The 'Ocean of Attainments,' a Ritual for Performing a Fire Offering in the Secret Teaching of the Frightener of Diamond (Vajra Bhairava)

*, ,RDO RJE 'JIGS BYED KYI SBYIN SREG DNGOS GRUB RGYA MTSO BZHUGS SO, ,

, ,DPAL RDO RJE 'JIGS BYED KYI PHRIN LAS BZHI'I SBYIN SREG DNGOS GRUB KYI RGYA MTSO ZHES BYA BA, BLA MA DANG 'JAM PA'I RDO RJE'I ZHABS LA GUS PAS PHYAG 'TSAL LO, ,RNAM DAG TSUL KHRIMS 'JUG DOGS KHRUS LA BRTZON, ,KHREL YOD SHING SHUN GOS GYON BZOD MCHOG GI, SE RAL PHRENG DKAR DAD PA'I RIL BA THOGS, ,BRTZON 'GRUS RAL PA'I KHUR BCINGS SNYING RJE YI, ,GA-YANG GZHI NAG PO 'CHANG ZHING THEG CHEN GYI, , DBEN PA'I NAGS TSAL DAM PAR RAB TU RGYU, ,TING 'DZIN RTZA BA 'BRAS BU'I KHA ZAS CAN, ,YIN LUGS 'BYED PA'I SHES RAB ME THAB TU, ,NYES PA'I YAM SHING MA LUS SREG MDZAD PA'I, ,DRANG SRONG CHEN PO RMAD BYUNG SBYIN SREG MKHAN, ,DE YI ZHABS LA SPYI BOS PHYAG BYAS NAS, ,SPYIN SREG GSUM GYI DBYE BA BDAG GIS BSHAD, ,GSER BZANG BZHUS PA'I KHU BA 'THOR 'DRA YI, ,RAB MCHOG ME LA MCHOD SBYIN BYAS PA YIS, ,RANG GI LHA LA DGYES PA SKYED 'DOD RNAMS, ,RTZE GCIG YID KYIS GUS BA SKYED DE NYON, ,'DIR DNGOS GRUB KYI RTZA BA SBYIN SREG GIS RANG GI LHA MGU BAR BYED PA 'CHAD PA LA DRUG ,SBYIN SREG BYAS BA'I DGOS PA, BYED PA'I GNAS DANG DUS, BYED PA PO DANG GANG LA BYA BA'I YUL

, ,BZHIR SDUD PA'I RGYU MTSAN DANG BYA BA'I TSUL, SBYIN SREG GI RAB TU DBYE BA, BYA BA SO SO'I DON BSHAD PA'O, ,DANG PO NI, SNGAGS PAS PHAN YON CI ZHIG MTHONG NAS SBYIN SREG GI LAS LA 'JUG PA YIN SNYAM NA, BYANG CHUB SEMS DPA' GSANG SNGAGS KYI SGOR SPYOD PAS NI ZHI BA LA SOGS PA'I LAS RAB 'BYAMS KYIS RANG GZHAN GYI DON SGRUB DGOS LA, DE NI BSGOM PA DANG BZLAS PAS RANG GI LHA NYE BAR BYAS PA MED PAR MA YIN ZHING LHA'I THUGS BSKUL BA'I BZLAS PA'I CHAD LHAG GI SKYON YANG SBYIN SREG GIS DAG PAR BYED CING BSGOMS PAS RANG LA LHA NYE BAR GYUR PA YANG SBYIN SREG GIS LHA TSIM PAR BYAS PA LA LTOS PA'I PHYIR SBYIN SREG LA BSNGAGS PA MDZAD DE, SAm BHU tA LAS, SBYIN SREG LHA RNAMS TSIM PAR BYED, ,TSIM PA LAS NI DNGOS GRUB STZOL, ,SNGAGS NI LHAG GAM MA TSANG NA, ,THAMS CAD SBYIN SREG DAG GIS SKONG, ,DE BAS SKU GSUM MCHOG BSKYED PAS, ,SBYIN SREG GI NI BSNGAGS PA MDZAD, ,CES SO, ,SBYIN SREG GIS ZHI SOGS KYI DNGOS GRUB BZHI SGRUB PA NI RGYUD PHAL CHE BA LAS GSUNGS LA, RIG PA MCHOG LA SOGS PA LAS NI TSE'I RIG 'DZIN LA SOGS PA DNGOS GRUB KHYAD PAR CAN MANG PO YANG SBYIN SREG GIS 'GRUB PAR GSUNGS SO, ,GNYIS PA NI, SAm BHU tA LAS, PHYOGS KYI CHA NI BSHAD PAR BYA, ,SHAR GYI PHYOGS SU ZHI BA YIN, ,LHO YI PHYOGS SU MNGON SPYOD NYID, ,NUB TU DBANG DANG DGUG PA STE, ,BYANG DU RGYAS PA'I THABS KHUNG NYID, ,CES GSUNGS

PA LTAR BYA BA'AM, YANG NA 'OD KYI SNYE MA LAS DKYIL 'KHOR GYI KHANG PA LA SOGS PA'I SHAR LA SOGS PA'I PHYOGS BZHIR RIM PA BZHIN DU ZHI BA'I DANG RGYAS PA'I DANG DBANG DANG DE'I DGUG PA'I DANG MNGON SPYOD DANG DRAG PO'I DGUG BA'I THAB BYA BAR GSUNGS PA LTAR GZHAN MANG POS KYANG BSHAD PA BZHIN BYA'O, ,NYIN ME 'BYUNG GNAS KYIS DBANG NI DKYIL 'KHOR GYI SHAR NUB GANG RUNG DANG DBANG GI DGUG PA NI DE'I NUB NYID DU BYA BAR BSHAD CING GZHAN 'DRA'O, ,'OD SNYER RMONGS RENGS KYI THAB BYANG SHAR DANG SKROD PA'I THAB SHAR LHO DANG DBYE BA'I THAB LHO NUB TU BYA BAR BSHAD KYANG 'DIR DE RNAMS KYANG BYANG DU'O, ,LAS THAMS CAD PA'I THAB RNAMS NI RGYAS PA LA LAS THAMS CAD PA'I THABS DKYIL 'KHOR GYI SHAR LHO GNYIS GDAM NGA CAN DU NYIN MO 'BYUNG GNAS KYIS BSHAD KYANG SHAN TI PAS DKYIL 'KHOR GYI LHOR BYED PAR BSHAD PAS LAS SO SO BA DANG 'DRA'O, ,SBYIN SREG BYA BA'I DUS NI DGRA NAG LAS, TSES GCIG LA NI ZHI BA BYA, ,ZLA BA NYA LA RGYAS PA STE, ,BCU BZHI LA NI MNGON SPYOD DO, ,DBANG GI LAS NI TSES BRGYAD LA'O, ,ZHES GSUNGS TE GSUM PA NI MAR NGO DANG BZHI PA NI YAR NGO LA 'GREL PAS BSHAD DO, ,DKAR PO'I TSES GCIG NI DE NAS BRTZAMS TE BYA BAR 'OD SNYE LAS BSHAD PA BZHIN YIN TE LEGS GRUB LAS, ZHI BAR GYUR PAS ZHI BA YI, ,BZLAS PA'AM YANG NA SBYIN SREG BYA, ,ZLA BA YAR GYI TSES GCIG NAS, LAS RNAMS RAB TU BRTZAM PAR BYA, ,ZHES SO, ,DE RNAMS SPYIR ZHI BA'I DUS LA 'DRA MOD KYANG DE DAG GI SROD RNAMS NI ZHI BA SGRUB PA'I DUS KHYAD PAR CAN DANG DE'I RGYU MTSAN YANG LEGS GRUB LAS, BYE BRAG TU NI SROD LA STE, ,DE NI ZHI BA'I LAS KYI DUS, ,GNAS GTZANG MA

, ,YI LHA RNAMS DAG ,DE NI KUN TU GZIGS PAS NA, ,LAS RNAMS MYUR DU 'GRUB PAR 'GYUR, ,DE BAS DER NI GUS BRTZAM MO, ,ZHES SO, ,RGYAS PA'I DUS KYANG DE NAS MGO RTZOM PA YIN TE LEGS GRUB LAS, RGYAS PA DAG GIS RGYAS PA YI BZLAS PA'AM YANG NA SBYIN SREG BYA, ,ZLA BA NYA NAS KUN BRTZAMS TE, ,PHYI MA'I NYA YI BAR DU BYA, ,ZHES SO, ,DUS DE RNAMS THAMS CAD LA RGYAS PA BYAS PAS TSOG MOD KYANG DE'I DUS KHYAD PAR BA SNGA DRO YIN PA DANG DE'I RGYU MTSAN YANG DE NYID LAS, RGYAS PA DAG GI LAS RNAMS LA, ,BYE BRAG TU NI SNGA DO SHIS, ,ZHES DANG, LHA RNAMS MA LUS PA DAG KYANG, ,DE YI DUS SU RGYU BAS NA, ,LAS SU BYA BA THAMS CAD LA, ,DUS DE KHO NAR RAB TU SHIS, ,NANG PAR DUS NA LHA RNAMS NI, ,YID DGAR GYUR NAS MCHOG SBYIN MDZAD, ,CES SO, , DBANG DANG DE'I DGUG PA LA MTSO SKYES KYIS DGONGS PA DANG MI THUB ZLA BAS MTSAN PHYED DANG RIN CHEN 'BAR BA LAS NYIN PHYED LA BYA BAR BSHAD CING, 'OD SNYAR MTSAN PHYED DANG GZHAN DU YANG BYA BAR GSUNGS PAS DE DAG THAMS CAD LA BYA'O, ,DRAG PO LA MAR GYI BCU BZHI NI MTSON PA TZAM STE, LEGS GRUB LAS KHYAD PAR DU NI MAR GYI NGO, ,NYI MA'I GUNG NGAM NAM PHYED NA, ,DRAG SHUL SPYOD PA BRTZAM PAR BYA, ,ZHES SO, ,DER BYED PA'I RGYU MTSAN YANG DE NYID LAS, GANG PHYIR DE NA YI DVAGS DANG, ,SHA ZA 'BYUNG PO SRIN PO'I TSOGS, ,DRAG PO RNAMS NI BYIN RLOB PAS, ,DE PHYIR DE NA LAS RNAMS 'GRUB, ,CES GSUNGS SHING YANG NA NAM KHROS PA'I DUS NA BYA STE DRAG PO'I LHAS KHROS PA LA BYIN GYIS RLOB PA'I PHYIR RO ZHES KYANG GSUNGS SO, ,DBANG GI DUS KYI RGYU MTSAN YANG

GZHAN GSUM PO'I RGYU MTSAN LAS DPAGS TE SHES BAR BYA'O, ,GSUM PA NI, SNGON DU BZLAS BA CI TZAM ZHIG SONG BA DGOS PA NI, KHA SBYOR LAS, DANG POR SNGAGS PAS 'BUM BZLAS NAS, ,PHYIS NAS LAS NI YANG DAG BRTZAM, ,ZHES GSUNGS TE, DBANG BSKUR BA THOB CING DAM TSIG DANG SDOM PA BSRUNG BA RANG GI LHA'I SNGAGS 'BUM GYI BZLAS PA DANG LHA BSGOM PA'I BSNYEN PA SNGON DU SONG BA CIG GIS SBYIN SREG BYA'O, ,LAS BZHI GANG LA BYA BA'I BSGRUB BYA NI NYIN MO 'BYUNG GNAS KYI BSHAD PA LTAR ZHI RGYAS NI RANG DANG GANG ZAG GZHAN GNYIS KA LA BYED LA DBANG DANG DRAG PO NI SEMS CAN GZHAN KHO NA'O, ,GANG GI CHED DU BYED PA LA NI RANG GZHAN RE RE'I PHYIR DU YANG LAS BZHI GA LA 'JUG TU RUNG NGO, ,DE YANG LEGS GRUB LAS, SEMS CAN PHONGS LA ZHI BA BYA, ,BDE BAR GNAS LA RGYAS PA STE, , GANG PHYIR DRAG SHUL SPYOD PA'I LAS, ,DE DAG DGRA LA SPYAD PAR BYA, ,ZHES GSUNGS PAS NAD DANG GDON LA SOGS PAS MNAR BA LA ZHI BA BYA'O, ,'ON KYANG DA LTA DE DAG MED KYANG 'BYUNG PA'I MTSAN MA MTHONG NA'ANG ZHI BA BYA STE, DPER NA RMI LTAS NGAN PA MTHONG BA NA ZHI BA'I SBYIN SREG BYA BAR GSUNGS PA BZHIN NO, ,RGYAS PA BYED PA NI MI 'DOD PA'I PHYOGS KYIS MNAR BA LA MI LTOS PAS BDE BAR GNAS PA ZHES BYA YI, ,'DOD PA'I DON GYIS 'BYOR BA MIN TE LONGS SPYOD DANG SHES RAB LA SOGS PA GANG MA 'BYOR BA LA DE DAG RGYAS PA'I LAS BYA'O, ,DRAG SHUL NI DKON MCHOG GSUM LA GNOD PA BYED PA SOGS KYI DGRA LA BYED KYI RANG LA GNOD PA TZAM GYI DGRA MIN NO, ,DBANG NI GANG DBANG DU BYAS NA BSTAN PA DANG SEMS CAN GYI DON 'GRUB PA'I GANG ZAG LA BYA'O, ,DE DAG KYANG PHAL TSAR MI'I 'GRO BA LA GSUNGS

, ,KYANG BZHI GA LA MI DANG DE LAS GZHAN PA'I 'GRO BA GNYIS KA YOD DO, ,BZHI PA NI, MTSO SKYES DANG NAG PO SPYOD PAS, LAS KYI DBYE BAS BZHI RU 'GYUR, ,ZHES GSUNGS PA LTAR SBYIN SREG GIS DNGOS GRUB SGRUB PA LA LAS KYI DBYE BAS BZHIR GSUNGS PA 'DI'I RGYU MTSAN GANG YIN SNYAM NA SNGAGS PAS DON BYA BA'I GZHI NI RANG GZHAN GNYIS SU NGES LA, DE'I DON BYED PA YANG MI 'DOD PA'I PHYOGS SEL BA DANG 'DOD PA'I PHYOGS SGRUB PA GNYIS SU NGES PAS ZHI BA DANG RGYAS PA SGRUB PA'I LAS GNYIS GSUNGS SO, ,DE LTA NA DBANG DANG DRAG PO'I LAS GNYIS GSUNGS PA DON MED DO SNYAM NA, SKYON MED DE RANG NGAM GZHAN LA DON GNYIS SGRUB PA'I YAN LAG TU DE GNYIS DGOS PA'I PHYIR TE, 'DI LTAR SEMS CAN KHA CIG DBANG DU MA 'DUS NA DON GNYIS SGRUB PA'I MTHUN RKYEN MI TSANG BA DANG, KHA CIG DRAG POS TSAR MA BCAD NA DON GNYIS SGRUB PA'I 'GAL RKYEN MI BZLOG PA'I PHYIR RO, ,GAL TE SDIG PA ZHI BA SOGS SU GYUR NA YON TAN RGYAS PAR 'GYUR LA NOR LA SOGS PA RGYAS NA'ANG DBUL BA SOGS ZHI BAR 'GYUR BAS ZHI RGYAS GNYIS LAS SO SOR 'JOG PAR MI 'THAD DE RE RE YANG GNYIS KAR 'GYUR BA'I PHYIR RO SNYAM NA, SKYON MED DE ZHI BA'I LAS NI MI 'DOD PA'I PHYOGS LA DMIGS TE ZHI BAR 'DOD NAS BYED PAS SKABS KYI MI 'DOD PA ZHI NA DE TZAM GYIS DE'I BYA BA RDZOGS PAS YON TAN GZHAN 'BYUNG BA LA MI LTOS PA'I PHYIR DANG, RGYAS PA'I LAS KYANG 'DOD PA'I DON LA DMIGS TE, 'BYOR PAR 'DOD NAS BYED PAS DMIGS PA DANG RNAM PA SHIN TU MI 'DRA BA'I PHYIR RO, ,'O NA MNGON SPYOD BYED PA'I

YUL YANG DBANG GI LAS KYIS SDUD NUS NA DRAG LAS MI RIGS LA MI NUS NA DBANG DU BYA MI NUS PAR 'GYUR RO, ,DES NA LAS GSUM DU 'GYUR RO SNYAM NA, SKYON MED DE DBANG DU BSDUS KYANG NYES SPYOD LAS ZLOG MI NUS PA YOD PA'I PHYIR DANG, DRAG PO'I LAS MA BRTZAMS BAR NYES SPYOD LAS ZLOG MI NUS PA LA MNGON SPYOD LA 'JUG DGOS PAS SO, ,DA LTAR NA LAS BZHI PO DE BYED TSUL YANG RANG NGAM GZHAN LA DON GNYIS SGRUB PA NA GZHAN DBANG DU SDUD PA DANG TSAR BCAD PA LA MI LTOS PAR SGRUB NUS NA NI ZHI RGYAS GNYIS BYED LA, GZHAN DU NA SNGON DU GZHAN GNYIS BYAS NAS DE NAS DE GNYIS BYA'O, ,ZHI RGYAS LA YANG SNGON DU ZHI BA BYAS NAS RGYAS PA LA 'JUG PA YOD DE, YUN RING DU BSGRUBS KYANG MA GRUB NA BGEGS DANG SDIG PA SBYANGS NAS DE NAS YON TAN SKYED PA BZHIN NO, ,SNGON DU RGYAS PA BYED PA'ANG YOD DE SHES RAB SKYED NAS DE NAS SDIG PA SBYANG BA SOGS BYED PA BZHIN NO, ,LNGA PA NI, MTSO SKYES KYIS, BLA MED NANG DANG PHYI ROL TE, ,SBYIN SREG DBYE BA RNAM PA GSUM, ,ZHES PHYI NANG GI SBYIN SREG GNYIS DANG BLA NA MED PA'I SBYIN SREG GSUM DU MDZAD DE, NAG PO SPYOD PA DANG YE SHES ZHABS YAB SRAS GNYIS DANG 'OD SNYES KYANG SBYIN SREG MA LUS PA'I DBYE BA GSUM DU BSHAD DO, ,DRUG PA LA GSUM, PHYI'I DANG, NANG GI DANG, BLA NA MED PA'I SBYIN SREG BSHAD PA'O, ,DANG PO LA GNYIS, PHYI ROL GYI RDZAS LA BRTEN PA'I DANG, YID KYI SBYIN SREG GO ,DANG PO LA GNYIS, CHO GA'I YAN LAG DANG, CHO GA'I RIM PA'O, ,DANG PO LA LNGA, THAB KHUNG GI RAB BYED, DGANG BLUGS KYI RAB BYED, RDZAS KYI RAB BYED, MI'I RAB BYED, JI LTAR SGRUB PA'I RAB BYED DO, ,DANG PO

