Continued Notes, Set Down into Writing by Kedrup Je, concerning the Absolute Purity discussed in 'The Chapter on the Inside' from the Secret Teachingon the Wheel of Time (Kalachakra)

*, ,DUS KYI 'KHOR LO'I NANG LE'I RNAM PAR DAG PA MKHAS GRUB RJES ZIN BRIS SU BTAB PA 'PHRO CAN, ,

, ,NA MA: SHR'I K'A LA TZA KR'A YA, BCOM LDAN 'DAS RIGS THAMS CAD KYI BDAG PO DANG DBYER MA MCHIS PA'I RJE BTZUN BLA MA DMIGS PA MED PA'I THUGS RJE CHEN PO DANG LDAN PA'I ZHABS LA GUS PAS PHYAG 'TSAL LO, ,DE LTAR GANG DU GNAS PA'I RTEN 'JIG RTEN GYI KHAMS KYI RNAM PAR DAG PA BSHAD ZIN NAS, DER GNAS PA SEMS CAN GYI SKYE GNAS 'JIG PA'I RNAM PAR DAG PA LA SOGS PA STON PA NANG GI LE'U NYID 'CHAD PA LA, DPAL DUS KYI 'KHOR LO LA PHYAG 'TSAL LO, ZHES BYA BA NI SGYUR BYED LO TZ'A BA'I PHYAG GO, 'GREL PA MDZAD PA POS LE'U'I THOG MAR MCHOD PAR BRJOD PA NI, DANG PO'I SANGS RGYAS GANG ZHIG KHAMS DRUG LDAN GYI CHEN PO'I MI RNAMS SMIN PAR BYA BA'I DON DU DE DAG GIS MTHONG BA'I YUL DU 'GYUR BAR BYA BA'I PHYIR KHAMS RAGS PA BZUNG BA'I MNGAL NI 'DZIN PA PO LA SOGS PA MDZAD PA BCU GNYIS STON PA 'DI MDZAD CING DE BZHIN DU SRID PA'I 'CHING BA LAS NYON DRAG POS 'KHOR BAR SKYE BA LAS NGES PAR GROL YANG SROG CHAGS RNAMS KYI SANGS RGYAS KYI LAM GYI SLAD DU SRID PAR GNAS PAR STON TE, RI BONG DANG STAG DANG SENG GE LA SOGS PA SEMS CAN SNA TSOGS

, ,PA'I GZUGS SU SKYES NAS SEMS CAN GYI DON MDZAD PA'I SNGON GYI SKYES RABS PHRENG BA GZHAN DON GYI YON TAN DANG LDAN PA GANG, SEMS CAN BYANG CHUB DON GNYER SKAL LDAN RNAMS KYIS MTHONG BAR GYUR BA, RDZU 'PHRUL CHEN PO DANG LDAN PAS SRID PAR SPYOD CING BRGYU BAR MDZAD PA DAG STE DE 'DRA'I TSUL GYIS SEMS CAN DU: KHA LAS SKYOB PAR MDZAD PA DE LA PHYAG 'TSAL LO, ,DE LTAR SPYIR PHYAG BTZAL ? NAS, KHYAD PAR DU PHYAG 'TSAL BA NI, SH'AKYA NAS, BTU DA DE'I BAR RO, ,DE LTAR MCHOD PAR BRJOD NAS, BSHAD PAR DAM BCA' BA NI, GANG LA, GANG GIS, GANG DANG, MTHUN PAR BSKUL BAS, KUN SLONG JI LTA BUS, RTZOM PA PO GANG GIS, LE'U GANG GI RGYA SA 'GRAL RTZOM PAR DAM BCA' BA NI, PADMA NAS KHRI, ZHES PA'I BAR RO, ,'ON BSHAD BYA NANG GI LE'U 'DI GNAS GANG DU TSUL JI LTAR GSUNGS SHE NA, 'DIR, GNAS KYI KHYAD PAR, DPAL, ZHES SOGS DANG, GDAN GYI KHYAD PAR, RIN PO CHE'I SOGS DANG, ZHU BA PO'I KHYAD PAR, NYI MA'I SOGS DANG, STON PA'I KHYAD PAR, BCOM LDAN 'DAS SOGS DANG, CHOS KYI KHYAD PAR, NANG GI SOGS DANG, RGYUD GANG LAS BSDUS NA, MCHOG GI SOGS DANG

BRJOD BYA'I DON, BCOM LDAN 'DAS SOGS DANG, RJOD BYED BSDUS RGYUD KYI TSIGS SU BCAD PA DANG POS GSUNGS PA 'DI LTA STE, ZHES MTSAMS SBYAR NAS, BSHAD BYA DGOD PA NI, MI SHES SOGS SO, ,DE 'CHAD PA NI TSIGS BCAD DES DON 'DI 'DRA BA ZHIG BSDUS BA DE DAG GIS BSHAD PAR BYA'O, ,ZHES DAM BCAS PA, 'DIR ZHES SOGS SO, ,GDUL BYA'I PHUNG SOGS SGRIB BRAL DU BSKYED PAR MDZAD PA'I RGYAL BA LA POS NAS, PHYI ROL TU 'JIG RTEN LA SOGS PA'I TSAD DANG GZA' SKAR SOGS GSUNGS PA DE DAG DANG 'DRA BAR NANG LUS KYI DBUS SU STE LUS KYI NANG DU JI LTAR 'GYUR BA MI SHES PAS BSTAN DU GSOL, ZHES ZLA BZANG GIS GSOL BA BTAB PA'I DON BSHAD PA NI, 'DIR LUS KYI DBUS SU ZHES SO, ,DE LA LEGS SO GNANG NAS STON PAS TSIG RAB TU GYUR PAS LAN GSUNGS SO, ,ZHES BYA BA NI, DE NAS SOGS SO, ,GSUNGS TSUL SDUD PA PO'I TSIG GIS MTSAMS SBYAR BA NI, SEMS CAN RNAMS NI THAR PA'I SLAD DU MCHOG GI THUGS RJES PHYI ROL GYI SNA TSOGS TSAD RNAMS DAG KYANG LUS LA JI LTAR GNAS PA BSHAD PAR BYA'O, ,ZHES SOGS ZHAL GYIS BZHES LA, KYANG YIG GIS PHA RGYUD MA RGYUD SOGS RGYUD GZHAN THAMS CAD KYI LHA GRANGS SOGS KYANG LUS LA JI LTAR 'GYUR BA GSUNGS SO, ,LE'U SOGS GO SLA'O, ,DA NI LE'U 'DI'I GNAS PA BSTAN PA'I TSIGS SU BCAD PA DANG PO GSUNGS PA, ZHES SOGS TE, DE'ANG, 'DIR LUS KYI NANG DU SA LA SOGS PA MTHA' DAG GNAS PAR RANG GI SA BON GYI YI GES SHES PAR BYA STE, TSUL JI LTAR NA, ,

, ,'JIG RTEN KHAMS LER BRJOD PA LTAR LTE BAR BSGOM BYA'I SA BON, SO LAS BYUNG BA'I YI GE Li SOGS RNAMS KYIS DE NYID GANG DU BSGOM PA'I GNAS LTE BA SA YIN PAR SHES PAR BYA'O, ,SNYING GAR BSGOM BYA'I SA BON MCHU LAS BYUNG BA'I YI GE AU SOGS RNAMS KYIS DE NYID GANG DU BSGOM PA'I GNAS SNYING GA CHU YIN PAR SHES PAR BYA'O, ,MGRIN PAR BSGOM BYA'I SA BON SPYI BO LAS BYUNG BA'I YI GE Ri SOGS RNAMS KYIS DE NYID GANG DU BSGOM PA'I GNAS MGRIN PA MER SHES PAR BYA'O, ,SPYI BOR BSGOM BYA'I SA BON RKAN LAS BYUNG BA AI SOGS RNAMS KYIS DE NYID GANG DU BSGOM PA'I GNAS SPYI BO RLUNG DU SHES PAR BYA'O, ,DE LTAR NA LTE BA LA SOGS PA'I 'KHOR LO BZHI PO DE DAG NI RIM BZHIN, SA DANG CHU DANG ME DANG RLUNG RNAMS SO, ,RDO RJE STE GLOG NI SLAR YANG, ZUNG BDUN SKABS SU BSHAD PA'I SA BON SPYI BO LAS BYUNG BA'I Ri YIG RNAMS KYIS DUS ME'I RTZA LA GNAS PAR SHES PAR BYA'O, ,LTA'I GZHU STE 'JA' TSON NI, SO LAS BYUNG BA'I Li YIG RNAMS KYIS BSHAD PA'I RTZA LA GNAS PAR SHES PAR BYA'O, ,RLUNG BCU PO RNAMS NI, RANG RANG GI SA BON RKAN LAS BYUNG BA AI SOGS RNAMS KYIS SNYING GA'I RTZA BCU LA GNAS PAR SHES PAR BYA'O, ,KHYIM GYI 'KHOR LO'I ZHAG SUM BRGYA DRUG CU NI, RANG RANG GI SA BON AA LA SOGS PA DANG KA LA SOGS PA MTHA' DAG GIS STENG 'OG GI LAS DANG BYA BA'I 'KHOR LO LA GNAS PAR SHES PAR BYA'O, ,PHYI ROL TU ZLA BA NI SA BON THIG LES, NANG DU L'A LAN DANG

KHU BAR SHES SO, ,PHYI ROL TU NYI MA NI SA BON RNAM PAR BCAD PAS, NANG DU R'A SA NA DANG RDUL LAM KHRAG TU SHES SO, ,PHYI ROL TU SGRA GCAN NI, RANG MING R'A HU ZHES PA'I DBYANGS SROG GI AU YIG MED PA'I GSAL BYED HA YIG GIS NANG DU RNAM SHES DANG AA BA DH'U T'IR SHES SO, ,LHUN PO NI RANG MING GI YI GE ME RU ZHES PA'I MA YIG GIS NANG DU RGAL TSIGS GSANG BA'I PADMA NAS LTE BA'I BAR LA GNAS PAR SHES SO, ,ZHES BLA MA KHA CIG BZHED LA, BI BH'U TIS, SGRA GCAN NI NANG DU RGAL TSIGS LA SBYAR BA LEGS SO, ,GDENGS CAN RNAMS KYIS GNAS SA 'OG NI, SKU RDO RJE'I SA BON AOm YIG GIS NANG GI GNAS SPYI BOR SHES SO, ZHES BLA MA KHA CIG 'CHAD KYANG BI BH'U TIS, BRLA'I DPYI MAN CHAD DANG SBYAR RO, ,MI'I GNAS TE MI'I 'JIG RTEN SA STENG NI GSUNG RDO RJE'I SA BON AA YIG GIS BSTAN PAS NANG DU MGRIN PAR SHES SO, ,ZHES 'CHAD DO, ,LTA'I GNAS TE MTHO RIS SA BLA NI THUGS RDO RJE'I SA BON H'Um YIG GIS BSTAN PAS NANG DU SNYING GA YIN PAR SHES SO, ZHES 'CHAD KYANG, BI BH'U TIS MGRIN PA YAN CHAD LA SBYAR TE, PHYI'I 'JIG RTEN KHAMS DPAG TSAD 'BUM PHRAG BZHI DANG, NANG GI LUS KHRU BZHI PA SBYOR BA DANG 'DI'I PHYOGS MTHUN NO, ,KHYIM LA 'KHYOG PO STE YON POR BRGYU BA BKRA SHIS LA SOGS PA'I GZA' BCU PO RNAMS NI GA-YAS DANG GA-YON GYI SA BON GYI YI GE SNGAR ZUNG BDUN SKABS SU BRJOD PA RNAMS KYIS GA-YAS GA-YON GYI RTZA LA BRGYU BA'I RLUNG BCUR SHAS SO, ,RTZA BAR SKAR MA DANG BCAS PA ZHES PA'I

, ,DON NI PHYI ROL TU SKAR MA RNAMS NANG DU SO RNAMS SO, ,PHYI ROL TU KHYIM GYI 'PHO BA BCU GNYIS NI, NANG DU SDE PA BCU GNYIS KYI DBYANGS RING THUNG GI SA BON GYI DBYE BA RNAMS KYIS, NANG DU RLUNG GIS 'PHO BA BCU GNYIS TE, PHYI ROL TU ZLA BA BCU GNYIS KYANG, NANG DU RLUNG GI 'PHO BA BCU GNYIS YIN PA KHYIM GYI DE BZHIN NO, ,ZLA BA'I DKAR PHYOGS DANG NAG PHYOGS KYI PHYOGS NYI SHU RTZA BZHI NI, NANG DU SDE PA DRUG GI YI GE PHYENG PHYED KYI DBYE BA RNAMS KYIS RLUNG GI 'PHO BA PHYED PA NYER BZHI'O, NYIN DANG MTSAN MO'I TSES SUM BRGYA DRUG CU RNAMS NI KA LA SOGS PA SNGAR BRJOD PA SUM CU DBYANGS BCU GNYIS DANG BCAS PA SNGAR LE'U DANG PO'I TSIGS BCAD BRGYAD PAR BRJOD PA'I SA BON RNAMS KYI LUS KYI STENG 'OG TU GNAS PAR SHES PAR BYA STE, MDOR NA PHYI ROL GYI CHOS MTHA' DAG LUS KYI DBUS SU STE LUS KYI NANG DU'ANG PHYI ROL DE DANG 'DRA BA NYID KYI CHOS MTHUN RNAL 'BYOR LAS SHES PAR BYA'O, ,RNAM GSUM KHYAB BDAG ,CES SOGS RTZA 'GREL GYI DON NA, SNGAR LE'U DANG PO'I TSIGS BCAD LNGA PAR BRJOD PA LTAR, RDO RJE SEMS DPA' NI BDE BA CHEN PO YIN LA, DE'I NGO BO NI, DE'I CHOS NYID KYI SPYI'I MTSAN NYID RANG BZHIN RNAM DAG DES KHAMS GSUM GA LA KHYAB PAR STON PA YIN TE, DE'I PHYIR SHONG 'GYUR LA'ANG RANG BZHIN ZHES PA YOD CING, GYI COS, NGO BO NYID CES BSGYUR RO, ,'DI NI RGYUD BLA MA LAS, DE SPYI MTSAN NYID NYES PA DANG, ,YON TAN MTHAR THUG KHYAB PA STE, ,GZUGS KYI RNAM PA DMAN PA DANG, BAR MA MCHOG LA NAM MKHA' BZHIN, ZHES DANG, DE'I 'GREL BAR SPYI'I MTSAN NYID RANG

BZHIN RNAM DAG LA BSHAD PA DANG 'DRA'O, ,DE 'DRA BA'I RIGS CAN GYI BDE CHEN DE'ANG GNAS SKABS BZHI'I THIG LE SGRIB BRAL DU GYUR BA'I DBYE BAS BZHIR SHES PAR BYA'O, ZHES BYA BA'O, ,NANG LUS LA PHYI DANG 'DRA BAR SNA TSOGS TSANG TSUL BSDUS PA'I MDOR BSDUS KYI NGES PA'O, ,DA NI, ZHES SOGS MTSAMS SBYAR BA GO SLA'O, ,BSHAD PA DNGOS LA, LUS LA, ZHES PA NAS, CHOS LA 'GYUR RO, ,ZHES PA'I BAR NI, KHAMS DRUG LDAN GYI SKYES BUS LAN TSVA SOGS RO DRUG ZOS SHING 'THUNGS PAS, RIM BZHIN, NAM MKHA' RLUNG ME CHU SA YE SHES KYI KHAMS KYI RANG BZHIN SA LA SOGS PA'I KHAMS RNAMS SU SKYE ZHING, RO DRUG KYANG 'BYUNG BA'I TSOGS LAS SKYEL, 'BYUNG BA'I TSOGS KYANG NAM MKHA'I KHAMS RDUL PHRA RAB KYI CHOS LAS SKYE'O, ZHES PA STE, 'DIR NAM MKHA'I KHAMS ZHES PA RANG RANG RTZOM BYED KYI RDUL PHRA MO'I KHAMS YIN LA, NAM MKHA'I KHAMS LAS 'BYUNG BA'I RGYU'I 'BYUNG BA LNGA'I TSOGS PA'I YA GYAL, RO ZHES PA NAM MKHA'I KHAMS SU BSHAD PA DE NI BU GA NAM MKHA'I KHAMS SA, ,STONG PA LA NI, ZHES SOGS KYI DON NI, SPYIR RTON PA BZHI'I SKABS SU RNAM SHES LA MI RTON YE SHES LA RTEN ZHES GSUNGS PA LTA BU'I RNAM SHES NI, DE KHO NA NYID 'BYED PA'I THOS BSAM GYI SHES RAB, DE'ANG GTZO CHER SO SKYE'I YIN LA, YE SHES NI DE KHO NA NYID 'BYED PA'I SGOM BYUNG GI SHES RAB DANG, DE'ANG GTZO BOR DE KHO NA NYID MNGON SUM DU RTOGS PA'I 'PHAGS PA'I YE SHES YIN CING, 'DIR STONG PA LA BSRES, ZHES PA'I YE SHES NI, DE

, ,'DRA BA'I YE SHES MIN KYI, DZNY'A NA ZHES PA SHES PA LA'ANG 'JUG PA LTAR, SHES PA DANG SEMS SPYI TZAM PA NYID YIN PAS DE'I PHYIR, 'DIR YANG, STONG PA LA BSRES PA'I YE SHES NGOS BZUNG BA NA, LUS LA RNAM PAR SHES PA'O, ZHES RNAM SHES LA BSHAD DO, ,DES NA LAS 'BYUNG BA SOGS KYI TSOGS LA 'BYUNG BA DE DANG, SEMS GNYIS 'BREL PA BDEN PA MED KYANG, KUN RDZOB TU LUS SEMS DE GNYIS KHYAB BYA KHYAB BYED KYI STE RTEN DANG BRTEN PAS 'BREL BA YIN NO, ZHES BYA BA'I DON TO, ,YE SHES BDEN PAR GRUB NA NI, DE NYID GANG LA KHYAB PA'I 'BREL PA'ANG BDEN PAR GRUB DGOS KYI, BDEN PAR GRUB PA'I CHOS KYI 'BREL BA KUN RDZOB PA GCIG KYANG MI SRID DO, ,ZHES 'PHAGS PA KLU SGRUB KYIS RIG PA'I TSOGS DU MAS GTAN LA PHAB PA'O, ,NGES NA GZHI DUS SU SEMS RNAM PAR SHES PA DE NYID NI, LUS KYI STONG PA NAM MKHA'I KHAMS LA RTEN DANG BRTEN PA'I TSUL GYIS BSRES PAS TE, 'ON KYANG RO MNYAM DU GYUR BA MED LA, LAM DANG 'BRAS BU'I SKABS SU, STONG PA NYID KYI GZUGS LA BSGOM PA'I STOBS KYIS 'DZIN PAR BYED PA'I SEMS MI 'GYUR BA'I BDE BA DE NYID GZUNG BAR BYA BA RANG GI SEMS KYI SNANG BA STONG GZUGS KYI PHYAG RGYA LA RNAM PAR BSRES PA NI NGO BO SO SOR MED PAS RO MNYAM PA DANG, 'GYUR MED RTAG PAR YANG 'GYUR TE, DE'ANG SKAD CIG GIS SKYE 'GAG KYANG MI BYED PA'I RTAG PA NI MA YIN NO, ZHES SHES PAR BYA BA'I PHYIR DU, 'DI RTAG PA'I SGRA NI SGRIB PA MED PAR BRJOD, CES SMOS TE, DE'ANG SGRIB PA MA

LUS PAR SNGANGS PAS MI 'GYUR BA'I BDE CHEN STONG GZUGS KYI PHYAG RGYA DANG RO MNYAM DU GYUR PA DE NYID SLAR 'GYUR BA'AM PHYIR LDOG PA MI SRID PAS, SLAR NYAMS PAR MI 'GYUR BA LA RTAG PAR BRJOD PA YIN NO, ZHES BYA BA'I DON TO, DE LTAR NAS, NGES PA'O'I BAR GO SLA'O, ,DE LTAR PHYI'I CHOS LUS LA TSANG TSUL DANG, NANG LUS KYI RGYU'I TSOGS PA GNYIS KYIS NANG LE'I DON MDOR BSTAN NAS, 'DI MAN CHAD KYIS, NANG GI LE'U LA GNAS PA BCO BRGYAD YOD PA DE NYID KYI DON SO SOR RGYAS PAR 'CHAD PA LA, GNAS PA DANG PO NANG DU MNGAL 'DZIN PA DANG SDUD PA PO LA SOGS PA'I NGO BO NYID KYIS GNAS PA GSUNGS PA, SA BON ZHES PA LA SOGS PA STE, 'DIR ZHES PA NAS, BOD PA'O, ZHES PA'I BAR NI, MNGAL DU LUS 'GRUB PA'I SA BON MA'I GSANG GNAS SU KHU KHRAG 'DRES PA YIN LA, SA BON DES KHAMS YIN CING, DE'I SA KHAMS RNAMS CHUS GSANG BA'I PADMA'I GNAS DE LAS GZHAN DU MI 'GYES PAR SDUD PAR BYED LA, MES SMIN PAR BYED CING, MES RO DRUG ZOS SHING 'THUNGS PA'I BCUD RNAMS ME KHAMS DES ZA BA STE SA BON DE LA SMIN PAR BYED LA, MA'I MNGAL GYI NANG GI RLUNG GIS 'PHEL BA DANG, MA'I LUS KYI NANG GI BU GA NAM MKHA' 'PHEL BA NA GO SKABS 'BYED DO, ZHES BYA BA'O, ,MNGAL DU SKYES PA'I DUS KYI DBANG LAS DE LTAR 'GRUB PA STE, DE LTAR RIM PA DE DAG GIS NYA LA SOGS PA GNAS SKABS BCU 'GRUB STE MNGAL RDZOGS PAR 'GYUR RO, ,BCU PO GANG ZHE NA, BSKYED RIM LA DU BA MA LA SOGS PA'I LHA BCU RDZOGS PA MTSON PA'I, MNGAL GYI GNAS SKABS BCUS

, ,RDZOGS PAR 'GYUR BAR STON PA, LHA YI ZHES PA NAS, NGES PA'O, ZHES PA'I BAR RO, TSE MTHA'I MDO DANG, DGA' BO MNGAL GNAS LAS, GNAS SKABS BCU GSUNGS PA DAG NI, 'DI DAG DANG TSUL MI 'DRA'O, ,DA NI MNGAL DU GNAS PA'I SA BON GYI 'BYUNG BA, RANG RANG GI KHAMS KYI BYA BA BYED TSUL GSUNGS PA, SA BON DAG NI, ZHES PA NAS BYA BA BRJOD PA'O, ZHES PA'I BAR TE 'DIR RNAM PA BCU'I RLUNG SROG LA SOGS PA DAG NI, ZHES MNGAL DU SROG 'DZIN SOGS RLUNG BCU YOD PAR BSHAD PA NI MNGAL NA GNAS PA'I SEMS CAN GYI LUS KYI RLUNG MIN GYI PHA MA LAS THOB PA NANG GI PHYI'I RLUNG GIS MNGAL NA GNAS PA'I LUS DE MI NYAMS PAR 'DZIN PA SOGS GSUNGS PA YIN LA, 'OG TU MNGAL CHAGS NAS ZLA BA BDUN NAS RLUNG SKYE BAR BSHAD PA NI NANG GI RLUNG, MNGAL GYI SEMS CAN DE'I LUS KYI RTZA RNAMS KYI NANG NA GNAS PA'I RLUNG BCU ZLA BA BDUN NAS 'GRUB PAR BSHAD PA'O, ,GZHAN RNAMS GO SLA'O, ,DA NI GNAS PA GNYIS PA KHU RDUL DANG KUN GZHI SBYOR BA'I GNAS PA DANG, GNAS SKABS BCU'I DUM BU'I GNAS PA NI, GSANG BA ZHES PA LA SOGS PA, ZHES PA NAS, GNAS SKABS BCU'I NGES PA'O, ZHES PA'I BAR GYIS, MA'I MNGAL DU KHU KHRAG GI DBUS SU SEMS RDO RJE 'DZIN PA ZHES PA'AM, KUN GZHI'I RNAM SHES ZHES KYANG THA SNYAD BYAS PA BAR DO'I YID KYI RNAM PAR SHES PA'I RIGS 'DRA DE NYID MTSAMS SBYAR BA NAS, KHYAB 'JUG GI 'JUG PA DANG MTSUNGS PA'I GNAS SKABS BCUR 'GYUR

BAR GSUNGS PA'O, ,GNAS PA BZHI PA GNAS SKABS BCU'I GNAS PA NI NYA ZHES PA LA SOGS PAS NANG LA, ZHES PA NAS, RGYAS PAR BRJOD PAR BYA'O, ZHES PA'I BAR GYIS, DANG POR MNGAL DU KHU KHRAG RNAM SHES GSUM 'DRES PA NA, NYA RO HA TI LTAR DMAR BAS NYA'I RNAM PAR GYUR PA NAS, DUS KYI NYIN ZHAG CES PA ZLA BA GNYIS KYI NYIN ZHAG RDZOGS KYI BAR DU 'BUR PO LNGA CUNG ZAD DOD PAS RUS SBAL DANG, DE NAS MNGAL NAS MI 'BYUNG BAR DU SGUR PO PHAG GI RNAM PA DANG, DE NAS BTZA' BA NA LAG PAS MA'I SKYE GNAS 'BYED PAS, KHYAB 'JUG RO SMAD MI LA RO STOD SENG GE'I RNAM PAR BYAS NAS SEN MOS RGYAL PO STOBS LDAN LTO DRAL NAS BSAD PA DANG 'DRA BA'I SENG GE DANG, DE NAS RIM BZHIN SBYAR NAS RGAS PA NA 'DOD PA SPYOD MI NUS PAS BRTUL ZHUGS NGES PA'I PHYIR SANGS RGYAS KYI GNAS SKABS CAN DANG, 'CHI BA NA KHAMS THAMS CAD RNAM SHES SU 'DRES PAR 'GYUR PAS RIGS LDAN ZHES BYA STE, NYA DANG RUS SBAL PHAG DANG NI, ,MI YI SENG GE MI'U THUNG DANG, ,R'A MA GNYIS DANG NAG PA DANG, ,SANGS RGYAS KALKI RTZE DANG BCU, ZHES PA LTA BU'I KHYAB 'JUG GI 'JUG PA BCUR, GZHAN LA GRAGS PA DANG 'DRA BA'I GNAS SKABS BCU'I BYA BA DANG DUS LA SOGS PA BSHAD PA'O, ,DE NI GNAS PA GSUM PA ZLA BA SO SOR MNGAL 'BYUNG BA'I GNAS PA NI, KHU BA ZHES PA LA SOGS PAS, ZHES PA NAS, MNGAL NAS SKYE BA'I NGES PA'O, ZHES PA'I BAR TE, DE LA KHRAG DANG SA BON BDUD RTZI LNGA'I RER GYUR PA

, ,RAB TU SKYE'O ZHES PA NI, PHA LAS THOB PA'I KHU BA DANG RKANG DANG DRI CHU RNAMS KYI DVANGS MA DANG, MA LAS THOB PA'I KHRAG DANG, BSHAD PA'I DVANGS MA'I CHA RNAMS 'DRES PAS BDUD RTZI LNGA'I ROR GYUR PA STE, DE RNAMS LUS BSKYED PA'I DUS SU KUN GZHI'I MING CAN GYI SHES PAS BZUNG STE GONG DU BSHAD PA LTAR SMIN PAR BYAS PAS LUS SKYED PAR BYED PA YIN NO, ,MNGON PAR SHES PA'I STOBS KYIS SNGON GYI GNAS RJES SU DRAN PAR YANG 'GYUR TE, RANG GI SEMS KYI CHAGS PA GANG BRAL BAR BYED DO, ,ZHES SOGS LA, BLA MA KHA CIG ,MDO NAM MKHA'I RGYAN LAS, ZHAG BDUN PA SUM CU PA LA YAN LAG THAMS CAD DANG, KHRAG DANG, PHAGS PA DANG, BA SPU'I BU GA KUN RDZOGS PAR 'GYUR RO, ,DE NAS MA'I LTO NA KHRAG DANG DRI MI ZHIM PA'I NANG NA GNAS SO, ,GANG MA'I LTO NA GNAS NA TSER BAS SNGA MA DRAN NAS MCHOG TU SKYO BAR 'GYUR TE BDAG MA'I LHO NAS NAM 'BYUNG ZHIG GU PHYIS MA'I MNGAL DU SKYE BAR MI 'GYUR BA DE LTA BU'I DGE BA DAG LA BRTZON 'GRUS DANG PHA ROL GNON PA BRTAN POR BYA'O SNYAM PA LAS BTZES PA DANG MA'I LUS KYIS GZIR BA DANG, SA'I RAG PA DANG LAG PA'I REG PA DANG, DRI MA BKRU BA'I SDUG BSNGAL LUS DANG SEMS LA MCHOG TU GNAS PA DAG GIS TSE RABS SNGA MA RIL BRJED DE, ZHES MKHAN PO DPAL BRTZEGS KYI MDOR BSDUS SU DRANGS PA LTAR YIN PAS CHOS NYID KYIS MNGAL GYI TSE MNGON SHES 'BYUNG BAR BZHED LA, BLA MA KHA CIG MNGAL DU DBU MAR SROG DBYUG

PA'I RNAM PA LTAR 'BYUNG 'JUG MI BYED PAR GNAS PA'I STOBS KYIS, MNGON SHES CHA 'DRA TZAM SNGON GYI GNAS DRAN PA LA SOGS PA 'BYUNG BA LA DGONGS SO, ZHES 'CHAD KYANG, SDUG BDE'I SKYON YON MTHONG BA 'DI, ,RIGS YOD LAS YIN, ZHES SOGS GSUNGS PA LTAR GNAS SKABS RIGS CHAD MA CHAD NI 'KHOR BA'I SDUG BSNGAL LA SKYO BA SOGS KYIS THAR PA LA DON GNYER SKYE MI SKYE LA BZHAG DGOS LA, DE 'DRA BA'I GNAS SKABS RIGS CHAD PA NI, DBU MA PA'ANG 'DOD DGOS SHING, MNGAL DU MNGON SHES SOGS KYI SKYE BA DRAN PA LA BRTEN NAS 'KHOR BA'I SDUG BSNGAL LA 'DOR 'DOD DANG, SANGS RGYAS KYI LAM LA SLOB 'DOD SKYE BAS KHYAB NA, MNGAL DU MA SKYES PA'I SEMS CAN MI SRID PAS SANGS RGYAS LA THOB 'DOD MA SKYES PA'I SEMS CAN MI SRID PA DANG GNAS SKABS RIGS CHAD PA MI SRID PAR 'GYUR RO, ,DE BAS NA SNGA MA RNAMS MNGAL DU SKYE BA SPYI'I CHOS DANG, 'DI DAG SNGON GYI RGYU KHYAD PAR BA SNGON DU SONG BA'I MNGAL GYI CHOS BYE BRAG PA LA SBYAR DGOS PA 'DRA'O, ,SUM BRGYA DRUG CU'I GNAD RNAMS ZHES PA LA GYI CO'I 'GYUR NA, TSIGS RNAMS ZHES PAR YOD CING, SRA BA NYID DU 'GYUR RO, ZHES PA LA'ANG GYI CO DANG, RVA GNYIS KA LA BRTAS PA NYID DU 'GYUR RO, ZHES PAR YOD DO, ,TSIGS SUM BRGYA DRUG CU NI, DGA' BO MNGAL GNAS LAS, MGO THOD RUS PA DGU 'DUS SHING, ,'GRAM PA'I RUS PA GNYIS 'BREL TE, ,SO NI SUM CU RTZA GNYIS LDAN, ,DE YI RTZA BA'ANG DE BZHIN NO, ,RNA RTZA GNYA' BA'I RUS PA DANG, ,RKAN DANG SNA YI RUS PA DANG, ,BRANG

, ,DANG MED PA'I DUS PA NI, ,BSDUS NA RUS PA NYI SHU YOD, ,MIG LA RUS PA BZHI YOD DE, ,PHRAG PA BYIN PA ZUNG GNYIS YOD, ,LAG PA GNYIS DANG SOR MO RNAMS, ,BSDUS NA RUS PA LNGA BCU YOD, ,LTAG RGYAB RUS PA BRGYAD YOD DO, ,SGAL TSIGS LA NI SUM CU GNYIS, ,'DI DAG KUN LA RTZA YOD PAS, ,'DI YI GRANGS NI CHA BZHIR 'GYUR, ,RTZI BAS LOGS GA-YAS PA'I RUS PA NI, ,PHAN TSUN 'BREL PA BCU GSUM YOD, ,RTZIBS LOGS GA-YON 'BREL SKYE BA YI, ,RUS PA DAG NI BCU GSUM YOD, ,RUS PA'I LU GU RGYUD 'DI DAG ,GSUM GSUM DAG NI PHAN TSUN 'BREL, ,GNYIS GNYIS DAG NI TSIGS LDAN TE, ,LHAG MA GZHAN NI 'BREL PA MED, ,GA-YAS GA-YON BRLA NI GNYIS PO LA, ,BSDUS NA RUS PA LNGA BCU YOD, ,LUS NANG 'BREL BA'I RUS PA NI, ,BSDUS NA SUM BRGYA DRUG CU YOD, CES GSUNGS PA LTAR RO, ,DA NI GNAS PA LNGA PA SKU BZHI DANG RDO RJE BZHI DAG PA'I GNAS PA STON PA LA, 'PHAGS PA'I BDEN PA BZHI LAS ZHES PA NAS, LHAN CIG SKYES PA LA SOGS PA'I SKU 'BYUNG BA'I NGES PA'O ZHES PA'I BAR GSUNGS TE, DE'ANG 'GRO BA DRUG GI 'JIGS STER, ZHES GSUNGS PA LTAR, 'GRO DRUG GI SDUG BSNGAL NI, SDUG BSNGAL BDEN PAR GSUNGS LA, DMYAL BA YI DVAGS DUD 'GRO'I SDUG BSNGAL, DGE BCU POR BA DANG SDIG PA'I LAS LAS 'BYUNG BAR DNGOS SU GSUNGS PAS, DE'I SHUGS KYIS LHA MI'I 'GRO BAR SKYE BA'I RGYU DGE BA'I LAS DANG BSOD NAMS KYI LAS BSOGS

PAR BSTAN PAS LAS KYI KUN 'BYUNG DANG, DE LTAR 'GRO BA DRUG TU LAS DBANG GIS SKYE BA'I RTZA BA DANG NGA YIR 'DZIN PA'I MA RIG PA LA GSUNGS PAS NYON MONGS PA'I KUN 'BYUNG GI GTZO BO NGOS BZUNG BA YIN LA, 'GREL BAR DNGOS SU, BDAG 'DZIN, NGAN SONG GSUM GYI SDUG BSNGAL KHO NA'I RTZA BA LA SBYAR BA MIN NAM SNYAM NA MA YIN TE, GONG DU 'GRO BA DRUG TU 'JIGS STER ZHES PA DANG SBREL DGOS PAS 'KHOR BA MTHA' DAG GI RTZA BAR STON PA YIN LA, 'OG TU NGAN SONG GSUM DNGOS SU SMOS PA NI, 'KHOR BA'I SDUG BSNGAL GYIS YID 'BYUNG BAR BYA BA'I CHED DU, SDUG BSNGAL CHE SHOS DNGOS SU SMOS PA'O, ,'DIS NI 'KHOR BA'I SDUG BSNGAL LAS THAR BAR 'DOD NA, BDAG MED PA GTZO BOR BSGOM BYA NYID DU BSTAN PA YIN TE, BDAG MED MA RTOGS PAR, BDAG 'DZIN SPONG BA'I THABS MED LA, BDAG 'DZIN DE NYID 'KHOR BA'I RGYU'I GTZO BO YIN PAS RGYU MA SPANGS BAR 'BRAS BU RTZA BA NAS MI LDOG PAS SO, ,LAM BDEN GYI SKABS SU, SANGS RGYAS LA NI RJES CHAGS ZHES PA SANGS RGYAS THOB PAR 'DOD PA LA MI BYA STE, DE SKYE BA LAS NYAN RANG GI THOG PA LA 'JUG PA DKON PAR GSUNGS PAS SO, ,DES NA SANGS RGYAS LA DAD PA TZAM DANG, DE LAS MNGON MTHO'I LAM DGE BCU LA SLOB PA DANG, DE LAS THEG DMAN GYI LAM LA 'JUG PA DANG, DE BAS RDO RJE THEG PA LA 'JUG PA DKON, ZHES BYA BA'O, ,DE'ANG NYAN RANG GI LAM DANG RDO RJE THEG PA'I BAR DU PHAR PHYIN GYI THEG CHEN MA SMOS PA NI, PHAR PHYIN GYI THEG CHEN DANG, BLA MED KYI RDO RJE THEG PA LA'ANG, THOB BYA'I MTHAR THUG LA BZANG NGAN MED CING, DE

, ,THOB PAR BYA BA'I LAM GYI GZHUNG SHING, THEG CHEN SEMS BSKYED DANG, RTOGS PAR BYA BA'I DE KHO NA NYID LA KHYAD PAR MED PA LA DGONGS PA'O, ,'O NA RDO RJE THEG PA'I DON GANG YIN ZHE NA, RDO RJE NI DBYER MI PHYED PA'AM, RNAM RTOG SOGS KYIS MI CHOD PA CHEN PO YIN LA, DE NYID 'DIS BGROD PAR BYED PA DANG 'DIR BGROD PAR BYA BA'I THEG PA YIN PA NI, RDO RJE THEG PA'O, ZHES BYA BA'O, 'O NA GANG DANG GANG DBYER MI PHYED PA ZHE NA, SNGAGS KYI TSUL 'BRAS BU'I BDAG NYID DANG, PHA ROL TU PHYIN PA'I TSUL RGYU'I BDAG NYID GNYIS NI, GANG DBYER MED PAR SBYAR RGYU'I CHOS YIN LA, DE GNYIS GCIG TU 'DRES PAR GYUR PA ZHES PAS DBYER MED DU SONG TSUL BSTAN TO, ,'O NA DE GNYIS GANG YIN ZHE NA, DE LA SPYIR 'BRAS BU SANGS RGYAS KYI GNAS SKABS KYI GNAS LUS LONGS SPYOD MDZAD PA RNAMS DANG, DA LTA NYID NAS RNAM PA MTHUN PA'I LAM SGOM PA YOD PA DANG MED PAS SNGAGS DANG PHAR PHYIN GYI THEG CHEN GNYIS LAS 'BRAS BU'I THEG PA DANG, RGYU'I THEG PA ZHES BSHAD PA YOD KYANG, 'DIR NI 'BRAS BU ZHES PA BDE BA CHEN PO LA BSHAD PAS, RGYU'ANG DE'I RGYU NYID LA BSHAD DGOS PA'I PHYIR, 'BRAS BU DANG RGYU'I DON SNGA MA DANG MI 'DRA'I, 'BRAS BU BDE BA CHEN PO'I THABS DANG, DE 'DREN PA'I RGYU STONG PA NYID SHES RAB LA BSHAD DGOS SO, ,'O NA DE 'DRA BA'I STONG PA DANG BDE BA GANG YIN ZHE NA, BDE BA NI SNGAR BSHAD PA LTAR, BDE BA TZAM MA YIN GYI, SROG DBU MAR ZHUGS PA'I STOBS KYIS DRANGS PA'I BDE CHEN YIN LA, DE 'DREN PAR BYED PA'I

