'Utterly Opening the Eyes to See the Hidden Points,' being an Explanation of the Five-Step Practice of the Glorious Sphere of Highest Bliss (Sambara)RJE TZONG KHA PA BLO BZANG GRAGS PA (1357-1419)

*, ,DPAL 'KHOR LO BDE MCHOG RIM PA LNGA PA'I BSHAD PA SBAS PA'I DON LTA BA'I MIG RNAM PAR 'BYED PA BZHUGS SO, ,

, ,DPAL 'KHOR LO BDE MCHOG GI RIM PA LNGA PA'I BSHAD PA SBAS PA'I DON LTA BA'I MIG RNAM PAR 'BYED PA ZHES BYA BA, RJE BTZUN BLA MA 'JAM PA'I DBYANGS KYI ZHABS KYI PADMO LA SKYE BA THAMS CAD DU GUS PAS PHYAG 'TSAL ZHING SKYABS SU MCHI'O, ,LHAG PA'I LHA MCHOG BLA MA HE RU KA, KUN LA MA LTAR BRTZE BA RJE BTZUN MA, ,DPA' BO DPA' MO'I DBANG PHYUG THAMS CAD KYI, ,ZHABS KYI PADMOR GUS PAS PHYAG 'TSAL LO, DPAL LDAN 'KHOR LO SDOM PA'I ZAB MO'I LAM, ,TSUL BZHIN BSTEN PAS DNGOS GRUB MCHOG BRNYES PA, ,GRUB PA'I DBANG PHYUG DRIL BU ZHABS LA NI, ,SNYING NAS 'DUD DO RIM LNGA'I DON 'GREL BA, ,GEGS MED MYUR DU MTHAR PHYIN 'GYUR BA DANG, ,CHES CHER BRLING BA'I ZAB MO'I GZHUNG GI DON, ,DGONGS PA JI LTA BA BZHIN PHYED PA LA, ,GNAS GSUM MKHA' 'GRES BRTZE BAS BKA' DRIN MDZAD, ,'OD GSAL 'CHAR BA'I GNAS MCHOG SNYING GA DANG, ,DH'U T'I'I YAR DANG MAR GYI SNA RTZER NI, ,GNAD DU BSNUN DANG NOR BU 'GENGS TSUL DANG, ,TSANGS PA'I ME YI NUS PA BSKYED PA LAS, ,BSAM MI KHYAB KYI RIM PA'I SKYE TSUL GYI, ,RIM PA LNGA YI GNAD KUN LEGS BSHAD PAS, ,BSHAD PA LTAR SNANG RNAMS LAS CHER 'PHAGS PA, ,RGYA CHER BSHAD PA 'DI YI KHYAD PAR RO, ,'DIR DPAL 'KHOR LO BDE MCHOG GI RTZA BA'I RGYUD, BSHAD PA'I RGYUD DRUG GIS GTAN LA PHAB PA'I DON RNAL 'BYOR GYI

, ,DBANG PHYUG DRIL BU PAS MNGON DU GYUR NAS, LAM GYI RIM PAR BSGRIGS NAS STON PA RIM PA LNGA 'CHAD PA LA BZHI, MTSAN GYI DON, 'GYUR GYI PHYAG ,GZUNG GI DON, MJUG GI DON NO, ,DANG PO NI, RGYA GAR GYI SKAD DU, SHR'I TZAKRA SAm BA RA PANYTZA KRA MA NI, BOD KYI SKAD DU BSGYUR NA SHR'I NI DPAL LO, ,TZAKRA NI 'KHOR LO'O, ,SAm PA RA NI SDOM PA'O, ,YANG NA SAm MAM SHAM BDE BA DANG, BA RA NI MCHOG GO ,KRA MA NI RIM PA STE CHA DANG PHYOGS LA BSHAD DE DON GYI TSAN PA'O, ,PANYTZA NI LNGA 'AM LNGA PA STE BDAG BYIN GYIS BRLAB PA SOGS LNGA STON PA'I GZHUNG NGO, ,GNYIS PA NI, PADMA GAR GYI DBANG PHYUG NI GSUNG RDO RJE 'OD DPAG TU MED PA STE, DE LA PHYAG 'TSAL BA NI LO TZ'A BA RANG DAD PA'I LHA'O, ,GSUM PA LA GNYIS, GZHUNG MDZAD PA PO'I SLOB DPON GYI RNAM PAR THAR PA DANG, GZHUNG DNGOS KYI DON NO, ,DANG PO NI, SLOB DPON CHEN PO RDO RJE DRIL BU PA NI, SLOB DPON L'U AI PA'I DNGOS SLOB RGYAL PO D'A RI KA PA'I SLOB MA YIN TE, SLOB DPON L'U AI PAS 'DI NAS LHO PHYOGS KYI RGYUD NA AO tA SU R'I MKHUR BA'I GRONG KHYER ZHES PA NA, RDO RJE RNAL 'BYOR MA SMAD 'CHING MA'I CHA BYED 'DZIN PA ZHIG YOD PAS DE'I DRUNG DU SONG LA, NYIN MO ZHING LAS KYIS, NANG NUB RKANG PA 'KHRUD PA DANG SKU MNYE SOGS GYIS, DER CHANG NYO DANG NYAL PO LA 'ONG BA'I SKYES PA KUN GYI RKANG PA BKRU BA LA SOGS KYIS, NUB MO SGRUB PA GYIS DE LTAR BYAS NA LO BCU GNYIS NA BUD MED STONG PHRAG BCU BZHI DANG BCAS PA GRUB

PA THOB PAR 'GYUR RO ZHES GSUNGS NAS BTANG NGO, ,JI LTAR GSUNGS PA LTAR BSGRUBS PAS GRUB PA THOB PA ZHIG BYUNG STE, BLA MA RDO RJE GDAN PAS KYANG, RGYAL RIGS THA MAL SPYOD PA MDZAD, ,SMAD 'TSONG LNGA BRGYA MKHA' LA GSHEGS, ,D'A RI KA BA ZHES BYA BA'I, , BLA MA DE LA PHYAG 'TSAL LO, ,ZHES GSUNGS SO, ,RDO RJE DRIL BU PA NI RGYA GAR SHAR PHYOGS N'A LENDA'I RGYAL PO ZHIG GI SRAS SU 'KHRUNGS TE, YAB 'DAS PA DANG BLON PO LA SOGS PAS RGYAL TSAB TU MNGA' GSOL BAS, RGYAL SRID LA SNYING PO MED PAR GZIGS NAS, RIM GYIS DPAL N'A LENDRAR BYEN MKHAN PO RGYAL BA'I LHA RAB TU BZANG PO LA RAB TU BYUNG STE, MTSAN BLO GROS SNYING PO'I DPAL ZHES BTAGS RIG PA'I GNAS LA SBYANGS PA MDZAD PAS, RIG PA'I GNAS DANG SDE SNOD THAMS CAD LA MKHAS PA'I YONGS RDZOGS KYI PAndI TAR GYUR TO, ,DE'I TSE MU STEGS RAL PA CAN ZHIG RGYAL PO LA DBANG DU GSOL NAS, BSTAN PA RGYAL DU BTZUGS NAS RTZOD PA BYED DU BYUNG BA LA PAndI TA GZHAN GYIS MA NUS TE, SLOB DPON GYIS DE PHAM PAR BYAS TE NANG PA'I BSTAN PA LA BCUG PAS, SLOB DPON DGRA LAS RNAM PAR RGYAL BA ZHES GRAGS SO, ,DE'I TSE RGYAL PO'I MCHOD GNAS SU BZUNG NAS SDE SNOD GSUM LA THOS BSAM NYAN BSHAD MDZAD DO, ,DE'I TSE BLA MA D'A RI KA PA DANG MJAL NAS GUS PAS BTUD DE, RJES SU 'DZIN PAR ZHUS PAS DPAL 'KHOR LO SDOM PA'I DKYIL 'KHOR DU DBANG BSKUR TE, GDAMS PA DANG RJES SU BSTAN PA MTHA' DAG GNANG STE DBEN PAR SONG LA SGRUBS SHIG CES LUNG BSTAN, DER BHAm GA LA'I NAGS KHROD DBEN PA ZHIG TU SGRUB PA MDZAD PA NA, RE ZHIG KHYED

, ,AYON DU SONG ZHIG DER PHAG RDZI MO GCIG GIS RJES SU 'DZIN PAR 'GYUR RO, ,ZHES NAM MKHA' LAS SGRA BYUNG NAS, DER PHYIN TE, PHAG RDZI MO MTHONG TSAD LA PHYAG PHUL GSOL BA BTAB PA DANG, LAN CI YANG MA BYUNG BAS THUGS CHAD PA DANG, PHAG RDZI MO RGAN MO MDOG SHIN TU MI SDUG PA GOS HRUL BA, RES RGOD RES NGU BA ZHIG BYUNG BA LA PHYAG DANG MCHOD PA BYAS TE RGYU MTSAN DRIS PAS, SNGAGS DAR YANG NYAMS SU LEN PA NYUNG BAS SO GSUNG, DE MKHA' 'GRO MAR SHES TE ZHABS SPYI BOR BLANGS RJES SU 'DZIN PAR ZHUS PAS, DER RANG GZUGS DNGOS SU BSTAN DPAL 'KHOR LO SDOM PA'I DKYIL 'KHOR DU DBANG BSKUR, GDAMS PA GNANG NAS LHO PHYOGS SU SGOMS SHIG CES LUNG BSTAN NO, ,DE NAS SLOB DPON GYIS RIM GYIS BYON PAS LHO PHYOGS AO tI BI SHA ZHES BYA BA'I YUL PHYOGS KYI NAGS KHROD DBEN PA ZHIG NA SGRUB PA SNYING POR MDZAD CING BZHUGS PA DE'I TSE, YUL DE'I RGYAL PO SOS KA'I DUS SU SKYE BA BSANG ZHING RI DVAGS LA 'PHONG BSLAB PA'I DON DU, NAGS GSEB 'THUG POR BYON PA DANG, RGYAL PO DES SLOB DPON MTHONG STE DGE SLONG DE GZUGS SHIN TU RID PA, LUS NYI LHAGS KYIS GZIR BA 'TSO BAR BYA BA'I DNGOS PO GANG YANG MED PA MTHONG NAS SNYING RJE SKYES TE, NGAS ZAS SBYIN GYIS GRONG KHYER DU 'DOD NGO ZHES SMRAS SO, ,DE'I TSE SLOB DPON RIM LNGA LA BLO SBYONG BA'I RIM PA GSUM PA'I LAS KYI PHYAG RGYA SGRUB PAR BZHED PA'I SKABS SU BAB STE, MNGON PAR SHES PAS GZIGS PAS PHYAG RGYA 'GRUB PAR GZIGS NAS, DNGOS RNAMS YONGS SU SHES PA'I MKHAS PA RNAMS LA BRNYAS

PAR MI BYA STE, DE NI RTZA RTZE CHUNG BA BAS KYANG CHUNG BA'I 'BYOR PA LA NI CHAGS PA MIN, ,RGYUN MI 'CHAD PAR CHANG 'DZAG PA YIS 'GRAM LANG NAG POR GYUR PA YIS, ,GLANG CHEN RNAMS NI PADMA'I SKUD PA PHRA MOS 'KHYIG PAR MI NUS BZHIN, ,ZHES GSUNGS PA DANG, RGYAL PO KHROS NIS, NGAS 'DI GRONG KHYER DU DMA' DBAB PAR BYA'O, ,ZHES GRONG KHYER DU PHYIN NAS NAGS GSEB KYI BTZUN PA 'DI GRONG KHYER DU DMA' DBAB PAR SU YIS NUS PA DE LA BYA DGA' CHEN PO STER RO ZHES DRIL BSGRAGS SO, ,DE'I TSE SMAD 'TSONG MA ZHIG LA BU MO MDZES MA PADMA CAN GYI RIGS SU GYUR PA ZHIG YOD PA NA RE, NGAS GRONG DU 'DI DMA' DBAB PAR BYA'O ZHES KHAS BLANGS SO, ,DE NAS DGOS PA'I YO BYAD THAMS CAD NI RGYAL POS GRONG KHYER NAS BSRINGS, BU MO DES SLOB DPON GYI ZHABS TOG BYED PAR ZHUS PAS, SKAL BA DANG LDAN PAR GZIGS NAS GNANG STE, DE LA DBANG DANG DAM TSIG THAMS CAD KYI SNOD DU RUNG BAR BYAS TE, PHYAG RGYA MA BYAS NAS RIM PA LNGA PA MTHAR MA PHYIN GYI BAR DU, LO BCU GNYIS SU SGRUB PA MDZAD DO, ,DE NAS KUN TU BZANG PO'I SPYOD PAS AO tI BI SHA NA GNAS PA RNAMS, RDO RJE THEG PA LA GZUD PAR 'DOD PA DANG, MA 'ONGS PA'I SEMS CAN DMAN PA RNAMS KYI DON DU, THUGS RJE CHEN PO'I SPRUL PA SPYAN DRANG BA'I DGONGS PA DANG, SLOB DPON BDAG NYID LA 'GRO BA RNAMS MI MOS PA BZLOG PAR BYA BA'I DON DU, GRONG KHYER DU BZHUD PAR BZHED NAS SPRUL PA'I BU DANG BU MO GNYIS SHIG KYANG SPRUL TO, ,DE NAS RGYAL POS CHANG 'CHONG MA LA MNGAGS TE, DE RING NAGS GSEB NAS DGE SLONG KHRID LA SHOG CES SMRAS SO, ,GRONG KHYER GYI SKYE BO

, ,THAMS CAD KYANG SGO DRUNG DU 'TSOG TU BCUG STE, LAM DU RIM PA BZHIN CHANG GI BUM PA BSGRIG TU BCUG STE, SPYAN DRANGS PA'I TSE, SPRUL PA'I BU NI GA-YAS NAS RGYUG ,BU MO NI GA-YON NAS RGYUG ,SLOB DPON GYIS RVA CO'I SNOD CIG ZHAL DU BCUG PA LA, JO MOS CHANG GI BUM PA BTEG CING BLUGS TE ,RIM PA BZHIN DU BYON NAS GRONG KHYER DU SLEB PA'I TSE, RGYAL POS DBU BYAS GRONG KHYER PA RNAMS KYIS, SLOB DPON RANG NYID KYIS BYAS PA'I SNGAR GYI TSIGS BCAD GLUR LEN CING, RGYAL POS SPYAN DRANGS PA'I TSE MI 'ONG BAR, CHANG 'TSONG MA'I BU MOS BOS PA'I TSE DE LA 'BAB PA ZHES THAL MO BRDABS SHING GAD MO'I SGRA BYAS PAS, SLOB DPON GYIS SNGAR DGONGS PA DANG RANG GI NUS PA BSTAN PA'I PHYIR, RVA'I SNOD DE SA LA BRDABS PAS, SA 'OG RIM PA BDUN DU PHUG STE, 'OG GI CHU CHEN PO GYEN DU PHYUNG NGO, ,DE MA THAG SLOB DPON RANG NYID HE RU KAR BYAS, BTZUN MO RDO RJE PHAG MOR BYAS, SPRUL PA'I BU NI RDO RJER BYAS, BU MO NI DRIL BUR BYAS TE, BDE MCHOG LHAN CIG SKYES PA'I RNAM PAR BYAS NAS NAM MKHA' LA GSHEGS SO, ,RGYAL PO LA SOGS PA'I SKYE BO THAMS CAD KYIS SLOB DPON LA BZOD PAR GSOL BAS, THUGS RJE CHEN PO LA GSOL BA THOB, CES GSUNGS NAS THAMS CAD KYIS NA MO LO KE SHVA R'A YA ZHES GSOL BA BTAB PAS, CHU'I DBUS NAS THUGS RJE CHEN PO'I SKU RANG BYUNG ZHIG BYUNG STE, DE LA CHU RNAMS SKOR BA LAN BDUN BYAS NAS SA'I 'OG TU SONG NGO, ,THUGS RJE CHEN PO'I SKU NI DING SANG YANG BYIN RLABS CHE ZHING, 'GRO BA THAMS CAD SKYABS PAR GYUR PA YIN NO, ,AO tI

BI SHA BA THAMS CAD KYANG RDO RJE THEG PA LA TSUNG NAS DNGOS GRUB THOB PA MANG DU BYUNG NGO, ,RDO RJE GDAN PAS KYANG, BU SMAD BCAS SHING DNGOS GRUB BRNYES, ,BHAm GA LA RU LUNG BSTAN THOB, ,RDO RJE DRIL BU ZHES BYA BA'I, ,BLA MA DE LA PHYAG 'TSAL LO, ZHES GSUNGS SO, ,GRUB CHEN DES GDUL BYA RNAMS KYI DON DU DGONGS NAS, LUS DKYIL DU DBANG BSKUR BA'I CHO GA DANG, LUS DKYIL GYI SGRUB THABS CHE CHUNG GNYIS, LHA LNGA'I SGRUB THABS TE, BSKYED RIM GYI SGRUB THABS GSUM, RDZOGS RIM LA RIM PA LNGA PA DANG, LHAN SKYES KYI SGRUB THABS GNYIS LA SOGS PA MDZAD DO, ,RIM LNGA'I RANG 'GREL YIN ZER BA NI ,RDZUN MA 'BA' ZHIG GO ,RIM LNGA LA 'GOS DANG, KUM'A RA BO DHI LAS BRGYUD PA'I LUGS GCIG DANG, PHAM MTHING PA SKU MCHED NAS BLA MA MAL DANG MAR DO NAS BRGYUD PA'I LUGS GNYIS SNANG NGO, ,GNYIS PA LA BZHI, SBAS DON BSHAD PAR DAM BCA' BA, BSHAD BYA'I GTZO BO NGOS BZUNG BA, DE'I BSTAGS PA BSTAN PA, DE RGYUD LA BSKYED PA'I THABS BSTAN PA'O, ,DANG PO NI, LAM 'DI GTZO BOR BLA MA DAM PA'I BYIN RLABS ZHUGS PA LA LTOS SHING, BLA MA DAM PA'I MAN NGAG LA RAG LAS PAS BLA MA'I BYIN RLABS TZAM GYIS 'BYUNG ZHES GSUNGS KYI, BLA MAS BYIN GYIS BRLABS PA LAS GZHAN PA'I RGYU RNAMS TZAM GYI SGRAS GCOD PA MIN TE, SDOM 'BYUNG LAS, DE NYID CHOS LA 'JUG BYA'I PHYIR, ,DE RNAMS DBYE BA RAB BSTAN PA, ,BLA MA DAM PA'I MAN NGAG GIS, ,GSAL BAR 'GYUR GYI GZHAN DU MIN, ZHES PA DANG, SANGS RGYAS KUN GYI GSANG BA NI, ,'DUS PA BDE BA'I MCHOG YIN TE, ,BDAG BYIN BRLAB PA'I RIM PA 'DI, ,BLA MA'I DRIN

, ,GYIS GSAL BAR 'GYUR, ,ZHES BDAG BYIN RLABS KYI RIM PA BLA MA'I DRIN LAS THOB PA LAS GZHAN DU MIN ZHES GSUNGS PA LTAR, TZAM GYI SGRAS GCOD PA'ANG SHES PAR BYA STE, DE LTAR GSUNGS PAS BYIN GYIS BRLABS LAS 'BYUNG BA TZAM STE KHO NA'O ZHES MI LDAN RNAM GCOD KYI DON DU BYA'O, ,DE'I PHYIR TSIG RIGS 'DI 'DRA RNAMS LA BRTEN NAS BLA MA LA MOS GUS BYAS NAS BYIN RLABS ZHUGS NA DES CHOG GI ,GZHAN GANG YANG MI DGOS SO ZHES SMRA BA NI BLUN PO'I 'JUG PA YIN TE, DE LTA NA DBANG DANG DAM TSIG BSRUNG BA DANG LAM GYI GNAD SHES NAS SGRUB PA SOGS KYANG MI DGOS PAR 'GYUR NA, DE NI MI RIGS TE DE DAG GIS BSGRUBS KYANG CI YANG MI 'GRUB PAR GSUNGS PA'I PHYIR RO, ,SKAD CIG NYID LA 'BYUNG BA NI RING POR MI THOGS PAR 'BYUNG BA'I DON YIN GYI, KHYIM PA ZHIG LA SKYE BAR STON PA'I DON MIN NO, ,DE 'DRA BA GANG YIN PA'I BDAG BYIN RLABS KYI RIM PA BSHAD PAR BYA'O ZHES SBYAR RO, ,RIM PA DE'I KHYAD PAR JI LTA BU ZHE NA, 'KHOR LO SDOM PAR TE BDE MCHOG GI RTZA BA'I RGYUD DU SBAS PA YI RIM PA'O, ,KHA CIG BDE MCHOG GI RTZA BA DANG BSHAD PA'I RGYUD THAMS CAD NAS SBAS PA ZHES ZER BA NI MI LEGS TE, RTZA BA'I RGYUD DU SBAS PA DE DAG GSAL BAR STON PA LA BSHAD RGYUD DU SUNGS PA'I PHYIR TE, DPER NA RIM LNGA LAS, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB GNAS, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES 'DUS PA'I RIM LNGA RTZA RGYUD DU RGYAS BTAB NAS SBAS PA DE, BSHAD RGYUD LA BRTEN NAS RTZA RGYUD 'CHAD SHES PA'I BLA MA'I

