\\RGYA\\ *, ,DPAL 'KHOR LO SDOM PA LA BRTEN PA'I RDZOGS PA'I RIM PA'I ZIN BRIS SO, ,
, ,BLA MA DANG MKHA' 'GRO'I TSOGS LA PHYAG 'TSAL LO, ,DE LA 'DIR, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ZHES BSHAD PA LTAR, BSKYED PA'I RIM PA LA THUN BZHIR BSLABS SHING, RDZOGS PA'I RIM PA SGOM PAR 'DOD PA RNAMS KYIS, 'DI LTAR SHES PAR BYA STE, DE LA RGYUD DANG DGONGS 'GREL GYI BSTAN BCOS RNAMS LAS, KHA CIG TU RTZA'I DBYE BA DANG GRANGS TZAM BSHAD CING, LA LAR RLUNG DANG THIG LE'I 'CHAGS TSUL TZAM DANG, KHA CIG TU DE DAG LA DMIGS NAS SGOM PA'I RNAL 'BYOR TZAM DANG, DE LTAR BSGOMS PAS DGA' BZHI'I RTOGS PA SKYE BA'I RIM PA TZAM DANG, MTHAR THUG GI 'BRAS BU GRUB PA'I TSUL TZAM LAS YONGS SU RDZOGS PAR MA GSUNGS PA MANG LA, DE DAG GI DON DU BSAMS PA'I BOD KYI YI GE RIM LAS KYANG, GTUM MO'I DMIGS SKOR PHYOGS RE TZAM BSHAD NAS RGYU 'BRAS KYI RIM PA RDZOGS PAR MA BSTAN PAS DE DAG MTHA' DAG PAR MA SHES NA LAM BSGOM PA'I RIM PA MKHAS PA MGU BA BSKYED PA MI SHES SO, ,DE LA PHA RGYUD DANG MA RGYUD GNYIS KAS KYANG LAM GYI GTZO BO LHAN CIG SKYES PA'I BDE BA STON PA LA KHYAD PAR CUNG ZAD KYANG MED LA, DE SGRUB PA'I THABS KYANG GTUM MO
, ,SBYOR PA NYID YIN PAS DE SBYOR BA'I TSUL RDO RJE BZLAS PA LA SOGS RLUNG GI RNAL 'BYOR DANG, YI GE LA DMIGS PA DANG, THIG LE'I RNAL 'BYOR SOGS DU MA ZHIG YOD LA, DE YANG LUS KYI GNAD GANG ZHIG TU RLUNG LA SOGS PA'I DMIGS PA BZUNG NAS TSUL JI LTAR BSGOMS PAS GTUM MO 'BAR BA LA THOG MAR GNAD DU BSNUN PA'I RDO RJE LUS KYI 'CHAGS TSUL SHES DGOS PAS DE BSHAD PA LA GNYIS, 'CHAGS TSUL RGYAS PAR BSHAD PA DANG, DE LA GNAD DU BSNUN PA'I RNAL 'BYOR RO, ,DANG PO LA GNYIS, RTEN RTZA BSHAD PA DANG, BRTEN PA THIG LE DANG RLUNG BSHAD PA'O, ,YANG NA GNAS PA RTZA, GA-YO BA RLUNG, BKOD PA BYANG CHUB KYI SEMS GSUM DU BSDUS KYANG RUNG NGO, ,DANG PO LA, GRANGS NGES PA DANG, SKYE BA'I GO RIM NGES PA DANG, NGO BO NGES BA'O, ,DANG PO LA DBYE BA DANG, GRANGS NGES PA'I RGYU MTSAN NO, ,DANG PO NI, SDOM 'BYUNG LAS GSUNGS PA LTAR, RGYAS PAR DBYE NA BDUN KHRI NYIS STONG DANG, DE DAG GYES PA'I BZHI BRGYA NYI SHU DANG, (NI SPYI BOR RTZA 'DAB SO GNYIS MGRIN PAR BCU DRUG SNYING KHAR BRGYAD LTE BAR DRUG CU RTZA BZHI RNAMS, ~ MNGAL 'JUG LAS BRGYAD KHRI DANG, ~ NYER BZHI PO DE LA GSUM GSUM GYES PAS BDUN CU RTZA GNYIS DE RE RE LA STONG STONG GYES PAS STONG PHRAG BDUN CU RTZA GNYIS SO,) ,GNAS DANG YUL GYIS
PHYI MA NYER BZHI DANG, DE RNAMS KYI RTEN RO RKYANG DBU MA GSUM MO, ,GNYIS PA NI GSUM DU BSDUS PA NI BRTEN PA RLUNG DANG THIG LE DKAR DMAR GSUM DU NGES PA'I DBANG GIS DANG, RTZA GZHAN RNAMS KYI RTEN GYI GTZO BO YIN PA'I PHYIR RO, ,NYER BZHIR (NI SNYING KHA'I BRGYAD LA GSUM GSUM DU GYES PA BZHI'O,) ,DBYE BA NI, SNYING KHA'I 'DAB MA BRGYAD KYI RGYUD SPYI BO LA SOGS PA'I GNAS NYER BZHIR GNAS PA'I DBANG GIS YIN LA, BRGYA NYI SHUR PHYE BA NI, 'KHOR LO'I GTZO BO BZHI'I SGO NAS YIN TE, SNYING KHA CHOS KYI 'KHOR LO RTZA 'DAB BRGYAD YOD LA, MGRIN PA LONGS SPYOD DANG, SPYI BO BDE CHEN DANG, LTE BA SPRUL PA'I 'KHOR LO RNAMS LA RTZA 'DAB KYI GRANGS SNGA MA SNGA MA NYIS 'GYUR DU YOD PAS SO, ,GNYIS PA SKYE BA'I GO RIMS NI, RTZA'I GTZO MO GSUM SUM SKOR MA DANG 'DOD MA DANG LNGA 'CHAGS SHING, DE'I RJES SU KHYIM MA DANG GTUM MO DANG BDUD BRAL MA RNAMS SKYE'O, ,DE NAS SUM SKOR MA SOGS BZHI LA PHYOGS MTSAMS SU GNYIS GNYIS GYES PAS SNYING (LTE BA LA SHAR) ,BA'I RTZA 'DAB (LHOR DUS MNYAM DU) BRGYAD DO, ,DE LA (NUB TU BYANG DU DBUS SU) PHYOGS BZHI'I RTZA LA 'BYUNG BA BZHI SHAS CHER 'BAB PAS 'BYUNG BA'I RTZA DANG, MTSAMS TE (RE GCIG) RNAMS KYI RTZA LAS GZUGS DRI SOGS 'BAB PAS MCHOD PA'I RTZA ZHES BYA'O, ,BDUD BRAL MA NI, DBU MA LA 'KHRIS NAS LTE BA NAS LCE RTZE'I BAR DU GNAS SHING RTZA GZHAN DU KHAMS DANG RLUNG RGYU BA LA 'GEGS BYED CING, RANG GI NANG DU 'CHI BA'I TSE MA
