*, ,DPAL RDO RJE 'JIGS BYED LHA BCU GSUM MA'I SGRUB THABS RIN PO CHE'I ZA MA TOG CES BYA BA BZHUGS SO, ,
, ,DPAL RDO RJE 'JIGS BYED LHA BCU GSUM MA'I SGRUB PA'I THABS, RIN PO CHE'I ZA MA TOG CES BYA BA, BLA MA DANG RJE BTZUN 'JAM PA'I DBYANGS LA GUS PAS PHYAG 'TSAL LO, ,THUGS RJE CHEN POS GZHAN GYI DBANG GYUR PAS, , SHIN TU ZHI BA'I RJE BTZUN 'JAM PA'I DBYANGS, ,DRAG PO'I STOBS KYIS SNYEMS PA'I GDUG PA CAN, ,'DUL PHYIR SHIN TU KHROS PA'I SKUR BSTAN PA, ,DPAL LDAN BLA MA RDO RJE 'JIGS BYED KYI, ,ZHABS LA BTUD NAS DE YI SGRUB PA'I THABS, ,THAG RING YUL NAS MANG THOS SDOM BRTZON MCHOG ,NGAG DBANG GRAGS PAS BSKUL PHYIR 'DIR BSHAD BYA, ,'DIR RNAL 'BYOR BA SBYIN PA DANG TSUL KHRIMS LA SOGS PA'I SPYOD PA DANG, BYAMS PA LA SOGS PA'I SEMS KYIS, SEMS CAN GYI DON LA BRTZON PA'I BSAM PA RNAM PAR DAG PA DANG LDAN PA, DAD PA DANG THOS PAS RNAM PAR BRGYAN CING, KHYAD PAR DU RDO RJE 'JIGS BYED CHEN PO'I DKYIL 'KHOR DU ZHUGS NAS, DBANG SKUR BA LEGS PAR THOB CING, KHAS BLANGS PA'I DAM TSIG DANG SDOM PA SRUNG BA LA BRTZON PAS, RGYUD LAS GSUNGS PA'I GNAS DGON PA LA SOGS PA YID DANG MTHUN PA GANG YANG RUNG BAR, DANG POR KHRUS BYA ZHING MAndAL BYI DOR BYA ME TOG GCAL DU DGRAM, BRIS SKU MDUN DU BSHAM, STAN BDE BA LA KHA LHOR PHYOGS TE 'DUG NAS, BDUD RTZI RIL BUS KHA DAG PAR BYAS TE, LHA DANG 'BYUNG PO LA GTOR MA PHUL LA, 'PHRIN LAS BCOL TE GSHEGS PAR BYA'O, ,DE NAS RANG NYID 'JIGS BYED ZHAL GCIG PHYAG GNYIS
, ,PAR GSAL BA'I THUGS KHAR, PADMA DANG NYI MA LA GNAS PA'I H'Um GI 'OD ZER GYIS, 'JIG RTEN GYI KHAMS MU MED PA GSAL BAR BYAS NAS, DE NA BZHUGS PA'I SANGS RGYAS DANG BYANG CHUB SEMS DPA' DANG KHRO BO DANG, RIG PA'I TSOGS KYIS BSKOR BA'I RDO RJE 'JIGS BYED, BLA MA DANG BCAS PA MDUN GYI NAM MKHAR SPYAN DRANGS LA 'OD ZER SNYING KHAR BSDU'O, ,DE NAS, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, , RDO RJE CAN ZHABS PAD LA 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,ZHES PAS BLA MA DANG LHA LA PHYAG BYA SNYING KHA'I SA BON GYI 'OD ZER LAS BYUNG BA'I TZARTZI KA DKAR MO, ,PHAG MO SNGON MO, DBYANGS CAN MA DMAR MO, GO RI LJANG GU PHYAG NA MCHOD RDZAS SNA TSOGS PA THOGS PA RNAMS KYIS MCHOD PAR BSAMS LA, AOm HRI: shtr'i: ? HAS MCHOD YON DANG, AOm H'Um H'Um PHAt KYIS ZHABS BSIL, AOm WI KRI T'A NA NA DUshtAm SATVAD MA KA GA: GA GA: YIS DRI, AOm KU M'A R'A R'U PI nE DZA DZA H'Um PHAt KYIS ME TOG ,AOm HRI: HA: HEE PHAt KYIS BDUG SPOS, AOm DE BTA LO TZA NA WI KRI T'A NA NA MAH'A AA tAt tAt HA SA NA DE NI D'A BHTA YE SV'A H'A SA MAR ME, AOm BADZRA NI WI DYA A'A: H'Um SV'A H'AS LHA BSHOS, AOm BADZRA SHABTA A'A: H'Um GIS ROL MO RNAMS DBUL LA LHA MO RNAMS SLAR BSDU'O, ,DE NAS, SDIG PA RNAMS NI BSHAGS PAR BYA, ,SKYES SHING BYUNG BA RNAMS NI BSAL,
MI PHYED PAR YANG SPYAN SNGAR BRJOD, ,DE BZHIN BSOD NAMS RJES YI RANG, ,BDAG GIS BDE 'GRO YONGS SU BSNGO, ,DKON MCHOG GSUM LA SKYABS SU 'GRO, SEMS CAN THAMS CAD BDAG GIS BGROL, ,BYANG CHUB GNAS LA DGOD PAR BGYI, ,BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS NI DBUL BAR BGYI, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG BAS BSTEN PAR BGYI, ,ZHES DE DAG GI DON YID LA BSAMS LA BRJOD DO, ,RIGS LNGA SPYI DANG SO SO'I DAM TSIG DANG SDOM PA SNGAR BZUNG BA RNAMS, ,BYANG CHUB MA THOB KYI BAR DU BRTAN PAR BZUNG BAR BYA'O SNYAM DU BSAMS LA, SANGS RGYAS BYANG CHUB SEMS DPA' RNAMS, ,BDAG LA DGONGS PAR MDZAD DU GSOL, ,BDAG MING 'DI ZHES BGYI BA NI, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, ,ZHES PA NAS, SEMS CAN MYA NGAN 'DAS LA DGOD, CES PA'I BAR BRJOD LA, SDOM PA GZUNG BA BRTAN PAR BYA, ,DE NAS SEMS CAN THAMS CAD BDE BA DANG LDAN PAR GYUR CIG SNYAM PA'I BYAMS PA DANG, DE BZHIN DU SDUG BSNGAL LA DANG BRAL BAR GYUR CIG SNYAM PA'I SNYING RJE DANG, BDE BA DANG MI 'BRAL BAR GYUR CIG PA'I DGA' BA DANG, 'JIG RTEN GYI CHOS BRGYAD DANG GZUNG 'DZIN GYI RNAM RTOG GIS MI BSKYOD PA'I BTANG SNYOMS LA GNAS PAR BYA'O, ,SNYAM DU TSAD MED PA BZHI BSGOM STE BSOD NAMS KYI TSOGS BSAG PA'O, ,DE NAS, AOm SVA BH'A WA SHUD DH'A SARBA DHARMA: SVA BHA BA SHUD DHONYHAm, AOm SHU N+YA T'A DZNYA NA BADZRA SVA
, ,BH'A BA AADMA KONYHAm, ZHES BRJOD PAS RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA, BDAG MED PA'I LTA BA DRAN PAR BYAS NAS, THA MAL PA'I SNANG BA MED PA LA 'JUG PAR BYA STE YE SHES KYI TSOGS BSAGS PA'O, ,DE NAS SEMS CAN THAMS CAD SANGS RGYAS LA DGOD PA'I SNGON GYI SMIN LAM DRAN PAR BYAS LA, STONG PA'I NGANG LAS YAm LAS RLUNG GI DKYIL 'KHOR DU BA'I MDOG CAN GZHU LTA BU RGYAL MTSAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM 'BAR BA'I PHRENG BAS MTSAN PA, DE'I STENG DU BAm LAS CHU'I DKYIL 'KHOR DKAR PO ZLUM PO BUM PAS MTSAN PA, DE'I STENG DU LAm LAS SA'I DKYIL 'KHOR SER PO GRU BZHIR RDO RJES MTSAN PA'I STENG DU, H'Um LAS SNA TSOGS RDO RJE LTE BAL H'Um GIS MTSAN PA LAS, 'OD ZER 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RVA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA RE STE, THAMS CAD KYANG RDO RJE 'BAR BA'I RANG BZHIN, BAR MTSAMS MED PAR DUM BU GCIG TU GYUR PA'I PHYI ROL TU, BSKAL BA 'JIG PA'I ME LTA BU'I KHA DOG SNA LNGA'I ME DPUNG PHYOGS BCUR 'PHRO BA BSGOM STE, BSRUNG 'KHOR THUN MONG BA'O, ,THUN MONG MA YIN PA'I BSRUNG 'KHOR SGOM PAR 'DOD NA, LA LI TAS MDZAD PA'I SGRUB THABS LAS 'BYUNG BA LTAR SGOM DGOS TE GZHAN DU BSHAD ZIN TO, ,RVA BA'I DBUS SU RDO RJE SEMS DPA' SKU MDOG DKAR PO, DKAR 'THING DMAR BA'I ZHAL GSUM PHYAG DRUG GI DANG PO GNYIS
