*, ,MAN NGAG SNYE MA'I ZIN BRIS RJE NYID KYIS GNANG BA BZHUGS SO, ,
, ,MAN NGAG SNYE MA'I SNYE MA LNGA PA LAS, DE NYID KYI PHYIR BYANG CHUB KYI SEMS KYI RANG BZHIN DANG LDAN PA'I DGA' BA BZHI RNAMS SPROS ZHES GSUNGS PA NI, DGA' BA ZHES BYA BA LA SOGS PA STE, DPA' BO NI SGRUB PA STE, BDAG DANG GZHAN RNAMS LA PHA ROL TU PHYIN PA 'GRO BA RNAMS KYI DON DU BRTZON 'GRUS RTZOM PA'I PHYIR DE NYID NI DGA' BA STE, DGA' BA LAS GZHAN PA'I BDE BAR LONGS SPYOD PA'I SBYOR BA MED PA'I PHYIR RO, ,MCHOG TU DGA' BA RNAL 'BYOR MA ZHES PA NI LEGS PAR ROL PA'I DGA' BAS DON DU GNYER BA'I PHYIR LA, SHIN TU GSANG BA'I MCHOG TU DGA' BA'I KHYAD PAR GYI NGO BO LA SHIN TU GSAL BAS SO, ,MA LUS ZHES PA NI SHES RAB DANG THABS KYI RANG BZHIN DES 'DIR SKYES PA DANG BUD MED DAG GI BSAM PA MNYAM PA'I PHYIR RO, ,DGA' BA MCHOG GI RANG BZHIN DAG NI DPA' BO DANG RNAL 'BYOR MA NGAG 'DUS PA DANG 'DRA BA'I PHYIR RO, ,DE'I BDE BA'I THABS ZHES PA NI DE'I SHIN TU DGA' BA'I BDE BA'I THABS DAG NI 'DI'I DE MA THAG PA'I RGYU'O, ,ZHES PAS DE'I BDE BA'I THABS THAMS CAD RIG STE, THAMS CAD MKHYEN PA LHAN CIG SKYES PA'I DGA' BA'I RANG BZHIN GYI PHYIR BCOM LDAN 'DAS SO, ,'DI DAG GI NGO BO MTSON PAR 'DOD NAS GSUNGS PA DANG PO ZHES PA LA SOGS PA STE, DGA' BA TZAM NI MCHOG MA YIN PAS BDE BA CHUNG NGU MA RNAM PA SNA TSOGS PA'I GZUNG BA DANG, 'DZIN PA'I RNAM PAR RTOG PA LAS 'BYUNG BA'I 'KHYUD PA DANG, 'O BYAD PA LA SOGS PA DANG, PADMA DANG RDO RJE GNYIS YANG DANG YANG
, ,DU REG PAS SHIN TU'ANG BDE BA 'DOD PA'I MTSAN NYID KYI RDO RJE PADMAR 'DRUD PA'I MTHAR THUG PA STE, SHES RAB BCU DRUG LO LON PA, ,DBUNG PA GNYIS KYIS 'KHYUD PA YI, ,DRIL BU RDO RJE MNYAM SBYOR BA, ,SLOB DPON GYI DBANG RAB BRJOD PA, ,ZHES BRTAG PA GNYIS PA LAS GSUNGS SO, ,MCHOG TU DGA' BA NI GONG NAS GONG DU BDE BA 'DOD PA'I MTSAN NYID KYANG DGA' BA'I MCHOG NYID KYIS LDOG PA'I BDE BA'I YE SHES KYIS NYE BAR LONGS SPYOD PA RNAM PAR SMIN PA'I NGO BOS GZUNG BA DANG 'DZIN PA'I RNAM PAR RTOG PA GNYIS BSRABS PAR GYUR NAS MI SGRIB PA'I PHYIR RO, ,RNAM PAR DGA' BA BRJOD CES PA NI KHYAD PAR GYIS ROL BA'I BDE BA 'DOD PA'I NGO BO NYID DANG CHAGS PA RNAM PAR DAG PAS LONGS SPYOD PA LHAG PAR MI 'BRAL BA'I RNAM PAR RTOG PA NYE BAR MTSON PA 'DIR DE'I BDE BA DAG GIS LONGS SPYAD PA ZHES RNAM PAR NYED PA'I NGO BO RAB KYI GNAS SKABS KYI BDE BAR 'DOD CHAGS PA'I NGO BOR 'DZIN PA'I RNAM PAR RTOG PA DANG LDAN PA DE DANG BRAL BAS LHAG PAS TE, DE SKAD DU BRTAG PA GNYIS PA LAS GSUNGS PA, GSUM PA 'DOD CHAGS BRAL BA'I PHYIR, ,GSUNGS SO, ,BZHI BA LHAN CIG SKYES PA ZHES PA NI, LHAN CIG SKYES PA'I DGA' BA KUN RDZOB BYANG CHUB KYI SEMS KYI RANG BZHIN RANG GI NGO BO STONG PA NYID KYI BDE BA CHEN PO'I NYAMS SU MYONG BAS RNAM PAR MI RTOGS PA ? TE, DE'I PHYIR NA CHAGS PA'I BDE BA SPANGS PA DANG, DE LAS LDOG PA'I MNGON PAR ZHEN PA SPANGS TE, DE GSUNGS PA NI, MTSAN NYID BRAL BA GSUM
LAS GZHAN, ,CHAGS DANG CHAGS BRAL RNAM PAR SPANGS, ZHES PA'O, ,DE CI 'DIR MTHONG BA'I LAM YIN NAM ZHE NA, DE NI MA YIN TE, THABS KYI KHYAD PAR GYIS DANG, SANGS RGYAS DANG BYANG CHUB SEMS DPA' RNAMS KYIS DANG, BLA MA'I BYIN RLABS KYIS THOB LA, RANG GIS THOB PA DE LTAR 'GYUR RO, ,'DIR DE NYID NI DBUGS DBYUNG BA GNYIS SU BRJOD DO, ,BDE BA CHEN PO'I YE SHES DANG STONG PA NYID DAG PA'I BDAG NYID GCIG PA'I PHAN TSUN RGYAS BTAB PA DGA' BA BSKYED PA DANG, RDO RJE 'DZIN PA'I TSUL GYIS PHYIR DE BZHIN GSHEGS PA DANG RDO RJE 'DZIN PAR NGES PAR 'BYUNG BAR 'GYUR RO, ,ZHES PA DANG DE'I LAM THOB PA ZHES PA NI DE BZHIN GSHEGS PA'I DBUGS DBYUNG BA DANG, RDO RJE 'DZIN PA'I DBUGS DBYUNG BA DANG BSKYED PA'I PHYIR RO, ,JI SKAD DU GSUNGS PA, THABS DANG THABS BYUNG DBYE BA YIS, , BZHI PA'I DON NI GNYIS SU 'DOD, ,GCIG NI DE BZHIN GSHEGS PAS 'GRUB, ,GZHAN NI RDO RJE 'DZIN PAR 'DOD, ,CES PA'O, ,'O NA LHAN CIG SKYES PA'I DGA' BA'I RJES SU DGA' BRAL GYI DGA' BA RIGS TE, JI SKAD DU BRTAG PA GNYIS PA LAS, LHAN CIG SKYE BA DGA'I RANG BZHIN DANG, ,MCHOG MTHA' DGA' BRAL DANG POR 'DOD, ,CES SO, ,ZHE NA MA YIN TE, MCHOG DGA'I MTHA' DANG DGA' BRAL TE, ,GANG GIS THOG MA MCHOG DGA' LAS, ,DE'I RJES SU DGA' BRAL, DE'I RJES SU LHAN CIG SKYES PA'I ZHES PA DON BYIS THOB PA'I PHYIR RO, ,GANG DU MCHOG GI MTHA' BRAL BA'I DANG POR MCHOG DANG BRAL BA GNYIS KYI BAR DU'O, ,ZHES PA'I DON SMRAS PA DE NI RIGS PA MA YIN TE, DGA' BRAL DANG POR MTSON PAR BYA, ,DE NI DGA' BA GSUM SPANGS PA, ,ZHES GSUNGS PA'I PHYIR RO, ,DES
, ,NI BRAL BA'I DANG PO ZHES BRAL BA'I DUS NYID DU GSUNGS PAS, LHAN CIG SKYES PA DANG POR 'DI NYID MTSON PAR BYA, ZHAS BSGRUBS PAS SO, ,LHAN CIG SHAR BAS RNAM PAR RTOG PA NYID NUB PAS GONG NAS GONG DU MTSON PAR 'GYUR, ZHES PA DANG DE NYID YE SHES RDO RJE BSDUS PA'I RNAL 'BYOR CHEN PO'I RGYUD LAS GSUNGS PA, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA LAS, ,GSAL BAR 'DI LAS MTSON PAR 'GYUR, ZHES PA DANG, RIM PA LNGA PA LAS, MTSAN MO SNANG BA'I CHA LAS GSAL BAR NYI MA'I ZER 'GYED NYIN MO SNANG BA CHEN PO YIN, ,MTSAMS NI SNANG BA THOB PA RANG GI RANG BZHIN RNAMS KYIS LHAN CIG MIN PAR 'DIR SBYOR BA, ,MTSAN MIN NYIN PAR MIN LA MTSAMS KYANG MIN PA'I GANG ZHIG RANG BZHIN RNAMS LAS RNAM GROL BA, ,RTOGS PA'I SKAD CIG 'DIR NI THUB PA'I MCHOG GIS RNAL 'BYOR PA RNAMS KUN GYIS RTOGS BYAR GSUNGS, ,ZHES PA 'DIS KYANG DGA' BA GSUM GYI RANG BZHIN NI MTSON BYA LA, MTSAN NYID MED PA NI BCOM LDAN 'DAS KYIS BZHI PAR GSUNGS TE, MTSAN NYID BRAL BA GSUM LAS GZHAN ZHES PA 'DIS NI, 'DIR JI LTAR LHAN CIG SKYES PA'I RJES SU DGA' BRAL RIGS PA STE, MTSON PAR MI NUS PA'I PHYIR RO, ,DGA' BRAL GYI RJES SU DRAN PA DE NYID MTSAN NYID KYI NYAMS SU MYONG BA'I THABS KYANG MA BSTAN PAR THAL BA LA, LHAN CIG SKYES PA 'CHAD PA'I GNAS NYID LA NI RTZOD PA MED PA NYID DO, ,GANG DU MTSAN NYID DE NYAMS SU MYONG BA MED PA'I PHYIR 'DIR YANG ZHE NA, MA YIN TE THO RANGS KYI DUS BZHIN DU MTSAMS KYANG NGO, ,'O NA DE LTAR
NA'ANG DE'I NGO BO NYE BAR MTSON DU MED PA NYID DO ZHE NA, BDEN TE, NYAMS SU MYONG BA'I THABS NYID DU NYE BAR BSTAN PAS SO, ,'O NA DE NYID KYI THABS KYANG BSGOM PAR BYA BA MI RIGS SO ZHE NA DE NAS MA BZUNG STE, DE'I NYE BAR MTSON PA'I MNGON PAR ZHEN PA RNAMS 'DIR DE MI SRID PA'I PHYIR RO ZHE NA, BDEN TE, DE LTAR 'GYUR BA'I BDAG NYID DE DE LTAR SHAR BAR BYED PA'I JI LTA BA NI BLA MAS BSTAN PAR BYA BA NYID DE, DE LTAR GNYIS KA'I 'DOD PA NYE BAR MTSON PA'I RIM PAS GSAL BAR BYAS PA'O, ,DE KHO NA BSTAN PA'ANG, 'DIR MCHOG MTHA' DGA' BRAL DANG PO CAN ZHES PA NI 'DIR YANG, MCHOG GI MTHA' NI MCHOG GI MTHA' GANG ZHIG GIS DANG PO DGA' BRAL LA, DGA' BRAL DANG PO NI MCHOG DANG BRAL BA'I DGA' BA DAG GI MTHAR GNYIS PA ZHES PA'I DON TO, ,DE'I DE KHO NA NYID DE JI LTA BU ZHES PA LA, THOG MA THA MA DBUS MED PA, ,SRID MED MYA NGAN 'DAS MIN TE, ,'DI NI MCHOG TU BDE CHEN NYID, ,GZHAN MIN BDAG KYANG MA YIN TE, ,ZHES PA DANG PO DANG THA MA DANG DBUS KYI SKYE BA DANG 'GAG PA DANG GNAS PA RNAMS BKAG PAS CHOS THAMS CAD STONG PA NYID DANG BDE BA CHEN POR RO GCIG PAR THABS 'DIS MNGON PAR RTOGS PAR BYAD DO ZHES LAN GYI DON TO, ,DGA' BA DANG BRAL BA DANG MCHOG TU DGA' BA RNAMS BKAG PAS MI 'PHO BA'I PHYIR NA SRID PA DANG ZHI BA LA MI GNAS PA'I LHAN CIG SKYES PA'I DE KHO NA NYID CES PA'O, ,DE LTAR YANG, MCHOG MTHA' DBUS DANG BRAL BA'O, ,STONG DANG STONG MIN HE RU KA , ZHES TE, 'DIR MCHOG TU DGA' BA'I MTHAR GANG ZHIG GI DBUS KYI DGA' BRAL DE'I RJES THOGS NYID DU 'BREL BA CAN GYI MTSON BYA
