MTHONG NGO, ,MU TIG PHRENG BAR RTZA SO GNYIS KYI PHYED KYI CHA A'A LI BCU DRUG YIN NA, CI'I PHYIR CHA BCU DRUG PA SPANG SNYAM BA LA, DBYANGS THAMS CAD KYI LHAG MA BCU DRUG PA SPONG

PA'O, ,RGYU MTSAN NI BCU DRUG CES SOGS KYIS BSTAN TE BYA BA MA BYED PA'O, ,JI LTAR DANG PO'I RNAL 'BYOR MA RTZA GSUM YIN PA BZHIN DU, THA MA'I RNAL 'BYOR MA'ANG RTZA GSUM MO ZHES SHUGS KYIS BSTAN TE, DE LTAR MA YIN NA RNAL 'BYOR MA RE RES RTZA GNYIS GNYIS BSDUS PAR BSTAN PAS RTZA SO GNYIS MA BSDUS PAR 'GYUR RO, ,ZHES 'CHAD DO, ,'DIR DOGS GCOD NI RTZA DANG YI GE GNYIS KA LA DGOS TE, YI GE LA BCU DRUG PA DNGOS SU YOD PAS, DE'I RGYU MTSAN 'DRI DGOS PA'I PHYIR DANG, RTZA LA'ANG GTZO MO LA GSUM DANG, GZHAN BCU BZHI LA GNYIS GNYIS SBYOR BAR GSUNGS PAS NA, RTZA GCIG LHAG MAR LUS LA, DE'I RGYU MTSAN DRI DGOS PA SNGA MA LA'ANG MTSUNGS PA'I PHYIR NA, PADMA CAN LAS GSUNGS PA LTAR RTZA YIG GNYIS KA LA DOGS PA BKOD NAS BCAD DGOS SO, ,DE LTAR BYAS NA DBYANGS BCO LNGA DANG SBYOR BA DANG, BCU DRUG PA DANG MI SBYOR BA'I RGYU MTSAN GSAL BAR NI KU MU tIR BSHAD PA LTAR BCO LNGA'I ZHES PA BZHIS STON NO, ,DBYANGS YIG BCU DRUG PA SPONG BA'I RGYU MTSAN DU NI, DES STONG PA MTSON PA YIN LA, DE 'ANG DBYANGS BCO LNGA'I MTSON DON DU 'DU BAS BDE BA MTSON PA'I GSEB TU BGRANG MI DGOS PA, MTSO SKYES KYI BZHED PA LTAR LEGS TE, KU MU tI'I LUGS KYANG DE DANG 'DRA BAR BYAS NA LEGS SO, ,GAL TE RGYU MTSAN DES BDUD 'JOMS MA 'DOR BA JI LTAR SHES SNYAM NA, 'DI NI MAN SNYE LTAR BYAS NA LEGS SO, ,KHA CIG SH'ANTI PA'I LUGS DE RTZA SO GNYIS LHA MO

, ,BCO LNGAS SBYONG ? NA 'GAL BA GNYIS TE, RE ZHIG GZHUNG DANG 'GAL BA NI, KUN ZHES PA'I RTZA DANG 'PHO BA YI GE LA SOGS PA KUN ZHES BSHAD DGOS PAS, RTZA 'BA' ZHIG LA SBYOR NA KUN GYI ZHES PA'I TSIG SBYAR DU MI RUNG BA DANG, MKHA' SPYOD MAS RTZA GSUM BSDUS NA, LHAG MA ZHES PA'I TSIG MI RUNG STE, LHAG MA MI GNAS PA'I PHYIR RO, ,DON DANG 'GAL BA NI LHA MO NI STONG NYID YIN LA, BDUD BRAL MA YANG SPROS BRAL GYI CHA STONG NYID YIN PAS STONG PAS STONG PA SBYANG BAR MI NUS PA'I PHYIR TE, NAM MKHA'I ME TOG GIS RI BONG GI RVA MDZES MI NUS PA BZHIN NO, ,ZUNG 'JUG GI LAM MI RUNG STE, BDE CHEN GYI NGO BO YAB KYIS STONG PA'I NGO BO BDUD BRAL MA SBYANGS NA ZUNG 'JUG TU 'GYUR BA LA, KHYED LTAR NA DE MI RUNG STE, STONG PAS STONG PA SBYONG BA'I PHYIR ZHES 'GOG PA NI MI RIGS TE, DGAG PA LTAR SNANG 'BA' ZHIG TU 'DUG PA'I PHYIR RO, ,JI LTAR ZHE NA, MU TIG PHRENG BAR NI, RTZA YIG GNYIS KYI NANG NAS YI GE'I LHAG MA SPONG BA KHO NA LA SBYOR GYI, RTZA'I LHAG MA SPONG BA LA SBYOR BA MIN TE, RTZA THA MA GSUM LHA MOS SDUD PAR BYED PAS RTZA LA LHAG MA LUS PA MI 'DOD PA'I PHYIR DANG, RTZA 'BA' ZHIG LA SBYOR NA ZHES PA PHYOGS SNGA MA'I 'DOD PA MA GO BA'I TSIG YIN PA'I PHYIR RO, ,MKHA' SPYOD MAS RTZA THA MA GSUM BSDUS NA LHAG MA ZHES PA'I DON MED CES PA'I DON MED CES PA'ANG PHA ROL POS RTZAL YIN NA 'DOD PA YIN LA, YI GE LA ZAR NA KHYAB PA MA NGES PA'I 'BREL MED DU 'GYUR RO, ,ZHES SMRA BAR 'GYUR BA'I PHYIR

RO, ,KUN CES PA'ANG DBYANGS KUN GYI ZHES PA'I DON YIN ZHES SMRA BA NA, KUN CES PA'I DON DU RTZA GNAS DGOS PA LA RGYU MTSAN YANG DAG PA CI'ANG MED PAR DAM BCA' BA TZAM DU SNANG BA'I PHYIR RO, ,GZHAN YANG BCO LNGA PO RNAMS NI THABS SPROS PA'I CHA BDE CHEN GYI YAB YIN LA, BCU DRUG PA'I CHA RNAMS NI, SHES RAB SPROS PA DANG BRAL BA'I STONG NYID KYI NGO BO YUM YIN ZHES 'DOD BZHIN DU, SNGAR BSHAD PA BZHIN SMRA BA NI SHIN TU MI RIGS TE, DE LTA YIN NA LHA MO RNAMS CHA LNGAR 'JOG PA LA, THABS KYIS THABS SBYONG BA MI 'THAD PAS ZUNG 'JUG MI RUNG BA DANG, LHA MO RNAMS CHA BCO LNGA YIN CING DE THABS KYI CHA YIN PAS, DES BDUD BRAL MA SBYONG BA DE STONG PAS STONG PA SBYONG BA MIN PAR 'DOD DGOS SO, ,DES NA KUN DANG THAMS CAD CES PA BRJOD 'DOD KYI DBANG GIS PHYAGS RE BA LA 'JUG PA'ANG MI 'GAL TE, DPER NA, LHA MO THAMS CAD KHA DOG NAG ,CES 'BYUNG YANG LHA MO YIN TSAD LA BYA MI DGOS PA BZHIN NO, ,RDOR SNYING GIS, GA BUR ZHES PA 'DI LA PADMA CAN LAS, GA BUR NGES PAR CIS MI 'BYUNG, ZHES 'BYUNG LA, DE'I DON NI NGES PA'I SPRA NI BZOD PA MA YIN PA STE, CIS MI 'BYUNG STE, 'ON KYANG GANG BSKYED PAR BYA ZHES BYA BA'I DON TE, ZHES GSUNGS PAS GA BUR 'BYUNG BA STE BSKYED PAR MI BYED PA NI MI BZOD PAS, NGES PAR BSKYED DGOS ZHES TE, SNGAR BDE BA CHEN PO A'A LI'I GZUGS ZHES GSUNGS PA'I DGONGS PAR SHES NAS ZHUS PA'O, ,JI SKAD SMRAS PA ZHES SOGS 'OG MA RNAMS KYIS GA BUR DBYUNG THABS STON PAR

, ,SNANG BA DANG 'GRIG GO ,KU MU tIR, GA BUR NGES PAR CIS MI SPANG, ZHES 'BYUNG LA, DE'I DON YANG, CES ZHES BYA BA NI MGO SBRUG PA'O, ,MI ZHES BYA BA NI GA BUR NYID MI SPONG PA STE, ZHES BSHAD PAS GA BUR NI NGES PAR CI LA BAB KYANG, PHYI ROL TU MI SPONG ZHES PA'I DON YIN LA, SNGA MA NI SPYI BO LA SOGS PA'I LUS KYI, GNAS NAS NANG DU 'BYIN PA'O, ,RNAL 'BYOR MA RNAMS YANG DAG 'BYUNG ZHES PA LTAR YIN PAS RNAL 'BYOR MA KUN GANG LAS 'BYUNG BA NI LHAN SKYES SO, ,DE'ANG 'GRIB MED DE ZAD MED MI 'JIG PA DANG, BTUNG MCHOG NI RGYAS PAR BSGYUR BAS RGYUN RGYAS PA'O, ,DE GANG LAS 'BYUNG BA'I KUN RDZOB KUNDA LTA BU NI BYA GDONG MA DH'U T'IR 'ONGS PA SHES RAB KYI PADMAR GNAS PA NI NAM MKHA'I DON TO, ,'BRAS BU BYANG SEMS GCIG NYID BSKYED PA LA RGYU GNYIS BYUNG BA NI RGYU SNGA MAS 'BRAS BU SNGA MA DANG, RGYU PHYI MAS 'BRAS BU PHYI MA BSKYED PA GNYIS SU BYA BAR KU MU tIR RO, ,PADMA CAN LAS, DKYIL 'KHOR 'KHOR LO SOGS THABS SHAS 'BYUNG BA'I SOGS KYIS NI, NANG GI SBYOR BA BSDUS PAS BSKYED RDZOGS KYI RIM PAS DON DAM PA'I BYANG CHUB KYI SEMS BSKYED PAR BYA BA DANG, BDAG BYIN RLABS ZHES PA THABS SHES KYI SBYOR BAS, LAS RGYA BYIN GYIS BRLABS NAS KUN RDZOB KYI SEMS BSKYED PAR BYA BA DANG, SEMS DE GNYIS KA'ANG SHES RAB KYI PADMAR BSKYED PA NI, BUD MED CES PA DRUG GIS STON PAR BSHAD DE, SNGAR DKYIL 'KHOR GYI 'KHOR LO LAS RGYA DANG SBYOR BA LA BSHAD PA NI SGRA JI BZHIN MA YIN PA'I BSHAD PA DANG, 'DIR BSKYED RIM LA BSHAD PA NI SGRA JI BZHIN