, ,GTOGS MI RGYU BAS DUS KYI RTZA DANG, RNAL 'BYOR MA RNAMS KYI 'GOG PA'I ZHES GSUNGS SO, ,MCHOD PA DANG 'BYUNG BA RTZA BRGYAD KA NAS 'BAB KYANG SHAS CHE CHUNG GI DBANG GIS MING BTAGS PA YIN NO, ,KYEE RDO RJER, 'BAD PAS KUN GYI LHAG MA YANG ZHES BSHAD PA'I DON, SLOB DPON AA BHYAS, 'CHI BA'I DUS DANG RNAL 'BYOR PAS LAM SGOM PA'I SKABS MA GTOGS BDUD BRAL MAR KHAMS MI 'BAB PA LA SBYAR ZHING, SLOB DPON SH'ANTI PAS, DER YANG KHAMS 'BAB CING RTZA SO GNYIS BDAG MED MA BCO LNGA DANG SBYAR NAS LHAG MA YANG ZHES PA NI, DBYANGS BCU DRUG GI THA MA LHA MO DANG MI SBYOR BA LA 'CHAD DO, ,GSUM PA NGO BO NGES PA NI, RO RKYANG DBU MA GSUM GANG DU GNAS PA DANG, JI TZAM DU GNAS PA DANG, JI LTAR GNAS PA'I TSUL GSUM GYIS SHES PAR BYA'O, ,DE YANG KHA CIG TSIGS PA'I NANG GZHUNGS PA DANG LHAN CIG GNAS PAR 'CHAD PA MI 'THAD PAS, TSIGS PA'I MDUN GYI PHYOGS NA GNAS SO, SKUD PA LTA BUR BSHAD PA NI, SKUD PA BRKYANG PA LTAR GNAS PA'I DON YIN GYI SBOM PHRA'I TSAD MA YIN TE, DE LAS CHES SBOM PAR GNAS PAS SO, ,DE YANG SPYI GTZUG NAS RKANG MTHIL GYI BAR GNAS (SNYING KHA'I RTZA ZHES PA SROG RTZA'I SNYING KHA YIN LA, SROG RTZA NI SGAL TSIGS KYI NANG TZAM LA SGAL TSIGS LA BRTAN NAS GNAS PA YIN SROG RTZA DE LA RO RKYANG DBU MA GSUM BRTEN NAS GNAS YOD DO, ,SROG RTZA DE'I MGO BO NI GRU GSUM MGRIN PA GZHON NU MA'I NU MA 'DRA BA, SNYING KHA BA'I MIG LTA BU, LTE BA PADMA LTA BU GSANG GNAS RDO RJE 'DRA BA, NOR BU'I RTZE NA ZAR MA'I ME
TOG DANG DBYIBS 'DRA'O,) ,SHING, GSANG GNAS NOR BU'I RTZE TSUN CHAD DU GNAS PA'O, ,DE YANG RO RKYANG GNYIS KYIS DBU MA LA LU GU RGYUD KYI TSUL DU 'KHYUD NAS GNAS SHING 'KHOR LO RNAMS KYI LTE BAR MDUD PA RE YOD LA, (LTE BA YAN DUR LUS SU DBUS RO MA GA-YAS SU GNAS SHING KHU BA DANG CUNG ZAD 'DRES PA'I KHRAG SHAS CHER NANG NAS 'BAB, STENG 'OG GNYIS KA LA KHA YOD KYANG STENG PHYOGS KHO NA LA KHA YOD ZER BA NI KHRAG 'PHEN 'DZIN GYI BYA BA MGRIN PA KHO NA NAS BYAD PA LA DGONGS SO, ,RKYANG MA GA-YON DU GNAS SHING KHRAG DANG CUNG ZAD 'DRES PA'I KHU BA SHAS CHER 'BAB, LTE BA KHO NA NAS KHU BA 'PHEN 'DZIN GYI BYA BA BYED PAS 'OG TU KHA BLTAS ZHES SO, ,LTE BA MAN DU, RKYANG MA DBUS SU GNAS SHING DRI CHEN 'BAB, DBU MA GA-YAS NA YOD CING KHU BA 'BAB, RO MA GA-YON NA YOD CING GCI BA 'BAB BO,) ,DE YANG PHYAG CHEN THIG LE LAS, 'KHOR LO SO GNYIS BSHAD PA NI RO RKYANG GI MDUD PA SO SOR BGRANGS PA'I DBANG GIS YIN GYIS 'KHOR LO BCU DRUG LAS MANG BA MED DO, ,DE YANG MAN NGAG SNYE MA LAS 'KHOR LO BDUN DU BSHAD PA DANG, BSHAD RGYUD RDO RJE PHRENG BA LAS DRUG TU BSHAD PA YOD LA, GTZO BO NI YONGS SU GRAGS PA BZHI'O, ,'DI DAG GI DON GZHAN RNAMS NI LAM GYI RIM PAR GSUNGS PAS DER BLTA BAR BYA'O, ,'KHOR LO'I LTE BA'I THAD DU 'DAB MA RNAMS KYI RTZA BA ZUG MTSAMS RTZA GSUM LA BUG NAS GRO SOG BTZUGS PA LTAR GNAS SO, ,GNYIS PA THIG LE DANG RLUNG BSHAD PA LA, THIG LE BSHAD PA DANG, RLUNG BSHAD PA'O, ,DANG PO NI, RGYUD LAS LUS ZUNGS BCU DRUG BSHAD PA LA THOG MAR RA DANG THA MAR TA GSUNGS
, ,PA NI, KHRAG DANG KHAMS DKAR PO YIN LA, DE GNYIS THOG MAR GSUNGS PAS LUS RANG BZHIN DANG, GZHAN RNAMS DE'I RNAM 'GYUR DU SHES PAR BYA BA'I PHYIR YIN NO, ,BAR SRID KYI RNAM SHES THOG MA GANG DU 'JUG PA DANG, MTHAR GANG NAS 'DOR BA NI SNYING KHA YIN LA, THOG MA'I RTZA 'CHAGS PA YANG DE YIN CING, KHAMS DKAR DMAR GYI THOG MA'I RANG GNAS KYANG DE NYID YIN NO, (,DE NAS KHU BA STENG DU 'GRO KHRAG LTE BAR 'GRO, DE YANG TIL LAS TIL MAR GYI TSUL DU GNAS PA YIN GYI SNOD DU BLUGS PA LTA BU MIN NO,) ,YONGS SU GRAGS PA'I SNYING KHA DANG, RTZA 'KHOR GYI LTE BA'I SNYING KHA DON MI GCIG STE, PHYI MA NI NU MA GNYIS KYI DBUS KYI THAD DRANG NA YOD PAS SO, ,DE PHYIN CHAD KYI KHAMS DKAR PO'I GNAS NI SPYI BO YIN LA, DMAR PO'I GNAS NI LTE BA YIN NO, ,BAR SKABS SU 'KHOR LO GZHAN RNAMS SU YANG RGYU BAS DE'I DBANG ('DI NI SROG RTZA'I SNYING KHA'O), ,GIS SKU GSUNG THUGS KYI RTZA NYER BZHIR PHYE BA YIN TE, BSHAD RGYUD RDO RJE 'PHRENG BAR, THIM DANG LONGS SPYOD BDAG PO'O, ,ZHES GSUNGS PAS KYANG 'BYED CING GNAS NYER BZHI'I RTZA LA THIG LE DKAR DMAR DANG, RLUNG SHAS CHER RGYU BA LA SKU GSUNG THUGS KYI RTZA ZHES BRJOD CING, NYER BZHI PO RE RE LA 'KHOR THIG LE DKAR DMAR DANG, RLUNG RGYU BA'I RTZA STONG PHRAG GSUM GSUM YOD PAS BDUN KHRI NYIS STONG NGO, ,GTUM MO 'BAR NAS KHAMS DKAR PO BZHUS TE RTZA'I 'DAB MA RNAMS NAS LTE BAR SOR BZHIR 'ONGS PA'I TSE BDE BA SKYE BA NI LUS KYI SA TSIGS
