*, ,MKHA' 'GRO RGYA MTSO'I SKOR GYI ZIN BRIS RJE NYID KYIS GNANG BA BZHUGS, ,
, ,MKHA' 'GRO RGYA MTSO'I 'GREL PA GRU GZINGS KYI LE'U DANG POR, 'DIR GAL TE DE SRID DU DON MED PA CAN THOG MA DANG THA MED PA NYID KYIS RAB TU MI GNAS PA DANG, RAB TU GNAS PA DANG BRAL BA YIN NA, DE'I TSE LUNG THAMS CAD DON MED PAR 'GYUR RO, ,DE BZHIN GSHEGS PA'I GSUNG YANG TSAD MAR MI 'GYUR RO, ,DE RNAMS KYIS KYANG DMYAL BA LA SOGS PAR 'GRO BAR BYED DO, ,ZHES GZHAN DAG THE TSOM ZA NA DE'I PHYIR BCOM LDAN 'DAS KYIS GSUNGS PA'I LAN TSIG GSUNGS PA, GANG 'DRA BA ZHES BYA BA LA SOGS PA STE DPE GSUNGS PA'O, ,GZHAN 'DU SHES ZHES BYA BA NI GZHAN DU PHYI ROL BA NAM MKHA' YONGS SU BRTAGS PAR GANG 'DRA BA STE, MDO SDE PA RNAMS KYIS RNAM PA THAMS CAD KYI DNGOS POR RO, ,DE 'DRA BA NI BDAG RIG PA STE ZHES BYA BA NI RAB TU GNAS PA'I MYA NGAN LAS 'DAS PA'I RANG BZHIN RDO RJE PHAG MOS YANG DAG PAR RTOGS PA'O, ,SNANG BA MED KYANG YONGS SU GSAL ZHES BYA BA NI GZUNG BA DANG 'DZIN PA'I RNAM PA DANG BRAL BAS SNANG BA MED PA DANG, DE'I RNAM PA RNAMS KYIS SEMS CAN RNAMS KYI DGA' BAR BYED PA NYID KYI PHYIR YONGS SU GSAL BAR YANG STE, RANG GI RIG
, ,PA'I RANG BZHIN ZHES BYA BA'I DON TO, ,DE LTAR BCOM LDAN 'DAS 'BYUNG BA ZHES BYA BA NI RNAM PA THAMS CAD KYI BDAG NYID 'DIR MED PA STE, GCIG DANG DU MA'I RANG BZHIN DANG 'DIR BRAL BAS SO, , DER ZHES BYA BA NI RNAM PA THAMS CAD DU GONG BU RDUL PHRA RAB KYI CHA DRUG GI DBYE BA MED DO, ,'ON KYANG THA SNYAD DU 'JIG RTEN PA GZHAN LA ZHES BYA BA STE, 'JIG RTEN GYI THA SNYAD TZAM MO, ,MI BDEN PA'I BDEN PA NYID DE DE RNAMS KYIS RTOGS PA SNA TSOGS RNAMS LA GNOD PAR 'GYUR TE DAR GYI SRIN BU BZHIN NO, ,DE'I PHYIR MA SKYES PA MI 'GAG PA SGYU MA DANG SMIG RGYU DANG MTSUNGS PA'O, ,DER NI MNGON SUM GYIS KYANG NI, ,YOD PAR MI MTHONG MI BDEN PA'O, ,DBANG PO RNAMS LA RANG BZHIN NI, ,MTHONG YANG MED PA BLTA BAR BYOS, ,RANG BZHIN LA YANG DBANG PO MED, ,DE RU GZUGS NI CI ZHIG MTHONG, ,YID KYIS DMIGS PA'I GZUGS KYANG NI, ,YID NI NAM MKHA'I MTSAN NYID DO, ,THAMS CAD RGYU RKYEN TSOGS LAS SKYES, ,SA LU LA SOGS MYU GU BZHIN, ,BEM PO'I DNGOS PO THAMS CAD DU, ,RNAM PAR 'PHRO BAR MI 'DOD DO, ,DBANG PO GCIG SOGS THAMS CAD NI, ,KHU BA DANG NI KHRAG LAS BYUNG, ,LUS KYIS SU
NI MI 'DOD DE, ,SKAD CIG PAS NI SKYE BAR BYED, ,CES SO, DPE GSUNGS PA, NAM MKHA' ZHES BYA BA LA SOGS PA STE, JI LTAR ZHES BYA BA NI YE SHES KYI NAM MKHA' LAS BYUNG BA YE SHES KYI ZHES BYA BA NI YE SHES KYI NAM MKHA' LAS BYUNG BA YE SHES KYI ME'I RANG BZHIN SANGS RGYAS KYI GZUGS RANG GI BAG CHAGS KYI SKYON DANG BRAL BA YIS SEMS CAN RNAMS LA YANG DAG PA'I YE SHES KYI SNANG BA BYED PA ZHES BYA BA'I DON TO, ,JI LTAR RO BRO BA NI GCIG DNGOS LA ZHES BYA BA NI SKYU RU RA LA SOGS PA'I RDZAS GCIG LA RO BRO BAR 'GYUR TE, DE'I NANG NAS DNGOS PO MANG PO ZHES BYA BA NI DE BZHIN DU'ANG 'CHOS PA DANG MYANG BA DANG, LCES RO DE BZHIN DU BZUNG BA DANG, BLDAD PA DANG MID PA RNAMS KYIS LAN TSVA DANG KHA BA DANG BSKA BA DANG TSA BA DANG MNGAR BA'I RIM PA JI LTAR GO BAR BYA'O ZHES SO, ,LHAN CIG SKYES PA'I DGA' BA'I CHOS GANG 'DIR RNAM PAR BRTAGS NA RGYU RKYEN GYI DBANG GIS SKYE BA STE, DE NYID LA NYE BAR DMIGS PA MED CES BYA'O, ,BSGRUB PAR BYA BA CI ZHE NA, DPER BYA MED PA YI NI CHOS, ,RDO RJE LA NI DGA' BAR