PA'I BSHAD PA'O, ,GUR LAS RANG GI SNYING GAR MI SHIGS PA DANG, 'OG SGOR PHRA MO BSGOM PA'ANG RANG BYIN RLABS SU BSHAD PAS RE RE BAR MI BZUNG NGO, ,'DI NYID CES PA GNYIS NI ZHU BDE'I BYANG CHUB KYI SEMS 'DI NYID THABS DANG BRAL MA BRAL GYI DBANG GIS 'KHOR 'DAS GNYIS SU STON TE, 'DI NYID BSHAD MA THAG PA'I DON LA 'DI NYID CES NYE BA'I TSIG GIS GSUNGS PA LA 'GRIG GO, 'KHOR BA ZHES PA GNYIS NI ZHU BDE'I 'KHOR BA LAM DU BYED PA SPANGS ZHES PA STE, MYANG 'DAS NI DE THOB PA STE DE'ANG SANGS RGYAS KYI MYANG 'DAS SO, , 'KHOR BA GZUGS DANG ZHES PA BZHIS 'KHOR BA GANG YIN PA BSTAN LA, 'DI RNAMS CHOS ZHES PAS NI 'KHOR BAR BSHAD PA 'DI RNAMS KYI CHOS GANG KHO NA LAS MYANG 'DAS SU 'GYUR BA DE GTI MUG LAS 'KHOR BAR 'GYUR RO, ,DE LA NI TSUL GNYIS TE, ZHU BDER BZHAG PA DE THABS DANG BRAL NAS LAM DU BYED MA SHES PA DE NYID SHES NA MYANG 'DAS SU 'GYUR BA DANG, PHUNG SOGS KYI DE KHO NA NYID KYI CHOS GANG RTOGS PAS MYANG 'DAS SU 'GYUR BA DE MA SHES PA'I DBANG GIS 'KHOR BA YIN GYI, 'KHOR 'DAS LA GNAS LUGS SO SO BA MED PA'I DON TO, , DES NA THAR 'DOD RNAMS KYI PHUNG SOGS KYI DNGOS PO GTAN ZANG DU'ANG MI SDANG ZHING, GTI MUG KYANG 'BAD PAS SPANG BYAR STON PA NI RMONGS PHYIR ZHES PA BZHI'O, ,CI MYA NGAN LAS 'DAS PA DE THEG DMAN GYI LTAR RAM SNYAM NA, BYANG CHUB CES PA GNYIS TE, STONG NYID DANG SNYING RJE DBYAR MED PA'I LHAN SKYES KYI GNAS SKABS NYID LA MTHA'I MYANG 'DAS SU 'JOG GI , GZHAN DU MA YIN PA'O, ,'DI'I KUN RDZOB DON DAM NI ZHU BDE MIN GYI BDE BA DANG STONG NYID RTOGS PA LA BYA'O, ,KUN RDZOB KUN LTA BU'I BYANG SEMS BSKYED

, ,PA'I RIM PA NI, SHIN TU NAS MKHAS PAS MI SPANG ZHES PA'I BAR RO, ,KUN RDZOB LEN PA'I TSUL NI DE NI ZHES PA BZHI STE, LHAN SKYES MTSON ZIN NAS KUNDA LTA BU CUNG ZAD PADMA 'PHOS PA'O, ,NGES PA'I STOBS ZHES 'BYUNG LA, DE'I DON STOBS BCU'I STOBS RGYAS PA'I PHYIR DU LAN PAR KU MU tIR RO, ,PADMA CAN LAS, BZLOG PAS STOBS ZHES PAR BYAS NAS BZLOG PAS ZHES PA NI BSRUNG BA'I PHYIR RO, ,STOBS NI NUS BYA'O ZHES NUS PA YOD NA, GSANG GNAS KYI RTZE NAS GYEN DU BZLOG STE, DE'ANG 'DZAG PA BSRUNG PA'I PHYIR RO, ,KU MU tIR, ZHU BA'I SEMS 'DI MCHOG TU 'GYUR RAM ZHE NA, ZHES PA'I LAN DU, GA BUR ZHES PA GCIG GIS BSKYED RIM LA ZHU BDE BDAG MED MA DANG, RDZOGS RIM LA BDE BA NYID BDAG MED MA YIN PAS, ZHU BA'ANG MCHOG MIN PAR MA 'GYUR BAR BSHAD DE, DE'I RGYUR DGOS PA LA BSAMS SO, ,DBYIBS LA SOGS PA NI, LTE BA NAS BYED PA CAN GYI BAR GYIS BSTAN PAR 'CHAD DO, ,PADMA CAN LAS, SNGAR BYANG CHUB SEMS NI MYA NGAN 'DAS, ZHES PA 'BA' ZHIG GI BYANG CHUB KYI SEMS BSKYED PA'I RIM PA LA SOGS PA BSTAN PA NI, GA BUR ZHES PA GSUM MO, ,GA BUR NI BYANG SEMS DANG BDAG MED MA NI DE'I RTEN AA BA DH'U T'I DANG, DER BZHUGS BA'I GA BUR LAS SKYES PA'I BDE BA'ANG BDAG MED MA'I TSUL CAN DANG, DE'ANG CHOS THAMS CAD BDAG MED PA'I RANG BZHIN LA BZHUGS PA'I BDE BA NI PHYAG RGYA CHEN PO STE, DE BSGOMS PAS MTHAR SHIN TU GSAL BAR GYUR PA NA PHYAG

RGYA CHEN PO'I DNGOS GRUB BO, ,BDE BA CHEN PO DE GANG DU GNAS SNYAM PA YA, SPYI BO BDE CHEN GYI 'KHOR LOR BDE CHEN SDUD BYED GZHOM MED KYI TSUL GYIS GNAS SO ZHES TE HAm YIG GO ,DE LA 'KHYUD PA DE'I RANG BZHIN GYIS GNAS BDE LAS BYUNG BA'I BDE CHEN, DE'ANG DANG PO'I DBYANGS YIG AA THUNG GIS MTSON PA'I RANG BZHIN GYIS SKYE BA MED PA'I RANG BZHIN DANG, YUL YUL CAN DBYER MED PA'I NGO BO NYID KYI CHOS THAMS CAD KYI RANG BZHIN TE, DE DANG NGO BO GCIG PA'I RNAM PA CAN NO, ,DE NYID BLO STE RANG RIG BDE BA CHEN POR SANG RGYAS RNAMS KYIS BRTAGS PA STE BRJOD DO, ,LTE BA'I AA THUNG LA GTUM MO BDE CHEN GYI GNAS SU 'CHAD NA'ANG, SNGAR LTAR BSHAD PA'ANG DGOS PA NI, RDZOGS PA'I RIM PA'I RNAL 'BYOR PA STE DE'I DBANG DU BYAS NAS BSHAD PA'O, ,DE'I DBANG DU BYAS NAS AA THUNG DE NYID SKAL PA DRUG DANG LDAN PA DANG BDUD 'JOMS PA'I SHES RAB YIN PAS SHES RAB MAR BSHAD DO, ,GZUGS SU MI GNAS PA NI SDE NI ZHES PA BZHI'O, ,DE LAS ZHES PA NI PADMA CAN DU DE NYID RNAL 'BYOR PAS BSKYED BYA ZHES 'BYUNG LA, RNAL 'BYOR BAS DE BSKYED PA STE RDZOGS PAR BYA ZHING BDE BA MI ZAD PA'I TSUL GYIS LONGS SPYAD PAR BYA'O, ,DE'I PHYIR YANG SHES RAB KYI GZUGS DANG, CHOS KYI DBYINGS KYI TSUL GYIS RNAL 'BYOR BAS SPYOD PAR BYED DO ZHES 'CHANG LA KU MU tIR DON DAM PA'I LHAN SKYES GZUGS SOGS LNGA LAS 'DAS PAR BSHAD PA LA DE RNAMS MED PA'I PHYIR, YUL RNAMS LONGS MA SPYAD PAS BDE BA MIN PAS BDE BA

, ,SBYIN PA'I DNGOS GRUB MED DO SNYAM NA, GZUGS SGRA ZHES PA BZHI STE, YUL RE RE LONGS SPYAD PAS KYANG BDE BAR 'GYUR NA, BCOM LDAN 'DAS MA SHES RAB MA YUL THAMS CAD KYI RANG BZHIN LA LONGS SPYOD PA'I RNAL 'BYOR PA JI LTAR BDE BAS PHONGS PAR 'GYUR, DE BAS NA BDE BA SBYIN PAS 'GRUB STE DE NYID CES PA ZHIG GIS KYANG DE STON NO, ,DE NYID DKYIL 'KHOR GYI DPA' BO DANG DPA' MO'I DBANG PHYUG MA THAMS CAD SDUD PA DANG, DE NYID CHOS THAMS CAD GZUGS BRNYAN LTA BUR MTHONG BA'I YE SHES LA SOGS PA 'BYUNG BA DANG, BDE BA CHEN PO'I TSUL GYIS YUL LA KHYAB PAR BYED PAS SDUD PA DANG, GNYIS MED KYI BDE CHEN LAS YANG DAG PAR RIG PAR 'BYUNG BA DANG, DE LAS 'GRO BA'I DON BYA BA 'BYUNG BA'I CHOS DBYINGS SHIN TU DAG PA'I NGO BO NYID KYI PHYIR RIM PA BZHIN DU YE SHES LNGA'O, ,LE'U DANG POR GSUNGS PA'I SDOM PA'ANG BSHAD DU GSOL ZHES PA NI, 'KHOR LO BZHI LA SDE PA BZHI LA SOGS PA SDOM TSUL DRIS PA'O, ,DE'I LAN DU RNAL 'BYOR MA ZHES PA GNYIS KYIS NI, BDAG MED RNAL 'BYOR MA'I SA BON AA LUS KYI DBUS NA GNAS PA DE NYID SDOM PA'I GNAS SU GSUNGS TE, LE'U DANG POR AA THUNG SDOM GNAS SUM GSUNGS PA 'DIR BSHAD PA NI JI LTAR PHYI ROL GYI DKYIL 'KHOR DU AA YONGS SU GYUR PA LAS BSKYED PA'I BDAG MED MA NI, RANG LA LHAN SKYES 'DREN PA'I DON DU YIN PA DE BZHIN DU, NANG GI LTE BA'I GTUM MO AA THUNG YANG LHAN SKYES KYI BDE BA 'DREN PA'I THABS YIN PAS DE'I DON DU