LA DGA' BZHI SKYE TSUL SBYAR BA'I LUGS YIN ZHING, DE LA YANG YAS BABS DANG, MAS PA RTAN GYI DGA' BA BZHI YOD DO, ,RLUNG DANG THIG LE'I RNAL 'BYOR RNAMS KYIS RTZA MDUD 'GROL BA YIN LA, DE'I NANG NAS KYANG GTZO BO SNYING KHA'I RTZA MDUD YIN TE, BSHAD RGYUD RDO RJE 'PHRENG BA LAS, DE YANG DBYE BAR DKA' BA YI, ,DBUS SU MDUD PA GSUM GYIS DKRIS, ,ZHES BSHAD PA LTAR RO, ,MDUD PAS DKRIS PA'I NANG NA YANG DBU MA LA BUG PA CUNG ZHIG YOD DO, (,SNYING KHA'I DBU MA'I NANG NA RNAM SHES DANG LHAN CIG SKYES PA'I RLUNG YOD LA DE LA YE SHES KYI RLUNG DANG MI SHIGS PA'I THIG LE ZHES KYANG ZER RO, ,LHA GTZO BO LAS 'KHOR RNAMS SPRO BSDU BYED PA NI, SNYING KHA'I RTZA DANG RLUNG LAS PHYOGS KYI RTZA DANG RLUNG GZHAN RNAMS SPRO BSDU BYED PA DE LA DPE BYAS NAS SGOM PA'I, ,RLUNG DANG GTUM MO'I RNAL 'BYOR LA BRTEN NAS LTE BA'I KHRAG DANG SPYI BO'I BYANG SEMS YAR MAR LA 'GRO BA SRID KYI SNYING KHA'I RTZA MDUD KYI DBU MA'I NANG GI BYANG SEMS DKAR DMAR GNYIS DANG LHAN SKYES KYI RLUNG 'CHI BA'I TSE MA GTOGS 'PHO 'JUG MI BYED DO,) ,SNGAR BSHAD PA'I LUS KYI ZUNGS KYI NGO BO PHA LAS THOB PA'I RUS PA DANG, RKANG DANG KHU BA GSUM DANG, MA LAS THOB PA'I SHA DANG PAGS PA DANG KHRAG GSUM STE DRUG 'DUS PA'I LUS KYI GNAS RNAMS SHES PAR BYA BA YIN NO, ,GNYIS PA RLUNG BSHAD PA LA THUN MONG GI BSHAD RGYUD NAS BSTAN TSUL DANG, THUN MONG MA YIN PA'I RGYUD NAS BSTAN TSUL LO, ,DANG PO NI, RDO RJE PHRENG BA NAS BTANG BZUNG LA SOGS PA'I RLUNG BRGYA DANG BRGYAD BSHAD DO, DE NI RNAM RTOG MI 'DRA BA BRGYA DANG BRGYAD SKYED PA'I SGO
, ,NAS KYANG PHYE LA, 'KHOR LO DRUG TU RGYU BA'I TSUL GYIS KYANG DBYE'O, ,PHYI MA NI, 'KHOR LO YONGS SU GRAGS PA BZHI DANG, SMIN MTSAMS NA RLUNG GI 'KHOR LO 'DAB MA DRUG PA DANG, SNYING KHA'I GONG MGRIN PA'I 'OG NA ME'I 'KHOR LO 'DAB MA GSUM PA YOD PA RNAMS SO, ,DE LA THOG MAR SNYING KHA NAS BZUNG STE MTSAN PHYED KYI DUS NAS NYIN PHYED KYI BAR DU 'KHOR LO RE RER RLUNG DGU DGU BRGYUS PAS LNGA BCU RTZA BZHI DANG, DE NAS BZUNG STE MTSAN PHYED KYI BAR DU DE LTAR BRGYUS PAS BRGYA DANG BRGYAD DO, ,GNYIS PA LA PHA RGYUD NAS BSHAD PA DANG, MA RGYUD NAS BSHAD PA'O, ,DE LA DANG PO NI, DGONGS PA LUNG STON LAS RLUNG BCUR GSUNGS TE, DE LA DBYE BA DANG, GNAS DANG, 'CHAGS PA'I RIM PA DANG, BYED LAS DANG, RGYU BA'I TSUL DANG, DE LTAR GTAN LA PHAB PA'I DGOS PA'O, ,DANG PO NI, SROG RLUNG SOGS RTZA BA'I RLUNG LNGA DANG, KLU LA SOGS PA YAN LAG GI RLUNG LNGA'O, ,RDO RJE SGO'I RGYUD NAS NI, YAN LAG GI RLUNG LNGA MA RGYU BA LA SOGS PA'I MING GIS BSTAN NO, ,YAN LAG GI RLUNG LA THA SNYAD SNGA MA LTAR 'DOGS PA'I RGYU MTSAN NI, RJE 'GOS KYI GSUNG NAS DE LNGA PO RIM PA BZHIN DU, GNYE MA SBRUL 'DRA BA DANG, MCHIN PA RUS SBAL DANG, GLO BA RTZANGS PA DANG, SNYING LHA SBYIN GYI BU MO'I GOS DANG, MKHAL MA GZHU'I DBYIBS DANG 'DRA BA LAS BYUNG BAS DE LTAR BTAGS GSUNG NGO, ,GNYIS PA NI SROG RLUNG SNYING KHA DANG, THUR SEL 'DOMS DANG, GYEN RGYU MGRIN PA DANG, ME MNYAM LTE BA DANG, KHYAB BYED TSIGS KUN LA GNAS SHING, YAN LAG RLUNG LNGA RIM PA BZHIN
DU MIG LA SOGS PA'I DBANG PO'I SGO LA GNAS SO, ,GSUM PA NI, ZLA BA NGO BCU LA DANG PO'I DUS SU RNAM SHES KHU KHRAG GI DBUS SU ZHUGS MA THAG SROG RLUNG SKYE LA, SROG RLUNG LAS ZLA BA GNYIS PA'I DUS SU THUR SEL DANG, DE LAS GSUM PA'I DUS SU ME ? MNYAM DANG, DE LAS BZHI PAR KHYAB BYED DANG, DE LAS LNGA PAR GYEN RGYU'I RLUNG SKYE'O, , + ? (MNGAL DU NYING MTSAMS SBYAR NAS SNYING KHA'I RTZA MDUD CHAGS PA'I TSE, DE'I NANG GI LHAN SKYES KYI RLUNG LAS SNA SGOR RGYU BA'I SROG GI RANG BZHIN GYI RLUNG SKYE, DE'I TSE SEMS CAN DE'I LUS NYA'I RNAM PA LTA BU ZLA BA DANG PO'I SKYE TSUL LO, ,ZLA BA GNYIS PA'I TSE SROG GI RANG BZHIN LAS THUR SEL GYI RLUNG SKYE LA, DE'I TSE LAG GNYIS RKANG GNYIS MGO DANG BCAS PA'I 'BUR PO LNGA DOD PAS RUS SBAL GYI RNAM PA LTA BU, ZLA BA GSUM PA LA THUR SEL LAS MNYAM GNAS SKYE, DE'I TSE YAN LAG LNGA TSANG BA LAS CUNG ZAD SGUR BAR YOD PAS PHAG RGOD LTA BU, BZHI PA LA, MNYAM GNAS LAS GYEN RGYU SKYE, DE'I TSE STOD CUNG ZAD RGYAS PAS SENG GE LTA BU, LNGA PA LA GYEN RGYU LAS KHYAB BYED SKYE,) + ? ZLA BA PHYI MA LNGA'I DUS SU RIM PA BZHIN MIG GI SGO NAS RGYU BA'I RLUNG DANG, SA'I KHAMS PHAL CHER DANG, RNA BA'I SGO NAS RGYU BA CHU'I KHAMS DANG, SNA NAS RGYU BA ME DANG, LCE NAS RGYU BA RLUNG DANG, LUS KYI DBANG PO YONGS SU RDZOGS PA NAS RGYU BA SKYE ZHING DE DAG GI DUS SU YUL RNAMS CI RIGS PAR 'DZIN TO, ,BZHI PA NI, SROG RLUNG GIS SROG RING DU BYED PA DANG, GYEN RGYUS BZA' BTUNG GYEN DU 'DREN PA SOGS DANG, THUR SEL GYIS THUR DU 'DREN PA DANG, MNYAM GNAS KYIS MNYAM DU 'JU BA SOGS DANG, KHYAB BYED KYIS 'GRO BA SOGS BYED CING, YAN LAG GI
