*, ,RNAL 'BYOR DBANG PHYUG DRIL BU LUGS BDE MCHOG LUS DKYIL GYI MNGON RTOGS DGONGS PA RAB GSAL ZHES BYA BA BZHUGS SO, ,
, ,RNAL 'BYOR GYI DBANG PHYUG DRIL BU ZHABS KYI LUGS KYI BCOM LDAN 'DAS 'KHOR LO BDE MCHOG GI LUS KYI DKYIL 'KHOR GYI SGRUB PA'I THABS DGONGS PA RAB GSAL ZHES BYA BA, BLA MA DANG RJE BTZUN 'JAM PA'I DBYANGS KYI ZHABS LA GUS PAS PHYAG 'TSAL LO, ,DNGOS GRUB RTZA BA BLA MA DAM PA DANG, ,DNGOS GRUB NGO BO BCOM LDAN YAB YUM DANG, ,LAM 'DI GSAL MDZAD GRUB CHEN DRIL BU PA'I, ,ZHABS KYI PAD MOR GUS PAS PHYAG 'TSAL NAS, ,RTZA RLUNG BYANG SEMS BYIN GYIS RLOB PA'I THABS, ,GDUL BYA RAB LA GSUNGS PA'I LUS DKYIL MCHOG ,MA BSHAD LOG PAR BSHAD PA'I SKYON SPANGS NAS, ,DGONGS PA YONGS RDZOGS MA NOR GSAL BAR BYA, ,'DIR RNAL 'BYOR GYI DBANG PHYUG DRIL BU ZHABS KYI LUGS KYI 'KHOR LO BDE MCHOG GI LUS DKYIL SGOM PA LA GNYIS, LAM SGOM PA'I RIM PA DNGOS DANG, DE LTAR BSGOMS PA'I PHAN YON NO, ,DANG PO LA GSUM, GANG GIS SGOM PA'I RTEN, GANG DU SGOM PA'I GNAS, JI LTAR SGOM PA'I TSUL LO, ,DANG PO NI, SNGAGS DANG PHAR PHYIN GYI THEG PA GNYIS THUN MONG BA'I LAM GYI RIM PAS RGYUD SBYANGS SHING, 'DI'I PHYI NANG GI DKYIL 'KHOR DU DBANG BSKUR BA LEGS PAR THOB LA, DE'I DUS SU KHAS BLANGS PA'I DAM TSIG DANG SDOM PA TSUL BZHIN DU SRUNG BA LA BRTZON PA, RANG GI RGYUD DPAL BDE MCHOG GI SNGAGS DANG RNAL
, ,PA'I DKYIL 'KHOR GNYIS MED PA'O, ,BCOS MA GNYIS KYI NGA BA GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYED DE MIN TE, ,YANG DAG DON MTHONG GROL PHYIR RO, ,'KHOR LO GSUM GYI DKYIL 'KHOR GRUB, ,DKYIL 'KHOR LHA RNAMS GRUB PA'O, ,DE YI DBANG BSKUR LA SOGS RIM, ,CI NAS MA GRUB YANG GRUB BYED, ,DE YI RANG BZHIN MI SHES RNAMS, ,SNOD DU BYA BAR BZHED PA STE, ,DBANG BSKUR SOGS RIM KUN RDZOB TU, MNGON SUM DU NI SGRUB PA'O, ,SLOB DPON LA SOGS DBYE BA YIS, ,DBANG BSKUR RNAM PA BZHIR BSHAD DE, ,CHU YI DBANG SOGS DBYE BA YIS, ,BZHI PO DE NI BCU BZHI'O, ,ZHES GSUNGS PA LTAR SHES DGOS SO, ,DBANG BSKUR BA LA DKYIL 'KHOR SNGON DU 'GRO DGOS PA NI SNGON DU DKYIL 'KHOR DU GZHUG PA'I SKOR MA BYAS PAR DBANG BSKUR DU MI RUNG BA'I DON YIN LA, DE YANG PHYI DANG NANG GI DKYIL 'KHOR GSUM GA LA 'DRA LA, DE RDO RJE 'CHANG GIS GSUNGS TSUL NI BDE MCHOG RTZA RGYUD LAS, SNGAGS PAS DKYIL 'KHOR MA MTHONG BAR, ,GANG ZHIG RNAL 'BYOR PA NYID 'DOD, ,MKHA' LA KHU CHUR GYIS RDEG DANG, ,SMIG RGYU'I CHU NI 'THUNG DANG MTSUNGS, ,ZHES SNGON DU DKYIL 'KHOR DU BCUG STE RTEN DANG BRTEN PA'I DKYIL 'KHOR MA MTHONG BAR LAM SGOM PA'I RNAL 'BYOR PA KHYAD PAR CAN 'DOD PA NI DPE GNYIS DANG 'DRA BAR 'DOD DON MI 'GRUB PAR GSUNGS SHING, MNYAM SBYOR BRTAG PA BDUN
PA LAS KYANG, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB BO, ,ZHES NAN TAN DU GSUNGS SHING, RGYUD GZHAN LAS KYANG SHIN TU MANG BAR GSUNGS PAS, LUGS 'DI LA DKYIL 'KHOR DU GZHUG PA'I SKOR GZHAN RNAMS 'DOR BA DANG, LUGS GZHAN LA'ANG DE DAG DANG DBANG MANG PO ZHIG DOR NAS RDZOGS RIM GYI DBANG NAS THOG MAR BYED PA NI NYES PA CHEN PO BSKYED PA'I NOR BA CHEN PO'O, ,DE LTAR GSUNGS PA 'ON KYANG GANG DU GZHUG PA'I DKYIL 'KHOR CI TZAM CIG YOD PA MI GSAL BA 'DIR GSAL BAR BSHAD NA DKYIL 'KHOR GSUM YOD DE, RI MOR GNAS PA'I LAS KYI DKYIL 'KHOR BSTAN PA BRIS SKU'I DKYIL 'KHOR DANG, THIG GDAB PA LAS TSON DBYE BA'I RIM PA BSTAN PA'I RDUL TSAN GYI DKYIL 'KHOR DANG, 'GRO BA 'DI DAG NYID RANG BZHIN GYIS GRUB PA'I DKYIL 'KHOR LUS KYI DKYIL 'KHOR RO, ,BCOS MA DANG RANG BZHIN GYIS GRUB PA NI RIM PA GNYIS LA THA SNYAD DE GNYIS KYIS BSTAN PA NI 'DIR BSKYED RIM PA NYID KYI SKABS YIN PA'I PHYIR DANG, LUS DKYIL LA LHA RE GNYIS SGOM PA YANG BSKYED RIM NYID YIN PA'I PHYIR NA MA BCOS PA'AM RANG BZHIN GYIS GRUB PA NI RDZOGS RIM MIN NO, ,DE'I PHYIR BDE MCHOG GI DKYIL 'KHOR GANG LAS SGRUB PA'I SGRUB GZHI RI MO MKHAN LA SOGS PAS GSAR DU BCOS PA DANG, DE DAG GIS GSAR DU BSGRUBS PA MIN PAR LUS RDZOGS PA NAS RANG CHAS SU GRUB PA LA BYA'O, ,DE'I PHYIR SGRUB GZHI NYID LHAR BSKYED PA'I GNYIS SU MED PA'AM RTEN SNGON DU RDZOGS NAS BRTEN PA'I MTSAN MA PHYIS RDZOGS PA'I CHA
, ,GNYIS MED PAR RTEN RDZOGS PA DANG BRTEN PA RDZOGS NAS 'ONG BA YIN NO, ,DE LA RDUL TSON GYI DKYIL 'KHOR SHIN TU GSAL YANG DE LAS RAS BRIS CUNG MI GSAL LA, DE LAS KYANG LUS DKYIL DU DBANG BSKUR BA'I DKYIL 'KHOR RGYUD NA MI GSAL BAS 'ON KYANG ZHES GSUNGS SO, ,BCOS MA ZHES PA RKANG PA GSUM GYI DON NI RAS BRIS DANG RDUL TSON GYI DKYIL 'KHOR GNYIS SU DBANG BSKUR BA GDUL BYA DBANG PO RTUL 'BRING DANG, LUS DKYIL DU DBANG BSKUR BA GDUL BYA MKHAS PA STE DBANG PO RAB LA BYED CES PA'I DON MIN TE, DANG POR 'JUG PA'I GANG ZAG RAB LA YANG RDUL TSON DU DBANG BSKUR BA DU MA ZHIG GSUNGS PA'I PHYIR DANG, RAS BRIS LA YANG DE LTAR YIN PA'I PHYIR RO, ,DES NA MKHAS PA'I BSGRUB BYA STE LUS LA GNAD DU BSNUN PA'I DKYIL 'KHOR NI BCOS MA GNYIS LA MI BYA'I LUS DKYIL LA BYA DGOS TE, SNGA MA LA GNAD DU BSNUN PAS GROL BAR MI 'GYUR GYI, PHYI MA LA GNAD DU BSNUN PA LAS YANG DAG PA'I DON MTHONG NAS GROL BAR 'GYUR BA'I PHYIR RO ZHES PA'I DON NO, , DES NA PHYI DKYIL RKYANG PAR DBANG BSKUR BA LAS LUS KYI DKYIL 'KHOR DU DBANG BSKUR BA MCHOG TU 'GYUR RO, ,'KHOR LO GSUM GYI ZHES PA'I RKANG PA GNYIS KYIS NI SKU GSUNG THUGS KYI 'KHOR LO GSUM GYI DKYIL 'KHOR SGRUB PA'I GZHI RANG CHAS SU GRUB PA LAS RTEN GYI DKYIL 'KHOR DANG BRTEN PA'I LHA RNAMS GRUB PA STE BSGRUB PAR BYA'O ZHES LUS KYI DKYIL 'KHOR SGRUB PA BSTAN TE, DBANG GI SNGON DU DKYIL 'KHOR 'GRO BAR SNGAR BSHAD PA STON PA'O, ,DE LA DBANG BSKUR ZHES PA'I RKANG PA BZHI'I
DANG PO GNYIS KYIS NI LUS DKYIL DE'I DBANG BSKUR DANG, SOGS KYIS DKYIL 'KHOR DU GZHUG PA'I RIM PA SNGAR MA GRUB PA STE MA THOB PA NI CI NAS YANG STE KYANG GRUB PA STE GDUL BYA LA SGRUB PAR BYED PA STON NO, ,CI NAS KYANG LUS DKYIL GYI DBANG BSKUR BA SGRUB PA DE DGOS PA GANG GI PHYIR YIN SNYAM NA, LUS DKYIL GYI RANG BZHIN TE GNAS TSUL MI SHES PA RNAMS LUS DKYIL SGOM PA'I SNOD RUNG KHYAD PAR CAN DU BYA BAR BZHED NAS YIN ZHES PA NI DE'I RANG BZHIN ZHES PA'I RKANG PA GNYIS KYIS STON NO, , LUS DKYIL DE SGRUB PA DANG MCHOD PA SOGS DANG, GZHUG PA DANG DBANG BSKUR BA'I CHO GA MNGON SUM DU SGRUB PA'I RIM PA NI KUN RDZOB TU STE RANG BZHIN MED BZHIN DU SNANG BA'I SGYU MA LTA BU'I DON DU RTOGS NAS BSGRUB PAR BYA BAR DBANG BSKUR SOGS RIM PA KUN RDZOB TU ZHES PA'I RKANG PA GNYIS KYIS STON NO, ,'O NA DBANG JI TZAM ZHIG BSKUR SNYAM NA, BSDU NA RDO RJE SLOB DPON NAM BUM PA'I DBANG DANG, LA SOGS PAS BSDUS PA GSANG BA DANG SHES RAB YE SHES DANG, DBANG BZHI PA STE BZHIR BSHAD PA DANG, PHYE NA CHU DBANG LA SOGS PA'I DBYE BAS BUM DBANG BCU GCIG DANG DBANG GONG MA GSUM STE BCU BZHI'O, ,'DI LA RGYUD RDO RJE PHRENG BA LAS, DBANG BSKUR BA YI DBYE BA NI, ,DANG PO'I DBANG NI GTZO BO STE, ,GNYIS PA GSANG BA'I MING CAN NO, ,GSUM PA KUN NAS SBYOR BA STE, ,BZHI PA DON NI DAM PA'O, ,GTZO BO'I DBYE BAS BCU GCIG STE, ,BCU GNYIS PA NI GSANG BA'O, ,BCU GSUM PA NI YANG DAG SBYOR, ,BCU BZHI PA NI DON DAM STE, ,DBANG BSKUR RE RES RE'O, ,RNAM PA GSUM NI RGYU YI DBANG, ,BZHI PA 'BRAS BUR SHES PAR BYA, ,ZHES
, ,GSUNGS PA LTAR BYA DGOS TE, DRIL BU ZHABS KYI DBANG CHOG NI DON TSAN 'GA' YAR MA GTOGS PA RGYUD RDOR PHRENG JI BZHIN DU SNANG BA'I PHYIR RO, ,DES NA DBANG BCU GCIG NI DBANG CHOG LAS RIG PA'I DBANG LNGA DANG, SNGAGS KYI DBANG DANG, PHYIR MI LDOG PA'I DBANG DNGOS GZHI STE BDUN GSAL BAR BSHAD CING, DE NAS BZHI LA LUNG BSTAN DANG DBUGS DBYUNG GNYIS GCIG TU MDZAD CING, RDO RJE'I BRTUL ZHUGS DANG, SPYOD PA'I BRTUL ZHUGS DANG, RJES GNANG GSUM SO SOR BSHAD PA LTAR BYA'I, SDOM 'BYUNG NAS BRTUL ZHUGS DANG, LUNG BSTAN DANG, DBUGS DBYUNG DANG, RJES GNANG BZHI SO SOR PHYE NAS BUM DBANG DU GSUNGS PA LTAR MI BYA STE, DE'I LTAR NA RIG PA'I DBANG LNGA DANG, DE NAS SNGAR BSHAD PA BZHI DANG, PHYIR MI LDOG PA'I DBANG LA BUM DBANG DU GSUNGS PA MA GTOGS PA SNGAGS DBANG LA MA BSHAD PAS BCU LAS MED PA'I PHYIR RO, ,RGYUD RDOR PHRENG LAS KYANG DBANG BDUN DBANG CHOG DANG 'DRA ZHING, LUNG BSTAN DANG DBUGS DBYUNG GNYIS GCIG TU MDZAD DO, ,DKYIL 'KHOR DU GZHUG PA'I SKOR LA DBANG CHOG LAS DAM LA BZHAG PA DANG, YE SHES 'BEBS PA DANG, DKYIL 'KHOR STON PA GSUM LAS MA GSUNGS PA BZHIN DU KHA SKONG MI BYED PAR DE TZAM ZHIG KHA CIG GIS BYED PA NI NOR PA CHEN PO YIN TE, DE LTA YIN NA RGYUD RDOR PHRENG LAS KYANG DE LTAR GSUNGS PAS, GSANG 'DUS MI BSKYOD PA'I DKYIL 'KHOR DU GZHUG PA'I SKOR LA YANG, GZHUG PA'I SKOR LHAG MA RNAMS KHA MI SKONG BAR 'GYUR BA DANG, BUM PA STA GON YANG MA BSHAD PAS CHU DBANG YANG BSKUR BA MI 'THAD