ZHAL LAS SHES DGOS PAR GSUNGS PA DANG DON 'DRA BA'I PHYIR DANG, BSHAD RGYUD THAMS CAD DU SBAS NA DE LA BRTEN NAS RTZA RGYUD KYI DON GSAL BAR BYED MI NUS PA'I PHYIR RO, ,KU M'A RA BO DHIS 'KHOR LO SDOM PA'I RGYUD MKHA' 'GRO MAS SBAS PA LAS, DRIL BU PAS BTON ZHES PA NI YI GE'I DON LA'ANG MA ZHUGS PA DON MA RTOGS PA'I BSHAD PA'O, ,'O NA RIM PA LNGA KA 'CHAD PA'I BSHAD PAR DAM BCA' BA 'ONG BA RIGS PA LA, RIM PA DANG PO BDAG BYIN RLABS KYI RIM PA TZAM ZHIG BSHAD PAR DAM BCA' BA MDZAD PA CI YIN ZHE NA, 'DI NI BDEN MOD KYANG, BDAG BYIN RLABS GTZO BOR GO BA'I CHED DANG, DES KYANG LHAG MA RNAMS KYI BRTZAM PAR DAM BCA' BA RTOGS PAR NUS PA LA DGONGS PAS SKYON MED DO, ,BRTZAM PAR DAM BCA' BA YOD LA MCHOD BRJOD MED PA BSHES SPRINGS LTA BU DANG, MCHOD BRJOD YOD LA BRTZAM PAR DAM BCA' DNGOS SU MED PA RTZA BA SHES RAB LTA BU DANG, GNYIS KA YOD PA NI SHIN TU MANG LA, GNYIS KA MED PA MNGON PA KUN LAS BTUS LTA BU CHEN PO RNAMS KYI GZHUNG LA SHIN TU MANG BAS, 'DIR YANG MCHOD BRJOD MED LA BRTZAM PAR DAM BCA' YOD PA LA MI RIGS PA MED DO, ,GNYIS PA NI, SBAS DON BDAG BYIN RLABS DE YANG GANG ZHE NA, MKHA' 'GRO MA STE ,NAM MKHA' DANG 'DRA BA'I STONG PA NYID LA 'GRO BA'I SHES RAB KYI TSOGS KUN GYI RAB TU GCES PA'I SNYING PO NI SDOM PA'O, ,DE'ANG SDOM PA'I SKAD DOD SAm BA RA'I SAm NI BDE BA DANG BA RA NI MCHOG STE BDE STONG DBYER MED KYI LHAN SKYES KYI YE SHES SO, ,DE NI LAM GZHAN GYI GONG MAR GYUR PAS NA BLA MA NYID DE NGES PA'I DON NO, ,YANG DRANG BA'I DON DU

, ,BSHAD NA, MKHA' 'GRO MA NI NANG GI KHAMS DMAR PO 'AM RTZA RNAMS SO, ,DE RNAMS KYI TSOGS NI DRA BA DANG DON GCIG STE, TSOGS SHING 'DUS PA'O, ,GANG DANG 'DUS NA BYANG SEMS DKAR PO DANG 'DUS PAS SNYING PO BDE BA'I MCHOG TU BYED PA'I BLA MA STE MAN SNYE'I DGONGS PA LTAR BSHAD PA'O, ,DE LTAR NA NGES DON DU BSHAD PAS GTZO BO BDE STONG DBYER MED KYI LHAN SKYES STON LA, DRANG DON DU BSHAD PAS RTZA AA WA DH'U T'I'I NANG DU KHAMS DKAR DMAR 'DUS PA LAS, LHAN SKYES 'DREN PA'I THABS RIM PA DANG PO DANG, GNYIS PA DANG BZHI PA DANG LNGA PA'I SKABS SU BSHAD PA RNAMS STON NO, ,YANG TSOGS DANG DON GCIG PA'I DRA BA'I SKAD DOD DZ'A LA NI, MNGON BRJOD KYI GZHUNG LAS, DZ'A LA TSOGS DANG DRA SGO DAG LA STE, ,ME TOG PHON PO NYA RGYA SGYU MA YANG, ,ZHES DZ'A LA NI TSOGS DANG DRA BA DANG SGO DANG ME TOG DANG PHON PO DANG NYA RGYA DANG SGYU MA STE BDUN LA 'JUG PAR GSUNGS LA, ME TOG GI SGRA NI PADMA LA YANG 'JUG PAS MKHA' 'GRO MA'I PADMA'I SNYING PO LAS BDE BA MCHOG 'DZIN PA YIN PAS RIM PA GSUM PA'I SKABS KYI BDE CHEN BSKYED THABS RNAMS KYANG STON TE, 'DI'ANG MAN SNYER BRTEN NAS BSHAD DO, ,SKABS 'DIR 'GOS 'GYUR LAS, RIM PA LNGA PA NYER BSTAN PA, ,GSANG BA LAS KYANG GSANG BA MCHOG ,MKHA' 'GRO MA YI ZHES RKANG PA LHAG PO GNYIS 'BYUNG NGO, ,GSUM PA NI, PHYI ROL GYI BGRANG 'PHRENG DANG DE LA BRTEN PA'I BZLAS PA DANG LHA LA DMIGS PA'I KUN RTOG Gi BSAM GTAN DANG, KUN RTOG GIS LHA MCHOD PA RNAMS YOD PA MA YIN LA, PHYI LA BRTEN PA'I TSES

GRANGS BZANG NGAN BRTZI BA MED CING, NYI MA NGES PA'I BSNYEN GNAS LA SOGS PA YANG MED LA, PHYI'I SBYIN SREG YANG DAG PAR GNAS PA MED CING, GLEGS BAM KLOG PA DANG NGAG TU 'DON PA RNAMS YOD PA MA YIN NO, ,SKABS GANG DU ZHE NA 'DIR MED DE ZHES GSUNGS TE, RIM PA DANG PO'I SKABS DANG, DE RDZOGS NAS RDZOGS RIM LA SLOB PA'I THOG MA'I SKABS SU DE DAG MED CES PA MIN GYI, RDZOGS RIM PA'I LHAN SKYES BRTAN PA'I SKABS NAS YIN TE, DE NI SNYING PO SDOM PA BLA MA'I SKABS 'DIR ZHES PA'I DON NO, , 'DI NI BSHAD PA'I RGYUD MNGON BRJOD LAS, BDE GSHEGS DBUGS 'BYIN GSUNGS PA NI, ,DAG PA'I LUS NI SKYON MED PA, ,BSOD NAMS CHUNG NGU'I SNGAGS PAS KYANG, ,NGA DGA' BAS NI RNYED PAR 'GYUR, ,DE NA BSRUNG MED BZA' BA MED, ,DKYIL 'KHOR DKYIL 'KHOR BDAG PO MED, ,BZLAS DANG BRTUL ZHUGS SBYIN SREG MED, ,MDOR NA SEMS BSDUS TSUL CAN NO, ,ZHES GSUNGS SHING, RKANG PA PHYI MA BZHI KUN SPYOD LAS KYANG GSUNGS PA DANG 'DRA LA, KYE RDOR LAS KYANG GSAL BAR GSUNGS TE, STONG NYID SNYING RJE DBYER MED PA, ,BYANG CHUB SEMS ZHES RAB TU BRJOD, ,SNGAGS BZLAS MED CING DKA' THUB MED DE SBYIN SREG MED, ,DKYIL 'KHOR CAN YANG MED CING DKYIL 'KHOR YANG NI MED, ,DE NI SNGAGS BZLAS DE DKA' THUB DANG DE SBYIN SREG ,DE NI DKYIL 'KHOR CAN DANG DKYIL 'KHOR DAG KYANG YIN, ,MDOR BSDUS NA NI SEMS NI 'DUS PA'I GZUGS CAN NO, ,ZHES GSUNGS SO, ,DE LA STONG PA NI DE KHO NA NYID KYI LTA BA'AM DE KHO NA NYID DO, ,SNYING RJE NI MNGON BRJOD DANG DRIL BU PA'I LUS DKYIL LAS, BDE CHEN THUGS RJE'I BDAG

, ,NYID CAN, ZHES GSUNGS PA LTAR BDE BA CHEN PO'O, ,DE GNYIS DBYER MED DU SPYOD PA LA BYANG CHUB KYI SEMS ZHES GSUNGS SHING, DE LA SNGAGS BZLAS NAS DKYIL 'KHOR GYI BAR MED PAR GSUNGS PA NI, PHYI'I SNGAGS BZLAS SOGS SO, ,'ON KYANG NANG NGES DON GYI SNGAGS BZLAS SOGS DE LA TSANG BAR STON PA NI, DE NI SNGAGS BZLAS ZHES SOGS SO, ,BYANG CHUB KYI SEMS DE NYID DE KHO NA NYID SHES PA DANG 'GRO BA SKYOB PAS SNGAGS DANG, YANG DANG YANG DU BYED PAS BZLAS PA DANG, KHA NA MA THO BA THAMS CAD 'GOG PAS DKA' THUB STE BRTUL ZHUGS DANG, NYON MONGS DANG PHUNG PO'I SREG RDZAS 'JOMS PAS SBYIN SREG DANG, NGES DON GYI RDO RJE RNAL 'BYOR MA DANG HE RU KA 'DUS PAS DKYIL 'KHOR PA DANG, CHOS THAMS CAD KYI SNYING PO YIN PAS DKYIL 'KHOR RO, ,MANG DU SMRAS PAS CI ZHIG BYA STE MDOR BSDUS NA DE NYID CHOS THAMS CAD 'DUS PA'I TSUL CAN TE, CHOS THAMS CAD KYI BDAG NYID CAN TE DE'I PHYIR DE NYID BSKYED PAR BYA STE, DE NYID KYIS 'DOD DON THAMS CAD 'GRUB PAR 'GYUR RO, , ZHES MTSO SKYES KYI 'GREL PAR BSHAD DO, ,GZUGS CAN ZHES PA LAS TSUL CAN ZHES PA 'GYUR LEGS LA, 'DUS PA'I TSUL CAN GYI DON NI DE NYID SNGAGS BZLAS NAS DE NI DKYIL 'KHOR NYID CES GSUNGS PA'I DON YIN LA, LAM GZHAN RNAMS KYANG 'DIR 'DUS BAR BSHAD DGOS SO, ,DE NI LAM GZHAN GYIS GNAS SKABS MTHAR THUG GI DON GANG 'GRUB THAMS CAD LAM 'DIR MA TSANG BA MED PA DANG RING POR MI THOGS PAR DANG, LAM BDE BAS 'GRUB PA'I TSUL BYED LAS KYI SGO NAS 'DIR

'DU BA'O, ,DE LTAR LAM SHIN TU RGYA CHE BA MANG PO LA SLOB MI DGOS PA'I LAM MDOR BSDUS DANG, DUS TSE GCIG LA 'GRUB PA DANG DE YANG 'JUG PA SHIN TU BDE BA DANG, TSE 'DIR SDIG SHIN TU CHE BAS KYANG 'GRUB CES PA DANG, SKYE BA SNGA MAR TSOGS KYI BSAGS RGYAB SHIN TU MI CHE BA'I BSOD NAMS DMAN PAS KYANG 'GRUB PAR GSUNGS PA NI, LAM GYI YON TAN YIN LA DE YANG BDAG MED PA'I DON PHU THAG CHOD PA BYAS PA'I DE KHO NA NYID, LHAN SKYES KYI BDE BAS BSGOMS PA LAS YIN PAS, YUL CAN KHYAD PAR CAN BDE BA CHEN PO'I GNAD LA MKHAS PAR BYA ZHING DE LA SHIN TU GUS PAR BYA'O, ,'DIR RIM LNGA'I 'GYUR GZHAN LAS, DE NI BSAM GTAN DE MCHOD PA, ,DE NI TSES GRANGS NGES PA YIN, ,DE NI SBYIN SREG DE NI GNAS, ,ZHES 'BYUNG LA, 'GOS DANG RDOG GI 'GYUR LA MED DO, ,DE 'DRA BA'I YE SHES DE GANG GI RGYUD LA SKYE ZHE NA, RNAM RTOG MED PA NI LUS DKYIL LAS PHYI ROL GYI RNAM RTOG SPANGS PAR BSTAN PA STE, THEG PA GZHAN LA LHUR BYED PA'I BSAM PA MED PA'O, ,'JIGS PA DANG BRAL BA NI THAMS CAD STONG PA NYID DANG LHAR MNYAM PA'I SGO NAS 'DOD YON LA SPYOD PA LA, PHYI MAR NGAN SONG DU LHUNG DU DOGS PA MED PA'O, ,GUS PA NI BLA MA LA SHIN TU GUS PA STE SLOB MA DE'I RGYUD LA SKYE ZHES SBYAR RO, ,GANG ZHIG SKYE NA KUN MKHYEN GYI SPYOD YUL DU GYUR PA'I YE SHES GANG ZHIG NI SKYES PA TZAM GYIS MCHOG TU DGA' BA DANG LDAN PAR 'GYUR BA STE, DGA' BA'I MCHOG LHAN CIG SKYES PA'I DGA' BA DANG LDAN PAR 'GYUR BA'I YE SHES SO, ,BDE STONG GNYIS MED LHAN SKYES KYI YE SHES DE NYID TZAM ZHIG LA GOMS

, ,PAR BYAS PAS MNGON PAR SHES PA LNGA DANG LDAN PA STE, MNGON SHES LNGA THOB PAR 'GYUR BA STE, 'GOS 'GYUR LAS MNGON SHES LNGA NI RNYED 'GYUR ZHING, ZHES 'BYUNG BA BDE'O, ,LHAN CIG SKYES GRUB LAS, DPA' BO BDE CHEN GRUB PA YIS, , DON CHEN BDE BA LA BRTEN NAS, ,RNAM PA KUN TU DNGOS GRUB DAG ,NYE BAR RAB TU GNAS 'GYUR ZHING, ,MNGON SHES LNGA YANG 'BYUNG BAR 'GYUR, ,ZHES GSUNGS PA DANG MTHUN NO, ,LHAN SKYES GOMS PA TZAM GYIS MNGON SHES LNGA 'THOB PA DE BZHIN DU RAB DGA' SOGS SA BCU NYID KYANG DE LA GOMS PA TZAM GYIS 'THOB BO, ,NAM MKHA' LA 'GRO BA DANG GCIG TU GYUR NAS MANG POR 'GYUR BA SOGS KYI RDZU 'PHRUL DANG YOD PA MI SNANG BAR BYED PA'I RDZU 'PHRUL KHYAD PAR DU STE KHYAD CAN 'THOB CING, RANG DANG GZHAN GYI SKYE BA DU MA DRAN PA DANG KHAMS GSUM PA'I GNAS NA GNAS PA'I SEMS CAN GYI SEMS RIG PA DA'ANG 'THOB BO, ,SNGAR MNGON SHES LNGA 'THOB CES PA NI, LHAN CIG SKYES GRUB LAS BSHAD PA LTAR LHA'I MIG LA SOGS PA DBANG PO LA BRTEN PA'I MNGON SHES LNGA YIN LA, 'DI NI SPYI LA GRAGS PA'I MNGON SHES GZHAN NO, ,BSKYED RIM LA BRTEN NAS MNGON SHES SGRUB PA DANG, SA MA THOB PA'I RDZOGS RIM GYI SKABS SU MNGON SHES SGRUB PA NI, RNAM GNAS KYI SGO NAS SGRUB PA YIN LA, BDE STONG DBYER MED KYI LHAN SKYES LA GOMS PA'I MTHUS, DE KHO NA NYID MNGON DU GYUR PA'I STOBS KYIS THOB PA'I MNGON SHES NI RNAM GNAS LA MI LTOS PA STE, TSUL GNYIS SHES PAR BYA'O, ,SLOB LAM DU YON TAN DE LTAR 'THOB PAR MTHAD 'DAS PA DANG MA

'ONGS PA DANG DA LTAR BYUNG BA'I SHES BYA THAMS CAD SHES PA'I MI SLOB PA'I YON TAN YANG LHAN SKYES DE NYID LA GOMS PA TZAM LAS 'THOB PAR 'GYUR RO, ,BZHI PA LA GNYIS, 'DI MAN CHAD KYI GZHUNG GI GCOD MTSAMS BSTAN PA DANG, GZHUNG DNGOS BSHAD PA'O, ,DANG PO NI, 'DI MAN CHAD KYI GZHUNG GI GCOD MTSAMS LA MI MTHUN PA GNYIS YOD DE, PHAM MTHING PA NAS BRGYUD PA RNAMS, MGAL ME BSKYOD PA'I RNAM PA CAN, ZHES PA NAS BYIN RLABS KYI RIM PA'O, ,ZHES PA'I BAR GYI SNGON DU SLOB MA'I RGYUD BYIN GYIS BRLAB PA'I RIM PA BSTAN PAR 'DOD CING, SLAR YANG RANG BYIN GYIS BRLAB PA'I RIM PA GNYIS PA BRJOD DO, ,ZHES SOGS KYIS SNGAR GYI BYIN RLABS KYI RIM PA LAS GZHAN PA'I BDAG BYIN RLABS KYI RIM PA SOGS BSTAN PAR 'DOD DO, , LUGS GZHAN GYI BLA MA SNGA MA RNAMS GZHUNG GI GCOD MTSAMS DANG POS KYANG BDAG BYIN RLABS KYI DMIGS PA DNGOS GZHI RNAMS STON PAR 'DOD PAS, BDAG BYIN RLABS KYI RIM PA SNGA PHYI GNYIS KA YANG RIM PA SO SO BAR MI 'DOD DO, ,DE LTAR GNYIS SNANG BA NI PHYI MA SHIN TU LEGS SO, ,'O NA RANG BYIN GYIS BRLAB PA'I RIM PA GNYIS PA BRJOD DO, ,ZHES GSUNGS PA JI LTAR YIN ZHE NA, MI 'GAL TE SLAR YANG RANG BYIN GYIS BRLAB PA'I RIM PA ZHES GSUNGS PAS, BYIN RLABS KYI RIM PA SNGA MA NYID BYIN RLABS KYI RIM PA GNYIS PAS SLAR YANG 'CHAD PA YIN PAS, ,DE GNYIS MDOR BSTAN DANG RGYAS BSHAD YIN PA'I PHYIR GNYIS KA BSDOMS PA RIM LNGA'I RIM PA DANG PO YIN GYI, BYIN RLABS KYI RIM PA SNGA MA LAS GZHAN PA'I RIM PA GNYIS PA

, ,STON PA MIN NO, ,GAL TE BDAG BYIN RLABS KYI RIM PA RIM PA GNYIS PA YIN NA, BSAM MI KHYAB KYI RIM PA'I SKABS SU RIM PA LNGA PA BRJOD PAR BYA STE, ZHES GSUNGS PA MI RIGS PAR 'GYUR TE, SNA TSOGS RDO RJE'I RIM PA RIM PA GSUM PA DANG NOR BU 'GENGS PA'I RIM PA RIM PA BZHI PA DANG, DZA LANDHA RA'I RIM PA RIM PA LNGA PAR 'GYUR DGOS PAS BSAM MI KHYAB KYI RIM PA RIM PA DRUG PAR 'GYUR BA'I PHYIR RO, ,GAL TE NOR BU 'GENGS PA'I RIM PA RIM PA GSUM PA YIN NA, NOR BU 'GENGS PA ZHES BYA BA'I RIM PA BZHI PA YANG BRJOD PA ZHES GSUNGS PA JI LTAR YIN ZHE NA, SKYON MED DE NOR BU 'GENGS PA'I RIM PA NYID LA PHYAG RGYA BZHI'I RIM PA YOD PAS NOR BU 'GENGS PA'I RIM PA BZHI PA STON PA YIN GYI, NOR BU 'GENGS PA'I RIM PA BZHI PAR STEN PA MIN NO, ,DES NA RANG BYIN GYIS BRLAB PA'I RIM PA GNYIS PA ZHES PA NI, RANG BYIN RLABS LA MDOR BSTAN DANG RGYAS BSHAD KYI RIM PA GNYIS YOD PA'I, RIM PA GNYIS PA STON PA YIN GYI RANG BYIN RLABS RIM PA GNYIS PAR STON PA MIN NO, , GNYIS PA LA GNYIS, LHAN CIG SKYES PA'I YE SHES SKYED DGOS PAR BSTAN PA DANG, YE SHES DE SKYED PA'I THABS BSTAN PA'O, ,DANG PO NI, MGAL ME BSKYOD PA SKAD CIG KYANG MI GNAS PAR GA-YO BA LTA BU'I RNAM PA CAN GYI SEMS NI GZUGS SGRA LA SOGS PA'I YUL LA RAB TU RGYUG PA DE NI RGYUG PA DE LAS RNAM PAR BZLOG NAS MTSON DU MED PA'I DON MTSON PAR BYA'O ZHES GDUL BYA RNAMS LA 'DOMS PA'O, ,DE LA MTSON DU MED PA NI SEMS DE GZUGS CAN LTAR GZUNG DU MED PA LA 'CHAD PA

