*, ,BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JO BA ZHES BYA BA BZHUGS SO, ,
, ,RNAL 'BYOR GYI DBANG PHYUG L'U AI PAS MDZAD PA'I BCOM LDAN 'DAS DPAL 'KHOR LO BDE MCHOG GI, MNGON PAR RTOGS PA'I RGYA CHER BSHAD PA 'DOD PA 'JO BA ZHES BYA BA, RJE BTZUN BLA MA DAM PA RNAMS DANG MGON PO 'JAM PA'I DBYANGS KYI ZHABS KYI PAD MO LA GUS PAS PHYAG 'TSAL LO, ,RGYA CHEN MKHYEN PA NAM MKHA'I KHYON BZHIN TE, ,DMIGS MED BRTZE BAS 'GRO LA 'KHYUD PA BZHIN, ,GANG GI DRIN GYIS BLO MIG BSLAD PA KUN, ,'JOMS MDZAD 'JAM DBYANGS BLA MAS RJES SU SKYONGS, ,BDE BA'I MCHOG GYUR LHAN SKYES GCIG PU NYID, ,DAM TSIG SKU GSUNG THUGS DANG YE SHES KYI, ,RAB 'BYAMS 'KHOR LO LNGA YI LHA TSOGS SU, ,SPRUL MDZAD HE RU KA DPAL ZHABS LA 'DUD, ,GDUL BYA'I RGYUD LA LHAN SKYES BDE BA CHE, ,RGYAS PAR BYED PA'I THABS LA MKHAS PA NI, ,BSGRUB PHYIR NYID SKU YID 'PHROG MDZES MA'I SKUR, ,SPRUL PA'I RJE BTZUN MA YIS RTAG TU SKYONGS, ,MKHA' 'GRO BYE PA'I THUGS KYI GSANG CHEN BCUD, ,RNAL 'BYOR MA YI BRDA YIS LEGS BCINGS PAS, ,CHE BA'I BLOS KYANG SHIN TU RGAL DKA' ZHING, ,DNGOS GRUB RLABS KYI PHRENG BA 'KHRIGS GYUR PA'I, ,
, ,BDE MCHOG RGYA MTSO'I PHA ROL SU YIS BGROD, ,'ON KYANG TSUL 'DI NYAMS PA GSO PHYIR DANG, ,RANG NYID GOMS DANG SKAL MNYAM GZHAN GYI PHYIR, ,LAM 'DI 'GREL LA MI RIGS CI ZHIG YOD, ,SKOM PAS GDUNGS PA CHU KLUNG 'GRAM SON LAS, ,CHU DE MA LUS 'THUNG BAR MI NUS NA, ,PHYOGS GCIG TZAM GYIS SKOM PA MI SEL ZHES, ,SMRA BA SHES LDAN RNAMS KYI LUGS YIN NAM, ,'PHAGS PA'I YUL GYI MKHAS PA'I SKYE BO YIS, ,BDE MCHOG DGONGS 'GREL RNAMS KYI RTZA BA NI, ,DPAL LDAN L'U AI PA YI LUGS SU GRAGS, ,DE PHYIR RGYA GAR 'PHAGS PA'I YUL BGROD PA'I, ,SGRA BSGYUR DAM PA RIN CHEN BZANG PO SOGS, ,SKAD GNYIS SMRA BA'I BSHAD SROL BCU BZHI YIS, ,LUGS DE GANGS RI'I KHROD DU GSAL BYAS ZHES, ,PHYOGS 'DI'I BDE MCHOG MANG DU THOS RNAMS SMRA, ,DE DAG KUN KYANG BSNGAGS PA'I GNAD YIN MOD,, ` (GYI JO ZLA 'OD 'GOS DANG ZANGS DKAR DANG, ,MAL GYO MAR DO LO CHUNG RVA LO DANG, ,SMON GRO'I MAR LO BRA BO LO TZ'A DANG, ,BA RI MANG NAD RTZA MI 'DZIM LO'I LUGS, ,'DI MTSAN YIN,) ,'ON KYANG LVA BA'I NA BZA' CAN DANG NI, ,N'A RO TA PA'I LUGS 'DZIN MKHAS PA NI, ,PRA DZNY'A RAKshI TA DANG PHAm
MTHING MCHED, ,SU MA TI DANG KA SHR'I RNAM GNYIS LAS, ,BRGYUD PA'I MAL GYO MAR DO LO CHUNG SOGS, ,LO DRIL NAG PO'I LUGS KYI MAN NGAG LAS, ,'KHOR LO SDOM PA 'CHAD PA'I BSHAD SROL MCHOG ,DE PHYIR DE DAG BSHAD SROL LA BRTEN NAS, ,RNAL 'BYOR DBANG PHYUG GZHUNG MCHEG 'DIR BSHAD BYA, ,RTZA BSHAD LEGS PAR 'BYOR DANG BSKYED RIM GYI, ,GNAD DON KUN GSAL YONGS SU RDZOGS PA NI, ,GSAL BAR 'CHAD PHYIR GRUB ZIN SGRUB MIN PAS, ,DPAL LDAN 'KHOR LO SDOM PA'I LAM GYIS NI, ,BGROD PAR 'DOD PA'I RNAM DPYOD LDAN PA RNAMS, ,DGA' BA BSKYAD DE RTZE GCIG YID KYIS NYON, ,'DIR RNAL 'BYOR GYI DBANG PHYUG L'U AI PA'I SGRUB THABS RGYAS PA NI, GANG BSHAD PAR BYA BA YIN LA DE 'CHAD PA'I TSUL LA GNYIS, BDE MCHOG SPYI'I RNAM GZHAG DANG, SGRUB THABS KYI GZHUNG BSHAD PA'O, ,DANG PO LA GSUM STE, GZHUNG 'DI GANG LAS BTUS PA'I GZHI RTZA BA DANG BSHAD PA'I RGYUD JI LTAR GNAS PA DANG, DE LAS BTUS PA'I GZHUNG 'DIS RTZA RGYUD KYI DON JI LTAR 'CHAD PA 'PHROS DANG BCAS PA DANG, GRUB CHEN GSUM GYI GZHUNG 'GREL PA'I GZHUNG GZHAN JI LTAR BYUNG BA'O, ,DANG PO LA GNYIS, RTZA BSHAD KYI RGYUD NGOS BZUNG BA DANG, BSHAD RGYUD KYIS RTZA RGYUD JI LTAR BSHAD PA'O, ,DANG PO NI, SPYIR BCOM LDAN 'DAS KYIS GSUNGS PA THAMS CAD BSDU NA, THEG PA CHE CHUNG GNYIS SU 'DU BA DANG, THEG CHEN NI RGYU LAM DU BYED PA PHAR PHYIN GYI THEG PA DANG, 'BRAS BU LAM DU BYED PA SNGAGS KYI THEG CHEN GNYIS SU 'DU BA DANG, DE DAG GI THUN MONG MA YIN PA'I KHYAD PAR DANG, PHYI MA NI BYA BA DANG SPYOD PA DANG RNAL 'BYOR DANG, RNAL 'BYOR BLA MA MED PA'I
, ,RGYUD BZHIR GUR NAS GSUNGS PA LTAR NGES PA DANG, DE RNAMS KYI KHYAD PAR NI, RDO RJE 'CHANG GI LAM GYI RIM PAR RGYAS PAR BSHAD PA LAS SHES PAR BYA'O, ,SH'ANTI PA DANG AA BHYA KA RAS, 'DUS PA SOGS RNAL 'BYOR BLA MA DANG, RNAL 'BYOR MA'I RGYUD RNAL 'BYOR BLA MED DU BYAS TE, RGYUD SDE LNGAR BSHAD PA NI RNAL 'BYOR BLA MA'I RGYUD, BLA MED KYI RGYUD DU MI BZHED PA'I DON DU BZUNG NA, GUR LAS, RNAL 'BYOR BLA MED DE LTAG LA'O, ,ZHES RNAL 'BYOR GYI RGYUD KYI LTAG MA STE GONG MA, RNAL 'BYOR BLA MED DU BSHAD PA DANG, DRI MED 'OD LAS, GSANG 'DUS DANG KYEE RDOR GYI RGYUD RNAMS KYANG, NGES DON LA GNYIS MED KYI RGYUD DU GSUNGS PA SOGS KYI GNOD PA MANG DU YOD PAS, DE LTAR MI BYA'I DE GNYIS DON GCIG LA MING GI RNAM GRANGS SU BYA'O, ,PHAM MTHING PA NAS BRGYUD PA LA, BLA MA MAL GYO NAS BRGYUD PA RNAMS PHA BLA MED DANG, MA BLA MED DANG, MA'I YANG MA BLA MED GSUM DU BYAS PA'I GNYIS PA NI, KYEE RDOR SOGS DANG, GSUM PA NI 'KHOR LO SDOM PAR 'CHAD CING, DE LTAR RGYUD SDE DRUG BYED PA YANG LVA BA PA'I DGONGS PAR 'CHAD MOD KYANG, DE'I DGONGS PAR YANG MI SNANG LA, SNGAR BSHAD PA LTAR GYIS GNOD PAS MI LEGS SO, ,RTZA RGYUD LAS, MDO SDE BYA BA SPYOD PA DANG, ,RNAL 'BYOR GSANG MTHA'I DBYE BA NYID, ,CES PAS BYA SPYOD RNAL 'BYOR GYI RGYUD GSUM DANG, GSANG BAS RNAL 'BYOR BLA MED DANG, GSANG MTHAS MA BLA MED DANG, DBYE BAS MA'I YANG MA BLA MED BSTAN PAR 'DOD PA YANG MI RIGS TE, THA MA NI GONG DU SMOS PA DE RNAMS SU DBYE ZHES PA'I DON DU GSAL
BAS, THA MA'I BSHAD PA GZHUNG LA MA ZHUGS LA, GSANG MTHA'I DON NI GSANG SNGAGS KYI MTHAR THUG BLA MED STON PAS, RGYUD BZHIR 'BYED PA'I DON YIN PA'I PHYIR DANG, 'GREL PA SUS KYANG DE LTAR BSHAD PA MED PA'I PHYIR RO, ,DES NA MAR DO NAS BRGYUD PA RNAMS KYIS RGYUD SDE BZHIR BYED CING, RNAL 'BYOR BLA MED LA PHA MA'I RGYUD GNYIS SU 'BYED PA LTAR LEGS SO, ,DE YANG GUR LAS, RDO RJE MKHA' 'GRO DANG, NAM MKHA' DANG MNYAM PA DANG, 'KHOR LO BDE MCHOG RNAMS RNAL 'BYOR MA'I RGYUD DU GSAL BAR BSHAD CING, RNAM GZHAG RIM PAR YANG SDOM 'BYUNG LA, SHES RAB KYI MDO ZHES GSUNGS SHING, GSANG BA'I DE NYID GSAL BA LAS KYANG, DE NAS RNAL 'BYOR MA RGYUD KYI, ,RIM PA GZHAN YANG BSHAD PAR BYA, ,ZHES MTSAMS SBYAR NAS, BDE MCHOG GI DON RNAMS BSHAD PAS, BDE MCHOG NI RNAL 'BYOR MA'I RGYUD DO, ,YANG DE LAS, RGOD PA LA SOGS PA'I RGYUD BZHIR BSHAD PA'I GNYIS SPROD DAM GNYIS 'DUS KYI RGYUD LA, RNAL 'BYOR DANG RNAL 'BYOR MA'I RGYUD GNYIS SU PHYE'O, ,SLOB DPON RDO RJE'I 'GREL PA LAS, RTZA BA'I RGYUD LE'U 'BUM PA, RGYUD PHYI MA NAM MKHA' DANG MNYAM PA SHLO KA 'BUM PA, PHYI MA'I PHYI MA LE'U LNGA BCU RTZA GCIG ,SHLO KA BDUN BRGYA PA'O, ,ZHES BSHAD LA, BOD KYI BLA MA KHA CIG KYANG DE LTAR BZHED DO, ,MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,PHYUNG BA BDE MCHOG NYUNG NGU STE, ,AA YIG LA SOGS KshA YIG MTHAR, ,LE'U RNAMS JI LTA'I RIM PA YIS, ,DE KHO NA NYID LDAN PAR SBYAR, ,ZHES A'A LI K'A LI LNGA BCU DAG PA'I LE'U LNGA BCU PA NYUNG NGU'I RGYUD, MNGON BRJOD 'BUM PHRAG GSUM PA LAS PHYUNG BAR BSHAD DO, ,
, ,LE'U NGA GCIG PA NI YI GE LNGA BCU SPYI'I DE NYID DANG LDAN PAR SBYAR BA'I DON DU BYA'O, ,KUN SPYOD LAS, 'BUM DU BRJOD PA'I RGYUD LAS NI, ,BDE MCHOG BTUS PAR GYUR PA DANG, ,NAM MKHA' DANG NI MNYAM PA'I RGYUD, ,'BUM GCIG NA'ANG 'DI DAG BSHAD, ,CES NAM MKHA' DANG MNYAM PA'I RGYUD 'BUM PHRAG GCIG TU BSHAD PA NI SNGA MA DANG MTHUN LA, 'BUM PHRAG GCIG PA'I MNGON BRJOD LAS, BDE MCHOG NYUNG NGU'I RGYUD BTUS PAR BSHAD DO, ,DE LTAR BSHAD PA NI, HE RU KA MNGON 'BYUNG LAS, 'BUM PHRAG 'BUM PHRAG GSUM LAS BSHAD, ,RGYUD KYI SNYING PO BSDUS PA YIN, ,ZHES PA'I 'GREL PA LAS, MNGON BRJOD RGYAS PA 'BUM PHRAG GSUM PA DANG, BSDUS PA 'BUM PHRAG GCIG PAR BSHAD PAS, MI 'GAL ZHES GSUNGS PA LTAR YIN PAS, DE GNYIS KA LAS BTUS PA'O, ,RTZA RGYUD LAS, RIG PA RGYA MTSO LAS JI BZHIN, ,DPA' BOS MDOR BSDUS GSUNGS PA YIN, ,ZHES GSUNGS PA'I RIG PA RGYA MTSO NI, RGYAL BA BZANG PO DANG DPA' BO RDO RJES RGYUD CHEN POR BSHAD LA, BOD KHA CIG RTZA RGYUD 'BUM PHRAG GCIG PAR 'CHAD DO, ,DE RNAMS LAS DA LTA NI, PHYOGS 'DIR NYUNG NGU'I RTZA RGYUD NGA GCIG PA KHO NA'O, ,BSHAD RGYUD MANG PO YANG RANG RANG GI RGYUD RGYAS PA LAS BSDUS PA'I BSDUS RGYUD YIN PAS, BSDUS RGYUD GANG YIN RTZA RGYUD MIN YANG, NGA GCIG PA LTA BU NI RTZA RGYUD DO, ,BSHAD PA'I RGYUD NI, MI THUB ZLA BAS, MKHA' 'GRO 'BYUNG BA KUN SPYOD DANG, ,DE BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO NI, ,BSHAD PA'I RGYUD DU SHES PAR BYA, ,ZHES BSHAD PA'I MKHA' 'GRO NI RDO RJE MKHA' 'GRO DANG, BLA MA
NI MNGON BRJOD BLA MA DANG, KHA SBYOR NI SAM BHU tA DANG, 'BYUNG BA LA SPYIR HE RU KA MNGON 'BYUNG DANG, PHAG MO MNGON 'BYUNG DANG, SDOM PA 'BYUNG BA GSUM YOD DO, ,DE LTAR BYAS NA BSHAD RGYUD LNGA YOD PAS RGYUD DANG ZHES PA'I DANG NI SO SOR 'BYED PA'I DANG DU BYA'O, , JO BO'I 'GREL PAR BSHAD RGYUD BZHIR BSHAD PA'I GSUM NI, 'BYUNG BA DANG MNGON BRJOD DANG, RDO RJE MKHA' 'GROR BSHAD LA, BZHI PA NI KUN SPYOD LA BYED PA DGONGS PA'O, ,MAL GYO'I RJES 'BRANG DAG ,PHAM MTHING PA SOGS RGYAL DKA' ZLA BA'I RJES SU 'BRANGS NAS BSHAD RGYUD LNGAR BYAD, PAndI TA THANG CHU PA'I BLA MA, N'A RO PA'I SLOB MA RGYA GAR D'A RI KA PA NI, RNAL 'BYOR MA BZHI ZHAL SBYOR BA DANG, MKHA' 'GRO RGYA MTSO GNYIS LNGA'I STENG DU BSNAN NAS, BSHAD RGYUD BDUN DU BYED ZER, BOD KYI MKHAS PA DAG ,SDOM 'BYUNG 'GREL PAR BSDUS RGYUD YIN, RGYUD PHYI MA'ANG YIN, BSHAD RGYUD KYANG YIN PAR BSHAD PAS SDOM 'BYUNG DANG, PHAG MO MNGON 'BYUNG NI, RGYUD NYID LAS, BSHAD RGYUD DU BSHAD PAS BSHAD RGYUD DGUR BYA'O ZHES ZER RO, ,DE LA BDE MCHOG GI RGYUD LA NI RTZA BA DANG BSHAD PA'I RGYUD GNYIS SU MA NGES TE, AA LANG KA KA LA SHAS, BSHAD RGYUD DANG YAN LAG GI RGYUD GNYIS SO SOR BGRANGS SHING, SANGS RGYAS GSANG BAS KYANG, BSHAD RGYUD DANG CHA MTHUN GYI RGYUD GNYIS SO SOR MDZAD PA LTAR 'DIR YANG MA 'GAL BAS, DE BZHIN DU BYA'O, ,DE LTAR BYAS NA KUN SPYOD KHA SBYOR RDO RJE MKHA' 'GRO GSUM NI BSHAD PA LTAR YIN LA, MNGON BRJOD LA NI 'GREL PAR RES BSHAD RGYUD DANG, RES RTZA RGYUD DU BYAS KYANG BSHAD RGYUD DU BYA'O, ,PHAG MO MNGON 'BYUNG
, ,NI DE NYID LAS, BSHAD PA'I RGYUD PHYI MA LAS PHAG MO MNGON PAR 'BYUNG BA ZHES BYA BA ZHES GSUNGS LA, BSHAD PA'I RGYUD PHYI MA NI MNGON BRJOD LA BYA STE, 'DI MNGON BRJOD KYI STOD 'GA' ZHIG MA GTOGS PA DE'I LE'U BCU GNYIS PA DANG 'DRA BAR SNANG BAS DE LAS PHYUNG BA'I DON NO, ,DE'I PHYIR MNGON BRJOD LAS LOGS PA'I BSHAD RGYUD MIN NO, ,MI THUB ZLA BA DANG JO BOS 'BYUNG BA ZHES PA MA GTOGS PA GSAL KHA MED LA, BOD SNGA MA KHA CIG HE RU KA MNGON 'BYUNG DU 'DOD CING, DE YANG DBANG BSKUR BA'I BSHAD RGYUD YIN ZER MOD KYANG, RTZA RGYUD LAS MI 'BYUNG BA'I DBANG GI RNAM GZHAG CHER MED PA DANG, GZHAN YANG BSHAD RGYUD DU 'GRO BA'I RGYU MTSAN GSAL BAR MI SNANG BAS PHYOGS MTHUN GYI RGYUD DU BYA'O, ,SDOM PA 'BYUNG BA NI RGYUD RGYAS PA 'BUM PHRAG GSUM PA LAS, LHAN SKYES KYI RTOG PA BSHAD PA 'CHAD PA'I SHIN TU GAL CHE BA CIG YOD PAS 'GREL PAS BSHAD RGYUD DU MDZAD PA LTAR BYA'O, ,MKHA' 'GRO RGYA MTSO LAS TSOGS KYI BSHAD RGYUD YIN ZER BA NI, DE NYID LAS, RDO RJE MKHA' 'GRO SDOM PA DANG, ,GZHAN YANG RNAL 'BYOR RGYUD RNAMS NI, ,'DUS PA LA SOGS DON CHEN PO, ,DE RNAMS KYIS NI RGYUD 'DI YI, ,SNA TSOGS DON NI MNGON BRJOD PA, ,DE THAMS CAD KYI LAS KYI TSOGS, ,LDAN PAR RAB TU GSAL BAR BYED, , CES 'KHOR LO SDOM PA'I LAS TSOGS GSAL BAR BYED CES BSHAD MOD KYANG, DE TZAM GYIS BSHAD RGYUD DU 'JOG NA, RDO RJE MKHA' 'GRO DANG GSANG 'DUS SOGS KYI'ANG BSHAD RGYUD DU 'GYUR RO, ,DES NA 'DI YANG PHYOGS MTHUN GYI RGYUD
DU BYAS NA LEGS PAR SEMS SO, ,RNAL 'BYOR MA BZHI ZHAL SBYOR BA YANG DE DANG 'DRA BAR SEMS SO, ,DE LTAR NA BSHAD PA'I RGYUD YIN PAR BSHAD PA NI DRUG GO, BDE MCHOG GI SKU GSUNG THUGS KYI 'KHOR LO'I BSHAD RGYUD RA LI NYER BZHI 'PHROS PA'I RGYUD BRGYAD DE SO GNYIS LA, BOD KYI MKHAS PA DAG 'PHROS PA'I RGYUD LA, KHA CIG RNYOG PA MED PA'I RGYUD BSNAN NAS BRGYAD DU 'DOD PA DANG, KHA CIG STOBS CHEN YE SHES RGYAL PO'I RGYUD GRANGS SU MI BGRANG BAR RNYOG MED DANG, RI GI AA RA LI GNYIS BSNAN NAS BRGYAD DU BYED PA LA, RI GI AA RA LI NI BDE MCHOG GI BSHAD RGYUD YIN RGYU YANG MED CING, DE RNAMS KYI ZLA LA SRE BAR PHANGS, RNYOG MED NI RGYUD YANG DAG CIG MIN PA 'DRA, 'DI RNAMS SNGA NAS KYANG RGYUD RTZOD PA CAN DU GRAGS SHING, RGYUD YANG DAG MIN PAR NGES PA 'GA' ZHIG SNANG LA, GZHAN RNAMS THE TSOM GYI GZHIR SNANG BAS DPYAD PAR BYA'O, ,ZHES DANG, NAM MKHA' DANG MNYAM PA'I RGYUD KYANG THE TSOM ZA BA DANG, MKHA' 'GRO MA THAMS CAD KYI SKU GSUNG THUGS GNYIS SU MED PA, BSAM GYIS MI KHYAB PA'I RDO RJE PHAG MO MNGON PAR 'BYUNG BA'I RGYUD KYI RTZA RGYUD LA LE'U BCU, RGYUD PHYI MA LA LE'U GNYIS BYAS PA DANG, PHAG MO MNGON 'BYUNG GI RGYUD LE'U NYER GNYIS BYAS PA LO TZ'A BA YE SHES BZANG POS BSGYUR ZER BA GNYIS, RGYUD RDZUN MAR SNANG GSUNG ZHING, 'BUM PHRAG GSUM PA LAS PHYUNG BA'I SGYU 'PHRUL DRA PA CHEN MO RAL PA GYEN DU BRDZES PA'I RGYUD, SGYU MA CHEN MO ZHES BYA BA 'DI NI, MEE TRI MKHA' SPYOD KYI RGYUD CHUNG NGU ZHIG LOGS SU BKOL BAR SNANG ZHES GSUNG NGO, ,BDE MCHOG GI RGYUD GSUNGS PA'I
, ,GNAS LA MNGON BRJOD KYI 'GREL PA NAS, RI RAB KYI RTZER GSUNGS PAR BSHAD, GDUL BYA BTUL BA'I GNAS NI, 'DZAM BU GLING YIN ZHES ZER, RTZA RGYUD KYI 'GREL PA AINDRA BH'U TIS MDZAD ZER BAR, DANG POR RI RAB KYI RTZER GSUNGS NAS, PHYIS 'BRAS SPUNGS SU GSUNGS PAR BSHAD DO, ,DUS NAM GYI TSE GSUNGS PA NI, SLOB DPON RDO RJES MDZAD ZER BA'I 'GREL PAR GNYIS LDAN GYI DUS KYI DBANG PHYUG BTUL BA'I TSE GSUNGS PAR 'DOD KYANG, BOD KYI BLA MA RNAMS RTZOD LDAN GYI DUS SU GSUNGS PAR BZHED PA NI, MKHA' 'GRO RGYA MTSO LAS, RTZOD PA'I DUS KYI SA'I NANG DU, ,BCOM LDAN MTHA' YAS PAS 'DI GSUNGS, ,SH'AKYA SENG GES GSUNGS PA'I RGYUD, ,CES GSUNGS SHING 'GREL PAR YANG MKHA' 'GRO RGYA MTSO'I RGYUD RGYAS PA RTZOD LDAN GYI DUS SU SH'AKYA SENG GES GSUNGS PAR BSHAD LA, DES GZHAN YANG MTSON NO, ,RTZA RGYUD KYI 'GREL PA KHA CIG NAS BSKYAR NAS MA GSUNGS PAR YANG BSHAD MOD KYANG, SNGA MA LTAR RIGS TE, GUR LAS, SNYIGS MA'I DUS SU TSE THUNG ZHING, NYON MONGS SHAS CHE BA RNAMS KYI DON DU, RTZA RGYUD RGYAS PA LAS BSDUS NAS GSUNGS PAR BSHAD PAS SHAS SO, ,STON PA PO NI HE RU KAS GSUNGS PAR BDE MCHOG STOD 'GREL DU GSUNGS PA LTAR, RTZA RGYUD LAS KYANG, DPA' BOS BSDUS NAS GSUNGS PA YIN, ,ZHES GSUNGS SO, ,ZHU BA PO NI PHAG MO YIN PAR DE NYID LAS BSHAD LA, PHYAG NA RDO RJES ZHUS PA'I TSUL YANG YOD DO, ,SDUD PA PO NI MKHA' 'GRO RGYA MTSO LAS, ,BSDU BA MDZAD PA SOGS RNAMS KYIS, ,BDAG
LAS BGROD PA DE THOB BO, ,MA MO THAMS CAD 'DUS RNAMS KYIS, ,RDO RJE'I GNAS RNAMS SU BSDUS SO, ,GCIG LA GCIG GIS BZHED PA NI, ,GSOL BA 'DEBS SHING GSOL 'DEBS MDZAD, ,BCOM LDAN 'DAS KYIS GSUNGS PA YI, ,TSIG 'DI LA NI MNGON PAR DGA', ,ZHES RNAL 'BYOR MA RNAMS KYIS RDO RJE'I GNAS SU BSDUS PAR GSUNGS PA'I GNAS NI, AYON DU 'CHAD DE, SDUD PA PO LA YANG MI 'DRA BA MANG DU GSUNGS SO, ,GNYIS PA NI, RTZA RGYUD NGA GCIG PA'I DON GANG BSHAD RGYUD GANG GIS JI LTAR 'CHAD SNYAM NA, BSHAD BYA RTZA RGYUD KYI DON GYI GTZO BO NI BSDU NA GSUM STE, RGYUD SNOD RUNG DU BYED PA DBANG GI SKOR DANG, LAM RIM GNYIS BSGOM PA DANG, DE GNYIS KYI 'BRAS BU'O, ,DE YANG RTZA RGYUD LAS, SNGAGS PAS DKYIL 'KHOR MA MTHONG BAR, ,GANG ZHIG RNAL 'BYOR PA NYID 'DOD, ,MKHA' LA KHU TSUR GYIS RDEG DANG, ,SMIG RGYU'I CHU NI 'THUNG DANG MTSUNGS, ,ZHES DKYIL 'KHOR DU BCUG NAS LHA NGO BSTAN PA DANG, ZHUGS PA LA DBANG MA BSKUR BAR LAM SGOM PA'I RNAL 'BYOR PAR 'DOD PA NI, SMIG RGYU'I CHU LA 'THUNG BA DANG 'DRA BAR 'DOD DON GTAN MI 'GRUB PAR GSUNGS PAS, DBANG BSKUR BA GAL CHE LA, DE YANG RTZA RGYUD LE'U GNYIS PA DANG, GSUM PA DANG BZHI PA RNAMS KYIS BSTAN PA LA, MA TSANG BA SKONG BA NI RDO RJE MKHA' 'GRO'I ZHE DRUG PA DANG, SDOM 'BYUNG GI BCU BDUN PA DANG BCO BRGYAD PAS STON PAS, BDE MCHOG GI DBANG BSKUR BA'I CHO GA'I GZHI NI 'DI DAG LA BYA STE, RGYUD RDOR 'PHRENG NA YANG GNAD CHE BA MANG DU YOD DE GO SLA BAS ZHIB TU MA BRIS SO, ,LO NAG DRIL GSUM GYI MAN NGAG LA BRTEN NAS RTZA BA'I RGYUD 'CHAD PA
, ,'DI LA, RTZA RGYUD KYI GZHUNG GANG GIS RDZOGS PA'I RIM PA BSTAN PA DANG, DE BSHAD RGYUD GANG GIS 'CHAD PA DANG, DE YANG GRUB CHEN GSUM GYI GZHUNG GANG GIS ZIN PA LEGS PAR SHES PA GAL CHE BAR SNANG NA'ANG, TSUL DE SNGA MA RNAMS KYIS GSAL BAR MA MDZAD 'DUG PA 'DIR BSHAD NA, RTZA RGYUD KYI GZHUNG GANG GIS RDZOGS RIM STON PA NI, LO DRIL GNYIS KYI GZHUNG NA MI GSAL ZHING, NAG PO SPYOD PA'I GZHUNG NA GSAL TE, DPYID THIG LAS, DE NAS DE GZHIN GSHEGS PA GANG YANG RUNG BA'I SKU'I DKYIL 'KHOR DANG, SBYIN SREG DANG MCHOD SBYIN DANG, BZLAS PA DANG SGOM PA LA SOGS PA'I CHO GA'I BYA BA PHYI ROL DANG MTHUN PAR, NANG GI NGO BOS YANG DAG PAR RAB TU BSHAD PAR BYA'O, ,ZHES SO, ,DE LA DE BZHIN GSHEGS PA'I SKU GANG YANG RUNG BA NI, SGRUB PA PO GANG YANG RUNG BA'I LUS SO, ,DE'I SKU'I DKYIL 'KHOR NI LUS KYI DKYIL 'KHOR RO, ,DE LTAR NA DKYIL 'KHOR NAS SGOM PA'I BAR LA, PHYI BSKYED RIM DANG NANG RDZOGS RIM GNYIS GNYIS YOD LA, SOGS KYIS BSDUS PA SNGAGS BTU BA LA YANG GNYIS SO, ,DE YANG RDO RJE MKHA' 'GRO LAS, RNAL MA'I SBYOR BA RTOGS BYA'I PHYIR, ,BCOS MA YI NI BSGOM PA DANG, ,BCOS MA YI NI BZLAS PA BYA, ,ZHES GSUNGS PA LTAR BSGOM BZLAS SOGS LA RNAL MA DANG BCOS MA GNYIS GNYIS SU BYA STE, SNGA MA DANG DON GCIG GO ,DE DAG GIS NI RTZA RGYUD KYI GZHUNG 'DIS NANG MA BCOS PA'I RDZOGS RIM 'DI BSTAN ZER BA MA BYUNG YANG, RTZA RGYUD KYIS DKYIL 'KHOR SOGS BSTAN PA'I DON LA RIM PA GNYIS KA'I BSHAD PA RE DGOS
PAR SHES LA, RTZA RGYUD LAS, MAN NGAG SHIN TU RNYED DKA' STE, ,DPA' BO'I BRDA YI SKAD DU NI, ,NGA YIS RGYUD DU SBAS PA YIN, ,ZHES DANG, GANG DU SBAS PA'I RGYUD KYANG RIM LNGA LAS, ,'KHOR LO SDOM PAR SBAS PA YI, ,BYIN RLABS RIM PA BSHAD PAR BYA, ,ZHES 'KHOR LO SDOM PA'I RGYUD LA GSUNGS TE RTZA RGYUD DO, ,DKYIL 'KHOR LA GNYIS LAS, RTEN GYI DKYIL 'KHOR RDZOGS RIM GYI DBANG DU BYAS TE 'CHAD PA NI, SAM BHU tA NAS RGYAS PAR BSTAN LA, DE YANG DPYID THIG LAS, BYANG CHUB CHEN PO'I PHYOGS CHOS NI, ,ZHES PA NAS, 'KHOR LO'I DKYIL 'KHOR DU 'DOD DO, ,ZHES PA'I BAR GYIS STON NO, ,'ON KYANG DER DKYIL 'KHOR BSKYED PA'I DUS KYI DBYANGS GSAL 'GOD PA'I GZHI'I PAD MA SPYI BO'I RTZA 'DAB SO GNYIS DANG, DBYANGS GSAL NI RTZA 'DAB DE NAS RGYU BA'I BYANG SEMS DKAR DMAR DANG, DBYANGS GSAL 'GYUR BA'I ZLA BA KLAD PA LA BSHAD PA NI, BRTEN PA'I DKYIL 'KHOR GYI PHYOGS YIN LA, MAN SNYER, HAm YIG LUS KYI BRTAN GA-YO'I RTZA BAR BSHAD PA YANG, ZLA BA'I STENG GI H'Um YIG NANG LA SBYAR BA LA 'CHAD DO, ,DE RNAMS MA GTOGS PA RTEN GYI DKYIL 'KHOR NANG LA SBYAR BAS NI, RDZOGS RIM PA'I LUS LA GNAD DU BSNUN PA'I BSNUN SA BSTAN NO, ,TSUL 'DI MNGON BRJOD LAS KYANG, DE TZAM DU MI RGYAS PA ZHIG BSTAN TE, L'U AI PA SOGS KYI RDZOGS RIM LA GNAD CHE BA ZHIG YOD DO, ,SBYIN SREG NANG LA SBYAR BA YANG, SAm BHU tA NAS 'CHAD PA DPYID THIG LAS, SHES RAB ME NI CHAR 'BAR BA, ,ZHES PA NAS, SGRA NI SNGAGS ZHES BRJOD PA STE, ,ZHES PA'I BAR GYIS STON TE, MCHOD SBYIN NANG LA
, ,SBYAR BA YANG DER BSTAN NO, ,'DI NI LUS LA GNAD DU BSNUN SA SPYI DANG BYE BRAG TU GTUM MO'I GNAD STON PA LA MKHO'O, ,DE NAS BZLAS PA DANG BSGOM PA NANG LA SBYAR BA YANG SAm BHU tA LAS GSUNGS SO, ,DKYIL 'KHOR SOGS RTZA RGYUD KYI GZHUNG GANG NAS BSTAN PA NI RTOGS PAR SLA BAS MA BRIS SO, ,SAm BHU tAR, GRU GSUM DKYIL 'KHOR NYAMS DGA' BAR, ,RDO RJER LI RNAM PAR 'BYUNG, ,ZHES SOGS KYIS LTE BA'I RTZA 'KHOR GYI DBUS NA AA YIG DANG, 'DAB MA LA DBYANGS GSAL SDE TSAN BRGYAD GNAS PAR GSUNGS PA SOGS NI, DPYID THIG LAS SNGAGS BTU BAR GSUNGS TE, DE NI RDZOGS RIM PA'I SNGAGS BTU'O, ,'DIR RTZA RGYUD LAS, CHOS 'BYUNG BRIS PA'I DBUS SU DBYANGS GSAL BKOD NAS, BSKYED RIM PA'I SNGAGS BTU BA GSUNGS PA DE, BSHAD RGYUD KYIS RDZOGS RIM LA SBYAR TE 'CHAD PA'O, ,DE LTAR NA SNGAGS BTU BA'I GZHI DANG, BTUS PA'I SNGAGS ZLO BA GNYIS SU BYA LA, DANG PO LA BTU GZHI DBYANGS GSAL 'GOD PA'I GNAS SU CHOS 'BYUNG BRIS PA'I NANG BSHAD PA NI, LTE BA'I RTZA 'KHOR GYI PHYI DBYIBS AE'I DBYIBS CAN GRU GSUM DU RGYUD DER BSHAD PA'O, ,MAN SNYER, 'DIS NI LTE BA'I PADMA LA SOGS PA YANG GSUNGS SO, ,ZHES BSHAD PAS DES LTE BA'I PAD MA BSTAN PA MTSON NAS, RTZA 'KHOR GZHAN GSUM YANG BSTAN PAR GZUNG NGO, ,DES NA DBYANGS GSAL 'GOD PAS NI LTE BA'I RTZA 'KHOR DU MA ZAD 'KHOR LO GZHAN GYI LTE BA DANG 'DAB MA LA YI GE 'GOD PA YANG BSTAN PAR SHES PAR BYA'O, ,DE LTAR BYAS NAS GTUM MO SGOM PA RGYAS PAR NI, SAm BHU
tA'I BRTAG PA DRUG PA'I RAB BYED GSUM PA DANG, BZHI PA DANG, RDO RJE MKHA' 'GRO'I BCO LNGA PA NAS 'CHAD DE, RO RKYANG GI NANG DU DBYANGS GSAL 'GOD PA YANG GSUNGS SO, ,MNGON BRJOD KYI BCU BZHI PA LAS KYANG GSUNGS TE, DE NI RIM PA BZHI PAR YANG BKOD DO, ,SDOM 'BYUNG GI SO GCIG PA LAS KYANG, 'KHOR LO BZHI LA BRTEN PA'I GTUM MO SGOM PA, GNAD SHIN TU ZAB PA RNAMS BSTAN YOD LA, TSUL DE LO DRIL GNYIS KYIS GSAL BAR MA BSHAD KYANG, NAG PO SPYOD PA'I GZHUNG DU RTZAL DU BTON NAS 'CHAD DE, MA RGYUD SPYI DANG BYE BRAG TU BDE DGYES LA SHIN TU GAL CHE'O, ,BTUS PA'I SNYING PO SOGS KYI SNGAGS ZLO BA LA, LTE BAR SNGAGS PHRENG BKOD NAS ZLO BA, LVA BA PAS BSHAD PA BZHIN 'GREL PA GZHAN GNYIS KYIS KYANG BSHAD NAS, DE NANG LA SBYAR BA'I NGES DON GYI BZLAS PA, RDO RJE BZLAS PA LTE BA NAS BYED PA YANG 'GREL PA GSUM GYIS BSHAD DO, ,BDE MCHOG RIM LNGA'I LUGS NI, SNYING KHA NAS RLUNG GI BZLAS PA BYED PA YIN TE, DE LTAR BYAS NA SNYING KHAR SNGAGS PHRENG BKOD NAS ZLO BA NANG LA SBYAR BA'O, ,RDOR BZLAS KYANG BDE MCHOG GI RGYUD RNAMS KYI NANG NAS, SDOM 'BYUNG GSAL TE DER RDZOGS RIM MANG DU YOD DO, ,RTEN PA'I DKYIL 'KHOR LA GNYIS LAS, PHYI DKYIL SKYED PA'I MNGON BYANG DANG, CHOS SO BDUN SGOM PA SOGS KYIS MTSON PA'I RDZOGS RIM NI, 'OG NAS KYANG 'CHAD PAR 'GYUR LA, SKABS GZHAN DU YANG 'CHAD PAR 'DOD DO, ,LUS DKYIL SGOM PAS MTSON PA'I RDZOGS RIM YANG 'CHAD PAR 'GYUR RO, ,RTZA RGYUD LAS, DKYIL 'KHOR PA'I LHA RE GNYIS KYI MING TZAM LAS SKU MDOG PHYAG MTSAN
, ,SOGS GSAL BAR MA BSHAD PA 'CHAD PA NI, MNGON BRJOD LAS SHIN TU RGYAS PAR GSUNGS LA, SDOM 'BYUNG LA SOGS PA'I BSHAD RGYUD GZHAN LAS KYANG GSUNGS SHING, BYE BRAG TU LO DRIL SOGS KYI BSKYED RIM DA LTA LAG LEN DU YOD PA RNAMS KYI BSTAN TSUL NI 'CHAD PAR 'GYUR RO, ,BSKYED RIM GYI 'BRAS BU 'JIG RTEN PA'I DNGOS GRUB ZHI RGYAS SOGS RTZA RGYUD DU BSHAD PA RNAMS KYI DON YANG RDO RJE MKHA' 'GRO SOGS LAS 'CHAD DO, ,RIM PA GNYIS KA'I 'BRAS BU MCHOG GI DNGOS GRUB NI PHAL CHER RDZOGS RIM GYI LAM ZHIB TU BSHAD PA NA, DE NYID GONG NAS GONG DU SONG BA'I RIM PAS 'THOB PA RTOGS PAR NUS LA, MCHOG GRUB PA'I TSE JI LTAR 'ONG BA SOGS NI, KHA SBYOR LAS RGYAS PAR GSUNGS SO, ,LO DRIL GYI RDZOGS RIM GYI RNAM GZHAG GZHAN NI GZHAN DU 'CHAD PAR 'GYUR RO, ,GZHAN YANG MKHA' 'GRO RGYA MTSO LAS, SBYOR BA YAN LAG DRUG DANG, RIM PA LNGA'I RDZOGS RIM GSUNGS SHING, SDOM 'BYUNG LAS, RDO RJE BZLAS PA DANG, SGYU LUS DANG, MNGON PAR BYANG CHUB PA DANG, ZUNG 'JUG GI RIM PA RNAMS GSUNGS PA NI GZHAN DU BSHAD PAR BYA'O, ,MNGON BRJOD KYI 'GREL PA LAS, RDZOGS PA'I RIM PA NI RGYUD 'DI NAS RTZA SGOM PA DANG, RLUNG SGOM PA DANG, THIG LE SGOM PA DANG, DROD SGOM PA DANG, BYANG CHUB KYI SEMS BSGOM PA DANG, MTSAN BCAS SGOM PA DANG LNGA YIN LA, YE SHES KYI TSOGS DON DAM PA'I BDEN PA SGOM PA NI, SGYU MA LTA BU DANG, 'OD GSAL STONG PA NYID SGOM PA DANG, ZUNG 'JUG SGOM PA DANG GSUM STE SROG AA WA DH'U T'IR 'JUG PA'I THABS, BSAm
GTAN SGOM PA NI LNGA YIN LA, YE SHES KYI TSOGS DON DAM PA'I BDEN PA SGOM PA NI GSUM YIN, ZHES RDZOGS RIM LA DH'U T'IR SROG TSUD PA'I THABS CIG DANG, TSUD PA LA BRTEN NAS SGOM PA'I SKABS GNYIS SO SOR BYAS TE, BDE MCHOG TU MA ZAD BLA MED KYI RDZOGS RIM GZHAN SGOM PA LA YANG DE GNYIS SHES DGOS SO, ,RNAL 'BYOR MA KUN SPYOD KYIS BSKYED RIM JI LTAR BSHAD PA NI, SKABS SKABS SU 'CHAD PAR 'GYUR ZHING, L'U AI PA'I GZHUNG DU BKOD PA'I RDZOGS RIM NI KUN SPYOD KYI LE'U BCU GNYIS PA NAS 'BYUNG LA, 'DI'I RDZOGS RIM GYI GZHUNG GIS RTZA RGYUD KYI RDZOGS RIM GANG STON PA SOGS NI, GZHUNG 'DI'I RDZOGS RIM GYI BSHAD PAR ZHIB TU 'CHAD PAR 'GYUR LA, MNGON BRJOD DANG SDOM 'BYUNG SOGS KYI RDZOGS RIM GYIS RTZA RGYUD KYI DON GANG STON PA RGYAS PAR NI, DRIL BU PA'I RDZOGS RIM GYI BSHAD PAR 'CHAD PAR 'DOD PAS 'DIR ZHIB TU MA BYAS SO, ,DE LTAR BSHAD PA NI LUGS MCHOG TU GYUR PA, LE DRIL NAG GSUM GYI MAN NGAG LA BRTEN NAS RTZA RGYUD KYI DON GYI GNAD CHE BA RNAMS, BSHAD RGYUD KYIS JI LTAR 'GREL PA LA, SHIN TU MKHO BA RNAM DPYOD CAN LA 'DI LTAR YOD DO ZHES 'PHRIG BSKUR BA LA BRTEN NAS, RTZA BSHAD KYI RGYUD DON RNYED PA'I THABS DAM PAR SHES PAR GYIS SHIG ,GNYIS PA NI, RTZA RGYUD LAS SNGAR DRANGS PA LTAR STON PAS, BRDA'I SKAD KYIS RGYUD DU SBAS PAS, MAN NGAG SHIN TU RNYED DKA' BAR GSUNGS PA'I MJUG TU, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BAS, ,'JUG PA SGRA LA SOGS PA NAS, ,JI
, ,SRID BSDUS PA'I SBYOR LDAN PA, ,BDUD RTZI TSIM BYED MYA NGAN 'DAS, ,LAG PA'I MCHOD PA DBANG BSKUR BA, ,GO CHA CHEN POS YANG DAG BSRUNGS, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, ,ZHES GSUNGS PAS RTZA RGYUD KYI DON DE NYID BCU BZHIR BSDUS PA 'DI LA BRTEN NAS, RGYUD KYI MAN NGAG RNYED SLA BAR STON PAS, L'U AI PA LA SOGS PAS KYANG GZHUNG DE LTAR DRANGS TE BSHAD MA BSHAD GANG YIN KYANG, DON GYI RIM PA DE'I STENG NAS BKRAL BA ZHIG DGOS SO, ,RTZA RGYUD LE'U NGA GCIG PA'I DANG POS RGYUD DON THAMS CAD MDOR BSTAN, GNYIS PA NAS LNGA BCU PA'I BAR GYIS RGYAS PAR BSHAD, THA MA'I LE'U NGA GCIG PAS MDO RGYAS GNYIS GCIG TU BSDUS NAS DE NYID BCU BZHIR BSHAD PA 'DI BLA MA N'A RO PA'I MAN NGAG YIN TE, SDOM PA'I RGYUD CHUNG NGU'I LE'U'I MTSAMS SBYOR LAS, DANG POR RE SHIG BSKYED PA DANG, RDZOGS PA'I RIM PA GNYIS KYIS BSDUS PA'I DON THAMS CAD LE'U DANG POS MDOR BSTAN NAS GNYIS PA NAS LE'U LNGA BCU PA'I BAR GYIS RGYAS PAR BSTAN TE, KUN GYI THA MA'I LE'U NI DE RNAMS GCIG TU MDZAD DE BCOM LDAN 'DAS KYIS GSUNGS PA'O, ,ZHES RGYUD CHUNG NGU 'DI GSUM DU SBYAR BA'I BSHAD PA 'DI NI N'A RO PA'I DGONGS PA'O ZHES SU MA TI K'I RTIS BSHAD PAS N'A RO PA'I RJES SU 'BRANGS TE RTZA RGYUD 'CHAD PA LA SNGON DU SHES DGOS PA'I GNAD CAN ZHIG GO ,DE NYID BCU BZHI'I GRANGS 'DI LTAR BYED RTZA RGYUD KYI 'GREL PA KHUNGS MA RNAMS NAS MA BSHAD KYANG DNGOS SU GSUNGS PA RNAMS DE ,'GREL PA RNAMS NAS GOS LA STAG LPAGS DANG, GZHAL YAS KHANG GI
KYI GRANGS YIN NO, ,GOS KYI SKAD DOD NI BA SA NA ZHES PA GNAS DANG, GOS GNYIS KA LA 'JUG PAR MAR DO SOGS BZHED DO, ,'GREL PA RNAMS NAS GOS LA STAG LPAGS DANG, GZHAL YAS KHANG GI BSHAD PA GNYIS BYUNG BA NI SKAD DOD KYI STENG NAS YIN LA, GNAD LA NI SGRUB PA PO'I GNAS DANG, DKYIL 'KHOR PA'I LHA'I GNAS, DPA' BO RDO RJES GOS NI GCER BU'I GZUGS SO ZHES PA NI DON MIN NO, ,PHYAG RGYA LA SOGS PA'I DE NYID NI 'KHOR LO SOGS KYI PHYAG RGYA LNGA DANG SOGS KYIS THAL BA SDUD PAR 'GREL PA GSUM LAS BSHAD, NAG PO'I DKYIL CHOG LAS MGO PHRENG DANG, RAL PA'I COD PAN DAR DANG BCOS MA'I SKRA LA SOGS PAS BRGYAN PAR BSHAD PA YANG BSDU'O, ,DE NI GOS DANG PHYAG RGYA SOGS KYI DE NYID DE, SGRUB PA'I GNAS SU SGRUB PA PO CHOS SU 'JUG PA'I TSUL LO, ,SHES RAB YAN LAG GI DE NYID NI, 'GREL PA RNAMS LAS KHA tV'Am GA 'AM, SHES RAB MA'I YAN LAG GIS 'KHYUD PA DANG, PHYI MA NYID LA BSHAD PA GNYIS SO, ,NAG PO'I DKYIL CHOG LAS, SHES RAB YAN LAG STAN GYI STENG, ,ZHES GSUNGS PA LA MAR DOS SHES RAB YAN LAG NI PHYAG RGYA DANG LHAN CIG TU'O ZHES BSHAD, KHA CIG GIS DE GNYIS GZHI MTHUN DU BSDUS NAS RO GDAN LA 'CHAD DO, ,SGRUB THABS THUN BZHIR SGOM PA'I SKABS SU RO GDAN LA 'DUG PAR BSHAD KYANG 'DI NI BUM BZLAS BYED PA'I SKABS YIN PA'I PHYIR MI 'GRIG PAS BSHAD PA SNGA MA LTAR YIN NO, ,PHUR BU DANG GUR GYI DE NYID NI BSRUNG 'KHOR SGOM PA'O, ,AA LI'I DE NYID DANG K'A LI'I DE NYID CES SGNYIS SU BYA'O, ,RGYU SOGS STONG PA SNGON 'GRO'I DE NYID DANG, 'JUG
, ,PA SGA LA SOGS PA'I DE NYID DANG, BSDUS PA'I SBYOR BA DANG LDAN PA'I DE NYID CES GNYIS SU BYA'O, ,BDUD RTZI TSIM BYED KYI DE NYID DANG, MYA NGAN LAS 'DAS PA'I DE NYID DANG, LAG MCHOD KYI DE NYID DANG, DBANG BSKUR BA'I DE NYID DANG, GO CHA CHEN PO'I DE NYID DANG, SNGAGS KUN GYIS MCHOD PA'I DE NYI DE DE NYID BCU BZHI'O, ,'DI MDOR BSTAN DANG RGYAS BSHAD GNYIS KA'I RGYUD DON BSDUS TE BSTAN PA YIN PAS, 'DI LA RGYUD KYI DBU ZHABS KYI DON KUN SDUD PA LA SBYAR BA ZHIG DANG, BSKYED RIM LA SBYAR BA ZHIG DANG, RDZOGS RIM LA SBYAR BA ZHIG STE, GSUM GYIS BSHAD DGOS ZHES BLA MA 'GA' ZHIG GSUNG NGO, ,'DI LA MAR DOS NI 'CHAD TSUL GNYIS LAS, NAG PO PA'I SGRUB THABS LTAR BSHAD PA NI, BSKYED RIM TZAM DANG, L'U AI PA'I SGRUB THABS LTAR BSHAD PA LA NI MYANG 'DAS ZHES PAS RDZOGS RIM STON LA, DE MA GTOGS PA LHAG MAS BSKYED RIM NYID STON PA DANG, RDZOGS RIM LA YANG STONG PA SNGON DU BTANG NAS BDE BA BSGOM PA DANG, DE LAS BZLOG NAS SGOM PA GNYIS BSTAN PAR BZHID DE, SNGA MA NI L'U AI PA LTAR SNOD BCUD RIM GYIS SDUD PA DANG, GNYIS PA NI DPYID THIG GI RDZOGS RIM YIN ZHES LA YAG PA ZER RO, ,MAL GYI RJES 'BRANG DAG MYANG 'DAS KYI DE NYID KYIS PHYAG RGYA BZHI DANG, RDOR SEMS BSDU BA LA SOGS PA'I RDZOGS RIM BSTAN ZHES PA MA GTOGS PA 'CHAD TSUL GNYIS LA SOGS PA SNGAR DANG 'DRA'O, ,DE LA RTZA RGYUD LAS, DE NYID BCU BZHI'I CHINGS BYAS PA'I STENG NAS MAN NGAG RNYED SLA BAR STON PA DE YANG RTZA BSHAD LEGS PAR MA SBYAR BA LAS RNYED PAR MI SLA STE, BSHAD
RGYUD NI RTZA RGYUD KYI MAN NGAG LEGS PAR RNYED PA'I CHED YIN PA'I PHYIR RO, ,DE SBYOR BA YANG LO DRIL NAG GSUM LTA BU'I GRUB CHEN GYI MAN NGAG SHES PA'I BLA MAS BSHAD PA LAS YIN GYI DE MED PAR MIN TE, ,SDOM 'BYUNG LAS, CHOS KYI DE NYID LA 'JUG PHYIR, DE RNAMS LAS PHYE RAB BSTAN PA, ,BLA MA DAM PA'I GDAMS NGAG LAS, ,GSAL BAR 'GYUR GYI GZHAN DU MIN, ,ZHES GSUNGS PA'I PHYIR RO, ,RTZA BSHAD SBYAR TE RTZA RGYUD SHIN TU MI GSAL BA 'CHAD PA LA NI, BSHAD THABS RGYAL BAS GSUNGS PA DGOS LA, PHAM MTHING PA SKU MCHED RNAMS KYIS 'CHAD PA 'DI LA YANG BDE MCHOG LA TSOGS BSHAD DANG, SLOB BSHAD CES PA'I TSUL GNYIS KYIS 'CHAD DO, ,ZHES GRAGS CHE'O, ,DE LTA YIN NA NI RDO RJE 'DZIN PA NYID KYIS YE SHES RDO RJE KUN LAS BTUS SU BSHAD THABS MTHAR THUG PA GSUNGS PA'I DON, SGRON GSAL DU BSDUS PA LAS, JI BZHIN SGRA DANG DGONGS MIN DANG, ,DRANG BA'I DON DU'ANG GANG GYUR DANG, ,YI GE'I DON DANG SPYI YI DON, ,TSOGS PA LA BSHAD YIN PAR BRJOD, ,JI BZHIN MIN SGRA NGES DON DANG, ,DE BZHIN DGONGS TE BSHAD PA DANG, ,SBAS DANG MTHAR THUG PA RNAMS NI, ,SLOB MA LA NI BSHAD PAR 'DOD, ,CES GSUNGS PA LTAR SHES DGOS SHING, TSUL DES BSHAD NA RGYUD DON RDZOGS PAR RNYED PAS, DE NYID BCU BZHI BSHAD BYAR BKOD NAS DE LTAR BSHAD NA LEGS PAS SPYIR DE LTAR SHES DGOS SO, ,BSHAD PA SNGA MA GNYIS TZAM LAS MA THON NA NI GRUB CHEN GSUM GYI MAN NGAG GIS 'CHAD PA'I NUS PA MI RDZOGS PAS LEGS PAR BSHAD DGOS SO, ,DE LA DBANG BSKUR BA'I DE
, ,NYID KYI BYE BRAG RGYUD SNOD RUNG DU BYED PA NI THOG MAR 'BYUNG NGO, ,LAG MCHOD KYI DE NYID NI DBANG GI DUS SU THOB PA'I DAM TSIG DANG SDOM PA SRUNG BA LA THUN MONG YIN MIN GNYIS LAS PHYI MA DANG, DE'I YANG GTZO BO GA-YON PA'I KUN SPYOD SPYI LA SLOB PA DANG, DE'I NANG NAS KYANG GTZO BOR GYUR PA'I DAM TSIG YIN TE, 'DI RTZA RGYUD LAS GSUNGS PA BZHIN DU BDE MCHOG GI RGYUD DU MA ZHIG LAS GSUNGS LA, JI LTAR BYED PA'I CHO GA'I RIM PA NI SLAR YANG 'DI LTAR BYED PA'I GNAD RTOGS DKA' BA'I 'DI PA'I KHYAD CHOS CHEN PO ZHIG GO, GOS DANG PHYAG RGYA SOGS KYI DE NYID DANG SNGA MA GNYIS TE GSUM NI, RIM PA GNYIS KA'I THUN MONG BA'O, ,SHES RAB KYI YAN LAG GI DE NYID NI, DBANG DUS DANG, RIM PA GNYIS KYI DUS TE SKABS GSUM DU DGOS, LHAN SKYES KYI BDE BA 'DREN PA LA PHUL DU BYUNG BA'I PHO NYA MO RNAMS DANG, 'DU BA'I TSUL SHIN TU RGYAS PAR RTZA RGYUD LAS MANG DU BSHAD, DE'I GSAL BYED PHO NYA MO RNAMS LA BRTEN NAS, BDE BA 'PHEL BA'I YAN LAG SGYU RTZAL GYI SBYOR BA DANG, RTZA'I KUN SBYOR SOGS NI RDO RJE MKHA' 'GRO LAS 'CHAD LA, PHO NYA MO RIGS BZHI LA JI LTAR LONGS SPYOD PA'I TSUL LA SOGS PA RGYUD GZHAN NAS MI 'BYUNG BA RNAMS NI SDOM 'BYUNG LAS GSAL BAR GSUNGS SO, ,DE NAS BSKYED RIM LA SBYAR TE BSHAD PA LA MNGON BRJOD NAS 'BYUNG BA LTAR BSKYED RIM MTHA' YAS PA ZHIG BSHAD PA SOGS BSKYED RIM KUN LA 'JUG MOD KYANG, 'DIR GTZO BOR NYE BAR MKHO BA'I LO DRIL NAG GSUM GYI GZHUNG LA BRTEN NAS BSHAD NA, PHUR BU DANG GUR GYI DE NYID KYIS NI BSRUNG 'KHOR RGYAS 'BRING BSDUS GSUM
BSDUS LA, DES MTSON NAS SBYOR BA TSOGS PA SOG PA SOGS SGRUB THABS DNGOS GZHI'I SNGON DU 'GRO BA RNAMS KYANG SHES DGAS PA NI MNGON BRJOD SOGS BSHAD RGYUD LAS SHES SO, ,RGYU SOGS STONG PA SNGON 'GRO'I DE NYID LA MAR DO'I LUGS KYI SOGS KYI SKAD DOD DANG PO LA'ANG 'JUG PAS, RGYU BSOD NAMS KYI TSOGS DANG POR BYAS NAS STONG PA SGOM PA YE SHES KYI TSOGS GNYIS GSOG PA LA 'CHAD KYANG, 'GREL PA RNAMS LAS SOGS KYI STENG NAS BSHAD CING, DPA' BO RDO RJE DANG GNYIS KA'I BSHAD SBYAR LAS, HE NI RGYU SOGS STONG PA NYID, ,CES SOGS GSUNGS PA'I DON DU 'CHAD PAS RTEN SKYED PA'I SNGON GYI STONG NYID SGOM PA LA YANG SBYAR RO, ,DE LTAR BYAS NA RTEN DANG BRTEN PA BSKYED PA'I SNGON DU 'GRO BA'O, ,DES NI DE LAS LANGS NAS NAM MKHAR N'A DA SOGS 'JOG PA NAS, GZHAL YAS KHANG GDAN BCAS SKYED PA YANG RGYUD DANG LO NAG GI MAN NGAG LAS SHES PAR BYA'O, ,DE NAS A'A LI DANG K'A LI'I DE NYID GNYIS NI DE GNYIS BRJOD NAS NYI ZLA'I GZUGS SU SGOM PA LA LVA BA PA DANG LHA SBAS SOGS KYIS BSHAD DE, DBYANGS GSAL 'GOD PA 'DI L'U AI PA LTA BU RTEN BRTEN PA GNYIS DUS GCIG TU SKYED PA LTAR NA GZHAL YAS KHANG MA BSKYED PA'I SNGON DU DANG, RIM GYIS BSKYED NA NI KHANG BRTZEGS SOGS GDAN BCAS BSKYED ZIN PA'I SKABS SU BYA'O, ,ZLA NYI SOGS GANG BSKYED PA NI 'CHAD PAR 'GYUR RO, ,LVA BA PA DANG LHA SBAS KYIS RGYU STE BSKYED PA'I BYED PA DANG SOGS KYIS BSDUS PA BSKYED PAR BYA BA SOGS THAMS CAD STONG PA NI BYA BA SGRUB PA'I YE SHES SU 'CHAD DE, STONG PA NI ZLA NYI DANG SA BON RNAMS SO SOR
, ,GNAS PAS STONG PA GCIG TU 'DRES PA LA BSAMS SO, ,DE'I SNGON DU 'GRO BA NI SOR RTOG YE SHES LA BSHAD DO, ,'JUG PA SGRA LA SOGS PA'I DE NYID LA, LHA SBAS KYIS SGRA STE H'Um YIG DANG, LA SOGS PAS BSDUS PA ZLA NYI DANG PHYAG MTSAN RNAMS RGYU RDO RJE 'DZIN PA JI SRID PA, DE SRID KYI BAR DU 'JUG PAR BSHAD DE, SGRUB THABS KYI GLENG GZHI YANG 'GYUR KHYAD TZAM MA GTOGS PA 'DRA'O, ,'GREL PA GZHAN LAS KYANG MI 'DRA BA MANG DU KYANG SGRA NI N'A DANG, SOGS KYI NI BAR SRID MTSON PA'I YI GE GZHAN YANG SDUD LA, 'JUG PA NI RTEN BRTEN PA DUS GCIG TU BSKYED PA LA NI, ZLA BA'I STENG DU BABS PA DANG, RGYU RDOR 'DZIN YAB YUM MNYAM PAR SBYOR BA LA NI, YAB KYI ZHAL LAM, SNYING KHA SOGS NAS ZHUGS TE YUM GYI PAD MAR 'GRO BA'O, ,NAS ZHES PA NI DE NAS BZUNG STE ZHES PA'O, ,BSDUS PA'I SBYOR BA DANG LDAN PA'I DE NYID NI, DE NAS BZUNG STE JI SRID DAM TSIG PA DANG YE SHES PA'I LHA GNYIS GCIG TU BSDUS PA'I SBYOR BA DANG LDAN PA DE SRID DU ZHES PA STE, DRIL BU PA'I LUGS KYANG DE DANG 'DRA'O, , NAG PO PA LTAR NA SNGAR BSHAD PA NAS BZUNG STE, LHA SO BDUN DANG BYANG PHYOGS SO BDUN GCIG TU BSDUS PA'I SBYOR BA'I BAR LA BYA'O, ,RTZA RGYUD KYI 'GREL PA RNAMS NAS MNGON BYANG GI SKABS KYI ZLA NYI MTSAN MA GSUM BSDUS PA DANG, YI GE GSUM LAS SPROS PA'I 'KHOR LO GSUM GYI LHA YI GE GSUM LA SDUD PA DANG, MTHAR 'KHOR LO GSUM GYI LHA SDUD PA LA 'CHAD PA SOGS MI MTHUN PA DU MA ZHIG GO, DBANG BSKUR GYI PHYOGS GCIG LHA DBANG BSKUR NAS RIGS BDAG GIS RGYAS BDAB PA YANG 'DIR
SBYAR RO, ,BDUD RTZIS TSIM BYED KYI DE NYID NI, NANG MCHOD DANG GTOR MAS MCHOD PA DANG, SNGAGS KYIS MCHOD PA GZHUNG NA GSAL LA, DE DAG GIS MCHOD PA GZHAN YANG MTSON NO, ,MYANG 'DAS KYI DE NYID NI, MTHAR NYE BAR SDUD PA LA BSHAD PA MANG NGO, ,GO CHA'I DE NYID NI DPA' BO DANG DPA' BO'I GO CHA GNYIS DANG, LUS KYI GNAS RNAMS SU P'U DZA SOGS 'GOD PA STE GSUM YOD LA, DES NI LUS DKYIL SGOM PA YANG MTSON NO, ,DE RNAMS KYANG GZHUNG GSUM GA'I THUN MONG BA'O, ,RDZOGS RIM LA SBYAR TE BSHAD PA GAL CHE LA, DE YANG RTEN RDZOGS RIM GYI DBANG DU BYAS TE BSHAD PAS NI, SNGAR BSHAD PA LTAR LUS SPYI DANG, KHYAD PAR DU LUS KYI RTZA 'KHOR BZHI LA SOGS PA STON NO, ,SAm BHU tA LAS, DBYANGS GSAL GANG DU BKOD PA'I PAD MA RDZOGS RIM LA SBYAR BA NA, SPYI BO BDE CHEN GYI 'KHOR LO LA BSHAD PA NI MTSON PA TZAM STE, 'KHOR LO GZHAN YANG GZUNG NGO, ,DER BKOD PA'I DBYANGS GSAL SPYI BO'I RTZA 'DAB NAS RGYU BA'I BYANG SEMS LA BSHAD PA YANG MTSON PA TZAM STE, 'KHOR LO BZHI KAR DBYANGS GSAL BKOD NAS GTUM MO SGOM PAR BSHAD PA BZHIN NO, ,PAD MAR BKOD PA'I DBYANGS GSAL LAM, DE LAS BYUNG BA'I ZLA NYI'AM, ZLA BA DKAR DMAR H'Um YIG DANG BCAS PA RDZOGS RIM LA BSHAD NA, LTE BA'I PAD MA RE BZHI SOGS KYI 'KHOR LO'I DBUS SU THIG LE DANG YI GE SGOM PA SOGS SROG DH'U T'IR SDUD THABS GRUB CHEN GSUM GYI GZHUNG LAS 'BYUNG BA SOGS MTHA' YAS SHIG LA NGES PA RNYED NAS, BSHAD RGYUD SO SE LA BRTEN NAS RTZA RGYUD KYI RDZOGS RIM DU MA ZHIG RNYED DE BLO YONGS SU RGYAS
, ,PAR 'GYUR RO, ,GSUM PA NI, GSANG BDAG PHYAG NA RDO RJES RJES SU BZUNG BA'I BRAM ZE CHEN PO DPAL SA RA HA DANG, BYANG CHUB SEMS DPA' BLO GROS RIN CHEN GYIS MGON PO KLU SGRUB RJES SU BZUNG ZHING, DE DANG DE'I BLA MA BYANG SEMS BLO GROS RIN CHEN GYIS LHO PHYOGS LDO NGAR GYI RNGON PA DPAL SHA BA RI DBANG PHYUG RJES SU BZUNG NGO, ,DE NAS AOYAN GYI YUL NA YAB YIG MKHAN GYI RGYAL PO ZLA BA ROL PA DANG, YUM ZLA BA'I DPAL ZHES BYA BA'I SRAS SU SKU 'KHRUNGS PA, MTSAN KUN TU DGE BA ZHES PA GCIG RIG GNAS DU MA LA BSLABS SO, ,DE'I TSE DPAL RI KHROD DBANG PHYUG DANG ZHAL MJAL NAS BSNYEN BKUR DANG MCHOD PA DANG GUS PA'I SPYOD LAM GYIS MNYES PAR BYAS NAS RJES SU BZUNG BAR ZHU ZHES ZHUS PAS 'KHOR LO SDOM PA'I DKYIL 'KHOR DU DBANG BSKUR, RGYUD BSHAD GDAMS PA GNANG STE, SGRUB PA LA BRTZON PAR BZHUGS PA'I TSE AYON PA'I YUL CHOS KYIS TSES BCU RNAM GNYIS LA DUR KHROD DU MCHOD PA LA 'GRO BAS DE'I TSE'I KHONG TSO'I RJES LA SLOB DPON GYIS KYANG BYON PAS, GZHAN TSO GYES TSAR BA'I RJES SU YUL NYER BZHI'I DPA' BO DANG RNAL 'BYOR MA RNAMS THA MAL PA'I CHA LUGS BZUNG NAS 'TSOGS PA'I DBUS NA SKYE BDUN GYI RO GCIG BZHAG SGEG CING ROL BA'I CHA BYAD DU 'DUG PA LA, PHYAG DANG MCHOD PA BYAS PAS MNYES TE DE RNAMS KYI ZHAL NAS DAM TSIG GI RDZAS DE LA CHOD LA NGED RNAMS LA DRONGS ZER NAS DRANGS, KHA NA MA THO BA MED CING NYON MONGS PA DANG MA 'DRES PA'I ZAS YIN PAS, KHYER RANG YANG KHAM GCIG ZO GSUM BAS TSAM TSOM MED
PAS BZOS PAS DE RNAMS MNYES TE MI SNANG BAR GYUR PA'I RJES SU NAM MKHAR DPAL 'KHOR LO SDOM PA'I DKYIL 'KHOR RDZOGS PAR GYUR NAS, DER SLOB DPON BCUG DBANG RDZOGS PAR BSKUR, RANG BYIN GYIS RLOB PA'I NYAMS MYONG GI BDE BA'I MTSON BYED DPE'I YE SHES RGYUD LA BSKYED NAS DE NYID BRTAN ZHING BOGS DBYUNG BA'I GDAMS PA PHOG STE, TSE 'DI NYID LA MCHOG GI DNGOS GRUB MYUR DU THOB PA'I PHYIR BSKUL BA'I TSEG, RKANG PA BRGYAD PA SPANGS NAS NI, ,'KHOR BA'I MNGAG GZHUG DOR NAS SU; ;RDO RJE SEMS DPA' RGYAL PO CHE, ,YANG DANG YANG DU BSKUL BAR BYA, ,ZHES GSUNGS NAS MI SNANG BAR GYUR TO, ,DE'I DON BSAMS PAS SGRUB PA LA RTZE GCIG TU 'BAD DGOS PAR GZIGS NAS, 'TSO BA GANG LA BRTEN NAS BSGRUB SNYAM PA NA BSOD SNYOMS LA SOGS PA CHAGS SDANG SKYE ZHING, SHING THOG SOGS DGUN DKON, LAG GI BLA SOGS NI SGRUB PA'I BAR CHAD DU 'GYUR BAR DGONGS NAS RIM GYIS LDONGS DANG DBEN GNAS KUN TU RGYU ZHING BYON TE, MTHAR RGYA GAR SHAR PHYOGS BHAm GA LA RU BYON PAS, DE DANG NYE BA CHU BO GANGG'A'I 'GRAM NA NYA PA MANG POS NYA BSAD NAS LDI LDO'I PHUNG PO CHEN PO SPANGS NAS DE LA BYA DANG, KHYIS ZA ZHING 'DUG PA MTHONG STE BDAG PO MED CING RTZOL BA CHUNG BAR GZIGS TE, DE'I PHYOGS GCIG TU BZHUGS NAS 'TSO BA NYA RGYU LA MDZAD CING, SGRUB PA MDZAD PAS PHYAG RGYA CHEN PO MCHOG GI DNGOS GRUB BRNYES TE, GSOL ZAS LA MTSAN DU BTAGS PA L'U AI PA ZHES GRAGS SO, ,RDO RJE GDAN PAS KYANG, YIG MKHAN RIGS LAS SKAL BAR LDAN, ,NYA LTO ZA ZHING DNGOS GRUB
, ,BRNYES, ,L'U AU PA ZHES BYA BA YI, ,BLA MA DE LA PHYAG 'TSAL LO, ,ZHES SO, ,DE 'DRA BA'I GRUB CHEN DE LA, RANG GI SLOB MA RGYAL PO D'A RI KA PA DANG, BLON PO di GI PA ZHES PA GNYIS KYI MNGON PAR RTOGS PA JI LTAR SGOM PA ZHUGS PA'I DON DU DPAL 'KHOR LO BDE MCHOG GI MNGON PAR RTOGS PA 'DI MDZAD DO, ,D'I LA 'GYUR GZHAN LAS MI 'BYUNG BAR, 'GES DANG ZANGS DKAR GYI 'GYUR LA, DUR KHROD BRGYAD DANG SHING BRGYAD LA SOGS PA'I MING MANG PO BYAS PA ZHIG YOD PA LA SNGON GYI BOD KHA CIG L'U AI PA'I RGYA DPE GZHAN LA MED, KHA CHE'I DPE LAS BSGYUR PA LA 'BYUNG BA YIN, DE LA 'ONG PA YANG KHA CIG N'A RO PAS BCUG ZER, KHA CIG KHA CHE BYANG CHUB BZANG POS BCUG ZER RO, ,ZHES SMRA TE, SNGA MA NI MI BDEN LA, GZHAN ZHIG GIS BCUG PAR MNGON NO; ;LO CHEN GYI 'GYUR LA 'GOS KYIS 'GYUR BCOS MDZAD PA LA, MAR DOS 'GYUR BCOS BYAS PA LA SNGA MA LTAR BYUNG YANG YUL DBUS KYI DPE LA GTUGS NAS BSGYUR BA LA NI MA BYUNG NGO, ,SLOB DPON 'DIS MDZAD ZER BA'I BDE MCHOG DPA' BO GCIG PA'I SGRUB THABS CHUNG BA ZHIG KYANG YOD DE BDE MCHOG GI PHYOGS LA GNYIS SO, ,GZHUNG SNGA MA LA LVA BA'I NA BZA' CAN GYIS MDZAD PA'I 'GREL PA MCHOG TU GYUR PA ZHIG YOD DO, ,DE NAS PRADZNYA'A RAKshA TAS L'U AI PA'I SGRUB THABS KYI DKA' 'GREL ZHIG MDZAD LA, 'DI RNGOG LO TZ'A BA CHEN POS BSGYUR BA LAS, GRUB THOB CHEN PO LVA BA'I NA BZA' CAN GYI RJES SU 'BRANGS NAS SLOB DPON CHEN PO PRADZNY'A RAKshI TAS MDZAD PA, ZHES 'BYUNG LA, DE NI LVA BA PA'I 'GREL PA NYID GZHIR BZHAG 'DUG PAS, SLOB DPON DES KYANG LVA
BA PA'I 'BREL PAR BZHED DO, ,PRADZNYA' RAKshI TA DANG RTAG PA'I RDO RJES MDZAD PA'I PHYI ROL MCHOD PA DANG, LAG MCHOD SOGS KYI GZHUNG CHUNG MANG DU SNANG BA YANG LVA BA PA'I 'GREL PA NAS 'BYUNG BA NYID BKOD PAR SNANG NGO, ,SLOB DPON 'DIS N'A RO PA'I SPYAN SNGAR LO GNYIS BZHUGS TE TSOGS BSHAD LAS, SLOB BSHAD MA THOB CES MAL GYO'I RJES 'BRANG 'GA' ZHIG ZER BA NI SHIN TU MI RIGS TE, DE NAS BRGYUD PA'I SLOB BSHAD YOD PAR 'DOD PA RNAMS LA YOD CING, KHONG LA MED PA'I BSHAD PA KHYAD PAR CAN CI YANG MI 'DUG LA, DE'I 'GREL PA YANG LVA BA PA'I DGONGS PA JI BZHIN PAR SNANG BA'I PHYIR RO, ,SU MA TI K'I RTI'I SLOB MA MKHAS PA MAR DO YANG SHAS CHER SLOB DPON DE'I LUGS LA BRTEN PAR SNANG BAS LUGS DE'I SLOB BSHAD DE LA MED PA MIN NO, ,DE BZHIN GSHEGS PA'I RDO RJES L'U AI PA'I SGRUB THABS KYI 'GREL PA SDOM PA 'BYUNG BA ZHES PA TSIGS BCAD DU BSGRIGS PA ZHIG MDZAD, DE'I RANG 'GREL KHYAD PAR GSAL BYED CES PA RGYAS PA ZHIG MDZAD DE, DE YANG LVA BA PA'I 'GREL PA GZHIR BZHAG PA ZHIG SNANG NGO, ,DE BZHIN GSHEGS PA'I RDO RJE NI BI BH'U TE TZAndA'I GSANG MTSAN NO, ,AA BHYA KA RA'I L'U AI PA'I SGRUB THABS 'KHRUL SPONG YANG LVA BA PA'I 'GREL PA DANG MTHUN SHES CHE LA, JO BO CHEN PO RJES MDZAD PA'I L'U AI PA'I 'GREL PA NI, SNGA MA RNAMS BZHIN DU MTHUN SHAS MI CHE YANG BSHAD PA MANG PO SNANG NGO, ,SLOB DPON KU M'A RA BO DHIS MDZAD PA'I L'U AI PA'I RGYA CHER 'GREL PA YE SHES SGRON MA ZHES PA ZHIG KYANG YOD DE, NUS PA MI CHE ZHING 'GREL PA SNGA MA RNAMS DANG MI MTHUN PA SHIN TU MANG NGO, ,
, ,B'I RA BADZRAS MDZAD ZER BA'I SGRUB THABS KYI DKA' 'GREL ZHIG KYANG YOD DE, DPA' BO RDO RJES MDZAD ZER BA 'DI RNAMS DE SHR'AD DHA'I GSANG MTSAN YIN PAS DES MDZAD ZER BA DANG, KHA CIG ZANGS DKAR GYI GSANG MTSAN LA DE SKAD ZER BAS DES BYAS ZHES PA DANG, LA LA RTZA RGYUD KYI 'GREL PA RTZOM MKHAN GYI DPA' BO RDO RJE LA KHA GA-YAR BYAS ZER BAR SNANG LA, SGRUB THABS KYI 'GREL PA NI KHA GA-YAR BYAS PA ZHIG TU 'DUG GO, DE LA SNGON GYI LO TZ'A BA MAR DO DANG, PU RANGS PA SOGS KYI LUGS KYI L'U AI PA'I SGRUB THABS NI PRADZNY'A RAKshI TA DANG MTHUN SHAS CHE BAS LVA BA PA'I 'GREL PA DANG MTHUN SHAS CHE'O, ,PHYIS KYI MKHAS PA BU STON THAMS CAD MKHYEN PA YANG PRADZNY'A RAKshI TA DANG DE BZHIN GSHEGS PA'I RDO RJE'I LUGS GZHIR 'JOG PAR SNANG BA NI SROL KHYAD PAR DU 'PHAGS PAR GO'O, ,L'U AI PA'I DNGOS SLOB GRUB CHEN D'A RI KA PAS RJES SU BZUNG BA'I RDO RJE DRIL BU PA ZHES GRAGS PA, PHYAG RGYA CHEN PO GRUB PA DES NI RGYUD SNOD RUNG DU BYED PA LUS DKYIL GYI DBANG CHOG DANG, RGYUD SMIN BYED LA PHYI DKYIL LA LHA LNGA'I SGRUB THABS DANG, NANG LUS DKYIL SGOM PA LA GTZO BOR BSKYED RIM DANG, MJUG TU RDZOGS RIM BSDUS PA ZHIG KYANG STON PA'I GZHUNG GCIG DANG, LUS DKYIL GYI SGRUB THABS CHUNG BA ZHIG KYANG YOD DE, DRIL BU PA'I GZHUNG CHUNG ZHES GRAGS SO, ,RDO RJE PHAG MO'I SGRUB THABS SHIG KYANG MDZAD DE, MAR DO'I 'GYUR LAS SKU MDOG LA GSAL KHA MED, 'GYUR GZHAN LAS PHAG MO DKAR MOR BSHAD DE, BSKYED RIM GYI SGRUB THABS BZHI'O, ,BDE MCHOG ZHAL GCIG PHYAG GNYIS PA YAB
YUM LHAN SKYES KYI SGRUB THABS SHIG KYANG MDZAD DO, ,'DI NI GZHUNG DER LHA SKYED PA'I RNAL 'BYOR GSUM GSUNGS PA'I GZUGS RDZOGS PA'I RNAL 'BYOR YIN LA, DE NI RDZOGS RIM PA'I YE SHES KYI SKU SKYED PA YIN PAR SGRON GSAL LAS SHES SHING, SGYU 'PHRUL DRA BA'I RGYUD KYI DON KYANG BSKYED RIM RNAMS BYIN GYIS BRLABS PA DANG, YONGS SU BRTAGS PA'I RNAL 'BYOR GYIS BSTAN PA YIN PA'I PHYIR DANG, GZHUNG NYID LAS KYANG, DBUGS KYI RLUNG NI ME LONG LA, ,ZHES PA'I TSIGS BCAD GCIG ,GSANG 'DUS RIM LNGA JI BZHIN DU BKOD NAS 'OD GSAL DU 'JUG PA DANG, BSAM GYIS MI KHYAB GZUGS RDZOGS PA'O, ,ZHES GSUNGS PAS BDE MCHOG RIM LNGA'I RIM PA LNGA PA BSAM MI KHYAB KYI RIM PAR 'ONG RGYU YIN PAS RDZOGS RIM YIN GYI BSKYED RIM MIN NO, ,LHAN SKYES 'DI LA 'GYUR CHER MI MTHUN PA GNYIS YOD CING, 'GYUR LA YOD PA GNYIS LA'ANG BZANG NGAN CI RIGS PA YOD KYANG GZHUNG CHUNG BA DE DAG PAR MNGON NO, ,BDE MCHOG RIM LNGA'I RDZOGS RIM YANG MDZAD DE, 'DI LA RNGOG 'GYUR DANG, 'GOS KYI 'GYUR GNYIS LA MANG NYUNG CHEN PO SNANG NGO, ,'DI'I RANG 'GREL YIN ZER BA ZHIG SNANG BA LA PHYIS KYI BLA MA KHA CIG DE YI RANG 'GREL DU BYED PA NI MA BRTAGS PA CHEN PO STE, DER RIM LNGA RE RE LA SNGON DU BSKYED RIM RE SGOM PAR BSHAD PA NI, LHAR SGOM PA THAMS CAD BSKYED RIM DU BZUNG NAS BSKYED RIM PA'I LHA SKU SNGAGS DANG, RDZOGS RIM DNGOS KYI LHA SKU YE SHES KYI SKUR BYED PA'I KHYAD PAR MA PHYED PAR 'DUG CING, SNA TSOGS RDO RJE'I GZHIR GNAS PA'I RDO RJE DANG, ZHES PA'I SHLO KA'I DON RANG BDE
, ,MCHOG TU SGOM PA'I BSKYED RIM LA BSHAD PA'I PHYIR DANG, BSAM MI KHYAB KYI RIM PAR BSKYED RIM GYI LHA SKU SNGAR BSHAD PA BZHIN SGOM PAR BSHAD CING, SNGAR NI H'Um YIG DANG THIG LE LAS SKYED PAR BSHAD PA NI, LHAN SKYES KYI SGRUB THABS SU BSAM MI KHYAB KYI RIM PA'I LHA'I GZUGS RDZOGS PAR BYED PA LA SA BON MED PAR SGOM PAR GSUNGS PA DANG 'GAL BA'I PHYIR RO, ,YANG DER SO THAR GYI SDOM LDAN GYIS BYANG CHUB TU SEMS BSKYED PA NA SDOM PA DE BYANG SEMS KYI TSUL KHRIMS SU GNAS GYUR TE GNAS PA DANG, SNGAGS KYI DAM TSIG NYAMS NA SDOM PA GSUM GA 'JIG CES 'DOD PA YANG MI 'THAD DE, SDOM PA PHYI MA BLANGS PA'I TSE SNGA MA GNAS GYUR DGOS NA SDOM PA GSUM CIG CAR DU LDAN PA MI SRID PA DANG, SNGAGS SDOM BLANGS PA DE'I RTEN LA SDOM PA GZHAN GNYIS GNAS GYUR PAS NA, SNGAGS KYI RTZA LTUNG GZHAN GNYIS KYI 'JIG RGYUR 'DOD PA RANG GI KHAS BLANGS DANG 'GAL ZHING, SDOM PA RNAMS KYI THOB GTONG GI RGYU SO SO BA YIN PA'I PHYIR RO, ,DES NA DPE KHA CIG LAS, 'DI DON YOD RDO RJE ZHAS PA ZHIG GIS BYAS ZHES 'BYUNG BA DAG GO ,DRIL BU ZHABS LA KHA GA-YAR BYAS PA GZHAN YANG SNANG NGO, ,BDE MCHOG RIM LNGA'I 'GREL PA SLOB MA LA PHAN PA ZHES PA KU M'A RA BHA DHIS BYAS PA NI, SNGAR BSHAD PA'I L'U AI PA'I 'GREL PA RTZOM MKHAN DE DANG GCIG LA NUS PA CHE RGYU MED DO, ,DRIL BU ZHABS KYIS RJES SU GZUNG BA'I RUS SNGAL ZHABS DANG, LVA BA PA GNYIS KA'I SLOB MA DZ'A LANDHA RI PA'I DNGOS SLOB NAG PO SPYOD PA LA NI, HE RU KAS DNGOS SU TSE 'DIR
MCHOG MIN GZHAN DON GZHUNG DRUG RTZOMS SHIG BAR DOR SANGS RGYAS 'GRUB, CES LUNG BSTAN PAR GONG MA RNAMS LA GRAGS PA'I GZHUNG LNGA NI, DKYIL 'KHOR GYI CHO GA DANG, GTZO BOR BSKYED RIM DANG ZHAR LA GTUM MO 'KHOR LO BZHI LA BRTEN PA SGOM PA'I RDZOGS RIM YANG STON PA'I SGRUB THABS DANG, RDZOGS RIM LA GSANG BA'I DE NYID GSAL BA DANG, DPYID KYI THIG LE DANG RIM PA BZHI PA STE GSUM MO, ,MAL GYO NAS BRGYUD PA RNAMS SBYIN SREG BSNAN NAS GZHUNG DRUG TU BYED LA, MAR DOS MDZAD PA'I SBYIN SREG LAS, SDOM PA'I SBYIN SREG CHO GA NI, ,SPYOD PA PA YIS MDZAD CES GRAGS, ,DE YIS NGES PAR MA MDZAD PAR, ,CHO GA DE NYID KYIS RAB BSTAN, ,'JIG RTEN SONG BA'I RJES 'JUG CING, ,BLO YIS NGES PAR MA DPYAD PAR, ,BA LANG KHYU BZHIN 'JUG PAR SNANG, ,DE LTAR MKHAS PA 'JUG PA MIN, ,ZHES 'BYUNG LA, SBYIN SREG GI GZHUNG DE LA GZE BA DON GRUB YE SHES KYI MTSAN YANG YOD PAS GZHUNG DE MAR DOS MDZAD PA YIN LA, MAR DO NI PHYOGS 'DI LA RGYUS CHE ZHING MKHAS PAR SNANG BA DANG, NAG PO PAS MDZAD LA SPYOD PA BAS MA MDZAD PA YANG MANG BAS DPYAD PAR BYA'O, ,YI GE BDUN PA'I SGRUB THABS NAG PO PAS MDZAD PA NI LO TZ'A BA SNGA MA KHA CIG ,SPYOD PA PAS MDZAD PAR BZHED PA NI DE LTAR YIN NAM SEMS SO, ,PHYIS KYI MKHAS PA DAG ,KHA CIG , DPYID KYI THIG LE RTZA YI SDOM, ,GSANG BA'I DE NYID TSIG GI SDOM, ,AO LA PA TI MNGON RTOGS SDOM, ,SNYING PO RDZOGS PA DON GYI SDOM, ,SDOM PA BSHAD PA RNAL 'BYOR SDOM, ,PHYAG CHEN THIG LE PHYAG CHEN SDOM, STE SDOM DRUG TU BYAS NAS GZHUNG DGU RU
, ,BZHED DE, SDOM PA BSHAD PA SOGS NAG PO SPYOD PAS MDZAD PA MA YIN GYI, PAndI TA KRishnA PAS BYAS PA YIN PAS NAG PO PA'I MING DON MI 'DRA GSUNG NGO, ,DE LTAR BYAS PA'I SDOM GYI MING YANG LEGS PAR MI SNANG LA, KHYAD PAR DU SDOM PA BSHAD PAR, BRTUL ZHUGS ZHAL SNGA NAS KYI GZHUNG, ,PHYAG GNYIS DANG NI ZHAL GCIG MA, ,ZHES GSUNGS PAS GZHUNG DE'I MDZAD BYANG LA SPYOD PA BAS MDZAD PAR BYAS KYANG DES MDZAD PA MIN NO, ,DE LA DPYID KYI THIG LE LA NI RGYA 'GREL ZHIG SNGON BYUNG 'DUG NA'ANG DE LTA MRNYED PAS BTZAL BAR BYA, RIM PA BZHI PA LA SHR'I DHA RAS BYAS PA'I 'GREL PA YOD LA, DE NI SNGON GYI DUS SU BOD DU BYON PA DE YIN GYI, GRUB THOB DPAL 'DZIN NI MIN NO, ,DE LTAR NA RI KHROD DBANG PHYUG GIS BDE MCHOG LA GZHUNG KHA YAR MDZAD KYANG RIM GNYIS MI RGYAS SHING, GZHAN PHAL MO CHE NI 'DI GSUM LA TSAD MAR 'DZIN PAR SNANG YANG 'DI DAG GI LUGS LA SNGAR SMOS PA RNAMS MA GTOGS PA GSAL KHA BTOD NAS RGYAS PAR BSHAD PA NI MI SNANG NGO, ,RTZA RGYUD KYI 'GREL PA RNAMS NAS KYANG LUGS 'DI'I GDAMS NGAG GIS GSAL KHA BTON NAS RGYAS PAR 'CHAD PA MA BYAS PAR SNANG STE, PHAL CHER GDAMS NGAG LOGS SU BYED PAR MNGON NO, ,N'A RO PA NAS PHAM MTHING PA LA BRGYUD DE RTZA BSHAD KYI RGYUD 'CHAD PA'I BOD KYI BSHAD SROL RNAMS LA DA LTA 'GYUR BA'I RTZA RGYUD KYI 'GREL PA 'DI YI STENG NAS, 'CHAD ZER RGYU MI SNANG NA'ANG SGRUB THABS KYI 'GREL PA LVA BA PAS MDZAD PA'I BSHAD SROL LA BRTEN ZHING, LO DRIL NAG GSUM GYI MAN NGAG LA BRTEN
NAS 'CHAD PAR SNANG BA NI, BDE MCHOG GI BSHAD PA'I SROL MCHOG TU GYUR PAR SNANG NGO, ,'DI LA YANG BSKYED RIM 'CHAD PA'I SKABS SU LO NAG GI LUGS GNYIS MANG DU 'ONG LA, RDZOGS RIM GYI SKABS SU RIM PA BZHI PA'I MAN NGAG CUNG MANG ZHING, L'U AI PA'I RDZOGS RIM YANG LAN RE ZUR TZAM LAS MI 'BYUNG LA, DRIL BU PA'I MAN NGAG GIS RTZA RGYUD 'CHAD TSUL MA BYUNG ZHING, RTZA RGYUD KYI RDZOGS RIM 'CHAD TSUL CHA SHIN TU CHUNG BA ZHIG LAS MI SNANG YANG, SNGAR BSHAD PA DANG 'CHAD 'GYUR GYI GRUB CHEN GSUM GYI MAN NGAG GI RGYUD DON GYI GNAD CHE BA KUN RDZOGS PAR BSHAD PA ZHIG ,BLA MA GONG MA RNAMS KYI BSHAD SROL LA GZHI BYAS GRUB CHEN GSUM GYI GZHUNG DANG, DE DANG MTHUN PAR BKRAL BA'I RGYA GZHUNG LA ZHIB TU DPYAD DE, RTZA BSHAD LEGS PAR 'BYOR PA NGES PAR DGOS PAR RNAM DPYOD CAN DON GNYER CHE BA RNAMS KYIS SHES PAR GYIS SHIG ,BDE MCHOG STOD 'GREL GYIS LEGS PAR BKRAL BA'I LAM SROL CHEN PO ZHIG KYANG YOD PA NI, RDZOGS RIM GYI GNAD RNAMS RGYUD DE NAS JI LTAR BSTAN PA'I 'CHAD TSUL MA GTOGS PA RDZOGS RIM GYI NGO BO NI DUS KYI 'KHOR LO NAS BSHAD PA'I YAN LAG DRUG NYID DU ZAD PAS DE RTOGS PA NYID KYIS DE DAG KYANG RTOGS PAR 'GYUR BA STE, LUGS GNYIS KA'ANG MA 'DRES PAR LEGS PAR SHES PAR BYA LA, 'DIR DE'I BSHAD PA CHER MA BRIS PA NI DE NI PHYOGS GZHAN DU RTOGS PAR BYA BA LA BSAMS SO, ,GNYIS PA SGRUB THABS KYI GZHUNG DNGOS BSHAD PA LA GSUM, MTSAN GYI DON, GZHUNG GI DON, MJUG GI DON NO, ,DANG PO LA GNYIS LAS