, ,NI STONG PA STE, NGO BO NYID DANG BRAL BA'I PHYIR RO, ,STONG MIN NI DE LTAR BRJOD PA'ANG MI DMIGS PA'I PHYIR RO, ,GNYIS SPANGS NAS BDE BA CHEN PO'I NGO BOR GNAS PA'I PHYIR LA, DE NYID BCOM LDAN 'DAS TE, HE RU KA ZHES BYA BA'I DON TO, ,MCHOG DANG BRAL DGA' DAG GI DBUS SU MTSON BYA BLTAS LA BRTAN POR GYIS ZHES PA NI, 'DIR GAL TE SO SO SKYE BO'I NGAG YIN NA CI STE, 'DI LA GUS PAR BYED DE, DE NAS LUNG YIN NA NI DE'I DON NI 'DI YIN TE, DBUS MA DGA' BA TZAM NYID DE, ,ZHES PA BRTAG PA GNYIS PA LAS GSUNGS PAS, DGA' BA DANG MCHOG DGA' DANG DGA' BRAL RNAMS YOD PAR 'GYUR BA NYE BAR 'CHAR BA'I LHAN CIG SKYES PA MTSON PAR BYA BA ZHES PA'I DON DUG PO DE'I RANG BZHIN NGES PAR BZUNG BA'I PHYIR MCHOG NI RAB STE, LHAN CIG SKYES PA'I DE GNYIS KA'I DBUS SU MTSON PAR BYA ZHES PA'I DON TO, ,BDE BA'I PHYIR MCHOG NI MCHOG DGA' STE, 'DIS LHAN CIG SKYES PA'I DGA' BA NYID DE, MCHOG DGA' NYID NI THOB PA'O, ,SNA TSOGS SPANGS PA'I SKAD CIG MA ZHES BSHAD PAS SO, ,PHYAG RGYA BZHI PA'I GZHUNG NA, SO SO SKYE BO'I GDAMS NGAG MI SHES PAS BYAS PA'I PHYIR, PHAN TSUN 'GAL BAS 'PHAGS PAS GSUNGS PA MA YIN TE, DE LTAR YANG 'PHAGS PA KLU SGRUB KYI ZHAL SNGA NAS KYI RIM PA LNGA PA'I DON GSAL BAR BYED PAR 'PHAGS PA SH'AKYA BSHES GNYEN ZHABS KYIS KYANG GSUNGS TE, STONG DANG DE BZHIN SHIN TU STENG, ,GSUM PA STONG PA CHEN PO DANG, ,BZHI PA THAMS CAD STONG PA NI, ,RGYU DANG 'BRAS BUR RAB DBYE BAS, ,SHES RAB THABS SU MNYAM SBYOR BAS, ,RDZOGS PA NYE BAR THOB PA YI, ,RDZOGS PA NYE
BAR THOB GYUR NAS, ,THAMS CAD STONG PA 'OD GSAL BA'I, ,RGYU YI RIM PA DAG DANG NI, ,RNAM SHES GSUM GYI SBYOR BA LAS, ,STONG PA GSUM NI MNYAM SBYAR BAS, ,BLA MED GO 'PHANG 'THOB PAR 'GYUR, ,SNANG BA STENG DANG SHES RAB BZHIN, ,ZHES PA SNANG BA MCHOD PA GSUNGS, , SHIN TU STONG PA THABS DANG LDAN, ,ZHES PA NI SNANG BA MCHED PA SBYOR BA LAS SKYES PA, SNANG BA NYE BAR THOB PA NI DE BZHIN NYE BAR THOB PA'O, ,ZHES PA DANG, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA 'DIR, ,GSAL BAR 'DIR NI MTSON PAR 'GYUR, ,CHAGS PA NYID NI CHAGS BRAL DANG, ,DE YI GNYIS PA ZHES GSUNGS PA DANG, 'DI SKAD DU GZHAN NYID DU'ANG GSUNG RAB KYI DON RNAMS PHAN TSUN MI 'GAL TE, DE'ANG NGES PAR BRJOD PA'I RGYUD BLA MA LAS, 'KHYUD DANG DE BZHIN 'O BYED PAS, ,SNA TSOGS RNAM PA SNA TSOGS TSUL, ,BHA GA LINGGA'I SBYOR BA YIS, ,RNAM PAR SMIN PA'I YE SHES MCHOG ,PHYAG RGYA RNAM PAR NYID BYAS LA, ,MTSAN NYID BRAL BA MYUR BAR MTSON, ,DGA' BA DANG PO YE SHES DANG, ,MCHOG TU DGA' BAR YANG DAG LDAN, ,SHIN TU DGA' LAS GRUB PA CHE, ,LHAN CIG SKYES DGA'I PHYI MAR RO, ,ZHES PA DANG, RGYUD GZHAN GYI PHYI MA LAS, DGA' BA DANG NI BSKYOD BYAS PAS, ,BDE BAR GNAS LAS MI GA-YO BAS, ,THUN GCIG YANG NI NYIN GCIG GAM, ,ZLA PHYED YANG NA LO GCIG GAM, ,BSKAL PA'AM BSKAL PA STONG PHRAG TU, ,YE SHES MNGON SBYOR GYIS GNAS BYA, ,RNAL 'BYOR PA YIS JI SRID DU, ,BYANG CHUB GSHEGS GSOL MI BYED PAS, ,DE SRID DGA' BA LAS SKYES BDE, ,RGYUN MI 'CHAD PAR 'THOB PAR 'GYUR, ,DNGOS GRUB KUN GYI GTER GYUR PA'I
,,BYANG CHUB SEMS NI LHUNGS GYUR NA, ,PHUNG PO RNAM SHES BRGYAL 'GYUR BAS, ,GANG DU DGA' BA'I DNGOS GRUB 'GYUR, ,ZHES PA DANG, PHYAG RGYA CHEN PO'I THIG LE LAS KYANG, BRTAN PA MCHOG TU BDE BA STE, ,MI BRTAN PA NI JI LTAR BDE, ,ZHES PA DANG, BCU DRUG PHYED PHYED THIG LE 'CHANG, ,ZHES PA'O, ,PHYAG RGYA CHEN PO 'GRUB PA'ANG MI RIGS TE, LHAN CIG SKYES PA'I NYAMS SU MYONG BA'I THABS GZHAN MI SRID PAS, LHAN CIG SKYES PA'I NGO BO NYID NI 'BA' ZHIG MI RIGS PA'ANG MED CES SNGON BZHIN GYI 'DOD PA NI GDAMS NGAG MI RIGS PA RNAMS SMRA STE, GANG DU RIGS PA MED PA'I BDAG NYID CAN GYI BTZAN THABS KYI SBYOR BA DE NYID KYIS BDE BA KHYAD PAR CAN GYI BAR DGA' BRAL GSUM PA LHAN CIG SKYES PA BZHI PA LAS GZHAN PA'I LHAN CIG SKYES PA GSUM PA DGA' BRAL, BZHI PA ZHES SMRA BA DE DAG NI MA RTOGS PA NYID DO ZHES PA STE, SPROS PA LA DGOS PA MED DO, ,SKABS SU BAB PA BSTAN PA NI DE LA BO LA'I RTZA BA NAS GSANG BA'I PADMA RDO RJE NOR BU SNGON DU DGA' BA LA SOGS PA GSUM PA, NOR BU'I DKYIL DU NI LHAN CIG SKYES PA'O ZHES PA NI RNAM PAR BZHAG PA GCIG LA, PADMA'I NAM MKHA' DANG NOR BU'I ZE 'BRU DAG BCIR BA'I GNAS SU, RDO RJE'I SKYIL KRUNG GIS SEMS NI, ,NOR BU'I NANG DU CHUD PA LTAR, ,GANG DU SKYE 'GYUR YE SHES KYI, ,YE SHES DE YI NGO BO DMIGS, , ZHES DPAL MCHOG DANG PO'I RGYUD LAS GSUNGS PA'I PHYIR, CHU SKYES KYI DBUS NI STONG PA NYID KYI YUL DAG DER RDO RJE'I MTHA' YONGS SU MTSAN PA'O, ,YANG NA RDO RJE SKYIL KRUNG NI BSTEN PA LAS NOR BU'I NANG DU CHUD PA'I SHES PA SHES RAB YE SHES KYI RANG BZHIN
DE DANG 'DRA BA'I YE SHES NGAS PAR RTOGS SHING THOB PA'I BAR DU 'JUG PA'I RGYUD GZHAN RNAMS SU'ANG LHAN CIG SKYES PA NOR BU'I NANG DU CHUD PAR NI GSAL BAR MANG DU GSUNGS TE, KHA CIG LAS BSHAD PA NI, GANG DU DRUD PA'I BAR NI DGA' BA LA 'DRUD PAS BYANG CHUB KYI SEMS NOR BU DANG NYE BA'I JI SRID NOR BU'I MDUN DU REG PA'I BAR NI MCHOG TU DGA' BA'O, ,RIN PO CHE'I RTZE MO NAS JI SRID DU RDO RJE'I NANG DU DE'I RTZE MOR RAM, THOD PA LHUNG BA LAS MI 'DOD KYANG DE NYID BLOS KHA CIG RDO RJE'I KHA RU LHAN CIG SKYES PA'I DGA' BA LA, BYANG CHUB KYI SEMS LHUNG BA DE NI DGA' BRAL GYI DGA' BA STE, GNYIS SONG GNYIS MNYAM RDO RJE LHUNG DANG PADMAR REG ,RDO RJE LHUNG BA MI BSKYOD PA, ,PADMAR REG PA RDO RJE STE, ,RGYU LA 'BRAS BU RGYAS BTAB PA, ,BDE BA CHEN PO RGYAL PO NYID, ,CES 'DOD PA NI MA BSDAMS PAS LHUNG BA YIN TE, PADMAR NOR BU YANG DAG PAR REG PA'I GNAS SKABS DE NYID, BYANG CHUB KYI SEMS SU MYONG BA'I SBYOR BA LA, RDO RJE'I PHYI ROL TU BYUNG NAS PADMA REG PA DE LA NI NYAMS SU MYONG BA'I DRI'ANG MED DO, ,BRAL BA'I DGA' BA NYID KYANG MA YIN LA, BDE BA CHEN PO'I RGYAL PO NYID KYI RDO RJE SEMS DPA' YANG MA YIN TE, BDE BA MYONG BA DANG BRAL BA GANG DU RDO RJE SEMS DPA' YOD PA MA YIN NO, ,DE BDE BA NYAMS SU MYONG BA LAS GZHAN DU 'GYUR BA'I BDE BA CHEN RDPO'I NGO BO MI BSKYOD PA DANG PHAN TSUN RGYAS BTAB PA'ANG MED DE, CHOS DANG CHOS CAN NI STONG NYID DANG SNYING RJE GNYIS SU MED PA DE'I BDAG NYID LA RGYAS BTAB PAR BRJOD KYI, DUS THA DAD PA LA NI DE'I BDAG NYID KYANG MED LA, RIN PO CHE LAS GZHAN PA'I RDO RJE'I KHAR LHAN CIG SKYES PA'I BDE BA CHEN PO NYAMS SU MYONG BA'ANG MA YIN NA,
, ,'DIR DE KHO NA NYID RIG PA GANG DU RIN PO CHE'I NANG DU CHUD PA'I BDAG DANG GZHAN GYI GRUB PA'I MTHA' LA GZHAN GYIS THAL 'GYUR BYED PA DE'ANG MANG DU MI SHES PA'I MNGON PAR 'DOD PA CAN NO, ,NOR BU'I DBUS SU SO SOR RANG GIS RIG PA RNAM PA THAMS CAD KYI MCHOG GIS YONGS SU SPRAS PA'I KUN RDZOB KYI BDE BA CHEN PO NYAMS SU MYONG BA'I DON DAM PAR RANG BZHIN MED PA DBU MA'I LAM GYI NGO BO LA DBU MA LAS GZHAN DU 'DOD PA ZHES PA NI MA YIN TE, NGES PAR BLO CHUNG BA'I BRAL BZO RNAMS LA CHED DU BYANG PA LA DGOS PA MED PA'O, ,GZHAN DU'ANG RNAM PAR BZHAG PA NI, GTZUG TOR NAS NI SMIN MTSAMS KYI, ,SA BON PADMAR 'GRO DGA' BA, ,MGRIN PA SNYING GA MCHOG TU DGA', ,SNA TSOGS ROL PA'I LTE BAR GNAS, ,GSANG BA'I PADMAR 'GRO BA GANG DER NI DGA' BRAL 'GYUR BA'O, ,GSANG GNAS RDO RJE NOR BU 'BAR, ,ZAGS MIN LHAN CIG SKYES DGA' BA, ,RAB TU MI GNAS MYA NGAN 'DAS, ,CHAGS PA CHEN PO MI 'GYUR GTZO, ,DGA' BRAL 'BAD SOGS KYIS MI 'BO, ,DE 'DIR MYA NGAN 'DAS PAR GNAS, , ZHES DUS KYI 'KHOR LO LAS BRJOD DE, DE LA RAB KYI RNAM PAR RTOG PA RAGS PA MED PA NI DGA' BA'O, ,RAB KYI RAGS PA MED PA NI MCHOG DGA'O, ,'BRING GI RAGS PA MED PA NI BRAL BA'O, ,THA MA'I RAGS PA MED PA TZAM GYIS PHRA MO YOD KYANG LHAN SKYES SU RNAM PAR BZHAG PA'O, ,PHRA MO'I RNAM PAR RTOG PA NI CHUNG DANG 'BRING DANG CHEN PO'I DBYE BAS THA DAD PAR RIM PA JI LTA BA BZHIN DU MED PAS DGA' BA BZHI ZHES PA'I DON DU BSHAD PA'I NYE BAR BSTAN PA'I GDAMS NGAG LAS SHES PAR BYA'O, ,BUD MED KYI'ANG GSANG BA