GYIS RANG 'DRA'I YUM LA 'KHYUD PA, LHAG MA GA-YAS GNYIS RDO RJE DANG RAL GRI, GA-YON GNYIS RIN PO CHE DANG PADMA 'DZIN PA YONGS SU GYUR PA LAS, CHOS 'BYUNG DKAR PO GRU GSUM PA GYEN DU 'GRENG BA 'OG TU PHRA ZHING STOD YANGS PA, 'OG ZUR NAS PAm LAS BYUNG BA'I SNA TSOGS PAD MA'I LTE BAR, H'Um LAS SNA TSOGS RDO RJE SHAR GYI RVA DKAR, LHO'I RVA SER, NUB KYI RVA DMAR, BYANG GI RVA LJANG, DBUS KYI LTE BA SNGON POS BRGYAN PA BSAM MO, ,DE'I DBUS SU BHRUm LAS 'KHOR LO BHRUm GYIS MTSAN PA LAS BYUNG BA'I RNAM SNANG DKAR PO DKAR MTHING DMAR BA'I ZHAL GSUM, PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RDO RJE LA GNAS PA'I 'KHOR LO DANG RAL GRI, GA-YON GNYIS RIN PO CHE DANG PADMA 'DZIN PA YONGS SU GYUR PA'I GZHAL YAS KHANG GRU BZHI SGO BZHI BA, PHYI ROL NAS RIM PA BZHIN DKAR SAR DMAR LJANG SNGO BA'I RTZIG PA LNGA DANG LDAN PA, RTZIG PA'I STENG NA RIN PO CHE SNA TSOGS PAS MDZES PAR BYAS PA'I RIN PO CHE'I PHA GUS BSKOR BA'I GZHAL YAS KHANG GI NANG DU, RDO RJE'I PHRENG BAS ZLUM POR BSKOR BA LA BRTEN PA'I KA BA BRGYAD KYIS BTEGS PA'I RDO RJE'I GDUNG BZHIS MDZES PAR PHUB PA, RTZE MO RDO RJE NOR BU RIN PO CHE'I TOG GIS MDZES PA'I NANG GI SHAR DKAR LHO SER NUB DMAR BYANG LJANG DBUS SNGO BA, PHA GU'I STENG NA GSER GYI SKE RAGS BZHI'I PHYI NGOS SU CHU SRIN GYI KHA NAS 'PHYANG BA'I RIN PO CHE'I DRA BA DANG DRA BA PHYED PA LA DRIL BU DANG RNGA YAB LA SOGS PAS BRGYAN PA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG DU MDA' YAB PADMA 'DAB MA PHYED PA'I DBYIBS CAN LA BA DAN DANG RGYAL
, ,MTSAN LA SOGS PAS MDZES PAR BYAS PA, RTZIG PA'I MTHA' NAS 'DOD YON GYI SNAM BU DMAR POS, 'GRAM STEGS KYI RNAM PAR BSKOR BA LA, LHA MO MCHOD RDZAS THOGS PA RNAMS 'KHOD NAS MCHOD PA BYED PA, SGO DANG SGO KHYUD KYI PHYI'I MTSAMS DANG, 'OG GI PHYI NANG GI GRVA BZHIR ZLA PHYED RDO RJE RIN CHEN GYIS SBRAS PA, SGO BZHI SO SO'I MDUN DU KA BA BZHI BZHIS BTEG PA'I RTA BABS, SNAM BU BCU GCIG DANG LDAN PA'I STENG DU CHOS KYI 'KHOR LO, DE'I GA-YAS GA-YON DU RI DVAGS PHO MO DANG BCAS PA, RDO RJE RA BA ME RI DANG BCAS PA'I PHYI ROL TU, GTUM DRAG LA SOGS PA'I DUR KHROD BRGYAD NA, NA GA GE SAR GYI SHING DAM SHI RI shA LA SOGS PA'I SHING BRGYAD, DE'I RTZA BAR BRGYA BYIN LA SOGS PA'I PHYOGS SKYONG BRGYAD, RTZE MOR RDZU 'PHRUL CHEN PO BA GLANG PO CHE'I GDONG PA CAN LA SOGS PA'I ZHING SKYONG BRGYAD, THUGS RJE'I CHU BRGYAD DE LA GNAS PA'I NOR RGYAS LA SOGS PA'I KLU BRGYAD, DE DAG GI STONG GI NAM MKHA' LA SGROGS PA LA SOGS PA'I SPRIN BRGYAD, YE SHES KYI ME BRGYAD, MCHOD RTEN BRGYAD, GZHAN YANG KENG RUS DANG, GSAL SHING GIS PHUG PA'I RO DANG, SHING LA DBYANGS PA DANG, SKYES BU ZA BA DANG, MTSON GYIS PHUG PA LA SOGS PA DANG, BYA ROG DANG BYA RGOD DANG KHYI DANG CE SPYANG DANG, SENG GE DANG STAG LA SOGS PA DANG, CA CO SGROGS PA'I RO LANGS DANG, GNOD SBYIN DANG SRIN PO LA SOGS PA RNAMS KYIS 'JIGS SU RUNG BA, GRUB PA DANG RIG PA 'DZIN PA DANG DAM TSIG SPYOD PA'I RNAL 'BYOR PA, BCOM LDAN 'DAS LA RTZE GCIG TU LTA BA, GCER BU SKRA BSHIG PA, PHYAG RGYA LNGAS BRGYAN PA, CANG TE'U DANG
THOD PA DANG KHA tR'Am GA 'DZIN PA THOD PAS SPYI BOR BRGYAN PA, RGOD CING DUR KHROD TU 'JUG PA SOGS KYIS, SHIN TU NGO MTSAR BAR BYED PA'I DUR KHROD RNAMS KYIS BSKOR BA'I GZHAL YAS KHANG GI NANG GI RE'U MIG DGU PA'I DBUS SU, YAm LAS RLUNG GI DKYIL 'KHOR NAG LA CUNG ZAD DMAR BA'I MDOG CAN GYI STENG DANG, NANG GI PHYOGS GZHAN GSUM DANG, SGO BZHIR SNA TSOGS PAD MA DANG NYI MA'I GDAN NANG GI SHAR DANG GRVA BZHI DANG PHYI'I GRVA BZHIR, SNA TSOGS PAD MA DANG ZLA BA'I GDAN ZUNG RE SGOM STE RTEN BSKYED PA'O, , GDAN DBUS MA'I STENG DU AA YIG DANG PO LAS BYUNG BA'I ZLA BA'I DKYIL 'KHOR, DE'I DBUS SU CHU LAS CHU BUR GYI TSUL DU, DH'I SER PO LAS BYUNG BA'I RAL GRI DBUS SU DH'IS MTSAN PA LAS, 'OD 'PHROS PAS BDE BAR GSHEGS PA THAMS CAD SPYAN DRANGS TE THIM PA YONGS SU GYUR PA LAS, RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO, YID TZAM KHROS PA PHYAG GA-YAS RAL GRI PHYAR ZHING, GA-YON GYIS GLEGS BAM THUGS KHAR BSNAMS PA, ZHABS RDO RJE DKYIL DKRUNG GIS BZHUGS PA, MTSAN SO GNYIS DANG DPE BYED BRGYAD CUS BRGYAN PA, RAL PA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PAR BSAM MO, ,DE'I THUGS KHAR A'A: LAS BYUNG BA'I NYI MA'I DKYIL 'KHOR, DE'I 'OD KYIS PHYOGS BCU NA BZHUGS PA'I RNAM SNANG LA SOGS PA'I SANGS RGYAS DANG, RDO RJE RNON PO LA SOGS PA'I BYANG CHUB SEMS DPA' DANG, RDO RJE LCAGS KYU LA SOGS PA'I KHRO BO DANG, SEMS MA RDO RJE MA LA SOGS PA'I RIGS PA RNAMS SPYAN DRANGS TE, 'JAM DPAL DANG BCAS PA
, ,NYI MA LA ZHUGS PAS 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU GYUR, DE'I STENG DU H'Um YIG MTHING KHA 'OD ZER LNGA DANG LDAN PA LAS 'OD ZER 'PHROS PAS SANGS RGYAS LA SOGS PA BZHI SPYAN DRANGS NAS H'Um LA ZHUGS PA LAS KHRO BO'I RDO RJE KHA DOG NAG PA, RTZE DGU PA RVA SHIN TU GDENGS PA 'OD ZER LNGA DANG LDAN PA, LTE BA LA H'Um YIG GIS MTSAN PA, DE LAS RDO RJE PHRA MO'I GZUGS SBROS PAS SANGS RGYAS LA SOGS PA BZHI SPROS TE, NAM MKHA'I KHAMS THAMS CAD TIL GYI GANG BU BZHIN DU GANG BA, NYI MA LA GNAS PAS SEMS CAN RNAMS SMON PAR BYAS NAS RDO RJE 'JIGS BYED THOB PAR BYAS PA DANG LHAN CIG TU 'DUS NAS RDO RJE LA THIM PAR BSAM MO, ZLA BA DANG DE'I STENG GI NYI MA RDO RJE SA BON DANG BCAS PA YONGS SU GYUR BA LAS, RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO, SKU MDOG MTHING NAG ZHAL DGU PHYAG SO BZHI ZHABS BCU DRUG PA GA-YAS BSKUMS SHING GA-YON BRKYANG BA'I STABS KYIS BZHUGS PA, KHAMS GSUM PO ZA BAR NUS PA HA HA ZHAS SGROGS SHING LJAGS 'DRIL BA, MCHE BA RNAM PAR GCIGS PA KHRO GNYER CAN, KHRO GNYER GYI 'GRAM DU, SMIN MA DANG SPYAN 'JIG PA'I DUS LTAR 'BAR BA, SKRA KHAM SER GYEN DU BRDZAS PA, 'JIG RTEN DANG 'JIG RTEN LAS 'DAS PA'I LHA LA BSDIGS 'DZUB BYED PA, 'JIGS PA RNAMS KYANG 'JIGS PAR MDZAD PA, PHEEm KA RA'I SGRA CHEN PO 'BRUG LTAR SGROGS PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD PA SKAM PO LNGAS THOD BYAS