, ,MTSAN BSGYUR BA NI, RGYA GAR GYI YUL NA SKAD RIGS MANG DU YOD PA LAS LEGS PAR SBYAR BA'I SKAD DU NI, SGRUB THABS 'DI'I MTSAN NI SHR'I TZA KRA SOGS SO, ,DE BOD KYI SKAD DU BSGYUR NA, BHA GA WA TE NI BCOM LDAN 'DAS SO, , SHR'I TZA KRA SAm BA RA NI DPAL 'KHOR LO BDE MCHOG GO, AA BHI SA MA YA NI MNGON PAR RTOGS PA'O, ,MTSAN BSHAD PA NI, BHA GA NI SKAL BA DANG, BA TE NI LDAN PA YIN PAS DBANG PHYUG SOGS KYI SKAL BA DRUG DANG LDAN PA'O, ,DE LA DBANG PHYUG PHUN TSOGS NI SGRIB GNYIS BAG CHAGS DANG BCAS PA SPANGS SHING GZHAN DBANG DU MA GYUR PA'O, ,GZUGS BZANG NI GONG NA MED PA'I MTSAN DPE'O, ,GRAGS PA NI PHYOGS DUS KUN TU SNYAN PAS KHYAB PA'O, ,DPAL NI 'JIG RTEN DANG 'JIG RTEN LAS 'DAS PA'I PHUN TSOGS 'DOD PA THAMS CAD KYIS BSTEN PAR BYA BA'O, ,YE SHES NI SHES BYA THAMS CAD LA CHAGS THOGS MED PAR 'JUG PA'O, ,BRTZON 'GRUS NI LHUN GYIS GRUB PA DANG RGYUN MI 'CHAD PAR GSUNG GIS 'DOMS PA'O, ,PHUN TSOGS NI GZUGS BZANG SOGS LNGA LA'ANG SBYAR RO, ,YANG BHA GNA ZHES PA BCOM PA LA YANG 'JUG PAS BDUD BZHI DANG SGRIB GNYIS KYI MI MTHUN PHYOGS BCOM PA DANG LDAN PAS BCOM LDAN NO, ,SKAL LDAN DANG BCOM LDAN NI 'JIG RTEN PA'I LHA CHEN PO RNAMS LA'ANG 'JUG PAS DE RNAMS LAS KHYAD PAR DU 'PHAGS PAR BSTAN PA'I PHYIR 'DAS ZHES BOD KYI LO TZ'A BA MKHAS PA RNAMS KYIS BSNAN PA'O, ,DPAL NI TSOGS GNYIS SAM GNYIS SU MED PA'I YE SHES LA SOGS PA'O, ,SAm BA RA NI BDE MCHOG DANG SDOM PA GNYIS
GNYIS KA LA 'JUG PAS 'GYUR YANG GNYIS KA YOD DO, ,SNGA MA LTAR NA SAm MAM SHAm NI BDE BA DANG, BA RA MCHOG TU GSUNGS PA LTAR YIN LA, DE YANG SDOM 'BYUNG LAS, BDE MCHOG SANGS RGYAS THAMS CAD KYI, ,AE BAm YI GE LA RAB GNAS, ,ZHES GSUNGS PA LTAR AES MTSON PA'I DON RNAM THAR GSUM GYI STONG NYID DANG, BAm GYIS MTSON PA'I DON LHAN SKYES KYI BDE BA CHEN PO GNYIS YUL DANG YUL CAN DU DBYER MED PAR SBYAR BA STE, DE NYID KYIS NA THEG PA DANG RGYUD SDE GZHAN GYI TSUL LAS MCHOG GO, YANG HE RU KA ZHAL BZHI PHYAG BCU GNYIS PA SOGS KYI RNAM PA CAN LA YANG BDE MCHOG CES BYA STE, DE GNYIS KA LA LAM DANG 'BRAS BU'I DUS KYI BDE MCHOG GNYIS GNYIS SU YOD CING, 'KHOR LO NI DE DAG GI TSOGS SO, ,PHYI MA LTAR NA SDOM 'BYUNG LAS, SKU GSUNG THUGS KYI YANG DAG LAS, ,RNAM PA THAMS CAD GCIG SDOM PA, ,SDOM PA BDE MCHOG BYANG CHUB STE, ,BRJOD PAR BYA MIN BSTAN DU MED, ,GSANG BA SANGS RGYAS THAMS CAD KYIS, ,'DUS PA SDOM PA DAG GI MCHOG , CES GSUNGS TE, SDOM PA NI 'DUS PA MCHOG GO, SDOM RGYU NI SANGS RGYAS THAMS CAD KYI SKU GSUNG THUGS KYI GSANG BA GSUM GYI LAS SO, ,DE NYID NI SKU GSUNG THUGS KYI 'KHOR LO YANG YIN NO, ,SDOM TSUL NI SDOM RGYU DE THAMS CAD DBYER MI PHYED PAR GCIG TU SDOM PA STE, BDE STONG GCIG TU SDOM PA DANG, SKU GSUNG THUGS GSUM LHAN SKYES KYI HE RU KA GCIG GI NGO BOR SDOM PA'O, ,DE LTAR NA SAm BA RA'I DON NI GNYIS KA'I STENG NAS SHES DGOS SO, ,MNGON PAR NI 'BRAS BU'I BDE MCHOG LA
, ,MNGON DU PHYOGS TE 'GRO BA'I LAM MO, ,RTOGS PA NI YUL KHONG DU CHUD PA'I DON MIN GYI, SNGAR BSHAD PA'I BDE MCHOG GNYIS YAN LAG DANG BCAS PA'I DON RGYUD LA SKYE BA'I RIM PA, LUNG DANG RTOGS PA ZHES GNYIS SU GRAGS PA'I RTOGS PA'I YON TAN NO, ,MNGON RTOGS KYI GZHUNG LA NI DE GNYIS BRJOD BYA'I SGO NAS BTAGS SO, ,LO TZ'A BA'I PHYAG 'TSAL BA'I DON NI RTOGS PAR SLA'O, ,GNYIS PA LA GNYIS, GZHUNG NAS DNGOS SU 'BYUNG BA DANG, MA TSANG BA KHA SKONG BA'I YAN LAG GO, DANG PO LA GSUM, BSKYED PA'I RIM PA DANG, RDZOGS PA'I RIM PA DANG, MTHONG CHOS KYI PHAN YON NO, ,DANG PO LA GSUM, GANG GIS SGOM PA'I RTEN DANG, GANG DU BSGOM PA'I GNAS DANG, JI LTAR DU BSGOM PA'I TSUL LO, ,DANG PO NI, SNGAGS DANG PHA ROL TU PHYIN PA THUN MONG BA'I LAM GYI RIM PA LA SNGON DU BLO SBYANGS PA ZHIG DGOS TE, SDOM 'BYUNG LAS, BRTAN ZHING DUL LA BLO GROS LDAN, ,BZOD LDAN DRANG ZHING GA-YO SGYU MED, ,MI DGE BCU NI YONGS SU SPANGS, ,SEMS CAN RNAMS LA BYAMS PAR LTA, ,'BAR BA'I ME DANG DUG BZHIN DU, ,GZHAN GYI NOR LA MI REG CING, ,RTAG PAR RGYUN DU BLA MA MCHOD, ,DAM CHOS LTA BAR SPRO BA DANG, ,RTAG TU SBYIN PA LA SOGS DGA', ,'JIG RTEN PHA ROL MNGON PAR 'DOD, ,DE DAG SLOB MAR RAB BSNGAGS TE, ,DKYIL 'KHOR DGE BA BSTAN PAR BYA, ,ZHES THOG MAR DKYIL 'KHOR DU 'JUG PA LA, ,MI DGE BCU SPANGS PA DANG, RTAG TU BLA MA LA MCHOD PA DANG, SPYOD PA SBYIN SOGS PHYIN DRUG SPYOD PA LA DGA' ZHING, BSAM PA 'JIG
RTEN PHYI MA'I DON, ,MCHOG GI DNGOS GRUB DON DU GNYER BA ZHIG DGOS PAR BSHAD LA, DE NI SNGA ROL TU BLO MA SBYANGS PA LA RANG 'KHRUNGS SU MI 'BYUNG BA'I PHYIR DANG, DE 'DRA BA LA BLO SBYONG BA NYID THEG CHEN GNYIS THUN MONG BA'I LAM RIM LA SBYONG BA YIN PA'I PHYIR RO, ,DES NA DE 'DRA BA DES MTSAN NYID DANG LDAN PA'I RDO RJE SLOB DPON LA 'DI'I DBANG RDZOGS PAR THOB NAS SNGAGS KYI LAM SGOM PA LA SNOD RUNG DU BYAS SHING, DE'I DUS SU BLA MAS JI LTAR BSTAN PA DE BZHIN DU DBANG THOB PA'I 'OG TU DAM TSIG DANG SDOM PA SRUNG BA LA BRTZON PA ZHIG GIS RTZA BSHAD LEGS PAR SBYAR BA'I MAN NGAG PHUN TSOGS LA BRTEN NAS BSGOMS NA 'GRUB KYI, DE LAS BZLOG PAS NI MI 'GRUB STE, SDOM 'BYUNG LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD PAR BRTZON, ,SNOD DU BYAS PA'I RGYUN LAS NI, ,'KHOR LO LA SOGS SGOM RIM GYIS, ,YANG DAG MAN NGAG PHUN TSOGS RNAMS, ,'GRUB PAR 'GYUR RO GZHAN DU MIN, ,ZHES GSUNGS PAS MTSAN NYID DE DAG DANG LDAN PA LA 'BAD PAR BYA'O, ,GNYIS PA NI, MNGON BRJOD LAS, RI SUL DANG NI RI RTZE DANG, ,CHU BO CHEN PO'I NGOGS DAG DANG, ,RGYA MTSO CHEN PO'I 'GRAM DAG DANG, ,SHING GCIG DANG NI DGE BA'I GNAS, ,MA MO'I KHYIM MAM DUR KHROD DANG, ,SNA TSOGS DBEN PA'I SA PHYOGS SAM, ,LHA KHANG DAM NI MCHOD RTEN NAM, ,KHYIM MAM BZHI MDO DAG TU NI, ,SGRUB PA PO YIS SBYOR BSGRUBS NA, ,'DOD PA KUN GYI 'BRAS BU STER, ,ZHES GSUNGS PA'I GNAS GANG RUNG YID DANG MTHUN PAR BSGOM MO, ,YANG DE NYID LAS, YE SHES LNGA YI BDUD
, ,RTZIS NI, ,SA NI BYUG PA BYAS NAS KYANG, ,BZOD PAR BYAS PA'I ME TOG GIS, ,'BAD PA YIS NI GTOR BAR BYA, ,ZHES GSUNGS PA LTAR SGRUB KHANG DU BDUD RTZI LNGAS BYUGS PA DANG, ME TOG GCAL DU DGRAM MO, ,GZHAN YANG BCOM LDAN 'DAS KYI SKU GZUGS DANG RDOR DRIR SOGS 'TSOGS PAR BYA'O, ,GSUM PA LA GNYIS, THUN GYI NGO BO LA JI LTAR BYA BA DANG, THUN SNGA PHYI'I BAR DU JI LTAR BYA BA'O, ,DANG PO LA GSUM, THUN GYI MGOR JI LTAR BYA BA DANG, THUN GYI DNGOS GZHI LA JI LTAR BYA BA DANG, THUN GYI MJUG TU JI LTAR BYA BA'O, ,DANG PO LA GSUM, SNGON DU BYA BA'I RIM PA DANG, RNAL 'BYOR GYI YAN LAG RNAMS RGYUD NAS GSUNGS TSUL DANG, GSUNGS PA DE SGRUB PA'I TSUL LO, ,DANG PO NI, LVA BA PA'I 'GREL PA DANG, PRADZNY'A RAKshI TA DANG, DE BZHIN GSHEGS PA'I RDO RJE'I 'GREL PA LAS, SKRA GROL ZHING KHA LHOR BLTAS TE, RO'I STENG DU 'DUG NAS BDUD RTZI LNGA'I RIL BU KHAR BCUG STE KHA DOG PAR BYED PA BSHAD LA, 'GREL PA GSUM PA KHYAD PAR GSAL BYED LAS, SNGON DU GTOR MA'ANG BYA BAR BSHAD DO, ,DE LA RO GDAN NI DNGOS SAM BSGOMS PA GANG RUNG DANG, BDUD RTZI RIL BU DNGOS SU MED NA NANG MCHOD BSGRUBS PA LCE THOG TU 'JOG PA DANG, SKRA NI DNGOS SAM BCOS MA GANG RUNG NGO, ,SNGON 'GRO'I GTOR MA BTANG NAS SGRUB PA'I BAR CHAD ZHI BA'I 'PHRIN LAS BCOL BA NI, THUN BZHI KA'AM THUN DANG PO'I MGOR BYA'O, ,SKABS 'DI'I GTOR MA NI ZHING SKYONG LA STER BAR MKHA' 'GRO RGYA MTSO LAS GSUNGS PAS 'JIG RTEN PA'I GTOR MA'O, ,LUS GNAD
NI BDE BA'I STAN LA RDO RJE'I SKYIL KRUNG GIS 'DUG CING, LAG PA GNYIS MNYAM GZHAG BYA BAR GUR 'GREL LAS GSUNGS LA, MIG SNA RTZER DBAB CING SO CUNG ZAD MA 'BYAR BAR LUS MI GA-YO BAR GNAS PAR BYA BAR BRAM ZE BRIm KA RAS BSHAD DO, ,DE NAS MCHED PA BYIN GYIS BRLAB PA LA, MCHOD PA'I RDZIS NI SDOM 'BYUNG LAS, ,BSANG GTOR ZHABS BSIL MCHOD YON DAG ,CES DANG, ME TOG BDUG PA MAR ME DRI, ,DE BZHIN ZHAL ZAS DBUL BAR BYA, ,ZHES DANG, DER ZHAL BSIL YANG GSUNGS PAS CHU BZHI DANG, NYER SPYOD SOGS SO, ,BSHAM PA'I TSUL NI MNGON BRJOD LAS, GA-YON SKOR DU NI BSKOR BA YIS, ,MCHOD PA DGOD DANG, ZHES GA-YON SKOR DU DGOD PAR GSUNGS PA LTAR RO, ,MCHOD PA BSANG BA LA, BIR WA BAS, DE RJES YIG GSUM SNGAGS KYIS NI, ,MNGON PAR BSNGAGS PA'I DAM TSIG CHUS, ,MCHOD RDZAS DAG LA BSANG GTOR BYA, ,ZHES DANG, BHU BA BLO LDAN GYIS, BI MU MAR 'DI LEGS BKANG, ,BGEGS KUN RNAM PAR SEL BAR BYED, ,CES BSHAD PA LTAR, BDUD RTZI LNGA'I RIL BU DANG SBYAR BA'AM DE MED NA NANG MCHOD BSGRUB PA'I RDZAS DANG, SUm BHA NI LA SOGS PA'I SNGAGS SAM DU MA SKYES MA'I SNGAGS KYIS BSANG GTOR BYAS LA, MA DAG PA DANG BGEGS BSAL LO, ,SBYANG BA NI SVA BH'A BA'I SNGAGS BRJOD DE LA, THA MAL GYI SNANG BA 'OD GSAL DU SDUD PA'I TSUL GYIS BYA'O, ,BSKYED PA NI AA 'AM KAm LAS SNOD GANG YIN THOD PA'I SNOD DANG, RDZAS RNAMS H'Um LAS RANG BZHIN STONG NYID RNAM PA MCHOD RDZAS SO SO'I RNAM PA CAN BYED LAS DBANG PO DRUG GI SPYOD
, ,YUL DU ZAG PA MED PA'I BDE BA KHYAD PAR CAN BSKYED PAR BSAM STE, BRTAG GNYIS LAS, SNA TSOGS H'Um LAS RDZOGS PA DANG, ,ME TOG LA SOGS DBUL BAR BYA, ,ZHES GSUNGS SHING, DE'I 'GREL PA PAD MA CAN LAS KYANG, SNA TSOGS H'Um LAS SKYES PA YI, ,ZHES PA NI SO SOR ME TOG LA SOGS PA H'Um LAS SKYES PA'O, ,ZHES GSUNGS SO, ,BYIN GYIS BRLABS PA NI SO SO'I SNGAGS DANG PHYAG RGYAS BYED PAR BLA MA RNAMS BZHED DO, ,DE NAS YI GE BRGYA PA'I BZLAS PA NI THUN GYI MTHAR GSUNGS PA MANG YANG BLA MA RNAMS SKABS 'DIR MDZAD PA YANG MI 'GAL LO, ,DE YANG SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS GYUR PAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES THUN MTSAMS SU RDO RJE SEMS DPA' BSGOMS NAS YIG BRGYA NYER GCIG RE MA CHAG PAR BZLAS NA LTUNG BA MI 'PHEL BA DANG, 'BUM PHRAG GCIG BZLAS NA NYES PA RNAMS 'DAG PAR GRUB PA MCHOG BRNYES PA RNAMS KYIS GSUNGS PAS DE LTAR BYA'O, ,ZHES GSUNGS PA BZHIN DU DGOS PA DE GNYIS KYI PHYIR DU RDOR SEMS KYI BSGOM BZLAS BYA'O, ,'DI LA RANG NYID RDOR SEMS SU BSGOMS NAS BYAS PAS CHOG MOD KYANG, BLA MA RNAMS
KYI PHYAG BZHES LA SPYI BOR BSGOMS NAS MDZAD DO, ,GNYIS PA NI, PHUNG SOGS BYIN GYIS RLOBS PA NAS TSOGS ZHING GI MTHAR STONG NYID SGOM PA'I BAR 'DI RNAMS DANG, GO RIM KYANG RGYUD GANG NAS GSUNGS SNYAM NA, 'DI LA NYUNG NGU'I RTZA RGYUD LAS NI GSAL BAR MED LA, BSHAD RGYUD MNGON BRJOD LAS, DANG POR TSOGS ZHING SPYAN DRANGS TE, TSOGS GSOG PA DANG, DE NAS SA BON BCU BDUN LAS LHA BCU BDUN SGOM PA DANG, DE NAS BSRUNG 'KHOR RGYAS PA BSGOMS PA'I MTHAR RNAM THAR GSUM GYI SNGAGS DON SGOM PA BSHAD LA, ,SDOM 'BYUNG LAS, DANG POR HE RU KA PHYAG GNYIS PA SGOM PA DANG, DE NAS PHUNG SOGS KYI NGA RGYAL DANG, DE NAS BSRUNG 'KHOR DANG, DE NAS TSOGS ZHING SPYAN DRANGS TE, ,TSOGS BSAGS PA'I MTHAR STONG NYID SGOM PAR BSHAD DE, L'U AI PA'I SGRUB THABS NAS 'BYUNG BA'I RIM PA NI RGYUD DE'I LUGS SU SHES DGOS PAR SNANG NGO, ,PHUNG SOGS BYIN GYIS BRLOBS PA GZHUNG 'DIR BKOD PA NI, KUN SPYOD KYI RGYUD BZHIN YIN MOD KYANG, RGYUD RANG NA D RNAMS SKABS 'DIR BYED PA MI GSAL BA, GRUB CHEN GYIS 'DIR BYED PAR BSHAD PAS, RGYUD DE'I DGONGS PA YANG DE LTAR RO, ,GSUM PA LA BZHI, SGO GSUM DAG PAR BYAS NAS TSAD MED PA SGOM PA DANG, PHUNG KHAMS SKYE MCHED BYIN GYIS BRLAB PA DANG, 'GAL RKYEN 'GOG PA'I BSRUNG 'KHOR SGOM PA DANG, MTHUN RKYEN BSTEN PA'I TSOGS BSAGS PA'O, ,DANG PO NI, BSGOM PAR BYA'O ZHES BSHAD GZHIR DRANG NGO, ,DUS NAM GYI TSE NA TSAD MED SOGS SGOM PA'I DANG POR RO, ,GANG SGOM PA DANG, GANG GIS SGOM NA SGO GSUM DAG PAR BYED PA'I RNAL 'BYOR DANG LDAN PA'I RNAL 'BYOR
, ,GYI DBANG PHYUG GIS BSGOM PAR STON PAS, SNGON DU RNAL 'BYOR GSUM BSGOMS NAS, DE NAS LHAG MA RNAMS SGOM PA RE SHIG CES RIM PA STON PA'I DON DU BYA'O, ,DE LTAR NA SNGON DU RNAL 'BYOR GSUM SGOM DGOS PA LA YID DAG PAR BYED TSUL NI, SHR'I HE RU KA ZHES PA'I YI GE BZHI'I DON MNGON DU BYED PA YIN LA, DE YANG KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA YIN, ,RU NI BKOD DANG BRAL BA STE, ,KA NI GANG DU'ANG MI GNAS PA, ,ZHES GSUNGS PA LTAR YID LA BYED PA'O, ,DE LTAR GSUNGS PA'I DON LA 'CHAD TSUL MANG DU YOD KYANG, SGRUB THABS KYI MGOR YI GE BZHI'I DON YID LA BYED PA 'DI MKHA' 'GRO RGYA MTSOR GSUNGS PAS DE LTAR BYAS NA LEGS SO, ,DER, AE BAm LA SOGS GNYIS MED LA'ANG, ,SHR'I ZHES BYA BA'I YIG DES BRJOD, ,HE YIG SNYING KHA NAS KUN TU, ,HE RU KA SOGS RANG 'KHOR 'GRO ,SGOM PA KUN GYI 'BYUNG GNAS LAS, ,'DZIN PA LA SOGS RNAM SKYED 'GYUR, ,DE NI RGYU STONG BDAG NYID DE, ,RGYU'I BDAG NYID DU MI RTOG PA'O, ,RANG BZHIN CHOS BDAG MED PA NYID, ,DE NI STONG PA'I RNAL 'BYOR GNAS, ,BKOD PA GANG ZAG BDAG MED PA, ,RTOG PA'I DRA BA CHEN PO NI, ,RU YIG RKYEN GYI BDAG NYID CAN, ,DE NI BDAG GI BKOD BRAL BA'O, ,SLAR BRJOD KA NI MA LUS PA'I, ,BDAG GIS GNYIS BYAR MED SHES GANG, ,GANG PHYIR CI LA'ANG MI GNAS PA, ,DE PHYIR KA ZHES BYA BAR BRJOD, ,CES GSUNGS SO, ,DE'I DON NI HES CHOS KYI BDAG MED DANG, RUS GANG ZAG GI BDAG MED DE, YUL BDAG MED GNYIS DANG, KAS YUL CAN GYI YE SHES DANG, SHR'IS DE GNYIS DBYER MI
PHYED PA STON NO, ,DE LA HE RU KA LA SOGS PA'I RANG GI 'KHOR LOR 'GRO BA NI SKYED PA'O, ,HE RU KA SOGS SGOM PA KUN GYI 'BYUNG GNAS SU GYUR PA LAS 'DZIN PA PO LA SOGS PA'I DKYIL 'KHOR SKYED PA NI, RANG GI SNYING KHA NA RGYUN TU GNAS PA'I SEMS TE HE'O, ,RGYU DE RANG GI NGO BO NYID KYIS GRUB PAS STONG PAS RGYU'I NGO BO DER BRTAG TU MED PA NI, RGYU SPANGS PA'AM RGYUS STONG PA'I DON NO, ,SOGS KYI SGRA 'DIR MA BYUNG YANG GZHAN LAS MANG DU 'BYUNG BA LTAR NA, RANG GI NGO BO DANG 'BRAS BU GNYIS RANG BZHIN MED PA LA BYA BA'AM, YANG NA SOGS KYI SKAD DOD DANG PO LA'ANG 'JUG PAS, DANG POR SKYE BA'I RGYUS STONG PA'O, ,DANG PO LTAR NA PHUNG PO DANG SKYE MCHED KYI CHOS KUN LA 'GRO LA, ,PHYI MA LTAR NA RTZA SHE LAS, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, ,CES GSUNGS PA'I RIGS PAS 'DUS BYAS MA BYAS KYI CHOS KUN RANG BZHIN MED PAR 'GRUB BO, ,DMIGS PA GANG ZAG LA DMIGS NAS BDAG TU 'DZIN PA'I RNAM RTOG 'KHOR BAR 'CHING BYED KYI DRA BA CHEN POS BDEN PAR BKOD PA STE BTAGS PA'I BDAG GI BKOD PA DANG BRAL BA NI RU YIG GI DON NO, ,DE 'DRA BA'I YUL GYI GNAS TSUL DANG, DE KHO NA NYID KYI 'DZIN STANGS GNYIS MI MTHUN PAR BYAR MED PA'I SHES PA NI KA'I DON TE, GANG GI PHYIR NA DE KHO NA NYID LA 'JUG PA'I BLO NI BDEN PA'I DMIGS GTAD CI LA YANG MI GNAS PA DE'I PHYIR RO, ,DE LTAR YUL GANG LA YANG BDEN PAR GRUB PA CUNG ZAD KYANG MED PA DE BZHIN DU BLOS KYANG BDEN 'DZIN GYI DMIGS GTAD SPANGS PA GNYIS CHU LA CHU BZHAG PA BZHIN DU GNYIS MED KYI YE SHES SU SONG BA NI, SHR'I YIG GI DON
, ,TE, DE NI AE BAm GYI DON THABS SHES DBYER MED DO, ,DE 'DRA BA'I TSUL GYIS YI GE BZHI'I DON SGOM PA, RANG LHAR SGOM PA'I LUS NGAG PA'I SNGON DU GSUNGS PA NI, GZHUNG GZHAN NAS SH'U N+YA T'A DZNY'A NA BADZRA'I SNGAGS DON SGOM PAR GSUNGS PA DANG DON GCIG STE, HE DANG RU'I DON NI SH'U N+YA T'A'I DON DANG, KA'I DON NI DZNY'A NA'I DON DANG, SHR'I DON NI BADZRA STE RDO RJE LTAR MI PHYED PA'I DON YIN PA'I PHYIR RO, ,DE'I PHYIR 'KHRUL SPONG LAS, YI GE BZHI'I DON MNGON DU BYAS LA, CIG CAR DU STONG PA'I NGANG LAS THA MAL PA'I NGA RGYAL SPANGS LA, SHES RAB MA DANG BCAS PA'I SDOM PA PHYAG GNYIS PA'I NGA RGYAL GYIS ZHES BSHAD PA LTAR LEGS KYI, KHA CIG GIS LUS DAG PA SNGON DU BLANGS NAS, NGAG YID DAG PA RJES SU BYED PA NI DON LEGS PAR MA RTAGS PA YIN PAS, GO RIM NI 'GREL PA GSUM DANG 'KHRUL SPONG LTAR BYA'O, ,YI GE BZHI'I DON YID LA BYAS PA'I DGOS PA NI, YID BDAG GNYIS SU 'DZIN PA'I KUN RTOG GI DRI MAS DAG PAR BYA BA'I DON TO, ,DE NAS LUS DAG BYED KYI RNAL 'BYOR NI, STONG PA'I NGANG NAS RANG NYID HE RU KA SKU MDOG SNGON PO ZHAL GCIG PA, PHYAG GNYIS KYIS RDOR DRIL 'DZIN PA, GA-YAS BRKYANG GIS BZHUGS PAR BSKYED LA, SEMS CAN THAMS CAD LA PHAN BDE'I SEMS KYIS SHR'I HE RU KONYAHAm ZHES LAN GSUM BRJOD DO, ,LVA BA PA'I 'GREL PAR YUM BSHAD, PRADZNY'A RAKshI TA'I 'GREL PAR YUM DANG BCAS MA BCAS GDAM NGA CAN DU BSHAD LA, 'KHRUL SPONG DANG KHYAD PAR GSAL BYED DU YUM BCAS SU BSHAD DO, ,BOD KYI BLA MA KHA CIG YAB RKYANG DU BYED MOD KYANG LVA BA PA'I BZHED PA LA, YUM YOD PAS KHA BSKANGS PA NYID LEGS PAR RTOGS
SO, ,YI GE BZHI'I MTHAR AA HAm SBYAR BA NI, STONG PAR ZHUGS PA'I LHAN SKYES KYI SEMS YI GE BZHI'I DON DU GNAS PA DE NYID PHYAG GNYIS PA'I SKUR SHAR BA YIN PAS, SNGAR GYI DE NI STONG PA'I YE SHES TZAM YIN LA, 'DIR NI HE RU KA'I SKUR SHAR BA DANG GNYIS TSOGS SO, ,'GREL PA GZHAN GNYIS LAS SEMS CAN THAMS CAD LA PHAN PA DANG BDE BA'I PHYIR, YI GE BZHI DANG BCAS PA'I NGA RGYAL 'DZIN PAR BSHAD PA NI, KHYAD PAR GSAL BYED DU SEMS CAN THAMS CAD LA PHAN PA'I SEMS KYIS NGA RGYAL LAN GSUM BYA BAR BSHAD PA LTAR BYAS NA BDE'O, ,SNGON DU YI GE BZHI'I DON YID LA BYED PA LA, 'GREL PA RNAMS NAS THOG MAR AOm DANG MTHAR AA HAm SBYAR BA MED DO, ,LUS DAG PAR BYAS PA'I DGOS PA NI, LUS KYI BYA BA THAMS CAD DAG PAR BYED PAR GSUNGS PA NI, THA MAL PA'I LUS KYI BYA BA DAG PAR BYED PA'O, ,'GRO BA THAMS CAD KYANG THOG MA MED PA NAS GRUB CING, RANG BZHIN GYIS YONGS SU DAG PA'I HE RU KA'I GZUGS SU YANG MTSON PA'O, ,ZHES GSUNGS PA NI KHYAD PAR GSAL BYED DU THOG MED NAS GRUB PA'I ZHES 'BYUNG BA LTAR YIN LA, GZUGS NI 'GREL PA GZHAN GNYIS SU RANG BZHIN DANG, TSUL DU BSGYUR RO, ,DON NI HE RU KA DANG SEMS CAN RNAMS RANG BZHIN RNAM DAG 'DRA BAR STON PA'O, ,DE NAS NGAG DAG PAR BYED TSUL NI, MGOR AOm DANG MTHAR H'Um H'Um PHAt DANG LDAN PA'I A'A LI K'A LI'I PHRENG BA 'OD ZER LNGA DANG BCAS PA YONGS SU BSKOR NAS GNAS PA LAS, 'KHOR LO GSUM GYI LHA TSOGS SPROS TE, BGEGS BRLAG PAR BYA BAR LVA BA PA'I 'GREL PAR BSHAD, PRA DZNY'A RAKshI TAS, 'OD ZER LNGA DANG LDAN PA LAN GSUM DU BRJOD PAS YONGS
, ,SU BSKOR NAS GNAS PA LAS SNGA MA BZHIN SPROS TE, BGEGS RNAMS BSKRAD PAR BSAM ZHES BSHAD DE, SNGA MA'I DPE KHA CIG LAS KYANG DE LTAR 'BYUNG NGO, ,KHYAD PAR GSAL BYED LAS GA-YON SKOR GYIS LTE BA'I PHYOGS SU LAN GSUM BSKOR NAS GNAS PA LAS SPRO BAR BSHAD PA LTAR, BSKOR SA NI LTE BA'I PHYOGS YIN LA, DE'I SGOM TSUL NI TSAR GSUM BRJOD PA'I RE RE'I DUS SU 'KHOR BAR SEMS PA LA BYAS NA SNGA MA DANG MTHUN, LHA RNAMS PHYIR SPRO BA NA SNA BU GA-YAS PA NAS DANG, MTHAR GA-YON PA NAS ZHUGS TE THIM PAR BSAM MO, ,NGAG DAG PAR BYAS PA'I DGOS PA NI, THA MAL GYI NGAG GI BYA BA THAMS CAD DAG PAR 'GYUR BA'O, ,'DIR LVA BA PAS SGO GSUM DAG PA'I RNAL 'BYOR SNGON DU BYAS NAS, DE'I RJES SU TSAD MED SGOM PAR GANG LAS SHES ZHES PA'I LAN DU BLA MA'I MAN NGAG DANG, RNAL 'BYOR GYI DBANG PHYUG CES PA'I TSIG LAS KYANG NGO, ,ZHES GSUNGS PA'I DANG PO'I DON NI, L'U AI PA'I GZHUNG NA DNGOS SU MI GSAL YANG BLA MA'I MAN NGAG GIS SBYOR CES PA YIN LA, GNYIS PA'I DON NI DANG POR RE SHIG RNAL 'BYOR GYI DBANG PHYUG GIS ZHES PA'I TSIG GIS KYANG CUNG ZAD TZAM ZIN TE, DE'I DON NI RE SHIG DANG POR SGO GSUM DAG BYED KYI RNAL 'BYOR GYIS RNAL 'BYOR GYI DBANG PHYUG TU BYA LA, DE NAS DES TSAD MED BSGOM PAR BYA'O ZHES PA'I DON DU YANG BSHAD NUS PA'I PHYIR RO SNYAM DU DGONGS SO, ,DE RNAMS KYANG L'U AI PA'I GZHUNG GI DBANG DU MDZAD PA YIN GYI GZHUNG GZHAN NAS SHES BYED GSAL BA MED PA NI MIN TE, YID DAG PA SNGON DU SGOM PA NI, MKHA'
'GRO RGYA MTSO LAS BSHAD LA, LUS DAG PA NI, SDOM 'BYUNG LAS, PHYAG GNYIS HE RU KA SBYOR LDAN, ,ZHES MNGON RTOGS SGOM PA'I THOG MAR HE RU KA PHYAG GNYIS PA'I RNAL 'BYOR DANG LDAN PAR BYA BAR SHIN TU GSAL BAR GSUNGS LA, 'GREL PAS KYANG PHYAG GNYIS PA YUM DANG BCAS PA SGOM PAR BSHAD DO, ,NGAG DAG PA NI KUN SPYOD LAS, ,A'A LI K'A LI BSHAD PA'I SKABS SU, RNAL 'BYOR PA YIS DANG POR BRJOD, ,HE RU KA DPAL GNYIS MED 'GYUR, ,ZHES GSUNGS PA LAS SHES SO, ,KHA CIG NGAG DANG YID DAG PA GNYIS KYI KHUNGS SU RTZA RGYUD LAS, A'A LI K'A LI ZHES BRJOD NAS, ,RGYU SOGS STONG PA SNGON 'GRO BAS, ,ZHES GSUNGS PA 'DREN MOD KYANG SHIN TU MI GSAL BAS, 'DI GSUM GYI KHUNGS NI SNGAR DRANGS PA NYID GSAL ZHING SKABS DANG 'BYOR RO, ,DAG PA GSUM PO 'DI PHAM MTHING PA SKU MCHED NAS BRGYUD PA'I L'U AI PA'I SGRUB THABS LA'ANG BYED PA DANG MI BYED PA GNYIS SU SNANG YANG, SNGON GYI MKHAS PA MAR DO LA SOGS PA DANG, PHYIS KYI MKHAS PA KHA CIG MDZAD PAR SNANG BA LEGS SO, ,DAG PA GSUM PO 'DI NI L'U AI PA'I SGRUB THABS KHO NA LA MIN GYI DRIL BU PA DANG NAG PO PA SOGS KYI SGRUB THABS SU YANG SHES PAR BYA STE, MA NA KA SHR'IS, BDE MCHOG RE GNYIS PA'I LUS DKYIL DANG, KshANTI SHR'IS SDOM 'BYUNG GI BCU GSUM MA LA YANG SBYAR BA BZHIN NO, ,DE LTAR DAG PA GSUM BSGOMS NAS GANG SGOM SNYAM NA, TSANGS PA STE SHIN TU DAG PA'I MYANG 'DAS KYI GNAS TE RGYU BYAMS SOGS BZHI BSGOM MO, ,LHA TSANGS PAR SKYE BA'I RGYU LA'ANG BSHAD PA YOD DE, TSANGS PA PHAL BA'O, ,DBANG PO RNON POS BYAMS SOGS BSDUS TE BSGOM PA NI, BDAG GIS SEMS CAN
, ,THAMS CAD 'KHOR BA'I SDUG BSNGAL LAS BTON TE, DE BZHIN NYID DANG RO GCIG PA'I BDE BA CHEN PO LA DGOD PAR BYA'O ZHES PA YIN LA SO SOR PHYE STE SGOM NA, SEMS CAN THAMS CAD SDUG BSNGAL LAS 'DON PA DANG, BDE BA CHEN PO LA 'GOD PA DANG, THOB ZIN GYI BDE BA BRTAN PAR 'DOD PA NI RIM PA BZHIN DU SNYING RJE DANG, BYAMS PA DANG DGA' BA'O, ,BTANG SNYOMS NI DE BZHIN NYID LA RO GCIG TU GNAS PAR 'DOD PA'O, ,'DI BZHI SGOM PAR MNGON BRJOD LAS KYANG BSHAD LA, SDOM 'BYUNG LAS KYANG, GZHAN PHAN BSAM PA BYAMS PA STE, ,SNYING RJE GZHAN GYI SDUG BSNGAL 'JOMS, ,GZHAN BDES TSIM PA DGA' BA STE, ,SEMS CAN GZHAN SNYOMS BTANG SNYOMS SO, ,ZHES GSUNGS TE GZHAN LA BDE BA BYUNG BAS RANG TSIM PA DGA' BA DANG, SEMS CAN GZHAN RNAMS SEMS SNYOMS PAR 'DOD PA BTANG SNYOMS SU BSHAD DO, ,'DI BZHI BSGOMS PA'I DGOS PA NI LVA BA PAS, BYANG CHUB TU SEMS BSKYED PAS NI DGE BA'I RTZA BA THAMS CAD 'PHEL BA'O, ,ZHES GSUNGS PAS TSAD MED BZHI'I SGO NAS SEMS CAN THAMS CAD LA PHAN BDE BSGRUB PAR 'DOD PA BSKYED NAS, DE NAS DON DE SGRUB PA'I PHYIR DU RDZOGS PA'I BYANG CHUB THOB PAR 'DOD PA'I SEMS BSKYED DGOS SO, ,BOD KYI BLA MA SNGA MA MANG POS TSAD MED BSGOM PA RNAL 'BYOR SRUNG BA DANG, PHUNG SOGS BYIN GYIS RLOBS PA BDAG SRUNG DANG, BSRUNG 'KHOR SGOM PA GNAS SRUNG DU BZHED PA'I DANG PO NI, JO BO CHEN PO'I 'GREL PA DANG MTHUN NO, ,GNYIS PA NI, PHUNG KHAMS SKYE MCHED DAG PAR BYAS PAS KUN NAS BSLANG PA'I MCHOD PA LA SOGS PA NI MYUR DU BYANG
CHUB 'GRUB PAR BYED PAS DE NAS ZHES SO, ,'DI LA GNYIS, BYIN GYIS BRLAB TSUL SO SOR BSHAD PA DANG, THUN MONG GI DON BSDU BA'O, ,DANG PO LA GSUM, PHUNG PO BYIN GYIS BRLAB PA DANG, SKYE MCHED BYIN GYIS BRLAB PA DANG, KHAMS BYIN GYIS BRLAB PA'O, ,DANG PO NI, TSAD MED BSGOMS PA'I RJES DE NAS PHUNG PO LNGA BYIN GYIS RLOB PA'I LHA'I NGA RGYAL BSKYED PAR BYA STE'O, ,GZUGS KYI PHUNG PO NAS RNAM SHES KYI PHUNG PO'I BAR LNGA BYIN GYIS RLOB PA NI, RIM PA BZHIN DU RNAM PAR SNANG MDZAD NAS RDO RJE SEMS DPA'I BAR LNGA DANG, DE BZHIN GSHEGS PA THAMS CAD KYIS TE PHUNG PO LNGA KA'I DE BZHIN NYID BYIN GYIS RLOB PA LA NI, BCOM LDAN 'DAS DPAL HE RU KA RDO RJE'O, ,'DI DRUG GI KHA DOG NI, MNGON BRJOD LAS, RIM PA BZHIN DKAR SER DMAR LJANG DKAR NAG POR BSHAD DE, SA BON DRUG GI KHA DOG KYANG DE BZHIN DU BSHAD DO, ,MNGON BRJOD LAS, BSRUNG 'KHOR GYI SNGON DU PHUNG PO BYIN GYIS RLOB PA DANG, DKYIL 'KHOR GYI GTZO BO YAB YUM BSKYED PA'I RJES SU PHUNG PO BYIN GYIS RLOB PA DANG, GO CHA'I LHA RDOR SEMS SOGS DRUG BSHAD PA'I SKABS DANG, LE'U NYER BZHI PAR DE BZHIN GSHEGS PA RIGS DRUG GI 'KHOR LOR BSGYUR PA DRUG GI DKYIL 'KHOR GYI GTZO BO BSHAD PA'I SKABS BZHI LAS, DANG PO GNYIS KYI SKABS DANG, KUN SPYOD DANG, PHAG MO MNGON 'BYUNG DANG SAm BU tAR, RIGS DRUG GZUGS PHUNG SOGS DRUG DANG SBYOR TSUL DANG, GO RIM GZHUNG 'DI BZHIN DU BSHAD LA, SA BON NI, BSHAD RGYUD GZHAN DANG DE'I 'GREL PA GNYIS SU MI GSAL YANG, MNGON BRJOD DANG PHAG MO MNGON 'BYUNG DANG, KHYAD PAR GSAL BYED LAS 'BYUNG NGO, ,DE YANG KHYUNG PO'I 'GYUR LO CHUNG GIS
, ,BCOS PA'I MNGON BRJOD KYI SKABS DANG POR, AOm BRUm AA HRI HO H'Um ZHES 'BYUNG, MNGON BRJOD RIG PA GZHON NUS BSGYUR BA 'BROG MIS BCOS PA'I SKABS DANG POR, BRUm Am HRI: HO H'Um HI ZHES 'BYUNG ZHING, MNGON BRJOD KHA CIG DANG, PHAG MO MNGON 'BYUNG DU YANG DRUG PA MED PAR DANG PO LNGA DE BZHIN DU 'BYUNG NGO, ,SKABS GNYIS PAR NI 'GYUR GNYIS KA LAS, RNAM SNANG GI SA BON AOm DU BSHAD PA MA GTOGS PA GZHAN LNGA 'DRA'O, ,SKABS GSUM PAR NI, AOm HA LA SOGS PA DRUG TU BSHAD CING, RNAM SNANG SER PO DANG, RDO RJE NYI MA DMAR SER DU BSHAD PAS, SA BON DANG SKU MDOG KYANG MI 'DRA'O, ,SKABS BZHI PAR NI SA BON DRUG KYANG JI BZHIN MI 'DRA LA, GO RIM KYANG MI BSKYOD PA RNAM SNANG RIN 'BYUNG 'OD DPAG MED RDOR SEMS KYI RIM PAS BSHAD LA, HE RU KA ZUR PA MED DO, ,DE LTAR MANG DU YOD KYANG SKABS 'DI'I RIGS DRUG GI SA BON NI, BSRUNG 'KHOR GYI SNGON DU PHUNG PO BYIN GYIS RLOB PA'I SA BON BSHAD PA LTAR BYED RGYU YIN LA, DE NI 'BROG MIS BSGYUR BA LTAR KHYAD PAR GSAL BYED LAS KYANG 'BYUNG BA LEGS KYI, DRUG KA MA TSANG BA DANG, AOm DANG BRUm GNYIS 'BYUNG BA MA DAG PAR GSAL LO, ,DRUG PO DE LUS KYI GNAS GANG DU SGOM PA NI, RGYUD DANG 'DI'I 'GREL PA GZHAN RNAMS NAS MI GSAL YANG, KHYAD PAR GSAL BYED LAS, RIM PAS DPRAL BA LTE BA MGRIN, ,RKANG PA SNYING DANG SPYI BO RU'O, ,ZHES BSHAD LA, RNAM SNANG SOGS GNAS DE DAG TU SGOM PA'I RGYU MTSAN NI, KHYAD PAR GSAL BYED LAS GZUGS PHUNG GI SA BON GYI RTEN YIN PAS, GZUGS PHUNG GI GNAS KYI GTZO BO NI MGO BO'I DBUS SU BSHAD DE, DPRAL BA THIG LE'I GNAS
SU BSHAD PA LA BSAMS SO, ,TSOR PHUNG DROD LA BRTEN PAS DE'I GNAS KYI GTZO BO NI LTE BA DANG, 'DU SHES NI MIG LA SOGS PA'I RNAM SHES DRUG DANG MTSUNGS LDAN DU 'BYUNG LA, DBANG PO RNAMS PHAL CHE BA'I GNAS MGRIN PA YIN PAS, 'DU SHES KYI GNAS MGRIN PA DANG, 'DU BYED KYI PHUNG PO'I RTZA NYON DANG NYE NYON SOGS KYI SEMS BYUNG GI RTEN RLUNG YIN LA, DE'I GNAS NI RKANG PA GNYIS KYI LONG BU'I 'OG DANG, RNAM SHES KYI PHUNG PO SEMS KYI RTEN SROG 'DZIN GYI RLUNG SNYING KHAR GNAS PA, RNAM SHES KYI PHUNG PO'I GNAS SNYING KHAR BSHAD CING, HI YIG SPYI GTZUG TU 'GOD PAR BSHAD PA TZAM LAS RGYU MTSAN MA BSHAD DO, ,GNAS DE DRUG TU YI GE DRUG BKOD NAS DE RNAMS YONGS SU GYUR PA LAS, RNAM SNANG SOGS DRUG TU GYUR PA'I THAMS CAD KYANG ZHAL GCIG PHYAG GNYIS PA'O, ,PHYAG MTSAN NI KHYAD PAR GSAL BYED LAS, DANG PO GA-YAS NA 'KHOR LO 'PHYAR, ,GA-YON PA DRIL BU DKUR BRTEN PA, ,GSUM PO RIN CHEN PAD MA DMAR, ,GA-YAS PA SNA TSOGS RDO RJE 'PHYAR, ,GA-YON RNAMS DRIL BU THUGS KAR BSNAMS, ,LNGA PA THUGS KAR PHYAG GA-YAS NA, ,RDO RJE GA-YON PA DRIL BU DKUR, ,BRTEN PA'O DE BZHIN GA-YON PA GZHAN, ,MI BSKYOD PA NI PHYAG GA-YAS KYIS, ,SA GNON PHYAG RGYAS RDO RJE 'DZIN, ,ZHES GSUNGS PA LTAR TE THA MA'I GA-YON PAS KYANG DRIL BU DKUR BRTEN PA'O, ,LVA BA PA DANG PRADZNY'A RAKshI TAS DRIL BU DKUR BRTEN PA GSUM NI BSNYEMS PA DANG BCAS PAR BSHAD LA, SGEG PA DANG ZHES 'BYUNG BA RNAMS NI SNGA MA DANG DON 'DRA BA'I 'GYUR KHYAD TZAM STE, DON NI 'GYING BA DANG BCAS PA'O, ,RIN 'BYUNG DANG SNANG MTHA' DANG DON GRUB
, ,GSUM NI, LVA BA PAS GA-YAS GSUM ROL PA DANG BCAS PAS 'DZIN ZHING, GA-YON GSUM LA THUGS KAR 'DZIN PA TZAM LAS KHYAD PAR MA BSHAD LA, PRADZNY'A RAKshI TAS GA-YAS GSUM GDENGS PA, GA-YON GSUM ROL PA DANG BCAS PAS THUGS KAR 'DZIN PAR BSHAD PA'I DANG PO NI, PHYAG MTSAN 'PHYAR BA DANG DON GCIG LA, ROL PA YANG 'GYING BA'I DON NO, ,DE GSUM GYI GA-YAS PA GSUM GYIS DKUR 'DZIN CING, GA-YON GSUM THUGS KAR PHYOGS PA DANG, HE RU KA'I GA-YON TING NGE 'DZIN GYI PHYAG RGYA CAN DU PRADZNY'A RAKshI TA'I 'GREL PA'I 'GYUR KHA CIG LAS 'BYUNG BA MI LEGS LA, DE'I 'GREL PA RDOG 'GYUR LAS, SNGAR BSHAD PA BZHIN 'BYUNG BA, LVA BA PA'I 'GREL PA DANG MTHUN PAS LEGS SO, ,MNGON BRJOD KYI SKABS BZHI PAR, MI 'KHRUGS PA DANG RTAG PA'I RIGS, ,RDO RJE NYI MA DE BZHIN TE, ,'OD DPAG MED DANG DON YOD GRUB, ,RDO RJE SEMS DPA' BDE BA CHE, ,ZHES DANG, DRUG PA RDO RJE SEMS DPA' YIN, ,LNGA PO HE RU KAR SHES BYA, ,RDO RJE DPA' BO YANG DE NYID, ,CES DANG, GDAN GYI RIM PA YANG DE NYID LAS, GLANG PO SENG GE RTA DANG NI, ,RMA BYA DANG NI MKHA' LDING DANG, ,DE YI STENG DU RI DVAGS GDAN, ,ZHES 'BYUNG STE, GZHUNG KHA CIG LAS, RO STENG DE DAG RIM BZHIN DU, ,RIGS DRUG GTZO BO BSGOM PAR BYA, ,ZHES KYANG 'BYUNG BA DANG, YANG DE NYID LAS RDO RJE LAG GIS SA LA REG ,RDO RJE DRIL BU DKUR BRTEN CING, ,ZHAL GYI MCHU NI RNAM PAR BSGYUR, ,'KHOR LO DRIL BU 'GYING DANG BCAS, ,RIN CHEN DRIL BU DE BZHIN TE, ,PADMA DRIL BU'I RIM PA DANG, ,DRIL BU SNA TSOGS RDO RJE NYID, ,THAMS
CAD BSNYOMS PAR RNAM BSGOMS TE, ,ZHES MI BSKYOD PA LA SOGS PA LNGA'I PHYAG MTSAN DANG, PADMA DANG ZLA NYI'I DBUS SU RDO RJE SKYIL KRUNG GIS BZHUGS PA DANG, PHYAG RGYA DRUG GIS BRGYAN PAR BSHAD DE, DKYIL 'KHOR DRUG GI DBUS SU RE RES GTZO BO BYED PA'I SKABS SU BSHAD DO, ,'DIR NI 'GREL PA GSUM GAR SPYAN GSUM PA, RAL PA'I COD PAN CAN, PHYAG RGYA LNGAS BRGYAN PA, GA-YAS BRKYANG DU BZHUGS PA DANG, HE RU KA MI BSKYOD PAR BSHAD CING, DE'I PHYAG MTSAN 'DZIN TSUL NI MNGON BRJOD DANG MTHUN NO, ,'DIR BOD KHA CIG GIS, AA BHY'A KA RA DANG, BI BHU TI TZANTRAS RDOR SEMS DRUG PA DANG, HE RU KA MI BSKYOD PAR BZHED PA, MNGON BRJOD LAS RDOR SEMS DRUG PAR GSUNGS PA DANG, GDAN DRUG GI RIM PA DANG, PHYAG MTSAN SNGAR DRANGS PA LTAR BSHAD PA DANG, RDO RJE MKHA' 'GROR, RNAM SHES RDO RJE SEMS DPA' NYID, ,CES PA'I 'GREL PAR, RDO RJE SEMS DPA' NYID NI MI BSKYOD PA'O ZHES DANG, LVA BA PAS RTZA RGYUD KYI 'GREL PAR RDOR SEMS MI BSKYOD PA DANG, HE RU KA DRUG PAR BSHAD PAS SO, ,ZHES 'GOG PAR BYED DE, ,DE LA RDOR SEMS DRUG PAR BSHAD PA NI, MI BSKYOD PA NAS DON GRUB KYI BAR GYI RIGS LNGA LA LTOS PA'I DRUG PA RDO RJE 'CHANG YIN LA, DES NA LUNG DE RDOR SEMS DRUG PA YIN PA'I SHES BYED YIN GYI, GNOD BYED GA LA YIN, GAL TE SHES BYED YIN KYANG RNAM SHES KYI PHUNG PO DANG SBYAR BA'I RDOR SEMS DRUG PAR 'DOD PA LA GNOD BYED YIN TE, DE NI RNAM SNANG NAS BGRANGS PA'I LNGA PA YIN PAS SO SNYAM NA, RNAM SNANG NAS BGRANGS PA'I LNGA PA DANG, THOG MA MI BSKYOD PA LA BYAS PA'I DRUG PA GNYIS
, ,LA 'GAL BA CUNG ZAD KYANG MED LA, MI BSKYOD PA DANG RNAM SHES KYI PHUNG PO GNYIS SBYAR BA GZHAN DU MANG DU BYUNG YANG BDE MCHOG GI RGYUD DU MA ZHIG TU, RNAM SHES KYI PHUNG PO DANG RDOR SEMS SBYAR BAS RDO RJE 'CHANG PHUNG PO DE DANG SBYOR BA LA YANG 'GAL BA MED DE, DPER NA GZHUNG MANG POR RNAM SNANG DKAR POR BSHAD KYANG GO CHA'I SKABS SU SER POR BSHAD PA BZHIN NO, ,GAL TE MI BSKYOD PA LA SOGS PA'I RIGS LNGA NI NYI TSE BA DANG, RDO RJE 'CHANG NI KHYAB BDAG GI RIGS SU BSHAD LA, 'DIR YANG HE RU KA PHUNG PO LNGA KA TSOGS PA'I DE NYID LA BSHAD PAS SPYI'I RNAM DAG YIN LA, PHUNG PO LNGA SO SO'I DAG BYED NI NYI TSE BA YIN PAS, RDO RJE 'CHANG PHUNG PO SO SO BA'I DAG BYED KYI NANG DU BGRANG BA MI 'THAD PAS, RNAM SHES KYI PHUNG PO DANG SBYAR BA'I RDOR SEMS NI, MING LA DE LTAR BYUNG YANG DON NI MI BSKYOD PA DANG, HE RU KA NI RDO RJE 'CHANG DU RIGS SO SNYAM NA, 'DI NI DE LTAR 'DOD PA RNAMS KYI SGRUB BYED DNGOS GZHIR SNANG MOD KYANG RNAM SNANG DANG SNANG MTHA' DANG MI BSKYOD PA GSUM SKU GSUNG THUGS RDO RJE GSUM DU BSDUS PA NA, DRUG PA RDO RJE 'CHANG MI BSKYOD PA'I NANG DU BSDUS PAR SPYOD BSDUS LAS GSUNGS PA YANG YOD PAS, MI BSKYOD PA RIGS NYI TSE BAR MA NGES LA, BDE STONG GNYIS PHAN TSUN RGYAS 'DEBS PA'I RGYU MTSAN GYIS RDO RJE 'CHANG DANG MI BSKYOD PA GNYIS KYANG PHAN TSUN DU RGYAS 'DEBS PA'I PHYIR YANG RIGS NYI TSE BAR MA NGES SO, ,SGRUB THABS KYI 'GREL PA LVA BA PAS MDZAD PA LAS KYANG, SGRUB THABS 'DIR RDO RJE SEMS DPA' NI SHIN TU RNAM PAR DAG PA CHOS KYI DBYINGS KYI YE SHES KYI RANG BZHIN TE, MI
BSKYOD PA NI CHOS KYI DBYINGS KYI RANG BZHIN NO, ,ZHES ,PHYAG MTSAN KHUNGS SU DRANGS PA LTAR NA MI BSKYOD PA'IPHYAG MTSAN 'DZIN TSUL HE RU KA'I PHYAG MTSAN 'DZIN TSUL DU 'ONG BAS RNAMS SU NI, YUL CAN GYI CHOS DBYINGS YE SHES RDO RJE 'CHANG DANG, YUL CHOS DBYINGS MI BSKYOD PAR 'CHAD PA YIN LA, RNAM SHES LA MI BSKYOD PAR BSHAD NAS RDOR SEMS ZUR DU 'CHAD PA LTAR NA DE GNYIS BZLOG STE BYA DGOS PAS KHYAD PAR GNYIS PO LEGS PAR PHYED PAR BYA'O, ,PHYAG MTSAN KHUNGS SU DRANGS PA LTAR NA MI BSKYOD PA'I PHYAG MTSAN 'DZIN TSUL HE RU KA'I PHYAG MTSAN 'DZIN TSUL DU 'ONG BAS DE YANG GNOD BYED DU MI 'GRO'O, ,GDAN GYI RIM PA NI MI BSKYOD PA NAS RDOR SEMS KYI BAR DRUG GI RIM PA'I DBANG DU MDZAD KYI RDOR SEMS LNGA PAR BSHAD PA'I RIM PA DANG MI 'GRIG CING, RNAM SHES KYI PHUNG PO DANG SBYAR BA'I LHA GANG YIN LA GLANG PO CHE'I GDAN DGOS PAR STON PA YANG MIN LA, HE RU KA LA RO GDAN STON PA YANG MIN NO, ,RDO RJE MKHA' 'GRO'I 'GREL PA AA BHY'A SOGS LA GNOD BYED DU 'DREN PA NI LUNG 'DREN PA'I YUL DES LUNG DE TSAD MAR KHAS BLANGS DGOS MI DGOS MA DPYAD PA'O, ,'KHRUL SPONG DANG KHYAD PAR GSAL BYED LAS, MI BSKYOD PA RNAM SHES KYI PHUNG PO DANG SBYAR NAS, PHUNG PO LNGA'I DE BZHIN NYID LA RDOR SEMS SU BYAS PA DANG, YANG NA PHUNG PO LNGA'I DE NYID MI BSKYOD PA DANG, RDOR SEMS RNAM SHES KYI PHUNG PO DANG SBYOR BA'I GDAM NGA CAN DU BYAS NAS, PHAN TSUN NGO BO GCIG TU RTOGS PA'I PHYIR RNAM SNANG SOGS LA YANG MI BSKYOD PAS RGYAS BTAB PA'O, ,ZHES 'DOD KYI PHYOGS GCIG NGES GZUNG DU MI 'DOD DO, ,LVA BA PA'I RTZA RGYUD KYI 'GREL PAR PHUNG PO BYIN BRLAB KYI
, ,SKABS SU RDOR SEMS MI BSKYOD PAR MA BSHAD KYI MI BSKYOD PA RNAM SHES KYI PHUNG PO DANG SBYAR NAS HE RU KA ZUR DU 'CHAD PA LTAR NA, HE RU KA MI BSKYOD PAR MI BYED KYANG L'U AI PA LTA BU RNAM SHES KYI PHUNG PO LA RDOR SEMS SU BSHAD NAS, HE RU KA ZUR DU 'CHAD PA LTAR NA HE RU KA MI BSKYOD PA LA 'CHED PA LA 'GAL BA CI YANG MED DE, DE GNYIS RNAM GZHAG SO SO BA YIN PA'I PHYIR RO, ,PRADZNY'A RAKshI TAS PHUNG PO LNGA RIM PA BZHIN DU, DBU BA DANG, CHU BUR DANG, SMIG RGYU DANG, CHU SHING DANG, SGYU MA LTA BU BZHIN DU SGOM PA'AM, YANG NA DE RNAMS LAS GZHAN RNAM SNANG LA SOGS PA'I LHAR MOS PA NYID KYIS DE RNAMS RNAM PAR DAG PA'O, ,ZHES BSHAD PA NI LVA BA PAS, GAL TE YANG RNAM PAR SNANG MDZAD LA SOGS PA'I LHAR MOS PA KHO NA DE RNAMS RNAM PAR DAG PA'O, ZHES GSUNGS PA'I DON YIN LA, DE NI SNGAR DBU BA SOGS DANG 'DRA BA'I PHYIR RNAM SNANG LA SOGS PA'O, ,ZHES BSHAD PA DE LA YANG RNAM SNANG LA SOGS PA'I SKUR MOS PA DGOS PAR STON PA'I DON YIN GYI PHUNG PO RNAMS RANG BZHIN MED PAR MOS PA DANG, LHAR SGOM PA GANG RUNG GIS CHOG PAR STON PA MIN NO, ,GNYIS PA NI, MIG GNYIS SU AOm DKAR PO LAS GTI MUG ZAD PAR BYED PA'I RDO RJE DKAR PO DANG, RNA BA GNYIS SU H'Um NAG PO LAS, ZHE SDANG 'JOMS PA'I RDO RJE NAG PO DANG, SNA'I BUG PA GNYIS SU TRAm SER PO LAS, SER SNA NYAMS PAR BYED PA'I RDO RJE SER PO STE, MNGON BRJOD LAS, SNA GNYIS NI SER SNA RDO RJE'O, ,ZHES DANG, LVA BA PAS, SER SNA RDO RJE SNA BUG GNYIS SU 'GOD PAR GSUNGS PA LTAR BYA'O, ,KUN SPYOD LAS, LCE LA NI 'DOD CHAGS RDO RJE'O, ,ZHES DANG, LVA BA PAS,
KYANG LCE'I RTZA BAR 'GOD PAR BSHAD PAS, KHA STE LCE'I RTZA BAR Am DMAR PO LAS 'DOD CHAGS ZAD PAR BYED PA'I RDO RJE DMAR PO DANG, KHYAD PAR GSAL BYED LAS, PHRAG DOG RDO RJE LUS DPRAL LA, ZHES PA LTAR REG LA STE RAG BYED LUS KYI DPRAL BAR KHAm LJANG KHU LAS PHRAG DOG ZAD PAR BYED PA'I RDO RJE LJANG GU'O, ,'DIR SGRUB THABS KYI GZHUNG LO TSEN GYI 'GYUR DANG DE MAR DOS BCOS PA LA SNA LA SER SNA DANG, REG LA PHRAG DOG CES 'BYUNG ZHING, JO BO'I 'GREL PA DANG, DE BZHIN GSHEGS PA'I RDO RJE'I GZHUNG DU YANG DE BZHIN DU 'BYUNG, KUN SPYOD DANG SAm BHU tA DANG, RDO RJE MKHA' 'GROR YANG SNA LA SER SNA DANG, LUS LA PHRAG DOG RDO RJE ZHES 'BYUNG ZHING, MNGON BRJOD KYI SKABS 'GA' YAR DU YANG DE BZHIN DU 'BYUNG LA, PRADZNY'A RAKshI TA'I 'GREL PAR SNA LA PHRA MA RDO RJE ZHES BSHAD DO, ,MAR NGA RGYAD PA DANG CHAG GI 'GYUR DANG, LVA BA PA'I 'GREL PA DANG, MNGON BRJOD KYI SKABS 'GA' DANG, PHAG MO MNGON 'BYUNG DU YANG SNA LA PHRAG DOG RDO RJE ZHES 'BYUNG YANG RGYUD DANG BSTAN BCOS GZHAN NAS 'BYUNG BA DANG MTHUN PAS, SNA LA SER SNA 'AM PHRA MA DANG, LUS LA PHRAG DOG RDO RJER BSHAD PA BZHIN BYAS NA LEGS PAR MNGON NO, ,REG BYA LA ZHES PA NI 'GYUR MA LEGS PAS, MAN SNYER REG BYED LA ZHES BSGYUR BA LTAR BYA LA, REG LA ZHES 'BYUNG BA'I DON YANG DE'O, ,KHYAD PAR GSAL BYED LAS, BYANG CHUB SEMS DPA' DBANG PHYUG SBYIN, ,SKYE MCHED RNAMS KYI RANG SNYING LA'O, ,ZHES PA LTAR SKYE MCHED THAMS CAD KYE RJES SU 'GRO BA'I PHYIR SKYE MCHED THAMS CAD DE YID KYI SKYE MCHED LA STE DE'I GNAS SNYING KHAR HAm DKAR PO LAS DBANG PHYUG THAMS CAD SBYIN
, ,PAR BYED PA'I RDO RJE DKAR PO'O, ,DE DAG NI RGYUD GZHAN NAS SA SNYING DANG, PHYAG RDOR DANG NAM SNYING DANG, 'JIG RTEN DBANG PHYUG DANG, SGRIB SEL DANG, KUN BZANG ZHES GSUNGS PA RNAMS SO, ,THAMS CAD KYANG ZHAL GCIG PA PHYAG GNYIS PA, RAL PA'I COD PAN CAN SPYAN GSUM PA, PHYAG RGYA LNGAS BRGYAN PA, GA-YAS BRKYANG GSE BZHUGS PA'I DANG PO'I GA-YAS KYIS 'KHOR LO 'PHYAR ZHING, GNYIS PA'I GA-YAS KYIS THUGS KAR RDO RJE DANG, GA-YON GNYIS SGEG PA DANG BCAS PAS DRIL BU DKUR BRTEN PA DANG, DE NAS GSUM GYIS RIM PA BZHIN GA-YAS KYIS RIN PO CHA DANG, PADMA DMAR PO DANG, SNA TSOGS RDO RJE ROL PA DANG BCAS PAS 'PHYAR ZHING, GA-YON GSUM ROL PA DANG BCAS PAS DRIL BU THUGS KAR 'DZIN PA DANG, DRUG PAS GA-YAS RDO RJE THUGS KAR 'DZIN ZHING, GA-YON SGEG PA DANG BCAS PAS DRIL BU DKUR BRTEN PA'O, ,MIG LA SOGS PA LA GNAS KYI SGO NAS GNYIS GNYIS YOD KYANG LHA RANG GI NGO BO'I SGO NAS GCIG TU BGRANG BAS SKYON MED DO, ,'DI DRUG GI SA BON DRUG NI, 'GREL PA GSUM NAS MI 'BYUNG YANG MNGON BRJOD KYI BSRUNG 'KHOR GYI SNGON DU BSHAD PA'I SKABS SU 'BYUNG BA BZHIN YIN NO, ,MNGON BRJOD LAS DKYIL 'KHOR GYI GTZO BO YAB YUM BSKYED PA'I SKYE MCHED BYIN GYIS RLOB PA'I SKABS SU BRUm DKAR PO, ,H'Um NAG PO, ,KHAm SER PO, ,AA DMAR PO, ,HAm LJANG GU DANG, HAm DKAR PO DRUG BSHAD MOD KYANG SKABS 'DIR NI SNGA MA DRUG SKABS SU BAB BO, ,GSUM PA NI, KHYAD PAR GSAL BYED LAS, 'DI RNAMS RIM PAS LTE BA SNYING, ,MGRIN PA DPRAL BA GSANG GNAS SU, ,ZHES GSUNGS PA LTAR RANG
LUS KYI SA'I KHAMS LA STE LTE BAR NI LAm SER PO LAS LTUNG BYED MA SER MO'O, ,CHU'I KHAMS LA STE SNYING KHA LA NI M'Am NAG PO LAS GSOD BYED MA NAG MO'O, ,ME'I KHAMS LA STE MGRIN PA LA NI PAm DMAR PO LAS 'GUGS BYED MA DMAR MO'O, ,RLUNG GI KHAMs LA STE DPRAL BAR NI T'Am LJANG KHU LAS GAR GYI DBANG PHYUG MA LJANG KHU'O, ,NAM MKHA'I KHAMS LA STE GSANG GNAS LA NI KHAm DUD KHA LAS PADMA'I DRA BA CAN MA DUD KHA STE, DANG PO BZHI ZHAL GCIG PHYAG BZHI MA, SPYAN GSUM PA, SKRA GROL BA GCER BU PHYAG RGYA LNGAS BRGYAN PA, GA-YAS BRKYANG GIS BZHUGS PA'I GA-YAS PA NA NI, KHYAD PAR GSAL BYED LAS, 'KHOR LO RDO RJE PAD RAL GRI, GA-YAS PA'I BZHAN GRI GUG GO ,ZHES PA LTAR DANG, GA-YON PA RNAMS NA NI, GA-YON NA THOD PA KHA tV'Am GA ,ZHES PA LTAR DANG, LNGA PA NI RTZA ZHAL DUD KHA GA-YAS DKAR GA-YON DMAR PA'I ZHAL GSUM, PHYAG DRUG GI GA-YAS GSUM GYIS GRI GUG ,TSANGS MGO LCAGS KYU DANG, GA-YON GSUM GYIS THOD PA KHA tAm GZHAGS PA 'DZIN PA, LHAG MA NI GZHAN BZHI DANG 'DRI'O, ,'DI RNAMS RANG RANG GI 'BYUNG BA'I DKYIL 'KHOR LA BZHUGS PAR MNGON BRJED LAS SO, ,'DI LNGA NI SPYAN SOGS BZHI DANG, CHOS DBYINGS RDO RJE MAR 'GREL PA GNYIS NAS BSHAD LA, MAN SNYER LNGA PA RDO RJE SNYEMS MAR BSHAD DO, ,SA BON LNGA PO 'DI YANG 'GREL PA GSUM NA MI GSAL YANG MNGON BRJOD DANG PHAG MO MNGON 'BYUNG LAS BSRUNG 'KHOR GYI SNGON DU BSHAD PA BZHIN YIN LA, MNGON BRJOD LAS, DKYIL 'KHOR PA'I GTZO BO YAB YUM BSKYED NAS KHAMS BYIN GYIS RLOB PA'I SKABS SU, LAm M'Am RAm YAm KHAm LNGA BSHAD KYANG 'DIR SNGA MA
, ,SKABS SU BAB BO, ,DE NAS AOm PRA KRI TA PA RI SHUD DHA SARBA DHARMA PRA KRI TA PA RI SHUD DHONYAHAm, ZHES BRJOD LA RANG BZHIN GYIS YONGS SU DAG PA'I CHOS THAMS CAD KYI RANG BZHIN YONGS SU DAG PA NI NGA'O SNYAM DU SNGAGS DON LTAR NGA RGYAL BRTAN PO GZUNG NGO, ,SNGAGS 'DI MNGON BRJOD KHA CIG LAS MI 'BYUNG YANG GZHAN KHA CIG DANG PHAG MO MNGON 'BYUNG LAS GSUNGS SO, ,'DIR JO BO CHEN PO'I MAN NGAG BZHIN LO CHEN GYIS SGRUB THABS KYI DON BSHAD PA LAS, DBANG PO THAMS PHUNG SOGS LHA'I SKUR BSGOM, 'BRING GIS YI GE RNAMS BSGOM, DBANG PO RAB KYIS RNAM SNANG LA SOGS PAR MOS PA BYA GSUNG STE, LHA'I SKU SGOM PA LA MA BYANG BA'I DUS SU SKU MDOG PHYAG MTSAN SOGS RE RE NAS SGOM PA DANG, DE LA BYANG BA'I SKABS SU YI GE LHA'I RANG BZHIN DU SHES NAS SGOM PA DANG, CHES SHIN TU BYANG BA'I DUS GSUM LA DGONGS PA 'DRA'O, ,RAB 'BYOR ZHI BAS DBANG PO RAB KYIS PHUNG PO DANG, 'BRING GIS DE DANG SKYE MCHED GNYIS DANG, THA MAS DE GNYIS DANG KHAMS DANG GSUM GA BYIN GYIS RLOB PA BYA ZHES ZER RO, ,MAR DOS SA BON LA MI LTOS PAR BSKYED GSUNG MOD KYANG RGYUD KYI DGONGS PAS BON LAS SKYED PA YIN NO, ,'DI RNAMS SGOM PA NI, SDOM 'BYUNG LAS, PHYAG GNYIS HE RU KA SBYOR LDAN, ,PHUNG PO LA SOGS NGA RGYAL BYA, ,ZHES LHA BCU GSUM MA LA YANG GSUNGS SHING, MNGON BRJOD LAS MNGON DU PHUNG SOGS BYIN GYIS RLOB PA BSHAD PA 'DI SKU GSUNG THUGS DAM TSIG YE SHES KYI BDE MCHOG RIGS LNGA'I LHA LNGA MA'I BAR DANG, DPA' BO GCIG PA'I DKYIL 'KHOR GYI LUS DKYIL KUN GYI THUN MONG BAR MNGON BRJOD KYIS
'GREL PAR BSHAD PA RGYUD KYI DGANGS PA YIN PAS DE RNAMS KUN LA SHES PAR BYOS SHIG ,GNYIS PA NI, PHUNG PO BYIN GYIS RLOB PA LA DRUG DANG, NANG GI SKYE MCHED BYIN RLOB LA DRUG DANG, KHAMS BYIN GYIS RLOB PA LA LHA LNGA SGOM PA DE LTAR NA PHUNG PO DANG, KHAMS DANG SKYE MCHED KYI GNAS RNAMS SU DE RNAMS BSGOMS NAS DAG PAR BYED PA'I LHA SO SO'I RNAM PAR DAG PA BSHAD PA'O ZHES NGON BSDUS SO, ,KUN SPYOD LAS, DE LTAR PHUNG PO DANG SKYE MCHED DANG KHAMS RNAMS LA LHA'I NGA RGYAL BSKYED PAR BYA'O, ,ZHES GSUNGS PAS LHA BCU BDUN PO RANG GI LUS LA BKOD PA TZAM MIN GYI LHA RNAMS SKYED PA NA RANG NYID LHA DE DANG DE'O SNYAM DU NGA RGYAL BSKYED DGOS SO, ,GSUM PA LA GNYIS, BDE MCHOG GI SKOR NAS BSRUNG 'KHOR GSUNGS TSUL DANG, SKABS SU BAB PA'I GZHUNG BSRUNG 'KHOR GSUNGS TSUL DANG, SKABS SU BAB PA'I GZHUNG BSHAD PA'O, ,DANG PO NI, RTZA RGYUD LAS RA BA RNAMS NI PHYOGS SU DGOD, ,'OG TU MTSON CHA DGOD PAR BYA, ,'KHOR LO GNAS PA'I BDAG NYID MNYAM, ,STENG DU MDA' YI DRA BA BYA, ,MKHA' SPYOD DU NI GUR BYA STE, ,DE DAG GIS NI GO CHAR 'GYUR, ,DE LTAR GO BGOS SUm CU NI, ,RTZA GSUM PAS KYANG GZHIG MI NUS, ,ZHES RDO RJE'I SA GZHI DANG, RA BA RNAMS DANG, GUR DANG MDA' YI DRA BA BYA BAR GSUNGS TE, MTSON CHA NI RDO RJE'I SA GZHIR BSHAD LA, MKHA' SPYOD NI STENG GI NAM MKHA'O, ,RKANG PA GSUM PA LA, 'KHOR LO BDAG NYID MTSON CHA MNYAM, ,ZHES KYANG 'BYUNG LA, DE'I DON 'KHOR LOR GNAS PA DANG, MI GNAS PA'I RANG NYID GNYIS MTSON CHA'I DRA BAS GO BGO BA MNYAM PAR BYA BA'I DON DU RGYAL BA BZANG POS BSHAD LA, GNYIS KA'I BSHAD SBYAR DU, BDAG NYID 'KHOR LO LA GNAS PA, ,ZHES
, ,'BYUNG ZHING, DE'I DON BSRUNG 'KHOR GYI LTE BA LA GNAS PA LA BSHAD DO, ,RTZA RGYUD KYI DON DE BSHAD RGYUD KYIS 'GREL PA LA TSUL GSUM YOD PA'I DANG PO MNGON BRJOD LAS BSHAD TSUL NI, 'OD ZER PHYOGS BCUR SPROS PA LAS, RDO RJE'I SA GZHI DANG RA BA DANG DRA BA DANG, BLA RE DANG, MDA'I DRA BA DANG, RDO RJE'I ME 'BAR BAR BSAMS NAS ME DI NI LA SOGS PA'I SNGAGS DRUG BRJOD, DE NAS HE RU KA'I BKA'I 'KHOR LO RTZIBS BRGYAD PA 'BAR BA BLTAS NAS DE'I DBUS SU NYI MA LA RDOR SEMS DKAR PO, ,RTZA ZHAL DKAR PO ZHI BA GA-YAS SER GA-YON LJANG BA GNYIS KHRO BA, PHYAG DRUG GI DANG PO GNYIS KYIS RDOR DRIL, BAR BA GNYIS KYIS THOD PA DANG KHA tV'Am GA ,THA MA GNYIS KYIS ZHAGS PA DANG LCAGS KYU 'DZIN PA, RANG 'DRA'I PHYAG RGYA MA DANG MNYAM PAR SBYOR BA, SKYIL KRUNG GIS BZHUGS PA, THOD PHRENG DANG MI BSKYOD PA'I DBU RGYAN CAN, RGYAN THAMS CAD RDZOGS PA, MTSAN DPE DANG LDAN PA BSAMS LA, SHAR NAS PHYOGS LUGS BZLOG TU RDO RJE RTAG PA DANG, RDO RJE NYI MA DANG, RDO RJE GTZUG TOR DANG, RDO RJE THAB SBYOR RIM PA BZHIN DU SNGO SER DMAR LDANG BZHI DANG, SHAR LHO NAS MTSAMS LUGS 'BYUNG DU RDO RJE NGOD SBYIN DANG, RDO RJE DUS DANG, RDO RJE STOBS PO CHE DANG, RDO RJE 'JIGS BYED RIM PA BZHIN, DUD KHA, DKAR PO, NAG PO, SNGO DMAR BZHI STE KHRO BO BRGYAD SPRO'O, ,DE THAMS CAD KYANG ZHAL GSUM PA, PHYAG DRUG GI DANG PO GNYIS KYIS THOD PA DANG, KHA tV'Am GA ,BAR PA GNYIS KYIS ZHAGS PA DANG LCAGS KYU, THA MA GNYIS KYIS DRIL BU DANG CANG TE'I 'DZIN PA, RANG 'DRA'I SHES RAB MAS 'KHYUD PA, SNA TSOGS PAD MA'I STENG NA GA-YAS BRKYANG GIS BZHUGS PAS RIM PA BZHIN DU PHYOGS SKYONG BRGYAD
MZHAN PA, RAB TU 'JIGS PA'I THOD PA'I DBU RGYAN CAN, DAB SKRA DMAR SER GYEN DU BRJES SHING, MI BZAD PA'I MCHE BA GTZIGS PA, MI'I RUS PA'I RGYAN GYIS BRGYAN CING, STAG LPAGS GOS SU MNABS PA, SBRUL RGYAN GYIS BRGYAN PA'O, ,DE NAS SNGAR GYI RDOR EMS YONGS SU GYUR PA LAS, RANG NYID H'Um MDZAD SNGON PO SNGO SER LJANG BA'I ZHAL GSUM PA, PHYAG DRUG GI DANG PO GNYIS KYIS RDOR DRIL, BAR PA GNYIS KYIS LCAGS KYU DANG ZHAGS PA, THA MA GNYIS KYIS KHA tV'm GA DANG THOD PA 'DZIN PA, 'OD ZER 'BAR BA'I PHRENG BA 'KHRUGS PA, MA RE BA GTZIGS SHING SHIN TU 'JIGS PA, RGYAN THAMS CAD KYIS BRGYAN PA, MI MGO LNGA BCU'I DO SHAL CAN, THOD PHRENG GI SKE RAGS CAN, RDO RJE SEMS DPAS DBU BRGYAN PA, RANG 'DRA'I SHES RAB MA DANG SNYOMS PAR 'JUG PA, GDUG PA CAN THAMS CAD KYI BDAG PO 'JIGS BYED DANG, DUS MTSAN GA-YAS BRKYANG GI STABS KYIS MNAN PA'O, ,DE NAS STENG DU GTZUG TOR DKAR PO DANG, 'OG TU RDO RJE SA 'OG NAG PO ZHAL GSUM PA, PHYAG BRGYAD KYI DANG PO GNYIS KYIS RDOR DRIL, GNYIS PA GNYIS KYIS LCAGS KYU DANG ZHAGS PA, GSUm PA GNYIS KYIS MDUNG RTZE GSUM DANG 'KHOR LO, BZHI PA GNYIS KYIS THOD PA DANG KHA tV'Am GA 'DZIN PA, GA-YAS BRKYANG GIS BZHUGS PA BSGOM MO, ,DE NAS STOD KHRO BO BCU LA SMAD PHUR BU'I RNAM PA CAN GYI PHUR PA BCU PHYOGS BCUR SPROS LA, BGEGS MED PAR GYIS SHIG CES KHRO BO BCU LA BKA' BSGO STE, ZHAL BZHI PA'I SNGAGS BRJOD CING, MTHEB MDZUB KYI SBYOR BAS PHYOGS BZHI GA-YON SKOR DANG, MTSAMS BZHI GA-YAS SKOR DANG, STENG 'OG STE PHYOGS BCUR SA KHOL BRDAB PO, ,DE NAS GA-YON SKOR DANG GA-YAS
, ,SKOR GYIS PHUR BU 'DEBS PA'I SNGAGS KYIS PHUR BU GDAB, GA-YON DANG GA-YAS SU BSKOR BAS THO BAS BRDUNG NGO, ,DE NAS AOm KHA BADZRE DHRIKA BADZRA H'Um KA RA BADZRA H'Um PHAt, AOm BADZRA TZAndA BADZRA H'Um PHAt, AOm BADZRA AA NA L'A RKA BADZRA H'Um PHAt, AOm BADZREshn'I shA BADZRA H'Um PHAt, AOm BADZRA KUndA LI BADZRA H'Um PHAt, AOm BADZRA YAKshA BADZRA H'Um PHAt, AOm BADZRA K'A LA BADZRA H'Um PHAt, AOm BADZRA MAH'A B'A LA BADZRA H'Um PHAt, AOm BADZRA BH'I shA nA BADZRA H'Um PHAt, AOm BADZRA AUshn'I shA TZAKRA BAR TI BADZRA H'Um PHAt, AOm BADZRA P'A TA LA BADZRA H'Um PHAt, CES PA GTZO BO DANG 'KHOR BCU'I BZLAS PA BYA, 'KHOR GYI KHRO BO ZHAL GSUM PA'I MDOG NI SER PO'I GA-YAS NAG GA-YON LJANG BA DANG, DMAR PO DANG DUD KHA DANG DKAR PO GNYIS KYI GA-YAS SER GA-YON LJANG BA DANG, LHAG MA LNGA H'Um MDZAD DANG 'DRA BAR GSUNGS SO, ,MNGON BRJOD KYI 'GREL PAR, DANG POR 'KHOR LO RTZIBS BRGYAD PA'I DBUS SU RDOR SEMS YAB YUM BSKYED PA'I THUGS KA NAS KHRO BO BRGYAD, RTZIBS BRGYAD KYI STENG DU SPRO, DE NAS RDOR SEMS H'Um MDZAD DU BSGYUR BA'I THUGS KA NAS STENG 'OG GI KHRO BO GNYIS SPRO, DE NAS H'Um MDZAD KYI THUGS KA NAS PHUR BU'I KHRO BO BCU PHYOGS BCUR SPROS NAS BGEGS LA PHUR BUS 'DEBS, DE NAS KHRO BO BCU LA PHYOGS SKYONG SO SO'I BGEGS MED PAR GYIS SHIG CES LA BZHI PA'I SNGAGS KYIS BKA' BSGO, ,DE NAS BGEGS ME 'JUG PAR BYA BA'I PHYIR H'Um MJAD KYI THUGS KA NAS RDO RJE PHRA MO'I 'OD ZER SPROS PA YONGS SU GYUR PA LAS, 'OG TU RDO RJE SA GZHI DANG, 'OG GI SA GZHI GNYIS DANG, LOGS SU RDO RJE'I RA BA DANG DRA BA NYIS RIM, STENG DU RDO RJE'I BLA RE DANG MDA'I BLA
RE NYIS RIM, THAMS CAD KYI PHYI ROL NAS RDO RJE'I ME 'OD 'BAR BA RGYA JI TZAM 'DOD PAR BSKOR BAR BSAMS NAS SNGAGS GCIG DANG GNYIS DANG, GNYIS DANG GCIG GIS BYIN GYIS RLOB PA DANG LHO'I KHRO BO YANG DBUS SNGO LA GA-YAS SAR GA-YON LJANG DANG, LHAG MA BZHI H'Um MDZAD DANG 'DRA BAR 'CHAD DE, LHO'I ZHAL MDOG 'DI DA LTA'I RGYUD NA MI SNANG NGO, ,BSRUNG 'KHOR GYI SKABS SU MNGON BRJOD LA 'GYUR MI 'DRA BA MANG DU SNANG YANG 'GYUR BZANG BA'I LUGS SU BYAS SO, ,'KHOR LO RTZIBS BRGYAD PAR BSHAD PA NI MTHA'I RTZIBS LA DGONGS, STENG 'OG GI RTZIBS GNYIS NI DBUS SU YOD DE BHRUm LAS BSKYED DO, ,DE YANG MAN SNYE LAS, 'KHOR LO SER PO RTZIBS BCU PA'I LTE BA'I DBUS KYI NANG DU ZHES GSUNGS LA, NANG DU ZHES PA TZAM GYIS NI LTE BA SBUBS CAN DU MI 'GRUB STE, SPYOD RGYUD LAS, RTZIBS KYI NANG NI THAMS CAD NA, ,BZHUGS PA'I RDO RJE SEMS DPA' SOGS, ,ZHES 'BYUNG BA LTAR RO, ,'ON KYANG 'DIR NI DE DANG MI 'DRA STE, ,MAN SNYE LAS, 'KHOR LO SER PO GA-YAS SKOR DU 'KHOR BA RTZIBS BCU PA'I LTE BA'I DBUS KYI BAR SKABS SU GNAS PA'I BDAG GNYID, CES LTE BA KHONG STONG GI PHAN TSUN GYI BAR SKABS SU RANG NYID LHAR SKYED PAR GSUNGS PAS LTE BA'I KHONG GSENG GI YAR RTZE DANG MAR RTZE GNYIS STENG 'OG GI RTZIBS SU SHES SO, ,RTZIBS BRGYAD KYI NI, RTZIBS KYI RTZE MO'I STENG DU KHRO BO DGOD PAR YANG BSHAD DO, ,'KHOR LO SER PO RTZIBS BCU PA JI LTAR SGOM PA NI RGYA GZHUNG RNAMS LA 'DI NYID GSAL LO, ,SNA TSOGS PAD NYI NI KUN LA BYA LA, RGYUD NAS BSHAD PA'I RIM PA LA DE LTAR BYUNG YANG THOG MAR RDOR SEMS DANG H'Um MDZAD BSKYED NAS, DE NAS KHRO BCU
, ,SGOM PAR GZHAN NAS BSHAD PA BZHIN BYAS KYANG MI 'GAL LA, RA GUR SOGS SNGON DU BTANG NAS PHYIS KHRO BO SGOM PA YANG KHUNGS THUB MANG POS BSHAD DO, ,BSRUNG 'KHOR GYI GTZO BO SKYED TSUL 'DI SKABS GZHAN DU YANG MKHO'O, ,'DI LA MNGON BRJOD NAS BSHAD PA'I SNGAGS RING BTON NAS KYANG PHYIR ZLOG BYAS PAS CHOG PA DANG, BDE MCHOG LA RNAL 'BYOR BYED PA RNAMS KYI BAR CHAD PHYIR ZLOG PA LA MKHO BAR SNANG BAS 'DIR BRIS SO, ,DE LTAR RDO RJE'I RA GUR SOGS KYI BSRUNG 'KHOR THUN MONG BA DANG, PHUR GDAB DANG, THUN MONG MA YIN PA KHRO BCU'I BSRUNG 'KHOR DANG BCAS PA 'DI NI BSRUNG 'KHOR RGYAS PA'O, ,PHAG MO MNGON 'BYUNG LAS, NYI MA'I 'OD ZER LTA BU SPROS PA LAS, RDO RJE'I RA BA DANG DRA BA DANG, SA GZHI DANG, BLA RE DANG MDA'I DRA BA DANG, RDO RJE'I ME'I DRA BA SKYED PA DANG, DE NAS SNGAGS DRUG GIS BYIN GYIS RLOB PA DANG, DE NAS PHYOGS BCUR MTHEB MDZUB KYIS SE GOL GTOG CING, ZHAL BZHAG PA'I SNGAGS SHAR NAS GA-YON SKOR DU PHYOGS BZHIR DGOD PA DANG, DEE NAS PHUR BU 'DEBS PA DANG, DE BRDUNG BA'I SNGAGS DANG BCAS PA RNAMS LUGS 'BYUNG DANG LUGS BZLOG TU BYED PAR BSHAD CING, KHRO BCU SGOM PA MA BSHAD DE, MNGON BRJOD PAS BSHAD PA'I STENG NAS THUN MONG MA YIN PA'I BSRUNG 'KHOR BZHAG PA 'DI NI BSRUNG 'KHOR 'BRING PO STE, 'BRING PO RNAMS KYANG' DI KHO NAR MA NGES SO, ,LO NAG GNYIS KYI GZHUNG NAS 'BYUNG BA'I BSRUNG 'KHOR YANG BSRUNG 'KHOR 'BRING PO'O, ,SDOM 'BYUNG LAS, ZHAL BZHI PA'I SNGAGS BRJOD PAS PHYOGS NI BCING ZHING RA BA STE, AOm SUm BHA NI SUm BHA H'Um H'Um PHAt, SHAR DU'O, ,AOm GRIHnA GRIHnA H'Um H'Um PHAt, BYANG