, ,RLUNG LNGA'I MIG GI SGO NAS RGYU BA'I RLUNG GIS MIG GI RNAM SHES KYI BZHON PA BYAS NAS GZUGS 'DZIN PA'I 'BRAS BU BYED DO, ,DE BZHIN DU RNAM PAR RGYU BA DANG, YANG DAG PAR RGYU BA DANG, RAB TU RGYU BA DANG NGES PAR RGYU BA RNAMS KYIS RANG RANG GI RNAM SHES KYI BZHON PA BYAS NAS YUL SO SOR 'DZIN PA'I 'BRAS BU BYED DE, ,YAN LAG GI RLUNG LNGA NI, RTZA BA'I RLUNG GI GNAS SKABS YIN TE, SROG RLUNG SGO DE DAG NAS RGYU BA LA MING DE LTAR DU BTAGS SO, ,LNGA PA NI, KHYAB BYED 'CHI BA'I TSE MA GTOGS SNA'I SGO NAS MI RGYU LA, GZHAN BZHI LA GA-YAS PA NAS RGYU BA DANG, GA-YON PA NAS RGYU BA DANG, GNYIS KA NAS DRAG PA DANG, DAL BAR RGYU BA DANG, THUR SEL DANG, ME MNYAM DANG, SROG RLUNG RNAMS SO, ,DE DAG GSANG BA'I SNA RTZE NAS BYUNG NAS, KUN RDZOB PA'I SNAR RGYU BA YIN NO, ,RIGS LNGA DANG SBYAR NAS RGYU BA'I TSUL NI, NYIN ZHAG GCIG LA RLUNG NYI KHRI CHIG STONG DRUG BRGYA RGYU LA, DE LA THABS MGON PO RE'I RLUNG DGU BRGYA PA PHRAG RE RGYU BA'I TSE SHES RAB LHA MO BZHI'I RLUNG NYIS BRGYA NYER LNGA RE RGYU BA YIN LA, DE LA GA-YAS NAS GYEN RGYU KHA DOG DMAR PO DGU BRGYA PA PHRAG GCIG RGYU BA NI PADMA MGON PO'I RGYU BA YIN LA, DE LA ME'I ME GOS DKAR MO DANG, ME'I RLUNG SGROL MA DANG, ME'I SA SBYAN MA DANG, ME'I CHU M'A MA K'I' RLUNG RNAMS RGYU'O, ,GA-YON PA NAS RGYU BA THUR SEL LJANG SER KHA DOG NAG PO LAS KYI MGON PO'I DANG, GNYIS KA NAS DRAG TU RGYU BA ME MNYAM STE KHA DOG SER PO, RIN CHEN MGON PO'I DANG, ZHAN PAR RGYU BA SROG RLUNG KHA DOG SHEL LTAR SNANG BA RDO RJE
MGON PO'I RGYU BA DGU BRGYA PA PHRAG RE'I TSE YANG DE LTAR SBYAR RO, ,DE DAG NI DGU BRGYA RE LA 'PHO BA RER BYAS PA STE, DUS 'KHOR NAS DE NYIS 'GYUR RE LA 'PHO BA RER BYAS NAS 'PHO BA BCU GNYIS SU GSUNGS SO, ,PADMA MGON PO'I RGYU BA DANG POR SMOS PA'I DGOS PA NI, RDOR BZLAS GSUNG RDO RJE'I BZLAS PA YIN PAS DANG PO'I MGO DE NAS BTZUGS NAS SGOM DGOS PAR SHES PA'I CHED YIN NO, ,DRUG PA NI, 'CHI BA'I TSE SA CHU LA THIM PA NAS MTHAR RNAM SHES 'CHI BA'I 'OD GSAL DU THIM PA'I RIM PA DE DAG DANG MTHUN PAR RDZOGS RIM SGOM DGOS PAR SHES PA'I PHYIR RTZA RLUNG THIG LE RNAMS DANG POR GANG DU CHAGS PA DANG, BAR DU RGYU BA'I TSUL DANG, MTHAR GANG DU THIM PA DANG, JI LTAR THIM PA'I RIM PA RNAMS SHES PAR BYA BA YIN NO, , GNYIS PA MA RGYUD NAS BSHAD PA NI, DBYU GU DRUG CU RTZA BZHI DANG, CHU TSOD SUM CU RTZA GNYIS DANG, 'PHO BA BCU DRUG DANG, THUN CHOD BRGYAD KYI THA SNYAD DANG MTHUN PAR 'KHOR LO BZHI'I 'DAB MA NAS RGYU TSUL BSTAN TE, SNYING KHA'I RTZA 'DAB GCIG DANG, MGRIN PA'I GNYIS DANG, SPYI BO'I BZHI DANG, LTE BA'I BRGYAD RNAMS RGYU BA'I DUS DANG, YUN RING THUNG MNYAM PAS TE, GO BAR ZAD DO, ,GNYIS PA DE LA GNAD DU BSNUN PA'I RNAL 'BYOR LA, LUS GTAN LA DBAB PA'I DGOS PA DANG, RNAL 'BYOR DANGS SO, ,DANG PO NI, RDZOGS PA'I RIM PA'I MING THA MAL PA'I 'BYUNG BA THIM RIM DANG, THOG MA'I RLUNG GI RNAL 'BYOR SOGS LA BSHAD PA YOD KYANG, BTAGS NAS BSTAN PA YIN GYI, RDZOGS RIM MTSAN NYID PA NI, BSKYED RIM MAN
