The 'Harvest of Attainments,' being an Explication of the Stage of Completion for the Secret Teaching of Highest Bliss (Sambara), according to the System of the Lord of Secret Practitioners, Luipa

*, ,RNAL 'BYOR DBANG PHYUG L'U AI PA'I LUGS KYI BDE MCHOG RDZOGS RIM GYI RNAM BSHAD DNGOS GRUB SNYE MA BZHUGS SO, ,

, ,RNAL 'BYOR GYI DBANG PHYUG L'U AI PA'I LUGS KYI DPAL 'KHOR LO BDE MCHOG GI RDZOGS RIM RNAL 'BYOR CHEN PO'I RNAM BSHAD DNGOS GRUB KYI SNYE MA ZHES BYA BA, BLA MA DANG RJE BTZUN 'JAM PA'I DBYANGS KYI ZHABS KYI PADMO LA GUS PAS PHYAG 'TSAL ZHING SKYABS SU MCHI'O, ,DPA' BO DPA' MO'I DBANG PHYUG MA, ,BYE BA'I DBUS NA LHUN PO LTAR, ,RAB BRJID HE RU KA DPAL DANG, , RJE BTZUN RDO RJE PHAG MO YI, ,ZHABS LA SNYING NAS PHYAG 'TSAL TE, ,GRUB THOB CHEN PO'I RDZOGS PA'I RIM, ,SHIN TU RTOGS PAR DKA' BA'I GZHUNG, ,SNGON CHAD PHYOGS 'DIR RTZA BSHAD KYI, , RGYUD SDES LEGS PAR MA BKRAL BA, ,BDAG GIS BRTZON PA CHEN PO YIS, ,RING DU 'BAD LAS RNYED GYUR PA, ,DE 'DIR BSHAD PAR BYA YIS NYON, ,L'U AI PA'I LUGS KYI RDZOGS RIM RNAL 'BYOR CHEN PO'I GZHUNG SGRUB THABS SU BKOD PA LA TSIG DON TZAM GYI STENG NAS DMIGS SKOR SKYONG RGYU DA LTA'I BAR DU 'DUG NA'ANG, RDZOGS RIM 'DI BDE MCHOG GI RTZA BA DANG YAN LAG GI RGYUD GANG GIS JI LTAR BSTAN PA SOGS KYI SGO NAS YID

, ,CHES PA'I KHUNGS LA BRTEN TA MTHA' DAG PAR BSHAD PA'I GO BA LEGS PAR CHAGS PA'I BSHAD PA MI 'DUG GO, DE LTA NA'ANG RNAM DPYOD DANG DON GNYER CHE ZHING GRUB CHEN GYI LAM SROL JI 'DRA BA CIG YIN PA MTHANG NA CI MA RUNG SNYAM PA'I BSAM PA CAN RNAMS KYIS LEGS PAR RTZAD BCAD PAR RIGS TE, L'U AI PA'I LUGS 'DI 'PHAGS YUL DU BDE MCHOG GI RTZA BA RU GRAGS SHING, RJES 'BRANG GI GRUB CHEN KYANG DU MA 'DUG PAS SHIN TU 'GANGS CHE BA'I PHYIR RO, ,DE LTAR NA DE 'DRA BA'I RDZOGS RIM RNAL 'BYOR CHEN PO 'CHAD PA LA LNGA, RDZOGS RIM 'DI RTZA BSHAD KYI RGYUD KYI GZHUNG GANG GIS BSTAN PA DANG, GZHUNG DE RNAMS KYIS DON DE JI LTAR BSTAN PA'I TSUL DANG, BSTAN PA'I DON DE NYAMS SU LEN PA'I RIM PA DANG, NYAMS SU BLANGS PAS RGYUD LA MNGON RTOGS SKYE BA'I RIM PA DANG, RIM PA DE LA BRTEN NAS 'BRAS BU 'GRUB PA'I TSUL LO, , DANG PO LA GNYIS KUN SPYOD NAS 'BYUNG BA DANG, MNGON BRJOD SOGS NAS 'BYUNG BA'O, ,DANG PO NI, SGRUB THABS KYI GZHUNG LAS, A'A LI K'A LI MDUN BSAMS NAS, ,RNAL 'BYOR CHEN PO NGAL BSO BYA, ,ZLA BA'I

DKYIL 'KHOR RDZOGS PA NI, ,LTE BA'I RTZA BAR GNAS PAR BSGOM, ,YE GE MCHOG GI GNAS GYUR PA, ,DE YI DBUS SU GNAS PAR BSAM, ,SKU GSUNG THUGS KYI RDO RJE CAN, ,LHA YI GZUGS NI BSGOM PAR BYA, ,GONG BU LAS 'DAS GYUR PA DE, ,SEMS NYID DU YANG BSGOM MI BYA, ,DE YANG BSAM GYIS MI KHYAB BSAM, ,SEMS PA NYID DU MTSON PA MIN, ,BSAM GYIS MI KHYAB DE BSAMS NA, ,DE LAS GZUNGS NI THOB PAR 'GYUR, ,ZHES GSUNGS BA 'DI 'DI'I RDZOGS RIM GYI GZHUNG YIN LA, DE NI KUN SPYOD KYI LE'U BCU GNYIS PAR GSUNGS PA BKOD PA'O, ,GNYIS PA NI, KUN SPYOD KYI BCU GNYIS PAR GZHUNG SNGAR DRANGS PA DE'I 'PHROS 'GA' ZHIG 'BYUNG BA LHAG DANG BCAS PA DANG, SNGAR DRANGS PA YANG RKANG PA 'GA' ZHIG MA TSANG BA DANG BCAS PA RNAMS RGYAS PAR MNGON BRJOD KYI NGA DRUG PA LAS, THAMS CAD BDAG NYID RTAG BZHUGS PAR, ,GANG ZHIG SNGAR NI BSHAD PA NYID, ,DKYIL 'KHOR LUS NI YIN PAR BSHAD, ,DE NI SGO DGU DAG TU 'GYUR, ,DE LA LTE PA'I 'KHOR LO CHE, ,THAMS CAD MKHYEN PA ZHES BYAR BSHAD, ,RDO RJE CAN NI DER BZHUGS PA, ,CHA MED CHA NI RNAM SPANGS PA, ,LUS CAN RNAMS KYI NANG NA ROL, ,LUS LAS 'DAS SHING GOS PA MED, ,LA LAR GZUGS CAN DAG TU BZHUGS, ,LA LAR SNA DANG NGAG DAG DANG, ,LA LAR RNA BA SGRA DAG DANG, ,LA LAR RDO RJE DRI CHEN CHU, ,LA LAR TSOR BAR BCAS PA'I SEMS, ,LA LAR SGOM DANG LA LAR BKRES, ,LA LAR KHRO DANG LA LAR ZHI, ,ZHES PA NAS, LA LAR KHRAG DANG PAGS PAR 'GYUR, ,LA LAR MYA NGAN GDUNG BA DANG, ,LA LAR BSREG PA'I ME DAG YIN, ,LA LAR MTHO RIS SKYE BA STE, ,RNAM PAR 'PHRUL

, ,PA 'DI LTA BU, ,THAMS CAD BDAG NYID BZHUGS 'DI LA, ,LHA GANG CHA NI RNAM SPANGS PA, ,DE YI SGYU MA SNA TSOGS 'DI, ,ZHES PA'I BAR DU GSUNGS LA, DE NAS, BRTAG PA MIN PA RDO RJE CAN, ,GZUGS MED PAR NI BHA GA'I NANG, ,LTE BA'I NANG NA PADMA CHE, ,BCU DRUG THIG NI GDAB PAR BYA, ,YI GE DANG YANG MNYAM SBYOR BAS, ,KHA SBYOR BYA BA BYAS PA YIN, ,DE DBUS RTAG TU GSANG BA NI, ,'BYIN DANG SDUD PAR BYED PA'O, ,DE NYID RANG NYID RDO RJE CAN, ,GCIG PU RANG 'BYUNG CHE BA'I LHA, ,DE NI SANGS RGYAS KUN DNGOS ZHES, ,MTSAN NI RAB TU BSHAD PA YIN, ,GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,THAMS CAD MKHYEN PAS 'DI BSHAD PA'AM, ,YANG NA MI SHIGS KUN MKHYEN PA, ,SKRA YI NYAG MA BRGYA YI CHA, ,MCHOG GI GZUGS CAN BSAM PA STE, ,STONG PA MA YIN DMIGS SU MED, ,YI GE MED CING STONG PA'ANG MIN, ,GOS PA MED CING SA BON MED, ,GZUGS MED MTSAN MA'ANG MED PA STE, ,RNAM SHES RANG GI DNGOS PO NI, ,RNAM SHES YE SHES DAG TU GZUNG, ZHES GSUNGS SHING, DE NAS RNAL 'BYOR NYAMS SU BLANGS PA'I MTSAN MA BRGYAD GSUNGS PA'I 'OG TU, BLTAS PA DGOD PA LAG BCANGS DANG, ,'KHYUD DANG GNYIS GNYIS LA SOGS PA, ,DE BZHIN GSHEGS PAS DBUGS 'BYIN GSUNGS, ,DGU PA BLA MA'I BLA MA STE, , THAMS CAD 'DIR NI BSTAN PA YIN, ,RNAM PA GZHAN DAG RTZA DANG 'DRA, ,DE NYID SROG CHAGS RNAMS KYI SROG ,DE NYID MI 'GYUR DAM PA YIN, ,DE NYID THAMS CAD KHYAB BYED DE, ,LUS KUN LA NI RNAM PAR GNAS, ,DE NYID SANGS RGYAS YE SHES TE, ,HE RU KA

DPAL YIN PAR BSHAD, ,SKYES PA MA NING LA SOGS NYID, ,PHRA BA'I SNYING PO'ANG 'DZIN PA YIN, ,YE SHES DAG TU 'BYUNG DE LA, ,GANG ZHIG SA LA GNAS RNAMS DANG, ,BSTAN BCOS DAG NI MA LUS DANG, ,RIG BYED GRUB MTHA' GNAS PA RNAMS, ,'JIG RTEN 'DI DANG GZHAN DAG TU, ,DE MED PAR NI 'GRUB MI 'GYUR, ,RIG BYED GRUB PA'I MTHA' RNAMS LA, ,'DI NI SNYING POR RAB TU BSHAD, ,CES GSUNGS LA, DE NAS A'A LI K'A LI'I BSNGAGS PA SOGS GSUNGS PA'I 'OG TU, A'A LI K'A LI MDUN BSAMS NAS, ,RNAL 'BYOR CHEN POS NGAL BSO STE, ,BSAM GYIS MI KHYAB SEMS NYID DE, ,SEMS KYANG BRTAG PAR MI BYA'O, ,SEMS CAM? NYID KYANG MI BSAM STE, ,DES NI 'DZIN PA THOB PAR 'GYUR, ,GANG GIS RGYUD KUN LAS GSANG BA, ,KHYOD LA YANG NI BSHAD PA YIN, ,'DI NI 'BAD PAS SBA BYA STE, ,GNYIS MED GNYIS SU MED PAR SDOM, ,RNAL 'BYOR MA SOGS THAMS CAD DANG, ,DPA' BO'I YAN LAG THAMS CAD KYI, ,RNAL 'BYOR PA YIS 'BRAS BU THOB, ,CES GSUNGS LA, HE RU KA MNGON 'BYUNG LAS KYANG, GANG GI JI LTAR SNGON DU GSUNGS, ,THAMS CAD BDAG NYID RTAG TU GNAS, ,LUS KYI DKYIL 'KHOR ZHES SU BRJOD, ,SGO DGU RU NI GYUR PA STE, ,LTE BA'I DBUS NA PADMA CHE, ,THAMS CAD MKHYEN PA'I YE SHES GRAGS, ,DE YI GNAS NA DPA' BO GZHUGS, ,CHA MED CHA NI RNAM PAR SPANGS, ,LUS RNAMS KUN GYIS RNAM PAR RTZE, ,LUS BRAL DRI MA MED PA STE, ,LA LAR GZUGS KYI GNAS NA BZHUGS, ,LA LAR SNA YI GNAS NA BZHUGS, ,ZHES PA NAS, JI LTAR KUN TU RNAM

, ,PAR DBYE, ,LHA YIS JI SRID GSUNGS PA KUN, ,GANG DE THAMS CAD BDAG NYID GNAS, ,ZHES PA'I BAR DANG, LTE BA'I RTZA BAR PADMA GNAS, ,GE SAR BCAS SHING 'OD DANG LDAN, ,RANG BZHIN KUN NI SHEL DAG LTAR, ,BCU DRUG LA SOGS KYIS NI BSKOR, ,YI GE MNYAM PAR SBYOR BA STE, ,NAM MKHA' SBYAR BA'I BDAG NYID DO, ,DE YI DBUS SU STONG PA CHE, ,SPRO DANG BSDU BAR BYED PA YIN, ,GANG GI MING NI KUN RANG BZHIN, ,GANG GIS YONGS SU GRAGS PA'O, ,NYI MA ZLA BA RNAM DAG STE, ,'CHAR DANG NUB PAR BSTAN PA YIN, ,SDIG PA KUN LAS RNAM PAR GROL, ,BSOD NAMS THAMS CAD RNAM PAR 'PHEL, ,PADMA'I SNA RTZER YUNGS KAR TZAM, ,RGYU DANG MI RGYU'I RANG BZHIN KUN, ,YID KYIS 'DAS PAR YANG DAG LDAN, ,PHYI YI DBYANGS NI RNAM PAR SPANGS, ,DE YIS YE SHES SANGS RGYAS TE, ,GZHAN GYIS SANGS RGYAS MI 'GYUR RO, ,ZHES DANG, RNAL 'BYOR NYAMS SU BLANGS PA'I MTSAN MA BRGYAD GSUNGS SO, ,MNGON BRJOD LAS, THAMS CAD BDAG NYID RTAG BZHUGS PAR, ,GANG ZHIG SNGAR NI BSHAD PA NYID, ,CES GSUNGS PA'I SNGAR BSHAD PA NI RGYUD DE'I LE'U DANG PO LA YANG BSNYEG TU YOD MOD KYANG, DE KHO NAR MI BYA BAR RTZA RGYUD LAS, GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,MKHA' 'GRO KUN DNGOS SEMS PA NI, ,RDO RJE SEMS DPA' BDE BA'I MCHOG ,'DI NI RANG BYUNG BCOM LDAN DPA', ,MKHA' 'GRO DRA BA'I SDOM PA YIN, ,ZHES GSUNGS PA LA YANG BSNYEG DGOS TE, RDO RJE MKHA' 'GRO LAS, ,KHYOD KYIS SNGAR BSHAD GSANG BA

DANG, ,THAMS CAD BDAG NYID RTAG TU BZHUGS, ,YI GE BCU DRUG RIG PA CHE, ,BDE MCHOG BLA MAR BSHAD PA DANG, ZHES GSANG BA MCHOG GIS DGYES PA NA ZHES SOGS RGYUD DER BSHAD PA DANG, BDE MCHOG RTZA RGYUD GNYIS KA LA'ANG BSNYEG PA BZHIN NO, ,DE LTAR NA LTE BAR ZLA BA'I DKYIL 'KHOR BSGOM PA SOGS KYI RDZOGS RIM RNAL 'BYOR CHEN PO NI RTZA RGYUD KYI GANG GIS GSUNGS PA KUN SPYOD NA MI GSAL YANG MNGON BRJOD LAS GSAL BAR BSHAD LA, THAMS CAD BDAG NYID RTAG TU BZHUGS, , ZHES SOGS KYIS LTE BA'I RTZA 'KHOR LA BRTEN NAS, RDZOGS RIM BSGOM PA DANG, DE YANG KUN SPYOD DANG MTHUN PA NI, MNGON BRJOD LAS GSUNGS SHING HE RU KA MNGON 'BYUNG YANG MNGON BRJOD DANG BSTUN DGOS PAR SNGAR DRANGS PA RNAMS KYIS SHES PAS RTZA RGYUD DANG MNGON BRJOD DANG HE RU KA MNGON 'BYUNG GSUM BSGRIGS TE 'DI'I RDZOGS RIM SHES DGOS LA, BDE MCHOG GI GZHUNG GZHAN LA BRTEN NAS KYANG SHES DGOS PA NI 'CHAD PAR 'GYUR RO, ,GNYIS PA LA GNYIS, LAM GYI SNYING PO JI LTAR BSTAN PA DANG, DE BSKYED PA'I THABS JI LTAR BSTAN PA'O, ,DANG PO LA GNYIS, SPYIR BSTAN PA DANG, SO SOR PHYE STE BSTAN PA'O, ,DANG PO NI, BLTAS DANG ZHES SOGS GSUM GYI MJUG TU KUN SPYOD LAS, GONG MA'I GONG MA MED PA NYID, , 'DI NYID DU NI YANG DAG BSTAN, ,MES TE GZHAN DAG RTZVA DANG 'DRA, ,ZHES MAR DO'I 'GYUR LAS 'BYUNG STE, BLTAS PA SOGS BZHI NI RGYUD SDE BZHI YIN LA, DE'I DANG PO GSUM NI GONG MA DANG BCAS PA DANG, BDE MCHOG LTA BU BZHI PA NI GONG NA

, ,MED PA'O, ,DGU PA NI MTSAN MA BRGYAD LA LTOS NAS YIN TE 'CHAD PAR 'GYUR RO, ,DER BSHAD PA'I THABS SHES GNYIS MED KYI LAM NI ME DANG 'DRA LA, BYA RGYUD SOGS NAS BSHAD PA NI DE LA LTOS TE SNYING PO MED PA RTZVA DANG 'DRA, ZHES PA DANG, DE NYID CES SOGS KYIS DE'I BSNGAGS PA BSTAN TE, RKANG PA BRGYAD KYI DON NI 'CHAD PAR 'GYUR RO, ,YE SHES DAG TU 'BYUNG DE LA, ZHES PA LA NI MNGON BRJOD DANG KUN SPYOD KYI GZHUNG RNAMS LA MI 'DRA BA MANG DU SNANG NA'ANG, DON NI KUN SPYOD MAR DOS BSGYUR BA LAS, GANG ZHIG CES PA'I RKANG PA GSUM GYI MTHAR, YE SHES DE LAS YANG DAG 'BYUNG, ZHES PA LTAR YIN TE, KUN SPYOD KYI 'GREL PAR RIG BYED DANG GRUB MTHA' SOGS YE SHES LA GNAS PA NI YE SHES DE LAS DE RNAMS 'BYUNG BA'I DON DU BSHAD CING, MNGON BRJOD 'GREL PA LAS, DNGOS GRUB THAMS CAD SROG DH'U T'IR BTZUD PA LAS BYUNG BA'I YE SHES LA BRTEN NAS 'BYUNG BA'I DON DU BSHAD PA'I PHYIR RO, ,SA LA GNAS PA NI SA BCU LA GNAS PA DANG, BSTAN BCOS NI RGYUD SDE RNAMS DANG, RIG BYAD NI PHYI PA'I BSTAN BCOS DANG, GRUB MTHA' NI NYAN THOS PA'I SDE SNOD LA SOGS PA'I GRUB MTHA' LA TA TH'A GA TA RAKshI TAS BSHAD DE, PHYI NANG GI GZHUNG LAS BSHAD PA'I DNGOS GRUB THAMS CAD LAM MDOR BSDUS PA 'DI NYID KYIS 'GRUB PA'I DON NO, ,DE NYID SROG CHAGS RNAMS KYI SROG ,CES PA NAS, SNYING PO'ANG 'DZIN PA YIN, ZHES PA'I BAR NI KUN SPYOD LAS KYANG 'BYUNG LA, THA MA GNYIS MA

GTOGS PA SAMBU tA DANG, DANG PO BZHI BRTAG GNYIS LAS KYANG GSUNGS SO, ,DE NYID CES PA NI, KYEE RDO RJE DANG SAMBU tA LAS, BSTEN PAS YANG DAG GANG 'BYUNG BA, ,SLOB MA'I KHAR NI BTUNG BAR BYA, ,RO MNYAM SLOB MA'I SPYOD YUL NYID, ,DE NYID LA YANG BYA BAR BYA, ,RANG RIG YE SHES NYID DU 'GYUR, ,RANG GZHAN YANG DAG RIG PA SPANGS, ,MKHA' MNYAM RDUL BRAL STONG PA NYID, ,DNGOS DANG DNGOS MED BDAG NYID MCHOG ,THABS DANG SHES RAB SHIN TU 'DRAS, ,CHAGS DANG CHAGS BRAL RNAM PAR 'DRES, ,DE NYID SROG CHAGS RNAMS KYI SROG ,CES GSUNGS PAS DBANG GSUM PA BSKUR BA LAS MTSON PA'I DON NYAMS SU BLANGS PA LAS BYUNG BA'I LHAN SKYES KYI YE SHES SO, ,DE SROG CHAGS RNAMS KYI SROG TU 'GYUR TSUL NI, SHIN TU GCES PAS SROG DANG 'DRA BAS SAM, DE'I RANG BZHIN STONG PA NYID SEMS CAN RNAMS KYI SROG GI NGO BO NYID YIN PA'I DON NO, ,DE DANG BRAL NA MI 'TSO BAS SROG GO ZHES KYANG 'GA' ZHIG BZHED DO, ,DE NYID MI 'GYUR BA NI THOG MAR SKYE BA DANG MTHAR 'JIG PA MED PA'O, ,'DI LA BRTAG GNYIS DANG SAMBU tAR YI GE ZHES BSGYUR BA NI AA KshA RA SPYIR YI GE LA'ANG 'GRO MOD KYANG 'DIR NI MI 'GYUR ZHES BSGYUR BA LTAR LEGS SO, ,DE NYID THAMS CAD CES PAS SNOD KYI NGO BO NYID DANG, LUS KUN ZHES PAS BCUD KYI NGO BOR BSTAN PAR KUN SPYOD 'GREL PAR BSHAD PA YANG LHAN SKYES KYI DE KHO NA NYID RANG BZHIN RNAM DAG LA GO BAR BYA'O, ,DE NYID SANGS RGYAS YE SHES NI 'BRAS BU'I LHAN SKYES NI DNGOS YIN LA, LAM GYI LHAN SKYES NI, 'JUG PA LAS, JI LTAR DE NYID RTOGS LA SANGS RGYAS BSNYAD, CES BUD DHA'I DON DE KHO NA NYID KHONG DU CHUD PA

, ,LA BSHAD PA LTAR RO, ,HE RU KA DPAL YIN PAR BSHAD PA NI, SHR'I HE RU KA'I YI GE BZHI'I DON, SHR'I NI GNYIS MED YE SHES TE ZHES SOGS LTAR TSANG BA'O, ,SKYES PA DANG MA NING DANG SOGS PAS BUD MED SOGS KYI PHRA BA DANG RAGS PA'I SNYING PO STE NGO BO 'DZIN PA STE 'JIG RTEN PAS NGES PA YANG LHAN SKYES KYI DE KHO NA NYID DER SHAR BA STE, DE'I RANG BZHIN RNAM DAG GIS CHOS THAMS CAD LA KHYAB CING RANG BZHIN DE YANG CHOS THAMS CAD KYI RNAM ROL TU SHAR BA STE, NGES DON GYI LHAN SKYES PHYOGS LA SOGS PA'I CHA SPANGS PA DE'I SGYU MA STE ROL PA SNA TSOGS PAR SHAR BAS THAMS CAD KYI BDAG NYID DU ZHUGS PAR SNGAR DRANGS PA'I LUNG, LA LAR GZUGS CAN DAG TU BZHUGS, ZHES SOGS RGYUD GNYIS LAS GSUNGS PA RNAMS KYI DON NO, ,'DI YANG BRTAG GNYIS LAS, DNGOS PO KUN GYI RANG BZHIN 'DI, ,SGYU MA'I GZUGS KYIS YANG DAG GNAS, ,ZHES THAMS CAD RANG BZHIN STONG PA NYID KYI RNAM ROL TU GSUNGS SHING, GSUM PO SPANGS PA NYID KYI PHYIR, ,LHAN CIG SKYES PA BYANG CHUB BRJOD, ,YANG NA DE NYID THAMS CAD BDAG ,YANG NA KUN GYIS RNAM PAR SPANGS, ,ZHES GSUNGS PA'I DON MU TIG PHRENG BAR, YANG NA ZHES PA DANG GANG YANG ZHES PA RNAM GRANGS SO, ,DE NYID KUN BDAG NYID CES PA NI LHAN CIG SKYES PA DE THAMS CAD KYI BDAG NYID YIN PAS DGA' BA GSUM GYI RJES SU 'GRO BA NYID DE, THUN MONG GI BDE BA GNYIS PO STONG PA NYID GANG YIN PA THUN MONG BA ZHES BYA BA'I DON TO, ,YANG NA ZHES PA RNAM GRANGS GZHAN GYIS THAMS CAD KYIS SPANGS PA NI DGA' BA GSUM DANG BRAL BA STE RANG RIG PA'I KHYAD PAR GYI

MTSAN NYID KYIS DE RNAMS KYI RJES SU 'GRO BA MED PA YIN NO, ,'DI DAG NYID KHYAD PAR GYI MTSAN NYID 'DI DAG DANG BRAL BA LA BRTEN NAS 'DI YIS GSUM PO SPANGS PA ZHES SO, ,ZHES LHAN SKYES KYI STENG GI THUN MONG BA SPYI'I MTSAN NYID GZUNG 'DZIN GNYIS PO BDEN PAS STONG PA DGA' BA GSUM LA RJES SU 'GRO BAS THAMS CAD KYI BDAG NYID DU GSUNGS LA, THUN MONG MA YIN PA KHYAD PAR GYI MTSAN NYID NYAMS SU MYONG BA'I LHAN SKYES KYI BDE BA DANG BRAL BAS DGA' BA GSUM GYIS DE SPANGS PAR BSHAD PA LTAR TE, RES 'GA' LHAN SKYES KYI YE SHES KYIS THAMS CAD LA KHYAB PA DANG, RES 'GA' DGA' BA GSUM LA SOGS PA DE MED PAR BSHAD PA RNAMS NI LHAN SKYES KYI BDE STONG GI RANG BZHIN RNAM DAG SPYI'I MTSAN NYID KYIS KUN LA KHYAB PA DANG, LAM GYI DRI MA SPANGS PA LA SOGS PA KHYAD PAR THUN MONG MA YIN PA'I MTSAN NYID GZHAN LA MED PAR GSUNGS PA'I STENG NAS SHES PAR BYA'O, ,GZHAN YANG RANG BZHIN GYIS 'OD GSAL BA'I RANG BZHIN RNAM DAG CHOS GZHAN RNAMS LA KHYAB PAR BYED PA NI BDE BA CHEN PO'I YANG RANG BZHIN YIN LA, RANG BZHIN DANG RANG BZHIN CAN LA NI BDAG GCIG PA'I 'BREL PA YOD PAS BDE BA CHEN PO DANG NGO BO GCIG PA'I RANG BZHIN GYIS SNOD BCUD KUN LA KHYAB PA NA BDE BA CHEN POS KYANG DE RNAMS LA KHYAB PAR THA SNYAD MDZAD PA YIN TE, LHAN SKYES KYI RNAL 'BYOR DAM PA'I 'GREL PA SNYING PO GSAL BA LAS, CHOS NYID NI KHYAB PAR BYED PA STE DE NYID CHOS KYI SKU RANG BZHIN GYIS 'OD GSAL BA BDE BA CHEN PO'I RANG BZHIN NO, ,BDE BA CHEN PO DE NYID KYIS CHOS THAMS CAD KHYAB PA STE CHOS RNAMS DANG CHOS NYID LA DE'I BDAG

, ,NYID KYI 'BREL PA YOD PAS RGYU DANG MI RGYU BA'I DNGOS PO THAMS CAD BDE BA CHEN PO'I RANG BZHIN DU GRUB PA KHO NA YIN NO, ,JI SKAD DU CHOS LAS CHOS NYID THA MI DAD PA YIN NO ZHES GSUNGS SO, ,ZHES 'BYUNG BA LTAR RO, ,BDE BA CHEN POS LUS CAN KUN LA KHYAB PAR GSUNGS PA'I DON GZHAN YANG THABS DANG LDAN NA LUS DE LAS DE 'BYUNG DU RUNG BA LA DGONGS NAS KYANG YIN TE, MAN NGAG SNYE MA LAS, 'O NA DE KHO NA NYID MA RTOGS PA'I GNAS SKABS SU BDE BA CHEN PO NYAMS SU MA MYONG BA MA YIN NAM, JI LTAR SEMS CAN KUN GYI SEMS KYI BDAG NYID DU BRJOD CE NA, BDE BA CHEN PO NYAMS SU MYONG BAR RUNG BA NYID KYIS SO ZHES BSHAD DO, ,DE LTAR BSHAD PA NI GSANG BA GRUB PA LAS, RANG GIS RIG PA'I LHA RDZAS DE, ,PHYAG RGYA CHEN PO MCHOG TU DGE, THA MAL LUS LA BRTEN NAS GNAS, ,SHES RAB CHUNG BAS MTHONG MI 'GYUR, ,MI 'GYUR BA YI RANG LUS DE, ,PHYOGS GCIG GIS NI SHES PAR BYA, ,BLA MA'I BKA' DRIN GNAS PA LAS, ,JI LTA BA BZHIN RNAM PAR GNAS, ,RTZVA SHING 'KHRIL SHING LA SOGS PA, ,KUN TU GNAS PAR GYUR NA YANG, ,MI NI THABS DANG BRAL BA YIS, ,ME NI MTHONG BAR 'GYUR MA YIN, ,THABS DANG BRAL NA NAM DU YANG, ,LHA RDZAS YON TAN KUN 'BYUNG BA, ,GNYUG MA'I LUS LA GNAS NA YANG, , SHES RAB ZHAN PAS MTHONG MI 'GYUR, ,JI LTAR BUR SHING KHU BA DANG, ,TIL LA TIL MAR JI LTAR MAR, ,DE BZHIN LUS LA THAMS CAD DU, ,SHES RAB PHA ROL PHYIN PA GNAS, ,ZHES RNAL 'BYOR BA RANG GIS RIG PA'I BDE BA CHEN PO'I LHA RDZAS PHYAG RGYA

CHEN PO LHAN CIG SKYES PA'I YE SHES RANG GI LUS LA GNAS PA'I DON NI, SHING LA ME DANG, 'O MA LA MAR GNAS PA SOGS DANG 'DRA BAR GSUNGS LA, THABS DANG BCAS NA RANG LUS LAS 'BYUNG DU RUNG BA LA SHIN TU GSAL BAR GSUNGS PA DANG MTHUN NO, ,GZHAN YANG DON GYI LHAN SKYES KYI YE SHES DANG, YUL GYI DE KHO NA NYID GNYIS PHAN TSUN DU 'DRA BAR RO MNYAM DU ZHUGS SHING, YUL DE YANG BRTAN GA-YO KUN LA KHYAB PA LA DGONGS NAS KYANG DE LTAR GSUNGS TE, HE RU KA MNGON 'BYUNG LAS, GANG DE THAMS CAD BDAG NYID GNAS, ,DPA' BO 'DI RNAMS GSANG CHEN PO, ,PHYI DANG NANG DU YANG DAG GNAS, ,KUN LA KHYAB CING RTAG TU STONG, ,ZHES PA DANG, GNYIS MED YE SHES NYID DANG YANG, ,DE DANG 'DRA BAR STONG BAR 'GYUR, ,ZHES GSUNGS SHING, DE DAG GI DON GSAL BAR MAN SNYE LAS KYANG, STONG PA NYID DANG RO GCIG PA NYID KYI PHYIR STONG PA NYID KYI YE SHES KYANG STENG PA NYID BZHIN DU DE KHO NA NYID DU BRJOD CING DE KHO NA YANG BYANG CHUB KYI SEMS TE DE'I PHYIR DE YANG KHYAB PAR BYED PA KHO NA'O ZHES PA'O ZHES GSUNGS SO, ,DE LTAR LHAN SKYES KYI BDE BA'I STENG NAS CHA SO SOR PHYE NAS SKABS SU GANG BAB PA'I KHYAB PA'I TSUL RNAMS SHES PAR BYA'I, CHOS 'DI LAS PHYI ROL DU GYUR PA RNAMS KYIS RTAG PA DANG KHYAB PA KHAS BLANGS PA LTA BU DON 'DRA BA LA MING BZANG POR BSGYUR BA'I TSUL KHAS BLANG BAR MI BYA'O, ,GAL TE DE KHO NA NYID LA BSAMS NAS KUN LA KHYAB PAR BSHAD NA, LHAN SKYES KYI DE KHO NA NYID CES LHAN SKYES KYI BDE BA LA DMIGS KYIS BKAR CI DGOS TE, CHOS CAN GZHAN GANG RUNG GCIG GI STENG

, ,NAS KYANG BSHAD PAS CHOG PA'I PHYIR RO SNYAM NA, DGOS PA DE TZAM ZHIG YIN NA BDEN MOD KYANG DE LTAR 'CHAD PA NI RANG RGYUD LA LHAN SKYES KYI BDE BA BSKYED DE MNYAM GZHAG TU BSKYANGS PA'I 'OG TU SNOD BCUD GZHAN DANG LHAN SKYES KYI BDE BA DE KHO NA NYID RANG BZHIN STONG PA GNYIS MTSUNGS PA'I TSUL DANG, CHOS THAMS CAD RANG RANG GI STONG PA NYID DER SNANG BA YIN PAS DE'I RNAM 'GYUR YIN PA DANG, DE LTA NA DE DAG GI STONG PA NYID LA RJES SU ZHUGS PA'I LHAN SKYES KYI'ANG RNAM ROL DU SHAR BAR MOS NAS, RJES KYI TSE BSKYANGS PAS YUL SNANG THAMS CAD BDE BAR 'CHAR BA'I GROGS SU 'KHYER BA'I CHED YIN CING, MNYAM RJES GNYIS KAR BDE STONG SBYAR TE BSGOMS PAS NI MYUR DU 'GRUB PAR 'GYUR TE, LHAN CIG SKYES PA'I RNAL 'BYOR DAM PA LAS, SNANG BA MED CING GSAL BA TZAM, ,BDE BA CHEN PO MTHA' YAS PA, ,JI SRID NUS PA DE SRID DU, ,RGYUN MA CHAD PAR BLTA BAR BYA, ,LANGS PA DANG DNGOS PO THAMS CAD BDE BA CHEN PO'I NGO BO YIN PAS RNAL 'BYOR MA'I 'KHOR LO'I BDAG NYID CAN DU MOS PAR BYA'O, ,YANG DANG YANG DU BSOD NAMS DANG YE SHES KYI TSOGS BSAG PAR BYA BA'I PHYIR RANG RIG PA'I BDE BA CHEN PO DE NYID KYIS MCHOD PAR BYA'O, ,TSOGS BSAGS PA'I BSGOM PA'I KHYAD PAR GYIS YUN RING MA YIN PAR 'DOD PA'I DNGOS GRUB TU 'GYUR RO, ,SROG CHAGS THAMS CAD BDAG LAS BYUNG, ,KHAMS GSUM YANG NI BDAG LAS BYUNG, ,'DI DAG THAMS CAD BDAG GIS KHYAB, ,'GRO GZHAN RANG BZHIN MI SNANG NGO, ,DE LTAR SHES NAS RNAL 'BYOR PA, ,MNYAM PAR BZHAG PAS GANG SLOB

PA, ,MI DE BSOD NAMS DMAN PA YANG, ,'GRUB YAR 'GYUR TE THE TSOM MED, ,CES GSUNGS TE, TSUL 'DI NI BRTAG GNYIS KYI LE'U BRGYAD PA SOGS NAS BDE BAS KUN LA KHYAB PAR BSHAD PA RNAMS KYI GNAD DAM PA'I, ,MAN SNYE LAS KYANG DE LTAR DU GSUNGS PAS, BRTAN SOGS GA-YO BA DANG BCAS PA'I, ,'GRO KUN KHYAB PAS KHYAB PA'O, ,ZHES SO, ,'DI YANG BDE BA CHEN PO'I NGO BO KHO NAR BSGOM PAR BYA BZHIN PAS NI 'BRAS BU BDE BA CHEN PO'I RANG BZHIN GYI THAR PA BSKYED PAR BYED DE, NYE BAR LEN PA DANG NYE BAR BLANG BYA DAG RIGS MTSUNGS PA KHO NA'O ZHAS BSHAD DO, BRTAG PA MIN PA RDO RJE CAN, GZUGS MED PAR NI BHA GA'I NANG, ,ZHAS PA'I RTOG PAS BRTOG PAR BYA BA MIN PA NI DES MA BSLAD PA'O, ,RDO RJE CAN NI LHAN SKYES SO, ,GZUGS MED PAR TE GZUGS SU MED PA'O, ,BHA GA NI CHOS 'BYUNG 'OD GSAL LO, ,DE'I NANG NI DER YE SHES DE RO GCIG TU ZHUGS PA'O, ,GSANG BA NI STONG PA NYID YIN LA DER BZHUGS PA NI LHAN SKYES KYI YE SHES SO, ,GSANG BA DE YANG YE SHES MCHOG STE DAM PA'I YUL DANG, DE YUL DU BYAS NAS DGYES PA STE BDE BA CHEN PO BSKYED PA DANG, GSANG BA DE YANG THAMS CAD LA KHYAB PA'I BDAG NYID DANG, DER RTAG TU BZHUGS PA NI DE DER NAS GANG DU YANG MA BZHUD PA'O, ,'DI LA BSHAD TSUL ? MANG YANG 'DIR LHAN SKYES KYI NGES DON GYI BSHAD PA SKABS SU BAB PA LTAR RO, ,d'A nI dA ZHES PA NI NAM MKHA' STE SKAD KYI BYINGS LA BSGYUR BA'O, ,AA KI NI GYA GYUR 'GRO BA STE NAM MKHA' LA KHYAB PAR 'GRO BAS d'A KI STE NI MKHA' 'GRO MA BZHI'O, ,DE'I NGES DON NI NAM MKHA' SHES RAB STONG PA NYID

