'Notes for Various Practices of the Inner Drops of Spring,' being an Overview of the Stage of Completion

*, ,RDZOGS RIM GYI SPYI DON DPYID KYI THIG LE'I DMIGS RNAM SKYONG BA'I ZIN BRIS BZHUGS SO, ,

, ,MI 'PHROGS PA'I MKHYEN RAB DANG BRTZE BA'I THUGS RJER LDAN PA'I RJE BTZUN BLA MA DAM PA RNAMS DANG, GNAS GSUM MKHA' 'GRO'I TSOGS LA PHYAG 'TSAL LO, ,DE LA 'DIR, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES BSHAD PA LTAR, BSKYED PA'I RIM PA LA THUN BZHIR BSLABS SHING, RDZOGS PA'I RIM PA 'DOD PA RNAMS KYIS 'DI LTAR SHES PAR BYA STE, DE LA 'DIR RDZOGS RIM DU 'JOG PAR BYED PA LA, STONG NYID RTOGS PA TZAM GYIS 'JOG MI NUS TE, STONG NYID RTOGS PA THEG DMAN LA YANG YOD PA'I (~ BSKYED RIM BSGOM PA LA, LHA'I SKU MDOG SOGS SNANG BA GSAL ZHING BRTAN PA DANG, RANG NYID LHA DE YIN NO SNYAM PA'I NGA RGYAL BRTAN PA BSGRUB PA GNYIS YOD MOD KYANG, GTZO BO NI RANG LHA DE'O SNYAM DU BSAMS PA NA BCOS NAS BYAS PA MIN PAR 'DZIN STANGS BCOS MA MIN PAR BSGYUR THUB PA'I NGA RGYAL BSKYED PA 'DI YIN PAS, 'DIR YANG NGA RGYAL BSKYED PA NYID YIN GSUNG NGO,) ,PHYIR RO, ,DE'I STENG DU LHA'I RNAL 'BYOR YOD PA TZAM GYIS KYANG 'JOG MI NUS TE, STONG NYID DANG LHA'I RNAL

, ,'BYOR BYA SPYOD PA LA YANG YOD PA'I PHYIR RO, ,DE'I STENG DU RLUNG GI RNAL 'BYOR GYIS KYANG 'JOG MI NUS TE, STONG PA DANG LHA'I RNAL 'BYOR DANG RLUNG GI RNAL 'BYOR RGYUD SDE 'OG MA GSUM LA YANG YOD PA'I PHYIR RO, , 'ON GANG YIN NA, 'DIR LUS LA GNAD DU BSNUN NAS SEMS LA BOGS BTON PA'I STONG NYID KYI RTOGS PA LA RDZOGS RIM DU 'DOD PA YIN TE, DE LTA BU'I RDZOGS RIM STAN PA'I GZHUNG DE JI LTA BU ZHEN, DE LA SPYIR RDZOGS RIM NI, SLOB DPON NAG PO SPYOD PAS, DE KHO NA NYID GSAL BA'I SGRON ME DANG, RIM PA BZHI PA DANG, DPYID KYI THIG LE RNAMS MDZAD DE, DANG PO NI, PHA RGYUD DANG MA RGYUD RNAMS KYI GLENG GZHI'I YI GE BZHI BCU'I BSHAD PA MDZAD NAS, RGYUD GNYIS KAS MTHAR LHAN CIG SKYES PA'I BDE BA BSGRUB PA LA KHYAD PAR MED PAR BSGRUB BO, ,RIM PA GNYIS PA'I RGYUD KYI RIM PA LAS, LUS KYI 'CHAGS TSUL GTAN LA 'BEBS LA, SNGAGS KYI RIM PAS NI, GTUM MO JI LTAR SBOR BA'I TSUL STON, YE SHES KYI RIM PAS NI YAS BABS DANG MAS BRTAN GYI DGA' BZHI'I SKYE BA'I RIM PA BSTAN NO, ,GSANG BA'I RIM PAS NI, DE LTAR GOMS PA'I RIM PA STON NO, ,SAm BHU

tA'I RJES SU 'BRANGS NAS, RIM PA BZHI PO DE DAG RGYAS PAR STON PA NI, DPYID KYI THIG LE YIN NO, ,DE BZHIN DU NAM MKHA' DANG MNYAM PA'I RGYUD KYI RJES SU 'BRANGS NAS, SLOB DPON DRIL BU PAS RIM PA LNGA PA MDZAD DE, ,RANG BYIN GYIS BRLABS PA'I RIM PA, SNA TSOGS RDO RJE'I RIM PA, NOR BU 'GENGS PA'I RIM PA, DZA LAN DHA RA'I RIM PA STE BZHI NI, RLUNG DANG THIG LE DANG GTUM MO'I RNAL 'BYOR GYI RTZA RLUNG THIG LE RNAMS SHIN TU DUL BAR BYAS NAS 'OD GSAL DU 'JUG PA'I THABS SO, ,DE LTAR LDANG BA NA SEMS GSUM DANG BCAS PA GRUB PA'I LHA'I SKU SKYED PA STE, LDANG 'JUG DE NI BSAM GYIS MI KHYAB PA'I RIM PA YIN PA'I PHYIR RO, ,DES NA DGONGS 'GREL MKHAN POS MDZAD PA'I BSTAN BCOS RNAMS DANG, DE DAG GANG NAS BTUS PA'I RGYUD RNAMS LA, KHA CIG TU LHAN SKYES KYI BDE BA'I RIM PA TZAM ZHIG BSHAD NAS GZHAN MA BSHAD PA DANG, KHA CIG TU RTZA DANG RLUNG DANG YI GE'I BSHAD PA DANG, KHA CIG TU LUS KYI 'CHAGS LUGS DANG, KHA CIG TU DE DAG BSGOM PA'I RNAL 'BYOR GTUM MO JI LTAR SBOR BA'I TSUL STON CING, DE LAS KYANG RLUNG LA DMIGS PA DANG, ME LA DMIGS PA DANG, YI GE DANG THIG LE LA DMIGS PA TZAM ZHIG BSHAD NAS, DE DAG BSGOMS NAS LHAN SKYES SKYE BA'I RGYU 'BRAS KYI RIM PA RGYAS PAR MA BSTAN PA MANG LA, DE DAG PHAL CHER RGYAS PAR STON PA NI, SAm BHU tA'I RGYUD DO, ,DE YANG MDOR NA RNAL 'BYOR BLA MED KYI RDZOGS RIM GYI GDAMS NGAG GI GTZO BO NI, SPYI BO'I BYANG SEMS ZHU BA LAS BYUNG BA'I LHAN SKYES KYI DGA' BA DANG, STONG NYID

, ,DBYER MED PA'I TING NGE 'DZIN YIN PAR, BRAM ZE CHEN PO SA RA HA LA SOGS PA'I RGYA GAR GYI MKHAS GRUB KHUNGS MA THAMS CAD ZHAL MTHUN LA, SPYI BO'I BYANG SEMS BZHU BA'I THABS SU RLUNG SBYOR DANG, ME DMIGS SOGS MANG PO ZHIG GSUNGS KYANG DE THAMS CAD GTUM MOR 'DU BA YIN NO, ,DE DAG GI DON DU BSAMS PA'I BOD KYI YI GE'I RIS LAS KYANG, GTUM MO'I DMIGS SKOR PHYOGS RE TZAM BSHAD NAS, RGYU 'BRAS KYI RIM PA RDZOGS PAR MA BSTAN PAS, DE DAG MTHA' DAG PAR MA SHES NA LAM SGOM PA'I RIM PA MKHAS PA MGU BA BSKYED PA MA SHES SO, ,DE LA PHA RGYUD MA RGYUD GNYIS KAS KYANG LAM GYI GTZO BO LHAN CIG SKYES PA'I BDE BA STON PA LA KHYAD PAR CUNG ZAD KYANG MED LA, DE SGRUB PA'I THABS KYANG GTUM MO SBOR BA NYID YIN PAS, DE'I SBOR BA'I TSUL LA RDO RJE'I BZLAS PA LA SOGS PA'I RLUNG GI RNAL 'BYOR DANG, YI GE LA DMIGS PA DANG, THIG LE'I RNAL 'BYOR SOGS DU MA ZHIG YOD LA, DE YANG LUS KYI GNAD GANG ZHIG TU RLUNG LA SOGS PA'I DMIGS PA BZUNG NAS, TSUL JI LTAR BSGOMS PAS GTUM MO 'BAR BA LA, THEG MAR GNAD DU BSNUN PA'I RDO RJE LUS KYI 'CHAGS TSUL SHES DGOS PAS, DE BSHAD PA LA BZHI 'CHAGS TSUL RGYAS PAR BSHAD PA DANG, DE LA GNAD DU BSNUN PA'I RNAL 'BYOR DANG, DE LA BRTEN NAS BDAG MED PA'I RNAL 'BYOR DANG, RDZOGS RIM GYI GSUNG BGROS BSTAN PA'O, ,DANG PO LA GSUM, RTEN RTZA BSHAD PA DANG,

BRTEN PA THIG LE DANG RLUNG BSHAD PA DANG, RTZA RLUNG THIG LE GTAN LA PHAB PA'I DGOS PA'O, ,DANG PO LA LNGA, GRANGS NGES PA DANG, SKYE BA'I GO RIM NGES PA DANG, GNAS PA'I NGO BO NGES PA DANG, DOGS PA DPYAD PA DANG, RTZA DE RNAMS LHA DANG SBYAR BA'O, ,DANG PO LA GNYIS, DBYE BA DANG, GRANGS NGES PA'I RGYU MTSAN NO, ,DANG PO NI, PHYI MTSAN NYID THEG PA'I DGA' BO MNGAL 'JUG GI MDOR, LUS KYI GA-YAS GA-YON GNYIS, MDUN RGYAB GNYIS TE DE BZHIR RTZA NYI KHRI NYI KHRI STE LUS LA RTZA BRGYAD KHRI YOD PA 'DIR MI 'CHAD CING, NANG DU GSANG SNGAGS NAS LUS LA RTZA BDUN KHRI NYIS STONG YOD PAR GSUNGS PAS DE 'CHAD DO, ,SDOM 'BYUNG GI BDUN PAS, BDUN CU GNYIS KYI STONG PHRAG RNAMS, ,LUS KYI RJES 'BRANGS RTZA RU 'GYUR, ,RTZA DANG NYE BA'I RTZA RNAMS TE, (,~ ZHAG BDUN PHRAG BCO LNGA PA LA LUS KYI MDUN RGYAB DANG, GA-YAS GA-YON BZHIR LNGA LNGAR NYI SHU BSKYED LA, DE RE RE LA RTZA'I 'KHOR LO BZHI BCU YOD PAS BRGYAD BRGYA STE, SNGAR GYI GNAS KYI GNAS BZHIR NYIS BRGYA RE RE'O, ,DE RE RE LA YANG RTZA'I 'KHOR LO BRGYA BRGYA YOD PAS BRGYAD KHRI STE, MDUN LA SOGS PA BZHIR NYI KHRI 'CHAGS SHING, KHA DOG NI SNGON PO LA SOGS PA SNA TSOGS YOD CING, KHA CIG LA BUG GCAG PA DANG, KHA CIG LA GNYIS PA NAS, BDUN PA'I BAR YOD PAR GSUNGS SO,) ,DE RNAMS GNAS NA BRTEN PA'O, ,NYI SHUS LHAG PA'I BRGYA YIS NI, ,RTZA YI 'KHOR LO BRJOD PAR BYA, ,RTZA YI GNAS DANG YUL RNAMS NI, ,NYI SHU RTZA BZHI'I GRANGS YIN TE, ,DE RNAMS DBUS NA RTZA GSUM NI, ,RTEN DANG KUN TU 'GRO BA'O, ,LA L'A NA LA SOGS PA'I RTZA, ,RTZA RNAMS KUN GYI GTZO BO STE, ,DE NYID PHYIR NA GZHAN GYI RTEN, ,

, ,GANGG'A SIN DHUR GZHAN 'JUG BZHIN, ,ZHES GSUNGS PA'I BDUN KHRI NYIS STONG GI NANG NAS KYANG, BRGYA NYI SHU GTZO BO YIN TE, RLUNG DANG RNAM PAR SHES PA'I RTEN BYED PA'I PHYIR RO, ,DE'I NANG NAS KYANG NYI SHU RTZA BZHI GTZO BO YIN TE, GNAS DANG YUL GYIS PHYE BA'AM, SKRA DANG SEN MO DANG SO LA SOGS PA'I RGYU BYED PA'I PHYIR RO, ,DE LAS KYANG RO RKYANG DBU MA GSUM RTZA'I GTZO BO YIN TE, RTZA GZHAN THAMS CAD DE LAS SKYE DGOS PA'I PHYIR RO, ,DE LAS BRGYA NYI SHU DBYE BA NI, SPYI BO BDE CHEN GYI 'KHOR LO RTZA 'DAB SO GNYIS, MGRIN PA LONGS SPYOD KYI 'KHOR LO RTZA 'DAB BCU DRUG, SNYING KHA CHOS KYI 'KHOR LO BRGYAD, LTE BA SPRUL PA'I 'KHOR LO DRUG CU RE BZHI RNAMS YIN NO, ,NYER BZHI'I DBYE BA NI SNYING GA'I 'DAB MA BRGYAD KYI RGYUD SPYI BO LA SOGS PA'I GNAS NYER BZHIR GNAS PA'I DBANG GIS YIN LA, DE YANG SKU GSUNG THUGS KYI DBYE BA GSUM STE, DE LA SPYI BOR RTZA MI PHYED MA NAS, (~ PHYOGS BZHI'I RTZA LA RTZE MO GNYIS GNYIS SU GYES PAS PHYOGS MTSAMS KYI RTZA BRGYAD DO, ,BRGYAD PO RE RE LA GSUM GSUM DU GYES PAS, MI PHYED MA DANG, PHRA GZUGS MA DANG, RTZE BA MA DANG, GA-YON PA MA DANG, THUNG DU MA DANG, RUS SBAL SKYES MA DANG, SBO MA MA DANG, DBANG BSKUR MA STE BRGYAD THUGS, SKYON LDAN MA DANG, 'JUG MA DANG, MA MO DANG, MTSAN MO DANG, BSIL SPYIN MA DANG, TSA BA MA DANG, GZHOL MA DANG, RANGS MA STE BRGYAD GSUNG NGO, ,GZUGS CAN MA DANG, SPYI MA DANG, RGYU SBYIN MA DANG, SBYOR BRAL MA DANG, SDUG GU MA DANG, GRUB MA DANG, 'TSED MA DANG, YID BZANG MA STE BRGYAD SKU'O, ,NYI SHU RTZA BZHI PO RE RE LA

GSUM GSUM DU PHYE BAS BDUN CU RTZA GNYIS SO, ,RE RE LA YANG STONG PHRAG GYES PAS RTZA BDUN KHRI NYES STONG YOD, DE RNAMS LA GSUM DU BYAS PA'I STONG PHRAG NYI SHU RTZA BZHI LA BYANG SEMS DKAR PO 'BAB PA'I PHYIR SNYING STOBS DANG, SKU DANG, THABS DANG, BDAG PO'I RTZA DANG LAM ZHES BYA'O, , STONG PHRAG NYI SHU RTZA BZHI LA BYANG SEMS DMAR PO 'BAB PAS RDUL DANG, GSUNG DANG, SHES RAB DANG, LONGS SPYOD PA'I RTZA DANG LAM ZHES BYA'O, ,STONG PHRAG NYI SHU RTZA BZHI LA RLUNG 'BAB PA'I PHYIR MUN PA DANG, THUGS DANG, MA NING DANG, THIG LE 'BAB PA'I RTZA DANG LAM ZHES BYA STE, PHRENG BAR, STONG PHRAG NYI SHU RTZA BZHI NI ZLA BA 'BAB STE, RGYANG MA'I RIGS ZHES SOGS SO,) ,SO SEN 'BAB CING, SPYI GTZUG RTZA PHRA GZUGS MA NAS SKRA DANG SPU RNA BA GA-YAS RTZA RTZE BA MA NAS PAGS PA DANG, DRI MA, LTAG PAR RTZA GA-YON PA NAS SHA, RNA BA GA-YON PA RTZA THUNG DU MA NAS RUS PA, SMON MTSAMS RTZA RUS SPAL SKYES MA NAS RGYUS PA, MIG GNYIS RTZA SGOM MA NAS MCHIN PA, PHRAG PA GNYIS RTZA DBANG MA NAS SNYING 'BAB STE THUGS KYI BRGYAD DO, ,MTSAN KHUNG GNYIS SKYON LDAN MA NAS MIG 'BAB, NU MA GNYIS RTZA 'JUG MA NAS MKHRIS PA, LTE BAR RTZA MA ME NAS GLO BA 'BAB, SNA RTZER RTZA MTSAN MO NAS RGYU MA, KHA RTZA BSIL BYED MA NAS STA ZUR GYI RGYUS PA, MGRIN PA RTZA TSA BA NAS LTO BA, SNYING GAR RTZA MTSAN MA NAS BSHANG BA, GSANG RTZA'I SGO NGA GNYIS RTZA RANGS MA NAS MTSOG MA'I MTSAMS MTHA' 'BAB STE GSUNG GI BRGYAD DO, ,MTSAN MAR GZUGS CAN MA NAS BAD KAN 'BAB BO, ,BSHANG LAM RTZA SPYI MA NAS RNAG 'BAB BO, ,BRLA GNYIS RTZA RGYU SBYIN MA NAS KHRAG ,BYIN PA

, ,GNYIS RTZA SBYOR BRAL MA NAS RDUL, RKANG SOR BRGYAD RTZA SDUG GU MA NAS CHIL, BOL GONG GNYIS RTZA GRUB MA NAS MCHI MA, RKANG MTHEB GNYIS RTZA 'TSER MA NAS MCHIL MA, PUS MO GNYIS RTZA YID BZANG MA NAS SNABS 'BAB STE SKU'I RTZA BRGYAD DO, ,DE SKAD DU YANG, SAm BHU tA LAS, PU LI RAR NI MI PHYED MA, ,SO DANG SEN MO 'BAB PAR BRJOD, ,'BAR BA 'DZIN MAR PHRA GZUGS MA, ,DE BZHIN SKRA DANG BA SPU 'BAB,, ` DBU RGYAN GNAS NI CHEN PO LA, ,RTZE BA MA NI RNAM PAR GNAS, ,RNA BA GA-YAS PAR GNAS PA NI, ,PAGS PA DRI MA 'BAB PAR GNAS, ,AAR BU TAR NI GA-YON PA MA, ,MKHA' 'GRO MA NI SHA 'BAB MA, ,GANG ZHIG CHU RGYUS 'BAB PA'I RTZA, ,BA YI MCHOG SBYIN RNAM PAR GNAS, ,DE NI PHRA BA'I TSUL GYIS GNAS, ,THUNG DU MA NI RNAM PAR BSHAD, ,GANG ZHIG DGA' BA'I DBANG PHYUG GNAS, ,DE BZHIN RUS SBAL SKYE MAR GRAGS, ,SRA BA'I DNGOS PO GNAS PA'I PHYIR, ,RUS PA 'PHRENG BA 'KHRUG PAR GNAS, ,LHA MO'I MKHAR DU GANG ZHIG RTZA, ,'JAM PA SGOM PA MA RU BRJOD, ,DE NI RTAG TU MCHIN PA 'BAB, ,THAMS CAD LUS LA LHAG PAR GNAS, ,LA LA WAR NI DBANG LA NYID, ,RGYAL BA'I DBANG PHYUG NYID LA GNAS, ,RTZA NI GANG ZHIG MIG 'BAB MA, ,'DOD PA'I GZUGS SU RNAM PAR GNAS, ,GZUGS NI MTHONG BAR 'DOD PA STE, ,SKYON LDAN MA ZHES RNAM PAR BSHAD, ,AO tER MKHRIS PA 'BAB PA'I RTZA, ,GANG ZHIG 'JUG NI MTSAN MO NYID, ,RGYU MA'I 'PHRENG BZANG KHYAB CING 'BAB, ,KA LING KAR NI BSIL SBYIN MA, ,

NGOS KYI CHU RGYUS YANG DAG BSHAD, ,TSA BA MA NA LTOG NAS NGES, ,LAM BA KAR NI RAB TU GRAGS, ,MTSAN MO NYID NI KANYTZIR GNAS, ,THAMS CAD DU NI BSHAD PA 'BAB, ,MTSAMS KYI MTHA' NI NANG DU YANG, ,KHA BA'I GNAS SU RANGS PA'I GDONG, , SHIN TU GZUGS CAN BAD KAN LDAN, ,YI DVAGS LHAG GNAS YANG DAG GNAS, ,GANG ZHIG RTAG TU RNAG 'BAB MA, ,KHYIM NI LHAR NI YANG DAG GNAS, ,MKHA' 'GRO DAM PA'I DBANG PHYUG MA, ,DPYI MA NYID DU RNAM PAR BSHAD, ,SO RASHta NI GANG ZHIG RTZA, ,RGYU SBYIN MA DE DMAR MOR 'BAB, ,RDUL NI 'BAB PAR GYUR NAS NI, ,GSER GLING DU NI YANG DAG BSHAD, ,YAN LAG GZI BRJID KUN KHYAB MA, ,BRJOD BRAL MAR NI RAB TU GRAGS, ,NA GA RAR NI SDUG GU MA, ,TSIL CAN SBOM ZHING MYOS BYED 'BAB, ,SIN DHUR SHIN TU GRUB MA NYID, ,MYA NGAN MCHI MA 'BAB PAR BRJOD, ,MA HUR GNAS MA LUD SKAM 'BAB, ,'TSED PA MA ZHES RNAM PAR BSTAN, ,KU LU TAR NI YID BZANG MA, ,BYIS PA'I SNABS NI 'BAB PA MO, ZHES GSUNGS SO, , GNYIS PA RTZA DE DAG TU GRANGS NGES PA'I RGYU MTSAN NI, ,RTZA'I GTZO BO GSUM DANG, NYER BZHI DANG, BDUN CU RTZA GNYIS DANG, STONG PHRAG BDUN CU RTZA GNYIS LA, SKU GSUNG THUGS SAM, THIM PA DANG, LONGS SPYOD PA DANG, BDAG PO GSUM GYI SGO NAS GSUM GSUM DU 'BYED PA DANG, GSUM DU GRANGS NGES PA NI RTZA DE DAG GI NANG NAS 'BAB PA'I RDZAS LA, BYANG SEMS DKAR DMAR GNYIS DANG, RLUNG GSUM DU NGES PA'I GNAD DE YIN NO GSUNG NGO, ,GNYIS

, ,PA SKYE BA'I GO RIM NGES PA NI, MAN SNYE LAS, 'DI LTA BU AA WA DH'U T'I DANG LHAN CIG RTZA LNGA RNAMS DANG PO STE, DE'I RJES SU DANG, DE NAS NYI SHU RTZA BZHI ZHES PA'O, ,ZHES PA'I DON, MNGAL DU DANG POR RTZA 'CHAGS PA'I TSE, SNYING KHAR LTE BA LA RE RKYANG DBU MA GSUM, SHAR DANG LHO'I 'DAB MA GNYIS LA, RIM PA LTAR SUM SKOR MA DANG, 'DOD MA GNYIS TE LNGA DUS MNYAM DU 'CHAGS SO, ,DE NAS NUB TU KHYIM MA DANG, BYANG DU GTUM MO, ,DBU MA DANG LHAN CIG BDUD BRAL MA STE GSUM 'CHAGS SO, ,SNYING KHAR DANG POR CHAGS PA'I RTZA BRGYAD NI DE RNAMS YIN NO, ,PHYOGS KYI RTZA BZHI NI RO RKYANG DBU MA GSUM LA NANG DU PUG PA RDOL BA'I TSUL GYIS RTZA BA ZUG YOD LA, DE YANG MTSAMS KYI RTZA BZHI NI, PHYOGS KYI RTZA BZHI LAS GYES PA YIN LA, DE YANG BRJOD NA SHAR GYI SUM SKOR MA LAS SHAR LHO MTSAMS KYI RTZA DE GYES PA YIN LA, MTSAMS KYI RTZA GZHAN GSUM NI, RIM PA LTAR LHO'I 'DOD MA, NUB KYI KHYIM MA, BYANG GI GTUM MO GSUM LAS GYES PA YIN NO, ,BDUD BRAL MA NI DBU MA LA 'KHRIS NAS LTE BA NAS LCE RTZE'I BAR DU GNAS SHING, RTZA GZHAN DU KHAMS DANG RLUNG RGYU BA LA 'DIS GOGS BYED CING, RANG GI NANG DU 'CHI BA'I TSE MA GTOGS MI RGYU BAS DUS KYI RTZA DANG, RNAL 'BYOR MA RNAMS KYI 'GOG PA ZHES GSUNGS SO, ,BDUD ZER PA'I RGYU MTSAN YANG, RANG GZHAN GNYIS KAR DU BYANG SEMS 'GOG PA DE KA LA ZER RO, ,RTZA 'DAB BRGYAD

