*, ,RDZOGS RIM DPYID KYI THIG LE'I ZIN BRIS BZHUGS SO, ,
, ,BLA MA DAM PA RNAMS LA PHYAG 'TSAL LO, ,DE LA 'DIR RDZOGS RIM DU 'JOG PAR BYED PA LA, STONG NYID TZAM GYIS 'JOG MI NUS TE, STONG NYID RTOGS PA THEG DMAN LA'ANG YOD PA'I PHYIR RO, ,STONG NYID DANG LHA'I RNAL 'BYOR GNYIS KA YOD PA TZAM GYIS KYANG, RDZOGS RIM DU 'JOG MI NUS TE, DE GNYIS RGYUD SDE 'OG MA GSUM LA'ANG YOD PA'I PHYIR RO, ,DE GNYIS KYI STENG DU RLUNG GI RNAL 'BYOR BSNAN PAS KYANG DER 'JOG MI NUS TE, STONG PA DANG LHA'I RNAL 'BYOR DANG RLUNG GI RNAL 'BYOR GSUM GA RGYUD SDE 'OG MA GSUM LA'ANG YOD PA'I PHYIR RO, ,DES NA 'DIR LUS LA GNAD DU BSNUN NAS BOGS BTON PA'I STONG NYID KYI RTOGS PA LA RDZOGS RIM DU 'DOD PA YIN LA, DE LA LUS KYI GNAD RTZA DANG RLUNG DANG THIG LE RNAMS KYI GNAS TSUL SHES DGOS PAS THOG MAR RTZA'I YOD TSUL CUNG ZAD BRJOD PAR BYA STE, DE'ANG MTSAN NYID THEG PA NAS DGA' BO MNGAL 'JUG GI MDOR, LUS KYI GA-YAS GA-YON GNYIS, RGYAB MDUN GNYIS TE BZHIR RTZA NYI KHRI NYI KHRI STE LUS LA RTZA BRGYAD KHRI YOD PAR BSHAD LA, SNGAGS KYI THEG PA NAS LUS
, ,LA RTZA BDUN KHRI NYIS STONG YOD PAR BSHAD, DE DAG GI NANG NAS KYANG BRGYA NYI SHU RTZA'I GTZO BO YIN TE RLUNG DANG RNAM PAR SHES PA'I RTEN BYED PA'I PHYIR RO, ,DE'I NANG NAS KYANG NYI SHU RTZA BZHI GTZO BO YIN TE, SKRA DANG SEN MO DANG SO LA SOGS PA'I RGYU BYED PA'I PHYIR RO, ,DE LA BRGYA NYI SHU NI SPYI BOR RTZA 'DAB SO GNYIS, MGRIN PAR BCU DRUG SNYING GAR BRGYAD, LTE BAR DRUG CU RE BZHI RNAMS YIN NO, , NYER BZHI NI 'OG NAS 'CHAD PA'I SNYING GA'I RTZA 'DAB MA BRGYAD LAS, GSUM GSUM DU GYES PA'I SKU GSUNG THUGS KYI RTZA BRGYAD GSUM NYER BZHI PO DE YIN NO, ,DE LAS KYANG RO RKYANG DBU MA GSUM GTZO BO YIN TE, RTZA GZHAN THAMS CAD DE LAS SKYE DGOS PA'I PHYIR RO, ,DE LA MNGAL DU DANG POR RTZA CHAGS PA'I TSE, SNYING GAR LTE BA LA RO RKYANG DBU MA GSUM, SHAR DANG LHO'I 'DAB MA GNYIS LA RIM PA LTAR DU SUM SKOR MA DANG, 'DOD MA GNYIS TE LNGA DUS MNYAM DU CHAGS SO, ,DE NAS NUB TU KHYIM MA, BYANG DU GTUM MO, ,DBU MA DANG LHAN CIG TU BDUD BRAL MA STE GSUM CHAGS SO, ,SNYING GAR DANG POR CHAGS PA'I RTZA BRGYAD NI DE RNAMS
YIN NO, ,PHYOGS KYI RTZA BZHI NI RO RKYANG DBU MA GSUM LA NANG DU DUG PA BRTOL BA'I TSUL GYIS RTZA BA ZUG YOD LA, MTSAMS KYI RTZA BZHI NI PHYOGS KYI RTZA BZHI LAS KYES PA YIN LA DE'ANG DPER BRJOD NA SHAR GYI SUM SKOR MA LAS SHAR LHO MTSAMS KYI RTZA DE GYES PA YIN LA MTSAMS KYI RTZA GZHAN GSUM NI RIM PA LTAR LHO'I 'DOD MA, NUB KYI KHYIM LA, BYANG GI GTUM MO GSUM LAS GYES PA YIN TE DES NA SNYING GA'I RTZA 'DAB MA BRGYAD NI SUM SKOR MA SOGS PHYOGS KYI RTZA BZHI DANG, DE LAS KYES PA'I MTSAMS KYI RTZA BZHI STE BRGYAD PO DE YIN PAS SNYING GAR DANG PO CHAGS PA'I RTZA BRGYAD DANG MI GCIG GO, RTZA 'DAB MA BRGYAD PO DE LAS SKU GSUNG THUGS KYI RTZA BRGYAD KYES PAS BRGYAD GSUM NYI SHU RTZA BZHI YIN NO, , NYER BZHI PO DE'I STENG DU SNYING GAR DANG PO CHAGS PA'I RTZA BRGYAD BSNAN PA DE LA BYANG SEMS 'BAB PA'I RTZA SO GNYIS ZHES THA SNYAD BYED PA YIN NO, ,NYER BZHI PO DE LAS GSUM GSUM DU GYES PAS RTZA BDUN CU RTZA GNYIS SU 'GRO BA YIN NO, , DE'ANG SKU GSUNG THUGS SAM, THIM PA DANG, LONGS SPYOD DANG BDAG PO GSUM GYI SGO NAS 'BYED PA YIN NO, ,BDUN CU RTZA GNYIS PO DE LA RE RE LA STENG STONG DU GYES PAS RTZA STONG PHRAG BDUN CU RTZA GNYIS YOD PA YIN NO, ,DE'ANG RO RKYANG DBU MA GSUM GYI GNAS TSUL CUNG ZAD BRJOD NA RO RKYANG GNYIS KYIS DBU MA LA LCAGS SGROG GI TSUL GYIS 'KHYUD NAS YOD LA, DE'ANG DBU MA DBUS NA YOD CING, DE'I NANG NAS MUN PA DANG KHU KHRAG RLUNG GSUM GYI NANG NAS RLUNG 'BYUNG BAS NA
, ,SNYING STOBS RDUL MUN GSUM GYI NANG NAS MUN PA'I RTZA DANG, SKYES PA BUD MED MA NING GSUM GYI NANG NAS MA NING RTZA DANG, ZLA BA NYI MA SGRA GCAN GSUM GYI NANG NAS SGRA GCAN GYI RTZA ZHES BYA'O, ,DBU MA'I GA-YAS NA RO MA GNAS SHING DE'I NANG NAS KHU BA DANG CUNG ZAD 'DRES PA'I KHRAG PHAL CHER 'BAB BO, ,DE'I KHA NI STENG GI PHYOGS LA YOD DE STENG 'OG GNYIS KA LA BUG PA YOD PA LA STENG GI PHYOGS KHO NA LA KHA YOD ZER BA'I RGYU MTSAN NI KHRAG PHYIR 'PHEN PA DANG NANG DU SDUD PA'I BYA BA STENG PHYOGS KYI MGRIN PA NAS BYED KYI 'OG GI BU GA NAS MI BYED PAS DE'I DON GYIS YIN NO, ,RKYANG MA NI DBU MA'I GA-YON NA YOD CING KHRAG DANG CUNG ZAD 'DRES PA'I KHU BA PHAL CHER 'BAB BO, ,DE LA ZLA BA DANG SKYES PA DANG SNYING STOBS DANG THABS KYI RTZA ZHES BYA STE, KHU BA GTZO BOR 'BAB PA'I CHA NAS YIN PA 'DRA'O, ,RO MA LA NYI MA DANG BUD MED DANG RDUL DANG SHES RAB KYI RTZA ZHES BYA STE KHRAG GTZO BOR 'BAB PA'I CHA NAS YIN PA 'DRA'O, ,DE LA RO RKYANG DBU MA GSUM NI SPYI BO NAS SUM MDO'I BAR DU YOD LA, DE NAS GNYIS SU GYES TE RO RKYANG DBU MA GSUM GYI TSAN GCIG RKANG MTHIL GYI BAR DU 'GRO LA TSAN GCIG NOR BU'I RTZE MO'I BAR DU 'GRO BAS RKANG PA GNYIS PAR NOR BU GSUM GA LA RTZA GSUM YOD PAR 'DRA BA YIN NO, ,RKYANG MA LA STENG 'OG GNYIS KA LA BU GA YOD PAR 'DRA BA LA LTE BA KHO NA LA KHA YOD CES PA NI, KHU BA PHYIR 'PHEN PA DANG NANG DU 'DZIN PA GNYIS KA
LTE BA NAS BYED PAS DE'I CHA NAS YIN NO, ,DE'ANG LTE BA YIN GYI DBANG DU BYAS PA YIN LA, LTE BA MAN DU NI RKYANG MA DBUS SU YOD CING KHU BA 'BAB, RO MA GA-YON NA YOD CING GCI BA 'BAB BO, ,SDOM 'BYUNG LAS, RO MA 'BYUNG BA'I LAM DU BSHAD, RKYANG MA 'JUG PA'I LAM DU BSHAD PA NI, SHES PAS YUL 'DZIN PA'I DUS SU RO MA'I NANG NAS RLUNG DANG BSDONGS NAS PHYIR DON TE YUL 'DZIN ZHING, YUL BZUNG ZIN NAS RLUNG DANG LHAN CIG TU RKYANG MA'I NANG DU 'JUG PA YIN NO, , RTZA 'KHOR BZHIR BYANG SEMS 'BAB PA'I SGO NAS DGA' BA BZHI'AM BCU DRUG TU 'GYUR TSUL NI, GTUM MO LTA BU BSGOMS PAS DMAR CHA 'PHEL TE BYANG SEMS BZHU NAS SPYI BO NAS BABS PA NAS BZUNG STE MGRIN PAR SLEB SLEB KYI BAR LA DGA' BA BZHI'I NANG NAS DGA' BA DANG, DGA' BA DE LA'ANG DGA' BA, MCHOG DGA', KHYAD PAR GYI DGA' BA YOD PAS DE DAG KYANG SKYE'O, ,BYANG SEMS DE MGRIN PA NAS BABS PA NAS BZUNG STE SNYING GAR SLEB SLEB KYI BAR LA DGA' BA BZHI'I NANG NAS MCHOG DGA' DANG, DE LA'ANG DGA' BA BZHI BZHI YOD PA DE DAG KYANG SKYE'O, ,SNYING GA NAS BABS PA NAS BZUNG STE LTE BAR SLEB SLEB KYI BAR LA NI KHYAD PAR GYI DGA' BA DANG, DE LA'ANG DGA' BA BZHI BZHI YOD PA DE DAG KYANG SKYE'O, ,LTE BA NAS BABS PA NAS BZUNG STE NOR BU'I RTZE MOR SLEB SLEB KYI BAR LA NI LHAN CIG SKYES DGA' DANG, DE LA'ANG DGA' BA BZHI BZHI YOD PA RNAMS SKYE'O, ,DE'ANG GRAGS TSOD LA RTZA 'KHOR BZHI ZHES GRAGS SHING, ZHIB TU BYAS NA RTZA 'KHOR BDUN YOD DE, DE'ANG BZHI