RGYU STONG PA NYID NI, RNAM PA THAMS CAD PA'I GZUGS KYI STONG PA NYID KHO NA LA BYAR MI RUNG STE, 'DI'I STONG PA NYID NI PHA ROL TU PHYIN PA'I TSUL DANG YANG THUN MONG BAR GSUNGS LA, STONG GZUGS PHYAG RGYA CHEN MO NI, SNGAGS KYI NANG NAS KYANG BLA MED KYI RDZOGS RIM THUN MONG MA YIN PA'I KHYAD PAR YIN PAS SO, ,DES NA STONG GZUGS PHYAG RGYA CHEN MO NI, BLA MED KYI RGYUD GZHAN NA MI GSAL BA 'DI KHO NA GSAL BA'I DBANG BZHI PA'I LAM THUN MONG MA YIN PAR 'DOD BZHIN DU, LANG KAR GSHEGS PA SOGS LAS GSUNGS PA'I, NYI MA ZLA BA'I DBYIBS 'DRA DANG, ZHES SOGS KYIS KYANG STONG GZUGS 'DI NYID BSTAN PAR 'DOD PA NI, SHIN TU 'GAL BA YIN LA, DE'ANG SEMS 'DZIN TZAM LAS BYUNG BA'I DU SOGS KYI MTSAN MA DANG, LUS LA GNAD DU BSNUN PA'I THABS KHYAD PAR BA LAS SKYES PA'I DU SOGS KYI MTSAN MA'I KHYAD PAR MA PHYED PAR MTSAN MA GANG SHAR THAMS CAD SKABS 'DI'I STONG GZUGS SU BZUNG BA'I SKYON NO, ,DES NA, 'DIR PHAR PHYIN THEG PA DANG THUN MONG BA'I STONG NYID BDE CHEN 'DREN PA'I RGYUR BSHAD PA YIN LA, DE NYID KYANG YUL CAN KHYAD PAR BA BDE BA CHEN PO DES YUL DE KHO NA NYID RANG BZHIN MED PA'I STONG NYID DE LA DMIGS PAS, SLAR YANG BDE CHEN 'DREN BYED DU 'GRO BA'I THABS KHYAD PAR BA ZHIG YOD DE, BLA MED KYI RGYUD SDE THAMS CAD NAS BDE BA THABS DANG, DE KHO NA NYID SHES RAB MAR CHES GSAL BAR GZHUNG BTZUGS NAS BSHAD CING, SHES RAB MA DANG, PHYAG RGYA MAR GSUNGS PA'I MO RTAGS SBYAR BA NI BDE BA 'DREN PA'I RGYUR SONG BA'I

, ,SGO NAS YIN LA, 'ON KYANG SKYED BYED KYI RGYU MTSAN NYID PA NI MA YIN TE, 'DUS MA BYAS YIN PA'I PHYIR RO, ,DE LTA NA'ANG DE DMIGS PAR BYAS PA'I SGO NAS GTUM MO SBOR BA DANG, KHAMS ZHU NAS BDE BA CHEN PO SKYE BA'I THABS KHYAD PAR BA ZHIG YOD PAS BDE BA DE'I RGYUR GSUNG PA YIN TE, DPER NA, GZHUNG GZHAN DU, RIGS LA DMIGS PAS RIGS DE NYID 'PHAGS PA'I CHOS KYI RGYUR GSUNGS PA LTA BU'O, ,DES NA, STONG GZUGS PHYAG RGYA CHEN MO'ANG BDE CHEN 'DREN PA'I RGYU KHYAD PAR BA YIN YANG DE NI 'DI PA'I THUN MONG MA YIN PA YIN PAS, STONG GZUGS RANG BZHIN MED PA PHAR PHYIN GYI THEG CHEN PA DANG YANG THUN MONG BA, RANG BZHIN MED PA NYID BDE CHEN 'DREN PA'I PHYAG RGYA CHEN MOR 'GRO BA SNGAGS BLA MED SPYI'I THUN MONG MA YIN PA'I KHYAD CHOS, RANG BZHIN MED PA'I STONG GZUGS DANG, DE MI 'GYUR BA'I BDE CHEN BSKYED PA'I RGYUR 'GYUR BA NI, RGYUD 'DI NA CHES GSAL BA'I THUN MONG MA YIN PA'I KHYAD CHOS YIN LA, RANG BZHIN MED PA NYID BDE CHEN 'DREN PA'I PHYAG RGYA CHEN MOR, 'DIR YANG SKABS 'GA' RER GSUNGS MOD KYI 'ON KYANG, DE NI SLOB DPON AA BHYAS BSHAD PA LTAR GYI LHAN SKYES KYI GTUM MO DANG, SLOB DPON RDO RJE DRIL BU PAS GSUNGS PA'I NOR BU DGANG BA'I RIM PA SOGS LA BRTEN NAS BLA MA DAM PA'I MAN NGAG GIS SHES PAR BYA DGOS PA'I ZAB GNAD CHEN MO'O, ,STONG NYID DE KHO NA NYID DANG YUL CAN BDE BA CHEN PO GNYIS GNYIS SNANG GIS BAR MA CHOD PAR CHU LA CHU BZHAG PA BZHIN RO GCIG TU

GYUR PA NI, DBYER MI PHYED PA'AM GCIG TU 'DRES PA'I DON YIN LA, DE NYID RDO RJE THEG PA'I DON DU BSHAD PA NI, RGYUD SDE 'OG MA LA MA KHYAB PAS RDO RJE THEG PA SPYI'I DON MA YIN GYI KHYAD PAR BA BLA MED KHO NA'I DBANG DU BYAS PA'O, ,DE LA 'OG TU GANG ZAG GI SEMS DMIGS PA DANG BCAS PA'I STONG PA NYID DANG, DMIGS PA MED PA'I SNYING RJE'I BDAG NYID LA'O, ,ZHES GSUNGS PA'ANG, DMIGS PA MED PA NI RANG BZHIN MED PA YIN CING, SNYING RJE NI BDEN ZHEN YIN LA, DE GNYIS DBYER MI PHYED PAR SBYAR BA LA DMIGS PA MED PA'I SNYING RJE ZHES BYA BA LA, RANG BZHIN MED PA'I STONG GZUGS NI DMIGS PA DANG BCAS PA'I STONG PA NYID CES BYA ZHING, GANG ZHIG DE 'DRA BA'I LAM LA SEMS 'JUG PA NI BRGYA LAM NA'ANG SRID PA TZAM MO ZHES BYA BA'O, ,MNGAL DU ZHES PA LA SOGS PAS KUN 'BYUNG GI BDEN PA GSUNGS TE, ZHES SOGS LA, 'DI'I KUN 'BYUNG NI BDEN PA BZHI'I YA GYAL GYI KUN 'BYUNG DE LA GSUNGS PA MA YIN GYI GROGS DANG GROGS CAN NAM TSOGS PA GCIG PA'I CHOS RNAMS LAS GCIG GANG NA YOD PA DER GZHAN RNAMS KUN KYANG 'BYUNG BA LA KUN 'BYUNG DU THA SNYAD MDZAD PA DE YIN NO, ,'DIR DANG POR, ZHES PA NAS, RIG PAR BYA'O, ZHES PA'I BAR GYIS BDEN PAR MA GRUB KYANG KUN RDZOB TU, GZHI DUS NA'ANG, KHAMS DRUG LDAN GYIS SGRUB PA PO'I LUS LA GZHI'I SKU BZHI TSANG LA, GZHI DUS NA JI LTAR YOD PA DE NYID THABS MKHAS KYI LAM GYIS BSGYUR NAS DE DAG GI DRI MA'I CHA RNAMS SPANGS TE SGRIB BRAL DU BSKYED PA NA, 'BRAS BU'I SKU BZHI 'GRUB PA YIN NO, ZHES BSTAN TO, ,'DIS NI GONG DU BSHAD

, ,MA THAG PA'I LAM GYI GZHI DUS KYI SKU BZHI SOGS SGRIB BRAL DU BYAS PA'I SPANGS PA 'GOG BDEN YANG BSHAD PA YIN TE, DE'I PHYIR SNGAR BSHAD PA'I TSUL GYIS MDOR BSDUS 'DIR BDEN PA BZHI GA DNGOS SU BSTAN PA YIN NO, ,'O NA LUS LA GZHI'I SKU BZHI JI LTAR TSANG ZHE NA, 'DIR MA'I MNGAL DU, ZHES PA NAS, RNAMS KYI'O, ZHES PA'I BAR TE, DE YANG DAG PA'I SKU NI MNGAL DU MNGON SHES GONG DU BSHAD PA LTAR 'BYUNG BA DANG, CHOS SKU 'DU SHES GSAL BA DANG, LONGS SKU TSIG GSAL BAR SMRA BA DANG, SPRUL SKU LUS KYI BYA BA SNA TSOGS SPRO BA'I SGO NAS BZHAG PA'O, ,'DI NI MNGAL NAS BTZAS PA DANG, MA BTZAS PA'I DUS GNYIS KA'I THUN MONG GI YIN LA, SO SOR PHYE NAS MNGAL DU YE SHES KYI DBYE BAS SKU BZHI DANG, BTZAS NAS RNAM SHES KYI DBYE BAS SKU BZHIR 'BYED TSUL STON PA NI, MNGAL DANG PHYI ROL TU YANG ZHES SOGS TE, DE LA 'DIR RE ZHIG ,CES PA NAS, SKUR GSUNGS SO, ZHES PA'I BAR GYIS MNGAL GYIS SKU BZHI'I DBYE BA STON TE, DANG POR MNGAL DU KHU RDUL RNAM SHES GSUM 'DUS PA NI BDE BA DAM PA'I YE SHES ZHES PA BZHI PA'I GNAS SKABS YIN PAS DAG PA'I SKU'O, DE NAS ZLA BA LNGA PA'I BAR LA KHAMS LNGA DANG PHUNG PO LNGA 'GRUB PA NI, MUN PA'I YON TAN GYI DBANG GI GA NYID LOG GI GNAS SKABS LNGA RNAM RTOG MI GSAL BAS CHOS SKU DANG, DE NAS RDUL GYI YON TAN GYI DBANG GIS, ZLA BA DRUG PA NAS BRGYAD PA'I 'GO ZUG GI BAR DU DBANG PO GRUB CING, RMI LAM LTAR YUL MYONG BA NI RMI

LAM GYI GNAS SKABS LONGS SKU DANG, DE NAS SNYING STOBS KYI YON TAN GYI DBANG GIS, ZLA BA BRGYAD PA'I THOG MA NAS BTZA' BA'I BAR DU SKRA SKYE BA SOGS NI SAD PA'I GNAS SKABS SPRUL PA'I SKU'O, ZHES BYA BA'I DON TO, ,DE'I 'OG TU RNAM SHES KYI DBANG GIS BTZAS PHYIN CHAD LA SKU BZHIR 'JOG TSUL STON PA NI, DE NAS, ZHES PA NAS, SKUR 'GYUR RO, ZHES PA'I BAR TE, DE'ANG MNGAL DU DBUGS MI BRGYU BA LAS BTZAS MA THAG ,YE SHES KYI RLUNG LNGA BCU RTZA DRUG RKANG BCAS GCIG RGYU BA NI DAG PA'I SKU, DE NAS SO SKYE BA'I BAR 'DU SHES GSAL BAS CHOS SKU, ZHES SOGS SBYAR TE GO SLA'O, ,DE LTAR MNGAL DU YE SHES KYI DBYE BAS 'BYED, BTZAS NAS RNAM SHES KYI DBYE BAS 'BYED PA'I RGYU MTSAN MNGAL DU YE SHES BDE BA'I CHA DE NYID MNGAL GYI LUS 'PHEL BA'I GROGS YIN LA, BTZAS NAS RNAM SHES DBANG PO RNAMS KYI GROGS YIN LA, BTZAS NAS RNAM SHES DBANG PO RNAMS KYI SGO NAS YUL LA 'JUG PA JI TZAM RGYAS PA TZAM DU SROG STE DBUGS 'BYUNG 'JUG DANG NGAG SMRA BRJOD RGYAS PAR 'GYUR BA'I CHA NAS, ,RNAM SHES SROG GI GROGS YIN PA'I PHYIR, DE LTAR PHYE BA YIN NO ZHES STON PA NI, 'DIR MNGAL DU, ZHES SOGS SO, ,SNGAR BSHAD RNAMS KYI DON BSDU BA NI, LUS DANG NAS, NGES PA 'O'I BAR RO, DA NI GNAS PA DRUG PA BYANG CHUB BZHIS MNGAL 'BYUNG BA'I GNAS PA BSTAN PA'I DON DU RDO RJE BZHI'I DAG PA BSTAN PA'I PHYIR MNGAL DU ZHES PA LA SOGS PAS, ZHES PA NAS, RDZOGS PAR BRJOD PA'O, ZHES PA'I BAR GSUNGS TE, 'DIR MNGAL DU YE SHES NI PHA MA'I KHU

, ,KHRAG PHRAD PA'I SKABS, LHAN CIG SKYES PA'I DGA' BA'O, ,KHU KHRAG DE'I DBUS SU, RNAM SHES BSRES PA NI DRI ZA'I SEMS KUN GZHI'I RNAM SHES BSRES PA'O, ,'DI'I YE SHES LHAN CIG SKYES DGA' ZHES PA 'DIS MNGAL DU 'JUG PA'I MTSAMS NGOS BZUNG BA YIN GYI, MNGAL CHAGS PA NAS BRTZI BA'I RDO RJE BZHI'I YA GYAL MIN TE, MNGAL DU SKU RDO RJE NAS 'GO BRTZAMS NAS RDO RJE BZHI GA 'OG TU TSANG BAR BSHAD PAS SO, ,DE LA KUN GZHI'I RNAM SHES ZHES PA 'DI JI LTA BU ZHIG CE NA 'DIR KUN GZHI'I SGRA SBYAR BA 'DI SEMS TZAM PA LA SOGS PAS 'DOD PA LTAR, RNAM SHES TSOGS BRGYAD DU BYAS PA'I YA GYAL YE SHES LAS DON GZHAN DU GYUR PA'I KUN GZHI'I RNAM SHES DE NYID NI 'DIR BSHAD PA 'DI GTAN NAS MIN NO, ,DE CI'I PHYIR ZHE NA, DE 'DRA BA'I KUN GZHI'I RNAM SHES 'DOD NA, DE NYID LA DMIGS NAS NGAR ? SEMS PA'I RNAM PA CAN GYI NYON YID KYANG KHAS LEN PAS KHYAB KYI, RNAM SHES TSOGS BDUN DU NGES PAR 'DOD PA'I GRUB MTHA' SMRA BA NI SU'ANG MED DO, ,DE LTA YIN PA LA, 'DIR SKABS GANG DU'ANG DE 'DRA BA'I NYON YID GTAN NAS MA GSUNGS PA'I PHYIR DANG, DE 'DRA'I KUN GZHI KHAS LEN NA NI KUN GZHI'I DON, 'KHOR 'DAS GYI CHOS THAMS CAD KYI BAG CHAGS BSGO BA'I GZHIR GYUR PA DANG, DE LA YOD PA'I BAG CHAGS KYI DBANG GIS GZUGS SGRA SOGS DON DU SNANG BA DANG, NANG SEMS CAN DU SNANG BA SOGS THAMS CAD BYUNG BAR KHAS LEN DGOS PAS PHYI ROL

DON RANG LUGS LA KHAS LEN PA'I THABS MED LA, 'DIR NI SNGAR BSHAD PA LTAR BEM PO'I KHAMS ZAD PAR BYED DGOS PA DANG, RDUL PHRAN NAS BRTZAMS TE 'JIG RTEN CHAGS TSUL SOGS DE TZAM ZHIG BSHAD PAS PHYI DON KHAS MI LEN PA'I GNAS MED PA'I PHYIR DANG, GZHAN YANG KUN GZHI DE 'DRA KHAS LEN NA NI, DBUS MTHA' DANG, 'PHAGS PA THOGS MED SKU MCHED KYIS, THEG BSDUS DANG, SUM CU PA SOGS SU RGYAS PAR BSHAD PA'I LUGS 'DI LAS SREL GZHAN PA'I KUN GZHI DE 'DRA 'JOG PA NI, SNGAR RGYA BOD KYI MKHAS PA SU'ANG MI BZHED CING, BYAS PA'ANG MED LA, DE LTAR 'JOG NA NI KUN GZHI'I RNAM SHES DE SO SO SKYE BO NAS BRTZAMS TE SANGS RGYAS MA THOB KYI BAR DU NGO BO MA BSGRIBS LA LUNG MA BSTAN KHO NAR GNAS PAS KHYAB KYI, DE DAG DGE BA'AM NYON MONGS CAN DU 'GYUR NA NI, BAG CHAGS KUN GYI RTEN DU 'GAL BAR LEGS PAR BSGRUBS PA LTAR DU BZHAG DGOS PA LA, 'DIR KUN GZHI'I RNAM SHES KYI SGRAS BSTAN PA KHU RDUL RNAM SHES GSUM GYI YA GYAL GYI RNAM SHES 'DI NI, SNGAR MDOR BSDUS DANG POR DRANGS NAS BSHAD PA LTAR, DBANG MDOR BSTAN LAS, THA MAL PA LA, 'CHI BA NA KHU BA 'OG DANG RDUL STENG DU 'GRO BA LAS RNAM SHES DE BAR DOR SONG STE, SKYE GNAS SU NYING MTSAMS SBYOR BA'I TSUL GYIS 'KHOR BAR 'GYUR ZHING, RNAL 'BYOR PAS DE THABS MKHAS KYIS BSGYUR NAS, KHAMS STENG DU DRANGS SHING, RDUL 'OG TU 'GRO BAR BYAS PAS RNAM SHES DE MI 'GYUR BA'I BDE BA'I NGO BOR

, ,SKYE BAR GSUNGS LA, DE NI SANGS RGYAS LTA ZHOG SA MA THOB PA'I GONG NAS KYANG 'ONG BAS, SO SKYE'I DUS NYID NAS RNAM SHES DE MI 'GYUR BA'I BDE CHEN GYI NGO BOR SKYES NAS STONG PA NYID LA DMIGS PA 'ONG BAS MA BSGRIBS LA, LUNG MA BSTAN LAS DGE BAR 'GYUR MI SRID PA DANG CHES SHIN TU 'GAL BA'I PHYIR RO, ,GZHAN YANG KUN GZHI'I RNAM PA THAMS CAD DU TSOR BA BTANG SNYOMS KHO NAR BSHAD LA, 'DI NI MI 'GYUR BA'I BDE BA'I NGO BOR SKYE BAS KYANG SHIN TU GNOD DO, ,DE BAS NA 'DI NI LE'U LNGA PAR YANG YE SHES SU GSUNGS PA LTAR, YID KYI SHES PA LA 'KHOR 'DAS KUN GYI GZHI BYED PA'I CHA NAS KUN GZHI'I RNAM SHES KYI MING BTAGS PA TZAM YIN PAS MING GI RJES SU 'BRANGS NAS DON LA RNAM PAR RTOG PAR MI BYA BA DANG, MING GI SGO NAS DON RE RE KHO NA LA BZUNG DU MI RUNG BAR SNGAR RGYAS PAR NAN TAN GYIS GSUNGS PA YID LA ZHOG LA, KUN GZHI'I MING BYUNG TZAM NAS, DE'I DON RNAM SHES TSOGS BRGYAD DU BYAS PA'I KUN GZHI KHO NA LAM 'DZIN ZHIG ,SPYIR SNGAGS KYI SKABS SU MING GI THA SNYAD NI DON GCIG TU MA NGES PA SNA TSOGS PA LA SBYAR BA DU MA 'BYUNG STE, BSHAD RGYUD RDO RJE PHRENG BAR SROG RLUNG LA NYON YID DU BSHAD PA LTA BU'O, ,DES NA LUGS 'DI NI PHYI DON ZHAL GYIS BZHES SHING, KUN GZHI MI BZHED PA DPAL LDAN ZLA BA'I LUGS DANG 'DRA BA YIN NO, ,GNAS PA 'DI'I GZHAN RNAMS GO SLA'O, ,DA NI GNAS PA BDUN PA'I DUM BU DANG PO KHAMS DRUG GI

GNAS PA BSTAN PA'I PHYIR KHAMS DRUG GI ,RTEN DANG BRTEN PA'I 'BREL PA GSUNGS PA NI, SA ZHES PA LA SOGS PA STE, NAS, 'BYUNG BA THAMS CAD KYI RTEN DU 'GYUR RO, ZHES PA'I BAR TE, DE'ANG, ME SA'I SNYING PO ZHES SOGS LA, SNYING PO NI 'BRAS BU'AM, DON YIN LA, ME SA'I SNYING PO YIN PA YOD DE, RDO PHAN TSUN BRDABS PA LAS ME 'BYUNG BA'I PHYIR, ZHES SOGS KYI DON YIN GYI, ME YIN NA SA'I SNYING PO YIN PAS KHYAB PAR STON PA SOGS NI MA YIN CING, DE'I RIGS CAN NI MA YIN TE, ZHES PA NI, DE 'DRA LA'ANG ME DE SA DE DANG, GNAS SKABS PA'I RGYU 'BRAS TZAM YIN GYI DE'I RIGS 'DRA'I 'BRAS BU MIN TE, SA'I YON TAN SRA BA'I RANG BZHIN MA YIN PA'I PHYIR, ZHES BYA BA YIN LA, 'OG MA RNAMS LA'ANG DES 'GRE ZHING, RLUNG GI SNYING PO'I CHU NI, RLUNG GA-YOS PAS CHAR 'BAB PA DANG, SA'I SNYING PO'I CHU NI SA BRKOS PAS CHU 'BYUNG BA LTA BU'O, 'DZIN MA SA DANG RLUNG STONG PA NAM MKHA'I SNYING POR GYUR PA NI NAM MKHA'I KHAMS LA BRTEN NAS DE DAG 'CHAGS PA LTA BU'O, ,NAM MKHA'I YON TAN RANG GI GO SAR GZHAN GNAS PA'I GO 'BYED PA'O, ,RANG BZHIN MED PA SOGS KYI DON NI RLUNG NANG DU BZUNG NAS GNAS PA'I CHAR MA BAB PA'I GONG DU, CHAR GYI RANG BZHIN RLUNG DE LA MTHONG BA MED CING, ,SA NANG NA GNAS PA'I CHU NI GSHER BA'I NGO BOR DE'I TSE'ANG MTHONG BA YOD PA'O, ,LHAG MA GO SLA'O, ,DE LTAR RGYU 'BYUNG BA'I RTEN DANG BRTEN PA BSHAD NAS, 'BRAS BU PHUNG PO DANG 'BYUNG BA'I TSOGS PA'I RTEN DANG BRTEN PA

, ,GSUNGS PA PHUNG PO ZHES PA LA SOGS PA STE, 'OG TU, MTHAR GYUR BA ZHES SO, ZHES PA'I BAR RO, ,DE'ANG 'DIR LUS LA ZHES SOGS KYIS, RANG DANG PHA MA'I LUS KYI 'BYUNG BA TSOGS PA GANG RUNG SMAD CIG SNGA MA GROGS SU MED NA MA RIG PA LA SOGS PA'I RKYEN GYIS KYANG MING GZUGS KYI PHUNG PO PHYI MA SKYED PAR MI BYED PAS DE 'DRA'I 'BYUNG BA'I TSOGS PA'ANG PHUNG PO'I RGYUR DGOS SO, ZHES BSTAN TO, LHAG MA GO SLA'O, ,DA NI GNAS PA BDUN PA'I DU MA BU YUL DRUG DANG ZHES PA BSTAN PA'I PHYIR, DRI ZHES PA, ZHES PA NAS, BDE BA'I GNAS SKABS LAS SO, ZHES PA'I BAR GSUNGS TE, SA LAS DRI 'BYUNG BA SOGS NI GTZO CHE BA'I DBANG DU BYAS KYI DE NYID DU MA NGES PAR, GTZO BOS SO, ZHES PA RNAMS KYIS BSTAN CING, YE SHES KYI KHAMS LAS BYUNG BA'I SGRA NI, GZHOM MED KYI SGRA ZHES ZER MOD KYANG, SGRA SPYI TZAM YIN LA, LHAG MA GO SLA'O, ,DA NI GNAS PA BDUN PA'I DUM BU DBANG PO DRUG DANG RNAM SHES DRUG CES PA'I DON BSTAN PA'I PHYIR, DBANG YUL GYI GZUNG BA DANG 'DZIN PA'I 'BREL PA GSUNGS PA 'DIR ZHES PA NAS, MTSAN NYID NGES PA'O, ZHES PA'I BAR GSUNGS TE, ,DE'ANG GZHAN RIGS LA 'KHYUD PAS BU BSKYED PA'I BYA BA 'GRUB KYI RANG RIGS LA MI 'GRUB PHO MO'I THABS SHES LA GZHAN RIGS LA 'KHYUD PA DGOS PA LTAR, DBANG YUL RNAM SHES KHAMS SO SO BA MI MTHUN PA THABS SHES KYI SGO NAS GZUNG 'DZIN 'BREL BA'I TSUL STON PA'O, ,DA NI GNAS PA BDUN PA'I DUM BU

GZUGS DRUG DANG ZHES PA BSTAN PA'I PHYIR GZUGS SOGS KHAMS SO SO LAS GRUB PA BDEN PA MED KYANG, 'JIG RTEN KUN RDZOB KYIS GZUGS LA SOGS PA'I PHUNG PO RNAMS KHAMS SO SO LAS GRUB PAR GSUNGS PA, GRUB PA ZHES PA LA SOGS PA STE, ZHES PA NAS, SKAD CIG GIS GNAS SKABS SBYOR BA LAS 'GYUR RO, ZHES PA'I BAR GSUNGS TE, DE'ANG 'DIR KHAMS DANG PHUNG PO RNAMS GCIG NYID DU GRUB PAR GSUNGS SO, ZHES PA NAS, PHUNG PO DRUG DANG KHAMS DRUG TSOGS PA GCIG NYID DU GRUB PAR GSUNGS PA YIN LA, 'DIR GZUGS NI, ZHES SOGS KYI DON NI, 'DI'I SKABS KYI GZUGS TSOR SOGS NI, YONGS SU GRAGS PA'I PHUNG PO LNGA MA YIN GYI, SGRUB PA PO'I LUS GZUGS RAGS PA GZUGS PHUNG DANG DBYANGS SAM ZLA BA'AM KHU BA NI 'DU SHES DANG GSAL BYED DAM NYI MA'AM, RDUL NI TSOR BA DANG, SGO GSUM GA-YO BA'I BYA BA NI 'DU BYED DANG, RNAM SHES TSOGS DRUG RNAMS KYIS PHUNG POR BZHAG LA, DE DAG RIM BZHIN GTZO BOR SA CHU ME RLUNG NAM MKHA'I KHAMS LAS GRUB CING, PHAL PAS PHUNG PO GZHAN YANG KHAMS RE RE LAS GRUB PA MI 'GAL LA, DE 'DRA BA'I GTZO PHAL NI 'KHOR BA'I SKABS SU YIN GYI SGRIB BRAL DU GYUR NAS THAMS CAD KYANG RO MNYAM PAR 'GYUR RO, ZHES BYA BA STE KHAMS DE DANG DE LAS GRUB PA'I DON KYANG RLUNG GI RANG BZHIN NI 'DU BYED DU GRUB BO, ZHES PA LTAR KHAMS DE DANG DE LA, DE DANG DE'I RANG BZHIN DU GRUB PA'I DON YIN GYI, DE LAS GRUB CES BYED TSIG

, ,SBYAR NAS SKYES PAR STON PA MA YIN NO, ,RNAM SHES DANG SRED PA STE NGO BO GCIG LA, YE SHES KYI PHUNG PO KHAMS 'PHO BA'I BDE BA NI NAM MKHA'I KHAMS DANG BCAS PA'I RDO RJE DAG LA STE, KHAMS 'PHO BA'I TSE YE SHES KYI KHAMS LA GRUB PO, ZHES BYA BA'O, ,'DIR KHAMS DRUG GI BDAG NYID CAN, ZHES SOGS KYI DON NI, CI'I PHYIR ZHES PA SHES BYED KYI RGYU MTSAN 'DRI BA'I TSIG MA YIN TE, KHAMS DRUG LDAN LA, KHAMS DRUG LDAN PA'I RGYU MTSAN CI'I PHYIR, 'DRI BA'I DOGS PA RTOG LDAN LA SKYE DON MED DE, CHOS CAN NGES NA BSGRUB BYA NGES ZIN PA'I PHYIR RO, ,DES NA KHAMS DRUG LDAN GYI LUS KYI KHAMS DRUG SKYED BYED KYI RGYU MTSAN CI'I PHYIR TE, RGYU CI LAS SKYES ZHES DRIS PA'O, ,DE LA MNGAL DU KHU RDUL RNAM SHES GSUM TSOGS PA LAS SKYES SO ZHES LAN 'DEBS PA NI, RDUL DANG ZHES SOGS SO, ,DA NI GNAS PA BDUN PA'I DUM BU 'DU BYED DRUG BSTAN PA'I PHYIR, RNA BA LA SOGS PA, ZHES PA NAS SBYOR BA LAS SHES PAR BYA'O, ZHES PA'I BAR GSUNGS TE, DE'ANG RNA BA NI, KHO RANG GI NGO BO NAM MKHA'I KHAMS SU GNAS PAS, LUS KYI SGO NAS NAM MKHA'I KHAMS YIN KYANG SGRA YE SHES KYI KHAMS YIN CING, THABS KYI BSAM PA SHES RAB LA ZHUGS PA YIN LA, RNA BA DANG SGRA'ANG THABS SHES SU BZHAG PA NA RNA BA DE NYID BSAM PA'I SGO NAS YIS KYI KHAMS SU 'GYUR RO, ZHES BYA STE, DES DBANG YUL LHAG MA RNAMS KYANG 'GRE'O, ,DA NI GNAS PA BDUN PA'I DUM BU 'DU SHES DRUG BSTAN PA'I PHYIR, KHAMS

DRUG GI DBANG GIS, ZHES PA NAS, SER SNA LA SOGS PAR 'GYUR RO, ZHES PA'I BAR GSUNGS TE, DE'ANG YE SHES KYI KHAMS KYI DBANG GIS CHAGS YUL LA SRED PA'I SER SNA DANG, DGRA YID DU MI 'ONG BA LA ZHE SDANG DANG, MNGAL DU RLUNG GIS KHU BA 'PHANGS PAS BAR DO'I SEMS CAN PHA MA LA PHRAG DOG SKYES TE NYID MTSAMS SBYOR BA LTA BU DANG, GTUM MO'I MES KHAMS ZHU BA LAS CHAGS PA SKYE BA LTA BU DANG, DNGOS PO RNAMS MTHO ZHING RGYAS PA CHUS BYED CING, DE LAS KYANG NGA RGYAL 'BYUNG BA DANG, DAD PA SOGS MED PA LTAR SRA BA'I SEMS NI GTI MUG YIN PAS, DE'I PHYIR CHAGS PA NAS GTI MUG GI BAR RNAMS YE SHES KYI KHAMS NAS SA'I KHAMS KYI BAR LAS RIM BZHIN 'BYUNG BAR BSHAD DO, ZHES BLA MA KHA CIG BZHED LA 'ON KYANG 'DI DAG KYANG CHAGS PA KHYAD PAR BA 'GA' ZHIG YIS KYI KHAMS LAS 'BYUNG BA YOD PA SOGS KYI DBANG DU BYAS KYI SPYIR GTI MUG YIN NA SA KHAMS LAS SKYE BAS KHYAB PA SOGS NGES PAR STON PA NI MA YIN NO, ,DA NI GNAS PA BDUN PA'I DUM BU LAS DBANG DRUG BSTAN PA'I PHYIR DU, KHAMS KYI DBANG GIS ZHES PA NAS, DBANG PO DRUG GI NGES PA'O, ZHES PA'I BAR GSUNGS TE GO SLA'O, ,DA NI GNAS PA BDUN PA'I DUM BU YE SHES DRUG BSTAN PA'I PHYIR DU THUR SEL ZHES PA LA SOGS PAS, ZHES PA NAS, LHAN CIG SKYES PA'I DGA' BA'I RLUNG 'BYUNG NGO, ZHES PA'I BAR GSUNGS TE GO SLA'O, ,DA NI GNAS PA BDUN PA'I DUM BU 'KHOR LO DRUG DANG TSIGS KYI GNAS ZHES PA BSTAN PA'I PHYIR DU, ,GTZUG TOR

, ,ZHES PA LA SOGS PAS ZHES PA NAS, 'KHOR LO BCO BRGYAD KYI NGES PA'O, ZHES PA'I BAR GSUNGS TE, DE'ANG GO SLA'O, ,DA NI GNAS PA BDUN PA'I DUM BU TSIGS KYI GNAS SUM BRGYA DRUG CU BSTAN PA'I PHYIR DU, DE NI SA ZHES PA LA SOGS PAS, ZHES SOGS GSUNGS TE, 'KHYOG PO'I MCHE BA NI SO LHAG YIN CING, BLA MA KHA CIG ,STENG DU SO GNYIS SU GYUR NA, ZHES PA LAM SO SNGON LA SKYE BA'I STENG DU RTZE MO BSTAN PA'I SO GNYIS SU 'GYUR ZHES GSUNG NGO, ,GZHAN GO SLA'O, ,MDOR BSDUS KYI MTSAN BSTAN PA NI, BSDUS PA'I RGYUD KYI ZHES SOGS SO, ,MDOR BSDUS DANG PO'I DKA' BA'I GNAS BSHAD PA'O,, ` ,,DA NI GNAS PA BDUN PA'I DUM BU 'KHOR LO DRUG BSTAN PA'I PHYIR DU, GSANG BA ZHES PA LA SOGS PAS, ZHES PA NAS, DAG PA'O ZHES SO, ZHES PA'I BAR GSUNGS TE, DE'ANG DON NI 'DI LTAR SHES PAR BYA'O, ,'DIR 'KHOR LO DRUG SKU BZHI'I RTEN DANG, SKU BZHI DE DAG LA BRTEN PAR STON PA YIN LA, DE LA GZHI DUS KYI GZHI LA GNAS PA'I CHOS DRI BCAS SHIG LAM GYI THABS MKHAS KYIS DRI MA MED PAR BYAS NAS KHO RANG GI RIGS 'DRA ZHIG 'BRAS BU'I SKABS SU'ANG KHYER BAS SANGS RGYAS PA'I YON TAN DU 'GYUR BA NI THABS MKHAS PA'O, ,DE LTAR YIN PA LA, SNYING GA NAS GNYID 'THUG ,RMI LAM SOGS MED CING SHES PA GNYIS SNANG NUB PA'I MI RTOG PA RANG DU SOD PA DE BSKYED PA'I RTEN GYI THIG LE GNAS SHING, DE NYID LAM GYI DRI MA MUN PA'I CHA BRAL BAR BYAS NAS MI RTOG PA'I CHA LAM GYIS YAR LDAN DU

KHYER PAS 'BRAS BU'I SKABS SU, SANGS RGYAS KYI YE SHES KYI MI RTOGS PA'I LDOG CHA LA BZHAG PA'I CHOS SKU 'GRUB PAR 'GYUR RO, ,DE'I PHYIR SNYING GA'I 'KHOR LO CHOS SKU'I RTEN DU BZHAG GO ,MGRIN PA'I PADMA'I LTE BAR, RMI LAM DANG DAG BSKYED PA'I RTEN GYI THIG LE GNAS LA, DE NYID SNGAR LTAR DRI BRAL DU BSKYED PAS, SANGS RGYAS KYI GSUNG RNAM PA THAMS CAD PA LA LONGS SKUR BZHAG PA DE 'GRUB BO, ,DE'I PHYIR MGRIN PA'I 'KHOR LO LONGS SKU'I RTEN DU BZHAG GO, ,DBRAL BA'I 'KHOR LO'I DBUS NA, BYA BA SNA TSOGS LA 'JUG CING YUL SNA TSOGS LA LONGS SPYOD GSAD PA'I GNAS SKABS BSKYED PA'I THIG LE GNAS LA, DE NYID SNGAR LTAR GYI LAM GYIS DRI BRAL DU BYAS PAS, RNAM PA SNA TSOGS PA STON PA'I SPRUL PA'I SKU 'GRUB PAS DE'I PHYIR SPYI BO'I 'KHOR LO SPRUL SKU'I RTEN DU BZHAG GO, ,DAG PA'I SKU'AM LHAN CIG SKYED PA'I SKU ZHES BRJOD PA DE'I RTEN DU, GTZUG GTOR, ,LTE GA GSAR BA'I 'KHOR LO GSUM GSUNGS SHING, RANG BZHIN DANG RANG BZHIN MED PA'I DBYE BA LAS, ZHES PA'I RGYU MTSAN GYI TSIG DANG, RANG BZHIN YANG BRA PHAB PA LTA BU, ZHES STONG GZUGS LA BSHAD PA 'DI DAG LA RGYU MTSAN CI ZHIG YOD SNYAM NA, DE LA LAM DUS SU'ANG YAS BABS KYI DGA' BA DANG, MAS BRTAN GYI DGA' BA RNAMS LA, NANG GI DKAR PHYOGS KYI TSES DANG SBYAR BA NA GTZUG TOR NAS GSANG GNAS SUM SLOB PAR LA GNAS KYI DBYE BAS DGA' BA GSUM DANG, DE RE RE LA'ANG, KHAMS ZHU BAS SLEB PA'I GNAS LNGA LNGA'I DBYE BAS DKAR PHYOGS KYI TSES LNGA STE DE LTAR DGA' BA BCO LNGAR 'GYUR LA, GSANG GNAS SU SLEB

, ,PA NAS 'GO BRTZAMS TE NOR BU'I RTZER SLEBS NAS GA-YO MED DU BRTAN PA'I BDE CHEN NI NANG GI DKAR PO'I CHA BCU DRUG PA LHAN CIG SKYES PA'I DGA' BA YIN LA, DE BZHIN DU LUGS LDOG MAS BRTAN GYI DGA' BA LA'ANG, NOR BU NAS GSANG BA'I PADMA DANG, DE NAS SNYING GA DANG, DE NAS DPRAL BA'I 'KHOR LO'I BAR GYI GNAS GSUM GYI DBYE BAS RIM BZHIN DGA' BA MCHOG DGA' KHYAD DGA' GSUM STE, DE RE RE LA'ANG KHAMS SLEBS PA'I GNAS KYI DBYE BAS NANG GI DKAR CHA 'PHEL BA'I TSES LNGA LNGA DANG, DPRAL BA NAS GTZUG TOR GYI RTZER SLEBS NAS GA-YO MED DU BRTAN PA'I DGA' BA NI LHAN CIG SKYES PA'I DGA' BA DKAR PO'I CHA BCU DRUG PA YIN CING, DE 'DRA BA'I LHAN CIG SKYES DGA' CHA BCU DRUG PA'I GNAS SKABS GNYIS PO GONG NAS GONG DU KHYAD PAR DU GYUR PA'I RIGS 'DRA'I RGYUN PHYI MA LA LHAN CIG SKYES PA'I SKU 'GRUB PA YIN NO, ,DE'I PHYIR GTZUG TOR DANG GSANG BA'I 'KHOR LO GNYIS NI LHAN CIG SKYES PA'I SKU'I RTEN DU GSUNGS SO, ,LTE BA'I 'KHOR LO DE'I RTEN DU GSUNGS PA NI GONG DU BRJOD MA THAG PA'I BDE CHEN LHAN CIG SKYES PA'I YE SHES CHA BCU DRUG PA DE NYID DNGOS SU 'DREN PAR BYED PA'I RGYU THUN MONG MA YIN PA NI STONG GZUGS KYI PHYAG RGYA CHEN MO YIN LA, STONG GZUGS DE'ANG BLOS BTAGS PAS BZHAG PA MA GTOGS DNGOS PO LA MA GRUB PA DE 'DRA MA YIN PAR, MA BRTAGS PAR DNGOS PO LA'ANG GRUB PA, RANG GI LUS BZHIN DU GRUB PA'I STONG GZUGS KYI PHYAG RGYA KHYAD PAR BA RJES DRAN GYI SKABS SU 'ONG BA DE

