*, ,DPAL GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA SGRUB PA'I THABS KYI CHO GA RIN PO CHE'I PHRENG BA BZHUGS, ,
, ,RJE BTZUN 'JAM PA'I DBYANGS DPAL GSHIN RJE GSHED LHA BCU GSUM MA RNAMS KYI DKYIL 'KHOR DU DBANG BSKUR BA SGRUB PA'I THABS KYI CHO GA RIN PO CHE'I PHRENG BA ZHES BYA BA, RGYAL BA KUN GYI MKHYEN RAB GCIG BSDUS PA, ,MA RUNGS 'DUL PHYIR DRAG PO'I SKUR BSTAN GANG, ,DE NI 'PHAGS PA 'JAM DPAL GSHIN RJE GSHED, ,PHYI NANG GSHIN RJE 'JOMS LA GUS PHYAG 'TSAL, ,GSUNG RAB MTHAR THUG BLA NA MED PA'I RGYUD, ,PHA RGYUD DANG NI MA RGYUD CES BYA BA'I, THABS KYI RGYUD LA 'DOD CHAGS ZHE SDANG DANG, ,GTI MUG CHEN PO'I THABS RGYUD GSUM DU GSUNGS, ,ZHE SDANG CHEN PO'I THABS RGYUD GSHIN RJE GSHED, ,DPAL CHEN RDO RJE 'JIGS BYED DUS KYI DGRA, DMAR NAG GSHIN RJE GSHED NI BCU GSUM MA'I, ,DBANG GI CHO GA DRI MED 'DIR BSHAD BYA, ,'DIR DPAL RDO RJE 'JIGS BYED DANG, GSHIN RJE GSHED DMAR PO DANG, DGRA NAG BCU GSUM MA GSUM GYI DBANG GI CHO GA PHYOGS GCIG TU BSHAD PAR BYA STE, 'JUG PA BDE BA'I PHYIR DU'O, ,'DI LA GSUM, 'JIGS BYED BCU GSUM MAL LOG RTOG BSAL BA, SNGON DU BSNYEN PA BYA TSUL DANG, CHO GA DNGOS SO, ,DANG PO LA GNYIS, BCU GSUM MA MI 'THAD PA'I LOG RTOG DGAG PA DANG, GTZO BO LA YUM MED PA'I LOG RTOG DGAG PA'O, ,DANG PO NI PHYIS KYI BOD KHA CIG NA RE, 'JIGS BYED BCU GSUM MA LA NI RGYUD DANG RGYA GZHUNG GI KHUNGS GANG YANG MED DO, ,ZHES ZER BA NI, MTHONG RGYA SHIN TU CHUNG ZHING MTHONG BA'I DON YANG ZHIB TU MI RTOGS BZHIN DU, MYUR DU KHA TSON
, ,GCOD PA LA DGA' BA YIN TE, SAMBU tA DANG RTOG BDUN GYI BRIS SKU DANG, LHA'I RTOG PA'I SKABS SU MI GSAL YANG, 'KHRUL 'KHOR GYI RTOG PA'I SKABS LAS SHES TE, DE'ANG RTZA BA'I RGYUD BSDUS PA'I SKABS SU 'KHRUL 'KHOR BYED TSUL MI GSAL BA, GSAL BAR STON PA'I BSHAD PA'I RGYUD RTOG GSUM GYI 'KHRUL 'KHOR GYI RTOG PA LAS, RTZA BA'I SNGAGS BTUS SHING DRANGS NAS SNGAGS KYI YI GE BSRE BA'I SKABS SU, LE'U TSE DGU PA'I DBUS DANG, PHYOGS BZHIR, YAKshE MA MED LNGA 'GOD PA DANG, DE'I PHYI ROL RE'U MIG BCU GNYIS PA LA LHA LHAG MA BRGYAD DANG, THOD PA BZHI STE BCU GNYIS KYI SA BON DGOD PAR GSUNGS LA, DE'ANG DGRA NAG LAS, YI GE KshE NI GTI MUG BRJOD, ,YI GE MA NI PHRA MAR GSUNGS, ,YI GE ME NI 'DOD CHAGS NYID, ,YI GE DA NI PHRAG DOG 'GYUR, ,GSHIN RJE 'JOMS PA LNGA RU GRAGS, ,YI GE YA NI THO BAR GRAGS, ,YI GE TZA LAS DBYIG PA GTZO, ,LAG NA PADMA NI YIG LAS, ,YI GE RA NI RAL GRIR LDAN, ,YI GI DZA NI SEMS MAR BRJOD, ,YI GE SA NI PHAG MOR GRAGS, ,YI GE DO LAS DBYANGS CAN BSGRAGS, ,YI GE RU LAS GOO R'I RA DRAN, ,nA YO NI RA MTSAMS BZHI RU, ,THOD PA BZHI RU BSGRAGS PA'O, ,ZHES YI GE BCU BDUN LHA BCU GSUM DANG THOD PA BZHI RU GSUNGS LA, 'JIGS BYED KYI 'KHRUL 'KHOR LA BRTEN NAS LAS SGRUB PA'I SKABS SU'ANG YI GE BCU BDUN LA LHA'I RNAM PA CAN BCU GSUM DANG, LHA'I NGO BO THOD PA BZHIR BSKYED PA LA,
RANG 'DA'I YE SHES PA BCUG NAS LAS SGRUB PAR GRUB CHEN DPAL 'DZIN GYI MAN NGAG LA BRTEN NAS MDZAD PA'I RTOG BDUN GYI 'GREL PA DPAL CHEN RDO RJE GRUB PA DANG, SO NA SHR'I GNYIS KAS MDZAD PA LAS, YI GE BCU BDUN PO DE DAG LHA BCU BDUN GYI RANG BZHIN DU RNAMS PAR BSGOMS LA, RANG GI SNYING GA'I SA BON GYI 'OD ZER RNAMS KYIS GSHIN RJE'I GSHED LHA BCU BDUN GYI BDAG NYID KYI YE SHES KYI DKYIL 'KHOR SPYAN DRANGS LA, MDUN DU RNAM PAR BZHUGS SU GSOL LA MCHOD YON LA SOGS PA PHUL NAS SNGAR BRIS PA'I 'KHOR LO LA, THO BA LA SOGS PA'I SBYOR BAS BCUG LA DE NAS LAS DANG RJES SU MTHUN PAR GSUNGS PA'I RIM PAS BDAG NYID RNAM PAR BSGOM LA SNGAGS YONGS SU BZLAS TE LAS RAB TU BSGRUB PAR BYA'O, ,ZHES GSAL BAR GSUNGS SHING, 'JIGS BYED KYI DBANG DU MDZAD PA'I 'KHRUL 'KHOR GYI LHA BCU GSUM GYI LAS SGRUB PA'I SKABS SU, GTZO BO LA GSHIN RJE GSHED GZHAN 'ONG DON MED PAS GTZO BO 'JIGS BYED KYIS MDZAD DGOS PAR GSAL LO, ,DE'I PHYIR DKYIL 'KHOR GYI SGRUB THABS KYI SKABS DANG, 'KHRUL 'KHOR GYI LHA 'GOD PA'I SKABS SU LHA DGOD PA'I GNAS LA MI 'DRA BA CUNG ZAD YOD KYANG, RGYUD SMIN BYED KYI SGRUB THABS DANG, LAS SBYOR GYI 'KHRUL 'KHOR GYI SKABS KYI KHYAD PAR YIN PAS SPYIR GTZO BO RDO RJE 'JIGS KYIS MDZAD PA LA, 'KHOR DGRA NAG NAS BSHAD PA'I LHA BCU GNYIS DANG, THOD PA BZHIS BSKOR BA YOD PAR SHIN TU GSAL BAS, GNYOS LO TZ'A BA YON TAN GRAGS DANG, RVA RDO RJE GRAGS KYIS BOD DU SROL PHYE BA'I 'JIGS BYED BCU GSUM MA'I
, ,SGRUB THABS NI SHIN TU LEGS PAS, RGYUD DANG 'GREL PA RNAM PAR DAG PA LA BRTEN PA'I LUGS RNAM PAR DAG PA MA RTOGS BZHIN DU SKUR BA GDAB PAR MI BYA'O, ,GNYIS PA NI, YANG PHYIS KYI BONG ? MANG POS 'JIGS BYED LA YUM YOD PAR BSHAD PA'I GZHUNG MED PAS YUM MED LA, DE'I PHYIR YUM YOD PA'I SGRUB THABS DANG, YUM YOD PA LA BRTEN PA'I DKYIL 'KHOR GYI CHO GA BYED PA MA DAG GO ZER RO, ,'DI LA BSHAD PAR BYA STE, DE LA RTOG BDUN DANG SAm PU tAR YUM DNGOS SU GSAL BAR MA BSHAD PA BZHIN DU 'DI'I RGYA GZHUNG GI SGRUB THABS MANG POR YANG YUM YOD PAR MA BSHAD PA MANG YANG, YOD PAR MA BSHAD PA DANG, MED PAR BSHAD PA GNYIS DON MI GCIG CING, DE DAG GI LUGS LA'ANG SKABS GANG DU'ANG YUM MED PAR BZHED PA MIN LA, YUM YOD PAR 'DOD NA'ANG SKABS THAMS CAD DU YUM BSHAD DGOS PA'I NGES PA'ANG MED DO, ,'DIR YUM YOD PA LA, SGRUB BYED GSUM LAS, DANG PO DBANG GONG MA GNYIS LA BRTEN NAS BSGRUB PA NI, AA MO GHA BADZRA'I 'JIGS BYED KYI DKYIL CHOG LAS, DE NAS GSANG BA DANG SHES RAB YE SHES KYI DBANG BSKUR BA NI, BLA MA'I ZHAL LAS SHES PAR BYA'O, ZHES 'JIGS BYED LA DBANG GNYIS PA DANG GSUM PA BSKUR BAR BSHAD PA LTAR SHIN TU'ANG DGAS LA, DE LA GSANG DBANG LA NI, SLOB MA LA NGES PA MED KYANG, BLA MAS RANG NYID DKYIL 'KHOR GYI GTZO BOR BSKYED NAS YUM LA BRTEN TE, GSANG DBANG GI RDZAS SGRUB PA DGOS LA, DBANG GSUM PA LA NI SLOB MA DKYIL 'KHOR GYI GTZO BOR BSKYED NAS RIG MA LHA MOR
BSKYED PA DANG SNYOMS PAR ZHUGS PA LAS, SHES RAB YE SHES KYI DBANG GI NGO BO BSKYED DGOS PA LA NI KHUNGS THUB KYI GZHUNG DU MA YOD DO, ,DE LTA YIN NA GTZO BO LA YUM BYUNG BA YIN NO, ,DES NA BOD KYI PHYIS KYI BLA MA KHA CIG 'JIGS BYED LA YUM MED PAR BZHED CING, 'JIGS BYED KYI GSANG DBANG DANG, SHES RAB YE SHES KYI SKABS SU, BLA MA DANG SLOB MA GNYIS GSHIN RJE GSHED DANG REG MA RO LANGS MAR BSKYED PAR BSHAD PA NI 'GAL BA YIN TE, 'JIGS BYED KYI DBANG GNYIS KYI SKABS SU GSHAD DMAR LA SOGS PA'I DKYIL 'KHOR GYI GTZO BO GZHAN GYI GSHIN RJE GSHED DU BSKYED DON MED PAS, 'JIGS BYED NYID DU BSKYED DGOS PA'I PHYIR RO, ,DE BZHIN DU YUM MED PAR 'DOD PA DANG STA GON GYI SKABS SU BLA MAS RANG 'OD KYI RIG MA SPRUL TE YAB YUM SNYOMS PAR ZHUGS PA'I SGRAS SLOB MA RNAMS RANG GI LUS LA BCUG ,RDO RJE'I LAM NAS YUM GYI PADMAR GNAS PA LA, BYANG CHUB KYI SEMS KYIS DBANG BSKUR BAR 'DOD PA'ANG 'GAL BA'O, ,DE LTAR NA BRIS PA'I DKYIL 'KHOR LA BRTEN NAS DBANG BZHI RDZOGS PAR BSKUR BA DANG, GTZO BO LA YUM YOD PAR 'DOD PA NI MDAG PA MIN GYI, DE DANG GTZO BO LA YUM MED PAR 'DOD PA NI MA DAG PA CHEN POR SHES PAR GYIS SHIG, GNYIS PA DGRA NAG GI GZHUNG LA BRTEN NAS BSGRUB PA NI, SNGAR BSHAD PA LTAR 'JIGS BYED KYI 'KHRUL 'KHOR GYI BSHAD RGYUD DANG, DGRA NAG GI GZHUNG DANG 'GREL PA LA BRTEN NAS 'JIGS BYED BCU GSUM MA'I SGRUB THABS NI BSGRUBS ZIN LA, DE LTA YIN NA 'KHOR GYI LHA RNAMS GTZO BO YAB
, ,YUM GYI MNGAL NAS 'BYIN PAR SHIN TU 'GRUB STE, 'JIGS BYED LA 'KHOR GYI LHA RNAMS DGRA NAG LA BRTEN PA'I GRUB CHEN DPAL 'DZIN SOGS KYI GZHUNG LA BRTEN PA'I RIGS PA SBYOR DU RUNG LA, LHA DE RNAMS KYI BSKYED CHOG LA DE DAG GI, , RIGS PA SBYOR DU MI RUNG BA'I KHYAD PAR DBYE BAR MI NUS PA'I PHYIR TE, DPER NA GSHED DMAR BCU GSUM MA'I 'KHOR GYI LHA BZHIN NO, ,MNGON RTOGS LA DPAL 'DZIN GYI GZHUNG LA BRTEN PA'I RIGS PA SBYOR NUS NA, 'JIGS BYED BCU GSUM MA LA RGYA GAR NAS DKYIL CHOG ZUR PA MA BYUNG YANG, DPAL 'DZIN GYI DGRA NAG GI DKYIL CHOG DANG AA MO GHA BADZRA'I DKYIL CHOG LA BRTEN PA'I RIGS PA SBYOR NUS TE, SLOB DPON DPAL 'DZIN GYIS DMAR NAG GI DKYIL CHOG GNYIS MDZAD PA LA, GTZO BO 'BOS PA TZAM GYI DBANG GIS KHYAD PAR CUNG ZAD MI 'DRA BA 'GA' RE MA GTOGS PA SPYI'I KHOG JI MA JI BZHIN DU 'DRA BA DANG RIGS PA MTSUNGS PA'I PHYIR RO, ,DE BZHIN DU DMAR NAG GI SGRUB THABS GNYIS LA'ANG BSHAD 'DUG PA'I RIGS PAS 'JIGS BYED BCU GSUM MA'I SGRUB THABS LA'ANG DPAG NUS PAR SHES PAR GYIS SHIG ,GSUM PA KYEE RDOR LA BRTEN NAS BSGRUBS PA NI, BLA MED KYI RIM PA DANG PO'I DKYIL 'KHOR GYI 'KHOR LO BSGOM PA LA DGOS PA MANG DU YOD KYANG, GTZO BO NI RDZOGS RIM GYI RTOGS PA KHYAD PAR CAN RNAMS SKYE BA'I RGYUD SMIN BYED DU 'GRO BA YIN LA, DE LA NI RIM PA DANG PO'I SKABS SU YAB YUM SNYOMS PAR ZHUGS PAS DRANGS PA'I BDE BA DANG, DE KHO NA NYID KYI LTA BA GNYIS SBYAR TE, RGYUN LDAN DU SGOM PA, DGOS PA'I TSUL RNAMS
GZHAN DU RGYAS PAR BSHAD ZIN PA LTAR YIN NO, ,DKYIL 'KHOR GYI 'KHOR LO'I RIM PA DANG PO'I SKABS SU YUM SGOM PA MED NA DGOS PA DE MI 'GRUB PAS BSKYED RIM GYI GNAD MA TSANG BAR 'GYUR NA 'DOD PAR YANG MI NUS SO, ,TSUL DE LA DOGS PA GCOD PA NI, BCOM LDAN 'DAS NYID KYIS BDAG MED MA'I SGRUB THABS LA SHIN TU GSAL BAR GSUNGS TE, KYEE RDO RJE LAS BDAG MED RNAL 'BYOR LDAN PA YIS, ,PHYAG RGYA NYID CES JI LTAR BRJOD, ,PHYAG RGYA PHYAG RGYA GNYIS DAG GIS, ,PHYAG RGYA'I DNGOS GRUB JI LTAR 'GRUB, ,CES LAM 'DIS PHYAG RGYA MA LA BRTEN NAS DNGOS GRUB 'GRUB PAR BSHAD PA LA, DE LTA NA BDAG MED MA GTZO BOR BYAS PA'I RNAL 'BYOR GYIS PHYAG RGYA'I DNGOS GRUB MI 'THOB STE, ,RIG MA SGOM PA MED PAR PHYAG RGYA'I DNGOS GRUB MI 'GRUB PA'I PHYIR DANG, RANG GI PHYAG RGYA MA GZHAN CIG SGOM NA, PHYAG RGYA MA GNYIS SBYAR BAS BDE CHEN MI SKYE BA'I PHYIR RO, ,DES NA DE 'DRA BA DES PHYAG RGYA'I DNGOS GRUB JI LTAR THOB PAR 'GYUR, ZHES ZHUS PA'I LAN DU, BUD MED GZUGS NI SPANGS NAS GZHAN, ,BCOM LDAN 'DAS KYI GZUGS SU BYA, ,NU MA SPANGS PA BO LAR 'GYUR, ,KAKKO LA DBUS YANG DAG GNAS, ,'GRAM GNYIS DRIL BA NYID DU 'GYUR, ,ZE'U 'BRU BO LA CAN DU GYUR, ,LHAG MA BDAG NYID CHEN PO NYID, , DGA' CHEN HE RU KA YI GZUGS, ,ZHES SO, ,DE 'DRA BA DE LA NI BUD MED DE LHA MO'I GZUGS SU BSGOM PA SPANGS NAS, DE LAS GZHAN BCOM LDAN 'DAS TE LHA YAB KYI GZUGS SU BSGOM PAR BYA BAR GSUNGS SO, ,DES NA NU MA SPANGS NAS PO LA DANG, ,
, ,KA KKO LA'I 'GRAM GNYIS DRIL BU STE 'BRAS BUR 'GYUR, ZHES PA NI RTEN DE'I STENG NAS DON LA DE LTAR GYUR PA MIN GYI, DMIGS PAS DE DAG MI MNGON PAR BYAS NAS RDO RJE SOGS SU BSKYED PA'O, ,DE LTAR DKYIL 'KHOR GYI GTZO MO BDAG MED MAS MDZAD PA LA SGOM PA'I TSE MO'I RTAGS BSGYUR NAS, PHO'I RTAGS DANG LDAN PAR BSGOM PAR GSUNGS SO, ,DE'ANG MU TIG 'PHRENG BAS SME MA NI DKYIL 'KHOR GYI BDAG MO'I MGUL NAS 'KHYUD DO, ,DE LA GZHAN RNAL 'BYOR MA BDUN SPROS PA'I TSUL GYIS 'JUG PAR BYA'O, ,DE'ANG RANG GI PADMA LAS BYUNG BA'I RDO RJE DANG SBYOR BAS BCOM LDAN 'DAS MA THAMS CAD LA YONGS SU SPYOD DO, ,ZHES MCHOD PA'I LHA MO BDUN SPROS PA GA-YUNG MO LA BCUG NAS GA-YUNG MO LA RANG GI PADMA RDO RJER BYAS TE, LONGS SPYOD PAR GSUNGS PA LTAR RTOGS BSGYUR PA DES PHYAG RGYA MA GZHAN LA SNYOMS 'JUG BYED PA YIN NO, ,DE LTAR NA DKYIL 'KHOR GYI GTZO BOR LHA PHO GCIG PUR BSHAD PA LA'ANG SNGAR GYI DOGS PA DE NGES PAR SKYE DGOS LA, DE GCOD PA LA YANG YUM YOD PA'I LAN GDAB DGOS KYIS, YUM MED KYANG PHYAG RGYA'I DNGOS GRUB TU 'GYUR RO, ,ZHES SMRAR MI RUNG BAS KYEE RDOR LA BRTEN NAS KYANG SHIN TU 'GRUB BO, ,GNYIS PA NI, TSANGS PA'I GNAS BZHI DANG LDAN ZHING, 'GRO BA 'DON PA'I BSAM PA CAN GYI RNAL 'BYOR PAS, BDAG NYID LA DNGOS GRUB GRUB PAR BYA BA'I PHYIR RAM, GZHAN GYIS LAN GNYIS GSUM DU DBANG GI DON DU GSOL BA 'DEBS PA RJES SU BZUNG BA'I PHYIR, GAL TE DKYIL 'KHOR 'DRI BAR 'DOD NA, BSNYEN PA SNGON DU MA SONG BAR
DBANG DANG RAB GNAS SOGS LA 'JUG PAR BYA MI RUNG STE, BSNYEN SOGS DAG PAR MA BYAS PAR, ,DKYIL 'KHOR LAS LA 'JUG PA DANG, ,ZHES SNGON DU BSNYEN PA SOGS KYIS RGYUD MA SBYANGS PAR DKYIL 'KHOR GYI LAS LA ZHUGS NA SBOM PO'I LTUNG BA BSKYED PAR GSUNGS LA, DE LTAR BYED PA NI RANG GIS RANG LA GNOD PA BYED PAR GSUNGS TE, SNYING PO MDOR BSAGS LAS, DKYIL 'KHOR MCHOG GI SLOB DPON GYIS, ,SNGON DU BSNYEN PA LA 'BAD NAS, ,DE NAS DKYIL 'KHOR DE NYID NI, ,SHIN TU DUL BAS BRTAG PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,ZHES GSUNGS SHING, NAG PO SPYOD PAS KYANG, LHA MNYES PAR MA BYAS NA RANG NYID SUN 'BYIN PAR GSUNGS PAS, SNGON DU BZLAS PA DANG DE'I MA DAG PA KHA SKONG BA'I SBYIN SREG SHIN TU GAL CHE'O, ,BSNYEN PA BYED TSUL NI, MNGON RTOGS RDZOGS PAR BSGOMS NAS BZLAS PA BYED PA SGRUB THABS SU BSHAD PA BZHIN BYED PA'O, ,BZLAS PA'I SNGAGS KYI GRANGS NI DPAL 'DZIN GYI DMAR NAG GI DKYIL CHOG GNYIS LAS, GTZO BO LA 'BUM PHRAG RE 'KHOR LA KHRI PHRAG RE ZLO BA BRTAG GNYIS NAS GSUNGS PA BZHIN DU BSHAD PA, 'JIGS BYED LA'ANG 'DRA LA, BZLAS BYA'I SNGAGS NI, AA MO GHA BADZRA'I 'JIGS BYED KYI DKYIL CHOG LAS, YI GE BCU PA'I SNYING PO 'BUM PHRAG GCIG TU BZLAS PA BYA STE, ZHES SNGAR BSHAD PA LTAR RTZA SNGAGS MIN KYANG, HR'I: shtR'I: SA KYANG 'GRUB LA, GZHAN GNYIS LA NI, HR'I: shtR'I: YI GE BCU BZHI PA BZLA'O, ,DMAR PO'I DKYIL CHOG LAS, GTI MUG GSHIN RJE GSHED LA SOGS PA'I KHRI BZLAS PA'm, ?
