*, ,DPAL RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA BZHUGS SO, ,
, ,NA MO GU RU MANYDZU GHO sh'A YA, RGYAL BA THAMS CAD BSKRUN MDZAD 'JAM PA'I DBYANGS, ,NAG PO'I RTZA LAG RTZAD NAS DBYUNG BA'I PHYIR, ,SHIN TU DRAG PO'I SKUR STON GSHIN RJE GSHED, ,BLA MAR BCAS PA'I ZHABS LA GUS BTUD NAS, , BCU DRUG ZHABS KYI GAR STABS BSPYOD PAS SA GSUM KUN NAS GA-YO MDZAD CING, ,SO BZHI'I PHYAG GI MTSAN MA GDENGS PAS BGEGS DPUNG MA LUS RDUL DU RLOG ,DGU YI ZHAL GYI 'JIGS PA'I NGA ROS NAM MKHA'I KHYON KUN RAB 'GENGS PA, , DPAL LDAN RDO RJE 'JIGS BYED CES GRAGS LHA MCHOG DE YI SGRUB THABS BSHAD, ,SKAL LDAN THAR LAM SGRUB PA'I GTZO BO'I GEGS, ,SEMS 'JOMS RMONGS PA LUS 'JOMS GSHIN RJE YIN, ,RMONGS 'JOMS SHES RAB STZOL LA 'JAM DBYANGS MCHOG ,'CHI BDAG 'JOMS PA'I PHUL BYUNG 'JIGS BYED DO, ,DE PHYIR 'JAM DBYANGS ZHI KHRO SGRUB BYED KYI, ,LAM 'DI RNAM DPYOD CAN GYI GDUL BYA YI, ,'JUG NGOGS RMAD DU BYUNG BAR MTHONG BAS NA, ,BDAG NI TSUL 'DIR 'BAD LA RANGS PAR GYUR, 'DIR RNAL 'BYOR PA SBYIN PA DANG TSUL KHRIMS LA SOGS PA'I SPYOD PA DANG BYAMS PA LA SOGS PA'I SEMS KYIS SEMS CAN GYI DON LA BRTZON PA'I BSAM PA RNAM PAR DAG PA DANG LDAN PA, DAD PA DANG THOS PAS RNAM PAR BRGYAN CING KHYAD FPAR DU RDO RJE 'JIGS BYED CHEN PO'I DKYIL 'KHOR DU ZHUGS NAS DBANG BSKUR BA LEGS PAR THOB CING KHAS BLANGS PA'I DAM TSIG DANG SDOM PA BSRUNG BAR BRTZON PAS RGYUD LAS GSUNGS PA'I GNAS DBEN PA LA SOGS PA YID DANG MTHUN
, ,PA GANG YANG RUNG BAR DANG POR KHRUS BYA ZHING MAndAL BYI DAR BYA MA TAG GCAL DU DGRAM BRIS SKU MDUN DU BSHAM, STAN BDE BA LA KHA SHAR LHOR PHYOGS TE 'DUG NAS BDUD RTZI RIL BUS KHA DAG PAR BYAS TE LHA DANG 'BYUNG BA LA GTOR MA PHUL LA 'PHRIN LAS BCOL TE GSHEGS PAR BYA'O, ,DE NAS RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR PADMA DANG NYI MA LA GNAS PA'I H'Um GI 'OD ZER GYIS 'JIG RTEN GYI KHAMS MU MED PA GSAL BAR BYAS NAS, DE NA BZHUGS PA'I SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS KYIS BSKOR BA'I RDO RJE 'JIGS BYED BLA MA DANG BCAS PA MDUN GYI NAM MKHAR SPYAN DRANGS LA 'OD ZER SNYING GAR BSDU'O, ,DE NAS GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,ZHES PAS BLA MA DANG BCAS PA'I LHA RNAMS LA PHYAG BYA, SNYING GA'I SA BON GYI 'OD ZER LAS BYUNG BA'I CA RTZI KA DKAR MO PHAG MO SNGON MO DBYANGS CAN MA DMAR MO GO R'I LJANG GU PHYAG NA MCHOD RDZAS SNA TSOGS PA THOGS PA RNAMS KYIS MCHOD PAR BSAMS LA, AOm HR'I: shtRI: HA ZHES PAS MCHOD YON, AOm H'Um H'Um PHAt KYIS ZHABS BSI LA, AOm WI KRI T'A NA NA DUshtI SATVA DA MA KA: GA: GA: GA: YIS DRI AOm KU M'A RA R'U BI nE DZA: DZA: H'Um PHAt KYIS ME TOG ,AOm HR'I: H'A HEE PHAt KYIS BDUG SPOS, AOm D'I PTA LO TZA NA WI KRI T'A NA NA MAH'A AAttA ttA H'A SA NA DI NI D'PT'I YE SV'AH'AS
MAR MA, AOm BADZRA NI WI DYA A'A: H'Um SV'AH'AS LHA BSHAS, AOm BADZRA SHAPTA A'A: H'Um GIS ROL MO RNAMS DBUL LA, LHA MO RNAMS SLAR BSDU'O, ,DE NAS, SDIG PA RNAMS NI BSHAGS PAR BYA, ,SKYES SHING BYUNG BA RNAMS NI BSAL, ,MI BYAD PAR YANG SPYAN SNGAR BRJOD, , DE BZHIN BSOD NAMS RJES YI RANG, ,BDAG GIS BDE 'GROR YONGS SU BSNGO, ,DKON MCHOG GSUM LA SKYABS SU 'GRO, SEMS CAN THAMS CAD BDAG GIS SGROL, ,BYANG CHUB GNAS LA DGOD PAR BGYI, ,(BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS NI DBUL BAR BGYI, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG BAS BSTEN PAS BGYI, ,ZHES DE DAG GI DON YID LA BSAMS LA BRJOD DO, ,RIGS LNGA'I SDOM PA GZUNG BAR 'DOD NA'ANG BYED PA MA 'GAL TE MANYDZU SHR'I DZNY'A NA DANG DON YOD RDO RJES SDOM PA GZUNG BAR BSHAD DO, DE NAS, SEMS CAN THAMS CAD BDE BA DANG LDAN PAR GYUR CIG SNYAM PA'I BYAMS PA DANG, DE BZHIN DU SDUG BSNGAL DANG NGA BRAL BAR GYUR CIG SNYAM PA'I SNYING RJE DANG, BDE BA DANG MI 'BRAL BAR GYUR CIG SNYAM PA'I DGA' BA DANG, 'JIG RTAN GYI CHOS BRGYAD DANG GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O SNYAM DU CHAD MED PA BZHI BSGOM STE BSOD NAMS KYI TSOGS BSAGS PA'O, ,DE NAS, AOm SVA BH'A BA SHUDDHA SARBA DHARM'A: SVA BH'A BA SHUDDHONY HAm, AOm SH'U NYA T'A DZNY'A NA BADZRA SVA BH'A BA A'ATMA KONYA HAm, ZHES BRJOD PAS RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR RTAG CHAD LA SOGS PA'I MTHA' BZHI DANG BRAL BA BDAG
, ,MED PA'I LTA BA DRAN PAR BYAS NAS THA MAL PA'I SNANG BA MED PA LA 'JUG PAR BYA STE YE SHES KYI TSOGS BSAGS PA'O, ,DE NAS SEMS CAN THAMS CAD SANGS RGYAS LA DGOD PA'I SNGON GYI SMON LAM DRAN PAR BYAS LA STONG PA'I NGANG LAS YAm LAS RLUNG GI DKYIL 'KHOR DU BA'I MDOG CAN GZHU LTA BU RGYAL MTSAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM 'BAR BA'I PHRENG BAS 'KHRIGS PA'I RDO RJE'I RGYAN GYIS BRGYAN PA, DE'I STENG DU BAm LAS CHU'I DKYIL 'KHOR DKAR PO ZLUM PO BUM PAS BRGYAN PA, DE'I STENG DU LAm LAS SA'I DKYIL 'KHOR SER PO GRU BZHIR RDO RJES MTSAN PA'I STENG DU H'Um LAS SNA TSOGS RDO RJE LTE BA LA H'Um GIS MTSAN PA LAS 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RA BA, STENG DU 'PHROS PAS RDO RJE'I GUR, DE'I 'OG RA BA'I STENG DU RDO RJE'I BLA BRE STE THAMS CAD KYANG RDO RJE 'BAR BA'I RANG BZHIN BAR MTSAMS MED PAR DUM BU GCIG TU GYUR PA'I PHYI ROL TU BSKAL PA 'JIG PA'I ME LTA BU'I KHA DOG SNA LNGA'I ME DPUNG PHYOGS BCUR 'PHRO BA, RA BA'I DBUS SU BHRUm LAS BKA'I 'KHOR LO SER PO RAB TU 'BAR BA GA-YAS SKOR DU 'KHOR BA RTZIBS BCU LTE BA DANG BCAS PA LTE BA'I NANG DANG RTZIBS LA CUNG ZAD MA REG PA'I GNAS SU SNA TSOGS PADMA DANG ZLA BA DANG NYI MA'I GDAN GSUM GSUM BSAM MO, ,GDAN DBUS MA'I STENG DU H'Um YIG YONGS SU GYUR PA LAS RANG NYID GNOD MDZES RGYAL PO SKU MDOG MTHING KHA MI BSKYOD PA'I COD PAN CAN MTHING DKAR DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS
GNYIS KYIS RIN PO CHE DANG LCAGS KYU GA-YON GNYIS KYIS PADMA DANG ZHAGS PA 'DZIN PA, ZHABS GA-YAS BSKUM ZHING GA-YON BRKYANG PA'I STABS KYIS BZHUGS PA YAB YUM SNYOMS PAR BZHUGS PA'I THUGS KA'I H'Um GI 'OD ZER GYIS BKUG PA'I KHRO BO BCU ZHAL DU BCUG NAS ZHU BA RDO RJE'I LAM NAS YUM GYI PADMAR THIG LE BCU DANG DE LAS H'Um BCU DANG DE LAS KHRO BO BCUR GYUR PA'I GSHIN RJE GSHED SNGON PO SNGO DKAR DMAR BA'I ZHAL GSUM PHYAG DRUG GI GA-YAS THA MAS RDO RJE THO BA 'DZIN PA H'Um ZHES BRJOD PAS PADMA LAS SPROS TE SHAR RTZIBS KYI STENG GI GDAN LA GA-YON BRKYANG GI STABS KYIS 'KHOD, DE BZHIN DU SBYAR LA, GZHAN GYIS MI THUB PA DKAR PO DKAR MTHING DMAR BA'I ZHAL GSUM PHYAG DRUG GI GA-YAS THA MAS BE CON 'DZIN PA LHO DANG, ,RTA MGRIN DMAR PO DMAR MTHING DKAR BA'I ZHAL GSUM PHYAG DRUG GI GA-YAS THA MAS PADMA DANG GA-YON BAR PAS 'KHOR LO 'DZIN PA NUB DANG, BDUD RTZI 'KHYIL PA SNGON PO SNGO DKAR DMAR BA'I ZHAL GSUM PHYAG DRUG GI GA-YAS THA MAS RDO RJE 'DZIN PA BYANG DANG, 'DOD RGYAL MTHING KHA MTHING DKAR DMAR BA'I ZHAL GSUM PHYAG DRUG GI GA-YAS THA MAS LCAGS KYU 'DZIN PA ME MTSAMS DANG, DBYUG SNGON CAN SNGON PO SNGO DKAR DMAR BA'I ZHAL GSUM PHYAG DRUG GI GA-YAS THA MAS DBYUG PA 'DZIN PA BDEN BRAL DANG, STOBS PO CHE SNGON PO SNGO DKAR DMAR BA'I ZHAL GSUM PHYAG DRUG GI GA-YAS THA MAS RTZE GSUM 'DZIN PA RLUNG DANG, MI GA-YO BA MTHING KHA MTHING DKAR DMAR BA'I ZHAL GSUM PHYAG DRUG GI GA-YAS THA MAS RAL GRI DANG GA-YON THA MAS RDO RJE 'DZIN PA DBANG LDAN GYI RTZIBS KYI STENG GI GDAN LA GA-YON BRKYANG GI
, ,STABS KYIS 'KHOD, GTZUG TOR 'KHOR LOS SGYUR BA LJANG SER, LJANG SER DKAR DANG DMAR BA'I ZHAL GSUM PHYAG DRUG GI GA-YAS THA MAS 'KHOR LO 'DZIN PA GTZO BO'I STENG GI CUNG ZAD TZAM GYI MDUN DANG, RDO RJE SA 'OG MTHING KHA MTHING DKAR DMAR BA'I ZHAL GSUM PHYAG DRUG GI GA-YAS THA MAS RDO RJE 'DZIN PA GTZO BO'I 'OG LAS CUNG ZAD TZAM GYI RGYAB KYI GDAN GYI STENG DU GA-YON BRKYANG GI STABS KYIS 'KHOD PAR GYUR, BCU PO THAMS CAD KYI PHYAG DANG PO GNYIS KYIS RANG 'DRA'I YUM LA 'KHYUD CING GA-YAS BAR PA THAMS CAD KYIS RIN PO CHE DANG, RTA MGRIN MA GTOGS PA GA-YON BAR PA THAMS CAD KYIS PADMA DANG, MI GA-YO BA MA GTOGS PA GA-YON THA MA THAMS CAD KYIS RAL GRI 'DZIN PA'O, ,BCU GCIG PO THAMS CAD KYANG MCHE BA GTZIGS SHING ZHAL SO SO LA DMAR LA ZLUM PA'I SPYAN GSUM PA DBU SKRA DANG SMA RA DMAR SER 'BAR ZHING GYEN DU 'KHYIL BA, 'KHOR LO DANG RNA CHA LA SOGS PAS BRGYAN CING SNA TSOGS PA'I SBRUL GYI RGYAN CAN, GSHIN RJE GSHED RNAM SNANG DANG RTA MGRIN 'OD DPAG MED KYI COD PAN CAN DE GNYIS MA GTOGS PA BRGYAD MI BSKYOD PA'I COD PAN CAN BDUD DANG BGEGS THAMS CAD RTZAD NAS 'BYIN PA'I STOBS DANG LDAN PA SKU LAS SKYES PA'I ME DPUNG 'BAR BA'I DBUS NA BZHUGS SHING 'JIGS SU RUNG BA'I RDO RJE 'BAR BA SPRIN LTAR 'KHRIGS PA PHYOGS BCUR 'PHROS PAS GDUG PA CAN THAMS CAD TSAR GCOD PAR BSAM MO, ,LA LI TA'I GZHUNG LAS KHRO BCU LA SNGAGS MA BYUNG LA BZLAS PA BYA BAR 'DOD NA GZHUNG GZHAN NAS 'BYUNG BA'I SNGAGS BZLA'O, ,'DIR LA LI TA'I GZHUNG KHA CIG LAS KHRO BO BCU'I GA-YAS KYI DANG
POS RDO RJE THO BA LA SOGS PA BCU DANG, GA-YON DANG PO BCUS RAL GRI 'DZIN PA BSHAD NAS DE'I DMIGS BSAL DU 'DOD RGYAL GYIS RDO RJE 'DZIN PAR BSHAD PA DPE MA DAG PA YIN TE, DE LTA YIN NA GZHUNG DER KHRO BCU'I GA-YAS GA-YON GYI THA MA GNYIS KYI PHYAG GIS JI LTAR MDZAD BSHAD PA 'CHAD PAR 'GYUR RO, ,DES NA GNOD MDZES LA SOGS PA'I KHRO BO RNAMS KYI GA-YAS GA-YON GYI PHYAG DANG PO GNYIS KYIS YUM LA 'KHYUD PAR GSUNGS SHING, GNOD MDZES KYI PHYAG LHAG MA BZHI MA GTOGS PA DANG PO GNYIS LA PHYAG MTSAN MA BSHAD PA BZHIN DU KHRO BO GZHAN LA'ANG MTSUNGS SHING RDOR SEMS KYI PHYAG DRUG LA'ANG GNOD MDZES LTAR BSHAD PA DANG RIGS 'DRA'O, ,GA-YON BAR PA THAMS CAD KYIS PADMA 'DZIN PAR BSHAD PA'I DMIGS BSAL DU RTA MGRIN GYI GA-YAS NA PADMA YOD PA LA DGONGS NAS GA-YON PAR PAS 'KHOR LO 'DZIN PAR BSHAD PA'I RIGS PAS MI GA-YO BA'I GA-YAS NA RAL GRI YOD PAS GA-YON THA MAS RDO RJE 'DZIN PA'I DMIGS BSAL MI GA-YO BA LA RIGS SO, ,GZHUNG DER YUM RNAMS KYI ZHAL PHYAG GI GRANGS LA SOGS PA MA BSHAD PA NI YAB DANG 'DRA BA LA DGONGS SO, ,GDUL BYA'I BGEGS RNAMS PHYOGS MTSAMS KYI SGO NAS BCUR BSDUS TE DE DAG GI 'DUL BYED KHRO BO BCUR MDZAD NAS PHYOGS MTSAMS BSRUNG BA'I DON DU SRUNG 'KHOR GYI GTZO BOS BKA' BSGOS NAS 'JOG PA 'DI SNGAGS MA BZLAS KYANG SRUNG BA'I MCHOG YIN PAS DE LTAR BKOD NAS BGEGS TSAR GCOD PA YANG YANG DRAN PAR BYAS NAS RANG GI LHA'I SGOM BZLAS SOGS BYA STE SRUNG 'KHOR RO, ,DE NAS RANG GNOD MDZES SU GNAS PA YONGS SU GYUR PA LAS RDO RJE SEMS