DU'O, ,AOm GRIHn'A PA YA GRIHn'A PA YA H'Um H'Um PHAt, NUB TU'O, ,AOm A'A NA YA HO BIDY'A R'A DZ'A H'Um H'Um PHAt, LHO RU'O, ,PHYOGS SU SE GOL BRDABS PA YIS, ,GDUG PA'I BDUD RNAMS BSKRAD PAR BYA, ,ZHES SNGAR GYI DE DAG GI STENG NAS KHRO BCU DANG, PHUR GDAB KYI SKOR DANG, SNGAGS DRUG BZHAG PA ZHIG GSUNGS TE BSRUNG 'KHOR BSDUS PA YANG 'DI KHO NA LTAR MA NGES SO, ,'DI LA GA-YON GYI MTHEB MDZUB KYIS PHYOGS RNAMS SU SE GOL BRDABS NAS SNGAGS BRJOD DE BGEGS SKROD PA NI PHYOGS BCING BA YIN LA, SNGAGS BZHI BRJOD NAS RA BA BYA BAR YANG GSUNGS PAS, RA BSKYED PA NI DE RKYANG PA MIN PAS RDO RJE'I SA GZHI DANG GUR DANG BLA RE DANG MDA'I DRA BA DANG MED PUNG YANG BSGOM TE, DE'I TSUL NI DE'I 'GREL PAR GA-YON GYI MTHEB MDZUB KYIS SE GOL BYAS PA DANG DUS MNYAM PAR SHAR LA SOGS PA'I PHYOGS GA-YON SKOR DU SNGAGS BZHI LAS BYUNG BA'I SNGO LJANG DMAR SER GYI RANG BZHIN BZHI DANG, DE DANG DUS MTSUNGS SU 'OG TU H'Um LAS SKYES PA'I SNA TSOGS RDO RJE'I RANG BZHING YI SA GZHI DANG, DE NAS DE'I 'OD ZER LA STENG DU RDO RJE'I MDA'I DRA BA DANG, RDO RJE'I GUR DANG, BLA RE BSAM PAR BSHAD DE, RDO RJE'I MES BSKOR BA YANG DGOS SO, ,'DI NI L'U AE PA'I MAN NAG LAS 'ONGS PA LVA BA PAS BSHAD PA'I GDAMS PA'O, ,'DI LA BAL PA KshANTA SHR'IS GZHAN SNGAR DANG 'DRA BA LA RA GUR SOGS BSGAMS PA'I 'OG TU SNGAGS BZHI PO BRJOD CING, PHYOGS RNAMS SU SE GOL BRDABS PAS GDUG PA RNAMS BSKAD DE, RNAM PA THAMS CAD DU 'GRO BA BGEGS DANG DRAL BAR MOS PAR BYA BAR BSHAD CING, BSRUNG 'KHOR BSDUS PA'I LUGS SU BSHAD PA DANG, 'GREL PA'I LUGS
, ,GNYIS RGYUD 'DI'I DON YIN PAS LEGS SO, ,DE LTAR BSRUNG 'KHOR GSUM BSHAD PA'I DANG PO NI MNGON BRJOD KYI 'GREL PAR RGYUD DE NAS BSHAD PA'I BDE MCHOG GI SGRUB THABS DE DRUG GI THUN MONG DU BSHAD LA, LHA LNGA DANG LUS DKYIL DPA' PO GCIG PA LA YANG BYED PA RGYUD KYI DGONGS PAR SNANG BAS LHA MANG NYUNG GIS BSRUNG 'KHOR RGYAS BSDUS SU 'GRO BA YANG MIN LA, LUS DKYIL LA BSRUNG 'KHOR BSGOM MI DGOS PA YANG MIN PAS, MA NA KA SHR'IS LHA RE GNYIS PA'I LUS DKYIL LA YANG BSRUNG 'KHOR 'BRING PO BSHAD DO, ,DES NA BSRUNG 'KHOR GYI TSUL GSUM PO DE LEGS PAR SHES NA SKABS DANG DGOS PA DANG BSTUN NAS RGYA SKYED NA'ANG SKYED SHES LA, BSDUS NA'ANG NGES PAR BYA DGOS KYI CHO GA MI 'CHAD PA ZHIG 'ONG BAS 'DIR BSHAD DO, ,GNYIS PA LA GNYIS, RA BA SOGS KYI BSRUNG BA BSHAD PA DANG, BGEGS LA PHUR BUS GDAB PA SOGS BSHAD PA'O, ,DANG PO LA GNYIS, BSGOM PA'I RIM PA BSHAD PA DANG, SNGAGS RNAMS KYI DON BSHAD PA'O, ,DANG PO NI, LHA BCU BDUN PO BSGOMS PAS PHUNG SOGS SBYANGS PA'I MJUG DE NAS RDO RJE'I GUR BSAM PAR BYA'O ZHES MDOR BSTAN PA NI, BSRUNG 'KHOR THUN MONG BA'I SPYI MING LA DE'I PHYOGS GCIG GIS BTAGS PA STE, BRDA 'DI NI RNAL 'BYOR RDZOGS PHRENG SOGS LAS MANG DU 'BYUNG NGO, ,LO CHEN GYI 'GYUR DANG, JO BO'I 'GREL PA LAS, RDO RJE'I RA BA ZHES 'BYUNG BA NI DRA BA RA BAR SONG BA YANG BOD DPE MA DAG PA'O, ,GUR DANG DRA BA GNYIS SKAD DOD GCIG PAS 'GYUR GNYIS BYUNG YANG GUR DU BSGYUR NA 'KHRUL GZHI CHUNG NGO, ,LVA BA PA DANG PRADZNY'A RAKshA TI'I 'GREL PA LAS,
SHAR LA SOGS PA'I PHYOGS SU BZHAG PA STE DGOD PAR BYA'O, ,ZHES PA NAS RDO RJE'I BLA RE'O ZHES PA'I BAR GYI TSIG BDUN PO 'DI RNAMS MAN NGAG JI LTA BA BZHIN DGROL BAR BYA'O, ,ZHES 'BYUNG BA'I TSIG BDUN NI, SNGAGS TSA NA RE RE PHYOGS BZHIR 'GOD PA BZHI DANG, LHAG MA'I TSIG TSAN PA GSUM MO, ,LAG PA GA-YON PA'I MTHEB MDZUB KYIS SE GOL PHYOGS RE RE GTOG PA SNGON DU 'GRO BAS, AOm SUm BHA NI SUm BHA H'Um H'Um PHAGS, CES PAS SHAR DANG, AOm GRIHnA GRIHnA H'Um H'Um PHAt, CES PAS BYANG DANG, AOm GRIHn'A BA YA GRIHn'A PA YA H'Um H'Um PHAt, CES PAS NUB DANG, AOm A'A NA YA HO BHA GA W'AN BIDY'A R'A DZ'A H'Um H'Um PHAt, CES PAS LHO'I PHYOGS SU RIM PA BZHIN DU NAG PO DANG, LJANG GU DANG, DMAR PO DANG, SER PO'I MDOG CAN STENG TSANGS PA'I 'JIG RTEN NAS 'OG GSER GYIS GZHI LA THUG PAR KHYAB PA'I 'BAR BA'I LUS CHEN PO RNAMS RIM GYIS DGOD PAR BYA'O, ,SOGS KYI SGRAS NI PHYOGS GZHAN GSUM GZUNG NGO, ,'GREL PA GSUM GAR PHYOGS SU 'GOD LUGS DE BZHIN DU BSHAD LA, LUS SHIN TU CHE BA BZHI NI LHA DANG SNGAGS KYI LUS GANG YIN GSAL BAR MA BSHAD KYANG LVA BA PAS SNGAR LTAR PHYOGS SU BKOD PA'I MJUG TU, SUm BHA LA SOGS PA'I SNGAGS KYI 'OD ZER LAS, DE'I KHA DOG CAN GYI RVA BA BZHI DANG, ZHES GSUNGS SHING, 'GREL PA GZHAN GNYIS KYANG DE DANG DON 'DRA BAR SNANG LA, DE LTAR NA SUm BHA LA SOGS PA'I SNGAGS KYI 'OD ZER LAS DE'I KHA DOG CAN GYI RA BA BZHI BSGOM PA NI, SNGAGS BKOD PA BZHI PO LAS SKYED PA YIN PAS LUS SHIN TU CHE BA'I SNGO SOGS BZHI NI SNGAGS 'OD ZER DANG BCAS PA'I LUS YIN NO, ,DE YANG THOG MAR SNGAGS BRJOD PAS PHYOGS BZHIR SNGAGS KHA DOG BZHI 'GOD, DE NAS
, ,DE LAS 'OD ZER SPROS 'OD ZER GYI LUS CHE BA BZHI DGOD, DE NAS SNGAGS 'OD ZER DANG BCAS PA YONGS SU GYUR PA LAS, KHA DOG BZHI PA'I RVA BA GRU BZHI PA BSGOM PAR BYA STE, 'KHRUL SPONG LAS, SNGAGS BZHI PO BRJOD PAS NAG PO DANG, LJANG GU DANG, DMAR PO DANG, SER PO LAS 'PHROS PA'I GZUGS SHIN TU CHE ZHING 'OD 'BAR BA, TSANGS PA'I GNAS NAS SA 'OG TU KHYAB PA, SHAR DANG BYANG DANG NUB DANG LHO PHYOGS SU RIM PA LTAR BKOD PAS, DE'I 'OD ZER GYIS DE'I KHA DOG DANG MTSUNGS PA'I RDO RJE'I RA BA GRU BZHI PA ZHES BSHAD PA LTAR RO, ,BLA MA MAR DES, SHAR LA SOGS PA'I PHYOGS DANG, ME LA SOGS PA'I MTSAMS SU LUGS DANG MTHUN MI MTHUN DU SA GOL GTOG CING, SNGAGS RKANG RE RE BRJOD PA'I TSE SNGAGS KHA DOG DMAR PO 'BAR BA YIG 'BRU CHE BA PHYOGS DE DANG DER KHA NAS 'PHROS PAS SNGAGS DE DANG DE LAS 'PHROS PA'I BYA ROG GDONG LA SOGS PA DMAR MO, ,ZHABS 'OG GI SA LA BZHAG CING DBU TSANGS PA'I GNAS SU THUG PA, PHYAG GNYIS KYIS THO BA DANG PHUR BU BSNAMS PA SPROS LA, DE DAG GIS BGEGS RNAMS THAG SHIN TU RING POR BSKRAD PAR BSAM MO, ,DE NAS SNGAGS DE DAG YONGS SU GYUR PA LAS, RDO RJE'I RA BA KHA DOG DMAR PO GRU BZHI PA BSGOM ZHES BZHED PA NI LHA MO'I SKU'I TSAD DANG, RA BA DMAR POR BSHAD PA MA GTOGS PA GZHAN RNAMS LVA BA PAS, BCU GSUM MA'I SGRUB THABS SU BSHAD PA BZHIN YIN NA'ANG 'DIR SKABS SU MA BAB LA, DRIL BU ZHABS KYI LHA LNGA'I LUGS NI DE BZHIN DU BYA RGYUR SNANG NGO, ,PHYIS KYI BLA MA KHA CIG SNGAGS BZHI BRJOD PAS PHYOGS BZHIR KHVA GDONG MA LA SOGS PA
LUS SHIN TU CHE BA BZHI BKOD LA, SNGAGS BZHI'I 'OD ZER DANG DE'I KHA DOG LAS GRUB PA'I RDO RJE RTZE LNGA PA'I RA BA GRU BZHI BSGOM GSUNGS PA YANG SNGA MA LAS CUNG LEGS KYANG DON DU MA MTHONG STE, SDOM 'BYUNG LAS, ZHAL BZHI PA'I SNGAGS KYIS RA BA BYA BAR GSUNGS PA LTAR SNGAGS LAS RA BA SKYED PA YIN GYI, SGOM BZHI LAS RA BA SKYED PA GANG NA'ANG MI SNANG BA'I PHYIR RO, ,MNGON BRJOD LAS SNGAGS BZHI PHYOGS BZHIR BRJOD PAR GSUNGS PA NI, RA BA BYED PA'I DON MIN TE, DER NI RA BA SNGON DU BSKYED ZIN PA'I PHYIR RO, ,DES NA DE NI DE'I 'GREL PA NAS 'KHOR GYI KHRO BO RNAMS LA BKA' BSGO BA'I DON DU BSHAD PA DANG, BRAM ZE RIN CHEN RDO RJES BGEGS 'GUGS PA'I DON DU BSHAD PA LTAR YIN LA, PHAG MO MNGON 'BYUNG LAS KYANG RA BA SOGS SKYED PA SNGON DU SONG ZIN ZHING, KHRO BO BCU SGOM PA MED PAS SNGAGS BZHI PHYOGS BZHIR BRJOD PA NI BGEGS DGUG PA'AM BSKRAD PA'I DON DU'O, ,SDOM 'BYUNG LAS NI PHYOGS BCING BA DANG, RA BA BYED PA'I DON DU GSUNGS PAS 'DIR PHYOGS BZHIR SNGAGS BZHI 'GOD PA NI RGYUD DE DANG MTHUN NO, ,RA BA GRUB PA DANG DUS MNYAM DU YI GE H'Um LAS BYUNG ZHING, DE YIS MTSAN PA'I SNA TSOGS RDO RJE'I SA BON GYI 'OD ZER LAS 'OG GI SA GZHI SNA TSOGS RDO RJE'I RANG BZHIN DU BYIN GYIS BRLAB PO, ,RA BA 'OG TU GNAS PA'I GZHI RDO RJE'I SA GZHI YIN ZHING, RDO RJE'I SA SNGON DU SKYED PA YANG 'DIR MED PAS DUS MNYAM DU BSKYED PA'O, ,SNA TSOGS RDO RJE'I SA BON GYI 'OD ZER GYI SNANG BA LAS STENG DU RDO RJE RTZE LNGA PA'I RNAM PA CAN GYI MDA'I DRA BA DANG, DE'I 'OG TU RDO RJE'I GUR DANG, GUR GYI 'OG RA BA'I
, ,STENG DU RDO RJE'I BLA RE RNAMS BSGOM MO, ,LO CHEN DANG MAR DO DANG CHAG 'GYUR LAS RDO RJE'I RA BA DANG BLA RE 'O ZHES 'BYUNG LA, LVA BA PA'I 'GREL PAR RDO RJE'I GUR DANG, RDO RJE'I BLA RE YANG NGO, ,ZHES 'BYUNG ZHING, SNGAR GYI RA BA GRU BZHI PA MA GTOGS PA DE'I RJES SU RA BA BSHAD PA MED LA, PRADZNY'A RAKshI TA DANG SDOM 'BYUNG 'GREL PAR YANG PHYIS RA BA MA BSHAD DO, ,'KHRUL SPONG DANG, KHYAD PAR GSAL BYED DANG, Ksh'ANTI SHR'IS PHYIS KYANG RDO RJE RTZE LNGA PA'I RA BA BSHAD DO, ,DE DAG GI LTAR NA SNGAGS BZHI LAS BSKYED PA'I RA BA DANG, SNA TSOGS RDO RJE'I 'OD ZER GYI SNANG BA LAS BSKYED PA'I RA BA GNYIS SNANG BAS RA BA NYIS RIM BYED PA 'DRA'O, ,RA BA NI GZHUNG DE GSUM PAS RDO RJE RTZE LNGA PA'I RA BAR BSHAD DO, ,DKYIL CHOG RDO RJE 'PHRENG BA LAS, RTZE LNGA PA'AM RTZE GSUM PA'I SNA TSOGS RDO RJE'I RA BA GDAM NGA CAN DU BSHAD DO, ,SGRUB THABS GTZUG NOR LAS, RA BA BSKYED BA DANG DE'I SNGAGS KYIS BYIN GYIS RLOB, ,DE NAS RA BA LAS RAB TU 'BAR BA'I 'OD ZER SPROS PA LAS, DBUS SU H'Um LAS GRUB PA'I SNA TSOGS RDO RJE, DE LAS 'OG GZHI SNA TSOGS RDO RJER BYAS LA, MA DI NI'I SNGAGS KYIS BYIN GYIS BRLAB BO, ,DE NAS SA DANG RA BA LAS 'OD ZER 'PHROS PA LAS GUR DANG, DE LAS BLA RE DANG, DE LAS MDA'I DRA BA BSKYED CING, RANG RANG GI SNGAGS KYIS BYIN GYIS RLOB PAR BSHAD PA BZHIN, 'DI LA'ANG BYA BAR MAR DO BZHED MED KYANG 'DIR NI SGRUB THABS KYI 'GREL PAR, LVA BA PAS BSHAD PA BZHIN BYA, DRIL BU ZHABS KYI LHA LNGA'I SGRUB THABS NI, LVA BA PA'I DON DU MDZAD PAR SNGA MA RNAMS GSUNG ZHING, DE DANG LVA BA PA'I BCU GSUM MA'I SGRUB THABS GNYIS THUN MONG MA YIN PA
RNAMS MA GTOGS PA GZHAN THAMS CAD SHIN TU MTHUN PAS RA BA SOGS SKYED PA YANG DE BZHIN DU BYAS NA LEGS SO, ,RA BA'I DPANGS NI KHUNGS SNGA MA RNAMS LAS, STENG TSANGS PA'I GNAS NAS 'OG GSER GYIS GZHI LA THUG GI BAR DANG, DKYIL CHOG RDOR PHRENG LAS, STENG 'OG MIN NAS RLUNG GI BAR LA BSHAD DO, ,RGYAR NI JI TZAM 'DOD PAR LVA BA PAS GZHAN DU GSUNGS SHING, NAG PO'I DKYIL CHOG LAS, LCAGS RI'I MTHAR THUG PA YI BAR, ,RDO RJE'I 'PHRENG BAS MNGON BSKOR ZHING, ,ZHES KYANG GSUNGS SO, ,RA BA DANG GUR GYI MTSAMS SU BLA RE BYAS LA BAR MTSAMS MED PAR BYA, MDA'I DRA BA NI STENG DU BYED PAR 'DI'I 'GREL PA RNAMS LAS BSHAD LA, LVA BA PA'I BCU GSUM MA'I SGRUB THABS LAS, PHYI ROL DU STONG DANG LOGS KUN TU KHYAB PAR BSHAD DO, ,MDA'I DRA BA ZHES DMIGS KYIS BKAR NAS BSHAD PA MA GTOGS PA RA BA DANG DRA BA ZHES PA'I SKABS SU NI GUR BYUNG NA DRA BA DANG, DRA BA BYUNG NA GUR ZUR DU MI DGOS SO, ,RDO RJE RTZE LNGA PA'I MDA'I DRA BA LA MKHAS PA KHA CIG DE'I MDE'U CAN DU BZHED DO, ,ZHAL BZHI PA'I SNGAGS BZHI PA LA LO CHEN GYI 'GYUR DANG, KU M'A RA BO DHI'I 'GREL PAR, BHA GA W'AN BIDY'A R'A DZA ZHES 'BYUNG LA, MAR DO DANG CHAG 'GYUR LAS BADZRA R'A DZA ZHES 'BYUNG, 'DI'I SKABS KYI MNGON BRJOD DANG PHAG MO SNGON 'BYUNG LAS, BADZRA H'Um H'Um PHAt CES 'BYUNG ZHING, LHAG MA RNAMS 'DIR BSHAD PA BZHIN YOD DE SNGAGS BTU BA DANG MTHUN NO, ,SDOM 'BYUNG 'GYUR GSAR RNYING GNYIS DANG, KAshANTI SHR'I'I SDOM 'BYUNG GI SGRUB THABS LAS, SNGAGS DANG PO GSUM 'DRA LA, BZHI PA LA AOm AA NA YA HO: BIDY' R'A DZA H'Um H'Um PHAt, CES 'BYUNG NGO, ,ZHAL BZHI PA'I SNGAGS LA SPYIR MI 'DRA BA MANG DU YOD KYANG 'DIR NI SKABS 'DIR
, ,BDE MCHOG GI RGYUD DANG, L'U AI PA'I SKOR NAS JI LTAR BYUNG BA'I LUGS SO, ,GNYIS PA NI, DE LA BZLAS PA'I SNGAGS RNAMS RIGS BZHIR BSDUS NAS, RDO RJE GTZUG TOR DANG RGYUD RDOR 'PHRENG LAS GSUNGS PA NI, THOG MAR AOm YOD LA MTHAR SV'AH'A MED PA NI MTHA' MED DANG, DE LAS BZLOG PA NI MGO MED DANG, GNYIS KA YOD PA NI SPRUL DANG, GNYIS KA MED PA NI BTUS BA ZHES BYA BA LAS, 'DIR NI SNGAGS RKANG BZHI CHAR MTHA' MED DE, SKABS GZHAN DU YANG SHES PAR BYA'O, ,SNGAGS KYI DON LA, AOm NI RTZE MO LAS, AOm NI CI ZHIG YIN PAR BSHAD, ,MCHOG DANG NOR STER DPAL DANG GA-YANG, ,SKAL BZANG RNAM PA DANG LDAN ZHING, ,DAM BCA' BA DANG BKRA SHIS DON, ,NOR BU 'DZIN PA'I SNYING PO YIN, ,ZHES MCHOG LA SOGS PA BZHI STER BA DANG, SKAL BA BZANG PO CAN DU BYED PA DANG, DAM BCA' BA STE SNGAGS KYI MGO 'DREN PA DANG, DE SMOS PAS SHIS PAR 'GYUR BA STE BDUN BSHAD DE, RIN PO CHE BZUNG NAS GZHAN GYI 'DOD DON SKONG BA'I SNYING PO'O, ,DE YANG YI GE DE LA YON TAN DE DAG NGO BO NYID KYIS GNAS PAR PHYI ROL PA 'DOD PA LTAR NI MIN GYI, SANGS RGYAS LTA BU SHES MTHU DANG LDAN PA'I KHYAD PAR CAN GYIS SBYAR BA'I SGO NAS DANG, AOm YIG LA AA DANG AU DANG MA GSUM YOD PA RANG GI LUS NGAG YID GSUM YIN LA, DE GSUM GYI STONG NYID DANG DE'I YUL CAN GYI SNYING RJE GNYIS RO GCIG PA'I NGO BOR BDAG NYID 'JOG PAR BSHAD PA LTAR GYI DON YID LA BYED PA LA, AOm GYIS SNGAR LTAR GYI BYA BA BYED PA STE, 'DI NI DMIGS BSAL MED PA'I SKABS KUN TU SHES PAR BYA'O, ,SUm BHA NI NGES
PAR 'DUL BA STE 'DI NI BOD PA'O, ,NI SUm BHA NI MA LUS PAR NGES PAR 'DUL BA'O, ,H'Um NI DON DE GSAL BAR BYED PA'O, ,GRIHnA GNYIS NI GNOD BYED 'BROS PA LA ZUNG CIG PA'O, ,GRIHn'A PA YA GNYIS NI 'KHOR RNAMS KYANG 'DZIN DU CHU GCIG PA'O, ,H'Um NI BSKUL BA'O, , HO BHA GA W'AN NI KYE BCOM LDAN 'DAS ZHES BOS NAS, A'A NA YA NI KHUG CIG PA'O, ,BIDY'A R'A DZA NI RIG PA'I RGYAL PO ZHES PA'O, ,H'Um PHAt NI GSOD PA'I PHYIR BSKUL BA YIN PAR SGRON GSAL LAS GSUNGS TE, BADZRA R'A DZA ZHES PA LTAR NA'ANG RDO RJE ZHES PA BCOM LDAN 'DAS DANG SBYAR RO, ,'DI'I 'GREL PA GZHAN RNAMS NAS MA BYUNG YANG, KHYAD PAR GSAL BYED LAS, RDO RJE'I SA GZHI'I SNGAGS LA SOGS PA SNGAGS DRUG MNGON BRJOD NAS 'BYUNG BA 'DIR SBYAR BAS DE DAG KYANG BRJOD LA RDO RJE'I SA GZHI DANG RA BA SOGS BSKYED PA BYIN GYIS BRLAB BO, ,AOm ME DE N'I BADZRA BHA BA BADZRA BHANDDHA H'Um ZHES PA NI SA GZHI RDO RJE'I RANG BZHIN DU 'CHING BA DANG, AOm BADZRA PR'A KA RA H'Um BAm H'Um, AOm BADZRA PANYTZA RA H'Um BAm H'Um, AOm BADZRA BI T'A NA H'Um KHAm H'Um, AOm BADZRA SA RA DZVA LA TRAm SAm TRAm, AOm BADZRA DZVA L'A NA L'ARKA H'Um H'Um H'Um, ZHES PA'I BAR GYI BADZRA PRA KA RA SOGS DANG PO BZHI NI, RDO RJE'I RA BA DANG, GUR DANG, BLA RE DANG, MDA'I DRA BA YIN LA, H'Um GNYIS KYI BAR DU BCUG PA'I PAm GNYIS DANG, SAm NI GUR DANG MDA'I MING YIG DANG PO DANG, RA BA'I MING YIG DANG PO RA YIG BZHAG PA LA THIG LES BRGYAN PA DANG, DE'I RIGS PAS KHAm YANG BLA RE'I SA BON DU MNGON TE DPYAD PAR BYA'O, ,MNGON BRJOD MANG PO LAS BADZRA BHA BA ZHES 'BYUNG LA, GZHUNG KHA CIG LAS BADZRI ZHES KYANG 'BYUNG NGO, ,MNGON BRJOD LO CHUNG GI 'GYUR LA TRAm SAm TRAm LAm H'Um shAm H'Um ZHES 'BYUNG
, ,NGO, ,DZVA LA NI 'BAR BA DANG, AA NA LA NI ME DANG, AARKA NI NYI MA'O, ,ME RI BYED PA GZHUNG NAS DNGOS SU MA BYUNG YANG DGOS LA, BLA MA SNGA MA RNAMS KYANG SNGAGS 'DI RNAMS KYIS BYIN GYIS RLOB PAR MDZAD DO, ,GNYIS PA LA GNYIS, KHRO MO BSKYED NAS BGEGS DGUG PA DANG, BKUG PA'I BGEGS LA PHUR BUS GDAB PA SOGS SO, ,DANG PO NI, DE NAS PHUR GDAB BYA BA'I PHYIR SGO MTSAMS MA RNAMS SKYED TSUL NI, 'GREL PA GSUM GA DANG 'KHRUL SPONG LAS, SUm BHA LA SOGS PA'I SNGAGS BZHI LAS, SGO MA BZHI DANG, SNGAGS DE NYID GNYIS GNYIS KYI 'OD ZER YONGS SU GYUR PA LAS, MTSAMS MA BZHI BSKYED PAR BSHAD PA'I DON NI, SNGAR LTAR GA-YON PA'I MTHEB MDZUB KYIS SE GOL GTOG CING, SNGAGS BZHI PO RE RE SHAR NAS PHYOGS BZHIR GA-YON SKOR DU BRJOD CING BKOD LA, RE RE YONGS SU GYUR PA LAS PHYOGS BZHIR NAG LJANG DMAR SER BA'I KHVA GDONG MA LA SOGS PA BZHI BSKYED, YANG SNGAR BZHIN BYAS TE SHAR LHOR SNGAGS DANG PO NAG PO DANG, BZHI PA SER PO GNYIS BKOD PA YONGS SU GYUR PA LAS, DER GSHIN RJE BSTAN MA GA-YAS SNGO GA-YON SER BA BSKYED, DE BZHIN DU SNGAGS BZHI PA DANG GSUM DMAR BA HO NUB TU BKOD PA LAS, PHO NYA MO GA-YAS SER GA-YON DMAR BA DANG, DE NAS SNGAGS GSUM PA DANG GNYIS PA LJANG KHU GNYIS NUB BYANG DU BKOD PA LAS, DER MCHE BA MA GA-YAS DMAR GA-YON LJANG BA DANG, DE NAS SNGAGS GNYIS PA DANG DANG PO GNYIS BYANG SHAR DU BKOD PA LAS, GSHIN RJE 'JOMS MA GA-YAS LJANG GA-YON SNGO BA BSKYED, THAMS CAD KYANG ZHAL GCIG
PHYAG GNYIS PA, LTE BA MAN CHAD PHUR BU'I RNAM PA CAN, GA-YAS KYIS RDO RJE THO BA DANG, GA-YON GYIS RANG 'DRA'I PHUR BU BSNAMS PA'O, ,'DIR 'PHROS PA'I SBYOR BAS SONG NAS PHYOGS BCU'I BGEGS 'GUGS PAR LVA BA PAS GSUNGS PA'I DON NI, 'KHRUL SPONG LAS DE DAG GIS RANG 'DRA DU MA SPROS NAS 'GUGS PAR BSHAD PA LTAR YIN LA, BKUG PA RNAMS RDO RJE RA BA'I PHYI ROL DANG NYE BAR H'Um RING PO BRJOD PA LAS GRUB PA'I KHRON PA RNAMS SU GZHUG GO ,SGRA TZAM DU MA ZAD H'Um NAG PO LAS KYANG SKYED PAR LVA BA PA'I BCU GSUM MA'I SGRUB THABS LAS 'BYUNG BA LTAR BYA'O, ,'KHRUL SPONG DANG DE BZHIN GSHEGS PA'I RDO RJE DANG, LVA BA PA'I SGRUB THABS LAS KHRON PA BRGYAD DU BSHAD KYANG, DKYIL CHOG RDOR PHRENG LAS, KHRON PA BCUR YANG BSHAD CING, LVA BA PA SOGS KYIS KYANG PHYOGS BCU'I BGEGS 'GUGS PAR GSUNGS PAS STENG 'OG GI BGEGS 'JUG PA'I KHRON PA YANG DGOS SO, ,DES NA STENG 'OG GI BGEGS 'GUGS PA SOGS BYED PA'I LHA MO RE YANG DGOS LA, DE NI JO BO CHEN PO'I 'GREL PAR, RDO RJE'I RA BA DANG ME RI'I BAR DU PHYOGS DANG MTSAMS SU SGO MTSAMS MA BRGYAD DANG, STENG DU KHVA GDONG MA DANG, 'OG TU KHYI GDONG MA SGOM PAR GSUNGS PA LTAR LEGS PAS TSUL 'DI SKYED PA'I DUS SU YANG SHES PAR BYA'O, ,KHYAD PAR GSAL BYED LAS, STENG 'OG GI BGEGS BSRUNG BA YANG DE RNAMS KHO NAS BYED CES SPYIR BSHAD KYANG, KHVA GDONG MA DANG KHYI GDONG MA GNYIS POS BYED LA, DE LTA NA'ANG SGO MTSAMS MA BRGYAD LAS GZHAN PA'I LHA MO MI DGOS PA LA BSAMS NAS DE SKAD BSHAD DO, ,BOD KYI BLA MA KHA CIG RTZA RGYUD
, ,LAS, SKAD CIG GIS NI SKU BRGYAD 'GYUR, ,DE YIS DKYIL 'KHOR BSRUNG DON DU, ,GDUG PA THAMS CAD KHYAD PAR GYIS, ,'DI NI RNYED PA TZAM GYIS KYANG, ,BRTAG MI DGOS PAR 'CHI BAR 'GYUR, ,ZHES SNGAGS LAN GCIG BRJOD PAS LHA MO BRGYAD SPROS NAS, KHVA GDONG MA GCIG GIS SHAR DANG STENG, KHYI GDONG MA GCIG GIS NUB DANG 'OG GI BGEGS 'JOMS PA'I PHYIR, KHVA GDONG MA DANG KHYI GDONG MA GNYIS GNYIS BYAS NAS LHA MO BCU PHYED PA 'GOG PA MI 'THAD DE, LHA MO DE GNYIS RE RES PHYOGS GNYIS GNYIS KYI BGEGS 'JOMS PA GZHUNG DE'I DON MIN PAS SGRUB BYED DU MI RUNG BA'I PHYIR DANG, KHVA GDONG MA DANG KHYI GDONG MA GNYIS GNYIS BYUNG BA DANG, LHA MO BRGYAD DU BSHAD PA GNYIS DBYE BSDU YIN PAS MI 'GAL BA'I PHYIR DANG, ZHAL BZHI PA'I SNGAGS LAN CIG BRJOD PA LAS LHA MO BRGYAD SKYED NA RANG GIS SNGAGS BZHI RE RE LAS SGO MA BZHI SKYED CING, SNGAGS KYI 'OD ZER GNYIS GNYIS 'DRES PA LAS MTSAMS MA BZHI SKYED PAR BSHAD PA DANG 'GAL BA'I PHYIR RO, ,MNGON BRJOD LAS, KHRO BO RNAMS KYIS PHUR BUS 'DEBS PAR BSHAD PA DANG, 'DIR KHVA GDONG MA LA SOGS PAS PHUR BUS 'DEBS PAR BSHAD PA NI MI 'GAL TE, JO BO'I 'GREL PAR DE YANG LE'U BCU BDUN PA LAS, KHRO BO RNAM RGYAL LA SOGS PA, ,SGO DANG MTHA' YI MTSAMS RNAMS SU, ,SNA TSOGS 'DUL BA'I THABS CAN GYIS, ,SEMS CAN DON LA BRTZON PAR MDZAD, ,CES PAS SNA TSOGS 'DUL BA'I THABS NI BUD MED KYIS 'DUL BA RNAMS LA BKA' BSGO RNAMS SU SPRUL PA'I PHYIR RO, ,ZHES KUN SPYOD KYI LUNG DON
BSHAD PA LTAR YIN PA'I PHYIR RO, ,DES NA RTZA RGYUD LAS, ZHAL BZHI PA'I SNGAGS BTUS PA'I MJUG THOGS NYID DU, KHRO BO BZHI DANG YANG DAG LDAN, ,SKAD CIG GIS NI SKU BRGYAD 'GYUR, ,ZHES SOGS SNGAR DRANGS PA LTAR GSUNGS PAS KYANG DON 'DI BSTAN PAR SHES PAR BYA'O, ,GNYIS PA NI, DE NAS SHAR NAS PHYOGS GA-YON SKOR DANG, ME NAS MTSAMS GA-YAS SKOR DANG, STENG 'OG TU DMIGS TE KHRO MO RNAMS LA BKA' BSGO BA'I TSUL GYIS, AOm GHA GHA ZHES SOGS PHUR BUS GDAB PA'I SNGAGS RE RE NAS BRJOD PA SNGON DU 'GRO BAS BGEGS RNAMS KYI SPYI BOR PHUR BU GZUGS TE, MNGON BRJOD LAS, BGEGS KUN GYI NI KLAD PA LA, ,RDO RJE PHUR BUS DGOD CING MNAN, ,LUGS SU 'BYUNG DANG BZLOG PA YIN, ZHES 'BYUNG NGO, ,DE NAS BRDUNG BA'I RIM PA YANG SNGAR LTAR BSHAD PAS RIM PA DE BZHIN DU, AOm BADZRA MUNGGAR SOGS BRDUNG BA'I SNGAGS RE RE NAS BRJOD PA SNGON DU 'GRO BAS GA-YAS PA'I PHYAG GI RDO RJE THO BAS BRDUNGS PAS SPYI GTZUG NAS RKANG MTHIL GYI BAR DU SON PAR GDAB BO, ,ZHES BSGYUR BA LEGS SO, ,'DI RNAMS KYI DUS SU RANG NYID H'Um MDZAD KYI NGA RGYAL GYIS BYED PA MNGON BRJOD KYI LUGS YIN LA, HE RU KA PHYAG GNYIS PA'I NGA RGYAL GYIS BYED PA SDOM 'BYUNG DANG DRIL BU BA'I DGONGS PA YIN TE, 'DI'I 'GREL PA GSUM DANG 'KHRUL SPONG GI LUGS KYANG DE DANG MTHUN NO, ,PHUR GDAB KYI SNGAGS KYI DON LA, AOm NI SNGAR DANG 'DRA, GHA GHA NI GHA TA GHA STE GSOD BYED CES BOD PA'O, ,GH'A T'A YA GNYIS NI CHOMS SHIG CES RBOD PA'O, ,GANG ZHE NA, SARBA NI THAMS CAD DANG, DUsht'A NI MA RUNGS PA'O, ,PHAt NI DON DE GSAL BAR BYED PA'I SA BON NO, ,K'I
, ,LA YA GNYIS NI PHUR BUS THOB PA MI 'GUL BAR GYIS SHIG PA'O, ,SARBA P'A PAm NI SDIG PA'I BSAM PA CAN THAMS CAD DO, ,PHAt NI DGOS PA'O, ,H'Um GSUM NI DE KHO NA NYID BSKUL BA'O, ,BADZRA K'I LA YA NI RDO RJE PHUR BU LA BOD PA'O, ,BADZRA DHA RA AADZNY'A PA YA NI RDO RJE 'CHANG GI BKA' NYON CES PA STE, BDAG NYID RDO RJE 'CHANG DU BYIN GYIS BRLABS NAS BKA' BSGO PA'O, ,K'A YA B'A KKA TZITTA NI LUS NGAG YID GSUM STE, BGEGS LA BYA'O, ,BADZRA K'I LA YA NI SNGAR DANG 'DRA, H'Um PHAt NI SLAR YANG BSKUL BA'O, ,'DI NI SGRON GSAL LAS GSUNGS TE, DPE RNAMS LA MI 'DRA BA THAN THUN YOD DO, ,MAR DO DANG CHAG GI 'GYUR LA SNGAGS DANG PO LA DUsht'A'I MJUG TU BIGHA N'AN MED, SNGAGS GNYIS PA LA MGOR AOm MED CING, GNYIS KA LA MTHAR H'Um GNYIS DANG PHAt YOD, SNGAGS GSUM PA LA MGOR H'Um GSUM DANG, BA YA TI'I RJES SU SARBA DUsht'A BIGHA N'AN YOD LA, LHAG MA SNGAGS DON BSHAD PA'I SKABS DANG 'DRA'O, ,'KHRUL SPONG DU, SNGAGS DANG PO LA BI GHA N'A NA MED PAR DUsht'A'I RJES SU, PRA DUsht'A DANG, SNGAGS GNYIS PA'I MGOR AOm YOD, LHAG MA SNGAR DANG 'DRA'O, ,'DI RNAMS RGYUD GANG NAS BTUS PA NI, GTZO BOR MNGON BRJOD YIN LA, DE'I 'GYUR RNAMS DANG, PHAG MO MNGON 'BYUNG DANG, SGRUB THABS KYI 'GYUR RNAMS LA 'DRA MI 'DRA DU MA ZHIG 'DUG GO ,BADZRA MUD GA RA NI RDO RJE THO BA'O, ,BADZRA K'I LA YA NI SNGAR DANG 'DRA'O, ,AA KO tA YA NI BRDUNGS SHIG PA'O, ,SNGAGS 'DI'I MTHAR MAR DO DANG LO CHEN DANG CHAG 'GYUR LAS H'Um GCIG DANG PHAt GCIG 'BYUNG LA, MNGON BRJOD KHA CIG LAS DE GNYIS GNYIS GNYIS 'BYUNG NGO, ,DE LTAR PHUR BU 'DEBS PA DANG BRDUNG BA BYAS
BAS BGEGS THAMS CAD BDE STONG DBYER MED KYI NGO BOR RO GCIG TU GYUR PAR BSAM MO, ,DE NAS KHVA GDONG MA LA SOGS PAS BGEGS RNAMS RGYANG RING DU BSKRAD NAS, RDO RJE'I RA BA GRU BZHI PA LA THIM PA'I DUS SU, CHU LA CHU BRDABS PAS GZEGS MA PHYIR 'THOR BA BZHIN DU, RDO RJE DANG PADMA DANG 'KHOR LO'I RA BA ZLUM PO GSUM MTSAMS BCING BA'I DON DU BSGOM, DE'I PHYI ROL DU ME RI 'BAR PA BSAM ZHING SNGAR BSHAD PA'I RDO RJE'I RA BA LA SOGS PA THAMS CAD KYANG BAR MTSAMS MED PAR DUM BU GCIG TU GYUR PAR BSGOMS LA, 'GRO BA THAMS CAD KYANG RNAM PA THAMS CAD DU BGEGS DANG BRAL BAR MOS PA BRTAN PO BYA'O, ,SGRUB THABS GTZUG NOR LAS, SGO MTSAMS MA BRGYAD KYIS SPROS PA'I 'OD ZER 'BAR BA LCAGS KYU'I RNAM PA CAN GYIS, BGEGS BROS PA RNAMS DRANGS NAS, DONG DU BCUG PA DANG, RDO RJE'I LTA BAS BLTAS TE, GHA GHA ZHES SOGS KYI SNGAGS BRJOD DE, PHUR BU TSUGS SHIG PAR BKA' BSGOS PAS, BGEGS RNAMS KYI SPYI BOR PHUR BU BTZUGS PA DANG, BRDUNG BA'I SNGAGS BRJOD NAS THO BAS BRDUNGS TE, PHUR BU BTAB PAS BDE BA CHEN PO THOB PAR BYAS LA, SGO MTSAMS MA RNAMS 'OD ZER 'BAR BAR GYUR TE, MDA'I DRA BA LA THIM MA THAG TU CHU LA CHU BRDABS PA'I TSUL DU PHYIR 'PHROS PA LAS RDO RJE'I RA BA ZLUM PO DANG, DE LAS 'OD 'PHROS PAS PAD RA DANG, DE LAS 'KHOR LO'I RA BA DANG, DE LAS RDO RJE'I ME 'BAR BA STENG DANG LOGS KUN TU KHYAB PA, GA-YON SKOR DU 'KHYIL ZHING 'BAR BA BSAMS TE, SNGAGS BZHIS BYIN GYIS RLOB PAR BSHAD PA NI, MAR DOS LUGS 'DI LA'ANG MDZAD MOD KYANG, 'DI NI 'GREL PA RNAMS LAS, SNGAR BZHIN
, ,BSHAD PA LTAR BYA'O, ,DRIL BU PAS, THO BAS BRDUNGS TE PHUR PA GDAB, ,BGEGS RNAMS RDZOGS PA'I BYANG CHUB 'GYUR, ,LHA MO 'OD GYUR 'DUS 'PHROS PAS, ,RDO RJE PADMA 'KHOR LO ME, ,AOm BADZRA PR'A K'A RA H'Um, AOm PADMA PR'A K'A RA H'Um AOm TZAKRA PR'A K'A RA H'Um, AOm BADZRA DZVA LA AA NA L'ARKA H'Um H'Um H'Um, ZHES GSUNGS PA'I DGONGS PA YANG, BCU GSUM MA'I SGRUB THABS LAS BSHAD PA LTAR YIN PAS, DRIL BU PA'I LUS DKYIL GYI BSRUNG 'KHOR NI, BSRUNG 'KHOR 'BRING PO'I LUGS SU BYED NA, LHA LNGA BZHIN BYA LA, BSDUS PA'I LUGS KYANG RUNG NGO, ,RANG DON DU BSRUNG BA LA DE LTAR YIN LA, SEMS YOD DANG SEMS MED GZHAN LA BGEGS KYI GNOD PA SRUNG NA NI, DKYIL CHOG RDO RJE 'PHRENG BAR, DKYIL 'KHOR BRI BA SOGS LA CHU RDOL DANG RLUNG DANG, SPRIN LA SOGS PA'I BGEGS KYI GNOD PA BYUNG BA'I TSE, RDO RJE'I RA GUR DANG MDA'I DRA BA DANG, BLA RE'I NANG GI KHONG SENG LA GNAS PA'I RTZIBS KYI RTZE MO LA BRTAN PAR GNAS PA'I KHRO BO BCU SHIN TU 'JIGS PAS BYIN GYIS BRLABS PA'I RTZIBS BCU PA'I 'KHOR LO SER PO, ,GA-YAS SKOR DU 'KHOR BAR LTE BA'I DBUS SU BSRUNG BYA BSGOMS NAS, RDO RJE'I RANG BZHIN GYI SA GZHI LA SOGS PAS BGEGS THAMS CAD BZLOG PAR SGOM PAR BSHAD PA LTAR BYAS NA, LEGS PAR MTHONG NGO, ,BZHI PA LA GNYIS, BSOD NAMS KYI TSOGS BSAG PA DANG, YE SHES KYI TSOGS BSAG PA'O, ,DANG PO LA GNYIS, TSOGS ZHING BSGRUB PA DANG, ZHING DE LA TSOGS BSAG PA'O, ,DANG PO NI, BSRUNG 'KHOR BSGOMS PA'I MJUG THOGS DE NAS, BSRUNG 'KHOR GYI DBUS SU RANG HE RU KAR GNAS PA'I
SNYING KHAR YI GE Am LAS BYUNG BA'I ZLA BA'I DKYIL 'KHOR RO, ,AA LA KLAD KOR STER BAR LVA PA SOGS KYIS BSHAD DO, ,ZLA BA DE'I STENG DU H'Um GI RNAM PA DBUS SNGO LA, PHYI ROL TE MTHA' SKYA BA DNGUL CHU'I KHA DOG LTA BU 'OD ZER SNA TSOGS PA STE KHA DOG RNAM PA LNGA 'PHRO BA BSAM MO, ,H'Um NI RDO RJE 'DZIN PA'I RANG BZHIN DANG, RDO RJE 'DZIN PA NI ZLA BA'I DKYIL 'KHOR CAN DU 'THAD PA KHO NA 'O, ,ZHES LVA BA PA DANG, PRADZNY'A RAKshI TAS BSHAD DE, RDO RJE MKHA' 'GRO LAS KYANG, H'Um YIG GI RTEN ZLA BAR BSHAD DO, ,DE KHO NA LTAR NI MA NGES TE, MNGON BRJOD DANG MKHA' 'GRO RGYA MTSO LAS, NYI MA LA GNAS PAR YANG BSHAD PAS SO, ,SDOM 'BYUNG LAS, H'Um YIG SNYING KHA'I CHU SKYES LA, ,'OD ZER 'PHRENG BA SPRO BAR BYA, ,ZHES GSUNGS PA'I 'GREL PAR PAm SER PO LAS SNA TSOGS PADMA'I GDAN BSHAD LA, MKHA' 'GRO RGYA MTSO LAS KYANG PADMA BSHAD PA LTAR BYA'O, ,H'Um YIG NI YE SHES LNGA'I RANG BZHIN CAN DU MNGON BRJOD DANG DRIL BU ZHABS KYIS GSUNGS LA, DE LA YE SHES LNGA 'JOG TSUL NI AA BHYA KA RAS, A'U YIG DON GRUB DANG, HA'I LUS SNANG MTHA' DANG, DE'I MGO BO RIN 'BYUNG DANG, ZLA TSES RNAM SNANG DANG, THIG LE N'A DA DANG BCAS PA NI MI BSKYOD PAR BSHAD PA'I STENG NAS SHES PAR BYA'O, ,H'Um YIG DE'I SNANG BA STE 'OD ZER GYIS RANG GI BLA MA DANG, RDZOGS PA'I SANGS RGYAS TE 'CHAD 'GYUR GYI DKYIL 'KHOR GYI 'KHOR LO MDUN DU NAM MKHAR SPYAN DRANG NGE, BLTAS PA NI BSAMS PA'O, ,DPA' GCIG LAS, ,H'Um GI 'OD ZER GYIS RANG GI SPYI BO NAS RKANG PA'I BAR GANG STE, THOG MED KYI SGO GSUM GYI DRI MA SBYANGS PAS, LUS SHEL SGONG BZHIN
, ,DU DAG PAR GYUR TE, BA SPU'I BU GA NAS PHYIR 'PHROS PA'I 'OD ZER GYIS, TSOGS ZHING SPYAN 'DREN PAR BSHAD PA NI, DRIL BU PA'I LUS DKYIL GNYIS DANG, GTZUG NOR GYI LUGS SU'ANG SNANG BAS DE BZHIN DU BYA'O, ,JO BO'I 'GREL PAR BLA MA NI BDE MCHOG GI DKYIL 'KHOR DU DBANG BZHI BSKUR BA DANG, SANGS RGYAS NI HE RU KA'I DKYIL 'KHOR GYI LHA SO BDUN DANG, SOGS KYIS NI BLA MA GZHAN DANG, MGRON GYI LHA SANGS RGYAS DANG BYANG SEMS GZHAN SPYAN 'DREN PA SDUD CING, BLTAS PA NI BLA MA'I DRIN DRAN PA'I TSUL GYIS, BZHUS NAS DKYIL 'KHOR LA BSTIMS PAS LHA DANG BLA MA THA MI DAD PAR LTA BA LA BSHAD DO, ,BLA MA SPYAN 'DREN PA NI MNGON BRJOD DANG SDOM 'BYUNG LAS GSUNGS SO, ,'DIR GTZUG NOR LAS, SHAR PHYOGS KYI DUR KHROD DBANG PO'I MDUN NA, BLA MA SENG GE'I KHRI LA BZHUGS PAR BSGOMS ZHES GSUNGS PA LA, BLA MA KHA CIG GIS DE SHIN TU MI RIGS TE, MNGON BRJOD LAS, BLA MA BYANG SEMS RDO RJE RIGS DRUG PAR BSHAD PA DANG, DPAL 'DZIN GYIS KYANG, RDO RJE 'CHANG BDAG RNAM PA CAN, ,BLA MA, ZHES BSHAD PA DANG 'GAL BAS, SNGAGS KYI RNAM GZHAG LAS CHES CHER 'KHYAMS PA'O, ,DES NA SGRUB THABS DE BYED PA PO'ANG LVA BA PA MA YIN PAR NGES SO, ,ZHES ZER BA NI, MA NGES BZHIN DU BKAG PAS SHIN TU MI RIGS TE, SGRUB THABS DE LAS KYANG, BLA MA RDO RJE SEMS DPA' LTAR 'GYING BAG CAN RGYAN THAMS CAD KYIS BRGYAN NAS BZHUGS PA GSAL BAR BLTAS LA, ZHES BLA MA RDO RJE 'CHANG DU SGOM PAR BSHAD PA'I PHYIR RO, ,DES NA BLA MA RDO RJE 'CHANG DU BLTA BAR GSUNGS PA LUGS DE LA GNOD BYED DU JI LTAR 'GYUR, ,GAL TE RDO RJE
'CHANG DU GSUNGS PAS DUR KHROD DU BZHUGS PA MI RIGS SO SNYAM NA, RDO RJE 'CHANG DU GSUNGS PA NI SGOM PA'I DBANG DU MDZAD LA, RDO RJE 'CHANG YIN DU CHUG KYANG 'GAL BA MED DE MNGON BRJOD LAS, DUR KHROD NA GNAS PA BSHAD PA'I SKABS SU, DPA' BO 'DUS PA'I MCHOG DAG DANG, ,RNAL 'BYOR MA NI MCHOG SNA TSOGS, ,ZHES DPA' BO DANG RNAL 'BYOR MA MCHOG RNAMS KYANG DE NA GNAS PAR BSHAD PA'I PHYIR DANG, SDOM 'BYUNG LAS, GRUB CHEN RDZU 'PHRUL YANG DAG THOB SLOB DPON, ,TSOGS NI DUR KHROD DBUS SU BLTA BAR BYA, ,ZHES GRUB CHEN DU MA ZHIG DER GNAS PAR GSUNGS PAS, BLA MA DER BZHUGS PAR SGOM PA LA 'GAL BA CUNG ZAD KYANG MA MTHONG NGO, ,DE'I PHYIR BLA MAR NGES KYANG SGRUB THABS DE'I RJES SU 'BRANGS NAS, DE BZHIN DU MDZAD PA YANG MI 'THAD PA MIN NO, ,BLA MA DKYIL 'KHOR GYI GTZO BO DANG, RDO RJE 'CHANG DANG THA MI DAD PAR BLTA BA YANG MANG DU GSUNGS PAS, TSOGS ZHING GI GTZO BO DANG DBYER MED DU SPYAN 'DREN PA DANG, DE'I RIGS BDAG GI TSUL DANG LOGS SHIG TU RDO RJE 'CHANG GI RNAM PAR SPYAN 'DREN PA GANG BYAS KYANG MI 'GAL LO, ,GNAS GANG NAS LHA SPYAN 'DREN PA NI, MNGON BRJOD LAS, MNGON GRUB PA NI BSKUL NAS NI, ,ZHES GSUNGS PA LTAR DRIL BU ZHABS KYIS KYANG BSHAD PAS, SNGAR HE RU KA'I DKYIL 'KHOR DU SANGS RGYAS PA GAR BZHUGS NAS SPYAN 'DREN PA NI SPYI YIN ZHING, MAN SNYE DANG GNYIS MED RDO RJE'I SGRUB THABS LAS 'OG MIN NAS SPYAN 'DREN PA NI, GNAS BYE BRAG PA YIN LA, SPYAN DRANGS PA DANG 'OD ZER SNYING KHAR SDUD PAR DE GNYIS DANG LVA BA PAS BSHAD PA LTAR BYA'O, ,SANGS RGYAS DANG BYANG SEMS DANG,
, ,BLA MA DANG, LHA DANG LHA MO DANG, KHRO BOS NAM MKHA'I KHAMS TIL GYI GANG BU LTAR GANG BAR BLTA BAR MNGON BRJOD LAS BSHAD DO, ,GNYIS PA NI, DE NAS ZHING DE RNAMS LA, YID BZHIN NOR BU DANG GTZUG NOR LAS BSHAD PA LTAR, RANG GI LUS DU MA SNA TSOGS PAR SPRUL TE, RANG GI THUGS KA'I SA BON LAS SPRUL PA'I PI WAm MA LA SOGS PA'I LHA MO BCU DRUG GIS YANG DAG PAR MCHOD DE, LHAG MA RNAMS BYA'O, ,'DIR LVA BA PA DANG PRADZNY'A RAKshI TAS RIG MA BCU DRUG GIS MCHOD PA DANG, DE NAS RKANG BRGYAD KYI SNGAGS KYIS BSTOD PA DANG, DE NAS SEMS CAN RNAMS 'DON PAR 'DOD PA'I BSAM PAS BDAG NYID PHUL NAS, SDIG PA BSHAGS PA SOGS KYI DON DU, DKON MCHOG GSUM LA SKYABS SU MCHI, ,ZHES SOGS LAN GSUM BRJOD PAR BYA'O, ,ZHES PA TZAM BSHAD NAS, PHYAG GANG LA BYED PA DANG, BZOD GSOL GYI DON MA BSHAD DO, ,KHYAD PAR GSAL BYED LAS, DANG POR PHYAG DE NAS RIG MA BCU DRUG GI DANG, SNGAGS KYI BSTOD PA GNYIS KA MCHOD PAR BSDUS PA DANG, DE NAS SDIG BSHAGS YI RANG SKYABS 'GRO, LAM LA BRTEN PA BYANG CHUB TU SEMS BSKYED PA, LUS DBUL BA RNAMS BYED PAR BSHAD DO, ,GZHUNG 'DI'I TSOGS BSAG NI SDOM 'BYUNG LA BRTEN PA YIN TE, SDOM 'BYUNG LAS, 'OD ZER PHRENG BA SPRO BAR BYA, ,DE YI SNANG BA LAS MDUN DU, ,BLA MA SANGS RGYAS SOGS DANG POR, ,PHYAG 'TSAL ME TOG BDUG SOGS KYIS, ,MCHOD DE BZOD GSOL BLA NA MED, ,DKON MCHOG GSUM LA SKYABS 'GRO ZHING, ,ZHES GSUNGS PA DANG, 'DIR BYUNG BA RNAMS TSIGS TSUN CHOD KYANG 'DRA BA'I PHYIR
RO, ,RGYUD DER DE'I RJES SU BYANG CHUB KYI SEMS SGOM PA DANG, TSAD MED BZHI SGOM PAR GSUNGS PA'I PHYI MA NI, SNGAR BSGOMS ZIN LA, DANG PO NI, DKON MCHOG GSUM LA SKYABS SU MCHI ZHES PA LA SOGS PA BRJOD PAR BYA'O, ,ZHES PA'I GSEB NAS 'BYUNG NGO, ,DE LA PHYAG BYAS LA ZHES PA LA, BLA MA LA PHYAG 'TSAL BA NI, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,CES DANG, GTZO BO YAB YUM DANG, 'KHOR LA PHYAG 'TSAL BA NI, ,SDOM 'BYUNG LAS, HE RU KA DPAL DPA' BO CHE, ,RNAM DAG RDO RJE'I DBANG PHYUG DANG, ,RJES CHAGS CHAGS PA CHE RNAMS KYIS, ,RDO RJE PHAG MO DE LA 'DUD, ,CES DANG, ,NAS DANG NYE BA'I GNAS DANG ZHING, ,'DUS DANG DUR KHROD GNAS PA YI, ,DPA' BO DPA' MO'I DBANG PHYUG MA, ,KUN LA BDAG NI GUS PHYAG 'TSAL, ,ZHES GSUNGS PA LTAR BYA'O, ,DE NAS MCHOD PA LA 'DI'I 'GREL PA RNAMS NAS CHU DANG NYER SPYOD KYI MCHOD PA ZUR PA MA BSHAD KYANG, BYED NA'ANG MI RUNG BA MED DO, ,SDOM 'BYUNG LAS, ME TOG BDUG SPOS SOGS KYIS MCHOD, ,CES PA NYER SPYOD ZUR PAS MCHOD PA LA SBYAR NA LEGS PAR SNANG YANG, 'GREL PA LAS RIG MA BCU DRUG GI NANG GI ME TOG MA LA SOGS PAS MCHOD PA LA BSHAD DO, ,'KHRUL SPONG LAS, AARGHAm LA SOGS PA SNGON DU PHUL NAS, RIG MA BCU DRUG GIS MCHOD PAR BSHAD, SNGAGS NI LVA BA PAS, SH'I HE RU KA AARGHAm PRA T'I TZTSA SV'A H'A, ZHES SOGS KYIS CHU GSUM DBUL BA MDZAD DE, CHU GNYIS DBUL BA YANG BSHAD DO, ,LANG KAS AOm PUshPE PRA T'I TZTSA SV'A H'A, ZHES SOGS KYIS NYER SPYOD DBUL BAR
, ,BSHAD PA LTAR RAM, RNAM PA GZHAN YANG RUNG NGO, ,RIG MA BCU DRUG GI PI WAm MA DANG GLING BU MA DANG RNGA ZLUM MA DANG RDZA RNGA MA NI, ZHAL GCIG PHYAG BZHI MA RIM PA BZHIN SNGO SER DMAR LJANG, RTZA PHYAG GNYIS KYIS RANG RANG GI ROL MO SGROG CING, PHYAG GZHAN GNYIS KYIS RDOR DRIL 'DZIN PA'O, ,BZHAD MA DANG SGEG MO DANG GLU MA DANG GAR MA RNAMS NI, ZHAL GCIG PHYAG BZHI MA, RIM PA BZHIN DU DMAR SNGO SER LJANG BA, DANG POS, PHYAG DANG PO GNYIS KYIS BZHAD PA'I STANGS DANG, GNYIS PAS BSNYEMS PA'I TSUL GYIS RDOR DRIL BZUNG NAS DKUR BRTEN PA DANG, BZHI PAS PAD KOR MDZAD PA'O, ,GSUM PAS NI, LVA BA PA'I 'GREL PAR TING TING SHAGS BRDUNG PA ZHES DANG, PRADZNY'A RAKshI TA DANG 'KHRUL SPONG LAS 'KHAR BA'I GSIL KHROL 'DZIN PA DANG BRDUNG BA, ZHES DANG, KHYAD PAR GSAL BYED LAS PHEG RDOB PA ZHES 'BYUNG YANG DANG PO LTAR BYED PA'I DON NO, ,PHYAG 'OG MA GNYIS KYI GA-YAS THOD PA DANG, GA-YON KHA tV'Am GA 'DZIN PA'O, ,ME TOG MA DANG BDUG SPOS MA DANG MAR ME MA DANG DRI CHAB MA NI, ZHAL GCIG PHYAG BZHI MA, RIM PA BZHIN DU DKAR PO, ,DUD KHA, MAR ME'I RTZE MO LTA BU DANG, DMAR MO, ,GA-YAS KYI DANG PO RNAMS NI, ME TOG GI SNOD DANG, BDUG SPOS KYI SNOD DANG, MAR ME'I MCHOD SDONG DANG, DRI'I DUNG CHOS 'DZIN ZHING, LHAG MA GZHAN GSUM NA, d'A MA RU DANG, THOD PA DANG, KHA tV'Am GA 'DZIN PA'O, ,ME LONG MA 'AM GZUGS MA DANG, RO MA DANG, REG BYA MA DANG, CHOS MA RNAMS NI RIM PA BZHIN DU, DKAR DMAR LJANG DKAR BA, GA-YAS KYI DANG PO RNAMS NA, ME LONG, SBRANG CHANG GI SNOD, GOS SNA TSOGS PA, CHOS
'BYUNG 'DZIN ZHING, GA-YAS KYI LHAG MA NA d'A MA RU, GA-YON GNYIS NA THOD PA, KHA tV'Am GA 'DZIN PA'O, ,DE RNAMS NI 'DI'I 'GREL PA GSUM DANG 'KHRUL SPONG LAS BSHAD PA'O, ,MNGON BRJOD LAS ME TOG MA SER MO DANG, DRI CHAB MA DKAR MOR BSHAD, GZHAN GYI KHA DOG MTHUN, DANG PO BZHI LA PI WAm SOGS BRDUNG BA'I STANGS STABS CAN DU BSHAD NAS, PHYAG BZHI PAR MI GSAL, DE NAS BZHI'I DANG PO LA 'BROG MI DANG LO CHUNG GI 'GYUR LA, TSAM NGAM GYI LAG STANGS CAN DU BSHAD PA NI, 'GYUR GZHAN LAS LAG PA GA-YO BA'I TSUL CAN DU BSHAD PA LTAR YIN TE, SNGAR BSHAD PA DANG DON 'DRA, GSUM PA LA MKHRIG MA MNYAM PAR BYAS NAS NI, ZHES PA GLU MAS, RDO RJE KHU CHUR GNYIS SBYAR NAS, SGRA 'BYIN PA'I TSUL BYED PA LA BYA, BZHI PA LA PADMA SKOR BA'I STANGS STOBS CAN, ZHES 'BYUNG NGO, ,PHYAG BZHI PAR GSAL BAR BSHAD, LHAG MA 'DRA, DE NAS BZHI LA RANG MING GIS GO BA'I PHYAG MTSAN MA GTOGS PA GZHAN GSAL BAR MA BSHAD, DE NAS BZHI LA PHYAG MTSAN LHAG MA SNGAR DANG 'DRA, PHYAG MTSAN DANG PO MA BSHAD DE, ME LONG MA LA SOGS PA'I RANG MING GIS GO NUS PA LA DGONGS, 'DI RNAMS KYI PHYAG MTSAN LHAG MA GSUM NI ME TOG MA SOGS LA YANG SBYOR BAR GSAL LO, ,DANG PO BZHI'I PHYAG MTSAN LA RDOR DRIL MA BYUNG BA NI RGYA DPE LA DAG MA DAG YOD PAR MNGON NO, ,LHA MO DE RNAMS KYI SKYED TSUL LA SPYIR MANG DU YOD KYANG, SKABS 'DIR NI 'GREL PA GZHAN GNYIS DANG, GTZUG NOR DANG, 'KHRUL SPONG DANG, DE BZHIN GSHEGS PA'I RDO RJES THUGS KA'I SA BON LAS SKYED PAR BSHAD PA LTAR BYED RGYU YIN TE, RIGS PA DE SKABS 'DI'I
, ,MCHOD PA'I LHA MO GZHAN LA'ANG SHES PAR BYA'O, ,RIG MA BCU DRUG GI MCHOD SNGAGS NI, AOm BADZRA BI nE H'Um H'Um PHAt, AOm BADZRA BAm SHE H'Um H'Um PHAt, AOm BADZRA MRi TAm GE H'Um H'Um PHAt, AOm BADZRA MU RA DZE H'Um H'Um PHAt, AOm BADZRA H'A S+YA H'Um H'Um PHAt, AOm BADZRA L'A S+YA H'Um H'Um PHAt, AOm BADZRA G'I TI H'Um H'Um PHAt, AOm BADZRA NRi T+YA H'Um H'Um PHAt, AOm BADZRA PUshPE H'Um H'Um PHAt, AOm BADZRA DH'U PE H'Um H'Um PHAt, AOm BADZRA D'I PA H'Um H'Um PHAt, AOm BADZRA GANDHE H'Um H'Um PHAt, AOm R'U PA BADZRI H'Um H'Um PHAt, AOm RA SA BADZRI H'Um H'Um PHAt, AOm SPAR SHE BADZRI H'Um H'Um PHAt, AOm DHARM'A DH'A TU BADZR'I H'Um H'Um PHAt, CES PA'O, ,DE NAS YAB KYI RKANG BRGYAD KYI BSTOD PA YANG BSTOD PA'I MCHOD PA YIN PAS, MCHOD PAR BSDU'O, ,BZOD PAR GSOL LA ZHES PA NI, 'DI'I 'GREL PA RNAMS NAS MA BSHAD KYANG, SDOM 'BYUNG 'GREL PA LAS, BZOD PAR GSOL BA STE, SDIG PA BSHAGS PA LA SOGS PA BYA'O, ,ZHES BSHAD PA LTAR YIN PAS NONGS PA BZOD PAR GSOL BA NI BSHAGS PA'O, ,SDIG BSHAGS SOGS NI 'DIR SKYABS SU 'GRO BAS MTSON NAS BZUNG NGO, ,DKON MCHOG GSUM LA SKYABS SU MCHI, ,ZHES SOGS KYIS SDIG BSHAGS BYED PAR BSHAD PA NI, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, , SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,RANG GZHAN DON NI RAB BSGRUB PHYIR, ,BYANG CHUB SEMS NI BSKYED PAR BGYI, ,BYANG CHUB MCHOG GI SEMS NI BSKYED BGYIS NAS, ,SEMS CAN THAMS CAD BDAG GIS
MGRON DU GNYER, ,BYANG CHUB SPYOD MCHOG YID 'ONG SPYAD PAR BGYI, ,'GRO LA PHAN PHYIR SANGS RGYAS 'GRUB PAR SHOG ,CES PA'O, ,BDAG DBUL BA NI KHYAD PAR GSAL BYED LAS, BGROD DKA' SRID PA'I RGYA MTSO LAS, ,BDAG GIS 'GRO RNAMS BSGRAL BA'I PHYIR, , RANG GI BDAG NYID SKAD CIG MA, ,SANGS RGYAS RNAMS LA DBUL BAR BGYI, ,ZHES PAS BYA'O, ,DRIL BU PA'I LUS DKYIL LA NI, YID BZHIN NOR BU LAS, PHYAG 'TSAL BA, LUS DBUL BA, THUGS KA'I SA BON GYI 'OD ZER LAS BYUNG BA'I YUL DRUG GI LHA MOS PHYI'I MCHOD PA DANG, LHA MO BZHIS GSANG BA BDUD RTZI'I MCHOD PA DANG, TSOGS ZHING YAB YUM SNYOMS PAR ZHUGS PAS, LHAN SKYES KYIS DGA' BAS LHA RNAMS DGYES PA DANG, SDIG BSHAGS, YI RANG, BSNGO BA, SKYABS 'GRO, BSKUL BA DANG, GSOL BA GDAB PA, SMON 'JUG GI SEMS GNYIS BSKYED PA DANG, TSAD MED BZHI BSGOM PAR BSHAD PA LTAR BYA'O, ,DE NAS MAR DOS RANG TSOGS ZHING GIS BYIN GYIS RLOB PA'I DON DU YIG BRGYA BZLA BAR BSHAD PA NI, GTZUG NOR GYI LUGS YIN LA, MNGON BRJOD LAS, SNGON GRUB PA NI BSKUL NAS NI, ,BYIN GYIS BRLAB PA'ANG BYED PA YIN, ,ZHES GSUNGS PA'I YANG DON NO, ,MJUG TU TSOGS ZHING JI LTAR BYED 'DI'I 'GREL PA RNAMS NAS MA BSHAD LA, SGRUB THABS KHA CIG LAS GSHEGS SU GSOL BA DANG, GTZUG NOR LAS DE NYID DU MI SNANG BAR GYUR PA DANG, 'KHRUL SPONG GI DGONGS PAS STONG PAR SBYOR BA'I SNGAGS KYIS CHOS THAMS CAD STONG PAR SBYONG BA'I ZHAR LA STONG PAR SBYONG BA BSHAD KYANG, DPA' BO GCIG PA DANG LUS DKYIL GYI GZHUNG GNYIS LAS BSHAD PA LTAR RANG LA BSTIMS TE BYIN GYIS BRLAB BO, ,GNYIS
, ,PA LA BZHI, STONG NYID BSGOMS PA'I DGOS PA BSHAD PA DANG, STONG NYID SGOM PA'I TSIG DON BSHAD PA, RTZOD PA SPANG ZHING LOG RTOG BSAL BA, STONG NYID DU SDUD RAM GYI GNAD BSHAD PA'O, ,DANG PO NI, BSOD NAMS KYI TSOGS BSAGS PA DE NAS, YE SHES KYI TSOGS BSAG PAR BYA'O, ,'DI'I DGOS PA NI JO BO CHEN PO'I 'GREL PAR DRUG GSUNGS TE, JI SKAD DU, DE LTAR SNGAGS RNAM PA GNYIS LAN GSUM DU BRJOD PA NI STONG PA NYID RTOGS NUS PA DANG, STONG PA NYID KYI DRAN PA GSO BA DANG, GNAS PA BRTAN PA DANG, YE SHES KYI TSOGS RDZOGS PA DANG, THA MAL PA'I LUS NGAG YID GSUM GYI RTOG PA SPONG BA DANG, RTEN DANG BRTEN PA THAMS CAD STONG PA'I RNAM 'PHRUL DU RTOGS PA'I PHYIR RO, ,ZHES SO, ,'DI LA LO CHEN RIN BZANG GI 'GREL CHUNG NAS, DANG PO NI SNGAGS KYI MTHUS DBANG PO RTUL POS STONG PA NYID RTOGS NUS PA DANG, GNYIS PA NI 'BRING POS STONG NYID BRJED PA'I DRAN PA GSO NUS PA DANG, LHAG MA BZHI NI DBANG PO RAB KYI DBANG DU BYAS PAR 'CHAD DO, ,DE LA DANG PO NI SNGAGS DE GNYIS LA BRTEN NAS KHA CIG GIS STONG NYID SNGAR MA RTOGS GSAR DU RTOGS PAR 'GYUR BA DANG, GNYIS PA NI KHA CIG GIS SNGAR RTOGS ZIN DE LA BRTEN NAS DRAN PAR BYED PA GNYIS SO, ,GSUM PA NI STONG NYID RTOGS NAS DE LA 'JOG PA LA YANG SNGAGS DE DAG BRJOD PAS RTOGS PA DE BRTAN PAR 'GYUR BA'O, ,BZHI PA NI SPYIR 'TSANG RGYA BA DANG, KHYAD PAR DU 'OG NAS 'BYUNG BA LTAR GYI LHA'I SKUR SKYE BA LA, RGYU TSOGS GNYIS BSAG DGOS PA'I TSOGS DANG PO NI, SNGON DU SONG LA, 'DIR NI YE SHES KYI TSOGS BSAG PAS LHA'I SKUR 'GYUR
BA'O, ,LNGA PA NI GZHI GANG LHA DANG GZHAL YAS KHANG DU SGOM PA'I GZHI DE, MCHOG GI SNANG BA KHYAD PAR CAN DU 'GYUR BA NI, GZHI DE LA THA MAL GYI SNANG BA LDOG DGOS TE, DE GNYIS GZHI GCIG LA BLO NGOR MI 'DU BA'I PHYIR RO, ,DES NA THA MAL GYI SNANG BA DAG PAR SGOM PA LA, YANG DE BSGOM DGOS SO, ,DRUG PA NI DPER NA ZAB DON SGOM PA SNGON DU BYAS NA, DE'I RJES SU RGYA CHE BA'I SPYOD MCHOG RNAMS SGYU MA BZHIN DU 'TSOR BAS YONGS SU DAG PAR 'GYUR BA BZHIN DU, 'DIR YANG SNGON DU STONG NYID LEGS PAR GTAN LA PHAB NAS BSGOM PA SNGON DU BTANG NA, DE PHYIN CHAD KYI SNANG PHYOGS KYI RTEN DANG BRTEN PA THAMS CAD SGYU MA'I RNAM ROL DU 'CHAR BA'I CHED DO, ,DE RNAMS NI SHIN TU LEGS LA, DGOS PA GZHAN YANG BSRUNG BA'I MCHOG TU 'GYUR BA DANG, 'OD GSAL DU ZHUGS PA NA CHOS SKU'I NGA RGYAL GYIS GNAS LA, DE LAS LANGS PA NA GZUGS SKU'I NGA RGYAL GYIS BYED PAS, LAM 'DI 'BRAS BU LAM BYED DU BSHAD PA'I GNAD DANG, YANG SNGAGS BLA MED KYI RIM PA DANG PO'I SKABS SU SKYE SHI BAR DO GSUM SKU GSUM DU 'KHYER BA'I LAM 'KHYER DGOS PA LA, 'DI NI 'CHI BA CHOS SKUR 'KHYER BA YIN PA LA SOGS PA MANG DU YOD DO, ,GNYIS PA NI, BSOD NAMS KYI TSOGS BSAGS PA DE NAS YE SHES KYI TSOGS BSAGS PA LA, AOm NI MCHOD YUL DANG, MCHOD MKHAN DANG, MCHOD RDZAS RNAMS RNAM PAR RIG PA TZAM DU NYE BAR MTSON PA'O, ,ZHES BSHAD DE, AOm GYI YI GE GSUM GYI DON GSUM PO DE SEMS KYIS BTAGS PA TZAM DU 'JOG PA'O, ,SARBA DHARM'A NI SKABS 'DIR GZUNG BAS BSDUS PA'I CHOS THAMS CAD DO, ,SVA BH'A WA SHUD DHA NI RANG BZHIN GYIS DAG PA STE GZUNG BA RANG BZHIN
, ,MED PA'O, ,AA HAm NI NGA STE 'DZIN PA PO YANG GZUNG BA BZHIN DU RANG BZHIN MED PA'I RNAM DAG TU STON PA NI, SVA BH'A WA SHUD DHA GNYIS PA'O, ,DE LTAR GZUNG 'DZIN GNYIS KYIS STONG PA'I SEMS N'A DA TZAM GYI TSUL DU NGES PAR GNAS PAR BYAS PA'I SEMS TZAM NYID KYANG, SLAR YANG STONG PAR RNAM PAR BSAM PA STE, SEMS TZAM GYI RTOG PA DE YANG DOR BAR BYA'O, ,ZHES 'GREL PA RNAMS SU BSHAD DE, 'DI NI SH'U NA+YA T'A'I SNGAGS DON SGOM PA'I SKABS SU YIN LA, MIG YOR TE GRIB MA'I GZUGS SNANG BRNYAN TZAm GYI SHES PA'I MTSAN NYID KYI STONG PA NYID SGOM PA NI, SVA BH'A WA'I MJUG THOGS SU'O, ,ZHES 'GREL PA RNAMS NAS BSHAD DE, GZUNG 'DZIN BDEN PAS STONG BZHIN DU DER SNANG BAR SGOM PA'I SKABS SO, ,SDOM 'BYUNG 'GREL PAR YANG SKABS 'DIR SNANG BA DANG BCAS PA'I STONG NYID SGOM PAR BSHAD DO, ,BYANG CHUB KYI TSOGS NI SNYING RJE CHEN PO STE, 'DIS NI DE DANG BCAS PA'I STONG NYID BSGOM PA YIS YIS ? KYI TSOGS BSAGS PAR BSTAN NO, ,DE DAG BSDU NA TSOGS ZHING LA MCHOD PA SOGS BYAS PA'I RJES LA, MCHOD PA'I 'KHOR GSUM RTEN 'BREL TZAM DU MOS PAR BYAS TE, RANG GI MGO BO DANG MGRIN PA DANG SNYING KHAR HE RU KA ZHES PA'I YI GE GSUM DGOD DO, ,'DI'I 'GREL PA GSUM DANG 'KHRUL SPONG LAS GNAS GSUM DANG YI GE GSUM GYIS RIM PA DE BZHIN DU BSHAD PAS, HE SPYI BO DANG, RU MGRIN PA DANG, KA SNYING KHAR DGOD CING, KHA DOG NI DKAR DMAR MTHING KHAR KHA CIG BZHED DO, ,DE GSUM GYI DON CHOS THAMS CAD NI, RANG BZHIN GYIS GRUB PA'I RGYU DANG BRJOD PA DANG BRAL BA DANG GANG DU YANG MI GNAS PA NYID
DO, ,ZHES SO SOR RTOG PAS DPYAD DE, SEMS CAN RNAMS KYIS CHOS RNAMS KYI YIN TSUL 'DI LTA BU MA SHES PAR BDAG GNYIS SU GZUNG NAS 'KHOR BAR 'KHOR RO, ,DES NA BDAG GIS HE RU KA'I GO 'PHANG MNGON DU BYAS LA, SEMS CAN RNAMS KYIS YIN TSUL 'DI RTOGS PAR BYA'O ZHES CHOS LA DMIGS PA'I SNYING RJE BSKYED LA, SVA BH'A WA LA SOGS PA'I SNGAGS BRJOD CING KHAMS GSUM PO RANG BZHIN GYIS GRUB PAS STONG PA'I STONG PA NYID DU BLTA'O, ,DE NAS SMON LAM GYI DBANG GIS RANG GI SEMS DE STENG NAS STENG DU BRTZEGS PA'I AOm DKAR PO A'A: DMAR PO H'Um SNGON POR BSAM MO, ,LANG KA RGYAL BZANG DANG, DPA' BO RDO RJES YI GE DE GSUM RIM PA BZHIN DU STENG DANG BAR DANG 'OG TU GNAS PAR BSHAD DO, ,BLA MA MAR DOS HE RU KA'I YI GE GSUM PO YONGS SU GYUR PA LAS, RDO RJE GSUM GYI YI GER SKYED PA NI, LANG KAS HE LA SOGS PA GSUM RDO RJE GSUM DU SKYED PAR BSHAD PA DANG MTHUN ZHING LEGS SO, ,DE NAS AOm LAS SKU 'KHOR GYI LHA RNAMS SPROS TE, 'GRO BA'I DON BYAS NAS SNYOMS PAR 'JUG PA SNGON DU 'GRO BAS ZHU BA AOm LA THIM, DE BZHIN DU SBYAR TE A'A: LAS GSUNG 'KHOR DANG, H'Um LAS THUGS 'KHOR GYI LHA SPRO BA SOGS BYAS PA'I MTHAR ZHU BA DE GNYIS LA THIM PAR BSAM MO, ,MAR DOS YI GE GSUM LAS 'OD ZER 'PHROS PAS MTHO RIS DANG MI YUL DANG, SA 'OG RNAMS MKHA' SPYOD DANG, SA SPYOD DANG, SA 'OG NA GNAS PA'I NGO BOR BYAS TE, DE THAMS CAD YI GE GSUM LA SDUD PAR BSHAD PA YANG RTZA RGYUD KYI 'GREL PA DPA' BO RDO RJES MDZAD PA DANG MTHUN ZHING LEGS SO, ,DE NAS AOm YANG A'A: LA DANG, DE YANG H'Um LA DANG, H'Um GI ZHABS KYU
, ,NI HA LA DANG, HA'I LUS NI DE'I MGO BO LA DANG, DE YANG ZLA TSES LA DANG, DE YANG THIG LE LA DANG, DE YANG N'A DA LA THIM PAR BSAM ZHING, N'A DA YANG SKRA'I RTZE MO BRGYA STONG GI CHA'I TSAD TZAM DU GNAS PAR BSAMS NAS, SEMS CAN RNAMS KYIS CHOS NYID MA RTOGS PAS 'KHOR BAR 'KHYAMS TE, DES NA BDAG GIS CHOS NYID MNGON SUM DU RTOGS PAR BYAS LA, SEMS CAN DE RNAMS KYIS KYANG KHONG DU CHUD PAR BYA'O SNYAM DU DMIGS PA MED PA'I SNYING RJE'I RGYUR GYUR BAR BSGOMS LA, SH'U NA+YA T'A'I SNGAGS BRJOD CING, N'A DA TZAM GYI RNAM RTOG KYANG DOR BAR BYA'O, ,'DIR LVA BA PA DANG PRADZNY'A RAKshI TAS, DMIGS MED KYI SNYING RJE'I RGYU DANG SA BON DU GYUR PA ZHES BSHAD LA, KHYAD PAR GSAL BYED LAS, DMIGS MED KYI SNYING RJE NYID DU BSHAD PA'I DANG PO NI, DMIGS MED KYI SNYING RJE'I GTZO BO DE KHO NA NYID MNGON DU GYUR NAS 'THOB PA LA DGONGS LA, PHYI MA NI DMIGS MED KYI SNYING RJE TZAM GYI DBANG DU BYAS PA'O, ,SPYIR SNYING RJE LA SNGAGS DANG PHAR PHYIN THUN MONG BA ZHIG DANG, BLA MED KYI THUN MONG MA YIN PA BDE CHEN LAS BSHAD PA GNYIS YOD KYANG, 'DIR NI DNGOS SU NA SPYI DON GYI SNYING RJE YIN LA, MOS PA TZAM GYIS SBYONG BA LA NI SBAS PA DANG MTHAR THUG GI SNYING RJE YANG YOD DO, ,DE LA DANG PO'I DBANG DU BYAS NA, SNYING RJE GNYIS KA YANG, RNAM PA NI SDUG BSNGAL MTHA' DAG DANG BRAL BAR 'DOD PA'I RNAM PA CAN DU MTSUNGS PAS, DMIGS PAS 'BYED DGOS SO, ,DE YANG DBU MA LA 'JUG PA LAS, 'GRO BA GA-YO BA'I CHU YI NANG GI ZLA BA LTAR, ,GA-YO DANG RANG BZHIN NYID KYIS STONG PAR MTHONG BA YI, ,ZHES GSUNGS PA NI 'GRO LA SNYING RJER GYUR GANG, ZHES PA DANG
'BREL PAS, GZHAN GYIS BTAGS PA'I BDAG GIS BDEN PA'I MI RTAG PA'I CHOS TZAM GYI NGO BOR GYUR PA'I SEMS CAN DANG, RANG BZHIN GYIS GRUB PAS STONG PA'I SEMS CAN LA DMIGS PA'I SGO NAS GZHAG LA, 'DIR NI GZUNG 'DZIN RDZAS GZHAN DU BDEN PAS STONG PA'I SEMS CAN DANG, RANG BZHIN GYIS GRUB PAS STONG PA'I SEMS CAN LA DMIGS PA'I SGO NAS DBYE STE, DE YANG DON LA DE LTAR GNAS PA TZAM MIN GYI, BLO'I NGOR CHOS DE GNYIS KYIS KHYAD PAR DU BYAS PA'I SEMS CAN LA DMIGS PA'I KHYAD PAR RO, ,LTA BA RDZOGS PAR RTOGS PAS KYANG, DMIGS PA DE NYID GANG RUNG GI SGO NAS SNYING RJE SKYED KYI, PHYI MA KHO NA'I SGO NAS SGOM PA MIN PAS GANG ZAG GCIG LA YANG MI 'GAL LO, ,DE LA SH'U NA+YA T'A NI STONG PA NYID DO, ,DZNY'A NA NI DE'I YUL CAN GYI SHES PA'O, ,BADZRA NI RDO RJE LTAR MI PHYED PA'I DON TE, 'DI LA DNGOS SU DE LTAR SONG BA DANG, MOS NAS BYED PA GNYIS SO, ,SVA BHVA BA NI RANG BZHIN NO, ,A'ADMA KA NI BDAG NYID DO, ,AA HAm NI NGA STE, KO HAm NI AA MI MNGON PAR BYAS TE MTSAMS SBYAR BA YIN LA, 'DI 'DRA'I SKABS KUN TU SHES PAR BYA'O, ,SKABS 'DIR SNGAGS GNYIS SGOM PA NI SDOM 'BYUNG LAS GSUNG LA, SEMS TZAM NYID LA RNAM GNAS SHING, ,BYANG CHUB TSOGS NI BSGOM PAR BYA, ,ZHES KYANG GSUNGS TE, RTZA RGYUD LAS, RGYU SOGS STONG PA SNGON 'GRO BAS, ,ZHES GSUNGS PA'I DON BSHAD RGYUD RNAMS KYIS BSHAD TSUL GYI SNGAGS MI 'DRA BA 'GA' ZHIG YOD DO, ,DE LTAR SH'U NA+YA T'A'I SNGAGS DON SGOM PA NA DBU MA'I LTA BA LEGS PAR DRAN PA DANG, SNOD BCUD KYI SNANG BA THAMS CAD 'OD GSAL DU SDUD PA GNYIS DGOS KYI, SNGA MA MED PA'I PHYI MA
, ,RKYANG PA BYED PA NI DON MIN NO, ,GSUM PA NI, GAL TE DE LTA NA SNGAR GYI BSRUNG 'KHOR GYI SNANG BA YANG DAG PAR BYA DGOS LA, DE LTAR NA NI MI RIGS TE, ,DE NI BGEGS BZLOG PA'I PHYIR YIN PAS DA DUNG YANG DGOS PA'I PHYIR RO SNYAM NA, SKYON MED DE, RGYUD 'DI SHES RAB KYI DBANG PO RNON PO'I DBANG DU BYAS LA, DE LA NI STONG PA NYID SNGAR LTAR SGOM PA KHO NA BGEGS ZLOG CING SRUNG BA'I MCHOG YIN PA'I PHYIR RO, ,ZHES 'GREL PA RNAMS NAS 'CHAD DE, DON DAM DANG KUN RDZOB KYI BSRUNG BA GNYIS KA DANG LDAN PAR BYA DGOS PA'I DON NO, ,'O NA PHYI ROL GYI BRIS PA'I DKYIL 'KHOR GYI PHYIR RDO RJE'I RA BA 'ONG BA JI LTAR YIN ZHE NA, ZHES PA'I LAN DU GANG GI TSE BCOM LDAN 'DAS YONGS SU RDZOGS PA DE'I TSE, DAM TSIG GI 'KHOR LO YONGS SU GCOD PA'I SNA TSOGS RDO RJE'I 'PHRENG BA YANG, RDZOGS PAS SO, ,ZHES 'GREL PA GSUM NAS DON MTHUN PAR GSUNGS PA NI, BSRUNG 'KHOR SGOM PA SOGS KYI 'OG TU DKYIL 'KHOR SGRUB TSUL SGRUB THABS BZHIN BYA DGOS PA LA BRTZAD PA YIN LA, DE'I LAN DU PHYI'I RDOR RA YANG GSAR DU BSKYED PAR BSTAN PA NI, BRIS PA KHO NAR MA ZAD THUN BZHI'I SKABS KUN TU SHES DGOS LA, RDO RJE'I RA BA SNA TSOGS RDO RJER BSTAN NO, ,RNAL 'BYOR RDZOGS PHRENG LAS, RDO RJE'I RA BA LAN GNYIS SKYED PA GAD NAS KYANG MA BSHAD CES GSUNG PA NI, RANG LUGS KYIS KYANG, L'U AI PA'I SGRUB THABS SU RDO RJE'I RA BA GNYIS BSKYED PA MDZAD CING, BSRUNG 'KHOR GYI 'OG TU N'A DA TZAM YANG DOR BA'I STONG NYID SGOM PAR BSHAD LA, PHYI'I RTEN GYI DKYIL 'KHOR GRUB PA NA YANG PHYI'I RDOR RA DGOS PAS DE LTAR MA NGES LA, LVA BA PAS KYANG, LAN GNYIS SKYED PAR BSHAD PAS
RGYUD KYI KHUNGS KYANG YOD PAR GSAL LO, ,LVA BA'I N'A BZA' CAN GYIS SKABS 'DI'I STONG NYID SGOM PA DBANG RNON GYI BSRUNG BA MCHOG TU GSUNGS SHING, RGYUD GZHAN MANG PO DANG BSTAN BCOS TSAD LDAN MANG POS KYANG SKABS 'DI'I STONG NYID NI DBU MA'I LTA BA JI BZHIN DU BSHAD PAS, BLO GROS DMAN PA MANG POS SKABS 'DIR SGOM PA'I BSKYED RIM GYI SKABS KYI STONG NYID NI, MOS MNO TZAM GYI CHAD STONG YIN NO ZHES SMRA BA NI RNAM GZHAG MA CHAGS PA'I GTAM CHEN PO'O, ,SNOD BCUD KYI SNANG BA DON LA MA DAG BZHIN DU SDUD PA YANG CHAD STONG SGOM PA MIN TE, RIGS PA'I DGAG BYA'I TSAD MA ZIN PAR RTEN 'BREL GYI NGES PA DER BA NI, SNANG BA DAG PAR MA BSGOMS KYANG CHAD STONG GI LTA BA YIN LA, RANG BZHIN GYIS GRUB PAS STONG PA LA BYA BYED THAMS CAD 'THAD PAR RTOGS NA NI, SNANG BA SDUD PA SGOM PA LA CHAD LTA'I DON MED DO, ,DGOS PA'I DBANG GIS DE LTAR BYED PA YIN GYI SNANG BA MED PAR KHAS MI LEN PA'I PHYIR DANG, RIM PA DANG PO DANG, LUS DBEN DANG, RDOR BZLAS DANG, SEMS DBEN GYI RIM PA DANG, SGYU LUS KYI RIM PA MTHAR PHYUNG BAS KYANG BSAM GTAN GNYIS KYI SGO NAS, SNOD BCUD KYI SNANG BA BSDUS NAS 'OD GSAL DU 'JUG PAR SGOM PA 'PHAGS PA YAB SRAS SOGS DU MA ZHIG GIS BSHAD PA'I PHYIR RO, ,LVA BA PAS SNGAR BSHAD PA'I DON DAM PA'I DE KHO NA NYID DE MA RTOGS PAS SEMS CAN 'KHOR BAR 'KHYAMS PAR GSUNGS PA BZHIN DU, BLA MED KYI GZHUNG GZHAN MANG PO NAS KYANG BSHAD PAS, 'KHOR BA'I 'CHING BA LAS GROL BA'I THABS SU THEG DMAN GYIS KYANG DE KHO NA NYID KYI DON RTOGS DGOS PAR KHAS BLANG DGOS PA DANG, NYAN RANG KHA CIG GIS MA RTOGS PA LA DGONGS
