*, ,DPAL GSHIN RJE DGRA NAG GI SGRUB PA'I THABS RIN PO CHE 'BAR BA BZHUGS SO, ,
, ,DPAL GSHIN RJE DGRA NAG GI SGRUB PA'I THABS RIN PO CHE 'BAR BA ZHES BYA BA, BDE CHEN LHAN CIG SKYES PA'I YE SHES SKU, ,'CHI BDAG 'JOMS PHYIR GSHIN RJE'I DGRAR SPRUL PA, ,BGEGS DPUNG ZIL GNON BLA MA GSHIN RJE GSHED, ,DPAL LDAN DGRA NAG ZHABS LA GUS PHYAG 'TSAL, ,'JAM DPAL GSHIN RJE GSHED DE MNYES PA LAS, ,RNAL 'BYOR PA LA DNGOS GRUB MCHOG STER BA'I, ,LAM 'DI MI NUB RGYAS PAR BYA BA'I PHYIR, ,GRUB PA'I DBANG PHYUG DPAL 'DZIN LUGS BZHIN BSHAD, ,'DIR SGRUB PA PO GZHAN GYI DON LA RO GCIG PA'I SEMS DANG LDAN ZHING DAD PA DAD MOS PA DANG BYAMS PA DANG GTONG BA LA SOGS PA'I YON TAN GYIS BRGYAN PA, GSHIN RJE DGRA NAG GI DKYIL 'KHOR DU DBANG BSKUR BA THOB CING DAM TSIG DANG SDOM PA TSUL BZHIN DU BSRUNG BA LA BRTZON PAS DBEN PA'I SA PHYOGS DUR KHROD LA SOGS PAR THO RANGS KYI THUN LA GDONG BKRU BA LA SOGS PA BYAS NAS STAN BDE BA LA 'DUG NAS SGRUB PA BRTZAM PAR BYA STE, RANG NYID SKAD CIG GIS GSHIN RJE GSHED DGRA NAG TU GSAL BA'I THUGS KAR SNA TSOGS PADMA DANG ZLA BA LA GNAS PA'I YA YIG SNGON PO LAS 'PHROS PA'I 'OD ZER GYIS SEMS CAN THAMS CAD KYI DON BYAS NAS BLA MA DANG GSHIN RJE GSHED LA SOGS PA'I SANGS RGYAS DANG BYANG CHUB SEMS DPA' NAM MKHA' KHYAB PA SPYAN DRANGS LA 'OD ZER SNYING GAR BSDU'O, ,DE NAS BLA MA LA GUS DE RJES GSHIN RJE GSHED NAG RDO RJE LA, ,RANG 'OD YAN
, ,LAG 'DUS PA BDE BAS RGYAS PA GZHAN GYI DON 'DUG PA, ,RDO RJE RAL GRI 'KHAR LO CHU SKYAS GRI GUG THOD PA'I PHYAG ,ZHAL GSUM 'JIGS PA 'JIGS BYED LA NI SPYI BOS PHYAG 'TSAL LO, ,ZHES PAS PHYAG BYA, SNYING GA'I YA YIG LAS 'PHROS PA'I TZA RTZI KA LA SOGS PA BZHIS MCHOD PAR BSAMS LA, AOm HR'I: shtR'I: HA ZHES PAS MCHOD YON, AOm H'Um H'Um PHAt CES PAS ZHABS BSIL, AOm KU M'A RA R'U PI nA DZA: DZA: H'Um PHAt KYIS ME TOG ,AOm HR'I: H'A: HEE PHAt CES PAS BDUG SPOS, AOm D'I PTA LO TZA NE BI KRI T'A NA NA MAH'A AAttAttA H'A SA NA DI NI D'I PTA YA SV'AH'A ZHES PAS MAR ME, AOm BI KRI T'A NA NA DUshtAm SATVA DA MA KA GA: GA: GA: ZHES PAS DRI MCHOG ,MCHOD YON GYI SNGAGS KYIS LHA BSHOS DBUL LO, ,AOm BADZRA SHAPTA A'A: H'Um ZHES PAS ROL MO DBUL BA YANG KHA BSKANG NGO, ,DE NAS LUS DANG NGAG DANG YID KYI SDIG ,BGYIS DANG DE BZHIN BGYID STZAL GANG, ,GANG YANG RJES SU YI RANG BA, ,DE DAG DUS GSUM MGON LA BSHAGS, ,RDZOGS SANGS RGYAS DANG DE YI SRAS, ,'PHAGS RNAMS DGE TSOGS RJES YI RANG, ,RDZOGS PA'I SANGS RGYAS DAM PA'I CHOS, ,TSOGS KYI MCHOG BCAS SKYABS SU MCHI, ,YON TAN RGYA MTSO KHYED RNAMS LA, ,BDAG GI LUS NI DBUL BAR BGYI, ,DAM PA'I CHOS KUN STON PA YI, ,SGRA DBYANGS MDZES PAS BZHUGS SU GSOL, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG BAS BSTEN PAR BGYI, ,SEMS
CAN KUN GYI DON BSGRUB PHYIR, ,RDZOGS PA'I BYANG CHUB SEMS BSKYED BGYI, ,BSOD NAMS KUN NAS GANG BSAGS PA, ,RDZOGS PA'I BYANG CHUB PHYIR BSNGO'O, ,DPAL LDAN GSHIN RJE MTHAR BYED DU, ,GYUR NAS BDAG GIS 'GRO PHAN BGYI, ,ZHES SDIG PA BSHAGS PA DANG, YI RANG BA DANG, SKYABS 'GRO DANG, LUS DBUL BA DANG, CHOS 'KHOR BSKOR BAR BSKAL BA DANG, MYA NGAN LAS MI 'DA' BAR BZHUGS PA DANG, LAM LA BRTEN PA DANG, SEMS BSKYED PA DANG, SMON LAM GDAB PA RNAMS KYI DON RTZE GCIG TU DRAN BZHIN PAS BRJOD LA, AOm A'A: H'Um MU: ZHES PAS TSOGS ZHING GSHEGS SU GSOL BA NI MTHUN RKYEN BSTEN PA'I PHYIR TSOGS BSAGS PA STE, SKYE BA PHYI MA'I LUS KYI RGYU LAS GSOG PA DANG 'DRA'O, ,DE NAS SEMS CAN LTA BA'I DRA BAS BCINGS PA RNAMS LA DMIGS NAS SDUG BSNGAL LAS BSGRAL BAR 'DOD PA'I SNYING RJE CHEN PO BSKYED NAS, NGO BO DANG RGYU DANG SMON ZHING BRTAG PAR BYA BA'I SNA TSOGS PA'I CHO�S THAMS CAD RANG GI MTSAN NYID KYIS MA GRUB PA'I STONG PA NYID DANG MNYAN MA MED PA DANG SMON PA MED PA'I NGO BOR BLTAS LA, AOm SH'U N+YA T'A DZNY'A N'A BADZRA SVA BH'A WA A'ATPA KONYA HAm, ZHES SEMS BRTAN PAR BYED PA NI THA MAL GYI PHUNG PO'I SNANG BA RNAMS 'DOR BAR BYED PAS PHUNG PO RNYING PA 'DOR BA'I 'CHI BA'I 'OD GSAL DANG 'DRA'O, ,STONG PA'I NGANG LAS RANG GI SEMS NAM MKHA'I NGOS SU GNAS PA'I ZLA BA LA GNAS PA'I AOm DKAR PO, A'A: DMAR PO, H'Um SNGON PO, HO: YIG DMAR PO GNYIS KYI BAR DU CHUD PA BSAM PA NI 'CHI SRID KYI DE MA THAG TU BAR DO GRUB PA DANG 'DRA STE, YI GE GSUM NI BAR DO'I LUS NGAG YID GSUM DANG 'DRA ZHING HO: YIG GNYIS NI BAR DO RANG GI CHAGS PAS
, ,BCINGS PA DANG 'DRA'O, ,STONG PA'I NGANG LAS AOm LAS BYUNG BA'I NYI MA'I DKYIL 'KHOR GYI STENG DU H'Um YIG SNGON PO LAS BYUNG BA'I SNA TSOGS RDO RJE PHYOGS KUN NAS RTZE LNGA PAR GYUR PA'I LTE BA LA H'Um GIS MTSAN PA LAS 'OD ZER 'OG TU 'PHROS PA LAS RDO RJE'I SA GZHI DANG, LOGS SU 'PHROS PAS KHOR YUG GI LCAGS RI'I MTSAMS SU RDO RJE'I RA BA, STENG DU 'PHROS PAS RDO RJE'I GUR DANG, PHYI ROL TU 'OD ZER SNA LNGA 'KHROGS PA'I RDO RJE'I ME 'BAR BAS BSKOR BAR BSAM PA NI 'GAL RKYEN BZLOG PA'I PHYIR SRUNGS 'KHOR BSGOM PA'O, ,DE'I DBUS SU SANGS RGYAS KYI ZHING RNAM PAR DAG PAR BYA BA'I PHYIR DU SNA CHAGS PADMA DANG ZLA BA'I GDAN LA SAm LAS BYUNG BA'I RDO RJE LAS SKYES PA'I KUN BZANG DKAR PO ZHAL DANG PHYAG LA SOGS PA RGYU RDO RJE 'DZIN PA LTA BU YUM DANG BCAS PA YONGS SU GYUR PA LAS CHOS 'BYUNG GRU GSUM PA DKAR PO 'OG ZUR PHRA BA STOD YANGS PA GYEN DU 'GRENG BA BSAM MO, ,DE'I NANG DU PAm LAS SNA TSOGS PADMA DE'I DBUS SU KHAm LAS SNA TSOGS RDO RJE, DE'I LTE BAR BHRUm LAS BYUNG BA'I 'KHOR LO LAS SKYES PA'I RNAM PAR SNANG MDZAD GTI MUG GSHIN RJE GSHED LTA BU YUM DANG BCAS PA YONGS SU GYUR PA LAS GZHAL YAS KHANG DU GYUR PA NI GRU BZHI PA SGO BZHI PA PHYI NAS RIM PA BZHIN DU DKAR SER DMAR LJANG SNGO BA'I RTZIG PA RIM PA LNGA DANG LDAN PA'I STENG NA RIN PO CHE'I 'CHING BAS RNAM PAR BKRA BA'I RIN PO CHE'I PHA GU, DE'I STENG NA GSER GYI SKA RAGS BZHI'I PHYI NGOS NAS 'PHYANG BA'I DRA BA DANG DRA BA PHYED PA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG DU MDA' YAB PADMA 'DAB MA PHYED PA'I DBYIBS