, ,DPA' SKU MDOG DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RDO RJE DANG RAL GRI GA-YON GNYIS RIN PO CHE DANG PADMA 'DZIN PA YONGS SU GYUR PA LAS CHOS 'BYUNG DKAR PO GRU GSUM PA GYEN DU 'GRENG BA 'OG TU PHRA ZHING STOD YANGS PA, 'OG ZUR NAS PAm LAS BYUNG BA'I SNA TSOGS PADMA'I LTE BAR H'Um LAS SNA TSOGS RDO RJE SHAR GYI RVA DKAR LHO'I RVA SER NUB KYI RVA DMAR BYANG GI RVA LJANG DBUS KYI LTE BA SNGON POS BRGYAN PA BSAM MO, ,DE'I DBUS SU BHRUm LAS 'KHOR LO BHRUm GYIS MTSAN PA LAS BYUNG BA'I RNAM SNANG DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RDO RJE LA GNAS PA'I 'KHOR LO DANG RAL GRI GA-YON GNYIS RIN PO CHE DANG PADMA 'DZIN PA YONGS SU GYUR PA'I GZHAL YAS KHANG GRU BZHI PA SGO BZHI PA, PHYI ROL NAS RIM PA BZHIN DKAR SER DMAR LJANG SNGO BA'I RTZIG PA LNGA DANG LDAN PA RTZIG PA'I STENG NA RIN PO CHE SNA TSOGS PAS MDZES PAR BYAS PA'I RIN PO CHE'I PHA GU SER POS BSKOR BA'I GZHAL YAS KHANG GI PHYED KYI TSAD DU RDO RJE'I PHRENG BAS ZLUM POR BSKOR BA LA BRTEN PA'I KA BA BRGYAD KYIS BTEG PA'I RDO RJE'I GDUNG BZHIS MDZES PAR PHUB PA, RTZE MO RDO RJE NOR BU RIN PO CHE'I TOG GIS MDZES PA'I NANG GI SHAR DKAR LHO SER NUB DMAR BYANG LJANG DBUS SNGO BA, PHA GU'I STENG NA GSER GYI SKA RAGS BZHI'I PHYI NGOS SU CHU SRIN GYI KHA NAS 'PHYANG BA'I RIN PO CHE'I DRA BA DANG DRA BA PHYED PA LA DRIL BU DANG RNGA YAB LA SOGS PAS BRGYAN PA, DE'I PHYI NGOS SU BYA 'DAB LAS 'PHYANG
BA'I RIN PO CHE'I SHAR BU DE'I STENG DU MDA' YAB PADMA 'DAB MA PHYED PA'I DBYIBS CAN LA BA DAN DANG RGYAL MTSAN LA SOGS PAS MDZES PAR BYAS PA, RTZIG PA'I MTHA' NAS 'DOD YON GYI SNAM BU DMAR POS 'GRAM STEGS KYI RNAM PAR BSKOR BA LA LHA MO MCHOD RDZAS THOGS PA RNAMS 'KHOD NAS MCHOD PA BYED PA, SGO DANG SGO KHYUD KYI MTSAMS DANG GRVA BZHIR ZLA PHYED RDO RJE RIN CHEN GYIS SPRAS PA, SGO BZHI'I MDUN DU KA BA BZHI BZHIS BTEG PA'I RTA BABS SNAM BU BCU GCIG DANG LDAN PA'I STENG DU CHOS 'KHOR DE'I GA-YAS GA-YON DU RI DVAGS PHO MO DANG BCAS PA, RDO RJE RA BA ME RI DANG BCAS PA'I PHYI ROL TU GTUM DRAG LA SOGS PA'I DUR KHROD BRGYAD NA N'A GA GE SAR GYI SHING LA SOGS PA'I SHING BRGYAD, DE LA GNAS PA'I BRGYA BYIN LA SOGS PA'I PHYOGS SKYONG RNAMS DANG RDZU 'PHRUL CHEN PO PA GLANG PO CHE'I GDONG PA CAN LA SOGS PA'I ZHING SKYONG BRGYAD, THUGS RJE'I CHU BRGYAD, DE LA GNAS PA'I NOR RGYAS LA SOGS PA'I KLU BRGYAD STENG GI NAM MKHA' LA SGROGS PA LA SOGS PA'I SPRIN BRGYAD, YE SHES KYI ME BRGYAD, MCHOD RTEN BRGYAD, GZHAN YANG KENG RUS DANG GSAL SHING GIS PHUG PA'I RO DANG SHING LA DPYANGS PA DANG SKYES PA ZA BA DANG MTSON GYIS PHUG PA LA SOGS PA DANG, BYA ROG DANG BYA RGOD DANG KHYI DANG CE SPYANG DANG SENG GE DANG STAG LA SOGS PA DANG CA CO SGROG PA'I RO LANGS DANG GNOD SBYIN DANG SRIN PO LA SOGS PA RNAMS KYIS 'JIGS SU RUNG BA, GRUB PA DANG RIG PA 'DZIN PA DANG DAM TSIG SPYOD PA'I RNAL 'BYOR PA BCOM LDAN 'DAS LA RTZE GCIG TU BLTA BA GCER BU SKRA BSHIG PA PHYAG RGYA LNGAS BRGYAN PA CANG TE'U DANG THONG PA DANG KHA tV'Am GA 'DZIN PA THOD PAS SPYI BOR BRGYAN PA RGOD CING
, ,DUR KHROD DU 'JUG PA SOGS KYIS SHIN TU NGO MTSAR BAR BYED PA'I DUR KHROD RNAMS KYIS BSKOR BAR BSAMS TE RTEN BSKYED PA'O, ,GZHAL YAS KHANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DU AA YIG DANG PO LAS BYUNG BA'I ZLA BA'I DKYIL 'KHOR, DE'I DBUS SU CHU LAS CHU BUR GYI TSUL DU DH'I: SER PO LAS BYUNG BA'I RAL GRI DBUS SU DH'I: SA MTSAN PA LAS 'OD 'PHROS PAS BDE BAR GSHEGS PA THAMS CAD SPYAN DRANGS TE THIM PA LAS SKYES PA'I RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO PHYAG GA-YAS RAL GRI 'PHYAR ZHING GA-YON GYIS GLEGS BAM THUGS KAR BSNAMS PA, ZHABS RDO RJE SKYIL KRUNG GIS BZHUGS PA MTSAN SO GNYIS DANG DPE BYAD BRGYAD BCUS BRGYAN PA RAL PA'I ZUR PHUD LNGA DANG LDAN ZHING RGYAN THAMS CAD KYIS BRGYAN PAR BSAM MO, ,DE'I THUGS KAR A'A: LAS BYUNG BA'I NYI MA'I DKYIL 'KHOR DE'I 'OD KYIS PHYOGS BCU NA BZHUGS PA'I RNAM PAR SNANG MDZAD LA SOGS PA'I SANGS RGYAS DANG RDO RJE RNON PO LA SOGS PA'I BYANG CHUB SEMS DPA' DANG RDO RJE LCAGS KYU LA SOGS PA'I KHRO BO DANG SEMS MA RDO RJE MA LA SOGS PA'I RIG PA RNAMS SPYAN DRANGS TE 'JAM DPAL DANG BCAS PA NYI MA LA ZHUGS PAS, 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR PA DE'I STENG DU H'Um YIG MTHING KHA 'OD ZER LNGA DANG LDAN PA LAS 'OD ZER 'PHROS PAS SANGS RGYAS LA SOGS PA BZHI SPYAN DRANGS NAS H'Um LA ZHUGS PA LAS KHRO BO'I RDO RJE KHA DOG NAG PO RTZE DGU PA RVA SHIN TU GDENGS PA 'OD ZER LNGA DANG LDAN PA LTE BA LA H'Um YIG
GIS MTSAN PA, DE LAS RDO RJE PHRA MO'I GZUGS SPROS PAS SANGS RGYAS LA SOGS PA BZHI SPROS TE NAM MKHA'I KHAMS THAMS CAD TIL GYI GANG BU BZHIN DU GANG BA NYI MA LA GNAS PAS SEMS CAN RNAMS SMEN PAR BYAS NAS RDO RJE 'JIGS BYED THOB PAR BYAS PA DANG LHAN CIG TU 'DUS NAS RDO RJE LA THIM PAR BSAM MO, ,KHA CIG SNGA MAS SKU DANG GNYIS PAS SNGAGS DANG GSUM PAS PHYAG MTSAN BSDUS NAS BSTIM PA MDZAD KYANG RGYUD DANG RGYA GZHUNG RNAMS NAS SNGA MA BZHIN DU BSHAD DO, ,ZLA BA NYI MA RDO RJE SA BON DANG BCAS PA YONGS SU GYUR PA LAS SNA TSOGS PADMA DANG ZLA BA DANG NYI MA'I GDAN LA 'BRAS BU RDO RJE 'DZIN PA DPAL RDO RJE 'JIGS BYED CHEN PO SKU MDOG MTHING NAG ZHAL DGU PHYAG SO BZHI ZHABS BCU DRUG PA GA-YAS BSKUMS SHING GA-YON BRKYANG BA'I STABS KYIS BZHUGS PA, KHAMS GSUM PO ZA BAR NUS PA HA HA ZHES SGROG CING LJAGS 'DRIL BA, MCHE BA RNAM PAR GTZIGS PA KHRO GNYER CAN KHRO GNYER GYI 'GRAM DU SMIN MA DANG SPYAN 'JIG PA'I DUS LTAR 'BAR BA, SKRA KHAM SER GYEN DU BRDZES PA 'JIG RTEN DANG 'JIG RTEN LAS 'DAS PA'I LHA LA SDIGS MDZUB BYED PA 'JIGS PA RNAMS KYANG 'JIGS PAR MDZAD PA PHEEm KA RA'I SGRA CHEN PO 'BRUG LTAR SGROGS PA MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA LNGAS THOD BYAS SHING MGO BO LNGA BCU'I THOD PA'I PHRENG BAS BRGYAN PA SBRUL NAG PO'I MCHOD PHYIR THOGS DANG MI RUS KYI 'KHOR LO DANG RNA CHA LA SOGS PA'I PHYAG RGYA LNGA LA SOGS PAS BRGYAN CING GSUS PA CHE BA GCER BU'I GZUGS CAN MTSAN MA GYEN DU 'GRENG BA, SMIN MA DANG RDZI MA DANG SMA RA DANG BA SPU RNAMS