, ,LA KHYAB PAR 'GRO BA'I LHAN SKYES SO, ,DE'I DNGOS PO NI RANG GI NGO BO YIN TE, DE KHO NA NYID GSAL BA LAS, dE NI NAM MKHAR 'GRO BA ZHES, ,SKAD KYI BYINGS LAS RNAM PAR BRTAGS, ,NAM MKHA' KUN TU RGYU BAS NA, ,MKHA' 'GRO MA ZHES BYA BAR BRJOD, ,MKHA' 'GRO MA NI THAMS CAD KYI, ,RANG BZHIN NYID PHYIR DE YI DNGOS, ZHES SO, ,DES SANGS RGYAS KUN DNGOS ZHES BYA BA'I DON YANG GO BAR BYA'O, ,SEMS DPA' NI 'KHOR BA STE THABS MCHOG TU DGA' BA'I NGO BO STE, RDO RJE SEMS DPA'I SEMS DPA'I DON YANG DE'O, ,RDO RJE NI BYANG CHUB KYI SEMS DE NYID STONG PA DANG DBYER MI PHYED PA'O, ,RGYU MTSAN DES NA RTZA BA'I RGYUD LAS, RDOR SEMS ZHES PA'I 'OG TU BDE BA'I MCHOG CES GSUNGS TE, BDE BA CHEN PO NAM MKHA'I KHAMS STONG PA NYID KYI YUL CAN DU GNAS PA NI BDE BA GZHAN LAS MCHOG YIN PA'I PHYIR TE, DE NYID GSAL BA LAS SEMS DPA' ZHES PA'ANG 'KHOR BA NI, ,MCHOG TU DGA' BA'I NGO BO YIN, ,BYANG CHUB SEMS NI MI PHYED PHYIR, ,'DI LA RDO RJE SEMS DPAR BRJOD, ,DE YI PHYIR NA DE 'OG TU, ,BDE BA'I MCHOG CES RGYUD LAS GSUNGS, ,NAM MKHA'I KHAMS SU GNAS PAS KYANG, ,DE NI BDE BA'I MCHOG TU BRJOD, ,CES GSUNGS TE RDO RJE MKHA' 'GROR BSHAD PA GZHAN MDZAD PA'ANG YOD PAS SGO GCIG TU MA NGES SO, ,MCHOG TU DGA' BA 'DI NI GDUL BYA RANG RANG GI DOR RNAM SNANG LA SOGS PA'I SKUR 'BYUNG BAS RANG 'BYUNG NGAM DE KHO NA NYID JI BZHIN DU RJES SU ZHUGS PAS RANG 'BYUNG DANG, SKAL PA PHUN TSOGS DANG LDAN PAS BCOM LDAN

'DAS DANG, MI MTHUN PHYOGS RTZAD NAS 'BYIN PAS DPA' BO DANG, DE KHO NA NYID DANG RO GCIG PAS GCIG PU DANG, LUS LA LHAG PAR BYIN GYIS RLOB CING GSAL ZHING RIG PA DANG SPRUL PA RGYAS PAR BYED PAS NA LHA STE CHE BA'I LHA ZHES KYANG BYA'O, ,MKHA' 'GRO MA'I DRA BA NI RTZA SO DRUG GI TSOGS YIN LA, DES BSKUL BA'I YE SHES NI SDOM PA ZHES PA SAM BHA RA STE BDE BA MCHOG GO ,DE 'DRA BA'I LHAN SKYES NI DON DAM PAR STONG PA MA YIN PA LA MI DMIGS SHING THA SNYAD DU STONG PA STE MED PA LA YANG DMIGS PA MIN NO, ,H'Um LA SOGS PA'I YI GE DANG SA BON N'A DA TZAM DU YANG MI DMIGS PA DANG, DRI MAS GOS PA STE BSLAD PA MED CING, GZUGS SU'ANG MED CING GNYIS SNANG GI MTSAN MA YANG MED PA'O, ,MTSAN MA DANG BCAS PA'I RNAM SHES RANG GI SEMS MTSAN MAR SNANG BA MED PA'I YE SHES SU BSKYED PA'I TSUL GYIS GZUNG NGO, ,LTE BA'I GNAS SU RDO RJE CAN SOGS BZHUGS ZHES PA'I DON NI BSHAD ZIN LA, RNAM PAR RTZE BAS NI ROL PA DANG, LUS RNAMS KUN NI LUS CAN RNAMS KYI NANG NA ZHES PA'I DON NO, ,LTE BA'I DBUS NA GNAS PA'I GSANG BA NI STONG PA CHE ZHES PA YIN LA, SPRO BA'AM 'BYIN PAR BYED PA NI DE'I BDAG NYID KYI LAS LAS KUN 'BYUNG BA DANG, MTHAR SDUD SA YANG DER BYED PA'O, ,'JIG RTEN 'DIR DE MED PAS MI 'GRUB PA NI, TSE 'DIR MCHOG THOD ? PA NI LHAN SKYES KYI BDE CHEN DANG STONG PA SBYAR BA'I MTHU NYID DU ZAD PA'O, ,'JIG RTEN GZHAN DU'ANG DE MED PAR MI 'GRUB PA NI SKYE BA DU MAR BRGYUD NAS 'TSANG RGYA BA LA YANG DE MED PAR MI 'THOB PA'O, ,RIG BYED KYIS MTSON PA'I PHYI ROL PA'I GZHUNG DANG RANG

, ,GI GRUB PA'I MTHA'I GZHUNG RNAMS SU SNYING PO'I DON 'TSOL BA'I BTZAL ? BYA'I SNYING PO'I DON NI THABS SHES DBYER MED KYI LAM 'DI NYID YIN PAR RNAL 'BYOR BLA MAD KYI GZHUNG RNAMS LAS BSHAD DO, ,ZHES NGES PA'I DON MTHAR THUG PA'I LAM DU GSUNGS SO, ,SNYING PO'I THABS SHES DBYER MED DE YANG GSAL BAR DPAL BDE MCHOG 'BYUNG BA LAS GSUNGS TE, DNGOS PO MED PA'I CHOS RNAMS LA, ,BLANG DANG DOR BA GA LA ZHIG, BLANG BYA DANG NI DOR BYA YI, ,CHOS KUN RMI LAM JI BZHIN NO, ,DGA' BA YONGS SU SHES PA YIS, ,SHES RAB PHA ROL PHYIN PA MCHOG ,DGA' BA'I 'BRAS BU LA GNAS PA, ,'DI NI DNGOS MED BYANG CHUB BO, ,GNYIS PO RO GCIG DBYER MED PAR, ,DGA' BA'I BDE BA CHEN PO NYID, ,SHES RAB SNYING RJE'I DBYE BA NI, ,SGRON ME DANG NI 'OD ZER BZHIN, ,'DI GNYIS MI PHYED BDAG NYID DO, ,RO GCIG DNGOS PO'I SEMS YIN NO, ,SHES RAB THABS NI MNYAM SBYOR BAS, ,RDZOGS PA'I BYANG CHUB SGRUB BYED PA, ,DE NYID LA NI BLA MED PA'I, ,SANGS RGYAS KUN RNAMS RAB TU GZHUG ,DBYER MED RNAM PAR YANG DAG RIG ,GANG ZHIG GNAS NA RDO RJE SEMS, ,JI SRID RDZOGS BYANG CHUB PAR 'GYUR, ,BDE BAS SDOM PAR BYAS NAS NI, ,SGRUB PO BDE MCHOG RDZOGS BAR DU, ,DE SRID DE NI MYONG BAR 'GYUR, ,ZHES GSUNGS SO, ,RANG BZHIN GYIS GRUB PA MED PA'I CHOS RNAMS BLANG DOR GYI RANG BZHIN GYIS STONG YANG DER SNANG BA RMI LAM GYI BLANG DOR BZHIN DU YONGS SU SHES PA'I DGA' BA STE BDE BA CHEN PO NI SHES RAB KYI PHA ROL TU PHYIN PA'O, ,MCHOG NI YUL CAN BDE BA CHEN POS MA BYAS PA'I STONG NYID RTOGS PA LAS KHYAD

PAR 'PHAGS PA'O, ,DGA' BA BDE CHEN GANG GI DON DU BSKYED PA'I 'BRAS BU STE DGOS PA NI BDAG MED PA'I DE NYID BSGOM PA'I PHYIR YIN PAS BDE CHEN BSKYED NAS DE KHO NA NYID KYI DON LA RTZE GCIG TU GNAS PA'I RTOGS PA NI RANG BZHIN MED PA'I DON BSGOM PA'O, ,'GYUR GSAR LAS, DGA' BA'I 'BRAS BU LA GNAS PA, ,RTOG PA DE DAG RANG BZHIN BRAL, ,ZHES 'BYUNG NGO, ,RANG BZHIN MED PA'I STONG PA DANG BDE BA CHEN PO GNYIS RO GCIG PA DBYER MED PA'I SHES RAB DANG SNYING RJE'O, ,DE GNYIS KYI DBYE BA NI SGRON ME DANG DE'I SNANG BA BZHIN NGO BO GCIG LA LDOG PA THA DAD PA TZAM STE SNYING RJE BDE CHEN DANG SHES RAB STONG NYID RTOGS PA GNYIS SEMS GCIG GI DNGOS POR SBYOR RO, ,DE 'DRA BA'I THABS SHES DBYER MED DU SBYAR NAS RDZOGS PA'I BYANG CHUB SGRUB PA NI SANGS RGYAS MTHA' DAG GANG LA GNAS NAS BYANG CHUB SGRUB PA'I LAM GONG NA MED PA ZHES BYA STE, 'GYUR GSAR LAS, DE NYID SANGS RGYAS MTHA' DAG GI ,RAB TU GNAS PA BLA NA MED, ,CES 'BYUNG NGO, ,DE LA RDO RJE DANG SEMS DPA'I DON TSAD BA NI SNGAR BSHAD PA LTAR RO, , DE 'DRA BA'I LAM GYIS CHOS THAMS CAD LHAN SKYES KYI NGO BOR BSDOMS NAS BGROD PA NI DPAL BDE MCHOG MA THOB KYI BAR DU BYED DO, ,ZHES LAM 'DI NYID BGROD PA GCIG PAR STON PA'O, ,'DI BDE BAR GSHEGS PA'I LAM MCHOG LA PHYAG 'TSAL BA'I SKABS SU GSUNGS PAS SNGAR BSHAD PA'I LAM GYI SNYING PO NI 'DI NYID DU YID CES PAR BYA'O, ,LAM GYI SNYING PO LA SNANG PHYOGS SGYU MA'I LUS KYI RDZOGS RIM GYI TING NGE 'DZIN YANG DGOS MOD KYANG, RNAL 'BYOR MA'I RGYUD RNAMS SU STONG PHYOGS BDE STONG SBYOR BA'I

, ,LAM NYID RTZAL DU BTON NAS GTZO BOR 'CHAD PA LTAR TE 'ON KYANG DE NI 'CHAD PAR 'GYUR RO, ,GZHAN YANG DE SRID DE NI MYONG BAR 'GYUR, ZHES PA'I MJUG THOGS SU SLAR YANG BDE STONG GI THABS SHES GSUNGS PA NI, SGYU MA'I RDZU 'PHRUL TSOGS PA RNAMS LA DE SHES JI BZHIN NYID, ,SKYE DANG DGA' BA MTHA' DAG MNYAM PA NYID DU RAB SPYOD CING, ,'JIGS DANG 'JIGS PAR BYED MED BDE BA 'BYUNG BA'ANG YOD MA YIN, ,DE LTAR RNAL 'BYOR PA NI RANG BZHIN DE BZHIN NYID RJES 'GRO, ZHES BDE BA DANG DE SKYED BYED DANG 'JIGS PA DANG DE BSKYED PA'I BYA BYED THAMS CAD SGYU MA SHES PA'I SGYU MA MKHAN LA SGYU MAR SNANG BA LTAR, RANG BZHIN GYIS GRUB PA MED BZHIN DU DER SNANG BAR SHES PAR BYAS NAS RNAL 'BYOR PA DE BZHIN NYID KYI RANG BZHIN JI LTAR GNAS PA DE'I RJES SU 'GRO BAR SLOB PA'I SHES RAB DANG, YANG DE'I MJUG TU, AE MA'O BDE CHEN 'DOD PA YIS, ,SA GSUM PO NI GANG BA STE, ,AE MA'O ZHI BA'I BDE BA 'BAB, ,SNA TSOGS KHONG DU CHUD CING RGYAS, ,AE MA'O BDE BA BDE CHEN PO, , AE MA'O JI LTAR JI LTAR BZA', ,AE MA'O LHAN SKYES BDAG NYID CHE, ,CHOS RNAMS KUN GYI RANG BZHIN NYID, ,CES RKANG PA GNYIS GNYIS KYI DGA' BA RE RE STON CING, DE LA'ANG AE MA'O ZHES SHIN TU NGO MTSAR BAR GSUNGS BA NI SNGAR BSHAD PA'I STONG PA DANG 'DI GNYIS SBYAR TE BSGOMS PAS RNAL 'BYOR PA'I YID 'PHROG PAR STON PA'ANG YIN PAS LAM 'DI 'DRA BA LA SHIN TU NGO MTSAR BA BSKYED PAR BYA'O, ,GNYIS PA SO SOR PHYE STE BSHAD PA LA GSUM, SHES RAB STONG PA'I PHYOGS BSHAD PA

DANG, THABS BDE BA'I PHYOGS BSHAD PA DANG, THABS SHES GNYIS MNYAM PAR SBYOR BA'I TSUL BSHAD PA'O, ,DANG PO NI, RTZA RGYUD LAS RGYUD KYI DON GYI GTZO BO RNAMS DE NYID BCU BZHIR BSDUS PA'I SKABS SU, RGYU SOGS STONG PA SNGON 'GRO BAS, ZHES GSUNGS PA NI KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA YIN, ,RU NI BKOD DANG BRAL BA STE, ,KA NI GANG DU'ANG MI GNAS PA, ZHES GSUNGS PA DE YIN LA, DE'I DON NI MKHA' 'GRO RGYA MTSO LAS, AE WAm LA SOGS GNYIS MED PA'ANG, ,SHA'I ZHES BYA BA'I YIG NGES BRJOD, ,HE YIG SNYING KHA NAS KUN TU, ,HE RU KA SOGS RAB 'KHOR 'GRO, SGOM PA KUN GYI 'BYUNG GNAS LAS, ,'DZIN PA LA SOGS RNAMS BSKYED 'GYUR, ,DE NI RGYU STONG BDAG NYID DE, ,RGYU'I BDAG NYID DU MI RTOG PA'O, ,RANG BZHIN CHOS BDAG MED PA NYID, ,DE NI STONG PA'I RNAL 'BYOR GNAS, ,BKOD PA GANG DAG BDAG MED PA, ,RTOG PA'I DRA BA CHEN PO NI, ,RU YIG RKYEN GYI BDAG NYID CAN, ,DE NI BDAG GI BKOD BRAL BA'O, ,SLAR BRJOD KA NI MA LUS PA'I, ,BDAG GIS GNYIS BYAR MED SHES GANG, ,GANG PHYIR CI LA'ANG MI GNAS PA, ,DE PHYIR KA ZHES BYA BAR BRJOD, ,CAS HES CHOS KYI BDAG MED DANG, ,RUS GANG ZAG GI BDAG MED DE YUL BDAG MED GNYIS DANG, KAS YUL CAN GYI YE SHES DANG, SHR'IS DE GNYIS DBYER MI PHYED PAR STON TE, MDOR NA BDAG MED GNYIS RTOGS PA'I SHES RAB BO, ,BDE MCHOG 'BYUNG BA LAS KYANG, 'GRO BA CHU YI ZLA BA DE BZHIN MTHONG 'GYUR ZHING, ,THOS PA DANG NI BRAG CHA GCIG TU YANG DAG 'JUG, SEMS KYANG MYA NGAM SMIG

, ,RGYU LTA BUR BLTA BYA ZHING, ,BZA' DANG BTUNG BA NAM MKHA' LTA BUR GANG GI TSE, ,BSNAM PA DAG NI NAM MKHA'I ME TOG DRI LTA BU, ,ZLA BA NYI MA JI BZHIN SKOR BAR BYED PA'I YID, ,YANG DAG GNAS PA RNAMS KYANG RI RAB DE MTSUNGS TE, ,DMIGS PA GZHON NU MA YI RMI LAM JI BZHIN NO, ,THA SNYAD DAG NI SGYU MA MIG 'PHRUL LTA BUR GNAS, ,DE LTAR JI BZHIN LHAN SKYES BDE 'BYUNG DE BZHIN DU, ,DNGOS PO'I RANG BZHIN DANG BRAL BSAM GYIS MI KHYAB TSUL, ,RTAG TU 'CHAR BA BDE GSHEGS LAM MCHOG PHYAG 'TSAL BSTOD, CES MTHONG BA'I GZUGS RNAMS CHU ZLA DANG, THOS PA'I SGRA RNAMS BRAG CHA DANG, BSNAMS PA'I DRI RNAMS NAM MKHA'I ME TOG GI DRI DANG, BZA' BTUNG GI RO RNAMS NAM MKHA' DANG, REG BYA RNAMS GZHON NU MAS RMI LAM DU RMIS PA'I REG BYA BZHIN DANG, DRUG PA YID KYI SEMS KYI YUL RNAMS SMIG RGYU'I CHU DANG MTSUNGS PAR LEGS PAR SHES NAS, NYI ZLA BZHIN DU CUNG ZAD KYANG MI SDOD PAR YUL LA RGYUG PA'I YID NI, RANG BZHIN MED PA'I DON GTAN LA PHAB PA'I LTA THOG TU RI RAB DANG 'DRA BAR MI GA-YO BAR YANG DAG PAR GNAS PAR BYAS NAS MNYAM GZHAG TU BSKYANGS BA'I MTHUS RJES THOB TU THA SNYAD GANG 'DOGS THAMS CAD SGYU MA DANG MIG 'PHRUL BZHIN DANG, YUL SNANG GANG SHAR THAMS CAD GZHON NU MAS RMI LAM DU BDE BA MYONG BA BZHIN DU BDE BA CHEN PO'I NGO BOR 'CHAR BAR BYA BA DANG, SNGAR BSHAD PA DE LTAR DPE DE RNAMS BZHIN DU DNGOS PO RNAMS RANG BZHIN GYIS GRUB PA DANG BRAL BA'I YUL GYI

GNAS TSUL JI 'DRA BA DE BZHIN DU LHAN SKYES KYI BDE BA 'BYUNG BA YANG DE KHO NA NYID LA RJES SU ZHUGS PAR RTAG TU 'CHAR BA'I BDE BAR GSHEGS PA'I SAR BGROD PA'I LAM RNAMS KYI NANG NAS MCHOG TU GYUR PA DE LA PHYAG 'TSAL LO ZHES SNGAR BSHAD PA'I THABS SHES RGYAS BSHAD KYI SKABS SU GSUNGS SO, ,RDO RJE MKHA' 'GRO LAS KYANG, THAMS CAD NAM MKHA'I MTSAN NYID DE, ,NAM MKHA' LA NI MTSAN NYID MED, ,KHAMS GSUM PA NI MA LUS PA'I, ,'GRO KUN SGYU MA LTA BU YIN, ,BRTAN PA DANG NI GA-YO BA YI, ,'GRO BA DMIGS SU MED PA STE, ,MTHONG BA DANG NI REG PA'I DNGOS, ,THAMS CAD SGYU MA JI BZHIN NO, ,GANG GIS BLUN PO 'CHING GYUR PA, ,'DIR DES MKHAS RNAMS RNAM PAR ROL, ,PHAG RGYA'I SBYOR BA 'DI YIS NI, ,SA GSUM MA LUS BZA' BAR BYA, ,GZHAN DU GAL TE SBYOR BA NI, ,MA TSANG MAR ME LTA BUR 'DA', ,ZHES DANG, GANG TSE 'DUS BYAS TSUL RNAMS NI, ,RNAM PAR MI RTOG SEMS KYIS SU, ,ME LONG LTA BUR RAB SHES PA, ,DE NI SHES RAB BRTAN PA YIN, ,GLOG DANG CHU BUR LTAR SMIN PA, ,GANG TSE 'DUS BYAS TSUL RNAMS NI, ,GANG GIS JI LTAR MTHONG GYUR PA, ,DE NI SHES RAB BRTAN PA YIN, ,ME LONG NANG GI GZUGS BRNYAN DANG, ,RMI LAM SGYU MA DRI ZA'I GRONG, ,MIG 'PHRUL MTSUNGS PAR GANG GIS MTHONG, ,DE NI GTZO BO YIN PAR BRJOD, ,CES GSUNGS SO, ,DE LA NAM MKHA' NI THOGS PA'I REG BYA BKAG TZAM GYI MING TZAM YIN PAS MTSAN NYID GZHAN MED PA BZHIN DU PHUNG PO LA SOGS PA'I CHOS THAMS CAD KYANG NAM MKHA'I MTSAN NYID DE MING TZAM PA YIN NO, ,'ON KYANG

, ,NAM MKHA' NI DON BYED PA'I NUS PAS STONG BA DANG MI 'DRA BAS KHAMS GSUM MA LUS PA'I 'GRO BA KUN NI RDZUN PA YIN KYANG DON BYED PA'I NUS PA DANG LDAN PA'I SGYU MA LTA BU YIN TE, SNOD BCUD KYI 'GRO BA RNAMS LA DE KHO NA NYID LA DPYOD PA'I RIGS PAS DPYAD NA 'GA' YANG DMIGS SU MED LA, 'ON KYANG RANG RANG GI BYA BA BYED PA LA MI BSLU BAS MTHONG BA MYONG BA DANG, REG PA SNANG BA THAMS CAD NI SGYU MA JI LTA BA BZHIN DU SHES PAR BYA'O, ,GA-YO BA'I 'GRO BA RANG BZHIN MED PA NI GANG ZAG GI BDAG MED DANG, BRTAN PA'I 'GRO BA DANG NANG GI PHUNG SOGS KYI CHOS RANG BZHIN MED PA NI CHOS KYI BDAG MED DE, 'DI LA 'GRO BA ZHES PA NI SKAD CIG GIS MI SDOD PAR 'GRO BA LA DGONGS NAS SO, ,'DOD YON LA CHAGS PA GANG GIS BLUN PO 'KHOR BAR 'CHING BA DES THEG PA BLA NA MED PA 'DIR DE KHO NA NYID LA MKHAS PA RNAMS PHYAG RGYA LA SOGS PA'I YUL LA RNAM PAR ROL BAR BYED DO, ,DE LTAR PHYAG RGYA MA DANG MNYAM PAR SBYAR BA LA BRTEN NAS BDAG MED PA'I DON BSGOM PA 'DI YIS NI SA GSUM PO MA LUS PA BZA' BA STE 'OD GSAL DU BCUG STE MI SNANG BAR BYA'O, ,'O NA PHYAG RGYA'I SBYOR BA DANG BRAL BA'I STONG NYID KYI RNAL 'BYOR GYIS SNANG BA THAMS CAD 'OD GSAL DU SDUD PA LA'ANG 'DI DANG 'DRA 'AM ZHE NA, GAL TE PHYAG RGYA DANG SBYOR BA LAS GZHAN DU STONG PA NYID KYI SBYOR BA STE RNAL 'BYOR NYID LA 'DRIS PAR BYED NA, ,MAR ME SHI BA LTAR NYON MONGS TZAM ZAD BA'I MYA NGAN LAS 'DAS PA'I MTHAR LHUNG GI SANGS RGYAS MI 'THOB BO, ,PHAR PHYIN GYI THEG CHEN DU

PHYAG RGYA'I SBYOR BA LA BRTEN NAS MI BSGOM YANG STONG NYID BSGOMS PAS ZHI MTHAR MI LTUNG BA NI BSOD NAMS KYI TSOGS KYI DBYE BA MTHA' YAS PA'I RGYA CHEN PO LA BSLABS PA'I DBANG GIS YIN LA, DE LTAR SLOB NA'ANG ZAB PA DANG RGYA CHE BA GNYIS KYI NANG NAS SNGA MA LA GTZO BOR MI SLOB KYI PHYI MA LA GTZO BOR SLOB PA YANG ZHI BA'I MTHAR LTUNG BA 'GOG PA'I PHYIR YIN NO, ,THEG PA DER STONG PA NYID KYI LTA BA MTSAN NYID RDZOGS PAR YOD CING, GANG ZAG GI KHYAD PAR 'GA' ZHIG LA SHES RAB MA'I 'DOD YON LA SPYOD PA GNANG BA YOD KYANG, BDE STONG SBYOR 'DOD NAS BYED PA GTAN MIN PA DANG DBANG DANG DAM TSIG THUN MONG MA YIN PAS SNOD RUNG DU BSGRUB PA DANG, YUL RTEN GNYIS SNGAGS DANG LHA'I RNAL 'BYOR LA SOGS PAS SBYANGS PA'I THABS MKHAS KYANG MED PAS, LAM DER PHYAG RGYA'I SBYOR BAS SA GSUM BZA' BAR BYA ZHES MI GSUNG NGO, ,NYAN RANG GI LAM DU NI RGYA CHE BA'I THABS LA SLOB PA YANG MED LA, LHAN SKYES KYI BDE BAS STONG NYID BSGOM PA'I SKOR YANG MED PAS STONG PA NYID KYI RNAL 'BYOR LA GTZO BOR 'DRIS PAR BYED NA, MA TSANG MAR ME LTA BUR 'DA', ZHES GSUNGS SO, ,DPAL RDO RJE MKHA' 'GRO'I GZHUNG DE RNAMS LA RNAM DPYOD CAN GYIS BRTAGS NA THEG PA CHE CHUNG GNYIS KYI 'BYED BYED KYI GTZO BO NI STONG NYID RTOGS PA'I SHES RAB KYIS MI BYED KYI THABS KYIS BYED PA DANG, DE YANG PHAR PHYIN GYI THEG PAR NI TSOGS KYI GSAL BA'I DBYE BA MTHA' YAS PA'I RGYA CHE BA'I THABS KYIS KHYAD PAR DU 'PHAGS PA DANG, DE DANG THEG PA BLA NA MED PA GNYIS KYANG SHES RAB

, ,STONG PA LA MCHOG DMAN 'BYUNG BA MIN GYI GTAN LA PHAB PA'I STONG NYID YUL CAN BDE BA CHEN POS BSGOM PA'I THABS MKHAS KYIS KHYAD PAR DU 'PHAGS PA DANG, RGYA CHE BA'I SLOB TSUL SNGAR LTAR MA BYAS KYANG BDE CHEN GYIS STONG NYID BSGOMS PAS ZHI BA'I MTHAR LTUNG BA 'GOG PAS YUL CAN KHYAD PAR CAN GYIS STONG NYID BSGOMS NA DE NYID LA GTZO BOR BSKYANGS PAS CHOG PA DANG, DE BSGOMS PAS NYON SGRIB TU MA ZAD SHES SGRIB SPANGS PA'I MCHOG GI DNGOS GRUB KYANG TSE 'DIR 'GRUB PAR GO NUS PAS LAM GYI GNAD RNAMS LA RKANG TSUGS PA'I NGES PA RNYED PAR 'GYUR RO, ,BHA WA BHA DRAS, PHYAG RGYA'I SBYOR BA 'DI YIS NI, ,ZHES PA DANG, GZHAN DU MA TSANG ZHES PA'I GANG MA TSANG BA LHA'I RNAL 'BYOR LA BSHAD PA YANG SNGAR BSHAD PA'I DON GYI PHYOGS GCIG YIN LA, GTZO BO'I DON SNGAR BSHAD PA LTAR BYA DGOS PA NI GANG GIS ZHES PA'I RKANG PA GNYIS DANG SBYAR BA LAS SHIN TU GSAL LO, ,SHES RAB STONG PA'I PHYOGS BSHAD PA'I SKABS 'DIR THABS BDE BA'I PHYOGS BSHAD PA'I SKABS SU BSHAD RGYU 'GA' ZHIG BSHAD PA NI DON GYI PHYOGS GCIG YIN LA, RGYUD KYI LUNG 'DREN SO SOR MA PHRAL BAR DRANGS NA GO BA CHE BA'I GNAD KYIS YIN NO, ,GANG GI TSE 'DUS BYAS RNAMS ME LONG GI GZUGS BRNYAN LTAR RAB TU SHES PA DE'I TSE SHES RAB BRTAN PA YIN ZHES PA NI, DE'I GONG DU, GANG YANG LAS RNAMS THAMS CAD LA, ,SHES RAB DANG NI SBYAR BYA STE, ,DE YANG STONG PA'I GNAS SU SBYAR, ,DE 'DIR BDAG CHEN DKA' THUB YIN, ,ZHES LAS GANG BYED PA LA DUS KUN TU STONG NYID RTOGS PA'I SHES RAB KYIS ZIN

PAR BYA, ZHES PA DANG, SHES RAB THABS NI MA GTOGS PAR, ,GANG TSE SEMS GZHAN MI GA-YO NA, ,DE TSE BYANG CHUB CHEN PO NI, ,NGES PAR STER BA NYID DU BSHAD, ,CES THABS SHES MNYAM PAR SBYOR BA DANG MA BRAL NA NGES PAR SANGS RGYAS STER ZHES GSUNGS PA'I SHES RAB DANG SBYOR BA DANG, SHES RAB STONG PA DE JI 'DRA ZHIG LA BYED SNYAM PA LA DE LTAR GSUNGS PA'O, ,CHU BUR LTA BUR SMIN PA NI, RGYU RKYEN GYIS DE DANG 'DRA BAR BSKYED PA'O, ,'DUS BYAS NI GZUGS BRNYAN SOGS DANG 'DRA BAR RTOGS PAR BYA RGYU DANG, RTOGS PA'I THABS GNYIS SU BYA STE DANG PO NI SNOD BCUD RNAMS SO, ,GNYIS PA NI, RANG RANG GI RGYU RKYAN 'DUS NAS BYAS PA'I PHYIR RANG BZHIN GYIS GRUB PA MED DE, GZUGS BRNYAN LA SOGS PA BZHIN NO ZHES PA STE RTEN 'BREL GYI RIGS PA'O, ,DNGOS PO RNAMS BDEN PAR MA GRUB PA GZUGS BRNYAN DANG SGYU PHA LA SOGS PA DANG 'DRA'O SNYAM PA TZAM MA GTOGS PA SGRUB BYED KYI RIGS PA MED NA TSIG TZAM DU ZAD PAS YANG DAG PA'I LTA BA MI RNYED PAS SGRUB BYED KYI RIGS PAS LUNG GI DON GTAN LA PHAB PA'I NGES PA BSKYED DGOS SO, ,DE YANG RDO RJE MKHA' 'GRO'I 'GREL PAR, GCIG DANG DU BRAL GYI RIGS PAS RGYAS PAR GTAN LA PHAB PAS GCIG DANG DU BRAL LAM RTEN 'BREL LA SOGS PA'I RIGS PAS GTAN LA PHAB PA STE GZHAN DU RGYAS PAR BSHAD ZIN TO, ,ME LONG NANG GI GZUGS BRNYAN DANG, ZHES SOGS KYI RKANG PA BZHI NI RIM LNGA'I BDAG BYIN RLABS KYI RIM PAR YANG 'BYUNG BAS SGYU MA LTA BUR SHES PAR BYA BAR THEG PA 'DIR GSUNGS LA, SNANG LA RANG BZHIN MED PA'I SGYU MA LTA BU RNAL 'BYOR BLA NA MED PA DANG PHAR PHYIN

, ,GYI THEG PA GNYIS THUN MONG BA SPYI DON GYI SGYU MA LTA BU DANG 'PHAGS PA YAB SRAS KYIS GSUGNS PA'I BDAG BYIN RLABS SGYU LUS LTA BU SBAS DON GYI SGYU MA LTA BU GNYID YOD PA SO SOR PHYED PA GAL CHE'O, ,DE NI GTZO BO YIN ZHES PA NI SGYU MA LTA BU SNGA MA MA RTOGS NA THAMS CAD MKHYEN PA LTA ZHOG 'KHOR BA LAS THAR PA YANG MI 'THOB PAS LAM GYI SROG YIN TE, RIM LNGA LAS, NYON MONGS LAS NI LAM GYI LUS, ,BYED PA PO DANG 'BRAS BU NI, SMIG RGYU RMI LAM LTA BU DANG, ,DRI ZA'I GRONG KHYER NGES PAR MTSUNGS, ,TING 'DZIN 'DI NI MA SHES PAS, ,KUN RDZOB LA NI NYER DMIGS NAS, ,RNAM PA SNA TSOGS NAD RNAMS SKYE, ,DE RNAMS SGYU MA'I SMAN GYIS 'TSO, ,ZHES GSUNGS SO, ,SBAS DON GYI SGYU LUS BDAG BYIN RLABS NI, MKHA' 'GRO RGYA MTSO LAS, LHA YI RNAM PA'I RNAL 'BYOR BDAG, SKAD CIG MNGON SUM BYED PA PO, ,LUGS MA SOGS LA RNAL 'BYOR GYIS, ,RNAM PAR BYAS PA'I DBYIBS SU 'GYUR, ,STONG NYID RNAL 'BYOR RANG BZHIN GZUGS, ,BDAG BYIN RLABS PA'I MTSAN NYID DO, ,BDAG BYIN RLABS BRAL RNAL 'BYOR PA, ,SBUN LKOGS DUM BU BZHIN SHES BYA, ,'DI 'DRA'I MTSAN NYID MCHOG GYUR PA, ,SKYE BO PHYUGS RNAMS KYIS MI SHES, ,DE PHYIR SGYU 'PHRUL 'DI BSGOMS NA, ,BLA NA MED PA'I BYANG CHUB 'THOB, CES GSUNGS LA, RIM LNGA LAS KYANG, RANG BYIN RLABS PA'I RIM PA NI, ,GANG GIS BLA MA LAS MA BSGRUBS, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ZHES GSUNGS PAS CHES GTZO BOR GYUR PA YIN LA, KHYAD PAR DU SKAD CIG TZAM GYIS

MNGON SUM DU BYED PA'I LHA'I RNAL 'BYOR BDAG BYIN RLABS DANG BRAL NA SBUN LKOGS BZHIN DU SNYING PO MED PAR GSUGNS PAS RNAL 'BYOR MA'I RGYUD DPAL BDE MCHOG LA YANG SGYU LUS KYI RDZOGS RIM MED MI RUNG DU SHES PAR GYIS SHIG , MNGON BRJOD BLA MA LAS KYANG, RANG BZHIN MED PA'I GNAS GOMS LAS, ,LHA YI SNYING PO SGOM BYED PA, ,DE NI MCHOD PA CHEN POR 'DOD, ,SANGS RGYAS THAMS CAD RTOGS BYED PA'O, ,ZHES RANG BZHIN MED PA'I DON BSGOM PA NI SANGS RGYAS THAMS CAD RTOGS PA STE SGRUB PAR BYED PA'I MCHOD PA CHEN PO DANG, RANG BZHIN BDAG MED CHOS RNAMS NI, ,NAM MKHA' LTA BUR DRI MA MED, ,STONG NYID YE SHES RDO RJE YIS, ,STONG NYID RTAG TU BSGOM PAR BYA, ZHES GSUNGS SO, ,DE LTAR NA BDE MCHOG GI RTZA BA DANG BSHAD PA'I RGYUD KUN LAS, RANG BZHIN MED PA BDAG MED PA'I STONG PA NYID BSGOM DGOS PAR GSUNGS PAS BDE STONG SBYAR BA'I LAM BSGOM PAR 'DOD PAS BDAG MED PA'I LTA BA PHU THAG CHOD PAR BTZAL BAR BYA'O, ,BLA MED KYI THEG PA 'DIR DE 'DRA BA'I LTA BA'I GO BA BTZAL MI DGOS SAM SNYAM PA'I LOG RTOG SNGAGS KYI GZHUNG LA BRTEN NAS 'GOG PA RGYAS PAR NI GZHAN DU BSHAD ZIN PA LAS SHES PAR BYA'O, ,GNYIS PA NI, 'ON BDE STONG SBYOR BA'I BDE BA DE JI 'DRA BA YIN ZHE NA, 'DI LA SEMS RTZE GCIG PA'I TING NGE 'DZIN TZAM ZHIG BSGOMS PAS SEMS SHIN SBYANGS SKYES PA NA DE'I MTHUS LUS KYI RLUNG RNAMS LAS RUNG DU SONG NAS NANG DU PHAN 'DOGS PA'I RNAM PA CAN GYI LUS SHIN SBYANGS SKYE LA, DE LA BRTEN NAS LUS LA BAD BA DANG SEMS LA DGA' BA CHEN PO SKYE BAR RNAL 'BYOR SPYOD PA'I SA LAS GSUNGS PA NI, PHYI NANG GNYIS KA DANG, THEG

, ,PA CHE CHUNG GNYIS KA DANG, MDO SNGAGS GNYIS KA'I THUN MONG BA SEMS MI RTOG PAR 'JOG PA RING DU BSKYANGS PA THAMS CAD LA 'BYUNG STE, DE'I TSUL NI SHES BYED KYI LUNG DANG BCAS PA BYANG CHUB LAM GYI RIM PAR BSHAD ZIN TO, ,DE'I PHYIR DE 'DRA BA'I BDE BA YANG 'DI'I BDE BA MIN NO, ,GZHAN YANG MTSAN NYID KYI THEG PAR BSHAD PA'I RLUNG 'BYUNG RDUB BSGOM PA DANG, BYA RGYUD BSAM GTAN PHYI MA DANG, SPYOD RGYUD RNAM SNANG MNGON BYANG DU GSUNGS PA'I RLUNG PHYIR RGYU BA BKAG NAS NANG DU GZUNG STE LHA'I RNAL 'BYOR BSGOM PA'I SROG RTZOL ZHES GSUNGS PA DE BSGOMS PA LA BRTEN NAS KYANG LUS SEMS LA BDE CHEN SKYE BA'I TING NGE 'DZIN SKYE MOD KYANG, NANG LUS KYI RTZA 'KHOR GYI GNAS RNAMS SU GNAD DU BSNUN PA'I RLUNG GI RNAL 'BYOR MIN PAS, DE'I BDE BA YANG BLA MED KYI THEG PAR BDE STONG SBYOR PAR BSHAD PA'I BDE BA MIN PAS, RLUNG RDO RJE'I BZLAS PA DANG, BUM PA CAN GYI SROG RTZOL RNAMS DANG MTSUNGS PA MA YIN NO, ,SLOB DPON SANGS RGYAS GSANG BAS RLUNG PHYIR 'GRO BA BKAG NAS NANG DU GZUNG STE LHA BSGOM PA RNAL 'BYOR RGYUD LA'ANG SBYOR BAR BSHAD DO, ,MDOR NA RNAL 'BYOR RGYUD MAN CHAD KYI RGYUD SDE GSUM DANG, MTSAN NYID KYI THEG PAR STONG NYID KYI DON PHYIN CI MA LOG PAR BSGOM PA'I 'JIG RTEN LAS 'DAS PA'I ZAG MED KYI BDE BA MANG PO BSHAD MOD KYANG, LUS KYI RTZA 'KHOR GYI GNAS RNAMS SU GNAD DU BSNUN PA LAS RLUNG DBU MAR BTZUD PA'I DBANG GIS GTUM MO 'BAR NAS BYANG SEMS ZHU BA'I BDE BA MA BSHAD PAS BDE STONG SBYOR BAR GSUNGS PA'I BDE BA'I DON MED DO, ,MAN NGAG SNYE MA LAS KYANG, 'O