CAN LA BUM PA LA GNAS PA'I RGYAL MTSAN DANG BA DAN DRIL BU BTAGS PA SNA TSOGS PA RTZE MO RLUNG GIS BSKYOD BZHIN PA, 'DOD YON GYI STEGS BUS RTZIG PA'I PHYI NAS BSKOR BA LA MCHOD PA'I LHA MO DU MA 'KHOD NAS MCHOD PA BYED PA, SGO DANG SGO KHYUD DANG, DKYIL 'KHOR GYI GRVA RNAMS SU ZLA PHYED RDO RJES SPRAS PA, SGO BZHI PO SO SO'I PHYI NGOS SU KA BA BZHI BZHIS BTEG PA'I RTA BABS GSER DANG SHAR BU DANG RIN PO CHE DANG RTA RMIG DANG MUN PA DANG WA RA n'A DANG MUN PA DANG SHAR BU DANG RIN PO CHE DANG RMIG PA DANG MDA' YANG STE, SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, NANG DU KA BA BRGYAD KYIS BTEG PA'I GDUNG GIS MDZES PAR PHUB PA'I RTZE MO RDO RJE NOR BU RIN PO CHE'I TOG GIS SPRAS PA, DE'I NANG DU SNA TSOGS RDO RJE RTZE MO NYI SHU PA SHAR GYI RDO RJE'I RVA DANG 'OG GZHI DANG STENG GI THOG THAMS CAD DKAR PO, LHO SER PO, NUB DMAR PO, BYANG LJANG GU ,DBUS SNGON PO, SNA TSOGS RDO RJE'I LTE BA'I DBUS DANG SHAR DANG GRVA BZHI DANG DE'I PHYI'I DKYIL 'KHOR GYI GRVA BZHIR SNA TSOGS PADMA DANG ZLA BA'I GDAN, PHYOGS GZHAN GSUM DANG SGO BZHIR SNA TSOGS PADMA DANG NYI MA'I GDAN BSAM PA NI RTEN BSKYED PA STE, SEMS CAN RNAMS GANG DU SKYE BA LEN PA'I GNAS SNOD KYI 'JIG RTEN DANG 'DRA'O, ,DE NAS GDAN DBUS MA'I STENG DU MTSAN SO GNYIS DANG SHES RAB KYI NGO BO A'A LI BCU DRUG PHRAG GNYIS GA-YAS SKOR DANG GA-YON SKOR DU GNAS PA YONGS SU GYUR PA LAS ZLA BA'I DKYIL 'KHOR RDZOGS PA DKAR PO DANG, DE'I STENG DU DPE BYED BRGYAD CU DANG THABS KYI NGO BO K'A LI SO BZHI LA dA dHA DA DHA YA LA DRUG BSNAN
, ,PA'I BZHI BCU PHRAG GNYIS GA-YAS SKOR DANG GA-YON SKOR DU GNAS PA YONGS SU GYUR PA LAS ZLA BA'I DKYIL 'KHOR RDZOGS PA DMAR PO STE, DE GNYIS NI ME LONG LTA BU'I YE SHES TE BYANG CHUB KYI MCHOG TU SEMS BSKYED PA LAS BYANG CHUB PA'O, ,ZLA BA GNYIS GCIG TU 'DRES PA LAS DKAR LA DMAR BA'I MDANGS CHAGS PA'I ZLA BA'I DKYIL 'KHOR GCIG TU GYUR PA NI MNYAM PA NYID KYI YE SHES TE, SHES RAB DANG SNYING RJE DBYER MED PA LAS BYANG CHUB PA'O, ,DE YONGS SU GYUR PA LAS THABS DANG SHES RAB KYI BDAG NYID YIN PA'I PHYIR H'Um DKAR LA DMAR BA'I MDANGS CHAGS PA NI, SO SOR RTOG PA'I YE SHES TE GSUNG GI MNGON PAR RTOGS PA LAS BYANG CHUB PA'O, ,DE YONGS SU GYUR PA LAS NOR BU DMAR PO'I 'OD DANG 'DRA BA'I RDO RJE RTZE LNGA PA LTE BA LA H'Um GIS MTSAN PA 'OD ZER 'PHRO BAR BSAMS LA AOm BADZRA A'ATMA KONYA HAm ZHES BRJOD DE RDO RJE'I NGA RGYAL BYA'O, ,DE NI BYA BA SGRUB PA'I YE SHES TE THUGS KYI MNGON PAR RTOGS PA LAS BYANG CHUB PA'O, ,DE YONGS SU GYUR PA LAS RANG DANG 'DRA BA'I SHES RAB MAS 'KHYUD PA'I RDO RJE 'CHANG SKU MDOG DKAR LA DMAR BA'I MDANGS CHAGS PA, RTZA ZHAL DKAR LA DMAR BA GA-YAS ZHAL SNGO BA, GA-YON ZHAL DMAR BA, SGEG PA'I KHRO BO THA MAL PA RJES SU 'DZIN PAS ZHI ZHING, SHIN TU GDUG PA CAN RJES SU 'DZIN PAS CUNG ZAD KHRO BA RTZA PHYAG GNYIS KYIS GRI GUG DANG THOD PA 'DZIN PAS YUM LA 'KHYUD PA GA-YAS LHAG MA GNYIS KYI DANG POS RDO RJE, GNYIS PAS RAL GRI, GA-YON LHAG MA GNYIS KYI DANG POS 'KHOR LO, GNYIS PAS CHU SKYES 'DZIN PA, RIN
PO CHE'I COD PAN LA SOGS PA'I RGYAN GYIS BRGYAN GYIS BRGYAN CING, NA BZA' BZANG PO MNABS PA, MCHOG GI BDE BAS LUS RGYAS PA, ZHABS GA-YAS BSKUM ZHING GA-YON BRKYANG BAS GNAS PA NI CHOS KYI DBYINGS KYI YE SHES TE, SKU RDZOGS PA LAS BYANG CHUB PA'O, ,DE LTAR MNGON BYANG LNGAS RDO RJE SEMS DPA' YAB YUM RDZOGS PA NI RNAL 'BYOR YIN TE, GANG LA BRTEN NAS BAR DO MNGAL DU 'JUG PA'I PHA MA DANG 'DRA'O, ,DE NAS 'DOD CHAGS CHEN POS GDUL BAR BYA BA'I SEMS CAN LA GZIGS NAS RANG GI SNYING GA'I H'Um LAS 'OD ZER 'PHROS TE DE RNAMS SANGS RGYAS SU BYAS PA RANG GI LUS LA BCUG NAS YAB YUM SNYOMS PAR ZHUGS PAS LHAN CIG SKYES PA'I BDE BA DAM PA LA LONGS SPYOD PA YONGS SU RDZOGS PAR BSGOM MO, ,DE LTAR YAB YUM SNYOMS PAR ZHUGS PA MTHONG NAS NAM MKHAR GNAS PA'I YI GE LNGA SKAR MDA' 'PHO BA BZHIN DU 'ONGS TE RANG GI KHAR ZHUGS RDO RJE'I LAM NAS YUM GYI PADMAR ZHUGS TE, YAB YUM GYI BYANG CHUB KYI SEMS DKAR DMAR GNYIS 'DRES PA LA THIM PA'I MTHUS YAB YUM GNYIS KYANG SNYING RJE CHAGS PA CHEN POS ZHU NAS BYANG CHUB KYI SEMS KYI THIG LE'I NGO BOR GNAS PAR BSAM MO, ,DE LTAR RDO RJE CAN KHU BA'I RNAM PA'I MKHA' KHYAB KYI TING NGE 'DZIN LAS BLANG BA'I PHYIR DU DE NYID KYI TSAD MED PA BZHI TZA RTZI KA LA SOGS PA BZHIR SPR?OS NAS PHYOGS BZHI NAS GAR SNGON DU 'GRO BA'I GLUS, SNYING RJES KHROS PA'I DAD SGROL BZHENGS, ,KHAMS GSUM GYI NI GTI MUG GSOL, ,BDUD BZHI DAG LAS RGYAL BAR MDZOD, ,DAD SGROL RTZOL BAS MA BZHIGS BZHENGS, ,'JIG RTEN MGON POS STONG NYID JI STE BZHUGS, ,DAD SGROL 'JIG RTEN
, ,BSOD NAMS KYIS BZHENGS SHIG ,BYANG CHUB 'DOD PA'I 'JIG RTEN MGRON BOS NAS, ,KHYOD NI CI PHYIR STONG PA NYID LA SEMS, ,ZHES BSKUL NAS THIG LE DE NYID LA THIM PAR BSAM MO, ,GLU'I TSIG RNAMS NI 'GREL PA LHAN CIG SKYES PA'I SNANG BA LAS 'BYUNG BA'O, ,DE NAS SNGAR GYI ZLA BA NYI GDAN DU GYUR PA'I STENG DU MAm SNGON PO LAS BYUNG BA'I MA HE SNGON PO DRAG TU KHROS PA, RUS PA'I RGYAN GYIS BRGYAN ZHING SMIN MA DANG SMA RA 'BAR LA RVA RNO BA, RMIG PA RNON PO BRDABS PAS 'JIGS PAR BYED PA DE'I RGYAB TU SNGAR GYI THIG LE YONGS SU GYUR PA LAS YA YIG SNGON PO DE LAS RDO RJE YA YIG GIS MTSAN PA DE LAS 'OD ZER 'PHROS PAS SEMS CAN THAMS CAD GSHIN RJE GSHED NAG POR BYAS NAS SLAR 'DUS TE YONGS SU GYUR PA LAS RANG NYID GSHIN RJE GSHED MI BZAD PA'I DRAG SHUL CAN SKU MDOG MUN PA LTAR GNAG PA, 'JIGS BYED CHEN PO 'JIGS SU RUNG BA, 'JIG RTEN GSUM GYI BDUD KYI DKYIL 'KHOR THAMS CAD SREG PAR BYED PA'I 'OD ZER RNON PO RAB TU 'PHRO BA, SMIN MA DANG SMA RA DANG DBU SKRA DMAR SER GYEN DU BRDZES PA, RDO RJE'I RGYAN GYIS BRGYAN PA'I SKU SBOM ZHING THUNG LA GSUS PA 'PHYANG BA, RTZA ZHAL GANG PA, GA-YAS ZHAL DKAR ZHING GA-YON ZHAL DMAR BA'I ZHAL GSUM PA CAN, GRI GUG DANG THOD PA 'DZIN PA'I RTZA BA'I PHYOGS GNYIS KYIS RANG DANG 'DRA BA'I SHES RAB MA LA 'KHYUD PA, GA-YAS LHAG MA GNYIS KYI DANG POS RDO RJE, GNYIS PAS RAL GRI, GA-YON LHAG MA GNYIS KYI DANG POS 'KHOR LO, GNYIS PAS CHU SKYES 'DZIN PA, ZHABS GA-YAS BSKUM ZHING GA-YON BRKYANG BA'I STABS KYIS MA HE MGO GA-YAS SU BSTAN