LTAR MI BYA YI, SEMS KYI CHOS NYID RNAM PAR MI RTOG PA'I YE SHES KYIS NYAMS SU MYONG BA LTAR DU SGRA RTOG GIS BRJOD CING MTSON DU MED PA LA BYA'O, ,DE MTSON PAR BYA BA NI LHAN SKYES KYI YE SHES BDE BA CHEN POS DE KHO NA NYID JI LTA BA BZHIN RTOGS PAR BYA ZHES PA'I DON YIN PAS MTSON DU MED CES PA RNAMS THAMS CAD DU MTSON MI NUS PA MIN NO, ,RKANG PA DANG PO GNYIS KYI DON YANG SPYIR SEMS GA-YO BA'I TSUL BRJOD PA YIN GYI, RDZOGS RIM LA 'JUG PA'I SGRUB PA PO MTSAN NYID TSANG BA'I SEMS LA BYED PA MIN TE, DE NI RIM PA DANG PO MTHAR PHYIN NAS RDZOGS RIM LA 'JUG PA YIN PAS, RDZOGS RIM LA 'JUG PA NA SEMS RNAM GA-YENG GI BRAN DU SONG NAS CUNG ZAD KYANG GNAS PAR MI NUS PA MA YIN PA'I PHYIR TE, DRIL BU ZHABS KYI LHA LNGA'I SGRUB THABS LAS, DE LTAR GUS PA DANG BCAS PAS RGYUN MI 'CHAD PAR BSGOMS PAS SEMS BRTAN PAR GYUR PA DANG, RDZOGS PA'I RIM PA'I TING NGE 'DZIN BSGROM PAR BYA'O, ,ZHES GSUNGS PA'I PHYIR RO, ,DES NA 'DI 'DRA'I RIGS KYI GZHUNG RNAMS GANG GI CHED DU GSUNGS PA'I GDUL BYA'I GTZO BO MTSAN NYID TSANG BA'I DBANG DU BYAS NAS, 'CHAD PA'I RIM PA SHES DGOS LA, DE LTAR MA SHES PAR DA LTA RANG CAG RNAMS KYI SEMS RGYUD LA TING NGE 'DZIN SKYE TSUL GYI DBANG DU BYAS NAS BSHAD PA BYAS NA, GZHUNG GI DON MANG DU 'PHYUGS PAR SHES PAR GYIS SHIG ,GAL TE BSKYED RIM LA SEMS LEGS PAR BRTAN PA'I TING NGE 'DZIN KHYAD PAR CAN RNYED PAS, RDZOGS RIM LA 'JUG PA NA SEMS YUL LA RGYUG PA BZLOG PA STE, SEMS GAR BZHAG TU RING DU SDOD PA TZAM BSKYED

, ,RIM GYI SKABS NAS KYANG RNYED ZIN PAS DE TZAM LA 'JOG PA 'DI'I DON MIN LA, 'O NA 'DIR RDZOGS RIM BSGOMS PAS SEMS YUL LA RGYUG PA BZLOG LUGS JI LTAR DU BYED CEN, 'DI NI 'OG NAS 'CHAD PA LTAR SNYING GA LA SOGS PA'I LUS KYI GNAS CHES RNAMS SU, RTZA AA BA DH'U T'I LA GNAD DU BSNUN PA'I SGO NAS RO RKYANG GI RLUNG GI RGYU BA BZLOG PA'I THABS KYIS SEMS YUL LA RGYUG PA BZLOG PA YIN PAS, SEMS NANG DU BZUNG STE DRAN PA DANG SHES BZHIN GYI SGO NAS BYING RGOD BCAD PAS, SEMS GAR BZHAG TU SDONG THUB PA'I MI RTOG PA SKYONG BA TZAM LA MI BYED PA'I KHYAD PAR LEGS PAR PHYED DGOS SO, DE YANG SPYIR TING NGE 'DZIN THUN MONG BA LA MKHAS PA DANG, KHYAD PAR DU RIM PA DANG PO'I SKABS SU TING NGE 'DZIN JI LTA BU SKYE BA LA MKHAS PA LA RAG LAS SO, ,DE'I PHYIR BLA MA KHA CIG GIS SNGON DU SLOB MA LA BYIN RLABS BYED PA'I DUS SU, MGAL ME BSKYONG PA BZHIN DU SEMS YUL THAMS CAD LA DUS KUN TU RGYUG PA YIN PAS, DE YUL LAS MA BZLOG NA TING NGE 'DZIN MI SKYE STE DE'I PHYIR YUL DE LA MNGON ZHAN BTANG BAR BYA DGOS PAS NA, BU KHYED RNAMS YUL GANG LA MNGON ZHEN SKYE BAR 'DUG SOMS SHIG CES BRJOD NAS, GANG LA ZHEN PA'I YUL DE RANG BZHIN MED PAR GTAN LA PHAB NAS BDAG MED LA BLO CUNG ZHIG 'JOG TU GZHUG GO , ZHES TSIGS BCAD DE'I DON DU 'DOD PA RNAMS NI DON MA RTOGS PA'I BSHAD PAR SNANG NGO, ,RANG GI LUGS NI SNGAR PHAN YON MANG POS BSNGAGS PA'I LHAN SKYES KYI YE SHES DE BSKYED DGOS PA DANG, DE'I THABS KYANG 'OG NAS 'BYUNG BA LTAR STON

DGOS PA YIN GYI, TSIGS BCAD GONG MA 'DI DANG, SGRA DANG THIG LER LDAN PA'I SEMS, ZHAS PA'I RKANG PA GNYIS SEMS KYI GZHAG THABS DANG MI 'DRA BAR SO SOR GCOD PA DON MIN NO, ,GNYIS PA LA GNYIS, BSAM MI KHYAB KYI RIM PA SKYED PA'I SNGON DU 'GRO BA'I RIM PA DANG, BSAM MI KHYAB KYI RIM PA SKYED BA'I TSUL DNGOS SO, ,DANG PO LA GNYIS, BYANG SEMS DKAR PO RGYAS PAR BYAD PA LA BRTEN PA'I TING NGE 'DZIN SKYED TSUL DANG, BYANG SEMS DMAR PO RGYAS PAR BYED PA LA BRTEN PA'I TING NGE 'DZIN SKYED TSUL LO, ,DANG PO LA GSUM, DH'U T'I'I LUS SNYING GAR GNAD DU BSNUN PA LAS TING NGE 'DZIN SKYED TSUL BDAG BYIN RLABS KYI RIM PA DANG, DH'U T'I'I YAR SNA MAR SNAR GNAD DU BSNUN PA LAS TING NGE 'DZIN SKYED TSUL SNA TSOGS RDO RJE'I RIM PA DANG, PHYAG RGYA BZHI LA BRTEN NAS TING NGE 'DZIN SKYED TSUL NOR BU 'GENGS PA'I RIM PA'O, ,DANG PO LA GNYIS ,MDOR BSTAN PA DANG, RGYAS PAR BSHAD PA'O, ,DANG PO LA BZHI, LHAN SKYES 'CHAR BA'I THABS NGOS BZUNG BA, DE LAS NGES DON GYI HE RU KA 'BYUNG BAR BSTAN PA, HE RU KA DE'I MTSAN NYID GTAN LA DBAB PA, RIM PA'I MTSAN BSTAN PA'O, ,DANG PO NI, SEMS YUL LA RGYUG PA BZLOG NAS DE KHO NA NYID KYI DON MTSON PAR BYED PA'I LHAN SKYES KYI BDE BA BSKYED DGOS NA BDE BA DE JI LTAR DU BSKYED PAR BYA ZHE NA, SGRA NI N'A DAR GRAGS PA'O, ,THIG LE NI RJES SU NGA RO STE DE GNYIS SU LDAN PA'I SEMS NI SEMS MTSON PAR BYED PA'I NGO BO H'Um YIG STE, MDOR NA H'Um YIG DKAR PO MGO BOR ZLA PHYED DANG THIG LE N'A DA DANG BCAS PA'O, ,DE 'DRA BA'I H'Um YIG SNYING GA'I RTZA 'KHOR GYI DBUS SU GZHAG PAR BYA BA STE

, ,BKOD DE, DE LA SEMS GZUNG BAR BYA'O, ,'DI LA BLA MA KHA CIG THIG LE DKAR DMAR KHA SBYOR GYI DBUS SU, H'Um YIG BSGOMS PAR BZHED DE GZHUNG GZHAN MANG PO DANG MTHUN PAS LEGS PA YIN NO, ,'O NA BSKYED RIM GYI SKABS SU SNYING GAR H'Um YIG BSGOMS PA LAS RDZOGS RIM GYI SKABS 'DIR BSGOMS PA LA KHYAD PAR LHAG PA CI ZHIG YOD CE NA, DE NI RTOGS PA DANG LDAN PA'I DRI BA YIN ZHING GAL YANG CHE BAS BSHAD PAR BYA STE, DE GNYIS LEGS PAR MA PHYED PA'I BSHAD PA BOD LA SHIN TU MANG BAR SNANG BA'I PHYIR RO, ,DE LA BSKYED RIM GYI SKABS SU NI NU MA GNYIS KYI DBUS TZAM GYI SNYING GAR SPYIR BSGOMS PA TZAM YIN, RDZOGS RIM GYI SKABS SU NI SPYIR LUS KYI SNYING GA ZHES PA TZAM GYIS MI CHOG GI ,SNYING GA'I RTZA 'KHOR GYI DBUS KYI RTZA AA BA DH'U T'I'I NANG NYID DU BSGOM PA DGOS TE, BDE MCHOG GI BSHAD RGYUD SAm PU tA LAS, SNYING GI NANG SON PADMA NI, ,'DAB MA BRGYAD PA SNYING POR BCAS, ,DE YI NANG DU SON PA'I RTZA, ,MAR ME RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU'O, ,DE YI NANG GNAS DPA' BO NI, ,YUNGS KAR GYI NI SBOM PHRA TZAM, ,MI SHIGS H'Um GI SA BON NI, ,KHA BA LTA BUR 'DZAG PA NYID, CES GSUNGS TE DE'I NANG DU SON PA'I RTZA NI SNYING PO ZHES PA RTZA DBU MA'O, ,DE'I NANG DU GNAS PA ZHES H'Um YIG RTZA DBU MA'I NANG DU BSGOMS PAR GSUNGS TE, DE MI 'KHOR LO BZHI LA BRTEN PA'I GTUM MO SGOM PA'I SKABS SU GSUNGS MOD KYANG, RDZOGS RIM GYI SKABS GZHAN DU'ANG 'DRA BA YIN NO, ,DE'ANG SDOM 'BYUNG LAS, SNYING GA'I CHU SKYES SON PA'I RLUNG, ,H'Um YIG DKAR PO

DANG MTSUNGS PA, ,BSAM BYA MNYAM PAR BZHAG PA GANG, ,DE LAS YUL SOGS KYIS MI 'CHING, ,ZHES GSUNGS PA YANG 'DI DANG MTHUN PAR BYAS TE, 'OG NAS KYANG, GZUGS SOGS RNAMS KYIS DRANGS GYUR TE, ,NGO BO NYID KYIS GANG GA-YO BA'I, ,SEMS NI SNYING GAR BRTAN BYAS NAS, ,ZHES GSUNGS PA'I PHYIR RO, ,LHAN SKYES 'DREN PA'I RANG GI LUS LA GNAD DU BSNUN PA'I GTZO BO YANG RTZA AA BA DH'U T'I YIN TE, SDOM 'BYUNG LAS, RKYANG MA RO MA LOGS GNYIS SU, ,A'A LI K'A LI'I RANG BZHIN CAN, ,'BRAS BU RGYU YI RANG BZHIN GYIS, ,DGA' BA BZHI YI GZUGS CAN MA, ,LHAN SKYES DGA' BA'I RANG BZHIN DANG, ,GNYIS MED MCHOG GI DBANG PHYUG MA, ,KUN RDZOB KUN DA LTA BU STE, ,SGRIB MED BDE BA'I GZUGS CAN MA, ,ZHES A'A LI'I NGO BO RKYANG MA DANG K'A LI'I NGO BO RO MA GNYIS LOGS GA-YAS GA-YON GNYIS NA GNAS PA'I MCHOG GI DBANG PHYUG MA DH'U T'I LHAN SKYES KYI DGA' BA'I RANG BZHIN DU BSHAD LA, SVA BH'A BA NI RANG BZHIN DANG 'BYUNG BA GNYI GA LA 'JUG PAS, 'DIR NI DGA' BDE 'BYUNG BA'I DON YIN PA'I PHYIR RO, ,DGA' BZHI SNGA MA SNGA MA RGYU DANG, PHYI MA PHYI MA 'BRAS BU'I NGO BO DANG DH'U T'I NAS KUN DE LTA BU BABS PA LAS, SGRIB MED DE DON DAM BDE BA'I GZUGS CAN MA STE TSUL CAN SKYE BAR GSUNGS SO, ,YANG DE NYID LAS, SHES RAB GZUGS KYI LA LA NA, ,RE MA THABS KYIS YANG DAG GNAS, ,DE DAG DBUS SU GNAS LHA MO, ,AAm YIG SNA TSOGS GZUGS CAN MA, ,LHA MO SKU BZHI'I BDAG NYID CAN, ,DNGOS GRUB THAMS CAD RAB STZOL MA, ,BDE CHEN RAB SBYIN THAMS CAD LA, ,RTAG TU YANG DAG BDAG PHYAG 'TSAL, ZHES LTE BAR RO RKYANG

, ,GI DBUS KYI DH'U T'IR GTUM MO'I NGO BO AAm YIG BSGOMS PAS BDE CHEN SBYIN PAR GSUNGS TE, 'DI NI MTSON PA TZAM STE RTZA 'KHOR GANG NA YOD PA'I LTE BA'I DH'U T'I DANG, DH'U T'I'I YAR SNA MAR SNA RNAMS SU YI GE DANG THIG LE SOGS LA DMIGS PA GTAD NAS BSGOMS PAS, SROG DH'U T'IR TSUD PA'I GNAD ZAB MO RE YOD PA KUN SHES PAR BYA'O, ,KYE RDO RJE LAS, KUN 'DAR MA NI DBUS GNAS SU, ,GZUNG DANG 'DZIN PA RNAM PAR SPANGS, ZHES GSUNGS PA YANG DBU MAR RLUNG ZHUGS PA LAS GZUNG 'DZIN GYI RNAM RTOG SPANGS PA'I LHAN SKYES SKYE BAS DE LA BSNGAGS PA MDZAD PA YIN NO, ,BDAG PHYAG 'TSAL ZHES PA'I MJUG THOGS SU, GANG GANG GIS NI BSGOMS PA YIS, ,MI RNAMS KYI YID YANG DAG SBYOR, ,DES DE'I RANG BZHIN 'GYUR LHA MO, ,SNA TSOGS GZUGS CAN NOR BU BZHIN, ,ZHES GSUNGS TE 'DI'I DON SHES PA GAL CHE'O, ,GZHUNG 'DI GUR DANG KUN SPYOD SOGS RGYUD MANG POR 'BYUNG ZHING, GZHUNG GCIG YIN KYANG SKABS STOBS KYIS DON SO SO BA MANG PO LA BSHAD DGOS PA YOD PA LAS, 'DI NI SROG DH'U T'IR BSDUS PA LA BRTEN NAS LHAN SKYES KYI BDE BA SKYED PA'I CHED DU, SGRUB PA PO GANG DANG GANG GIS DH'U T'I'I GNAD CHE SA GANG DANG GANG DU, YANG DAG PA STE PHYIN CI MA LOG PAR YID SBYAR BA STE GTAD NAS BSGOMS NA, DH'U T'IR BDE CHEN STER BA'I LHA MO PHAG MO'I NGO BO AAm YIG BSGOMS PA DES, RTZA GNAS DANG RO RKYANG LA RGYU BA'I RLUNG SDUD NUS PA DE'I RANG BZHIN DU 'GYUR TE, DPER NA NOR BU SHEL GONG RAS DKAR DMAR SOGS KYI STENG DU BZHAG PA NA, DE DANG DE'I GZUGS

CAN DU 'GYUR BA BZHIN NO ZHES PA'I DON TE, LUS KYI GNAD CHE SAR DMIGS PA GTAD NAS BSGOMS PAS, GDAMS NGAG GI MTHUS GNAS DER RLUNG BSDU BAR 'DOD PA JI LTA BA DE BZHIN DU SDUD NUS PAR 'GYUR BA'I KHUNGS MCHOG TU GYUR PA'O, ,RDZOGS RIM GYI SKABS SU 'DI 'DRA BA'I YI GE DANG THIG LE BSGOMS PA RNAMS LA, SGOM PA'I GNAD DH'U T'I'I NANG KHO NAR SGOM PA GSAL BAR MTHONG SNANG STE, 'DI MA SHES NA DMIGS PA 'DI DAG BSGOMS PA LA BRTEN NAS SROG DH'U T'IR SDUD PA MI SHES PAS, GDAMS NGAG GI SKABS DON STOR BAR 'GRO'O, ,DE'I PHYIR 'DI SHIN TU GNAD CHE BAR MTHONG NAS, ZHAL LUNG DANG RI KHROD DBANG PHYUG GI GZHUNG DANG, L'U AI PA'I SGRUB THABS KYI 'GREL PA KHYAD PAR GSAL BYED DANG, BRTZON 'GRUS DPAL BSHES GNYEN GYI GZHUNG DANG, RNAL 'BYOR MA'I SGRUB THABS MNGON PAR RTOGS PA'I SNYE MA LAS, RTZA'I GNAD CHE SAR YI GE SOGS LA DMIGS PA GTAD NAS BSGOMS PAS GA-YAS GA-YON NAS RGYU BA'I SROG RLUNG 'GOGS PA'I SROG RTZOL DU 'GRO TSUL BSHAD PA RNAMS, L'U AI PA'I RDZOGS RIM GYI t'I KAR RGYAS PAR BSHAD YOD PAS DE LAS SHES PAR BYA STE 'DIR TSIG MANGS SU DOGS PAS MA BRIS SO, ,SGRA DANG ZHES PA'I RKANG PA DANG PO LA 'GOS 'GYUR LAS, SGRA DANG THIG LES MNAN PA RU, ,ZHES DANG, 'GYUR GZHAN LA, THIG LE N'A DAS MNAN PA NI ZHES 'BYUNG BAS 'GYUR KUN GYI LUGS KYIS THIG LE DANG N'A DA MGO BOR GNAS PA'I H'Um YIG BSGOM PA DGONGS PA YIN NO, ,'DIR BLA MA SNGA MA 'GA' ZHIG SLOB DPON GYI SNYING GA'I H'Um LAS H'Um ZHIG CHAD DE SNA BUG GA-YAS LAS PHYUNG LA, SLOB MA'I SNA

, ,BUG GA-YON PA NAS BCUG STE DE'I SNYING GAR ZLA BA'I STENG DU GZHAG PAR BYA'O, ,H'Um DE'I 'OD ZER GYIS SLOB MA'I LUS THAMS CAD DKAR BA'AM DMAR BAS MAR GYIS KHYAB PAR BSAM PA, SGRA DANG ZHES PA'I RKANG PA GNYIS KYI DON DU BYAS NAS SLOB MA BYIN RLABS BYED PA DANG, YANG BLA MA GZHAN 'GA' ZHIG DE DANG MI MTHUN PA'I DMIGS PA GZHAN 'DZIN PA, SGRA DANG ZHES PA GNYIS KYI DON DU SLOB MA LA BYIN GYIS RLOB PAR 'DOD PA LA, SPYIR DE 'DRA'I DMIGS PA BZUNG NAS SLOB MA LA SNGON DU BYIN RLABS BYED PA LA 'GAL BA MED MED KYANG, DE RNAMS SGRA DANG ZHES PA'I RKANG PA GNYIS KYI DON DU 'CHAD PA NI 'GRIG PAR MI SNANG NGO, ,GNYIS PA NI, 'O NA SNYING GAR GNAD DU BSNUN TE BSGOMS PA LAS CI ZHIG 'BYUNG ZHE NA, DE LTAR BSGOMS PA'I RJES DE NAS SGOM PA PO 'DI'I RMONGS PA'I RAB RIB 'JOMS 'DZAD NI STE MDZAD PA'I MNGA' BDAG STE GTZO BO BCOM LDAN 'DAS 'BYUNG BAR 'GYUR TE DE'ANG SHIN TU DRAG PO DANG ME LCE 'BAR BA'I 'PHRENG BA 'KHRIGS PA CAN GYI DPAL HE RU KA CHEN POR GRAGS PA 'BYUNG BA NYID DE KHO NA'O, ,'DI NI HE DANG RU DANG KA DANG SHR'I YIG BZHI'I NGES PA'I DON GYI YE SHES LA, SHR'I HE RU KA ZHES BSHAD PA DE'O, ,DE LA DRAG PO NI SRID PA'I GA-YUL LAS RGYAL BAR BYED PA'O, ,ME LCE 'BAR BA'I 'PHRENG BA 'KHRIGS PA NI, LHAN SKYES KYI BDE CHEN LA MI MTHUN PHYOGS SREG PAS ME ZHES BRJOD PAS TA, GSANG BA'I DE KHO NA NYID RAB TU GSAL BA LAS, HE RU KA DPAL RGYUD CHEN DU, ,ME ZHES BYA BAR MNGON PAR BRJOD, ,CHAGS SOGS NYON MONGS DRA BA YI, ,SOG MA

SREG PAR BYED PHYIR RO, ZHES BDE BA CHEN PO LA MER GSUNGS PA LTAR RO, ,DE LTAR NA BSKYED RIM LA HE RU KA BSKYED PA'I GZHI 'BYUNG BA RIM BRTZEGS RI RAB PADMA DANG BCAS PA DE, NANG RDZOGS RIM LA BSHAD PA NA GANG LA GNAD DU BSNUN PAS LHAN SKYES KYI HE RU KA 'CHAR BA'I GZHI, RDO RJE'I LUS SPYI DANG BYE BRAG GI GNAD RNAMS STON PAR SHES PAR BYA'O, ,NGES DON GYI HE RU KA BSKYED PA'I GZHI NI, LUS KYI DKYIL 'KHOR LA BSHAD PA LA, 'KHOR LO BZHI LA SOGS PA'I DBUS KYI DBU MA DANG, DE'I YAR SNA MAR SNA SOGS GNAD DU BSNUN PA MANG YANG, DRIL BU PA'I LUGS SNYING GA LA BRTEN PA 'DI NI BSHAD PA'I RGYUD MNGON BRJOD DANG, SDOM 'BYUNG LA BRTEN PA YIN LA, DES NI 'KHOR LO SDOM PAR SBAS PA SLOB DPON 'DIS GSAL BAR BYAS PA'I TSUL YANG SHES PAR BYA'O, ,GSUM PA NI, DES DON GYI YE SHES DE HE RU KA YIN NA HE RU KA LA DUR KHROD DU ROL PA DANG, BDUD 'JOMS PA DANG GDUG PA'I KHRAG 'THUNG BA RNAMS YOD PA 'DI LA JI LTAR DU TSANG ZHE NA, DUR KHROD NI B'A SA NA GNAS PA YIN LA, DE LA SHA BA N'Am ZHES BSNAN TE NGES TSIG GIS BSHAD NA RO GNAS PA'O, ,JI LTAR DUR KHROD NA RO RNAMS BDAG DANG BDAG GIR 'DZIN PA DANG BRAL BAR GNAS PA DE LTAR, SEMS CAN DANG SEMS CAN GYI GNAS RNAMS RANG BZHIN GYIS GRUB PAS STONG PA'I BDAG MED PA'O, ,DUR KHROD DE NA DE KHO NAR DMIGS PA MED PA'I SNYING RJE CHEN PO DANG, SHES RAB CHEN PO'I BDAG NYID BYANG CHUB KYI SEMS CHEN PO PHYAG RGYA CHEN PO LHAN CIG SKYES PA'I RANG BZHIN GYI BCOM LDAN 'DAS ROL BAR RIGS SO, ,ZHES MAN SNYE LAS