, ,BCOM LDAN 'DAS KYIS RJES SU GNANG BA'I MTSAN MA THOB PA'AM, RANG GI SEMS DAG PA BRTAN PAS 'DRI BAR BYA'O, (,NAG PO'I DKYIL CHOG TU GTI MUG GSHIN RJE GSHED LA SOGS PA GZHAN RNAMS KYI NI KHRI'O, ,BCOM LDAN 'DAS KYIS RJES SU GNANG BA'AM, MTSAN MA THOB PA'AM RANG SEMS DAG PA'I SGO NAS 'DRI BAR BYA'O ZHES GRANGS KYI BZLAS BA'I MTHAR RAM MED PA DANG, LHA LA GNANG BA THOB PA DANG MTSAN MA THOB PA GNYIS SO SOR PHRAL NAS BSGYUR BA NI 'GYUR MA DAG PA YIN PAS, DMAR PO'I DKYIL CHOG GI 'GYUR LTAR BYA'O,) ,ZHES GRANGS KYI BZLAS PA DANG, LHAS GNANG BA'I MTSAN MA THOB PA DANG, LHA'I RNAL 'BYOR BRTAN PA'I SEMS DAG PA THOB PA GANG RUNG ZHIG DANG LDAN PAS BYA BAR GSUNGS TE, LVA WA'I NA BZA' CAN GYIS KYANG DE BZHIN DU GSUNGS SO, ,GSUM PA LA GSUM, SA'I CHO GA ,STA GON GYI CHO GA ,DNGOS GZHI'I CHO GA'O, ,DANG PO LA LNGA, SA BRTAG PA, SA BSLANG BA, SA SBYANG BA, SA GZUNG BA, BGEGS LA PHUR BU BTAB STE BSRUNG BA'O, ,DANG PO NI, GZHAN DU RGYAS PAR BSHAD ZIN PA LAS SHES PAR BYA'O, ,GNYIS PA NI, LEGS PAR BSGRUBS PA'I DKYIL 'KHOR GYI KHANG PA'AM GZHAN DU'ANG RUNG STE, BDUD RTZI 'KHYIL BA BZLAS PA'I CHUS GTOR TE, DKYIL 'KHOR GYI SA'I STEGS BU BYAS LA, RANG NYID GSHIN RJE GSHED SKABS LA GANG BAB KYI RNAL 'BYOR DANG LDAN PAS, GNAS DE'I GZHI BDAG SPYAN DRANGS TE, NYER SPYOD KYIS MCHOD PA AA K'A ROS GTOR MA PHUL LA, GANG YANG 'DIR GNAS LHA DANG KLU, ,GNOD SBYIN SRIN PO 'AM NI GZHAN, ,DE DAG RNAMS LA SA 'DI NI, ,BDAG ZHU KHYED KYIS STZAL DU GSOL, ZHES LAN GSUM GSOL BA GDAB BO, ,DE NAS DKYIL 'KHOR GYI
DBUS SU DRI'I THIG LE BYAS LA ME TOG GI TSOM BU ZHIG DGOD DER BAm LAS BYUNG BA'I SA'I LHA MO SER MO RGYAN SNA TSOGS KYIS BRGYAN PA LUS PHYED 'THON PA, GA-YAS DAM BCA' BA KHAS LEN PA'I PHYAG RGYA GA-YON (NI GANG ZAG GZHAN GCIG GIS DBANG PO THUB PA GCIG LA, BDAG GIS 'DI BYAS PA'I DBANG PO MDZOD CIG CES SMRAS PA NA, DPANG POS DE BZHIN ZHES BRJOD PA'I TSE, LAG PA GA-YAS PA BSGRENGS NAS BYED PA LTA BU'O,) ,RIN PO CHE'I BUM PA 'DZIN PA BSKYED, LAG PA GA-YAS PA'I MTHIL DU ZLA BA'I DKYIL 'KHOR GYI STENG DU H'Um BSAM RDO RJE RTZE GSUM PA'I PHYAG RGYA BCAS NAS SA LA LAN GSUM BRDABS PAS, DE'I SGRA DANG H'Um GI 'OD ZER GYIS YE SHES KYI LHA MO SA 'OG NAS SPYAN DRANGS DAM TSIG PA LA BSTIMS LA, DBANG BSKUR RNAM SNANG GIS RGYAS GDAB, MDUN DU MCHOD YON SNGON DU 'GRO BA'I MCHOD PA RNAMS BSANG SBYANG BSKYED DE BYIN GYIS BRLAB, GTOR MA'ANG BYIN GYIS BRLABS LA, AOm PRI THI W'I DE W'I BHYA: ZHIS PA LA AARGHAm LA SOGS PA BTAGS LA DBUL, NANG MCHOD KYIS KYANG MCHOD LA, GTOR MA AA K'A RO YIS PHUL GA-YAS RDO RJE DANG BCAS PAS SPOS PHOR 'DZIN, GA-YON DRIL BU GSIL ZHING, SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DPANG DU GYUR, ,SKYOB PA SH'AKYA SENG GE YIS, , JI LTAR BDUD KYI DPUNG BCOM PA, DE LTAR BDAG GIS BDUD KYI DPUNG, ,BCOM NAS DKYIL 'KHOR 'DRI BAR BGYI, ,ZHES LAN GSUM BRJOD PAS DKYIL 'KHOR GYI LAS CI BDER GYIS SHIG CES GNANG BA BYIN NAS DE NYID DU THIM PAR BSAMS TE, SA
, ,BSLANG BA'O, (,DMAR NAG GI DKYIL CHOG GNYIS LAS SA BSLANG BA MA BSHAD KYANG, RVA LO TZ'A BAS BSHAD PA LTAR BYAS TE, DON YOD ZHABS KYIS KYANG, SA'I LHA MO LAS SA BSLANG BA GO RIMS CUNG MI 'DRA TZAM ZHIG BSHAD DO,) ,GSUM PA NI, GTZO BO GANG YIN GYI RNAL 'BYOR DANG LDAN PAS DKYIL 'KHOR GYI SA LA, YUNGS KAR DANG CHU DANG THAL BA LA LAS THAMS CAD PA BZLAS PAS GTOR LA, DE BZLAS PA'I BA BYUNG LNGAS SHAR NAS BRTZAMS TE PHYUG CING, DRI CHUS KYANG BSANG GTOR BYA'O, ,DE NAS RDO RJE SKYIL KRUNG DANG SA GNON GYI PHYAG RGYA DANG LDAN PAS, AOm BH'U KHAm ZHES PAS SA GZHI STONG NYID DANG, H'Um LAm H'Um ZHES PAS RDO RJE'I RDUL PHRA RAB KYI RANG BZHIN DANG, AOm ME DI NI BADZRI BHA BA BADZRA BANDRA H'Um ZHES PAS RDO RJE'I RANG BZHIN DU BCINGS TE BRTAN PAR BYA, (NAG PO'I DKYIL CHOG LAS, ME DI NI'I SNGAGS BRJOD PAS, DE NYID RANG BZHIN GYIS DAG PAR BYA'O, ,ZHES BSGYUR BA NI, SNGAGS DON DANG MI MTHUN PAS, DMAR PO'I DKYIL CHOG LAS, RANG BZHIN GYIS RNAM PAR DAG PA'I SA GZHI DAR ZHES PHYIR LA BCAD PA 'GYUR LEGS SO,) ,AOm HA NA HA NA BADZRA KRO DHA H'Um PHAt, CES PAS RDO RJE KHRO BOS BGEGS RNAMS BCOM PAR BSAM ZHING LAG PAS SA LA REG NAS SA BYIN GYIS BRLAB BO, ,DE NAS SA LA SOGS PA'I SNA TSOGS PA'I CHOS THAMS CAD STONG PA NYID DANG RO GCIG PAR MOS PA'I BLA NA MED PA'I SBYANG BA'ANG BYA'O, ,BZHI PA LA GSUM, SLOB DPON SGRUB GROGS DANG BCAS PAS DKYIL 'KHOR GYI DBUS SU SGRUB THABS BSGOM PA, DE LA PHYOGS SO SO'I SLOB MA BZHIS DKYIL 'KHOR GYI DON DU GSOL BA GDAB PA, DKYIL 'KHOR NAM MKHAR BTEG STE, BGEGS LA BKA' BSGOS
NAS BSKRAD PA'O, ,DANG PO NI, MCHOD PA'I YO BYAD LA SOGS PA'I 'TSOG CHAS DANG SGRUB GROGS DANG LDAN PAS STEGS BU'I DBUS SU 'DUG STE, SNGON DU 'GRO BA'I GTOR MA PHUL NAS, BZLAS PA LA THUG GI BAR DU MNGON RTOGS RDZOGS PAR BSGOM PAR BYA'O, , LHA RNAMS LA MCHOD YON SNGON DU 'GRO BA'I PHYI NANG GI MCHOD PAS MCHOD NAS, SPOS PHOR BZUNG LCE H'Um LAS BYUNG BA'I RDO RJER BYAS NAS, MA LUS PHYOGS NA BZHUGS PA YI, ,SANGS RGYAS RNAMS NI BDAG LA DGONGS, ,BDAG MING CHE GE ZHES BYA BDAG ,RDO RJE CAN GYI DKYIL 'KHOR 'DRI, ,SANGS RGYAS KUN DENG GSHEGS SU GSOL, ,DNGOS GRUB 'DI NI STZAL DU GSOL, ,DKYIL 'KHOR CHEN PO'I LAS RNAMS NI, ,CI NUS BZHIN DU RAB TU BGYI, ,ZHES GSOL BA LAN GSUM GDAB BO, ,GNYIS PA NI, DE NAS BLA MA DKYIL 'KHOR GYI GTZO BO GSHIN RJE GSHED GSUM GANG RUNG GI NGO BO RDOR DRIL 'GYING BAS BSNAMS PA LA, PHYOGS BZHI'I SLOB MA GTI MUG GSHIN RJE GSHED LA SOGS PA'I RNAL 'BYOR DANG LDAN PA LAG NA RDOR DRIL THOGS PA BZHIS THUN MONG DU PHYI NANG GI MCHOD PAS MCHOD NAS, GTI MUG RDO RJE'I RANG BZHIN KHYOD, ,CES PA NAS, PHYAG NA RAL GRI KHYOD PHYAG 'TSAL, ,ZHES PA'I BAR GYI TSIGS BCAD RE RES PHYOGS SO SO NAS BSTOD, SANGS RGYAS KUN GYI RANG BZHIN KHYOD, ,CES SOGS KYI TSIGS BCAD GIS THUN MONG DU BSTOD, KUN GYIS THUN MONG DU, GSHIN RJE 'JOMS PA'I DKYIL 'KHOR 'JIGS, ,DKYIL 'KHOR KUN GYI GTZO BO NI, ,SDIG PA THAMS CAD ZAD MDZAD PA, ,MGON PO DKYIL 'KHOR 'DRI BAR MDZOD, ,CES DKYIL 'KHOR 'DRI BAR GSOL BA GDAB
, ,BO, ,SGRUB PA'I GROGS MED NA DE RNAMS RANG GIS BSGOMS NAS BRJOD PAR BYA'O, ,GSUM PA NI, DE NAS SLOB DPON GYIS SLOB MA RNAMS KYIS DBYANGS GCIG GIS GSOL BA BTAB PAR RIG NAS, SEMS CAN THAMS CAD NYON MONGS PAS GZIR BA LA BLTAS TE, NYON MONGS PA LA SLAR KHRO BA STE DE RNAMS KYI NYON MONGS GZHOM PA'I BSAM PAS, RDO RJE KHU TSUR GNYIS KYI MDZUB MO BRKYANG LA, RTZE MO GSHIBS LA 'OG TU PHYOGS PA SPYI BOR GZUNG ZHING, H'Um BADZRA AUTTIshTHA, ZHES BRJOD PAS BSGOMS PA'I DKYIL 'KHOR NAM MKHA' LA GDEG GO (,DMAR NAG GI DKYIL CHO GA LA 'DEGS PA'I PHYAG RGYA MA BSHAD KYANG, DKYIL CHOG RDO RJE PHRENG BAS KHA BSKONG BA YIN PAS, RVAS SLOB DPON GYI BUNG MO'I RTZE SPRAD LHAG MA RNAMS BSNOL LA SPYI BOR BCINGS LA AOm BADZRA AUshtI LA H'Um ZHES PAS, DKYIL 'KHOR NAM MKHA' LA GDEG GI ZHES BSHAD PA'I SNGAGS DANG PHYAG RGYA GNYIS KA MA NGAG PAR SNANG NGO,) ,DE NAS GTZO BO GANG YIN GYI NGA RGYAL GYIS BTEG PA'I GTZO BO LAS BYED PA LANGS TE, (RANG GI MIG LA DMAR NAG GI DKYIL CHOG GNYIS KA LAS MA YIG GIS MIG GA-YON BA ZLA BA DANG, YI GE tAS MIG GA-YAS PA NYI MAR BYED PAR BSHAD LA, GZUNG GZHAN NAS GA-YAS GA-YON GNYIS DE LAS BZLOG STE GSUNG NGO,) ,GA-YAS GA-YON GNYIS MA DANG tA LAS NYI MA DANG ZLA BAR BSKYED, H'Um LAS MIG 'BRAS DUS MTHA'I ME LTAR BSAMS PA'I 'OD KYIS PHYOGS THAMS CAD GSAL BAR BYAS NAS, PHYOGS KUN TU BLTAS PAS BGEGS RNAMS BSREGS PAR BSAM MO, ,RKANG MTHIL GNYIS SU H'Um LAS SNA TSOGS RDO RJE 'BAR BA BSGOMS LA, ROL PA'I RDO RJE'I 'GROS KYI GAR GYIS DKYIL 'KHOR GYI SA GZHI LA BSKOR ZHING, HR'I: sht'I: LA SOGS PA NGAG TU BRJOD
PAS GDUG PA RNAMS BSKRAD PAR BYA'O, ,DE NAS DBUS SU SONG LA, H'Um LUS NGAG SEMS LA GNAS PA YI, ,BGEGS KYI TSOGS RNAMS KUN NYON CIG ,NGA NI DPA' LDAN RDO RJE 'CHANG, ,SRUNG BA'I 'KHOR LO SBYOR BA PO, ,RDO RJE GZUGS NI 'BAR BA YIS, ,LUS GSUM LAS SKYES DAGS PAR BYA, ,GAL TE KHA CIG BDAG LAS 'DA', ,'JIG PAR 'GYUR GYI GZHAN DU MIN, ,ZHES BRJOD, SHAR DU PHYIN TE GTI MUG GSHIN RJE GSHED KYI NGA RGYAL GYIS, GZHAN SNGAR DANG 'DRA BA LA, NGA NI DPAL LDAN 'KHOR LO 'CHANG, ,ZHES BRJOD, LHOR SER SNA GSHIN RJE GSHED KYI NGA RGYAL GYIS, NGA NI DPAL LDAN RIN CHEN 'CHANG, ,ZHES DANG, NUB TU 'DOD CHAGS GSHIN RJE GSHED KYI NGA RGYAL GYIS, NGA NI DPAL LDAN PADMA 'CHANG, ZHES DANG, BYANG DU PHRAG DAG GSHIN RJE GSHED KYI NGA RGYAL GYIS, NGA NI DPAL LDAN RAL GRI 'CHANG, ,ZHES BRJOD LA BGEGS LA BKA' BSGOS TE, HR'I: shtR'I: LA SOGS PA'I SNGAGS DANG BCAS PAS BGEGS BSKRAD PAR BYA'O, ,LNGA PA NI, DE NAS SENG LDENG LA SOGS PA'I PHUR BU BCU DNGOS SU YOD NA BSANGS SBYANGS TE BCU CHAR STOD RAL GRI GSHIN RJE GSHED KYI RNAM PA CAN LA LTE BA MAN CHAD RDO RJE RTZE GCIG PA'I RNAM PA CAN GYI BUR BUR BSKYED, PHUR BU DNGOS SU MED NA'ANG BSAM GTAN GYI PHUR BU BCU DE LTAR BSKYED, RANG GI THUGS KA NAS GSHIN RJE GSHED ZHAL GCIG PHYAG GNYIS PA, LCAGS KYU DANG ZHAGS PA THOGS PA MANG PO SPROS, HR'I: shtR'I: 'I MTHAR SARBA DUshttA AINDRA AA DI NI SA PA RI W'A RA AA KARshA YA DZA: ZHES BRJOD PAS BGEGS KYI GTZO BO PHYOGS SKYONG BCU, ZHAGS PA DANG LCAGS KYUS BKUG LA,
, ,DE RNAMS KYI SPYI BOR PHUR BU BTZUGS TE GA-YAS PA RDO RJE 'BAR BA'I THO BAS BRDUNGS PA BSAM ZHING, AOm GHA GHA GHA TA YA GH'A TA YA, SARBA DUshtA NA PHAt PHAtA, K'I L'I YA K'I L'A YA SARBA P'A Pm PHAt PHAt, H'Um H'Um H'Um BADZRA K'I L'A YA, BADZRA DHA RA A'ADZNY'A ? PA YA TI SARBA BIGHNAN K'A BA WA KA TZI TTA BADZRA K'I L'A YA H'Um H'Um H'Um PHAt PHAt, CES BRJOD DE BRDUNGS PAS BGEGS KYI SPYI BO NAS BZUNG STE RKANG PA'I MTHIL GYI BAR DU PHUG PAR BSAMS LA, DBANG LDAN NAS BRTZAMS TE PHYOGS MTSAMS THAMS CAD DU GDAB PO, ,DE NAS THUGS KA NAS SPROS PA'I RDO RJE 'BAR BA'I 'OD ZER RNON POS STENG 'OG DANG PHYOGS MTSAMS BRGYAD PO KUN TU KHYAB PAS PHYOGS MTSAMS BCING BA BYAS NAS, SA GZHI BGEGS THAMS CAD DANG BRAL BAR BSAM PAR BYA'O, ,GNYIS PA LA BZHI, SA'I LHA MO LHAG PAR GNAS PA, DKYIL 'KHOR GYI LHA LHAG PAR GNAS PA, BUM PA LHAG PAR GNAS PA, SLOB MA LHAG PAR GNAS PA'I CHO GA'O, ,DANG PO NI, DKYIL 'KHOR GYI DBUS SU DRI'I THIG LE DANG ME TOG GI TSOM BU DGOD PA NAS, GNANG BA BYIN NAS SA LA THIM PA'I BAR SNGAR SA BSLANG BA'I SKABS BZHIN DU BYA BA'O, ,GNYIS PA LA GSUM, LHA GNAS MI 'CHOL BAR BYA BA'I PHYIR LAS KYI THIG GDAB PA, DKYIL 'KHOR GYI 'KHOR LO SPYAN DRANGS TE LHAG PAR GNAS PA'I CHO GA BYA BA, DKYIL 'KHOR GYI LHA LA GSOL BA GDAB PA'O, ,DANG PO NI, LAS THIG SNGON DU BTAB NAS, YE THIG RJES SU 'DEBS PAR SA RA HA DANG, NAG PO SPYOD PA DANG, AA BHYA DANG BI BHU TIS BSHAD PA LTAR BYA DGOS TE, YE THIG NI LAS THIG BYIN GYIS RLOB BYED YIN PA'I PHYIR RO, ,
LAS THIG 'DEBS PA'I DUS NI RDO RJE MKHA' 'GRO LA SOGS PA'I RGUD DANG, DKYIL CHOG PHAL MO CHER STA GON GYI 'OG DANG DNGOS GZHI'I SKABS SU 'DEBS PAR GSUNGS PA NI, NAM MKHA' LA 'DEBS PA LA SOGS PA'I KHYAD PAR 'GA' ZHIG MA GTOGS PA, SA LA 'DEBS PA LA SOGS PA'I CHO GA RNAMS THUN MONG BA LA DGONGS NAS, YI THIG GI SKABS SU DE LTAR GSUNGS SO, ,BSHAD RGYUD RDO RJE'I 'PHRENG BA LAS LHA STE GON GYI SNGON DU LAS THIG GDAB PAR GSUNGS PA'I RJES SU 'BRANGS NAS KLU'I BLOS SA CHOG ZIN PA'I 'OG TU LAS THIG GDAB PAR MDZAD DO, ,DE LTAR TSUL GNYIS BSHAD KYANG LAG LEN LA PHYI MA LTAR BYA DGOS TE, DPAL 'DZIN DANG LA BA PA DANG NAG PO SPYOD PA SOGS KYIS LHA STA GON GYI DRI'I BYUG PA RNAMS LHA RNAMS KYI GNAS SU BYA BAR GSUNGS SHING, MI THUB ZLA BAS KYANG, DKYIL 'KHOR GANG DU NGES PA YI, ,DKYIL 'KHOR DE NI DRI LNGA'AM, ,YANG NA GZHAN GYIS BYUG PAR BYA, ,ZHES TSON GYIS 'DRA BA'I DKYIL 'KHOR GANG DU LHA 'ONG BA'I GNAS NGES PA DER, LHA STA GON GYI DRI'I DKYIL 'KHOR BYA BAR GSUNGS LA, THIG MA BTAB NA DE 'DRA BA'I LHA'I GNAS NGES PA MI RTOGS PA'I PHYIR RO, ,DE LTAR NA LAS THIG GDAB PA LA GNYIS, LAS KYI THIG SKUD 'DU BYA BA DANG, LAS THIG GDAB PA'O, ,DANG PO NI, BSHAD RGYUD RDO RJE 'PHRENG BA LAS, LAS KYI THIG SKUD YI GE GSUM GYIS RNAM PAR SBYONG BA DANG, DE LA BSANG GTOR DANG ME TOG GIS MCHOD PA DANG SNGAGS BZLAS NAS LHAG GNAS BYA BAR GSUNGS LA, BHA BA BHA DRA SA LAS THAMS CAD PA'I THIG SKUD DU BSHAD
, ,CING DON YOD ZHABS KYIS DE NAS KHA DOG GCIG PA'I SKUD PA, LAS THAMS CAD PAR BYIN GYIS BRLABS PAS SA'I THIG GDAB LA ZHES BSHAD PAS, GSHER THIG GI THIG SKUD NI LAS THAMS CAD PA GANG YIN DU SKYED DGOS SO, , KLU'I BYANG CHUB KYIS LAS THIG 'DEBS MKHAN SLOB DPON DANG SGRUB GROGS KYIS BYA BA DANG, DPON SLOB GNYIS KYI SDOD SA DANG, KHA LTA PHYOGS NGES PA CAN GSUNGS SHING, 'PHRENG BA LAS DANG POR ZLUM SKOR GYI NYA'I MTSAN MA BYAS PA'I STENG DU THIG 'DEBS PA LA, DPON SLOB GNYIS KYI RKANG STABS DANG SLOB MAS RGYAB MI STON PAR 'GRO BA DANG, RDO RJE KHU TSUR GYIS THIG SKUD BZUNG BA SOGS BSHAD PAS, YE THIG GI SKABS SU BSHAD PA'I CHO GA THUN MONG BA RNAMS 'DIR YANG BLANG DGOS SO, ,THIG SKUD KYI RGYU NI GTZANG ZHING MA NYAMS LA 'JAM PA'I RAS BAL LAM, SKRA MA 'DRES PA'O, ,'PHRENG BAR YE THIG GI RGYU'I THIG SKUD DKAR PO LA DPA' BO'I RIN GYIS NYOS PA'I RAS BAL DANG, GZHON NU MA MA NYAMS PAS BKAL BA GDAM PA CAN DANG, KHA BSGYUR BA'I YE THIG SLOB DPON DANG SGRUB GROGS KYIS 'KHEL BA'I TSUL SO SOR BSHAD PAS, LAS THIG GI THIG SKUD NI SNGA MA LTAR BYA STE, DAM TSIG CAN GYIS BKAL BAS KYANG CHOG GO ,DE'ANG KHA DOG DKAR PO GSUM SGRIL 'JUR MDUD MED CING BKAL LEGS PA DPON SLOB GNYIS KYI MDZUB MO NAS SOR MO BZHI'I DBUS SU BCUG CING DRANGS NAS, RDO RJE KHU TSUR DU BYAS PAS MDZUB MO'I RGYAB SA LA SBYAR BA MA GTOGS PA, RING BA DKYIL 'KHOR GYI NYIS 'GYUR SBOMS SU SGO'I NYI SHU CHA, DKYIL 'KHOR
GZHAN DU LONGS MA SPYAD PA, DRI ZHIM PA'I CHU DANG BDUD RTZI LNGA DANG BA'I RNAM LNGAS BYUGS TE, THIG SKUD KYI MTHA' GNYIS DANG DBUS SU, AOm A'A: H'Um BKOD LA, DRIS BYUGS PA'I GSER LA SOGS PA'I SNOD GTZANG MAR BZHAG ,RANG GTZO BO'I RNAL 'BYOR DANG LDAN PAS BSANGS SPYANGS SNGON DU BTANG STE, RAL GRI GSHIN RJE GSHED DU BSKYED YE SHES PA GZHUG PA SOGS BYAS LA MCHOD DE, LAG PAS REG CING LAS THAMS CAD PA BZLAS LA BSRUNG, DE NAS MIG GA-YAS GA-YON MA DANG tA LAS NYI ZLA SER PO DANG, BADZRA DRI shtI MA tA ZHES PAS BRTAN PAR BYAS LA, LAS THAMS CAD PA BZLAS PA'I BDUD RTZI LNGA'I CHU DANG YUNGS KAR DANG DRI'I CHUS GTOR LA, RDO RJE DANG BCAS PA'I LAG PA GA-YAS PAS REG STE, AOm BADZRA SA MA YA S'U TRA M'A TI KRA MA H'Um ZHES BZLAS NAS, AOm A'A: H'Um PHAt SV'A H'A, ZHES BRGYA RTZA BRGYAD BZLAS TE, LHAG GNAS BYA'O, ,GNYIS PA LA GSUM, THIG CHEN BRGYAD GDAB PA, PHYI'I THIG RNAMS GDAB PA, NANG GI THIG RNAMS GDAB PA'O, ,DANG PO NI DE NAS DKYIL 'KHOR GYI SA LA AOm SARBA SAm SHO DHA NI H'Um PHAt CES PAS DRI'I CHUS BSANG GTOR BYAS TE GTZANG MAR BYA, DRIS BYUGS NAS PHYI ROL TU ME TOG GCAL DU DGRAM, NAM MKHA' LA BRI BYA'I DKYIL 'KHOR BZHUGS PAR DMIGS TE, MCHOD YON SNGON DU 'GRO BAS MCHOD CING BSTOD NAS, RANG GSHIN RJE GSHED SKABS SU GANG BAB KYI GTZO BO'I RNAL 'BYOR DANG LDAN PAS, RAL GRI GSHIN RJE GSHED DU BSKYED PA'I SLOB MA SLOB DPON LA RGYAB MI STON PAR 'GRO BA DANG LHAN CIG YI GE GSUM ZLOS SHING THIG GDAB STE, DE'ANG THOG MAR DKYIL 'KHOR GYI DBUS
, ,BTZAL LA JI LTAR RIGS PA'I ZLUM PO GCIG BSKOR, DE'I PHYOGS BZHIR THIG LE RE BYAS PA'I STENG DU ZLUM PO BZHIS BSKOR BAS NYA'I RI MOR 'GYUR RO, ,SLOB DPON NUB DANG SLOB MA SHAR NAS PHAN TSUN DU MNGON PAR PHYOGS TE, PHYOGS THAMS CAD RANG BZHIN MED PAR MNYAM PA NYID DO SNYAM DU MOS NAS, RANG DANG SLOB MA'I MIG GNYIS DZA LAS SKYES PA'I NYI MA DANG ZLA BA 'OD ZER SER PO CAN DU BSGOMS TE, SLOB DPON GYI GA-YON PA'I RDO RJE KHU TSUR GYIS LTE BAR THIG SKUD GZUNG LA, DZDZA: DZDZA: DZDZA: ZHES PA DANG DZA GSUM GYIS GTANG ZHING, SLOB MAS KYANG DE DAG BRJOD NAS DRANGS TE GA-YON PA'I RDO RJE KHU TSUR GYIS LTE BAR GZUNG LA, RANG RKANG PA GA-YON PA SKYIL KRUNG PHYED PA DANG, GA-YAS PA SA LA BTZUGS TE BSDAD SLOB MAS DE LAS BZLOG STE BSDAD NAS SHAR NUB KYI TSANGS THIG GDAB, SNGAR BSHAD PA BZHIN RKANG BA'I MTHIL DU RDO RJE BSKYED LA RKANG PA BYIN GYIS BRLABS TE, RDO RJE RKANG STABS KYIS GA-YAS SKOR DU SONG STE, SLOB DPON LHO DANG SLOB MA BYANG DU GNAS PAS LHO BYANG GI TSANGS THIG GDAB, SLOB DPON ME DANG SLOB MA DBANG LDAN DU GNAS PAS SHAR GYI RTZA THIG DANG, SLOB DPON RLUNG DANG SLOB MA BDEN BRAL DU GNAS PAS NUB DANG, SLOB DPON DE NYID DANG SLOB MA DBANG LDAN DU GNAS PAS BYANG DANG, (DMAR PO'I DKYIL CHOG GI DPE KHA CIG DANG, (NAG PO'I DKYIL CHOG LAS RTZA THIG BZHI'I RIM PA SHAR NUB LHO BYANG DU BYAS KYANG, DMAR PO'I DKYIL CHOG DAG PA LAS, SHAR NUB BYANG LHO'I RIM PA BZHIN BYAS PA MAR ME MDZAD BZANG PO'I DKYIL CHOG DANG BSTUN RGYU YIN PAS LEGS SO,) ,SLOB DPON ME DANG SLOB MA BDEN BRAL DU GNAS
PAS ? LHO'I RTZA THIG GDAB, SLOB DPON DE NYID DANG SLOB MA RLUNG DU GNAS PAS ZUR THIG DANG PO DANG, SLOB DPON BDEN BRAL DANG SLOB MA DBANG LDAN DU GNAS PAS ZUR THIG GNYIS PA GDAB BO, ,SKOR PHYOGS DANG RKANG STABS DANG SDOD SA DANG KHA LTA PHYOGS NI THIG LHAG MA 'DEBS PA RNAMS LA'ANG BYA'O, ,RDO RJE KHU TSUR GYIS THIG SKUD 'DZIN PA RGYUN DU MA NUS NA DANG PO LA BYA ZHING, LHAG MA LA CI BDER BYA'O, ,THIG SKUD TSAD NA BLA MA 'CHI ZHING, SNGAR BSHAD PA'I TSAD LAS RING THUNG DU GYUR NA BLA MA NAD KYIS 'DEBS PA DANG, SDOD SA'I PHYOGS 'PHYUGS NA SLOB MA LA SDUG BSNGAL BSKYED PAR BSHAD PAS, BAG DANG LDAN PAS THIG SKUD BSGRUB CING THIG GDAB, MTSAN MA NGAN NA BZLOG PA'I THABS BYA'O, ,MTSAN MA RTOG PA NI TSANGS THIG GNYIS 'DEBS PA'I DUS SU YIN PAR SH'ANTI PA DANG AA BHYA BZHED ,DE GNYIS DANG THIG CHEN BRGYAD DANG THIG THAMS CAD LA RTOGS PA'I LUGS GSUM YANG BSHAD DO, ,DE NAS RANG GTZO BO GANG YIN DU GSAL BA'I MIG GA-YAS GA-YON GNYIS HAm: LAS NYI MA DANG ZLA BAR BSKYED LA, KHRO BO'I LTA BAS PHYOGS THAMS CAD DU BLTA ZHING, HI: HI: ZHES BRJOD DE, LHA'I LUS SGYU MA LTA BUR DRAN BZHIN DU, THAR PA'I SGO'I GEGS SU GYUR PA'I SGRIB PA RNAMS DBYI BAR BYA'O SNYAM DU MOS LA, DRI BZANG PO'I CHUS SGO'I TSANGS THIG DANG RTZA THIG GNYIS PHRAD PA'I GA-YAS GA-YON CHA CHUNG GNYIS GNYIS TSANGS THIG DANG BCAS PA PHYIS LA SGO DBYI'O, ,GNYIS PA NI, DE NAS THIG LHAG MA RNAMS NI, KHRU LA SOGS PA'I RTZA THIG GIS, ,DBUS SU BRGYAD CHA PHYIS PA DE, ,SGO DE'I BZHI CHA CHA CHUNG STE, ,RTZA BA'I PHYI ROL