PA'I STENG NA GSHIN RJE NAG PO GA-YAS DBYUG PA DANG GA-YON ZHAGS PA 'DZIN PA, MGO GA-YAS SU BSTAN PA BRDZIS PAS MYOS SHING BRGYAL BAR BYED PA, THOD PA SKAM PO LNGA'I DBU RGYAN DANG, KHRAG 'DZAG PA'I MGO BO RLEN PA LNGA BCU'I PHRENG BA'I DO SHAL CAN ZHAL RE RE LA DMAR LA ZLUM PA'I SPYAN GSUM GSUM DANG LDAN ZHING 'BAR BA'I MCHE BA BZHI BZHI RAB TU GTZIGS NAS LJAGS RNAM PAR 'DRIL ZHING 'OD ZER RAB TU 'PHRO BA, MTHA' YAS SNGON POS DBU SKRA BCINGS SHING, 'JOG PO DMAR POS RNA RGYAN BYAS PA, RIGS LDAN KHRA BOS DPUNG PA BRGYAN CING, DUNG SKYONG SER POS LAG GDUB BYAS PA, PADMA DKAR POS DO SHAL BYAS SHING, STOBS KYI RGYU LJANG GUS MCHOD PHYIR THOGS BYAS PA, NOR RGYAS KYI BU BDUD RTZI'I KHA DOG LTA BUS SKA RAGS BYAS SHING, PADMA CHEN PO DKAR POS ZHABS GDUB BYAS PA, KLU BRGYAD PO THAMS CAD PHUD KYI SGRA SGROG CING LCE GNYIS PA DUG DANG LDAN PA'I MCHE BA'I PHRENG BA CAN NO, ,DE NAS AOm DHA RM'A DH'A TU SVA BH'A WA A'ATMA KONYA HAm, ZHES BRJOD LA, CHOS KYI DBYINGS DANG GNYIS SU MED PA'I YE SHES ZHAL PHYAG GI RNAM PA CAN GYI BDAG NYID CAN DE NGA'O SNYAM DU NGA RGYAL BZUNG BAS 'KHOR 'DAS KYI MTHA' LA GNAS PA SPONG BA NI RJES SU RNAL 'BYOR RO, ,SNGAR BSHAD PA'I YI GE LNGA BYANG CHUB KYI SEMS LA ZHUGS PA NI BAR DOS MNGAL DU SKYE BA BLANGS PA DANG 'DRA, DE NAS GLU'I NGO BOR BZHENGS PA NI MNGAL YONGS SU RDZOGS NAS PHYI ROL TU BTZAS PA DANG 'DRA'O, ,DE LTAR RIM PA DANG PO BSGOM PA POS DANG POR RGYUD SNOD RUNG DU BYED PA'I TSOGS BSAGS, DE NAS THA MAL GYI PHUNG SOGS KYI SNANG BA 'OD GSAL DU BSDUS
, ,NAS YI GE LNGA'I NGO BOR GNAS, DE NAS RGYU RDO RJE 'CHANG YAB YUM SNYOMS PAR ZHUGS PA'I YUM GYI MNGAL DU ZHUGS NAS 'BRAS BU RDO RJE 'CHANG ZHES PA'I LHA'I LUS SU SKYE BA BLANGS PA'I CHOS MTHUN SBYAR BA'I DGOS PA NI GANG ZAG 'GA' ZHIG SHI NAS GNAS GZHAN DU SKYES PA NA NGA DANG NGA YI BAR 'DZIN PA'I GZHI LUS DANG LONGS SPYOD DANG 'KHOR DANG GANG DU SKYE BA'I GNAS LA SOGS PA 'PHOS PA BZHIN DU RNAL 'BYOR PAS KYANG THA MAL GYI LUS LA NGA DANG NGA YI BAR 'DZIN PA DOR NAS LHA'I LUS LANG DANG NGA YI BA'I NGA RGYAL BYA ZHING DE BZHIN DU GNAS DANG GROGS DANG LONGS SPYOD LA'ANG BYA DGOS PAR SHES NAS MCHOG GI SNANG BA DANG NGA RGYAL GYIS THA MAL GYI SNANG ZHEN 'GOG PAR BYED PA YIN NO, ,'DI NI MAN NGAG SNYE MAR BSHAD PA'I DGONGS PA'O, ,YAB KYI GSANG GNAS MI DMIGS PA LAS H'Um LAS BYUNG BA'I RDO RJE SNGON PO RTZE LNGA PA AOm LAS BYUNG BA'I NOR BU BU GA PHAt KYIS BKAG PA, YUM GYI GSANG GNAS MI DMIGS PA LAS H'Um LAS BYUNG BA'I PADMA DMAR PO 'DAB MA BRGYAD PA, A'A: LAS BYUNG BA'I ZE 'BRU BU GA PHAt KYIS BKAG PA BSAMS LA, PHAN TSUN RJES SU CHAGS PAS SNYOMS PAR ZHUGS PA'I DGA' BA BRTZAM STE, AOm SARBA TA TH'A GA TA AA NU R'A GA nA BADZRA SVA BH'A WA A'ATMA KONYHAm, ZHES BRJOD LA DE BZHIN GSHEGS PA THAMS CAD KYI RJES SU CHAGS PA'I RDO RJE'I RANG BZHIN NGA'O SNYAM DU RJES CHAGS KYI NGA RGYAL BYA'O, ,DE NAS RANG GI THUGS KA'I YA YIG GI 'OD ZER GYI LCAGS KYUS MKHA' KHYAB KYI SANGS RGYAS THAMS CAD BKUG NAS RANG GI ZHAL DU BCUG ,THUGS KAR 'OD DU ZHU BA RDO RJE'I LAM NAS RANG 'DRA'I YUM
KYI PADMAR ZHUGS PA'I THIG LE CHA GCIG YA RU GYUR PA LAS GZHAL YAS KHANG DBUS SU NYAm GDAN DANG BCAS PA SNGAR BZHIN BSKYED, YA LAS GZHAL YAS KHANG BSKYED PAR LHAN CIG SKYES PA'I SNANG BA LAS BSHAD DO, ,THIG LA GZHAN GDAN RNAMS KYI STENG DU CHA BCU BDUN DU GYUR PA DE RNAMS YONGS SU GYUR PA LAS DBUS SU YA SHAR DU KshE LHOR MA NUB TU ME BYANG DU DA, SHAR LA SOGS PA'I SGO BZHIR YA TZA NI RA DANG, SNA TSOGS RDO RJE'I SHAR LHO NAS BRTZAMS PA'I GRVA BZHIR DZA SA DO RU DANG, DE'I PHYI'I GRVA BZHIR nA YO NI RA STE YI GE BCU BDUN DU GYUR, YI GE PHYI MA BZHI MA GTOGS PA RNAMS YONGS SU GYUR PA LAS RDO RJE'I LTE BA'I DBUS DANG PHYOGS BZHIR RIM PA BZHIN RDO RJE DANG 'KHOR LO DANG RIN PO CHE DANG PADMA DANG RAL GRI DANG, SHAR LA SOGS PA'I SGO BZHIR RIM PA BZHIN THO BA DANG DBYIG PA DANG PADMA DANG RAL GRI DANG, SNA TSOGS RDO RJE'I SHAR LHO NAS BRTZAMS TE RIM PA BZHIN DU 'KHOR LO DANG RDO RJE DANG PADMA DANG RAL GRIR GYUR TE, RANG RANG GI SA BON GYIS MTSAN PA 'OD ZER 'PHRO ZHING 'DU BAR BSAM MO, ,PHYAG MTSAN LA SA BON GYIS MTSAN PA NI SGRUB THABS KYI GZHUNG LAS BSHAD DO, ,DE LTAR PHYAG MTSAN SA BON GYIS MTSAN PA YONGS SU GYUR PA LAS RANG RANG GI SKU RDZOGS PAR BSKYED DO, ,DBUS SU ZHE SDANG GSHIN RJE GSHED YAB YUM NI SNGAR BZHIN NO, ,SHAR DU GTI MUG GSHIN RJE GSHED DKAR PO PHYAG DRUG GI GA-YAS LHAG MA GNYIS KYI DANG POS 'KHOR LO DANG, GA-YON LHAG MA GNYIS KYI DANG POS NOR BU 'DZIN PA, LHOR PHRA MA GSHIN RJE GSHED SER PO GA-YAS LHAG MA GNYIS KYI DANG POS RIN PO CHE DANG,