SHING, MGO BO RLON PA LNGA BCU'I THOD PA'I 'PHRENG BAS BRGYAN PA, SBRUL NAG PO'I MCHOD PHYIR THOGS DANG MI RUS KYI 'KHOR LO DANG, RNA CHA LA SOGS PA'I RUS PA'I RGYAN RNAMS KYIS BRGYAN PA, GSUS BCHE BA GCER BU'I GZUGS CAN, SMIN MA DANG RDZA MA DANG SMAR DANG BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN DU KHROS PA RVA RNON PO CAN, DE'I STENG MA RVA GNYIS BYI DBUS KYI ZHAL DMAR PO, RAB TU 'JIGS PA ZHAL NAS KHRAG 'DZAG PA, DE'I STENG DU 'DZAM DPAL GYI ZHAL SER PO YOD TZAM KHROS PA, GZHAN NU'I RGYAN GYIS BRGYAN PA, SPYI BOR RAL PA LNGA DANG LDAN PA, RVA'I RTZA BA'I GA-YAS KYI ZHAL DANG PO SNGON PO, DE'I GA-YAS ZHAL DMAR PO, GA-YON ZHAL SER PO, RNGA'I RVA'I RTZA BA'I GA-YON ZHAL DANG PO DKAR PO DA'I GA-YAS ZHAL DUD KHA GA-YON ZHAL NAG PO, ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA'O, ,PHYAG GA-YAS GA-YON GYI DANG PO GNYIS KYIS GLANG PO CHE'I PAGS PA RLEN PA MGO GA-YAS DANG, SPU PHYIR BSTAN TE LAG PA DANG RKANG BA'I LAGS PA GA-YON PA NAS BRGYANGS TE 'DZIN PA, LHAG MA GA-YAS KYI DANG PO NA GRI GUG ,GNYIS PA NI BHI DHI P'A LA, GSUM PA NA GTUN SHING, BZHI PA NA CHU GRI, LNGA PA NA KA NA YA, DRUG PA NA DGRA STE, BDUN PA NA MDUNG, BRGYAD PA NA MDA', DGU PA NA LCAGS KYU, BCU PA NA DBYUG TO, BCU GCIG PA NA KHA tV'Am GA, BCU GNYIS PA NA 'KHOR LO, BCU GSUM PA NA RDO RJE RTZE LNGA PA, BCU BZHI PA NA RDO RJE THO BA, BCO LNGA PA NA RAL GRI, BCU DRUG PA NA CANG TE'U BSNAMS SHING, LHAG MA GA-YON GYI DANG PO NA KHRAG GIS BKANG BA'I THOD PA, GNYIS PA NA
, ,TSANGS PA'I MGO BO, GSUM PA NA PHUNG, BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA NA DUR KHROD KYI RAS, BCU GCIG PA NA SKYES BU GSAL SHING LA BTZUGS PA, BCU GNYIS PA NA ME THAB, BCU GSUM PA NA THOD TSAL, BCU BZHI PA NA SDIGS 'DZUB, BCO LNGA PA NA 'PHAN RTZE GSUM PA, BCU DRUG PA NA RLUNG RAS BSNAMS PA'O, ,ZHABS GA-YAS KYI DANG POS MI, GNYIS PAS MA HE, GSUM PAS GLANG, BZHI PAS BONG BU, LNGA PAS RNGA MONG, DRUG PAS KHYI, BDUN PAS LUG ,BRGYAD PAS WA DANG, GA-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG, KHYAB 'JUG DANG DRAG PO DANG, GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SBUB TU BYAS TE, ZHABS 'OG TU MNAN NAS ME DPUNG RAB TU 'BAR BA'I KLONG DKYIL NA BZHUGS PAR BSAM MO, ,RANG NYID DAM TSIG SEMS DPA'I THUGS KHAR ZLA GANG NA LA YE SHES SEMS DPA' SNGAR DANG 'DRA BA'I 'JAM DBYANGS KYI THUGS KHAR, A'A: LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING KHA 'OD ZER LNGA 'PHRO BA BSAM MO, ,DE'I PANG NA YUM RDO RJE RO LANGS MA SNGON MO, ZHAL GCIG PHYAG GNYIS KYI GA-YAS RDO RJE GRI GUG 'PHYAR ZHING, GA-YON THOD PA GDUG PA'I KHRAG GIS GANG BA 'DZIN PAS YAB LA 'KHYUD PA, THOD SKAM LNGAS DBU BRGYAN CING SKAM PO LNGA BCU'I DO
SHAL CAN PHYAG RGYA LNGAS BRGYAN PA, ZHABS GA-YAS RKYANG ZHING GA-YON PAS YAB LA 'KHYUD PA, YAB KYI GSANG GNAS MI DMIGS PA LAS H'Um LAS BYUNG BA'I RDO RJE SNGON PO RTZE LNGA PA, AOm LAS BYUNG BA'I NOR BU BU GA PHAt KYIS BKAG PA, YUM GYI GSANG GNAS MI DMIGS PA LAS H'Um LAS BYUNG BA'I PADMA DMAR PO 'DAB MA BRGYAD PA, A'A: LAS BYUNG BA'I ZE'U 'BRU BU GA PHAt KYIS BKAG PA BSAMS LA, PHAN TSUN RJES SU CHAGS PAS SNYOMS PAR ZHUGS PA'I DGA' BA BRTZAMS TE, AOm SARBA TA TH'A GA TA AA NU R'A GA nA BADZRA SVA BH'A BA AADMA KONYAHAm, ZHES BRJOD LA DE BZHIN GSHEGS PA THAMS CAD KYI, RJES SU CHAGS PA'I RDO RJE'I RANG BZHIN NGA'O SNYAM DU RJOS CHAGS KYI NGA RGYAL BYA'O, ,DE NAS RANG GI THUGS KHA'I H'Um YIG GI 'OD ZER GYI LCAGS KYUS MKHA' KHYAB KYI SANGS RGYAS THAMS CAD BKUG NAS RANG GI ZHAL DU BCUG ,THUGS KHAR 'OD DU ZHU BA RDO RJE'I LAM NAS YUM GYI PADMAR ZHUGS PA'I THIG LE CHA GCIG YA 'AM BHRUm DU GYUR PA LAS, GZHAL YAS KHANG GDAN DANG BCAS PA SNGAR BZHIN BSKYED, THIG LE GZHAN GDAN RNAMS KYI STENG DU CHA BCU BDUN DU GYUR, DE RNAMS YONGS SU GYUR PA LAS, DBUS SU H'Um MA MA YA, NANG GI SHAR DU KshE LHOR MA NUB TU ME BYANG DU RA, SHAR LA SOGS PA'I SGO BZHIR YA TZA NI RA DANG, NANG GI SHAR LHA NAS BRTZAMS PA'I GRVA BZHIR J'A SA DO RU DANG, DE'I PHYI'I GRVA BZHIR nA YO NI RA STE YI GE BCU BDUN DU GYUR, YI GE PHYI MA BZHI MA GTOGS PA RNAMS YONGS SU GYUR PA LAS, DBUS DANG NANG GI PHYOGS BZHIR RIM PA BZHIN, ,RDO RJE 'KHOR LO RIN PO CHE PADMA RAL GRI DANG, SHAR LA SOGS PA'I SGO BZHIR RIM PA BZHIN THO BA DBYIG
, ,PA PADMA RAL GRI DANG, NANG GI SHAR LHO NAS BRTZAMS TE RIM PA BZHIN 'KHOR LO RDO RJE PADMA RAL GRIR GYUR TE, RANG RANG GI SA BON GYIS MTSAN PA 'OD ZER 'PHRO ZHING 'DU BAR BSAM MO, ,PHYAG MTSAN SA BON GYIS MTSAN PA RNAMS YONGS SU GYUR PA LAS LHA RANG RANG GI SKUR RDZOGS PA NI, DBUS SU RDO RJE 'JIGS BYED YAB YUM NI SNGAR BZHIN NO, ,NANG GI SHAR DU GTI MUG GSHIN RJE GSHED DKAR PO DKAR SNGO DMAR BA'I ZHAL GSUM PHYAG DRUG GI LHAG MA GA-YAS GNYIS 'KHOR LO RAL GRI, GA-YON GNYIS NOR BU PADMA 'DZIN PA, LHOR SER SNA GSHIN RJE GSHED SER PO SER SNGO DKAR BA'I ZHAL GSUM, PHYAG DRUG GI LHAG MA GA-YAS GNYIS NOR BU RAL GRI, GA-YON GNYIS 'KHOR LO PADMA 'DZIN PA, NUB TU 'DOD CHAGS GSHIN RJE GSHED DMAR PO DMAR SNGO DKAR BA'I ZHAL GSUM, PHYAG DRUG GI LHAG MA GA-YAS GNYIS PADMA RAL GRI, GA-YON GNYIS NOR BU 'KHOR LO 'DZIN PA, BYANG DU PHRAG DOG GSHIN RJE GSHED LJANG GU LJANG SNGO DKAR BA'I ZHAL GSUM, PHYAG DRUG GI LHAG MA GA-YAS GNYIS RAL GRI 'KHOR LO, GA-YON GNYIS NOR BU PADMA 'DZIN PA, SHAR SGOR THO BA GSHIN RJE GSHED SNGON PO SNGO DKAR DMAR BA'I ZHAL GSUM, PHYAG DRUG GI LHAG MA GA-YAS GNYIS THO BA SNGON PO RVA NYI SHU PA DANG RAL GRI, GA-YON GNYIS NOR BU PADMA 'DZIN PA, LHO SGOR DBYUG PA GSHIN RJE GSHED DKAR PO DKAR SNGO DMAR BA'I ZHAL GSUM, PHYAG DRUG GI LHAG MA GA-YAS GNYIS DBYUG PA RAL GRI, GA-YON GNYIS PADMA 'KHOR LO, NUB SGOR PADMA GSHIN RJE GSHED DMAR PO DMAR SNGO DKAR BA'I