BSHAD DO, ,DE'ANG RDO RJE STE THABS KYI SHES RAB MA DANG LHAN CIG SBYOR BA NA 'BYUNG BA'I BDE BA NI PHYAG RGYA CHEN PO BDE BA'I SHES RAB BO, ,RDO RJE NI THABS RANG NYID KYI RDO RJER BSKYED PA'O, ,DE'I BDE BA GANG LAS SKYE ZHING MCHED PAR 'GYUR BA'I THABS NI, SA BON TE AA HAm NGO, ,NANG GI AA HAm BSTAN PA 'DIS NI PHYI ROL GYI GNYIS SBYOR BSTAN PA MIN GYI GSANG BA'I SNYOMS 'JUG STAN TE, 'DI LA NI RO RKYANG GI RLUNG DH'U T'IR SDOM PA SNGAR BSHAD PA LTAR DGOS PAS, SDOM GNAS 'DIR GANG SDOM PA'I GTZO BO'O, ,GZHAN YANG JI LTAR PHYI ROL DE BZHIN DU, NANG DU SDOM TSUL GZHAN YANG MANG DU STON PA LAS RE ZHIG BDE CHEN GYI SKU DANG BCAS PA'I SKU BZHI NANG DU 'KHOR LO BZHIR SDOM PA NI, BDE CHEN GANG GIS SPRUL ZHING BSKYED PA NI LTE BA'I 'KHOR LOR GNAS PA'I TZANDA LI YIN PA DANG, BDE CHEN GYI RTEN KUNDA LTA BU LUS KUN LA GNAS KYANG GTZO BO NI SPYI BO YIN LA, DE NI BSKYED BYA YIN PA GTUM MO 'BAR BAS SPYI BO'I BDE BA'I RTEN ZHU BA NA, SEMS LA CHOS SKU LTA BU'I NYAMS MYONG SKYE ZHING, SEMS RTEN YANG SNYING GAR GNAS PA DANG, DE RNAMS KYI MTHUS CHOS KYI RO LA RDZOGS PAR LONGS SPYOD PA LONGS SKU YIN LA, DE DANG MGRIN PA'I GNAS GNYIS CHOS MTHUN PA'I PHYIR, RIM PA BZHIN DU SKU BZHIR 'JOG PA SHES PA'I PHYIR YIN NO, , 'BRAS BU BZHI 'KHOR LO BZHIR SDOM PA LA, LAS CHUNG 'BRAS BU CHE BA ZHES RNAM SMIN LA GSUNGS PAS, LTE BAR NI CHE CHUNG RIGS MTHUN DGOS PAR MNGON TE, 'KHOR LO BZHIR MAS BRTAN GYI TSUL GYIS DKA' BA NYAMS SU MYONG BA DANG SBYAR DGOS

, ,PA 'DRA STE DPYAD DO, ,SDE PA BZHI 'KHOR LO BZHIR SDOM PA NI, BDE BA SKYE BA NI ZHU BA LA RAG LUS LA, DE'I GNAS TE RGYU NI 'BAR BA YIN CING DE DER RGYUN DU GNAS PA'I PHYIR DANG, CHOS SMRA BA'I KUN SLONG NI SEMS YIN LA, DE'I GNAS SNYING GA DANG LTE BAR 'BAR BA LA SOGS PA'I THABS MANG POS BKUR BA STE GONG MAR BYAS PA DANG, SPYI BO NA BDE BA'I RTEN SHAS CHER GNAS PA'I, ,SDE PA NI MNGAL NA GNAS PA'I LUS SO, ,DE'I GNAS NI MA'I LTO BA'O, ,ZLA BA RDZOGS PA NA MNGAL DU GNAS PA LA MI 'DOD PA SKYES NAS PHYIR 'BYUNG BAR 'DOD PA NI CHAGS BRAL LO, ,'DI DAG CES PA GNYIS NI SNGAGS 'DON PA'I DGE SLONG DANG CHOS MTHUN YOD PA TZAM LA BYED NA NI, HA CANG THAL BAS LAM BSGOMS NA SANGS RGYAS 'THOB PA'I GNAD SHIN TU NGO MTSAR BA YOD PAR GSAL BAS DE GANG YIN ZHE NA, MAN SNYAR MNGAL GYI ZLA BA BCU SA BCUR BSHAD PAS, DE'I SNGAR TSOGS SBYOR GNYIS DANG BCAS PA'I GNAS SKABS MI SLOB LAM DANG SBYOR BA STE, DE'ANG BSKYED RIM LA SBYAR NA, SBYOR BA TSOGS BSAG NI TSOGS LAM DANG, STONG NYID BSGOM PA NAS BAR DO MTSON PA'I YI GE MA ZHUGS TSUN CHOD SBYOR LAM DANG, DE ZHUGS TE ZHU BA NAS BRTZAMS TE, 'BRAS BU HE RU KA MA RDZOGS KYI BAR NI MTHONG SGOM DANG, RDZOGS PA PHYIN CHAD MI SLOB LAM DANG SBYAR RO, ,DE'I STENG DU SNGAGS 'DON PA'I DGE SLONG GI RNAM PA CAN DU BYUNG BAS NA, SNGAGS BSGRUB PA'I RTEN DGE SLONG MCHOG TU GSUNGS PA MTSON NO, ,AA DANG HAm GI SNGAGS 'DON PAS NI,

LTE BA'I GTUM MO DANG SPYI BO'I BYANG SEMS KYI 'BAR 'JAG LA YANG DANG YANG DU GOMS PAR BYA BA MTSON NO, ,MNGAL DU ZLA BA BCU BSDAD PAS NI, 'CHOS SRID? DANG 'DRA BA'I 'OD GSAL DANG, BAR SRID DANG 'DRA BA'I DE'I NGANG NAS LHA SKUR LANGS PA'I RNAL 'BYOR GYIS MNGAL DU ZLA BA BCUR GNAS PA DANG 'DRA BAR SA BCUS BGROD PAR BYED PA STON PA'O, ,DES NA DON DE RTOGS NAS DE LTAR NYAMS SU BLANGS NA SANGS RGYAS 'THOB PAR THE TSOM MED PAR GSUNGS SO, ,SEMS ZHES SOGS KYI RANG BZHIN RNAM DAG GI NGOS NAS SANGS RGYAS DANG, SANGS RGYAS PA NI GLO BUR GYI DRI MA BSAL BA LA RAG LUS PAR BSTAN CING, DE LA BDEN RDZUN MED PA NI PHYOGS RE DANG SBYAR RO, ,GANG GIS ZHES PA'I DPE DON RNAMS KYIS KYANG, GZHI LA GNAS PA'I ZHU BDE LAM DU BYAS PAS 'GRUB SLA BAR STON NO, ,THABS DANG BRAL MA BRAL GYIS 'CHING GROL BYED PA NI, GANG GIS ZHES PA BRGYAD DO, ,RANG NI RANG GI DE KHO NA NYID DO, ,RANG GIS RTOGS PA NI DE LHAN SKYES KYI BDE BAS RTOGS PA'O, ,DE LAS SANGS RGYAS MIN PA'I SEMS CAN MED PA NI, RANG BZHIN LHAN SKYES SHES PA LAS LHAG PA'I DON MED CES GSUNGS SO, ,'ON KYANG BDE STONG GI DE NYID LAS LOGS PA'I SEMS CAN MED PAR STON PA DANG, DMYAL BA ZHES SOGS KYIS NI DE KHO NA NYID LAS PHYI ROL TU GYUR BA MED PAR STON NO, ,BU KA SI DANG SHA BA RI GNYIS KYI RGYAS 'DEBS LA DOGS GCAD KYIS NI, LAM GYI SKABS SU'ANG LUS LHA'I SKU DANG SEMS DE NYID LA ZHUGS PA MI 'BRAL BAR NYAMS SU LEN DGOS PAR STON TE, DES NI 'BRAS

, ,DUS SU'ANG CHOS GZUGS GNYIS 'BRAL MED DU STON NO, ,TZAndA LI'I RGYAS 'DEBS KYIS NI, KHU KHRAG GI 'BAR 'DZAG GNYIS TSOGS DGOS PAR STON TE, 'OG NAS GDOL BA ME KHU BAR BSHAD PA'I PHYIR DANG, DE'ANG DROD KYI RANG BZHIN GYI PHYIR RO, ,GA-YUNG MO'I RGYAS 'DEBS KYIS NI, PHRAG DOG GI SKAD KYI DBYINGS LAS, 'GRO BA'I DON DU 'DREN ZHING, DE'ANG SNGAR BYANG SEMS 'GRO BA LA BSHAD PAS, BYANG SEMS ZHU NAS 'GRO 'ONG BYED PA NI CHAGS PA CHEN PO'I ME'I KHAMS LA BLTOS PAR BSTAN PA'I PHYIR RO, ,DKAR MO LA MI BSKYOD PAS RGYAS GDAB PA NI, DKAR MO GZUGS PHUNG YIN PAS PU KA SI DANG 'DRA'O, ,TZOO RI LA RNAM SNANG GIS RGYAS 'DEBS PA NI SEMS LA LUS KYI RGYAS 'DEBS BYED PA STE, , TZOO RI CHOR BA YIN PA LA DGONGS SAM BRTAG GO ,RO LANGS MA LA RIN 'BYUNG GIS RGYAS 'DEBS PA NI, 'DU SHES ME'I KHAMS SU DANG, RIN 'BYUNG KHRAG TU BSHAD PA'I GNAD KYIS DANG, GHASMA RI LA SNANG MTHAS RGYAS 'DEBS PA NI, 'DOD CHAGS RGYUR MED PAR PHRAG DAG MI SKYE BAS, 'BRAS BU LA RGYU'I RGYA ZER TE DPYAD PAR BYA'O, ,DZA KKHA LA DZA KKHA ZHES 'BYUNG LA, BA AU LA BA YU ZHES DANG, BH'U NYDZA LA PUshPA ZHES KYANG 'BYUNG NGO, ,STENG ZHAL ZHES SOGS 'GYUR 'KHRUGS PAS, BHA BA'I 'GREL BAR 'OG ZHAL SKU'I RDO RJE MA ZHES DANG, STENG ZHAL GSUNG GI RDO RJE, ZHES BSGYUR BA LTAR BYA'O, ,RIGS GSUM DU SDUD PA NA SER SNA DANG PHRAG DOG GNYIS 'DOD CHAGS SU DANG, RIGS GCIG TU BYED NA GTI MUG DANG 'DOD CHAGS GNYIS