NI, LTE BA'I 'KHOR LO'I DBUS KYI AA BA DH'U T'I'I NANG DU RLUNG ZHUGS GNAS THIM GSUM BYAS PA LAS SHAR BA'I STONG GZUGS GSUNGS PAS, DE'I PHYIR LHAN SKYES DE NYID DNGOS SU SKYE BA'I RTEN STONG GZUGS KYI PHYAG RGYA KHYAD PAR BA DE NYID GANG DU RLUNG 'GAGS PA LAS 'CHAR BA'I GNAS LTE BA'I 'KHOR LO YIN PAS DE NYID LHAN CIG SKYES PA'I SKU'I RTEN DU GSUNGS PA YIN NO, ,DE BAS NA, RANG BZHIN MED PA NI BTAGS PA'I RANG BZHIN MED PA'I DON YIN LA, RANG BZHIN NI PRA PHAB PA LTA BUR YOD PA'I DON TE, DES NA BTAGS PA'I RANG BZHIN DU MED PA MA BTAGS PA'I SNANG BA PRA PHAB PA LTA BU'I RANG BZHIN ZHES BYA BA'O, ,BLA MA KHA CIG LO BCU DRUG GI MTHAR THIG LE 'DZAG PA NA LHAN CIG SKYES DGA' MNGON DU 'GYUR LA, DE YE SHES KYI PHUNG KHAMS RDZOGS PA LA RAG LAS SHING, SPYI BO'I 'KHOR LO'ANG, YE SHES KYI 'KHOR LO YIN PAS, DE LHAN CIG SKYES PA'I SKU'I RTEN DU BZHAG ,NAM MKHA' THUGS RDO RJE YIN, THUGS RDO RJE LA YE SHES RDO RJE BRTEN PA DANG, GSANG GNAS NAM MKHA'I 'KHOR LO YIN PAS DE'I RTEN DU BZHAG ,GTZO BO'I RGYAB ZHAL LHAN CIG SKYES SKU YIN CING, DE NUB DUS ME SA KHAMS LA BRTEN PA YIN LA, LTE BA SA'I 'KHOR LO YIN PAS DE'I RTEN DU BZHAG ,CES GSUNGS MOD KYANG LHAN CIG SKYES SKU SA KHAMS PA YIN NA, SA'I KHAMS YIN TSAD DE'I RTEN DU 'GRO MI DGOS PAS 'BREL MED CING, RANG BZHIN DANG RANG BZHIN MED PA'I DBYE BA LAS ZHES PA'I DON KYANG MA SHAR BAR SNANG NGO, ,LHAN CIG SKYES PA'I SKU'I

, ,RTEN GYI YON TAN YE SHES DANG NAM MKHA' DANG, SA'O, ,ZHES SOGS KYIS NI, 'KHOR LO DE DAG DE DANG DE'I KHAMS YIN ZHES PA RTZAM STAN GYI DE'I RGYU MTSAN GYIS SKU DE DANG DE'I RTEN DU GSUNGS ZHES 'CHAD PA MA YIN, , DA NI GNAS PA BDUN PA'I DUM BU, STENG 'OG GI 'KHOR LO DRUG BSTAN PA'I PHYIR, LTE BA ZHES PA LA SOGS PAS, ZHES PA NAS RIGS DRUG GI NGES PA'O, ZHES PA'I BAR GSUNGS TE, DE'ANG 'KHOR LO DRUG NI KHAMS DRUG GI DBYE BAS RNAM SNANG SOGS GZHI DUS KYI RIGS DRUG TU 'GYUR LA, DE'ANG RDO RJE GSUM DU BSDUS NA, SA ME YE SHES YUM GYI SKU GSUNG THUGS DANG CHU RLUNG, NAM MKHA' YAB KYI SKU GSUNG THUGS RDO RJE'O, ,DE'ANG THABS SHES SU BSDUS NA, YUM GYI RDO RJE GSUM NYI MA'AM RDUL GYI RIGS DANG, YAB KYI GSUM ZLA BA'AM KHU BA'I RIGS SO, ,DE BZHIN DU STENG 'OG GI RTZA CHEN DRUG LA'ANG 'BYED PA STE SHES SLA'O, ,DA NI GNAS PA BCU GCIG PA KHAMS RNAMS LAS LHA'I MTSAN MA 'BYUNG BA'I GNAS PA BSTAN PA'I PHYIR DU, LUS ZHES PA LA SOGS PAS, ZHES PA NAS, LUS DANG BSAM PA'I RANG BZHIN NGES PA'O, ZHES PA'I BAR GSUNGS TE, DE'ANG, LUS DBANG DAG PA'I SGRIB SEL NAS, BRJOD PAR NGAG SMRA BA DANG, DE DAG PA'I 'OD ZER CAN GYI BAR RNAMS LUS BSAM RANG GI NGO BO SA KHAMS KYI RANG BZHIN GYI KHA DOG SER PO YIN LA, DES BSKYED BYA DANG DE LA 'KHYUD PA RNAMS BSAM PA'I DBANG GIS RLUNG GI RANG BZHIN LAS KHA DOG NAG PO'O, ZHES SOGS YUL DBANG

DANG, LHA PHO MO'I THABS SHES KYI DBYE BAS LUS BSAM GYI SGO NAS RE'ANG KHA DOG GNYIS GNYIS SU 'GYUR TSUL STON PA'O, ,KHAMS RNAMS SHES RAB DANG THABS KYI RANG BZHIN GYIS PHAN TSUN 'KHYUD PA'I RNAM DAG GSUNGS PA NI, RUS PA DANG, ZHES PA NAS, CHO GA'I NGES PA'O, ZHES PA'I BAR GSUNGS TE, DE'ANG RUS PA DANG, SHA 'DU BYED DANG, KHRAG TSOR BA DANG, GCI BA 'DU SHES SOGS SU GSUNGS PA YIN GYI, TSOR BA 'DU SHES 'DU BYED SOGS SPYI DANG MI 'DRA LA, THA MAL PA KHAMS LDAN GYI LUS LA SHA RUS MA BRAL NA LUS GNAS BRAL NA MI GNAS PAR DE GNYIS ZUNG DU 'BREL DGOS PA BZHIN DU, SHA 'DUS BYAS KYI PHUNG PO DANG, RGYUS PA SA KHAMS THABS SHES SU BZHAG ,LUS KYI NANG GI KHRAG CHU DANG BRAL NA LUS 'JIGS LA MA BRAL NA KHAMS RGYAS SHING LUS GNAS PAS KHRAG TSOR PHUNG, CHU CHU KHAMS THABS SHES SU BZHAG ,NANG LUS KYI DRI CHU DROD DANG BRAL NA'I CHA ? LTAS YIN PAS LUS GNAS PAR MI 'GYUR GYI JI SRID LUS GNAS KYI BAR NANG GI DRI CHU DROD DANG MA BRAL DGOS PAS DRI CHU 'DU SHES KYI PHUNG PO DANG, DRONG ME KHAMS THABS SHES SU BZHAG ,BSHAD PA 'DOR SDOM RLUNG GIS BYED DGOS PAS, BSHAD PA GZUGS PHUNG DANG, RLUNG RLUNG GI KHAMS THABS SHES SU BSTAN TO, ZHES BLA MA DAG GSUNGS LA, SRA BA NYID GANG YIN PA DE NI SA'I KHAMS SO, ZHES PA NI, RUS PA SA KHAMS SU 'JOG PA'I RGYU MTSAN YIN GYI RUS PA SHA DANG THABS SHES SU 'JOG PA'I RGYU MTSAN MA YIN NO, ,KHU BA'I KHAMS 'DU SHES KYI PHUNG PO MIN NAM, ZHES SOGS KYI DON NI, SNGAR KHUNG 'DU SHES KYI PHUNG

, ,BSHAD NAS, 'DIR GCI BA 'DU SHES SU BSHAD PA CI ZHE NA, BYIS PA SKYES NAS LO BCU DRUG GI BAR GCI BA 'JOG CING, KHU BA PI 'DZAG PA'I DBANG DU BYAS NAS GCI BA 'DU SHES DANG, LO BCU DRUG NAS KHU BA 'DZAG PA'I DBANG DU BYAS NAS KHU BA 'DU SHES SU BZHAG ,CES PA'O, ,BHA GA'AM RTAGS NI THABS SO, ,KHU BA 'DZAG PA NA SHES RAB BO, ZHES PA DRI CHU DANG KHU BA 'DZAG PA GNYIS RTAGS KYI SGOR BUG PA GCIG TU YOD KYANG, DE'I GONG NA RTZA SBUBS THA DAD DU YOD CING, GZHAN RNAMS GO SLA'O, ,DA NI GNAS PA BDUN PA'I DUM BU RTZA STONG PHRAG BDUN CU RTZA GNYIS 'GRUB TSUL BSTAN PA'I PHYIR DU DA NI RTZA RNAMS ZHES PA NAS, RTZA DANG KHAMS 'PHEL BA'I NGES PA'O, ZHES PA'I BAR GSUNGS TE, DE'ANG GNAS PA 'DI DAG RTZA RGYUD N GO RIM NGES PA CAN DU YOD PA LA, BSDUS RGYUD 'DIR RTZA RGYUD KYI GNAS PA RNAMS GO RIM CUNG ZAD 'KHRUGS PAR YOD PAS DON MTSAN RNAMS GNAS PA GANG GI SKABS YIN PA DE DANG DER SBYAR NAS BSHAD DGOS SO, ,DE LA MNGAL DU CHAGS NAS ZLA BA GCIG GI BAR LA RTZA MI CHAGS LA, DE NAS MNGAL DU ZLA BA GCIG SONG BA NAS RTZA CHAGS SHING, 'CHAGS RGYU'I RTZA STONG PHRAG BDUN CU RTZA GNYIS YOD LA, NYIN ZHAG RE LA RTZA NYIS BRGYA RE 'CHAGS PAS, RTZA RDZOGS PAR 'CHAGS PA LA ZLA BA BCU GNYIS DGOS TE, STONG PHRAG BDUN CU RTZA GNYIS ZHAG GRANGS SUM BRGYA DRUG CUS BGOS PAS, THOB NOR NYIS BRGYA 'BYUNG ZHING LHAG MA MED PAS SO, ,DES NA MNGAL DU ZLA BA BCU GNYIS GNAS PA'I DBANG DU BYAS

NA, MNGAL NAS SKYES NAS, ZLA BA GCIG NA RTZA 'CHAGS PA RDZOGS LA, RTZA RDZOGS PAR CHAGS PHYIN CHAD, RTZA CHAD PA'I 'GO BRTZAMS TE, NYIN ZHAG RE LA RTZA GNYIS GNYIS GCOD DO, ,DE BZHIN DU MNGAL THOG MAR 'CHAGS PA'I ZLA GCIG BOR NAS DE'I RJES NAS BRTZIS PA'I ZLA BA BCU GSUM PA NAS KHU BA 'PHEL BA RTZOM ZHING SKYES PA MNGAL NAS SKYES NAS LO BCU DRUG LON PA NA 'PHEL BA GTONG PA STE, MI 'PHEL ZHING KHU BA PHYIR 'DZAG LA, BUD MED LA'ANG ZLA BA BCU GSUM PA NAS RDUL NYI MA 'PHEL BA BRTZOM PAR 'GYUR ZHING SKYES NAS LO BCU GNYIS PA LA RDUL 'PHEL BAR GTONG BA STE, MI 'PHAL BAR PHYIR 'JAG PAR 'GYUR RO, ZHES BYA BA'I DON TO, ,DA NI GNAS PA BCU GSUM PA'I DUM BU LAS KYI RNAM PAR SMIN PAS 'GRO BA RIGS DRUG TU SKYE BA'I GNAS PA BSTAN PA'I PHYIR DU, NYI MA'I SHING RTA LA SOGS PA GDUL BAR DGONGS NAS, DPAL LDAN 'BYUNG BA ZHES PA LA SOGS PAS NAM MKHA' LA SOGS PA'I DE NYID NYI SHU RTZA BZHI RNAMS GSUNGS TE, 'DIR BYIS PA'I LUS LA, ZHES PA NAS, NGES PA'O, ZHES PA'I BAR GSUNGS TE, DE'ANG, GTZO BO LA BSKYED PA'I GTZO BO DANG, LONGS SPYOD PA'I GTZO BO GNYIS LAS, DBANG SOGS SKYAD PAR BYED PA'I GTZO BO NI, BZHI PA'I GNAS SKABS RANG BZHIN ZHES THA SNYAD BYAS PA DE YIN LA, RANG BZHIN LA SOGS PA'I DE NYID NYI SHU RTZA BZHI RNAMS LONGS SPYOD BYAR BYAS TE, DE NYID SNGAR LAS BSAGS PA'I DBANG GIS LONGS SPYOD PA PO'I GTZO BO NI SKYES BU YIN CING, RANG BZHIN NYI SHU RTZA BZHI'I BDAG NYID NI, ZHES SOGS LA GYI CES, RANG BZHIN NYI

, ,SHU RTZA BZHI'I BDAG NYID CAN GYI 'DZIN PA NI SKYES BU'I CHOS CAN NO, ,RANG BZHIN GZUNG BA'I CHOS CAN NO, ,RANG BZHIN YANG GZUNG BA'I CHOS DANG BRAL BA RANG BZHIN GZHAN TE, ZHES BSGYUR BA NYID 'GYUR SHIN TU LEGS LA, DE'ANG KUN RDZOB KYI DBANG DU BYAS KYI, DON DAM PAR GZUNG 'DZIN GYI SPROS PA DANG BRAL BA NI RANG BZHIN GZHAN CHOS RNAMS KYI GNAS LUGS SU GYUR BA'I RANG BZHIN NO, ZHES BYA BA'O, ,DA NI SA ZHES PA LA SOGS PAS ZHES PA NAS, SA LA SOGS PA'I NGES PA'O, ,ZHES PA'I BAR GYIS, NANG LUS LA SA SOGS KYI MTSAN NYID SBYAR BA GSUNGS TE, DE LA SKAR RTZIS PA ZHES PA RVAS, SKAR MA RNAMS ZHES BSGYUR LA, LHAG MA GO SLA'O, ,DA NI RGYU SKAR ZHES PA NAS, RANG BZHIN NO, ZHES PA'I NGES PA'O, ,ZHES PA'I BAR GYIS, RGYU SKAR DANG NYIN ZHAG SOGS NANG LA SBYAR BA GSUNGS TE, DE LA THUR MA BDUN PA'I ZHAS SOGS KYI DON NI THUR MA STE 'DAB MA'I RI MO BDUN PA'I 'KHOR LO BYAS NAS, BYI BZHIN DANG BCAS PA'I RGYU SKAR NYI SHU RTZA BRGYAD RI MO RE LA BZHI BZHI STE, BDUN BZHI NYER BRGYAD, THUR MA'I RGYU SKAR RNAMS KYI ZUR BZHIR DBYU GU'I SKAR MA BZHI STE, SKAR MA SUM CU RTZA GNYIS SU 'GYUR LA, PHYI'I SKAR MA SO GNYIS PO DE DAG ,NANG DU, RIM CAN, RIM MIN GYI SGO NAS, RGYU SKAR PHYED STENG DANG PHYED 'OG TU STE, SO SUM CU RTZA GNYIS SO, ZHES PA'O, ,RJES SU NYIN ZHAG CES SOGS KYI DON NI, PHYIR LO GCIG NI, NANG DU CHU TSOD GCIG GI DBUGS YIN LA, DBUGS KYI CHA TSOD DRUG

CU PO DE DBUGS DRUG GIS BSGYUR BAS SUM BRGYA DRUG CUR 'GYUR ZHING, DE NI PHYI ROL DU LO GCIG GI NYIN ZHAG SUM BRGYA DRUG CU'I GRANGS SO, ,NYIN ZHAG DE DAG KYANG, NANG DU LUS KYI TSIGS SUM BRGYA DRUG CUR 'GYUR RO, ZHES BYA BA'O, ,RTZA RNAMS CHU'O, ZHES SOGS LA, NANG DU RTZA STONG PHRAG BDUN CU RTZA GNYIS RDZOGS PA NA KHAMS MA RDZOGS SHING, KHAMS RDZOGS PA NA RTZA SKAMS PA'I 'GO TSUGS NAS YUN RING PO SONG BAS, RTZA DE DAG THAMS CAD DU KHAMS 'BAB PA JI LTAR 'BYUNG ZHE NA, RNAL 'BYOR PAS RNAL 'BYOR GYI STOBS KYIS RTZA SKAMS PA SLAR YANG GSOS PAR BYAS TE, DE DAG THAMS CAD NAS KHAMS 'BAB PA 'ONG LA, PHYI ROL JI BZHIN NANG LA SBYAR BA'ANG THA MAL PA KHO NA'I DBANG DU BYAS PA MIN GYI, KHAMS DRUG LDAN GYI SKYES BU SPYI'I DBANG DU BYAS PAS SKYON MED DO, ,RI BONG CAN GYI CHA RNAM PA GNYIS KYI DON NI KHU BA'I KHAMS LAS SPU LA SOGS PA SKYE BA'I CHA BCU DRUG YOD PA DE'I SGO NAS BZHAG PA'I CHA BCU DRUG PA DANG, DE LAS GZHAN NANG DU KHU BA ZHU NAS 'BAB PA'I GNAS KYI SGO NAS BZHAG PA'I CHA BCU DRUG PA'O, ZHES PA'I DON YIN LA, DANG PO'I DBANG DU BYAS PA'I CHA BCU DRUG SBYOR LUGS NI, 'DIR SPU PHRA MO DANG SBOM PO NI TSES GCIG DANG, GNYIS PA'O, ZHES SOGS SO, ,'DI DAG LAS SLAR YANG SPU LA SOGS PA'I ZHES PA NAS, ZHES SO'I BAR NI, GYI CO'I 'GYUR LA MED LA, DON LHAG PO STON RGYU'ANG MI SNANG NGO, ,DA NI SKU DANG, ZHES PA LA SOGS PAS PHYI ROL GYI KHAMS DRUG LDAN GYI MI LAS GZHAN PA'I 'BYUNG PO'I

, ,SKYE GNAS BZHI NANG DU, KHAMS DRUG LDAN GYI MI'I LUS LA TSANG TSUL STON PA STE, 'BYUNG PO ZHES PA, SEMS CAN TZAM PO DANG, SEMS CAN KHYAD PAR BA MI MA YIN GYI RIGS 'GA' ZHIG DANG, 'BYUNG BA TZAM LA 'JUG PA'I SKABS GSUM LAS, 'DIR THA MA STE LHAG MA GO SLA'O, ,DGA' BA LA SOGS, ZHES PA NAS, NGES PA'O, ZHES PA'I BAR GYI DON NI, GONG DU TSIGS BCAD NYER LNGA PA'I SKABS SU, LAG PA GA-YAS PA RLUNG, GA-YON ME, RKANG PA GA-YAS CHU, GA-YON SAR BSHAD PAS, LAG PA GA-YAS PA'I DUM BU GSUM NI, SHAR GYI GLENG DUM BU GSUM DANG, GA-YON GYI GSUM NI LHO GLING DUM BU GSUM DANG, RKANG PA GA-YAS PA'I DUM BU GSUM NI BYANG GI GSUM DANG, GA-YON PA'I GSUM NI NUB KYI DUM BU GSUM YIN LA, DGA' BZANG RGYAL STONG RDZOGS PA'I TSES DKAR PHYOGS KYI LNGA TSAN GSUm, NAM MKHA' RLUNG ME CHU SA'I KHAMS KYIS BSKYED RIM GYI MTSAN NYID CAN BCO LNGA NI, NANG DU LAG PA GA-YON GYI SOR TSIG LNGA TSAN GSUM MO, ,PHYI'I PHYOGS KYI TSES LNGA TSAN, KHAMS LNGA SDUD RIM GYI MTSAN NYID CAN GSUM NI, NANG DU LAG PA GA-YAS PA'I SOR TSIGS LNGA TSAN GSUM MO, ,DE BZHIN DU RKANG PA GA-YON PA'I SOR TSIGS BCO LNGA DKAR PHYOGS DANG RKANG PA GA-YAS PA'I SOR TSIGS BCO LNGA NAG PHYOGS TE, DE LTAR DUS DRUG TU BYAS PA'I DUS GCIG ZLA BA GNYIS SO, ,DE LTAR DUS DRUG GI RIM PAS NANG DU SOR TSIGS RNAMS LA 'KHOR BAR 'GYUR RO, ,ZHES BYA BA'O, ,SPYI BO'I PADMA ZHES SOGS

KYIS NUS PA'I NGES PA BYE BRAG TU 'CHAD PA STE, GONG DU RGYAS PAR BSHAD PA LTAR, SPYI BO'I PADMA DANG, LTA BA'I PADMA LA BRTEN NAS RIM BZHIN LHAN SKYES KYI DGA' BA BCU DRUG PA DANG, DE SKYED BYED GZUGS KYI PHYAG RGYA CHEN MO BSKYED NUS PA'I NGES PA'O, ,DA NI TSANGS PA'I ZHES PA NAS, MTHO RIS LA SOGS PA'I NGES PA'O, ZHES PA'I BAR GYIS, PHYI ROL GYI 'JIG RTEN GYI KHAMS, NANG DU LUS LA SBYAR BA GSUNGS TE, GO SLA'O, ,DA NI SNYING, ZHES PA NAS, ME GSUM GYI NGES PA'O, , ZHES PA'I BAR GYIS, PHYI'I ME GSUM NANG GI LUS LA TSAD TSUL DANG, GZHAN GYI MA KHYAD PAR DU BSHAD PA GSUNGS TE, PHYI NANG GI ME GSUM SBYAR BA GO SLA LA, GZHAN GYI ME BSHAD PA NI, LAS KYI ME GSUM PO DE DAG GI GONG NA MI GZHAN DRI MED 'OD ZER 'PHRO BA GTUM MO'I ME YE SHES KYI GZUGS CAN NI, RNAL 'BYOR PAS MUN PA MTHA' DAG DANG BRAL ZHING MUN PA ZAD PA'AM MED BDAG GI MTHAR GSAL BAR MTHONG BAR 'GYUR RO, ,GNAS GANG DU NA, GNAS GANG ZHIG CES SOGS TE, GLOG DANG NYI ZLA GZA' SKAR SHA ZA'I ME RNAMS MED PA'I GNAS SU'O, ,TSUL JI LTAR MTHONG NA, GSANG BA'I PADMA'I LTE BAR, DUNG CAN MA'I NANG DU GTUM MO'I ME SHIN TU PHRA ZHING RNO BA 'BAR BA DE'I STOBS KYIS, DPRAL BA'I PADMA LAS, BYANG CHUB KYI SEMS ZHU BA LA AA WA DH'U TI NAS 'BAB PA RGYUN MI CHAD PA MTHONG BAR 'GYUR RO, ,DES NA, 'DI NI BDEN PA STE BDE CHEN 'DREN PA LA MI BSLU BA'I ME YE SHES KYI GZUGS SO, ZHES PA STE DE'ANG SPYIR GTUM MO'I ME KHYAD PAR

, ,BA LTE BA'I 'KHOR LO'I DBUS NA'ANG GNAS MOD KYI, 'ON KYANG SAMBU tA KHAS, ? ,TSANGS PA'I ME NI SUM MDOR GNAS, ZHES GTUM MO TSANGS PA'I ME GSANG GNAS MA GRU GSUM GYI RNAM PA CAN GYI DBUS NA GNAS PAR GSUNGS PA LTAR, GSANG GNAS NA'ANG GTUM MO KHYAD PAR BA GNAS SHING, DE 'BAR BA'I STOBS KYIS LTE BA'I ME'ANG 'BAR BAR 'GYUR LA, 'DI'ANG DA'I DBANG DU BYAS PA YIN CING, DBANG MDOR BSTAN GYI 'GREL PAR, N'A RO BAS, 'DZIN PA'I SKABS SU, LTE BA'I GTUM MO'I ME 'BAR NAS, DPRAL BA NAS KHAMS DKAR PO ZHU BA AA WA DH'U T'I'I LAM NAS BABS PA RNAL 'BYOR PAS GSAL BAR MTHONG BA'I NYAMS 'BAR GSUNGS PA DANG TSUL 'DRA'O, ,DA NI GNAS PA BRGYAD PA'I DUM BU, LTE BA'I CHU SKYES LA SOGS PA'I 'DAB MA DANG, ZHES PA STON PA NI, GZA' ZHES PA LA SOGS PAS, ZHES PA NAS, GZA' LA SOGS PA'I NGES PA'O, ZHES PA'I BAR GSUNGS TE, MGRIN PA'I 'KHOR LO'I 'DAB MA LA RGYU SKAR 'GOD TSUL 'DI, DBYID NYIN MTSAN MNYAM PA'I DUS KYI SKAR MA'I GNAS TSUL GYI DBANG DU BYAS LA, GZA' 'GOD PA NI, CHUR PHUR BU, RLUNG DU BA SANGS, LUS DAN DU SPEN PA BSHAD PA NI, NANG GI GZA' DE DAG GI LONGS SPYOD RTZA 'DAB DE DAG NA GNAS LA, DE'I PHYIR LONGS SPYOD PA PO'ANG, PHYOGS DE DAG TU BKOD PA YIN CING, BSRUNG 'KHOR GYI SKABS SU, PA SANGS DANG PHUR BU CHU'I KHAMS YIN PAS BYANG DANG BYANG SHAR DU BKOD, SPEN PA SA'I KHAMS YIN PAS NUB PHYOGS SU BKOD PA NI, GZA' RANG RANG

GI KHAMS KYI DBANG DU BYAS PAS MI 'GAL LO, ,LHAG MA GO SLA'O, ,GNAS PA BRGYAD PA'I DUM BU BSTAN PA'I PHYIR DU, DA NI LTE BA, ZHES PA NAS, 'PHO BA BCU GNYIS 'KHOR BA'O, ZHES PA'I BAR GYIS, PHYI ROL DU NYI MA KHYIM BCU GNYIS 'PHO BA BZHIN, NANG DU RLUNG RTZA'I 'DAB MA LA 'PHO BA BCU GNYIS 'KHOR BA'I TSUL GSUNGS LA, DE BZHIN DU SKYES PA THAMS CAD, CES PA NI, MNGAL NAS SKYES PA THAMS CAD, CES PA YIN CING, THUR MA BDUN GYI DBYE BAS SO, ZHES PA'I RDZOGS TSIG 'GYUR MA DAG PAS, DBYE BAS DUS SBYOR TSAD NI SHES PAR BYA ZHES SBYAR LA GZHAN GO SLA'O, ,GNAS PA BRGYAD PA'I DUM BU GA-YON DANG GA-YAS KYI DKYIL 'KHOR LA PHUNG PO LNGA 'BAB PA BSTAN PA'I PHYIR DU, DA NI RE RE, ZHES PA NAS, 'PHO BA'I NGES PA'O, ZHES PA'I BAR GSUNGS TE, GO SLA'O, ,DA NI STONG PA, ZHES SOGS KYIS, PHYI NANG DU MI MNYAM PA'I DUS SBYOR NAM MKHA' RLUNG ME CHU SA'I RIM PAS 'BYUNG BA LA, SGRA GCAN SOGS BDAG POR 'GYUR TSUL DANG, MNYAM PA'I DUS SBYOR GYI DKYIL 'KHOR LNGA, SA CHU ME RLUNG NAM MKHA'I RIM PAS 'BAB PA LA DUS ME SOGS BDAG POR 'GYUR TSUL DANG, SNA BUG GA-YON DANG, RTZA 'DAB GA-YON MA RNAMS LA MI MNYAM PA'I DUS SBYOR GYI RLUNG 'BAB PA LA NI, GA-YON PA'I RTZA LA KHU BA 'BAB PAS ZLA BA DBANG PHYUG DANG, PHYI ROL DU'ANG MI MNYAM PA'I DUS SBYOR GYI ZLA BA DRUG LA ZLA BA DBANG PHYUG GO , ,DE BZHIN DU PHYI NANG GI MNYAM PA'I DUS SBYOR DRUG LA NYI MA DBANG PHYUG GO , ,ZHES STON PA STE, DBANG PHYUG NI DE LA GTZO BOR DBANG BYED PA YIN CING, ,

, ,GZHAN SHES SLA'O, ,DA NI DE ZHES PA LA SOGS PAS, ZHES SOGS KYIS RLUNG BCU BRGYU BA'I TSUL GSUNGS TE, GA-YAS SU ZLA BA'I RTZA KHA DOG DKAR PO, GA-YON DU NYI MA'I RTZA DMAR PO ZHES PA NI, SNYING GA'I 'DAB MA BRGYAD KYI GA-YAS BZHI DMAR PO DANG GA-YON BZHI DKAR PO DANG, DBUS SGRA GCAN GYI RTZA AA WA DH'U T'I'O, ZHES PA'O, ,AA LAM BU shA, ZHES PA LA, GA ROD LO TZ'AS KUN TU 'CHAD PA'I RTZA ZHES BSGYUR TO, ,AI tA ZHES PA LUG TU RVAS BSGYUR, KHA CIG LUG LA SKAD DOD, AE tA, ZHES PA YIN NO, ZHES ZER RO, ,KU HA, ZHES PA TSUL 'CHOS PA, SU SHU MAN, ZHES PA RVAS SHIN TU STONG PA DANG, 'GA' ZHIG GIS YID BZANG MAR BSGYUR TO, ,DUNG CAN MA'I MTHAR YANG, AI tA, ZHES PA RVAS SNAR MA ZHES 'DON NO, ,LHAG MA GO SLA'O, ,'DIR SROG LA SOGS PA 'DI DAG THAMS CAD, CES SOGS KYIS, SROG 'DZIN SOGS SNYING GA'I RLUNG BCUS LUS KYI RTZA MTHA' DAG LA KHYAB PAR BSTAN TE, BSHAD RGYUD RDO RJE PHRENG BA NAS GSUNGS PA DANG TSUL 'DRA'O, ,DA NI SROG CES PA LA SOGS PAS RLUNG RNAMS KYI BYA BA GSUNGS TE, DE LA KHAMS BDUN NI, 'OG TU TSIGS BCAD BRGYA SO BZHI PAR, KHAMS BDUN SONG BA DAG KYANG, ZHES PA'I 'GREL PAR SPU DANG PAGS PA LA SOGS PAR SONG BA STE, ZHES GSUNGS PAS, BA SPU PAGS PA KHRAG ,SHA, RUS PA, RKANG, KHU BA'I KHAMS RNAMS SO, ,LHAG MA NI GO SLA'O, ,DA NI DMAR SER, ZHES SOGS KYIS, RTZA'I MING MU STEGS BYED GZHUG PA'I DON

DU, DE DAG LA GRAGS PA'I THA SNYAD KYIS GSUNGS PA BSTAN LA, DA NI DBANG PO, ZHES SOGS, SNYING KHA'I RTZA BRGYAD LA PHYOGS SKYONG BRGYAD KYIS DBANG BYED TSUL STON NO, ,DA NI MGRIN PA'I 'KHOR LO GSUNGS TE, ZHES SOGS KYIS 'KHOR LO DRUG GI NGES PA GSUNGS TE, DE LA THIG LE DANG RNAM PAR BCAD PA NI, LTE BA LA RIG PAR BYA STE, ZLA BA'I RKANG PA BRGYU BA'O, ZHES PA NI, GONG DU BSHAD MA THAG PA'I MGRIN PA DANG DPRAL BA'I 'KHOR LO DE GNYIS KYI LTE BA'I DBUS DANG GE SAR GYI RTZE MOR RIM BZHIN DBYANGS SUM CU THIG LE CAN DANG, GSAL BYED NYI SHU RNAM PAR BCAD PA TSEG DRAG CAN LA RIM BZHIN ZLA BA DANG NYI MA'I RKANG PA BRGYU BA'O, ZHES PA YIN LA, 'JIGS MA LA SOGS PA ZHES PA NI, GSUNG GI DKYIL 'KHOR GYI LHA MO DRUG CU RTZA BZHI STE DE'I MING GIS BSTAN PA'I RTZA DRUG CU RTZA BZHI DANG, DE NYID BZHI NI, BDAG DANG, SNGAGS DANG, LHA DANG, YE SHES KYI DE KHO NA NYID BZHI'O, ,GZHAN RNAMS SHES SLA'O, ,DA NI GNAS PA BRGYAD PA'I DUM BU SNA BUG TU PHUNG KHAMS LNGA LNGA'I RLUNG 'BAB PA'I GNAS PA BSTAN PA'I PHYIR DU, DA NI RTZA BA, ZHES PA LA SOGS PAS, ZHES PA NAS, SROG GI NUS PA 'BAB PA'I NGES PA'O, ZHES PA'I BAR GSUNGS TE, DE LA KHYIM DANG, THUN TSOD DANG, ZHES PA LA, GYI COS, THUN MTSAMS DANG ZHES BSGYUR BA LTAR RO, NUS PA NI SROG GI NUS PA STE, ZHES SOGS KYI DON NI, MNYAM RGYU'I TSE SROG GI NUS PA DE, MCHOG GI GNAS NI DMIGS PA MED PA'O, ZHES PA DMIGS PA MED PA'I GO 'PHANG STER BA'I GNAS AA BA DH'U T'IR 'GRO'O, ZHES PA'O, YE SHES KYI DKYIL

, ,'KHOR GYI RLUNG SA'I DKYIL 'KHOR GYI MTHAR DE DAG GI DBUS SU RAB TU ZHUGS PA NI SNA BUG GNYIS NAS SOR BCU GNYIS 'BAB BO, ZHES PA NI, KHA CIG DKYIL 'KHOR LNGA'I MTHA' YE SHES KYI RLUNG LNGA BCU RTZA DRUG RKANG PA BCAS BRGYU BAR BSHAD PA THOB THANG LA DGONGS KYI DNGOS SU BRGYU BA MED DE, DNGOS SU BRGYU NA BZHI CHA DE LOGS NAS GZHOGS PA'AM SNA RTZE NAS BCAD PA LTA BU GANG YIN ZHES BRTAGS NA MI 'THAD DO, ZHES SOR MO BZHI 'PHEL BAR 'GYUR TE, ZHES PA NI, LTE BA'I 'OG TU BRGYU BDE LOGS NAS MI BRGYU BA'AM, SNA RTZE NAS BCAD PA'I BZHI CHA GAD MI BRGYU BA YIN ZHES BRTAGS NA MTSUNGS SHING, DNGOS SU BRGYU BAR YANG YANG BSHAD PA DANG 'GAL BAS DNGOS SU BRGYU ZHING, BZHI CHA NI SNA NGOS NAS BCAD PA LTA BU'I THUNG NGU BRGYU BA YIN NO, ZHES BZHED PA NYID LEGS LA, 'BYUNG BA CHUNG BA'I DKYIL 'KHOR LNGA'I DKYIL 'KHOR RE RE'I MTSAMS SU DRAG PO RKANG BCAS ZHES PA, BCU GCIG BZHI CHA RE GSUNGS PA RNAMS NI DNGOS SU BRGYU BA NI MA YIN GYI THOB THANG LA BSHAD PA YIN NO, ,LTE BAR SOR MO BZHI 'PHEL BAR 'GYUR TE, ZHES PA NI, LTE BA'I 'OG TU 'PHEL BA MA YIN GYI, PHYI ROL TU THUNG NGUR BRGYUS PA DE NANG DU RING POR BRGYU BAS, SA RLUNG PHYIR SOR BCU GNYIS BRGYUS NAS NANG DU LTE BAR SLEB, DE BZHIN DU DE'I RIM PAS, CHU RLUNG GIS NANG DU SOR GCIG DANG, ME RLUNG GIS NANG DU SOR GNYIS DANG, RLUNG GI RLUNG GIS DANG DU SOR GSUM DANG, NAM MKHA'I RLUNG GIS LTE BAR SOR BZHI RNAMS MA SLEB BO, ZHES PA'I DON TO, ,DA NI ZHING ZHES PA LA SOGS PAS, ZHES SOGS

KYIS, PHYI'I ZHING LA SOGS PA'I GNAS RNAMS, NANG GI LUS LA SBYAR BA GSUNGS TE GO SLA'O, ,MDOR BSDUS KYI MTSAN NI BSDUS PA'I RGYUD KYI RGYAL PO ZHES SOGS SO, ,MDOR BSDUS GNYIS PA'I DKA' BA'I GNAS BSHAD PA'O,, ` ,,DA NI MDOR BSDUS GSUM PA BSHAD PAR BYA STE, DE LA THOG MAR SNGAR GYI GNAS PA BRGYAD PA'I DUM BU, DRAG PO 'KHOR LO CAN DANG, KLA KLO'I 'KHRUG PA SNGAR LE'U DANG POR BSHAD PA, DE DAG NANG LA SBYAR BAR GSUNGS PA NI, DA NI 'KHOR LO CAN, ZHES PA LA SOGS PAS, ZHES PA NAS, YE SHES GRUB PA LAS BRJOD PAR BYA'O, ZHES PA'I BAR TE, PHYI ROL TU DRAG PO GANG YIN PA DE NI, ZHES PA'I DRAG PO DBANG PHYUG LA 'CHAD PA NI, DBANG PHYUG LA SOGS PA'I BCU GNYIS RNAMS, ZHES BSHAD MA THAG PA DANG ZLOS SKYON 'BYUNG BAS 'KHOR LO CAN GYI DPUNG GI TSOGS KYI DMAG DPON DRAG PO LA BYAS NA LEGS LA, GZHAN NANG LA SBYOR TSUL RNAMS GO SLA ZHING, SGYU MA'I GZUGS KYANG, ZHES SOGS KYI DON NI, SNGAR, 'KHRUG PA'I TSUL LE'U DANG POR BSHAD PA DE NI, NANG GI KHYAD PAR 'DI LTA BU LA DGONGS NAS GSUNGS PA YIN GYI, DNGOS PO LA, SGYU MA'I GZUGS LTA BU'I SPRUL PA'I DMAG GI TSUL BSTAN PA MA GTOGS, KLA KLO DANG 'KHRUGS NAS, SROG GCOD PA SOGS KYI GNOD PA CHEN PO DE LTA BU BYED PA MA YIN NO, ZHES BYA BA'I DON TO, ,DA NI GNAS PA DGU PA DBU MA LAS RGYUD MTHA' DAG 'BYUNG BA'I GNAS PA BSTAN PA'I PHYIR, DA NI DUS KYI LO, ZHES PA LA SOGS PAS, ZHES SOGS GSUNGS TE, 'DI DAG

, ,GIS BSDUS PA'I DON THOG MAR 'DI LTAR SHES PAR BYA STE, LO BRGYA'I YE SHES KYI RLUNG GI CHA BSAGS PA LO GSUM PHYOGS GSUM LAS, LO GSUM GYI DBUGS NI NYI MA'I YE SHES CHA DANG, PHYOGS GSUM GYI RLUNG NI ZLA BA'I YE SHES CHA YIN PAS LO GSUM SHES RAB KYI CHA DANG, PHYOGS GSUM THABS KYI CHA YIN NO, ,DE'I PHYIR LO GSUM GYI ZHAG GRANGS DANG, RNAL 'BYOR MA RGYUD KYI GTZO BO'I LHA GRANGS SBYAR BA DANG, PHYOGS GSUM GYI ZHAG DANG RNAL 'BYOR PHA RGYUD KYI GTZO BO'I LHA GRANGS SBYAR BA DANG, DE LTAR SBYAR BA'I NANG NAS LO GSUM GYI ZHAG DANG SBYAR BA'I SKABS KYI DUS 'KHOR GYI LHA PADMA'I GDAN CAN BRGYA NGA DRUG PO NGOS BZUNG BA DANG, SLAR YANG DBU MA'I LO GSUM PHYOGS GSUm GYI ZHAG GRANGS DANG, DUS 'KHOR RTZA RGYUD LAS GSUNGS PA'I RGYU SKAR GYI DKYIL 'KHOR GYI LHA GRANGS SBYAR NAS, DE LAS BSDUS RGYUD KYI PADMA GDAN BCAS KYI LHA RNAMS BTUS PA'I TSUL DANG, DE LTAR BSDUS PA'I LHA RNAMS NANG GI RTZA DANG SBYAR BA DANG, DE LTAR SBYAR BA'I DGOS PA BSTAN PA DANG DRUG GIS SHES PAR BYA'O, ,DE LA LO GSUM GYI ZHAG DANG SBYAR BA LA'ANG, RNAL 'BYOR MA'I RGYUD KYI RIGS KYI LHA GRANGS DANG SBYAR BA DANG, DKYIL 'KHOR GYI LHA'I GRANGS DANG SBYAR BA GNYIS LAS, DANG PO NI, 'DIR DUS KYI LO NI, ZHES PA NAS, RNAL 'BYOR RNAMS KYI'O, ZHES PA'I BAR TE, LO GSUM PO SNYING STOBS DANG, RDUL DANG MUN PA'I RANG BZHIN YIN PAS SKU GSUNG THUGS KYI RDO RJE'I RIGS GSUM DANG, LO GSUM GYI BGROD PA DRUG RIGS