ZHAL GSUM, PHYAG DRUG GI LHAG MA GA-YAS GNYIS PADMA RAL GRI, GA-YON GNYIS 'KHOR LO NOR BU 'DZIN PA, BYANG SKOR RAL GRI GSHIN RJE GSHED LJANG GU LJANG SNGO DKAR BA'I ZHAL GSUM, PHYAG DRUG GI LHAG MA GA-YAS GNYIS RAL GRI 'KHOR LO, GA-YON GNYIS NOR BU PADMA 'DZIN PA, YAB BRGYAD PO THAMS CAD THOD PA SKAM PO LNGA'I DBU RGYAN DANG, KHRAG 'JAG PA'I MGO BO RLON PA LNGA BCU'I DO SHAL CAN, ZHAL RE REL DMAR LA ZLUM PA'I SPYAN GSUM GSUM DANG LDAN ZHING, 'BAR BA'I MCHE BA BZHI BZHI RAB TU GTZIGS NAS, LJAGS RNAM PAR 'DRIL ZHING 'OD ZER RAB TU 'PHRO BA, MTHA' YAS SNGON POS DBU SKRA BCINGS SHING, 'JOG PO DMAR POS RNA RGYAN BYAS PA, RIGS LDAN KHRA BOS DPUNG PA BRGYAN ZHING, DUNG SKYONG SER POS LAG GDUB BYAS PA, PADMA DKAR POS MGUL RGYAN BYAS SHING, STOBS KYI RGYU LJANG GUS MCHOD PHYIR THOGS BYAS PA, NOR RGYAS KYI BU BDUD RTZI'I KHA DOG LTA BUS SKE RAGS BYAS SHING, PADMA CHEN PO DKAR POS ZHABS GDUB BYAS PA, KLU BRGYAD PO THAMS CAD PHUD KYI SGRA SGROGS SHING LCE GNYIS PA DUG DANG LDAN PA'I MCHE BA'I PHRENG BA CAN NO, ,NANG GI SHAR LHOR TZA RTZI KA DKAR MO SHIN TU SKEM SHING, DRAG TU 'KHROS PA GTI MUG GSHIN RJE GSHED LTA BU, LHO NUB TU PHAG MO SNGON MO PHAG GDONG CAN, SNGO DKAR DMAR BA'I ZHAL GSUM, PHYAG DRUG GI LHAG MA GA-YAS GNYIS RDO RJE RAL GRI, GA-YON GNYIS 'KHOR LO PADMA 'DZIN PA, NUB BYANG DU DBYANGS CAN MA DMAR MO ZHI BA'I CHA BYAD CAN, 'DOD CHAGS GSHIN RJE GSHED LTA BU, BYANG SHAR DU GOO RI LJANG KU PHRAG DOG GSHIN RJE GSHED LTA BU, PHAG MO DANG GO RI GNYIS SBOM
, ,ZHING THUNG LA GSUS PA 'PHYANG BA'O, ,THAMS CAD KYI PHYAG DANG PO GNYIS KYIS GRI GUG DANG THOD PA 'DZIN PAS RANG 'DRA'I YUM DANG YAB LA 'KHYUD PA, PHYI'I GRVA BZHI'I YI GE BZHI YONGS SU GYUR PA LAS, MI'I THOD PA BDUD RTZIS GANG BA BZHI'O, ,HR'I: shtR'ISA GTZO BO YAB YUM BSKUL DPAG TU MED PAR GYUR, YUM GYI BA SPU'I SGO NAS PHYIR 'PHROS TE PHYOGS BCUR GSHEGS, SEMS CAN RNAMS KYI ZHE SDANG SBYANGS, CHOS KYI DBYINGS KYI YE SHES LA BKOD, GCIG TU 'DUS RANG DANG YUM LA THIM PAR BSAM, AOm DZI NA DZIKA GIS GTI MUG GSHIN RJE GSHED YAB YUM BSKUL DPAG TU MED PAR GYUR, YUM GYI BA SPU'I SGO NAS PHYIR PHYUNG STE, SEMS CAN RNAMS KYI GTI MUG SBYANGS ME LONG LTA BU'I YE SHES LA BKOD NAS NANG GI SHAR GYI GDAN LA 'KHOD, DE BZHIN DU KUN LA SBYAR TE, AOm RAD NA DHRIKA GIS SER SNA GSHIN RJE GSHED YAB YUM PHYUNG, NGA RGYAL DANG SER SNA SBYANGS, MNYAM PA NYID KYI YE SHES LA BKOD NAS LHOR 'KHOD, AOm AA RO LIKA GIS 'DOD CHAGS GSHIN RJE GSHED YAB YUM PHYUNG, 'DOD CHAGS SBYANGS, SO SOR RTOG PA'I YE SHES LA BKOD NAS NUB TU 'KHOD, AOm PRADZNY'A DHRIG GIS PHRAG DOG GSHIN RJE GSHED YAB YUM PHYUNG, PHRAG DOG SBYANGS, BYA BA SGRUB PA'I YE SHES LA BKOD NAS BYANG DU 'KHOD, AOm MUD GA RA DHRIKA GIS THO BA GSHIN RJE GSHED YAB YUM PHYUNG, SEMS CAN RNAMS KYI PHUNG PO'I BDUD BCOM, DAD PA'I STOBS LA BKOD NAS, SHAR SGO'I DBUS SU 'KHOD, AOm DAndA DHRIKA GIS DBYUG PA GSHIN RJE GSHED YAB YUM PHYUNG, NYON MONGS PA'I BDUD BCOM, BRTZON 'GRUS KYI STOBS
LA BKOD NAS, LHO SGOR 'KHOD, AOm PAD MA DHRIG GIS PADMA GSHIN RJE GSHED YAB YUM PHYUNG, 'CHI BDAG GI BDUD BCOM, DRAN PA'I STOBS LA BKOD NAS, NUB SGOR 'KHOD, AOm KHANG+GA DHRIG GIS RAL GRI GSHIN RJE GSHED YAB YUM PHYUNG, LHA'I BU'I BDUD BCOM, TING NGE 'DZIN GYI STOBS LA BKOD NAS, BYANG SGOR 'KHOD, AOm MO HA RA TIS TZTZI KA PHYUNG, SEMS CAN RNAMS KYI SA'I KHAMS SBYANGS, BYAMS PA TSAD MED PA LA BKOD NAS, NANG GI SHAR LHO'I GRVAR 'KHOD, AOm DRE shA RA TIS PHAG MO PHYUNG, CHU'I KHAMS SBYANGS, SNYING RJE TSAD MED LA BKOD NAS, LHO NUB TU 'KHOD, AOm RA GA RA TIS DBYANGS CAN MA PHYUNG, ME'I KHAMS SBYANGS, DGA' BA TSAD MED LA BKOD NAS, NUB BYANG DU 'KHOD, AOm BADZRA RA TI SA GOO RI PHYUNG, RLUNG GI KHAMS SBYANGS, BTANG SNYOMS TSAD MED LA BKOD NAS BYANG SHAR DU 'KHOD, AOm A'A: H'Um GIS THOD PA BZHI PHYUNG, YUL DRUG GI DRI MA SBYANGS NAS, PHYI'I GRVA BZHIR 'KHOD, AOm A'A: H'Um GIS GZHAL YAS KHANG PHYUNG, SNOD KYI SKYON SBYANGS, BDE BA LA GNAS PA RNAMS BRTAN PAR BYAS NAS, DAM TSIG GI GZHAL YAS KHANG LA THIM PAR BSAM MO, ,DE NAS GTZO 'KHOR THAMS CAD KYI MIG GNYIS SU, KshIm DANG 'KHOR LO LAS, RDO RJE'I MIG GTI MUG GSHIN RJE GSHED LTA BU, RNA BA GNYIS SU DZRIm DANG RDO RJE LAS, RDO RJE'I RNA BA NAG PO NAG DKAR DMAR BA'I ZHAL GSUM, PHYAG DRUG GI DANG PO GNYIS GRI GUG DANG THOD PA 'DZIN CING, LHAG MA GA-YAS GNYIS RDO RJE RAL GRI, GA-YON GNYIS 'KHOR LO PADMA 'DZIN PA, SNA GNYIS SU KHAm DANG RIN PO CHE LAS, RDO RJE'I SNA SER SNA GSHIN RJE GSHED LTA BU, LCE'I RTZA BAR RAm DANG GAm GANG RUNG DANG
, ,PADMA LAS, RDO RJE'I LCE 'DOD CHAGS GSHIN RJE GSHED LTA BU, DPRAL BAR KAm DANG RAL GRI LAS RDO RJE'I LUS PHRAG DOG GSHIN RJE GSHED LTA BU, LTE BAR SAm DANG RDO RJE LAS, RDO RJE'I YID DKAR PO DKAR SNGO DMAR BA'I ZHAL GSUM, PHYAG DRUG GI DANG PO GNYIS KYIS GRI GUG DANG THOD PA 'DZIN CING, LHAG MA GA-YAS GNYIS RDO RJE RAL GRI, GA-YAN GNYIS 'KHOR LO PADMA 'DZIN PA STE, THAMS CAD KYANG PAD ZLA LA GNAS PA'O, ,LHA THAMS CAD KYI THUGS KHAR H'Um LAS RDO RJE SNGON PO RTZE LNGA PA'I LTE BA'I NANG DU, H'Um DANG RDO RJE LAS THUGS RDO RJE RDO RJE'I RNA BA LTA BU, MGRIN PAR A'A: LAS PADMA DMAR PO 'DAB MA BRGYAD PA'I DBUS SU A'A: DANG PADMA LAS GSUNG RDO RJE 'DOD CHAGS GSHIN RJE GSHED LTA BU, SPYI BOR AOm LAS 'KHOR LO DKAR PO'I DBUS SU, AOm DANG 'KHOR LO LAS SKU RDO RJE GTI MUG GSHIN RJE GSHED LTA BU BSKYED, THUGS KA'I SA BON LAS 'OD ZER 'PHROS PAS RDO RJE GSUM GYI LHA TSOGS SPYAN DRANGS TE, NAM MKHAR BZHUGS PA LA SNGAR BZHIN MCHOD NAS, 'OD ZER GYIS BKUG STE RANG RANG GI RDO RJE GSUM LA RIM PA BZHIN THIM PAR BSAMS LA, AOm SARBA TA TH'A GA TA TZITTA BADZRA SVA BH'A BA AADMA KOHAm, AOm SARBA TA TH'A GA TA W'A KA BADZRA SVA BH'A BA AADMA KOHAm, AOm SARBA TA TH'A GA TA K'A YA BADZRA SVA BH'A BA AADMA KOHAm, ZHES BRJOD LA DE BZHIN GSHEGS PA THAMS CAD KYI, RDO RJE GSUM GYI NGO BO NGA YIN NO SNYAM DU NGA RGYAL BYA'O, ,DE NAS H'Um YIG LAS 'OD ZER SPRO ZHING LCAGS KYU'I PHYAG RGYA BYAS LA, AOm HRI: HA BHO MAH'A KRO DHA A'A GATZTSA A'A GATZTSA AASMA DA P'U DZA PRA TI GRIHNANDU PRA S'A DA ME DH'I MAN KU RU SV'AH'A, ZHES