KYANG ZHE SDANG DU BSDUS PA DANG, MI BSKYOD PA'ANG RDOR SEMS KYI NANG DU ZHUGS PA GNYIS SO, ,RIGS LNGAR BYED PA NA RDOR SEMS MI BSKYOD PA'I NANG DU BSDU'O, ,LE'U LNGA PA NI, SNGAR LHA'I LE'UR HE RU KA GSUM BSHAD CING DKYIL 'KHOR MA BSHAD LA, LE'U BRGYAD PAR BDAG MED MA'I RTEN DANG, BRTEN PA'I DKYIL 'KHOR MA BSHAD PAS, DE BSHAD PAR ZHUS PA LAS, GANG LA ZHUS PA NI, PHYAG NI ZHES PA LNGA'O, ,GANG GIS ZHUS PA NI, BDAG MED MA ZHES PA GCIG GO , JI LTAR ZHUS PA NI BCO LNGA ZHES PA BZHI STE, BCO LNGA NI GANG LA DANG, GANG GIS BSKAR BA SO SOR MA PHYE BA'I DBANG DU BYAS PA'O, ,DE'I LAN BSHAD PAR BZHED PA NI, BDAG MED CES PA BZHI STE, THOD PA NI BDE BA SKYONG BA'I PHYIR YUM GYI PADMA'O, , STA NA NI DKAR 'DZIN NO, ,BSHAD PA DNGOS NI DKYIL 'KHOR ZHES SOGS TE, RKANG PA BZHIS BDAG MED MA'I RTEN GYI DKYIL 'KHOR RO, ,BSKYED TSUL JI LTAR BSHAD PA 'DI'ANG YIN PA DANG, DKYIL 'KHOR GYI MTSAN NYID MDOR BSDUS NAS BSTAN TE, 'OG GA BRI BA'I SKABS SU'ANG 'CHAD DO, ,SGRUB THABS KYI RIM PA NI THOG MAR TSOGS ZHING SPYAN DRANGS TE, LHA MO BRGYAD KYIS MCHOD PA DANG, DE NAS TSAD MED BZHI BSGOM PA DANG, YANG NI STONG PA ZHES SOGS BZHI DANG, SHR'I NI ZHES PA BZHI DANG, HE NI ZHES PA GNYIS KYI MTHAR, 'DIS NI SHES RAB RIGS PA YIS, ,KYEE RDO RJE YANG DAG DGOD, CES BTON NAS SH'U N+YA T'AS STONG PAR BSGOM PA DANG, LHA'I LE'UR BSHAD PA'I SRUNG 'KHOR DANG, NAM MKHA'

, ,KHAMS LA BHA GA BSAM, ZHES SOGS DANG, NANG DU PADMA 'DAB BRGYAD DANG, DE YI DBUS SU ZLA BA DANG, DE YI STENG DU SA BON DANG, DE NAS NYI MA BSGOM PA SOGS KYI MNGON BYANG LNGA LAS GZUGS RDZOGS PA DANG, DE'I 'OG TU, NGA YI DBUS SU GNAS PA YANG, ,BZHIN BZANG KHYOD DANG LHAN CIG TU, ,LHAN CIG SKYES DGA'I RANG BZHIN GYIS, ,'DOD CHAGS CHEN POS RJES SU CHAGS, ,ZHAL BRGYAD PA LA ZHABS BZHI PA, ,PHYAG NI BCU DRUG DAG GIS BRGYAN, ,BDUD BZHI PO NI MNYAM PAR MNAN, ,'JIGS PA YANG NI 'JIGS PAR BYED, ,CES BYA BA LA SOGS PA RE ZHIG JI SRID GLU BLANGS PA'I BAR RO, ,DE'I 'OG TU BDAG PO DGA' MA'I SA BON GNYIS, ,AA H'Um 'BAR MA 'JIGS SU RUNG, ,AA DANG H'Um NI SNGON PO LAS, ,RDO RJE 'DZIN PA CHEN PO BZHENGS, ,ZHABS BZHI PA LA MNAN PA YIS, ,LHA DANG LHA MIN SREG PAR BYED, ,GLANG PO RTA DANG BONG BU GLANG, ,GAR GYI RO NI DGU DANG LDAN, ,RNAL 'BYOR MA NI BRGYAD KYIS BSKOR, ,DUR KHROD DU NI MGON PO ROL, ,ZHES STON NAS, DE NAS MIG SOGS DANG, SKU GSUNG THUGS BYIN RLABS DANG, YE SHES PA GZHUG PA DANG, DBANG BSKUR RGYAS 'DEBS DANG, MCHOD BSTOD DANG BDUD RTZI MYANG BA DANG, DAG PA DRAN PA'I MTHAR, DE NAS GOO R'I SOGS LHA MO, ,RANG PHYOGS KHA BLTAS GZHUG PAR BYA, ,LHA MO'I SNYING GAR GRI GUG GNAS, ,AOm DANG LHAN CIG ZHU GYUR NAS, ,BCOM LDAN SNYING GAR YANG DAG BZHUGS, ,RANG

SNYING NYI MA LA GNAS H'Um, ,BCOM LDAN 'DAS DANG LHAN CIG TU, ,GCIG TU GYUR PAR RNAM PAR BSAM, ,NYI ZLA KHA SBYOR NAD SA BON, ,GNAS SKABS KYIS NI KUN TU GNAS, ,GNAS SKABS DER NI TSIGS BSHAD 'DIS, , THOG MA MED SOGS DRAN PAR BYA, ,DE YI SA BON NYI ZLA DAG ,'DRES PAR GYUR PA'I RIM PA YIS, ,MAR ME'I TSUL GYIS DGA' BA CHE, ,BYANG CHUB SEMS KYI RANG BZHIN CAN, ,DMIGS PA MED PAR BSAM PAR BYA, ,JI SRID SHIN TU STONG PA NYID, ,'DI DANG 'DI LTAR BRTAG BYA STE, ,DKYIL 'KHOR RIM PA SPRO BAR BYA, ,SNGAGS NI SNYING GA LAS RDO RJE, ,LAM NAS BDE BA'I GZUGS KYIS SU, ,LHA MO'I PADMAR SONG DE LAS, ,LHA MO YI NI KHAR PHYUNG STE, ,RANG GI KHAR NI GZHUG PAR BYA, ,YANG NI DE NYID KYIS PHYUNG STE, ,ZHES PADMA CAN LAS 'CHAD DO, ,DKYIL 'KHOR RIM PAR SPRO BAR BYA BA NI, 'OD GSAL LAS SLAR YANG LDANG BA'I RIM PA'O, ,DE 'DRA BA'I SDUD RIM GYIS 'OD GSAL DU 'JUG PA 'DI NI, MGON PO KLU SGRUB KYIS RJES GZHIG GI BSAM GTAN GYIS 'OD GSAL DU 'JUG PAR BSHAD PA DE YIN LA, 'DI'ANG MTSO SKYES KYIS MDZAD PA'I SGRUB THABS KYI 'GREL PA DPAL DZA LANDHA RI PAS MDZAD PA LAS GSAL BAR BSHAD DE, 'DI NI GRUB CHEN YAN LAG MED PA'I RDO RJE'I GZHUNG LA BRTEN NAS MDZAD PAR SNANG STE, dOm BI PAS, YAN LAG DRUG BSGOM RNAL 'BYOR PAS, ,PHYI NAS KHA DOG RNAM PAR SPANG, ZHES PA'I YANG

, ,DON YIN LA, DE RNAMS KYANG BSHAD PA'I RGYUD GUR LAS, DE NAS YAN LAG DRUG BSGOMS TE, ,RANG YANG RANG BYIN BRLAB PA YIS, ,BYIN GYIS BRLAB PAR BYA BA YIN, ,CHO GA'I GO RIM RIM PA YIS, ,DE NAS MTSAN MA MTSON PAR BYA, ,DANG PO SPRIN GYIS RNAM PA STE, ,GNYIS PA DU BA LTA BU'O, ,GSUM PA SRIN BU MI KHYER DNGOS, ,BZHI PA MAR ME GSAL 'BAR BA'O, ,LNGA PA RTAG TU SNANG BA NI, ,SPRIN MED NAM MKHA' LTA BU'O, ,THAMS CAD MKHYEN PA'I RGYU DE STE, ,DNGOS GRUB NGES 'JUG NYE BA YIN, ZHES BSTAN PA'I BDAG BYIN BRLAB CES PA DE YIN NO, ,'DI BDE MCHOG STOD 'GREL SOGS LAS, SO SOR SDUD PA'I YAN LAG DRUG LA SBYAR NAS KYANG 'CHAD LA, RGYUD KYI RDO RJE'I TSIG RE RE LA BSKYED RDZOGS GNYIS DANG, RDZOGS RIM GYI DON DU MA LA DRANGS TE BSHAD PAS CHOG PAS TSUL GNYIS KA SHES PAR BYA'O, ,GUR GYI LE'U BZHI PAR BSHAD PA'I RANG BYIN RLABS BSGOM TSUL GSAL BAR NI, GUR GYI LE'U BCU BZHI PA LAS GSUNGS TE, DE NAS BCOM LDAN 'DAS DPA' BO CHEN PO RANG BYIN GYIS BRLAB PA'I THEG PA LA ZHUGS TE, RANG BYIN BRLAB PA'I SBYOR BA RU, , DE NYID PHYIR NA GSUNGS PA STE, ,SNYING GA'I DBUS SU ZLA BA GNAS, ,ZLA BA'I GZUGS LA MI SHIGS PA, ,SNA TSOGS 'OD KYI RNAM 'KHRIGS LDAN, ,DES NI RDO RJE RNAL 'BYOR BSGOM, ,RDO RJE BDAG MED MA MKHA' 'GRO ,