, ,NAS, NYAN RANG GIS DE KHO NA NYID MA RTOGS PAR GSUNGS PA YANG YOD PAS TSUL GNYIS KA SHES DGOS SO, ,MDOR NA SKABS 'DIR DBU MA'I LTA BA'I NGES PA SHUGS CAN BSKYED LA, YUN HA CANG THUNG BA MIN PA ZHIG BSGOM MO, ,BZHI PA NI, DE LTAR RANG GI GNAS GSUM DU HE RU KA BKOD PA YONGS SU GYUR PA'I YI GE GSUM LA SNOD BCUD GZHAN THAMS CAD SDUD PA'I RIM PA 'DI NI 'CHI BA'I TSE, SNOD BCUD GZHAN DU SNANG BA'I RANG GI SHES PA RNAMS RIM GYIS BSDUS NAS, DKAR DMAR NAG PA'I RNAM PA CAN GYI SNANG MCHED THOB GSUM DU SONG BA'I SKABS DANG 'DRA'O, ,DE NAS DKAR PO DMAR PO LA BSDUS PA NI, SNANG BA MCHED PA LA THIM PA DANG 'DRA'O, ,DMAR PO NAG PO LA BSDUS PA NI, MCHED PA NYER THOB LA THIM PA DANG 'DRA'O, ,DE NAS H'Um NAG PO ZHABS KYU NAS N'A DA'I BAR DANG, N'A DA YANG MI DMIGS PAR SONG BA NI, THOB PA 'OD GSAL DU THIM PA DANG 'DRA STE, 'CHI RIM LA STONG PA BZHI YOD PA'I 'CHI BA'I 'OD GSAL DNGOS GZHI DANG 'DRA'O, ,NYER THOB MTSON PA'I H'Um NYID LA THIM RIM LNGAR BYAS PA NI, SBYANG GZHI LA YANG NYER THOB NAS JE PHRA JE PHRAR SONG NAS 'OD GSAL DU 'JUG PA MTSAN PA YIN LA, DES NI RIM PA GNYIS PA'I SKABS SU NYER THOB NAS 'OD GSAL DU 'JUG PA YANG, SHIN TU PHRA BA'I RIM PAS RIM GYIS 'JUG PAR BSTAN PA'I PHYIR RO, ,'DI NI SNYING KHAR GNAS PA'I H'Um YIG GI SDUD RIM YIN PAS SPROS PA BSDUS NAS 'OD GSAL 'CHAR BA'I GNAS MTHAR THUG PA NI SNYING KHA YIN PA DANG, DE KHO NA NYID MNGON DU GYUR PA'I 'OD GSAL GYI YE SHES KYI DON, N'A DA TZAM GYI GNYIS SNANG PHRA MO YANG DAG
PAR STON PA'O, ,MNGON BRJOD LAS BSRUNG 'KHOR GYI 'OG TU STONG NYID BSGOMS PA'I MJUG THOGS SU, DRIL BU ZHABS KYI RIM LNGA'I RIM PA DANG PO BSHAD PA'I GNAD KYANG, 'DI RNAMS KYIS SHES DGOS LA, RIM PA DANG POR 'DI LTAR BYAS NAS BSKYANGS PA'I MTHUS, RDZOGS RIM GYI SKABS SU RTOGS PA BYE BRAG PA JI 'DRA ZHIG SKYE BA'I RGYUD SMIN BYED DU 'GRO BA YANG 'DI LA BRTEN NAS SHES DGOS PA DANG, DE KHO NA NYID RTOGS PA'I LTA BA'I STENG NAS 'OD GSAL DU 'JUG PAR LUGS 'DI DANG, RGYUD SDE 'OG MA GSUM DANG, PHAR PHYIN GYI THEG PA RNAMS 'DRA YANG, THUN MONG MA YIN PA'I 'JUG RIM LAM 'DI LA YOD PA YANG, STONG PA SGOM PA DANG 'CHI RIM GYI SDUD RIM MTHUN PAR BYAS PA 'DI LA BRTEN NAS SHES DGOS PAS GNAD CHE'O, ,GNYIS PA THUN GYI DNGOS GZHI LA JI LTAR BYA BA LA GSUM, STONG PA LAS LANGS NAS NAM MKHAR N'A DE BZHAG PA, GZHAL YAS KHANG GANG LA GNAS PA'I RTEN BSKYED PA, DE NAS RNAL 'BYOR BZHI SGOM PA'O, ,DANG PO NI, DE LTAR SNANG BA THAMS CAD BSDUS PA'I STONG PA NYID DE LAS LANGS TE RANG GI SEMS N'A DE'I GZUGS SU NAM MKHA' LA GZHAG PAR BYA'O, ,DE'I GZUGS NI GYEN DU 'GRENG BA, SHIN TU PHRA BA, DKAR LA DMAR BA'I MDANGS CHAGS PA'O, ,'DIR STONG NYID SGOM PA LAS LANGS PA'I THOG MAR, RANG GI SEMS N'A DE'I GZUGS SU NAM MKHA' LA 'JOG PAR LVA BA PAS BSHAD PA'I RJES SU 'BRANGS NAS, PRADZNY'A RAKshI TA DANG 'KHRUL SPONG DANG, DE BZHIN GSHEGS PA'I RDO RJE DANG, SDOM 'BYUNG 'GREL PA SOGS NAS KYANG BSHAD KYANG, RGYU MTSAN NI GZHUNG DE DAG NAS MA BSHAD DO, ,DE'I RGYU MTSAN NI 'DI'I RIM PA DANG PO DE SBYANG GZHI SKYE 'CHI BAR DO GSUM
, ,GYI RIM PA DANG SBYAR NAS SGOM PA SHES PA LA RAG LAS LA, DE YANG BDE MCHOG SDOM 'BYUNG NYID LAS GSAL BAR GSUNGS PA DANG, MAN SNYER BDE MCHOG RDOR SEMS KYI SKABS NAS 'BYUNG BA MA GTOGS PA 'DI'I SKOR GYI RGYUD DANG, KHUNGS THUB KYI RGYA GZHUNG GZHAN NAS MI GSAL BA DANG, STONG NYID SGOM PA LAS LANGS MA THAG BAR SRID MTSON PA'I YI GE SOGS 'JOG PA NI MANG BAS, SHIN TU RTOGS DKA' BA YIN NO, ,SDOM 'BYUNG LAS NI LE'U GNYIS PA BSKYED RIM GYI LE'U LAS, BSKYED RIM DNGOS MA BSHAD PAR SBYANG GZHI SKYE 'CHI BAR DO GSUM GSAL BAR BSHAD PA'I MTHAR, SRID PA SKYE BA'I RIM SHES PAS, ,RDZOGS PA'I SANGS RGYAS THOB BYA'I PHYIR, ,'DI NI PHUNG PO YONGS MKHYEN PA'I, ,DE NYID GSUNG BA RNAMS KYIS BSHAD, ,CAS GONG DU SBYANG GZHI GSUM BSHAD PA DE, SRID PA SKYE BA'I RIM PAR SHES NAS, DE DANG MTHUN PAR SGOM PA RNAMS KYIS, SANGS RGYAS THONG PA'I PHYIR DU BSHAD PA YIN ZHES GSUNGS TE, BSKYED RIM DNGOS NI LE'U BCU GSUM PAR 'CHAD DO, ,GZHI LA MNGAL DU SKYE BA LEN PA LTA BU ZHIG GI DBANG DU BYAS NA, 'CHI BA'I 'OD GSAL LAS LANGS MA THAG ,'OD GSAL GYI RLUNG SEMS TZAM LAS BAR SRID, DBANG PO KUN TSANG ZHING, SHA RUS LA SOGS PAS STONG PA'I PHRA BA'I LUS CAN THOGS MED 'GRUB PA BZHIN DU, LAM RIM PA DANG PO LA YANG 'CHI BA'I 'OD GSAL DANG 'DRA BA'I SNGAR BSHAD PA'I SDUD RIM GYIS, 'OD GSAL STONG NYID DU ZHUGS PA LAS LANGS MA THAG BAR DO DANG 'DRA BA'I N'A DA'I LUS 'GRUB PAS, N'A DA NAM MKHAR 'JOG GO, 'DI LA BAR DO MTSON BYED DU SHIN TU
GSAL BAR MNGON BYANG LNGA LAS RDO RJE 'CHANG BSKYED PA, MDOR BYAS SOGS GSANG 'DUS 'PHAGS LUGS NAS GSAL BAR GSUNGS KYANG, RGYUD GZHAN BDE MCHOG DANG KYEE RDOR SOGS KYI SKOR NAS BAR DO MTSON PA CUNG ZAD MI GSAL BA YI GES MTSON PAR BSHAD LA, DE YANG MAN NGAG SNYE MA LAS, SRID PA BAR DO'I GNAS SKABS DANG 'DRA BAR, KHA CIG TU HO: YIG DMAR PO GNYIS KYI NANG DU CHUD PA'I SA BON GYI YI GE'I GNAS SKABS SAM, YI GE GSUM GYI GNAS SKABS SAM, KHA CIG TU N'A DA TZAM STE, RNAM PA GSUM GA YANG LUS DANG NGAG DANG SEMS RNAMS SKYED PA'I PHYIR RO, ,STONG PA NYID KYI TING NGE 'DZIN NI 'CHI BA'I RJES THOGS SU YI GE'I GZUGS DANG, DE BSDUS PA N'A DA'I GZUGS DRI ZA NI RGYUD GZHAN RNAMS SU BSTAN PA LAS SO, ,SA BON LA SOGS PA'I YI GE RNAMS DANG N'A DA NI, RNAM PA SNA TSOGS SU SKYED PAR 'GYUR BA'I LHA'I 'BYUNG GNAS NYID KYI PHYIR RO, ,GANG GI PHYIR DRI ZA RNAMS KYANG RNAM PA SNA TSOGS PA RNAMS TE 'ONG BAR 'GYUR BA'I SRID PA'I RNAM PA NYID KYI PHYIR RO, ,ZHES BAR SRID MTSON PA'I YI GE LA GZHUNG KHA CIG TU, HO: YIG GNYIS KYI BAR DU CHUD PA'I SA BON DANG, KHA CIG TU HO: YIG GNYIS MED PAR YI GE GSUM TZAM DANG, KHA CIG TU N'A DA TZAM DU BSHAD DE, DE NI SHIN TU BSDUS PA'I LUGS DANG, 'BYUNG 'GYUR GYI GZUGS CAN GYI LUS DBYIBS SNA TSOGS BAS DE MTSON PA'I YI GE YANG SNA TSOGS SU BSHAD GSUNG PA LTAR RO, ,DE LA HO: GNYIS KYI BAR DU CHUD PA LA YI GE 'BRU GSUM BZHAG PA MANG LA, MNGON BRJOD LAS, SNYING KHAR ZLA BA'I DKYIL 'KHOR LA, ,SA BON GYI NI YI GE MAm, ,HO: GNYIS DANG NI BCAS
, ,PA RU, ,SNGON GRUB PAR NI RJES SU BSAM, ZHES BDE MCHOG 'JAM RDOR GYI SKABS SU, HO: GNYIS KYI BAR DU MAm YIG RKYANG PA BZHAG PA'ANG GSUNGS LA, H'Um RKYANG PA BZHAG PA'ANG MANG STE, STONG NYID LAS LANGS MA THAG YI GE 'DI RNAMS NAM MKHAR BZHAG NA, BAR SRID MTSON BYED KYI YI GE CUNG NGES SLA YANG, DE MA BYAS PAR DA GZOD N'A DA NAS H'Um DU RIM GYIS RDZOGS PA DANG, H'Um CIG CAR DU RDZOGS PA SGOM PA MANG BA RNAMS LA NI, DON DE YOD KYANG SHIN TU NGES DKA'O, ,DE LTAR LAM BSKYED RIM LA 'DI LTAR SBYANGS PA'I MTHUS, RDZOGS RIM LA TING NGE 'DZIN KHYAD PAR CAN JI 'DRA ZHIG SKYE BA'I RGYUD SMIN BYED DU 'GRO SNYAM NA, 'DI NI RIM PA GNYIS PAR 'OD GSAL LHAN CIG SKYES PA'I RLUNG SEMS TZAM LAS, SGYU MA'I LONGS SKUR SKYED PA'I CHED YIN LA, DES NA 'DI LA BAR DO LONGS SKUR 'KHYER BA'I LAM KHYER ZHES KYANG BYA'O, ,'DI YANG BSKYED RIM GYI SKABS SU CUNG ZAD SBYOR SHES PA 'GA' ZHIG SNANG NA'ANG, 'DI LA BRTEN NAS RIM PA GNYIS PA'I SKABS SU JI LTAR BYED KYI GO BA MA CHAGS PAS, RGYUD KYI DON MA RNYED PAR SNANG BAS LEGS PAR RTZAD DPYAD PAR BYA'O, ,'DI'I RIM PA DANG POR BAR DO DANG MTHUN PAR SGOM PA ZHIG DGOS PAR NI, SDOM 'BYUNG GIS 'GRUB CING, BDE MCHOG 'JAM RDOR LA SNGAR LTAR BSHAD PA NI, DE'I DGOS CHOS MIN GYI GZHAN LA'ANG MTSON PAS, MNGON BRJOD LAS KYANG 'GRUB BO, ,DE LTA NA'ANG RLUNG NAS PADMA DANG SNA TSOGS RDO RJE'I BAR DU, SGOM PA RNAMS LA NI BAR DO DANG MTHUN PAR SGOM PA MED LA, DE
PHYIN CHAD LA BZHAG KYANG DBANG PO SHIN TU RNO NA MA GTOGS RTOGS PAR SHIN TU DKA' BA DANG, 'CHI SRID RDZOGS MA THAG BAR SRID 'GRUB PA'I SBYANG GZHI DANG SHIN TU MTHUN LA, RTOGS PAR YANG CUNG SLA BAS, LVA BA'I NA BZA' CAN GYIS MDZAD PA LTAR, STONG NYID LAS LANGS MA THAG N'A DA SOGS NAM MKHAR 'JOG PA NI SHIN TU LEGS SO, ,GNYIS PA LA GNYIS, 'BYUNG BA RIM RTZEG DANG RI RAB BSKYED PA DANG, SNA TSOGS PADMA DANG SNA TSOGS RDO RJE BSKYED PA'O, ,DANG PO NI, DE NAS 'BYUNG BA RIM RTZEG DANG RI RAB SGOM PA LA, DRIL BU PA'I LHA LNGA'I SGRUB THABS YID BZHIN NOR BU LAS, BA LANG GNAS DANG STENG LDING DANG, ,LHAG MA SKAM PO RTZA DE NAS, ,DUNG CHEN PO YI RANG BZHIN BYA, ,YANG NA RUS SBAL DAG GI'O, ,YAm RAm BAm LAm SUm RNAMS LAS, ,RLUNG ME CHU SA RI RAB NI, ,GRU BZHI RIM BZHI RTZE MO BRGYAD, ,KUN KYANG 'OD ZER 'BAR BAR BSGOM, ,ZHES 'BYUNG BA RIM RTZEG SOGS SGOM PA'I SKABS SU BKOD PA 'DI, ,RTZA RGYUD LAS 'BYUNG BAS, DE NI RTZA RGYUD LAS GSUNGS TSUL LO, DE LA BA LANG GNAS NI, ZHIB MO RNAM 'THAG LAS, NGAG PHYOGS SA DANG 'OD ZER DANG, ,PHYUGS DANG MIG DANG RDO RJE DANG, ,MTHO RIS CHU DANG DON DGU LA, ,MKHAS PAS GO SGRA DES GZUNG BYA, ,ZHES GSUNGS PA LTAR PHYUGS TE BA LANG LA'ANG 'JUG PA'I GOO SGRA NI SA LA'ANG 'JUG PAS 'DIR SA'O, ,GANG DU ME TOG SOGS BZHAG NA, STENG DU LDING BA NI CHU'O, ,GANG GIS LHAG MA MED PAR SKAM PAR BYED PA NI ME'O, ,RTZA NANG NAS RGYU BA NI RLUNG NGO, ,SPYOD PA PAS, MI PHYED PA DANG RUS SBAL LO, ,ZHES YANG NA'I SGRA MED PAR YANG 'DON NO, ,RTZA RGYUD KYI 'GREL PA
, ,GNYIS KYI GCIG LAS, LCI BA'I THAL BA NYID DAG DANG, ,DE BZHIN LHAG MA MGO BO SKAM, ,ZHES DANG, YANG GCIG LAS, LHAG MA MGO SKAM MTSON CHA'O, ZHES BTON NAS LCI BA NI SA DANG, THAL BA NI CHU DANG, DE BZHIN NI RLUNG DANG, MGO SKAM NI ME DANG, DUNG CHEN PO LAS BYUNG BAS BYA, ZHES PA LA, RI CHEN PO LAS BYUNG BAS BYA, ZHES KYANG 'DON PAS, DES NI RI RAB DANG, YANG NA ZHES PAS NI, LHA MNGAL SKYES KYI RIM PA LAS GZHAN SGONG SKYES KYI RIM PA STON PAR 'CHAD DE, ,YANG GCIG LAS, MTSON CHA RLUNG LA 'CHAD DE GZHAN 'DRA'O, ,KONG KA NA DANG, SKAL LDAN GRAGS PA DANG, LANGKA DANG, DPA' BO RDO RJE RNAMS KYIS 'BYUNG BA RIM RTZEG DANG, RI RAB SKYED PA LA MI SBYOR ZHING, DANG POS MI MGO'I DUM BU SKAM PO BLANGS LA, DUNG CHEN PO BYA'O ZHES DANG, GNYIS PAS BA LANG DANG MA HE SOGS KYI RUS PA BLANGS LA, LAS SO SO'I PHRENG BA BYA'O, ,ZHES DANG, GSUM PAS NI MGO BO SKAM PO CHAG GRUG MED PA BLANGS LA, DUNG CHEN PO BYA BA'AM, YANG NA RUS SBAL GYI THOD PA LA BYA'O ZHES DANG, BZHI PAS MI MGO SKAM PO BLANGS NAS, BDE BA CHEN PO BYED DO, ,RUS SBAL NI THOD PA'O, ,ZHES ZER MOD KYANG, DRIL BU PA DANG, SPYOD PA PA'I DGONGS PA 'BYUNG BA RIM RTZEG SOGS LA SBYOR RGYU YIN LA, DUNG CHEN PO NI BDE BA CHEN POR YANG BSGYUR DU RUNG BAS, 'BYUNG BA RIM RTZEG RNAMS BDE BA CHEN PO'I NGO BOR MOS PAR BYA BA DANG, YANG NA'I DON YANG NI'I DON DU BSHAD PA YANG YOD PAS, SNGA MAR MA ZAD, RUS SBAL GYI BRDAS BSTAN PA'I RI RAB KYANG BSGOMS LA, BDE BA CHEN PO'I NGO BOR MES PAR BYA BA'I DON
DU BSHAD PAR BYA STE, NAG DRIL GNYIS KA'I LUGS KYIS RTEN SKYED PA'I SKABS KHO NAR SBYOR BAR 'DUG PAS, LUGS DE LA RUS SBAL DAG GI'O, ,ZHES PA LHA'I SKYED CHOG LA MI 'GRIG PA'I PHYIR RO, ,RI RAB DANG PADMA NI GSAL BAR RTZA RGYUD LAS, RI STENG SNA TSOGS PADMA YE, ,LTE BAR A'A LI BSKYED CES GSUNGS SO, ,DON DE BSHAD PA'I RGYUD SDOM 'BYUNG LAS, RTEN DANG BRTEN PA'I GZUGS SU NI, ,BHE RAm BHA LA SOGS PA BSAM, ZHES BSHAD PA NI, 'BYUNG BA'I 'KHOR LO SNGA MA RTEN DANG, PHYI MA BRTEN PA'I TSUL BHE RAm BHA DANG, LA SOGS KYIS ME DANG CHU DANG SA'I DKYIL 'KHOR RNAMS GONG NAS GONG DU SON PAR, YANG DAG PAR GNAS PAR RNAM PAR BSAM MO, ZHES MDOR BSTAN NO, ,BHE RAm BHA NI BSKAL PA CHEN PO 'CHAGS PA'I DUS KYI RDZI RLUNG DU, 'JUG t'I KA CHEN POR BSHAD DO, ,RGYAS PAR BSHAD PA NI, SA BON GYI YI GE NI YAm SNGON PO YONGS SU GYUR PA LAS DKYIL 'KHOR NI, RLUNG GI DKYIL 'KHOR DANG, KHA DOG GI MDOG NI SNGON PO DANG, DBYIBS NI GZHU LTA BU, MTSAN MA NI RGYAL MTSAN NAM BA DAN GYIS MTSAN PA'O, ,RLUNG DE'I STENG DU SA BON GYI YI GE RAm DMAR PO YONGS SU GYUR PA LAS, DKYIL 'KHOR NI ME'I DKYIL 'KHOR DANG KHA DOG GI MDOG NI DMAR PO DANG, DBYIBS NI ZUR GSUM PA DANG, MTSAN MA NI ME 'BAR BAS MTSAN PA'O, ,ME DE'I STENG DU SA BON GYI YI GE NI BAm DKAR PO YONGS SU GYUR PA LAS, DKYIL 'KHOR NI CHU'I DKYIL 'KHOR DANG, KHA DOG NI DKAR PO DANG, DBYIBS NI ZLUM PO DANG, MTSAN MA NI BUM PAS MTSAN PA'O, ,CHU DE'I STENG DU SA BON GYI YI GE LAm SER PO YONGS SU GYUR PA LAS, DKYIL 'KHOR NI
, ,SA'I DKYIL 'KHOR DANG, DBYIBS NI GRU BZHI PA DANG, MDOG NI SER PO DANG, MTSAN MA NI GRVA BZHIR RDO RJE RTZE GSUM PAS MTSAN PA'O, ,SGRUB THABS CHAG 'GYUR LAS, ME LA RAm GYIS MTSAN PA BYAS, LO CHEN DANG, MAR DO'I 'GYUR LAS 'BAR PAS MTSAN PAR BSHAD DO, ,SDOM 'BYUNG LAS, RLUNG DANG CHU LA MTSAN MA MA BYUNG, ME LA RDO RJE RTZE GSUM DANG, SA LA GRVA BZHIR RDO RJE RTZE GSUM PAS MTSAN PAR BSHAD KYI, 'OD ZER PHRENG BA ZUR PA MA BSHAD LA, MNGON BRJOD LAS, RLUNG LA RGYAL MTSAN DANG, ME LA RDO RJE DANG, CHU LA BUM PA DANG, SA LA GZHUNG KHA CIG TU SNA TSOGS RDO RJE DANG, KHA CIG TU RDO RJES MTSAN PA DANG, RIM PA BZHIN DU DRA BA'I PHRENG BA DANG, 'BAR BA'I PHRENG BA DANG, 'OD ZER DKAR PO'I PHRENG BA DANG, 'OD ZER SER PO 'KHRIGS PAR BSHAD DO, ,MNGON BRJOD 'GREL PAR ME'I GRVA GSUM DU RDO RJE MTSAN PA DANG, SA'I GRVA BZHIR SNA TSOGS RDO RJES MTSAN PAR BSHAD LA, GZHAN 'DRA'O, ,DE LA RGYAL MTSAN NI GA-YAS GA-YON GNYIS SU DANG, RAm DANG ME 'BAR BAS MTSAN PA NI GRVA GSUM DU DANG, BUM PAS NI DBUS SU MTSAN PAR BYA'O, ,'DI RNAMS SKYED PA'I DUS SU BOD KYI BLA MA KHA CIG GIS, NAM MKHA'I N'A DA LAS 'OD ZER 'PHROS PA LAS YAm, DE YONGS SU GYUR PA LAS, RLUNG SKYED PA DANG, KHA CIG GIS YAm NAS DBYANGS GSAL GYI BAR LA DE BZHIN DU BYED PA NI, SPYOD PA BAS, SGRA YI GZUGS LA SOGS LAS 'BYUNG, RI LA SOGS PA JI BZHIN BSAM, ,ZHES GSUNGS PAS BSTAN SNYAM DU MI GZUNG STE, DE NI SUm LA SOGS PA'I SGRA STE YI GE'I GZUGS LAS BYUNG BA'I DON
YIN PA'I PHYIR TE, NAM MKHAR N'A DA 'JOG PA DE'I GZHUNG DU MA BSHAD PA'I PHYIR DANG, DE'I SKABS GZHAN GNYIS SU YANG, SGRA DANG SGRA GZUGS SNGON DU 'GRO BAR BSHAD PA'I SKABS SU YANG NAM MKHA'I N'A DA LAS SKYED PAR MI SNANG BA'I PHYIR DANG, KHUNGS THUB GZHAN GYI SHES BYED KYANG MED PAS MI DGOS SO, ,SA DE'I STENG DU SA BON GYI YI GE SUm YONGS SU GYUR PA LAS, RI RAB LHUN PO DBYIBS GRU BZHI PA, RIN PO CHE SNA BZHI'I RANG BZHIN CAN, RTZE MO'AM LCOG BRGYAD KYIS NYE BAR MDZES PA STE, DE NI SDOM 'BYUNG DANG MNGON BRJOD LAS KYANG GSUNGS SO, ,DE LA RIN PO CHE SNA BZHI NI, SHAR SHEL, LHO BEE d'URYA, NUB PADMA R'A GA ,BYANG GSAR DANG, RTZE MO BRGYAD NI PHYOGS MTSAMS KYI RTZE MO MTHO BAR, MNGON BRJOD 'GREL BAR BSHAD CING, NYIN MO MDZAD KYIS LCOG BRGYAD DU BSHAD DO, ,BOD KHA CIG RI RAB KYI ZUR BZHI LA LCOG BZHI LAS MED KYANG, PHYOGS BZHI NAS BLTAS PA NA PHYOGS RE RE NA LCOG GNYIS GNYIS SU MNGON PAS RTZE MO BRGYAD YIN PAR BLA MA PHAM MTHING PA SOGS BZHED ZER MOD KYANG SNGA MA LTAR BYA DGOS SO, ,GNYIS PA NI, RI RAB KYI STENG DU PAm SER PO YONGS SU GYUR PA LAS SNA TSOGS PADMA DANG, SNA TSOGS PADMA DE'I LTE BA'I STENG DU H'Um LAS BYUNG BA'I SNA TSOGS RDO RJE'O, ,NGES PAR ZHES PA NI SKABS 'DI'I SNA TSOGS RDO RJE H'Um LAS SKYED PA'I SA BON NI DER NGES PA'O, ,'DIR MNGON BRJOD LAS, SNA TSOGS RDO RJE DANG, PADMA GANG YANG MA BSHAD PAR RI RAB KYI STENG DU BH'Um LAS RNAM SNANG BSKYED NAS, DE LAS GZHAL YAS KHANG SKYED PAR BSHAD, KUN SPYOD LAS, RI RAB KYI STENG DU PADMA MA GTOGS PA SNA TSOGS RDO RJE MA BSHAD, RTZA RGYUD LAS KYANG, RI
, ,STENG SNA TSOGS PADMA, ZHES PA TZAM LAS SNA TSOGS RDO RJE GSAL BAR MA BSHAD DO, ,GZHUNG NAS SNA TSOGS RDO RJE'I STENG DU SNA TSOGS PADMA SGOM PAR BSHAD PA 'DI NI SDOM 'BYUNG LAS, RI RAB KYI DE MA THAG TU, ,DE YI STENG DU H'Um BYUNG BA'I, ,SNA TSOGS RDO RJE RNAM PAR BSGOM, ,DE YI STENG DU PADMA NI, ,LTE BA GE SAR LDAN PAR BSGOM, ,ZHES GSUNGS PA DE BZHIN DU MDZAD PA'O, ,'DIR SNA TSOGS PADMA GNYIS BYED MI BYED LA, KU M'A RA BO DHI DANG, LO CHEN GYI 'GREL PA DANG, MAL GYO NAS BRGYUD PA'I LUGS KYIS SNA TSOGS PADMA GCIG LAS MI BYED LA, DE YANG SNA TSOGS RDO RJE'I STENG DU BYED DO, ,'KHRUL SPONG DANG, SDOM 'BYUNG 'GREL PA DANG, KshANTI SHR'I'I SDOM 'BYUNG GI SGRUB THABS LAS KYANG, 'DAB GRANGS MA SMOS PAR PADMA GCIG TU BSHAD CING, DE YANG SNA TSOGS RDO RJE'I 'OG TU BYED DO, ,SDOM 'BYUNG 'GREL PAR DE'I STENG DU ZHES PA DE'I GONG DU ZHES PA'I DON DU BSHAD DO, ,MAR DOS SNA TSOGS RDO RJE'I STENG GI PADMA SNA TSOGS PADMA CHUNG DUR BSHAD CING, DE'I RJES 'BRANG RNAMS KYIS RI RAB KYI STENG DU SNA TSOGS PADMA 'DAB MA SO GNYIS PA GCIG ,DE'I STENG DU SNA TSOGS RDO RJE DANG, DE'I STENG DU SNA TSOGS PADMA 'DAB MA BRGYAD PA GCIG BSHAD DE, SNGA MA PADMA CHE BA'O, ,MAR DO'I 'GYUR LA PADMA GCIG DANG GNYIS BYAS PA SNANG YANG PHYI MA MTSAN DKYUS SHOR GYI MA DAG PA YIN NO, ,DE BZHIN GSHEGS PA'I RDO RJES KYANG RI RAB KYI STENG DU PADMA 'DAB GRANGS MA SMOS PA ZHIG DANG, DE'I STENG DU SNA TSOGS RDO RJE DANG, DE'I STENG DU SNA TSOGS PADMA 'DAB MA BRGYAD PA ZHIG BSHAD DE, L'U AI PA'I SGRUB THABS LA BRTEN NAS BYANG CHUB RDO RJES
BYAS PA'I SGRUB THABS LAS KYANG DE BZHIN DU BSHAD DO, ,DE LTAR LUGS GNYIS LAS 'DIR GANG GZUNG SNYAM NA, LVA BA PA'I 'GREL PA LAS, DE'I STENG DU YI GE H'Um LAS NGES PAR BYUNG BA'I SNA TSOGS RDO RJE'O, ,ZHES PA 'DI'I DON NI, RI RAB KYI STENG DU PAm LAS BYUNG BA'I SNA TSOGS PADMA'I STENG DU ZHES PA'O, ,SNA TSOGS PADMA 'DAB MA BRGYAD PA LTE BA DANG GE SAR DANG LDAN PA ZHES PA 'DI'I PADMA'I PHYOGS LA SOGS PA'I KHA DOG RIM PAS GSUNGS PA, SHAR SOGS PHYOGS GNAS 'DAB MA NYI 'OD 'DRA, ,RLUNG DANG MER PHYOGS 'DAB MA SER PO NYID, ,YI DVAGS BDAG PHYOGS DBANG LDAN DUR BA LTAR, ,LJANG DANG SPRIN NAG SNA TSOGS PADMA NYID, ,CES SO, ,ZHES DRANGS NAS PHYOGS BZHI DMAR BZHING BDEN BRAL LJANG GU DANG DBANG LDAN NAG POR BSHAD DO, ,DE DANG MTHUN PAR PRADZNY'A RAKshI TA'I 'GREL PAR YANG 'BYUNG BAS, 'DI GNYIS KYIS SDOM 'BYUNG GI 'GREL PA LTAR, RDO RJE DANG, PADMA GNYIS KYI STENG 'OG BZLOG NAS PADMA 'DAB MA BRGYAD PA RDO RJE'I 'OG TU BYED PAR BSTAN PA 'DRA MO ZHIG 'DUG NA'ANG, GZHUNG NAS RDO RJE'I STENG DU PADMA 'DAB BRGYAD PA BSHAD PA SGRA SOR BZHAG TU BYAS NA, RI RAB KYI STENG NYID DU SNA TSOGS RDO RJE SKYED PA 'DRA BA ZHIG YOD PA DE'I DON NI, BAR DU SNA TSOGS PADMA YOD PA'I PHYOGS SU 'GREL PA DE BZHIN GSHEGS PA'I RDO RJE DANG, BYANG CHUB RDO RJES BSHAD PA LTAR BYAS NA, SNA TSOGS RDO RJE GNAS PA'I PAD 'DAB RNAMS SNA TSOGS RDO RJE'I RVA RTZA ZAD MTSAMS NAS, PAD RA SKOR BA DER BYA DGOS LA, PAD MA 'DAB BRGYAD DU BYAS NA DE DANG MI 'GRIG PAS PADMA GNYIS BYED PA LEGS SO, ,PADMA PHYI MA NI SNA TSOGS RDO RJE'I LTE BAR TSUD PA BYAS NA LEGS SHING, PADMA
, ,DE'I LTE BAR DBYANGS GSAL 'GOD PA 'OG NAS 'BYUNG BA BZHIN BYAS NA SDOM 'BYUNG DANG SHIN TU MTHUN LA, RTZA RGYUD DANG KUN SPYOD LAS, PADMA'I LTE BAR A'A LI K'A LI SKYED PA DANG YANG MTHUN NO, ,SNA TSOGS RDO RJE NI RTZE MO BCU GNYIS PAR BSHAD PA MANG YANG, RDO RJE 'PHRENG BAR BSHAD PA LTAR NYI SHU PA'ANG YOD LA, KHA DOG NI SHAR DKAR LHO SER NUB DMAR BYANG LJANG DBUS SNGO BA DANG, DE LAS GZHAN DU BYED PA'I TSUL GNYIS YOD DO, ,SNA TSOGS RDO RJE DE'I LTE BA'I STENG DU BAm YONGS SU GYUR PA LAS BYUNG BA'I SNA TSOGS PADMA 'DAB MA BRGYAD PA ZE'U 'BRU DANG GE SAR DANG LDAN PA BSGOM MO, ,SNA TSOGS PADMA'I MDOG SNGAR GYI DE BZHIN DU PRADZNY'A RAKshI TA DANG, DE BZHIN GSHEGS PA'I RDO RJES BSHAD PA LA BOD KHA CIG ,DE NI NOR BA YIN TE RDO RJE MKHA' 'GRO DANG, SDOM 'BYUNG LAS, SHAR DKAR LHO SER NUB DMAR BYANG LJANG DBUS NAG POR BSHAD PAS SO, ,ZHES ZER ZHING, YANG PAndI TA BGRES PO RNAMS NI SHAR SNGO LHO SER NUB DMAR BYANG LJANG MTSAMS BZHI GANG MDZES SU SGOM PAR 'DOD CES PA NI, KHUNGS MA DAG CING, BAL PO'I PAndI TA BGRES PO RNAMS KYI NGAG BGROS YIN DU CHUG KYANG, DES LVA BA PA DANG PRADZNY'A RAKshI TA MI KHEGS LA, LUNG DE DAG NI PAndI BGRES PO'I 'DOD PA LA YANG GNOD BYED DU SNANG NGO, ,SPYIR NI SNA TSOGS PADMA LA SNGA MA KHO NA LTAR YANG MA NGES SO, ,STONG PA LAS LANGS TA N'A DA 'JOG PA NAS PADMA CHUNG NGU'I BAR SGOM PAR L'U AI PA'I SGRUB THABS LAS GSUNGS LA, SGRUB THABS 'DI YANG PHYI DKYIL DANG, LUS DKYIL THUN MONG BA YIN PAS TSUL DE LUS DKYIL LA YANG MI RUNG BA MIN NO, ,GSUM
PA LA GNYIS, SPYI'I DON DANG, YAN LAG GI DON NO, ,DANG PO LA GSUM, RTEN DANG BRTEN PA'I SKYED TSUL MI 'DRA BA GSUNGS TSUL DANG, DE LA RGYUD DANG 'GAL BA SPANG BA DANG, MNGON BYANG LNGA JI LTAR BYED TSUL LO, ,DANG PO NI, SPYIR BDE MCHOG GI SKOR NAS GZHAL YAS KHANG DANG LHA CIG CAR DU SKYED PA'I TSUL GCIG DANG, SNGA PHYIR SKYED PA'I TSUL GNYIS GSUNGS SO, ,DE'I DANG PO NI SDOM 'BYUNG LAS GSUNGS TE, DER RLUNG GI DKYIL 'KHOR NAS RI RAB KYI BAR DANG, DE NAS SNA TSOGS RDO RJE DANG, DE NAS PADMA DANG, DE'I DBUS SU DBYANGS GSAL SOGS LAS HE RU KA 'KHOR BCAS SKYED PAR GSUNGS PA'I SKABS SU, SHAR SGO SOGS SU KHVA GDONG MA LA SOGS PA 'GOD PAR BSHAD LA, GZHAL YAS KHANG SNGON DU SGOM PA MA BSHAD PA'I PHYIR DANG, DE'I DKYIL 'KHOR DU DBANG BSKUR BA DANG, DE'I THIG GSUNGS PA'I SKABS LAS KYANG RTEN GYI DKYIL 'KHOR GSAL BAR GSUNGS PA'I PHYIR RO, ,DES NA RI RAB KYI STENG DU PADMA DANG SNA TSOGS RDO RJE SGOM PA RTEN DANG BRTEN PA GNYIS RIM PA BZHIN DU SKYED PA LA YANG YOD MOD KYANG, SNA TSOGS RDO RJE STENG DU PADMA BSKYED PA'I LTE BAR DBYANGS GSAL 'GOD PA NI, RTEN DANG BRTEN PA GNYIS CIG CAR DU SKYED PA NYID KYI LUGS SO, ,KUN SPYOD KYI DGONGS PA YANG CIG CAR DU SKYED PA'I PHYOGS SU TA TH'A GA TA RAKshI TAS BSHAD DO, ,GNYIS PA NI MNGON BRJOD LAS MANG DU GSUNGS SHING, SAm BHU tA'I BDE MCHOG RDOR SEMS KYI SKABS LAS KYANG GSUNGS TE, DE GNYIS KA'ANG RTZA RGYUD KYI DON DU GZUNG DGOS PAS, RGYUD KYI RDO RJE'I TSIG RE RE LA YANG DON MI MTHUN PA DU MA YOD PAR SHES DGOS SO, ,DE LA L'U AI PAS NI SDOM 'BYUNG LA BRTEN NAS DUS GCIG TU SKYED PA MDZAD LA, NAG PO SPYOD
, ,PA SOGS KYIS NI MNGON BRJOD LA BRTEN NAS RIM CAN DU SKYED PA MDZAD DO, ,SDOM 'BYUNG LAS DUS GCIG TU SKYED PA LHA BCU GSUM MA LA GSUNGS KYANG, L'U AI PAS LHA DRUG CU RTZA GNYIS KYI PHYI DKYIL DANG LUS DKYIL THUN MONG DU GSUNGS PAS, DUS GCIG TU SKYED PA YANG BDE MCHOG GI DKYIL 'KHOR MANG PO ZHIG LA 'JUG GO ,RTEN SNGA LA BRTEN PA RJES SU SKYED PA NI MNGON BRJOD KYI 'GREL PAR BSHAD PA LTAR, PHYI DKYIL DANG LUS DKYIL GNYIS KA DANG, LHA LNGA SOGS LA'ANG GSUNGS LA, NAG PO PA'I DGENGS PA YANG PHYI DKYIL DANG, LUS DKYIL GNYIS KA'I THUN MONG NGO, ,DES NA DRIL BU ZHABS KYI LUS DKYIL GYI SGRUB THABS LAS, RTEN BRTEN PA DUS GCIG PA DANG RIM CAN PA GNYIS MI GSAL YANG, DE GNYIS GANG RUNG GCIG NI DGOS LA, DE GNYIS KYI NANG NAS GCIG NGES GZUNG DU MI DGOS KYANG, L'U AI PA LA NYE BAR SNANG NGO, ,RTEN BRTEN PA DUS GCIG TU SKYED PA LA RGYU 'BRAS KYI RDO RJE 'DZIN PA YAB YUM GNYIS GNYIS SO SOR SKYED PA MI BYED PAR NGES SO, ,RIM CAN DU SKYED PA LA NI MNGON BRJOD LAS YAB YUM CHEN PA GNYIS SO SOR SKYED PA MANG DU GSUNGS KYANG, NGES PA NI MIN TE, MNGON BRJOD LAS GSUNGS PA'I LUS DKYIL DANG, PHAG MOS GTZO BO BYAS PA'I DKYIL 'KHOR BZHIN NO, ,DE'I PHYIR DUS GCIG TU SKYED PA RNAMS LA NI, ZHU BA LA GLUS BSKUL TE LDANG BA YANG MED LA, RGYU 'BRAS KYI RDO RJE 'DZIN PA GNYIS TSAN SO SO BA LA NI, ZHU BA LA GLUS BSKUL BA YANG NGES PAR GSUNGS SO, ,DUS GCIG TU SKYED PA LA RGYU 'BRAS KYI LHA YAB YUM GNYIS GNYIS PA MED KYANG, RGYU 'BRAS KYI RDO RJE 'DZIN PA GNYIS
MED PA NI MIN TE, LVA BA PAS GZHUNG 'DI LA RGYU 'BRAS KYI RDO RJE 'DZIN PA GNYIS BSHAD LA, MAN SNYER YANG ZHU BA LA GLUS BSKUL BA MED PA'I BDE MCHOG GI SKYED CHOG LA YANG RGYU 'BRAS KYI RDO RJE 'DZIN PA GNYIS BSHAD CING, BDAG MED MA'I DKYIL 'KHOR LA YANG RGYU 'BRAS KYI RDO RJE 'DZIN PA GNYIS BSHAD DO, ,DE NI 'DIR YANG YUM GYIS DKYIL 'KHOR GYI GTZO BO MDZAD PA LA YANG SHES PAR BYA'O, ,'DIR MNGON BRJOD LAS, MNGAL SKYES GLU YI SBYOR BA YIS, ,BSGOM PA RNAMS NI YONGS SU BRTAG , SGONG SKYES GLU NI MED PA STE, ,SGRA DANG SGRA NYAMS SPANGS PA'O, ,ZHES ZHU BA LA GLUS BSKUL BA'I HE RU KA'I SKYED CHOG MNGAL SKYES DANG, GLUS BSKUL MED PA'I MNGON BYANG LNGA SKYED KYI SKYED CHOG SGONG SKYES SU GSUNGS SO, ,SGRA NI LEGS PAR SBYAR BA'I SGRA DANG, SGRA NYAMS NI SGRA NGAN PA STE, DE GNYIS KA'I GLU SKAD SPANGS BA'O, ,,DE LA SNGA MA RNAMS L'U AI PA'I SGRUB THABS KYI SKYED CHOG NI, SGONG SKYES YIN PAS MNGAL SKYES DANG MI SBYOR BAR 'DOD DO, ,DE NI MI RIGS TE, DE LTA YIN NA NI, SDOM 'BYUNG LE'U GNYIS PA BSKYED RIM GYI LE'U LAS, MNGAL SKYES KYI DBANG DU BYAS NAS BSHAD PA DANG, LE'U BCU GSUM PAR GLUS BSKUL MED PAR MNGON BYANG LNGA LAS SKYED PA L'U AI PA BZHIN DU BSHAD PA GNYIS 'GAL BAR 'GYUR BA'I PHYIR TE, LE'U BCU GSUM PA NAS BSHAD PA'I BSKYED RIM NI, SNGAR SBYANGS GZHI MNGAL SKYES LA BSHAD PA DANG SBYAR DGOS PA'I PHYIR RO, ,MNGAL SKYES BSHAD TSUL NI, LE'U DE NYID LAS, SGYU MA LTA BU'I TING NGE 'DZIN, ,MI RNAMS KYIS RAB MI SHES TE, ,THOG MED DUS KYI NYON MONGS KYI, ,BAG CHAGS
, ,RAB TU BSAGS BYAS PA, ,DE PHYIR SNGON BYAS LAS KYIS NI, ,SKYE DANG 'CHI BA YANG DAG 'BYUNG, ,TSOGS PA MA RNYED DE SRID DU, ,ZHAG BDUN BAR DE'I SRID PAR GNAS, ,SRID PA BAR DO'I SEMS CAN NI, ,MGRON PA'I BGROD PA JI BZHIN DU, ,'DI LTAR LAS KYI ZHAGS PA YIS, ,'GRO BA DRUG TU RAB TU SKYE, ,PHA MA'I KUN TU SBYOR SOGS NI, ,SRID PA'I SKYE POS MTHONG GYUR NAS, ,RTA LA ZHON BZHIN RNAM SHES NI, ,RLUNG GI BZHON PA ZHON NAS SU, ,SKAD CIG THANG CIG NYID LA NI, ,SHIN TU MYUR BAR 'ONGS GYUR NAS, ,SHIN TU DGA' DANG BCAS STOBS KYIS, ,KHA YI LAM NAS 'JUG PAR 'GYUR, ,RTZA NI STONG PHRAG BDUN CU GNYIS, ,RAB BSKUL DE YI SKAD CIG LA, A'A LI K'A LI ZHU BYAS PAS, MCHOG TU DGA' BA YANG DAG 'THOB, ,KHU BKHRAG DE'I DBUS SU NI, ,THIG LE'I GZUGS KYIS YANG DAG GNAS, ,ZHES SBYANG GZHI LA SKYE SHI BAR DO GSUM BSHAD NAS, BAR DOS SKYE BA LEN TSUL STON PA NA, DANG POR PHA MA'I KUN SBYOR MTHONG BA DANG, DE NAS PHA'I KHA NAS ZHUGS TE PHA MA'I KHU KHRAG GI DBUS SU ZHUGS NAS GNAS PAR BSHAD PA'I PHYIR DANG, SGONG SKYES LA DE MED PA'I PHYIR DANG, BAR DO MTSON PA'I N'A DA BABS NAS, ZLA BA DKAR DMAR GYI DBUS SU 'JUG PAR 'CHAD PA YANG 'DI DANG SBYAR DGOS PA'I PHYIR RO, ,GZHAN YANG SDOM 'BYUNG GI LE'U GNYIS PA LAS, DANG POR SKYES GNAS BZHI DANG, DE NAS GLING GSUM GYI MI RNAMS BLUN RMONGS BYE BRAG MI PHYED PA DANG, 'DZAM BU GLING GI DBUS SU SKYES PA'I MI MCHOG TU GSUNGS SHING, DE NAS MIR 'KHRUNGS PA DANG, KHYIM NAS RAB TU BYUNG BA DANG, RAB TU BYUNG NAS DGE BA SGRUB PA DANG, RTZE GCIG PA'I TING NGE 'DZIN
THOB PA STE, SANGS RGYAS 'DOD KHAMS SU 'TSANG RGYA BA'I TSUL BZHI GSUNGS NAS, SGYU MA LTA BU'I TING NGE 'DZIN ZHES SOGS SNGAR DRANGS PA LTAR BSHAD DO, ,DE RNAMS KYI DON KLU BYANG GI DGONGS PA LTAR BSHAD NA, LAM 'DIS TSE GCIG LA MTSANG RGYA BA'I RTEN NGOS 'DZIN PA YIN LA, DES NA SKYE GNAS BZHI BSHAD PA NI, LHA'I SKYED CHOG BZHI STON PA SDOM 'BYUNG 'GREL PAS BSHAD PA LTAR MIN GYI, SKYE GNAS BZHI'I NANG NAS MI MNGAL SKYES KYI RTEN NGOS 'DZIN PA'O, ,DE NAS MIL GLING BZHI PA YOD KYANG 'DZAM BU GLING PA'I RTEN BSNGAGS TE, 'DOD KHAMS SU SPRUL SKUR 'TSANG RGYA BA'I RTEN LA, 'DZAM BU GLING PA'I MIR 'KHRUNGS PA SOGS DGOS PA DANG MTSUNGS PA'I PHYIR RO, ,DUS 'KHOR 'GREL CHEN SOGS LAS KYANG, SKYE BA GCIG GIS 'TSANG RGYA BA'I RTEN LA 'DZAM BU GLING PA'I MI KHAMS DRUG LDAN DGOS PAR GSUNGS PA DANG 'DRA'O, ,RTEN DES LAM 'DI SGOM PA NA, 'DI NAS SHI NAS BAR DO GRUB STE MNGAL DU SKYE BA 'DZIN PA ZHIG DANG MTSUNGS PAR SGOM PAS NA, CHOS MTHUN KHYAD PAR CAN NI DE LA YOD KYI GZHAN LA MED PAS, DRIL BU ZHABS KYIS, SEMS CAN BRDZUS TE 'BYUNG BA BZHIN, ,SA BON MED PAR RNAM PAR BSGOM, ,ZHES GSUNGS PA NI, RDZOGS RIM PA'I YE SHES KYI SKU YIN GYI, BSKYED RIM GYI MIN LA, BSKYED RIM DKRONGS BSKYED LA DE'I MING 'DOGS KYANG, KHYAD PAR CAN GYI SBYANG GZHI DANG SBYOR BA'I MNGON BYANG LNGA SKYED NI, ,MNGAL SKYES DANG NGES PAR SBYAR DGOS SO, ,MAN SNYE LAS KYANG, GLUS BSKUL MED PA'I BDE MCHOG GI MNGON BYANG LNGAS SKYED MNGAL SKYES DANG SBYAR NAS BSHAD DO, ,GNYIS PA NI, 'O NA MNGON BRJOD LAS GLUS BSKUL MED PA L'U AI PA LTA BU'I
, ,SKYED CHOG RNAMS SGONG SKYES SU BSHAD PA DANG 'GAL BA JI LTAR SPANG SNYAM NA, BSHAD PAR BYA STE, MNGON BRJOD LAS GLUS BSKUL MED PA RNAMS MNGAL SKYES SU MA GSUNGS PA RNAMS NI, MNGAL DU SA BON 'DEBS PA'I PHA LTA BU'I LHAR YAB DANG, MNGAL DU SA BON 'DZIN PA'I MA LTA BU'I LHA YUM MED PA LA DGONGS LA, DE MED KYANG PHA MA'I KHU KHRAG GI DOD ZLA NYI 'AM ZLA BA DKAR DMAR YOD LA, PHA MA'I KHU KHRAG LA 'JUG PA'I BAR DO'I DOD N'A DA SOGS YOD PAS, MNGAL SKYES DANG SBYOR BA NI SHIN TU DGOS SO, ,GZHAN YANG DE LTAR BSKYED RIM LA SGOM PA NI, RDZOGS RIM GYI SKABS SU RANG GI LUS KYI DBANG DU BYAS PA DANG, YAB YUM GNYIS MNYAM PAR SBYAR BA LAS DMAR CHA DANG DKAR CHA GNYIS 'DU 'PHROD LAS, RDZOGS RIM PA'I LHAN SKYES KYI BDE CHEN SKYE BA'I RGYUD SMIN BYED DU 'GRO BA'I CHED YIN LA, DE NI MNGAL SGONG GNYIS KYI NANG NAS MNGAL SKYES LA RNAM PA SHIN TU GSAL BA'I PHYIR YANG MNGAL SKYES DANG SBYAR DGOS SO, ,DE LTA NA'ANG SGONG SKYES SU GSUNGS PA NI, SNGAR BSHAD PA 'DRA BA'I MNGAL SKYES MED PA DANG, SGONG SKYES DANG CHOS MTHUN SBYAR DU YOD PA TZAM LA DGONGS NAS, SGONG SKYES SU GSUNGS PAS MI 'GAL LO, ,SGONG SKYES DANG 'DRA TSUL NI ZLA NYI'AM ZLA BA NI SGO NGA DANG 'DRA, ,DE'I DBUS KYI SA BON NI BYI'U PHRUG DANG 'DRA, DE LAS LHA SKUR GYUR PA NI SGO NGA BCAG NAS BYI'U PHRUG TSAR BA LTA BUR MNGON BRJOD 'GREL PAR BSHAD PA BZHIN NO, ,BOD KYI BLA MA KHA CIG ,MAN SNYER BSHAD PA'I BDE MCHOG GI SKYED CHOG MNGAL SKYES DANG SBYAR BA DANG, DE LA GLUS BSKUL MED PAS RANG GIS SGONG SKYES SU KHAS BLANGS PA GNYIS KYI
'GAL SPONG LA, SGO NGA LAS SKYES PA LA DANG PO MNGAL NAS SKYE DGOS SHING, SGO NGA'I NANG NA'ANG NUR NUR PO SOGS YOD PA'I PHYIR RO, ,ZHES GSUNG PA NI MI RIGS TE, MAN SNYER MNGAL SKYES DANG SBYAR BA NA, DANG POR SKYE BA LEN PA NA'ANG SNGAR BSHAD PA LTAR PHA MA'I KHU KHRAG GI DBUS SU ZHUGS NAS SKYE BA LEN PA DANG, DE NAS MNGAL DU ZLA BA BCUR GNAS PAR BSHAD PAS, MA'I LTO NAS SGO NGA BYUNG BA LA DE'I MNGAL DANG SBYOR TSUL MI 'GRIG PA'I PHYIR DANG, SGO NGA'I NANG DU NUR NUR PO DANG MER MER PO 'DOD PA NI, MNGAL SKYES DANG SBYAR BA'I MER MER PO SOGS DANG DON GTAN MI 'DRA BA'I PHYIR TE, GZHAN DU NA KHU BA'I ZAS SLA BA THAMS CAD LA HA CANG THAL BAR 'GYUR BAS, LAN SNGA MA LA BRTEN NAS MDZES SO, ,GSUM PA LA BZHI, DNGOS KYI DON, DE LA RTZOD PA SPANG BA, DE DAG GI DON BSDUS TE BSTAN PA, MNGON BYANG GI DBYANGS DHI'I 'GREL PA NAS, A'A LI LAS ZLA BA DANG, K'A LI LAS NYI MA LNGAS SKYED PA LA BLA MA MAL NAS BRGYUD PA DANG, KU M'A RA BO DHI'I 'GREL PA NAS, A'A LI LAS ZLA BA DANG, K'A LI LAS NYI MA BSHAD DE, JO BO CHEN PO'I 'GREL PA DANG, DE BZHIN GSHEGS PA'I RDO RJE SOGS MANG POS KYANG DE GNYIS DANG, SA BON LAS PHYAG MTSAN SKYED PA BSHAD DO, ,BLA MA MAR DO RJES 'BRANG DANG BCAS PAS ZLA BA DMAR PO ZHIG DANG, PHYAG MTSAN MED PA'I SA BON LAS SKYED DE, 'KHRUL SPONG DANG RGYAL PO BZANG PO DANG, DPA' BO RDO RJE DANG SDOM 'BYUNG 'GREL PA SOGS LAS NYI MA YANG MA BSHAD LA, ZLA BA GNYIS PA YANG MA BSHAD PAR, ZLA BA'I DKYIL 'KHOR ZHES BSHAD DE, ZLA BA GCIG TU 'DUG LA, KshANTI SHR'IS NI ZLA BA GCIG TU
, ,TSIG GIS ZIN PAR BSHAD DO, ,'DI LA PHYIS KYI BLA MA KHA CIG GIS, ZLA BA GCIG BYED PA NI RGYUD DANG RNAL 'BYOR DBANG PHYUG GI DGONGS PA MIN TE, SAm BHU tA LAS, ZLA BA'I DKYIL 'KHOR DBUS SU NI, ,BYANG CHUB ZLA BA GNYIS PA CAN, , ZHES GSUNGS PA'I PHYIR ZLA BA GNYIS DGOS SO, ,A'A LI K'A LI LAS ZLA NYI SKYED PA NI RGYUD GZHAN GYI DGONGS PA YIN ZHES ZER RO, ,DE LA 'DI GANG LA BRTEN PA'I SDOM 'BYUNG LAS NI, PADMA CHUNG NGU BSHAD PA'I DE MA THAG TU, DE DBUS RNAL 'BYOR BSGOM PAR BYA, ,A'A LI K'A LI'I RNAM DAG LAS, ,DE YI DBUS SU YI GE H'Um, ,RDO RJE SEMS DPA'I RANG BZHIN CAN, ,ZHES 'DIR BSHAD PA BZHIN 'BYUNG BA MA GTOGS PA ZLA NYI GANG YANG MI GSAL LO, ,MNGON BRJOD LAS KYANG ZLA BA'I DBUS SU H'Um YIG SGOM PA BSHAD KYANG, DBYANGS GSAL LAS ZLA NYI GNYIS SAM, ZLA BA GNYIS SAM, ZLA BA GCIG SGOM PA GSAL BAR MI SNANG NGO, ,SAm BHU tA LAS, DBYANGS LAS ZLA BA DANG PO DANG, GSAL BYED LAS ZLA BA GNYIS PA SKYED PAR BSHAD PA DE, BDE MCHOG RDOR SEMS KYI SKABS YIN KYANG, TSUL DE, 'DIR NGES PAR SBYAR DGOS PA LA SGRUB BYED MI SNANG NGO, ,'DI'I 'GREL PAR LVA BA PAS A'A LI K'A LI'I SBYOR BA ZHES PA NI, A'A LI DANG K'A LI'I 'PHRENG BA GA-YON SKOR DANG, GA-YAS SKOR DU GNAS PA YONGS SU GYUR PA LAS, DE'I GZUGS BRNYAN CAN GYI RNAM PA ZLA BA'I DKYIL 'KHOR GYI RNAM PAR BSAMS PAR BYA'O, ,ZHES PA DANG, DE'I DBUS SU ZHES PA NI, ZLA BA'I DBUS SU'O, ,ZHES PA DANG, DE DAG YONGS SU GYUR PA LAS ZHES PA NI, ZLA BA DANG SA BON YONGS SU GYUR PA LAS SO, ,ZHES GSUNGS
PA'I SKABS THAMS CAD DU NYI MA MA BSHAD CING, ZLA BA GNYIS KYANG TSIG GI ZUR TZAM LA YANG MI 'BYUNG BAS DE'I DGONGS PA NI, ZLA BA GCIG YIN LA, PRADZNY'A RAKshI TA'I 'GREL PAR YANG DE JI BZHIN DU BSHAD DO, ,ZLA NYI GNYIS SKYED PA'I PAndI TA CHEN PO RNAMS KYI BZHED PA YANG, MNGON BRJOD LA SOGS PA'I RGYUD 'DI NYID KYI DGONGS PA 'CHAD PA YIN GYI, RGYUD GZHAN NAS 'GEBS PA MIN NO, ,ZLA BA GNYIS BYED PA NA K'A LI LAS SKYED PA'I ZLA BA DMAR POR MAN SNYE LAS BSHAD LA, DE LTAR BSHAD KYANG L'U AI PA'I LUGS LTAR DU 'CHAD PA'I SGRUB THABS 'KHRUL SPONG LAS NI, AA BHYA KA RAS KYANG, ZLA BA GNYIS MA BSHAD PAS SAm BHU tA'I LUGS DE 'DIR KHAS MA BLANGS SNANG NGO, ,'O NA LUGS SO SO BA DE RNAMS LA DON LA 'GAL BA YOD DAM MED SNYAM NA, ZLA NYI GNYIS DANG ZLA BA DKAR DMAR GNYIS DANG, ZLA BA GCIG BYED NA'ANG DKAR LA DMAR BA'I MDANGS CHAGS PAR DPA' BO RDO RJES BSHAD PA LTAR BYED LA, DE DAG GI MTSON DON NI GZHI LA PHA MA'I KHU KHRAG DKAR DMAR GYI DBUS SU BAR DO 'JUG PA DANG BSTUN PA YIN LA, DE LTAR BYAS TE SGOM PA'I DGOS PA GAL CHE SHOS NI, SNGAR BSHAD PA LTAR RDZOGS RIM GYI SKABS KYI BYANG SEMS DKAR DMAR GYI 'DU 'PHRO LAS, NGES DON GYI HE RU KA LHAN SKYES KYI BDE CHEN 'DREN PA YIN PAS, RTEN 'BREL KHYAD PAR CAN DE SGRIG PA NI DE DAG KUN GYI NUS PAS 'GAL BA CUNG ZAD KYANG MED PAR SEMS TE, 'ON KYANG 'DIR NI GTZO CHER 'DI'I 'GREL PA LVA BA PAS MDZAD PA LA BRTEN PA'O, ,ZLA BA GNYIS LA SOGS PA'I MNGON BYANG LNGAS SKYED PA YANG RGYUD GZHAN RNAL 'BYOR RGYUD LA'ANG YOD MOD KYANG LHA YAB YUM MNYAM PAR SBYOR
, ,BA MED CING, SNGAR BSHAD PA LTAR GYI ZLA NYI DANG ZLA BA DKAR DMAR LAS BDE BA CHEN PO MTSON PA MED PA'I PHYIR, BDE CHEN MTSON PA'I MNGON BYANG NI, RNAL 'BYOR BLA MED KYI RGYUD GNYIS KHO NA'I KHYAD CHOS YIN TE, MAN SNYE LAS, SHES RAB DANG THABS YANG DAG PAR SBYOR BA NYID NA NI, DE YONGS SU GSAL LO ZHES BDE BA CHEN PO 'DI NYE BAR STON TO, ,DE NYID KYI PHYIR YANG RGYUD GZHAN RNAMS SU ZLA BA LA SOGS PA'I RIM PAS RNAM PA LNGA MNGON PAR BYANG CHUB PA GSUNGS NA YANG, BDE BA CHEN PO'I TSUL NYID DU NYE BAR STON PA NI MA YIN NO, ,RNAM PA 'DI LTA BU'I RNAL 'BYOR DANG RNAL 'BYOR MA'I RGYUD RNAMS KHO NAR NI BDE BA CHEN PO'I RANG BZHIN RDO RJE 'DZIN PA'I SA YONGS SU GSAL ZHING ,DE'I RJES SU 'BRANG BA LAS GZHAN DU YANG RTOGS PAR BYA'I, LHAN CIG SKYES PA'I DBANG MED PAR NYE BAR BSTAN PA NI MA YIN TE, BCOM LDAN 'DAS KYI BKA' KHO NAS SO, ,LHAN CIG SKYES PA'I DBANG NI RNAM PA 'DI LTA BU'I RGYUD RNAMS KHO NAR RO, ,ZHES GSUNGS PA LTAR TE, LHAN SKYES KYI SNOD RUNG DU SGRUB PA'I DBANG BSKUR MA THOB PAR, BDE CHEN DE BSTAN DU MI RUNG LA, DE 'DRA BA'I DBANG YANG RGYUD GZHAN LA MED PA'I PHYIR ZHES PA'O, ,TSUL DE NI RGYUD KYI DGONGS PA DAM PA YIN TE, KYEE RDO RJE LAS, ZLA BA'I STENG DU SA BON NYID, ,PHYI NAS BDUD LAS RGYAL BAS MNAN, ,GNYIS 'DUS PA LAS BDE CHEN PO, ,ZHES MNGON BYANG GI SKABS KYI ZLA NYI 'DUS PA LAS, BDE BA CHEN PO SKYE BAR GSUNGS PA'I DON NI SNGAR LTAR YIN LA, DE GNYIS 'DUS PA LAS SKYES PA'I BDE CHEN YANG, DE DAG GI DBUS KYI SA BON GYIS MTSON PA YIN TE, DE NYID
LAS, A'A LI ZLA BA K'A LI NYI, ,SA BON NANG DU SON GYUR PA, ,DE NYID SEMS DPA' ZHES BYAR BRJOD, ,MCHOG TU DGA' BA'I RANG BZHIN CAN, ,ZHES GSAL BAR GSUNGS LA, LVA BA PAS HE RU KA YANG LHAN SKYES KYI DGA' BAR GSUNGS SO, ,'DI NI MTSON PA TZAM STE, ZLA BA DKAR DMAR GNYIS DANG, DKAR LA DMAR BA'I MDANGS CAN GYI ZLA BA GCIG LA YANG DON DE RNAMS YOD DO, ,SH'ANTI PAS MNGON BYANG GI SKABS KYI THOG MAR SA BON DANG, DE NAS DE 'GYUR BA'I PHYAG MTSAN DANG, DE NAS DE LA MTSAN PA'I SA BON GSUM SBYOR BA DANG, DNGOS GZHI DANG RJES KYI BDE BAR YANG BSHAD DO, ,DES NA MAN SNYE LAS, 'DIR RGYU'I YE SHES BZHI'I RANG BZHIN NYID LA YANG BDE BA CHEN PO MOS PA BA YOD PA KHO NA STE, DE NYID KYI PHYIR 'DI RGYU RDO RJE 'DZIN PAR BRJOD PAR BYA'O, ,RNAM PA LNGA MNGON PAR BYANG CHUB PA LA YANG BDE BA CHEN POR LHAG PAR MOS PA BYA STE, DE NYID KYI PHYIR LHA MO DANG YANG DAG PAR SBYOR BA NYID KYIS, BDE BA CHEN PO MNGON PAR BYANG CHUB PA YONGS SU RDZOGS PA KHO NA LAS RDO RJE 'DZIN PA SKYED PA'O, ,ZHES PAS DE KHO NA DNGOS POR NA RNAM PA LNGA MNGON PAR BYANG CHUB PA'O, ,ZHES YAB YUM MNYAM PAR SBYOR BA'AM, DE'I DOD KHAMS DKAR DMAR MTSON PA'I 'DU 'PHROD LA BRTEN NAS BDE BA CHEN PO RDZOGS PA KHO NA LAS, RDO RJE 'DZIN PA SKYED PAR BSTAN PA'I TSUL 'DI, SHES RAB CAN GYIS LEGS PAR SHES NA, RIM PA DANG PO BSGOMS PAS RDZOGS RIM GYI RTOGS PA SMIN BYED DU 'GRO TSUL RNAMS JI LTA BA BZHIN DU KHONG DU CHUD PAS, MCHOG SGRUB PA LA BSKYED RIM MI DGOS SNYAM PA DANG, CHOS 'DI PA DANG GZHAN PA'I TING NGE 'DZIN THUN MONG BA
, ,TZAM LA BLA MED KYI RDZOGS RIM DAM PAR 'DZIN PA DANG, TING NGE 'DZIN DE 'DRAS DRANGS PA'I BDE BA LA LHAN SKYES KYI BDE CHEN DU 'DZIN PA'I LOG RTOG RNAMS LHAG MA MED PAR LDOG GO, DE LTAR BSHAD PAS MTSON NAS SPYIR STONG PA 'OD GSAL DU ZHUGS PA'I NGANG NAS, LHA'I SKUR LDANG BA DANG KHYAD PAR DU BAR DO MTSON PA'I YI GE SOGS SU LDANG BA YANG, LHA DANG SNGAGS DBYER MED YIN PAS DE RNAMS BSGOM PA YANG, RDZOGS RIM PA'I SNANG PHYOGS KYI TING NGE 'DZIN SGYU MA'I SKU'I RTOGS PA SKYE BA'I SMIN BYED DU SHES PAR BYA'O, ,GNYIS PA NI, GAL TE RIM PA DANG PO'I DKYIL 'KHOR GYI SKABS SU YAB YUM MNYAM PAR SBYOR BA SGOM PA DE, RDZOGS RIM PA'I BDE CHEN GYI RTOGS PA SKYE BA'I SMIN BYED YIN NA, RJE BTZUN MA PHAG MO DANG BDAG MED MA SOGS KYIS GTZO BO BYAS NAS SGOM PA LA MCHOG SGRUB PA'I BSKYED RIM GYI GNAD MA TSANG BAR 'GYUR RO SNYAM NA, DE'I DOGS PA NI RNAM DPYOD CAN LA SKYE BA BDEN YANG SKYON DE NI MED DE, 'DI'I DOGS GCOD BCOM LDAN 'DAS NYID KYIS SHIN TU GSAL BAR GSUNGS PA'I PHYIR TE, KYEE RDO RJE LAS, BDAG MED RNAL 'BYOR LDAN PA YIS, ,PHYAG RGYA NYID CES JI LTAR BRJOD, ,PHYAG RGYA PHYAG RGYA GNYIS DAG GIS, ,PHYAG RGYA'I DNGOS GRUB JI LTAR 'GYUR, ,ZHES LAM 'DIS PHYAG RGYA MA LA BRTEN NAS DNGOS GRUB 'GRUB PAR BSHAD PA LA, DE LTA NA BDAG MED MA GTZO BOR BYAS PA'I RNAL 'BYOR GYIS PHYAG RGYA'I DNGOS GRUB MI 'THOB STE, RIG MA SGOM PA MED PAR PHYAG RGYA'I DNGOS GRUB MI 'GRUB PA'I PHYIR DANG, RANG GI PHYAG RGYA MA GZHAN ZHIG SGOM NA, PHYAG RGYA
MA GNYIS SBYOR BAR BDE CHEN MI SKYE BA'I PHYIR RO, ,DES NA DE 'DRA BA DES PHYAG RGYA'I DNGOS GRUB JI LTAR THOB PAR 'GYUR, ZHES ZHUS PA'I LAN DU, BUD MED GZUGS NI SPANGS NAS GZHAN, ,BCOM LDAN 'DAS KYI GZUGS SU BYA, ,NU MA SPANGS PA PO LAR 'GYUR, ,KAKKO LA DBUS YANG DAG GNAS, ,'GRAM GNYIS DRIL BU NYID DU 'GYUR, ,ZE'U 'BRU PO LA CAN DU 'GYUR, ,LHAG MA BDAG NYID CHEN PO NYID, ,DGA' CHEN HE RU KA YI GZUGS, ,ZHES SO, ,DE 'DRA BA DE LA NI, BUD MED DE LHA MO'I GZUGS SU SGOM PA SPANGS NAS, DE LAS GZHAN BCOM LDAN 'DAS TE LHA YAB KYI GZUGS SU BSGOM PAR BYA BAR GSUNGS SO, ,DES NA NU MA SPANGS NAS PO LA DANG, KAKKO LA'I 'GRAM GNYIS DRIL BU STE 'BRAS BUR 'GYUR ZHES PA NI RTEN DE'I STENG NAS DON LA DE LTAR GYUR PA MIN GYI, DMIGS PAS DE DAG MI MNGON PAR BYAS NAS RDO RJE SOGS SU SKYED PA'O, ,'DI YANG MCHOD PA SOGS KYI SKABS SU YAB YUM MNYAM PAR SBYOR BA BSGOMS NAS LHAN SKYES 'DREN DGOS PA'I SKABS SU BYED KYI, DE LAS GZHAN PA'I SKABS SU NI LHA MO NYID DU SGOM PA YIN NO, ,SH'ANTI PA'I 'GREL PA LAS, BUD MED NI BDAG MED MA'O, ,ZHES BUD MED KYI GZUGS SPANGS PA BDAG MED MAR BSGOMS PA'I GZUGS LA BSHAD PAS, RTEN BUD MED KYIS SGOM PA'I DBANG DU BYAS NAS, BUD MED KYI GZUGS DON LA SPANGS PAR KHA CIG 'CHAD PA LTAR NI MIN TE, YIN NA NI HE RU KA'I GZUGS SU YANG DON LA SONG BAR 'DOD DGOS PAS, DE NAS SPYOD PA BYED PAR 'DOD PA MI RIGS PA'I PHYIR DANG, SKYES PAS BDAG MED MA'I RNAL 'BYOR SGOM PA LA YANG DOGS PA DE
, ,GCOD DGOS PAS MI 'GRIG PA'I PHYIR RO, ,BH'A BA BHA DRAS KYANG, BDAG NYID SKAD CIG TZAM GYIS 'DI LTA BU'I SKYES BUR BSGOMS NAS SNYOMS PAR 'JUG PA LAS, LHAN CIG SKYES PA MTSON PA'AM, PHYAG RGYA CHEN PO'I DNGOS GRUB BSGRUB PAR BYA ZHES PA'O, ,ZHES DMIGS PAS SGYUR BA GSAL BAR BSHAD CING, YANG NA BDAG MED MA'I RNAL 'BYOR PAS SPYOD PA MA BYAS KYANG BDAG MED MAR SGOM PA 'BA' ZHIG GIS 'GRUB, CES BSHAD YAMS GNYIS BYAS PA'I PHYI MA LTAR NA RGYUD LAS, BUD MED KYI RTAGS SGYUR BAR GSUNGS PA DANG MI 'GRIG PAS SGYUR DGOS LA, DE YANG SPYOD PA'I DUS KHO NA MIN GYI, BSKYED RIM THUN BZHIR SGOM PA'I DUS NAS DGOS SO, ,KYEE RDOR GYI 'GREL PA KHUNGS THUB RNAMS KYIS KYANG DON LA SGYUR BAR BSHAD PA MI SNANG NGO, ,NAG PO DAM TSIG RDO RJES BYAS ZER BA'I 'GREL PA SBYOR PHRENG DU SH'ANTI PA BZHIN BSHAD LA, DES BYAS ZER BA'I DRAN PA'I 'BYUNG GNAS SU NI GZUGS DON LA BRJE BAR BSHAD MOD KYANG YID BRTAN MI SNANG NGO, ,MNGON BRJOD LAS, DE NYID PADMA'I DBUS DAG TU, ,HE RU KA NI MCHOG NYID BSGOM, ,THOD PA LHAN CIG MNYAM PAR NI, ,LNGA YI DBYE BA DAG SBYOR TE, ,RNAL 'BYOR MA YI RIM PA BSGOM, ,ZHES DANG, RANG RANG GI NI RNAL 'BYOR MA, ,SNYING DU SBAS PA RNAM PAR BSGOM, ,ZHES HE RU KA RIGS LNGAS GTZO BO BYED PA BZHIN DU, RNAL 'BYOR MA RIGS LNGAS KYANG GTZO BO BYED PA DANG, SNGA MA LNGAS GTZO BO BYED PA NA, RANG RANG GI RIGS KYI YUM RANG GI SNYING KHAR SBED PAR GSUNGS LA, 'DI'I 'GREL PA LAS KYANG, YAB LNGAS YUM LNGA SNYING KHAR SBED PA BZHIN DU,
RNAL 'BYOR MA LNGAS KYANG RANG GI SNYING KHAR DPA' BO LNGA SBED PAR BSHAD PA LTAR NA, SNYOMS 'JUG DGOS PA'I DUS SU, SNYING KHA NAS YAB DANG YUM BTON NAS, DE DANG MNYAM PAR SBYOR BA LAS BDE CHEN 'DREN PA 'DRA BA ZHIG SNANG NA'ANG, MNGON BRJOD KHA CIG LAS, RANG RANG GI NI RNAL 'BYOR MA, ,SNYING KHAR 'KHYUD PA RNAM PAR BSGOM, ,ZHES KYANG 'BYUNG BAS SNGA MA LA NGES PA THOB DKA' BAR SNANG NGO, ,DES NA KYEE RDOR NAS BSHAD PA'I RIGS PA PHAG MOS GTZO BO BYAS PA LA'ANG SBYAR NA 'THAD DAM SNYAM STE DPYAD DO, ,DES NI DKYIL 'KHOR GYI GTZO BO'I LHA PHO YUM MA BSHAD PA RNAMS KYI DOGS GCOD KYANG SHES PAR BYA'O, ,GSUM PA NI, DE LTAR NA DOGS GCOD SNGAR LTAR MDZAD PA NI, BSKYED RIM THUN BZHIR SGOM PA 'DI LA, RDZOGS RIM PA'I BDE CHEN SKYE BA'I SMIN BYED CIG GAL CHE BAR GZIGS NAS YIN NO, ,DE'I PHYIR DKYIL 'KHOR GYI 'KHOR LO SGOM PA NA, DE THAMS CAD KYANG BDE BA CHEN PO'I RNAM ROL DU SHAR BAR SGOM PA GAL CHE BAS, DPAL YAN LAG MED PA'I RDO RJES, DKYIL 'KHOR MA LUS PA RNAM PAR MI RTOG PA BDE BA'I RANG BZHIN DU BLTA BAR BYA'O ZHES DANG, MAN SNYER YANG, SEMS KYI RNAM 'PHRUL LO ZHES PA 'DIS, 'DI THAMS CAD BYANG CHUB KYI SEMS KYI RANG GI NGO BOR MOS PA KHO NAS BYA'O, ,ZHES GSAL BAR BYED DE, GANG GI PHYIR 'DI THAMS CAD RNAM PAR SNANG MDZAD LA SOGS PA, RIGS LNGA RNAMS SU 'DUS SHING, DE RNAMS KYANG RDO RJE 'DZIN PA BYANG CHUB SEMS KYI BDAG NYID GCIG PU KHO NA'O, ,ZHES LHA'I RNAL 'BYOR DANG BZLAS PA SOGS KYI CHO GA'I RIM PA THAMS CAD, BDE STONG DBYER MED KYI BYANG CHUB KYI SEMS KYI NGO BOR MOS NAS NGES PAR BYA DGOS PAR GSUNGS PA
, ,LTAR BYA'O, ,DE YANG RIM PA DANG PO SGOM PA'I SKABS MANG POR YANG, DANG POR LTA BA DRAN PAR BYA, DE NAS YE SHES KYI PHYAG RGYA LA DMIGS NAS SKYES PA'I ZHU BDE CHUNG NGU YAN CHAD DRAN PAR BYAS LA BDE STONG DBYER MED DU SBYAR, DE NAS LHA DANG SNGAGS LA SOGS PA THAMS CAD DE'I RNAM 'GYUR YIN PA'I MOS PA BRTAN PO YANG YANG BSKYED LA BYA BA NI, RIM PA DANG POS RGYUD SMIN PA'I THABS DAM PAR ZUNGS SHIG ,BZHI PA NI, MNGON BYANG GI SKABS KYI DBYANGS GSAL LA RGYA GZHUNG RNAMS LAS NYIS 'GYUR DU MA BYAS PA MANG ZHING, JO BO CHEN PO'I 'GREL PA DANG, DPA' BO RDO RJES BYAS ZER BA'I 'GREL PA LAS KYANG, A'A LI BCU DRUG DANG K'A LI SO BZHIR BSHAD LA, 'GREL PA GZHAN GSUM LAS, A'A LI DANG K'A LI'I 'PHRENG BA GA-YON SKOR DANG GA-YAS SKOR DU GNAS PA ZHES PA TZAM LAS, NYIS 'GYUR BYED MI BYED MI GSAL YANG, MNGON BRJOD LAS A'A LI K'A LI LUGS 'BYUNG DANG, LUGS BZLOG GI TSUL DU NYIS LDAB TU BYAS LA, ZHES GSUNGS PA LTAR SGRUB THABS GTZUG NOR LAS KYANG GSUNGS PAS, DBYANGS GSAL GNYIS SO SOR NYIS 'GYUR DU BYAS, GSAL BYED SO BZHI LA YI GE LHAG PO DRUG SNON LUGS MANG DU YOD KYANG, SGRUB THABS GTZUG NOR LAS, dA dHA DA DHA YA LA DRUG BSNAN PA LTAR RAM, MAN SNYE LAS dA dHA YA RA LA WA DRUG BSNAN PA LTAR BYA'O, ,KU M'A RA BE DHI'I 'GREL PA LAS, DBYANGS PHRAG GNYIS KA GA-YON DANG, GSAL BYED PHRAG GNYIS KA GA-YAS SKOR DU BSHAD KYANG, MNGON BRJOD KYI DGONGS PA NI DBYANGS PHRAG GNYIS KYI GCIG GA-YON DANG, GCIG GA-YAS SKOR DU BYED PAR MNGON TE, GSAL
BYED LA YANG NGO, ,'ON KYANG DE GNYIS KA'ANG SKOR THEBS RE RE BYA'O, ,KHA DOG NI MAR DOS DBYANGS DKAR PO DANG, GSAL BYED DMAR PO DANG, SKOR LUGS NI DANG PO NANG DANG GNYIS PA PHYI NAS BSKOR BAR BZHED DE, DPAL 'BRAS RDO RJE DANG MTHUN, SMAN ZHABS KYIS DBYANGS 'OG DANG GSAL BYED STENG DU DGOD PAR BZHED DO, ,DBYANGS GSAL GYI TSAR RE RE LA NYIS 'GYUR DU BYED PA'I RGYU MTSAN GZHAN GYIS GSAL BAR MA BSHAD LA, MAN SNYER NI A'A LI'I MTSON DON BYANG CHUB KYI SEMS YIN LA, DE LA LUS KYI GNAS SO SO'I DBYE BAS BCU DRUG YOD LA, DE RE RE LA THABS DANG SHES RAB GNYIS GNYIS YOD DE, KYEE RDO RJE LAS, KHU BA'I RNAM PA BCOM LDAN 'GYUR, ,DE YI BDE BA 'DOD MAR BSHAD, ,CES GSUNGS PA'I PHYIR RO ZHES 'CHAD DO, ,LUS KYI GNAS KYI DBYE BAS 'BYED TSUL NI MAN SNYER RGYUD GZHAN CIG DRANGS LA, BDE MCHOG GI RGYUD NAS GSUNGS PA NI, SDOM 'BYUNG LAS, DE LAS GZHAN YANG THIG LE'I GZUGS, ,'PHO BA YANG DAG BSHAD PAR BYA, ,DKAR PO'I TSES GCIG NAS BRTZAMS TE, ,JI SRID ZLA BA RDZOGS PA'I BAR, ,DKAR PO'I TSES GCIG LA AA YIG ,RKANG PA'I SOR MO YI GE LA, ,GNYIS PA BYIN PAR A'A: YIG STE, ,GSUM PAR BRLA LA AI YIG GO ,SKYE GNAS BZHI PA A'I YIG YIN, ,LTE BAR LNGA PA AU YIG STE, ,SNYING KHAR DRUG PA A'U YIG GO ,NU MAR BDUN Pi RA YIG DANG, ,MGRIN PAR BRGYAD PA R'i YIG STE, ,LAG MTHIL DGU PAR LAm ? YIG GO ,MKHUR TSOS BCU PAR L'i YIG YIN, ,MIG LA BCU GCIG PA AE YIG ,RNA BAR BCU GNYIS PA AEE YIG ,DPRAL BAR BCU GSUM PA AO YIG ,SPYI BOR BCU
, ,BZHI PA AOO YIG ,TSANG GI GA-YON DANG GA-YAS SU NYA, ,Am AA: YI GE'I RANG BZHIN NO, ,NAG PO'I TSES GCIG NAS BRTZAMS TE, ,JI SRID GNAM STONG DE SRID LA, 'PHO BA DE NYID BZHIN DU 'GYUR, ,ZHES GSUNGS LA, SDOM 'BYUNG 'GREL PA LAS, GA-YON PA ZHES PA DKAR PO'I PHYOGS LA MTHE BONG NAS SPYI BOR LUS KYI GA-YON LA BRTEN NAS 'JOG PAR BYED CING, NAG PO'I PHYOGS LA NI SPYI BO NAS MTHE BONG DU LUS KYI GA-YAS LA BRTEN NAS 'BAB PAR BYED DE, ZHES BSHAD DE YAR NGO LA RKANG PA GA-YON PA'I MTHE BONG NAS BRTZAMS TE SPYI GTZUG GI BAR DU STENG DU 'JOG PA DANG, MAR NGO LA SPYI GTZUG NAS BRTZAMS TE RKANG PA GA-YAS PA'I MTHE BONG GI BAR DU 'OG TU BYANG SEMS 'BAB PA'O, ,'GYUR RNYING LAS, JI SRID NYA YI BAR DU STE, ,YAR NGO YI NI TSES GCIG LA, ,RKANG PA'I SOR MOR YI GE AA: ZHES DANG, NYA LA SPYI GTZUG GA-YAS GA-YON DU, ,ZHES 'BYUNG NGO, ,MAR NGO'I GNAM GANG GI GNAS GNYIS NI MTHE BONG GI NGOS GNYIS SU BYED DGOS SAM BRTAG GO ,GSAL BYED BRGYAD CUR BYED PA'I RGYU MTSAN YANG GSUNGS TE, K'A LI RNAMS SA CHU ME RLUNG NAM MKHA'I KHAMS LNGAR BSDUS NAS, DE RE RE LA BZHI BZHIR DBYE STE SDOM 'BYUNG LAS, GANG DU GCIG NI GNAS PA DER, ,BZHI PO DE KUN NYE BAR GNAS, ,ZHES GSUNGS PA'I PHYIR DANG, KYEE RDOR LAS DGA' BA NAM MKHA'I KHAMS SU BSHAD LA, DE LA DGA' BA BZHI YOD PAS BZHI LNGA NYI SHU'O, ,KHAMS NYI SHU PO RE RE YANG RAKTA'I RDUL RE DANG LDAN PAS DE DANG BCAS PA BZHI BCU'O, ,DE LA SHES RAB STONG PA DANG, THABS BDE BA GNYIS GNYIS SU PHYE BAS BRGYAD CU
STE, ,K'A LIS MTSON PA'I DON RDUL YIN LA, DE'I KHAMS LNGA DANG RDUL GYI CHA SO SOR BRTZIS SHING, 'BYUNG BA DANG RDUL YIN PA'I TSUL GYIS DGA' BA BZHI LA SOGS PAR MI 'BYED KYANG, DE DAG DANG BCAS PA'I DBANG DU BYAS PA'O, ,GSAL BYED RNAMS KHAMS LNGAR SDUD LUGS NI, KA NGA NYA nA NA MA HA KshA RNAMS NAM MKHA'I GSAL BYED DO, ,GHA DZHA dHA dHA DHA BHA YA YA SHA RNAMS RLUNG GI'O, ,GA DZA dA dA DA BA RA RA shA RNAMS ME'I 'O, ,KHA TSA thA thA PHA WA WA RNAMS CHU'I 'O, ,TZA tA TA PA LA LA SA RNAMS SA'I GSAL BYED KYI YI GE STE, MAN SNYE'I LUGS SO, ,TSUL 'DI ZLA NYI GNYIS DANG ZLA BA DKAR DMAR GNYIS BYED PA LA 'CHAD PAR MA ZAD, ZLA BA DKAR LA DMAR BA'I MDANGS CAN GCIG BYED PA LA YANG DES MTSON PA'I KHU RDUL YOD CING, YI GE YANG SA GNYIS DANG BRGYAD CUR BYED PAS 'DI LA YANG SHES PAR BYA'O, ,GNYIS PA LA BZHI, RNAL 'BYOR DANG, RJES SU RNAL 'BYOR DANG, SHIN TU RNAL 'BYOR DANG, RNAL 'BYOR CHEN PO'O, ,DANG PO NI, SNA TSOGS PADMA CHUNG NGU DE'I DBUS SU AA A'A AI A'I AU A'U, Ri R'i, Li L'i, AE AEE, AO AOO, Am AA:'I BAR BCU DRUG GA-YAS SKOR DANG, SLAR YANG BCU DRUG GA-YON SKOR DU RIM PA GCIG GIS DGOD DE KHA DOG DKAR PO'O, ,DE'I PHYI ROL DU KA KHA GA GHA NGA, TZA TSA DZA DZHA NYA, tA thA dA dA dHA dHA nA, TA THA DA DHA NA, PA PHA BA BHA MA, YA YA RA RA LA LA WA WA, SHA shA SA HA KshA'I BAR BZHI BCU GA-YAS SKOR DANG, SLAR YANG BZHI BCU GA-YON SKOR DU RIM PA GCIG GIS DGOD DE KHA DOG DMAR PO'O, ,DE GNYIS YONGS SU GYUR PA LAS ZLA BA'I DKYIL 'KHOR YONGS SU RDZOGS PA DKAR LA DMAR BA'I MDANGS CAN LA, DBYANGS GSAL SO GNYIS
, ,DANG BRGYAD CU GZUGS BRNYAN SHAR BA BZHIN DU SNANG BA BSAM PA NI SBYOR BA STE RNAL 'BYOR RO, ,YO GA ZHES PA SBYOR BA LA YANG 'JUG MOD KYANG, SKABS 'DIR NI RNAL 'BYOR LA BSGYUR NA LEGS TE, RNAL 'BYOR BZHI'I RNAL 'BYOR DANG PO'I SKABS YIN PAS SO, ,LVA BA PAS BCU GSUM MA'I SGRUB THABS LAS, K'A LI LAS NYI MA SKYED PA BSHAD KYANG, 'DI'I 'GREL PAR DBYANGS GSAL GNYIS KAS ZLA BA SKYED PAR BSHAD PA'I LUGS SO, ,DBYANGS GSAL LAS SKYED PA'I ZLA BA LA SLAR YANG DBYANGS GSAL GZUGS BRNYAN SHAR BA BZHIN, 'GOD PA 'GREL PA GSUM GA'I LUGS YIN LA, KHA DOG NI DE GSUM LAS GSAL BAR MA BSHAD CING KHA CIG GIS DKAR PO RKYANG PA DANG, KHA CIG GIS DMAR PO RKYANG PAR BSHAD KYANG, DPA' BO RDO RJES RTZA RGYUD KYI 'GREL PAR DE LA BKOD PA'I A'A LI K'A LI YONGS SU GYUR PA LAS, DKAR ZHING DMAR BA'I ZLA BA'I DKYIL 'KHOR BSAMS LA, ZHES 'BYUNG BA LTAR DKAR DMAR GNYIS KA TSOGS PA DGOS TE, SBYANG GZHI DANG LAM GYI GNAD KYIS SO, ,MNGON BYANG LNGA YE SHES LNGA DANG SO SOR SBYOR BA 'DI'I 'GREL PA GSUM NAS MI GSAL YANG, ZLA BA'I KHA DOG DKAR PO'I CHA DANG A'A LI NI ME LONG LTA BU DANG, ZLA BA'I KHA DOG DMAR PO'I CHA DANG K'A LI NI MNYAM PA NYID KYI YE SHES TE, RIM PA BZHIN MTSAN SO GNYIS DANG DPE BYAD BRGYAD CU'I NGO BOR MOS PA YANG GZHUNG GZHAN NAS BSHAD DO, ,RNAL 'BYOR DU GSUNGS PA'I DON LA MANG DU YOD KYANG, 'DIR A'A LI K'A LI GNYIS ZLA BA GCIG GI NGO BOR SBYOR BA DANG, ZLA BA GCIG NYID YE SHES GNYIS KYI NGO BOR SBYOR BA'I DON DU BYA'O, ,GNYIS PA NI, DE NAS ZLA BA DE'I
DBUS SU SNGAR NAM MKHAR BZHAG PA'I N'A DA BABS PA NI BAR DO PHA MA'I KHU KHRAG GI DBUS SU 'JUG PA DANG BSTUN PA YIN LA, DE YANG SDOM 'BYUNG LAS, A'A LI K'A LI ZHU BYAS PA'I, ,KHU KHRAG DE DAG GI DBUS SU, ,THIG LE'I GZUGS KYIS GNAS PAR 'GYUR, ,ZHES BAR DO MNGAL DU 'JUG TSUL DE LTAR BSHAD LA, DE NI 'DIR SLAR YANG ZLA BA LA A'A LI K'A LI'I PHRENG BAS BSKOR BA'I DBUS SU N'A DA 'JUG PA DANG MTHUN TSABS CHE ZHING RNAM PA GSAL LO, ,N'A DA NAM MKHAR BZHAG PA NAS ZLA BA LA ZHUGS PA'I THOG MA'I BAR NI BAR SRID KYI SKABS DANG SBYAR RO, ,RGYU'I RDOR 'DZIN YAB YUM GYI LHA'I RNAM PAR MI SKYED PA'I PHYOGS LA, BAR DO KHU KHRAG GI DBUS SU 'JUG TSUL DE LTAR BYA, YANG KHUNGS THUB KYI GZHUNG 'GA' ZHIG NAS, NAM MKHA' NAS BABS PA MED PAR ZLA NYI GNYIS DANG, ZLA BA GNYIS KYI BAR RAM, DE GNYIS KYI STENG DANG, ZLA BA GCIG GI STENG DU H'Um YIG SKYED PA LTAR NA, RIM GYIS RDZOGS PAR BYED NA N'A DA DE'I DUS SU BAR DO ZHUGS PA'I DOD DANG, CIG CAR DU RDZOGS PAR BYED NA H'Um YIG DER GRUB PA'I DUS NYID NA BAR DO ZHUGS PA'I SKABS DANG SBYAR RO, ,BAR DO MTSON PA'I YI GE HO: YIG DMAR PO GNYIS KYI BAR DU 'DZUD PA NI BAR DO'I CHAGS PA SHAS CHE BAS BSGRIBS PA MTSON PA'I DON DU BZHED PA DANG, PHA MA LAS BYUNG BA'I THABS SHES KYI RANG BZHIN GYI BDE BA'I CHAGS PA MTSON PA'I DON DU BZHED PA'I LUGS GNYIS MAN SNYER BKOD DO, ,RGYU RDO RJE 'DZIN PA'I LHA YAB YUM YOD PA'I PHYOGS LA, NAM MKHA' NAS BAR SRID MTSON PA'I YI GE'I 'JUG TSUL NI, MAN SNYE LAS, DE NYID KYI PHYIR 'DI LA DGONGS NAS LHA 'GA' ZHIG LA GSAR GYI SGO