, ,GCIG DANG GNYIS, ,GCIG GNYIS GCIG DANG GCIG GI MTHAR, ,THIG DRUG ZUR NAS NGOS SU STE, ,TSANGS LAS RIM GYIS RING BAR NI, ,CHA CHUNG GSUM DU DANG PO'I THIG ,GNYIS THIG CHA CHUNG GNYIS RTZER REG ,CHA CHUNG BRGYAD DU GSUM STEGS BU'I, ,THIG LAS DRANG PO'I THIG BZHI STE, ,GSUM NI CHA CHUNG LNGA BZHI PA, ,CHA CHUNG BZHI DE'I DANG PO NI, ,NGOS THIG RTZE MOR YANG DAG REG ,GSUM NI CHA CHUNG RE RE'I BAR, ,BZHI PA'I RTZE NAS NGOS SU THIG ,CHA CHUNG BCU DANG LDAN PA'O, ,RTZA BA'I RTZE NAS BYUNG BA'I THIG ,CHA CHUNG BZHI PA NGOS STENG DU, ,CHA CHUNG GNYIS GNYIS THAD KAR NI, ,CHA CHUNG BRGYAD DE GSUM KHYOG PA, ,KA BA'I RTZE NAS PHYI NGOS SU, ,CHA CHUNG RE RE DOR BAR THIG ,BCU GCIG 'DI LA LNGA PA DANG, ,BDUN PA CHA CHUNG PHYED DANG GNYIS, ,YANG NA GSUM PA BDUN PA DANG, ,DGU PA CHA CHUNG RE RE'O, ,BZHI PA DRUG PA BCU PA RNAMS, ,SO SOR CHA CHUNG PHYED PHYED DO, ,LNGA NI CHA CHUNG PHYED DANG GNYIS, ,DE LA PHYOGS GNYIS SU NI RGYAR, ,TSANGS PA'I GA-YAS DANG GA-YON DU NI, ,CHA CHUNG PHYED BCAS MDA' YI MTHAR, ,SNAM BU CHA CHUNG PHYED DANG GSUM, ,THIG NI CHA CHUNG PHYED DANG BZHI, ,CHA CHUNG DRUG MTHAR GNYIS PA DANG, ,GSUM PA CHA CHUNG GSUM PA'O, ,CHA CHUNG BZHI MTHAR BZHI PA NI, ,CHA CHUNG LNGA STE MDA' PHYED BCAS, ,GSUM DOR NAS NI PHYED DANG LNGA, ,GSUM NAS DRUG PA CHA CHUNG LNGA, ,BZHI NI CHA CHUNG BDUN RNAMS TE, ,THIG BCU GCIG PA CHA CHUNG LNGA, ,SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,BDUN PA'I 'OG LA CHA CHUNG GSUM, ,STENG NI CHA CHUNG DRUG STENG DU, ,SNAM BU RNAMS MTHAR SON
PA'I THIG ,GZHAN GYI MTHA' DANG LHAN CIG STE, ,KYOG PO GCIG PA 'DI NANG DU'ANG, ,CHA CHUNG PHYED NAS DE BZHIN GZHAN, ,DE PHYIR CHA CHUNG RIG BYED MTHAR, ,THIG ZLUM DE NAS GNYIS YIN TE, ,CHA CHUNG GNYIS GNYIS DOR BAR RO, ,BZHI DOR BAR NI ZLUM PO GZHAN, ,DE RNAMS DKYIL 'KHOR GSUM GAL, ,THUN MONG YIN NO 'JIGS BYED LA, ,'OD 'PHRENG GI NI PHYI ROL TU, ,DUR KHROD DON DU CHA CHUNG BZHI, ,ZHES BYA BA STE, DMAR NAG GI DKYIL CHOG GI PHYI THIG KYANG RDO RJE 'PHRENG BA DANG MTHUN PAR BYAS NA LEGS PAR YOD PAS DE BZHIN DU GDAB BO, ,DE LA MDA' PHYED BCAS, GSUM DOR NAS NI PHYED DANG LNGA, ,ZHES SNAM BU LNGA PA'I SKABS SU MTHA' NAS MTHAR CHA CHUNG BCU DRUG DANG, SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,ZHES MTHA' NAS MTHAR CHA CHUNG BCU BZHI DANG, YANG RGYAL PO NYES PA GSUM NYI MA, ,ZHES SNAM BU LNGA PA'I SKABS SU MTHA' NAS MTHAR CHA CHUNG BCU GNYIS SU BSHAD PA RNAMS MI MTHUN PAS 'GAL LO SNYAM NA, SKYON MED DE DANG PO NI, SNAM BU LNGA PA'I STENG GI THIG GI MTHA' NAS MTHA'I BAR YIN LA, GNYIS PA NI SNAM BU LNGA PA'I KA BA NAS KA BA'I BAR YIN ZHING, GSUM PA NI KA BAS CHA PHRAN RE KHYER BA'I BAR GYI MUN SNAM RANG GI DBANG DU BYAS PA'O, ,RIGS PA 'DIS, BZHI NI CHA CHUNG BDUN RNAMS TE, ZHES SNAM BU BDUN PA'I SKABS SU MTHA' NAS MTHA' CHA CHUNG BCU BZHI DANG, STENG NI CHA CHUNG DRUG ,CES PA'I SKABS SU CHA CHUNG BCU GNYIS DANG, YANG RGYAL PO PHYOGS DANG MI RNAMS GSUM, ZHES SNAM BU BDUN PA'I SKABS SU MTHA' NAS MTHAR CHA CHUNG BCU BSHAD PA RNAMS
, ,MI 'GAL BA YANG SHES PAR BYA'O, ,'DIR RVA'I SKOR LUGS NI, TSANGS DANG MDA' YAB PHRAD PA NAS, ,CHA CHUNG BZHI DANG BZHI GSUM NI, ,SONG BAR CHA CHUNG DGU DANG NI, ,BZHI CHAS GA-YAS GA-YON PHYI RVA BSKOR, ,MDA' YAB TSANGS LAS CHA CHUNG NI, ,PHYED BCAS GSUM NAS THAD KAR GA-YAS, ,DRUG NAS PHYED BCAS BCU GNYIS KYIS, ,GA-YON BSKOR GA-YAS PA DE LAS LDOG ,CES PA'O, ,ZLUM THIG BYED PA'I TSE SENG LDENG GI PHUR BU STENG RDO RJE RTZE LNGA PA 'OG RDO RJE RTZE GCIG PA'I RNAM PA CAN, H'Um LAS SKYES PAR BSAMS NAS, AOm BADZRA K'I LI K'I L'A YA SARBA BIGHN'AN H'Um, ZHES PA BRGYA RTZA BRGYAD BZLAS NAS DKYIL 'KHOR GYI DBUS SU GDAB LA, AOm BADZRA MUNGGA RA BADZRA K'I L'A YA A'A KO tA YA H'Um H'Um PHAt CES BRJOD NAS BRDUNG NGO, ,PHUR BU MED NA BSAM GTAN GYIS KYANG RUNG NGO, ,GSUM PA NI, 'JIGS BYED BCU GSUM MA'I NANG THIG NI, RTZA THIG NAS NI CHA CHUNG GCIG ,NANG DU DOR BAR ZLUM PO'I THIG ,DE NAS NANG DU CHA CHUNG GCIG ,DOR BAR SLAR YANG ZLUM PA'I THIG ,LTE BA NAS NI PHYOGS BZHI RU, ,TSANGS THIG STENG NAS CHA CHEN GCIG ,CHA CHUNG GCIG GI SUM CHA RE, ,DOR BAR ZLUM PO LA REG THIG ,GCIG DANG DE YI PHYI DOS SU, ,CHA CHUNG RE RE DOR BAR NI, ,THIG GCIG SNGA MA BZHIN DU NI, ,GDAB BO LE'U TSE DGU YI THIG ,DMAR NAG GNYIS KYI NANG THIG NI, ,'DRA BAS PHYOGS GCIG TU BRJOD NA, ,LTE BA NAS NI TSANGS THIG STENG, ,PHYOGS RER CHA CHEN GNYIS SONG BA THIG ZUR GYI THIG LA REG PAR GDAB, ,DE YI MTHA' NAS NANG DU NI, ,CHA CHUNG GCIG NI DOR BA RU, ,SLAR YANG GRU BZHI PA YI THIG ,RDO RJE'I LTE BA'I PHYI THIG DANG, TSANGS
THIG PHRAD PA'I MTSAMS DANG NI, ,DE NAS CHA CHEN GCIG SONG BAR, ,RIM BZHIN GA-YAS DANG GA-YON DU NI, ,CHA CHUNG PHYED DANG CHA CHUNG RE, ,SONG BA NAS NI RTZA THIG LA, ,THUG PA'I DBUS RVA'I RTZE MO'I BAR, ,GA-YAS DANG GA-YON DU KYOG PO'I THIG ,LTE BA'I PHYI DANG TSANGS THIG GNYIS, ,PHRAD PA NAS NI CHA CHUNG GSUM, ,SONG BA'I MTSAMS NAS CHA CHUNG BZHI'I, ,THIG SKUD KYIS NI GA-YAS GA-YON BSKOR, ,SNGAR GYI MTSAMS NAS GA-YAS PHYOGS SU, ,CHA CHUNG PHYED DANG GNYIS NAS NI, ,CHA CHUNG BZHI YIS GA-YON NAS BSKOR, , DE BZHIN GA-YON NAS GA-YAS SU'ANG BSKOR, ,SNGAR BZHIN TSANGS THIG STENG NAD PHYIR, ,CHA CHUNG GSUM NI DOR BA NAS, ,GA-YAS SU CHA CHUNG BZHI CHA GCIG ,DOR NAS CHA CHUNG BZHI YIS BSKOR, ,DE BZHIN GA-YON NAS GA-YAS SU'ANG BSKOR, ,DMAR PO'I DKYIL CHOG LAS, NANG DU NI DKYIL 'KHOR GYI PHYED KYI TSAD KYIS SNA TSOGS RDO RJE'I LTE BA GRU BZHI PA RDO RJE'I 'PHRENG BAS BSKOR BA'O, ,DE NAS SGO'I BAR DU RTZE MO LNGA LNGAR RJES SU MTHUN PA'I CHA DBYE'O ZHES PA DANG, RDO RJE 'PHRENG BAR YANG RVA'I SKOR THIG MI GSAL YANG, (DMAR PO'I DKYIL CHOG GI DPE KHA CIG LAS, PHYI'I DKYIL 'KHOR GYI PHYED KYI TSAD NI ZHES PAS DPE MA DAG PA YIN LA, NAG PO'I DKYIL CHOG TU, NANG GI DKYIL 'KHOR GYI PHYED KYI CHA ZHES PA'ANG 'GYUR MA LEGS SO, ,RDO RJE'I 'PHRENG BAS ZHES PA'I DON NI, RDAR PHRENG LAS SNA TSOGS RDO RJE'I LTE BAR THIG GCIG GO , DE'I NANG DU CHA CHUNG GCIG DOR NAS RDO RJE PHRENG BA'I THIG GO ZHES GSAL BAR BSHAD DO,) ,RTA BABS DPANGS SU SGO TSAD GSUM MA'I RVA GA-YAS GA-YON GYI RVA PHYI MA RNAMS, PHYOGS RE'I SNA TSOGS RDO RJE'I LTE BA'I SUM CHAG GA-YAS DANG SUM CHAG GA-YON DU DOR BA'I MTSAMS NAS
, ,BYUNG BAS, 'DIR YANG DE'I RIGS PA SBYAR RO, ,'DIR DBUS RVA'I SRID LA SGO TSAD GNYIS LAS MED PAS, PHYI'I DBUS RVA'I SRID KYI TSANG KYI SGO TSAD GNYIS GNYIS BRI BAS DE'I RIGS PAS NANG MA LA RVA GZHAN GYI'ANG PHYED PHYED PHRI BA'O, SNA TSOGS RDO RJE'I LTE BA'I PHYOGS DANG, MTSAMS SU LHA 'GOD TSUL LA, RDZOGS 'PHRENG CHAG 'GYUR LAS, 'DIR RNAM PAR SNANG MDZAD LA SOGS PA NI, SNA TSOGS RDO RJE'I RVA'I RTZA BA RNAMS SU'O, ,RDO RJE'I RVA'I MTSAMS RNAMS SU RDO RJE'I TZA RTZI KA LA SOGS PA BZHI NI, ZHES 'BYUNG LA, RDZOGS 'PHRENG N'A DA SH'I LAS BSGYUR BA LAS, 'DIR RNAM PAR SNANG MDZAD LA SOGS PA NI, RDO RJE RGYA GRAM GYI RTZIBS KYI RTZA BA RNAMS LA'O, ,ZHES 'BYUNG STE, RVA RTZIBS SU BSGYUR BA MI LEGS LA, RVA RA BSGYUR BA LEGS SO, ,RNAM SNANG SOGS NI GTI MUG GSHIN RJE GSHED SOGS BZHI'O, ,RVA'I RTZA BAR DGOD CES PA LTAR NA, PHYOGS BZHI'I LHA'I GNAS KYIS RDO RJE'I 'PHRENG BA'I CHA CHUNG MNAN PA 'DRA BA ZHIG SNANG NA'ANG, RDOR 'PHRENG GI DGRA NAG GI TSON SA'I SKABS KYI CHAG 'GYUR LAS, SHAR DANG LHO LA SOGS PA'I RVA'I RTZA BA RNAMS SU, RTAG PA DANG, RIN CHEN DBANG PO DANG, SNANG BA MTHA' YAS DANG, DON YOD GRUB PA RNAMS KYI 'KHOR LO RTZIBS BRGYAD DKAR PO DANG, RIN PO CHE LJANG GU CHA DGU PA DANG, PADMA DMAR PO 'DAB MA BRGYAD PA DANG, RAL GRI LJANG GU RNAMS SO, ,SNA TSOGS RDO RJE'I ME DANG BDEN BRAL LA SOGS PA'I GRVAR, RDO RJE TZA RTZI KA DANG, RDO RJE PHAG MO DANG, RDO RJE DBYANGS CAN MA DANG, DKAR MO RNAMS KYI 'KHOR LO DANG, RDO RJE DANG, PADMA DANG, RAL GRI'O,
DE NAS RDO RJE PHRENG BA'O, ,ZHES NANG GI LHA BRGYAD KYI PHYI ROL TU RDO RJE PHRENG BA 'ONG BAR BSHAD CING, 'GYUR GZHAN LAS KYANG DE LTAR BSHAD PAS, LHA'I GNAS RNAMS NI RDO RJE PHRENG BA PHYIR BZHAG PA'I NANG DU BYA'O, ,DE LTAR NA GTZO BO GNYIS KYI GNAS LA CHA CHUNG DRUG DRUG DANG, PHYOGS BZHI'I LHA GNAS LA CHA CHUNG BZHI BZHIR BYA'O, ,DE LTAR THIG THAMS CAD THEBS PA'I MTHAR, THIG SKUD KYI LHA LA MCHOD GTOR PHUL BA'I 'OG TU, AOm A'A: H'Um MU:, ZHES PAS YE SHES PA GSHEGS LA THIG SKUD RANG GNAS SU BZHAG GO ,GNYIS PA NI, DE NAS DKYIL 'KHOR GYIS GZHI DRI ZHIM POS PHYUGS, ME TOG GCAL DU BKRAM LA BDUD RTZI LNGA DANG BCAS PA'I DRI ZHIM PO'I LDE GUS, RIGS LNGA'I GNAS SU GRU BZHI DANG, LHA GZHAN RNAMS DANG THOD PA'I GNAS SU ZLUM PO BYAS LA, ME TOG BKOD DAM MA BKOD KYANG RUNG STE, RANG GI SNYING GA'I SA BON GYI 'OD ZER GYIS SNGAR NAM MKHAR BTEG PA'I, RTEN DANG BRTEN PA'I DKYIL 'KHOR SPYAN DRANGS LA BZHUGS SU GSOL, PHYOGS DANG MTSAMS BCING BA SNGAR BZHIN DU BYAS LA, LHA RE RE ZHING MCHOD PA RGYAS PA DANG, BSTOD PA DANG BDUD RTZI MYANG BA BYA'O, ,GSUM PA NI, DE NAS PUS MO GA-YAS PA'I LHA NGA SA LA BTZUGS, LAG PA GA-YAS PAS SPOS PHOR BTEG ,GA-YON PAS DRIL BU 'KHROL ZHING LCE H'Um LAS SKYES PA'I RDO RJER BSAMS LA, AOm BADZRA DZA HV'A, ZHES PAS BYIN GYIS BRLABS TE, 'KHOR LO'I DBANG PHYUG DANG SANGS RGYAS RNAMS LA GSOL BA GDAB PAR BYA STE, BCOM LDAN GSHIN RJE GSHED RDO RJE, ,RIG PA'I RGYAL MCHOG KHYOD LA 'DUD, ,SLOB MA RNAMS LA
, ,BRTZE BA DANG, ,KHYED RNAMS LA YANG MCHOD PA'I PHYIR, ,MGON PO THUGS RJE'I BDAG NYID CAN, ,DKYIL 'KHOR 'DRI BAR BDAG 'TSAL LO, ,DE PHYIR BCOM LDAN BDAG GUS LA, ,BKA' DRIN GNANG BAR MDZAD PAR RIGS, ,SANGS RGYAS 'GRO 'KHOR BYA DON STZOL, ,BYANG CHUB SEMS DPA' 'BRAS GNAS DANG, ,GZHAN YANG GANG DAG GSANG SNGAGS LHA, ,LHA DANG 'JIG RTEN SKYONG BA DANG, ,'BYUNG PO BYANG CHUB BSTAN GNAS DANG, ,SEMS CAN BSTAN LA MNGON DGA' BA, ,GANG SU RDO RJE'I SPYAN LDAN RNAMS, ,BDAG LA YANG DAG DGONGS SU GSOL, ,RDO RJE 'CHANG CHEN CHE GE BDAG ,GSHIN RJE GSHED KYI DKYIL 'KHOR NI, ,JI LTAR NUS PA'I NYER SPYOD KYIS, ,'GRO BA SBYANG PHYIR 'DRI BAR BGYI, ,DENG BDAG SLOB MAR BCAS PA LA, ,RJES SU BRTZE BAR NYER BZUNG NAS, ,'DUS PA THAMS CAD DKYIL 'KHOR DU, ,NYE BAR GNAS PAR MDZAD PAR RIGS, ,ZHES LAN GSUM BRJOD NAS GSOL BA GDAB STE, GNANG BA BYIN PAR BSAMS LA MCHOD DE, SNGAR GYI SNGAGS RGYAS DKYIL 'KHOR BTEG LA NAM MKHAR DGOD PAR BYA'O, ,GSHIN RJE GSHED KYI DKYIL 'KHOR NI ZHES PAR SKABS SU GANG BAB KYI GSHIN RJE GSHED KYI MTSAN GZHUG GO ,GSUM PA NI, BUM PA LHAG GNAS LA BUM PA'I GRANGS NI, DKYIL CHOG RNAMS LAS LHA BCU GSUM THOD PA BZHI STE BCU BDUN LA BUM PA BCU BDUN, LAS THAMS CAD PA'I BUM PA DANG BCO BRGYAD DU BSHAD PA NI, BUM PA RGYAS PA LA DGONGS TE 'DIR DKYIL 'KHOR GSUM GA LA 'DRA'O, ,RVA LUGS PA SNGA MAS 'JIGS BYED BCU GSUM MA LA BUM PA BCU GSUM
RNAM RGYAL DANG LAS BUM STE BCO LNGAR 'DOD LA, RVA LUGS PA PHYI MA KHA CIG BUM PA LHA GRANGS DANG MNYAM PA ZHES 'DOD KYANG, GTZO BO'I BUM PA DANG DE'I DUNG CHOS LAS GZHAN PA'I RNAM RGYAL GYI BUM PA 'OD DON MED LA, LHA GRANGS DANG MNYAM PAS MI CHOG GI THOD PA BZHI'I BUM PA DANG LAS BUM DANG LAS BUM YANG RGYAS PA LA DGOS SO, ,BSDU NA RDOR 'PHRENG LAS, LHA BUM GCIG DANG LAS BUM STE GNYIS SU'ANG RUNG NGO, ,BUM PA RNAMS RTZA BA STE, ZHABS STEGS DANG NAG NOG MED PA, MCHU 'PHYANG BA MGRIN PA RING BA GSUS PA CHE BA STE NAG NOG MED PA NI RANG BZHIN GYIS DKAR NA DES CHOG LA, DE LTA MIN NA 'BRAS BTAGS PA'AM THOD LE KOR RAM TZANDAN GYI LDE GUS DKAR POR BYA STE, RDO RGYUS DANG SA DKAR GYIS KYANG BYUGS PAR BSHAD DO, ,BUM PA'I MTSAN MA NI CHOS 'BYUNG GI DBUS SU PADMA DANG NYI MA LA GNAS PA'I GTZO BO'I SA BON DANG, BUM PA GZHAN RNAMS LA PADMA LA GNAS PA'I ZLE BA 'AM NYI MA'I STENG DU, RANG RANG GI SA BON NAM PHYAG MTSAN BRI STE BUM PA RGYAS PA LA'O, ,BUM PA GNYIS LAS MED NA GCIG LA PHYOGS BZHIR RIGS BZHI'I MTSAN MA DANG, GTI MUG GSHIN RJE GSHED KYI MTSAN MA'I STENG DU GTZO BO'I MTSAN MA BYA ZHING, LAS BUM LA LAS THAMS CAD PA'I LHA'I MTSAN MA BYA'O, ,BLA MA KHA CIG NA RE GSHIN RJE GSHED KYI LAS NTHAMS CAD PA'I LHA NI RGYA GZHUNG RNAMS LAS GSAL PAR MA BSHAD LA, SNGA MA KHA CIG GTZO BO ZHAL GCIG PHYAG GNYIS PA DANG, KHA CIG BDUD RTZI 'KHYIL PA DANG, KHA CIG RAL GRI GSHIN RJE GSHED DU BSGOM PAR 'DOD CES GSUNG MOD KYANG, RAL GRI GSHIN RJE GSHED NYID LAS THAMS CAD PA'I LHA YIN PAR DKYIL
, ,CHOG GNYIS KA'I DGONGS PA YIN PAS MTSAN MA DANG SA BON 'ANG DE BZHIN DU BYA'O, ,(NAG PO'I DKYIL CHOG LAS, YE THIG SGRUB PA'I SKABS SU, SKUD PA 'KHEL BA RAL GRI GSHIN RJE GSHED DANG LHAN CIG TU SKUD PA BSGRIL BAR BYA'O, ,ZHES GSUNGS PA DMAR PO'I DKYIL CHOG GI RANG DON DU SNANG ZHING, DE NI THIG SKUD 'DZIN PA'I SLOB MA LAS THAMS CAD PAR BSKYED PAR BSHAD PA DANG DON GCIG YIN PAS, 'DIR LAS THAMS CAD PA'I LHA MI GSAL BA MA YIN NO), ,GOS DKAR PO LA SOGS PA SNA LNGA GANG RUNG ZUNG GIS MGUL PA PHROG GSUM PA'I TSUL GYIS BCING, H'Um LAN BDUN BZLAS PA'I SRAD BU DKAR BO BDUN GYIS AOm BADZRA SHE KHA RA RU tA MA tA DI SHAM BANDHA H'Um ZHES PAS MGUL CHINGS DKRI, DE NAS BUM PA LA GU GUL GYIS BDUG ,LAS THAMS CAD PA'I SNGAGS BZLAS PA'I YUNGS KAR GYIS BRDEGS LA BGEGS BSKRAD CING, CHU GTZANG MA SROG CHAGS MED PA DRI BZANG DANG BSRES PAS RAN PAR DGANG, DE DAG GI NANG DU RIN PO CHE LNGA 'BRU LNGA SMAN LNGA DRI LNGA LA SOGS PA GZHUG ,LO MA DANG ME TOG DANG BCAS PA'I YAL 'DAB KYIS KHA BRGYAN PA'I STENG DU, DRI BZANG DANG BDUD RTZI LNGA DANG BCAS PA'I DUNG CHOS KYI CHU LA, AOm BADZRA AA MRi TA AU DA KA thA H'Um, ZHES LAN BDUN BZLAS PAS RDO RJE BDUD RTZI'I CHUR BYIN GYIS BRLABS LA, RNAM RGYAL BUM PA'I STENG DU BZHAG ,DE'I STENG DU RDO RJE LA ME TOG GI 'PHRENG BA BTAGS PA BZHAG LA, ME TOG GAM KU SHA'I GDAN GYI STENG DU GNAS MA 'CHOL BAR BZHAG ,LAS BUM DBANG LDAN DU BZHAG GO ,DE NAS BUM PA RNAMS LAS THAMS CAD PAS BSANGS SH'U NYA T'AS STONG PAR SBYANGS STONG PA'I NGANG LAS BAm LAS BYUNG BA'I RIN PO CHE'I BUM PAR BSKYED, ,('DIR DMAR NAG GI
DKYIL CHOG GNYIS KA LAS, BUM PA RNAMS LHA SO SO'I SNGAGS LAS BYUNG BA'I LHA'I 'KHOR LO BSKYED PA 'DRA BA GCIG 'GYUR BA NI, BUM PAR SNGAGS LAS LHA'I 'KHOR LO BSKYED PA LA BYA'I, BUM PA NYID LHAR BSKYED PA LA MI BYA'O,) ,AOm T'APTE T'APTE MAH'A T'APTE SV'AH'A, ZHES BZLAS PAS DRANGS PA'I LHA'I CHU BO GI G'A DANG BUM PA'I CHU GNYIS DBYER MED PAR MOS LA, BUM PA RGYAS PA YOD NA BUM PA RE RER RANG RANG GI PAD NYI DANG PAD ZLA'I GDAN BSKYED LA RANG RANG GI SA BON DGOD, BUM PA GNYIS LAS MED NA RNAM RGYAL GYI BUM PA PHYI BUM PA LA NANG GZHAL YAS KHANG GI RNAM PA CAN DU BSKYED PA'I NANG DU, LHA RANG RANG GI GDAN GYI STENG DU, YAKshE MA MED LA SOGS PA'I SA BON DGOD, LAS BUM DU RAL GRI GSHIN RJE GSHED KYI SA BON DGED, SA BON YONGS SU GYUR PA LAS THOD PA BZHI DANG, LHA BCU GSUM GYI PHYAG MTSAN SA BON GYIS MTSAN PA 'OD ZER 'PHRO BA RNAMS YONGS SU GYUR PA LAS LHA BCU GSUM GYI 'KHOR LOR BSKYED, MTSAN MA RNAMS KYANG LHAR BSKYED MIG LA SOGS PA'I SKYE MCHED DANG SKU GSUNG THUGS SGRUB THABS BZHIN BYIN GYIS BRLAB, SO SO'I SGRUB THABS BZHIN DBANG BSKUR LA, YE SHES KYI 'KHOR LO SPYAN DRANGS TE MCHOD YON LA SOGS PA PHUL NAS, DGUG GZHUG BCING ZHING DBANG DU BYAS LA MCHOD BSTOD BDUD RTZI MYANG BA BYAS TE, BUM PA GNYIS LAS MED NA RNAM RGYAL GYI STENG GI RDO RJE LA BTAGS PA'I ME TOG GI 'PHRENG BA GA-YON PA'I RDO RJE KHU TSUR GYIS BZUNG LA, SO SO'I SNGAGS BRGYA RTZA BRGYAD DANG CHU LA AOm BADZRA AU DA KA H'Um ZHES PA BRGYA RTZA BRGYAD BZLA, BUM PA SO SOR YOD NA RDO RJE ME TOG GI PHRENG BA CAN BUM PA SO SO'I STENG DU
, ,SPOS LA SO SO'I SNGAGS BZLA, LAS BUM LA AOm KHANGGA DHI KA H'Um PHAGS BRGYA RTZA BRGYAD BZLA'O, ,BZLAS PA'I DMIGS PA NI RGYA GZHUNG RNAMS NAS MI GSAL LO, ,BLA MA RVA LO TZ'A BAS RANG GI THUGS KA NAS SNGAGS KYI PHRENG BA GZUNG THAG LA 'KHRIL TE BUM PA'I NANG GI LHA'I THUGS RGYUD BSKUL, BDUD RTZI'I RGYUN BABS PAS BUM PA GANG BAR BSAM ZHING BZLAS PAR BYA ZHES GSUNGS PA LTAR BYAS KYANG RUNG NGO, ,DE 'DRA BA'I TSUL GYIS THUN GSUM DU BZLAS PA'I MTHAR, HR'I: shtRI: DANG H'Um LAN BDUN BZLAS PA'I DUNG CHOS KYI CHU YIS MCHOD YON DBUL ME TOG DKAR PO GSUM GZHUG ,LHA'I 'KHOR LO RNAMS ZHU NAS BUM PA'I CHUR GYUR PAR BSAM, BUM PA GZHAL YAS KHANG DANG MTSAN MA LHAR BSKYED PA RNAMS KYANG BUM PA DANG MTSAN MA'I RNAM PAR GYUR PAR BLTA'O, ,DE NAS ME TOG LA SOGS PAS MCHOD DE LAS BUM GYI CHUS DE'I KHA RGYAN GYI YAL 'DAB NYID KYIS BSANGS TE, DKYIL 'KHOR GYI BYA BA RNAMS RDZOGS PA DE SRID DU BGEGS RNAMS ZLOG PAR MDZOD CIG CES BRJOD LA, BUM PA RNAMS LA GA BUR DANG, AA KA RUS BDUGS PA'I RAS KYIS DAG PA LA GNAS DBEN PAR SBA, RANG DANG SLOB MA LA BSANG GTOR BYA BA'I DON DU LAS BUM KU SHA'I CHUN PO DANG BCAS PA SHAR SGO'I BYANG DU BZHAG GO ,BUM BZLAS DANG MCHOD PA NI NYI MA RA RE LA THUN GSUM GSUM MAM GCIG TU BYA'O, ,BZHI PA LA LNGA, KUN SLONG BCOS SHING NANG DBANG BSKUR BA DANG, GSOL BA GDAB CING 'DZIN DU GZHUG PA DANG, SDOM PA GZUNG ZHING BYIN GYIS BRLABS PA DANG, SO SHING DOR ZHING KHYOR CHU SOGS GSUM
SBYIN PA DANG, SPRO BA BSKYED CING BSRUNGS TE RMI LAM BRTAG PAR GDAMS PA'O, ,DANG PO NI, GANG GI CHA BRTZE BA CHEN PO'I GZHAN GYI DBANG DU GYUR PAS DBANG BSKUR BA LA SOGS PAS SLOB MA BSDU BAR 'DOD NA, DE'I TSE DKYIL 'KHOR GYI GNAS LAS PHYI ROL TU RIGS DANG GZUGS DANG LANG TSO DANG, DANG PA DANG THOS PA DANG GTONG BA DANG RNAL 'BYOR, (,DMAR PO'I DKYIL CHOG LAS, DKYIL 'KHOR GYI KHANG PA'I PHYI ROL TU ZHES PA 'BYUNG YANG NAG PO'I DKYIL CHOG LAS, DKYIL 'KHOR GYI GNAS LAS PHYI ROL ZHES PA 'GYUR LEGS SO), ,LA SOGS PA DANG LDAN ZHING, SNGAGS KYI LAM DON DU GTER BA'I SLOB MA DANG, YON TAN DE RNAMS TSANG BA MED KYANG DKON MCHOG GSUM LA SKYABS SU SONG DGE BCU'I LAS KYI LAM LA YANG DAG PAR GNAS PA'I SLOB MA LAS BUM GYI CHUS KHRUS DANG MAndAL BYAS PA RNAMS PHYAG BYAS NAS LAG NA ME TOG THOGS TE GNAS PA LA, RANG GI BSLAB LDAN 'KHOR BZHI PO, ,THEG CHEN BLO CAN RNAMS LA NI, ,DE BZHIN GSHEGS PAS GSUNGS PA YI, ,YANG DAG CHO GA RJES SU GNANG, ,LA LA GSANG SNGAGS SGRUB DON GNYER, , 'DI NA DKYIL 'KHOR 'JUG PAR BYED, ,BSOD NAMS 'DOD PAS DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DAD PAS MANG DU BYED PA YIS, ,BLO LDAN DKYIL 'KHOR 'JUG BYA YAm, ,TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES BRJOD LA, TSE 'DI'I MNGON MTHO TZAM 'DOD NAS SNGAGS SGRUB PA'I PHYIR DU 'JUG