BSKUL BA'I CHO GAS BSGOM PAR BYA'O, ,MKHA' 'GRO MA YI SNA RTZER NI, ,YUNGS KAR GNAS PA RNAM PAR BSGOM, ,KHAMS GSUM BRGYU DANG MI BRGYU BA'I, ,'GRO BA MA LUS YUNGS KAR DU'O, ,ZHES PAS SNYING GAR MI SHIGS PA DANG, 'OG SGOR PHRA MA BSGOM PA'I RANG BYIN RLABS GNYIS GSUNGS SO, ,DE GNYIS BSGOMS PA LAS LHAN SKYES KYI BDE BA CHEN PO 'DREN PA'ANG DE NYID LAS, DE LTA BUR NI BSGOMS GYUR NA, ,RANG BYIN BRLAB PAR RAB TU 'GRUB, , GZUGS DANG SGRA DANG DE BZHIN DRI, ,RO DANG REG BYA MNGON LDAN ZHING, ,RNAL 'BYOR NYID KYIS DOR BSAMS NAS, ,DE NAS BDAG DANG GZHAN MED PAR, ,RDO RJE PADMA LAS BYUNG BZHIN, ,YANG DAG BDE BA DNGOS MCHOG DE, , RBA RLABS MED CING SNANG BA MED, ,RNAM PAR RTOG MED 'GYUR BA MED, ,NYUNG ZAD CHANG LA RAB ZHUGS TE, ,BDAG MED MA LA RAB RIG BZHAG ,BRAL BA'I DGA' BA DAG GI MTHA', ,RTOG PA'I DRA BA RNAM BRAL ZHING, ,MI GA-YO RNAM PAR 'KHRUL PA MED, CES GSAL BAR GSUNGS SO, ,LE'U BZHI PAR, DNGOS GRUB NGES 'JUG NYE BA YIN GYI MJUG THOGS SU, ,PHYI NAS SGYU MA'I RNAM PAR LTAR, ,RMI LAM RNAM PA SKAD CIG 'GYUR, ,KHAMS GSUM BSGYU DANG MI BRGYU BA, ,MA LUS LUS PA MED PAR 'GRUB, CES 'OD GSAL LHAN CIG SKYES PA'I RJES NAS SGYU MA'I LUS 'GRUB PA GSAL BAR GSUNGS PA'I DON NI, 'OD GSAL,

, ,LDANG BA'I RIM PA BSHAD PA DE YIN NO, ,LE'U BCU BZHI PAR, SNGAR LTAR BSHAD PA'I SKABS SU YANG, CHU RGYUS DRA BA DANG BCAS BZHIN, ,YAN LAG KUN LDAN BU GA CAN, ,LUS DE MED PAR SNANG BAR 'GYUR, ,DE YI SKAD CIG DE NYID LA, ,DGYES PA'I RDO RJE'I SKU 'DZIN 'GYUR, ,NAM MKHA' JI BZHIN DMIGS MED BZHIN, ,MTSAN MA MED CING SKYE BA MED, ,SNA TSOGS RNAM BRAL SGRIB LNGA SPANGS, , SANGS RGYAS DNGOS RNAMS DANG BRAL BA, ,ME LONG GZUGS BRNYAN JI BZHIN DU, ,DE YI BDAG NYID DU SNANG BAR, ,HE RU KA YI DNGOS POR GSAL, ,ZHES RNAM SMIN GYI LUS RAGS PA 'DI DANG BRAL NAS, ,ME LONG GI GZUGS BRNYAN LTA BU'I KYEE RDO RJE'I SKUR 'GYUR BAR GSUNGS PAS NI, ,SNGAR PHYI NAS SGYU MA'I RNAM PA LTAR, ZHES PA GSAL BAR BSTAN PA YIN TE, RIM LNGA LAS, ME LONG NANG GI GZUGS BRNYAN GYIS, ,SGYU MA'I LUS NI SHES PAR BYA, ZHES GSUNGS PA LTAR RO, ,'DI'ANG KYEE RDOR RTZA RGYUD LAS, ,JI LTAR SGYU MA RMI LAM DANG, ,JI LTAR BAR MA'I SRID YIN PA, ,RTAG TU GOMS PA'I SBYOR BA YIS, ,DKYIL 'KHOR NYID NI DE BZHIN 'DOD, ,PHYAG RGYA CHEN PO'I DBANG BSKUR BAR, ,JI LTAR SHES PA'I BDE CHEN PO, ,DE YI 'DI NI BYIN BRLABS YIN, ,GZHAN LAS DKYIL 'KHOR 'BYUNG BA MED, ,CES GSUNGS PA LAS KYANG SHES

TE, GSUM PA DNGOS DBANG DU BSKUR BA LAS MTSON PA'I LHAN SKYES KYI BDE CHEN DANG, STONG PA SBYAR BA GOMS PA LAS, DPE GSUM PO DANG 'DRA BA'I DKYIL 'KHOR BYUNG GI DE LAS GZHAN LAS MI 'BYUNG BAR GSUNGS PA NA, SNANG LA RANG BZHIN MED PAR RTOGS PA'I LHA SKU LA BYED NA NI, RGYUD SDE 'OG MA GSUM DU'ANG DU MA ZHIG 'BYUNG BAS, GZHAN LAS 'BYUNG BA MED CES PA MI 'THAD CING, BAR SRID DPER BLANGS PA'ANG DON MED DO, ,DES NA 'CHI BA'I 'OD GSAL LAS RLUNG SEMS TZAM LAS BAR DO'I LUS 'GRUB PA DANG 'DRA BAR, LHAN SKYES BDE CHEN GYI 'OD GSAL THAMS CAD STONG PA LAS, RLUNG SEMS TZAM LAS SGYU MA LHA'I SKU 'DZIN PA BSTAN PA YIN LA, DE'ANG SROG DH'U T'IR ZHUGS GNAS THIM GSUM BYAS PA LAS BYUNG BA'I LHAN SKYES THAMS CAD 'CHI RIM DANG MTHUN MOD KYANG, SNYING GAR RLUNG SEMS BSDUS PA LAS 'OD GSAL DU ZHUGS PA 'DRA BA GZHAN GANG LA'ANG MED PAS, SNYING GA'I SDUD RIM GNAD CHE MOD KYANG, RTOGS DKA' BAS BSHAD PA DE TZAM DU MA THON SNANG NGO, ,'DI RNAMS KYI GNAD SHES NA BSHAD RGYUD LAS BSKYED RIM GYI SKABS SU , BAR DO DANG DNGOS SU SBYAR BA'I SHUGS KYIS 'CHI BA DANG SKYE BA GNYIS DANG SBYAR BA'ANG STON PA DANG, YANG DE LAS SANGS RGYAS KYI GZUGS SKU RIGS MTHUN GYI RGYU LHA'I RNAL 'BYOR GYIS BSGRUB DGOS PAR BSTAN PA'I GNAD

, ,KYI GTZO BO DANG, RTZA RGYUD LAS, BDE BA GANG GIS 'CHI BA 'DIR, ,DE YI BDE BA BSAM GTAN BRJOD, CES GSUNGS PA RNAMS KYI DON RNAMS SHES PAR 'GYUR RO, ,LE'U 'DAR RGYU DANG 'BRAS BU'I HE RU KA GNYIS KA SKU MDOG NAR POR GSUNGS SHING, BRTAG PA DANG PO'I LE'U BRGYAD PAR RGYU'I HE RU KA DKAR POR YANG GSUNGS PAS RGYU 'BRAS GNYIS GZHAN RNAMS MTHUN LA, SKU MDOG MTHUN MI MTHUN GNYIS DPYOD DO, ,'DI YIS SA BON PHYANG BA DANG, ZHES PA NI KU MU tIR SA BON BRGYAD LAS LHA MO BRGYAD BSKYED PA DANG, DE BRGYAD KYIS LHA MO BRGYAD 'BYIN PAR GSUNGS PA LTAR BYA STE, DES LHA MO 'BYIN PA MANG PO LAS GSUNGS SO, ,GDOL BA MO'I SA BON LA LAm ZHES PA SHIN TU MANG LA, KHA CIG LAS TZAM ZHES KYANG 'BYUNG STE, DE NI LHA MO DE'I MTSAN LA TZAndA LI ZHES 'BYUNG BA DANG MTHUN, LAm ZHES PA'ANG DE'I MTSAN GYI RNAM GRANGS GZHAN GYI DBANG DU BYAS SO, ,RDO RJE SNYING PO DBANG SBYIN PHYIR, ZHES PA GNYIS KYIS NI, LAM GZHAN GYI MTHAR YANG LAS RGYA LA BRTEN NAS LHAN SKYES BSKYED PA BSTAN PAR MAN SNYER RO, ,BUM PA BRGYAD CES PAS RNAM RGYAL DANG LAS BUM GNYIS LOGS SU STON NO, ,DGA' BRAL BZHI PAR SKYE BAR 'DOD PA LTAR NA GZHUNG DON SLA LA, DE LAS GZHAN DU SMRA BA LTAR NA, MCHOG MTHA' DGA' BRAL SNGON MA CAN GYI DON DU 'DOD DO, ,