CHU SKYES KYI LTE BA NI NOR BU LTA BU YIN LA, GANG DU PHYAG RGYA CHEN PO'I THIG LE LAS, GNYER MA RIM PA GSUM GNAS PA'I, ,GRU GSUM DE YI RTZE MOR NI, ,GRU GSUM LTE BA'I RNAM PA NI, ,RDO RJE'I RANG BZHIN CAN DU GSAL, ,GRU GSUM PO NI RTZA RNAMS KYI, ,GNAS SU MCHOG TU DRAN PAR BYA, ,ZHES GSUNGS SO, ,DE BZHIN DU DBANG BSKUR BA GSUM BSTAN NAS, BZHI PA'I RIM PA SO SOR SGRUB PAR 'DOD PA'I DGA' BA BZHI RNAM PAR DAG PA'I NGO BO DBANG BZHI PA STON PAR 'DOD NAS GSUNGS PA NI, DE NI ZHES PA LA SOGS PA STE, BZHI PA DE YANG DE LTAR RO, ,ZHES PA NI DE NYID KYI SHES RAB YE SHES KYI MYU GU YIS BYANG CHUB KYI SEMS SO, ,YANG NA PHYIS BZHI PAR BRJOD PA'O, ,DE LTAR ZHES PA NI DE DANG 'DRA BA NYID DO, ,JI LTA BA'I CHO GAS ZHES DANG RAB TU 'PHEL BAR BYED PA DE KHO NA NYID KYI BLA MA'I MAN NGAG GIS SGRIB PA MED PA'I LHAN CIG SKYES PA'I YAN LAG BDUN DANG LDAN PA'I PHYAG RGYA CHEN PO'I BDAG NYID RDO RJE 'DZIN PA CHEN PO'I RANG BZHIN DU BRJOD DO, ,DE NYID KYIS NI 'GREL PA MTHA' DRUG PA LAS BSHAD PA NI, SKYON THAMS CAD KYI DRI MA BKRUS NAS, YE SHES 'CHAR BAR BYED PA'I BYANG CHUB TU DBANG BSKUR BA ZHES PA'O, ,DE'ANG BSOD NAMS DANG YE SHES BSAGS PA LAS, BAG CHAGS RNAMS KYIS SHES RAB YE SHES KYI DBANG BSKUR BA'I DUS SU DE NYID GSAL POR SNANG BA DE LAS GZHAN PA RNAMS LAS NI TSIG GIS GSAL BAR BYA STE, SHES RAB YE SHES KYI THABS LAS BYUNG BA'I LHAN CIG SKYES PA'I MTSAN NYID JI LTA BA BZHIN MAN NGAG GI YAN LAG GZHAN DANG LDAN PAS BSLABS PA'I MI GA-YO BA'I BDE BA CHEN PO MTSON BYAS NI, SHIN TU BA'I THABS LAS BYUNG BA'I RDZOGS PA'I YAN
, ,LAG NYE BAR BSKYED PA LAS LAM GYI GNAS SKABS SU BDAG NYID 'GRUB PA'O ZHES, RGYUD GZHAN LAS GSUNGS PA'I RGYU DANG 'BRAS BUR DBYER MED PAR LHAG PAR MOS PA'I PHYAG RGYA CHEN PO'I NGA RGYAL DANG LDAN PAS BSGOM PAR BYA STE, DE LTAR 'DUS PA'I RGYUD STONG PHRAG NYI SHU LNGA LAS GSUNGS TE, RDO RJE SKYIL KRUNG GIS SEMS NI, ,NOR BU'I NANG DU CHUD PAR LTA, ,RGYU MTHUN LA SOGS BDE BAR RDZOGS, ,JI SRID DRI MA MED PA'O, ,ZHES PA'O, ,DE LTAR YANG, BHA GAR LINGGA RAB BZHAG NAS, ,BYANG CHUB SEMS NI MI 'BYIN ZHING, ,KHAMS GSUM MA LUS PA RNAMS KYI, ,SANGS RGYAS GZUGS BRNYAN BSGOM PAR BYA, ZHES PA DANG, BDE MCHOG LAS KYANG, NANG DU CHUD PA'I YID KYIS NI, ,'DOD PA'I DNGOS GRUB BSGOM BYA'O, ,ZHES TE, 'DIR RDO RJE SKYIL KRUNG GI GDAN LAS DE'I CHA BCU DRUG RDZOGS PA'I RDO RJE NOR BU'I NANG DU CHUD PA'I BYANG CHUB KYI SEMS LAS, NANG DU CHUD PA'I YID CES BRJOD DE, DE'I 'PHO BA MED PA'I LAS DANG YE SHES DANG PHYAG RGYA CHEN PO'I SBYOR BAS, KHAMS GSUM PA BRTAN PA DANG GA-YO BA'I DNGOS PO 'DIS, RANG BZHIN GYI BDAG NYID CAN MA LUS PA'I RNAM PA THAMS CAD KYI MCHOG DANG LDAN PA'I BDE BA CHEN PO'I RANG BZHIN PHYAG RGYA CHEN PO'I DNGOS GRUB YOD PA DANG, MED PA LAS 'DAS PA'I GNAS MED PA DANG, DMIGS PA MED PAR RTOGS PAR BSGOM PAR BYA STE, DE SKAD GSUNGS PA'ANG NI, JI SRID RNAL 'BYOR PA YIS NI, ,SKYE GNAS RGYUN MI 'CHAD SBYOR BAS, ,BYANG CHUB SEMS SPONG MI BYED PA, ,DE SRID BAR DU DGA' BA'I MCHOG ,BDE BA'I NGO BO DE DANG NI, ,SANGS RGYAS GZUGS SU KUN SBYOR BA, ,JI SRID SA BON BRTAN GYUR PAS, ,RTAG TU
BDAG NYID BSGOM PAR BYA, ,ZHES SO, ,DE LTAR NA BYANG CHUB GYI SEMS RDO RJE BCOM LDAN 'DAS KYIS, RDO RJE SKYIL KRUNG RDZOGS SANGS RGYAS, ,SANGS RGYAS 'GRO BA'I CHOS 'DZIN 'GYUR, ,RNAM PA KUN LDAN RNAM PA MED, ,BCU DRUG BYED PHYED THIG LE CAN, ,CHA MED CHA LAS 'DAS PA YI, ,BSAM GTAN BZHI PA'I RTZE MO 'CHANG, ,'DIR SANGS RGYAS 'GRO BA'I CHOS NI DGA' BA GSUM PO RO GCIG PA'I LHAN CIG SKYES PA'I DGA' BA'O, ,DE 'DZIN PA NI DE'I BDAG NYID KYI RNAM PA THAMS CAD KYI MCHOG DANG LDAN PA'I KUN RDZOB LA, DON DAM PAR NI RNAM PA MED PA'I THAMS CAD DU RANG BZHIN MED PA NYID DE RNAMS RNAM PA MED PA'I NGO BO NYID LA BRJOD LA, DE LTAR YANG SLOB DPON KLU SGRUB KYIS, RNAM BCAS DNGOS PO KUN BRTAGS DANG, ,SNANG BA MED NYID DU BRTAGS LA, ,RNAL 'BYOR PA YIS GCIG BAS SPYAD, , DE SHES ZUNG CIG 'JUG PA CAN, ,ZHES BSHAD DE, ,CHA MED PA NI BCO LNGA'I CHA'I MTHA' LA GNAS PA'O, ,CHA LAS 'DAS PA NI NAG PO'I CHOS GCIG LA RAB TU ZHUGS PA'O, ,'DI DAG GIS NI THABS DANG THABS LAS BYUNG BA'I BDE BA DAG DE KHO NA NYID KYI STONG PA NYID DO, , GANG DU BDE BA DE NYID DE KHO NA NYID DU RTOGS BAR GNAS PA DE DAG GI 'KHUL PA BSAL BA'I DON DU, BCOM LDAN 'DAS KYIS GSUNGS PA NI, GANG PHYIR 'BYUNG BA CHEN BDE BA, ,DE PHYIR BDE BA DE NYID MIN, ,ZHES PA STE, 'BYUNG BA CHEN PO'I BDE BA ZHES PA NI SA BON DANG BDE BDAG BDAG NYID GCIG PAS SO, ,LHAN CIG SKYES KYANG RTAG TU THAMS CAD 'BYUNG BA MA YIN TE, DE LTAR NA LHAN SKYES DNGOS PO'I NGO BO STE, DE'I DON DAM STONG PA NYID, KUN RDZOB RTOGS PA'I BDE BA GAL TE RTOGS KYANG, DE LTAR NA'ANG RTAG TU THAMS CAD DU LHAN
, ,CIG SKYES PA MA YIN TE, SDUG BSNGAL DANG BTANG SNYOMS NYAMS SU MYONG BA'I DUS THA DAD PA BSAM GTAN BZHI PA DANG GZUGS MED PA'I SNYOMS PAR 'JUG PA RTOGS PA BZHIN NYAMS SU MYONG BAR BYAS PA'I PHYIR RO, ,GONG DU MTSAN YANG DAG PAR BRJOD PA LAS GSUNGS PA NI, BSAM GTAN BZHI PA'I RTZE MO CAN, ZHES PA NI, DE LA BSAM GTAN BZHI PA NI LHAN CIG SKYES PA'I DGA' BA LA RTZE MO NI SGRIB PA MED PAR RTOGS PA'I MTHAR THUG NAS, DE'I BDAG NYID DU GNAS PA'I PHYIR DE'I RANG BZHIN 'DZIN ZHES PA'I DON TO, ,BDE BA CHEN PO'I RANG BZHIN MU MED PA'I KHAMS GSUM PA MTHONG BAR 'GYUR BAS, BSAM GTAN LA SOGS PA'I BDE BA CHEN PO'I RANG BZHIN TE, BCOM LDAN 'DAS KYIS DE LTAR GZHAN MA YIN PA'I THOS PA DE LTAR GSUNGS PA NI BZLAS PA DANG BSHAD PA'I DON DU'O, ,'O NA JI LTAR NA BDE BA LA LHAN CIG SKYES PAR BRJOD CE NA, JI LTAR DMIGS PA MED PA'I THUGS RJE CHEN PO NI, DE KHO NA NYID MA MTHONG BAS YOD PA MA YIN PA'I LHAG PAR MOS PAR SGOM PAR BYED PA NI DE KHO NA NYID RTOGS PA'I BDAG NYID KYI PHYIR KUN RDZOB KYI NGO BO'ANG LHAN CIG SKYES PAR BRJOD DO, ,DE LTAR BDE BA'ANG RES 'GA' NYAMS SU MYONG BA'I GNAS SKABS SU MA MYONG BA'I GNAS SKABS KYIS DE NYID MA MTHONG BAR LHAG PAR MOS PA'I BDE BA DANG, SNYING RJE DBYER MED PAR NGO BO STONG PA NYID KYI BDAG NYID CAN GYI RNAM PA THAMS CAD KYI MCHOG DANG LDAN PA BSGOM PAR BYA BAS DE KHO NA NYID RTOGS PA'I GNAS SKABS KYI 'JIG RTEN LAS 'DAS PA LHUN GYIS GRUB PA NI, BCOS MA MA YIN PAS LHAN CIG SKYES PAR BRJOD DE, ,DE KHO NA NYID MA RTOGS PA'I GNAS SKABS KYIS