PA SOGS KYI GNOD PA DU MA YOD PA'I PHYIR RO, ,DES NA RJE BTZUN SA SKYA PA DANG PU RANGS PA'I PHYAG BZHES LA DBANG CHOG NAS ZIN PA TZAM MIN PAR KHA SKONG BA LEGS ZHES MKHAS PA DAG GSUNGS PA NI GRUB CHEN GYI DGONGS PA YIN TE, DE NAS SLOB MA BDAG 'DRAR BSAM, ,DE NAS THAMS CAD BSGRUB PAR BYA, ZHES DANG 'DI DAG PHYI ROL BSTAN PA GANG, ,THAMS CAD NANG DU GNAS PA'O, ,ZHES GSUNGS PA'I DBANG LA SOGS PA PHYI DKYIL LA GSUNGS PA RNAMS NANG LUS DKYIL LA BYED PAR GSUNGS PA'I PHYIR RO, ,DE LTA NA'ANG LUS LAS PHYI ROL TU SA LA THIG 'DEBS PA SOGS KYI SGO NAS PHYI DKYIL DBANG GI DON DU SGRUB PA MED PAS SA'I CHO GA DANG SA'I LHA MO LHAG GNAS MI DGOS SO, ,KHA CIG LHA LA SNYAN GSAN 'BEBS PA'I LHA STA GON MI DGOS TE, LHA GZHAN NAS SPYAN DRANG MI DGOS PA'I PHYIR RO ZHES ZER BA NI SHIN TU MI RIGS TE, DE LTA NA LUS DKYIL SGOM PA LA YANG LHA GZHAN NAS SPYAN DRANG MI DGOS PAR 'GYUR BA'I PHYIR RO, ,DES NA RANG LUGS LA LHA STA GON NI LHA LA SNYAN GSAN 'BEBS PA TZAM MIN GYI, DKYIL 'KHOR TSON GYIS 'DRI BA'I DUS KYI LHA'I GNAS GANG DU 'ONG BA'I THAD DU DKYIL 'KHOR DE'I LHA BSKYED NAS LHA DE RNAMS LA SNYAN GSAN 'BEBS PA YIN LA, DE LUS DKYIL LA MI DGOS PA'I RGYU MTSAN GYIS YIN NO, ,BUM PA STA GON GSAL BAR MA GSUNGS KYANG CHU DBANG GI SKABS SU RNAM RGYAL LA SOGS PA'I BUM PA BLANG, PADMA'I SNOD LA GNAS PA'I CHU, ,ZHES RNAM RGYAL LA SOGS PA'I BUM PA'I CHU BLANGS PA THOD PA'I SNOD DU GNAS PA MI BSKYOD PAR BSKYED PAR GSUNGS LA, RNAM RGYAL GYI SOGS KHONGS NAS LAS
, ,BUM 'DON PA DON MIN PAS DBANG BSKUR BA'I BUM PA GZHAN 'DON DGOS LA, DE LTA NA RNAM RGYAL GYI NANG DU GTZO BO'I SKU LA LUS DKYIL LTAR LHA RE GNYIS BKOD NAS BUM PA SGRUB PA MIN TE, DE YIN NA NI RNAM RGYAL DANG LAS BUM LAS GZHAN PA'I BUM PAR 'KHOR GYI LHA BSKYED MI DGOS PA'I PHYIR SOGS KYI SGRA SMOS PA DON MED PA'I PHYIR RO, ,DE'I PHYIR BUM PA SGRUB TSUL LUS DKYIL LTAR BYED PA LEGS PA DANG, BUM PA RNYED NA DGU BYA GSUNG BA NI 'THAD PAR MI SNANG NGO, ,DBANG CHOG LAS SLOB MA STA GON MA BSHAD PA LA KHA CIG SLOB MA LA LHA RANG BZHIN GYIS GRUB PA'I PHYIR DNGOS GRUB 'GRUB MI 'GRUB RTOG PA'I SO SHING 'DOR BA SOGS KYI SLOB MA STA GON MI DGOS ZER BA NI MA GRUB PA'I GTAN TSIGS LTAR SNANG CHEN PO YIN LA, DE LTA YIN NA DRI MA 'KHRUD PA'I DBANG LA SOGS PA YANG MI DGOS PAR HA CANG THAL BA'I PHYIR RO, ,SLOB MA STA GON BYAS NA NI LEGS MOD KYANG SNGA MA RNAMS KYI LUGS LA MI BYED PA NI SNGAR BDE MCHOG GI PHYI DKYIL DU DBANG BSKUR BA'I TSE STA GON BYAS PA DANG, DE YANG 'DRA BA LA BSAMS PA 'DRA'O, ,KHA CIG SLOB MA STA GON GYI DON DAM TSIG DANG SDOM PA 'DZIN PA LA BYED PA NI DON MIN NO, ,BUM PA STA GON BYED PA LA, BUM PA'I GRANGS CI TZAM BYED PA DKYIL CHOG RDO RJE PHRENG BA LAS MANG DU GSUNGS PA'I NANG NAS, 'KHOR LO LNGA LA BUM PA RE RE STE LNGA'AM, YANG NA RNAM RGYAL DANG LAS BUM GNYIS SU YANG BSDUS PAS CHOG PAS, BUM PA RTZA BA DANG NAG NOG MED PA'I MTSAN NYID TSANG BA DRI BZANG DANG BCAS PA'I SA DKAR GYIS BYUG ,BUM PA LNGA YOD NA BDE CHEN GYI 'KHOR LO'I BUM PA LA RDO RJE
DANG GRI GUG DANG RIN PO CHE DANG, THUGS 'KHOR GYI LA RDO RJE DANG, GSUNG 'KHOR GYI LA PADMA DANG, SKU 'KHOR GYI LA 'KHOR LO DANG, DAM TSIG GAm 'KHOR LO'I BUM PA LA RAL GRI'I MTSAN MA BRIS PA 'DOGS PA'AM YANG NA BUM PA'I LOGS LA BRI, BUM PA GCIG LAS MED NA RNAM RGYAL LA DE DAG BRI BA 'AM GDAGS, GTZO BO YAB YUM GYI RDO RJE DANG GRI GUG GI MTSAN MA GNYIS TZAM YANG RUNG NGO, ,LAS BUM LA DUM SKYES MA'I MTSAN MA GRI GUG BRI BA'AM GDAGS DAR RAM RAS ZUNG GI MGUL CHINGS PHROG GSUM PA CAN LA H'Um LAN BDUN BZLAS PA'I SRAD BU DKAR PO BDUN GYIS, AOm BADZRA SHE KHA RA RU tA MA tA DI SHAm BANDHA H'Um ZHES BZLAS LA BCING, DE NAS BUM PA LA GU GUL GYIS BDUG ,LAS THAMS CAD PA BZLAS PA'I YUNGS DKAR GYIS RDEG LA BGEGS BSKRAD, RTA GLANG DANG BONG BU SOGS KYIS MA BGROD PA'I CHU GTZANG MA SROG CHAGS MED PA SNOD GZHAN LA MA REG PAR BLANGS LA DRI BZANG DANG BSRES PAS RAN PAR DGANG, DE DAG GI NANG DU GSER LA SOGS PA'I RIN PO CHE LNGA DANG, GRO LA SOGS PA'I 'BRU LNGA DANG, GA BUR LA SOGS PA'I DRI LNGA DANG, BRI H'A T'I LA SOGS PA'I SMAN LNGA RNAMS GZHUG ,'BYOR PA CHUNG NA RNAM RGYAL DANG LAS BUM GNYIS RIN PO CHE'I SNYING PO CAN DU BYA'O, ,DE YANG RNAM RGYAL NGES PAR RIN PO CHE'I SNYING PO CAN DU BYA BAR BSHAD PAS BUM PA LA SOGS PA NI SLOB MAS SGRUB PA YIN NO, ,GTZO BO YIN PA DANG BYA BA MANG BA'I PHYIR RNAM RGYAL GYI STENG DU H'Um GIS BSNGAGS PA'I DUNG CHOS SAM THOD PA BDUD RTZI LNGA DANG BCAS PA'I DRI BZANG GI CHUS BKANG BA'I STENG DU RDO RJE ME TOG GI PHRENG BA DBUS SU BCINGS PA BZHAG ,BUM PA LNGA YOD NA BDE CHEN
, ,'KHOR LO'I BUM PA DBUS SU DANG, GZHAN BZHI PHYOGS SU KU SHA'I GDAN LA DGOD DO, ,DE NAS RANG NYID GTZO BO'I RNAL 'BYOR BSDUS PA BYAS LA SNGON 'GRO'I GTOR MA BTANG, MCHOD PA BSANG SBYANG SOGS BYA, ZHAL BZHI PA'I SNGAGS SAM DUM SKYES MA'I SNGAGS BRJOD CING NANG MCHOD GTOR BAS BGEGS DANG MA DAG PA BSANG, SVA BH'A WA'I SNGAGS KYIS STONG PAR SBYANG, STONG PA'I NGANG LAS PAm LAS SNA TSOGS PADMA DANG A'A ZLA BA'I STENG DU BAm LAS RIN PO CHE'I BUM PA MTSAN SYID THAMS CAD DANG LDAN PAR BSKYED, BUM PA LNGA YOD NA RIM PA BZHIN DU SNA TSOGS PADMA 'DAB MA BRGYAD KYI LTE BAR 'JIGS BYED DUS MTSAN GYI GDAN DANG, THUGS GSUNG SKU'I 'KHOR LO RTZIBS BRGYAD PA GSUM DANG, PHYOGS DANG MTSAMS SU RO GDAN BSKYED, BDE CHEN 'KHOR LO'I BUM PA'I NANG GI DBUS SU H'Um BAm DANG, 'DAB MA LA LAm MAm PAm TAm DANG, 'KHOR LO GSUM GYI BUM PAR RTZIBS KYI STENG DU, KAm KHAm GAm GHAm NGAm, ,TZAm TSAm DZAm DZHAm NYAm, tAm thAm dAm dHAm nAm, TAm THAm DAm DHAm NAm, PAm PHAm BAm BHAm DANG, SGO MTSAMS MA'I BUM PA'I NANG GI GDAN GYI STENG DU H'Um RING PO DANG, DE RNAMS LAS RANG RANG GI PHYAG MTSAN DANG, DE LAS RANG RANG GI SKU RDZOGS PA DANG, NANG GI GRVA BZHI'I GNAS SU THOD PA BZHI BSKYED DO, ,GNYIS LAS MED NA RNAM RGYAL GYI NANG DU SGRUB THABS BZHIN DU MNGON BYANG LNGA LAS PADMA DANG 'KHOR LO GSUM DANG RO'I GDAN GYI RTEN DANG BRTEN PA LHA DRUG CU RTZA GNYIS DUS GCIG TU RDZOGS PAR BSKYED LA RIM PA BZHIN DU GSAL GDAB BO, ,LAS BUM DU SNA TSOGS PAD NYI'I GDAN LA DUM SKYES MA PAm DANG GRI GUG
LAS BSKYED, GO BGO ,YE SHES PA GZHUG ,DBANG BSKUR RGYAS GDAB, MCHOD BSTOD RNAM, SGRUB THABS BZHIN DU BYA'O, ,LAS BUM DU KHAndA RO HI BSKYED PAR BOD KYI MKHAS PA DAG BZHED DE RGYA GAR BA'I GZHUNG MANG PO'I DGONGS PA YIN PAS LEGS SO, ,DE NAS H'Um ZHES BRJOD CING RDO RJE LA BTAGS PA'I ME TOG GI PHRENG BA NAS GA-YON PA'I KHU TSUR GYIS BZUNG, GA-YAS PAS PHRENG BA BGRANG ZHING GTZO BO YAB YUM GYI SNYING PO DANG, NYE SNYING DANG, LHA GZHAN RNAMS KYI SNYING PO BRGYA RTZA BRGYAD RE BZLAS, LAS BUM LA ZHAL BZHI PA'I SNGAGS DANG, DUM SKYES MA'I SNGAGS DANG, AOm SARBA TA TH'A GA TA AA BHI shE KA TA SA MA YA SHR'I H'Um ZHES PA CI MANG DU BZLAS LA, SNGAGS KYI 'OD ZER GYIS PHYOGS BCU'I SANGS RGYAS DANG BYANG CHUB SEMS DPA' THAMS CAD KYI YE SHES KYI BDUD RTZI BKUG NAS BUM PA'I CHU LA THIM PAR BSAM, DE NAS DUNG CHOS KYI CHU LA DMIGS NAS, AOm BADZRA AA MRA TA AU DA KA H'Um, ZHES DANG, YI GE GSUM BZLAS TE BSNGAGS PAS DUNG CHOS KYI CHU'I RDUL PHRA RAB RNAMS YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU BSAMS LA, LHA RNAMS CHAGS PA CHEN PO'I MES ZHU NAS BYANG CHUB KYI SEMS KYI NGO BOR BUM PA'I CHU DANG RO GCIG TU GYUR PAR BSAM MO, ,DE NAS GTZO BO'I SNGAGS DANG H'Um LAN BDUN BZLAS NAS BUM PA RNAMS SU DUNG CHOS KYI CHUS MCHOD YON DBUL, LAS THAMS CAD PA BZLAS PA'I ME TOG DKAR PO GSUM YANG GZHUG ,DE NAS ME TOG SOGS KYIS MCHOD LA, LAS BUM GYI CHUS BSANGS LA DKYIL 'KHOR GYI BYA BA RNAMS RDZOGS PA DE SRING DU BGEGS RNAMS ZLOG PAR MDZOD CIG CES BRJOD DE BUM PA STA GON NO, ,
, ,'DIR RANG NYID GANG DU 'JUG PA DANG SLOB MA GANG DU GZHUG PA'I DKYIL 'KHOR SGRUB PA NI LUS KYI DKYIL 'KHOR DU NGES MOD KYANG, DE'I SGRUB TSUL CI 'DRA ZHIG YIN SNYAM NA, 'DI LA KHA CIG NI MDUN DU PHYI DKYIL LTAR LHA RE GNYIS KYI DKYIL 'KHOR BSKYED NAS DKYIL 'KHOR GYI GTZO BO DANG BLA MA THA MI DAD DU SGOM PAR 'DOD, LA LA NI RI RAB KYI STENG BSRUNG 'KHOR GYI NANG DUR KHROD BRGYAD KYIS BSKOR BA'I GZHAL YAS KHANG 'KHOR LO LNGA LDAN GYI LTE BAR BLA MA HE RU KA DANG THA MI DAD PA'I LUS LA LUS DKYIL TSANG BA SGOM PAR BZHED, GZHAN DAG BDAG BSKYED KYI LUS DKYIL GYI HE RU KA LAS RANG CHA GNYIS PAR BYE NAS MCHOD BSTON NAS GTOR MA'I BAR BYAS NAS RANG GI LUS KYI DKYIL 'KHOR DU 'JUG PAR BZHAD PA YOD KYANG, RANG GI BLA MA PHYI'I HE RU KA'I LUS LA RTEN BRTEN PAR BCAS PA TSANG BAR SGOM PA NYID DRIL BU PA'I GZHUNG GI DGONGS PA YIN PAS, RTZA BA'I BLA MA'I THUGS KAR ZLA BA'I STENG DU H'Um BSGOMS NAS BDAG NYID SANGS RGYAS SU BSKYED LA MCHOD BSTOD BYA ZHES ZER RO, ,DE'I DANG PO NI MI 'THAD DE 'DIR LUS KYI DKYIL 'KHOR DU DBANG BSKUR BA DGOS LA, DE LA LUS DKYIL SGOM PA MI SNANG BA'I PHYIR RO, ,GNYIS PA YANG MIN TE 'DI'I LUS DKYIL SGRUB PA LA GZHAL YAS KHANG LA 'KHOR LO LNGA SGOM PA MI DGOS PA'I PHYIR DANG, DBANG BSKUR BYED MKHAN LA DBANG BSKUR BA'I BLA MA'I LUS DKYIL SGOM PA 'GOG PAR 'GYUR PA'I PHYIR RO, ,BZHI PA YANG MI RIGS TE 'DI'I DKYIL 'KHOR SGRUB PA DBANG BYED MKHAN LA DBANG BSKUR BA'I BLA MA'I LUS KYI DKYIL 'KHOR SGOM PA YIN NA, SLOB MAS ME TOG 'DOR BA'I TSE DBANG BYED