, ,PO DE'I STENG DU GTZUG TOR NA RTZA 'DAB BZHI, GSANG GNAS NA RTZA 'DAB SO GNYIS, NOR BU'I RTZE MO NA RTZA 'DAB MA BRGYAD YOD PA'I RTZA 'KHOR GSUM STE BDUN NO, ,'KHOR LO DE DAG GI LTE BA LA RO RKYANG GNYIS GANG RUNG ZHIG GIS STENG NAS, GCIG GIS 'OG NAS DBU MA LA 'KHYUD YOD CING, DE'ANG DE GNYIS KYI BAR NA DE GNYIS KYIS MA SLEBS PA'I BAR STONGS CUNG ZAD YOD DE, SNYING GA'I DBU MA'I NANG NA RNAM SHES DANG LHAN CIG SKYES PA'I RLUNG YOD LA DE LA YE SHES KYI RLUNG MI SHIGS PA'I THIG LE ZHES KYANG ZER RO, ,KHU KHRAG GNYIS KYANG YOD CING DE'I RTZA MDUD KYI THAD KYI DBU MA'I NANG NA YOD DO, ,LUS ZUNGS BCU DRUG GI NANG NAS KHU KHRAG GTZO BO YIN ZHING, GZHAN RNAMS DE'I RNAM 'GYUR YIN LA, DE'ANG DANG POR MNGAL DU CHAGS DUS KHU KHRAG GNYIS SNYING GA NA YOD LA, DE NAS KHU BA STENG GI PHYOGS SU SONG STE GTZO CHER SPYI BO NA GNAS LA, DE'ANG NAM DGOS PA NA SKYE BA YIN GYI, SNOD DU BLUG PA'I TSUL GYIS YOD PA NI MA YIN NO, ,KHRAG 'OG TU SONG STE GTZO CHER LTE BA NA YOD LA GTUM MO 'BAR BA DANG THIG LE 'DZAG PA'I DMIGS PA LTE BA SOGS LA GTAD PA'I RGYU MTSAN DE YIN NO, ,RTZA DE DAG TU BYANG SEMS DKAR DMAR DANG RLUNG JI LTAR RGYU BA NI, RTZA STONG PHRAG BDUN CU RTZA GNYIS YOD PAS DE LA STONG PHRAG NYER BZHI PA TSAN PA GSUM YOD LA, DE'I TSAN GCIG NAS KHU BA, TSAN GCIG NAS KHRAG, CHEN GCIG NAS RLUNG BABS PAS RTZA STONG PHRAG BDUN CU RTZA GNYIS LA KHU KHRAG RLUNG GSUM 'BAB TSUL DE YIN NO, ,YANG DE'I
GYIS GZI RTZA BDUN CU RTZA GNYIS LA'ANG NYER BZHI PA TSAN PA GSUM YOD PAS, GSUM PO DE LA'ANG KHU KHRAG RLUNG GSUM 'BAB TSUL SNGA MA DANG 'DRA'ANG, BDUN CU RTZA GNYIS PO DE'I GYES GZHI RTZA NYER BZHI PO DE LA'ANG BRGYAD TSAN GSUM YOD PAS, GSUM PO DE LA'ANG KHU KHRAG RLUNG GSUM 'BAB TSUL SNGA MA DANG 'DRA, RTZA NYER BZHI PO DE'I GYES GZHI SNYING GA'I RTZA 'DAB BRGYAD LAS NI BSHANG GCI GNYIS KHU KHRAG GNYIS, BAD KAN TE BDUD RTZI LNGA 'BAB PO, ,BRGYAD PO DE'I GYES GZHI RO RKYANG DBU MA GSUM YIN LA, DE DAG GI 'BAB TSUL NI BSHAD ZIN TO, ,RTZA RNAMS BSDU NA STONG PHRAG BDUN CU RTZA GNYIS PO RTZA BDUN CU RTZA GNYIS SU 'DU LA, RTZA BDUN CU RTZA GNYIS PO DE'ANG RTZA NYER BZHIR 'DU LA, NYER BZHI BO DE'ANG SNYING GA'I RTZA 'DAB BRGYAD DU 'DU LA, BRGYAD PO DE'ANG RE RKYANG DBU MA GSUM DU 'DU LA, RO RKYANG GNYIS KYANG DBU MAR 'DU BA YIN NO, ,YANG GYES TSUL NI GONG DANG 'DRA'O, ,LHA GTZO BO LAS 'KHOR RNAMS SPRO BSDU BYED PA NI SNYING GA'I RTZA DANG RLUNG LAS PHYOGS KYI RTZA DANG RLUNG GZHAN RNAMS SPRO BSDU BYED PA DE LA DPE BYAS NAS BSGOM PA YIN NO, ,YANG SNYING GA'I RTZA ZHES PA NI SROG PA RTZA'I SNYING GA YIN LA, DE'ANG SROG PA RTZA NI SGAL TSIGS KYI NANG TZAM NA SGAL TSIGS LA BRTEN NAS GNAS PA YIN, SROG PA RTZA DE LA RO RKYANG DBU MA GSUM BRTEN NAS GNAS YOD DO, ,SROG PA RTZA DE'I MGO NI GRU GSUM DU YOD LA MGRIN PA GZHON NU MA'I NU MA DANG 'DRA BA DANG, SNYING GA BA'I MIG DANG 'DRA BA DANG, LTE BA PADMA 'DRA BA DANG, GSANG GNAS NA RDO RJE 'DRA BA DANG, NOR BU'I RTZE NA ZAR MA'I ME TOG
, ,DANG DBYIBS 'DRA BA'O, ,DES NA RTZA DANG RLUNG GANG YIN YANG SNYING GA NA YOD CES PA NI, NU MA GNYIS KYI BAR GYI THAD RTEN GYI SGAL TSIGS KYI NANG TZAM NA YOD PA LA GO DGOS SO, ,SNGAR BSHAD PA'I BYANG SEMS 'BAB PA'I RTZA SO GNYIS PO DE SPYI BO'I RTZA 'DAB MIN TE, DE'I NANG NA SNYING GA'I RTZA BRGYAD 'DUG PA'I PHYIR RO, ,SO GNYIS PO DE BDE MCHOG GI LHA MO DANG SBYAR NA RO RKYANG DBU MA GSUM NI RDO RJE PHAG MO DANG, SKU GSUNG THUGS KYI RTZA NYER BZHI NI 'KHOR LO GSUM GYI LHA MO NYER BZHI DANG, SUM SKOR MA SOGS PHYOGS KYI RTZA BZHI NI SA CHU ME RLUNG GI 'BYUNG BA'I RTZA YIN PAS BDE CHEN 'KHOR LO'I LHA MO BZHI DANG SBYOR BA YIN LA, SGO MTSAMS MA BRGYAD LA RTZA SBYOR RGYU MED PA 'DRA GSUNG, SNYING GA'I RTZA DBU MA'I NANG GI H'Um RING PO NI BDE MCHOG DANG, SKU GSUNG THUGS KYI RTZA NYER BZHI'I NANG GI KHAMS NYER BZHI NI 'KHOR LO GSUM GYI DPA' BO NYER BZHI DANG SBYOR, DE'ANG BDUD BRAL MAR 'CHI BA'I DUS MA 'CHI BA'I DUS MA GTOGS GZHI DUS SU BYANG SEMS MI 'BAB PAS DE DANG LHA MI SBYOR RO, ,DE LA BDUD ZER BA'I RGYU MTSAN NI RANG GZHAN GNYIS KA LA BYANG SEMS 'BAB PA 'GOG PAS SO, ,DE'ANG GZHI DUS SU SEMS CAN THA MAL PA LA 'CHI DUS MA GTOGS DE'I NANG DU KHU BA MI 'BAB KYANG LAM DUS SU SA MTHON POR SLEB PA'I TSE 'CHI BA'I GONG NAS KYANG DE'I NANG DU BYANG SEMS 'BAB BO, ,RTZA SO GNYIS KYI TSE NA BDUD BRAL MA MA GTOGS PA SO GCIG PO DE BDAG MED MA LHA MO BCO LNGA DANG YANG SBYOR BA YIN TE, GTZO MO LA RTZA GSUM,
'KHOR BCU BZHI LA RTZA GNYIS GNYIS TE DES RTZA SO GCIG THIM MO, ,LHA MO DE DAG BSKYED PA'I YI GE NI A'A: TSEG DRAG CAN MA GTOGS PA'I DBYANGS LHAG MA BCO LNGA YIN NO, ,RLUNG DANG GTUM MO'I RNAL 'BYOR LA BRTEN NAS LTE BA'I KHRAG DANG SPYI BO'I BYANG SEMS YAR MAR LA 'GRO BA SRID KYI, SNYING GA'I RTZA MDUD KYI DBU MA'I NANG GI BYANG SEMS DKAR DMAR GNYIS DANG LHAN SKYES KYI RLUNG RNAMS 'CHI BA'I TSE MA GTOGS 'PHO 'JUG MI BYED PA YIN NO, ,RDZOGS RIM GYI RTOGS PA RNAL MA ZHIG RGYUD LA BSKYED 'DOD NA DE LA 'CHI DUS KYI 'BYUNG BA SDUD RIM SHES DGOS, DE LA BSKYED RIM SHES DGOS PAS DE LA BSKYED RIM NI THAMS CAD STONG PA STE 'CHI BA 'OD GSAL LAS STONG CHEN NYER THOB STE, DRI ZA BAR SRID DU SKYE BA'I SEMS BYUNG DE LAS THABS SNANG BA MCHED PA STE BAR DOR DRI DANG GNAS LA 'DOD PA'I SEMS 'BYUNG, DE LAS SHES RAB SNANG BA STE, MNGAL DU SKYE BA 'DZIN PA'I SEMS 'BYUNG, DE NAS MNGAL DU NYING MTSAMS SBYAR MA THAG TU 'BYUNG BA BZHI GA YOD MOD, 'ON KYANG 'BYUNG BA RAGS PA SKYE BA'I DBANG DU BYAS NA, DANG POR RLUNG ME CHU SA RNAMS RIM PA LTAR 'BYUNG ZHING, DE RJES NAS GZUGS SOGS PHUNG PO RNAMS DANG, MIG SOGS SKYE MCHED RNAMS 'BYUNG LA, DE NAS RANG BZHIN BRGYUD CU'I RTOG PA RNAMS 'BYUNG NGO, ,DE'ANG RANG BZHIN BRGYAD CU'I RTOG PA LA NYIN MTSAN GNYIS KYIS PHYE BAS BRGYA DRUG CU YIN NO, ,SDUD PA'I DUS SU SA CHU LA THIM CHU ME LA ME RLUNG LA RLUNG SEMS SNANG PA LA DE MCHED PA LA DE NYER THOB LA DE THAMS CAD STONG PA STE 'OD GSAL
, ,LA THIM PA DE NI 'CHI BA 'OD GSAL LAM 'CHI BA DNGOS SO, ,DE'ANG SA CHU LA THIM ZHES BRJOD KYANG SA KHAMS YE MED DU SONG BA MIN LA, SAS SHES PA'I RTEN MI BYED PA LA SA CHU LA THIM ZHES BRJOD PA YIN NO, ,CHU ME LA THIM TSUL YANG DE DANG 'DRA RLUNG RNAM SHES LA THIM ZHES PA NI, SNA SGOR RGYU BA'I RLUNG RAGS PAS SHES PA'I RTEN MI BYED PA'AM, YANG NA RLUNG RAGS PA DE SNYING GA'I RTZA MDUD NANG GI LHAN SKYES KYI RLUNG PHRA BA LA THIM PA'O, ,DE DUS NA RLUNG RAGS PAS SHES PA'I RTEN MI BYED KYANG, LHAN SKYES KYI RLUNG PHRA MO GCIG PUS SHES PA'I RTEN BYED CING RLUNG RAGS PAS SHES PA'I RTEN MI BYED PA'I DUS NI 'BYUNG BA SDUD PA'I CHA RLUNG SEMS SNANG BA LA THIM PA DANG DE MCHED PA LA THIM PA DANG DE NYER THOB LA THIM PA DANG, DE THAMS CAD STONG PA 'OD GSAL LA THIM PA'I DUS RNAMS YIN NO, ,DE NAS THAMS CAD STONG PA 'OD GSAL LAM 'CHI BA 'OD GSAL LAS STONG CHEN NYER THOB DRI ZA'I SEMS BAR DO SOGS 'BYUNG BA SNGAR DANG 'DRA'O, ,DES NA GZHI DUS SU RTZA DANG RLUNG DANG 'BYUNG BA RNAMS DANG POR CHAGS PA SNYING GA NAS CHAGS LA, MTHAR SDUD PA'ANG SNYING GAR SDUD PA DANG 'DRA BAR LAM BSKYED RIM GYI SKABS SU SNYING GA'I TING NGE 'DZIN SEMS DPA' LAS SPRO BSDU MANG DU BYAS TE BSGOMS PAS RDZOGS RIM GYI SKABS SU 'CHI DUS KYI 'BYUNG BA SDUD PA LA SGUG MI DGOS PAR, DE GONG DU TING NGE 'DZIN GYI MA THUS 'BYUNG BA RNAMS RIM GYIS BSDUS NAS GNYIS SNANG DANG BRAL BA'I 'OD GSAL SKYE BA YIN NO, ,DES NA BLA MED KYI RGYUD SDE DU MA NAS BSKYED