, ,GA-YON GNYIS KYI DANG POS 'KHOR LO 'DZIN PA, NUB TU 'DOD CHAGS GSHIN RJE GSHED DMAR PO GA-YAS LHAG MA GNYIS KYI DANG POS PADMA DANG, GA-YON GNYIS KYI DANG POS NOR BU GNYIS PAS 'KHOR LO 'DZIN PA, BYANG DU PHRAG DOG GSHIN RJE GSHED LJANG GU GA-YAS LHAG MA GNYIS KYI DANG POS RAL GRI GNYIS PAS 'KHOR LO DANG, GA-YON GNYIS KYI DANG POS NOR BU 'DZIN PA, DANG PO GSUM GYI GA-YAS KYI GNYIS PAS RAL GRI DANG, DANG PO GNYIS DANG THA MA'I GA-YON GYI GNYIS PAS PADMA 'DZIN CING, BZHI GA'I GA-YAS GA-YON GYI RTZA PHYAG GNYIS KYIS GRI GUG DANG THOD KHRAG BZUNG NAS RANG DANG 'DRA BA'I YUM LA 'KHYUD PA, RGYAN DANG CHA LUGS LHAG MA RNAMS GTZO BO DANG MTSUNGS PA'O, ,SHAR SGOR THO BA GSHIN RJE GSHED SNGON PO GA-YAS LHAG MA GNYIS KYI DANG POS THO BA SNGON PO RVA NYI SHU PA DANG, GA-YON PA GNYIS KYI DANG POS NOR BU GNYIS PAS PADMA 'DZIN PA'O, ,LHO SGOR DBYUG PA GSHIN RJE GSHED DKAR PO GA-YAS LHAG MA GNYIS KYI DANG POS DBYUG PA DANG, GA-YON PA GNYIS KYI DANG POS CHU SKYES GNYIS PAS 'KHOR LO 'DZIN PA, NUB SGOR PADMA GSHIN RJE GSHED DMAR PO GA-YAS LHAG MA GNYIS KYI DANG POS PADMA DANG, GA-YON PA GNYIS KYI DANG POS 'KHOR LO GNYIS PAS NOR BU 'DZIN PA STE DE GSUM GYI GA-YAS KYI GNYIS PA NA RAL GRI'O, ,BYANG SGOR RAL GRI GSHIN RJE GSHED LJANG GU GA-YAS LHAG MA GNYIS KYI DANG POS RAL GRI GNYIS PAS 'KHOR LO DANG, GA-YON PA GNYIS KYI DANG POS NOR BU GNYIS PAS PADMA 'DZIN PA'O, ,SGO SRUNGS BZHI GA'I RTZA PHYAG GNYIS KYIS GRI GUG
DANG THOD KHRAG 'KHYUD PA'I TSUL GYIS 'DZIN PA LA, MCHE BA GTZIGS PA'I GAD BRGYANGS CAN, RGYAN DANG CHA LUGS LHAG MA GTZO BO LTA BU'O, ,SNA TSOGS RDO RJE'I SHAR LHOR TZA RTZI KA DKAR MO SHIN TU SKEM ZHING DRAG TU KHROS PA, GTI MUG GSHIN RJE GSHED LTA BU, LHO NUB TU PHAG MO SNGON MO PHAG GDONG CAN ZHE SDANG GSHIN RJE GSHED LTA BU, NUB BYANG DU DBYANGS CAN MA DMAR MO ZHI BA'I CHA BYAD CAN 'DOD CHAGS GSHIN RJE GSHED LTA BU, BYANG SHAR DU GOO R'I LJANG GU PHRAG DOG GSHIN RJE GSHED LTA BU STE, PHAG MO DANG GOO RI GNYIS SPOM ZHING THUNG LA GSUS PA 'PHYANG BA'O, ,LHA THAMS CAD ZHAL GSUM PA STE SKU MDOG SNGON PO RNAMS KYI GA-YAS DKAR ZHING DKAR PO'I GA-YAS SNGO LA GA-YON DMAR BA DANG, SKU MDOG DMAR PO DANG SER PO DANG LJANG GU RNAMS KYI GA-YAS SNGO LA GA-YON DKAR BA'O, ,LHAN CIG SKYES PA'I SNANG BA LAS LHA MO BZHI'I RTZA PHYAG GNYIS 'KHYUD PA'I TSUL CAN DU BSHAD PA NI SGO BA BZHI LA YANG 'DRA'O, ,DKYIL 'KHOR GYI GRVA BZHI'I YI GE BZHI YONGS SU GYUR PA LAS MI'I THOD PA BDUD RTZIS GANG BA ZHI'O, ,DE LTAR BSKYED ZIN PA'I 'OG TU PHYIR SPRO BA'I TSUL NI, RANG RANG GI RIGS KYI SPRUL PA'I TSOGS RNAMS YUM GYI BA SPU'I SGO NAS SPRO BAR LHAN CIG SKYES PA'I SNANG BA LAS BSHAD PAS DE LTAR DU DBYUNG BAR BYA'O, ,HR'I: shtR'I: GTZO BO YAB YUM BSKUL DPAG TU MED PAR GYUR YUM GYI BA SPU'I SGO NAS PHYIR SPROS TE PHYOGS BCUR GSHEGS, SEMS CAN RNAMS KYI ZHE SDANG SBYANGS CHOS KYI DBYINGS KYI YE SHES LA BKOD GCIG TU 'DUS RANG DANG YUM LA THIM PAR BSAM, DE BZHIN DU AOm DZI NA DZI KA GIS
, ,GTI MUG GSHIN RJE GSHED YAB YUM PHYUNGS SEMS CAN RNAMS KYI GTI MUG SBYANGS ME LONG LTA BU'I YE SHES LA BKOD NAS SHAR DU SNA TSOGS RDO RJE'I RTZIBS ZHES PA RVA'I RTZA BAR 'KHOD, AOm RATNA DHRI KA GIS PHRA MA GSHIN RJE GSHED YAB YUM PHYUNGS NGA RGYAL DANG SER SNA SBYANGS MNYAM PA NYID KYI YE SHES LA BKOD NAS LHOR RVA'I RTZA BAR 'KHOD, AOm A'A RO LIKA GIS 'DOD CHAGS GSHIN RJE GSHED YAB YUM PHYUNGS 'DOD CHAGS SBYANGS SO SOR RTOG PA'I YE SHES LA BKOD NAS NUB KYI RVA'I RTZA BAR 'KHOD, AOm PRADZNY'A DHRIKA GIS PHRAG DOG GSHIN RJE GSHED YAB YUM PHYUNGS PHRAG DOG SBYANGS BYA BA SGRUB PA'I YE SHES LA BKOD NAS BYANG GI RVA'I RTZA BAR 'KHOD, AOm MUDGA RA DHRIG GIS THO BA GSHIN RJE GSHED PHYUNGS SEMS CAN RNAMS KYI PHUNG PO'I BDUD BCOM DAD PA'I STOBS LA BKOD NAS SHAR SGO'I DBUS SU 'KHOD AOm DAntA DHRIG GIS DBYUG PA GSHIN RJE GSHED PHYUNGS NYON MONGS PA'I BDUD BCOM BRTZON 'GRUS KYI STOBS LA BKOD NAS LHO SGOR 'KHOD, AOm PADMA DHRiG GIS PADMA GSHIN RJE GSHED PHYUNGS 'CHI BDAG GI BDUD BCOM DRAN PA'I STOBS LA BKOD NAS NUB SGOR 'KHOD, AOm KHANGGA DHRIK GIS RAL GRI GSHIN RJE GSHED PHYUNGS LHA'I BU'I BDUD BCOM TING NGE 'DZIN GYI STOBS LA BKOD NAS BYANG SGOR 'KHOD, AOm MO HA RA TI SA TZA RTZI KA PHYUNGS SEMS CAN RNAMS KYI SA'I KHAMS SBYANGS BYAMS PA TSAD MED LA BKOD NAS SNA TSOGS RDO RJE'I SHAR LHO'I GRVAR 'KHOD, AOm DVE shA RA TIS PHAG MO PHYUNGS CHU'I KHAMS SBYANGS SNYING RJE LA BKOD NAS LHO NUB TU 'KHOD, AOm R'A GA RA TIS DBYANGS CAN MA PHYUNGS
ME'I KHAMS SBYANGS DGA' BA LA BKOD NAS NUB BYANG DU 'KHOD, AOm BADZRA RA TIS GOO R'I PHYUNGS RLUNG GI KHAMS SBYANGS BTANG SNYOMS LA BKOD NAS BYANG SHAR DU 'KHOD, AOm A'A: H'Um GIS THOD PA BZHI SPROS YUL DRUG GI DRI MA SBYANGS NAS DKYIL 'KHOR GYI PHYI'I GRVA BZHIR 'KHOD, AOm A'A: H'Um GIS GZHAL YAS KHANG SBROS SNOD KYI SKYON SBYANGS BDE BA LA GNAS PA RNAMS BRTAN PAR BYAS NAS DAM TSIG GI GZHAL YAS KHANG LA THIM PAR BSAM MO, ,DE DAG NI LHA'I 'KHOR LO SHIN TU RGYAS PAR SPRUL PAS SHIN TU RNAL 'BYOR RO, , DE NAS GTZO 'KHOR THAMS CAD KYI MIG GNYIS SU KshIm DANG 'KHOR LO LAS RDO RJE'I MIG GTI MUG GSHIN RJE GSHED LTA BU, RNA BA GNYIS SU DZRIm DANG RDO RJE LAS RDO RJE'I RNA BA NAG PO ZHE SDANG GSHIN RJE GSHED LTA BU, SNA GNYIS SU KHAm DANG RIN PO CHE LAS RDO RJE'I SNA PHRA MA GSHIN RJE GSHED LTA BU, LCE'I RTZA BAR RAm DANG PADMA LAS RDO RJE'I LCE DMAR PO 'DOD CHAGS GSHIN RJE GSHED LTA BU, 'DIR NAG TSE DANG 'CHAG GIS BSGYUR BA'I DMAR NAG GI SGRUB THABS LAS RAm BYUNG, DPAL 'DZIN GYI RJES SU 'BRANG BA'I GZHUNG GZHAN LAS GAm BYUNG BA NI SA SNYING LA SOGS PA'I MTSAN GYI YI GE'I KHYAD PAR RE THIG LES BRGYAN PA LAS BSKYED PAR SNANG BAS DE GNYIS GANG BYAS KYANG 'DRA BAR MNGON NO, ,DPRAL BAR KAm DANG RAL GRI LAS RDO RJE'I LUS PHRAG DOG GSHIN RJE GSHED LTA BU, LTE BAR SAm DANG RDO RJE LAS RDO RJE'I YID RGYU RDO RJE 'DZIN PA LTA BU STE THAMS CAD KYANG PAD ZLA LA GNAS PA'O, ,LHAN CIG SKYES PA'I SNANG BA LAS GTZO BO MA GTOGS PA 'KHOR GYI SKYE MCHED BYIN GYIS RLOB PAR MI 'DOD PA BKAG CING, SKU MDOG DANG PHYAG GI NGES PA SGRUB THABS