NA BSAM GTAN DANG PO THOB PA RNAMS KYANG, 'KHOR LOS SGYUR BA RNAMS BZHIN DU, BDE BAR NYE BAR BSTAN NA, BDAG MED PA NYID GNYIS KA RAB TU RTOGS PA NA LTA CI SMOS, DE LTAR NA RAB TU DGA' BA LHAG PA NYID LAS SA DANG PO RAB TU DGA' BA'O ZHES BRJOD PAR BYA BAS SO ZHE NA, BDEN TE 'DI LHAN CIG SKYES PA'I BDE BA NI MA YIN TE, DE NYID KYI PHYIR BDE BA CHEN PO MA YIN ZHING, LAS DANG PO PA'I GNAS SKABS SU THABS SU GYUR PA YANG MA YIN TE, KHAB KYI BU GA NI NAM MKHA'I BU GA'O ZHES PA KHO NAS NAM MKHA' DANG YANG MNYAM PAR 'GYUR BA MA YIN PAS SO ZHES BDAG MED GTAN MA RTOGS PA'I BSAM GTAN DANG PO THOB PA LA YANG BDE BA RGYA CHEN SKYE BAR GSUNGS NA, BDAG MED GNYIS PHYIN CI MA LOG PAR RTOGS NAS YUN DU MA'I BAR DU BSGOM PA'I PHAR PHYIN GYI THEG PA LA STONG NYID BSGOMS PA'I BDE BA CHEN PO SKYE BA LTA CI SMOS, SA DANG PO RAB TU DGA' BA ZHES PA YANG SA DER BDE BA SHIN TU LHAG PAS DE LTAR BTAGS PAS NA BLA MED KYI THEG PA BDE BA'I SGO NAS PHAR PHYIN GYI THEG PA LAS KHYAD PAR DU 'PHAGS PA MA YIN NO SNYAM PA'I RTZOD PA BKOD PA'I LAN DU STENG NYID BSGOMS PA'I BDE BA CHEN PO YOD PA BDEN YANG DE LHAN SKYES KYI BDE BA MIN PAS BLA MED DU GSUNGS PA'I BDE BA CHEN PO MIN LA, PHAR PHYIN THEG PAR LAS DANG PO PA'I SKABS SU LHAN SKYES KYI BDE BA DNGOS SU 'DREN PA'I THABS KYANG MA GSUNGS PAS BDE BA CHEN PO'I SGO NAS MCHOG TU MA GYUR PA MIN PAR GSUNGS SO, ,YANG DE NYID LAS, 'O NA SHES RAB KYI PHA ROL TU PHYIN PAR GANG YANG BLA NA MED PA YANG DAG PAR RDZOGS PA'I

, ,BYANG CHUB KYI BDE BA ZHES GSUNGS SO ZHE NA, 'DI GSUNGS MOD 'DI'I THABS BSTAN PA NI MA YIN TE, THABS SU GYUR PA LHAN CIG SKYES PA'I BDE BA CHEN PO NYE BAR MA BSTAN PA'I PHYIR RO, ,DE'I PHYIR DE YANG RIM PA 'DI KHO NAS RTOGS PAR BYA'O ZHES PHAR PHYIN GYI THEG PAR 'BRAS BU BYANG CHUB KYI BDE BA'I RGYU LAM GYI BDE BA CHEN PO MA BSTAN PAS 'BRAS BU'I SKABS SU BDE BA CHEN PO BSHAD DU CHUG KYANG THEG PA GNYIS KHYAD PAR CHE BAR GSUNGS SO, ,GSANG BA GRUB PA LAS KYANG, DE NYID DE YANG RGYUD GNAS PAR, ,DPAL LDAN GSANG BA 'DUS PAR GSAL, ,SPROS PA DU MA RGYAS GYUR PA, ,GZHAN DU SBAS NAS BSTAN PA YIN, ,BYA BA SPYOD PA'I DBYE BA YANG, ,MDO SDE'I SDE SNOD LA SOGS SU, ,MCHOG TU DGA' BA GCIG PU NYID, ,RNAM PA DU MAR RNAM PAR GNAS, ,PHUNG PO RIN CHEN SNOD NYID DU, ,SEMS CAN BSAM PA'I BYE BRAG GIS, ,DE NYID 'BAD PAS SBAS MDZAD NAS, ,SANGS RGYAS MGON POS RNAM PAR BZHAG ,CES LHAN CIG SKYES DGA'I DE NYID DE RGYUD SDE 'OG MA DANG MDO SDE RNAMS SU MA BSTAN PAR SBAS PAR GSUNGS SO, ,DES NA MCHOG TU DGA' BA GCIG PU NYID DE RNAMS SU RNAM PA DU MAR GNAS PAR GSUNGS PA NI MCHOG TU DGA' BA DE NYID LA RIM GYIS BKRI BAR BZHED NAS, RNAM PA MI 'DRA BA DU MAR GSUNGS ZHES PA'I DON YIN GYI DE NYID DE RNAMS SU STON PA MIN TE, GZHAN DU NA DE RNAMS SU DBANG GOD MA RNAMS KYANG GSUNG DGOS TE, GSANG BA LA SOGS PA'I DBANG MA BSKUR BA LA BDE BA CHEN PO'I DE NYID STON PA BKAG PA'I PHYIR RO, ,DE LTAR NA

STONG PA NYID PHYIN CI MA LOG PAR NGES NAS BSGOM PA'I ZAG MED KYI BDE BA YIN KYANG LHAN SKYES KYI BDE BA MIN PA DU MA ZHIG YOD PA NI TSUL 'DIR SBYANGS PA GCIG YIN NA, PHAR PHYIN GYI THEG PA LA GO BA RAGS PA CHAGS NAS SHES LA, YANG DE 'DRA BA DE LHA'I RNAL 'BYOR SHIN TU BRTAN PO DANG 'BREL BAR 'JUG PA YIN KYANG BLA MED KYI RDZOGS RIM GYI DON MED PA NI, RGYUD SDE 'OG MA'I GZHUNG LA GO BA RAGS PA CHAGS NA'ANG SHES PAR NUS MOD KYANG, BLO GROS KYI NUS PA SHIN TU ZHAN PA'I SKABS SU 'DUG PAS SNGAR BSHAD PA'I BDE BA DANG PO TZAM LA'ANG BLA MED KYI BDE STONG SBYOR BA'I BDE CHEN DU 'DZIN PA SHIN TU MANG BAR SNANG NGO, ,DE LTAR NA BDE STONG SBYOR BAR GSUNGS PA'I BDE BA NI LHAN SKYES KYI DGA' BA YIN LA, RDZOGS RIM PA'I DGA' BA DE THOG MAR SKYE BA NI, RO RKYANG GI RLUNG AA WA DH'U T'IR BTZUD PA'I DBANG GIS GTUM MO SBAR BAS BYANG SEMS BZHUS PA LAS SKYE LA, DE'I BDE BA DANG SNGAR BSHAD PA'I BDE BA RNAMS BDE BA TZAM DU MTSUNGS KYANG DON SHIN TU KHYAD CHE BAS MA 'KHRUL BAR SO SOR PHYED PAR BYA'O, ,DE LA NI THEG PA 'DIR DMIGS PA MED PA'I SNYING RJE ZHES KYANG GSUNGS TE, MAN NGAG SNYE MA LAS, THABS NI DMIGS PA MED PA'I SNYING RJE CHEN PO 'GRO BA'I DON BYED PA LHAN CIG SKYES PA'I BDE BA CHEN PO'I RANG BZHIN NO, ,ZHES GSUNGS TE DE LTAR GSUNGS PA MANG NGO, , LHAN SKYES KYI BDE BA DES STONG NYID BSGOMS NA SNGAR BSHAD PA LTAR GYI RGYA CHE BA'I SLOB TSUL GYI LAM RGYAS PA MED KYANG MDOR BSDUS PAS 'GRUB PA DANG, LAM GZHAN DU BSKAL PA GRANGS MED PA DU MAR BSLAB DGOS PA YANG LAM 'DIS TSE GCIG LA

, ,'GRUB PAR GSUNGS TE, SAMBU tA LAS, DE PHYIR DE RGYAS CI ZHIG BYA, ,MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG 'THOB PA, ,GANG GIS DAM PA'I BDE BAS KHYOD, ,SKYE BA 'DIR NI THOB PAR 'GYUR, ,ZHES GSUNGS TE, DAM PA STE MCHOG GI BDE BA NI LHAN SKYES KYI BDE CHEN NO, ,GSANG BA GRUB PA LAS KYANG 'BYUNG STE, SGRUB PO DE NYID LA GTAD PAS, ,BRTUL ZHUGS MED KYANG 'GRUB PAR 'GYUR, ,BRTUL ZHUGS BRGYA PHRAG SPYAD BYAS KYANG, ,DE NYID DMAN NA 'GRUB MI 'GYUR, ,ZHES DANG, MTSAMS MED LNGA PO BYED PA DANG, ,SRID PAR NGAL BAR BYAS PAS KYANG, ,DE NYID LDAN NA 'GRUB 'GYUR TE, ,ZHES GSUNGS TE, DE NYID CES PA NI LHAN SKYES KYI BDE CHEN GYIS BDAG MED PA'I DON LEGS PAR GTAN LA PHAB PA BSGOM PA LA BYA YI STONG RKYANG BSGOM PA MIN NO, ,KUN SPYOD LAS, DE NAS BSRUNG CHA MED CING BZA' BA MED, ,DKYIL 'KHOR PA YANG MED CING DKYIL 'KHOR MED, ,SNGAGS BZLAS MED CING DKA' THUB SBYIN SREG MED, ,MDOR NA SEMS DE 'DUS PA'I TSUL CAN YIN, ZHES BDE STONG DBYER MED KYI THABS SHES DER LAM KUN 'DUS PA'I TSUL TE NGO BO CAN DU GSUNGS TE, MNGON BRJOD LAS KYANG DE BZHIN DU GSUNGS SO, ,DON DE NI BRTAG GNYIS LAS GSAL BAR BSHAD DE, STONG PA SNYING RJE DBYER MED PA, ,BYANG CHUB SEMS ZHES RAB TU BRJOD, ,SNGAGS KYI BZLAS MED DKA' THUB MED DANG SBYIN SREG MED, ,DKYIL 'KHOR CAN YANG MED CING DKYIL 'KHOR YANG NI MED, ,DE NI SNGAGS

BZLAS DE DKA' THUB DANG DE SBYIN SREG ,DE NI DKYIL 'KHOR CAN DANG DE NI DKYIL 'KHOR NYID, ,MDOR BSDUS NA NI SEMS DE 'DUS PA'I GZUGS CAN NO, ,ZHES GSUNGS SO, ,STONG PA DANG SNYING RJE NI SNGAR BSHAD LA DE GNYIS DBYER MED DU SBYOR BA LA BYANG CHUB KYI SEMS ZHES GSUNGS SHING, DE LA SNGAGS BZLAS NAS DKYIL 'KHOR GYI BAR MED PAR GSUNGS PA NI PHYI'I SNGAGS BZLAS SOGS SO, ,'ON KYANG NANG NGES DON GYI SNGAGS BZLAS SOGS DE LA TSANG BAR STON PA NI DE NI SNGAGS BZLAS ZHES SOGS SO, , BYANG CHUB KYI SEMS DE KHO NA NYID SHES PA DANG, 'GRO BA SKYOB PAS SNGAGS DANG, YANG DANG YANG DU BYED PAS BZLAS PA DANG, KHA NA MA THO PA THAMS CAD 'GOG PAS DKA' THUB STE BRTUL ZHUGS DANG, NYON MONGS DANG PHUNG PO'I SREG RDZAS 'JOMS PAS SBYIN SREG DANG, NGES DON GYI RDO RJE RNAL 'BYOR MA DANG HE RU KA 'DUS PAS DKYIL 'KHOR PA DANG, CHOS THAMS CAD KYI SNYING PO YIN PAS DKYIL 'KHOR RO, ,MANG DU SMRAS PAS CI ZHIG BYA STE MDOR BSDUS NA DE NYID CHOS THAMS CAD 'DUS PA'I TSUL CAN TE CHOS THAMS CAD KYI BDAG NYID CAN TE DE'I PHYIR DE NYID BSKYED PAR BYA STE DE NYID KYIS 'DOD DON THAMS CAD 'GRUB PAR 'GYUR RO ZHES PADMA CAN LAS BSHAD DO, ,GZUGS CAN ZHES PA LAS TSUL CAN ZHES PA 'GYUR LEGS LA, 'DUS PA'I TSUL CAN GYI DON NI CHOS THAMS CAD KYI RANG BZHIN STONG PA NYID KYI BDAG NYID CAN KHO NA LA MI GZUNG BAR DE NYID SNGAGS BZLAS NAS DKYIL 'KHOR DE NYID DO ZHES GSUNGS PAS LAM GZHAN RNAMS 'DIR 'DUS PAR BSHAD DGOS SO, ,DE NI LAM GZHAN GYI GNAS SKABS DANG MTHAR THUG

, ,GI DON GANG 'GRUB THAMS CAD LAM 'DIR MA TSANG BA MED BA DANG, RING POR MI THOGS PA DANG, LAM BDE BAS 'GRUB PA'I TSUL BYED LAS KYI SGO NAS 'DIR 'DU BA'O, ,DE LTAR LAM SHIN TU RGYA CHA BA MANG PO LA BSLAB MI DGOS PA'I LAM MDOR BSDUS DANG, DUS TSE GCIG LA 'GRUB PA DANG, DE YANG 'JUG PA SHIN TU BDE BA DANG, TSE 'DIR SDIG SHIN TU CHE BAS KYANG 'GRUB CES PA DANG, ,SKYE BA SNGA MAR TSOGS KYI BSAGS RGYAB SHIN TU MI CHE BA'I BSOD NAMS DMAN PAS KYANG 'GRUB PAR GSUNGS PA NI LAM GYI YON TAN YIN LA, DE YANG BDAG MED PA'I DON PHU THAG CHOD PAR BYAS PA'I DE KHO NA NYID LHAN SKYES KYI BDE BAS BSGOMS PA LAS YIN PAS YUL CAN KHYAD PAR CAN BDE BA CHEN PO'I GNAD LA MKHAS PAR BYA'O, ,'DI YANG LAM THUN MONG BAS RGYUD SBYANGS SHING RNAM PAR DAG PA'I DBANG GIS RGYUD SNOD RUNG DU BYAS, DE'I DUS SU KHAS BLANGS PA'I DAM TSIG DANG SDOM PA TSUL BZHIN DU BSRUNGS NAS BSKYED RIM LA GOMS PAR BYAS PA LAS RDZOGS RIM GYI RTOGS PA SKYE BA'I RGYUD SMIN NAS LHAN SKYES KYI BDE STONG MTSAN NYID TSANG BAR SBYOR NUS PA'I SKABS NAS LAM BSDUS PA'I SNYING PO NYID GTZO BOR BSKYANGS PAS 'GRUB PA YIN GYI DANG PO NAS MIN NO, ,GSUM PA NI, SPYIR BLA MED KYI RGYUD KYI DON GYI GNAD THAMS CAD AE WA SOGS YI GE BZHI BCU'I GLENG GZHI'I DON DU 'DUS LA, DE'I DON GYI GTZO BO YANG THOG MA'I YI GE AE WAm GNYIS KYI DON DU 'DU'O, ,DE LA THOB BYA 'BRAS BU'I AE WAm DANG, THOB BYED LAM GYI AE WAm DANG, DE 'DREN BYED RTAGS KYI AE WAm GSUM YOD PA'I DANG PO DANG

GSUM PA NI 'CHAD PAR 'GYUR RO, ,LAM GYI AE WAm LA AE YIG DANG CHOS 'BYUNG GI DBYIBS GRU GSUM DU YOD PAS BDAG MED PA'I DE BZHIN NYID MTSON PAR BYED LA, DE'I TSE GRU GSUM GYIS NI RNAM PAR THAR PA'I SGO GSUM YANG MTSON PAR BYED PAS CHOS RNAMS KYI NGO BO DANG RGYU DANG 'BRAS BU GSUM RANG BZHIN GYIS GRUB PAS STONG PA'I STONG PA NYID DANG MTSAN MA MED PA DANG SMON PA MED PA'I DON AE YIG GI MTSON DON YIN PA'I PHYIR STONG PA NYID KYI LTA BA PHU THAG CHOD PA GCIG MED NA AE YIG GI DON MA TSANG NGO, , DE YOD KYANG PHYI NANG GI LUS LA GNAD DU BSNUN PA LAS BYUNG BA'I BDE BA CHEN PO GCIG MED NA WA YIG GI DON MA TSANG NGO, ,DE GNYIS YOD KYANG STONG NYID KYI LTA BA ZHU BDE'I NGO BOR BSKYED PA DANG, STONG NYID YUL DANG BDE CHEN YUL CAN DU BYAS NAS DES DE PHYIN CI MA LOG PAR NGES PA'I BDE STONG SBYOR MI SHES NA THIG LE'I DON MA TSANG BAS AE WAm GYI DON THABS SHES GNYIS SBYOR BA DGOS SHING DE NYID CHOS KYI PHUNG PO BRGYAD KHRI BZHI STONG LA KHYAB PA'I DON GYI GTZO BO MDOR BSDUS PA'I CHOS KYI RGYAL PO CHEN PO'I RGYAS 'DEBS KYI PHYAG RGYAR GSUNGS TE, RDO RJE 'PHRENG BA LAS, AE NI STONG PA NYID DU GSUNGS, ,DE BZHIN WA NI THUGS RJE DANG, ,THIG LE DE GNYIS SBYOR LAS BYUNG, ,DE SBYOR BA YI RMAD MCHOG GO, CHOS PHUNG BRGYAD KHRI BZHI STONG KHYAB, ,MDOR BSDUS CHOS KYI PHYAG RGYA'O, ,RGYAL PO CHEN PO'I PHYAG RGYA NYID, ,RGYUD RNAMS SU NI THOG MAR GSUNGS, ZHES SO, ,DE 'DRA BA'I GNYIS SU MED PA'I YE SHES DE RGYUD GANG LAS BRJOD PA DE LA NI DE NYID MCHOG YOD LA DE MI STON NA MED PA YIN TE, RGYUD KUN GYI NI DON

, ,BSDUS PA, ,STONG NYID SNYING RJE MI PHYED PA, ,GANG LA DE NYID MNGON PAR BRJOD, ,DE NI DE BZHIN GSHEGS PA'I RGYA, ,AE WAm ZHES BYA'I YI GE GNYIS, ,GANG LA 'DI GNYIS MED PA NI, ,DE LA DE KHO NA NYID MED, ,CES GSUNGS SO, ,DON 'DI BDE MCHOG 'BYUNG BA LAS KYANG, BDE MCHOG SANGS RGYAS THAMS CAD KYI, ,AE WAm YI GE LA RAB GNAS, ,SKU GSUNG THUGS KYI YANG DAG LAS, ,RNAM PA THAMS CAD GCIG BSDOMS PA, ,SDOM PA BDE MCHOG BYANG CHUB STE, ,BRJOD PAR BYA MIN BSTAN DU MED, ,GSANG BA SANGS RGYAS THAMS CAD KYI, ,'DUS PA SDOM PA DAG GI MCHOG ,CES SO, ,'O NA DMIGS MED KYI SNYING RJE'I BDE BA DANG STONG PA GNYIS DBYER MED DU SBYOR TSUL JI LTAR YIN SNYAM NA, SAMBU tA LAS, CHU DANG 'O MA 'DRES PA BZHIN, ,GNYIS MED RNAM PA'I SBYOR BA YIS, ,GNYIS PO 'DUS PA GANG YIN PA, ,SHES RAB THABS SHES BYA BAR GRAGS, ,ZHES CHU DANG 'O MA 'DRES PA BZHIN DU SBYOR BAR GSUNGS PA LTAR BYED PA'O, ,DE YANG BDE BA DANG DE'I CHOS NYID NGO BO DBYER MED NI, , CHOS CAN GRUB TZAM NAS RANG GI STONG NYID DANG NGO BO DBYER MED DU GRUB ZIN PAS DE RNAL 'BYOR PAS DBYER MED DU BYA MI DGOS LA, DE BZHIN DU STONG NYID RTOGS PA'I BLO GZHAN ZHIG LA BDE BAS RGYAS 'DEBS PA DANG, BDE BA BSKYED PA'I 'OG TU STONG NYID KYI LTA BA GZHAN ZHIG GIS RGYAS 'DEBS PA YANG MIN TE, DE LA NI DPER NA SBYIN SOGS BDAG MED PA'I LTA BAS ZIN YANG SBYIN SOGS DE NYID LTA BA DE'I NGO BOR MI SKYE BA LTAR STONG NYID RTOGS PA DANG BDE BA GNYIS PHAN TSUN GCIG GCIG GI NGO BOR MA

SONG BA'I PHYIR RO, ,'O NA JI LTAR BYED SNYAM NA, YUL CAN SHES PA LHAN SKYES KYI BDE BA'I NGO BOR SKYES PA DES YUL STONG NYID KYI DON PHYIN CI MA LOG PAR RTOGS PA'I YUL YUL CAN DU SBYOR BA NYID BDE STONG DBYER MED DU SBYOR BA'O, ,DE YANG DON GYI LHAN SKYES KYI DUS SU YUL YUL CAN GNYIS 'O MA CHU LA ZHUGS PA BZHIN DU RO GCIG TU GYUR NAS GNYIS SNANG PHRA MO YANG DAG PA YIN LA, DON GYI LHAN SKYES MA SKYES PA'I GONG DU NI DE KHO NA NYID MNGON SUM DU MA RTOGS PAS DE KHO NA NYID LA MOS PA YID BYED KYIS 'JUG PA TZAM MO, ,YUL STONG PA NYID DANG GNYIS MED DU SBYOR TSUL DE LTAR YIN LA STONG NYID RTOGS PA'I BLO DANG BDE BA GNYIS NGO BO DBYER MED DU SBYOR TSUL NI, BLO GNYIS NGO BO THA MI DAD KYI GRUB BDE GCIG TU BSKYED PA'O, ,STONG NYID KYI GO BA'I PHU THAG GCOD LUGS DBU MA LAS 'BYUNG BA LAS LHAG PO MED PAS THEG PA 'DI DANG PHAR PHYIN GYI THEG PA GNYIS STONG NYID KYI LTA BA LA MCHOG DMAN MED DO, ,NGES RGYU'I DON GCIG YIN KYANG NGES BYED KYI BLO LA LHAN SKYES KYI BDE BAS STONG NYID NGES PA'I STOBS 'DRA BA YUL CAN GZHAN GANG GIS NGES PA LA MED PAS, STONG PA LA KHYAD MED KYANG THABS BDE BAS KHYAD PAR DU 'PHAGS PAR GSUNGS SO, ,BDAG MED PA'I STONG NYID PHU THAG CHOD PA MA NGES NA 'KHOR BA LAS MI GROL LA, NGES BYED LHAN SKYES KYI BDE BA MA SKYES NA SNGAGS KYI LAM MCHOG GI GNAD MED PAS RE RES MI CHOG GI GNYIS KA DGOS PAR GSUNGS TE, SA RA HAS, SNYING RJE DANG BRAL STONG PA NYID ZHUGS PAS, ,DES NI LAM MCHOG RNYED PA MA YIN NO, ,'ON TE SNYING RJE

, ,'BA' ZHIG BSGOMS NA YANG, ,'KHOR BA 'DIR GNAS THAR PA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, ,ZHES GSUNGS TE, DHO HA LAS NI LHAN SKYES KYI YE SHES NYID LAM GYI SNYING POR 'CHAD PAS 'DI'I SNYING RJE YANG LHAN SKYES KYI BDE BA YIN NO, ,SNGAR BSHAD PA LTAR GYI LHAN SKYES KYI BDE BA SKYES PA NA RNAM RTOG RAGS PA RNAMS LOG NAS SAMS GA-YO MED DU GNAS PA DANG GIS 'BYUNG BAS BDE BA NYID YUL GANG LA YANG MI 'PHRO BAR MI RTOG PA BSGOM PA TZAM STONG PA BSGOM PA'I DEN YIN NA, BDE BA 'BA' ZHIG BSGOM NA 'KHOR BA LAS MI GROL BAR 'CHAD PAR MI RIGS PAS BDAG MED PA'I DON LEGS PAR GTAN LA PHAB PA'I NGES SHES SKYONG DGOS SO, , BLA MED KYI RGYUD DANG DE'I DGONGS 'GREL TSAD LDAN RNAMS KYIS KHA CIG TU BDE BA'I PHYOGS GSAL ZHING STONG NYID RTOGS TSUL DE TZAM DU MI GSAL BA DANG, KHA CIG TU STONG NYID RTOGS TSUL GSAL LA BDE BA'I PHYOGS DE TZAM DU MI GSAL BA RNAMS SU YANG BDE STONG GNYIS KA SBYOR BA DON DU GZUNG GI RE RE BA LA 'KHRUL BAR MI BYA'O, ,BDE STONG DBYER MED KYI GTAM NI RLUNG LTAR RAB TU GRAGS KYANG BDE BA RNAMS KYI KHYAD PAR PHYED PA'I BDE CHEN DANG, STONG PA RNAMS KYI KHYAD PAR PHYED PA'I STONG PA'I MTHAR THUG DANG SBYOR TSUL SHES PA SHIN TU DKON PA LA DGONGS NAS, SA RA HAS, KHYIM DANG KHYIM NA DE YI GTAM SMRA YANG, ,BDE CHEN GNAS NI YONGS SU SHES PA MED, ,CES GSUNGS PAS CUNG ZAD RES TSIM SLA BAR MI BYA BAR GSANG BA LAS KYANG

CHOS GSANG BA'I DON 'DI RTOGS PA LA YUN RING DU 'BAD PAR BYA'O, ,SNGAR BSHAD PA'I BDE STONG DBYER MED DE NYID LA RNAL 'BYOR MA'I RGYUD KYI BSHAD PA MDZAD PA MANG POS BDE STONG ZUNG 'JUG DANG, BDEN GNYIS ZUNG 'JUG CES BSHAD CING, 'PHAGS LUGS KYI ZUNG 'JUG GI DON YANG DE LA 'CHAD PA YOD MOD KYANG, MGON PO KLU SGRUB KYI LUGS KYIS NI SNGAR BSHAD PA'I DON GYI LHAN SKYES KYI BDE STONG DBYER MED DE TZAM LA ZUNG 'JUG TU MI BYED DO, ,'O NA JI LTAR BYED CE NA, BYANG CHUB KYI SEMS LA 'OD GSAL GYI BYANG CHUB KYI SEMS DANG ZUNG 'JUG GI SEMS GNYIS GSUNGS PA'I PHYI MA YIN LA DE NI SBYOR BA YAN LAG DRUG GI DRUG PA'I SKABS SU THABS SHES SNYOMS PAR 'JUG PAR GSUNGS PA'I DON SGRON GSAL LAS, THABS KUN RDZOB KYI BDEN PA DANG, SHES RAB DON DAM PA'I BDEN PA GNYIS SBYOR BA ZUNG 'JUG TU GSUNGS PA LTAR YIN NO, ,DE LA DON DAM PA'I BDEN PA DNGOS NI CHOS RNAMS KYI CHOS NYID 'DUS MA BYAS YIN MOD KYANG, 'DIR DE DANG BDE BA CHEN PO GNYIS RO GCIG TU ZHUGS PA'I 'OD GSAL GYI YE SHES LA YANG DON DAM PA'I BDEN PA ZHES YUL YUL CAN SO SOR MA PHYE BAR MANG DU GSUNGS SO, ,DE 'DRA BA'I DON GYI LHAN SKYES KYI YE SHES 'DI LA YANG DON GYI 'OD GSAL RKYANG BA'I SKABS GCIG DANG, ZUNG 'JUG GI SKABS KYI 'OD GSAL GNYIS LAS DANG PO NI RIM LNGA'I RIM PA BZHI BAR BSHAD PA'I MNGON PAR BYANG CHUB PA'I RIM PA'AM 'OD GSAL GYI RIM PA DANG, GNYIS PA NI RIM PA LNGA PA ZUNG 'JUG GI RIM PA'I YA GCIG YIN PAS GZHUNG GZHAN NAS BSHAD PA'I

, ,BDE STONG DBYER MED KYI DON GYI LHAN SKYES TZAM ZHIG NI TSUL BZHI'I MTHA' DRUG GI BSHAD PA LA GNYIS YOD PA'I 'OD GSAL GYI MTHAR THUG YIN KYANG, DE'I GONG NA ZUNG 'JUG GI MTHAR THUG YOD PAS DA DUNG DER MA SLEB PO, ,KUN RDZOB BDEN PA NI GZHUNG GZHAN NAS KUN RDZOB BDEN PA BSHAD PA DANG 'DI MI 'DRA BAS 'DIR NI STONG PA'I YE SHES DANG NGO BO GCIG TU 'JUG PA'I BZHON PAR GYUR PA'I YE SHES KYI RLUNG 'OD ZER LNGA PA'I NYER LEN LAS GRUB PA'I MTSAN DPES BRGYAN PA'I YONGS SU DAG PA'I SGYU MA'I SKU LA KUN RDZOB BDEN PAR BSHAD PA DE'O, ,'DI 'DRA BA'I 'OD GSAL GYI YE SHES NI AE DANG, YONGS SU DAG PA'I SGYU MA'I SKU NI WA YIG GI DON TE DBYER MED DU SBYOR RGYU'O, ,SBYOR TSUL NI SNGA MA THUGS DANG PHYI MA SKUR NGO BO GCIG TU SBYOR BA STE THIG LE'I DON NO, ,BDE MCHOG 'BYUNG BA LAS KYANG, DE BZHIN NYID RGYAS BTAB 'KHOR LO, ,MKHA' BZHIN STONG NYID DE BZHIN NO, ,BDAG MED DANG NI DE BZHIN NYID, ,SNA TSOGS THABS DANG SNYING RJE STOBS, ,ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ,ZHES GSUNGS SO, ,DE BZHIN NYID DANG STONG NYID BDAG MED CES GSUNGS PA NI, ,DE DANG RO GCIG PA'I LHAN SKYES KYI YE SHES YIN LA, THABS DANG SNYING RJE'I STOBS NI DKYIL 'KHOR GYI 'KHOR LO HE RU KA YAB YUM DU SHAR BA'I SGYU MA'I SKU YIN TE, DE NYID LAS, LHA MO HE RU KA YE SHES, ,DE YI DBYE BA BRTAG MI BYA, ,DE BZHIN NYID RGYAS BTAB 'KHOR LO, ,ZHES GSUNGS PA'I PHYIR RO, ,RGYAS BDAB PA NI, SNGAR BSHAD PA GNYIS SKU DANG THUGS SU DBYER MI PHYED PAR SBYOR BA'I DON

NO, ,SHR'I NI GNYIS MED YE SHES TE, ZHES GSUNGS PA'I GNYIS MED YE SHES LA'ANG JO BO CHEN POS SNGAR BSHAD PA'I ZUNG GJUG LA BSHAD PA LTAR BDEN GNYIS DBYER MED KYI GNYIS MED YE SHES GCIG DANG, SNGAR HE RU KA DPAL YIN PAR BSHAD CES PA'I SKABS SU GSUNGS PA LTAR BDE STONG DBYER MED KYI GNYIS MED KYI YE SHES GNYIS YOD PAS SHR'I HE RU KA ZHES PA'I DON LA YANG, SNANG PHYOGS SGYU LUS KYI HE RU KA DANG, STONG PHYOGS BDE STONG GI HE RU KA GNYIS YOD PA SHES PAR BYA'O, ,GNYIS PA DE BSKYED PA'I THABS JI LTAR BSTAN PA LA GNYIS, THABS NGOS GZUNG BA DANG, DE JI LTAR BSTAN PA'O, ,DANG PO NI, BDE STANG GI LHAN SKYES LA STONG PA NYID BDAG MED PA'I DE KHO NA NYID RTOGS PA JI LTAR BSKYED PA LA THOGS MAR DE'I GO BA BSKYED TSUL NI, DBU MA'I GZHUNG RNAMS NAS GSUNGS PA LTAR LUNG DANG RIGS PA LA BRTEN NAS NGES DGOS SO, ,LHAN SKYES KYI BDE BA'I CHA BSKYED PA NI BDE BA GZHAN GYIS MI CHOG PAS DE 'DREN BYED RTAGS KYI AE WAm DGOS SO, ,DE LA AE'I DON NI YUM GYI BHA GA RTEN DANG, WA'I DON NI DE LA BRTEN PA'I YAB GYI RDO RJE DANG, BRTEN PA RDO RJE LA GNAS PA'I THIG LE NI SNA TSOGS PA'I SPRUL PA STON PAR BYED PA'I RDO RJE SEMS DPA'I BDE BA CHEN PO LA SOGS PA'I BDE BA KUN GYI GZHI YIN TE, RDO RJE PHRENG BA LAS, AE NI BHA GA'I MTSAN NYID DE, ,PADMA RTEN DU SHES PAR BYA, ,BRTEN PA RDO RJE DA ? NI GSUNGS, ,BRTEN PA RDO RJE 'CHANG BA YIS, ,DE LA GNAS PA THIG LE'I GZUGS, ,SNA TSOGS SPRUL PA STON PAR BYED, ,BDE BA KUN GYI GZHI YI GNAS, ,RDO RJE SEMS DPA' BDE BA CHE, ,ZHES SO, ,DES NI YAB YUM GYI RTAGS KYI AE WAm GNYIS SBYAR BA LAS LAM

, ,GYI AE WAm 'DREN PA'I THABS BSTAN TO, ,'DIS NI YE SHES KYI PHYAG RGYA LA BRTEN NAS BSKYED PA'ANG SHES PAR BYA'O, ,NANG GI RANG GI LUS LA GNAD DU BSNUN PA LAS LAM GYI AE WAm 'DREN PA'I THABS LUS KYI GNAD KYI RTAGS KYI AE WAm YANG SAMBU tA LAS GSUNGS TE, SPYI BO LTE BAR SON 'KHOR LO, ,AE YIG RNAM PAR YANG DAG GNAS, ,SNYING GA MGRIN PAR YANG DAG GNAS, ,WAm GYI YI GE 'DRA BAR 'DOD, ,CES SPYI BO DANG LTE BA'I RTZA 'KHOR GYI DBYIBS AE GRU GSUM GYI DBYIBS DANG, SNYING KHA DANG MGRIN PA'I RTZA 'KHOR GYI DBYIBS WAm YIG ZLUM PO'I DBYIBS SU GNAS PA AE WAm GYI DON DU BSHAD DO, ,DE YANG SDOM 'BYUNG 'GREL PA LAS, YANG NA AE YIG SHES RAB KYI BDAG NYID SPRUL PA DANG LONGS SPYOD RDZOGS PA'I 'KHOR LO'I RANG BZHIN, LTE BA DANG MGRIN PA LA WAm YIG THABS KYI BDAG NYID CHOS DANG BDE BA CHEN PO'I 'KHOR LO'I RANG BZHIN NYID SNYING KHA DANG SPYI BO'I GNAS KYI KHA SBYAR BA BSGOMS NAS LHAN CIG SKYES PA'I DGA' BA 'BYUNG BAR 'GYUR RO, ,ZHES RTZA 'KHOR RNAMS KYI LTE BAR SEMS GZUNG BAS LHAN SKYES 'DREN PAR BSHAD PA'I DON TO, ,RTZA 'KHOR BZHI AE WAm DU 'JOG TSUL NI SNGA MA DANG MI MTHUN PAS CUNG MA DAG PA'O, ,LHAN SKYES 'DREN PA'I THABS RANG GI LUS LA GNAD DU BSNUN SA'I GTZO BO YANG RTZA AA WA DH'U T'I YIN TE, SDOM 'GYUR LAS, RKYANG MA RO MA LOGS GNYIS SU, ,A'A LI K'A LI'I RANG BZHIN CAN, ,'BRAS BU RGYU YI RANG BZHIN GYIS, ,DGA' BA BZHI YI GZUGS CAN MA, ,LHAN SKYES DGA' BA'I RANG BZHIN DANG, ,GNYIS MED MCHOG GI DBANG PHYUG MA, ,KUN RDZOB KUNTA

LTA BU STE, ,SGRIB MED BDE BA'I GZUGS CAN MA, ,ZHES A'A LI'I NGO BO RKYANG MA DANG, K'I LI'I NGO BO RO MA GNYIS LOGS GA-YAS GA-YON GNYIS NA GNAS PA'I MCHOG GI DBANG PHYUG MA DH'U T'I LHAN SKYES KYI DGA' BA'I RANG BZHIN DU BSHAD LA, SVA BH'A WA NI RANG BZHIN DANG 'BYUNG BA GNYIS KA LA 'JUG PAS 'DIR NI DGA' BDE 'BYUNG BA'I DON YIN PA'I PHYIR RO, ,DGA' BZHI SNGA MA SNGA MA RGYU DANG PHYI MA PHYI MA 'BRAS BU'I NGO BO DANG, DH'U T'I NAS KUNTA LTA BU BABS PA LA SGRIB MED DE DON DAM BDE BA'I GZUGS CAN MA STE TSUL CAN SKYE BAR GSUNGS SO, ,YANG DE NYID LAS, SHES RAB GZUGS KYIS LA LA NI, ,RO MA THABS KYIS YANG DAG GNAS, ,DE DAG DBUS SU GNAS LHA MO, ,AAm YIG SNA TSOGS GZUGS CAN MA, ,LHA MO SKU BZHI'I BDAG NYID CAN, ,DNGOS GRUB THAMS CAD RAB STZOL MA, ,BDE CHEN RAB SBYIN THAMS CAD LA, ,RTAG TU YANG DAG BDAG PHYAG 'TSAL, ,ZHES LTE BAR RO RKYANG GI DBUS KYI DH'U T'IR GTUM MO'I NGO BO AAm YIG BSGOMS PAS BDE CHEN SBYIN PAR GSUNGS TE, 'DI NI MTSON PA TZAM STE RTZA 'KHOR GANG NA YOD PA'I LTE BA'I DH'U T'I DANG DH'U T'I'I YAR SNA MAR SNA RNAMS SU YI GE DANG THIG LE SOGS LA DMIGS PA GTAD NAS BSGOMS PAS SROG DH'U T'IR TSUD PA'I GNAS ZAB MO RE YOD PA KUN LA SHES PAR BYA'O, ,PHYAG 'TSAL ZHES PA'I MJUG THOGS SU, ,GANG GANG GIS NI BSGOMS PA YIS, ,MI RNAMS KYI YID YANG DAG SBYOR, ,DES DE'I RANG BZHIN 'GYUR LHA MO, ,SNA TSOGS GZUGS CAN NOR BU BZHIN, ,ZHES GSUNGS TE 'DI'I DON SHES PA GAL CHE'O, ,GZHUNG 'DI GUR DANG KUN SPYOD SOGS RGYUD MANG POR 'BYUNG

, ,ZHING GZHUNG GCIG YIN KYANG SKABS STOBS KYIS DON SO SO BA MANG PO LA BSHAD DGOS PA YOD PA LAS 'DIR NI SROG DH'U T'IR BSDUS PA LA BRTEN NAS LHAN SKYES KYI BDE BA BSKYED PA'I CHED DU SGRUB PA PO GANG DANG GANG GIS DH'U T'I'R GNAD CHE BA GANG DANG GANG DU YANG DAG PA STE PHYIN CI MA LOG PAR YID SBYAR BA STE GTAD NAS BSGOMS NA LTE BA'I DH'U T'IR BDE CHEN STER BA'I LHA MO PHAG MO'I NGO BO AAm YIG BSGOMS PA DES RTZA GNAS DER RO RKYANG LA RGYU BA'I RLUNG SDUD NUS PA DE'I RANG BZHIN DU 'GYUR TE, DPER NA NOR BU SHEL SGONG RAS DKAR DMAR SOGS KYI STENG DU BZHAG PA NA DE DANG DE'I GZUGS CAN DU 'GYUR BA BZHIN NO, ,ZHES PA'I DON TE LUS KYI GNAD CHE SAR DMIGS PA GTAD NAS BSGOMS PAS GDAMS NGAG GIS MTHUS GNAS DER RLUNG BSDU BAR 'DOD PA JI LTA BA BZHIN DU SDUD NUS PAR 'GYUR BA'I KHUNGS MCHOG TU GYUR PA'O, ,GNYIS PA LA GNYIS, PHYAG RGYA LA BRTEN NAS BDE CHEN 'DREN PA JI LTAR BSTAN PA DANG, RANG GI LUS KYI GNAD RNAMS LA BRTEN NAS BDE CHEN 'DREN PA JI LTAR BSTAN PA'O, ,DANG PO NI, NYUNG NGU'I RTZA RGYUD LAS, PHYAG RGYA DANG BRAL GSANG SNGAGS NI, ,LUS CAN RNAMS LA 'GRUB MI 'GYUR, ,ZHES SHES RAB MA'I PHYAG RGYA LA BRTEN PA DANG BRAL NA LAM GZHAN GYIS MI 'GRUB PAR GSUNGS SHING, YANG DE NYID LAS, DE BZHIN PHO NYA LEGS 'GROGS PAS, ,SGRUB PA PO YIS DNGOS GRUB 'THOB, ,BZLAS BRJOD BSAM GTAN MCHOD MED PAR, ,MYUR BA NYID DU 'GRUB PAR 'GYUR, ,SNGAGS DANG PHYAG RGYAS SGRUB PA POS, ,MCHOD PA NYID LA