RIM GYI SKABS SU GZHI DUS KYI SKYE SHI BAR DO GSUM DANG SBYAR NAS BSGOM DGOS PAR MANG DU GSUNGS PA'I DGOS PA'ANG RDZOGS RIM GYI SKABS SU BOGS 'DON TSUL GZHAN DANG MI 'DRA BA LA DGONGS PA YIN NO, ,YANG RTZA RLUNG THIG LE MANG DU GSUNGS PA'I DGOS PA NI 'CHI BA'I TSE LTE BA'I DMAR CHA YAR LA 'GRO, SPYI BO'I DKAR CHA MAR 'OD BA'I 'DU 'PHROD LA BRTEN NAS GNYIS SNANG DANG BRAL BA'I 'OD GSAL MNGON DU 'GYUR LA, DE'ANG GNYIS SNANG 'GAGS PA TZAM LA 'OD GSAL DU BTAGS PA YIN GYI MTSAN NYID PA NI MA YIN NO, ,DE DANG 'DRA BAR LAM DUS SU RLUNG DANG GTUM MO'I RNAL 'BYOR LA BRTEN NAS DMAR PO DANG DKAR PO'I 'DU 'PHROD BYAS PA YOD CING, 'DU 'PHROD BYUNG DUS SU GNYIS SNANG RAGS PA 'GAGS PAS DE DUS SU STONG NYID KYI NGES SHES GSAL BTAB NA GZHAN DANG ME 'DRA BA'I STONG NYID KYI RTOGS PA LA BOGS YOD PAS DE LA DGONGS NAS BSHAD PA YIN NO, ,RTZA NYER BZHI DANG BDUN CU RTZA GNYIS DANG, STONG PHRAG BDUN CU RTZA GNYIS LA SKU GSUNG THUGS SAM LUS NGAG YID GSUM LA SOGS PA GSUM GSUM DU 'BYED PA DANG GSUM DU GRANGS NGES PA NI RTZA DE DAG GI NANG NAS 'BAB PA'I RDZAS LA, BYANG SEMS DKAR DMAR GNYIS DANG RLUNG GSUM DU NGES PAS DE'I GNAD KYIS YIN NO, ,GZHI DUS SU RTZA DANG RLUNG CHAGS PA'I RIM PA'AM, SEMS CAN SKYE BA'I RIM PA DANG MTHUN PAR BSKYED RIM GYI SKABS SU LHA SKU BSGOM PAS RDZOGS RIM GYI SKABS SU TING NGE 'DZIN GYI MTHUS 'BYUNG BA BSDUS NAS GNYIS SNANG 'GAGS PA'I 'OD GSAL LA MNYAM PAR BZHAG
, ,PA'I RJES SU DE LAS LANGS MA THAG KHO NAR 'JA' LUS GRUB PA'I LHA SKUR LDANG BA YIN LA, DES 'BRAS DUS KYI GZUGS SKU GNYIS KYI NYER LEN GYI RGYU BYED DO, ,DES NA BSKYED RIM GYI SKABS KHO NAS LHA SKU BSGOM LA, RDZOGS RIM GYI SKABS SU LHA SKU YE MI BSGOM NA RDZOGS RIM GYI SKABS NA GZUGS SKU GNYIS KYI THUN MONG MA YIN PA'I NYER LEN GYI RGYU MED PAR THAL BA'I SKYON YOD PAS, SKABS DER YANG LHA SKU NGES PAR BSGOM DGOS SO, ,RLUNG CHAGS TSUL NI MNGAL DU NYID MTSAMS SBYAR NAS SNYING GA'I RTZA MDUD CHAGS PA'I TSE DE'I NANG GI LHAN SKYES KYI RLUNG LAS SNA SGOR RGYU BA'I SROG 'DZIN GYI RLUNG SKYE LA, RLUNG DE GNYIS KA'ANG SROG 'DZIN GYI RLUNG YIN NO, ,DE'I TSE SEMS CAN DE'I LUS NYA'I RNAM PA LTA BU YOD PAR RGYUD RDOR PHRENG LAS BSHAD LA, DE MNGAL DU ZHUGS PA'I ZLA BA DANG PO'I DUS KYI SKYE TSUL YIN NO, ,ZLA BA GNYIS PA'I TSE SROG 'DZIN GYI RLUNG LAS THUR SEL GYI RLUNG SKYE LA, SROG 'DZIN GYI RTZA BA'I GNAS NI SNYING GA YIN ZHING THUR SEL GYI RTZA BA'I GNAS NI GSANG GNAS YIN NO, ,DE'I TSE RKANG LAG GNYIS GNYIS TE BZHI MGO DANG BCAS PA'I 'BUR PO LNGA DOD PAS LUS RUS SBAL GYI RNAM PA LTA BUR YOD DO, ,ZLA BA GSUM PA LA THUR SEL LAS MNYAM GNAS KYI RLUNG SKYE LA DE'I RTZA BA'I GNAS NI LTE BA YIN NO, ,DE'I TSE'ANG YAN LAG LNGA TSANG BA LA CUNG ZAD SGUR POR YOD PAS PHAG RGOD KYI RNAM PAR YOD DO, ,ZLA BA BZHI PA LA MNYAM GNAS LAS GYEN RGYU'I RLUNG SKYE LA DE'I RTZA BA'I GNAS NI MGRIN PA YIN NO, ,DE'I TSE STOD CUNG ZAD
RGYAS PAS SENG GE'I RNAM PAR YOD DO, ,ZLA BA LNGA PA LA GYEN RGYU LAS KHYAB BYED KYI RLUNG SKYE LA DE'I RTZA BA'I GNAS NI TSIGS CHEN BCU GNYIS YIN NO, ,ZLA BA DRUG PA LA MIG GI SGO LA RGYU BA'I RLUNG KLU ZHES PA SKYE LA 'BYUNG BA SA SKYE, ZLA BA BDUN PA LA RNAM ? PA'I SGO LA RGYU BA'I RLUNG RUS SBAL DANG 'BYUNG BA CHU SKYE, ZLA BA BRGYAD PA LA SNA SGO LA RGYU BA'I RLUNG RTZANGS PA DANG 'BYUNG BA ME SKYE ZLA BA DGU PA LA LCE LA RGYU BA'I RLUNG LHA SBYIN DANG 'BYUNG BA RLUNG SKYE, ZLA BA BCU PA LA LUS LA RGYU BA'I RLUNG GZHU LAS RGYAL DANG 'BYUNG BA NAM MKHA'I KHAMS TE LUS KYI SPU RNAMS 'BYUNG NGO, ,YAN LAG GI RLUNG LNGA PO DE DAG GTZO CHER SROG 'DZIN YIN LA RLUNG GZHAN BZHI PO DE DAG KYANG DBANG PO'I SGO RNAMS LAS RGYU BA SRID DO, ,SROG 'DZIN GYI TSE GNAS PA DANG SNA SGO LA RGYU BA'I LAS BYED LA, THUR SEL GYIS BSHAD GCI THUR DU 'GRO BA'I BYA BA BYED, MNYAM GNAS KYIS ZAS KYI DANGS MA LUS LA 'GREM PA'I BYA BA BYED, DANGS SNYIGS 'BYED MKHAN NI LTE BA'I GTUM MO'I MES BYED, GYEN RGYUS ZA BA MYANG BA SMRA BA SOGS DANG RLUNG GZHAN RNAMS GYEN DU 'GRO BA'I BYA BA BYED DO, ,KHYAB BYED KYIS LUS KYI NANG GI RLUNG GZHAN LA KHYAB PA DANG 'GRO BA SOGS KYI BYA BA BYED, THUR SEL, SROG 'DZIN, GYEN RGYU, MNYAM GNAS BZHI NI, RIM PA LTAR SA CHU MA RLUNG BZHI DANG, RIN CHEN MGON PO, ,RDO RJE MGON PO, PADMA MGON PO, LAS KYI MGON PO BZHI'I RLUNG YIN LA, DE'ANG MGON PO RE RE'I RLUNG RGYU BA NA DGU BRGYA PA PHRAG RE RE RGYU LA DE NI 'BYUNG BA CHE CHUNG GI DBANG DU BYAS NA 'BYUNG CHEN GYI RLUNG YIN LA DGU BRGYA PA DE LA TSAN
, ,PA BZHIR BGOS NAS NYIS BRGYA NYER LNGA PA BZHIR BYAS LA, BZHI PO RE RE RGYU BA NA GOS DKAR SOGS LHA MO BZHI'I RLUNG RGYU BA'O, ,LHA MO BZHI'I RLUNG LA 'BYUNG CHUNG GI RLUNG ZER BA YIN NO, ,DES NA MGON PO RE RE'I RLUNG RGYU BA NA LHA MA BZHI BZHI RGYU BAS 'BYUNG CHEN GYI RLUNG RE RE RGYU BA NA 'BYUNG CHUNG GI RLUNG BZHI BZHI RGYU BA YIN NO, ,MGON PO BZHI'I RLUNG GI KHYAD PAR NI PADMA MGON PO RGYU BA'I TSE KHA DOG RNAM LNGA'I RLUNG RGYU LA DE'I TSE DMAR POS KHA DOG GZHAN BZHI LA KHYAB PAR RGYU BA YIN NO, ,DE BZHIN DU RIN CHEN MGON PO DANG, RDO RJE MGON PO DANG, LAS KYI MGON PO RNAMS LA'ANG RIM PA LTAR SER PO DANG DKAR PO DANG LJANG GU RNAMS GTZO CHE ZHING GZHAN PHAL PA'I TSUL GYIS RGYU BA YIN NO, ,DE'ANG LHA MO BZHI RGYU BA'I TSE NI ME'I ME GOS DKAR MO RGYU BA'I TSE NI SNA BUG GA-YAS PA LTA BU'I DBANG DU BYAS NA DMAR PO DBUS, GA-YON LA LJANG GU, 'OG LA DKAR PO DANG SER PO STENG SNGON PO GA-YAS LA RGYU BA YIN NO, ,DES MTSON NAS ME'I RLUNG RGYU BA'I TSE LJANG GU DBUS SU RGYU ZHING, ME'I SA RGYU BA NA SER PO DBUS DANG, ME'I CHU RGYU BA'I DUS SU DKAR PO DBUS SU RGYU BA YIN NO, ,YANG MGON PO BZHI'I RLUNG RGYU BA'I TSE, SNA BUG GA-YAS PA LTA BU GCIG GI GA-YAS GA-YON LA RGYU ZHES BLA MA KHA CIG GSUNG BA MI 'THAD PAS, PADMA MGON PO SNA BUG GA-YAS KHO NA DANG, LAS KYI MGON PO GA-YON KHO NA DANG, RIN CHEN MGON PO GNYIS KA NAS DRAG PAR RGYU ZHING, RDO RJE MGON PO GNYIS KA NAS DAL BAR RGYU BA YIN NO, ,DE LA GSANG