MKHAN GYI SNYING KHA'I NANG GI HE RU KA LA 'BUL BA MI RIGS TE, DBANG GI DKYIL 'KHOR GZHAN DU BSGRUBS PA LAS GZHAN DU ME TOG 'DOR BA MI 'THAD PA'I PHYIR DANG, DKYIL 'KHOR STON PA NA DBANG BYED MKHAN GYI LUS KYI DKYIL 'KHOR STON PA MI RIGS PA'I PHYIR DANG, DBANG GI RNAM DAG 'CHAD PA NA DBANG BYED MKHAN GYI LUS KYI DKYIL 'KHOR DU BUM PA'I DBANG THOB PAR 'CHAD PA 'GAL BA'I PHYIR TE, DBANG GI DKYIL 'KHOR GANG DU BSGRUBS PA DER BUM DBANG THOB DGOS PA'I PHYIR DANG, DKYIL 'KHOR GANG BSGRUBS PA DE NYID SLOB MA LA STON DGOS PA'I PHYIR RO, ,DES NA 'DI'I DKYIL 'KHOR SGRUB PA NI LUS DKYIL SGRUB PAR NGES LA, DE LA YANG LUS SPYI TZAM PA DANG SLOB MA'I LUS DANG DBANG BYED MKHAN GYI BLA MA'I LUS KYI DKYIL 'KHOR BSGRUB PA MIN GYI, GZHAN LA DBANG BSKUR MKHAN DANG RANG BDAG 'JUG BYED MKHAN GYI LUS DKYIL 'KHOR DU SGRUB PA DGONGS PA YIN LA, DE YANG SGRUB THABS BZHIN DU BDAG BSKYED KYI LUS DKYIL SGOM PA NYID LUS KYI DKYIL 'KHOR SGRUB PA YIN GYI LOGS PA MED DO, ,DBANG CHOG LAS KYANG, DANG POR RE ZHIG 'KHOR LO GSUM, ,BDAG NYID RDO RJE SLOB DPON RANG, ,DE NAS SLOB MA BDAG 'DRAR BSAM, ,DE NAS THAMS CAD BSGRUB PAR BYA, ,ZHES GZHAN LA DBANG BSKUR BA'I DANG POR RDO RJE SLOB DPON RANG NYID 'KHOR LO GSUM GYI BDAG NYID DU SGOM ZHES GSUNGS TE, 'DI NI SNGON DU MNGON RTOGS BSGOMS NAS LUS DKYIL SGRUB PA YIN NO, ,GZHUNG DE YANG RGYUD RDO RJE PHRENG BA LAS, 'KHOR BA 'DI DAG DKYIL 'KHOR TE, ,RANG BZHIN DAG PA GNYIS MED PA'O, ,THOG MAR DKYIL 'KHOR RNAL 'BYOR BDAG ,RDO RJE SLOB DPON RANG NYID SGOM, ,SLOB
, ,MA BDAG NYID 'DRAR DMIGS NAS, ,DE 'OG THAMS CAD RAB BSGRUB BYA, ,ZHES PA BKOD PAR SNANG LA, RGYUD DE LAS PHYI NANG GI DKYIL 'KHOR DU DBANG BSKUR BA THUN MONG BA'I DBANG DU MDZAD KYANG, 'DIR NI LUS DKYIL RKYANG PAR DBANG BSKUR BA'I DBANG DU MDZAD DO, ,DE'I PHYIR LUGS GSUM PAS RANG NYID KYIS LUS DKYIL BSGOMS PA'I HE RU KA LAS CHA GNYIS PAR BYE NAS BDAG 'JUG LEN PAR BZHED PA LEGS SHING, GZHAN LA DBANG BSKUR BA NA BDAG 'JUG ZIN PA DANG SLAR YANG HE RU KA DANG DBYER MED DU BYAS LA SLOB MA LA DBANG BSKUR TE, DPER NA PHYI DKYIL DU DBANG BSKUR BA NA BDAG MDUN THA MI DAD DU BSGRUBS PA YIN NA BDAG 'JUG GI DUS SU GTZO BO LAS CHA GNYIS PAR BYE NAS BYED CING, GZHAN LA DBANG BSKUR BA'I TSE RANG DANG DKYIL 'KHOR GYI GTZO BO GNYIS DBYER MED DU BYED PA BZHIN NO, ,DE LTAR BDAG 'JUG BYAS PA'I MTHAR, CHOS RNAMS GZUGS BRNYAN LTA BU STE, ,DAG CING GSAL LA RNYOG PA MED, ,BZUNG DU MED CING BRJOD DU MED, ,RGYU DANG LAS LAS KUN TU 'BYUNG, ,DE BZHIN NYID LAS NGES PAR SKYE, ,BDEN PA 'DI YIS DKYIL 'KHOR DU, ,GZUGS BRNYAN GSAL BAR SLOB MA RNAMS, ,KUN GYIS DRI MED MTHONG BAR SHOG ,CES LAN GSUM BRJOD DO, ,DE NAS LEGS PAR BRTAGS PA'I SLOB MA MTSAN NYID DANG LDAN PA RNAMS KHRUS BYAS PHYAG 'TSAL GDAN LA 'KHOD DE MAndAL PHUL THAL MO SNYING KHAR SBYAR BA DANG BCAS PAS ME TOG BZUNG LA, DGA' CHEN KHYOD BDAG STON PA BAS, ,SLOB DPON KHYED NI DGONGS SU GSOL, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,
DAM TSIG DE NYID STZAL DU GSOL, ,SDOM PA RNAMS KYANG BDAG LA STZOL, ,THAR PA CHEN PO'I GRONG MCHOG TU, ,MGON PO BDAG NI 'JUG PAR 'TSAL, ,ZHES GSOL BA LAN GSUM GDAB BO, ,DE NAS BLA MAS SNGAR BSHAD PA BZHIN DKYIL 'KHOR DENG DBANG SPYI'I RNAM GZHAG DANG, KHYAD PAR DU LUS DKYIL DANG DE'I DBANG KHYAD PAR DU 'PHAGS PA'I TSUL RNAMS SLOB MA LA BSHAD LA, LAS THAMS CAD PA BZLAS PA'I DAR DMAR PO'AM SER POS, AOm TZAKshU BANDHA BA RA MA NA YA H'Um, ZHES PAS MIG DAR BCING, A'A: KHA B'A RAm H'Um GIS ME TOG GI PHRENG BA 'DZIN DU GZHUG ,LAS THAMS CAD PA'I BUM CHUS BSANG, SLOB MA GTZO BOR GSAL BA'I GNAS GSUM DU NYI MA DANG ZLA BA'I GDAN LA H'Um SNGON PO, A'A: DMAR PO, AOm DKAR PO BKOD DE DE'I LUS NGAG YID GSUM BYIN GYIS BRLAB, BLA MAS BU KHYED SU YIN CI LA DGA' ZHES DRI, SKAL BZANG BDAG BDE BA CHEN PO LA'O, ,DE YIS BU LA CI ZHIG BYA, SANGS RGYAS MCHOG GI DAM TSIG BGYI 'TSAL ZHES LAN BTAB PAS RIGS DANG MOS PA SHES PAR BYA, THAL MO SBYAR RKANG BA MNYAM PAR 'DUG PA LA, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES LAN GSUM RJES ZLOS BYED DU GZHUG LA SEMS BSKYED, DE NAS SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA BYANG CHUB SEMS KUN RDZOB PA DRAN PAR BYAS LA, DE NYID SNYING KHAR ZLA BA'I DKYIL 'KHOR YONGS SU RDZOGS PA'I RNAM PAR SGOM, CHOS THAMS CAD RANG BZHIN MED PA'I STONG PA NYID DANG RANG
, ,GI SEMS RO GCIG TU GYUR PAR MOS PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PAR BSKYED DE, AOm SARBA YO GA TZITTAm AUTPA TA Y'A MI, ZHES BRJOD DU GZHUG LA THAMS CAD RNAL 'BYOR GYI SEMS BSKYED, DES NI LAM GZHAN DU MI LDOG PAR RIGS NGES PAR BYED DO, ,DE NAS RDO RJE ME TOG DANG BCAS PA SNYING KHAR BZUNG LA, AOm SU RA TE SA MA YA STAm HO: SIDDHYA BADZRA YA TH'A SU KHAm, DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYIS, KHYED KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI DKYIL 'KHOR DU MA ZHUGS PA RNAMS LA SMRA BAR MI BYA ZHING MA DAD PA RNAMS LA'ANG MA YIN NO, ,ZHES BRJOD DE GSANG BAR GDAMS, RDO RJE LA LAG PA GNYIS KYIS 'JUS TE, H'Um DZA: H'Um ZHES BRJOD DE BLA MA'I LUS RTEN GYI DKYIL 'KHOR DU BSKYED PA'I SHAR SGOR 'DUG PAR BSAM, DE NAS BLA MA DANG LHA LA SKYABS SU 'GRO BA'I BSAM PAS, SANGS RGYAS KUN GYI RANG BZHIN SKU, ,SLOB DPON LA NI SKYABS SU MCHI, ,DPA' BO RNAL 'BYOR MA 'KHOR LO, ,RNAL 'BYOR GNAS LA BDAG PHYAG 'TSAL, ,DON DAM SMRA BA'I SENG GE RNAL 'BYOR ZHES BYA BA, ,NYON MONGS GCOD PA'I DON LA SHIN TU MKHAS GYUR PA, ,SRID PA'I NYES BRGYA BSKYED RTZA NYON MONGS CHOD MDZOD LA, ,RNAL 'BYOR DON DAM RGYAL PO DE NYID GRUB PAR MDZOD, ,CES GSOL BA GDAB BO, ,DE NAS BLA MAS PHYI'I HE RU KA'I NGA RGYAL 'DZIN PAS, NANG LUS DKYIL GYI LHA LA SLOB MA GZHUG PA'I DON DU, DE BZHIN GSHEGS PA KUN GYI GNAS, ,HE RU KA DPAL GRONG KHYER
MCHOG ,SNYING PO'I DKYIL 'KHOR 'DI RU NI, ,BDAG GIS SLOB MA GZHUG PAR BGYI, ZHES GSOL BA BTAB PAS LHAS GNANG BA BYIN PAR BSGOMS LA, SLOB MA LA, GONG NAS GONG GI SDOM PA NI, ,BU KHYOD KYIS NI BSRUNG BYA STE, ,GROL BA'I RGYU NI DE LAS GZHAN, , THABS NI CI YANG YOD MA YIN, ,ZHES SDOM PA 'DZIN PAR GDAMS NAS, SLOB MAS RIGS LNGA SPYI DANG BYE BRAG GI SDOM PA THAMS CAD GZUNG BAR BYA'O SNYAM DU BSAMS LA BLA MA'I RJES ZLOS BYA STE, SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,BDAG MING 'DI ZHES BYA BA NI, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR BRTAN POR BDAG GIS GZUNG, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS BDAG GIS GZUNG, ,RDO RJE RIGS MCHOG CHEN PO YI, ,RDO RJE DRIL BU PHYAG RGYA YANG, ,YANG DAG NYID DU GZUNG BAR BGYI, ,SLOB DPON DAG KYANG GZUNG BAR BGYI, ,RIN CHEN RIGS MCHOG CHEN PO YI, , DAM TSIG YID DU 'ONG BA LA, ,NYIN RE BZHIN NI DUS DRUG TU, ,SBYIN PA RNAM BZHI RTAG TU SPYIN, ,BYANG CHUB CHEN PO LAS BYUNG BA'I, ,PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM CHOS SO SOR GZUNG BAR BGYI, ,LAS KYI RIGS
, ,MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU SO SOR GZUNG, ,MCHOD PA'I LAS NI CI NUS BGYI, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SEMS CAN KUN GYI DON GYI PHYIR, , BDAG GIS SDOM PA MA LUS GZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS DGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,CES LAN GSUM BRJOD DU GZHUG LA RIGS LNGA'I SDOM PA GZUNG, SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,THEG PA GSUM PO THAMS CAD DANG, ,RNAL 'BYOR GSANG SNGAGS MKHA' 'GRO MA, ,DPA' BO DPA' MO DBANG LHA MO, ,BYANG CHUB SEMS DPA' BDAG NYID CHE, , KHYAD PAR DU YANG SLOB DPON LA, ,RTAG TU BDAG NI SKYABS SU MCHI, ,HE RU KA DPAL SOGS DPA' BO, ,RNAL 'BYOR MA DANG SNANG MDZAD SOGS, ,BYANG CHUB SEMS DPA' DPAG MED PA, ,THAMS CAD BDAG LA DGONGS SU GSOL, ,CHE GE DUS 'DI NAS BZUNG STE, ,JI SRID GNYIS MED LA GNAS PAR, ,DE YI TSANGS SPYOD GNYIS MED PA, ,NYI SHU RTZA GNYIS LEGS PAR SRUNG, ZHES PAS RTZA LTUNG BCU BZHI DANG YAN LAG GI NYES PA BRGYAD KYI BCAS PA DAM TSIG NYI SHU RTZA GNYIS GZUNG NGO, ,DE NAS BYIN GYIS BRLAB PA'I SNGON 'GROR SBYANG BA BYA BA LA, GTOR MA AA K'A RES BYIN GYIS BRLABS LA, AOm SARBBA BIGHNAN NA MA: SARBA TA TH'A GA TE BHYO BI SHVA MU KHE BHYA: SARBA TAD KHAm AUNGGA TE SPA RA nA AI MAm GA GA NA KHAm, GRIHNA DAm AI DI PA LIm TA YE SV'AH'A, ZHES BRJOD DE GTOR