BRJOD PAS RANG BZHIN GYI GNAS NAS, RDO RJE 'JIGS BYED LHA BCU GSUM GYI DKYIL 'KHOR MDUN GYI NAM MKHAR SPYAN DRANGS TE, HR'I: shtR'I: YI SNGAGS BRJOD LA KHRO BO SPROS TE, PHYI 'BRANG GI BGEGS TSAR BA CAD LA BSRUNG, SNGAR BZHIN MCHOD NAS, AOm MUD GA R'A DZA: ZHES PA'I SNGAGS KYIS DAM TSIG PA SO SO'I SPYI BOR DGUG ,AOm DAndA H'Um GIS DAM TSIG PA SO SO LA GZHUG ,AOm PADMA BAm GYIS DAM TSIG PA SO SO DANG DBYER MED DU BCING, AOm KHANG+GA HO: SA DBANG DU BYA'O, ,DE NAS SNGAR GYI PHYAG RGYA LA SOGS PAS, PHYOGS BCU NA BZHUGS PA'I SANGS RGYAS SRAS DANG BCAS PA RNAMS SPYAN DRANGS PA LA SNGAR BZHIN MCHOD NAS, DE BZHIN GSHEGS PA RNAMS KYIS BDAG LA DBANG BSKUR DU GSOL ZHES GSOL BA BTAB PAS, DE RNAMS KYIS SPROS PA'I LHA MO TZARTZI KA LA SOGS PA RNAMS KYIS SHIS PA BRJOD PA SNGON DU 'GRO BAS, ZLA BA LTA BU'I BUM PA DKAR PO BDUD RTZI LNGAS BKANG BA BZUNG NAS, SANGS RGYAS RNAMS NI THAMS CAD KYIS, ,SKYE BAS THOB PA'I DBANG BSKUR BA, ,JI LTAR DE BZHIN BDAG GIS NI, ,DAG PA LHA YI CHUS DBANG BSKUR, ZHES GSUNG ZHING SPYI BO NAS DBANG BSKUR BAS, DBANG GI CHUS LUS THAMS CAD GANG, DRI MA THAMS CAD DAG CHU LHAG MA SPYI GTZUG TU GNAS PA YONGS SU GYUR PA LAS, GTZO BO'I RTZA ZHAL GYI DBU LA MI BSKYOD PA, LHA GZHAN SHAR DANG SHAR LHO BA RNAMS LA RNAM SNANG, LHO DANG LHO NUB PA RNAMS LA RIN 'BYUNG, NUB DANG NUB BYANG PA RNAMS LA 'OD DPAG MED, BYANG DANG BYANG SHAR BA RNAMS LA DON GRUB KYIS DBU BRGYAN CING, DBANG GI LHA RNAMS RANG LA THIM PAR BSAM STE, YE SHES PA 010A *, ,GZHUG CING DBANG BSKUR BA'O, ,DE NAS MCHOD PA RNAMS HR'I: shtR'I: SA BSANGS, SVA BH'A BAS STONG PAR SBYANG, STONG PA'I NGANG LAS A'A: LAS BYUNG BA'I THOD PA'I NANG DU H'Um LAS BYUNG BA'I MCHOD RDZAS RNAMS, RANG BZHIN STONG PA RNAM PA MCHOD RDZAS, BYED LAS DBANG PO DRUG GI SPYOD YUL DU, ZAG PA MED PA'I BDE BA KHYAD PAR CAN STER BAR BSKYED NAS, SO SO'I SNGAGS DANG PHYAG RGYAS BYIN GYIS BRLAB LA, SNGAR BSHAD PA BZHIN NYER SPYOD ROL MO DANG BCAS PAS MCHOD DO, ,SLOB DPON DZNY'A NA AA KA RAS, AOm YA MANTA KA AARGHAm PRA TETZTSA H'Um SV'AH'A, ZHES SOGS KYI SNYING PO'I MJUG TU BTAGS NAS, 'BUL BAR YANG BSHAD DO, ,DE NAS NANG MCHOD GTOR MA BZHIN BYIN GYIS BRLAB LA, THOG MAR RTZA BA'I BLA MA DANG, DE NAS BRGYUD PA'I BLA MA RNAMS KYI MTSAN GYI MTHAR, AOm A'A: H'Um BTAGS LA DBUL, DE NAS LHA SO SO'I SNGAGS LA YI GE GSUM BTAGS LA DBUL, DE NAS CHOS SKYONG RNAMS LA DBUL ZHING, SEMS CAN THAMS CAD KYANG LHAR BSKYED LA DBUL LO, ,DE NAS PHYOGS BCU'I SANGS RGYAS THAMS CAD SPYAN DRANGS TE RANG GI LUS LA GZHUG LA, SNYING PO LA YI GE GSUM BTAGS PA BRJOD, LJAGS H'Um LAS BYUNG BA'I RDO RJE DKAR PO 'OD ZER GYI SBU GU CAN GYIS DRANGS NAS LONGS SPYAD PAR BSAM ZHING, BDUD RTZI LCE THOG TU GZHAG PA MYANGS PAS, LUS KYI LHA THAMS CAD TSIM PAR BSAM MO, ,DE'I TSE MCHOD BYA MCHOD BYED MCHOD PA THAMS CAD RANG BZHIN MED BZHIN DU SNANG BA, SGYU MA BZHIN DU BLTA BAR BYA STE MCHOD PA'O, ,'KHOR GYI LHA RNAMS KYIS GTZO BO LA, BRAG CHA'I DBYANGS,
BZHIN DU BSTOD PAR BSAMS LA, GNYIS MED THUN MONG MA YIN KHYAB PA'I SKU, ,KUN LA SNYOMS MDZAD RGYAL BA KUN GYI YAB, ,CHOS KYI DBYINGS GYUR RGYAL BA KUN GYI YUM, ,YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKU LA BYAMS SDANG MI MNGA' YANG, ,SRID GSUM GDUG PA MA LUS 'DUL BA'I PHYIR, ,THUGS RJES THABS KYIS KHRO RGYAL SKUR BSTAN PA, ,'JIGS BYAD GSHIN RJE GSHED LA PHYAG 'TSAL LO, ,ZHES BRJOD DO, DE NAS GTZO BOS KYANG 'KHOR RNAMS LA, ,GSHIN RJE GSHED PO RAB 'JIGS PA, ,GTI MUG RDO RJE'I NGO BO KHYOD, ,STON PA SANGS RGYAS KUN RANG BZHIN, ,RDO RJE SKU LA PHYAG 'TSAL BSTOD, ,GSHIN RJE GSHED PO RAB 'JIGS PA, ,PHRA MA RDO RJE'I RANG BZHIN KHYOD, , RDO RJE THUGS DANG RAB MTSUNGS PA, ,RIN CHEN RDO RJE PHYAG 'TSAL BSTOD, ,'DOD CHAGS RDO RJE'I NGO BO KHYOD, ,GSHIN RJE GSHED PO RAB 'JIGS PA, ,RDO RJE GSUNG DENG RAB MTSUNGS PA, ,RDO RJE GSUNG LA PHYAG 'TSAL BSTOD, ,PHRAG DOG RDO RJE'I NGO BO KHYOD, ,GSHIN RJE GSHED PO LAS KUN PA, ,RDO RJE SKU DANG RAB MTSUNGS PA, ,PHYAG NA RAL GRI PHYAG 'TSAL BSTOD, ,CES PAS BSTOD NAS, YANG 'KHOR RNAMS KYIS MGRIN GCIG TU GTZO BO LA, SANGS RGYAS KUN GYI DNGOS PO KHYOD, ,SANGS RGYAS THAMS CAD GCIG BSDUS PA, SANGS RGYAS KUN MCHOG GTZO BO'I GTZO, ,DKYIL 'KHOR GTZO LA PHYAG 'TSAL BSTOD, ,CES PAS BSTOD DO, ,DE LTAR RE RE NAS GSAL 'DEBS PA'I DPYAD PAS SGOM PA DANG, RNAM PA GSAL BA LA RTZE GCIG TU 'JOG PA'I SGOM PA GNYIS KYIS GSAL SNANG
, ,BSGRUB CING, BDAG NYID DPAL RDO RJE 'JIGS BYED DO SNYAM DU NGES PA SHUGS CAN BSKYED PA LA, 'JOG PA'I NGA RGYAL BRTAN PAR BYED PA GNYIS KA BSGOM PAR BYA BA NI RGYA CHE BA LA BSLAB PA'O, ,SGOM PA PO DANG BSGOM BYA DANG SGOM RNAMS BRTAGS NA YANG DAG PAR CIR YANG MA GRUB BZHIN DU, SNANG BA SGYU MA LTA BU'I DON LA 'JOG PA'I DE KHO NA NYID KYI SBYOR BA LA MNYAM PAR 'JOG PA NI DMIGS PA LHA'I SKU LA DMIGS NAS RNAM PA RANG BZHIN MED PA NGES PA'I RGYUN SKYONG BA YIN PAS, ZAB PA DANG RGYA CHE BA GNYIS KA LA SLOB PA STE, DE DAG NI RAGS PA LA SEMS 'DZIN PA'O, ,DE LTAR BSGOMS NAS TING NGE 'DZIN KHYAD PAR CAN BSKYED PA'I PHYIR, STENG DANG 'OG GI SNA RTZER ZLA BA LA GNAS PA'I RDO RJE SNGON PO, NYUNGS DKAR GYI 'BRU TSAD TZAM LA SEMS BZUNG NAS, BRTAN PA NA DE LAS PHYAG MTSAN MANG PO SPRO ZHING, SLAR YANG RTZA BA'I PHYAG MTSAN LA SDUD PA NI PHRA MO LA SEMS 'DZIN PA YIN TE, SEMS GZUNG BA'I RIM PA'O, ,DE LTAR BSGOMS PAS SKYON DAG PA DRAN PAR BYA STE, ZHAL DGU NI GSUNG RAB YAN LAG DGU, RVA GNYIS NI BDEN PA GNYIS, PHYAG SO BZHI DANG SKU GSUNG THUGS TE SO BDUN NI BYANG PHYOGS SO BDUN, ZHABS BCU DRUG NI STONG NYID BCU DRUG, YUM DANG SBYOR BA NI BDE BA CHEN PO RGYAS PA, MI LA SOGS PA NI DNGOS GRUB BRGYAD DANG, BYA RGOD LA SOGS PA NI DBANG PHYUG BRGYAD DAG PA YIN NO, ,GCER BU NI SGRIB GA-YOGS MED PA DANG, SKRA GYEN DU BRDZES PA NI MYA NGAN LAS 'DAS PA'I GO 'PHANG STON PA'O, ,DE DAG GI DON MDOR BSDU NA GTAN LA DBAB PA'I GZHI, GSUNG RAB YAN LAG DGU'I