DRUG DANG, LO GSUM GYI ZHAG STONG BRGYAD CU LA ZLA BA'I ZHAG SUM CUS BGOS PA'I THOB NOR SO DRUG GAM, YANG NA NYI MA'I BGROD PA RE RE LA ZHAG BRGYA BRGYAD CU RE YOD PAS, DE'I ZHAG GRANGS KYIS LO GSUM GYI ZHAG GRANGS LA BGOS PA'I THOB NOR DRUG BYUNG BA DE NYID SLAR YANG DRUG GIS BSGYUR BA'I SO DRUG NI RIGS SO DRUG GO ,'DIR RNAL 'BYOR MA LA DE LTAR SBYAR BAS, PA RGYUD LA RIGS SO DRUG TU DBYE BA MI BYED DAM SNYAM NA, 'DIR RNAL 'BYOR MA'I RGYUD LA PHYE BA LTAR, PHA RGYUD LA'ANG RIGS SUM CU RTZA DRUG TU DBYE BA SPYIR MED PA MA YIN NO, ZHES ZHAR BYUNG GIS STON PA NI DE BZHIN DU SOGS SO, ,GNYIS PA DKYIL 'KHOR GYI LHA GRANGS DANG SBYAR BA NI, NYIN ZHAG GI TSOGS ZHES PA NAS, NGES PA'O, ZHES PA'I BAR TE, DE'ANG LO GSUM GYI ZHAG GRANGS STONG BRGYAD CU LA, GZA' STE BDUN GYIS BGOS PA'I THOB NOR BRGYANG BZHI NI, DUS KYI 'KHOR LO'I PADMA GDAN CAN GYI LHA BRGYANG BZHI'I GRANGS DANG, BGOS PA'I LHAG MA GNYIS LUS PA NI GTZO BO YAB YUM GNYIS TE, DE LTAR NA BRGYANG DRUG GO , , SLAR YANG LO GSUM GYI NYIN ZHAG STONG BRGYAD CU PO DE LA PHYOGS ZHES PA BCO LNGAS BGOS PA'I THOB NOR BDUN CU NI BDE MCHOG SDOM CHEN GYI DKYIL 'KHOR MNGON SPYOD 'BUM PA NAS GSUNGS PA'I LHA GRANGS YIN CING, DE LA'ANG GTZO BO NI, DUS KYI 'KHOR LO YAB YUM GNYIS GZHAG PAR BYA STE DE LTAR NA BDUN CU RTZA GNYIS SO, ,'JIG RTEN KUN RDZOB KYIS ZHES SOGS NI DON BSDU BA STE, KUN RDZOB KYIS GSUNGS PA'I DON NI DON DAM PAR RIGS DRUG LA SOGS PAR DBYER MED KYANG, KU

, ,RDZOB TZAM DU LDOG PA'I SGO NAS RIGS DU MAR BZHAG CES PA'O, ,RNAL 'BYOR MA'I RGYUD KYI NGES PA'O, ZHES PAS NI, DUS KYI 'KHOR LO'I RGYUD KYANG RNAL 'BYOR MA RGYUD DU CHES GSAL BAR BSHAD LA, KHA CIG DUS KYI 'KHOR LO'I LHA'I NANG NA MA RGYUD KYI LHA'ANG YOD PAS, DE LTAR GSUNGS KYI DUS KYI 'KHOR LO NI GNYIS MED KYI RGYUD YIN NO ZHES ZER RO, ,DE LTAR NA DUS KYI 'KHOR LO'I LHA'I NANG NA PHA RGYUD KYI LHA'ANG YOD PAS, PHA RGYUD DU'ANG GSUNG DGOS PAR 'GYUR ZHING, GSANG 'DUS SOGS KYI LHA'I NANG NA MA RGYUD KYI LHA'ANG YOD PAS DE DAG KYANG RNAL 'BYOR MA'I RGYUD DU GSUNG RIGS PAR 'GYUR LA BDE STONG GNYIS SU MED PA BRJOD BYA'I GTZO BOR MI STON PA'I BLA MED KYI RGYUD MI SRID PA'AM, GNYIS MED KYI RGYUD YIN NA RNAL 'BYOR MA RGYUD YIN PAR 'GAL NA, MA RGYUD YIN NA BLA MED KYI RGYUD DU 'GAL DGOS PAR YANG 'GYUR LA, BLA MED KYI RDO RJE THEG PA'I DON BDE STONG DBYER MI PHYED PAR SBYOR BA LA, GZHUNG 'DI NYID DU'ANG, RDO RJE NI MI PHYED PA DANG MI CHOD PA CHEN PO YIN LA, ZHES SOGS KYIS BSHAD PA'I TSUL GSAL BAR GONG DU BRJOD ZIN TO, ,'ON KYANG PHA RGYUD MA RGYUD DU 'BYED PA'I THABS SHES DANG, THABS SHES GNYIS SU MED PA'I RGYUD CES PA'I THABS SHES NI, MING 'DRA 'ANG, DON SHIN TU MI 'DRA BA'I KHYAD PAR CHEN PO YOD PAS KHYAD PAR DE DAG PHYED DGOS LA, YE SHES PA DGUG GZHUG LA LHA PHO RGYUD MO RGYUD SOGS KYI RNAM GZHAG NI SNGAR YANG CUNG ZAD BSHAD ZIN LA, 'OG TU'ANG 'CHAD DO, ,GNYIS PA PHYOGS GSUM GYI ZHAG DANG, RNAL 'BYOR PHA

RGYUD KYI LHA GRANGS SBYAR BA NI, DKYIL 'KHOR GYI LHA GRANGS DANG SBYAR BA DANG, PHYOGS GSUM GYI ZHAG PHYAG RGYA DGU DANG SBYAR BA GNYIS SO, ,DANG PO NI, DA NI SGYU 'PHRUL DRA BA ZHES PA LA SOGS PAS, ZHES PA NAS, RGYUD 'BYUNG BA'I NGES PA'O, ZHES PA'I BAR GSUNGS TE, DE'ANG, BYA BA'I RNAL 'BYOR DANG, ZHES PA LA KHA CIG ,'DIR 'GYUR MA LEGS PAS 'GYUR MANGS DANG, RVA 'GYUR LA YOD PA LTAR BYA BA DANG, ZHES 'DON DGOS LA, DE'I DON YANG BYA BA'I RGYUD SGYU 'PHRUL DRA BA RNAM PA GSUM DANG, ZHES BYA BA YIN NO, , ZHES ZER RO, ,SHIN TU MI 'THAD DE, 'DIR BLA MED KYI RGYUD LA PHA RGYUD MA RGYUD GNYIS SU PHYE NAS, DE DAG GI LHA GRANGS DANG, PHYOGS GSUM PO GSUM SBYOR BA'I SKABS YIN PAS SKABS DANG MA 'BREL BA'I PHYIR DANG, 'DI'I SGYU 'PHRUL DRA BA'I DKYIL 'KHOR GSUM GSUNGS PA'I LHA THAMS CAD KYANG, LTA YAB GSUM ZHAL SBYOR SHA STAG TU GSUNGS SHING, BYA RGYUD KYI DKYIL 'KHOR LA LHA YAB YUM ZHAL SBYOR BYED PA NI LUNG RIGS KHAS BLANGS THAMS CAD DANG 'GAL BA'I PHYIR RO, ,DE LA PHYOGS GSUM GYI ZHAG BZHI BCU RTZA LNGA LA NYIN ZHAG SO SO LA DUS SBYOR BCU GNYIS RI BRGYU BAS DE'I DBANG DU BYAS STE, ZHAG ZHE LNGA BCU GNYIS KYIS BSGYUR BAS, LNGA BRGYA DANG BZHI BCU 'BYUNG LA, DE'I NANG NAS, ZHAG NYIS BRGYA DON BZHI'I GRANGS DANG, SGYU 'PHRUL DRA BA'I DKYIL 'KHOR GSUM GYI LHA GRANGS SBYOR TE, DE'ANG DKYIL 'KHOR GYI LHA YAB YUM ZUNG BZHI BCU RTZA DGU MA DANG, LHA YAB YUM ZUNG ZHE LNGA MA DANG, ZHE GSUM MA'O, ,DE DAG GI YAB YUM SO SOR BRTZIS PAS LHA NYIS BRGYA DON

, ,BZHI'O, ,ZHAG LNGA BRGYA BZHI BCU LAS, NYIS BRGYA DON BZHI SBYANGS PA'I LHA GNYIS BRGYA DRUG CU RTZA DRUG GI GNYIS KYIS DMAN PA'I GRANGS DANG, 'DUS PA'I DKYIL 'KHOR DRUG GI LHA GRANGS SBYOR BA LAS, 'DUS PA'I LHA THAMS CAD KYANG YAB YUM ZUNG DU BYAS PA, LHA NYI SHU RTZA LNGA MA DANG, LHA BCU DBU MA DANG ? LHA DGU MA DANG, LHA BCU GSUM MA DANG, LHA SO GNYIS MA DANG, LHA SO BZHI MA STE, DKYIL 'KHOR DRUG ,LHA YAB YUM SO SOR BGRANGS PAS NYIS BRGYA DRUG CU RTZA BZHI YOD LA, NYIS BRGYA DRUG CU RTZA DRUG TU DA DUNG GNYIS KYIS MA LONGS PA LA NI, SNGAR GYI BDAG PO ZUNG DUS KYI 'KHOR LO YAB YUM GNYIS BSNAN PAS 'DUS PA DANG SGYU 'PHRUL DRA BA'I DKYIL 'KHOR DGU ,SNGAR GYI BDAG PO ZUNG DANG BCAS PA LA LNGA BRGYA BZHI BCU'O, ,'DIR KHA CIG ,'DUS PA RNAM PA DRUG GI LHA DGU MA PAndI TA THA GA NA, BCU GSUM MA AINDRA BO DHI, BCU DGU MA YE SHES ZHABS, NYER LNGA MA, PAndI TA MGRIN PA GSUM PA, SO GNYIS MA, 'PHAGS PA YAB SRAS, SO BZHI MA SLOB DPON KUN SNYING BZHED DO, ZHES ZER BA NI, MA BRTAGS PA STE, THAG NA YE SHES ZHABS LUGS KYI DGONGS PA 'GREL PA PO'I GTZO BO ZHIG YIN PAS, LHA BCU DGUR BZHED KYI, DES LHA DGU MA GANG DU'ANG MA BSHAD LA, AINDRA BO DHI CHEN PO 'ONG DON MED CING, CHUNG BA ZHIG BCU GSUM DU BZHED CES GRAGS KYANG, SHES BYED MA MTHONG LA, MGRIN PA GSUM PAS MDZAD PA'I GZHUNG GSAL BA DA LTA BOD NA MED CING, LHA NYER LNGAR BZHED PAR SNGA MA DAG LA GRAGS KYANG SHES BYED

RNYED DKA' LA, SLOB DPON KUN SNYING GIS MDZAD PA'I 'GREL PA CHUNG BA'I LUGS NI, MI BSKYOD PAS GTZO BYAS PA'I LHA BCU DGU MAR CHES GSAL BAR BSHAD KYI SO BZHI MA ZUR TZAM YANG MA BSHAD LA, SLOB DPON KUN SNYING GIS MDZAD ZER BA'I 'GREL PA CHE BA NI, SLOB DPON DE NYID LA KHA GA-YAR BA'I MA DAG PAR MKHAS PA DAG BZHED PA LTAR DON LA GNAS PAR SNANG NGO, ,LHA BCU BDUN MA PADMA RDO RJE BZHED KYANG 'DIR MA GSUNGS SO, ZHES ZER BA'ANG MA BRTAGS PA STE, SLOB DPON DES MDZAD PA'I GSANG BA GRUB PAR, BYANG CHUB SEMS DPA' BCU BDUN GYI GO RIM GYIS NGES PAR RDZOGS PAR GYUR NAS, ZHES PA TZAM LA BSAM PAR SNANG LA, DE'I DON NI TSUL DE MA YIN PAR, RIM LNGA GSAL BA'I SGRON MER RGYAS PAR GSUNGS PA BZHIN NO, ,GZHAN YANG SLOB DPON KUN SNYING DANG SH'ANTI PA SOGS KYIS BSHAD PA'I MI BSKYOD PA'I LHA BCU DGU'I DKYIL 'KHOR DANG, 'PHAGS PA YAB SRAS KYI SO GNYIS SU GSUNGS PA'I DKYIL 'KHOR RNAMS KYI NI, DKYIL 'KHOR GYI LHA THAMS CAD YAB YUM ZUNG MA YIN PA RKYANG PA KHO NA YIN LA, 'DIR BSHAD PA'I 'DUS PA'I DKYIL 'KHOR DRUG PO THAMS CAD KYANG 'KHOR GYI LHA THAMS CAD YAB YUM ZHAL SBYOR KHO NA YIN PAS SHIN TU MI 'DRA'O, ,DES NA 'DIR BSHAD PA 'DI DAG, ,DA LTA'I 'DUS PA'I RGYUD RTZA BSHAD 'DI DAG GANG NA'ANG MI GSAL YANG, 'DUS PA'I RTZA RGYUD RGYAS PA LTA BU ZHIG NA BZHUGS PAR GSAL LO, ,DE'I PHYIR 'DI DAG DANG, 'OG NAS 'BYUNG BA'I DUS KYI 'KHOR LO NYID, GTZO 'KHOR THAMS CAD

, ,ZHAL GSUM PHYAG DRUG PA, SKYIL KRUNG GIS BZHUGS PA, 'DUS PA LTA BUR 'GYUR BAR GSUNGS PA 'DI DAG LA, SNGAR GYI BLA MA GONG MA KHUNGS MA DAG LAS BRGYUD PA'I DBANG GI BKA' DANG, 'DI DAG LA RGYA BOD KYI TSAD LDAN SUS KYANG SGRUB THABS SOGS MDZAD PA GTAN MED CING, 'DUS PA'I DKYIL 'KHOR 'DI DAG GI ,THA NA LHA'I ZHAL PHYAG GI KHA DOG DANG, PHYAG MTSAN TZAM YANG, RANG BZO 'BA' ZHIG GIS BYED PA MA GTOGS, JI LTA BA SHES PA MED PAS, 'DI DAG GI DKYIL 'KHOR BSGRUB CING MCHOD PA DANG, BDAG NYID 'JUG CING DBANG BSKUR BA SOGS KYI CHO GA RANG BZO BYED PA DAG NI, GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ZHES GSUNGS PA LTAR, RANG 'PHUNG BAR BYAS NAS GZHAN 'PHUNG BAR BYED PA YIN PAS, DPYOD PA DANG LDAN PA DAG GIS RGYANG RING DU DOR BAR BYA'O, ,GAL TE DUS KYI 'KHOR LO'I DKYIL 'KHOR DU ZHUGS NA, DKYIL 'KHOR GZHAN 'DI DAG THAMS CAD DU ZHUGS PAR GSUNGS PAS DBANG YANG NYID KYIS MA THOB PAR MI 'GYUR RO, ZHE NA, DE LTA NA RDO RJE DBYINGS KYI DKYIL 'KHOR DU ZHUGS NA, DKYIL 'KHOR THAMS CAD DU ZHUGS PAR DE NYID BSDUS PA LAS GSUNGS PAS, RDO RJE DBYINGS GCIG PU'I DKYIL 'KHOR DU DBANG BSKUR BA THOB NA, DE NYID DKYIL 'KHOR MTHA' DAG GI DBANG BSKUR BA LA DBANG BAR 'GYUR ZHING, BDE MCHOG GI DKYIL 'KHOR DU DBANG BSKUR BA THOB NA, DE TZAM GYIS

BDE MCHOG GI RGYUD NAS GSUNGS PA'I DKYIL 'KHOR CHES MANG BA DE DAG THAMS CAD KYI DBANG BSKUR BA LA DBANG BAR 'GYUR RO, ,BLA MA RVA PA DAG 'DIR BSHAD PA'I 'DUS PA DRUG LA, RANG RKYA THUB PA'I 'DUS PA GNYIS, PHYED KYIS DMAN PA'I 'DUS PA GNYIS, GNYIS KYIS BSRES PA'I 'DUS PA GNYIS, ZHES ZER RO, ,'DIR MNGAL NAS SKYES PA'I PHUNG PO DANG, ZHES SOGS NI, 'DUS PA DANG, SGYU 'PHRUL DRA BA'I DKYIL 'KHOR DGU, SBYANG GZHI RGYAS BSDUS KYI DBYE BAS PHYE BA'I TSUL 'CHAD PA YIN TE, SHAS SLA'O, ,GNYIS PA PHYOGS GSUM GYI ZHAG PHYAG RGYA DGU DANG SBYAR BA NI, DA NI PHYI DANG NANG GI PHYAG RGYA GSUNGS TE, ZHES PA NAS, NGES PA'O, ZHES PA'I BAR TE, DE LA 'DIR THAMS CAD CES PA NAS, SNYING RJE NI THABS TE 'BRAS BU'O, ,ZHES PA'I BAR GYIS DANG POR NGES DON RDZOGS RIM GYI DBANG DU BYAS PA'I PHYAG RGYA'I RGYAS 'DEBS 'CHAD DE, RGYU STONG PA PHYAG RGYA CHEN MO DANG, 'BRAS BU MI 'GYUR BA'I BDE BA GNYIS PHAN TSUN RGYAS GDAB PAR BYA BA'O, ,DE'ANG PHYAG RGYA NI MI 'DA' BA'I DON TE, STONG PA NYID KYI PHYAG RGYA CHEN MOS 'BRAS BU BDE BA 'DREN PA LAS MI 'DA' LA, MI 'GYUR BA'I BDE CHEN YANG, RGYU PHYAG RGYA CHEN MO SKYE BA LAS MI 'DA' BAR RGYAS 'DEBS PA'I DON NO, ,DE LA DBANG MDOR BSTAN DU, STONG NYID GZUNG 'DZIN RGYU YIN TE, ,MI 'GYUR LAS SKYES BDE BA 'BRAS, ,RGYU LA 'BRAS BUS RGYAS GDAB CING, 'BRAS BU RGYU YIS RGYAB GDAB BO, ZHES PAS, STONG GZUGS KYI PHYAG RGYA CHEN PO DANG, DE LAS SKYES PA'I MI 'GYUR BA'I BDE BA SNGA PHYI BA LA, RGYU 'BRAS PHAN TSUN RGYAS 'DEBS

, ,GSUNGS PA YIN LA, 'BRAS BU DANG NI RGYU YIS NI, PHAN TSUN DU NI RGYAS GDAB MED, CES PA NAS, DE PHYIR BDAG GIS BDAG NYID LA, 'GAR YANG RGYAS GDAB NUS MA YIN, ZHES PA'I BAR GYIS NI MI 'GYUR BA'I BDE CHEN DANG, STONG GZUGS PHYAG RGYA CHEN MO DUS MNYAM PA NI BDAG NYID GCIG YIN PAS RGYU 'BRAS KYI RGYAS GDAB MI RUNG BAR BSTAN PA YIN NO, ,DE LTAR NGES DON GYI PHYAG RGYA CHEN MO'I RGYAS 'DEBS TSUL ZHAR BYUNG GIS BSHAD NAS, DNGOS KYI DON NI, 'DIR GANG ZAG GCIG ,CES SOGS TE, DE'ANG PHYOGS GSUM GYI ZHAG ZHE LNGA PO LA BDUN GYIS BGOS PAS THOB NOR DRUG 'BYUNG BA NI, DUS KYI 'KHOR LO'I PHYI'I PHYAG RGYA DRUG GIS DRANGS TE, 'KHOR LO RNA CHA SOGS DANG, BGOS PA'I LHAG MA GSUM LUS PA NI, NANG GI PHYAG RGYA'I GRANGS TE, SKU GSUNG THUGS RDO RJE GSUM MO, ,DE'ANG, 'KHOR LO SOGS DRUG GIS NI, MI BSKYOD PA SOGS RIGS BDAG GIS RGYAS 'DEBS PA'I LHA'I RIGS DRUG MTSON NO, ,GSUM PA DE LTAR SBYAR BA'I NANG NAS PADMA GDAN CAN GYI LHA BRGYA NGA DRUG PO NGOS BZUNG BA NI, DE NI NUS MA ZHES PA LA SOGS PAS, ZHES PA NAS, NGES PA'O, ZHES PA'I BAR GSUNGS TE, DE'ANG, 'DIR NUS MA BCU KHRO BO BCU, GSHEGS PA LNGA DANG, GSHEGS MA LNGA, RDO RJE MA DRUG DANG, SA SNYING SOGS DRUG ,SKU'I DKYIL 'KHOR KYI DBANG PO LA SOGS PA BCU GNYIS, TZAR TZI KA LA SOGS PA RNAL 'BYOR MA BRGYAD, MTHA' YAS LA SOGS PA'I KLU BRGYAD, KHYI GDONG MA LA

SOGS PA'I GTUM MO BRGYAD DE, DE DAG THABS SHES KYI DBYE BAS BRGYAD DRUG TU 'GYUR BAR GSUNGS LA, DE LA NUS MA RNAMS LA NA YAB DANG DNGOS SU SBYOR BA MED PAS YAB YUM SO SOR BGRANG RGYU MED LA, DE DAG YAB YUM SO SOR MA BGRANGS NA, THABS SHES KYI DBYE BAS PHYE'ANG, BRGYA DANG NGA DRUG TU BCU YIS MI TSANG NGO, ,DE LA NUS MA RNAMS GTZO BO'I YUM YIN PAS, GTZO BO DE DAG LA YAB TU SBYAR BA'I DBANG DU BYAS NA, GTZO BO NYID YE SHES KYI 'KHOR LO GCIG PU'I NANG DU LHA BCU'I GRANGS SU BGRANG DGOS PAR 'GYUR LA, BUM PA RNAMS PADMA'I LTE BA LA YOD KYANG, LHA'I RNAM PAR MED CING, 'DIR LHA'I GRANGS SU BGRANG PA LA NI LHA'I NGO BO YIN PA TZAM GYIS MA CHOG GI, ZHAL PHYAG SOGS SKU'I RNAM PA LHAR SHAR BA DGOS SO, ,DE LTA MIN NA, NOR BU DANG, DUNG DANG, GAndA DANG, DPAG BSAM GYI SHING GI MTSAN MA BZHI DANG, DER MA ZAD GZHAL MED KHANG YANG LHA'I GRANGS SU BGRANG RIGS PAR 'GYUR TE, DE DAG KYANG LHA'I NGO BO YIN PA'I PHYIR RO, ,'O NA JI LTAR BRTZI BAR BYA ZHE NA, 'DIR NI, SKU GSUNG THUGS KYI DKYIL 'KHOR GYI LHA'I NANG NA, PADMA'I 'DAB MA MIN PAR RANG RANG GI GDAN PADMA'I LTE BA LA GNAS PA'I LHA RNAMS GTZO BO YIN PAS GTZO CHE BA DAG BSDUS PAS BRGYA DANG NGA DRUG YIN CING, DE'ANG GTZO BO YAB YUM SO SOR BGRANG BA DANG, GSHEGS PA BZHI LA YUM GYIS TSUR 'KHYUD PA SO SOR BGRANGS PAS BRGYAD, GSHEGS MA BZHI LA YAB KYIS PHAR 'KHYUD PA SO SOR

, ,BRTZIS PAS BRGYAD, GONG DU'ANG LO GSUM DANG SBYOR BA NA RNAL 'BYOR MA'I LHA RIGS DRUG TU DBYE DGOS PAR BSHAD CING DKYIL 'KHOR BSGOM PA'I TSE NA, MI BSKYOD PA LA SHER PHYIN MAS 'KHYUD PA YAB LA BSTIM PA DANG, RDO RJE SEMS DPA' LA DBYINGS PHYUG MAS 'KHYUD PA YUM LA BSTIM DGOS PAS DE'I PHYIR, DE GNYIS KYANG BRTZI DGOS PAS MI BSKYOD PA LA SHER PHYIN MAS 'KHYUD PA SO SOR BRTZIS BA DANG, SHER PHYIN MA LA MI BSKYOD PAS 'KHYUD PA SO SOR BRTZIS PA BZHI DE LTAR RDOR SEMS DANG, DBYINGS PHYUG MA LA'ANG SBYAR BAS BZHI, SGRUB THABS LE'UR KHRO BO GTZUG TOR YAB YUM, THUGS KYI NANG DU, STENG GI CHA LA 'GOD PAR DNGOS SU GSUNGS SHING, SKU DKYIL DU BKOD PA DANG, KHRO BO'I RIGS GCIG KYANG 'GOD PA'I DKYIL 'KHOR THA DAD YIN PAS, LHA'I GRANGS SO SOR BGRANG DGOS PAS, THUGS DKYIL LA BKOD PA'I GTZUG TOR YAB YUM GNYIS SO SOR BRTZIS PA DANG, NUS MA BRGYAD DANG LHAG MA SNGAR BSHAD PA RNAMS YAB YUM SO SOR BGRANGS PAS BRGYA NGA DRUG TU 'GYUR RO, ,'O NA NUS MA BRGYAD, KLU DANG RAB GTUM MA RNAMS PADMA'I LTE BA LA MED PA LA, 'DIR PADMA'I LTE BA LA GNAS PA'I LHA'I TSOGS KYI NGES PA'O, ,ZHES PA DANG 'GAL LO ZHE NA, ZHES PA'I DOGS PA BKOD NAS, DE'I LAN DU, NUS MA RNAMS NI GTZO BO'I YUM YIN PAS, RE MOS KYIS PADMA'I LTE BA LA GNAS PAR 'GYUR BA LA DGONGS LA, KLU RNAMS NI 'BYUNG BA'I

DKYIL 'KHOR GYI DBUS NA GNAS LA, RAB GTUM MA RNAMS 'KHOR LO'I LTE BA LA GNAS PAS, PADMA'I LTE BA NA GNAS PA DAR CHA MTHUN PA LA DGONGS PAS SKYON MED DE, ZHES ZER RO, ,DE LTA NA DKYIL 'KHOR GYI LHA LHAG MA RNAMS LA'ANG PADMA'I LTA BA DANG CHA MTHUN PA LA GNAS PA 'ONG BAS, DE DAG KYANG PADMA'I GDAN CAN GYI LHAR BGRANG RIGS PAR 'GYUR RO, ,DE BAS NA, 'DIR PADMA'I LTE BA LA GNAS PAR CHES GSAL BAR GSUNGS PA LA DGONGS GZHI MA BTZAL KYANG GNOD PA CI'ANG MED CING, SGRUB LER, KLU DANG RAB GTUM MA RNAMS LA PADMA'I GDAN DNGOS SU MA GSUNGS KYANG, PADMA'I GDAN BYA MI RUNG BAR BSHAD PA'ANG MED PAS, 'DIR PADMA LA GNAS PAR GSUNGS PA NYID KYIS 'OG TU'ANG KHA BKANG STE, KLU DANG RAB GTUM MA RNAMS LA'ANG PADMA'I GDAN, 'BYUNG BA'I DKYIL 'KHOR DANG, 'KHOR LO'I LTE BA RNAMS SU BYA BAR SHIN TU GSAL LO, ,SRID BAR, ZHES PA 'GYUR MNGAS NA GNAS SU ZHES BSGYUR BA LTAR RO, ,DA NI BZHI PA, SLAR YANG LO GSUM, PHYOGS GSUM GYI ZHAG GRANGS DANG RTZA RGYUD KYI RGYU SKAR GYI DKYIL 'KHOR GYI LHA GRANGS DANG SBYAR NAS, DE LA BSDUS RGYUD KYI LHA BSDUS PA'I TSUL STON PA NI, DA NI TZA RTZI KA LA SOGS PA'I ZHES PA NAS, BSDUS PA'I DUS KYI 'KHOR LO'I RGYUD KYI NGES PA'O, ZHES PA'I BAR GSUNGS TE, DE'ANG, ZHAG GCIG GI NYI MA'I YE SHES CHE 'BRING DU BRTZIS PA, SUM CU SO GNYIS KYI CHAS, DBUGS KYI 'KHOR LO NYI KHRI CHIG STONG DRUG BRGYA LA

, ,BGOS PAS, NYIN ZHAG SO SO'I THOB SKAL LA CHU SRANG NGA DRUG DANG, DBUGS PHYED DANG GNYIS LA CHU TSOD DU BYAS PA'I CHU TSOD GNYIS GNYIS THOB LA DA MI ZLA BA'I DBUS, ZHES PA NYIN ZHAG SUM CU NA, CHU SRANG NGA DRUG DANG, DBUGS PHYED DANG GNYIS LA CHU TSOD DU BYAS PA'I CHA TSOD DRUG CUR 'GYUR TE, DE NYID NANG DU NYIN ZHAG GCIG LA BRGYUS PA'I CHU TSOD DI DRUG CU PO DE NI RIGS LDAN GYI RANG BZHIN ZHES PA YE SHES KYI RLUNG YIN LA, DE LA DUS SBYONG RAM THUN MTSAMS BZHI'I RLUNG BSRES PAS DRUG CU RTZE BZHI PO DE NI GSUNG GI 'KHOR LO'I 'DAB MA LHA ZUNG DRUG CU RTZA BZHIR 'GYUR LA, DE DAG KYANG THABS SHES YAB YUM SO SOR BGRANGS PAS NYIS 'GYUR TE, BRGYA NYI SHU RTZA BRGYAD DU 'GYUR RO, ,YANG NYI MA'I YE SHES KYI CHA LO GSUM GYI NANG NAS, LO GCIG ZHAG SUM BRGYA DRUG CU NI, SKU'I DKYIL 'KHOR GYI TSES LHA SUM BRGYA DRUG CU STE, DE LA, DBANG PO SOGS GTZO BO BCU GNYIS PADMA'I GDAN CAN BRGYA DANG NGA DRUG GI NANG DU SONG BAS, DE'I TSAB 'DIR SGEG SOGS BCU GNYIS TE, DE DAG THAMS CAD THABS SHES ZUNG YIN PAS, SO SOR BGRANGS PA'I LHA BDUN BRGYA NYI SHU'O, ,DE LTAR NA PADMA'I 'DAB MA'I LHA BRGYAD BRGYA BZHI BCU RTZA BRGYAD, SNGAR GYI PADMA'I LTE BA'I LHA BRGYA NGA DRUG, 'KHOR LO SDOM CHEN GYI LHA GRANGS BDUN CU RTZA GNYIS LAS, GTZO BO YAB YUM MA GTOGS PA BDUN CU, PHYAG RGYA'AM RGYAS 'DEBS KYI LHA DRUG DANG BCAS

PAS STONG BRGYAD CU NI, LO GSUM GYI ZHAG GRANGS KYI LHA YIN LA, DE'I STENG DU PHYOGS GSUM GYI ZHAG DUS SBYOR BCU GNYIS KYIS BSGYUR BA'I LNGA BRGYA BZHI BCU PO SGYU 'PHRUL DRA BA DANG, 'DUS PA'I DKYIL 'KHOR DGU'I LHA DANG SBYAR BA LTAR GYI LHA GRANGS TE, DE LTAR NYI MA'I YE SHES CHA LO GSUM ZHAG GRANGS DANG, ZLA BA'I YE SHES CHA PHYOGS GSUM GYI ZHAG GRANGS TE, DE DAG DANG SBYAR BA'I LHA'I GRANGS DE RNAMS THAMS CAD BSDUS PA NI, STONG PHRAG BRGYA NYI SHU STE, RTZA BA'I RGYUD LAS GSUNGS PA DPAL LDAN RGYU SKAR GYI DKYIL 'KHOR GYI LHA GRANGS SO, ,DE'ANG RGYU SKAR GYI 'KHOR LO LAS, NYIN MTSAN MNYAM PA'I DUS PHYED DANG BCU GSUM NYIN MO DANG, PHYED DANG BCU GSUM MTSAN ME BGROD CING, DE 'DRA'I RGYU SKAR GYI 'KHOR LO PHYED PHYED KYANG, CHU TSOD BRGYAD BRGYA DANG BCU BCU RDZOGS PAS, DES NA RGYU SKAR GYI CHU TSOD KYI GRANGS DANG, LHA'I GRANGS MNYAM PA'I PHYIR RGYU SKAR GYI DKYIL 'KHOR ZHES BYA'O, , DE'ANG BRTEN PA LHA'I NGES NAS SGRA BSHAD PA'O, ,PHYI ROL DU SKAR MA'I CHU TSOD RNAMS, GZA' THAMS CAD KYI LONGS SPYOD YIN PA BZHIN DU, SKU GSUNG THUGS YE SHES KYI 'KHOR LO'I LHA DE DAG THAMS CAD KYI'ANG BDAG PO NI RIGS DRUG GO, ,GANG GIS RANG GI LUS LA SHES PAR GYUR PA STE, ZHES SOGS KYI DON NI, RJES THOGS NYID DU DGOS PA'I SKABS SU BSHAD PAR BYA'O, ,DA NI SUM BCU ZHES PA LA SOGS PAS, RGYUD KYI LHA GRANGS

, ,DE LAS, BSDUS RGYUD KYI LHA GTZO CHE BA RNAMS JI LTAR BSDU TSUL STON TE, DE'ANG LHA STONG DRUG BRGYA NYI SHU'O, ,DE LAS SUM CUS BGOS PA'I THOB NOR LNGA BCU RTZA BZHI 'BYUNG LA, LHA THAMS CAD SKU GSUNG THUGS RDO RJE'I RIGS GSUM DU NGES PA'I PHYIR, LNGA BCU RTZA BZHI PO DE NYID GSUM GYIS BSGYUR BAS BRGYA DRUG CU RTZA GNYIS SU 'GYUR RO, ,DE NI RTZA RGYUD KYI LHA GRANGS LAS BTUS PA'I BSDAS RGYUD KYI LHA GTZO CHE BAR GYUR PA DAG GI GRANGS YIN TE, SNGAR BSHAD PA'I PADMA GDAN CAN GYI LHA BRGYA NGA DRUG DANG, PHYI'I RGYAS 'DEBS KYI PHYAG RGYA DRUG GO, ,YANG NA, STONG DRUG BRGYA NYI SHU LA SUM CUS BGOS PA'I THOB NOR GSUM GYIS BSGYUR BA DANG, STONG DRUG BRGYA NYI SHU LA BCU YIS BGOS PA'I THOB NOR GNAD GCIG TU 'ONG ZHING, BCU YIS BGO BA NI, LHA BRGYA DRUG CU RTZA GNYIS BTUS PA NI, LUS KYI RTZA GTZO CHE BA DANG, LHA DE DAG SBYAR BA'I CHED YIN LA, SNYING GA'I RTZA 'DAB BRGYAD STENG 'OG GI AA BA DH'U T'I DANG, DUNG CAN MA STE RTZA BCU PO DES LUS KYI RTZA BDUN KHRI NYIS STONG PO THAMS CAD LA KHYAB PA'I PHYIR RO, ,'DI NI BSHAD RGYUD RDO RJE PHRENG BA LAS, SNYING GA'I RTZA RNAMS KYIS LUS KYI RTZA KUN LA KHYAB PAR BSHAD PA DANG TSUL 'DRA BAR SNANG NGO, ,DA NI LNGA PA DE LTAR ZHAG DANG SBYAR BA'I LHA DE DAG NANG GI RTZA DANG SBYAR BAR STON PA NI, DA NI 'KHOR LO DAG GI RTZA RNAMS ZHES PA NAS, RTZA SDOM PA'I NGES PA'O, ZHES PA'I BAR GSUNGS TE, DE'ANG,

RTZA RNAMS KYI NANG NAS, GTZO BO LTE GSANG NOR BU'I CHU SKYES LA, ,LUS DAG SEMS NI 'BAB PA RNAMS, ZHES DBANG MDOR BSTAN LAS GSUNGS PA LTAR, LUS NGAG YID KYI THIG LE GSUM 'DZIN PA'I LTE GSANG NOR BU'I PADMA'I DBUS KYI RTZA GSUM NI RIGS GSUM DANG, STENG 'OG GI RTZA CHEN DRUG RIGS DRUG DANG, 'KHOR LO DRUG GI NANG NAS, LTE BA'I NANG SKOR GYI RTZA DRUG, BAR SKOR GYI RTZA BCU, LTE BA'I 'KHOR LO'I PHYI SKOR GYI NANG DANG, GZHAN SNYING GA'I 'KHOR LO'I ZLUm PO RNAMS LA RIM BZHIN 'PHO BA BCU GNYIS DANG, THUN TSOD BRGYAD KYI RTZA BCU GNYIS DANG, BRGYAD DE, DE LTAR SUM CU RTZA DRUG NI, RIGS SUM CU RTZA DRUG GO, ,SO DRUG PO DE DAG KYANG, RO DRUG LA SOGS PA KHAMS KYI DRUG TSAN DRUG DANG, GZUGS PHUNG DRUG 'JUG PAR BYED PA LA SOGS PA'I DRUG TSAN DRUG 'BAB PA YIN CING, DE LTAR, RO LA SOGS PA RTEN DANG, GZUGS LA SOGS PA BRTEN PA'I 'BREL PAS, PHYE BA SO DRUG NYIS 'GYUR DU BYAS PAS RTZA BDUN CU RTZA GNYIS TE, 'KHOR LO SDOM CHEN GYI LHA DANG SBYAR BA'O, ,DON 'DI DAG KYANG, BDUN CU RTZA GNYIS SO ZHES SHES PAR BYA'O, ZHES PA'I BAR GYIS BSTAN TO, ,DUS KYI 'KHOR LO'I PADMA'I GDAN CAN GYI LHA DANG SBYAR BA NI, DE BZHIN DU ZHES SOGS TE GTZUG TOR GYI RTZA 'DAB BZHI, SPYI BO'I BCU DRUG, MGRIN PA'I SO GNYIS, SNYING GA'I BRGYAD, LTE BA'I DRUG CU RTZA BZHI, GSANG GNAS KYI SO GNYIS TE, DE LTAR RTZA BRGYAD DANG NGA DRUG NI, DUS KYI 'KHOR LO'I