MAS SLOB MA LA PHYIR LA BSKOR, TING LO'I MAR ME DANG CHANGS BUS KYANG PHYIR LA BSKOR ZHING ZHAL BZHI BA'I SNGAGS BZLAS, CHE GE MO LUS KYI DKYIL 'KHOR DU 'JUG PAR BYED PA LA BAR DU GCOD PA'I BGEGS KYI TSOGS THAMS CAD MCHOD SBYIN GYI GTOR MA 'DIS TSIM PAR GYIS LA GNOD PA DANG GDUG PA'I SEMS ZHI ZHING ZHI BA DANG PHAN PA'I SEMS DANG LDAN PAS RANG RANG SO SO'I GNAS SU SONG ZHIG ,CES BRJOD LA ZHAL BZHI PA'I SNGAGS BZLAS GU GUL GYI DUD PAS BDUG ,YUNGS KAR GYIS BRABS TE BGEGS SBYANG BA'I, ,DE NAS SLOB MA'I SDIG SGRIB THAMS CAD SNYING KHAR BAm NAG PO'I RNAM PAR GYUR PA SNA SGO NAS 'THON NAS SDIG PA RVA CAN GYI RNAM PAR GYUR TE TIL LA THIM PAR BSAM, ME BSANGS TE YE SHES KYI MER BSKYED PA'I NANG DU RDO RJE MKHA' 'GRO RDO RJE DANG DRIL BU 'DZIN PA ZHAL GDANGS PA BSKYED NAS DE'I ZHAL DU PHUL BAS GSOL BAR BSAM ZHING, AOm BADZRA d'A KA KHA KHA, KH'A HI KH'A HI, SARBBA P'A BAm DA HA NA BHASMI KU RU SV'AH'A, ZHES BRJOD CANG LAG PA GA-YAS GA-YON GYIS TIL GZUNG STE GA-YAS DANG GA-YON DU BSKOR NAS GA-YAS KYIS ME NANG GI KHRO BO'I ZHAL DANG, GA-YON DU RGYA MTSO CHEN PO'I CHU BOR DOR BAR BSAMS LA ME DANG CHUR DOR BAR BYA STE SDIG PA SBYANG BA'O, ,ME NANG DU RDO RJE MKHA' 'GRO BSKYED PA DANG MI BSKYED PA GNYIS YOD KYANG BSKYED PA SNGAGS DON DANG MTHUN NO, ,DE NAS LAS THAMS CAD PA'I SNGAGS BZLA ZHING, JI LTAR BLTAMS PA SOGS KYI TSIGS BCAD DANG SNGAGS BRJOD LA LAS BUM GYI CHUS KHRUS BYA STE DRI MA SBYANG BA'O, ,BYIN GYIS BRLAB PA DNGOS NI, SVA BHA BA'I SNGAGS KYIS
, ,STONG PAR SBYANGS LA, SLOB MA RNAMS SNA TSOGS PAD NYI'I GDAN LA BDE MCHOG ZHAL BZHI PHYAG BCU GNYIS PA YUM DANG BCAS PA RER SGOM DU BCUG LA NANG LUS DKYIL DANG BCAS PA BSKYED, GO CHA BGO ,YE SHES PA GZHUG PA'I DUS SU SNYING KHA'I SA BON GYI 'OD ZER GYIS SANGS RGYAS BYANG SEMS THAMS CAD LHA SO BDUN GYI RNAM PAR SPYAN DRANGS A'A LI K'A LI LNGA BCUR GYUR TE, DE YANG LUS KYI STOD LA NAG PO, BAR LA DMAR PO, SMAD LA DKAR PO'I RNAM PAS ZHUGS NAS SNYING GAR THIM PAR BSAM MO, ,CHO GA 'DI, DE NAS SLOB MA BDAG 'DRAR BSAM, ZHES PA'I DON MIN TE RGYUD RDO RJE PHRENG BA LAS KYANG DE LTAR 'BYUNG YANG 'DI DANG 'DI'I DOD GANG YANG MA BYUNG BAS SO, ,DES NA DE'I DON NI SNGAR BSHAD PA LTAR SLOB MA GTZO BOR BSKYED PA YIN LA, 'DI BLA MA GONG MA'I PHYAG BZHES SU SNANG ZHING DE YANG DKYIL 'KHOR DU 'JUG PA DNGOS GZHI'I DOD YIN PAS, SLOB MA DANG LHA RNAMS SKAL BA MNYAM PAR BYAD PAR BSHAD PA LTAR LEGS SO, ,DE NAS DAM LA BZHAG PA LA, DENG KHYOD DE BZHIN GSHEGS PA THAMS CAD KYI RIGS SU ZHUGS KYIS, DES NA NGAS KHYOD LA RDO RJE YE SHES BSKYED PAR BYA STE, YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR 'GYUR NA DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE KHYOD DAM TSIG NYAMS PAR GYUR TER, ? ZHES BRJOD DE PHAN YON GYI SGO NAS DAM LA BZHAG PA'O, ,'DI'I DUS SU SLOB MA'I LAG PA NAS BZUNG NAS BYED PA LVA BA PA DANG
MI THUB ZLA BAS BSHAD LA, BOD KYI BLA MA RNAMS MGO BOR RDO RJE BZHAG STE BYED DO, ,DE NAS MGO BOR RDO RJE BZUNG NAS DRIL BU DKROL ZHING, KHYOD KYI DAM TSIG RDO RJE 'DI, ,GAL TE KHYOD KYIS 'GA' ZHIG LA, ,'DI SMRAS NA NI MGO BO 'GEMS ZHES BRJOD DO, , SNYING GAR RDO RJE BZUNG LA, HE RU KA DPAL DENG KHYOD KYI, ,SNYING LA YANG DAG ZHUGS PAR GYUR, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES BRJOD DE DAM TSIG MA BSRUNGS PA'I NYES DMIGS KYI SGO NAS DAM LA BZHAG PA'O, ,THOD PAR GNAS PA'I BDUD RTZI LNGA LA YI GE 'BRU GSUM GYIS BYIN GYIS BRLABS TE MTHE BONG DANG MING MED KYIS THOD PA NAS BZUNG STE SBYIN ZHING, 'DI NI BU KHYOD BDUD RTZI STE, ,MA BSRUNGS SREG PAR BYED PA'I DUG ,BSRUNGS NA DNGOS GRUB 'GYUR BA STE, ,BDUD RTZI LNGA YI CHUS 'GRUB PA'O, ,AOm PANYTZA AA MRi TA AU DA KA thA: thA: thA: ZHES BRJOD DE DAM TSIG BSRUNGS MA BSRUNGS KYI PHAN YON DANG NYES DMIGS GNYIS KA'I SGO NAS DAM LA BZHAG PA'O, ,DE NAS KHYOD KYIS SMAD PAR MI BYA ZHING, ,DAM TSIG 'GAL BAR MI BYA STE, ,DMYAL LA SOGS PAR 'GRO 'GYUR RO, ,DENG NAS BRTZAMS NAS KHYOD KYI PHYAG NA RDO RJE NGA YIN GYIS, NGAS 'OD KYIS SHIG CES GANG BSGO BA DE KHYOD KYIS BYA DGOS SO, ,KHYOD KYIS NGA LA BRNYAS PAR YANG MI BYA STE, YA NGA BA MA SPANGS PAR 'CHI BA'I DUS BYAS NAS DMYAL BAR LTUNG BAR GYUR TA RE, ZHES BRJOD DE BLA MA'I BKA' NYAN PA'I SGO NAS DAM LA BZHAG PA'O, ,'DI BRJOD PA'I DUS SU SLOB MA'I LAG PA NAS BZUNG NAS BYED PAR KLU BYANG GIS GSUNGS SO, ,DE NAS YE SHES DBAB PA'I DON DU GSOL BA GDAB PA NI SLOB MAS, DPA' BO
, ,DANG RNAL 'BYOR MA THAMS CAD KYIS BYIN GYIS RLOBS SHIG ,DPAL HE RU KA BDAG LA DBANG BAR MDZOD CIG CES GSOL BA GDAB, BLA MA BDE MCHOG GI GZUGS CAN GA-YAS BRKYANG DU GNAS PAS, SLOB MA YANG DE LTAR GNAS SHING THAL MO SNYING KHAR SBYAR BA'I RKANG PA'I 'OG TU YAm LAS RLUNG DKYIL SNGON PO GZHU LTA BU GA-YO BA'I BDAN GNYIS KYIS MTSAN PA, RKANG MTHIL DU DZHEE: DMAR BA RE RE, LTE BAR RAm LAS ME DKYIL DMAR PO GRU GSUM RAS MTSAN PA, SNYING KHAR LAm LAS SA DKYIL SER PO GRU BZHI ZUR BZHIR RDO RJE RTZE GSUM PAS MTSAN PA, SPYI BOR BAm LAS CHU DKYIL DKAR PO ZLUM PO BUM PAS MTSAN PA, SNYING GI NANG DU HE RU KA YAB YUM MTSON GANG PA CIG BSAM, DE NAS BLA MA'I THUGS KA NAS 'OD ZER 'PHROS PAS RLUNG LA PHOG ,DZHEE: YIG GNYIS 'OG GI RLUNG GIS BSKYONG PAS RKANG MTHIL GYI BU GA NAS ZHUGS PA LTE BA'I BAR DU BUS PAS DE'I ME DANG PHRAD NAS GYEN DU 'BAR BAS SNYING KHA'I SA BSREGS SHING SPYI BO'I CHU BSKOL BA LAS BDUD RTZI 'DZAGS PAS TSIM ZHING 'OG GI RLUNG GIS BAR SNANG LA BTEG PAR BSAM, DE'I TSE SNYING GA'I NANG GI HE RU KA YAB YUM MTSON GANG PA GLOG 'KHYUG PA LTAR GAR BYED CING, YAB YUM GYI GSANG GNAS BSKYOD PAS 'OD ZER DMAR POS LUS KUN GANG BAR BSAM MO, ,DE NAS BLA MA'I THUGS KA'I H'Um GI 'OD ZER GYIS SANGS RGYAS BYANG SEMS DANG DPA' BO DANG RNAL 'BYOR MA THAMS CAD 'KHOR LO BDE MCHOG GI LHA'I RNAM PAR SPYAN DRANGS, RANG GI LUS LA CHAR CHEN PO BAB PA BZHIN DU BA SPU'I SGO THAMS CAD NAS ZHUGS SHING GNYIS SU MED PAR THIM PAR BSAM ZHING, GA-YON
GYIS DRIL BU DKROL ZHING GA-YAS PAS BDUG PAS BDUGS NAS SNGAGS BRJID BAG DANG BCAS PAS BRJOD DE DBAB BO, ,SNGAGS NI YAB YUM GNYIS KYI SNYING PO GNYIS KYI MTHAR, AOm TIshthA MAH'A KRO DHA A'A PE SHA YA H'Um SHR'I HE RU K'A YA BIDMA HE BIDY'A R'A DZA YA DHI MA HE SV'AH'A, ZHES PA STE 'DIS DPA' BO BSKUL BAR BYA'O, ,BDUG PA'I RDZAS NI BUD MED KYI 'DOMS BKRIS ZLA MTSAN GYIS GOS PA GTUBS PA LA SHA LNGA DANG BDUD RTZI LNGA DANG BYI LA'I BRUN GYIS BYUG CING GU GUL DANG BSRES PA'O, ,BDUG PA'I TSUL NI THOD PHOR DU BZHAG PA'I RI SOL GYI ME LA BSREGS NAS BDUG GO ,'DIR DBANG CHOG LAS, RKANG PA GA-YON BRKYANG LA GNAS PAS, ,'KHOR LO GSUM BDAG KHRO BO 'BABS, ,ZHES GA-YON BRKYANG DU BSHAD PA NI 'GYUR NOR BA STE RGYUD RDOR PHRENG LAS, KHRO BO RDO RJE GSUM BDAG NYID, ,GA-YAS BRKYANG BA YI GNAS PAS GNAS, ZHES GSUNGS PA'I PHYIR DANG, MNGON BRJOD 'BUM PA LA BRTEN NAS BDE MCHOG GI YE SHES 'BEBS PA LA DKYIL CHOG RDO RJE PHRENG BAR YANG DPON SLOB GNYIS KA BDE MCHOG GA-YAS BRKYANG DU GNAS PAR BSHAD CING, 'DIR GA-YON BRGYANG DMIGS BSAL LA YANG 'ONG DON MED PA'I PHYIR RO, ,YE SHES 'BEBS PA LA SNYING KHAR HE RU KA BSGOm PA GZHUNG GZHAN NAS MA BSHAD KYANG, THOD PA'I DKYIL CHOG LAS MA PHEBS PA'I SPOGS CHOG LA SNYING KHAR SANGS RGYAS THOD PA YAB YUM YUNGS KAR TZAM ZHIG BSGOMS LA, DE'I MKHA' GSANG BSKYOD PAS 'OD ZER DMAR POS LUS KUN GANG BAR BSAMS LA, SNGAGS BTON NAS DBAB PAR BSHAD PA DANG MTHUN NO, ,SLOB MA'I MGO BOR RDO RJE BZHAG LA, AOm TIshthA BADZRA ZHES BRJOD DE BABS
, ,PA BRTAN PAR BYA'O, ,SLOB MAS ME TOG GI PHRENG BA BLA MA'I THUGS KA'I HE RU KA LA PHUL BAR BSAMS LA, PRA T'I TZTSA BADZRA ZHES BRJOD DE BLA MA'I PHYAG TU DBUL, BLA MAS ME TOG GI PHRENG BA DE, AOm PRA TI GRIHNA STVAm, AI MAm SATVA MAH'A B'A LA ZHES BRJOD DE SLOB MA'I MGO BO LA BCING, DE NI SEMS DPA' STOBS PO CHE ZHES ME TOG PHOG PA'I LHA LA BOS NAS, SLOB MA 'DI BYANG CHUB MA THOB KYI BAR DU RJES SU ZUNGS SHIG CES LHA LA SLOB MA GTAD PAS, LHA DES DE'I BAR DU RJES SU 'DZIN PA'I THABS ZAB MO'O, ,DE NAS SLOB MA'I SNYING KHAR NYI MA LA H'Um, DPRAL BAR RAm, MIG GNYIS LA AOm RE RE BSAMS LA, H'Um GIS BSKUL, RAm GYIS SDIG SGRIB BSREGS, AOm GYIS 'OD GSAL BAR BYAS NAS MA RIG PA'I SGRIB GA-YOGS DANG MIG DAR LHAN CIG BSAL BAR BSAMS LA, HE RU KA DPAL DENG KHYOD KYI, ,MIG 'BYED PAR NI BRTZON PAR MDZAD, ,PHYE BAS THAMS CAD MTHONG 'GYUR BA'I, ,RDO RJE'I MIG NI BLA NA MED, ,AOm BADZRA NEE TRA AA PA HA RA PHAGS LAm HR'I: ZHES BRJOD LA GDONG GA-YOGS DBYE'O, ,DE NAS SLOB DPON GYI LUS KYI DKYIL 'KHOR BSTAN PAR BYA STE, RANG BZHIN GYIS NI DAG PA'I BDAG ,LUS NI RANG BZHIN DRI MA MED, ,DPA' DANG DPA' MO DBANG MO'I GNAS, ,DKYIL 'KHOR LA NI BU KHYOD LTOS, ,DE NAS GNAS DANG NYE GNAS SOGS, ,BDAG NYID DKYIL 'KHOR LUS DKYIL 'KHOR, ,LA GNAS BYANG CHUB PHYOGS KYI CHOS, ,SUM CU RTZA BDUN RANG BZHIN TE, ,RTZA NI SUM CU RTZA BDUN PO, ,LHA YI 'KHOR LO DKYIL 'KHOR PA, ,DPAL NI HE RU KA YI NI, ,YAN LAG YAN LAG NYER BSTAN BYA, ,ZHES BRJOD LA SLOB DPON GYI LUS KYI DKYIL 'KHOR GNAS LA SOGS PA BCU'I BDAG
