*, ,RDO RJE MKHA' 'GRO'I 'GREL PA'I ZIN BRIS SOGS BZHUGS SO,
, ,RDO RJE MKHA' 'GRO'I 'GREL PA LAS, LHAG PA YI NI LHA GCIG NYID ZHES BYA BA LA, LUS LA LHAG PAR BYIN GYIS BRLABS PAS NA LHAG PA YIN LA, MED PA'I RANG GI RKYEN PHAN DU BYAS PAS GSAL ZHING RIG PA DANG SPRUL PA RGYAS PAR BYED PAS NA LHA STE, ZHAL DANG PHYAG LA SOGS PA'I RNAM PAR BYUNG BA KUN RDZOB KYI BDEN PAR SHES PAR BYA'O, ,GCIG NYID CES BYA BA NI, CHOS KYI DBYINGS RANG BZHIN DON DAM PA'I BDEN PA STE, DE LTAR NA KUN RDZOB DANG DON DAM PA DBYER MED PA'I RANG BZHIN DE BZHIN GSHEGS PA THAMS CAD KYI BLA MAR GYUR PAS LHAG PA'I DON NYID DU BLTA BAR BYA'O ZHES DANG, BDAG NYID KHO NA STONG PA NYID DANG SNYING RJE DBYER MED PA'I BYANG CHUB KYI SEMS KYI RANG BZHIN GYI LHA'I GZUGS SU RDZOGS PAR BYA'O ZHES BYA BA'I DON TO, ,DE NYID KYI PHYIR BYANG CHUB KYI SEMS SNGON DU 'GRO BA'I LHA'I GZUGS BSGOMS PAR BSTAN TO ZHES DANG, 'DI YIS NI ZHES BYA BA BSTAN MA THAG PA'I PHYAG RGYA 'DIS SO, ,PHYAG DANG ZHAL LA SOGS PA'I KUN RDZOBS KYI PHYAG RGYA DANG MNYAM PAR SBYOR BA GANG LA YOD PA DE LA DE SKAD CES BYA'O, ,RNAL 'BYOR PA DES CI ZHIG BYA ZHE NA, SA GSUM MA LUS PAR BZA' BAR BYA ZHES BYA BA STE, SKU LA SOGS PA'I THA MAL PA'I GZUGS BZLOG PAR BYA ZHES BYA BA'I DON TO, ,STONG PA NYID KYI BSAM GTAN 'BA' ZHIG GIS JI LTAR YANG BYANG CHUB 'GRUB PA MED PAR BSTAN PA'I PHYIR GZHAN DU ZHES BYA BA LA SOGS PA GSUNGS TE,
, ,GZHAN DU ZHES BYA BA NI STONG PA NYID 'BA' ZHIG GIS SO, ,SBYOR BA MA TSANG BA ZHES BYA BA NI SNANG BA LAS MA 'DAS PA'O, ,'DA' ZHES BYA BA NI BDAG GI DON TZAM YANG MED PAR MYA NGAN LAS 'DA' BA'O, ,JI LTA BUR ZHE NA, MAR ME LTA BU STE, JI LTAR MAR ME MAR GYI RGYUN GYIS NAM MKHA'I NGOS SU GSAL ZHING 'BAR BA LAS, GANG GI TSE MAR GYI RGYUN ZAD PA DE'I TSE DE NYID DU ZAD CING GTUGS PAR GYUR PAS BDAG NYID KYANG MI SNANG NA GZHAN SNANG BAR BYED PA LTA CI SMOS, DE BZHIN DU STONG PA NYID 'BA' ZHIG GI TING NGE 'DZIN YANG BLTA BAR BYA'O ZHES DANG, YANG NA SKAD CIG TZAM GYIS RI RAB KYI RTZE MOR RDO RJE RIN PO CHE BRTZEGS PA'I KHANG BUR BDAG NYID BCOM LDAN 'DAS RDO RJE SEMS DPA' BSKYED PA'I RIM PAS BSGOM PAR BYA'O, ,CI DE YANG RANG BZHIN GYIS GRUB PA ZHIG GAM, 'ON TE MA YIN ZHE NA, 'DIR DE DAG RANG GI SEMS RNAM PAR DAG PA NYID KYI SNANG BA YIN PAS, 'O MA LA MAR LTAR GRUB PA BSGRUB PAR BYA'I, CHU LA MAR LTAR MA GRUB PA NI 'GRUB PAR MI 'GYUR