, ,LA KHA 'PHANGS PAS SGRUB THABS SU GTI MUG GSHIN RJE GSHED LA SOGS PA DANG KHA DOG 'DRA BAR BSHAD PA MA GTOGS PA ZHAL PHYAG GI GRANGS MI GSAL YANG ZHAL PHYAG KYANG 'DRA BAR BYA DGOS SO, ,DE DAG NI MNGON SHES DRUG SGRUB BYED SKYE MCHED BYIN GYIS BRLAB PA'O, ,LHA THAMS CAD KYI THUGS KAR H'Um LAS RDO RJE SNGON PO RTZA LNGA PA'I LTE BA'I NANG DU H'Um DANG RDO RJE LAS THUGS RDO RJE ZHE SDANG GSHIN RJE GSHED LTA BU, MGRIN PAR A'A: LAS PADMA DMAR PO 'DAB MA BRGYAD PA'I DBUS SU A'A: DANG PADMA LAS GSUNG RDO RJE 'DOD CHAGS GSHIN RJE GSHED LTA BU, SPYI BAR AOm LAS 'KHOR LO DKAR PO'I DBUS SU AOm DANG 'KHOR LO LAS SKU RDO RJE GI MUG GSHIN RJE GSHED LTA BU BSKYED, THUGS KA'I SA BON LAS 'OD ZER 'PHROS PAS RDO RJE GSUM GYI LHA TSOGS SPYAN DRANGS TE NAM MKHAR BZHUGS PA LA SNGAR BZHIN MCHOD NAS 'OD ZER GYIS BKUG STE RANG RANG GI RDO RJE GSUM LA RIM PA BZHIN THIM PAR BSAMS LA, AOm SARBA TA TH'A GA TA TZITTA BADZRA SVA BH'A WA A'ATMA KONYHAm, AOm SARBA TA TH'A GA TA W'A KA BADZRA SVA BH'A WA A'ATMA KONYHAm, AOm SARBA TA TH'A GA TA K'A YA BADZRA SVA BH'A WA A'ATMA KONYHAm, ZHES BRJOD LA, DE BZHIN GSHEGS PA THAMS CAD KYI RDO RJE GSUM GYI NGO BO NGA YIN NO SNYAM DU NGA RGYAL BYA'O, ,DE NAS RANG GI SNYING GA'I SA BON LAS 'OD ZER 'PHROS PAS SANGS RGYAS SRAS DANG BCAS PA MDUN DU SPYAN DRANGS, SNGAR BZHIN MCHOD DO, DE BZHIN GSHEGS PA THAMS CAD KYIS BDAG LA DBANG BSKUR DU GSOL ZHES GSOL BA BTAB PAS DE RNAMS KYIS SPROS PA'I TZA RTZI KA LA SOGS PA RNAMS KYIS BUM PA DKAR PO YA SHES KYI
CHUS GANG BA THOGS NAS SHIS BRJOD KYI TSIGS BCAD DANG SNYAN PA'I GLU LEN CING, DBANG BSKUR RDO RJE CHEN PO NI, ,KHAMS GSUM PA YIS PHYAG BYAS PA, ,SANGS RGYAS RNAMS NI THAMS CAD KYI, ,GSANG GSUM GNAS BYUNG SBYIN PAR BYA, ,AOm BADZRA AA BHI shINYTZA MI, , ZHES BRJOD CING DBANG BSKUR BAS DBANG GI CHUS LUS GANG DRI MA DAG CHU'I LHAG MA YAR LUNG PAS GTZO BO LA RDO RJE SEMS DPA', GZHAN RNAMS LA GTZO BOS DBU BRGYAN ZHING DBANG GI LHA RNAMS RANG LA THIM PAR BSAM MO, ,RANG GI SNYING GA'I SA BON LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES KYI DKYIL 'KHOR RANG GI MDUN DU SPYAN DRANGS PAR BLTAS LA, HR'I: shtR'I: SNGAGS BRJOD CING KHRO BO SPROS NAS PHYI 'BRANG GI BGEGS BSKRAD LA BSRUNG, MCHOD YON LA SOGS PA'I CHU BZHI PHUL NAS, AOm MUNGGA RA DZA: ZHES PAS RANG RANG GI SPYI BOR DGUG ,AOm DAndA H'Um ZHES PAS RANG RANG LA GZHUG ,AOm PADMA BAm ZHES PAS RANG RANG DANG DBYER MED DU BCING, AOm KHANGGA HO: ZHES PAS DBANG DU BYA'O, ,DE NAS MCHOD PA BSHAM PA RNAMS BSANG BA DANG SBYANG BA DANG BSKYED PA DANG BYIN GYIS BRLAB, RANG GI THUGS KA'I SA BON GYI 'OD ZER GYIS SANGS RGYAS RNAMS BKUG NAS ZHAL DU ZHUGS THUGS KAR ZHU BA RDO RJE'I LAM NAS 'THON YUM GYI PADMA'I DBUS SU BYUNG BA'I BYANG CHUB KYI SEMS LAS SKYES PA'I LHA MO'I TSOGS ME TOG MA LA SOGS PA'I MCHOD RDZAS SNA TSOGS LAG NA THOGS PA BDE BA CHEN PO STENG BA'I SGEG CING 'GYING BA'I NYAMS DANG LDAN CING YID DU 'ONG BA'I GAR DANG GLU'I MCHOD PAS MCHOD PAR BSAMS LA SNGAR BZHIN MCHOD, SGRA THAMS CAD
, ,BRAG CHA LTA BUR BLTAS TE 'KHOR GYI LHA RNAMS KYIS GTZO BO LA BSTOD PAR BSAMS LA, AYE KYE KYE GSHIN RJE GSHED NAG BLA, ,SRIN PO'I GZUGS CHEN RANG BZHIN KHYOD, ,BDAG GIS KHYOD MTHONG SHIN TU 'JIGS, ,KHROS PA'I RANG BZHIN 'DI MTHONG MDZOD, ,MTHO RIS SA STENG SA 'OG BCAS, ,KHYOD KYI GAR GYIS GA-YOS PAR MDZAD, ,AA DZA NAG PO BCAG 'DRA YI, ,KHRO KHYOD RO LANGS BZHIN GAR MDZOD, ,RNAM PA SNA TSOGS GZUGS SPRUL ZHING, ,MDANGS NAG TSAD NI THUNG BA LA, ,BDE CHEN NGO BO KHYOD GAR MDZOD, ,RDO RJE DBYANGS CAN MA GSOL 'DEBS, ,HR'I: shtI:'I SNGAGS DANG GAR GYIS KHYOD, ,SRID PA GSUM GYI 'KHRUL PA CHOD, ,SNYING RJES KHROS PA DAD SGROL GAR, ,'GRO BAS MTHONG NA NGO MTSAR 'GYUR, ,AOm SARBA TA TH'A GA TA P'U DZA BADZRA SVA BH'A WA A'ATMA KONYHAm, ZHES BRJOD DO, ,DE NAS GTZO BOS KYANG 'KHOR RNAMS LA, GSHIN RJE GSHED PO RAB 'JIGS PA, ,GTI MUG RDO RJE'I NGO BO KHYOD, ,STON PA SANGS RGYAS KUN RANG BZHIN, ,RDO RJE SKU LA PHYAG 'TSAL BSTOD, ,GSHIN RJE GSHED PO RAB 'JIGS PA, ,PHRA MA RDO RJE'I RANG BZHIN KHYOD, ,RDO RJE THUGS DANG RAB MTSUNGS PA, ,RIN CHEN RDO RJE PHYAG 'TSAL BSTOD, ,'DOD CHAGS RDO RJE'I NGO BO KHYOD, ,GSHIN RJE GSHED PO RAB 'JIGS PA, ,RDO RJE GSUNGS DANG RAB MTSUNGS PA, ,RDO RJE'I GSUNG LA PHYAG 'TSAL BSTOD, ,PHRAG DOG RDO RJE'I NGO BO KHYOD, ,GSHIN RJE GSHED PO LAS KUN PA, ,RDO RJE SKU DANG RAB TU MTSUNGS, ,PHYAG NA RAL GRI PHYAG 'TSAL BSTOD, ,CES PAS BSTOD NAS, YANG 'KHOR RNAMS KYIS MGRIN GCIG TU GTZO BO LA, SANGS RGYAS KUN GYI DNGOS
PO KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN MCHOG GTZO BO'I GTZO, ,DKYIL 'KHOR GTZO LA PHYAG 'TSAL BSTOD, ,CES PAS BSTOD DO, ,BSTOD PA'I TSIG NI SGRUB THABS DANG RGYUD LA MI 'DRA BA MANG YANG NAG PO BA'I 'GREL PAR BSHAD PA'I GZHUNG DANG MTHUN PAR BYAS PA'O, ,DE NAS YAm LAS RLUNG GI DKYIL 'KHOR SNGON PO GZHU LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MGO BO GSUM GYI SKYED BU'I STENG DU A'A: YIG LAS BYUNG BA'I THOD PA DKAR PO BSAM MO, ,DE'I SHAR LA SOGS PA'I PHYOGS BZHI DANG, DBUS SU DA HA GOO KU NA LAS BYUNG BA'I GLANG PO CHE RTA BA LANG KHYI MI'I SHA RNAMS LA, BHRUm AAm DZRI KHAm H'Um GIS MTSAN PA, ME LA SOGS PA'I MTSAMS BZHI DANG DBUS SU, PIR SHU MA M'U LAS BYUNG BA'I DRI CHEN RAKTA BYANG SEMS DKAR PO RKANG MAR DRI CHU LA LAm MAm PAm TAm BAm GYIS MTSAN PA'O, ,'DIR LA LI TA BADZRAS GSHIN RJE GSHED LNGA'I SA BON LAS BDUD RTZI LNGA DANG MING YIG THOG MA LAS SHA LNGA BSKYED PAR BSHAD MOD KYANG, DPAL 'DZIN GYI SGRUB THABS LAS, DE LA MING YIG DANG PO SKYES, ,DE NI RNAM PAR SNANG MDZAD SOGS, ,DA YIG LAS SKYES YANG DAG 'BYUNG, ,GLANG PO LA SOGS LNGA PO RNAMS, ,ZHES RDZAS BCUG MING YIG DANG PO LAS BSKYED PAR BSHAD LA, MING YIG DANG PO RNAMS KYANG LHAN CIG SKYES PA'I SNANG BA LAS, BI MU MA RA SHU DANG, DA HA NA GOO KU RNAMS ZHES GSUNG NGO, ,DE LA DANITA NI SO LDAN TE GLANG PO DANG LHA LA RTA DANG GOO BA LANG DANG KU KU RA KHYI DANG NA RA MI DANG, BI dA BSHANG BA DANG MU TRA GCIN DANG, RAKTA