PO DE LAS SKU GSUNG THUGS KYI RTZA BRGYAD BRGYAD GYES PAS BRGYAD GSUM NI NYI SHU RTZA BZHI YIN NO, ,DE SKAD DU KHA SBYOR GYI BRTAG PA DRUG PAR, SNYING KHA'I NANG SON PAD MO NI, ,'DAB MA BRGYAD PO SNYING POR BCAS, ZHES DANG, 'DAB MA RNAMS KYI BZHI LA YANG, ,'BYUNG BA BZHI YI RTZA RNAMS NI, ,MAR ME'I RANG BZHIN LTA BU NI, ,PHYOGS BZHI LA NI RNAM PAR GNAS, ,RTZA RNAMS BZHI YANG MTSAMS RNAMS SU, ,RNAM PAR GNAS SHING DER SON PA, ,BDUD RTZI LNGA NI 'BAB PA STE, ,DE (BDUD RTZI LNGA NI BSHAD GCI GNYIS DANG, BYANG SEMS DKAR DMAR BZHI MTHUN LA, DE'I LHAG MA LNGA PA LA RDO RJE PHRENG BA DANG, PHYAG CHEN THIG LER SHA CHEN DANG, SDOM 'BYUNG LAS, MGO SKYES DE BZHIN SBUBS LAS SKYES, ,SHA LAS SKYES DANG GSUM DU 'GYUR, ZHES KLAD PA DANG, RKANG MAR DANG, TSIL BU GSUM LA BSHAD DO, ,SAm BHU tIR, BSHAD DANG GCI ? BA BAD KAN DANG, ,KHRAG DANG LNGA PA KHU BA NYID, ,CES BAD KAN LA BSHAD DO, ,DE LNGA DE BZHIN GSHEGS PA LNGAR 'JOG TSUL NI, RDO RJE PHRENG BA DANG, PHYAG CHEN THIG LER, DRI CHU MI BSKYOD PA, DRI CHEN RNAM SNANG, KHAMS DMAR PO RIN 'BYUNG, DKAR PO 'OD DPAG MED, SHA CHEN DON GRUB TU BSHAD GSUNG NGO,) MCHOD RANG GI GZUGS GNAS PAS, ,DE YI DNGOS PO'I NGO BO LAS, ,MCHOD PA BZHIR NI RNAM PAR BSHAD, ,LUS KYI SNYING KHA'I NANG DU NI, ,RTZA RNAMS LNGA NI RNAM PAR GNAS, ,SKU GSUNG THUGS KYI DBYE BA YIS, ,NYI SHU RTZA BZHIR NYER BRJOD DO, ,ZHES SO, ,NYI SHU RTZA BZHI PO DE'I STENG DU SNYING KHAR DANG POR 'CHAGS PA'I RTZA BRGYAD BSNAN PAS, DE LA BYANG SEMS 'BAB PA'I RTZA SO GNYIS ZHES SPYIR BTANG DU THA SNYAD BYED CING, BYE BRAG TU

, ,SO DANG SEN MO RNAMS 'BAB STE, KHA SBYOR LAS, BYANG CHUB SEMS KYI RANG BZHIN RTZA, ,SUM CU RTZA GNYIS DAM PA YIN, ,GNAS SOGS DBYE BA LA GNAS NAS, ,GNAS DANG GNAS LA RNAM PAR GNAS, ,SPYI BOR YAN LAG 'BYUNG BA'I RTZA, ,RTZA NI SPYI BOR SKYES ZHES BRJOD, CES SO, ,NYER BZHI PO DE LA GSUM GSUM DU GYES PAS BDUN CU RTZA GNYIS SU 'GRO BA YIN NO, ,DE YANG RDO RJE PHRENG BA'I RGYUD LAS, THIM DANG LONGS SPYOD BDAG PO'O, ,ZHES GSUNGS PAS 'BYED CING, BDUN CU RTZA GNYIS PO DE LA YANG RE RE LA STONG DU GYES PAS RTZA STONG PHRAG BDUN CU RTZA GNYIS YONG BA YIN NO, ,GSUM PA NGO BO NGES PA LA GSUM, RO RKYANG DBU MA GSUM GANG DU GNAS PA DANG, JI TZAM DU GNAS PA DANG, JI LTAR GNAS PA'I TSUL LO, ,DANG PO NI, KHA CIG TSIGS PA'I NANG NA GZHUNGS PA DANG LHAN CIG GNAS PAR 'CHAD PA NI MI 'THAD PAS, TSIGS PA'I MDUN GYI PHYOGS NA GNAS SO, ,GNYIS PA SKUD PA LTA BUR BSHAD PA NI, GANG ZHIG SRAD BU'I RNAM PAR GNAS, ZHES PAS, SKUD PA BRKYANGS PA LTAR GNAS PA'I DON YIN GYI, SBOM PHRA'I TSAD MA YIN TE, DE LAS SBOM PAR GNAS BAS SO, ,GSUM PA LA GNYIS, RTZA'I GTZO BO GSUM SPYIR BSHAD PA DANG, BYE BRAG TU RO RKYANG GNYIS BSHAD PA'O, ,DANG PO NI, SNYING KHA'I RTZA ZHES PA NI SROG PA RTZA'I SNYING KHA YIN LA, DE YANG SROG PA RTZA NI SGAL TSIGS KYI NANG TZAM LA SGAL TSIGS LA BRTEN NAS GNAS PA YIN NO, ,SROG PA RTZA DE LA RO RKYANG DBU MA GSUM BRTEN NAS GNAS YOD DO, ,SROG PA RTZA DE'I MGO

BO NI GRU GSUM DU YOD LA, MGRIN PA GZHON NU MA'I NU MA 'DRA BA DANG, SNYING KHA BA'I MIG 'DRA BA DANG, LTE BA PADMA 'DRA BA DANG, GSANG GNAS NA RDO RJE 'DRA BA DANG, NOR BU'I RTZE NA ZAR MA'I ME TOG DANG DBYIBS 'DRA BA'O, ,DE YANG RO RKYANG DBU MA GSUM GYI GNAS TSUL CUNG ZAD BRJOD NA, RO RKYANG GNYIS KYIS DBU MA LA 'KHYUD NAS YOD LA, DE YANG DBU MA DBUS NA YOD CING, DE'I NANG NAS MUN PA DANG, KHU KHRAG DANG, RLUNG 'BYUNG BAS NA, SNYING STOBS RDUL MUN GSUM GYI NANG NAS MUN PA RTZA DANG, SKYES PA BUD MED MA NING GSUM GYI RTZA NAS MA NING RTZA DANG, ZLA BA NYI MA SGRA GCAN GSUM GYI NANG NAS SGRA GCAN GYI RTZA ZHES BYA'O, ,DE LA RO RGYANG DBU MA GSUM NI SPYI BO NAS GSUM MDO'I BAR DU YOD PA, DE NAS GNYIS SU GYES TE, RO RKYANG DBU MA GSUM GYI TSAN GCIG RKANG MTHIL GYI BAR DU 'GRO LA, TSAN GCIG NOR BU'I RTZE MO'I BAR DU 'GRO BAS, RKANG PA GNYIS DANG NOR BU GSUM GA LA RTZA GSUM GA YOD PA 'DRA BA YIN NO, ,DE YANG RO RKYANG GNYIS KYIS DBU MA LA LU GU RGYUD KYI TSUL GYIS 'KHYUD NAS GNAS SHING, 'KHOR LO RNAMS KYI LTE BAR MDUD PA RE YOD LA, DE YANG PHYAG CHEN THIG LES 'KHOR LO SO GNYIS BSHAD PA NI, RO RKYANG GI MDUD PA SO SOR BGRANGS PA'I DBANG GIS YIN GYI, 'KHOR LO BCU DRUG LAS MANG BA MED DO, ,DE NI RIM PA LTAR ZLA BA GCIG LA TSES PA SUM CU 'PHO MTSAMS GNYIS DANG BCAS PAS YAR NGO MAR NGO RE RE LA BCU DRUG TU BYAS PA DANG SBYAR RO, ,DE YANG MAN NGAG SNYE MA LAS, 'KHOR LO BDUN DU BSHAD PA DANG, BSHAD RGYUD RDO RJE

, ,PHRENG BA LAS DRUG TU BSHAD PA YOD LA, GTZO BO NI YONGS SU GRAGS PA BZHI'O, ,DE SKAD DU YANG MAN NGAG SNYE MA LAS, RTZA NI AA WA DH'U T'I STE, GTZUG TOR NAS NOR BU'I MTHA' DANG RKANG MTHIL GYI MTHA' JI SRID PAR GNAS PA'O, , 'ON KYANG GTZUG TOR DANG, SPYI BO DANG, MGRIN PA DANG, SNYING KHA DANG, LTE BA DANG, GSANG BA DANG, NOR BU'I DBUS SU CHUD PA'I RIM PA JI LTA BAR BZHI DANG, SUM CU RTZA GNYIS DANG, BCU DRUG DANG, BRGYAD PA DANG, DRUG CU RTZA BZHI DANG, SUM CU RTZA GNYIS DANG, BRGYAD KYI GRANGS CAN PAD MA NYID DANG, BHA GA NYID DANG, 'KHOR LO NYID DU BSTAN PAR BYA BA NYID RNAMS KYI DBUS SU MDUD PA'I GZUGS SO ZHES DANG, LA LA N'A DANG, RA SA N'A'I RTZA DAG NI, MGO BO 'KHOR NAS GSANG BA'I 'KHOR LO JI SRID PAR MDUD PA RNAMS KYIS LCAGS SGROG GI RNAM PAR LTE BAR AA WA DH'U T'I LA 'KHYUD NAS GNAS PA DAG GO ,ZHES 'KHOR LO DRUG GI LTE BAR AA WA DH'U T'I LA 'KHYUD PA'I MDUD PA DANG BCAS SHING DE'I NANG NAS KYANG GTZO BO SNYING KHA'I RTZA MDUD 'GROL RGYU YIN TE, BSHAD RGYUD RDO RJE PHRENG BA LAS, DE YANG DBYE BAR DKA' BA YI, ,DBUS SU MDUD PA GSUM GYIS DKRIS, ZHES GSUNGS SO, (GA-YON NAS SNYING STOBS KHU BA 'BAB PA NI SKU, GA-YAS NAS RDUL KHRAG 'BAB PA NI GSUNG DANG, DBUS NAS MUN PA SEMS GNAS PA NI THUGS TE, SAm BHU tIR, SKYE GNAS DBUS NAS RTZA GNYIS TE, ,GA-YON DANG DE BZHIN GA-YAS NA'O, ,GA-YON NA KHU BA ZHES BYA STE, ,GA-YAS NA'ANG DE BZHIN KHRAG NYID DO, ,DE DAG PHAN TSUN 'DUS PA NI, ,CHOS KYI DBYINGS SU 'DUS PA YIN, ,

SNYING STOBS LUS TE RDUL NI DAG ,MUN PA SEMS KYI RANG BZHIN TE, ,SNYING STOBS KHU BA RDUL KHRAG STE, ,DE LAS SKYES PA MUN PA YID, ,CES SO,) ,GNYIS PA RO RKYANG GNYIS BYE BRAG TU BSHAD PA NI, DBU MA'I GA-YAS NA RO MA GNAS SHING, DE'I NANG NAS KHU BA DANG CUNG ZAD 'DES PA'I KHRAG PHAL CHER 'BAB BO, ,DE'I KHA NI STENG GI PHYOGS NA YOD DE, STENG 'OG GNYIS KA LA BUG PA YOD PA LA STENG GI PHYOGS KHO NA LA KHA YOD ZER BA'I RGYU MTSAN NI KHRAG PHYIR 'PHEN PA DANG NANG DU SDUD PA'I BYA BA DE, PHYOGS KYI MGRIN PA NAS BYED KYI 'OG GI BU GA NAS MI BYED PAS DE'I DON GYIS YIN NO, ,RO MA DE LA NYI MA DANG BUD MED DANG RDUL DANG SHES RAB KYI RTZA ZHES BYA STE, KHRAG GTZO BOR 'BAB PA'I CHA NAS YIN PA 'DRA'O, ,RKYANG MA NI DBU MA'I GA-YON NA YOD CING KHRAG DANG CUNG ZAD 'DRES PA'I KHU BA PHAL CHER 'BAB, RKYANG MA LA STENG 'OG GNYIS KA LA BU GA YOD PAR 'DRA BA LA LTE BA KHO NA LA KHA YOD PA ZHES PA NI, KHU BA PHYIR 'PHEN PA DANG NANG DU SDUD PA GNYIS KA LA LTE BA NAS BYED PAS DE'I CHA NAS YIN NO, ,DE LAS ZLA BA DANG, SKYES PA DANG, SNYING STOBS DANG, THABS KYI RTZA ZHES BYA STE KHU BA GTZO BOR 'BAB PA'I CHA NAS YIN PA 'DRA'O, ,DE SKAD DU YANG KHA SBYOR LAS, MGRIN PA NAS BRTZAMS GA-YON PA'I RTZA, ,LONGS SPYOD RDZOGS PA'I SKU CAN MA, , LTE BA'I NANG DU NGAL BSOS SHING, ,KHA NI 'OG TU MYOS BYED 'BAB, ,GANG ZHIG LTE BA LA STE RTZA, ,DE BZHIN KHA NI STENG DU 'BAB, ,MGRIN PA'I NANG DU NGAL BSOS SHING, ,KHRAG 'BAB PAR NI RAB TU GRAGS, ,MYOS BYED ZLA BA ZHES BYAR BSHAD, ,KHRAG

, ,NI NYI MA ZHES SU GSUNGS, ZHES DANG, SDOM 'BYUNG 'GREL PA LAS, 'OG GI KHA ZHES PA GAL TE DE YANG 'DI'I BU GA GNYIS KA YANG KHA YIN PA DE LTA NA YANG BLANG BA DANG, DOR BAR BYED PA NYID KYIS 'OG GI LTE BA'I RTZA NI KHA BZHIN DU 'DI'I KHA'O, ZHES PA 'OG GI KHA'O, ,DE BZHIN DU STENG DU KHA YANG NGO ZHES GSUNGS SO, ,DE YANG LTE BA YAN GYI DBANG DU BYAS PA YIN LA, LTE BA MAN NI RKYANG MA DBUS SU YOD CING DRI CHEN 'BAB LA, DBU MA GA-YAS NA YOD CING KHU BA 'BAB, RO MA GA-YON NA YOD CING GCI BA 'BAB BO, ,RO MA 'BYUNG BA'I LAM DU BSHAD, RKYANG MA 'JUG PA'I LAM DU BSHAD PA NI, SHES PA DANG YUL 'DZIN PA'I DUS SU RO MA'I NANG NAS RLUNG DANG BSDONGS NAS PHYIR 'THON TE YUL 'DZIN ZHING, YUL BZUNG ZIN NAS RLUNG DANG LHAN CIG TU RKYANG MA'I NANG DU 'JUG PA YIN TE, SDOM 'BYUNG LAS, RAB TU 'JUG PA RTZA GA-YON NAS, ,GA-YAS PA 'BYUNG BA'I LAM YIN NO, ,ZHES PA'I 'GREL PAR RAB TU 'JUG PA ZHES PA GA-YAS NAS 'THON TE YUL BZUNG NAS DE MA THAG TU RLUNG LA ZHON PA'I RNAM PAR SHES PA GA-YON DU 'JUG PA'I PHYIR RO, ZHES GSUNGS SO, ,BZHI PA DOGS PA BCAD PA NI, KHA CIG SNGAR BSHAD PA'I BYANG SEMS 'BAB PA'I RTZA SO GNYIS PO DE SPYI BO'I RTZA 'DAB SO GNYIS YIN PAR 'DOD PA NI MI RIGS TE, DE'I GTZO MO SO GNYIS KYI NANG NA SNYING KHA'I RTZA BRGYAD 'JUG PA'I PHYIR RO, ,YANG KHA CIG RTZA NYER BZHI'I STENG DU SNYING KHA'I RTZA 'DAB BRGYAD BSNAN PAS SO GNYIS SO ZER BA'ANG MI 'THAD DE, SNYING KHAR (MAN SNYE LAS, MNGAL GYI

GNAS SKABS SU, DANG POR SNYING KHA'I RTZA LNGA RNAMS SKYE'O, ,DE'I RJES SU SKYES PHA GSUM RNAMS SO, ,ZHES PA BRGYAD RNAMS SO, ,SUM SKOR MA LA SOGS PA LNGA DANG POR CHAGS NAS, GTZO MO GSUM RJES SU SKYE BAR STON PA MIN NO, ,SDOM 'BYUNG LAS, DE GSUM RTZA THAMS CAD KYI RTEN DU GSUNGS PA'I PHYIR RO, ,DE NI NAG PO t'KI CHUNG DU BSHAD DO), ,DANG POR CHAGS PA'I RTZA BRGYAD YIN PA'I PHYIR RO, ,LNGA PA RTZA DE RNAMS LHA DANG SPYAR TE BSHAD PA NI, RTZA SO GNYIS PO DE BDE MCHOG GI LHA MO DANG SBYAR NA, RO RKYANG DBU MA GSUM NI RDO RJE PHAG MO DANG, SUM SKOR MA SOGS PHYOGS KYI RTZA BZHI NI SA CHU ME RLUNG 'BYUNG BA'I RTZA YIN PAS BDE CHEN 'KHOR LO'I LHA MO BZHI DANG, SKU GSUNG THUGS KYI RTZA NYER BZHI NI, 'KHOR LO GSUM GYI LHA MO NYER BZHI DANG SBYOR BA YIN LA, SGO MTSAMS MA BRGYAD LA RTZA SBYAR DU MED PA 'DRA GSUNG, SNYING KHA'I RTZA'I DBU MA'I NANG GI H'Um RING PO NI BDE MCHOG DANG, SKU GSUNG THUGS KYI RTZA NYER BZHI'I NANG GI KHAMS NYER BZHI NI 'KHOR LO GSUM GYI DPA' BO NYER BZHI DANG SBYOR GSUNG NGO, ,YANG KYEE RDO RJER, 'BAD PA KUN GYI LHAG MA YANG, ZHAS BSHAD PA'I DON SLOB DPON MI THUB ZLA BA DANG, AA BH+YA LA SOGS PA NI, 'CHI BA'I DUS DANG, RNAL 'BYOR BAS LAM SGOM PA'I SKABS SU MA GTOGS BDUD BRAL MAR KHAMS MI 'BAB PAS LHA DANG MI SBYOR TE, RTZA SO GNYIS DANG A'A LI BCU DRUG BDAG MED LHE MO BCO LNGA'I NGO BOR 'CHAD PA'I TSE, BDAG MED MA LA GTZO MO GSUM, DE RJES MKHA' SPYOD MA'I BAR RTZA BCU BZHI LA RTZA GNYIS GNYIS YI GE RE RE LA RIM PA LTAR SBYAR TE, RTZA KUN GYI THA MA BDUD BRAL MA DANG YI GE BCU DRUG PO KUN GYI THA MA

, ,AA: GNYIS SPANGS TE BZHAG NAS SO, ,SLOB DPON SH'AN TI PAS, DER YANG KHAMS 'BAB CING RTZA SO GNYIS BDAG MED LHA MO BCO LNGA DANG SBYOR BA LA, LHA MO THOG MA LA RTZA GSUM SBYOR BA DNGOS SU BSTAN PAS THA MA LA'ANG RTZA GSUM SBYOR BA SHUGS KYIS 'THOB PAS, RTZA THA MA BDUD BRAL MA LA SOGS PA GSUM MKHA' SPYOD MA LA SBYOR ZHING, KUN GYI LHAG MA YANG ZHES PA NI YI GE AA: ZHES TSIG DRAG CAN KHO NA LA 'CHAD DO, ,GNYIS PA BRTEN PA LA GNYIS TE, THIG LE DANG, RLUNG BSHAD PA'O, ,DANG PO NI, SPYIR DKYIL 'KHOR GSUM DU GSUNGS PA'I LUS KYI DKYIL 'KHOR NI, RTZA 'KHOR LO RNAMS DANG LUS KYI 'BYUNG BA BZHI'O, ,BHA GA'I DKYIL 'KHOR NI YI GE STE, BRGYA NYI SHU DANG, SUM CU RTZA BDUN DANG, YI GE GNYIS TE AE WAm DANG, GCIG STE AA THUNG DANG, GLENG GZHI'I SKABS TE YI GE BCU BZHI DANG, DE YANG TSUR BSDUS PAS THOG MAR RA DANG, THA MA TA'I BAR BCU DRUG GO ,DE LA RA NI KHRAG STE BYANG SEMS DMAR PO, TA NI KHU BA STE BYANG SEMS DKAR PO, DE GNYIS KYI BAR GYI YI GE BCU BZHI NI, LUS ZUNGS GZHAN BCU GNYIS BZHI DANG SBYAR RO, ,BYANG SEMS DKAR DMAR LUS ZUNGS BCU DRUG GI THOG MTHAR GSUNGS PA'I DGOS PA NI, DE GNYIS LUS ZUNGS KYI GTZO BO'I RANG BZHIN YIN LA, GZHAN RNAMS DE GNYIS KYI RNAM 'GYUR YIN ZHES PA'I DON TO, ,GTZO BOR 'GRO TSUL YANG MNGAL DU NYING MTSAMS SBYAR BA'I TSE, BYANG SEMS DKAR DMAR GYIS PHAR KHYAB PA'I 'BYUNG BA BZHI'I SAS MI LTUNG BAR 'DZIN, CHUS SDUD,

MES SMIN, RLUNG GIS 'PHREL ZHING RGYAS PAR BYAS NAS KHU KHRAG GNYIS YONGS SU GYUR PA LAS, LUS 'DI GRUB PAS NA RANG BZHIN YIN LA, BAD KAN LA SOGS PA LUS GZHAN BCU GNYIS NI, DE DAG GI GNAS SKABS TZA RIGS PA 'BYUNG BAS RNAM 'GYUR YIN PA'I PHYIR, SNGAR BSHAD PA'I LUS KYI ZUNGS KYI NGO BO PHA LAS THOB PA'I RUS PA DANG, RKANG DANG, KHU BA GSUM DANG, MA LAS THOB PA'I SHA DANG, PAGS PA DANG, KHRAG GSUM STE DRUG 'DUS PA'I LUS KYI GNAS RNAMS SHES PAR BYA BA YIN NO, ,DE YANG DANG POR MNGAL DU 'CHAGS DUS KHU KHRAG GNYIS SNYING KHA NA YOD LA, DE NAS KHU BA KHRAG GI PHYOGS SU SONG STE GTZO CHER SPYI BO NA GNAS LA, DE YANG NAM DGOS PA NA SKYE BA YIN GYI, (SGRUB THABS RNAM GZHAG TU, CHU'I KHAMS NI PA LAS SKYES, ,ME'I KHAMS NI MA LAS SKYES, ,PAGS DANG SHA DANG KHRAG RNAMS NI, ,MA LAS SKYES ZHES BSTAN PA YIN, ,RUS PA RKANG DANG KHU BA RNAMS, ,PHA LAS SKYES ZHES BSTAN PA YIN, ,DE TZAM ZHIG TU BSTAN PA NI, ,LUS KYI GONG BUR BSDUS PA'O, ,GZUGS DANG TSOR DANG 'DU SHES DANG, 'DU BYED RNAM PAR SHES PA NYID, ,PHUNG PO LA SOGS SANGS RGYAS LNGA'I, ,GANG ZHIG MNGON SKYES BSTAN PA YIN, ZHES BCOM LDAN 'DAS KYIS LHA MO BZHIS ZHUS PA'I RNAL 'BYOR CHEN PO'I RGYUD LAS GSUNGS SO,) ,SNOD DU BLUGS PA'I TSUL GYIS NI YOD PA MA YIN NO, ,KHRAG 'OG TU SONG STE GTZO CHER LTE BA NA GNAS LA GTUM MO 'BAR BA DANG THIG LE 'DZAG PA'I DMIGS PA LTE BA LA SOGS LA GTOD PA'I RGYU MTSAN DE YIN NO, ,DE SKAD DU YANG, MAN NGAG SNYE MAR, 'ON KYANG PAR GYI GNAS SKABS SU MGO