MYONG BA NI, ZAG PA DANG BCAS PA DANG, MI BDEN PA DANG, MA RGYAS PA DANG, YAN LAG MA RDZOGS PA DANG, GLOG 'GYU BA BZHIN DU YUD TZAM SKAD CIG TZAM GYIS 'JIG RTEN PA'I KUN RDZOB RTZOL BA DANG BCAS PA NYID KYIS NI, BCOS MA NYID KYANG LHAN CIG SKYES PAR BRJOD DE, LHAN CIG SKYES PA'I RJES SU BYED PA'I PHYIR 'OD GSAL BA BZHIN TE, JI SKAD DU PHYAG RGYA CHEN PO'I THIG LE LAS, GANG 'DIR DGA' BA SNANG BCAS PA, ,SNANG BA MCHED PA MCHOG TU DRAN, ,BRAL BA NYE BAR THOB PAR SHES, ,LHAN CIG SKYES PA 'OD GSAL BA, ,ZHES GSUNGS SO, ,'DI NYID NI LHAN CIG SKYES PA LAS BYUNG BA'I DE KHO NA NYID KYI BYANG CHUB KYI SEMS STONG PA DANG, SNYING RJE DBYER MED PA 'DI CI SHES RAB YE SHES SAM GZHAN NYID YIN ZHE NA, GZHAN MIN TE, DE NYID 'DIR MI MTHUN PA'I PHYOGS KYIS BTANG NAS RANG GI NGO BO GSAL BAR BYED PA'O, ,DE'I PHYIR CHO GA'I SKABS 'DI NYID DU SHES RAB YE SHES NYAMS SU MYONG BA DANG YAN LAG BSGOMS PA 'PHEL BAR BYED PA'I PHYAG RGYA CHEN PO'I DBANG BSKUR BAS BAG CHAGS DANG BCAS PA'I RNAM PAR RTOG PA'I DRI MA DNGOS SU BKRUS NAS BZHI PA 'OD GSAL BA, DPAG BSAM GYI SHING BZHIN DU MNGON PAR MTHO BA LA SOGS 'BRAS BU RNAMS KYIS JI LTAR GDUL BYA LA SHES RAB YE SHES DANG KHA SBYOR BA'I DPAL BDE MCHOG LA SOGS PA'I SKU'I LONGS SPYOD RDZOGS PA'I SKU LA SOGS PAS 'GRO BA TSIM PAR BYED PA DANG, MI 'BRAL BAR MU MED PA'I DUS KYIS GNAS PA'I PHYIR GNAS PA STE, DE LTAR 'DIR LONGS SPYOD RDZOGS PA DANG KHA SBYOR BDE CHEN RANG BZHIN MED PA DANG, THUGS RJE TSIM BYED RGYUN MI 'CHAD PA DANG, 'GOG PA MED PA STE
, ,YAN LAG BDUN GYI MTSAN NYID DANG LDAN PAR GSUNGS, 'DIR DANG PO YAN LAG GSUM GYIS NI THEG PA GZHAN DANG THUN MONG MA YIN PAR BSTAN TE, RGYU'I GNAS SKABS SU BSKYED PA'I RIM PA DPAL BDE MCHOG LA SOGS PA'I RANG GI NGO BOR SGOM PA GSUNGS PA MED LA, PHA ROL TU PHYIN PA'I THEG PAR YANG MTSAN DANG DPE BYAD KYIS 'BAR BA'I LONGS SPYOD RDZOGS PA'I SKU 'BRAS BU'I GNAS SKABS NYID DU MNGON PAR MA BRJOD PA'I PHYIR RO, ,SHES RAB DANG SBYOR BA'ANG MED LA DE LAS SKYES PA'I BDE BA CHEN PO'ANG MED DO, ,KHA CIG GIS SEMS LONGS SPYOD RDZOGS PA DANG, STONG PA NYID KYI YE SHES KYI BDAG NYID CAN SHES RAB DANG KHA SBYOR TE, DE BSGOMS PA LAS SKYES PA'I BDE BA CHEN PO DE'I RANG BZHIN MED PA NYID DE LAS 'BYUNG BA'I THUGS RJE'O, ,ZHES PA'I YAN LAG LNGA THUN MONG MA YIN PA RNAM PAR BZHAG PA NI RIGS PA MA YIN TE, PHA ROL TU PHYIN PA'I THEG PAR YANG 'DI NYID GSUNGS PA'I PHYIR RO, ,DES NA SEMS NI BYANG CHUB KYI SEMS BSKYED PA'I RIM PA, DPAL HE RU KA LA SOGS PA'I RANG BZHIN DU LHAG PAR MOS PAR BYED PA DANG, DNGOS PO MED PA'I BLO NI RDO RJE PHAG MO LA SOGS PA NYID DO, ,DE GNYIS KA'I KHYAD PAR CAN GYI LHA KHA SBYOR BAR BSGOMS PA LAS BYUNG BA'I BDE BA CHEN PO DE NI RANG BZHIN MED PA NYID DO, ,DE LTA BU'I RNAM PA'I LAM STON PAS KHYAD PAR CAN GYI SEMS CAN GYI DON BYED PA YOD PAS KYANG THUGS RJE RGYUN MI 'CHAD PA'O, ,ZHES PA NI THUN MONG MA YIN PA NYID DE, DE DAG PHA ROL TU PHYIN PA'I THEG PAR DE LTAR MA GSUNGS PA'I PHYIR RO, ,GANG DU DE LTAR 'GYUR BA'I BCOM
LDAN 'DAS BAR CHAD MED PAS BAR MA CHAD PA NYID DANG, MYA NGAN LAS 'DAS PA'I PHYOGS GCIG PA MED PAS 'GOG PA MED PA NI THUN MONG MA YIN NO, ,ZHES PA'I YAN LAG BDUN CHAR YANG THUN MONG MA YIN PA'O ZHES BSHAD PA'I PHYIR, BSKYED PA'I RIM PA LA'ANG RJOD PAR BYED PA KHA CIG GIS LONGS SPYOD PA'I YAN LAG DE NYID THABS YIN PAR 'KHRUL NAS, THUGS RJE'I YAN LAG TU GSUNGS PA DE NI RIGS PA MA YIN TE, SDUG BSNGAL LAS GDON PAR 'DOD PA NI SNYING RJE STE, DE'ANG LAS DANG PO PA'I SEMS CAN GYI NGO BO NYID MI DMIGS PA LAS SKYE BAR 'GYUR RO, ,DE'I RJES LA NGO BO NYID MED PA NYID KYIS CHOS LA SBYOR BA'I DMIGS PA MED PA NI, BYANG CHUB SEMS DPA' RNAMS KYI'O, ,DE RJES RAB TU BYUNG BA'I DNGOS PO'I RNAM PAR RTOG PA MED PA NI SANGS RGYAS RNAMS YIN TE, DE NYID KYI DMIGS PA MED PA LHUN GYIS GRUB PAS RGYUN MI 'CHAD PAR 'GRO BA'I DON LA BRJOD DO, ,DE LTAR GSUNGS TE, YID BZHIN NOR LTAR MA LUS PA, ,SEMS CAN DON BYED SNYING RJE NYID, ,CES TE, DMIGS PA MED PA'I SNYING RJE CHEN PO 'DI NYID NI, DBANG PO RAB KYI LAS DANG PO BAS KYANG LHAG PAR MOS PA'I SGOM PA'O, ,ZHES PA'I SNYING RJE NI YAN LAG LOGS SHIG PA YIN NO, ,'DI NYID NI DBANG BZHI PA STE, DBANG BSKUR SBYIN ZHES BYA BA LA SOGS PAS RGYAS PAR 'CHAD PA NI, DBANG PO RAB KYI SEMS CAN NI DGA' BA BZHI NYID DBANG BZHI ZHES BSTAN PAR 'DOD NAS DE'ANG DBANG RNAM PA BZHI ZHES GSUNGS TE, DE'I DGA' BA LA SOGS PA DE LTAR BRTAG PA GNYIS PA LAS, SLOB DPON GSANG BA SHES RAB DANG, ,BZHI PA YANG NI DE LTAR TE, ,DBANG BZHI PA YI GRANGS KYI NI, ,DGA'
, ,BA LA SOGS RIM SHES BYA, ,ZHES GSUNGS SO, ,'DIR YANG BYANG CHUB KYI RTEN LA RDO RJE'I BUM PAS BYA BA BYED PA'I BUM PA'I DBANG GIS SPYOD PA'I BYE BRAG LAS BYUNG BA, SLOB DPON GYI DBANG YANG DGA' BA STE, DE LTAR PHYAG RGYA CHEN PO'I THIG LE LAS, BCU DRUG LO LON GZUGS BZANG MA, ,DGA' BA'I RO YIS TSIM BYAS PA'I, ,PHYAG RGYA DE NI GCER BU BYA, ,THOG MAR DAM TSIG SOGS PAS MCHOD, ,DE RJES KHA SBYOR SBYOR BA YIS, ,YANG NAS YANG DU 'DOD SPYAD PA, ,JI SRID SA BON 'BYUNG 'GYUR BAR, ,CUNG ZAD KYI NI BSRUB PAR BYA, ,CHU SKYES SU NI BYUNG BA'I TSE, ,SNYING GA LA NI MYUR GTOR BYA, ,DE NI SLOB DPON DBANG MCHOG TU, ,'GYUR RO DGA' BA'I DBANG PHYUG MA, ,GSANG BA'I DBANG NI MCHOG GYUR PA, ,BSHAD KYIS GUS PAR MNYAN PAR GYIS, ,GSANG GNAS GANG DU BDE BA NI, ,SKAD CIG LEGS PAR GNAS GYUR PA, ,DE NI GSANG BAR YANG DAG BSHAD, ,GZHAN DU 'JIG RTEN PA RU 'GYUR, ,SHES RAB YE SHES DBANG 'GYUR BA'I, ,KUN TU RNYED DKA' BSHAD PAR BYA, ,SHES RAB SA BON NGO BOR BSHAD, ,YE SHES BDE BA'I RANG BZHIN DRAN, ,DBANG BSKUR ZHU BAR 'GYUR BA'I BDAG ,YE SHES GNAS SKABS LAS GZHAN BDAG ,DE 'GOG PA NI BZHI PAR BRJOD, ,LHAN SKYES YE SHES MTSAN NYID DO, ,ZHES GSUNGS SO,, ,,MAN NGAG SNYE MA'I SNYE MA DRUG PA LAS, 'O NA RNAM PAR MI RTOG PA SGOM PA ZHES PA'I DON CI YIN ZHE NA, BDE BA CHEN POS THABS KYI CHOS THAMS CAD RANG BZHIN MED PA NYID NI SGOM PA'O, ,ZHES BYA BA'I DON TO, ,DE CI BDE BA CHEN PO SGOM PA'I RNAM PAR RTOG PA SKYON MA YIN NAM ZHE NA, SKYON MIN TE, DE'ANG 'GRO BA THA DAD PA NYID
PAS 'GRO BA STONG PA NYID KYIS NA STONG PA NYID KYI RANG BZHIN GYI PHYIR LA, STONG PA NYID NI BSAM PAR MI 'BYUNG ZHES PAS, DE'I RNAM PAR RTOG PA'I SKYON MED DE, RNAM PAR MI RTOG PA'I RJES SU MTHUN PA'I PHYIR, NYE BAR BSTAN PA STE, JI SKAD DU, 'KHRUL PA GZHAN DAG BZLOG PA LA, ,'KHRUL PA YIS KYANG PHAN PAR BYED, ,CES GSUNGS SO, ,DE NYID LAS, GANG DU 'DI'I NGO BO NYID MED PAR TSAD MAS BSGRUBS PA NI BDAG GIS SHIN TU RGYAS PAR RTZA DBU MA'I SNYE MA LAS NYE BAR BKOD PA DANG THUB PA DGONGS PA'I RGYAN LAS KYANG LUNG GI RJES SU 'BRANG NAS DANG, MI 'JIGS PA'I GZHUNG 'GREL LAS KYANG MDOR BSDUS NAS BSTAN PAS SO, ,'DIR DNGOS PO DANG DNGOS PO MED PA LAS NGO BO MED PAR SPROS PA THAMS CAD PAS SO, ,DE DAG DNGOS PO DANG DNGOS PO MED PAR GNAS PAS DE NYID KYIS KHYAB PA'I PHYIR NA KHYAB BYED MED PAS NA KHYAB BYA'ANG MED PA STE, 'DI NYID NI DE KHO NA NYID MTHONG BA LA MTHONG BA NYID MNGON PAR 'DOD KYI, GNYID LOG PA'AM MIG BTZUM PA BZHIN GANG DU YID LA MI BYED PAS NI MA YIN NO, ,THE TSOM GYI SA BON DANG BRAL BA NYID GZUGS LA SOGS PA LA MNGON PAR ZHEN PA GSAL BAR BYA BA'I TSER MA ZUG PA BTON PA GZHAN DES MA YIN GYI DE NYID KYIS DNGOS PO DANG DNGOS PO MED PA DANG, RANG DANG GZHAN GYI DNGOS PO LA SOGS PA'I YID LA BYED PA BSAL NAS THAMS CAD YID LA BSDUS NAS CI'ANG BSAM PAR MI BYA STE, DE LTAR YANG, GANG TSE DNGOS DANG DNGOS MED DAG ,BLO YI MDUN NA MI GNAS PA, ,DE TSE RNAM PA GZHAN MED PAS, ,DMIGS PA MED PAR RAB TU ZHI, ,ZHES BSHAD PA'O, ,DE NYID KYI GANG GIS SHES RAB KYI SPYAN GYIS RNAM PAR BRTAGS PAS YANG DAG PA'I YE SHES