, ,BSHAD PA LTAR NI LHAN CIG SKYES PA'I DUR KHROD NA ROL PA'O, ,DES NI NANG GI BDUD SGRIB PA GNYIS RTZA BA NAS 'JOMS PA NI BDUD RNAMS THAMS CAD 'JOMS PA'O, ,GDUG PA'I KHRAG GSOL BA LTAR DU BDE BA KUN GYI DAM PA STE MCHOG NI SKAD CIG DE LA SKAD CIG RE RE LA GSOL BA STE LONGS SPYOD PAR MDZAD PA'O, ,'GOS 'GYUR LAS, BDE CHEN DAM PA THAMS CAD LA, ,SKAD CIG DE NYID LONGS SPYOD MDZAD, CES BSGYUR BA GO BDE'O, ,BLA MAS BYIN GYIS BRLABS PA TZAM GYIS TE DE LA NGES PAR BRTEN NAS SKAD CIG LA STE RING POR MI THOGS PAR SLOB MA'I RGYUD LA GANG YANG 'PHO BA'I LHAN SKYES 'DI NI SKAD CIG MA GCIG LA MNGON PAR BYANG CHUB PA 'OD GSAL GYI RIM PAR 'DOD DO, ,SA BON MED PA ZHES PA NI SA BON DANG BCAS PA LAS BYANG CHUB PA BSKYED RIM PA'I MNGON BYANG GCOD PA STE, 'GOS 'GYUR LAS, SKAD CIG GCIG GIS MNGON BYANG CHUB, ,'DI NI SA BON MED PAR BRJOD, ,DES 'BYUNG BA LTAR RO, ,BZHI PA NI, CES BYA BA NI MGAL ME ZHES PA NAS 'DOD CES PA'I BAR KUN LA BYA'I, 'DAS MA THAG PA'I TSIGS BCAD GCIG PU LA MI BYA'O, ,'KHOR LO SDOM PAR BLA MA RNAL 'BYOR PA'I SBAS PA LAS, ZHES PA LA 'GYUR GZHAN LAS 'KHOR LO SDOM PA BLA MA RU, ,RNAL 'BYOR MA YIS SBAS PA LAS, ZHES 'BYUNG YANG 'KHOR LO SDOM PA RNAL 'BYOR MA'I BLA MAR SBAS PA LAS ZHES BYA BA'I DON TE, 'DI'I RTZA RGYUD KYI MTSAN LA, DPAL HE RU KA 'KHOR LO SDOM PA ZHES BYA BA RNAL 'BYOR MA CHEN MO'I RGYUD KYI RGYAL PO ZHES 'BYUNG BA DANG 'DRA STE, RNAL 'BYOR MA'I RGYUD THAMS CAD KYI RGYAL PO'AM BLA MA STE GONG

MA ZHES PA'I DON NO, ,DER MI GSAL BAR SBAS PA GSAL BAR BSTAN PA LAS ZHES BYA STE, 'DI RNAMS RIM PA KUN TU SBYAR RGYU YIN NO, ,RTZA RGYUD KYI DON JI LTAR BAR RNYED PA'I BDAG BYIN GYIS BRLAB PA NGES PAR BSTAN PA'O, ,BDAG BYIN RLABS KYI RIM PA MDOR BSTAN PA'O, , GNYIS PA LA GSUM, BDAG BYIN RLABS KYI RIM PA DNGOS, DE'I YON TAN GZHAN BSTAN PA, RIM PA'I MTSAN BSTAN PA'O, ,DANG PO LA GNYIS, SA BON DANG BCAS PA'I RANG BYIN RLABS DANG, SA BON MED PA'I RANG BYIN BRLAB BO, ,DANG PO LA GNYIS, 'DIR DRANGS PA'I BSHAD RGYUD KYI DON BSHAD PA DANG, 'DIR MA DRANGS PA'I DE'I SKABS KYI BSHAD RGYUD KYI TSIG RNAMS BSHAD PA'O, ,DANG PO LA GNYIS, MTSAMS SBYAR TE BSHAD BYA DGOD PA DANG, SLOB DPON GYIS DE'I DON BSHAD PA'O, ,DANG PO NI, SLAR YANG ZHES PA GZHUNG SNGA MA RNAMS KYIS BDAG BYIN GYIS BRLABS PA'I RIM PA BSHAD PAR MA ZAD, 'DIR YANG DON DE NYID BRJOD DO, ,ZHES PA'I DON NO, ,RANG BYIN GYIS BRLABS PA'I RIM PA GNYIS PA ZHES PA NI, RANG BYIN RLABS LA MDOR BSTAN DANG, RGYAS BSHAD KYI RIM PA GNYIS YOD PA'I GNYIS PA YIN GYI RANG BYIN RLABS GNYIS PAR STON PA MIN NO, ,DE NI BSHAD RGYUD MNGON BRJOD BLA MA LAS, RTAG TU SNYING LA GNAS PA YIS, ,THIG LE GCIG LA 'GYUR MED DE, ,DE SGOM BYED PA'I SKYE BO LA, ,NGES PAR YE SHES SKYE BAR 'GYUR, ,ZHES GSUNGS PA'I DON NO, ,'GOS 'GYUR DANG 'GYUR GZHAN LAS, ,THIG LE GCIG PU YI GE MED, ,CES 'BYUNG BA LA, AAKshA RA ZHES PA 'GYUR MED DANG YI GE GNYIS KA LA 'JUG KYANG, 'DIR SNGA MAR BSGYUR RGYU YIN TE SLOB DPON GYIS

, ,KYANG, DE'I DON MI GA-YO BAR BYAS TE ZHES BSHAD PA'I PHYIR DANG, SGRA DANG THIG LER LDAN PA'I SEMS, ,SNYING GAR GZHAG BYA, ZHES PA 'DIR YANG SBYAR RGYU YIN PAS, SNYING GAR H'Um YIG BSGOMS PA 'DIR YANG DGOS PA'I PHYIR RO, ,LHAG MA NI SLOB DPON NYID KYIS 'CHAD PAR 'GYUR RO, ,GNYIS PA NI, RTAG TU ZHES PA'I TSIGS BCAD 'DI'I DON BRJOD PAR BYA STE, MIG DANG ZHES SOGS KYI GZHUNG GI 'GYUR RDOG 'GYUR MI BDE BAR SNANG BAS, 'GOS 'GYUR LAS, MIG DANG RNA BA DANG SNA DANG LCE DANG LUS RNAMS LA KUN TU GNAS PA'I YE SHES RNAMS NI, KUN GZHI RNAM PAR SHES PA'I SEMS KYIS BSDUS PA STE, DE BAS NA LNGA PO DE RNAMS YID KYIS YANG DAG PAR SBYAR NAS MI GA-YO BAR BYA ZHING, THIG LE'I GZUGS KYIS SNYING GA'I KHA SBYAR BAR BZHAG LA, RTAG TU MI GA-YO BAR BLTAS NA SANGS RGYAS KYI YE SHES SKYE BAR GYUR NAS, ZHES BSGYUR BA'I STENG NAS BSHAD PAR BYA'O, ,DE LA MIG LA KUN TU GNAS PA'I YE SHES DANG RNA BA LA KUN TU GNAS PA'I YE SHES ZHES SOGS SU SBYAR TE, SHES PA DANG YE SHES SKAD DOD THUN MONG BA YOD KYANG 'DIR SHES PAR BSGYUR BAS CHOG GO ,KUN GZHI RNAM PAR SHES PA'I SEMS KYIS BSDUS TE ZHES PA LA 'DIR SDUD BYED KYI KUN GZHI RNAM SHES NI, DBANG PO'I SHES PA LNGA'I RJES SU 'JUG PA LA SEMS SDUD PAR BYED PA'I YID YIN TE, LNGA PO DE RNAMS YID KYIS YANG DAG PAR SBYAR NAS MI GA-YO BAR BYA ZHING ZHES GSUNGS PA'I PHYIR DANG, SEMS PHYIR 'PHRO BA LOG NAS NANG DU SDUD PA NI YID KYI SHES PA KHO NAS BYED PA'I PHYIR DANG, SNGAR RNAM SHES LNGA SMOS PA'I DRUG

PA YID LA SHIN TU GSAL BAR SNANG BA'I PHYIR RO, ,DON YID KYI RNAM SHES LA MING KUN GZHI RNAM SHES SU BTAGS PA SNGAGS KYI GZHUNG LA MANG DU 'BYUNG BAR SNANG BAS, DON LA DPYAD PAR BYA'I KUN GZHI RNAM SHES ZHES GSUNGS PA TZAM GYIS YID KYI RNAM SHES LAS NGO BO THA DAD PA'I KUN GZHI RNAM SHES SU LUGS GZHAN NAS 'BYUNG BA LA GZUNG BAR MI BYA'O, ,RNGOG 'GYUR LAS, MIG DANG RNA BA DANG SNA DANG LCE DANG PAGS PA'I PHYOGS LA GNAS PA'I SHES PA RNAMS KYI KUN GZHI RNAM PAR SHES PA'I RANG BZHIN GYI SEMS LA RNAM PAR SHES PA LNGA PO DE DAG YANG DAG PAR BZHAG CING MI GA-YO BAR BYAS TE, YID SNYING GAR BZHAG NAS GNAS PAS NI THIG LE'I GZUGS SU 'GYUR RO, ,DE MTHONG BA LAS YE SHES TE ZHES 'BYUNG NGO, ,DE LA RNAMS KYI ZHES PA NI RNAMS NI ZHES 'ONG RGYU'O, KUN GZHI RNAM PAR SHES PA'I RANG BZHIN GYI SEMS LA ZHES PA LAS SEMS KYIS BSDUS PA STE ZHES PA LEGS SO, ,RNAM PAR SHES PA LNGA PO NAS MI GA-YO BAR BYAS TE, ZHES PA'I BAR LAS KYANG DE BAS NA ZHES PA NAS MI GA-YO BAR BYA ZHING ZHES PA'I BAR LEGS PAR SNANG ZHING, YID SNYING GAR BZHAG PA SOGS LAS KYANG THIG LE'I GZUGS KYIS ZHES SOGS LEGS LA, DE MTHONG BA LAS YE SHES TE ZHES PA LAS KYANG, RTAG TU MI GA-YO BAR BLTAS NA SANGS RGYAS KYI YE SHES SKYE ZHES PA CHES LEGS PAR SNANG NGO, ,THIG LE'I GZUGS KYIS SNYING GA'I KHA SBYOR BAR BZHAG LA ZHES PA NI, SNGAGS KYI THIG LE'I GZUGS KYIS SNYING GA'I RTZA 'KHOR GYI DBUS KYI DH'U T'IR THIG LE DKAR DMAR KHA SBYOR GYI DBUS SU 'JOG PA'O, ,GCIG LA ZHES PA NI DMIGS RTEN

, ,THIG LE GCIG PU DE LAS SEMS YUL GZHAN LA 'PHRO BA 'GOG PA'O, ,DE LTAR RTAG TU STE RGYUN DU 'GYUR BA MED PA STE DMIGS RTEN THIG LE LAS, SEMS GZHAN DU MI GA-YO BAR THIG LE NYID LA BLTAS NA, RLUNG SEMS 'JUG PA GCIG PA'I GNAD KYIS SEMS ZIN SAR RLUNG ZIN 'ONG BAS, GA-YAS GA-YON GYI RLUNG DH'U T'IR ZHUGS PA DANG DE NAS 'BYUNG 'JUG MI BYED PAR DH'U T'I'I NANG DU GNAS PA DANG, DE NAS DER THIM PAR GYUR PA LAS, SANGS RGYAS SU BGROD PA'I LHAN CIG SKYES PA'I YE SHES SKYES PAR 'GYUR NA RIM GYIS SANGS RGYAS NYID 'GRUB PAR 'GYUR RO, ,SKABS 'DIR PHAM MTHING PA NAS BRGYUD PA SNYING GAR ZLA BA'I STENG DU YID KYI RNAM SHES KYI NGO BO THIG LE DMAR PO YUNGS 'BRU TZAM BLTAS LA, DE LA SEMS ZIN PA BRTAN PA DANG DE LAS 'OD ZER 'PHROS PAS, DBANG SHES LNGA'I NGO BO THIG LE DKAR PO DANG NAG PO DANG SER PO DANG DMAR PO DANG LJANG GU, MIG GNYIS DANG SNA BUG GNYIS DANG SNA'I BUG PA'I 'DOMS SO DANG, LCE'I RTZA BA DANG MTSAN MA'I RTZER RIM PA BZHIN BSGOMS LA SEMS GZUNG BAR BYA ZHES ZER RO, ,DE LA SPYIR MIG LA SOGS PA'I SGOR YI GE BKOD NAS BUG PA DE RNAMS BKAG PAR BSGOMS NAS SEMS BZUNG NA, DBANG PO'I RLUNG NANG DU LDOG PAR MAN SNYE LAS BSHAD PAS, 'DIR DBANG PO'I SGOR THIG LE SGOM PA YANG DBANG PO'I RLUNG NANG DU LDOG THABS SU 'GYUR BA TZAM YOD MOD KYANG, GZHUNG GI DGONGS PA NI SNYING GA'I SNGAGS KYI THIG LE GCIG BU LA SEMS GTOD PA YIN NO, ,DE LTAR MNGON BRJOD DU MA ZAD PHYAG CHEN THIG LE LAS KYANG SNYING GAR GNAD DU BSNUN PA LA SHIN TU BSNGAGS TE, DE NYID

LAS, RLUNG 'KHOR CHAR YANG GNAS NA NI, ,RLUNG MA GNYID MA YOD PA'O, ,GA-YAS PA DANG NI GA-YON GYI CHA, ,CHAR YANG LA NI SHIN TU BSKOR, ,DE GNYIS KHONG DU CHUD PA YIS, ,DE LAS MCHOG GI BDE BA 'BYUNG, ,BDE BA'I NANG NAS PHYAG RGYA CHE, ,THE TSOM MED PAR RNYED PAR 'GYUR ZHES GSUNGS SHING, YANG DE NYID LAS, CHAR YANG SNYING GA'I GNAS SU SHES, ,ZHES CHAR YANG GI GNAS SNYING GA'I GNAS SU BSHAD LA, RLUNG 'KHOR GYI GNAS NI SMIN MTSAMS YIN LA DE NA RLUNG MA YOD PA DANG, CHAR YANG GI GNAS SU GNYID MA YOD PAR BSHAD PA'I GNYID MA STE, RTOG MED MA SNYING GA'I DH'U T'I LA GA-YAS GA-YON GYI RO RKYANG GIS MDUD PAS BSKOR BA'I KHONGS SU CHUD PA'I GNYID MA LAS, BDE BA MCHOG TU GYUR PA 'BYUNG ZHING BDE BA RNYED PA LAS BDE STONG DBYER MED KYI PHYAG RGYA CHEN PO THE TSOM MED PAR RNYED PAR GSUNGS SO, ,GROL BA'I THIG LE LAS KYANG, SHIN TU BSNGAGS TE, DE GSAL MI SHIGS THIG LE'I GZUGS, ,YUNGS KAR GYI NI 'BRU TSOD TZAM, ,'OD ZER SNA LNGA 'BAR 'DZAG PA'I, ,TSUL CAN SNYING DBUS RTAG TU GNAS, ,DE LA BLTAS PAS YE SHES CHE, ,SKAD CIG TZAM GYIS RNAL 'BYOR LA, ,'BAR BA 'DI LA THE TSOM MED, ,CES GSUNGS TE YE SHES CHE NI LHAN SKYES KYI YE SHES SO, ,DE LTAR SNGAGS KYI THIG LE LA DMIGS PA GOMS PA LAS MYONG BA SKYE TSUL NI, SEMS GNAS PA'I MI RTOG PA TZAM MAm, YANG SNGON DU BDE BA SKYE DE LA BRTEN NAS MI RTOG PA SKYE ZHES SNGA MA MANG PO ZER BA LTAR MI BYA'I, DH'U T'I LA BRTEN PA'I GNAD CHE SAR DMIGS PA 'DZIN LUGS LA SHIN TU MKHAS PAR BYAS TE, BSKYANGS PA LAS THOG MAR GA-YAS GA-YON GYI RLUNG DBU MAR TSUD PA SOGS KYI RLUNG ZHUGS GNAS

, ,THIM GSUM BYAS PA LAS, DGA' BA BZHI DANG STONG PA BZHI 'DREN PA'I TSUL RNAMS SHES DGOS TE, RGYAS PAR GSANG 'DUS KYI GDAMS PA DANG, L'U AI PA'I RDZOGS RIM GYI t'I KAR GTAN LA BAB ZIN PAS 'DIR TSIG MANGS SU DOGS PAS MA BRIS SO, ,GZHUNG 'DIR BSHAD PA LTA BU'I YI GE DANG THIG LE DANG PHYAG MTSAN SOGS BSGOMS PA RNAMS, BLOS KUN BRTAGS NAS BSGOMS PA YIN YANG DE LTAR BSGOMS PA LA BRTEN NAS MA BCES PA'I LHAN SKYES KYI YE SHES 'CHAR BA'I THABS SU THUN MONG MA YIN PAR 'GYUR BAR SHES NAS SHIN TU GCES PAR BYA'I, DE'I GNAD MI SHES PAR DE RNAMS BLOS KUN BRTAGS NAS BSGOMS PA YIN PAS, RDZOGS PA'I RIM PA MCHOG LA MI DGOS SO SNYAM DU MI GZUNG NGO, ,GNYIS PA NI, DRIL BU PA'I LUS DKYIL GYI RDZOGS RIM BSGOMS PA'I SKABS SU YANG, RTAG TU ZHES PA'I TSIGS BCAD GCIG LAS MI 'BYUNG YANG, DRIL BU PA'I GZHUNG LA BRTEN PA'I MA NA KA SHR'IS MDZAD PA'I LUS DKYIL GYI RDZOGS RIM BSGOMS PA'I SKABS SU, RTAG TU ZHES PA'I SNGON DU, MNGON BRJOD LAS, TSIGS BCAD BZHI GSUNGS PA DANG BCAS PA'I RDZOGS RIM STON PA'I TSIGS BCAD LNGA BKOD PA NI, SHIN TU LEGS PAS 'DIR YANG TSIGS BCAD LHAG MA BZHI BSHAD PAR BYA'O, ,DE LA TSIGS BCAD DANG PO NI, GANG DU SNYING GI PADMA KHA SBYAR DBUS GNAS PA, ,PHRA BAR LTA BA RANG 'BYUNG MYOS PA'I SEMS 'JUG PA, ,KHAMS GSUM MA LUS GNYIS SU MED PAR NYER 'GRO BA, ,GSAL BA CHOS KYI DBYINGS MCHOG DE LA BDAG PHYAG 'TSAL, ZHES PA'O, ,DE LA GNAS GANG DU KHAMS

GSUM GYI SEMS CAN MA LUS PA GNYIS SU MED PA 'OD GSAL DU NYE BAR 'GRO BA'I GSAL BA CHOS KYI DBYINGS LA PHYAG 'TSAL LO, ,DE YANG SNYING GI PADMA STE RTZA 'KHOR GYI DBUS SU KHA SBYAR BA'I DH'U T'I'I DBUS SU GNAS PA'I MI SHIGS PA SHIN TU PHRA BAR BLTA BA STE, BLTA BAR BYA BA LUS CHAGS PA'I DUS NYID NAS 'BYUNG BAS RANG BYUNG STE RTZOL BAS GSAR DU MA BSGRUBS LA, BAR DO MYOS PA STE BRGYAL BA'I SEMS 'JUG PA'I GNAS PHA MA'I KHU KHRAG 'DRES PA'I THIG LE, DA GDOD LUS RDZOGS PAR CHAGS PA NA SNYING GA RU 'GYUR BA'I GNAS DER GNAS PA'I SEMS SO, ,MYONG BA'I ZHES 'BYUNG BA LTAR NA MYONG BA'I SEMS 'JUG PA STE GNAS PA'I RTEN NO, ,TSIGS BCAD GNYIS PA NI, DBANG PO GA-YO BA'I RTA KUN NANG DU NGES SBYAR BA, YE SHES RGYAL BA MA LUS 'DUS PA'I SNOD GYUR PA, ,ZHING DANG KHAMS GSUM MA LUS 'DUS PA'I SNOD GYUR PA, ,MTHONG BA MKHA' DANG 'DRA BA DRI MED DPAL DU GYUR, ,ZHES PA'O, ,SNYING GA'I MI SHIGS PA'I THIG LE LA DMIGS NAS LAM DU BYAS PA NI, DBANG PO'I SHES PA PHYI ROL TU GA-YO BA'I SEMS KYE RTA RLUNG KUN SNYING GA'I NANG DU NGES PAR SBYOR BAR BYED DO, ,DE LTAR SBYAR BA LAS LHAN CIG SKYES PA'I YE SHES RGYAL BA MA LUS PA 'DUS PA'I SNOD DU GYUR PA STE, BSKYED PA'I ZHING DANG KHAMS GSUM MA LUS PA 'DUS PA'I SNOD DU GYUR PA STE, DA THAMS CAD KYI RTZA BA RLUNG DANG SEMS TZAM GYI BDAG NYID DU GYUR PA'O, ,DE 'DRA BA'I LHAN SKYES YE SHES BDE STONG SBYAR BA'I DON MTHONG BA NA, CHOS THAMS CAD NAM MKHA' DANG 'DRA BAR DRI MA MED PA'I DPAL DU 'GYUR RO, ,TSIGS BCAD GSUM PA NI, SANGS RGYAS RJES DRAN