, ,BO'I CHU SKYES SU KHU BA SHAS CHE, RDUL SHAS CHUNG BAS TE, GSANG BA'I CHU SKYES BZLOG PA'O, ,ZHES GSUNGS SO, ,RTZA DE DAG TU BYANG SEMS DKAR DMAR DANG, RLUNG JI LTAR RGYU TSUL NI, BSHAD RGYUD RDO RJE 'PHRENG BA LAS, RTAG TU RMAD DU BYUNG BA'I RTZA, ,STONG PHRAG NYI SHU RTZA BZHI NI, ,KHU BA 'BAB PAR SHES PAR BYA, ,RTAG TU RMAD DU BYUNG BA'I RTZA, ,STONG PHRAG NYI SHU RTZA BZHI NI, ,KHRAG 'BAB PAR NI SHES PAR BYA, ,RTAG TU RMAD DU BYUNG BA'I RTZA, ,STONG PHRAG NYI SHU RTZA BZHI NI, ,RLUNG 'BAB PAR DE NI SHES PAR BYA, ,ZHES GSUNGS PAS, RTZA BDUN KHRI NYIS STONG LA STONG PHRAG NYER BZHI PA TSAN PA GSUM YOD LA, DE'I TSAN GCIG NAS KHU BA, TSAN GCIG NAS KHRAG, TSAN GCIG NAS RLUNG 'BAB BO, ,RTZA BDUN CU RTZA GNYIS LA YANG, RTZA NYER BZHI PA CHEN PA GSUM GSUM YOD PAS, KHU KHRAG RLUNG GSUM 'BAB TSUL 'DRA'O, ,DE'I GYES GZHI NYER BZHI PO DE LA YANG BRGYAD CHEN GSUM YOD PAS, KHU KHRAG RLUNG GSUM 'BAB TSUL 'DRA'O, ,DE'I GYES GZHI SNYING KHA'I RTZA 'DAB BRGYAD LAS NI, PHYOGS BZHI'I RTZA LA 'BYUNG BA BZHI SHAS CHER 'BAB PAS 'BYUNG BA'I RTZA DANG, MTSAMS KYI RTZA LAS GZUGS DRI LA SOGS PA 'BAB PAS MCHOD PA'I RTZA ZHES BYA'O, ,MCHOD PA DANG, 'BYUNG BA RTZA BRGYAD KA NAS 'BAB KYANG SHAS CHE CHUNG GI DBANG GIS MING GRAGS PA YIN TE, MAN SNYER, DE LA 'DAB MA RNAMS KYI BZHIS 'BYUNG BA'I RTZA RNAMS RNAM PAR BZHAG GO, PHYOGS RNAMS SU BZHI RNAMS NI 'BYUNG BA BZHI RNAMS DANG, DE'I RANG BZHIN RNAMS 'BAB BO ZHES BYAS NAS

SO, ,MTSAMS BZHI RNAMS NI SO SOR BSHAD BA DANG, GCI BA DANG, BAD KAN DANG, KHRAG DANG, KHU BA RNAMS 'BAB PA 'BYUNG BA'I RTZA RNAMS KYI LHAN CIG BYED PA GZUGS DANG, DRI DANG, RO DANG, REG BYA RNAMS 'BAB PA'I PHYIR MCHOD PA'I RANG BZHIN TE, DE'I RANG BZHIN DNGOS POR 'BYUNG BA DANG 'BYUNG BA LAS GYUR PA THA DAD PA'I PHYIR RO, ZHES GSUNGS SO, ,DE'I GYES GZHI RO RKYANG DBU MA GSUM NAS 'BAB TSUL SNGAR BSHAD CING, NAG PO PAS KYANG, DE'I NANG NAS 'DREN PA NI, RDUL DANG SNYING STOBS MUN PA'I TSUL, ZHES GSUNGS PA'ANG GSAL BAR SAm BHU tA'I DRUG PA'I RAB BYED DANG POR, SKYE GNAS DBUS NA RTZA GNYIS TA, ,GA-YON DANG DE BZHIN GA-YAS NA'O, ,GA-YON NA KHU BA ZHES BYA STE, ,GA-YAS NA DE BZHIN KHRAG NYID DO, , DE DAG PHAN TSUN 'DUS PA NI, ,CHOS KYI DBYINGS SU 'DUS PA YIN, ,SNYING STOBS LUS TE RDUL NI NGAG, MUN PA SEMS KYI RANG BZHIN TE, ,SNYING STOBS KHU BA RDUL KHRAG STE, ,DE LAS SKYES PA MUN PA YIN, ,ZHES GSUNGS SO, ,DE YANG DBU MA'I 'KHOR LO RNAMS KYI LTE BA LA, AA WA DH'U T'IR RO RKYANG GNYIS GANG RUNG GCIG GIS STENG DANG GCIG GIS 'OG NAS DBU MA LA 'KHYUD YOD CING, DE YANG DE GNYIS KYIS MA SLEB PA'I BAR STONG CUNG ZAD YOD DO, ,SNYING KHA'I 'KHOR LO'I DBU MA'I NANG NA RNAM SHES DANG LHAN CIG SKYES PA'I RLUNG YOD LA, DE LA YE SHES KYI RLUNG DANG MI SHIGS PA'I THIG LE ZHES KYANG ZER RO, ,KHU KHRAG GNYIS KYANG YOD CING, DE YANG RTZA MDUD KYI DBU MA'I NANG NA YOD DO, ,DE LA RLUNG DANG GTUM

, ,MO'I RNAL 'BYOR LA BRTEN NAS, LTE BA'I KHRAG DANG SPYI BO'I BYANG SEMS YAR MAR LA 'KHOR LO RNAMS SU 'DU 'PHROD BYED PA YOD KYI, SNYING KHA'I RTZA MDUD KYI DBU MA'I NANG GI BYANG SEMS DKAR DMAR GNYIS DANG, LHAN SKYES KYI RLUNG RNAMS 'CHI BA'I TSE MA GTOGS PA 'PHO 'JUG MI BYED PA YIN NO GSUNG NGO, ,GNYIS PA RLUNG BSHAD PA LA, THUN MONG BA'I RGYUD NAS BSTAN TSUL DANG, THUN MONG MA YIN PA'I RGYUD NAS BSTAN TSUL LO, ,DANG PO NI, RDO RJE 'PHRENG BA LAS, BTANG BZUNG LA SOGS PA'I RLUNG BRGYA DANG BRGYAD DE, DE NI RNAM RTOG MI 'DRA BA BRGYA DANG BRGYAD BSKYED PA'I SGO NAS KYANG PHYE LA, 'KHOR LO DRUG TU RGYU BA'I TSUL GYIS KYANG DBYE'O, ,PHYI MA NI 'KHOR LO YONGS SU GRAGS PA BZHI DANG, SMIN MTSAMS NA RLUNG GI 'KHOR LO 'DAB MA DRUG PA DANG, SNYING KHA'I GONG MGRIN PA'I 'OG NA ME'I 'KHOR LO 'DAB MA GSUM YOD PA RNAMS SO, ,DE LA THOG MAR SNYING NAS BZUNG STE MTSAN PHYED KYI DUS NAS NYE PHYED KYI BAR DU 'KHOR LO RER RLUNG DGU BRGYUS PAS LNGA BCU RTZA BZHI DANG, DE NAS BZUNG STE MTSAN PHYED KYI BAR DU YANG DE LTAR BRGYUS PAS BRGYA DANG BRGYAD DO, ,GNYIS PA LA PHA RGYUD NAS BSHAD PA DANG, MA RGYUD NAS BSHAD PA GNYIS SO, ,DE LA DANG PO DGONGS PA LUNG STON NAS RLUNG BCUR GSUNGS TE, DE LA DBYE BA DANG, GNAS DANG, 'CHAGS PA'I RIM PA DANG, BYED LAS DANG, RGYU BA'I TSUL TE LNGA'O, ,DANG PO NI, SROG RLUNG SOGS RTZA BA'I RLUNG LNGA DANG, KLU LA SOGS PA YAN LAG GI RLUNG LNGA'O, ,RDO RJE'I SGO'I RGYUD NAS NI YAN LAG GI RLUNG

LNGA LA RGYU BA LA SOGS PA'I MING GIS BSTAN NO, ,YAN LAG GI RLUNG LA THA SNYAD SNGA MA LTAR 'DOGS PA'I RGYU MTSAN NI, RJE 'GOS KYI GSUNG NAS, DE LNGA NI RIM PA BZHIN DU, GNYE MA SBRUL 'DRA BA DANG, MCHIN PA RUS SBAL DANG, GLO BA RTZANGS PA DANG, SNYING LHA SBYIN GYI BU MO ZUG GU DKAR PO GYON PA DANG, MKHAL MA GZHU'I DBYIBS DANG 'DRA BA LAS BYUNG BAS DE LTAR BTAGS GSUNG NGO, ,DE SKAD DU DGONGS PA LUNG STON LAS, SROG DANG THUR SEL GYEN RGYU DANG, ,KHYAB DANG MNYAM GNAS ZHES BSHAD DANG, ,KLU DANG RUS SBAL RTZANGS PA DANG, ,LHA SBYIN DANG NI GZHU LAS RGYAL, ,ZHES GSUNGS SO, ,GNYIS PA GNAS PA NI, SROG RLUNG SNYING KHA DANG, THUNG SEL 'DOMS DANG, ME MNYAM LTE BA DANG, GYEN RGYU MGRIN PA DANG, KHYAB BYED TSIGS KUN LA GNAS SHING, YAN LAG GI RLUNG LNGA RIM PA BZHIN DU MIG LA SOGS PA'I DBANG PO'I SGO LNGA LA GNAS SO, ,SPYOD BSDUS LAS, RLUNG LNGA NI LUS KYI CHA LA GNAS NAS LUS KYI BYA BA RNAMS BYED DO, ,RLUNG LNGA NI, MIG LA SOGS PA'I SKYE MCHED LA GNAS NAS DBANG PO RNAMS KYI BYA BA RNAMS BYED DO, ,DE LA SROG CES BYA BA'I RLUNG SNYING KHAR GNAS PA NI DE BZHIN GSHEGS PA MI BSKYOD PA'O, ,THUR DU SEL BA 'DOMS NA GNAS PA NI DE BZHIN GSHEGS PA RIN CHEN 'BYUNG LDAN NO, ,GYEN DU RGYU BA LKOG MAR GNAS PA NI DE BZHIN GSHEGS PA 'OD DPAG TU MED PA'O, ,ME DANG MNYAM DU GNAS PA LTE BAR GNAS PA NI DE BZHIN GSHEGS PA DON YOD GRUB PA'O, ,KHYAB BAD TSIGS KUN LA GNAS PA NI DE BZHIN GSHEGS

, ,PA RNAM PAR SNANG MDZAD DO, ,RGYU BA'I RLUNG NI GZUGS SO, ,RNAM PAR RGYU BA NI SGRA'O, ,YANG DAG PAR RGYU BA NI DRI'O, ,RAB TU RGYU BA NI RO'O, ,NGES PAR RGYU BA NI REG BYA'O, ,ZHES GSUNGS SO, ,GSUM PA RLUNG 'CHAGS PA'I RIM PA NI, ZLA BA NGO BCU LA DANG PO'I DUS SU RNAM SHES KHU KHRAG GI DBUS SU SNYING KHA'I RTZA MDUD 'CHAGS PA'I NANG GI LHAN SKYES KYI RLUNG LAS SNA SGOR RGYU BA'I SROG 'DZIN GYI RLUNG SKYES TE DE GNYIS YANG SROG 'DZIN GYI RLUNG YIN NO, ,SEMS CAN DE'I LUS NYA'I RNAM PA LTA BUR 'GYUR RO, ,SROG RLUNG LAS ZLA BA GNYIS PA'I DUS SU THUR SEL SKYE ZHING RKANG LAG BZHI MGO BO DANG BCAS PA'I 'BUR PO LNGA DOD PAS LUS RUS SBAL GYI RNAM PAR 'GYUR RO, ,DE LAS GSUM PA'I DUS SU ME MNYAM SKYE ZHING, YAN LAG LNGA TSANG BA LA CUNG ZAD SGUR POR YOD PAS PHAG RGOD KYI RNAM PAR 'GYUR RO, ,DE LAS BZHI PAR GYEN RGYU'I RLUNG SKYE ZHING STOD CUNG ZAD RGYAS PAS SENG GE'I RNAM PAR 'GYUR RO, ,DE LAS LNGA PAR KHYAB BYED SKYE BAR BYED DO, ,ZLA BA DRUG PA LA MIG GI SGO LA RGYU BA'I RLUNG KLU DANG 'BYUNG BA SA SKYE, BDUN PA LA RNA BAR RGYU BA'I RLUNG RUS SBAL DANG CHU SKYE, BRGYAD PA LA SNA LA RGYU BA'I RLUNG RTZANGS PA DANG ME SKYE, DGU PA LA LCE LA RGYU BA'I RLUNG LHA SBYIN DANG RLUNG SKYE, BCU PA LA LUS KYI DBANG PO YONGS SU RDZOGS PA NAS RGYU BA'I RLUNG GZHU LAS RGYAL BA DANG NAM MKHA'I KHAMS TE LUS KYI SBUBS RNAMS 'BYUNG ZHING YUL RNAMS CI RIGS PAR 'DZIN GSUNG NGO, ,BZHI PA RLUNG GI BYED LAS NI, SROG 'DZIN GYIS CHA GNAS PA DANG SNA LA RGYU BA'I RLUNG

LAS BYED, THUR SEL GYIS BSHAD GCI THUR DU 'GRO BA'I BYA BA BYED, MNYAM GNAS KYIS DVANGS MA LUS LA 'GREMS PA'I BYA BA BYED CING DVANGS SNYIGS 'BYED MKHAN NI LTE BA'I GTUM MO'I MES BYED, GYEN RGYUS ZAS MYANG BA DANG, SMRA BA SOGS DANG, RLUNG GZHAN RNAMS GYEN DU 'GRO BA'I LAS KYANG BYED DO, ,KHYAB BYED KYIS LUS KYI NANG GI RLUNG GZHAN LA KHYAB PA DANG 'GRO BA SOGS KYI BYA BA BYED DO, ,YAN LAG GI RLUNG LNGA MIG GI SGO NAS RGYU BA'I RLUNG GIS RNAM SHES KYI BZHON PA BYAS NAS GZUGS 'DZIN PA'I 'BRAS BU BYED DO, ,DE BZHIN DU RNAM PAR RGYU BAS SGRA 'DZIN PA DANG, YANG DAG PAR RGYU BAS DRI 'DZIN PA DANG, RAB TU RGYU BAS RO 'DZIN PA DANG, NGES PAR RGYU BAS REG BYA 'DZIN CING, RANG RANG GI RNAM SHES KYI BZHON PA BYAS NAS YUL SO SOR 'BRAS BU BYED DO, , YAN LAG GI RLUNG LNGA NI RTZA BA'I RLUNG GI GNAS SKABS YIN TE, SROG RLUNG SGO DE DAG GANG DU RGYU BA LA MING DE LTAR DU BTAGS SO, ,DBANG PO'I SGO'I RGYUN LAS NI, SROG DANG RTZOL BA RGYU BA DANG, ,RTAG PA'I DUS SU RGYU BA NI, ,SROG CES BYA BA YIN PAR BSHAD, ,RLUNG DANG GCIN DANG PHYI SA DANG, ,DE BZHIN DU NI KHU BA RNAMS, ,'OG 'DREN 'DI NI THUR SEL BA, RTAG TU RNAL 'BYOR PAS SHES BYA, ,MYANG DANG BZA' DANG LDAG PA DANG, ,KUN TU 'THUNG DANG 'JIB PA NI, ,GANG ZHIG RTAG TU MNYAM GNAS PA, ,MNYAM DU GNAS ZHES BYA PA YIN, ,GYEN DU 'GRO ZHING SDUD PA DANG, ,BZA' DANG MYANG SOGS ZAB PA NI, ,SHES DANG LHAN CIG 'BYOR PA DAG, GYEN RGYU'I LAS SU SHES PAR BYA, ,KHYAB DANG 'DZIN PA NYID DANG NI, ,'GRO DANG DE BZHIN LDOG PA DANG, ,TSIGS RNAMS KUN TU KHYAB PA NA, ,

, ,KHYAB BYED CES NI BYA BAR BSHAD, ,CES DANG, YAN LAG GI RLUNG GI BYED LAS RIM LNGAR, RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, ,CES DANG, SPYI YI BYED LAS YANG DER, SEMS CAN KUN GYI SROG GYUR PA, ,RLUNG ZHES BYA BA'I LAS KUN BYED, ,'DI NI RNAM SHES BZHON PA STE, ,LNGA YI BDAG NYID BCU YANG YIN, ,ZHES SO, ,LNGA PA RGYU TSUL NI, KHYAB BYED 'CHI BA'I TSAM GTOGS SNA'I SGO NAS MI RGYU LA, GZHAN BZHI LA GA-YAS PA NAS RGYU BA DANG, GA-YON PA NAS RGYU BA DANG, GNYIS KA NAS DRAG PA DANG, DAL BAR RGYU BA STE, ME MNYAM DANG, THUR SEL DANG, GYEN RGYU DANG, SROG RLUNG RNAMS SO, ,DE DAG GSANG BA'I SNA RTZE NAS BYUNG NAS KUN RDZOB KYI SNAR RGYU BA YIN NO, ,RIGS LNGA DANG SBYAR NAS RGYU BA'I TSUL NI, NYIN ZHAG GCIG LA RLUNG NYI KHRI CHIG STONG DRUG BRGYA RGYU LA, DE LA THABS MGON PO RE'I RLUNG DGU BRGYA BA PHRAG RE RGYU BA'I TSE, SHES RAB LHA MO BZHI'I RLUNG NYIS STONG NYER LNGA RE RGYU PA YIN LA, DE LA GA-YAS NAS GYEN DU KHA DOG LNGA'I RLUNG RGYU LA, DE YANG DMAR POS GZHAN BZHI LA KHYAB PAR DGU BRGYA PA PHRAG GCIG RGYU BA NI PAD MA MGON PO'I RGYU BA YIN LA, DE LA ME'I ME GOS DKAR MO DANG, ME'I RLUNG SGROL MA DANG, ME'I SA SPYAN MA DANG, ME'I CHU M'A MA K'I'I RLUNG RNAMS RGYU'O, ,DE YANG ME'I ME GOS DKAR MO RGYU BA'I TSE NI SNA BUG GA-YAS KYI DBANG DU BYAS NA DMAR PO DBUS, GA-YON PA LJANG KHU, 'OG MA DKAR PO DANG, SER PO GA-YAS DANG, STENG LA SNGON PO RGYU BA

YIN NO, ,DES MTSON NAS ME'I RLUNG RGYU BA'I TSO LJANG KHU DBUS SU RGYU, ME'I SA RGYU BA'I TSE SER PO DBUS DANG, ME'I CHU RGYU BA'I TSE DKAR PO DBUS SU RGYU'O, ,GA-YON PA NAS RGYA BA ME MNYAM LJANG SER KHA DOG NAG PO LAS ('OD ZER NAG PO'I NGO BO CAN DU BSHAD PA) KYI MGON PO DANG, (SNGAR DU 'BYUNG BA LNGA PA NAM MKHA'I KHAMS KYI RLUNG NI DKYIL 'KHOR BZHI PO RGYU BA'I TSE NA RGYU BAS RGYUD DU LOGS SU MA GSUNGS PA DANG, DE YANG BDE BA BSKYED PA'I RLUNG LA BZHED CING, DBU MA NAS RGYU BA'I RLUNG YANG DKYIL 'KHOR BZHI'I RLUNG LAS LOGS SU MED PAR, MAN SNYER BSHAD PAS STENG LA SNGON PA RGYU BA ZHES BSHAD PA 'DI DE AE YIN DPYAD PA RIGS SO,) ,DE GNYIS KA NAS DRAG TU RGYU BA THUR SEL KHA DOG SER PO RIN CHEN MGON PO'I DANG, ZHAN PAR RGYU BA SROG RLUNG KHA DOG SHEL LTAR SNANG BA RDO RJE MGON PO'I RGYU BA DGU BRGYAB PHRAG RE RE'I TSE YANG RANG RANG GI KHA DOG GTZO CHE ZHING GZHAN PHAL PA'I TSUL GYIS RGYU ZHING, SHES RAB LHA MO RNAMS LA SNGAR BZHIN SBYAR RO, ,DE DAG NI DGU BRGYA PA RE RE LA 'PHO BA RER BYAS PA STE, DUS 'KHOR NAS DE NYIS 'GYUR RE LA 'PHO BA RER BYAS NAS 'PHO BA BCU GNYIS SU GSUNGS SO, ,PADMA MGON PO'I RGYU BA DANG POR SMOS PA'I DGOS PA NI, RDOR BZLAS GSUNG RDO RJE'I BZLAS PA YIN PAS DANG PO'I MGO DE NAS BTZUGS NAS SGOM DGOS PAR SHES PA'I CHED YIN NO, ,DE SKAD DU YANG, RDO RJE PHRENG BAR, SANGS RGYAS LNGA YE RIGS GNAS PA, ,SNA RTZE BU GA LAS BYUNG ZHING, ,RLUNG LNGA STENG DU YANG DAG 'GRO, LUS LA RTAG TU SPYOD PAR 'GYUR, ,KUN RDZOB SNAR NI SPYOD PA YI, ,SGO DE LAS NI RNAM PAR 'BYUNG, ,GA-YON DANG GA-YAS DANG GNYIS KA DANG, DAL BAR

, ,RGYU DANG RNAM PA BZHI, ,GA-YAS PA NAS NI 'BYUNG BA'I KHAMS, ,ME YI DKYIL 'KHOR NYID YIN TE, ,KHA DOG DMAR BA'I MCHOG 'DI NI, ,PADMA MGON PO'I RGYU BA'O, ,GA-YON PA NAS NI 'BYUNG BA'I KHAMS, ,RLUNG GI DKYIL 'KHOR 'BYUNG BA DAG, LJANG SER DAG TU SNANG BA STE, ,LAS KYI MGON PO'I RGYU BA'O, ,GNYIS KA LAS NI 'BYUNG BA'I KHAMS, ,GSER GYI MDOG TU SNANG BA STE, ,DBANG CHEN GYI NI DKYIL 'KHOR NYID, ,RIN CHEN MGON PO'I RGYU BA'O, ,DAL ZHING RGYU BA ME YI KHAMS, ,DAG PA'I SHEL LTAR SNANG BA NI, ,SKAD CIG CHU YI DKYIL 'KHOR TE, ,RDO RJE MGON PO'I RGYU BA'O, ,KHAMS KUN YANG DAG 'BYUNG BA NI, ,RTEN DANG BRTEN PAR BZUNG BA NI, ,RNAM SNANG MDZAD CHEN SKU YIN TE, ,'CHI BA'I MTHAR NI 'BYUNG BAR 'GYUR, ,DKYIL 'KHOR BZHI PO 'DI DAG NI, ,MNYAM PAR BZHAG PAS RTAG TU ZLOS, ,SNGAGS PAS BZLAS PAS GRANGS KYIS NI, ,NYIN GCIG MTSAN DU RTAG PAR ZLOS, ,ZHES GSUNGS SO, ,KHYAB BYED KYI RLUNG NI 'BYUNG BA NAM MKHA'I RLUNG YIN LA, SA DANG, CHU DANG, ME DANG, RLUNG GI RNAMS RGYU BA'I TSUL NI RIM PA LTAR, THAD KA DANG, 'OG DANG, STENG DANG, GYEN GSEGS LA RGYU STE, KHA SBYOR LAS, ME NYID GANG DANG RLUNG DANG NI, ,DBANG CHEN DANG NI DE BZHIN CHU, ,'KHOR LO SEMS KYI KUN SPYOD PA, , STENG DANG NGOS DANG BRANG 'OG 'GRO, ZHES GSUNGS SO, ,GSANG 'DUS PA'I LUGS KYIS, NYIN ZHAG PHRUGS GCIG LA SKOR DRUG, THUN BCU GNYIS, ,THUN PHYED PA NYER BZHI, ,THUN PHYED PA RE LA MGON PO RE'I RLUNG DGU BRGYA PA RE RGYU LA, DGU