THAMS CAD RGYUD DU SBAS PA NI RGYUD SDE 'OG MAR LHAN SKYES MA BSTAN PA DANG, BLA MED KYI RGYUD GZHAN DU LHAN SKYES GSUM PAR SKYE BA MA BSTAN PAR, MTHAR THUG PA'I RGYUD 'DIR BSTAN PA LA SBYOR BA GNYIS SO, ,LONGS SPYOD KYIS NI ZHES PA BZHI'I SGRAS ZIN LTAR MIN PAR DON GZHAN DU LAS RGYAL BRTEN PA LA 'CHAD PA DANG SGRAS ZIN LA'ANG BTZAN THABS SU GRAGS PA LTAR DANG, YE RGYAL BA RTEN NAS DBANG BSKUR BA LA BSHAD PA GSUM MO, , STONG DANG STONG MIN NI BDE STONG RA RE BA MIN PAR DBYER MED DU BYAS PA DANG, LE'U DRUG PA NI SNGAR SO SO'I RNAM DAG BSHAD PA'I PHYAG RGYA LNGA 'DZIN PA'I DGOS PA DANG, LHA'I DMIGS PA GSAL BA'I DON DU BRIS SKU STON LA, MAR GYI BCU BZHIS NI DE'I BRGYAD KYANG MTSON TE, DUS KHYAD PAR BA GSUNGS KYI DUS GZHAN LA BRIR MI RUNG BA MIN NO, ,LE'U BDUN PAR, SBRANG CHEN ZHES PA NI MI'I ZHUN GYI MAR ME'I DUD PA LA SNA TSA BYED PA'O, ,DUR KHROD SOGS LA NANG BSHAD KYANG YOD DE SLA'O, ,BRGYAD PA KUN RDZOB RNAM PA'I GZUGS KYI PHYAG CHEN GSUNGS PA NI, M'A MA K'I'I RIGS CAN GYI PHYAG RGYA'O, ,YAB LA BDE BA SBYIN BA ZHES PA NI THABS SHES SBYOR BA NA SHES RAB KYI RKYEN GYIS THABS LA DGA' BZHI BSKYED PA BZHIN DU, THABS KYI RKYEN GYIS KYANG SHES RAB KYI RGYUD LA DGA' BZHI BSKYED PA'I DON TO, ,PHAL PAS PAD MTSAN DU BRJOD PA NI, 'DOD

, ,PA'I BSTAN BCOS LAS DE LTAR BRJOD PAR PAD MA CAN LAS BSHAD PA NI, PAD MA CAN LA SOGS PA'I BUD MED RIGS BZHI GA BSTAN BCOS DE NAS BSHAD PA LTAR RO, ,'ON KYANG LAG SMIS RTZA 'TSOL BA'ANG BSTAN BCOS DE NAS BSHAD CES PA NI GTAN MIN TE, 'DI NI BLA MED KYI KHYAD CHOS SU BSHAD PA'I PHYIR RO, ,SMYO MED NI SMYO BSHAD PHYIN CI LOG TU MI BYED PAR JI LTA BA BZHIN 'CHAD PA LA N'A RO GSUNG ZER ZHES PA LAS 'BYUNG NGO, ,BTZUN MO'I SHU KRA ZA BA DANG, SNGAR BSHAD PA'I BTZUN MO'I KHU BA MA BYIN PAR LEN PAR BSHAD PA GNYIS DON GCIG LA, DE'I DON NI SHES RAB KYI DH'U T'I'I MAR SNA NAS DE'I DKAR CHA RDO RJE'I BU GA'I RTZER 'JUG PA'O, ,MNYAM ZAS CAN GYIS PHAR LA'ANG 'JUG PAR BSTAN TE, KA KA MU KHA AE KA RA SO ZHES PA'I DON GO NA TSUL DE SHES SO, ,SKAL MED CES PA'I TSIG LA BRTEN NAS 'DIR BSHAD PA NI, CIG CAR 'JUG PA'I SKAL BA MED PA RIM GYIS 'JUG PA YIN PAS SKAL LDAN CIG CAR DU 'JUG PA DANG BCAS PA'I 'JUG RIM GNYIS YOD PAR BOD KYI RGYUD PA SO SO BA RNAMS 'CHAD MOS KYANG, RGYUD 'DI'I 'GREL PA KHUNGS THUB GANG NAS KYANG DE LTAR BSHAD PA MED LA, RGYUD DANG BSTAN BCOS KHUNGS THUB GZHAN GANG NAS KYANG CIG CAR DU 'JUG RIM MA BSHAD CING, SPYOD BSDUS LAS, DMIGS KYIS PHUG

NAS BKAG PA'I PHYIR LOGS PA MA YIN NO, ,DES NA 'GREL PA'I 'GYUR 'GA' ZHIG LAS, SEMS CAN GDUG PA 'DUL DKA' BA ZHES 'BYUNG BA LEGS TE, 'GRUB 'GYUR 'DI LA THE TSOM MED CES GSUNGS PA'I PHYIR DANG, TSE 'DIR MCHOG 'GRUB PA LA DBANG PO SHIN TU RNON PO DGOS PAS, BYE BRAG TU SMRA BA SOGS KYI BDAG MED KYI LTA BA LA RIM GYIS MKHRID PAR, DANG PO NAS DBU MA BSTAN NA MI GO BA YIN PA'I PHYIR DANG, SKAL MED KYI RIM 'JUG YIN NA DE LTAR BYA DGOS PA'I PHYIR RO, ,DAS NA SEMS CAN GDUG PA NI SNYIGS MA LNGA BDO BA'I DUS KYI NYON MONGS SHAS CHE BA'O, ,'DUL DKA' BA NI KUN SPYOD LAS, DUS MTHAR GZHAN GYIS MI 'GRUB STE, ZHES GSUNGS PA LTAR LAM 'DI LAS GZHAN PA'I LAM GYIS MI 'DUL BA'O, ,DE 'DRA BA'I GANG ZAG TSE 'DIR MCHOG 'GRUB PA'I RIN PO CHE LTA BU LA NI, ? MANG DU THOS PA'I PHA ROL TU SON PA DGOS PAR SGRON GSAL LAS GSUNGS SHING, DE LA NI MDO RGYUD GNYIS CAR GYI MANG DU THOS PA PHUN SUM TSOGS PA DGOS PAS, DES GANG LA SPYOD PA'I GZHI GSUNGS TE, DE'ANG DBU MA'I BAR GYIS NI MDO SDE'I PHYOGS KYI THEG PA CHE CHUNG LA MKHAS PAR BYA BA DANG, DE NAS GNYIS KYIS NI SNGAGS KYI PHYOGS LA MKHAS PAR BYA BA BSTAN TE, DE LA SNGAGS PA KHYIM PA DANG RAB BYUNG GI RTEN

, ,CAN GNYIS LAS, DANG PO NI GSO SBYONG ZHES PAS STON TE, BSNYEN GNAS NI DGE BSNYEN GYI GSO SBYONG YIN PA DANG, BSNYEN GNAS TSE JI SRID DU BSRUNG BA NI GO MA'I DAG BSNYEN DU GSUNGS SO, ,BSLAB PA'I GNAS BCUS NI DGE TSUL GYI SDOM PA BSTAN LA, DES NI BSNYEN RDZOGS KYI SDOM PA'ANG MTSON NO, ,SKABS KYI STOBS KYIS BYANG SEMS KYI SDOM PA 'DZIN PA'ANG BZUNG NGO, ,GRUB MTHA' BZHI STON PA NI, GTZO BOR BDAG MED PA'I LTA BA GTAN LA 'BEBS PA'I CHED YIN TE, BLA MED KYI RGYUD SDER LHAN SKYES KYI BDE BA BSKYED PA'I THABS THUN MONG MA YIN PA'I GNAD DU MA GSUNGS PA NI, DES BDAG MED PA'I DE KHO NA NYID BSGOM PA'I PHYIR YIN LA, DE KHO NA NYID KYI DON YANG, GRUB MTHA' SMRA BA GZHAN GSUM GYIS JI LTAR GTAN LA PHAB PA MTHA' DAG PAR MA SHES PAR DBU MA'I DON JI LTA BA BZHIN MI RTOGS PA'I PHYIR DANG, DE'I DON MA RTOGS PAR DU BDE STONG SBYOR BA'I STONG NYID KYI LTA BA MI RNYED PA'I PHYIR RO, ,BYE BRAG TU SMRA BA ZHES PA'I DON NI, BYE BRAG TU BSHAD MTSO ZHES PA'I GZHUNG LA CHED MAR BYAS NAS DES RTZE ZHING ROL BA'O, ,'DIR KHA CHE BYE BRAG TU SMRA BAS GNAS MA BU LA SOGS PA GANG ZAG RDZAS YOD DU SMRA BA LTAR KHAS MI LEN KYANG, LDAN MIN 'DU BYED RNAMS RDZAS SU GRUB PAR SMRA BAS DE'I GNAD KYIS BYE BRAG TU SMRA BA DANG,

MDO SDE PA GNYIS KYI SLOB TSUL SO SOR BSHAD PA 'DRA STE DPYAD DO, ,GANG ZAG GI BDAG MED KYI DBANG DU MA BYAS PA'I GZHI LNGA 'DOD TSUL RNAMS KYI DBANG DU BYAS PA MIN TE, MTHA' YAS PA'I PHYIR DANG, TSUL SNGA MA RTOGS NA DES DGOS PA 'GRUB PA'I PHYIR RO, ,MDO SDE PA ZHES PA'I MDO SDE NI MDZOD 'GREL SKOR BCAS LTAR NA, BSTAN BCOS DANG 'GAL BA NI BLA'I, MDO DANG 'GAL BA NI DE LTA MIN NO, ,ZHES BSHAD PA LTAR, NYAN THOS PA'I SDE PA MNGON PA SDE BDUN TSAD MAR MI BYED KYI, SANGS RGYAS KYI MDO NYID TSAD MAR BYED PAS, THEG DMAN GYI MDO SDE RTZOD MED RNAMS SO, ,PAD MA CAN LAS THEG CHEN GYI MDO SDE LAS BSHAD PA NI, MU TIG PHRENG BAR MDO SDE ZHES PA NI THEG PA CHEN PO'I MDO'I SDE SHIN TU ZAB PA MA YIN PA RNAMS TE, DE'ANG TSIGS SU BCAD PA GCIG PA ZHES BYA BA DANG, TSIGS SU BCAD PA BZHI PA ZHES BYA BA DANG, ,TSIGS SU BCAD PA GNYIS PA'I GZUNG ZHES BYA BA DANG, SGO DRUG PA ZHES BYA BA DANG, BZANG PO SPYOD PA DANG, CHOS BZHI PA DANG, RGYA CHER ROL PA DANG, SA BCU'I MDO LA SOGS PA RNAMS SO, ,ZHES MDO DE RNAMS LA TSAD MAR BYED PA'I NYAN THOS SDE PA MDO SDE PAR BSHAD DE, TSUL GNYIS YOD DO, ,RNAL 'BYOR SPYOD PA NI, MDO LAS RNAL 'BYOR SPYOD PA'I DGE SLONG ZHES MANG DU 'BYUNG BA LTAR