, ,PADMA GDAN CAN GYI LHA BRGYAD DANG NGA DRUG GO, 'DI RNAMS LAS RTZA DRUG NI 'KHOR LO 'GOG PA'O, ZHES BYA BA LA SOGS PA'I DON NI, RTZA BRGYA DANG NGA DRUG PO 'DI RNAMS LAS, GSANG GNAS KYI NANG RIM GYI RTZA DRUG NI, DE DAG TU MUN PA'I RLUNG ZHUGS NA, 'KHOR LO DRUG GI RTZA RANG RLUNG BRGYU BA 'GEG PAR 'GYUR RO, ,GSANG BA'I RIM PA GNYIS PA'I RTZA BCU 'DUS KYI RLUNG ZHUGS PAS YUL 'DZIN PA'I RTZA BCUR RLUNG BRGYU BA 'GOG PAR 'GYUR TE, DE RNAMS NI NAD GSUM 'DUS PA'I RANG BZHIN NO, ,SLAR YANG BCU PO DE DAG NYIS 'GYUR GTZUG TOR GYI RTZA BZHI DANG, DPRAL BA'I BCU DRUG NI, BAD KAN GYI NAD SKYED PAR BYED PA'I CHA STE NYI SHU'O, ,SLAR YANG NYI SHU NYIS 'GYUR MGRIN PA'I SO GNYIS DANG, SNYING GA'I BRGYAD NI, MKHRIS PA'I NAD SKYED PAR BYED PA'I CHA STE BZHI BCUR 'GYUR RO, ,SLAR YANG LTE BA'I RTZA DRUG CU RTZA BZHI DANG, GSANG GNAS KYI PHYI RIM GYI RTZA BCU DRUG PO DE DAG RLUNG GI SKYON BSKYED PA'I CHA SHAS KYI RTZA BRGYAD CUR 'GYUR TE, DE LTAR SOGS SO, ,'DI DAG NGES PAR SOGS NI, RTZA 'DI DAG LUS LA GNAD DU BSNUN PA'I THABS MKHAS KYIS MA ZIN NA, 'CHI BA NAD LA SOGS PA'I RIM PAS 'KHOR BA'I SDUG BSNGAL STER LA, DE 'DRA'I THABS MKHAS KYIS ZIN NA, TSE'I RIG 'DZIN DANG NAD MED PA SOGS STER BA TZAM LA NGO MTSAR MED KYI, TSE 'DI NYID LA SANGS RGYAS KYANG STER BAR BYED DO, ZHES BYA BA'I DON TO, ,GTZUG TOR LA NI, ZHES SOGS GO SLA'O, ,DE LTAR NA LNGA BCU RTZA DRUG ,CES SOGS

KYI DON NI, RTZA BRGYA DRUG CU RTZA BZHI PO 'DI DAG BYIS PA RNAMS KYI THABS MKHAS KYIS GNAD DU BSNUN NAS MA BSGOMS PAS, 'CHI BA SOGS 'KHOR BA'I SDUG BSNGAL STER LA, RNAL 'BYOR PAS SBYOR BA YAN LAG DRUG GI 'DI DAG LA BRGYU BA'I RLUNG DBU MAR BCINGS TE BSGOMS NA, MCHOG TU MI 'GYUR BA'I BDE CHEN STER BAR BYED DO, ZHES BYA'O, ,SLAR YANG RTZA DRUG CU RTZA GNYIS ZHES SOGS KYIS, DPAL LDAN RGYU SKAR GYI DKYIL 'KHOR GYI LHA GRANGS NANG DU RTZA DANG SBYAR BAR GSUNGS STE, DE'ANG GONG DU BSHAD MA THAG PA'I RTZA BRGYA DRUG CU RTZA GNYIS PO DE THAMS CAD LA RLUNG BCU BRGYU ZHING, PHUNG PO DANG KHAMS BCU 'BAB PA'I RANG BZHIN YIN PA'I PHYIR, RTZA BRGYA RE GNYIS PO BCUS BSGYUR BAS STONG DRUG BRGYA NYI SHUR 'GYUR LA, DE NI RGYU SKAR GYI DKYIL 'KHOR GYI LHA GRANGS SO, ,DE LTA BU'I DKYIL 'KHOR GYI LHA GRANGS MCHOG GI DANG PO'I SANGS RGYAS LAS GSUNGS PA'I DGONGS PA'ANG, 'JIG RTEN KUN RDZOB CES PA BSKYED RIM LA BRTEN NAS 'JIG RTEN PA'I DNGOS GRUB CHEN PO BRGYAD LA SOGS PA BSGRUB PA DANG, RTZA DE DAG LHA DE NYID KYI NGO BOR MOS PAR BYAS TE BSGOMS PAS SMIN PAR BYAS NAS, RTZA DE DAG GI RLUNG 'CHING BA'I THABS MKHAS KYI LAM BSGOMS PAS, RANG GI LUS 'CHI BA DANG, NAD MED PAR BSGRUB CING, MCHOG GI DNGOS GRUB KYI GO 'PHANG STER BAR BYED DO, ZHES BYA BA STE, 'DIS NI RTZA DANG LHA SBYAR BA'I DGOS PA RMAD DU BYUNG BA STON CING, 'DI DANG, GONG DU'ANG, DGOS PA STON PA'I GZHUNG RIM PA GNYIS SU BYUNG LA, DA NI DRUG ,CES PA LA

, ,SOGS PAS, ZHES SOGS KYI DGOS PA RGYAS PAR 'CHAD PA YIN PAS, DE DAG THAMS CAD KYI DON SPYIR BSDUS NAS BSTAN NA 'DI LTAR SHES PAR BYA STE, DE'ANG, SNGAGS BLA MED KYI LAM PHA RGYUD MA RGYUD SOGS SO SO LAS TSUL MI 'DRA BA JI SNYED CIG GSUNGS PA THAMS CAD KYANG, BDE STONG KHYAD PAR CAN SBYAR BA'I LAM RGYUD LA BSKYED PA GTZO BOR STON PAR KHYAD MED LA, DE'ANG, RLUNG DBU MAR BCINGS PA LA RAG LUS SHING, RJES SU 'GRO LDOG MI 'KHRUL LO, ,DE'ANG, GTZO BOR RDZOGS RIM GYI BYED PA YIN YANG, SROG DBU MAR 'CHING BA'I RDZOGS RIM KHYAD PAR CAN BSKYED PA LA NI, NGES PAR BSKYED RIM GYIS RGYUD SMIN PAR BYAS PA DGOS PAS, BSKYED RIM GYI DGOS PA GTZO BO NI SROG DBU MAR 'CHING BA'I RDZOGS RIM KHYAD PAR CAN SKYE BA'I SMIN BYED DU 'GRO BA DE YIN NO, ,DES NA, PHA RGYUD MA RGYUD GNYIS KYI DKYIL 'KHOR BSGOM PA'I TSUL MI 'DRA BA CI SNYED CIG GSUNGS PA THAMS CAD KYANG, SROG DBU MAR 'CHING BA'I CHED DU BSGOM PA LA KHYAD PAR MED PAR SHES PAR BYA'O, ,ZHES PA'I DON DU, GONG DU RLUNG GZHAN DANG MA SBYAR BAR, LO GSUM PHYOGS GSUM GYI DBU MA'I YE SHES CHA'I RLUNG GI GRANGS 'BA' ZHIG DANG, PHA RGYUD MA RGYUD GNYIS KA'I LHA GRANGS SBYAR NAS BSTAN PA YIN LA, LHA GRANGS DANG NANG GI RTZA SBYAR NAS BSTAN PA DAG GI DGOS PA'ANG, RTZA BA'I RGYUD LAS GSUNGS PA'I LHA STONG DRUG BRGYA NYI SHU'I NANG NAS BSDUS PA'I BSDUS RGYUD KYI LHA SKU GSUNG

THUGS KYI DKYIL 'KHOR GYI LHA GRANGS 'DI SNYED CIG GI NANG NAS, PADMA GDAN CAN GYI LHA BRGYA DANG NGA DRUG, RIGS DRUG GI RGYAS 'DEBS KYI LHA DRUG DANG BCAS PA BTUS NAS, DE DAG DANG, NANG GI RTZA BRGYA DRUG CU RTZA GNYIS SBYAR NAS BSTAN LA, DE'ANG DUS KYI 'KHOR LO'I RTZA, LHA DANG LHA MO'I RANG BZHIN GYIS GNAS PA ZHES GSUNGS PA LTAR, RTZA DE DAG LHA RNAMS KYI RANG BZHIN DU BSGOM PAR GSUNGS LA, DE'ANG, SNGAGS BLA MED KYI LAM GYI GTZO BO NI LUS LA GNAD DU BSNUN PA LA RAG LUS SHING, DE LA'ANG, LUS KYI RTZA RNAMS KYI RLUNG SO SO THAMS CAD DBU MAR BTUS NAS 'CHAD PA LA, DANG POR LUS KYI RTZA'I GNAS GANG GNAD DU CHE BA THAMS CAD BSKYED RIM GYI DUS NAS LHAG PA'I LHAS BYIN GYIS BRLABS SHING, GNAS DE DAG GI RLUNG 'DUS SLA BA SOGS KYI SMIN BYED KYI RGYU TSOGS TSANG BAR BYAS TE, NGAG ZOD RDZOGS RIM BSGOMS NA RLUNG 'DU SLA BA DANG, 'DOD PA BZHIN DU 'DU BA LA SOGS PA'I DGOS PA CHEN PO MTHA' YAS PA YOD KYI, DANG POR BSKYED RIM GYI SKABS SU DE LTAR BYAS PA MED PAR, DANG PO NAS, RDZOGS RIM THON PO NAS, AA NA TSUGS SU BSGOMS KYANG, SEMS 'DZIN GYI STOBS LAS BYUNG BA'I NYAMS BAN BUN RE TZAM MA GTOGS, RGYUD SDE DANG MTHUN PA'I RLUNG 'DU BA GNAD DU 'GRO BA TSUL DANG MTHUN PA'I LAM RGYUD LA SKYE MI SRID PAS, DES NA, DANG POR RDZOGS RIM GYI SMIN BYED KHYAD PAR CAN DU 'GRO BA'I BSKYED RIM BSGOM PA MED MI RUNG YIN CING, DE LA'ANG,

, ,'JIG RTEN PA'I DNGOS GRUB TZAM BSGRUB PA LA NI DKYIL 'KHOR GYI LHA LUS KYI RTZA DANG, RLUNG GI NGO BOR BSGOM PA MED KYANG RUNG MOD KYI, MCHOG 'GRUB PA LA NI, SNGAR BSHAD PA'I DGOS PA DE DAG BSGRUB PA'I LAM GYI GNAD LA NGES PA RNYED PA'I SGO NAS LUS KYI RTZA LA SOGS PA'I GNAD DE DANG, DE LHA'I NGO BOR BSGOM PA'I BSKYED RIM BSGOM PA LA DGOS PA KHYAD PAR CAN YOD DO, ,DE'I PHYIR, 'DIR YANG DUS KYI 'KHOR LO'I RTZA LHA DANG, LHA MO'I RANG BZHIN DU GNAS PA ZHES GSUNGS PA YIN NO, ,DE'ANG, BDE MCHOG LA SOGS PA NAS BSHAD PA LTAR LUS KYI RTZA KHAMS RNAMS LUS KYI GNAS DE DANG DER LHAR BSKYED PA'I LUS DKYIL BSGOM PA LA SOGS PA NI 'DIR MI GSAL BAS, 'DIR NI PHYI'I DKYIL 'KHOR LA BKOD PA'I LHA RNAMS NANG GI LUS KYI RTZA DE DANG DE'I RANG BZHIN DU MOS NAS BSGOM PA YIN CING, DE LA RGYAS PA RGYU SKAR GYI DKYIL 'KHOR DANG, BSDUS RGYUD KYI SKU GSUNG THUGS YONGS SU RDZOGS PA LTA BU BSGOMS NAS, NANG GI TSIGS KYI RTZA SUM BRGYA DRUG CU SOGS KYANG, CHOS KYI LHA DE DANG DE'I NGO BOR RE RE NAS MOS PA SOGS KYIS RGYAS PAR BSGOM PA BYUNG NA MCHOG YIN MOD KYI, 'ON KYANG DE TZAM DU MI BSGOM NA, LHA RNAMS GTZO CHE BA BRGYA NGA DRUG TU BSDUS SHING, RGYAS 'DEBS KYI RIGS DRUG DANG BCAS PAS, BRGYA DRUG CU RTZA GNYIS NANG GI LUS KYI RTZA THAMS CAD KYI GTZO BO BRGYA

DRUG CU RTZA GNYIS SU BSDUS NAS NANG GI RTZA DE DAG PHYI'I LHA DKYIL 'KHOR LA BKOD PA DE DAG GI NGO BOR MOS NAS BSGOM PA TZAM NGES PAR DGOS SO, ZHES SHES PAR BYA BA'I PHYIR DU, LHA DANG RTZA'I GTZO BO RNAMS SDOM PA'I NGES PA 'DI GSUNGS PA YIN LA, DE'I PHYIR RDZOGS RIM GYI SMIN BYED BSGOM PA LA, PADMA GDAN BCAS KYI LHA BRGYA DANG NGA DRUG PO 'DI TZAM ZHIG ,RTEN SKU GSUNG THUGS GSUM GA'I DKYIL 'KHOR RDZOGS PA LA RANG RANG GI GNAS SU BKOD PA'I DKYIL 'KHOR GYI 'KHOR LO BSGOM PA'I CHUL NYID GZHUNG 'DI DAG GIS GSAL BAR BSTAN TE, DE LTA BU BSGOM PA'I CHED MA YIN NA, 'DI LTAR LHA'I GTZO BO BSDU BA'I TSUL GSUNGS PA LA DGOS PA GANG YANG MED DO, ,DES NA RTEN DKYIL 'KHOR SKU GSUNG THUGS GSUM GA KHOR YUG DANG BCAS PA YONGS SU RDZOGS PA LA, BRTEN PA LHA LHAG MA RNAMS MI 'GOD PAR BRGYA NGA DRUG PO TZAM ZHIG BKOD NAS, PHYAG RGYA DANG, DRUG DANG BCAS PA NANG GI RTZA'I GTZO BO BRGYA DRUG CU RTZA DRUG GI RANG BZHIN DU MOS NAS, RTZA DE DAG LA BRGYU BA'I RLUNG THAMS CAD DBU MAR 'GOG PA'I SMIN BYED DU BSGOM PA NI, GZHUNG 'DI DAG GIS BSTAN PA YIN NO, DE LTAR BSKYED RIM BSGOM PAS RGYUD SMIN PAR BYAS NAS, DE'I 'OG TU BLA MA'I BKA' DRIN LAS, PHYIN CI MA LOG PAR BSGOM PA'I THABS SHES PA'I RNAL 'BYOR PAS SBYOR BA YAN HLAG DRUG BSGOMS PAS, RIGS DRUG GI RTZA BSRUNG BA, ZHES PAS, STENG GI RO RKYANG GI RTZA'I BRGYU BA

, ,DBU MAR BCINGS SHING, 'OG GI BSHANG GCI'I LAM LA BRGYU BA'I THUR SEL GYI RLUNG DUNG CAN MAR BCINGS PAS, 'CHI BA MED PA'I GO 'PHANG PHYAG RGYA CHEN PO'I GO 'PHANG THOB NAS 'KHOR BA'I SKYE BA'I RGYUN GCOD LA, SROG RNAL 'BYOR GYI STOBS KYI DBU MAR 'CHING MA NUS NA, DE'I SKYE 'CHI RGYUN BCAD NAS, PHYAG RGYA CHEN PO'I DNGOS GRUB JI LTAR THOB PAR 'GYUR ZHING, NGES PAR 'CHI BA'I YUL LA SPYOD PAR MI BYED DO, ZHES BSTAN PA NI, DA NI DRUG CES PA LA SOGS PAS ZHES SOGS SO, ,DES NA LAM RIM PA GNYIS KA SROG DBU MAR ZHUGS GNAS THIM GSUM BYAS PA LA BRTEN NAS, BDE STONG GNYIS SU MED PA'I YE SHES BSKYED PA DANG, SKYES PA KHYAD PAR DU 'GYUR BA KHO NA'I CHED DU, GTZO BOR BSGOM PA YIN PA 'DI SHES PAR BYA LA, DE'ANG, SNGAR BCU'I CHOS MCHOG GI DANG PO'I SANGS RGYAS LAS, DUS KYI 'KHOR LO 'BYUNG BA STE, AINDRA LA SOGS DUNG CAN MA'I MTHA'I RTZA'I DBYE BAS SO, ,PHYI ROL TU NI DRANG BA'I DON TO, ZHES GSUNGS PA'I DON KYANG, BSHAD MA THAG PA'I TSUL 'DI LTAR GO BA CHAGS PA BYAS NAS, RLUNG 'GOG PA'I SMIN BYED DU BSAMS TE DKYIL 'KHOR GYI LHA RNAMS NANG GI RTZA'I NGO BOR MOS NAS BSGOM PA NI NGES DON DANG, DE LTAR MA SHES PAR 'JIG RTEN PA'I DNGOS GRUB TZAM GYI CHED DU NANG GI LUS KYI RTZA KHAMS RLUNG GSUM GANG GI'ANG RANG BZHIN DU MOS RGYU MED PAR, PHYI'I DKYIL 'KHOR BSGOM PA TZAM NI DRANG BA'I

DON TO, ZHES BYA BA YIN TE DE GNYIS KA'ANG BSKYED RIM DU KHYAD PAR MED KYANG, RDZOGS RIM GYI THUN MONG MA YIN PA'I SMIN BYED DU 'GRO MI 'GRO'I SGO NAS GRANGS NGES SU GSUNGS PA'O, ,MDOR BSDUS KYI MTSAN BSTAN PA NI, BSDUS PA'I RGYUD KYI RGYAL PO, ZHES SOGS SO, ,DA NI MDOR BSDUS BZHI PA BSHAD PAR BYA'O, ,DE LA DANG PO GNAS PA BCU GCIG PA NYI ZLA ME'I 'CHI LTAS KYI GNAS PA STON TE, DE LA'ANG, NYI ZLA'I 'CHI LTAS GNYIS NI, DUS MA YIN PA DANG, ME STE SGRA GCAN NAM, DBU MA'I 'CHI LTAS NI DUS SU 'CHI BA'I LTAS SO, ,DE DAG LAS DANG POR DUS MIN PAR, 'CHI BA'I ZLA BA'I 'CHI LTAS KYI GNAS PA STON PA NI, DA NI SROG CES PA LA SOGS PAS, ZHES PA NAS, ZLA BA'I 'CHI LTAS KYI NGES PA'O, ZHES PA'I BAR GSUNGS TE, 'DI DAG GI DON PHYOGS GCIG TU BSDUS TE BSHAD PA NI 'DI YIN TE, LTE BA NA DUS SBYOR BCU GNYIS KYI RLUNG BRGYU BA'I RTZA 'DAB BCU GNYIS YOD LA, DE'I GA-YAS KYI RTZA DRUG LA GLANG LA SOGS PA MNYAM PA'I DUS SBYOR DRUG DANG, GA-YON GYI RTZA 'DAB DRUG LA, LUG LA SOGS PA MI MNYAM PA'I DUS SBYOR DRUG GI RLUNG RGYU BAR BYED LA, DE'ANG, MNYAM PA DRUG GI DBUGS, LTE BA'I RTZA 'DAB GA-YAS RO MA DRUG LAS 'ONGS BA NI, STENG DU'ANG SNA SGO GA-YAS NAS BRGYU LA, DE BZHIN DU GA-YON GYI DRUG NAS SNA SGO GA-YON NAS BRGYU'O, ,PHYI ROL TU NI KHYIM BCU GNYIS KYI 'PHO BA, MNYAM PA DANG MI MNYAM PA DRUG DRUG PO SPEL NAS MI 'BYUNG BAR, MNYAM PA DRUG BYANG BGROD

, ,KYI ZLA BA DRUG DANG, MI MNYAM PA DRUG LHO BGROD KYI ZLA BA DRUG LA BAR MA CHAD PAR 'PHO'ANG NANG DU NI, GA-YON GYI MI MNYAM PA DRUG KYANG, BAR DU MNYAM PA RE GA-YAS LA BRGYU BAS BAR CHOD PA DANG, DE BZHIN DU, MNYAM PA DRUG KYANG MI MNYAM PA RE RE GA-YON NAS BRGYU BAS, BAR CHAD PA'I SGO NAS GA-YAS LA BRGYU'O, ,DE LA BU MNGAL DU CHAGS PA'I TSE NI, BU DE LA RLUNG GI 'PHO BA MED CING, SKYE BA'I TSE NA'ANG, MA DANG BU GANG GI'ANG, NANG GI DUS SBYOR GANG LA 'DUG BLO KHA PHYOGS PA DANG, BRTZIS ZIN PA'I SKAR RTZIS PA'ANG DKON PAS, LUG GI DUS SBYOR LA SKYES PA ZHES GSUNGS PA NI, PHYI'I DUS SBYOR GYI DBANG DU BYAS PA STE DES NA LUG GI DUS SBYOR LA SKYES PA LTA BU ZHIG GI DBANG DU BYAS NAS, SKYES PA'I RJES NAS LUG GI DUS SBYOR GYI LTE BA'I RTZA LA ZHAG GCIG BAR MA CHAD DU RLUNG BABS NAS ZHAG GCIG PU DE LA SNA BUG GA-YON KHO NA NAS RLUNG BAR MA CHAD DU BRGYUS NA SKYES BU DE DE NAS BRTZIS PA'I ZLA BA SUM CU RTZA DRUG NA 'CHI ZHING, DE TZAM ZHIG NI THUB BO, ,'O NA ZLA BA SUM CU RTZA DRUG NA 'CHI NA, DE'I BAR LA DUS SBYOR BCU GNYIS KYI RLUNG 'BAB PA'I RTZI 'DAB BCU GNYIS PO DE RIM BZHIN RLUNG GIS DOR NAS SKAM DGOS PAS ZLA BA JI TZAM RE NAS, RTZA 'DAB RE RLUNG GIS MDOR ZHE NA, ZLA BA'I 'CHI LTAS 'DI LA, GA-YON NAS RIM BZHIN RTZA 'DAB GCOD PA'AM BSKAMS PAS, DANG POR GA-YON GYI RTZA 'DAB GCOD PA LA, ZHAG GSUM GYIS DMAN PA'I ZLA BA DRUG DGOS

SHING, DE'ANG, DANG POR 'CHI LTAS KYI RLUNG ZHAG GCIG BRGYU, ,DE NAS RANG BZHIN PA'I ZHAG NYER DGU, DE NAS ZLA BA GNYIS PA ZHAG SUM CUR GCIG GIS MA TSANG BA'I NYER DGU LA NI, RANG BZHIN PA'I RLUNG 'BA' ZHIG MA GTOGS 'CHI LTAS MI BRGYU'O, ,DE NAS ZLA BA GSUM PA'I THOG MAR 'CHI LTAS ZHAG GCIG ,DE NAS RANG BZHIN PA'I ZHAG NYER DGU, DE NAS ZLA BA BZHI PA LA ZHAG NYER DGU LAS MED CING, 'CHI LTAS MI BRGYU, DE NAS ZLA BA LNGA PA LA, THOG MAR 'CHI LTAS BRGYU BA ZHAG GCIG ,DE RJES RANG BZHIN PA NYER DGU, DE NAS ZLA BA DRUG PA LA, ZHAG NYER DGU LAS MED CING, 'CHI LTAS MI BRGYU'O, ,DE LTAR 'CHI LTAS ZHAG RE THOG MAR BRGYU BA DANG BCAS PAS ZHAG SUM CUR LONG PAS ZLA BA GSUM DANG ZHAG NYER DGU RE LAS MED PAS, 'CHI LTAS MI BRGYU BA'I ZLA BA GSUM STE, DRUG GI RTZA 'DAB DANG PO GCOD CING RLUNG GIS 'DOR RO, ,DE NAS RTZA 'DAB GNYIS PA NAS, BCU GCIG PA'I BAR RNAMS LA NI, DANG POR 'CHI LTAS ZHAG RE, DE NAS RANG BZHIN PA NYER DGU RE BRGYU BAR MTSUNGS PA'I ZLA BA GSUM GSUM GYIS RTZA 'DAB RE RE GCOD PAR KHYAD PAR MED LA, DE'I PHYIR RTZA 'DAB BCU GCIG PA BCAD TSAR BA YAN CHAD LA, ZLA BA SUM CU RTZA DRUG TU ZHAG GSUM GYIS DMAN PA RDZOGS SO, ,DE NAS ZHAG GSUM PO DE LAS, ZHAG GNYIS KYIS RTZA 'DAB BCU GNYIS PA GCOD LA, LHAG MA ZHAG GCIG DBU MAR BRGYUS PAS, RTZA 'DAB BCU GNYIS PO THAMS CAD KYI LTE BA DBU MA GCOD PA'AM DBU MA RLUNG GIS 'DOR TE,

, ,DE NAS RNAL 'BYOR GYI STOBS KYIS, DBU MAR RLUNG 'CHING MI NUS PA RNAMS 'CHI'O, ,DE LA 'GREL PAR, 'CHI LTAS KYI NYIN ZHAG SUM BCU RTZA GSUM DANG, RTZA GNYIS DANG, ZHES SOGS GSUNGS PA NI, ZLA BA SNGA MA'I 'CHI LTAS KYI RLUNG BRGYUS PA'I ZHAG GANG SONG BA RNAMS KYI STENG DU ZLA BA DE'I 'CHI LTAS KYI ZHAG KYANG BSNAN TE, BSDOMS NAS BRTZIS PA'I GRANGS YIN GYI, ZLA BA DE RANG LA BRGYUS PA'I 'CHI LTAS KYI ZHAG GRANGS MA YIN NO, ,DE NAS ZLA BA GSUM PA NI MI 'BAB BO, ,ZHES PA 'GYUR MA DAG PA STE, TZA MI SOGS KYI 'GYUR LA BZHI, ZHES YOD PA LTAR LEGS SO, ,DE NI GA-YON PA'I RTZA LA 'OG TU ZLA BA'I RLUNG, ZHES PA THUR SEL GYI RLUNG CHA MI MNYAM PA LAS BYUNG BA'I 'CHI LTAS KYI NGES PA'O, ,SNYING STOBS DANG, RDUL DANG, MUN PA'I DBYE BAS, ZHES BYA BA NI, RTZA 'DAB BCU GCIG PA YAN CHAD GCOD PA LA, RTZA 'DAB RE LA 'CHI LTAS KYI ZHAG GSUM GSUM 'PHEL BA DE DAG ,RDUL MUN SNYING STOBS KYI YON TAN GSUM DANG SBYAR BA'O, ,ZLA BA'I 'CHI LTAS KYI RTZA 'DAB 'DOR TSUL BDE BLAG TU RTOGS PA'I CHED DU, KHYIM GYI 'KHOR LO BKOD PA GSUNGS PA NI, LOGS SU DPE CHUNG LAS SHES PAR BYA STE, GO SLA'O, DA NI, LNGA NI, ZHES PA LA SOGS PA LA, ZHES PA NAS, NYI MA'I 'CHI LTAS KYI NGES PA'O, ZHES PA'I BAR GYIS NYI MA'I 'CHI LTAS GSUNGS TE, 'DI'I DON GTAN LA DBAB PA LA, 'CHI ZHAG DANG, TSE LHAG JI TZAM YOD DPYAD PA, RTZA 'DAB 'DOR BA'I

ZHAG GI RGYU TSUL, RTZA 'DAB 'DOR BA'I ZHAG DANG ZHAG LHAG ,'CHI ZHAG RNAMS RTZA 'DAB GCOD PA'I ZHAG LA GTOGS MI GTOGS, 'CHI ZHAG RNAMS TSE LHAG LA GTOGS MI GTOGS, 'CHI ZHAG GI GRANGS RNAMS SNGA MA'I STENG DU PHYI MA SNON BA YIN MIN DPYAD PA DANG DRUG GO , ,DANG PO NI, LTE BA NA KHYIM BCU GNYIS KYI RTZA 'DAB BCU GNYIS YOD PA'I 'DAB MA DANG PO LA, RLUNG SNA BUG GA-YAS NAS BAR MA CHOD PAR ZHAG LNGA BRGYUS NA, LO GSUM LAS MI THUB CING, DE NI THUB BO, DE BZHIN DU 'DAB MA GNYIS PA LA BCU DANG, GSUM PA LA BCO LNGA DANG, BZHI PA LA NYI SHU DANG, LNGA PA LA NYI SHU RTZA LNGA DANG, DRUG PA LA NYER DRUG DANG, BDUN PA LA NYER BDUN DANG, BRGYAD PA LA BCO LNGA DANG, DGU PA LA BCU DANG, BCU PA LA LNGA DANG, BCU GCIG PA LA GSUM DANG, BCU GNYIS PA LA GNYIS RNAMS SNA BUG GA-YAS NAS BAR MA CHAD DU BRGYUS NA RIM PA BZHIN, LO GNYIS DANG, LO GCIG DANG, ZLA BA DRUG DANG, ZLA BA GSUM DANG, ZLA BA GNYIS DANG, ZLA BA GCIG ,ZHAG NYER GCIG DANG, ZHAG BCU DRUG DANG, ZHAG BCU GCIG DANG, ZHAG GSUM DANG, ZHAG GCIG NA 'CHI'O, ,GNYIS PA RTZA 'DAB 'DOR BA'I ZHAG GI RGYU TSUL NI, 'DAB MA DANG PO NAS SNA BUG GA-YAS LA THOG MAR BAR MA CHAD PAR 'CHI ZHAG LNGA BRGYU, DE NAS ZHAG RANG BZHIN PA SUM BRGYA SUM CU, DE BZHIN DU 'DAB MA GNYIS PA LA THOG MAR RANG BZHIN PA NYER LNGA, DE NAS 'CHI LTAS ZHAG BCU, DE NAS RANG BZHIN PA SUM

, ,BRGYA BCU, RTZA 'DAB GSUM PA LA THOG MAR RANG BZHIN PA BZHI BCU, DE NAS 'CHI ZHAG BCO LNGA, DE NAS RANG BZHIN PA BRGYA BCO LNGA, BZHI PA LA THOG MAR RANG BZHIN PA LNGA BCU 'CHI ZHAG NYI SHU, DE NAS RANG BZHIN PA BCU GNYIS, LNGA PA LA THOG MAR RANG BZHIN PA SO GNYIS, DE NAS 'CHI ZHAG NYER LNGA'O, ,DRUG PA LA THOG MAR RANG BZHIN PA GNYIS, DE NAS 'CHI ZHAG NYER DRUG ,BDUN PA MAN CHAD LA NI RTZA 'DAB RE RE 'DOR BA'I ZHAG GRANGS LA, 'CHI ZHAG DANG, RANG BZHIN PA'I ZHAG GNYIS GNYIS SU 'BYED RGYU MED KYI, SNGAR BSHAD PA'I 'CHI LTAS KYI RGYU BA'I ZHAG GRANGS DA NYID KA RTZA 'DAB DOR BA'I ZHAG GRANGS KYANG YIN NO, ,KHA CIG GI RTZA 'DAB GSUM PA LA THOG MAR RANG BZHIN PA NYER LNGA, DE NAS 'CHI ZHAG BCO LNGA DANG, LNGA PA LA THOG MAR RANG BZHIN PA NYER BRGYAD, DE NAS 'CHI ZHAG NYER LNGA, DE NAS RANG BZHIN PA BZHI DANG, DRUG PA LA THOG MA RANG BZHIN PA GCIG ,DE NAS 'CHI ZHAG NYER DRUG ,DE NAS RANG BZHIN PA GCIG BRGYU'O, ZHES ZER BA NI MI 'THAD DE, DE LTA NA, RTZA 'DAB GSUM PA'I 'CHI ZHAG TSE LHAG LA MA GTOGS NA, RTZA 'DAB GSUM PA LA 'CHI LTAS THOG MA BRGYUS PA NAS, TSE LHAG LO GCIG LAS MI 'ONG RGYU LA, LO GCIG DANG ZHAG BCO LNGA YOD PAR 'GYUR BAS, RTZA 'DAB GSUM PA'I 'CHI ZHAG TSE LHAG LA MI GTOGS PAR THAL BA DANG, RTZA 'DAB LNGA PA LA TSE LHAG ZHAG DGU BCU LAS MI 'ONG RGYU LA GO LNGA DANG, DRUG PA LA TSE LHAG GI ZHAG DRUG

CU LAS MI 'ONG RGYU LA RE BZHI 'ONG BA SOGS KYI SKYON DU 'GYUR BA'I PHYIR RO, ,GSUM PA RTZA 'DAB 'DOR BA'I ZHAG DANG ZHAG LHAG NI, SPYIR LO GSUM LA ZHAG STONG BRGYAD CU YIN LA, DE'I STENG NAS 'DAB MA DANG PO 'DOR BA LA ZHAG SUM BRGYA SO LA, ZHAG LHAG MA BDUN BRGYA DANG ZHE LNGA, DE BZHIN DU RTZA 'DAB GNYIS PA 'DOR BA LA ZHAG SUM BRGYA ZHE LNGA, DE PHYIN CHAD KYI TSE'I ZHAG LHAG BZHI BRGYA RTZA 'DAB GSUM PA 'DOR BA LA BRGYA BDUN CU, ZHAG LHAG NYIS BRGYA SUM CU, RTZA 'DAB BZHI PA 'DOR BA LA ZHAG GYA GNYIS, ZHAG LHAG BRGYA ZHE BRGYAD, RTZA 'DAB LNGA PA 'DOR BA LA ZHAG LNGA BCU RTZA BDUN, ZHAG LHAG PO GCIG ,RTZA 'DAB DRUG PA 'DOR BA LA ZHAG NYER BRGYAD, ZHAG LHAG RE GSUM, BDUN PA MAN CHAD RANG RANG GI 'CHI ZHAG GI GRANGS KYIS 'DAB MA RNAMS 'DOR ZHING, LHAG KYANG DES SHES PAR NUS SO, ,BZHI PA 'CHI ZHAG RNAMS RTZA 'DAB GCOD PA'I ZHAG LA GTOGS MI GTOGS DPYAD PA NI, 'CHI ZHAG RNAMS RTZA 'DAB GANG LA BRGYUS PA DE DANG DE GCOD BYED KYI GTZO BO YIN PAS, 'DAB MA DE DAG 'DOR BA'I ZHAG TU MI GTOGS PA MI RIGS SHING, MI GTOGS PA BYAS NA 'DAB MA RE RE 'DOR BA LA, SNGAR BSHAD PA'I ZHAG GRANGS DE MI TSANG NGO, ,DPER NA, 'DAB MA DANG PO LTA BU LA MTSON NA, THOG MAR 'CHI ZHAG LNGA, DE NAS RANG BZHIN PA SUM BRGYA SUM CU SO LNGAR BYAS NA, DE LTA NA 'DAB MA GNYIS PA SOGS LA'ANG DE BZHIN DU BYED DGOS PAS, 'DAB MA GNYIS PA MAN CHAD LA, ZHAG BDUN BRGYA ZHE LNGA LAS SHIN

, ,TU MANG BA YOD PAR 'GYUR ZHING, TSE LHAG GI GRANGS RNAMS 'CHOL BAR 'GYUR RO, ,LNGA PA 'CHI ZHAG RNAMS CHE LHAG LA GTOGS MI GTOGS DPYAD PA NI, SNA BUG 'DI LA, RTZA 'DI NAS, BAR MA CHAD PAR ZHAG 'DI TZAM ZHIG ,RLUNG BRGYUS NA, DE NAS 'DI TZAM LA 'CHI ZHES ZER BAS, 'CHI ZHAG RNAMS TSE LHAG LA MI GTOGS PA 'DRA BA ZHIG SNANG NA'ANG, 'DAB MA DANG PO DANG, GNYIS PA, GSUM PA, BZHI PA, RNAM SHES KYI SKABS SU NI, 'CHI ZHAG GI GRANGS RNAMS TSE LHAG LA GTOGS DGOS PAR SNANG NGO, ,'DAB MA DANG PO NAS SNA BUG GA-YAS LA BAR MA CHAD DU ZHAG LNGA RLUNG BRGYUS NA LO GSUM NA 'CHI ZHING, LO GSUM LA ZHAG STONG BRGYAD CU LAS MED LA, DE'I STENG NAS 'DAB MA DANG PO 'DOR BA'I ZHAG SUM BRGYA SO LNGA SONG BA NA, ZHAG LHAG BDUN BRGYA ZHE LNGA LAS MED LA, 'CHI ZHAG TSE ZHAG LA MI GTOGS NA ZHAG LHAG BDUN BRGYA DRUG CU 'ONG BA SOGS MI 'GRIG PA CHEN POR 'GYUR BAS SO, ,'DAB MA LNGA PA MAN CHAD LA NI MU GSUM DU 'GYUR RO, ,'DI LTAR 'DAB MA LNGA PA, DRUG PA, BDUN PA, BRGYAD PA RNAMS KYI NI RANG RANG GI 'CHI ZHAG RNAMS, RANG RANG GI TSE LHAG LA MI GTOGS TE, GAL TE GTOGS NA LNGA PA LA TSE LHAG ZLA BA GSUM LAS MI 'ONG RGYU LA ZLA BA BZHI 'ONG BA NAS, BRGYAD PA LA TSE LHAG ZHAG NYER GCIG LAS MI 'ONG RGYU LA, SO DRUG 'ONG BA'I BAR GYI SKYON DU 'GYUR BAS SO, ,DGU PA LA NI, 'CHI ZHAG BCU PO, TSE LHAG GI ZHAG BCU DRUG PA'I GRANGS LA RIL POR GTOGS PAR BYAS NA, TSE LHAG BCU DRUG LAS THAL NAS ZHAG NYER GCIG TU 'GYUR TE, KHO RANG GI

'CHI ZHAG BCU, 'DAB MA BCU PA GCOD PA'I 'CHI ZHAG LNGA, BCU GCIG PA'I GSUM, BCU GNYIS PA'I GNYIS, DBU MA GCOD PA'I ZHAG GCIG RNAMS YOD PAS SO, ,GCIG KYANG MI GTOGS PA BYAS NA, TSE LHAG ZHAG BCU DRUG KYANG MED PAR 'GYUR TE, BSHAD MA THAG PA LTAR RTZA 'DAB LHAG MA GCOD PA'I 'CHI ZHAG LNGA DANG, GSUM DANG, GNYIS DANG, GCIG STE, BCU GCIG PO DE LAS MED PAS SO, ,DES NA, DGU PA'I 'CHI ZHAG BCU PO LAS, PHYED TSE LHAG TU BGRANG ZHING PHYED MI BGRANG NGO, ,BCU PA'I TSE LHAG ZHAG BCU GCIG TU GSUNGS PA LA NI, KHO RANG GI 'CHI ZHAG LNGA PO RIL PO GTOGS DGOS TE, DE MI GTOGS PA LA, LHAG ZHAG DRUG LAS MED PAS SO, ,BCU GCIG PA DANG, BCU GNYIS PA LA RIM BZHIN, TSE LHAG ZHAG GSUM DANG, GCIG TU GSUNGS PA LA NI, RANG RANG GI 'CHI ZHAG GSUM DANG, GNYIS BSHAD PA DE DAG MI GTOGS TE, GTOGS NA RIM BZHIN, TSE LHAG ZHAG DRUG DANG GSUM DU 'GYUR BAS SO, ,DES NA 'DI DAG LA, RANG GI 'CHI ZHAG RANG GI TSE LHAG LA RIL PO GTOGS PA DANG, RIL PO MI GTOGS PA DANG, PHYED GTOGS SHING PHYED MI GTOGS PA STE MU GSUM GYI DBANG DU MDZAD NAS, 'CHI ZHAG DANG, TSE LHAG GI ZHAG GRANGS GONG DU BSHAD PA DE LTAR 'GREL CHEN LAS GSUNGS PA YIN PAR SHES PAR BYA'O, ,DE LA 'DI SNYAM DU, 'CHI ZHAG DANG RANG BZHIN PA'I ZHAG GI RGYU TSUL SNGAR BSHAD PA DE LTAR BYAS KYANG, 'DAB MA BZHI PA MAN CHAD LA TSE LHAG ZLA BA DRUG YOD CING, LNGA PA MAN CHAD LA ZLA BA GSUM YOD PAS, BZHI PA LA LNGA PA DANG, THUN MONG DU MA SONG BA'I TSE LHAG ZLA BA GSUM