, ,NAS DRI ZA'I SEMS CAN 'JUG PA DANG, 'GA' ZHIG LA KHA NAS DANG, 'GA' ZHIG LA RNAM PA GZHAN DU'O, ,ZHES BCOM LDAN 'DAS KYIS RGYUD SDE RNAMS SU RTOG PAR MDZAD DO, ,ZHES GSUNGS TE, GSER GYI SGO NI SPYI GTZUG STE RNAM GZHAG RIM PA LAS RNAM SNANG GI SGO NAS BAR SRID 'JUG PAR BSHAD PA DANG DON GCIG GO, RNAM PA GZHAN DU'O ZHES PA NI MNGON PA NAS MNGAL SGO NAS 'JUG PAR BSHAD PA YIN TE, 'JUG PA'I SGO GSUM MO, ,DE DAG NAS 'JUG PA'I RGYU YANG MCHU'I SBRANG RTZI 'JIB PAR 'DOD NAS KHA DANG, SKRA NAS 'DZIN PA SOGS BYED 'DOD NAS RNAM SNANG GI SGO NAS DANG DE YANG SKYES PA LA CHAGS NAS BYED NA PHA'I DANG, BUD MED LA CHAGS NAS BYAD NA MA'I SGO DE DAG TU 'JUG PA DANG, KHA CIG NI MA'I KHO NAR 'DOD PA'I LUGS GNYIS DANG, MTHAR SKYE GNAS NAS 'JUG PA 'DRA BAR MAN SNYE LAS GSUNGS SO, ,RGYUD RDOR 'PHRENG DANG PHYAG CHEN THIG LE LAS PHA'I KHA NAS 'JUG PAR BSHAD CING, SDOM 'BYUNG GI DGONGS PA YANG DE LTAR BKRAL LO, ,BAR SRID 'JUG LUGS SNA TSOGS SHIG YOD PAS GZHUNG RNAMS SU SKYED CHOG DU MA ZHIG GSUNGS SO, ,BAR SRID MTSON PA'I YI GE 'JUG PA NA, YI GE DE LA NGA'O SNYAM PA'I NGA RGYAL BSKYED LA, DES RGYU RDOR 'DZIN YAB YUM SNYOMS PAR ZHUGS NAS BDE BA CHEN PO NYAMS SU BSTAR BA MTHONG BA'I TSUL DU BYA, DE NAS NGAS KYANG KUN TU BZANG PO THOB PAR BYA BA'I PHYIR, YUM GYI PADMAR 'JUG PAR BYA'O SNYAM PA'I SEMS BRTAN POR BYAS NAS 'JUG PAR, DPAL 'BRAS RDO RJES BSHAD PA NI, BAR DO'I DOD KYIS SANGS RGYAS YAB YUM SBYOR
BA'I YUM GYI MNGAL DU SKYE BA 'DZIN PA'I 'PHEN PA GTONG LUGS YIN, DE 'DRA'I BSAM PA GCIG SKYED PA NI SKYED CHOG SNGA MA LA YANG DGOS PAS, ZLA BA DKAR DMAR SOGS MTHONG BA NA, NGAS SANGS RGYAS YAB YUM GYI BYANG SEMS DKAR DMAR GYI NGO BOR GYUR BA'I DBUS SU SKYE BA BLANGS LA SEMS CAN GYI DON BYA'O SNYAM DU PHEN PA BTANG NGO, ,DE LA SKYED CHOG SNGA MA LTAR NA DANG POR STONG NYID BSGOMS PA'I NGANG NAS, N'A DAR LANGS PA NAS BZUNG STE ZLA BA SOGS KYI DBUS SU N'A DA ZHUGS PA'I THOG MA'I MTSAMS YAN CHAD BAR SRID KYI SKABS DANG SBYAR DGOS SHING, SKYED CHOG PHYI MA LTAR NA, GANG NAS BRTZAMS PA SNGAR DANG 'DRA, ,YAB LA SOGS PA'I ZHAL LA SOGS PAR ZHUGS PA NAS BZUNG STE, YUM GYI MNGAL DU YI GE RNAMS MA ZHU TSUN CHOD BAR DO'I SKABS DANG SBYAR LA, YI GE ZHU BA'I RJES SU YAB YUM ZHU BA BYA STE, SH'ANTI PAS, HO: GNYIS KYI NI BAR GNAS PA'I, ,'BAR BA'I SA BON GNYIS PO NI, ,DGA' LDAN DE YI ZHAL NAS ZHUGS, ,PADMA DE YI MTHA' RU ZHU, ,DE NAS RDO RJE 'CHANG CHEN NI, ,RIG MA DANG NI LHAN CIG ZHU, ,ZHES GSUNGS PA LTAR RO, ,ZLA BA'I DBUS SU N'A DA BABS PA LAS YI GE H'Um RIM GYIS RDZOGS PAR BYA BAR 'GREL PA GSUM NAS BSHAD PA'I RIM PA NI, N'A DA LAS THIG LE, DE LAS ZLA PHYED, DE LAS MGO BO, ,DE LAS HA'I LUS, DE LAS A'U GRUB PA'I TSUL GYIS RDZOGS PAR BYED PAR RGYAL BA BZANG POS BSHAD PA LTAR BYA DGOS TE, H'Um YIG GI BSDUD RIM GYIS KYANG SHES SO, ,H'Um GI KHA DOG NI TSOGS GSOG DANG, GTOR MA'I SKABS SU DNGUL CHU'I KHA DOG LTA BUR BSHAD,
, ,DKYIL 'KHOR SDUD PA'I SKABS SU SIN DHU RAS BYUGS PA'I MU TIG LTA BUR BSHAD, BZLAS PA'I SKABS SU LTE BA'I H'Um YIG DKAR DMAR DU BSHAD PA'I PHYI MA GNYIS 'DIR SKABS SU BABS PAS DKAR LA DMAR BA'I MDANGS CAN DU BYA'O, , N'A DA ZLA BA LA BABS PA'I DUS GNYIS PA NAS MNGON BYANG BZHI PA'I BAR NI BAR DO KHU KHRAG GI DBUS SU TSE'I DUS BYAS NAS SKYE SRID DU NYING MTSAMS SBYAR TE, MNGAL NA GNAS PA'I BAR DANG SBYAR DGOS SO, ,SKYED CHOG PHYI MA LA NI YUM GYI MNGAL DU YI GE ZHU BA NAS BZUNG STE, 'BRAS BU'I HE RU KA MA RDZOGS TSUN CHOD MNGAL GYI SKABS DANG, HE RU KA RDZOGS PA NAS PHYI ROL DU BTZAS PA'I SKABS DANG SBYOR BAR BSHAD DO, ,MAN SNYER H'Um YIG LAS RDO RJE RTZE LNGA PA BYAS NAS, DE'I PHYOGS GCIG GI RTZE MO LNGA NI, RKANG LAG BZHI DANG, MGRIN PA NAS MGO'I BAR LNGA DANG, PHYOGS GCIG GI RTZE LNGA NI RKANG LAG LA SOR MO LNGA LNGA DANG, MGO BO LA DBANG PO LNGA YOD PA LA BSHAD DE, LNGA TSAN GCIG TU BSDUS PA'O, ,'DIR NI LVA BA PA DANG PRADZNY'A RAKshI TRAS PHYAG 'TSAN LA MI LTOS PAR SKYED PAR BSHAD PAS PHYAG MTSAN MED DO, ,MNGON BRJOD LAS KYANG SGONG SKYES LA PHYAG MTSAN MED PAR BSHAD LA, SA BON YANG MED PAR BSHAD PA NI, PHYAG MTSAN SKYED PA DANG DE LA MTSAN PA'I SA BON LA DGONGS TE, SGONG SKYES THAMS CAD LA MIN NO, ,H'Um YIG GI A'U LA SOGS PA LNGA SNGAR RIGS LNGAR BSHAD ZIN LA, SDOM 'BYUNG LAS, MI BSKYOD GZUGS KYIS NUR NUR PO, ,MER MER PO NI RIN CHEN 'BYUNG, ,DPAG MED MGON YANG LTAR LTAR PO, ,DON YOD GRUB PA GOR GOR PO, ,'KHRANG 'GYUR RNAM PAR SNANG
MDZAD DE, ,RNAM PA LNGAR NI BSTAN PA YIN, ,DRI CHU KHRAG NI MI BSKYOD PA, ,KHU BA'I GZUGS CAN 'OD DPAG MED, ,GONG BU TZAM NI RIN CHEN 'BYUNG, ,'DRES PA RNAM PAR SNANG MDZAD GNAS, ,ZHES GSUNGS TE PHYI MA LA MI BSKYOD PA LA GNYIS SBYAR NAS DON GRUB DANG MA SBYAR RO, ,N'A DA MA GTOGS PA'I H'Um YIG GI CHA SHAS LNGA GNAS SKABS LNGA DANG SBYAR TE MNGAL NA GNAS PA'I LUS SO, ,DON 'DI RNAMS KLU BYANG GIS BSHAD PA LTAR NA, MER MER PO DANG, LTAR LTAR PO DANG, GOR GOR PO DANG, 'KHRANG 'GYUR DANG, RKANG LAG 'GYUS PA'I GNAS SKABS LNGAR BYAS NAS, DE LA KHU BA LAS GYUR PA DANG, KHRAG LAS GYUR PA'I GNAS SKABS LNGA LNGAR BYAS NAS, SNGA MA LNGAR MI BSKYOD PA, RIN 'BYUNG, 'OD DPAG MED, DON GRUB, RNAM SNANG LNGA DANG, PHYI MA LNGA LA ZHU BA MI BSKYOD PA, DMAR PO 'OD DPAG MED, GONG BU RIN 'BYUNG, 'KHRANG 'GYUR DON GRUB, 'DRES PA RNAM SNANG DU BSHAD PA'I DANG PO GSUM MER MER PO SOGS GSUM DANG, LNGA PA RKANG LAG 'GYUS PA'I SKABS SU MNGON NO, ,RTENG NAS KYANG N'A DA GNAS PA NI BAR DO'I MTSON BYED MIN GYIS MNGAL NA GNAS PA'I SEMS MTSON PAR BYA'O, ,DE 'DRA BA'I H'Um YIG RDZOGS PA NI SO SOR RTOG PA'I YE SHES SU MOS PAR BYA'O, ,H'Um YIG DE LA RDO RJE SEMS DPA'I NGO BO ZHES PA NI, RGYU RDO RJE 'DZIN PA'I RANG BZHIN CAN NO, ,KHA DOG SNA LNGA PA'I 'OD ZER SNA TSOGS 'PHRO BA'I RTZE MO LAS, 'KHOR LO LNGA'I LHA TSOGS RNAMS 'THON TE, 'GRO BA RNAMS ,DE'I GO 'PHANG LA BKOD NAS, SDUD PA'I TSE SNGON THOG MA MED PA NAS GRUB PA'I DPA' BO DANG, RNAL 'BYOR MA LA SOGS PA PHYOGS BCU'I ZHING KHAMS NA BZHUGS PA RNAMS SPYAN DRANGS PA DANG, LHAN
, ,CIG MNYAM PAR SBYOR BA SNGON DU 'GRO BAS, ZHU BAR GYUR TE, H'Um YIG GI N'A DA LA THIM PAR BSAMS LA, DE'I TSE MCHOG TU DGA' BA LHAN SKYES KYI BDE BA'I RANG BZHIN CAN, SA BON H'Um YIG DE YID LA MNGON DU BYAS NAS RNAM PAR BSAM PAR BYA BA NI, BYA BA SGRUB PA'I YE SHES SO, ,BYANG SEMS ZHU BA'I NGO BOR GNAS BA DES NA H'Um YIG ,RGYU RDO RJE 'CHANG GI RANG BZHIN NYID DO, ,BCOM LDAN 'DAS NI BYANG SEMS ZHU BA LAS BYUNG BA'I LHAN CIG SKYES DGA' YONGS SU RDZOGS PA YIN PA'I PHYIR 'BRAS BU RDO RJE 'DZIN PA'I RANG BZHIN YIN TE, YE SHES DE GNYIS NI RJES SU RNAL 'BYOR RO, ,RJES SU'I DON NI DUS KYI RIM PA TZAM MIN GYI, DE DE'I RJES SU BYED CES PA LTAR 'DRA BA'I DON DU DGRA NAG GI 'GREL PA RIN CHEN SGRON MA LAS BSHAD LA, DER 'DRA LUGS GZHAN YOD KYANG, 'DIR NI RNAL 'BYOR DU BSHAD PA'I ZLA BA DKAR DMAR BDE BA CHEN PO'I RGYUR GNAS PA BZHIN DU, 'DIR YANG DKAR DMAR CAN GYI H'Um YIG KYANG, BYANG CHUB KYI SEMS ZHU BA'I BDAG NYID DU GNAS PAS, BDE CHEN GYI RGYUD GNAS PA RJES SU MTHUN PA'O, ,'DIR SNGAGS GSUM BRJOD PA NI BSHAD PA'I RIM PA LA 'GREL PA RNAMS NAS SKU RDZOGS PA'I SKABS SU BRJOD PAR BSHAD KYANG, SKABS 'DIR NI DKYIL 'KHOR SKAD CIG GIS SKYED PA'I SNGAGS SU BYA DGOS PAS, MTSAMS 'DIR BRJOD PAR BYA STE, DE'I DON YANG 'OG TU 'CHAD PAR 'GYUR RO, ,GSUM PA LA DRUG ,RTEN DANG BRTEN PA RDZOGS TSUL MDOR BSTAN DANG, GSAL GDAB PA RGYAS PAR BSHAD PA DANG, PHYOGS MTHUN GYI DAG PA DANG LUS DKYIL SGOM PA DANG, GO BGO ZHING YI SHES PA
BCUG NAS DBANG BSKUR BA DANG, LHA RNAMS LA MTSAD CING BSTOD PA DANG, LHA'I 'KHOR LO SGOm ZHING DAG PA DRAN PA'O, ,DANG PO NI, ZLA BA DBYANGS GSAL DANG BCAS PA DANG SA BON DE DAG YONGS SU GYUR PA LAS, DPAL HE RU KA RDO RJE, NYI MA'I GDAN LA YANG DAG PAR BZHUGS PA'I GTZO BO RTEN DANG BRTEN PA'I DKYIL 'KHOR GYI 'KHOR LA DANG BCAS PA DUS GCIG TU YONGS SU GRUB PA NI, CHOS KYI DBYINGS KYI YE SHES TE, DUR KHROD CHEN PO BRGYAD KYIS BRGYAN PA'O, ,SKABS 'DIR SDOM 'BYUNG LAS, NYI MA'I DKYIL 'KHOR DBUS BZHUGS PA, ,DPAL HE RU KA RNAM BSGOM BYA, ,ZHES GSUNGS PA LTAR 'DIR YANG BSHAD PA'I NYI MA'I GDAN CAN NI, KHRO BO YIN PA'I PHYIR TE, KHRO BO RNAMS NI NYI MA'I GDAN CAN DANG NYI MA'I 'OD ZER CAN GYI PHYIR RO, ,DKYIL 'KHOR GNYIS DUS GCIG TU RDZOGS PA NI SANGS RGYAS PA NI DE'I YON TAN GYI CHOS THAMS CAD DUS GCIG TU RDZOGS PA LTAR TE, GZHI LA 'JIG RTEN CHAGS PA'I TSE DA LTAR MI 'ONG YANG 'BRAS BU LA 'ONG BAS, 'BRAS BU LAM BYED KYI TSUL GYIS SO,, DUR KHRAD BRGYAD NI, 'JIG RTEN GYI KHAMS THAMS CAD 'DUS PA'I RNAM SHES BRGYAD BDAG MED PAR MTSON PAR LVA BA PAS BSHAD LA, JO BO CHEN POS MI RTAG PA DANG SDUG BSNGAL BAS YID 'BYUNG BA SKYED PA'I DON DU BZHED DO, ,RNAM SHES BRGYAD CES 'BYUNG BA LA YANG TSOGS DRUG LAS NGO BO THA DANG CING GNYIS PO YANG NGO BO THA DAD DU 'DOD PA DANG, YID KYI RNAM SHES NYID LA LDOG PA'I DBANG GIS KUN GZHI DANG NYON YID DU BSHAD PA GNYIS SNANG BAS JI LTAR YIN DPYAD DO, ,GNYIS PA LA
, ,GNYIS, RTEN GSAL GDAB PA DANG, BRTEN PA LHA GSAL GDAB PA'O, ,DANG PO LA GNYIS, DUR KHROD BSHAD PA DANG, DE'I LHAG MA BSHAD PA'O, ,DANG PO LA GNYIS, DUR KHROD DNGOS BSHAD PA DANG, DE NA GNAS PA'I SHING LA SOGS PA BSHAD PA'O, ,DANG PO NI, DUR KHROD LA NI SHVA SA TI ZHES 'BYUNG BA'I SHVA NI RO DANG, BA SA TI NI GNAS TE RO'I GNAS DANG, YANG SHMA SH'A NA ZHES PA DUR KHROD DE, SHA BA NAm BA SA NA ZHES PA LA, SHA BA'I 'OG GI BA MAR BYAS TE SHA LA BTAGS NA SHMA DANG, BA PHYI MA AR BSGYUR TE SA LA BTAGS PAS S'A RING POR BYAS PAS SHA BA SOGS SHMA S'A NAR 'GYUR BAR MU TIG PHRENG BA LAS BSHAD DE, RO GNAS PAR BYED PA'O, ,ROS GNAS PA'I BYA BA BYED TSUL NI, RO MGO MED KYIS 'CHAGS PA DANG, 'GAGS TE DPYANGS PAS LANGS PA DANG, 'GYEL BAS NI NYAL BA DANG, GSAL SHING LA BSKYON PAS NI BDUG PA'I BYA BA BYED DO, ,DES NA DUR GYI GNAS LA DUR KHROD CES BYA'O, ,DUR KHROD DER HE RU KA ROL PAR GSUNGS PA'I DGONGS PA NI MAN SNYE LAS, JI LTAR DUR KHROD NA RO RNAMS BDAG MED PA DE LTAR THAMS CAD LA'O ZHES PAS BDAG MED PAR SEMS CAN THAMS CAD GNAS PA NI DUR KHROD DE, SEMS CAN RNAMS SEMS CAN GYI RANG BZHIN GYIS STONG PA DANG, SEMS CAN GYI GNAS RNAMS KYANG SEMS CAN GYI GNAS KYI RANG BZHIN GYIS STONG PA'O ZHES DUR KHROD KYI DON TO, ,DES NA GNAS DE KHO NAR DMIGS PA MED PA'I SNYING RJE CHEN PO DANG, SHES RAB CHEN PO'I BDAG NYID BYANG CHUB KYI SEMS CHEN PO PHYAG RGYA CHEN PO'I RANG BZHIN BCOM LDAN 'DAS ROL PAR RIGS SO, ,ZHES
BSHAD DE, SNOD BCUD RANG BZHIN GYIS GRUB PAS STONG PA'I BDAG MED LA SNYING RJE LHAN CIG SKYES PA'I BDE CHEN ROL PA MTSON PA'I DON DU BSHAD PA LEGS SHING, RO GDAN BSHAD PA'I NGES DON YANG DE LTAR YIN PAS, LAM 'DIR BDAG MED PA'I DE KHO NA NYID GTAN LA PHABS NAS SGOM PA CIG NGES PAR DGOS SO, ,DKYIL 'KHOR GYI PHYIR DUR KHROD CI TZAM NA GNAS PA NI, SDOM 'BYUNG 'GYUR RNYING LAS, RDO RJE RA BA'I NANG DU NI, ,DUR KHROD BRGYAD KYIS BRGYAN PA'O, ,ZHES PA NI, RGYUD DER, THIG GI MTSAN MA DRUG CU BZHI, ,KUN TU 'KHOR LO'I MTHAR THUG PAR, ,ZHES CHA PHRAN DRUG CU RTZA BZHI PAS RDO RJE'I RA BA LA THUG PAR BSHAD PA'I PHYIR, 'GYUR NYES PA YIN PAS, 'GREL PA DANG BSTUN NAS 'GYUR GSAR LAS, RDO RJE RA BA NANG DU STE, ,DUR KHROD BRGYAD KYIS BRGYAN PA'O, ,ZHES BSGYUR BA LEGS GSUNG BA NI DE KHO NA LTAR YIN LA, 'GREL PAS ME RI'I YANG PHYI ROL DU BYAS SO, ,RDO RJE MKHA' 'GROR, TSON GYI SA YI NYIS 'GYUR DU, PHYI ROL 'OD KYI DKYIL 'KHOR BYA, ,'KHOR LO DE YI PHYI ROL DU,, SHING LA SOGS PA'I DUR KHROD BYA, ,ZHES GSUNGS SHING, RDO RJE PHRENG BAR DRANGS PA LAS, ,'KHOR SA DE YI PHYI ROL DU, ,SHING SOGS DUR KHROD BRGYAD PA'O, ,ZHES CHAG 'GYUR LAS 'BYUNG LA, DPANG 'GYUR LAS, KHOR YUG DE YI PHYI ROL DU, ,KHOR YUG DE YI DBUS SU NI, ,SHING SOGS DUR KHROD BRGYAD PA'O, ,ZHES 'BYUNG BAS DUR KHROD NI ME RI'I PHYI ROL DU BSHAD DO, ,MAN SNYE LAS NI, RDO RJE GUR GYI NANG DU DUR KHROD KYIS YONGS SU BSKOR BA'I CHOS 'BYUNG DANG, CHU SKYES DANG, SNA TSOGS RDO RJE LA
, ,GNAS PA'I KHANG PA BRTZEGS PA, ZHES RDO RJE RA BA'I NANG DU DUR KHROD 'ONG BA YANG BSHAD DE, SH'ANTI PAS KYANG, RDO RJE RA BA'I NANG DU DUR KHROD 'OD BA BSHAD DO, ,RDO RJE GUR ZHES PA NI BSRUNG 'KHOR THUN MONG BA'I SPYI MING DU AA BHY'A KA RA BZHED DO, ,DUR KHROD BRGYAD DNGOS NI SDOM 'BYUNG LAS, GTUM DRAG DE BZHIN TSANG TSING DANG, ,RDO RJE 'BAR BA KENG RUS CAN, ,DBANG LDAN DU NI MI BZAD BZHAD, ,BYIN ZA RU NI BKRA SHIS MCHOG ,MUN PA DRAG PO BDEN BRAL DU, ,RLUNG PHYOGS KI LI KI LI'I SGRA,, ZHES GSUNGS PA BRGYAD DE, ,GNYIS PA LA TSANG TSING 'KHRIGS PA DANG, LNGA PA LA DRAG TU RGOD PA DANG, HA HA RGOD PA DANG, DRUG PA LA BKRA SHIS TSAL ZHES KYANG 'BYUNG LA, 'DI RNAMS LA MING MI 'DRA BA MANG NGO, ,DE RO DANG KENG RUS SOGS KYI GNAS SU YOD TSUL NI, SDOM 'BYUNG LAS, KENG RUS DANG NI MDUNG GI PHUG ,'PHYAD DANG PHYED TSIG PA DANG MGO ,THOD PA BYIN PA MGO DUM DANG, ,GTZIGS PA'I MGO DANG RUS PA DANG, ,ZHES MGO BO'I THOD RUS DANG, BYIN PA'I RUS PA DANG, DE LAS GZHAN PA'I RUS PA 'THOR BA DANG, MA 'THOR BA'I KENG RUS DANG, MDUNG GIS PHUG PA'I RO LA SOGS PA GCAL DU BKRAM PA'O, ,DE 'DRA BA'I GNAS BRGYAD NI DUR KHROD DNGOS YIN LA, LHAG MA SHING DANG PHYOGS SKYONG SOGS NI DE NA GNAS PA YIN GYI DUR KHROD DNGOS MIN NO, ,GNYIS PA NI, DE 'DRA BA'I DUR KHROD BRGYAD PO RE RE NA, SHING DANG PHYOGS SKYONG DANG, KLU DANG, SPRIN GYI BDAG PO BRGYAD BRGYAD KYI RE RE STE BZHI BZHI GNAS PAR, SDOM 'BYUNG LAS GSUNGS SO, ,LVA BA PA DANG PRADZNY'A RAKshI TA'I 'GREL PA NAS 'DI RNAMS KYI BSHAD PA MA BYUNG LA, DE
BZHIN GSHEGS PA'I RDO RJE'I 'GREL PAR SNGAR BSHAD PA'I STENG DU, RANG RANG PHYOGS BDAG GZHON PA'I GDONG, ,ZHES SOGS KYIS ZHING SKYONG BRGYAD DANG, MCHOD RTEN DKAR PO RI LA GNAS, ,GRUB CHEN BRGYAD KYIS BRGYAN PA'O, ,ZHES MCHOD RTEN DANG, RI DANG, GRUB CHEN BRGYAD BSHAD DE, SDOM 'BYUNG LAS KYANG GRANGS MA SMOS PAR GRUB CHEN RNAMS GNAS PAR GSUNGS SO, ,SAm BHU tAR, SHING BRGYAD DANG, DE LA GNAS PA'I PHYOGS SKYOD BRGYAD BSHAD PA'I MAN SNYER, ZHING SKYONG DANG, KLU DANG SPRIN BRGYAD DANG MCHOD RTEN BRGYAD KHA BKANG NAS BSHAD LA, BRAM ZE RIN CHEN RDO RJES, YE SHES KYI ME BRGYAD DANG, THUGS RJE'I CHU BRGYAD BSHAD CING, BSTONG PA GTZUG NOR LAS KYANG, DE GNYIS DANG MCHOD RTEN DANG, GRUB CHEN BRGYAD DANG, PHRA MEN MA BRGYAD BSHAD DO, ,SHING BRGYAD NI SDOM 'BYUNG LAS, SHAR DU SHIR shA AA SHRA SHING, ,KANG KEL KHYAD PAR TZU TA'I SHING, ,PA t'A DE BZHIN KA RANYDZA, ,PA tA PA RKA PAR THI BA, ZHES SO, ,KANG KEL CHU SHING DANG, TZU TA AA MRAR KHA CIG TU BSGYUR LA, PA t'A LA NI N+YA GRE DANG, PAR THI DA LA NI AARDZU NA ZHES KYANG 'BYUNG STE, 'DI RNAMS LA GZHUNG SO SO NAS MING SNA TSOGS SHIG SNANG NGO, ,SHING GI RTZA BA'I PHYOGS SKYONG BRGYAD NI, ,DBANG PO SER PO RAB BRTAN DKAR PO DANG, NOR SBYIN SER PO MI DANG, CHU LHA DKAR PO GDENGS KA 'DUN LDAN CHU SRIN DANG, GSHIN RJE SNGON PO MA HE DANG, DBANG PHYUG CHEN PO DKAR PO GLANG DANG, ME LHA DMAR PO RA SKYES DANG, ,SRIN PO SNGON PO GCER BU MI MGO'I PHRENG BA'I COD PAN CAN RO LANGS DANG, RLUNG LHA DUD KHA SHA BA LA ZHEN PA, ZHAL GCIG PA,
, ,PHYAG BZHI'I DANG PO GNYIS KYIS THAL MO SBYAR BA, LHAG MA GYAS RNAMS NA RDO RJE DANG, NE'U LE RIN PO CHE SKYUG PA DANG, SBRUL ZHAGS DANG, DBYUG PA DANG, RTZE GSUM DANG, PHRENG BA SPYI BLUGS DANG BCAS PA DANG, RAL GRI DANG, BA DAN SER PO DANG, GYON RNAMS NA THOD PA 'DZIN PAS YUM LA 'KHYUD PAR 'GREL PA SDOM 'BYUNG LAS BSHAD DO, ,THAMS CAD KYANG RIN PO CHE'I RGYAN CAN DANG, GYON GYIS YUM ZHAL ZAS STOB PA LA 'KHYUD CES KHA CIG GIS SO, ,SHING GI YAL GA'I GSEB NAS LUS PHYED 'THON PA'I ZHING SKYOD BRGYAD NI, RANG PHYOGS KYI PHYOGS SKYONG GI BZHON PA'I GDONG CAN DU MAN SNYE DANG, 'GREL PA SDOM 'BYUNG LAS BSHAD PA LTA BU RIM PA BZHIN, DKAR SER DKAR NAG ,DKAR DMAR NAG LJANG BA THAMS CAD KYANG DRAG CING GTUM PA RDZU 'PHRUL CHEN PO PA'O, ,PHYAG GNYIS NI MAN SNYE LAS, LUS STOD PHYED MTHONG PHYAG RNAMS KYIS, ,THOD PA 'DZIN PAR BYAD PA STE, ,GZHAN GYIS BYIN PA'I GTOR MA LA, ,GYAS PAS 'DZIN PA'I TSUL GYIS BREL, ,ZHES BSHAD CING, KHA CIG GRI THOD CAN DU BZHED DO, ,RGYA GZHUNG GI SGRUB THABS KHA CIG TU, 'DIR BSHAD PA LAS GZHAN PA'I GDONG CAN DU'ANG BSHAD DO, ,CHU BRGYAD LA GNAS PA'I NOR RGYAS, 'JOG PO, KARKO tA, PADMA DANG, PADMA CHEN PO, MTHA' YAS, RIGS LDAN, DUD SKYED STE KLU BRGYAD NI RIM PA BZHIN DU, DKAR, DMAR, SNGON PO, DKAR PO, DKAR PO, ,RMA BYA'I MGRIN PA BZHIN DU SNA TSOGS PA, DKAR PO, SER PO'I MDOG CAN, RIM PA BZHIN GDENGS KA LA AUTPAL SNGON PO DANG, DPAL BE'US MTSAN PA DANG, MGRIN PAR RI MO
GSUM PA DANG, DBU LA THIG LE MANG PO DANG, GDENGS KA LA RTZE GSUM GYIS MTSAN PA DANG, MGO LA PADMA DANG, GDANGS KA LA ZLA PHYED KYIS MTSAN PA DANG, THIG LES MTSAN PA'O, ,THAMS CAD KYANG STOD MI 'DRA BA, PHYAG GNYIS KYIS THAL MO SBYAR NAS GTZO BO LA 'DUD PAR 'GRAL PA SDOM 'BYUNG LAS BSHAD DE, SMAD THAMS CAD SBRUL MJUG TU 'KHYIL BA'O, ,DE DAG GI STENG GI NAM MKHA' LA NI SPRIN BRGYAD DE, SGROGS PA, CHER SGROGS PA, DRAG PO GYO BA DANG, BRTAN PA, GANG BA, 'BEBS PA, GTUM MO STE, GLOG PHRENG 'KHYUG CING 'BRUG SGRA SGROGS PA, 'GA' ZHIG CHAR GYI RGYUN CAN DANG, KHA DOG SNA TSOGS PAR MAN SNYER BSHAD DO, ,KHA CIG GIS STOD SBRUL MGO GCIG PA'I RNAM PA, SMAD SPRIN DU 'KHRIGS PA, KHA DOG KLU DANG 'DRA BAR 'CHAD DO, ,RI BRGYAD NI RIN PO CHE'I RANG BZHIN GYI LHUN PO, ,MANDA RA LJANG GU ,KE LA SHA DKAR PO, MA LA YA SER PO DANG, DBANG CHEN NAG PO SPOS DANG LDANG SER PO, ,GANGS CAN DKAR PO, DPAL GYI RI SNGON PO, ZHES KHA CIG 'CHAD LA, RI LA GNAS PA'I MCHOD RTEN BRGYAD KA DKAR POR 'GREL PA SDOM 'BYUNG LAS BSHAD CING, KHA CIG RDO RJE DKAR PO DKAR PO, ,RDO RJE 'DUS BYAS SER PO, RDO RJE CHAGS PA DKAR PO, RDO RJE NAG PO NAG PO, ,THUGS RDO RJE DKAR PO, SKU RDO RJE DMAR PO, RIN CHEN RDO RJE NAG PO, CHOS RDO RJE LJANG GU'O ZHES ZER RO, ,SNGAR BSHAD PA RNAMS KYI SNGA MA BZHI BZHI NI PHYOGS SU STE, SHAR NAS GYON SKOR DANG, LHAG MA BZHI BZHI NI MTSAMS SU STE, DBANG LDAN NAS GYAS SKOR DU BYA'O, ,RI BRGYAD LA GNAS PA'I GRUB CHEN BRGYAD NI, RTOG BDUN LAS, SGRUB PA PO RNAMS KYANG BRI, BCOM LDAN 'DAS LA RTZE GCIG
, ,TU LTA BA, GCER BU SKRA BSHIG PA, PHYAG RGYA LNGAS BRGYAN PA, CANG TE'U DANG, THOD PA DANG KHA t'Am GA 'DZIN PA, THOD PAS SPYI BOR BRGYAN PA, RGOD CING DUR KHROD DER 'JUG PA BRI'O, ,ZHES GSUNGS PA LTAR BYAS NA LEGS SAM SNYAM STE DPYAD DO, GZHAN YANG ME BRGYAD DANG, SDOM 'BYUNG LAS, KHVA DANG 'UG PA BYA RGOD DANG, ,CE SBYANG CE SPBANG MO DANG NI, ,'OL BA DANG NI 'OL BA MO, ,SENG GE GDONG DANG STAG GI GDONG, ,DRAG CING 'JIGS PA'I GDONG CAN MA, ,SBRUL NI BA LANG MGO CAN DANG, ,GDONG GNYIS LA SOGS PHYOGS SU RGYU, ,ZHES DANG, RIG 'DZIN GRUB PA DU MA DANG, ,DAM TSIG SPYOD PA'I RNAL 'BYOR PA, ,RNAL 'BYOR MA YI TSOGS RNAMS DANG, ,GNOD SBYIN RO LANGS SRIN PO'I TSOGS RNAMS KYIS, ,KI LI KI LA CHEN PO SGROGS RNAMS DANG, ZHES DE RNAMS DUR KHROD KYI DBUS SU BSGOM PAR GSUNGS PA LTAR BYA'O, ,GNYIS PA LA GNYIS, 'OD 'PHRENG NAS RTA BABS KYI BAR BSHAD PA DANG, GZHAL YAS KHANG DNGOS GDAN DANG BCAS PA BSHAD PA'O, ,DANG PO LA GNYIS, 'OD PHRENG NAS SNA TSOGS RDO RJE'I BAR BSHAD PA DANG, RTA BABS KYI DON BSHAD PA'O, ,DANG PO NI, 'OD ZER GYI PHRENG BA NI ME KHA DOG SNA LNGA PA PHYI ROL GYI PHYOGS MTSAMS KUN TU 'BAR BA, GDUG PA CAN RNAMS KYIS LTA BAR MI BZOD PA DANG, DE'I NANG GI RDO RJE'I RA BA NI BSHAD ZIN LA, 'KHOR LO DANG PADMA'I RI BA GNYIS NI DANG PO YOD KYANG, DE RNAMS 'OD GSAL DU BSDUS TE GZHAL YAS KHANG GRUB PA'I DUS SU, SLAR YANG RDO RJE'I RA BA GRUB PAR BSHAD KYI GZHAN GNYIS MA BYUNG BAS MED KYANG CHOG GO ,NAG
PO SPYOD PAS, 'OD KYI DKYIL 'KHOR NANG DU NI, ,RIM GNYIS THIG NI GDAB PAR BYA, ,ZHES BRI BA'I DKYIL 'KHOR LA RA BA GZHAN GNYIS BSHAD LA, RGYAL BA BZANG POS L'U AI PA LTAR SKYED PA LA YANG, BSRUNG BA'I DON DU PHYI ROL DU, ,RA BA GSUM GYIS BSKOR BA STE, ,RDO RJE PADMA 'KHOR LO NI, ,RA BA ZHES NI GRAGS PA'O, ,ZHES KYANG 'BYUNG BA LTAR RA BA GZHAN GNYIS BYED NA'ANG 'GAL BA MED DO, ,DA'I PAD RA NI 'OG NAS STENG GI BAR DU GNAS PA YIN LA, SNA TSOGS RDO RJE'I RVA'I RTZE MOR THIG LA 'CHAR BA'I PAD RA ZHES PA NI, ,SNA TSOGS RDO RJE'I RTEN GYI PAD MA 'PHRED LA GNAS PA TZAM YIN PAS MI GCIG GO ,PADMA DE'I LTE BA'I KHA DOG NI LJANG KHU DANG, DE'I MTHA' DANG 'DAB MA'I BAR GYI GE SAR NI SER PO DANG, 'DAB MA RNAMS NI KHA DOG SNA TSOGS PAR PHRENG BAR BSHAD LA, PADMA DE GNAS PA'I GZHI NI, 'DIR NI RI RAB KYI STENG GI GZHI YIN LA, CHOS 'BYUNG YOD PA LA NI DE DE'I GZHI DANG, KHA DOG KYANG DMAR SKYAR DE NYID LAS BSHAD DO, ,PADMA DE'I LTE BA'I MTHA' NAS MTHA'I BAR DU, PHYOGS GCIG GI SNA TSOGS RDO RJE'I RVA RTZE NAS, ,PHYOGS GZHAN GYI RVA RTZES NON PA'I KHA DA CHAD DO, ,SNA TSOGS RDO RJE'I RVA'I GRANGS NI PHYOGS RER GSUM GSUM STE BCU GNYIS PA DANG, IPHYOGS RER LNGA LNGA STE NYI SHU PA'I TSUL GNYIS SO, ,KHA DOG NI RDOR PHRENG DU, DE'I LTE BA NI NAG PO'AM, YANG NA DKYIL 'KHOR DE'I GTZO BO'I KHA DOG TU BYA BAR BSHAD PA'I PHYI MA NI, RANG GI RIGS BDAG GI KHA DOG DANG GTZO BO'I MDOG GNYIS MTHUN NA, DES CHOG LA, GSANG 'DUS 'JAM RDOR LTA BU MI BSKYOD PA RIGS BDAG YIN KYANG, GTZO BO GUR KUM MDOG TU BSHAD PA LTA BU LA NI RIGS BDAG GI KHA DOG
, ,DBANG BTZAN PAR BYA'I, ,PHYOGS KYI RVA LA DBUS RVA NI RANG RANG GI DE BZHIN GSHEGS PA'I KHA DOG TU BYA BAR BSHAD DE, 'DI LA YANG PHYOGS SU RNAM SNANG SOGS KHA DOG GSAL BAR YOD NA DE BZHIN DU BYA, DE MED NA L'U AI PA'I BDE MCHOG LTA BU MI BSKYOD PA'I RIGS BDAG CAN YIN NA, PHYOGS MDOG DE BZHIN GSHEGS PA GZHAN GYI KHA DOG TU BYED PA'I TSUL LTAR BYA'O, ,GYAS GYON GYI RVA GNYIS NI DE'I GLO'I DE BZHIN GSHEGS PA'I MDOG TU BYA BAR RDOR PHRENG LAS GSUNGS TE, DKYIL 'KHOR 'DI LTA BU LA SHAR GYI RVA'I KHA NANG LTA'I GYAS LJANG KHU DANG, GYON SER PO YIN TE, DES GZHAN GSUM YANG SHES PAR BYA'O, ,RVA LNGA PA LA NI DBUS RVA DANG GYAS GYON GYI RVA GNYIS SNGAR DANG 'DRA LA, MDUN RGYAB KYI RVA GNYIS NI NUB KYI SA'I KHA DOG DMAR PO DANG, DBUS KYI MDOG TU BYA BA DANG, PHYOGS GCIG GI RVA GSUM MAM LNGA PO THAMS CAD RANG PHYOGS KYI DE BZHIN GSHEGS PA'I MDOG TU BYA BAR KHA CIG TU BSHAD CES PHRENG BAR BSHAD DE, GTZUG NOR LAS RA BCU GNYIS PA LA DE BZHIN DU BSHAD DO, ,RVA'I PHYOGS MDOG GTZO BO'I ZHAL MDOG GIS BYED PA'I PHYOGS KYANG YOD PAR BSHAD DO, ,RVA'I SRID KYI TSAD LA THIG SKUD KYI RING TSAD DKYIL 'KHOR GYI NYIS 'GYUR DU GSUNGS PA LA GNYIS LAS, RTZA THIG NAS RTZA THIG GI BAR LA DKYIL 'KHOR DU BYAS PA'I NYIS 'GYUR DU BYED PA LTAR NA, THIG SKUD CHA CHUNG RE BZHI PA'I PHYOGS RTA BABS DPANGS SU SGO TSAD GCIG MA'I LUGS YIN LA, DE LA NI CHA CHEN GNYIS YOD DO, ,MDA' YAB NAS MDA' YAB KYI BAR DKYIL 'KHOR 'KHOR DANG BCAS PA LA DKYIL 'KHOR
DU BYAS NAS, DE'I NYIS 'GYUR LA BYED NA NI, THIG SKUD CHA CHUNG GO DRUG PA'I PHYOGS RTA BABS DPANGS SU SGO TSAD GSUM MA'I LUGS YIN PAS, DE LA NI CHA CHEN BZHI YOD DO, ,RVA CHA CHUNG BCU BZHI PAR 'DOD PA NI, LUGS DE GNYIS KA DANG MI MTHUN PA'O ZHAS PHRENG BAR BKAG GO ,BDE MCHOG LA RGYUD GZHAN DU MI GSAL LA, SDOM 'BYUNG LAS SNGAR DRANGS PA LTAR ZLUM PO NANG MA'I MTHA' NAS MTHA' LA RE BZHIR BSHAD PA'I CHA RE NI, DE'I 'GREL PAR 'BYUNG BA LTAR CHA CHUNG YIN PAS, DBUS NAS RVA RTZE'I BAR LA CHA CHEN BRGYAD LAS MED PA'I PHYIR, RTA BABS DPANGS SU SGO TSAD GCIG MA'I LUGS TE, THIG SKUD THUNG BA'I PHYOGS SO, ,MKHA' 'GRO RGYA MTSOR, MUN PA'I SNAM BU DE BZHIN NO, ,ZHES MUN SNAM CHA CHUNG GCIG GCIG BSHAD PAS DER, SGO LAS SUM 'GYUR RTA BABS TE, ,ZHES BSHAD PA NI DPANGS LA BYA STE, SUM 'GYUR 'PHRED LA BRTZIS NA MUN SNAM MED PA'I PHYIR RO, ,ZHES MKHAS PA DAG GSUNG BA NI, RANG GIS GZHAN DU, MKHA' 'GRO RGYA MTSO LAS, MUN PA'I SNAM BU DE BZHIN NO, ,KA PA'I RTZE NAS 'THON RTZE MO, ,SNA TSOGS RDO RJE 'OD CHEN PO, ,ZHES GSUNGS PA'I RKANG PA PHYI MA GNYIS LA BRTEN NAS, RTA BABS DPANGS SU SGO TSAD GCIG MAR BSGRUBS PA DANG 'GAL LO, ,'O NA RDO RJE PHRENG BAR, RTA BABS DPANGS SU SGO TSAD GCIG MA LA, BRI BYA LA MUN SNAM MANG PAR BSHAD PA SNGA MA DANG 'GAL LO ZHE NA ,MI 'GAL TE, RTA BABS DPANGS SU SGO TSAD GCIG MA LA, MUN SNAM BYED PA NI LVA BA PAS MDZAD PA LTAR, SNAM BU 'OG MA'I MTHA' NAS MTHA' LA SGO TSAD BZHI YOD PA'I LUGS YIN LA, DE'I TSE
, ,SGO LAS SUM 'GYUR RTA BABS TE, ,ZHES GSUNGS PA NI KA BA'I NANG MTHA' NAS, NANG MTHA'I BAR LA, RTA BABS KYI RGYA TSAD DU BYAS PA LA, DGONGS PA'I PHYIR DANG, YANG LANG KAS, CHU SRIN KHA NAS CHU SRIN BAR, ,RTA BABS SGO LAS SUM 'GYUR TE, ,ZHES PA DANG, PHRENG BA NAS BSHAD PA NI, KA BA'I PHYI MTHA' NAS PHYI MTHA'I BAR LA, SGO'I SUM 'GYUR BYED PA'I LUGS YIN PA'I PHYIR DANG, DE YANG KHUNGS THUB KYI GZHUNG KHA YAR LAS BYUNG BAS, RGYUD KYI KHUNGS YOD PAR GSAL LO, ,LUGS DE LA RATNA RAKshI TAS, SGO LOGS KYI GYAS GYON DU MUN SNAM MED KYANG, SGO STENG DU RTZIG PA CHAD PA'I MUN SNAM CHA PHRAN GCIG 'CHAD MOD KYANG, MI LEGS TE, SLOB DPON DE NI PHRENG BA'I RJES 'BRANG DU 'DUG LA, PHRENG BA LAS, DE LA BAR SKABS KYI SNAm BU MED PA NYID DO, , ZHES SGO TSAD GCIG MA LA, SGO DANG RTA BABS KYI BAR GYI SNAM BU BRI BYA LA MED PAR BSHAD PA'I PHYIR DANG, SGO STENG DU BRI BYA LA MUN SNAM BYAS PA NI DE GNYIS KYI BAR GYI SNAM BU YIN PA'I PHYIR RO, ,DES NA LUGS 'DI LA SGO LOGS NANG MA'I THIG GNYIS LA, CHA CHUNG GSUM GSUM BYAS NAS SGO STENG DU RTZIG RGYUN MA CHAD PA BYED PA DGONGS PAR MTHONG NGO, ,SNA TSOGS RDO RJE'I LTE BA'I DBYIBS NI GRU BZHI PA YIN LA, SHAR NUB DANG LHO BYANG DANG PHYOGS RE'I TSAD NI, PHRENG BAR, SNA TSOGS RDO RJE'I LTE BA NI SGO'I TSAD BCU GNYIS SO, ,ZHES BSHAD PA LTAR YIN LA, DE LAS PHYOGS KYI RVA 'THON MTSAMS NI, DE'I SRID SGO TSAD BZHI MA LTAR NA, GYAS GYON DU SGO TSAD BZHI BZHI DOR BA'I MTSAMS NAS YIN TE, PHRENG BA LAS, RTA BABS KYI GLO RNAMS SU DAR
DBYANGS KYI SNAM BU'I STENG DU CHU SRIN GYI KHA LAS BYUNG BA'I SNA TSOGS RDO RJE'I RVA RNAMS NI, CUNG ZAD PHYOGS SU SONG NAS PHYIR BYUNG BA DBUS KYI RGYAR CHA CHUNG GSUM DANG LDAN PA, SRID DU CHA CHUNG BCU DRUG PA'O, ,ZHES DAR DPYANGS KYI SNAM BU'I STENG NAS RVA'I RTZA BA'I CHU SRIN GYI KHA NAS RVA 'THON PAR BSHAD LA, RVA CHA CHUNG BCU DRUG PA LA DAR DPYANGS NAS DAR DPYANGS KYI BAR LA SGO TSAD BZHI YOD CING , LTE BA'I RGYA TSAD SNGAR LTAR YIN PA'I PHYIR RO, ,DBUS RVA LA CHA CHUNG BCU DRUG YOD PA BZHIN DU, PHYOGS RVA LA'ANG DE LTAR YIN KYANG, CHA CHUNG GNYIS GUG PA'I CHA LA SONG BAS, DE TZAM GYIS DBUS RVA PHYIR LHAG PA'O, ,DE'I PHYIR GYAS GYON GYI RVA JI LTAR SONG BA BZHIN DU, THAG PA BZHAG NAS DE NAS DRANG POR THEN NA DBUS RVA DANG TSAD MNYAM DGOS LA, DE YANG RVA'I PHYI THIG DAR DPYANGS KYI PHYI THIG LAS MA 'DAS PA'I NANG THIG LA TSAD NA 'ONG GI ,DE LAS RING BA NAS RVA SKOR BA RNAMS KYI LUGS LTAR NAM MI 'GRIG PA SHES DGOS TE, 'DI'I RIGS PA RVA SGO TSAD GNYIS MA'I LUGS GNYIS LA YANG 'KHYER DGOS SO, ,SNGA MA LA PHYOGS KYI RA GSUM MA BYED NA, MDUN RGYAB TU MI DGOS KYANG, RTZE LNGA PA BYED NA NI MDUN RGYAB TU'ANG RVA DGOS LA, DE NI DBUS RVA'I NING GI DBUS NAS GZHAL BA'I RTZIS BTANG NA, GA-YAS GA-YON GNYIS BZHIN DU, SGO TSAD GNYIS GNYIS SONG BA'I MTSAMS NAS RVA'I PHYI NGOS YOD PA DGOS TE, RIGS PA 'DI DAG RVA SGO TSAD GNYIS MA LA'ANG SHES PAR BYA'O, ,RDOR DRIL GYI CHAG TSAD KYI RDO RJE'I SKABS SU PHYOGS KYI RVA'I SRID DANG, DE'I PHYOGS GCIG GI THUG MTSAMS NAS, PHYOGS GZHAN GYI THUG MTSAMS KYI BAR
, ,MNYAM GSUM DU BSHAD PA DANG, 'DI'I LTE BA DANG RVA'I TSAD MI MTHUN KYANG, RNAM GZHAG MI GCIG PAS SKYON MED DE, SNA TSOGS RDO RJE'I 'OG GI PADMA DANG 'DRA'O, ,GNYIS PA NI, RTA BABS CI TZAM NA GNAS PA NI, PHRENG BAR SGO DANG RTA BABS KYI BAR GYI SNAM BU LA MUN SNAM DU BSHAD CING, DE LA CHA CHUNG GCIG BSHAD LA, RTA BABS KYI KA BA RNAMS NI, GZHAL YAS KHANG LAS CUNG ZAD RING BAR GNAS PAR BSHAD DO, ,GSANG LDAN LAS KYANG, SGO YI MTSAMS DANG TA RA NA, ,SHIN TU GCIG NYID MI BYA'O, ,ZHES SGO DANG RTA BABS LA BAR STONG MED PA BKAG CING, SHRAD DH'AS KYANG, RTA BABS YA PHUGS DAG LAS NI, CHA GCIG DOR BA'I, ZHES SGO'I YA PHIBS LAS CHA CHUNG GCIG DOR BAR RTA BABS BYA BAR BSHAD DO, ,BLA MA KHA CIG SANGS RGYAS GSANG BAS, SGO KHANG PHYI ZUR BZHI PO LA, ,KA BA BZHI BZHIS GDUNG SNA NI, ,BRGYAD BRGYAD BTEG PA RTA BABS RMANG, ,KA GDAN KA GZHU CI RIGS PA'O, ,ZHES ZER NAS, SGO LOGS KYI ZUR BZHIR KA BA BZHI BTZUGS NAS, RTA BABS SGO KHANG GI STENG DU YOD PAR BZHED PA 'DRA ZHING DE BZHIN DU POD KHA CIG KYANG, SGO KHANG GI STENG NA YOD PAR BZHED PA NI MI 'THAD DE, ZHES SH'AKYA BSHES GNYEN DANG TSUL KHRIMS BSKYANGS KYIS, GZHAL YAS KHANG GI SGO YI PHYI ROL DU BYA BAR BSHAD PA'I LUNG GIS 'GOG CING, RTA BABS KYI KA BA LA DPANGS SU CHA PHRAN LNGA LAS MED PA'I PHYIR, DES BTEG PA'I RTA BABS SGO KHANG GI STENG DU MI SLEBS CING, SLEBS NA GZHAL YAS KHANG GI DPANGS LA CHA CHUNG LNGA LAS MED PAR 'GYUR TE, GZHAL YAS KHANG GI MDA' YAB NI SGO LOGS KYI RTZE MO'I BAR DU
YOD PA'I PHYIR RO, ,ZHES GSUNGS PA'I DANG PO NI PHYOGS SNGA SMRA BA SANGS RGYAS GSANG BA YIN NA, DES DE GNYIS KYI LUNG TSAD MAR 'DOD PAR SGRUB MI NUS PAS, LUNG GIS 'GEGS PA MI 'THAD KYANG, ,GNOD PA PHYI MA NI LEGS SO, ,RANG LUGS NI SGO STENG DU RTA BABS 'ONG BAR BSHAD PA DE SANGS RGYAS GSANG BA'I LUGS YIN ZER YANG, THE TSOM GYI GZHIR SNANG ZHING, KHUNGS THUB KYI GZHUNG GZHAN YANG MED LA, LUNG LA BRTEN PA YANG DGOS TE, LUNG YANG PHYOGS GZHAN MANG NGO, ,RTA BABS SGO STENGS SU 'ONG NA, DE DAG GI LUGS KYIS KYANG MUN SNAM 'DOD DGOS PAS, DE 'DI 'DRA BA ZHIG GI BAR STONG GI SNAM BU YIN ZHES SMRA MI NUS SO, ,CHA PHRAN LNGA PA'I KA BA 'OG GZHI NAS 'DZUGS NA NI, SNGAR GYI RIGS PAS GNOD LA, BRI BYA LA DE LTAR 'ONG YANG GNAS TSOD LA SGO STENGS NAS RTA BABS 'DEGS BYED DO, ,ZHES KYANG SMRA MI NUS TE, 'OG GZHI NAS 'DZUGS PA BRI BYA LA YOD LA, DE LTAR KHAS BLANGS PA LA GNOD PA'ANG CI YANG STON RGYU MED PAS SKYON DE NI 'ONG BA YIN NO, ,RDO RJE PHRENG BA LAS, RTA BABS DPANGS SU SGO TSAD GCIG MA LA BAR SKABS KYI SNAM BU MED PAR GSUNGS PA NI, BRI BYA LA DGONGS KYI DON LA MED PA MIN TE, DPANGS SU SGO TSAD GSUM MA LA BAR SKABS KYI SNAM BU YOD PA DANG KUN NAS MTSUNGS PA'I PHYIR RO, ,GSANG LDAN GYI THIG RTZA SMRI TIS MDZAD PA LAS KYANG, RTA BABS SGO CHAD GCIG MA LA, SGO DANG BAR DU CHA CHUNG GCIG BYAS PA DE GSANG LDAN GYI DGONGS PA YIN LA, SHRAD DH'AS KYANG DE LTAR BSHAD PA LTAR BAR STONG DON LA YOD DO, ,SHRAD DH'AS, RTA BABS YA PHUBS DAG LAS NI, ,CHA GCIG
, ,DOR PA'I CHA CHEN TSAD, ,MCHUR NI CHA CHEN BZHI PA STE, ,ZHES BSHAD PA LTAR NA, DPANGS SU SGO TSAD GCIG MA LA'ANG MUN PA DANG DAR DPYANGS KYI SNAM BU YANG BYAS SA YOD LA, PHRENG BA'I LUGS 'CHAD PA NA BRE BYA LA MUN SNAM MED PAR BSHAD PA LTAR BYED DGOS SO, ,L'U AAm PA'I GZHUNG NAS RTA BABS DANG GZHAL YAS KHANG GI SKOR MA BSHAD LA, DE'I DGONGS PA BZHIN 'CHAD PA'I RGYAL BA BZANG POS, CHU SRIN KHA NAS CHU SRIN PAR, ,RTA BABS SGO LAS SUM 'GYUR TE, ,STEGS BU BUM PA'I STENG GNAS PA'I, ,RTA BABS KA BA DRANG POR BYA, ,ZHES BSHAD CING AA BHY'A KA RA'I DGONGS PA NI L'U AI PA LA YANG, THIG SKUD RING THUNG GANG BYAS KYANG 'DRA'O, ,D'A RI KA PA'I DKYIL CHOG LAS, DGU YIS RTA BABS KA BAR BCAS, ,ZHES PA'I DON YANG, MKHAS PA DAG KA PA LA LNGA DANG, RTA BABS DNGOS KYI DPANGS LA BZHI STE CHA PHRAN DGUR 'CHAD DO, ,NAG PO SPYOD PA'I DKYIL CHOG LAS, GRVA NAS THIG GIS BSKOR BA DAG ,RTA BABS KYI MI GNAS SU BYA, ,ZHES MDA' YAB KYI ZUR NAS ZLUM POR BSKOR BA'I NANG RTA BABS KYI GNAS SU BSHAD LA, DE LA CHA PHRAN BCU YOD PA RAGS RTZIS SU BYAS NAS, DPANGS SU SGO'I SUM 'GYUR DU BYAS NA DGONGS PAR 'GRO GSUNG BA LTAR YIN PAS, DE'I BZHED PA THIG SKUD RING BA'I PHYOGS SU BYA'O, , 'DI NAm RDUL TSON GYIS 'DRI BA LA BDE YANG, THIG TSON BYIN RLABS BYAS NAS THIG BSHAD TSOD BZHIN BTAB STE, LHA RE GNYIS PA'I DKYIL 'KHOR 'DRI NA, RAS GZHI SHIN TU TSAN MA GTOGS PA, RTA BABS SGO TSAD GCIG MA BYAS NA BRI BA BDE BAS,
RNAM GZHAG GNYIS KA SHES PAR BYA'O, ,SNAM BU LNGA PA DANG BDUN PA GNYIS CHA CHUNG PHYED DANG GNYIS PA DANG, GZHAN DGU RE RE BAR 'DRA BA'I GNYIS MNYAM DGU MNYAM DANG, SNAM BU GSUM PA BDUN PA DGU PA GSUM CHA CHUNG RE RE DANG, BZHI PA DRUG PA BCU PA GSUM CHA CHUNG PHYED DU DANG, LHAG MA LNGA PHYED DANG GNYIS PAR MNYAM PA'I LNGA MNYAM GSUM GSUM MNYAM STE GNYIS DANG DUS 'KHOR NAS GSUNGS PA'I RTA BABS DANG, SGO TSAD GCIG MA LA LNGA MNYAM GSUM GSUM MNYAM GCIG STE, RTA BABS MI 'DRA BA BZHI BSHAD LA, SNAM BU NI BCU GCIG PAR BSHAD DO, ,RTA BABS KYI DPANGS SU SGO TSAD GNYIS MA YANG, RGYA GAR BA 'GA' ZHIG GIS BSHAD LA, SH'ANTI PAS KYANG DPANGS SU JI LTAR MDZES PAR BYA BAR BSHAD DO, ,RTA BABS KYI BA'I GRANGS LA, BOD SNGA MA RNAMS PHYOGS RER BZHI BZHIR 'DOD PA LA KHA CIG GIS DE MI 'THAD DE, RDO RJE 'BYUNG BAR, RTA BABS BZHI DANG KA BA BRGYAD, ,CES DANG, MAN SNYE LAS, 'PHAGS PA'I LAm YAN LAG BRGYAD PA NI RTA BABS KYI KA BA BRGYAD DO, ,ZHES BSHAD PAS SO, ,THAM CAD GSANG BA'I RGYUD LAS, YANG DAG SPONG BA BZHI PO NI, ,RTA BABS RNAMS DANG KA BAR 'BYUNG, ZHES KA BA BZHIR BSHAD PA DANG MI 'GAL TE, DE'I 'GREL PAR SH'ANTI PAS, YANG DAG SPOD BA BZHI PO NI RTA BABS DANG KA BA ZUNG GI'O, ,ZHES RTA BABS RE RE LA KA BA GNYIS GNYIS SU GSAL BAR GSUNGS PA'I PHYIR RO, ,ZHES GSUNG MOD KYANG, MAN SNYE LAS RDZU 'PHRUL GYI RKANG PA BZHI RNAM PAR DAG PAS, SGO KHYUD RNAMS SO ZHES KLU'I BLO'I ZHABS SO, ,ZHES GSUNGS PA BZHIN, KLU BYANG GI DKYIL CHOG LAS, PHYOGS RE'I SGO KHYUD GNYIS PHYOGS DE'I SGO KHYUD CES GCIG TU BGRANGS PA LA DGONGS NAS, SGO KHYUNG BZHIR GSUNGS PA BZHIN, RTA BABS KYI PHYOGS RER KA BA BZHI BZHI YOD KYANG, GA-YAS GA-YON GYI KA BA GNYIS SU SDUD PA LA
, ,DGONGS NAS, RNAM THAR DANG YAN LAG BRGYAD KYI RNAM DAG GSUNGS LA, DE DANG YANG DAG SPONG BA'I RNAM DAG GSUNGS PA YANG MI 'GAL TE, DBYE BSDU YIN PA'I PHYIR DANG, PHYOGS RER KA BA BZHI BZHI MED NA KA BA GNYIS TZAM LA RTA BABS SDOD PA SHIN TU MI BDE BA'I PHYIR RO, ,PHRENG BAR RTA BABS KYI GA-YAS GA-YON DU, HA CANG THAG MI RING BAR BUM PA BZANG PO LAS SKYES PA'I DPAG BSAM GYI SHING RNAMS TE, RIN PO CHE SNA BDUN DANG LDAN PA'O ZHES BSHAD PA'I 'KHOR LO NI RTZIBS BRGYAD SER PO DANG, GLANG PO CHE NI MCHE BA DRUG PA DKAR PO DANG, RTA LJANG GU DANG, BUD MED LO BCU DRUG PA'I RNAM PA SNGO BSANGS DANG, NOR BU RTZE DRUG PA SER PO DANG, KHYIM BDAG DMAR PO MDZOD MI ZAD PA DANG LDAN PA DANG, DMAG DPON NAG PO GO CHA DANG BCAS PA MDUNG DANG RAL GRI 'DZIN PAR DGONGS PA RAB GSAL LAS BSHAD LA, MDO LAS NOR BU SNGON PO ZUR BRGYAD PAR BSHAD DO ZHES 'CHAD PA LTAR BYA'O, ,BAR BAR DU GRUB PA THOB PA RNAMS DANG, SPRIN GYI SBUBS LAS BYUNG BA'I LHA'I LUS CAN ME TOG GI PHRENG BA BZUNG BA RNAMS BYA STE, 'DI RNAMS NI BRIS SKU DANG KHANG PA BSLANG BA SOGS LA DGOS PAS BRIS SO, ,GNYIS PA LA GNYIS, MDA' YAB NAS RTZIG PA'I BAR BSHAD PA DANG, NANG GI 'KHOR LO RNAMS DANG THOG BSHAD PA'O, ,DANG PO NI, GZHAL YAS KHANG GI MTSAN NYID NI MNGON BRJOD LAS, KHANG PA BRTZEGS PA RNAM PAR BSAM, ,ZUR BZHI PA LA SGO BZHI PA, ,RTA BABS BZHIS NI RNAM PAR BRGYAN, ,DRA BA DRA PHYED KYIS MDZES SHING, ,BA DAN 'PHRENG BAS RNAM
PAR BRGYAN, ,ZUR GYI CHA NI THAMS CAD DANG, ,SGO DANG SGO 'KHYUD MTSAMS RNAMS SU, ,RDO RJE RIN CHEN GYIS BRGYAN PA, ,PHYI YI DKYIL 'KHOR THIG GDAB PO, ,ZHES GSUNGS LA, DE DAG GI TSAD NI RDO RJE MKHA' 'GRO LAS, SGO NI DKYIL 'KHOR BRGYAD CHA RU, ,MU KHYUD MED PAR 'DOD PA YIN, ,SGO YI TSAD KYIS SGO KHYUD DE, ,DE YI PHYED KYIS 'GRAM PA BYA, ,ZHES DANG, MKHA' 'GRO RGYA MTSOR YANG, SGO 'KHOR LO'I BRGYAD CHAR GSUNGS TE, 'DIS NI RTZA THIG NAS RTZA THIG GI BAR CHA CHEN BRGYAD DU YANG STON NO, ,MU KHYUD MED PA NI SGO'I THAD KAR 'DOD SNAM MED PA'O, ,MKHA' 'GRO RGYA MTSO LAS, SGO LOGS DANG 'DOD SNAM SGO TSAD PHYED DANG, KRA MA SHIR shA DE'I YANG PHYED DU BSHAD DE, DRA BA DRA PHYED KYI SNAM BU YANG DE DANG 'DRA LA, RTZIG PA DANG PHA GU DANG SHAR BU'I SNAM BU NI CHA CHUNG RE RE BAR SDOM 'BYUNG GI THIG GI SKABS LAS SHES SO, ,'GRAM LOGS SGO TSAD PHYED PHYAD DU MNYAM PA NI, RTA BABS KYI DPANGS SGO TSAD GSUM MA LA BYA STE, KLU BYANG GIS GSUM GA TSAD MNYAM DU YANG BSHAD DO, ,DE LA RTZIG PA NI PHYI NANG DU LNGA SBRAG TU YOD PA DANG STENG NAS STENG DU BRTZEGS PA'I RNAM PAR BYED PA'I 'DOD TSUL GNYIS LAS, DANG PO LTAR BYA STE, BRI BYA LA YOD PA LTAR SGOM DON LA KHAS BLANGS PA LA GNOD PA MED PA'I PHYIR, PHYI MA LTAR NA RTZIG ZHENG HA CANG 'PHRAS PA'I SKYON YOD PA'I PHYIR TE, ZHENG LA RTZEGS PA'I LNGA CHA GCIG LAS MED DGOS PA'I PHYIR RO, ,RTZIG PA DE'I ZHENG TSAD NI, BZHI BRGYA LNGA BCU PA LAS, SGO'I NYI SHU CHAR YANG GSUNGS LA, RI MO PHAN TSUN NAS GANG GIS, ,MA REG PAR NI BRI BAR BYA, ,ZHES BSHAD PA LA BOD KHA CIG, ,RE KHA'I SBOMS SU SGO'I NYI
, ,SHU CHA YIN LA, RTZIG PA LNGA GA BSDOMS PAS SGO'I BZHI CHA LAS MED PAS, BAR STONG GZHAG SA MI 'ONG BA'I PHYIR, NANG 'GAL LO ZHES SMRA BA NI SHIN TU MI RIGS TE, DE LTAR NA SDOM 'BYUNG LAS, RI MO PHAN TSUN DAG GI BAR, ,NAS TZAM DU NI GDAB PAR BYA, ,ZHES GSUNGS PA LA YANG NANG 'GAL YOD PAR 'GYUR TE, RTZIG PA LA SGO'I BZHI CHA LAS MED PA DE'I YANG LUGS YIN PAS, RTZIG ZHENG LA CHA LNGAR BGOS PA NA SGO'I NYI SHU CHAR 'GYUR BA'I PHYIR RO, ,DES NA DE GNYIS NI RTZA THIG KHRU GANG BA'I DBANG DU MDZAD PA STE, DE LA SGO'I BZHI CHA GCIG LA NAS LNGA DANG, NAS GCIG GI BZHI CHA LAS MED PAS RI MO RE RE'I ZHENG GI PHA MTHA' NAS TSUR MTHA'I BAR LA, NAS RE RER BYED PA'I DON YIN GYI, RI MO GNYIS GNYIS KYI BAR NA NAS RE RE YOD PAR 'DOD PA MIN NO, ,NAS GCIG GI BZHI CHA YOD MOD KYANG DE BTANG SNYOMS SU BZHAG NAS RAGS RTZIS MDZAD PA'O, ,MA REG PA NI D'A RI KA PAS, NAS GANG GIS NI MA 'DRES PAS, ,RI MO KUN TU BRI BAR BYA, ,ZHES GSUNGS PA LTAR TSON PHAN TSUN MA 'DRES PA'I DON YIN GYI, MA REG PA'I BAR STONG STON PA MIN NO, ,SH'ANTI PAS NAS GANG GIS MA REG PA ZHES PA NI, 'OG GI CHA'I TSAD DE STENG DU JI LTAR MDZES PAR BYA'O, ,ZHES PA NI BRI BYA LA RTZIG PA'I RTZA BA SBOM PAS, NAS GANG GI TSAD YOD PA LTAR RTZE MO LA MED PA LA DGONGS KYI SGOM DON LA MIN NO, ,PHYI NANG GI KHA DOG NI, RDO RJE MKHA' 'GRO DANG SDOM 'BYUNG GNYIS KA LAS, PHYI NAS RIM PA BZHIN DU DKAR SER DMAR LJANG SNGO BAR BSHAD DO, ,RIM PA 'DI YANG PHYOGS KYI DE BZHIN GSHEGS PA'I KHA DOG GSAL BAR YOD NA DE'I KHA DOG DANG, DE MED NA PHYOGS DE'I LHA'I RIGS BDAG GI KHA DOG GIS SHAR NAS DBUS BAR DU GA-YAS SKOR GYIS BSKOR BA DANG MTHUN PAR,
RTZIG PA'I PHYI MA NAS NANG MA'I KHA DOG TU BYA BAR PHRENG BAR BSHAD LA, 'DI LA MI 'DRA BA'I KHYAD PAR GZHAN YOD PA NI 'CHAD PAR 'GYUR RO, ,RTZIG PA LNGA NI PHYOGS MDOG GIS MI 'BYED LA, LOGS KYI RTZIG PA THAD KAR JI TZAM DU 'GRO BA NI, 'GRAM LOGS SGO DANG MNYAM PA LTAR NA SNA TSOGS RDO RJE'I LTE BA DANG KHA DA CHAD DU 'GRO ZHING, RTZIG GDONG LNGA YANG MNYAM MOD KYANG, 'GRAM LOGS SGO DANG MI MNYAM PA LA NI, 'OG GI RTZIG GDONG NAS SNA TSOGS RDO RJE'I LTE BA'I ZAD MTSAMS BAR LA, CHA CHUNG GCIG YOD CING, 'OG GI SGO LOGS KYI GDONG NGOS KYI RTZIG PA LNGA RING THUNG DU YOD LA, DE RNAMS CUNG ZAD RE NGOS SU 'ONG BA BYAS NA MDZES SO, ,RTZIG PA'I DPANGS NI 'CHAD PAR 'GYUR RO, ,KHA CIG NA RE, SGO LOGS KYI RTZIG PA NANG MA'I RTZE NAS, DE'I RTZE GZHAN GYI BAR DANG, RTZIG PA PHYI MA'I RTZE NAS RTZE GZHAN GYI BAR GYI RTZIG ZHENG LA CHA BRAN GCIG BYUNG BA DE BRI BYA LA YIN GYI, BSGOM BYA LA SGO LEGS KYI GDUNG CHA CHUNG BRGYAD PA'I STENG DU YOD PAS, SGO DANG RTA BABS KYI BAR NA BAR STONG CHA CHUNG GNYIS YOD CES ZER RO, ,DE'I RGYU MTSAN DU YA PHUBS 'DEGS PA'I GDUNG SGO LEGS KYI GDONG DU BYAS NAS BRI BYA LA YOD PA BZHIN DU BZHENGS PA LA YANG, DE'I SAR RTZIG PA YOD PA BYAS NA GDUNG GIS KA BA'I RTZER MI SLEB PAR 'GYUR TE, PHRENG BA DANG SDOM 'BYUNG 'GREL PA DANG, BI BHU TI'I DKYIL CHOG LAS SGO LOGS NANG MA'I RTZE NAS RTZE GZHAN GYI BAR CHA CHUNG BRGYAD PA'I THIG NI GDUNG MTSON PAR BYED PAR BSHAD PA'I PHYIR RO, ,'O NA GDUNG SGO LOGS KYI RTZIG GDONG DU MA BYAS PAR SGO LOGS KYI NANG GI THAD KA GNYIS SU BTZUGS PAS CHOG GAM SNYAM NA, DE LTAR NA YA PHUBS KYI RTZIG PA LA CHA
, ,CHUNG BCU MED PAR 'GYUR TE, RTZIG PA BAR SNANG LA LING NGE SDOD DU MI 'DOD PA'I PHYIR RO, ,ZHES SMRA'O, ,'DI LEGS PA MA YIN TE GDUNG CHA CHUNG BRGYAD PAR NGES PA DANG, NGOS SU 'ONG BA'I RTZIG PA CHA CHUNG BCU PAR RANG NYID KYANG 'DOD BZHIN DU, GDUNG MED PA'I SAR RTZIG PA BAR SNANG LA SDOD MI NYAN PA RGYU MTSAN DU BYAS NAS, SGO LOGS KYI GDONG NAS GDONG GZHAN GYI BAR DU GDUNG BYED NA GDUNG LA CHA BRAN BRGYAD LAS MED PAS DE'I BAR DU DES MI SLEB PA DANG, SGO LOGS KYI RTZIG PA NANG MA'I RTZE NAS RTZE GZHAN GYI BAR DU GDUNG YOD PA BYED NA, RTZIG PA LA CHA CHUNG BCU YOD PAS GDUNG MED PA'I MTHA' GNYIS SU RTZIG PA CHA BRAN RE RE BAR SNANG LA SDOD DGOS PA'I SKYON RANG LA'ANG 'JUG PA'I PHYIR TE, RANG LUGS LA'ANG RTZIGS PA LA CHA CHUNG BCU YOD CING, GDUNG LA CHA CHUNG BRGYAD LAS MED LA GDUNG GIS MA BTEG PA'I RTZIG PA YANG MED PAR 'DOD PA'I PHYIR RO, ,DES NA DE NI GDUNG CHA CHUNG BRGYAD PAR BSHAD PAS 'KHRUL GZHI BYAS 'DUG PAS, DE'I DON NI STENG GI SGO LOGS GNYIS KYI RTZIG PA LNGA PO RING THUNG DU YOD PA BZHIN DU ZHENG DU CHA CHUNG GCIG PA'I GDUNG YANG BSEGS KHAR BYA DGOS LA, DE'I TSE GDUNG GI NANG GI MTHA' NAS MTHA'I BAR CHA CHUNG BRGYAD DANG, DE'I PHYI MTHA' NAS PHYI MTHA'I BAR LA CHA CHUNG BCU CUNG MED CIG YOD DE, DPER NA PHRENG BAR SGO LOGS PHYI MA'I RTZE NAS GZHAN GYI RTZE'I BAR GYI THIG LA CHA CHUNG BCU YOD PAR BSHAD CING, DE NYID TSON SNA LNGA'I SAR YANG GSUNGS PA LA, TSON SNA PHYI MA MA GTOGS PA NANG MA BZHI'I SA LA
CHA CHUNG BCU YOD MI DGOS PA BZHIN DU GDUNG CHA CHUNG BRGYAD PA YANG NANG GI 'GRO MTSAMS YIN GYI PHYI LA TSAD DER NGES MI DGOS SO, ,SDOM 'BYUNG 'GREL PA LAS KYANG, CHA CHUNG BRGYAD PA'I STENG DU GDUNG, ,CHA CHUNG BCU PAR SHES PAR BYA, ,ZHES GDUNG CHA CHUNG BCU PAR BSHAD PA YANG YOD DO, ,SGO LOGS KYI GDUNG GI 'OG GI KA BA GNYIS GNYIS NI THIG LA MA SHAR YANG DON LA YOD PAR BSHAD DE, PHRENG BA LAS, GDUNG GI 'OG TU KA BA GNYIS MA BRIS KYANG BSGOM BYA'I DKYIL 'KHOR LA RIG PAR BYA STE, GRU BZHI PA LA SGO BZHI PA, KA BA BRGYAD KYIS NYE BAR MDZES, ,ZHES PA'I LUNG GIS SO, ,'DIR DKYIL 'KHOR GYI NANG GI KA BA BRGYAD NI MA GSUNGS TE, DE DAG NI BDE MCHOG LA SOGS PA'I DKYIL 'KHOR LA MED LA, KA BA BRGYAD KYIS NYE BAR MDZES ZHES PA'I MTSAN NYID 'DI YANG DKYIL 'KHOR THAMS CAD KYI KHYAB BYED YIN PAS SO, ,ZHES GSUNGS SO, ,'DI LA BOD KHA CIG DKYIL 'KHOR THAMS CAD KYI KHYAB BYED YIN GSUNGS PA NI, PAndI TAS THUGS MNYAM PAR MA BZHAG PA STE, DKYIL 'KHOR GRU BZHI SGO GCIG PA DANG, ZLUM PO SGO BZHI PA SOGS BSHAD CING, MKHA' 'GRO RGYA MTSO LAS, 'KHOR LO GSUM LA KA BA SBYIN PA DANG, MNGON BRJOD LAS, RE'U MIG DGU PA'I BDE MCHOG GI DKYIL 'KHOR YANG BSHAD PAS, BDE MCHOG GI DKYIL 'KHOR 'GA' ZHIG LA YANG NANG DU KA BA 'ONG DGOS PA YOD PA'I PHYIR RO, ,ZHES GSUNG BA NI PHYOGS SNGA MA LON PAR SNANG BAS RIGS PA MA MTHONG NGO, ,PHRENG BA'I LUNG DES DKYIL 'KHOR KUN GYI KHYAB BYED DU BSHAD PA NI, KA BA BRGYAD KYIS
, ,MDZES PA GCIG PU BSHAD KYI, SGO BZHI DANG GRU BZHI LA KHYAB BYED DU BSTAN PA'I TSIG CUNG ZAD KYANG MED LA, KHYAB BYAR BSTAN PA'I DKYIL 'KHOR KUN ZHES PA YANG, DKYIL 'KHOR TZAM MIN GYI GRU BZHI PA LA SGO BZHI PA, ZHES BSHAD PA'I GRU BZHI SGO BZHI PA'I DKYIL 'KHOR KUN LA BYED PAR SHIN TU GSAL BAS, DKYIL 'KHOR GRU BZHI SGO GCIG PA SOGS RGYUD LAS BSHAD PAS CI YANG MI GNOD DO, ,DE LTA MA YIN NA PHRENG BA NYID NAS CHOS DBYINGS GSUNG DBANG GI DKYIL 'KHOR BZHI PA ZLUM POR BSHAD PA YANG DES MA DRAN PAR 'GYUR RO, ,DKYIL 'KHOR GRU BZHI SGO BZHI PA LA KA BA BRGYAD KYIS MDZES PAS KHYAB KYANG, DE'I DON NI SGO LOGS KYI GDUNG GI 'OG GI KA BA BRGYAD LA BSHAD MI DGOS KYI, DKYIL 'KHOR GYI NANG GI KA BA BRGYAD LA BYA'O SNYAM PA LA, DE DAG NI BDE MCHOG LA MED PAR GSUNGS PA NI, BDE MCHOG GI DKYIL 'KHOR THAMS CAD KYI NANG NA KA BA BRGYAD GTAN MED PAR SMRA BA MIN GYI, LHA DRUG CU RE GNYIS PA LTA BU'I DKYIL 'KHOR LA DGONGS SO, ,DKYIL 'KHOR DE'I 'KHOR LO GSUM LA KA BA BRGYAD TSAN GSUM YOD DU CHUG KYANG, DE NI GZHI'I DAM TSIG GI DKYIL 'KHOR GRU BZHI PA SGO BZHI PA DE'I SGOS KYI KA BA MIN LA, GRU BZHI PA LA SGO BZHI PA, ZHES PA KHYAB BYAR BYAS PA'I KHYAB BYED KA BA BRGYAD KYIS MDZES PA'I KA BA BRGYAD NI, GRU BZHI SGO BZHI PA DE'I SGOS KYI KA BA YIN TE, DE LA RTZOD PA'I SKABS YIN PA'I PHYIR RO, ,BDE MCHOG GI DKYIL 'KHOR GRU BZHI SGO BZHI PA GZHAN LA DE'I
SGOS KYI KA BA BRGYAD BYUNG BA DANG, 'KHOR LO GSUM GYI THOG 'DEGS PA'I KA BA BRGYAD BYUNG YANG CI YANG MI GNOD DO, ,DES NA GRU BZHI SGO BZHI PA'I DKYIL 'KHOR DE'I SGOS KYI THOG 'DEGS PA'I NANG GI KA BA BRGYAD MED PA CIG BYUNG NA, DES CHOG PA YIN GYI, BDE MCHOG GI DKYIL 'KHOR THAMS CAD LA DE MED PA DGOS PAR MI 'DOD DO, ,KA BA BRGYAD KYIS MDZES ZHES PA'I MDZES SA NI, DKYIL 'KHOR GRU BZHI PA YIN LA, RTA BABS NI GZHAL YAS KHANG LA MI GTOGS PAS, SGO'I GA-YAS GA-YON DU THIG LA SHAR BA'I KA BA BRGYAD LA YANG BSHAD DU MI RUNG STE, DE RNAMS RTA BABS KYI KA BA YIN PA'I PHYIR RO, ,DE'I PHYIR MTHA' GZHAN KHEGS PAS, KA BA BRGYAD KYIS NYE BAR MDZES ZHES PA'I KA BA NI, SGO LOGS KYI GDUNG GI 'OG GI KA BA LA NGES PAR BYA DGOS SO, ,SGO LOGS KYI GDUNG KA BA GNYIS GNYIS KYIS 'DEGS DGOS PA RGYU MTSAN DU BYAS NAS, SGO KHYUD DANG 'GRAM PA DANG, LOGS GSUM STENG NAS STENG DU LANGS PAR 'DOD PA PHRENG BAR BKAG PA NI, 'GRAM PA BAR SNANG LA SDOD MI NYAN PAS, DE'I STENG DU SGO LOGS GYEN DU LDANG RGYU MED PAS SGO LOGS KYI GDUNG MED DO, ,DE MED PAS GDUNG DE 'DEGS PA'I KA BA MED PAS SO SNYAM DU DGONGS SO, ,RTZIG PA'I PHYI ROL GYI 'DOD SNAM NI RTZIG PA'I 'OG MTHA' NAS BSKOR BA'I TSUL GYIS YOD LA, 'ON KYANG SGO'I THAD KAR CHAD NAS MED PAR RDO RJE MKHA' 'GROR BSHAD PA LTAR GZHAN YANG MANG BAS, GZHUNG KHA CIG LAS, DRAN PA NYER GZHAG BZHI PO NI, ,KHA KHYER BZHIR NI SHES PAR BYA, ,ZHES GSUNGS SO, ,
, ,KHA KHYER DANG STEGS BU DANG GZUNGS DANG, 'DOD PA'I SNAM BU ZHES PA RNAMS RNAM GRANGS SO, ,KHA CIG KHA KHYER ZHES PA'I TSIG LA 'KHRUL NAS, RTZIG PA'I STENG DU KHA KHYER GYI TSUL DU 'ONG BA YIN ZHES 'DOD PA LA, THAMS CAD GSANG BAR MTHA' MAR KHYAMS DANG LDAN PA ZHES PA'I 'GREL PAR, DE BAS NA DON GYI SHUGS KYIS PHYI ROL GYIS RIM PA YANG MTHAR KHYAMS DANG LDAN PAR SHES PAR BYA'O, ,ZHES NANG GI LHA SNAM GYI SHUGS KYIS DE DANG MNYAM PAR 'DOD YON GYI SNAM BU PHYI ROL DU BYA BAR BSTAN PA DANG, RDO RJE RTZE MOR, KUN NAS PHYI ROL GNAS DAG TU, ,RDO RJE KHA KHYER YANG DAG BRTEN, ,ZHES GZHAL YAS KHANG GI PHYIR 'ONG BAR BSHAD PA DANG 'GAL ZHING, NANG GI SKAL BZANG GIS GNAS LHA SNAM LA'ANG NANG GI KHA KHYER ZHES BSHAD PAS, DE'ANG RTZIG PA'I STENG DU 'ONG BAR THAL BA'I PHYIR RO, ,ZHES PA NI LEGS PAR SMRAS PA'O, ,DE'I KHA DOG NI 'PHRENG BA LAS, 'DOD YON SNAM BU SHEL DANG GSER DANG PADMA R'A GA'AM RIN PO CHE GZHAN LAS BYAS PA ZHES KHA DOG MANG DU GSUNGS SO, ,DE LA NI MCHOD PA'I LHA MO SKU MDOG SNA TSOGS PA, RGYAN DANG GOS SNA TSOGS PA DANG, BZHUGS STABS SNA TSOGS PA DANG, PHYAG NA MCHOD RDZAS SNA TSOGS PA THOGS PA RNAMS 'KHOD DE, GRANGS NI BCU DRUG TU SDUD PA LTAR RO, ,SNAM BU DE NI 'PHRENG BAR, RTA BABS KYI KA BA GNAS PA'I GZHI DANG MTHO DMAN MNYAM PAR GSUNGS PA LTAR YIN LA, DES NI SNA TSOGS RDO RJE'I RVA RNAMS KYANG GSAL BAR 'DOD PA TZAM DU BYA BAR SHES SO, ,PHA GU NI GZHI GONG MA RNAMS SER POR BZHED, PHRENG
BAR RTZIG PA LNGA SPRAG TU BYED PA LTAR NA GZHI DMAR PO DANG, DE LA RIN PO CHE'I SNAM BU LA NI ZUR GSUM DANG THIG LE DANG, GRU BZHI DANG ZLUM PO RNAMS GO RIMS BZHIN DU RIN PO CHES SPRAS PA ZHES GSUNGS PA LTAR RO, ,DE'I STENG DU DRA BA DRA PHYED NI, GSER GYI SKA RAGS BZHI'I PHYI NGOS SU CHU SRIN MA KA RA'I KHA NAS 'PHYANG BA STE, DE YANG GZHI NAG POR BSHAD PAS BAR STONG LA BAR SKABS SU SKA RAGS 'DEGS PA'I RIN PO CHE'I BRE PHUL BYA ZHING STENG GI DPANGS BRI BYA BZHIN NO, ,DE LA DO SHAL NI SKUD PA DMAR PO LA BRGYUS PA'I MU TIG GI 'PHRENG BA GLO GNYIS DANG STENG DANG 'OG TU GSER GYIS BCINGS PA'I NOR BU DBUS NA YOD PA'O, ,DO SHAL PHYED PA NI DO SHAL GYI GLO GNYIS SU DO SHAL LAS CUNG ZAD 'THUNG BAR 'PHYANG BA'I RIN PO CHE'I PHRENG BA DRANG POR BYA BAR GSUNGS PAS, DO SHAL NI KHUG PAR YOD PAR BSTAN NO, ,DO SHAL PHYED PA'I RTZE MO LA GSER GYIS BSDAMS PA'I NOR BU SBOM PO DANG, KHA CIG TU RIN PO CHE'I YU BA CAN GYI RNGA YAB DANG DRIL BU'I MTHAR RNGA YAB 'PHYANG BA'I TSUL GSUM GSUNGS PAS RE RE'I RTZE MO LA DE GSUM GANG RUNG RE BYAS TE SPEL LO, ,DO SHAL GYI NANG DU KHA CIG TU NI PADMA LA ZLA TSES DANG, DE'I STENG DU NYI MA LA RDO PHYED PAS MTSAN PA'O, ,KHA CIG TU NI RIN PO CHE'O, ,KHA CIG TU NI PADMA LA GNAS PA'I RDO RJE BYA BAR GSUNGS TE, PHYI MA 'DI RDO RJE RDZOGS PA'O, ,SHAR BU'I SNAM BU LA RIN PO CHE DANG SHAR BU 'DRI BA GDAM NGA CAN DU BSHAD PA'I SNGA MA NI PHA GU DANG 'DRA BAR MNGON LA, PHYI MA NI DBYAL GYIS BSGYUR BA'I KLU BYANG GI DKYIL CHOG LAS, ZAR TSAGS DANG BRE PHRENG SOGS, ,ZHES SHAR BU ZA RA TSAGS SU BSGYUR BA
, ,DANG MTHUN NO, ,'DI BRI BYA LA DRA BA'I SNAM BU'I STENG DU YOD KYANG DON LA NI SNAM BU DE'I THAD KYI PHYI NGOS SU BYA 'DAB KYI LCAM SNE LAS 'PHYANG PA'O, ,BYA 'DAB NI BOD KYI BLA MA RNAMS GZHAL YAS KHANG DNGOS GZHI'I THOG BKAB PA'I PHYI MTSAMS NAS GUD DU 'DOGS PA DANG, ZHES 'DOD SNAM GYI MTHA' DANG MNYAM PA TZAM DU BZHED PA LA, SGO KHYUD DANG SGO 'GRAM GYI THAD DU TSAD DE BYA SA MI BDE BAS BZHENGS PA LA GCIG PHAG TU GCIG SONG BA LA SOGS PA'I THABS KYIS CI MDZES BYA GSUNG NGO, , MDA' YAB NA RTZI THIG NAS CHA CHUNG BRGYAD SONG BA'I CHA CHUNG BRGYAD PA LA YOD NA GZHAL YAS KHANG MDZES KYI, BDUN PA TSUN CHAD DU BYAS NA SHAR BU RNAMS MGO BCAD PA LTAR 'GYUR BAS MI MDZES PAR GSUNGS PAS, 'OG GI SHAR BU GANG NA YOD PA'I STENG NYID NA YOD PAR BYA'O, ,'DI'I SKAD DOD KRA MA SH'IRshA ZHES PA DRANG POR BSGYUR NA MGO BO'I RIM PAR 'GYUR RO, ,'DI BRI BYA LA DAR DPYANGS KYI THIG GI BAR LAS MED KYANG, BSGOM BYA LA SGO LOGS KYI STENG GI BAR DU YOD PAR GSUNGS PAS, DE'I 'OG GI SHAR BU DANG DRA BA DRA PHYED DANG PHA GU RNAMS KYANG DE TZAM DU YOD DO, ,MDA' YAB KYI DBYIBS NI PADMA 'DAB MA PHYED PA'I DBYIBS CAN DU PHRENG BAR GSUNGS SHING, DE LA RGYAL MTSAN DANG BA DAN NI PHRENG BA LAS, PHYOGS RNAMS SU PADMA 'DAB MA PHYED PA'I DBYIBS CAN GYI MDA' YAB RNAMS LA GSER GYI BUM PA'AM, RIN PO CHE'I BUM PA LA GNAS PA'I RGYAL MTSAN NAM BA DAN BRGYAD DE ZHES GSUNGS PA LTAR GZUG ,'DZUGS SA NI, KHA CIG MDA' YAB KYI RNAM BU LA BYA'I, ,MDA'