BRJOD BYA KUN RDZOB SGYU MA DANG DON DAM NAM MKHA' LTA BU, KHONG DU CHUD PA'I LAM BYANG PHYOGS SO BDUN YIN LA, LAM DE'I GTZO BO DON DAM RTOGS PA LA NI, STONG NYID BCU DRUG GI RTOGS PA YOD DE, DE YANG THABS BDE BA CHEN PO DANG DBYER MED PAR ZHUGS PA'O, , LAM DES BGROD PA'I 'BRAS BU DNGOS GRUB THUN MONG BA DANG, THUN MONG MA YIN PA GNYIS KYI GTZO BO NI, SGRIB PA ZAD PA'I MYANG 'DAS SO ZHES, RDO RJE 'JIGS BYED KYI RNAM PAR SHAR BA'I SKUS, DE LTAR MTSON PA GO BAR BYED PA'O, ,RGYAS PAR SGOM PAR 'DOD NA 'GREL PA GNYIS DANG, LA LI TA'I GZHUNG LAS SHES PAR BYA STE, DAG PA DRAN PA'O, ,DE NAS TING NGE 'DZIN SEMS DPA'I MTHAR RTZA SNGAGS LA SOGS PA'I SNGAGS DANG, LHA GZHAN RNAMS KYI THUGS KHAR NYI GDAN LA, RANG RANG GI PHYAG MTSAN LA RANG RANG GI SA BON BKOD PA'I MTHAR, RANG RANG GI SNGAGS KYI YI GE RNAMS GA-YAS BSKOR DU 'GRENG STE, 'OD ZER 'BAR BA'I RNAM PA CAN DU BLTAS LA BZLA'O, ,GTZO BO'I SNGAGS BZLA TSUL YANG NA SA BON LAS 'OD ZER 'PHROS PA RIMS KYIS BRGYUD NAS, RTZA ZHAL GYI SNA'I SGO NAS DBUGS PHYIR 'BYUNG BA DANG, LHAN CIG BYUNG BAS 'GRO BA'I DON BYAS NAS, SLAR YANG DBUGS RDUB PA DANG LHAN CIG SNA'I BU GA NAS GZHUG LA, SNGAGS PHRENG LA THIM PA DANG, ZHAL DGU DANG LHA THAMS CAD KYIS 'DON PAR BSAMS LA, SKYON DANG BRAL BAR BZLA'O, ,BZLAS PA'I SKYON NI SHIN TU MYUR RDUL ? GNYIS DANG, SHIN TU GSAL MI GSAL DANG, RING BA DANG THUNG BA GNYIS GO BZLOG PA DANG, GTAM GZHAN GYIS BAR CHOD PA DANG, SEMS GZHAN DU YENGS PA LA
, ,SOGS PA'O, ,GDONG DRUG GI RGYUD LAS, GZHAN DU MI 'GRO'I SEMS KYIS NI, ,DE LTA'I TSUL DU BZLAS PA BYA, ,YUL GZHAN BLO NI 'GRO BA YIS, ,BSKAL BAR BZLAS KYANG 'BRAS MI 'BYIN, ,ZHES GSUNGS SHING GZHAN YANG MANG BAS SEMS MA YENGS PA KHYAD PAR DU GAL CHE'O, ,YI GE 'BAR BA LA SEMS BZUNG NAS BZLAS NA, DNGOS GRUB MYUR BAR LA LI TAS GSUNGS SO, ,BZLAS PA'I SNGAGS NI, AOm YA MA R'A DZ'A SA DO ME YA, YA ME DO RU nA YO DA YA, YA DA YO NI RA YA KshE YA, YAKshE YATZTSA NI R'A MA YA H'Um H'Um PHAt PHAt SV'AH'A, ZHES PA NI RTZA SNGAGS SAM PHRENG SNGAGS SO, ,AOm HR'I: shtRI: WI KRi T'A NA NA H'Um PHAt, CES PA NI LAS KYI SNGAGS SO, ,DE DANG H'Um H'Um PHAGS PHAGS SV'AH'A ,ZHES SBYAR BA GNYIS ZLO BA 'DAM NGA CAN DU MAN SNYE LAS BSHAD DO, ,AOm YA M'AN TA KA H'Um PHAt, CES PA NI SNYING PO'O, ,AOm BADZRA BE T'A LI A'A GATZTSA A'A GATZTSA H'Um DZA SV'AH'A, YUM GYI SNGAGS SO, ,AOm JI NA DZI KA H'Um PHAt, AOm RAD NA DHRI KA H'Um PHAt, AOm AA RO LI KA H'Um PHAt, AOm PRADZNY'A DHRI KA H'Um PHAt, AOm MUD GA RA DHRIKA H'Um PHAt, AOm DAndA DHRI KA H'Um PHAt, AOm PADMA DHRI KA H'Um PHAt, AOm KHANGGA DHRI KA H'Um PHAt, AOm MO HA RA TI H'Um PHAt, AOm DVE shA RA TI H'Um PHAt, AOm R'A GA RA TI H'Um PHAt, AOm BADZRA RA TI H'Um PHAt, CES PA RNAMS 'KHOR GYI LHA RNAMS KYI SNGAGS SO, ,GRANGS NI RGYUD KYI RTOG PA GSUm PA LAS, RTZA SNGAGS LA 'BUM, LAS SNGAGS LA SUM 'BUM, SNYING PO LA YI GE'I GRANGS KYI 'BUM BZLAS NA, LAS KUN BYED NUS PAR GSUNGS SHING, RTOG PA BZHI PA LAS, RTZA SNGAGS LA SUM 'BUM BZLA BAR GSUNGS, 'DI'I SGRUB THABS
KYI GZHUNG GZHAN NAS, BZLAS PA'I GRANGS BSHAD PA NI TSUL SNGA MA DANG 'DRA 'O, ,SLOB DPON DZNY'A NA AA KA RAS SNGON DU BSNYEN PA BYE BA 'AM YANG NA MTSAN MA THOB NAS LAS RNAMS BRTZAM PAR GSUNGS SO, ,DE LA GNYIS LAS DBANG BSKUR BA LA NI, A'A MO GHA BADZRAS YI GE BCU PA 'BUM BZLA BAR BSHAD PA NI, DPA' BO GCIG PA'I DBANG DU BYAS LA, 'DIR NI 'KHOR RNAMS LA'ANG KHRI PHRAG RE BZLA DGOS SO, ,ZHI SOGS KYI LAS MANG PO 'GRUB PA'I BZLAS PA LA NI, DE LTA'I GANG ZAG GIS JI SKAD BSHAD PA'I MTSAN MA BRTAN PO THOB NA MA GTOGS PA GRANGS KYI BSNYEN PA BYE BAR GSUNGS PA LEGS PAR MTHONG NGO, ,PHRENG BA DAG PA'I CHO GA NI MI RUS LA SOGS PA'I PHRENG BA BSANGS SBYANGS NAS, PHRENG RDOG RNAMS ME LAS 'DOD CHAGS GSHIN RJE GSHED DU BSKYED PA DE, ZHU BA LAS KHRAG 'DZAG PA'I MGO BOR BLTAS LA, GA-YAS PA'I MTHE BENG LCAGS KYUS LHA DGUG PA'I BSAM PAS, PHRENG BA DBAB LA BZLAS TE BZLAS PA'O, ,BZLAS PAS SKYON SLAR YANG MCHOD BSTOD BYA ZHING, GSHIN RJE GSHED KYI YIG BRGYA GDON LA, GRUB NA THUN THAMS CAD KYI MTHAR GTOR MA DBUL, MA GRUB NA THUN THA MA'I MTHAR GTOR MA DBUL LO, ,DE'I RIM PA NI THUN GSHAM YIN NA, BDAG SKYED GSAR DU MI DGOS LA, DE LTA MIN NA BDAG SKYED RGYAS BSDUS GANG RUNG BYA, SKAD CIG GIS MDUN DU GSHIN RJE GSHED KYI DKYIL 'KHOR BSGOMS LA, RANG GI SNYING KHA'I SA BON GYI 'OD ZER GYIS YE SHES KYI 'KHOR LO SPYAN DRANGS GNYIS SU MED PAR BSTIM, DE NAS RANG GI SNYING KHA NAS KHRO BO ZHAGS PA DANG LCAGS KYU 'DZIN PA SPROS TE, PHYOGS SKYONG
, ,RNAMS KYI SNYING KHA NAS LCAGS KYUS BZUNG, MGRIN PA NAS ZHAGS PAS BCINGS LA BKUG PAR BSAMS LA, AOm HR'I: shtR'I: WI KRI T'A NA NA H'Um H'Um PHAt PHAt SARBA DUshtAm AINDRA A'A D'I NA SA PA RI W'A R'A AA KARshA YA DZA: SV'AH'A, ZHES PA'I SNGAGS 'DIS PHYOGS SKYONG RNAMS BKUG STE, DKYIL 'KHOR GYI PHYOGS DANG PHYOGS SU DGOD PA NI, SHAR DU DBANG PO DMAR SER GLANG PO CHE LA ZHON PA, MIG STONG PA GA-YAS RDO RJE, GA-YON BSDIGS 'DZUB, DE'I GA-YON DU NYE DBANG NAG PO NAM MKHA' LDING LA ZHON PA, GA-YAS SRUNG SHING DANG 'KHOR LO, GA-YON DUNG DANG NOR BU KOSTU BHA THOGS PA, LHOR GSHIN RJE NAG PO MA HE LA ZHON PA, SKRA DMAR SER GYEN DU 'BAR BA, GA-YAS DBYUG PA DANG GA-YON BSDIGS 'DZUB, NUB DU CHU LHA DKAR PO SBRUL LA ZHON PA, SBRUL ZHAGS 'DZIN PA, BYANG DU LUS NGAN SER PO SHA RGYAS PA GTER LA GNAS PA GA-YAS SA BON GYI GRONG KHYER DANG GA-YON NE'U LE THOGS PA, DE'I GA-YON DU TSOGS BDAG GLANG SNA DKAR PO BYA BI LA ZHON PO, GA-YAS BGRANG PHRENG DANG DGRA STE, GA-YON LA PHUG DANG LA DU 'DZIN PA, BYANG SHAR DU DBANG LDAN DKAR PO GLANG LA ZHON PA, RAL PA'I THOR TOG CAN RTZE GSUM DANG THOD PA THOGS PA, LAG PA GNYIS KYIS GOO RI LA 'KHYUD PA, MER ME LHA DMAR PO RA SKYES LA ZHON PA, GA-YAS BGRANG PHRENG DANG GA-YON SPYI BLUGS 'DZIN PA, SRIN POR SRIN PO SNGON PO RO LA ZHON PA KHRO ZHING RNGAM PA, GA-YAS GRI GUG DANG GA-YON THOD PA 'DZIN PA, RLUNG DU RLUNG LHA DU BA'I MDOG CAN RI DVAGS LA ZHON PA, LAG PA GNYIS KYIS RLUNG RAS 'DZIN PA, STENG DU ZLA BA DKAR PO KU MU TA'I STENG NA GNAS PA LAG PA