NYID KYI RTZA DANG KHAMS RNAMS BYANG PHYOGS SO BDUN GYI NGO BO'I LHA SO BDUN DU BSGRUBS PA'I BRTEN PA'I DKYIL 'KHOR DANG, LUS 'DOM GANG GRU BZHI LA SOGS PA SGRUB THABS SU BSHAD PA LTAR RTEN GYI DKYIL 'KHOR BLO'I YUL DU BSTAN PAR BYA STE, DKYIL 'KHOR DU GZHUG PA'I SKOR GYI CHO GA'O, ,DE NAS LUS KUN NAS 'DUD PA'I PHYAG DANG MAndAL BYAS LA, CHOS BDEN BDAG NYID BSAM MI KHYAB, ,BDAG LA DBANG NI BSKUR BAR MDZOD, ,CES LAN GSUM GSOL BA GDAB, BUM PA SO SO BA YOD NA RNAM RGYAL LA SOGS PA'I BUM PA'I CHU RNAMS BSDUS NAS PADMA'I SNOD CES PA THOD PAR BZHAG ,MED NA MI DGOS SO, ,SLOB MA DANG DBANG RDZAS KYI CHU LAS BUM GYI CHUS BSANG, SVA BH'A WAS STONG PAR SBYANG, STONG PA'I NGANG LAS PAD NYI'I STENG DU H'Um LAS RDO RJE H'Um GIS MTSAN PA LAS SLOB MA DANG DBANG RDZAS KYI CHU MI BSKYOD PA SNGON PO ZHAL GCIG PHYAG GNYIS PA'I GA-YAS RDO RJE GA-YON DRIL BU 'DZIN PAS YUM LA 'KHYUD PA, YUM M'A MA K'I SNGON MO RANG DANG 'DRA BAS YAB LA 'KHYUD PA, YAB LA PHYAG RGYA DRUG DANG, YUM LA PHYAG RGYA LNGAS BRGYAN CING YAB RDO RJE'I SKYIL KRUNG DU BZHUGS PAR BSKYED LA, GNAS GSUM DU YI GE GSUM BKOD DE BYIN GYIS BRLAB, RANG GI THUGS KA'I SA BON GYI 'OD ZER GYIS BSKYED PA DANG 'DRA BA'I YE SHES PA SPYAN DRANGS TE, DZA: H'Um BAm HO: ZHES PAS DGUG GZHUG BCING MNYES BYA, DBANG LHA SPYAN DANGS LA DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DBANG RDZAS KYI LHA LA BUM PA'I CHUS SPYI BO NAS DBANG BSKUR TE MI BSKYOD
, ,PAS DBU BRGYAN, YAB YUM SNYOMS PAR ZHUGS PAS BDE BA CHEN PO'I BYANG CHUB KYI SEMS KYI RANG BZHIN DU ZHU BA'I BUM PA'I CHUR BSAM MO, ,'DIR KHA CIG BUM CHU MI BSKYOD PAR MI BSKYED PAR BUM PA MI BSKYOD PAR BSKYED PA ZHU BA LAS BUM CHUR BYED PA NI SHIN TU RAGS PA LA 'KHRUL BA'O, ,DE NAS RANG GI SNYING KHA'I SA BON GYI 'OD ZER GYIS LHA DRUG CU RTZA GNYIS KYI DKYIL 'KHOR 'KHOR DANG BCAS PA NAM MKHAR SPYAN DRANGS LA MCHOD DE, RDO RJE CAN GYIS SANGS RGYAS LA, ,'GRO BA BSKYAB PA'I CHED DU DBANG, ,YON TAN 'BYUNG GNAS JI LTAR STZAL, ,DE LTAR 'DI LA STZAL DU GSOL, ZHES SLOB MA LA CHU DBANG BSKUR BA'I DON DU GSOL BA BTAB PAS, SGO MTSAMS MA BRGYAD KYIS BGEGS BSKRAD, DPA' BO RNAMS KYIS SHIS PA BRJOD, DPA' MO RNAMS KYIS RDO RJE'I GLU LEN, GZUGS RDO RJE MA LA SOGS PAS MCHOD, GTZO BOS DBANG BSKUR BA'I DGONGS PA MDZAD, YUM BZHI PHAG MO DANG BCAS PAS RIN PO CHE'I BUM PA BDUD RTZI LNGAS BKANG BA BZUNG NAS SPYI BO NAS DBANG BSKUR BAR BSAM STE, SO SO'I THUN MONG MA YIN PA'I KHYAD PAR RNAMS MA GTOGS PA COD PAN LA SOGS PA DBANG LHAG MA RNAMS LA'ANG DE LTAR BYA'O, ,DE NAS SLOB DPON DANG LAS KYI RDO RJES DBANG GI BUM PA THOGS NAS, BKRA SHIS GANG ZHIG CHOS KYI DBYINGS LAS NGES 'BYUNG BA, ,HE RU KA DPAL 'JIGS BYED RGYAL PO 'BAR BA'I SKU, ,SHES RAB PHAG MO'I PADMAR RDO RJES ROL MDZAD PA'I, ,BDEN PA DES KYANG BDE MCHOG LA GNAS BKRA SHIS SHOG ,CES BRJOD DE SLOB MA LA SHIS BRJOD BYA'O, ,DE NAS SLOB DPON GYIS,
DBANG BSKUR RDO RJE CHEN PO NI, ,KHAMS GSUM KUN GYIS PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA SBYIN PAR BYA, ,AOm TZAKRA B'I RA STVAm AA BHI shINYTZA MI, ZHES BRJOD DE BUM PA'I CHUS SPYI BO NAS DBANG BSKUR ZHING 'THUNG DU'ANG GZHUG GO ,SNGAGS SNGA MA'I MJUG TU SGO MTSAMS MA BRGYAD KYI SNGAGS 'DON PAR BZHED PA YOD DE BSHAD PA GSAL BAR MI SNANG NGO, ,DE LTAR DBANG BSKUR BAS LUS BDUD RTZI'I CHU RGYUN GYIS GANG ZHING BDE BA CHEN PO'I BDAG NYID DU GYUR, DRI MA DAG SPYI BO NAS ZHUGS PA'I CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM STE PHYI'I DBANG NGO, ,DE NAS RANG GTZO BOR GSAL BA'I THUGS KA'I H'Um YIG LAS 'OD ZER 'PHROS PAS, DBANG GI LHA THAMS CAD MI BSKYOD PA YAB YUM GYI RNAM PAR SPYAN DRANGS LA SLOB MA'I BA SPU'I SGO THAMS CAD NAS NANG DU ZHUGS PAS MI BSKYOD PA'I NGO BOR BSAMS LA MCHOD YON DANG ME TOG LA SOGS PAS MCHOD LA, DBANG GI DAG PA SBYIN PA NI, KHYED KYIS MI BSKYOD PA CHU'I DBANG THOB, ZHE SDANG GI DRI MA SBYANGS, RNAM SHES KYI PHUNG PO GNAS BSGYUR, CHOS KYI DBYINGS KYI YE SHES MNGON DU BYAS, MI BSKYOD PA DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED DE, ,BUM DBANG BCU GCIG GI DANG PO CHU'I DBANG NGO, ,DE NAS DBANG LHA SPYAN DRANG BA SOGS SNGAR BZHIN BYAS LA SLOB MA DANG BRIS PA SOGS KYI DBU RGYAN BSANG SBYANGS TE, STONG PA'I NGANG LAS PAD NYI'I STENG DU AAm LAS RIN PO CHE AAm GIS MTSAN PA LAS SLOB MA DANG DBU RGYAN RDO RJE NYI MA STE RIN 'BYUNG SER PO ZHAL
, ,GCIG PHYAG GNYIS KYI GA-YAS RIN PO CHE DANG GA-YON DRIL BU 'DZIN PAS RANG DANG 'DRA BA'I RIN CHEN SGROL MA LA 'KHYUD PAR BSKYED PA SOGS SNGAR BZHIN BYAS TE, RIN 'BYUNG ZHU BA LAS BYUNG BA'I DBU RGYAN DU GYUR PAR BSAMS LA, BLA MAS DBU RGYAN SLOB MA'I SPYI BOR BKOD DE, YUM GYI NYE SNYING DANG 'KHOR LO THAMS CAD KYI DPA' BO DANG DPA' MO'I SNGAGS BRJOD DO, ,'DIR DBANG CHOG LAS, DE BZHIN DU SNGAGS GZHAN YANG BRJOD DE, ZHES GSUNGS PA'I DON NI NAG PO PA'I DKYIL CHOG LAS, 'KHOR LO THAMS CAD KYI DPA' BO LA SOGS PA'I SNGAGS BRJOD DE, ZHES GSUNGS PA DANG MTHUN PAR BYA BAR BZHED PA LEGS PAS DE LTAR BRJOD LA, JI LTAR BLTAMS PA SOGS DANG, AOm SARBA TATH'A GA TA SOGS BRJOD LA BUM PA'I CHUS KYANG DBANG BSKUR, RIN 'BYUNG GIS DBU BRGYAN PAR BSAM STE PHYI'I DBANG NGO, ,DE NAS RANG GTZO BOR GSAL BA'I THUGS KA'I H'Um YIG LAS 'OD ZER 'PHROS PAS, DBANG GI LHA THAMS CAD RIN 'BYUNG YAB YUM GYI RNAM PAR SPYAN DRANGS LA SLOB MA'I BA SPU'I SGO THAMS CAD NAS NANG DU ZHUGS PAS RIN 'BYUNG GI NGO BOR BSAMS LA MCHOD YON DANG ME TOG SOGS KYIS MCHOD LA, DBANG GI DAG PA SBYIN PA NI, KHYOD KYIS RIN 'BYUNG COD PAN GYI DBANG THOB, NGA RGYAL DANG SER SNA SBYANGS, TSOR BA'I PHUNG PO GNAS BSGYUR, MNYAM PA NYID KYI YE SHES MNGON DU BYAS, RIN 'BYUNG DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED DO, ,BUM DBANG BCU GCIG GI GNYIS PA COD PAN GYI DBANG NGO, ,DE NAS THUN MONG BA RNAMS SNGAR BZHIN BYAS LA SLOB MA DANG RDO RJE BSANG SBYANGS TE, PAD NYI'I
STENG DU DZRI LAS PADMA DZRIm GYIS MTSAN PA LAS SLOB MA DANG DBANG RDZAS 'OD DPAG MED DMAR PO ZHAL GCIG PHYAG GNYIS KYI GA-YAS PADMA DANG GA-YON DRIL BU 'DZIN PAS GOS DKAR MO RANG DANG 'DRA BA LA 'KHYUD PAR BSKYED PA SOGS SNGAR BZHIN BYAS TE, 'OD DPAG MED ZHU BA LAS BYUNG BA'I RDO RJER GYUR PA'I RDO RJE SLOB DPON GYI LAG PA GA-YAS KYIS BZUNG NAS, AA DHI PA TI STVAm, AA BHI shE KA TA TVA MA SI BI RE: SHR'I HE RU K'A D'I BHI: AE TTA TTA DA, SARBA BUDDH'A STVAm, GRIHnA BADZRA SU SIDDHA YE, ZHES SAM, YANG NA BOD SKAD DU BSGYUR BA'I, HE RU KA DPAL DPA' SOGS KYIS, ,DENG KHYOD BDAG POR DBANG BSKUR 'GYUR, ,'DI DE SANGS RGYAS THAMS CAD NYID, ,RAB TU GRUB PHYIR RDO RJE ZUNGS, ,ZHES BRJOD CING SNYING GA DANG MGRIN PA DANG DPRAL BAR GTUGS TE LAG PA GA-YAS SU SBYIN, CHUS KYANG DBANG BSKUR, 'OD DPAG MED KYIS DBU BRGYAN PAR BSAM STE PHYI'I DBANG NGO, ,'DIR SNANG MTHA'I SA BON LA DBANG CHOG GI DPE LA DZNYIm ZHES DANG DZRAm ZHES 'BYUNG BA GNYIS KA MA DAG PAS, HR'I: LAS BSKYED CES KHA CIG ZER MOD KYANG, DZRIm ZHES MA DAG PA MIN TE DBANG CHOG LAS, H'Um, Am, DZRIm, KHAm, BHRUm, RNAMS RIGS LNGA'I SA BON DU GSUNGS PA BZHIN GZHUNG KHUNGS THUB DU MA LAS KYANG 'BYUNG BA'I PHYIR RO, ,DES NA HR'I: DANG DZRIm GNYIS KA 'OD DPAG MED KYI SA BON YIN YANG, 'DIR DBANG CHOG LAS DZRIm ZHES 'BYUNG BA LTAR BYA'O, ,RANG GTZO BOR GSAL BA'I THUGS KA'I H'Um YIG LAS 'OD ZER 'PHROS PAS, DBANG GI LHA THAMS CAD 'OD DPAG MED YAB YUM GYI RNAM PAR SPYAN DRANGS LA SLOB MA'I BA SPU'I SGO THAMS CAD NAS NANG DU ZHUGS PA LA 'OD DPAG MED KYI NGO BOR BSAMS LA MCHOD
, ,YON DANG ME TOG SOGS KYIS MCHOD LA, DBANG GI NGAG PA SBYIN PA NI, KHYED KYIS 'OD DPAG MED RDO RJE'I DBANG THOB, 'DOD CHAGS KYI DRI MA SBYANGS, 'DU SHES KYI PHUNG PO GNAS BSGYUR, SO SOR RTOG PA'I YE SHES MNGON DU BYAS, 'OD DPAG MED DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED DO, ,BUM DBANG BCU GCIG GI GSUM PA RDO RJE'I DBANG NGO, ,DE NAS THUN MONG BA RNAMS SNGAR BZHIN BYA, SLOB MA DANG DRIL BU BSANG SBYANGS TE, STONG PA'I NGANG LAS PAD NYE'I STENG DU KHAm LAS RAL GRI KHAm GIS MTSAN PA LAS ,SLOB MA DANG DBANG RDZAS DON GRUB LJANG GU ZHAL GCIG PHYAG GNYIS KYI GA-YAS RAL GRI DANG GA-YON DRIL BU 'DZIN PAS YUM DAM TSIG SGROL MA RANG DANG 'DRA BA LA 'KHYUD PAR BSKYED PA SOGS SNGAR BZHIN BYAS TE, DON GRUB ZHU BA LAS BYUNG BA'I DRIL BU LAG PA GA-YON DU SBYIN ZHING, 'DI NI RNAL 'BYOR MA KUN GYI, ,DRIL BU SGRA KUN RJES 'GROR BSHAD, ,KHYOD KYIS KYANG NI RTAG TU BCANG, ,BYANG CHUB MCHOG TU RGYAL BA BZHED, ,DPA' BO'I LAG TU RDO RJE DRIL, ,BZUNG NGO 'KHOR LO GSUM GYI BDAG ,RANG BZHIN MDZES PAS DGA' BA NI, ,PHYAG RGYA CHEN POR BYIN GYIS BRLAB, ,CES BRJOD DO, ,RDO RJE DRIL ZHES PA NI DRIL BU GCIG PU LA RDO RJE DRIL BU ZHES MANG DU GSUNGS PA LTAR YIN LA, DE LAG TU BZUNG BAR GYIS SHIG ,DE YANG RANG NYID RANG BZHIN GYIS MDZES PA'I LHA'I SKU PHYAG RGYA CHEN POR BYIN GYIS RLOBS LA GYIS SHIG CES PA'I DON TE DE SLOB MA LA GO BAR BYA'O, ,DE NAS CHUS KYANG DBANG BSKUR, DON GRUB KYIS DBU BRGYAN PAR BSAM STE PHYI'I DBANG NGO, ,DE NAS RANG GTZO BOR GSAL BA'I