BRGYA PA RE LA LHA MO BZHI BZHI'I RLUNG RGYU BAS DES 'BYUNG CHEN GYI DKYIL 'KHOR NYER BZHI, DE RE RE LA 'BYUNG CHUNG GI DKYIL 'KHOR BZHI BZHIR PHYE BAS, 'BYUNG CHUNG GI DKYIL 'KHOR DGU BCU RTZA DRUG RGYU BA YIN NO, ,RIM LNGAR, AA YIS BSHAD PA'I YE SHES NI, ,SANGS RGYAS KYI NI SNYING POR 'GYUR, ,H'Um GIS SEMS CAN YANG DAG SPRO, ,SANGS RGYAS THUGS SU RAB TU BRTAG, AOm GYIS SEMS CAN YANG DAG SDUD, ,SANGS RGYAS SKU 'DIR RAB TU BRTAGS, ,AA: SA NI GNAS BAR GYUR PA'O, ,'JUG PA NYID DANG GNAS PA DANG, ,LDANG BA YIS NI RIM GYIS KYANG, ,SHES RAB THABS KYI GZHIR GNAS TE, ,SNGAGS KYI YAN LAG MA NYAMS BZLAS, ,GOS DKAR LA SOGS BZLAS BSHAD PA, ,BRGYA PHRAG GCIG DANG NYI SHU LNGA, ,BZHI PO LEGS PAR SGRES NAS NI, , SBYOR BZHI BSDUS PAS BRGYA PHRAG DGU, DGU BRGYA DAG TU GANG BSTEN PA, ,NYI SHU RTZA BZHI RIM GYIS NI, ,DE YI SE SOR 'BYUNG BA LAS, ,NYI KHRI GCIG STONG DRUG BRGYA'O, ,ZHES GSUNGS SO, ,'DI PA 'DUS PA'I LUGS KYI 'PHO BA NYER BZHIR BYED PA YIN TE, 'PHO BA'I DON NI SNA BUG GA-YAS NAS GA-YON DU 'PHO BA LTA BU YIN LA, 'DIR NI DGU BRGYA PO RE SONG NAS 'PHO 'JUG BYED PA'I PHYIR RO, ,GSUNG, GNYIS PA THUN MONG MA YIN PA'I RGYUD NAS BSHAD PA'I RTZA 'DAB NAS RLUNG RGYU TSUL NI, PHYI'I DBANG DU BYAS NA, NYIN ZHAG GCIG LA DA BYU GU RE BZHI YOD LA, (SDOM 'BYUNG LAS, GZHAN YANG GNYIS BDAG RDO RJE CAN, ,THE TSOM 'GYUR BAR SHES BYA STE, ,DGE DANG MI DGE NGES MED PAR, ,RLUNG RIG LAS NI 'DIR MTSON BYA, ,MGON PO JI LTAR A'A LIR RGYU, ,'GA' ZHIG K'A

, (,LIR GNAS BRI'AM, K'A LIR RGYU LA AA LIR GNAS, ,DE YI 'DOD DON NYAMS PAR 'GYUR, ,GANG NAS MGON PO DE RGYU BA, ,DER GNAS 'GA' ZHIG 'DRI BYED NA, ,DE YI DON KUN YANG DAG 'GRUB, ,GNYIS KAR GNAS LA THE TSOM 'GYUR, ,DBANG CHEN GYIS NI RGYAL SRID DO, , CHUS NI DON RNAMS YANG DAG 'BYUNG, ,ME YI RLUNG NI RNAM RGYU BAS, ,BKRES SKOM DUG DANG SDUG BSNGAL NA, ,BYA BA THAMS CAD NYAMS PAR 'GYUR, ,RLUNG GIS RTZED DANG SKYO DANG SRES PA RNAMS, ,RLUNG GI BDAG NYID KYI NI MGON PO YI, ,SKU GSUM POR YANG SHES PAR BYA, ,'JUG PA CHOS KYI SKU YIN TE, , GNAS PA LONGS SPYOD RDZOGS PA'I SKU, ,'BYUNG BA SPRUL PA'I SKU ZHES BSHAD, ,'DRI BA PO YI RANG GI RUNG, ,CHOS SKU THAMS CAD DGE BA STE, ,LONGS SPYOD RDZOGS PA'I THA TSOM 'GYUR, ,SPRUL PAS 'THAB MO SROG PA'O, ,ZHES GA-YON A'A LI, GA-YAS K'A LI RGYU BAS DE DANG MTHUN PAR 'DRIN 'GRUG ZLOG NA NYAMS, GNYIS KA NAS RGYU NA THE TSOM, SA CHU'I RLUNG RGYU DUS BZANG, ME DANG RLUNG RGYU DUS NGAN, 'JUG DUS BZANG, GNAS DUS THE TSAM, 'BYUNG DUS NGAN NO, ,'BYUNG BA RNAMS KYI DGRA NGAN GROGS BZANG NGO, ,LAM 'BRAS BU GA-YON RGYU BZANG BAR BZHED DO, ,LUNG 'DI MA DAG 'DUG GO,) DE DANG MTHUN PAR GANG ZAG GCIG LA, NYIN GCIG LA LTE BA'I DBU MA NAS DBYU GU RE BZHI'I RLUNG RGYU LA, DBYU GU RE LA RLUNG 'BYUNG 'JUG SUM BRGYA DANG SUM CU SO PHYED DANG BRGYAD BRGYAD YOD DO, ,YANG NYIN ZHAG GCIG LA CHU TSOD GNYIS YOD LA, DE DANG MTHUN PAR CHU TSOD SO GNYIS KYI RLUNG SPYI BO'I 'DAB MA NAS RGYUL, ,CHU TSOD DE'I RLUNG LA RLUNG DRUG BRGYA BDUN CU RTZA LNGA YOD DE, ,YANG NYIN ZHAG GCIG LA 'PHO BA BCU DRUG YOD PA DANG MTHUN PAR, 'PHO BA BCU DRUG GI RLUNG MGRIN PA NAS

RGYU LA, 'PHO BA RE'I RLUNG LA STONG DANG PHYED DANG BZHI BRGYA YOD CING, YANG NYIN ZHAG GCIG LA THUN TSOD BRGYAD YOD PA DANG MTHUN PAR, SNYING KHA'I RTZA 'DAB NAS THUN TSOD BRGYAD KYI RLUNG RGYU LA, THUN TSOD RE'I RLUNG LA NYIS STONG BDUN BRGYA YOD DE, ,'DI DAG KYANG GANG ZAG GCIG LA NYIN ZHAG GCIG GI DUS SU, RLUNG NYI KHRI GCIG STONG DRUG BRGYA RGYU BA'I TSUL YIN ZHING, DE YANG 'KHOR LO BZHI PO RE RE NAS NYI KHRI GCIG STONG DRUG BRGYA SNGA MA PHYI MA YIN PA DUS MNYAM DU RGYU BA YIN NO, ,DE YANG LTE BA'I 'DAB MA GNYIS NAS RGYU BA RDZOGS PA'I TSE, SPYI BO'I 'DAB MA GCIG NAS 'DAB MA GNYIS PA LA 'PHO LA, SPYI BO'I 'DAB MA GNYIS NAS RLUNG RGYU BA RDZOGS PA'I TSE, MGRIN PA'I 'DAB MA GCIG NAS 'PHO LA, MGRIN PA'I 'DAB MA GNYIS NAS RLUNG RGYU BA RDZOGS PA'I DUS SU, SNYING KHA'I 'DAB MA GNYIS NAS RLUNG 'PHO BA YIN NO, ,DE LTAR YANG, SDOM 'BYUNG LAS, MEL TSE THUN DU BRJOD PAR BYA, ,THUN GCIG NYIN MOR RIG BYA STE, ,DE BZHIN MTSAN MO'I THUN BZHI'O, ,'PHO BA'I YAN LAG BCU DRUG GI ,RLUNG NI NYIN ZHAG GCIG GIS 'GYUR, ,SNA YI BU GA LA RTAG TU, ,THUN NI PHYED PHYED YANG DAG RGYU, ,ZHES DANG, RTZA NI SUM CU GNYIS ZHES BYA, ,THUN GCIG GI NI BZHI CHA RNAMS, ,RTZA DANG CHU TSOD CES KYANG BRJOD, ,NYIN DANG MTSAN MO DBYU GU'I TSAD, ,DRUG CU RTZA BZHI DAG TU 'GYUR, ,RTZA PHYED THUN TSOD PHYED DBYU GU ,THUN NI BRGYAD CHA ZHES PAR GRAGS, ,RLUNG GI SNA SGOR 'BYUNG 'JUG LA, ,DBUGS SU YONGS SU GRAGS PA STE, ,ZHES GSUNGS SO, ,'DI KYEE RDO RJE'I LUGS DANG 'DRA BAR, SDOM 'BYUNG

, ,'GREL PA LAS BSHAD DO, 'PHO BA BCU DRUG GI LUGS SO, ,MAN SNYE LAS, THAMS CAD 'DOD PA NI RTZA GSUM RNAMS SU NYIN MTSAN GYI DRUG BRGYA LHAG PA'I STONG PHRAG NYI SHU RTZA GCIG GI DBUGS RNAMS SU 'GYUR, ZHES PA'O, ,GSUM PA RTZA RLUNG THIG LE GTAN LA PHAB PA'I DGOS PA NI, 'CHI BA'I TSE SA CHU LA THIM PA NAS MTHAR RNAM PAR SHES PA SHI BA'I 'OD GSAL DU THIM PA DE DAG DANG MTHUN PAR RDZOGS RIM SGOM DGOS PA SHES PA'I PHYIR DU, RTZA RLUNG THIG LE RNAMS DANG POR GANG DU 'CHAGS PA DANG, BAR DU RGYU BA'I TSUL DANG, MTHAR GANG DU THIM PA DANG, JI LTAR THIM PA'I RIM PA RNAMS SHES PAR BYA BA YIN NO, ,'BYUNG BA SDUD RIM YANG, 'PHAGS PA LHAS, SA LA SOGS PA BZHI RNAMS DANG, ,DE BZHIN STONG PA RNAM PA BZHI, ,DNGOS PO BRGYAD DU SHES PAR BYA, ,'JIGS DANG SKYE BA'I RGYU RNAMS SO, ,'OD GSAL BA LAS STONG PA CHE, ,STONG PA LAS KYANG THABS BYUNG ZHING, ,DE LAS SHES RAB SKYE BAR BYED, ,DE LAS RLUNG NI YANG DAG 'BYUNG, ,RLUNG LAS ME NI YANG DAG 'BYUNG, ,CHU LAS KYANG NI SA SKYE STE, ,SEMS CAN RNAMS KYI 'BYUNG BA 'DI'O, ,SA YI KHAMS NI CHU LA THIM, ,CHU NI ME LA THIM PA'O, ,ME YANG PHRA BA'I KHAMS LA'O, ,RLUNG NI SEMS LA RNAM PAR THIM, , SEMS NI SEMS LAS BYUNG LA THIM, ,MA RIG PA LAS SEMS BYUNG NGO, ,DE YANG 'OD GSAL BA LA 'GRO, ,'DI NI RMID? GSUM 'GOG PA'O, ,THOG MA MED PA'I DUS CAN GYI, ,SRID PA'I 'KHOR LO 'DI 'JUG STE, ,JI SRID SGYU 'DRA'I TING 'DZIN

GYIS, ,BDAG NYID MA MTHONG PAR DU'O, ,ZHES PA LUGS LDOG LAS RIM GNYIS KYI SGYU MA LTA BU'I TING NGE 'DZIN BSKYED PAR BSHAD PAS, RDZOGS RIM GYI RTOG PA RNAL MA GCIG RGYUD LA SKYE 'DOD NA, DE LAS 'CHI BA'I DUS KYI 'BYUNG BA SDUD RIM SHES DGOS, DE LAS BSKYED RIM SHES DGOS PAS, BSKYED RIM NI DANG POR RNAM PAR SHES PA LHAN CIG TU KHU KHRAG GI DBUS SU GANG DU GZHUG PA DE NYID SNYING KHA YIN LA, 'CHI BA'I TSE YANG 'BYUNG BA RIM GYIS BSDUS NAS SNYING KHA NAS 'CHI 'PHO BA YIN NO, ,DE YANG 'CHAGS DUS, RTZA THAMS CAD KYI GTZO BO GSUM DANG PO'I 'CHAGS SA NI SNYING KHA YIN LA, RTZA 'CHAGS PA'I 'OG TU RNAM SHES DER ZHUGS KYANG PHYI NAS SNYING KHA'I RTZA MDUD KYI DBUS SU RNAM SHES GNAS PA YIN NO, ,SNYING KHA YANG 'JIG RTEN NA GRAGS PA'I SNYING DANG BYANG KHOG GI DBUS LA MI BYED KYI, TSIGS PA'I NANG NGOS NA SROG RTZA DANG LHAN CIG TU RTZA DBU MA GNAS PA'I CHOS 'KHOR GYI MDUD PA'I DBUS NU MA GNYIS KYI PAR RO, ,DE YANG DANG POR THAMS CAD STONG PA STE 'CHI BA 'OD GSAL LAS, STONG CHEN NYER THOB STE DRI ZA BAR SRID DU SKYE BA'I SEMS SO, ,DE LA THABS SNANG BA MCHED PA STE BAR DER DRI DANG GNAS LA 'DOD PA'I SEMS SO, ,DE LA SHES RAB SNANG BA STE MNGAL DU SKYE BA 'DZIN PA'I SEMS SO, ,DE NAS MNGAL DU NYING MTSAMS SBYAR MA THAG TU 'BYUNG BA BZHI GA YOD MOD, 'ON KYANG 'BYUNG BA RAGS PA SKYE BA'I DBANG DU BYAS NAS, DANG POR RLUNG ME CHU SA RNAMS RIM PA LTAR 'BYUNG ZHING, DE RJES GZUGS SOGS PHUNG PO RNAMS DANG, MIG SOGS

, ,SKYE MCHED RNAMS 'BYUNG LA, DE NAS RANG BZHIN BRGYAD CU'I RTOG PA 'BYUNG STE NYIN MTSAN GNYIS KYIS PHYE BAS BRGYA DRUG CU YIN NO, ,SDUD PA'I DUS SU SA CHU LA THIM, CHU ME LA, ME RLUNG LA, RLUNG SEMS SNANG BA LA, DE MCHOD PA LA, DE NYER THOB LA, DE THAMS CAD STONG PA STE 'OD GSAL LA THIM PA STE, DE NI 'CHI BA 'OD GSAL LAM RMI BA DNGOS SO, ,DE YANG, SA CHU LA THIM ZHES BRJOD KYANG, SA KHAMS YE MED DU SONG BA MIN LA, SAS SHES PA'I RTEN MI BYED PA LA SA CHU LA THIM ZHES SO, ,CHU ME LA THIM TSUL SOGS YANG DE DANG 'DRA, RLUNG RNAM SHES LA THIM ZHES SOGS NI, SNA SGOR RGYU BA'I RLUNG RAGS PAS SHES PA'I RTEN MI BYED PA'AM, YANG NA RLUNG RAGS PA DE SNYING KHA'I RTZA MDUD NANG GI LHAN SKYES KYI RLUNG PHRA BA LA THIM PA'O, ,DE DUS RLUNG RAGS PAS SHES PA'I RTEN MI BYED KYANG, LHAN SKYES KYI RLUNG PHRA MOS SHES PA'I RTEN BYED PA YIN NO, ,LHAN SKYES KYI RLUNG PHRA MO GCIG PUS SHES PA'I RTEN BYED KYI, RLUNG RAGS PAS SHES PA'I RTEN MI BYED PA'I DUS NI, (RLUNG RNAM SHES LA THIM NAS SEMS DBEN GYI RTOG PA SKYE BA YIN TE, DE YANG RANG BZHIN BRGYAD CU GA-YO BYED KYI RLUNG RAGS RIM GYIS 'GAGS PAS, DE DANG DE'I RTOG PA RIM GYIS 'GAGS NAS, SNANG BA NYER THOB KYI YE SHES RIM GYIS SKYE BA YIN PAS, RLUNG RNAM SHES LA THIM PA'I DON DE LTAR YIN GYI LHAN SKYES KYI RLUNG THIM PA NI MA YIN NO, ,DE YANG DANG POR RLUNG RNAM SHES LA THIM DUS ZHE SDANG LAS GYUR PA'I RTOG PA SUM CU RTZA GSUM GA-YO BYED KYI RLUNG 'GAGS PA'I STOBS KYIS RTOG PA DE 'GAGS NAS SNANG BA'I YE SHES SKYE LA,

DES NI STON DUS KYI MTSAN MO NAM MKHA' DRI MA MED PA LA ZLA BA'I 'OD ZER SNANG BA DANG 'DRA BA'I STONG NYID RTOGS SO, ,'DOD CHAGS LAS GYUR PA'I RTOG PA BZHI BCU GA-YO BA'I RLUNG 'GAGS PA'I STOBS KYIS RTOG PA DE 'GAGS NAS SNANG BA MCHED PA'I YE SHES SKYE BAS, DES NI NYIN PAR GYI NAM MKHA' DVANGS PA LA NYI MA'I 'OD ZER GYIS KHYAB PA DANG 'DRE BA'I STONG NYID RTOGS SO, ,GTI MUG LAS GYUR PA'I RTOG PA BDUN GA-YO BA'I RLUNG 'GAGS PA'I STOBS KYIS RTOG PA DE DAG 'GAGS PA NA NYER THOB KYI YE SHES SKYE LA, DES NI NYI ZLA'I SNANG BA MED PA'I MTSAMS KYI MUN PA DANG 'DRA BA'I STONG NYID RTOGS SO, , RANG BZHIN BRGYAD CU SNANG BA LA THIM ZHING SNANG BA GSUM YANG RIM GYIS THIM PA'I RTAGS TE, RTAG TU SNANG BA 'OD GSAL DU GYUR PA ZHES BSHAD KYANG, 'OD GSAL 'CHAR BA'I RTAGS YIN GYI DNGOS MIN NO, ,BRTAN 'GYUR RDO RJE'I LAM NAS NI, ,NAM MKHA' KHYAB PAR SPRO BAR BYA, ZHES NAM MKHA' KHYAB PA NI DNGOS PO MTHA' DAG GI CHOS NYID LA CHU LA CHU BZHAG PA'I TSUL DU RIS SU MA CHAD PAR KHYAB PA'O, ,RANG DBANG RIN CHEN DGAG PA YI, ,GZUNG DANG 'DZIN PA YIN PAR BSHAD, ,RANG NI GZUGS SGRA LA SOGS PA'I YUL DANG, DBANG PO NI MIG LA SOGS PA DANG, RIN PO CHE NI LUS NGAG GI RTEN RLUNG SEMS TE DE DAG DON DAM PA'I BDEN PA DANG, CHU LA CHU BZHAG PA'I TSUL DU THIM PA NI DGAG PA'O,) ,'BYUNG BA SDUD PA'I TSE RLUNG SEMS SNANG BA LA THIM PA DANG, DE SNANG MCHED LA THIM DUS DANG, DE NYER THOB LA THIM DUS DANG, DE STONG PA 'OD GSAL LA THIM PA'I DUS RNAMS YIN LA, DE'I TSE LHAN SKYES KYI RLUNG DE NI 'CHI DUS LAS GZHAN DU MI 'PHO LA MI SHIGS PA'I THIG LE'AM, YE SHES KYI RLUNG ZHES KYANG ZER RO, ,RLUNG DE DANG LHAN CIG GNAS PA'I DANG PO'I SHES PA RANG BZHIN BRGYAD CU'I

, ,RNAM RTOG RAGS RIM NAS 'GAGS PA DE LA, 'OD GSAL GYI MA ZHES PA DANG, DO HA NAS, MA BCES PA DANG, BRTAG GNYIS NAS, LUS LA YE SHES CHEN PO GNAS, ZHES PA'ANG DON DE LA DGONGS SO, ,GZHI'I 'OD GSAL DE DANG 'DRA BAR, LAM DUS SU TING NGE 'DZIN GYI STOBS KYIS BYANG SEMS DKAR DMAR GYI 'DU 'PHRED LA BRTEN NAS, RANG BZHIN BRGYAD CU'I RTOG PA RAGS PA RNAMS BKAG NAS BDAG MED SGOM PA NI, LAM GYI 'OD GSAL LAM 'OD GSAL BU ZHES KYANG ZER RO, ,YANG RTZA RLUNG THIG LE MANG DU GSUNGS PA'I DGOS PA NI, 'CHI BA'I TSE LTE BA'I DMAR CHA YAR LA 'GRO, SPYI BO'I DKAR CHA MAR 'ONG BA'I 'DU 'PHROD LA BRTEN NAS GNYIS SNANG DANG BRAL BA'I 'OD GSAL MNGON DU 'GYUR LA, DE YANG GNYIS SNANG 'GAGS PA TZAM LA 'OD GSAL DU BTAGS PA YIN GYI MTSAN NYID PA NI MA YIN NO, ,DE DANG 'DRA BAR LAM DUS SU RLUNG DANG GTUM MO'I RNAL 'BYOR LA BRTEN NAS DMAR PO DANG DKAR PO'I 'DU 'PHROD BYAS YOD CING, 'DU 'PHROD BYUNG DUS SU GNYIS SNANG RAGS PA 'GAGS PAS DE DUS SU, STONG NYID KYI NGES SHES GSAL BTAB NA GZHAN DANG MI 'DRA BA'I STONG NYID RTOGS PA LA BOGS 'ONG BAS DE LA DGONGS NAS BSHAD PA YIN NO ZHES KYANG GSUNG, RDZOGS RIM GYI SKABS SU DKAR DMAR 'DU 'PHROD BYED PA'I GNAS KYANG SNYING KHA YIN LA, BSKYED RIM GYI SKABS SU LHA GTZO BO LAS 'KHOR RNAMS SPRO BSDU BYAD PA YANG SNYING KHA'I RTZA DANG RLUNG LAS, PHYOGS KYI RTZA DANG RLUNG GZHAN RNAMS SPRO BSDU BYED

PA DE LA DPE BYAS NAS SGOM ZHING, DE'ANG BSKYED RIM GYI DUS SU, SBYANG GZHI 'BYUNG BA THIM PA'I RIM PA DANG MTHUN PAR, DAM TSIG SEMS DPA' YE SHES PA DE LA THIM, DE TING NGE 'DZIN SEMS DPA' LA THIM NAS, N'A DE 'OD GSAL LA ZHUGS PA'I BAR YANG SNYING KHA'I GNAS DER DMIGS PA GTOD CING, RDZOGS RIM GYI SKABS SU 'BYUNG BA THIM PA'I RIM PA DANG MTHUN PAR TING NGE 'DZIN SGOM PA YANG NGO, ,MTHAR SNYING KHA'I RNAM SHES 'OD GSAL DU ZHUGS PA'I BAR DU BYED CING DE LAS YANG RLUNG LUGS LDOG TU LHA'I RNAM PA 'CHAR BA BYED PA YIN NO, ,YANG GZHI DUS SU RTZA DANG RLUNG 'CHAGS PA'I RIM PA'AM, SEMS CAN SKYE BA'I RIM PA DANG MTHUN PAR LAM BSKYED RIM GYI SKABS SU LHA SKU BSGOMS NAS, SNYING KHA'I TING NGE 'DZIN SEMS DPA' LA SPRE BSDU MANG DU BYAS NAS BSGOMS KYANG MOS PA YID BYED TZAM LAS SNOD BCUD 'OD GSAL DU 'JUG MI THUB LA, RDZOGS RIM GYI SKABS SU RLUNG DANG THIG LE'I RNAL 'BYOR LA NUS PA THON NAS TING NGE 'DZIN GYI MTHUS, 'CHI DUS KYI 'BYUNG BA SDUD PA LA SGUG MI DGOS PAR, 'BYUNG BA RNAMS RIM GYIS BSDUS NAS GNYIS SNANG DANG BRAL BA'I 'OD GSAL LA MNYAM PAR BZHAG PA'I RJES SU, DE LAS LANGS MA THAG KHO NAR 'JA' LUS LAS GRUB PA'I LHA SKUR LDANG BA YIN LA, DES 'BRAS DUS KYI GZUGS SKU GNYIS KYI NYER LEN GYI RGYU BYED DO, ,DES NA BLA MED KYI RGYUD SDE DU MA NAS BSKYED RIM GYI SKABS SU, GZHI DUS KYI SKYE SHI BAR DO GSUM DANG SBYAR NAS SGOM DGOS BAR MANG DU GSUNGS