GYIS, ,ZHES BYA BA STE, MI PHYED PA'I RDO RJE'I YE SHES DBYE BA MED PA'I CHOS NYID KYI YE SHES, TSAD MED PA DPE DANG BRAL BA'I DON CAN LA DGA' BAR GYIS ZHES BYA BAR DGONGS SO, ,DE LTAR LHA'I RNAM PA'I RNAL 'BYOR BDAG CES BYA BA NI SBYOR BA 'DIS DKYIL 'KHOR GYI 'KHOR LO BSGOM PA'O, ,'PHRAL DU YID CHES BYED PA CAN ZHES BYA BA NI, PHYAG RGYA CHEN PO'I 'BRAS BU STER BA PO RANG GI 'DOD PA'I LHA BSGOMS PA TZAM GYIS ZHES BYA BA'O, ,DE'I MI MTHUN PA'I PHYOGS BYAS PA'I SKYE BO LA BRTEN PA GZHAN GYI RNAL 'BYOR GYI DBANG DU BYAS NAS GSUNGS PA, LUGS MA LA
, ,SOGS PA ZHES BYA BA STE, DE LTAR SNGON DU BSHAD PA'I RNAL 'BYOR SPANGS NAS, LUGS MA STE, BZLAS PA DANG RI MO LA SOGS PA'I SBYOR BA LA BRTEN PA'O, ,DES RNAM PAR BYAS PA'I DBYIBS ZHES BYA BA NI DMYAL BA LA SOGS PA SKYES BU'I RNAM PAR 'GRO BA'O, ,THAR PA LA GNAS PAR MI 'GYUR RO, ,'DI'ANG, JI LTAR BYIS PAS RNAM BRTAGS PA'I, ,PHYI ROL DON NI YOD MIN TE, ,BAG CHAG KYIS NI DKRUGS PA'I SEMS, ,DON DU SNANG BA RAB TU SKYE, ,ZHES SO, ,'ON KYANG SNGON DU BSHAD PA'I RNAL 'BYOR GYI KHYAD PAR DU BYED PA STONG PA NYID DANG POR DU BA LA SOGS PA'I RTAGS BCUS AA BA DH'U T'I'I NANG DU SON PA RAB TU BSGRUB PA STE, YAN LAG DRUG GI RNAL 'BYOR GYIS KYANG MTSON PAR BYA'O, ,ZHES BYA BA'O, ,DE'ANG SO SOR SDUD DANG DE BZHIN DU, ,BSAM GTAN SROG STZOL 'DZIN PA DANG, ,RJES SU DRAN DANG TING NGE 'DZIN, ,SBYOR BA YAN LAG DRUG TU 'DOD, ,CES SO, ,DES SGOM PA PO GNAS PA PO LA SOGS PA DES RANG GI GZUGS MTHONG BA'O, ,RANG BYIN BRLAB PA'I MTSAN NYID DO, ,ZHES BYA BA NI KHA DOG SNA TSOGS KYI RANG BZHIN RNAMS SU MTHONG BA'O, ,DE LTAR LUGS MA LA SOGS PA LA RANG BZHIN THAMS CAD BYIN GYIS BRLAB PAR BYA'O, ,ZHES BYA BA STE RANG BYIN GYIS BRLAB PA'I MTSAN NYID DO, ,RANG BYIN GYIS BRLAB PA ZHES BYA BA LA SOGS PA RTOGS PAR SLA'O, ,DE'I PHYIR ZHES BYA BA LA SOGS PAS SGYU MA ZHES BYA BA NI DNGOS PO THAMS CAD THOG MAR DPE BCU GNYIS RNAMS KYIS NYE BAR MTSON PAR BYA'O, ,ZHES BYA BA STE, DE LA SGYU MA DANG SMIG RGYU DANG ME LONG GI GZUGS BRNYAN DANG BRGYA BYIN GYI GZHU DANG SPRIN DANG DRI ZA'I GRONG KHYER
DANG CHU'I ZLA BA DANG CHU'I CHU BUR DANG GSAL SNANG DANG SGYU 'PHRUL DRA BA DANG, RMI LAM DANG, BRAG CHA'O, DE LTAR SGYU MA LA SOGS KUN, ,RNAL 'BYOR RNAMS KYI RANG MTSAN NYID, ,PHUNG PO SGYU MA'I RANG BZHIN TE, ,RNAM SHES BRGYAD NI SMIG RGYU'O, ,ME LONG GI NI GZUGS BRNYAN KYANG, ,DBANG PO RNAMS KYI RANG BZHIN NO, ,YUL RNAMS BRGYA BYIN GYI NI GZHU, ,SKYE MCHED SPRIN GYI GRIB MA'O, ,KHAMS NI DRI ZA'I GRONG KHYER TE, ,LAS KYI DBANG PO ZLA BA GANG, ,CHU BUR LAS KYI BYA BA STE, ,DNGOS PO RNAMS NI GSAL SNANG BZHIN, ,SGYU 'PHRUL DRA BA 'KHOR BA STE, ,RMI LAM DANG MNYAM BLTA BAR GYIS, ,'DOD CHAGS LA SOGS BRAG CHAR NI, ,BSGOM PAR BYA ZHING BZLOG PAR GYIS, ,DE PHYIR 'DI RNAMS SGYU MA CHA, ,RANG BZHIN MTHA' YI RGYAL BA'O ZHES BYA'O, ,DE NYID KYI PHYIR BYANG CHUB BLA NA MED PA 'THOB CES BYA STE, BYANG CHUB CES BYA BA NI BYANG CHUB CHEN PO'I STE SGYU MA'I RGYAL BA RNAMS DANG DBYER MED PA NYID KYIS 'OD GSAL BAR RANG BZHIN GYIS 'BYUNG ZHES PA'O, ,LE'U DANG POR, YONGS SU SHES PAS 'GROL BA'O ZHES BYA BA NI PHUNG PO DANG KHAMS DANG SKYE MCHED LA SOGS PA RNAMS 'KHRUL PAS DRI ZA'I GRONG KHYER LTA BUR YONGS SU MA SHES PAS 'CHING BA'O, ,SKYE BA DANG 'GAG PA RNAM PAR DPYAD PAS DNGOS PO MED PA'I PHYIR DE RNAMS KYIS YONGS SU SHES PA DANG LHAN CIG RNAM PAR DPYAD PAS MA 'KHRUL BAS RANG BZHIN GYIS 'OD GSAL BA'I RNAM PAR YANG 'CHAD PAR 'GYUR BA'I MCHOD PA BZHI LA SOGS PA'I DE KHO NA NYID RNAMS KYIS 'GROL BA STE, RMONGS PAS YONGS SU SHES PA SPANGS PA ZHES BYA BA'I DON TO, ,SEMS NYID CES BYA BA NI SNA TSOGS PA BUM PA DANG SNAM BU LA SOGS PA'I DNGOS PO MED PA
