*, ,KUN RIG CHO GA'I ZIN BRIS BZHUGS, ,
, ,ZHI BA'I GSOL GDAB SO SOR BYED PA LA, RGYAS PAR BYED NA, SHAR NAS BRTZAMS TE CIG CAR DU MCHOD PA BSANG SBYANG BYIN DBAB, DE NAS BZHI NAS RIM PA BZHIN STONG GSUM MA PHYI SGEG, NANG SGEG, MTSAN BRGYAS BSTONG PA BYAS NAS DBYANGS SO SOR BYA, PHYAG RGYA DANG DRIL STABS THUN MONG DU BYA, DE GRUB NA SHAR NAS NYER SPYOD DANG SGEG SOGS BRGYAD BYA, BSTONG PA ZIN PA DANG MAndAL BSHAM, DE NAS LANGS TE DBUL, BDAG GZHAN NAS BZHENGS SU GSOL GYI BAR BRJOD, RIGS BSDUS GNYIS YIN NA SGO SO SO NAS RIM PA BZHIN GSOL GDAB BYA, GZHAN LA SGO NA GNAS PA RNAMS KYIS DUS GCIG TU LANGS NAS DBYANGS RKANG PA GNYIS GNYIS BYAS NAS MTHAR TSIGS BCAD THA MAL LAN GNYIS BYED, DE RNAMS LA DBYANGS KYI TSE RIGS LNGA'I DRIL STABS DANG TSIGS BCAD KYI TSE RDZOGS MTSAMS SU DRIL GSIL RE, DBYANGS KYI THOG MAR GCEM PA LA DRIL GSIL RE, MTHAR GA-YAS SNGON 'GRO'I GZHI BCA' 'JAM PO GAR SKOR DANG BCAS PA'I MTHAR MNYAM PA BYAS NAS PHYAG 'TSAL, DE NAS NGA RGYAL BZUNG BA LA RKANG PA GNYIS GNYIS PHYOGS RE RE BYED PA LA DANG PO RNAMS LA DRIL STABS, GNYIS PA RNAMS LA RDOR SEMS, RIN CHEN, CHOS RAB, LAS RAB KYI PHYAG CHEN 'CHA' ZHES BLA MA BZHED, RKANG PA DANG PO GNYIS LA GA-YAS ROL DANG, LAG PA RNAM SNANG DANG RDOR SEMS KYI PHYAG CHEN 'CHA' STE SHAR DU'O, ,GSUM PA GA-YAS ROL DANG RDOR SEMS KYI PHYAG CHEN, BZHI PA LA
, ,GA-YON RKYANG DANG LAG PA H'Um MDZAD DE LHO RU'O, ,LNGA PA LAS GA DANG CHOS RAB KYI PHYAG CHEN TE NUB TU'O, ,DRUG PA LA ZLUM PO DANG RIN CHEN GYI PHYAG CHEN TE BYANG DU'O, ,BDUN PA NI GNYIS PA LTAR DANG, BRGYAD PA LA GA-YON BRKYANG DANG LAG PA RDOR SEMS KYI PHYAG CHEN TE SHAR DU BLTAS LA BYA'O ZHES GZHAN DAG ZER RO, ,DE NAS MIG RKANG BYIN GYIS BRLAB, DKYIL 'KHOR GDEG ,GNAS BZHI BYIN GYIS BRLAB, RDOR SEMS KYI PHYAG CHEN LA GNAS PAS BLTA, DE NAS RKANG PA BYIN GYIS BRLAB PA 'PHRENG BA LTAR BYAS NAS, H'Um RING PO'I SNGAGS DANG SNA TSOGS RDO RJE'I 'GROS KYIS BSKOR LA, RI RAB KYI RTZE MO NAS RLUNG GI BAR SNA TSOGS RDO RJE'I RANG BZHIN DU GYUR CES BRJOD, DE NI RGYAS PA LA YANG DGOS LA 'BRING PO LTAR NA, DE NAS ME LTAR 'BAR BAR BSKYED, KHRO BO SPYAN 'DREN DANG BSTOD PA LA DKYIL 'KHOR SA GZHI MA'I DBYANGS BYAS NAS, RIM PA BZHIN SPYAN 'DREN DANG RIGS LNGA'I DRIL GSIL BYA, BSKAL PA ME LTAR LA GDUG PA DRAG CAN GYI 'GROS BYA, DKYIL 'KHOR SA GZHI MA LA RANG GI DBYANGS LTAR NA SA CHOG GAR BYA, NYI ZLA 'OD STONG MA BYED NA H'Um LA DRIL GSIL DANG, TSIG MGOL YANG DE BYA, DE NAS 'DEGS 'JOG GI MTSAMS DANG BSTUN LA RIGS LNGA'I DRIL GSIL BYAS NAS, MTHAR H'Um DANG PO GSUM LA GA-YAS SU 'GRO BA DANG, PHYI MA BZHI LA GA-YON DU 'GRO BA BYA, SA CHOG LTAR GAR BYED NA DANG POR H'Um MDZAD, DE NAS MDA' GZHU, DE NAS RDOR ZHAGS BYA, RKANG PA RE RE'I TSIG BAR SNGON MA LA MI 'DEGS PAR DBYANGS