, ,'ONG DGOS PA LA, GYA DGU LAS MA BYUNG ZHING, DE LTAR BRTZIS PAS, LNGA PA LA DRUG PA DANG THUN MONG DU MA SONG BA'I TSE LHAG SUM CU 'ONG RGYU LA NYER BRGYAD DANG, DRUG PA LA BDUN PA DANG, THUN MONG DU MA SONG BA'I TSE LHAG ZHAG SUM CU 'ONG RGYU LA NYER BDUN DANG, 'DAB MA LNGA PA LA, TSE LHAG 'DAB MA LHAG MA RNAMS DANG THUN MONG BA ZHAG DGU BCU LAS MI 'ONG RGYU LA GO GCIG DANG, DRUG PA LA TSE LHAG 'DAM MA DANG THUN MONG BA ZHAG SUM CU LAS MI 'ONG RGYU LA SO DRUG SOGS MI 'GRIG PA 'DI LTAR 'BYUNG BA CI ZHE NA SKYON MED DE, 'GREL CHEN LAS GSUNGS PA'I TSE LHAG GI GRANGS DE DAG NI, 'DAB MA BZHI PA, LNGA BA, DRUG PA RNAMS KYI THUN MONG MA YIN PA'I TSE LHAG LA, ZHAG DRUG MA TSANG BA DE NYID, 'DAB MA DRUG PA'I TSE LHAG LA ZHAG DRUG LHAG PAS, KHA BKANG BAS NA THOB THANG LA, JI SKAD BSHAD PA LTAR GYI GRANGS 'GRIG PA LA DGOS PAS SKYON MED DE, 'DAB MA DRUG PA'I SKABS SU SO DRUG BYUNG BAS, 'DAB MA BCU GCIG PA LA ZHAG GSUM DANG, BCU GNYIS PA LA GNYIS DANG, DBU MA'I ZHAG GCIG RNAMS BYUNG BA YIN GYI DRUG PA'I SKABS SU ZHAG SUM CU KHO NA BYAS NA DE 'DAB MA BCU PA YAN CHAD KYIS RDZOGS PAS BCU GCIG PA MAN GYI ZHAG RNAMS MED PAR 'GYUR RO, DE'I PHYIR ZHAG GRANGS DE LTAR MI 'ONG RGYU MIN GYI, NGES PAR 'ONG DGOS PA YIN NO, ,DGU BCU 'ONG RGYU LA GO GCIG BYUNG BA NI, MTHA'I DBU MA GCOD PA'I ZHAG GCIG PO BRTZIS PAS GO GCIG TU SONG BA YIN GYI, RTZA 'DAB

GCOD PA'I ZHAG GRANGS GO GCIG TU SONG BA MA YIN PAS SKYON MED DO, ,DRUG PA 'CHI ZHAG GI GRANGS RNAMS SNGA MA'I STENG DU PHYI MA SNON PA YIN MIN DPYAD PA NI, 'CHI ZHAG BCU DANG BCO LNGAR BYED PA SOGS RNAMS, 'DIR NI ZLA BA'I 'CHI LTAS KYI SKABS LTAR SNGA MA'I STENG DU BSNAN NAS BRTZIS PA'I ZHAG GRANGS MIN GYI, RTZA 'DAB GNYIS PA GCOD PA RANG GI SKABS SU, 'CHI ZHAG BCU BAR MA CHAD PAR BRGYU BA LA SOGS PA YIN TE, DE LTA MIN NA, BSHAD PA LTAR GYI RTZA 'DAB GCOD PA'I ZHAG GRANGS RNAMS 'CHOL BAR 'GYUR RO, ,'DIR KHA GCIG NA RE, (BU STON CHOS RJE,) N'A RO PAS, RTZA 'DAB BRGYAD MAN CHOD GCOD PA LA 'PHO BA LNGAS NYIN ZHAG BCO LNGA, 'PHO BA BZHIS NYIN ZHAG BCU, 'PHO BA GSUM GYIS NYIN ZHAG LNGA, 'PHO BA GNYIS KYIS NYIN ZHAG GSUM, ZHES GSUNGS PA NI 'GREL CHEN LAS, NYIN ZHAG NYI SHU RTZA GSUM PO 'DI RNAMS RTZA BRGYAD PA DANG, DGU PA DANG, BCU PA DANG, KHYIM GYI RTZA BCU GCIG PA DKYIL 'KHOR LNGA 'BAB PAR BYED PA NI, NYI MA'I RAB TU BRGYU BAS 'DOR TE, ZHES GA-YAS GCIG PU NAS 'BAB PAR GSUNGS PAS, DE DANG 'GAL LO ZHES ZER RO, ,SLOB DPON N'A RO PAS GSUNGS PA'I DE'I DON NI, LTE BA RTZA 'DAB BRGYAD PA GCOD PA MAN CHAD LA, RTZA 'DAB BRGYAD PA BCAD CHER NAS DGU PA GCOD PA LA 'PHO BA DANG, DE NAS RTZA 'DAB BCU PA GCOD PA LA 'PHO BA SOGS KYI 'PHO BA LNGA YOD, CES SOGS KYI DON YIN LA, 'GREL CHEN LAS GSUNGS PA NI, SNA BUG GA-YAS GCIG PU LAS BRGYU BAR GSUNGS PA YIN PAS, DES NA RTZA 'DAB DANG,

, ,SNA BUG GI 'PHO BA MA PHYED PAR, TSAD LDAN GYI PAndI TA LA NYES PA 'DZIN PA LA RINGS PAR MA BYED CIG ,DE LTAR MIN NA 'GREL CHEN LAS KYANG ZLA BA'I 'CHI LTAS KYI SKABS SU, 'CHI LTAS KYI RLUNG ZHAG NYI SHU SOGS SNA BUG GA-YON GCIG PU NAS BRGYU BAR BSHAD PA DANG, 'PHO BA BCU GNYIS NYIN MTSAN BYED DE, ZHES SOGS BSHAD PA'ANG NANG 'GAL LO, ZHES BRJOD PAR GYIS SHIG ,DE LTAR BSHAD PA DAG GIS TSIG DON KYANG SHES PAR NUS LA, KHYIM GYI 'KHOR LO DGOD PA DPE CHUNG LTAR SHES PAR BYA'O, ,NYI MA'I 'CHI LTAS BSHAD ZIN TO, 'DIR KHA CIG ,ZLA BA DANG NYI MA'I 'CHI LTAS 'DI GNYIS NANG GI SNYE MA LAS DUS 'CHIR BYAS PA, PAndI TA'I NOR BA CHEN PO'O, ,ZHES ZER MOD KYANG BI BH'U TIS MDZAD PA'I NANG GI SNYE MA LAS NI NAD MED PA RNAMS KYI KHAMS SNYOMS PA YIN LA, MI SNYOMS PA'I TSE SROG MI BU SOGS, SNYOMS PAS NYI MA DANG ZLA BA'I SKYON GYI DUS MA YIN PAR 'CHI'O, ZHES DUS MA YIN PA'I 'CHI BA'I LTAS SU GSAL BAR BSHAD PAS, DPE MA DAG PAS 'KHRUL PA'AM, MA BRTAGS PAR ZAD DO,, ` ,,DA NI GSUM PA DUS SU 'CHI BA'I MTSAN NYID 'CHAD PA LA, MU STEGS PAS BRTAGS PA'I MI 'THAD PA'I PHYOGS DGAG PA DANG, 'THAD PA'I PHYOGS RNAM PAR BZHAG PA'O, ,DANG PO NI, DGAG PAR DAM BCA' BAS MTSAMS SBYAR BA DANG, GZHAN LUGS DGOD PA DANG, DE DGAG PA DANG, DON BSDU BA DANG BZHIS RIG PAR BYA'O, ,DANG PO NI, DA NI, ZHES PA NAS, BRJOD PAR BYA'O, ZHES PA'I PAR TE,

'DI NYI MA'I DBU MA'I 'CHI LTAS ZHES SOGS 'DI LA, DA NI DBU MA'I 'CHI LTAS KYI DUS KYI LO'I RIM PAS NYI MA'I LO BRGYA'I MTSAMS SU, ZHES BSGYUR NA RGYA DPE DANG YANG MTHUN NO, ZHES GSUNG NGO, GNYIS PA 'DOD PA DGOD PA NI, 'DIR MU STEGS PA RNAMS, ZHES SOGS TE RNAMS BRJOD PA GRAGS STE, ZHES PA RVA 'GYUR LA, RNAMS LA GRAGS PA BRJOD PAR BYED DE, ZHES 'BYUNG ZHING, PHYOGS SNGA MA SMRA BA POS, GA-YON DANG, DBU MA'I 'CHI LTAS GTAN NAS KHAS MI LEN PAR, GA-YAS NYI MA'I 'CHI LTAS 'BA' ZHIG GIS, BYIS PA BTZAS MA THAG NAS LO BRGYA'I MTHAR THUG PA'I BAR GYI 'CHI BA'I DUS NGES PAR BYED PAR 'DOD PA 'GOG PA STE, 'DOD PA BRJOD PA'I TSIG DON GO SLA'O, ,GSUM PA DE DGAG PA NI, DE NYID NI THAMS CAD MKHYEN PAS, ZHES PA NAS, MI SHES PA RNAMS KYI TSIG GO , ZHES PA'I BAR GSUNGS TE, DE'ANG, 'GOG PA'I TSUL NI, NYI MA'I 'CHI LTAS KYIS LO GSUM LAS PHAN CHAD KYI 'CHI BAR NGES PA MI BYED CING, DE TSUN CHOD DU NGES PAR BYED TSUL DANG, LO GSUM TSUN CHOD DU 'CHI BA NI GA-YON PA ZLA BA'I 'CHI LTAS KYIS KYANG NGES PAR BYED PA DANG, DUS 'CHI NI DBU MA'I 'CHI LTAS KYIS NGES PAR BYED PA YIN TSUL BSHAD NAS, 'DI DANG MTHUN PAR NYI ZLA DBU MA'I 'CHI LTAS GSUM DANG, NYI ZLA'I 'CHI LTAS KYIS LO GSUM GYI MTHAR 'CHI BA TZAM TSUN CHOD NGES PAR BYED PA YIN PAR KHYED RANG TSAD MAR KHAS LEN PA'I DBANG PHYUG GI GZHUNG LAS KYANG BSHAD PAS, DES NA KHYED RANG GI STON PA'I GZHUNG DANG 'GAL ZHING, SGRUB BYED KYI RIGS PA'ANG MED LA,

, ,SROG RLUNG MA SNYOMS PAS 'CHI LTAS SU 'GYUR PA'I NYI MA'I 'CHI LTAS KHAS LEN NA THUR SEL MA SNYOMS PAS 'CHI LTAS SU 'GYUR PA'I ZLA BA'I 'CHI LTAS KYANG KHAS LEN DGOS PAR MTSUNGS PAS GNOD PA'I PHYIR MI 'THAD DO, ZHES BYA BA DGAG PA'I DON MDOR BSDUS PA'O, ,DES NA 'DIR RANG LUGS LA ZLA NYI DBU MA'I 'CHI LTAS GSUM YOD TSUL BSHAD NAS, DBANG PHYUG GIS KYANG DE DANG MTHUN PAR BSHAD DO, ZHES 'CHAD PA LA, DUS 'CHI'I LTAS DBU MA DANG, CHU SRANG DANG, CHU TSOD DANG, NYIN ZHAG TU 'PHEL TSUL MDO TZAM ZHIG BSHAD PA NI, 'DIR MI RNAMS KYI NAS, RIGS PA'O ZHES PA'I BAR TE, 'OG TU RGYAS PAR 'CHAD DO, ,RIGS PA 'DI LAS, NAS YIN PA'I PHYIR RO, ZHES PA'I BAR NI, DUS 'CHI LO BRGYA'I MTSAMS SU 'CHI BA LA'ANG, SKYES MA THAG NAS 'CHI LTAS DBUGS SU LONGS PA LA SOGS PA'I BAR LA LO MANG PO DGOS PA 'DI RIGS PA'AM, 'THAD PAS DUS MIN PAR LO GSUM DANG LNGA DANG BCU GNYIS SOGS NAS 'CHI BA NAS, LO BRGYA'I BA'I DUS SU 'CHI BA'I BAR GYI 'CHI LTAS LA, LO BRGYA BAS 'CHI BA LA 'CHI LTAS THOG MAR CHU TSOD LNGA BRGYU BA SOGS SU DAM 'CHA' BAR MI RIGS SO, ZHES BYA BA'O, NYI MA'I 'CHI LTAS LUGS 'BYUNG NI SPAR BSHAD ZIN PAS, 'DIR LUGS LDOG 'CHAD LA DE'ANG, 'DIR GAL TE, ZHES SOGS KYI DON NI, BYIS PA SKYES PA'I ZLA BA GCIG GI RJES SU ZHES PA RAGS PAR BRTZIS PA'I GRANGS YIN PAS ZLA BA GCIG DANG ZHAG DRUG NA 'CHI NA, MNGAL NAS SKYES PA

SROG RLUNG RDZOGS PA'I MTSAMS DE NAS, 'CHI LTAS KYI RLUNG TSES PHYOGS MDA' DANG YON TAN LA SOGS PA ZHES PA, DANG POR RTZA 'DAB BRGYAD PA LA ZHAG BCO LNGA, DE NAS RTZA 'DAB DGU PA 'CHI ZHAG BCU, DE NAS RTZA 'DAB BCU PA DANG, BCU GCIG PA DANG, BCU GNYIS PA DANG, DBU MAR, ZHAG LNGA DANG, GSUM DANG, GNYIS DANG, GCIG BRGYUS NAS 'CHI BA SNGAR LTAR RO, ,DE'ANG SNGAR RTZA 'DAB BRGYAD PA LA TSE LHAG ZHAG NYER GCIG TU BSHAD LA, 'DIR ZLA GCIG DANG ZHAG DRUG TU BYED PA MI 'GAL LAM ZHE NA, BRGYAD PA 'CHI ZHAG BCO LNGA PO DE TSE LHAG LA MA GTOGS PA NYER GCIG TU BSHAD LA, GTOGS PA ZLA BA GCIG DANG ZHAG DRUG TU BYAS PAS MI 'GAL LO, ,DE BZHIN DU SNGAR LUGS 'BYUNG DU BSHAD PA LA DPAGS PAS LHAG MA'ANG SHES SLA LA, 'DAB MA LNGA PA LA 'CHI ZHAG BRGYUS PA NAS TSE LHAG ZLA BA BZHI LA SOGS PAR BSHAD LA, SNGAR ZLA BA GSUM DU BSHAD PA LA SOGS PA DANG MI MTHUN PA'ANG, 'CHI ZHAG GI TSE ZHAG NI NANG DU BGRANGS PA DANG, MA BGRANGS PA'I KHYAD PAR YIN PAS SKYON MED DO ZHES BYA STE, DE BZHIN DU GZHAN LA'ANG SHES PAR BYA'O, ,NYI MA'I 'CHI LTAS LUGS LDOG TU 'BYUNG TSUL, DE JI LTA BAR ZLA BA'I 'CHI LTAS LUGS LDOG 'BYUNG BA'I TSUL YANG SHES PAR BYA BAR BSTAN PA NI, 'DI NI NYI MA'I 'CHI LTAS KYI NGES PA STE NYI MA'I JI LTA BA DE BZHIN DU, ZHES SOGS SO, ,DE LTAR DBANG PHYUG GIS KYANG BSHAD PAR BSTAN PA NI, DE BZHIN DU, ZHES SOGS SO, ,DE'I PHYIR KHYOD RANG GI STON PAS KHO BO CAG GI 'DOD PA DANG MTHUN PAR

, ,BSHAD PAS KHYOD NI RANG GI STON PA'I GZHUNG DANG 'GAL LO, ZHES BYA BA'I DON TO, ,'DI LTAR MNGAL NAS, ZHES PA NAS, RIGS PA'O, ZHES PA'I BAR NI, DES NA LAS KYI DUS MA YIN PAR, 'CHI BA'I TSE LA ZLA BA DANG ZHAG DANG LO'I GRANGS GCIG TU NGES PA MED KYANG, SKYES MA THAG 'CHI BA NAS, LO GSUM NA 'CHI BA'I BAR GYI TSE'I LHAG MA MI 'DRA BA'I KHYAD PAR NI, NYI ZLA'I 'CHI LTAS KYIS NGES PAR BYED PA SOGS NI, DAM BCA' BAR RIGS PA'O, ZHES BYA BA YIN GYI, RANG LUGS KYI DAM 'CHA' 'DI DE'I BZLOG PHYOGS KYI DAM 'CHA' GZHAN 'GOG BYED KYI RIGS PA'O, ZHES PA NI MA YIN NO, ,NYI MA'I DBU MA RAB TU BRGYU BAS, ZHES SOGS KYI DON NI, NYI MA'I RGYU BA KHO NAS DUS MA YIN PA'I 'CHI LTAS SU 'GYUR PA THAMS CAD MKHYEN PAS GSUNGS PA'I DAM 'CHA' YANG DAG TU MI 'THAD DE, SROG RLUNG MI SNYOMS PAS DUS MA YIN PA'I NYI MA'I 'CHI LTAS SU 'GYUR NA, THUR SEL MA SNYOMS PA'I DBANG GIS DUS MIN PA'I ZLA BA'I 'CHI LTAS SU 'GYUR BAR YANG MTSUNGS PA'I PHYIR, ZHES BYA BA'O, ,BZHI PA DON BSDU BA NI, 'DIR LO GSUM GYI ZHES SOGS TE SHES SLA'O, ,GNYIS PA 'THAD PA'I PHYOGS BZHAG PA LA, BLA MA SNGA MA DAG GI LUGS BRJOD PA DANG, RANG GI LUGS BZHAG PA'O, ,DANG PO NI, DUS 'CHI'I LTAS 'DI'ANG, SNGA RABS PA DAG BSLABS KYANG MI SHES PA SUM CHA'I KHONGS SU GTOGS ZHES ZER, DE'ANG, LO BRGYA'I MTHAR LO GSUM PHYOGS GSUM GYI RJES SU ZHAG SO BZHI

GNAS PA DGOS PA 'DI, LO GSUM PHYOGS GSUM GYI ZHAG LA PHYED BCAS SUM BCU RTZA GNYIS KYIS BGOS NAS 'CHOL BA'I RGYU MTSAN JI LTAR YIN DPYAD DKA' BAR BYED PAR SNANG NGO, ,DE LA THANG STON LO TZ'A NA RE, 'DIR PHYED DANG BCAS PA'I SUM CU RTZA GNYIS KYIS THOB PA, ZHES SOGS KYI DON DU BSAMS NAS, LO GSUM PHYOGS GSUM GYI ZHAG STONG BRGYA NYI SHU RTZA LNGA LA SUM BCU RTZA PHYED DANG GSUM GYIS BGOS PA'I THOB NOR, ZHAG SO BZHI, CHU TSOD SO DRUG ,CHU SRANG NGA LNGA, DBUGS PHYED DANG GSUM RNAMS 'CHI LTAS 'PHEL BA'I ZHAG GRANGS YIN LA, DE TZAM RIN 'CHI LTAS ZHAG RE 'PHEL BAR SHES PAR BYA'O, ,'ON KYANG 'CHI LTAS KYI ZHAG 'PHEL BA THAMS CAD NI, DE'I KHONGS SU GTEGS PA YIN NO ZHES ZER RO, ,DE LA KHA CIG NA RE, DE MI 'THAD DE, DE LTA NA, MTHA'I DBU MA'I 'CHI ZHAG GCIG PU DE LA, GSOG BYED KYI ZHAG YOD DAM MED, YOD NA, PHYED BCAS SUM CU RTZA GNYIS KYIS BGOS PA'I THOB NOR, SO BZHI RJES 'BRANG DANG BCAS PA DE NYID GSOG BYED KYI ZHAG TU KHAS LEN DGOS PAS, DUS 'CHI'I ZHAG GI 'KHOR LO STONG BRGYA PA DRUG TU GSUNGS PA LAS LHAG NAS STONG BRGYA BDUN CU DON DRUG CHU TSOD NGA LNGA LA SOGS PAR 'GYUR LA, GSOG BYED MED NA ZHAG STONG BRGYA ZHE GSUM DU 'GYUR BAS DUS 'CHI'I ZHAG GI 'KHOR LO LTAR 'GAL LO, ZHES ZER RO, ,DE NI THANG STON GYI 'DOD PA LA GNOD BYED YANG DAG MA YIN TE, LUGS NGES DBU MA'I ZHAG GCIG LA GSOG BYED YOD PAR KHAS LEN

, ,KYANG, ZHAG PHYED BCAS SUM CU RTZA GNYIS PO NYID, DE'I GSOG BYED DU KHAS LEN GYI, ZHAG SO BZHI RJES 'BRANG DANG BCAS PA DE DE'I GSOG BYED DU KHAS BLANGS PA'ANG MED LA, LEN DGOS PA'ANG MA YIN PA'I PHYIR RO, ,'ON KYANG GNOD BYED DE MI 'BYUNG YANG, LUGS DE 'THAD PA NI MA YIN TE, 'DI LTAR THOB NOR DE MTHA'I ZHAG SO BZHI LAS GZHAN PA'I ZHAG SO BZHI RJES 'BRANGS DANG BCAS PAR KHAS MI LEN NA, THOB NOR GYI ZHAG DE DAG MTHA'I ZHAG DE DAG GI GONG GI ZHAG PHYED BCAS SUM CU RTZA GNYIS KYIS BGO PA'I GZHI DE DAG GI NANG DU 'PHEL BA'I 'CHI ZHAG YIN PAR KHAS BLANGS PA DANG 'GAL ZHING, GZHAN YIN NA, LO GSUM PHYOGS GSUM LAS ZHAG SO BZHI PA CHAR GNYIS LHAG PAS, DUS 'CHI'I RNAM GZHAG NYAMS PAS SO, ,LO GSUM PHYOGS GSUM RDZOGS NAS, MTHA'I ZLA BA GCIG 'BYUNG BA DE'I RGYU MTSAN CI YIN ZHES 'DRI BA LA'ANG, GZHAN DAG NA RE, MNGAL GYI DANG PO'I ZLA BA GCIG DANG DAG PA SBYOR BA YIN NO, ZHES ZER RO, ,DE LA NI MTHA'I ZLA BA GCIG PO DE 'BYUNG BA'I RGYU MTSAN CI'ANG STON RGYU MI SNANG LA, ZLA BA DE GNYIS, SNGA MA'ANG MTHA'I DA DAG PA MIN LA, MTHA'I DE'ANG MNGAL GYI DE DAG PA MA YIN PAS 'BREL GANG YANG MED CING DAG PA SBYOR PA ZHES PA'I THA SNYAD SBYOR TSUL YANG MA LEGS SO, SKYES BU TSE LO BRGYA PA DUS SU 'CHI BA NI, SKYES NAS LO BRGYA PA SONG BAR MI 'CHI ZHING, SONG NAS LHAG PO MI SDOD PAS MTSAMS DER 'CHI BA ZHIG DGOS KYI, GZHAN DU NA DUS SU MA SLEB PA'AM, DUS LAS THAL NAS SHI BAS DUS 'CHAR

MI 'GYUR RO, ,DE LA SKYES NAS LO BRGYA NI MTHA'I LO GSUM PHYOGS GSUM RDZOGS PA DE'I TSE RDZOGS PAS, DE NAS KYANG ZLA BA GCIG DANG, ZHAG GCIG GI DUS LAS LHAG PAR BSDAD PA'I PHYIR, DUS 'CHIR MI 'GYUR TE, DPER NA LO BRGYAD ZLA BA GCIG GIS MA LONGS PAR SHIN DUS MA YIN PAR 'CHI BAR 'GYUR BA BZHIN NO, ,SNYAM PA'I DOGS PA 'DI DPYAD DGOS SHING DPYAD DKA' BA YIN PA LA DUS 'CHI'I LTAS RTOGS SLA BA DANG, RTOGS DKA' BAR KHAS LEN THAMS CAD KYIS KYANG, DOGS PA 'DI LTAR DPYAD DGOS PA MA GO BAR SNANG NGO, ,GNYIS PA RANG GI LUGS BZHAG PA NI, DUS 'CHI'I RNAM GZHAG 'DI DAG KYANG, BSDUS PA'I DON GSUM GYIS RIG PAR BYA STE, 'DI LTAR SKYES NAS 'CHI LTAS KYI RLUNG RIM PAS 'PHEL BA'I TSUL, 'CHI LTAS ZHAG TU LONGS NAS LO GSUM PHYOGS GSUM LA DKYIL 'KHOR LNGA DANG YON TAN GSUM GYIS KHAMS ZAD PAR BYED TSUL LO GSUM PHYOGS GSUM RDZOGS PA'I MTHAR YANG ZHAG SO GCIG 'ONG DGOS PA'I RGYU MTSAN �NO, ,DANG PO NI, TSE LO BRGYA BA'I SKYES BU MNGAL NAS SKYES PA NAS ZLA BA PHYED DANG BCU GCIG LA BGROD PA GNYIS SU BYAS PA PHYOGS GSUM GYIS DMAN PA'I LO DANG PO LA NI 'CHI LTAS KYI RLUNG MI BRGYU LA, DE NAS LO GNYIS PA'I DUS BGROD PA GSUM PA LA 'CHI LTAS KYI DBUGS GCIG BRGYU'O, ,DE'ANG, SKYES MA THAG NAS YE SHES KYI RLUNG LNGA BCU RTZA DRUG RKANG BCAS THOG MAR BRGYU ZHING, DE RDZOGS PA'I RJES NAS DUS SBYOR GYI RLUNG THOG MAR BRGYU BA DE MNYAM PA'I DUS SBYOR GYI RTZA 'DAB NAS THOG MAR BRGYUS PA

, ,YIN NA 'CHI LTAS KYI RLUNG GI THOG MA'ANG GA-YAS NAS BRGYU LA, GA-YON MI MNYAM PA'I DUS SBYOR LA THOG MAR BRGYUS PA YIN NA 'CHI LTAS THOG MA'ANG GA-YON NAS 'GO RTZOM PA YIN NO, ,DE NAS LO GSUM PA'I DUS, BGROD PA LNGA PA ZHES PA, SKYES PA NAS BRTZIS PA'I BGROD PA LNGA PA LO GSUM PA RANG LA BGROD PA GNYIS YOD PA'I DANG PO STE, DE LA 'CHI LTAS DBUGS GCIG BRGYU'O, ,DE BZHIN DU LO RE LA RE RE BRGYUS PAS MTHAR LO BDUN PA'I DUS KYI BGROD PA DANG PO, ,SKYES PA NAS BRTZIS PA'I BGROD PA BCU GSUM PA LA DBUGS GCIG BRGYUS PA YAN CHAD KYIS 'CHI LTAS DBUGS KYI 'KHOR LO LONGS SO, ,DE'I PHYIR DBUGS DRUG NI CHU SRANG YIN PAS 'CHI LTAS CHU SRANG DU LONGS TE, 'DI NAS LO DRUG CU'I BAR DU LO RE LA BGROD PA GNYIS GNYIS SU BYAS PA'I BGROD PA DANG PO'I THOG MAR 'CHI LTAS KYI RLUNG CHU SRANG RE BRGYU, BGROD PA GNYIS PA LA MI BRGYU, DE LTAR SPEL NAS BRGYUS PA'I LO DRUG CU NA 'CHI LTAS KYI RLUNG CHU SRANG DRUG CU LONGS PAS, CHU SRANG GI 'KHOR LO RDZOGS SHING, DE NAS CHU TSOD DU LONGS TE, DE'ANG LO SUM CU'I BAR DU, LO RE LA BGROD PA GNYIS GNYIS KYI BGROD PA RE'I PHYED SNGA MA LA 'CHI LTAS CHU TSOD GCIG BRGYU, PHYED PHYI MA LA MI BRGYU, YANG BGROD PA GNYIS PA'I PHYED SNGA MA'I THOG MAR 'CHI LTAS CHU TSOD GCIG BRGYU, PHYED PHYI MA LA MI BRGYU BA'I RIM PAS LO SUM CU NA 'CHI LTAS CHU TSOD DU LONGS PA DRUG CU RDZOGS PAS DE NI NYIN ZHAG TU LONGS PAR

BRGYU ZHING, DE'ANG LO GSUM PHYOGS GSUM GYI RING LA, ZHAG SUM CU SO PHYED DANG GSUM GSUM NA 'CHI LTAS ZHAG RE DANG CHU TSOD RE DANG, CHU SRANG LNGA, DBUGS BCU GSUM CHA BCU GNYIS, DE'I BCU BDUN CHA DRUG RE DANG BCAS PA BRGYU BA YIN LA, LNGAR LO RE LA, DBUGS RE DANG, BGROD PA RE LA CHU SRANG RE DANG, BGROD PA PHYED RE NA CHU TSOD RE 'PHEL BA LTAR, LO GSUM PHYOGS GSUM GYI ZHAG STONG BRGYA NYI SHU RTZA LNGA PO'I NANG NAS KYANG, ZHAG SUM CU SO PHYED DANG GSUM GSUM NA 'CHI LTAS ZHAG TU LONGS PA RJES 'BRANG 'DI TZAM RE DANG BCAS PA BRGYU'O, ,ZHES SHES PAR BYA BA'I PHYIR DU, ZHAG STONG BRGYA NYI SHU RTZA LNGA PO LA SUM CU SO PHYED DANG GSUM GYIS BGOD PA YIN GYI, DE LTAR BGOS PA'I THOB NOR LO GSUM PHYOGS GSUM GYI MTHA'I ZHAG SO BZHIR BYED 'DOD NAS BGOD PA MA YIN LA, DE LTAR YIN NA, ZHAG SO BZHI LAS CHU TSOD SO DRUG SOGS KYIS LHAG CING MTHA' ZHAG SO BZHIS RTZA THAMS CAD RDZOGS PAR BCAD TSAR BA'I PHYIR, LO BRGYA RDZOGS SHING, RTZA THAMS CAD BCAD TSAR NAS KYANG CHU TSOD SO DRUG CHU SRANG BA DRUG DBUGS GNYIS DBUGS KYI BCU GSUM CHA BZHI RNAMS KYI YUN TSAD MA SHI BAR GNAS DGOS PAS DUS 'CHI YIN PA NYAMS SHING, DUS LAS LHAG PAR GNAS PA MI 'DOD BZHIN DU KHAS LEN DGOS PAR 'GYUR LA, DBU MA BCAD TSAR NAS MI 'CHI BAR GNAS PA'I THA MAL PA MI SRID PAR YANG YANG BSHAD PA THAMS CAD DANG 'GAL LO, ,DE NAS ZHAG PHYED BCAS SO GNYIS KYIS

, ,BGOS PA'I THOB NOR GYI ZHAG SO BZHI DANG, MTHA'I ZHAG SO BZHI, ZHAG GI GRANGS SO BZHI TZAM DU MTSUNGS KYANG, DON MI GCIG CING, RJES 'BRANG YOD MED SOGS MI MTSUNGS LA, PHYED BCAS SO GNYIS KYIS BGOS PA'I THOB NOR SO BZHI RJES 'BRANG DANG BCAS PA'ANG, ZHAG STONG BRGYA DANG NYI SHU RTZA LNGA PO'I ZHAG GRANGS LA GTOGS LA, DE BZHIN DU LO DGU BCU RTZA DRUG GI SKABS SU 'CHI LTAS 'PHEL BA'I DBUGS CHU SRANG CHU TSOD RNAMS KYANG, LO DANG DE'I ZHAG GRANGS LA GTOGS SHING, DE DAG LA MI GTOGS NA DUS 'CHI'I DUS LAS LHAG PAR 'GYUR BA'I SKYON SON GNAS SO, ,'ON KYANG 'CHI LTAS 'PHEL ZHES PA NI, LO DANG ZLA BA SOGS SNGA MA SNGA MA'I DUS 'CHI LTAS KYI DBUGS BRGYU BA'I YUN TSAD LAS PHYI MA PHYI MA'I 'CHI LTAS KYI DBUGS YUN TSAD RING BAR BRGYU BA'I DON YIN GYI, 'CHI LTAS KYI ZHAG LA SOGS PA RNAMS LO GSUM PHYOGS GSUM SOGS KYI ZHAG GRANGS LA MI GTOGS PA'I ZHAG LHAG PA 'PHEL BA'I DON MIN NO, ,DBUGS DANG CHU SRANG SOGS SU 'PHEL TSUL 'DI DRAG GZHUNG DU, DKYIL 'KHOR SOGS GCOD TSUL GYI 'OG TU GSUNGS KYANG, 'DIR RTOGS SLA BA'I DON DU SNGAR BSHAD DO, ,GNYIS PA LO GSUM GYI PHYOGS GSUM LA DKYIL 'KHOR LNGA DANG, YON TAN GSUM GYI KHAMS ZAD PAR BYED TSUL BSHAD PA NI, DANG POR GA-YON NAS 'CHI ZHAG 'GO RTZOM PA'I DBANG DU BYAS NA, DANG POR, SNA BUG GA-YON NAS 'CHI LTAS ZHAG GCIG ,RANG BZHIN PA ZHAG GCIG ,DE NAS SNA BUG GA-YAS NAS

'CHI LTAS ZHAG GNYIS, RANG BZHIN PA ZHAG GNYIS, DE NAS GA-YON LA 'CHI LTAS ZHAG GSUM BRGYU ZHING, DE NAS GA-YON LA RANG BZHIN PA ZHAG GSUM BRGYUS NAS 'PHO STE, DE NAS GA-YAS LA 'CHI LTAS ZHAG BZHI DANG, RANG BZHIN PA ZHAG BZHI, DE NAS GA-YON LA 'CHI LTAS ZHAG LNGA DANG, RANG BZHIN PA ZHAG LNGA, BRGYUS PAS GA-YON GYI SNA BUG LA, SNA BUG GNYIS LA BRGYU BA'I 'PHO CHEN BCU GNYIS KYI NANG NAS, NAM MKHA'I DKYIL 'KHOR GYI 'PHO BA 'DOR LA, DE NAS GA-YAS LA, 'CHI LTAS ZHAG DRUG DANG, RANG BZHIN PA ZHIG DRUG GIS 'PHO BA BCU GNYIS KYI NANG NAS, SNA BUG GA-YAS LA SA'I DKYIL 'KHOR GYI 'PHO BA 'DOR RO, ,DE BZHIN DU GA-YON LA MI MNYAM PA'I ZHAG BDUN PA DGU BA, BCU GCIG PA LTA BU'I SDE TSAN GSUM GSUM DANG GA-YAS LA BRGYAD PA, BCU PA, BCU GNYIS PA LTA BU'I MNYAM PA'I ZHAG GI SDE TSAN GSUM GSUM, GA-YON LA ZHAG NYER DGU PA DANG, GA-YAS LA ZHAG SUM CU PA'I BAR BRGYU BA'I 'CHI ZHAG DANG, RANG BZHIN PA'I ZHAG DANG, GA-YAS GA-YON SPEL TSUL GONG GI RIGS PA LTAR SBYAR BAS, 'PHO BA BCU GNYIS KYI NANG NAS, SNA BUG GA-YON LA RIM BZHIN, RLUNG, ME, CHU, SA'I DKYIL 'KHOR GYI 'PHO BA DANG, GA-YAS LA RIM BZHIN, CHU ME RLUNG, NAM MKHA'I DKYIL 'KHOR GYI 'PHO BA RNAMS 'DOR RO, ,DE LTAR NA SNA BUG GA-YON GYI DKYIL 'KHOR LNGA'I 'PHO BA 'DOR BA LA ZHAG BZHI BRGYA LNGA BCU DANG, SNA BUG GA-YAS KYI DKYIL 'KHOR LNGA'I 'PHO BA 'DOR BA LA ZHAG BZHI BRGYA BRGYAD CU STE, GRIL BAS ZHAG DGU BRGYA SUM CU'O, ,DE'I

, ,'OG TU YON TAN GSUM GYI KHAMS ZAD PAR BYED TSUL NI, SNA BUG GNYIS LA DKYIL 'KHOR BCU'I 'PHO BA 'DOR BA DE NAS GA-YON MI NYAMS PA'I RTZA LA 'CHI LTAS KYI NYIN ZHAG SO GCIG DANG, RANG BZHIN PA'I NYIN ZHAGS GCIG SNA BUG GA-YON NAS BRGYUS PAS SNYING STOBS KYI KHAMS SAM BAD KAN GYI KHAMS ZAD PAR BYED LA, DE NAS GA-YAS LA 'CHI LTAS KYI ZHAG SO GNYIS DANG, RANG BZHIN PA SO GNYIS KYI RDUL LAM MKHRIS PA'I KHAMS ZAD PAR BYED CING, DE NAS ZLA BA YANG GA-YON LA 'CHI LTAS NYIN ZHAG SO GSUM DANG RANG BZHIN PA SO GSUM BRGYUS PAS, MUN PA'AM RLUNG GI KHAMS ZAD PAR BYED DO, ,DE BAS NA YON TAN GSUM GYI KHAMS ZAD PAR BYED PA LA, ZHAG BRGYA DGU BCU GO GNYIS DANG, SNGAR DKYIL 'KHOR LNGA 'DOR BA LA ZHAG DGU BRGYA SUM CU STE, LO GSUM DANG PHYOGS GSUM GYI ZHAG STENG BRGYA NYI SHU RTZA LNGA LAS GSUM GYIS DMAN PA STONG BRGYA NYI SHU RTZA GNYIS SONG NGO, ,DES NA GSUM PO DE DANG, LO GSUM PHYOGS GSUM GYI ZHAG GRANGS RDZOGS PA'I MJUG TU'ANG ZHAG SO GCIG STE DA DUNG 'CHI BA'I BAR LA ZHAG SO BZHI YOD DO, ,GSUM PA LO GSUM PHYOGS GSUM RDZOGS PA'I MTHAR YANG, ZHAG SO GCIG 'ONG BA'I RGYU MTSAN BSHAD PA NI, DE LTAR LO GSUM PHYOGS GSUM GYI ZHAG GRANGS RDZOGS PA NA SKYES NAS LO BRGYA SONG ZHING, DE NAS KYANG ZHAG SO GCIG 'ONG DGOS PA DANG, BYUNG YANG, DUS 'CHIR MI 'GYUR BAR DUS LAS THAL NAS 'CHI

BAR THAL BA SOGS KYI NYES PA MI 'BYUNG BA'I RGYU MTSAN NI 'DI YIN TE, DUS SU 'CHI BA'I DON NI, SKYES NAS LO BRGYA LON PA RANG GI MTSAMS SU 'CHI BA LA MI ZER GYI RTZA RDZOGS PAR CHAGS PA'I MTSAMS NAS 'OG BRTZAMS TE, RTZA RIM GYIS BCAD PAS MTHAR RTZA THAMS CAD RDZOGS PAR BCAD MA TSAR BAR DU MI 'CHI ZHING, DE NAS 'CHI BA NI, DUS SU 'CHI BA'I DON YIN NO, ,DE LTAR RTZA CHAGS PA MA RDZOGS PAR GCOD PA MI RTZOM PA YIN PA LA MNGAL NAS SKYES TZAM NAS RTZA CHAGS PA RDZOGS PA'ANG MA YIN TE, 'DI LTAR MNGAL DU ZLA BA BCU GNYIS DANG, BCU GCIG DANG, BCU DANG, DGU GNAS PA'I TSUL BZHI 'BYUNG BAR GSUNGS PA LA, BCU GNYIS GNAS PA LA MTSON NA, RTZA BDUN KHRI NYIS STONG CHAGS PA NI, ZHAG RE LA RTZA NYIS BRGYA RE CHAGS PAS CHAGS PA 'GO BRTZAMS NAS RDZOGS KYI BAR LA ZLA BA BCU GNYIS DGOS SHING, MNGAL DU ZLA BA BCU GNYIS BSDAD KYANG, MNGAL CHAGS PA'I ZLA BA DANG PO LA NI, LUS KYI RTZA CHAGS PA MI BRTZOM PAS, DE'I PHYIR MNGAL NAS SKYES NAS KYANG, DA DUNG RTZA ZLA BA GCIG GI BAR DU CHAGS DGOS SO, ,DE'I SHUGS BRGYAB PAS MNGAL NAS SKYES NAS LO BRGYA SONG BA NA'ANG, RTZA CHAD PA'I 'GO BRTZAMS NAS LO BRGYAR ZLA BA GCIG GIS MA LONGS SHING, TSE LO BRGYA PA DUS SU 'CHI BA'I DBANG DU BYAS PA'I RTZA BDUN KHRI NYIS STONG GCOD PA LA NI, LO BRGYA DGOS TE, RTZA BDUN KHRI NYIS STONG GI NANG NAS, ZHAG RE LA GNYIS NGES CAN DU GCOD KYI, DE LAS MANG BA'AM NYUNG BAR MA YIN LA, DE LTAR BYAS PAS LO BRGYA DGOS PAS SO,