, ,STE SNA TSOGS PA GCIG GI RNAM PA NYID PAS DNGOS SU YOD PA'I KHAMS GSUM GNAS PA'O, ,LUS LA SOGS PA'I KHAMS SU GNAS PAR BSHAD PAS 'OD GSAL BA'I SEMS DE STON PA'I DBANG GIS SHES RAB KYI PHA ROL TU PHYIN PA'I RANG GI MTSAN NYID CHOS THAMS CAD YONGS SU SHES PA'O, ,DES DE BZHIN DU 'CHAD PAR 'GYUR RO, ,DE LTAR YANG GSUNGS PA, SNA TSOGS 'OD GSAL BA NI MA, ,DNGOS PO KUN GYI PHA YIS NI, ,SKYED PAR BYED CING DE BZHIN DU, ,BSKRUN TE KUN RDZOB TU NI SON, ,'OD GSAL DANG BRAL BYANG CHUB NI, ,BDAG BYIN BRLABS PA MI MTHONG NGO, ,DE YIS BYANG CHUB NGES SHES PAS, ,BSTAN BYA STON PA DBYER MED DE, ,KUN RDZOB DANG NI DON DAM PA, ,GTZO BO DANG NI DKYIL 'KHOR PA, ,RNAM PA GCIG TU RIG GANG GIS, ,DE NI BSRUNG BA KUN TU SON, ,CES SO, ,LE'U GSUM PA LAS, DE'I PHYIR RNAL 'BYOR GYI RGYUD RNAMS SU SEMS 'OD GSAL DU SON PAS DE KHO NA NYID RANG GI RIG PA GNYIS SU MED PA YID CHES PAS RANG GIS DNGOS SU NYAMS SU MYONG BAR 'GYUR RO, ,GAL TE SEMS DE SRID DU 'OD BSAL BAR SON PA DE'I TSE DE KHO NA NYID LA SOGS PA'I RNAL 'BYOR GYI RGYUD RNAMS SU GANG GIS YID CHES PAR 'GYUR BA GSUNGS PA, SLOB DPON GYIS SEMS RDO RJE ZHES BYA BA STE, 'DIR MKHAS PA RNAMS KYIS THOG MAR RTZA'I YI GES BYE BRAG SMRA BA DANG MDO SDE PA'I TSUL LA BRTEN PAR BYA'O, ,DE JI LTAR ZHE NA, GSUNGS PA, 'DIR LUS LA 'BYUNG BA CHEN PO LA SOGS PA'I KHAMS RNAMS CHOS MNGON PA'I RIGS PAS DANG BYE BRAG SMRA BA'I CHOS KYIS RNAL 'BYOR PA DES MI RTAG PAR BYA'O, ,DES SLAR YANG MDO SDE PA RNAM
PA DANG BCAS PA'I LTA BA LA SEMS BRTAN PA SKYED PAR BYED DE SNA TSOGS PA'I SKYES RABS LA SOGS PA'O, ,DE LTAR YANG MI BDEN PAR BYAS NAS SEMS NAM MKHA'I NGO BO CAN DU RNAL 'BYOR SPYOD PAR GYUR PA MA RIG PA YONGS SU SPONG BA LAS SEMS RDO RJE'O, ,DBU MA NI RTZA BA STE DE LTAR SPYOD YUL NI DNGOS PO THAMS CAD DO, ,DE RNAMS KYI SPYOD PA NYID KYI PHYIR YONGS SU SHES PA DANG RIG PA'O, ,DE LTAR SEMS KYI RDO RJE'I CHOS THAMS CAD KYI SLOB DPON GYIS DE'I TSE KHYAD PAR NYID KYIS DE'I NANG DU CHOS THAMS CAD SON PA'O, ,DE'I PHYIR RNAL 'BYOR MA RNAMS KYI LUS KYI DE KHO NA NYID LA SOGS RIGS PA PO KUN RDZOB KYI 'OD GSAL BAR SONG BA'ANG SGYU MA'I RNAM PAS SEMS RDO RJE SO SOR SNANG BA'I SKU'I RNAM PA NYID KYIS SO, ,DON DAM PAR NI THAMS CAD DU RGYAN BTAGS SGRO BTAGS PA THONG ZHIG, DE JI LTAR ZHE NA, DBU MA'I TSUL ZHES BYA BA GSUNGS PA, YOD MIN MED MIN YOD MED MIN, GNYIS KA'I BDAG NYID CAN MA YIN, ,MTHA' BZHI LAS NI RNAM GROL BA, ,DE KHO NA NYID DBU MAR SHES ZHES BYA BA'O, ,DE LTAR GNAS SKABS THAMS CAD DANG BRAL BA BZHI PA LAS 'DAS PA'I NGES PAR BZHAG PA DE NYID KYI GNAS SKABS SLOB DPON ZHES BYA BA'I DON TO, ,DE'I PHYIR DE NYID BRTAN PA THOB PA ZHES BYA BA NI BLA MA RDO RJE 'CHANG LAS DPE YIS MTSON PAR BYA BA'I MTHAR DE KHO NA NYID THOB PA'O, ,DE 'ANG JI LTAR PHA DANG MA SNYOMS PAR 'JUG PA'I DUS SU DRI ZA'I SEMS CAN GYI BDE BA NYAMS SU MYONG STE 'DZAG PA'I DUS SU NI DE BZHIN DU DE LTAR NYE BAR STON PA LUS 'DZIN PA'I DNGOS PHO MNGON SUM DU NYAMS SU MYONG NGO, ,DE'I RANG BZHIN DU 'GRO BA'O, ,NI'I SGRA NI NGES PAR BZUNG BA'O, ,DBU MA CHEN MO'I MTSAN NYID DO, ,ZHES BYA BA'I