, ,DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN DE'I STENG MA RVA GNYIS KYI DBUS KYI ZHAL DMAR PO RAB TU 'JIGS PA ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YID TZAM KHROS PA GZHON NU'I RGYAN GYIS BRGYAN PA SPYI BOR RAL PA LNGA DANG LDAN PA RVA'I RTZA BA'I GA-YAS KYI ZHAL DANG PO SNGON PO DE'I GA-YAS ZHAL DMAR PO GA-YON ZHAL SER PO RVA'I RTZA BA'I GA-YON ZHAL DANG PO DKAR PO DE'I GA-YAS ZHAL DUD KHA GA-YON ZHAL NAG PO ZHAL RNAMS SHIN TU KHROS PA ZHAL DGU PO THAMS CAD KYANG SPYAN GSUM GSUM DANG LDAN PA'O, ,LA LI TAS, GA-YAS KYI RVA YI ZHAL GSUM NI, ,DANG PO MTHING KHA GA-YAS DMAR PO, ,GA-YON SER SHIN TU KHROS PA'O, DE BZHIN GA-YON GYI RTZA BA'I ZHAL, ,DKAR PO DUD KHANG BZHIN DU, ,NAG PO SHIN TU KHROS PA'O, ,ZHES GSUNGS PAS ZHAL DRUG SNGAR BSHAD PA LTAR GNAS SO, ,PHYAG GA-YAS GA-YON GYI DANG PO GNYIS KYIS GLANG PO CHE'I PAGS PA RLON PA MGO GA-YAS DANG SPU PHYIR BSTAN TE LAG PA DANG RKANG PA'I PAGS PA GA-YON PA NAS BRGYANGS TE 'DZIN PA, LHAG MA GA-YAS KYI DANG PO NI GRI GUG GNYIS PA NA BHI DHI P'A LA GSUM PA NA GTUN SHING BZHI PA NA CHU GRI LNGA PA NA KA nA YA DRUG PA NA DGRA STA BDUN PA NA MDUD BRGYAD PA NA MDA' DGU PA NA LCAGS KYU BCU PA NA DBYUG TO BCU GCIG PA NA KHA tV'Am GA BCU GNYIS PA NA 'KHOR LO, BCU GSUM PA NA RDO RJE RTZE LNGA PA BCU BZHI PA NA RDO RJE THO BA BCO LNGA PA NA RAL GRI BCU DRUG PA NA CANG TE'U BSNAMS SHING, LHAG MA GA-YON DANG PO NA KHRAG GIS BKANG PA'I THOD PA GNYIS PA NA TSANGS PA'I MGO BO GSUM PA
NA PHUB BZHI PA NA RKANG PA LNGA PA NA ZHAGS PA DRUG PA NA GZHU BDUN PA NA RGYU MA BRGYAD PA NA DRIL BU DGU PA NA LAG PA BCU PA NA DUR KHROD KYI RAS BCU GCIG PA NA SKYES BU GSAL SHING LA BCUGS PA BCU GNYIS PA NA ME THAB BCU GSUM PA NA THOD TSAL BCU BZHI PA NA SDIGS MDZUB BCO LNGA PA NA 'PHAN RTZE GSUM PA BCU DRUG PA NA RLUNG RAS BSNAMS PA'O, ,RTOG BDUN DANG SAMPUtA LAS PHYAG GA-YAS GA-YON GYI DANG POS GRI GUG DANG THOD PA 'DZIN PAR BSHAD PA NI SLOB DPON DON YOD RDO RJES GA-YAS GA-YON GYI DANG POS GLANG LPAGS 'DZIN PA BYAS NAS PHYAG GZHAN GA-YAS KYI DANG PO NA GRI GUG CES BSHAD PA BZHIN SLOB DPON ZHI BA'I YE SHES KYANG BZHAD PAS PHYAG THAMS CAD KYI DANG PO MIN GYI GLANG LPAGS 'DZIN PA LAS GZHAN PA'I DANG PO'O, ,DES NA LA LI TA'I RO LANGS BRGYAD SKOR GYI SGRUB THABS DANG SHR'I BHA DRA DANG 'JAM DPAL YE SHES RNAMS KYIS KYANG GLANG LPAGS GA-YAS GA-YON GYI DANG POS 'DZIN PAR GSUNGS PA RGYUD DANG MI 'GAL LO, ,GA-YAS KYI PHYAG MTSAN GNYIS PA DANG LNGA PA LA BOD SKAD KYI SKAD DOD BDE MO MA RNYED PAS RO LANGS BRGYAD SKOR LA SOGS PA'I SGRUB THABS MANG POR RGYA SKAD SOR BZHAG MDZAD PA'I DON NI MAN NGAG SNYE MA'I 'GYUR GSAR LAS BHI DHI P'A LA MDUNG THUNG GI RNAM PA CAN RTZE MO LA CHAGS PA'I RMA BYA'I SGRO MDONGS CAN NO, ,KA nA YA NI MDUNG PHYED PA'O, ,ZHES GSUNGS PA BZHIN DU SHES PAR BYA'O, ,GZHON DU ZLA BA'I 'GREL BAR MTSON RTZE GCIG PA NI LCAGS DBYUG GI RNAM PA CAN RTZE MO RMA BYA'I SGRO'I CHUN PO DANG LDAN PA'O, ,RDO RJE RTZE GCIG PA NI MDUNG THUNG NGO, ,ZHES RGYA SKAD GNYIS PO DE RDO RJE RTZE GCIG PA DANG MTSON RTZE GCIG PAR
, ,BSGYUR NAS DE'I BSHAD PA BYAS PA 'GYUR MA LEGS SO, ,MDUNG THUNG GI RNAM PA CAN NI MDUNG LCAGS KHO NA'I MIN PAS LCAGS DBYUG GI RNAM PA CAN DANG DON 'DRA'O, ,ZHABS GA-YAS KYI DANG POS MI GNYIS PAS MA HE GSUM PAS GLANG BZHI PAS BONG BU LNGA PAS RNGA MONG DRUG PAS KHYI BDUN PAS LUG BRGYAD PAS WA DANG, GA-YON GYI DANG POS BYA RGOD GNYIS PAS 'UG PA GSUM PAS BYA ROG BZHI PAS NE TZO LNGA PAS KHRA DRUG PAS BYA CHEN PO BDUN PAS KHYIM BYA BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SPUB TU BYAS TE ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PAR BSAM MO, ,DE'I MIG TU KshIm DKAR PO RNA BAR DZRIm NAG PO SNAR KHAm SER PO LCE LA RAm DMAR PO DPRAL BAR KAm LJANG GU LTE BAR SAm DKAR PO SPYI BOR AOm DKAR PO MGRIN PAR A'A: DMAR PO THUGS KAR H'Um SNGON PO DGOD PAS SNYING DANG PHYAG RDOR NAM SNYING SPYAN RAS GZIGS SGRIB SEL KUN BZANG SKU GSUNG THUGS RDO RJE RNAMS KYI RANG BZHIN DU BLTA'O, ,DAM TSIG SEMS DPA'I THUGS KAR ZLA GDAN LA YE SHES SEMS DPA' SNGAR DANG 'DRA BA'I 'JAM DBYANGS KYI THUGS KAR A'A: LAS BYUNG BA'I NYI MA'I DKYIL 'KHOR GYI DBUS SU TING NGE 'DZIN SEMS DPA' H'Um YIG MTHING KHA 'OD ZER LNGA 'PHRO BAR BSAM STE DAM TSIG PA BSKYED PA'O, ,DE NAS H'Um YIG DE LAS 'OD ZER SPRO ZHING LCAGS KYU'I PHYAG RGYA BYAS LA AOm HR'I: HA BHO MAH'A KRO DH'A A'A GATZTSA A'A GATZTSA A'A SMA DA P'U DZA PRA TI GRIHAn NTU PRA S'A DA ME DH'I MAN KU RU SV'AH'A, ZHES BRJOD PAS RANG BZHIN GYI GNAS NAS BSGOMS
PA DANG 'DRA BA'I RDO RJE 'JIGS BYED MDUN GYI NAM MKHAR SPYAN DRANGS TE HR'I: shtI: YI SNGAGS BRJOD LA KHRO BO SPROS TE PHYI 'BRANG GI BGEGS TSAR BCAD NAS BSRUNG, SNGAR BZHIN MCHOD NAS, AOm MUD GA RA DZA: ZHES PA'I SNGAGS KYIS RANG GI SPYI BOR DGUG ,AOm DAndA H'Um GIS RANG LA GZHUG ,AOm PADMA BAM GYIS RANG DANG DBYER MED DU BCING, AOm KHANGGA HO: SA DBANG DU BYA'O, ,DE NAS SNGAR GYI PHYAG RGYA LA SOGS PAS PHYOGS BCU NA BZHUGS PA'I SANGS RGYAS SRAS DANG BCAS PA RNAMS MDUN DU SPYAN DRANGS PA LA SNGAR BZHIN MCHOD NAS, DE BZHIN GSHEGS PA RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS DE RNAMS KYIS SPROS PA'I LHA MO TZA RTZI KA LA SOGS PA RNAMS KYIS SHIS PA BRJOD PA SNGON DU 'GRO BAS ZLA BA LTA BU'I BUM PA DKAR PO BDUD RTZI RNAM PA LNGAS BKANG BA BZUNG NAS, SANGS RGYAS RNAMS NI THAMS CAD KYIS, ,SKYE BAS THOB PA'I DBANG BSKUR BA, ,JI LTAR DE BZHIN BDAG GIS NI, ,DAG PA LHA YI CHUS DBANG BSKUR, ,ZHES GSUNGS SHING SPYI BO NAS DBANG BSKUR BAS DBANG GI CHUS LUS THAMS CAD GANG DRI MA THAMS CAD DAG CHU LHAG MA YAR LUNG PAS RTZA ZHAL GYI DBU LA MI BSKYOD PAS DBU BRGYAN ZHING DBANG GI LHA RNAMS RANG LA THIM PAR BSAM STE YE SHES PA GZHUG CING DBANG BSKUR BA'O, ,DE NAS MCHOD RDZAS RNAMS HR'I: shtR'I: SA BSANGS SVA BH'A WAS STONG PAR SBYANGS STONG PA'I NGANG LAS A'A: LAS BYUNG BA'I THOD PA'I NANG DU H'Um LAS BYUNG BA'I MCHOD RDZAS RNAMS RANG BZHIN STONG PA RNAM PA MCHOD RDZAS BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN STER BAR BSKYED NAS SO SO'I SNGAGS DANG PHYAG RGYAS BYIN GYIS