'DUS PA'I LUGS KYIS NYIN ZHAG PHRUGS GCIG LA THUN BCU GNYIS, THUN PHYED PA NYER BZHI THUN PHYED PA RE RE LA MGON PO RE RE'I RLUNG DGU BRGYA PA RE RGYU LA, DGU BRGYA PA RE LA LHA MO BZHI'I RLUNG RGYU BAS DES 'BYUNG CHEN GYI DKYIL 'KHOR NYER BZHI DE RE RE LA 'BYUNG CHUNG GI DKYIL 'KHOR BZHI BZHIR PHYE BAS 'BYUNG CHUNG GI DKYIL 'KHOR DGU BCU RTZA DRUG RGYU BA YIN NO, ,'DI PA'I LUGS KYI 'PHO BA NYER BZHIR BYED PA YIN TE, 'PHO BA'I DON NI SNA BUG GA-YAS NAS GA-YON DU 'PHO BA LTA BU YIN LA, 'DIR NI DGU BRGYA PA RE RE SONG NAS 'PHO 'JUG BYED PA'I PHYIR RO, ,DBUGS NYI KHRI CHIG STONG, DRUG BRGYA RGYU BA NI MGON PO BZHI'I RLUNG KHO NA YIN LA, KHYAB BYED KYI RLUNG NI 'CHI BA'I TSE MA GTOGS MI RGYU ZHING DE'I TSE NA'ANG CI TZAM RGYU'I NGES PA MI SNANG NGO, ,MAN NGAG SNYE MA NAS, RGYA GAR BA'I BLA MA GONG MA RNAMS KYI MAN NGAG LAS, LHA MO GCIG GI RLUNG NYIS BRGYA NYER LNGA RTZA SO GNYIS NAS 'BAB PA'I TSE BDUD BRAL MA'I NANG NAS DBUGS BDUN LHAG TZAM ZHIG 'BAB PAR BSHAD PAS DE LTAR NA BDUD BRAL MA'I NANG NAS 'CHI BA'I GONG NAS RLUNG 'BAB PA DANG, KHYAB BYED KYI RLUNG 'CHI BA'I GONG NAS RGYU BA 'DRA BA ZHIG BYUNG LA, 'ON KYANG MAN NGAG DE YID CHES KYI GNAS SU KHAS LEN PA'I NGES PA MI SNANG NGO, ,KHYAB BYED KYI RLUNG NI 'BYUNG BA NAM MKHA'I RLUNG YIN LA, SA RLUNG DANG, CHU RLUNG DANG, ME RLUNG DANG, RLUNG GI RLUNG RNAMS RGYU BA'I TSUL NI RIM PA LTAR, THAD KA DANG 'OG DANG STENG DANG MGO GYEN GSEGS LA RGYU BA YIN NO, ,MA RGYUD NAS BSHAD
, ,PA'I RTZA 'DAB NAS RLUNG RGYU TSUL NI, PHYI'I DBANG DU BYAS NA NYIN ZHAG GCIG LA DBYU GU RE BZHI YOD LA, DE DANG MTHUN PAR GANG ZAG GCIG LA NYIN ZHAG GCIG LA LTE BA'I 'DAB MA NAS DBYU GU RE BZHI'I RLUNG RGYU LA, DBYU GUR RE LA RLUNG SUM BRGYA DANG SUM CU SO PHYED DANG BRGYAD BRGYAD YOD LA, YANG NYIN ZHAG GCIG LA CHU TSOD SO GNYIS YOD LA, DE DANG MTHUN PAR CHU TSOD SO GNYIS KYI RLUNG SPYI BO'I 'DAB MA NAS RGYU LA CHU TSOD RE'I RLUNG LA RLUNG DRUG BRGYA DANG BDUN CU RTZA LNGA YOD LA, YANG NYIN ZHAG GCIG LA 'PHO BA BCU DRUG YOD PA DANG MTHUN PAR, 'PHO BA BCU DRUG GI RLUNG MGRIN PA NAS RGYU LA, 'PHO BA RE'I RLUNG LA STONG DANG PHYED DANG BZHI BRGYA YOD CING, YANG NYIN ZHAG GCIG LA THUN TSOD BRGYAD YOD PA DANG MTHUN PAR SNYING GA'I RTZA 'DAB NAS THUN TSOD BRGYAD KYI RLUNG RGYU LA THUN RE'I RLUNG LA NYIS STONG BDUN BRGYA YOD LA 'DI DAG KYANG GANG ZAG GCIG LA NYIN ZHAG GCIG GI DUS SU RLUNG NYI KHRI CHIG STONG DRUG BRGYA RGYU BA'I TSUL YIN CING, DE'ANG 'KHOR LO BZHI PO RE RE NAS NYI KHRI CHIG STONG DRUG BRGYA SNGA PHYI MA YIN PAR DUS MNYAM DU RGYU BA YIN NO, ,DE'ANG LTE BA'I 'DAB MA GNYIS NAS RGYU BA RDZOGS PA'I TSE SPYI BO'I 'DAB MA GCIG NAS 'DAB MA GNYIS PA LA 'PHO LA, SPYI BO'I 'DAB MA GNYIS NAS RLUNG RGYU BA RDZOGS PA'I TSE, MGRIN PA'I 'DAB MA GCIG NAS 'PHO LA, MGRIN PA'I 'DAB MA GNYIS NAS RLUNG RGYU BA RDZOGS PA'I DUS SU SNYING GA'I 'DAB MA GCIG NAS RLUNG 'PHO BA YIN NO, ,DE LTAR RTZA RLUNG THIG LE BSHAD PA'I
DGOS PA NI, DE DAG GI GNAS TSUL BZHIN THINGS NAS, DE LA GNAD DU BSNUN PAS STONG PA DANG BDE BA DBYER MED PA'I RDZOGS RIM GYI RTOGS PA SKYE BA'I DGOS PA YOD LA STONG PA NI YUL LA BYED PA DANG YUL CAN LA BYED PA GNYIS LAS, 'DIR NI SH'ANTI PA BZHED PA LTAR YUL BDAG MED PA LTA BU YIN LA, BDE BA LA RNAM PA MANG DU YOD DE, MTSAN NYID THEG PA NAS BSHAD PA'I LUS SHIN SBYANGS KYI BDE BA DANG DBUGS BGRANGS PA LA BRTEN NAS SKYES PA'I ZHI GNAS KYI BDE BA DANG, RGYUD SDE 'OG MA NAS BSHAD PA'I SROG RTZOL BKAG PA'I RLUNG SBYOR GYI BDE BA RNAMS NI 'DIR DON DU GNYER BYA MIN LA, 'O NA GANG YIN NA DGA' BA BZHI'I NANG NAS LHAN SKYES KYI DGA' BA YIN LA, DE'ANG RLUNG RDOR BZLAS DANG GTUM MO'I ME DMIGS BYAS PA'I STOBS KYIS LTE BA'I DMAR CHA 'PHEL NAS SPYI BO'I BYANG SEMS BZHU STE, LUS SHES KYI 'KHOR DU TSOR BA BDE BA SKYE LA DES DE MA THAG RKYEN BYAS TE YID LA DGA' BA 'AM BDE BA SKYE LA DGA' BA DES YUL STONG NYID BZUNG NAS DE DANG STONG NYID GNYIS NI NAM MKHA' SBYOR BA LTA BUR SBYOR BA'I TSE, BDE STONG DBYER MED PA'AM ZUNG DU 'JUG PA'I RDZOGS RIM ZHES BYA'O, ,YANG SNGAGS KYI SKABS SU STONG PA DANG SNYING RJE DBYER MED CES BSHAD PA'I STONG PA NI CHOS KYI SKU'I NYER LEN GYI RGYUR GYUR PA'I STONG NYID RTOGS PA'I SHES RAB YIN LA, SNYING RJE NI SDUG BSNGAL DANG BRAL NA SNYAM PA'I SNYING RJE KHO NA LA MI BYED KYI, GZUGS SKU'I NYER LEN GYI RGYUR GYUR PA'I THABS NI SNYING RJE YIN NO, ,DES NA SEMS KYI RTEN
, ,THIG LE YIN PAS RJE MAR PA NAS BRGYUD PA RNAMS KYI LUGS LA, NYIN ZHAG GCIG LA GNYID DU SONG MA SONG GNYIS SU NGES LA, GNYID DU SONG BA LA RMI LAM YOD MED GNYIS LAS, RMI LAM MED PA'I GNYID 'THUG GI DUS SU SEMS KYI RTEN BYANG SEMS DKAR DMAR SNYING GA NA GNAS PAS SNYING GAR SEMS 'DZIN LA, RMI LAM RMI BA'I DUS SU DE GNYIS MGRIN PA NA GNAS PAS MGRIN PAR SEMS 'DZIN LA, GNYID DU MA SONG BA'I DUS SU GTZO CHER LTE BA NA GNAS PAS LTE BAR SEMS 'DZIN LA, PHO MO SBYOR BA BYED PA'I DUS SU DE GNYIS SPYI BO NA GNAS ZHES BZHED DO, ,DUS 'KHOR GYI LUGS LA SNYING GA DANG MGRIN PAR THIG LE GNAS PA'I DUS NI SNGA MA DANG 'DRA LA, GZHAN GNYIS LDOG NAS GNYID DU MA SONG BA'I DUS SU SPYI BO DANG PHO MO SBYOR BA BYED PA'I DUS SU LTE BA NA GNAS PAR BSHAD DO, ,SPYIR SNGAGS KYI LUGS KYIS RAB TSE 'DI LA 'TSANG RGYA BA DANG 'BRING BAR DO DANG THA MA SKYE BA GZHAN DU 'TSANG RGYA BA GSUM LAS, DANG PO NI GSANG 'DUS 'PHAGS LUGS PA DANG BSTUN NA, DANG POR SEMS BSKYED DE BYANG SEMS KYI SDOM PA BZUNG NAS SPYOD PA PHYIN DRUG LA SLOB PA MAN GYI LAM THUN MONG BA RNAMS KYIS RGYUD LEGS PAR SBYANGS NAS DE RJES GSANG 'DUS LTA BU DKYIL 'KHOR DU DBANG BSKUR BA MTSAN NYID DANG LDAN PA ZHUS, RTZA LTUNG DANG SBOM PO SOGS KYIS DAM TSIG DANG SDOM PA DAG PAS RGYUD DAG PAR BYAS, DE RJES PHRA THIG GI BAR GYI BSKYED RIM BRTAN PAR BYAS, DE NAS RDZOGS RIM LUS DBEN SKU RDO RJE DANG, NGAG DBEN