RAB TU 'JUG, 'DI LAS GZHAN PA'I MCHOD MED DE, ,DE LTAR BSTAN BCOS NGES PA YIN, ,PHO NYA'I LAM LA DGA' RNAMS KYI, ,SGRUB PA PO NI DNGOS GRUB 'GYUR, ZHES RKANG PA DANG PO GNYIS DANG GSUM PAS PHO NYA'I LAM GYIS PHYI'I BZLAS BRJOD SOGS DANG BRAL YANG 'GRUB PA DANG, MYUR BAR 'GRUB PA YANG DE'I MTHUS YIN PAR GSUNGS TE, RIM PA DANG PO'I SKABS SU BZLAS BRJOD SOGS BYED PA SNGON DU GTONG BA 'GOG PA MIN NO, ,PHO NYA'I LAM LA BSNGAGS PA NI, BDAG MED PA'I DE KHO NA NYID LHAN SKYES KYI BDE CHEN GYIS BSGOM DGOS PA'I GNAD KYIS YIN NO, ,TSUL DE YANG PHA RGYUD DANG MA RGYUD GNYIS KA'I LUGS NGES PA CAN YIN PA NI RKANG PA BRGYAD PAS STON PAR BSHAD DO, ,DON GYI DBANG 'DI GZIGS NAS RTZA RGYUD KYI LE'U BCO LNGA PA NAS NYER BZHI PA'I BAR GYIS PHO NYA MO KHYAD PAR CAN DANG 'DU BA'I SGOR NYID BSHAD CING GZHAN YANG LE'U MANG PO NAS YANG DANG YANG DU GSUNGS SO, ,DES NA LHAN SKYES KYI BDE CHEN 'DREN PA LA THABS MANG DU YOD KYANG LAS DANG PO PA'I SKABS SU RANG GI LUS LA DMIGS TE BSGOM PA SOGS KYIS LHAN SKYES MTSON MI NUS PA'I TSE PHO NYA MO MTSAN NYID THAMS CAD TSANG BA LAS MTSON DGOS TE, GSANG BA GRUB PA LAS, LAS KYI PHYAG RGYA MNYAM LDAN PAS, ,RDO RJE PADMA MNYAM SBYOR BAS, ,BDEN PA GSUNG PAS MNGON SUM DU, , 'DI 'DRA'I BSGOM PA GANG GSUNGS PA, ,DANG PO'I LAS CAN SEMS CAN LA, ,LAS KYI PHYAG RGYA GANG SPANGS NAS, ,BYANG CHUB SEMS NI RAB STON PA, ,GZHAN GYIS MTSON PAS MI MTHONG STE, ,DANG PO'I LAS PAS RIG PAR BYA, ,THOG MA BAR MTHA' DRI MED

, ,PA, ,RIG STE GZHAN DU NUS MA YIN, ,ZHES GSUNGS PAS SO, ,DE LAS MTSON PA SNGON DU SONG NA, RNAG GI LUS LA GNAD DU BSNUN PA'I RNAL 'BYOR BSGOMS PAS SROG DH'U T'IR TSUD PA LA BRTEN NAS LHAN SKYES BSKYED SLA ZHING, DE LTAR BYA NUS PA NAS KYANG PHYI'I RKYEN PHO NYA MO MTSAN NYID TSANG BA LA BRTEN NA LAM CHES MYUR BAR 'GYUR GYI, GZHAN DU MIN PAS THABS DE GTZO BO YIN TE, HE RU KA MNGON 'BYUNG LAS KYANG, DPA' BO GANG ZHIG PHYAG RGYA DMAN, ,SGRUB PO MCHOD PAR BYED PA NI, , PHUB MA BRDUNG DANG MTSUNGS PA STE, ,ZHES GSUNGS SO, ,'ON KYANG RTZA RGYUD LAS, PHO NYA RAL GRI'I SO 'DRA ZHING, ,ZHES GSUNGS PAS BRTEN BAR DKA' BA'I DON DU KONG KA NA PA BZHED PA NI, HE RU KA MNGON 'BYUNG LAS KYANG, RNAL 'BYOR MED PAR RNAL 'BYOR CHOS, ,PHYAG RGYA LA NI BGROD GYUR DANG, ,YE SHES MED PAR YE SHES TSUL, ,DMYAL BAR 'GRO BAR THE TSOM MED, ,CES GSUNGS TE, YUL RTEN KUN MTSAN NYID MA TSANG BAR DE LTAR BYED PA LA NYES DMIGS SHIN TU CHE BAR GSUNGS PA RNAMS SHES DGOS SO, ,PHYAG RGYA LA BRTEN PA DANG BRAL NA MI 'GRUB PAR RTZA RGYUD LAS GSUNGS PA DE NYID BSHAD RGYUD SAMPU tA LAS KYANG GSAL BAR GSUNGS TE, THABS DANG SHES RAB MA GTOGS PAR SANGS RGYAS NYID MNGON DU THOB PAR MI 'GYUR RO, ,DE'I PHYIR SHES RAB MA DNGOS SU YANG DAG PAR RDZOGS PA'I BYANG CHUB SBYIN PAR BYED PA BZANG MO SPANG BAR MI BYA STE, PHYAG RGYA RE RE DANG LDAN PA 'DI MA GTOGS PAR DNGOS GRUB STER BAR MI 'GYUR RO ZHES SO, ,PHYAG RGYA BZANG MO NI PADMA CAN LA SOGS PA YIN LA, DE DAG LA BRTEN

PA NA BYANG CHUB KYI SEMS KYI BCUD PHYAG RGYA'I STOBS KYIS KYANG 'CHING BAR NUS PA YIN TE, RDO RJE MKHA' 'GRO LAS, RTZUB CES BYA BA NI BA GLANG GI LCE LTAR RTZUB PA'O, ,'JAM PA NI PADMA CAN ZHES BYA BA'O, ,'KHRANG BA NI KHU BA SRA BA STE GANG GI KHU BA 'THAS PAR GYUR PA'O, ,MDZER PA CAN NI DUNG CAN MA STE PADMA LA SHA MDZER YOD PA'O, ,BUD MED 'DI DAG NI BCUD 'CHING BA LA DBANG DU GYUR PA YIN NO ZHES GSUNGS SO, ,DE'I DANG PO NI GLANG PO CAN DANG, GSUM PA NI RI MO CAN MA YIN LA, RTZUB PA DANG 'JAM PA NI PADMA'O, ,PHYAG RGYA DE DAG LA BRTEN PA'I TSE KHAMS KYI BCUD 'CHING BA NI GA-YAS GA-YON GYI RLUNG DH'U T'IR CHUD NAS 'GRO BA PHYI'I PHYAG RGYA SROG RTZOL DU 'GRO BA'I GNAD SHES PA LA RAG LAS TE, MKHA' 'GRO RGYA MTSOR, DE NAS RDO RJE PADMA 'DU BYA BA, ,JI BZHIN BSHAD KYIS MNYAN PAR GYIS, ,RIN CHEN RDO RJE'I RAB SBYOR BAS, ,AA WA DH'U T'I CAN DNGOS GRUB, ,RNAL 'BYOR MA LA YANG DAG ROL, ,DON DAM PA YI NYAMS LA GNAS, ,DE YI SBYOR BAS ROL BAR NI, ,GNYIS MED RGYUD RNAMS KYIS 'GYUR RO, ,LUS KYI NYAMS SU MYONG BZHIN PA, ,BYIS PA RNAMS KYI BYANG CHUB 'ONG, ,HA YIG DRUG PA DANG LDAN PA'I, ,SA BON RDO RJE'I NOR BU DGOD, ,AA WA DH'U T'I'I RTZAR 'BAB STE, ,STENG DU KHA BLTAS DPRAL BAR SON, ,BSRUNG BA'I DUS SU BLO LDAN GYIS, ,RANG GI LAG PAS RDO RJE GZUNG, ,ZHES SO, ,RIN CHEN NI DGA' BA RGYAS PAR BYED PAS PADMO, ,AA WA DH'U T'I CAN NI GZUNG 'DZIN GNYIS KYI RNAM RTOG CI RIGS PA SPANGS PA'I RNAL 'BYOR PA'O, ,BYIS PA RNAMS KYI BYANG CHUB NI BRDA'I BYANG CHUB KYI SEMS KUNTA LTA BU'O, ,DRUG PA NI

, ,DBYANGS KYI DRUG PA A'U RING PO STE DE HA DANG SBYAR BAS H'Um YIN LA, SA BON RDO RJE'I BU GAR BKOD PAS NI KHAMS MI 'PHO BAR BYED DO, ,DH'U T'I'I RTZAR BYANG SEMS 'BAB PA'I RGYU NI PHYAG RGYA DANG MNYAM PAR SBYOR BA'I RTZA'I GNAD KYIS YIN TE 'DI'I GNAD GZHAN DU SHES PAR BYA'O, ,DH'U T'I'I RTZA NAS NOR BU'I RTZE'I BAR DU BAB PA NA YAS BABS KYI DGA' BZHI DANG, STENG DU KHA BLTAS PA STE GYEN DU LOG NAS DPRAL BA BAR DU SON PA NA MAS BRTAN GYI DGA' BZHI SKYE'O, ,LHAG MA RNAMS GO SLA'O, , MAN SNYE LAS, SHES RAB DANG BCAS PA'I THABS DAG SNYOMS PAR 'JUG PAS LA LA NA DANG RA SA NA'I RLUNG DAG AA WA DH'U T'IR 'JUG PA NA GTUM MO 'BAR RO, ,DE YANG PHUNG PO LA SOGS PA BSREG CING ZLA BA 'JUG BAR BYED DO ZHES LAS RGYA DANG MNYAM PAR SBYAR BAS GA-YAS GA-YON GYI RLUNG DH'U T'IR ZHUGS NAS GTUM MO SBAR BAS BYANG SEMS 'JU BAR BSHAD LA, DE BZHIN GSHEGS PA'I RDO RJES, DE'I TSE SNA BUG GNYIS KYI RGYU BA LDOG PAR BSHAD PAS, RLUNG GNYIS DH'U T'IR THIM PA YIN TE, THABS DE NI PHYI'I SROG RTZOL LO, ,BLA MED KYI RGYUD SDE NAS SROG RTZOL GYI LAM 'DI MA BSHAD PA YANG MED CING BSHAD PA YANG MED PA LA THABS 'DIS RLUNG DH'U T'IR SDUD PA'I RGYU MTSAN GYI GNAD SHIN TU RTOGS DKA' BAR SNANG NA'ANG GO BA RAGS PA CHAGS NA RGYUD DON MANG PO ZHIG GO BA LA KHYAD CHE BAR SNANG NGO, ,LAS RGYA LA BRTEN NAS JI LTAR 'BYUNG BA'I GZUGS BRNYAN PHAL MO CHE, YE SHES KYI PHYAG RGYA SHIN TU GSAL ZHING BRTAN NA DE LA BRTEN NAS KYANG 'BYUNG BAS YE RGYA LA BRTEN NAS

KYANG GA-YAS GA-YON GYI RLUNG DH'U T'IR TSUD PA'I SKABS YOD DO, ,GNYIS PA NI, 'DI'I BSKYED RIM DU BSHAD PA'I RLUNG ME CHU SA RI RAB DANG BCAS PA LNGA RDZOGS RIM LA SBYAR TE BSHAD PA NA, RKANG PA NAS MGO BO'I BAR DU RANG GI LUS LA BYA STE, DE NYID GSAL BA LAS, RKANG MTHIL GZHU YI RNAM PA YI, ,RLUNG GI DKYIL 'KHOR YANG DAG GNAS, ,LTE BA'I PHYOGS 'DIR ME NYID NI, ,GRU GSUM RNAM PAR 'BAR BA'O, ,LTO BAR CHU ZHES GRAGS PA YI, ,DKYIL 'KHOR ZLUM PO'I RNAM PA'O, ,SNYING KHA RU NI SA NYID DE, ,KUN NAS GRU BZHI PA YIN NO, ,DE STENG MGRIN PA'I PHYOGS SU NI, ,RI YI RGYAL PO RI RAB DANG, ,ZHES DANG, DE YI RTZE MO MGOR GSUNGS TE, ZHES DBYIBS MTHUN PA'I SGO NAS BSHAD PA'O, ,DE YANG SAMPU tA NAS 'BYUNG BA'I DON YIN LA, DE NYID LAS, RI NI MGO BO'I ZE 'BRU STE, ,JI LTAR RTZOM CHEN LA SOGS RIM, ,BLA MA'I DUS THABS RIM NYID KYIS, ,DE NI RDZOGS PA'I DKYIL 'KHOR GNAS, ,ZHES RKANG PA'I MTHIL RTZOM CHEN GYI RLUNG LA SOGS PAR BSHAD PA NI BLA MA'I MAN NGAG GIS DKYIL 'KHOR RDZOGS RIM DANG SBYAR BA'I LUGS SU GSUNGS PAS KYANG SHES SO, ,'DI YANG RTZA RGYUD LAS JI LTAR BSTAN PA NI, MNGON BRJOD LAS, THAMS CAD BDAG NYID RTAG BZHUGS PAR, ,GANG ZHIG SNGAR NI BSHAD PA NYID, ,DKYIL 'KHOR LUS NI YIN PAR BSHAD,, DE NI SGO DGU DAG TU 'GYUR, ,ZHES GSUNGS PA LAS SHES PAR BYA'O, ,DE YANG GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,ZHES PA'I GSANG BA NI SA DANG, MCHOG NI CHA DANG, DGYES PA NI ME DANG, THAMS CAD

, ,BDAG NYID NI RLUNG DANG, RTAG TU BZHUGS PA NI NAM MKHA'I KHAMS BDE BA CHEN POR DE NYID GSAL BA SOGS LAS GSUNGS TE SAMBU tA'I DGONGS PA'O, ,DA LTAR NA GSANG BA SOGS PHYI BSKYED RIM LA SBYAR NA 'BYUNG BZHI RIM BRTZEG DANG, NANG RDZOGS RIM LA SBYAR NA RDO RJE'I LUS STON TE, DE'I SHUGS KYIS RI RAB KYI SBYOR LUGS GNYIS KYANG SHES PAR BYA'O, ,MNGON BYANG GI A'A LI K'A LI 'GOD PA'I GZHI PADMA NANG LA SBYAR BA NA, SPYI BO'I RTZA 'DAB SO GNYIS SU SAMPU tA LAS GSUNGS PA NI MTSON PA TZAM STE, MGRIN PA DANG SNYING KHA DANG LTE BA LA SOGS PA'I RTZA 'KHOR SOGS LUS LA GNAD DU BSNUN SA KUN GZUNG BAR BYA'O, ,DE LTAR BYAR RUNG BA YANG RTZA RGYUD LAS, CHOS 'BYUNG BRIS PA'I DBUS SU DBYANGS GSAL BKOD NAS BSKYED RIM PA'I SNGAGS BTU PA GSUNGS PA DE LA BSHAD RGYUD SAMPU tA NAS NANG BSHAD MDZAD PA NA, LTE BA'I RTZA 'KHOR LA GSUNGS PA'I DON MAN SNYE LAS, 'DIS NI LTE BA'I PADMA LA SOGS PA YANG GSUNGS SO ZHES RTZA 'KHOR GZHAN LA YANG BSHAD PA DANG 'DRA'O, ,DE LTAR NA BSKYED RIM LA HE RU KA BSKYED PA'I GZHI 'BYUNG BA RIM BRTZEGS RI RAB PADMA DANG BCAS PA BSHAD PA DE NANG RDZOGS RIM LA BSHAD PA NA, GANG LA GNAD DU BSNUN PAS LHAN SKYES KYI HE RU KA 'CHAR BA'I GZHI, BUG PA'I SGO DGU PA CAN GYI RDO RJE'I LUS SPYI DANG BYE BRAG GI GNAD RNAMS STON PAR SHES PAR BYA'O, ,'DI NI L'U AE PA LTA BU MNGON BYANG LNGA LAS RTEN DANG BRTEN PA GNYIS KA BSKYED PA LTA BU LA SBYAR GYI, RTEN GZHAL YAS KHANG SNGON DU BSKYED

NAS DE'I DBUS SU MNGON BYANG LAS HE RU KA BSKYED PA LTA BU YIN NA, LUS 'DOM GANG GRU BZHI GZHAL YAS KHANG GRU BZHIR SAMPU tAR BSHAD PAS, RLUNG NAS GZHAL YAS KHANG GI BAR DANG, DBYANGS GSAL 'GOD PA'I GZHI PADMA TSUN CHOD GANG LA GNAD DU BSNUN PA'I GZHI DANG SBYAR LA BSHAD DE, ,RTAG TU BZHUGS PA'I DON NAM MKHA'I KHAMS BDE CHEN DU BSHAD PA BSKYED RIM LA SBYOR NA, BDE CHEN 'DREN BYED MTSON PA'I DBYANGS GSAL ZLA BA H'Um BCAS DANG, BDE CHEN MTSON PA'I HE RU KA LA BYA ZHING, RDZOGS RIM LA SBYOR NA, GANG DU LUS LA GNAD DU BSNUN SA'I BYANG SEMS DKAR DMAR SEMS DANG BCAS PA LA SBYAR BA DANG, DES DRANGS PA'I BDE CHEN GYI HE RU KA LA YANG SBYAR RO, ,SNANG PHYOGS KYI HE RU KA YANG SHES PAR BYA STE, STONG PA'I NGANG LAS N'A DAR LANGS PA'I NGES DON GYI BSHAD PA LAS SHES SO, ,SAMPU tAR MNGON BYANG GI DBYANGS GSAL RNAMS SPYI BA'I RTZI 'DAB SO GNYIS NAS RGYU BA'I BYANG SEMS LA BSHAD PA YANG MTSON PA TZAM STE, LUS KYI GNAD GZHAN DU YANG SHES PAR BYA'O, ,SAMPU tAR DBYANGS GSAL GYIS BSKYED PA'I ZLA BA NANG LA SBYAR BA NA KLAD PA DANG, H'Um YIG NANG LA SBYOR BA'I SKABS SU HAm YIG LA BSHAD PA YANG MTSON PA TZAM YIN GYI, DE KHO NAR MA NGES TE, DE NYID GSAL BA LAS, DE YI RTZE MO MGOR GSUNGS TE, ,'DAM SKYES 'DAB MA SUM CU GNYIS, ,DE YE DBUS SU HAm YIN TE, ,A'A LI K'A LI LAS SPRUL PA, ,MI SHIGS GO 'PHANG NYAMS DGA' BA, ,BDE BA CHEN PO ZHES BYAR BRJOD, ,CES A'A LI K'A LIS BSKYED PA'I ZLA BA BDE BA

, ,CHEN POR YANG GSUNGS PA'I PHYIR RO, ,DE LTAR NGES DON GYI HE RU KA BSKYED PA'I GZHI NI LUS KYI DKYIL 'KHOR LA BSHAD PA LA 'KHOR LO BZHI LA SOGS PA'I DBUS KYI DBU MA DANG DE'I YAR SNA MAR SNA SOGS GNAD DU BSNUN SA MANG YANG, L'U AI PA'I LUGS 'DI NI KUN SPYOD LAS, ZLA BA'I DKYIL 'KHOR RDZOGS PA NI, ,LTE BA'I RTZA BAR GNAS PAR BSGOM, ZHES GSUNGS PAS LTE BA SPRUL PA'I 'KHOR LO LA GNAD DU BSNUN PA YIN LA, DE DANG MTHUN PAR MNGON BRJOD LAS KYANG, DKYIL 'KHOR LUS NI YIN PAR BSHAD, ,DE NI SGO DGU DAG TU 'GYUR, ,DE LA LTE BA'I 'KHOR LO CHE, ,THAMS CAD MKHYEN PA ZHES BYAR BSHAD, ,RDO RJE CAN NI DER BZHUGS PA, ,ZHES THAMS CAD MKHYEN PA ZHES GRAGS PA'I RDO RJE CAN NGES DON LHAN SKYES KYI HE RU KA LTE BAR BZHUGS PAR BSHAD DE, DE LA BZHUGS PA NI SNGAR BSHAD PA LTAR SHING LA ME GNAS, ZHES PA LTAR DER GNAD DU BSNUN PA LAS LHAN SKYES 'BYUNG PA STE, HE RU KA MNGON 'BYUNG LAS, DE LTAR GSUNGS PA'I DON YANG DE BZHIN NO, ,YANG MNGON BRJOD LAS, LTE BA'I NANG NA PADMA CHE, ,BCU DRUG THIG NI GDAB PAR BYA, ,YI GE DANG YANG MNYAM PAR SBYOR, ,KHA SBYOR BYA BA BYAS PA YIN, ,ZHES GSUNGS PA'I RKANG PA DANG PO GNYIS KYI DON NI LTE BA SPRUL PA'I 'KHOR LO LA RTZA 'DAB RIM PA BZHI YOD PA'I DANG PO LA RTZA 'DAB BZHI, GNYIS PA LA BRGYAD, GSUM PA LA RTZA 'DAB BCU DRUG YOD PA'I DON DU BSHAD CING, BZHI PA LA DRUG CU RTZA BZHI YOD PAR BSHAD DO, ,RTZA 'DAB KYI RIM PA GZHAN GSUM NI HE RU KA MNGON 'BYUNG LAS, BCU DRUG LA SOGS KYIS NI

BSKOR, ZHES PA'I SOGS KYIS BSDUS SO, ,YI GE DANG MNYAM PAR SBYOR BA NI YI GE RKYANG PA BSGOM PA MIN PAR LTE BA'I RTZA 'KHOR GYI DBUS KYI DH'U T'I'I NANG DU 'OG NAS 'CHAD PA LTAR YI GE BSGOM PA'O, ,DE 'DRA BA'I RTZA DANG YI GE GNYIS MNYAM PAR SBYOR BA BSGOMS PAS BYA BA BYAS TSUL NI, HE RU KA MNGON 'BYUNG KHA CIG LAS, KHA SBYOR 'BYED PA'I BDAG NYID DO, ,ZHES 'BYUNG BA LTAR DH'U T'I'I KHA 'BYAR BA 'BYED PAR BYED PA YIN LA, DBU MA'I KHA BYE NA RO RANG GI KHA ZUM PA DANG, RO RKYANG GI KHA BYE NA DBU MA KHA ZUM PA NI NGES PA YIN PAS DBU MA'I KHA 'BYED PA'I RNAL 'BYOR GYIS RO RKYANG LA RLUNG RGYU BA 'GEG PA YIN NO, ,NAM MKHA' SBYOR BA'I BDAG NYID DO, ZHES PA LTAR NA'ANG DH'U T'I'I KHONG STONG GI NAM MKHA' 'BYED PA LA SBYOR BA'I DON NO, ,NYI MA ZLA BA RNAM DAG STE, ,'CHAR DANG NUB PAR BSTAN PA YIN, ,ZHES PA NI YI GE DANG MNYAM PAR SBYOR BA'I THABS DES NYI MA RO MA ZLA BA RKYANG MA'I RLUNG DAG PAR BYAS TE LHAN SKYES KYI YE SHES 'CHAR BA DANG, KUN RTOG THAMS CAD NUB PAR BYED PAR BSTAN PA YIN ZHES PA'O, ,PADMA'I SNA RTZER YUNGS KAR TZAM, ,ZHES PA NI PADMA NI RTZA 'KHOR YIN TE, RDO RJE PHRENG BA LAS, PADMA'I MING CAN 'KHOR LO RNAMS, ZHES GSUNGS PA LTAR RO, ,DE'I SNA RTZE NI, DE NYID LAS, DE'I YANG LTE BA SNA RU BSHAD, CES GSUNGS PA LTAR RTZA 'KHOR GYI LTE BA YIN LA, DE YANG 'KHOR LO'I DBUS KYI DH'U T'I'I NANG NGO, ,YUNGS KAR LA BSHAD BA MANG DU YOD KYANG, 'DIR NI H'Um YIG DANG RLUNG LA BYA'O, ,RGYU DANG MI RGYU'I RANG BZHIN KUN NI SNOD BCUD KUN GYI RANG BZHIN TE RTZA BA RLUNG DANG SEMS MTSON PA'I H'Um NGO, ,YID KYI BZLAS PAR YANG DAG LDAN, ,PHYI YI DBYANGS NI RNAM PAR SPANGS

, ,ZHES PA NI PHYI'I NGAG GI BZLAS PA SPANGS PA'I YID KYI BZLAS PA RDO RJE'I BZLAS PA'O, ,DE NI BSKYED RIM PA'I YID BZLAS MIN GYI RDZOGS RIM PA'I RLUNG LDANG 'JUG GNAS GSUM YI GE GSUM DANG SBYAR BA LA DMIGS PA'I RDOR BZLAS SO, ,L'U AI PA'I 'GREL PAR LVA BA PAS LTE BAR RLUNG RDO RJE'I BZLAS PA BSHAD PA BZHIN 'GREL PA GZHAN GNYIS KYIS KYANG BSHAD PA NI KUN SPYOD LAS MI GSAL YANG HE RU KA MNGON 'BYUNG DANG MTHUN TE NGAG BZLAS KYI NGES DON BSHAD NA DE LTAR 'GYUR RO, , DE YI YE SHES SANGS RGYAS TE, ,GZHAN GYIS SANGS RGYAS MI 'GYUR RO, ,ZHES PA NI DH'U T'I LA GNAD DU BSNUN PA'I RNAL 'BYOR GYIS DRANGS PA DE'I YE SHES TE LHAN SKYES KYI YE SHES KYIS SANGS RGYAS SU 'GYUR GYI GZHAN TE DE DANG BRAL BAS SANGS RGYAS THOB PAR MI 'GYUR BA'I DON NO, ,DE LTAR NA LUS KYI GNAD LTE BA SPRUL PA'I 'KHOR LOR RJES GZHIG GI SDUD RIM GYIS BSDUS TE H'Um YIG DANG N'A DA GNYIS DH'U T'I DANG MNYAM PAR SBYOR BA DANG, DE YANG MI DMIGS PAR SBYOR BA DANG, LTE BAR H'Um YIG GAM N'A DA DKAR DMAR LAS LDANG 'JUG GNAS GSUM GYI RDOR BZLAS KYI RNAL 'BYOR GYIS RLUNG DH'U T'IR BTZUD PA LAS LHAN SKYES DANG, SGYU MA'I SKU BSKYED PA L'U AI PA'I RDZOGS RIM DU BSHAD PA NI RTZA RGYUD DANG RNAL 'BYOR MA KUN SPYOD DANG, MNGON BRJOD DANG HE RU KA MNGON 'BYUNG GSUM BSGRIGS TE BSHAD PA LAS SHES PAR BYA'O, ,GSUM PA BSTAN PA'I DON DE NYAMS SU LEN PA'I RIM PA LA GNYIS, NYAMS SU BLANG BYA'I GDAMS NGAG GI RNAM GZHAG DANG, JI LTAR NYAMS SU LEN PA'I TSUL DNGOS SO, ,DANG

PO NI, BDE MCHOG LA YANG SBYOR BA YAN LAG DRUG DANG, RIM PA LNGA'I RNAM GZHAG GNYIS GSUNGS TE, MKHA' 'GRO RGYA MTSO LAS, SO SOR SDUD DANG DE BZHIN DU, ,BSAM GTAN SROG RTZOL 'DZIN PA DANG, ,RJES SU DRAN DANG TING 'DZIN TE, ,SBYOR BA'I MTSAN NYID RNAM DRUG GO ,ZHES DANG, RANG GI SKU NI SGYU MA MNYAM, ,BDAG BYIN BRLAB 'DI PHRA MO DANG, ,RDO RJE BZLAS RANG MTSAN NYID DO, ,RDZOGS PA'I BYANG CHUB SEMS KYI GTER, ,DE LAS LHAG MA ZUNG 'JUG GO ,ZHES SO, ,DE LA RANG GI SKU SGYU MA DANG MNYAM PA STE MTSUNGS PA'I BDAG BYIN BRLABS SHIN TU RTOGS DKA' BAS PHRA MOR GYUR BA NI RIM PA GSUM PA BDAG BYIN BRLABS KYI RIM PA SGYU LUS SO, ,RDO RJE BZLAS PA'I RANG GI MTSAN NYID NI RDO RJE BZLAS PA'I RIM PA STE RIM PA DANG PO'O, ,MNGON PAR RDZOGS PAR BYANG CHUB PA'I RIM PA NI RIM PA BZHI PA STE MING GZHAN 'OD GSAL GYI RIM PA'O, ,SEMS KYI GTER NI SEMS DBEN NAM SEMS DMIGS KYI RIM PA STE RIM PA GNYIS PA'O, ,SNGAR BSHAD PA BZHI LAS LHAG MA NI ZUNG 'JUG GI RIM PA STE RIM PA LNGA PA'O, ,BDE MCHOG 'BYUNG BA LAS KYANG, PADMA MGON PO SOGS MGON PO LNGA'I RLUNG BSHAD PA LTAR, RLUNG GI DE NYID SNGON 'GRO BAS, ,SNGAGS KYI DE NYID BSGRUB PAR BYA, ,SEMS CAN RNAMS KYI SROG 'GYUR ZHING, ,LAS KUN BYED PAS RLUNG DU BRJOD, , RNAM SHES BZHON PA NYID KYANG STE, ,SANGS RGYAS GO 'PHANG DE NYID 'THOB, ,RGYUD RNAMS KUN GYI GSANG BA YI, ,THABS DANG BYANG CHUB RGYU YIN NO, ,ZHES RLUNG DANG SNGAGS KYI DE NYID SBYOR BAR BSHAD CING, RTAG TU THO RANGS LANGS NAS RLUNG, ,STONG PHRAG

, ,GCIG NI BGRANG BYA STE, ,DE PHYIR RLUNG GI RNAL 'BYOR GYIS, ,RTAG TU MNYAM GZHAG GNAS PAR BYA, ,ZHES RDO RJE'I BZLAS PA GSUNGS LA, KUN RDZOB SKYE BA 'BYUNG BA LAS, DNGOS MED KYANG MIN CHA MED PHYIR, ,LHAN SKYES CHOS RNAMS THAMS CAD KYI, ,LHAN SKYES DGA' BA'I RANG BZHIN DANG, ,RANG BYIN BRLABS DANG RANG 'BYUNG STE, ,ZHES DANG, BDE CHEN MNGON PAR RDZOGS BYANG CHUB, ,DE BZHIN PHYAG RGYA CHEN PO MCHOG ,CES SDOM 'BYUNG LAS SNGAR DRANGS PA'I ZUNG 'JUG BSHAD PA'I 'PHRO LA GSUNGS TE, KUN RDZOB PA'I SKYE BA NI SGYU LUS BDAG BYIN BRLABS DANG, MNGON PAR BYANG CHUB PA 'OD GSAL BA NI LHAN SKYES KYI BDE BA CHEN POR GSUNGS PAS DE DAG GI SHUGS KYIS SEMS DBEN YANG RTOGS PAR 'GYUR RO, ,SBYOR BA YAN LAG DRUG NI MKHA' 'GRO RGYA MTSO LAS, SO SOR SDUD PA KHVA GDONG MA, ,'UG GDONG MA NI BSAM GTAN 'DOD, ,SROG RTZOL DU NI GNAS PA KHYI, ,'DZIN PA LA NI PHAG MO'O, ,RJES DRAN GNAS PA PHO NYA MO, ,TING NGE 'DZIN NI BRTAN MAR 'DOD, ,MCHE BA MA NI RGYAS BRTAN THOB, ,'JOMS MA 'BRAS BU KUN BDAG SKYES, ,'KHOR BA LAS NI GROL GYUR PA, ,ZHES PHAG GDONG MA MA GTOGS PA'I SGO MA GSUM PHAG MO DANG BZHI, GSHIN RJE PHO NYA MO DANG BRTAN MA STE MTSAMS MA GNYIS DANG DRUG SBYOR BA YAN LAG DRUG TU RIM PA BZHIN BSHAD LA, 'GREL PA LAS DE RNAMS RTOGS SLA BA DANG BLA MA'I ZHAL LAS SHES PAR BYA BAR BSHAD DE, YAN LAG DRUG BDE MCHOG STOD 'GREL LAS GSUNGS PA BZHIN DU MI GSAL LO, ,L'U AI PA'I 'GREL PA KHYAD PAR

GSAL BYED LAS, SHIN TU RNAL 'BYOR GYI BAR GYIS BSKYED RIM DANG, RNAL 'BYOR CHEN PO'I RDZOGS RIM GYI RIM PA GNYIS NI, RIGS PAS GRUB PA'I YAN LAG DRUG PA'I GO RIMS KHO NAS BSGOM PAR BYA'I GZHAN DU NA DNGOS GRUB MI 'GRUB STE, 'DUS PA PHYI MA LAS, BSNYEN PA YAN LAG DRUG SBYOR BAS, ,SGRUB PA'I MCHOG NI BYAS NAS SU, ,BSGRUB PAR BYA YI GZHAN DU NA, ,GRUB PA MCHOG NI MI 'THOB BO, ,ZHES DRANGS NAS MCHOG 'GRUB PA LA SBYOR BA YAN LAG DRUG GI RIM PA SGRUB DGOS ZHES BSGRUBS NAS L'U AI PA'I LUGS 'DI LA YANG YAN LAG DRUG SBYOR BAR BYED DO, ,SBYOR TSUL NI, MIG LA SOGS PA'I SHES PA LNGA GZUGS LA SOGS PA'I YUL LNGA LA 'JUG PA SO SOR SDUD PA STE 'GUGS PAR BYED PA NI SOR SDUD DANG, DE LTAR BSDUS NAS NANG GI PHUNG KHAMS SKYE MCHED RNAMS BDE MCHOG LA SOGS PA'I LHAR SBYOR BA NI BSAM GTAN YIN LA, RTEN DANG BRTAN PA'I DKYIL 'KHOR PA'I NGO BO TZAM DU RTOGS PA NI RTOG PA DANG, DMIGS PA DE LA BRTEN PA'I SEMS KYIS NGES PA NI DPYOD PA DANG, DE LTAR LHA LA DMIGS PAS YID BDE BA NI DGA' BA DANG, DGA' BAS BSGOMS PA'I LHA LA SIM PA DANG BCAS PA'I SEMS NI BDE BA DANG, BDE BA DANG LDAN PA'I SEMS TING NGE 'DZIN DU 'GYUR BAS RNAM PA SNA TSOGS PA'I THA MAL GYI KUN RDZOB KYI YUL CAN GYI RTOG PA LOG PAS LHA KHO NA LA DMIGS PA'I SEMS NI SEMS RTZE GCIG PA BSAM GTAN GYI YAN LAG LNGA'O, ,SROL RTZOL LA SOGS PA'I YAN LAG PHYI MA BZHI RDZOGS RIM DU BSHAD CING, 'DI KHO NA RGYUD DANG BRGYUD PA'I RIM PA

, ,LAS 'BYUNG BA'I BSHAD PA'O, ,ZHES BSHAD PA DE HE RU KA NAS DPE MED MTSO LAS BRGYUD PA'I RIM PA LAS KYANG 'BYUNG ZHING RGYUD LAS KYANG BSHAD CES 'CHAD DO, ,DE NI 'JAM DPAL GYI ZHAL GYI LUNG DANG MTHUN ZHING, RGYUD KYI RDO RJE'I TSIG RE RE YANG DON MI 'DRA BA DU MA LA TSAD LDAN GYI BSHAD PA YOD PAS BSHAD PA PHYOGS GCIG PA RE RE LA ZHEN NAS GZHAN SPANG BAR MI BYA'O, ,SROG RTZOL LA SOGS PA NI 'CHAD PAR 'GYUR RO, ,MNGON BRJOD KYI 'GREL PA LAS KYANG, RDZOGS PA'I RIM PA NI RGYUD 'DI NAS RTZA BSGOM PA DANG RLUNG BSGOM PA DANG THIG LE BSGOM PA DANG DROD BSGOM PA DANG BYANG CHUB KYI SEMS BSGOM PA DANG MTSAN BCAS BSGOM PA LNGA YIN LA, YE SHES KYI TSOGS DON DAM PA'I BDEN PA BSGOM PA NI SGYU MA LTA BU DANG 'OD GSAL STONG PA NYID BSGOM PA DANG ZUNG 'JUG BSGOM PA DANG GSUM STE, SROG AA WA DH'U T'IR 'JUG PA'I THABS BSAM GTAN BSGOM PA NI LNGA YIN, YE SHES KYI TSOGS DON DAM PA'I BDEN PA BSGOM PA NI GSUM YIN, ZHES BDE MCHOG GI RDZOGS RIM LA 'DUS PA'I RDZOGS RIM GYI THA SNYAD BYAS PA MANG DU BSHAD CING, RDZOGS RIM LA RLUNG DH'U T'IR TSUD PA'I THABS GCIG DANG TSUD PA LA BRTEN NAS BSGOM PA'I SKABS GNYIS SO SOR BYAS TE, BDE MCHOG TU MA ZAD BLA MED KYI RDZOGS RIM GZHAN BSGOM PA LA YANG DE GNYIS SHES DGOS SO, ,DE LA KHYAD PAR GSAL BYED LAS, SBYOR DRUG GI YAN LAG PHYI MA BZHI BSHAD PA NI, L'U AI PA'I LUGS 'DI LA YANG SHIN TU 'BYOR LA RDO RJE BZLAS PA LA SOGS