, ,KHRAG DANG SHU KRA KHU BA DANG, MANYDZA RKANG NGO, ,KHA CIG GSANG 'DUS SU DE BZHIN GSHEGS PA DANG RIN PO CHE DANG PADMA DANG LAS DANG RDO RJE'I RIGS LA RIM PA BZHIN DU GLANG PO DANG RTA DANG BA LANG DANG KHYI DANG MI'I SHA GSUNGS BA DANG BSTUN NAS DPAL 'DZIN GYIS DA HA NA ZHES SOGS GSUNGS PA YIN ZHES GSUNG NGO, ,THOD PA'I STENG DU H'Um YIG DKAR PO LAS BYUNG BA'I RDO RJE LTE BA H'Um GIS MTSAN PAS KHA BCAD PA, DE LAS MTHO GANG TZAM GYI BAR SNANG LA ZLA BA LA AOm DKAR PO, ,RDO RJE'I LTE BA'I H'Um LAS 'OD ZER 'PHROS PAS BA DAN BSKUL BAS RLUNG BSKYOD, DES MI SBAR BAS RDZAS KUN ZHU ZHING KHOL BA'I NANG DU RDO RJE LHUNG NAS DKRUGS SHING DE NYID KYANG ZHU BAS DRI MA MED CING DAG PAR BLTA'O, ,DE NAS AOm GYI 'OD ZER GYIS SANGS RGYAS THAMS CAD BKUG PA YE SHES KYI BDUD RTZI SNGAGS KYIS GZUGS SU BYAS NAS DER BCUG PAS BDUD RTZI LNGA MCHOG TU GYUR PAR BSAMS LA, AOm A'A: H'Um ZHES BRJOD LA BYIN GYIS BRLAB BO, ,DE NAS LHA THAMS CAD KYI LJAGS MI DMIGS PA LAS H'Um LAS SKYES PA'I RDO RJE DKAR PO RTZE LNGA PA KHONG GSENG CAN DU BSGOMS LA THOG MAR RTZA BA DANG BRGYUD PA'I BLA MA RNAMS KYI MTSAN GYI MTHAR YI GE GSUM BTAGS LA DBUL, DE NAS THUGS KA'I SA BON GYI 'OD KYIS PHYOGS BCU NA BZHUGS PA'I RGYAL BA 'KHOR DANG BCAS PA SPYAN DRANGS TE RANG GI LUS LA BCUG LA, LHA SO SO'I SNGAGS BRJOD CING BDUD RTZI MYANG BAR BYA'O, ,DE'I DUS SU LJAGS RDO RJE'I 'OD ZER GYI SPU GUS DRANGS NAS GSOL BAS TSIM PAR BSAM ZHING PHYOGS SKYONG LA SOGS PA RNAMS KYANG TSIM PAR
BYA'O, ,RANG GI SNYING GAR LAm LAS SA'I DKYIL 'KHOR SER PO GRU BZHIR RDO RJES MTSAN PA'I DBUS SU YE SHES SEMS DPA' RANG DANG 'DRA BA DGOD, DE'I THUGS KAR NYI GDAN LA RDO RJE'I LTE BA'I NANG DU TING NGE 'DZIN SEMS DPA' YA YIG SNGON PO 'OD ZER 'PHRO BA BKOD NAS MTSAN MAR 'DZIN PA'I KUN RTOG THAMS CAD SPONG BA'I STONG PA NYID BSGOM PAR BYA'O, ,DE'I TSUL NI PHUNG PO DANG KHAMS LA SOGS PA'I CHOS RNAMS DANG BDAG DANG SEMS CAN LA SOGS PA'I GANG ZAG RNAMS RANG BZHIN GYIS MA GRUB PAS RTAG PA'I MTHA' SPANGS SHING RANG BZHIN GYIS MA GRUB BZHIN DU RANG RANG GI BYA BA BYED NUS PAS CHAD PA'I MTHA' SPANGS PA'I STONG PA NYID BDAG MED PA GNYIS LA NGES PAR DRANGS PA'I RNAM PA CAN GZUNG BYA LHA'I 'KHOR LOR SNANG BA'I SNANG STONG GNYIS TSOGS PA'I TING NGE 'DZIN BSGOM PAR BYA'O, ,RANG GI THUGS KA'I SA BON TING NGE 'DZIN SEMS DPA'I 'OD ZER KYIS 'GRO BA THAMS CAD GSHIN RJE GSHED DU BYAS DE THAMS CAD BKUG NAS SA BON DE NYID LA THIM PAR BSAM, 'DIR SGRUB THABS LAS, RANG SNYING SA BON 'OD ZER GYIS, ,'GRO BA GSHIN RJE GSHED BYAS NAS, ,SKU GSUNG THUGS KYI RDO RJE CAN, ,BKUG NAS DE LA SONG BAR BSAM, ,RDO RJE DRI MA MED DANG CHOS, ,YE SHES LAM SKYES DGOD PAR BYA, ,DER NI RANG GI SA BON RNAMS, ,YE SHES HR'I: shtR'I: LA SOGS DGOD, ,BDE BA DAM PA'I RNAM PA MTHONG, ,YANG DAG RTOG PA THAMS CAD SPANGS, ,SPRO DANG BSDU BA YANG DAG RGYAS, ,BDAG NYID MKHAS PAS BZLAS PA TZAM, ,SKU LA SOGS PA SPRO DANG BSDU, ,RIM DANG CIG CAR DAG KYANG RUNG, ,ZHES 'BYUNG
, ,PA'I RKANG PA BZHI PA NI RKANG PA GSUM PA'I GONG DU GDON TE, GSHED DMAR GYI SGRUB THABS LAS DE BZHIN DU 'BYUNG NGO, ,LI LA BADZRAS 'GRO BA GSHIN RJE GSHED DU BYAS PA RNAMS RANG LA THIM ZHING RANG NYID YA LA THIM LA YI GE THIG LER GYUR BA'I NANG DU DKYIL 'KHOR RDZOGS PAR BSKYED, DE'I 'OD ZER GYIS SLAR YANG RANG DANG LHA RNAMS GSAL BAR BYAS TE, SNYING GAR GNAS PA'I DKYIL 'KHOR PHRA MO BRTAN PAR GYUR NAS SPRO BSDU BYED PAR BSHAD DE, BDE BA DAM PA ZHES PA'I RKANG PA GSUM GYI DON NO, , DE NAS LAS DANG CHOS DANG PHYAG RGYA CHEN PO GSUM GYI NGO BO THUGS GSUNG SKU'I RDO RJE GSUM GYI THUGS KAR RANG RANG GI SA BON GYI YI GE GSUM DGOD DE, SKU GSUNG THUGS ZHES PA NAS DER NI RANG GI SA BON RNAMS ZHES PA'I BAR GYI DON NO, ,DAM TSIG GI PHYAG RGYA'I NGO BO YE SHES SEMS DPA'I THUGS KAR SNGAGS DGOD PA NI, YE SHES ZHES PA'I RKANG PA GCIG GI DON NO, ,DE LTAR NA RDO RJE NI THUGS LAS RGYA, CHOS NI GSUNG CHOS RGYA, DRI MA MED PA NI SKU PHYAG CHEN, YE SHES NI DAm RGYAR BYA'O, ,SLOB DPON DPAL 'DZIN NI YE SHES ZHABS KYI RJES 'BRANG YIN LA, YE SHES ZHABS LUGS KYIS YE SHES SEMS DPA'I THUGS KAR ZLA GDAN LA GNAS PA'I PHYAG MTSAN GYI LTE BAR TSUD PA'I SA BON GYI 'OD ZER GYIS SPRUL PA'I SANGS RGYAS RNAMS KYIS SEMS CAN GYIS LOG RTOG SGRIB GNYIS SPANGS NAS 'GRO BA SANGS RGYAS SU BYAS PA BKUG NAS SA BON DANG GNYIS SU MED PAR BYAS PA'I YI GE 'AM THIG LE'I NANG DU PHRA MO'I DKYIL 'KHOR BSGOM PAR GSUNGS PAS DE DANG MTHUN PAR MDZAD PA YIN NO, ,'DI YANG LAS
DANG PO PA DANG YE SHES CUNG ZAD BABS PA'I SKABS SU PHYAG MTSAN NAM THIG LE PHRA MO NYID BSGOM LA, YE SHES LA CUNG ZAD DBANG THOB PA NAS PHRA MO'I DKYIL 'KHOR BSGOM PAR BYA'O, ,BSGOM TSUL SNGA MA NI THUGS KA'I SA BON LA BSDUS ZIN PA DANG YI GE 'AM THIG LE DE NYID SNANG BA CHEN PO DANG BCAS PAR BSGOM MO, ,DE NAS DE'I 'OD ZER GYIS PHYAG MTSAN GYI NANG DANG PHYI DANG YE SHES SEMS DPA' DANG, DE'I GNAS DANG, RDO RJE GSUM DANG DE DAG GI GNAS PHYI NANG DANG BCAS PA RIM GYIS GSAL BAR BYAS PA'I MTHAR RIM PA DE LTAR SLAR LOG NAS SNGAR GYI YI GE 'AM THIG LE LA 'DUS NAS YE SHES KYI BDUD RTZI 'BAB PAR BSAM MO, ,DE'I 'OG TU RANG GI LUS THAMS CAD SNANG BAR BYAS NAS BA SPU'I BU GA RE RE NAS BYUNG BA'I 'OD ZER RNAMS KYIS 'GRO BA RNAMS SNANG BAR BYA'O, ,SEMS BYING NA 'OD KYI SNANG BA BYING BA SANGS SANGS KYI BAR DU BSGOM ZHING RGOD NA THIG LE DE NYID LA DMIGS PA RTZE GCIG TU GTAD NAS RGOD PA ZHI BA'I BAR DU BYA'O, ,DE NAS RDO RJE GSUM GYI THUGS KAR RANG RANG GI SA BON DGOD, YE SHES SEMS DPA'I THUGS KA'I TING NGE 'DZIN SEMS DPA'I MTHAR HR'I: shtR'I: DGOD, LHA GZHAN RNAMS KYI THUGS KAR NYI GDAN LA RANG RANG GI PHYAG MTSAN LA RANG RANG GI SA BON BKOD PA'I MTHAR RANG RANG GI SNGAGS KYI PHRENG BAS BSKOR BA BKOD LA, HA CANG MYUR BA DANG YI GE RE RE NAS DAL BAR DANG, THUNG NGU RING PO DANG RING PO THUNG NGUR MI BYA ZHING GZHAN GYIS MI THOS PAR RANG GI THOS TZAM DU BZLA'O, ,DE'I TSE SKU RDO RJE LA SOGS PA'I GNAS BZHI NAS SKU RDO RJE LA SOGS PA'I KHRO BO'I SPRUL PA CIG CAR RAM RIM GYIS NAM MKHA' KHYAB PAR SPRO, DE DAG GIS