, ,BDE BA DANG SEMS GNYIS KYI KUN RDZOB KYI GZUGS THAMS CAD BUM PA DANG SNAM BU DANG SHING RTA LA SOGS BA STE DE NYID DE LTAR DON DAM PA'O, ,'ON KYANG BYIS PA'I RIGS CAN RNAMS KYIS THA DAD SO SOR YONGS SU BRTAGS SO, ,DE LTAR GANG KUN RDZOB DE DON DAM PA STE GANG ZHIG DON DAM PA NI KUN RDZOB TU BDE BA DANG SEMS DAG GIS LUS DANG BDE BA'O, ,'O NA DE LTAR BYE BRAG SMRA BA LA SOGS PA GRUB PA'I MTHA' BZHI DE RNAMS KYI SPYOD YUL BLA MA'I GDAMS NGAG DE'I TSE THAMS CAD PHYI ROL BAR 'GYUR RO, ,PHYI DANG NANG GI BDAG NYID KYI CHOS LA DBYE BA MED PAR 'GYUR ZHEN, DE LA JI LTAR BLA MA'I GDAMS NGAG NI CI, ,DE LTAR GAL TE MI 'GYUR NA DE'I TSE GAL TE MA 'GYUR, DE'I TSE SKYON DE SNGAGS KYI TSUL GYI BSTAN BCOS THAMS CAD DON MED PA NYID DU 'GYUR RO, ,DE BZHIN GSHEGS PAS GSUNGS PA'I CHOS BRDZUN DU 'GYUR RO, ,GCIG TUD SNGAGS KYI TSUL GYI BSTAN BCOS THAMS CAD GCIG PA'I DNGOS PO BAS DU MAR MI 'GYUR RO, ,BRDZUN DES KHYOD KYIS PHYIN CI LOG BSTAN PAS DMYAL BA LA SOGS PAR 'GRO BAR 'GYUR RO ZHEN, DE 'ZHIN DU'ANG BSHAD PA, DE BZHIN GSHEGS PAS CHOS BSTAN GANG, ,BDEN PA GNYIS KYI BDAG NYID CAN, ,GSANG SNGAGS TSUL TSOGS THAMS CAD LA, ,SUN 'BYIN BYED PA DMYAL BAR 'GRO, , MA THOS PA'AM THOS CHUNG BAS, ,PHYI CI LOG TU 'CHAD PA'O, ,DE LA GRUB DANG BDE MED 'GYUR, ,MNAR MED SOGS SU NGES PAR 'TSED, ,DE LAR THE TSOM THAMS CAD SEL BAR BYED PA'I BCOM LDAN 'DAS KYIS TSIG GIS GSUNGS PA, GRUB
MTHA' ZHES BYA LA SOGS STE, 'DI GANG GSUNGS PA DE BDEN NO, ,'ON KYANG LTA BA THAMS CAD LA GDAMS NGAG GI GRUB MTHAR BRAL NA MI 'GYUR TE, DE JI LTAR GSUNGS PA, 'DAR RMANGS PA RNAMS GDAMS NGAG LA 'JUG PA'I DUS SU SNA TSOGS PA'I DPE RNAMS KYIS 'JUG PAR BYED DE, BSTAN PA'I GSUNG RAB KYIS SO, ,JI LTAR DGA' BA LA SOGS PA SHES RAB DANG MNYAM PAR SBYOR BA'I DPES MTSON PA'O, ,DE LTAR GRUB MTHA' RNAMS THIG LE BZHI DANG DGA' BA BZHI LA SOGS PAS BYE BRAG SMRA BA LA SOGS PAR RIM PA JI LTA BAR SHES PAR BYA'O, ,DE'ANG, YID MIN MED MIN YOD MED MIN, ,GNYIS KA'I BDAG NYID CAN KYANG MIN ZHES BYA BA SOGS PA'O, ,DPE DANG BRAL BA'I YE SHES LAS RANG GIS RIG PA'I DUS SU'ANG RNAL 'BYOR PA RNAMS KYI DNGOS SU YID CHES PA'I PHYIR RO ZHES BYA BA DON TO, ,DE LTAR GDAMS GNAG BLA MAS NYE BAR BSTAN PA'I SPYOD YUL CAN GRUB PA'I MTHA'I SGO NAS RAB TU 'JUG PAR BYED DO, ,BLA MA GRUB PA'I MTHA'I SPYOD YUL TE GZHAN GYI DNGOS PO RNAMS KYI MA YIN NO, ,YANG NA NYAN THOS DANG RANG SANGS RGYAS DANG THEG PA CHEN PO LA SOGS PA'I SPYOD YUL GDAMS NGAG RANG RANG GI BSTAN BCOS SU BSHAD PA'I RIGS PAS GDAMS NGAG LA 'JUG PAR BYED DO, ,DE'I PHYIR GRUB MTHA'I YUL DANG GDAMS STE GRUB PO DE RNAMS KYI SKYON MED DO, ,'ON KYANG PAndI TA RNAMS KYI SPYOD YUL MIN ZHES BYA BA NI RTOG GE SKAM PO LA DGA' BA RNAMS DANG LAM DAM PA DANG BRAL BA RNAMS DANG BYIS PA'I PAndI TA RNAMS KYI YE SHES 'DI 'DRA BA'I SPYOD YUL MA YIN TE YANG DAG PAR RDZOGS PA'I BYANG CHUB