, ,NA, NANG GI RNAL 'BYOR BSGOM PA LA BRTZON PA SPYI LA YIN CING, RNAL 'BYOR SPYOD PA BZHI BRGYA PA ZHES KYANG 'BYUNG BAS, RNAL 'BYOR SPYOD PA GANG YIN SEMS TZAM PA MIN LA, 'DIR BSHAD PA 'DI 'DRA BA RNAMS NI SEMS TZAM PA'I MING NGO, ,DE'ANG SA SDE LA RNAL 'BYOR SPYOD PA'I SA ZHES 'BYUNG LA, GZHUNG DE'I LUGS LTAR DU GRUB PA'I MTHA' KHAS LEN PA RNAMS SO, ,DE'ANG PHYI ROL GYI DON MED PA DANG, SEMS BDEN PAR 'DOD PA'O, ,SPYIR SEMS TZAM PAS RANG GI LTA BA DE NYID DBU MA PA'I DON DU'ANG 'DOD PAS, DE GNYIS LA MCHOG DMAN MI 'DOD KYANG, RGYUD 'DI NAS GANG GSUNGS PA BZHIN DU DE GNYIS SO SOR GSUNGS PA'I DON 'CHAD PA LA, MU TIG PHRENG BA LAS, BAG CHAGS KYI STOBS KYIS SEMS NYID DON MED BZHIN DU DER SNANG BAS NA, SNA TSOGS PA 'DI DAG SEMS TZAM DU SMRA BA'I CHA NAS RNAL 'BYOR SPYOD PA DANG, SEMS DE GZUNG 'DZIN GNYIS KYI NGO BOR YOD PA MIN PA DANG, GNYIS STONG GI NGO BOR MED PA'ANG MIN PAS DBU MA PAR BSHAD DE, SNGA MA DANG PHYI MA GNYIS GZHI MTHUN DU 'DOD PA'I LUGS SO, ,SEMS TZAM RNAMS BRDZUN PA KHA CIG NI RNAM BDEN PA SEMS TZAM PA DANG, RNAM BRDZUN PA DBU MA PAR 'DOD DO, ,PAD MA CAN DANG, BHA BA DANG, NAG PO PAS YONGS SU GRAGS PA LTAR GYI SEMS TZAM PA DANG, DBU MA PA LA BSHAD

DO, ,SH'U NI PAS SNGAGS KYI RIM PA KUN GYI BYA SPYOD DANG, RNAL 'BYOR DANG, RNAL 'BYOR MA DANG, RNAL 'BYOR BLA MED DANG LNGAR BYED LA, KUN SHES PA NI RNAM PA MA LUS PA YIN GYI, RDZAS NI MIN TE, MTHA' YAS PAS SO ZHES DANG, DE RJES ZHES PA SNGAGS KYI RIM PA KUN LA SBYAR RO, ,'DI LA PAndI TA KHA CIG BZHI PA NI, 'DUS PA SOGS DANG, LNGA PA NI RNAL 'BYOR MA'I RGYUD LA 'DOD PA YOD PAS, DE'I LUGS KYIS PHA RGYUD KYI GONG MA RGYUD YOD PA'I RGYUD SDE'I RIM PA'I MCHOG DMAN 'DOD NA NI SHIN TU MI RIGS TE, DGRA NAG LAS, RGYUD KYI MTHAR THUG 'DUS PA STE, MA BYUNG 'BYUNG BAR MI 'GYUR RO, ,ZHES DANG, ,ZHAL LUNG LAS, GONG NA MED PA'I LUNG CHEN PO, ZHES PA DANG, GSANG PA GRUB PAR, DPAL LDAN 'DUS LAS MCHOG GZHAN MED, CES SOGS DU MA DANG 'GAL BA'I PHYIR RO, ,DES NA PAD MA CAN LAS, BYA BA DANG, SPYOD PA DANG, RNAL 'BYOR DANG, RNAL 'BYOR BLA MA DANG, RNAL 'BYOR MA'I TSUL LO, ,ZHES THAMS CAD SNGAGS KYI TSUL ZHES DON DU 'CHAD PA NI, GSUM PAR BSHAD PA'I RNAL 'BYOR GYI RGYUD LAS DBYE BA'I PHYIR RNAL 'BYOR BLA MA ZHES BSTAN LA, DE LA DBYE BA'I RNAL 'BYOR PHA RGYUD DANG, MA RGYUD GNYIS STON PAS GNYIS KA'ANG GUR LAS, RNAL 'BYOR BLA MED DE LTAG LA'O, ,ZHES GSUM PA'I LTAG MA

, ,STE GONG MA LA RNAL 'BYOR BLA MED DU BSHAD PA LTAR BYA'I, 'DUS PA SOGS RNAL 'BYOR BLA MED KYI RGYUD LAS GZHAN DU MI BYA'O, ,GAL TE SNGAGS KYI RIM PA KUN SHES PAS, RGYUD SDE BZHI 'DZIN NA, DE'I RJES SU KYEE RDOR STON PA 'GAL TE, DE'ANG BLA MED KYI RGYUD YIN PA'I PHYIR RO SNYAM NA, SKYON MED DE KYEE RDOR BLA MED KYI RGYUD YIN KYANG, DE DE'I RJES SU BSTAN PAR GSUNGS PA NI, BLA MED KYI RGYUD GZHAN RNAMS BSTAN PA'I RJES SU STEN PA STE, RGYUD GZHAN GYI RDZOGS RIM GYI BDE STONG SBYOR BA'ANG, 'DI NAS SHIN TU GSAL BAR BSHAD PA LTAR SHES DGOS SO, ,ZHES BSTAN PA'I PHYIR YIN PAS SO, ,DES MTSON NAS 'DUS PA BSTAN PAS NI RDZOGS RIM GYI GNAD SGYU LUS DANG, 'OD GSAL DANG ZUNG 'JUG RNAMS GZHAN DU MI GSAL BA NGES PA'I PHYIR YIN TE, GZHAN RNAMS LA'ANG DE'I RIGS PA SBYAR SHES DGOS SO, ,LE'U DGU PA LAS, SNGAR GSUNGS PA'I BSAD PA'I SNGAGS DANG SBYIN SREG SOGS NI SPYIR BTANG LA CUNG ZAD KYANG MI BYA STE, 'ON KYANG DMIGS BSAL DU NUS PA KHYAD PAR CAN THOB PAS, BLA MA LA 'KHU BA DANG, BSTAN PA LA GNOD PA BYED PA RNAMS BYA BA DE LAS BZLOG PA'I THABS GZHAN BYAS KYANG MA BZLOG NA, DE'I TSE SNYING RJE CHEN POS LUS KYI KHA SBYOR DBYE BA NI, DE NAS ZHES PA GNYIS SO, ,DNGOS GRUB NI LAS DE 'GRUB PA'AM, MI BSKYOD

PA'I ZHING DU SKYE BA'O, ,BSAM GTAN GYI LAG PAS BSGRUB BYA'I LTE BA'I RTZA BA NAS DBYUNG BAR BYA'O, ,ZHES PAD MA CAN LAS TE, BSHAD ? LAM DU ME 'BAR BA'I GZUGS CAN GYI KHAB BCUG NAS, AOm GH'U SV'AH'A, ZHES BRJOD NAS LTE BA'I RTZA BAR DBYUNG BA NAG PO PAS BSHAD PA DE YIN PA 'DRA'O, ,JI LTAR PHYUGS KYI GZUGS, ZHES PA LA, JI LTA BA'I GZUGS SU BLTAS ZHES MU TIG PHRENG BAR 'BYUNG STE, BSGRUB BYA'I RANG GZUGS KYIS BLTAS PA STE DRAN PAR BYAS PA LAS BSHAD DE, KHA NI 'OG TU ZHES PA NI LHA DANG SO SOR PHYE NAS KHRAG SKYUG PA NAS KHA 'OG TU BLTAS PA'I BAR DU BSGOM MO, ,RIN CHEN NI YID BZHIN GYI NOR BU'O, ,'DIR DPE DON 'DI GNYIS STON PA NI, HE RU KA'I RNAM DAG 'CHAD PA LA, CHOS THAMS CAD KYI RNAM DAG DE BZHIN NYID DANG, RANG RIG PA'I DAG PA KHYAD PAR CAN BSTAN PA'I PHYIR DU'O, ,DMAR PO'I SKAD DON NI CHAGS PA LA'ANG 'JUG PAS DE'I DBANG DU BYAS SO, ,BYAMS PA'I THUGS LAS GZHAN DU MI 'GYUR BA NI NAG POS SO, ,BYAMS SNYING RJES KUN NAS BSLANGS NAS SEMS CAN GYI DON BYED PA NI BSDU BZHI'O, ,GUG SKYED CES PA LA, PHYAG RGYA LNGAS NI SANGS RGYAS NYID, CES PAR YANG BSGYUR TE, PHYAG RGYA LNGA NI 'KHOR LO SOGS LNGA'O, ,DES NI SANGS RGYAS LNGA MTSON PA'O, ,SNGAGS BTU PA'I SNGAGS NI 'DIR BSHAD PA LA RTZA SNGAGS MA