, ,KYI SNANG BAR GYUR NAS CHOS THAMS CAD MI SNANG STE, DE LA DE KHO NA NYID KYIS RNAL 'BYOR GYI SPYOD LAM THAMS CAD DU RNAM PAR GNAS PA RNAMS KYIS CHOS THAMS CAD MTHONG BA'AM MA MTHONG BA STE, RNAL 'BYOR BSAM GYIS MI KHYAB PA, , BLA MA'I DRIN GYIS RTOGS PA NYID, ,NI BCOM LDAN 'DAS MA SHES RAB MA LAS SKYE BAR 'GYUR NA, RGYUN MI 'CHAD PAR TSAD MA DANG GZHAL BYA'I 'BRAS BUS RNAM PAR 'BYED PA DES NA KUN RDZOB TU RANG GSAL BA'I NGO BO NYID DU SPROS PA MED KYANG SPROS PA'I BDAG NYID KYI 'KHOR BA'I RANG BZHIN GYI SDUG BSNGAL GYIS MA RTOGS TE, DE LA JI LTAR BDAG GIS RTOGS PAR BYA ZHES RNAM PAR BSAM STE, DE'I BDAG NYID KYIS 'GRO BA MA LUS PA DMIGS PA'I DMIGS PA MED PA'I TSUL GYIS SNYING RJE CHEN PO SKYE BAR GYUR NAS NGES BDAG NYID CAN GYI RDZOGS PA'I DKYIL 'KHOR GYI NGO BO'I BDAG NYID KYIS DNGOS PO THAMS CAD KYI RANG BZHIN SNYING RJE CHEN PO'I BDAG NYID CAN BCOM LDAN 'DAS MA SHES RAB MA PHYAG RGYA CHEN PO'I MING GZHAN CAN DE DANG BDAG NYID GCIG PA'I PHYIR DBYER MED PA'I RANG BZHIN DU BLTAS NAS, DE'I STONG PA NYID DANG SNYING RJE DBYER MED PA'I BDAG NYID NI RNAM PAR MI RTOG PA'I RNAL 'BYOR TE, DE LA GANG DANG GANG GI SEMS BRTAN PAR GYUR PA DE NYID DANG DE NI MNYAM PAR BZHAG PA'I RNAL 'BYOR NYID LA DE LAS GZHAN PA NI MNYAM PAR MA BZHAG PA'I RNAL 'BYOR NYID DO, ,DE'I PHYIR NA RDZOGS PA'I RIM PA'I PHYAG RGYA'I SBYOR BA LAS, GZHAN LAS KYANG MNYAM PAR BZHAG PA'I RNAL 'BYOR NYE BAR BSTAN TO, ,BDE BA CHEN PO'I THABS KYI CHOS THAMS CAD MI RTOG PA'I GNAS
SKABS KYI PHYAG RGYA CHEN PO SGRUB PA'ANG PHYAG RGYA'I SBYOR BA NYID KYIS SO, ,DE NYID 'DIR STONG PA DANG SNYING RJE BDAG NYID GCIG PA'I SBYOR BA NI, SO SOR SDUD DANG BSAM GTAN DANG, ,SROG RTZOL DANG NI DE BZHIN 'DZIN, ,RJES SU DRAN DANG TING 'DZIN DANG, ,SBYOR BA YAN LAG DRUG TU 'DOD, ,CES PA NI GSANG BA 'DUS PA'I RGYUD PHYI MA LAS GSUNGS PA'I SBYOR BA'I YAN LAG DRUG STE, DE LTAR YANG GZHON NU MA'I GZUGS BRNYAN GYI TSOGS MTHONG BA BZHIN DU DBANG PO RNAMS STONG PA NYID DANG RO GCIG PAS RANG GI YUL DU BYAS PA RNAMS LA MA ZHEN PA NI SO SOR SDUD PA STE, SO SOR BA RNAMS LA SDUD PAS DBANG PO RNAMS BKUG PAR BYED PAS SO, ,DES RNAM PAR GA-YENG BA DANG BRAL BA'I BSAM GTAN TE, DE'ANG RNAM PAR RTOG PA NI DNGOS PO LA RTOG PA'O, ,RNAM PAR DPYOD PA NI DNGOS PO STONG PA NYID KYI RANG BZHIN NYID DPYOD PA'O, ,DE LTAR PHYI ROL GYI RANG BZHIN YUL LAS BZLOG PA'I YID TZAM NANG DU PHYOGS PAS LHA'I BDAG NYID CAN DU BDAG NYID DMIGS PAR BYED PA'I BLA NA MED PA'I SHES RAB DANG, THABS RO GCIG PA NYID DU DPYAD PA GANG GIS DE KHO NA NYID LA 'JUG PA MNGON PAR PHYOGS PA YID BDE BA GANG DE NI DGA' BA'O, ,DES LUS SBYANGS PA LA SOGS PA NI BDE BA'O, ,DE LTAR BSGOMS PAS NI CHOS THAMS CAD STONG PA NYID DU RO GCIG PAR MTHAR THUG PA'I SHES RAB KYI BDAG NYID KYIS SEMS RTZE GCIG PA ZHES PA RNAM PA LNGA'O, ,DE LA LA LA N'A DA DANG RA SA N'A GNYIS 'GAGS NA SA, AA BA DH'U T'I'I LAM NYID DU 'JUG PA'I GNAS PA DANG LDAN PA'I BDAG NYID CAN GYI SROG GI RLUNG PHRA MO 'JUG PA NI SROG RTZOL LO, ,DE LA AA BA
, ,DH'U T'I LAS PHYIR MA BYUNG BAR LTE BA DANG SNYING GA DANG LKOG MA DANG DBRAL BA'I PADMA'I LTE BA RNAMS SU SA DANG CHU DANG ME DANG RLUNG RNAMS KYIS RIM PAS BSAGS PA'I BYANG SEMS KYI THIG LE LAS SEMS KYI BZHON PA'I SROG GI RLUNG GZHUG CING STONG PA NYID DANG RO GCIG PA NI 'DZIN PA'O, ,DES KYANG GTUM MO RANG GI NGANG GIS 'BAR TE, RI BONG CAN YANG NGES BSKUL BAS SHIN TU 'DZEGS NAS DE RDO RJE NOR BU'I NANG DU TSUD PA'I BYANG SEMS KYI RIM GYIS RDZOGS PA LA SOGS PA'I BDE BAS GANG NAS DRI MA MED PA'I BAR DU 'DOD PAS DA 'DZIN PA LA BCUG PA'I SEMS LA RANG GI NGANG GI SMIG RGYU DANG DU BA DANG SRIN BU ME KHYER DANG MAR ME DANG, RTAG TU SNANG BA ZHES PA'I MTSAN MA'I SNANG BA SNGON DU 'GRO BA CAN GYI RDZOGS PA'I RIM PA DKYIL 'KHOR GYI LHAR GZUGS BRNYAN GYI RNAM PA'I RNAM PAR RTOG PA MED PA CAN DU MTHONG NAS 'OD ZER DU MA SPRO ZHING, DE LAS KHAMS GSUM DU LHA'I 'KHOR LO SPRO BA'I RANG BZHIN ZHES PA NI RJES SU DRAN PA'O, ,DE LA GNAS PA NI PHA ROL GYI JI LTAR GDUL BYA LA'ANG SO SOR SNANG BAR 'GYUR TE, DE'I DE NYID KYI RNAM PAR MI RTOG PA'I RNAL 'BYOR GYIS MI GA-YO BA'I BDE BA CHEN PO'I RANG BZHIN ZUNG DU 'JUG PA'I BDAG NYID CAN YE SHES KYI SKU RDO RJE 'DZIN PA CHEN PO'I NGO BO NI TING NGE 'DZIN ZHES BYA'O, ,YAN LAG DRUG GI PHAN YON NI 'DUS PA'I RGYUD PHYI MA LAS, SO SOR SDUD PA SNYOMS 'JUG PA, ,SNGAGS RNAMS KYIS NI BYIN GYIS BRLAB, ,BSAM GTAN YE SHES SNYOMS 'JUG PAS, ,MNGON SHES LNGA NI THOB PAR 'GYUR, ,SROG RTZOL BAS NI NGES PAR NI, ,BYANG CHUB SEMS DPA' RNAMS KYIS GZIGS, ,RTAG TU
'DZIN PA'I STOBS KYIS NI, ,RDO RJE SEMS DPA' MNYAM PAR BZHUGS, ,RJES SU DRAN PA MNYAM BSGOMS PAS, ,'OD KYI DKYIL 'KHOR 'BYUNG BAR 'GYUR, ,TING 'DZIN DBANG BSGYUR TZAM GYIS NI, ,SGRIB PA MED DANG LDAN PAR 'GYUR, ZHES PA DANG, TING NGE 'DZIN DE NYID NI 'DIR SLOB DPON KLU SGRUB ZHABS KYIS KYANG GSUNGS TE, SGYU 'PHRUL DRA BAS MNGON SANGS RGYAS, ,'KHOR BA RGYA MTSO'I PHA ROL SON, ,BYA BA BYAS PA'I RNAL 'BYOR CHE, ,BDEN PA GNYIS KYI TSUL LA GNAS, ,DE NI GNYIS MED YE SHES TE, ,RAB TU MI GNAS MYA NGAN 'DAS, ,SANGS RGYAS NYID DANG RDO RJE 'DZIN, ,DE BZHIN KUN GYI DBANG PHYUG NYID, ,RDO RJE LTA BU'I TING NGE 'DZIN, ,RDZOGS PA'I RIM PA'ANG DE NYID DE, ,SGYU MA LTA BU'I TING 'DZIN DANG, ,GNYIS SU MED PAR DE BRJOD DE, ,SKYE BA MANG LA SOGS SGRA GANG, ,GNYIS MED YE SHES MTSON PA'O, ,THAMS CAD 'DI YI BRJOD BYED DE, ,'DZIN NI GZHAN DAG MA BRJOD DO, ,YOD DANG MED PA'I PHYOGS SPANGS PA, ,'DI NYID RTOGS PA'I SANGS RGYAS PA, ,GANGG'A KLUNG GI BYE SNYED KYI, ,PHYAG RGYA CHEN PO BDAG NYID GRUB, CES SO,, ,,MAN NGAG GI SNYE MA BDUN PA LAS, JI LTAR SGYU MA RMI LAM BZHIN, ,BAR DO'I SRED PA JI LTA BAR, ,RTAG TU GOMS PA'I RNAL 'BYOR GYIS, ,DE LTAR DKYIL 'KHOR 'GYUR BA YIN, ,ZHES PA NI DKYIL 'KHOR RGYAL MCHOG GI TING NGE 'DZIN TO, ,DA'I RJES SU DE BZHIN GSHEGS PA LA SOGS PA'I DKYIL 'KHOR GYI 'KHOR LO SPRUL PA RNAMS KYIS 'GRO BA RTOGS PA'I SANGS RGYAS SU BYAS NAS JI LTAR RIGS PAR RANG GI LUS LA BSDUS PAS SO, ,RANG GIS 'KHYUD PA'I LHA MO LA NI DE LAS GZHAN PA'I RNAL 'BYOR MA RNAMS TE, DE DANG
, ,LHAN CIG BDE BA NYAMS SU MYONG BA'I LTE BAR 'BYUNG BA'I RLUNG GIS BSKUL BA'I GTUM MO RAB TU DRAG PO'I NGO BO RI MO'I 'OD KYIS BSREGS NA RI BONG CAN GYI THIG LE'I GZUGS 'JUG PA'I RLUNG DANG LHAN CIG RTOGS PA'I GTUM MO DANG LHAN CIG TU 'GYUR BA'I LHAN CIG SKYES PA'I BDE BA NYAMS SU MYONG BA'I RIM GYIS LTE BA'I DKYIL 'KHOR LA DMIGS PA'I YID KYIS DMIGS PA MED PAR 'GYUR TE, DE LTAR YANG NAS YANG DU BYAS TE DE'I RJES SU LAS RLUNG LTE BAR 'GAGS PAR MOS PA LA THIG LE TZAM GYI RNAM PAR BLTAS LA THIG LE DE'I NANG DU SKAD CIG GIS RDZOGS PA'I DKYIL 'KHOR GYI 'KHOR LO DRAN PAR BYA'O, ,DE LTA BU NYID KYIS DKYIL 'KHOR GYI 'KHOR LO SGYU MA'I RANG BZHIN DU BSGOM MO ZHES PA NI LAS RGYAL MCHOG GI TING NGE 'DZIN TO,, ,,YANG DE NYID LAS, 'DIS NI STONG PA NYID DANG SNYING RJE DBYER MED PA'I BYANG CHUB KYI SEMS KYI RANG BZHIN GYI LHA'I RNAM PA'I BDAG NYID CAN GYI LUS KYI DNGOS PO'O, ,DKYIL 'KHOR SNA TSOGS PA'I LHA'I SPRUL PA RNAMS KYIS SNA TSOGS PA'I DON BYED PAR GSUNGS PA DE GSAL BAR BYED PAS RDUL TSON GYI DKYIL 'KHOR YANG DKYIL 'KHOR DU BRJOD DO, ,'O NA RANG BZHIN GYIS RNAM PAR DAG PA'I DPAG TU MED PA'I CHOS KYI RTEN GYI RANG BZHIN GYI SEMS NYID DKYIL 'KHOR KYANG GDUL BYA'I SKYE BO RNAMS LA GSUNGS PA MIN NAM ZHE NA, GSUNGS TE, RNAL 'BYOR PAS RNAM PAR DAG PA'I SEMS KYI DKYIL 'KHOR RNAM PAR SPROS PA'I SHIN TU YONGS SU DAG PA'I BLOS SANGS RGYAS SU MOS PAR BYAS PA NYID NI RANG BZHIN GYIS YONGS SU