, ,STER BA PO RNYED PA DKA' STE SANGS RGYAS KYI YUL LO, ,JI LTAR ZHE NA, GSUNGS PA, GRUB MTHA' MNGON SUM ZHES BYA BA LA SOGS PA STE 'DIR CHOS THAMS CAD KYI SHES BYA DANG YE SHES LA SOGS PA'I GZUGS TE, MNGON SUM DANG RJES SU DPAG PA LAS DMIGS PA'O, ,DE RIG PA NI MKHAS PA STE SHES BYA DANG YE SHES KYI GZUGS CAN GYI BLA MA'O, ,MA RIG PA NI MKHAS PA MA YIN TO, GRUB PA'I MTHA' MNGON SUM PA SHES BYA TZAM LA BRTEN PA DPYOD PA BLTA BU SGRA TZAM RJES SU RIG PA TZAM GYIS DAM PA'I CHOS KYI NGES PA MI SHES SO, ,DMUS LONG LTA BU'I SKYES BUS DKAR PO DANG SER PO LA SOGS PA'I RDZAS RNAMS KYI RNAM PAR DBYE BA DE BZHIN DU MI SHES SO, ,RANG BZHIN MDOG NAG PO GCIG TU MTHONG NGO, ,DE'I PHYIR DE KHO NA NYID MNGON SUM LA BRTEN PA RNAMS KYI BUM PA DANG SNAM BU LA SOGS PA RNAMS KYIS DAG PA'I BDAG NYID 'DI GA'O ZHES BYA BA'I DON TO ZHES SO, ,MKHA' 'GRO RGYA MTSO'I 'GREL PA GRU GZINGS KYIS GSANG BA'I LE'U'I RAB TU BYED PA BCU PA LAS NYI SHU RTZA GNYIS DBANG PHYUG SO SOR MNGON PAR SHES PA YOD PAR SMRA BA RNAMS SEL BAR BYED PA STE, DE LA RANG GI SEMS KYI GNAS SKABS BCU GCIG DANG, DBANG PHYUG SO SOR MNGON PAR SHES PA YOD PAR SMRA BA'I BSHAD PA, BYED PA PO DE'O THAMS CAD KYI, DE NI KUN TU BYED PA BYED, ,'TSO BAR BSHAD DANG 'TSO BA'I GZUGS, ,THAR PA 'KHOR BA'I 'KHOR LO SKYES, ,YE SHES DBANG PO RIG PA DANG, ,RNAL 'BYOR YE SHES SOGS DE BZHIN, ,'JIG RTEN PA SOGS DE NYID GANG, ,MDOR BSDUS PA YIS BCU GCIG GO,
ZHES SO, ,DE LTA BUR RNAM PAR GNAS PA LA DAM PA DANG DAM PA MA YIN PAR RNAM PAR DPYAD PAS MED PA NYID SO MNGON PAR SHES SHE NA, DE'I SEL BAR BYED PA RNAM PA BCU GCIG GSUNGS PA, KUN GYI BYED PA DE MIN TE, ,LAS RNAMS KYIS NI 'BYUNG BA'O, ,LAS KYI RGYU YANG MED PA STE, ,'DI LA 'BYUNG BA YOD MA YIN, ,GANG GI BYED PA YANG DAG BYUNG, ,DE LA BYA BA'I DNGOS PO MED, ,BYAS DANG BYED PA MED PA'O, ,DNGOS PO THAMS CAD MA BYAS PA'O, ,BYA BA BYED PO'I 'GREL PA YIS, ,'DIR NI DNGOS PO MED PAR BSHAD, ,LAS DANG BRAL BAS BYED PA MED, ,BYA BA MED PAS BYED PO MED, ,GAL TE 'BYUNG BO'I BDAG YOD NA'ANG, ,'BYUNG PO MED PAS MED PA'O, ,GCIG DANG DU MAR RNAM DPYAD PAS, ,'BREL BA'I DNGOS PO MED PAR 'DOD, ,SU ZHIG BYED PO CI'I BYED PO, ,'DI RNAMS BYED PA YOD MA YIN, ,GANG GIS RTAG TU 'TSO BAR 'GYUR, ,DNGOS PO'I GZUGS NI MI RIG GO, JI LTAR GZUGS CAN GANG ZAG BSHAD, ,SMIG RGYU DANG NI 'DRA BAR 'GYUR, ,'KHRUL PAS 'KHRUL PA'I RNAM PAR NI, ,YOD PA SKAD CIG MAR 'GYUR RO, ,'JIG RTEN GYI NI SKYE BA MED, ,RANG LAS 'BRAS BUS BGROD PAR 'GYUR, ,KUN LA THAR PA YOD PA MIN, ,GANG NA'ANG 'CHI BA MED PA'O, ,GAL TE THAR PA TZAM YOD KYANG, ,ROR 'DZIN PA NI DE LA MED, ,DE'I PHYIR 'JIG RTEN LAS 'BRAS BU, ,DGE DANG MI DGES GANG BYAS PA, ,RMONGS PA'I SKYES BU DE YOD PAR, ,'KHOR BAR YANG NI 'DOD PA'O, ,SGYU MAS 'KHOR BAR RMONGS BDAG NYID, ,RMONGS PAS BRTAN PAR 'DOD PA'O, ,GTI MUG BDAG CAN 'KHOR BA MED, ,RDUL PHRAN CHA SHAS MED PAS SO, ,YE SHES ZHES BYA 'DIR MED DE, ,SEMS BYUNG GZUGS MED PA'I PHYIR RO, ,DBANG PO LA SOGS BRJOD PA MED, ,RIG PA CI ZHIG 'BYUNG BA MED, ,