YANG NI MIN PA'AM YANG NA MDA' YAB KYI DPUNG PA LA BZHED MED KYANG, PADMA PHYED PA'I DBYIBS CAN GYI MDA' YAB CES GSAL BAR GSUNGS PAS MDA' YAB YIN ZHING, DE YANG DPUNG PA GNYIS KYI DBUS MA LA BUM PA YOD PA'I KHAR GZUG GO, RGYAL MTSAN NI ZLA TSES DANG RIN PO CHE DANG RDO RJE DANG LDAN PA'I RTZE MO CAN GYI RIN PO CHE'I DBYUG PA LA BCINGS SHING, DRIL BU 'KHROL PA BCINGS PA'I DAR LCE GSUM PA RTZE MO LA RI DVAGS KYI RGYAL PO DANG, NGANG PA'I RGYAL PO DANG, KLU ZA BA DANG NYA SPU RGYAS PA DANG, CHU SRIN GYIS MTSAN PA, RLUNG GIS BSKYOD PAS SUM KHUGS SU 'KHYOG CING 'GYING BA'I CHA BYAD CAN DRIL CHUNG GI SGRA SGROGS PA LAS SIL SIL ZHES ZER BA RNGA YAB DANG BCAS PA'O, ,SROG CHAGS KYI MTSAN MA BYED PA'I RTZE MO NI DAR LCE'I RTZE MO'O, ,BA DAN YANG SROG CHAGS KYI MTSAN MA MA GTOGS PA DE DANG 'DRA'O, ,DE RNAMS NI PHYOGS RE RER BZHI BZHI'O, ,GNYIS PA LA GNYIS, NANG GI 'KHOR LO BSHAD PA DANG, KA BA DANG THOG BSHAD PA'O, ,DANG PO LA GSUM, NANG GI 'KHOR LO'I KHA DOG BSHAD PA DANG, 'KHOR LO'I RGYA TSAD BSHAD PA DANG, 'KHOR LO'I DPANGS TSAD BSHAD PA'O, ,DANG PO NI, DKYIL 'KHOR GYI NANG GI KHA DOG NI RDO RJE MKHA' 'GROR, PHYI ROL SHAR NI SHIN TU DKAR, ,LHO NI SER ZHING NUB NI DMAR, ,BYANG NI LJANG KHUR GSUNGS PA STE, ,DE LTAR 'DI YI CHO GA YIS, ,SANGS RGYAS BZHI YI GDAN DU GNAS, ,ZHES GSUNGS SHING RKANG PA BZHI PAS NI PHYOGS BZHI'I KHA DOG BZHI BSHAD LA, DE YANG RNAM SNANG LA SOGS PA BZHI
, ,BZHUGS PA'I GNAS KYI SGO NAS BYA BAR GSUNGS TE PHRENG BA DANG MTHUN NO, ,SDOM 'BYUNG LAS KYANG PHYOGS BZHI'I MDOG DE BZHIN DU BSHAD CING, DBUS KYI SA BZHI SNGON POR BSHAD DE, DE NI SNGA MA LA YANG SHES PAR BYA'O, ,'DI LA RGYAL BA BZANG POS NANG GI PHYOGS BZHI'I MDOG GTZO BO'I ZHAL BZHI'I KHA DOG GIS 'BYED LA, DBUS KYI KHA DOG NI, DKAR SNGON DU BYED PA YAB KYI RIGS BDAG MI BSKYOD PA DANG, YUM GYI RIGS BDAG RNAM SNANG YIN PA LA BSAMS PA STE, RDUL TSON SHAR DANG BYANG DANG NI, ,NUB DANG LHO PHYOGS NYID DU NI, ,DE LA SOGS PA PHYOGS KYI CHA, ,ZHAL GYI MDOG TU BRI BA'O, ,DKAR PO SNGON PO BSRES PA'I MDOG ,DBUS KYI CHAR NI PRI BAR BYA, ,ZHES BSHAD CING, RTZIG PA'I RIM PA YANG PHYI NAS SNGO SER DMAR LJANG DKAR BAR BSHAD DO, ,DBUS SNGO BA DANG LHAG MA PHYOGS MDOG TU BYED PA'I SA MTSAMS NI NAG PO SPYOD PAS, AINDRA N'I LA'I SA GZHI LA, ,'KHOR LO GSUM GYI BDAG NYID BSAM, ,ZHES DANG, RTZA THIG NAS NANG DU LHA SNAM SGO TSAD PHYED BYA BAR BSHAD PAS, LHA SNAM RDZOGS MTSAMS NAS DBUS SU BYA LA, LHA SNAM PHYOGS MDOG TU BYA'O, ,L'U AI PA LA YANG LANG KAS, PHYOGS SU SKU 'KHOR GYI MU KHYUD DANG, RTZA THIG GI BAR NA LHA SNAm MED PAR BSHAD LA, 'ON KYANG SNGON PO LA SOGS PA'I PHYOGS MDOG KYANG BYA BAR BSHAD DO, ,PHYOGS MDOG DANG DBUS KYI MTSAMS NI PHRENG BA LAS, SKU 'KHOR GYI ZLUM THIG PHYI MA RTZA THIG LA THUG PAR BSKOR BA YANG YIN LA, SKU 'KHOR GYI RTZIBS KYI BAR RNAMS KYI KHA DOG
NI SHAR DKAR LHO SER NUB DMAR BYANG LJANG GUR BYED PA LTAR NA, BDE CHEN 'KHOR LO'I MTSAMS NAS DBUS SU BYED PAR MNGON NO, ,PHRENG BAR RTZIG PA PHYI NAS LJANG DKAR DMAR SER SNGO BAR BSHAD PA NI, PHYI NAS NANG DU DAM TSIG SKU GSUNG BDE CHEN GYI 'DAB MA'I LHA DANG, DBUS KYI GTZO BO'I DBANG DU BYAS LA, GSUNG GI RJES THOGS SU THUGS KYI LHA YOD KYANG, THUGS KYI RIGS KYI GTZO BO DBUS NA YOD PA DBANG BTZAN PAR BYAS PA'O, ,'OG GI PHYOGS MDOG BZHIN DU STENG GI THOG GI MDOG KYANG BYA BAR BSHAD DO, ,DE LA 'KHOR LO LNGA LAS, DBUS SU THUGS 'KHOR GYI LTE BA'I NANG DU BDE CHEN GYI 'KHOR LO NI, L'U AI PAS DBUS SU PADMA 'DAB MA BRGYAD PAR GSUNGS PA'O, ,DE YANG RDO RJE MKHA' 'GRO LAS, DBUS SU SNA TSOGS PADMA NI, ,GE SAR DANG NI LDAN PA LA, ,ZHES SNA TSOGS PADMAR GSUNGS TE, DE'I KHA DOG NI SNGAR BSHAD ZIN TO, ,DE'I LTE BAR NYI GDAN DMAR PO DANG, DE'I STENG DU 'JIGS BYED DANG DUS MTSAN GYI GDAN TE, KHA DOG NI 'CHAD PAR 'GYUR RO, ,'DI LA MNGON BRJOD DANG L'U AI PA'I GZHUNG 'GREL RNAMS DANG, NAG PO SPYOD PA DANG, 'KHRUL SPONG LAS PHRENG BA MA BSHAD, MKHA' 'GRO RGYA MTSO LAS GSUNGS PA LTAR RGYAL DKA' ZLA BA DANG BYANG CHUB RDO RJE'I SGRUB THABS SU, RIN PO CHE'I PHRENG BA BSHAD DE, SNYING PO'I RNAL 'BYOR MA BZHI RIN 'BYUNG GI RIGS SU 'JOG PA LA BSAMS PA 'DRA, D'A RI K'A PA DANG DRIL BU PAS GRI GUG GI PHRENG BAS BSKOR BAR BSHAD CING, BLA MA SNGA MA RNAMS KYANG DE BZHIN DU BZHED DO, ,DE'I PHYI ROL TU GSUNG 'KHOR GYI LTE BA'I STENG DU, 'KHOR LO GSUM GYI DANG
, ,BO THUGS KYI 'KHOR LO NI RTZIBS BRGYAD PA, KHA DOG SNGON PO RDO RJE SNGON PO'I PHRENG BA'I MU KHYUD KYIS RNAM PAR BRGYAN PA'O, ,DE'I RTZIBS KYI BAR STONG RNAMS NI DMAR PO STE, GSUNG 'KHOR GYI LTE BA YIN PA'I PHYIR RO, ,DE'I PHYI ROL TU SKU 'KHOR GYI LTE BA'I STENG DU, GNYIS PA GSUNG GI 'KHOR LO NI RTZIBS BRGYAD PA DMAR PO, ,PADMA DMAR PO'I PHRENG BA'I MU KHYUD KYIS YONGS SU BSKOR BA'O, ,DE'I BAR STONG RNAMS NI DKAR PO STE SKU 'KHOR GYI LTE BA YIN PA'I PHYIR RO, ,DE'I PHYI ROL TU GSUM PA SKU'I 'KHOR LO NI RTZIBS BRGYAD PA DKAR PO, 'KHOR LO DKAR PO'I PHRENG BA'I MU KHYUD KYIS RNAM PAR BRGYAN PA'O, ,DE'I BAR STONG GI PHYOGS KYI KHA DOG NI, RNAM SNANG LA SOGS PA'I MDOG TU PHRENG BAR GSUNGS PA LTAR NA, PHYOGS MDOG MTSAMS 'DI BAR DU BYED PA 'DRA STE BRTAG GO, 'KHOR LO GSUM DKAR DMAR SNGO BA DANG, PHRENG BA GSUM GYIS BSKOR BA NI MNGON BRJOD LAS GSUNGS LA, BAR STONG GI KHA DOG DANG, RANG GI 'KHOR LO SNGA MA'I LTE BAR PHYI MA RNAMS GNAS PAR PHRENG BAR BSHAD, RDO RJE MKHA' 'GRO RTZA 'GREL LAS, MU KHYUD GSUM GYIS BSKOR BA'I 'KHOR LO DKAR DMAR SNGO BA GSUM, PADMA 'DAB BRGYAD PAR GSUNGS SO, ,'KHOR LO LNGA PA DAM TSIG GI 'KHOR LO NI DKYIL 'KHOR GYI NANG GI 'OG GZHI STE, DE LA SNA TSOGS RDO RJE'I PHRENG BAS BSKOR PAR MNGON BRJOD LAS GSUNGS PA BZHIN, RGYAL DKA' ZLA BA DANG, BYANG CHUB RDO RJE SOGS KYIS BSHAD KYANG, LO NAG GNYIS LA NI DE MED DO, ,SGO MTSAMS MA BRGYAD LA RO GDAN BSHAD PA'I KHA DOG NI MNGON BRJOD
LAS, PHYI ROL GYI DUR KHROD DU YI DVAGS LNGAS BSKOR BAR BSHAD PA LA, RGYAL DKA' ZLA BAS YI DVAGS KHA DOG LNGA ZHES DANG, BYANG CHUB RDO RJES RIGS LNGA'I ROS BSKOR BAR BSHAD PA LTAR NA, RO GDAN LA DBUS DANG PHYOGS MDOG CAN BYA DGOS PA 'DRA'O, ,MNGON BRJOD 'GREL PAR NI RTZIG PA LNGA RO'I GZUGS CAN GYIS BSKOR BA LA BSHAD DO, ,PHRENG PAR KA BA RNAMS PHYOGS MDOG DANG, DKYIL 'KHOR GYI STENG GI THOG GI PHYOGS BZHI DANG DBUS KYI KHA DOG NI, 'OG GI KHA DOG BZHIN BYA BAR BSHAD DO, ,GNYIS PA NI, GZHAL YAS KHANG GI NANG GI 'OG GI 'KHOR LO RNAMS LA RGYA DPANGS KYI TSAD JI LTAR YIN SNYAM NA, 'DI LA SKU 'KHOR GYI ZLUM THIG PHYI MA RTZA THIG LA THUG PAR BSKOR BA DANG, MI BSKOR BA'I LUGS GNYIS LAS, MNGON BRJOD DU MI GSAL LA, MKHA' 'GRO RGYA MTSOR DKYIL 'KHOR BZHI SBRAG BSHAD PA'I NANG MA LHA RE GNYIS PA LA, SKU 'KHOR DANG RTZA THIG GI BAR DU LHA SNAM NGES PAR 'JOG STE, SKAL BZANG RNAMS 'GOD PA'I GNAD KYIS SO, ,'KHOR LO LNGA LA LHA RE GNYIS MIN PA MI 'GOD CING, RGYAL BA BZANG POS SKU 'KHOR GYI ZLUM THIG PHYI MA RTZA THIG LA THUG PAR BSKOR LA, DE DANG MTHUN PAR AA BHY'A KA RA DANG, DE BZHIN GSHEGS PA'I RDO RJES KYANG MDZAD DO, ,NAG PO SPYOD PA'I DKYIL CHOG LAS, RTZA THIG NAS NANG DU LHA SNAM DOR NAS SKU 'KHOR MDZAD LA, D'A RI KA PAS DKYIL CHOG LAS NANG DU CHA CHEN GCIG GI LNGA CHA DOR BA NAS SKU 'KHOR BYED DO, ,BOD KYI MKHAS PA DAG LHA'I SKU TSAD LA CHA CHEN GCIG LAS LHAG PAR
, ,BYAS NA, PADMA'I LTE BA DANG 'KHOR LO'I RTZIBS LA SOGS PA LA, LHA'I GA-YAS BRKYANG GI STABS MI SHONG BA'I SKYON DU 'GYUR RO, ,ZHES GSUNGS SHING, SKU TSAD CHA CHEN GCIG TU BZHED LA, NAG PO'I DKYIL CHOG LAS, 'KHOR LO'I RTZIBS DANG PAD 'DAB MNYAM PAR BSHAD CING, THIG GZHAN GSAL BAR MA GSUNGS PA LA, CHA BGO LUGS NI BDE CHEN 'KHOR LO LA MU KHYUD MED PAR BYED NA, LHA SNAM YAN CHAD KYI CHA CHEN GSUM PO CHA BDUN BDUN DU BGOS LA, GNYIS PA PADMA'I LTE BA, BZHI LA PAD 'DAB, 'KHOR LO GSUM PO LA BZHI BZHI, MU KHYUD GSUM PO LA RE RE'O, ,BDE CHEN 'KHOR LO LA PHRENG BA YONG BA BYED NA, CHA CHEN GSUM PO CHA MNYAM NYER GNYIS SU BGO'O, ,GNYIS LA PAD MA'I LTE BA, BZHI LA PAD 'DAB, GCIG LA GRI GUG GI 'PHRENG BA, 'KHOR LO RNAMS LA BZHI BZHI, MU KHYUD RNAMS LA RE RE SNGAR DANG 'DRA'O, ,ZHES GSUNG NGO, ,'DI LA LHA'I GNAS KYI TSAD BSHAD PA LA LHA DE'I GA-YAS BRKYANG GI STABS SHONG MI SHONG DPYOD PA NI DPYOD TSUL LEGS KYANG, LHA'I GNAS SU GA-YAS BRKYANG MI SHONG BA'I SKYON NI, RANG GI LUGS DE LA'ANG 'ONG STE, LHA'I SKU TSAD CHA CHEN GCIG TU BYED NA, RANG GI KHRU RE CHA CHUNG RE'I TSAD DU 'GYUR RO, ,DE LTA NA LVA BA PA DANG PRADZNY'A RAKshI TI'I 'GREL PA DANG, PHRENG BA SOGS LAS KYANG, GA-YAS BRKYANG MTHO LNGAR GSUNGS PAS, GTZO BO'I GNAS LA CHA CHUNG PHYED PA LNGA DGOS NA, GTZO BO'I GNAS LA NI CHA CHEN GCIG GI BDUN CHA BZHI LAS MED PA'I PHYIR RO, ,CHA CHEN GSUM
CHA MNYAM NYE GCIG TU BGOS PA'I CHA BZHI LA CHA CHUNG PHYED PA LNGA MED NA, DE GSUM CHA MNYAM NYER GNYIS SU BGOS PA'I BZHI CHA LA'ANG CHA CHUNG PHYED PA LNGA MI 'ONG BAS MI 'GRIG GO, 'O NA JI LTAR BYA SNYAM NA, NAG PO'I DKYIL CHOG LAS, SGO NI 'KHOR LO'I BRGYAD CHA STE, ,KHYAMS NI DE YI PHYED DU BYA, ,SGO KHYUD DAG NI SGO YI TSAD, ,LHA YI SNAM BU DE BZHIN TE, ,ZHES LHA SNAM DANG KHYAMS SO SOR GSUNGS PAS KHYAMS NI 'DOD SNAM MO, ,DE BZHIN ZHES PA NI KHYAMS LA SNYOG PA YIN GYI, SGO TSAD LA SNYOG PA MIN TE, DE LA BYAS NA SKYON SNGAR LTAR 'ONG BA'I PHYIR RO, ,DES NA PHYOGS GCIG GI LTE BA LA CHA PHRAN GNYIS, 'DAB MA LA CHA PHRAN PHYED DANG GSUM, 'KHOR LO GSUM LA'ANG DE DANG MNYAM PAR BYA, MU KHYUD BZHI LA CHA PHRAN PHYED PHYED BYAS NA LEGS SO, ,LVA BA PA'I RTZA RGYUD KYI 'GREL PAR, RE'U MIG BDUN BDUN LDAN PAR NI, ,THIG SKUD SKOR BA MCHOG YIN NO, ,'KHOR LO SNYING PO DE LAS DRUG ,RTZIBS KYIS MDZES PA DE LTAR BYA, ,LTE BA DANG NI PADMA RNAMS, ,RE'U MIG BZHI DANG GSUM DU BYA, ,TSANGS PA YI NI NGOS GNYIS SU, ,RTZIBS KYI NANG DU MDZES PAR BYA, ,GSUM PO NYID NI THAMS CAD DU, ,RTAG TU RDZOGS PA NYID DU BYA, ,ZHES GSUNGS SHING, DE NAS RDO RJE PADMA 'KHOR LO'I 'PHRENG BAS BSKOR BA DANG, LHAG MA CI MDZES SU BYA BAR BSHAD PA'I DON NI, LHA SBAS KYI 'GREL PA BZHIN SHES PAR BYA STE, 'DI GNYIS THAN THUN MA GTOGS PA THAMS CAD 'DRA BA'I PHYIR RO, ,DE LTAR NA LHA SBAS KYI 'GREL PAR, TSANGS THIG GI LOGS RE RER CHA BRGYAD BRGYAD DU BSHAD PA NI, CHA CHEN DU SNANG LA, DE NAS
, ,DE LA CHA RE BZHIR BSHAD PA NI CHA CHUNG NGO, ,DE NAS BDE CHEN 'KHOR LO DANG, ,THUGS DANG GSUNG SKU'I TSAD BYA BA, ,CHA PHRAN BDUN DANG MNYAM LDAN, ,SKUD PA MCHOG GIS BSKOR BAR BYA, ,'KHOR LO'I RTZIBS NANG CHA PHRAN DRUG ,DE YIS MDZES PAR BRGYAN PAR MTHONG, ,LTE BA'I TSAD DANG 'DAB MA RNAMS, ,CHA PHRAN BZHI DANG GSUM NYID DU, ,BYA BA 'DAB MA YIS MDZES PA'O, ,ZHES BSHAD PAS RE'U MIG BDUN NI CHA CHUNG BDUN YIN GYI, ,CHA CHEN RE LA CHA BRGYAD DU BYAS PA'I CHA BDUN DU 'CHAD PA NGON MIN NO, ,LTE BA'I TSAD CHA CHUNG BZHIR BSHAD PA NI, PHYOGS GNYIS KA LA BYA'I PHYOGS GCIG MIN NO, ,CHA CHUNG GSUM GYI 'DAB MA NI PHYOGS RE'I 'O, ,RTZIBS LA CHA CHUNG DRUG BSHAD PA NI PHYOGS GNYIS BSDOMS PA'I 'O, ,CHA PHRAN RE RE PHRENG BA'I GNAS, ,ZHES PA NI 'KHOR LO GSUM GYI PHRENG BA'I TSAD LA CHA PHRAN RDZOGS PA RE BYAS NA MI 'GRIG PAS, DES NA LHAG MA JI LTAR MDZES PA'I DON NI, ,CHA PHRAN BCU'I LHAG MA JI MDZES SU BYA BAR BSTAN PAS, PADMA 'DAB BRGYAD LA MU KHYUD MA GSUNGS KYANG DGOS PAS, MU KHYUD RE RE LA CHA CHUNG PHYED PA RE BYA'O, ,'O NA D'A RI KA PA'I DKYIL CHOG LAS, TSANGS PA'I THIG GI NGOS RE RU, ,RE RE LNGAR BYA NYI SHUR GDAB, ,PHO BRANG LA GNYIS GE SAR GCIG, GSUM GSUM GYIS NI 'KHOR LO RNAMS, ,KA BA RDO RJE GRI GUG PHRENG, ,PADMA 'KHOR LO RE RE BYA, ,GCIG GIS PHYI YI KHYAMS YIN TE, ,ZHES BSHAD PA LA DBUS KYI GTZO BO'I GNAS LA MI 'GRIG PA MED KYANG PAD 'DAB SOGS LA CHA CHUNG PHYED PA LNGA MED PAS, SKYON SNGA MA BZHIN DU MI 'GYUR BA JI
LTAR BYA SNYAM NA, 'DI NI BRI BYA LA SKU MA BKOD KYANG, PHYAG MTSAN DANG YI GE BKOD PAS KYANG CHOG PA LA DGONGS PA 'DRA STE BRTAG GO ,MKHA' 'GRO RGYA MTSOR NGOS RER THIG SO GNYIS SU GDAB PAR GSUNG PA, RTZA THIG TSUN CHAD KYI PHYOGS RE'I CHA CHEN RE RE BRGYAD BRGYAD DU BGOS PAR 'CHAD PA DON MIN PA NI, DE'I LE'U BCU PA DANG NYER BZHI PA GNYIS BSGRIGS TE, DZA YA SE NA'I DKYIL CHOG LA BLTAS PAS SHIN TU GSAL BAR SHES SO, ,LANG KA DANG AA BHY'A KA RA DANG, BI BHU TI'I LUGS LTAR NA GTZO BO'I GNAS LA'ANG CHA CHUNG PHYED DANG GSUM YOD DO, ,BRIS SKU BZHENGS NA'ANG THIG TSON BYIN RLABS DANG, THIG BSHAD TSOD BZHIN BTAB NA KHYAD CHE LA, 'ON KYANG THIG 'DEBS PA RNAMS RDUL TSON GYI DKYIL 'KHOR GTZO BOR MDZAD NAS GSUNGS SNANG BAS, CHA CHUNG PHYED DANG GSUM PA LA'ANG CHUNG SKYON CHE BAR SNANG NGO, ,LHA RNAMS MED PA'I LUGS DANG, MU KHYUD CHUNG SHOS KYI LUGS DANG, GTZO BO'I GNAS CHE BA'I LUGS DANG, DE LA YANG SNON PA JI LTAR RIGS PAR 'DEBS PA, PHAN TSUN GUNG BSGRIGS TE BYAS NA LEGS SAM SNYAM MO, ,GSUM PA NI, 'KHOR LO LNGA GCIG STENG DU GCIG BRTZEGS PAR 'DOD DGOS NA'ANG, MTHO DMAN JI TZAM RE YOD PA NI, BDE MCHOG GI SKOR GYI GZHUNG GZHAN NAS MI GSAL LA, LANG KA RGYAL BZANG GI DKYIL CHOG LAS, RTZIBS NI BRGYAD BRGYAD 'KHOR LO NI, DE NI 'PHAR MA SUM RTZEG GO, ,DPA' BO MGON PO'I ZHABS NAS NI, ,RKED PA'I BAR DU GNAS PA STE, ,SKU YI 'KHOR LO 'DI BRJOD PA, ,STOBS PO CHE LA SOGS BRGYAD DO, ,RKED PA'I PHYOGS NAS BRTZAMS NAS NI, ,NU MA GNYIS
, ,BAR YANG DAG GNAS, ,GSUNG GI 'KHOR LO JI LTA BAR, ,MYU GU CAN LA SOGS BRGYAD DO, ,NU MA NAS NI BRTZAMS NAS SU, ,MGRIN PA'I BAR DU GNAS PA NI, ,THUGS KYI 'KHOR LO JI LTA BAR, ,THOD PA'I DUM BU SOGS BRGYAD DO, ,ZHES GSUNGS SO, ,DE'I RKANG PA DANG PO GNYIS KYIS 'KHOR LO GSUM BRTZEGS PAR BSTAN TE, DE'I SHUGS KYIS DAM TSIG GI 'KHOR LO'I STENG DU SKU 'KHOR BRTZEGS PA DANG, THUGS 'KHOR GYI STENG DU BDE CHEN GYI 'KHOR LO BRTZEGS PAR YANG 'DOD DGOS SO, ,'DI LA BOD KYI MKHAS PA DAG, DPA' BO ZHES PA'I SHO LO KA GCIG GIS SKU 'KHOR GYI DPANGS CHA CHUNG GNYIS SU DANG, DE NAS SHOLO KA GCIG GIS GSUNG 'KHOR GYI DPANGS CHA PHRAN GCIG TU DANG, DE NAS SHOLO KA GCIG GIS NI THUGS 'KHOR GYIS DPANGS CHA PHRAN PHYED DU BSTAN, DE'I RGYU MTSAN LHA RNAMS KYI SKU'I DPANGS TSAD CHA CHEN RE YIN LA, SKU'I 'KHOR LO'I LHA RNAMS KYI MGO BO DANG, GTZO BO'I RKANG PA MNYAM, GSUNG 'KHOR GYI LHA DANG NU MA MNYAM, THUGS 'KHOR GYI LHA DANG MGRIN PA'I PAR MNYAM PAR DNGOS SU BSTAN PA'I SHUGS LA DAM TSIG GI 'KHOR LO'I LHA DANG GTZO BO'I ZHABS 'OG MAN CHAD MNYAM PAR BSTAN LA, BDE CHEN 'KHOR LO'I LHA MO BZHI LAS GTZO BO'I ZE'U 'BRU CUNG ZAD 'PHAGS PA DANG, 'JIGS BYED DUS MTSAN DANG GTZUG GTOR GYI CHAS GTZO BO CUNG ZAD MTHO BA TZAM DU SHUGS LA BSTAN NO, ,ZHES GSUNGS SO, ,LUNG DE DAG GI 'KHOR LO'I DPANGS DE LTAR BSTAN TSUL NI, LANG KA LTAR NA CHA CHUNG PHYED DANG GSUM LA MTHO LNGAR BYA DGOS PAS, LHA'I SKU TSAD CHA CHEN
GCIG DANG, DE YANG GTZO 'KHOR LA SKU TSAD RING THUNG MED PA'I LUGS DANG, LHA'I ZHABS NAS RKED PA'I BAR NI SKU TSAD KYI PHYED YIN ZHING, DE YANG CHA PHRAN GNYIS YIN PA DANG, RKED PA YAN CHAD KYANG CHA PHRAN GNYIS YIN LA, RKED PA NAS NU MA'I DBUS KYI BAR NI GONG MA'I PHYED YIN PAS CHA CHUNG GCIG DANG, NU MA'I DBUS NAS MGRIN PA'I BAR NI PHYED GONG MA'I BZHI CHA YIN PAS CHA PHRAN PHYED DO, ,DE LTAR BYAS NA SKU 'KHOR GYI LHA'I ZHABS BTZUGS SA NAS, STENG DU CHA PHRAN GCIG GIS MTHE BA'I SA NAS GSUNG 'KHOR GYI LHA'I ZHABS BTZUGS PAR GSAL TE, DE GNYIS SKU'I RING THUNG MTSUNGS SHING GNYIS KA BZHENGS PA LA, STENG DU SKU 'KHOR GYI LHA LAS GSUNG 'KHOR GYI LHA'I SKU BONG CHA CHUNG GCIG GIS RING BA'I PHYIR RO, ,STENG DU GSUNG 'KHOR GYI LHA LAS THUGS 'KHOR GYI LHA CHA CHUNG PHYED KYIS RING BAS NA, 'OG TU GSUNG 'KHOR GYI LHA'I ZHABS BZHAGS NAS STENG DU, CHA CHUNG PHYED KYIS MTHO BA NAS THUGS 'KHOR GYI LHA'I ZHABS BTZUGS SO, ,GSUNG 'KHOR GYI MTHO BA'I TSAD KYI PHYED THUGS 'KHOR GYI MTHO TSAD LA YOD PA BZHIN DU, GSUNG 'KHOR GYI STENG DU 'PHAGS PA'I TSAD KYANG SKU 'KHOR 'PHAGS PA'I PHYED DU 'GYUR BAS, SKU 'KHOR 'OG GZHI LAS CHA CHUNG GNYIS KYIS 'PHAGS PA SHES SO, ,RGYU MTSAN 'DI RNAMS KYIS NI LHA'I SKU BONG GI TSAD CHA CHEN GCIG TU'ANG 'GRUB PAR SNANG NGO, ,DE LTAR 'OG MA 'OG MA LAS GONG MA GONG MA YAR 'PHAGS PA'ANG, 'KHOR LO BZHI GANG LA GNAS PA'I GZHI LA BYA LA, 'KHOR LO'I RTZIBS RNAMS DANG, MU KHYUD RNAMS NI TSAD DE LAS MTHO BA
, ,MIN PAS NGO MTHONG TZAM DU BYA'O, ,SLOB DPON RGYAL BA BZANG PO'I GZHUNG GIS MTHO DMAN DE LTAR BSTAN PA'I DGONGS PA SHIN TU LEGS PAR SNANG NGO, ,GNYIS PA NI, 'KHOR LO LNGA PA'I LUGS 'DI LA MKHA' 'GRO RGYA MTSOR, KA BA RNAMS NI KUN TU SBYIN, ,BRGYAD GSUM 'KHOR LO RNAMS SU'O, ,ZHES 'KHOR LO GSUM PO SO SO LA KA BA YOD PAR GSUNGS SHING, DE YANG D'A RI KA PA'I SGRUB THABS LAS, KA BA SUM CU RTZA GNYIS SAM BRGYAD KYIS SPRAS PA, ZHES BSHAD PA'I PHYI MA NI LHA LNGA DANG BCU GSUM MA LTA BU YIN LA, SNGA MA NI 'KHOR LO GSUM RTZEG TU YOD PA LA YIN PAS, SKU 'KHOR NAS BDE CHEN GYI 'KHOR LO'I BAR LA KA BA BRGYAD BRGYAD YOD PA BSTAN NO, ,'DI LA NAG PO SPYOD PA'I DKYIL CHOG GI 'GYUR GSAR RNYING GNYIS LAS, RDO RJE DANG PADMA DANG 'KHOR LO'I KA BA ZHES PA NI 'KHOR LO GSUM GYI YIN LA, DE'I RIGS PAS BZHI PA LA NI GRI GUG GAM, RIN PO CHES MTSAN PA'I KA BA BYA STE, KA BA'I ZHENG NI D'A RI KA PAS CHA CHEN RE'I LNGA CHAR BSHAD DO, ,DE LTAR KA BA BSHAD PA MANG BA'I RGYU MTSAN GYIS THOG GSAL BAR MA GSUNGS KYANG YOD PAR SHES SO, ,'DI LA KHA CIG KA PA'I DPANGS NI DBU'I STENG NAS KHRU GANG TZAM GYIS 'PHAGS PA'I TSAD YIN ZHES 'DOD PA LA, BLA MA GZHAN KHA CIG GIS LHA'I SKU'I TSAD CHA CHEN GCIG LAS LHAG PA BYAS NA NI, GA-YAS BRKYANG MI SHONG BA'I SKYON YOD LA, CHA CHEN GCIG BYED NA NI THOG DPANGS DMAS PA'I SKYON YOD CING, DKYIL 'KHOR GZHAN NAS NANG GI KA BA'I RING
THUNG GI TSAD RGYA'I PHYED TSAD DU BYAS PA DANG 'GAL BAR 'GYUR RO ZHES 'GOG CING, THOG 'BUBS LUGS LA SHES BYED GSAL PO MI SNANG BAS YI GER MA BKOD CES GSUNG NGO, ,LHA RE GNYIS PA'I DKYIL 'KHOR BSLANG BA 'DI NI DKA' BAR SNANG NA'ANG BSHAD PAR BYA STE, 'DI LA DAM TSIG GI DKYIL 'KHOR GRU BZHI PA LA NI, NANG DU SGOS KYI KA BA BRGYAD MED PAR NGES TE, DKYIL 'KHOR GRU BZHI PA GZHAN LA 'ONG BA LTAR GYI SHAR NUB DANG, LHO BYANG DU BSNOL MAR BTANG BA'I GDUNG 'DEGS RGYU NI 'DI LA MED PA'I PHYIR TE, 'KHOR LO GSUM GYIS BCAD PAS GDUNG DE LTAR GTONG RGYU MED PA'I PHYIR DANG, SKU 'KHOR GYI THOG GIS MA KHEBS PA'I THOG CUNG ZAD YOD KYANG DE LA KA BA MI DGOS PA'I PHYIR RO, ,DES NA 'KHOR LO BZHI'I KA BAS CHOG LA, DE 'DZUGS MTSAMS NI, 'KHOR LO'I RTZIBS DANG PAD 'DAB KYI THAD KAR BTZUGS NA LHA SGRIB PAS, DE RNAMS SU MI BYA BAR MTSAMS SU BYA'O, ,THOG 'BUBS LUGS NI PHAL CHE BA LA, DBUS SU SA 'BUM LTA BU GCIG BYAS PA LA, LCAM SNGAS GTAD NAS, BSKOR KHANG 'BUBS PA'I LUGS LTAR 'KHOR LO'I THOG RNAMS YOD PA CIG 'CHAR MOD KYANG, DE NI MIN TE DE LTAR BYAS NA 'KHOR LO SO SO'I GONG MA'I GNAS NAS 'OG MA'I LHA DANG, 'OG MA NAS KYANG GONG MA MI MTHONG BA'I SKYON DU 'GYUR BA'I PHYIR DANG, DKYIL 'KHOR SGO RGYANG CIG LA DE LTAR MI RUNG BA'I PHYIR DANG, THOG GI RIM PA NI 'KHOR LO BZHI PO THAMS CAD KYI THOG GCIG LA RIM PA BZHI BYED PA LA GNOD PA CUNG ZAD KYANG MED PA'I PHYIR RO, ,DE NA KA BA'I
, ,SRID KYI TSAD LA SKU 'KHOR GYI KA BA'I DPANGS LA, GZHI'I DKYIL 'KHOR GZHAN GYI THOG 'DEGS PA'I TSAD DANG MNYAM PAR BYA STE, 'OG GZHI LAS 'PHAGS PA'I CHA PHRAN GNYIS DANG BCAS PA'O, ,'KHOR LO GZHAN GSUM GYI KA BA NI 'OG TU RANG RANG GI 'KHOR LO'I SA GZHI NAS, STENG DU SKU 'KHOR GYI THOG GI DPANGS LAS CHA PHRAN GCIG GIS MTHO BA DANG, GSUNG 'KHOR GYI THOG LAS CHA PHRAN PHYED KYIS MTHO BA DANG, THUGS 'KHOR GYI THOG LAS CHA PHRAN GCIG GI BZHI CHAS MTHO BA'I DPANGS TSAD BYA'O, ,GZHI'I DKYIL 'KHOR GZHAN GYI KA BA'I SRID KYI TSAD NI BOD KYI MKHAS PA DAG ,KA BA NI RTZA BA RTZIG PA NAS RTZE MO DKYIL 'KHOR GYI DBUS SU SLEB PA CHA CHEN BZHI YIN TE, KO SA LAR, KA BA BRGYAD KYIS ZHES PA LA SOGS PA LA, SGO RE RE'I THAD KAR YANG KA BA GNYIS GNYIS TE, MTHA' GCIG NI RDO RJE'I THIG LA BRTEN PA, MTHA' GCIG NI DKYIL 'KHOR GYI LTE BA LA BRTEN NO, ,DE LTAR NA SGO BZHI'I THAD KAR KA BA BRGYAD DU 'GYUR RO, ,ZHES SHES BYED DU DRANGS NAS RTZIG PA'I DPANGS CHA PHRAN BCU GSUM, PA GU LA GCIG ,DRA PHYED LA GNYIS YOD PA'I TSAD DANG MTHUN PAR CHA PHRAN BCU DRUG PAR BSGRUBS PA LTAR BYA'O, ,'ON KYANG 'DI LA RDO RJE'I THIG ZLUM PO NANG MA LA REG PA TZAM YIN PAS DE'I ZHENG TSAD CUNG ZAD GCIG MA GTOGS LA, RTZA BA RTZIG PA NAS ZHES PA NI SH'AKYA BSHES GNYEN GYIS DKYIL 'KHOR NANG MA LA SGO MED PAR 'DOD PA LA, RTZE MO'I LUNG GIS BKAG PA DANG 'GAL BAR SNANG NGO, ,DE LTAR NA STENG NAS GDUNG ZLUM 'KHOR MAR BTANG BA
KA BAS BTEG PA'I SKU 'KHOR GYI THOG GIS CUNG MA KHEBS PA'I GRVA LA SOGS PAR GDUNG LA SOGS PA 'THUD NAS BTANG STE, DAM TSIG GI 'KHOR LO'I THOG CUNG ZAD 'OD BA DBUB, DE NAS 'KHOR LO LHAG MA LA'ANG CHA PHRAN GCIG LA SOGS PAS THOG 'OG MA LAS MTHO BAR BYAS PA LA, GDUNG ZLUM PO BTANG LA DBUB STE, SHIN TU MDZES PA DKAR CHA CHE BA CIG 'ONG, ZHIB PAR NI MTHONG BA DANG BSHAD PA LAS SHES PAR BYA'O, ,PHYI'I DBYIBS NI SANGS RGYAS GSANG BAS MDZAD ZER BAR, PHYI DBYIBS MCHOD RTEN MKHAR THABS DANG, ,RGYAL KHAB RI BO'I GUR DU 'DOD, ,CES MCHOD RTEN DANG, MKHAR THABS RDZONG DANG, RGYAL PO'I KHANG BZANG RGYA PHIBS CAN DANG, GUR GYI RNAM PA CAN BZHIR BSHAD DO, ,DE RNAMS GANG BYED KYANG RTZE MOR RDO RJE DANG, NOR BU DANG, RIN PO CHE'I THOG GIS MTSAN PAR BYA, ,KO SA LA LAS, RDO RJE NI NOR BU RDO RJE'O, ,NOR BU NI YID BZHIN GYI NOR BU'O, ,RIN PO CHE NI PADMA R'A GA LA SOGS PA STE, DE RNAMS KYIS RTZE MO BRGYAN PA'I KHANG BU BRTZEGS PA, ZHES BSHAD DO, ,DE YANG RGYU NOR BU RDO RJE LAS BYAS PA'I RDO RJE RTZE LNGA PA, DE'I 'OG TU YID BZHIN GYI NOR BU, DE'I 'OG TU PADMA R'A GA SOGS KYI RIN PO CHES SPRAS PA, DPANGS LA CHA CHEN GCIG YOD PA'I TOG BYA BA DANG, RGYA PHUBS BYED NA DE'I THOG DPANGS LA'ANG CHA CHEN GCIG BYA ZHES KHA CIG ZER RO, ,GNYIS PA LA GNYIS, GTZO BO YAB YUM BSHAD PA DANG, 'KHOR GYI LHA BSHAD PA'O, ,DANG PO LA GSUM, YAB YUM GYI SKU MDOG PHYAG MTSAN BSHAD PA DANG, DE RGYUD GANG NAS GSUNGS PA DANG DAG PA'I DON BSHAD PA DANG, YAB YUM SNYOMS PAR ZHUGS NAS DGA' BA
, ,RNAMS SKYED PA 'PHROS DANG BCAS TE BSHAD PA'O, ,DANG PO NI, GTZO BO BCOM LDAN 'DAS NI SKU MDOG NAG PO, STONG PA NYID DANG, MTSAN MA MED PA DANG, SMON PA MED PA DANG, MNGON PAR 'DU BYED PA MED PA'I RNAM PAR THAR PA'I SGO BZHI DAG PA'I ZHAL BZHI PA, RTZA ZHAL NAG PO DANG, GA-YON LJANG GU DANG, RGYAB DMAR PO DANG, GA-YAS ZHAL SER PO'O, ,DUS GSUM GYI RNAM PA THAMS CAD GZIGS PAS SPYAN GSUM PA, MA RIG PA LA SOGS PA'I RTEN 'BREL BCU GNYIS 'GOG PAS PHYAG BCU GNYIS PA, YE SHES LNGA'I BDAG NYID YIN PAS DPRAL BAR RDO RJE RTZE LNGA PA'I 'PHRENG BA 'DZIN PA'O, ,LO CHEN DANG MAR DO DANG ZANGS DKAR SOGS KYI 'GYUR LAS, RDO RJE'I 'PHRENG BA MA BYUNG YANG, CHAG 'GYUR LAS 'BYUNG BA NI 'GREL PA GSUM DANG MTHUN NO, ,'GRO BA THAMS CAD STONG PA NYID KYIS SDUD PAS, GA-YON PA'I ZHABS BSKUMS NAS, MTHO LNGAR ZHABS GA-YAS BRKYANG BAS BZHUGS PAR LVA BA PAS BSHAD PAS SDUD PA NI, PRADZNY'A RAKshI TAS 'GRO BA THAMS CAD STONG PA NYID KYIS GNON PA'I PHYIR, ZHES GNON PAR BSHAD PA YIN LA, DE YANG ZHABS GNYIS KA'I THUN MONG BA YIN ZHING, DES DE LTAR MTSON TSUL NI, 'DI'I ZHABS KYIS GANG MNAN PA NI, DE ZIL GYIS GNON ZHING DE LAS MI 'DA' BA BZHIN DU, STONG NYID RTOGS PAS 'GRO BA RNAMS ZIL GYIS GNON PA DANG, DE RNAMS STONG NYID LAS MI 'DA' BA'O, ,MI GNAS PA'I MYANG 'DAS KYI NGO BO YIN PAS RTAG PA'I RTOG PA STE, RTAG MTHA' 'KHOR BA MTSON PA'I 'JIGS BYED CHEN PO STE DBANG PHYUG DANG, CHAD PA'I RTOG PA STE CHAD MTHA' ZHI BA PHYOGS GCIG PA'I MYANG 'DAS MTSON
PA'I DUS MTSAN MA STE LHA MO AU MA MNAN PA'O, ,DBANG PHYUG NI NAG PO LAG PA BZHI PA'I DANG PO GNYIS THAL MO SBYAR BA, LHAG MA GNYIS d'A MA RU DANG RAL GRI 'DZIN PA DANG, AU MA NI DMAR MO LAG PA BZHI PA'I DANG PO GNYIS THAL MO SBYAR BA, LHAG MA GNYIS THOD PA DANG KHA tV'Am GA 'DZIN PA'O, ,GNYIS KA'ANG GDONG GCIG PA, MIG GSUM PA, PHYAG RGYA LNGAS BRGYAN PAR KHYAD PAR GSAL BYED LAS BSHAD DO, ,BDE MCHOG LA MNGON BRJOD LAS GA-YAS BRKYANG DANG, ZHABS GNYIS KA BRKYANG BA DANG, SKYIL KRUNG PHYED PA SOGS MANG DU GSUNGS PA LAS, LO NAG DRIL GSUM GYIS NI GA-YAS BRKYANG GI LUGS SU MDZAD DO, ,'JIGS BYED DANG DUS MTSAN GNYIS ZHABS GA-YAS GA-YON GANG GI 'OG TU 'ONG BA NI, 'DI DANG LVA BA PA DANG, PRADZNY'A RAKshI TA DANG, KU M'A RA'I 'GREL PA DANG, DPA' BO RDO RJES BYAS ZER BA'I 'GREL PA RNAMS SU MI GSAL LA, KHYAD PAR GSAL BYED LAS DUS MTSAN GA-YAS DANG, 'JIGS BYED GA-YON DU BYAS SO, ,JO BO CHEN PO'I LHAN SKYES KYI SGRUB THABS LAS DE LAS BZLOG STE MDZAD DO, ,RGYA GZHUNG GI SGRUB THABS GZHAN DU MA LAS, GA-YAS BRKYANG GIS 'JIGS BYED DANG DUS MTSAN MNAN ZER BA TZAM LAS GZHAN GSAL BAR MI SNANG NGO, ,BOD KYI BLA MA RNAMS LA'ANG MI GSAL BA DANG, GSAL BA'I LUGS LA'ANG PHYOGS GCIG PA'I NGES PA MI SNANG NGO, ,MNGON BRJOD LAS KYANG, MI GSAL BAR SNGAR BZHIN BSHAD PA MANG NGO, ,LE'U SO GNYIS PAR GA-YAS BRKYANG GI GA-YAS KYIS 'JIGS BYED DANG, GA-YON GYIS DUS MTSAN DANG, LE'U NGA GNYIS PAR YANG
, ,GDAN GNYIS KYI PHYOGS DE BZHIN DU DANG ZHABS GNYIS KA BRKYANG BAS GNON PAR BSHAD DO, ,MI GSAL BA RNAMS KYI'ANG DGONGS PA DPYAD NA 'JIGS BYED GA-YAS PAS GNON PA LA NYE BAR SNANG NGO, ,ZHABS RE RES GNON LUGS NI, MNGON BRJOD KYI SO GSUM PA LAS, LHA BCU GSUM MA'I GTZO BO ZHAL BZHI PHYAG BCU GNYIS PA SKYIL KRUNG PHYED KYIS BZHUGS PAS DUS MTSAN KHA SBUB TU MNAN PA DANG, NYER DGU PAR LHA DGU MA'I GTZO BO ZHAL DRUG PHYAG BCU GNYIS PAS GA-YAS BRKYANG GIS 'JIGS BYED DANG NI 'JIGS BYED MO, ,KHA SBUB ZHABS KYIS MNAN PAS BZHUGS, ,ZHES 'GYUR MANG PO LAS 'BYUNG BA DANG, NYI SHU PAR ZHAL BRGYAD PHYAG BCU DRUG PA DANG, ZHAL BCU GNYIS PHYAG NYER BZHI PA DANG, DE LAS KYANG MANG BA DANG, 'KHOR DANG PHYAG GRANGS MA NGES PA'I KHA DOG DANG, PHYAG MTSAN SNA TSOGS PA 'DZIN PA'I GTZO BOS 'JIGS BYED DANG, DUS MTSAN DANG, TSANGS PA DANG DBANG PO SOGS DU MA ZHIG KHA SBUB TU GNON PAR BSHAD PA YOD KYANG, LE'U DGU PAR ZHAL BZHI PHYAG BCU GNYIS PA GA-YAS BRKYANG CAN, YUM DANG LDAN PA'I YAB KYI SKU LA, LHA DRUG CU BKOD PA'I LHA RE GNYIS PA'I SKABS SU DANG, YANG BCO BRGYAD PAR GTZO BO ZHAL GSUM PHYAG DRUG PAS LHA RE GNYIS PA'I SKABS SU DBANG PHYUG GI MGO BO DANG, ,DUS MTSAN GYI NU MA GNON PAR GSUNGS SHING, L'U AI PA'I 'GREL PA RNAMS SU MI GSAL YANG, MI THUB ZLA BA DANG, BYANG CHUB RDO RJE SOGS KYIS KYANG LHA RE GNYIS PA'I GTZO BO ZHAL BZHI PHYAG BCU GNYIS PA
GA-YAS BRKYANG CAN GYI SKABS SU, MGO BO DANG NU MA GNON PAR BSHAD PA LTAR ,LO NAG DRIL GSUM GYI RE GNYIS PA LA'ANG BYA DGOS SO, ,DE LTAR NA AU MA NI GAN RKYAL DANG, MGO BO GNON PA YANG MNGON BRJOD DU MANG DU BSHAD DE, ,'JIGS BYED KYI MGO GNON PAR MANG DU BSHAD CING, GAN RKYAL DU GNON PA RGYUD NA MED PAS, L'U AI PA SOGS KYI LUGS 'DI LA KHA SBUB TU GNON PA YANG MA BSHAD PAS, GA-YAS SU 'GYEL BA'I RNA BA GA-YON PA NAS GNON PAR SGRUB THABS 'GA' ZHIG LAS BSHAD PA LTAR RO, ,RGYA GZHUNG 'GA' ZHIG LAS GNON LUGS 'GA' RE BSHAD KYANG MA BRIS SO, ,BOD KHA CIG RNAL 'BYOR GYI RGYUD DE NYID BSDUS PA DANG, RDO RJE RTZE MOR RIM PA BZHIN DU ZHABS GA-YON PAS DBANG PHYUG GI RNA BA GA-YON PA DANG, GA-YAS PAS AU MA'I NU MA'I BAR DU GNON PAR BSHAD PA LTAR 'DIR BYA DGOS LA, JO BO CHEN POS DBANG PHYUG MA SHI BAR BZHED PA, RTZE MOR SHI BAR BSHAD PAS 'GOG PA NI LEGS PA MIN TE, RGYUD SDE GONG 'OG MI GCIG PA RNAL 'BYOR DANG RNAL 'BYOR BLA MED KYI RGYUD NAS, GNON PA PO MI 'DRA BA PHYAG RDOR DANG, BDE MCHOG GIS, MNAN BYA DBANG PHYUG DANG AU MA GNON PAR BSHAD PA RNAMS KYI ZHABS KYI GNON LUGS MTHUN DGOS NA, BDE MCHOG GI RGYUD GCIG NAS GNON PA PO BDE MCHOG TU MTSUNGS SHING, MNAN BYA 'JIGS BYED DANG DUS MTSAN DU MTSUNGS PA GNYIS GNON LUGS SHIN TU MTHUN DGOS PA LA, MNGON BRJOD KYI RGYUD GCIG PU NAS MI MTHUN PA DU MA ZHIG GSUNGS PA'I PHYIR RO, ,DE YANG RGYUD DE'I LE'U SO GSUM
, ,PAR ZHABS GNYIS LAS MANG BA NI MA BSHAD CING, SKYIL KRUNG PYED PAS BZHUGS NAS DUS MTSAN KHA SBUB TU BYAS TE, 'JIGS BYED DANG GNYIS KA GNON PA BSHAD PA'I DON, SGRUB THABS GTZUG NOR LAS, SKYIL KRUNG PHYED PAS GNYIS KA BRTZEGS NAS GNON PAR BSHAD DE, ZHABS GCIG GIS GNYIS KA DANG, RE RES RE RE DANG, GA-YAS BRKYANG DANG GNYIS KA BRKYANG BAS GNON LA SOGS DU MA ZHIG BSHAD DO, ,YANG LE'U NGA BZHI PA LAS, 'JIGS BYED DANG NI DUS MTSAN DAG ,BRGYAL ZHING RNAM PAR MYOS PA YI, ,KLAD PA LA NI ZHABS KYIS NI, ,GCER BU 'O DOD 'BOD PA MNAN, ,ZHES KYANG GSUNGS PAS, BDE MCHOG GI RGYUD KYI LUGS KYIS 'JIGS BYED GSON POR 'DOD PA YO GA'I RGYUD NAS DBANG PHYUG SHI BAR BSHAD PAS 'GOG MI NUS SO, ,MNGON BRJOD LAS 'JIGS BYED DANG DUS MTSAN MNAN PAS NI SRED PA DANG SDANG BA DANG, RTAG CHAD KYI RNAM RTOG GZHON PAR GSUNGS PA'I DANG PO NI, GO SLA'O, ,GNYIS PA RTAG PA 'KHOR BA'I YOD MTHA' NI, 'KHOR BA'I BAG CHAGS KYI RGYUN MA CHAD PAR 'JUG PA'I PHYOGS DANG, CHAD PA MYANG 'DAS KYI MED MTHA' NI, LAS NYON TZAM ZHIG CHAD PA'I ZHI BA PHYOGS GCIG PA'O, ,YUL STONG PA NYID DANG YUL CAN SNYING RJE RO MNYAM PAS RDO RJE PHAG MO LA, PHYAG DANG PO GNYIS KYIS 'KHYUD PA DANG, 'KHYUD PA'I PHYAG GNYIS KYI GA-YAS PAS YE SHES LNGA RO MNYAM PA'I RANG BZHIN CAN, RDO RJE RTZE LNGA PA DANG, GA-YON PAS SHER PHYIN GYI RANG BZHIN DRIL BU BSNAMS PA'O, ,MNGON BRJOD LE'U DGU PAR DPA' BO GCIG PA LA, RDO RJE RTZE DGU PAR BSHAD KYANG, 'DIR RTZE LNGA
PAR BYA, 'GRO BA'I GTI MUG 'JOMS PAS PHYAG SNGA MA LAS GZHAN PA STE DE'I 'OG MA GNYIS KYIS, GLANG PO CHE'I PAGS PA DKAR PO KHRAG DANG BCAS PA'I NA BZA' RANG GI RGYAB TU MNABS PA STE, GLANG POS GTI MUG MTSON LA, DE'I PAGS PA BSHUS PAS NI GTI MUG BRAL BA MTSON PA'O, ,DE YANG PHYAG GA-YAS PAS LAG PA GA-YON PA DANG, GA-YON PAS RKANG PA GA-YON PA'I PAGS PA SDIGS MDZUB DANG BCAS PA'I PHYAG GIS BRGYANGS TE 'DZIN PA'I SDIGS MDZUB KYI RTZE GNYIS SMIN MA DANG MNYAM PAR RTZA RGYUD KYI 'GREL PAR PHYAG NA RDO RJES BSHAD DO, ,TSOGS BDAG GLANG PO'I GZUGS SU GNAS PA'I PAGS PA YIN PAS, MNGON BRJOD LAS, TSOGS BDAG GI PAGS PA ZHES KYANG GSUNGS SO, ,GA-YAS PA'I PHYAG GSUM PA NA MCHOG TU DGA' BA'I SGRAS SANGS RGYAS THAMS CAD BSKUL BA'I d'A MA RU, BZHI PA NA SGO GSUM GYI SKYON GCOD PA'I DGRA STE, LNGA PA NA DNGOS PO YOD MED KYI MTHAR 'DZIN PA'I RNAM RTOG GCOD PA'I GRI GUG BSNAMS SHING, DRUG PA NA KHAMS GSUM DU SON PA'I NYON MONGS PA 'BIGS PA'I MDUNG RTZE GSUM PA SGRENG BA'O, ,GA-YON PA'I PHYAG GSUM PA NA BYANG CHUB KYI SEMS KYI RANG BZHIN GYI KHA tV'Am GA DKAR PO RDO RJES MTSAN PA'O, ,KHA tV'Am GA NI MNGON BRJOD LE'U DGU PAR, MCHOD PHYIR THOGS DANG 'BREL BA'I RDO RJE KHA tV'Am GA , STENG DU RDO RJE RTZE LNGA PA'I RDO RJE RAB TU 'JIGS PA, RDO RJE DRIL BU RAB TU 'PHYANG ZHING SNA TSOGS PA'I BA DAN RAB TU DPYANGS PA, DBUS SU SNA TSOGS RDO RJES MTSAN PA 'OG TU RDO RJE RTZE GCIG PA, ZHES GSUNGS SO, ,PHAG MO SHES RAB SNANG BA'I SGRUB THABS
, ,LAS, KHA tV'Am GA YU BA DKAR PO, ,MGO RTZE GCIG PA, STENG NAG PO RTZE LNGA PA DANG RJES SU 'BREL BA'I MGO BO SKAM PO DANG, RNYING PA DANG RLON PA DANG, SNA TSOGS RDO RJE DANG, GSER GYI BUM PA'I RTZA BA LA BTAGS PA'I DRIL BU SGRA SGROGS PA DANG LDAN PA'I SNA TSOGS PA'I BA DAN GYIS MDZES PAR BYAS PA, ZHES BSHAD PA'I YU BA NI DBYUG PA DANG, MGO RTZE GCIG PA NI MAR RTZE DANG, SNA TSOGS RDO RJE'I 'OG TU BUM PA SER PO BYA'O, ,MGO BO GSUM GYI KHA DOG NI KHYAD PAR GSAL BYED LAS, SKU GSUNG THUGS RNAM PAR DAG PAS, DKAR PO DMAR PO NAG PO'I MGO BO GSUM DANG LDAN PA'I KHA tV'Am GA'O, ,ZHES BSHAD PAS YAS RIM NAS SBYAR TE BYA'O, ,BZHI PA NA BDE BA DANG SNYING RJE CHEN PO'I RO'I RANG BZHIN KHRAG GIS BKANG BA'I THOD PA STE, KHRAG DANG THOD PA LA RE RE SBYAR RO, ,LNGA PA NA YANG DAG PA'I YE SHES KYIS BCINGS PAS RDO RJE'I ZHAGS PA, DRUG PA NA DNGOS PO YOD MED KYI RNAM RTOG THAMS CAD ZAD PA'I RANG BZHIN GYI THAR PA TSANGS PA'I MGO BO BSNAMS PA STE, KYEE RDOR LAS, TSANGS PA SGRIB BRAL SANGS RGYAS TE, ZHES GSUNGS PA BZHIN NO, ,RAL PA'I COD PAN GYIS BRGYAN PA DANG, SNA TSOGS RDO RJES MTSAN PA'I DBU RGYAN CAN ZHES SO SOR 'BYUNG BA'I DON NI, 'KHRUL SPONG LAS, SNA TSOGS RDO RJES MTSAN PA'I RAL PA'I THOR COG CAN, ZHES BSHAD PA LTAR BYA LA, MTSON DON NI DGE RTZA MTHAR GYIS 'PHEL BA DANG, 'GRO BA KUN GYI DON BYED PA'O, ,SNA TSOGS RDO RJES MTSOGS MA GNON PAR 'DOD PA NI RGYUD KYI DON MIN NO, ,THOD PA SKAM PO LNGA'I PHRENG BA'I THOD CAN NO, ,DE NI SHES RAB SNANG BA'I SGRUB THABS LAS,
RDO RJE NAG PO'I PHRENG BA GNYIS KYI DBUS SU THOD PA'I PHRENG BA BYED PAR BSHAD PAS, STOD SMAD NAS PHRENG BA DE LA BRGYUS PA'O, ,DES NI CHOS KYI DBYINGS LAS BZHENGS PA MTSON PAR LVAB PA DANG, PRADZNY'A RAKshI TA'I 'GREL PAR 'BYUNG BA'I DON NI, THOD SKAM GYIS BDAG MED PA DANG, KYEN DU 'GRENG PAS DE LAS BZHENGS PA MTSON PAR MNGON NO, ,DBU LA ZLA BA PHYED PA 'CHANG BA NI, CUNG ZAD GYON DU YO BAR 'KHRUL SPONG DANG, KHYAD PAR GSAL BYED LAS BSHAD LA, DES BYANG CHUB KYI SEMS 'BAB PA MTSON NO, , MNGON BRJOD LAS KYANG LAN DU MAR ZLA PHYED DU GSUNGS PAS, TSES GCIG GI ZLA BAR 'CHAD PA DON MIN NO, ,LOG PAR LTA BA LAS LOG NAS YANG DAG PA'I LTA BA CAN DU GYUR PAS ZHAL RNAM PAR 'GYUR BA'O, ,BDUD BZHI 'JOMS PAS MCHE BA BZHI GTZIGS SHING 'JIGS SU RUNG BA'O, ,RNAM SNANG LA SOGS PA'I RIGS LNGA DANG, SPYAN MA LA SOGS PA'I YUM BZHI'I RING BZHIN GYI ZHI GNAS DANG, LHAG MTHONG GI SHIN TU DGA' BA'I NYAMS DANG LDAN PAS, SGEG PA DANG LA SOGS PA'I SGRAS BSDUS PA DPA' BA DANG, MI SDUG PA GSUM SKU'I DANG, RGOD PA DANG DRAG SHUL DANG 'JIGS SU RUNG BA GSUM GSUNG GI DANG, SNYING RJE DANG RNGAM PA DANG ZHI BA GSUM THUGS KYI NYAMS TE NYAMS DGU DANG LDAN PA'O, ,CHAGS SOGS KYI NYON MONGS SBYONG BAS STAG GI PAGS PA'I SHAM THABS CAN NO, ,DE YANG MAN SNYE LAS, STAG GI PAGS PA'I GOS TA DE YANG SHES RAB DANG BCAS PA NYID NA RGYAB KYI CHA KHO NAR RO, ,ZHES GSUNGS PA LTAR, BLA MA KHA CIG STAG GI PAGS PA'I SHAM THABS RLON PA KHRAG 'DZAG
, ,BZHIN PA MGO BO GYAS DANG, MJUG MA GYON DU BSTAN NAS BGOS PA LAS, YUM DANG SBYOR BA'I DUS SU RGYAB KYI CHAR BSHUGS NAS MGO BO GYON DANG MJUG MA GYAS SU BYAS NAS MDUN GYI CHAR MED PA'O, ,ZHES ZER RO, , A'A LI DANG K'A LI LNGA BCU'I RANG BZHIN GYI MI MGO RLON PA LNGA BCU'I 'PHRENG BA 'PHYANG PA'O, ,PHYAG RGYA DRUG GIS BRGYAN PA ZHES GSUNGS PA'I PHYAG RGYA DRUG NI, MGUL RGYAN DANG, GDU BU DANG, RNA CHA DANG, DBU STE SPYI GTZUG TU RNAM PAR BRGYAN PA'I NOR BU DANG, MCHOD PHYIR THOGS DANG, THAL BA CHEN PO ZHES PA NI, PHYAG RGYA DRUG TU RAB TU BRJOD DO, ,DE LA SBYIN PA LA SOGS PA'I PHA ROL TU PHYIN PA DRUG RNAM PAR DAG PA'I PHYIR DANG, SKU LA PHYAG RGYA DRUG GIS RGYAS BTAB PA'O, ,'DI NI KUN SPYOD DANG MNGON SPYOD KYI SKABS 'GA' ZHIG DANG MTHUN LA, MNGON BRJOD KYI LNGA PA LAS, SPYI GTZUG GI NOR BU MA BGRANGS PAR, ,MGO PHRENG BGRANGS SHING GZHAN SNGAR DANG 'DRA'O, ,BLA MA KHA CIG MGO 'PHRENG GCIG TU BGRANGS PA 'GYUR MA DAG PA'AM, DPE MA DAG PAR 'CHAD MOD KYANG, MNGON BRJOD KYI 'GYUR PHAL CHE BA LAS DE BZHIN DU 'BYUNG BAS DPYAD DO, ,PHYIN DRUG DANG SBYOR TSUL NI RIM PA JI BZHIN DU BYA'O, ,'KHRUL SPONG LAS SPYI GTZUG GI NOR BU DANG MCHOD PHYIR THOGS MA BGRANGS PAR 'KHOR LO DANG RKED RGYAN BGRANGS TE KYEE RDER DANG MTHUN, BRTZON 'GRUS DPAL BSHES GNYEN GYIS 'KHOR LO DANG RKED RGYAN SOGS NYE BA'I PHYAG RGYAR BSHAD DO, ,BLA MA KHA CIG RAL PA'I THOR COG LA STENG DU YID BZHIN GYI NOR BU DANG,
DE'I 'OG TU SNA TSOGS RDO RJE BYA GSUNG YANG, SPYI GTZUG GI NOR BUS MTSAN PA'I 'KHOR LO BYAS NA RUNG NGAM SNYAM, DE DANG THA MA GNYIS MA GTOGS PA'I LHAG MA'I RGYAN GSUM MI RUS LAS BYAS PA GZHAN DANG MTHUN PAR BYA, 'KHRUL SPONG LTAR RKED RGYAN KYANG BYA'O, ,MCHOD PHYIR THOGS NI MI RUS LAS BYAS PAR 'KHRUL SPONG DANG, KHYAD PAR GSAL BYED LAS BSHAD LA, MING GNYIS PA TSANGS SKUD CES KYANG 'BYUNG STE, SE RAL KHAR THOGS PA'O, ,MI RUS KYI THAL BA NI LUS THAMS CAD LA BYUGS PA STE, DES NI LUS THAMS CAD LA BYANG CHUB KYI SEMS KYIS KHYAB PA MTSON NO, ,GTZO BO DE'I MDUN DU STE DE LA MNGON DU PHYOGS PAR BCOM LDAN 'DAS MA RDO RJE PHAG MO SKU MDOG DMAR MO ZHAL GCIG PHYAG GNYIS MA DBU SKRA RGYAB TU SIL BUR BSHIG PA, THOD PA'I DUM BUS BRGYAN PA'I 'OG PAG GI SKA RAGS CAN, PHYAG GA-YON PAS YAB KYI MGUL PA NAS 'KHYUD PA'I THOD PA NA, GDUG PA'I BDUD BZHI LA SOGS PA'I KHRAG DANG RGYU MAS BKANG BA BSNAMS PA, GYAS PAS PHYOGS BCU'I SDONG BA STE GDUG PA CAN KUN LA RDO RJE DANG BCAS PA'I SDIGS MDZUB KYIS SDIGS PAR BYED PA'O, ,STONG PA NYID GYIS TSUL GYIS 'GRO BA MI DMIGS PAR MNYAM PAR RTOGS PAS BSKAL PA 'JIG PA'I DUS KYI ME LTA BUR SHIN TU RNAM PAR DAG PA'I YE SHES KYI SNANG BA DANG LDAN PAS GZI BRJID CHE BA'O, ,DES NA NYI MA'I DKYIL 'KHOR GYI 'OD CAN NO, ,KHRAG LA DGYES SHING ZLA MTSAN DANG LDAN PAS KHRAG 'DZAG PA'O, ,BYIN PA GNYIS KYIS YAB KYI BRLA'I STENG DU LEGS PAR 'KHRIL BA, LHAG MTHONG GI RANG
, ,BZHIN GYI BDE BA CHEN POR GNAS KYANG 'GRO BA'I DON BYED PAS THUGS RJE'I BDAG NYID CAN NO, ,YUM YANG THAL BA MA GTOGS PA PHYAG RGYA LNGAS BRGYAN PA STE, GDU BU LA RKANG GDUB DANG LAG GDUB GNYIS DANG DPUNG BRGYAN DANG 'KHOR LO DANG, MI MGO SKAM PO LNGA'I THOD DANG, SKAM PO LNGA BCU'I DO SHAL SOGS KYANG SHES PAR BYA'O, ,'DIR LVA BA PA'I 'GREL PA LAS, CUNG ZAD RGOD DANG YONGS SU 'KHYUD, ,GCER BU NYID DANG SKRA GROL BA, ,SPU LDANG BDE BA SKYED PA YI, ,RTAGS LNGA PO NI PHYI ROL DU'O, ,RTAGS GSUM DNGOS SU GSUNGS PA YIS, ,DES NA RTAGS GNYIS RTOGS BYAS TE, ,'KHOR LO LNGAR GNAS LHA MO RNAMS, ,RTAGS LNGA YIS NI YANG DAG GNAS, ,ZHES GSUNGS PA'I RTAGS GSUM NI GTZO MO DANG, DPA' MO NYER BZHI LA NI 'KHYUD PA DANG, GCER BU DANG SKRA GROL BA YIN LA, LHA MO LHAG MA LA NI 'KHYUD PA'I TSAB MAR CUNG ZAD RGOD PA DANG GSUM STE, 'KHYUD PA NI SHUGS KYIS SHES PAR BYA'O, ,'DIS NI LHA MO BCU GNYIS KYI PHYAG GRI THOD THUGS KAR BZUNG BAS 'KHYUD TSUL BYED PA YANG BSTAN NO, GNYIS PA NI, YAM YUM 'DI LTAR BSHAD PA 'DI RGYUD GANG NAS GSUNGS SNYAM NA, RTZA BA'I RGYUD DU NI SPAS PAR GSUNGS PAS MI GSAL LA, BSHAD PA'I RGYUD KUN SPYOD LAS, PHYAG GNYIS YANG DAG 'KHYUD PA DANG, , GNYIS KYIS GLANG PO'I PAGS PA 'DZIN, ,DGRA STA MDUNG RTZE GSUM GRI GUG ,d'A MA RU NI GYAS PAS 'PHYAR, ,KHA tV'Am GA DANG THOD PA'I KHRAG ,ZHAGS PA MGO BO 'PHYAR BA STE, ,GYON PA RU NI YANG DAG BSHAD, ,CES YAB KYI SKU MDOG DANG ZHAL GYI GRANGS
MA SMOS SHING, PHYAG MTSAN RNAMS RIM PA JI LTA BA BZHIN MA BSHAD KYANG, PHYAG DANG PHYAG MTSAN RIM PA NGES PA CAN MA SMOS PAS L'U AI PA BZHIN BYAS PAS CHOG GO ,MNGON BRJOD KYI LE'U BDUN PA LAS, PHYAG MTSAN GNYIS DANG, DAM TSIG GI RDO RJE PHAG MO LA 'KHYUD CES PA MA GTOGS PA, ZHAL GYI GRANGS DANG, DE'I MDOG DANG, SKU MDOG DANG, PHYAG MTSAN LHAG MA DANG, RAL PA LA SOGS PA 'DI BZHIN DU BSHAD LA, GYAS PA'I DRUG PA NA RDO RJE MDUNG ZHES PA TZAM LAS RTZE GSUM PA MA BSHAD DE MI 'GAL, GA-YON PA'I DRUG PAS BDUD BZHI'I MGO BO BSNAMS PAR BSHAD PAS NI TSANGS MGO GDONG BZHI PAR STON NAM BRTAG GO ,YUM NI SDOM 'BYUNG DANG, GYAS PA'I GRI GUG MA GTOGS PA KUN SPYOD DANG MTHUN LA, YUM GYI GYAS PAS RDO RJE 'DZIN PA NI, MNGON BRJOD KYI SKABS MANG POR GSUNGS SO, ,DES NI DRIL BU PAS ZHAL BZHI PHYAG BCU GNYIS PAR BSHAD PA YANG RGYUD GANG NAS GSUNGS PA SHES PAR BYA'O, ,ZHAL BZHI LA SOGS PA RNAM THAR BZHI LA SOGS PAR BSHAD PA NI, LVA BA PA'I 'GREL PAR, THAL BAS LUS THAMS CAD LA PHYUGS PA NI, LUS THAM CAD LA BYANG CHUB KYI SEMS KYIS KHYAB PA MTSON PAR GSUNGS PAS, GZHAN RNAMS LA'ANG SKU'I SNANG BA DE DANG DES RNAM THAR BZHI LA SOGS PA MTSON PAR BYA'O, ,YAB KYIS YUm LA DANG, DES KYANG YAB LA 'KHYUD PA NI THABS SHES PHAN TSUN DU 'KHYUD PA YIN LA, DE'I MTSON DON NI STONG PA NYID BDAG MED PA'I DON RTOGS PA DANG, SNYING RJE'I SKAD DOD KA RU nA'I KA LA RJES SU NGA RO PHYIN PAS NI BDE BA DANG RU nA 'GOG PA'I DON DU BYA STE, 'GYUR BA
, ,'DZAG BDE 'GOG PAR BSTAN PA'I SHUGS KYIS MI 'GYUR BA DANG MI 'DZAG PA'I BDE BA CHEN PO STON PAR DUS 'KHOR GYI SKOR NAS GSUNGS PA LTAR RAM, MTSO SKYES KYIS GSUNGS PA LTAR MAH'A KAm NI BDE BA CHEN PO DANG, RU nA SDUD PA STE DE YANG LHAN SKYES KYI BDE BA YIN PAS, SNYING RJE LA SPYIR GNYIS YOD KYANG 'DI 'DRA'I SKABS SU SEMS CAN SDUG BSNGAL DANG BRAL 'DOD LA BSHAD PA LTAR MI BYA'I, LHAN SKYES KYI BDE CHEN LA BYA STE, MNGON BRJOD LAS, BDE CHEN THUGS RJE'I BDAG NYID CAN, , ZHES GSUNGS SHING L'U AI PAS KYANG DE LTAR GSUNGS SO, ,DE GNYIS NGO BO DBYER MED DU SBYOR BA'I DON NO, ,YUL STONG NYID DE YUL CAN GZHAN GYIS BSGOMS PA LAS KHYAD PAR DU GYUR PA'I LHAN SKYES KYI BDE BAS SGOM DGOS PAR BSTAN PA'I PHYIR DU YAB YUM PHAN TSUN SBYOR BA'I RNAM PA CAN DU MDZAD PA NI, LAM 'DI'I GNAD DAM PA YIN PAS, SPYIR THABS SHES DBYER MED DU SBYOR BA MTSON ZHES PA TZAM MIN PAR KHYAD PAR THON PA CIG DGOS SO, ,MTSON DON KHYAD PAR CAN DE'I STONG NYID RTOGS PA LA BZHIR PHYE BA NI RNAM THAR BZHI YIN LA, BDE BA NI KHA tV'Am GA DANG THOD PA DANG, GNYIS KA YANG RDOR RI DRAL GYI MTSON DON NO, ,DE'I BYED LAS NI GTI MUG MA LUS PAR DRAL BA DANG, DES BSKYED PA'I SGRAS SANGS RGYAS THAMS CAD BSKUL BA DANG, GYAS KYI PHYAG MTSAN GSUM DANG, GA-YON GYI PHYAG MTSAN LNGA PAS RANG GZHAN GYI RGYUD LA 'CHING BA DANG, GYAS BRKYANG GI STOBS KYIS ZIL GYIS GNON PA DANG, 'KHOR 'DAS KYI MTHA' GNYIS GNON PA'O, ,DE LTAR MDZAD PAS SKYON ZAD PA'I SPANGS PA NI TSANGS
MGO DANG, YON TAN GONG NAS GONG DU 'PHEL TE MTHAR PHYIN PA'I RTOGS PA NI RAL PA YAR LA BSDUS PA DANG, YE SHES LNGA'I NGO BOR GNAS PA NI RDO RJE 'PHRENG BA'I MTSON DON NO, ,ZHI MTHA' SPANGS PA'I 'OD GSAL LAS GZUGS SKUR BZHENGS PA NI THOD SKAM LNGA DANG, DE 'DRA NGES 'PHRIN LAS BZHIS SEMS CAN GYI DON MDZAD PA NI SNA TSOGS RDO RJE'I MTSON DON NO, ,SPANGS RTOGS GNYIS KYI RTOGS PA'I KHYAD PAR JI SNYED PA THAMS CAD GZIGS PA NI SPYAN GSUM DANG, 'KHOR LO'I MTHA' GNON PA'I TSUL PHYAG BCU GNYIS KYI MTSON DON DANG, PHYIN DRUG GI LAM RDZOGS PAR MDZAD PA NI PHYAG RGYA DRUG GIS MTSON NO, ,BDE CHEN 'PHEL BA'I RGYU NI YUM DANG SBYOR BA SOGS LUS LA GNAD DU BSNUN PA LAS BYANG SEMS KYI ZLA BZHU BA YIN LA, DE MGO BO NAS 'DZAG PA NI ZLA PHYED DANG, 'DZAGS PAS LUS KUN LA KHYAB PA NI THAL BAS BSTAN NO, ,LHAG MA NI GO SLA'O, ,DE 'DRA BA'I MTSON DON KHONG DU CHUD PAS NI, LAM 'DI LA NGES PA CHEN PO STER BAR MTHONG NAS GO BDE BAR BSHAD DO, ,GSUM PA NI, DE NAS RDO RJE DANG PADMA SBYANG BA BRJOD PAR BYA STE, YAB KYI GSANG GNAS MI DMIGS PA LAS, H'Um DKAR PO LAS RDO RJE DANG, BY'A YIG DMAR PO LAS BYUNG BA'I NOR BU DMAR PO RTZE MO LA BY'A YIG SER POS MTSAN PA DANG, YUM GYI GSANG GNAS MI DMIGS PA LAS, AA LAS PADMA DMAR PO 'DAB MA GSUM PA, DY'A YIG DKAR PO LAS BYANG CHUB KYI SEMS MTSON PA'I ZE'U 'BRU STE LTE BA DKAR PO, ,RTZE MOR DY'A YIG SER POS MTSAN PAR BSAM, RDO RJE'I KHA DOG LVA BA PAS MA BSHAD LA, PRADZNY'A RAKshI TA DANG 'KHRUL SPONG GIS NAG PO DANG,
, ,KHYAD PAR GSAL BYED LAS DKAR POR BSHAD DE RTZE LNGA PAR BYA'O, ,BYA YIG DANG PO DMAR PO DANG, GNYIS PA SER POR 'GREL PA GSUM DANG 'KHRUL SPONG LAS BSHAD, DY'A YIG SNGA MA DKAR POR 'KHRUL SPONG LAS SO, ,DE NAS YAB KYI LTE BA DANG THUGS KAR YUM GYI SNYING PO DANG NYE SNYING DANG, MGRIN PA DANG DPRAL PAR RING GI SNYING PO DANG NYE SNYING 'GOD, YUM GYI LTE BA DANG THUGS KAR YAB KYI SNYING PO DANG NYE SNYING DANG MGRIN PA DANG DPRAL BAR RANG GI SNYING PO DANG NYE SNYING DGOD LA, PHAN TSUN DU TZUMBHA NA BYA ZHING, YI GE GSUM BRJOD LA DGA' BA BRTZAM PAR BYA STE, PHYI ROL GYI MDZES MA DANG SBYOR BA LA YANG CHO GA 'DI NYID DO, ,MAR DOS YUM GYI SNGAGS GNYIS ZLA GDAN DANG, YAB KYI SNGAGS GNYIS NYI GDAN LA DANG, BZHI KA'ANG KHA DOG DMAR PO DANG GYON SKOR GYIS 'KHOD CING, SNYOMS 'JUG GI TSE DE RNAMS KYI 'OD ZER 'DRES PAS 'KHYUD PA DANG 'O BYED PA LA SOGS PA'I BDAG NYID DE RNAM PA LTA BUS SNYOMS PAR 'JUG PAR BYA'O, ,ZHES BSHAD DE, 'DI'I 'GREL PA GZHAN GNYIS DANG, PRADZNY'A RAKshI TA'I 'GREL PA RNGOG 'GYUR DU YAB YUM GNYIS KYIS PHAN TSUN GYI MGRIN PA DANG DPRAL BAR TZUMBHA NA BYA BAR BSHAD PA DANG, 'KHRUL SPONG LAS SNGAGS BZHI YAB KYI GNAS BZHIR BKOD NAS YAB KYIS YUM LA TZUMBHA NA DANG, DE BZHIN DU YUM LA'ANG BKOD NAS YUM GYIS YAB LA TZUMBHA NA BYA BAR BSHAD PA LTAR, PRADZNY'A RAKshI TA'I 'GREL PA'I 'GYUR GZHAN LAS KYANG 'BYUNG BAS SNGA PHYI GNYIS KA DGONGS SHING, SNGA MA'I DON NI MAR DO BZHED PA LTAR BYA DGOS PA 'DRA'O, ,DE LTAR BYIN GYIS RLOB PA NI KUN SPYOD LA BRTEN PA
YIN DE, JI SKAD DU, SNGAGS PAS DPA' BO RNAL 'BYOR MA BYIN BRLAB, ,YI GE DY'A NI SNA RTZER YANG DAG SBYAR, ,BY'A NI MTSAN GYI LTE BAR RNAM PAR DGOD, ,LTE BA SNYING GA KHA DANG DPRAL BA RU, ,SNGAGS KYI TSOGS DANG BCAS PAS BYIN GYIS BRLAB, ,LTE BA SNYING GAR RNAL 'BYOR MA, ,SANGS RGYAS MKHA' 'GRO MA YIS TE, ,LCE DANG SPYI BO GNYIS SU NI, ,DPA' BOS BYIN GYIS BRLAB PAR BYA, ,RNAL 'BYOR MA DANG DPA' GNYIS MED, ,CES MAR DE'I 'GYUR LAS GSUNGS SO, ,DE LA SNA RTZE NI PADMA'I SNA RTZE DANG, MTSAN NI RDO RJE DANG, LTE BA NI DE'I RTZE MO DANG, DE NAS RKANG PA GNYIS KYI GTZO MO'I GNAS BZHIR SNGAGS KYIS BYIN GYIS RLOB PA DANG, DE NAS LTE BA DANG ZHES PA NAS BYIN GYIS BRLAB PAR BYA, ZHES PA'I BAR GYIS YAB KYI GNAS BZHIR SNGAGS KYIS BYIN GYIS RLOB PA STE, DPA' BYIN BRLAB CES DPA' BO GTZO BO'I LTE BA LA SOGS PA RNAMS SU BYA'O ZHES DANG, LCE DANG AA BA DH'U T'I GNYIS ZHES 'GREL PAR 'DON ZHING BSHAD DO, ,LO CHEN DANG 'CHINGS YON TAN 'BAR GYI 'GYUR LAS, AA BA DH'U T'I GNYIS KYIS DPA' BYIN BRLAB, CES 'BYUNG BA NI 'GYUR MI LEGS LA, LCE DANG AA BA DH'U T'I ZHES PA LTAR NA LCE NI MGRIN PA STE KHA YANG DE BZHIN NO, ,DH'U T'I NI DE'I YAR SNA SMIN MTSAMS SO, ,YAB KYI LTE BAR RNAL 'BYOR MA STE, YUM GYI SNYING PO DANG, SNYING KHAR SANGS RGYAS MKHA' 'GRO MA'I SNGAGS KYIS BYIN GYIS BRLAB, LCE DANG SPYI BO GNYIS SU YAB KYI SNYING PO DANG NYE SNYING GIS BYIN GYIS RLOB PA MAR DO'I 'GYUR LEGS SO, ,RKANG PA THA MA NI YAB YUM SNYOMS PAR 'JUG PA'O, ,DE'I DGOS PA NI DGA' BZHI SKYED PA YIN LA, DE YANG LUNG SNGA MA'I MJUG NYID
, ,NAS, DANG PO DGA' BA DPA' BO STE, ,MCHOG TU DGA' BA RNAL 'BYOR MA, ,RAB TU DGA' BA MA LUS NYID, ,BDE DE THABS DE KUN RIG PA'O, ,ZHES GSUNGS SO, ,DE NI YAB YUM SNYOMS PAR ZHUGS PAS BYANG SEMS ZHU BA SPYI BO NAS MGRIN PAR SLEB PA NA DGA' BZHI'I DANG PO DGA' BA SKYE STE, 'GREL BAR DPA' BO LTA BUR BSHAD, MGRIN PA NAS SNYING KHAR SLEB PA NA MCHOG DGA'I YE SHES TE, 'GREL PAR RNAL 'BYOR MA LTA BUR BSHAD, SNYING KHA NAS LTE BAR SLEB PA NA MCHOG DGA' LAS RAB TU GYUR PA'I KHYAD PAR GYI DGA' BA SKYE STE, 'GREL PAS THABS SHES GNYIS CHAR LA BSHAD DO, ,MAR NGOS SRUB PA NAS BRTZAMS TE RDO RJER PHYIN PA'I BDE BA NI RNAM RTOG RAGS PA'I PHYIR THABS YIN PAS DPA' BO DANG, NOR BU DANG NYE BAR PHYIN PA'I BDE BA NI PHRA BAS NA SHES RAB YIN PAS RNAL 'BYOR MA DANG, NOR BUR PHYIN PA'I BDE BA NI DE YAN CHAD KYIS NYIS KA BSDUS PAS KHYAD DGA' DANG, NOR BU'I RTZER SON PA'I BDE BA NI LHAN CIG SKYES DGAR 'CHAD DO, ,MA LUS NYID NI DGA' BA GSUM LAS 'DAS PA STE, DE GSUNGS PA NI DGA' BA GSUM PA'I BDE BA DE GSANG GNAS BSKYOD PA'I THABS LA BRTEN NAS KUN RIG GCES PA'I KUN NI KUN RDZOB BYANG CHUB KYI SEMS NOR BU'I RTZER RDZOGS TE GNAS PA'O, ,RIG PA NI DE LA LONGS SPYOD PA'I SKU'I BDAG NYID LHAN SKYES SO, ,DE'I CHE BA NI KUN RIG PA'O, ,ZHES PA'I MJUG THOGS SU, MTHO RIS SA STENG 'OG TU, ,SKAD CIG GIS NI LUS GCIG 'GYUR, ,ZHES PAS STON NO, ,DE'I DON NI SKAD CIG GIS TE LHAN SKYES KYI DGA' BA'I STOBS
KYIS SA GSUM PO RNAMS LUS GCIG STE BDE BA CHEN PO'I RANG BZHIN DU 'GYUR BAR 'GREL PAS BSHAD DO, ,LHAN SKYES KYI BDE STONG KHYAD PAR BSGOMS PA'I STOBS KYIS SNOD BCUD KUN LA RGYAS BTAB STE BSGOMS PAS, RNAL 'BYOR PA LA BDE STONG DU 'CHAR BA'I DON NO, ,DE GOMS NA RIM PA DANG PO'I SKABS SU YANG DE'I NYAMS SHUGS CAN 'CHAR RO, ,RIM PA DANG POR YAB YUM SNYOMS PAR 'JUG PA'I SKABS KUN TU DGA' BA RTZOM PA'I DMIGS PA RNAMS DMIGS PHYED PA DANG, DAL BUS BRTAN PAR BYAS LA MOS PA TSUN CHOD KYIS KYANG DGA' BZHI BSKYED PA'I MTHAR BDE STONG SBYAR BA BSGOM ZHING, DKYIL 'KHOR GNYIS KYANG DE'I NGO BOR BSGOM, SKABS GZHAN DU YANG DE DRAN PAR BYAS LA BDE STONG GI NGO BOR SGOM PA YANG DANG YANG DU GOMS PAR BYA STE, RDZOGS RIM GYI RGYUD SMIN BYED DU 'GRO BA'I THABS KYI GTZO BO YIN PA'I PHYIR RO, ,TSUL 'DI NI BLA MED KYI RIM PA DANG PO THUN BZHIR SGOM PA KUN LA SHES DGOS SO, ,'DIR LVA BA PA DANG PRADZNY'A RAKshI TA'I 'GREL PAR YAB YUM GSAL GDAB PA RDZOGS MA THAG SNGAR BSHAD PA LTAR RDO RJE DANG PADMA SBYOR BA SOGS BYAS NAS DGA' BA BSKYED PA'I 'OG TU MKHA' 'GRO MA LA SOGS PA'I 'KHOR GYI LHA GSAL 'DEBS SO, ,'KHRUL SPONG DANG KHYAD PAR GSAL BYED LAS, LHA RE GNYIS PO THAMS CAD GSAL GDAB PA RDZOGS PA DANG, LHA THAMS CAD KYANG THUGS KAR NYI GDAN LA TING NGE 'DZIN SEMS DPA' H'Um YIG SNGON PO DANG, 'CHAD PA LTAR LTE BAR YE SHES SEMS DPA' YAB YUM SGOM PA'AM, YANG NA SNYING GAR YE SHES SEMS DPA' DE'I THUGS KAR TING NGE 'DZIN SEMS DPA' STE SEMS DPA' GSUM LDAN DU BSGOM, DE NAS
, ,SNGAGS GSUM BRJOD NAS MIG LA SOGS PA DRUG LA GTI MUG RDO RJE NAS, DBANG PHYUG RDO RJE'I BAR DRUG BSKYED DE, GZUGS RDO RJE MA NAS CHOS DBYINGS RDO RJE MA'I BAR GYI LHA MO DRUG BSKYED PAS 'KHYUD PA DANG, LTE BA SOGS BZHI DANG GSANG GNAS SU LTUNG BYED MA LA SOGS PA LNGA BSKYED PA LA RNAM SNANG NAS RIN 'BYUNG GI BAR LNGA DANG, SPYI GTZUG TU RDOR SEMS BSKYED PA LA RANG 'OD KYI YUM GYIS 'KHYUD PAR SKYED, DE NAS SPYI BO LA SOGS PA'I GNAS GSUM DU RNAM SNANG 'OD DPAG MED MI BSKYED PA GSUM YUM DANG BCAS PA BSKYED DE BYIN GYIS RLOB, DE NAS LHA RNAMS SNYOMS PAR ZHUGS TE ZHU NAS, SKYE MCHED DANG, KHAMS DANG, PHUNG PO DANG, SKU GSUNG THUGS LA BSTIMS PA'I 'OG TU SNGAR BSHAD PA BZHIN GSANG GNAS BYIN GYIS RLOB PA SOGS BYED PAR BSHAD CING, KHYAD PAR GSAL BYED LAS DE LTAR SGOM PA DE SGOM PA RAB KYI MTHAR PHYIN PA'I DBANG DU BYAS PAR BSHAD DO, ,PHUNG SOGS BYIN GYIS RLOB PA'I LHA NI, SNGAR BSHAD PA'I SKABS MA GTOGS PA PHYIS SGOM PA LVA BA PA DANG PRADZNY'A RAKshI TA'I 'DI'I 'GREL PAR MA BSHAD CING, SEMS DPA' GZHAN GNYIS SGOM PA YANG MA BSHAD DO, ,BLA MA MAR DOS L'U AI PA'I LUGS KYIS NI, GSANG GNAS BYIN RLABS SOGS 'OG TU MCHOD PA'I SKABS SU TSUL DES DE KHO NA NYID KYI MCHOD PA BYED PAR BYANG PHYOGS KYI SGO GLEGS PAR GRAGS PA'I MKHAS PA CHEN PO MA NA KA SHR'I DZNY'A NA BZHED, MKHAS PA CHEN PO PRADZNY'A RAKshI TA NI DAM TSIG GI 'KHOR LO RDZOGS PAR BSKYED PA'I DE MA THAG TU BYED PAR BZHED, MKHAS PA CHEN PO KA NA KA SHR'I
DZNY'A NA NI SNGA MA GNYIS KA'I ZHAL SNGAR GSAN MOD KYANG LUGS DANG PO'I RJES SU 'BRANG BA YIN GSUNG NGO, ,'DI LA KUN SPYOD LE'U DRUG PAR LHA RE GNYIS SGOM PAR BSHAD, BDUN PAR GO CHA GNYIS BGO BA BSHAD, BRGYAD PAR YE SHES PA SPYAN DRANG TE DAM TSIG PA LA BCUG PA RNAMS PAR MA CHAD DU BSHAD PA'I MJUG THOGS SU GSANG GNAS SBYONG BA SOGS SNGAR BZHIN BSHAD PAS DE'I SKABS SU BYED PA DANG, N'A RO PA BZHED GSUNG PA LTAR MCHOD PA'I SKABS SU YANG L'U AI PA'I GZHUNG 'GREL RNAMS NAS MA BSHAD KYANG NGES PAR BYA DGOS SO, ,PRADZNY'A RAKshI TAS NI 'GREL PAR SKABS 'DI NYID DU BYA BAR BSHAD CING, LVA BA PAS KYANG DE LTAR BSHAD PAS SKABS 'DIR YANG NGES PAR BYA'O, ,'DI RNAMS LA DGOS PA KHYAD PAR CAN RE RE YOD PAS SKABS GCIG TU BYA BAR BSHAD PAS SKABS GZHAN DU BYED PA MI 'GOG PAS, SKABS GCIG KHO NAR MI GZUNG NGO, ,MNGON BRJOD LAS TSOGS ZHING GI GONG DU LHA BCU BDUN SGOM PAR MA ZAD PHYIS DKYIL 'KHOR SGOM PA NA'ANG LUS DKYIL DANG PHYI DKYIL GNYIS KA LA LHA NYI SHU BSGOMS TE PHUNG SOGS BYIN GYIS RLOB PA MANG DU BSHAD DO, ,LO NAG DRIL GSUM GYIS MA BSHAD CING, L'U AI PA'I 'GREL PA GZHAN GNYIS NAS KYANG MI 'BYUNG LA, BLA MA MAL DANG, MAR DO DANG, PU RANGS PA SOGS PHAM MTHING PA NAS BRGYUD PA RNAMS KYIS KYANG MI BYED PAR SNANG BAS, RE SHIG LA MA GRUB KYANG CHOG PA NI KHYAD PAR GSAL BYED KYI LUGS SO, ,GNYIS PA NI, MKHA' 'GRO MA LA SOGS PA SGRUB PA PO LA MCHOG DANG THUN MONG GI DNGOS GRUB