, ,DE BAS NA MTHAR LO GSUM PHYOGS GSUM RDZOGS NAS KYANG, ZLA BA GCIG 'ONG BA NI, RTZA GCOD PA'I LO BRGYAR, DE NAS KYANG ZLA BA GCIG MA THEMS PA'I DBANG GIS BYUNG BA YIN LA, MA THEMS PA'ANG MNGAL NAS SKYES NAS ZLA GCIG RTZA GCOD PA'I 'GOM BRTZAMS PA'I DBANG GIS BYUNG BA YIN ZHING, DE'ANG MNGAL DU ZLA BA DANG PO LA RTZA CHAGS PA MA BRTZAMS PA'I DBANG GIS BYUNG BA YIN PAS, DE LA DGONGS NAS 'GREL CHEN DU'ANG, DE NAS GZHAN NI SUM CU DAG DANG STE, MNGAL BZUNG BA'I ZLA BA'I NYIN ZHAG GI TSOGS NYIN ZHAG SUM CU'I BDAG NYID DANG ZHES GSUNGS PA YIN NO, ,DE NA ZLA BA GCIG PO DE'I RING LA MA SHI'ANG, DE'I RING LA RTZA MA CHAD PAS DUS 'CHI NYAMS PA'I NYES PA MED DO, ,'O NA ZLA BA GCIG PO RDZOGS NAS DA DUNG ZHAG GCIG YOD PAS, DE NI DUS LAS LHAG PAR BSDAD PA MA YIN NAM, ZHE NA MA YIN TE, RTZA BDUN KHRI NYIS STONG RDZOGS PAR BCAD KYANG, DBU MA NI RTZA DE DAG LA MI GTOGS PAS, DBU MA RLUNG GIS 'DOR BA LA ZHAG GCIG DGOS PA YIN LA, DE NI MTHA'I ZHAG GCIG YIN PAS, RTZA CHAD TSAR NAS KYANG ZHAG GCIG BSDAD PA MA YIN PAS SO, ,'DIS MTSON NAS, MNGAL DU ZLA BA DGU LAS MA BSDAD PA YIN NA SKYES NAS ZLA BA BZHI'I BAR RTZA CHAGS DGOS PAS RTZA CHAD PA RDZOGS PA'I LO BRGYA 'GRO BA LA SKYES NAS LO BRGYA SONG BA'I MTHAR YANG, ZLA BA BZHI 'ONG DGOS PA SOGS SHES PAR BYA'O, DE LA MTHA'I ZLA BA GCIG GI BAR LA RLUNG SNA BUG GA-YON LA ZHAG GCIG ,

DE NAS GA-YAS LA ZHAG GCIG LA SOGS PA'I RIM PAS SPEL NAS BRGYU ZHING, DANG PO GA-YON NAS BRGYUS BA YIN NA NYIN ZHAG SUM CU PA LA GA-YAS NAS BRGYU BAS PHUNG PO LNGA, KHAMS LNGA, DBANG PO LNGA, YUL LNGA, LAS DBANG LNGA, LAS DBANG GI BYA BA LNGA RNAMS GCOD LA, 'PHO BA THAMS CAD MED CING, MTHAR DBU MA KHO NA NAS BRGYU BA ZHAG GCIG POS, PHUNG PO DRUG PA NAS, LAS DBANG GI BYA BA DRUG PA'I BAR DRUG GCOD DO, ,DE LTAR LAS DBANG GI BYA BA DRUG PA BCAD NAS, ZLA BA BDUD RTZI'AM KHU BA 'OG TU 'GRO BA DE DANG DUS MNYAM DU RNAM SHES SNYING GA NAS 'PHO ZHING SRID PA GZHAN DU 'GRO BAR 'GYUR RO, DE LTAR BSHAD PA DAG GIS TSIG DON KYANG LHAG MA MED PA SHES PAR NUS LA, DOGS PA'I GNAS BCAD BAR BYA BA 'GA' ZHIG GIS NI RTZA CHAD KYI SKABS SU PHYOGS GCIG TU BSHAD DGOS PAR SNANG BAS DER BSHAD PAR BYA'O, ,DUS 'CHI'I LTAS KYI RNAM PAR BZHAG PA BSHAD ZIN TO, ` ,DA NI GNAS PA BCU BZHI PA RTZA LA SOGS CHAD PA'I GNAS PA BSTAN PA'I PHYIR DU, PHYOGS ZHES PA LA SOGS PAS, ZHES SOGS GSUNGS SO, ,'DI DAG GI DON GTAN LA DBAB PA LA, DPYAD PAR BYA BA'I DOGS PA'I GNAS DGOD PA DANG, DOGS PA DE DAG SPANG PA'I SGO NAS JI LTAR RTZA CHAD PA'I RNAM GZHAG BSHAD PA'O, ,DANG PO NI, 'DI SNYAM DU, SKYES BU TSE LO BRGYA PA'I TSE'I MTHAR 'ONG BA'I LO GSUM PHYOGS GSUM PO 'DI LA, DBU MA'I LO GSUM PHYOGS GSUM ZHES ZER BA'I DON GANG YIN, SNA BUG GA-YAS GA-YON GYI 'PHO BA BCU GNYIS

, ,KYI MTSAMS RNAMS SU LNGA BCU RTZA DRUG RKANG BCAS RE DBU MAR BRGYUS PAS, ZHAG RE LA DBU MAR DBUGS DRUG BRGYA BDUN CU RTZA LNGA RE BRGYUS PA DE LO BRGYA'I BAR DU BRGYU BA BSAGS PAS LO GSUM PHYOGS GSUM DU LONGS PA LA ZER NA, DE LTAR BRGYUS PA THAMS CAD MTHAR TSOGS NAS LO GSUM PHYOGS GSUM RTZOM NA, DBU MAR BRGYUS PA'I DBUGS RNAMS RTAG PAR 'GYUR BAS MI 'THAD LA, LO BRGYA'I BAR DU DE LTAR BRGYUS PA RNAMS ZHAG TU DRIL BA'I GRANGS DANG, LO GSUM PHYOGS GSUM GYI ZHAG GRANGS MNYAM PAS, DBU MA'I LO GSUM PHYOGS GSUM ZHES ZER NA, LO DGU BCU RTZA DRUG ZLA BA PHYED DANG BCU GCIG GI RING LA, ZHAG RE LA 'PHO MTSAMS SU LNGA BCU RTZA DRUG RKANG BCAS BRGYUS PAS DRUG BRGYA DON LNGAR BRGYU BA YOD KYANG, LO GSUM PHYOGS GSUM GYI ZHAG GRANGS SU LONGS PA LA, LO BRGYA'I BAR DU DE LTAR BRGYU DGOS PAS LO GSUM PHYOGS GSUM GYI RING LA'ANG DE LTAR BRGYUS PA DGOS PA LA, LO GSUM GYI 'GO TSUGS NAS, RLUNG SNA BUG GA-YON KHO NA LA ZHAG GCIG GSUM LNGA LA SOGS PA DANG, GA-YAS KHO NA LA ZHAG GNYIS LA SOGS PA NAS SUM CU RTZA GSUM NYIS 'GYUR RE TZAM GA-YON KHO NA LA'ANG BRGYU BAS, ZHAG RE LA SNA BUG GA-YAS GA-YON 'PHO BA BCU GNYIS MED PA'I PHYIR, DE'I 'PHO MTSAMS KYI YE SHES KYI RLUNG BSAGS PA'I ZHAG DANG GRANGS MNYAM JI LTAR BRTZIR YOD, DE BAS NA DBU MA'I LO GSUM PHYOGS GSUM ZHES PA 'DI

DNGOS SU, DBU MA NAS BRGYUS PA DANG SBYAR SA MED CING, DE LTAR ZHAG RE LA YE SHES KYI RLUNG DRUG BRGYA DON LNGA RE LO BRGYA'I BAR DU THOB THANG LA BRGYUS PA'I DBANG DU BYAS NA DE'I ZHAG GRANGS LA LO GSUM PHYOGS GSUM GYI ZHAG GRANGS 'BYUNG NGO, ZHES RTAG PA MTHA' BZUNG GI SGO NAS KYANG BZHAG TU MI RUNG STE, DE LTA NA, RTZA BDUN KHRI NYIS STONG GI NANG NAS GNYIS GNYIS ZHAG RE LA GCOD PA DANG, DE'ANG, ZHAG RE LA YEES SHES KYI RLUNG DRUG BRGYA DON LNGA RE DBU MAR BRGYU BA DE LA, CHU SRANG LNGA BCU RTZA DRUG BZHI CHANG LA CHU TSOD DU BYAS PA'I CHU TSOD GNYIS RE YOD CING YE SHES KYI RLUNG CHU TSOD DE 'DRA BA GNYIS RE ZHAG RE LA DBU MAR BRGYUS PA'I DBANG GIS ZHAG RE LA RTZA GNYIS RE, LO BRGYA'I BAR DU GCOD PAR BSHAD PA LA, YE SHES KYI RLUNG THOB THANG GIS BRTZI BA MIN PA DNGOS SU RGYU RGYU MA BYUNG NA, YE SHES KYI RLUNG BRGYUS PA'I DBANG GIS RTZA CHAD PA BZHAG TU MED PAS, RTZA BDUN KHRI NYIS STONG LAS LO BRGYA'I BAR DU ZHAG RE LA RTZA GNYIS RE CHAD PA'I RNAM GZHAG NYAMS PAS SO, DE'I PHYIR DBU MA'I LO GSUM PHYOGS GSUM ZHES BYA BA 'DI TSUL JI LTA BU YIN PA BSHAD PAR BYA DGOS SO, ,ZHES BYA BA'I DOGS PA 'DI DPYAD PAR BYA BA YIN NO, ,GZHAN YANG 'DI SNYAM DU GONG DU BSHAD PA LTAR, DBU MA'I LO GSUM GYI 'GO TSUGS NAS, ZHAG DGU BRGYA SUM CU'I RING LA, DKYIL 'KHOR LNGA'I RLUNG THAMS CAD 'DOR BAR BSHAD CING, DE LTA NA ZHAG DGU BRGYA SUM CU SONG NAS, DE PHYIN CHAGS CHU ME RLUNG NAM MKHA'I KHAMS KYI RLUNG GANG YANG BRGYU BA MI SRID DGOS PA LA, 'GREL CHEN LAS, LO GSUM

, ,GYI STENG DU PHYOGS GSUM BRGYUS PA DANG, GSAL BYED RNAMS BRGYUS PA NA NYIN ZHAG DRUG GI BAR DU KHYIM BCU GNYIS KYI RTZA STONG PA'I DKYIL 'KHOR DANG, SA'I DKYIL 'KHOR GYI BDAG NYID CAN NI DBUGS BRGYU BAS NGES PAR GNAS TE, ZHES LO GSUM PHYOGS GSUM GYI MTHA'I SKABS SU'ANG, STONG PA DANG SA'I DKYIL 'KHOR GYI DBUGS BRGYU BAR BSHAD PA DANG 'GAL ZHING, DKYIL 'KHOR LNGA BCAD PA DE'I RJES SU YON TAN GSUM GYI KHAMS ZAD PAR BYED PA'I TSE, RLUNG SNA BUG GA-YON KHO NA NAS ZHAG SO GCIG PA GNYIS DANG, GA-YAS NAS SO GNYIS PA GNYIS SOGS BRGYU BA'I RLUNG DE DAG 'BYUNG BA LNGA'I RLUNG GANG YANG MIN PAR 'GYUR LA, GAL TE DE NAS KYANG DKYIL 'KHOR LNGA'I DBUGS BRGYU BA YOD NA, DKYIL 'KHOR LNGA DOR BA'I DON JI LTAR YIN PA BSHAD DGOS SO, ZHES BYA BA 'DI'ANG DPYAD PAR BYA BA'I DOGS PA'I GNAS GNYIS PA YIN NO, ,GZHAN YANG 'DI SNYAM DU, RTZA BDUN KHRI NYIS STONG NI ZHAG RE LA, GNYIS GNYIS LO BRGYA'I RING LA GCOD PAR GSUNGS LA, YANG LTE BA'I RTZA DRUG CU NI RE RE'ANG, ZHAG BCO BRGYAD RES GCOD DGOS PA DANG, TSIGS CHEN BCU GNYIS KYI RTZA SUM BRGYA DRUG CU NI, RE RE'ANG, ZHAG GSUM RES GCOD DGOS PA SOGS GSUNGS PA 'DI DAG MI 'GAL BA'I TSUL YANG, JI LTAR YIN SNYAM PA'I DOGS PA 'DI'ANG DPYAD PAR BYA BA YIN NO, ,GNYIS PA DOGS PA DE DAG SPANG BA'I SGO NAS JI LTAR RTZA 'CHAD PA'I RNAM GZHAG BSHAD PA NI, DBU MA'I LO GSUM

PHYOGS GSUM ZHES PA NI, LO BRGYA'I BAR DU 'PHO TSAN BCU GNYIS KYI 'PHO MTSAMS SU, YE SHES KYI RLUNG LNGA BCU RTZA DRUG RKANG BCAS TE, DNGOS SU BRGYU BA'I GRANGS ZHAG TU BSGRIL NAS BRTZIS PA DANG, LO GSUM PHYOGS GSUM GYI ZHAG GRANGS MNYAM PAS, DE'I PHYIR DBU MA'I LO GSUM PHYOGS GSUM ZHES BYA'I, DE'I RING GI DBUGS THAMS CAD DBU MA NAS BRGYU BA'ANG MIN LA, SNGAR BRGYUS PA'I DBU MA'I DBUGS THAMS CAD BSAGS NAS MTHA'I LO GSUM PHYOGS GSUM KYI ZHAG RTZOM PA'ANG MIN ZHING, DNGOS SU MI BRGYU PAR THOB THANG TZAM BRTZI BA'ANG MA YIN NO, ,'ON KYANG LO GSUM PHYOGS GSUM GYI 'GO BTZUG NAS RLUNG SNA BUG GA-YAS KHO NA DANG, GA-YON KHO NA LA ZHAG DU MA MTHUD NAS BRGYU ZHING, GA-YAS KHO NA LA ZHAG BZHI BRGYUS NAS, GA-YON LA 'PHO BA LTA BU'I 'PHO MTSAMS SU'ANG, YE SHES KYI RLUNG RGYU BA MED KYANG, DE'I TSE GANG ZAG DE'I SNA BUG GI 'PHO BA BCU GNYIS KYI 'PHO RLUNG MTSAMS KYI YE SHES KYI RLUNG DANG BCAS PA ZHAG RE BZHIN SNGAR LO DGU BCU RTZA DRUG ZLA BA PHYED DANG BCU GCIG GI SKABS LTAR RGYU BA MED PA YIN GYI, LAR GANG ZAG DE'I RGYUD LA ZHAG RE LA 'PHO BA BCU GNYIS MED PA MA YIN LA, 'PHO MTSAMS KYI YE SHES KYI RLUNG LNGA BCU RTZA DRUG RKANG BCAS DNGOS SU BRGYU BA MED PA'ANG MA YIN NO, ,DES NA DKYIL 'KHOR LNGA 'DOR ZHES PA'ANG, GANG ZAG DE'I RGYUD KYI DKYIL 'KHOR LNGA'I RLUNG GANG YIN THAMS CAD 'DOR BA MA YIN GYI, SNA BUG GA-YAS GA-YON GYI 'PHO BA BCU GNYIS KYI RLUNG GI DKYIL 'KHOR LNGA ZHAG DGU BRGYA

, ,SUM CU'I RING LA RIM GYIS 'DOR BA'I DON YIN LA, DE'I PHYIR DE PHYIN CHAD SA CHU ME RLUNG NAM MKHA'I KHAMS GANG GI 'ANG RLUNG BRGYU BA MED PAR THAL BA'I SKYON YANG MED DO, ,'O NA BCU GNYIS RTZIBS KYI KHYIM GYI 'KHOR LO LA RIM BAS DKYIL 'KHOR LNGA YONGS SU DOR BA'I SLAD DU STE, GA-YON GYI RTZA LA NAM MKHA' LA SOGS PA'I DKYIL 'KHOR ZAD PA'I DON DU 'PHO BAR BYED CING, GA-YAS KYI RTZA LAS LA SOGS PA'I DKYIL 'KHOR ZAD PAR BYED PA'I DON DU 'PHO BAR BYED DO, ZHES LTE BA'I RTZA BCU GNYIS LA 'PHO BA'I DKYIL 'KHOR LNGA 'DOR BAR BSHAD PA DANG, DKYIL 'KHOR LNGA 'DOR BA'I TSUL DE SNA BUG GI 'PHO BA KHO NA LA SBYOR BA MI 'GAL LAM ZHE NA, MI 'GAL TE, DE'I DON NI, SNA BUG GI 'PHO BA BCU GNYIS KYI DKYIL 'KHOR LNGA'I RLUNG BRGYU BA'ANG, LTE BA'I RTZA CHEN BCU GNYIS LAS 'ONGS NAS SNA BUG GI SGOR BRGYU BA YIN PAS, DES NA, LTE BA'I KHYIM BCU GNYIS KYI GA-YAS GA-YON GYI RTZA LAS 'ONGS NAS SNA BUG TU BRGYU BA'I SNA SGO'I 'PHO BA BCU GNYIS KYI DKYIL 'KHOR LNGA 'DOR BA'I DON YIN GYI LTE BA'I RTZA LA RTZA 'DAB 'PHO BA'I 'PHO BA BCU GNYIS PO THAMS CAD KYANG, ZHAG DGU BRGYA SUM CU'I RING LA 'DOR BA STON PA MA YIN NO, ,DE NAS LO DGU BCU RTZA DRUG ZLA BA PHYED DANG BCU GCIG GI RING LA, NYIN ZHAG RE LA, SNA BUG GA-YAS GA-YON 'PHO BA BCU GNYIS RE DANG, 'PHO BA RE RE LA DBUGS STONG BDUN BRGYA ZHE GSUM DANG, BZHI GSUM RE RE DANG, 'PHO MTSAMS SU YE SHES KYI RLUNG LNGA BCU RTZA DRUG RKANG BCAS RE BRGYU BA'I

RIM PA DE, DBU MA'I LO GSUM GYI 'GO TSUGS NAS, SNA BUG GA-YON KHO NA LA ZHAG GNYIS BRGYU BA'I 'GO BRTZAMS PA LTA BU'I DUS NYID NAS DOR ZIN KYANG, DA DUNG 'PHO BA BCU GNYIS SNA BUG LA BRGYU BA TZAM NI MA DOR TE, 'DI LTAR LO DGU BRGYA SUM CU'I BAR LA SNA BUG GA-YAS GA-YON GYI 'PHO BA BCU GNYIS TSAR GCIG RDZOGS LA, DE'ANG, SNA BUG GA-YON KHO NA LA ZHAG GNYIS BRGYU BA DANG, DE NAS GA-YAS LA ZHAG BZHI DANG, DE NAS GA-YON LA ZHAG DRUG DANG, DE NAS GA-YAS LA ZHAG BRGYAD DANG, DE NAS GA-YON LA ZHAG BCU BRGYUS PA'I GA-YON RANG LA BRGYUS PA ZHAG BCO BRGYAD PO DE'I RING LA GA-YON LA GANG BRGYUS THAMS CAD NAM MKHA'I DKYIL 'KHOR GYI RLUNG KHO NA YIN LA, DE RDZOGS NAS PHYIN CHAD SNA BUG GA-YON LA SNA BUG GA-YON RANG NYID NAS NAM MKHA' RLUNG ME CHU SA'I RIM PAS DKYIL 'KHOR 'PHO BA LNGA'I YA GYAL GYI NAM MKHA'I DKYIL 'KHOR MI 'BAB PAS, DE'I TSE SNA BUG GA-YON LA 'PHO BA BCU GNYIS KYI NANG TSAN GYI NAM MKHA'I DKYIL 'KHOR 'DOR ZHES BYA'O, ,DE NAS GA-YAS SU 'PHOS NAS 'CHI ZHAG DRUG DANG RANG BZHIN PA ZHAG DRUG STE BCU GNYIS BRGYUS PAS, GA-YAS 'BA' ZHIG LA BRGYUS PA NYIN ZHAG NYER GNYIS PO DE DAG GI RING LA GA-YAS LA GANG BRGYUS SA'I DKYIL 'KHOR KHO NA YIN PA DANG, DE NAS DE PHYIN CHAD SNA BUG GA-YAS LA SNA BUG GA-YAS RANG NYID NAS, SA CHU ME RLUNG NAM MKHA'I RIM PAS DKYIL 'KHOR 'PHO BA LNGA'I NANG TSAN GYI SA'I DKYIL 'KHOR 'DOR BA SNGAR LTAR TE, DE LTAR NA 'PHO BA

, ,DANG PO LA ZHAG BCO BRGYAD, GNYIS PA LA NYER BRGYAD YOD PA NAS 'PHO BA BCU GNYIS PA LA ZHAG DRUG CU YOD PA'I BAR DU SHES PAR BYA LA, 'PHO MTSAMS SU SNA BUG TU YE SHES KYI RLUNG BRGYU BA MED DO, ,DE LTAR ZHAG GRANGS RNAMS GA-YAS GA-YON SPEL MAR BRGYU BA'I RGYU MTSAN YANG 'DOR RGYU'I DKYIL 'KHOR BCU GA-YAS GA-YON SPEL NAS 'DOR DGOS PAS, 'DOR BYED KYI ZHAG KYANG SPEL NAS 'BYUNG BA YIN LA, DKYIL 'KHOR SPEL NAS 'DOR BA'I RGYU MTSAN YANG DANG POR SNA BUG GA-YAS GA-YON LA DKYIL 'KHOR BCU BRGYU BA NA GA-YON GYI LNGA RDZOGS PAR BRGYUS NAS GA-YAS LA BRGYU BA MA YIN PAR, GA-YAS DANG GA-YON GYI DKYIL 'KHOR RE RE SPEL NAS BRGYU BAS SO, ,DE LTAR SNA BUG GA-YAS KHO NA DANG, GA-YON KHO NA LA RGYU BA ZHAG DGU BRGYA SUM CU LA SOGS PA'I SKABS SU'ANG, LTE BA'I RTZA CHEN BCU GNYIS LA DKYIL 'KHOR LNGA'I RLUNG RTZA 'DAB 'PHO BA'I 'PHO BA BCU GNYIS NI YOD LA, RTZA 'DAB 'PHO MTSAMS SU YE SHES KYI RLUNG LNGA BCU RTZA DRUG RKANG BCAS DBU MAR BRGYU BA'ANG YOD CING, DE LTAR NA'ANG, DE'I YE SHES KYI RLUNG DE DAG AA BA BH'U T'I'I NANG GI SKABS SHIG NAS 'OG TU LDOG GI, STENG DU SNA SGOR 'BYUNG BA NI MA YIN TE, DPER NA, ZHAG RE LA SNA SGOR 'PHO BA BCU GNYIS BRGYU BA'I SKABS SU'ANG, LNGA BCU RTZA DRUG RKANG BCAS BRGYU BA'I BZHI CHA DE NI SNA SGOR MI SLEBS PAR DBU MA'I NANG GI SKABS SHIG NAS 'OG TU LDOG PA LTA BU'O, ,DES NA LO DGU BCU RTZA DRUG GI SKABS SU'ANG,

ZHAG RE LA YE SHES KYI RLUNG DBUGS GSUM GSUM DBU MA'I NANG GI MTSAMS SHIG GI BAR DU 'ONGS NAS SNA SGOR MI 'ONG BA LTAR 'DIR YANG YIN PAS YE SHES KYI RLUNG DBU MA NAS BRGYU BA LA SNA SGOR MNYAM RGYU BYED PAS MA KHYAB CING, ZLA BA'I 'CHI LTAS KYI SKABS SU 'DIR KHYIM GYI 'DAB MA YONGS SU DOR YANG DBUGS KYI 'KHOR LO NI, DMAN PA MED DO, ,ZHES SOGS KYI SKABS SU, LTE BA'I RTZA 'DAB GA-YON PA RNAMS RLUNG GIS DOR NAS MI BRGYU'ANG SNA BUG GA-YON LA BRGYU BA YOD PA GSUNGS PA LTAR, SNA BUG GI 'PHO BA BCU GNYIS KYI RIM PA MED KYANG LTE BA'I RTZA 'DAB LA YOD PA'ANG MI 'GAL LO, ,DES NA LO GSUM PHYOGS GSUM GYI ZHAG GRANGS YE SHES KYI RLUNG LO BRGYAR ZHAG RE LA DRUG BRGYA DON LNGA BRGYUS PA'I GRANGS ZHAG TU BSDOMS PA DANG SBYOR BA MI 'GRIGS PA'I SKYON DE DAG MI 'BYUNG NGO, ,DE LTA MIN PAR MNYAM PA DANG MI MNYAM PA'I ZHAG SDE TSAN GSUM GSUM DU BYAS PA, ZHAG DGU BRGYA DANG SUM CUS DKYIL 'KHOR LNGA 'DOR BAR GSUNGS PA DE, LTE BA'I RTZA 'DAB BCU GNYIS LA DKYIL 'KHOR LNGA 'DOR BA LA BZHED PA DAG NI SHIN TU MI MTHAD DE, LTE BA'I RTZA CHEN BCU GNYIS PO RE RE LA LNGA LNGAR GYES PA'I STE BA'I RTZA 'DAB DRUG CU PO LA DKYIL 'KHOR LNGA'I RLUNG 'DOR BA NI, RTZA RE RE 'DOR BA LA, ZHAG BCO BRGYAD BCO BRGYAD DGOS PAR GSUNGS PAS, ZHAG STENG BRGYAD CU DGOS LA, DE DAG GANG LAS GYES PA'I RTZA CHEN BCU GNYIS 'DOR BA LA DGU BRGYA SUM CU LAS MA SONG BAS, GANG LAS GYES PA'I RTZA CHEN RLUNG GIS DOR

, ,NAS, DE LA GYES PA'I RTZA LA DA DUNG RLUNG BRGYU BA SHIN TU 'GAL BA'I PHYIR RO, ,YANG KHA CIG NA RE, GA-YON LA 'CHI ZHAG GCIG BRGYU, DE NAS RANG BZHIN PA'AM 'PHO BA'I ZHAG GCIG ,DE NAS GA-YAS LA 'CHI ZHAG GNYIS, RANG BZHIN PA GNYIS LA SOGS PAR SPEL NAS BYED PA NI GZHUNG GI DGONGS PA MIN GYI, GA-YON LA 'CHI ZHAG DANG RANG BZHIN PA'I ZHAG GCIG GSUM LNGA RNAMS PHYOGS GCIG TU BABS NAS, DE NAS GA-YAS LA, GNYIS BZHI DRUG RNAMS PHYOGS GCIG TU 'BAB PA GZHUNG GI DGONGS PA YIN NO ZHES ZER BA NI SHIN TU MI RIGS TE, DBANG MDOR BSTAN GYI 'GREL BAR, SLOB DPON N'A RO PAS, MNYAM PA'I DUS SBYOR LA SKYES PA'I DANG PO NYIN ZHAG GNYIS PA LA 'BAB BO, ,SLAR NYIN ZHAG GNYIS JI LTA BA BZHIN DU'O, ,DE NAS NYIN ZHAG GCIG GA-YON PA LA 'BAB BO, ,NYIN ZHAG GCIG JI LTA BA BZHIN DU'O, ,DE NAS NYIN ZHAG BZHI GA-YAS BA LA'O, ,BZHI JI LTA BA BZHIN NO, ,GSUM GA-YON PA LA'O, GSUM JI LTA BA BZHIN DU'O, ,DRUG GA-YAS PA LA'O, ,DRUG JI LTA BA BZHIN DU'O, ,LNGA GA-YON PA LA'O, ,LNGA JI LTA BA BZHIN DU'O, ,DE BZHIN DU SUM CU RTZA GNYIS GA-YAS PA LA'O, ,SUM CU RTZA GNYIS JI LTA BA BZHIN DU'O, ,SUM CU RTZA GSUM GA-YON PA LA'O, ,SUM CU RTZA GSUM JI LTA BA BZHIN DU'O, ZHES PA'I BAR DU'O, ,ZHES SPEL TSUL DE LTAR CHOS GSAL BAR BSHAD PA DANG 'GAL BAS SO, ,JI LTA BA BZHIN DU'O, ZHES PA NI RANG BZHIN PA'I MING NGO, ,'O NA SNA BUG

'PHO BA DANG, RTZA 'DAB 'PHO BA GANG GIS SKABS SU'ANG 'PHO BA BCU GNYIS YOD PA LA, DKYIL 'KHOR BCU LAS MED CING, GA-YON NAM MKHA'I DKYIL 'KHOR RDZOGS PAR BRGYUS MA TSAR BAR GA-YAS SU 'PHO NA GA-YAS KYI THOG MAR YANG NAM MKHA'I DKYIL 'KHOR GYI RLUNG GI 'PHRO DE BRGYUS NAS DE RJES SA'I DKYIL 'KHOR GYI RLUNG BRGYU DGOS LA, SA'I DKYIL 'KHOR DE'ANG GA-YAS NAS RDZOGS PAR BRGYUS MA TSAR BA LA GA-YON DU 'PHO DGOS PAS, GA-YON GYI RLUNG GI RLUNG THOG MAR SA'I RLUNG DE RGYA DGOS PA SOGS 'CHOL BAR 'GYUR LA, DE LTA MA YIN PAR SNA BUG GA-YON LA NAM MKHA'I DKYIL 'KHOR RDZOGS PAR BRGYUS NAS, LNGA BCU RTZA DRUG RKANG BCAS DBU MAR BRGYUS TE, DE NAS GA-YAS SU 'PHOS SHING SA'I DKYIL 'KHOR RDZOGS PAR BRGYUS NAS SLAR YANG LNGA BCU RTZA DRUG DANG BCAS BRGYUS TE, SNA BUG GA-YON LA 'PHOS NAS RLUNG GI DKYIL 'KHOR GYIS RLUNG RDZOGS PAR BRGYU BA SOGS YIN NA, DKYIL 'KHOR BCU LAS MED PA LTAR, 'PHO BA'ANG BCU LAS MED PA'AM, 'PHO BA BCU GNYIS SU BYED NA, 'PHO BA GNYIS DKYIL 'KHOR GANG GI'ANG RLUNG DANG SBYAR RGYU MED PAR 'GYUR RO SNYAM NA, DOGS PA 'DI RTZA 'DAB RE DANG 'BYUNG BA RE SBYOR RGYU YIN SNYAM PAS 'KHRUL 'DUG ,DE'ANG SBYOR RGYU'ANG MIN ZHING, SBYAR NAS SOGS DKYIL 'KHOR 'TSOL BA'I SKYON BZLOG CING, N'A RO PAS KYANG 'DAB MA DRUG GI 'DAB MA RE RE LA 'BYUNG BA LNGA RE RE LAS MA SBYAR YANG, DRUG LA SUM CU YOD PA'I GRANGS MKHYEN PAS, NGAN RGYAB MI BCOL LO, ,DOGS PA 'DI LTAR KHAS BLANGS NAS SKYON SPONG BA NI, 'DIR

, ,SHIN TU GAL CHE BA YIN KYANG SNGA MA DAG GIS MA DPYAD DO, ,'ON KYANG DE NYID ME 'GAL BA'I TSUL NI 'DI YIN TE, DKYIL 'KHOR BCU LAS MED KYANG, ,GA-YON LA NAM MKHA'I DKYIL 'KHOR GYI 'PHO BA LAN GNYIS DANG, GA-YAS LA SA'I DKYIL 'KHOR GYI 'PHO BA LAN GNYIS KYI SGO NAS 'PHO BA BCU GNYIS SU 'GYUR BA YIN TE, 'DI LTAR GA-YON LA, NAM MKHA', RLUNG, ME, CHU, SA NAM MKHA' DANG, GA-YAS LA SA CHU ME RLUNG NAM MKHA' SA ZHES PA'I TSUL GYIS SO, ,DE LTAR NA RTZA 'DAB BCU GNYIS PO LA'ANG, GA-YON GYI DRUG PO NI, NAM MKHA' RLUNG ME CHU SA NAM MKHA'I DKYIL 'KHOR 'BAB PA DANG, GA-YAS KYI DRUG NI SA CHU ME RLUNG NAM MKHA' SA'I DKYIL 'KHOR 'BAB PA'O, ,GZHAN DU NA RTZA 'DAB GA-YAS KYI GCIG DANG GA-YON GYI GCIG LA DKYIL 'KHOR GANG YANG 'BAB RGYU MED PAS 'PHO CHEN GYI RLUNG RGYU BA 'GAL LO, ,'ON KYANG DKYIL 'KHOR BCU LAS GRANGS MANG BAR NI MI 'GYUR TE, GA-YON GYI DANG POR BRGYUS PA'I NAM MKHA'I DKYIL 'KHOR DANG, MJUG GI NAM MKHA'I DKYIL 'KHOR GNYIS RTZA 'DAB SO SO LAS BRGYU BA YIN KYANG, DKYIL 'KHOR GCIG YIN PAS SO, ,'O NA GA-YAS LA SA GNYIS DANG GA-YON LA NAM MKHA' GNYIS BYED KYI, DE BZHIN DU, CHU GNYIS DANG ME GNYIS SOGS MI BYED PA CI ZHE NA, GA-YAS GA-YON GYI DKYIL 'KHOR RE RE LAN GNYIS GNYIS MA BYAS NA 'PHO BA BCU GNYIS MI 'ONG ZHING, RTZA 'DAB BCU GNYIS KYI GNYIS STONG PAR 'GYUR LA, GA-YAS LA SA

DANG GA-YON LA NAM MKHA' LAN GNYIS MA BYAS PAR DKYIL 'KHOR GZHAN LA LAN GNYIS BYAS NA, GA-YON LA NAM MKHA' RLUNG ME CHUS, ZHES DANG PO NAM MKHA'I NAS RTZOM PA DANG, GA-YAS LA DANG PO NAS RTZOM PA'I GO RIMS 'CHOL BAR 'GYUR BAS SO, ,DON 'DI NYID DBANG MDOR BSTAN GYI 'GREL PAR SLOB DPON N'A RO PAS GSUNGS TE, JI SKAD DU, GA-YON PA DANG GA-YAS PA DANG DBU MA'I RTZA 'DI RNAMS LA NYIN MTSAN GYIS DKYIL 'KHOR DRUG CU 'BAB BO, ,DE LA LTE BA'I PADMA'I 'DAB MA'I GA-YON GYI 'DAB MA DRUG ,LUG DANG, 'KHRIG PA DANG, SENG GE DANG, SRANG DANG, GZHU DANG, BUM PA'I BDAG NYID RNAMS LA SO SOR NAM MKHA' LA SOGS PA DKYIL 'KHOR SUM CU RNAMS LA, DE BZHIN DU GA-YAS KYI 'DAB MA DRUG ,GLANG DANG, KA RKA tA DANG, BU MO DANG, SDIG PA DANG, CHU SRIN DANG, NYA'I BDAG NYID RNAMS LA SO SOR SA LA SOGS PA DKYIL 'KHOR LNGA'I BDAG NYID LAS DKYIL 'KHOR SUM CU RNAMS SO, ZHES GSUNGS SHING GONG DU BSHAD PA LTAR MA BYAS NA, 'DAB MA DRUG LA, DKYIL 'KHOR LNGA'I BDAG NYID KYI DKYIL 'KHOR SUM CUR JI LTAR 'GYUR TE, LNGA LNGA NYI SHU RTZA LNGA LAS MI 'BYUNG BAS SO, ,GONG DU BSHAD PA LTAR BYAS NA, DRUG LNGA SUM CUR 'GYUR TE, DE'ANG DKYIL 'KHOR SUM CUR GSUNGS PA 'DI NI, RTZA CHEN RE RE LA, GTZO BOS LTA BU RE RE'I DKYIL 'KHOR RE RE LA'ANG, 'KHOR 'BYUNG BA CHUNG BA'I DKYIL 'KHOR BZHI BZHI YOD PA'I DBANG DU BYAS PA'O, ,DE NA 'BYUNG CHEN GYI DKYIL 'KHOR LNGA'I BDAG NYID KYANG, 'BYUNG CHUNG GI DKYIL 'KHOR SUM CU SUM CUR

, ,'GYUR ZHES BYA BA'I DON TO, RTZA STONG PHRAG DON GNYIS GCOD TSUL DANG, RTZA RE GCOD PA LA ZHAG BCO BRGYAD DGOS PA'ANG BSHAD PA SOGS KYI MI 'GAL BA'I TSUL LA SOGS PA 'GA' ZHIG NI 'OG TU RANG RANG GI SKABS SU BSHAD PAR BYA'O, ,DE LTAR MTHA' DPYAD PA BYAS NAS, DA NI RTZA CHAD PA'I TSUL BRJOD PAR BYA STE, DE YANG LO GSUM GYI RING LA LTE BA DANG TSIGS CHE CHUNG GI RTZA DANG GSAL BYED GCOD TSUL PHYOGS GSUM GYI RING LA DBYANGS KYI YI GE DANG RTZA GCOD TSUL, 'CHI BA'I GONG GI NYIN ZHAG DRUG GI RING LA LHAG PA'I RTZA LA RLUNG RGYU TSUL, LO BRGYA'I NYIN ZHAG GI TSOGS SUM KHRI DRUG STONG LA RTZA STONG PHRAG BDUN CU RTZA GNYIS GCOD PA'I TSUL, DUS KYI RTZA'I NGES PA BSHAD PA, ZLA BA DANG NYI MA'I RKANG BA'I CHA SHAS DANG YI GE BRGYA NYI SHU PHYI NANG LA SBYAR BA STE DRUG GIS SHES PAR BYA'O, ,DANG PO NI, 'DIR LTE BA LA KHYIM GYI RTZA BCU GNYIS DANG, DKYIL 'KHOR DRUG CU 'BAB PAR BYED PA DRUG CU STE, ZHES PA NAS, LO GSUM GYI RTZA DANG YI GE GCOD PA'I NGES PA'O, ZHES PA'I BAR GYIS 'CHAD DE, DE'ANG DGU YIS BSNUN PA'I LAG 'GRO ZHES PA, BRGYAD LA DGU YIS BSGYUR BAS BDUN CU RTZA GNYIS STE, DE NI LTE BA'I RTZA 'DAB BCU GNYIS DANG, DE LAS GYES PA DRUG CU BSDOMS PA'I GRANGS SO, ,DE LA RTZA CHEN BCU GNYIS PO RE RE LA LNGA LNGAR GYES PAS DRUG CU YIN LA, DE 'DRA BA'I DRUG CU PO RE RE GCOD PA LA, PHYOGS ZHES PA'I MING CAN NYIN ZHAG BCO BRGYAD RE BGOS TE, DE LTAR NA PHYOGS DRUG CU LA LO