, ,MNGON SUM BZHI YIS DNGOS PO RNAMS, ,DBANG PO LA SOGS DE BZHIN TE, ,YID KYI MNGON SUM RNAL 'BYOR DANG, ,RANG GIS RIG PA'I MNGON SUM MO, ,JI LTAR YE SHES BZHI DBUS SU, ,MNGON SUM NYID KYANG MI RIG GO, 'JIG RTEN 'JIG RTEN LAS 'DAS PA'I, ,DER NI DE NYID YANG DAG BYUNG, ,MNGON SUM DANG NI RJES DPAG GIS, ,DE RNAMS DNGOS PO RIG MA YIN, ,NGAG TZAM DU NI BZHAG PA STE, ,'KHRUL PA NGES PA MED PA'O, ,DE LTAR BSHAD PA'I RIM SHES BYA, ,RGYA CHE BAR NI DU MA'O, , DBANG PHYUG THAMS CAD DU MED PAS, ,SO SOR MNGON SHES KYI LAS 'GYUR, ,MKHAS PAS RNAM PAR DPYAD BYA YI, 'DI LA SDANG BAR MI BYA'O ZHES SO, ,LE'U GSUM PO LAS DE PHYIR THAMS CAD BLA MA'I ZHAL LAS SHES PAR BYA'O THAMS CAD CAN ZHES BYA BA NI MNGON SUM DANG RJES SU DPAG PA DAM PA'I DNGOS PO CAN GYI CHOS SO, ,DE ZHES BYA BA LA SOGS PA RTOGS PA SLA'O, ,'DI GSUNGS SO ZHES BYA BA LA SOGS PAS SNGON BZHIN DU SDUD PAR MDZAD PA PO DES RANG NYID KYI SKYON YONGS SU SPANG BA'O ZHES SO, ,LE'U BZHI PA LAS, RNAL 'BYOR RNAM PA DRUG CU ZHES BYA BA NI RNAM PA RNAMS NI DRUG CUR RIG PAR BYA STE GANG GIS SBYOR BA'I YAN LAG DRUG BSGOM PA LA DNGOS PO'I RNAL 'BYOR DE DE BZHIN DU GSUNGS SO, ,DE'ANG DBU MA'I NANG DU SON PA'I SEMS KYIS THAMS CAD NAM MKHA'I BU GAR GNAS PA NA DER MTHONG BAR 'GYUR TE GZUGS BRNYAN BZHIN DU'O, ,DE BZHIN DU RNAM PA DRUG CU RNAMS BSHAD PAR BYA STE, YAN LAG DRUG DANG LHAN CIG TU'O, 'DIR NI, DU BA SMIG RGYU ME KHYER DANG, ,DE BZHIN MAR ME RAB 'BAR DANG, ,
ZLA NI KA MA R'A H'Um DANG, ,DUS KYI ME DANG BCU PO NI, ,SO SOR SDUD PA'I 'O, ,BSAM GTAN RNAM PA BCU NI, ,DE'ANG SROG LA SOGS PA 'CHAD PAR 'GYUR BA'I RTZA BCU RNAMS KYI STE, ,DE BZHIN DU'ANG, PAD CAN SNA TSOGS CAN NYID DANG, ,GLANG CHEN DUNG CAN MA DE BZHIN, ,LUG DANG SER SKYA YID BZANG MA, ,GLANG PO'I LCE MA GZHON NU MA, ,'JIGS PA'I GZUGS SU YANG DAG BSHAD, ,BCU PO RNAMS KYI RANG BZHIN NO, ,SGYU MA SMIG RGYU DRI ZA DANG, ,BRGYA BYIN GZHU DANG ME LONG DANG, ,ZLA BA'I GZUGS DANG GRIB MA DANG, ,CHU BUR DANG NI BRAG CHA DANG, ,GSAL SNANG BCU PAR SHES PAR BYA, ,BSAM GTAN SBYOR BA BSGOM PAR 'GYUR, ,DE BZHIN DU SROG RTZOL RNAMS KYI BSHAD PA, DE'ANG RNAM PA BCU STE, SROG DANG THUR SEL MNYAM GNAS DANG, ,BSAM GTAN KHYAB GNAS 'DI LNGA'O, ,KLU DANG RUS SPAL SDIG PA DANG, ,LHAS BYIN DANG NI NOR LAS RGYAL, ,DE LTAR RLUNG NI BCU RNAMS KYIS, ,SROG STZOL NYE BAR MTSON PAR BYA, ,DE BZHIN DU 'DZIN PA YANG GSUNGS PA, DE'ANG RNAM PA BCU STE, GA-YON PA DANG GA-YAS PA'I SNA BUG NAS RGYU BA'I DKYIL 'KHOR BCU RNAMS TE DE LTAR NA, NAM MKHA'I DANG RLUNG DANG ME DANG CHU DANG SA DANG DBANG CHEN DANG CHU DANG ME DANG RLUNG DANG NAM MKHA' RNAMS SO, ,DE 'DZIN PAS NA SKYE BA'I GNAS RNAMS SU THIM PA RNAMS BYED DO, ,'DZIN PA'I DE BZHIN DU RJES SU DRAN PA'I GSUNGS PA, DE'ANG BCU STE, 'DOD PA'I GNAS SKABS BCU RNAMS SO, ,DE NYID BSHAD PA, 'DIR DANG 'PHAR DANG BRGYAL BA DANG, ,RGOD DANG RAB TU DGA' DE BZHIN, ,LKUGS DANG NGAL BSO GNYID DANG NA, ,MCHI MA LHUNG DANG 'GYEL BA STE, ,DE NI RJES DRAN RJES SU DRAN, ,ZHES SO, ,DE BZHIN DU'ANG TING NGE 'DZIN KYIS GSUNGS PA, DE'ANG
, ,RNAM PA BCU STE, SPYAN MA DANG M'A MA K'I DANG DKAR MO DANG SGROL MA DANG GZUGS RDO RJE MA DANG SGRA DANG DRI DANG RO DANG REG DANG CHOS KYI DBYINGS KYI RDO RJE MA RNAMS KYI, ,SKU CHEN PO NI MTHONG 'GYUR TE, ,DE BZHIN GSHEGS PAS 'KHYUD PA'O, ,DE LTAR TING NGE 'DZIN 'GROD 'GYUR TE, ,SKRA TZAM GYI NI NANG DU GNAS, ,ZHES BYA BAS SO, ,DE'I PHYIR SDOM PA DNGOS PO DAM PA KUN ZHES BYA BA STE, BSHAD PA'I BCU BCU PO RNAMS KYI DRUG PO DE RNAMS LA'ANG SDOM PA DRUG STE RE RE LA RIM PA JI LTA BAS SHES PAR BYA'O, ,DE LTAR BCU BSKYED PAR 'GYUR BA'I DNGOS PO'I RDZAS KYI GZUGS KYI YE SHES SO, ,THAMS CAD DAM PA'I