, ,SBYOR BA YIS, ,CHOS NI RJES SU DRAN PA BSGOM, ,CHOS RJES DRAN PA'I SBYOR BA YIS, ,CHOS KYI SKUR NI BDAG 'GYUR TE, ,ZHES PA'O, ,'DIS NI BSGOM PA'I RIM PA STON TE DANG POR SANGS RGYAS RJES SU DRAN PA'I SBYOR BA LHA'I RNAL 'BYOR BSGOM PA DANG SBYOR BA DE YIS TE DE LA BRTEN NAS, CHOS NI RJES SU DRAN PA STE SNYING GA CHOS KYI 'KHOR LOR MI SHIGS PA BSGOM PAR BYA LA, DE LTAR BSGOMS PA'I CHOS RJES SU DRAN PA YIS BDAG NYID KYI SEMS CHOS KYI SKUR 'GYUR BAR BYED DO, ,ZHES PA'O, ,TSIGS BCAD BZHI PA NI, DBUS NA GSAL BYED RNAM PAR SHES, ,YE SHES MCHOG NI SHES RNAMS KYIS, ,SHIN TU SGOM PA GOMS PA LAS, ,'BAR BA 'DI NI THE TSOM MED, CES PA STE SNGAR BSHAD PA LTAR, SGOM PA DE YANG DE RNAMS KYI GNAD LEGS PAR SHES PA DANG, GOMS PA BSRINGS NA THE TSOM MED PAR YE SHES SKYE'O ZHES PA'I DON NO, ,NGA'I 'OG TU RTAG TU ZHES PA'I TSIGS BCAD GCIG 'BYUNG STE, DE'I DON NI BSHAD ZIN TO, ,GNYIS PA NI, DA NI SA BON MED PA'I RANG BZHIN BYIN GYIS BRLAB PA'I RIM PA BRJOD PAR BYA'O, ,ZHES MTSAMS SBYAR TE, SA BON MED PA NI 'DIR SNGA MA LTAR SNGAGS KYI THIG LE H'Um YIG KHA DOG DANG DBYIBS KYI BDAG NYID CAN LTA BU'I GZUGS LA DMIGS PA MED PA LA BYA'I, RTZOL BA MI DRAG PA DANG DMIGS PA RGYA CHUNG BA LA BYED PA NI DON DU MI SNANG NGO, , NYI MA'I BDAG NYID CAN NI RO MA NAS RGYU BA'I RLUNG STE DE'I LAM NI SNA BUG GA-YAS SO, ,ZLA BA'I BDAG NYID CAN NI RKYANG MA NAS RGYU BA'I RLUNG STE DE'I LAM NI SNA BUG GA-YON NO, ,STONG PA NYID KYI RANG BZHIN ZHES PA NI NAM MKHA' STONG PA'I NGO BO ZHES PAS BSHAD DE RTZA'I

KHONG STONG DANG SNA BUG GI KHONG STONG GANG NAS KYANG STE DE NAS RLUNG BAR CHAD MED PAR TE NANG DU 'JUG PA DANG PHYIR LA 'BYUNG BAR 'GYUR BA'I LAM DER 'BYUNG 'JUG BYED PA NA RLUNG DANG LHAN CIG SBYAR BAS TE RLUNG SNGAGS DBYER MI PHYED PAR GCIG TU BYAS PA'I DON LA SEMS GZUNG BAR BYA'O, ,'DIR 'BYUNG BA DANG 'JUG PA'I RLUNG GI BZLAS PA GNYIS GSAL BAR BSHAD PAS NANG DU RLUNG GNAS PA'I BZLAS PA YANG SHES PAR BYA'O, ,SA BON DANG BCAS PA'I RANG BYIN RLABS KYIS BSKYED RIM DU MNGON BYANG LAS HE RU KA RDZOGS PA'I NGES DON BSHAD LA, SA BON MED PA'I RANG BYIN RLABS 'DIS BSKYED RIM PA'I HE RU KA'I THUGS RGYUD BSKUL BA'I BZLAS PA'I NGES DON BSHAD DE, BSHAD PA'I RGYUD SDOM 'BYUNG LAS, RLUNG GI DE NYID SNGON DU 'GRO BAS, SNGAGS KYI DE NYID BZLA BAR GSUNGS PAS SNYING GA'I MI SHIGS PA LAS LDANG 'JUG GNAS GSUM GYI RDOR BZLAS BYED PA'I DON NO, ,'DIR BLA MA SNGA MA KHA CIG GZHUNG DE RNAMS KYI DON SNA BUG GA-YAS PA NAS NYI MA'I RLUNG RGYU BA'I DUS SAM, GA-YON PA NAS ZLA BA'I RLUNG RGYU BA'I DUS SAM, GNYIS KA NAS NYI ZLA MNYAM PAR RGYU BA'I DUS KYANG RLUNG STE DE'I DUS SU SNA BUG GNYIS KYI NANG SNA'I RTZE MO DANG BCAS PA STONG PAR SGOM PA'AM, SNA BUG GNYIS KYI 'DOMS SO'I PHYI ROL TU'ANG RUNG STE, RLUNG PHYIR RGYU BA'I DUS SU RLUNG SNA LAS PHYI ROL DU MI 'GRO BAR RI SNAR SMUGS PA CHAGS PA LTA BU'I TSUL GYIS RLUNG GI 'OD ZER KHA DOG SMUGS PA'I RNAM PAR GNAS PAR BSGOM, RLUNG NANG DU 'JUG PA'I DUS SU RLUNG DANG LHAN CIG TU 'OD ZER THUNG DU 'PHROS PAS DES LUS LA KHYAB PAS BDE STONG GI TING NGE 'DZIN SKYES PAR BSAM BA LA 'CHAD PA NI DON DU MI SNANG GI, BLA MA SNGA MA

, ,GZHAN 'GA' ZHIG GI LUGS KYIS RDOR BZLAS BYED PA LA 'CHAD PA LEGS PAR MTHONG NGO, ,DE LTAR RDO RJE BZLAS PA LA GOMS PA LAS, NYAMS MYONG SKYE TSUL NI, SEMS KYI BZHON PAR GYUR BA'I RLUNG GI RDOR BZLAS BYAS PA DES KYANG 'KHYER ZHES SBYAR RO, ,GANG 'KHYER NA BLO STE SEMS KYI GZHI NI DE'I BZHON PA'I RLUNG RNAMS SO, ,GANG DU 'KHYER NA RLUNG SEMS RANG GI KHYIM STE RTZA BA'I GNAS SNYING GA'I DH'U T'IR RO, ,DER RLUNG ZHUGS TE THIM PA NA BLO SHES RAB STE YUL STONG PA NYID DANG SEMS THABS TE YUL CAN BDE BA CHEN PO'I YE SHES GNYIS RO GCIG TU 'GYUR BA'O, ,THABS SHES GNYIS SU MED PA'I RANG BZHIN DU SON PA DES NI SANGS RGYAS THAMS CAD KYI SKYED PAR BYED PA'I RANG BZHIN DRUG PA RDO RJE 'CHANG NYID DU SGRUB PAR BYED PA YIN NO, DE YANG DE KHO NA NYID GRUB PA LAS, DPER NA NAM MKHA'I NGOS SU KHYAB PA'I CHU 'DZIN GYI TSOGS STUG PO DENGS PAR GYUR PA NA, GANG DU SONG MI SHES PA DE BZHIN DU RLUNG 'DI YANG SNGAR RGYUN MI 'CHAD PAR 'BYUNG BA LAS, DE LTAR THIM PAR GYUR PA NA MCHOG TU LDOG CING TSIM PA THOB PAS GANG DU'ANG 'GRO BAR MI 'GYUR RO, ,LHAN CIG SKYES PA'I RLUNG RANG GI GNAS SU GNAS PAS RTOG PA'I TSOGS LAS GROL ZHING, STONG PA NYID KYI RANG BZHIN GYIS THUGS TSIM PAR BYED PA CI ZHIG LTAR SKYES TE, 'DI LTAR 'KHOR BA 'DIR SNGON DU THUGS RJE CHEN PO MANG DU RGYUN MI 'CHAD PAR GOMS PAR BYAS PAS, MTHA' YAS PA'I SEMS CAN RNAMS KYI DON MDZAD PA'I RGYU THOB PA YIN NO, ,ZHES GSUNGS TE SNGAR BSHAD PA DE 'DRA BA DE NI LHAN CIG SKYES PA'I RLUNG RANG GI GNAS SU GNAS PA ZHES BYA BA YIN LA, DE LAS YON TAN DE LTA BU

SKYE BA NI SNYING GA'I RDOR BZLAS KHO NAR MA ZAD SNYING GAR SNGAGS KYI THIG LE BSGOMS PA LAS KYANG DE LTAR DU 'GYUR BA YIN NO, ,SPYIR RDOR BZLAS DANG KHYAD PAR DU SNYING GA'I RDOR BZLAS KYI GNAD MTHA' DAG PAR NI, GSANG 'DUS DANG BDE MCHOG GI GDAMS NGAG GI BSHAD PA RNAMS SU BSTAN YOD PAS DER SHES PAR BYA'O, ,DE LTAR NA 'KHOR LO SDOM PA LAS, MNGON BYANG LAS HE RU KA RDZOGS PA DANG DE'I THUGS BSKUL BA'I BZLAS PA BSHAD PA'I SKABS SU, SGRAS ZIN TSOD KYI DON LA BSKYED RIM LAS MED PAS, DES MTSON PA'I DON RDZOGS RIM GYI NGES DON RANG BYIN RLABS GNYIS SBAS PA DANG, SBAS PA BSHAD RGYUD LA BRTEN NAS GRUB CHEN GYIS STON TSUL NI DE LTAR YIN NO, ,GNYIS PA NI, DE LTAR BDAG BYIN GYIS BRLABS PA GNYIS BSGOMS PA'I PHAN YON GZHAN STON PA NI, 'DAS PA DANG MA 'ONGS PA DANG DA LTAR BYUNG BA'I DON GZUGS KYI SKYE MCHED RNAMS LHA'I MIG GIS SHES SHING 'KHOR BA SO SO SKYE BO DANG MYA NGAN LAS 'DAS PA 'PHAGS PA GANG ZAG GI THOG MA SKYE BA DANG THA MA 'CHI 'PHO BA'I TSUL GYI RANG BZHIN LHA'I MIG GIS MTHONG BA STE, 'GOS 'GYUR LAS, 'KHOR BA DANG MYA NGAN LAS 'DAS PA'I THOG MA DANG THA MA SHES PAR 'GYUR ZHING, LHA'I MIG GIS GZUGS KYI RNAM PA THAMS CAD SHES PA DANG ZHES 'BYUNG NGO, ,'JIG RTEN GYI KHAMS MTHA' YAS SU MED PA RNAMS SU GNAS PA'I SEMS CAN GYI SGRA RNAMS LHA'I RNA BAS THOS PA DANG, SEMS CAN GYI ZHES PA LHAG MA GSUM LA'ANG SBYAR LA, DRI RNAMS LHA'I SNAS SNOM PA DANG RO RNAMS LHA'I LCES MYONG BA DANG RAG BYA RNAMS LA LHA'I LUS KYI DBANG POS LONGS SPYOD PAR BYED LA SHES

, ,RAB KYI PHA ROL TU PHYIN PA'I RANG BZHIN GYI PHYAG RGYA CHEN PO LA YID KYI SHES PA'I BDE BA CHEN POS ROL PAR YANG BYED DO, ,GSUM PA NI, 'KHOR LO SDOM PA RNAL 'BYOR MA'I RGYUD THAMS CAD KYI BLA MAR MI GSAL BAR SBAS PA, GSAL BAR BSTAN PA LAS RANG BYIN GYIS RLOB PA'I RIM PAS TE RIM PA DANG PO'O, ,BDAG BYIN GYIS RLOB PA NI SNGAR BSHAD PA'I YE SHES 'DREN PA'I THABS DANG, DES DRANGS BA'I YE SHES KYI RIM PA GNYIS KA LA BYA'O, ,GNYIS PA LA GNYIS, SA BON DANG BCAS PA'I SNA TSOGS RDO RJE'I RIM PA DANG, SA BON MED PA'I SNA TSOGS RDO RJE'I RIM PA'O, ,DANG PO LA GSUM, DNGOS KYI DON DANG, DMIGS RTEN LUS KYI GNAS GZHAN DU BZHAG PA LA BRTEN NAS YON TAN 'CHAD TSUL DANG, RIM PA'I MTSAN BSTAN PA'O, ,DANG PO NI, SNA TSOGS RDO RJE NI 'DIR DKYIL 'KHOR GANG LA GNAS PA'I SNA TSOGS RDO RJE'O, ,DE'I GZHI NI SNA TSOGS RDO RJE GANG LA GNAS PA'I PADMA STE, DE YANG 'DIR YUL GYI GSANG GNAS KYI PADMA STON PAR 'DOD NAS DE LTAR GSUNGS SO, ,GZHI DER GNAS PA'I RDO RJE NI YAB KYI GSANG GNAS KYI RDO RJER BSKYED PA'O, ,RDO RJE DE'I RTZE MO NI DH'U T'I'I MAR SNA'I BUG PAR RO, ,DER GNAS PA'I DANG PO MCHOG NI DPAL MCHOG DANG PO'I YI GER GRAGS PA'I H'Um YIG GO, YI GE DE'I SPYI BOR GNAS PA NI THIG LE ZLA BA LTA BUR DKAR ZHING DRI MA MED PA'I LUS DANG LDAN PA'O, , THIG LE DE LA DMIGS NAS SGOM PAR BYED PA'I SGRUB PA PO BDAG NYID DE NI RDO RJE DBANG PHYUG STE RDO RJE 'CHANG NYID 'GRUB PAR 'GYUR RO, ,GZHUNG DE DAG GI DON LA SNGA MA KHA CIG SPYI BO NAS MTHO GANG TZAM GYI GNAS SU, SNA TSOGS RDO RJE SHAR GYI RVA DKAR LHO'I SER

NUB KYI DMAR BYANG GI LJANG LTE BA NAG PO, DE'I LTE BA'I STENG DU CHOS 'BYUNG GRU GSUM DMAR SKYA BSAM DE'I NANG DU RDO RJE DMAR SKYA RTZE LNGA PA, DE'I LTE BA LA ZLA BA LA GNAS PA'I H'Um DKAR DMAR BSAMS LA, RLUNG NANG DU BSDAMS SHING H'Um DE'I THIG LE DKAR LA DMAR BA LA SEMS GTAD, CES ZER BA DANG, YANG KHA CIG RDO RJE DMAR PO'I RTZER ZLA BA H'Um DKAR PO DE'I THIG LE ZLA BA LTAR DKAR BA DER SEMS GZHUG LA, GZHAN GANG YANG MI BSAM PAR GNAS PAR BYA'O ZHES ZER MOD KYANG, 'DI LA LUS LA GNAD DU BSNUN PA'I DMIGS PA DGOS LA, DE GNYIS KA LA LUS LA GNAD DU BSNUN PA'I DMIGS PA CI YANG MI 'DUG GO ,YANG SNGON GYI BLA MA KHA CIG RANG GI RIG MA'I CHOS 'BYUNG GI NANG DU, RANG GI RDO RJE H'Um DMAR PO LAS BYUNG BA'I RDO RJE RTZE GCIG PA'I RNAM PA CAN DE'I RTZE MO'I NANG DU H'Um DMAR PO MGO GYEN DU BLTA BA DE'I THIG LER RANG GI SEMS BCUG LA GZHAN CI YANG MI SEMS PAR GNAS PAR BYA'O, ,ZHES 'CHAD DE LEGS PAR SNANG NGO, ,SA BON H'Um YIG DANG BSAM ? PA SGOM PA'I SNA TSOGS RDO RJE'I RIM PA'O, ,SNA TSOGS RDO RJE ZHES PA LA RDO RJE RGYA GRAM GYI RNAM PA CAN LA BYAS PA DANG, RDO RJE SA BON DANG BCAS PA BZHI GCIG NYID LUS KYI GNAS SO SOR BKOD NAS BSGOMS PAS, YON TAN SNA TSOGS PA SGRUB PAS SNA TSOGS RDO RJE'I RIM PAR BZHAG PA'I TSUL GNYIS LAS, MIG LA BKOD CING ZHES PA NAS LONGS SPYOD PAR 'GYUR RO ZHES PA'I BAR GYIS BSTAN PA'I SNA TSOGS RDO RJE'I RIM PA NI PHYI MA LTAR BYA'O, ,DE LTAR GSANG GNAS KYI RDO RJE'I RTZER H'Um YIG BKOD PA LA SEMS BRTAN PAR GYUR PA NA, GA-YAS GA-YON GYI RLUNG DH'U

, ,T'I'I MAR SNA NAS DBU MAR 'JUG CING THUR SEL GYI RLUNG GYEN DU LOG NAS GTUM MO SKUL BAR BYED DO, ,GNYIS PA NI, GSANG GNAS KYI RDO RJE'I SNA RTZER H'Um YIG GI THIG LE LA SEMS GZUNG BA BRTAN PA DE NAS RDO RJE SHIN TU PHRA BA'I RTZE MOR H'Um YIG BKOD PA DE, MIG GNYIS LA BKOD CING DER SBYOR BA'I SEMS BRTAN PAR GYUR PAS NI 'JIG RTEN GSUM MTHONG NGO, ,DE BZHIN DU RNA BA DANG SNA DANG LCE'I RTZA BA LA BZHAG PA'I SEMS BRTAN PA SOGS SBYAR RO, ,PAGS PA LA BZHAG PA NI LUS KYI DBANG PO'I SGOR BZHAG PA STE, LUS KUN LA KHYAB PAR SGOM PA'AM LUS KYI DBANG PO'I RDUL PHRA RAB KUN GYI NGO BOR BSAMS LA, SMIN MTSAMS SU BZHAG PA LA SEMS GTAD DO, ,RDO RJE SA BON DANG BCAS PA 'KHOR LO BZHI LA BZHAG PA NI, 'KHOR LO BZHI'I LTE BA DH'U T'IR BZHAG PA LA BYA'O, ,LHA'I MCHOG NI BRGYA BYIN LA SOGS PA'O, ,'GYUR GZHAN LAS LHA'I BU MO MCHOG LA ZHES 'BYUNG NGO, ,GSUM PA NI, YON TAN RNAM PA SNA TSOGS PA SGRUB PA'I SNA TSOGS RDO RJE'I RIM PA LA DMIGS PA SA BON DANG BCAS PA'O, ,GNYIS PA NI, DA NI SA BON TE YI GE MED PA'I SNA TSOGS RDO RJE'I RIM PA BRJOD PAR BYA'O, ,MDZOD SPUR NI SMIN MA GNYIS KYI MTSAMS SU DBU MA'I YAR SNA YIN NO, ,BKOD PA'I SEMS NI NYI MA'I GZUGS SU MTHONG BAR 'GYUR RO, , ZHES PA LA SNGAR 'GYUR RNYING PA KHA CIG LAS, MDZOD SPUR NYI MA'I GZUGS BKOD PA SEMS KYIS DMIGS SO ZHES 'BYUNG BA LTAR LEGS PAS, DBU MA'I YAR SNA'I NANG DU PHRA BA'I NYI MA'I GZUGS BKOD PA LA, SEMS KYIS THOG MAR DMIGS

PAR BYA'O, ,DE'I STENG DU ZLA BA'I GZUGS BKOD LA ZHES PA NI DMIGS PA SNGA MA LA BRTAN PA NA, NYI MA DE'I STENG DU SHIN TU PHRA BA'I ZLA BA'I GZUGS CAN GYI THIG LE BKOD LA SEMS GZUNG NGO, ,DE BRTAN PA NA ZLA BA DE'I STENG DU SKAR MA'I TSOGS BKOD PA LA SEMS GZUNG NGO, ,SKAR MA'I TSOGS NI SKAR MA'I RNAM PA CAN GYI THIG LE'O, ,TSOGS ZHES PA'I DON DU BSAMS NAS ZLA BA'I STENG DU DBUS SU THIG LE SNGON PO, SHAR DU DKAR PO LHOR SER PO NUB TU DMAR PO BYANG DU LJANG GU STE, DE BZHIN GSHEGS PA RIGS LNGA'I BDAG NYID DU BSAM PAR SNGA MA KHA CIG GIS BSHAD LA, KHA CIG NI DBUS SNGAR DANG 'DRA LA 'OG TU DKAR PO GA-YAS SU SER PO STENG DU DMAR PO GA-YON DU LJANG GU BSAM ZER RO, ,SNGAR BSHAD PA DE LTAR DBU MA'I YAR SNA'I NAD DU SEMS 'DZIN PA LA YANG DANG YANG DU GOMS PAR BYAS PA LAS, GA-YAS GA-YON GYI RLUNG DH'U T'I'I YAR SNA'I NANG GI LTE BAR ZHUGS GNAS THIM GSUM BYAS PA LAS, LHAN CIG SKYES PA'I BDE BA CHEN PO SKYE ZHING DE DANG STONG PA GNYIS SBYAR BA'I SEMS DMIGS PA MED PA LA BRTAN PAR GYUR PAS NI SGRUB PA PO SANGS RGYAS NYID DU SGRUB PAR BYED DO, ,DMIGS PA MED PA'I BSAM GTAN 'THOB LUGS NI, DPER NA LAG PA'I RI MO LTA BU GCIG LA MIG GTAD CING, MIG MI 'DZUM PAR BLTAS PAS CI ZHIG LTAR NA MIG SGRID NAS RI MO RNAMS MI DMIGS PAR GTAD YAL LA 'GRO BA BZHIN DU SNGAR GYI DMIGS PA LA GTAD NAS BSGOMS PA NA DE BZHIN DU 'GRO BAR 'DOD PA NI MI LEGS TE, 'DI 'DRA BA'I DMIGS MED KYI TING DE 'DZIN LA NI DE KHO NA NYID KYI DON LA RING DU 'DRIS PAR BYAS PAS, GZUNG 'DZIN