, ,SEMS CAN GYI DON PHUN SUM TSOGS PA BYAS HR'I: shtR'I: LA SOGS PA'I SNGAGS RNAMS 'GRO BA LA SGROGS PAR BSAM ZHING, LHA DGUG PA'I BSAM PAS MTHE BO'I LCAGS KYUS DRANG ZHING BZLA STE SNGAGS RDZOGS PA'I TSE SLAR BSDU'I, ,PHRENG BA'I RGYU NI MA HE DANG MI DANG GLANG PO CHE DANG BA LANG DANG RTA DANG BONG BU DANG RNGA MO'I RUS PA LAS BYA'O, ,BSKYED CHOG NI BSANGS SBYANGS NAS RIL BU RE RE GSHIN RJE GSHED DU BSKYED PA DANG, MI MGO KHRAG 'DZAG TU BSGOM PA GDAM NGA CAN DU RGYUD DANG 'GREL BA RNAMS NAS BSHAD LA, BLA MA RNAMS PHYI MA BSGOM PA NI GSHIN RJE GSHED DU BSKYED PA ZHU BA LAS DER GYUR PAR BZHED DO, ,GSHIN RJE GSHED NI SGRUB THABS KU MU TA KHA PHYE BA LAS ME LAS 'DOD CHAGS GSHIN RJE GSHED DU BSKYED PAR BSHAD DO, ,ZLA BA BYUNG NGO COG GI BCU BZHI RNAMS LA SHA LNGA DANG BDUD RTZI LNGAS PHRENG BA LA BYUGS NAS BZLAS NA DNGOS GRUB 'GRUB PA'I MCHOG TU NAG PO'I RGYUD LAS BSHAD DO, ,BZLAS PA'I GRANGS NI KHRIS 'BYUNG PO YI DVAGS KYI TSOGS DANG, STONG GIS MKHA' 'GRO MA RNAMS TSAR GCOD NUS LA, 'BUM GYIS LAS KUN BYED PA DANG, BYE BA BZLAS NA THUN MONG GI DNGOS GRUB 'GRUB NA BYE PA LNGAS SMOS CI DGOS ZHES RGYUD LAS GSUNGS SO, ,KHA ZAS LA SOGS PA'I BYA BA'I DBANG GIS LDANG BAR 'DOD NA DKYIL 'KHOR GYI LHA LA MCHOD PA DANG, BSTOD PA DANG BDUD RTZI MYANG BA BYA, YI GE BRGYA PA GDON LA, 'GRO BA'I DON LA 'BYON PA'I BSAM PAS YI GE GSUM GYI MTHAR MU: BTAGS PA BRJOD NAS 'KHOR RNAMS KYI YE SHES PA GSHEGS, DAM TSIG PA RNAMS BDAG LA BSDUS NAS DGE BA
BSAGS PA RNAMS BYANG CHUB TU BSNGO BAR BYA STE, RNAL 'BYOR CHEN PO'O, ,DE LTAR THUN GYI NGO BO'I RNAL 'BYOR BYAS NAS, THUN SNGA PHYI'I BAR GYI RNAL 'BYOR NI, LANGS NAS GTZO BO'I NGA RGYAL DANG MA BRAL BA DANG, YUL DU SNANG BA THAMS CAD GTI MUG GSHIN RJE GSHED DU BSGOMS NAS 'GRO 'CHAG LA SOGS PA BYA'O, ,KHA ZAS KYI RNAL 'BYOR NI, NANG MCHOD LTAR BSKYED LA KHA THAB KHUNG DANG LAG PA GNYIS GZAR BUR BZHAG STE LHA TSIM PAR BYA BA'I BSAM PAS BZA'O, ,GZHAN LA KHA ZAS STER NA'ANG BDUD RTZIR BYIN GYIS BRLABS LA LHA MCHOD PA'I BSAM PAS MCHOD DO, ,KHRUS KYI RNAL 'BYOR NI, DBANG BSKUR BA'I CHO GAS BYA'O, ,NYAL BA'I RNAL 'BYOR NI, 'GRO BA GSHIN RJE GSHED DU BYAS PA DANG GZHAL YAS KHANG RANG LA BSDU, DAM TSIG SEMS DPA' YE SHES SEMS DPA' DANG, YE SHES SEMS DPA' PHYAG MTSAN DANG, PHYAG MTSAN TING NGE 'DZIN SEMS DPA' LA BSDU, YI GE RIM GYIS BSDUS NAS STONG PA 'OD GSAL DU ZHUGS PAR BSAMS LA, THABS SHES DANG LDAN PAR NYAL LO, ,LDANG BA'I TSE NA TZRTZI KA LA SOGS PA'I GLUS BSKUL BAR BSAM MO, ,DE LTAR NAM GYI BRGYAD CHA LUS PA'I THO RANGS DANG NYIN GUNG DANG, PHYI DRO DANG SROD KYI THUN BZHI LA SNGAR BSHAD PA LTAR BYED PA NI LAS DANG PO PA'I RNAL 'BYOR PAS JI LTAR BYA BA'I RIM PA'O, ,LAS DANG PO PA NI, DANG PO'I THUN LA BSGOM PA NAS BZUNG STE JI SRID DKYIL 'KHOR BA'I LHA RNAMS YUD TZAM RE MNGON DU BYED NUS PA LA BRTAN PA MA RNYED KYI BAR RO, ,DE LA BRTAN PA RNYED PA NAS BZUNG STA LHA RNAMS KYI SKYE MCHED DANG SKU GSUNG THUGS KYI RDO RJE'I LHA
, ,RNAMS YUD TZAM RES, LAG MTHIL DU SHING TOG BZHAG BA LTAR MNGON DU BYED NUS PA LA BRTAN PA MA RNYED KYI BAR DU YE SHES CUNG ZAD BABS PA ZHES BYA STE, DES NI THUN BZHI KA LA RNAL 'BYOR PHYI MA GSUM SNGAR LTAR BSGOM PAR BYA'O, , SKU RDO RJE LA SOGS PA'I LHA RNAMS LA YUD TZAM RES MNGON DU BYED NUS PA LA BRTAN PA RNYED PA NAS BZUNG STE, YE SHES LA CUNG ZAD DBANG BA'AM YE SHES LA DBANG THOB PA ZHES BYA STE, DES NI THUN BZHI'I NGES PA MI BYA BAR THUN GCIG LA RNAL 'BYOR PHYI MA GNYIS BSGOM PAR BYA'O, ,DE YANG PHRA MO'I DKYIL 'KHOR LA SPRO BSDU NUS SHING RDZOGS PA'I RIM PA BRTAN PAR BYED PA'I BAR THAMS CAD DO, ,RANG GI DON MTHAR THUG PAR SON PAS BSAM GTAN TZAM GYIS GZHAN GYI DON BYED NUS PA NI YE SHES LA YANG DAG PAR DBANG THOB PA ZHES BYA'O, ,'DIR DGRA NAG GI SKOR THAMS CAD NAS PHYOGS SKYONG GI GTOR MA MA GTOGS PA DKYIL 'KHOR PA LA GTOR MA 'BUL BA'I SNGAGS LA SOGS PA MA BSHAD PA LA SLOB DPON NYIN MOR BYED PA'I GRAGS PAS DANG POR GSHIN RJE GSHED DANG DE NAS SO SO'I 'KHOR LA 'BUL ZHES PA MA GTOGS PA DKYIL 'KHOR PA LA DBUL BA LA DBUL BA MA BSHAD KYANG DBUL DU MI RUNG BA MIN PAS THUN SO SO'I MTHAR GTOR MA GTONG BAR 'DOD NA, SKAD CIG GIS MDUN DU GSHIN RJE GSHED KYI DKYIL 'KHOR BSGOMS LA RANG GI SNYING GA'I SA BON GYI 'OD ZER GYIS YE SHES KYI 'KHOR LO SPYAN DRANGS LA GNYIS SU MED PAR BSTIM ,DE NAS RANG GI SNYING GA NAS KHRO BO ZHAGS PA DANG LCAGS KYU 'DZIN PA SPROS TE, PHYOGS SKYONG RNAMS
KYI SNYING GNAS LCAGS KYUS BZUNG, MGRIN PA NAS ZHAGS PAS BCINGS TE BKUG PAR BSAMS LA, AOm HR'I: shtR'I: WI KRI T'A NA NA H'Um H'Um PHAt PHAt SARBA DUshtAm AINDRA A'A DI NA SA PA RI W'A RA A'A KARshA YA DZA: SV'AH'A, ZHES PA'I SNGAGS 'DIS PHYOGS SKYONG RNAMS BKUG STE DKYIL 'KHOR GYI PHYOGS PHYOGS SU DGOD PAR BYA'O, ,SHAR DU DBANG PO DMAR SER GLANG PO CHE LA ZHON PA, MIG STONG PA GA-YAS RDO RJE GA-YON SDIGS MDZUB, DE'I GA-YON DU NYE DBANG NAG PO NAM MKHA' LDING LA ZHON PA, GA-YAS SRUBS SHING DANG 'KHOR LO, ,GA-YON DUNG DANG NOR BU KO STU BHA THOGS PA, LHOR BSHIN RJE NAG PO MA HE LA ZHON PA, SKRA DMAR SER GYEN DU 'BAR BA, GA-YAS DBYUG PA DANG GA-YON SDIGS MDZUB, NUB TU CHU LHA DKAR PO SPRUL LA ZHON PA, SBRUL ZHAGS 'DZIN PA, BYANG DU LUS NGAN SER PO SHA RGYAS PA, GTER LA GNAS PA, GA-YAS SA BON GYI GRONG KHYER DANG GA-YON NE'U LE THOGS PA, DE'I GA-YON DU TSOGS BDAG GLANG SNA DKAR PO BYI BA LA ZHON PA, GA-YAS BGRANG PHRENG DANG DGRA STE, GA-YON LA PHUG DANG LA DU 'DZIN PA, BYANG SHAR DU DBANG LDAN DKAR PO GLANG LA ZHON PA RAL PA'I THOR COG CAN RTZE GSUM DANG THOD PA THOGS PA, LAG PA GNYIS KYIS GOO R'I LA 'KHYUD PA, MER ME LHA DMAR PO RA SKYES LA ZHON PA, GA-YAS BGRANG PHRENG DANG GA-YON SPYI BLUGS 'DZIN PA, SRIN POR SRIN PO SNGON PO RO LA ZHON BA, KHRO ZHING RNGAM PA, GA-YAS GRI GUG DANG GA-YON THOD PA 'DZIN PA RLUNG DU RLUNG LHA DU BA'I MDOG CAN RI DVAGS LA ZHON PA, LAG PA GNYIS KYIS RLUNG RAS 'DZIN PA, STENG DU ZLA BA DKAR PO KU MU DA'I STENG NA GNAS PA LAG PA GNYIS KYIS KU MU DA 'DZIN PA, NYI MA