, ,BRLABS PA LA SNGAR BSHAD PA BZHIN NYER SPYOD ROL MO DANG BCAS PAS MCHOD DO, ,SLOB DPON DZNY'A NA A'A KA RAS AOm YA M'ANTA KA AARGHAm PRA T'I TZTSA H'Um SV'AH'A ZHES SOGS KYI SNYING PO'I MJUG TU BTAGS NAS DBUL BA'ANG BSHAD DO, ,DE NAS NANG MCHOD GTOR MA BZHIN BYIN GYIS BRLABS LA THOG MAR RTZA PA'I BLA MA DANG DE NAS BRGYUD PA'I BLA MA RNAMS KYI MTSAN GYI MTHAR AOm A'A: H'Um BTAGS LA DBUL DE NAS LHA'I SNGAGS LA YI GE GSUM BTAGS LA DBUL, DE NAS CHOS SKYONG RNAMS LA 'BUL ZHING SEMS CAN THAMS CAD KYANG LHAR BSKYED LA 'BUL LO, ,DE NAS PHYOGS BCU'I SANGS RGYAS THAMS CAD SPYAN DRANGS TE RANG GI LUS LA GZHUG LA SNYING PO LA YI GE GSUM BTAGS PA BRJOD LJAGS H'Um LAS BYUNG BA'I RDO RJE DKAR PO 'OD ZER GYI SBU GU CAN GYIS DRANGS NAS LONGS SPYAD PAR BSAM ZHING BDUD RTZI LCE THOG TU BZHAG PA MYANGS PAS LUS KYI LHA THAMS CAD TSIM PAR BSAM MO, ,DE'I TSE MCHOD BYA MCHOD BYED MCHOD PA THAMS CAD RANG BZHIN MED BZHIN DU SNANG BA SGYU MA BZHIN DU BLTA BAR BYA STE MCHOD PA'O, ,THUGS KA NAS SPROS PA'I LHA MO RNAMS KYIS BRAG CA'I DBYANGS BZHIN DU BSTOD PAR BSAMS LA, H'Um 'JAM DPAL MKHA' LAS BYUNG BA'I GSER MDOG CAN, ,'JAM DPAL THUGS LA CHOS KUN RANG BZHIN GSAL, ,'JAM DPAL GSUNG GI DBANG PHYUG 'JAM DPAL DBYANGS, ,'JAM DPAL BDAG NI RE BA'I SEMS KYIS 'DUD, ,THUGS MCHOG 'JAM PA'I NGANG LAS MA GA-YOS KYANG, ,THUGS RJES GDUG PA MA LUS 'DUL BA'I PHYIR, ,'JIGS BYED 'JIGS PA CHEN PO'I SKUR STON PA, ,MI BZAD DUS MTHA'I BSKAL PA'I ME LTAR 'BAR, ZHAL GDANGS KHRO GNYER
SMIN MA GLOG LTAR 'GYU, ,SPYAN BGRAD MCHE BA GTZIGS PA RAB TU 'BAR, ,RDO RJE'I RTA SKAD DRAG PO HA HAR BZHAD, ,MKHA' 'GRO SDUD PA'I PHEm SKAD GNAM DU SGROG ,KHROS PA'I STABS CHEN BRDABS PAS SA GSUM GNON, ,SDIGS MDZUB GNAM DU BSGRENG ZHING LHA CHEN 'DUL, , LJAGS 'DRIL TSAMS CHEN GCIGS SHING KHRAG GIS MYOS, ,LHA DANG BCAS PA'I 'JIG RTEN ZHAL DU GSOL, ,GLANG CHEN KO RLON THOD PA'I PHRENG BA BRGYAN, ,GCER BU 'JIGS BYED DBANG PHYUG CHEN PO'I TSUL, ,'JIGS BYED MA HE KHROS PA'I ZHAL GDANGS SHING, , ZHAL DGU 'BAR BAS SRID PA ZA ZHING RNGUB, ,'GRO BA SNA TSOGS 'DUL BA'I PHYAG RGYA 'BAR, ,BDUD RIS GNON PA'I ZHABS NI BRKYANG BSKUM MDZAD, ,'JIGS BYED CHEN PO'I SKU LA RTAG TU 'DUD, ,DBU DGU 'BAR BA'I DKYIL 'KHOR NAS, ,GA-YAS KYI ZHAL GSUM BGRAD PA NI, ,MTHING KHA DMAR DANG SER BA'I ZHAL, ,GA-YON PA'I ZHAL GSUM GDANGS PA NI, ,DKAR DANG DUD KHA NAG PO'I ZHAL, ,DBUS KYI ZHAL GSUM 'BAR BA NI, ,KHRO DANG CHAGS DANG ZHI BA'I TSUL, ,PHYAG RGYA 'OD ZER 'BAR BA LAS, ,GA-YAS KYI PHYAG RGYA BCU DRUG NI, ,BRDEG CING 'JOMS PA'I MTSON CHA GDENGS, ,GA-YON GYI PHYAG RGYA BCU DRUG NI, ,ROL CING STOBS PA'I MTSAN MAS MDZES, ,BRJID RNGAM ZHABS KYI TSAM NGAM LAS, ,GA-YAS KYI ZHABS BRGYAD BSKUM PAS NI, ,DREGS PA'I LHA BRGYAD THABS KYIS GNON, ,GA-YON GYI ZHABS BRGYAD BRKYANG BAS NI, ,DREGS PA'I LHA MO BRGYAD LA ROL, ,'DOD CHAGS CHEN PO 'DUL BA'I PHYIR, ,RTAG TU LINGGA RGYAS PA'I TSUL, ,DRAG PO'I TSUL GYIS ZHE SDANG 'DUL, ,'DUL SKU KHYOD LA PHYAG 'TSAL LO, ,DUR KHROD CHEN PO'I DKYIL 'KHOR NAS, ,BDUD DANG
, ,GSHIN RJE THABS KYIS 'DUL, ,MA MO MKHA' 'GRO DBANG DU SDUS, ,DBANG SDUD KHYOD LA PHYAG 'TSAL LO, ,DBANG PHYUG CHEN PO'I DKYIL 'KHOR NAS, ,DBANG MED DAD PAS 'DUS PA DANG, ,YE SHES SPRUL BA'I 'KHOR GYIS BSKOR, ,'KHOR BCAS KHYOD LA PHYAG 'TSAL LO, ,YE SHES THUGS KYI DKYIL 'KHOR NAS, ,JI LTA BUR NI SPRUL GYUR KYANG, ,RNAM DAG DBYINGS LAS MA GA-YOS TE, ,MNYAM NYID KHYOD LA PHYAG 'TSAL LO, ,ZHES BRJOD DE BSTOD PA'O, ,DE LTAR RE RE NAS GSAL 'DABS PA'I DPYAD NAS BSGOM PA DANG RNAM PA GSAL BA LA RTZE GCIG TU 'JOG PA'I SGOM PA GNYIS KYIS GSAL SNANG BSGRUB CING, BDAG NYID DPAL RDO RJE 'JIGS BYED DO SNYAM DU NGES PA SHUGS CAN BSKYED PA LA 'JOG PA'I NGA RGYAL BRTAN PAR BYED PA GNYIS KA BSGOM PAR BYA BA NI RGYA CHE BA LA BSLAB PA'O, ,SGOM PA PO DANG BSGOM BYA DANG SGOM RNAMS BRTAGS NA YANG DAG PAR CIR YANG MA GRUB BZHIN DU SNANG BA SGYU MA LTA BU'I DON LA 'JOG PA'I DE KHO NA NYID KYI SBYOR BA LA MNYAM PAR 'JOG PA NI DMIGS PA LHA'I SKU LA DMIGS NAS RNAM PA RANG BZHIN MED PAR NGES PA'I RGYUN SKYONG BA YIN PAS ZAB PA DANG RGYA CHE BA GNYIS KA LA BSLAB PA STE DE DAG NI RAGS PA LA SEMS 'DZIN PA'O, ,DE LTAR BSGOM PA LA BYING BA DANG RGOD PA GSAL BA'I PHYIR STENG DAM 'OG GI SNA RTZER ZLA BA LA GNAS PA'I RDO RJE SNGON PO YUNGS KAR GYI 'BRU TSAD TZAM LA SEMS BZUNG NAS BRTAN PA NA DE LAS PHYAG MTSAN MANG PO SPRO ZHING SLAR YANG RTZA BA'I MTSAN MA LA SDUD PA NI PHRA MO LA SEMS 'DZIN PA YIN TE SEMS GZUNG BA'I RIM PA'O, ,DE LTAR BSGOMS PAS SKYON DAG PA DRAN PAR