, ,LA GNYIS, LAS SO SO BA'I THAB DANG, LAS THAMS CAD PA'I THAB BO, ,DANG PO LA GNYIS, ZHI RGYAS KYI THAB DANG, DBANG DRAG GI THAB BO, ,DANG PO NI, NYI MA BZANG PO LA RANG GI LHA'I RNAL 'BYOR DANG LDAN PAS GTOR MA DBUL BA SNGON DU 'GRO BAS SA SBYANG BA DANG BZUNG BA RGYAS PA'AM, YANG NA LAG PA GA-YAS PA SA LA BZHAG STE, AOm A'A: H'Um DANG AOm HA NA HA NA KRO DHA H'Um PHAt CES PA'AM, RANG GI LHA'I SNGAGS BRGYA RTZA BRGYAD BZLAS TE KUN RDZOB KYI DAG PA'AM STONG NYID KYI DAG PAS KYANG RUNG STE SA SBYANG LA SA RKO NA LTO 'PHYE'I MTSAN GYI CHA LA BRKO BAR BYA'O, ,SA GZHI RANG BZHIN GYIS DKAR BA'AM SA DKAR POS BYUGS PA LA ZHI BA'I THAB BYA'O, ,DE'I DBYIBS NI 'KHOR LO'I RNAM PA LTAR ZLUM PO DANG RGYAR NI KHRU GANG ZABS SU KHRU PHYED YIN LA THAB KYI STENG NAS MU RAN NAM MCHU SOR BZHI DOR BAR RGYA DANG DPANGS SOR BZHI PA'I KHA KHYER BAGS KYIS NANG DU GZHOL BA KHOR YUG TU BYA'O, ,KHA KHYER LA 'KHOR LO'I 'PHRENG BAS BSKOR RO, ,MI THUB ZLA BAS MU RAN LA GE SAR DANG KHA KHYER LA PAD 'DAB KYI RNAM PA CAN BYA ZHES 'CHAD LA, 'OD SNYE LAS DE LAS THAMS CAD PA'I THAB KYI KHYAD CHOS SU BSHAD DE, MAR ME MDZAD BZANG PO DANG DPAL 'DZIN DANG YANG MTHUN NO, ,THAB KYI PHYI ROL TU SOR GNYIS DOR NAS STEGS BU GRU BZHI PAS BSKOR BA'I ZUR BZHIR ZLA PHYED KYI STENG DU RDO RJE RTZE GSUM PA BYED PA DPAL 'DZIN GYIS ZHI BA LAS THAMS CAD PA LA BSHAD PA NI GZHAN GSUM LA YANG 'DRA BAS RANG RANG GI THAB KYI RGYA TSAD KYI BCU GNYIS CHA DOR BA'I STEGS BU BYA'O, ,GDAN BZHI LAS KYANG, ZLA GAM RDO RJE RAB MDZES RNAMS, ,GRVA DANG GRVA RU BZHAG PAR BYA, ,ZHES THAB RNAMS LA

THUN MONG DU ZLA PHYED RDO RJE BYA BAR GSUNGS SO, ,THAB KYI DBUS SU PAD MA 'DAB BRGYAD KYI LTE BAR RDO RJE RTZE LNGA PA SRID DU SOR BRGYAD PA DPANGS SU SOR GCIG PA DANG SHAR LA SOGS PA'I PHYOGS BZHIS 'KHOR LO DANG RIN PO CHE DANG PADMA DANG RAL GRI SOR DRUG PA BYA BAR DPAL 'DZIN GYIS ZHI BA LAS THAMS CAD PA LA BSHAD LA, 'OD SNYER ZHI RKYANG LA DBUS SU 'KHOR LO RDO RJE GDAM NGA CAN DU MDZAD DO, ,THAB KHUNG LA SA DKAR PO DANG PHYI ROL DU BA'I LCI BAS BYUGS NAS DE GNYIS LA BDUD RTZI DKAR PO DANG LDAN PA'I DRI DKAR POS BYUGS LA THUN GSUM DU ME TOG DKAR PO'I SIL MA GCAL DU DGRAM PAR BYA'O, ,SA GZHI SER PO LA RGYAS PA'I THAB BYA STE DBYIBS NI RDZID BU'I RNAM PA LTAR GRU BZHI DANG RGYAR NI KHRU DO ZABS SU KHRU GANG YIN LA, STENG NAS MU RAN SOR BRGYAD DOR BAR RGYA DANG DPANGS SOR BRGYAD PA'I KHA KHYER DANG DE LA RIN PO CHE'I PHRENG BAS BSKOR RO, ,THAB KYI DBUS SU 'OD SNYER 'KHOR LO RTZIBS BRGYAD PA'I LTE BA LA SOR DRUG PA'I RIN PO CHE RDO RJES MTSAN PA BSHAD LA GZHAN NAS RIN PO CHES MTSAN PAR BSHAD DO, ,THAB KHUNG LA SA SER PO DANG PHYI ROL TU BA LCUS BYUGS TE DE GNYIS LA BDUD RTZI SER PO DANG LDAN PA'I DRI SER POS BYUGS LA ME TOG DGRAM MO, ,GNYIS PA NI, SA GZHI DMAR PO'AM GZHAN YANG RUNG BA LA DBANG DANG DE'I DGUG PA'I THAB BYA STE, DBYIBS NI ZLA GAM GYI RNAM PA DANG RGYA DPANGS NI RGYAS PA'I THAB DANG 'DRA BAR DGRA NAG LAS BSHAD LA MU RAN LA SOGS PA'I TSAD KYANG DE BZHIN NO, ,THAB KYI DBUS SU DBANG LA NI PADMA DMAR PO RDO RJES MTSAN PA'O, ,KHA KHYER LA NI PADMA'I PHRENG BAS BSKOR RO, ,THAB KHUNG DANG PHYI ROL GNYIS

, ,DMAR PO DANG BDUD RTZI DANG LDAN PA'I DRI DMAR POS BYUGS LA ME TOG DMAR POS DGRAM PAR BYA'O, ,DBANG GI DGUG PA LA DBUS SU PADMA DMAR PO RDO RJE LCAGS KYUS MTSAN PA'O, ,SA GZHI GAS PA DANG TSA RGO CAN DANG RTZUB PA DANG NAM MKHA' LTAR NAG PA LA GSAD PA'I THAB BYA STE, DBYIBS NI NAM MKHA'I KHAMS TE CHOS 'BYUNG GI RNAM PA LTAR GRU GSUM BA RTZE MO BYANG DU PHYOGS PA DANG, RGYAR NI LOGS RNAMS LA SOR NYI SHU PA DPANGS SU SOR BCU BA'O, ,'DI LA GZHON NU ZLA BAS MU RAN DANG KHA KHYER MI BYA BAR BSHAD LA DPAL 'DZIN GYIS GSHIN RJE GSHED KYI DRAG PO'I SBYIN SREG LAS KYANG MU RAN DANG KHA KHYER MA BSHAD DO, ,'OD SNYE LAS NI MU RAN SOR GSUM DOR BAR RGYA DANG DPANGS SU KHA KHYER SOR GSUM PA LA PHYIR GZHOL BA LA KHRO BO'I RDO RJES BSKOR BAR BSHAD DO, ,THAB KYIS DBUS SU NI 'OD SNYE LAS PADMA NAG PO LA GNAS PA'I KHRO BO'I RDO RJE SOR BRGYAD PA DANG RTZE GSUM LA GNAS PA'I KHRO BO'I RDO RJE GDAM NGA CAN DU MDZAD PA'I PHYI MA NI DPAL 'DZIN GYIS KYANG MDZAD DO, ,THAB DANG PHYI ROL TU BDUD RTZI DANG BCAS PA'I SA NAG PO DANG RO THAL DANG BONG BU DANG RNGA MO SOGS KYI SPANGS GANG RNYED PAS BYUGS TE, DRI NGAN PA 'AM DRI MED PA'I ME TOG SNGON PO'AM DMAR PO DANG 'BRU'I PHUB MA LA SOGS PA RNAMS GTOR LA MI'I ZHUN LA SOGS PA'I MAR ME DANG LDAN PAR BYA'O, ,SO NA SHR'I DANG RDO RJE GRUB PA'I RTOG BDUN GYI 'GREL PAR DBYE BA'I THAB GSAD PA DANG 'DRA LA BSKRAD PA'I THAB DBYIBS GZHU 'DRA BA KHA DOG SNGON PO RGYAR KHRU DO ZABS SU KHRU GANG PA RDO RJE'I PHRENG BAS BRGYAN PA BYA BAR BSHAD NAS RMONGS RENGS KYI THAB MA BSHAD LA, GZHON NU ZLA BAS RENGS

PA'I THAB RGYAS BA DANG 'DRA STE DE GNYIS LHA'I RNAL 'BYOR MTSUNGS BA'I PHYIR RO, ,GSAD BSKRAD DBYE BA GSUM GYI THAB 'DRA BAR DGRA NAG GI 'GREL PAR BSHAD NAS RMONGS PA'I THAB MA BSHAD DO, ,'DIR NI BSKRAD PA'I THAB GSAD THAB DANG MI 'DRA STE, RTOG BDUN LAS, BSKRAD PA'I THAB KYI SKABS SU RLUNG GI DKYIL 'KHOR ZHES BSHAD LA DE NI THAB KYI DBYIBS LA BYA DGOS PA'I PHYIR DANG, GZHON NU ZLA BAS KYANG, RTOG BDUN GYI 'GREL PAR RLUNG GI DKYIL 'KHOR NI ZLA GAM GYI RNAM PA'I THAB KHUNG LA BSHAD PA'I PHYIR RO, ,RENGS PA'I THAB RGYAS PA DANG 'DRA BA NI RTOG BDUN LAS KYANG GRU BZHIR GSUNGS PA DANG MTHUN LA, RMONGS RENGS GNYIS RGYAS PA DANG 'DRA BAR 'OD SNYE DANG MAN SNYE LAS BSHAD DE 'DIR YANG DE MI 'GAL ZHING THAB GNYIS NI YUNG BA LA SOGS PAS BYUGS PA'AM BRI'O, ,D'A RI KA PAS BSKRAD PA DANG DBYE BA LA DBUS SU RAL GRI DANG RMONGS PA LA SBRUL DANG RENGS PA LA LCAGS SGROG BRI BAR BSHAD LA, 'OD SNYER DMIGS BSAL MED PA RNAMS KYI KHA KHYER LA GTZO BO'I MTSAN MAS BRGYAN PAR BSHAD DO, ,GNYIS PA NI, LAS THAMS CAD PA'I THAB NI SDOM 'BYUNG SOGS LAS ZHI BA'I THAB DANG MTSUNGS PAR BSHAD PA NI DBYIBS DANG RGYA DPANGS KYI TSAD MTSUNGS KYI KHA DOG MI 'DRA STE, BZHI BRGYA LNGA BCU PA'I 'GREL PAR SHANTI PAS RGYAR KHRU GANG DANG ZABS SU KHRU PHYED PA'I THAB ZLUM POR BYAS PA'I SBYIN SREG SA GZHI DRI SER POS BYUGS PA LA CHAS GOS DANG SREG RDZAS SER POS BYA BAR GSUNGS PA'I PHYIR RO, ,'O NA GZHUNG DER SNGAGS PA SHAR DU KHA BLTAS TE ZHES GSUNGS PA JI LTAR YIN SNYAM NA, DE'I DON NI SHANTI BAS SHAR NI TSANG BAR BYED PA DANG KHA NI GTZO BO'I DON TE RDZOGS

, ,PAR BYAS LA GTZO BOR GYUR PAS GNAS PAR BYA BA'I DON DU BYAS NAS LHO NAS KHA BYANG DU LTA BAR BSHAD DO, ,DE LTAR BSHAD DGOS PA NI GZHUNG DER, PAD GNAS SA BON RAm LAS BYUNG, ,SER ZHING ZHAL RAS GSUM PA LA, ,ZHES ME LHA SER POR BSHAD PA'I GNAD KYIS SO, ,NYIN MO 'BYUNG GNAS KYIS KYANG THAB KYI DBYIBS DANG TSAD DE LAS SER POS BYUGS NAS RGYAS PA'I SBYIN SREG BYA BAR BSHAD LA, 'OD SNYE LAS KYANG LAS THAMS CAD PA'I THAB KHUNG NI LAS DANG RJES SU MTHUN PA'I SA GZHI LA ZHI BA'I THAB DANG MTSUNGS PA STE, ZHES LAS SO SO'I KHA DOG DANG MTHUN PA'I SA GZHI LA BYA BAR GSUNGS SO, ,'DI LA PRADZNYA AINTRA RU TZIS, RANG 'DOD LHA YI RNAL 'BYOR GYIS, ,LAS KUN PA YI SBYIN SREG STE, ,TSAD DANG DBYIBS DANG KHA DOG DANG, ,ZHI BA DANG MTHUN SHAR LTA'O, ,ZHES LAS THAMS CAD PA LA KHA DOG DKAR PO KHO NA DANG KHA SHAR PHYOGS KHO NAR LTA BAR BSHAD PA 'THAD PA MA MTHONG NGO, ,THAB KHRU GANG ZLUM PO LA KHA DOG DKAR PO'I SGO NAS ZHI BA LAS THAMS CAD PA NI DPAL 'DZIN GYIS DMAR NAG GI DKYIL CHOG GNYIS KAR BSHAD DO, ,YANG THAB DE LA KHA DOG DMAR POR BYAS PA'I SGO NAS DBANG THAB LAS THAMS CAD PA YANG YOD DO, ,SLOB DPON BLO GROS BZANG POS, DE NAS LAS THAMS CAD PA'I THAB KHUNG DU CHO GA BZHIN DU MNGAR GSUM GYIS BSKUS PA'I ME TOG DMAR PO STONG PHRAG BCU SBYIN SREG BYA STE, ZHES BSREG RDZAS DMAR POS LAS THAMS CAD PA'I THAB TU LHA DBANG DU BYED PA'I SBYIN SREG BYA BAR GSHED DMAR GYI MNGON RTOGS LAS GSUNGS PA'I PHYIR RO, ,

'OD STE LAS THAB KYI SA GZHI DANG BUD SHING DANG ME'I SKABS SU LAS THAMS CAD PA LA LAS SO SO DANG RJES SU MTHUN PAR BYA BAR GSUNGS PA TZAM LAS LAS BZHI GA 'ONG MI 'ONG MI GSAL YANG BZHI GA YOD PA YIN TE DKYIL CHOG RDOR PHRENG LAS, DE LTAR LAS THAMS CAD PA'I THAB BUNG DU ZHI BA DANG RGYAS PA DANG DBANG DANG MANG NI SPYOD LA SOGS PA RNAMS 'GRUB KYANG SO SO LA THAB KHUNG THA DAD DU RGYUD RNAMS SU GSUNGS SO ZHES GSUNGS PA'I PHYIR RO, ,LAS THAMS CAD PA'I THAB NI RGYA DANG DBYIBS ZHI BA'I THAB DANG 'DRA YANG KHYAD PAR NI MU RAN LA GE SAR DANG BCAS PA'I ZE'U 'BRU DANG KHA KHYER PADMA'I 'DAB MA'I RNAM PA'O, ,DE LA PHYOGS DANG MTSAMS RNAMS SU RDO RJE'AM SNA TSOGS RDO RJE'AM RAL GRIS BSKOR ZHING, THAB KYI NANG DU RDO RJE PHRENG BAS BSKOR BA'I PAD 'DAB LA GNAS PA'I 'DAB MA'I TSAD KYI DE BZHIN GSHEGS PA BZHI'I MTSAN MA'I NANG DU RGYAR SOR BRGYAD DPANGS SU SOR GCIG PA'I RANG GI MTSAN MA DANG LDAN PA DANG, MTSAN MA YANG RNAM SNANG GI 'KHOR LO'AM RDO RJE, RIN 'BYUNG GI RIN PO CHE, 'OD DPAG MED KYI PADMA, MI BSKYOD PA'I KHRO BO'I RDO RJE, DON GRUB KYI RAL GRI'AM SNA TSOGS RDO RJE BYED PA'I RANG LUGS DANG, LA KHYER LA MTSAMS MA GTOGS PA PHYOGS RNAMS SU RDO RJE MED CING THAB KYI NANG DU RDOR PHRENG MED PA'I LUGS DANG THAB KHUNG THAMS CAD LA LTE BAR RANG GI 'DOD PA'I LHA'I MTSAN MA 'GOD PA'I LUGS GSUM 'OD SNYE LAS BSHAD DE RANG LUGS LA LAS SO SO BA RNAMS LA SHAR LA SOGS PA'I MTSAN MA BZHIS BSHAD DO, ,MTSAN MA RNAMS KYI KHA DOG NI RANG RANG GI LHA'I KHA DOG DANG MTHUN LA BRIS THAB KYANG KHA SBYOR GYI DGONGS PAR

