*, ,MKHA' SPYOD MA DMAR MO'I SGRUB THABS BZHUGS SO, ,
, ,MKHA' SPYOD MA DMAR MO'I SGRUB THABS LAS, DE NAS LTE BAR CHOS 'BYUNG NANG DU YA SHES KYI RANG BZHIN N'A DA RIM GYIS BRGYA DANG STONG GI CHA RU MI DMIGS TE, RNAL 'BYOR RLUNG GI BCU GNYIS 'GAG ,DON CHEN 'GRUB PAR THE TSOM MED, CES DANG, DE KHO NA NYID YE (SHA BA RI PAS MDZAD PA,) SHES YANG DAG PAR GRUB PA'I RGYA CHER 'GREL PA (BRTZON 'GRUS DPAL BSHES GNYEN GYIS MDZAD,) DA KHO NA NYID BSHAD PA LAS KYANG, 'DI LA Am GI RNAM PA'I GZUGS KYI LHA MO DANG, AU'I RNAM PA'I DON YOD GRUB PA'I GZUGS NI RLUNG NGO, ,DE GNYIS LHAN CIG (STONG NYID TING NGE 'DZIN GYIS MDZAD, 'DRES PA LAS RDZOGS PA NI, BAm GYI YI GE'I GZUGS SU SPRUL NAS LTE BA'I 'KHOR LO LA'O, ,'DI NI NAN TAN DU BYAS NAS GA-YO BA MED PA'I SEMS KYI RLUNG GNYIS 'GOG PAR BYAS PAS THOB PAR BYED PA'O, ,ZHES DANG, RDO RJE RNAL 'BYOR MA'I SGRUB THABS MNGON PAR RTOGS PA'I SNYE MA LAS KYANG, GAL TE DE TZAM GYI DKYIL 'KHOR GYI 'KHOR LO CHEN PO LA, YUN RING POR BRTAN PAR BYAD MI NUS NA, DA'I TSE LTE BA'I PADMAR GNAS PA NYI MA DANG ZLA BA KHA SBYOR GYI DBUS SU BAm YIG GI SA BON LAS BYUNG BA'I 'OD ZER RING PO PADMA'I SRAD BU LTA BU LA SEMS BRTAN PAR BYAS PA'I SGO NAS, RTZE GNYIS LA SROG RLUNG GI RGYU BA YONGS SU BRAL BAS DBUS SU ZHUGS NAS, GTUM MO 'BAR BAS SPYI BO'I ZLA BA ZHU BA LAS RIM GYIS 'KHOR LA LA KHYAB PAS DGA' BA LA SOGS PA RNAMS KYIS DBYE BAS LHAN CIG SKYES
, ,PA'I DGA' BA BYUNG NAS RNAM PAR RTOG PA THAMS CAD DANG BRAL BAS CIG CAR DKYIL 'KHOR GYI 'KHOR LO STONG PAR BSDUS TE MI DMIGS PAR BSAM MO, ,YANG NA RIM GYIS DE'I RIM PA NI 'DI YIN TE, 'GRO BA RNAMS DUR KHROD LA'O, ,DUR KHROD PHYI'I GZHAL YAS KHANG LA'O, ,GZHAL YAS KHANG DAM TSIG GI 'KHOR LO LA'O, ,PHYI'I 'KHOR LO SKU'I 'KHOR LO LA'O, ,SKU'I 'KHOR LO GSUNG GI 'KHOR LO LA'O, ,GSUNG GI 'KHOR LO THUGS KYI 'KHOR LO LA'O, , THUGS KYI 'KHOR LO NI PHYOGS NI GNAS PA'I MKHA' 'GRO MA LA SOGS PA'O, ,PHYOGS DANG BRAL BA LA GNAS PA GZUGS CAN MA LA'O, ,MKHA' 'GRO MA LA SOGS PA'ANG BDE BA CHEN PO'I 'KHOR LO LA BZHUGS PA'I BCOM LDAN 'DAS MA LTE PA'I PADMA LA'O, ,PADMA NYI MA DANG ZLA BA'I KHA SBYOR LA'O, ,KHA SBYOR NI BAm GYI YI GE LA'O, ,BAm YIG ZLA BA PHYED PA LA'O, ,ZLA PHYED THIG LE LA'O, ,THIG LE N'A DA LA THIM PAR BSAM STE, DE YANG SKRA'I RTZE MO STONG PHRAG BRGYAR GSHEGS ? PA'I GZUGS SU BLTA BAR BYA'O, ,RAB KYIS DE'ANG MI DMIGS SO, ,DE LTAR YE SHES 'KHOR LO'I RANG BZHIN BCOM LDAN 'DAS MA 'ANG 'DOD GSAL PA'I RANG BZHIN LA GZHUG GO ,DE LTAR YANG DANG YANG DU GZHUG PA DANG LDANG BAR BYA'O, ,JI LTAR ME LONG
DBUGS KYI RLUNG, ,THAMS CAD THIM PAR GYUR PA BZHIN, ,YANG DAG MTHA' RU RNAL 'BYOR PAS, ,YANG DANG YANG DU GZHUG PAR BYA, ,ZHES BYA BAS YANG DANG YANG DU GZHUG PA DANG, LDANG BAS BDEN PA GNYIS DBYER MED CING ZUNG DU 'JUG PA'I TING NGE 'DZIN RNAL 'BYOR PAS MNGON DU BYED DO, ,SARBA MANGGA LAm,, ,,