DAG PA NYID RTOGS PA'I PHYIR LA, RANG GI SEMS RANG BZHIN GYIS DAG PA YONGS SU RTOGS PAS SANGS RGYAS PA'I RNAL 'BYOR PA NI BZHED PA TZAM MO, ,DE NAS DKAR PO'I CHOS THAMS CAD KYI RANG BZHIN LA DKYIL 'KHOR DU BRJOD ZIN KYANG, DE LTAR NA'ANG SEMS CAN THAMS CAD KYI SEMS KYI RANG BZHIN DANG 'GAL BA MED PA DE LTAR YIN NA, BSKYED PA'I RIM PA BSTAN PA RNAMS LA DGOS PA CI'ANG MED DO ZHE NA YOD DO, DE NAS GZHAN DU BRJOD PA GSUNGS PA NI, CI ZHES PA STE CI'ANG YOD PA MA YIN TE, GANG BYANG CHUB KYI SEMS SGOM PA MA YIN PAS 'GRUB PA MED CES DGONGS PA'O, ,GANG DU BDAG GIS SANGS RGYAS RDO RJE 'DZIN PA'I BSKYED PA'I RIM PA SGOM PA LA SOGS PA DE NAS SEMS RGYA CHUNG DU MA LAS DANG PO PA RNAMS LA PHAN PA NYID DE SEMS DANG RJES SU MTHUN PAR 'DOD PAS 'DIS GANG BYAS PA'O, ,DE'ANG GZUGS SNA TSOGS PA'I SPRUL PA RNAMS KYI SNA TSOGS PA'I CHA BYAD DANG RGYAN DANG BKOD PA SKAL BA DANG LDAN PA LA SPROS PA DANG BCAS PA NYE BAR STON TO, ,GCIG TU GYUR NAS MANG POR GYUR PA DANG MANG POR GYUR NAS GCIG TU GYUR PA DANG, SNANG BAR GYUR NAS MI SNANG BAR GYUR BA DANG, MI SNANG BAR GYUR NAS SNANG BA YANG DAG PAR STON PA'I RNAM PAR SNANG MDZAD LA SOGS PA 'KHOR DANG BCAS PA'I SANGS RGYAS RNAMS KYIS GAR BYED PA NI, GDUL BYA RNAMS LA RNAM PAR STON PA SNA TSOGS SHING BSAM GYIS MI KHYAB PA'I SPRUL PA 'DI'I GAR NI LAS DANG PO PA NYID KYIS BSOD NAMS BSAGS PA'I DBANG PO RAB KYI SHES RAB KYIS 'JIG RTEN PA'I 'BRAS BU GRUB PA LAS SKYES PA DAD PAS RDZOGS PA'I RIM PA BSGOMS PA RNAMS LA'ANG
, ,SHIN TU'ANG SNANG BAR 'GYUR RO, ,DE'ANG DE NYID LAS YID CHES PAR MI NUS PA'I BLO DMAN PA LA DANG POR BSTAN PAR MI BYA STE, DE'ANG RDZOGS PA'I RIM PA BSGOMS PA NYID KYIS THAMS CAD 'GRUB BO, ,ZHES THOS PAS DE'ANG MI NUS LA BSKYED PA'I RIM PA LAS KYANG NYAMS PAR 'GYUR TE, DE'I PHYIR NA DANG PO BSKYED PA'I RIM PA SGOM PA DE NYID NGES PA'I DON ZHES KHA CIG TU BSTAN TE, JI SKAD DU GSUNGS PA, RGYU 'BRAS DNGOS PO ZHES PA NI, ,SEMS KYANG NYAMS PAR MI 'GYUR RO, ZHES PA'I DON TE, DE'I PHYIR NA RDZOGS PA'I RIM PA SHES PAS KYANG YONGS SU SMIN PA LA BLTOS PA MED PAS BSKYED PA'I RIM PA DANG POR BSGOM ZHES PA'I MAN NGAG GO, ,,MAN NGAG SNYE MA BCU GNYIS PA LAS, YE SHES SEMS DPA' DAM TSIG SEMS DPAR GZHUGS PA DANG, DE NI 'DIR THA MAL PA'I NGA RGYAL LAS BZLOG PA STE RANG GI SEMS KYI SNANG BA'I NGO BO PHYAG LA SOGS PA RNAMS SPROS PA'I LHA'I SKU'O, ,KHA CIG NI SA BON DU YANG GSUNGS LA, KHA CIG TU NI DE NYID DE MNYAM PA DANG 'DUS PA STE DE'I BDAG NYID DU GYUR PA'I GNYIS SU MED PA'I YE SHES MNGON SUM DU BYAS PA'I PHYIR 'DIR YE SHES SEMS DPA'O ZHES PA DANG, DAM TSIG SEMS DPA' NI SEMS CAN GYI DON BYED PA'I PHYIR DANG RNAM PAR DAG PA'I SEMS CAN GYI THA SNYAD KYI YUL GYI PHYIR LA SA BON NI NUR NUR PO BZHIN SEMS CAN NO, ,'O NA DAM TSIG SEMS DPA' DANG YE SHES SEMS DPA' NYID KHA CIG TU SANGS RGYAS RNAMS THAMS CAD DANG KHA CIG TU BYANG CHUB SEMS DPA' RNAMS DANG KHA CIG TU 'GRO BA RNAMS DANG, LHAN CIG PA DE'I BDAG NYID DU BSHAD
NA JI LTAR 'GAL BA MA YIN ZHE NA, DE LTAR GYUR NA GZHAN GYI RGYU MED PAS RIG BYED SMRA BA'I GRUB PA'I MTHAR LHUNG BAS MCHOD PA DANG SDIG PA BSHAGS PA LA SOGS PA DANG, SNYING RJE CHEN POS SBYIN PA LA SOGS PAS BSOD NAMS KYI TSOGS KYANG GANG GI'ANG SPYOD YUL MA YIN LA, GANG DU KHA CIG GIS YE SHES SEMS DPA' DANG SANGS RGYAS DANG BYANG CHUB SEMS DPA' RNAMS 'GRO BA'I RGYUD GCIG TU GYUR NAS SPRO BA GSUNGS PA, DE NI SHIN TU'ANG 'GAL TE RNAM PAR SHES PA GCIG GI RGYUD LA SEMS CAN ZHES GRUB PA'I GTZO BO'O, ,DUS GCIG TU RNAM PAR MI RTOG PA'I YE SHES DU MA'I CHA NAS MED PAR GNAS PA'I BYA BA GCIG PA RNAMS NI GCIG TU MOS PA NYID KYIS TE GZUGS DANG DRI DANG RO DANG REG BYA'I RDUL PHRA RAB TSOGS PA 'DUS PA BUM PA GCIG CES MOS PAS THA SNYAD BYED PA BZHIN DU SEMS CAN GYI THA SNYAD DU DE BZHIN NO ZHE NA, GAL TE BDAG DANG GZHAN GYI RGYUD DAG GCIG GI DNGOS POR BSTAN NA NI 'GAL BAR 'GYUR BAS DE LTAR NA NI MOS PA CAN GYI GCIG TU LHAG PAR MOS PAS NI SA DANG PO GOMS PAR BYED PA DANG LDAN PA NYID DO, SGRIB PA MED PA'I BYANG CHUB SEMS KYI RANG BZHIN YONGS SU DAG PA SEMS CAN DE DAG BDAG NYID DU LHAG PAR MOS PA BRTAN PO GUS PA DANG BRAL BAR 'JUG PA'I SO SO'I SKYE BO'I NGA RGYAL BSAL BAS 'JIG RTEN LAS 'DAS PA'I RNAM PAR DAG PA LA NYE BAR 'GYUR BAR BYED PA'O, ,DE LTAR YANG DPAL DE NYID BSDUS PA LAS, MNGON PAR BYANG CHUB PA RNAM PAR LNGAR 'GYUR BA BDEN PA, AOm JI LTAR DE BZHIN GSHEGS PAR 'GYUR BA THAMS CAD KYIS DE LTAR BDAG GI YIN NO ZHES PA'I RJES SU'ANG GSUNGS TE, DE NAS BYANG
, ,CHUB SEMS DPA' RDO RJE DBYINGS KYI'O, ,DE BZHIN GSHEGS PA'I SKUR BDAG GIS MNGON PAR BYANG CHUB NAS NGES DE BZHIN GSHEGS PA THAMS CAD LA PHYAG BTZAL NAS GSOL BA, BCOM LDAN 'DAS DE BZHIN GSHEGS PA THAMS CAD KYIS BDAG LA BYIN GYIS BRLABS NAS MNGON PAR BYANG CHUB PA NI BDAG LA BSTAN PAR MDZAD DU GSOL ZHES PA STE, DE NAS DE SKAD GSOL BA BTAB PA DANG DE BZHIN GSHEGS PA THAMS CAD KYIS RDO RJE'I DBYINGS LA DER SEMS DPA'I RDO RJE CAN NO, ,DE NAS DE BZHIN GSHEGS PA RDO RJE DBYINGS KYIS DE'I SKAD CIG NYID LA DE BZHIN GSHEGS PA THAMS CAD DANG MNYAM PA NYID KYI YE SHES KYI 'OD GSAL BA MNGON PAR RDZOGS PAR SANGS RGYAS SO, ,DE BZHIN GSHEGS PA THAMS CAD KYI RDO RJE MNYAM PA NYID KYI YE SHES KYI PHYAG RGYA'I GSANG BA'I DAM TSIG RAB TU ZHUGS PA DANG, DE BZHIN GSHEGS PA THAMS CAD KYI CHOS MNYAM PA NYID KYI YE SHES KYIS RTOGS PA'I RANG BZHIN GYIS DAG PA DE BZHIN GSHEGS PA THAMS CAD KYI MNYAM PA'I RANG BZHIN GYIS 'OD GSAL BA'I YE SHES KYI 'BYUNG GNAS SU GYUR NAS KUN RDZOB TU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS SU GYUR TO ZHES PA'O, ,'DIR RDO RJE DBYINGS KYIS MA 'ONGS PA'I SKYE BO LA DGONGS NAS DE BZHIN GSHEGS PA'I SKU RANG BZHIN GYIS ZHUS PA'O DE NYID KYIS GSUNGS PA NI DE BZHIN GSHEGS PA ZHES PA'O, ,SEMS DPA' RDO RJE NI DAM TSIG SEMS DPA' STE, DE'I DE NYID DU NI RNAM PAR SNANG MDZAD LA SOGS PA'I DE BZHIN GSHEGS PA LNGA'I BDAG NYID KYI YE SHES SEMS DPA' RDO RJE 'DZIN PA BZHUGS PA'I