, ,CHAD DANG THUN MONG MA YIN PA'I DGA' BZHI'I RTOGS PA BSKYED NAS BSGRUB DGOS PA'I PHYIR RO, ,DE LA YANG SNANG PHYOGS KYI RDZOGS RIM DANG, STONG PHYOGS KYI RDZOGS RIM MO, ,DANG PO NI RLUNG SEMS KYIS BSGRUBS PA'I SGYU MA LTA BU'I LHA SKU STE 'JA' LUS KYI SKU ZHES KYANG BYA'O, ,LHA'I RNAL 'BYOR GANG YIN BSKYED RIM DU GZUNG BAR MI BYA STE, SNGAGS KYI SKU DANG YE SHES KYI SKU GNYIS GSUNGS PA'I SNGA MA BSKYED RIM DANG, PHYI MA RDZOGS RIM YIN PA'I PHYIR RO, ,GNYIS PA STONG PHYOGS LA BDE BA NGOS GZUNGS BA DANG, STONG PA DANG BDE STONG DBYER MED DU BYED PA'I TSUL DANG, DE GNYIS BSGRUB PA'I RIM PA'O, ,DANG PO NI BDE BA TZAM GYIS MI CHOG STE, SEMS GNAS KYIS BSGRUBS PA'I SHIN SBYANGS KYI BDE BA PHYI ROL PA LA YANG YOD PA'I PHYIR DANG, PHAR PHYIN THEG PA NAS BSTAN PA'I RLUNG 'BYUNG 'JUG BGRANGS PA LAS BYUNG BA'I BDE BA DANG, BYA SPYOD NAS BSHAD PA'I STONG PA DANG, LHA'I RNAL 'BYOR SGOM PA GZHIR BYAS NAS SROG RTZOL BSDAMS PA LAS BYUNG BA'I BDE BA SOGS LAS KYANG CHES MI 'DRA BA ZHIG DGOS LA, ZAG PA MED PA'I BDE BAS KYANG MI CHOG STE, DE NI NYAN RANG RNAMS LA YANG YOD PA'I PHYIR RO, ,'O NA GANG ZHIG YIN ZHE NA ZHU BA'I BDE BA'O, ,GNYIS PA NI, STONG PA PHAR PHYIN THEG PAR BSTAN PA LAS LOGS SU GTAN LA DBAB RGYU CUNG ZAD KYANG MED PAS DE NYID GZHIR 'JOG PA YIN NO, ,GSUM PA NI RGYUD SDE 'OG MA GSUM DANG PHAR PHYIN GYI THEG PAR STONG PA GTAN LA PHEBS NAS DE GO BA'I BLO DE NYID THABS
DANG BCAS NAS BSGOM PA YIN GYI, STONG PA'I YUL CAN GYI BLO LOGS SU SGRUB MI DGOS LA, 'DIR NI STONG PA SGOM PA'I YUL CAN GYI BDE BA THABS MTHA' YAS PAS LOGS SU SGRUB DGOS LA, BDE BA DES STONG PA YUL DU BYAS NAS SGOM PA BDE STONG DBYER MED PA'I DON YIN GYI, BDE BA LA STONG PAS RGYAS 'DEBS PA SOGS MIN NO, ,BDE BA DE YANG YID KYI SHES PA'I 'KHOR DU 'BYUNG GI ,DBANG SHES 'KHOR GYI MA YIN TE, SO SO SKYE BOS KYANG STONG PA MNGON SUM DU RTOGS PAR 'GYUR BAS SO, ,BZHI PA NI, STONG PA THOG MAR RTOGS DGOS TE, BSKYED RIM GYI YANG THOG MA NAS SVA BH'A WA'I SNGAGS DON SEMS PAR GSUNGS PA'I PHYIR RO, ,ZHU BA'I BDE BA LA, GANG ZHU BA DANG, GANG GIS BZHU BA DANG, 'JU BAR BYED PA'I RKYEN NO, ,DANG PO NI, SPYI BO BDE CHEN GYI 'KHOR LO'I LTA BA DBU MA NA GNAS PA'I KHAMS DKAR PO HAm GIS MTSON PA'I DON NO, ,GNYIS PA NI, LTE BA'I 'KHOR LO'I DBU MA'I NANG NA GNAS PA'I THIG LE DMAR PO 'BAR BA LAS SO, ,GSUM PA NI ME SBOR BA'I RKYEN, KHA SBYOR LAS, LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,ZHES GSUNGS PA'I RLUNG GI RNAL 'BYOR SOGS BSGOM PA DANG, DBANG PO GNYIS SBYOR GYI LAS KYIS BSKUL BA'I RLUNG NGO, ,DE GANG NA GNAS PA NI, RDO RJE 'PHRENG BA LAS, SHES BYA DBUS SU RGYU BA'I RLUNG, ,ME SAD BYED PAR SHES PA DANG, ZHES GSUNGS PAS DBU MA'I NANG LTE BA'I 'OG GI SUM MDO GRU GSUM NA GNAS PA YIN NO, ,RLUNG DE GA-YOS PAS LTE BA'I ME SBAR NAS SPYI BO'I HAm YIG BZHUS TE LHAN SKYES KYI BDE BA SGRUB PAR BYED PA YIN
, ,NO, ,DE GA-YO BAR BYED PA LA GA-YAS GA-YON GYI RGYU BA GCAD DGOS TE, DE'I RGYU MTSAN GA-YAS GA-YON NAS RGYU BA'I CHE RTOG PA RAGS PA GCAD MI THUB LA, DE NAM GA-YOS PA NA ZHU BDE SKYES NAS RTOG PA RAGS PA GCOD PA'I PHYIR DANG, GA-YAS GA-YON GYI RLUNG GI RGYU BA 'GAGS PA RLUNG RGYU BA'I RKYEN YIN PA'I PHYIR RO, ,GA-YAS GA-YON GYI RGYU BA 'GOG PA'I RNAL 'BYOR LA, RLUNG GI RNAL 'BYOR DANG, THIG LE'I RNAL 'BYOR DANG, GTUM MO'I RNAL 'BYOR RO, ,DE YANG GTUM MO BYE BRAG PA LA GZUNG BA YIN GYI, SLOB DPON AA BHYAS GSUM DU PHYE BA LTAR NA RDZOGS RIM MTHA' DAG GTUM MOR 'DUS PA'I PHYIR RO, ,RLUNG GI RNAL 'BYOR LA YANG, DUS 'KHOR NAS BUM PA CAN LA RTZAL DU 'DON PAR BSHAD PA DANG, 'PHAGS SKOR NAS RDO RJE'I BZLAS BA LA RTZAL DU 'DON PAR BSHAD PA SOGS DU MA YOD DO, ,SLOB DPON SANGS RGYAS YE SHES ZHABS KYIS KUN RDZOB PA'I SNA RTZE DANG, SNYING KHA DANG GSANG BA'I SNA RTZER SPRUL PA'I THIG LE DANG MI SHIGS PA'I THIG LE DANG, GSANG BA'I THIG LE BSGOMS NAS ME SBOR BA THIG LE'I RNAL 'BYOR DANG, dOm PI HE RU KA DPON SLOB SOGS DANG, NAG PO SPYOD PA SOGS KYIS GTUM MO LA RTZAL DU 'DON PA SOGS DU MA YOD KYANG GRUB CHEN RNAMS KYIS MDZAD PA'I LAM GYI GNAD MA 'PHYUGS PAR SHES NA, GANG NYAMS SU BLANGS KYANG LHAN SKYES KYI BDE BA SGRUB NUS PA LA KHYAD PAR CUNG ZAD KYANG MED DO DE'I NANG NAS KHA SBYOR LAS, DE YI NANG DU SON PA'I RTZA, ,TIL MAR MAR ME'I NGO BO CAN, ZHES SOGS DPYID KYI THIG LE MDOR BSTAN PA DANG,