BYA STE, ZHAL DGU NI GSUNG RAB YAN LAG DGU RVA GNYIS NI BDEN PA GNYIS PHYAG SO BZHI DANG SKU GSUNG THUGS TE SO BDUN NI BYANG PHYOGS SO BDUN ZHABS BCU DRUG NI STONG NYID BCU DRUG MTSAN MA GYEN 'GRENG NI BDE BA CHEN PO RGYAS PA, MI LA SOGS PA NI DNGOS GRUB BRGYAD DANG BYA RGOD LA SOGS PA NI DBANG PHYUG BRGYAD DAG PA YIN LA, GCER BU NI SGRIB GA-YOGS MED PA DANG SKRA GYEN DU BRDZES PA NI MYA NGAN LAS 'DAS PA'I GO 'PHANG STEN PA'O, ,ZHES 'GREL PA GNYIS LAS BSHAD PA BZHIN DU'O, ,DE DAG GI DON MDOR BSDU NA GTAN LA DBAB PA'I GZHI GSUNG RAB YAN LAG DGU'I BRJOD BYA KUN RDZOB SGYU MA DANG DON DAM NAM MKHA' LTA BU KHONG DU CHUD PA'I LAM BYANG PHYOGS SO BDUN YIN LA, LAM DE'I GTZO BO DON DAM RTOGS PA LA NI STONG NYID BCU DRUG GI RTOGS PA LONG DE, DE'ANG THABS BDE BA CHEN PO DANG DBYER MED PAR ZHUGS PA'O, ,LAM NGES BGROD PA'I 'BRAS BU DNGOS GRUB THUN MONG BA DANG THUN MONG MA YIN PA GNYIS KYI GTZO BO NI SGRIB PA ZAD PA'I MYANG 'DAS SO ZHES RDO RJE 'JIGS BYED GYI RNAM PAR SHAR BA'I SKUS DE LTAR MTSON PA GO BAR BYED PA'O, ,RGYAS PAR SGOM PAR 'DOD NA 'GREL PA GNYIS DANG LA LI TA'I GZHUNG LAS SHES PAR BYA STE DAG PA DRAN PA'O, ,DE NAS TING NGE 'DZIN SEMS DPA'I MTHAR GANG ZLO BAR 'DOD PA'I SNGAGS KYI YI GE RNAMS GA-YAS SKOR DU 'GRENG STE 'OD ZER 'BAR BA'I RNAM PA CAN DU BLTAS LA DE LAS 'PHROS PA RIM GYIS BRGYUD NAS RTZA ZHAL GYI SNA SGO NAS DBUGS PHYIR 'BYUNG BA DANG LHAN CIG BYUNG BAS 'GRO BA'I DON BYAS NAS SLAR YANG DBUGS RDUB PA DANG LHAN CIG SNA'I BU GA NAS GZHUG LA SNGAGS 'PHRENG LA
, ,THIM PA DANG ZHAL DGU GA NAS BYUNG BAR BSAM LA SKYON DANG BRAL BAR BZLA'O, ,BZLAS PA'I SKYON NI SHIN TU MYUR BUL GNYIS DANG SHIN TU GSAL MI GSAL DANG RING BA DANG THUNG BA GNYIS GO LDOG PA DANG GTAM GZHAN GYIS BAR CHOD PA DANG SEMS GZHAN DU YENGS PA LA SOGS PA'O, ,GDONG DRUG GI SGRUB THABS LAS, GZHAN DU MI 'GRO'I SEMS KYIS NI, ,DE LTA'I TSUL DU BZLAS PA BYA, ,YUL GZHAN BLO YI 'GRO BA YIS, ,BSKAL PAR BZLAS KYANG 'BRAS MI 'BYIN, ,ZHES GSUNGS SHING GZHAN YANG MANG BAS SEMS MA YENGS PA KHYAD PAR DU GAL CHE'O, ,YI GE 'BAR BA LA SEMS BZUNG NAS BZLAS NA DNGOS GRUB MYUR BAR LA LI TAS GSUNGS SO, ,BZLAS BYA'I SNGAGS NI, AOm YA MA R'A DZ'A SA DO ME YA YA ME DO RU nA YO DA YA YA DA YO NI RA YA KshE YA YA KshE YATZTSA NI RA MA YA H'Um H'Um PHAt PHAt SV'AH'A, ZHES PA NI RTZA SNGAGS SAM PHRENG SNGAGS SO, ,AOm HR'I: shtR'I: WI KRI T'A NA NA H'Um PHAt CES PA NI LAS KYI SNGAGS SO, ,DE DANG H'Um H'Um PHAt PHAt SV'AH'A, ZHES SBYAR BA GNYIS ZLO BA GDAM NGA CAN DU MAN SNYE LAS BSHAD DO, ,AOm YA MANTA KA H'Um PHAt, CES PA NI SNYING PO'O, ,GRANGS NI RGYUD KYI RTOG PA GSUM PA LAS DANG PO LA 'BUM GNYIS PA LA SUM 'BUM GSUM PA LA YI GE'I GRANGS KYI 'BUM BZLAS NA LAS KUN BYED NUS PAR GSUNGS SHING RTOG PA BZHI PA LAS RTZA SNGAGS LA SUM 'BUM BZLA BAR GSUNGS PA'I SUM 'BUM SNGA MA NI SLOB DPON MI BSKYOD PAS GANG ZAG 'BRING GI DBANG DU BYAS NAS GSUNGS PAR BZHED DO, ,DE'I SGRUB THABS KYI GZHUNG GZHAN NAS BZLAS PA'I GRANGS BSHAD PA NI TSUL SNGA MA DANG 'DRA LA SLOB DPON DZNY'A NA A'A KA RAS SNGON DU BSNYEN
PA BYE BA'AM YANG NA MTSAN MA THOB NAS LAS RNAMS BRTZAM PAR GSUNGS SO, ,DE NAS DBANG BSKUR BA BYED PA LA AA MO GHA BADZRAS YI GE BCU PA 'BUM PHRAG GCIG BZLA BAR GSUNGS PA LTA BU MIN PAR ZHI SOGS KYI LAS MANG PO 'GRUB PA LA NI DA LTA'I GANG ZAG GIS JI SKAD BSHAD PA'I MTSAN MA BRTAN PO THOB NA MA GTOGS PA GRANGS KYI BSNYEN PA BYE BAR GSUNGS PA LEGS PAR MTHONG NGO, ,PHRENG BA DAG PA'I CHO GA NI MI RUS LA SOGS PA'I PHRENG BA BSANGS SBYANGS NAS PHRENG RDOG RNAMS H'Um LAS RDO RJE 'JIGS BYED DU BSKYED PA 'AM YANG NA DE ZHU BA LAS KHRAG 'DZAG PA'I MGO BOR BLTAS LA GA-YAS PA'I MTHE BONG LCAGS KYUS LHA DGUG PA'I LHAG PA'I BSAM PAS PHRENG BA DBAB LA BZLAS TE BZLAS PA'O, ,BZLAS PAS SKYON SLAR YANG MCHOD BSTOD BYA ZHING GSHIN RJE GSHED KYI YIG BRGYA GDON LA GRUB NA THUN THAMS CAD KYI MTHAR GTOR MA DBUL MA GRUB NA THUN THA MA'I MTHAR GTOR MA DBUL LO, ,DE'I RIM PA NI THUN GSHAM YIN NA BDAG BSKYED GSAR DU MI DGOS LA DE LTA MIN NA RANG 'JIGS BYED DU BSKYED PA RGYAS BSDUS GANG RUNG BYA, MDUN DU SKAD CIG TZAM GYIS RTEN DANG BRTEN PA BSKYED PA 'AM YANG NA STONG PA NYID BSGOM PA NAS SRUNG 'KHOR THUN MONG BA'I BAR DANG DE NAS RDO RJE 'DZIN PA YONGS SU GYUR PA'I CHOS 'BYUNG NAS DAM TSIG PA BSKYED PA'I BAR SNGAR BZHIN BYAS TE SPYAN 'DREN GYI PHYAG RGYA DANG DMIGS PA'ANG SNGAR BZHIN BYAS LA, 'JAM DPAL RANG BZHIN CHOS RNAMS KUN GYI DNGOS, ,GNAS MED 'GRO 'ONG BRAL BA NAM MKHA' BZHIN, ,DUS KYI KHAMS BZHIN THUGS RJE 'GRO 'ONG BUL, ,SPRUL PA 'GRO DANG BRAL BA GZUGS BRNYAN BZHIN, ,'GRO DANG 'ONG BA'I MTSAN
, ,NYID MI MNGA' YANG, ,CHU ZLA BZHIN DU GAR DMIGS DER SNANG BAS, ,DENG 'DIR SPYAN 'DREN GSHEGS SU GSOL BA'I LHA, ,SANGS RGYAS KUN GYI YE SHES 'JAM PA'I DBYANGS, ,GDUG PA 'DUL BYED 'JIGS BYED GSHIN RJE GSHED, ,LAS BYED SPRUL PA GSHIN RJE'I 'KHOR DANG BCAS, ,'DIR GSHEGS BDAG LA DGONGS SHING BZHUGS SU GSOL, ,AOm HR'I: H'A BHO SOGS BRJOD LA PHYOGS SKYONG DANG BCAS PA SPYAN DRANGS TE DAM TSIG PA LA GZHUG PA SOGS BYA'O, ,DE LA DBANG BSKUR ZHING RGYAS GDAB LA, RGYAL BA RNAMS NI GTZANG GYUR CING, ,SMA BA'I RTOG PA MI MNGA' YANG, ,SRI ZHU'I TSUL GYIS YON CHAB 'DIS, ,BDE GSHEGS RNAMS LA SKU KHRUS GSOL, ,ZHES MCHOD YON DANG DE'I GNAS SU ZHABS BSIL ZHES GZHUG LA ZHABS BSIL DANG, RGYAL BA RNAMS NI YON TAN MCHOG GI SKU, ,TSUL KHRIMS RNAM PAR DAG PA'I DRI DAD LDANG, ,SGYU MA'I CHOS LA YE SHES DBANG SGYUR ZHING, ,RANG BZHIN RNAM DAG CHAGS RDUL MI MNGA' YANG, ,BDAG CAG SRI ZHU GUS PA'I TSUL GYIS SU, ,DRI MCHOG GTZANG MAR BSHAMS TE PHUL BA YIS, ,BSOD NAMS YAN LAG YONGS SU RDZOGS GYUR CIG ,CES DRI MCHOG DANG GZHAN RNAMS 'DRA BA LA RKANG PA GNYIS PA'I GNAS SU, BYANG CHUB YAN LAG RGYAN GYI ME TOG MDZES, ,YE SHES PHO BRANG MTSAN GYI ME TOG SPOS, ,MA RIG MUN PA BRAL BA'I YE SHES GSAL, ,NOR BDUN YON TAN CHOG SHES BDUD RTZI'I ZAS, ,ZHES DANG, DRI MCHOG CES PA'I GNAS SU ME TOG DANG BDUG PA DANG MAR ME DANG BSHOS BZANG ZHES SBYAR LA SNGAR BSHAD PA'I SNGAGS KYIS ROL MO DANG BCAS PA DBUL, SPYAN 'DREN