RJES THOGS KYI SKAD CIG LA'O, ,DE BZHIN GSHEGS PA THAMS CAD CES PA LA SOGS PA'I DANG POR YE SHES ZHES PA'I TSIG BZHI ME LONG LTA BU LA SOGS PA'I YE SHES BZHI GSUNGS PA YANG DAG PAR RDZOGS PA'I SANGS RGYAS ZHES PA 'DIS NI LNGA PA'I MNYAM PA'I TSIG GIS NI THAMS CAD DANG 'DRA BAR GSUNGS SO, ,DE NYID KYI DE BZHIN GSHEGS PA THAMS CAD NYID BDAG NYID DANG LHAN CIG TU BRTAN PAR LHAG PAR MOS PA NI MNYAM PAR RTOGS PA'I DON NYID LA, DE LTAR 'GRO BA'ANG LHAN CIG TU LHAG PAR MOS PAR BYA STE, RANG BZHIN GYI DE BZHIN NYID KYIS 'GRO BA'O, ,RGYU DANG 'BRAS BU'I GNAS SKABS DAG NI BYANG CHUB KYI SEMS KYI RGYU NYID LAS BYUNG BAR 'GYUR BA'I 'BRAS BU'I GNAS SKABS KYI YE SHES SEMS DPA'I NGO BO DANG LHAN CIG TU DE'I BDAG NYID DU LHAG PAR MOS PAR BYED LA GZHAN GYI RGYUD KYI SEMS CAN MNYAM PA'I SEMS CAN NO ZHES PA NI MAN NGAG GO, DE BAS NA DNGOS POR 'GYUR BA'I RANG GI DANG GZHAN GYI SEMS KYI RGYUD DE'I BDAG NYID SGOM PA MA YIN LA, DE'I RANG GI LAS SPROS PA'ANG MA YIN NO, ,ZHES PA LA 'GAL BA CUNG ZAD KYANG MED DO, ,DE BZHIN DU GZHAN DAG TU JI LTAR RIGS PAR GO BAR BYA'O, ,DE'ANG LHA MO GCIG LA LHA MO GZHAN NI BSDUS NAS BDAG PO LA BDE BA CHEN POS MCHOD CES BYA BA GSUNGS TE, DE LA YID KYI RANG BZHIN GYIS CHOS KYI LUS THOG MA MED PA RNAMS KYIS DE RNAMS KYI RGYUD THA DAD PA NYID LHAN CIG YUL GCIG TU GNAS PA TZAM GYI NANG DU BSDUS PA LAS DE RNAMS PHAN TSUN BDAG NYID GCIG PA NI MA YIN NO, ,RNAL 'BYOR PA'I RGYUD LA SPRUL PA NYID NI DE DANG BDAG NYID GCIG PA LA'ANG 'GAL BA MED DE, LHA'I DKYIL 'KHOR RNAM PA GNYIS TE, KHA CIG TU
, ,PHAL CHER RGYUD GZHAN LAS TSUL GZHAN DU BSTAN PA STE, DPAL DE NYID BSDUS PA'I 'GRO BA 'DUL BA'I DKYIL 'KHOR DU GSUNGS PA BZHIN NO, ,KHA CIG TU NI PHAL CHER RNAL 'BYOR PA'I RGYUD LAS SPRUL PAS TE, JI LTAR DPAL GSANG BA 'DUS PA LAS DANG, BDE MCHOG DANG DGYES PA'I RDO RJE'I DKYIL 'KHOR GYI LHA RNAMS BZHIN NO, ,DBANG PO RNON PO'I SEMS CAN GYIS NI GANG DU BDAG NYID GCIG PAR SGOM PA MED DE DES NI SKAD CIG GIS MNGON PAR RDZOGS PA'I RDO RJE 'DZIN PA'I SKU NYID KYIS GCIG PU'AM DKYIL 'KHOR DANG BCAS PA'I SHES RAB DANG BCAS PA 'AM SHES RAB MED PAR GOMS PAR BYED DE, DE'ANG BCOM LDAN 'DAS RDO RJE SEMS DPA'I BYANG CHUB KYI SEMS KYI RANG BZHIN LA NGES PA NYID DU GOMS PAR BYED PA NYID DU MI SEMS TE, 'DI NYID BCOM LDAN 'DAS BYANG CHUB KYI RDO RJE SEMS DPA' RDO RJE DE BZHIN GSHEGS PA'I SHES RAB DANG THABS DANG YE SHES KYI NGO BOR 'DOD CHAGS LA SOGS PA'I RANG BZHIN GYIS DE BZHIN GSHEGS PA LNGA DANG RIG MA LA SOGS PA'I KUN RDZOB KYI GZUGS 'DZIN PA NYON MONGS PA YONGS SU SPANGS PA'I SEMS CAN GYI KHAMS DRI MA MED PAR BYED PA'I DON DU DES DE LTAR GDUL BYA RNAMS DE LTAR YANG DAG PA'I LAM DU ZHUGS SHING SKAL BA DANG LDAN PA RNAMS DE KHO NA NYID LA SBYOR BAR BYED PA DE LTAR RNAM PAR BZHAG PAS SO, , ZHES PA NI DE LTAR MAN NGAG GI, DE LTAR YANG RDO RJE SEMS DPA' LA SOGS PA'I LHA GZHAN DU CHOS THAMS CAD KYANG RANG BZHIN MED PAR BLA MA'I MAN NGAG GIS RTOGS PAR BYA'O, ,DE NYID KYIS NA RIM PA 'DIS RDO RJE SEMS DPA' LA SOGS BSGOMS PAS
CHOS THAMS CAD RANG BZHIN MED PAR RTOGS PAR 'GYUR RO, ,ZHES SHES PAS RDO RJE SEMS DPA' LA SOGS PA BSGOMS PAS PHYAG RGYA CHEN PO'I DNGOS GRUB 'BYUNG BAR 'GYUR RO ZHES BCOM LDAN 'DAS KYIS DE LTAR GSUNGS LA, 'DIR 'DI NYID LA DGONGS NAS GDUL BYA'I SEMS KYI RANG GI MOS PAR RJES SU 'JUG PAS DAM TSIG CHEN PO DE KHO NA NYID KYI RGYUD LAS GSUNGS PA NI, 'DIR NI THAMS CAD KYI BDAG NYID, GSANG BA'I SNYING PO KUN BSDUS PA'I, ,RDO RJE LHA MO KUN 'DUS NAS, ,GAR MKHAN KUN GYIS GAR BYED PA'O, , ZHES PA STE 'DIR SHIN TU MANG PO LEGS PAR BRJOD PAR MI NUS TE, GZHUNG MANGS KYIS 'JIGS PAS MA BRIS SO,, ,,SNYE MA BCU GNYIS PAR, DE LTAR YANG 'DAS PA'I SRID PA'I GNAS SKABS NYID NI BYANG CHUB SEMS DPA' RNAMS KYI TSOGS KYI LAM MO, ,'DIR YANG SBYIN PA LA SOGS PA'I BSOD NAMS GSOG PAR BYED PA DANG, SNGON GYI DGE BA DANG MI DGE BA RNAMS LA SOGS PA CHOS MTHUN PA'I PHYIR RO, ,'CHI BA'I DUS LA MNGON DU PHYOGS PA'I SBYOR BA'I GNAS SKABS NYID NI MOS PA SPYOD PA'I SA STE, DE KHO NA NYID LA NGES PAR BYED PA'I SBYOR BA'I NGO BO'I PHYIR RO, ,DE'I RJES LA 'DAS PA'I SRID PA 'GAGS NAS BAR MDO'I GNAS SKABS NYID KYI SBYOR BAS GNAS SKABS KYI SKYE BA'I SKAD CIG MA'I BAR GYI GANG 'GAGS PA'I MTHA'I SKAD CIG MA'I NGO BO NI RAB TU DGA' BA'I SA'I BAR CHAD MED PA'I LAM GYI GNAS SKABS LA, DE'I RJES SU BAR MA DOR JI LTA BA BZHIN GYI GZUGS 'GAGS PA'I RJES KYI MNGAL GYI GNAS SKABS NYID NI BYANG CHUB SEMS DPA' RNAMS KYI BAR CHAD MED PA'I LAM 'GAGS PA'I RJES LA SA BCU'I GNAS
, ,SKABS SU RIG PAR BYA STE SA 'DI THAMS CAD SGRIB PA DANG NI BCAS PA NYID DO, ,SKYE BA'I GNAS SKABS NYID NI SANGS RGYAS NYID KYI GNAS SKABS TE, 'BRAS BU YONGS SU RDZOGS PA'I SPYOD YUL LA SO SOR NYAMS SU MYONG BA NYE BAR MNYAM PA STE, SKYE GNAS DBANG PO THAMS CAD KYI SPYOD YUL LA SO SOR NYAMS SU MYONG BAS SO, ,DE LTA BU LA SOGS PA SKYE BAR BYED PA'I GNAS SKABS NYID NI SPRUL PA'I SKU STE, LHA 'BYIN PAR BYED PA'I GNAS SKABS SO, ,DE LA MNGAL GYI GNAS SKABS SU BCU STE, KHU BA'I GZUGS KYI GNAS SKABS DANG, NUR NUR PO'I GZUGS KYI GNAS SKABS DANG, GOR GOR PO'I GZUGS KYI GNAS SKABS DANG, 'KHRANG 'GYUR BA'I GZUGS KYI GNAS SKABS DANG, GZUGS DANG RJES SU MTHUN PA'I GZUGS KYI GNAS SKABS DANG, 'BREL BA DANG RJES SU MTHUN PA'I GZUGS KYI GNAS SKABS DANG, RANG BZHIN DANG RJES SU MTHUN PA'I GZUGS KYI GNAS SKABS DANG, LAS BYED PA DANG RJES SU MTHUN PA'I GZUGS KYI GNAS SKABS DANG, BYA BA DANG RJES SU MTHUN PA'I GZUGS KYI GNAS SKABS DANG, YONGS SU RDZOGS PA'I GZUGS KYI GNAS SKABS SO, ,DE NI RNAM PA GSUM STE, DBANG PO YONGS SU RDZOGS PA DANG, DPE BYAD DANG MTSAN YONGS SU RDZOGS PA DANG, CHU DANG ZHENG YONGS SU RDZOGS PA STE, 'DI RNAMS NI SA DANG PO RAB TU DGA' BA LA SOGS PA RNAMS DANG, CHOS MTHUN PA NYE BAR MTSON PAR SHES PAR BYA'O, ,DE LTAR DE DANG DER LHAG PAR MOS PA SGOM PA NI 'DIR RANG GI SNYING GAR SA BON GYI 'OD ZER LAS BKUG PA'I DE BZHIN GSHEGS PA LA MCHOD PA LA SOGS PA RNAMS NI BSOD NAMS KYI TSOGS KYI SA'O, ,DE'I RJES SU STONG PA
NYID LA GZHUG PA NI SBYOR BA'I GNAS SKABS SO, ,DE NAS DE'I GNAS SKABS SRID PA BAR MA DO'I GNAS SKABS NYID DO, ,KHA CIG TU HO DMAR PO GNYIS DANG SPEL BA'I SA BON GYI GNAS SKABS KYI YI GE GSUM GYIS LUS NGAG YID GSUM RNAMS BSKYED PA'I PHYIR RO, ,STONG PA NYID KYI TING NGE 'DZIN NI 'CHI BA'I RJES THOGS SU YI GE'I GZUGS DE BSDUS NAS SGRA'I GZUGS LA NI DRI ZA'O ZHES PA NI RGYUD GZHAN DU RGYAS PAR BSTAN PAS SO, ,SA BON LA SOGS PA'I YI GE DANG SGRA RNAMS LA RNAM PA SNA TSOGS PA SKYE BAR BYED PA NI LHA'I RNAM PA'I PHYIR RO, ,DRI ZA NI RNAM PA SNA TSOGS CUNG ZAD SRID PA'I RNAM PA'I PHYIR SRID PA'O, ,DRI ZA DANG DE'I JI LTA BA BZHIN GYI GZUGS 'GA' ZHIG LA SA BON THAMS CAD BAR DOR GNAS PA NYID DO, ,DRI ZA ZHUGS PA NAS BRTZAMS NAS SA BON GYI YI GE YONGS SU GYUR PA'I GNAS SKABS KYI GNAS SKABS TE, DE NI SRID PA SNGON BZHIN RGYU'I RDO RJE 'DZIN PA'I GNAS SKABS SO, ,DE NYID KYIS NA 'DI RNAMS LA DGONGS NAS GSUNGS PA NI, ZLA BA BCU RNAMS SA RNAMS SO, ,SEMS CAN SA BCU'I DBANG PHYUG GO ,ZHES PA'O, ,DE RDZOGS PA'I LHA'I GZUGS KYI 'BRAS BU RDO RJE 'DZIN PA'I GNAS SKABS NI SKYE BA'I GNAS SKABS NYID DO, ,'DI'I RNAM PAR BZHAG PA NI GANG DU LHA ZHU BAR GYUR PA JI LTAR PHYAG BCU DRUG PA DANG, 'JAM PA'I RDO RJE LA SOGS PA ZHU BAR GYUR PA DE'I TSE STONG PA NYID LA ZHUGS PA LA SOGS PA RNAM PA LNGA MNGON PAR BYANG CHUB PA NAS BRTZAMS NAS DRI ZA 'JUG PA'I SNGON GYI GNAS SKABS THAMS CAD BAR DOR GNAS PA NYID DO, ,DRI ZA ZHUGS PA NAS BRTZAMS NAS SA BON GYI YI GE YONGS SU GYUR PA'I GNAS SKABS KYIS NI MNGAL GYI GNAS SKABS