GSUNG RDO RJE DANG, SEMS DBEN THUGS RDO RJE RNAMS RGYUD NAS BSHAD PA BZHIN DU THOB PAR BYAS LA DE NAS RLUNG SEMS LAS SU RUNG BA LA BRTEN NAS 'JA' LUS SAM, SGYU LUS RDO RJE 'CHANG GI SKU THOB STE 'OD GSAL MNGON DU BYAS LA SLOB PA DANG MI SLOB PA'I ZUNG 'JUG MNGON DU BYED DO, ,GNYIS PA NI, SEMS DBEN LA GSUM LAS, SEMS SNANG BA'I YE SHES MAN GYI BSKYED RDZOGS KYI YON TAN RNAMS MTSAN NYID DANG LDAN PA THOB DGOS LA, SNANG BA NYER THOB MA THOB DGOS SHING, SNANG BA MCHED PA THOB PA YANG SRID, MA THOB PA YANG SRID LA GANG LTAR YANG DE'I DUS SU SPYOD PA BYED PA'I MTHUN RKYEN MA 'DZEM PA'AM, YANG NA ZHING LAS SOGS KYI BREL BA'I DBANG GIS SPYOD PA BYED RGYU MA BYUNG NA DE'I GNAD KYIS 'CHI BA'I GONG DU TING NGE 'DZIN GYI MTHUS 'BYUNG BA SDUD MI THUB LA, DE MA THUB NA SNANG BA NYER THOB KYI YE SHES MNGON DU MI 'GYUR BAS DE 'CHI KHAR MNGON DU 'GYUR PA'I CHED DU, 'CHI KHAR 'BYUNG BA SDUD PA'I TSE MAN NGAG NAS BSHAD PA'I 'BYUNG BA SDUD LUGS KYI DMIGS PA RNAMS BSKYANGS PAS SHI ZIN PA'I CHOD TZAM DU SNANG BA NYER THOB MNGON DU BYED CING BAR DOR SKYES PA'I TSOD TZAM NA SGYU LUS THOB CING, DE NAS RTEN DE LA 'OD GSAL DANG ZUNG 'JUG MNGON DU BYED DO, ,GSUM PA SKYE BA BRGYUD NAS 'TSANG RGYA BA NI, TSE 'DI LA BLA MED KYI DKYIL 'KHOR GANG RUNG DU DBANG BSKUR BA MTSAN NYID DANG LDAN PA THOB DAM TSIG DANG SDOM PA DAG PAR BYAS PA ZHIG NGES PAR YAN LAG TU DGOS LA, BSKYED RIM DANG LUS DBEN DANG NGAG DBEN RNAMS RGYUD LA SKYES MA SKYES GANG YIN YANG RUNG STE SKYE PA
, ,BCU DRUG CHUN LA 'TSANG RGYA'O, ,'DI LA TSE DE LA SEMS DBEN GYI RTOGS PA SNANG MCHED THOB GSUM PO GANG YANG SKYES PA DGOS TE DE SKYES NA TSE 'DI LA 'TSANG RGYA BA'AM, YANG NA BAR DOR NGES PAR 'TSANG RGYA BA'I PHYIR RO, ,YANG RJE MAR PA NAS BRGYUD PA RNAMS KYI LUGS LA BSKYED RIM BRTAN PA GZHIR BZHAG NAS RLUNG DANG GTUM MO DANG SPYOD PA GSUM MTHAR PHYIN NA TSE 'DI LA 'TSANG RGYA, DE GSUM MTHAR MA PHYIN PAR CHA 'DI LA 'TSANG RGYA MA NUS NA, DA GZOD 'CHI BA 'OD GSAL ZIN PA'I DON DU DE LTA GNYID 'THUG DANG STONG NYID BSRES NAS BSGOM, DE LEGS PO ZHIG BYUNG NA DA BZOD 'CHI CE NA THA MAL GYI 'CHI BA RANG DGA' BAR MI 'GRO BAR 'OD GSAL BZUNG NAS 'CHI BA CHOS SKUR 'KHYER THUB LA, DA GZOD PAR DO ZIN PA'I DON DU DA LTA DANG POR RMI LAM GYI MAN NGAG LA SBYANGS TE RMI LAM BZUNG LA, DE ZIN PA'I TSE BAR DO'I MAN NGAG DANG BSRAS NAS BSGOMS PAS DA GZOD BAR DO ZIN TE THA MAL GYI BAR DO RANG DGAR MI 'TSOR BAR DE LONGS SKUR 'KHYER SHES PA'AM DE DUS SU PHAN THOGS PA YIN NO, ,DE LA BSKYED RIM LA SBYANGS PAS BAR DOR SNANG BA THAMS CAD LHA SKUR SHAR NAS DE'I GNAD KYIS CHAGS SDANG KHEGS TE MNGAL SKYES LTA BU'I SKYE SGO KHEGS NAS SKYE GNAS SU SKYE BA MI LEN PAR BAR DO'I RTEN DE LA LAM LHAG MA BSGOMS TE 'TSANG RGYA LA, BAR DOR 'TSANG RGYA MI NUS PAR SKYE GNAS GANG RUNG ZHIG TU SKYE BA BRGYUD NAS 'TSANG RGYA DGOS PA DES NI 'PHO BA DANG GRONG 'JUG GI GDAMS NGAG BSGOM PA YIN LA, 'DI NI RGYUD SKYE RDOR SOGS KYI DGONGS PA YIN
ZHES MAR PA NAS BRGYUD PA RNAMS GSUNG NGO, ,'DI NI GDAMS NGAG LEGS LA PHAN CHE BA ZHIG SNANG LA, 'ON KYANG BAR DOR SNANG BA LHA SKUR SHAR BAS MNGAL SKYES KHEGS SU CHUG KYANG SKYE GNAS BZHIN GSUM AE KHEGS YIN GSUNG, DE'ANG RNAL 'BYOR BLA MED KYI RDZOGS RIM GYI GNAD DAM GTZO BO NI, SPYI BO'I BYANG SEMS ZHU BA LAS BYUNG BA'I LHAN SKYES KYI DGA' BA DANG STONG NYID DBYER MED PA'I TING NGE 'DZIN YIN PAR BRAM ZE CHEN PO SA RA HA LA SOGS PA RGYA GAR GYI MKHAS GRUB KHUNGS MA THAMS CAD ZHAL MTHUN LA, SPYI BO'I BYANG SEMS DE BZHU BA'I THABS SU RLUNG SBYOR DANG ME DMIGS SOGS MANG PO ZHIG GSUNGS KYANG DE THAMS CAD KYANG GTUM MOR 'DU BA YIN NO, ,DE'ANG SBYOR DRUG PA'I LUGS KYIS NI SOR BSAM GNYIS KYIS RTZA DBU MA'I LAM SBYANGS NAS, SROG RTZOL GYIS DBU MA'I NANG DU RLUNG 'DZUD CING 'DZIN PAS BTZUD PA DE BRTAN PAR BYED LA, RJES DRAN GYI DUS SU RLUNG GI MTHUS SPYI BO'I BYANG SEMS ZHU NAS MI 'GYUR BA'I BDE BA SKYE LA, DE NAS TING NGE 'DZIN GYI YAN LAG THOB PA YIN LA, MI 'GYUR PA'I BDE BA NYI KHRI CHIG STONG DRUG BRGYA RDZOGS MA THAG TU 'TSANG RGYA BA YIN NO, ,GSANG 'DUS 'PHAGS LUGS PAS NI NGAG DBEN RLUNG GI RDOR BZLAS MTHAR PHYIN PAR BYAS PA'I STOBS KYIS SPYI BO'I BYANG SEMS BZHU NAS LHAN SKYES KYI DGA' BA SKYE LA, DGA' BA DES YUL STONG NYID BZUNG BA LA BDE STONG DBYER MED ZER BA MA GTOGS STONG PA LA BDE BAS RGYAS BTAB PA'AM, BDE BA LA STONG PAS RGYAS BTAB PA LTA BU NI BDE STONG DBYER MED KYI DON MIN NO, ,DE LA LHAN SKYES KYI BDE BA SKYE BA LA SPYI
, ,BO'I BYANG SEMS BZHU DGOS PAS, THEG LE DKAR PO BZHU RUNG YIN LA, DE BZHU BA LA LTE BA'I DMAR CHA 'BAR DGOS TE RLUNG GIS SBAR DGOS LA, THIG LE DKAR DMAR DANG RLUNG GNAS PA'I GZHI NI RTZA YIN PAS RDZOGS RIM GYI SKABS SU RTZA RLUNG THIG LE RNAMS ZHIB BAR 'CHAD PA'I RGYU MTSAN DE YIN NO, DE'ANG DBU MA NI MI BSKYOD PA'I RTZA YIN PAS SNGON PO DANG RO MA 'OD DPAG MED KYI RTZA YIN PAS DMAR PO DANG RKYANG MA RNAM SNANG GI RTZA YIN PAS DKAR POR YOD DO, ,DE'ANG SPYIR BTANG YIN LA, DMIGS BSAL LA GTUM MO 'BAR BA'I TSE NA GANG 'BAR BA'I RTZA RNAMS TIL MAR GYI MAR ME'I KHA DOG LTA BUR YOD DO, ,DE'ANG SNYING GA'I RTZA MDUD KYI NANG GI RTZA DBU MA'I 'OG PHYOGS KYI BU GA NI CUNG ZAD KHA BYE BA CHU SHING GI ME TOG LTA BU ZHIG YOD DE, ,RTZA MDUD NANG GI RTZA DBU MA'I NANG GI H'Um NI KHYAD PAR LNGA DANG LDAN PA YIN TE MI MTHUN PA'I RTOG PA 'JOMS PAS DPA' BO DANG, 'DOD PA SGRUB PA LA GZHAN GYIS MI SHIG PA DANG, GTUM MO LA BRTEN NAS BDE BA BSKYED PAS NA SA BON DANG, BYANG SEMS 'JIG PA DANG, TSAD YUNGS 'BRU TZAM YOD PA YIN NO, ,BDAG MED MA LTE BA'I AA THUNG NI RGOD MA KHA'I ME ZHES BRJOD KYANG GLING BZHI PO RANG RANG GI LHO PHYOGS KYI LCAGS RI NAG PO'I 'OG GI MES CHU SKAMS PA DANG 'DRA BAR LTA BA'I DMAR CHA 'BAR NAS SPYI BO'I BYANG SEMS BZHU NAS LHAN SKYES KYI DGA' BA SKYES PA'I TSE, GZUNG 'DZIN GYI RTOG PA GCOD PA'O, ,LTE BA SOGS SU AA THUNG SOGS YONG BA'I RGYU MTSAN
NI, N'A RE PAn CHEN GYI SLOB MA KHA CIG SPYI BO NAS BYANG SEMS 'BAB PA'I TSE, DE NAS 'BAB PA'I BYANG SEMS LA CHA BZHIR BGOS PA'I CHA GCIG MGRIN PAR BABS PA'I TSE BSKAMS SHING MGRIN PA NA CHA GSUM YOD PAS DE DANG BSTUN NAS MGRIN PA'I AOm LA RING CHA SUM 'GYUR DANG, SNYING GAR SLEB PA'I TSE CHA MNYAM DU BGOS PA'I CHA GCIG BSKAMS PAS SNYING GA'I H'Um RING CHA GNYIS DANG LDAN PA DANG, LTE BAR SLEB PA'I TSE CHA GNYIS PO'I CHA GCIG BSKAMS PAS LTE BA'I AA LA RING CHA MI YONG BA'I RGYU MTSAN DE YIN NO GSUNG, SLOB DPON AA BHA YAS NANG GI SGRA 'DON LUGS LA BRTAGS NAS BYED DO, GSANG GNAS NAS STOD LA RLUNG SONG BA'I CHE LTE BAR SLEB PA NA AA THUNG DU'I SGRA SGROG PA DANG, SNYING GAR H'Um RING CHA GNYIS KYI SGRA SGROG PA DANG, MGRIN PAR SLEB PA'I TSE AOm RING CHA GSUM DANG LDAN PA'I SGRA SGROG PAS, DE'I CHA NAS LTE BAR AA THUNG, SNYING GAR H'Um RING PO, MGRIN PAR AOm RING CHA GSUM DANG LDAN PA BSGOM PA'I RGYU MTSAN DE YIN NO, ,MDOR BSDU NA SMAD NAS RLUNG SONG BA'I TSE LTE BAR AA THUNG GI YUN DANG, SNYING GAR H'Um GI SGRA SGROG PA'I TSE AA THUNG NYIS 'GYUR GYI YUN DANG MGRIN PAR AOm GYI SGRA SGROG DUS SU AA THUNG DU SUM 'GYUR GYI YUN YOD PAS, H'Um LA RING CHA GNYIS DANG, AOm LA RING CHA GSUM YOD DO, ` ,SKABS SU BAB PA'I DMIGS PA NGOS BZUNG BA NI, BSKYED RIM MTHAR PHYIN NAS RDZOGS RIM SGOM PA DANG, THUN BZHI'I TSE NA GSUM LA BSKYED RIM, GCIG LA RDZOGS RIM SGOM PA