, ,PA DANG, TSE PHYI MA'I MNGON MTHO TZAM 'DOD NAS BSOD NAMS 'DOD NAS 'JUG PA DANG, 'JIG RTEN 'DI PHYI'I MNGON MTHO TZAM LAS GZHAN SKU GSUM GYI GO 'PHANG DON DU GNYER NAS DKYIL 'KHOR DU 'JUG PA GSUM LAS, SNGA MA GNYIS LTAR MI BYA BAR PHYI MA LTAR KYI BSAM PA BSKYED DGOS PA RGYU MTSAN DANG BCAS PA'I CHOS BSHAD PAS, DON DU GNYER BYA MCHOG LA SPRO BA'I KUN SLONG BCOS TE, RANG GTZO BO GANG YIN DU GSAL BA'I THUGS KA'I SA BON GYI 'OD ZER GYIS, SLOB MA RE RE NAS RANG GI ZHAL DU BCUG PA RDO RJE'I LAM NAS 'THON PA YUM GYI PADMAR GNAS PA LA, SNYING GA'I SA BON GYI 'OD ZER GYIS RIGS LNGA YAB YUM BKUG STE, KHA NAS ZHUGS SHING ZHU BAR GYUR PA, RDO RJE'I LAM NAS 'THON PAS DBANG BSKUR BAS ZHU BA'I THIG LE LAS, GTI MUG GSHIN RJE GSHED DU BSKYED PA PADMA LAS PHYUNG STE RANG RANG GI GRAL LA BZHAG GO ,GNYIS PA NI, BLA MA DANG DKYIL 'KHOR GYI GTZO BO THA MI DAD PAR BLTAS LA, M'A MA K'I DANG LHAN CIG SBYOR, ,DGA' CHEN KHYOD BDAG STON PA STE, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG MCHOG TU, ,MGON POS BDAG NI GZHUG TU GSOL, ,ZHES DON DRAN BZHIN PAS 'DUN PA DRAG POS GSOL BA LAN GSUM GDAB BO, ,M'A MA KI DANG LHAN CIG SBYOR, ,ZHES PA DGRA NAG LA DKYIL CHOG TU MA BYUNG BA LTAR BYA LA, ,
'JIGS BYED DANG GSHED DMAR LA NI RO LANGS MA DANG LHAN CIG SBYOR BA'I DON NO, ,DE NAS SLOB MA GCIG GTZO BOR BYAS TE DE'I SGO NAS THAMS CAD LA 'DI SKAD CES BU TSUR SHOG CIG THEG CHEN PO, ,GSANG SNGAGS SBYONG TSUL CHO GA NI, ,KHYOD LA YANG DRAG BSTAN PAR BYA, ,KHYOD NI TSUL CHEN SNOD YIN GYIS, ,SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS, ,RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, ,GSANG SNGAGS SBYOR BA MNYAM MED PA, ,GANG GIS SH'AKYA SENG GE SOGS, ,MCHOG RNAMS KYIS NI BDUD KYI SDE, ,MI BZAD CHEN PO STOBS CHEN BCOM, ,'JIG RTEN RJES 'JUG RTOGS NAS NI, ,'KHOR LO BSKOR NAS MYA NGAN 'DAS, ,DE BAS KUN MKHYEN THOB BYA'I PHYIR, ,BU YI BLO GROS 'DI GYIS SHIG ,CES BYA BA'I DON BSHAD LA MOS PA BRTAN PO 'DZIN DU GZHUG GO ,GSUM PA NI, DMAR NAG LA NI DE GNYIS KYI DKYIL CHOG NAS STA GON ZIN PA'I 'OG TU RIGS LNGA'I SDOM PA GZUNG BA BSHAD PA LTAR 'CHAD PAR 'GYUR LA, 'JIGS BYED LA NI RVA LO'I SKABS 'DIR SDOM PA GZUNG BAR BZHED PA LTAR DON YOD ZHEBS KYIS KYANG BSHAD DO, ,THEG PA CHEN PO GNYIS DANG BYA BA'I RGYUD LA SOGS PA DANG, THUN MONG BA'I SDOM PA GZUNG BA NI, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,RANG GZHAN DON NI RAB SGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED
, ,BGYIS NAS, ,SEMS CAN THAMS CAD BDAG GIS MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES LAN GSUM BRJOD LA BYANG CHUB SEMS DPA'I SDOM PA GZUNG NGO, DE LTAR BYED PA NI DPAL 'DZIN GYIS BYANG CHUB TU SEMS MA BSKYED PA RNAMS BSKYED PAR BYA'O, ,BSKYED PA NI DRAN PAR BYA'O, ,ZHES GSUNGS PA'I DON NO, ,RIGS LNGA'I SDOM PA GZUNG BA'I CHO GA NI 'OG TU STON NO, ,DE NAS SLOB MA LA LAS THAMS CAD PA BZLAS PA'I DRI'I CHU YIS GTOR NAS BSRUNGS LA, ,SKU GSUNG THUGS BYIN GYIS BRLAB PA NI, DE RNAMS KYI SNYING GAR YI GE H'Um LAS RDO RJE DANG, MGRIN PAR YI GE A'A: LAS PADMA DANG, MGO BOR YI GE AOm LAS 'KHOR LO STE, DE RNAMS LA SA BON DE DAG BKOD LA, H'Um A'A: AOm ZHES BRJOD CING RDO RJE KHU TSUR GYIS DRI SNYING GA DANG MGRIN PA DANG MGO BOR BYUG PAR BYA'O, ,DE NAS DE DAG GI MGO BOR ME TOG DANG, MDUN DU SPOS DANG, SNYING GAR DRI DANG, MDUN DU MAR ME SBYIN PAR BYA STE, THAMS CAD LA LAS THAMS CAD PA'I SNGAGS BZLA'O, ,BZHI PA NI, SO SHING DOR BA NI 'O MA CAN GYI SHING HA CANG SBOM PA DANG PHRA BA MIN PA, DRANG ZHING TSIGS MED PA MA GAS PA RMA MED PA, MGO MJUG MNYAM PA, DRI'I CHUS BKRUS SHING BDUG PAS BDUGS PA, SOR BCU GNYIS PA RTZE MOR ME TOG BCINGS PA, SLOB DPON BYANG DU PHYOGS TE YI GE GSUM BZLAS NAS SLOB MA LA BYIN LA, SA LA LAS THAMS CAD PAS BSNGAGS NAS, DRI BZANG DANG BA BYUNG GIS BA'I KO BA'I SRAB 'THUG TZAM DU KHRU BZHI PA GRU BZHIR BYUGS NAS, SLOB MA KHA SHAR RAM BYANG DU PHYOGS
PAS, AOm BADZRA H'A SA HA ZHES BRJOD NAS RTZE MO NAS 'CHOS TE MIG STENG DU BLTA ZHING BLTOS PA MED PAR MAndAL GYI STENG DU DOR RO, ,RTZE MO STENG DU BLTAS NA RIG 'DZIN, BLA MA LA PHYOGS NA MCHOG ,THUR DU BLTAS NA, SA 'OG, SHAR, BYANG, NUB, LHOR BLTAS NA ZHI RGYAS DBANG DRAG 'GRUB LA, ,PHYI ROL TU LHUNG NA DNGOS GRUB MED DO, ,KHYOR CHU SBYIN PA NI BAm LAS BYUNG BA'I CHU BAm BZLAS PA KHA BSHAL BA'I PHYIR BYIN NAS LAS THAMS CAD PA LAN BDUN BZLAS PA'I DRI ZHIM PO'I CHU KHYOR BA GSUM, (DMAR NAG GI DKYIL CHOG LAS KHA BSHAL BA'I CHU DANG CHU KHYOR BA GSUM GCIG LTA BUR BSHAD KYANG, RDOR 'PHRENG LAS DE GNYIS SO SOR BSHAD PA LTAR BYED PA LEGS SO,) ,AOm HR'I: SU BI SHUDDHA DHARMA SARBA P'A PAm NI TZ'A AA SYA BI SHO DHA YA SARBA BI KALP'AN AA PA NA YA H'Um, ZHES BZLAS TE 'THUNG DU BCUG PAS SGO GSUM GYI SDIG PA THAMS CAD SBYANGS PAR BSAM MO, ,KU SHA SBYIN PA NI H'Um LAS BYUNG ZHING DE'ANG LAS THAMS CAD PA BZLAS PA'I KU SHA MANG PO RTZE MO MA NYAMS PA STAN DU GDING BA'I DON DANG, DE BZHIN DU SNGAS KYI DON DU YI GE DH'I: LAS SKYES SHING DE DANG 'KHYIL PA BZLAS PA'I KU SHA GCIG AOm BADZRA TIKshnA BAm ZHES PA'I SNGAGS KYIS SBYIN NO, ,SRUNG SKUD BCINGS PA NI SRAD BU DMAR PO SLOB MA'I LUS TSAD DANG MNYAM PA SUM SGRIL MDUD PA GSUM DANG LDAN PA H'Um LAS SKYES SHING, LAS THAMS CAD PA BZLAS PA DPUNG PA GA-YON PA LA AOm BUDDHA MEE TRI RAKshA RAKshA SARB'AN SV'AH'A ZHES PAS BCING NGO, ,LNGA PA NI, 'JIG RTEN DU NI KUN MKHYEN RNAMS, ,RES 'GA' 'BYUNG YANG MI 'BYUNG SRID, ,AU DUMBA RA'I ME TOG BZHIN, ,BRGYA LAM NA NI RES 'GA' 'BYUNG, ,GANG GIS SEMS
, ,CAN MNYAM MED DON, ,MYA NGAN MI 'DA' BYED PAR NUS, ,GSANG SNGAGS SPYOD PA'I TSUL 'BYUNG BA, ,DE BAS KYANG NI SHIN TU DKON, ,BSKAL PA BYE BA DU MA RU, ,SNGON BYAS SDIG PA CI MCHIS PA, ,DKYIL 'KHOR 'DI 'DRA MTHONG BA YIS, ,DE DAG THAMS CAD ZAD 'GYUR NA, ,GRAGS PA MTHA' YAS GSANG SNGAGS KYI, ,SPYOD TSUL LA GNAS SMOS CI DGOS, ,SKYOB PA'I GSANG SNGAGS BZLAS NA NI, ,GO 'PHANG BLA NA MED PAR 'GYUR, ,SPYOD MCHOG 'DI LA GANG RNAMS KYI, ,BLO GROS SHIN TU DRI MED NA, ,DE RNAMS KYI NI SDUG BSNGAL KUN, ,'BYUNG BA'I NGAN 'GRO YANG DAG BCAD, ,BDAG NYID CHEN PO KHYED RNAMS KYIS, ,DE RING RNYED PA MNYAM MED RNYED, ,GANG GIS KHYED RNAMS RGYAL BA KUN, ,BDAG NYID CHEN PO SRAS BCAS KYIS, ,BSTAN PA 'DI LA THAMS CAD NI, YONGS? SU BZUNG ZHING SKYE 'GYUR BA, ,DE YIS KHYED RNAMS THEG CHEN LA, ,LEGS PAR SKYE BA NYID DU 'GYUR, ,THEG PA CHEN PO CHER 'BYUNG BA'I, ,LAM MCHOG 'DI NI DPAL DANG LDAN, ,GANG LA KHYED RNAMS 'GRO 'GYUR BAS, ,DE BZHIN GSHEGS PAR 'GYUR BA YIN, ,ZHES PA'I DON BSHAD NAS GSANG SNGAGS LA SPRO BA BSKYED DO, ,DE NAS KU SHA'I SNGAS DANG STAN GYI STENG DU NYAL DU GZHUG STE, RMI LAM GANG CUNG ZAD MTHONG BA SANG NANG BAR NGA LA SMROS SHIG CES BSGO'O, ,GAL TE RMI LAM MI DGE BA'I MTSAN MA SMAN, DE'I TSE LAS THAMS CAD PA'I SNGAGS KYIS GZHOM MO, ,SKABS 'DIR DMAR NAG GNYIS KA'I DKYIL CHOG LAS, SLAR DE RNAMS YANG DAG PAR BSRUNGS LA SDOM PA 'DZIN DU GZHUG STE, 'KHOR LO PHYIR MI LDOG PA'I DBANG, ,DAM PA BDAG LA STZAL NAS NI, ,
MGON PO 'KHOR LO LHA DAG GI ,DE NYID SLOB DPON 'PHRIN LAS DANG, ,SANGS RGYAS KUN GYI DAM TSIG DANG, ,SDOM PA GSANG MCHOG RTAG TU NI, ,SEMS CAN KUN GYI DON BGYID PHYIR, ,SLOB DPON BDAG 'GYUR GSUNG DU GSOL, ZHES BRJOD DU BCUG NAS RIGS LNGA'I SDOM PA GZUNG BAR GSUNGS TE, DMAR NAG GI BCU GSUM MA GNYIS KA LA DE LTAR BYA'O, ,BUM PA LHAG GNAS DANG SLOB MA LHAG GNAS NI, DMAR NAG GI DKYIL CHOG GNYIS KA LAS DKYIL 'KHOR BRIS TE, BSGRUBS SHING MCHOD BSTOD SOGS BYAS PA'I 'OG TU BYED PAR GSUNGS PA LTAR BYAS KYANG CHOG MOD KYANG, BLA MA GONG MA RNAMS KYIS DE GNYIS STA GON GYI SKABS SU MDZAD PA LTAR YANG MI 'GAL BAS DE BZHIN DU BKOD DO, ,GSUM PA LA GSUM, YE THIG GDAB CING TSON DGYE BA DANG BUM PA DGOD CING DKYIL 'KHOR BRGYAN PA DANG, BSGRUBS SHING MCHOD NAS DBANG BSKUR BA'O, ,DANG PO LA GNYIS, ,YE THIG GDAB PA DANG MTSON DGYE BA'I CHO GA'O, ,DANG PO LA GNYIS, YE THIG 'DU BYA BA DANG, 'DEBS PA'I RIM PA GSHEGS GSOL DANG BCAS PA'O, ,DANG PO NI, SGRUB THABS SGOM PA SNGON DU BTANG NAS SNGAR BSHAD PA LTAR GYI THIG SKUD DKAR PO LNGA TSAN LNGA SNOD LNGAR BZHAG LA YUNGS KAR GYI PHYE MA DANG BDUD RTZI LNGA DANG DRI ZHIM PO BSRES PA'I TSON SNA LNGAS SKUD PA RNAMS SO SOR KHA BSGYUR THIG SKUD NAG PO YA LAS ZHE SDANG GSHIN RJE GSHED DANG, DKAR PO KshE LAS GTI MUG GSHIN RJE GSHED DANG, SER PO MA LAS PHRA MA GSHIN RJE GSHED DANG, DMAR PO MA LAS 'DOD CHAGS GSHIN RJE GSHED DANG, LJANG GU DE LAS PHRAG DOG GSHIN
, ,RJE GSHED DU BSKYED LA, SA BON DE RNAMS BZLAS TE SNOD GTZANG MAR BZHAG ,SLOB DPON RANG GTZO BOR GSAL BAS SLOB MA RAL GRI GSHIN RJE GSHED DU BSKYED PA LA BYIN LA LAG PA GA-YON PA'I SOR MO'I RTZE MO NAS MTHE BO'I RTZA BA'I BAR DU, NAG DKAR DMAR SER LJANG BA'I RIM PAS BKOD NAS BRKYANG LA, SNGAR NAM MKHAR BZHUGS SU GSOL BA'I DE BZHIN GSHEGS PA LNGA'I THUGS KAR, YAKshE LA SOGS PA LAS GRUB PA'I YE SHES KYI THIG SKUD 'OD ZER LNGA'I RANG BZHIN CAN RNAMS BLTAS LA, AOm A'A: PRA YA TZTSA MO HA K'A LA AA RI SV'A TZAKRA S'U TRA nA YA H'Um ZHES DANG, MO HA'I GNAS SU PI SHU NA DANG, R'A GA DANG, AI RshYA DANG, DE shA RNAMS BCUG LA GTI MUG DANG SER SNA DANG 'DOD CHAGS DANG PHRAG DOG DANG ZHE SDANG GSHIN RJE GSHED KYI BAR DU GSOL BA GDAB, DE NAS RANG GI MIG GNYIS SU YI GE DZA: LAS NYI MA DANG ZLA BA SER POR BSKYED, AOm DI'I PTA DRI shtA AAm KU SHA DZA: ZHES BRJOD CING MYUR DU MIG GI RJI ? MA 'DEGS SHING RDEBS PA'I 'BAR BA'I LTA STANGS LCAGS KYU LTA BUS BKUG , PA'I YE SHES KYI THIG RANG RANG GI MDOG CAN GYI SA BON GYI YI GE'I GZUGS RIGS LNGA'I THUGS KA NAS BTANG BA LAG PA'I THIG SKUD SO SO LA THIM PAR BSGOM LA, AOm A'A: AA N+YO N+YA AA NU GA T'A, SARBA DHA RMA SPA RA SPA RA, AA NU PRA BIshtA SARBA DHA RMA, AA T+YNTA AA NU PRA BIsht'A: SARBA DHA RMA, AOm A'A: H'Um ZHES ZLOS SHING DANG PO LNGA LDANG BSGRIL, DE NAS LNGA PO GCIG TU BSGRIL TE TSAD NI SNGAR DANG 'DRA'O, ,DE NAS LAS THAMS CAD PA GANG YIN DU BSKYED PA'I SKOR RNAMS MA GTOGS PA DRI ZHIM PA'I
CHU DANG BDUD RTZI LNGA ZHES PA NAS LHAG GNAS BYA'O ZHES PA'I BAR SNGAR BSHAD PA BZHIN BYA'O, ,GNYIS PA NI, DKYIL 'KHOR GYI SA LA SNGAR GYI SNGAGS DANG BUM PA THAMS CAD KYI CHUS BSANGS TE, GTZANG MAR BYA BA NAS MCHOD BSTOD KYI BAR DANG, SLOB DPON NUB DANG ZHES PA NAS LTE BAR BZUNG LA ZHES PA'I BAR RNAMS SNGAR BSHAD PA BZHIN BYA, GNYIS KA'I LTE BA'I THAD KA'I BAR SNANG LA THIG SKUD BRKYANG NAS, RDO RJE DANG BCAS PA'I LAG PA GA-YAS PA'I MTHE BONG DANG MDZUB MOS THIG SKUD BZUNG NAS, AOm BADZRA SA MA YA S'U TRA MA TI KRA MA H'Um, ZHES BRJOD CING, NAM MKHA' LA GDAB LA SA GOL GYI SGRA BYA'O, ,THIG GI SGRAS, SEMS CAN DON DU KHYED RNAMS KYI, ,DUS YIN DE PHYIR 'DIR SBYON CIG ,CES BRJOD PAS NAM MKHA' KHYAB PA'I SANGS RGYAS RNAMS BSKUL NAS BYON TE THIG SKUD LA THIM PAR BSAM MO, ,DE NAS DE MA THAG DPON SLOB GNYIS KA'I LAG PA MNYAM POR SMAD NAS SDOD PA'I RKANG STABS SNGAR BZHIN BYAS TE, 'OD ZER 'PHRENG BA'I MTHA' NAS MTHA'I BAR DU TSANGS THIG DANG PO GDAB STE, DE'I TSE'ANG THIG GI SGRAS SANGS RGYAS RNAMS BSKUL TE BYON NAS THIG SKUD LA THIM ZHING, NGO BO YE SHES LA RNAM PA SRAD BU KHA DOG LNGAR SNANG BA'I THIG SKUD RE CHAD NAS LAS THIG LA THIM PAR BSAM MO, ,DE NAS SNGAR BSHAD PA BZHIN RKANG BA BYIN GYIS BRLABS TE SONG NAS LHO BYANG GI NAM MKHA' LA GDAB PA DANG, SA LA TSANGS THIG GNYIS PA GDAB PA DANG PO BZHIN BYA, DE NAS NAM MKHA' LA 'DEBS PA MA GTOGS PA SKOR PHYOGS LA SOGS PA SNGAR BZHIN BYA ZHING, THIG LHAG MA RNAMS KYANG LAS THIG BZHIN GDAB LA BYIN GYIS RLOB PA'I DMIGS PA DANG PO BZHIN
, ,BYA'O, ,THIG SKUD 'DZIN PA'I DMIGS BSAL DANG THIG SKUD KYI LTAS RTOG PA NI SNGAR DANG 'DRA'O, ,THIG THEBS PA NA THIG SKUD LA MCHOD GTOR DBUL BA SNGON DU 'GRO BAS AOm A'A: H'Um BADZRA MU: ZHES PAS YE SHES KYI THIG SKUD NAM MKHAR BZHUGS PA'I RGYAL BA RNAMS KYI THUGS KAR GSHEGS LA, TSON SNA LNGA'I SKUD PA GNAS JI LTA BAR BZHAG GO ,YE THIG THEBS NAS THIG LA 'GOM DGOS PA DANG TSON BYIN RLABS CAN LA 'GOM DGOS PA BYUNG NA, AOm BADZRA BE GA A'A KRA MA H'Um ZHES NGAG TU BRJOD LA YID KYIS YE SHES KYI THIG TSON NAM MKHA' LA BTEG NAS BYA ZHING RJES SU PHAB LA BSTIM MO, ,GNYIS PA LA GSUM, TSON RTZI BYIN GYIS BRLAB PA, TSON GYIS RTEN GYI DKYIL 'KHOR 'BRI BA, DE LA PHYAG RGYA DGOD PA'O, ,DANG PO NI, TSON RTZI SNGON PO DBUS DANG, DKAR PO SHAR DANG SER PO LHO DANG DMAR PO NUB DANG LJANG GU BYANG DU SNOD SER PO RNAMS SU SO SOR BKOD LA, YAKshE LA SOGS PA'I YI YI GE LNGA 'DRI BSANG SBYANG SNGON DU 'GRO BAS YAKshE LA SOGS PA'I SA BON LAS, GSHIN RJE GSHED RIGS LNGAR BSKYED, NAM MKHAR BKOD PA'I RIGS LNGA'I THUGS KAR RIGS LNGA SO SO'I SA BON LAS GRUB PA'I YE SHES KYI TSON RNAMS SNGAR BSHAD PA BZHIN 'BAR BA'I LTA STANGS KYIS BKUG STE BCUG PAS YE SHES KYI RDUL TSON DANG RO GCIG TU GYUR PAR BSAMS LA, RDUL TSON RNAMS GZI BRJID BSKYED DE AOm BADZRA TZI TRA SA MA YA H'Um ZHES BRGYA RTZA BRGYAD KYIS BSNGAG GO ,RDUL TSON RNAMS LA HI YIG BKOD NAS BDEN PA GANG GIS SEMS CAN RNAMS RDUL TSON MANG ZHING, SANGS RGYAS BCOM LDAN 'DAS RNAMS
NI SEMS CAN LA CHAGS PA DANG RJES SU CHAGS PAR 'GYUR PA'I BDEN PA DES, RDUL TSON RNAMS 'BAR BAR GYUR CIG CES BDEN PA'I BYIN RLABS KYIS SPAR LA, DRI DANG ME TOG LA SOGS PAS MCHOD DO, ,GNYIS PA NI, RANG NYID KHAMS GSUM RNAM RGYAL GYI NGA RGYAL GYIS, RDOR DRIL BZUNG BA'I LAG PA RDO RJE KHU TSUR GYI MDZUB MO LCAGS KYU BZHIN BYAS TE, PHAN TSUN 'KHYUD PA SKAM PA'I PHYAG RGYAS AOm K'I LA AUD K'I LA YA SARBA BIGHNAN BADZRA DHA RA YA A'A DZNYA PA YA H'Um H'Um PHAt PHAt HO: ZHES BZLAS TE PHUR BU BYUNG LA DE BTON PA'I SHUL TSON SNA LNGAS DGANG LA MNYAM PAR BYA, BSAM GTAN GYIS BTAB NAS PHYUNG BAR MOS PA YIN NA'ANG BKANG BAR MOS PAS CHOG GO ,GTZO BO GANG YIN GYI RNAM PAR DAG PA'I NGA RGYAL BRTAN PAR BYAS LA DRIL BU GSIL ZHING, 'DI NI CHOS DBYINGS DAG PA STE, ,SEMS CAN KHAMS NI RAB GROL MDZAD, ,RANG NYID RGYAL PO RDO RJE 'CHANG, ,DE BZHIN GSHEGS PA KUN GYI GNAS, ,NYES PA KUN LAS RNAM PAR GROL, ,'KHOR LO'I NANG DU YANG DAG GNAS, ZHES PA RDO RJE'I GLUS CHOS DBYINGS RNAM PAR DAG PAR MOS NAS TSON 'GYED PA'I MTSAN MA NGAN PA'I SKYON RNAMS BSAL BAR BYAS LA DKYIL 'KHOR GYI NANG DU 'DUG STE LAG PA GA-YAS PAS RDO RJE GZUNG ZHING, GA-YON PA'I RDO RJE KHU TSUR GYIS DBANG LDAN NAS BRTZAMS TE, RTZIG PA LNGA PHYI NAS RIM PA BZHIN DKAR SER DMAR LJANG SNGO BA, ZHING TSAD SGO'I NYI SHU CHA DPANGS MTHE'U CHUNG GI TSAD DANG, SRID DU SOR BCU GNYIS KYI TSAD GA-YAS SKOR GYIS PHYI NAS RIM PA BZHIN, AOm A'A: H'Um AOm BADZRA TZI TRA SA MA YA H'Um, ZHES BRJOD CING DRANG POR 'DRI'O, ,SNGAR BSHAD PA LAS RE KH'A SGOM ? PAR BRIS
, ,NA NAD SKYED, PHRAS NA NOR NYAMS, DMA' NA DNGOS GRUB MI 'GRUB, YO NA GDUNG BA BSKYED, CHAD NA BLA MA DANG SLOB MA 'CHI, GA-YAS SKOR MIN PAR BKYE NA DNGOS GRUB MI 'GRUB, RDUL TSON 'DRES NA RIGS RGYUD 'CHAD PAR GSUNGS PAS SKYON DE DAG DANG BRAL BAR 'DRI'O, ,SLOB DPON GYIS RDZOGS PAR 'DRI MI NUS NA SNGAR GYI TSAD TZAM ZHIG BRIS LA, PHYI NAS RI MO MKHAN LA SOGS PAS CI BDER 'DRI, RDO RJE KHU TSUR GYIS 'DRI MA NUS NA THOG SKUD RDO RJE KHU TSUR GYIS BZUNG BA LA DMIGS BSAL GSUNGS PA'I RIGS PA SPYAR DU RUNG BA 'DRA'O, ,TSON SA NI DKYIL 'KHOR GYI SA GZHI'I SHAR DKAR LHO SER NUB DMAR BYANG LJANG BA STE, GSHED DMAR LA DBUS KYI GTZO BO KHA DOG DMAR PO YIN YANG, MI BSKYOD PA'I RIGS KYI DBANG GIS DBUS KYI SA SNGON PO'O, ,DMAR NAG GNYIS LA SNA TSOGS RDO RJE'I LTE BA SNGON PO, RVA RNAMS PHYOGS MDOG ,'JIGS BYED LA DBUS KYI RE'U MIG SNGON PO DE'I MTHA' SKOR GYI SNAM BU NI SNGON PO LA RDO RJE'I 'PHRENG BA CAN, NANG GI RDOR 'PHRED ZLUM PO DANG SNA TSOGS RDO RJE'I LTE BA'I MTHA'I RDOR 'PHRENG GRU BZHI PA GNYIS DANG, PHYI'I RDOR 'PHRENG ZLUM PO RNAMS LA NANG GI LA NI GZHI SNGON PO'AM NAG PO LA RDO RJE RTZE GSUM PA DANG, PHYI'I LA GZHI KHA DOG SNA TSOGS PA LA RDO RJE RTZE GSUM PA'AM LNGA PA 'AM SNA TSOGS RDO RJE STE, KHA DOG NI NAG SER DKAR PO GANG RUNG NGO, ,GLO SO SOR CHA CHUNG BZHI BZHI DOR NAS BUM PA SER PO CHA CHUNG BZHI PA GNYIS GNYIS SO, ,'DOD SNAM DMAR PO LA MCHOD PA'I LHA MO DU MA DANG LDAN PA, PHA GU'I GZHI DMAR PO LA
RIN PO CHE ZUR GSUM DANG GRU BZHI SOGS KYIS SPRAS PA, DRA BA DRA PHYED KYI GZHI NAG PO LA CHU SRIN GYI KHA NAS 'PHYANG BA'I MU TIG GI DO SHAL SKUD PA DMAR PO LA BRGYUS PA, GLO GNYIS DANG STENG 'OG TU GSER GYIS BCINGS PA'I NOR BU DBUS NA YOD PA, DE'I NANG DU KHA CIG LA NI PADMA DANG ZLA TSES DANG RDO RJE PHYED PAS BRGYAN PA'I NYI MA, KHA CIG LA NI RIN PO CHE, KHA GCIG LA NI PADMA LA GNAS PA'I RDO RJE, DO SHAL GYI GLO GNYIS SU DE LAS CUNG ZAD THUNG BAR 'PHYANG BA'I RIN PO CHE'I PHRENG BA'I DO SHAL PHYED PA, DRANG ZHING RTZE MO LA GSER GYIS BSDAMS PA'I NOR BU SBOM PO DANG LDAN PAS MDZES PA DANG, KHA CIG TU RIN PO CHE'I YU BA CAN GYI RNGA YAB DANG, DRIL BU'I MTHAR NANG DU RNGA YAB 'PHYANG BA'O, ,SHAR BU DANG MDA' YAB KYI GZHI NAG PO LA SHAR BU DKAR PO MDA' YAB PADMA 'DAB MA PHYED PA'I DBYIBS CAN DKAR PO, RTA BABS KYI KA BA DANG GLANG RGYAB KYI NANG RNAMS PHYOGS MDOG ,GLANG RGYAB KYI CHA CHUNG PHYED PA LA RIN PO CHE LA SOGS PA 'DRI ZHING, RNAM PAR BKRA BA'I BLA BRE DANG DO SHAL DANG DO SHAL PHYED PA 'PHYANG BA, SNAM BU BCU GCIG GI GSER SNAM SER PO, ,RIN PO CHE'I PHA GU BZHIN RMIG PA DANG BA RANDRA MDZES MTSON, MUN PA GNYIS NAG PO, SHAR BU DANG MDA' YAB SNGAR BZHIN, DE'I SNAM BU'I DBUS SU PAD ZLA'I GDAN LA 'KHOR LO SER PO RTZIBS BRGYAD PA, DE'I GA-YAS GA-YON CHA CHUNG PHYED DU RI DVAGS PHO MO SER PO, CHA CHUNG GCIG TU MGRIN PA DANG BCAS PA'I GDONG 'GRENG ZHING, MIG 'KHOR LO'I RTZE MO LA BLTA BA, DE GNYIS KYI PHYI NGOS SU MDA' YAB GNYIS GNYIS, PHYI'I SNA TSOGS RDO RJE'I RVA DBUS MA RNAMS PHYOGS MDOG ,GA-YAS GA-YON GYI RVA GNYIS NI DE'I GLO'I DE BZHIN