, ,THAMS CAD RAB TU STONG BAR BYED PA BZHI NI DBUS KYI SNA TSOGS PADMA 'DAB MA BRGYAD PA'I SHAR LA SOGS PA'I PHYOGS KYI GNAS TE 'DAB MA BZHI LA SHAR NAS GA-YON SKOR GYIS DGOD PAR BYA'O, ,DE BZHIN ZHES PA NI MKHA' 'GRO MA PHYOGS KYI 'DAB MA LA DGOD PA DE BZHIN DU GZHAN GSUM YANG DE LA 'GOD PA STE, L'A MA NI BSGYUR NA MDZES MA'O, ,SKU MDOG NI MKHA' 'GRO MA NAG MO, L'A MA LJANG GU, DUM SKYES MA DMAR MO, GZUGS CAN MA SER MO'O, ,BZHI KA'ANG ZHAL GCIG MA LA PHYAG BZHI MA, PHYAG GA-YON GYI GNYIS PA NA KHAtV'Am GA ,DANG PO NA THOD PA KHRAG GIS BKANG BA DANG, GA-YAS KYI PHYAG GNYIS PA NA d'A MA RU DANG, DANG PO NA GRI GUG BSNAMS PA'O, ,SPYAN GSUM PA, DBU SKRA THUR DU GROL BA, GCER BU MO GA-YON BSKUMS SHING GA-YAS BRKYANG BAS GDAN LA BZHUGS PA, MCHE BA BZHI RNAM PAR GTZIGS NAS CUNG ZAD RGOD PA'I ZHAL CAN, THAL BA MA GTOGS PA'I PHYAG RGYA LNGA YIS RNAM PAR BRGYAN PA STE, 'KHOR LO DANG RKED RGYAN SOGS KYANG DGOS SO, ,PHYAG DANG PO GNYIS THUGS KAR 'KHYUD PA'I TSUL CAN, DGA' BAS BA SPU LANGS PA BDE BA CHEN PO SKYED PA MO'O, ,'DI BZHI'I SKU MDOG DANG ZHAL PHYAG GI GRANGS DANG, PHYAG MTSAN DANG BZHUGS TSUL NI JI BZHIN DANG, SPYAN GSUM PA SOGS PHAL CHE BA MNGON BRJOD KYI LE'U BZHI PA LAS GSUNGS SO, ,PAD 'DAB KYI MTSAMS RNAMS SU NI BYANG CHUB KYI SEMS DKAR PO DANG, LA SOGS PA'I SGRAS RAKTA DANG, DRI CHEN DANG, DRI CHU BSDU STE, LNGA PA NI 'CHAD PAR 'GYUR RO, ,DE LNGA YIS
GANG BA'I THOD PA'I SNOD BZHI RIM PA BZHIN DGOD DO, ,LO CHEN DANG ZANGS DKAR GYI 'GYUR DANG, KU M'A RA'I 'GREL PAR 'DOD CHAGS DANG GTI MUG LA SOGS PA RNAM PAR DAG PAS SEMS TSIM PAR BYED PA'I MCHOD PA STE, BYANG CHUB KYI SEMS LA SOGS PA'I SNOD CAS 'BYUNG YANG MAR DO DANG CHAG 'GYUR LA LHAG PO DE RNAMS MED DO, ,SNOD BZHI PO DE RNAMS LA LVA BA PA DANG PRADZNY'A RAKshI TA DANG, JO BO'I 'GREL PAR BSHAD PA MED LA, DE BZHIN GSHEGS PA'I RDO RJES, PHYOGS MTSAMS RNAMS SU BUM STENG DU, ,BYANG CHUB SEMS SOGS SNOD RNAMS SO, ,ZHES GSUNGS SHING, MNGON BRJOD KYI SKABS MANG POR BDUD RTZI LNGAS GANG BA'I BUM PA'I STENG DU BYANG SEMS DKAR POS GANG BA'I THOD PA BZHI 'JOG PAR BSHAD, KUN SPYOD LAS, PHYOGS BRAL GYI NI BZHI PO DAG ,LNGA YIS GANG BA'I THOD PA NYID, ,CES GSUNGS SHING, SDOM 'BYUNG LAS KYANG DE DANG MTHUN PAR BDUD RTZI LNGA'I SNOD DU BSHAD DE, ,DE LTAR GSUNGS PA LAS 'DIR NI BSHAD RGYUD PHYI MA GNYIS LTAR BYA RGYU YIN NO, ,'KHRUL SPONG LAS, THOD PA DANG PO BYANG SEMS DKAR PO DANG, GNYIS PA DMAR PO NYI MA DANG, GSUM PA BDUD RTZI LNGA DANG, BZHI PA SGRON MA STE SHA LNGAS GANG BA DANG, BZHI KA'ANG BDUD RTZI LNGAS GANG BA'I TSUL GNYIS BSHAD KYANG PHYI MA LTAR BYA'O, ,MAR DO'I BRGYUD 'DZIN RNAMS THOD PA LA ZLA GDAN 'DOD DO, ,THOD PA NI ME NAS BRTZAMS TE GA-YAS SKOR GYIS DGOD DO, ,SNGAR BSHAD PA'I THUGS 'KHOR DE'I SHAR GYI RTZIBS PU LLI RA MA LA YAR DPA' BO KHA ndA KA P'A LA DANG, DPA' MO RAB GTUM MA'O, ,DE LA KHAndA NI DUM BU DANG, KA P'A LA NI THOD PA'O, ,GNYIS
, ,PA NI PRA TZAndI STE PRA NI RAB DANG, TZAndI NI GTUM MO'O, ,BYANG RTZIBS DZ'A LAN DHA RA'I DZ'A LAN NI DRA BA DANG, DHA RA NI 'DZIN PA STE DER, MAH'A KANGKA LA STE STE KENG RUS CHEN PO DANG, GTUM MIG MA STE TZAndA AAKshI ZHES PA BSGYUR BA'O, ,NUB RTZIBS AOndI YA nA'I SKAD ZUR CHAG PA AYON DU KANGK'A LA STE KENG RUS DANG, 'OD LDAN MA'O, ,PHYI MA LA PRA BH'A BA T'I ZHES PA YANG DE NYID DO, ,LHO RTZIBS ARBU TAR MCHE BA RNAM PAR GTZIGS PA DANG, SNA CHEN MA'O, ,DE GNYIS LA BI KA tA DAmshtI nA DANG, MAH'A NAS SE ZHES PA YANG DE NYID DO, ,ME PHYOGS KYI RTZIBS GO d'A BA RI STE BA'I MCHOG SBYIN PAR, SU RA NA CHANG STE LHA'I MING GI RNAM GRANGS DANG, BEE RI nA NI 'KHON NAM DGRA STE BSDU NA CHANG DGRA DANG, DPA' BO'I BLO CAN MA'O, ,PHYI MA LA BI RA MA T'I ZHES PA'ANG DE'O, ,BDEN BRAL GYI RTZIBS RA ME SHVA RI DGA' BA'I DBANG PHYUG TU 'OD DPAG MED DANG KHARBA RI STE MI'U THUNG MA'O, ,SNGA MA NI AA MI TA BH'A WA ZHES SO, ,RLUNG MTSAMS KYI RTZIBS DE BI KO tI STE LHA MO'I MKHAR DU RDO RJE'I 'OD DANG, LANG KA'I DBANG PHYUG MA'O, ,DE GNYIS LA BADZRA PRA BHA BA DANG, LAm KI SHVA R'I ZHES KYANG NGO, ,DBANG LDAN GYI RTZIBS M'A LA BA STE, PHRENG BA CAN MAR, RDO RJE'I SKU DANG SHING GRIB MA'O, ,DE GNYIS PA BADZRA DE HA DANG, DRU MTSA TSA ZHES KYANG NGO, ,DPA' BO BRGYAD DANG DPA' MO BRGYAD PO 'DI DAG NI THUGS KYI 'KHOR LO'O, ,GSUNG GI 'KHOR LO DE'I SHAR GYI RTZIBS KA MA R'U BA STE 'DOD PA'I GZUGS SU, DPA' BO MYU GU CAN DANG, DPA' MO SA SRUNGS MA STE, AANGGU RI DANG, AEE RA BA T'I ZHES SO, ,BYANG RTZIBS AO tE RA RDO RJE RAL PA CAN DANG, 'JIGS BYED CHEN MO STE, BADZRA DZA tA LA DANG, MAH'A
BEE RA B'I ZHES SO, ,NUB RTZIBS TRI NI GSUM DANG, SHA KU NE NI DGE MTSAN TE DER, DPA' BO CHEN PO DANG, RLUNG GI SHUGS CAN MA STE, MAH'A B'I RA DANG, B'A YU BE GE ZHES SO, ,LHO RTZIBS KO SHA LA STE DGE BA CAN DU RDO RJE H'Um MDZAD DANG, CHANG 'THUNG MA STE BADZRA H'Um K'A RA DANG, SU RA BHA Ksh'I ZHES SO, ,MA MTSAMS KYI RTZIBS KA LENGKA RA, RAB TU BZANG PO DANG, LJANG LHA MO STE, SU BHA DRE DANG SHY'A MA DE B'I ZHES SO, ,BDEN BRAL GYI RTZIBS LAm PA KA STE 'PHYANG BA CAN DU, RDO RJE BZANG PO DANG, SHIN TU BZANG PO STE BADZRA BHA DRA DANG, SU BHA DRE ZHES ZHES SO, ,RLUNG MTSAMS KYI RTZIBS KANYTZIR 'JIGS BYED CHEN PO DANG, RTA RNAM STE MAH'A BEE RA BA DANG, HE YA K'A RA n'I ZHES SO, ,DBANG LDAN GYI RTZIBS HI MA LA YA STE GANGS CAN DU, ,MIG MI BZANG DANG, BYA GDONG MA STE, BI RU PA AKshI DANG, KHA G'A NA NE ZHES SO, , PHYI MA NI BYA GDONG MAR BSGYUR RO, ,MYU GU CAN LA SOGS PA BCU DRUG PO DE DAG NI GSUNG GI 'KHOR LO'O, ,SKU 'KHOR DE'I SHAR GYI RTZIBS PRE TA PU RIR TE YI DVAGS KYI GRONG DU STOBS PO CHE DANG, 'KHOR LO'I SHUGS CAN MA STE, MAH'A B'A LA DANG, TZKRA BE GE ZHES SO, ,BYANG GI RTZIBS GRI HA DE BA T'A STE KHYIM GYI LHAR, RIN CHEN RDO RJE DANG, DUM SKYES MA STE, RTNA BADZRA DANG, KHAndA RO H'I ZHES SO, ,NUB RTZIBS SOO R'SHTA STE YUL 'KHOR BZANG POR RTA MGRIN DANG, CHANG 'TSONG MA STE H'A YA GRI BA DANG, SHOOndI N'I ZHES SO, ,LHO RTZIGS SU BARHnA DV'I BA STE GSER GLING DU NAM MKHA'I SNYING PO DANG, 'KHOR LO'I GO CHA MA STES A'A K'A SHA GARBHA DANG, TZA KRA BA RMMI n'I ZHES SO, ,ME MTSAMS KYI RTZIBS NA GA RA STE GRONG KHYER DU DPAL HE RU KA DANG SHIN TU DPA' MO STE, SHR'I HE RU KA DANG, SU B'I R'I ZHES DANG, RGYA DPER
, ,NA GA RA'I BSHAD PAR PA tA LI ZHES PA SKYE BO STE, SKYE BO'I BU YIN GSUNG STE GRONG KHYER SKYE BO'I BU'O, ,BDEN BRAL GYI RTZIBS SIN DH'UR PADMA GAR GYI DBANG PHYUG DANG, STOBS CHEN MA STE, PADMA NI RTYA SVA RA DANG, MAH'A B'A LE ZHES SO, ,RLUNG MTSAMS KYI RTZIBS MA RU STE MYA NGAM GYI YUL DU RNAM PAR SNANG MDZAD DANG, 'KHOR LO SGYUR MA STE, BEE RO TZA NA DANG, TZKRA BRTTI N'I ZHES SO, ,DBANG LDAN GYI RTZIBS KU LU T'A STE RIGS NYID CES PAR RDO RJE SEMS DPA' DANG, BRTZON 'GRUS CHEN MO STE, BADZRA SATVA DANG, MAH'A B'I RYO ZHES SO, ,STOBS PO CHE LA SOGS PA BCU DRUG PO 'DI DAG NI SKU'I 'KHOR LO'O, ,THOD PA'I DUM BU LA SOGS PA'I DPA' BO NYER BZHI RNAMS NI ZHAL GCIG PA, SPYAN GSUM PA, PHYAG BZHI PA, PHYAG BZHI PA, RAL PA SPYI BOR BSDUS PA'I THOR TSUGS CAN, DAR DBYANGS CAN NI, LVA BA PAS DPA' BO'I THOD DANG LDAN PA ZHES BSHAD PA NI PRADZNY'A RAKshI TAS DPA' BO'I DAR THOD CAN DU BSHAD PA DE YIN LA, DE YANG 'KHRUL SDONG LAS, RDO RJE'I PHRENG BAS MTSAN PA'I DPA' BO'I DAR GYIS DPRAL BAR BCINGS PA LA BSHAD PA LTAR RO, ,YUM LA 'KHYUD PA'I PHYAG DANG PO GNYIS KYI GA-YAS NA RDO RJE DANG, GA-YON NA DRIL BU DANG, PHYAG 'OG MA GNYIS KYI GA-YON NA KHA tVAm GA DANG, GA-YAS NA d'A MA RU 'DZIN PA, PHYAG RGYA LNGA DANG, LA SOGS PA'I SGRAS THAL BA DANG, 'KHOR LO DANG, THOD SKAM LNGA DANG, THON RLON LNGA BCU'I PHRENG BA DANG RKYED RGYAN SOGS DANG LDAN PA'I SKU, GA-YON BSKUMS SHING GA-YAS BRKYANG GIS GDAN LA BZHUGS PA'O, ,KUN SPYOD LAS, DPA' BO NYI SHU RTZA BZHI NI, ,PHYAG RGYA LNGA LA SOGS PAS
BRGYAN, ,ZHES GSUNGS SHING, HE RU KA DPAL LA SOGS KUN, ,GA-YAS BRKYANG PA YI GDAN DANG LDAN, ,MGUR CHU GDU BU GDUB KOR DANG, ,ZHES SOGS SNGAR BZHIN PHYAG RGYA DRUG GIS BRGYAN PAR YANG BSHAD PAS, ,PHYAG RGYA LNGA ZHES 'BYUNG YANG THAL CHEN GYI RGYAN MI BYED PA MIN NO, ,GTZO MO ZHAL GCIG PHYAG GNYIS MAR BSHAD PA DE BZHIN DU RAB GTUM MA LA SOGS PA'I LHA MO NYER BZHI YANG ZHAL GCIG PHYAG GNYIS MA, YAB LA 'KHYUD PA'I PHYAG GA-YON GYIS THOD PA KHRAG GIS BKANG BA DANG, SDANG BA LA BSDIGS PA'I SDIGS MDZUB DANG BCAS PA'I PHYAG GA-YAS PAS GRI GUG 'DZIN PA CAN, SPYAN GSUM PA, DRAG PO'I GZUGS CAN MA, SKRA GROL BA LA STE DBU SKRA SIL BUR GROL BAS NI RNAM PAR MDZES SHING YAB RNAMS DANG GNYIS SU MED PA'I SBYOR BA LA SNYOMS PAR ZHUGS PA DANG, PHYOGS KYI GOS NI 'CHANG BA'I MCHOG NI GCER BU LA NAM MKHA'I GOS CAN DANG, PHYOGS KYI GOS CAN DU GRAGS PA'I DON NO, ,MGUL RGYAN DANG, GTZUG PHUD DE GTZUG RGYAN GYI NOR BU DANG, PRADZNY'A RAKshI TA'I 'GREL PAR GRAD ? DU BUR BSGYUR MOD KYANG, LVA PA'I 'GREL PAR NOR BU NI GDU BU'I RNAM GRANGS SO, ,ZHES 'BYUNG BA LTAR BYA STE CHAG 'GYUR DANG MTHUN NO, ,DPUNG RGYAN DANG, RNA CHA DANG, TSANGS SKUD KYI RGYAN CAN, MGO BO SKAM PO LNGA BCU'I PHRENG BAS MGUL PA NAS BRLA PHRA SBOM GYI BAR DU BRGYAN PA, 'OG PAG SIL SIL GYI SGRA SGROGS PA'O, ,SKE RAGS KHYAD PAR BA ZAR BU CAN RTZE LA DRIL CHUNG GI SGRA SGROGS PA LA 'OG PAG CES ZER BAS, SKAD DOD KYI STENG NAS SKE RAGS DANG 'OG PAG GNYIS KA LA BSGYUR DU YOD
, ,KYANG, 'DI 'DRA'I SKABS SU MAR DOS 'OG PAG SIL SIL ZHES BSGYUR BA LTAR 'OG PAG TU BSGYUR NA LEGS SO, ,'KHOR LO GSUM GYI LHA'I SKU MDOG LA, GZHUNG NAS 'KHOR LO GSUM LA SNGO DMAR DKAR BAR BSHAD PA MA GTOGS PA GSAL PAR MA BYUNG ZHING, KUN SPYOD DANG, 'GREL PA GSUM DANG, 'KHRUL SPONG LAS KYANG MI GSAL LO, ,'ON KYANG JO BO CHEN PO'I 'GREL PAR, 'KHOR LO GSUM DANG BKA' BSGO RNAMS KYANG SKU MDOG LA SOGS PA SGRUB THABS LAS BSHAD PA LTAR DMIGS TE, ZHES GSUNGS SHING, GZHUNG LAS THOD PA'I DUM BU LA SOGS PA'I LHA RNAMS KYANG 'KHOR LO GSUM DU BSHAD PAS, 'KHOR LO GSUM GYI KHA DOG GSUNGS PA NI RTEN GYI 'KHOR LO KHO NA LA MI BYA BAR BRTEN PA'I 'KHOR LO LA YANG BYA'O, ,'O NA LHA YANG YUM ZUNG BRGYAD TSAN GSUM, SNGO DMAR DKAR PO DANG, ZHAL PHYAG GI GRANGS DANG, PHYAG MTSAN 'DIR BSHAD PA DE RGYUD GANG NAS GSUNGS SNYAM NA, MNGON BRJOD LAS, SPYIR 'KHOR LO GSUM GYI LHA RNAMS KHA DOG SNA TSOGS PAR GSUNGS SHING, LE'U BCU BZHI PAR YANG DE BZHIN DU BSHAD PA'I MJUG TU, YANG NA SKU GSUNG THUGS KYI NI, ,JI 'DOD MDOG NI DBYE BA BYA, ,ZHES SKU GSUNG THUGS KYI DBYE BAS JI LTAR 'DOD PA'I KHA DOG TU BYA BAR BSHAD PA NI, SKU 'KHOR GYI LHA DKAR, GSUNG 'KHOR GYI DMAR, THUGS 'KHOR GYI LHA SNGON POR BYA BA'I DON TE, SNGAR 'KHOR LO RE RE'I LHA RNAMS KYANG KHA DOG MI 'DRA BAR BSHAD MA THAG PA LTAR MI BYA BAR KHA DOG PHYOGS GCIG TU BYED PAS YANG NA ZHES GSUNGS SO, ,NAG PO SPYOD
PA'I SGRUB THABS LAS, 'KHOR LO GSUM GYI LHA'I KHA DOG MI GSAL YANG, DE'I DKYIL CHOG TU, DKAR MIN DKAR DANG DMAR PO YIS, ,THA MA MCHOG DANG BAR MA STE, ,THAMS CAD RIM BZHIN DGOD PA NI, ,BLA MA'I RIM GYIS DRIN YIN NO, ,ZHES 'KHOR LO GSUM GYI LHA'I KHA DOG SNGA MA BZHIN GSUNGS SO, ,DRIL BU ZHABS KYIS LHA DRUG CU PO THAMS CAD ZHAL GCIG PHYAG GNYIS PA DANG, PHYAG MTSAN RDOR DRIL SOGS BSHAD PA NI, KUN SPYOD LAS GSUNGS LA, DER MKHA' 'GRO MA LA SOGS PA BZHI SNA TSOGS PA'I GZUGS CAN DANG, MTSAMS MA BZHI GZUGS GNYIS PAR GSUNGS PA TZAM LAS SO SO'I KHA DOG GSAL BAR MA BSHAD PAS, KHA DOG NI MNGON BRJOD LA BRTEN PAR BYAS NA LEGS LA, L'U AI PA YANG DE BZHIN NO, ,MNGON BRJOD KYI LE'U BZHI PA LAS, STOBS PO CHE LA SOGS PA BRGYAD ZHAL GCIG PHYAG BZHI DANG, GA-YAS BRKYANG DANG, GA-YAS KYI PHYAG DANG POS 'KHOR LO 'DZIN PAR BSHAD PA MA GTOGS PA PHYAG MTSAN GSUM MTHUN NO, ,DE'I LE'U LNGA PA LAS, MYU GU CAN LA SOGS PA BRGYAD KYANG, GA-YAS KYI PHYAG DANG POS PADMA 'DZIN PA MA GTOGS PA LHAG MA RNAMS SNGAR DANG 'DRA'O, ,DE'I LE'U DRUG PA LAS NI, THOD PA'I DUM BU LA SOGS PA BRGYAD, ZHAL PHYAG SOGS SNGAR BSHAD PA RNAMS DANG JI LTA BA BZHIN MTHUN LA, RNAL 'BYOR MA NYER BZHI ZHAL GCIG PHYAG GNYIS MAR BSHAD KYANG PHYAG MTSAN LA KRI GUG MED DE, ,DE'I PHYIR RNAL 'BYOR MA NYER BZHI'I ZHAL PHYAG GI GRANGS DANG, PHYAG MTSAN KUN SPYOD DANG MTHUN ZHING, DPA' BO NYER BZHI'I PHYAG GA-YAS KYI DANG PO THAMS CAD KYIS RDO RJE 'DZIN PA'ANG KUN SPYOD LA BRTEN
, ,PA'O, ,'O NA MNGON BRJOD LAS, BDE MCHOG ZHAL BZHI PHYAG BCU GNYIS PA LA, SKU GSUNG THUGS DAM TSIG YE SHES KYI DBYE BAS, BDE MCHOG RIGS LNGA LA SOGS PA MANG DU BSHAD PA LAS, LO DRIL GNYIS KYI DKYIL 'KHOR 'DI RIGS JI 'DRA ZHIG GI DBANG DU BYAS SNYAM NA, JO BO CHEN PO'I 'GREL PAR, RNAL 'BYOR DBANG PHYUG L'U AI PAS RIGS DRUG PA HE RU KA'I SGRUB THABS, RTZA BA'I DKYIL 'KHOR CHEN PO MDZAD PA'I DON RGYUD LTAR BKROL BA, ZHES L'U AI PA'I LUGS 'DI RIGS KYI NANG NAS DRUG PA DANG, DKYIL 'KHOR GYI NANG NAS RTZA BA'I DKYIL 'KHOR CHEN POR BZHED PA SHIN TU LEGS TE, MNGON BRJOD LAS, RIGS BYE BRAG PA BSHAD PA'I SKABS SU DPA' BO RNAMS LA 'KHOR LO DANG, PADMA DANG RDO RJE SOGS KYI RANG RANG GI RIGS SO SO'I PHYAG MTSAN GSUNGS LA, 'DI NI DPA' BO NYER BZHI PO THAMS CAD KYI PHYAG MTSAN GYI GTZO BO GA-YAS KYI PHYAG DANG PO'I PHYAG MTSAN NI RDO RJE KHO NAR BSHAD PA'I PHYIR DANG, SKU'I DPA' BO RNAMS DPRAL BAR 'KHOR LO'I 'PHRENG BA DANG, GSUNG GI DPA' BO RNAMS DPRAL BAR PADMA'I PHRENG BA CAN DU BSHAD CING, 'DIR NI, DPA' BO RNAL 'BYOR MA KUN GYI, ,DPRAL BAR RDO RJE'I PHRENG BA'O, ,ZHES BSHAD PA'I PHYIR DANG, DKYIL 'KHOR GZHAN DU MA ZHIG GSUNGS PA THAMS CAD KYI PHAL CHE BA DKYIL 'KHOR 'DI NYID LA SNON 'BRID BYAS PAR SNANG BA'I PHYIR RO, ,DRIL BU ZHABS KYI RE GNYIS PA YANG DE BZHIN DU SHES PAR GYIS SHIG ,DES NA DKYIL 'KHOR 'DI NI BDE MCHOG GI DKYIL 'KHOR GYI MCHOG YIN NO, ,'KHOR LO GSUM GYI LHA RNAMS SKU GSUNG THUGS SU
'JOG PA NI RNAM SNANG DANG, SNANG MTHA' DANG, MI BSKYOD PA'I RIGS SU 'JOG PA LA DGONGS TE, DKYIL 'KHOR 'DI RIGS BSDUS YIN PAS RIGS SO SO BA YANG YOD DGOS MOD KYANG, RIGS MA BSDUS PA'I RIGS RKYANG SO SO PA'I RIGS DANG MI 'DRA'O, , MNGON BRJOD LAS, THUGS GSUNG SKU'I LHA RNAMS NAM MKHA' LA SPYOD PA DANG, SA LA SPYOD PA DANG, SA 'OG NA SPYOD PA ZHES DANG, KUN SPYOD LAS DE DAG LA RGYU BA ZHES GSUNGS PA'I DON NI, SNGON THOD PA'I DUM BU LA SOGS PA'I MING CAN GYI LHA BZHI DANG, DRI ZA BZHIN NAM MKHA' LA SPYOD PAS PU LLIR MA LA YA LA SOGS PA'I YUL BRGYAD BZUNG BA DANG, MYU GU CAN LA SOGS PA'I MING CAN GYI GNOD SBYIN BZHI DANG, SRIN PO BZHI SA LA SPYOD PAS, K'A MA R'U PA LA SOGS PA'I YUL BRGYAD BZUNG BA DANG, STOBS PO CHE LA SOGS PA'I MING CAN GYI KLU BZHI DANG, LHA MA YIN BZHI SA 'OG NA SPYOD PAS, PRE TA PU RI LA SOGS PA'I YUL BRGYAD BZUNG BA RNAMS RIM PA BZHIN DU THUGS GSUNG SKU'I LHA YAB YUM RNAMS KYIS BTUL NAS MING DANG CHA LUGS SOGS 'DRA BAR BYAS ZHES ZANGS DKAR GYI RJES SU 'BRANG BA DAG GSUNG BA NI MNGON BRJOD KYI 'GREL PA NA'ANG DE RNAMS CI RIGS PA 'DUG LA, DE'I PHYIR 'DUL BYED RNAMS LA'ANG GNAS DANG, 'DUL BYA'I SGO NAS MTSAN DE LTAR DU BTAGS PA YIN LA, MING DON GZHAN YANG YOD DO, ,'KHOR LO'I RTZIGS NYER BZHI YUL NYER BZHIR MNGON BRJOD LAS BSHAD LA, DE'I DGOS PA NI LHA'I GNAS DE RNAMS LA PHYI'I YUL NYER BZHI DANG, DER BKOD PA'I LHA DANG LHA MO YANG, YUL DE NA BZHUGS PA'I DPA' BO DANG DPA' MO DNGOS YIN PA'I MOS PA BRTAN PO BSKYED NAS
, ,BSGOMS NA YUL DE'I LHA RNAMS KYIS BYIN GYIS RLOB PA MYUR BA'I GNAD CHEN PO YOD PAS DE LTAR BYED PA GAL CHE'O, ,GZHI'I DKYIL 'KHOR GYI SHAR DANG BYANG DANG NUB DANG LHO'I SGO RNAMS SU SHAR NAS BRTZAMS TE GA-YON SKOR GYIS RIM PA BZHIN DU KHVA GDONG MA DANG, 'UG GDONG MA DANG, KHYI GDONG MA DANG, PHAG GDONG MA RNAMS DGOD, DKYIL 'KHOR GYI ME DANG BDEN BRAL DANG RLUNG DANG DBANG LDAN GYI MTSAMS RNAMS SU, ME NAS BRTZAMS TE GA-YAS SKOR GYI RIM PA BZHIN DU YA MA D'Am dHI STE GSHIN RJE BSTAN MA DANG, GSHIN RJE PHO NYA MO DANG, GSHIN RJE MCHE BA CAN MA DANG, GSHIN RJE 'JOMS MA RNAMS DGOD DO, ,ZHAL PHYAG GI GRANGS DANG PHYAG MTSAN LA SOGS PA NI, JI LTAR TE DPER NA MKHA' 'GRO MA LA SOGS PA BZHI PO BZHIN DU BYA STE, 'ON KYANG BYA ROG GDONG LA SOGS PA'I GDONG BRNYAN MI 'DRA BA BZHI'I DBYE BAS DE RNAMS LAS DBYE ZHING MI 'DRA BAR BYA'O, ,BYA ROG GDONG MA LA SOGS PA NI DBU RIL PO MIN GYI, GDONG GI PHYOGS TZAM ZHIG DE RNAMS KYI GDONG YIN TE, DE LTA MA YIN NA RNA RGYAN SOGS GDAGS SU MI RUNG NGO ZHES BOD KYI MKHAS PA DAG GSUNGS, BYA ROG GDONG MA LA SOGS PA BZHI NAG LJANG DMAR SER BA'I MDOG CAN DU BSHAD PA DANG, MTSAMS MA BZHI MI 'DRA BAR STON PA NI, BYA ROG GDONG MA SOGS GDONG GI SGO NAS MKHA' 'GRO MA LA SOGS PA DANG MI 'DRA BA DE BZHIN DU ME LA SOGS PA'I MTSAMS NA GNAS PA'I LHA MO BZHI NI MI'I BU MO MDZES PA LTAR YID 'PHROG PA, SKU GZUGS KYI KHA DOG NI PHYAD
GZUGS KYI TSUL GYIS GNYIS PA STE, PHYED GA-YAS NI GA-YAS KYI SGO MA'I KHA DOG DANG, PHYED GA-YEN NI GA-YON GYI SGO MA'I KHA DOG CAN MA'O, ,BRGYAD CHAR YANG YI DVAGS TE RO'I STAN LA GNAS PA, DRAG MO CHEN PO SEMS CAN KUN GYI DON MDZAD PA LA BRTZON PA STE, DUR KHROD NA GNAS PAS RO'I GDAN CAN NO, ,DPA' BO DANG RNAL 'BYOR MA KUN GYI NI DPRAL BAR RDO RJE'I 'PHRENG BA 'DZIN PA'O, ,'DI RNAMS NI SNGON GYI DUS SU MI 'AM CI MO BZHI DANG PHRA MEN MA BZHIS DUR KHROD BRGYAD DAM, 'THUNG GCOD DANG NYE BA'I 'THUNG GCOD DANG, GRONG MTHA' DANG NYE BA'I GRONG MTHA' BZUNG BA BTUL BA'I TSE, KHRO BE 'JIG RTEN GSUM RGYAL DANG LHA MO GOO R'I LA SOGS PA YAB YUM BRGYAD LA, SGO MA BZHIS YAB RNAMS GDONG BRNYAN GYI TSUL DU SBAS, MTSAMS MA BZHIS YAB RNAMS PHYED GZUGS KYI TSUL DU SBAS NAS MA MO'I SKUR BSTAN PAS SNGAR BSHAD PA BRGYAD BTUL BA DANG, 'DZAM BU GLING GI YUL NYER BZHI NA GNAS PA'I 'JIG RTEN PA'I LHA GDUG PA CAN DE RNAMS KYIS NI DBANG PHYUG MCHOD PAR BYED LA, DBANG PHYUG GI DRAG PO'I SKU 'JIGS BYED NAG PO, ,CHUNG MA DUS MTSAN DANG BCAS PA NI, 'DZAM BU'I GLING GI DBUS MA GA DHA NA GNAS PA 'DUL BA'I DUS LA BAB PA'I TSE, RDO RJE 'CHANG GIS 'DZAM BU'I GLING DU BDE MCHOG ZHAL BZHI PHYAG BCU GNYIS PAR SPRUL NAS, 'JIGS BYED CHUNG MA DANG BCAS PA BTUL TE ZHABS 'OG TU MNAN, DRAG PO'I CHUNG MA BZHI NI M'A MA K'I LA SOGS PA SNYING PO'I RNAL 'BYOR MA BZHIR SPRUL PAS BTUL LO, ,ZHES BOD KYI BLA MA DAG GSUNG STE, MNGON BRJOD KYI 'GREL PA NA'ANG DE RNAMS CI RIGS PA SNANG NGO, ,
, ,GSUM PA PHYOGS MTHUN GYI DAG PA DANG LUS DKYIL SGOM PA LA GSUM, BYANG PHYOGS SO BDUN LHA DANG SBYAR BA DANG, LUS KYI DKYIL 'KHOR BSHAD PA DANG, SNGAR GSUNGS PA'I DON BSDUS TE BSTAN PA'O, ,DANG PO LA GNYIS, SPYI'I DON DANG, YAN LAG GI DON NO, ,DANG PO NI, PHYOGS MTHUN GYI DAG PA SGOM PA'I SKABS NI, MNGON BRJOD LAS, MA NGAL BAR DU LHA SGOM PA DANG SNGAGS BZLA BA BYA BA DANG, NGAL NA DAG PA DE SGOM PAR BSHAD LA, L'U AI PAS SKABS 'DI DANG DRIL BU PAS KYANG LUS DKYIL GYI LHA SGOM PA RDZOGS MA THAG SGOM PAR BSHAD, NAG PO PAS LHA RDZOGS PAR SGOM PA DANG, YE SHES PA GZHUG PA DANG DBANG BSKUR TE MCHOD PA BYAS PA'I MJUG THOGS SU SGOM PAR BSHAD PAS, SKABS GCIG KHO NAR MA NGES LA, SO SO'I GZHUNG NAS 'BYUNG BA BZHIN BYA'O, ,'DI SGOM PA'I DGOS PA NI 'GREL PA GSUM LAS LHA'I RNAM PA LA MNGON PAR ZHEN PA DOR BA DANG, THAMS CAD SHES PA NYID THOB PAR BYA BA'I PHYIR DU SGOM PAR BSHAD PA'I DANG PO NI, 'BRAS BU'I SKABS NA GNYIS MED BDE CHEN GYI YE SHES NYID LHAR SHAR BA YIN LA, DE DANG RJES SU MTHUN PAR 'BRAS BU LAM DU BYED PA'I DON YIN GYI, SO BDUN PO THEG CHEN GZHAN DANG THUN MONG BA NYID LHAR STON PA DANG, LHA SKU SHA RUS LA SOGS PA'I GDOS BCAS MIN PAR 'JA' TSON LTAR SGOM PA TZAM GYI DON MIN NO, ,GNYIS PA NI, PHUNG KHAMS SKYE MCHED KYI GZHI THAMS CAD RANG BZHIN MED PAR SHES PA'I RTOGS PA DAM PA RGYUD LA BSKYED PA'I DON NO, ,JO BO CHEN PO'I 'GREL PAR DGOS PA BZHI BSHAD PA'I DANG PO HE RU
KA'I LHA TSOGS RNAMS CHOS SKU'I RANG BZHIN DU BSTAN PA NI, YE SHES CHOS SKU NI SNGAR BSHAD PA'I GNYIS MED YE SHES DE NYID YIN PAS DE LTAR RO, ,LHAR ZHEN PA BZLOG PA NI SNGA MA'I NGO BOR BSGOMS PAS DE'I NGO BOR MA SHAR BA'I LHA'I SKU TZAM LA ZHEN PA ZLOG PA'O, ,GSUM PA SGYU MA DANG STONG PA GNYIS MED DU MTSON PA NI BDE STONG GI THUGS DANG SGYU MA'I LHA SKU GNYIS NGO BO DBYER MED DU SHES PAR BYED PA'O, ,BZHI PA CIG CAR LAM DU BYAS PA THEG PA'I KHYAD PAR NI SNGAGS KYI THEG PA'I LHA SKU DANG, PHAR PHYIN GYI THEG PA'I STONG NYID RTOGS PA GNYIS CIG CAR DU LAM DU BYED PA'O, ,SGOM TSUL NI MAN SNYE LAS GUR DU, STONG NYID SNYING RJE DBYER MED PA, ,GANG DU SEMS NI RAB SGOM PA, ,DE NYID SANGS RGYAS CHOS DANG NI, ,DGE 'DUN GYI YANG BSTAN PA'O, ,ZHES DRANGS NAS, BSGOM PAR BYA BA DE KHO NA LA BYANG CHUB KYI PHYOGS KYI CHOS RNAMS NANG DU 'DUS KYI, LOG PAR BSGOM PAR BYA BA NI MA YIN NO, ,YANG NA YONGS SU 'DRIS PA'I DON DU BYANG CHUB KYI PHYOGS LA SOGS PA'I RNAM PA RNAMS KYIS YONGS SU BSKOR BA DE GOMS PAR BYA STE, ,ZHES GSUNGS PA'I SNGA MA LTAR BYED NA BDE STONG DBYER MED KYI BYANG CHUB KYI SEMS NYID LA DMIGS PA DANG BYED LAS SOGS KYI SGO NAS LUS DRAN PA NYER GZHAG SOGS SU THA SNYAD BYED PAS BDE STONG DBYER MED KYI SEMS GCIG NYID LA LDOG PAS PHYE BA'I CHOS SO BDUN DU BYAS NAS, LHA SO BDUN GYI NGO BOR LTA BA 'DI NI GTZO BO'I DON TE, DE LA NI SO BDUN PO LA PHAR PHYIN GYI THEG PA NAS BSHAD PA LTAR GYI DMIGS RNAM MI MTHUN PA DU MA MI BYED DO, ,YANG NA LAM 'DI'I SGRUB PA POS KYANG LAM THUN MONG BA LA 'DRIS PAR BYA
, ,BA'I DON DU MDO SDE'I PHYOGS NAS GSUNGS PA'I DMIGS RNAM CAN SO BDUN DANG BCAS PA'I BYANG CHUB KYI SEMS GOMS PAR BYED PA NI 'DI'I 'GREL PA GSUM NAS KYANG BSHAD PA LTAR TE, BDE STONG GI NGO BOR LTA BA NI DE GNYIS KA LA YANG DGOS SO, ,GZHAN YANG LHA RNAMS BDE STONG GI NGO BOR LTA BA NI DBANG RNON DANG, DE LTAR MI NUS PAS NI THUN MONG BA'I CHOS SO BDUN PO RE RE NAS LHA'I NGO BOR LTA BA NI DBANG PO DMAN PA'I DBANG DU BYAS PAR BSHAD DE, 'KHRUL SPONG LAS, DE NYID KYI NGANG NAS SKAD CIG GIS BZHENGS PA'I GNYIS SU MED PA'I DE KHO NA NYID KYI PHYIR, DKYIL 'KHOR GYI 'KHOR LO'I LHA'I RANG BZHIN SO SO LA BYANG CHUB KYI PHYOGS KYI CHOS SO BDUN SO SOR SBYAR BA NI DBANG PO DMAN PA'I DON DU YIN PAS 'DIR MA BYAS PAS SKAD CIG NYID LA SBYAR BAR BYA BA YIN NO, ,ZHES SO, ,SKAD CIG LA SBYAR BAS CHOG PA DE YANG DANG POR LDOG PAS BYE BA LA RE RE NAS SBYOR BA MI BYED PA YANG MIN LA, RE ZHIG GI BAR DU THUN MONG BA'I SO BDUN LA 'DRIS PAR MI BYED PA YANG MIN MOD KYANG, CHOS SO BDUN LHA SO BDUN GYI NGO BOR LTA BA NI GTZO BO'I DON LA BYED DO, ,DRIL BU ZHABS KYIS KYANG SO BDUN GYI DAG PA BSDUS NAS GSUNGS SO, ,DE LTAR NA PHYI DKYIL GYI DAM TSIG PA RNAMS RDZOGS PA'I MJUG 'DIR SNGAR LTAR GNAS BZHI BYIN GYIS BRLABS PA SOGS DRAN PAR BYAS NAS, BDE BA BSKYED PA DANG STONG PA DBYER MED DU SBYAR NAS DE'I NGO BOR LHA RNAMS RE RE NAS SAM, SPYIR BSDUS NAS LTA BA BYA STE, CHOS SO BDUN GYI NGO BOR LTA BA'I GTZO BO'I DON DE YIN PA'I PHYIR DANG, TSUL DES KYANG RDZOGS RIM GYI RTOGS PA SKYE BA'I RGYUD SMIN PAR BYED PA'I PHYIR
RO, ,GNYIS PA NI, PHYI DKYIL 'KHOR BSGOMS PA'I MJUG DE NAS DE LAS GZHAN YANG ZAD PA DANG MI SKYE BA SHES PA'I BYANG CHUB KYI MTHAR THUG PA 'THOB PA'I PHYOGS DANG RJES SU MTHUN PA'I CHOS SUM CU RTZA BDUN HE RU KA LA SOGS PA'I LHA SO BDUN DANG SBYOR BAS SBYAR BAR BYA STE, SBYOR TSUL DE DAG KYANG GANG ZHE NA, LUS DANG, TSOR BA DANG, CHOS DANG, SEMS RJES SU DRAN PA NYE BAR BZHAG PA BZHIN, RIM PA BZHIN GA-YAS SKOR GYIS MKHA' 'GRO MA NAS GZUGS CAN MA'I BAR BZHIR BLTA'O, ,NYER GZHAG BZHI NI, RIM PA BZHIN GZUGS PHUNG DANG TSOR PHUNG SHES PA LA GZHOL BA DANG, RTZOM PA DANG, 'DU SHES DANG 'DU BYED KYIS PHUNG PO SGYU MA LTA BUR NGES PAR 'DZIN PA DANG, RNAM SHES KYI PHUNG PO'I RANG BZHIN SO SOR 'BYED PAR 'GREL PA GSUM NAS GSUNGS PA'I DON NI, JO BO'I 'GREL PAR LUS TSOR SEMS CHOS KYI PHUNG PO BZHI SGYU MA BZHIN DU RANG BZHIN GYIS SKYE BA MED PAR SHES PA'I SHES RAB DANG, SNYING RJE DBYER MED BA LA BSHAD DE SNGAR LTAR BSHAD DO, ,RJES SU DRAN PA NI SHES RAB KYIS DE LTAR GTAN LA PHAB PA'I STOBS KYIS YUL DE LA DRAN PA BZHAG PAS NA DRAN PA NYER GZHAG GO ,GZHUNG GZHAN NAS BSHAD PA'I RIM PA LAS, 'DIR THA MA GNYIS BZLOG PA NI KUN SPYOD DANG MNGON SPYOD DU YANG DE BZHIN DU 'BYUNG NGO, ,'DUN PA'I DANG, BRTZON 'GRUS KYI DANG, SPYOD PA'I DANG, SEMS KYI RDZU 'PHRUL GYI RKANG PA BZHI NI RIM PA BZHIN DU, GTUm MIG MA NAS SNA CHEN MA'I BAR GYI THUGS 'KHOR GYI LHA MO BZHIR BLTA'O, ,DE LA RDZU 'PHRUL NI NAM MKHA' LA 'GRO BA SOGS PA'O, ,RKANG PA NI DE'I GNAS SO, ,'DUN PA NI CHOS NYAN PA SOGS LA SHIN TU GUS PA DANG, BRTZON 'GRUS NI DE'I RGYUN LAS MI LDOG PAR GOMS PAR BYED PA'O, ,DPYOD PA'I NI CHOS KYI DON LA SHIN TU RNAM PAR DPYOD PA DANG, SEMS NI BYANG CHUB MNGON DU BYED PA'I BYA BA LA MCHOG TU GYUR PA'I BYED PA'O, ,PHAR PHYIN THEG
, ,PA NAS 'DUN PA SOGS BZHI RDZU 'PHRUL RKANG PAR MI BYED PAR 'DUN SOGS BZHI'I TING NGE 'DZIN LA BYED LA, SAm BHU tA LAS KYANG DE LTAR GSUNGS TE, RDZU 'PHRUL SKYED NUS PA'I TING NGE 'DZIN 'GRUB PA LA SGO BZHI STE 'DUN PA DRAG PO DANG, BRTZON 'GRUS RGYUN RING DANG, DMIGS PA RNAM PAR 'BYED PA DANG, SNGON GOMS PA'I TING NGE 'DZIN GYI SA BON SEMS LA YOD PA LA BRTEN NAS 'THOB PA'O, ,JO BO'I 'GREL PAR SNGAR DRAN PA NYER GZHAG TU BSHAD PA'I BYANG CHUB KYI SEMS DANG, TING 'DZIN GYIS GROGS BYAS PA'I SGO NAS RAB GTUM LA SOGS PA BZHIR BZHAG PAR BSHAD PA'I TING NGE 'DZIN NI 'DUN PA LA SOGS PA'I TING NGE 'DZIN BZHI'O, ,'DI NI BYANG CHUB KYI SEMS DE NYID LA GROGS KYI SGO NAS RDZU 'PHRUL GYI RKANG PA BZHIR MED BTAGS ZHES PA'I LUGS TE, GZHUNG GZHAN NAS BSHAD PA'I THA MA GNYIS KYI RIM PA LAS BZLOG PA NI, RGYUD GNYIS LAS SNGAR LTAR BSHAD PAS 'DIR YANG DE LTAR MDZAD DO, ,DAD PA NI DKON MCHOG GSUM DANG LAS 'BRAS LA YID CHES PA DANG, DBANG PO NI 'DI NI DE'O SHES NGES PAR 'DZIN PA'O, ,BRTZON 'GRUS KYI DBANG PO NI NGES PAR BYA DGOS PA NYID NGES PAR BZUNG PA'O, ,DRAN PA'I DBANG PO MI RMUGS PA'I MI BRJED PAS MA RIG PA STE RMUGS PA'I SKABS MI 'BYED PA'O, ,TING NGE 'DZIN KYI DBANG PO NI SEMS RTZA GCIG PA LA DBANG BYED PA'O, ,SHES RAB KYI DBANG PO NI SPANG BLANG 'BYED PA LA DE NYID DU NGES PAR BZUNG BA'O, ,ZHES 'GREL PA GSUM NAS BSHAD LA, KHYAD PAR GSAL BYED LAS 'JIG RTEN PA'I YANG DAG PA'I LTA BA DANG SEMS DANG BA NI DAD PA DANG,
BRTZON 'GRUS NI SEMS MNGON PAR SPRO BA, DAD PA'I DBANG PO LA BRTEN PA'I CHOS RNAMS GANG GIS NYE BAR SOG PA NI BRTZON 'GRUS DANG, DE'I DBANG PO BSKYED PA'I DON LA MI RMUGS PA'I DRAN PA DANG, DE'I DBANG PO'I DON LA MNGON PAR PHYOGS PAR BYED PA'I TING NGE 'DZIN DANG, DE'I DBANG POS RTZE GCIG TU BYAS PA'I DON RNAMS 'BYED PA'I SHES RAB KYI DBANG POR BSHAD DO, ,DBANG PO LNGA NI DPA' BO'I BLO GROS MA NAS SHING GRIB MA'I BAR THUGS KYI LHA MO BZHI DANG, GSUNG GI LHA MO SA SRUNGS MAR BLTA'O, ,BRTAN PA'I BLO CAN MA LA 'DIR DPA' BO'I BLO GROS MA ZHES 'BYUNG BA LTAR KUN SPYOD DANG MNGON BRJOD LAS KYANG 'BYUNG NGO, ,JO BO'I 'GREL PAR SNGAR GYI BYANG CHUB KYI SEMS DE NYID DBANG PO LNGAS DBANG BYAS PA'I SGO NAS LHA MO DE LNGA 'JOG PAR BSHAD DO, ,DAD PA'I DBANG PO LA SOGS PA LNGA PHUL DU BYUNG BA'I SKABS SU RANG GI MI MTHUN PHYOGS KYIS MI RDZI BA'I PHYIR, DAD PA'I STOBS NAS SHES RAB KYI STOBS KYI BAR LNGAR GYUR PA NI RIM PA BZHIN 'JIGS BYED CHEN MO NAS SHIN TU BZANG MO'I BAR GYI LHA MO LNGAR BLTA'O, ,JO BO'I DGONGS PA LTAR NA BYANG CHUB GYI SEMS DE NYID DAD SOGS STOBS SU GYUR PA'I SKABS SU DE DAG GI SGO NAS LHA MO LNGAR 'JOG PA SNGA MA'I RIGS PAS SHES PAR BYA'O, ,TING NGE 'DZIN DANG, BRTZON 'GRUS DANG, DGA' BA DANG, SHIN TU SBYANGS PA DANG, CHOS RAB TU RNAM PAR 'BYED PA DANG, DRAN PA DANG, BTANG SNYOMS KYI MTHAR YANG DAG BYANG CHUB KYI YAN LAG CES SBYAR BA NI RIM PA BZHIN DU STONG PA NYID LA SEMS RTZE GCIG PA BYANG CHUB KYI RGYU NYID DANG, LE LO'I SKABS MED PAR SO SKYE'I SA LAS NGES PAR 'BYUNG BA DANG, DGE
, ,BA'I CHOS KUN TU 'DZIN ZHING DGA' BA'I MI MTHUN PHYOGS BDAG DANG BDAG GIR 'DZIN PA'I BAG CHAGS GCOD PA DANG, DGE BA LA SEMS SHIN TU LAS SU RUNG BA DANG, BDAG MED PA'I RANG BZHIN LA DE NYID DU NGES PAR 'DZIN PA DANG, MI BRJED PA'I NGANG TSUL DANG, TING NGE 'DZIN LA BSGRIM MI DGOS PAR LHUN GYIS GRUB PA STE, DE BDUN NI RIM PA BZHIN RTA RNA MA NAS SHIN TU DPA' MO'I BAR GYI LHA MO BDUN DU BLTA'O, ,JO BO'I BZHED PA LTAR NA DE BDUN KHA CIG BYANG CHUB KYI SEMS KYI NGO BO DANG, KHA CIG BYED LAS SOGS LA BSHAD DGOS SO, ,DE DAG GI GO RIM KYANG GZHUNG NAS 'BYUNG BA BZHIN KUN SPYOD DANG MNGON BRJOD LAS SO, ,LTA BA DANG, RTOG PA DANG, NGAG DANG, LAS KYI MTHA' DANG, 'TSO BA DANG, RTZOL BA DANG, DRAN PA DANG, TING NGE 'DZIN RNAMS KYI MGOR YANG DAG PA'I ZHES SBYAR BA RNAMS NI RIM PA BZHIN DU SANGS RGYAS KYI GSUNG LA SHIN TU GUS SHING DE'I DON PHYIN CI MA LOG PAR RTOGS PA DANG, LEGS PA'I BYA BA BRTZAMS PA MI 'DOR BA DANG, SEMS CAN MI BSLU BA'I TSIG RDZUN DANG BRAL BA DANG, GANG BYED THAMS CAD DGE BCU LAS MI 'DA' BA DANG, SEMS CAN LA MI 'TSE BA'I TSUL GYIS 'TSE BA DANG, PHYAG DANG BSKOR BA SOGS KYI DGE BA SGRUB PA DANG, RGYAL BA'I GSUNG RJES SU DRAN PA DANG, HE RU KA'I TSUL DU DMIGS PA'O, ,DE BRGYAD NI RIM PA BZHIN DU STOBS CHEN MA DANG, 'KHOR LOS SGYUR MA DANG, BRTZON CHEN MA GSUM DANG, GA-YON SKOR GYIS BYA ROG GDONG MA LA SOGS PA BZHI DANG, GTZO BO'I NGO BOR BLTA'O, ,DE BRGYAD KYI MTHAR YANG DAG 'PHAGS PA'I LAM YAN LAG CES PA MA BYUNG
YANG, THEG PA THUN MONG BA NAS GSUNGS PA LTAR SBYAR RO, ,JO BO'I BZHED PA NI DE RNAMS BYANG CHUB KYI SEMS KYI NGO BO DANG DE'I NUS PA DANG, BYED LAS SOGS KYI SGO NAS MING 'DOGS PAR SHES PAR BYA'O, ,DGE BA'I CHOS MA SKYES PA RNAMS SKYED PA DANG, SKYES BA SRUNG BA DANG, MI DGE BA'I CHOS SKYES PA RNAMS SPONG BA DANG, MA SKYES PA RNAMS MI SKYED PA BZHI NI RIM PA BZHIN DU GA-YAS SKOR GYIS YA MA D'Am dHI LA SOGS PA BZHIR BLTA'O, ,JO BO'I 'GREL PAR SNGAR BSHAD PA'I BYANG CHUB KYI SEMS DE YANG DAG SPONG BA'I BRTZON 'GRUS KYIS GROGS BYAS PA'I SGO NAS MTSAMS MA BZHIR 'JOG PAR BSHAD DO, ,DE LTAR BYANG PHYOGS SO BDUN LHA MO DANG SBYOR BA'I SKABS SU YANG DAG PA'I TING NGE 'DZIN DPA' BO DANG DNGOS SU SBYAR BA NA SNGA MA NYER BZHI YANG RANG RANG GI DPA' BO DANG SBYOR BA SHES NUS LA, DE'I GNAD KYIS SO BDUN PA GTZO MO DANG SBYAR DGOS PA'ANG SHES PAS, DAG PA DE DAG NI DPA' BO DANG RNAL 'BYOR MA GNYIS SU MED PA'I DAG PA'O, ,YANG DAG SPONG BA BZHI MTHAR BSHAD PA NI NYON MONGS DANG NYE NYON GYI SGRIB PA RNAMS SPANGS NA YANG DAG PAR SPONG BA DE'I PHYIR ZHES PA'AM, YANG NA JI SRID DU RNAL 'BYOR PA HE RU KAR GYUR PA DE SRID DU 'DI RNAMS KHO NAS RTAG TU SPYOD DO ZHES SHES PAR BYA BA'I PHYIR, PHAR PHYIN GYI THEG PA DANG GO RIM MI MTHUN PAR BSHAD DO, ,ZHES KHYAD PAR GSAL BYED LAS BSHAD PA'I PHYI MA'I DON NI YANG DAG PA'I TING NGE 'DZIN HE RU KAR BSHAD PA'I 'OG TU GNYEN PO'I PHYOGS SGRUB PA DANG, MI MTHUN PA'I PHYOGS 'GOG PA'I SPONG BA BZHI BSHAD PA NI BYANG PHYOGS SNGA MA SO GNYIS KYIS BYA BA DE GNYIS SGRUB PA NI HE RU KA MA THOB,
, ,BAR DU BYA DGOS PAR SHES PA'I DON TE 'DI SNGA MA LAS LEGS SO, ,MNGON BRJOD DANG KUN SPYOD LAS GO RIM DE LTAR GSUNGS LA, SAm BHU tA LAS DRAN PA NYER GZHAG GI 'OG TU YANG DAG SPONG BA BSHAD CING BYANG CHUB YAN LAG BDUN KYANG PHAR PHYIN DANG GO RIM MTHUN PAR BSHAD DO, ,GNYIS PA LA GNYIS, LUS DKYIL SPYI'I RNAM GZHAG DANG, GZHUNG GI TSIG DON BSHAD PA'O, ,DANG PO LA GNYIS, LUS KYI DKYIL 'KHOR GYI RNAM DBYE DANG GO RIM, RTEN DANG BRTEN PA'I LUS DKYIL 'KHOR GYI RNAM GZHAG GO ,DANG PO NI, NYUNG NGU'I RTZA RGYUD LAS, RNAL 'BYOR MA YIS DANG GNAS, ,HE RU KA DPAL SKU'I YAN LAG ,THAMS CAD BRTAN GA-YO BDAG NYID CAN, ,ZHES DANG, MTHO RIS SA STENG SA 'OG TU, ,DPA' BO'I YAN LAG BRTAN GA-YO'I BDAG ,P'U LA SOGS PA GANG BSTAN PA, ,PHYI NANG BDAG NYID CAN DU GNAS, , ZHES 'BYUNG BA LTA BU MA GTEGS PA LUS DKYIL GSAL BAR MA GSUNGS LA, BSHAD RGYUD MNGON BRJOD KYI LE'U DGU BAR, GZHAL YAS KHANG GI LTE BAR BSKYED PA'I HE RU KA'I LUS LA BKOD PA'I LUS DKYIL SGOM PA DANG, DE YANG DPA' BO GCIG PA'I DKYIL 'KHOR DU BSHAD DE, RTEN GYI DKYIL 'KHOR LA 'GOD PA'I DBANG DU BYAS NA YAB YUM ZUNG GCIG LAS MED CING, DE GNYIS KYANG GDAN GCIG LA BZHUGS PA LA DGONGS SO, ,LE'U DGU PA DE LA BRTEN NAS SBYANG DKA' ZLA BAS MDZAD PA'I SGRUB THABS SU YANG BCOM LDAN 'DAS YAB YUM GNYIS LUS LA DGOD PA MA BYAS SHING, LUS DKYIL BSGOMS ZIN PA'I 'OG TU RTEN GYI DKYIL 'KHOR LA LHA DRUG CU BKOD NAS SGOM PA BYAS PA NI LUS DKYIL SNGA LA PHYI DKYIL RJES SU SGOM PA'I LUGS SO, ,PHYI DKYIL SNGON DU BSGOMS NAS RJES SU LUS DKYIL
SGOM PA NI L'U AI PAS GSUNGS TE, 'DI'I RJES SU 'BRANGS PA'I RGYA GZHUNG MANG NGO, ,NAG PO SPYOD PAS, PHYI DKYIL GYI 'KHOR LO GSUM GYI LHA SGOM PA'I SKABS SU PULLIR MA LA MGO BOR THOD PA'I DUM BU CAN DANG, RAB GTUM MO, ,ZHES SOGS KYIS LUS KYI GNAS NYER BZHIR SGOM PA YANG BSHAD LA, BRGYAD TSAN GSUM GYI DANG PO BZHI BZHI SHAR LA SOGS PA'I PHYOGS SU LUGS MI MTHUN DANG, PHYI MA BZHI BZHI DBANG LDAN LA SOGS PA'I MTSAMS SU LUGS MTHUN DU 'GOD PAR GSUNGS PAS LHA ZHE BRGYAD PHYI DKYIL DU 'GOD PA DANG, NANG LUS LA 'GOD PA GNYIS DUS MNYAM DU BSHAD PA NI, RDO RJE MKHA' 'GRO'I BCU BZHI PAR, PHYI DANG NANG DANG YANG DAG GNAS, ,NYI SHU RTZA BZHIR PHYE BA YIS, ,SKU GSUNG THUGS KYI 'KHOR LO YIN, ,ZHES GSUNGS PA'I RJES SU 'DRANGS PA'O, ,DE LTAR TSUL GSUM BSHAD PA NI PHYI DKYIL DANG LUS DKYIL GNYIS KA SGOM PAR BSHAD PA'I STENG NAS YIN TE, GNYIS KA SDOM PA NI KUN SPYOD DANG MNGON BRJOD KYI BCU BZHI PA'I YANG DGONGS PAR SNANG ZHING, PHYI DKYIL SNGON DU BSGOMS PA'I RJES SU LHA ZHE BRGYAD KYI LUS DKYIL SGOM PA YANG DER BSHAD DO, ,MNGON BRJOD KYI DGU PA DANG DRIL BU ZHABS KYIS NI PHYI DKYIL GYI LHA SGOM PA MA BSHAD PAR LUS DKYIL GYI LHA TZAM ZHIG SGOM PAR BSHAD DO, ,GNYIS PA LA GNYIS, RTEN GYI LUS DKYIL GYI RNAM GZHAG DANG, BRTEN PA'I LUS DKYIL GYI RNAM GZHAG GO DANG PO NI, MNGON BRJOD LAS, BRTEN PA'I LUS DKYIL SGOM PAR BSHAD PA MA GTOGS PA, RTEN GYI LUS DKYIL THUN MONG MA YIN PA MA BSHAD LA, L'U AI PA'I RTZI BA DANG 'GREL PA GZHAN LNGA DANG, 'KHRUL SPONG DANG NAG PO SPYOD PA'I SGRUB THABS DANG, SBYANG DKA' ZLA BA SOGS
, ,KYIS KYANG MA BSHAD DO, ,'GREL PA SDOM 'BYUNG LAS LUS DKYIL GYI SKABS SU LUS 'BYUNG BA RIM RTZEGS SOGS RTEN GYI DKYIL 'KHOR DU SGOM TSUL SAm BHU tAR GSUNGS PA BZHIN BSHAD LA, DE LA BRTEN PA'I LUS DKYIL GYI RJES SU BSHAD PA NI BSHAD PA'I RIM PA TZAM YIN GYI LAG LEN GYI RIM PA NI PHYI DKYIL DANG, CHOS SO BDUN BSGOMS PA'I MJUG TU BYA'O, ,DRIL BU ZHABS KYIS KYANG, LUS KYI CHA RNAMS 'BYUNG BA RIM BRTZEGS DANG, RI RAB DANG GZHAL YAS KHANG DU SGOM PA LUS DKYIL GYI LHA SGOM PA'I SNGON DU GSUNGS PA NI BSHAD RGYUD SAm BHU tA'I LUGS SO, ,DES NA BRTEN PA'I DKYIL 'KHOR GNYIS KA SGOM PA DANG, BRTEN PA'I LUS DKYIL TZAM ZHIG SGOM NA'ANG 'DRA BAS LUS RTEN GYI DKYIL 'KHOR DU SGOM PA NI SNGON DU GTANG DGOS TE, 'DI NI DPAL 'DUS PA'I LUGS KYANG YIN NO, ,DE YANG DKYIL 'KHOR GNYIS KA SGOM PA LE NAG LTA BU DANG, LUS DKYIL GCIG PU SGOM PA MNGON BRJOD KYI DGU PA LTA BU YIN NA SNGON DU RTEN GYI DKYIL 'KHOR BSKYED ZIN PA DE LA, LUS RTEN GYI DKYIL 'KHOR DU SGOM LUGS SNGAR BYAS PA MED PAS LUS DKYIL SGOM RAN PA NA SNGAR BSKYED PA'I GZHAL YAS KHANG DE NYID KYI STENG NAS BYED KYI, SNGA MA DE BSDUS NAS SKYED PA MIN TE, MDO BSRE LAS, BHR'Um YIG LAS BSKYED PA'I GZHAL YAS KHANG GI DBUS SU SPRUL SKU RDOR SEMS SU BSKYED PA'I LUS LA LHA SO GNYIS TSANG PAR SGOM PA'I LUS DKYIL BSGOMS NAS DE'I MA BSDUS PA'I SKABS SU SNGAR BSHAD PA'I GZHAL YAS KHANG NA GNAS PAR BYA'O, ,ZHES GSUNGS SHING, GZHAL YAS KHANG SDUD MI SDUD KYANG DE DANG 'DI GNYIS LA KHYAD PAR MED PA'I PHYIR RO, ,SBYANG DKA' ZLA BAS KYANG
RNAM SNANG LAS BSKYED PA'I GZHAL YAS KHANG GI DBUS SU LUS DKYIL SGOM PAR BSHAD LA, DE MNGON BRJOD KYI DGONGS PAR YANG SNANG BA'I PHYIR RO, ,DE'I PHYIR NA SNGAR BSKYED PA'I GZHAL YAS KHANG GI NANG DU GZHAL YAS KHANG GNYIS PA CIG SKYED PA'ANG MIN LA, DE LTAR BYED PA'I BSHAD PA YANG GZHUNG KHUNGS THUB GANG NAS KYANG MI 'BYUNG NGO, ,'O NA GZHAL YAS KHANG SNGA RMA'I STENG NAS JI LTAR SGOM SNYAM NA, 'DI LA BOD KYI BLA MA KHA CIG LUS KYI CHA DE DANG DE RTEN GYI DKYIL 'KHOR GYI CHA DE DANG DE'I DOD DU MOS PA TZAM YIN ZER BA DANG, KHA CIG GDOD MA NAS DER GRUB PA GSAL 'DEBS PA YIN ZER, DE LA DANG PO NI RGYUD DANG MKHAS GRUB KYI BZHED PA MIN TE, BSHAD RGYUD RDO RJE 'PHRENG BAR, LUS RTEN GYI DKYIL 'KHOR DU SGOM PA'I SKABS SU THOG MAR, LUS NI GZHAL YAS KHANG DU GYUR, ,SANGS RGYAS KUN GYI YANG DAG RTEN, ,ZHES MDOR BSTAN PA'I SKABS SU YANG LUS GZHAL YAS KHANG DU GYUR PAR SGOM PAR GSUNGS SHING, BAR DU LUS KYI CHA 'DI DANG 'DI GZHAL YAS KHANG GI CHA 'DI DANG 'DI ZHES GSUNGS PA NI, SNGA MA'I RGYAS BSHAD YIN PAS, DE RNAMS DE DAG TU GYUR PAR SGOM PA'I DON YIN LA, MJUG TU DON BSDUS PAR YANG, DE DAG GZHAL YAS KHANG DU BSGOM, ,ZHES GSUNGS KYI DE'I DOD DU SGOM PAR BSHAD PA MED PA'I PHYIR DANG, RNAM GZHAG RIM PAR YANG, DANG PO KHO NAR SKU'I DKYIL 'KHOR RNAM PAR GZHAG PAR BYA STE, TSANGS PA'I THIG NAS YANG DAG BRTZAMS, ,GRU BZHI PA RU RNAM PAR DBYE, ,GZHAL YAS KHANG LTAR SNANG BA YI, ,RNAL 'BYOR PA YI SKU DKYIL 'KHOR, ,ZHES GRU BZHI PA'I GZHAL YAS KHANG DU SNANG BA'I SKU'I
, ,DKYIL 'KHOR SGOM PAR GSUNGS PA'I PHYIR RO, ,LUGS GNYIS PA YANG SHIN TU MI 'THAD DE, RANG GI LUS KYI CHA RNAMS GDOD MA NAS BRTEN PA'I DKYIL 'KHOR DU GRUB ZIN NA NI LUS CAN THAMS CAD 'BAD PA MED PAR GROL BAR 'GYUR LA, BLOS DE LTAR MOS NAS SGOM DGOS NA YANG MI 'THAD DE, LUS GZHAL YAS KHANG DU GYUR PAR SGOM PAR GSUNGS PA'I PHYIR DANG, LVA BA PA'I 'GREL PA LAS, GNAS DE RNAMS SU GNAS PA'I RTZA RNAMS DE DANG NGE'I LHA'I NGO BOR YONGS SU GYUR TE GNAS PAR BSGOM MO, ,ZHES GSUNGS PA'I PHYIR DANG, PRADZNY'A RAKshI TA DANG, DE BZHIN GSHEGS PA'I RDO RJE'I 'GREL PAR YANG DE BZHIN DU BSHAD DO, ,DE LTA MA YIN NA MNGON BRJOD LAS LUS DKYIL SGOM PA NA GZHI'I HE RU KA GSAR DU SGOM PA MI 'THAD PAR 'GYUR BA DANG, RANG GIS KYANG DRIL BU PA'I LUGS LA RTEN DANG BRTEN PA'I DKYIL 'KHOR THAMS CAD SKAD CIG GIS SKYED PAR BSHAD PA'I GSAR DU BSKYED PA DANG 'GAL BAR 'GYUR RO, ,DRIL BU PA'I DBANG CHOG LAS, 'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,ZHES GSUNGS PA NI LUS DKYIL GYI LHA'I DKYIL 'KHOR GANG LAS SGRUB PA'I SGRUB GZHI NI RDUL TSON DANG, RAS RIS KYI DKYIL 'KHOR LA LHA SGRUB PA'I SGRUB GZHI PHYAG MTSAN DANG SKU LA SOGS PA GSAR DU SGRUB DGOS PA BZHIN DU 'DRI MKHAN GYIS GSAR DU SGRUB MI DGOS PAR RTZA DANG KHAMS RNAMS RANG BZHIN GYIS TE GDOD MA NAS GNAS LA, DE YANG DE'I SGRUB GZHI YIN PA'I DON YIN GYI, LUS KYI RTZA DANG KHAMS LA SOGS PA HE RU KA'I DKYIL 'KHOR DU GDOD MA NAS GNAS PA MIN TE, YIN NA NI DE NYID LAS DE YI
RANG BZHIN MI SHES RNAMS, ,SNOD DU BYA BAR BZHED PA STE, ,ZHES GSUNGS PA DANG NANG 'GAL BAR 'GYUR TE, BDE MCHOG GI DKYIL 'KHOR GYI DE NYID MI SHES PA 'GAL BA'I PHYIR RO, ,GSANG 'DUS DANG BDE MCHOG GI LUS DKYIL YANG LUS GOD MA NAS LHAR GNAS MI GNAS MTSUNGS PAS, 'DUS PA'I LUS DKYIL LA RANG RANG GI SA BON LAS SKYED PAR BSHAD PA DANG DANG YANG 'GAL BAR 'GYUR RO, ,DRIL BU PA'I LHA RNAMS KYI ZHAL PHYAG GI GRANGS DANG PHYAG MTSAN SOGS KYANG KUN SPYOD PA LA BRTEN PAR SNANG ZHING, KUN SPYOD KYI LUGS KYANG TA TH'A GA TA RAKshI TAS RTEN BRTEN PA DUS GCIG TU BSKYED PA L'U AI BA LTAR BSHAD LA, RGYUD DON DU'ANG 'DUG PAS DE LTAR BYA'O, ,'ON KYANG MNGON BYANG LNGA LAS GZHAN YAS KHANG DANG GZHI'I HE RU KA YAB YUM TZAM ZHIG SKYED KYI, LUS LA BKOD PA'I LHA RNAMS SKYED PA NI MIN TE, DE DAG NI HE RU KAR BSKYED ZIN PA'I LUS KYI RTZA DANG KHAMS LAS SKYED DGOS PA'I PHYIR RO, ,DRIL BU PAS LUS RTEN GYI DKYIL 'KHOR DU BSKYED PA'I 'OG TU GZHI'I HE RU KA YAB YUM GYI SKU MDOG SOGS BSHAD PA DANG MI 'GAL TE, DE NI SNGON DU L'U AI PA LTAR GTZO BO BSKYED ZIN PA'I GSAL 'DEBS YIN LA, LUS RTEN GYI DKYIL 'KHOR DU SGOM PA YANG SNGAR BSKYED ZIN PA'I DKYIL 'KHOR GYI STENG NAS SLAR YANG SGOM PA YIN PA'I PHYIR RO, ,DE NAS SNGAR 'BYUNG BA RIM RTZEG RI RAB GZHAL YAS KHANG DANG BCAS PA BSKYED PA DE NYID KYI RGYUN DA GZOD GZHAL YAS KHANG MA BSDUS PAR DU 'JUG PAR MOS PA'I LUGS YIN PAS LUS RTEN GYI DKYIL 'KHOR DU SGOM PA'I MTSAMS NAS RANG GI RIGS 'DRA SNGA MA DANG LUS KYI CHA RE LA BRTEN NAS RIGS 'DRA PHYI MA SKYES PAR SGOM PA YIN NO, ,DE YANG RKANG PA GNYIS BGRAD PA GZHU'I
, ,DBYINGS SU YOD PA YONGS SU GYUR PA LAS 'BYUNG BZHI'I RLUNG GZHU'I DBYIBS CAN DANG, SUM MDO ? GRU GSUM GYI GZUGS SU YOD PA LAS ME DKYIL ZUR GSUM PA DANG, LTO BA ZLUM PO'I DBYIBS CAN LAS CHU DKYIL ZLUM PO DANG, SNYING KHA GRU BZHI LAS SA DKYIL GRU BZHIR GYUR PAR BSAMS TE, SAm BHU tA LAS, RKANG PA'I MTHIL DU RTZE MCHEN RLUNG, ,GZHU YI DBYIBS SU RNAM PAR GNAS, ,SUM MDO YIN GNAS SU NI, ,DE BZHIN GRU GSUM 'BAR BA NYID, ,ZLUM PO'I RNAM PA'I GZUGS KYIS NI, ,CHU NI LTO BAR RNAM PAR GNAS, ,SNYING KHAR YANG NI SA NYING DE, ,KUN NAS GRU BZHI PA NYID DO, ,ZHES GSUNGS LA, DE'I DON LA RIM GNYIS KYI DBANG DU BYAS NAS BSHAD DGOS PA GNYIS LAS, 'DIR NI BSKYED RIM PA'I LUS DKYIL GYI DBANG DU BYAS PA BSHAD DE, DRIL BU PAS, RKANG PA SUM MDO LTE SNYING KHA, ,RLUNG DANG ME CHUS YIN NO, ,ZHES GSUNGS PA LTAR RO, ,'DI LA NI SNGAR BSKYED PA DA DUNG GNAS PA'I DKYIL 'KHOR BZHI, DE RNAMS KYI DBYIBS CAN GYI LUS KYI CHA BZHI LAS SKYED PA YIN GYI, RKANG MTHIL GYI RLUNG DER SKYED PA MIN NO, ,RDZOGS RIM GYI SKABS YIN NA DKYIL 'KHOR BZHI SKYED PA MIN TE, 'DI NI 'OG MA RNAMS LA'ANG SHES PAR BYAS NAS, RIM GNYIS KYI DBANG DU MDZAD NAS GSUNGS PA GNYIS SO SOR PHYED PAR BYA'O, ,YANG DRIL BU PAS, SGAL TSIGS RI RGYAL DE BZHIN TE, , ZHES GSUNGS PA YANG RGYUD DE'I DON NO, ,DE NAS GZHAL YAS KHANG SKYED PA LA RDO RJE PHRENG BAR, LUS KYI CHA DU MA ZHIG GZHAL YAS KHANG GI CHA SO SOR SKYED PAR GSUNGS PA NI RGYAS PA'I LUGS YIN LA, 'DIR NI DPER NA BHR'Um YIG GCIG PU LAS PHYI'I
GZHAL YAS KHANG THAMS CAD SKYED PA BZHIN DU DRIL BU PAS, LUS NI MNYAM PA GRU BZHI PA, ,RGYAN RNAMS RAB MDZES HE RU KA'I, ,LUS KYI DKYIL 'KHOR NYID DU 'DOD, ,CES LUS 'DOM GANG YAN MAN DANG PHAN TSUN DU MNYAM PA LAS NGOS BZHI MNYAM PA'I GZHAL YAS KHANG GRU BZHI PA SKYED PA DANG, PHA GU DANG DRA PHYED SOGS KYI RGYAN GYIS RAB TU MDZES PA'I HE RU KA'I RTEN GYI LUS DKYIL SGOM PAR BSHAD PA NI BSDUS PA'O, ,GZHAL YAS KHANG SKYED PA NI SAm BHU tA LAS, DNGOS PO KUN GYIS MNYAM PA'I PHYIR, ,GU BZHI PAR NI RAB TU GRAGS, ,ZHES PA'I DON NO, ,YANG DER, RANG GI YAN LAG BRGYAD BYUNG NAS, ,KA BO DE YIS BSKOR NAS GNAS, ,ZHES GSUNGS PA'I YAN LAG BRGYAD NI, ,RDOR PHRENG LAS, RKANG BRGYAD LA GSUNGS PA LTAR BYA, MAN SNYE LAS, MGO RKANG LAG BZHI SNYING KHA LTE BA KHA BRGYAD LA BSHAD DO, ,SKU GSUNG THUGS KYI NGO BO YI, ,'KHOR LO GSUM NI GCIG TU GSUNGS, ,ZHES PA NI RANG GI LUS NGAG YID GSUM LAS 'KHOR LO GSUM DU SGOM PA YIN TE, 'DI LO NAG LTA BU LA DGOS KYI, BRTEN PA LA LUS DKYIL GCIG PU SGOM PA LA MI DGOS SO, ,YANG DER RI RAB KYI STENG GI PAD 'DAB SPYI BO'I RTZA SO GNYIS DANG, PADMA LA BKOD PA'I DBYANGS GSAL RNAMS RTZA 'DAB NAS RGYU BA'I BYANG SEMS DANG, DBYANGS GSAL LAS GYUR PA'I ZLA BA'I DKYIL 'KHOR NI KLAD PA DANG, LUS KYI BRTAN GA-YO KUN GYI RTZA BA HOm YIG TU BSHAD PA NI, MAN SNYER RGYU RDOR 'DZIN H'Um YIG TU BSHAD PA RNAMS NI, RDZOGS RIM PA'I DBANG DU BYAS PA'I NANG BSHAD YIN GYI, BSKYED RIM PA'I RTEN GYI LUS DKYIL SGOM DUS MI DGOS
, ,TE, DE'I TSE NA DE RNAMS MI GNAS PA'I PHYIR DANG, DE SGOM PA NI DE DUS NA GNAS PA'I RTEN RNAMS KYI DBANG DU BYAS PA'I PHYIR RO, ,DE BZHIN DU SKU GSUNG THUGS KYI SGO BSHAD PA RNAMS NI, LUS KYI NANG BSHAD TZAM YIN GYI 'DI'I SKABS LA MI 'BYOR PAS MI DGOS SO, ,BOD KHA CIG MIG PANYTZA RE KHA'I RTZIG PA ZHES SOGS 'DOD PA LA, MKHAS PA DAG SDOM PA BSHAD PAR, GO RIM BZHIN DU LUS SKYES NAS, ,RDO RJE PHUR BU LHAN CIG SKYES, ,BCINGS PA THIG SKUD RAB TU LDAN, ,SHIN TU MTSAMS MED BRTAN PAR BCINGS, ,GUR NI RUS PA'I PHRENG BA NYID, ,CES PA TZAM MA GTOGS PA, GZHAN BDE MCHOG GI SKOR GANG NA'ANG 'DUG PA MA MTHONG NGO, ,ZHES GSUNG BA NI DE BZHIN DU SNANG STE, BOD KYI BSHAD PA LA DE 'DRA'I RIGS KYI LUS DKYIL SGOM PA KUN BTAGS MANG DU SNANG NGO, , GAL TE LUS KYI CHA DE DAG RTEN DU BSGOMS NA, DER MA 'DUS PA'I LUS MED PAS LUS BRTEN PA'I LHAR SGOM RGYU MI RNYED DO SNYAM DU MI GZUNG STE, DE LTA NA GZUGS PHUNG RNAM SNANG DU BSGOMS PA'I RJES SU 'BYUNG BZHI SPYAN SOGS BZHI DANG, DBANG PO GZUGS CAN RNAMS SA SNYING SOGS SU DANG, YUL LNGA GZUGS RDO RJE MA LA SOGS PAR SGOM PA YANG MI 'THAD DE, GZUGS PHUNG DU MA 'DUS PA'I 'BYUNG BZHI SOGS MED PA'I PHYIR RO, ,DES NA DON STENG NA NGO BO THA DAD PA MED KYANG BLOS CHA DU MAR DBYER YOD PAS SO SOR PHYE BA DE RNAMS RTEN DANG BRTEN PAR SGOM PAS MI 'GAL LO, ,GNYIS PA LA GSUM, LUS DKYIL GYI LHA GANG LA 'GOD PA'I GZHI DANG BZHUGS GNAS, GZHI DE LA LHA CI TZAM ZHIG 'GOD PA, LUS KYI GNAS GANG DU LHA GANG 'GOD PA DANG SKYED TSUL LO, ,DANG PO NI, 'DIR LUS KYI DKYIL
'KHOR GANG LA 'GOD PA'I GZHI NI, 'KHOR GYI LHA NI MIN PAR NGES LA GTZO BO YAB YUM GNYIS LA NI, MNGON BRJOD KYI BCU GNYIS PA DANG, PHAG MO MNGON 'BYUNG DU, GTZO BO PHAG MOS MDZAD PAR BSKYED PA'I LUS LA, SPYI BO LA SOGS PA'I GNAS NYER BZHIR RAB GTUM MA LA SOGS PA NYER BZHI SGOM PA BSHAD LA, DE LA BRTEN NAS AU MA PA TI TA TRAS MDZAD PA'I PHAG MO'I SGRUB THABS SU SNYING PO'I RNAL 'BYOR MA BZHI DANG, SGO MTSAMS MA BRGYAD KYANG LUS LA BKOD PA'I LUS DKYIL BSHAD PAS, LUS DKYIL 'GOD PA'I GZHI HE RU KA KHO NAR MA NGES SO, ,'DI YANG 'BYUNG BA RIM RTZEG RI RAB DANG BCAS PA DANG, RNAM SNANG LAS BYUNG BA'I GZHAL YAS KHANG GI DBUS SU ZLA BA'I STENG DU DBYANGS GSAL DANG, DE'I DBUS SU BAm YIG LAS PHAG MO SKYED PA DANG, SNGON DU PHYI DKYIL DANG, DE'I RJES SU LUS DKYIL SGOM PAR RGYUD LAS BSHAD DE, GO RIM DE NI SGRUB THABS LAS KYANG BSHAD DO, ,LO NAG DRIL GSUM GYIS NI, YAB YUM GNYIS YOD KYANG YAB LA LUS DKYIL 'GOD LA, DE YANG L'U AI PA'I LUGS KYIS RTEN DANG BRTEN PA GNYIS KA THUN MONG DU SKYED PA'I MNGON BYANG LNGA LAS BSKYED PA'I HE RU KA LA 'GOD DO ,NAG PO SPYOD PAS NI, RGYU RDOR 'DZIN YAB YUM ZHU BA'I KHU BA LAS BZHENGS PA'I 'BRAS BU RDOR 'DZIN GYI HE RU KA LA 'GOD, DRIL BU PA'I GZHUNG DU GZHI'I HE RU KA 'DI LTAR SKYED KYI GSAL KHA MED LA, GSUM GAS KYANG HE RU KA ZHAL BZHI PHYAG BCU GNYIS PAR GSUNGS SO, ,LO DRIL GNYIS NI YAB 'DRA LA, NAG PO PA DANG CUNG MI 'DRA'O, ,DRIL BU PA'I LUGS 'DI LA BOD KYI BLA MA RNAMS, TSOGS ZHING GI BCOM LDAN 'DAS RANG GI SMIN MTSAMS NAS THIM PA'I RKYEN GYIS LUS DKYIL GYI RTEN DANG BRTEN
, ,PA'I DKYIL 'KHOR THAMS CAD SKAD CIG LA SKYED PAR BYED DE, 'BYUNG BZHI RI RAB RNAMS RANG RANG GI SA BON DANG, BHR'Um YIG SOGS LAS GZHAL YAS KHANG SKYED PA DANG, MNGON BYANG LNGA LA SOGS PA LAS GZHI'I HE RU KA BSKYED NA LUS DKYIL DU MI RIGS SNYAM DU BSAMS PA 'DRA ZHING, SGRUB THABS LAS, 'OD ZER 'PHROS PAS SNGON GRUB PA, ,BSKUL NAS PHYAG 'TSAL RANG LUS GZHUG ,CES TSOGS ZHING RANG LA GZHUG PA BSHAD NAS, SKYED CHOG ZUR PA YANG MA BSTAN PAS SO SNYAM PA 'DRA'O, ,DE NI LEGS PAR MA MTHONG STE, ,RGYUD GNYIS DANG LO NAG LA SOGS PA'I GZHUNG DU MA LAS LUS DKYIL BSHAD PA LA YANG RTEN DANG BRTEN PA'I HE RU KA SNGAR BSHAD PA BZHIN SKYED PAR BSHAD CING, RANG NYID KYIS KYANG DE LTAR BYAS PA'I PHYIR DANG, MDOR BYAS LAS KYANG, BHR'Um YIG LAS GZHAL YAS KHANG SKYED PA'I DBUS SU MNGON BYANG LNGA LAS BSKYED PA'I DANG PO'I MGON PO SPRUL SKU RDOR SEMS SU BSGYUR BA'I RTEN LA LUS DKYIL 'GOD PAR GSUNGS PA'I PHYIR RO, ,GAL TE DE DAG NI PHYI DKYIL DANG LUS DKYIL GNYIS BSGOM PA'I LUGS YIN LA, DRIL BU BA'I 'DI NI LUS DKYIL RKYANG PA SGOm PA YIN PAS MI 'DRA'O SNYAM NA, DE NI SHIN TU YANG MI 'THAD DE, DE LTA YIN NA MNGON BRJOD KYI DGU PA LAS PHYI DKYIL GYI LHA SGOM PA MED PAR LUS DKYIL BSHAD PA LA YANG, DBYANGS GSAL DANG H'Um YIG GIS BYIN GYIS BRLABS PA'I RDOR SEMS LAS, GZHI'I HE RU KA SKYED PAR BSHAD LA, SKYED CHOG DE YANG MNGON BYANG LNGA SKYED LA BYA DGOS PA'I PHYIR DANG, DE'I GZHAL YAS KHANG YANG SNGAR BSHAD PA'I 'GREL PA'I LUGS DE RGYUD KYI'ANG DON DU SNANG BA'I
PHYIR DANG, TSOGS ZHING THIM PA LAS RTEN DANG BRTEN PA SKYED PA'I SKYED CHOG BDE MCHOG GI RGYUD DANG, DE'I 'GREL PA DANG RGYA GZHUNG RNAM DAG GANG NAS KYANG MA GSUNGS SHING, DNGOS SU MA ZIN KYANG DON LA THOB PA'I SHES BYED KYANG CI YANG MI SNANG BA'I PHYIR RO, ,'O NA DRIL BU PA'I GZHUNG CHUNG LAS, MDZOD SPU'I GNAS NAS RANG LUS GZHUG ,LUS LA RTEN DANG BRTEN PA YI, ,'KHOR LO GSAL GDAB NYE BAR DMIGS, ,ZHES GSUNGS PA JI LTAR DRANG SNYAM NA, GZHUNG DES TSOGS ZHING RANG LA BSTIMS PA'I RJES SU LUS DKYIL GNYIS GSAL GDAB PAR BSHAD KYI, SNGA MA PHYI MA'I SKYED CHOG TU MA BSTAN LA, RTEN GYI DKYIL 'KHOR GSAL GDAB PA NI, SNGAR BSKYED ZIN PA'I STENG NAS SNGAR LTAR BYED PA YIN LA, BRTEN PA'I DKYIL 'KHOR NI 'KHOR LO'I BDAG PO GTZO BO YAB YUM SNGAR BSKYED PA LA ZER BAS MI GNOD DO, ,GAL TE TSOGS ZHING BSTIMS PA SKYED CHOG MA YIN KYANG, DE'I 'OG TU SKAD CIG GIS RTEN DANG BRTEN PA SKYED PA YIN TE, DRIL BU PAS LHAN SKYES LA BSHAD PA DANG 'DRA'O SNYAM NA, DE NI BSKYED RIM SNGON DU BRTAN PAR BYAS NAS RDZOGS RIM SGOM PA'I SKABS SU YIN LA, LUS DKYIL GYI BSKYED RIM SGOM PA 'DI NI RGYUD SMIN PAR BYED PA'I DON DU YIN PA'I PHYIR DANG, SDOM 'BYUNG LAS DBANG PO RTUL 'BRING GIS BSKYED RIM RIM GYIS DANG, RNON POS SKAD CIG MA GCIG LA BSGOM PAR GSUNGS PA'I DGONGS PA YANG, 'GREL PAS GANG ZAG GCIG NYID KYI LAM GYI SKABS SNGA PHYI LA DBANG PO'I RIM PAS BZHAG PA LA BSHAD PA LTAR YIN LA, RNAL 'BYOR RDZOGS PHRENG LAS KYANG DE LTAR BSHAD PA'I PHYIR NA RGYUD DE'I DON YANG MIN NO, ,LUS DKYIL GYI SGRUB THABS
, ,LAS MA BSHAD PA KHA MI SKONG NA NI, KHYED RANG GI LUGS DANG YANG 'GAL LA, MNGON RTOGS DANG DBANG CHOG GI SKABS SU NGES PAR BYA DGOS PA DU MA ZHIG BZHAG DGOS PAR 'GYUR RO, ,M'A NA KA SHR'I'I DPA' BO GCIG PA'I SGRUB THABS SU GZHAL YAS KHANG MED PAR DUR KHROD BSRUNG 'KHOR DANG BCAS PA'I DBUS SU SNA TSOGS PADMA'I STENG DU MNGON BYANG LNGA LAS, ZHAL GCIG PHYAG GNYIS PA'I YAB YUM BSKYED PA'I YAB KYI SKU LA LUS DKYIL 'GOD PA YANG DRIL BU PA'I LUGS LA BRTEN PAR SNANG LA, DES NI LUS 'BYUNG BA RIM RTZEG RI RAB DANG BCAS PA'I RTEN GYI DKYIL 'KHOR DU SGOM PA GSAL BAR GSUNGS PA DANG, GZHI'I HE RU KA DANG YANG MI MTHUN PAS BLO LEGS PAR BYANG BA'I MTSAMS NAS DE LTAR BYED NA MI RUNG BA CHER MED KYANG THOG MA NAS SGOM PA LA CUNG MI LEGS SAM SNYAM MO, ,GNYIS PA NI, DE DAG GIS NI BRTEN PA'I LUS DKYIL GANG LA 'GOD PA'I LHA DANG, DE BZHUGS PA'I GZHI GZHAL YAS KHANG DANG, DE DAG GI SKYED CHOG BSTAN NAS, DA NI LUS LA CI TZAM 'GOD PA SOGS BSHAD PAR BYA STE, LO NAG DRIL GSUM GYI NANG NAS DRIL BU PA'I GZHUNG LUS DKYIL RGYAS LA, DE'I GZHUNG CHE BAR PHAG MO MA GTOGS PA DRUG CU RTZA GCIG BSHAD CING, GZHUNG CHUNG DU GRAGS PAR RE GNYIS TSANG BAR BSHAD DE, ,L'U AI PAS LUS DKYIL SGOM PA'I SKABS SU LUS KYI GNAS NYER BZHIR RAB GTUM SOGS NYER BZHI SGOM PAR BSHAD CING, GTOR MA PHUL BA'I RJES KYI DAG PA DRAN PA'I SKABS SU SEN MO DANG SO DAG LA KHAndA KA P'A LA'O, ,ZHES SOGS KYIS LUS KYI CHA NYER BZHI DPA' BO NYER BZHIR BSHAD NAS LHAG MA BCU BZHI LUS LA DGOD PA MA