PA'I RIM PA LNGA YANG 'DI LA SBYOR BAR SHIN TU RUNG STE 'CHAD PAR 'GYUR RO, ,KHYAD PAR GSAL BYED LAS, NAG PO SPYOD PA'I GZHUNG LTAR RIM PA BZHI'I GDAMS NGAG BSHAD PA NI, DER RDZOGS RIM GYI RNAM GRANGS BKOD PA TZAM YIN GYI LUGS 'DI'I RDZOGS RIM LA DE LTAR SBYOR BA MIN NO, ,DE LTAR NA BDE MCHOG GI RDZOGS RIM LA LUGS MI 'DRA BA CHE BA NI BDE MCHOG STOD 'GREL NAS DUS 'KHOR LTAR DU BSHAD PA'I SBYOR BA YAN LAG DRUG DANG, DPE MED MTSO NAS BRGYUD PA'I SBYOR DRUG LUGS GNYIS KYI GCIG DANG, 'DUS PA NAS 'BYUNG BA LTAR GYI RIM LNGA'I THA SNYAD MDZAD PA GCIG DANG, DRIL BU PA'I RIM LNGA DANG, RIM PA BZHI PA DANG, RNAL 'BYOR CHEN PO'I RDZOGS RIM GCIG STE DRUG YOD LA, BDE MCHOG GI YUM SKOR DANG YAB SKOR NAS KYANG RDZOGS RIM CHUNG BA 'GA' RE YOD DO, ,GNYIS PA NI, RDZOGS RIM NYAMS SU LEN PA'I DUS NI SNGAR BSKYED RIM GYI SKABS SU BSHAD PA LTAR DAG PA DRAN PA'I 'OG BZLAS PA'I GONG DU THUN JI LTAR 'TSAM PA RE BSGOM ZHING, GTZO CHER BSKYED RIM LA BSLABS PAS BSKYED RIM LA SEMS BRTAN PA NAS GTZO CHER RDZOGS RIM BSGOM PAR BYA STE, DRIL BU PA DANG LVA BA PAS DE LTAR GUS PA DANG BCAS PAS RGYUN MI 'CHAD PAR BSGOM PAS SEMS BRTAN PAR GYUR PA DANG RDZOGS PA'I RIM PA'I TING NGE 'DZIN BSGOM PAR BYA'O, ,ZHES GSUNGS SO, ,BSGOM PA'I RIM PA NI, BSKYED RIM LA SEMS BRTAN PO RNYED NA MTSAMS 'DI NAS BSKYED RIM ZHAR BYUNG DU DANG GTZO BOR RDZOGS

, ,RIM BSGOM, DE LTA MIN PA'I BSKYED RIM LA MANG DU SLOB PA SNGAR SONG BA YIN NA, THUN DANG PO LA BSKYED RIM RGYAS PA LAN CIG DANG, THUN GZHAN GSUM GYI DUS SU BSDUS NAS BSGOM PA'I TSUL GNYIS BYAS TE LHA'I RNAL 'BYOR THUN 'TSAM PA RE BSGOM PA SNGON DU BTANG NAS THUN GYI MTHAR LHA BSDUS PA'I 'OG TU HE RU KA YAB YUM DU LANGS PA'I LHA'I RNAL 'BYOR GSAL GDAB PAR BYAS LA BSGOM MO,, ,,DE NAS SNGAR DRANGS PA'I SGRUB THABS KYI GZHUNG LTAR BSGOM PA LA, A'A LI K'A LI MDUN BSAMS NAS, ZHES SOGS 'DI SGRUB THABS GTZUG NOR DANG, YI GE BDUN PA DANG BDUD RTZI 'DZAG PA'I SGRUB THABS SU RDZOGS RIM BSGOM PA'I SKABS SU DRANGS MOD KYANG, BSHAD PA MA MDZAD, KUN SPYOD 'GREL PAR YANG, SGRUB THABS KYI 'GREL PAR KHA 'PHANGS PA MIN PA MA BSHAD DO, ,L'U AI PA'I SGRUB THABS KYI 'GREL PAR LVA BA PAS BKRAL BA'I RJES SU 'BRANGS NAS SHES RAB BSRUNG BA DANG DE BZHIN GSHEGS PA'I RDO RJE'I 'GREL PAR YANG DE BZHIN DU BSHAD, YANG SGRUB THABS KYI 'GREL PA GZHAN GSUM NAS GZHUNG GI TSIG DON SNGA MA GSUM DANG MI MTHUN PAR BSHAD PA YOD KYANG, 'DIR 'GREL PA SNGA MA GSUM GYI RJES SU 'BRANG, PHAM MTHING PA NAS BRGYUD PA LA YANG 'GREL PA SNGA MA GSUM DANG MTHUN MI MTHUN GNYIS 'DUG PA LAS 'DIR SNGA MA'I LUGS LTAR RO, ,DE LA RNAL 'BYOR CHEN POS NGAL BSO BAR BYA'O ZHES SNGON DU BLANG NGO, ,RNAL 'BYOR NI SNGAR BSHAD PA'I RDZOGS RIM PA'I THABS SHES DBYER MED DU SBYOR BA'O, ,CHEN PO NI 'DI'I BSKYED RIM LA RNAL 'BYOR GSUM BSHAD

PA LA LTOS TA BTAGS PA TZAM MIN GYI, BSKYED RIM GYI RNAL 'BYOR RNAMS LAS MCHOG TU GYUR PA'I DON TE, SGRON GSAL DU DRANGS PA LAS, CHEN PO MCHOG DANG TSAD MED DANG, ,MKHAS BRTZON SPRO BA'I LAS BDAG NYID, ,SHIN TU RMAD BYUNG BYED PA PO, ,CHEN PO ZHES NI BSHAD PA YIN, ,ZHES CHEN PO'I SGRA DON BDUN LA 'JUG PAR BSHAD PA'I DANG PO LTAR RO, ,RNAL 'BYOR CHEN PO DES NGAL BSO LUGS NI, BRAM ZE CHEN POS 'DI NI YID 'DUS PA LA RLUNG GIS RLABS, ,GA-YO ZHING 'PHYAR LA SHIN TU MI BSRUN 'GYUR, , ZHES GSUNGS PA LTAR SHIN TU 'PHYAR ZHING GA-YO BA'I RLUNG GI BZHON PAS NYIN MTSAN KUN TU SEMS 'KHOR LO BZHIN DU BSKOR BAS SHIN TU NGAL BAR GYUR PA DE 'CHAD PA LTAR GYI LUS LA GNAD DU BSNUN PA'I GDAMS PA BSGOM PAS MI BSRUN PA'I RLUNG THIM PA DE'I TSE LHAN SKYES KYI YE SHES KYIS SEMS NGAL BSOS PA'I TSIM PA SKYE BA STE, DE KHO NA NYID GRUB PA LAS, LHAN CIG SKYES PA'I RLUNG RANG GI GNAS SU GNAS PAS RTOGS PA'I TSOGS LAS GROL ZHING STONG PA NYID KYI RANG BZHIN GYIS THUGS TSIM PAR BYED PA CI ZHIG LTAR SKYES TE ZHES GSUNGS PA LTAR RO, ,DE NYID LA MA BCOS PA DANG RNAL MA'I SEMS ZHAS KYANG GSUNGS PAS BCOS MA BCOS KYI MTSAMS KYANG LEGS PAR SHES PAR BYA'O, ,MDUN ZHES PA SNGON DU YANG BSGYUR BAS DANG PO'I DON TE, DANG POR ZLA BA GNAS PAR BSGOM ZHES PA'O, ,GANG DU NA RANG DAM TSIG SEMS DPA'I LTE BA'I RTZA BA STE NANG GI DBUS SU'O, ,ZLA BA BSGOM TSUL NI, A'A LI K'A LI'I PHRENG BA 'OD ZER LNGA LDAN LAS 'KHOR LO GSUM GYI LHA TSOGS 'PHRO BA CAN NGAG TU BRJOD PAS SNA BUG GA-YAS PA'I

, ,RLUNG DANG 'GROGS NAS PHYIR 'PHROS PAS 'GRO BA RNAMS 'KHOR LO GSUM GYI LHA'I BDAG NYID DU BYAS TE, THOG MA MED PA NAS GRUB PA'I DPA' BO DANG RNAL 'BYOR MA RNAMS DANG RO MNYAM PAR GYUR TE, SNA BUG GA-YON PA NAS ZHUGS NAS LTE BAR GNAS PAR BSAMS NAS, DE YONGS SU GYUR PA LAS ZLA BA'I DKYIL 'KHOR RDZOGS PA DKAR LA DMAR BA'I MDANGS CAN DBYANGS GSAL GZUGS BRNYAN BZHIN DU SHAR BA BSAM MO, ,ZLA BA DE YI DBUS SU H'Um GI YI GE MCHOG RDO RJE 'CHANG GI GNAS DE SA BON DU GYUR PA DKAR LA DMAR BA'I MDANGS CAN GNAS PAR BSAMS LA, ZLA BA DANG SA BON YONGS SU GYUR PA LAS RANG NYID BCOM LDAN 'DAS SKU GSUNG THUGS KYI RDO RJE CAN TE, RDO RJE GSUM MI PHYED PA'I RDO RJE 'DZIN PA SKU MDOG DKAR PO GA-YAS BRKYANG GIS BZHUGS PA, NAM MKHA'I 'JA' TSON LTA BU, ZHAL GCIG PHYAG GNYIS KYIS RDOR DRIL BZUNG NAS YUM LA 'KHYUD PA'I LHA YI GZUGS NI BSGOM PAR BYA ZHING YUM RDO RJE PHAG MO DMAR MO ZHAL GCIG PHYAG GNYIS KYIS RDO RJE DANG, THOD PA 'DZIN PAS 'KHYUD PA DANG SNYOMS PAR 'JUG PAR BSAM MO, ,GONG BU LAS 'DAS GYUR PA DE, ,ZHES PA NI DE NI GZUGS LAS 'DAS PA STE, ZHES BSGYUR BA LEGS SO, ,BCOM LDAN 'DAS DE NI RIM GYIS ZHU ZHING THIM PA LAS N'A DA'I GZUGS NYID DU BSGOM PAR BYA'O, ,DE YANG SNGON DU SNOD BCUD NAS RIM GYIS SDUD PA YIN LA, SDUD TSUL LA, LVA BA PAS SGYU MA'I DGA' BA'I SGRAS YANG DAG PAR BKUG PA'I KHAMS GSUM PA'I BDAG NYID KYI 'KHOR LO NI BDAG NYID LA RIM PAS THIM

PAR BSGOM MO, ,ZHES GSUNGS PA'I SGYU MA'I SKAD DOD ROL PA LA YANG 'JUG PAS YAB KYIS YUM LA ROL BA'O, ,DES NA 'GREL PA GZHAN GNYIS SU SGYU MA LTA BU ZHES BSGYUR PA MI LEGS, DGA' BA'I SGRA NI GSANG GNAS GNYIS SRUB PA'I SGRA'O, ,DES BKUG CES PA TZAM LAS 'GUGS TSUL GZHAN 'GREL PA GNYIS KAR MI GSAL LA, MAR DOS 'KHYUD PA DANG 'O BYA BA LA SOGS PA'I RTZED 'JOS GNAS PAS, PHYI ROL GYI PHYAG RGYA DANG SBYAR BA LTA BUR RDO RJE NOR BUR BDE BA MYONG BA'I TSE, DKYIL 'KHOR PA THAMS CAD BDE BA'I NGO BOR GNAS PAR BSAM, DE NAS DE NYID LAS BDE BA'I RANG BZHIN GYI 'OD ZER DMAR PO 'PHROS PAS DKYIL 'KHOR PA THAMS CAD LA KHYAB PAS BDE BA'I RANG BZHIN DU GYUR PAR BSAM ZHING, BSDU BYA RNAMS 'OD KYI RNAM PAR GYUR PAR BSAMS NAS SDUD PAR BZHED DE, MAN NGAG DE SBYAR BAS CHOG GO ,JO BO'I 'GREL PAR YANG, TING NGE 'DZIN SEMS DPA' LAS 'OD ZER LNGA 'PHROS PAS 'DUS BYAS KYI DNGOS PO THAMS CAD LA 'OD ZER LNGAR BZHUS TE SDUD PAR GSUNGS SO, ,DE YANG BKUG PA'I SNOD BCUD RNAMS DUR KHROD LA THIM, DE NI RTEN GYI 'KHOR LO LA, RTEN GYI 'KHOR LO SGO MTSAMS MA BRGYAD DANG BCAS PA SKU 'KHOR LA, DE GSUNG 'KHOR LA, DE THUGS 'KHOR LA, DE'I SHAR NAS GA-YON SKOR GYIS PHYOGS NA GNAS PA BZHI NI RIM PA BZHIN, MKHA' 'GRO MA NAS GZUNG STE GA-YON SKOR GYIS LHA MO BZHI LA THIM, DE NAS ME NAS BRTZAMS TE MTSAMS NA GNAS PA BZHI NI, GZUGS CAN MA NAS BZUNG STE GA-YAS SKOR GYIS LHA MO BZHI LA THIM, THOD PA BZHI YANG GZUGS CAN MA SOGS

, ,BZHI LA BSDU, LHA MO BZHI YANG RANG NGOS KYI GTZO BO'I ZHAL BZHI LA RIM PA BZHIN BSDU, DAM TSIG SEMS DPA' YAB YUM RKYANG PA BSGOMS PA YIN NA, SNOD BCUD RNAMS DAM TSIG PA YAB YUM LA BSDU, DAM TSIG PA YAB YUM NI LTE BA'I YE SHES SEMS DPA' YAB YUM LA THIM, DE GNYIS KYANG SNYOMS PAR ZHUGS PAS ZHU STE, ZHU BA DE YONGS SU GYUR PA LAS, SINDHU RAS BYUGS PA'I MU TIG LTA BU'I H'Um YIG BDE BA CHEN PO'I RANG BZHIN DU GYUR, DE'I AU NAS N'A DA'I BAR DU SNGA MA PHYI MA LA RIM GYIS BSDUS NAS, N'A DA YANG SKRA'I RTZE MO BRGYA STONG GI CHA TZAM DU BYAS PA LA SEMS GZUNG NGO, ,RAB KYIS NI DE YANG MI DMIGS PAR BYA BAR 'GREL PA GSUM GA LAS BSHAD DO, ,SNGA MA RNAMS DAM TSIG SEMS DPA' YE SHES SEMS DPA' LA BSDUS PA YIN LA, DAM TSIG SEMS DPA'I GZUGS 'DAS DANG YE SHES SEMS DPA' ZHU BA YIN LA YE SHES SEMS DPA'I GZUGS 'DAS DANG THIG LE N'A DA LA ZHUGS PA'I BAR LA TING NGE 'DZIN SEMS DPA'I GZUGS 'DAS ZER RO, ,'DI LA H'Um YIG BSGOM PA NA LTE BA'I RGYAB GZHUNG LA NYE BA'I NANG NGOS SPRUL PA'I 'KHOR LO'I DBUS DRANG PO'I DH'U T'I'I NANG DU H'Um YIG GSAL GDAB LA, DE'I THIG LE'I NANG DU SEMS ZHUGS PA LTA BUR BYAS LA, SEMS BYING RGOD DANG BRAL BAR GZUNG, DE LA SEMS BRTAN NA, N'A DA DE YANG SKRA'I RTZE MO BRGYA STONG GI CHA TZAM ZHES PA NI SHIN TU PHRA BAR BYED PA'I DPE TZAM STE, SEMS KYIS GSAL GANG BTAB 'CHAR BA DANG, DE LA CI TZAM 'DOD KYI BAR DU BZHAG

PAS CHOG PA DANG DMIGS PA SHIN TU CHES PHRA BA LA YANG SEMS 'DZIN NUS LA, DE LTAR BYED PA YANG SROG DH'U T'IR 'DZUD PA DANG, ZHUGS NAS GNAS PA DANG, DER THIM PA BYED PA LA BSNGAGS PA YIN NO, ,MNGON BRJOD SNGAR DRANGS PA LAS, THAMS CAD MKHYEN PAS 'DI BSHAD PA'AM, ,YANG NA MI SHIGS KUN MKHYEN PA, ,SKRA YI NYAG MA BRGYA YI CHA, ,MCHOG GI GZUGS CAN BSGOM PA STE, ,ZHES GSUNGS PA'I RKANG PA GNYIS PA NI MNGON BRJOD GZHAN MANG PO LAS, MI 'GYUR BA YI LAM BSHAD PA, ZHES 'BYUNG BA LTAR LEGS LA, DON NI THAMS CAD MKHYEN PAS GSANG BA MCHOG GI DGYES PA SOGS KYI DON LHAN SKYES LA SNGAR BSHAD PA LTAR RAM, YANG NA DE DAG GI DON LHAN SKYES BSKYED PA'I LAM LTE BA'I RTZA 'KHOR GYI DBUS KYI DH'U T'I'I NANG DU YI 'GYUR PA STE MI SHIGS PA'I THIG LE H'Um YIG SOGS BSGOM PAR BSHAD PA BSGOM PA NA, N'A DA SKRA'I RTZE MO BRGYAR GSHAGS PA'I CHA'I GZUGS BSGOM PA'I DON NO, ,DE LA MCHOG TU GYUR PA'I GZUGS ZHES PA NI, GZUGS DE BSGOMS PAS SROG DH'U T'IR ZHUGS PA LAS LHAN SKYES BSKYED PA'I DON TE, RAB KYIS NI N'A DA LA DMIGS PA YANG 'DOR ZHES PA'I RAB NI N'A DA SHIN TU PHRA BA LA SEMS BRTAN NAS DE DMIGS RTEN DU MA BZHAG KYANG DER DMIGS RTEN GZHAN MED PAR SEMS GZUNG BAS SROG DH'U T'IR SDUD NUS PA'O, ,DES NA N'A DA SHIN TU PHRA BA LA SEMS BRTAN PA NA DE LA DMIGS PA YANG DOR NAS SEMS 'DZIN PA'I TSE YID NGOR RTZA LA SOGS PA'I GZUGS SNANG KUN SDUD NUS PA YIN NA GANG DU DMIGS PA GTOD PA'I THAD SO DE

, ,LTE BA'I RTZA 'KHOR GYI DBUS KYI DH'U T'I'I NANG GI THAD SO DER MOS NAS NGES PAR BYA DGOS SO, ,DE LTAR RDZOGS RIM GYI SKABS SU LUS KYI GNAD RNAMS SU H'Um YIG LA SOGS PA BSGOM PA NI LHAN SKYES 'DREN PA'I CHED DANG DE 'DREN PA LA SROG DH'U T'IR GZHUG DGOS PAS DE'I PHYIR DU DE RNAMS BSGOM PA YIN PA DANG, DE YANG DH'U T'I'I NANG DU SEMS 'DZIN DGOS PA'I GNAD SHES PA LA RAG LAS PAS, DE MED NA H'Um YIG SOGS BSGOMS PAS SEMS BDE GSAL MI RTOG PA CI 'DRA ZHIG RNYED KYANG, SROG DH'U T'IR TSUD NAS LHAN SKYES 'DREN PA MI SRID PAS GONG GI GNAD RNAMS SHES DGOS NA'ANG JI BZHIN DU GSAL BAR THON PA'I BSHAD PA BRIS PA MI SNANG BAS SHIN TU RTOGS DKA' ZHING 'DI DANG 'DI 'DRA'I RIGS GZHAN RNAMS LA YANG GAL SHIN TU CHE'O, ,'DI KHYAD PAR GSAL BYED LAS, YANG NA LTE BA'I PADMA LA GNAS PA'I NYI MA DANG ZLA BA SBYOR BA'I NANG NA YOD PA'I SA BON H'Um LAS BYUNG BA'I PADMA'I RTZA BA LTAR 'OD ZER GYI RI MO SEMS BRTAN PAR BYED PA'I SGO NAS RTZA GNYIS LA SROG GI RLUNG RGYU BA SPANGS NAS DBU MA LA RAB TU 'JUG PAS GTUM MO SBAR BA LAS SPYI BO'I ZLA BA ZHU NAS 'KHOR LO KHYAB PA'I RIM PAS DGA' BA LA SOGS PA'I DBYE BA'I KHYAD PAR GYIS LHAN CIG SKYES PA'I DGA' BA BYUNG NAS RNAM PAR RTOG PA THAMS CAD SPANGS PAS DUS GCIG TU DKYIL 'KHOR MI DMIGS PAR BSAM, RIM PAS STONG PA NYID DU BSDU BAR BYA'O, ,RIM PA YANG SNGAR GYI KHO NA'O ZHES BSHAD CING, YANG NA ZHES PA NI YE SHES SEMS DPA' BSGOMS NAS SDUD RIM

BYED PA SOGS BZHAG NAS DANG PO NAS H'Um YIG NYID LA SEMS 'DZIN PA'O, ,RLUNG DH'U T'IR ZHUGS PA LAS LHAN SKYES SHAR BA'I TSE NI DMIGS PAS MA BSDUS KYANG RLUNG THIM PA'I GNAD KYIS DUS GCIG TU DKYIL 'KHOR MI DMIGS PAR 'GYUR RO, ,LTE BA'I PADMA LA ZHES SOGS NI, LTE BA'I RTZA 'KHOR GYI DBUS KYI DH'U T'I'I NANG DU NYI ZLA KHA SBYOR GYI THIG LE'I NANG DU H'Um YIG BSGOM PA YIN LA, PADMA'I RTZA BA LTA BU'I 'OD ZER GYI RI MO NI CUNG ZAD RING BA'I SRAD BU LTA BU'I 'OD ZER TE, DE LA SEMS GZUNG NAS BRTAN PAR BYED PA'O, ,YANG 'GREL PA DER GSUNG RAB LAS GRUB PA'I MIN NGAG NI 'DI YIN TE, ZHES LTE BA'I RTZA 'KHOR GYI DBUS SU ZLA BA LA GNAS PA'I SHIN TU PHRA BA'I DBYANGS GSAL MNYAM PAR SBYOR BA'I DBUS SU H'Um YIG BSAMS NAS DE NAS YIG DANG BCAS PA LAS 'OD ZER 'PHROS PAS SNOD BCUD THAMS CAD 'OD DU BZHUS NAS DBYANGS GSAL SBYOR BA LA GZHUG ,YANG 'OD ZER 'PHROS PAS GTZO BO YAB YUM 'OD DU BZHUS NAS SNGA MA BZHIN GZHUG ,YANG 'OD ZER 'PHROS PAS ZLA BA DBYANGS GSAL H'Um DANG BCAS PA 'OD DU BZHUS NAS 'OD GSAL DU 'JUG PAR BSHAD DE, DANG POR H'Um YIG LA SEMS BRTAN DU BCUG NAS, DE NAS SDUD RIM DE LTAR BYA'O, ,'DI LA DANG POR DMIGS PA BSDUS PA'I TSE MOS PA TZAM MIN LA YID NGOR JI LTA BA BZHIN SDUD MI NUS PA'I DUS SU NI LTE BA'I RTZA 'KHOR GYI DBUS SU SNGAR LTAR BSGOM PA BYAS PAS CHOG LA, YID NGOR JI BZHIN DU SDUD NUS PA'I TSE NA RTZA 'KHOR GYI DH'U T'I'I NANG GI THAD SOR MOS NAS BSGOM MO, ,DE LTAR SDUD

, ,RIM LA DMIGS PA MI 'DRA BA GSUM BSHAD KYANG, SNGAR BSHAD PA'I RGYAS PA DE GA LA CUNG ZAD 'DOR LEN BYAS PA'O, ,SEMS NYID DU YANG BSGOM MI BYA, ZHES PA'I DON N'A DA PHRA RAGS GNYIS GANG DU YANG MI SEMS PA YIN LA, DE YANG DANG POR RLUNG BSDUS PA'I SKABS DANG, RLUNG THIM PA'I SKABS GNYIS LAS 'DIR DANG PO'O, ,PHAM MTHING PA NAS BRGYUD PA LA LUGS 'DI LA RDOR BZLAS BYED PA DANG MI BYED PA GNYIS SNANG YANG BYED PA L'U AI PA'I 'GREL PA RNAMS KYI LUGS YIN LA, BYED TSUL NI RIM PA BZHIN DU BSDUS PA LA SEMS RING DU GZUNG BA'I MTHAR HE RU KA YAB YUM DU LANGS PA'I DUS SU, LTE BA'I RTZA 'KHOR GYI DBUS KYI DH'U T'I'I NANG DU ZLA BA DKAR DMAR GYI STENG DU H'Um YIG GAM N'A DA DKAR DMAR BSAMS LA, RLUNG NANG DU 'JUG PHA'I DUS SU DH'U T'I'I NANG NAS RLUNG GI GDANGS AOm YIG GI GDANGS SU 'JUG PAR BSAMS LA, H'Um YIG GAM N'A DA LA GZHUG ,DE NAS LDANG 'JUG GANG RUNG ZHIG GI YUN TSAD TZAM ZHIG ZHUGS PA DER BZUNG NAS DE'I RANG GDANGS A'A: YIG GI GDANGS SU BSAM, DE NAS DH'U T'I'I NANG GI H'Um NGAM N'A DA LAS PHYIR 'GRO BA'I TSE YANG DH'U T'I'I NANG NAS PHYIR 'GRO BAR BSAM ZHING DE'I TSE RLUNG GI RANG GDANGS H'Um GI GDANGS SU 'BYUNG BAR BSAMS LA MA YENGS PAR RDO RJE'I BZLAS PA BYA'O, ,'GREL PA GSUM GAR YI GE GSUM BRJOD NAS RLUNG GI RDOR BZLAS BYA BAR GSUNGS PAS, LDANG 'JUG GNAS GSUM GYI GDANGS YI GE GSUM GYI GDANGS DANG DBYER MED DU SBYOR BA'I RLUNG SNGAGS GNYIS SBYOR BA DGOS SO, ,DE NI KHYAD PAR

GSAL BYED LAS, GDAMS NGAG JI LTA BA BZHIN DU BYA BAR BSHAD PA CIG YIN LA, LDANG 'JUG GNAS GSUM RTZA DBU MA'I NANG NAS MA BYAS PAR SPYIR KHONG PA'I NANG NAS 'GRO 'ONG SOGS BYED PA'I RDOR BZLAS LA CI TZAM 'BAD KYANG SROG DBU MAR BTZUD PA'I ZHUGS GNAS THIM GSUM LAS LHAN SKYES DNGOS SU BSKYED NUS PA MI SRID PAS RDOR BZLAS KYI GNAD YE MA RTOGS PA YIN LA, RTZA DBU MA NAS RDOR BZLAS BYED PA NI GDAMS NGAG JI LTA BA BZHIN BYED PA'I GDAMS NGAG GI DAM PA'O, ,RLUNG PHYIR LDANG BA'I TSE 'KHOR LO LNGA'I LHA TSOGS 'PHROS NAS 'GRO BA'I DON BYED PA DANG, 'JUG PA NA LHA RNAMS RLUNG SNGAGS DBYER MED DANG LHAN CIG NANG DU ZHUGS NAS THIM PAR BSAM PAR 'GREL PA RNAMS NAS BSHAD DO, ,DE LTAR NA LTE BA'I RTZA 'KHOR GYI DBUS KYI DH'U T'I'I NANG DU YI GE SOGS LA SEMS 'DZIN PA DANG, 'KHOR LO DE'I DBUS KYI DBU MA'I NANG NAS RDOR BZLAS BYED PA GNYIS PO DE NI YAN LAG DRUG GI SROG RTZOL GYI YAN LAG GCIG STE DER 'GYUR TSUL NI 'CHAD PAR 'GYUR RO, ,JO BO CHEN PO'I 'GREL PAR RKANG PA DANG PO DANG GNYIS PA DANG BZHI PA DANG DRUG PA LA BSHAD PA MA MDZAD LA, ZLA BA NI YE SHES SEMS DPA'I GDAN DANG, SKU GSUNG THUGS KYI RDO RJE CAN NI YE SHES SEMS DPA' DANG, YI GE MCHOG NI TING NGE 'DZIN SEMS DPA' DANG, DE LAS 'OD ZER SPROS NAS TING NGE 'DZIN SEMS DPA'I BAR DU SDUD CING, DE YANG RIM GYIS JE PHRAR BTANG BA LA SEMS BSGRIMS TE GTAD NAS BSGOM PA NI RDZOGS RIM LA GNYIS YOD PA'I PHO NYA'I LAM LAS GZHAN PA DANG, GNYIS PA PHO NYA'I LAM NI BLA MA LAS SHES PAR BYA BAR GSUNGS SO, ,'GREL PA

, ,YE SHES SGRON MA LAS, A'A LI K'A LI ZHES SOGS KYI GZHUNG DBANG PO RAB 'BRING THA GSUM GYI DBANG DU BYAS PA'I SGRUB THABS GSUM DU BSHAD PA DANG, DPA' BO RDO RJES BYAS ZER BA'I DKA' 'GREL DU CHAGS GROL GYI LAM GNYIS KYI DBANG DU BYAS TE BSHAD PA DANG, BOD KHA CIG YI GE DANG THIG LE BSDU BA'I RDZOGS RIM LA SBYAR TE 'CHAD MOD KYANG YID CHES MI SKYE BAR SNANG BAS MA BKOD DO, ,BZHI PA NYAMS SU BLANGS PAS MNGON PAR RTOGS PA SKYE BA'I RIM PA LA GSUM, SNGAR BSHAD PA'I RNAL 'BYOR RNAMS KYIS SROG DH'U T'IR SDUD THUB LUGS DANG, RNAL 'BYOR DE BSGOMS PA LAS SROG DBU MAR ZHUGS GNAS THIM GSUM BYED TSUL DANG, DE LA BRTEN NAS STONG PHYOGS DANG SNANG PHYOGS KYI RDZOGS RIM BSKYED TSUL LO, ,DANG PO NI, SNGAR BSHAD PA'I LTE BA'I RTZA 'KHOR GYI LTE BA'I DBUS KYI DBU MA'I NANG DU H'Um YIG LA SOGS PA LA DMIGS NAS BSGOMS PAS NI, RO RKYANG NAS RLUNG BRGYUS TE PHYIR THON PA BZLOG NAS, DBU MAR RGYU BAR BYED PAS SROG RTZOL ZHES BYA STE, SROG NI RO RKYANG LA RGYU BA'I RLUNG YIN LA, RTZOL BA'I SKAD DOD KYI STENG NAS 'GOG PA'I DON LA BSHAD DU YOD PA'I PHYIR RO, ,DA LTAR YANG KHYAD PAR GSAL BYED LAS, 'DI YANG NYE BAR MTSON PA TZAM STE, LTE BAR PHRA BA'I A'A LI K'A LI'I SBYOR BA'AM, THUGS LA SOGS PA LA THIG LE LA SOGS PA'I SBYOR BA'I BSAM GTAN GANG DE YANG SROG 'THON PA BZLOG PA'I DON NYID KYIS SROG RTZOL ZHES BRJOD DO, ,BYE BRAG TU BSAM GTAN 'DI LTA BU'I STOBS KYIS RO MA DANG RKYANG MA DAG GI RGYU BA LAS BZLOG NAS DBU MAR SROG RLUNG GI RTZOL BA NI

RAB TU RGYU STE 'DI YANG SROG RTZOL ZHES BRJOD DO, ZHES GSUNGS TE, 'OG SGO'I PHRA MO BSGOMS PAS RO RKYANG NAS SNA BUG TU RGYU BA'I RLUNG 'BYUNG 'JUG BKAG NAS DBU MAR 'DZUD PAS RGYUD PHYI MAR DE SROG RTZOL DU GSUNGS PA DANG, DE YANG PHYOGS TZAM MTSON PA STE, LTE BA DANG SNYING KHA SOGS SU THIG LE DANG YI GE SOGS LA DMIGS NAS BSGOMS PAS KYANG BYED LAS DE BYED PA'I SROG RTZOL DU SHIN TU GSAL BAR BSHAD PA 'DI RTZA 'KHOR YOD SA RNAMS SU YI GE SOGS 'GOD PA'I RDZOGS RIM BSGOM PAR GSUNGS SA THAMS CAD LA YANG SHES DGOS SO, ,'DI NI ZHAL LUNG GI DGONGS PA YIN TE, ZHAL LUNG LAS, 'DUS PA PHYI MA NAS GSANG BA'I SNA RTZER RDZAS KYI THIG LE BSGOM PA SROG RTZOL DU GSUNGS PA BSHAD PA'I DON BSDUS PA NA, DBUGS DGAG STONG PA'I YAN LAG GI ZHES SNA BUG TU RLUNG 'BYUNG 'JUG GI SPRO BSDU BYED PA 'GOG CING, DES STONG PAR BYED PA'I YAN LAG TU GSUNGS TE DES NI SROG RTZOL GYI YAN LAG DANG, DBUGS 'GOG PA'I YAN LAG GNYIS DON GCIG TU BSTAN LA, THABS DE RO RKYANG LA RLUNG RGYU BA 'GOG PA'I SROG RTZOL DU 'GYUR BA DANG, LTE BAR GNAD DU BSNUN PA GNYIS KYANG TSUL KUN NAS MTSUNGS PA'I PHYIR RO, ,DPAL SHA BA RI PAS KYANG, DE NAS LTE BAR CHOS 'BYUNG NANG DU YE SHES KYI RANG BZHIN N'A DA RIM GYIS BRGYA DANG STONG GI CHA RU DMIGS TE, RNAL 'BYOR RLUNG GIS BCU GNYIS 'GAG, DON CHEN 'GRUB PAR THE TSOM MED, CES LTE BAR N'A DA LA DMIGS NAS BSGOMS PAS RLUNG BCU GNYIS 'GOG PAR GSUNGS PA DANG, DE KHO NA NYID YE SHES YANG DAG PAR GRUB PA'I RGYA CHER

, ,'GREL DE KHO NA NYID BSHAD PA LAS KYANG, 'DI LA AAm GI RNAM PA'I GZUGS KYI LHA MO DANG, AU'I RNAM PA'I DON YOD GRUB PA'I GZUGS NI RLUNG NGO, ,DE GNYIS LHAN CIG 'DRES PA LAS RDZOGS PA NI BAm GYI YI GE GZUGS SU SPRUL NAS LTE BA'I 'KHOR LO LA'O, ,'DI NI NAN TAN DU BYAS NAS GA-YO BA MED PA'I SEMS KYIS RLUNG GNYIS 'GOG PAR BYAS PAS THOB PAR BYED PA'O, ,ZHES DANG, RDO RJE RNAL 'BYOR MA'I SGRUB THABS MNGON PAR RTAGS PA'I SNYE MA LAS KYANG, GAL TE DE TZAM GYI DKYIL 'KHOR GYI 'KHOR LO CHEN PO LA YUN RING POR BRTAN PAR BYED MI NUS NA DE'I RTZE LTE BA'I PADMAR GNAS PA NYI MA DANG ZLA BA KHA SBYOR GYI DBUS SU BAm YIG GI SA BON LAS BYUNG BA'I 'OD ZER RING PO PADMA'I SRAD BU LTA BU LA SEMS BRTAN PAR BYAS PA'I SGO NAS RTZA GNYIS LA SROG RLUNG GI RGYU BA YONGS SU THAL BAS DBUS SU ZHUGS NAS GTUM MO 'BAR BAS SPYI BO'I ZLA BA ZHU BA LAS RIM GYIS 'KHOR LO LA KHYAB PAS DGA' BA LA SOGS PA RNAMS KYI DBYE BAS LHAN CIG SKYES PA'I DGA' BA BYUNG NAS RNAM PAR RTOG PA THAMS CAD BRAL BAS CIG CAR DKYIL 'KHOR GYI 'KHOR LO STONG PAR BSDUS TE MI DMIGS PAR BSAM MO ZHES LTE BAR BAm YIG DANG, DE'I 'OD ZER LA SEMS GZUNG BAS RE RKYANG GI RLUNG GNYIS 'GOG PAR BSHAD DE, LTE BA'I RTZA 'KHOR GYI DBUS KYI DH'U T'I'I NANG DU SEMS GZUNG PA'I GDAMS NGAG GI KHYAD CHOS SO, ,'DI'I KHUNGS SDOM 'BYUNG LAS GSUNGS PA NI DRANGS ZIN LA, SAMBU tA LAS KYANG, DOGS GCOD DANG BCAS PA GSUNGS TE, STONG PA MTSON DU MED PA LA, ,YI GE RNAL

'BYOR LA SOGS CI, ,BCOM LDAN 'DAS KYIS BKA' STZAL PA, ,DE NYID JI LTAR RDO RJE NYON, ,MTSAN GZHI MTSAN NYID STONG PA NYID, ,SNYING PO MED PA'I CHU SHING LAS, ,SNYING PO BDUD RTZI 'BRAS BU LTAR, ,'BRAS BU RNAM SHES YE SHES NI, ,ZHES PA NAS, JI LTAR MTSAN NYID SHES NAS NI, ,MNYAM NYID YE SHES SEMS KYIS NI, ,DE YI RDZOGS PA'I BYANG CHUB LAM, ,MYUR BA NYID DU MTHONG BAR 'GYUR, ,ZHES GSUNGS SO, ,DE'I DON NI STONG PA DE KHO NA NYID YI GE LA SOGS PAS MTSON DU MED PA YIN PA LA, DE BSGOM PA'I RDZOGS RIM GYI SKABS SU LUS KYI GNAD RNAMS SU YI GE BKOD PA LA DMIGS PA'I RNAL 'BYOR DANG, SOGS KYIS BSDUS PA'I RTZA DANG THIG LE'I RNAL 'BYOR LA SOGS PA BSGOM PA LA 'JUG PA MI 'THAD DE, BLOS BTAGS NAS BSGOM PA DE DE KHO NA NYID KYI DON BSGOM PA MIN PA'I PHYIR RO SNYAM NA, CHU SHING SNYING PO MED PA YIN KYANG BDUD RTZI DANG 'DRA BA'I 'BRAS BU MNGAR PO'I SNYING PO BSKYED PA LTAR, BLOS BTAGS NAS YI GE SOGS BSGOM PA NYID DE KHO NA NYID BSGOM PA MA YIN ZHING, SNYING PO MED PA'I CHU SHING LTA BU YIN KYANG DE BSGOM PA LAS 'OG NAS 'CHAD PA LTAR 'BRAS BU MNGAR PO DANG 'DRA BA'I LHAN SKYES KYI YE SHES KYI 'BRAS BU BSKYED PA LA MI 'GAL ZHES PA'I DON NO, ,RNAM SHES NI RNAM PAR SHES PAR BYA BA STONG PA NYID DE MTSAN GZHI GZUGS SOGS PHUNG PO LNGA DANG DE RNAMS MTSON PA'I MTSAN NYID GZUGS SU RUNG BA SOGS RANG BZHIN GYIS GRUB PAS STONG PA'O, ,YE SHES NI 'DIS SHES PAR BYED PA STONG PA DE RTOGS PA'I LHAN SKYES KYI BDE BA'O, ,DE 'DRA BA'I BDE STONG MNYAM PAR SBYOR BA'I TSUL DANG

, ,DE JI LTAR BSKYED PA'I MTSAN NYID RNAL 'BYOR PAS SHES PAR BYAS NAS BSGOMS PAS BDE STONG MNYAM PA NYID DU SBYOR BA'I YE SHES KYI LAM MYUR DU SKYE BAR 'GYUR RO, ,MAN SNYER, RNAL 'BYOR SBYOR BA DANG, SOGS KYI SKAD DOD DANG POR BYAS NAS, DANG PO SBYOR BAS DKYIL 'KHOR RGYAL MCHOG SOGS MTSON PAR BYAS NAS, DE'I SKABS SU YI GE LA SOGS PA BKOD NAS BSKYED RIM BSGOM PA LA DOGS GCOD DU MDZAD PA NI GZHUNG DE'I GONG NYID DU BSKYED RIM PA'I LHA'I SA BON GYI YI GE SOGS BKOD PA LA DGONGS LA, 'ON KYANG 'DI'I MJUG THOGS SU SNYING KHA'I PADMA'I DBUS SU YI GE BKOD NAS BSGOMS PA LAS DE KHO NA NYID MTSON PAR GSUNGS PA DANG YANG 'BREL TE, DOGS GCOD KYI GTZO BO NI PHYI MA'O, ,RDZOGS RIM BSGOM PA'I SKABS SU LUS KYI GNAD RNAMS SU YI GE DANG THIG LE SOGS BKOD NAS BSGOM PA 'DI NI 'DUS PA LUGS GNYIS DANG LO NAG DRIL GSUM SOGS KYI LUGS MANG PO NAS 'BYUNG BA LA, ,THABS 'DIS SROG DH'U T'IR BSDUS NAS LHAN SKYES BSKYED PA JI BZHIN DU MA RTOGS PAS 'DI RNAMS LA RTZIS CHE BA'I BOD KYI BSHAD PA RNAMS LA YANG JI BZHIN DU SHOD PA'I BSHAD PA MI SNANG LA, KHA CIG NI DE 'DRA BSGOM PA DE DE KHO NA NYID BSGOM PAR 'DOD PA BKAG PA RNAMS DRANGS NAS CHOS SPONG BAR SNANG BAS RNAM DPYOD DANG LDAN PA RNAMS KYIS LEGS PAR RTZAD GCAD PAR BYA'O, ,RLUNG LA RDOR BZLAS BYED LUGS NI, BDE MCHOG STOD 'GREL LAS, DE NAS SROG