GNYIS KYIS KU MU TA 'DZIN PA, NYI MA DMAR PO RTA MCHOG BDUN LA ZHON PA, LAG PA GNYIS KYIS PADMA 'DZIN PA, TSANGS PA SER PO GDONG BZHI PA DANG PA LA ZHON PA, GA-YAS PAS SPYI BLUGS DANG MI 'JIGS PA, GA-YON PAS DBYUG PA DANG BGRANG PHRENG 'DZIN PA, 'OG TU SA'I LHA MO SER MO PADMA LA GNAS PA, GA-YAS DBANG POR KHAS LEN PA, GA-YON BUM PA 'DZIN PA, THAG BZANG RIS SNGON PO SHING RTA LA ZHON PA, GA-YAS RAL GRI GA-YON BSDIGS 'DZUB CAN RNAMS TE, DE DAG GI 'KHOR DU SRID PA GSUM GYI 'BYUNG PO'I TSOGS THAMS CAD BSAM MO, ,DE NAS RANG GI SNYING KHA NAS KHRO BO GSHIN RJE GSHED PHYAG NA PHUR BU THOGS PA SPROS TE, AOm HR'I: shtR'I: WI KRI T'A NA NA H'Um H'Um PHAt PHAt H'Um SARBA DUshtR'I AINdR'A AA DI NA SA PA RI W'A R'A K'I LA YA H'Um PHAt SV'AH'A, ZHES PAS SNYING KHA DANG MGRIN PA DANG RKANG PA'I BAR DU PHUR BU BTAB PAS, GRUB PA'I BCUD LEN GRUB PA BZHIN DU SKAD CIG GIS, GTZO BO ZHAL GCIG PHYAG GNYIS PA YAB YUM DU BSKYED, SKYE MCHED DANG SKU GSUNG THUGS BYIN GYIS BRLAB, DBANG BSKUR RGYAS GDAB MCHOD BSTOD SNGAR BZHIN BYA, DE NAS GTOR MA HR'I: shtR'I: SA BSANGS, SVA BHA BAS SBYANGS STONG PA'I NGANG LAS YAm LAS RLUNG GI DKYIL 'KHOR SNGON PO, GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SGYID BU GSUM GYI STENG DU, A'A: LAS BYUNG BA'I THOD PA DKAR PO, DE'I NANG DU SHAR NAS BRTZAMS TE PHYOGS BZHI DANG DBUS SU BRUm AAm DZRIm KHAm H'Um LAS BYUNG BA'I, BA LANG KHYI GLANG PO CHE RTA MI'I SHA LNGA MA, GO KU DA
, ,HA NA'I YI GES MTSAN PA, SHAR LHO NAS BRTZAMS TE MTSAMS BZHI DANG DBUS SU, L'Am M'Am PAm T'Am BAm LAS BYUNG BA'I, DRI CHEN RAKTA BYANG SEMS DKAR PO RKANG MAR DRI CHU LNGA LA, BI RA SHU MA M'U YI YI GES MTSAN PA STE, RDZAS RNAMS BCU PO DER BSKYED DO, ,DE DAG GI STENG DU AOm DKAR PO A'A: DMAR PO, H'Um SNGON PO GSUM STENG NAS STENG DU BRTZEGS PAR BSGOM, RANG GI THUGS KHA'I H'Um LAS 'OD 'PHROS RLUNG LA PHOG PAS RLUNG GA-YOS ME SBAR TE THOD PA'I RDZAS RNAMS ZHU ZHING KHOL BAR GYUR, YI GE GSUM LAS 'OD ZER RIM PA BZHIN DU 'PHROS PAS, SKU RDO RJE GSUNG RDO RJE THUGS RDO RJE RNAMS BKUG NAS YI GE GSUM LA RIM GYIS THIM PA RNAMS THOD PAR LHUNG NAS ZHU BAS, H'Um GIS KHA DOG DRI NUS KYI SKYON THAMS CAD DAG, A'A: SA BDUD RTZIR RTOGS PAR BYAS, AOm GYIS MANG POR SPEL BAR BSAM LA, DE NYID GSUM GYI YI GE LAN GSUM BRJOD DE, DE NAS H'Um ZHES BRJOD PAS MGRON RNAMS KYI LJAGS SNGAR BSHAD PA BZHIN BYIN GYIS BRLABS LA, AOm HR'I: shtR'I: WI KRI T'A NA NA H'Um PHAt, BADZRA BHEE RA BA YA AA DHI PA TI BADZRA BE T'A LI AI MAm BA LAm TA KHA KHA KH'A HI KH'A HI H'Um PHAt SV'AH'A, LAN GSUM BRJOD PAS GTZO BO YAB YUM DANG, LHA GZHAN RNAMS KYI SNGAGS RDZOGS PA'I MTHAR BA LIm PRA TI TZTSA BTAGS NAS DBUL, LJAGS KYI SPU GUS DRANGS TE GSOL BAR BSAM LA, GTOR MA DANG PO 'JIG RTEN LAS 'DAS PA RNAMS LA DBUL ZHING, NYER SPYOD DANG NANG GI MCHOD PAS MCHOD NAS BSTOD LA, ZHI RGYAS SOGS SKABS DANG BSTUN PA'I 'PHRIN LAS BCOL BAS GNANG BA BYUNG
PAR BSAM MO, ,DE NAS GTOR MA GNYIS PA YANG SNGAR BZHIN BSANG SBYANG SOGS BYAS NAS, RTZA BA'I SNGAGS KYIS BYIN GYIS BRLAB LA, AOm BHU CA RA NAm, YA P'A T'A LA TZA RA YA, M'AN KHE TZA RA YA, TA B'UR PA NI G'A NAm, KA DA KshI NA D'I G'A YA, H'Um BA SHTZI MA NAm, PHAt AUD TA RA TI G'A YA, AOm AI, HR'I: YA, shtR'I: BA, WI KshI, KRI KO, T'A AE, NA AA, NA DE, H'Um BHYO, PHAt SARBA BH'U DE BHYE: ZHES BRJOD LA 'KHOR DU SPYAN DRANGS PA'I PHYOGS SKYONG 'KHOR BCAS KYI 'BYUNG PO RNAMS LA PHUL NAS MCHOD DE, BCOM LDAN CHOS RJE 'JAM DBYANGS SPYAN LAM DU, ,BDUD 'DUL BSTAN PA BSRUNG BAR ZHAL BZHES PA, ,LAS KYI GSHIN RJE MA MO MKHA' 'GRO MA, ,'BYUNG PO RO LANGS CI BGYI BKA' NYAN TSOGS, ,PHYI NANG SKYONG BA'I DAM CAN MA LUS LA, ,BDAG NI RE BA'I SEMS KYIS 'DUD CING MCHIS, , ZHES BSTOD LA 'PHRIN LAS BCOL BAS KHAS BLANGS PAR BSAM MO, ,DE NAS 'JAM DBYANGS KYI BKA' SDOD GSHIN RJE'I GTOR MA SNGAR BZHIN BSKYED, MDUN DU PADMA NYI MA MA HE'I STENG DU, YA LAS THOD DBYUG YAS MTSAN PA, DE LAS 'OD 'PHROS DGRA BGEGS GDUG PA CAN THAMS CAD TSAR BCAD, TSUR 'DUS DBYUG TOL THIM DE YONGS SU GYUR PA LAS, LAS KYI GSHIN RJE NAG PO ZHAL GCIG PHYAG GNYIS PA MA HE'I GDONG PA CAN, DMAR ZHING ZLUM PA'I SPYAN GSUM DANG LDAN PA, GA-YAS LAS THO DBYUG ,GA-YON PAS ZHAGS PA 'DZIN PA, DBU SKRA DMAR SER GYEN DU BRDZES PA, LING GA DMAR PO GYEN DU LANGS PA, TZAm DANG RTZE GSUM LAS RTZA MUN TRI ZHAL GCIG PHYAG GNYIS KYI, GA-YAS RTZE GSUM GA-YON THOD PA 'DZIN PA, YA BA TI LA SOGS PA
, ,GSHIN RJE PHO MO'I 'KHOR GYIS BSKOR BAR DMIGS PA'I GNAS GSUM DU YI GE GSUM DGOD, DE NAS RANG GI THUGS KHA NAS 'OD ZER 'PHROS, LHO PHYOGS SA RIM PA BDUN GYI 'OG NAS, LAS KYI GSHIN RJE YAB YUM 'KHOR BCAS SPYAN DRANGS PAR BSAM ZHING, AOm K'A LA R'U PAS PA RI WA RA AE H+YE HI ZHES BRJOD PAS BYON PAR BSAM, DZA: H'Um BAm HO: GNYIS SU MED PAR BSTIM, GSHIN RJE GSHED RIGS LNGA SPYAN DRANGS, KHYED RNAMS KYIS 'DI LA DBANG BSKUR DU GSOL ZHES GSOL BA BTAB PAS DE RNAMS KYIS BUM PA THOGS TE, AOm BADZRA AA BHI shINYTZA H'Um, ZHES SPYI BO NAS DBANG BSKUR BAS DRI MA DAG, CHU LHAG MA YAR LUD PA LAS, RDO RJE NAG PO RTZE LNGA PAS DBU BRGYAN, AOm K'A LA R'U PA SA PA RI WA RA SA MA YA STVAm GYIS DAM LA BZHAG, YANG NA, GSHIN RJE NAG PO SKRA BSIL ZHING KHRO BO'I ZHAL CAN, PHYAG GNYIS KYI GA-YAS DBYUG TO GZHAN RNAMS SNGA MA BZHIN NO, ,DE NAS AOm KA LA R'U PA YE GRIHNE DAm ZHES PA DANG MCHOD PA LNGA SBYAR BAS MCHOD, GTOR MA GSOL BAR BSAM ZHING, AOm KA LA R'U PA SARBA BIG NAN SHA TR'Am MA R'A YA AI DAm BA LIm KHA KHA KH'A HI KH'A HI H'Um PHAt, CES DANG, AOm TZA MUN TRI SARBA BIG, ZHES SOGS SBYAR BA GSUM MAM BDUN GYIS PHUL NAS 'PHRIN LAS BCOL BA NI, H'Um, 'CHI BDAG NAG PO LHO PHYOGS KYI, ,RIM PA BDUN GYI SA 'OG NA, ,SROG LA RNGAMS PA'I GSHIN RJE NI, ,NAG PO MA HE'I GDAN STENG DU, ,YA LAS BYUNG BA'I DBYUG PA NI, ,THOD PAS MTSAN PA LAS BYUNG BA, ,GTING NAS KHROS PA MA HE'I GDONG, ZA BYED ZHAL GDANGS MCHE BA GTZIGS, ,KHROS PA'I SPYAN RTZA DMAR PO