, ,NYID DO, DE LTAR GNAS SKABS GNYIS PO 'DI NI RGYU'I RDO RJE 'CHANG BA'I GNAS SKABS SO, ,DE'I RJES LA DE YONGS SU GYUR PA LAS LUS SKYES PA'I GNAS SKABS NYID NI 'BRAS BU'I RDO RJE 'CHANG GI GNAS SKABS TE, RGYU DANG 'BRAS BU GNYIS KA LA RNAM PA LNGA MNGON PAR BYANG CHUB PA'I BDE BA CHEN PO 'DI DAG LA YOD DO, ,ZHES RTOGS PAR BYA BA'I DON TO, ,RJES SU 'BRANGS NAS YE SHES NI GZHI'I BDAG NYID RGYU'I GNAS SKABS SU LHAG PAR MOS PAR BYA STE, SNGON DU JI SKAD BSHAD PA BZHIN NO, ,KHA CIG TU NI GZHAN RNAM PAR BZHAG PA STE, JI LTAR MDOR BYAS PA BZHIN TE DE LA STONG PA NYID NI ZHUGS PA'I GNAS SKABS GCIG GCIG GIS, LHAG PAR MOS PA BSKYED PA'I BCOM LDAN 'DAS KYI SKU STE, BAR MA DO'I SRID PA'I GNAS SKABS NYID DO, ,DE RNAMS RIM GYIS 'GAGS PA'I RJES SU NYI MA DANG ZLA BA DANG PADMA DANG YI GE GSUM LAS BRTAN PA DANG GA-YO BA RNAMS NGO BO GCIG TU GYUR PA'I BYANG CHUB KYI SEMS KYI PHYAG MTSAN DANG SA BON YONGS SU GYUR PA LAS DANG PO'I MGON PO'I SKU'I TING NGE 'DZIN GYI SEMS DPA'I MING CAN NAS H'Um GIS DGOD PA'I BAR NI MNGAL GYI GNAS SKABS NYID DO, ,DE'I RJES SU SKYES PA'I GNAS SKABS NYID NI GZUGS DANG LANG TSO LA SOGS PAS BRGYAN PA'I BU MO DANG SNYOMS PAR 'JUG PA LA SOGS PA'I GNAS SKABS SO ZHES PA'O, ,DE YIS BTON NAS MI BSKYOD PA'I RJES SU BCUG PA LAS SNGON DU 'BRAS BU RDO RJE 'DZIN PA NYID KYI GZUGS DKAR PO NI 'GAL BA MED DO, ,RGYU DANG 'BRAS BU DAG LA NI GZUGS GZHAN DU NGES PA MED DE, DE LTAR YANG DPAL SANGS RGYAS THOD PA'I PHRENG BA LAS KYANG BDE MCHOG GI GZUGS GCIG NYID
DU GZHUG PA'O, ,LHA KHONGS SU GTOGS PA'ANG KHA CIG TU GZUGS GZHAN DU 'BRAS BU'O, ,KHA CIG TU MED DO, ,GDUL BYA'I BSAM PA'I DBANG GIS SNYING RJE'I GZUGS KYIS RNAM PA SNA TSOGS PA LA SOGS PA'I RNAM PAR BSTAN, PHYUNG BA'I LHA BCUG PAS KHA CIG TU NI 'BRAS BU'I GZUGS GZHAN LA, KHA CIG TU MA YIN PA NI GDUL BYA'I BSAM PA'I DBANG GIS THUGS RJE'I RANG BZHIN RNAMS KYIS RNAM PA SNA TSOGS PA SGOM PAR BSTAN PA'O, ,DE NYID KYIS NI 'BRAS BU'I RDO RJE 'DZIN PA'I BCOM LDAN 'DAS NI DRI ZA 'JUG PA MED KYANG ZHU BA MDOR BYAS PA'I RIM PA LAS BSTAN PA NI, DE'I GNAS SKABS SU GDUL BYA'I SKAL BA DANG LDAN PA MA BYUNG NAS, BDE BA CHEN PO'I RANG BZHIN GYI SKU NI NYID KYIS KUN TU GNAS PA'O, ,ZHES PA LA DGONGS PA'O, ,SKAL LDAN BYUNG BA NI SNYING RJE CHEN PO DANG BYAMS PA DANG DGA' BA DANG BTANG SNYOMS KYI RANG BZHIN RNAMS KYI SA DANG CHU DANG ME DANG RLUNG RNAM PAR DAG PA'I NGO BO'I SPYAN MA DANG M'A MA K'I DANG GOS DKAR MO SGROL MA RNAMS KYIS SLONG BAR BYED PAR 'GYUR TE GANG DU GZHAN DON BYA BA RNAMS DANG SKAD CIG KYANG MI 'BRAL BAR GANG DU'ANG ZHU BAR DNGOS PO NI MA YIN NO, ,JI LTAR BCOM LDAN 'DAS KYI RDO RJE SEMS DPA' 'DIS KHA CIG TU STONG BA NYID KYI RJES THOGS SU YI GE'I GZUGS LA SOGS PA'I DRI ZA MA GZUNG STE, LAS KYI KHYAD PAR GYI DBANG GIS SHI BA'I RJES THOGS SU BAR DO SRID PA'I GNAS SKABS LAS GZHAN DU CHU LA GRU 'PHYO BA BZHIN DU 'GRO BA GZHAN DU SKYE BA LEN PAS DE'I RJES SU 'BRANGS NAS SGOM PA'ANG RNAM PAR BZHAG PA'O, ZHES PA LA DGONGS PA'O, ,DE'I YI GE'I NGO BO LA SOGS PA'I DRI ZA DANG RJES SU MTHUN PAR RNAM PAR BZHAG
, ,PA NI MA YIN NO, ,DE BZHIN DU DE NYID KYI RNAM PAR BZHAG PA'I BYE BRAG GI DBYE BA NI SHES RAB CAN MANG DU THOS PA RNAMS KYIS RANG NYID KYIS GZHAL BAR BYA'O, ,BDAG GIS JI SNYED CIG BRJOD PAR BYED PA RE ZHIG CIG BRJOD PAR BYA'O,, ,, MAN NGAG SNYE MA'I SNYE MA BCU GSUM PA LAS, BYANG SEMS SUM CU RTZA GNYIS LAS, ,GANG DU 'BYUNG GNAS 'DIR GANG BA, ,DBANG PO PHUNG POR 'GYUR RNAMS KYIS, ,DE YI RJES SU SANGS RGYAS NYID, ,CES PA DE DAG NYID KYIS RDO RJE 'DZIN PA NYID NI MA YIN TE, 'ON KYANG THA MAL PA'I DRI MA GZHOM PA LHAN CIG SKYES PA DE KHO NA NYID RTOGS PAR BYED PA'I PHYIR, JI LTA BA'I GDAMS NGAG LA RJES SU GNAS PAR BYAS LA DES NGAL BA MED PAR BSGRUB BYA'I PHYAG RGYA CHEN PO'I DNGOS GRUB 'GRUB PAR 'GYUR RO, ,ZHES PA'I DON TO,, ,, MAN NGAG SNYE MA'I SNYE MA NYER GCIG PA LAS, SA SOGS SGOM PA BZHI PO NI, ,DE LTAR STONG PA BZHI RU NI, ,RDZAS NI BRGYAD PO SHES PAR BYA, ,'JIG RTEN SKYE BA'I RGYU RNAMS SO, ,'OD GSAL STONG PA CHEN PO LA, ,STONG PA LA NI THABS 'DI 'BYUNG, ,DE PHYIR BSKYED PA'I SHES RAB 'DI, ,DE LAS RLUNG NI YANG DAG 'BYUNG, ,RLUNG LAS ME NI YANG DAG 'BYUNG, ,ME LAS CHU NI YANG DAG 'BYUNG, ,CHU LAS SA NI SKYES PA YIS, ,SEMS CAN RNAMS NI YANG DAG 'BYUNG, ,SA YI KHAMS NI CHU LA THIM, ,CHU NI ME LA THIM PA STE, ,ME YANG PHRA MO'I KHAMS LA'O, ,RLUNG NI SEMS LA THIM PA STE, ,SEMS NI SEMS LAS BYUNG LA THIM, ,MA RIG PA LAS SEMS 'BYUNG STE, ,DE YANG 'OD KYI BAR DU SONG, ,'GOG PA SRID PA GSUM YIN NO, ,DE DAG THOG MA MED PA RU, ,SRID PA'I 'KHOR LOS RAB TU
'JUG ,JI SRID BDAG GIS MA MTHONG BAR, ,SGYU MA LTA BU'I TING 'DZIN TO, ,ZHES PA'O, ,DE LA 'OD GSAL THAMS CAD STONG PA NYID ZHI BA'O, ,CHEN PO STONG PA SNANG BA THOB PA NI DRI ZA'I SEMS KYI TSUL GYI SEMS SO, ,SNANG BA MCHED PA THAMS CAD KYI 'DOD PA KHU BA 'BYIN PA'I SEMS SO, ,SNANG BA NI SHES RAB 'DZIN PA'I SKYE BO'I SGO NAS SO, ,DE NAS LAS KYI RLUNG GIS BSKYOD PA'I MER MER PO'I TSUL DU 'BYUNG BAR 'GYUR RO, ,SEMS DE DANG DE'I RANG BZHIN DE RNAMS YANG BLA NA MED PA'I DGONGS PA'I DKA' 'GREL DU GSAL POR BYAS PAS BDAG GIS MA SPROS TE, THIM PA'ANG SA LA SOGS PA RNAMS LA RIM PAS RNYING PA DANG MDANGS MED PA, ME DROD CHUNG BA DANG, LUS LA SOGS PA SPYOD PA DMAN PA NI SNANG BA LA SOGS PA SONG BA'I RLUNG RIM PA JI LTA BA BZHIN DU RANG BZHIN GYI LAS LAS BYUNG ZHING YANG 'GOG PA STE, DE LA THAMS CAD STONG PA NI 'CHI BA'O, ,YANG SNGON BZHIN DU 'KHOR BA'O, ,DE LTAR 'DI LTAR RKYEN TZAM LAS SKYES PA'I YID THOG MA DANG DBUS DANG THA MAR MTHO BA DANG DMA' BA'I SRID PA'I 'KHOR LO'O, ,DE LA 'DUS PA'ANG RDZOGS PA DANG, BSKYED PA DANG, GNYIS KYIS SGYU MA LTA BU'I RANG BZHIN GYI TSUL TING NGE 'DZIN GYI TSUL GYI BYANG CHUB KYI SEMS DE, DE DAG GSUNGS PA, HE YI YI GE DE NYID CES PA NI, AU DANG MA DANG YANG DAG SBYAR, ,H'Um GI YI GES BYANG CHUB KYI SEMS SO, ,DE NYID CES PA NI DON YANG DAG PAR LDAN PA'I BDAG NYID GCIG PA NYID DO, ,DE LTAR YANG, DPAL GSANG BA 'DUS PA LAS GSUNGS PA, KHYOD KYI SEMS LUS LTA BU DANG, ,LUS SEMS LTA BU DANG, SEMS TSIG TU BRJOD PA LTA BUR SKYED CIG CES PA'O, ,LUS KYI
, ,RANG BZHIN GYIS LUS SKYED CIG PA NI GANG DU JI LTAR LONGS SPYOD RDZOGS PA'I LUS KYI RNAM PAR RDZOGS PA'I SEMS NYID DO ZHES PA'O, ,SEMS LUS SU NI KUN RDZOB KYI SEMS LAS GZHAN CUNG ZHIG YOD PA MA YIN PA'O, ,GANG YANG TSIG BRJOD PA DE'I TSUL GYIS SEMS NYID SKYED PAR BYED PA'O, ,DE LTAR GZUNG BA DANG 'DZIN PA SPANGS PA DNGOS PO NYID DANG RO GCIG PA PHAN TSUN LDOG PA'I LUS DANG NGAG DANG YID BYANG CHUB KYI SEMS GSUNGS SO, ,DE LTA BAS NA RANG BYIN GYIS BRLAB PA'I RIM PA ZHES BSTAN PA'O, ,GANG 'PHAGS PA KLU SGRUB KYI ZHAL SNGA NAS GSUNGS PA, BDAG BYIN BRLAB PA'I RIM PA ZHES, ,KUN RDZOB BDEN PA RU NI BSTAN, ,ZHES SO, ,YANG, 'DIR NI GANG YANG SKYE BA MED, ,GANG YANG 'GAG PA YOD MA YIN, ,SEMS KYI RANG BZHIN RNAM PAR GNAS, ,'KHOR BA NYID NAS SHES PAR BYA, ,HAm GI SBYOR BA MED PAR NI, ,SEMS KYI RANG BZHIN GZUNG DU MED, ,SEMS KYI RANG BZHIN RGYUR GYUR PA, ,LAS DANG SKYE BA KUN TU 'BYUNG, ,DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU GSUNGS, ,SGYU MA'I LUS ZHES DE LA BSHAD, ,KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS SU 'GYUR, ,RDO RJE SKU YANG DE NYID YIN, ,ZHES SO, ,KUN ZHES PA NI RDZOGS PA'I RIM PA DANG BSKYED PA'I RIM PA'O, ,ZHES SO,, ,,'DIS KYANG SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ,SANGS GRAGS DANG, DPYAL CHOS BZANG GI 'GYUR LTAR DU BKOL BAR SNANG,, ,,