, ,GYI SNANG BA MI DMIGS PAR 'GRO BA DGOS PA'I PHYIR RO, ,'ON PHYI MA 'DI LA SNA TSOGS RDO RJE'I RIM PA ZHES PA MI 'THAD DE, RDO RJE GANG YANG SGOM PA MI SNANG BA'I PHYIR RO ZHE NA, SNGAR BSHAD PA TZAM ZHIG LAS MED NA DE LTAR YIN YANG, DBU MA'I YAR SNA'I NANG DU SHIN TU PHRA BA'I RDO RJE BSGOMS NAS DE'I RTZER NYI ZLA SKAR GSUM GYI RNAM PA CAN GYI THIG LE RNAMS BRTZEGS TE BSGOM PAR GSAL BAS SKYON MED DO, ,DE LTAR BYAS NA SNA TSOGS RDO RJE'I RIM PA GNYIS KA LA RDO RJE BSGOM PAR 'DRA YANG, DE'I RTZE MOR YI GE BSGOM PA DANG YI GE MI BSGOM PAR THIG LE GSUM BSGOM PA'I KHYAD PAR DU 'GYUR RO, ,SPYIR RTZA 'KHOR GYI DBUS GANG DU DMIGS PA GTAD YAN RING BAR BSGOMS NA, DA GZOD SPYI BO NAS BYANG CHUB GYI SEMS BABS PA GNAS DER SLAB PA NA, GNAS YUN SHIN TU RING BAS DH'U T'I'I MAR SNAR DMIGS PA GTANG YUN RING POR BSGOM PA LA'ANG, SHIN TU GZUNG DKA' BA'I GNAS RDO RJE'I RTZE MOR BYANG SEMS SLEB PA NA YANG, PHYIR MI 'PHO BAR GNAS YUN RING BA ZHIG BYUNG BAS LHAN SKYES KYI TING NGE 'DZIN YUN RING DU BSGOMS PAS CHOG PA ZHIG 'BYUNG LA, DBU MA'I YAR SNAR SEMS GTOD PA YUN RING DU BYAS NA, SMIN MTSAMS THIG LE'I GNAS YIN PAS BYANG CHUB KYI SEMS DKAR PO RGYAS TE, NOR BU'I RTZER BYANG SEMS 'BEBS RGYU MANG BA'I GNAD YOD PA SOGS KYI YON TAN MANG PO YOD PA SHES DGOS SO, ,'KHOR LO SDOM PA RNAL 'BYOR MA'I RGYUD THAMS CAD KYI BLA MAR MI GSAL BAR SBAS PA GSAL BAR BSTAN PA LAS, SNA TSOGS RDO RJE'I RIM PA STE RIM PA GNYIS PA'O, ,GSUM PA LA BZHI,

DAM TSIG GI PHYAG RGYA LA BRTEN NAS NOR BU 'GENGS TSUL DANG, LAS KYI PHYAG RGYAL BRTEN NAS NOR BU 'GENGS TSUL DANG, CHOS KYI PHYAG RGYA LA BRTEN NAS NOR BU 'GENGS TSUL DANG, PHYAG RGYA CHEN PO LA BRTEN NAS NOR BU 'GENGS TSUL LO, ,DANG PO NI, DA NI NOR BU 'GENGS PA'I RIM PA BRJOD PAR BYA STE ZHES SPYI'I MTSAMS SBAR BA BYA'O, ,YE SHES KYI PHYAG RGYA ZHES GRAGS PA DAM TSIG GI PHYAG RGYA DANG SBYOR BA'I CHO GA SGRUB THABS SU BSHAD PA 'DRA BA LA BRTEN NAS YAB YUM SNYOMS PAR ZHUGS PA NA, RDO RJE NOR BU'I RTZE MOR BYANG CHUB KYI SEMS KUN DE LTA BU SON PA STE SLAB PA NA, DMIGS PA SNGA MA RNAMS KYI NUS PAS PHYIR MI 'PHO BAR 'DZIN NUS LA, DE'I TSE LHAN SKYES KYI BDE BA CI 'DRA BA ZHIG SKYE BAR 'DUG PA DE BLOS YANG DAG PAR NYE BAR BRTAGS SHING STE NGOS ZIN PAR BYAS LA, DE STONG PA NYID KYI LTA BA DANG SBYAR TE SGOM PA BRTAN PAR BYAS NAS, SEMS DE'I BDAG NYID DU RANG GI NGANG GIS GYUR PA LA GOMS NA NI, TSE 'DI NYID LA RDO RJE 'CHANG NYID DPYAD PA STE THE TSOM MED PAR DES PA NYID DU SKYE BAR 'GYUR RO, ,YE SHES KYI PHYAG RGYA LA BRTEN PA YIN KYANG RIM PA SNGA MA GNYIS LA NUS PA THON PA CIG YIN NA THABS DES KYANG SROG DH'U T'IR SDUD PA'I ZHUGS GNAS THIM GSUM BYAS PA LAS, RDZOGS RIM PA'I LHAN CIG SKYES PA'I BDE BA 'DREN PAR NUS PA 'DI GNAD CHE STE, 'OG GI PHYAG RGYA GSUM GYI SKABS SU YANG SHES PAR BYA'O, ,RIM PA DANG PO'I SKABS SU YE SHES KYI PHYAG RGYA BSGOM PA LA GOMS PAS, MIG GIS MTHONG BA LAS KYANG GSAL BA SNYAM BYED PA'I GSAL SNANG DANG, DE LA YANG SEMS SHIN TU BRTAN PAR GNAS PA DANG, DAG GIS SMRA BA DANG

, ,MIG GIS BLTA BA DANG TZUMBHA NA DANG, 'KHYUD PA SOGS DNGOS KYI PHYAG RGYA DANG 'DRA BAR 'CHAR LA, SKABS 'DIR DE LTA BU DE RIM PA DANG PO'I SKABS LAS KYANG KHYAD ZHUGS PAR 'GYUR BAS, DNGOS KYI PHYAG RGYA LA BRTEN NAS BDE BA JI LTAR SKYE BA DE 'DRA BA'I GZUGS BRNYAN TSANG BA ZHIG SKABS 'DIR YANG SKYE BAS SNGON DU DAM TSIG GI PHYAG RGYA LA SLOB PA YIN NO, ,GNYIS PA NI, DAM TSIG GI PHYAG RGYA LA BRTEN TSUL SNGAR BSHAD PA DE BRTAN PA NA, LAG PA ZHES BYA BA'I PHYAG RGYA'I SGO NAS ZHES PA'I DON, BLA MA SNGA MA KHA CIG LAG PA'I PHYAG RGYA DNGOS LA 'CHAD, SNGA MA GZHAN KHA CIG LAG PA DANG 'DRA BAR BYANG SEMS 'BYIN PA'I BYA BA BYED PA'I PHYAG RGYA MO DNGOS LA 'CHAD KYANG, LAG PA'I PHYAG RGYA ZHES PA PHYAG RGYA BZHI'I YA GYAL LA MED CING, 'DIR YANG MING GI THA SNYAD RNAL 'BYOR RGYUD NAS GSUNGS PA DANG MTHUN PAR BYA RGYUR SNANG BAS, 'GOS 'GYUR LAS, RIM PA GNYIS PA LA'ANG LAG PA ZHES BYA BA'I LAS KYI PHYAG RGYA'I BYE BRAG GIS KUN RDZOB BYANG CHUB KYI SEMS PHYUNG STE ZHES 'BYUNG BA LTAR LEGS SO, ,DE LA LAG PA ZHES BYA BA'I LAS KYI PHYAG RGYA ZHES PA NI RGYUD GZHAN LAS, LAG PAS 'CHING BA'I PHYAG RGYA LA LAS KYI PHYAG RGYA ZHES BSHAD PA LTA BU'I LAS KYI PHYAG RGYA'O, ,DE'ANG LAS KYI PHYAG RGYA'I BYE BRAG GIS ZHES PA NI LAS RGYA'I BYE BRAG TU GYUR PA'I LAS RGYA BYE BRAG PA CIG STON PA'I DON NO, ,'DI NI ZHAL LUNG DANG SDOM 'BYUNG NAS GSUNGS PA LTAR GYIS PADMA CAN LA SOGS PA MTSAN NYID DANG LDAN PA BZHI BTZAL NAS DBANG BSKUR TE, DAM TSIG DANG SDOM PA TSUL BZHIN DU BSRUNG BA, DKYIL 'KHOR GYI 'KHOR LO DANG 'DOD PA'I BSTAN BCOS

LA MKHAS PA'I LAS KYI PHYAG RGYA DANG, YAB YUM SNYOMS PAR ZHUGS PA LAS, BYANG CHUB KYI SEMS RDO RJE NOR BU'I RTZE MOR SLEB PA NA BDE BA JI LTA BU ZHIG SKYE BA NGOS 'DZIN PA SNGA MA DAM TSIG GI PHYAG RGYA'I SKABS SU BSHAD PA BZHIN NYE BAR BRTAGS TE BDE STONG LA GOMS PA BRTAN PAR GYUR PAS KUN RDZOB PA'I RANG BZHIN GYI BYANG CHUB KYI SEMS LAS RANG GI SEMS DON DAM PA'I RANG BZHIN RNAM PAR MI RTOG PA'I NGO BO NYID DU GYUR PA NA, SGRUB PA PO RDO RJE 'CHANG NYID DU 'GRUB PAR BYED PA'O, ,PHYAG RGYA BZHI LA BRTEN NAS NOR BU 'GENGS PA'I SKABS SU YAR MAR GYI DGA' BA BZHI TSAN GNYIS SKYE BAR MA ZANG RIM PA DANG PO DANG, RIM PA GNYIS PA DANG BZHI PA'I SKABS SU SROG DH'U T'IR ZHUGS GNAS THIM GSUM BYAS PA NA, GTUM MO 'BAR NAS BYANG SEMS ZHU BAR BYED LA, DE'I TSE YANG YAS BABS DANG MAS BRTAN GYI DGA' BA BZHI DANG STONG PA BZHI'I YE SHES SKYE'O, ,RLUNG DBU MAR ZHUGS GNAS THIM GSUM BYAS PA LAS BYUNG BA'I DGA' BZHI NI PHYAG CHEN THIG LE LAS, GANG PHYIR DGA' BA DE SNANG BA, ,SNANG BA MCHED PA MCHOG TU BSHAD, ,KHYAD DGA' NYE BAR THOB PAR SHES, ,LHAN CIG SKYES TE 'OD GSAL BA'O, ,ZHES DGA' BZHI SNANG MCHED THOB GSUM 'OD GSAL DANG BZHIR GSUNGS SO, ,DER YANG MNGON BRJOD LAS, DGA' BA DANG PO YE SHES TE, ,MCHOG TU DGA' BA MNYAM PAR SBYOR, ,BDE BAR DGA' BA GRUB PA CHE, ,LHAN CIG SKYES DGA' BLA MED YIN, ,SBYOR BA DANG NI SHIN TU SBYOR, ,SBYOR BA CHE DANG YE SHES SBYOR, ,DE DAG CHO GA'I RIM PA'O, ,THIG LE GZHUNG GI SBYOR SHES NA, PHRA BA'I SBYOR BAS BLTA BAR BYA, ,ZHES GSUNGS PA'I DGA' BZHI'I

, ,RIM PA NI, YAS BABS KYI RIM PA YIN LA, RKANG PA THA MA GNYIS KYI DON, THIG LE'I RNAL 'BYOR BSGOM PA'I GZHUNG GI DON SHES NAS YI GE DANG THIG LE PHRA MO'I SBYOR BA STE, RNAL 'BYOR BSGOMS NAS DGA' BZHI JI LTAR SKYE BA BLTA BAR BYA'O, ,ZHES PA'O, ,'GREL BAR RNAL 'BYOR DANG, RJES SU RNAL 'BYOR DANG, SHIN TU RNAL 'BYOR DANG, RNAL 'BYOR CHEN PO'I YE SHES KYI CHO GA'I RIM PA'O, ,ZHES 'CHAD DE DGA' BA BZHI DANG RIM PA BZHIN DU SBYAR RO, ,YANG NA MNGON BRJOD LAS, LTE BA SNYING PAD NU MA'I DBUS, ,LCE'I RTZA DANG MGO STENG DU, ,DGA' BA DANG NI MCHOG DGA' NYID, ,DAM PAR DGA' DANG LHAN CIG SKYES, ,DANG PO 'DAB MA BCU DRUG BZHI, ,GNYIS PA BRGYAD PA MCHOG YIN TE, ,GSUM PA 'DAB MA BCU DRUG PA, ,BZHI PA SUM CU RTZA GNYIS 'DAB, , PHAG MO LTE BA'I RTZAR GNAS PA, ,LHAN CIG SKYES DGA' KHRAG 'THUNG MCHOG ,CES LTE BAR DGA' BA DANG, SNYING GAR MCHOG DGA' DANG, LCE'I RTZA BA STA MGRIN PAR DAM PA STE KHYAD PAR GYI DGA' BA DANG, MGO'I STENG STE SPYI BOR LHAN SKYES KYI DGA' BA SKYE BAR BSHAD PA NI MAS BRTAN GYI DGA' BZHI'I RIM PA'O, ,SNYING PAD NI SNYING GA'I RTZA 'KHOR TE GZHAN GSUM LA'ANG SBYAR RO, ,LTE BA'I RTZA BAR PHAG MO NI GTUM MO AA THUNG DANG LHAN SKYES KHRAG 'THUNG DU BSHAD PA NI MAS BRTAN GYI DGA' BZHI'I RIM PA'O, ,LHAN SKYES BYANG SEMS GYEN DU LOG PA SPYI GTZUG TU PHYIN PA NA SKYE BAS, SPYI GTZUG GI HAm YIG HE RU KAR BSTAN PA'O, ,BYANG SEMS ZHU BAS GNAS GANG DU SLEB PA NA YAS BABS KYI DGA' BZHI SKYE TSUL NI, RGYUD RDOR PHRENG LAS, DE RJES LUGS 'BYUNG BSHAD BYA STE, ,

BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LOR MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES GSUNGS TE, SPYI BO NAS MGRIN PA'I BAR DU SLEB PA NA DGA' BA SKYE LA, DES GZHAN GSUM LA'ANG SHES PAR BYA'O, ,MAS BRTAN GYI GNAS KYANG BYANG SEMS NOR BU NAS BRTZAMS TE LTE BA'I 'KHOR LA'I BAR DU LOG PA NA DGA' BA SKYE STE DE'I RIGS PA GZHAN GSUM LA'ANG SBYAR RO, ,MAN NGAG SNYE MAR MAS BRTAN GYI BZHI GA LHAN SKYES LA CHUNG NGU DANG, BAR MA DANG CHEN PO DANG CHEN PO'I CHEN POR PHYE BAR BSHAD DE, YAS BABS KYI BDE BA BZHI LAS NI MAS BRTAN GYI BZHI BDE BA CHE BA ZHIG 'ONG DGOS SO, ,DE LTAR BYAS NA LUGS LDOG GI SNANG MCHED THOB GSUM 'OD GSAL GYI YE SHES SU MI RUNG YANG, LUGS LDOG GI DGA' BA GZHAN GSUM LHAN SKYES SU 'JOG PA ZHIG BSHAD LA, DE BZHIN DU LUGS MTHUN GYI SNANG MCHED THOB GSUM DANG DE GSUM DGA' BA GSUM DU BZHAG PA LHAN SKYES KYI DGA' BAR MI 'JOG KYANG, LUGS MTHUN YAS BABS KYI DGA' BA GSUM LHAN SKYES KYI DGA' BAR 'JOG PA'I SKABS SHIG KYANG YOD PAR MNGON NO, ,'ON KYANG RLUNG DBU MAR ZHUGS GNAS THIM GSUM BYAS PA LAS BYUNG BA MIN PA'I, DGA' BA GSUM NI LHAN SKYES MTSAN NYID PAR 'JOG TU MI RUNG NGO, ,DON GYI DBANG 'DI GZIGS NAS BRTAG GNYIS LAS, ,RDZOGS PA'I RIM PA'I PHYOGS LA NI, ,'DI LTAR LHAN CIG SKYES RNAM BZHI, ,ZHES BSKYED RIM GYI PHYOGS LA LHAN SKYES KYI DGA' BA LA DGA' BZHIR 'BYED PA MED KYANG,

, ,RDZOGS RIM LA DE YOD PAR BSHAD DO, ,'ON KYANG RDZOGS RIM GYI DGA' BA GSUM PO GANG YIN THAMS CAD LHAN SKYES SU 'JOG PA MIN NO, ,YANG KYE RDOR LAS, YANG NA THAMS CAD BDAG NYID DE, ,YANG NA KUN GYIS RNAM PAR SPANGS, ,ZHES PA'I DON LA SNGAR BSHAD PA LTA BU ZHIG DANG, BSKYED RIM PA'I PHYOGS LA DGA' BA GSUM GYI LHAN SKYES SPANGS PA DANG, RDZOGS RIM PA'I PHYOGS LA LHAN SKYES DGA' BA GSUM GYI BDAG NYID DU YANG 'GYUR BA DANG GNYIS SU BSHAD PAR BYA'O, ,MAS BRTAN GYI DUS SU BYANG SEMS GYEN DU LOG PA SPYI BOR MA BRTAN BAR DU BDE BA MI BRTAN LA, SPYI BOR BRTAN NAS BDE BA BRTAN PAR PHYAG CHEN THIG LE'I DON MAN NGAG SNYE MAR BSHAD PA LAS SHIN TU GSAL BAR 'BYUNG BAS MAS BRTAN GYI GNAD LA MKHAS PAR BYA'O, ,GSUM PA NI, SNGON DAM TSIG DANG LAS KYI PHYAG RGYA LA BRTEN NAS BDE BA CHEN PO NYAMS SU MYONG BA DRAN PAS BDE BA CHEN PO BSKYED CING, CHOS KYI PHYAG RGYA YID LAS BYUNG BA STE SNGAR GYI PHYAG RGYA YID KYIS DRAN PA YANG YANG GOMS PA LAS RAB TU BYUNG BA'I BDE STONG GI TING NGE 'DZIN YANG DAG PAR BRTAN PAR BYAS PAS RDO RJE 'CHANG BA NYID SKYED PAR BYED PA'O, ,'DI LA BLA MA KHA CIG RANG GI RDO RJE NOR BU'I DBUS SU H'Um KHA DOG DMAR SKYA ZHIG BSAMS LA, SNGAR LAS RGYA LA BRTEN PA'I BDE BA NYAMS SU MYONG BA DRAN PAR BYA ZHING BSGOMS PAS BDE BA CHEN PO 'DREN ZHING ,GOMS PA'I MTHAR, DE LTAR DRAN PA LA MI BLTAS PAR H'Um YIG LA DMIGS PA TZAM GYIS BDE BA CHEN PO BSKYED PA CHOS RGYA LA BRTEN PA'I DON DU BZHED DO, ,BZHI PA NI, NOR BU 'GENGS PA'I RIM PA GSUM BRJOD PAR MA ZAD NOR BU 'GENGS PA ZHES BYA BA'I

RIM PA BZHI PA'ANG BRJOD PAR BYA'O, ,SGRUB PA PO RDO RJE 'CHANG CHEN PO NYID DU CHE 'DI NYID LA SGRUB PAR BYED CES DRANG DO, ,GANG GIS BSGRUB NA BSAM GYIS MI KHYAB PA'I LHAN CIG SKYES DGA'I RANG BZHIN CAN BLA MA'I BKA' DRIN LAS SKYES PA BRTAN PAR BYAS PAS SGRUB PAR BYED DO, ,BSAM MI KHYAB KYI LHAN CIG SKYES DGA' DE GANG GIS SKYED PA YIN SNYAM NA, KHAMS GSUM STE SNOD BCUD THAMS CAD LA KHYAB PA'I CHOS RNAMS KYI CHOS NYID STONG PA NYID KYI PHYAG RGYA CHEN MO DANG 'KHYUD PAS LHAN CIG SKYES DGA' DE SKYED PAR BYED DO, , GANG GIS 'KHYUD PAS DE BSKYED PA YIN SNYAM NA, BRTAN PA SNOD DANG GA-YO BA BCUD MTHA' DAG GI NGO BO NYID DU GYUR PA'I BDE BA CHEN PO'I SEMS KYIS 'KHYUD PA'O, ,'KHYUD PA'I DON NI STONG PA NYID KYIS YUL DANG BDE CHEN GYIS YUL CAN BYAS NAS BSGOMS PAS YUL JI 'DRA BA BZHIN DU YUL CAN YANG RJES SU ZHUGS PA'I, ,DE'I PHYIR YUL CAN GYI BDE BA CHEN PO'I SEMS KHYAB PA'I STONG NYID DANG NGO BO GCIG TU ZHUGS PAS CHOS CAN RNAMS DANG NGO BO DBYER MED PA'I THA SNYAD GDAGS SU RUNG BAS NGO BO NYID DU GYUR PA ZHES BYA'I, SNOD BCUD THAMS CAD SEMS LAS NGO BGO THA DANG DU MED PAR STONG PA MIN NO, ,CHOS NYID THAMS CAD KYI YUL CAN DU ZHUGS PAS THAMS CAD DU SON ZHING NANG GI RTZA'I GNAD RNAMS SU DMIGS PA YANG MED LA, PHYAG RGYA GSUM DMIGS PA'I RTAN DU YANG MED PAS RTEN DANG BRAL BAR 'JUG PA'O, ,GAL TE STONG NYID KYI PHYAG RGYA CHEN PO LA DMIGS PAS LHAN SKYES KYI BDE BA SKYED NA, PHA ROL TU PHYIN PA'I THEG CHEN DANG RGYUD SDE 'OG MA GSUM GYI LAM DU YANG LHAN SKYES KYI BDE CHEN DRANGS TE SGOM PA YOD PAR 'GYUR