, ,MAN SNYER BKRAL ZHING MTSO SKYES DANG NAG PO SPYOD PA DANG 'OD SNYE LAS KYANG BRKO BA DANG BRI BA GDAM NGA CAN DU BSHAD DO, ,NYIN MO 'BYUNG GNAS DANG DZA YA SE NAS SNGA MA MA GRUB NA PHYI MA BYA BAR BSHAD DO, ,NAG PO SPYOD PAS, RDUL TSON GYIS NI RDZOGS PAR BRI, ,YANG NA ME TOG DAG KYANG RUNG, ,ZHES TSON DANG ME TOG GIS BRI BA GDAM NGA CAN DU GSUNGS PA BZHIN DU MTSO SKYES KYANG BZHED PAS ME TOG BKRAM STE BRIS PA YANG RUNG NGO, ,GNYIS PA NI, DGANG BLUGS KYI RGYU NI D'A RI KA PAS, GSER DNGUL ZANGS LCAGS RA GAN MI RUS SBYIN SREG GI SHING STE BDUN GANG RUNG LAS BYA BAR BSHAD PA LTAR RO, ,DGANG GZAR GYI YU BA'I SRID NI TSAD LDAN GYI MTHEB SOR NYER BZHI PA YU BA'I 'OG TU RIN PO CHE SOR GSUM PA DE'I 'OG TU SOR GSUM PA'I RDO RJE'O, ,DE GNYIS DANG BCAS NA YU BA LA SOR SUM CU STE BLUGS GZAR GYI YU BA LA YANG DE BZHIN NO, ,DGANG GZAR GYI SBOMS KYI TSAD NI RDO RJE DANG BCAS PA'I LAG PAS BDE BAR BZUNG DU RUNG BA YIN LA BLUGS GZAR GYI SBOMS NI DGANG GZAR GYI SBOMS LAS PHYED KYIS PHRA BA'O, ,DGANG GZAR GYI YU BA'I STENG DU NI GRU BZHI BA RGYAR SOR BZHI PA'I DBUS SU ZABS SU SOR GNYIS KYIS DMA' BA LA RDO RJE RTZE LNGA PA SOR GNYIS PAS MTSAN PA, GRU BZHI PA'I STENG GI RGYAR SOR PHYED LA RDO RJE'I PHRENG BAS BSKOR BA, GRU BZHI BA'I STENG DU PAD MA'I 'DAB MA'I DBYIBS CAN SOR BZHI PA ZABS SU MTHE'U CHUNG GI TSAD LA SOR BZHI BA'I RDO RJES MTSAN PA SRID DU BCUD 'JAG PA'I BU GA MTHE BONG NGAM MTHE'U CHUNG GI TSAD TZAM DE'I STENG DU RDO RJE RTZE GSUM PA SOR BZHI PA'O, ,YANG NA YU BA'I STENG GI CHAR PAD 'DAB KYI RNAM PA SRID DU SOR BRGYAD PA JI LTAR MDZES PA

LA RGYAR GRU BZHI PA SOR BZHI PA ZABS SU SOR GNYIS KYIS DMA' BA'I PHYOGS SU RDO RJE SOR BZHI PA RTZE GSUM PA'AM RTZE LNGA PAS MTSAN PA STE YU BA'I SKOR DANG BCUD KYI BU GA 'DRA'O, ,BLUGS GZAR GYI YU BA'I STENG DU KHA PAD 'DAB LTA BU RGYAR SOR GNYIS PA ZABS SU SOR GCIG PA DBUS SU RDO RJE RTZE LNGA PAS MTSAN PA'O, ,DGANG BLUGS MED NA LAG PA'I SOR MO LNGA SBYAR BAS DGANG BLUGS DANG SOR MO GSUM SBYAR BAS BSREG BLUGS DBUL BA DANG BLUGS GZAR MED NA BSREG BLUGS KYANG DGANG GZAR GYIS BYA STE DE THAMS CAD 'OD SNYE'I LUGS SO, ,DGRA NAG LAS KYANG, DGANG BLUGS KYI YU BA KHU GANG DANG SOR BZHI PA'I DBUS SU ZABS SU SOR GNYIS PA DANG BLUGS GZAR PAD 'DAB 'DRA BA'I KHA LA MTHEB SOR GNYIS DANG ZABS SU MTHEB GANG BSHAD DE 'OD SNYE'I LUGS SNGA MA DANG MTHUN NO, ,DE YANG GTZO BOR PHYED BCAS BZHI BRGYA PA RTZA 'GREL GYI RJES SU 'BRANG BA YIN LA DER, SOR BZHI'I MTHAR NI RDO RJE STE, ,BAR DU PADMA'I 'DAB MA'I DBYIBS ZHES GSUNGS PA LA SHANTI PAS MTHAR ZHES PA THAMS CAD KYI STENG DU RDO RJE RTZE GSUM PA YOD PA DANG BAR DU ZHES PA RTZE GSUM PA DANG ZUR BZHI'I BAR DU PAD 'DAB KYI DBYIBS 'DRA BA YOD PA LA BSHAD PAS 'OG GI SOR BZHI PA GRU BZHI PA'I STENG GI MTHA' NAS GYEN DU MTHEB CHUNG GI TSAD SONG BA'I STENG DU RDO RJE RTZE GSUM PA PHYOGS BZHIR BYA ZHING, DE DANG NANG GI ZUR 'OG MA BZHI'I BAR DU PAD 'DAB KYI RNAM PA BYA'O, ,SOR PHYED PAS BSKOR BA'I RDOR PHRENG NI SOR BZHI PA'I DBUS SU RGYAR SOR GSUM PA DANG DPANGS SU SOR GNYIS PA'I BUG PA YOD PA'I STENG NGOS NAS PHYOGS SU SOR PHYED RE YOD PA LA BYA'O, ,D'A RI KA PAS DGANG GZAR GYI LTE BA ZHI PA LA ZLUM PO SOGS THAB KYI DBYIBS 'DRA BA'I DBUS SU RANG RANG GI

, ,MTSAN MAS MTSAN PA LAS SO SO LA SHIS PAR BSHAD CING, SANGS RGYAS GSANG PAS KYANG ZHI RGYAS DRAG GSUM LA DBUS SU ZLUM PO GRU BZHI GRU GSUM GYI DBUS SU 'KHOR LO RIN CHEN RDO RJE DANG BLAGS GZAR GYI DBUS SU YANG MTSAN MA DE GSUM BYA BAR BSHAD PAS GRUB NA DE BZHIN BYA LA MA GRUB NA MTSO SKYAS DANG 'OD SNYE SOGS KYI LAS BZHI'I SBYIN SREG GI DGANG BLUGS 'CHAD PA NA MI 'DRA BA MA BSHAD PA YANG MANG BAS DE BZHIN DU BYA'O, ,GSUM PA LA GSUM, MCHOD RDZAS, BSREG RDZAS, SBYANGS TE 'BUL BA DANG DGOD PA'I GNAS SO, ,DANG PO NI, ZHI BA LA DUNG NGAM NYA PHYIS KYI SDONG BU 'O MA DANG ME TOG DKAR PO'I CHU, RGYAS PA LA GSER GYI SNOD DU TIL DANG ZHO DANG ME TOG SER PO DANG DRI SER PO'I CHU, DBANG LA ZANGS KYI SNOD DU ME TOG DMAR PO DANG DRI DMAR BA'I CHU, DE GSUM LA THUN MONG DU NAS DANG TIL NAG KU SHA 'BRAS YOS BDUD RTZI LNGA RNAMS KYANG BLUG GO ,BSAD BSKRAD DANG DBYE BA LA LONGS SPYOD PA'I RDZA PHOR LA SOGS PA'I DUM BU'I SNOD DU BA DANG BONG BU'I CHU KHRAG DANG BCAS PA DANG DRI NGA BA DANG DRI MED PA'I ME TOG NAG PO LA SOGS PA DANG, RMONGS RENGS LA NI DRI NGA BA 'AM DRI MED PA'I ME TOG SER PO SOGS BLUG GO, DRAG PO LA GU GUL DANG GZHAN RNAMS LA SPOS ZHIM POS BDUGS TE RANG GI LHA'I SNGAGS SAM LAS THAMS CAD PA'I SNGAGS KYI MTHAR RIM PA BZHIN DU SV'AH'A DANG, AOm DANG HO: DANG PHAt CES SBYAR NAS LAN BRGYA 'AM BDUN BZLA'O, ,DBANG GI DGUG PA LA NI DZA: ZHES PA'O, ,CHU BZHI'I SNOD GSUM GYI MDUN DU YANG BZED ZHAL GYI SNOD GSUM MANYDZI LA SOGS PA'I STENG DU BZHAG

GO, RIN CHEN 'BAR BA LAS, ME TOG LA SOGS RDZAS RNAMS NI, ,LAS KYI DBYE BAS KHA DOG DBYE, ,ZHES BSHAD PA LTAR ME TOG LA SOGS PA'I RDZAS RNAMS LAS SO SO'I KHA DOG DANG MTHUN PAR BYA STE, ZHI BA LA DRI ZHIM PO'I ME TOG DKAR PO 'O MA SBRUS PA'I LHA BSHOS, RGYAS PA LA DRI ZHIM PO'I ME TOG SER PO ZHOS SBRUS PA'I LHA BSHOS, GNYIS KA LA THUN MONG DU GA BUR LA SOGS PA'I SPOS, MAR DKAR GYI MAR ME, TZAN DAN LA SOGS PA'I DRI, DPANG DANG DE'I DGUG PA LA DRI ZHIM PO'I ME TOG DMAR PO DANG MNGAR GSUM DANG SBYAR BA'I LHA BSHOS LA SOGS PA'O, ,BSAD BSKRAD DANG DBYE BA LA DRI NGA BA DANG DRI MED PA'I ME TOG NAG PO DANG, RMONGS RENGS LA DE LTA BU'I ME TOG SER PO DANG, THUN MONG DU SPOS DKAR DANG GU GUL DANG SHA CHEN GYI SPOS DANG MI DANG NYA LA SOGS PA'I ZHAG DANG NYUNGS MAR TSA BA'I MAR ME DANG DU RU KA DANG 'OL MA SE LA SOGS PA'I DRI DANG KHA BA DANG TSA BA DANG YID DU MI 'ONG BA'I BZA' BA DANG SHA KHRAG LA SOGS PA'I LHA BSHOS SO, ,KHA SGYUR DGOS PA RNAMS LAS MTHUN GYI KHA DOG GIS KHA BSGYUR RO, ,LAS MTHUN GYI GOS ZUNG DANG ZHI SOGS GSUM LA RDO THAL MED PA'I SO RTZI DANG, DRAG PO LA RDO THAL DANG BCAS PA'I SO RTZI'O, ,GNYIS PA LA GNYIS, YAM SHING DANG BUD SHING GE RDZAS DANG, BSREG RDZAS LHAG MA BSTAN PA'O, ,DANG PO NI, ZHI BA'I YAM SHING NI GZHUNG GZHAN RNAMS NAS BYUNG BA RNAMS 'DIR MI RNYED LA, RDO RJE MKHA' 'GRO LAS 'O MA CAN GYI SHING LAS BYA BAR GSUNGS PAS, 'O MA BU LA SOGS PA DRI ZHIM PO DANG LDAN PA'I 'O MA CAN GYI SHING GI RTZE MO'I PHYOGS SRID DU SOR BCU GNYIS PA SBOMS SU MTHE'U CHUNG GI TSAD LO MA MA RNYID PA RLAN DANG BCAS PA MNYAM POR BCAD PA RTZE MO

, ,GNYIS SBRANG RTZI DANG 'O MA DANG MAR DU BSNYUGS LA BDUD RTZI DANG DRI'I CHUS BRAN PA'O, ,DE YANG 'OD SNYE LAS, RNYID LCI PHRA DANG KYOG PO DANG, RING THUNG LO MA MED PA DANG, ,SROG CHAGS KYIS ZOS RUL BA DANG, ,SHUN BRAL CHAGS DANG BU GA CAN, , RTZE MO GNYIS LDAN SBOMS PA SPANG, ,RNYID PO YIS NI 'CHI BAR 'GYUR, ,KYOG POS SKAL PA NGAN PAR 'GYUR, ,RING THUNG RIG PA 'PHRAL DU NYAMS, ,LO MA MED PAS NA CHA 'BYUNG, ,SBOMS POS PHUN SUM TSOGS PA NYAMS, ,SKAM POS GZHAN YANG MI 'DOD PAR, ,SHES BYA ZHES GSUNGS PAS SKYON DE DAG DANG BRAL BAR BYA STE DRAG PO LA NI DE DAG SHIS PAR GSUNGS SO, ,RGYAS PA'I YAM SHING NI RGYU SNGAR DANG 'DRA BA'I SHING GI DBUS KYI CHA LAS BYUNG BA SRID DU KHRU GANG PA SBOMS SU CHAD PA'I TSAD BDUD RTZI DANG BCAS PA'I DRI SER PO'I CHUS BRAN LA ZHO DANG 'O MA DANG MAR DU BSNYUGS PA MNGAR GSUM GYIS SPAGS PA'O, ,'DI'I SRID KYI CHED LA BZANG PO YONGS BZUNG DANG RIN CHEN 'BAR BA DANG GZHON NU ZLA BAS SOR BCU BZHIR BSHAD LA, DBANG LA NI SNGAR BSHAD PA'I SKYON DANG BRAL BA'I SHING DMAR PO'AM NIM PA DANG THANG SHING DANG SHING SKYUR BA ME TOG DANG BCAS PA STE SOR LNGA PA'O, ,DBANG GI DGUG PA LA NI CHAR MA LCAGS KYU LTA BU'I SHING RNAMS TE TSAD SNGAR BZHIN NO, ,MNGON SPYOD RNAMS LA NI RO TSA BA DANG KHA BA DANG TSER MA CAN GYI SHING NGAM RO BSREGS PA'I MGAL DUM GYI RTZA BA'I CHA LAS BYUNG BA BKAS PA SOR BCU PA RTZE MO GNYIS RNON POR BZHOGS PA LA DUG DANG KHRAG DANG NYUNGS MAR GYIS BSKUS BA'O, ,BH'A BA BHA DRAS RMONGS PA'I YAM SHING GI TSAD NI BSAD PA DANG 'DRA BAR BSHAD DE DES RENGS PA

DANG DBYE BA YANG GO BAR BYA'O, ,LAS THAMS CAD PA'I YAM SHING NI AU DUM BA RA LA SOG PA BCU GNYIS BSHAD PA RNAMS 'DIR MI RNYED PAS LAS SO SO BA DANG MTHUN PAR BYA'O, ,TSAD NI 'OD SNYER MDZUB GANG BAR BSHAD LA, SHANTI BAS RGYAS PA LAS THAMS CAD BAL ? 'CHANG GANG KHRU GANG PAR BSHAD DO, ,LAS SO SO BA'I BUD SHING NI YAM SHING DANG RGYU 'DRA BA SROG CHAGS MED PAS THAB LAS CUNG ZAD DMA' BAR THAB SO SO BZHIN DU BRTZIG GO, ZHI BA LA NI DGON PA'I BA LANG GI LCI BAS KYANG RUNG NGO, ,LAS THAMS CAD PA'I BUD SHING YANG LAS SO SO DANG MTHUN PAR BYA'O, , ME TSANG 'CHA' NA D'A RI KA PAS LAS MTHUN GYI PHYOGS NAS ME SBAR BAR GSUNGS PA LTAR NA ZHI BA LA SHAR DU BCA' BA SOGS SAM YANG NA SHAR LHOR BYA'O, ,GNYIS PA NI, ZHI BA'I RDZAS KHYAD PAR BA NI 'BRU MAR GYIS BYUGS PA'I KU SHA NAS TIL ZHO 'O MA 'BRAS ZAN DUR BA TZAN DAN BRI YANG KU THANG CHU DRI ZHIM PO'I ME TOG 'BRAS YOS RNAMS SBRANG RTZI SOGS SU BSNYUGS PA DANG NANG GI BDUD RTZI LNGA'O, ,RGYAS PA'I RDZAS KHYAD PAR BA NI 'BRAS CHEN ZHO DANG BSRES PA LA MNGAR GSUM GYIS SBAGS PA'I ZAS MCHOG DANG, ZHO DANG SBRANG RTZI DANG TIL NAG DANG ZHO ZAN DANG ZHUN MAR DANG BCAS PA'I 'BRAS DANG PADMA GE SAR DANG NA GA GE SAR DANG 'BRAS BU RNAMS SO, ,DBANG LA ME TOG DANG 'BRA BSGYUR ? MO DANG ME TOG DMAR PO DRI ZHIM PO'O, ,DRAG PO LA NYUNGS DKAR DANG NYUNG MAR TSA BA DANG KHRAG DANG LAN TSVA DANG SKE TSE DANG NIM PA'I LO MA DANG RO THAL DANG RKANG RJES KYI RDUL DANG BO BU LA SOGS PA'I SPANGS DANG SKRA DANG KHYIM BYA'I TSIL DANG TSER MA DANG RUS PHYE LA SOGS PA JI LTAR RNYED PA'AM RDZAS RE RE LA DUG KHRAG LAN TSVA RNAMS BSRES PA'O, ,MAR NI 'OD SNYE LAS DRAG PO LA DMIGS BSAL GSUNGS PA MA GTOGS PA MA BSHAD PAS

, ,'JAM PO GSUM LA MAR DKAR, DRAG PO LA 'BYOR NA MI LA SOGS PA'I ZHUN DANG MA 'BYOR NA MAR NAG LA DUG KHRAG GIS SPAGS PA'O, ,RDZAS RNAMS KYI BYED LAS SO SO BA NI SDOM 'BYUNG LAS, MAR GYIS 'BYOR PA THAMS CAD BYED, YAM SHING GZI BRJID RNAM PAR 'PHEL, ,BUD SHING LHAG BAR DPA' BAR BYED, ,KU SHAS THAMS CAD SRUNG BAR BYED, ,NYUNGS KAR DAG NI ZHI BAR BYED, ,'BRAS KYI RGYAS PAR BYED PA 'DOD, ,TIL NI SDIG 'PHROG RIG PAR BYED, ,SE BAS NOR DANG 'BRU RNAMS 'GUGS, ,M'A SHAS STOBS NI CHEN POR BSHAD, ,NAS NI RLUNG GI SHUGS RAB STER, ,DUR BAS TSE NI 'PHEL BAR BYED, ,GROS NI NAD RNAMS 'JOMS PAR BYED, ,'O ZHO SBRANG RTZIS SHES RAB STER, ,ZHO ZAN BDE PA THAMS CAD STER, ,ZHES GSUNGS PA LTAR YIN PAS, DE DAG 'DOD PAS ZHI RGYAS KYI SBYIN SREG BYA'O, ,KU SHA NI SNGO LJANG RTZA BA RTZE MO MA NYAMS SHING 'DAB MA MA GRUGS PA MAR DANG 'O MA LA SPAGS PA DANG, DUR BA NI SNGON PO RTZA BA DANG RTZE MO MA NYAMS PA 'O MAS SPAGS PA'I, ,'BRAS NI MA GRUGS PA'O, ,BGEGS ZHI PA LA GU GUL GYI GYI RIL BU MAR LA BSNYUGS PA SREG PAR RIG PA MCHOG LAS SO, ,BZLAS PA DANG CHO GA'I CHAD LHAG GI NYES PA KHA SKONG NI ZHI BA'I SBYIN SREG DANG, DKYIL 'KHOR MCHOD PA'I SBYIN SREG NI SHANTI DA DANG DPAL 'DZIN GYIS BSHAD PA LTAR ZHI BA 'AM RGYAS PA GANG RUNG GIS SO, ,LHA NYE BAR BYED PA'I SBYIN SREG NI SNGAR SLOB DPON BLO GROS BZANG PO'I LUNG DRANGS PA LTAR LAS THAMS CAD PA'I DBANG THAB TU BYA STE BSREG RDZAS KHYAD PAR BA NI ME TOG DMAR PO'O, ,