RGYAS PAR BSHAD PA'I DON RNAMS SLOB DPON NAG PO PAS DPYID KYI THIG LER MDZAD PA'I RJES SU 'BRANGS NAS YI GE RING THUNG GI TSAD LA SOGS PA DANG, SLOB DPON AA BHYAS YI GE 'GOD PA'I TSUL GSUNGS PA RNAMS KYI DON BRJOD NA, SNYING KHA'I RTZA MDUD KYIS BCINGS PA'I DBU MA'I NANG GI BU GCUNG ZAD TZAM DE'I NANG NA GNAS PA'I H'Um YIG SNGON PO YUNGS KAR GYI TSAD TZAM 'OD DKAR PO KHA BA LTA BUR 'DZAG PA GNAS PA NI GTUM MO 'BAR BA NA, BDE BA BSKYED PA'I PHYIR DPYID CES BYA LA, DE'I TSE BDE BA SKYED PA LA SUS KYANG GEGS BYAR MED PA'I PHYIR MI SHIGS PA ZHES BYA'O, ,LTE BA'I MDUD PAS BCINGS PA'I DBU MA'I NANG GI AA THUNG NI THIG LE ZHES BYA'O, ,DE NYID GA-YAS GA-YON GYI RGYU BA 'GAGS NAS SUM MDO GRU GSUM GYI DBU MA'I NANG NA GNAS PA'I ME SAD BYED KYI RLUNG GA-YOS TE, ME SBAR BA NA SPYI BO'I HAm YIG ZHU NAS LTE BAR 'DU 'PHROD BYAS PA'I TSE DPYID DANG THIG LE GNYIS KAR DU 'GYUR LA, DE BZHIN DU SNYING KHAR 'DU 'PHROD BYAS PA'I TSE YANG 'GYUR RO, ,LTE BA DANG SNYING KHA DANG MGRIN PAR GNAS PA'I YI GE GSUM PO 'OG MA THUNG NGU DANG, BAR PA THUNG NGU GNYIS KYI TSAD DANG, GONG MA THUNG NGU GSUM GYI TSAD DU BSHAD PA LA, BLA MA KHA GCIG SPYI BO'I MGRIN PAR SLEB PA'I TSE ME DANG THAG RING BAS THIG LE CHA GSUM GYI TSAD TZAM DANG, SNYING KHAR SLEB BA NA ME DANG NYE BAS CHA GCIG ZAD NAS CHA GNYIS DANG, LTE BAR SLEB PA'I TSE CHA GCIG LAS MED PA LA 'CHAD KYANG, SGRA RING THUNG GI TSAD YIN GYI, THIG LE'I BONG TSOD CHE CHUNG GI DON MIN NO, ,DES NA SGRA 'BYUNG BA'I GNAS, KHOG PA MGRIN PA RKAN DANG LCE, ,SNA DANG SPYI BO SO
, ,DANG MA CHU, ,ZHES BSHAD PA LTAR LUS KYI NANG GI SGRA 'BYUNG BA'I GNAS RNAMS PHRAD PA NA LTE BA'I AA YIG THUNG NGU DANG, SNYING KHA'I H'Um THUNG NGU GNYIS KYI TSAD DANG, MGRIN PAR THUNG NGU GSUM GYI TSAD TZAM DU GNAS PA'I NANG GI RJOD PA YIN GYI, PHYA'I NGAG GI BRJOD PA MIN NO, ,YI GE BZHI POS MTSON PA'I DON NI, LTE BA DANG SPYI BO'I GNYIS KYIS LUS MTSON LA, SNYING KHA'I H'Um GIS SEMS DANG, MGRIN PA'I AOm GYIS NGAG MTSON PAS RNAL 'BYOR BA'I SGO GSUM MTSON PA YIN NO, , DE NAS DMIGS PA JI LTAR 'DZIN PA'I RIM PA NI, LAM THUN MONG BAS RGYUD SBYANGS BSKYED PA'I RIM PA LEGS PAR BSGOMS PA'I THUN GYI MTHAR, THOG MAR RTZA GSUM GSAL GDAB YIN, LUS KYI NANG GI DBUS DRANG PO LAS TSIGS PA PHYOGS LA CUNG NYE BAR RTZA DBU MA KHA DOG SNGON PO GA-YAS RO MA DMAR BA, GA-YON RKYANG MA DKAR BA, MTHE'U CHUNG GI SBOM PHRA'I TSAD TZAM SPYI BO NAS RKANG MTHIL GYI BAR DU GNAS SHING, LTE BA'I THAD DANG NU MA GNYIS KYI DBUS DANG, MGRIN PA DANG SKRA MTSAMS KYI THAD RNAMS SU RO RKYANG GIS DBU MA LA BCINGS PA'I MDUD PA YOD PA BSAM PAR BYA'O, ,DE NAS LTE BA'I RTZA 'DAB KYI PHYI NANG GI RIM PA DU MA YOD KYANG, PHYOGS BZHI DANG MTSAMS BZHIR 'DAB MA BRGYAD DBU MA LA ZUG CING BU GA THAL MOR YOD PA GSAL GDAB , LTE BA'I DBUS SU ZLA BA LA GNAS PA'I AA DMAR PO THIG LE N'A DA DANG BCAS PA BSAM ZHING, DE NAS MDUN NGOS SHAR DU BYAS PA'I RTZA'I SBUBS KYI NANG DU YI GE THAMS CAD (KHA DOG DMAR) LANGS PA PHYI NAS AA NAS
BRTZAMS TE, LTA BA LA DBYANGS THA MA'I CHEG DRAG THUG PA'I BAR DU DBYANGS YIG BCU DRUG DGOD, GA-YAS SKOR DU LHO PHYOGS KYI RTZA'I NANG DU KA'I SDE TSAN DANG, NUB PHYOGS SU TZA SDE DANG, BYANG PHYOGS SU tA SDE DANG, MTSAMS KYANG GA-YAS SGOR BYAS NAS, SHAR LHO NAS BRTZAMS TE TA SDE DANG, PA SDE DANG, MTHAR GNAS KYI YI GE BZHI DANG, DRO BA'I YI GE LNGA TSAN RNAMS DGOD DO, (RTZA NANG NA DBYANGS RNAMS KHA GYEN LTA, GSAL BYED RNAMS KHA THUR LTAR BSHAD PA NI, DBU MA'I LTE BA'I YI GE YIN GYI 'DAB MA'I MIN NO, ,RTZA 'DAB LA YI GE BKOD NAS SGOM PA NI, RTZA 'KHOR GYI LTE BAR RLUNG 'DU BA'I CHED DU 'DUG ,LTE BAR SGOM PA NI RTZA MDUD 'GROL BA'I CHED DU GDA'O, ,RTZA 'KHOR DE DAG BSDU NA AE BAm GYI RTZA GNYIS SU 'DU LA, AE LA GNYIS LAS, SPYI BO DANG LTE BA NI DBYIBS GRU GSUM, BAm GYI RTZAL LA'ANG GNYIS LAS, MGRIN PA DANG SNYING KHA DBYIBS ZLUM PAR YOD DO,) ,YI GE THAMS CAD KHA DAG DMAR BCUNG ZAD 'PHRO BA THIG LE DANG N'A DAS BRGYAN PA LA BYANG CHUB KYI SEMS PA MA LTA BUR 'JOG PAR BSAM PAR BYA'O, ,SNGAR LTAR SNYING KHAR RTZOD DANG KHA DOG DKAR POR YANG BSHAD, BA RGYAD GSAL BTAB NAS LTE BA'I NANG DU ZLA BA LA GNAS PA'I H'Um SNGON PO MGO THUR DU BLTA BA DANG, PHYOGS KYI 'DAB (GTZO CHER LTE BA'I AA THUNG LA SEMS 'DZIN LA, YI GE GZHAN GSUM LA CUNG ZAD RE 'DZIN, DE YANG SGOM PA'I DUS SU RTZA MDUD DE DAG GAL BA'AM LHOD DE SONG BAR BSAM NAS DE DAG GI NANG DU YA GE DE DAG SGOM PA YIN NA,) ,MA BZHI LA, AA AI AU AE DANG, MTSAMS BZHI LA, YA RA LA WA DANG BZHI SNGAR BSHAD PA LTAR THIG LE N'A DA DANG BCAS PAS BRGYAN PA DANG,