, ,PA'I DGOS PA YANG, RDZOGS RIM GYI SKABS SU BOGS 'DON CHUL YANG GZHAN DANG MI 'DRA BA DE LTA BU LA DGONGS PA YIN GSUNG, GNYIS PA DE LAS GNAD DU BSNUN PA'I RNAL 'BYOR LA, RDO RJE'I LUS LA GNAD DU BSNUN PA'I DGOS PA DANG, RNAL 'BYOR DNGOS SO, ,DANG PO NI, RDZOGS PA'I RIM PA MI THA MAL PA'I 'BYUNG BA THIM RIM DANG, THOG MA'I RLUNG GI RNAL 'BYOR SOGS LA BSHAD PA YOD KYANG, BTAGS NAS BSTAN PA YIN GYIS RDZOGS RIM MTSAN NYID PA NI, BSKYED RIM MAN CHAD THUN MONG MA YIN PA'I DGA' BZHI'I RTOGS PA BSKYED NAS SGRUB DGOS PA'I PHYIR RO, ,DE LA MA RGYUD NAS, 'BYUNG BA THIM PA'I RIM PAS 'OD GSAL LA ZHUGS PA'I STONG NYID RTOGS PA'I SHES RAB KYI CHA NAS RGYAS PAR GSUNGS YANG, SHES RAB DE NYID LHA'I SKUR 'CHAR BA'I THABS KYI CHA RNAMS RDZOGS PAR MA GSUNGS SHING, DE NYID DPAL GSANG BA 'DUS PA SOGS PHA RGYUD RNAMS LAS GSUNGS PA YIN NO, ,PHA RGYUD MA RGYUD KYI DBYE BA YANG JI SKAD BSHAD PA'I THABS DANG, SHES RAB GNYIS BRJOD BYA'I GTZO BO STON MI STON GYI SGO NAS DBYE BAS GNYIS KAS KYANG MA BSTAN PA NI MA YIN NO, ,MDOR NA THA MAL BA SHI BA'I TSE, BAR DO GRUB NAS 'KHOR BA'I RGYUR 'GYUR BA DE NYID, RNAL 'BYOR PAS TING NGE 'DZIN GYI STOBS KYIS SGYU MA LTA BU'I LHA SKUR 'CHAR NUS PA YIN NO, ,DE YANG MDOR NA LUGS LDOG GI STONG PA GSUM GYI MTHAR SGYU LUS DANG LUGS

LDOG GI STONG PA BZHI'I MTHAR ZUNG 'JUG 'GRUB TSUL, PHA RGYUD PA GSAL ZHING RGYAS PAS DE DAG MA RGYUD PA LA YANG GO DGOS LA, YI GE THIG LE SOGS GTUM MO'I RNAL 'BYOR GYIS BDE BA CHEN PO BSKYED PA MA RGYUD RNAMS GSAL ZHING RGYAS BAS DE DAG PHA RGYUD LA YANG GA DGOS SO, ,'DI LA GNYIS, SNANG PHYOGS KYI RDZOGS RIM DANG STONG PHYOGS KYI RDZOGS RIM MO, ,DANG PO NI, RLUNG 'OD ZER LNGA DANG BCAS PA NYE BAR LEN PA'I RGYU DANG STONG PA GSUM GYI YE SHES KYIS LHAN CIG BYED PA'I RKYEN LA BRTEN NAS, RLUNG SEMS TZAM LAS GRUB PA SGYU MA LTA BU'I LHA'I SKU 'JA' LUS RDO RJE SKUR BZHENGS PA YIN NO, ,BYE BRAG GIS, SNGAGS KYI SKU DANG YE SHES SKU, ,YE SHES SKU LAS YE SHES DANG, RNAM PAR DAG PA'I SKU GNYIS SO, ZHES GSUNGS SO, ,GNYIS PA STONG PHYOGS LAS BDE BA NGOS BZUNG BA DANG, STONG PA DANG, BDE STONG DBYER MED DU BYED PA'I TSUL DANG, DE GNYIS BSGRUB PA'I RIM PA'O, ,DANG PO NI, BDE BA TZAM GYIS MI CHOG STE, SEMS GNAS KYIS BSGRUBS PA'I SHIN SBYANGS KYI BDE BA PHYI ROL PA LA YANG YOD PA'I PHYIR DANG, PHAR PHYIN THEG PA NAS BSTAN PA'I RLUNG 'BYUNG 'JUG BGRANGS PA LAS 'BYUNG BA'I BDE BA DANG, BYA SPYOD NAS BSHAD PA'I STONG PA DANG, LHA'I RNAL 'BYOR SGOM PA GZHIR BYAS NAS SROG RTZOL BSDAMS PA LAS BYUNG BA'I BDE BA SOGS LAS KYANG CHES MI 'DRA BA EZHIG DGOS LA, ZAG PA MED PA'I BDE BAS KYANG MI CHOG STE DE NI NYAN RANG LA YANG YOD PA'I PHYIR RO, ,'O NA GANG YIN ZHEN, ZHU BA'I BDE BA'O, ,GNYIS PA NI, STONG PA PHAR

, ,PHYIN THEG PA NAS BSTAN PA LAS LOGS SU GTAN LA DBAB RGYU CUNG ZAD KYANG MED PAS DE NYID GZHIR 'JOG LA, STONG PA DE'ANG YUL LAS BYED PA DANG, YUL CAN LAS BYED PA GNYIS LAS, 'DIR NI SH'ANTI PAS BZHED PA LTAR, YUL BDAG MED PA LTA BU YIN NO, ,GSUM PA NI, RGYUD SDE 'OG MA GSUM DANG PHAR PHYIN THEG PAR STONG PA GTAN LA PHEBS NAS DE GO BA'I BLO DE NYID THABS DANG BCAS NAS SGOM PA YIN GYI, STONG PA'I YUL CAN GYI BLO LOGS SU BSGRUB MI DGOS LA, 'DIR NI STONG PA SGOM PA'I YUL CAN GYI BDE BA THABS MTHA' YAS PAS LOGS SU BSGRUB DGOS LA, DE YANG RDO RJE BZLAS PA'AM, GTUM MO'I RNAL 'BYOR GYI STOBS KYIS LTE BA'I DMAR CHA 'PHEL NAS, SPYI BO'I BYANG SEMS BZHU STE LUS SHES KYI 'KHOR DU TSOR BA'I BDE BA SKYE LA, DES DE MA THAG RKYEN BYAS NAS YID LA DGA' BA'AM BDE BA SKYE LA, DGA' BA DES YUL STONG NYID BZUNG NAS, DE DANG STONG NYID GNYIS NI NAM MKHA' DANG NAM MKHA' SBYOR BA LTA BU SBYOR BA STE, KHA SBYOR LAS, DMIGS MED GNAS SU SHES RAB DANG, ,DMIGS MED SNYING RJE CHEN PO NYID, ,BLO DANG LHAN CIG GCIG GYUR PA, ,NAM MKHAR NAM MKHA' JI LTA'O, ,ZHES GSUNGS LA, BDE STONG DBYER MED PA'I ZUNG DU 'JUG PA'I RDZOGS RIM ZHES KYANG BYA'O, ,YANG SNGAGS KYI SKABS SU STONG PA DANG SNYING RJE DBYER MED CES BSHAD PA NI, STONG PA NI CHOS SKU'I NYER LEN GYI RGYUR GYUR PA'I STONG PA NYID RTOGS PA'I SHES RAB YIN LA, SNYING RJE NI SDUG BSNGAL DANG BRAL NA SNYAM PA'I

SNYING RJE KHO NA LA MI BYED KYI, GZUGS SKU'I NYER LEN GYI RGYUR GYUR PA'I THABS NI SNYING RJE CHEN PO YIN NO, ,DES NA SEMS KYI RTEN THOG LA YIN LA, RJE MAR PA NAS BRGYUD PA RNAMS KYI LUGS LA NYIN ZHAG GCIG LA GNYING DU SONG MA SONG GNYIS SU NGES LA GNYID DU SONG BA LA RMI LAM YOD MED GNYIS LAS, RMI LAM MED PA'I GNYID 'THUG GI DUS SU SEMS KYI RTEN BYANG SEMS DKAR DMAR SNYING KHA NA GNAS PAS DER SEMS 'DZIN LA, RMI LAM RMI BA'I DUS DER MGRIN PA NA GNAS PAS DER SEMS 'DZIN, GNYID DU MA SONG BA'I TSE GTZO CHER LTE BA NA GNAS PAS DIR SEMS 'DZIN LA, PHO MO SBYOR BA'I DUS DER SPYI BO NA GNAS ZHES BSHAD DO, ,DUS 'KHOR LAS, SNYING KHA DANG MGRIN PAR THIG LE GNAS PA'I DUS NI SNGA MA DANG 'DRA LA, GZHAN GNYIS LDOG NAS GNYID DU MA SONG DUS SPYI BO DANG, PHO MO SBYOR BA'I DUS LTE BAR GNAS PAR BSHAD DO, ,BZHI PA DE GNYIS SGRUB PA'I RIM PA NI, THOG MAR STONG PA RTOGS DGOS TE, ,BSKYED RIM GYI YANG THOG MA NAS SVA BH'A WA'I SNGAGS DE NA SEMS PAR GSUNGS PA'I PHYIR RO, ,ZHU BA'I BDE BA YANG, GANG ZHU BA DANG, GANG GIS ZHU PA DANG, 'JU BAR BYED PA'I RKYEN NA, ,DANG PO NI, SPYI BO BDE CHEN GYI 'KHOR LO'I LTE BA DBU MA'I NANG NA GNAS PA'I KHAMS (SNGAGS DON SEMS PA NA, SH'U N+YA T'A NI STONG NYID DANG, DZNY'A NI YE SHES DANG, BADZRA NI RDO RJE DANG, SVA BH'A WA NI RANG BZHIN DANG, AVA TA MA KO NI NGA'O, ,ZHES PA'I DON YIN PAS, STONG PA NYID KYI YE SHES KYI RANG BZHIN GYI BDAG NYID NI NGA'O, ,ZHES PA STE, RNAL 'BYOR PA DE'I BDAG TU THA SNYED GDAGS PA'I GZHI'I GTZO BO SEMS DE

, ,BZHIN NYID DANG DBYER MED PAR SONG BA'I PHYIR RO, ,DE LA DBU MA'I LTA BA RNYED PA GCIG DGOS SO,) ,DKAR PO HAm GIS MTSON PA'I DON NO, ,GNYIS PA NI, LTE BA'I 'KHOR LO'I DBU MA'I NANG NA GNAS PA'I THIG LE DMAR PO 'BAR BA LAS SO, ,ME SPOR BA'I RKYEN KHA SBYOR LAS, LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,ZHES GSUNGS PA'I RLUNG RNAL 'BYOR SOGS SGOM PA DANG DBANG PO GNYIS SBYOR GYIS BSKUL BA'I RLUNG NGO, ,RLUNG DE YANG THUR SEL YIN ZHING DE GANG NA GNAS PA NI, RDO RJE PHRENG BA'I RGYUD LAS, GA-YON PA ZLA BA BYANG SEMS 'BAB, ,GA-YAS PA KHRAG DANG NYI MA 'BAB, ,SHES BYA DBUS SU RGYU BA'I RLUNG, ,ME SAD BYED PAR SHES PAR BYA, ,ZHES GSUNGS PAS, DBU MA'I NANG LTE BA'I 'OG GI SUM MDO NA GNAS PA DE YIN NO, ,'O NA DER RGYU BA'I RLUNG DE THUR SEL SO MA ZHIG GAM RNYID PA ZHIG YIN SNYAM NA, RNAL 'BYOR PA'I SGOM STOBS KYIS SNA BUG LA RGYU BA'I LAS RLUNG 'GAG CING, DE'I STOBS KYIS NANG DU KHENGS PA LTAR GYUR PA NI RLUNG YANG RANG BZHIN GYIS 'GAGS TE, DE YANG RES 'GA' MA YIN PAR BRTAN POR SONG BA NA DE'I MTHUS, SNGAR AA WA DH'U T'I LTEBS PA LTAR GYUR PA DE, LAS RLUNG GIS LEGS PAR RGYAS NAS, DE'I NANG DU THUR SEL DU MA ZHIG SKYES PA DES ME SBOR BA YIN TE, RGYUD RDO RJE PHRENG BA'I BZHI PAR, DPA' BO RNAL 'BYOR MA SBYOR BA, ,GANG TSE GSANG BA'I RTZA GNYIS NI, ,YANG DAG SBYOR BAS REG GYUR PA, ,DE TSE NAM MKHA' RNAM RGYAS NYID, ,NAM MKHA' LAS NI SKYES PA'I RLUNG, ,DE YIS ME NI RAB TU 'BAR, ,RTZA NI STONG PHRAG BDUN

CU GNYIS, ,RTZA RNAMS RAB SAD ME DE YIS, ,BDE BA KUN GYI GO 'PHANG MCHOG ,BDE BA CHEN PO BYANG CHUB SEMS, ,RNAM PAR ZHU NAS RTZAR GNAS PA, ,ZHES RLUNG DE GA-YOS PAS LTE BA'I ME 'BAR NAS, SPYI BO'I HAm YIG ZHU STE LHAN SKYES KYI BDE BA SGRUB PAR BYED PA YIN NO, ,DE GA-YO BAR BYED PA LA GA-YAS GA-YON GYI RGYU BA BCAD DGOS TE, DE'I RGYU MTSAN GA-YAS GA-YON RGYU BA'I TSE RTOG PA RAGS PA BCAD MI THUB LA, DE NAM GA-YOS PA NA ZHU BDE SKYES NAS RTOG PA RAGS PA GCOD PA'I PHYIR DANG, GA-YAS GA-YON GYI RLUNG RGYU BA 'GAGS PA DE DE'I RKYEN YIN PA'I PHYIR RO, ,GNYIS PA GA-YAS GA-YON GYI RGYU BA 'GOG PA'I RNAL 'BYOR DNGOS LA, RLUNG GI RNAL 'BYOR DANG, THIG LE'I RNAL 'BYOR DANG, GTUM MO'I RNAL 'BYOR RO, ,DE YANG GTUM MO BYE BRAG PA MED DMIGS LA BZUNG BA YIN GYI, SLOB DPON AA BHYAS, LHAN SKYES KYI GTUM MO DANG, RNAL 'BYOR GYI GTUM MO DANG, LAS KYI GTUM MO GSUM DU PHYE BA LTAR NA RDZOGS RIM MTHA' DAG GTUM MOR 'DUS PA'I PHYIR RO, ,RLUNG GI RNAL 'BYOR LA YANG, DUS 'KHOR NAS, SROG THUR BSRE BA'I BUM PA CAN LA RTZAL DU 'DON PAR BSHAD CING, BUM PA CAN CHE CHUNG GSUM GYI DBYE BA YANG, SDOM 'BYUNG LAS, YANG NA BUM PA CAN SBYOR BA, ,THAMS CAD DU NI 'CHI LAS RGYAL, ,BDAG NYID RIG PAS RKANG MTHIL THAR, ,THAMS CAD RLUNG GIS KUN BKANG STE, ,BUM PA CAN LA BRTAN BYAS NAS, ,DBYE BA GSUM GYIS BZHAG PAR BSHAD, ,THA MA SUM CU RTZA DRUG TZAM, ,DE LAS NYIS 'GYUR 'BRING YIN TE, ,SUM 'GYUR MCHOG TU SHES PAR BYA, ,BUM

, ,PA CAN DE RGYAL BAR 'GYUR, ,BUM PA CAN SNGAR SHES BYAS NAS, ,BDAG NYID SKYIL MO KRUNG BCAS TE, ,LAG PA LAN GSUM MNYES NAS NI, ,DE NAS LAN DRUG SE GOL GDAB, ,JI SRID SUM CU RTZA DRUG TZAM, ,DE SRID BUM PA CAN BYAS TE, ,SUM 'GYUR MCHOG GIS GZHAL BAR NI, ,BRGYAD LHAG PA YI BRGYA TZAM MO, ZHES GSUNGS SO, ,GSANG 'DUS 'PHAGS LUGS PAS, NGAG DBEN RLUNG GI RDOR BZLAS KYIS SNYING KHA'I RTZA MDUD BSHIG NAS SPYI BO'I BYANG SEMS ZHU BAS LHAN SKYES KYI BDE BA SKYE LA, DES YUL STONG NYID BZUNG BA'I BDE STONG DBYER MED LAS, BDE BA DANG STONG PA GNYIS GCIG GIS GCIG PHAN TSUN RGYAS 'DEBS NI DBYER MED KYI DON YIN NO, ,RLUNG SNGAGS DBYER MED KYI RDOR BZLAS DE YANG, SBYOD BSDUS LAS, 'DI NYID KYIS RDZOGS PA'I RIM PA BSHAD PA NI, A'A LI K'A LI RNAMS KYIS BUD MED DANG SKYES PA DANG MA NING GI TSUL GYIS YI GE GSUM BSKYED LA, YI GE GSUM YANG 'JUG PA DANG, GNAS PA DANG, LDANG BA NGES PAR SBYAR LA DKYIL 'KHOR BZHI'I RIM GYIS SROG DANG RTZOL BA'I BDAG NYID CAN GYI RDO RJE BZLAS PA BYA'O, ZHES SO, ,THIG LE'I RNAL 'BYOR NI, SLOB DPON YE SHES ZHABS KYIS, KUN RDZOB PA'I SNA RTZE DANG, SNYING KHA DANG, GSANG BA'I RTZER, SPRUL PA'I THIG LE DANG, MI SHIGS PA'I THIG LE DANG, GSANG BA'I THIG LE BSGOMS NAS, ME SBOR BA THIG LE'I RNAL 'BYOR SOGS GSUNGS SO, ,GTUM MO'I RNAL 'BYOR NI, dOm BHI HE RU KA SLOB DPON SOGS DANG, NAG PO SPYOD PA SOGS KYIS GTUM MO LA RTZAL

DU 'DON PA SOGS DU MA YOD KYANG, GRUB CHEN RNAMS KYIS MDZAD PA'I LAM GYI GNAD MA 'PHYUGS PA SHES NA GANG NYAMS SU BLANGS KYANG LHAN SKYES KYI BDE BA SGRUB NUS PA LA KHYAD PAR CUNG ZAD KYANG MED DO, ,DE'I NANG NAS KYANG, KHA SBYOR LAS, DE YI NANG NA SON PA'I RTZA, ,MAR ME RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU 'ONG, ,DE YI NAD GNAS DPA' BO NI, ,YUNGS KAR GYI NI SBOM PHRA TZAM, ,MI SHIGS H'Um GI SA BON NI, ,KHA BA LTA BUR 'DZAG PA NYID, , LUS CAN RNAMS KYI SNYING DGA' BA, ,DPYID CES BYA BAR RNAM PAR BSHAD, ,RGOD MA'I ME YI GZUGS KYIS NI, ,BDAG MED PA NI YI GER BRJOD, ,LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, DPYID THOG PA YIS MCHOG SHES PAS, ,SNYOMS PAR 'JUG PAS RNAM PAR GNAS, ,DPA' BO SHR'I NI HE RU KA, 'DI NI DPYID DANG THEG LER BRJOD, ,CES GSUNGS, DA'ANG RKANG PA DANG PO BZHIS DBU MA STON NA, ,SPYIR DBU MA NI MI BSKYOD PA'I RTZA YIN PAS KHA DOG SNGON PO DANG, RO MA 'OD DPAG MED KYI RTZA YIN PAS DMAR PO DANG, RKYANG MA RNAM SNANG GI RTZA YIN PAS DKAR POR YOD, DE YANG SPYIR BTANG YIN LA, DMIGS BSAL LA GTUM MO 'BAR BA'I TSE NA, GANG 'BAR BA'I RTZA RNAMS TAL MAR GYI MAR ME'I MDOG LTA BUR YOD DO, ,DE YANG SNYING KHA'I RTZA MDUD KYI NANG GI RTZA DBU MA'I 'OG PHYOGS KYI BU GA NI CUNG KHA BYE BA CHU SHING GI ME TOG LTA BU GCIG YOD DO, ,DE NAS RKANG PA BZHIS RTZA MDUD NANG GI DBU MA'I NANG GI YI GE STON TE, KHYAD

, ,PAR LNGA DANG LDAN PA'I H'Um YIN TE, MI MTHUN PA'I RTOG PA 'JOMS PAS DPA' BO DANG, 'DOD PA BSGRUB PA LA GZHAN GYIS GZHOM DU MED PAS MI SHIGS PA DANG, GTUM MO LA BRTEN NAS BDE BA SKYES PAS SA BON DANG, BYANG SEMS 'DZAG PA DANG TSAD YUNGS 'BRU TZAM YOD PA YIN NO, ,GNYIS KYIS MING DANG, DE NAS BZHIS THIG LE STON NO, ,BDAG MED MA STE AA THUNG NI RGOD MA KHA'I ME ZHES BRJOD KYANG, GLING BZHI PO RANG RANG GI LHO PHYOGS KYI LCAGS RI NAG PO'I 'OG GI MES CHU SKEMS PA DANG 'DRA BAR, LTE BA'I DMAR CHA 'BAR NAS SPYI BO'I BYANG SEMS ZHU BAS, LHAN SKYES KYI DGA' BA SKYES PA'I TSE, GZUNG 'DZIN GYI RTOG PA GCOD PA'O, ,DE'ANG GZHUNG DES DPYID KYI THIG LER MDOR BSTAN PA DANG, RGYAS PAR BSHAD PA'I DON RNAMS, SLOB DPON NAG PO PAS DPYID KYI THIG LE MDZAD PA'I RJES SU 'BRANGS NAS YI GE RING THUNG GI TSAD LA SOGS PA DANG, SLOB DPON AA BHYAS YI GE BKOD PA'I TSUL GSUNGS PA RNAMS KYI DON BRJOD NA, SNYING KHA'I RTZA MDUD KYIS BCINGS PA'I DBU MA'I NANG GI BU GA CUNG ZAD TZAM DE'I NANG NA GNAS PA'I H'Um YIG SNGON PO YUNGS KAR GYI TSAD TZAM 'OD DKAR PO KHA BA LTA BU 'DZAG PA GNAS PA NI, GTUM MO 'BAR BA NI BDE BA SKYES PA'I PHYIR DPYID CES BYA LA, DE'I PHYIR BDE BA BSKYED PA LA SUS KYANG GEGS BYAR MED PA'I PHYIR MI SHIGS PA ZHES BYA'O, ,LTE BA'I MDUD PA BCINGS PA'I DBU MA'I NANG GI AA THUNG THIG LE ZHES BYA'O, ,DE NYID GA-YAS GA-YON GYI RGYU BA 'GAGS NAS SUM MDO GRU GSUM GYI DBU