, ,DANG, BSKYED RIM THUN BZHIR SGOM PA'I THUN RE RE'I RJES SU RDZOGS RIM SGOM PA'I LUGS GSUM LAS, 'DIR NI THA MA'I LUGS YIN LA, DE'ANG DANG POR LHA GANG YIN GYI MNGON RTOGS SGOM PA NAS, DE RJES BLA MA'I RNAL 'BYOR BSGOM ZHING BLA MA LA GSOL 'DEBS BRGYA TZAM RE BYA, DE NAS SPYI GTZUG NAS LTE BA'I BAR GYI RTZA GSUM PO'I GNAS TSUL DANG KHA DOG RNAMS GSAL 'DEBS SHING, LTE BA NA RTZA DMAR PO 'DAB MA BRGYAD PA GDUGS KHA GYEN LA BSTAN PA LTA BU, SNYING GA NA RTZA DKAR PO 'DAB MA BRGYAD PA GDUGS PHUB PA LTA BU, MGRIN PA NA RTZA DMAR PO 'DAB MA BCU DRUG PA GDUGS KHA GYEN LA BSTAN PA LTA BU, SPYI BO NA KHA DOG SNA TSOGS PA'I RTZA 'DAB SO GNYIS GDUGS PHUB PA LTA BU GSAL BTAB NAS LTE BA'I RTZA MDUD NANG DU ZLA BA'I STENG DU AA DMAR PO MGO GYEN LA BLTA BA SNYING GA'I RTZA MDUD NANG DU ZLA BA'I STENG DU H'Um SNGON PO MGO THUR BSTAN, MGRIN PA'I RTZA MDUD NANG DU ZLA BA'I STENG DU AOm DMAR PO MGO GYEN BSTAN, SPYI BO'I RTZA MDUD NANG DU ZLA BA'I STENG DU HE DKAR PO MGO THUR BSTAN BSGOMS LA, GTZO CHER NI LTE BA'I AA THUNG LA SEMS 'DZIN LA YI GE GZHAN GSUM LA CUNG ZAD RE SEMS 'DZIN, GONG GI RTZA'I KHA DOG BSHAD PA DE RNAMS NI 'DAB MA RNAMS KYI KHA DOG YIN NO, ,DE'ANG SGOM PA'I DUS SU RTZA MDUD DA DAG CUNG ZAD KROL BA'AM, LHOD DE SONG BAR BSAMS NAS RTZA MDUD DE DAG GI NANG DU YI GE DE DAG BSGOM PA YIN NO, ,RTZA 'KHOR BZHI PO DE DAG KYANG BSDU NA AE WAm GYI RTZA
GNYIS SU 'DU LA, DE'ANG AE LA GNYIS LAS THABS KYI RTZA NI SPYI BO'I RTZA, SHES RAB KYI RTZA NI LTE BA'I RTZA 'KHOR YIN ZHING, DE GNYIS KYANG DBYIBS GRU GSUM GYI RNAM PAR YOD DO, ,PAm GYI RTZA LA GNYIS LAS THABS KYI RTZA NI MGRIN PA'I RTZA, SHES RAB KYI RTZA SNYING GA'I RTZA 'KHOR YIN LA, DE GNYIS KYI DBYIBS GDUGS LTAR YOD DO, ,RTZA 'DAB DE DAG LA YI GE 'GOD TSUL NI RGYAS PA BLOS MI LCAGS NA GONG DU BSHAD PA LTAR RTZA 'KHOR BZHI PO DE'I LTE BA LA YI GE BZHI 'GOD LA, RGYAS PA BLOS LCOGS NA, LTE BA'I RTZA 'DAB BRGYAD LA, SDE TSAN BRGYAD KYI YI GE RNAMS DGOD PA YIN TE, SPYIR LTE BA LA RTZA MDUD KYI PHYI ROL TU RTZA 'DAB BZHI, DE'I PHYI ROL TU 'DAB MA BRGYAD, DE'I PHYI ROL TU DUS 'KHOR BA'I LUGS KYI RTZA 'DAB BCU GNYIS, RGYUD GZHAN GYI LUGS KYI 'DAB MA BCU DRUG ,DE'I PHYI ROL TU 'DAB MA RE BZHI RNAMS YOD PA LAS 'DAB MA GZHAN DANG RE RKYANG GNYIS BTANG SNYEMS SU BZHAG LA, LTE BA'I 'DAB MA BRGYAD BYAS LA BRGYAD PO DE DAG KYANG RTZA BA THAMS CAD DBU MA LA ZUG PAR BSGAMS LA 'DAB MA RNAMS LA YI GE 'GOD PA'I TSE SKABS GANG DU'ANG GA-YAS SKOR DANG, PHYOGS KYI DANG PO SHAR DANG, MTSAMS KYI DANG PO BYANG SHAR NAS BYED PA SKABS 'DIR SHES DGOS SHING, DE'ANG PHYOGS KYI YI GE SNGON DU DANG MTSAMS KYI YI GE RTING LA 'GAD DGAS SA, ,DE'ANG LTE BA'I SHAR LHO NUB BYANG BZHI LA RIM PA LTAR AA'I SDE CHEN DBYANGS YIG BCU DRUG DANG, KA SDE DANG, TZA SDE DANG, tA SDE RNAMS 'GOD, DE NAS BYANG SHAR SHAR LHO, LHO NUB NUB BYANG STE MTSAMS
, ,BZHI LA RIM PA LTAR, TA SDE, BA SDE, YA SDE, shA SDE RNAMS DGOD DO, ,SDE TSAN DE RNAMS ZHIB PAR 'GOD MI NUS NA PHYOGS BZHI MTSAMS BZHI LA RIM PA LTAR AA DANG KA SOGS SDE TSAN GYI YI GE DANG PO RNAMS DGOD DO, , SNYING GA'I RTZA 'DAB BRGYAD KYI PHYOGS BZHI DANG MTSAMS BZHI LA RIM PA LTAR AA AI AU AE RNAMS DANG YA RA LA WA LTA YI GE THUNG DU BRGYAD 'GOD DO, MGRIN PA'I RTZA 'DAB BCU DRUG LA SNYING GA'I YI GE BRGYAD PO RING CHA CAN SHAR NAS BRTZAMS TE PHYOGS BZHI DANG MTSAMS BZHI LA RIM PA LTAR 'GOD CING, DE'ANG SHAR GYI 'DAB MA LA 'GOD CING LHAG MA RNAMS RTZA RE RE PAR SKABS SU BZHAG NAS 'GOD CING, SPYI BO'I 'DAB MA SO GNYIS LA DBYANGS YIG BCU DRUG 'GOD LA, DE'ANG SHAR LA AA LTA BU BKOD NAS DE NAS LHAG MA RNAMS RTZA RE RE BZHAG NAS 'GOD PA SNGAR DANG 'DRA, 'DAB MA'I RTZA RNAMS KYI YI GE'I KHA DOG NI RANG RANG GI LTE BA'I YI GE'I KHA DOG DANG 'DRA ZHING, YI GE THAMS CAD KYANG ZLA PHYED THIG LE N'A DA DANG BCAS PA YIN LA, DE DAG KYANG BA MO'I BDUD RTZI 'DZAG PA'I RNAM PA CAN BSGOM DGOS PA YIN NO, ,RTZA MDUD NANG GI YI GE BSGOM PA'I DGOS PA NI RTZA MDUD GRAL BA'I CHAD YIN ZHING, 'DAB MA'I YI GE BSGOM PA'I DGOS PA NI, 'DAB MA'I RLUNG SEMS DBU MAR 'DU BA'I DGOS PA YOD DO, ,GSAL BYED RNAMS 'GOD PA'I DUS SU KshA MI 'GOD, MGO PHRENG LNGA BCU'I DAG PA SBYOR BA'I TSE KshA DANG BCAS PA'I BSAL BYED SO BZHI DBYANGS BCU DRUG DANG SBYOR BA YIN NA, ,RTZA NANG NA DBYANGS RNAMS KHA GYEN LTA,
GSAL BYED RNAMS KHA THUR LTAR BSHAD PA NI RO RKYANG DBU MA GSUM GYI NANG GI YI GE YIN GYI 'DAB MA'I YI GE MIN NO, ,'DAB MA RNAMS LA YI GE YOD TSUL NI, SHAR GYI 'DAB MA LTA BU'I DBANG DU BYAS NA, SHAR GYI 'DAB MA'I PHYI'I PHYOGS NAS RIM PA LTAR YOD DE, DE'ANG PHYI'I THA MA NA AA YOD LA, DE'I MDUN NA AA'A RING CHA CAN YOD CING DES DBYANGS YIG GZHAN RNAMS YOD TSUL RIGS 'GRO LA 'DAB MA GZHAN RNAMS LA KA SDE SOGS SDE TSAN GZHAN GYI YI GE RNAMS KYANG PHYI NAS NANG PHYOGS LA RIM PA LTAR 'GOD PA YIN NO, ,DE'ANG YI GE LANGS PA'I RNAM PA CAN GDONG LTE BA'I YI GE LA BSTAN PA'I TSUL GYIS 'GOD DGOS SO, ,'DAB MA'I YI GE RNAMS LA ZLA GDAN MA BSHAD PAS MI DGOS SHING, YI GE RNAMS GTZO CHE CHUNG MA GTOGS GSAL DBYANGS 'DRIS MA YIN LA, DBYANGS RNAMS KYI ZLA PHYED THIG LE N'A DE RNAMS GSAL BYED YIN NO, ,DE'ANG LTE BA'I YI GE RNAMS KYI DBANG DU BYAS NA DBUS KYI Am NI DBYANGS SHAS CHE GSAL BYED SHAS CHUNG, SHAR GYI 'DAB MA MA GTOGS PHYOGS KYI 'DAB MA RNAMS LA DBYANGS YIG MED PAS 'DAB MA RNAMS KYANG DBYANGS SHES CHUNG, GSAL BYED SHAS CHE BA'O, ,SNYING GA'I RTZA 'DAB KYI DBUS KYI H'Um NI GSAL BYED SHAS CHA LA, MGRIN PA'I RTZA 'DAB KYI DBUS KYI AOm NI DBYANGS SHAS CHE ZHING, DE GNYIS KYI 'DAB MA'I YI GE RNAMS NI GSAL DBYANGS CHA MNYAM PA'O, ,SPYI BO'I RTZA 'DAB KYI DBUS KYI HAm NI GSAL BYED SHAS CHE, DE'I 'DAB MA'I YI GE RNAMS NI DBYANGS SHAS CHE BA YIN NO, ,
, ,DE'ANG DBYANGS RNAMS KYIS NI BYANG SEMS DMAR PO DANG, GSAL BYED RNAMS KYIS NI BYANG SEMS DKAR PO MTSON NO, ,'DAB MA'I YI GE RNAMS GSAL NAS DE LA SEMS ZIN NA NI LEGS LA, MA ZIN KYANG 'KHOR LO BZHI'I DBUS KYI YI GE BZHI PO SHIN TU PHRA BA YUNGS KAR 'BRING PO'I TSAD TZAM LA SEMS ZIN NAS GNAS CHA CUNG ZAD RNYED NA DES CHOG PAS DE RNYED RNYED DU BSGOMS LA, YI GE'I GSAL SNANG SHAR NAS DMIGS PA SPO GSUNG, DE RNYED NAS THIG LE LA DMIGS PA SPO DGOS PA YIN TE, YI GE PHRA MO BSGOM PA NI THIG LE'I DMIGS RTEN RNYED PA'I CHED YIN PA'I PHYIR RO, ,THIG LE LA SEMS 'DZIN PA'I DUS SU 'DI LTAR BYA STE SNGAR GYI DMIGS PA RNAMS RIM PA LTAR GSAL BTAB LA, DE NAS SUM MDO NAS LAS KYI RLUNG GA-YOS PAS LTE BA'I AOm LAS ME 'BAR TE SPYI BO'I 'KHOR LO'I BAR DU RTZA DBU MA'I NANG NA YAR SONG STE, ME DE'I 'OD KYIS SPYI BO'I RTZA MDUD KYI YI GE RNAMS ZHU STE, 'KHOR LO'I LTE BAR 'DUS SHING HAm YANG ZHU NAS THIG LER GYUR PA DE RIM GYIS MGRIN PAR BABS TE 'OD KYIS MGRIN PA'I YI GE RNAMS ZHU NAS THIG LE DE NYID LA BSTIM LA, YANG MGRIN PA NAS BABS TE SNYING GAR SLEB PA NA DE'I 'OD KYIS SNYING GA'I YI GE RNAMS ZHU NAS THIG LE DE NYID LA THIM, YANG DE NYID SNYING GA NAS BABS TE LTE BAR SLEB PA NA DE'I 'OD KYIS LTE BA'I YI GE RNAMS ZHU NAS THIG LE DE NYID LA THIM PAR BSAMS LA DMIGS PA 'DZIN PA'I TSE, THIG LE DE NYID SEMS DANG THIG LE RLUNG
