*, ,'JAM DPAL ZHI DRAG GI BSRUNG BA BZHUGS SO, ,
, ,NA MO GU RU, DARBAN A'A TZARYA'I MAN NGAG LAS BYUNG BA, 'JAM DPAL ZHI DRAG GI SGO NAS, BGEGS KYI BAR CHAD BSRUNG BA DANG, TSE BSRING BA SOGS KYI MAN NGAG MCHOG TU ZAB PA 'DI LTAR YIN TE, NANG RE BZHIN DU SNGA DRO SNGA BAR LANGS TE, RANG NYID 'JIGS BYED DPA' BO GCIG PA ZHAL DGU PHYAG SO BZHI, ZHABS BCU DRUG PA SEMS DPA' GSUM BRTZEGS CAN DU SKAD CIG GIS GSAL BAR BSKYED, YE SHES PA DGUG GZHUG DANG, DBANG BSKUR RIGS BDAG GIS RGYAS GDAB PA MNGON RTOGS LTAR BYA, DE NAS RANG GI THUGS KA'I TING NGE 'DZIN SEMS DPA'I 'OD ZER GYIS, MDUN GYI NAM MKHAR BLA MA DANG GNYIS SU MED PA'I 'JIGS BYED SEMS DPA' GSUM BRTZEGS CAN BSGOMS PA DANG 'DRA BA SPYAN DRANGS LA, DE LA MCHOD GTOR MDOR BSDUS PHUL, DE NAS RANG GI RTZA GSUM GSAL GDAB, DE NAS MDUN DU SPYAN DRANGS PA'I 'JIGS BYED DE LA, SKU GSUNG THUGS BYIN GYIS BRLAB PA STZAL DU GSOL, SNYAM DU GSOL BA BTAB PAS, MDUN GYI 'JIGS BYED KYI THUGS KA'I H'Um DE LAS, A'A LI BCU DRUG KHA DOG DKAR ZHING 'OD 'PHRO BA, RTZA ZHAL GYI SNA BUG GA-YAS NAS BYUNG, RANG GI RTZA ZHAL GYI SNA BUG GA-YON NAS RTZA RKYANG MA'I NANG DU ZHUGS, RKYANG MA'I NANG THAMS CAD A'A LIS GANG BA'I RTZA'I MAR SNA AOm YI GE MGO NANG BSTAN DANG,
, ,YAR SNA AOm YIG MGO PHYIR BSTAN GYIS BKAG PA, AOm YIG A'A LI DANG BCAS PA THAMS CAD KHA DOG DKAR PO, RDO RJE 'JIGS BYED KYI SKU'I NGO BOR MOS PAR BYED, SLAR YANG H'Um DE LAS GSAL BYED SO BZHI KHA DOG DMAR ZHING 'PHRO BA, RTZA ZHAL GYI SNA BUG GA-YON NAS BYUNG BA, RANG GI SNA BUG GA-YAS NAS RTZA RO MA'I NANG DU ZHUGS PAS, RO MA'I NANG THAMS CAD K'A LIS GANG BA'I YAR SNA DANG, MAR SNA GNYIS A'A: YIG TSEG DRAG CAN GYIS SNGAR BZHIN BKAG, DE THAMS CAD KHA DOG DMAR PO 'JIGS BYED KYI GSUNG GI NGO BOR MOS PA BYED, SLAR YANG H'Um DE LAS H'Um MTHING KHA DPAG MED BYUNG BA, RTZA ZHAL GYI SNA BUG GA-YON NAS BYUNG BA, RANG GI RTZA ZHAL GYI SNA BUG GA-YON NAS ZHUGS RTZA DBU MA'I NANG NAS ZHUGS PAS RTZA DBU MA'I NANG THAMS CAD H'Um YIG MTHING KHAS GANG, RTZA DE'I YAR MAR GYI SNA GNYIS RDO RJE SNGON PO RTZE LNGA PA LTE BA LA H'Um GIS MTSAN PA RE RES BKAG ,DE THAMS CAD 'JIGS BYED KYI THUGS KYI NGO BOR MOS PA BYED, DE NAS YANG MDUN GYI 'JIGS BYED KYI THUGS KA'I H'Um DE LAS H'Um YIG 'PHROS NAS RANG GI SPYI BOR BYUNG DE LAS H'Um YIG CHU'I ZEG MA 'THOR BA LTAR