'KHRUG ,SKRA SER SMAR GYEN DU BRDZES, ,LAG GA-YON ZHAGS PAS DGRA BGEGS 'CHING, ,GA-YAS PA DBYUG PAS RDUL DU RLOG ,CHOS KYI RGYAL PO GSHIN RJE'I TSOGS, ,BRAN DANG BCAS PA'I DUS LA BAG, ,SHA CHEN KHRAG ZHAG CHEN PO YI, ,GTOR MA RGYA MTSO MCHOD PAR BZHES, ,RGYAL BAS BSGOS PA'I DAM TSIG DANG, ,SNYING RJES DGRA BGEGS MYUR DU SGROL, ,SDANG BA'I DGRA DANG GNOD PA'I BGEGS, ,BDUD DANG BAR DU GCOD PA RNAMS, ,ZUNGS SHIG CHINGS SHIG RNAM PAR SDOMS, ,KHUG CIG DRONGS SHIG DBANG DU BSDUS, ,SAD CIG SKROD CIG RENGS ? PAR GYIS, ,BYE BZHI ? GNON CIG RMUGS PAR GYIS, ,THUL CIG CHOM SHIG RNAM PAR SHIG, RDUL PHRAN TZAM YANG MED PAR MDZOD, ,AOm KA LA R'U PA H'Um PHAt, CES BRJOD PAS DES LAS SGRUB PAR KHAS BLANGS PAR BSAM MO, ,DE NAS GTOR MGON RNAMS LA BZOD PAR GSOL, AOm YA M'ANTA KA SA MA YA, MA NU P'A LA YA, YA M'AN TA KA TVE NO PRA T'IshthA, dI dHO ME BH'A BA SU TO shYO ME BH'A BA, AA NU RAKTO ME BHYA BA, SU PO shYO ME BH'A BA, SARBBA SID DHI MME PRA YATZTSA, SARBBA KARM'A SU TZA ME, TZI TTAm SHR'I YAm: KU RU H'Um HA HA HA HA HO BHA GA W'A NA SARBBA TA TH'A GA TA MA ME MUNYTZA BADZRA BH'A BA MAH'A SA MA YA SATVA AA: ZHES GDON LA, AOm DZA YA DZA YA, SU DZA YA, BI SHA R'U PANTA RI GATZTSA GATZTSA SVA STHA NAm, KRI TAm TE NA TA TH'A GA SHTZA, SARBA BUD BHA SHTZA, BI SARDZA YA MA MA KA RYAm KU RU SV'AH'A, ZHES BRJOD PAS 'JIG RTEN LAS 'DAS PA'I MGRON GYI YE SHES PAG SHEGS, DAM TSIG PA BDAG LA BSDU, MGRON GZHAN RNAMS RANG GNAS SU GSHEGS PAR BSAM LA SMON LAM GDAB PO, ,BSDUS PA LA MOS NA, AOm A'A: H'Um MU: ZHES PAS BYA STE, GTOR MA'I CHO GA'O, ,THUN GYI MTHAR DUR KHROD
, ,BSRUNG 'KHOR DANG BCAS PA GZHAL YAS KHANG LA, GZHAL YAS KHANG 'KHOR RNAMS LA, 'KHOR RNAMS LA, 'KHOR RNAMS DANG YUM RANG LA, RANG DAM TSIG SEMS DPA' YE SHES SEMS DPA' LA, DE TING NGE 'DZIN SEMS DPA' LA, DE YANG ZHABS KYU AU HA LA, HA MGO BO LA, DE ZLA TSES LA, DE THIG LE LA, DE N'A DA LA, DE YANG MI DMIGS PA STONG PAR BSAM STE, DE DAG GIS NI THUN GYI THOG MTHA' BAR GSUM GYI JI LTAR BYA BAS, THUN GYI NGO BO'I RNAL 'BYOR RNAMS BSHAD ZIN TO, ,THUN MTSAMS KYI RNAL 'BYOR NI, DE NAS RDO RJE 'JIGS BYED KYI NGA RGYAL GYIS LANGS TE, DE DANG MA BRAL BA'I NGANG NAS, YUL DU SNANG BA KUN KYANG RDO RJE 'JIGS BYED DU BLTAS LA, SGO GSUM GYI BYA BA KUN PHYAG RGYA DANG SNGAGS KYI BDAG NYID DU BSAMS NAS BYA BA LA 'JUG PA NI, SPYOD LAM GYI RNAL 'BYOR RO, ,BZA' BTUNG GTOR MA LTAR BYIN GYIS BRLAB LA, KHA THAB KHUNG DANG LAG PA GNYIS DGANG BLUGS DANG BZA' BTUNG BSREG RDZAS SU MOS NAS, LHA THAMS CAD 'DUS PA'I BDAG NYID SNYING KHA'I TING NGE 'DZIN SEMS DPA' LA 'BUL BA'I TSUL GYIS ZA ZHING 'THUNG BA NI KHA ZAS KYI RNAL 'BYOR RO, ,NYAL BA'I TSE SNGAR BZHIN RIM GYIS BSDUS NAS THABS SHES DANG LDAN PAR NYAL BA NI NYAL BA'I RNAL 'BYOR RO, ,'DIR BLA MA RNAMS GSUNG BA LTAR SNOD BCUD 'OD DU BZHU NAS BSDU BA YANG RUNG NGO, ,LDANG BA'I TSE TZARTZI KA LA SOGS PA'I LHA MO'I DBYANGS KYIS, 'OD GSAL LAS BZHENGS PA'I DON DU, BSKUL BAR MOS NAS LDANG BA NI, LDANG BA'I RNAL 'BYOR RO, ,KHRUS KYI TSE DBANG BSKUR BA'I SKABS BZHIN BYED PA NI KHRUS KYI RNAL 'BYOR RO, ,DE LTA BU'I
TSUL GYIS ZHAG RE LA THUN GSUM 'AM BZHI BZHIR MA CHAG PAR NYAMS SU LEN PA NI, BSKYED PA'I RIM PA LA SLOB PA'O, ,DPAL RDO RJE 'JIGS BYED LHA BCU GSUM MA'I SGRUB THABS NI, GNYOS LOTZTSA BA YON TAN GRAGS DANG, RVA LOTZTSA BA RDO RJE GRAGS GNYIS KAS RGYA GAR GYI PAndI TA LA DNGOS SU GTUGS PA LAS BYUNG BA YIN PAS, BOD DU BLO BZO BYAS PA GTAN MIN TE, DE YANG RGYUD KYI DON YIN PAR RTOG BDUN GYI 'GREL PA GNYIS LAS SHES PAS, YID CHES PA'I GNAS SU GZUNG BAR BYA BA YIN PA'I RGYU MTSAN DANG, GZHAN SGRUB THABS LA YID CHES PA'I KHUNGS KYIS NGES PA SKYED PA SHIN TU GAL CHE BA'I RNAM GZHAG ,LOGS SU 'CHAD PAS DER NGES PAR BLTA BAR BYA'O, ,BYIN RLABS GTER GYUR MA HE'I ZHAL CAN GYI, ,BCU GSUM LHA YI 'KHOR LO'I SGRUB THABS 'DI, ,DAM PA'I GSUNG GIS RING NAS BSKUL BA DANG, ,MANG PO'I DON DU 'GYUR BAR MTHONG NAS SBYAR, ,RNAM DAG BSAM PAS TSUL 'DIR 'BAD PA LAS, ,BYUNG BA'I DGE BAS MTHA' YAS 'GRO BA RNAMS, ,SKYE ZHING SKYE BAR 'JAM DBYANGS ZHI KHRA YIS, ,'BRAL BA MED PAR RJES SU 'DZIN GYUR CIG ,CES BCOM LDAN 'DAS RDO RJE 'JIGS BYED LHA BCU GSUM MA'I SGRUB THABS RIN PO CHE'I ZA MA TOG CES BYA BA 'DI, SDOM BRTZON DAM PA MANG DU THOS PA'I MKHAN CHEN, TSA KHO NGAG DBANG GRAGS PAS SHAR RGYAL MO RONG NAS BSKUL BA'I DON DU GSHIN RJE GSHED KYI RNAL 'BYOR PA SHAR TZONG KHA PA BLO BZANG GRAGS PA'I DPAL GYIS, 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI SDOM BRTZON SDE SNOD 'DZIN PA RDO RJE RIN CHEN NO,, ,,GZUGS
, ,MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, ,RAB 'BYAMS ZHING GI MCHOD PA'I RDZAS, ,DPAL LDAN ZAG MED BDE STER BA, ,GUS PA'I SEMS KYIS RGYAN DU 'BUL, ,BCOM LDAN BRTZE BAS BZHES SU GSOL, ,DPAG MED SDUG BSNGAL KUN 'BYUNG BA, ,LUS NGAG YID KYI SDIG PA RNAMS, ,BSAM PA THAG PAS KHYOD LA BSHAGS, ,MYUR DU MA LUS BYANG BAR SHOG ,PHAN DANG BDE BA KUN GYI RGYU, ,BSOD NAMS DANG NI YE SHES KYI, ,TSOGS GNYIS DGE BA GANG DAG GIS, ,BSAGS PA RNAMS LA BDAG YID RANG, ,MGON KHYOD NAM MKHA' JI SRID BAR, ,MYA NGAN MI 'DA' RTAG BZHUGS NAS, ,MA RIG MUN PAR LHUNG RNAMS LA, ,CHOS KYI 'KHOR LO BSKOR DU GSOL, , BDAG GIS BGYIS DANG BGYID 'GYUR GYI, ,BSOD NAMS PHUNG PO CI YOD PA, ,DE DAG SEMS CAN KUN DON DU, ,BYANG CHUB MCHOG TU YONGS SU BSNGO, ,ZHES PA'I SGRUB THABS 'DI 'BROG RI BO CHE DGE LDAN RNAM PAR RGYAL BA'I GLING DU PAR DU BSGRUBS PA'I DOS DAM BTZUN PA CHOS SENG GIS BGYIS, MDO SNGAGS KYI BSTAN PA RIN PO CHE PHYOGS THAMS CAD DU DAR RGYAS YUN DU GNAS PAR GYUR CIG ,SHU BHAm