SLOB DPON DES BZLAS PA 'BUM SONG BA'I MTHAR MTSAN THOG THAG GCIG TU BZLAS PA BYAS NAS DE'I 'OG TU SNGAGS RE RE NAS BZLAS NAS BYED DE LAS SGRUB PA THAMS CAD LA BYA'O ZHES GSUNGS PA NI BZLAS PA 'BUM LA ME TOG GI SBYIN SREG KHRI BYA BAR BZHED PAS LAS SGRUB PA'I SNGA ROL TU NUS PA SKYED PA'I BCU CHA'I SBYIN SREG GO ,GSANG BA'I RDZAS KHYAD PAR BA NI SNGAR BSHAD PA'I DRAG PO'I RDZAS SAM YANG NA THAL BA DANG SOL BA DANG PHUB MA LA SOGS PA LAS DGRA'I GZUGS BYAS LA DUG DANG DA DU RA'I KHU BA LA SOGS PAS BSGRUB BYA'I MID SPEL TSIG DANG BCAS PA BRIS LA GZUGS DE'I SNYING GAR GZHUG DUG DANG KHRAG LA SOGS PAS BSKUS TE BZHAG GO ,BSKRAD PA LA NI CHE GE MO AUTZTSA tA YA H'Um PHAt CES BRIS PA'I KHA DANG BYA ROG GI GSHOG PA DANG RTOG BDUN LAS BYA ROG GI SHA DANG RNGA MO'I BRUN DANG CHANG RNAMS DUR KHROD KYI SHING LA ME SBAR BA LA SREG PA SOGS GSUNGS SO, ,DBYE BA LA NI RTOG BDUN LAS BYA ROG DANG 'UG PA DANG SBRUL DANG RTA'I SHA LA SOGS PA DANG SKRA DANG 'BRAS BUB RNAMS DUR KHROD KYI ME LA BSREG PAR GSUNGS TE DANG PO GNYIS KYI SGRO YANG BSREG RDZAS SO, ,RENGS PA LA NI BA BLA DANG YUNG BA DANG LDONG ROS DANG GI HAm GIS DE'I THAB BYA BAR RTOG BDUN LAS GSUNGS TE SREG RDZAS KYANG YIN LA DE YANG DUR KHROD KYI ME LA BSREG GO ,RMONGS PA LA NI GDAN BZHI LAS, SHA DANG NYA LA SOGS PA'I RDZAS, ,THAMS CAD 'BRU DANG BAG PHYE DANG, ,KHRAG DANG SBRANG RTZI BSRES PA DANG, ,BYA ROG SGROS NI SBYAR BYAS PA, ,BYA ROG TSANG GI SHING DAG DANG, ,SO SHING DAG GI LHAG MA YIS, ,DE DAG LAS SU BYAS NA NI, ,BYA BA THAMS CAD RMONGS

, ,PAR 'GYUR, ,ZHES GSUNGS PA LTAR RO, ,DBANG DGUG LA SOGS PA'I RDZAS KYI KHYAD PAR ZHIB PAR NI RTOG BDUN LA SOGS PA'I RGYUD RNAMS LAS BSGRUB BYA SO SO LA LTOS TE RGYAS PAR GSUNGS PA LAS SHES PAR BYA'O, ,DE LTAR NA SBYIN SREG GANG BYED KYANG MAR KHU DANG YAM SHING NGES PAR DGOS LA RDZAS GZHAN RNAMS SKABS DANG SBYAR BAS CHOG GO ,GSUM PA NI, BSREG RDZAS RNAMS LA GDAN BZHI NAS, SNGAGS DANG PHYAG RGYAS BSANG BA DANG SBYANG BA'AM DAG PAR BYED PA BSHAD KYI RDZAS KYI SKYED CHOG MA BYUNG LA, 'OD SNYE LAS BSREG BYA'I RDZAS THAMS CAD BSHAD PA LA SOGS PA'I BDUD RTZI LNGAS BRAN ZHING, BDUD RTZI'I NGO BOR BSGOMS PAS BSREGS BLUGS BYA'O ZHES MAN NGAG RIG CING MANG DU MKHYEN PA RNAMS GSUNG NGO ZHES BSHAD LA, DPAL 'DZIN GYIS KYANG BDUD RTZI LNGA'I NGO BOR BSKYED LA BSREG PAR BYA'O ZHES GSUNGS PAS, 'CHAD PAR 'GYUR BA LTAR BSANG BA DANG SBYANG BA'I SNGAGS KYIS BSANG SBYANG BYAS NAS BSREG RDZAS THAMS CAD NANG GI BDUD RTZI LNGA'I NGO BOR BSKYED LA DBUL BAR BYA'O, ,RIG PA 'DIS RGYUD SDE 'OG MA GSUM LA PHYI'I BDUD RTZI LNGA'I NGO BOR BSKYED DU RUNG NGAM BRTAG GO, RDZAS SBYONG BA'I PHYAG RGYA NI LAG PA GNYIS KYI KHU TSUR KHA SBYAR BA'I GUNG MO GNYIS BSGRENGS NAS RTZE SPRAD PA'O, ,'BUL BA'I GO RIM NI, MAR ME MDZAD BZANG POS, YAM SHING ME LA MAR DANG TIL, ,MA GRUGS DUR PA 'BRAS CHAN ZHO, ,KU SHA CHO GA'I RIM PA YIN, ,ZHES GSUNGS TE 'OD SNYE YANG 'DI'I RJES SU 'BRANG NGO, ,'ON KYANG 'BRAS MA GRUGS PA TIL GYI 'OG TU BSHAD LA KU SHA'I RJES SU SO BA DANG NAS DANG SRAN MA DANG GRO RIM PA BZHIN DU 'BUL BAR BZHED DO, ,'BUL BA'I TSUL

NI MAR KHU BLUGS GZAR RKYANG PA DANG DGANG BLUGS GNYIS KA SBRAGS NAS 'BUL BA GNYIS LAS PHYI MA NI SHANTI PA DANG AA BHYA KA RA RA TNA RAKshI TA RNAMS KYIS DGANG GZAR MAR GYIS BKANG BA'I KHAR BLUGS GZAR MAR GYIS BKANG BA GAN RKYAL DU BZHAG NAS 'BUL BAR BZHED LA, GDON BZHI'I 'GREL PAR MAR GYIS BKANG BA'I GZAR BU CHEN PO DANG CHUNG DU KHA SPRAD DE DGANG BLUGS GCIG PHUL LA, ZHES DGANG GZAR GYI KHAR BLUGS GZAR KHA PHUB NAS 'BUL BA YANG BH'A BA DRAS BSHAD DO, ,YAM SHING DANG DUR PA DANG KU SHA RNAMS MTHE BONG DANG MING MED KYIS DBUL ZHING 'BRU LA SOGS PA BLUGS GZAR GYIS BZUNG DU RUNG BA RNAMS DE NYID KYIS SO, ,YAM SHING NI GNYIS GNYIS SAM RE RE DANG KU SHA DANG DUR BA RNAMS NI GNYIS GNYIS SBYAR LA DBUL LO, ,SGREG RDZAS RE RE LA GRANGS JI TZAM ZHIG DBUL BA LA NI NGES PA MED DE SHANTI PAS, DE YANG RDZAS RE RE LA SREG BLUGS GCIG GAM GSUM MAM BDUN NAM NYI SHU RTZA GCIG GAM BRGYA RTZA BRGYAD DAM STONG DBUL BAR BYA'O, ,ZHES GSUNGS PA BZHIN NO, ,'BUL BA'I GNAS NI KHU BA'I RDZAS RNAMS NI ZHAL DANG YAM SHING DUR BA KU SHA BDUG SPOS RUS PHYE SOGS NI LHA RNAMS KYI SKU'I 'OD KYI DKYIL 'KHOR DANG ZHO ZAN BZA' BA ZHAL BSIL TIL NAS LA SOGS PA NI PHYAG DANG DRI THUGS KA DANG ME TOG NI DBU DANG ZHABS BSIL NI ZHABS DANG MAR ME MCHOD YON NI MDUN DU DBUL BAR SHANTI PA DANG AA BHYA BZHED DE RE RE TZAM MA GTOGS PA SDOM 'BYUNG DANG MTHUN NO, ,DGOD PA'I TSUL BOD KYI BLA MA MANG POS BSREG RDZAS GA-YAS LA MCHOD RDZAS GA-YON ZHES BZHED LA, KHA CIG SLOB DPON KUN DGA' SNYING POS MCHOD RDZAS KYANG GA-YAS SU DGOD PAR

, ,BSHAD CING DRAG PO MA GTOGS PA LA MCHOD RDZAS GA-YON DU DGOD PA RGYUD 'GREL RGYA GZHUNG LAS BSHAD PA MI SNANG BAS GA-YAS SU DGOD DO GSUNG NGO, ,CHEN PO RNAMS KYI BZHED PA NI PHYI MA DANG MTHUN PAR SNANG BAS 'JAM PO GSUM LA CHU RNAMS DANG BSANG CHU'I SNOD GA-YON DANG GA-YAS SU BSREG RDZAS RIM PA BZHIN DU BSGRIGS PA'I NANG NA MAR MCHOD RDZAS TSAR GNYIS KYANG BSHAM LA MI LHA'I MCHOD RDZAS KYI MTHAR DE'I GTOR MA YANG BSHAM STE, DRAG PO RNAMS LA NI DE LAS BZLOG STE BSHAM MO,,MAR KHU DANG DGANG BLUGS MDUN DANG RDOR DRIL GA-YON DU 'JOG PAR MTSO SKYES DANG NAG PO SPYOD PAS BSHAD DO, ,NANG MCHOD MDUN DU BZHAG CING RLUNG YAB DANG ME GSO BA'I CHAS DANG KU SHA YANG STA GON BYA LA RDZAS THAMS CAD LA BDUD RTZI RIL BU BTAB PA'I NANG MCHOD KYIS BRAN NO, ,D'A RI KA PAS MCHOD YON DANG GZAR BU'I GDAN DANG SLOB DPON GYI GDAN YANG THAB KHUNG DANG 'DRA BAR BYA BAR BZHED DO, ,BZHI PA NI, ZHI PA LA SHING 'O MA CAN DANG GTZUB SHING LAS BYUNG BA'I ME DANG ME THA MAL PA DANG DGON PA'I ME DANG SBYIN SREG GI ME YANG RUNG NGO, ,PHYI MA LA MCHOD SBYIN GYI SHING LAS BYUNG BA'I ME ZHES KYANG 'BYUNG NGO, ,RGYAS PA LA RGYAL PO'AM RGYAL RIGS KYI KHYIM NAS BYUNG BA DANG NAGS MES TSIG PA DANG NOR BU LAS BYUNG BA DANG DGE 'DUN GYI TSANG MANG LAS BYUNG BA'I ME'O, ,DBANG LA SMAD 'TSONG DANG RJE RIGS KYI KHYIM GYI ME DANG DBANG GI DGUG PA LA GAR MKHAN DANG 'GRON POS BUS PA'I MES SO, ,DRAG PO LA NI MI RUS BSREGS BA DANG RDO LAS BYUNG BA DANG GDOL PA'I KHYIM GYI ME'O, ,DUR KHROD KYI

SHING LAS BYUNG BA YANG NYIN MO 'BYUNG GNAS KYIS SO, ,RMONGS RENGS LA RJE RIGS BLUN PO DANG BSKRAD DBYE LA THA MAL PA'I MES BYA BAR DshA RI KA PAS BSHAD DO, ,ME'I LTAS RTOG PA'I SKABS NI SDOM 'BYUNG LA SOGS PA GZHUNG MANG POS MA LHA LA THOG MAR DGANG BLUGS PHUL BA'I RJES DE MA THAG RTOG PAR BSHAD PA LTAR YIN LA, TSAD LDAN GYI GZHUNG 'GA' ZHIG TU DANG POR ME SPAR BA'I SKABS SU LTAS RTOG PA BSHAD PA'I DGONGS PA YANG SNGA MA DANG MTHUN PAR BYA'O, ,DAM TSIG DANG SDOM PA TSUL BZHIN DU SRUNG ZHING BZLAS BSGOM BSHAD PA BZHIN SNGON DU SONG BAS BSHAD PA LTAR GYI SBYIN SREG BYED PA'I ME LTAS LA YID CHES PAR BYA'O, ,DES NA ME LA BGEGS YOD MED NI RTAGS KYI SGO NAS SHES PAR BYA BA'I RTAGS NI, ME'I KHA DOG DANG SGRA DANG DRI DANG DBYIBS BZHI YIN TE, SDOM 'BYUNG LAS, MKHAS PAS MDOG DANG SGRA DANG NI, ,DRI DANG 'BAR BA'I DBYIBS BRTAG STE, ,DE BZHIN ME YI DGE MI DGE'I, ,MTSAN MA NYE BAR MTSON PAR BYA, ,ZHES SO, ,DGE BA'I RTAGS NI SDOM 'BYUNG LAS, ,ME NI RTZE MO GCIG 'BAR BA, ,PHUN SUM TSOGS PA THAMS CAD BYED, ,RTZE MO GNYIS NI MI 'KHRUG PA, ,KUN TU 'BAR BA 'BRING ZHES BYA, ,RTZE MO BZHI NI MNYAM 'BAR BAS, ,RGYAS PA'I DNGOS GRUB BRTAN PAR GNAS, ,KUN TU ZLA BA DANG MTSUNGS SNUM, ,GZUGS BZANG BEE d'U RYA 'DRA'I 'OD, ,DRI BRAL DU BA MED PA'I ME, ,NAD MED PA DANG RIGS 'PHEL BYED, ,ZLA BA CHU SHEL NOR BU'I 'OD, ,KHA BA YI NI MDOG LTA BU, ,PUS PA R'A GA'I MDOG MTSUNGS PA, ,SDIG PA THAMS CAD 'JIG PAR BYED, ,ME TOG BAN DU KA MTSUNGS SHING, ,RDO BA'I ME TOG DANG 'DRA BA, ,BTZO MA GSER GYI MDOG LTA BU, ,

, ,DBANG PHYUG RGYAL SRID RAB TU STER, ,TZA BAG PADMA AUTPAL DRI, ,AU SHIR M'A YA TI S'I TA, ,GA BUR AA GA RU YI DRIS, ,DGE ZHING GNAS KYI BDAG PO MCHOG ,PI WANG RGYUD MNGAS RDZA RNGA DANG, ,DUNG DANG ZANGS DUNG LTAR SGRA SNYAN, ,SHIN TU ZAB PA'I SGRA SNYAN PA'I, ,ME MTHONG BDE PAR 'BYUNG BAR BYED, ,DPAL BE'U GDUGS DANG CHU SKYES DUNG, ,RTZE GSUM PA DANG BUM PA'I DBYIBS, ,RGYAL MTSAN RNGA YAB RDO RJE BZANG, ,GA-YUNG DRUNG RTA DANG GLANG PO'I DBYIBS, ,SGRA MED GA-YAS SU 'KHYIL BA DANG, , DUM BU GCIG PA DON CHEN STER, ,'DI DAG DGE BA PHUN SUM TSOGS, ,TSE DANG NAD MED PHUN SUM TSOGS, ,ZHES SO, ,'OD SNYE LAS, ZHI SOGS BZHI LA DKAR SER DMAR NAG DGA' BA DANG ME RTZE GSUM PA SPRIN DANG 'DRA BA SHIN TU DMAN PAR BSHAD DO, ,MI DGE BA'I LTAS KYANG SDOM 'BYUNG LAS, GA-YO ZHING MDUN GYI PHYOGS SU 'BAR, ,RTZE GSUM DU BA'I MDOG MANG DANG, ,'KHOR ZHING ME STAG DANG BCAS PA, ,RNAM PAR 'PHRO BAS NAD 'PHEL BYED, ,ME GANG YANG YANG RAB TU 'DAR, ,YANG YANG RAB TU RGOD PA DANG, ,YANG YANG GA-YON DU 'KHOR BA DANG, ,YANG YANG SA LA REG BYED CING, ,THIG LE NAG PO SOL BA'I MDOG ,MYUR DU RIGS NI ZAD 'GYUR NGES, ,GANG ZHIG RGYAL PO'I DRUNG GNAS PA'I, ,SDE DANG BDAG PO 'JOMS PAR STON, ,MDOG NGAN DU BA'I MDOG LTAR GNAG ,MDOG LJANG SNA TSOGS MDOG RTZUB PA, ,PA LA SHA DANG 'BRU MAR MDOG ,'DOD PA'I DON RNAMS NYAMS PAR BYED, ,RE DRI NYA YI DRI LTAR NGAN, ,CHU SKYES SROG CHAGS DRI DANG LDAN, ,GAL TE ME NI 'DI LTAR 'GYUR, ,GTZO BO RNAM PAR LTUNG BAR BRJOD, ,TZA dA TZA dA

ZHES SGRA DANG, ,TSAM TSAM ZHES PA'I SGRA DANG LDAN, ,SIM SIM GIS NI SGRA BDAG NYID, ,RDO RJE'I SGRA NI DON NYAMS BYED, ,MDUNG DANG RAL GRI MDA' DANG SBRUL, ,RNGA MO BA LANG MGO LTA BU, ,'JIGS RUNG RNAM PA GANG DE MTHAR, ,ZHES GSUNGS SO, ,RDO RJE MKHA' 'GRO LAS, BSREG RDZAS TSIG PA HA CANG MYUR BA YANG NGAN PA DANG MNGON SPYOD LA DE DAG BZANG BA DANG DE LA BZANG BA GZHAN RNAMS LA MI SHIS PAR BSHAD LA, SNGAGS MKHAN MES HA CANG GDUNG BA YANG MI DGE BA'I LTAS SO, ,BGEGS YOD PAR SHES NA DE'I NYES DMIGS BZLOG THABS 'OG NAS 'BYUNG BA LTAR BYA'O, ,'DIR SHINTI PA DANG 'OD SNYES MAR GYI SREG BLUGS 'BUL BAR BSHAD PA DANG, RDO RJE MKHA' 'GRO DANG SDOM 'BYUNG LAS DGANG BLUGS 'BUL BAR BSHAD PA MI 'GAL TE, NYIN MO 'BYUNG GNAS KYI DKYIL CHOG LAS MAR GYIS SREG PAS LAN BDUN BSREG PAR BYA'O ZHES SKABS 'DIR GSUNGS PA LTAR MAR GYIS LAN BDUN BSREGS PA LA SREG BLUGS ZHES BTAGS PA'AM YANG NA GZHUNG DER RDZOGS PA'I SREG BLUGS DANG CIG SHOS KYI SREG BLUGS ZHES DGANG BLUGS LA RDZOGS PA'I SREG BLUGS SU BSHAD PA LTAR YIN PA'I PHYIR RO, ,LNGA PA LA GNYIS, KHA LTA PHYOGS DANG 'DUG STANGS LA SOGS PA'I KHYAD PAR DANG, BDAG MDUN GYI LHA'I RNAL 'BYOR LA SOGS PA'I KHYAD PAR RO, ,DANG PO NI, KHA LTA PHYOGS NI RTOG BDUN LAS, ZHI BA LA SHAR DANG RGYAS PA LA BYANG DBANG LA NUB DANG BSAD BSKRAD LA LHO DANG RENGS PA LA BYANG DU LTA BAR BSHAD DO, ,DBANG GI DGUG PA NI DBANG DANG 'DRA BA LA KHA GYEN DU LTA'O, ,LHA MNYES PAR BYED PA LA KHA NUB TU LTA BAR 'OD SNYE LAS GSUNGS TE 'DI NI SNGAR BSHAD PA'I LHA DBANG