RTZOL ZHES BYA BA NI LA LA NA DANG RA SA NA GA-YON PA DANG GA-YAS PA'I LAM 'GOG PA LAS SROG GI RLUNG RTAG TU DBU MA AA WA DH'U T'I'I LAM DU RAB TU 'JUG PA STE, AA WA DH'U T'IR DGANG BA DANG, BUM PA CAN DANG, DBYUNG BA'I SBYOR BAS AOm YIG GIS 'JUG PA DANG, H'Um YIG GIS 'GOG PA DANG, A'A: YIG GIS DBYUNG BA ZLA BA DANG, SGRA GCAN DANG NYI MA'I RANG BZHIN GYIS RNAL 'BYOR BAS BYED PA NA SROG RTZOL GYI YAN LAG GO ZHES GSUNGS LA, COG RO TING NGE 'DZIN BZANG PO'I 'GYUR LAS, RNGUB PA DANG GNAS PA DANG DBYUNG BA'I SBYOR BAS ZHES BSHAD PA LTAR DGANG BA NI, NANG DU RNGUB PA DANG, BUM PA CAN NI NANG DU GNAS PA LA BYA STE, YI GE GSUM DANG SBYAR BA'I LDANG 'JUG GNAS GSUM GA DH'U T'I NAS BYED PAR BSGOM DGOS SO, ,RGYUD RNAMS LAS RLUNG GSUM DANG YI GE GSUM SBYOR TSUL 'DRA MI 'DRA 'GA' RE YOD KYANG GCIG NGES GZUNG DU BZUNG MI DGOS KYI LUGS DE DAG GANG YANG RUNG BAS 'GRUB BO, ,DUS 'KHOR GYI SKOR NAS SROG RTZOL BUM PA CAN LA BSHAD PA MANG YANG DE KHO NA MIN GYI STOD 'GREL LAS GSUNGS PA LTAR, RDOR BZLAS KYANG RO RKYANG LA RLUNG RGYU BA BZLOG NAS DH'U T'IR 'JUG PA'I SROG RTZOL DU SHES DGOS PAS RDOR BZLAS SROG RTZOL GYI SNGON 'GRO DANG GEGS SEL TZAM DU 'DOD PA NI RGYUD KYI DON LEGS PAR MA RTOGS PA'O, ,DRI MED 'OD LAS KYANG 'DIR NGES PA'I DON NI, ,DUS THAMS CAD DU BRTAN PAR GYUR PA DANG, BUM PA CAN GYI GNAS SKABS SU GYUR PA JI SRID BAR DUS THAMS CAD DU RNAL 'BYOR PAS 'JUG PA DANG 'BYUNG BA NYID KYIS SROG DBU MAR BSGOM PAR BYA'O, ,DE

, ,NAS RNAL 'BYOR PAS MNGON PAR SHES PA LNGA THOB PAR 'GYUR TE, SROG GI BZLAS PA LAS SO, ,ZHES PA NI BCOM LDAN 'DAS KYI NGES PA'O, ,DE LTAR MI PHYED PA'I YAN LAG SROG DANG LDAN PA'I YID KYIS SNGAGS BZLAS PAR BYA'O, ,ZHES PA NI RGYUD THAMS CAD LAS RDO RJE'I TSIG STE SNGAR BRJOD ZIN TO, ,ZHES RDOR BZLAS BYED PA'I DUS KUN TU RNAL 'BYOR PAS DBU MA NAS RLUNG 'BYUNG 'JUG BYED PAR BSGOM DGOS PAR GSUNGS SHING, TSUL DE'ANG RLUNG GI RDOR BZLAS BYA BAR GSUNGS PA'I RGYUD THAMS CAD KYI DBANG DU MDZAD PAR GSUNGS SO, ,BUM PA CAN GYI GNAS SKABS SU GYUR PA JI SRID BAR ZHES PA NI BUM PA CAN DANG 'DRA BAR RLUNG 'BYUNG 'JUG MI BYED PAR NANG DU GNAS PA BRTAN PO BYUNG BYUNG GI BAR DU RDOR BZLAS BYA ZHES PA'I DON TE, RDOR BZLAS KYIS SROG DH'U T'IR ZHUGS PA DANG GNAS PA BRTAN PO BYED PA'I DON NO, ,RDO RJE SNYING 'GREL LAS KYANG, MA NING DAG GI GNAS ZHUGS PA, ,SNGAGS KYI YAN LAG MA NYAMS BZLAS, ,SPYI GTZUG DBU MA'I GNAS TSUD PAR, ,SROG GI RGYUN MI 'CHAD PAR BZLAS, ,ZHES DBU MA'I GNAS SU TSUD PAR RDOR BZLAS BYA BAR GSUNGS SO, ,'O NA DRI MED 'OD LAS, GA-YON DANG GA-YAS DANG DBU MA'I SROG YANG DAG PAR RGYU BA'I RDO RJE BZLAS PA'I RIM PA DANG, MA NING GI BZLAS PA'I RIM PA'O, ,ZHES RTZA GA-YAS GA-YON NAS SROG RGYU BA'I DON RDOR BZLAS SU GSUNGS PA JI LTAR YIN SNYAM NA, DE DANG 'GAL BA'I SKYON MED DE, DE'I DON NI RTZA GSUM NAS SROG RGYU BA'I RLUNG LA RDOR BZLAS BYED PA'I DON YIN LA,

RTZA GA-YAS GA-YON LA RLUNG RGYU BA'I TSE RDOR BZLAS BYED PA NA'ANG DNGOS SU RO RKYANG LA RGYU BA YIN KYANG, DE DNGOS SU MI 'GOG PAR DBU MA NAS 'BYUNG 'JUG BYED PAR MOS NAS BYED PA LA 'GAL BA CI YANG MED PA'I PHYIR RO, ,DES NA RDOR BZLAS BYED PA NA GA-YAS RO MA DANG GA-YON RKYANG MA'I RDOR BZLAS BYED PA YIN ZER NAS RTZA DE GNYIS NAS RLUNG 'BYUNG 'JUG BYED PAR MOS PA'I RDOR BZLAS BYED PA MANG DU SNANG BA NI YANG DAG PA'I RDOR BZLAS KYI GOL SA CHE SHES LA GNAS PAR SHES PAR GYIS SHIG, GZHAN YANG DRI MED 'OD LAS DBUGS 'JUG PA DANG 'BYUNG BA DAG DANG LHAN CIG SNGAGS KYI YI GE RNAMS RAB TU 'JUG PA DANG, 'BYUNG BA ME TOG GI PHRENG BA BZHIN DU ZLA BA DANG NYI MA'I RANG BZHIN LUGS DANG MTHUN PA DANG MI MTHUN PA BLTA BAR BYA'O, , ZHES GSUNGS PA DANG YANG MI 'GAL TE, STOD 'GREL LAS, DBU MA'I NANG NAS RLUNG 'BYUNG LDANG BYED PA YANG ZLA NYIR BSHAD PA BZHIN YIN PA'I PHYIR RO, ,ME TOG GI PHRENG BA BZHIN ZHES PA'I DON NI, RLUNG PHRENG THAG LTA BU DANG, RLUNG GI GDANGS RKANG PA DON GNYIS PA LTA BU'I SNGAGS KYI YI GE'I GDANGS SU SHAR BA ME TOG RE RE BA LTA BU STON PA YIN GYI, YIG 'BRU'I KHA DOG DANG DBYIBS KYI GZUGS CAN DU STON PA MIN NO, ,RGYUD RDO RJE PHRENG BA LAS, SGRA DANG THIG LE'I MING DU BYAS, ,RLUNG GNYIS KYI NI PHYI NAS NI, ,MA RIG MDUD PA 'BYED PAR BYED, CES RLUNG 'BYUNG 'JUG GNYIS LA RDOR BZLAS BYAS PAS SNYING KHA'I DH'U T'I LA RO RKYANG GIS DKRIS PA'I MA RIG PA'I MDUD PA 'BYED PAR GSUNGS TE, DPER NA SMYUG MA'I SBUBS 'GAGS PA LA THUR MA RING

, ,POS DE'I NANG DU 'BYUNG 'JUG BYAS PAS PHYED PA BZHIN DU RLUNG 'BYUNG 'JUG GIS KYANG DE BZHIN DU 'BYED DO, ,RGYUD DER SNGAGS KYI DE NYID RDOR BZLAS KYIS DH'U T'I 'BYED PA MANG DU GSUNGS SO, ,DE LTAR KHUNGS THUB KYI GZHUNG MANG PO LAS GSAL BAR GSUNGS KYANG, BOD KYI GDAMS NGAG LAS 'DI'I GNAD THON PA YANG SHIN TU DKA' BAR BYUNG 'DUG PAS LEGS PAR RTZAD GCAD PAR BYA'O, ,GNYIS PA NI, YE SHES SEMS DPA' YAB YUM SNYOMS 'JUG BYAS PA'I THABS KYIS SDUD RIM BYED PA NI, SNGAR RNAL 'BYOR GYI STOBS KYIS SROG DBU MAR ZHUGS GNAS THIM GSUM BYAS PA'I MYONG BA CAN GCIG YIN NA, THABS DES KYANG SROG DBU MAR SDUD NUS PAR 'ONG LA, DE LTA MIN NA THABS DES SDUD PA SNGON DU BTANG NAS, LTE BA'I RTZA 'KHOR GYI DBUS KYI DBU MA YOD PA'I THAD DU DBU MA'I NANG DU YI GE SOGS LA SEMS GZUNG BA BRTAN PA NA SROG DBU MAR SDUD NUS PAR 'GYUR DE YANG SDUD RIM SNGON DU MA BTANG YANG SEMS SNGAR LTAR ZIN PA GOMS PA LAS RLUNG DBU MAR SDUD NUS PA 'ONG MOD KYANG, SDUD RIM RE DANG SBRAGS NAS BYAS NA RLUNG SDUD PAR SLA BA'I DGOS PA YOD PAS DE LTAR BYED PA YIN, DE LTAR SEMS 'DZIN PA NA BYING BA PHRA MO NAS MA CHOD NA RLUNG 'DU BA SHIN TU DKA' BAS BYING BA PHRA RAGS KUN CHOD PAR BYA, DE YANG SEMS LA NGAR THON PA MED NA SEMS GSAL DVANGS KYI RTOG MED DU GNAS PA YOD KYANG BYING BA PHRA MO MI KHEGS PAS DMIGS PA LA SEMS NANG DU ZHUGS PA LTAR 'DZIN PA'I GRIMS CHA BSKYED, DE BSKYED DRAGS NA SEMS

GNAS SU MI NYAN PAS TSOD ZIN PA RANG GI NYAMS STENG NAS SHES PAR BYAS TE, BYING RGOD DANG BRAL BAR BSKYANGS PAS 'GAL RKYEN BLO BUR BA GZHAN MED NA NYIN ZHAG GCIG GI DRUG CHA LA THUN RER BYAS BA'I THUN 'KHYONGS PA BRTAN PO RNYAD RNYED DU BSGOM DE LTAR BSGOMS PAS RLUNG SEMS 'JUG PA GCIG PA'I GNAD KYIS DBU MA'I NANG DU SEMS ZIN PA NA RLUNG YANG ZIN PAR 'GYUR BAS SROG DH'U T'IR 'JUD NUS PA YIN NO, ,'O NA DE LTAR BSGOMS PAS SROG DBU MAR TSUD PA'I RTAGS NGES PA CAN MYONG BAS GRUB PA CI 'DRA YOD SNYAM NA, 'DI LA BOD KYI BLA MA 'GA' ZHIG GI LUGS KYIS RLUNG DBU MAR TSUD PA'I NYAMS RTAGS LNGA LAS LUS KYI RTAGS NI SMIN MTSAMS SU RLUNG 'DUS SHING GTZUG TOR DU ZA BA DANG, 'KHRIG PA SOGS DANG, RLUNG GI RTAGS NI DBUGS RGYU BA MI TSOR ZHING BRTAGS NA SNA SGO GNYIS KA NAS SHIN TU DAL BAR RGYU BA DANG, SEMS KYI RTAGS NI SHES PA GSAL STONG RTOG MED DU GNAS PA DANG, MTHONG RTAGS NI DU BA LTA BU SOGS GSAL LA BRTAN PAR SNANG BA DANG, RMI LAM GYI RTAGS NI 'PHUR BA DANG RTA RGYUG PA SOGS RMI BA 'BYUNG NGO ZHES ZER RO, ,DE'I RTAGS DANG PO NI THEG PA GNYIS KA'I SEMS 'DZIN PHAL MO CHE LA 'BYUNG ZHING LUS LA GNAD DU BSNUN PA BSGOM PA LA YANG RLUNG DH'U T'IR MA ZHUGS PA'I GONG SNGA MO NAS KYANG 'BYUNG BA DU MA 'ONG BAS RTAGS 'KHRUL PA CAN NO, ,RTAGS GSUM PA NI THEG PA CHE CHUNG SOGS KYI SEMS GNAS BSKYANGS PA THAMS CAD LA 'ONG ZHING, DE LA LUS LA GNAD DU BSNUN THABS BYA MI DGOS LA, RNAL 'BYOR

, ,GYI STOBS KYIS SROG DBU MAR BCUG PA NI RNAL 'BYOR BLA MED KYI GZHUNG NAS 'BYUNG BA'I LUS LA GNAD DU BSNUN THABS BYAS PA KHO NA'I KHYAD CHOS YIN PAS CHES SHIN TU MA NGES PA'I RTAGS SO, ,RTAGS BZHI PA LA NI SROG DH'U T'IR BTZUD PA LA DE LTAR 'CHAR BA GCIG DANG, SEMS GNAS SPYI TZAM PA LA 'CHAR BA GNYIS YOD PAS CHES MA NGES PA'I RTAGS SO, ,RTAGS LNGA PA NI TING NGE 'DZIN CUNG ZAD KYANG MA BSGOMS PA LA YANG DU MA ZHIG 'BYUNG BAS SHIN TU 'KHRUL BA'I RTAGS SO, ,RTAGS GNYIS PA RLUNG GI RTAGS BSHAD PA LA NI GZHI CUNG ZAD CIG SNANG NGO, ,DES NI MI 'KHRUL BA'I RTAGS NGES PA CAN NI 'DI LTAR SHES PAR BYA STE, RNAL 'BYOR BLA MED KYI GZHUNG KHUNGS THUB NAS 'BYUNG BA'I LUS LA GNAD DU BSNUN THABS SNGAR BSHAD PA 'DRA BA ZHIG BYAS PA GZHIR BZHAG LA, DES THUN 'KHYONGS PA MA BYUNG BAR DU SROG DH'U T'IR TSUD PA DKA' BAS THUN 'KHYONGS PA NA RANG GI SNA BUG GNYIS GANG RUNG RE RE BAR RGYU BA'I 'PHOS MA THAG PA'I SKABS NGOS GZUNG LA, DE NAS LUS GNAD DANG SEMS KYI 'DZIN LUGS SNGAR BZHIN BYAS PA'I MTHUS RING PO MI THOGS PAR SNA SGOR BRTAGS PA NA RLUNG MNYAM RGYUR THENGS PA DANG, DE YANG LAN RE RE GNYIS GNYIS TZAM LA NGES PA MED KYI 'GAL RKYEN GZHAN MED NA NGES CAN DU THENGS KYIN 'DUG PA DANG, MNYAM RGYU YANG GANG RUNG GCIG DRAG LA CIG SHOS ZHAN PA MIN PAR DRAG ZHAN SHED MTSUNGS SU RGYU BA 'ONG BAR SNANG NA, RNAL 'BYOR DE'I STOBS KYIS RLUNG DBU MAR 'DZUD NUS PA TZAM DU 'JOG NUS MOD KYANG LAN CIG TSUD PHYIN CHAD NAS GA-YAS GA-YON RE RE BAR MI 'PHO BA

MIN NO, ,DE NI SROG DH'U T'IR ZHUGS PA YIN LA, DH'U T'IR GNAS PA NI MTSAMS 'DI NAS DRIL TE BSGOMS PAS SNA BUG GI RGYU BA ZHAN DU SONG BA'I MTHAR ZHIB TU BRTAGS PA NA RGYU BA PHRA MO YANG LDOG PA GCIG 'ONG, RTOG TSUL DE NGES DKA' BAR BYUNG NA, LUS DRANG POR GA-YO 'GUL MED PAR BDE MOR GNAS PA'I DUS SU LTO BA 'GUL MI 'GUL BRTAG ,CUNG ZAD 'GUL BAR SNANG NA MA LOG PA'I RTAGS YIN, BRTAG PA 'DI KHYAD PAR DU LTE BA MAN CHAD KYI THUR SEL 'OG GI SNA SGOR 'BYUNG 'JUG BYED MI BYED RTOG PA LA GAL CHE BA YIN, SNA BUG GI RGYU BA PHRA MO YANG LOG PA LA THIM DKA' SLA GNYIS LAS, THIM DKA' NA YUD GCIG LA LTO BA RLUNG GIS KHENGS PA 'BYUNG ZHING DE NAS ZHI BAR 'GYUR LA, ZHI MA THAG LTE BA DANG GSANG GNAS KYI MA GNAS PA'I THAD NAS DROD KHYAD PAR CAN SKYE, DE NAS RIM GYIS ZHU BAD 'DREN NO, ,SNA BUG GI RGYU BA PHRA MO YANG LOG PA 'DI BYING BA PHRA MO MCHOD PAR BSAGS PAS BYING BA SHAS CHE BA GCIG LA YANG 'ONG STE, DE NI RLUNG DH'U T'IR TSUD PA DANG THIM PA GANG YANG MIN PAS KHYAD PAR PHYED PAR BYA'O, ,DH'U T'IR THIM PA BYUNG YANG SLAR RLUNG LANGS NAS RTZA GNYIS LA RGYU BA NI DU MA ZHIG 'ONG NGO, ,RDOR BZLAS KYI MYONG BA SKYE TSUL NI, RE ZHIG RLUNG GI GDANGS LA SNGAGS SU MOS PA TZAM LAS MI 'ONG YANG, GOMS PA'I MTHAR PHAR LA MOS PA BYAS PA TZAM MIN PAR TSUR LA RANG GI GDANGS YI GE GSUM GYI GDANGS SU 'CHAR BA'I GSUNG GI NGA RGYAL 'PHOS PA 'BYUNG STE BSKYED RIM DANG 'DRA'O, ,DE YANG DANG POR DH'U T'I'I NANG NAS 'BYUNG 'JUG BYED PAR MOS PA TZAM YIN KYANG, GDAMS NGAG GI GNAD

, ,LEGS PAR SHES NAS GOMS PA BSRINGS NA RLUNG SEMS 'JUG PA GCIG PA'I GNAD KYIS DH'U T'I'I NANG NAS DNGOS SU 'BYUNG 'JUG BYED PA 'ONG NGO, ,'DI LA YANG SNGAR BSHAD PA BZHIN DANG POR SNA BUG RE RE BAR RGYU BZHIN PA NA RDOR BZLAS BYAS PA'I MTHUS MYUR POR MNYAM RGYUR NGES CAN DU THENGS KYIN 'DUG NA RDOR BZLAS KYIS RLUNG DH'U T'IR TSUD PA YIN NO, ,DE NAS SROG DBU MAR GNAS PA 'ONG LUGS NI, 'BYUNG 'JUG GANG RUNG RE'I YUN TSAD KYIS GNAS PA NI DANG POR CHED DU BYA DGOS LA, DE GOMS PA YUN BSRINGS PA NA MTSAMS GCIG NAS CHED DU BYA MI DGOS PAR RANG GI NGANG GIS GNAS PA GCIG 'ONG NGO, ,DE BYUNG BA NA SLAR YANG GOMS PA BSRINGS PAS GNAS PA JE RING JE RING DU 'GRO, DE'I GNAD KYIS LDANG 'JUG GNYIS JE THUNG DU SONG NAS MTHAR RLUNG 'BYUNG 'JUG GI RGYU BA PHRA MO YANG LOG NAS GNAS PA 'BA' ZHIG PAR 'GRO'O, DU BYA DGOS LA, DE GOMS PA YUN BSRINGS PA NA MTSAMS GCIG NAS RNAMS KYIS DBUGS GA-YO BA MED PAR 'GYUR TE SROG GI BUM PA CAN GYI GNAS SKABS 'THOB PAR 'GYUR RO, ZHES RDOR BZLAS BYAS PAS RLUNG PHYI NANG GI 'BYUNG 'JUG GI GA-YO BA MED PA'I GNAS SKABS 'THOB PAR GSUNGS SO, ,RDOR BZLAS LA YANG RIG PA LA NGAR THON PA RGYUN LDAN PA MED NA BYING BA 'PHEL BAR 'GYUR LA, DER SONG NA SNA SGO'I 'BYUNG 'JUG MI BYED PA BYUNG NA YANG SKYON BSKYED PA MIN PA YON TAN MI SKYE PAS BYING BA GCOD PA GAL CHE'O, ,SROG DBU MAR GNAS PA RNYED PA'I TSE, LTE BA'I DH'U T'I'I NANG GI YI GE SOGS LA DMIGS

PA GTAD NAS SEMS GZUNG BAR BYAS PAS MYUR POR RLUNG DH'U T'IR THIM PAR 'GYUR RO, ,DE LTAR NA RNAL 'BYOR BLA MED KYI LAM 'DIR LHAN CIG SKYES PA'I YE SHES BSKYED DE, DE BSGOMS PAS MCHOG 'GRUB PA LA SROG DH'U T'IR SDUD PA GCIG MED MI RUNG YIN TE, MKHA' 'GRO RGYA MTSO LAS, AA WA DH'U T'I'I SROG GI RLUNG, ,BRTAN PA PHAG SOGS RNAL 'BYOR MA, ,MA BRTAN SROG GI RLUNG RNAMS KYIS, ,DNGOS GRUB GSAL BAR MI 'GYUR RO, ,ZHES SO, ,KHYAD PAR GSAL BYED LAS 'DUS PA PHYI MA DRANGS PA NAS YAN LAG DRUG DANG BRAL NA MCHOG MI 'GRUB PAR GSUNGS PA'I SROG RTZOL 'CHAD PA NA, GSANG GNAS DANG LTE BA DANG SNYING KHA DANG SMIN MTSAMS LA SOGS PA GANG YANG RUNG BAR THIG LE DANG YI GE SOGS LA DMIGS PA'I THABS GANG YANG RUNG BAS SROG DH'U T'IR SDUD PA THAMS CAD SROG RTZEOL YI PAS, GZHUNG RNAMS LAS LTE BA LA SOGS PA'I RTZA 'KHOR GYI GNAS PHYOGS RE'I SROG RTZOL BSHAD PA NI, MTSON PA TZAM ZHES BSHAD CING, YE SHES ZHABS LUGS KYI SBYOR DRUG GI RGYA GZHUNG GCIG LAS KYANG, DE DANG MTHUN PAR BSHAD PA LTAR SROG RTZOL RGYA CHER BTANG NA RGYUD NAS GSUNGS PA LTAR YIN GYI, DE LTA MIN PAS RGYUD GCIG NAS SROG RTZOL DU BSHAD PA JI MA JI BZHIN DU MA BYUNG NA LAM DES 'TSANG MI RGYA BAR 'DZIN NA NI CHOS SPONG BA'I SGO CHEN PO LA GNAS PAR 'GYUR RO, ,DE LTAR SROG RTZOL GYI SGO MI 'DRA BA MANG PO YOD PA BZHIN DU SGO DE DAG GI RLUNG DBU MAR BTZUD NAS GA-YO MED DU GNAS PA YANG DE TZAM GCIG 'ONG NGO, ,DE'I PHYIR BDE MCHOG STOD 'GREL

, ,LAS, DE NAS 'DZIN PA ZHES BYA BA NI SROG GI RLUNG LTE BA DANG SNYING KHA DANG LKOG MA DANG DPRAL BA DANG DBANG CHEN DANG CHU DANG ME DANG RLUNG GI DKYIL 'KHOR RNAMS SU 'JUG PAS THIG LE LA SROG GNAS SHING PHYIR MI 'BYUNG BA NI 'DZIN PA'I YAN LAG TU BSTAN TO, ,ZHES RLUNG DBU MAR 'BYUNG 'JUG MI BYED PAR GNAS PA LA 'DZIN PA'I YAN LAG TU GSUNGS PA YANG DU MA ZHIG 'ONG ZHING DE MED PAR TSE GCIG LA MCHOG 'GRUB PA'ANG MI SRID DO, ,BRAM ZE CHEN POS KYANG, ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENGS, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG BAS MAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER SEMS NI DBUGS PHYUNG ZHIG ,MDA' BSNUN GYIS NI MAN NGAG THAMS CAD BSTAN NAS SONG, ZHES PHYI NANG GI LUS LA GNAD DU BSNUN PA'I THABS KYIS NYI ZLA'I RLUNG DH'U T'IR BTZUD CING, BTZUD PA DE'I 'BYUNG 'JUG GI RGYU BA BCAD PA LA BRTEN NAS GTUM MO 'BAR BAS BZHUS PA'I BYANG SEMS KYIS LUS BKANG BA'I BDE STONG SBYAR NAS RMONGS PA RTZAD NAS GCOD PA GDAMS NGAG THAMS CAD KYI GNAD BSDUS PAR GSUNGS SO, ,RLUNG DBU MAR 'BYUNG 'JUG MI BYED PAR GNAS PA TZAM GYIS MI CHOG GI DER THIM PA YANG DGOS TE, BRAM ZE CHEN POS, RLUNG DANG ME DANG CHU DANG DBANG CHEN 'GAG PA NA, ,BDUD RTZI RGYU BA'I DUS SU RLUNG NI SEMS LA 'JUG ,NAM ZHIG SBYOR BZHI GNAS GCIG LA NI ZHUGS

PA NA, ,BDE CHEN MCHOG NI NAM MKHA'I KHAMS SU MI SHONG NGO, ,ZHES SO, ,DE LA SBYOR BZHI NI, DGONGS PA LUNG STON LAS, SBYOR BZHIS BSDUS PA BRGYA PHRAG DGU, ZHES SA CHU ME RLUNG GI SBYOR BZHIS RLUNG RE RE YANG DGU BRGYA RE RGYU BAR BSHAD PAS 'BYUNG BZHI'I RLUNG NGO, ,GNAS GCIG NI DBU MA STE DER ZHUGS PA'O, ,DE BZHI SNGA MA PHYI MA LA THIM PA NI, ME DANG CHU DANG DBANG CHEN SA'I RLUNG 'GAGS PA'O, ,RLUNG GI RLUNG SEMS SNANG BA DANG PO LA THIM PA NI RLUNG NI SEMS LA 'JUG PA'O, ,BDE CHEN SKYE BA'I DUS SU NI BDUD RTZI STE BYANG SEMS RGYU BA STE 'DZAG PA'I DUS TE GTUM MO 'BAR BA'I MTHUS SO, ,YANG DO HA LAS, MIG NI MI 'DZUM SEMS 'GOG DANG, ,RLUNG 'GAG PA NI DPAL LDAN BLA MAS RTOGS, ,GANG TSE RLUNG RGYU DE NI MI GA-YO STE, ,'CHI BA'I TSE NA RNAL 'BYOR RNAL 'BYOR MAS CI BYA, ZHES GDAMS NGAG GI GNAD RTOGS PA'I BLA MAS BSTAN PA LAS MU STEGS LTAR MIG BTZUMS TE MI BSGOM PAR MIG MI 'DZUM PA'I LTA STANGS LA GNAS TE, SROG DH'U T'IR SDUD PA'I THABS LA SEMS GZHAN DU 'GRO BA BKAG NAS SEMS BZUNG BAS RLUNG DBU MAR TSUD NAS RLUNG RGYU BA 'GAGS PA STE THIM NAS MI GA-YO BAR GNAS TE, 'CHI BA'I RIM PA BZHIN 'BYUNG BA'I TSE NA STE, DE'I DUS SU 'OD GSAL 'CHAR BA'I GROGS SU RNAL 'BYOR MA'I PHYAG RGYAS CI ZHIG BYA STE MI DGOS SO, ,ZHES PA'I DON NO, ,'DIS NI DE'I DUS SU MI DGOS PAR STON GYI SNGA ROL DU PHYAG RGYA LA LTOS PA MI 'GOG GO ,RLUNG THIM PA DGOS PA 'DI DE KHO NA NYID GRUB PA LAS KYANG GSAL BAR GSUNGS TE, JI SKAD DU DPER NA NAM MKHA'I NGOS SU KHYAB PA'I CHU 'DZIN GYI TSOGS STUG PO DE NGAS PAR GYUR PA NA GANG DU SONG BA

, ,MI SHES PA DE BZHIN DU RLUNG 'DI YANG SNGAR RGYUN MI 'CHAD PAR 'BYUNG BA LAS DE LTAR THIM PAR GYUR PA NA, MCHOG TU LDOG CING TSIM PA THOB PAS GANG DU YANG 'GRO BAR MI 'GYUR RO, ,LHAN CIG SKYES PA'I RLUNG RANG GI GNAS SU GNAS PAS RTOG PA'I TSOGS LAS GROL ZHING STONG PA NYID KYI RANG BZHIN GYIS THUGS TSIM PAR BYED PA CI ZHIG LTAR SKYES TE, ZHES GSUNGS TE, KUN RTOG GI BZHON PA'I RLUNG DANG SEMS SNANG MCHED THOB GSUM GYI RLUNG THIM NAS STONG PA BZHI PA 'OD GSAL LHAN SKYES KYI RLUNG RANG GNAS SU GNAS PA'I DUS SU LHAN SKYES 'CHAR BAR GSUNGS SO, ,RTAGS 'CHAR TSUL NI, SGRUB THABS GTZUG NOR LAS, DE LAS GZUNGS NI THOB PAR 'GYUR, ZHES PA'I MJUG TU, DANG PO RI DVAGS SRED BZHIN SNANG BA STE, ,MTSAN MA GNYIS PA DUD KHA'I RNAM PA CAN, ,GSUM PA SRIN BU ME KHYER DANG 'DRA BA, ,BZHI PA SGRON ME 'BAR BA LTA BUR GSAL, ,MTSAN MA LNGA PA RNAM PAR MA BRTAGS PAR, ,SPRIN BRAL NAM MKHA' LTA BUR SNANG BA YIN, ,DE LTA BU YI MTSAN MA THOB NAS NI, ,PHYAG RGYA CHEN PO THOB PAR 'GYUR BA YIN, ,ZHES GSUNGS TE, 'DI NI LTE BAR SNGAR LTAR SEMS BZUNG BA LAS RTAGS RNAMS 'CHAR BA'I SKABS TE, SROG DH'U T'IR SDUD PA'I THABS THAMS CAD LA RTAGS 'DI RNAMS 'CHAR RE, ,RI DVAGS SRED NI MIG RGYU'O, ,RTAGS BZHI PO 'DI SNGA MA LAS PHYI MA GSAL DU SONG BA LA MIG RGYU SOGS DANG 'DRA BAR GSUNGS KYI DE RNAMS DANG 'DRA BA'I SNANG BA 'CHAR BA MIN ZHES PA DANG, KHA CIG RTAGS CAN GYI SHES PA BRTAN GA-YO'I TSAD YIN ZHES PA DANG, KHA CIG

DU BA SOGS DANG 'DRA BA'I SNANG BA 'CHAR BA LA BZHED PA GSUM BYUNG BA NI PHYI MA NYID LEGS PA YIN NO, ,RLUNG 'DU PHUL CHE CHUNG LA SOGS PA'I GNAD KYIS RGYA CHE CHUNG DANG BRTAN MI BRTAN SOGS SNA TSOGS SHIG 'CHAR BAS MTHA' GCIG TU MA NGES SO, ,DU BA LA SOGS PA 'DI RNAMS SROG DBU MAR SDUD PA'I THABS KHYAD PAR CAN GYI SEMS 'DZIN DANG, DE LTA BU MIN PA'I SEMS MI RTOG PAR 'JOG PA BSKYANGS PA RNAMS LA'ANG 'BYUNG BA GNYIS YOD PA KHYAD PAR LEGS PAR PHYED DGOS SO, ,THABS SNGA MA LA 'BYUNG BA LA YANG PHYIN CI LOG GI SA'I RLUNG LA SOGS PA RNAMS LDOG RUNG DU SONG BA DANG, CUNG ZAD LOG PA DANG, BRTAN NAS LOG PA'I RTAGS GSUM YOD PAR SMAN ZHABS KYIS BSHAD PA LTAR DBANG PO'I SGO RNAMS NAS PHYIR HA CANG GA-YO BA'I RLUNG CUNG ZAD NANG DU LDOG PAR RTZOM PA DANG, CUNG ZAD LOG PA DANG, DBU MAR CUNG ZAD TSUD PA LA SOGS PA'I RTAGS NAS BZUNG STE, LAM MTHON POR SONG BA'I SKABS KYI LDOG PA DANG, LOG RTAGS KHYAD PAR CAN DU GYUR PA'I RIM PA DU MA ZHIG YOD PA LAS, 'DIR NI SROG DBU MAR THIM PAR RTZOM PA'I THIM RIM GYI SKABS YIN TE, SMIG RGYU NAS NAM MKHA' SPRIN MED KYI BAR RNAMS BAR MA CHAD DU 'BYUNG BA'I SKABS SO, ,MTSAN MA BRGYAD NI, MNGON BRJOD LAS, THAMS CAD GSAL BYED SGRON MA NI, ,DANG PO'I MTSAN MA DAG TU BLTA, ,GSAL BYED GLOG GI CHA TZAM STE, ,MTSAN MA GNYIS PA DAG TU BRTAG, DKAR PO'I 'OD KYI TSUL CAN NI, ,PHYOGS BCU DAG TU BLTA BYA STE, ,NYON MONGS 'BYIN PA GSUM PA YIN, ,RNAL 'BYOR PA YIS RNAM PAR BRTAG ,'DOD PA'I LHA YI

, ,LONGS SPYOD NI, ,BZHI PA RNAM SHES DAG TU BSTAN, ,GZUGS DANG REG SOGS LHA MO NI, ,PHYOGS KYI YE SHES LNGA PA YIN, ,DRUG PA GZUGS MED YE SHES TE, ,BDUN PA DAG NI CHOS KYI DBYINGS, ,BRGYAD PA RANG NYID 'DOD BZHIN DU, ,SANGS RGYAS 'BRAS BU DAG YIN NO, ,ZHES GSUNGS SO, ,GNYIS PA LA SRIN BU ME KHYER DU MNGON BRJOD KHA CIG LAS GSUNGS TE, HE RU KA MNGON 'BYUNG DANG, SAMBU tA DANG MTHUN NO, ,GSUM PA LA MNGON 'BYUNG LAS, RDUL PHRAN DKAR PO'I RNAM PAR SNANG, ,ZHES DANG, SAMBU tAR, TZA NA KA'I DBYIBS SU BSHAD DO, ,BZHI PA LA MNGON BRJOD 'GREL PAR, 'DOD LHA'I LONGS SPYOD SNANG BA ZHES 'BYUNG STE, 'DOD LHA'I KHAMS ZAS KYI LONGS SPYOD NI BDUD RTZI YIN LA, 'DIR NANG GI BDUD RTZI DKAR PO RTZA STONG PHRAG DON GNYIS NAS 'BAB PA MTHONG BA'O, ,LNGA PA LA MNGON BRJOD MANG PO LAS, GZUGS DANG REG SOGS KYI LHA MO, ,ZHES 'BYUNG BA LTAR NA, YUL LNGA'I LHA MO'I SNANG BA BYUNG NAS YE SHES BSKYED PA'O, ,MNGON BRJOD KHA CIG DANG, RGYUD GZHAN NAS GZUGS KYI LHA MTHONG BAR BSHAD PA DANG, MNGON BRJOD 'GREL PAR GZUGS KYI LHA'I BDE BAR SNANG BA ZHES PA LTAR NA GZUGS KHAMS PA'I LHA RNAMS PHYI'I 'DOD YON LA CHAGS PA DANG BRAL NAS KHA NANG DU BLTAS PA'I TING NGE 'DZIN GYI BDE BA LA GNAS PA BZHIN DU, YUL LNGA LA KHA PHYIR BLTAS PA'I DBANG SHES RNAMS THIM PA'I SKABS SO, ,GZUGS MED PA'I YE SHES NI KUN RTOG GA-YO BA'I RLUNG THIM PAS YID SHES KYI NGO BOR GZUGS SGRA SOGS SU SNANG BA'I

GZUGS SNANG RAGS PA THIM PA'I SKABS SO, ,'DI LA MNGON 'BYUNG KHA CIG LAS, SRED MED KYI LONGS SPYOD DANG, KHA CIG LAS 'JIGS PA'I LONGS SPYOD CES KYANG 'BYUNG NGO, ,BDUN PA CHOS KYI DBYINGS NI DE NAS STONG PA BZHI SHAR BA'O, ,BRGYAD PA RANG GI 'DOD PA BZHIN DU SANGS RGYAS KYI 'BRAS BU THOB PA NI STONG PA BZHI PA 'OD GSAL LA SNGAR JI LTAR 'PHEN PA BTANG BA BZHIN DU ZUNG 'JUG GI SANGS RGYAS KYI SKUR LANGS PA STE SLOB PA'I ZUNG 'JUG GO, DGU PA BLA MA'I BLA MA NI MI SLOB PA'I ZUNG 'JUG STE, 'OD GSAL GYI BLA MA STE GONG MA SLOB PA'I ZUNG 'JUG LAS BLA MA STE GONG MAR GYUR PA'O, ,GSUM PA DE LA BRTEN NAS STONG PHYOGS DANG SNANG PHYOGS KYI RDZOGS RIM SKYE TSUL LA GNYIS, STONG PHYOGS KYI RDZOGS RIM SKYE TSUL DANG, SNANG PHYOGS KYI RDZOGS RIM SKYE TSUL LO, ,DANG PO NI, L'U AI PA'I 'GREL PA JO BOS MDZAD PA LAS, SEMS SNANG BA GSUM RIM GYIS THIM PAR BSAM MO, ,DE YI MTSAN NYID BSTAN PA'I PHYIR, ,DNGOS PO MED PA'I SEMS NYID YIN, ,ZHES BYA'O, ,DE YANG BSAM GYIS MI KHYAB BSAM NI 'OD GSAL DU BSGOM PA'O, ,ZHES GSUNGS TE, SEMS NYID DU YANG BSGOM MI BYA, ZHES PA DANG, DNGOS PO MED PA'I SEMS NYID YIN, ,ZHES PA NI 'GYUR KHYAD TZAM YIN LA, DES SEMS SNANG BA DANG, SNANG BA MCHED PA DANG, SNANG BA NYE BAR THOB PA GSUM BSTAN NO, ,DE YANG SA CHU LA THIM PA DANG, CHU ME LA THIM PA DANG, ME RLUNG LA THIM PA'I SKABS GSUM DU SMIG RGYUD DANG DU BA DANG ME KHYER DU SNANG BA GSUM DANG, KUN RTOG GE BZHON PA'I RLUNG SEMS LA