, ,GSHEGS PA'I MDOG STE JI LTAR RIGS PAR RO, ,RVA LNGA BA NI RVA GZHAN GNYIS DE LAS GZHAN PA DANG DBUS KYI RGYAL BA'I MDOG STE JI LTAR RIGS PAR RO, ,YANG NA PHYOGS RE'I SNA TSOGS RDO RJE'I RVA THAMS CAD RANG PHYOGS KYI RGYAL BA'I MDOG TU BYA'O, ,PADMA'I LTE BA LJANG GE SAR SER 'DAB MA SNA TSOGS, DE'I GZHI DMAR SKYA PHYI'I RE KH'A DKAR PO, 'OD ZER GYI PHRENG BA NI KHA DOG SNA LNGA PA STE DE'I MTHAR TSON GYI RE KH'A MI BYA'O, ,GSUM PA NI, DE NAS LHA'I MTSAN MA DGOD PA NI, LHA THAMS CAD DANG THOD PA'I GNAS SU SNA TSOGS PADMA DANG DBUS DANG NANG GI PHYOGS GSUM DANG SGO BZHIR NYI MA'I GDAN, NANG GI SHAR DANG NANG GI GRVA BZHI DANG, PHYI'I GRVA BZHIR ZLA BA'I GDAN DANG, 'JIGS BYED LA DBUS SU RDO RJE, GSHED DMAR LA DBUS SU RDO RJE'I DBYUG PA DKAR PO MI MGO RLON PA SER POS MTSAN PA, DGRA NAG LA DBUS SU RDO RJE SNGON PO RTZE LNGA PA, LHA LHAG MA RNAMS LA NANG GI SHAR DU 'KHOR LO DKAR PO RTZIBS BRGYAD PA, LHOR RIN PO CHE LJANG GU CHA DGU PA, NUB TU PADMA DMAR PO 'DAB MA BRGYAD PA, BYANG DU RAL GRI LJANG GU ;NANG GI SHAR LHOR 'KHOR LO, ,LHO NUB TU RDO RJE NUB BYANG DU PADMA BYANG SHAR DU RAL GRI RNAMS SNGAR BZHIN BYA, SHAR SGOR RDO RJE RGYA GRAM PHYOGS RE RER RTZE MO LNGA LNGA PAS MGO BO BYAS PA'I THO BA SNGON PO, LHO SGOR DBYUG PA DKAR PO, NUB SGOR PADMA DMAR PO, ,BYANG SGOR RAL GRI LJANG GU'O, ,MTSAN MA RNAMS RANG RANG GI RGYAB NGOS SU MGO BA BSTAN PA, PHYI'I GRVA BZHIR THOD PA BDUD RTZIS GANG BA BZHI DPRAL BA MDUN NGOS SU BSTAN PA 'DRI'O, ,DE LTAR DKYIL 'KHOR BRIS ZIN PA DANG, TSON LHAG MA RNAMS BSDUS
TE MCHOD LA, YE SHES PA NAM MKHA'I LHA'I THUGS KAR GSHEGS, DAM TSIG PA BDAG LA BSDUS TE, TSON GNAS JI LTA BAR BZHAG GO ,GNYIS PA NI, DE NAS BUM PA RGYAS PAR YOD NA SNGAR LHAG GNAS BYAS PA'I BUM PA RNAMS SPOS KYIS SNA DRANGS NAS ROL MO'I CHA BYAD SNA TSOGS PA DANG BCAS PAS, DKYIL 'KHOR LA LAN GSUM BSKOR TE GA-YAS SKOR DU DGOD PAR BYA'O, ,DE'ANG GTZO BO'I BUM PA SHAR SGO'I GA-YAS SU DGOD, GTI MUG GSHIN RJE GSHED LA SOGS PA LHA SO SO'I BUM PA RNAMS RANG RANG GI PHYOGS DANG MTSAMS SO SOR DGOD, LAS BUM BYANG SHAR DU DGOD, BUM PA GNYIS LAS MED NA'ANG RNAM RGYAL GYI BUM PA SHAR SGO'I GA-YAS DANG, LAS BUM GA-YON DU DGOD DE NAS DKYIL 'KHOR GYI MTHA' KUN TU DRIS BYUGS ME TOG SIL MA DGRAM LA, SPOS PHOR BRGYAD DANG GOS ZUNG DANG, GDUGS DANG RGYAL MTSAN LA SOGS PA MANG DU DGRAM, NYUNG NA'ANG MCHOD PA RE RE ZHING BCU BAS MI NYUNG BA RNAMS H'Um DANG GTZO BO'I SNGAGS BZLAS LA, AOm BADZRA SPA RA nA KHAm ZHES BRJOD DE DGRAM PAR BYA'O, ,GSUM PA LA GSUM, DKYIL 'KHOR BSGRUB PA, DKYIL 'KHOR MCHOD BSTOD SOGS BYA BA, DBANG BSKUR BA'O, ,DANG PO NI, BOD KYI BLA MA RNAMS LA BDAG MDUN THA DAD DU BYAS NAS SGRUB PA DANG, THA MI DAD DU BYAS NAS SGRUB PA'I TSUL GNYIS YOD KYANG, (NAG PO'I DKYIL CHOG LAS, SANGS RGYAS 'KHOR LO'I DBUS NA GNAS PA'I RNAL 'BYOR PA RANG DANG MTSUNGS PA'I YAN LAG DANG LDAN PAS, SANGS RGYAS RNAMS KYI BDAG NYID DU GNAS LA ZHES DKYIL 'KHOR SGRUB PA'I SKABS SU SGRUB PA PO DBUS NA GNAS PAR GSUNGS PAS, BDAG MDUN THA MI DAD DU SGRUB PAR BSTAN LA, RANG DANG MTSUNGS PA'I YAN LAG DANG LDAN PA ZHES PAS
, ,DGRA NAG LA GTZO BO DANG MTSUNGS PA'I YUM BYED PAR YANG BSTAN TE, YAN LAG NI 'DIR SHES RAB MA'I MING NGO,) ,GRUB CHEN GYI DGONGS PA LUGS PHYI MA LTAR YIN PAS DE'I LUGS BSHAD NA, BDAG NYID DKYIL 'KHOR GYI DBUS SU 'DUG PAR MOS NAS BRIS PA'I DKYIL 'KHOR LAS THAMS CAD PA'I SNGAGS KYIS BSANGS STONG PA NYID DU BSGOMS NAS GZHAL YAS KHANG GDAN BCAS SKYED PA SOGS SGRUB THABS BZHIN DU BYAS LA, RANG NYID SO SO'I GTZO BO YAB YUM DU RDZOGS PAR BSKYED PA'I BAR SGRUB THABS BZHIN BYA, DE NAS YAB YUM GYI GSANG GNAS BYIN GYIS BRLABS TE SNYOMS PAR ZHUGS SHING, THUGS KA'I SA BON GYI 'OD ZER GYI LCAGS KYUS MKHA' KHYAB KYI SANGS RGYAS THAMS CAD BKUG NAS, RANG GI GZHAL DU ZHUGS THUGS KAR 'OD DU ZHU BA RDO RJE'I LAM NAS YUM GYI PADMAR ZHUGS PA'I THIG LE CHA GCIG YA'AM BHRUm DU GYUR PA LAS, GZHAL YAS KHANG GDAN DANG BCAS PA BSKYED, THIG LE CHA GCIG GDAN RNAMS KYI STENG DU CHA BCU BDUN DU GYUR PA LAS, YA KshE LA SOGS PA'I SA BON BCU BDUN DU GYUR, DE RNAMS YONGS SU GYUR PA LAS 'JIGS BYED LA GRI GUG GAM RDO RJE, GZHAN RNAMS SO SO'I SGRUB THABS BZHIN BYA, LHA RE RE ZHING RANG RANG GI SNGAGS KYIS GZHAL YAS KHANG GI BAR RIM PA BZHIN PHYUNG BA, NAM MKHA' KHYAB PAR SPROS TE RANG RANG GI MDZAD PA MDZAD NAS SBRUL PA RNAMS GCIG TU 'DUS PA RNAMS SLAR BYON TE, DKYIL 'KHOR LA MTSAN MA BKOD PA'I GNAS SU MTSAN MA RNAMS DANG NGO BO DBYER MED DU GYUR TE BZHUGS PAR BSAM MO, ,DE NAS SKYE MCHED DANG SKU GSUNG THUGS BYIN GYIS BRLABS
, ,PA DANG, DBANG BSKUR BA RNAMS RANG RANG GI SGRUB THABS BZHAN BYA, DE NAS YE SHES PA SPYAN DRANGS BGEGS BSKRAD DE MCHOD LA, SGO BA BZHI'I SNGAGS RGYAS DGUG GZHUG BCING MNYES SO SO'I SGRUB THABS BZHIN BYA STE, 'DI LA DKYIL CHOG GI GZHUNG LAS DNGOS SU GSUNGS PA NI GNYIS BSRES LAS MED KYANG, SNGAR STA GON GYI SKABS SU NAM MKHAR BTEG PA'I DKYIL 'KHOR DANG GNYIS SU MED PAR BSRES PAS BZHI BSRES SU 'GYUR RO, (,DKYIL CHOG GNYIS LAS MTSAN MA LHAR BSKYED PAR MA BSHAD CING, MNGAL DU LHA BSKYED BA BYUNG STE DKYIL 'KHOR LA BKOD PA LAS LOGS SU YE SHES PA GZHUG PA MA GSUNGS PAS SNGA MA DAM TSIG PAR BYA DGOS SHING, DA LTA NA DKYIL 'KHOR GYI MTSAN MA RNAMS LHAR BSKYED BA MED PAS DAM TSIG PA'I LHA DANG MTSAN MA NGO BO DBYER MED DU MOS PAR BYA'O,) ,GNYIS PA NI, RANG GTZO BO LAS GTZO BO GNYIS PAR BYE NAS MCHOD PA RNAMS BSANGS SBYANGS BSKYED DE BYIN GYIS BRLABS LA, CHU RNAMS SNGON DU 'GRO BA'I NYER SPYOD KYIS MCHOD PAR BYA STE, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS NAS, BZHES TE BDAG LA DGYES PAR MDZOD, ,AOm A'A : HR'I : PRA WA RA SAD K'A RAm AARGHAm PRA T'I TZTSA H'Um SV'AH'A, SNGAR GYI TSIGS BCAD KYI YON CHAB KYI GNAS SU ZHABS BSIL SOGS DANG, AARGHAm GYI GNAS SU P'A D+YAm SOGS BCUG NAS ZHABS BSIL LA SOGS PA DBUL, CHU SKYES DE BZHIN THAR LAS SKYES, ,ME TOG DAM PA 'DI DAG NI, ,MCHOG TU GUS PAS BDAG 'BUL NA, ,CI BDE BAR NI KHYED KYIS BZHES, ,AOm A'A : BADZRA PUshKE H'Um ZHES PAS ME TOG DANG, DE BZHIN DU LHAN CIG SKYES DANG SBYAR LAS BYUNG, ,DE BZHIN BDUG SPOS MCHO
, ,'DI DAG ,MCHOG TU GUS PAS BDAG 'BUL NA, ,CI BDE BAR NI KHYED KYIS BZHES, ,ZHES PAS BDUG SPOS DANG, ZHUN MAR 'BRU MAR MAR ME 'DI, ,LHA RDZAS 'BAR BA MUN PA 'JOMS, ,MI SHES THAMS CAD ZHI BYA'I PHYIR, ,BDAG NYID DAD PAS 'BUL BAR BGYI, ,ZHES PAS MAR ME DANG, LHAN CIG SKYES DANG SBYAR BA YI, ,DRI MCHOG DAM PA 'DI DAG NI, ,MCHOG TU GUS PAS BDAG 'BUL NA, ,CI BDE BAR NI KHYED KYIS BZHES, ZHES PAS DRI DANG, BZA' DANG BCA' BAR YANG DAG LDAN, ,KHA DOG DRI DANG ROR LDAN ZHING, ,THAMS CAD SBYAR BA'I ZHAL ZAS 'DI, ,DBUL GYIS YANG DAG BZHES SU GSOL, ,ZHES PAS ZHAL ZAS RNAMS, PUshPE'I GNAS SU DH'U PE DANG A'A LO KE DANG GANDHE DANG NEE WE DYE RNAMS BCUG LA DBUL ZHING ROL MOS KYANG MCHOD, DE BZHIN DU 'DOD YON LNGA DANG RGYAL SRID SNA BDUN GYIS MCHOD, DE NAS SGRUB THABS SO SO NAS 'BYUNG BA BZHIN GYI BSTOD PA DANG, CHANG BDUD RTZIR BSKYED PA'I BDUD RTZI MYANG BA DANG, LHA SO SO'I SNGAGS BZLAS PA DANG, SO SO'I LHA'I RNAL 'BYOR BSGOM PAS KYANG LHA RNAMS MNYES PAR BYA'O, ,DE NAS 'JIG RTEN LAS 'DAS PA'I DKYIL 'KHOR PA'I GTOR MA DANG, 'JIG RTEN PA PHYOGS SKYONG RNAMS KYI GTOR MA NI 'JIGS BYED DANG DGRA NAG GI SGRUB THABS SU BSHAD PA BZHIN DANG, DMAR PO LA NI DGRA NAG GI RIGS PA SBYAR TE DBUL LO, (,'DIR PHYE ROL PA'I GTOR MA BYED PA LA MI RIGS PA MED MOD KYANG, DMAR NAG GI DKYIL CHOG GNYIS KA DANG, DON YOD ZHABS KYIS KYANG PHYI ROL PA'I GTOR MA MA BSHAD CING, RVA LO TZ'A BAS KYANG MI BYED PAR SNANG BSAM BYAS KYANG CHOG GO) ,DE NAS H'Um MDZAD KYI NGA RGYAL GYIS H'Um BZHI PA'I
SNGAGS ZLOS SHING ME TOG GI PHRENG BA BLANGS TE, RDO RJE SHUGS KYI 'JUG PAS DKYIL 'KHOR DU ZHUGS PAR MOS LA, RDO RJE GSOR ZHING DRIL BU GSIL NAS RDO RJE'I RKANG PAS LHA SNAM GYI STENG NAS SKOR BA BYAS PAR BSGOMS LA, DNGOS SU'ANG SKOR BA GSUM BYAS PA'I MTHAR 'KHOR LO LA BLTAS TE, ME TOG GI PHRENG BA GTZO BO LA DBUL LA, LHAG CHAD KYI NYES PA DAG PAR BYA, KHRO BO'I LTA BAS BLTA ZHING DKYIL 'KHOR LA GA-YAS SKOR BYAS NAS NUB TU SONG STE, RKANG PA GA-YON BRKYANG DANG LAG PA GNYIS H'Um MDZAD KYI PHYAG RGYA BYAS LA, AOm BADZROD GHA tA SA MA YA PRA PE SH'A YA H'Um, ZHES BRJOD CING PHYAG RGYA DE BKROL NAS SHAR SGO NANG NAS PHYE BAR BSAM, DE BZHIN DU BYANG PHYOGS SU GNAS NAS LHO SGO DANG, SHAR PHYOGS SU GNAS NAS NUB SGO DANG, LHO PHYOGS SU GNAS NAS BYANG SGO PHYE BAR BSAMS LA, AOm SA MA YA PRA BE SH'A YA MI ZHES BRJOD NAS ME TOG GI PHRED BA PHUL BA SLAR GAR BYED CING BLANGS LA, RANG GI MGO LA BCINGS TE DKYIL 'KHOR LA PHYAG BYAS NAS SEMS CAN THAMS CAD LA DNGOS GRUB THAMS CAD KYI BKA' DRIN STZOL CIG ,CES GSOL BA GDAB BO, ,GSUM PA LA GNYIS, RANG NYID ZHUGS NAS GSOL BA GDAB PA DANG, SLOB MA GZHUG CING DBANG BSKUR BA'O, ,DANG PO NI, RANG NYID 'JUG PA NI SNGAR BZHIN GTZO BO LAS BYE BA DES SHAR SGO NAS 'THON PAR MOS LA, DKYIL 'KHOR LA MCHOD DE BLA MA DANG GTZO BO THA MI DAD DU BYA LA, BLA MA'I BYA BA RNAMS GTZO BOS MDZAD PAR BSGOM, SLOB MA'I BYA BA RNAMS RANG GIS BYA BA LA 'CHAD PAR 'GYUR BA BZHIN DU DKYIL 'KHOR DU ZHUGS NAS DBANG THAMS CAD RDZOGS PAR BLANGS LA, SLOB MA GZHUG
, ,PA'I DON DU THAL MO SBYAR TE, 'OD GSAL BA LAS YANG DAG 'BYUNG, ,RDO RJE SEMS DPA' BDE CHEN PO, ,GZUGS BRNYAN GYI NI DPE YANG STE, ,DKYIL 'KHOR YANG NI DE DANG MTSUNGS, ,BDEN PA 'DI YIS SLOB MA RNAMS, ,THUGS KYI DKYIL 'KHOR DAG TU 'GYUR, ,'KHOR LO RDZU 'PHRUL MA LUS PA, ,MTHONG NA SDIG PA MTHA' DAG SPONG, ,DE BZHIN GSHEGS PA KUN GYI GNAS, ,RDO RJE YE SHES SGRUB BYED PA, ,SNYING PO'I DKYIL 'KHOR 'DI RU NI, ,BDAG GIS SLOB MA GZHUG PAR BGYI, ,CHOS KYI DBYINGS KYI BYIN RLABS DANG, ,DAM TSIG DRAN PAR BYAS PA LAS, ,ZHUGS PAS DE BZHIN GSHEGS PA KUN, ,PHUN SUM TSOGS PA THAMS CAD STZOL, ,ZHES BDEN STOBS BRJOD LA, DKYIL 'KHOR LA GSOL BA GDAB PA'O, ,GNYIS PA LA GSUM, DKYIL 'KHOR DU GZHUG PA, ZHUGS PA LA DBANG BSKUR BA, DKYIL 'KHOR GYI MJUG GI CHO GA'O, ,DANG PO LA GNYIS, GDONG GA-YOGS DANG BCAS TE GZHUG PA DANG, DKYIL 'KHOR MTHONG BA'I BDAG NYID CAN DU 'JUG PA'O, ,DANG PO LA GNYIS, YOL BA'I PHYI ROL TU GZHUG PA, NANG DU GZHUG PA'O, ,DANG PO NI, YOL BA'I PHYI ROL TU SLOB MA RNAMS LAS BUM GYI CHUS LAS THAMS CAD BZLOS SHING KHRUS BYAS TE MAndAL DBUL LO, (,'DIR GSOL BA GDAB PA DKYIL CHOG GNYIS LAS MA GSUNGS KYANG, BLA MA SNGA MA RNAMS BZHED PAS LHA STA GON GYI SKABS BZHIN DU GSOL BA LAN GSUM GDAB BO,) ,DE NAS SLOB MA RNAMS RNAM PAR SNANG MDZAD GTI MUG GSHIN RJE GSHED DU BSKYED LA, A'A: KHAm B'I RA H'Um ZHES PA'I SNGAGS KYIS ME TOG GI 'PHRENG BA BZUNG ZHING, GDONG GA-YOGS DAR DMAR PO BCINGS LA
LAS THAMS CAD PA'I SNGAGS BZLAS PA'I CHUS BSANG NGO, ,DE NAS THUN MONG BA'I SDEM PA GZUNG BA SNGAR BZHIN BYA ZHING, 'KHOR LO PHYIR MI LDOG PA'I DBANG, ZHES PA NAS SLOB DPON BDAG 'GYUR GSUNG DU GSOL, ZHES PA'I BAR BRJED DU GZHUG LA, RIGS LNGA SPYI DANG SO SO BA DANG 'BREL BA'I SDOM PA RNAMS, SEMS CAN THAMS CAD KYI DON DU BYANG CHUB MA THAB KYI BAR DU GZUNG BAR BYA'O SNYAM PA'I BSAM PA BSKYED LA, SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG MING 'DI ZHES BYA BA YIS, ,DUS 'DI NAS NI BZUNG NAS NI, ,BYANG CHUB SNYING PO MCHIS KYI BAR, (,SDOM GZUNG LA SOGS PA CHO GA THUN MONG BA 'DI RNAMS LA, DON MI MTHUN PA MED PA'I 'GYUR KHYAD PAR CAN MI MTHUN PA RNAMS SO SOR BRIS NA 'JUG PA SO SO RNAMS 'JUG PA SHIN TU MI BDE LA, DGOS PA LHAG PO CI YANG MED PAS, DE RNAMS NI NGAN ? MI MTHUN PA MED PA'I 'GYUR BDE BA GCIG LA SKABS KUN TU BRTEN NA SHIN TU BDE BAS, 'DIR ? DE LTAR DU BYAS SO,) ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR BRTAN POR BDAG GIS GZUNG, ,SANGS RGYAS CHOS DANG DAG 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS BDAG GIS GZUNG, ,RDO RJE RIGS MCHOG CHEN PO YIS, ,RDO RJE DRIL BU PHYAG RGYA YANG, ,YANG DAG NYID DU GZUNG BAR BGYI, ,SLOB DPON DAG KYANG GZUNG BAR BGYI, ,RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE BZHIN
, ,DU DUS DRUG TU, ,SBYIN PA RNAM BZHI RTAG TU SBYIN, ,BYANG CHUB CHEN PO LAS BYUNG BA'I, ,PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM CHOS SO SOR GZUNG BAR BGYI, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU SO SOR BZUNG, ,MCHOD PA'I LAS NI CI NUS BGYI, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SEMS CAD KUN GYI DON GYI PHYIR, ,BDAG GIS SDOM PA MA LUS BZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS DGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,CES LAN GSUM BRJOD LA GSANG SNGAGS KYI SDOM PA ZHES GRAGS PA, RIGS LNGA'I SDOM PA LEGS PAR GZUNG BAR BYA'O, (,RVA LO TZ'A BA'I LUGS KYIS STA GON DANG DNGOS GZHI'I SKABS GNYIS KAR SDOM PA BZUNG BAR BZHED PA LTAR RGYA GAR BA'I DKYIL CHOG MANG POR YANG BSHAD PA YOD LA, SLOB DPON CHEN PO D'A RI KA PAS SKABS GNYIS KAR BZUNG BA BSHAD CING, DNGOS GZHI'I SKABS SU 'DZIN PA'I SKABS KYANG 'DIR BSHAD PA LTAR GSUNGS SO, ,DNGOS GZHI'I SKABS SU SLOB DPON GYIS BDAG 'JUG TSUL BZHIN DU BYAS NA, SDOM PA NYAMS PA RNAMS SOR CHUD PAR 'GYUR BAS SLOB DPON RANG NYID SDOM LDAN DU SONG BA'I 'OG TU SLOB MA LA SDOM PA 'BOGS PA DGOS PA CHE BAR SNANG NGO,) ,DE NAS DKYIL 'KHOR DU GZHUG PA'I DON DU 'DRI BAR BYA STE, KYE KHYOD SU YIN CI LA DGA', (DRI LAN 'DI LA 'GYUR MI 'DRA BA MANG DU YOD KYANG, RIGS DANG MOS PA NGES PAR BYED PAS 'DIR BSHAD PA BZHIN GYI 'GYUR LEGS PA YIN NO, ,DRIS LAN PHYI MA GNYIS RVA LO'I DKYIL CHOG TU 'BYUNG STE, RGYA GZHUNG GI DKYIL CHOG GZHAN 'GA' ZHIG NA'ANG YOD DO,) ,ZHES DRI ZHING DES KYANG SKAL BZANG BDAG BDE BA CHEN PO LA'O, ,
ZHES LAN BTAB PAS, RIGS DANG MOS PA SHES PAR BYA, DE NAS YANG DE YIS BU LA CI ZHIG BYA, ZHES DRIS PA LA, SANGS RGYAS MCHOG GI DAM TSIG BGYI 'TSAL, ZHES LAN 'DABS SU GZHUG GO, DE NAS SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DRAN PAR BYAS LA, DE NYID SNYING GAR ZLA BA'I DKYIL 'KHOR YONGS SU RDZOGS PA'I RNAM PAR BSGOM, CHOS THAMS CAD RANG BZHIN MED PA'I STONG PA NYID DANG RANG GI SEMS RO GCIG TU GYUR PAR MOS PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PAR BSKYED, AOm SARBA YO GA TZITTAm AUTPA TA Y'A MI ZHES BRJOD DU GZHUG LA THAMS CAD RNAL 'BYOR GYI SEMS BSKYED, (ZLA BA DANG RDO RJE BSKYED TSUL 'DI RNAL 'BYOR GYI SEMS BSKYED PA'I GNAD THUN MONG MA YIN PA YIN TE, KHUNGS RNAMS BSHAD ZIN TO,) ,DES NI LAM GZHAN DU MI LDOG PAR RIGS NGES PAR BYED DO, ,DE NAS RDO RJE ME TOG DANG BCAS PA SNYING GAR GZUNG STE, AOm SU RA TE SA MA YA STVAm HO: SIDHYA BADZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLAB PAR 'GYUR GYIS, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR DU MA ZHUGS PA RNAMS LA SMRA BAR MI BYA ZHING MA DAD PA RNAMS LA'ANG MA YIN NO, ,ZHES BRJOD DO, ,GNYIS PA LA GSUM, NANG DU GZHUG CING BSKOR NAS PHYAG BYA BA, DAM LA GZHAG PA, YE SHES PHAB NAS BDEN STOBS BRJOD PA'O, ,DANG PO NI, AOm A'A: MUNG+GA RA DHRIKA H'Um ZHES BRJOD CING KHRID DE, A'A: KHAm B'I RA H'Um GIS SGOM DON LA DKYIL 'KHOR GYI NANG DU ZHUGS PAR BSAM ZHING, DNGOS
, ,SU YOL BA'I NANG DU GZHUG LA, MAH'A RA TA SU DRI dHA SU TO shO, ,SU SU shO, BADZRA SATRA A'A: DHYA SIDHYA MAm, ZHES BRJOD DE SKOR BA BYA'O, ,DE NAS SHAR SGOR SLOB MA ZHE SDANG GSHIN RJE GSHED DU BSKYED DE BZHIN GSHEGS PA THAMS CAD LA MCHOD PA DANG BSNYEN BKUR BA'I PHYIR DU BDAG 'BUL BAS, DE BZHIN GSHEGS PA THAMS CAD KYI NGO BO RDO RJE SEMS DPAS BDAG LA BYIN GYIS RLOBS SHIG SNYAM DU BSAMS LA, AOm SARBA TA TH'A GA TA P'U DZA AU PASTH'A N'A YA A'ATM'A N'Am NI RY'A TA Y'A MI SARBA TA TH'A GA TA BADZRA SA TVA AA DHI TIshthA SVA MAm, ZHES BRJOD DE GTZO BO LA RDO RJE THAL MO BRKYANG NAS LUS THAMS CAD SA LA PHAB PA'I PHYAG BYA, YANG SHAR SGOR GTI MUG GSHIN RJE GSHED DU BSKYED DE DMIGS PA SNGAR BZHIN BYAS LA, AOm SARBA BUDDHA P'U DZA AU PASTH'A N'A YE A'ATM'A N'I NI RY'A TA Y'A MI SARBA TA TH'A GA TA BADZRA, BEE RE TZA NA AADHI TIshthA MAm, ZHES BRJOD DE GTI MUG GSHIN RJE GSHED LA SNGAR BZHIN PHYAG BYA, DE NAS SONG NAS LHO SGOR SER SNA GSHIN RJE GSHED DU BSKYED, DE BZHIN GSHEGS PA THAMS CAD LA MCHOD PA DANG DBANG BSKUR BA'I PHYIR BDAG 'BUL BAS, DE BZHIN GSHEGS PA THAMS CAD KYIS BDAG LA RDO RJE RIN CHEN GYI DBANG BSKUR DU GSOL SNYAM DU BSAMS LA, AOm SARBA TA TH'A GA TA P'U DZA AA BHI shE K'A YA AATM'A N'Am NI RY'A TA Y'A MI SARBA TA TH'A GA TA BADZRA RATNA AA BHI SHi NYTZA MAm, ZHES BRJOD DE RDO RJE THAL MO SNYING GAR BZHAG STE, DPRAL BA SA LA REG PA'I PHYAG BYA, DE NAS NUB SGOR 'DOD CHAGS GSHEN RJE GSHED DU BSKYED, DE BZHIN GSHEGS PA THAMS CAD LA MCHOD PA RAB TU BSKOR BA'I PHYIR BDAG 'BUL BAS, DE BZHIN GSHEGS PA THAMS CAD KYIS BDAG
LA RDO RJE'I CHOS RAB TU BSKOR DU GSOL SNYAM DU BSAMS LA, AOm SARBA TA TH'A GA TA P'U DZA PRA BAR TA N'A YA A'ATM'A N'I NI RY'A TA Y'A MI SARBA TA TH'A GA TA BADZRA DHARMA PRA BAR TA YA MAm, ZHES BRJOD DE 'DOD CHAGS GSHIN RJE GSHED LA THAL MO DPRAL BAR SBYAR BAS KHA SA LA REG PA'I PHYAG BYA, DE NAS BYANG SGOR PHRAG DOG GSHIN RJE GSHED DU BSKYED, DE BZHIN GSHEGS PA THAMS CAD LA MCHOD PA'I LAS KYI PHYIR BDAG 'BUL BAS, DE BZHIN GSHEGS PA THAMS CAD KYIS BDAG LA RDO RJE'I LAS MDZAD DU GSOL SNYAM DU BSAMS LA, AOm SARBA TA TH'A GA TA P'U DZA KARM'A nE A'ATM'A N'Am NI RY'A TA Y'A MI SARBA TA TH'A GA TA BADZRA KARM'A KU RU MAm, ZHES BRJOD DE PHRAG DOG GSHIN RJE GSHED LA RDO RJE THAL MO SNYING GAR SBYAR NAS SPYI BO SA LA REG PA'I PHYAG BYAS PAS, RIGS SO SO'I RIM PA BZHIN DU RGYAL BA THAMS CAD LA MCHOD CING BSNYEN BKUR BA DANG, MCHOD CING DBANG BSKUR BA DANG, MCHOD CING CHOS 'KHOR BSKOR BA DANG, 'PHRIN LAS PHUN TSOGS KYI NUS PA CAN DU BYIN GYIS BRLABS PAR BSGOM MO, ,DE NAS YANG SHAR SGO NAS, AOm GU RU TZA RA n'A YA P'U DZA AU PASTH'A N'A YA A'ATM'A N'Am NI RY'A TA Y'A MI SARBA BA TVA PA RI DRA n'A YA A'ATM'A N'Am NI RY'A TA Y'A MI, ZHES PAS BLA MA'I ZHABS LA PHYAG BYA'O, (,RVA LOS ? NA MAN MA DHE LA SOGS PA'I PHYAG KYANG MDZAD MOD KYANG, DE DANG PHYAG LNGA RGYAS BSDUS YIN PAS GNYIS KA MED KYANG CHOG GO,) GNYIS PA NI, SLOB DPON GYIS SLOB MA RNAMS KYI MGO BOR RDO RJE BZHAG LA, DENG KHYOD DE BZHIN GSHEGS PA THAMS CAD KYI RIGS SU ZHUGS KYIS, DES NA NGAS KHYOD LA RDO RJE YE SHES BSKYED PAR BYA STE, YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR
, ,'GYUR NA, DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE, KHYOD DAM TSIG NYAMS PAR 'GYUR TA RE ZHES BRJOD DE PHAN YON GYI SGO NAS DAM LA BZHAG GO ,DE NAS SPYI BOR RDO RJE BZHAG LA, 'DI NI KHYOD KYI DAM TSIG GI RDO RJE STE, GAL TE TSUL 'DI SU'ANG RUNG BA LA SMRAS NA 'DIS KHYOD KYI MGO BO 'GEMS PAR 'GYUR RO, ,ZHES BRJOD DO, ,DE NAS RDO RJE SNYING GAR BZHAG LA, AOm DE RING RDO RJE SEMS DPA' RANG, ,KHYOD KYI SNYING LA YANG DAG ZHUGS, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES BRJOD DE DE GNYIS NI NYES DMIGS KYI SGO NAS DAM LA BZHAG PA'O, ,DE GSUM NI RTZA LTUNG BDUN PA LA KHYAD PAR DU DAM GZHAG MDZAD PA'O, ,DE NAS TZANDAN DANG GA BUR DANG BSRES PA'I CHU LA AOm BADZRA AU DA KA thA ZHES PA'I SNGAGS LAN BDUN BZLAS TE SLOB MA'I KHAR BLUG CING, 'DI NI KHYOD KYI DMYAL BA'I CHU, ,DAM TSIG 'DAS NA SREG PAR BYED, ,DAM TSIG BSRUNGS NA DNGOS GRUB STER, ,RDO RJE BDUD RTZI'I CHU 'THUNGS SHIG ,CES BRJOD DE DAM TSIG RNAMS SPYIR BSRUNGS MA BSRUNGS KYI PHAN YON DANG NYES DMIGS GNYIS KA'I SGO NAS DAM LA BZHAG PA'O, ,DE NAS SLOB MA'I LAG PA NAS BZUNG STE, DENG PHYIN CHAD KHYOD KYI PHYAG NA RDO RJE NGA YIN GYI NGAS 'DI BYOS SHIG CES BYA BA DE KHYOD KYIS BYA DGOS SO, ,KHYOD KYIS NGA LA BRNYAS PAR YANG MA BYED CIG BYAS NA KHYOD YA NGA BA MA SPANGS PAR 'CHI BA'I DUS BYAS NAS DMYAL BAR LTUNG BAR GYUR TA RE, ZHES BRJOD PAS SLOB DPON GYI BKA' NYAN PA'I SGO NAS DAM LA BZHAG PA STE RTZA LTUNG DANG PO LA
KHYAD PAR DU DAM BZHAG MDZAD PA'O, ,GSUM PA NI, DE NAS SLOB MAS SLOB DPON LA DE BZHIN GSHEGS PA THAMS CAD KYIS BYIN GYIS BRLABS TE, RDO RJE SEMS DPA' BDAG LA DBAB TU GSOL ZHES LAN GSUM DU GSOL BA GDAB LA, 'JIGS BYED LA BLA MA SNGA MA'I BZHED PA LTAR GTZO BO ZHAL GCIG PHYAG GNYIS PAR BSKYED PA'AM, (YE SHES 'BEBS PA LA SLOB MA GTZO BOR BSKYED PA RE RE TZAM RGYA GZHUNG LA SNANG, DKYIL CHOG GNYIS LAS SLOB MA LHA GANG DU BSKYED MI GSAL YANG, DAG MI DGE 'DRI BA'I DUS SU 'DOD CHAGS GSHIN RJE GSHED DU DMIGS NAS 'DRI BAR GSUNGS PAS GO NUS PA LA DGONGS SO, ,DON YOD ZHABS KYIS KYANG 'OD DPAG MED DU BSKYED PAR BSHAD DO,) ,YANG NA GSUM GA LA GRUB CHEN GYI BZHED PA LTAR 'DOD CHAGS GSHIN RJE GSHED KYI GZUGS SU BSKYED PA'I SPYI BOR BAm LAS BYUNG BA'I CHU'I DKYIL 'KHOR DKAR PO ZLUM PO BUM PAS MTSAN PA LA HA: DANG, SNYING GAR LAm LAS BYUNG BA'I SA'I DKYIL 'KHOR GRU BZHI PA SER PO ZUR DU RDO RJE RTZE GSUM PAS MTSAN PA LA H'Um DANG, LTE BAR RAm LAS BYUNG BA'I ME'I DKYIL 'KHOR ZUR GSUM PA DMAR PO RNO ZHING 'BAR BA LA A'A: DANG, (RVA BA, PHYI MA KHA CIG SA DKYIL LA H'Um YIG 'GOD PA'I SNGA MA'I LUGS DOR NAS LAm YIG 'GOD PA NI GRUB CHEN DPAL 'DZIN SOGS KYIS GSANG 'DUS NAS BSHAD PA'I H'Um HA: A'A: DZHE: BZHI DKYIL 'KHOR LA 'GOD PA MA GO BAR LUGS SNGA MA BCOS PAR SNANG NGO,) ,RKANG 'OG TU YAm LAS BYUNG BA'I RLUNG GI DKYIL 'KHOR SNGON PO GA-YO BA GZHU'I DBYIBS CAN MTHA' MAR BA DAN GYIS MTSAN PA LA, DZHE: DRAG CING BZOD PAR DKA' BA'I GZUGS CAN RLUNG GIS BSKYOD PAS LTE BA'I ME'I GNAS SU PHYIN PA, SLAR YANG RLUNG GIS BSKYOD PAS SNYING KHA'I SA 'BAR BAR GYUR TE, SPYI
, ,BO'I CHU LAS BDUD RTZI'I TSOGS BAB PAS TSIM PAR GYUR PA'I SLOB MA RLUNG GIS 'DEGS PA DANG, SLOB DPON RANG NYID BSNYEMS PA DANG BCAS PA'I GSHIN RJE GSHED KYI SKU MI BZAD PA PHYAG GA-YAS KYIS RDO RJE GSOR ZHING GA-YON DRIL BU 'KHROL BAS SPOS 'BUL ZHING 'BEBS PA'I SNGAGS KYIS DBAB PAR BYA'O, ,DE LA SNGAGS NI 'DI YIN TE, AOm HR'I: shtR'I: BI KRi T'A NA NA H'Um H'Um PHAGS PHAGS AA BE SHA YA STAm BHA YA, RA RA RA RA, TZ'A LA YA TZ'A LA YA, H'Um HA: A'A: DZHEE: H'Um PHAGS, ZHES PA'O, ,'DI'I DMIGS PA NI LUS KYI NANG GI ME'I 'OD ZER PHYOGS BCUR 'PHROS PAS, SANGS RGYAS DANG BYANG CHUB SEMS DPA' THAMS CAD GSHIN RJE GSHED KYI RNAM PAR SPYAN DRANGS PA RNAMS CHAR BZHIN DU BABS TE THIM PAR BSAM PAR BLA MA RVA LO BZHED DO, ,DE NAS SLOB DPON GYIS SLOB MA DE 'DOD CHAGS GSHIN RJE GSHED KYI GZUGS SU SKAD CIG GIS DMIGS LA, DE'I LCE LA A'A: DMAR PO BSGOMS TE TIshthA BADZRA ZHES BRJOD LA, MGON PO RDO RJE CHOS CHEN PO, ,SNANG BA MTHA' YAS BDE BA CHE, ,SMROS SHIG 'DOD CHAGS CHOS CHEN PO, ,DGE DANG MI DGE LEGS PAR 'DRI, ZHES PA 'DIS DRI BAR BYA'O, ,DE'ANG GSUNG BABS NA DGE BA DANG MI DGE BA SMRA'O, ,THUGS BABS NA 'JIG RTEN GSUM DU GTOGS PA SHES SO, ,SKU BABS NA NAM MKHA' LA 'PHAR RO, ,'PHAR BA'I TSE DE'I MGO BO'I STENG DU LAm LAS BYUNG BA'I DBANG CHEN GYI DKYIL 'KHOR SNA TSOGS RDO RJES MNAN PAR BSGOMS NA 'GUL BAR MI 'GYUR RO, ,DE NAS SLOB MA DKYIL 'KHOR LA MNGON DU PHYOGS PA LA, KHYOD KYI MIG LA JI LTAR SNANG ZHES DRIS LA DKAR PO SOGS SU
SNANG ZER NA, ZHE SOGS KYI DNGOS GRUB LA SKAL BA DANG LDAN PAR GO BAR BYAS LA, BDEN PA'I BYIN RLABS 'DI BYA'O, ,YANG DAG PA YI DKYIL 'KHOR 'DIR, ,BDAG GI SLOB MA BCUG PA 'DI'I, ,LHA RNAMS RIGS KYI RIM PA NI, ,BSOD NAMS JI LTAR DE LTAR SHOG ,'DI YI DNGOS GRUB JI LTAR 'GYUR, ,RIGS NI GANG GI SNOD DU 'GYUR, ,BSOD NAMS MTHU YANG JI 'DRA BA, ,DE 'DRA DKYIL 'KHOR DU GYUR CIG ,CES BRJOD DO, ,GNYIS PA NI, DE NAS SNGAR BZUNG BA'I ME TOG GI PHRENG BA TRAm GIS BSNGAGS PA LAS YANG ZHING MA RNYINGS PA'I ME TOG GCIG BTON TE, RIN PO CHE'I PHRENG BAR MOS PA SLOB MA THAL MO SBYAR BA'I BAR DU SBYIN LA, SLOB MA SEMS MA GA-YENGS PAR RTZE GCIG PA'I BLO BRTAN PA CAN DU BYAS TE, GUS PA SNGON DU 'GRO BA'I GTZO BO 'KHOR BCAS KYI MDUN NA GNAS PA BZHIN DMIGS LA, NANG DU ZHUGS PAR MOS TE GTZO BO 'AM RANG GI LHA GANG YIN GYI DBU LA 'BAB PAR SHOG CIG SNYAM DU BSAMS NAS PRA T'ITZTSA BADZRA HO: ZHES BRJOD DE ME TOG DOR BAS LHA GANG GI RIGS YIN PA SHES PAR BYA'O, ,DE'ANG GTZO BO LA PHOG NA MYUR DU 'GRUB CING LHA'I SKU BKOD PA'I MDZOD SPU LA SOGS PA LA PHOG NA PHYAG CHEN LA SOGS PA'I DNGOS GRUB 'GRUB, SKU LAS HA CANG RING NA RING POS 'GRUB LA NYE NA MYUR RO, ,GNYIS KYI BAR DU LHUNG NA GANG LA NYE BA DE'I RIGS DANG, MNYAM NA GNYIS KA'I DNGOS GRUB 'GRUB CING, GANG LA DAD PA DE'I RIGS SO, ,RTZIG PA'I PHYIR LHUNG NA LAN GSUM BSKYAR YANG PHYIR LHUNG NA DNGOS GRUB PHRA MO 'GRUB, 'DI LVA BA PAS MI GZUNG BAR BSHAD DO, ,RDOR RA'I NANG DU LHUNG NA TSEGS CHEN POS 'GRUB LA DE'I
, ,PHYIR LHUNG NA DNGOS GRUB MED CING, DKYIL 'KHOR YANG MI BSTAN TE SNGAGS BZLAS PA LA SOGS PAS SKAL BA DANG LDAN PAR BSGRUBS NAS PHYIS GZHUG GO ,SPYI RGYUD NAS DE DANG RTZIG PA LA ME TOG LHUNG BA LA'ANG ZHI BA'I SBYIN SREG BYAS NAS GZHUG PAR BSHAD DO, ,DE NAS ME TOG DE SNGAR GYI ME TOG PHRENG BA DANG LHAN CIG BCINGS NAS PHRENG BA DE, AOm PRA TI GRiHnA STVAm AI MAm SATVA MAH'A B'A LA, ZHES BRJOD DE MGO LA BCINGS, DE NI SEMS DPA' STOBS PO CHE ZHES ME TOG PHOG PA'I LHA LA BOS NAS, SLOB MA 'DI BYANG CHUB MA THOB KYI BAR DU RJES SU BZUNG ZHIG CES LHA LA SLOB MA GTAD PAS DE'I BAR DU LHA DES RJES SU 'DZIN PA'I THABS ZAB MO'O, ,'DI NI DBANG DANG PO ME TOG PHRENG BA'I DBANG NGO, ,DE NAS SLOB MA'I SNYING GAR ZLA BA LA H'Um, DPRAL BAR RAm, MIG GNYIS LA AOm 'OD ZER 'BAR BA BSAMS LA, AOm RDO RJE SEMS DPA' DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA, ,RDO RJE'I MIG NI BLA NA MED, ,CES PAS SPYAN DAR PHYE LA, DE NI DAD PA'I SHUGS KYIS SU, ,DKYIL 'KHOR 'DI DE NYID LA LTOS, ,KHYOD NI SANGS RGYAS RIGS SU SKYES, ,PHYAG RGYA SNGAGS KYIS BYIN GYIS BRLABS, ,DNGOS GRUB KUN NI PHUN SUM TSOGS, ,DAM TSIG MCHOG TU KHYOD 'GYUR GYIS, ,RDO RJE PADMA RTZE ROL PAS, ,GSANG SNGAGS RNAMS LA SGRUB PA GYIS, ,HE BADZRA P'A SHYA ZHES BRJOD LA, DKYIL (HE NI KYE ZHES SLOB MA LA BOS NAS P'A SHYA ZHES PA LTOS SHIG PA'O, ,GANG LA LTA NA, BADZRA ZHES PA RDO RJE STE, RDO RJE'I DKYIL 'KHOR LA LTOS ZHES MA GO BAR, KYEE RDAR GYI DKYIL 'KHOR STON PAR GO NAS, BDE MCHOG SOGS LA TZE KRA SAm B'A RA P'A SHYA ZHES SOGS SU 'DON PA BSGYUR BA NI RNAM PA MA SHAR BA'O,) ,'KHOR
GYI LHA RNAMS KYI MTSAN BRJOD PA SNGON DU 'GRO BAS, SHAR GYI SGO SKYONG NAS BRTZAMS NAS GTZO BO'I BAR DU RTEN DANG BRTEN PA'I DKYIL 'KHOR MTHA' DAG BSTAN PAR BYAS LA, AOm RDO RJE'I DKYIL 'KHOR DKYIL 'KHOR CHEN POR BDAG ZHUGS SO, ,AOm RNAL 'BYOR DKYIL 'KHOR DKYIL 'KHOR CHEN PO BDAG GIS MTHONG, ,AOm GSANG BA'I DKYIL 'KHOR DKYIL 'KHOR CHEN POR BDAG DBANG BSKUR, ,SA MA YA HO: HO: HO: ZHES BRJOD DE, DKYIL 'KHOR DU 'JUG PA'I SKOR RO, ,GNYIS PA ZHUGS PA LA DBANG BSKUR BA LA BZHI, BUM PA, GSANG BA, SHES RAB YE SHES, BZHI PA BSKUR BA'O, ,DANG PO LA GNYIS, THUN MONG BA RDO RJE SLOB MA'I DBANG DANG, THUN MONG MA YIN PA RDO RJE SLOB DPON GYI DBANG NGO, ,DANG PO NI, DMAR NAG GI DKYIL CHOG GNYIS LAS CHU NAS MING DBANG GI BAR BSKUR BA LA SLOB MA DANG, DBANG RDZAS LHA GANG DU BSKYED PA MI GSAL LA, 'JIGS BYED LA BLA MA SNGA MA'I BZHED PAS RIGS LNGA THUN MONG BA DANG THUN MONG MA YIN PA GNYIS GNYIS SU BSKYED NAS, RE RE LA PHYI NANG GI DBANG BSKUR BA GNYIS GNYIS MDZAD DO, ,DE LA PHYIS KYI MKHAS PA KHA CIG YANG NA YUM MED PAS NANG CHOG GIS BSKYED PA MI BDE ZHING, GSHIN RJE GSHED KYI SKOR LA NANG CHOG GIS BSKYED PA GSAL PO MED CES GSUNG BA'I DANG PO NI BSHAD ZIN LA, GNYIS PA'ANG MI 'THAD DE DKYIL CHOG RDO RJE PHRENG BAR NANG DBANG BSKUR BAR BSHAD DE, DER BSHAD PA'I DGRA NAG GI DKYIL CHOG LA'ANG BYED PA DGONGS PAR SNANG BA'I PHYIR RO, ,DES NA DGRA NAG LA NANG DBANG BSKUR BA DKYIL CHOG GZHAN GNYIS LA'ANG MTSUNGS PAS DE BZHIN DU 'DIR YANG BYA'O, ,'DI
, ,LA LNGA, CHU'I DBANG, COD PAN GYI DBANG, RDO RJE'I DBANG, DRIL BU'I DBANG, MING GI DBANG NGO, ,DANG PO NI, SLOB MAS YON DANG MAndAL PHUL TE PHYAG BYAS LA, BUS MO GA-YAS PA'I LHA NGA SA LA BTZUGS, ME TOG GI SNYIMS PA THAL MO SBYAR LA, SANGS RGYAS SHES RAB CHEN PO YIS, ,RDO RJE SEMS DPA' DBANG BSKUR LTAR, ,BDAG KYANG MGON POS DBANG BSKUR ZHING, ,MCHOG KYANG BDAG LA STZAL DU GSOL, ZHAS SLOB MA'I DBANG RNAMS BSKUR BA'I DON DU GSOL BA GDAB, DE NAS SLOB MA LAS BUM GYI CHUS BSANGS LA, STONG PAR SBYANGS TE STONG PA'I NGANG LAS MI BSKYOD PA SNGON PO ZHAL GCIG PHYAG GNYIS PA RDO RJE DANG DRIL BU 'DZIN PA, (RIGS LNGA THUN MONG BA RNAMS KYI SKU MDOG DANG PHYAG MTSAN NI, RVA LA SOGS PA'I BLA MA SNGA MA RNAMS, MI BSKYED PA SNGON PO GA-YAS RDO RJE, RIN 'BYUNG SER PO GA-YAS RIN PO CHE, SNANG MTHA' DMAR PO GA-YAS PADMA, DON GRUB LJANG GU GA-YAS RAL GRI, RNAM SNANG DKAR PO GA-YAS 'KHOR LO 'DZIN CING GA-YON THAMS CAD KYIS DRIL BU BZUNG NAS YUM LA 'KHYUD CING, YUM LNGA NI, RANG RANG GI YAB DANG, SKU MDOG DANG ZHAL PHYAG GI GRANGS 'DRA BA, PHYAG MTSAN NI GRI GUG DANG THOD PA 'DZIN PAR BZHED PA LTAR RO, BYA'O,) ,M'A MA K'I DANG MNYAM PAR SBYOR BAR BSKYED RANG GTZO BOR GSAL BA'I SNYING GA'I SA BON GYI 'OD ZER GYIS BKUG PA RANG GI KHA NAS ZHUGS, SKU'I DBYIBS BRGYUD NAS YUM GYI PADMAR 'THON PA SKAD CIG GIS STONG PAR SBYANGS PA'I 'OG TU 'JIGS BYED LA BLA MA GONG MA'I BZHED PAS DH'I LAS RAL GRI DH'IS MTSAN PA LAS 'JAM DPAL DE YONGS SU GYUR PA LAS 'JIGS BYED YAB YUM GYI SKUR GYUR PAR BSAM PA DANG, YANG KHA CIG 'JAM DBYANGS SU BSKYED PA BZHAG NAS BYED PA LTAR BYAS KYANG RUNG NGO, ,SKU GSUNG THUGS
DANG SKYE MCHE BYIN GYIS RLOB PA SNGA MA'I LUGS LTAR RAM BZHAG KYANG CHOG GO ,YANG PHYOGS BCU'I SANGS RGYAS DANG BYANG CHUB SEMS DPA' RNAMS 'DUS GTZO BO'I SPYI GTZUG NAS ZHUGS SKU'I DBYIBS BRGYUD YAB KYI RDO RJE NAS YUM GYI PADMAR, SLOB MA 'JIGS BYED KYI GZUGS SU GNAS PA LA DBANG BSKUR BAR BSGOM PA NI NANG DBANG NGO ZER RO, ,YANG NA GSUM GA LA SLOB MA LAS BUM GYI CHUS BSANGS LA, RANG GTZO BOR GSAL BA'I SNYING GA'I SA BON GYI 'OD ZER GYIS BKUG PA RANG GI KHA NAS ZHUGS SKU'I DBYIBS BRGYUD NAS YUM GYI PADMAR 'THON PA SKAD CIG GIS STONG PAR SBYANGS PA'I 'OG TU, (KHA CIG 'JIGS BYED RNAM SNANG CHU DBANG DU 'CHAR BA NI, DON YOD ZHABS KYI DKYIL CHOG DANG DNGOS SU 'GAL BAR SNANG NGO,) ,CHO GA GSUM GYIS MI BSKYOD PA YAB YUM DU BSKYED YE SHES PA DANG DBYER MED DU BYA, RANG GI SNYING GA'I SA BON GYI 'OD ZER GYIS PHYOGS BCU NA BZHUGS PA'I RGYAL BA YAB YUM MDUN GYI NAM MKHAR SPYAN DRANGS PA LA MCHOD DE, SLOB MA DBANG BSKUR BA'I DON DU, RDO RJE CAN GYIS SANGS RGYAS LA, 'GRO BA BSKYAB PA'I CHED DU DBANG, ,YON TAN 'BYUNG GNAS JI LTAR STZAL, ,DE LTAR 'DI LA STZAL DU GSOL, ,ZHES PAS DE RNAMS DANG, BSGRUBS PA'I DKYIL 'KHOR PA LA GSOL BA BTAB PAS, NAM MKHA'I RGYAL BA YAB YUM RNAMS SNYOMS PAR ZHUGS PA 'DOD CHAGS CHEN PO'I MES ZHU BAR GYUR NAS, SPYI BO NAS ZHUGS RDO RJE'I LAM NAS BYUNG BA'I BYANG CHUB KYI SEMS KYIS SLOB MA MI BSKYOD PAR BYAS PA LA DBANG BSKUR TE, YUM GYI PADMA NAS PHYUNG NAS RANG GNAS SU DGOD DO, ,DE NAS GSUM GA LA THUN MONG DU LAS BUM MA GTOGS PA'I BUM CHU RNAMS LAS
, ,THAMS CAD PA ZLOS SHING BSDUS LA BSANGS SBYANGS TE, H'Um DANG RDO RJE LAS MI BSKYOD PA YUM DANG BCAS PAR BSKYED DE, RANG GI THUGS KA'I SA BON GYI 'OD ZER GYIS YE SHES PA DGUG LA GZHUG ,DBANG BSKUR MCHOD DE ZHU BA LAS BYUNG BA'I CHUR BSGOM, ('DIR, DMAR PO'I DKYIL CHOG LAS, LAS THAMS CAD LA BZLAS PA'I BUM PA NAS, RANG RDO RJE DANG BCAS PA'I KHU TSUR GYIS CHU BLANGS LA ZHES LAS BUM GYI CHUS DBANG BSKUR BA 'DRA GCIG BSHAD KYANG NAG PO'I DKYIL CHOG LAS, LAS THAMS CAD PA BZLAS PA'I BUM PA'I CHU BSDUS LA ZHES BSGYUR BA LTAR LEGS SO, ,'DIR SNGA MA RNAMS, BUM PA DANG COD PAN RNAMS DANG RDOR DRIL RNAMS MI BSKYOD PA SOGS SU BSKYED NAS, GTZO BO'I ZHAL NAS ZHUGS TE, YUM GYI PADMAR PHYUNG BA RNAMS GTZO BO'I YUM SOGS SU BSKYED PA NI, DBANG RDZAS LA NANG CHOG GIS BSKYED NAS NANG DBANG BSKUR BA GANG NAS KYANG MA BSHAD LA, DON LA'ANG MI THOB CING, KHYAD PAR DU, BUM PA CHU DBANG GI DBANG RDZAS SU BYED PA NI NOR BAR SHES PAR BYA'O,) ,RANG GI THUGS KA'I SA BON GYI 'OD ZER GYIS RGYAL BA 'KHOR BCAS THAMS CAD SLOB MA LA DBANG BSKUR BA'I PHYIR DU BSKUL TE, SPYAN DRANGS PA RNAMS BYON TE NAM MKHA' LA BZHUGS PAR BSAM, DE NAS RDUL TSON GYI DKYIL 'KHOR GYI LHA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RNAMS SLOB MA'I STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR KUM LA SOGS PA'I CHAR 'BEBS, PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR, GZUGS RDO RJE
MA LA SOGS PA RNAMS KYIS BKRA SHIS KYI GLU DBYANGS KYIS SHIS PA BRJOD, KHRO BO RNAMS PHYOGS MTSAMS SU 'KHOD NAS BGEGS BSKRAD PAR BSAMS LA, RANG DANG SLOB MAS BUM PA BTEG LA, BKRA SHIS GANG ZHIG SEMS CAN KUN GYI SNYING LA GNAS, , KUN GYI BDAG NYID DAM PA'I RIGS RNAMS KYI NI RJE, ,MA LUS SEMS CAN SKYED BYED BDE BA CHEN PO STE, ,BKRA SHIS DES NI DE RING KHYOD LA DBANG RAB BSKUR, ,ZHES SLOB MA LA SHIS BRJOD GLUR BLANG NGO, ,('DIR BUM PA DNGOS SU BTEG NAS ME TOG 'THOR BA'I SHIS BRJOD BYED PA NI, DBANG LHA SPYAN DRANGS PA RNAMS KYIS SLOB MA DBANG BSKUR BA NA, 'DI LTAR MDZOD CES GO BAR BYED PA'I PHYIR YIN NO,) ,'DI SLOB MA LA BYED PA YIN GYI BUM PA LA SHIS BRJOD BYED PA GTAN MIN NO, ,RDO RJE DANG BCAS PA'I BUM PA'I KHA RGYAN LAG PA GA-YAS PA'I RDO RJE KHU TSUR GYIS BZUNG LA DES CHU BLANGS TE, RDO RJE'I RTZE MOS SPYI BOR BLUG CING, DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYIS GSANG GSUM PA'I, ,GNAS LAS BYUNG BA SBYIN PAR BYA, ,AOm A'A: BADZRA AU DA KA AA BHI shINYTZA H'Um SU RA TA STVAm AA HAm ZHES BRJOD CING DBANG BSKUR RO, ,DE LTAR BDUD RTZI'I CHUS DBANG BSKUR BAS LUS THAMS CAD GANG NAS BDE BA CHEN PO MYONG, DRI MA THAMS CAD DAG CHU'I LHAG MA SPYI GTZUG TU 'KHYIL BA LAS MI BSKYOD PAS DBU BRGYAN PAR BSAMS LA, RANG GI THUGS KA'I SA BON GYI 'OD ZER GYIS DBANG GI LHA RNAMS BKUG NAS, DZA: H'UM BAm HO: SLOB MA'I BA SPU'I SGO NAS BSTIMS PA LA MCHOD PAS MCHOD DO, ,DE LTAR MI BSKYOD PA CHU'I DBANG THOB ZHE SDANG GI DRI MA SBYANGS, RNAM SHES KYI PHUNG PO GNAS BSGYUR CHOS KYI DBYINGS KYI YE SHES
, ,MNGON DU BYAS, MI BSKYOD PA DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES GO BA BSKYED LA DAG PA SBYIN NO, ,GNYIS PA NI, DE NAS SLOB MA BUM CHUS BSANG BA NAS PADMA NAS PHYUNG NAS RANG GNAS SU BZHAG PA'I BAR DANG, DE NAS MING DBANG MA GTOGS PA LA DBANG RDZAS RNAMS SO SO'I LHAR BSKYED, RANG GI THUGS KA'I SA BON GYI 'OD ZER GYIS BKUG PA'I YE SHES PA GZHUG PA NAS ZHU BA'I BAR DANG, THUGS KA'I SA BON GYI 'OD ZER GYIS DBANG LHA SPYAN DRANGS PA NAS SPRO BA BSKYED PA'I BAR RNAMS COD PAN GYI DBANG LA SOGS PA LA'ANG SNGAR BZHIN BYA'O, ,GSER DANG RAS LA SOGS PA LAS BYAS PA'I DBU RGYAN SLOB MA'I RIGS BDAG DBUS NA YOD PA BSANGS SBYANGS TE, TRAm DANG RIN PO CHE LAS RIN 'BYUNG YUM DANG BCAS PAR BSKYED PA SOGS BYAS NAS, AOm BADZRA RATNA KU LA MU KU tA AA BHI shINYTZA MI ZHES PAS DBU RGYAN MGO LA BSKON DAR DBYANGS BCINGS LA, DE BZHIN GSHEGS PA THAMS CAD KYI RIGS KYI BDAG PO'I COD PAN LA BZHUGS PAR BSAMS LA, DBANG BSKUR RDO RJE ZHES PA'I TSOGS BCAD DANG, AOm A'I: SARBA TA TH'A GA TA AA BHI shE KA TA SA MA YA SHR'I YE H'Um SV'A H'A, ZHES BRJOD LA BRTAN BYED KYI CHUS DBANG BSKUR BAS DRI MA SBYANGS RIN 'BYUNG GIS DUB BRGYAN PA LA MCHOD DE, DBANG LHA BSTIM PA SNGAR BZHIN BYA, LHAG MA RNAMS LA'ANG BRTAN BYED KYI CHU DBANG BSKUR BA MAN CHAD 'DRA STE RIGS BDAG NI RIGS SO SO'I 'O, ,DE DAG GIS RIN 'BYUNG COD PAN GYI DBANG THOB, NGA RGYAL DANG SER SNA SBYANGS TSOR BA'I PHUNG PO GNAS BSGYUR MNYAM PA NYID KYI
YE SHES MNGON DU BYAS, RIN CHEN 'BYUNG LDAN DANG DE'I RIGS KYI DNGOS GRUB SGRUB PA LA DBANG PAR BYAS SO, ,ZHES GO BA BSKYED LA DAG PA SBYIN NO, ,GSUM PA NI, DE NAS SLOB MA DANG RDO RJE HR'I: DANG PADMA LAS 'OD DPAG MED YUM DANG BCAS PAR BSKYED PA SOGS BYAS LA, SANGS RGYAS KUN GYI RDO RJE YI, DBANG GIS DE RING KHYOD DBANG BSKUR, ,'DI DE SANGS RGYAS THAMS CAD NYID, ,RDO RJE RAB TU GRUB PHYIR GZUNG, ,ZHES BRJOD LA SLOB MA'I SNYING GA MGRIN PA SPYI BOR REG LA, LAG PA GA-YAS SU GTAD DES KYANG LHA'I NGA RGYAL BRTAN PAS BSNYEMS PA'I TSUL GYIS BZUNG LA RDO RJE GSOR, DE DAG GIS 'OD DPAG MED RDO RJE'I DBANG THOB, 'DOD CHAGS KYI DRI MA SBYANGS 'DU SHES KYI PHUNG PO GNAS BSGYUR, SO SOR RTOG PA'I YE SHES MNGON DU BYAS, 'OD DPAG MED DANG DE'I RIGS KYI DNGOS GRUB SGRUB PA LA DBANG BAR BYAS SO ZHES PAS DAG PA SBYIN NO, ,BZHI PA NI, DE NAS DRIL BU DANG SLOB MA GNYIS KHAm DANG RAL GRI LAS DON GRUB YUM DANG BCAS PAR BSKYED PA SOGS BYAS LA, SLOB MA'I LAG PA GA-YON DU DRIL BU SBYIN LA, RDOR DRIL GNYIS DANG LDAN PA'I LAG PA GNYIS 'KHYUD PA'I TSUL BYED DU BCUG LA AOm BADZRA AA DHI PA TI STVAm AA BHI SHI NYTZA MI TIshthA BADZRA SA MA YA STVAm, ZHES BRJOD PAR BYA'O, ,DRIL BU'I DBANG BSKUR BA NYID LA BDAG PO'I DBANG BSKUR BA ZHES KYANG GSUNGS PAS, BADZRA AA DHI PA TI STVAm ZHES SOGS KYIS DBANG BSKUR BA RIGS SO, ,DE DAG GI DON GRUB DRIL BU'I DBANG THOB, PHRA DOG GI DRI MA SBYANGS 'DU BYED KYI PHUNG PO GNAS BSGYUR, BYA BA BSGRUB PA'I YE SHES MNGON DU BYAS, DON GRUB DANG DE'I RIGS KYI DNGOS GRU