, ,DU BYED PA'O, ,DRAG PO'I DGUG PA YANG DRAG PO DANG 'DRA LA DBYE BA BSAD PA DANG RMONGS PA RENGS PA DANG 'DRA BAR BYA'O, ,'OD SNYE LAS RMONGS RENGS LA DBANG LDAN DANG BSKRAD PA LA ME DANG DBYE BA LA SRIN POR LTA BAR BSHAD DE 'DI DANG CUNG MI 'DRA'O, ,KHA CIG DBANG DGUG DANG ZHI PA LA DKYIL 'KHOR DANG MA 'BREL NA SNGAR LTAR YIN LA 'BREL NA SNGA MA LA SHAR DANG PHYI MA LA NUB TU LTA BA YIN ZHES GSUNG MOD KYANG, DPAL 'DZIN GYIS DKYIL 'KHOR MCHOD PA'I ZHI BA'I SBYIN SREG LA KHA SHAR DU LTA BA DANG, 'OD SNYE LAS KYANG, ZHI RGYAS DBANG DANG MNGON SPYOD LA, ,DKYIL 'KHOR GYI NI SHAR DANG LHO, ,NUB DANG BYANG DU THAB KHUNG RNAMS, ,SHAR BYANG NUB LHO KHA BLTAS PA'I, ,ZHES GSUNGS SHING, NYIN MO 'BYUNG GNAS KYIS DKYIL 'KHOR DANG 'BREL BA LA YANG SNGAR BZHIN BSHAD DO, ,'DUG STANGS NI ZHI BA LA BDE BA'I STAN LA PADMA'I 'DUG STANGS BYA STE DE NI BYIN PA GA-YAS PAR BYIN PA GA-YON PA BZHAG STE PUS MO GNYIS SMAD PA'O, ,RGYAS PA LA BZANG PO'I 'DUG STANGS TE DE NI STAN MTHON PO LA GNAS TE RKANG PA GNYIS DRANG POR BSRANG BA'O, ,DBANG DANG DE'I DGUG PA LA MTHO ZHING BDE BA'I STAN LA RDO RJE SKYIL KRUNG BYA STE DE NI BRLA GA-YAS PA DANG BYIN PA'I DBUS SU RKANG PA GA-YON PA BZHAG NAS DE'I STENG DU BRLAB GA-YON PA DANG BYIN PA'I DBUS SU RKANG PA GA-YAS PA BZHAG PA'O, ,MNGON SPYOD LA STAN SRA BA'AM BSGRUB BYA'I GZUGS BRNYAN GYI BRANG LA GNAS PA 'AM, STAN MED PAR TZOG PUR GNAS TE RKANG PAS RKANG PA MNAN PA DANG KHRO BO'I SKYIL KRUNG STE DRAG PO'I DGUG PA LA YANG DE LTAR DANG RMONGS RENGS LA RDO RJE SKYIL

KRUNG DANG DBYE BA RKANG BA ZLOG STE 'DUG PAR 'OD SNYE LAS BSHAD DO, ,BSAM PA NI ZHI BA LA BYAMS PA DANG SNYING RJE'I SEMS DANG RGYAS PA LA DGA' ZHING TSIM PA'I YID DANG DBANG LA CHAGS PA'I SEMS DANG DRAG PO LA RGYU'I KUN SLONG GI TSE SNYING RJE DANG DUS KYI KUN SLONG NI RTZUB PA'I SEMS DANG LDAN PAS BYA STE PHYI MA LA SOS SO 'CHA' ZHING MIG GDONG TSUGS SU LTA LA BZHIN KHRO GNYER CAN DU BYA'O, ,CHAS GOS NI 'JAM PO GSUM LA KHRUS BYAS LUS DRI ZHIM POS BYUGS LA GOS DKAR PO DANG RGYAN DANG PHRENG BA SER PO CAN GYI GOS SNA TSOGS PA DANG RGYAN DANG GOS DMAR PO CAN NO, ,DRAG PO LA NI RGYAN DANG GOS SNGON PO 'AM KHRAG GAM CHUS GSHER BA'I GOS TE RMONGS RENGS LA SER PO'O, ,LAS THAMS CAD PA LA NI LAS SO SO DANG MTHUN NO, ,GNYIS PA LA GNYIS, BDAG MDUN GYI LHA'I RNAL 'BYOR JI LTAR BYA BA DANG, ME'I MCHOD SBYIN GYIS DNGOS GRUB 'GRUB PA'I SGO BSHAD PA'O, ,DANG PO NI, ME LHA THOG MTHA' GNYIS KYI SKABS SU BDAG MDUN GYI LHA GNYIS 'DRA BA MI DGOS MOD 'ON KYANG BAR GYI SKABS SU SBYIN SREG 'BUL BA'I LHA'I GTZO BO DANG BDAG BSKYED KYI LHA GNYIS 'DRA BA DGOS SAM MI DGOS SNYAM NA 'DI LA 'OD SNYE LAS, RANG YANG RANG GI LHAG PA'I LHA NYID LAS DANG RJES SU MTHUN PA'I RNAL 'BYOR DANG LDAN PA 'AM YANG NA THAB KHUNG DU BKOD PA'I LHA'I RNAL 'BYOR DANG LDAN PA'O, ,ZHES THAB KHUNG DU LHA GANG BYED KYANG BDAG BSKYED RANG GI LHAG PA'I LHA GCIG PUS BYED PA DANG THAB KYI LHA'I RNAL 'BYOR GYIS BYED PA GNYIS GSUNGS LA, LAS THAMS CAD PA LA THAB KHUNG DU RANG GI LHAG PA'I LHA NYID 'GOD PAR GSUNGS KYANG DE'I BDAG BSKYED LA'ANG

, ,SNGAR LTAR GNYIS GSUNGS PAS RANG GI LHAG PA'I LHA KHO NA THAB KHUNG DU 'GOD PAR MA NGES SO, ,ME LHA LAS GZHAN PA'I 'JIG RTEN PA'I LHA THAB TU BKOD NAS SBYIN SREG BYED NA NI PHAL CHER LHA GNYIS MI 'DRA BAR BYA'O, ,DE'I BYED TSUL NI 'OD SNYE LAS DAM TSIG PA BSKYED PA DANG YE SHES PA GZHUG PA DANG DAM TSIG BSGRAG PA DANG DE LA MCHOD PA DANG BSREG RDZAS DBUL BA DANG MTHAR GSHAGS PA RNAMS ME LHA BZHIN DU BYA BAR GSUNGS TE SNGA RTING DU ME LHA LA SBYIN SREG BYED PA 'DI LA'ANG BYA'O, ,LHA'I KHA DOG NI RTOG BDUN LAS, LAS KYI RJES SU 'BRANG BA'I LHA'I SBYOR BA DMIGS NAS ZHES GSUNGS SHING DBANG GI SKABS SU DMAR PO SGOM PAR BSHAD PAS ZHI SOGS GSUM LA DKAR SER DMAR PO DANG BSAD BSKRAD DBYE BA GSUM LA NAG PO DANG RMONGS RENGS LA SER POR BYA'O, ,'OD SNYE LAS, LAS SO SO BA DANG THAMS CAD PA GNYIS KA LA LHA'I GZUGS DANG RGYAN LA SOGS PA LAS SO SO'I KHA DOG DANG MTHUN PAR GSUNGS PAS DKYIL 'KHOR MCHOD PA DANG, BSNYEN PA'I KHA SKONG DANG LAS THAMS CAD PA RNAMS LA'ANG LAS SO SO'I KHA DOG CAN DU BYA DGOS SO, ,RTOG BDUN GYI 'GREL PA GNYIS DANG AA MO GHA CHUNG BA'I SBYIN SREG GNYIS SU 'DAS PA'I LHA GTZO BO RKYANG PA LA GZHAL YAS KHANG MED PAR SKYED PA LTAR NA RLUNG GI GDAN SGOM PA NAS BYA BA'AM, YANG NA GZHAL YAS KHANG DANG BCAS PA SGRUB THABS BZHIN BSKYED, LHA ZHE DGU MA LA SOGS PA YIN NA GZHAL YAS KHANG LHA RDZOGS PA DANG BCAS PA SGRUB THABS BZHIN DU BSKYED DO, ,AA MO GHA CHUNG BAS DRAG PO'I SBYIN SREG TU ZHAL DGU GA'I KHA DOG SOR

BZHAG BYAS LA 'OD SNYE LAS KYANG LAS BZHI'I ME LHA'I SKABS SU RTZA ZHAL GYI KHA DOG LAS SO SO DANG MTHUN PAR MDZAD NAS ZHAL LHAG MA RNAMS KYI KHA DOG MI SGYUR BA MDZAD DO, ,ME LHA'I SNYING KHAR SKYED PA LA DE KHO NA NYID KYI YE SHES DANG ME LHA GNYIS NGO BO GCIG TU BLTAS NAS SKYED PAR 'OD SNYE LAS BSHAD DE MAR ME MDZAD BZANG PO'I GDAMS PA'O, ,GTZO BO LA 'BUL PA'I TSE DE'I LJAGS LA BSTOBS PAS LHA THAMS CAD KYIS GSOL BAR MOS PA'AM LJAGS THAMS CAD THA MI DAD DU MOS NAS PHUL NA LHA THAMS CAD LA PHUL BAR 'GYUR BAR SHANTI PAS BSHAD DO, ,SBYIN SREG GI 'KHOR GSUM THAMS CAD DE KHO NAR CIR YANG MA GRUB PAR NGES PA BSKYED NAS BDAG DANG LHA DANG MCHOD SBYIN GYI RDZAS DANG THAB DANG DGANG BLUGS LA SOGS PA RNAMS SGYU MA LTA BUR SHAR BA'I NGANG NAS SBYIN SREG BYED PA SHIN TU GAL CHE BAR GSUNGS PAS YANG YANG DE'I DRAN PA GSO BAR BYA'O, ,GNYIS PA NI, ZHING DANG RTEN DANG BSAM PA DANG MCHOD SBYIN GYI RDZAS MTSUNGS KYANG ME LA MCHOD SBYIN BYAS PA NI LHA TSIM PA DNGOS GRUB 'GRUB PA LA GZHAN LAS CHES MCHOG TU GSUNGS PA NI MCHOD SBYIN BYED PA'I SGO ME'I DE NYID SHES PA LA RAG LAS SO, ,DE YANG KHA SBYOR LA SOGS PA'I RGYUD RNAMS LAS, LHA YI KHA NI ME RU GSUNGS, ,ZHES ME LHA'I ZHAL DU GSUNGS PA'I ME NI ME LHA YIN TE RIG PA MCHOG LAS, DRANG SRONG CHEN PO KHYOD NI LHA THAMS CAD KYI ZHAL YIN NO ZHES ME LHA LA GSUNGS PA'I PHYIR RO, ,'O NA ME LHA RNAMS KYI ZHAL JI LTAR YIN SNYAM NA, SBYIN SREG GI ME NI LHA LA PHUL BA'I BSREG RDZAS RNAMS ZA BA'I SGO YIN PAS NA LHA'I KHA ZHES PA'I THA SNYAD 'THOB LA ME DE NYID

, ,NI ME LHA'I NGO BOR BSKYED DGOS PA'I PHYIR ME NI LHA RNAMS KYI ZHAL DU GSUNGS SO, ,RAm LAS ME LHA SKYED PA YANG RAm GYIS MTSON PA'I ME NYID ME LHAR SKYED PA'I DON YIN TE, RANG GI SA BON LAS GZUGS PHUNG RNAM SNANG DU SKYED PA DANG 'DRA'O, ,DES NA ME LHA GSHEGS GSOL GYI SKABS SU MTSO SKYES LA SOGS PAS KYANG YE SHES PA GSHEGS NAS DAM TSIG PA'I ME LHA ME 'BAR BA'I RNAM PAR GYUR PAR BSHAD PAS SBYIN SREG GI ME DANG ME LHA GNYIS NGO BO GCIG TU MOS PAR BYAS NAS ME LA SREG RDZAS SREG DGOS SO, ,ME DANG ME LHA NGO BO GCIG TU BSKYED PA'I DAM TSIG PA LA YE SHES PA'I ME LHA SPYAN DRANGS NAS BYIN GYIS BRLABS PA'I ME LA RDZAS RNAMS BSREGS PAS 'JIG RTEN LAS 'DAS PA'I LHAS DNGOS GRUB STZOL BA'I SGOR 'GYUR BAS THOG MAR ME LHA BSKYED NAS SBYIN SREG BYED PA YIN TE, RIG PA MCHOG LAS, GNOD SBYIN GYI BDAG PO BDAG 'ONG BA NI DNGOS GRUB 'GRUB PA'I RGYUR 'GYUR TE GANG GIS BDAG 'ONG BAR 'GYUR BA'I BDAG SPYAN DRANG BA'I GSANG SNGAGS BSHAD PAR BYA'O ZHES ME LHAS PHYAG RDOR LA GSUNGS PA'I PHYIR RO, ,DE LTAR NA SBYIN SREG GIS DNGOS GRUB SGRUB PA LA THOG MAR ME LHA THAB TU 'GUGS PAR NUS PA GCIG GAL CHE LA DE YANG RIG PA MCHOG LAS, LAS THAMS CAD LA'ANG THOG MAR PA LA SHA'I SHING GI MI SPAR NAS 'BRAS YOS ZHO DANG SBRANG RTZI DANG MAR DANG SBYAR BAS ME LHA LA LAN STONG PHRAG BRGYAD SBYIN SREG BYAS NA LAS 'GRUB PA DANG ME LHA BYON PA'I RTAGS KYANG ME'I DBUS SNGO BRENG NGE 'DUG PA DANG MTHA' SNGO BA DANG ME'I RTZE MO RGYAS PA DANG RTZA BA SNGO ZHING MGYOGS PA RNAMS

YIN PAR GSUNGS SO, ,'DI NI LHA DBANG DU BYED PA'I SBYIN SREG LTAR BYA'O, ,GNYIS PA LA GNYIS, SPYIR BTANG ZHI BA'I CHO GA DANG, LAS GZHAN RNAMS KYI CHO GA'I DMIGS BSAL LO, ,DANG PO LA GSUM, SNGON DU BYA BA'I CHO GA DANG, DNGOS GZHI'I CHO GA DANG, MJUG GI CHO GA BSTAN PA'I, ,DANG PO NI, SNGAR BSHAD PA BZHIN CHO GA'I YAN LAG THAMS CAD TSOGS PAR BYAS LA PADMA'I 'DUG STANGS KYI KHA SHAR DU PHYOGS TE 'DUG NAS BDAG SKYED KYI MCHOD RDZAS RNAMS BSANG BA DANG SBYANG BA DANG BSKYED PA DANG BYIN GYIS BRLABS NAS ZHI BA'I LAS KYI KHA DOG DANG MTHUN PAR BDAG SKYED RDZOGS PAR SGRUB THABS BZHIN DU BSGOMS, DE NAS SMRA BA GZHAN BCAD DE RDO RJE NI THABS DANG DRIL BU NI SHES RAB DANG GNYIS KA YANG DON DAM PA'I BYANG CHUB KYI SEMS KYI RANG BZHIN NO SNYAM DU MAS PA SHIN TU BRTAN PAR BYAS NAS, AOm SARBA TA TH'A GA TA SIDDHI BADZRA SA MA YA TIshthA AA shA TV'Am DH'A RA Y'A MI HI HI HI HI HI H'Um H'Um H'Um PHAt SV'AH'A, ZHES BRJOD CING RDO RJE GA-YAS PA'I MTHE BONG DANG MING MED DANG AOm BADZRA GHA ndA H'Um ZHES BRJOD CING DRIL BU GA-YON PA'I MTHE BONG DANG MING MED KYIS BZUNG NAS DE GA-YON PA'I DKUR BZHAG LA RDO RJE SEMS DPA' LA SOGS PA RNAMS MNYES PAR BYA'O SNYAM DU BSAMS NAS H'Um YIG BRJOD PA SNGON DU 'GRO BAS, SEMS CAN RMONGS DANG 'BREL BA YI, ,RDO RJE GSOR BA MDZES PA YIS, ,RNAM THAR CHOS KYI BYA BA STE, ,SPRO DANG BCAS PAS RDO RJE BZUNG, , H'Um H'Um H'Um HO HO HO ZHES BRJOD CING RDO RJE GSOR BAR BYA'O, ,DE NAS RDO RJE GA-YAS PA'I DKUR BZUNG BA'AM GSOR ZHING, AOm BADZRA DHA RM'A RA nI TA PRA RA nI TA SAm PRA RA nI TA SARBA BUD DH'A KshE TRA PRA TZA LI NI PRA DZNY'A P'A RA MI TA N'A DA SVA BH'A WE BADZRA SATVA HRi DA YA SANTO shA NI H'Um H'Um H'Um HO HO HO SV'AH'A,