, ,THIM PA'I DUS SU RLUNG MED PA'I MAR ME 'BAR BA LTA BUR SNANG BA 'BYUNG, DE'I RJES SU MTSAN MA LNGA PA RNAM PAR MA BRTAGS PAR SPRIN BRAL NAM MKHA' LTA BUR SNANG BA YIN, ZHES SNGAR DRANGS PA'I DON NO, ,SPRIN MED PA'I NAM MKHA' GA-YA' DAG PA LTAR SNANG BA YIN ZHES PA 'DI'I GTZO BO 'OD GSAL YIN MOD KYANG, STONG PA GZHAN GSUM YANG 'DIS STON NO, ,DE YANG DPER NA STON GYI NAM MKHA' GA-YA' DAG PA LA NYI 'OD DMAR SER GYIS KHYAB PA DANG, SROD KYI SMAG NAG PO'I MUN PAS KHYAB PA DANG, DE SANGS NAS ZLA BA'I 'OD KYIS KHYAB PA'I SKABS GSUM DANG, NAM MKHA'I RANG MDOG JI BZHIN DU THON PA'I SLOD BYED GSUM PO DE DANG BRAL BA'I THO RANGS KYI DUS KYI NAM MKHA' STE BZHI YOD DO, , DPE DE BZHIN DU YID NGOR PHYOGS MTSAMS RGYA CHAD PA MED PAR STONG SANG NGE BA LA 'OD ZER DKAR PO SHAR BA'I RNAM PA CAN, YUL SNANG GZHAN MI 'CHAR BA NI SEMS SNANG BA, DANG PO STE STONG PA ZHES KYANG ZER RO, ,DE NAS SNANG BA DE YANG RIM GYIS BSDUS NAS YUL SNANG GZHAN GANG YANG MED PAR STONG SANG DE BA LA 'OD MAR PO 'AM DMAR SER SHAR BA'I RNAM PA CAN NI SNANG BA MCHED PA STE SHIN TU STONG PA ZHES KYANG ZER RO, ,DE NAS SNANG BA DE YANG RIM GYIS BSDUS NAS YUL SNANG GZHAN MED PAR STONG SANG NGE BA LA 'OD NAG POS KHYAB PA 'DRA BA GCIG 'CHAR BA NI NYER THOB YIN TE, STONG PA CHEN PO ZHES KYANG ZER TE DE GNYIS KYANG PHYOGS MTSAMS RGYA MA CHAD PAR SNANG BA'O, ,DE'I DUS SU STOD LA DRAN PA MA NYAMS KYANG MTSAMS GCIG

NAS RLUNG THIM PHUL CHE BAS DRAN MED DU THIM GYIS 'GRO STE, DE THAMS CAD KYANG BDE BA CHEN PO'I NGO BOR SKYE'O, ,DE NAS MUN NAG LTAR SNANG BA DANG DRAN MED DE SANGS BA NA THE RANGS KYI NAM MKHA' GA-YA' DAG PA KHA DOG SLOD BYED KYI SKYON DANG BRAL BA BZHIN DU 'OD GSAL MTHA' DBUS MED PA'I TING NGE 'DZIN SKYE STE, THAMS CAD STONG PA ZHES KYANG ZER RO, ,STONG PA BZHI GA'I DUS SU DE KHO NA NYID KYI LTA BA DRAN PAR BYAS NAS BDE STONG SBYOR BA YIN MOD KYANG GTZO BO NI 'OD GSAL GYI DUS SO, ,BSAM GYIS MI KHYAB PA NI, ,DRIL BU PAS, PHYI DANG NANG GI RANG BZHIN NYID, ,CHOS RNAMS KUN GYI NGO BO STE, ,BSAM GYIS MI KHYAB CES BSHAD DO, ,ZHES GSUNGS PAS CHOS RNAMS KYI YIN LUGS STONG PA NYID DE, DE NI THA SNYAD PA'I SHES PA RNAMS DANG MTHAR 'DZIN GYI BLO'I YUL LAS 'DAS PAS NA DE RNAMS LA LTOS TE BSAM MI KHYAB YIN GYI BLO GANG GIS KYANG BSAM PAR MI NUS PA MIN PAS BSAM GYIS MI KHYAB PA DE YANG BSAM PAR BYA BAR GSUNGS SO, ,DE LTAR BYAS NA SDOM 'BYUNG LAS, GANG GI TSE NI DE NYID RIG, BSAM PA THAMS CAD BSAM DU ME, ,GANG DU BSAM DU MED SEMS PA, ,DE TSE BSAM MI KHYAB PAR 'GYUR, ,ZHES DE KHO NA NYID RIG PA'I DON DE SEMS PAR YANG GSUNGS SHING, BSAM PA THAMS CAD KYIS BSAM DU MED PAR YANG GSUNGS PA GNYIS MI 'GAL BAR 'GYUR LA, SEMS GANG GIS KYANG RIG PA DANG SEMS PAR BYAR MED NA 'GAL BAR 'GYUR RO, ,YANG DE NYID LAS, YID MED YID NI BYAS NAS SU, ,CUNG ZAD TZAM YANG BSAM MI BYA, ,STAN LA GNAS BYAS BLA MA YI, ,DRIN GYIS YANG DAG SBYAR BAR BYA, ,MKHA' DANG NAM

, ,MKHA' MNYAM DE BZHIN, ,SEMS NI RO MNYAM BSGOM BYA STE, ,ZHES YUL DE KHO NA NYID MTHAR 'DZIN GYI YUL LAS 'DAS PA DE KHO NA BZHIN DU MTHAR 'DZIN GYI DMIGS GTAD MA LUS PAR BSHIG PA'I YUL CAN YANG DE DANG MTHUN PAR ZHUGS PA'I RO MNYAM BSGOM PAR GSUNGS LA, CUNG ZAD KYANG MI BSAM PAR GSUNGS PA GNYIS MI 'GAL BA YANG SHES PAR BYA'O, ,SEMS DPA' NYID DU MTSON PA MIN, ,ZHES PA NI BSAM GYIS MI KHYAB BO SNYAM DU SEMS DPA'I TSUL GYIS MTSON PA STE BRTAG PA MIN ZHES PA'I DON DU BSHAD DO, ,DES NA MNGON BRJOD LAS, SEMS CAN NYID KYANG MI BSAM STE, ZHES PA'I SATVA SEMS DPA' LA BSGYUR RGYU, PA DANG CAN NI DON GCIG TU BSAMS NAS SEMS CAN DU BSGYUR TE MI LEGS SO, ,KHYAD PAR GSAL BYED LAS, SEMS RIN PO CHE NAM MKHA' DANG MNYAM PA 'DI 'OD GSAL NYID DU GYUR BA LAS GANG SROG RLUNG GIS BRTAN PAR GYUR BA DER 'DZIN PA'O, ZHES RAGS PA'I SROG RLUNG THIM NAS PHRA BA'I SROG RLUNG BRTEN PAS SEMS 'OD GSAL DU ZHUGS PA SBYOR BA YAN LAG DRUG GI 'DZIN PA'I YAN LAG TU BSHAD PA NI, 'DUS PA PHYI MA LAS, RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,SEMS NI 'GOG PA'I RDO RJER 'GYUR, ,ZHES GSUNGS PA'I DON DU 'DOD DE, SGRON GSAL LAS, RANG BZHIN GZUGS LA SOGS PA'I YUL DANG, DBANG PO NI MIG LA SOGS PA STE, DE GNYIS DGAG PA STE THIM NAS DE'I 'OG TU RIN CHEN TE SEMS SROG RLUNG DANG BCAS PA BKAG CING NUB PAR GYUR PA'I GZUNG BA NI

'DZIN PA STE, YANG DAG PA'I MTHA' 'OD GSAL DU BSHAD PA DANG MTHUN NO, ,SEMS RLUNG DANG BCAS PA THIM PA NI SEMS GSUM RIM GYIS THIM PA'O, ,SNYING KHA DANG LTE BA DANG GSANG GNAS KYI SNA RTZER SEMS GZUNG BA LAS SNGAR BSHAD PA LTA BU'I SEMS 'OD GSAL DU ZHUGS PA THAMS CAD 'DZIN PA'I YAN LAG TU KHYAD PAR GSAL BYED LAS BSHAD DO, ,RLUNG DBU MAR ZHUGS GNAS THIM GSUM BYAS PA LAS BYUNG BA'I DGA' BA BZHI NI, PHYAG CHEN THIG LE LAS, GANG PHYIR DGA' BA DE SNANG BA, ,SNANG BA MCHOD PA MCHOG TU BSHAD, ,KHYAD DGA' NYE BAR THOB PAR SHES, ,LHAN CIG SKYES TE 'OD GSAL BA'O, ,ZHES DGA' BA BZHI SNANG MCHED THOB GSUM 'OD GSAL DANG BZHIR GSUNGS SO, ,DE YANG MNGON BRJOD LAS, DGA' BA DANG PO YE SHES TE, ,MCHOG TU DGA' BA MNYAM PAR SBYOR, ,SBYOR BA CHE DANG YE SHES SBYOR, ,DE DAG CHO GA'I RIM PA'O, ,THIG LE GZHUNG GI SBYOR SHES NA, ,PHRA BA'I SBYOR BAS BLTA BAR BYA, ,ZHES GSUNGS PA'I DGA' BZHI'I RIM PA NI YAS BABS KYI RIM PA YIN LA, RKANG PA THA MA GNYIS KYI DON NI, THIG LE'I RNAL 'BYOR BSGOM PA'I GZHUNG GI DON SHES NAS YI GE DANG THIG LE PHRA MO'I SBYOR BA STE RNAL 'BYOR BSGOMS NAS DGA' BZHI JI LTAR SKYE BA BLTA BAR BYA'O ZHES PA'O, ,'GREL PAR RNAL 'BYOR DANG RJES SU RNAL 'BYOR DANG SHIN TU RNAL 'BYOR DANG RNAL 'BYOR CHEN PO'I YE SHES KYI CHO GA'I RIM PA'O, ZHES 'CHAD DE DGA' BA BZHI DANG RIM PA BZHIN DU SBYAR RO, ,YANG MNGON BRJOD LAS, LTE BA SNYING PAD NU MA'I DBUS, ,LCE YI RTZA DANG MGO STENG DU, ,DGA' BA DANG NI MCHOG DGA'

, ,NYID, ,DAM PAR DGA' DANG LHAN CIG SKYES, ,DANG PO 'DAB MA DRUG CU BZHI, ,GNYIS PA BRGYAD PA MCHOG YIN TE, ,GSUM PA 'DAB MA BCU DRUG PA, ,BZHI PA SUM CU RTZA GNYIS 'DAB, ,PHAG MO LTE BA'I RTZAR GNAS PA, ,LHAN CIG SKYES DGA' KHRAG 'THUNG MCHOG, CES LTE BAR DGA' BA DANG, SNYING KHAR MCHOG DGA' DANG, LCE'I RTZA BA STE MGRIN PAR DAM PA STE KHYAD PAR GYI DGA' BA DANG, MGO BO'I STENG STE SPYI BOR LHAN SKYES KYI DGA' BA SKYE BAR BSHAD PA NI MAS BRTAN GYI DGA' BZHI'I RIM PA'O, ,SNYING PAD NI SNYING KHA'I RTZA 'KHOR TE GZHAN GSUM LA'ANG SBYAR RO, ,LTE BA'I RTZA BAR PHAG MO NI GTUM MO AA THUNG DANG, LHAN SKYES KHRAG 'THUNG DU BSHAD PA NI MAS BRTAN GYI LHAN SKYES BYANG SEMS GYEN DU LOG PA SPYI GTZUG TU PHYIN PA NA SKYE BAS SPYI GTZUG GI HAm YIG HE RU KAR BSTAN PA'O, ,BYANG SEMS ZHU BAS GNAS GANG DU SLEB PA NA YAS BABS KYI DGA' BZHI SKYE TSUL NI, RGYUD RDO RJE PHRENG BA LAS, DE RJES LUGS 'BYUNG BSHAD BYA STE, ,BDE CHEN 'KHOR LO SPYI BO LA, ,DE NI DGA' BAR BSHAD PA YIN, , LONGS SPYOD 'KHOR LO MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES GSUNGS TE, SPYI BO NAS MGRIN PA'I BAR DU SLEBS PA NA DGA' BA SKYE LA, DES GZHAN GSUM LA'ANG SHES PAR BYA'O, ,PHYAG CHEN THIG LE LAS DE BZHI SBYOR BA BZHIR BSHAD DE, MAS BRTAN GYI GNAS KYANG BYANG SEMS NOR BU NAS BRTZAMS TE LTE BA'I 'KHOR LO'I BAR DU LOG PA NA DGA' BA SKYE STE, DE'I RIGS PA GZHAN

GSUM LA'ANG SBYAR RO, ,MAS NGAG SNYE MAR MAS BRTAN GYI BZHI GA LHAN SKYES LA CHUNG NGU DANG BAR MA DANG CHEN PO DANG CHEN PO'I CHEN POR PHYE BAR BSHAD DE, YAS BABS KYI BDE BA BZHI LAS NI MAS BRTAN GYI BZHI BDE BA CHE BA GCIG 'ONG DGOS SO, ,DE LTAR BYAS NA LUGS LDOG GI SNANG MCHED THOB GSUM 'OD GSAL GYI YE SHES SU MI RUNG YANG LUGS LDOG GI DGA' BA GZHAN GSUM LHAN SKYES SU 'JOG PA GCIG BSHAD LA, DE BZHIN DU LUGS MTHUN GYI SNANG MCHED THOB GSUM DANG, DE GSUM DGA' BA GSUM DU BZHAG PA LHAN SKYES KYI DGA' BAR MI 'JOG KYANG LUGS MTHUN YAS BABS KYI DGA' BA GSUM LHAN SKYES KYI DGA' BAR 'JOG PA'I SKABS GCIG KYANG YOD PAR MNGON NO, ,'ON KYANG RLUNG DBU MAR ZHUGS GNAS THIM GSUM BYAS PA LAS BYUNG BA MIN PA'I DGA' BA GSUM NI LHAN SKYES MTSAN NYID PAR 'JOG TU MI RUNG NGO, ,DON GYI DBANG 'DI GZIGS NAS BRTAG GNYIS LAS, RDZOGS PA'I RIM PA'I PHYOGS LA NI, ,'DI LTAR LHAN CIG SKYES RNAM BZHI, ,ZHES BSKYED RIM GYI PHYOGS LA LHAN SKYES KYI DGA' BA LA DGA' BZHIR 'BYED PA MED KYANG RDZOGS RIM LA DE YOD PAR BSHAD DO, ,'ON KYANG RDZOGS RIM GYI DGA' BA GSUM PO GANG YIN THAMS CAD LHAN SKYES SU 'JOG PA MIN NO, ,YANG KYEE RDOR LAS, YANG NA THAMS CAD BDAG NYID DE, ,YANG NA KUN GYIS RNAM PAR SPANGS, ,ZHES PA'I DON LA SNGAR BSHAD PA LTA BU GCIG DANG, BSKYED RIM PA'I PHYOGS LA DGA' BA GSUM GYIS LHAN SKYES SPANGS PA DANG, RDZOGS RIM PA'I PHYOGS LA LHAN SKYES DGA'

, ,BA GSUM GYI BDAG NYID DU YANG 'GYUR BA DANG GNYIS SU BSHAD PAR BYA'O, ,'DI NI SHIN TU RTOGS PAR DKA' LA GNAD CHE BA GCIG YOD PAS KHO BOS PHYOGS TZAM BSTAN PA YIN PAS DA DUNG ZHIB TU SHES DGOS SO, ,MAS BRTAN GYI DUS SU BYANG SEMS GYEN DU LOG PA SPYI BOR MA BRTEN BAR DU BDE BA MI BRTAN LA, SPYI BOR BRTEN NAS BDE BA BRTAN PAR GSUNGS TE, PHYAG CHEN THIG LE LAS, DE NAS SROG GI STENG DU YID, ,DE MI MTHUN PAS 'BAB PAR 'GYUR, ,PADMA'I LTE BA'I DBUS GNAS PA, ,GANG DE PHYI NAS BRTAN GYUR PA, ,DE CHE MGON PO 'GRO MI 'GYUR, ,JI LTAR BU GA MED SNOD DU, ,CHU RNAMS ZAD PA MI GNAS LTAR, ,DE TSE BDE BA BRTAN PAR 'GYUR, ,BRTAN PAS LHAN CIG SKYES PA'I DGA', ,DE PHYIR SANGS RGYAS MI ZAD PA, , RNAL 'BYOR PA YIS NGES PAR 'THOB, ,CES SO, ,YID NI KHU BA DANG MI MTHUN PA NI LUGS LDOG DANG, BRTAN PA NI SPYI BOR YIN PAR MAN SNYE LAS GSUNGS SO, ,'DIR BDE BA CHEN PO NI LAM GYI SROG YIN LA, DE BRTAN PA NI MAS BRTAN GYI BDE BA LA RAG LAS PAS NA DE BSKYED TSUL GAL CHE'O, ,DE YANG MAN SNYE LAS, DE'I 'CHAR BA NI NOR BU NAS BRTZAMS NAS LTE BA JI SRID PA STE MA 'PHOS PA'I BYANG CHUB KYI SEMS 'PHEL BZHIN PAS STENG DU NYE BAR 'GRO, ZHES GSUNGS PA'I TSIG ZIN LTAR NA NOR BU NAS PHYIR MA 'PHOS NA RANG LOG BYED PA 'DRA BA ZHIG 'DUG KYANG DE MIN TE, MA 'PHOS KYANG SNGAR GYI LAM DE NYID NAS MAR 'ONG BA LTAR MI BYAD PAR GAR SONG CHA MED DU 'GRO BA DANG, PHYIR LOG KYANG SPYI BO BAR DU THAL GYIS 'GRO BA'I NGES PA MED

PAR GNAS DMA' MO NAS GRAM NAS 'GRO BA'ANG 'ONG BAS DES NA YAR LA 'GRIL NAS SPYI GTZUG BAR DU 'GRO BA GCIG DGOS PA NI RNAL 'BYOR PAS CHED DU BYA DGOS TE, RGYUD RDO RJE PHRENG BA LAS, RLUNG GI DE NYID SNGON SONG NAS, ,DE NYID STENG DU RGYU BAR NI, , RNAL 'BYOR PAS NI SGRUB PAR BYED, ,DE LAS SPRUL PA'I 'KHOR LO NI, ,DGA' BA ZHES BYAR RNAM PAR SHES, ,ZHES GSUNGS SHING, DE NAS CHOS 'KHOR GYI STENG DANG, DE NAS LONGS SPYOD KYI 'KHOR LO'I STENG DU 'GRO BA RNAL 'BYOR PAS BYED PAR GSUNGS SO, ,KUN SPYOD LAS, YE SHES KYI PHYAG RGYA DANG SBYAR BA LAS KYANG DGA' BZHI SKYE BAR GSUNGS TE, DANG PO DGA' BA DPA' BO STE, ,MCHOG TU DGA' BA RNAL 'BYOR MA, ,RAB TU DGA' BA MA LUS NYID, ,BDE DE THABS DE KUN RIG PA'O, ,ZHES GSUNGS TE, LAS KYI PHYAG RGYA LA YANG 'DRA'O, ,DE'I DON NI 'GREL PAR DGA' BA GSUM SKYE BA'I GNAS BSHAD PA NI, SNGAR BSHAD PA DANG 'DRA ZHING, DANG PO DPA' BO LTA BU DANG, GNYIS PA RNAL 'BYOR MA LTA BU DANG, GSUM PA THABS SHES GNYIS CHAR LA BSHAD DE, RAB TU DGA' BA NI KHYAD DGA' 'O, ,MA LUS NYID NI DGA' BA GSUM PO SPANGS PA'O, ,DE NI BDE DE ZHES PA RAB TU DGA' BA'I DGA' BA DE'O, ,GSANG GNAS BSKYOD PA'I THABS DE LA BRTEN NAS KUN NI KUN RDZOB BYANG CHUB KYI SEMS RDO RJE NOR BU'I RTZER RDZOGS PA'O, , RIG PA NI DE LA LONGS SPYOD RDZOGS PA'I SKU'I BDAG NYID LHAN SKYES SO, ,DE'I CHE BA NI, MTHO RIS SA STENG SA 'OG TU, ,SKAD CIG GIS NI LUS GCIG 'GYUR, ZHES PAS STON NO, ,DE'I DON NI SKAD CIG GIS TE LHAN SKYES KYI DGA' BA'I STOBS KYIS SA

, ,GSUM PO LUS GCIG STE BDE BA CHEN PO'I RANG BZHIN DU 'GYUR BAR 'GREL PAS BSHAD DO, ,LHAN SKYES KYI BDE STONG KHYAD PAR BA BSGOMS PA'I STOBS KYIS SNOD BCUD KUN LA RGYAS BTAB STE BSGOMS PAS RNAL 'BYOR PA LA BDE STONG DU 'CHAR BA'I DON TO, ,MAR DOS SRUB PA NAS BRTZAMS TE RDO RJER PHYIN PA'I BDE BA NI RNAM RTOG RAGS PA'I PHYIR THABS YIN PAS DPA' BO DANG, NOR BU DANG NYE BAR PHYIN PA'I BDE BA NI PHRA BAS NA SHES RAB YIN PAS RNAL 'BYOR MA DANG, NOR BUR PHYIN PA'I BDE BA NI DE YAN CHAD KYI GNYIS KA BSDUS PAS KHYAD DGA' DANG, NOR BU'I RTZER SON PA'I BDE BA NI LHAN CIG SKYES DGAR 'CHAD DE, BYANG SEMS ZHU BA RDO RJE'I RTZA BAR SLEB PA NA DGA' BA DANG, RDO RJE'I MGRIN PAR SLEBS PA NA MCHOG DGA' DANG, NOR BUR PHYIN PA NA KHYAD DGA' DANG, NOR BU'I RTZE MOR SON PA NA LHAN SKYES SKYE BAR RGYA GZHUNG GZHAN LAS KYANG BSHAD PA DANG MTHUN NO, ,PHYAG RGYA GNYIS GANG RUNG LA BRTEN PA DANG NANG GI LUS KYI GNAD DU BSNUN PA'I DMIGS PA BSKYANGS PA LAS DGA' BZHI SKYES PA NA MNYAM GZHAG LA BDE STONG SBYAR TE BSGOM, DE LAS LANGS PA NA SNGAR BSHAD PA LTAR BDE CHEN GYIS RGYAS BTAB NAS BSGOMS NA DE GOMS PA LA BRTEN NAS YUL SNANG GANG SHAR THAMS CAD BDE BA 'BAR BA'I GRAGS SU 'GRO STE, MKHA' 'GRO RGYA MTSO LAS, LAS KYI PHYAG RGYA RAB SBYOR BAS, ,NYI MA RE RE BSGRUB PAR BYA, ,DE YI DUS SU GANG MTHONG BA, ,DNGOS PO KUN LA BTUNG BAR BYA, ,'DOD CHAGS CHEN PO'I TSUL BDAG NYID, ,RTAG TU BDAG NYID LA 'BYUNG 'GYUR,

ZHES GSAL BAR GSUNGS TE, 'DOD CHAGS CHEN PO'I TSUL NI BDE BA CHEN PO'O, ,RJES THOB LA DE LTAR BSKYANGS PA'I 'OG TU SLAR YANG PHYI NANG GI THABS GNYIS GANG RUNG LA BRTEN NAS DGA' BZHI TSAN PA GNYIS BSKYED LA MNYAM PAR BZHAG ,DE LTAR MNYAM RJES SPEL BA RGYUN LDAN DU BYA'O, ,GNYIS PA SNANG PHYOGS KYI RDZOGS PA'I RIM PA NI, STONG PA BZHI'I SGO NAS LUGS MTHUN DU ZHUGS TE 'OD GSAL DU GNAS NAS MNYAM PAR BZHAG PA'I MTHAR LDANG BA NA 'OD GSAL GYI RLUNG SEMS TZAM LAS SGYU MA'I SKUR LDANG ZHING LANGS PA DE BSGOM PA'O, ,DE YANG BSAM GYIS ZHES PA'I RKANG PA GNYIS KYIS STON TE, BSAM GYIS MI KHYAB PA NI 'OD GSAL LO, ,DE BSAM PA NI SEMS GSUM RIM GYIS THIM NAS 'OD GSAL DU ZHUGS PA DE BSGOM PA'O, , DE BSAMS NA STE BSGOMS PA DE LAS GZUNGS 'THOB PA NI SGYU MA'I SKU 'THOB PA'O, ,JO BO'I 'GREL PA LAS KYANG, BSAM GYIS MI KHYAB DE BSAMS NA, ZHES BYA BA LA SOGS PA LA BSAM GYIS MI KHYAB PA NI 'OD GSAL LO, ,'OD GSAL BA'I NGANG LAS SNGAR GYI SGYU MA LTA BU'I LHA'I SKUR DRAN PA THOB PA LA GZUNGS ZHES BYA'O, ,GZUNGS THOB PA NI SGYU MA LTA BU'I SKUR LANGS PA'O, ZHES GSUNGS TE, SNGAR 'OD GSAL GYI NGANG NAS LHA'I SKU SGYU MA LTA BUR LANGS PAR BYA'O, ,SNYAM PA'I 'PHEN PA DRAN NAS LHA'I SKU DE THOB PA LA GZUNGS ZHES BYA STE, GZUNGS DRAN PAR BSHAD PA LA DGONGS SO, ,L'U AI PA'I 'GREL PA GSUM LAS KYANG, YANG SNGA DRO'I THUN LA 'OD GSAL LAS LANGS TE DKYIL 'KHOR GYI 'KHOR LOR MOS PA BYAS TE ZHES 'BYUNG LA, DE NI BSKYED

, ,RIM GYI SKABS SU MOS PA YID BYED TZAM YIN KYANG DE LTAR SBYANGS PAS RDZOGS RIM GYI SKABS SU DNGOS SU NUS PA SNGA MA DANG MTHUN NO, ,'GREL BA GNYIS LAS GZUNGS PHYAG CHEN GYI DNGOS GRUB LA BSHAD PA'I PHYAG CHEN NI SGYU LUS RDO RJE 'CHANG GI SKU 'GRUB PA'O, ,DE YANG MNGON BRJOD LAS, DES NI 'DZIN PA THOB PAR 'GYUR, ZHES BSGYUR TE, DHA RA NI 'DZIN PA LA'ANG BSGYUR DU RUNG BA'O, ,DE LTAR NA RDO RJE 'DZIN PA ZHES PA RDO RJE 'CHANG GI MTSAN GYI PHYOGS GCIG SMOS PA'O, , 'OD GSAL LAS LANGS PA NA DANG PO NYER THOB DANG, DE NAS MCHED PA DANG, DE NAS SNANG BA SKYE LA, DE NAS MAR ME LTAR 'BAR NAS SMIG RGYU'I BAR BZHI LUGS LDOG TU 'BYUNG NGO, ,SEMS LA NYER THOB SOGS KYI RIM PA GSUM 'BYUNG YANG LUS SGYU MA'I SKUR LDANG BA NI 'OD GSAL LAS LANGS PA DANG DUS MNYAM DU 'BYUNG NGO, ,LUGS 'DI'I RDZOGS RIM GYI RJES GZHIG GI SDUD RIM LA NUS PA THON PA'I MTSAMS NAS LUS DBEN GYI SKOR CI RIGS PA 'BYUNG LA, RDO RJE BZLAS PA'I RIM PA NI SHIN TU GSAL, DE GNYIS KYIS RLUNG LA NUS PA THON NAS LTA BA'I DBU MA'I MDUD PA LEGS PAR GROL BA'I DBUS SU RLUNG BSDUS TE THIM PAR MI NUS PA TSUN CHAD NI RDOR BZLAS KYI RIM PAR 'DU ZHING, RTZA MDUD LEGS PAR GROL NAS SGYU LUS DNGOS SU BSKYED MI NUS TSUN CHAD NI SEMS DBEN DU BSDU'O, ,SGYU LUS DNGOS SU BSKYED NUS PA NAS DE LA BYANG BA'I BAR NI BDAG BYIN BRLAB KYI RIM PA'O, ,DE NAS DE KHO NA NYID KYI DON MNGON DU GYUR PA DANG, DE'I THABS NYE BA'I RGYU RNAMS LA NI 'OD GSAL DANG

MNGON PAR BYANG CHUB PA'I RIM PA ZHES BYA'O, ,DE YANG DHO HA LAS, DE NYID BSAMS NAS RNAM RTOG RANG BZHIN 'GAG PAR 'GYUR, ,GAL TE SEMS KYIS SEMS NI MTSON DU 'GRO, RNAM RTOG DANG NI YID NI MI GA-YO BRTAN PAR GNAS, ,JI LTAR LAN TSVA CHU LA THIM PA LTAR, ,DE LTAR SEMS NI RANG BZHIN LA THIM 'GYUR, ,ZHES GSUNGS PAS DE KHO NA NYID KYI DON BSGOMS PAS RANG BZHIN GYI RTOG PA RNAMS THIM STE LHAN CIG SKYES PA'I BDE CHEN GYI SEMS CHOS RNAMS KYI RANG BZHIN YIN LUGS LA ZHUGS TE, LAN TSVA CHU LA THIM PA LTAR GYUR PA MTSON BYA DON GYI 'OD GSAL GYI YE SHES SO, ,DES NA 'OD GSAL LAS SGYU MA'I SKUR LDANG BAR BSHAD PA'I 'OD GSAL LA GNYIS SU PHYE NAS DON GYI 'OD GSAL LAS LANGS PA'I MTSAMS SU NI SLOB PA'I ZUNG 'JUG SGYU MA'I SKU 'GRUB LA, MTSON BYED DPE'I 'OD GSAL LAS LANGS PA'I MTSAMS SU NI SGYU LUS DNGOS DANG RJES MTHUN PA GNYIS KYI LDANG TSUL YOD DO, ,RJES DRAN GYI YAN LAG NI, 'DUS PA PHYI MA LAS, RJES DRAN GANG ZHIG RNAMS BSGOM PA, ,DE DANG 'DRA BAR SPRO BAR BYA, ,RJES SU DRAN PA ZHES BSHAD DO, ,ZHES GSUNGS PA'I DON SGRON GSAL LAS, SNGAR LUGS MTHUN DU 'JUG PA'I DUS SU SMIG RGYU NAS 'OD GSAL GYI BAR DU THOB PA DE DANG 'DRA BAR PHYIS LUGS LDOG TU LANGS PA'I TSE 'OD GSAL LAS NYER THOB NAS SMIG RGYU'I BAR DU BYUNG BA LA BSHAD PA BZHIN DU BYA'O, ,KHYAD PAR GSAL BYED LAS, 'DZIN PA'I MJUG THOGS SU SNGAR BSGOMS PA'I LHA LA RJES SU DRAN PA 'BYUNG STE, DE YANG BA SPU'I BU GA RE RE

, ,NAS PHUNG PO DANG KHAMS DANG SKYE MCHED KYI LHA 'OD ZER GYI RNAM PAR SPRO BA LA RJES DRAN DU BSHAD DO, ,TING 'DZIN GYI YAN LAG NI 'DUS PA PHYI MA LAS, THABS DANG SHES RAB SNYOMS 'JUG PAS, ,DNGOS PO THAMS CAD MDOR BSDUS PA, ,GONG BU'I TSUL GYIS BSDUS NAS NI, ,DBUS SU GZUGS NI RNAM PAR BSGOM, ,YUD KYI YE SHES RDZOGS BYED PA, ,TING NGE 'DZIN ZHES BTAGS PA YIN, ZHES GSUNGS PAS STON LA, DE'I DON NI, THABS NI KUN RDZOB KYI BDEN PA DAG PA'I SGYU MA'I SKU'O, ,SHES RAB NI DON DAM PA'I BDEN PA LA GSUNGS KYANG DE DANG RO GCIG PA'I 'OD GSAL GYI YE SHES SO, ,SNYOMS PAR 'JUG PA NI NGO BO DBYER MED DU SBYOR BA'O, ,DNGOS PO THAMS CAD NI BRTAN PA DANG GA-YO BA'O, , DE MDOR BSDUS PA GONG BU'I TSUL GYIS TE LHA'I SKU PHYAG RGYA CHEN PO'I GZUGS KYIS GCIG TU BYAS NAS SNOD BCUD DE'I DBUS SU ZUNG 'JUG RDO RJE 'CHANG GI GZUGS SU BSGOM PAR BYA'O, ,RIM PA 'DI NYID KYIS SKAD CIG TZAM GYIS YE SHES KYI SKU RDZOGS PAR BYED PA NI TING NGE 'DZIN GYI YAN LAG DRUG PAR BSHAD DE, SGRON GSAL GYI DGONGS PA'O, ,SNOD BCUD THAMS CAD MDOR BSDUS TE ZUNG 'JUG GI SKUR GCIG TU BYED TSUL NI BRTAN GA-YO THAMS CAD KYI RTZA BA NI RLUNG DANG SEMS TZAM DU ZAD CING DE YANG ZUNG 'JUG GI SKUR GCIG TU BSKYED PA'O, ,RIM PA 'DI NYID CES PA NI, 'OD GSAL LAS CHU LAS NYA LDANG GI TSUL DU BZHENGS PA'O, ,SKAD CIG TZAM ZHES PA'I TZAM GYI SGRAS NI 'OD GSAL

LA SA GZHAN GYIS BAR CHOD PA GCOD DO, ,SKABS 'DIR SGRON GSAL LAS, SGYU 'PHRUL DRA BA LAS BYIN GYIS BRLAB PA DANG, YONGS SU BRTAGS PA DANG, GZUGS YONGS SU RDZOGS PA'I LHA'I RNAL 'BYOR GSUM GSUNGS PA KHUNGS SU DRANGS PA'I DANG PO GNYIS NI LHA'I SKUR DKRONGS BSKYED BYED PA DANG, SA BON LA SOGS PA LAS RIM GYIS BSKYED PA DANG, ZUNG 'JUG GI SKU BSKYED PA'I YE SHES KYI SKU GSUM YIN LA, DE'I DANG PO GNYIS NI MOS PA YID BYED TZAM GYIS LHA'I SKUR BSKYED PA YIN GYI SGYU LUS GNYIS LTAR LHA'I SKUR SKYES PA MIN NO, ,SGRON GSAL DANG MTHUN PAR KLU BYANG GIS KYANG, RNAM PAR RTOG MED ZAB PA STE, ,RGYA CHE SANGS RGYAS RNAMS KYI SKU, ,'DI NI BDEN PA GNYIS SU BSHAD, ,KUN RDZOB DANG NI DAM PA'I DON, ,PHYE STE SO SOR SHES NAS SU, , DE NAS GCIG TU 'DRES BYAS PA'I, ,ZAD MED GO 'PHANG SGOM PAR BYED, ,CES GSUNGS SO, ,KHYAD PAR GSAL BYED LAS, 'OD GSAL YE SHES KYI RANG BZHIN GYI SKUR BZHENGS PA DE YANG TING NGE 'DZIN ZHES BSHAD DO, ,ZHES BSHAD PA NI SGRON GSAL LAS BSHAD PA BZHIN NO, ,DRIL BU PAS KYANG, RNAL 'BYOR RNAM GSUM SHES BYA STE, ,BYIN GYIS BRLABS DANG RAB RTAGS DANG, ,BSAM GYIS MI KHYAB GZUGS RDZOGS PA'I, ,RNAL 'BYOR SANGS RGYAS RNAMS KYIS BSNGAGS, ,GANG YANG SKAD CIG SBYOR BA YIS, ,RANG NYID RDO RJE MKHA' 'GROR 'GYUR, ,RDZUS TE SKYES PA'I SEMS CAN BZHIN, ,SA BON MED PAR BSGOM BYA STE, ,ZHES LHA'I RNAL 'BYOR GSUM BSHAD PA NI SGYU 'PHRUL DRA BA DANG 'DRA ZHING, GANG YANG ZHES PA BZHIS NI RNAL 'BYOR GSUM PA'I LHA'I

, ,SKU STON LA, SKAD CIG SBYOR BA YIS ZHES PA NI, YUD KYI YE SHES RDZOGS BYED PA, ZHES PA DANG DON 'DRA BAS RDZOGS RIM PA'I YE SHES KYI SKU DANG SGYU MA'I SKU STON PA YIN PAS BSKYED RIM PA'I LHA DKRONGS BSKYED LA SBYOR BA NI 'DI DAG GI RNAM GZHAG GTAN MA RTOGS PA'O, ,'DI BDAG BYIN BRLABS SU BSHAD CING 'OD GSAL DU SDUD PA YANG BSHAD PAS RIM PA GSUM PA'I SGYU MA'I SKU LA SHAS CHER SBYOR DGOS MOD KYANG RIM PA LNGA PA'I SGYU MA'I SKU MED PA YANG MIN NO, ,DE LTAR NA, DE LAS 'DZIN PA THOB PAR 'GYUR, ZHES PA'I RDO RJE 'DZIN PA RDO RJE 'CHANG LA RIM PA GSUM PA'I SGYU LUS RDO RJE 'CHANG GCIG DANG ZUNG 'JUG GI RDO RJE 'CHANG GNYIS YOD DO, ,KHA tV'Am GA NI LHA YI SKU, ,SHES RAB d'A MA RU YI SGRA, ,NYIN MO BCOM LDAN RDO RJE CAN, ,RNAL 'BYOR MA NI MTSAN MOR BRJOD CES PA'I RKANG PA BZHI'I NGES DON BSHAD NA, KHA tV'Am GAS NI SGYU MA'I LHA SKU STON LA, d'A MA RU'I SGRAS NI SHES RAB 'OD GSAL STON NO, ,DE'I SNGA MA NI BCOM LDAN 'DAS RDO RJE CAN TE MTSAN DPE'I NGO BOR DMIGS PAS NYIN MO STE THABS SO, ,PHYI MA NI RNAL 'BYOR MA STE SNANG BA'I SPROS PA BSDUS PAS MTSAN MO STE SHES RAB BO, ,MYA NGAN 'DAS BYUNG DPA' BO NI, ,DRUG PA SEMS KYI SPRUL PA STE, ZHES PA LVA BA PA DANG, SHES RAB BSRUNG BA'I 'GREL PAR, MYA NGAN LAS 'DAS PA 'CHI BA DANG, DE LAS BYUNG PA NI DRI ZA'I SEMS CAN BAR DO STE, DE YANG MNGON SHES LNGA DANG MTSAN GYIS BRGYAN PA'I LUS RNAM PAR SHES PA TZAM GYI GZUGS CAN NO, ,DES NA DRUG PA SEMS KYI SPRUL PA ZHES BYA'O, ,DPA' BO NI BCOM