THUGS KA'I H'Um YIG LAS 'OD ZER 'PHROS PAS, DBANG GI LHA THAMS CAD DON GRUB YAB YUM GYI RNAM PAR SPYAN DRANGS LA SLOB MA'I BA SPU'I SGO THAMS CAD NAS NANG DU ZHUGS PAS DON GRUB KYI NGO BOR BSAMS LA MCHOD YON DANG ME TOG SOGS KYIS MCHOD LA, DBANG GI DAG PA SBYIN PA NI, KHYED KYIS DON GRUB DRIL BU'I DBANG THOB, PHRAG DOG GI DRI MA SBYANGS, 'DU BYED KYI PHUNG BO GNAS BSGYUR, BYA BA SGRUB PA'I YE SHES MNGON DU BYAS, DON GRUB DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED DO, ,BUM DBANG BCU GCIG GI BZHI PA DRIL BU'I DBANG NGO, ,DE NAS THUN MONG BA RNAMS SNGAR BZHIN BYAS LA, SLOB MA BSANG SBYANGS TE, STONG PA'I NGANG LAS PAD ZLA'I STENG DU BHRUm LAS 'KHOR LO BHRUm GYIS MTSAN PA YONGS SU GYUR PA LAS, SLOB MA RNAM SNANG DKAR PO ZHAL GCIG PHYAG GNYIS KYI GA-YAS 'KHOR LO DANG GA-YON DRIL BU 'DZIN PAS YUM RANG DANG 'DRA BA'I SPYAN MA LA 'KHYUD PAR BSKYED, SKU GSUNG THUGS BYIN GYIS BRLAB, YE SHES PA GZHUG ,LAG PA GNYIS RDO RJE DANG DRIL BU 'DZIN PA SLOB MA'I SPYI BOR BZHAG LA, MING GDAGS TE SNGAR PHYI DKYIL DU DBANG BSKUR BA'I DUS KYI MING DE NYID BTAGS PAS CHOG GO ,DE NAS BUM PA'I CHUS KYANG DBANG BSKUR LA RNAM SNANG GIS DBU BRGYAN PAR BSAM STE PHYI'I DBANG NGO, ,DE NAS RANG GTZO BOR GSAL BA'I THUGS KA'I H'Um YIG LAS 'OD ZER 'PHROS PAS, DBANG GI LHA THAMS CAD RNAM SNANG YAB YUM GYI RNAM PAR SPYAN DRANGS LA SLOB MA'I BA SPU'I SGO THAMS CAD NAS NANG DU ZHUGS PAS RNAM SNANG GI NGO BOR BSAMS LA MCHOD YON DANG ME TOG SOGS KYIS
, ,MCHOD LA, DBANG GI DAG PA SBYIN PA NI, KHYED KYIS RNAM PAR SNANG MDZAD MING GI DBANG THOB, GTI MUG GI DRI MA SBYANGS, GZUGS KYI PHUNG PO GNAS BSGYUR, ME LONG LTA BU'I YE SHES MNGON DU BYAS, RNAM SNANG DANG DE'I RIGS KYI DNGOS GRUB SGRUB PA LA DBANG BAR BYAS SO ZHES GO BA BSKYED DO, ,DUM DBANG BCU GCIG GI LNGA PA MING GI DBANG NGO, ,RIG PA'I DBANG LNGA BSKUR BA LA SLOB DPON GYIS GTZO BO'I NGA RGYAL NYID KYIS BYAD PA DANG MI BSKYOD PA SOGS NGA RGYAL SO SOR 'PHO BA GNYIS GSUNGS PAS GNYIS PA'ANG RUNG MOD KYANG, 'DIR DANG PO LTAR BYA, SLOB MA BDE MCHOG RIGS LNGAR BSKYED PA DANG SPYI 'GRO'I RIGS LNGA LTAR BSKYED PA GNYIS LA'ANG GONG MA RNAMS PHYI MA LTAR MDZAD, KHA CIG DBANG CHOG LAS COD PAN GYI SKABS SU RDO RJE NYI MAR GSUNGS PA LA BRTEN NAS RIGS LNGAR BSKYED PA PHUNG BO BYIN RLABS KYI SKABS LTAR BYED MOD KYANG MI LEGS TE, BDE MCHOG LA DE LTAR DGOS PA'I DMIGS GSAL RGYUD DANG RGYA GZHUNG LAS MI 'BYUNG BA DANG, DBANG CHOG LAS KYANG SPYI 'GRO LTAR GSUNGS PAS GONG MA RNAMS KYI PHYAG BZHES LTAR LEGS SO, ,DBANG LNGA RE RE'I MTHAR DBANG LHA SLOB MA LA BSTIM PAR SNGA MA RNAMS KYIS MDZAD PA NI D'A RI KA PA DANG LVA BA'I NA BZA' CAN LA SOGS PAS KYANG MDZAD PA DANG MTHUN LA, BSTIM PA'I TSUL LA SNYING GA LA SOGS PA'I GNAS LNGA SO SOR H'Um AAm LA SOGS PA'I YI GE RE RE'I 'OD ZER GYIS SPYAN DRANGS TE GNAS LNGA SO SO NAS 'JUG PAR 'DOD PA YONG KYANG, LVA BA PA DANG BH'A BA BHA TRAS BA SPU'I SGO THAMS CAD NAS BSTIM PA DANG, BSTIM PA'I LHA SPYAN 'DREN PA YANG LVA BA
PAS SLOB DPON GYI THUGS KA'I SA BON GYI 'OD ZER GYIS SPYAN DRANGS TE BSTIM PA NYID LEGS PA YIN NO, ,DE LTAR DBANG LNGA NI SANGS RGYAS LNGA 'GRUB PA'I GEGS KYI DRI MA LNGA DAG PAR BYED PA DANG MA RIG PA DANG BRAL BA LAS RIG PA YE SHES LNGA SGRUB PA'I NUS PA KHYAD PAR BA 'JOG PAR RIG PA'I DBANG LNGA STE, DBANG BSKUR LNGA THOB RGYU LAS NI, ,SANGS RGYAS LNGA BO 'DI RNAMS DAG ,MA RIG PA DANG BRAL BA LAS, ,YE SHES LNGA NI THOB PAR BYED, ,CES GSUNGS SO, ,GZHAN YANG DBANG LNGA PO 'DI DAG LA RIG PA'AM RIG MA SPYAN MA LA SOGS PA'I LHA MOS CHU'I DBANG SKUR BAR BYED PA'I PHYIR RIG PA'I DBANG DANG BUM PA'I DBANG ZHES BYA'O, ,DE NAS BLA MA'I NANG GI HE RU KA'I THUGS KAR NYI MA LA GNAS PA'I H'Um GI MTHA' SKOR GYI YI GE NYI SHU RTZA GNYIS PA'I SNGAGS MAR ME GCIG LAS GNYIS CHAD KYI TSUL GYIS SNYING GA NAS BRGYUD DE ZHAL NAS BYUNG, SLOB MA'I KHA NAS ZHUGS, SNYING KHA'I H'Um GI MTHA' MAR GA-YON SKOR DU 'KHOD PA'I 'OD ZER GYIS SDIG SGRIB THAMS CAD SBYANGS PAR BSAMS LA, 'DI NI SANGS RGYAS THAMS CAD KYI, ,SNYING PO YI NI YE SHES MCHOG ,SANGS RGYAS THAMS CAD BSDUS PA NI, ,KHYOD KYIS KYANG NI RTAG TU BCANG, ,ZHES BRJOD DE SNGAGS KYI RJES ZLOS LAN GSUM BYED DU GZHUG LA, SLOB MAS, BCOM LDAN BDAG LA STZAL LAGS KYIS, ,BCOM LDAN BDAG LA BYIN GYIS RLOBS, ,ZHES BRJOD LA ME TOG GI PHRENG BA BLA MA LA 'BUL, ,BLA MAS KYANG, BCOM LDAN 'DI LA STZAL LAGS KYIS, ,BCOM LDAN 'DI LA BYIN GYIS RLOBS, ,DPAL 'KHOR LO BDE MCHOG GI SKU GSUNG THUGS KYI BYIN RLABS THAMS
, ,CAD 'JUG PAR GYUR CIG CES BRJOD LA, ZHES KHYOD KYIS SNGAGS KYI DBANG THOB PAR BYAS PAS SNGAGS BZLAS PAS DNGOS GRUB THAMS CAD STER BAR BYED DO, ,SNGAGS DBANG 'DI DBANG LNGA'I SNGON DU BYED PA'ANG YOD MOD KYANG DBANG CHOG DANG RGYUD RDOR PHRENG GNYIS KA LAS SKABS 'DIR GSUNGS SO, ,BUM DBANG BCU GCIG GI DRUG PA SNGAGS KYI DBANG NGO, ,BRTUL ZHUGS KYI DBANG LA GNYIS LAS THUN MONG GI BRTUL ZHUGS SBYIN PA NI, SLOB MA DANG RDO RJE BSANG SBYANGS TE STONG PA'I NGANG LAS PAD ZLA'I GDAN GYI STENG DU H'Um LAS RDO RJE H'Um GIS MTSAN PA YONGS SU GYUR PA LAS, SLOB MA DANG RDO RJE GNYIS RDO RJE SEMS DPA' DKAR PO ZHAL GCIG PHYAG GNYIS PA'I GA-YAS RDO RJE DANG GA-YON DRIL BU 'DZIN PAS YUM RDO RJE BSNYEMS MA DKAR MO ZHAL GCIG PHYAG GNYIS PA GRI GUG DANG THOD PA 'DZIN PA LA 'KHYUD PA, PHYAG RGYA DRUG DANG LNGAS BRGYAN PA'I GNAS GSUM DU YI GE GSUM BKOD DE BYIN GYIS BRLAB, YE SHES PA GZHUG ,DBANG BSKUR MI BSKYOD PAS RGYAS GDAB, MCHOD DE ZHU BA LAS BYUNG BA'I RDO RJE GNAS GSUM DU REG LA LAG PA GA-YAS SU GTAD DE, 'DI DE SANGS RGYAS THAMS CAD DE, ,HE RU KA DPAL PHYAG NA GNAS, ,KHYOD KYIS KYANG NI RTAG TU BCANG, ,DPAL HE RU KA'I BRTUL ZHUGS BRTAN, ZHES BRJOD CING SLOB MAS, AOm SARBBA TA TH'A GA TA SIDDHI BADZRA SA MA YA TIshthA AE shA STVAm DHA RA Y'A MI AOm, HA HA HA HA H'I: ZHES BRJOD DE SNGAGS KYI DON NI DE BZHIN GSHEGS PA THAMS CAD KYI GRUB PA'I RDO RJE'I DAM TSIG 'DI BDAG LA ZHUGS SHIG GZUNG BAR BGYI'O ZHES PA'O, ,SNYING GI NANG DU YANG RDOR SEMS YAB YUM 'OD ZER 'PHRO BA GCIG
SGOM DU GZHUG LA, DENG PHYIN CHAD RDOR SEMS THOB PA'I THABS SU YE SHES LNGA'I NANG GI RDO RJE DE MA BRAL BAR CHONGS SHIG CES GO BAR BYA'O, ,BUM DBANG BCU GCIG GI BDUN PA RDO RJE'I BRTUL ZHUGS KYI DBANG NGO, ,GNYIS PA THUN MONG MA YIN PA'I BRTUL ZHUGS SBYIN PA NI, SLOB MA BSANG SBYANGS TE, STONG BA'I NGANG LAS SNA TSOGS PAD NYI'I STENG DU H'Um LAS RDO RJE H'Um GIS MTSAN PA YONGS SU GYUR BA LAS SLOB MA HE RU KA ZHAL BZHI PHYAG BCU GNYIS PA YUM DANG BCAS PAR BSKYED LA GNAS GSUM BYIN GYIS BRLAB, YE SHES PA GZHUG ,DBANG BSKUR MI BSKYOD PAS DBU BRGYAN, KHA tV'Am GA DANG CANG TE'U DANG THOD PA RNAMS LA YAB KYI SNYING PO LAN GSUM BZLAS TE, HE RU KA DPAL PHYAG RGYA 'DI, ,PHYI DANG NANG NA YANG DAG GNAS, ,KHA tV'Am CANG TE'U LHUNG BZED DAG ,BYIN PA DPA' BOS BZUNG BAR GYIS, ,KHA tV'Am CANG TE'U LHUNG BZED BZANG, ,HE RU KA DPAL KHA tV'Am GA ,RNAL 'BYOR MA NI d'A MA RU, ,RDO RJE KHA tV'Am RDO RJE BCAS, ,DRIL BU SIL SIL SGRA SGROG CING, ,TSANGS PA'I SKUD THOGS RNAL 'BYOR BDAG ,KHA tV'Am GA DANG RDO RJE SNOD, , DPA' BO CHEN POS BLANG BAR GYIS, ,ZHES BRJOD DE LAG PA GA-YAS SU d'A MA RU, GA-YON DU THOD PA BDUD RTZIS GANG BA, GA-YON GYI GRU MOR KHA tV'Am GA ,SE RAL KHAR TSANGS SKUD SBYIN NO, ,KHA tV'Am GA LHA'I SKU BDE BA CHEN PO, d'A MA RU SHES RAB STONG PA NYID, THOD PA BDE STONG DBYER MED DU SKYONG BA, TSANGS SKUD RNAM PAR MI RTOG PA'I MTSON BYED DU SHES PA'I SGO NAS DE DAG DANG MI 'BRAL BAR GYIS SHIG CES BSHAD LA d'A MA RU DANG DRIL BU'I SGRA BYED DU GZHUG PA'I PHYIR DANG, SNYING GI NANG DU HE RU KA MTSON
, ,GANG PA YAB YUM GCIG SGOM PA'I NANG GI DBANG BYA'O, ,LHUNG BZED DANG SNOD NI THOD PA'I, ,BUM DBANG BCU GCIG GI BRGYAD PA SPYED PA'I BRTUL ZHUGS KYI DBANG NGO, ,DE NAS BLA MA SH'AKYA THUB PA'I CHA LUGS SU GNAS PAS LAG PA GA-YON GYIS CHOS GOS KYI GRVA SENG GE'I RNA BA LTAR SNYING KHA'I GA-YON DU BZUNG, GA-YAS PAS MI 'JIGS PA SBYIN PA'I PHYAG RGYA BCAS LA, 'DI LTAR NGA YIS LUNG BSTAN TE, ,'KHOR LO GSUM GYI BDAG NYID KHYOD, ,RANG NYID SANGS RGYAS KUN RANG BZHIN, , HE RU KA DPAL ZHES BYA BA'I, ,DE BZHIN GSHEGS PA NYID YIN DO, ,SHR'I HE RU KA d'A KI N'I NA MA: SARBBA TA TH'A GA TA SIDDHI: SA MA YA STVAm BHUR BHU BA SVA: KHAMS GSUM GYI NI RGYAL SRID CHE, ,DPAL LDAN YON TAN 'BYUNG BA'I GNAS, ,BDUD TSOGS KUN LAS RNAM RGYAL ZHING, ,GRONG KHYER MCHOG TU ZHUGS PA YIN, ,ZHES BRJOD DE LUNG BSTAN PA'O, ,'DIR DBANG CHOG LAS, MDOR BSTAN DU, DBUGS DBYUNG SBYIN PAR BYA, ZHES GSUNGS NAS MJUG SDUD DU LUNG BSTAN PA'O, ,ZHES DE GNYIS GCIG TU GSUNGS PAS BUM DBANG BCU GCIG GI DGU PA LUNG BSTAN PA'I DBANG NGO, ,'DI RDO RJE SLOB DPON GYI DBANG GI MTHA' RTEN DU BYED PA YOD KYANG GRUB CHEN GYI GZHUNG NA RIM PA 'DI BZHIN DU YOD CING, DE LTAR BYED PA LA MI 'THAD PA MED PAS 'DIR BYAS SO, ,DE NAS RDO RJE SLOB DPON GYI DBANG GI DON DU MAndAL PHUL TE, PHYIR MI LDOG PA'I DBANG BSKUR CHE, ,DPA' BO CHEN PO BDAG LA STZOL, ,'GRO BA MTSAN MA MED BYED PA, ,DE NI DA 'DIR MDZAD DU GSOL, ,ZHES GSOL BA LAN GSUM GDAB BO,