GSUM 'DUS PA YIN SNYAM PA'I MOS PA SON DU BTANG ZHING BDE STONG DBYER MED PA'I NGO BO YIN SNYAM DU BSAMS NAS, LTE BA'I RTZA MDUD NANG DU THIG LE DKAR LA DMAR BA'I MDANGS CHAGS PA YUNGS KAR 'BRING PO'I TSAD TZAM LA SEMS 'DZIN NO, , DMIGS RTEN PHRA MO SHAR NAS DE LA SEMS CUNG ZAD ZIN PA'I TSE DMIGS PA 'DI BSNAN NAS BSGOM PA YIN TE, DE'ANG RANG GI SEMS THIG LE PHRA MO DE'I NANG DU THIM PA'I MOS PA BYAS NAS THIG LE DE LA SEMS 'DZIN NO, ,DE LTAR GOMS PAS RANG GI SEMS DANG THIG LE GNYIS KYI BAR NA GNYIS SNANG MED PAR SEMS THIG LE LA THIM PA'I NYAMS SHAR BA'I TSE, THIG LE LA DMIGS PA'I DGOS PA GRUB PAS DMIGS PA SPO RAN PA YIN NO, ,YANG DE'I RJES SU DMIGS PA GONG MA RNAMS BSGOMS PAS SEMS THIG LE LA THIM PA'I NYAMS MA SHAR YANG, GONG GI DMIGS PA RNAMS BSGOMS PA'I RJES SU THIG LE LA SEMS 'DZIN PA'I DUS KYI SUM GNYIS SAM PHYED TZAM DU THUN RE RE LTAR RLUNG LA DMIGS NAS BSGOM PA YIN TE, DE'I SGOM TSUL NI RANG GI GZHOGS GA-YON PA DANG STENG 'OG GI RLUNG RNAMS LTE BA'I 'OG GI SUM MDOR BSDUS NAS, 'DUS MA THAG TU RLUNG DE RNAMS ME LONG LA HA BTAB PA BZHIN DU YAL BA'I DMIGS PA YANG YANG BYED DO, ,DE LTAR BSGOM PA'I DGOS PA NI RTZA LAM SBYOR BA DANG, RLUNG LA BRTEN PA'I GEGS RNAMS MI 'BYUNG ZHING MNYAM PAR BZHAG PA'I DUS SU SNA BUG TU RGYU BA'I RLUNG 'DI 'GAGS NAS 'GRO ZHING, DE'I 'GAG TSUL NI, DANG POR TING NGE 'DZIN LA MNYAM PAR BZHAG PA'I TSE,
, ,DBUGS GSUM GSUM RGYU BA'I YUN TZAM DU RLUNG SNA SGOR MI RGYU BA YIN LA, DE NAS GOMS PA JE CHER SONG NAS RLUNG SNA SGOR MI RGYU BA'I YUN DE RING DU 'GRO BAS DA GZOD SNGA DRO RE TZAM RLUNG SNA SGOR MI RGYU BA 'BYUNG BA YIN NO, ,DE'ANG DANG POR RLUNG 'GAG PA'I TSE SNA BUG GI RLUNG LOG NAS RLUNG GIS GROD PA GANG BA'I SNANG BA 'BYUNG LA, DE NAS GROD PA GANG BA'I SNANG BA LOG NAS SNA SGOR RLUNG RGYU BYUNG NA RLUNG 'GAG TSUL RNAL MA MIN LA, GROD PA'I NANG GI RLUNG DE ME LONG LA HAS BTAB PA BZHIN YAL YANG, DA RUNG SNA SGOR RLUNG MI RGYU NA RLUNG DBU MAR TSUD PA YIN NO, ,RLUNG DE'ANG RTZA BA'I RLUNG LNGA'I NANG NAS THUR SEL GYI RLUNG YIN LA, DE LA GSAR RNYING GNYIS YOD PA LAS RNYING PA RNAMS YAL NAS 'GRO BAS, RTZA DBU MA'I NANG DU MI 'GRO ZHING, RLUNG SNA SGOR RGYU BA LOG PA DANG DUS MNYAM DU LTE BA'I 'OG GI RTZA DBU MA'I SBUBS KHA PHYE BA DE'I NANG NAS THUR SEL GYI RLUNG GSAR PA SKYES NAS DES LTE BA'I ME SBAR NAS ME DES SPYI BO'I BYANG SEMS BZHU BA YIN NO, ,RLUNG DE'I DBYIBS NI GZHU'I DBYIBS LTA BUR YOD DO, ,DE LTAR RTZA DANG RLUNG DANG THIG LE'I BSHAD PA MANG DU BYAS KYANG MTHAR GTUGS NA TING NGE 'DZIN GYI MTHUS STENG GI SNA SGOR RLUNG RGYU BA LOG NAS DE MA THAG TU LTE BA'I 'OG GI RTZA DBU MA'I KHA BYE NAS DE'I NANG DU RLUNG GSAR PA SKYES TE RTZA DBU MA'I NANG GI RLUNG DES RTZA DBU MA'I NANG GI LTE BA'I ME SBAR PA'AM, LTE BA'I KHRAG 'PHEL NAS SPYI GTZUG BAR DU SONG BAS, RTZA DBU MA'I NANG GI SPYI BO'I BYANG SEMS BZHU NAS 'KHOR LO'I GNAS RNAMS SU BABS
PAS RIM PA LTAR DGA' BZHI'I RTOGS PA RGYUD NAS BSHAD PA BZHIN SKYE BA YIN PAS, RTZA GZHAN GYI NANG GI KHRAG 'PHEL BAS RTZA GZHAN GYI BYANG SEMS ZHU BA'I BDE BA SKYE BA YOD MOD, 'DIR GTZO BOR RTZA DBU MA'I NANG GI RLUNG GIS ME SBAR, DES SPYI BO'I BYANG SEMS BZHU BA DGOS PA YIN NO, ,DES NA RGYUD PHAL CHE BA SNA SGOR RLUNG RGYU BA LOG MA THAG TU RTZA DBU MA'I NANG DU RLUNG SONG NAS DES ME SBOR BA YAN MTHUN LA, SNA SGOR RLUNG RGYU BA LOG PA'I THABS SU DUS 'KHOR BAS GTZO BOR BUM PA CAN SGOM, GSANG 'DUS PAS RDOR BZLAS BYED, BDE DGYES PA RNAMS KYIS YI GE DANG THIG LE DANG MA LA SEMS 'DZIN PA SOGS GONG DU BSHAD PA 'DI RNAMS BYED DO, ,SNA SGOR RLUNG RGYU BA LOG PA NI RTZA DBU MA'I NANG DU RLUNG SONG NAS LTE BA'I ME SBAR BA'I RTAGS YIN LA, SNA SGOR RLUNG RGYU BA'I TSE LTE BA'I ME 'BAR BA'I 'PHRO CHOD PA'I RTAGS YIN NO, ,DE NAS DMIGS PA SNGA MA RNAMS BRTAN PA NA 'DI LTAR BSGOM PAR BYA STE, GONG GI DMIGS PA THUN RE RE LA MA CHAGS PAR BSKYANGS PA'I NGANG NAS, DMIGS PA DE DAG GI MTHUS STENG GI SNA SGOR RLUNG RGYU BA 'GAGS PA'I MOS PA BYAS LA, SUM MDO NAS RTZA DBU MA'I NANG GI RLUNG GA-YOS PA'I MTHUS, SHEL GYI GONG BU'I NANG NA MAR ME PHRA MO 'BAR BA LTAR, THIG LE LAS ME'AM, 'OD ZER GYI RE KHA PHRA MO KHA DOG DMAR SER REG BYA SHIN TU TSA BA TSAD SOR GNYIS NAS SOR BZHI'I BAR GANG MOS PA BYAS LA, ME KHYAD PAR DE LTA BU DANG LDAN PA SKYES PA'I DMIGS PA BYA STE SNGAR GYI THIG LE ME DANG BCAS PA LA SEMS 'DZIN PA YIN NO, ,DE CUNG ZAD BRTAN PA NA LTE BA'I ME PHRA MO DE
, ,SPYI BO'I BAR SONG BA'I DMIGS PA BYAS LA, ME DES SPYI BO'I BYANG SEMS BZHU NAS, RTZA DBU MA'I NANG 'KHOR LO RNAMS KYI LTE BAR RIM PA LTAR BABS NAS LTE BA'I RTZA 'KHOR GYI DBUS KYI SNGAR GYI THIG LE LA THIM PA'I MOS PA BYAS LA YANG SNGAR GYI THEG LE ME DANG BCAS PA LA SEMS 'DZIN NO, ,DE CUNG ZAD BRTAN PA NA YAR 'GRO'I ME DE CUNG ZAD RES SBOM DU SONG BA'I DMIGS PA BYED DO, ,YANG DE'I SKABS SU MAR ME GCIG GIS MDZOD DU MA SNANG BAR BYED PA LTAR, LTE BA'I ME DE RTZA 'KHOR RNAMS KYI LTE BAR SANG BA'I TSE, DE'I 'OD KYIS RTZA 'DAB RNAMS KYI NANG GSAL BA'I DMIGS PA BYED CING, BLOS LCOGS NA RTZA STONG PHRAG BDUN CU RTZA GNYIS PO THAMS CAD ME'I 'OD KYIS GSAL BAR BYAS PA'I DMIGS PA YANG DANG YANG DU BSGOM MO, ,DE LTAR BSGOMS NA NYAMS SNANG LA BRTEN NAS, LKOG GYUR CI RIGS LUNG BSTAN THUB PA 'BYUNG LA, 'ON KYANG MNGON SHES NI MIN GSUNG, DE NAS DMIGS PA DE DAG BRTAN PA NA 'DI LTAR DU BSGOM PAR BYA STE, RANG GI LTE BA'I ME DE YAR LA SPYI BO'I BAR DU SONG, DE NAS MAR SMIN MTSAMS KYI BAR DU 'ONGS NAS, 'BYUNG BA'I LAM RANG GI SNA BUG GA-YAS PA NAS THON TE, PHYOGS BCU'I BYANG SEMS DANG NYAN RANG SEMS CAN THAMS CAD LA PHOG PAS DE THAMS CAD KYANG SANGS RGYAS SU GYUR PA'I MOS PA BYAS LA, DE NAS DE RNAMS DANG SNGAR SANGS RGYAS ZIN PA'I SANGS RGYAS RNAMS KYI SNA BUG GA-YON PA NAS ME DE SONG BAS, SMIN MTSAMS NAS SPYI BO'I BAR DU SLEBS NAS, DE