DON GYI DNGOS ZHES BYA BA NI RANG BZHIN GYI BDAG NYID CAN TE, SLAR YANG BDAG GI RNAL 'BYOR SDOM PA ZHES BYA BA NI THABS KYI BDAG NYID KYI RDO RJE 'CHANG CHEN PO STE STON PA PO'I GZUGS NYID KYI PHYIR TE, SANGS RGYAS MI BSKYOD PA'I GZUGS SO, ,MI GA-YO ZHING MI 'KHRUG PAS GANG GI PHYIR MI BSKYOD PA STE, JI LTAR THUGS RDO RJE DNGOS PO THAMS CAD KYI NANG DU NAM DU'ANG MI GA-YO BA'O, ,DE LTAR 'JIG RTEN GYI KHAMS THAMS CAD DU SANGS RGYAS RNAMS KYI SPRUL PA'I SKU STON PA NA NAM YANG GA-YO BA MED DE, RDO RJE THEG PA'I NANG LAS SO, ,ZHES DANG, LE'U BZHI PA LAS, NAM MKHA'I GZUGS CAN GYIS DE'I NANG DU SON PA'I SROG GI BDAG NYID CAN GYI YE SHES NI RDO RJE STE RDO RJE RNAL 'BYOR PA SNA TSOGS PA'I RNAM PA NI, MKHA' 'GRO'I BDAG NYID CES BYA BA'I DON TO, ,DE BZHIN DU RNAL 'BYOR GYI MKHA' 'GROS GSUNGS PA, GTAD MED CES BYA BA LA SOGS PA STE 'DIR SNGAR BSHAD PA'I MKHA' 'GRO'I
BDAG NYID CAN DANG, STONG PA NYID KYI BDAG NYID CAN GYI YE SHES DBU MA'I NANG DU GNAS PA NYID NI DE'I TSE RGYU MTSAN MED PAR BYUNG BA STE, PHUNG PO LNGA RNAMS KYI BDAG MED PAR MTHONG BA'I GZUGS SU 'GYUR RO, ,DE JI LTAR ZHE NA, GANG GI TSE RNAL 'BYOR GOMS PA RANG BZHIN GYI GZUGS RJES SU DMIGS PA MED PAR GYUR PA DE'I TSE NA NAM MKHA' LA RANG GI GZUGS MTHONG BAR 'GYUR RO, ,SGYU MA CHEN PO PADMA'I GZUGS CAN ZHES BYA BA NI CHOS KYI 'BYUNG GNAS KYI CHU SKYES RNAMS SU RIGS THAMS CAD MCHOG TU SON NAS RNAL 'BYOR MA'I GZUGS KYIS YE SHES SKYED PAR BYED DO, ,DE LTAR RNAL 'BYOR RANG GI SEMS LA BSAM MED PA'O, ,ZHES BYA BA NI RANG GI YE SHES BSAM DU MED PA PHA ROL GYI YE SHES SKYED PAR BYED DE, ,RNAL 'BYOR MKHA' 'GRO'I DE BZHIN DU BSHAD DO, ,RNAL 'BYOR MA BSAM DU MED PA'I GZUGS CAN ZHES BYA BA'I DON TO, ,DA NI 'KHOR LO MKHA' 'GROS GSUNGS PA, 'KHOR LO NANG GI BDAG NYID CAN ZHES BYA BA LA SOGS PA STE 'DI LTAR SNGON DU BSHAD PA'I RTZA'I 'KHOR LO RNAMS SU SBYOR BA LA GOMS PAS THAMS CAD KYI'ANG THABS DANG SHES RAB KYI BDAG NYID KYIS THIG LE'I GZUGS YE SHES SU 'GYUR RO, ,DE LTAR THAMS CAD DU SBYAR BA'I RTZA STONG PHRAG BDUN CU RTZA GNYIS RNAMS SU SBYAR BAR BYA'O, ,ZHES SO, ,LE'U BCO LNGA PA LAS, DE LTAR GNYIS PO BDAG MED PAR GRUB STE GANG GI TSE'ANG RGYU DANG 'BRAS BU'I NGES PAR DPYAD PA MED DO, ,'BRAS BU'I DNGOS PO LA RGYU CI YOD SA LU LA SOGS PA'I SA BON KYANG NGO, ,DE LTAR GAL TE RGYU MED NA 'BRAS BU JI LTAR ZHE NA DE LA
, ,SOGS PA RGYU'I DNGOS PO LA RNAM PAR DPYOD PA MED DO, ,GAL TE YANG RIGS LAS BYUNG BA LA RIGS BSTEN PA DE'I TSE JI LTAR BSHAD PA BZHIN NO, ,DE LTAR GANG GI PHYIR KA'I YI GE GSUNGS PA STE SANGS RGYAS DANG SANGS RGYAS KYI YE SHES KYANG GANG NA'ANG GNAS PA MED DO, ,DE JI LTAR BYANG CHUB CE NA THAMS CAD MI BDEN PA'I SKU THAMS CAD KYI MTSAN NYID KYI PHYIR BYANG CHUB CES BYA'O, ,DE'ANG SGOM PA DANG YID KYIS BZUNG BA'I DNGOS PO'ANG MI BDEN PA'O, ,DE'I DNGOS PO'ANG STONG PA STE GONG BU RDUL PHRA RAB KYI DBYE BAS RNAM PAR DPYAD PAR GYUR PAS BUM PA DANG SNAM BU LA SOGS PA CHOS KYI SKU'I GZUGS SO, ,DE'ANG BSTAN PA'I RAB TU BCINGS PAS CHOS KYI SKU MNGON PAR BRJOD PA'I 'DU SHES TZAM MO, ,DE LTAR DNGOS MED MNGON SUM STONG PA NYID CES BYA BA 'DI NI SGYU MA DANG RMI LAM DANG DBANG PO'I DRA BA'I RANG BZHIN KHAMS GSUM GYI DNGOS PO RAB TU GSAL BA TZAM STONG PA MA YIN PA GZUNG BA MED PAS