Seven Topics of the First Short Section, set forth by Achala Garbha

*, ,MDOR BSDUS DANG PO LA AA TZA LA GARBHAS DON TSAN BDUN DU BYED PA BZHUGS SO, ,

, ,MDOR BSDUS DANG PO LA AA TZA LA GARBHAS DON TSAN BDUN DU BYED DE, STONG NYID SNYING RJE'I BDAG NYID CAN ZHES PA NAS, BYANG CHUB SEMS DE LA PHYAG 'TSAL, ZHES PA'I BAR NA RDO RJE LA PHYAG 'TSAL BA'I NGES PA DANG, SPRUL PA YI NI SKU GSUNG THUGS, ZHES PA NAS, BSDUS PA'I RGYUD LA BRI BAR BYA, ,ZHES PA'I BAR NI RDO RJE 'DZIN PA LA PHYAG 'TSAL BA'I NGES PA DANG, RGYAL BAS GSUNGS PA'I CHOGS, ZHES PA NAS, 'JIG RTEN GSUM GYI BDAG PO NYID STER 'DI NI KUN TU STON PAR BYED PA'O, ,ZHES PA'I BAR NI BYANG CHUB SEMS DPAS MDZAD PA'I RGYA CHER 'GREL GYI YON TAN BSGRAGS PA'I NGES PA DANG, GANG ZHIG PHUNG PO LA SOGS SGRIB PA RAB BCOM ZHES PA NAS, BLA MA DAM PA'I DRIN LAS BYUNG BA YIN ZHES PA'I BAR NI, LAM GYI SGRIB PA DGAG PA'I NGES PA DANG, LAM ZAB RIN CHEN 'DI NI, ZHES PA NAS, THABS DANG SHES RAB BDAG NYID RNAL 'BYOR RO

, ,ZHES PA'I BAR NI LAM 'PHROG PA'I RGYU MTSAN BSHAD PA'I NGES PA DANG, SNYING RJE DANG NI STONG NYID SKU, ,ZHES PA NAS, DE YI SHES RAB KYIS BSKUL 'GREL BSHAD BDAG GIS BRI, ,ZHES PA'I BAR NI, 'JIGS PA CHEN PO BCU DRUG GI NYE BAR 'TSE BA ZHI BAR BYED PA'I NGES PA DANG, KA YIG LAS NI RGYU ZHI BA ZHES PA NAS, 'GREL BSHAD 'DI NI MYUR DU BRI, ,ZHES PA'I BAR NI PHYI DUS KYI 'KHOR LO'I NGES PA STE NGES PA BDUN DU BSHAD DO, ,MDOR BSDUS DANG PO'I MTSAN LA BSHAD SBYAR DU, BDUD DANG BGEGS MTHA' DAG NYAMS PAR BYED PA MCHOG TU 'DOD PA'I LHA DAM PA'I LAM NGES PA'I MDOR BSDUS CHEN PO ZHES BSGYUR RO, ,PHYAG 'TSAL BA'I TSIG DNGOS SU BYUNG BA LNGA'I DANG POS RNAM SHES SGRIB BRAL DANG, GNYIS PAS 'DU BYED SGRIB BRAL DANG, GSUM PAS TSOR BA SGRIB BRAL DANG, BZHI PAS 'DU SHES SGRIB BRAL DANG, LNGA PAS GZUGS SGRIB BRAL GYI YE SHES BRTAN PAR BSHAD SBYAR LAS BYUNG NGO, ,RANG GI LUGS NI, STONG NYID SNYING RJE'I BDAG NYID CAN, ,ZHES PA NAS, LHA'I DBANG POS BTUD PA'I GTZO LA SPYI BOS PHYAG BTZAL TE, ZHES PA'I BAR GYIS

MCHOD 'DOD PA'I LHA LA MCHOD PAR BRJOD PAS DAM PA STE, YANG DAG PA'I LAM NGES PAR BYED DO, ,DE LTAR RDO RJE RNAL 'BYOR ZHES PA NAS, MNYAM PAR BYA ZHES PA'I BAR GYIS NI BRTZAM PAR DAM BCAS SHING, BRTZAMS PA'I 'GREL PA NYAN PAR BSKUL BAR BSTAN, MNGON SHES MED GANG ZHES PA NAS, 'DI NI KUN TU STON PAR BYED PA'O, ,ZHES PA'I BAR GYIS 'GREL PA YANG DAG DANG LTAR SNANG GI DBYE BA GNYIS BSTAN, GANG ZHIG PHUNG PO LA SOGS ZHES PA NAS, BLA MA DAM PA'I DRIN LAS BYUNG BA YIN, ZHES PA'I BAR GYIS YANG DAG PA'I LAM LAS MI GOL BA'I THABS BSTAN, LAM ZAB RIN CHEN 'DI NI ZHES PA NAS, 'BAD PAS SHIN TU LEGS PAR BSU BAR BYA, ZHES PA'I BAR GYIS LAM 'PHROG PA'I RGYU SPANGS NAS LAM SBED DGOS PAR BSTAN, DPA' BO'I RIM PA ZHES PA NAS, THABS DANG SHES RAB BDAG NYID RNAL 'BYOR RO, ,ZHES PA'I BAR GYIS DPA' BO DANG BDAG BYIN RLABS KYI RIM PA GNYIS KYI GRANGS NGES KYI DON BSTAN, SNYING RJE DANG NI STONG NYID SKU, ,ZHES PA NAS MUN PA THAMS CAD 'JOMS PAR 'GYUR, ,ZHES PA'I BAR GYIS 'JIGS PA BCU DRUG GI 'TSE BA ZHI TSUL DE BSTAN TE, BDUD DANG BGEGS MTHA' DAG NYAMS PAR BYED PA ZHES PA'I DON NO, ,'DIS KYANG DAM PA'I LAM NGES PAR BYED DO, ,LHA KLU MI DANG ZHES PA NAS, 'GREL BSHAD 'DI NI MYUR DU BRI, ZHES PA'I BAR GYIS 'GREL PA BRTZAM PAR DAM BCA' BA'I TSUL GZHAN GCIG BSTAN TE, DON BRGYAD DU BSDU BAR BYA'O, ,SARBA MANG+GA LAm,, ,,