, ,YI GE DANG RTZA 'DAB KHA DOG SNGON PO'O, ,LTE BA'I RTZA 'DAB KHA GYEN BLTA DANG, SNYING KHA'I THUR BLTA'O, ,MGRIN PA'I LTE BAR ZLA BA LA GNAS PA'I AOm DMAR PO MGO GYEN BLTA DANG, 'DAB MA KHA DOG DMAR PO KHA GYEN BLTA BCU DRUG GSAL BTAB NAS PAR DU RE RE BOR BA'I PHYOGS BZHI DANG MTSAMS BZHIR YI GE SNGA MA BRGYAD RING PO KHA DOG DMAR PO LANGS PA 'GOD DO, ,SPYI BO'I LTE BAR ZLA BA LA GNAS PA'I HAm DKAR PO MGO THUR DU BLTA BA'I MTHAR 'DAB MA KHA DOG SNA TSOGS PA SUM CU RTZA GNYIS GSAL BTAB NAS, SHAR GYI 'DAB MA NAS GA-YAS SKOR DU AA NAS BRTZAMS TE 'DAB MA RE RE DOR BAR DBYANGS YIG BCU DRUG KHA DOG DKAR PO 'GOD DO, ,THIG LE N'A DA DANG BCAS PA 'OD BA MO LTA BUR 'DZAG PA NI YI GE THAMS CAD LA 'DRA ZHING SPYI BO'I RTZA 'DAB KHA THUR BLTA'O, ,DE LTAR BSGOMS PAS GTUM MO 'BAR BA'I RGYU MTSAN NI, YI GES MTSON PA'I DON BYANG CHUB KYI SEMS DANG RLUNG YIN LA, RTZA'I YAL GA'I ZAD MTSAMS THUG PA BDUN KHRI NYIS STONG PO RNAMS RLUNG DANG BYANG CHUB KYI SEMS 'DAB MA SNGAR BSHAD PA RNAMS KYI NANG DU 'DU ZHING, RTOG PA GAR BZHAG PA'I RJES SU RLUNG 'DU BAS RLUNG 'DU PHUL GZHAN DANG MI 'DRA BA'I DGOS PA YOD LA, THOG MA NAS ME 'BAR BA LA DMIGS PA NI GTUM MO PHYOGS GCIG TZAM YIN NO, ,DE LTAR BSKYED RIM MTHUN BZHIR BSGOMS PA'I MTHAR SGOM ZHING 'DAB MA'I YI GE DANG BCAS PA DE TZAM GSAL MI NUS NA, LTE BA'I YI GE BZHI PO TZAM GSAL BTAB LA DMIGS PA GZUNG NGO, ,DE LTAR BSGOMS PA'I MTHAR YI GE RNAMS LA DMIGS PA'I
GSAL SNANG SKYES PA NA SPRUL PA'I 'KHOR LO'I AA THUNG LA ME RGYA KHAB KYI SBOM PHRA TZAM DRANG PO GA-YO BA MED PA 'BAR NAS DBU MA'I NANG NAS GYEN DU SONG STE, SPYI BO'I HAm YIG ZHU BAR DMIGS SHING ME 'BAR BA'I 'DAB MA'I NANG DU SONG STE SNGAR BKOD PA'I DBYANGS YIG BCU DRUG BZHU NAS HAm ZHU BA DANG GONG BU GCIG TU 'DRES TE 'OG TU SONG NAS, MGRIN PA'I AOm YIG DANG (SUM MDO NAS LAS RLUNG GA-YOS TE LTE BA'I ME 'BAR BA YANG BYED,) GCIG TU 'DRES, DE LAS ME 'BAR BA 'DAB MA'I NANG DU SONG STE, YI GE BRGYAD BZHU NAS AOm ZHU BA DANG GCIG TU 'DRES, GONG BU DE NYID 'OG TU SONG STE, SNYING GA'I H'Um YIG DANG 'DRES DE LAS ME 'BAR BAS 'DAB MA'I NANG GI YI GE RNAMS BZHU NAS H'Um YIG DANG 'DRES, DE ZHU NAS LTE BA'I AA LA THIM, DE LAS KYANG ME 'BAR BAS 'DAB MA'I NANG GI SDE TSAN BRGYAD KYI YI GE ZHU NAS AAm LA THIM STE, ZHU BAS BYANG CHUB KYI SEMS KYI THIG LE SHEL LTAR DKAR LA 'TSER ZHING DMAR BA'I MDANGS CHAGS PA YUNGS 'BRU TZAM DU GSAL BTAB LA DE LA RTZE GCIG TU BSGOM MO, ` DE YANG DANG PO NAS DE'I NANG DU ZHUGS PA LTA BU BYED PA DANG, THIG LE LA SEMS BRTAN NAS DE RJES BYE PA'I LUGS KYANG YOD DO, ,DE YANG SHES PA DE'I NANG DU ZHUGS PAR BSAM PA LA RTZE GCIG TU BZHUG GI SHES PA ZUR NAS DMIGS RTEN LA GTOD PA LTAR MI BYA'O, ,SKABS 'DIR GNAS CHA RNYED PA TZAM DGOS PAR MI GZUNG STE, GTUM MO 'BAR NAS LHAN SKYES KYI BDE BA SGRUB 'DOD PA'I PHYIR RO, ,DE LTAR DMIGS RTEN DANG SHES PA GNYIS GCIG TU 'DRES PA LTA BU'I NYAMS SKYES KYI BAR DU BSGOMS NAS DE NAS THIG LE DE'I
, ,DBUS SU MAR ME BTZUGS PA LTA BU'I KHA DOG DMAR BA, REG BYA TSA BA, RGYA KHAB KYI SBOM PHRA TZAM RING THUNG SOR BZHI TZAM LA RTZE GCIG TU MNYAM PAR BZHAG GO ,DE LTAR YUN RING DU BSGOMS PA NA SPYI BO'I HAm YIG ZHU NAS BDE BA SKYE BAR 'GYUR RO, ,'OD ZER GYI RE KHA SHIN TU BDE YANG BSIL BAR GYUR TE, ZHES GSUNGS PA'I DON NI, SLOB DPON AA BHA YA DANG, SH'AKYA BSRUNG BA DANG, (DE CUNG ZAD BRTAN PA NA LTE BA'I ME PHRA MO DE SPYI BO'I BAR SONG BA'I DMIGS PA BYAS LA ME DES SPYI BO'I BYANG SEMS BZHU NAS RTZA 'KHOR RNAMS KYI, LTE BAR RIM PA LTAR BABS NAS LTE BA'I RTZA 'KHOR GYI DBUS KYI THIG LE LA THIM PA'I MOS PA BYAS LA YANG SNGAR GYI THIG LE ME DANG BCAS PA LA SEMS 'DZIN NO, ,DE BRTAN PA NA, YAR 'GRO BA'I ME DE CUNG ZAD RES SBOM DU GTONG ZHING, MAR LA 'ONG BA'I THIG LE YANG CUNG ZAD RES SBOM DU SONG BA'I DMIGS PA BYA'O, ,YANG DE SKABS SU MAR ME GCIG GIS MDZOD DU MA SNANG BAR BYED PA