DANG MCHOD PA BSDUS PA LA MOS NA SNGAR BSHAD PA BZHIN BYAS KYANG RUNG NGO, ,MDUN BSKYED SGRUB MCHOD KYANG DE MA THAG BSHAD PAS SHES PAR BYA'O, ,NANG MCHOD KYIS KYANG MCHOD, DE NAS GTOR MA HR'I: sht'I: SA BSANG, SVA BH'A WAS SBYANGS STONG PA'I NGANG LAS YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA DE'I STENG DU RAm LAS MA'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SGYED BU GSUM GYI STENG DU A'A: LAS BYUNG BA'I THOD PA DKAR PO DE'I NANG DU SHAR NAS BRTZAMS TA PHYOGS BZHI DANG DBUS SU BRUm AAm DZRI KHAm H'Um LAS BYUNG BA'I BA LANG KHYI GLANG PO CHE RTA MI'I SHA LNGA LA GOO KU DA HA NA'I YI GES MTSAN PA, SHAR LHO NAS BRTZAMS TA MTSAMS BZHI DANG DBUS SU L'Am M'Am P'Am T'Am B'Am LAS BYUNG BA'I DRI CHEN RAKTA BYANG SEMS DKAR PO RKANG MAR DRI CHU LNGA LA BAm RA SHU MA M'U'I YI GES MTSAN PA STE RDZAS RNAMS BCU PO DER BSKYED DO, ,DE DAG GI STENG DU AOm DKAR PO A'A: DMAR PO H'Um SNGON PO GSUM STENG NAS STENG DU BRTZEGS PAR BSGOM, RANG GI THUGS KA'I H'Um LAS 'OD 'PHROS RLUNG LA PHOG PAS RLUS GA-YOS ME SBAR TE THOD PA'I RDZAS RNAMS ZHU ZHING KHOL BAR GYUR, YI GE GSUM LAS 'OD ZER RIM PA BZHIN DU 'PHROS PAS SKU RDO RJE GSUNG RDO RJE THUGS RDO RJE RNAMS BKUG NAS YI GE GSUM LA RIM GYIS THIM PA RNAMS THOD PAR LHUNG NAS ZHU BAS H'Um GIS KHA DOG DRI NUS KYI SKYON THAMS CAD DAG A'A: SA BDUD RTZIR RTOGS PAR BYAS AOm GYIS MANG POR SPEL BAR BSAM LA DE NYID GSUM GYI YI GE LAN GSUM BRJOD DO, ,DE NAS H'Um ZHES BRJOD PAS MGRON RNAMS KYI LJAGS SNGAR BSHAD PA BZHIN BYIN GYIS
, ,BRLABS LA, AOm HR'I: shtR'I: WI KRAm T'A NA NA H'Um PHAt, AOm BADZRA BHEE RA BA YA AA DHI PA TI AI MAm BA LI TA KHA KHA KH'A HI KH'A HI H'Um PHAt SV'AH'A, LAN GSUM BRJOD PAS LJAGS KYI SBU GUS DRANGS TE GSOL BAR BSAMS LA GTOR MA DANG PO 'JIGS BYED LA DBUL ZHING NYER SPYOD DANG NANG MCHOD KYIS MCHOD NAS, GNYIS MED THUN MONG MA YIN KHYAB PA'I SKU, ,KUN LA SNYOMS MDZAD RGYAL BA KUN GYI YAB, ,CHOS KYI DBYINGS GYUR RGYAL BA KUN GYI YUM, ,YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKU LA BYAMS SDANG MI MNGA' YANG, ,SRID GSUM GDUG PA MA LUS 'DUL BA'I PHYIR, ,THUGS RJES THABS KYIS KHRO RGYAL SKUR BSTAN PA, ,'JIGS BYED GSHIN RJE GSHED LA PHYAG 'TSAL LO, ,ZHES BSTED LA ZHI RGYAS SOGS SKABS DANG BSTUN NAS 'PHRIN LAS BCOL BAS GNANG BA BYUNG BAR BSAM MO, ,DE NAS GTOR MA GNYIS PA YANG SNGAR BZHIN BSANG SBYANG SOGS BYAS NAS RTZA BA'I SNGAGS KYIS BYIN GYIS BRLABS LA, AOm BH'U TZA RA NAm, YA P'A T'A LA TZA RA YA, MAN KHE CA RA YA, TA P'UR BA NI GA NAm, KA DAKshI nA D'I G'A YA, H'Um PASHTZI MA NAm, PHAt AUD TA RA TI G'A YA, AOm AI HR'I: YA, shtR'I:BA, WI KshI KRI KO, T'A AE, NA AA, NA DE, H'Um BHYO, PHAt SARBA BHU DE BHYA: ZHES BRJOD LA 'KHOR DU SPYAN DRANGS PA'I PHYOGS SKYONG 'KHOR BCAS KYI 'BYUNG PO RNAMS LA PHUL NAS MCHOD DE, BCOM LDAN CHOS RJE 'JAM DBYANGS SPYAN LAM DU, ,BDUD 'DUL BSTAN PA BSRUNG PAR ZHAL BZHES PA, ,LAS KYI GSHIN RJE MA MO MKHA' 'GRO MA, ,'BYUNG PO RO LANGS CI BGYIS BKA' NYAN TSIGS, ,PHYI NANG SKYONG BA'I
DAM CAN MA LUS LA, ,BDAG NI RE BA'I SEMS KYIS 'DUD CING MCHIS, ,ZHES BSTOD LA 'PHRIN LAS BCOL BAS KHAS BLANGS PAR BSAM MO, ,DE NAS 'JAM DBYANGS KYI BKA' SDOD GSHIN RJE'I GTOR MA SNGAR BZHIN BSKYED, MDUN DU PADMA NYI MA MA HE'I STENG DU YA LAS DBYUG TO YAS MTSAN PA DE LAS 'OD ZER 'PHROS DGRA BGEGS GDUG PA CAN THAMS CAD TSAR BCAD, TSUR 'DUS DBYUG TO LA THIM DE YONGS SU GYUR PA LAS, LAS KYI GSHIN RJE NAG PO ZHAL GCIG PHYAG GNYIS PA MA HE'I GDONG PA CAN DMAR ZHING ZLUM PA'I SPYAN GSUM DANG LDAN PA, GA-YAS PAS THOD DBYUG GA-YON PAS ZHAGS PA 'DZIN PA, DBU SKRA DMAR SER GYEN DU BRDZES PA, LING GA DMAR PO GYEN DU LANGS PA GSHIN RJE'I TSOGS KYIS BSKOR BA DMIGS PA'I GNAS GSUM DU YI GE GSUM DGOD, DE NAS RANG GI THUGS KA NAS 'OD ZER 'PHROS, LHO PHYOGS RIM PA BDUN GYI SA 'OG NAS LAS KYI GSHIN RJE 'KHOR DANG BCAS PA SPYAN DRANGS PAR BSAM ZHING, AOm K'A LA R'U PA SA PA RI W'A RA AE HYE HI, ZHES BRJOD PAS BYEN PAR BSAMS LA, DZA: H'Um BAm HO: SA GNYIS SU MED PAR BSTIM, YANG RANG GI SNYING GNAS 'OD ZER 'PHROS, GSHIN RJE GSHAD RIGS LNGA SPYAN DRANGS, KHYED RNAMS KYIS 'DI LA DBANG BSKUR DU GSOL ZHES GSOL BA BTAB PAS DE RNAMS KYIS BUM PA THOGS TE, AOm BADZRA AA BHI shINYTZA H'Um, ZHES SPYI BO NAS DBANG BSKUR BAS DRI MA DAG CHU LHAG MA YAR LUD PA LAS RDO RJE NAG PO RTZE LNGA PAS DBU BRGYAN, AOm K'A LA R'U PA SA PA RI W'A RA SA MA YA STVAm GYIS DAM LA BZHAG ,AOm K'A LA R'U PA YE GRiHNE DAm ZHES PA DANG MCHOD PA LNGA SBYAR BAS MCHOD, GTOR MA GSOL BAR