BLA MAS SLOB MA BSANGS SBYANGS TE, STONG BA'I NGANG LAS DBANG STEGS RIN PO CHE'I KHRI SENG GES BTEG PA'I STENG DU PAD NYI'I GDAN LA H'Um LAS RDO RJE SNGON PO H'Um GIS MTSAN PA LAS, SLOB MA RDO RJE 'CHANG SKU MDOG SNGON PO ZHAL GCIG PHYAG GNYIS PA GA-YAS RDO RJE DANG GA-YON DRIL BU 'DZIN PAS YUM RDO RJE BSNYEMS MA SNGON MO ZHAL GCIG PHYAG GNYIS KYIS GA-YAS GRI GUG DANG GA-YON THOD PA 'DZIN PA LA 'KHYUD PA, YAB PHYAG RGYA DRUG DANG YUM PHYAG RGYA LNGAS BRGYAN PA'I GNAS GSUM DU YI GE GSUM BKOD DE BYIN GYIS BRLAB, YE SHES PA SPYAN DRANGS LA GZHUG ,STENG DU GDUGS DKAR PO GSER GYI YU BA CAN, GA-YAS SU RGYAL MTSAN, GA-YON DU BA DAN, PHYOGS THAMS CAD DU MCHOD PA'I SPRIN DANG BCAS PAR BSKYED, RDO RJE DANG DRIL BU BSANG SBYANGS TE, H'Um LAS RDO RJE DANG, AA: LAS DRIL BUR BSKYED DE, RDO RJE RDO RJE SEMS DPA' DANG DRIL BU RDO RJE BSNYEMS MA'I NGO BOR BSAMS LA SNGAR GYI RDO RJE'I BRTUL ZHUGS SBYIN PA'I TSIG DANG, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG BO KUN BDAG NYID, ,RDO RJE SNYEMS TSUL BDAG PO'I BDAG ,BCOM LDAN 'DAS DPAL CHOG DANG PO'I SKYES BU'O, ,AOm MH'A BADZRA H'Um ZHES BRJOD CING STONG PA NYID DANG DBYER MED PA'I BYANG CHUB KYI SEMS NI GSANG BA'I RDO RJE YIN LA, RDO RJE LAG TU 'DZIN PA'I TSE DE DRAN PAR GYIS LA ZUNGS SHIG CES BRJOD DE LAG PA GA-YAS SU SBYIN, DE NAS DRIL BU SNGAR GYI TSIGS BCAD DANG, AA: SRID PA NGO BO
, ,NYID KYIS DAG ,NGO BO NYID KYIS SRID BRAL BYAS, ,RANG BZHIN DAG PA'I SEMS DPA' MCHOG ,SRID PA MCHOG NI MDZAD PA YIN, ,BADZRA GHAndE AA: ZHES BRJOD CING DRIL BU DKROL BA NI CHOS THAMS CAD NI RANG BZHIN MED PA'O ZHES SOGS KYI SGRA DRIL BUS SGROGS PAR SOMS LA DKROL CI KA CES BRJOD LA LAG PA GA-YON DU GTAD LA DKROL, DE NAS, YID KYI LUS NI BRTAN PA'I PHYIR, ,PHYAG RGYA'I DAM TSIG RAB TU BRJOD, ,GANG GI LUS NI THAMS CAD BRTAN, ,DES NA PHYAG RGYAR RAB TU BSGRAGS, ,YE SHES PHYAG RGYAR BYIN BRLABS NAS, ,'DOD PA THAMS CAD LONGS SPYAD DE, ,DNGOS GRUB THAMS CAD SGRUB PAR GYIS, ,ZHES RANG GI LUS LHA'I SKU PHYAG RGYA CHEN POR SGOM PA NI 'DAR MI RUNG BA'I PHYAG RGYA'I DAM TSIG YIN LA, DE DANG YE SHES KYI PHYAG RGYA GNYIS MNYAM PAR SBYAR TE, DNGOS GRUB THAMS CAD SGRUB DGOS SO ZHES GO BAR BYAS LA YAB YUM PHAN TSUN 'KHYUD PAR SEMS SU GZHUG CING RDOR DRIL 'DZIN PA'I LAG PAS KYANG 'KHYUD PA'I TSUL BYED DU GZHUG ,DE LAS BYUNG BA'I BDE STONG GNYIS SU MED PA'I RDO RJE SLOB DPON GYI DBANG GI DNGOS GZHIR NGO SPRAD DE, SHES RAB BCU DRUG LON PA LA, ,LAG PA DAG GIS YANG DAG 'KHYUD, ,RDO RJE DRIL BU MNYAM SBYOR BA, ,SLOB DPON GYI NI DBANG DU 'DOD, ,CES GSUNGS PA'I PHYIR RO, ,RDO RJE DANG DRIL BU DANG PHYAG RGYA'I DAM TSIG GSUM CHANG BA DBANG CHOG NA MED KYANG, BLA MA GONG MA RNAMS KYI PHYAG BZHES LA 'BYUNG BA SHIN TU LEGS TE, DBANG CHOG LAS, RDO RJE 'CHANG DBANG DBANG BSKUR BAR, ,DPA' BOS RNAM PAR BSAM PAR BYA, ,ZHES SLOB MA RDO RJE 'CHANG DU BSKYED
PA LA DBANG BSKUR BA'I PHYAG RGYA'I DAM TSIG GSAL BAR GSUNGS PAS, DE'I 'KHOR DAM TSIG GZHAN GNYIS KYANG SHUGS KYIS SHES NUS PA'I PHYIR RO, ,DE'I PHYIR SKABS 'DIR RDO RJE 'CHANG DU BSKYED PAR GONG MA RNAMS BZHED PA LTAR BYAS NA LEGS SO, ,DE NAS BLA MA 'KHOR LO GSUM GYI BDAG POR GYUR BA'I STAN PAS YE SHES SEMS DPA'I NGO BO NANG GI HE RU KA'I THUGS KA'I SA BON GYI 'OD KYIS YANG DAG PAR BSKUL NAS, GTZO BO YAB YUM GYI DE BZHIN GSHEGS PA DANG DPA' BO DANG DPA' MO RNAMS RIM GYIS BKUG STE NAM MKHAR GNAS PA LA MCHOD PAS MCHOD NAS SLOB MA LA DBANG BSKUR BAR GSOL BA BTAB PAS, SNGAR CHU DBANG GI SKABS SU BSHAD PA BZHIN DBANG BSKUR BAR BSAMS LA, DBANG BSKUR RDO RJE CHEN PO NI, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM GYI, ,GNAS LAS BYUNG BA SBYIN PAR BYA, ,ZHES PA DANG SNGAR GYI CHU DBANG GI SNGAGS BZLAS SHING DBANG BSKUR BAS LUS YE SHES KYI BDUD RTZA'I CHU RGYUN GYIS GANG, CHU LHAG MA SPYI GTZUG NA GNAS PA YONGS SU GYUR BA LAS MI BSKYOD PAS DBU BRGYAN, DBANG GI LHA THAMS CAD SPYI BO NAS THIM PAR BSAM, SLOB DPON GYIS AOm SU PRA TIshthA BADZRE SV'AH'A, ZHES BRJOD CING ME TOG GI CHAR DBAB, KHAMS GSUM GYI CHOS KYI RGYAL POR MNGA' GSOL BAR BSAM ZHING, DER 'DUS PA'I DPA' BO DANG RNAL 'BYOR MA RNAMS KYIS KYANG ME TOG LA SOGS PAS JI LTAR 'DOD PAR MCHOD PAR BYA'O, ,BUM DBANG BCU GCIG GI GTZO BO BCU PA PHYIR MI LDOG PA'I DBANG NGO, ,DE NAS SLOB DPON GYIS, DE NYID RIG PA'I
, ,RNAL 'BYOR PAS, ,MI BYA BA NI CUNG ZAD MED, ,DE NYID SHES NAS DE NAS NI, ,DPA' BOS 'DOD PA LNGA SPYAD DO, ,ZHES BRJOD LA BDE STONG DBYER MI PHYED PA'I DE NYID RIG PA'I SGO NAS 'DOD PA'I YON TAN LA SPYAD PAR BYA'O ZHES 'DOD YON LA SPYOD PA'I RJES GNANG DANG, BDAG NYID DPA' BO KUN GYI DNGOS, ,BDAG NYID LHA MO KUN GYI DNGOS, ,DE PHYIR BDAG GIS THAMS CAD BYA, ,BDAG NYID HE RU KA MCHOD BYA, ,ZHES BRJOD LA RANG NYID DPA' BO DANG RNAL 'BYOR MA 'DUS PA'I NGO BO HE RU KAR BLTAS LA BDAG NYID MCHOD PAR BYA'O ZHES LHA MCHOD PA'I RJES GNANG DANG, RTEN CING 'BREL PAR 'BYUNG CHOS CAN, ,SEMS CAN SGYU MA'I RANG BZHIN NO, ,KHAMS GSUM DE LTAR SHES NAS NI, ,SEMS CAN DON NI MNYAM MED BYOS, ,ZHES BRJOD LA SNOD BCUNG SGYU MA LTAR SHES PAR GYIS LA SEMS CAN GYI DON BYOS SHIG CES SEMS CAN GYI DON BYED PA'I RJES GNANG SBYIN TE, BUM DBANG BCU GCIG PA RJES GNANG GI DBANG NGO, ,DE LTAR NA KHYED KYIS BLA MA'I LUS KYI DKYIL 'KHOR DU BUM PA'I DBANG THOB, GTZO BOR LUS KYI DRI MA 'KHRUD, BSKYED RIM KHYAD PAR CAN NANG LUS KYI DKYIL 'KHOR ZAB MO SGOM PA LA DBANG BAR BYAS, 'BRAS BU SPRUL SKU 'GRUB PA'I NUS PA KHYAD PAR CAN BZHAG PA YIN NO ZHES DAG PA SBYIN NO, ,DE NAS BLA MA'I LUS KYI DKYIL 'KHOR GYI 'KHOR LO'I MDUN DU BUM DBANG THOB PA'I BYA BA BYAS PA'I SLOB MAS, 'KHOR LO'I SPYAN ZHES PA 'KHOR LO'I 'DREN PA GTZO BO DAD THA MI DAD PA'I BLA MA DPA' BO CHEN PO LA GSANG DBANG GI DON DU PHYAG 'TSAL,
MAndAL DANG RIG MA MTSAN NYID DANG LDAN PA PHUL BAR MOS PA BYAS LA, SKYOB MED SKYOB PA SKYABS MED SKYABS, ,DPAL NI 'KHOR LO BDE BA'I MCHOG ,RGYU MED PAR NI THUGS RJE CHE, ,MGON MED BDAG GI MGON MDZOD CIG ,BDAG NYID CHE KHYOD JI LTA BAR, ,GTZO BOS BDAG NYID DE 'DRAR MDZOD, ,'KHOR BA 'DAM GYI TSOGS NANG DU, ,BYING BA BDAG LA SKYABS MDZOD CIG ,CES LAN GSUM GSOL BA GDAB BO, ,'DIR DBANG CHOG LAS, DE LA 'DIR PHYAG RGYA'I RIM PA NI SA BON LNGA'I RIGS KYI RANG BZHIN DAG PA'I PHYAG RGYA LAS DANG CHOS DANG CHEN PO DANG DAM TSIG RNAMS THAMS CAD BUD MED DU 'DOD PA'O, ,ZHES GSUNGS PA'I DON NI GSANG DBANG GI SKABS 'DIR SLOB DPON GYIS PHYAG RGYA MA LA BRTEN NAS DBANG BSKUR DGOS PA LA PHYAG RGYA'I RIM PA NI, LAS RGYA DANG, CHOS RGYA DANG, PHYAG CHEN DANG, DAM TSIG GI PHYAG RGYA YIN LA, DE RNAMS KYANG RNAL 'BYOR PA LA BDE BA STER BAS BUD MED KYI THA SNYAD BYED DO, ,BUD MED KYI PHYAG RGYA YANG H'Um AAm LA SOGS PA'I YI GE LAS SKYES PA'I RIGS LNGA'I RANG BZHIN DAG PA LNGA YOD CES PA'O, , DE NAS YI GE BDUN PA BRJOD LA GDONG GA-YOGS BCING, 'BRU GSUM BRJOD CING NANG MCHOD GTOR LA BSRUNG, BLA MA GTZO BO DANG THA MI DANG PAS RIGS LNGA'I RIGS KYI PHYAG RGYA MA GANG RUNG PHAG MOR BSKYED, SGRUB THABS LTAR RDO RJE DANG PADMA BYIN GYIS BRLAB, SLOB MA GTZO BO 'AM GSUNG RDO RJE 'OD DPAG MED DU BSKYED, BLA MA YAB YUM SNYOMS PAR ZHUGS PA'I DGA' BA'I SGRAS DPA' BO DANG DPA' MO RNAMS SPYAN DRANGS TE DPA' BO RNAMS YAB KYI ZHAL DANG DPA' MO RNAMS YUM GYI ZHAL DU ZHUGS,
, ,THUGS KAR 'OD DU ZHU SKU'I DBYIBS BRGYUD NAS DPA' BO THAMS CAD 'DUS PA'I BYANG SEMS DKAR PO DANG, LHA MO THAMS CAD MNYAM POR ZHU BA'I BYANG SEMS DMAR PO GNYIS 'DRES PA'I KUN RDZOB BYANG CHUB KYI SEMS SU MOS LA, DNGOS SU BYIN GYIS BRLABS PA'I NANG MCHOD, 'DI DE DPA' BO LHA MO RNAMS, ,DAM TSIG RMAD BYUNG CHEN PO STE, ,KHAMS LNGA LDAN PA'I RO RTOGS BYED, ,BDE BA DE GANG MYANG BAR BYA, ,JI LTAR RDO RJE 'CHANG SOGS KYIS, ,SNGON CHAD SRAS NI DBANG BSKUR BA, ,DE BZHIN DU NI BYANG CHUB SEMS, ,BZANG POS BU KHYOD DBANG BSKUR RO, ,ZHES BRJOD LA SLOB MA'I LCE THOG TU BZHAG ,SLOB MAS KYANG SANGS RGYAS THAMS CAD 'DUS PA'I NGO BOR BSAMS LA RTOG PA MED PAR MYANGS PAS BDE BA CHEN PO SKYES PAR BSAMS LA KYE MA BDE BA CHEN PO ZHES BRJOD DE, DE 'DRA BA'I BDE BA DANG STONG PA DBYER MED PA GSANG DBANG DU NGO SPRAD DO, ,BLA MA YAB YUM GYI THUGS KA NAS HE RU KA YAB YUM 'PHROS SLOB MA'I MGRIN PAR THIM PAR BSAM, 'BRU GSUM BRJOD CING BDUD RTZI GTOR LA GDONG GA-YOGS DBYE, DE LTAR NA DBANG CHOG LAS, KUN RDZOB PA YI BYANG CHUB SEMS, ,GSANG BA GANG YIN DER DBANG BSKUR, ,ZHES GSUNGS PAS KUN RDZOB BYANG CHUB SEMS KYI DKYIL 'KHOR DU GSANG BA'I DBANG THOB, GTZO BOR NGAG GI DRI MA 'KHRUD, BDAG BYIN BRLABS KUN RDZOB SGYU MA'I RDZOGS RIM SGOM PA LA DBANG, 'BRAS BU SANGS RGYAS KYI LONGS SPYOD RDZOGS PA'I SKU 'THOB PA'I SKAL BA DANG LDAN PAR BYAS SO ZHES DAG PA SBYIN NO, ,DE NAS SLOB MAS SHES RAB YE SHES KYI DBANG GI DON DU