MA'I NANG NA GNAS PA'I ME SAD BYED KYI RLUNG GA-YOS TE SBAR BA NI, SPYI BO'I HAm YIG ZHU NAS LTE BAR 'DU 'PHROD BYAS PA'I TSE DPYID DANG THIG LE GNYIS KAR 'GYUR LA, DE BZHIN DU SNYING KHAR 'DU 'PHROD BYAS PA'I TSE YANG 'GYUR RO, ,LTE BA DANG, SNYING KHA DANG MGRIN PAR GNAS PA'I YI GE GSUM PO 'OG MA THUNG DU DANG, BAR PA THUNG DU GNYIS KYI CHAD DANG, GONG MA THUNG DU GSUM GYI TSAD DO, ,KHA SBYOR LAS, LTE BAR AA'I GZUGS KYIS NI, ,THUNG DU RU NI RAB TU GRAGS, ,SNYING KHA LA'ANG H'Um GI NI, , RING PO MA MO GNYIS DANG GNAS, ,MGRIN PAR AOm GYI GZUGS KYIS NI, ,MA ME GSUM BRJOD PA LU TA, ,DPRAL BAR HAm GI RNAM PA 'DI, ,SGRA DANG THIG LE MI SHIGS PA, ,ZHES BSHAD PA LA BLA MA N'A RE PAn CHEN GYI SLOB MA KHA CIG, SPYID BO BYANG SEMS 'BAB PA'I TSE, ,DE NAS 'BAB PA'I BYANG SEMS LA CHA BZHIR BGOS PA'I CHA GCIG MGRIN PAR 'BAB PA'I TSE BSKABS SHING, MGRIN PA NA CHA GSUM YOD PAS DE DANG BSTUN NAS MGRIN PA'I AOm LA RANG GI GSUM 'GYUR DANG NYER GCIG ,SNYING KHAR 'BAB PA'I TSE CHA GSUM DU BGOS PA'I CHA GCIG BSKAMS PAS, SNYING KHA'I H'Um RING CHA GNYIS DANG LDAN PA DANG, LTE BAR SLEB PA'I TSE CHA GNYIS PO'I CHA GCIG BSKAMS PAS, LTE BA'I AA LA RING CHA MI YONG BA'I RGYU MTSAN DE YIN NO GSUNG, SLOB DPON AA BHYAS NANG GI SGRA 'DON LUGS LA BRTAGS NAS BYED DO, GSANG GNAS NAS STENG LA RLUNG SONG BA'I TSE, LTE BAR SLEB PA NA AA THUNG DU'I SGRA SGROGS PA DANG, SNYING KHAR H'Um RING CHA GNYIS KYI SGRA SGROGS PA DANG, MGRIN PAR SLEB PA'I TSE AOm

, ,RING CHA GSUM DANG LDAN PA'I SGRA SGRAGS PAS, DE'I CHA NAS LTE BAR AA THUNG, SNYING KHAR H'Um RING PO, ,MGRIN PAR AOm RING CHA DANG LDAN PA BSGOM PA'I RGYU MTSAN DE YIN NO, ,MDOR BSDU NA SMAD NAS SONG BA'I RLUNG LTE BAR AA THUNG GI YUN DANG, SNYING KHA'I H'Um GI SGRA SGROGS PA'I TSE, AA THUNG NYIS 'GYUR GYI YUN DANG, MGRIN PA'I AOm GYI SGRA SGROGS DUS AA THUNG GSUM 'GYUR GYI YUN YOD PAS, H'Um RING CHA GSUM DANG, AOm LA RING CHA GSUM YOD DO GSUNG, YI GE BZHI POS MTSON PA'I DON NI, LTE BA DANG, SPYI BO GNYIS KYIS LUS MTSON LA, MGRIN PA'I AOm GYI NGAG MTSON ZHING, SNYING KHA'I H'Um GIS SEMS MTSON PA'I RNAL 'BYOR PA'I SGO GSUM MTSON PA YIN NO, ,SKABS SU BAB PA'I DMIGS PA NGOS BZUNG BA NI, DANG POR LAM THUN MONG BAS RGYUD SPYANGS, BSKYED RIM MTHAR PHYIN NAS RDZOGS RIM BSGOM PA DANG, THUN BZHI'I TSON GSUM LA BSKYED RING, GCIG LA RDZOGS RIM BSGOM PA DANG, THUN BZHI'I TSEN GSUM LA BSKYED RIM, GCIG LA RDZOGS RIM BSGOM PA DANG, BSKYED RIM THUN BZHIR BSGOM PA'I THUN RE'I RJES SU RDZOGS RIM BSGOM PA'I LUGS GSUM LAS, 'DIR NI THA MA'I LUGS YIN LA, DE YANG DANG POR LHA GANG YIN GYI MNGON RTOGS BSGOMS, DE'I RJES BLA MA'I RNAL 'BYOR BSGOM ZHING, BLA MA LA GSOL BA BZHI BRGYA TZAM RI 'DEBS LA, DE NAS RTZA GSUM GSAL BTAB STE, LUS KYI NANG GI DBUS DRANG PO LAS, TSIGS PA'I PHYOGS LA SROG RTZA YOD CING, DE'I MDUN PHYOGS LA BRTEN NAS DBU MA KHA DOG SNGON PO, GA-YAS NA RO MA DMAR PO, GA-YON NA RKYANG MA DKAR PO SBOM PHRA

GRO SOG TZAM, GSUM GA'ANG PHYI GRI SPUNGS LTAR LA NANG KHONG GCIG TU 'BREL BA'I BAR MTSAMS CUNG ZAD DANG BCAS PA SPYI BO NAS RKANG MTHIL GYI BAR DU GNAS SHING, LTE BA'I THAD DANG, NU MA GNYIS KYI DBUS DANG, MGRIN PA DANG, SKRA MTSAMS KYI THAD RNAMS SU RO RKYANG GIS DBU MA LA BCINGS PA'I MDUD PA YOD PA DBU MA'I MAR SNA NOR BU DANG, RO RKYANG GI MAR SNA GSANG BAR ZUG PAR BSAM PAR BYA'O, ,DE YANG LTE BA SPRUL PA'I 'KHOR LO KHA DOG DMAR PO RTZA 'DAB MA BRGYAD PA, GDUGS KYI RTZIBS MA LTAR KHA GYEN DU BSTAN CING DBYIBS AE'I RNAM PA GRU GSUM DU GNAS PA, SNYING KHA CHOS KYI 'KHOR LO RTZA 'DAB BRGYAD PA KHA DOG DKAR PO GDUGS KHA THUR BSTAN LTA BU DBYIBS WAm GYI RNAM PA ZLAM POR GNAS PA DE GNYIS KHA SBYOR, MGRIN PA LONGS SPYOD KYI 'KHOR LO RTZA 'DAB BCU DRUG PA KHA DOG DMAR PO GDUGS KYI RTZI BAS MA LTAR GYEN DU BSTAN CING DBYIBS AE'I RNAM PA GRU GSUM DU GNAS PA, SPYI BO BDE CHEN GYI 'KHOR LO KHA DOG SNA TSOGS PA RTZA 'DAB SO GNYIS PA GDUGS KHA THUR BSTAN LTA BU DBYIBS WAm GYI RNAM PA ZLAM POR GNAS PA, LTE BAR RTZA MDUD NANG DU NYI GDAN LA, AOm DMAR PO MGO GYEN BSTAN YUNGS 'BRU TZAM, SNYING KHAR RTZA MDUD NANG DU ZLA GDAN LA H'Um SNGON PO MGO THUR BSTAN, MGRIN PAR RTZA MDUD NANG DU ZLA GDAN LA AOm DMAR PO MGO GYEN BSTAN, SPYI BOR RTZA MDUD NANG DU ZLA GDAN LA HAm DKAR PO MGO THUR BSTAN BSGOMS LA, GTZO CHER NI LTE BA'I AOm LA SEMS 'DZIN LA, YI GE GZHAN GSUM LA'ANG CUNG ZAD RE SEMS 'DZIN NO, ,GONG GI

, ,RTZA'I KHA DOG DE RNAMS NI 'DAB MA RNAMS KYI KHA DOG YIN NO, ,DE YANG BSGOM PA'I DUS SU RTZA MDUD DE DAG CUNG ZAD GROL BA'I LHOD DE SONG BAR BSAMS NAS, RTZA MDUD DE DAG GI NANG DU YI GE DE DAG BSGOM MO, ,RTZA 'KHOR DE DAG BSDU NA AE WAm GYI RTZA GNYIS SU 'DUS LA, DE YANG AE LA GNYIS LAS, THABS KYI RTZA NI SPYI BO'I RTZA, SHES RAB KYI RTZA NI LTE BA'I RTZA 'KHOR YIN ZHING, DE GNYIS KYANG DBYIBS GRU GSUM KYI RNAM PAR YOD DO, ,WAm GYI RTZA LA GNYIS LAS, THABS KYI RTZA NI MGRIN PA'I RTZA, SHES RAB KYI RTZA NI SNYING KHA'I RTZA 'KHOR YIN LA, DE GNYIS KYI DBYIBS GDUGS LTAR ZLUM POR YOD DO, ,RTZA DE DAG LA YI GE 'GOD TSUL NI RGYAS PAR BLOS MI LCOGS NA, GONG DU BSHAD PA LTAR RTZA 'KHOR BZHI PO DE'I LTE BA LA YI GE BZHI 'GOD DE, DE DMIGS SKOR GCIG GO, RGYAS PA BLO YIS LCOGS NA, LTE BA'I RTZA 'DAB BRGYAD LA SDE TSAN BRGYAD KYI YI GE RNAMS 'GOD PA NI, SPYIR LTE BA LA RTZA MDUD KYI PHYI ROL DU RTZA 'DAB BZHI, DE'I PHYI ROL DU RTZA 'DAB BRGYAD, DE'I PHYI ROL DU DUS 'KHOR BAS RTZA 'DAB BCU GNYIS, RGYUD GZHAN GYI LUGS KYIS 'DAB MA BCU DRUG, DE'I PHYI ROL DU 'DAB MA RE BZHI RNAMS YOD PA LAS, 'DAB MA GZHAN RNAMS DANG RO RKYANG GNYIS KYANG BTANG SNYOMS SU BZHAG LA, LTE BA'I RTZA 'DAB BRGYAD BYAS LA, BRGYAD PO DE DAG KYANG RTZA THAMS CAD DBU MA LA THAL MAR BUG PA ZUG PAR BSGOMS LA, DE YANG 'KHOR LO BZHI LA YI GE BKOD PA'I SKABS THAMS CAD DU, PHYOGS

KYI DANG PO SHAR DANG, MTSAMS KYI DANG PO BYANG SHAR NAS GA-YAS SKOR DU 'KHOD DO, ,DE YANG LTE BAR MDUN NGOS SHAR DU BYAS PA'I RTZA SBUBS KYI NANG DU YI GE THAMS CAD LANGS PA PHYI NGOS NAS BRTZAMS TE, AA A'A, AA A'I, AU A'U, Ri R'i, Li L'i, AE AEE, AO AOO, AAm AA: STE LTE BA LA DBYANGS THA MA'I TSEG DRAG THUG GI BAR DU DBYANGS BCU DRUG DGOD, DE BZHIN DU LHO'I RTZA 'DAB LA KA KHA GA GHA NGA, NUB 'DAB LA TZA TSA DZA DZHA NYA, BYANG 'DAB LA tA thA dA dHA nA, BYANG SHAR DU TA THA DA DHA NA, SHAR LHOR PA PHA BA BHA MA, LHO NUB TU YA RA LA WA, NUB BYANG DU SHA shA SA HA, DE TZAM DGOD MI NUS NA LTE BA'I 'KHOR LO'I SHAR 'DAB LA AA, LHOR KA, NUB TU TZA, BYANG DU tA, BYANG SHAR DU TA, SHAR LHOR PA, LHO NUB TU YA, NUB BYANG DU SHA DGOD DO, ,SNYING KHA'I RTZA 'DAB BRGYAD LA, SHAR DU AA, LHOR AI, NUB TU AU, BYANG DU AE, BYANG SHAR DU YA, SHAR LHOR RA, LHO NUB TU LA, NUB BYANG DU WAm, MGRIN PAR RTZA 'DAB BCU DRUG LA BAR DU RE RE BOR BA'I PHYOGS BZHI DANG MTSAMS BZHIR RIM PA BZHIN A'A, A'I, A'U, AEE, Y'A, R'A, L'A, W'A, RING PO RNAMS 'GOD DO, ,SPYI BOR RTZA 'DAB SO GNYIS LA, SHAR 'DAB NAS GA-YAS SKOR DU AA NAS BRTZAMS TE, 'DAB MA RE RE'I BAR DOR BAR DBYANGS BCU DRUG DGOD DO, ,'DAB MA'I RTZA RNAMS KYI YI GE'I KHA DOG NI RANG RANG GI LTE BA'I YI GE'I KHA DOG DANG 'DRA ZHING, JI LTAR YI GE 'GOD PA MANG BA DANG DMIGS PA RGYA CHEN PO LAS NI BDE BA'I STOBS CHA'O, ,YI GE

, ,THAMS CAD KYANG ZLA PHYED THIG LE N'A DA DANG BCAS PA YIN LA, DE DAG LAS KYANG 'OD CUNG ZAD 'PHRO ZHING, BYANG CHUB KYI SEMS PHRA MO'AM BDUD RTZI 'JOG PA'I RNAM PA CAN SGOM DGOS PA YIN NO, ,DE LTAR BSGOMS PAS GTUM MO 'BAR BA'I RGYU MTSAN, YI GES MTSON PA'I DON BYANG CHUB KYI SEMS DANG RLUNG YIN LA, RTZA BA'I YAL GA'I ZAD MTSAMS 'THUG PA BDUN KHRI NYIS STONG PO RNAMS NAS, RLUNG DANG BYANG CHUB KYI SEMS 'DAB MA SNGAR BSHAD PA RNAMS KYI NANG DU 'DU ZHING, RTOG PA GAR BZHAG PA'I RJES SU RLUNG 'GRO BAS, RLUNG BZUNG BA'I PHUL GZHAN DANG MI 'DRA BA'I DGOS PA YOD LA, THOG MA NAS ME 'BAR BA LA DMIGS PA NI GTUM MO'I PHYOGS GCIG TZAM YIN NO, ,RTZA MDUD NANG GI YI GE SGOM PA'I DGOS PA NI, RTZA MDUD 'GROL BA'I CHED YIN ZHING, 'DAB MA'I YI GE SGOM PA'I DGOS PA NI, 'DAB MA'I RLUNG RNAMS DBU MAR 'DU BA'I DGOS PA YOD DO, ,GSAL BYED RNAMS 'GOD PA'I DUS SU KshA MI DGOD, MGO PHRENG LNGA BCU'I DAG PA SBYOR BA'I CHE KshA DANG BCAS PA'I GSAL BYED SO BZHI DBYANGS BCU DRUG SBYOR BA YIN NO, ,RTZA NANG NA DBYANGS RNAMS KHA GYEN LTA, GSAL BYED RNAMS KHA THUR LTAR BSHAD PA NI RO RKYANG DBU MA GSUM GYI NANG GI YIN GYI 'DAB MA'I YI GE MIN NO, , 'DAB MA RNAMS LA YI GE RNAMS YOD TSUL NI, SHAR GYI 'DAB MA LTA BU'I DBANG DU BYAS NAS, SHAR GYI 'DAB MA'I PHYI PHYOGS NAS RIM PA LTAR YOD DO, ,DE YANG PHYI'I MTHA' MA NA AA YOD LA, DE'I MDUN NA A'A RING CHA CAN YOD CING, DES

DBYANGS YIG GZHAN RNAMS YOD TSUL RIGS 'GRA LA, 'DAB MA GZHAN RNAMS LA KA SDE SOGS SDE TSAN GZHAN GYI YI GE RNAMS DANG, PHYI NAS NANG PHYOGS LA RIM PA LTAR 'GOD PA YIN NO, ,DE YANG YI GE LANGS PA'I RNAM PA CAN GDONG LTE BA'I YI GE LA BSTAN PA'I TSUL GYIS 'GOD DGOS SO, ,'DAB MA'I YI GE RNAMS LA ZLA GDAN MA BSHAD BAS MI DGOS SHING, YI GE RNAMS GTZO CHUNG BA MA GTOGS GSAL DBYANGS 'DRES MA YIN LA, DBYANGS RNAMS KYI PHYED N'A DE RNAMS GSAL BYED YIN NO, ,DE YANG LTE BA'I YI GE RNAMS KYI DBANG DU BYAS NAS, DBUS KYI AAm NI DBYANGS SHAS CHE GSAL BYED SHAS CHUNG, SHAR GYI 'DAB MA MA GTOGS PHYOGS KYI 'DAB MA RNAMS LA DBYANGS YIG MED PAS 'DAB MA RNAMS KYANG DBYANGS SHAS CHUNG GSAL BYED SHAS CHE'O, ,SNYING KHA'I RTZA 'DAB KYI DBUS KYI H'Um NI GSAL PHYED SHAS CHE LA, MGRIN PA'I RTZA 'DAB KYI DBUS KYI AOm NI DBYANGS SHAS CHE ZHING, DE GNYIS KYI 'DAB MA'I YI GE RNAMS NI GSAL DBYANGS CHA MNYAM PA'O, , SPYI BO'I RTZA 'DAB KYI DBUS KYI HAm NI GSAL BYED SHAS CHE, DE'I 'DAB MA'I YI GE RNAMS NI DBYANGS SHAS CHE BA YIN NO, ,DE YANG DBYANGS RNAMS KYIS NI BYANG SEMS DMAR PO DANG, GSAL BYED RNAMS KYIS NI BYANG SEMS DKAR PO MTSON NO, , 'DAB MA'I YI GE RNAMS GSAL NAS DE LA SEMS 'DZIN NA NI LEGS PAR MA ZIN KYANG 'KHOR LO BZHI'I DBUS KYI YI GE BZHI PO SHIN TU PHRA BA YUNGS KAR 'BRING PO'I TSAD TZAM LA SEMS ZIN NAS GNAS CHA CUNG ZAD RNYED NA DES CHOG PAS DE

, ,RNYED RNYED SGOM, DE RNYED NAS THIG LE LA DMIGS PA SPO DGOS PA YIN TE, YI GE PHRA MO BSGOM PA NI THIG LE'I DMIGS RTEN RNYED PA'I CHED YIN PA'I PHYIR RO, ,DMIGS SKOR GCIG DE LTAR BSGOMS PAS MTHAR YI GE RNAMS LA DMIGS PA'I GSAL SNANG SKYES PA NA, SNGAR GYI DMIGS PA RNAMS RIM PA LTAR GSAL BTAB LA, DE NAS SUM MDO NAS LAS KYI RLUNG GA-YOS PAS SPRUL PA'I 'KHOR LO'I LTE BA'I AA THUNG LA GTUM MO'I ME 'BAR BA DAR SKUD DMAR PO BRKYANGS PA LTAR DBU MA'I NANG NA YAR SONG BAS, SPYI BO'I HAm YIG ZHU BAR DMIGS SHING, DE LAS ME 'BAR BAS 'DAB MA'I NANG DU SONG STE, SNGAR BKOD PA'I DBYANGS YIG BCU DRUG ZHU NAS HAm ZHU BA DANG GONG BU GCIG TU 'DRES TE 'OG TU SONG NAS, MGRIN PA'I AOm YIG DANG GCIG TU 'DRES DE LAS ME 'BAR 'DAB MA'I NANG DU SONG STE YI GE BRGYAD ZHU NAS AOm ZHU BA DANG GCIG TU 'DRES TE GONG BU DE NYID 'OG TU SONG STE, SNYING KHA'I H'Um DANG 'DRES, DE LAS ME 'BAR BAS 'DAB MA'I NANG GI YI GE RNAMS ZHU NAS H'Um YIG DANG 'DRES, DE ZHU NAS LTE BA'I AAm LA THIM, DE LAS KYANG ME 'BAR BAS 'DAB MA NANG GE SDE TSAN BRGYAD KYI YI GE ZHU NAS AAm LA THIM, DE NYID ZHU BA LAS BYUNG BA'I BYANG CHUB KYI SEMS KYI THIG LE DE NYID DANG, SEMS DANG RLUNG GSUM 'DUS PA YIN SNYAM PA'I MOS PA SNGON DU BTANG ZHING BDE STONG DBYER MED PA'I NGO BA YIN SNYAM DU BSAMS NAS, LTE BA'I RTZA MDUD NANG DU THIG LE DKAR LA DMAR BA'I MDANGS CHAGS PA YUNGS KAR 'BRING PO'I TSAD TZAM LA SEMS

'DZIN NO, ,DMIGS RTEN 'CHAR PHYIN CHAD YUNGS KAR 'BRING PO TZAM KHO NA LA SEMS 'DZIN GYI, DE LAS CHE BA DANG CHUNG BA GANG LA YANG SEMS MI 'DZIN NO, ,DMIGS RTEN PHRA MO 'CHAR MA THUB NA GANG THUB THUB LA SEMS 'DZIN NO, ,DMIGS SKOR GCIG, YANG AAm GI YI GES 'KHOR LO BZHI'I YI GE ZHU BA SOGS SNGON DU 'GRO BAS, DMIGS RTEN PHRA MO 'CHAR NAS DE LA SEMS CUNG ZAD ZIN PA'I TSE DMIGS PA 'DI BSNAN NAS BSGOM PA YIN TE, DE YANG RANG GI SEMS THIG LE PHRA MO DE'I NANG NA THIM PA'I MOS PA BYAS NAS THIG LE DE LA SEMS 'DZIN NO, ,DE LTAR GOMS PAS RANG GI SEMS DANG THIG LE GNYIS KYI BAR NA GNYIS SNANG MED PAR SEMS THIG LE LA THIM PA'I NYAMS SHAR BA'I TSE, THIG LE LA DMIGS PA'I DGOS PA GRUB PAS DMIGS PA SPO RAN PA YIN NO, DMIGS SKOR GCIG ,YANG DE'I RJES SU DMIGS PA GONG MA BSGOMS PAS, SEMS THIG LE LA THIM PA'I NYAMS MA SHAR YANG GONG GI DMIGS PA RNAMS BSGOMS PA'I RJES SU THIG LE LA SEMS 'DZIN PA'I DUS KYI GSUM GNYIS SAM PHYED TZAM DU, THUN RE RE LTAR RLUNG LA DMIGS NAS SGOM PA YIN TE, DE'I SGOM TSUL NI, RANG GI LUS KYI STOD NAS BRTZAMS TE RLUNG THAMS CAD RTZA SO SO NAS RO RKYANG GNYIS NAS RIM PA LTAR LTE BA'I RTZA 'KHOR GYI THAD KAR 'DUS TE ME LONG LA HAS BTAB PA'AM, BYE MA LA CHU BTAB PA BZHIN DU SIM PA LA SEMS BZUNG, DE LTAR BSGOMS PA'I DGOS PA NI RTZA LAM SBYONG BA DANG, RLUNG LA BRTEN PA'I GEGS RNAMS MI 'BYUNG ZHING, MNYAM PAR BZHAG PA'I DUS SU SNA BUG TU

, ,RGYU BA'I RLUNG 'DI 'GAGS NAS 'GRO ZHING, DE'I 'GAGS TSUL DANG POR TING NGE 'DZIN LA MNYAM PAR BZHAG PA'I TSE, DBUGS GNYIS GSUM RGYU BA'I YUN TZAM DU RLUNG SNA SGOR MI RGYU BA YIN LA, DE LA GOMS PA JE CHER SONG NAS, RLUNG SNA SGOR MI RGYU BA'I YUN DE RING DU 'GRO BAS DE GZOD SNGA DRO RE TZAM RLUNG SNA SGOR MI RGYU BA 'BYUNG BA YIN NO, ,DE YANG DANG POR RLUNG 'GAGS PA'I TSE SNA BUG GI RLUNG LOG NAS, RLUNG GIS GROD PA GANG BA'I SNANG BA 'BYUNG LA, DE NAS GROD PA GANG BA'I SNANG BA LOG NAS SNA SGOR RLUNG BRGYUS BYUNG NA RLUNG 'GAGS TSUL RNAL MA MIN LA, GROD PA'I NANG GI RLUNG DE ME LONG LA HAS BTAB PA BZHIN YAL YANG, DA DUNG SNA SGOR RLUNG MI RGYU NA RLUNG DBU MAR TSUD PA YIN NO, ,RLUNG DE YANG RTZA BA'I RLUNG LNGA'I NANG NAS THUR SEL GYI RLUNG YIN LA, DE LA GSAR RNYING GNYIS YOD PA LAS RNYING PA RNAMS YAL NAS 'GRO BAS RTZA DBU MA'I NANG DU MI 'GRO ZHING, RLUNG SNA SGOR RGYU BA LOG PA DUS MNYAM DU LTE BA'I 'OG GI RTZA DBU MA'I SBUBS KHA BYE BA DUS GCIG TU 'ONG ZHING, RTZA KHA BYE BA DE'I NANG NAS THUR SEL GYI RLUNG GSAR PA SKYES PA DE YIN TE, SNGAR GYI RGYUD RDO RJE 'PHRENG BA'I LUNG, GANG CHA GSANG BA'I RTZA GNYIS NI, ,YANG DAG SBYOR BAS REG GYUR PA, ,DE TSE NAM MKHA' RNAM RGYAS NYID, , NAM MKHA' (DBU MA'I RTZA SBUBS STONG PA) LAS NI SKYES PA'I RLUNG, ,DE YIS ME NI RAB TU 'BAR, ,ZHES PAS, DES LTE BA'I ME 'BAR NAS, ME DES SPYI BO'I BYANG SEMS ZHU BA YIN NO, ,RLUNG DE'I DBYIBS NI GZHU'I (RTZA SBUBS KYI BU GA) DBYIBS