, ,SGRUB PA LA DBANG BAR BYAS SO ZHES PAS DAG PA SPYIN NO, ,LNGA PA NI, DE NAS SLOB MA AOm DANG 'KHOR LO LAS RNAM SNANG YUM DANG BCAS PAR BSKYED PA SOGS BYAS LA, SLOB MA'I MGOR RDOR DRIL MNYAM POR BZUNG ZHING, AOm BADZRA SATVA STVAm AA BHE shE NYTZA ? MAm BADZRA N'A MA AA BHI shE KA TA ZHES BRJOD CING, KYEE ZHES BOS TE DPAL CHE GE MO RDO RJE ZHES BYA BA'I DE BZHIN GSHEGS PA ZHES BRJOD LA ME TOG PHOG PA'I LHA'I RIGS LA BTAGS TE MING GDAGS SO, ,DE DAG GIS RNAM SNANG MING GI DBANG THOB GTI MUG GI DRI MA SBYANGS, GZUGS KYI PHUNG PO GNAS BSGYUR, ME LONG LTA BU'I YE SHES MNGON DU BYAS, RNAM SNANG DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED LA DAG PA SBYIN NO, (,CHU DBANG SOGS KYI SKABS SU PHYI NANG GI DBANG BSKUR BA LA SLOB MA LHAR BSKYED PA NI DKYIL CHOG RDO RJE PHRENG BA DANG, DON YOD ZHABS KYI DKYIL CHOG LAS, RIGS LNGA SPYI 'GRO LTAR GSUNGS PAS, GTI MUG GSHIN RJE GSHED LA SOGS PA'I RIGS LNGA BYE BRAG PA DGOS PA'I NGES PA MED DO, ,'ON KYANG SNGA MA KHA CIG GIS 'JIGS BYED LA LHAR BSKYED TSUL SPYI DANG BYE BRAG PA GNYIS BSHAD PA LA MOS NA'ANG, SNGAR, CHU DBANG GI SKABS SU BSHAD PA LA BRTEN NAS SHES PAR NUS SO,) ,DBANG BSKUR BA 'DI DAG GIS BYA BA DANG SPYOD PA'I RGYUD BSHAD PA DANG SNGAGS SGRUB PA LA DBANG BAR 'GYUR RO, ,DBANG LNGA PO 'DI NYID NI RIG MA LHA MO RNAMS KYIS DBANG BSKUR, MA RIG PA NYON MONGS LNGA SPONG RIG PA YE SHES LNGA THOB PAR BYED PA'I PHYIR, RGYUD GZHAN DU RIG PA'I DBANG ZHES GSUNGS LA, DGRA NAG LA SOGS PA LAS LNGA GA LA COD PAn GYI DBANG ZHES KYANG GSUNGS TE, DBANG LNGA PO THAMS CAD DU TZA RTZI KA LA SOGS PA
RNAMS KYIS SLOB MA'I COD PAN LAS TE, SPYI BOR CHU'I DBANG BSKUR BA LA DBANG DU BYAS PA'I PHYIR RO, ,GNYIS PA THUN MONG MA YIN PA RDO RJE SLOB DPON GYI DBANG LA GNYIS, SLOB DPON GYI DBANG DNGOS BSKUR BA, SLOB DPON GYI DBANG DNGOS KYI MTHA' RTEN NO, ,DANG PO NI COD PAN GYI DBANG BSKUR ZHING SLOB DPON GYI SDOM PA GZUNG BA'I SLOB MAS, SLOB DPON GYI DBANG GI DON DU MAndAL PHUL TE, GANG GI BDAG NI KHYOD DRIN LAS, ,RANG DANG GZHAN DON NUS 'GYUR BA, ,RDO RJE SLOB DPON GYI MI DBANG, ,SNYING BRTZE'I GTER GYI BDAG LA STZOL ZHES LAN GSUM GSOL PA GDAB, DE NAS SLOB MA DKYIL 'KHOR GYI SHAR DU RDUL MTSON DKAR POS PADMA 'DAB BRGYAD BRIS BA'I STENG DU SHING STAN LA DNGOS SU BZHAG PA'AM BZHAG PAR MOS NAS, SLOB MA LAS BUM GYI CHUS BSANGS KHA NAS BCUG PA YUM GYI PADMAR 'THON PA, STONG PAR SBYANGS TE H'Um DANG RDO RJE LAS RDO RJE 'CHANG DKAR PO RDO RJE DBYINGS KYI DBANG PHYUG MA LA 'KHYUD PAR BSKYED, YE SHES PA DANG DBYER MED DU BSRES LA SNGAR LTAR NANG DBANG BSKUR, PADMA NAS PHYUNG STE SENG GE'I KHRI'I STENG DU SNA TSOGS PADMA DANG ZLA BA'I GDAN LA DGOD DO, ,SLOB DPON GYI DBANG LA NANG DBANG BSKUR BA RVA LO TZ'A BA'I LUGS 'DI NANG DBANG BSKUR BA'I BSHAD PA'I SROL GSAL BAR MDZAD PA, MKHAS PA AA BHYA KA RA DANG SHIN TU MTHUN ZHING LAGS PA YIN PAS MA CHAD PAR BYA'O, ,RDO RJE'I DAM TSIG SBYIN PA NI, RDO RJE BSANGS SBYANGS NAS H'Um LAS BYUNG BA'I RDO RJER BSKYED LA, ('DIR, RDO RJE'I DAM TSIG SBYIN PA LA RAL GRI ZHES GSUNGS PA NI, LHAN CIG SKYES PA'I SNANG BA LAS, RAL GRI CHEN PO'I KHAMS GSUM PA'I ZHES BYA BA LA, KHAMS GSUM DU 'BYUNG BA'I 'DOD CHAGS LA SOGS PA DE,
, ,GCOD PAR CHOS MTHUN PAR RAL GRI STE RDO RJE ZHES BYA'O, ,ZHES GSUNGS PA LTAR SHES PAR BYA'O,) ,KHAMS GSUM PA YI RAL GRI CHE, ,SANGS RGYAS KUN GYIS PHYAG BYAS PA, ,LAS KYI RAL GRI MCHOG LTA BU, ,BDUD LAS RGYAL BAR BYA PHYIR GZUNG, ,ZHES BRJOD CING, STONG PA NYID DANG DBYER MI PHYED PA'I YE SHES RGYAL BA'I THUGS KYI NGO BO NI GSANG BA'I RDO RJE YIN LA, DE DRAN PA'I DON DU RDO RJE 'DZIN PAR BYED PA'I DE KHO NA NYID KYIS RDO RJE 'DZIN DU GZHUG ,DES KYANG DE LTAR DRAN PAR BYAS LA RDO RJE SEMS DPA'I NGA RGYAL GYIS RDO RJE GSOR NAS THUGS KAR GZUNG NGO, ,DRIL BU'I DAM TSIG SBYIN PA NI DRIL BU BSANGS SBYANGS NAS, AA LAS SKYES BA'I DRIL BUR BSKYED LA, SHES RAB THABS KYI RANG BZHIN NYID, ,RDO RJE DRIL BU RAB GRUB PHYIR, ,BU YIS YANG DAG GUS PAS BZUNG, ,KHYOD KYIS SLOB MA BSDU BAR GYIS, ,ZHES BRJOD CING CHOS THAMS CAD RANG BZHIN MED PA'I SGRA DRIL BUS SGROGS PAR SEMS PA'I DE KHO NA NYID KYIS DRIL BU 'DZIN DU GZHUG ,DES KYANG DE LTAR DRAN PAR BYAS LA, SRID PA NGO BO NYID KYIS DAG ,NGO BO NYID KYIS SRID BRAL BYAS, ,RANG BZHIN DAG PA'I SEMS LDAN PA'I, ,SRID PA DAM PA BYED PAR 'GYUR, ZHES BRJOD DE DKROL LO, ,DE NAS PHYAG RGYA'I DAM TSIG SBYIN PA NI, YID KYI LUS NI BRTAN PA NYID, ,PHYAG RGYA'I DAM TSIG RAB TU BRJOD, ,GANG GIS LUS NI THAMS CAD BRTAN, ,DES NA PHYAG RGYA RAB TU BSGRAGS, ,ZHES BYA BAS YE SHES KYI PHYAG RGYA 'DU BYAS NAS 'DOD YON LA LONGS SPYOD PA'I TSUL GYIS DNGOS GRUB THAMS CAD BSGRUB PAR BYA'O ZHES GO BAR BYA'O, ,DE LTAR DAM TSIG GSUM SBYIN PA SNGON DU 'GRO BA CAN GYI DAM TSIG GSUm GZUNG BA'I SGO NAS,
SLOB DPON GYI DBANG DNGOS GZHI BSKUR BA NI, LAG PAS RDOR DRIL BZUNG NAS 'KHYUD PA'I TSUL BYED DU GZHUG ,YID KYIS YE SHES KYI PHYAG RGYA RDO RJE DBYINGS KYI DBANG PHYUG MA LA 'KHYUD PAR BSAMS LA, 'KHYUD PA LAS BYUNG BA'I BDE BA BSKYED DE DE NYID LA SLOB DPON GYI DBANG DU NGO 'PHROD PA DGOS TE, KYEE RDO RJE LAS, SHES RAB BCU DRUG LON PA LA, ,LAG PA DAG GIS YANG DAG 'KHYUD, ,RDO RJE DRIL BU MNYAM SBYOR BA, ,SLOB DPON DBANG DU YANG DAG 'DOD, ,CES GSUNGS PA'I PHYIR RO, ,DE NAS RANG GI THUGS KA'I SA BON GYI 'OD ZER GYIS DBANG LHA SPYAN DRANGS LA DMIGS PA SNGAR CHU DBANG GI SKABS SU BSHAD PA BZHIN BYAS TE, DBANG BSKUR RDO RJE ZHES PA'I TSIGS BCAD DANG, AOm A'A: SARBA TA TH'A GA TA, (SLOB DPON GYI DBANG GI SKABS SU NAG PO'I DKYIL CHOG LAS, RDO RJE TZA RTZI KA LA SOGS PAS DBANG BSKUR ZHING, DAM TSIG GSUM GZUNG BAR BYA'O ZHES 'BYUNG LA, DMAR PO'I 'GYUR GYI DPE KHA CIG LAS, RDO RJE TZA RTZI KA LA SOGS RNAMS KYIS SNGA MA BZHIN DBANG BSKUR TE, DAM TSIG GSUM 'DZIN DU GZHUG GO ,ZHES 'BYUNG ZHING, CHAG 'GYUR KHA CIG LAS GZHAN 'DRA BA LA, DAM TSIG GSUM 'DZIN DU GZHUG NAS SO ZHES 'BYUNG BA GSUm YOD KYANG PHYI MA DRAG STE, DAM TSIG GSUM 'DZIN DU BCUG PA'I 'OG TU CHU DBANG BSKUR BA'I DON NO, ,SNGA MA BZHIN ZHES PA'I DON LA KHA CIG BZHI BRGYA LNGA BCU PAR, SNGA MA BZHIN DU RIG DBANG BSKUR ZHES PA DANG MTHUN PAR SLAR YANG, RIG MA'I DBANG LNGA BSKUR BA'I DON DU 'CHAD DO, ,SPYIR SLOB DPON DPAL 'DZIN GYI GZHUNG LA MAR ME MDZAD BZANG PO'I RJES SU 'BRANGS PA'I MANG DU SNANG YANG, DKYIL CHOG SNGA MA BZHIN ZHES PA'I DON DE LTAR MIN GYI, DKYIL CHOG LAS THAMS CAD DU TZA RTZI KA LA SOGS PA RNAMS, COD PAN LA DBANG GI TSUL DU BYAS PA'I PHYIR RO ZHES 'BYUNG BA'I DON SNGAR BSHAD PA BZHIN DU, TZA RTZI KA LA SOGS PAS CHU DBANG BSKUR ZHES PA'I
, ,DON DU SNANG NGO,) ,AA BHI shE KA TA SA MA YA SHR'I YE H'Um SV'AH'A, ZHES BRJOD DE BUM CHUS SNGAR BZHIN BLUG LA DBANG BSKUR, DBANG GI CHUS LUS THAMS CAD GANG NAS BDE BA CHEN PO MYONG, DRI MA THAMS CAD DAG CHU'I LHAG MA SPYI GTZUG TU 'KHYIL BA LAS GRUB PA'I MI BSKYOD PAS DBU BRGYAN PAR BSAM MO, ,RANG GI THUGS KA'I SA BON GYI 'OD ZER GYIS DBANG GI LHA RNAMS SPYAN DRANGS TE, SLOB MA RNAMS KYI LUS KYI BA SPU'I SGO NAS THIM PAR BSAM ZHING, AOm SU PRA TIshthA BADZRA SV'AH'A, ZHES BRJOD NAS SLOB MA LA ME TOG GTOR TE MCHOD DO, ,GNYIS PA LA DRUG ,DE KHO NA NYID DANG LAS KYI RIM PA BSHAD PA, SNGAGS GTAD PA DANG MIG SMAN BSKU BA, ME LONG DANG MDA' 'PHANG BA, SPYI DANG BYE DRAG GI RJES SU GNANG BA, RDO RJE'I BRTUL ZHUGS DANG LUNG BSTAN PA, GSANG BA BSHAD PA DANG DBUGS DBYUNG BA'O, ,DANG PO LA GNYIS LAS, DE KHO NA NYID KYI RNAM PAR DAG PA BSHAD PA NI, RTEN DANG BRTEN PA GNYIS MA DAG PA'I SNOD BCUD LTAR DON GZHAN PA NYID DU 'DZIN PA BZLOG PA'I PHYIR GZHAL YAS KHANG GI RNAM DAG BSHAD LA, LHA RNAMS KYANG RGYUD THA DAD DU 'DZIN PA BZLOG PA'I PHYIR DU LHA'I RNAM DAG BSTAN NO, ,DE LTAR NA GTZO BO GCIG GI YE SHES KYI GZUNG CHA RTEN DANG BRTEN PA'I DKYIL 'KHOR GYI RNAM PA SNA TSOGS PAR SNANG BA YIN GYI, DE LAS GUD NA MED PAS THAMS CAD KYANG YE SHES KYI BDAG NYID DO, ,DE LA DKYIL 'KHOR GYI DE KHO NA NYID NI SANGS RGYAS DANG SANGS RGYAS MA YIN PA GNYIS DE KHO NA NYID DU MI MNYAM PA MED PAS GRU BZHI PA'O, ,DRAN PA NYE BAR BZHAG PA BZHI DAG PA NI SHAR GYI SGO DANG, YANG DAG SPONG BZHI DAG PA NI LHO'I
DANG, RDZU 'PHRUL RKANG BZHI DAG PA NI NUB KYI DANG, DAD PA LA SOGS PA'I DBANG PO LNGA DAG PA NI BYANG GI SGO BZHI'O, ,ZHES PA NI DKYIL 'KHOR GSUM GA'I THUN MONG NGO, ,DMAR NAG GNYIS LA NI RNAM THAR BRGYAD DAG PA NANG GI SNA TSOGS RDO RJE'I ZUR BZHI DANG LEG BZHI'O, ,RDO RJE THEG PA'I CHOS KYI 'KHOR LO RTAG TU BSKOR BA'I PHYIR NANG GI RDO RJE'I PHRENG BA'O, ,RIGS KYI DBYE BAS 'JIG TSOGS LA LTA BA'I RI'I RTZE MO MTHON PO NYI SHU 'BYED PA NI, SNA TSOGS RDO RJE'I RVA NYI SHU'O ZHES PA LA SOGS PA BRJOD DE RGYAS PA BYED 'DOD NA DKYIL CHOG LAS SHES PAR BYA'O, ,LHA'I DE KHO NA NYID NI RNAM PAR SHES PA LA SOGS PA'I PHUNG PO LNGA DANG CHOS KYI DBYINGS KYI YE SHES LA SOGS PA'I YE SHES LNGA RNAM PAR DAG PA NI ZHE SDANG GSHIN RJE GSHED LA SOGS PA RIGS LNGA'O, ,PHUNG PO'I BDUD KYI MI MTHUN PA'I PHYOGS DANG DAD PA'I STOBS DAG PA NI THO BA GSHIN RJE GSHED DANG, NYON MONGS PA'I BDUD KYI MI MTHUN PA'I PHYOGS DANG BRTZON 'GRUS KYI STOBS DAG PA NI DBYUG PA GSHIN RJE GSHED DANG, 'CHI BDAG GI BDUD KYI MI MTHUN PA'I PHYOGS DANG DRAN PA'I STOBS DAG PA NI PADMA GSHIN RJE GSHED DANG, RNAM GA-YENG LHA'I BU'I BDUD KYI MI MTHUN PA'I PHYOGS DANG, TING NGE 'DZIN GYI STOBS DAG PA NI RAL GRI GSHIN RJE GSHED DO, ,SA'I KHAMS DANG BYAMS PA CHEN PO'I RANG BZHIN TZA RTZI KA DANG, CHU'I KHAMS DANG SNYING RJE CHEN PO'I RANG BZHIN PHAG MO DANG, ME'I KHAMS DANG DGA' BA CHEN PO'I RANG BZHIN DBYANGS CAN MA DANG, RLUNG GI KHAMS DANG BTANG SNYOMS KYI RANG BZHIN GOO R'I DANG, PHYI'I GZUGS SOGS YUL DRUG RNAM PAR DAG PAS
, ,THOD PA BZHI STE, DRI NI GZUGS SU 'DUS LA CHOS KYI DBYINGS NI THAMS CAD LA KHYAB PA'I PHYIR RO, ,LAS KYI RIM PA BSTAN PA NI, SRUNG BA'I DAM TSIG DANG BZA' BA'I DAM TSIG DANG, GTOR MA'I CHO GA DANG SRUNG BA DANG, PHYIR ZLOG DANG DKYIL 'KHOR BSGRUB PA DANG, DER SLOB MA GZHUG PA'I MTSAN NYID NI SLOB DPON GYI LAS SU BYA BA'I RIM PA YIN NO, ,ZHES GO BAR BYA'O, ,GNYIS PA NI, RANG GIS 'JIGS BYED LA RVAS SNGAGS GSUM GA BZHED PA LTAR DANG DMAR NAG GNYIS LA HR'I: shtR'I: BRGYA RTZA BRGYAD DAM LAN GSUM BZLAS LA, BCOM LDAN BDAG GIS SBYIN LAGS KYIS, ,'DI LA NYE BAR MDZAD DU GSOL, ,ZHES 'KHOR LO'I GTZO BO LA GSOL BA GDAB LA, SLOB MAS, BCOM LDAN BDAG GIS GZUNG LAGS KYIS, ,BDAG LA NYE BAR MDZAD DU GSOL, ZHES GSOL BA BTAB NAS LAN GSUM RJES ZLOS BYAS PAS, BLA MA'I THUGS KA NAS BRGYUD DE ZHAL NAS BYUNG BA SLOB MA'I SNYING GAR SA BON GYI MTHAR NAS GNAS PAR BSAM MO, ,DE NAS GSER RAM DNGUL GYI SNOD DU BZHAG PA'I MAR DANG SBRANG RTZI'I MIG SMAN GSER LAS BYAS PA'I THUR MAS SLOB MA'I MIG LA YI GE PRAm BSAMS PA LA, AOm BADZRA NEE TRA AA PA H'A RA PA tA LAm HR'I: ZHES 'DON ZHING BSKUS PAS MIG 'BYED PA'I TSUL DU BYA ZHING, JI LTAR MIG MKHAN RGYAL PO YIS, , 'JIG RTEN LING TOG BSAL BA LTAR, ,BU KHYOD KYI NI MI SHES PA'I, ,RAB RIB RGYAL BA RNAMS KYIS BSAL, ,ZHES BRJOD PAS MA RIG PA'I LING TOG DANG BRAL NAS YE SHES KYI SPYAN DBYE BAR BSAM MO, ,GSUM PA NI, DE LTAR SPYAN BYE BA DES CHOS
THAMS CAD GZUGS BRNYAN BZHIN DU BLTA BAR BYA'O, ,ZHES BSGRUB PA'I CHED DU A'A: YIS BSNGAGS PA'I ME LONG BSTAN ZHING, CHOS RNAMS GZUGS BRNYAN LTA BU STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,DER NI GSAL DAG RNYOG PA MED, ,SANGS RGYAS KUN BDAG RANG NYID NI, ,BU KHYOD KYI NI SNYING LA ZHUGS, ,RANG BZHIN MED CING GNAS MED PA, ,CHOS RNAMS DE LTAR SHES NAS KHYOD, ,SEMS CAN DON NI MNYAM MED BYOS, ,SKYOB PA RNAMS KYI SRAS SU SKYE, ,ZHES BRJOD LA, SPYIR CHOS THAMS CAD GZUGS BRNYAN LTA BU DANG, KHYAD PAR DU RANG GI SNYING LA ZHUGS PA'I RDO RJE SEMS DPA' NI ME LONG GI GZUGS BRNYAN LTAR SHES PAR GYIS CES BSGO'O, ,DE NAS HO : LAS SKYES PA'I MDA' GZHU HO: ZHES BRJOD NAS BYIN LA, AOm SARBA TA TH'A GA TA AA NU R'A GA YA SVA ZHES BRJOD, DES KYANG AOm SARBA TA TH'A GA TA AA NU R'AG YA MI ZHES BRJOD CING, BGEGS LA 'BIGS PA'I BSAMS PAS PHYOGS BZHI STENG 'OG GNYIS TE DRUG TU MDA' 'PHANG ZHING DE'I SLOB DPON GYIS SNGAGS SNGA MA BRJOD DO, ,BZHI PA LA GNYIS LAS, SPYI'I CHES BSHAD PA'I RJES GNANG NI, DE NAS BLA MAS BHR'Um LAS BYUNG BA'I 'KHOR LO, ,AOm BADZRA HE TU MAm ZHES PAS MDUN NAM STAN DU BYIN, DBYANGS THA MA AA: LAS BYUNG BA'I DUNG AOm BADZRA BHA shA RAm ZHES PAS LAG PA GA-YAS SU GTAD LA 'BUD DU GZHUG ,DBYANGS DANG PO AA LAS BYUNG BA'I GSHIN RJE GSHED KYI RGYUD LAG PA GA-YON DU GTAD LA, DENG NAS BRTZAMS TE SEMS BSKYED PA, ,TZAM GYI CHOS DUNG BLA MED PA, ,KUN NAS
, ,YONGS SU BKANG NAS NI, ,CHOS KYI 'KHOR LO BSKOR BAR GYIS, ,ZHES BRJOD DO, ,DBYANGS THA MA AA LAS BYUNG BA'I DRIL BU LAG PA GA-YON DU GTAD DE DKROL DU BCUG LA, THAMS CAD NAM MKHA'I MTSAN NYID DE, ,NAM MKHA' LA YANG MTSAN NYID MED, ,NAM MKHA' MNYAM PA NYID SBYOR BAS, ,THAMS CAD MCHOG NI MNYAM NYID GSAL, ,ZHES BRJOD DO, ,BYE BRAG GI CHOS BSHAD PA'I RJES GNANG NI, SLOB MA SKABS SU GANG BAB KYI GTZO BO GSHIN RJE GSHED DU BSKYED LA, SEMS CAN KUN LA PHAN DON BYED, ,'JIG RTEN KUN TU THAMS CAD NAS, ,JI LTAR SNA TSOGS 'DUL 'GYUR BA, ,CHOS KYI 'KHOR LO RAB TU BSKOR, ,CHOS KYI GNAS SU RDO RJE DANG RIN PO CHE DANG PADMA DANG LAS KYI SGRA BCUG LA, BRJOD DE RIGS LNGA PO SO SO'I DKYIL 'KHOR 'DRI BA DANG BSHAD PA BYED PA'I RJES SU GNANG PA SBYIN NO, ,LNGA PA NI, DE NAS SLOB MA RDOR SEMS SU BSKYED LA, H'Um LAS BYUNG BA'I RDO RJE, 'DI DE SANGS RGYAS THAMS CAD NYID, ,RDO RJE SEMS DPA'I PHYAG NA GNAS, ,KHYOD KYIS KYANG NI RTAG TU BCANG, ,PHYAG NA RDO RJE'I BRTUL ZHUGS BRTAN, ,ZHES YE SHES LNGA'I RANG BZHIN GYI RDO RJE'I BRTUL ZHUGS DANG RTAG TU MI 'BRAL BA BGYIS SHIG CES BRJOD LA, SLOB MA'I LAG PA GA-YAS SU SBYIN SLOB MAS KYANG AOm SARBA TA TH'A GA TA SIDDHI BADZRA SA MA YA TIshthA AE sh'A STVAm DHA RA Y'A MI BADZRAS TVA HI: HI HI HI HI H'Um ZHES BRJOD LA BZUNG NGO, ,DE NAS SLOB MA ME TOG PHOG PA'I LHAR BSKYED PA LA, BLA MA RGYAL BA SH'AKYA THUB PA'I CHA LUGS CAN DU BYAS TE, PHYAG GA-YON PAS CHOS GOS KYI GRVA SNYING GAR BZUNG, GA-YAS PA MCHOG SBYIN PA'I PHYAG RGYA BYA,
RGYAL BA THAMS CAD DANG MGRIN GCIG TU LUNG STON PAR BSAMS LA, 'DIR NI KHYED RNAMS NGAS LUNG BSTAN, ,RDO RJE SEMS DPA' DE BZHIN GSHEGS, ,SRID PA SHIN TU DAG PAS NA, ,SRID PA'I NGAN 'GRO RNAMS LAS BTON, ,KYEE DPAL CHE GE MO ZHES BYA BA'I DE BZHIN GSHEGS PA SIDDHI SA MA YA STVAm BHUR BH'U WA SVA AA: GANG LA PHYAG RGYA 'DIS LUNG BSTAN PA DE LA DE BZHIN GSHEGS PA THAMS CAD DANG BYANG CHUB SEMS DPA' 'KHOR DANG BCAS PA'I DKYIL BA THAMS CAD KYIS MGRIN GCIG TU BLA NA MED PA YANG DAG PAR RDZOGS PA'I BYANG CHUB TU LUNG BSTAN PAR MDZAD DE, PHYAG RGYA 'DI NYID KYI MTHU DANG SNGAGS 'DI'I STOBS YIN NO, ,ZHES BRJOD DE LUNG BSTAN NO, ,DRUG PA NI, DE NAS, 'DOD CHAGS BRAL BA LTA BU'I SDIG, KHAMS GSUm NA NI GZHAN MED DE, ,DE BAS 'DOD LA CHAGS BRAL NYID, ,KHYOD KYIS NAM YANG MI BYA'O, ,MAH'A SA MA YA HA NA H'Um PHAt, CHES GSANG BA BRJOD PAR BYA'O, ,TSIGS BCAD 'DI DE NYID BSDUS PA NA'ANG YOD MOD KYANG, BLA MED DANG THUN MONG BA'I GZHUNG GCIG TU MNGON LA, DE'I DON BLA MED LTAR BSHAD NA 'DOD YON LA CHAGS PA LAM DU BYED PA LA SDANG ZHING, MA DAD PA SKYED PA LTA BU'I SDIG GZHAN MED PAS, KHYOD KYIS DE LTA BU MA BYED CIG, MAH'A SA MA YA NI DAM TSIG CHEN PO STE, 'DOD YON LA CHAGS PA LAM DU BYED PA LAS MI 'DA' BA'O, ,HA NA NI CHO MAS SHIG PA STE SNGAR GYI MA DAD PA DE CHOMS SHIG PA'I DON NO, ,DE NAS MCHOG TU GSANG BA DAM PA YI, ,DKYIL 'KHOR MTHONG ZHING ZHUGS PA YIS, ,SDIG PA KUN LAS NGES PAR GROL, ,DE RING KHYED RNAMS
, ,LEGS PAR GNAS, ,BDE CHEN THEG PA 'DI YIS NI, ,PHYIN CHAD 'CHI BA PHYED LA MED, ,SRID PA SHIN TU GRUB BYA'I PHYIR, ,SRID PA'I SDUG BSNGAL LAS KHYOD 'DAS, ,RDO RJE'I PHYAG RGYA GANG YIN PAS, ,GANG ZHIG SKYED PA TZAM GYIS NI, ,SANGS RGYAS NYID DU THE TSOM MED, ,BYANG CHUB SEMS NI BTANG MI BYA, ,DAM PA'I CHOS NI SUN MI DBYUNG, ,NAM YANG 'DOR BAR MI BYA'O, ,MI SHES PA'AM RMONGS PA YIS, ,DE YANG NGES PAR BSTAN MI BYA, ,RDO RJE DRIL BU PHYAG RGYA RNAMS, ,NAM YANG DOR BAR MI BYA'O, ,SLOB DPON SMAD PAR MI BYA STE, ,'DI NI SANGS RGYAS KUN DANG MNYAM, ,RANG GI BDAG NYID DOR NAS NI, DKA' THUB KYIS NI MI GDUNG ZHING, ,CI BDE BAR NI BDE BA BZUNG, ,'DI NI MA BYON RDZOGS SANGS RGYAS, ,DA NI KHYOD NYID DKYIL 'KHOR GYI, ,SLOB DPON SNGAGS DANG RGYUD 'DZIN PAR, ,SANGS RGYAS BYANG CHUB SEMS DPA' DANG, ,LHA RNAMS KYANG NI MTHUN PAR DGONGS, ,SEMS CAN RNAMS LA RJES BRTZE BAS, ,KHYOD KYIS DKYIL 'KHOR CHO GA BZHIN, ,RAB TU 'BAD DE BRI BAR BYA, ,SGRUB PA PO RNAMS RGYUD LA SBYOR, ,ZHES BRJOD DE DBUGS DBYUNG BA'O, ,SLOB DPON DPAL 'DZIN GYIS RJES GNANG BRTUL ZHUGS LUNG BSTAN GSANG BA BRJOD PA DBUGS DBYUNG BA LNGA PO 'DI, RIG PA'I DBANG LNGA'I RJES DANG DBANG BZHI BSKUR BA'I 'OG TU SBYIN PA GDAM PA CAN DU GSUNGS PAS, MTHA' RTEN RNAMS TSUL GCIG KHO NAR MA NGES SO, ,DE LTAR PHYI NANG GI DKYIL 'KHOR GNYIS LAS PHYI RDUL TSON GYI DKYIL 'KHOR DU SLOB DPON DU BYA BA'I CHED DU CHOS KYI RGYAL SRID DU DBANG BSKUR BAS NA SLOB DPON GYI DBANG DANG, PHYIR MI LDOG PA RNAMS KYI DBANG DANG 'DRA
ZHING, PHYIR MI LDOG PA'I SA BON KHYAD PAR CAN BSKRUN PAR BYED PA'I PHYIR NA PHYIR MI LDOG PA'I DBANG ZHES PA DANG, DBANG DRUG KA LA BUM PA'I CHU'I BYA BA RJES SU 'GRO BAS BUM PA'I DBANG ZHES BYA BA THOB, GTZO BOR LUS KYI DRI MA GSUM SNGAR BSAGS SBYONG ZHING PHYI MA SDOM PA DANG, LUS THA MAL DU 'DZIN PA'I SNANG ZHEN GYI DRI MA 'KHRUD PAS SKU RDO RJE SBYONG, LAM BSKYED RIM YAN LAG DANG BCAS PA BSGOM PA LA DBANG 'BRAS BU SPRUL PA'I SKU'I NUS PA KHYAD PAR CAN 'JOG GO ZHES DBANG DON BSHAD DO, ,BSKYED RIM GYI LHA'I SKU BSGOM PAR BYA BA LA NANG TSAN GYI DBYE BA DU MA ZHIG YOD KYANG, GTZO BO RIGS DRUG TU BSDUS NAS DBANG DRUG BSKUR TE, RIGS DRUG DANG 'BREL BA'I BSKYED RIM THAMS CAD SGOM PA LA DBANG BAR BYED PA YIN NO, ,GNYIS PA GSANG BA'I DBANG NI, DE NAS YOL BA LA SOGS PAS SKYE BOS DBEN PAR BYAS PA'I SA PHYOGS SU, SLOB MAS YID DU 'ONG BA'I GZUGS LA SOGS PA'I YON TAN DANG LDAN PA DAM TSIG DANG SDOM PA SRUNG BA, RNAL 'BYOR BZHI LA MKHAS PA RGYAN THAMS CAD KYIS BRGYAN PAR BYAS LA MAndAL DANG BCAS PA GSANG BA'I DBANG GI DON DU BLA MA LA PHUL TE, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, ,BDAG KYANG BSKYAB PA'I DON GYI PHYIR, ,NAM MKHA'I RDO RJE DENG BDAG STZOL, ,ZHES PA'I TSIGS BCAD DAM GZHAN GYIS LAN GSUM DU GSOL BA GDAB STE GDONG GA-YOGS BCING NGO, ,BLA MAS RANG NYID GSHIN RJE GSHED GSUM SKABS LA GANG BAB TU BSKYED, 'JIGS BYED DANG GSHED DMAR LA RIG MA RO LANGS MA DANG DGRA NAG LA RANG DANG MTSUNGS PA'I LHA