, ,LA, KHYED CAG GI LTAR NA NYAN RANG LA YANG DE KHO NA NYID KYI LTA BA SGOM PA YOD PAS, LAM DER YANG LHAN SKYES KYI BDE BA SGOM PA YOD PAR 'GYUR RO, ,PHYAG RGYA CHEN MO LA BRTEN NAS BYANG SEMS DKAR POS NOR BU 'GENGS PA'I RIM PA YANG HA CANG KHYAB CHES PAR 'GYUR RO ZHE NA, 'DI NI BLA MED KYI RGYUD DON LEGS PAR MI SHES SHING DON GYI GNAS RAGS PA RE GO BAS TSIM PA RNAMS KYIS MI SHES MOD, 'ON KYANG RANG GI LAN NI STONG NYID GOMS PA TZAM LA DE LTAR KHAS BLANGS NA BDEN MOD KYANG, DE LTAR MIN GYI, YUL CAN KHYAD PAR CAN LHAN SKYES KYI BDE CHEN GYIS STONG NYID KYI DON RING NAS BSGOMS PA RNAMS KHO NA LA DE LTAR KHAS LEN PAS SKYON GANG YANG MED DO, ,DE YANG BDE STONG SBYAR BA LA GOMS PA CHUNG BA'I SKABS SU MIN GYI DE'I GOMS PA RING DU BSRINGS PA 'DI YI RIM PA GSUM PA'I SKABS LTA BU LA NI BDE STONG SBYAR TE BSGOMS PA NA, DE'I MTHUS GTUM MO 'BAR NAS BYANG SEMS ZHU BAS RDO RJE'I NOR BU 'GENGS PAS BDE STONG BSGOMS PA DANG LHAN SKYES KYI BDE BA 'DREN PA GNYIS PHAL CHER 'KHOR MAR 'ONG BA YIN NO, ,'DI 'DRA BA ZHIG MA RTOGS NA THEG PA BLA NA MED PA 'DIR, CHOS NYID LA BTZUN MO DANG PHYAG RGYA MA'I MCHOG TU GSUNGS PA DU MA ZHIG 'DUG PA'I NGES DON MI SHES PAR SNANG STE, BTZUN MO ZHES PA NI RNAL 'BYOR PA LA BDE BA CHEN PO 'DREN PA LA BYA DGOS PA'I PHYIR RO, ,DES NA GZHUNG RNAMS LAS NANG GI LUS KYI GNAS LA DMIGS PA DANG, PHYAG RGYA GNYIS LA BRTEN NAS BDE BA 'DRAN ZHING DRANGS PA NA STONG PA DANG SBYAR TE SGOM PA PHAL CHE BAR SNANG NA'ANG, MTSAMS SHIG NAS BDE STONG SBYAR TE BSGOMS

PA NYID GYIS SROG DBU MAR BSDUS PA'I MTHU LAS, BYANG SEMS KYIS NOR BU BKANG STE LHAN SKYES KYI BDE BA CHEN PO 'DREN PA, SHIN TU MI GSAL BA GRUB CHEN DRIL BU ZHABS KYIS GSAL BAR MDZAD PA NI, BLA MED KYI RGYUD KYI SKABS GZHAN THAMS CAD DU YANG 'KHYES ? SHES PAR GYIS SHIG ,DON 'DI MKHAS PA LA AA BHYA KA RA YANG ZHES BZHAD DE, MAN SNYE LAS, GNYIS 'DUS PA NI GTUM MO RNAM PA GSUM LAS GANG YANG RUNG BAS LA L'A NA DANG RA S'A NA'I RLUNG DAG AA PA DH'U T'IR TE, RDUL DANG KHU BA DAG KYANG NGO, ,ZHES GA-YAS GA-YON GYI RLUNG DANG KHAMS DKAR DMAR DBU MAR 'JUG PA NI GSUM MO, ,GSUM GANG RUNG BSGOMS PA'I BYED LAS SU GSUNGS LA, GTUM MO GSUM NI LHAN SKYES KYI GTUM MO DANG RNAL 'BYOR GYI GTUM MO DANG LAS KYI GTUM MO GSUM LA BSHAD CING, DANG PO NI BDE STONG SBYAR TE SGOM PA NYID LA GSUNGS PA'I PHYIR RO, ,BDE BA CHEN PO 'DREN PA'I STONG PA NYID KYI PHYAG RGYA MO LA RNAM BCAS STONG GZUGS KYI PHYAG RGYA CHEN MOS LHAN SKYES KYI BDE BA 'DREN BA NI, DUS 'KHOR GYI SKOR LAS GSAL BAR YANG DANG YANG DU GSUNGS LA, RNAM MED DE KHO NA NYID KYI PHYAG RGYA CHEN MO LA DMIGS PAS LHAN SKYES KYI BDE CHEN 'DREN PA NI, BSHAD PA SHIN TU NYUNG ZHING DON YOD PA'I SKABS SU YANG THA SNYAD GSAL BAR MDZAD PA SHIN TU NYUNG BA SHES PA 'DI, MKHAS PA RNAM DPYOD CAN GYI KHYAD CHOS SU SHES PAR GYIS SHIG ,PHYAG RGYA CHEN PO DANG BDE CHEN GNYIS 'KHYUD PA'I STOBS KYIS DPE DANG DON GYI LHAN SKYES KYI BDE BA CHEN PO DANG DNGOS GRUB THAMS CAD SKYED PAR BYED PA'O, ,'DIS PHYAG CHEN LA 'KHYUD PAS BDE BA CHEN PO SKYED PA SNGAR MI GSAL BA GSAL DU BTANG NGO,

, ,'KHOR LO SDOM PA RNAL 'BYOR MA'I RGYUD THAMS CAD KYI BLA MAR PHYAG RGYA BZHI BSHAD PA'I SKABS SU DON MI GSAL BA SBAS PA, GSAL BAR BSTAN PA LAS, NOR BU 'GENGS PA'I RIM PA STE RIM PA GSUM PA'O, ,GNYIS PA BYANG SEMS DMAR PO RGYAS ? PAR BYED PA LA BRTEN PA'I TING NGE 'DZIN SKYED TSUL NI, DA NI DZVA LA DHA RA'I RIM PA BRJOD PAR BYA'O ZHES MTSAMS SBYAR TE, DE'I DON NI LO TZ'A BA SNGA MA 'GA' ZHIG RNAL 'BYOR MA'I GNAS DZVA LA DHA RA ZHES PA'I GNAS NAS RIM PA 'DI RNYED PAS SAm CHU SO'I GONG GI GNAS BZANG PO YIN PAS DZVA LA DHA RA ZHES GSUNGS MOD KYANG, GSANG GNAS KYI 'KHOR LO LA DZVA LA DHA RA ZHES GSUNGS PA'I DZVA LA NI 'BAR BA STE ME'O, ,DHA RA NI 'DZIN PA STE, SAm PU tA LAS, TSANGS PA'I ME NI SUM MDOR 'BAR, ZHES TSANGS PA'I ME GTUM MO SUM MDO NAS 'BAR BAR GSUNGS PA LTAR, 'DIR SUM MDO GSANG GNAS KYI 'KHOR LO NI 'BAR BA 'DZIN PA'O, ,GNAS DER SGOM PA'I RIM PA LA DZVA LA DHA RA'I RIM PA ZHES BYA'O, ,DZVA LA DHA RA'I RIM PA 'DI LA GSUM STE, GSANG GNAS SU SROG RTZOL BSGOM PA PHAN YON DANG BCAS PA DANG, SNA BUG NAS BYANG SEMS KYI RGYUN DGUG CING GZHUG PA DANG, 'BAR BA BRTAN PA NA JI LTAR 'GYUR BA'O, ,DANG PO NI, LTE BA'I 'OG CHU SO'I GONG GI MTSAMS SU STE 'DAM GRU GSUM GYI DBUS GSANG GNAS KYI 'KHOR LOR NI, BSGOM PAR BYA'O ZHES SBYAR RO, , GANG BSGOM PAR BYA NA CHOS 'BYUNG GRU GSUM DKAR LA DMAR BA'I MDANGS CHAGS PA DANG DE'I DBUS SU, THIG LE SNGON PO MDUN DU DKAR PO GA-YAS SU SER PO RGYAB TU DMAR PO GA-YON DU THIG LE LJANG GU STE, MDOG LNGA DANG LDAN PA'I THIG LE SANGS RGYAS RIGS

LNGA RNAMS KYIS TE LNGA RNAMS MTSON PA BSGOM PAR BYA'O, ,DE YANG GSANG GNAS KYI 'KHOR LO'I DBUS KYI DBU MA'I NANG DU BSGOM PA GNAD SHIN TU CHE'O, ,DE LTAR CHOS 'BYUNG GI DBUS SU THIG LE LA SEMS 'DZIN PA RKYANG PA MA YIN GYI, SROG STE RLUNG PHYI NANG DU RGYU BA 'GOG PA DANG LDAN PA STE BCAS PAR BSGOM PAR BYA'O, ,'DIS NI STENG RLUNG MAR LA THEN 'OG RLUNG GYEN DU DRANGS TE, SHIN TU PHRA BA'I CHOS 'BYUNG GI DBUS KYI THIG LER RLUNG KHA SBYOR BYED PA'I BUM PA CAN BSTAN NO, ,SA BON DANG BCAS PA'I SNA TSOGS RDO RJE'I RIM PA DANG, NOR BU 'GENGS PA'I RIM PA LA BRTEN NAS KYANG THUR SEL LOG NAS GTUM MO BSKUL BA CUNG ZAD YOD MOD KYANG, 'DI NI THUR SEL LA DMIGS KYIS BKAR NAS THUR SEL GYI GNAS NYID DU DMIGS PA DANG, RLUNG SBYOR GYIS GNAD DU BSNUN PAS BYANG SEMS DMAR PO'I GTUM MO LHAG PAR DU RGYAS PAR BYED PA'O, ,LTE BA NAS GTUM MO 'BAR BA YANG TSANGS PA'I ME SUM MDOR 'BAR BA SNGON DU 'GRO BAS 'DI NI RNAL 'BYOR GYI GTUM MO KHYAD PAR DU 'PHAGS PA ZHIG STE, LAS KYI GTUM MO PHYAG RGYA LA BRTEN PA'ANG RIM PA GSUM PAR BSHAD ZIN TO, ,SNGAR BSHAD PA DE LTAR YANG DANG YANG DU BSGOM PA LA GOMS PAR BYAS NA SKAD CIG DE LA STE MYUR DU BYANG SEMS 'JU BAR BYED PA'I DBU MA'I NANG GI GTUM MO 'BAR BAR 'GYUR BAS 'JIG RTEN GYI KHAMS SU CHEN PO RNAMS KYIS KYANG MCHOD PAR BYA BA'I RDO RJE 'DZIN PA DNGOS SU RANG NYID 'GYUR RO, ,SKAD CIG DE LA 'BAR BAR 'GYUR, ,ZHES PAS NI GTUM MO KHYAD PAR CAN 'DI SHIN TU MYUR BAR STON NO, ,GNYIS PA NI, BU GA GZHAN ZHES PA'I RKANG PA GNYIS KYI

, ,DON 'DIR MI GSAL YANG, NAG PO SPYOD PA'I GZHUNG LA BRTEN NAS BSHAD NA, SNGAR BSHAD PA LTAR BSGOM PAS YE SHES KYI ME 'BAR BA RIM GYIS GYEN DU SONG BAS SNYING GAR GNAS PA'I RIGS LNGA'I SA BON, BRUm AAm LA SOGS PA RNAMS BSREGS NAS MDZOD SPUR GNAS PA GNAD 'BYED PA'I SGO NAS, SNA'I BU GA GZHAN GA-YAS PA NAS 'BYUNG BAR 'GYUR ZHING, GZHAN GYI BU GA NAM MKHA' PHYOGS BCU'I SANGS RGYAS RNAMS KYI SHANGS SGO GA-YON NAS MYUR DU 'JUG PAS DE DAG GI SPYI GTZUG GI KHUNG BU GSER GYI SGO DRA BA 'DZIN PA ZHES BYA BA NAS ZHUGS NAS SNGAR BZHIN THUGS KAR GNAS PA RNAMS BSREGS TE, THUGS KAR GNAS PA'I CHOS KYI DBYINGS KYI YE SHES KYI BDUD RTZI BLANGS NAS, SHANGS SGO GA-YAS PA NAS BYUNG STE 'O MA'I RGYUN LTAR 'ONG ZHING, RANG GI SNA SGO GA-YON NAS ZHUGS NAS LONGS SPYOD 'KHOR LOR NGAL BSOS TE SNGAR SNYING GAR BSREGS PA RNAMS SLAR YANG GSOS PAR BSAM ZHING LTE BA'I 'KHOR LOR GNAS PAR BSAM MO, ,GANG GI TSE DE LTAR YANG NAS YANG DU SGOM PA DE BRTAN PAR GYUR PA DE'I TSE GTUM MO'I ME DANG BYANG SEMS KYI RGYUN 'GRO 'ONG BYED PA'I SNANG BA DNGOS SU MTHONG BAR 'GYUR RO, ,DMIGS PA 'DI BOD KYI GTUM MO BSGOM PA LA NYUNG BAR SNANG YANG, SAM PU tA'I DON GRUB CHEN GYIS MANG DU BSHAD PA GTUM MO BSGOM PA LA, SANGS RGYAS KYI BYIN RLABS MYUR DU 'JUG PA'I SGO ZAB MO ZHIG GO ,GSUM PA NI, DE LTAR GTUM MO 'BAR BA BSGOMS PA BRTAN PAR GYUR PA NI GTUM MO'I DMAR CHA LCE'I RTZA BA MGRIN PAR RO MO'I KHRAG 'PHEN 'DZIN BYED PA'I GNAS SU PHYIN NA

NI RNAM PAR GNAS SO, ,DE'I TSE JI SRID 'DOD PA DE SRID DU MGRIN PA'I GTUM MO'I NUS PAS ME LCE NI 'PHEL BAR 'GYUR BA DANG, PHRAG PA LA YANG DPUNG PA'I THA SNYAD KYIS GSUNGS PA YOD PAS, DPUNG PA STE PHRAG PA'I RTZA BA STE MGRIN PAR SON PA'I GTUM MO DANG MNYAM DU 'JUG PA'I RLUNG LUS KYI GNAS KUN TU 'GRO BAS LUS BSKYOD PA STE LUS KYI STOBS RGYAS PAR BYED CING, SA 'OG SA STENG SA BLA'I KHAMS GSUM PO'I GNAS NI THAMS CAD DU GNAS PA'I GZUGS RNAMS MIG GIS RNAM PAR BLTA BA DANG, SOGS PAS SGRA RNAMS RNA BAS NYAN PA SOGS BYED CES BYA BA NI 'KHOR LO SDOM PA RNAL 'BYOR MA'I RGYUD THAMS CAD KYI BLA MAR MI GSAL BAR SBAS PA GSAL BAR BSTAN PA LAS DZVA LA DHA RA'I RIM PA STE RIM PA BZHI PA'O, ,GNYIS PA BSAM MI KHYAB KYI RIM PA BSKYED PA'I TSUL DNGOS LA LNGA, SPROS PA RNAMS SNYING GA'I THIG LE LA BSDUS NAS 'OD GSAL DU 'JUG TSUL DANG, DE LAS SGYU MA'I SKUR LDANG TSUL DANG, LHAN SKYES KYI MTSAN NYID DANG, SGOM PA'I TSUL BSTAN PA DANG, DE LTAR BSGOMS PA'I PHAN YON BSTAN PA'O, , DANG PO NI, RIM PA LNGA PA BSAM MI KHYAB KYI RIM PA BRJOD PAR BYA STE ZHES MTSAMS SBYAR TE, SNGAR BSHAD PA'I RIM PA BZHIS BYANG CHUB KYI SEMS DKAR PO DANG DMAR PO RGYAS PAR BYAS PA LA BRTEN NAS, YAS BABS DANG MAS BRTAN GYI DGA' BA BZHI MTSAN NYID TSANG BAR SKYES PAS NA, RIM PA 'DIR SNYING GAR RLUNG SEMS GNYIS BSDUS TE THIM PA LAS LUGS 'BYUNG DANG LUGS LDOG GI STONG PA BZHI TSAN GNYIS MTSAN NYID RDZOGS PAR SKYED PA'I LUGS MTHUN DU 'JUG TSUL NI, PHYI'I GZUGS SOGS

, ,RNAMS KYIS SEMS RANG DBANG MED PAR DRANGS PAR GYUR TE, NGO BO NYID KYIS YUL LA GANG GA-YO BA'I SEMS SNYING GAR MI SHIGS PA SNGAGS KYI THIG LE LA BSDUS TE BRTAN PAR BYAS NAS BDE BA CHEN PO LHAN CIG SKYES PA'I BLO DANG DE KHO NA NYID KYI DON GNYIS LHAN CIG PA STE, RO GCIG TU 'GYUR BAR SEMS KYIS DBANG DU BYA'O, ,DE LTAR BYAS PA'I GZUNG BA YUL RNAMS DANG DE SNANG BA'I 'DZIN PA'I SEMS GNYIS PHYI NANG DU RGYANGS CHAD PAR SNANG BA DANG BRAL BAS NA, DMIGS PA KUN DANG BRAL BA'I BDE STONG DBYER MED KYI SEMS SU GYUR PA NA GZHAN CIR YANG BSAM PAR MI BYA BAR DE NYID LA GNAS PAR BYA STE, DE KHO NA NYID KYI DON NI SHES PA GZHAN GYIS JI LTA BA BZHIN DU BSAM DU MED PA'I RANG BZHIN YIN PA'I PHYIR RO, ,'OD GSAL DU 'JUG PA'I RIM PA NI, DRIL BU ZHABS KYIS MDZAD PA'I LHAN SKYES KYI SGRUB THABS LAS, DES NI RGYA CHE YID LA BYED, ,'DUS BYAS SPROS PA'I RGYUN 'DI NI, ,'DI LTAR RTAG TU SGOM PA POS, ,'OD GSAL RJES SU DRAN PAR BYA, ,SNA TSOGS PADMA NYI MA DANG, ,'JIGS BYED DANG NI DUS MTSAN MO, ,SDUG MA BDAG PO MKHA' NOR BU, ,DE BZHIN GSHEGS PA LNGA YI 'OG ,SKU DANG YAN LAG MCHOG DANG NI, ,ZLA BA THIG LE N'A DA RNAMS, ,'DI RNAMS RIM GYIS MI SNANG GZHUG ,JI LTAR ME LONG DBUGS KYI RLUNG, ,THAMS CAD THIM PAR GYUR PA LTAR, , YANG DAG MTHA' RU YANG NAS YANG, ,DE BZHIN RNAL 'BYOR RAB TU GZHUG ,CES RGYA CHE BA'I LHA'I SKU 'OD GSAL DU 'JUG CING, DE YANG GSANG 'DUS RIM LNGA'I GZHUNG GIS 'OD GSAL DU 'JUG PAR BSHAD PA BZHIN DU MDZAD DO, ,DE LA SDUG MA NI PHAG MO'O, ,

BDAG PO NI BDE MCHOG GO ,NAM MKHA'I NOR BU NI H'Um YIG GI GDAN NYI MA'O, ,DE BZHIN GSHEGS PA LNGA NI YE SHES LNGA'I BDAG NYID KYI H'Um NGO, ,SKU NI H'Um YIG GI LUS SO, ,YAN LAG MCHOG NI H'Um YIG GI MGO'O, ,ZLA BA NI MGO'I STENG GI ZLA PHYED DO, ,DE'I STENG GI THIG LE DANG DE'I STENG GI N'A DA RNAMS RIM GYIS SNANG BA 'OD GSAL DU GZHUG GO ,RIM GYIS 'JUG TSUL NI, YUM YAB LA DANG YAB DAM TSIG SEMS DPA' THUGS KA'I NYI GDAN GYI TING NGE 'DZIN SEMS DPA' DANG, DE YANG RANG GI 'OG ZHABS KYU NAS BSDUS TE, ZHABS KYU HA'I LUS DANG DE HA'I MGO BO DANG, MGO BO ZLA PHYED DANG THIG LE DANG THIG LE N'A DA LA SDUD CING, N'A DA YANG MI DMIGS PAR BSAM MO, ,DE LTAR BSDUS PAS SROG DBU MAR ZHUGS TE, RIM GYIS THIM PA NA SNGON DU SMIG RGYU LTA BU DANG, DE NAS DU BA LTA BU DANG, DE NAS SRIN BU ME KHYER LTA BU DANG, DE NAS RLUNG GIS MA BSKYOD PA'I MAR ME LTA BU'I MTSAN MA 'CHAR RO, ,DE NAS STON GYI NAM MKHA' DRI MA MED PA LA MTSAN MO ZLA BA'I 'OD KYIS KHYAB PA BZHIN DU SNANG BA'I SNANG BA DANG, DE NAS STON GYI NAM MKHA' DRI MA MED PA LA, NYI 'OD KYIS KHYAB PA BZHIN DU SNANG BA'I SNANG BA MCHED PA DANG, DE NAS STON GYI NAM MKHA' DRI MA MED PA LA SROD KYI SMAG 'THUG POS KHYAB PA BZHIN DU SNANG BA'I SNANG BA NYER THOB RNAMS SNGA MA PHYI MA LA THIM PA'I TSUL GYIS SKYE ZHING, MTHAR NYER THOB KYI SEMS KYANG STONG PA NYID 'OD GSAL LA GZHUG PA NI, 'JUG RIM GYI PHYOGS GCIG GIS GZHAN RNAMS KYANG MTSON PA STE, SNGAR BSHAD PA LTAR RIM PA SNGA MA BZHI MTHAR SON PA'I GNAD KYI RIM PA LNGA PA'I SKABS SU SNYING GA'I SDUD RIM LA BRTEN NAS, LUGS