LTA BUR YOD DE, DE LTAR RTZA DANG RLUNG DANG THIG LE'I BSHAD PA MANG DU YOD KYANG, MTHAR GTUGS NA TING NGE 'DZIN GYI MTHUS, STENG GI SNA SGOR RLUNG RGYU BA LOG NAS, DE MA THAG TU LTE BA'I 'OG GI RTZA DBU MA'I KHA BYE NAS, DE'I NANG DU RLUNG GSAR PA SKYES TE, RTZA DBU MA'I NANG GI RLUNG DES, RTZA DBU MA'I NANG GI LTE BA'I ME SBOR BA'AM, LTE BA'I KHRAG 'PHEL NAS SPYI GTZUG BAR DU SONG BAS, RTZA DBU MA'I NANG GI SPYI BO'I BYANG SEMS ZHU NAS 'KHOR LO'I GNAS RNAMS SU BABS PA'I RIM PA LTAR DGA' BZHI'I RTOGS PA RGYUD NAS BSHAD PA BZHIN SKYE BA YIN PAS, RTZA GZHAN GYI NANG GI KHRAG 'PHEL BAS, RTZA GZHAN GYI BYANG SEMS ZHU BA'I ZHU BDE SKYE BA YOD NA'ANG, 'DIR GTZO BOR RTZA DBU MA'I NANG RLUNG GIS ME SBAR, DES SPYI BO'I BYANG SEMS ZHU BA DGOS PA YIN NO, ,DES NA RTZA RGYUD PHAL CHE BA SNA SGO'I RLUNG RGYU BA LOG MA THAG TU RTZA DBU MA'I NANG DU RLUNG SONG NAS, DES ME SBOR BA YAN MTHUN LA ME DMIGS 'DZIN RAN PA'I DUS KYANG 'DI YIN GSUNG, SNA SGO'I RLUNG RGYU BA LOG PA'I THABS SU, SNGAR GYI RLUNG DANG, THIG LE DANG, GTUM MO'I RNAL 'BYOR GONG DU BSHAD PA 'DI RNAMS BYED DO, ,SNA SGOR RLUNG RGYU BA LOG PA NI RTZA DBU MA'I NANG DU RLUNG SONG NAS, LTE BA'I ME 'BAR BA'I RTAGS YIN LA, SNA SGOR RLUNG RGYU BA'I TSE LTE BA'I ME 'BAR BA'I 'PHRO 'CHAD PA'I RTAGS YIN GSUNG, DMIGS SKOR GCIG, DE NAS DMIGS PA SNGA MA RNAMS BRTAN PA NA 'DI LTAR BSGOMS PAR BYAS TE, GONG GI DMIGS PA RNAMS THUN RE RE MA CHAG PAR BSKYANGS PA'I NGANG NAS, DMIGS PA DE DAG GI MTHUS STENG GI SNA

, ,SGOR RGYU BA 'GAGS PA'I SPYIS PA BYAS LA, SUM MDO NAS RTZA DBU MA'I NANG GI RLUNG GA-YOS PA'I MTHUS, SHEL GYI GONG BU'I NANG NAS MAR ME PHRA MO 'BAR BA LTAR THIG LES ME'AM 'OD KYI RE KHA PHRA MO KHA DOG DMAR SER REG BYA SHIN TU TSA BA TSAD SOR GNYIS NAS SOR BZHI'I BAR GANG MOS PA BYAS LA ME KHYAD PAR DE LTA BU DANG LDAN PA SKYES PA'I DMIGS PA BYAS TE, SNGAR GYI THIG LE DANG BCAS PA LA SEMS 'DZIN PA YIN NO, ,DE CUNG ZAD BRTAN PA NA, LTE BA'I ME PHRA MO DE SPYI BO'I BAR SONG BA'I DMIGS PA BYAS LA, ME DES SPYI BO'I BYANG SEMS ZHU NAS, RTZA DBU MA'I NANG DANG 'KHOR LO RNAMS KYI LTE BAR RIM PAR BABS NAS, LTE BA'I RTZA 'KHOR GYI DBUS KYI SNGAR GYI THIG LE LA THIM PA'I MOS PA BYAS LA, YANG SNGAR GYI THIG LE ME DANG BCAS PA LA SEMS 'DZIN NO, ,DE CUNG ZAD BRTAN PA NA YAR 'GRO BA'I ME DE CUNG ZAD RES SBOM DU GTONG ZHING, MAR LA 'ONG BA'I THIG LE DE YANG CUNG ZAD RES SBOM DU SONG BA'I DMIGS PA BYED DO, ,DE YANG SKABS SU MAR ME GCIG GIS MDZOD DU MA SNANG BAR BYED PA LTAR, LTE BA'I ME DE RTZA 'KHOR RNAMS KYI LTE BAR SONG BA'I TSE, DE'I 'OD KYIS RTZA 'DAB KYI NANG GSAL BA'I DMIGS PA BYED CING, BLOS LCOGS NA RTZA STONG PHRAG BDUN CU RTZA GNYIS PO THAMS CAD ME'I 'OD KYIS GSAL BAR BYAS PA'I DMIGS PA YANG DANG YANG DU BSGOM MO, ,DE LTAR BSGOMS NA NYAMS SNANG LA BRTEN NAS LKOG GYUR CI RIGS LUNG BSTAN THUB PA 'BYUNG LA, 'ON KYANG MNGON SHES NI MIN GSUNG, DMIGS SKOR GCIG, DE NAS DMIGS PA DE

BRTAN PA NA, 'DI LTAR DU SPRO BSDU LA BSLAB PAR BYA STE, KHA SBYOR LAS, DE YI SHES RAB LHAN CIG SKYES, ,DE PHYIR GNAS PA'I GZUGS CAN LA, ,LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,BDAG MED MA ZHES RNAM PAR BSHAD, ,DPYID KYI THIG LE NYID DU BRJOD, ,SKRA YI RTZE MO BRGYA STONG LUS, ,GLOG GI ZER MA MNYAM PA'I 'OD, ,CES PA'I DON, LTE BA'I THIG LES GTUM MO'I ME DE, DAR SKUD PHRA MO DMAR PO BRKYANGS PA LTA BU SPYI BO'I BAR DU SONG STE, DE NAS SMAN MTSAMS SU 'ONGS NAS CUNG ZAD NGAL BSO, ,'BYUNG BA'I LAM RANG GI SNA BUG GA-YAS NAS 'THON TE, 'JIG RTEN KHAMS KYI SO SKYE, 'PHAGS PA, NYAN THOS, RANG SANGS RGYAS, BYANG CHUB SEMS DPA' THAMS CAD LA PHOG PAS, DE THAMS CAD KYANG SANGS RGYAS SU GYUR PA'I MOS PA BYAS LA, DE RNAMS DANG SNGAR SANGS RGYAS ZIN PA'I SANGS RGYAS RNAMS KYI SNA BUG GA-YON PA NAS ME DE SONG BAS SMIN MTSAMS NAS SPYI BO'I BAR DU SONG DE RNAMS KYI BDE BA STONG NYID BZHAMS SHING LTE BA NAS THIG LE DKAR PO DRANGS NAS SPYI BO'I BAR DU YANG BYUNG, DE NAS MAR SMIN MTSAMS BAR DU 'ONGS NAS SNA BUG GA-YAS NAS 'THON TE, RANG GI 'JUG PA'I LAM SNA BUG GA-YON NAS ZHUGS TE, SMIN MTSAMS NAS SPYI BO'I BAR DU SONG STE, DE NAS MAR LTE BA'I BAR DU BABS PAS, SNGAR MES GDUNGS PA RNAMS GSOS NAS, RANG GI RTZA MDUD KYI THIG LE LA THIM PA'I MOS PA YANG YANG DU BYAS LA, YANG SNGAR GYI THIG LE ME DANG BCAS PA LA SEMS 'DZIN NO, ,MDOR NA GONG DU BSHAD PA'I DMIGS PA DE ZIN PA'I

, ,RTAGS DE DAG BYUNG NA RAB LA, MA BYUNG NA YANG DMIGS PA SNGA MA SNGA MA CUNG ZAD BRTAN PA NA, DMIGS PA RTING MA PHOG LA, DMIGS PA RNAMS 'GRIL BA'I CHE, RANG RANG GI RTAGS MA RDZOGS PA'I BAR DU RGYUN BSRINGS NAS, NYI MO RE RE ZHING BSKYED RIM THUN BZHI'I MTHA' LA BSGOM PA YIN NO, ,DMIGS SKOR GCIG, DE LTAR BSGOMS PAS LTE BA'I ME 'BAR TE, SPYI BO'I BYANG SEMS ZHU BA'I GOMS PA RAB TU GYUR PA'I CHE, SPYI BO'I BYANG SEMS ZHU BA DE NYID KYIS LTE BA'I ME 'BAR BA'I RKYEN BYED PAS, DE NAS ME DMIGS SOGS LA LTOS MI DGOS PAR 'BAR 'DZAG 'KHOR MAR 'BYUNG BA YIN NO, ,SPYI BO'I BYANG SEMS CHU KHAMS YIN PAS, LTE BA'I ME DANG GCIG GIS GCIG 'PHEL BA'I GROGS BYED PA MI 'THAD SNYAM NA, LTE BA'I ME ZER KYANG NGO BO KHRAG YIN PAS LTE BA'I DMAR CHA DANG, SPYI BO'I DKAR CHA GNYIS KA CHU KHAMS YIN LA, LTE BA'I DMAR CHAS GTZO BOR DROD BSKYED, SPYI BO'I DKAR CHAS GTZO BOR BDE BA BSKYED CING, CHU KHAMS GCIG GIS GCIG GI GROGS BYED PA LA 'GAL BA MED DO, ,DE NAS SPYI BO'I BYANG SEMS LTE BAR SLEB PA'I BSIL BAR 'GYUR, ZHES BSHAD KYANG, BSIL BA'I DON DROD CHUNG DU SONG BA LA BYED NA DON 'GANGS CAN 'PHYUG PAS DE LA MI BYA BAR BSIL BA'I DON SPYI BO'I BYANG SEMS KYIS LTE BA'I ME TSIM PA LA BYA'O, ,DE SKAD DU YANG, 'OD ZER GYI RE KHA SHIN TU PHRA BA DE YANG BSIL BAR 'GYUR TE, ZHES GSUNGS PA'I DON NI, SLOB DPON AA BHYA DANG, SH'AKYA BSRUNG BA DANG, DBU MA PA TI SOGS KYIS BSIL BA'I DON BDE BA

BSKYED PA LA BSHAD PAS, SNGAR REG BYA TSAB PHYIS GRANG BAR SONG BA NI MA YIN TE, DPYID THOG PA YI CHOG SHES PAS, ,SNYOMS PAR 'JUG PAS RNAM PAR GNAS, ,ZHES GSUNGS PA LTAR, DE LTA BU'I GNAS SKABS SU BDE BA SKYES PA TZAM LHAN SKYES KYI BDE BAR MI 'JOG STE, DE LA YANG BSKYED RDZOGS GNYIS KYIS BSDUS PA YOD PA'AM, RDZOGS RIM GYI LHAN SKYES DANG PO SKYE BA'I CHED NI SNGAR BSHAD PA'I GTUM MO BSGOMS PA'I STOBS KYIS, GA-YAS GA-YON GYI RGYU BA 'GAGS SHING, DE 'GAGS PA'I STOBS KYIS LTE 'OG NA YOD PA'I ME SAD BYED KYI RLUNG GA-YOS PAS SBAR BA'I 'BAR 'DZAG GI BDE BA SKYES PA NAS 'DZIN PA YIN NO, ,SPYIR RLUNG GI STOBS KYIS KHAMS PHYIR 'PHO BAR BYED KYANG, RLUNG DES SBAR BA'I MES ZHU BA'I KHAMS NI PHYIR MI 'PHO BA YIN NO, ,DE LTA BU'I DGA' BZHI'I RTOGS PA SKYE TSUL NI, KHA SBYOR LAS, 'KHOR LO BZHIR NI RAB PHYE BAS, ,SA SOGS 'BYUNG BA CHEN PO DANG, ,THUN BZHIR BYIN GYIS BRLAB PA DANG, ,PAD MA BZHIR NI YANG DAG 'BYUNG, , DGA' BA BZHI YI NGO BO YIS, ,SBYOR BA BZHI NI MNGON DU'O, ,MCHOG TU DGA' BA'I NGO BO YIS, ,BYA DANG BYED PA'I DNGOS PO LAS, ,DPAL LDAN RDO RJE SEMS GZUGS KYIS, ,'DIR NI JI LTAR BDE BAR ROL, ,ZHES GSUNGS PA'I DON, MAN NGAG SNYE MAR PHYAG CHEN THIG LE DRANGS NAS RGYAS PAR BSHAD LA, MDOR BSDU NA, DE LA GANG ROL BA NI, ,RDO RJE SEMS DPA'I GZUGS TE, RTEN KHAMS DANG BRTEN PA DE LAS SKYES PA'I BDE BA NI'O, ,GANG DU NA, SPYIR LUS DANG KHYAD PAR 'KHOR

, ,LO BZHI'O, ,TSUL JI LTAR NA, JI LTAR RIGS PAR TE, YAS BABS DANG MAS BRTAN GYI TSUL GYIS SO, ,DE GNYIS NI 'OG TU 'CHAD PAR 'GYUR RO, ,DE YANG DGA' BZHI'I NGOS 'DZIN LA, DGAG BYA'I SGO NAS DANG, GNAS KYI SGO NAS SO, ,DANG PO NI, RANG BZHIN BZHI BCU 'GAGS PA'I RIM PA LA BLTOS NAS 'JOG DGOS STE, DANG POR ZHE SDANG LAS GYUR PA SUM CU RTZA GSUM 'GAGS PAS, GZUNG 'DZIN GYI RTOG PA RAGS PAS STONG PAS STONG PA'AM DGA' BA, DE NAS 'DOD CHAGS LAS GYUR PA'I RANG BZHIN BRGYAD CU 'GAGS PAS, GZUNG 'DZIN GYI RTOG PAS CHES STONG BAS NA SHIN TU STONG PA'AM MCHOG DGA', DE NAS BTANG SNYOMS LA SOGS PA'I RANG BZHIN BDUN 'GAGS PAS, GZUNG 'DZIN GYI RTOG PAS SHIN TU STONG BAS NA STONG PA CHEN PO'I KHYAD PAR GYI DGA' BA, MA RIG PA 'OD GSAL LA THIM PAS THAMS CAD STONG PA 'OD GSAL LAM LHAN SKYES KYI DGA' BA STE, RDZOGS RIM GYI'ANG RE MTHOR SLEB PA'I GSANG 'DUS PA'I LUGS KYI DGA' BZHI NGOS 'DZIN LUGS TE, 'DIR ZHIB PAR MI 'CHAD, DES NA 'DIR NI GNAS KYI SGO NAS DGA' BZHI NGOS 'DZIN PA YIN TE, DE YANG BUM PA CAN NAM, RDOR BZLAS SOGS GANG RUNG GCIG GI MTHUS, RLUNG PHYIR SNA SGO LA RGYU BA LOG CING, LUS KYI NANG GANG BA LTA BUR SNANG BA'I NANG GI RLUNG ME LONG LA HAS BTAB PA BZHIN DU YAL TE, 'GAGS PA'I MTHUS SUM MDO'I RLUNG GIS, LTE BA'I ME SBAR ZHES SPYIR BTANG LA RAGS PA TZAM BRJOD KYANG, ZHIB TU BSHAD NA, GONG DU BSHAD PA'I RLUNG DE 'GAGS PA'I MTHUS,

RDO RJE'I NANG GI RTZA DBU MA ZHAR BA DE BYE NAS SBUBS CAN DU BYAS LA DE'I NANG NAS SKYES PA'I THUR SEL GYI RLUNG GSAR PA SUM MDOR SONG STE, KshA YIG GIS MTSON PA'I ME SBAR TE, DE DUS SU RLUNG DE DANG ME DE 'DRES PA LA THIM ZHES BSHAD DO, ,DE NAS SUM MDO'I ME DES LTE BA'I Am GIS MTSON PA'I ME SBAR NAS ME LCE SPYI BO'I BAR DU SONG NAS BYANG SEMS ZHU NAS, DKAR CHAS MGRIN PA'I 'KHOR LO'I DBUS SU SLEB PA'I DGA' BA NI, DGA' BZHI'I NANG NAS DGA' BA SKYES BA YIN NO, ,DE NAS MGRIN PA'I RTZA 'KHOR GYI DBUS KYI LTE BA'I 'OG TZAM NAS BZUNG STE, SNYING KHA'I 'KHOR LO'I DBUS SU DKAR CHAS SLEB PA'I BAR NI, MCHOG DGA' SKYES PA'I DUS, SNYING KHA'I 'KHOR LO'I DBUS KYI LTE BA'I 'OG TZAM NAS BZUNG NAS, LTE BA'I 'KHOR LO'I DBUS SU ? DKAR CHAS SLEB PA'I BAR LA KHYAD PAR GYI DGA' BA SKYE'O, ,LTE BA'I 'KHOR LO'I DBUS KYI 'OG TZAM NAS BZUNG NAS, RDO RJE NOR BU'I DBUS SU SLEB STE PHYIR MA 'PHOS PA'I BAR LA LHAN SKYES KYI DGA' BA SKYE'O, ,ZLA BA DKAR CHA LA BRTEN PA'I TSE BCO LNGA, DKAR CHA RDZOGS NAS NAG CHA LA MA SLEB PA'I BAR LA CHA GCIG DANG BCAS PAS CHA BCU DRUG YOD PA DANG MTHUN PAR, SPYI BO NAS NOR BU'I RTZE MO'I BAR GYI BYANG SEMS DKAR PO CHA BCU DRUG YOD PA, BCU DRUG PO DE LA BRTEN PA'I BDE BA'AM, DGA' BA YANG BCU DRUG YOD DO, ,CHA BCU DRUG YOD TSUL NI, SPYI BO NAS MGRIN PA'I BAR CHA MNYAM PA BZHI BZHIR BGOS NAS, STENG NAS RIM PA LTAR BZHI CHA RE RE'I DUS SU DGA' BA'I DGA' BA

, ,SKYE LA, 'OG MA RNAMS LA YANG CHA 'GOD TSUL DGA' BA GZHAN GSUM GYI SKYE TSUL YANG DES RIGS 'GRE'O, ,DE YANG NYI MAS KHYIM BCU GNYIS BGROD PA DANG MTHUN PAR, SPYI BO NAS MGRIN PA'I BAR DANG, MGRIN PA NAS SNYING KHA'I BAR DANG, SNYING KHA NAS LTE BA'I BAR DANG, LTE BA NAS NOR BU'I RTZE'I BAR DE DAG LA CHA GSUM GSUM DU BGOS NAS GNAS BCU GNYIS PO DE DAG TU RIM PA LTAR DMAR CHAS SLEB NAS, DMAR CHA CHA BCU GNYIS LA BRTEN PA'I BDE BA'AM DGA' BA BCU GNYIS SKYE'O, ,DGA' BA BCU DRUG DANG, DGA' BA BCU GNYIS KYI KHYAD PAR NYAMS MYONG GI STENG NAS PHYED PA DGOS GSUNG, 'O NA LAS DANG PO BA'I TSE NI, 'BAR 'DZAG KYANG RES 'GA' YIN GYI RGYUN MI 'CHAD NI MED LA, DBU MA'I LAM GCIG NAS KHAMS 'BAB PA 'DRA BA LA, DGA' BA SNGA MA LAS PHYI MA RNAMS BDE BA CHE BA YIN SNYAM NA, DE LA YAS BRTAN GYI SKABS SU, SPYI BOR 'DUS PA TZAM GYI BDE BA LAS KYANG MGRIN PAR BABS PA DANG 'DUS PA NA RTZA MANG DU SONG ZHING, DE'I DBANG GIS KHAMS DKAR DMAR YANG 'DU RGYU MANG BAS SNGA MA BAS CHE ZHING, DE BZHIN DU DE BAS KYANG DE MAN LUS KYI 'PHON CHE, DE CHE BAS RTZA 'DAB MANG, DE MANG BAS KHAMS 'DUS PA MANG, DE BAS NA SNYING KHAR 'DUS PA'I TSE SNGA MA BAS KYANG BDE BA SHUGS TSE, DE NAS GRAM STE LTE BAR 'DUS PA'I TSE DANG, DE NAS GRAM STE GSANG GNAS SU RKANG MTHIL YAN CHAD KYI KHAMS RNAMS 'DU PHUL CHER 'GRO BAS BDE BA'ANG DE BZHIN NO, ,YANG MAS BRTAN GYI DGA' BA'I SKABS SU, GNAS GONG MA GONG MAR

SLEB KYIN DGA' BDE CHER 'GRO BA YIN LA, DE YANG LHAN CIG SKYES PA'I DGA' BA LA, DGA' BA BZHIR PHYE BA'I DGA' BZHI NI, 'OG NAS RIM PA LTAR, NOR BU'I RTZE MO NAS YAR 'ONGS NAS, LTE BAR SLEB PA'I TSE LHAN SKYES KYI DGA' BA'I DGA' BA DANG, DE NAS SNYING KHAR SLEB PA'I TSE LHAN SKYES KYI DGA' BA'I MCHOG DGA' DANG DE NAS MGRIN PAR SLEB PA'I TSE LHAN SKYES KYI DGA' BA'I KHYAD PAR DGA' BA DANG, DE NAS SPYI BO'I 'KHOR LO'I DBUS SU SLEB PA'I TSE LHAN SKYES KYI LHAN CIG SKYES DGA' SKYE, 'DIR LEGS PAR 'DZIN THUB NA, SNGA MA NOR BU NAS CHES BRTAN PAS MAS BRTAN ZHES PA STE, DE NAS MAS BRTAN LA LHAN SKYES LAS MA GTOGS PA'I DGA' BA MI SRID CING, YAS BABS LAS GZHAN PA'I DMIGS PA ZUR PA GCIG GIS MAS BRTAN GYI DGA' BA BSKYED DGOS SO, ,DES NA SNGON GYI MKHAS PA RNAMS KYIS YAS BABS DANG MAS BRTAN ZHES PA'I THA SNYAD NI LEGS PA YIN GSUNG, YANG KHA CIG NA RE, PHYIR MA 'PHOS NA YAR LDOG PA CHOS NYID YIN ZER BA DE'I NGES PA MED DE, PHYIR MA 'PHOS KYANG LUS KYI GNAS RNAMS SU BYE MA LA CHU BZHIN DU THIM PA YANG SRID DO, ,'O NA STONG PA DANG GANG NAS SBYOR SNYAM NA, SNGA MA GSUM GA'I SKABS SU MI BYED PAR LHAN SKYES KHO NA'I BDE STONG SBYOR RO GSUNG, 'O NA RNAL 'BYOR 'DI BSGOMS KYANG, SNGON DU RLUNG GI RNAL 'BYOR MA SONG NA RTZA SBYAR BA, THIG LE DBAB, BZLOG ,'GREMS, SDUD, 'DZIN PA SOGS JI LTAR RUNG SNYAM NA, DE NI MI RUNG STE, DPER NA BU GA GNAD CHE BA GCIG TU SGRON ME BZUNG NA BU GA JI SNYED PA THAMS CAD GSAL BA LTAR,