, ,ZHES BRJOD CING DRIL BU'I DBUS KYI PHYOGS BRGYAD DU LCE BSKYOD PAS DKROL BAR BYA'O, ,DE NAS BSANG CHU'I SNOD NAS KU SHA'I RTZE MOS LAG PA GA-YAS PAS CHU BLANGS TE, LAS SNGAGS BZLA ZHING RANG GI GA-YON NGOS NAS GA-YAS SKOR DU THAB DANG RDZAS THAMS CAD DANG DGANG BLUGS DANG RANG LA YANG BSANG GTOR BYA STE NANG MCHOD KYIS KYANG BSANGS LA ME LHA'I MCHOD RDZAS RNAMS SBYANG ZHING BSKYED DE BYIN GYIS BRLAB, SNGAR BSHAD PA'I PHYAG RGYA BCINGS LA AOm SV'AH'A ZHES PAS RDZAS RNAMS BKRUS PAR BSAM AOm A'A: SV'AH'A SA YAM SHING DANG AOm SHR'I SV'AH'A SA ZHUN MAR DANG AOm DZRIm SV'AH'A SA 'BRU DANG AOm KU RU KU RU SV'AH'A ZHES BRJOD PAS DE DAG LAS GZHAN PA'I RDZAS RNAMS KYI MTSAN NYID DANG MI LDAN PA'I NYES SKYON THAMS CAD SBYANGS SHING DAG PAR BSAMS LA BSREG RDZAS THAMS CAD BDUD RTZI LNGA'I NGO BOR BSKYED DO, ,SNGAR BSHAD PA'I ME YIG GSUM BRJOD PA SNOD KYI NANG DU BZHAG ZHUN MAR GYI SGRON MES SBAR BAS LAS SNGAGS BRJOD LA 'O MA CAN GYI SHING LA SOGS PA LA ME SBAR NAS LAS SNGAGS BRJOD PA'I KU SHA'I RTZE MOS CHU BLANGS PA DANG NANG MCHOD KYIS LAN GSUM DU GA-YAS SKOR DU BSANGS LA, GTZANG ZHING SHIN TU SKAM PA'I RTZVA'I CHUN PO DANG BCAS PA DU BA MED PA THAB TU BCUG NAS, AOm DZVA LA DZVA LA H'Um DANG H'Um YIG BRJOD DE RLUNG GA-YAB KYIS ME SBAR RO, ,LAS SNGAGS LAN BDUN TE MAR KHU BLUGS GZAR BDUN GYIS RAB TU SBAR BAR BYA'O, ,DE NAS KU SHA RNAMS LA AOm BADZRA SATVA AA ZHES PA 'DI LAN BDUN BZLAS NAS KU SHA SNGO LJANG DRI MA MED PA MA GAS SHING 'DAB

MA MA GRUGS PA HA CANG YANG MI RING BA GNYIS GNYIS RTZE MO GSHIBS PA RANG GI GA-YON NGOS NAS THAB KYI KHA KHYER LA RANG KHA GANG DU BLTA BA'I NGOS LA SHAR DU BYAS PA'I LUGS KYIS RTZE MO SHAR DANG LHO DANG NUB DANG BYANG DU BSTAN PA SNGA MA'I RTZE MOS PHYI MA'I RTZA BA NON PA DKRAM ZHING, THAB KHUNG DU RTZE MO SHAR DU BSTAN PA'I KU SHA BA LANG GI RNA BA LTA BU HA CANG MI RING BAS GA-YOG GO ,GNYIS PA LA GSUM, THOG MAR 'JIG RTEN PA'I ME LHA MCHOD PA, BAR DU 'JIG RTEN LAS 'DAS PA'I ME LHA MCHOD PA, MTHAR 'JIG RTEN PA'I ME LHA MCHOD PA'I CHO GA'O, ,DANG PO LA GSUM, THAB DANG ME LHA BSKYED CING YE SHES PA DANG BSRE BA, MCHOD CING BSTOD DE DAM TSIG BSGRAG PA, BSREG RDZAS PHUL NAS SLAR YANG MCHOD PA'O, ,DANG PO NI, BSANG CHUS THAB BSANG STE SVA BH'A WAS STONG PAR SBYANG STONG PA'I NGANG LAS SNA TSOGS PADMA DANG ZLA BA'I STENG DU SAm DANG RDO RJE LAS RDO RJE 'DZIN PA DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD PA GA-YAS 'OG MA GNYIS RDO RJE RAL GRI GA-YON 'OG MA GNYIS RIN PO CHE DANG PADMA 'DZIN PA ZHU BA LAS BYUNG BA'I YE SHES KYI THAB KHA DOG DKAR ZHING DBYIBS ZLUM PA MU RAN DANG KHA KHYER DANG BCAS PA, KHA KHYER LA 'KHOR LO'AM RDO RJE'I PHRENG BAS BSKOR BA GRVA BZHIR ZLA PHYED RDO RJE MTSAN PA DANG ZHING THOGS PA MED PAR BSKYED PA'I NANG DU, RAm LAS SKYES PA'I ME GRU GSUM GYI DBUS SU SNA TSOGS PADMA'I LTE BAR RAm LAS BGRANG PHRENG DE YONGS SU GYUR PA LAS ME LHA SKU MDOG DKAR PO DKAR NAG DMAR BA'I ZHAL GSUM PHYAG DRUG PA GNYUG MAR GNAS PA'I RIG MA DANG GNYIS SU MED PA'I SKU PHYAG GA-YAS KYI DANG PO NA BGRANG PHRENG GNYIS PAS

, ,MI 'JIGS SBYIN PA GSUM PA NA GRI GUG GA-YON GYI DANG PO NA DBYIG GU RTZE GSUM PA GNYIS PA NA SPYI BLUGS GSUM PA NA THOD PA BSNAMS PA GA-YON BRKYANG PA'I STABS KYIS BZHUGS PA KHRO BO'I RGYAN RNAMS KYIS BRGYAN PA'I THUGS KAR ME GRU GSUM PA RAm GYIS MTSAN PA BSGOM MO, ,DPAL 'DZIN GYI DGRA NAG GI DKYIL CHOG KHA CIG LAS PHYAG GA-YAS DANG POS SPYI BLUGS DANG GA-YON GNYIS PAS PHRENG BA BSNAMS SHING GA-YAS BRKYANG DU BSHAD KYANG, DPAL 'DZIN GYI RJES SU 'BRANG BA'I RDO RJE GRUB PA'I 'GREL PAR SNGAR BSHAD PA BZHIN 'BYUNG LA DPAL 'DZIN GYI GSHED DMAR GYI DKYIL CHOG TU YANG GA-YON BRKYANG DANG BGRANG PHRENG GA-YAS DANG SPYI BLUGS GA-YON DU BSHAD PAS 'GYUR RAM YI GE CUNG MA DAG PAR MNGON NO, ,DAM TSIG PA'I THUGS KA'I SA BON GYI 'OD ZER LAS SPROS PA'I KHRO BO 'DOD RGYAL GYIS SHAR LHO NAS BSGOMS PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS PAR BSAMS LA GA-YAS PA MI 'JIGS PA'I PHYAG RGYAS MTHE BONG GA-YOB CING, AOm TSUR SPYON TSUR SPYON 'BYUNG PO CHE, ,LHA YI DRANG SRONG BRAM ZE MCHOG ,SREG BLUGS ZHAL BAS BZHES SLAD DU, ,'DIR NI YANG DAG BSNYEN PAR MDZOD, ,AOm tAKKI H'Um DZA ZHES PAS SPYAN DRANGS LA THAB KYI ME MTSAMS KYI KHA KHYER GYI KU SHA'I GDAN LA BZHUGS PAR BSAM MO, ,LAS KYI SNGAGS HR'I: shtR'I DANG BSANG CHU GTOR LA PHYI 'BRANG GI BGEGS BSKRAR LA CHU BZHI PHUL BA'AM BSDUS PA LA MOS NA DE MA BYAS PAR AOm MUNGGA RA DZA: ZHES PAS DAM TSIG PA DANG NYE BAR DGUG ,AOm DAndA H'Um GIS DAM TSIG PA LA GZHUG ,AOm PADMA BAm GYIS DBYER MED DU BCING, AOm

KHA dGA HO: YIS DBANG DU BYA STE RDOR DRIL GYIS 'KHYUD PA'I TSUL DANG LDAN PA'I PHYAG RGYA GNYIS KYIS SE GOL GTOG PA SNGON DU 'GRO BAS GZHUG PA SOGS BYA'O, ,GNYIS PA NI, DE NAS AOm A'A: HR'I: PRA WA RA SAD K'A RAm BRO KshA n'Am PRA T'I TZTSA H'Um SV'AH'A, ZHES PAS KU SHA'I CHUN POS ZHAL BSIL GYI SNOD NAS BZED ZHAL DANG POR LAN GSUM BSANG GTOR DBUL LO, ,SNOD DE NYID NAS MDZUB MOS ME TOG BLANGS TE KHU TSUR KHE 'OG TU BSTAN NAS MTHE'U CHUNG NAS RIM GYIS DGROL BA'I PHYAG RGYA DANG PRO Ksh'A n'Am GI GNAS SU AA NYTZA M'A n'Am BCAS LA BZED ZHAL DANG POR ZHAL BSIL DANG, RDO RJE SNYIM PA KHA PHYE BA'I PHYAG RGYA DANG AARGHAm GYIS BZED ZHAL GNYIS PAR MCHOD YON DANG KHU TSUR BCINGS NAS ME TOG BLANGS TE LAN GSUM BSKOR NAS KHU TSUR KHA GYEN DU BSTAN PA'I MDZUB MO NAS RIM GYIS DGROL BA'I PHYAG RGYA DANG P'A DYAm GIS BZED ZHAL GSUM PAR ZHABS BSIL DBUL ZHING, ME LHA'I SNGAGS KYIS MTHAR AOm BADZRA BU shPE A'A: H'Um ZHES SOGS BTAGS LA NYER SPYOD ROL MO DANG BCAS PA DANG NANG MCHOD KYIS KYANG MCHOD DE, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL PO tAKKIS DBANG BSKUR BA, ,SHES RAB MCHOG GIS NYON MONGS THAMS CAD SREG ,'DZIN BYED ME LHA NYID LA RNAM PAR 'DUD, ,TSANGS PA 'JIG RTEN MGON GYI SRAS, ,ME LHA'I RGYAL PO DRANG SRONG MCHOG ,'BYUNG PO YONGS SU BSKYANG BA'I PHYIR, ,THUGS RJE'I DBANG GIS SKUR SPRUL PA, ,RIG SNGAGS GRUB PA'I DRANG SRONG TSUL, ,NYON MONGS SREG PA'I SHES RAB 'OD, ,BSKAL PA'I ME BZHIN GZI BRJID 'BAR, ,MNGON SHES RDZU 'PHRUL ZHABS DANG LDAN,

, ,THABS KYIS SPRUL PA'I THEG PA LCIBS, ,RIG SNGAGS GSUNG ZHING BGRANG 'PHRENG 'DZIN, ,BDUD RTZI BCUD LDAN GHU ndE BSNAMS, ,CHOS KYI BDUD RTZI YONGS LA BSIL, ,NYES PA'I SKYON BRAL TSANGS PAR SPYOD, ,'JIG RTEN GNAS KYANG MYA NGAN 'DAS, ,ZHI BA BRNYES KYANG THUGS RJE CHE, ,DE BAS BSTOD DE PHYAG KYANG 'TSAL, ,ZHES PAS BSTOD DO, ,AOm BADZRA AA NA LA MAH'A BH'U TA DZVA LA DZRA LA YA SARBA BHA SMI KU RU SARBA DU sHtRAn H'u PHAt TRI SHY'I DZA : H'Um BAm HO: SA MA YA TV'Am SA MA YA HO ZHES LAN GSUM DU DAM TSIG BSGRAGS SO, ,GSUM PA NI, DE NAS MA LHA'I LJAGS RDO RJE'I RNAM PA CAN DKAR PO LA RAm YIG DANG, DGANG BLUGS KYI KHA LA YAm YIG 'OD ZER DANG BCAS PA DGOD DO, ,KHA NI MTSO SKYES DANG DAM TSIG RDO RJES DGANG BLUGS KYI NANG DU DANG MI THUB ZLA BAS DGANG BLUGS KYI NANG GI RDO RJE'I MTSAN MA LA SA BON BKOD PAR BSHAD PA LTAR YIN NO, ,LAG PA GA-YON PA KHU TSUR BCINGS PA'I STENG NAS MTHE BOS BKAB PA DE BZHIN GSHEGS PA'I KHU TSUR DU BYAS PA'I MDZUB MO BSKYANG LA GAN RKYAL DU BYAS PAS DGANG GZAR MAR GYIS BKANG PA BZUNG, ,GA-YAS PA YANG DE BZHIN GSHEGS PA'I KHU TSUR DU BYAS PA KHA THUR DU PHUB PAS BLUGS GZAR GYI YU BA BZUNG BA GA-YON PA'I MDZUB MO'I THAD DKAR GA-YAS PA'I KHU TSUR BZHAG NAS DGANG GZAR GYI KHAR BLUGS GZAR GYI MGO BZHAG NAS 'DZIN PA BYANG CHUB MCHOG GI PHYAG RGYAS LAG PA GNYIS PUS MO'I NANG NAS PHYIR MI 'DA' BAR GA-YAS SU BSKOR TE ME LHA'I ZHAL CUNG ZAD GDANGS BAR DGANG BLUGS GSUM MAM BDUN ME LHA'I SNGAGS SAM DGANG BLUGS KYI SNGAGS SAM MAR GYI SREG BLUGS KYI SNGAGS LA SPEL TSIG

BTAGS PAS PHUL NAS 'DOD DON LA GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM MO, ,SNGAGS DANG PO NI, AOm AA GNA YE A'A DLI BYA A'A D'I BYA A'A BI SHA A'A BI SHA MAH'A SHR'I YE HA BYA KA BYA B'A H'A N'A YA SV'A H'A, ,ZHES PA'O, ,GNYIS PA NI, AOm NA MA: SA MANTA BUDDH'A N'Am AA GNA YE SV'AH'A, ZHES PA'O, ,GSUM PA NI, AOm AA GNA YE SV'A H'A, ZHES PA STE DE DAG LA SV'A H'A'I SNGON DU SDIG PA'AM NAD DAM GDON LA SOGS PA THAMS CAD SHANTIm KU RU ZHES SBYAR RO, ,SKABS 'DIR ME LA BGEGS YOD MED BRTAGS TE MED NA MI DGOS LA YOD NA ME LA BSANG GTOR DANG HR'I : shtR'I : BSRUNGS TE SNGAGS DE LA BGEGS THAMS CAD SHAnTI KU RU ZHES SPEL TSIG DANG SBYAR TE DGANG BLUGS BDUN ME LHA LA PHUL NAS SLAR YANG ME LHA'I SNGAGS SAM LAS SNGAGS KYIS BSANG GTOR BYAS NAS DGANG BLUGS BDUN NAM GSUM MAM GCIG ME LHA'I SNGAGS KYIS DBUL LO, ,DE NAS YAM SHING RNAMS BYANG CHUB KYI SHING GI RANG BZHIN GYI BDUD RTZIR MOS NAS PHUL BA'I 'OG TU MAR KHU DANG DE NAS SNGAR BSHAD PA'I RIM PA BZHIN DU DBUL, DA DAG GI SNGAGS NI, AOm BO DHI BRi KshA YA SV'A H'A, BYANG CHUB KYI SHING GI'O, ,AOm AA GNA YE SV'A H'A, MAR KHU'I 'O, ,AOm SARBA P'A BAm DA HA NA BADZRA YE SV'A H'A, TIL GYI'O, ,AOm BADZRA A'A YU shE SV'A H'A, DUR BA'I 'O, ,AOm BADZRA PU sht'A YA SV'A H'A, 'BRAS MA GRUGS PA'I 'O, ,AOm SARBA SAm B'A DE SV'AH'A, ZHO ZAN DANG ZAS MCHOG GI'O, ,AOm AA PRA TI HA TI BADZR'A YE SV'A H'A, KU SHA'I 'O, ,AOm SARBA AANVA SI DDHA YE SV'AH'A, NYUNGS KAR GYI'O, ,AOm BADZRA BI DZA YE SV'A H'A, SO BA'I 'O, ,AOm MAH'A BE G'A YA SV'A H'A, ,NAS KYI'O, ,AOm MAH'A B'A L'A SV'A H'A, SRAN MA'I 'O, ,AOm BADZRA GHA SMA RI SV'AH'A, GRO'I 'O, ,DE RNAMS LA SV'A H'A'I SNGON DU SPEL

, ,TSIG BTAGS TE DPER NA SDIG PA ZHI BA'I SBYIN SREG BYED NA GZI BRJID PHUN SUM TSOGS PA LA BAR DU GCOD PA DANG SDIG PA THAMS CAD SHANTI@ KU RU ZHES SPEL BA LTA BU'O, ,BSGRUB BYA'I MING BCUG PA 'AM MA BCUG NA'ANG DE'I SDIG PA SOGS ZHI BA'I DON DU BSAMS NAS BYAS PAS KYANG 'GRUB PAR 'OD SNYE LAS GSUNGS SO, ,YAM SHING DANG KU SHA DANG DUR PA RNAMS LAG PA GA-YAS PA'I MTHEB SRIN GYIS MCHOG SBYIN PA'I PHYAG RGYAS RTZE MO LHA LA BSTAN LA DBUL LO, ,DE LTAR SREG RDZAS RNAMS SNYAN PA'I GDANGS GYIS PHUL NAS ZHAL BSIL DANG BSANG GTOR BYA'O, ,SKABS 'DIR ME MTSAMS SU BZHAG PA DANG ME 'BAR BA'I RNAM PAR GYUR BA SOGS LNGA GSUNGS KYANG 'DIR NI THUGS KAR 'DAS PA'I LHA SKYED PAS BZHUGS SU GSOL BAR BYA'O, ,GNYIS PA NI, DKYIL 'KHOR SGRUB MCHOD DANG 'BREL NA ME LHA'I THUGS KAR BHRUm@ LAS GZHAL YAS KHANG GDAN DANG BCAS PA BSKYED LA LHA RNAMS KYI SNGAGS ZLO@ ZHING, ME TOG GIS LHA RNAMS SPYAN DRANGS LA ME TOG THAB TU DOR BAS LHA RNAMS RANG RANG GI GDAN LA BZHUGS PAR BSAM DKYIL 'KHOR DANG MA 'BREL NA SNGAR BSHAD PA BZHIN BSKYED NAS CHU BZHI DANG BCAS PA'I MCHOD PA DANG BDUD RTZI MYANG BA DANG BSTOD PA BYA'O, ,DE NAS LHA'I LJAGS RDO RJE'I RNAM PA CAN KHA DOG DKAR PO LA RAm BKOD LA LAS SNGAGS LA SPEL TSIG BTAGS PA'I DGANG@ BLUGS GSUM MAM BDUN PHUL NAS GSOL BA BTAB PAS 'PHRIN LAS MDZAD PAR ZHAL GYIS BZHES PAR BSAM MO, ,YAM SHING LA SOGS PA RNAMS LA LAS SNGAGS LA RDZAS SNGAGS SPEL TSIG DANG BCAS PA BTAGS PA 'AM, DE MA GRUB NA LAS SNGAGS RKYANG PA LA SPEL TSIG GDAd