KYI 'DEGS MTSAMS LA GA-YAS GA-YON DU GDEG GO, DE NAS BKA' BSGO DANG DE'I TSIG BGEGS SKROD DANG BCAS PA BYA, DE NAS BSNUN BSREG BCING GSUM NAS, GUR GYI BAR BYA, DE NAS DKYIL CHOG GI RIM PA LTAR BSANG CHU'I BAR DU BYA STE, SA CHOG GO, BSDUS PA NI, SPYAN 'DREN SOGS DBYANGS DANG BRAL BA'O, ,RGYAS PA NI, 'GROS KYI 'PHROS NAS, STONG GSUM MA'I NYER SPYOD GZHI BCA' MED PA GZHAN SGEG SOGS DANG 'DRA BA ZHIG DANG, SGEG SOGS, DE NAS RDO RJE RIGS KYI MTSAN BRGYA RTZA LA SEMS DPA'I SPYI 'GROS DANG DBYANGS BYAS NAS BSTOD, 'DIR MCHOD PA BYIN RLABS MI BYED, GRUB NA SGO DANG DBUS KYI SLOB DPON RNAMS PHYOGS MDOG GI GOS GYON TE SLOB DPON RNAMS SNGA NAS KYANG DE LTAR RUNG NGO, ,DE NAS GSOL GDAB LA PHYOGS SO SO NAS DBYANGS RE DANG TSIGS BCAD MA GNYIS GNYIS BYAS, DBYANGS KYI RKANG PA DANG PO GSUM LA RIGS LNGA'I DRIL STABS, THA MA LA GAR BSKOR NAS RNAM SNANG GI PHYAG TSAN 'CHA', 'DIR MAndAL 'BUL BA MED, GSOL GDAB 'OG MA LA DBYANGS 'BA' ZHIG BYED, PHYAG RGYA SO SO'I DE MIN PA MI BYED, KHRO BO BCAS NAS ZIL GNON GYI 'GROS ZIN PA DANG, MA RUNGS PA RNAMS ZHES BRJOD DO, ,H'Um H+YE BA'I TSE SNGON MA GZHI BCA' DRAG PO DRIL BSIL DANG BCAS PAS GA-YON BRKYANG BYAS NAS, 'PHAR THEBS RE LA SNGAGS GNYIS GNYIS, KUN BZANG LA GAR BSKOR NAS PHYAG CHEN 'CHA', ZHAL BZHI PA LA SNGON LA DRIL GSIL GCIG ,RIGS LNGA'I PHYAG CHEN 'CHA' BA'I TSIG RKANG GNYIS TSAN GNYIS TSAN RNAMS LA DE NYID DU BSDAD NAS, DANG PO LA RIGS LNGA'I DRIL STABS, GNYIS PA LA GAR BSKOR NAS PHYAG CHEN BYED DO, ,GNAS
, ,GZHI BYIN RLABS ZIN PA DANG RKANG PA BYIN RLABS DANG 'GROS SNGAR LTAR BYAS NAS, GZHI BCA' DRAG PO H'Um DANG DRIL GSIL DANG BCAS PA GA-YON BRKYANG DANG, H'Um MDZAD KYI PHYAG RGYA BCAS NAS KHRO BO'I LTA BAS BLTA, KHRO BO NYER DRUG LA SNGON LA DRIL GSIL RE, SNGAGS DBYANGS LA DRIL GSIL MED, ME TOG DBUL BA'I RKANG PA THA MA LA GAR BSKOR NAS, ME TOG NAS GZHI BCA' 'JAM PO GA-YAS ROL BYA, KHRO BO'I BSTOD PA LA SEMS DPA'I PHYI 'GROS LTAR BYED NA RNGA MI RDUNG, RNGA RDUNG BYED NA, DANG PO SDOD TZA NA CHE BA GSUM, DE NAS 'GRO BA SOGS BYA'O, ,DE NAS PHYAG RGYAL MGOR DRIL GSIL MED, SNGAGS DBYANGS LA GA-YAS GA-YON DU 'KHYER BA RNAMS LA, GA-YAS SU BCAS NAS GA-YON DU KHYER BA NAS DRIL GSIL RE BYED, SU KHA DRE BSHAR BAR BYED, RDO RJE 'JIGS BYED LA SNGAGS DBYANGS KYI TSE GA-YAS SKOR DU BSKOR NAS, LUS BSGYUR BA NA YANG GA-YAS BSKOR DU BSGYUR BAS KHA NANG DU BLTA, LHO NAS NUB TU 'GRO BA NA GA-YON SNGON 'GRO THOG MAR BYED, DE BYED PA NA KHA PHYIR BLTA, GA-YAS SNGON 'GROS 'GRO BA NA SNGON LA KHA NANG DU, DE GNYIS LA MTHAR DANG PO'I KHA BLTA LUGS LAS LOG PA RE DGOS SO LO, ,PHYAG RGYA'I SNGAGS DBYANGS LA, DANG PO MDUN MAS PHAR LA 'THEN, PHYAG RGYA ZIN PA DANG SLOB DPON DBUS SU PHUR BU BSGRUB, SLOB MA RNAMS KYIS MTHA' BSKOR ZHING 'DZAB BGRANG, BSKUL LO YAN GYI TSE RDO RJE GA-YON NAS GA-YAS SU 'KHYER BA RE BYED, SNGAGS DBYANGS KYI TSE RKANG PA BSNOL ZHING 'GRO, DE NAS DBUS SU GA-YAS SNGON 'GRO'I GZHI BCA' DRAG PO H'Um DANG DRIL GIS LA RE YANG BYAS, H'Um H'Um
ZHES BRJOD PA DANG GA-YAS PA MDUN DU NUD NUD BRDABS NAS PUS MO GA-YON PA BCUGS NAS PHUR BU GDAB, DE NAS SA CHOG BZHIN NAM, YANG NA PHUR BU RNAMS DKYUS LA BYA'O DOR GDAB BO, ,'DI BRIS DGE BAS SANGS RGYAS MYUR THOB SHOG , ,