NAS MAR MGRIN PA DANG SNYING GI DANG LTE BA'I BAR SONG STE LTE BA NAS THIG LE DKAR PO DRANGS TE SPYI BO'I BAR DU YAR BYUNG DE NAS MAR SMIN MTSAMS BAR DU 'ONGS NAS, SNA BUG GA-YAS NAS THON TE RANG GI 'JUG PA'I LAM SNA BUG GA-YAN NAS ZHUGS TE SMIN MTSAMS NAS SPYI BO'I BAR DU SONG STE, DE NAS MAR LTE BA'I BAR DU BABS PAS SNGAR MES GDUNGS PA RNAMS SOS NAS RANG GI RTZA MDUD KYI THIG LE LA THIM PA'I MOS PA YANG YANG BYAS LA, YANG SNGAR GYI THIG LE ME DANG BCAS PA LA SEMS 'DZIN NO, ,MDOR NA GONG DU BSHAD PA'I DMIGS PA ZIN PA'I RTAGS DE DAG BYUNG NA RAB LA, MA BYUNG NA'ANG DMIGS PA SNGA MA SNGA MA CUNG ZAD BRTAN PA NA DMIGS PA RTING MA PHOG LA, DMIGS PA RNAMS 'DRIL BA'I TSE, RANG RANG GI RTAGS MA RDZOGS KYI BAR DU RGYUN BSRINGS NAS NYI MA RE RE ZHING BSKYED RIM GYI THUN BZHI'I MTHA' LA BSGOM PA YIN NO, ,DE LTAR BSGOMS PAS LTE BA'I ME 'BAR TE SPYI BO'I BYANG SEMS ZHU BA'I GOMS PA RAB TU GYUR PA'I TSE SPYI BO'I BYANG SEMS ZHU BA DE NYID KYIS LTE BA'I ME 'BAR BA'I RKYEN BYED PAS DE NAS ME DMIGS SOGS LA BLTOS MI DGOS PAR 'BAR 'DZAG 'KHOR MAR 'BYUNG BA YIN NO, ,SPYI BO'I BYANG SEMS CHU KHAMS YIN PAS LTE BA'I ME DANG GNYIS GCIG GIS GCIG 'PHEL BA'I GROGS BYED PA MI 'THAD SNYAM NA, LTE BA'I ME ZER KYANG NGO BO KHRAG YIN PAS LTE BA'I DMAR CHAS GTZO BOR DROD BSKYED SPYI BO'I DKAR CHAS GTZO BOR BDE BA BSKYED CING CHU KHAMS GCIG GI GCIG GI GROGS BYED PA LA 'GAL BA MED DO, ,DES NA SPYI BO'I BYANG SEMS LTE
, ,BAR SLEBS PA'I TSE BSIL BAR 'GYUR ZHES BSHAD KYANG, BSAL BA'I DON DROD CHUNG DU SONG BA LA BYED NA DON 'GANGS CAN 'PHYUG PAS, DE LA MI BYA BAR BSIL BA'I DON SPYI BO'I BYANG SEMS KYIS LTE BA'I ME TSIM PA LA BYA'O, , DMIGS PA DE DAG BSGOM PA'I 'BRAS BU DGA' BZHI NGOS BZUNG BA LA GNYIS LAS, RANG BZHIN BRGYAD CU'I RNAM RTOG 'GAG RIM DANG BSTUN NAS DGA' BZHI NGOS 'DZIN PA NI RDZOGS RIM GYI'ANG RE MTHOR SLEBS PA'I DGA' BZHI NGOS 'DZIN TSUL YIN PAS, RE ZHIG 'DIR MI 'CHAD LA, DES NI 'DIR NI GNAS KYI SGO NAS DGA' BZHI NGOS 'DZIN PA YIN TE, DE'ANG BUM PA CAN DANG RDOR BZLAS DANG THIG LE'I RNAL 'BYOR ME DMIGS DANG BCAS PA GANG RUNG GI MTHUS, RLUNG SPYIR SNA SGO LA RGYU BA LOG CING LUS KYI NANG GANG BA LTA BUR SNANG BA'I NANG GI RLUNG ME LONG LA HA BTAB PA BZHIN DU YAL TE 'GAGS PA'I MTHUS SUM MDO'I RLUNG GIS LTE BA'I ME SBAR ZHES SPYIR BTANG LA BTAGS PA TZAM BRJOD KYANG ZHIB TU BSHAD PA'I RLUNG DE 'GAGS PA'I MTHUS RDO RJE'I NANG GI RTZA DBU MA ZHAR BA DE BYE NAS SBUBS CAN DU BYAS LA, DE'I NANG NAS SKYES PA'I THUR SEL GYI RLUNG GSAR PA SUM MDOR SONG STE KshA YIG GIS MTSON PA'I ME SPAR TE DE DUS SU RLUNG DE DANG DE 'DRES PA LA THIM ZHES BSHAD DO, , DE NAS SUM MDO'I ME DES LTE BA'I AAm YIG GIS MTSON PA'I ME SBAR NAS ME LCE SPYI BO'I BAR DU SONG NAS BYANG SEMS BZHU NAS DKAR CHAS MGRIN PA'I 'KHOR LO'I DBUS SU SLEBS PA'I BAR GYI DGA' BA NI, DGA' BZHI'I NANG NAS DGA' BA
SKYES PA YIN NO, ,DE NAS MGRIN PA'I RTZA 'KHOR GYI DBUS KYI LTE BA'I 'OG TZAM NAS BZUNG STE SNYING GA'I 'KHOR LO'I DBUS SU DKAR CHAS SLEBS PA'I BAR NI MCHOG DGA' SKYE DUS YIN NO, ,SNYING GA'I 'KHOR LO'I DBUS KYI LTE BA'I 'OG TZAM NAS BZUNG NAS LTE BA'I 'KHOR LO'I DBUS NAS DKAR CHAS SLEBS PA'I BAR LA KHYAD PAR GYI DGA' BA SKYE'O, ,LTE BA'I 'KHOR LO'I DBUS KYI 'OG TZAM NAS BZUNG NAS RDO RJE NOR BU'I DBUS SU SLEBS STE PHYIR MA 'PHOS PA'I BAR LA LHAN SKYES KYI DGA' BA SKYE'O, ,ZLA BA LA DKAR CHA 'PHEL BA CHA BCO LNGA, DKAR CHA RDZOGS NAS NAG CHA LA MA SLEBS PA'I BAR GYI CHA GCIG DANG BCAS PAS CHA BCU DRUG YOD PA DANG MTHUN PAR SPYI BO NAS NOR BU'I RTZE MO'I BAR GYI BYANG SEMS DKAR PO LA CHA BCU DRUG YOD PAS BCU DRUG PO DE LA BRTEN PA'I BDE BA'AM, DGA' BA'ANG BCU DRUG YOD DO, ,CHA BCU DRUG YOD TSUL NI SPYI BO NAS MGRIN PA'I BAR CHA MNYAM PA BZHIR BGOS NAS STENG NAS RIM PA LTAR BZHI CHA RE'I DUS SU DGA' BA'I DGA' BA SKYE LA, 'OG MA RNAMS LA'ANG CHA BGOD TSUL DANG DGA' BA GZHAN GSUM GYI SKYE TSUL YANG DES RIGS 'GRE'O, ,YANG NYI MAS KHYIM BCU GNYIS BGROD PA DANG MTHUN PAR SPYI BO NAS MGRIN PA'I BAR DANG, MGRIN PA NAS SNYING GA'I BAR DANG, SNYING GA NAS LTE BA'I BAR DANG, LTE BA NAS NOR BU'I RTZE MO'I BAR DE DAG LA CHA GSUM GSUM DU BGOS NAS GNAS BCU GNYIS PO DE DAG TU RIM PA LTAR DMAR CHAS SLEBS PA NA DMAR CHA CHA BCU GNYIS LA BRTEN PA'I BDE BA'AM DGA' BA BCU GNYIS SKYE'O, ,DGA' BA BCU DRUG DANG DGA'
, ,BA BCU GNYIS KYI KHYAD PAR NYAMS MYONG GI STENG NAS PHYED PA DGOS GSUNG, YAS BRTAN GYI DGA' BA'I SKABS SU SPYI BO NAS DKAR PO NAR MAR 'DZAG PA'I NGES PA MED KYANG, SPYI BO NAS 'ONGS PA'I BYANG SEMS DES ZHAR LA RTZA NANG GI BYANG SEMS GZHAN RNAMS KYANG DRANGS NAS 'BAB PAS GNAS 'OG MAR SLEBS KYIN DGA' BDE CHER 'GRO BA YIN NO, ,MAS BRTAN GYI DGA' BA'I SKABS SU GNAS GONG MA GONG MAR SLEBS KYIN DGA' BDE CHER 'GRO BA YIN LA, DE'ANG LHAN SKYES KYI DGA' BA LA DGA' BA BZHIR PHYE BA'I DGA' BZHI NI 'OG NAS RIM PA LTAR, NOR BU'I RTZE MO NAS YAR 'ONGS NAS LTE BAR SLEBS PA'I TSE, LHAN SKYES KYI DGA' BA'I DGA' BA DANG, DES SNYING GAR SLEBS PA'I TSE LHAN SKYES KYI DGA' BA'I MCHOG DGA' DANG, DES MGRIN PAR SLEBS PA'I TSE LHAN SKYES KYI DGA' BA'I KHYAD DGA' DANG, DES SPYI BO'I 'KHOR LO'I DBUS SU SLEBS PA'I TSE LHAN SKYES KYI LHAN CIG SKYES DGA' SKYE'O, ,DES NA MAS BRTAN LA LHAN SKYES LAS MA GTOGS PA'I DGA' BA MI SRID CING, YAS BABS LAS GZHAN PA'I DMIGS PA ZUR PA ZHIG GIS MAS BRTAN GYI DGA' BA SKYE DGOS SO, ,RLUNG SBYOR 'KHRUL 'KHOR SOGS MA BYAS KYANG ME DMIGS BYAS PA NYID KYIS RTZA SBYONG NUS PAS GEGS MI 'BYUNG BA YIN NO, ,RLUNG BUM PA CAN SGOM PA SOGS MA BYAS KYANG THIG LE LA SEMS ZIN NAS, STENG GI SNA SGO LA RGYU BA'I RLUNG 'GAGS PA'I MTHUS THIG LE 'DZAG MED DU 'CHING NUS PA YIN ZHING, GONG GI DMIGS PA DE
RNAMS BDE MCHOG DANG KYE RDOR GYI MNGON RTOGS DANG SPREL NAS BSGOM NA BOGS CHE BA YIN NO, ,DGA' BA BZHI'I NANG NAS LHAN SKYES KYI DGA' BA SKYES PA'I TSE DE DANG STONG NYID SBREL NAS SGOM PA YIN ZHING, LHAN SKYES DE'ANG YAS BABS KYI SKABS SU GNAS DMA' BA TZAM GYIS DGA' BDE CHE ZHING, MAS BRTAN GYI SKABS SU GNAS MTHO BA TZAM GYIS DGA' BDE CHER 'GRO BAS STONG NYID BSGOMS PA DE DANG LHAN SKYES KYE DUS GO BAS DMIGS PHYED PO BYAS NAS SKYONG DGOS PA YIN NO, ,RLUNG 'GAG DUS SU RLUNG DBU MAR 'DU BA'I BSHAD PA'ANG GRUB CHEN 'GA' RES BYAS YOD PAS 'DAB MA'I NANG GI LAS RLUNG RNAMS DBU MA'I NANG DU SONG BA'I TSE DBU MA'I NANG DU SLEBS TZAM NAS YAL PA'I DMIGS PA BYAS KYANG 'GAL BA MED CING, YANG DBU MA'I PHYI ROL TU 'GAG PA BYAS PA'I LUGS KYANG YOD PAS DE GNYIS GANG MOS KYIS CHOG GSUNG NGO, ,'DI NI PHAG LO DGUN GNAS SNEL PAS BTEG NAS SE RA CHOS SDINGS SU BZHUGS DUS BLA MA RIN PO CHE BLO BZANG GRAGS PA'I ZHAL SNGA NAS MA RGYUD KYI RDZOGS RIM DBYID THIG BRGYA TZAM LA GNANG DUS MI BSKYOD RDO RJES ZIN BRIS SU BRIS PA YIN NO,, MANGGA LAm, ,