DNGOS PO TZAM GYI RANG BZHIN CAN NO, ,ZHES SO, ,LE'U NYI SHU PA LAS, BDUN CU RTZA GNYIS ZHES BYA BA LA SOGS PA STE, KUN TU BSKYOD MA'I LAS ZHES BYA BA NI, RNAM PA SNA TSOGS PAR RANG GI SEMS GA-YO BA'I PHYIR DE'I MI GA-YO BA NYID KYIS DANG LAS RNAMS SU LUNG GI SGOR BSTAN PA NYID NI KUN BSKYOD MA LTA BU'O, ,DE NYID GSUNGS PA, LNGA ZHES BYA BA LA SOGS PA STE, DANG PO SA NAS NAM MKHA'I MTHA' ZAD PA RNAM PA LNGA NI GANG NYAN THOS RNAMS KYI LTA BA'O, ,DE BZHIN DU 'DUL BA DANG, CHOS MNGON PA DANG, MDO SDE DANG RNAM PA GSUM STE, GANG ZAG GI'ANG LNGA PA'O, ,RANG SANGS RGYAS
GYI LTA BA GNYIS ZHES BYA BA NI BSE RU'I SPYOD PA DANG, SDE NA SPYOD PA'O, ,RNAL 'BYOR SPYOD PA'I BDUN ZHES BYA BA NI BRTAGS PA DANG, GZHAN GYI DBANG DANG YONGS SU GRUB PA STE, DE LTAR YANG RE RE LA RNAM PA GNYIS RAB TU GSUNGS TE, ,BDUN PA NI 'DI RNAMS KYI BYED PAS TE BRTAGS PA NI, MIG DANG RNA BA DAG GO, GZHAN GYI DBANG NI SNA DANG LCE'O, ,YONGS SU GRUB PA NI LUS DANG YID DAG STE, TSOR BA DANG NYON MONGS PA CAN DE BZHIN NO, ,SNGON PO SER PO SOGS SNANG BA, ,BTAGS PA'I MING DU BRJOD PA'O, ,DE NI RGYUN DU MA MTHONG SEMS, ,'KHRUL PA DE NI DBANG PO RU, ,SGRA YI YUL DU GANG SHES PA, ,RTOG PA YIS NI BTAGS PA'O, ,DE KUN SONG BA'I BDAG NYID DU, ,SEMS NI KUN TU 'GRO BA'O, ,THAMS CAD RANG BZHIN BDAG MED PAR, ,DRI NI SA LA SOGS DE BZHIN, ,SNOM PAR GYUR PA MA BYUNG BA'I, ,BDAG NYID SEMS NI GZHAN DBANG NGO, ,KHAMS GSUM RO NI MYANG PA STE, ,CHOS SKU BDAG NYID CHEN PO 'DZIN, ,LCE NI KUN GYI RANG BZHIN KHAMS, ,SEMS NI YE SHES DBANG CAN NO, ,BDE BA SNA TSOGS RAB TU BSHAD, , RO MNYAM LHA RDZAS GNYIS SU MED, ,LUS KYI DNGOS PO YANG DAG 'THOB, ,YONGS GRUB RGYUD DU SMRA BA'O, ,YID CES BYA BA THAMS CAD DU, ,'GRO BA'O GANG DU DER 'GRO BA'O, ,RTOG MED BDAG NYID DE YANG NI, ,SHES BYA'I MTSON BYA SOGS PAS MTSON, ,DE RNAMS SU NI 'BYIN BYED TZAM, ,NYON MONGS KYANG NI KUN PHUN TSOGS, ,CHOS DBYINGS LA SOGS BDAG BDAG TU, ,RTOG PAS YID KYI BDAG NYID DO, ,DE LTAR SEMS RIG PA THAMS CAD, ,DE NI DNGOS MED BSAM MIN PA'O, ,GZHI NI KUN GYI BDAG NYID DE, ,BDUN GYIS
, ,BDUN RNAMS NUS PA'O, ,ZHES BYA BA NI MDOR BSDUS PA'O, ,RGYA CHE BA NI SNA TSOGS PA'I BSTAN BCOS SU GO BAR BYA'O, ,BDAG GIS NI GZHUNG RGYA CHE BA'I 'JIGS PAS MA BSHAD DO, ,DBU MA MCHOG RNAMS KYIS NI BRGYAD CES BYA BA NI BYE BRAG SMRA BA DANG RNAL 'BYOR SPYOD PA PA DANG, MDO SDE PA DANG, RTZA BA'I DBU MA PA DANG, PHA ROL TU PHYIN PA'I THEG PA DANG, DBU MA CHEN PO DANG, LTA BA THAMS CAD KYI BDAG NYID DE, ,PHA ROL TU PHYIN PA RNAMS KYI BCU DRUG CES BYA BA NI, STONG PA NYID BCU DRUG GI DBYE BAS SO, ,GSANG SNGAGS THEG PA'I SUM CU DRUG CES BYA BA NI KHAMS SUM CU RTZA DRUG BYANG CHUB KYI PHYOGS RNAMS KYIS PHYE BAS SO, ,GNYIS KYI BDUN DANG BRGYAD DANG RNAMS KYI ZHES BYA BA NI RNAL 'BYOR SPYOD PA RNAMS KYI DANG DBU MA RNAMS KYI BDUN DANG BRGYAD PO RNAMS KYI DE'I TSE NANG DU SON PAS SO, ,DE LTAR THAMS CAD SNGAGS KYI THEG PA'O ZHES BYA BA NI LTA BA BDUN CU RTZA GNYIS PO RNAMS TE DE DE BZHIN DU GSUNGS TE, RNAL 'BYOR MA DANG RNAL 'BYOR GYI RGYUD KYI DBYE BA RNAMS SU'O, ,DE'I PHYIR DE LTAR BLA MA'I <DRIN GYIS SHES PAR BYA'O, ,'DIS KYANG SANGS RGYAS KYI BSTAN PA RIN PO CHE SGO THAMS CAD DU DAR ZHING RGYAS LA YUN RING DU GNAS PAR GYUR CIG ,MANGGA LAm,, ,,