RO, ,DE YANG CHU YI RNYOG PA NOR BUS SBYONG BA LTAR BSKYED PA'I RIM PAS BDAG NYID SNGON DU SBYANGS NAS RDZOGS PAR BYA STE, RANG BZHIN GYIS RNAM PAR DAG PA'I PHYIR RO, ,GZHAN DU SBYANG BA MA BYAS NA YANG 'KHOR BA NYID YIN PAS RNAM PAR DAG PA'I 'BRAS BU SPRUL PAR MI NUS LA RANG BZHIN GYIS MA DAG PA YANG CHOS 'GAL BA'I PHYIR MA YIN NO, ,RGYU DANG 'BRAS BU NI RJES SU MTHUN PA NYID KYIS NA, DAG PAS RNAM PAR DAG PA BSGRUB PAR BYA'O, ,ZHES
MAN NGAG LAS SHES PAR BYA'O, ,RJES SU MTHUN PA YANG RJES SU BYED PA YIN TE, RGYU DANG 'BRAS BUR 'DOD PA DANG RJES SU MTHUN PA YIN NA, SA LU'I MYU GU LA SA LU'I SA BON LTAR GDON MI ZA BAR SKYED NUS KYI, GZHAN DU KO TRA BA'I MYU GU LA SA LU'I SA BON LTAR NUS PA YOD PA MA YIN NO, ,'BRAS BU YANG RGYUR 'DOD PA DANG RJES SU MTHUN NA SKYE BAR 'GYUR GYI, GZHAN TU DE DAG HA CANG THAL CHES PAR 'GYUR RO, ,DE LTAR NA 'O MA'I YON TAN DKAR BA LTAR RNAM PA GRUB PA DE DAG YANG DANG YANG GOMS PAS GLO BUR PA'I DRI MA BZLOG STE, GNYUG MA DE NYID GSAL BAR GYUR PAR DGONGS SO,, ,,*, GANG DU DUS KYI 'KHOR LO LAS GSUNGS PA NAM MKHA'I DKYIL 'KHOR LOGS GCIG TU BTON NAS GSUNGS PA DE MU STEGS PA'I MNGON PAR ZHEN PA DANG LDAN PA'I NYI MA'I SHING RTA LA SOGS PA'I GDUL BYA RNAMS NGAS PA'I DON LA GZHUG PAR BYA BA LA DGONGS NAS DRANG BA'I DON TE, SNOD KYI 'JIG RTEN SA RA HA LA SOGS PA'I RJES SU 'JUG PA NYID KYIS RI RAB KYI MTHA'I BAR DU KHAMS GSUM GYI RNAM PAR BZHAG PA LA SOGS PA BSTAN PA BZHIN SHES PAR SHIN TU RGYAS PAR BSHAD PA'O, ,'O NA DUS KYI 'KHOR LO DANG DE'I RJES SU 'BRANG BA'I GZHUNG NAS MANG DU THEG PA GSUM DANG 'GAL BA'I RNAM GZHAG RGYAS PA BYAS PAS DES NA DE'I GZHUNG BYED PA'I GRAGS PA DANG PADMA DKAR PO DANG RDO RJE SNYING PO DANG PHYAG NA RDO RJE'I MING CAN NI BYANG CHUB SEMS DPA' MA YIN NO ZHES MANG DU MKHYEN PA RNAMS SMRA BA DES NA 'GAL BA THAMS CAD MI SPONG BAR 'GAL BA 'GA' TZAM SPONG BA LA RTZOL BAR BYED CE NA, DUS KYI 'KHOR LO NAS BSTAN PA'I RGYUD GZHAN DANG MI 'GAL BA'I DON GYI CHA SHAS
, ,'GA' ZHIG BDAG GI GZHUNG GI RJES SU MTHUN PA DANG 'GA' ZHIG GDUL BYA'I BSAM BA'I RJES SU 'JUG PAS KHA CIG SPANGS PA DE LAS GZHAN PA'I 'GAL BA RNAMS MA SPANGS KYANG DE RNAMS KYIS NYAMS PA CI YANG MED DO ZHES BYA BA STE SHIN TU RGYAS PA'I GTAM GYIS DGOS PA MED DO, ,SNGAGS KYI ZIN BRIS 'DI RJE TZONG KHA PA CHEN POS BRJED BYANG DU BRIS PA LAS MA DPE BYAS PA YIN,, MANGGA LAm, ,