LA DBUL TE SPEL TSIG RE RE NAS SPYAR MA NUS NA BDUN BDUN GYI MTHAR DANG DE YANG MA GRUB NA THOG MTHA' GNYIS SU GDAGS SO, ,'KHOR GYI LHA LA NI BDUN NAM GSUM LA SOGS PA CI TZAM 'BYOR PA RANG RANG GI SNGAGS LA SPEL TSIG GDAGS LA DBUL LO, ,DE LTAR RDZAS RNAMS PHUL NAS LAS BCOL BA'I DUS SU LHA RNAMS KYI THUGS KA NAS SPROS PA'I SANGS RGYAS RNAMS KYIS BUM PA DKAR PO BDUD RTZI DKAR POS BKANG BA THOGS NAS BSGRUB BYA ZLA BA'I DKYIL 'KHOR LA GNAS PA LA KHRUS BYAS PAS SDIG SGRIB DANG NAD GDON LA SOGS PA THAMS CAD DAG NAS LUS SHEL LTAR GYUR PAR BSAM MO, ,RDZOGS PA'I MTHAR YANG DGANG BLUGS 'BUL ZHING LAS SNGAGS KYIS MCHOD YON PHUL TE BSANG GTOR DANG ZHAL BSIL DANG AOm BADZRA WA SA SYA SV'A H'A, YIS GOS GSAR PA DANG, AOm BADZRA TAMBU LA SV'A H'A SA SO RTZI PHUL LA NANG MCHOD DANG BCAS PAS MCHOD BSTOD DE PHYAG BYAS NAS MCHOD YON DBUL LO, ,DE NAS ME TOG DANG BCAS PA'I THAL MO SNYING KHAR SBYAR NAS YO BYAD MA TSAD PA LA SOGS PA'I NYES PA ZHI BA'I DON DU, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN GTZO BOS BZOD MDZAD RIGS, ,ZHES BRJOD DE BCOM LDAN 'DAS LA BZOD PAR GSOL NAS NAD GDON ZHI BA LA SOGS PA'I 'DOD DON 'GRUB PAR GSOL BA BTAB STE CHAD LHAG GI NYES PA ZHI BAR BYA BA'I SEMS KYIS AOm BADZRA STVA A'A: ZHES MANG DU BRJOD NAS GSHIN RJE GSHED KYI YI GE BRGYA PA BZLAS PAR BYA'O, ,

, ,DE'I RJES LA AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,ZHES BAS BSKUL NAS AOm A'A: AOm YA M'ANTA KA H'Um PHAt H'Um MU: ZHES BRJOD DE YE SHES PA GSHEGS NAS DAM TSIG PA BDAG LA BSDU'O, ,GSUM PA NI, DE NAS SLAR YANG THAB KYI ME LHA LA PHYI NANG GI MCHOD PAS MCHOD NAS BSANG GTOR DANG ZHAL BSIL DANG SO RTZI DANG GOS GSAR PA YANG PHUL LA SREG RDZAS LHAG MA RNAMS KYIS SBYIN SREG BYAS PA'I MTHAR DRIL BU DKROL ZHING BSTOD DO, ,RAB GNAS LA SOGS PA'I SKABS SU GZHAN DON DU SBYIN SREG SGRUB NA NI YON PHUL BA'I SLOB MA'I MTHE BONG GA-YAS PA RANG GI GA-YON PA'I MTHE'U CHUNG GIS BZUNG STE THAB KHUNG LA LAN GSUM DU BSKOR BA BYAS TE BLUGS GZAR GYIS DE'I MGO LA GA-YAS SKOR DU BSKOR TE LAN BDUN DU BSREG BLUGS BYAS TE DGANG BLUGS 'BUL DU GZHUG GO ,'KHYIL PA BZLAS PA'I SRUNG SKUD DKAR PO SLOB MA'I LAG PA LA BCINGS LA BSANG GTOR BYA'O, ,RGYAL PO DANG 'JIG RTEN SKYONG BA DANG SEMS CAN THAMS CAD DANG SLOB MA RNAMS DANG GANG LA MNGON PAR 'DOD PA RNAMS KYI RE RE ZHING LAN GSUM MAM RA RE'I SREG BLUGS DBUL BAR BYA'O, ,YON YANG 'BUL DU GZHUG GO ,ZHES GSUNGS PAS 'BYOR NA DE DAG GI YANG DGE BAR DMIGS LA DGANG BLUGS DBUL ZHES 'OD SNYER SKABS 'DIR GSUNGS LA, NYIN MO 'BYUNG GNAS KYIS DKYIL 'KHOR SGRUB MCHOD KYI 'OG BDAG 'JUG GI GONG DU LHA MCHOD PA'I SBYIN SREG 'DAS PA'I LHA LA RDZAS RNAMS KYI SREG BLUGS TSAR NAS DGANG

BLUGS MA PHUL BA'I GONG DU BYED PAR BSHAD CING BYA BA'I YUL NI DBANG ZHU BA'I SLOB MA LA SOGS PA DANG BYED PA PO NI SLOB DPON RANG NGAM GZHAN GYIS KYANG BYA BAR BSHAD DO, ,DE LA SNGA MA LTAR NA, 'JIG RTEN PA'I ME LHA LA DBUL LA PHYI MA LTAR NA 'DAS PA'I LHA LA 'DUL BA'O, , DE NAS ZHABS BSIL PHUL LA BSANG GTOR DANG MCHOD PAS MCHOD NAS GTOR MA SGRUB THABS BZHIN BYIN GYIS BRLABS TE ME LHA'I LJAGS LA AA KA RO BTAGS PAS LAN GSUM DU PHUL TE NYER SPYOD LNGAS MCHOD ME STE BSREG BYA ZA BA'I LHA ZHES SOGS KYIS BSTOD, MCHOD SBYIN GTOR MA 'DI SNOMS LA ZHES SOGS KYIS PHRIN LAS BCOL LA MCHOD YON PHUL BZOD PAR GSOL TE 'DOD PA'I DNGOS GRUB ZHUS NAS AOm BADZRA STVA A'A ZHES BRJOD DO, ,RANG GI DON DANG GZHAN GYI DON, ,SGRUB BYED BSREG BYA ZA BA GSHEGS, ,JI BZHIN DUS SU TSUR SPYON ZHING, ,BDAG GI DNGOS GRUB THAMS CAD SGRUBS, ,ZHES PAS BSKUL LA AOm MU: ZHES BRJOD CING YE SHES PA RANG GNAS SU GSHEGS NAS DAM TSIG PA ME 'BAR BA'I RNAM PAR GYUR PAR BSAM MO, ,GSUM PA NI, SREG RDZAS KYI LHAG MA'I RDZAS LNGA'I 'O THUG SBYIN SREG GI ME LA BSGRUBS NAS LONGS SPYOD NA SDIG PA 'DAG PAR GSUNGS PAS DE BSGRUBS PA'I TSUL NI 'O MA DANG 'BRAS MA GRUGS PA DANG MAR DANG SBRANG RTZI DANG KA RA RNAMS RANG GI LHA'I SA BON LAS BYUNG ZHING, LAS DANG RJES SU MTHUN PA'I DRIS BYUGS PA MGUL BAR ME TOG PHRENG BAS BCINGS PA'I SNOD NAG PO MA YIN PA THAB KHUNG GI ME LA MANYDZI'I STENG DU BZHAG PA'I NANG DU GZAR BU GNYIS GANG RUNG GIS BLUGS LA RANG GI BDAG PO'I SNGAGS 'GYING BA DANG BCAS PAS BZLOS SHING BSKOL TE BDUD RTZI RANG BZHIN GYI 'O THUG

, ,BSGRUB PAR BYA'O, ,DE NAS 'O THUG LA, AOm D'I BYA A'AGNAS MA DHI DHY'AN PR'I nA NA SV'A H'A, ZHES PAS SNGAGS TE RANG NYID RNAL 'BYOR LA GNAS NAS LHA DANG 'JIG RTEN SKYONG BA DANG BDAG NYID TSIM PAR BYA'O, ,DE BZHIN GSHEGS PA'I LHAG MA 'DI, ,SDIG PA RNAM PAR NYAMS BYED GSAL, ,ZHES PAS SBYIN BDAG DANG LHAG MA DON DU GNYER BA RNAMS LA BGO BSHA'I BYA LA BSNGO BA DANG SHIS BRJOD BYA'O, ,LONG YOD NA ME MA SHI'I BAR DKRUGS PA DANG BRDAL BAR MI BYAS 'GOM PAR YANG MI BYA'O MED NA ZHI BA LA 'O MA DANG RGYAS PA LA DRI'I CHAB SER PO DANG DBANG LA 'O MA DMAR PO DANG DRAG PO LA 'O MA NAG POS ME GZHIL LA THAB KYI THAL BA LA SOGS PA RNAMS LAS BUM DU BLUGS LA CHU BO LA SOGS PA LA BSKUR RO, ,GNYIS PA LA GNYIS, DBANG DRAG DANG RGYAS PA'I KHYAD PAR SPYIR BSTAN PA DANG, 'PHRIN LAS SGRUB PA'I KHYAD PAR BYE BRAG TU BSHAD PA'O, ,DANG PO NI, SNGAR BSHAD PA'I ZHI BA'I CHO GA BZHIN DU RGYAS PA LA SOGS PA GZHAN GYI'ANG BYA STE KHYAD PAR NI SGREG RDZAS LA SOGS PA DANG SPOR BA'I MA GA-YAS PAS GA-YAS SKOR DU BSANG BA NI 'JAM PO GSUM 'DRA LA DRAG PO LA GA-YON PAS GA-YON SKOR DU'O, ,SNGOR BA'I SHING YANG ZHI RGYAS GNYIS 'DRA LA DBANG LA RANG GI BUD SHING SKAM PO DU BA MED PA'I RTZVA DANG BCAS PA'O, ,DRAG PO LA RLON PA TSER MA CAN DU BA DANG BCAS PA STE SBOR BA'I SGRON ME DANG GSO BA'I MAR YANG TSE BA'I TIL MAR RAM MAR NAG GO ,THAB KYI STENG GI KU SHA NI RGYAS BA LA RTZA MO BYANG DANG DBANG LA NUB DANG DRAG PO LA LHOR BSTAN ZHING DANG PO GA-YON NGOS NAS KHA KHYER LA 'GREMS PA'I KU SHA

GNYIS KYI RTZE MO YANG DE LTAR RO, ,THAB KYI SKYED CHOG NI GZHAN RNAMS LA RANG GI LHA'I SA BON LAS SKYED PA MANG YANG DPAL 'DZIN GYIS BZHED PAR RDO RJE 'DZIN PA YONGS SU GYUR PA LAS SKYED PA YIN PA DBANG CHOS 'BYUNG SKYAD BYED KYI RDO RJE 'DZIN PA'AM KUN TU BZANG PO ZHES PA DE YIN TE 'JIGS BYED LA LA LE TAS SNGAR BSHAD PA LTA BU'I RDO RJE SEMS DPAS CHOS 'BYUNG SKYED PAR BSHAD PAS DAR DBANG DU BYAS PA'O, ,GDAN LA SNA TSOGS PADMA DPAL 'DZIN GYIS LAS THAMS CAD PA'I SKABS SU BSHAD PA LTAR RDO RJE GRUB PA DANG SO NA SHR'A GNYIS KYIS DAG PO LA YANG DE LTAR BSHAD PAS DE'I LUGS KYIS LAS SO SO DANG 'DRA'O, ,ME LHA YANG DPAL 'DZIN GYIS DGRA NAG GIS LAS THAMS CAD PA'I SBYIN SREG LA BSHAD PA NYID SLOB DPON DE NYID KYIS 'JIGS BYED KYI DRAG PO'I SBYIN SREG LA YANG BSHAD PAS KHA DOG MA GTOGS PA LAS BZHI KA LA ZHAL PHYAG SOGS 'DRA BAR BYA'O, ,DPAL 'DZIN GYIS DRAG PO'I SBYIN SREG TU DE DANG MI 'DRA BAR BSHAD DE GANG RUNG GIS CHOG GO ,ZHAL GSUM GYI MDOG NI RTZA ZHAL DKAR MA GA-YAS GA-YON GNYIS NAG PO DANG DMAR PO DANG RTZA ZHAL SAR PO DANG DMAR PO DANG LJANG KHU YIN NA GA-YAS GA-YON GNYIS SNGON PO DANG DKAR PO DANG SNGON PO YIN NA GA-YAS GA-YON DKAR PO DANG DMAR POR 'OD SNYE LAS SO, ,LHA'I LJAGS NI RANG RANG GI KHA DOG CAN GYI RDO RJE'I SBU GU'I RNAM PA CAN NO, ,DGANG BLUGS 'BUL BA'I DUS SU LAG PA PUS MO'I NANG NAS PHYIR MI 'DA' BA DANG GA-YON PAS DGANG GZAR DANG GA-YAS PAS BLUGS GZAR 'DZIN PA DANG GA-YAS SU SKOR NAS ZHAL CUNG ZAD GDANGS PAR SNYAN PA'I GDANGS KYIS 'BUL BA NI 'JAM PO

, ,GSUM 'DRA LA DRAG PO LA DE GSUM GO LDOG PA DANG ZHAL SHIN TU GDANGS PAR NGA RO CHEN POS DBUL LO, ,RGYAS PA'I DGAD BLUGS NI LAG PA GNYIS KHU TSUR DU BYAS PA'I MTHEB 'DZUB GNYIS RTZE SPRAD PA'I RIN PO CHE'I KHU TSUR DANG DBANG LA KHU TSUR GNYIS KYI MTHEB MDZUB RTZE SPRAD PA ZLUM POR BYAS PA'I MDZUB MO'I PHYI NAS GUNG MOS DKRIS PA'I PADMA'I KHU TSUR DANG DRAG PO RNAMS LA RDO RJE'I KHU TSUR GNYIS KYI MDZUB MO BSGRENGS PA'I KHRO BO'I KHU TSUR GYIS BZUNG NGO, ,SPEL TSIG NI MING 'JUG MI 'JUG SNGAR DANG 'DRA ZHING RGYAS PA LA TSE DANG BSOD NAMS SOGS PUshtIm KU RU AOm DANG, DBANG LA BA SHAm KU RU HO: DANG DE'I DGUG PA LA CHE GE MO AA KARshA YA DZA: DANG GSAD PA LA CHE GE MO M'A RA YA PHAt, BSKRAD PA LA CHE GE MO AUTZTSA tA YA H'Um PHAt DBYE BA LA CHE GE MO DANG CHE GE MO BI DVE shA YA PHAt, RENGS PA LA CHE GE MO STVAm BHA YA LAm RMONGS PA LA CHE GE MO MO H'A YA PHAt CES GDAGS SO, ,LHA DBANG DU BYED PA LA NI AOm HR'I: tRI: WI KRI T'A NA NA MANTRA SIDDHI MA ME D'I H'Um H'Um H'Um PHAt PHAt SV'A H'A, ZHES SLOB DPON BLO GROS BZANG POS GSHED DMAR LAS GSUNGS PA LAS DPAGS TE SHES PAR BYA'O, ,'JAM PO GSUM LA YAM SHING SOGS GA-YAS PA'I MTHEB SRIN GYIS 'BUL BAR 'DRA LA DRAG PO LA NI GA-YON PA'I MTHEB SRIN GYIS SO, ,DBANG DANG DRAG PO'I BSREG RDZAS RNAMS LA RDZAS SNGAGS SO SO BA MI SNANG BAS GANG LA DBUL BA'I LHA'I SNGAGS NYID KYIS BYA'O, ,RGYAS PA SOGS GSUM LA YANG 'DAS PA'I LHA ME LHA'I SNYING KHAR SKYED BA 'DRA LA, KHA DOG NI RGYAS PA LA SER DBANG DANG DE'I DGUG PA LA DMAR GSAD PA DANG NGO DGUG PA DANG BSGRAD PA DANG DBYE BA LA NAG PO

RMONGS RENGS LA SER PO'O, ,GNYIS PA NI, BSGRUB BYA LA 'PHRIN LAS MDZAD PA'I DMIGS PA NI, RGYAS PA LA ZLA BA SER PO LA GNAS PA'I BSGRUB BYA SER POR BSAM LA LHA RNAMS KYI THUGS KA NAS SPROS PA'I SANGS RGYAS RNAMS KYIS BUM PA SER PO NAS BDUD RTZI SER POS DBANG BSKUR BAS LUS DANG DBANG THANG DANG TSE DANG SHES RAB SOGS RGYAS PA DANG BUM PA NAS RIN PO CHE'I CHAR BAB PAS KHYIM GANG BAR BSAM MO, ,DBANG LA ZLA BA DMAR PO LA GNAS PA'I BSGRUB BYA KHA DOG DMAR POR BSAMS TE 'OD ZER DMAR PO LCAGS KYU LTA BUS BKUG NAS RKANG PA GNYIS KYI DRUNG DU LHAG PAR BSAM PA DANG DE'I DGUG PA LA RLUNG GI DKYIL 'KHOR LA GNAS PA'I YI GE DMAR PO'I STENG DU BSGRUB BYA SKRA BSHIG NAS GNAS PA'I SNYING NAS LCAGS KYUS PHUG MGRIN PA ZHAGS PAS BCINGS NAS 'ONG BAR BSAM PAR DGRA NAG LAS GSUNGS TE YI GE NI AA DMAR POR DAM TSIG RDO RJES BSHAD DO, ,'OD SNYER SPROS PA'I LHAS AUD PA LA DMAR PO KHA MA BYE BA 'DRA BA'I MDAS SNYING PHUG NAS DBANG DU SDUD PA DBANG DANG LCAGS KYUS PHUG CING ZHAGS PAS BCINGS NAS 'GUGS PA DE'I DGUG PA'I KHYAD PAR DU BSHAD DO, ,RTOG BDUN LAS BSGRUB BYA BYE BRAG PA LA LTOS PA'I DBANG DGUG BSHAD KYANG 'DIR SPYI'I DBANG DU BYAS PA BSHAD PA'I SKABS SO, ,GSAD PA LA NI RANG GI MDUN DU ME'I DKYIL 'KHOR GYI STENG NA BSGRUB BYA GCER BU SKRA BSHIG PA NYAM THAG PA GNAS PAR BSAM, DE NAS RANG GI SNYING GA'I SA BON LAS BYUNG BA'I KHRO BO'I TSOGS KYIS BSKOR BA'I SPRUL PA'I GZUGS SONG STE DE'I SNYING GAR ZHUGS NAS DE BYIN GYIS BRLOB PA'I LHA RNAMS LA MCHOD NAS 'DI NI 'DI LTA BU'I SDIG PA'I LAS BYED