, ,MOR BSKYED GNYIS KA'I SKYE MCHED DANG SKU GSUNG THUGS BYIN GYIS BRLABS, RDO RJE DANG PADMA BYIN GYIS BRLABS TE SNYOMS PAR ZHUGS PA'I DGA' BA'I SGRAS, SANGS RGYAS YAB YUM DPAG TU MED PA SPYAN DRANGS SPYI BO NAS ZHUGS BYANG CHUB KYI SEMS SU ZHU BA RDO RJE NOR BU'I NANG DU BSKYED PA BRTAN PAR BYAS PA, MTHEB SRIN GYIS BCIR TE DE LAS BTON NAS, BTUNG BA RIN CHEN 'DI YIS NI, ,RDO RJE YI NI LUS BSGRUB PAR, ,BU KHYOD KYIS NI SHES KYIS LA, ,YID LAS BYUNG BA'I CHU 'THUNG ZHIG ,CES PA 'DIS BDUD RTZI SLOB MA'I KHAR GZHUG PAR BYA'O, ,SLOB MAS KYANG AA HO MAH'A SU KHA ZHES BRJOD CING KHAS BLANGS NAS, MYANGS LA MGRIN PAR MID DO, ,YUM YANG LANGS LA RANG GI PADMA NA GNAS PA'I BDUD RTZI'I LHAG MA SLOB MA'I KHAR SBYIN PAR BYA'O, , DE LTAR YAB YUM GYIS BYIN PA'I BYANG CHUB KYI SEMS DKAR DMAR MYANGS PA LAS BDE BA CHEN PO SKYE LA, BDE BA DES STONG PA NGES PA'I BDE STONG DBYER MED DE NYID LA GSANG DBANG DNGOS GZHIR NGO SPRAD PAR BYA'O, ,DE NAS GDONG GA-YOGS BSAL ZHING, KHYOD KYIS DKYIL 'KHOR BZHI LAS, KUN RDZOB BYANG CHUB SEMS KYI DKYIL 'KHOR DU RDZAS GSANG BA LAS BYUNG BA'I DBANG LA GSANG BA'I DBANG BSKUR BA ZHES BSHAD PA DE THOB, THUN MONG BA'I NGAG GI DRI MA BRDZUN DU SMRA BA SOGS SNGAR BSAGS 'DAG CING PHYI MA SDOM PA DANG, THUN MONG MA YIN PA RLUNG LA NGAG TU GSUNGS PA'I DRI MA RLUNG SNGAGS SO SOR SNANG ZHING ZHEN PA'I DRI MA 'KHRUD PAS GSUNG RDO RJE SBYONG, BTUNG BA RIN CHEN 'DI YIS NI, ,RDO RJE YI NI LUS BSGRUB PAR, ,SHES PAR GYIS SHIG CES GSUNGS PAS, KUN
RDZOB SGYU MA'I SKU'I RANG BZHIN CAN GYI RDO RJE'I SKU BDAG BYIN GYIS BRLABS PA BSGOM PA LA DBANG BAR BYAS, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG GO ,GSUM PA NI, DE NAS GSANG DBANG GI RIG MA DE NYID DAM RIG MA GZHAN LA'ANG RUNG STE, SLOB MAS YANG DAG PAR RIG PA TZAM GYI YE SHES MNGON DU BYA BA'I PHYIR MAndAL PHUL TE, SNGAR GYI TSIGS BCAD KYIS GSOL BA LAN GSUM DU 'DEBS PA'I SLOB MA LA MIG DAR BCINGS NAS, SLOB MA'I LAG PAR PHYAG RGYA MA DE'I LAG PA GTAD LA, GZUNGS MA YID 'ONG 'DI DE NI, ,BSTEN BYAR SANGS RGYAS RNAMS KYIS BRTAGS, ,RDO RJE RJES CHAGS SBYOR BA YIS, ,BDE BA DAM PA MYANG BAR GYIS, ,THABS GZHAN GYIS NI SANGS RGYAS MIN, ,'GRO GSUM 'DI YANG DAG PA YIN, ,DE BAS 'KHOR BAR SBYOR BRAL NI, ,KHYOD KYIS NAM YANG MA BYED CIG ,'DI DE SANGS RGYAS THAMS CAD KYI, ,RIG MA'I BRTUL ZHUGS BLA NA MED, ,RMONGS PA GANG ZHIG 'DA' BYED PA, ,DE LA MCHOG GI DNGOS GRUB MED, ,CES BRJOD LA SLOB MA LA PHYAG RGYA MA SBYIN PAR BYA'O, ,RIG MA DES KYANG TZANDAN DANG GUR KUM LA SOGS PAS BYUGS SHING SHIN TU DRI ZHIM PO'I ME TOG GI PHRENG BAS BRGYAN TE, GOS MED PAR PADMA RAB TU RGYAS PA GSAL POR STON CING SLOB MA LA 'DI SKAD BRJOD DO, ,DRI CHEN DRI CHU BZA' BA DANG, ,KHRAG DANG KHU BA DE BZHIN SHA, BUD MED GUS MCHOG DE BZHIN DU, ,BHA GA PADMAR TZUM PA NI, ,BU KHYOD SPRO BA YIN NAM CI, ,JI LTAR BDE BAR BUS SMROS SHIG ,CES DRI'O, ,SLOB MAS KYANG, DRI CHEN DRI CHU SOGS BZA' BA, ,LHA MO CI PHYIR BDAG MI SPRO, ,BUD
, ,MED RNAMS LA RTAG GUS BYA, ,BHA GA NYID LA TZUM PA NI, ,ZHES BRJOD PAR BYA'O, ,DE NAS, AE MA BDAG GI PADMA 'DI, ,BDE BA KUN DANG YANG DAG LDAN, ,GANG ZHIG CHOGS BSTEN BYED PA, ,DE YI MDUN NA BDAG GNAS SO, ,SANGS RGYAS MNYES PA LA SOGS PA, ,PADMAR BYA BA JI BZHIN GYIS, ,BDE CHEN RGYAL PO RANG NYID NI, ,'DI NYID DU NI RTAG TU BZHUGS, ,BHA DA PA, ,DE YI MDUN NA BDAG GNAS SO, ,SANGS RGYAS MNYES PA LA BZHIN GSHIN RJE GSHED LA SOGS PAR BSKYED, RANG DANG 'DRA BA'I YE SHES PA GZHUG ,SKYE MCHED DANG SKU GSUNG THUGS BYIN GYIS BRLABS LA, RDO RJE DANG PADMA BYIN GYIS BRLAB BLA MA'I MAN NGAG GIS RDO RJE DBYINGS KYI DBANG PHYUG MA'I RTZA BTZAL LA, 'KHRIG THABS KYI BYED PA'I BYE BRAG RNAMS BSTAN LA BLA MAS, RNAL 'BYOR PA YIS JI SRID DU, ,BYANG SEMS 'BYIN PAR MI BYED PA, ,DE SRID THOB 'GYUR RGYUN MI 'CHAD, ,DGA' BA LAS SKYES BDE GZHAN CI, ,DNGOS GRUB KUN GYI GTER GYUR PA'I, ,BYANG CHUB SEMS NI LHUNG GYUR NA, ,PHUNG PO RNAM SHES RGYAL BA LA, ,MA SMAD DNGOS GRUB GA LA YOD, ,MKHA' KHAMS RDO RJE'I KUN SBYOR DANG, ,REG BCAS KYI NI RMAD BYUNG CHE'I, ,BDE BA BSKYED PAR BYED PA GANG, ,DE NI MCHOG DGA' BYED PA PO, ,DGA' BRAL DAG GI DBUS SU NI, ,MTSON PA LTOS LA BRTAN PAR GYIS, ,PADMA'I NAM MKHAR RDO RJE YI, ,LTE BAS MNAN PA'I GNAS DAG TU, ,RDO RJE SKYIL KRUNG DAG GIS SEMS, ,NOR BU'I NANG DU SON LTA ZHING, ,YE SHES SKYE BA GANG YIN DES, ,YE SHES NGO BO ZHES PA BRGYAN, ,CHAGS PA MA YIN CHAGS BRAL MIN, ,DBU MAR
DMIGS PA MA YIN NO, ,GANG TSE RNAL 'BYOR YE SHES MTHONG, ,BDE LA GNAS BYA 'GYUR MI BYA, ,THUN NAM YANG NA NYIN GCIG GAM, ,ZLA PHYED ZLA BA LO DANG NI, ,BSKAL PA BSKAL PA STONG DU YANG, ,YE SHES MNGON SBYOR GYIS GNAS BYA, ,ZHES BRJOD LA DE'I DON RTOGS PAR BYAS LA, SNYOMS PAR ZHUGS PAS BYANG CHUB KYI SEMS SPYI BO NAS MGRIN PAR SLEB PA NA DGA' BA, DE NAS SNYING GAR SLEB PA NA MCHOG DGA', DE NAS LTE BAR SLEB PA NA KHYAD PAR GYI DGA' BA, DE NAS GSANG GNAS KYI RTZER SLEB PA NA LHAN CIG SKYES PA'I DGA' BA SKYE LA, DE'I TSE BDAG MED PA'I LTA BA DRAN PAR BYAS NAS BDE BAS BDAG MED KYI STONG PA NGES PAR BYAS PA'I BDE STONG DBYER MED KYI LHAN SKYES KYI DGA' BA DBANG GSUM PA RU NGO SPROD DO, ,DE NI DBANG GSUM PA KHYAD PAR GYI THOB LUGS YIN LA, STONG PA'I GO BA DE 'DRA MED PAS, DBANG GSUM PA KHYAD PAR CAN DE 'DRA MI 'THOB LA, DBANG BSKUR MKHAN DANG ZHU MKHAN GYI GANG ZAG GI MCHOG DMAN GYI DBANG GIS, DBANG GSUM PAR RIGS GCIG KYANG THOB LUGS MANG DU 'ONG STE DBANG GZHAN LA'ANG DE DANG 'DRA'O, ,DBANG 'DI YE SHES KYI PHYAG RGYA LA BRTEN NAS BSKUR BA LA'ANG SNGAR BSHAD PA'I DMIGS PA RNAMS DAL BUS GSAL BTAB STE NGES PA RNYED PAR BYAS LA, YAB YUM SNYOMS PAR ZHUGS PA LAS BYUNG BA'I BYANG CHUB KYI SEMS NOR BU'I NANG DU GNAS PA LAS BYUNG BA'I BDE STONG DBYER MED KYI DMIGS PA LEGS POR NGES PAR BYAS LA NGO SPRAD, LTA BA'I GO BA MED PA LA'ANG BDE BA'I PHYOGS KYI DMIGS PA NGO 'PHROD NGES SU BYA'O, ,DE NAS GDONG GA-YOGS BSAL
, ,ZHING, KHYOD KYIS BHA GA'I DKYIL 'KHOR DU, SHES RAB MA LA BRTEN NAS THOB PA'I DBANG LA SHES RAB YE SHES KYI DBANG ZHES BSHAD PA DE THOB, THUN MONG BA YID KYI DRI MA BRNAB SEMS LA SOGS PA SNGAR BSAGS 'DAG ? BCING PHYI MA SDOM, THUN MONG MA YIN PA GANG SNANG KUN BDE STONG DBYER MED DU 'CHAR BA LA SGRIB PA'I DRI MA 'KHRUD PAS YID DAG PAR BYED, 'OD GSAL PHYAG RGYA CHEN PO BSGOM PA LA DBANG BAR BYAS, 'BRAS BU CHOS KYI SKU MNGON DU 'GYUR BA'I NUS PA KHYAD PAR 'JOG GO ZHES BSHAD DO, ,BZHI PA DBANG BZHI PA BSKUR BA LA LNGA, MAndAL PHUL TE GSOL BA GDAB PA, DBANG BZHI PA BSKUR BA, PHAN YON GYIS SPRO BA BSKYED CING DAM TSIG SGRAG PA, DAM TSIG BSDUS TE KHAS BLANG ZHING YON DBUL BA, DBANG GI DAG PA SBYIN PA'O, ,DANG PO NI, SLOB MAS DBANG BZHI PA'I DON DU BLA MA LA MAndAL PHUL TE, KHYOD ZHABS PADMO'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CHEN BZHI PA YANG, ,BKA' DRIN GYIS NI BSKYAB TU GSOL, ,ZHES LAN GSUM GSOL BA BTAB STE MIG DAR BCING BA 'AM, MA BCINGS KYANG RUNG NGO, ,GNYIS PA LA GNYIS, DBANG BZHI PA'I RNAM BZHAG DANG, DBANG DE BSKUR BA'I CHO GA DNGOS SO, ,DANG PO NI, DMAR PO'I DKYIL CHOG LAS DE NYID BLA NA MED PA 'GRO BA MTHA' DAG GI DON BSGRUB PA BRTAGS PA'I RNYOG PA DANG BRAL BA NYID LAS SLAR RANG YANG DAG PAR RIG PA DANG THA MI DAD PA, THUB PA'I TSOGS MTHA' YAS PA 'PHRO BA'I DKYIL 'KHOR GYI 'KHOR LO'I BDAG NYID CAN, YID BZHIN GYI NOR BU LTA BU BRTAN PA'I NGO BO NYID DU SLOB
MA LA TSIG GIS SBYIN PAR BYA'O, ,ZHES BYA BA'ANG SBYIN PAR BYA'O ZHES GSUNGS LA, SLOB DPON LVA BA PA'I DKYIL CHOG LAS KYANG, DBANG BSKUR BA BZHI PA BLA MA'I ZHAL LAS SHES PAR BYA BA NI 'DI SKAD DU, ZHES DPAL 'DZIN GYIS GSUNGS PA LTAR GSUNGS SHING, TSIG GIS SBYIN PAR BYA'O ZHES GSUNGS PA GANG YIN PA STE ZHES KHUNGS GZHAN CIG NAS DRANGS PA'I TSUL DU MDZAD LA, DPAL 'DZIN GYIS TSIG GIS SBYIN PAR BYA'O, ZHES BYA BA'ANG ZHES PA'I DON YANG KHUNGS GZHAN CIG NAS GSUNGS PA'I DON YIN NO, ,DE LA BZHI PA BLA MA'I ZHAL LAS SHES PAR BYA BAR GSUNGS PA'I DON SNGAR DRANGS PA'I TSIG GIS GSAL BAR STON PA YIN PAS, DE'I DON NGES PAR BYA BA SHIN TU GAL CHE'O, ,DES NA DE NYID CES PA NI AA BHYA KA RAS SHES RAB YE SHES DE NYID BSGOMS PAS 'PHEL BA DBANG BZHI PAR 'GYUR BAR GSUNGS PA LTAR YIN TE, DBANG GSUM PA STON PA'I RGYUD KYI TSIG DKYIL CHOG TU DRANGS PA LAS, 'O MA GOMS PA'I SEMS GCIG GIS, ,PHYAG RGYA CHEN PO RAB BSGRUB BYA, ,ZHES 'O MA STE RANG GIS RIG PA'I BDE BA CHEN PO'I DON BYANG CHUB KYI SEMS DBANG GSUM PA'I DUS SU SKYES PA DE NYID YANG DANG YANG DU GOMS PAS, 'GRO BA MA LUS PA'I DON BDE BA CHEN PO'I NGO BO MNGON PAR RDZOGS PAR BYANG CHUB PA'I PHYAG RGYA CHEN PO RAB TU SGRUB PA STE RDZOGS PAR BYA BA'I DON DU'O ZHES GSUNGS PAS ZHES GSUNGS PA'I PHYIR RO, ,DE LTAR GOMS PAS 'GRO BA MTHA' DAG GI DON SGRUB PAR NUS PA BRTAGS PA STE RTOG PA'I RNYOG PA THAMS CAD DANG BRAL BA'I 'OD GSAL BA NYID LAS, SLAR YANG RANG GI DE KHO
, ,NA NYID BLA NA MED PA YANG DAG PAR RIG PA DANG THA MI DAD PA, DKYIL 'KHOR GYI 'KHOR LO'I BDAG NYID CAN GYI SGYU MA'I SKU THOB PA'I TSOGS MTHA' YAS PA 'PHRO BA, YID BZHIN GYI NOR BU LTA BUR MI RTOG BZHIN DU DGOS 'DOD 'BYUNG BA'I NGO BO NYID NI DON GYI DBANG BZHI PA YIN NO ZHES TSIG GIS NGO SPROD PA'O, ,LVA BA PA'I DKYIL CHOG LAS, BLA NA MED PA YANG DAG PAR RIG PA DANG THA MI DAD PA ZHES 'BYUNG LA, BSTAN PA'I NGO BO NYID KYI TSIG CES GSUNGS PA LTAR TSIG GIS BSTAN PA'I DON LA NGES PA BRTAN PAR BYED PA'I DON DU BSHAD DO, ,DE LTAR NA BLA MA'I ZHAL LAS SHES PAR BYA BA'I DBANG BZHI PA'I DON NI, DON GYI 'OD GSAL DANG NGO BO THA MI DAD KYI SGYU MA'I SKU ZUNG 'JUG LA NGO SPROD PA GRUB CHEN GNYIS KYI DGONGS PA'O, ,GNYIS PA NI, 'DIR DBANG BZHI PA BSKUR BA NI DON GYI DBANG BZHI PA ZUNG 'JUG TU NGO SPROD PA'I TSIG GIS BSKUR BA YIN PAS, ZUNG 'JUG GI GO BA BSKYED DGOS DE'I GO BA BSKYED TSUL NI, BZHI PA DE YANG DE BZHIN NO, ,ZHES DBANG GSUM PA'I SKABS DANG BZHI BA GNYIS DPE DON DU SBYAR NAS STON PAR GSUNGS PAS, DE'I TSUL CUNG ZAD BSHAD NA KHYOD KYIS DBANG GSUM PA THOB PA'I SKABS SU, RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA, SEMS LHAN CIG SKYES PA'I DGA' BAS DE KHO NA NYID KYI DON NGES PA GNYIS MNYAM DU YOD PA DE BZHIN DU, DON 'DI GOMS PAR BYAS PA LAS MTHAR RLUNG SEMS TZAM LAS GRUB PA'I LONGS SPYOD RDZOGS PA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DANG DE'I DUS NYID NA
THUGS LHAN CIG SKYES PA'I DGA' BA DANG STONG PA NYID GNYIS RO GCIG TU ZHUGS PA'I 'OD GSAL THAMS CAD STONG PA GNYIS, NGO BO DBYER MED PA'I GNYIS SU MED PA'I YE SHES ZUNG 'JUG GI GO 'PHANG MNGON DU BYED DE, DE NI THOB BYA DON GYI DBANG BZHI PA YIN NO, , ZHES DA LTA LUS 'JA' LUS KYI SKU DANG SEMS 'OD GSAL GNYIS RO GCIG PA MA THOB KYANG, DE GNYIS DANG RNAM PA RJES SU MTHUN PA'I MOS PA'ANG BYED DBANG GSUM PA'I DUS NA NYAMS SU MYONG BA 'DI'I RGYUN GOMS PAR BYAS PA LAS ZUNG 'JUG 'GRUB TSUL GYI NGES PA BSKYED DO, ,GSUM PA NI, DE NAS SLOB RNAMS DBANG GI PHAN YON GYIS SPRO BA BSKYED PAR BYA STE, MCHOG TU GSANG BA DAM PA YI, ,DKYIL 'KHOR MTHONG ZHING ZHUGS PAS NA, ,SDIG PA KUN LAS RNAM GROL BAR, ,DE RING KHYED RNAMS LEGS PAR GNAS, , BDE CHEN THEG PA 'DI LA NI, ,PHYIN CHAD 'CHI BA KHYOD LA MED, ,MI TSUGS PA DANG MA BCINGS PAR, ,GANG LA'ANG 'JIGS MED DGA' BAR GYIS, ,SRID PA SHIN TU ZHI BYA'I PHYIR, ,SRID PA'I NGAN 'GRO LAS KHYOD 'DAS, ,SRID PA SHIN TU GRUB PA'I PHYIR, ,STON PA'I MCHOG TU YANG DAG 'GYUR, ,DNGOS GRUB DAM TSIG SDOM PA NI, ,KHYOD KYIS RTAG TU BSRUNG BYA STE, ,SANGS RGYAS KUN GYIS MTHUN PAR GSUNGS, ,MCHOG TU RTAG PA'I BKA' YIN NO, ,SLOB DPON SMAD PAR MI BYA STE, ,BDE GSHEGS BKA' LAS 'DA' MI BYA, ,DE BZHIN KHROS NAS SPUN RNAMS LA, ,NYES PA BRJOD PAR MI BYA'O, ,SEMS CAN RNAMS LA BYAMS PA'I SEMS, ,NAM YANG NGES PAR SPANG MI BYA, ,BYANG CHUB SEMS NI DOR MI BYA, ,RANG GZHAN CHOS LA MI SMAD DO, ,YONGS SU MA SMIN SEMS CAN LA, ,GSANG BA
, ,NYID NI BSTAN MI BYA, ,BDAG NYID PHUNG PO SMAD MI BYA, ,CHOS RNAMS NGO BO SUN MI DBYUNG, ,GDUG PA'I BYAMS PA RTAG TU SPANG, ,CHOS LA TSAD GZUNG MI BYA'O, ,DAD LDAN SEMS CAN BSLU MI BYA, ,RTAG TU DAM TSIG BRTAN PAR BYA, ,SHES RAB RANG BZHIN BUD MED RNAMS, ,SKYON GYI NYES PA MI BRJOD DO, ,RNAL 'BYOR SLONGS MOS MI RGYU ZHING, ,RNAL 'BYOR SPANGS PAR MI BYA STE, ,RTAG PAR RGYUN DU GSANG SNGAGS BZLAS, ,RTAG TU DAM TSIG LA SOGS BSTEN, ,GAL TE BLA MA SMOD DE BZHIN, ,DAM TSIG BAG MED PAR GYUR NA, ,DE TSE DKYIL 'KHOR NGES BRIS LA, ,BDE GSHEGS RNAMS LA SDIG PA BSHAGS, ,DENG KHYOD SKYE BA 'BRAS BUR BCAS, ,GANG PHYIR 'DI LA LEGS PAR GNAS, ,DAM TSIG LHA RNAMS DANG MNYAM PAR, ,GNAS PAR GYUR PAR THE TSOM MED, ,SANGS RGYAS RDO RJE CAN BCAS PA, ,KUN GYIS TSE LDAN DENG DBANG BSKUR, ,KHAMS GSUM PA YI RGYAL PO CHE, ,RGYAL SRID BDAG POR BSTAN PA YIN, ,DE RING BDUD LAS RNAM PAR RGYAL, ,GRONG KHYER MCHOG TU RAB ZHUGS SO, ,DE RING KHYOD KYIS SANGS RGYAS NYID, ,THOB PA 'DI LA THE TSOM MED, ,'DI LTAR YID NI RAB DANG RDO RJE NYID DU GYIS, ,RANG GI DAM TSIG MI ZAD BDE STER BSTEN PAR GYIS, ,DE RING 'GRO BA BDE MYUR RDO RJE SEMS DPA' DANG, ,MTSUNGS PA'I RTAGS PA NYID DU KHYED RNAMS PHYIN PAR 'GYUR, ,ZHES BRJOD DO, , BZHI PA NI, SLOB MA RAB TU GUS SHING MNYES GSHIN PAS BLA MA'I ZHABS LA PHYAG 'TSAL NAS, BLA MAS GSUNGS PA'I DAM TSIG RNAMS BSRUNG BAR BYA'O SNYAM DU BSAMS LA, GTZO BOS JI LTAR BKA' BSGO BA'I, ,GSUNG NI DE LTAR BDAG GIS
BGYI, ,ZHES BRJOD DO, ,DE NAS SLOB MA RNAMS KYIS DGA' BA'I YID KYIS, JI LTAR 'BYOR BA'I SA GZHI DANG, ,GLANG PO DANG RTA DANG GSER DANG DNGUL DANG RGYAN DANG BU DANG, BU MO DANG CHUNG MA DANG BRAN PHO DANG BRAN MO LA SOGS PA DBUL BAR BYA ZHING BDAG NYID GA-YOG TU 'Am THOS PA LA SOGS PA YON TAN BSAGS PA GRUB PA'I PHYIR BDAG NYID DBUL LO, ,LNGA PA NI, DE DAG GIS DON DAM PA BYANG CHUB SEMS KYI DKYIL 'KHOR DU DBANG BZHI PA TSIG DBANG RIN PO CHE THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA BZHAG ,BDEN GNYIS DBYER MED ZUNG 'JUG GI RDZOGS RIM SGOM PA SOGS LA DBANG BAR BYAS, ,'BRAS BU ZUNG 'JUG RDO RJE 'CHANG GI SKU MNGON DU 'GYUR BA'I SKAL PA CAN DU BYAS SO ZHES BSHAD DO, ,GSUM PA NI, SLOB MA RNAMS LA NUS PA CI YOD PAS DKYIL 'KHOR MCHOD CIG CES BSGO LA, KHA ZAS DANG SPYOD YUL THAMS CAD KYIS DKYIL 'KHOR MCHOD DU GZHUG GO ,'OS PA'I SLOB MA RNAMS GZUNG STE BZA' BCA' DANG BLDAG PA DANG CHANG LA SOGS PA DKYIL 'KHOR LA PHUL BAS TSIM PAR BYA'O, ,DE NAS DKYIL 'KHOR LA MCHOD PA DANG, BSTOD PA DANG BDUD RTZI MYANG BA SOGS BYAS LA, DGE BA BSNGO ZHING LHAG CHAD KYI NYES BDAG PAR BYA BA'I PHYIR, YI GE BRGYA PA LAN GSUM BRJOD DO, ,ME TOG DANG BCAS PA'I THAL MO SNYING GAR SBYAR LA, MA TSANG BA LA SOGS PA'I NYES PA ZHI BAR BYA BA'I PHYIR BZOD PAR GSOL TE, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS
, ,KHAS, ,'DIR NI BYA BA GANG BGYIS PA, ,DE KUN GTZO BOS BZOD MDZAD RIGS, ,ZHES BRJOD CING MNGON PAR 'DOD PA'I DON 'GRUB PAR GSOL BA GDAB LA, BDAG LA DNGOS GRUB MCHOG STZAL LAGS, ,TING 'DZIN KUN GYI 'BRAS BU STZAL, ,SEMS CAN KUN LA CI 'DOD PAR, ,DNGOS GRUB BLA NA MED PA STZAL, ,SLAR YANG GSHEGS PAR MDZAD PA'I PHYIR, ,RANG GI GNAS GSHEGS BADZRA MU: ZHES BRJOD LA YE SHES PA GSHEGS, RANG GIS SPRUL PA'I DAM TSIG PA RNAMS BDAG LA BSDU, DE NAS LHA'I NGA RGYAL BRTAN PAS CHOS THAMS CAD NI SKYE BA MED PA'O, ,CHOS THAMS CAD NI DNGOS PO MED PA'O, ,ZHES BRJOD DE DRIL BU 'KHROL ZHING RDO RJE DANG BCAS PA'I LAG PAS THOG MAR MTSAN MA RNAMS MTHA' NAS RIM GYIS BSDU, DE NAS RDO RJES SHAR SGO NAS BRTZAMS TE TSANGS THIG GI LAM NAS GTZO BO'I GNAS KYI BAR DBYI ZHING, RANG GI MGOR RDUL TSON CUNG ZAD TZAM BLUG NAS PADMA LA SOGS PA DBYI'O, ,DE NAS LAG PAR GNAS PA'I RDO RJE'I RTZE MOS SGO RNAMS DANG ZUR RNAMS GZHIG ,RDUL TSON LHAG MA RNAMS LEGS PAR PHYAGS TE, ZHI BA LA SOGS PA DON DU GNYER BA LA CUNG ZAD BYIN NAS, GZHAN THAMS CAD RNAM RGYAL LAM BUM PA GZHAN GOS KYIS BRGYAN PAR BLUG STE, BKRA SHIS KYI GLU DANG ROL MO'I SGRA DANG GDUGS LA SOGS PA DANG MCHOD PA DANG LDAN PAS KHYER TE, 'BAB CHU CHEN PO'AM MTSO PRAN CHU ZAB MO'I 'GRAM DU, KLU'I DKYIL 'KHOR BYAS LA MCHOD GTOR PHUL TE, DE RNAMS LA RDUL TSON GTAD NAS CHU LA BSKUR ZHING, DE RNAMS KYIS KYANG BKUR STI CHEN POS 'OG GI GZHIR KHYER BAR BSAM MO, ,RDUL TSON KHYER BA'I
BUM PA CHUS BKANG NAS KHYER 'ONGS TE, ZHI BA'I DON DU DKYIL 'KHOR GYI KHANG PA LA SOGS PAR GTOR BAR BYA'O, ,DE NAS SNGAR BSHAD PA'I SNGAGS DANG PHYAG RGYAS PHUR BU PHYUNG LA, AOm RU RU SPHU RU DZVA LA TIshthA SIDDHA LO TZA NI SARBA AARTHA S'A DHA NI SV'AH'A, ZHES 'O MA LA BRGYA RTZA BRGYAD BZLAS TE, PHUR BU RNAMS BKRUS PAS, BGEGS RNAMS SOS TE SANGS RGYAS PAR BSAM LA, KHUNG BU DGANG, DE NAS PHUR BU'I LHA RNAMS GSHEGS SU GSOL TE, BKRA SHIS DANG DGA' STON BYA'O,, ,,THEG PA'I MTHAR THUG BLA MED THEG PA LA, ,'JUG PA'I SGO 'BYED DKYIL 'KHOR CHO GA 'DI, ,GRUB PA THOB PA'I 'KHOR LOS SGYUR BA RU, ,YONGS SU GRAGS PA'I DPAL 'DZIN GZHUNG BZHIN SBYAR, ,RANG GI DRAN PA GSO BA DANG, ,'DUN LDAN MANG POS BSKUL BA'I NGOR, ,BGYIS PA LHAG DANG CHAD PA RNAMS, ,DPA' BO MKHA' 'GROS BZOD PAR GSOL, ,DER 'BAD PA YI DGE BA YIS, ,BDAG DANG SEMS CAN THAMS CAD NI, ,'JAM DPAL GSHIN RJE GSHED KYIS NI, ,'BRAL BA MED PAR RJES 'DZIN SHOG ,CES BCOM LDAN 'DAS GSHIN RJE GSHED BCU GSUM MA GSUM GYI DKYIL 'KHOR GYI CHO GA RIN PO CHE'I PHRENG BA ZHES BYA BA 'DI NI RVA LO TZ'A BAS MDZAD PA'I 'JIGS BYED BCU GSUM MA'I CHO GA PHAL CHER DPAL 'DZIN GYI GZHUNG DANG MTHUN PAR SNANG BAS, (GSUM GA GRUB CHEN DPAL 'DZIN GYI GZHUNG GZHIR BYAS LA, KHUNGS THUB KYI DKYIL CHOG GZHAN NAS KHA BSKANGS TE, CHO GA'I GO DON DANG DAG MA DAG GI RNAM DBYE SHIN TU GSAL BA MTSAN DANG BCAS PA 'DI, GSHIN RJE GSHED KYI RNAL 'BYOR BA SHAR TZONG KHA PA BLO BZANG GRAGS PA'I DPAL GYIS 'BROG RI BO CHE DGE LDAN RNAm PAR RGYAL BA'I GLING DU SBYAR BA'I YI GE PA NI BSDOM BRTZON DGE SBYONG BSOD NAMS BLO GROS SO, ,MANG+GA LAm, ,)