, ,MTHUN DU 'JUG PA'I 'JUG RIM GYI STONG PA BZHI DANG, LUGS LDOG TU LDANG BA'I LDANG RIM GYI STONG PA BZHI PHUL DU BYUNG BA YANG 'CHAR RO, ,GNYIS PA NI, SEMS STONG PA LA GZHUG PAR MA ZAD STONG PA 'OD GSAL YANG SEMS SU RNAM PAR GZHUG PAR BYA ZHES PA'I DON NI, 'OD GSAL LAS LUGS LDOG GI STONG PA GSUM GYI SEMS GSUM DU LDANG BAR MA ZAD, BCOM LDAN 'DAS BDE MCHOG YAB YUM GYI SGYU MA'I SKUR YANG LDANG BAR BYA'O, ,LHAN SKYES KYI SGRUB THABS LAS RNAL 'BYOR RNAM GSUM SHES BYA STE, BYIN GYIS BRLABS DANG RAB BRTAGS DANG, ,BSAM GYIS MI KHYAB GZUGS RDZOGS PA'I, ,RNAL 'BYOR SANGS RGYAS RNAMS KYIS BSNGAGS, ,GANG YANG SKAD CIG SBYOR BA YIS, ,RANG NYID RDO RJE MKHA' 'GROR 'GYUR, ,BRDZUS TE SKYES PA'I SEMS CAN BZHIN, ,SA BON MED PAR BSGOM BYA STE, ,ZHES BDE MCHOG YAB YUM DU BSGOM PAR BSHAD DE, 'DI NI RDZOGS RIM 'OD GSAL LAS CHU LAS NYA LDANG GI TSUL DU SKAD CIG GIS SGYU MA'I SKUR BZHENGS PA'O, ,DE NYID LA BSAM GYIS MI KHYAB PA GZUGS RDZOGS PA'I RNAL 'BYOR ZHES RIM PA LNGA PA BSAM GYIS MI KHYAB PA'I LHA'I GZUGS RDZOGS PA'I RNAL 'BYOR DU GSUNGS SO, ,DE 'DRA BA'I RNAL 'BYOR GSUM NI, SGYU 'PHRUL DRA BA'I RGYUD LAS GSAL BAR GSUNGS TE, BSKYED RIM PAS LHA DKRONGS SKYED BYED PA NI BYIN GYIS BRLABS PA'I RNAL 'BYOR DANG STONG PAR SBYANGS PA'I NGANG NAS SA BON DANG PHYAG MTSAN LAS LHA'I SKU RDZOGS PAR BYED PA NI, YONGS SU'AM RAB TU BRTAGS PA'I RNAL 'BYOR TE, DE GNYIS NI BSKYED RIM PA'I SNGAGS KYI SKU'O, ,GZUGS YONGS SU RDZOGS PA NI RGYUD DE NYID LAS, RNAM PA KUN GYI

MCHOG LDAN PA, ,SPRO DANG BSDU BA BYED PA PO, ,YUD KYIS YE SHES RDZOGS PA NI, ,RDZOGS PA'I RNAL 'BYOR ZHES BRJOD DO, ,ZHES GSUNGS SHING RKANG PA GSUM PA LA, SKAD CIG YE SHES KYIS RDZOGS PA, ZHES KYANG GSUNGS PAS, GANG YANG SKAD CIG SBYOR BA YIS, ,ZHES SOGS KYI DON NI RDZOGS RIM MTHON PO'I 'OD GSAL DU ZHUGS PA LAS SGYU MA'I SKUR LDANG PA'I YE SHES KYI SKU YIN NO, ,DE LTAR BSKYED RIM PA'I SNGAGS KYI SKU DANG RDZOGS RIM PA'I YE SHES KYI SKU'I LHA BSKYED TSUL GYI RNAM DBYE LA BLO MA PHYOGS PA MANG POS NI, RNAL 'BYOR GSUM PA'I DON SA BON LA MI LTOS PAR DKRONGS SKYED BYED PA'I BSKYED RIM NYID LA 'CHAD PA NI RGYUD KYI DON GTAN MA RTOGS PAR SHES PAR BYA'O, ,DE'I PHYIR DRIL BU PA'I RIM LNGA'I 'GREL PA'I DPE KHA CIG LAS DRIL BU PAS MDZAD ZER BA DER, RANG BYIN RLABS KYI RIM PA NAS BDE MCHOG LHA LNGA THIG LE LNGA LAS BSKYED PA RIM GYIS 'OD GSAL DU 'JUG PA DANG, SNA TSOGS RDO RJE'I RIM PA'I SKABS SU H'Um LAS BDE MCHOG BSKYED PA SOGS BSHAD PA NI, DRIL BU PAS SA BON LA MI LTOS PAR SKAD CIG GIS BSGOM PA DANG, DE 'OD GSAL DU 'JUG PA'I TSUL NI BSAM MI KHYAB KYI RIM PAR BSHAD PA DANG 'GAL LA, RIM LNGA RE RE LA BSKYED RIM RE SGOM PAR BSHAD PA YANG, DRIL BU PAS LHA LNGA'I SGRUB THABS SU BSKYED RIM BRTAN NAS RDZOGS RIM SGOM PAR BSHAD CING, RDO RJE MKHA' 'GRO LAS GZINGS KYI DPES RDZOGS RIM BRTAN PA NAS BSKYED RIM BYED PAR GSUNGS PA DANG 'GAL LO, ,DE LTAR 'DOD PA NI LHA BSGOM PA THAMS CAD BSKYED RIM

, ,YIN SNYAM DU BZUNG NAS RIM GNYIS KYI LHA BSGOM TSUL MA PHYED PA'I SKYON NO, ,GZHAN YANG 'GREL PA DER RAGS PA'I GNAS LA YANG 'KHRUL PA MANG DU 'DUG PAS, 'GREL PA'I DPE KHA CIG LAS, DE DON YOD RDO RJE ZHES PA ZHIG GIS BYAS ZHES 'BYUNG BA DAG GO, RIM PA LNGA PA'I SKABS 'DIR 'OD GSAL DU 'JUG PA'I RTEN DU BDE MCHOG YAB YUM SGOM PA YANG, RDZOGS RIM PA'I YE SHES KYI SKU SGYU MA'I SKUR BSGOM PA YIN GYI, BSKYED RIM BSGOM PA'I TSUL DANG GTAN MI 'DRA BAR SHES PAR BYA'O, ,'O NA BSKYED RIM BRTAN NAS RIM LNGA'I DANG POR RANG BYIN RLABS SOGS SGOM PA NA YANG, LHA'I RNAL 'BYOR BSGOM PA NI 'DOD DGOS PAS DE'I LHA'I BSKYED TSUL NI JI LTAR YIN SNYAM NA, 'DI NI SHIN TU DKA' BA'I GNAS YIN PAS DE'I TSUL CUNG ZAD BSHAD NA, BSKYED RIM BRTAN PA DES BDAG BYIN RLABS KYI RIM PA BSGOMS PAS RLUNG DH'U T'IR ZHUGS GNAS THIM GSUM BYAS PA LAS BYUNG BA'I, DPE'I LHAN SKYES KYI 'OD GSAL MA THOB PA TSUN CHAD DU, DKYIL 'KHOR GYI 'KHOR LO DANG DPA' BO GCIG PA GANG BSGOM YANG, PHAL CHER BSKYED RIM PA'I SNGAGS KYI SKU LAS MI 'DA' LA, GANG GI TSE DPE'I LHAN SKYES KYI 'OD GSAL RGYUD LA SKYES PA NAS BZUNG STE, SGYU MA'I SKU DNGOS MA THOB KYANG, SGYU MA'I SKU RJES MTHUN PA SKYED PA'I RIM PA LAS 'DAS PA ZHIG BSGOM PAR NUS SO, ,DE NAS RIM PA BZHI PA YAN CHAD DAM RIM PA LNGA PA'I STOD NAS SGYU MA'I SKU DNGOS 'GRUB PAS LHA BSGOM PA RNAMS YE SHES KYI SKU DNGOS KYI STENG NAS BSGOM PAR NUS PA YIN NO, ,BSKYED RIM YANG MA BRTAN

RDZOGS RIM PA LA YANG NUS PA BSHAD PA BZHIN MA THON PA DANG DA LTA LTA BU'I SKABS YIN NA, RDZOGS RIM GYI DMIGS PA SGOM RES KYIS SNGON DU BSKYED RIM LHA'I SKU BSGOM GYIN BYED DGOS PA YIN NO, ,'DI DAG GAL CHE LA RTOGS DKA' BA'I GNAS YIN PAS RIM LNGA GSAL SGRON DU RGYAS PAR BSHAD PA LAS SHES PAR BYA'O, ,GSUM PA NI, SNGAR BSHAD PA LTAR SNYING GA'I SDUD RIM LA BRTEN NAS, 'OD GSAL DU 'JUG PA YANG DANG YANG DU GOMS PAR BYAS PAS STONG PAR RTOG PA DANG, STOD MIN DU RTOG PA DANG LA SOGS PAS GNYIS KA DANG GNYIS KA MA YIN PA LA SOGS PAR KUN TU RTOG PA RNAMS RAB TU SPANGS TE, RTOG BRAL DU GYUR NAS MKHA' STE YUL STONG PA NYID DE KHO NA NYID KYI YUL CAN BDE BA CHEN POS MNGON SUM DU RTOGS TE, CHU LA CHU BZHAG PA LTAR RE MNYAM DU 'GYUR RO, ,RO GCIG TU GYUR PA DE'I TSE DE'I NGO NA RTEN DANG BRTEN PA YOD PA MIN ZHING, DPE DANG RTAGS LAS MTSON PA YANG MED LA, GZHI 'AM GNAS KYI CHOS CAN YANG YOD PA MA YIN TE, GNYIS SU SNANG BA THAMS CAD DAG PAR GYUR PA'I PHYIR RO, ,DE LTAR YANG DRIL BU PA'I DBANG CHOG LAS, PHYI DANG NANG GI RANG BZHIN NYID, ,CHOS RNAMS KUN GYI NGO BO STE, ,BSAM GYIS MI KHYAB CES BSHAD DO, ,SNANG MED RAB RDZOGS GNAS MED PA, ,DE NYID LNGA PA RDZOGS PA'I RIM, ,LHAN CIG SKYES PA MI ZAD PA, ,BSAM GYIS MI KHYAB MTHA' YAS SOGS, ,DE NI BRTAN GA-YO 'GRO BDAG NYID, ,BDAG MED NYID KYI BDAG TU GNAS, ,DPA' BO BDE BA CHEN POS RTOGS, ,ZHES DANG, LHAN SKYES KYI SGRUB THABS LAS KYANG, 'GA' ZHIG TU NI ZUNG 'JUG CES, ,ZHES ZUNG 'JUG TU YANG GSUNGS PAS,

, ,BSAM MI KHYAB KYI RIM PA LA DAN GYI LHAN SKYES KYI 'OD GSAL GYI RIM PA GCIG DANG, DE DANG SGYU MA'I SKU GNYIS DBYER MI PHYED PA'I ZUNG 'JUG GI RIM PA GNYIS SHES PAR BYA'O, ,DE KHO NA NYID KYI RIM PA LNGA PA BSAM MI KHYAB KYI RDZOGS RIM NI NAM YANG ZAD PA MED PA'I LHAN CIG SKYES PA'I YE SHES 'BRAS BU'I SKABS SU GNAS PA STE, BSAM MI KHYAB KYI GTZO BO 'BRAS BU'I SKABS KYI BSAM MI KHYAB BO, ,BZHI PA NI, SHING DANG TSER MA DANG LCUG MA LA SOGS PA KHAMS GSUM PA'I MI RGYU BA SNOD KYI 'JIG RTEN DANG RGYU BA BCUD KYI 'JIG RTEN DANG BCAS PA DE DAG KUN GYI RANG BZHIN YANG RNAL 'BYOR PA BDAG GI RANG BZHIN DE KHO NA NYID DANG, RJES SU MTHUN PAR TE DBYER MED PAR 'DIR BDE BA CHEN PO'I YE SHES KYIS BSGOM PAR BYA STE, BRTAG GNYIS LAS, BRTAN DANG GA-YO BA'I DNGOS PO GANG, ,RTZVA LCUG 'KHRI SHING LA SOGS PA, ,BDAG GI DNGOS PO'I RANG BZHIN LAS, ,DAM PA'I DE NYID NGES BSGOM BYA, ,ZHES GSUNGS PA LTAR RO, ,NGO BO NYID KYIS TE CHOS RNAMS KYI YIN LUGS STONG PA NYID KYI NGO BO NYID LA DMIGS NAS RNAL 'BYOR PAS SGOM PAR BYED KYANG, DE 'DRA BA DE MTSAN MAR 'DZIN PA'I SGO NAS RTOG PAR NI BYED PA MA YIN NO, ,ZHES PA 'DIS CHOS NYID LA DMIGS NAS SGOM PAR BYED KYANG, MTSAN 'DZIN GYI RTOG PAR 'GRO'I ZHES SMRA BA'I LUGS BKAG PA YIN NO, ,GAL TE YIN LUGS KYI DE KHO NA NYID DE NI BDE BA CHEN PO'I YE SHES KYIS KUN TU RTAGS NA, 'GRO BA DRUG TU 'KHOR BA'I SPYOD PA RNAMS 'JIG PA STE ZAD PAR 'GYUR RO, ,RNAL 'BYOR GNYID DANG LDAN ZHES PA LA, 'GOS 'GYUR DANG 'GYUR RNYING GZHAN LAS RNAL 'BYOR NYID DU

NYER SON LAS, ZHES DANG, SBYOR BA NYID DU NYER SAN PA'O, ,ZHES GNYID CAS PA MED PAR NYID CES 'BYUNG MOD KYANG, RDOG 'GYUR KUN LAS GNYID CES 'BYUNG LA, MAR PA LO TZ'A BA CHOS KYI DBANG PHYUG GI RIM LNGA'I BSHAD PA LAS KYANG, GNYID LA 'BRU GNON MDZAD 'DUG PAS NYID LA GNYID CES BRIS NOR DU SONG BA MIN NO, ,RNAL 'BYOR PAS SAD PA'I DUS SU DE KHO NA NYID SGOM PA BZHIN DU GNYID DANG LDAN PA YI DUS SU YANG NYIN PAR GYI 'OD GSAL DANG BSRES TE, GNYID KYI 'ONG GSAL GOMS PAR BYAS PA YIS RDZOGS PA'I SANGS RGYAS KYI RANG BZHIN NI LAM GYI SKABS 'DIR RTOGS PAR MDZAD DO, ,DE LTAR MDZAD PA DE NAS RANG BYUNG GI DE KHO NA NYID RANG NYID NI RDZOGS PAR TE MA LUS PAR MNGON DU GYUR PA NA, SANGS RGYAS ZHES BRJOD PA YIN NO, ,DES NA ZHES PA DANG DE NAS ZHES PA GNYIS SNANG YANG PHYI MA LTAR BSHAD PA'O, ,LNGA PA NI, GANG DU GZUNG BAS MTHA' STE LTA BA NGAN PA'I GA-YANG LA LTUNG BA'I YOD MED DANG RTAG CHAD LA SOGS PA'I MTHA' BZHIR 'DZIN PA'I DMIGS GTAD LAS NI RNAM PAR GROL BA'I DUS GSUM GYI SANGS RGYAS KYI RANG BZHIN STONG PA NYID SGOM PA DES NI, DE LTAR BSGOMS PAS RING PO NYID MI THOGS PA STE TSE 'DI NYID LA RDO RJE SEMS DPA'I GO 'PHANG THOB PAR 'GYUR RO, ,RIM PA LNGA PA RDZOGS PA'I 'OG TU 'GYUR RNYING PA GZHAN DANG, 'GOS 'GYUR LAS, JI LTAR SNANG BZHIN BDAN SPANGS PA'I, ,MA LONG NANG GZUGS JI BZHIN DU, ,HE RU KA YI RNAM PAR SNANG, ,DE BZHIN BDAG NYID BLTA BAR BYA, ,ZHES SGYU MA'I LUS SGOM PA STON PA LA SOGS PA'I TSIGS BCAD PHYED DANG BZHI PA ZHIG LHAG POR 'BYUNG NGO, ,'KHOR LO SDOM PA RNAL 'BYOR MA'I RGYUD THAMS CAD KYI BLA MAR MI

, ,GSAL BAR SBAS PA, GSAL BAR BSTAN PA LAS BSAM GYIS MI KHYAB PA'I RIM PA STE RIM PA LNGA PA'O, ,BZHI PA MJUG GI DON LA GNYIS, GZHUNG 'DI SLOB DPON GANG GIS MDZAD PA DANG, LO PAn GANG GIS BSGYUR BA'O, ,DANG PO NI, DPAL 'KHOR LO SDOM PA'I MAN NGAG RIM PA LNGA PA PHYAG RGYA CHEN PO MCHOG GI DNGOS GRUB BRNYES PA'I AAYON GYI SLOB DPON CHEN PO RDO RJE DRIL BU PAS MDZAD PA RDZOGS SO,, ,,GNYIS PA NI, GZHUNG 'DI BOD DU GANG GIS BSGYUR BA'I TSUL NI, RGYA GAR GYI MKHAN PO KRishnA PAndI TE STE KRi SA MA YA BADZRA ZHES PA RDO RJE GDAN GYI MKHAS PA NAG PO DAM TSIG RDO RJE DANG, LO TZ'A BA DGE SLONG TSUL KHRIMS RGYAL BA NAG TSOGS BSGYUR BA, PHYIS BLA MA BAL PO'I PAndI TA SU MA TI K'I RTI ZHES BLO BZANG GRAGS PA DANG, LO TZ'A BA DGE SLONG RDOG BLO LDAN SHES RAB KYIS BCOS PA'O,, ,,BYIN RLABS CAN DU GRAGS PA'I BDE MCHOG GI, ZAB MO'I GNAD KUN BSDUS PA RIM LNGA'I GZHUNG, ,YON TAN KHUR GYIS LCI BA'I GZHUNG RTZOM NI, ,MANG POS 'BAD KYANG JI BZHIN MA RTOGS PA'I, ,GDAMS PA'I GNAD RNAMS LTA BA'I BLO GROS MIG ,MIG MKHAN RGYAL POS MIG GI RAB RIB RNAMS, ,LEGS PAR BSAL BA BZHIN DU BDAG GIS BSGRUBS, ,RNAM DPYOD CAN RNAMS DGA' BA RGYAS PAR MDZOD, ,'ON KYANG ZAB MO'I GNAD RNAMS RTOGS PAR DKA', ,BDAG BLO SHIN TU NYAM CHUNG GYUR PAS NA, ,'DIR NI NONGS RNAMS DRIL BU PA LA NI, ,SNYING NAS BSHAGS SO MA LUS DAG PAR MDZOD, ,BLA MA LHAG PA'I LHA YI BYIN RLABS LAS, ,BYUNG BA'I LEGS PAR BSHAD PA'I DGE BA YIS, ,RJE BTZUN YAB YUM DRIL BU PA YIS NI, ,SKYE BA KUN TU RJES

SU 'DZIN GYUR CIG ,CES DPAL 'KHOR LO BDE MCHOG GI RDZOGS RIM RIM PA LNGA PA'I RGYA CHER BSHAD PA SBAS PA'I DON BLTA BA'I MIG RNAM PAR 'BYED PA ZHES BYA BA 'DI NI, ,BDE MCHOG GI RTZA BA DANG BSHAD PA'I RGYUD RNAMS DANG, GZHAN YANG BDE MCHOG GI MKHAS PA DANG GRUB PA BRNYES PA'I GZHUNG MANG PO DANG, KHYAD PAR DU GRUB CHEN DRIL BU PA'I GZHUNG KUN DANG, BOD KYI BRGYUD PA SO SO'I LUGS RNAMS KHONG DU CHUD PAR BYAS NAS TSUL 'DI LA MOS PA MANG POS BSKUL BA'I DON DU, MANG DU THOS PA'I DGE SLONG 'KHOR LO SDOM PA'I RNAL 'BYOR PA SHAR TZONG KHA PA BLO BZANG GRAGS PA'I DPAL GYIS 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI DGE SLONG SDOM BRTZON BSOD NAMS BLO GROS SO,, ,,'DIS KYANG BSTAN PA RIN PO CHE PHYOGS KUN TU RGYAS PAR BYED NUS PAR GYUR CIG ,SARBA MANG+GA LAm, ,