, ,GTOGS PA RNAMS SO, ,BTUS PA'I DGOS PA NI DAG PAR BYA BA'I PHYIR RO, ,BTU GZHI NI DBYANGS GSAL GNYIS YIN LA, DBYANGS NI RNAL 'BYOR MA RNAMS KYI BRDAS BSTAN TE, DBYANGS DANG PO BCO LNGA DANG, LHA MO BCO LNGA RIM PA BZHIN DU SBYAR BA'I STENG NAS BYA'O, ,GSAL BYED NI DBANG PO NAS LNGA'I BAR GYI GSUNGS PA NI, KA TZA tA TA PA'I SDE TSAN NA, MTHAR GNAS NI YA SOGS BZHI DANG, AUSMA nA DRO BA'I SDE CHEN SHA SOGS BZHI'O, ,'THU BA'I RIM PA NI, SNGAGS LER RENGS PA NAS KU RU KU LLEE'I BAR GYIS SNGAGS CHEN BRGYAD GSUNGS PA'I RIM PA BZHIN DU 'DI'ANG 'THU BA LA, STONG PA ZHES PA NI THAMS CAD DU THIG LE LA BYA'O, ,MDOG DKAR NI RENGS PA'I SNGAGS KYI KHA DOG LA BHA BA DANG NAG PO PAS BSHAD LA, RGYUD GZHAN DU SER POR BSHAD DO, ,SNANG MDZAD YI GE'I BDAG PO DANG, DBANG PHYUG DANG THU BO DANG, GTI MUG GI RIGS NI AOm YIG GO ,RIG BYED KYI DANG PO NI AO YIG YIN KYANG 'DIR AOm YIG GO ,MTHAR GNAS PA'I GSUM PA LA, YANG NI DE NYID YANG DAG LDAN, ZHES PA NI, LA NYIS BRTZEGS BYED PA'I DON TO, ,DE NAS DE BA BI CU DANG, HE RU KA GSUM GYI SNGAGS KYANG SNGAGS KYI LE'UR BSHAD PA'I SNGAGS DANG SBYAR LA BTU'O, ,PHYAG GNYIS PA'I SKABS SU DANG PO NI DANG PO LA ZHES GSUM GYI NI,

YA KA'I YA STAR DANG, AA DE'I SROG TU STER BA STON PAS, AA GAL DU MI BRI'O, ,RDO RJE MA'I MTHA' RU H'Um, ZHES PA LA, KU MU tIR RDO RJE MA NI A'A 'O, ,DBYANGS KYI YI GE'I MTHA', ZHES BYA BA NI AA: STE DE DANG LDAN PA'O, , ZHES GSUNGS PAS, RDO RJE MA'I DBYANGS LA, MTHA'I TSEG ? DRAG SBYAR BA DGOS SO, ,SARBA 'THU BA NA AUSMA nA YI GSUM PA DANG, ,MTHAR GNAS PA YI BZHI PA NI, ,STENG DU ME YIS RNAM PAR BRGYAN, ZHES MTHAR GNAS KYI BZHI PA BTUS KYANG, RGYA GAR GYI YI GE LA BA DANG, WA GNYIS GZUGS GCIG PA DANG, WA KRI T'A NA NA LA DUS 'KHOR 'GREL PAR BI DANG, RTOG BDUN GYI SNGAGS BTU BAR WA THU BA BYUNG BAS GANG BYAS KYANG 'BRA BAR MNGON NO, ,LE'U BCU PA NI GO S'A LA, BCU GCIG PA LA LAG PA'I RI MO DANG SHA MDOG GIS RIGS STON PA NI, THABS SHES RIGS MTHUN BYUNG NA DGA' BAS DE'I CHED YIN LA, RIGS NGO SHES NAS 'DU BA'I TSE JI LTAR BYA BA NI, TSAL DANG ZHES SOGS KYIS STON NO, ,'DI NI DGOS PA LHAN SKYES MTSAN NYID RDZOGS PAR SKYE BA'I PHYIR DU, SGYU RTZAL DRUG CU RTZA BZHI BYED PA'I TSUL STON TE, RDO RJE MKHA' 'GRO RTZA 'GREL LAS NGOS PAR SHES DGOS SO, ,SHIN TU BKAL BA NI SHIN TU BRKYANG PA ZHES PAR BYA DGOS SO, ,'DI NI SNGAR LAS KYI PHYAG RGYA LA BRTEN PAR MANG DU BSHAD PA THAMS CAD LA GO DGOS SO, ,LE'U BCU GNYIS PA LA RDO RJE RAB GNAS NI RDO RJE 'CHANG DU

, ,BSKYED NAS GNAS PA'O, ,DGA' BA'I GNAS STER BA NI, DES THABS KYI KUN LTA BU ZHU BAR BYED PA'O, ,YE SHES 'DI NI ZHES PA NI DBANG BZHI PA YI'O, ,CHES PHRA BA NI BLO RAGS PAS MI SHES PA'O, ,RDO RJE'I DKYIL NI MKHA' 'DRA BA, ZHES BSGYUR BAS, SKU GSUNG THUGS KYI RDO RJE GSUM GYI DKYIL 'KHOR NI SNYING PO STE, SNGAR BSHAD PA'I SNYING PO KYEE RDO RJE'O, ,NAM MKHA' 'DRA BA NI GNYIS SNANG MED PA'O, ,RDUL BRAL NI NYON MONGS MED PA'O, ,MTHAR SBYIN ZHES PA NI 'GREL PA MANG POS MTHAR SBYIN GYI DON DU BSHAD PA LTAR BYA DGOS TE, THAR PA MI GNAS PA'I MYANG 'DAS STER BA'O, ,ZHI BA NI NYER 'TSE ZHI BA'O, ,BZHI PA LA KHYOD RANG GI NI PHA NI KHYOD, CES 'BYUNG LA, KHYOD RANG GI PHA NI RDO RJE 'DZIN PA'O, ,KHYOD CES PA NI YE SHES DE RNYED PAS DE'I RANG BZHIN DU GNAS PA'O, ,ZHES PADMA CAN LAS BSHAD DE, LHAN SKYES KYI BDE STONG KHYAD PAR BA NI KHYOD RANG GI 'DOD DON BSKYED PAS PHA DANG, YE SHES DE RNYED PA NA RANG GI GNAS LUGS KYANG, DE'I RANG BZHIN DU RTOGS PA'I DON TO, ,RDOR PAD BYIN GYIS BRLAB PA 'DI NI GTZO BOR NI LAS RGYA DANG SBYOR BA'I DUS YIN LA YE RGYA DANG SBYOR BA NA'ANG BYA DGOS SO, ,SNGAGS 'DI GNYIS KA'I MTHAR KARYAm KU RU SHA ME ZHES BDAG GI BYA BA MDZOD CIG CES 'BYUNG BA'I BYA BA NI, DGA' BZHI BSKYED PA'I BYA BA YIN PA NI, TZA TUR A'A NANDA ZHES PA

GNYIS KYIS STAN NO, ,DE LA LAS RGYA DANG SBYOR BA NA PAD MA BYIN RLOB THABS KYIS DANG, RDO RJE BYIN RLAB SHES RAB KYIS BYED PAR BOD KHA CIG SMRA BAS NA, RANG LA GROGS KYI BYA BA DE MDZOD CIG CES BSKUL PA'O, ,MAH'A R'A GA SU KHA DA DHA ZHES PA NI, CHAGS PA CHEN PO'I BDE BA SBYIN PA'I TSUL GYIS MDZOD CIG CES PA'O, ,PADMA SU KHA DHA RA'I PADMA DANG BHA GA NA DON GCIG LA, BDE BA 'DZIN PA NI PADMA'I RTZIR PHYIR MI 'PHO BAR BYANG SEMS 'DZIN PA DANG, BI SHVA NI SNA TSOGS PA STE, BHA GAR RTZOL BA'I BYA BA SNA TSOGS PA DGA' BA'I BSTAN BCOS LAS BSHAD PA STE, THABS DES SO, ,H'Um NI SKUL BAR BYED PA STE, GSUM NI NAN TAN BU BYED PA'O, ,SHES RAB KYIS RDO RJE BYIN GYIS BRLAB PA NI, BADZRA MAH'A DRE shA NI ZHE SDANG CHEN PO'I RDO RJE STE, HE RU KAR BYAS PA'I RDO RJE'O, ,TZA TUR A'A NANTA DA YA NI DGA' BZHI SBYIN PA STE DA DANG KARYAm ZHES PA GNYIS SBYAR RO, ,DE LTAR THABS SHES GNYIS KYI PHAN TSUN DU DGA' BA BZHI BZHI STENG BA'I TSUL NI, KA K'A MU KHA AE KA RA SO N'A THA, ZHES PAS STON PA'I KA H'A NI BYA ROG GO ,MU KHA NI GDONG SDE BYA ROG GDONG MA DANG, MKHA' 'GRO GDONG ZHES GRAGS PA STE, GNYIS KA'I DH'U T'I'I MAR SNA'O, ,AE KA NI GCIG PA STE, DE'ANG RA SO ZHES PAS RO GCIG PA'O, ,DE'I DON NI RTZE GNYIS PO PHAN TSUN PHRAD PAS DAM DU BCINGS TE GCIG TU BYAS PA'I MTHU LAS N'A THA STE, MGON PO BDE CHEN BSKYED PA'O, ,ZE'U 'BRU

, ,ZHES PA NI MGRIN PA'I PAD MA'I LTE BA'O, ,DE'ANG GNYIS KA'I LUS KYI GNAS GSUM DU 'GOD PA DANG, RDOR PAD BYIN GYIS BRLAB PA'I SNGON DU H'Um LAS RDO RJE DANG, AOm LAS NOR BU BSKYED PA DANG, AA LAS PAD MA BSKYED PA'ANG BSTAN TO, ,RGYUD KYI THOG MA'I AI YIG GI PADMA DANG, MTHA'I AA GNYIS KYI BAR DU RGYUD GZHAN THAMS CAD CHUD PAR BYAS PA NI , AA'I MTSON DON RANG BZHIN SKYE MED KYI STONG PA DANG, AA DANG PADMAS BSKYED PA'I BDE CHEN GNYIS KYIS RGYUD KYI DON BCINGS PAR BSTAN PA'I BDE BA CHEN PO LA SHIN TU GUS PAR BYA'O,, ,,