PHYAG DANG MAndAL PHUL, BCOM LDAN ZHI BA CHEN PO KYE, ,RDO RJE RNAL 'BYOR GCIG BZHED PA, ,MI PHYED PHYAG RGYA SGRUB PA PO, ,RDO RJE RNAL 'BYOR LAS BYUNG BA, ,JI LTAR KHYOD NI BDAG NYID CHE, ,MNGA' BDAG BDAG LA'ANG DE LTAR MDZOD, ,'KHOR BA 'DAM GYI TSOGS NANG DU, , BYING BA SKYABS MED BDAG LA SKYOBS, ,ZHES GSOL BA LAN GSUM GDAB, SLOB MA'I GDONG GA-YOG PA DANG BSRUNG BA SNGAR BZHIN BYA, SLOB MA BSANG SBYANGS TE 'KHOR LO SDOM PAR BSKYED, SNGAR BYIN GYIS BRLABS PA'I GSANG DBANG GI RIG MA'AM RIG MA GZHAN YANG RUNG STE STON PA BLA MAS SLOB MA LA BYIN NAS, DE LA BRTEN TE BDE BA DAM PA'I MCHOG BSGRUB PAR BYA BA'I PHYIR, LHA MO 'DI NI PHYAG RGYA CHE, ,MTHA' YAS BDE BA SBYIN PA MO, ,RNAM PA KUN TU PHYAG RGYA LONG, ,BU YIS BLA MED MCHOD PAR GYIS, , ZHES BRJOD DE SHES RAB MA GTOD PA'O, ,DE NAS LHA MO DES, DPA' BO BYANG CHUB SEMS ZA BAR, ,KHYOD NI SPRO BA YIN NAM CI, ,RIGS LNGA LAS NI RAB BYUNG BA, ,RIG MA MCHOD PA LA GUS SAM, ,DRI CHEN DRI CHU STOBS DANG KHRAG ,SOGS BZA' DA LTA YID CHES SAM, ,RJES SU MTHUN SMROS DAM TSIG BZANG, ,JI LTAR DGA' BA SMROS SHIG BU, ,ZHES DRIS PA'I LAN DU, JI LTAR GSUNGS PA'I DAM TSIG SOGS, ,LHA MO BDAG NI CIS MI SPRO, ,BUD MED RTAG GUS CIS MI BYED, ,PADMA MCHOD PA CIS MI BGYID, ,CES BRJOD PAS LHA MO DE DGYES TE SKRA GROL ZHING GOS DANG BRAL BAR BYAS, PADMA RGYAS PA'I DBUS NA GNAS PA'I RTZA BDE BA CHEN PO 'BAB PA BSTAN NAS, AE MA NGA YI PADMA 'DI, ,BDE BA KUN DANG YANG DAG LDAN, ,CI STE CHO GA BZHIN BSTEN NA, ,
, ,DE YI MDUN NA NGA GNAS TE, ,SANGS RGYAS BSTEN PA LA SOGS PA, ,BYA BA THAMS CAD PADMAR BYAD, ,BDE CHEN RGYAL PO RANG NYID NI, ,'DI NYID DU NI YANG DAG GNAS, ,PADMA BHA DZA HO: ZHES GSUNG BAR BSAMS LA, RANG BDE MCHOG DANG RIG MA PHAG MOR BSKYED PA LUS LHA'I 'DU SHES DANG, GNYIS KA'I MKHA' GSANG BYIN GYIS BRLABS NAS YI GE BKOD PA SNGAGS KYI 'DU SHES DANG, THABS 'DI LA BRTEN NAS ZAG MED KYI BDE BA MNGON DU BYA'O SNYAM PA'I CHOS KYI 'DU SHES TE 'DU SHES GSUM DANG LDAN PAS SNYOMS 'JUG BYA, BLA MA'I THUGS KA'I SA BON GYI 'OD ZER GYIS PHYOGS BCU'I RGYAL BA RNAMS BKUG LA SLOB MA LA BSTIM, BLA MA YAB YUM SNYOMS PAR ZHUGS PAS BYANG SEMS ZHU BA SPYI BO NAS MGRIN PAR SLEB PA NA DGA' BA DANG, MGRIN PA NAS SNYING GAR SLEOB PA NA MCHOG DGA' DANG, SNYING GNAS LTE BA SLEB PA NA KHYAD PAR GYI DGA' BA DANG, LTE BA NAS NOR BU'I RTZER SLEB PA NA LHAN CIG SKYES DGA'I YE SHES SKYES PAR BSAMS NAS STONG PA NYID KYI LTA BA DRAN PAR BYAS TE BDE STONG DBYER MED DU SBYAR BA NI SHES RAB YE SHES KYI DBANG GI DNGOS GZHIR NGO SPRAD DO, ,DBANG GI DNGOS GZHI DBANG DUS SU NGO SPROD DGOS PA RNAMS MOS PA YID BYED TSUN CHOD KYIS KYANG BSKYED LA DMIGS LEGS PAR PHYED PA SHIN TU GAL CHE'O, ,DE NAS SHES RAB MA DE MNYES NAS DE'I MGOR LAG PA GA-YON PA BZHAG STE, DENG NAS BZUNG STE BU KHYOD KYIS, ,JI SRID BYANG CHUB SNYING PO'I BAR, ,RMI 'DRAR SEMS CAN THAMS CAD KYI, ,DON NI BDAG NYID KUN GYIS GYIS, ,ZHES RJES SU GNANG BA BYIN PAR BSAMS PA SNGAR
BZHIN GDONG GA-YOGS BSAL LO, ,DE LTAR NA BHA GA'I DKYIL 'KHOR DU SHES RAB YE SHES KYI DBANG THOB, GTZO BOR YID KYI DRI MA 'KHRUD, PHYAG RGYA CHEN PO DON DAM 'OD GSAL GYI RDZOGS RIM SGOM PA LA DBANG, 'BRAS BU SANGS RGYAS KYI CHOS KYI SKU 'THOB PA'I SKAL BA DANG LDAN PAR BYAS SO ZHES DAG PA SBYIN NO, ,DE NAS DBANG BZHI PA'I DON DU PHYAG DANG MAndAL PHUL TE, KHYOD ZHABS PADMO'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CHEN BZHI PA YANG, ,BKA' DRIN GYIS NI BSKYAB TU GSOL, ZHES GSOL BA LAN GSUM GDAB, BUM PA LA SOGS PA'I DBANG RIM PA GSUM PO'I BLA MA STE GONG MA 'DIR SHES PAR BYA BA LA DBANG CHOG LAS, DPA' BOS KUN SPYOD RIM PHYE BAS, ,MAN NGAG NYID KYIS SHES PAR BYA, ,ZHES DPA' BO STE RNAL 'BYOR PAS GSANG BA'I DON LA KUN TU SPYOD PA'I RIM PA LNGAR PHYE BA'I NANG NAS BSAM MI KHYAB KYI RIM PA'I MAN NGAG GIS DBANG BZHI PA SHES PAR BYA BAR GSUNGS LA, MAN NGAG DE YANG DE NYID LAS, ,PHYI DANG NANG GI RANG BZHIN NYID, ,CHOS RNAMS KUN GYI NGO BO STE, ,BSAM GYIS MI KHYAB CES BSHAD DO, ,SNANG MED RAB RDZOGS GNAS MED PA, ,DE NYID LNGA PA RDZOGS PA'I RIM, ,LHAN CIG SKYES PA MI ZAD PA, ,BSAM GYIS MI KHYAB MTHA' YAS SOGS, ,DE NI BRTAN GA-YO 'GRO BDAG NYID, ,BDAG MED NYID KYI BDAG TU GNAS, , DPA' BO BDE BA CHEN POS RTOGS, ,'DI NI DE KHO NA'I MAN NGAG GO ,ZHES GSUNGS PA 'DI NYID YIN PAS DE'I STENG NAS GRUB CHEN GYI DGONGS PA'I DBANG BZHI PA BSKUR TSUL SHES DGOS SO, ,'DI LA, BZHI BA DE YANG DE BZHIN NO, ,ZHES TSIG DBANG BZHI PA
, ,BSKUR BA NI DBANG GSUM PA DANG DPE DON DU SBYAR NAS BSKUR BAR GSUNGS SHING, RGYUD RDOR PHRENG LAS KYANG DBANG BZHI PA'I SKABS SU BSKYED PA'I RIM PA SGOM PA YI, 'DI NI MAN NGAG LAS NI SHES, ZHES BZHI PA 'DI NI DBANG GSUM PA BSKUR BA'I SKABS KYI BSKYED RIM GYI MAN NGAG LAS SHES PAR GSUNGS PAS, DBANG GSUM PA'I SKABS SU LUS 'DOD LHA YAB YUM DU SNANG BZHIN PA DANG SEMS DE KHO NA NYID LA, ZHUGS PA'I BDE BA CHEN PO GNYIS YOD PA DE BZHIN DU, DON GYI DBANG BZHI PA YANG PHYI NANG GI CHOS BRTAN GA-YO KUN GYI BDAG NYID BDAG MED PA'I DE KHO NA NYID KYI BDAG NYID DU GNAS PA LA, YUL CAN BDE BA CHEN PO CHU LA CHU BZHAG PA BZHIN DU RO GCIG TU ZHUGS PAS GNYIS SNANG PHRA MO YANG MED PA'I THUGS LHAN CIG SKYES PA'I YE SHES MI ZAD PA BSAM GYIS MI KHYAB PA MTHA' YAS PA DANG, SOGS KYI DON LUS YONGS SU DAG PA'I SGYU MA'I SKUR SONG BA DANG GNYIS PO NGO BO GCIG TU TSOGS PA'I ZUNG 'JUG RDZOGS RIM GYI RIM PA LNGA PA BSAM MI KHYAB KYI RIM PA DE NYID DON GYI DBANG BZHI PA YIN LA, DE NYID TSIG DBANG GIS NGO SPRAD PA'I THABS KYI LAM GOMS PAR BYAS PA LAS MNGON DU 'GYUR RO ZHES BRDA SPRAD PAR BYA'O, ,GRUB CHEN GYI LHAN SKYES KYI SGRUB THABS LAS KYANG, DE NI NGO BO NYID KYI SKU STONG NYID SNYING RJE GNYIS MED PA, ,MA NING ZHES BYAR GRAGS PA STE, ,'GA' ZHIG TU NI ZUNG 'JUG CES, ,SGRIB PA MED PA'I CHOS KYIS NI, ,PHUNG PO LA SOGS 'DI NA GNAS, ,RTEN DANG BRTEN PA'I MTSAN NYID 'DI, ,THAMS CAD DKYIL 'KHOR NYID YIN NO, ,ZHES GSUNGS PAS
LUGS 'DI LA DBANG BZHI PA ZUNG 'JUG GI DON LA NGO SPRAD NAS BSKUR BA DGOS LA, DE BLA MAS DBANG GI DUS SU NGO SPRAD PA NYID KYIS TSIG DBANG BZHE PA 'THOB PAS DE LAS GZHAN MANG PO ZHIG MI DGOS SO, ,DE DAG GIS DON DAM BYANG CHUB SEMS KYI DKYIL 'KHOR DU DBANG BZHI PA TSIG DBANG RIN PO CHE THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA BZHAG ,BDEN GNYIS DBYER MED ZUNG 'JUG GI RDZOGS RIM SGOM PA SOGS LA DBANG BAR BYAS, 'BRAS BU ZUNG 'JUG RDO RJE 'CHANG GI SKU MNGON DU 'GYUR BA'I SKAL BA CAN DU BYAS SO ZHES DAG PA SBYIN NO, ,DE NAS, 'DI NI RANG NYID MDZES MA STE, ,PHYI ROL YUL NI SPANGS PA'O, ,RIG 'DI BOR NAS DE LAS NI, ,GZHAN PA'I THABS KYIS SANGS RGYAS MED, ,RIG MA'I BRTUL ZHUGS SPYOD GCIG PU, , BRTUL ZHUGS RNAMS KYI BLA MA'I BLA, ,ZHES BRJOD DE, DE'I DON NI STONG PA NYID KYI DE KHO NA NYID KYI DON LA DMIGS PA NYID KYIS LHAN SKYES KYI BDE BA CHEN PO 'DREN PA'I NGES DON GYI RIG MA 'DI BOR NAS THABS GZHAN GYIS 'TSONG MI RGYA BAS RIG MA'I BRTUL ZHUGS DE SPYOD CIG ,DE NI BRTUL ZHUGS THAMS CAD KYI NANG NAS GONG MA'I GONG MAR GYUR PA'O ZHES GO BAR BYA STE, RIG MA'I BRTUL ZHUGS SBYIN PA'O, ,'DI DBANG CHOG NA SNGON DU YOD KYANG, RGYA GAR BA'I MKHAS PA GZHAN GYIS DBANG BZHI PA'I MTHA' RTEN DU RIG MA'I BRTUL ZHUGS SBYIN PAR BSHAD PA LTAR SKABS 'DIR DON GYI RIM PA LA BRTEN TE BYAS NA LEGS SO, ,TSIG NYUNG DON DKA' GAL TE RTOGS GYUR NA, ,MKHAS PA'I YID LA DGA' BA CHER BSKYED PA'I, ,GRUB CHEN DRIL BU ZHABS KYI DBANG CHOG
, ,DON, ,GO SLA 'KHYER BDE'I CHO GA'I RIM PAR BSGRIGS, ,SHIN TU DPOG DKA'I DON LA NONGS GYUR NA, ,BCOM LDAN HE RU KA LA SNYING NAS 'CHAGS, ,DE YI DGE BAS GRUB PA'I DBANG PHYUG GI, LUGS BZANG 'JIG RTEN KUN TU RGYAS GYUR CIG , CES DPAL 'KHOR LO BDE MCHOG LUS KYI DKYIL 'KHOR DU DBANG BSKUR BA'I CHO GA DRIL BU ZHABS KYI LUGS SU GRAGS PA RIN PO CHE'I BANG MDZOD CES BYA BA 'DI, YONGS SU GRAGS PA'I SDE SNOD 'DZIN PA CHEN PO DGE LEGS DPAL GYIS NAN CHER BSKUL ZHING GZHAN YANG MANG PO LA PHAN PAR MTHONG NAS, LAM 'DI LA MOS PA SHIN TU BRTAN PA'I RNAL 'BYOR BA SHAR TZONG KHA PA BLO BZANG GRAGS PA'I DPAL GYIS, BDE MCHOG GI RGYUD DANG RGYA GZHUNG GI SKOR DU MA DANG, KHYAD PAR GRUB CHEN GYI GZHUNG KUN LA 'DRIS PAR BYAS TE, SA SKYA PA YAB SRAS KYI PHYAG BZHES LA GZHI BYAS SHING, BOD KYI MKHAS PA GZHAN GYI'ANG LEGS PAR BSHAD PA'I CHA BLANGS NAS 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI BA RIN CHEN DPAL LO,, MANGGA LAm,,