, ,GTUM MO ME GANG GIS 'KHOR LO DE'I LTE BAR SLAB DUS 'KHOR LO DE LA GTOGS PA'I RTZA 'DAB JI SNYED PA THAMS CAD GSAL ZHING SBYANGS PAS, DE RNAMS LA GNAS PA'I KHAMS JI SNYED PA THAMS CAD RGYAS PAR BYED CING DE BZHIN DU THUR DU 'BABS PA DANG, THAD KAR 'GREMS PA DANG, LTE BA DER SEMS BZUNG BA'I TSE YANG LDOG PA DANG TSUR 'DU BAR 'GYUR RO, ,LTE BA'I 'KHOR LO LTA BUR RLUNG SEMS 'DUS PA'I STOBS KYIS PHYI NANG GI LAS RLUNG SHUGS KYIS 'GAGS NAS DBU MAR SKYES PA'I RLUNG GI MTHU DANG, DANG PO'I DUS PHAt YIG GIS 'GOG PA SOGS GOMS PA'I DBANG GIS 'DZIN PA YANG CHOS GZHAN LA MI LTOS GSUNG, MDOR NA GONG GI DMIGS PA DE RNAMS, BDE MCHOG DANG, KYEE RDO RJE'I MNGON RTOGS DANG SBREL NAS BSGOMS NA BAGS CHE BA YIN NO, ,DGA' BA BZHI'I NANG NAS LHAN SKYES KYI DGA' BA SKYES PA'I TSE, DA DANG STONG NYID BREL NAS SGOM PA YIN ZHING, LHAN SKYES DE YANG YAS BABS KYI SKABS SU GNAS DMA' BA TZAM DU DGA' BDE CHE ZHING ,MAS BRTAN GYI SKABS SU GNAS MTHO BA TZAM GYIS DGA' BDE CHER 'GRO BAS STONG NYID SGOM DUS DE DANG, LHAN SKYES SKYES DUS GO BAS DMIGS PHYED PO BYAS NAS SKYONG DGOS PA YIN NO, ,DRIS LAN GYI SKABS SU, BU KHYOD CI LA DGA', ZHES PA'I LAN DU, BDAG BDE BA CHEN PO LA'O, ,BLA MA YAB YUM GYI GSANG RDZAS LCE LA MYANGS PAS LUS NGAG YID GSUM LA BDE BA CHEN PO SKYES PA RANG LUS LA BRTAN PA DANG, SHES RAB YE SHES KYI SKABS SU PHYAG RGYA

LA BRTEN NAS SKYES PA'I BDE BA CHEN PO NI GZHAN LUS LA BRTEN PA STE, DBANG GI DUS SU DE LTAR BYIN GYIS BRLABS TE, RDZOGS RIM 'DI DAG GI SNOD DU BSGRUBS PAS DBANG GI DON LAM GYI RIM PA 'CHAR BA LA YANG NGES PA RNYED PAR 'GYUR RO, ,YANG RLUNG 'GAGS DUS SU DBU MAR 'DU BA'I BSHAD PA YANG GRUB CHEN 'GA' RES BYAS YOD PAS 'DAB MA'I NANG GI LAS RLUNG RNAMS DBU MA'I NANG DU SONG BA'I TSE, DBU MA'I NANG DU SLEB TZAM NAS YAL BA'I DMIGS PA BYAS KYANG 'GAL BA MED CING, YANG DBU MA'I PHYI ROL TZAM DU 'GAG PA BYAS PA'I LUGS KYANG YOD PAS, DE GNYIS GANG MOS KYIS CHOG GSUNG NGO, ,SDOM 'BYUNG LAS, RLUNG GI RNAL 'BYOR MI SHES DANG, ,GANG ZHIG SHES KYANG MI BYED PA, ,DE NI SDUG BSNGAL SNA TSOGS KYIS, , 'TSE DANG 'KHOR BA'I SRIN BUR 'GYUR, ,CES GSUNGS PAS RNAL 'BYOR YANG DE NYID LAS, MNYAM PAR BZHAG PA'I RNAL 'BYOR BAS, ,JI SRID 'BUM LA SOGS PA'I GRANGS, ,'DI NI SGRA MED RTAG TU BZLAS, ,SGRA MED BZLAS PA 'BUM PHRAG NI, ,YONGS SU RDZOGS PAS SGRUB PA'O, ,TSE ZAD PA YANG LO LNGA RU, ,'TSO BA 'DI LA THE TSOM MED, ,RTAG TU THO RANGS LANGS NAS RLUNG, ,SROG RTZOL GCIG NI BGRANG BYA STE, ,DE PHYIR RLUNG GI RNAL 'BYOR GYIS, ,RTAG TU MNYAM GZHAG GNAS PAR BYA, ,ZHES GSUNGS SO, , GSUM PA DE LA BRTEN NAS BDAG MED KYI RNAL 'BYOR NI, DE LTAR RTZA RLUNG THIG LE'I RNAL 'BYOR GYI GNAD SHES NAS, DE LA GNAD DU BSNUN PA'I RNAL 'BYOR GYIS RLUNG DANG THIG LE LAS RUNG DU BYA BAR NUS PA NA, KHAMS DBAB, BZLOG LA

, ,BRTAN PA'I DGA' BZHI'I TING NGE 'DZIN BDE GSAL MI RTOG PAS BRGYAN PA SKYE NUS MOD KYANG, BDAG MED PA'I DON GTAN LA PHAB PA'I LTA BA'I THABS DE LA BRTEN NAS SKYONG DGOS KYI, GZHAN DU DE 'DRA BA'I TING NGE 'DZIN GYIS SRID PA LAS BRGAL BAR MI NUS PA'I PHYIR TE, DE SKAD DU, BYANG CHUB SEMS 'GREL LAS, GANG DAG STONG NYID MI SHES PAS, ,DE DAG THAR PA RTEN MA YIN, ,'GRO DRUG SRID PA'I BTZON RAR NI, ,RMONGS PA DE DAG 'KHOR BAR 'GYUR, ZHES DANG, KHA SBYOR LAS, DE NAS BSAM GTAN GNAS 'DUG NA, ,CHOS RNAMS THAMS CAD BDAG MED PA, ,YANG DAG RJES SU BLTA BAR BYA, ,ZHES SO, ,DE'I PHYIR RDO RJE THEG PA BAS BDAG MED PA'I LTA BA'I GO BA RGYUD LA BSKYED PA NI, MTSAN NYID KYI THEG PA BZHIN DU BYA DGOS SO, ,LTA BA DES CHOS RNAMS KYI DE KHO NA NYID KHONG DU CHUD KYANG, THOG MA MED PA NAS BDAG TU 'DZIN PA GNYIS KYIS BSLAD PAS, YUL DE LA YUL CAN DE CHU LA CHU BZHAG PA BZHIN DU RO MNYAM DU 'JUG MI NUS PAR, GNYIS SNANG GI SO SO BAR RING DU RGYANG CHAD PAR BYED PAS, DES NA GTUM MO'I MIS BYANG SEMS BZHUS PA PHYIR MA 'PHOS PAR BZUNG BA NA, DE'I MTHUS GNYIS SNANG GI RAGS PA BSDUS PAS ZHI BAR 'GYUR LA, DE'I TSE LTA BA DRAN PAR BYAS NAS LTA THOG TU BZHAG NAS BSKYANGS PA NA, SHES RAB DE DE KHO NA NYID LA JI NYER SONG NAS YUL DANG YUL CAN RO GCIG TU 'GYUR BA YIN TE, RDO RJE SNYING PO RGYAN GYI RGYUD LAS, RNAL 'BYOR GCIG GCIG SHES BYAS NAS, ,SDIG DAG TSE 'DIR

SANGS RGYAS 'GRUB, ,CHOS BDAG MED PA RAB BSGOMS PAS, ,THAMS CAD MKHYEN PA KHONG DU CHUD, ,CES DANG, GSANG 'DUS SU, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES DANG, RDO RJE SNYING PO RGYAN GYI RGYUD LAS, SEMS KYIS RDUL PHRAN CHA DRUG RNAMS, ,PHYOGS SU DAG TU PHYE NAS SU, , CHOS KYI DON RNAMS DES GSAL NAS, ,SHIN TU DRI MED SEMS DAG PA, ,'DAS DANG MA 'ONGS PA YI SEMS, ,DA LTAR YANG NI DMIGS SU MED, ,GNYIS MED DE LA GNYIS MED, ,NAM MKHA' ZHES PA'ANG GNAS MED PA, ,DE LTAR KUN TU BRTAGS NAS SU, ,'GRO BA THAMS CAD SHIN TU STONG, ,DRI MED RNAL 'BYOR NYID KYI YIN, ,DNGOS BO MED PAR RANG SEMS BSAM, ,ZHES DANG, GRUB THOB DPAL 'DZIN GYIS, DNGOS BO THAMS CAD BDEN PA YIN, ,THOG MA BAR DANG MTHAR SPANGS PA, ,'DIR LTAR DPYAD NAS 'KHOR LO LA, ,DAM PA YANG DAG RTOG PA SPANGS, ,PHUNG BO KHAMS NI BDAG MED PA, ,BSGOM BYA BDE BA DAM PA GZUGS, ,ZHES GSUNGS SO, ,DE LTAR SO SOR RTOG PA'I SHES RAB KYIS DPYAD NAS SPROS BA'I DON CI YANG MA RNYED PA'I DON LA 'JOG PA DGOS KYI, YID BYED BSDUS PA'I MI RTAG PA TZAM DE KHO NA NYID SGOM PA MIN PA DANG, BLO'I SKYON LDOG PA NI, PHYI'I TSER MA 'DON PA BZHIN BYAR MED KYI, 'DZIN STANGS KYI LOG PHYOGS GZUNG BAS SGRO 'DOGS DANG THE TSOM LDOG DGOS TE, MAN SNYE LAS, GANG SHES

, ,RAB KYI MIG GIS NGES PAR DPYAD PA LAS, YANG DAG PA'I YE SHES KYI SNANG BA SKYES PA NA, CHOS RNAMS THAMS CAD MA MTHONG BA'O, ,DE'I PHYIR DE KHO NA NYID KYI RNAL 'BYOR PA SPYOD LAM THAMS CAD LA GNAS PA RNAMS KYIS CHOS RNAMS THAMS CAD MTHONG YANG MTHONG BA MED PA'O, ,'DI 'DRA BA KHO NA MTHONG BA MED PAR MNGON PAR DGONGS KYANG, GNYID LOG PA DANG MIG BTZUM PA DAG GIS BZHIN DU YID LA MI BYED PAS NI MIN NO, ,THE TSOM GYI SKYON DANG BRAL BA KHO NA LAS GZUGS LA SOGS PAR MNGON PAR ZHEN PA GSAL BAR BYA'I, TSER MA 'DON PA BZHIN DU NI MA YIN NO, ZHES NGES PA'O, ,ZHES GSUNGS SO, ,BZHI PA RDZOGS RIM GYI GSUNG BGROS LA, MAR 'GOS 'BROM GSUM GYI BZHED PA LTAR NA, MYU GU LUNG PA 'BROG MI NAS BRGYUD PA RNAMS, SEMS ZIN PA LA THIG LE BRTAN DGOS, DE LA RLUNG 'BYONGS DGOS, DE LA RTZA DAG PA DGOS, DE LA LUS SBYANG DGOS PAS, LUS GNAD DANG LTA STANGS LA GNAD DU BSNUN PAS RTZA DAG PA 'BYUNG, DE LA BRTEN NAS RLUNG 'BYONGS, DES THIG LE BRTAN PAS TING NGE 'DZIN 'DOD PA BZHIN BSKYED GSUNGS, DE LA SROG RTZOL GYI SNGON DU DBU MA SBYONG BA YANG, SBYOR DRUG PA SOR BSAM GNYIS KYIS BYED, DE LA DBU MA GSAL 'DEBS PA SOGS MED KYANG DON GCIG TU'O, ,RIM LNGA PA RLUNG RDOR BZLAS KYIS DANG, MA RGYUD PA LA RTZA THIG LE YI GE RLUNG SBYOR SOGS MANG YANG DBU MA SBYANG THUB PA GCIG GO, SBYOR DRUG PA'I SOR BSAM GNYIS KYI NYIN MTSAN GYI RTAGS BCU RDZOGS PA DANG, RTAGS BCU GCIG PA BRTAN PA MA BYUNG NA

GZHAN ZHI GNAS CI BYUNG YANG SROG RTZOL MI BYED LA, DE BYUNG NAS DA DUNG DE KA BSGOM PA NI SA TSIGS MA ZIN PA YIN PAS, DE NAS SROG RTZOL BYED DE, BCU GCIG PA NI, SHA BA RI DBANG PHYUG GIS, RTAGS BCU RDZOGS PAR GYUR PA NA, ,THIG LE CHEN PO'I SNANG BA 'BYUNG, ,SNA TSOGS THIG LE CHEN PO LA, ,RE BA NAG PO'I RI MO 'BYUNG, ,DE YANG 'GRO DRUG LA SOGS PA, ,SHIN TU PHRA BA'I SPRUL SKU DANG, ,LONGS SKU DU MA MTHONG GYUR PA, ,SNA TSOGS GZUGS BRNYAN 'OD GSAL BA, ,DE LA SEMS NI THIM PA NI, ,TING 'DZIN YAN LAG MTHAR GYUR PA'O, ZHES GSUNGS SO, ,DE BAS NA SBYOR DRUG PA'I LUGS KYIS NI, SOR BSAM GNYIS KYIS RTZA DBU MA'I LAM SBYANGS NAS, SROG RTZOL GYIS DBU MA'I NANG DU RLUNG 'JUG CING, 'DZIN PAS TSUD PA DE RNAMS BRTAN PAR BYED LA, RJES DRAN GYI DUS SU RLUNG GI MTHUS SPYI BO'I BYANG SEMS ZHU NAS MI 'GYUR BA'I BDE BA SKYE LA, DE NAM SKYES PA NA TING NGE 'DZIN GYI YAN LAG THOB PA YIN LA, MI 'GYUR BA'I BDE BA NYI KHRI CHIG STONG RDZOGS MA THAG SANGS RGYAS PA YIN NO GSUNG, RJE BTZUN MAR PA LHO BRAG PA NAS BRGYUD PA RNAMS RTEN THIG LA GNAS PA LA, BRTEN PA SEMS NYID GNAS PAR 'DOD DE, DE YANG PHYI ROL NA NYI ZLA GNYIS GLING BZHIR 'PHO BA LTAR, NANG LUS LA BYANG SEMS DKAR DMAR GNYIS RTZA 'KHOR BZHIR MCHI ZHING GNAS TE, DE YANG RO RKYANG GNYIS KYI RLUNG LTE BA SPRUL PA'I 'KHOR LOR SONG NAS, NYIN PAR THIG LE LTE BA NA GNAS PA BSKYED RIM DANG GTUM MO BSGOM PA'I DUS GNAD YIN, DE BSKYED RIM SNANG LA RANG BZHIN MED PA SGYU LUS SU 'DOD PA 'DRA ZHING, THUN MJUG TU

, ,GTUM MO THUN RE NGES PAR BSGOM PAR GDA', GNYID 'THUG GI DUS SU THIG LE SNYING KHAR GNAS PAS 'OD GSAL BSGOM PA'I DUS GNAD YIN, RMI LAM GYI DUS NA MGRIN PAR GNAS PAS RMI LAM SBYONG BA'I DUS GNAD YIN, SNYOMS 'JUG GI DUS NA SPYI BOR GNAS PAS 'OD GSAL BSGOM PA'I DUS GNAD YIN NO GSUNG, DE LTA BU'I LUGS LA BSKYED RIM BRTAN PA GZHIR BZHAG NAS, RLUNG DANG GTUM MO DANG SPYOD PA GSUM MTHAR PHYIN NA, TSE 'DI LA SANGS RGYA, DE GSUM MTHAR MA PHYIN PAR TSE 'DI LA SANGS RGYA MA NUS NA, DA GZOD 'CHI BA 'OD GSAL ZIN PA'I DON DU, DA LTA GNYID 'THUG DANG STONG NYID BSRES NAS BSGOM, DE LEGS PO ZHIG BYUNG NA, DA GZOD 'CHI TZA NA, THA MAL GYI 'CHI BA RANG DGA' BAR MI 'GRO BAR 'OD GSAL BZUNG BA NAS 'CHI BA CHOS SKUR 'KHYER THUB PA ZHIG 'ONG BA YIN NO, ,DA GZOD BAR DO ZIN PA'I DON DU, DA LTA DANG POR RMI LAM GYI MAN NGAG LA SBYANGS TE RMI LAM BZUNG LA, DE ZIN PA'I TSE BAR DO'I MAN NGAG DANG BSROS NAS BSGOMS PAS, DA GZOD BAR DO ZIN TE, THA MAL GYI BAR DO RANG DGA' BAR MI 'CHAR BAR, LONGS SKUR 'KHYER SHES PA'AM, DE DUS SU PHAN THOGS PA YIN NO, ,DA LTA BSKYED RIM LA SBYANGS PAS BAR DOR SNANG BA THAMS CAD LHA SKUR SHAR NAS, DE'I GNAD KYIS CHAGS SDANG KHEGS TE, MNGAL SKYES LTA BU'I SKYE SGO KHEGS NAS SKYE GNAS SU SKYE BA MI LEN PAR, BAR DO'I RTEN DE LA LAM LHAG MA BSGOMS TE SPRUL SKUR SANGS RGYA BA YIN NO GSUNG BA, BAR DOR SANGS RGYA MI NUS PAR, SKYE

GNAS GANG RUNG GCIG TU SKYE BA BRGYUD NAS SANGS RGYA DGOS PA DES NI, 'PHO BA DANG GRONG 'JUG GI GDAMS NGAG SGOM PA YIN LA, 'DI NI RGYUD KYEE RDO RJE SOGS KYI DGONGS PA YIN ZHES MA RA BA NAS BRGYUD PA RNAMS GSUNG NGO, ,'DI NI GDAMS NGAG LEGS PA CHE BA ZHIG SNANG LA, 'ON KYANG BAR DOR SNANG BA LHA SKUR SHAR BAS MNGAL SKYES KHEGS SU CHUG KYANG, SKYE GNAS GZHAN GSUM AE KHEGS YIN NO GSUNG NGO, ,RJE 'GES KHUG PA LHAS BTZAS NAS BRGYUD PA'I LUGS LA, DE YANG 'KHOR 'DAS KYI LAS THAMS CAD RLUNG GIS BYAS PAR 'DOD LA, DE YANG BAR SRID RLUNG LA ZHON NAS GNAS SKABS LNGAS LUS GRUB PA SOGS SEMS CAN THA MAL PA 'KHOR BAR 'JUG PA YANG RLUNG GIS BYED CING, RIM GNYIS KYI TING NGE 'DZIN LA BRTEN NAS RNAL 'BYOR PAS DE KHO NA NYID RTOGS PAS 'KHOR BA LAS LDOG PA YANG RLUNG GIS BYED PA YIN NO, ,SPYIR SNGAGS KYI LUGS KYIS, RAB TSE 'DI LA SANGS RGYA BA DANG, 'BRING BAR DOR SANGS RGYA BA DANG, THA MA SKYE BA GZHAN DU SANGS RGYA BA DANG GSUM LAS, DANG PO NI, GSANG 'DUS 'PHAGS LUGS PA DANG BSTUN NA, DANG POR SEMS BSKYED DE BYANG SEMS KYI SDOM PA BZUNG NAS, SPYOD PA PHYIN DRUG LA SLOB PA MAN CHAD KYI LAM THUN MONG BA RNAMS KYIS RGYUD LEGS PAR SBYANGS NAS, DE RJES, GSANG 'DUS LTA BU'I DKYIL 'KHOR DU DBANG BSKUR BA MTSAN NYID DANG LDAN PA ZHUS, RTZA LTUNG DANG SBOM PA SOGS KYI DAM TSIG DANG, SDOM PA DAG PAS, RGYUD YONGS SU DAG PAR BYAS, DE RJES PHRA THIG GI BAR GYI BSKYED RIM BRTAN PAR BYAS, DE NAS RDZOGS RIM LUS DPEN SKU RDO

, ,RJE DANG, NGAG DBEN GSUNG RDO RJE, SEMS DBEN THUGS RDO RJE RNAMS RGYUD NAS BSHAD PA BZHIN DU THOB PAR BYAS LA, DE NAS RLUNG SEMS LAS SU RUNG BA LA BRTEN NAS 'JA' LUS SAM SGYU LUS RDO RJE 'CHANG GI SKU THOB STE, DE NYID BSAM GTAN GNYIS KYIS 'OD GSAL MNGON DU BYAS TE, DE LAS LUGS LDOG GI RNAM PAR SNANG BA GSUM RLUNG DANG BCAS PA LAS SLOB PA DANG MI SLOB PA'I ZUNG 'JUG GI SKU MNGON DU BYAS TE 'TSANG RGYA BA YIN NO, ,GNYIS PA NI, SEMS LA GSUM LAS, SEMS SNANG BA'I YE SHES MAN GYI BSKYED RDZOGS KYI YON TAN RNAMS MTSAN NYID DANG LDAN PA THOB DGOS LA, SNANG BA NYER THOB MA THOB DGOS SHING, SNANG BA MCHED PA THOB PA YANG SRID LA, MA THOB PA YANG SRID LA, GANG LTAR YANG DA'I DUS SU SPYOD PA BYED PA'I MTHUN RKYEN MA 'DZAM PA'AM, YANG NA ZHING LAS SOGS KYIS BREL BA'I DBANG GIS SPYOD PA BYED RGYU MA BYUNG BA NA, DE'I GNAD KYIS 'CHI BA'I GONG DU TING NGE 'DZIN GYI MTHUS 'BYUNG BA SDUD MI THUB LA, DE MA THUB NA SNANG BA NYER THOB KYI YE SHES MNGON DU MI 'GYUR BAS, DE 'CHI KHAR MNGON DU 'GYUR BA'I CHED DU, 'CHI KHAR 'BYUNG BA SDUD PA'I TSE, MAN NGAG NAS BSHAD PA'I 'BYUNG BA SDUD LUGS KYI DMIGS PA RNAMS BSKYANGS PAS, SHI ZIN PA'I TSOD TZAM DU SNANG BA NYER THOB MNGON DU BYED CING, BAR DOR SKYES PA'I TSOD TZAM NA SGYU LUS THOB CING, DES NA RTEN DE LA 'OD GSAL DANG ZUNG 'JUG MNGON DU BYED DO, ,GSUM PA SKYE BA BRGYUD NAS SANGS RGYA BA NI, TSE 'DI LA BLA MED KYI

DKYIL 'KHOR GANG RUNG DU DBANG BSKUR BA MTSAN NYID DANG LDAN PA THOB, DAM TSIG DANG SDOM PA DAG PAR BYAS PA ZHIG NGES PAR YAN LAG TU DGOS LA, BSKYED RIM DANG, LUS DBEN DANG, NGAG DBEN RNAMS RGYUD LA SKYES MA SKYES GANG YIN YANG RUNG STE, SKYE BA BCU DRUG TSUN LA SANGS RGYA'O, ,'DI LA TSE DE LA SEMS DBEN GYI RTOG PA SNANG MCHED THOB GSUM PO GANG YANG MA SKYES PA DGOS TE, DE SKYES NA TSE 'DI LA SANGS RGYA BA'AM, YANG NA BAR DOR SANGS NGES PAR RGYA BA'I PHYIR RO GSUNG NGO,, ,,'DI NI DGON GNAS GNYIS SU, BLA MA RIN PO CHE BLO BZANG GRAGS PA'I ZHAL SNGA NAS, RDO RJE LUS KYI 'CHAGS TSUL GYI BSHAD PA SNGON DU GTONG BA'I MA RGYUD KYI RDZOGS RIM DPYID KYI THIG LE KHRID DU GNANG DUS, MKHAS PA SDE SNAD 'DZIN PA CHEN PO RNAMS KYIS ZIN BRIS SU MDZAD PA LUNG DANG SBYAR BA SHIN TU DAM PA SNYING GI DKYIL DU SBED PAR MDZAD PA LAGS SO, ,PHA MA 'GRO DRUG THAR PA'I LAM BZANG NUB BDE BA CAN DANG PO TA LAR SKYE BAR GYUR CIG, MANGGA LAm, ,