LTAR LTE BA'I ME DE RTZA 'KHOR RNAMS KYI LTE BAR SONG BA'I TSE, DE'I 'OD KYIS RTZA MDUD RNAMS NANG GSAL BA'I DMIGS PA BYED DO,) ,AU MA PA TI SOGS KYIS BSIL BA'I DON BDE BA SKYED PA LA BSHAD PAS SNGAR REG BYA TSA BA PHYIS GRANG BAR SONG BA MIN TE, DPYID THOB PA YI CHOG SHES PAS, ,SNYOMS PAR 'JUG PAS RNAM PAR GNAS, ZHES GSUNGS PA LTAR RO, ,DE LTA BU'I SKABS SU BDE BA SKYES PA TZAM LHAN SKYES KYI BDE BAR MI 'JOG STE, DE LA DBANG DUS KYI LHAN SKYES DANG, LAM DUS KYI LHAN SKYES DANG, 'BRAS DUS KYI LHAN SKYES YOD PA'I DANG PO DANG THA MA GNYIS RE SHIG MI STON LA BAR PA LA BSKYED RDZOGS GNYIS KYIS BSDUS PA YOD PA'I
RDZOGS RIM GYIS DANG PO SKYES PA'I TSAD NI, SNGAR BSHAD PA'I GTUM MO BSGOMS PA'I STOBS KYIS GA-YAS GA-YON GYI RGYU BA 'GAGS SHING DE 'GAGS PA'I STOBS KYIS LTE 'OG NA YOD PA'I ME SAD BYED KYI RLUNG GA-YOS PAS SBAR BA'I 'BAR 'DZAG GI BDE BA SKYES PA NAS 'DZIN PA YIN NO, ,SPYIR RLUNG GI STOBS KYIS KHAMS PHYIR 'PHO BAR BYED KYANG RLUNG DES SBAR BA'I MES BZHU BA'I KHAMS PHYIR MI 'PHO BA YIN NO, ,DE NAS SPRO BSDU LA BSLAB PA NI, SKRA YI RTZE MO BRGYA STONG CHA, ,GLOG 'GYU BA DANG MTSUNGS PA'I 'OD, , CES GSUNGS PA LTAR SNGAR GYI GTUM MO'I SER BZHI PA DE LAS 'OD 'PHROS PAS 'KHOR LO BZHI'I 'DAB MA THAMS CAD KYI NANG DU SONG STE, RTZA'I NANG SBYANGS NAS SOR MO'I RTZE MO DANG BA SPU'I BU GA THAMS CAD KHYAB PAR BSGOM ZHING, DE NAS 'BYUNG BA'I LAM SNA BUG GA-YAS PA NAS 'THON TE SEMS CAN THAMS CAD SANGS RGYAS LA BKOD, DANG PO NAS SANGS RGYAS ZIN DANG BCAS PA RNAMS KYI SNA BUG GA-YON PA NAS ZHUGS TE, BDE CHEN GYI 'KHOR LO NAS SPRUL PA'I 'KHOR LO'I BAR GYI RTZA NAD THAMS CAD SBYANGS NAS SANGS RGYAS KYI YE SHES KYI BDUD RTZI GTUM MO'I ME DANG RO GCIG TU 'DRES PA NI SNA BUG GA-YAS PA RNAMS NAS BYUNG STE, RANG GI SNA BUG GA-YON PA NAS ZHUGS TE, BDE CHEN GYI 'KHOR LO NAS RIM GYIS RTZA'I 'DAB MA RNAMS DANG, BA SPU'I BU GA'I BAR DU KHYAB PAR GYUR PAS RGYUD BYIN GYIS BRLABS PAR BSAM MO, ,DE NAS DGA' BZHI'I RTOGS PA SKYE TSUL NI, KHA SBYOR LAS, 'KHOR LO BZHI NI RAB DBYE BAS, ,SA SOGS 'BYUNG BA CHEN PO DANG, ,THUN BZHIR BYIN GYIS BRLABS PA DANG, ,PADMA BZHIR NI YANG DAG
, ,'BYUNG, ,DGA' BA BZHI YIS NGO BO YIS, ,SBYOR BA BZHI NI SNGON DU'O, ,MCHOG TU DGA' BA'I NGO BO YIS, BYA DANG BYED PA'I DNGOS PO LAS, DPAL LDAN RDO RJE SEMS GZUGS KYIS, ,'DIR NI JI LTAR BDE BAR ROL, ,ZHES GSUNGS PA'I DON MAN SNYER PHYAG CHEN THIG LE DRANGS NAS RGYAS BAR BSHAD DE, DE YANG ZLA BA BCU DRUG CHA DANG, NYI MA'I KHYIM BCU GNYIS SU GSUNGS PA'I ZLA BA BYANG CHUB KYI SEMS DKAR PO DANG, NYI MA BYANG SEMS DMAR PO YIN TE, DE LA SNGAR BSHAD PA'I GTUM MO'I RNAL 'BYOR BSGOMS NAS SPYI BO'I HAm YIG BZHU BA LA BRTEN NAS BDE CHEN GYI 'KHOR LO'I LTE BA NAS LONGS SPYOD KYI 'KHOR LO'I LTE BA'I BAR LA DGA' BA BZHI SKYE ZHING, DE'I NANG NAS KYANG LUS KYI SA TSIGS BZHIR DGA' BA CHUNG NGU DANG, 'BRING DANG, CHEN PO DANG, SHIN TU CHEN PO BZHI RIM PA BZHIN DU SKYE'O, ,LONGS SPYOD NAS CHOS 'KHOR GYI LTE BA'I BAR LA MCHOG DGA' DANG, DE NAS SPRUL PA'I LTE BA'I BAR LA KHYAD PAR GYI DGA' BA DANG, DE NOR BU'I DBUGS SU CHUD PA'I BAR LA LHAN CIG SKYES PA'I DGA' BA SKYE ZHING, DE GSUM LA YANG CHUNG NGU 'BRING CHEN PO SHIN TU CHEN PO BZHI BZHIR PHYEBS ZLA BA'I CHA BCU DRUG GO ,NYI MA'I CHA BCU GNYIS NI, ,BAMS DMAR PO LA BRTEN NAS SKYE BA'I DGA' BZHI 'KHOR LO BZHI'I BAR LA CHUNG NGU 'BRING CHEN PO GSUM GSUM DU PHYE BAS BCU GNYIS SO, ,DE LTAR YAS BABS KYI DGA' BA SNGAR BSHAD PA LTAR GYI MTSAN NYID YONGS SU RDZOGS PA CIG SKYES NA, KHAMS PHYIR MI 'PHO BAR GYEN DU LDOG PA RTEN 'BREL GYI CHOS NYID YIN NO, ,BLA MA SNGA MA RNAMS KYIS MAS BRTAN LA
YANG, DGA' BZHI PHYE YANG RGYUD DANG 'GREL PA KHUNGS MA RNAMS NAS LHAN SKYES KYI BDE BA CHUNG 'BRING GI DBYE BA KHO NAR GSUNGS SO, ,DE'I RJES NAS YAS BABS PA'I DGA' BA LA JI LTAR DBYE SNYAM NA, GSAL BAR MA GSUNGS KYANG LHAN SKYES KYI BDE BAR DON GYIS 'THOB BO, ,'DI NI RJE BTZUN CHEN PO SHAR TZONG KHA PAS, GRUM BU LUNG DU GSUNGS PA'I RIM PA RNAMS, BDAG GI BLA MA RJE BTZUN DKA' BCU PA'I MTSAN GYIS BRJED BYANG DU MDZAD PA'O,, AiTHI,, ,,