LDAN 'DAS TE DE'I GZUGS SU BSGOM PAR BYA'O, ,YANG NA MYA NGAN LAS 'DAS PA NI NYON MONGS ZHI BA'I CHOS DBYINGS SO, ,DE LAS BYUNG BA NI SEMS CAN GYI DON MDZAD PA'I YE SHES KYI SKU'O, ,DRUG PA NI CHOS KYI DBYINGS DANG, SEMS KYI SPRUL PA NI GDUL BYA'I SEMS SAM SEMS CAN LA LTOS NAS SO SOR SNANG BA'O, ZHES BSHAD DO, ,'CHI BA'I 'OD GSAL GYI RLUNG SEMS TZAM LAS BAR DO GRUB PA BZHIN DU LAM GYI 'OD GSAL GYI RLUNG SEMS TZAM LAS HE RU KA'I SGYU MA'I LUS YE SHES KYI SKUR BZHENGS TE, SEMS CAN GYI DON DU SPRUL PA 'GYED PA'O, ,BSHAD PA SNGA MA'I DRUG PA NI, RNAM SHES TSOGS DRUG GI DRUG PA DANG, PHYI MA'I DRUG PA NI YUL DRUG GI DRUG PA CHOS KYI DBYINGS TE MYA NGAN LAS 'DAS PA ZHES PA'O, ,JO BO CHEN PO'I 'GREL PA LAS, MYA NGAN LAS 'DAS PA 'OD GSAL BA DANG, DE LAS BYUNG BA LHA RE GNYIS SO, ,DE GANG LA BRTEN NAS BYUNG NA SEMS GSUM RLUNG DANG BCAS PA LAS SPRUL PA'O, ZHES SNANG MCHED THOB GSUM GYI SEMS GSUM RLUNG DANG BCAS PA LAS SGYU MA'I SKUR LANGS PAR BSHAD DE STONG PA BZHI LAS DNGOS BRGYUD CI RIGS PAR BYUNG BA'O, ,TSIG GI DON CUNG ZAD MI 'DRA TZAM BSHAD PA SNGA MAR BYUNG YANG DON NI PHYI MA LTAR SHES PAR BYA'O, ,BSKYED RIM GYI SKABS SU STONG PAR SBYANGS PA'I NGANG NAS BAR DO MTSON PA'I N'A DAR LANGS PA'I GNAD KYANG TSUL DE DAG GIS SHES DGOS TE, SGYU MA'I SKUR LDANG TSUL MTHA' DAG PA NI SHIN TU RTOGS DKA' BAR YOD PAS 'PHAGS SKOR DU RGYAS PAR GTAN LA PHAB PA LAS SHES PAR BYA'O, ,DAG PA CHOS KYI SPRUL

, ,PA NI, ,PHAG MO'I GZUGS SU BSTAN PA YIN, ZHES PA'I DON 'GREL PAR, DAG PA'I CHOS STONG PA NYID KYI NGO BO NI PHAG MO'O ZHES BSHAD DE, PHAG MOS NI 'OD GSAL MTSON BAS DE'I SPRUL PAR BSHAD DE, 'OD GSAL GYI YE SHES NYID HE RU KA YAB YUM DU SHAR BA'O, ,SHR'I NI ZHES PA BZHI'I RKANG PA DANG PO'I DON NI, MKHA' 'GRO RGYA MTSO LAS, AE WAm LA SOGS GNYIS MED PA'ANG, ,SHR'I ZHES BYA BA'I YIG DES BRJOD, CES GSUNGS TE, SHR'I ZHES BYA BA'I YI GE DES NI BRJOD PA'I GNYIS SU MED PA'I YE SHES NI MTSON PA TZAM STE, DER MA ZAD AE WAm LA SOGS PA'ANG YI GE DES BRJOD PA'I DON NO, ,DE LTAR NA AE WAm LA GNYIS TE BDE STONG DBYER MED KYI AE WAm DANG, BDEN GNYIS DBYER MED KYI AE WAm GNYIS LAS DANG PO NI BSHAD ZIN LA, GNYIS PA NI, AE YIG GI DON SHES RAB DON DAM 'OD GSAL LHAN CIG SKYES PA'I YE SHES DANG, WA YIG GI DON THABS KUN RDZOB SGYU MA'I SKU DANG, THIG LE'I DON SNGA MA THUGS DANG PHYI MA SKUR NGO BO DBYER MED DU SBYOR BA'O, ,DE YANG JO BO CHEN PO'I 'GREL PAR, SHR'I NI GNYIS MED YE SHES TA, ZHES PA'I DON ZUNG 'JUG PHYAG RGYA CHEN PO LA BSHAD PA GTZO BO YIN MOD KYANG RIM PA GSUM PA'I SGYU MA'I SKU YANG BZUNG NGO, ,HE'I DON NI MKHA' 'GRO RGYA MTSO LAS, HE NI RGYU STONG BDAG NYID DE, ,RGYU'I BDAG NYID DU MI RTOG PA'O, ,RANG BZHIN CHOS BDAG MED PA NYID, ,DE NI STONG PA'I RNAL 'BYOR GNAS, ,ZHES RGYU'I RANG GI NGO BO NYID KYIS GRUB PAS STONG PA'I CHOS BDAG MED LA BSHAD CING, RU'I DON YANG DE NYID LAS, BKOD PA GANG

DAG BDAG MED PA, ,RTOG PA'I DRA BA CHEN PO NI, ,RU YIG RKYEN GYI BDUD RTZI CAN, ,DE NI BDAG GI BKOD BRAL BA'O, ,ZHES GANG ZAG GI BDAG TU 'DZIN PA'I RTOG PA LUS CAN SRID PAR 'CHING BA'I RKYEN GYI BDAG NYID CAN TE, DES BKOD PA STE SGRO BTAGS PA'I GANG ZAG GI BDAG MED PA LA BSHAD DE, RU YIG BKOD PA DANG BRAL BA, ZHES 'BYUNG BA LTAR BKOD PA'O, ,RU NI TSOGS DANG BRAL BA STE, ZHES PA LTAR NA L'U AI PA'I 'GREL PA RNAMS SU RU'I DON BRJOD PA DANG BRAL BA LA BSHAD PA LTAR BYAS KYANG CHOG GO ,YANG DE NYID LAS, SLAR BRJOD KA NI MA LUS PA'I, ,BDAG GI GNYIS SBYAR MED SHES GANG, ,GANG PHYIR CI LA'ANG MI GNAS PA, ,DE PHYIR KA ZHES BYA BAR BRJOD, ,CES GSUNGS TE, RU'I RJES SU SLAR YANG BRJOD PA'I DKA'I DON NI, SHAS BYA MA LUS PA'I CHOS RNAMS KYI YUL GYI DE KHO NA NYID DANG DE'I YUL CAN GYI YE SHES GNYIS RNAM PA MI MTHUN PAR MED PAR STON PAS MKHYEN PA STE, GANG GI PHYIR NI, DE KHO NA NYID LA 'JUG PA'I BLO NI BDEN PA'I DMIGS GTAD CI LA'ANG MI GNAS PA DE'I PHYIR ZHES PA'I DON NO, ,DE LTAR NA HE DANG RUS YUL BDAG MED GNYIS DANG, KA YUL CAN GYI YE SHES DANG, SHR'IS DE GNYIS DBYER MI PHYED PA STON TE, GNYIS MED YE SHES KYI PHYOGS GCIG GO, SPYIR DE KHO NA NYID KYI YUL CAN GYI GNYIS MED KYI YE SHES LA LAM GYI LHAN CIG SKYES PA'I BDE CHEN GYI YE SHES KYIS YUL CAN BYAS MA BYAS GNYIS YOD PA'I PHYI MA NI THEG PA GZHAN DANG RGYUD SDE 'OG MA'I LAM DANG YANG THUN MONG BA YIN LA, DANG PO LA RLUNG DH'U T'IR ZHUGS GNAS THIM

, ,PA LAS BYUNG BA MIN KYANG, BYANG SEMS SPYI BO NAS GSANG GNAS KYI RTZE BAR DU PHAB NAS PHAt YIG BSGOM PA LA SOGS PA'I THABS KYIS BKAG PA LAS BYUNG BA BSKYED RIM PA'I LAM GCIG DANG, SROG DH'U T'IR THIM PA LAS BYUNG BA'I RDZOGS RIM PA'I LHAN SKYES GCIG STE GNYIS YOD DO, ,DE'I SNGA MA GNYIS NI SPYI DON GYI GNYIS MED YE SHES YIN LA, GSUM PA LA NI SBAS DON DANG, MTHAR THUG GI DON GYI GNYIS MED YE SHES GNYIS YOD PA RNAMS LEGS PAR DMIGS PHYED PA SHIN TU GAL CHE'O, ,KHA tV'Am GA NI, ZHES PA NAS, GANG DU'ANG MI GNAS PA'O, ,ZHES PA'I BAR RNAMS L'U AI PA'I 'GREL PA GSUM DU BSKYED RIM GYI DAG PA DRAN PA'I SKABS SU SBYAR MOD KYANG, RDZOGS RIM GYI CHA LA BSHAD DU MED PA MIN TE, JO BO'I 'GREL PAR BSHAD PA BZHIN NO, ,KHA tV'Am GA NI LHA YI SKU, ZHES BA NAS, KA NI GANG DU'ANG MI GNAS PA'O, ZHES PA'I BAR L'U AI PAS SGRUB THABS SU BKOD PA NI KUN SPYOD NA TSANG BAR YOD KYANG, MYA NGAN 'DAS BYUNG ZHES PA'I RKANG PA GNYIS LA 'GYUR MI 'DRA BA MANG DU SNANG, DE GNYIS MA GTOGS PA MNGON BRJOD LAS KYANG GSUNGS SO, ,LNGA PA DE LA BRTEN NAS 'BRAS BU MNGON DU BYED PA'I TSUL NI, ,SNGAR BSHAD PA'I SLOB PA'I ZUNG 'JUG GI TING NGE 'DZIN DANG RDZOGS RIM PA'I SPYOD PA RNAMS LA GOMS PAR BYAS PAS MI SLOB PA'I ZUNG 'JUG GI MCHOG GI DNGOS GRUB 'GRUB LA, DE YANG MTHAR THUG 'GRUB PAR NYE BA NA JI LTAR 'ONG BA'I TSUL NI, RDO RJE GUR LAS, NYI MA GCIG GIS 'GRUB 'GYUR RAM, ,CHO GAS NYI MA

GNYIS NA'AM, ,NYIN GSUM RAB TU SBYAR BAS SAM, ,DE BZHIN NYI MA BZHI YIS SAM, ,NYIN LNGAR RAB TU SBYAR BA YIS, ,'GRUB 'GYUR 'DI LA THE TSOM MED, ,ME TOG SOGS PAS MCHOD BYAS NAS, ,BSAM GTAN GNAS SU RAB 'DUG STE, ,PHYAG RGYAR LHAN CIG RAB ZHUGS NAS, ,RDO RJE SBYOR BA YANG DAG BRTZAM, ,RDO RJE NYI MA NUB NAS NI, ,SBYOR BA 'DI NI RAB BRTZAMS NA, ,SKYA RENGS 'CHAR BA'I DUS SU NI, ,'GRUB 'GYUR 'DI LA THE TSOM MED, ,CES PA 'DIS STON LA, LUNG DE'I DON MAN SNYER, ZLA BA DRUG TU RIG MA'I BRTUL ZHUGS SPYAD NAS NYI MA BDUN RANG GI LHA BLTA BAR BYAS TE, SBYOR BA RAB TU GYUR PAR SHES SHING GANG GI TSE NYIN MTSAN DU MAR ME'I 'OD KYI RGYUN BZHIN DU RTAG TU DE KHO NA NYID KYI RNAL 'BYOR LA MNGON DU PHYOGS PAR NUS PA DE'I TSE LHAN CIG SPYOD PA'I PHYAG RGYA DANG LHAN CIG RDO RJE SEMS DPA' LA SOGS PA RNAMS LAS GANG YANG RUNG BA'I RNAL 'BYOR MNGON DU BYAS TE, THO RANGS KYI THUN NAS BRTZAMS LA RDZOGS PA'I RIM PA'I RNAL 'BYOR KHAMS GSUM PA THAMS CAD GCIG PA'I RANG BZHIN MNYAM PAR BZHAG PA DANG MNYAM PAR MA BZHAG PA GCIG PA'I NGO BOR LHAG PAR MOS NAS RDO RJES RGYAS BTAB PA'I PHYAG RGYA DANG RO MNYAM PA NYAMS SU MYONG ZHING, MAR ME'I 'OD KYI RGYUN LTA BUR RTAG PAR NYIN MTSAN THOG THAG GNAS PAR BYA'O, , DE NAS RAB KYI MTHAR THUG PAR SON PA'I DGA' BA BZHI'I DE KHO NA NYID MNGON DU BYAS PA LAS, SKYA RENGS 'CHAR BA'I DUS SU 'GRUB STE, SGRUB THABS MCHOG RNAMS KYIS ZHES BSHAD PA'I PHYIR, MAN NGAG JI LTA BAR PHYAG RGYA CHEN PO 'GRUB PA'I NYE

, ,BA'I NYIN ZHAG LA STE, BYANG CHUB KYI SEMS ZLA BA'I CHA MTHA' DAG YONGS SU RDZOGS PA'I PHYIR, SKYA RENGS SHAR BA'I DUS SU SHIN TU YONGS SU DAG PA'I YE SHES KYI BDUD RTZI YONGS SU RDZOGS PA'I PHYAG RGYA CHEN PO GRUB PA RDO RJE 'DZIN PA'O ZHES BSHAD DO, ,RDO RJE NYI MA ZHES PA BZHI 'DUS PA LAS KYANG 'BYUNG BA, DE'I DON NI SGRON GSAL LAS, PHYI NANG GI BYANG CHUB PA'I RIM PA GNYIS LA BSHAD PA'I DANG PO NI, RDO RJE NYI MA NI YONGS SU GRAGS PA'I NYI MA NYID DO, ,DE NUB PA NI DMAR THAG CHAD PA'I MTSAMS SU YO BYAD CI RNYED PAS BLA MA MNYES PAR BYA BAR GSUNGS TE TSOGS KYI MCHOD PA'O, ,DE NAS BLA MA'I DRIN GYIS MTSAN PHYED NA, PHYAG RGYA LA BRTEN NAS DBANG BSKUR BA THOB NAS SKYA RENGS 'CHAR KA'I DUS SU 'OD GSAL GYI RIM PA'I LUNG PHOG PAS KYANG MCHOG 'GRUB BO, ,NANG GI MNGON BYANG GI RIM PA LTAR BSHAD NA, RDO RJE NYI MA NI THABS KYI YE SHES SNYOMS PAR 'JUG PA'I MTSAN NYID CAN DU BYUNG BA'O, ,NUB PA NI DE 'GAGS PA LA BSHAD DO, THABS KYI YE SHES NI STON DUS KYI SPRIN MED PA'I NAM MKHA' GA-YA' DAG PA LA NYI MA'I 'OD SHAR BA LTA BU'I SNANG BA MCHED PA'O, ,DES MTSON NAS SHES RAB KYI NGO BO NYID KYI SNANG BA'I YE SHES KYANG NUB CING 'GAGS PA DANG, 'OD GSAL GYI SNGON DU 'GRO BAS DE BSGRUB PA'I SNANG BA NYER THOB KYI SBYOR BA 'DI NI BRTZAM PA STE 'BYUNG BA'O, ,SKYA RENGS 'CHAR BA NI MA RIG PA NYER THOB STE, DE 'DAS PA'I DUS SU SGRUB PA POS STONG PA BZHI RIM GYIS MNGON DU BYED PAS PHYAG CHEN GYI DNGOS GRUB 'GRUB PAR GSUNGS TE, DE'I

TSE 'OD GSAL BA BSGOMS PAS GNYIS SNANG 'KHRUL PA'I BAG CHAGS SBYANGS NAS THO RANGS CHOS KYI SKU MTHAR THUG PA MNGON DU GYUR PA'I TSE SLOB PA'I ZUNG 'JUG SGYU MA'I SKU MI SLOB PA'I ZUNG 'JUG SGYU MA'I SKUR 'GYUR ZHING 'KHOR BA JI SRID BAR SKU DE GNYIS LAS MI GA-YE BAR BZHUGS SO, ,DE 'DRA BA'I DAG PA GNYIS LDAN GYI YUL GYI 'OD GSAL NI 'DUS MA BYAS PA'I CHOS KYI SKU DANG, YUL CAN GYI 'OD GSAL NI YE SHES CHOS KYI SKU DANG, BDE BA CHEN PO'I SKU ZHES KYANG BYA'O, ,DE'I RTEN GZUGS KYI SKU RLUNG SEMS TZAM LAS GRUB PA NI LONGS SKU YIN LA, SKU DE GNYIS NGO BO GCIG LA LDOG PA THA DAD PA TZAM YIN PAS GZUGS SKU DE LA GNYIS SU MED PA'I YE SHES KYI SKU ZHES LAN DU MAR GSUNGS PAS, GZUGS SKU SANGS RGYAS KYI SAS MA BSDUS PAR GDUL BYA'I RGYUD KYIS BSDUS PA DANG, SHES PA LAS NGO BO THA DAD PA'I BEM POR 'DOD PA DANG, 'BRAS BU'I SKABS SU YE SHES MED PA SOGS 'PHAGS PA YAB SRAS KYI BZHED PAR SMRA BA NI LEGS PAR SMRA BA MIN PAR SHES PAR BYA'O, ,DE 'DRA BA'I ZUNG 'JUG GI SKU DES MCHOG GI SPRUL BA'I SKU LA SOGS PA'I SPRUL PA DU MA ZHIG MDZAD DO, ,SNGAGS KYI GZHUNG GZHAN NAS YE SHES KYI RTEN GYI GZUGS SKU SPRUL SKU DANG THUGS CHOS SKU DANG, GSUNG LONGS SKUR MANG DU BSHAD PA'I LUGS LA YANG SPRUL PA LA 'DIS SPRUL PA DANG, 'DI SPRUL BA'I BYED PA PO DANG LAS GNYIS SU YOD LA, BYED PA PO'I SKU 'DIS CHOS LA RDZOGS PAR LONGS SPYOD PA'I BYED PA PO'I LONGS SKU DANG, BYA BA'I THABS 'DIS LONGS SPYOD PA'I GSUNG LA LONGS

, ,SKUR BSHAD PA GNYIS YOD PAR SHES PAR BYA'O, ,DRIL BU ZHABS KYIS, 'DI NI NGO BO NYID SKU STE, ,STONG NYID SNYING RJE GNYIS MED PA, ,MA NING ZHES BYAR BRJOD PA STE, ,KHA CIG ZUNG 'JUG CAS BYAR BRJOD, ,SGRIB PA DANG BRAL CHOS SKU 'DIR, ,ZHES GSUNGS PA'I STONG PA DANG SNYING RJE NI, DE NYID KYIS, DE BZHIN YANG DAG MTHA' LA YANG, ,RNAL 'BYOR PA NI YANG DAG 'JUG ,KUN KYANG SNANG BA MED PA'I TSE, ,SNYING RJE DANG NI RO GCIG YID, ,'DI NI SKAD CIG GIS 'KHYUD CING, , STONG PA NYID BZHIN 'JUG PAR BYED, CES DANG, MI 'GYUR BDE CHEN YE SHES NI, ,THABS TE THUGS RJE'I BDAG NYID CAN, ,ZHES GSUNGS PAS GNYIS SNANG MED PAR YANG DAG PA'I 'OD GSAL STONG PA NYID JI 'DRA BA DE BZHIN DU BZHUGS PA'I SNYING RJE BDE CHEN GYI YE SHES LA NGO BO NYID KYI SKUR BSHAD DE, PHAR PHYIN GYI THEG PA NAS DRI BRAL GYI DE BZHIN NYID LA NGO BO NYID SKUR BSHAD PA LA NI CHOS SKU ZHES GSUNGS SO, ,LAM 'DIS MCHOG GI DNGOS GRUB THOG MAR MNGON DU BYAS PA'I TSE LTAS JI LTAR 'ONG BA NI, 'DI'I BSHAD RGYUD SAMBU tA LAS, DE NAS GANG DU RIG MA'I SKYES BU GRUB PA DER 'DI LTA BU'I PHUN SUM TSOGS PA 'BYUNG STE, SA 'DI DGA' ZHING MGU LA RANGS PAS RNAM PA DRUG TU GA-YOS NAS, BDUD KYI GNAS SU CHA LANG LTA BU'I SGRA GRAGS PA DANG, PHYOGS BCUR BSKAL PA'I ME LTA BU'I SKAR MDA' LTUNG BA DANG, RGYA MTSO CHEN PO 'KHRUGS PA'I SGRA DANG, THAMS CAD DU GNAM RDO LTUNG BA DANG, DE NYID DU BSKAL PA'I ME'I GZUGS LTA BU'I YE SHES KYI SNANG BA 'BAR

BA DANG, PHYAG RGYA'I SKYE GNAS KYI SNYING POR KHAMS GSUM THAMS CAD SNANG BA DANG, TSANGS PA DANG KHYAB 'JUG DANG CHU BDAG DANG, BRGYA BYIN DANG, DRAG PO DANG ME DANG STOBS BZANG PO DANG NYI MA DANG ZLA BA DANG GNOD SBYIN DANG GRUB PA DANG DRI ZA DANG MI'AM CI DANG LTE 'PHYE DANG LHA'I MCHOG DANG RIG PA 'DZIN PA DANG CHUS BYUNG LA SOGS PA GANG ZHIG GZHAN YANG SUM CU RTZA GSUM DU GNAS PA'I LHA RNAMS DER 'ONGS NAS YANG DAG PAR DGA' BAS ME TOG GIS MCHOD PAR BYED DE, ,BI WAm DANG, GLANG BU DANG, KU MUN DHA DANG, TAMBU RA DANG, DUNG DANG, ZANGS DUNG GI SGRA DANG, NAN TI DANG, PA tA HA DANG, RDZA RNGAS NAM MKHAR GNAS TE DES RTAG TU MCHOD PAR BYED DO, ,LHA'I BU MO DANG RIG PA 'DZIN PA'I RGYAL PO'I BU MO THAMS CAD KYIS GAR BYED PA DANG, SIL SNYAN DU MA BYED PA DANG, MI 'AM CI DANG, GNOD SBYIN GYIS GLU LEN PAR BYED CING GAR BYED PA DANG, DE LA DGA' BA DANG BCAS PAS RGYAL BA RGYAL BA ZHES RTAG TU ROL BAR BYED PA DANG, GANG ZHIG GRUB PA NAM MKHAR GNAS PA'I LHA RNAMS KYIS NI LEGS SO'I RNAM PA RAB TU GSOL BAR MDZAD DO, ,GANG ZHIG DGA' LDAN DU GNAS PA'I LHA RAB MCHOG DANG, GANG ZHIG LHA'I BU MO DANG, RIG PA 'DZIN PA DANG, 'OG MIN GYI BAR DU 'ONGS NAS PHYAG 'TSAL ZHING ME TOG SNA TSOGS KYI RNAM PA'I DRI SNA TSOGS KYI DRI'I CHAR DANG, BDUG PA SNA TSOGS KYI KHYAD PAR GYIS GUS PA'I TSUL GYIS MCHOD PAR BYED DO, ,GZHAN YANG KHYOD LA RGYAS PAR BSHAD PA'I TSUL GYI CI ZHIG DGOS TE, BSGRUB PAR BYA BA'I BSOD NAMS KYIS KHAMS GSUM DU SKYES PA'I MCHOD

, ,PA DE RNAMS KYIS MCHOD PAR BYED DO, ,ZHES GSUNGS PA LTAR SHES PAR BYA'O, ,'DI LA KHA SBYAR GYI 'GREL PA RIN CHEN 'PHRENG BAR, 'JIG RTEN PA'I DNGOS GRUB GRUB PA'I MTSAN MAR BSHAD KYANG, 'GREL PA DRAN PA'I SNANG BA DANG MAN SNYER, MCHOG GRUB PA'I MTSAN MAR BSHAD PA LEGS SO, ,KHA SBYOR 'GOS 'GYUR DANG, 'GREL PA GZHAN GNYIS SU RIG PA'I SKYES BU ZHES 'BYUNG LA, MAN SNYE DANG 'BROG 'GYUR DU RIG MA'I SKYES BU ZHES 'BYUNG BA NI SKAD DOD KYI STENG NAS DE GNYIS KA LA BSGYUR DU RUNG BA'O, ,PHYI MA'I DON NI 'TSANG RGYA BA'I RIG MA DANG LHAN CIG PA'I SKYES BU LA BSHAD DO, ,'ON KYANG SGRON GSAL LAS, RIG PA CHEN PO NI DON DAM PA'I BDEN PA'O, ,SKYES BU NI, KUN RDZOB KYI BDEN PA'O, ,DE DAG LAS BSKYED PA RNAM PA THAMS CAD KYI MCHOG DANG LDAN PA LA SOGS PA DANG BCAS PA'I SKYES BU LTA BU'I LHA'I SKU NI RIG PA CHEN PO'I SKYES BU'I GZUGS TE RDO RJE 'CHANG CHEN PO'O, ,ZHES BSHAD PA LTAR BYA'O, ,'GOS 'GYUR LAS, SA CHEN PO 'DI RNAM PA DRUG TU GA-YOS PAR 'GYUR ZHING YID DU 'ONG BA'I SGRA BSGRAGS LA ZHES 'BYUNG BA LTAR DGA' MGU SOGS NI DGA' BA'I SGRA BSGRAGS PA LA BYA'O, ,GNAM RDO LTUNG BA NI, BDUD KYI GNAS KUN TU RDO CHAR 'BAB PA'O, , 'GOS 'GYUR LAS, PHYAG RGYA'I SNYING PO CAN GYI YE SHES KYI ME 'BAR BA BSGYINGS SHING KHAMS GSUM PO SNANG BAR MDZAD DE ZHES 'BYUNG LA, MAN SNYER PHYAG RGYA'I SNYING PO NI PHYAG RGYA DANG LDAN PA LA BSHAD PA'I GRUB PA'I SKYES BU LAS YE

SHES KYI ME 'PHROS PA'O, ,CHUS BYUNG NI, 'GOS KYIS MTSO SMAN DU BSGYUR RO, ,'GOS 'GYUR LAS, 'OG MIN GYIS MTHAR THUG PA'I LHA RNAMS KYANG 'ONGS NAS, ZHES 'BYUNG LA, DE RNAMS MCHOG GRUB PA'I DRUNG DU 'ONGS PA'I GNAS NI SANGS RGYAS PA DE 'DOD PA'I MI'I RTEN LA SNGAGS KYI LAM GYIS TSE GCIG LA SANGS RGYAS PA LA DGONGS PAS 'DOD KHAMS SU 'ONGS PA'O, ,'GOS 'GYUR LAS, SGRUB PA PO'I BSOD NAMS KYIS ZHES 'BYUNG BA NI MAN SNYER BSGRUB BYA'I BSOD NAMS KYIS ZHES PA LA BSGRUB BYA NI RDO RJE SEMS DPA'O ZHES BSGRUB BYA LA BSHAD PA DANG GNAD GCIG STE, SGRUB PA POS RDOR SEMS THOB PA'I BSOD NAMS SO, ,'GOS 'GYUR LAS, KHAMS GSUM NA YOD PA'I MCHOD PA THAMS CAD KYIS ZHES 'BYUNG BA BDE LA GZUGS MED KHAMS PAS MCHOD TSUL NI, MAN SNYE LAS, KHAMS DE LA GZUGS MED CES PA NI, GZUGS CHUNG BA LA GZUGS MED CES DGAG SGRA BYAS PA'O, ,ZHES 'DOD PA DANG, KHAMS GONG MA GNYIS KYI SEMS CAN RNAMS DGOS PA'I DBANG GIS 'DOD KHAMS SU 'ONGS PA NI, THOG MA MED PA'I BAG CHAGS SAD NAS BUD MED DANG SKYES PA'I DBANG PO CAN DU 'GYUR TE TSANGS MA DANG TSANGS PA BZHIN NO, ,'DOD PA 'DI MANG PO RIG PA RNAMS GSUNG NGO ZHES LUGS DE RGYA GAR BA'I MANG PO MKHYEN PA RNAMS GSUNG BAR BSHAD DO, ,TSANGS MA BZHIN ZHES PA NI SNGAGS KYI GZHUNG MANG PO LAS TSANGS PA LA PHO MO GNYIS BSHAD LA, DE GNYIS GZUGS KHAMS PA YIN PAS SO SNYAM PA'O, ,MNGON PA'I

, ,PHYOGS KYI GZHUNG DU YANG GZUGS MED KHAMS ZHES PA SGRA JI BZHIN DU 'DOD PA DANG, BU MO RKED PA PHRA BA LA RKED MED MA ZHES PA LTAR CHUNG BA LA DGAG SGRA SBYAR BA YIN, ZHES 'DOD PA GNYIS BSHAD DO, ,LAM GZHAN GYI MTHAR BLA MED KYI LAM 'GA' ZHIG BSNAN NAS 'OG MIN DU 'TSANG RGYA BA SOGS KYI BSHAD PA NI GZHAN DU RGYAS PAR BSHAD PA LAS SHES PAR BYA'O, ,DE LTAR NA HE RU KA MNGON 'BYUNG LAS, MI SMRA CHU YI BYA BA MED, ,DUS DANG TSED LAS RNAM PAR GROL, ,GTZANG SBRA'I SPYOD PA RNAM PAR SPANGS, ,DE YIS GRONG BA'I CHOS SPYOD DE, ,RTZOD LDAN DUS SU DNGOS GRUB 'GYUR, ,ZHES DANG, RTZOD LDAN YON TAN BZHI NYID DE, ,DNGOS GRUB NYID DU THE TSOM MED, ,CES LAM 'DIS DNGOS GRUB 'GRUB GA LA RDZOGS LDAN LA SOGS PA'I DUS GZHAN GSUM LAS RTZOD LDAN GYI DUS NYID BSNGAGS LA, DES NA SAMBU tA LAS, DE LTAR DKA' BA MED PA'I THABS, ,KUN MKHYEN THUGS RJE BCAS PAS BSNGAGS, ,SHIN TU BDE BA'I SGRUB PA'I THABS, ,BRTUL ZHUGS SPYOD PA DKA' THUB SPANGS, ,DE LTAR BDUD RTZI'I RO RNYED NAS, ,NYON MONGS GZHOM PHYIR MI BRTZON GANG, ,JI LTAR DKA' THUB BRTUL ZHUGS DES, ,SANGS RGYAS NYID DU BYA BAR NUS, ,RANG GIS DE BA'I THABS RNYED NAS, ,GANG ZHIG BDAG DON MI BYED PA, MONGS PA'I BDAG NYID DE YI NI, ,SANGS RGYAS NYID DU GANG DU 'GYUR, ,YANG NI DE NI SHES MI 'GYUR, ,'DIS NI SANGS RGYAS THAMS CAD DU, ,SKYE BO DAM PAS MTHONG BA NYID, ,LAS KUN RMI LAM SGYU MA LTAR, ,SANGS RGYAS CHOS LA MI SHES

PAS, ,'KHOR BA'I RGYA MTSO'I PHA ROL TU, ,JI SRID MA PHYIN PAR DU BYA, ,ZHES 'BROG 'GYUR DU 'BYUNG BA'I YANG NI ZHES PA MAN CHAD LA, 'GRUS 'GYUR LAS, DE NI SLAR YANG GAR 'GRO BA, ,DE YIS SHES PAR MI 'GYUR RO, ,DES NA BDE BA SGRUB PA'I THABS,, TSOGS MED PAR NI RNYED PA YI, ,SKYE BO MDZES PA NGES PAR 'DIR, ,THAMS CAD SGYU MA RMI LAM BZHIN, ,SANGS RGYAS NYID DU BLTAS NAS NI, ,'KHOR BA'I RGYA MTSO'I 'JIGS PA LAS, ,JI SRID MA RGYAL BAR DU NI, ,SANGS RGYAS BKA' YI CHOS SPYAD BYA, ZHES 'BYUNG NGO, ,DE RNAMS KYI DON NI BYA DKA' BAS YID GDUNG BA'I DKA' SPYOD KYI BRTUL ZHUGS RNAMS DOR NAS 'DOD YON LA RANG BZHIN SHES PA'I SGO NAS LONGS SPYOD PA'I SHIN TU BDE BAS BYANG CHUB SGRUB PA'I LAM 'DI 'DRA BA RNYED PA'I DUS SU DE LA BRTZON PAR MI BYED NA BDAG LAS RMONGS PA SU ZHIG YOD SNYAM PA DANG, DA RES 'DI LA MI 'BAD NA DE NAS BDAG NGAN 'GRO LA SOGS PA GAR 'GRO BA MI SHES SO SNYAM DU BSAMS LA, BDE BA KHYAD PAR CAN SGO DU MAS BSKYED DE BDAG MED PA'I DE KHO NA NYID BSGOM PA'I TSUL DANG, BRTAN GA-YO THAMS CAD KYI RTZA BA RLUNG SEMS TZAM LAS SGYU MA'I SKUR BSKYED PA'I SGO NAS THAMS CAD HE RU KA'I RANG BZHIN DU BLTA BA LA 'BAD DE 'KHOR BA'I BAG CHAGS 'KHRUL PA THAMS CAD SBYONG BA'I KHUR GYIS MI NGAL BAR BYA'O, ,DE'I PHYIR LAM THUN MONG BAS LEGS PAR RGYUD SBYANGS PA DANG, RNAM PAR DAG PA'I DBANG BSKUR BA'I DUS SU KHAS BLANGS PA'I DAM TSIG DANG SDOM PA BSRUNG BA GZHIR BYAS LA, LAM RIM PA DANG PO THUN SO SO LA BSKYANGS PA'I MTHAR

, ,PHYI DANG NANG GI BDE BA BSKYED THABS KYI SGO NAS BDE BA CHEN PO BSKYED NAS BDE STONG BSGOM PA DANG, DE'I MTHAR SGYU MA'I SKUR LDANG BA SOGS MOS PA YID BYED TSUN CHAD KYIS KYANG SBYANG NGO, ,'BRAS BU'I BAR DU YANG DE BZHIN DU BYAS TE LAM 'DI'I BAG CHAGS BSTAN PAR BYAS NA RNYED DKA' LA 'JIG SLA BA'I DAL 'BYOR GYI LUS LA SNYING PO LON PA YIN NO,, ` ,,'GRO BA'I 'DREN MCHOG RDO RJE SEMS DPA' DE, ,DMIGS MED BRTZA BAS KUN NAS BSKYOD PA YIS, , GDUL BYA'I DBANG PO'I RIM PA JI BZHIN DU, ,MDO DANG BYA BA SPYOD PA RNAL 'BYOR DANG, ,GSANG MTHA' RNAL 'BYOR BLA MED RGYUD RNAMS GSUNGS, ,KHYAD PAR ZAB MO RNAL 'BYOR MA YI RGYUD, ,DUNG PHYUR GCIG DANG BYE BA PHRAG DRUG GSUNGS, ,DE YI NANG NAS RGYAL MTSAN TOG LTA BU, ,DPAL LDAN 'KHOR LO SDOM PA'I RTZA BA'I RGYUD, ,BSHAD RGYUD BZANG LA MANG BAS GSAL BYAS PA'I, ,RDZOGS PA'I RIM PA RNAL 'BYOR CHEN PO'I GZHUNG, ,LAM 'DIS MCHOG BRNYAS L'U AI PA YI LUGS, ,GSAL MDZAD LVA BA'I NA BZA' CAN DANG NI, ,AA TI SHA DANG SHES RAB BSRUNG BA DANG, ,RNAM GROL ZLA BA KU M'A RA SOGS KYI, ,'GREL PA DRUG DANG BOD KYI BSHAD PA DANG, ,RGYA GAR MKHAS PA'I BDE MCHOG GZHUNG MANG LA, ,BRTEN NAS RTZA BSHAD CHA MTHUN RGYUD RNAMS NI, ,LEGS PAR SBYAR NAS BDE MCHOG RDZOGS RIM NI, ,KUN GYI GNAD DON GSAL BYED 'DI BRTZAMS SO, ,RANG YUL DMAN LA CHAGS PA RING DU DER, ,GZHAN YUL DU YANG RNAM GA-YENGS BSKYUNGS NAS NI, ,MDO SNGAGS

GZHUNG LA PHYOGS RES MA TSIM PAR, ,THOS BSAM BSGOM PA'I NGAL BA MANG BSTEN PAS, ,MANG THOS SGRUB LA BRTZON PA'I BLO CHEN NI, ,DU MAS RING DU 'BAD KYANG RTOGS DKA' BA'I, ,MDO SNGAGS LAM GYI GNAD LA NGES RNYED NAS, ,LTAR SNANG LAM GYIS BKRI BAR MI NUS THABS, ,RGYAL BA DGYES PA'I LAM MANG PHYE BA LA, ,NONGS PAR GYUR NA BSAM PA THAG PAS 'CHAGS, ,RNAM DKAR DGE BA'I PHUNG PO CI YOD PA, ,MAR GYUR 'GRO KUN KUN MKHYEN THOB PHYIR BSNGO, ,ZAB LAM 'DI DANG NAM YANG MI 'BRAL ZHING, ,THOS BSAM BSGOM PA'I BAR CHAD ZHI BA DANG, ,ZHING SKYES LHAN SKYES SNGAGS SKYES RNAL 'BYOR MA'I, ,GROGS LAS LHAN SKYES BDE CHEN RDZOGS PAR SHOG ,CES RNAL 'BYOR GYI DBANG PHYUG L'U AI PA'I LUGS KYI RDZOGS RIM RNAL 'BYOR CHEN PO'I GZHUNG GI RNAM BSHAD DNGOS GRUB KYI SNYE MA ZHES BYA BA 'DI NI, LAM 'DI'I BSKYED RDZOGS GNYIS KA SBREL NAS NYAMS SU LEN 'DOD PA'I BSHES GNYEN MANG POS BSKUL BA DANG, L'U NAG DRIL GSUM GYI GZHUNG GI RTZA BA L'U AI PA'I LUGS SU SNANG ZHING DE LA PHYOGS 'DIR BSHAD PA MTHA' CHOD PA MI SNANG BAR MTHONG NAS, RDZOGS RIM LUGS GZHAN GNYIS KYI GZHUNG GI TSIG GI DON DANG, DMIGS PA SKYOD LUGS KYI RIM PA 'GA' ZHIG MA GTOGS PA LUGS GSUM GA'I RDZOGS RIM GYI MTHA' GCOD RNAMS MTHA' CHOD PAR SH'AKYA'I DGE SLONG DPAL 'KHOR LO SDOM PA'I RNAL 'BYOR PA SHAR TZONG KHA PA BLO BZANG GRAGS PA'I DPAL GYIS, 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE BA NI DKA' BZHI PA RIN CHEN DPAL LO, ,'DIS

, ,KYANG BSTAN PA RIN PO CHE SPYI DANG, KHYAD PAR DPAL 'KHOR LO BDE MCHOG GI RIM PA GNYIS KYI BSTAN PA PHYOGS DUS KUN STU RGYAS PAR BYED NUS PAR GYUR CIG ,SARBA MANGGA LAm,, ,,