, ,PAS NI NGES PAR DMYAL BAR 'GRO BAS 'DI NI KHYED RNAMS KYIS BTANG NAS BYON 'TSAL ZHES GSOL BA GDAB PA LA LHA DANG BCAS PA'I SRUNG BA RNAMS KHYER NAS 'ONGS PA LA MCHOD PA PHUL TE DE LA SRUNG BA'I LHA RNAMS KHRO BO RNAMS KYIS KHYER TE NAM MKHA' LA GSHEGS SHING SPROS PA'I KHRO BO RNAMS RANG GI KHA NAS ZHUGS TE SNYING GAR BKOD LA MNYES PAR BYA'O, ,DE NAS RANG GI SNYING GA NAS SPROS PA'I 'OD ZER LCAGS KYU 'DRA BAS BSGRUB BYA DGUG STE SNGAR GYI GZUGS BRNYAN LA BSTIMS PAS DE NYID BSGRUB BYA DNGOS SU BSAM MO, ,KHRO BO SNA TSOGS PA MTSON CHA SNA TSOGS 'PHYAR BA SPRUL TE BSNAN ZHING DUM BU BRGYA STONG DU BYAS NAS SHA TSIL DANG RUS PA RNAMS ZA ZHING KHRAG KYANG 'THUNG BA DANG MDUN DU GSHIN RJE NAG PO MA HE LA GNAS PA DBYUG TO DANG ZHAGS PA 'DZIN PA LTO BA CHE LA ZHAL GDANGS PA DE'I SNYING GAR GNAS NAS ZA BAR BSGOM ZHING GZUGS BRNYAN GYI RKANG PA GA-YON PA NAS BRTZAMS TE DUM BUR BCAD CING SREG RDZAS SU PHUL BAS LHA RNAMS KYANG GSOL BAR BSAM MO, ,BSKRAD PA LA YAm LAS RNGA MO DANG DE'I RGYAB TU YAm LAS RLUNG GI DKYIL 'KHOR ZLA PHYED LTA BU'I STENG DU BSGRUB BYA GCER BU SKRA BSHIG PA BRED PA BSAMS LA DE'I RGYAB TU GSHIN RJE SKRA BSIL PA LA DBYUG PA THOGS PAS LHO PHYOGS SU GDAS PAR BSAM MO, ,DBYE BA LA BSGRUB BYA GNYIS GCIG RTA DANG GCIG SHES MA HE'I SNYING KHAR GNAS SHING MI MTHUN PAR BSAMS NAS RTA DANG MA HE GNYIS 'THAB PAR BSAM MO, ,DGRA NAG LAS RTA DANG MA HE'I RGYAB TU ZHON PA'I BSGRUB BYA GNYIS

LAG NA MTSON CHA SNA TSOGS THOGS PA DANG, SPROS PA'I KHRO BO'I TSOGS KYANG PHYAG GNYIS KAR 'KHOD NAS 'THAB PAR BSAM PAR BSHAD DO, ,RENGS PA LA SA'I DKYIL 'KHOR GYI STENG NA BSGRUB BYA SER POR BSAM LA DE'I STENG DU RI RAB DE'I STENG DU SA'I DKYIL 'KHOR DE'I STENG DU SNA TSOGS RDO RJES MNAN PAR BSGOM SO, ,RMONGS PA LA BSGRUB BYA LUG GI SNYING GAR BKUG NAS SA'I DKYIL 'KHOR BZHI ZA MA TOG BZHIN DU KHA SBYOR BYAS PA'I NANG DU GNAS PAR BSAM MO, ,DE NAS MTHAR 'DOD PA'I DON LA GSOL BA GDAB STE, RGYAS PA LA SHES RAB DANG TING NGE 'DZIN SOGS 'PHEL PA DANG DBANG LA LHA RNAMS DBANG DU 'DU ZHING GANG ZHIG DBANG DU BYAS NA BSTAN PA DANG SEMS CAN GYI DON RGYA CHEN PO 'GRUB PA'I SEMS CAN RNAMS BDE BLAG TU DBANG DU SDUD CING 'GUGS PAR NUS PA DRAG PO LA BSTAN PA 'JIG CING DKON MCHOG GSUM LA GNOD PA BYED PA LA SOGS PA'I SEMS CAN DRAG PO MIN PA'I THABS KYIS MI 'DUL BA RNAMS SNYING RJE CHEN POS JI LTAR 'TSIM PAR BDE BLAG TU TSAR GCOD NUS PA SOGS KYI 'PHRIN LAS 'GRUB PA'O, ,KHYAD PAR GZHAN RNAMS NI SNGAR BSHAD ZIN TO, ,GNYIS PA NI, SBYIN SREG GI RDZAS RNAMS MA 'BYOR BA DANG YOD KYANG BYA BA'I SKABS MED NA NI SNGAR BSHAD PA THAMS CAD BSGOM PA KHO NAS BYA STE NGES PAR 'DOD PA RNAMS 'GRUB BO, ,YANG NA ME LHA'I SNYING KHAR GNAS PA'I LAS SO SO'I KHA DOG CAN DU MDUN GYI NAM MKHAR DKYIL 'KHOR GYI DBUS SU BSGOMS LA RANG GI LOGS SU RIN PO CHE SNA BDUN GYI RANG BZHIN GYI SNOD MAR DANG SBRANG RTZIS GANG BA BZHAG NAS RIN PO CHE SNA BDUN GYI DGANG BLUGS KYI SREG BLUGS YID KYIS BYA STE YID KYI SBYIN SREG GI

, ,TSUL GNYIS SO, ,PHYI ROL GYI RDZAS YOD PA LA YANG YID KYI SGOM PA NYID KYIS RDZOGS PAR BYA DGOS PAS NA 'DI NI BLA NA MED PA'I YID MNGON PAR 'DU BYED PA'I RGYU YIN PA'I PHYIR RO, ,GNYIS PA NI, PHYI'I RDZAS LA BRTEN PA'I NANG GI SBYIN SREG NI RANG GI 'DOD PA'I LHA'I RNAL 'BYOR DANG LDAN PAS RANG GI LHA'AM RDO RJE SEMS DPA' 'AM RNAM SNANG LA SOGS PA LNGA RIM PA BZHIN DU 'DOD YON LNGA'I NGO BOR LTAS LA JI LTAR RNYED PA LA THE TSOM MED PAR LONGS SPYOD PAR BYA'O, ,BZA' BA'I DUS SU NI BZA' BTUNG THAMS CAD MNYAM PA NYID KYI DAG PAS BDUD RTZIR BYAS NAS LTE BA'I THAB KHUNG GI MES 'KHYUD PA'I SNYING KHAR SON PA'I RANG GI LHA'I 'KHOR LO LA LAG PA'I DGANG GZAR LA SOGS PAS CHO GA BZHIN DU TSIM PAR BYA'O, ,PHYI'I RDZAS LA MA RTEN PA'I NANG GI SBYIN SREG NI, KHA SBYOR LAS, THOD PA 'DI NI MGO BO NYID, ,SREG RDZAS KYI NI SNOD DU GSUNGS, ,BLUGS GZAR RO MAR BSHAD PA STE, ,SNYING GI 'KHOR LO RKYANG MA DAG ,DGANG GZAR ZHES BYAR YANG DAG BRJOD, ,THAB KHUNG LTE BA'I DKYIL 'KHOR DU, ,LAS KYI RLUNG GI BSKYOD PA YI, ,TSANGS PA'I ME NI SUM MDOR GNAS, ,ZHES GSUNGS SO, ,DE LA LTE BA NAS MGRIN PA'I 'KHOR LO LA MA THUG TSUN CHAD KYI RO MA NI BLUGS GZAR GYI YU BA RDO RJE RIN PO CHE'I BAR DANG, MGRIN PA'I 'KHOR LO NA GNAS PA'I RO MA NI BLUGS GZAR GYI MGO BO DANG, LTE BA NAS SNYING KHA'I 'KHOR LO'I LTE BA LA MA THUG PA'I BAR NI DGANG GZAR GYI YU BA RDO RJE RIN CHEN GYI BAR DANG, SNYING KHA'I 'KHOR LO'I LTE BA NA GNAS PA'I RKYANG MA NI DGANG GZAR GYI MGO BO'I, ,LTE BA'I 'KHOR LO

NI THAB KHUNG DANG SPYI BO'I 'KHOR LO NI SREG RDZAS KYI SNOD DE MGO THOD KYANG NGO, ,BSREG RDZAS NI BYANG SEMS KUN DA LTA BU YIN LA SBYIN SREG GI ME NI GTUM MO RDUL GYI NGO BO BYANG SEMS DMAR PO ME'I RANG BZHIN CAN NO, ,KHU BA'I SREG RDZAS SPYI BOR GNAS PA ZHU BAR BYED PA NI RDUL GYI ME KHRAG GI KHAMS YIN LA, DE SHAS CHER RO MA NAS GYEN DU RGYU BAS NA DE GNAS PA'I RTZA LA BLUGS GZAR ZHES BYA STE BCUD 'CHU BAR BYED PA'I RTZA YIN PA'I PHYIR RO, ,BZHUS PA'I KHU BA SHAS CHER NI RKYANG MAR 'BAB PAS NA RTZA DE LA DGANG BAR BYA BA'I GZAR BU ZHES BYA STE RO MAS BCUS PA'I BCUD KYIS NI DE 'GENGS PA'I PHYIR RO, ,TSANGS PA'I ME RDUL GYI NGO BO NI LTE BA'I 'OG GSANG BA'I CHU SKYES SU GNAS LA SHAS CHEB DUS RTAG TU LTE BAR GNAS PA LA DGONGS NAS LTE BAR GNAS PAR YANG BSHAD DO, ,ME DE SBOR BA'I RLUNG YAB KYI DOD NI LAS ZHES PA STE SGOM PA'I BYA BA DANG DBANG PO GNYIS SBYAR BA'I BYA BA'O, ,RNAL 'BYOR GYI GTUM MO'I ME DE LHAN SKYES KYI GTUM MO SGOM PA'I BYA BAS SEMS BRTAN PA NA RO RKYANG GI RLUNG DBU MAR 'DUS NAS TSANGS PA'I ME DANG RO GCIG TU 'GYUR LA DES GTUM MO SBYAR BAS, BSREG RDZAS ZHU NAS LHAN SKYES KYI BDE BA STER RO, ,GSUM PA NI, KHAMS GSUM PO THAMS CAD RANG BZHIN GYIS STONG PA'I STONG PA NYID DANG SNYING RJE DBYER MED PA 'KHOR LO'I RNAM PA'I YE SHES KYI ME LA PHUNG PO LA SOGS PA'I GZUNG 'DZIN GYI SPROS PA'I BUD SHING SREG PA NI BLA NA MED PA'I SBYIN SREG GO ,STONG PA DANG SNYING RJE NI, KHA SBYOR LAS, DMIGS MED GNAS SU SHES RAB DANG, ,DMIGS MED SNYING RJE CHEN PO NYID, ,BLO DANG LHAN CIG GCIG GYUR PA, ,NAM

, ,MKHAR NAM MKHA' JI LTA BA'O, ,ZHES GSUNGS PA LTAR RO, ,DE LTAR NA PHYI DANG PHYI'I RDZAS LA BRTEN PA'I NANG GI SBYIN SREG GIS RANG GI LHA MNYES PA LAS LHAS BYIN GYIS BRLABS PA NI LTE BA'I GTUM MO'I ME LA SPYI BO'I BYANG SEMS, SROG PA'I NANG GI SBYIN SREG GNAS PAR 'GYUR TE, DES RDZOGS RIM GYI RTOGS PA SKYED PA'I RGYUD SMAN PAR BYAS PA'I PHYIR RO, ,DES NA BCOS MA'I DKYIL 'KHOR DANG BZLAS PA DANG SBYIN SREG NI RNAL MA'I SBYOR BA RTOGS PAR BYA BA'I DON DU GSUNGS SO, , NANG GI SBYIN SREG KHYAD PAR CAN NUS PA NA KHAMS GNYIS KYI ZHU BDE'I MTHUS GNYIS SNANG GI RTOGS PA RAGS PA RNAMS ZHI BAR 'GYUR LA, DE'I YAS BABS DANG MAS BRTEN GYI LHAN SKYES 'CHAR BA'I DUS SU CHOS THAMS CAD RANG BZHIN GYIS STONG PA'I STONG PA NYID KYI PHU THAG CHOD PA'I LTA BA DRAN PAR BYAS NAS SKYONG BA NI BLA NA MED PA'I SBYIN SREG GO ,DE'I MTHAR LDANG BA NA RANG GIS 'DOD PA'I LHA'I SKU SGYU MA LTA BUR LANGS TE SLAR YANG SNGAR LTAR SBYIN SREG BYED PA'I RIM PAS LAM BGROD PAR BYA'O, ,RANG BZHIN MED PA'I DON NGES PA'I LTA BA SKYONG RGYU MED NA RO RKYANG GI RLUNG DBU MAR CHUD PA'I 'BAR 'DZAG GI SBYIN SREG GIS RTOG PA RAGS PA RE ZHIG ZHI YANG DE KHO NA NYID KYI DON LA BLO KHA PHYOGS PA MIN PA LA DGONGS NAS RDZAS LA MA BRTEN PA'I NANG GI SBYIN SREG LOGS SU DGOS PA'I SBYIN SREG ? 'ONG SNYE LAS GSUNGS TE, LEGS PA YIN NA, ,DE LTAR PHYI NANG GI SBYIN SREG DANG PO GNYIS NI NANG GI SBYIN SREG KHYAD PAR BA'I CHED DU DMIGS NAS BYA DGOS LA DE YANG BLA NA MED PA'I SBYIN SREG GI PHYIR DU DMIGS NAS BYA DGOS PA'I TSUL RNAMS LEGS PAR SHES NAS, SBYIN SREG BYED PA

NI RDZOGS RIM SKYA BA'I RGYUD SMIN PAR 'GYUR BA LA KHYAD SHIN TU CHE BAS DE DAG TSANG BAR BSHAD DO, ,DRI MED DBANG THOB SRUNG SDOM DAG GYUR CING, THUN BZHIR BSGOM DANG BZLAS LA MNGON BRTZON BAS, ,PHYI NANG LHA TSOGS 'KHOR GSUM YONGS DAG GI ,MCHOD SBYIN RDZAS KYIS MNYES PAR BYAS PA'I MTHUS, ,AA THUNG ME YIS HAm YIG BZHUS NAS NI, ,DH'A T'I'I NANG DU SBYIN SREG NUS PA NA, ,ZAB MO DBU MA'I LTA BA LEGS SKYONG BA'I, ,BLA NA MED PA'I SBYIN SREG BYA'O ZHES, ,SBYIN SREG GSUM GYI LAM GYI RIM PA YIS, ,RNAL 'BYOR BLA MED RGYUD DON GSAL BYED PA'I, ,TSUL 'DI GZHAN LA PHAN PA'I BSAM PAS BSHAD, ,'DI NA SBYIN SREG GZHUNG SBYAR MI NYUNG MOD, ,RI DVAGS KHROD NA GDONG LNGA PA BZHIN DU, ,RMAD BYUNG GTAM GYIS KHYAD ZHUGS GYUR PA YI, ,RIG PA RTZOM PA BLO LDAN SU ZHIG SHOL, , 'ON KYANG BYIS BLO SHIN TU MTHU CHUNG ZHING, SBYIN SREG RNAM GSUM DPAG PAR DKA' BAS NA, ,'DIR NI BDAG GIS GANG ZHIG NONGS PA RNAMS, ,TSAD MAR GYUR PA RNAMS LA BZOD PAR GSOL, ,DER 'BAD DGE BAS SKYE RGU'I NYER 'TSO'I GZHI, ,BSTAN PA RIN CHEN 'PHRIN LAS RNAM BZHI YIS, ,SKYE BA KUN TU RGYAS PAR BYED PA DANG, ,SBYIN SREG GSUM GYIS 'GRO RNAMS SGROL BAR SHOG ,TSUL 'DIS 'JAM PA'I RDO RJE GSHIN RJE GSHED, ,MNYES PAR GYUR NAS MCHOG RNAMS LEGS STZOL ZHING, ,RIG SNGAGS 'CHANG GI DNGOS GRUB RGYA MTSO YIS, ,DGA' STON CHEN POS 'GRO BA DBUGS 'BYIN SHOG ,CES DPAL RDO RJE 'JIGS BYED KYI 'PHRIN LAS BZHI'I SBYIN SREG DNGOS GRUB KYI RGYA MTSO ZHES BYA BA 'DI NI DON GNYER CAN MANG PO LA PHAN PAR MTHONG NAS, DON YOD RDO RJE

, ,CHUNG BA'I SBYIN SREG GNYIS LA YID GTAN MI RUNG BA MANG DU SNANG BAS BTANG SNYOMS SU BZHAG CING, RTOG BDUN GYI 'GREL PA GNYIS SU DGRA NAG DANG DE'I SBYIN SREG DPAL 'DZIN GYIS MDZAD PA BZHIN MDOR BSDUS BSHAD PAR MTHONG PA LAGS NAS, ? DGRA NAG DANG DPAL 'DZIN GYI SBYIN SREG LA GZHI BYAS SBYIN SREG THAMS CAD KYI SPYI'I CHO GA 'OD KYI SNYE MAS KHA BSKANGS SHING GZHUNG GZHAN RNAMS NAS KYANG CUNG ZAD BLANGS TE, GSHIN RJE GSHED KYI RNAL 'BYOR BLO BZANG GRAGS PA'I DPAL GYIS 'O DE GUNG RGYAL GYIS LHA ZHOL BYAMS PA GLING DU SBYAR BA'O,, ,,SARBA MANGGA LAM, ,