, ,BSAM ZHING, AOm K'A LA R'U PA SARBA BIGHA N'AN SHA TR'Um MA RA YA AI DAm BA LI TA KHA KHA KH'A HI KH'A HI H'Um PHAt, CES GSUM MAM BDUN GYIS PHUL NAS 'PHRIN LAS BCOL BA NI, H'Um 'CHI BDAG NAG PO LHO PHYOGS KYI, ,RIM PA BDUN GYIS 'OG NAS, ,SREGS RNGAM PA'I GSHIN RJE NI, ,NAG PO MA HE'I GDAN STENG DU, ,YA LAS BYUNG BA'I DBYUG PA NI, ,THOD PAS MTSAN PA LAS BYUNG BA, ,GTING NAS KHROS PA MA HE'I GDONG, ,ZA BYED ZHAL GDANGS MCHE BA GTZIGS, ,KHROS PA'I SPYAN RTZA DMAR PO 'KHRUG ,SKRA SER SMAR GYEN DU BARDZES, , LAG GA-YON ZHAGS PAS DGRA BGEGS 'CHING, ,GA-YAS PA DBYUG PAS RDUL DU RLOG ,CHOS KYI RGYAL PO GSHIN RJE'I TSOGS, ,BRAN DANG BCAS PA'I DUS LA BAB, ,SHA CHEN KHRAG ZHAG CHEN PO YI, ,GTOR MA RGYA MTSO MCHOD PAR BZHES, ,RGYAL BAS BSGOS PA'I DAM TSIG DANG, ,SNYING RJES DGRA BGEGS MYUR DU SGROL, ,SDANG BA'I DGRA DANG GNOD PA'I BGEGS, ,BDUD DANG BAR DU GCOD PA RNAMS, ,ZUNGS SHIG CHINGS SHIG RNAM PAR SDOMS, ,KHUG CIG DRONGS SHIG DBANG DU SDUS, ,SOD CIG SKROD CIG RENGS PAR GYIS, ,PHYE ZHIG GNON CIG RMUGS PAR GYIS, ,THUL CIG TSOMS SHIG RNAM PAR BSHIG ,RDUL PHRAN TZAM YANG MED PAR MDZOD, ,AOm K'A LA R'U PA H'Um PHAt, CES BRJOD PAS DES LAS SGRUB PAR KHAS BLANGS PAR BSAM STE BLA MA RNAMS KYI MAN NGAG BZHIN DU BKOD PA'O, ,DE NAS GTOR MGRON RNAMS LA BZOD PAR GSOL, AOm YA M'ANTA KA SA MA YA, MA NU P'A LA YA, YA M'ANTA KA TVE NO PA TIshthA, DRi dOHA ME BHA BA, SU TO shYO ME BHA BA, SU BO shYO ME BHA BA, AA NU RAKTO ME BHA BA, SARBA SIDDHI MME PRATZTSA, SARBA KA RMA SU TZA ME TZI TTAm SHR'I YAm: KU RU H'Um, HA HA HA HA HO: BHA GA W'A NA, SARBA TA TH'A
GA TA M'A MI MUNYTZA, BADZRI BHA WA MAH'A SA MA YA SATVA AA: ZHES GDON LA, AOm DZA YA DZA YA, SU DZA YA, BI SHVA R'U BA DHA RI GTZTSA SVA STHA NAm, KRI TAm TAm NA TA TH'A GATZTSA, SARBA BUDDHA shTZA, BIS RDZA YA MAM K'ARYAm KU RU SV'AH'A, ZHES BRJOD PAS 'JIG RTEN LAS 'DAS PA'I MGRON GYI YE SHES PA GSHEGS DAM TSIG PA BDAG LA BSDU, MGRON GZHAN RNAMS RANG GNAS SU GSHEGS PAR BSAM LA SMON LAM GDAB BO, ,BSDUS PA LA MOS NA AOm A'A: H'Um MU: ZHES PAS BYA STE GTOR MA'I CHO GA'O, ,THUN GYI MTHAR BDAG BSKYED KYI DKYIL 'KHOR SOGS BSDU MI BSDU 'JIGS BYED KYI GZHUNG RNAMS LAS MI GSAL YANG, LI LA BADZRAS DGRA NAG LA BSHAD PA'I RIGS 'GROS SBYAR NA DUR KHROD NAS GZHAL YAS KHANG GI BAR SNGA MA RNAMS PHYI MA LA BSDUS PA'I MTHAR GZHAL YAS KHANG RANG LA BSDU, RANG DAM TSIG SEMS DPA' YE SHES SEMS DPA' LA DE TING NGE 'DZIN SEMS DPA' LA DE'ANG ZHABS KYU AU HA LA HA MGO BO LA DE ZLA TSES LA DE THIG LE LA DE N'A DA LA DE'ANG MI DMIGS PAR STONG PAR BSAM STE DE DAG GIS NI THUN GYI THOG MTHA' BAR GSUM DU JI LTAR BYA BAS THUN GYI NGO BO'I RNAL 'BYOR RNAMS BSHAD ZIN TO, ,THUN MTSAMS KYI RNAL 'BYOR NI, DE NAS RDO RJE 'JIGS BYED KYI NGA RGYAL GYIS LANGS TE DE DANG MA BRAL BA'I NGANG NAS YUL DU SNANG BA KUN KYANG RDO RJE 'JIGS BYED DU BLTAS LA SGO GSUM GYI BYA BA KUN PHYAG RGYA DANG SNGAGS KYI BDAG NYID DU BSAMS NAS BYA BA LA 'JUG PA NI SPYOD LAM GYI RNAL 'BYOR RO, ,BZA' BTUNG GTOR MA LTAR BYIN GYIS BRLABS LA KHA THAB KHUNG DANG LAG PA GNYIS DGANG BLUGS DANG BZA' BTUNG SREG RDZAS SU MOS NAS LHA THAMS CAD 'DUS PA'I BDAG NYID SNYING GA'I TING NGE
, ,'DZIN SEMS DPA' LA 'BUL BA'I TSUL GYIS ZA ZHING 'THUNG BA NI KHA ZAS KYI RNAL 'BYOR RO, ,NYAL BA'I TSE SNGAR BZHIN RIM GYIS BSDUS NAS THABS SHES DANG LDAN PAR NYAL BA NI NYAL BA'I RNAL 'BYOR RO, ,'DIR BLA MA RNAMS BZHED PA LTAR SNOD BCUD 'OD DU ZHU NAS BSDU BA'ANG RUNG NGO, ,LDANG BA'I TSE TZRTZI KA LA SOGS PA'I LHA MO'I DBYANGS KYIS 'OD GSAL LAS BZHENGS PA'I DON DU BSKUL BAR MOS NAS LDANG BA NI LDANG BA'I RNAL 'BYOR RO, ,KHRUS KYI TSE DBANG BSKUR BA'I SKABS BZHIN BYED PA NI KHRUS KYI RNAL 'BYOR RO, ,DE LTA BU'I TSUL GYIS ZHAG RE LA THUN GSUM MAM BZHI BZHIR MA CHAG PAR NYAMS SU LEN PA NI BSKYED PA'I RIM PA LA BSLAB PA'O, ,RDZOGS PA'I RIM PA NI SH'ANTI PA'I 'JIGS BYED KYI TSOGS 'KHOR DANG 'JAM DPAL YE SHES DANG DON YOD RDO RJE'I SGRUB THABS LAS SHES PAR BYA'O, ,DE LTAR DPA' BO GCIG PA ZHAL PHYAG YONGS SU RDZOGS PA LA BRTEN NAS SNGON DU SGOM BZLAS BYED PA'I BSNYEN PA NI, RTOG BDUN GYI LHA BSGOM PA'I RTOG PA DANG KHA SBYOR GYI RTOG PA BDUN PA LAS GSUNGS SHING, DE GNYIS KYI 'GREL PA RNAMS SU YANG DPA' BO GCIG PA NYID KYI DBANG DU BYAS NAS BSHAD PA BZHIN SLOB DPON DPAL 'DZIN LA SOGS PA MANG POS KYANG GSUNGS LA, LAS TSOGS MANG PO 'GRUB PA'ANG JI SKAD BSHAD PA'I BSNYEN PA 'GRUB PAR BZHED PAS ZHAL PHYAG MA RDZOGS PA'I DPA' BO GCIG PA'I BSGOM BZLAS BLO DMAN PA'I NGOR YIN ZHES SLOB DPON 'JAM DPAL DBYANGS KYIS BSHAD PA DANG MI 'DRA'O, ,DES NA RGYUD KYI RTOG PA BZHI PA LA GZHI BYAS TE KHA BSKANG DGES PA RNAMS LA LI TA'I GZHUNG RNAMS LA GTZO
BOR BYAS SHING MAN NGAG SNYE MA DANG SLOB DPON ZHI BA'I YE SHES DANG SHR'I BHA DRA DANG DZNY'A NA KA RA LA SOGS PA'I SGRUB THABS RNAMS NAS KYANG BSKANG NAS BSHAD DO, ,DPA' BO GCIG PA'I GZHAL YAS KHANG BSKYED PA SLOB DPON PHYI MA GNYIS KYIS BSHAD CING SBYANG GZHI SBYONG BA LA'ANG KHYAD CHE'O, ,DNGOS GRUB MCHOG GI NYE RGYU RDZOGS RIM STE, ,'ON KYANG RIM PA DANG POS MA SMIN PAR, ,RDZOGS RIM RTOGS PA MCHOG RNAMS MI SKYE BAS, ,BSKYED RIM DAG PAR BSGOM PA GNAD DU CHE, ,DE PHYIR RGYUD DANG 'GREL PA SGRUB THABS KYI, ,DRI MED GZHUNG MANG DAG LA 'DRIS BYAS NAS, ,'JAM PA'I DBYANGS KYI BYIN RLABS MYUR 'JUG PA'I, ,SGRUB THABS BDUD LAS RGYAL BA 'DI BRTZAMS SO, ,'DI YI DGE BAS BSTAN PA RGYAS PA'I GEGS, ,BDUD RIGS RNAMS DANG DE YIS YID BSKYOD PA'I, ,LOG PAR SGRUB PA MTHA' DAG TSAR BCAD NAS, ,BSTAN PA'I RGYAL MTSAN PHYOGS BCUR BSGRENG BAR SHOG ,CES DPAL RDO RJE 'JIGS BYED CHEN PO'I SGRUB THABS BDUD THAMS CAD LAS RNAM PAR RGYAL BA ZHES BYA BA 'DI NI GSHIN RJE GSHED KYI RNAL 'BYOR PA SHAR TZONG KHA PA BLO BZANG GRAGS PA'I DPAL KYIS LAM 'DI LA SGRUB PA SNYING POR BYED PA MANG PO LA PHAN PAR MTHONG NAS 'O DE GUNG RGYAL GYI LHA ZHOL BYAMS PA GLING DU SBYAR BA'I YI GE PA NI DGE SLONG BZOD PA DPAL LO, ,'DIS KYANG BSTAN PA RIN PO CHE PHYOGS DUS KUN TU RGYAS PAR BYED NUS PAR GYUR CIG, MANGGA LAm,, ,,