DPAG MED 'PHROS PAS RANG GI BSPU'I SGO THAMS CAD H'Um GIS GANG, H'Um DE RNAMS YONGS SU GYUR PA LAS RDO RJE SNGON PO RTZE GSUM PAR GYUR PAS RANG GI BSPU'I SGO THAMS CAD RDO RJES GANG BAR BSGOM, DE NAS BZLAS PA BYED PA NI, RANG GI THUGS KA'I TING NGE 'DZIN SEMS DPA'I MTHA' SKOR LA, YI GE BCU BA'I SNGAGS PHRENG KHA DOG NAG PO 'OD ZER 'PHRO BA GA-YAS SKOR DU 'KHOD DO, ,SNGAGS DE DANG RANG GI BA SPU'I SGO THAMS CAD NA YOD PA'I RDO RJE RNAMS LAS 'OD ZER 'PHROS PAS, DGRA BGEGS THAMS CAD TSAR BCAD PAR BSAMS LA, AOm AA A'A ZHES SOGS A'A LI BCU DRUG GI MJUG TU, AOm HR'I: shtR'I: WI KRI T'A NA NA H'Um PHAt, KA KHA GA GHA NGA, ZHES SOGS GSAL BYED RNAMS RDZOGS PAR STON PA'I MTHAR H'Um H'Um PHAt PHAt SV'AH'A, ZHES SBYAR BA NYER GCIG MA CHAG PAR BZLAS PAS BAR CHAD GANG GIS KYANG MI TSUGS SO, ,DE NAS RANG GI LTE BA'I RTZA 'KHOR GYI DH'U T'I'I DBUS SU NYI MA'I DKYIL 'KHOR SRAN MA PHYED GSHAGS TZAM GYI STENG DU RANG GI RNAM PAR SHES PA'I NGO BO H'Um YIG MTHING KHA NAS 'BRU TZAM ZHIG BSGOM, H'Um DE'I MGO BO'I THIG LE'I NANG DU RANG GI MING YIG DANG PO THIG LES BRGYAN PA BZHAG ,H'Um DE'I GA-YAS GA-YON GNYIS SU YA DANG MA GNYIS BZHAG ,LANYTSA'I YI GE LTA BU'I RNAM PAR BSGOMS NAS LTE BAR RLUNG 'DZIN PA'I RLUNG BUM PA CAN LAN NYER GCIG RE MA CHAG PAR BYAS NA, TSE SGRUB LA 'DI LAS ZAB PA MED DO, ,RANG DAM TSIG PA'I NGA RGYAL GYIS SPYOD LAM LA 'JUG PAR BYA'O, ,YANG MAN NGAG 'DI 'JAM DPAL GYI SGO NAS
, ,BYED NA, RANG 'JAM DPAL AA RA PA TZA NA ZHAL GCIG PHYAG GNYIS PAR BSGOM, MDUN DU'ANG DE 'DRA BA ZHIG SPYAN DRANGS NAS MCHOD BSTOD BYA, DMIGS PA SNGAR DANG 'DRA BA LA RTZA GSUM DANG, DE'I NANG GI YI GE RNAMS 'JAM DBYANGS KYI SKU GSUNGS THUGS KYI NGO BOR MOS PAR BYA, BZLAS PA'I CHE NA SNYING GAR ZLA BA'I DKYIL 'KHOR GYI STENG DU, AOm AA RA PA TZA NA DH'I: MUm H'Um PHAt, CES PA'I SNGAGS PHRENG BKOD DE DBYANGS GSAL GYI BAR DU SNGAGS 'DI BCUG NAS DMIGS PA GZHAN SNGAR LTAR BYAS TE BGRANG, LTE BA'I RTZA 'KHOR GYI DBUS SU'ANG, ZLA BA'I DKYIL 'KHOR SRAN MA PHYED GSHAGS TZAM GYI STENG DU, RANG GI SEMS DH'I: DMAR SER TSEG DRAG CAN DU BSGOMS PA'I TSEG DRAG GI NANG DU RANG GI MING YIG DANG PO THIG LAS BRGYAN PA 'JOG ,GZHAN THAMS CAD SNGAR GYI RIGS BSGRE BAR BYA'O, ,MCHOG TU ZAB PA'I MAN NGAG AiTHI, BDAG GZHAN KHAMS GSUM MA TSOGS NAM MKHA' DANG MNYAM PA'I SEMS CAN THAMS CAD BLA MA KHYAB BDAG DE BZHIN GSHEGS PA THAMS CAD KYI NGO BO DPAL GSHIN RJE GSHED SANGS RGYAS LA SKYABS SU MCHI'O, ,GZHOM MED SNGAGS DANG PHYAG RGYA'I DE NYID CHOS LA SKYABS SU MCHI'O, ,'GYUR MED RIG PA 'DZIN PA DPA' BO DANG RNAL 'BYOR MA'I TSOGS DGE 'DUN LA SKYABS SU MCHI'O, ,'GRO BA 'KHOR BAR SKYE BA LA SOGS GSHIN RJE'I KHAR CHUD PA LAS BSGRAL, PHAN PA DANG BDE BA'I MCHOG TU GYUR PA DPAL GSHIN RJE GSHED KYI
GO 'PHANG DU 'GYUR PAR BYAS DE'I PHYIR DU DE'I GO 'PHANG LA GNAS PAR BYA'O, ,MANGGA LAm,,