, ,DMAR PO RTA MCHOG BDUN LA ZHON PA, LAG PA GNYIS KYIS PADMA 'DZIN PA, TSANGS PA SER PO GDONG BZHI PA NGANG PA LA ZHON PA, GA-YAS PAS SPYI BLUGS DANG MI 'JIGS PA, GA-YON DBYUG PA DANG BGRANG PHRENG 'DZIN PA, 'OG TU SA'I LHA MO SER MO PADMA LA GNAS PA, GA-YAS DBANG POR KHAS LEN PA, GA-YON BUM PA 'DZIN PA, THAGS BZANG RIS SNGON PO SHING RTA LA ZHON PA GA-YAS RAL GRI GA-YON SDIGS MDZUB CAN RNAMS TE, DE DAG GI 'KHOR DU SRED PA GSUM GYI 'BYUNG PO'I TSOGS THAMS CAD BSAM MO, ,DE NAS RANG GI SNYING GA NAS KHRO BO GSHIN RJE GSHED PHYAG NA PHUR BU THOGS PA SPROS TE, AOm HR'I: shtR'I: WI KRI T'A NA NA H'Um H'Um PHAt PHAt H'Um SARBA DUshtAm AINDRA A'A DI NA SA PA RI W'A RA NA K'I LA YA H'Um PHAt SV'AH'A, ZHES PAS SNYING GA DANG MGRIN PA DANG RKANG PA'I BAR DU PHUR BU BTAB PAS GRUB PA'I BCUD LEN GRUB PA BZHIN DU SKAD CIG GIS ZHE SDANG GSHIN RJE GSHED RANG DANG LHAN CIG SKYES PA'I SHES RAB MA PHYAG DANG PO GNYIS KYIS THOD PA THOGS NAS YAB LA 'KHYUD PA, ZHAL PHYAG LHAG MA YAB DANG 'DRA BA, SGRUB PA PO'I BSAM PA YONGS SU RDZOGS PAR MDZAD PAR BSKYED, SKYE MCHED DANG SKU GSUNG THUGS BYIN GYIS BRLAB, DBANG BSKUR GSHIN RJE GSHED KYIS DBU BRGYAN, BSKYED CHOG RGYAS PA BYED NA PHUR BU BTAB MA THAG BYANG CHUB KYI SEMS SU ZHU BA SA BON DANG PHYAG MTSAN GYI RIM PAS BSKYED PA YIN TE, NAG PO PA'I DKYIL CHOG LAS SHES PAR BYA'O, ,DE NAS MGRON RNAMS LA THOG MAR CHU BZHI DBUL TE, DE'ANG MCHOD YON DANG ZHABS BSIL NI SNGAR BZHIN NO, ,ZHAL BSIL NI AOm A'A: HR'I: PRA WA RA SATK'A RAm A'ANYTZA MA nI PRA
H'I TZTSA H'Um SV'AH'A DANG, BSANG GTOR NI A'ARNYTZAM MA nAm GI GNAS SU PRO KshA nAm ZHES BCUG LA DBUL LO, ,DE NAS RANG GI MDUN DU GTOR MA 'BYOR NA BCA' BA DANG BTUNG BA LA SOGS PA SNA TSOGS PA DRI DANG PHRENG BA DANG BYUG PA DANG PHYE MA DANG GOS DANG GDUGS DANG RGYAL MTSAN DANG DRIL BU LA SOGS PA SGRA CHEN PO DANG BCAS PA SHING RTA BKANG BA'AM MA 'BYOR NA NAS KYI KHUR BA 'AM 'BRAS CHAN CUNG ZAD TZAM DANG BCAS PA'I CHU KHYOR BA GSUM GANG RUNG BA BSHAM, BDUD RTZI RIL BU'AM MA 'BYOR NA BYIN GYIS BRLAB BA'I BDUD RTZIS BRAN NO, ,HR'I: shtR'I: SA BSANG SVA BH'A WA SA SBYANGS NANG MCHOD LTAR BSKYED DE BYIN GYIS BRLAB, LA LI TA BADZRAS MDZAD ZER BA'I DGRA NAG GI SGRUB THABS LAS DKYIL 'KHOR PA DANG PHYOGS SKYONG GANG GI YIN MI GSAL BAR AA K'A ROS 'BUL BAR BSHAD KYANG, LA LI BADZRAS NANG MCHOD KYI SKABS SU LHA RANG RANG GI SKABS KYIS 'BUL BAR BSHAD CING, GSHED DMAR GYI RGYUD LAS, LHA SO SO'I SNGAGS LA BA LIm PRA T'ITZTSA BTAGS NAS DBUL BAR GSUNGS PA'I RIGS PA SBYAR DU RUNG BAS HR'I: shtR'I: A'I MTHAR BA LI PRA T'ITZTSA BTAGS NAS GTZO BO YAB YUM LA DBUL, SNGAGS GZHAN RNAMS KYI MTHAR BTAGS NAS 'KHOR GYI LHA RNAMS LA PHUL BAS LJAGS RDO RJE'I SBU GU CAN GYI 'OD ZER GYIS DRANGS NAS GSOL BAR BSAM MO, ,DE NAS PHYOGS SKYONG RNAMS KYI LCE SNGAR BSHAD PA BZHIN RDO RJER BSKYED, DE'I 'OD KYI SBU GUS DRANGS NAS GSOL BAR BSAMS LA, AOm AINDR'A YA HR'I: YA MA YA shtR'I: BA RU n'A YA WI, KU BEE R'A YA KRI, A'I SH'A NA YA TA, AAGNA YE AA, NEE RI TA YE NA, B'A YA BE NA, TZANTRA YA H'Um, AARKA YA H'Um, BRAHMA nE PHAt, BA SUN DHA RI YE PHAt, BEE MA TZANTRI NI SV'A,
, ,SARBA BHU TE BH+YO H'A, H'A H'A H'A, H'I H'I H'I, H'Um H'Um H'Um, PHEm PHEm PHEm, SV'AH'A, ZHES BRJOD LA DBUL, DE NAS NYER SPYOD LNGAS KYANG MCHOD, DE RNAMS KYANG SGRUB PA PO LA DGYES NAS NYE BAR BSTAB PAS THAMS CAD LONGS SPYOD PAR BSAM LA, RDO RJE GSOR ZHING DRIL BU DKROL NAS GI MUG RDO RJE ZHES SOGS KYIS BSTOD DE, HA HA HE HE, HO HE, H'Um H'Um, ZHES BZHAD PA BRGYAD KYI SNGAGS BRJOD, 'DOD PA'I DON LA GSOL BA GDAB, YI GE BRGYA PAS LHAG CHAD KHA BSKANG, NONGS PA BZOD PAR GSOL TE, AOm A'A: H'Um MU ZHES PAS GSHEGS SU GSOL BA NI GTOR MAS LHA MNYES PAR BYED PA'I CHO GA'O, ,GANG GI STOBS KYIS MA RUNGS BDUD KYI SDE, ,MA LUS RDUL PHRAN BZHIN DU BRLAG MDZAD PA, ,KHRO BO'I RGYAL PO CHEN PO GSHIN RJE GSHED, ,DPAL LDAN NAG PO'I RGYUD LAS LEGS GSUNGS PA, ,DGRA NAG SGRUB THABS DPAL 'DZIN LUGS BZHIN DU, ,RGYUD DANG 'BREL PA SGRUB THABS MAN NGAG LA, ,BRTEN NAS GSAL BAR BYAS 'DI 'DIR 'JUG PA'I, ,DAM PA MANG POS BSKUL BA'I DON DU SBYAR, ,ZAB MO'I RGYUD DON DPAG PAR DKA', ,BDAG BLO NYAM CHUNG BRTZON 'GRUS DMAN, ,DE PHYIR NONGS PAR GANG GYUR TE, ,SRAS BCAS RGYAL BA'I SPYAN SNGAR 'CHAGS, ,JI BZHIN LEGS PAR BSHAD PA YI, ,BSOD NAMS PHUNG PO CI BSAGS PA, ,DE YIS PHYI NANG GSHIN RJE'I TSOGS, ,MA LUS 'JOMS PAR BDAG GYUR CIG ,THUB BSTAN RGYAS PA'I GEGS LA MNGON BRTZON PA'I, NAG PO'I RTZE LAG RNAMS KYI STOBS BCOM NAS, ,RGYAL BA'I CHOS TSUL RNAM PAR RGYAS BYED PA'I, ,DGA' BDE'I DPAL GYIS 'GRO RNAMS DBUGS 'BYIN SHOG ,CES DPAL GSHIN RJE GSHED DGRA NAG GI SGRUB PA'I THABS RIN PO CHE 'BAR BA ZHES BYA BA 'DI
NI SLOB DPON DPAL 'DZIN GYI SGRUB THABS LA GZHI BYAS SHING CUNG ZAD KHA BSKANG DGOS PA RNAMS RGYUD DANG DE'I 'GREL PA LHAN CIG SKYES PA'I SNANG BA DANG DPAL 'DZIN GYI RJES SU 'JUG PA'I NAG PO PA'I 'GREL BA DANG, LI LA BADZRA DANG KUN TU BZANG PO LA SOGS PA RNAMS KYI GZHUNG LAS BTUS NAS GSHIN RJE GSHED KYI RNAL 'BYOR PA BLO BZANG GRAGS PA'I DPAL GYIS ZANGS RI'I PHU'I DBEN GNAS MCHIN GYI RI KHROD DU SBYAR BA'I YI GE PA NI DKA' BZHI PA RIN CHEN DPAL LO, ,'DIS KYANG BSTAN PA RIN PO CHE PHYOGS DANG DUS DANG GNAS SKABS THAMS CAD DU DAR ZHING RGYAS LA YUN RING DU GNAS PAR BYED NUS PAR GYUR CIG, BKRA SHIS,, SARBA MANGGA LAm BHA WAN TU,, ,,