GSUM GYI NYIN ZHAG GI TSOGS STONG BRGYAD CU 'ONG NGO, ,SKABS 'DI'I 'GREL CHEN DU THAMS CAD DU DKYIL 'KHOR GYI RTZA RNAMS LAS LO GSUM GYI PHYOGS RNAMS KYIS DRUG GIS CHA SHAS YONGS SU DOR NAS DKYIL 'KHOR LNGA 'BAB PAR BYED PA 'DOR RO, ZHES PA'I DON LA, KHA CIG LTE BA'I DON GNYIS PO THAMS CAD 'DOR RAM SNYAM NA MA YIN TE, NYIN ZHAG DRUG GI MTSAMS SU PHYE BA LAS, LHAG PA'I RTZA RNAMS SU RLUNG BCU RGYU BAR BYED PA LA BGOS PAS, DON GNYIS PO DE'I DRUG CHE NANG GI RTZA CHEN BCU GNYIS PO GCOD PA YONGS SU DOR BAS DE MA BCAD PAR BZHAG NAS DKYIL 'KHOR LNGA 'BAB PAR BYED PA GZHAN DRUG CU PO THAMS CAD RLUNG GIS 'DOR RO, ,DE BZHIN DU LAS DANG BYA BA'I 'KHOR LO GNYIS LA'ANG DRUG CHA 'JOG PAR SHES PAR BYA'O, ZHES 'CHAD PA NI MI 'THAD DE, RANG NYID KYI SNGAR LO GSUM GYI ZHAG DGU BRGYA SUM CU LA KHYIM BCU GNYIS KYI RTZA LA DKYIL 'KHOR LNGA 'DOR BAR BSHAD PA DE NYID LTE BA'I RTZA 'DAB BCU GNYIS LA 'DOR BAR BYAS PA DANG, KHAS BLANGS 'GAL LA 'CHI BA'I MTHAR ZHAG DRUG GI RLUNG RGYU BA NI, SNGAR BCAD TSAR BA'I RTZA LA'ANG BRGYU BA MI 'GAL TE, TSIGS CHEN BCU GNYIS KYI RTZA SUM BRGYA DRUG CU SNGAR LO GSUM GYI DUS SU BCAD TSAR YANG, 'CHI BA'I GONG GI MTHA'I ZHAG DRUG GI RING LA DE DAG TU'ANG RLUNG BRGYU@ BAR 'OG NAS 'CHAD PAR 'GYUR BA BZHIN NO, ,GZHAN YANG 'OG NAS TSIGS CHEN DANG SOR TSIGS KYI RTZA RNAMS KYI DRUG CHA RE LA 'CHI RLUNG MI BRGYU ZHING LHAG MA RNAMS LA 'CHI RLUNG BRGYU BAR BSHAD

, ,BAS, KHYOD KYIS 'DIR DRUG CHA RE ZHAG DRUG GI RING LA 'CHI RLUNG BRGYU BA'I CHED DU 'JOG PAR 'DOD PA DNGOS SU BKAG PA YIN NO, ,NGES NA DE'I TSAD DU DA LTA MI GCOD NA 'JOG PA DON MED LA, RTZA CHEN BCU GNYIS LA BRGYU BA'I RLUNG GTAN NAS MA DOR BAR DE LAS GYES PA'I RTZA DRUG CU PO RNAMS RLUNG GIS 'DOR BA'ANG MI 'THAD DO, ,KHA CIG PHYOGS DRUG CUS RTZA DRUG CU PO THAMS CAD KYI SO SO LA DRUG CHA RE RLUNG GIS GCOD PA YONGS SU 'DOR BA STE MI GCOD PAR 'JOG CES PAR 'CHAD PA'ANG MI 'THAD DE, ,RTZA RNAMS KYI DRUG CHA RE LA RLUNG BRGYU NA RTZA DE LA RLUNG BRGYU BAR KHAS LEN DGOS LA, RTZA DE RLUNG GIS DOR NA, DA LTA RTZA DE LA RLUNG RGYU BA MED DGOS PAS RTZA DE BCAD TSAR BA DANG, RTZA DE'I DRUG CHA RE LA RLUNG NAR MAR BRGYU BA SHIN TU 'GAL BA'I PHYIR RO, ,'O NA 'OG TU, MGRIN PA LA YUD TZAM DRUG 'BAB PAR BYED PA STE RO DANG ZHES SO, ZHES SOGS GSUNGS PA RNAMS DANG MI 'GAL LAM ZHE NA, DE DAG NI RTZA RNAMS KYI DRUG CHA RE BZHAG PA DE LA MTHA'I ZHAG DRUG GI RING LA RLUNG BRGYU BA'I DON MIN TE, 'OG TU DE NYID KYI SKABS SU BSHAD PAR BYA'O, ,DES NA GZHUNG DE'I DON NI, LO GSUM PHYOGS DRUG CU PO RNAMS KYIS RTZA DON GNYIS KYI DRUG GI CHA SHAS TE DRUG CHA RTZA CHEN BCU GNYIS LA RLUNG BRGYU BA YONGS SU DOR BA'I SGO NAS, DE DAG LAS GYES PA'I RTZA DRUG CU, DKYIL 'KHOR LNGA 'BAB PAR BYED PA RNAMS 'DOR RO, ZHES BYA BA'I DON YIN NO, ,DE LA RTZA CHEN BCU GNYIS

DANG, DA LAS GYIS PA DRUG CU, TSIGS CHE CHUNG GI RTZA DANG BCAS PA GCOD PA'I TSUL NI 'DI YIN TE, LTE BA'I KHYIM BCU GNYIS KYI RTZA CHEN BCU GNYIS PO RE RE LAS, LTE BA'I RTZA LNGA LNGA GYES LA, LTE BA'I RTZA LNGA TSAN BCU GNYIS PO DE DAG GI RTZA RGYUD RKANG LAG LA SONG BAS, TSIGS CHEN RE RE'I THAD DU, LNGA TSAN RE'I RTZA RE RE LAS, DRUG DRUG TU GYES PAS, TSIGS CHEN RA'I 'KHOR LO RTZA 'DAB SUM CU RE RE 'GYUR RO, ,TSIGS CHEN GYI RTZA RNAMS KYI RTZA RGYUD RKANG LAG GI SOR MO RNAMS LA SONG BAS TSIGS PHRAN GYI RTZA RNAMS SU 'GYUR TE, DE'ANG LAG PA GA-YAS PA'I PHRAG PA DANG DPUNG BA'I BAR GYI RTZA 'KHOR GYI RTZA SUM CU PO'I RGYUN LAG PA GA-YAS PA'I SOR TSIGS 'OG MA LNGA RE SONG BAS, SOR TSIGS RE LA RTZA DRUG DRUG STE, SOR TSIGS KYI PHRENG BA 'OG MA'I RTZA SUM CU'O, ,DE BZHIN DU DBUNG PA DANG, NYE BA'I DPUNG PA ZHES PA GRU MO GA-YAS PA'I BAR GYI RTZA RGYUD SONG BAS LAG PA GA-YAS PA'I SOR MO'I TSIGS PHRENG DBUS MA'I RTZA SUM CU DANG, GA-YAS PA'I LAG MGO DANG NYE BA'I DPUNG PA'I BAR MKHRIG MA'I RTZA 'KHOR GYI RTZA SUM CU PO'I RTZA RGYUD SONG BAS LAG PA GA-YAS PA'I SOR MO'I TSIGS PHRENG STENG MA SEN MO'I MTSAMS KYI TSIGS LNGA'I RTZA SUM CUR 'GYUR TSUL 'DI LAG PA GA-YON DANG RKANG BA GNYIS LA'ANG RIGS BSGRES BAS SHES LA, DE LTAR NA, TSIGS CHEN BCU GNYIS RE RE LA RTZA SUM CUR YOD PAS SUM BRGYU DRUG CU DANG, TSIGS PHRAN DRUG CU PO RE RE LA RTZA DRUG DRUG YOD PAS SUM BRGYA DRUG CU YOD CING, TSIGS CHEN GYI 'KHOR

, ,LO RNAMS NI RKANG PA DANG LAG PA'I LAS KYI DBANG PO'I BYA BA 'GRO BA DANG LEN PA SOGS LA 'JUG PA'I DANG POR GYUR BA'I PHYIR LAS KYI 'KHOR LO ZHES BYA LA, SOR TSIGS KYI RTZA'I 'KHOR LO RNAMS NI LEN PA SOGS KYI BYA BA BYED PAS BYA BA'I 'KHOR LO ZHES BYA'O, ,TSIGS CHEN BCU GNYIS PO DE DAG PHYI'I ZLA BA BCU GNYIS DANG SBYAR NA LAG PA GA-YAS PA'I PHRAG PA DANG DPUNG PA'I BAR GYI 'KHOR LO'I RTZA SUM CU NI CHU SRIN GYI ZLA BA'I TSES SUM CU DANG, LAG PA GA-YON PA'I PHRAG PA DANG DPUNG PA'I BAR GYI 'KHOR LO'I RTZA SUM CU NI, DPO'I ZLA BA'I TSES SUM CU'O, ,ZHES SOGS SU SBYAR TE, GZHUNG NYID NA GSAL LO, ,DE LTAR YIN PA LA, LO GSUM GYI ZHAG STONG BRGYAD CU'I RING LA, LTE BA DANG TSIGS CHE CHUNG GI RTZA DE DAG GCOD PA'I TSUL NI, LTE BA'I RTZA DRUG CU PO RE RE GCOD PA LA PHYOGS KYI MING CAN ZHAG BCO BRGYAD RE DGOS SHING, RTZA DE DAG RE RE BCAD PA NA, DE LAS GYES PA'I RTZA DRUG DRUG GCOD PAS, ZHAG BCO BRGYAD PO'I RING LA LTE BA'I RTZA GCIG DANG, DE LAS GYES PA'I TSIGS CHEN GYI RTZA DRUG GCOD CING, DES NA TSIGS CHEN RNAMS KYI RTZA RE RE GCOD PA LA, NYIN ZHAG RTZE MO CAN ZHES NYIN ZHAG GSUM GSUM DU GSUNGS PA YIN LA TSIGS CHEN RNAMS KYI RTZA RE RE BCAD PA NA DE'I RTZA RGYUD KYI SOR TSIGS KYI RTZA RE RE'ANG GCOD DE, DPER NA, LTE BA'I RTZA DRUG CU'I NANG NAS, GA-YAS KYI SUM CU'I DANG PO ZHAG BCO BRGYAD KYIS BCAD PA NA DE LAS GYES PA, LAG PA GA-YAS PA'I

PHRAG PA DANG DPUNG PA'I BAR GYI 'KHOR LO'I RTZA DRUG DANG, DRUG PO DE'I RTZA RGYUD LAG PA GA-YAS PA'I SOR MO'I TSIGS PHRENG 'OG MA'I NANG NAS, MTHE BONG GI TSIGS 'OG MA'I RTZA DRUG KYANG GCOD PA LTA BU'O, ,DES NA THAMS CAD LA RIGS BSGRES PAS SHES LA, LTE BA'I RTZA CHEN BCU GNYIS GCOD TSUL GYI ZHAG GRANGS DNGOS SU MA GSUNGS KYANG LTE BA'I RTZA DRUG CU'I NANG NAS RE RE DOR BA'I SGO NAS DE LAS GYES PA'I TSIGS CHEN GYI RTZA DRUG DRUG 'DOR ZHING, TSIGS CHEN GYI RTZA DRUG DRUG DOR BA'I DBANG GIS DE'I RTZA RGYUD SOR TSIGS KYI RTZA DRUG DRUG 'DOR PA BZHIN DU, RTZA CHEN BCU GNYIS KYI NANG NAS RE RE DOR BA'I DBANG GIS, DE LAS GYES PA'I LTE BA'I RTZA LNGA LNGA 'DOR BA YIN DGOS TE, RIGS PA MTSUNGS PA'I PHYIR RO, ,DES NA LTE BA'I RTZA DRUG CU'I NANG NAS LNGA 'DOR BA LA NI, PHYOGS LNGA DGOS PAS, ZHAG DGU BCU DGOS LA, DE NYID RTZA CHEN GCIG 'DOR BA'I YUN TSAD DU RIGS SO, ,DE BAS NA ZHAG DGU BCU SONG BA NA, RTZA CHEN GCIG DANG, DE LAS GYES PA'I LTE BA'I RTZA LNGA DANG, LNGA PO DE LAS GYES PA'I TSIGS CHEN GYI 'KHOR LO GCIG DANG, DE'I RTZA RGYUD SOR TSIGS LNGA'I RTZA RLUNG GIS 'DOR BA YIN PAR SHES PAR BYA'O, ,DE LTAR BYAS PAS RTZA CHEN BCU GNYIS 'DOR BA LA ZHAG STONG BRGYAD CU DGOS PA NAS, TSIGS PHRAN DRUG CU'I RTZA 'DOR BA LA'ANG ZHAG STONG BRGYAD CU DGOS PA'I BAR DU ZHAG GRANGS MTSUNGS SHING, LO GSUM DANG RTZA DE DAG GCOD PA GNYIS SBYAR BA LEGS PAR 'GRIG PAR 'GYUR LA, RTZA 'DI DAG THAMS CAD KYANG RTZA STONG PHRAG BDUN

, ,CU RTZA GNYIS KYI GRANGS LA MI GTOGS PAS, RTZA 'DI DAG GCOD TSUL 'DI LTAR BYAS PA DANG, RTZA STONG PHRAG DON GNYIS LAS ZHAG RE LA GNYIS GNYIS GCOD PA'I 'GAL BA'I SKYON MED DO, ,'O NA RTZA STONG PHRAG DON GNYIS GANG LAS GYES PA YIN ZHE NA, 'DI LA BSHAD RGYUD RDO RJE'I PHRENG BA LAS NI, SNYING GA'I RTZA 'BA' ZHIG LAS GYES PAR GSUNGS TE, DE'ANG SNYING GA'I RTZA 'DAB BRGYAD PO RE RE LAS KHU BA DANG, RDUL DANG, RLUNG 'BAB PA'I RTZA GSUM GSUM DU GYES PAS NYER BZHI, DE RE RE LA GSUM GSUM DU GYES PAS DON GNYIS, DE RE RE LA STONG PHRAG RE RE GYES PAS STONG PHRAG BDUN CU RTZA GNYIS TE, DE DAG LAS STONG PHRAG NYER BZHI NI KHU BA 'BAB PA DANG, STONG PHRAG NYER BZHI NI RDUL 'BAB PA DANG, STONG PHRAG NYER BZHI NI RLUNG 'BAB PAR GSUNGS LA, 'DIR YANG LO GSUM PHYOGS GSUM LA KHYAD PAR DU GCOD PA'I DBYANGS GSAL GYI RTZA 'DI DAG LAS GYES PA MA YIN PAR BYA DGOS TE, GZHAN DU NA, GANG LAS GYES PA'I GZHI'I RTZA RLUNG GIS DOR NAS, DE LAS GYES PA'I RTZA PHRAN RLUNG GIS MA DOR BA 'DOD DGOS PAR 'GYUR BAS SO, ,DE BAS NA DBU MA NYID LAS RTZA PHRAN STONG PHRAG DON GNYIS SU GYES PA LTA BU NYID DU BYA DGOS PAR MNGON NO,, ` ,,DA NI RTZA RNAMS KYI LHAG PA'I LHA'I YI GE BRJOD PAR BYA STE, ZHES BYA BA LA LHAG PA'I LHA'I DON NI, YI GE 'DI DAG RTZA DE DANG DE BSKYED PA'I SA BON NAM, RTZA DE DAG GI NANG NA YI GE DE DAG GI GZUGS SU YOD PA MIN GYI, RTZA 'DI DAG SPYOD PA'I DON DU BSGOM PAR BYA BA'I CHOS KYI LHA DE DANG DE'I SA BON GYIS

RTZA DE DANG DE DAG MTSON NAS BSTAN PAS MTSON PAR BYED PA'I YI GE YIN PAS LHAG PA'I LHA'I YI GE ZHES BYA BA YIN LA DE NYID 'DI NAS MDOR BSTAN CING, 'OG TU, DA NI SDE PA ZHES PA LA SOGS PAS, ZHES SOGS KYIS RGYAS PAR 'CHAD PA YIN TE, DE DAG GI DON MDOR BSDUS NA, LAG PA GA-YAS GA-YON GNYIS KYI TSIG RNAMS KYI RTZA NI BYANG BGROD KYI ZLA BA DRUG GI TSES RNAMS KYI YI GE DANG SBYOR LA, RKANG PA GNYIS KYI TSIGS CHEN DRUG GI RTZA RNAMS NI LHO BGROD KYI ZLA BA DRUG GI TSES RNAMS KYI SA BON GYI YI GE DANG SBYOR ZHING, THOG MAR LAG PA GA-YON LTA BU NAS MTSON TE BRJOD NA, KA TZA tA TA PA SA'I SDE PA STE, GSAL BYED KYI YI GE SDE TSAN DRUG YOD LA, SDE TSAN DRUG PO DE SROG GI DBYANGS THUNG DUS PHYE BA DANG, RING POS PHYE BA'I SGO NAS SDE TSAN BCU GNYIS SU 'GYUR ZHING, DE LA SROG GI DBYANGS THUNG DUS PHYE BA'I KA TZA tA'I SDE TSAN GSUM LAG PA GA-YON PA'I TSIGS CHAN GSUM GYI 'KHOR LO'I YI GE DANG, SROG GI DBYANGS RING POS PHYE BA'I KA TZA tA'I SDE TSAN GSUM LAG PA GA-YAS KYI TSIGS CHEN GSUM GYI 'KHOR LO'I YI GE DANG, YANG, SROG GI DBYANGS THUNG NGUS PHYE BA'I TA PA SA'I SDE TSAN GSUM RKANG PA GA-YON GYI TSIGS CHEN GSUM GYI 'KHOR LO'I YI GE DANG, YANG SROG GI DBYANGS RING PO PHYE BA'I TA PA SA'I SDE TSAN GSUM NI RKANG PA GA-YAS KYI TSIGS CHEN GSUM GYI 'KHOR LO'I RTZA'I YI GE YIN LA DE BZHIN DU RKANG LAG GI SOR MO'I TSIGS PHRENG RNAMS LA'ANG SBYAR BAR BYA STE, GA-YON GYI SOR MO'I TSIGS PHRENG 'OG MA, BAR MA, STENG MA GSUM LA RIM

, ,PA BZHIN DBYANGS THUNG DUS PHYE BA'I KA TZA tA'I SDE TSAN GSUM DANG, GA-YAS KYI GSUM LA DBYANGS RING POS PHYE BA'I KA TZA tA'I SDE TSAN GSUM DANG, RKANG PA GA-YON GYI GSUM LA RIM BZHIN DBYANGS THUNG NGUS PHYI BA'I TA PA SA'I SDE TSAN GSUM DANG, RKANG SOR GA-YAS KYI TSIGS PHRAN GSUM LA 'OG NAS RIM PAS DBYANGS RING POS PHYE BA'I TA PA SA'I SDE TSAN GSUM STE TSIGS CHEN JI LTA BA BZHIN DU'O, ,DE LA SDE TSAN DRUG GI SDE TSAN RE RE LA'ANG GSAL BYED KYI YI GE LNGA LNGA BKOD DE, KA KHA GA GHA NGA, ZHES SOGS SO, ,DE DAG GI SGO NAS 'BYED PA'I SROG GI DBYANGS LA SDE TSAN GSUM YOD DE, AA AI Ri AU LAm ZHES PA RANG BYUNG GIS DBYANGS DANG, AA AE AAR AO AAL ZHES PA YON TAN NAM 'PHEL BA'I YI GE DANG, HA YA RA WA LA, ZHES PA, YA nA'I YI GE'O, ,'DI DAG KYANG RING THUNG DBYE BAS RING PO'I SDE TSAN GSUM DANG THUNG NGU'I SDE TSAN GSUM STE DRUG TU 'GYUR LA THUNG NGU GSUM GYI MTHAR NI RIM BZHIN AAm AA LAm HAm, ZHES PA THIG LE CAN GSUM DANG RING PO'I SDE TSAN GYI MTHAR NI RIM BZHIN, AA: AAL: HA: ZHES PA TSEG DRAG CAN GSUM BZHAG PAR BYA STE, DE LTAR NA SDE TSAN RE RE LA YI GE DRUG DRUG TU 'GYUR RO, ,DE LA GSAL BYED KYI YI GE NGA LTA BU ZHIG KYANG RANG BYUNG GI YI GE THUNG NGU DRUG SROG TU ZHUGS PA'I DBANG GIS PHYE BAS DRUG TU 'GYUR TE, DA NGI DRI NGU D'i NGAm ZHES PA'O, ,DES GSAL BYED KYI YI GE GZHAN THAMS CAD LA'ANG RIGS 'GRE'O, ,DES NA GSAL BYED KYI YI

GE RING PO SUM CU DANG, THUNG NGU SUM CU PO DE DAG RANG BYUNG GI YI GE THIG LE CAN DANG, TSIG DRAG CAN DANG BCAS PA'I RING PO DRUG DANG THUNG NGU DRUG GIS PHYE BAS SUM BRGYA DRUG CHUR 'GYUR RO, ,DE BZHIN DU GSAL BYED THUNG RING DRUG CU PO DE YON TAN NAM 'PHAL BA'I YI GE THIG LE DANG TSEG DRAG CAN DANG BCAS PA'I THUNG RING DRAG SROG TU ZHUGS PA'I DBANG GIS PHYE BAS SUM BRGYA DRUG CU DANG, YANG GSAL BYED CUNG RING DRUG CU LA, YA nI YI GE THIG LE CAN DANG TSEG DRAG CAN DANG BCAS PA'I THUNG RING DRUG DRUG SROG TU ZHUGS PA'I DBANG GIS PHYAS BAS SUM BRGYA DRUG CU STE, DE LTAR NA LO GSUM GYI ZHAG STONG BRGYAD CU'I GRANGS SU 'GYUR LA TSIGS CHEN DANG TSIGS PHRAN GYI RTZA SUM BRGYA DRUG CU DRUG CU PO DE DAG LA RTZA REE LA'ANG MTSON PAR BYED PA'I SA BON GYI YI GE RANG BYUNG GI SROG TU ZHUGS PAS PHYE BA DANG, YON TAN NAM 'PHEL BA'I YI GES PHYED BA DANG, YA nA'I YI GES PHYE BA STE GSAL BYED KYI YI GE GSUM GSUM SBYAR BAR BYA STE, DPAR NA RANG BYUNG GI AA THUNG DUS PHYE BA'I NGA DANG, YON TAN GYI YI GE AA THUNG DUS PHYE BA'I NGA DANG, YA nA'I YI GE HA THUNG NGUS PHYE BA'I NGA GSUM GA LAG PA GA-YON GYI TSIGS CHEN GYI 'KHOR LO DANG PO PHRAG PA DANG, DPUNG BA'I BAR GYI RTZA SUM CU'I NANG NAS RTZA DANG PO'I YI GER SBYOR BA DANG, DE BZHIN DU LAG PA GA-YON PA'I MTHE BONG TSIGS 'OG MA LA RTZA DRUG YOD PA'I NANG NAS RTZA DANG PO'I YI GER YANG DE GSUM SBYOR BA LTA BU'O, ,DE'ANG LAG PA DANG RKANG PA GA-YON PA'I RTZA'I 'KHOR LO CHE CHUNG THAMS CAD LA DBYANGS THUNG NGUS

, ,PHYE BA RNAMS KYI SDE TSAN LUGS 'BYUNG DANG, GSAL BYED KYI YI GE LUGS LDEG DANG SROG GI DBYANGS YIG LUGS 'BYUNG DU SBYAR BAR BYA STE, RTZA SUM CU'I DANG PO LA NGA DANG, SUM CU PO LA KA LTA BU'O, ,GA-YAS PA RNAMS LA DBYANGS RING POS PHYE BA DAG SDE TSAN DU MA ZAD GSAL BYED KYI YI GE'ANG LUGS 'BYUNG DANG, SROG GI DBYANGS LUGS LDOG TU SBYAR BAR BYA STE, RTZA SUM CU'I DANG PO LA K'A RING PO DANG, SUM CU PA LA D'A RING PO LTA BU'O, ,DE LTAR RKANG PA GA-YON DANG GA-YAS LA'ANG RIGS PAR BYA ZHING, TSIGS CHEN GYI RIGS PAS TSIGS PHRAN RNAMS LA'ANG RIGS PAR BYA LA, DBYANGS THUNG RING GIS PHYE BA'I SDE TSAN DE DAG KYANG TSIGS CHEN DANG POR TSIGS GA-YAS LA SBYAR PA DBYANGS RING POS PHYE BA THAMS CAD NI SA CHU ME RLUNG NAM MKHA' YE SHES, ,ZHES PAS RIM PAS SDUD RIM DANG, GA-YON LA DBYANGS THUNG DUS PHYE BA THAMS CAD NI NAM MKHA' RLUNG ME CHU SA YE SHES PA SPRO BA'I RIM PAS SBYAR BAR BYA'O, ,DBYANGS RING POS PHYE BA'I SDE TSAN DRUG LTA BU NI RIGS DRUG DANG DE'I NANG NAS, NAM MKHA'I KHAMS CHOS DBYINGS YE SHES MI BSKYOD PA'I RANG BZHIN NI CHU SRIN GYI 'PHO BA'I RTZA LAG PA GA-YAS PA'I PHRAG PA DANG, DPUNG PA'I BAR GYI 'KHOR LO STE, MI BSKYOD PAR DE NYID LA RIGS LNGAR PHYE BA NI 'KHOR LO DE'I RTZA DRUG CHAN LNGA'O, ,DE LTAR PHYE BA'I MI BSKYOD PA LA'ANG RIGS DRUG TU PHYE BA NI 'KHOR LO'I RTZA SDE TSAN LNGA'I DANG PO LA'ANG RTZA DRUG TU

PHYE BA'O, ZHES DE'I RIM PAS TSIGS PHRA RAGS GNYIS KA'I 'KHOR LO THAMS CAD LA SBYAR BAR BYA STE, RE RE NAS SBYOR BA 'GREL PAR RGYAS PAR GSUNGS SHING SHES SLA'O, ,DE LTAR RKANG LAG GNYIS KA'I GA-YAS PA RNAMS LHO BGROD DANG, GA-YON PA RNAMS BYANG BGROD DU MI MDZAD PAR STENG GI GA-YAS GA-YON GNYIS KA BYANG BGROD DANG, 'OG GI GA-YAS GA-YON GNYIS KA LTO BGROD DU GSUNGS PA NI STENG SROG GI RLUNG DANG, 'OG THUR SEL GYI RLUNG GNYIS LAS, SROG 'DZIN GYI RLUNG GI DBANG GIS NYI MA'I 'CHI LTAS DANG, THUR SEL GYI RLUNG GI DBANG GIS ZLA BA'I 'CHI LTAS 'BYUNG BA'I DBANG DU BYAS NAS, STENG GI GA-YAS GA-YON GNYIS KA NYI MA'I CHOS BYED BGRED DANG, 'OG GI GA-YAS GA-YON GNYIS KA ZLA BA'I CHOS LHO BGROD DU GSUNGS SO, ,GNYIS PA PHYOGS GSUM GYI RING LA DBYANGS KYI YI GE DANG, RTZA GCOD TSUL NI, DE NAS LO NI CHOD PAR 'GYUR NA, ZHES BYA BA NAS, RTZA GCOD PA'I NGES PA'O, ZHES PA'I BAR TE, DE'ANG PHYOGS GSUM GYI ZHAG LA BCAD PAR BYA BA'I DBYANGS NI, DBYANGS THUNG DU BCO LNGA DANG, RING PO BCO LNGA DANG, SHIN TU RING BA'I BCO WA STE, ZHE LNGA YOD LA, PHYOGS GSUM GYI RING LA BCAD PAR BYA BA DBYANGS KYI CHOS CAN GYI RTZA NI, DPAL MGRIN SNYING GA'I RTZA LAS, MGRIN PA'I STONG PA'I RTZA BZHI DANG, DPRAL BA'I STONG PA'I RTZA GNYIS MA GTOGS PA, RTZA BZHI BCU YOD CING, MNGAL GYI ZLA GCIG RTZA MA CHAGS PA'I DBANG GIS BYUNG BA'I MTHA'I ZLA BA GCIG GI RING LA GSAL BYED SUM CU'I CHOS CAN GSANG

, ,BA'I RTZA SUM CU GCOD DE DE NYID KYI'ANG STONG PA'I RTZA GNYIS MA GTOGS SO, ,DE LA CHU CHOD DRUG CU LA NYIN ZHAG TU BYAS PA PHYOGS GSUM GYI ZHAG ZHE LNGA PO DE NYID CHU TSOD LNGA BCU RTZA DRUG BZHI CHA RE LA ZHAG TU BYAS PA'I ZHAG ZHE BRGYAD DU 'GYUR LA, DE BZHIN DU, MTHA' ZHAG SUM CU PO DE'ANG CHU TSOD NGA DRUG BZHI CHA LA ZHAG TU BYAS PA'I ZHAG SO GNYIS SU 'GYUR BAS PHYOGS GSUM DANG MTHA'I ZLA GCIG GI ZHAG DON LNGA PO DE NYID CHU TSOD NGA DRUG BZHI CHA'I ZHAG BRGYAD CUR 'GYUR ZHING, MTHA'I DBU MA'I ZHAG GCIG STE BRGYAD CU RTZA GCIG GO , ,DE DAG LAS DPRAL BA LA DBYANGS KYI CHOS CAN GYI RTZA BCU BZHI, MGRIN PA LA NYER BRGYAD DE, ZHE GNYIS, PHYOGS GSUM GYI ZHAG ZHE BRGYAD KYI NANG NAS ZHE GNYIS KYI RING LA GCOD LA, DE NAS SNYING GA'I RTZA GCOD TSUL NI, DE NAS MGRIN PA LA NYIN ZHAG BZHI DANG, DPRAL BA LA NYIN ZHAG GNYIS DANG, 'TSO BA'I MTSAN MO GSUM MO, ZHES SOGS KYI DON NI 'DI YIN TE SNGAR DPRAL BA'I RTZA LA GNYIS STONG PA DANG, MGRIN PA'I BZHI STONG PAR SONG BAS DE DAG GCOD PA LA SBYAR RGYU MI 'BYUNG BA'I ZHAG DRUG PO DE DAG DANG, GSANG BA'I RTZA GNYIS STONG PA'I CHOS CAN GYI RTZAR SONG BAS, DE GNYIS GCOD PA'I ZHAG TU SBYAR SA MA BYUNG BA'I ZHAG GNYIS TE, ZHAG BRGYAD PO DE DAG NI SNYING GA'I RTZA BRGYAD GCOD PA'I ZHAG YIN NO, ZHES BYA BA YIN NO, ,GZHAN DAG STONG PA'I RTZA BRGYAD GCOD PA'I ZHAG BRGYAD NI 'KHOR LO DE DAG GI RTZA 'DAB

DANG LHAN CIG TU SNYING GA'I PADMA LA'ANG BRGYU ZHING RTZA BRGYAD GCOD DE, ZHES ZER BA NI MI RIGS TE, STONG PA'I RTZA'I DON NI RLUNG GTAN MI BRGYU BA'I RTZA LA ZER ZHING, RTZA GCOD PA'I DON NI, RTZA DE LA SNGAR NAS BRGYU BA'I RLUNG GIS RTZA DE NYID DOR BA LA ZER BAS STONG PA'I RTZA GCOD PA ZHES BYA BA NI SHIN TU 'GAL BA'I PHYIR RO, ,GSANG BA'I ZHAG CHU TSOD BCO LNGA NGA DRUG BZHI CHA LA ZHAG TU BYAS PA SO GNYIS LAS SUM CU MA GTOGS PA'I LHAG GNYIS DANG DBU MA GCOD PA'I ZHAG GCIG RNAMS LA 'TSO BA'I MTSAN MO GSUM ZHES BYA STE, DE LAS 'TSO BA'I MTSAN MO GNYIS SNYING GA'I RTZA GCOD BYED LA SONG ZHING GCIG GIS DBU MA GCOD DO ZHES BYA BA'O, ,GSUM PA 'CHI BA'I GONG GI NYIN ZHAG DRUG GI RING LA LHAG PA'I RTZA LA RLUNG BRGYU BA'I TSUL NI, DA NI, LTE BA ZHES PA LA SOGS PAS, ZHES PA NAS, BCOM LDAN 'DAS KYIS GSUNGS SO, ZHES BYA BA'I BA RTE, DE'ANG NYIN ZHAG DRUG GI MTSAMS SU 'CHI BA LAS LHAG PA'I RTZA RLUNG BCU RGYU BAR BYED PA RNAMS GSUNGS TE, ZHES BYA BA'I DON NI SNGAR BCAD ZIN PA'I LHAG MA MA BCAD PAR BZHAG PA'I RTZA LA RLUNG BCU RGYU BAR BYED PA GSUNGS TE, ZHES PA NI MIN TE, 'DIR ZHAG DRUG PO'I BAR LA TSIGS BCU GNYIS PO RNAMS KYI TSIGS SO SO LA RTZA LNGA LNGA NI RLUNG BCU RGYU BAR BYED PA STE ZHES SOGS GSUNGS PA LTAR, TSIGS CHEN RNAMS KYI RTZA THAMS CAD LA'ANG RLUNG RGYU LA, RTZA DE DAG SNGAR LO GSUM GYI RING LA RDZOGS PAR BCAD ZIN PA'I PHYIR RO, ,DES NA NYIN ZHAG DRUG GI

, ,MTSAMS SU 'CHI BA'I ZHAG DRUG PO DE'I RING LA RLUNG BCU LHAG PAR BRGYU BA'I RTZA RNAMS GSUNGS TE, ZHES BYA BA'I DON YIN ZHING 'DIR LTE BA'I 'KHOR LO LA PHYI ROL GYI DKYIL 'KHOR GYI 'BAB PA'I RTZA ZAD PA YONGS SU DER BA LAS, ZHES SOGS KYI DON NI LO GSUM GYI STENG DU PHYOGS GSUM BRGYUS PA DANG, GSANG BA'I RTZA GCOD PA'I GSAL BYED RNAMS BRGYUS PA NA, LTE BA'I 'KHOR LO LA PHYI ROL SA CHU ME RLUNG NAM MKHA'I DKYIL 'KHOR 'BAB PA'I RTZA ZAD PA STE, RTZA DE DAG SNGAR NAS NAR MAR BRGYU BA'I RLUNG GIS YONGS SU DER ZIN PA LAS 'CHI BA'I ZHAG DRUG GI BAR DU SNGAR NAR MAR BRGYU BA'I RLUNG GIS DOR ZIN PA'I RTZA DE DAG TU'ANG LHAG PA'I RLUNG BRGYU STE, JI LTAR NA LTE BAR NYI MA ZHES PA KHYIM BCU GNYIS KYI RLUNG DANG, MGRIN PA LA RA ZHES PA YUD TZAM DRUG GI RLUNG DANG, DPRAL BA LA ME ZHES PA THUN PHYED DANG GSUM GYI RLUNG DANG, SNYING GA'I RTZA LA THUN TSOD PHYED DANG GNYIS KYI RLUNG 'BAB PAR 'GYUR RO, ,ZHES BYA BA STE, RO DANG, ME DANG, PHYED DANG BCAS PA'I RTZA ZHES PA RNAMS NI RTZA 'KHOR DE DAG GI RTZA'I DRUG CHA RE'I DBANG DU BYAS NAS, RTZA DRUG DANG GSUM DANG PHYED DANG GNYIS ZHES BYA BAR STON PA YIN ZHING, DE LTAR BYAS KYANG RTZA'I DRUG CHAR YANG MI 'GYUR RO, ,DE BAS NA PHYED DANG BCAS PA'I RTZA ZHES PA'ANG PHYED DANG BCAS PA'I THUN TSOD KYI RLUNG 'BAB PA'I RTZA ZHES BYA BA YIN NO, ,DE BZHIN DU LAS KYI 'KHOR LO DANG, BYA BA'I 'KHOR LO LA'ANG LHAG PA'I RLUNG BRGYU BA'I TSUL NI, TSIGS CHEN RE RE'I RTZA LNGA LNGA

LA RLUNG BCU 'BAB LA RTZA LHAG MA THAMS CAD LA DUS KYIS 'CHI BA'I MUN PA CHEN PO'I RLUNG 'BAB CING, SOR MO'I TSIGS RE RE'I RTZA DRUG DRUG LAS RTZA RE RE LA RLUNG BCU 'BAB CING LHAG MA RTZA LNGA LNGA LA DUS 'CHI'I MUN PA'I RLUNG 'BAB BO, ,DE LTAR ZHAG DRUG GI RING LA SNGAR BCAD ZIN PA'I RTZA THAMS CAD DU RLUNG BCU DANG, MUN PA'I RLUNG DE LTAR BRGYU ZHING, DES NA SNGAR RTZA BCAD PA'I DON, RTZA DE DAG SNGAR NAS NAR MAR BRGYU BA'I RLUNG GIS DOR ZHING, RGYU BA CHAD PA'I DON YIN GYI, RTZA DE DAG BSKAMS NAS RLUNG PHYIN CHAD 'GRO 'ONG BYA SA MED PAR SONG BA MA YIN NO, ,DE NAS ZHAG DRUG PO RDZOGS PA'I RJES SU DBU MAR ZHAG GCIG BRGYUS PAS, DBU MA GCOD PAR 'GYUR RO, ,BZHI PA LO BRGYA'I NYIN ZHAG GI TSOGS SUM KHRI DRUG STONG LAS RTZA STONG PHRAG BDUN CU RTZA GNYIS GCOD PA'I TSUL NI, DA NI SUM CU DRUG CES PA LA SOGS PAS, ZHES PA NAS, RTZA GCOD PA'I NGES PA'O, ZHES PA'I BAR TE, LO BRGYA'I RING LA ZHAG RE LA YE SHES KYI RLUNG CHU TSOD GNYIS RE DBU MAR BRGYUS PAS RTZA STONG PHRAG BDUN CU RTZA GNYIS KYI NANG NAS GNYIS GNYIS ZHAG RE LA GCOD LA, DE'ANG CHU TSOD NI CHU SRANG DRUG CU LA CHU TSOD DU BYAS PA GNYIS MIN GYI, CHU SRANG NGA DRUG BZHI CHA LA CHU TSOD DU BYAS PA GNYIS YIN PAS, CHU SRANG DRUG CU LA CHU TSOD DU BYAS PA'I CHU TSOD GNYIS KYI DBUGS BDUN BRGYA NYI SHU LAS, BZHI BCU RTZA LNGA PHRI BA'I DRUG BRGYA GCIG YIN PAS, RGYU 'BRAS KYI RGYAS GDAB MI RUNG BAR BSTAN PA YIN NO, ,DE LTAR NGES PA DON GYI PHYAG RGYA CHEN MO'I RGYAS

, ,'DEBS TSUL ZHAR BYUNG GIS BSHAD NAS, DNGOS KYI DON NI, 'DIR GANG ZHIG CES SOGS TE, DE'ANG PHYOGS GSUM GYI BZHI BZHE LNGA PO LA, BDUN GYIS BGOS PAS THOB NOR DRUG BYUNG BA NI, DUS KYI 'KHOR LO'I PHYI'I PHYAG RGYA DRUG GIS GRANGS TE, 'KHOR LO RNA CHA SOGS DANG, BGOS PA'I LHAG MA GSUM LUS PA NI, NANG GI PHYAG RGYA'I GRANGS TE, SKU GSUNG THUGS RDO RJE GSUM MO, ,DE'ANG 'KHOR LO SOGS DRUG GIS NI MI BSKYOD PA SOGS RIGS BDAG GIS RGYAS 'DEBS PA'I LHA RIGS DRUG MTSON NO, ,GSUM PA DE LTAR SBYAR BA'I NANG NAS PADMA GDAN CAN GYI LHA BRGYA NGA DRUG PO NGOS BZUNG BA NI, DA NI NUS MA ZHES PA LA SOGS PAS, ZHES PA NAS, NGES PA'O, ZHES PA'I BAR GSUNGS TE, DE'ANG 'DIR NUS MA BCU, KHRO BO BCU, GSHEGS PA LNGA DANG GSHEGS MA LNGA, RDO RJE MA DRUG ,SA SNYING SOGS DRUG ,SKU'I DKYIL 'KHOR GYI DBANG PO LA SOGS PA BCU GNYIS, TZA RTZI KA LA SOGS PA RNAL 'BYOR MA BRGYAD, MTHA' YAS LA SOGS PA'I KLU BRGYAD, KHYE GDONG MA LA SOGS PA'I GTUM MO BRGYAD, DE DAG THABS SHES KYI DBYE BAS BRGYA NGA DRUG TU 'GYUR RO,, ,SARBA MANGGA LAM, ,,