GSUNGS SO, ,LVA BA PAS LUS DKYIL SGOM PA'I SKABS SU RNAL 'BYOR MA GZHAN BCU GNYIS DANG GTZO BO YAB YUM LUS LA 'GOD PAR BSHAD CING YONGS SU RDZOGS PA'I LUS KYI DKYIL 'KHOR DU YANG DANG YANG DU MOS PAR BYA'O ZHES GSUNGS SHING, PRADZNY'A RAKshI TAS KYANG DE BZHIN DU BSHAD LA, LUS DKYIL YONGS RDZOGS SGOM PAR BSHAD PAS, THOD PA'I DUM BU SOGS GSAL BAR MA SMOS KYANG, DE DAG KYANG 'GOD PA DGONGS PA YIN NO, ,DE BZHIN GSHEGS PA'I RDO RJES KYANG TSANG BA'I LUS DKYIL SGOM PAR BSHAD PAS SNGA MA GNYIS DANG 'DRA'O, ,'KHRUL SPONG LAS BZLAS PA ZIN PA'I 'OG TU LHA RE GNYIS LUS LA MOS PA DANG, DE YANG LUS DKYIL DU BSHAD DE, RNAM DAG DANG 'DRA BA CIG MA GTOGS PA LUS DKYIL DNGOS SU CUNG MI 'GRO BA CIG STE, SPYIR LUS DKYIL DANG RNAM DAG TZAM DU SONG BA GNYIS KYI KHYAD PAR LEGS PAR PHYED DGOS SO, ,DE LTAR BSHAD PA RNAMS LAS LVA BA PAS, RNAL 'BYOR DBANG PHYUG GI DGONGS PA BSHAD PA LTAR BYA DGOS SO, ,LVA BA PAS KHA BSKANGS NAS LUS DKYIL RDZOGS PAR BSHAD PA 'DI NI, KUN SPYOD KYI DGONGS PAR SNANG STE, DE'I LNGA PA LAS JI LTAR NANG GI BDAG NYID SHES, ,PHYI YI DKYIL 'KHOR DAM PA YIN, ,RNAM DGOD JI LTAR SBYAR BA'O, ,SNYING PO THAMS CAD BSDUS PA STE, ,ZHES PHYI DKYIL LA LHA JI LTAR BKOD PA DE LTAR NANG LUS LA 'GOD PA GNYIS SBYAR BA NI, BSKYED RIM GYI RNAL 'BYOR SGOM PA'I SNYING PO BSDUS PAR GSUNGS SHING, DE NAS 'BYUNG BZHI RI RAB DANG BCAS PA BSKYED PA'I MTHAR DBUS SU GTZO BO DANG BCAS PA'I BDE CHEN GYI 'KHOR LO DANG, DE NAS YUL NYER BZHIR 'KHOR LO GSUM GYI LHA ZHE BRGYAD DANG, DE NAS KHVA GDONG MA SOGS BZHI PHYOGS SU DANG,
, ,GSHIN RJE BSTAN MA SOGS BZHI MTSAMS SU DGOD PAR BSHAD MA THAG ,DE LTAR PHYI DANG NANG GI BDAG NYID JI SRID DU GNYIS SU MED PA MYA NGAN LAS 'DAS PA'I SPYOD YUL DU MA GYUR BA'I BAR DU DMIGS PAR BYA'O, ,ZHES SNGAR BSHAD PA'I LHA PHYI NANG GNYIS KA BSGOM PAR BYA, ZHES GSUNGS PAS GSAL BAR BSTAN LA, L'U AI PA'I LUGS 'DI LA YANG KUN SPYOD LA BRTEN PA MANG DU SNANG BAS DE LTAR SHES SO, ,DES NA RDO RJE MKHA' 'GRO DANG MNGON BRJOD KYI BCU BZHI PA GNYIS SU LUS DKYIL GYI LHA ZHE BRGYAD BSHAD PA RNAMS LA YANG LHAG MA KHA SKONG BAR RIGS SO, ,DE'I PHYIR NAG PO SPYOD PA'I LUGS LA YANG, LUS DKYIL LA DNGOS SU SMOS PA ZHE BRGYAD LAS MED KYANG LHA LHAG MA KHA SKONG PAR RIGS SO, ,'O NA BRTEN PA'I LUS DKYIL LA LHA DU ZHIG SGOM SNYAm NA, PHAG MO LA NI 'KHOR GYI LHA SO DRUG MA GTOGS PA PHAG MO DGOD PA MA BSHAD LA, MNGON BRJOD KYI DGU PA LAS KYANG, ZHAL BZHI PHYAG BCU GNYIS PA GTZO BO YAB YUM BSKYED PA'I HE RU KA LA, 'KHOR GYI LHA DRUG CU BKOD PA MA GTOGS PA, HE RU KA YAB YUM MA BKOD CING, DE LA BRTAN NAS SGRUB THABS MDZAD PA SBYANG DKA' ZLA BAS KYANG DE KHO NA BZHIN DU BYAS SO, ,'ON KYANG LVA BA PAS GTZO BO YAB YUM 'GOD PA'I GNAS MAN NGAG LAS SHES PAR BYA BAR GSUNGS TE, GNAS SU MA ZAD LHA DE NYID 'GOD PA YANG MAN NGAG LA BRTEN NAS SHES DGOS SO, ,GSUM PA LUS KYI GNAS GANG DU LHA GANG 'GOD PA DANG SKYED TSUL LA LNGA, 'KHOR LO GSUM GYI LHA ZHE BRGYAD GANG DU 'GOD CING SKYED PA DANG, SNYING PO'I RNAL 'BYOR MA BZHI GANG DU 'GOD CING BSKYED PA DANG, SGO MTSAMS MA BRGYAD GANG
DU 'GOD CING BSKYED PA DANG, GTZO BO YAB YUM GANG DU 'GOD CING BSKYED PA DANG, LHA ZHE BRGYAD SA BON LAS SKYED DGOS MI DGOS DPYANG PA'O, ,DANG PO NI, 'KHOR LO GSUM GYI LHA ZHE BRGYAD NI SPYI BO LA SOGS PA'I GNAS NYER BZHIR 'GOD PA RGYUD NAS YANG YANG GSUNGS PA LTAR, KHUNGS THUB RNAMS KYIS KYANG MANG DU BSHAD PAS GO SLA LA, MA MO BCU GNYIS GANG DU 'GOD PA LA, MNGON BRJOD KYI DGU PA LAS, MKHA' 'GRO MA NI GA-YAS KYI DANG PO'I RDO RJE DANG, L'A MA NI GA-YON GYI DRIL BU DANG, DUM SKYES MA DANG GZUGS CAN MA GNYIS NI, GLANG LNGAGS 'DZIN PA'I KHU TSUR GNYIS DANG, KHA GDONG MA LA SOGS PA BZHI NI, GA-YAS KYI PHYAG MTSAN LHAG MA BZHI DANG, GSHIN RJE BSTAN MA SOGS BZHI NI, GA-YON GYI PHYAG MTSAN LHAG MA BZHIR BSHAD DE, PHYAG GANG GIS PHYAG MTSAN GANG 'DZIN PA SOGS LO DRIL DANG MI MTHUN PA SHAS CHE'O, ,YANG DER BYANG CHUB KYI SEMS KYI SNOD NI, ZHAL BZHI'I NGO BO ZHES GSUNGS PAS, THOD PA BZHI YANG LUS LA 'GOD DGOS LA, LUS DKYIL DU 'GRO BA LA HE RU KA'I ZHAL BZHI SNOD BZHI'I NGO BOR MOS PA TZAM BYED PA LA BYAS NA PHYI DKYIL GYI LHA RNAMS KYANG GTZO BO NYID KYI NGO BOR MOS PA SNGAGS GSUM GYIS NGA RGYAL 'DZIN PA SOGS KYIS BSHAD PAS DE RNAMS KYANG LUS DKYIL DU 'GYUR RO, ,DES NA LUS KYI CHA DE DANG DE LAS LHA DE DANG DER BSKYED NAS RANG GI LUS LA BKOD PA CIG DGOS KYI, LUS LA LHA BKOD TZAM LA BYED PA MIN NO, ,DES NA DUM SKYES MA DANG GZUGS CAN MA GNYIS KHU TSUR GNYIS SU BSHAD PA NI, LHAG MA BCU LA YANG MTSUNGS LA, DE'I TSUL YANG PHYAG MTSAN DANG NGO BO DBYER MED PA'I PHYAG MGO BCU GNYIS LAS DE RNAMS BSKYED
, ,NAS GNAS KYANG PHYAG MGO'I NANG DU GZUGS BRNYAN SHAR BA BZHIN BYED DE DE NI THOD PA BZHI LA YANG SHES PAR BYA'O, ,LHA ZHE BRGYAD NI GNAS NYER BZHIR SGOM PA TZAM MA GTOGS PA RTZA DANG KHAMS LAS SKYED PA MNGON BRJOD DU MA BYUNG ZHING, DGU PA'I LUS DKYIL YANG DRIL BU ZHABS DANG, LVA BA PA SOGS KYIS BSHAD PA DANG MI 'DRA BAR SNANG BAS, SNGA MA'I RIGS PA SBYAR NAS GNAS NYER BZHI'I LUS KYI CHA RAGS PAR YONGS SU GYUR PA LAS LHA RNAMS SU SKYED PA YIN NAM BRTAG GO ,SNGAR BSHAD PA'I RGYU MTSAN DES DGU PA'I LUS DKYIL GYI SKABS SU SA'I KHAMS LTUNG BYED MA ZHES SOGS LUS LA LHA NYI SHU 'GOD PAR GSUNGS PA NI, PHUNG SOGS BYIN RLOB KYI LHA YIN GYI LUS DKYIL MIN PAR SHES PAR BYA'O, ,MNGON BRJOD DANG KUN SPYOD SOGS SU RNAL 'BYOR MA NYER BZHI RTZAR MA BSHAD KYANG, RDO RJE MKHA' 'GROR, NYI SHU RTZA BZHIR PHYE BA YIS, ,SKU GSUNG THUGS KYI 'KHOR LO YIN, ,GNAS RNAMS DAG NI THAMS CAD DU, ,RTZA RNAMS KUN NI YANG DAG BSHAD, ,YUL 'DI RNAMS KYI BU MO GANG, ,RTZA YI GZUGS KYIS GNAS SO ZHES, ,ZHES YUL NYER BZHI'I RAB GTUM MA LA SOGS PA'I BU MO RNAMS NANG GI YUL NYER BZHI'I RTZA'I GZUGS KYIS GNAS PAR BSHAD LA, DPA' BO NYER BZHI RTZA NANG GI KHAMS SU BSHAD PA MA BYUNG NGO, ,MGO BO PULLI RA MA LA YA NAS PUS MO KU LU TA ZHES 'OG NAS 'BYUNG BA'I GNAS NYER BZHIR KYEE RDOR DANG SAm BHU tA NAS 'BYUNG BA'I RTZA SO GNYIS LA, RO RKYANG DH'U T'I GSUM DANG SUM SKOR MA SOGS LNGA STE, BRGYAD DOR BA'I LHAG MA MI PHYED MA LA SOGS PA'I RTZA GANG NA GNAS PA DANG, DE NAS GANG
'BAB PA NI SAm BHU tA LAS, PULLI RAR NI MI PHYED MA, ,SO DANG SEN MO 'BAB PAR BRJOD, ,'BAR BA 'DZIN PAR PHRA GZUGS MA, ,DE BZHIN SKRA DANG BA SPU 'BAB, ,AU RGYAN GNAS NI CHEN PO LA, ,RTZE BA MA NI RNAM PAR GNAS, ,RNA BA GA-YAS PAR GNAS NAS NI, ,PAGS PA DRI MA 'BAB PAR GNAS, ,AAR BU TAR NI GA-YON PA MA, ,MKHA' 'GRO MA NI SHA 'BAB MA, ,GANG ZHIG CHU RGYUS 'BAB PA'I RTZA, ,BA YI MCHOG SBYIN RNAM PAR GNAS, ,DE NI SRA BA'I TSUL GYIS GNAS, ,THUNG NGU MA NI RNAM PAR BSHAD, ,GANG ZHIG DGA' BA'I DBANG PHYUG GNAS, ,DE BZHIN RUS SBAL SKYES MAR GRAGS, ,SRA BA'I DNGOS POS GNAS PA'I PHYIR, ,RUS PA'I 'PHRENG BA 'KHRUGS PAR GNAS, ,LHA MO'I MKHAR DU GANG ZHIG RTZA, ,'JAM PO SGOM PA MA RU BRJOD, ,DE NI RTAG TU MCHIN PA 'BAB, ,THAMS CAD LUS LA LHAG PAR GNAS, ,M'A L'A WAR NI DBANG MA NYID, ,RGYAL BA'I DBANG PHYUG NYID LA GNAS, ,RTZA NI GANG ZHIG MI 'BAB PA, ,'DOD PA'I GZUGS SU RNAM PAR GNAS, ,GZUGS NI MTHONG BAR 'DOD PA STE, ,SKYON LDAN MA ZHES RNAM PAR BSHAD, ,AO TRER MKHRIS PA 'BAB PA'I RTZA, GANG ZHIG MJUG MA MTSAN MOR BRJOD, ,TRI SHA KU NER BYUNG BA NI, ,MA MO NGES PAR GLO BAR BCAS, ,KO SHA LAR NI MTSAN MO NYID, ,RGYU MA'I PHRENG BZANG KHYAB CING 'BAB, ,KA LINGKAR NI BSIL SBYIN MA, ,NGOS KYI CHU RGYUS YANG DAG BSHAD, ,TSA BA MA NI LTO GNAS NGES, ,LAM PA KAR NI RAB TU GRAGS, ,CHANG MA NYID NI KANYTZIR GNAS, ,THAMS CAD DU NI BSHANG BA 'BAB, ,MTSAMS KYI MTHA' YI NANG DU YANG, ,KHA BA'I GNAS SU RANGS PA'I GDONG, ,SHIN TU GZUGS CAN BAD KAN LDAN, ,YI DVAGS LHAG GNAS YANG DAG GNAS, ,GANG ZHIG
, ,RTAG TU RNAG 'BAB PA, ,KHYIM GYI LHAR NI YANG DAG GNAS, ,MKHA' 'GRO DAM PA'I DBANG PHYUG MA, ,SPYI MA NYID DU RNAM PAR BSHAD, ,SOO RAshtAR NI GANG ZHIG RTZA, ,RGYU SBYIN MA DE DMAR PO 'BAB, ,RDUL NI 'BAB PAR GYUR PA NI, ,GSER GLING DU NI YANG DAG BSHAD, ,YAN LAG GZI BRJID KUN KHYAB MA, ,SBYOR BRAL MAR NI RAB TU GRAGS, ,NA GA RAR NI SDU GU MA, ,TSIL CAN SGOM ZHING MYOS BYED 'BAB, ,SINDHUR SHIN TU GRUB PA NYID, ,MYA NGAM MCHI MA 'BAB PAR BRJOD, ,MA RUR GNAS NAS LUD SKAM 'BAB, ,'TSED PA MA ZHES RNAM PAR BSTAN, ,KU LU TAR NI YID BZANG MA, ,BYIS PA'I SNABS NI 'BAB PA MO, ,ZHES GSAL BAR GSUNGS SO, ,DE YANG RUS PA'I PHRENG BA 'KHRUGS, ,ZHES PA NI SDOM 'BYUNG LAS, SMIN DBUS KYI RTZA NAS RUS PA 'BAB PAR BSHAD PA LTAR RO, ,KUN SPYOD SOGS RGYUD BZHI LAS MCHIN PA ZHES PA LA, MNGON BRJOD DU MKHAL MA ZHES ZER RO, ,SNYING LA GNAS NI GNAS DE'I RTZA NAS SNYING 'BAB PAR SDOM 'BYUNG LAS GSUNGS PA LTAR RO, ,GLO BAR BCAS KYANG SDOM 'BYUNG LAS GLO BA 'BAB PAR BSHAD PA LTAR RO, ,NGOS KYI CHU RGYUS NI SDOM 'BYUNG LAS GNYE MA 'BAB PAR BSHAD DE, KUN SPYOD DANG MNGON BRJOD KYI'ANG DGONGS PA'O, ,RDO RJE MKHA' 'GRO LAS RTZIB LOGS KYI SNAL MA 'BAB PAR BSHAD DO, ,LTO GNAS NI SDOM 'BYUNG LAS LTO BA 'BAB PAR BSHAD DE, RGYUD GZHAN GSUM DANG YANG MTHUN NO, ,GROD PA ZHES KYANG 'BYUNG STE 'DRA'O, ,TSAD MA NI GZHOL MA STE RTZA DE NAS BSHANG BA 'BAB PAR SDOM 'BYUNG LAS KYANG GSUNGS LA, KUN SPYOD DANG RDO RJE MKHA' 'GRO DANG YANG MTHUN NO, ,MNGON BRJOD LAS LGANG PA ZHES DANG, L'U
AI PAR CHU SO ZHES SO, ,MTSAMS MTHA'I NANG ZHES PA NI SDOM 'BYUNG LAS MTSOGS MA'I MTSAMS NI 'BAB PA'I RTZA ZHES GSUNGS PA LTAR RO, ,CHAG 'GYUR SOGS LAS 'DOMS PAR ZHES 'BYUNG YANG, MAR DO'I 'GYUR LAS MTSAMS MTHA' ZHES 'BYUNG BA LEGS TE, KUN SPYOD DANG RDO RJE MKHA' 'GRO LAS MTSOGS MA'I SRUBS DANG, MNGON BRJOD LAS SKRA MTHA' ZHES PA DANG DON 'DRA ZHING SNGAR BSHAD PA'I RGYUD GSUM GYI'ANG DON NO, ,DMAR PO 'BAB PA NI SDOM 'BYUNG LAS KHRAG 'BAB PAR BSHAD PA LTAR TE, KUN SPYOD DANG MNGON BRJOD DANG RDO RJE MKHA' 'GRO DANG YANG MTHUN NO, ,MCHI MA DANG MCHIL MA ZHES SDOM 'BYUNG SOGS MANG PO LAS GSUNGS PAS, L'U AI PA LA YANG MI MTHUN PA SNANG YANG CHAG 'GYUR LAS SNGA MA BZHIN 'BYUNG BA DAG GO, PHYI MA LA LUD SKAM 'BAB PAR SAm BHU tA LAS SO, ,THA MA LA SNABS ZHES KUN SPYOD DANG MNGON BRJOD LAS KYANG 'BYUNG LA, SDOM 'BYUNG LAS SNA CHU 'BAB PAR YANG GSUNGS SO, ,BYIS PA'I SNABS ZHES PA NI MTSON PA TZAM MO, ,RNAM DAG GI SKABS SU SO DANG SEN MO SOGS DPA' BOR BSHAD PA LTAR MI 'GAL YANG, LUS DKYIL GYI SKABS SU NI RTZA DE DAG NAS SO DANG SEN MO SOGS SKYED PA'I KHAMS 'BAB PA LAS DPA' BO RNAMS BSKYED PAR BYA DGOS TE, RTZA LAS RNAL 'BYOR MA SKYED PA'I RAGS PAS SO, ,DE GNYIS KYANG RNAM PA THAMS CAD DU NGES PA NI MIN TE, MNGON BRJOD KYI BCU GNYIS PA DANG PHAG MO MNGON 'BYUNG DU SO DANG SEN MO SOGS DPA' MO NYER BZHIR YANG BSHAD PA'I PHYIR RO, ,RGYUD DE RNAMS KYI DON NI DRIL BU ZHABS KYIS, 'DI DAG GNAS SU RNAL 'BYOR MA, ,RTZA YIN DPA' BO NYI SHU BZHI, ,LUS
, ,KYI KHAMS SU BRTAG PAR BYA, ,ZHES GSUNGS PA'I DON NO, ,GNYIS PA NI, SNYING PO'I RNAL 'BYOR MA BZHI 'GOD PA'I GNAS LA, LVA BA PAS, SNYING KHAR GNAS PA'I 'BYUNG BA BZHI'I RANG BZHIN GYI RTZA BZHI MKHA' 'GRO MA LA SOGS PA BZHIR BSHAD PA DANG, SNYING KHA DANG MGRIN PA DANG LTE BA DANG DPRAL BA'I PADMA'I LTE BAR DE BZHI 'GOD PA'I TSUL GNYIS BSHAD PA'I DANG PO NI, SAm BHU tA LAS, 'DAB MA RNAMS KYI BZHI LA YANG, ,'BYUNG BA BZHI YI RANG BZHIN RTZA, ,MAR ME'I RANG BZHIN LTA BU NI, ,PHYOGS BZHI LA NI RNAM PAR GNAS, ,ZHES SNYING KHA CHOS 'KHOR GYI PHYOGS KYI RTZA BZHI 'BYUNG BZHI'I RTZA DANG, SNYING KHA'I DBUS KYI H'Um YIG HE RU KAR GSUNGS PA DANG, MKHA' 'GRO MA SOGS BZHI SPYAN SOGS BZHI YIN LA, DE YANG 'BYUNG BA BZHIR BSHAD PA LA BRTEN NAS MDZAD PA'O, ,'DI NI DPYID THIG LAS, PHYOGS NI RNAM PA BZHIR GNAS PA'I, ,'DAB MA DAG NI RNAM PA BZHI, ,'BYUNG BA CHEN PO'I RTZA BZHI STE, ,SEMS KYI RDO RJE'I GO 'PHANG GNAS, ,MKHA' 'GRO DE BZHIN L'A MA DANG, ,DU MA SKYES MA DANG GZUGS CAN MA'O, , ZHES PA DANG YANG MTHUN NO, ,JO BO CHEN PO DANG 'KHRUL SPONG DANG PRADZNY'A RAKshI TAS NI RTZA 'KHOR BZHI'I LTE BAR RNAL 'BYOR MA BZHI DGOD PA MDZAD DO, ,DRIL BU ZHABS KYI SGRUB THABS LAS, ,MCHOD PA BZHI YI RANG BZHIN RTZA, ,PHYOGS BRAL BDE CHEN 'KHOR LO STE, ,LAm MAm PAm TAm ZHES 'BYUNG, GZHUNG KHA CIG LAS, MCHOD PA BZHI NI RANG BZHIN RTZA, ,ZHES KYANG 'BYUNG NGO, ,SAm BHU tA LAS, RTZA RNAMS BZHI YANG MTSAMS RNAMS SU, ,RNAM PAR GNAS SHING DER SON PA'ANG, ,BDUD RTZI LNGA NI 'BAB PA STE, ,DE MCHOD RANG GI GZUGS
GNAS PAS, ,DE YI DNGOS PO'I NGO BO LAS, ,MCHOD PA BZHIN NI RNAM PAR BSHAD, ,CES SNYING KHA'I MTSAMS KYI RTZA BZHI MCHOD PA BZHI'I RTZAR BSHAD LA, RNAL 'BYOR MA BZHI SNGAR BSHAD PA LTAR PHYOGS KYI RTZA LA BSHAD RGYU YIN PA LA DER MA BSHAD PAS, 'GYUR CUNG MA DAG PA 'DRA'O, ,GZHUNG CHUNG LAS KYANG, PHYOGS 'DAB RIGS KYI SA BON LAS, ,SNYING PO'I RNAL 'BYOR MA BZHI BSKYED, ,CES KYANG BSHAD DO, ,YANG NA MCHED PA BZHI DANG RANG BZHIN GYI RTZA BZHIR BYAS NAS, PHYI MA NI 'BYUNG BZHI'I RANG BZHIN GYI RTZAR BYA ZHING, PHYOGS BRAL ZHES PA LA PHYOGS BZHI DANG DE DANG BRAL BA GNYIS SU BYA'O, ,DE LTAR NA PHYOGS KYI RTZA BZHI LAS LHA MO BZHI DANG MTSAMS KYI RTZA BZHI LAS BDUD RTZI LNGAS GANG BA'I THOD PA'I SNOD BZHI BSKYED DO, ,'DI LA LVA BA PA SOGS KYIS GSAL BAR MA BSHAD KYANG, DH'A RI KA BAS, LTE BA 'AM SNYING KHA'I RTZA BZHI NI, ,'BYUNG LNGA'I RLUNG DANG BDUD RTZI 'BAB, ,BDE CHEN DGU YI BDAG NYID BSAM, ,ZHES BSHAD LA, BDE CHEN DGU NI DE'I 'KHOR LO'I LHA LNGA DANG, THOD PA BZHI LA BYA DGOS SO, ,SNYING KHAR 'BYUNG BZHI'I RLUNG 'BAB PA NI, DE'I PHYOGS KYI RTZA BZHI DANG, NAM MKHA'I RLUNG 'BAB PA NI, SPYOD BSDUS LAS NAM MKHA'I RLUNG 'BYUNG BZHI'I RLUNG LA KHYAB BYED DU BSHAD PA LTAR TE, RTZA BZHI ZHES PA LAS SO, ,BDUD RTZI 'BAB PA NI MTSAMS KYI RTZA BZHI'O, ,LTE BA NI SNYING KHA'I DBUS KYI H'Um YIG LA BSHAD RGYUR MNGON PAS 'AM ZHES PA DAG MA DAG BRTAG PAR BYA'O, ,DRIL BU PAS LAm MAm PAm TAm GYI SA BON BZHI GSUNGS PA LA, BLA MA SNGA MA RNAMS MKHA' 'GRO MA NAS BZUNG STE, GA-YAS SKOR GYIS LHA MO BZHI'I SA BON DU BZHED PA LA PHYIS KYI BLA MA KHA CIG GIS MKHA' 'GRO MA GRAL MGOR 'DON NA MAm LAm PAm TAm DU
, ,BYA DGOS TE, KUN SPYOD DANG NAG PO PA'I DKYIL CHOG LAS, MKHA' 'GRO M'A MA MA K'IR BSHAD PA'I PHYIR RO, ,MNGON BRJOD LAS LAm MAm PAm TAm ZHES 'DON PA NI, SA SPYAN MA, CHU M'A MA K'I, ME GOS DKAR MO, RLUNG SGROL MA ZHES PA'I RIM PA DANG BSTUN PA YIN GSUNG NGO, ,KUN SPYOD LAS NI, MKHA' 'GRO MA BZHI PAD MAR GNAS, ,M'A MA K'I SOGS BZANG MO YIN, ,ZHES RNAL 'BYOR MA BZHI KA LA MKHA' 'GRO MA ZHES BSHAD NAS, DE BZHI M'A MA K'I LA SOGS PA YIN ZHES PA TZAM LAS RNAL 'BYOR MA BZHI'I DANG PO'I MKHA' 'GRO M'A MA K'IR MA BSHAD PA'I PHYIR DANG, DE'I 'GREL PAR YANG, M'A MA K'I SOGS BZANG MO YIN, ,ZHES PA NI MKHA' 'GRO MA LA SOGS PA BZHI PO 'DI NYID JI LTAR RIGS PAR M'A MA K'I LA SOGS PA'I RANG BZHIN ZHES PA'I DON TO, ,ZHES JI LTAR RIGS PAR SBYAR BAR BSHAD KYI RIM PA BZHIN DU SBYAR BAR MA BSHAD PA'I PHYIR NA MKHA' 'GRO MA M'A MA K'IR BYED PA KUN SPYOD KYI DON MIN NO, ,NAG PO SPYOD PA'I DKYIL CHOG LAS, MKHA' 'GRO MA M'A MA K'I DANG, GZUGS CAN MA SPYAN MAR BSHAD KYANG DE'I SGRUB THABS SU BSHAD PA DANG DE GNYIS DON MI GCIG STE, SNGA MAR ZHAL GCIG PHYAG BZHI MA DANG, PHYI MAR ZHAL GCIG PHYAG GNYIS MAR BSHAD PA DANG, SNGA MAR MKHA' 'GRO MA SNGON MO DANG, PHYI MAR DKAR SNGOR BSHAD PA DANG, SNGA MAR LHOR MKHA' 'GRO MA, BYANG DU DUM SKYES MA, NUB TU GZUGS CAN MA DGOD PAR BSHAD PAS, SHAR DU L'A MA 'GOD DGOS PA DANG, BYI MAR MKHA' 'GRO MA NAS BZUNG STE GA-YON SKOR GYI SHAR LA SOGS PAR DGOD PAR BSHAD PA'I PHYIR RO, ,YANG SNGA
MAR LHA MO BZHI CHU DANG ME DANG RLUNG DANG SA'I KHAMS DAG PAR BSHAD DO, ,RDO RJE MKHA' 'GROR NI, DANG PO LTUNG BYED MA YIN TE, ,GNYIS PA DE BZHIN GSOD BYED MA, ,GSUM PA 'GUGS MA ZHES BYA STE, BZHI PA GAR GYI DBANG PHYUG MA, ,ZHES PA NI SNGAR SHAR NAS BZUNG STE MKHA' 'GRO MA SOGS BZHI GA-YON SKOR DU BSHAD PA'I RIM PA LTAR YIN LA, 'GREL PAR YANG SHAR NAS GA-YON SKOR DU LTUNG BYED MA SOGS DANG SBYAR BA DANG, RGYUD DER LHA MO BZHI'I PHYAG GA-YON NA THOD PA MED CING, GA-YAS NA GRI GUG MED PAS SGRUB THABS KYI LUGS NI DE DANG YANG DON MI GCIG GO ,L'U AI PA'I 'GREL PAR, LVA BA PAS SNYING PO'I RNAL 'BYOR MA BZHI KA LA RIN 'BYUNG GIS RGYAS GDAB PA DANG, GA-YON SKOR GYI MKHA' 'GRO MA SOGS BZHI LA, RIM PA BZHIN DU RNAM SNANG DON GRUB SNANG MTHA' RIN 'BYUNG GIS RGYAS GDAB PA YANG GSUNGS PAS, LHA MO BZHI SPYIR RIN 'BYUNG GI RIGS YIN KYANG, DE LA NANG TSAN GYI RIGS KYIS PHYE NA RNAM SNANG LA SOGS PA'I RIGS BZHIR 'GYUR ZHING, M'A MA K'I NI RDO RJE DANG RIN PO CHE'I RIGS GNYIS KA 'DZIN PAR GSUNGS PAS MKHA' 'GRO MA SPYAN MA'I NGO BO DANG, GZUGS CAN MA M'A MA K'I'I NGO BOR BYA'O, ,DE'I PHYIR SA BON KYANG SHAR NAS GA-YAS SKOR GYIS LAm MAm PAm TAm BZHIR SNGA MA RNAMS BZHED PA LTAR LEGS TE, LTUNG BYED MA LA SOGS PA BZHI SPYAN SOGS BZHI'I RANG BZHIN DU 'GREL PA GSUM GAR BSHAD LA, MNGON BRJOD LAS LAm LAS LTUNG BYED MA DANG, MAm LAS GSOD BYED MA SKYED PAR BSHAD PA'I PHYIR RO, ,DE YANG SNGON DU SNYING KHA'I PHYOGS KYI RTZA BZHI DANG, YI GE BZHI NGO BO DBYER MED DU MOS PAR BYAS NAS, DE LAS BSKYED PAR BYA YI, YI GE BRKYANG PA LAS
, ,MA YIN NO, ,SNYING KHA'I PHYOGS KYI RTZA BZHI NI SHAR NAS GA-YAS SKOR GYIS SUM SKOR MA DANG, 'DOD MA DANG, KHYIM MA DANG, GTUM MA YIN TE, MAN SNYER, GANG SPYAN MA LA SOGS PA RNAMS DANG, MKHA' 'GRO MA LA SOGS PA RNAMS DANG, RDO RJE MA LA SOGS PA RNAMS DANG, RDO RJE MKHA' 'GRO MA LA SOGS PA RNAMS TE, DE RNAMS NI SUM SKOR MA LA SOGS PA'I RTZA'I RANG BZHIN NO ZHES BSHAD CING, MU TIG 'PHRENG BA DANG, BHA BA BHA DRAS KYANG, SUM SKOR MA LA SOGS PA LNGA SNYING KHA'I RTZA LNGAR BSHAD CING, DANG PO BZHI 'DAB MA DANG, LNGA PA DBUS SU YOD PA'I DON NO, ,BDUD DRAL MA NI AA BA DH'U T'I LA BRTEN TE, LTE BA NAS LCE'I RTZE MO'I BAR DU LANGS PAR MAN SNYER BSHAD PAS, SNYING KHA'I 'KHOR LO'I RTZA 'DAB YIN NO, ,SHAR GYI RTZA SUM SKOR MA NAS SA RLUNG DANG, LHO NAS CHU, NUB NAS ME, BYANG NAS RLUNG GI RLUNG RGYU STE, SDOM 'BYUNG 'GREL PA LAS LNGA PO 'DI RNAMS NI, CHOS KYI 'KHOR LOR RIM PAS SA LA SOGS PA'I KHAMS KYI RANG BZHIN NO, ,ZHES BSHAD LA, LNGA PA NI BDUD BRAL MA DANG, DE YANG NAM MKHA'I KHAMS PAR BYA'O, ,'DIS LCE'U CHUNG NAS BDUD RTZI 'BAB PA 'THUNGS SHING, DER RLUNG BRGYUS PA RNAMS 'CHI RLUNG YIN PAS, KYEE RDOR LAS RTZA RNAL 'BYOR MA'I NGO BOR STON PA'I SKABS SU DE SPANGS LA, DE'I DBANG LAS, 'JIG RTEN BDE BA'I RANG BZHIN DU SKYES KYANG BDE CHEN GYI DKYIL 'KHOR DU MI MTHONG ZHING ? 'CHI'O, ,'ON KYANG LAM BSGOMS PAS SGRIB BRAL DU SONG BA NA DE YANG BYANG CHUB KYI SEMS KYIS GANG BAS, KYEE RDOR LAS RTZA SO GNYIS SU BYANG CHUB KYI SEMS 'BAB PAR BSHAD PA DANG MI 'GAL BAR MAN SNYE LAS 'CHAD DO, ,MAN SNYER SUM SKOR MA
LA SOGS PA BZHI NAS RIM PA BZHIN DU GZUGS DANG SGRA DANG DRI DANG RO 'BAB PAR YANG BSHAD LA, MTSAMS KYI RTZA BZHI NAS GSHANG GCI DANG, KHU KHRAG DANG, BAD KAN TE BDUD RTZI LNGA DANG, SGRA MA GTOGS PA'I YUL BZHI 'BAB PAR BSHAD DO, ,BHA WA BHA DRAS SUM SKOR MA SOGS NAS KYANG BDUD RTZI LNGA 'BAB PAR BSHAD DE, SNYING KHA'I PHYOGS KYI RTZA RE RE LA GNYIS GNYIS SU GYES NAS RTZA BRGYAD BYUNG BA LA DGONGS SO, ,GSUM PA NI, SGO MTSAMS MA BRGYAD GNAS GANG DU 'GOD PA DANG, GANG LAS SKYED PA NI DRIL BU PAS, H'Um BRGYAD KYANG, DAM TSIG CES BYAR BSHAD PA YIN, ,ZHES 'BYUNG BAS, H'Um BRGYAD LAS SKYED PA YIN KYANG GNAS MI GSAL BA LA, GZHUNG CHUNG LAS, CHOS 'KHOR PHYI YI 'DAB BRGYAD LA, ,RING PO'I H'Um LAS KHRO BO BRGYAD, ,CES SNYING KHAR PAD MA 'DAB BRGYAD NYIS RIM GCIG BYAS PA'I PHYI MAR H'Um RING PO BRGYAD LAS BSKYED PAR BSHAD DO, ,DH'A RI KA PAS, PHYAG BRGYAD DAM NI SGO BRGYAD DU, ,LAS KYI RLUNG NGAM BYED DAG GIS, ,KHVA GDONG GSHIN RJE MA SOGS BRGYAD, ,CES BSHAD PA'I PHYAG BRGYAD NI, ,NYIN MO MDZAD KYIS, ,LAG PA GA-YON PA'I RTZE MO DANG, ,MKHRIG MA DANG, LAG PA GA-YAS PA'I RTZE MO DANG, ,MKHRIG MA BZHI LA RIM PA BZHIN DU KHVA DANG 'UG GDONG SOGS BZHI DANG, RKANG PA GA-YAS GA-YON GYI RTZE MO GNYIS DANG, GA-YAS GA-YON GYI LONG BU GNYIS LA RIM PA BZHIN GSHIN RJE BSTAN MA DANG PHO NYA MO SOGS BZHI 'GOD PA LTAR YIN PA 'DRA'O, ,SGO BRGYA DA NI DPYID THIG LAS, RTZA YI SGOR NI KHVA GDONG MA, ,ZHES PA NAS, BZHI PA PHAG GI GDONG CAN NO, ,ZHES PA TZAM LAS RTZA'I SGO GANG YIN MI GSAL LA, MTSAMS RNAMS GSHIN RJE BSTAN MA
, ,DANG, ZHES DE LA SOGS PA BZHI MTSAMS SU BZHUGS PAR BSHAD DE, MTSAMS GANG LA BYED KYANG MI GSAL LO, ,LVA BA PA'I 'GREL PAR SKABS SHIG TU, DE LTAR KHA DANG LTE BA DANG, RTAGS DANG BSHANG BA DANG, SMIN MTSAMS DANG MIG DANG, SNA RNAMS LA YANG GO BAR BYA'O ZHES GSUNGS SHING, DE LTAR ZHES PA GONG DU BSHAD PA'I RNA BA LA SNYEG PAS DE 'DRA BA'I SGO BRGYAD DO, ,YANG DE'I SKABS SHIG TU, ZHAL DANG LTE BA DANG, SNA DANG RTAGS DANG BSHANG BA'I SGOR RIM PA BZHIN DU KHVA GDONG MA SOGS SGO SKYONG MA RNAMS SO, ,MDZOD SPU DANG, RNA BA DANG, MIG DANG SNA'I SGOR GSHIN RJE BSTAN MA LA SOGS PA'O, ,ZHES SNA LAN GNYIS BGRANGS BA SNGA MA DANG MA MTHUN NO, ,DE'I 'GREL PA'I GZHUNG KHA CIG LAS, BSHANG BA'I SGO DANG SNA BUG GA-YAS PA'I NANG DU YANG NGO, ,ZHES DANG, GSHIN RJE BSTAN MA LA SOGS PA RNA BA DANG MIG GA-YON PA DANG, GA-YAS SU YANG NGO, ,ZHES KYANG 'BYUNG NGO, ,PRADZNY'A RAKshI TA'I 'GREL PA RDOG 'GYUR DU, SKABS SNGA MAR BSHAD PA SNGAR DANG 'DRA ZHING, SKABS 'OG MAR KHA DANG SNA BUG GA-YON PA DANG, BSHANG LAM DANG SNA BUG GA-YAS SU KHVA GDONG MA SOGS BZHI DANG, RNA BA GA-YAS GA-YON DANG MIG GA-YAS GA-YON DU MTSAMS MA BZHI 'GOD PAR BSHAD, 'KHRUL SPONG LAS, KHA DANG SNA BUG GA-YAS DANG, GA-YON PA DANG BSHANG LAM DU KHVA GDONG SOGS BZHI DANG, MTSAMS MA BZHI 'DRA BAR 'BYUNG STE, 'GREL PA SDOM 'BYUNG LAS KYANG DE BZHIN DU BSHAD DO, ,DE JI BZHIN DU PRADZNY'A RAKshI TA'I 'GREL PA'I 'GYUR GZHAN GCIG LAS KYANG 'BYUNG NGO, ,JO BO'I
'GREL PAR YANG DE RNAMS DANG MI 'DRA BAR BSHAD DO, ,AU MA PA TI TA TRAS NI, KHVA GDONG MA LA SOGS PA RNAMS, ,KHA LTE MTSAN BSHANG RIM PA YIS, ,MDZOD SPU RNA BA MIG SNA LA, ,GSHIN RJE BSTAN SOGS DE BZHIN GNAS, ,ZHES LVA BA PA'I BSHAD PA SNGA MA DANG MTHUN PAR BYAS SO, ,DE LTAR 'DRA MI 'DRA DU MA ZHIG BSHAD PA'I RTZA BA NI LVA BA PA'I 'GREL PAR SNANG LA, DE'I RGYA DPE LA DAG MA DAG YOD PAR GSAL ZHING, BSHAD PA SNGA PHYI GNYIS MI 'DRA BAR SNANG YANG, SGO MA BZHI'I SKABS SU SNA BGRANGS NA MI 'GRIG CING, MTSAMS MA BZHI'I SKABS SU DE MA BGRANGS NA MI 'GRIG PAR SNANG BA DANG, SMIN MTSAMS NI SKABS GNYIS KAR BYUNG BA DANG, RNA BA DANG MIG GA-YAS GA-YON GNYIS KA LA YANG LHA MO 'GOD DGOS PAS SKABS GONG MA BZHIN DU BYAS NA LEGS SO, ,DE YANG DPYID THIG LAS, SGO MTSAMS MA BRGYAD LUS LA BKED PA'I MJUG THOGS SU, 'DI DAG RDO RJE MKHA' 'GRO MA, ,RTZA YI GZUGS KYIS YANG DAG GNAS, ,ZHES GSUNGS PAS, SGO DE DANG DE DAG GI RTZA LAS BSKYED PAR BYA STE, 'KHOR GYI LHA MO GZHAN THAMS CAD RTZA LAS SKYED PAR BSHAD CING 'DI BRGYAD MI SKYED PA'I KHYAD PAR MED PA'I PHYIR RO, ,DE LTAR NA KHA STE LCE'I RTZA BA DANG, LTE BA'I BUG PA'I NANG DANG, MTSAN MA DANG BSHANG LAM GYI SGO BZHIR KHVA GDONG MA DANG, 'UG GDONG MA SOGS DGOD, MDZOD SPU STE SMIN MTSAMS KYI BUG PA ZHES 'BYUNG BAS, DER GSHIN RJE BSTAN MA DANG, RNA BA'I PHUG GNYIS SU PHO NYA MO DANG, MIG GNYIS SU MCHE BA MA DANG, SNA BUG GNYIS SU 'JOMS MA RNAMS DGOD DO, ,LVA BA PA DANG PRADZNY'A RAKshI TAS RNA BA'I
, ,BUG PA'I NANG DU DGOD PAR BSHAD PA NI, MTSON PA TZAM STE, LUS DKYIL GYI LHA THAMS CAD KYANG LUS KYI NANG DU BSGOM MO, ,MIG DANG RNA BA DANG SNA DANG LCE'I RTZA RNAMS NI, SNYING KHA'I RTZA GZUGS DANG SGRA DANG DRI DANG RO 'BAB PA RNAMS DANG, RTZA RGYUD GCIG LA, SMIN MTSAMS DANG LTE BA DANG BSHANG GCI'I LAM GYI RTZA NI, REG BYA 'BAB PAR BSHAD PA'I RTZA DANG RTZA RGYUD GCIG PAS, SNYING KHA'I PHYI SKOR GYI BRGYAD LA DGOD PAR BSHAD PA DANG GNAD GCIG PAR BLA MA KHA CIG GSUNG STE, DRIL BU PA'I LUGS LA YANG DE LTAR BYAS PAS CHOG PAR MNGON NO, ,DE'I LUGS LA H'Um RING PO BRGYAD DANG SGO BRGYAD KYI RTZA BRGYAD NGO BO DBYER MED DU MOS NAS DE LAS BSKYED PAR BYA'O, ,BZHI PA NI, L'U AI PA LA LVA BA PAS, GTZO BO YAB YUM GYI GNAS MAN NGAG LAS SHES PAR BYA BAR GSUNGS PA LTAR, PRADZNY'A RAKshI TAS KYANG BSHAD CING, DE BZHIN GSHEGS PA'I RDO RJE DANG JO BOS KYANG GSAL BAR MA BSHAD DO, ,DE'I MAN NGAG NI BLA MA KHA CIG SPYI BO'I HAm GI GNAS SU HE RU KA DANG, GSANG GNAS SU PHAG MO SGOM PA YIN ZHES ZER BA NI, 'KHRUL SPONG LAS, SPYI BO'I BYANG CHUB KYI SEMS YAB DANG, GSANG GNAS KYI PAD MA'I AA THUNG GI RANG BZHIN PHAG MO GNYIS 'KHYUD PAS BDE CHEN SKYE BAR GSUNGS PA DANG PHYOGS MTHUN YOD KYANG BLA MA KHA CIG DRIL BU PAS, THUGS KAR AA BA DH'U T'I H'Um, MA BCOS NANG GI BDAG NYID DO, ,ZHES GSUNGS PA'I RJES SU 'BRANGS NAS, HE RU KA SNYING KAR SGOM PAR BZHED DE LEGS PA YIN NO, ,DE'I RGYU MTSAN NI LUS
RTEN GYI DKYIL 'KHOR DU SGOM PA NI, SAm BHU tA BZHIN 'DI LA'ANG BYA DGOS LA, 'KHOR GYI LHA ZHE BRGYAD GANG LAS SKYED PA'I RTZA DANG, KHAMS KYI RNAM DBYE YANG DE NYID GSAL BA DANG, RNAL 'BYOR MA GZHAN BCU GNYIS KYI RTZA YANG DE LA BRTEN DGOS PAR SNANG LA, DE LTA NA SNYING KHA'I DBUS KYI H'Um YIG DPA' BO HE RU KAR YANG DE LAS BSHAD PA 'DRA BA GZHAN LAS MI 'BYUNG ZHING, DE DANG MTHUN PAR DRIL BU PAS BSHAD PA 'DIR YANG MI RUNG BA MED LA, KHYAD PAR DU DH'A RI KA PAS BDE CHEN GYI LHA LNGA KA SNYING KHAR SGOM PAR BSHAD PA'I PHYIR RO, ,SGOM TSUL YANG SNYING KHA'I RTZA 'KHOR GYI DBUS KYI DH'U T'I'I NANG GI BYANG SEMS DANG, H'Um YIG BA MO LTA BU 'DZAG PA GNYIS NGO BO DBYER MED DU BYAS LA, DE LAS HE RU KA BSKYED PAR BYA STE, 'DI NI NAG PO PA LA YANG BYED DGOS SO, ,'DI LA HE RU KA ZHAL BZHI PHYAG BCU GNYIS PAR SGOM PA NI, PHYI DKYIL LA SEMS 'DZIN PA LAS PHRA BAS DKA' BAR SNANG NA, RE SHIG ZHAL GCIG PHYAG GNYIS PAR BYAS KYANG CHOG GO ,'DIR GZHUNG CHUNG LAS, BRTAG DANG SPROS LA DGA' GYUR NA, ,CHOS KYI 'KHOR LO 'DAB MA BZHI, ,MDOG GSAL H'Um LAS LTE BA RU, ,THABS DANG SHES RAB BDAG NYID GSAL, ,ZHES H'Um YIG LAS YAB YUM GNYIS KA SKYED PA 'DRA BA CIG DANG, H'Um LA SOGS PA LAS LUS DKYIL SGOm PA SPROS PA LA DGA' BA'I NGOR BYAS PA 'DRA BA CIG BSHAD KYANG, SAm BHU tAR, DPYID DPA' BO HE RU KA DANG, THIG LE BDAG MED MAR GSUNGS PA LA, DPYID THIG LAS, DE YI DBUS BZHUGS DPA' BO NI, ,YUNGS KAR SBOM PO'I TSAD TZAM STE, ,H'Um GIS SA BON MI SHIGS PA, ,KHA BA LTA BU 'BAB PA YIN, ,BA
, ,SANTA ZHES BYA BA STE, ,LUS CAN RNAMS KYI SNYING DGA' BYED, ,RGOD MA'I KHA NI ME YI GZUGS, ,PHAG MO TI LA KA ZHES BRJOD, ,LAS KYI RLUNG GIS BSKYOD NAS SU, ,LTE BA'I DKYIL 'KHOR NAS NI 'BAR, ,BA SANTA DANG PHRAD PAS MNYES, ,SNYOMS PAR 'JUG PAS YANG DAG BZHUGS, ,ZHES PHAG MO LA 'DON PA SPOS SHING, TI LA KA THIG LE NI LTE BA'I DMAR CHA LA BSHAD PAS LTE BA'I DMAR CHA LAS BSKYED PAR BYA STE, DE LA NI LHAN SKYES KHYAD PAR CAN SKYE BA'I RTEN 'BREL SHIN TU ZAB PA YOD PA'I PHYIR RO, ,DRIL BU PAS DNGOS SU MA GSUNGS PA NI, H'Um YIG BSHAD PA'I SHUGS KYIS SHES PA LA DGONGS SO, ,'O NA LTE BA'I DMAR CHA LAS BSKYED NAS LTE BAR GNAS PA BYED DAM, SNYING KHAR YAB YUM SBYOR BA'I RNAM PA CAN BYED CE NA, GSANG 'DUS 'PHAGS LUGS KYIS LUS DKYIL LA YAB YUM GNAS SO SOR SGOM PA YANG YOD MOD KYANG, 'DIR NI SKYED PA LTE BA'I DMAR CHA LAS SKYED KYANG, BZHUGS GNAS SNYING KHAR YAB DANG SBYOR BA'I TSUL DU BYED DE, SNGAR DRANGS PA'I RKANG PA THA MA GNYIS LA BRTEN NAS KYANG SHES PAR NUS SO, ,DES NA NYIN MO MDZAD KYIS HE RU KA SNYING KHA DANG, PHAG MO LTE BAR BYAS PA LTAR 'DIR MI BYED DO, ,SPROS PA LA DGA' NA ZHES PA NI, YANG NA GRUB ZIN GSAL GDAB, SPROS PA LA DGA' NA H'Um YIG SOGS LAS BSKYED CES PA'I DON MIN TE, YIN NA NI 'DI BSKYED RIM GYI LUS DKYIL MA YIN PAR 'GYUR BA'I PHYIR TE, LHA GSAR DU SKYED PA MED PA'I PHYIR RO, ,MI GSOL RTZA MIG THAMS CAD LA, ,DAG PA'I LHA NYID MOS SHING DRAN, ,ZHES BSHAD
PAS, 'DI SGOM PA PO DE LHA THAMS CAD SKAD CIG DRAN RDZOGS LA GSAL NUS PA'ANG MIN PA DE'I LUGS SU SNANG BA'I PHYIR RO, ,DES NA SNGAR PHYI DKYIL LA GSAL SNANG BA RTAN PA YIN NA YUD TZAM RES BSKYED LA SGOM, RIM GYIS BRTAN PA LA DGA' BA STE BSAM DGOS PA CIG YIN NA RE RE NAS RIM GYIS BSGOM ZHES PA'I DON YIN TE, LUS DKYIL RKYANG PA SGOM PA LA NI PHYI DKYIL SGOM PA SNGON DU 'GRO DGOS PA RDO RJE MKHA' 'GRO'I DGONGS PA YIN PA'I PHYIR RO, ,LNGA PA NI, 'O NA GTZO BO DANG RNAL 'BYOR MA BCU GNYIS SA BON LAS SKYED NA, GZHUNG CHUNG LAS, STENG 'OG LUS KYI CHA SHAS LA, P'U DZA LA SOGS NYI SHU BZHI, ,'KHOR LO GSUM GYI BDAG NYID DRAN, ZHES BSHAD PAS, BAm LAS YUM DANG, LHA ZHES BRGYAD YI GE NYER BZHI LAS SKYED PAR RIGS SO SNYAM NA, YI GE NYER BZHI LAS NI KHUNGS THUB MANG POS LUS KYI GNAS KYI CHA NYER BZHI SKYED PAR BSHAD KYI, LHA'I SA BON DU BSHAD PA MED PAS MI 'THAD DO, ,LHA GZHAN GYI RIGS PA BKAB NAS LHA LHAG MA YI GE LAS SKYED NA YANG ME RUNG BA TZAM MED DE GSANG 'DUS BZHIN NO, , GAL TE SKYED NA NI MNGON BRJOD LAS KA TZA tA TA PA'I SDE TSAN LNGA'I YI GE RE RE'I MGO BOR THIG LES BRGYAN PA GSUNGS PA'I MJUG TU, DE YIS THOD PA'I DU MA SOGS DANG, GTUM MIG MA LA SOGS KUN GYI, ,SKU GSUNG THUGS KYI 'KHOR LO TE, ,ZHES GSUNGS PA LTAR KAm NAS BHAm GYI BAR NYER BZHI THOD PA'I DUM BU SOGS DPA' BO DANG DPA' MO ZUNG NYER BZHI'I SA BON DU BYA'O, ,LE'U DER MA YIG SMOS PA 'GREL PAS THIG LE'I DON DU BSHAD DE, LE'U NYER DRUG PA LAS KYANG, KA LA SOGS PA NYI SHU BZHI, ,MGO
, ,LA BIN DUS MNAN PA STE, ,ZHES GSUNGS PA DANG MTHUN LA, DE RNAMS RE RE'I MGOR AOm DANG, MTHAR H'Um H'Um PHAt SBYAR BA SNGAGS SU YANG RTZA 'GREL LAS GSUNGS SHING, MA NING GI YI GE BZHI LA THIG LE SBYAR BA BZHI SNYING PO'I RNAL 'BYOR MA BZHI'I SA BON DANG, MTHAR GNAS BZHI LA THIG LE SBYAR BA BZHI SGO MA BZHI DANG, DRO BA BZHI LA THIG LE SBYAR BA BZHI MTSAMS MA BZHI'I SA BON DANG, DE BRGYAD LA MGO BO DANG, MTHAR AOm LA SOGS PA SBYOR TSUL SNGAR BZHIN BSHAD DO, ,'ON KYANG SO SO'I GZHUNG NAS BSHAD PA BZHIN BYAS NA'ANG LEGS SO, ,GNYIS PA LA GSUM, LUS DKYIL MCHOG YIN PA'I RGYU MTSAN BSTAN PA DANG, GNAS SOGS BCU SA BCU DANG SBYAR TE BSHAD PA DANG, GNAS RNAMS SKYED TSUL DANG DER LHA GANG SGOM PA'I TSUL LO, ,DANG PO NI, PHYOGS MTHUN BSGOM PA'I RJES DE NAS DE LAS GZHAN YANG YANG DAG PAR BSHAD PAR BYA'O, ,GANG NA SKU STE LUS KYI DKYIL 'KHOR RO, ,DE YANG LUS RTEN GYI DKYIL 'KHOR DU SGOM PA NI SAm BHU tA NAS 'BYUNG BA BZHIN DRIL BU ZHABS KYIS GSUNGS PAS KHA BSKANG LA, LUS BRTEN PA'I DKYIL 'KHOR DU SGOM PA LA BDE CHEN DANG DAM TSIG GI 'KHOR LO'I 'KHOR GYI LHA RNAMS SGOM PA NI 'GREL PA RNAMS KYIS KHA BSKANGS SHING, GTZO BO YAB YUM NI SAm BHU tA DANG DPYID THIG GIS KHA BSKANGS NAS BSHAD DGOS TE RGYAS PAR BSHAD ZIN LA LHAG MA NI 'DIR 'CHAD DO, ,DAM PA STE ZHES PA NI DRIL BU PAS, 'ON KYANG DKYIL 'KHOR DE'I RANG BZHIN, ,CI YIN DA NI 'DI LTAR BSHAD, ,RI MOR GNAS PA'I LAS DANG NI, ,THIG LAS TSON
DBYE'I RIM PAS BSTAN, ,'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,BCOS MA GNYIS KYI NGO BO GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYA DE MIN TE, ,YANG DAG DON MTHONG GROL PHYIR RO, ,ZHES BRIS SKU DANG RDUL TSON LAS DKYIL 'KHOR SGRUB PA LAS, LUS LAS DKYIL 'KHOR SGRUB PA MCHOG TU GSUNGS PA LTAR YIN LA, BCOS PA NI SGRUB GZHI PHYAG MTSAN SOGS 'DRI MKHAN GYIS GSAR DU SGRUB DGOS PA'I DON TE, LUS CHAGS DUS NAS MA GRUB PA'O, ,MA BCOS PA NI SGRUB GZHI RTZA DANG KHAMS RNAMS LUS CHAGS TZAM NAS GRUB PAS RANG BZHIN GYIS GRUB PA ZHES GSUNGS KYI, MA BCOS PA RDZOGS RIM LA GSUNGS PA LTA BUR NI MI BYA'O, ,LAM GYI SKABS SU YANG DKYIL 'KHOR GZHAN GNYIS LA GNAD DU BSNUN PA LAS MI GROL GYI, LUS KYI RTZA DANG KHAMS LA GNAD DU BSNUN PA LAS YANG DAG PA'I DON MTHONG NAS GROL BAR 'GYUR BA'I PHYIR LUS DKYIL MCHOG YIN NO, ,ZHES PA'I DON NO, ,DES NA SPYIR LUS DKYIL TSANG MA SGOM PA NI, PHYI DKYIL TZAM SGOM PA LAS MCHOG DANG, KHYAD PAR DU SNGAR BSHAD PA 'DRA BA'I LO NAG DRIL GSUM GYI LUS DKYIL SGOM PA NI, RGYUD GZHAN GYI LUS DKYIL DANG, BDE MCHOG GI LUS DKYIL GZHAN LAS MCHOG TU GYUR BA'O, ,'O NA LUS DKYIL THUN MONG MA YIN PA 'DI BSGOMS PAS RDZOGS RIM GYI RTOGS PA SKYE BA LA RGYUD SMIN BYED KHYAD PAR CAN DU 'GYUR BA CIG MED NA DE GZHAN LAS MCHOG TU BSHAD PA NI, DAD PAR BYA BA TZAM DU 'GYUR BAS DE STON CIG CE NA, DE NI BDEN TE SHIN TU DKA'
, ,BA 'DI BSHAD PAR BYA'O, ,DE YANG BSHAD RGYUD RDO RJE 'PHRENG BA 'DI PHA RGYUD MA RGYUD GNYIS KA'I THUN MONG GI BSHAD RGYUD DU 'GREL PAS 'CHAD PA LTAR YIN ZHING, MA RGYUD KYANG BDE MCHOG GTZO BOR STON PA YIN LA, DER, RIM BZHI RGYA CHER RGYUD LAS NI, ,LUS KYI GNAS KYI DBYE BA YI, ,DE NI NYI SHU RTZA BZHIR BRJOD, ,THIM DANG LONGS SPYOD BDAG PO NYID, ,GRANGS NI BDUN CU RTZA GNYIS BRJOD, ,RE RE'ANG 'KHOR NI STONG STONG NGO, ,ZHES GSUNGS PA'I RGYA CHEN RGYUD NI, NAM MKHA' DANG MNYAM PA'I RGYUD DAM RDOR PHRENG GI RGYUD RGYAS PA GDAMS NGA CAN DU 'GREL PAR BSHAD KYANG, LE'U DE NYID LAS, RNAL 'BYOR MA YI RGYUD LAS SHES, ZHES GSUNGS PAS NAM MKHA' DANG MNYAM PA'I BDE MCHOG GI RGYUD DO, ,RTZA RNAMS RIM GYIS SPRO TSUL NI, DE NYID LAS, LA LA NA DANG RA SA NA, ,AA BA DH'U T'I'I ZHES BYA'I MING, ,DE RNAMS SPRO BA'I SBYOR BA YIS, ,RIM GYIS THUN NI BRGYAD DU 'GYUR, ,GSUM PO NYI SHU RTZA BZHIR 'GRO, ,ZHES RTZA 'CHAGS PA'I DUS SU RTZA'I GTZO MO GSUM LAS THUN TSOD BRGYAD KYI RTZA ZHES PA, ,SNYING KHA'I RTZA 'DAB BRGYAD DU 'GYUR BAR BSHAD DO, ,DE NYID LAS, DE LAS 'KHOR LO GSUM DBYE BAS, ,RTZA NI BRGYAD KYI DBYE BA LAS, ,SKU GSUNG THUGS KYIS SNGAGS KYIS NI, ,GSUM PHYE BDUN CU RTZA GNYIS GSAL, ,DE NI STONG DU RAB PHYE BA'ANG, ,SO SOR 'PHROS PA'I BDAG NYID CAN, ,STONG PHRAG BDUN CU RTZA GNYIS KYIS, ,RTZA RNAMS KYI NI GRANGS SHES BYA, ,ZHES SNYING KHA'I RTZA BRGYAD LAS 'KHOR LO GSUM GYI RTZA GSUM GSUM DU
PHYE BAS NYER BZHIR 'GRO, DE RE RE LA SLAR YANG SKU GSUNG THUGS KYI RTZA GSUM GSUM DU PHYE BAS, DON GNYIS DANG DE RE RE LAS STONG PHRAG RE GYES PAS RTZA BDUN KHRI NYIS STONG DU 'GYUR BAR GSUNGS SO, ,SUM PO NYER BZHIR 'GRO BA NI RGYUD NAS YIN NO, ,RGYUD DER RTZA STONG PHRAG DON GNYIS LA STONG PHRAG NYER BZHI PA TSAN PA GSUM DU BYAS NAS, GCIG NAS BYANG SEMS DKAR PO DANG, GCIG NAS KHRAG DANG, GCIG NAS RLUNG 'BAB PAR GSUNGS SHING, ,GTZO BO YANG NI BSDUS PA LAS, GNAS RNAMS KYI NI GRANGS SU 'GYUR, ZHES DE RNAMS KYI GTZO BO BSDUS PAS, YUL NYER BZHI'I RTZAR BSHAD PAS, BYANG SEMS DKAR PO RGYU BA'I RTZA BRGYAD NI, SKU DANG, KHRAG 'BAB PA BRGYAD NI GSUNG DANG, SEMS BZHON PA RLUNG DANG BCAS PA 'BAB PA NI THUGS KYI RTZA ZHES BYA'O, ,SAm BHU tA LAS, SNYING STOBS LUS TE RDUL NI NGAG ,MUN PA SEMS KYI RANG BZHIN LAS, ,ZHES SNYING STOBS KHU BA LUS SAM SKU DANG, RDUL KHRAG NI NGAG DANG, MUN PA SEMS SU BSHAD PAS, DE DAG RGYU BA'I RTZA LA YANG SKU GSUNG THUGS ZHES BYA'O, ,YANG DER RTZA'I 'KHOR LO SDOM PA'AM SDUD PA GSUNGS PA NA, RTZA BDUN KHRI NYIS STONG GNAS NYER BZHI'I RTZAR SDUD PAR GSUNGS TE, 'DI LA STONG PHRAG RE RE RANG RANG GI GYES GZHI'I RTZA RE RE LA 'DUS PA NA, RTZA DON GNYIS SU 'DUS, DE'I RTZA GSUM GSUM RANG RANG GI GYES GZHI'I RTZA RE RE LA 'DUS PA NA NYER BZHIR 'DU'O, ,DE NAS SDOM TSUL YANG DE NYID LAS, SLAR YANG BSDUS NAS 'GRO BA NI, ,GSUM DANG RNAM BRGYAD DBYE BA YIS, ,
, ,THUN TSOD SKAD CIG SBYOR BA YIS, ,RTZA RNAMS GONG NAS GONG DU NI, ,NANG DU 'GRO BAR SHES PAR BYA, ,ZHES NYER BZHI PO'I GSUM GSUM RANG RANG GI GYES BZHI NYIN MTSAN RE RE LA THUN TSOD BZHI BZHIR PHYE BA'I THUN BRGYAD KYI RTZA LA 'DUS, DE GTZO BO GSUM LA 'DUS PAR GSUNGS NAS, GTZO BO GSUM PO SLAR YANG NI, ,SBYOR BAS GCIG PA NYID DU 'GRO, ZHES RO RKYANG GNYIS DH'U T'I LA SBYOR BAS GCIG TU 'GRO BAR BSHAD PA NI, RDZOGS RIM BSGOMS PA'I STOBS KYIS THOG MAR MIG LA SOGS PA'I SGO DGU DANG, SMIN MTSAMS DANG LTE BA NAS RLUNG NANG DU LDOG GO, DE NAS RTZA DON GNYIS SU 'DUS PA NAS MTHAR SNYING KHA'I DH'U T'IR RE RKYANG GI RLUNG BSDUS NAS LHAN SKYES MCHOG TU GYUR PA SKYE BAR GSUNGS SO, ,DE LA NI MIG LA SOGS PA'I SGOR GNAS PA'I RTZA RNAMS SGO MTSAMS MA BRGYAD DU BSKYED PA DANG, YUL NYER BZHI'I RTZA DANG DE NAS RGYU BA'I KHAMS RNAMS DPA' BO DANG DPA' MOR BSKYED PA DANG, SNYING KHA'I 'DAB MA'I RTZA BRGYAD RNAL 'BYOR MA BZHI DANG, THOD PA BZHIR BSKYAD NAS BSGOM PAS, DA GZED SNGAR BSHAD PA LTAR GYI RDZOGS RIM SKYE BA'I RGYUD SMIN BYED DU 'GRO'O, ,SNYING KHA'I 'KHOR LO'I DBUS KYI DH'U T'I'I NANG GI BYANG SEMS MTSON PA'I H'Um YIG LAS GTZO BO DANG, LTE BA'I DMAR CHA LAS GTZO MO BSKYED PA GNYIS ZHAL SBYOR DU BSGOMS PAS NI, RO RKYANG GI RLUNG DH'U T'IR TSUD NAS LTE BA'I GTUM MO 'BAR TE SNYING KHAR SLEB, DE'I RKYEN GYIS SPYI BO'I BYANG SEMS ZHU BA YANG SNYING KHAR SLEB NAS DER DPYID DANG THIG LE SNYOMS PAR ZHUGS PAS, DRIL BU ZHABS KYI RIM PA DANG
PO NAS BSHAD PA LTAR, ,RMONGS PA'I RAB RIB RTZAD NAS GCOD PA'I NGES DON GYI HE RU KA, LHAN CIG SKYES PA'I YE SHES 'OD GSAL MNGON PAR BYANG CHUB PA'I RIM PA LA SOGS PA SKYE BA'I THABS KHYAD PAR CAN DU 'GYUR BA YIN NO, ,GTZE MO YANG RTZA NANG GI KHAMS LAS SKYED PA DANG, SNGAR BSHAD PA LTAR DPA' MO NYER BZHI YANG LUS KYI KHAMS LA BSHAD PA 'DI RNAMS LA BRTEN NAS LUS DKYIL GYI LHA GANG BSKYED KYANG RTZA DANG KHAMS GNYIS NGO BO DBYER MED DU BYAS NAS BSKYED PA DANG, MTHAR LHA SDUD PA NA PHYI DKYIL LA BSHAD PA'I RIGS PA SBYAR NA SHIN TU LEGS PAR MTHONG NGO, ,GZHUNG CHUNG LAS, LHA RNAMS RANG GNAS THIM BYA STE, ,ZHES 'BYUNG BA NI GNAS DE DANG DE'I RTZA DANG KHAMS LA THIM NAS RTZA DANG KHAMS KYI NGO BOR GNAS PAR BSAMS PAS, RTZA DANG KHAMS BYIN GYIS RLOB PA YIN LA, DE DANG SNGA MA GNYIS SPEL MAR BYA'O, ,DE LTAR BYAS NA GZHUNG CHUNG LAS, DPAL LDAN 'KHOR LO SDOM PA YI, ,RNAL 'BYOR LUS KYI DKYIL 'KHOR NI, ,SEMS CAN RANG BZHIN YONGS SHES SHING, , RDZOGS PA'I LAM LA 'JUG RNAMS LA'O, ,ZHES BSHAD PA YANG LEGS PAR DRANGS PAR 'GYUR RO, ,'DI NI LO NAG DRIL GSUM GYI MAN NGAG BLA MA RNAMS LAS BRGYUD PA LA GZHI BYAS NAS RTZA BSHAD KYI RGYUD DANG KHUNGS THUB KYI GZHUNG 'GREL RNAMS LA LEGS PAR GTUGS TE, MTHA' CHOD PAR BSHAD PA'I BDE MCHOG PA'I KHYAD CHOS CHEN MO ZHIG YIN PA SHES PAR GYIS SHIG ,THABS RGYUD RDOR PHRENG GIS MA RGYUD KYI GNAD MANG PO 'CHAD PA DANG, SHES RAB KYI
, ,RGYUD DPAL SDOM PA 'BYUNG BA DANG, RDO RJE GUR GYIS PHA RGYUD KYI GNAD MANG PO 'CHAD MOD KYANG, DE LA RTOG PA ZHUGS PA NYUNG BAR SNANG NGO, ,GZHAN YANG SPYI BO LA SOGS PA'I GNAS NYER BZHI PHYI'I GNAS NYER BZHIR BSKYED PA'I MOS PA BRTAN PO BYAS NAS, DER BSKYED PA'I LHA ZHE BRGYAD LA PHYI'I YUL NA BZHUGS PA'I DPA' BO DANG, DPA' MO DNGOS YIN SNYAM PA'I MOS PA DRAG PO YANG YANG SBYANGS TE BSGOMS PA NA YUL DE DAG NA BZHUGS PA'I DPA' BO DANG DPA' MOS BYIN GYIS RLOB PA CHES SHIN TU MYUR BA YIN TE, RTZA BA'I RGYUD LAS, DZ'A LAN DHA RA PULLI SOGS, YUL 'DI DAG GI BU MO GANG, ,DPA' MO GNYIS MED RNAL 'BYOR MA, ,DE KUN 'DOD PA'I GZUGS CAN TE, ,YID KYI SHUGS KYIS 'JUG PA YIN, ,ZHES YID LTAR MGYOGS PA'I SHUGS KYIS GDUL BYA BYIN GYIS RLOB PA LA 'JUG PAR GSUNGS LA, DE'I DON YANG 'DI'I BSHAD RGYUD RDO RJE MKHA' 'GRO LAS, YUL 'DI RNAMS KYI BU MO GANG, ,RTZA YI GZUGS KYI SA GNAS SO, ,ZHES GNAS NYER BZHIR RTZA'I NGO BOR BSGOM PAR GSUNGS PAS DE LTAR DU BSGOM PA'I YID LA 'JUG PA YIN NO, ,DE RNAMS KYIS BYIN GYIS BRLABS PA NA DE DAG GI RIGS KYI PHO NYA MO NI, YUL NYER BZHIR MA ZAD YUL GZHAN MANG POR YANG GNAS PAR GSUNGS PAS SNGAGS SKYES KYI RNAL 'BYOR MA KHYAD PAR CAN DANG 'DU BA DANG POR RNYED CING, ,DE NAS SNGAGS SKYES KYI MTHU LA BRTEN NAS ZHING SKYES DANG YANG 'DU BA RNYED LA, DE LA BRTEN NAS LHAN SKYES BSKUL NUS PAS DES GROGS MDZAD
PA DANG, RDZOGS RIM PA'I SPYOD PA BYED PA NA GRUB PA'I GNAS KHYAD PAR CAN RNAMS SU BGROD DGOS LA, DER BGROD PA DANG BGROD NAS GROGS KHYAD PAR CAN DANG 'DU BA'I RGYUR YANG, DKYIL 'KHOR GYI 'KHOR LO'I RTZIBS LA YUL NYER BZHIR MOS NAS, DER LHA SGOM PA DANG, KHYAD PAR DU LUS LA DE LTAR SGOM PA GZHAN LAS BSNGAGS TE 'DI RNAMS KYANG BDE MCHOG PA'I KHYAD CHOS SU SHES PAR BYA'I, KHYAD CHOS CIG BSHAD PAR 'DOD NAS LTAR SNANG GI SGRUB BYED LA NAN TAN BSKYED PAR MI BYA'O, , GNYIS PA NI, DE RNAMS KYIS NI RNAL 'BYOR DBANG PHYUG GIS, ,SKU YI DKYIL 'KHOR DAM PA STE, ,ZHES GSUNGS PA'I GSUNG NUS PA CAN DU BSTAN NAS, ,DA NI SKU'I DKYIL 'KHOR 'CHAD TSUL STON PA NI, GNAS ZHES SOGS TE GNAS DANG SOGS KYIS BSDUS PA NYE BA'I GNAS NAS DUR KHROD DANG NYE BA'I DUR KHROD KYI BAR BCU DANG, RAB DGA' SOGS YONGS SU DAG PA'I SA BCU RIM PA BZHIN SBYOR BAS, DPA' MO NYER BZHI'I LUS DKYIL BSHAD PAR BYA'O, ,'DIR GNAS LA SOGS PA'I THA SNYAD DON GANG LA SBYAR BA DANG, ,DE LTAR MING 'DOGS PA'I RGYU MTSAN BSTAN PA GNYIS KYI DANG PO'I DBANG DU BYAS NAS PHYI'I YUL 'DZAM BU'I GLING GI GRUB PA'I GNAS YUL NYER BZHI GNAS LA SOGS PAR GSUNGS PA DANG, NANG LA SBYAR NA PHYI DKYIL GYI 'KHOR LO'I RTZIBS NYER BZHI DANG, NANG GI LUS KYI CHA NYER BZHI LA YANG GNAS LA SOGS PAR BSHAD PA NI RTEN GYI DBANG DU BYAS PA STE BDE MCHOG GI SKOR NAS SHIN TU MANG NGO, ,BRTEN PA'I DBANG DU BYAS NA PHYI'I YUL NYER BZHI NA BZHUGS PA'I LHA
, ,DANG LHA MO ZHE BRGYAD DANG, NANG LA SBYAR NA PHYI DKYIL GYI LHA ZHE BRGYAD DANG, LUS DKYIL GYI LHA ZHE BRGYAD LA YANG GNAS LA SOGS PAR BSHAD DO, ,SA LAM GYI DBANG DU BYAS NA, RTZA BA'I RGYUD LAS, DE NAS GZHAN YANG BSHAD BYA BA, ,RNAL 'BYOR MA YI SA DANG GNAS, ,ZHES MTSAMS SBYAR NAS, GNAS NI RAB TU DGA' BA'I SA, ,DE BZHIN NYE GNAS DRI MA MED, ,ZHING 'DIR 'OD BYED SHES PAR BYA, ,NYE BA'I ZHING NI 'OD 'PHRO BA, ,TSANDO HA NI SBYANG DKA' BA, ,NYE BA'I TSANDO MNGON GYUR NYID, ,'DU BA RING DU SONG BA YIN, ,NYE BAR 'DU BA MI GA-YO BA, ,DUR KHROD LEGS PA'I BLO GROS NYID, ,NYE BA'I DUR KHROD CHOS KYI SPRIN, ,SHR'I HE RU KA GZHUNG DU SPYOD, ,'DI NI NANG GI BDAG CAN SA, ,PHA ROL PHYIN BCU SA RNAMS NI, ,RNAL 'BYOR MA YI BRDA YI SKAD, ,CES GSUNGS LA, SA BCU LA GNAS LA SOGS PA'I MING BTAGS PA NI, RNAL 'BYOR MA'I BRDA'I SKAD YIN PAR BSTAN NO, ,DPA' BO'I BRDA'I SKAD CES PA YANG DE 'DRA BA'I THA SNYAD RNAMS LA ZER LA, KLA KLO'I SKAD CES PA YANG BRDA'I SKAD DU MAN SNYER BSHAD PAS DE RNAMS DON 'DRA'O, , DON NI 'JIG RTEN PA DANG SGRA PA DANG BSTAN BCOS GZHAN LAS DON DE RNAMS LA BRDA DE 'JUG PAR MA GRAGS LA, DE BZHIN GSHEGS PAS DON DE RNAMS DGONGS GZHIR BYAS NAS BRDA MDZAD PA LA ZER RO, ,SAm BHU tA 'BROG 'GYUR LAS, 'DUN RTOG MNGON GYUR SA DRUG PA DANG, NYE BA'I 'DUN RTOG LNGA PAR BYAS KYANG, MAN SNYE DBANG 'GYUR LAS, RTZA RGYUD DANG MTHUN PAR BSGYUR BA LEGS TE, ,'GREL PAR YANG DE BZHIN DU BSHAD PA'I PHYIR RO, ,BAR GYI SA BCU DNGOS SU SMOS PAS DE RNAMS KYI RGYU MOS SPYOD
KYI SA DANG, 'BRAS BU KUN TU 'OD KYI SA YANG SHUGS KYIS SHES PA DANG, RGYUD GZHAN DU 'THUNG GCOD CES PAS MOS SPYOD DANG, NYE BA'I 'THUNG GCOD KYIS KUN TU 'OD BSTAN PAR MAN SNYE LAS GSUNGS TE, KYEE RDOR LAS SA BCU GNYIS SU GSUNGS PA'I DON YANG DER MU TIG 'PHRENG BAR BSHAD DO, ,MNGON BRJOD LAS RAB DGA' SOGS BCU'I STENG DU DPE MED DANG YE SHES LDAN TE BCU GNYIS DANG, RDO RJE'I SA BCU GSUM PAR GSUNGS PA'I CHOS KYI SPRIN BCU PA TZAM DANG, DPE MED NI BCU PA'I KHYAD PAR GYI LAM DANG, YE SHES LDAN NI BAR CHAD MED LAM DU BSHAD PAS BCU GSUM PO SA BCU GCIG TU 'DUS SO, ,'DIR MAN SNYE LAS, GDUL BYA LNGA LAS DBANG PO RTUL PO'I DON DU PHYI ROL GYI GNAS LA SOGS PAR BSTAN PA'I SHES BYED DU DRI MA MED PA'I 'OD DU GSUNGS PA 'DIR THUN MONGS DU BYIS PA RNAMS YUL DU 'KHYAMS PA'I DON DU DZ'A LAN DHA RA LA SOGS PAS GNAS LA SOGS PAR GSUNGS SHING, DE YANG THAMS CAD LA KHYAB PAR BYED PAR MI 'GYUR RO, ,BRAM ZE DANG RGYAL RIGS DANG RJE RIGS DANG DMANGS RIGS MTHA'I RIGS RNAMS SU SKYES PA'I RDO RJE RNAL 'BYOR MA RNAMS NI, GRONG KHYER GCIG NA YANG GNAS PA'I PHYIR NA BOD DANG RGYA NAG LA SOGS PA'I YUL RNAMS NA YANG GNAS LA SOGS PA RNAMS YOD DO, ,DE RNAMS NI BSDUS PA'I RGYUD GZHAN DU MA BSTAN PA RNAMS SO, ,RGYAS PA'I RGYUD GZHAN DU NI YUL THAMS CAD DANG, GRONG KHYER THAMS CAD DU GNAS LA SOGS PA RNAMS GSUNGS SO, ,ZHES DRANGS SO, ,DBANG PO 'BRING GI DON DU DKYIL 'KHOR GYI 'KHOR LO GSUM GYI RTZIBS
, ,LA GNAS LA SOGS PAR BZHAG PA DANG, GDUL BYA CHEN PO LA GSUM DU BYAS PA'I CHUNG NGU'I DON DU NANG GI LUS KYI GNAS NYER BZHI LA GNAS LA SOGS PAR BZHAG PA DANG, 'BRING GI DON DU RDZOGS RIM PAS SA BON GYI YI GE SOGS LA MI LTOS PAR SPYI BO SOGS GNAS LA SOGS PAR DANG, RTZA RNAMS LHA MOR MOS PAR BYED PA DANG, CHEN PO RDZOGS RIM LA GNAS PA'I DBANG DU BYAS NAS STONG NYID SNYING RJE DBYER MED PA'I BYANG CHUB KYI SEMS RAB DGA' SOGS LA GNAS LA SOGS PAR BZHAG PA STE LNGA DANG, THA MA NI NGES PA'I DON DANG, DANG PO BZHI NI LNGA PA LA LTOS NA DRANG BA'I DON TE, RAB DGA' SOGS GNAS LA SOGS PAR BZHAG PA'I SA DE DANG DER MOS PA LAS 'JIG RTEN NAS 'DAS PA'I SA RNAMS GSAL BA'I CHED DU 'BAD PAR GYUR NA CI MA RUNG SNYAM DU DGONGS PA'O ZHES 'CHAD DO, ,LHA DANG DKYIL 'KHOR GYI NANG GI GNAS DANG MGUL RGYAN LA SOGS PA RNAMS LA BDE STONG DBYER MED KYI BYANG CHUB KYI SEMS KYI NGO BOR GYUR BA'I PHYIR DRUG DANG, CHOS SO BDUN DANG, SA BCU'I NGO BOR MOS NAS DE GOMS STOBS KYIS JI LTAR MOS PA BZHIN DU MNGON DU 'GYUR BAR SHE'O, SGONG RAS SNGO SER SOGS KYI STENG DU BZHAG PA BZHIN DU 'GYUR BAR GSUNGS STE, KUN SPYOD LAS, DE NAS PHA ROL PHYIN DRUG DANG, BYANG CHUB PHYOGS NI SUM CU BDUN, GNAS SOGS SA NI BCU PO RNAMS, ,CHE MCHOG LHA YI BDAG NYID CAN, ,BSAM PA GANG DANG GANG GIS NI, ,MI RNAMS YID NI YANG DAG SBYOR, ,DE DANG DE YI DNGOS GYUR TE, ,SNA TSOGS GZUGS CAN NOR BU 'DRA, ,ZHES GSUNGS TE 'DI GAL CHE'O, ,DRANG
NGES KYI TSUL GONG LTAR YIN PA'I SHES BYED DU, MNGON BRJOD LAS, MKHA' 'GRO MA KUN 'DI NYID DU, ,THUGS RJE LDAN RNAMS RNAM PAR GNAS, ,SANGS RGYAS BYANG CHUB SEMS DPA' KUN, ,'GRO BA GSUM PO'ANG 'DI NYID DU, ,NYI SHU RTZA BZHI'I DBYE BA YIS, , GNAS SOGS 'DI KHO NA LA GNAS, ,DE BAS DE RU SKOR BA YI, ,SKYO BYANG DE NYID CAN GYIS MIN, ,GAL TE DE NYID MED GYUR NA, ,DE RNAMS SKOR BAS CUNG ZAD MIN, ,GAL TE DE NYID LDAN GYUR NA, ,DE RNAMS BSKOR BAS CI ZHIG DGOS, ,PHYI ROL RNAL 'BYOR PA DE RNAMS, ,BSKOR BAS KHAMS RNAMS ZAD PAR 'GYUR, ,DE BAS PHYI ROL SPANGS NAS NI, ,RNAL 'BYOR ROL PAS GNAS PAR BYA, ,DPAL LDAN RDO RJE RNAL 'BYOR MA, ,RNAM DAG YE SHES CAN RNAMS KYIS, ,RDO RJE RNAL 'BYOR CAN RNAMS GZIGS, ,THUGS RJES KHYAB PA'I THUGS KYIS NI, ,DE RNAMS DGYES PAS DNGOS GRUB MCHOG ,JI LTAR 'DOD BZHIN STZOL BAR MDZAD, ,CES DANG, RANG GI LHAG PA'I LHA DMIGS TE, ,DE KHO NA NYID GCIG PU BSAM, ,LKUGS PA'I DNGOS POR RAB GYUR BA'I, ,ZLA DRUG TZAM GYIS NGES PAR NI, ,RNAL 'BYOR MA YIS NYER BSTEN PA'I, ,RNAL 'BYOR CHEN PO 'DI GSAL 'GYUR, ,YE SHES 'OD ZER MCHOG MTHONG NAS, ,RNAL 'BYOR MA RNAMS LEGS 'DU STE, ,PADMA'I 'BYUNG GNAS NYAMS DGA' BAR, ,NGANG PA'I TSOGS 'DU JI BZHIN NO, ,DPAL LDAN RDO RJE 'DZIN DNGOS SU, ,'GYUR BA 'DI LA THE TSOM MED, ,MIG 'PHRUL MKHAN BZHIN 'JIG RTEN DU, ,SEMS CAN KUN GYI DON BYED RNAMS, ,SEMS NI DAG PAR GYIS SHIG CES, ,SEMS CAN RNAMS LA BDAG
, ,GSOL 'DEBS, ,ZHES GSUNGS PA RNAMS DRANGS TE, ,LHAN SKYES KYI BDE STONG SBYOR BA'I LAM LA NGES PA CHEN PO STER BAR BYED DO, ,MING GI DON LA SA'I DBANG DU BYAS NA SBYIN PAS SEMS CAN DPAG TU MED PA TSIM PAR BYED PA'I GNAS DANG, BZOD PA RAB TU GYUR PAS MNGON SHES SOGS PHUL BYUNG SKYE BA'I ZHING DANG, TSANDO HA'I TSANDO PA'I NYE BA'I DON LA SOGS PA LNGA YANG SNGA MA LA BRTEN NAS DE DANG CHA MTHUN PA'I DON SHES PAR BYA'O, ,GSUM PA DON DU GNYER BA NI, 'DUN PA DANG 'DI LTA 'DI LTAR BDAG GIS DON DE BYA'O ZHES RTOGS PA DANG, THABS KYI PHAR PHYIN RAB TU GYUR PAS TING NGE 'DZIN DANG MNGON SHES SOGS MTSAN MA MED PAR RTZOL BAS 'DU BA DANG, BDAG MED PAR DUR KHROD DANG MTSUNGS PA'I CHOS KYI DBYINGS RTOGS NAS SEMS CAN GYIS KYANG DE RTOGS PA'I CHED DU CHOS STON PA SOGS LA 'BAD PA NI DUR KHROD DANG, NYE BA'I DON NI SNGA MA LNGA DANG NYE BA YIN LA, NYE LUGS NI PHAN GDAGS BYA DANG 'DOGS BYED DU 'BREL BA DANG, RANG GI SNGA MA LAS PHUL DU BYUNG BAR GYUR BA YANG NYE BA'I DON DU DANG, PHYI ROL GYI GNAS DANG NYE BA'I GNAS LA SOGS PA'I NYE BA'I DON LA SOGS PA LNGA YANG SNGA MA LA BRTEN NAS DE DANG CHA MTHUN PA'I DON SHES PAR BYA'O, ,GSUM PA NI, P'U DZA LA SOGS PA'I YI GE NYER BZHI NI, P'ULLI RA LA SOGS PA YUL NYER BZHI'I RGYA SKAD KYI MING YIG THOG MA YIN LA, DE LA 'GREL PA GSUM DANG 'KHRUL SPONG SOGS RGYA GZHUNG DU MA LAS, DE RNAMS THIG LES BRGYAN PA
GNAS NYER BZHIR BKOD PA YONGS SU GYUR PA LAS GNAS DE RNAMS RTZIBS MED PA'I 'KHOR LO'I RNAM PAR SKAD CIG GIS BLTA BAR BYA'O, ,ZHES GSUNGS PA'I DON NI, RTZIBS MED PA'I 'KHOR LO'I LTE BA RKYANG PA SGOM PAR STON PA MIN TE, ,'KHOR LO TSANG MA LA YANG RTZIBS KHO NA LA LHA RNAMS SGOM PA'I PHYIR DANG, 'DI YANG LHA'I GNAS KYI DON DU YIN PA'I PHYIR RO, ,DES NA 'KHOR LO'I RNAM PA CAN NI RTZIGS KYI STENG NAS YIN PAS, RTZIBS KYIS STONG PA'AM RTZIBS MED PA NI RTZIBS KYI NGO BO MED PA DANG, RTZIGS SHUN GYI RNA BA CAN DANG, PHYI'I YUL RNAMS DNGOS YIN PAR BSAM MO, ,YI GE DE RNAMS LA THIG LES BRGYAN PA NI MAN NGAG GIS YIN PAR LVA BA PAS BSHAD DO, ,TSUL DES GNAS NYER BZHI SKYED PA NI BOD KYI BLA MA GZHAN DAG MI 'DOD KYANG, , MKHAS PA MAR DOS YI GE NYER BZHI NGAG TU BRJOD PAS LUS KYI GNAS RNAMS SU 'KHOR LO'I RTZIBS KHONG STONG DMAR PO'I STENG DU NYI GDAN LA LHA RNAMS DGOD PAR BSHAD DE, GNAS RNAMS SU DGOD PA YANG LVA BA PA SOGS KYIS BSHAD PAS DGOS SHING, PHYIS KYI MKHAS PA DAG GIS KYANG 'GREL PA RNAMS BZHIN DU MDZAD PA LEGS SO, ,BOD KHA CIG BDE MCHOG NAS P'ULLI RA MA LA YA LA SOGS PA DANG, DGYES RDOR NAS MI PHYED MA LA SOGS PA GSUNGS PA RNAMS MING GI RNAM GRANGS YIN GSUNG BA NI DON MIN TE, PHYI'I YUL DANG DKYIL 'KHOR GYI SHAR RTZIBS SOGS LA P'ULLI RA LA SOGS PAR BSHAD PA DANG, MI PHYED MA LA SOGS PA MING GI RNAM GRANGS SU 'ONG DON MED PA NI GO SLA LA, NANG LUS KYI SPYI BO LA SOGS PA LA BYED
, ,NA'ANG SPYI BO DANG SPYI GTZUG DANG RNA BA GA-YAS GA-YON SOGS RTZA MIN PAS MI PHYED MA SOGS MIN NO, ,LVA BA PA DANG, PRADZNY'A RAKshI TA'I 'GREL PA LAS KYANG GNAS DE NA GNAS PA'I RTZA RNAMS ZHES 'BYUNG BAS, SNGAR PULLI RA LA SOGS PAR SKYED PA'I GNAS DE'I RTZA RNAMS LHAR SKYED KYI GNAS DE RNAMS LHAR SKYED PA MIN NO, ,SPYI BO DANG SPYI GTZUG DANG LTAG PA'I GNAS NI, RDO RJE MKHA' 'GRO'I 'GREL PAR SPYI BO ZHES PA NI SKRA'I GNAS SO, ,SPYI GTZUG CES PA NI GTZUG PHUD KYI GNAS SO, ,RGYAB KYI CHA ZHES PA NI RGYAB KYI DBUS KYI GZHUNGS PA GYEN DU LANGS PA'O, ,ZHES BSHAD DE DANG PO NI SKRA MTSAMS SO, ,'DI DAG NI ZHES PA NI LHA DANG LHA GNAS GNYIS KA LA BYA'O, ,KHA ZHES 'BYUNG BA NI SNGAR BSHAD PA BZHIN LCE'I RTZA BA'O, ,HI MA LA YA NI CHAG GIS 'DOMS PAR DANG, MAR DOS GLANG PAR BSGYUR, RDO RJE MKHA' 'GRO LAS CHU SER BSGYUR YANG, DON GYI MAN SNYE LAS, CHU SO NI SA BON GYI SBUBS GNYIS SO ZHES DANG, MNGON BRJOD 'BROG 'GYUR LAS 'BRAS BU LA BSGYUR BA LTAR BYA'O, ,NA GA RA LA 'DIR SOR MO RNAMS ZHES SPYIR 'BYUNG BA BZHIN DU RDO RJE MKHA' 'GRO DANG MNGON BRJOD DANG KUN SPYOD DANG SAm BHU tA LAS KYANG SPYIR 'BYUNG NGO, ,BLA MA SNGA MA KHA CIG MTHE BONG BZHI MA GTOGS PA'I SOR MO BCU DRUG LA 'DOD PA LA, ,BLA MA GZHAN DAG SDOM 'BYUNG DANG RDO RJE MKHA' 'GRO'I 'GREL PAR RKANG SER LA BSHAD PAS SNGA MA MAm 'THAD CES 'GOG MOD KYANG, ,MAN SNYER, SOR MO BCU DRUG NA GA RA RU SDU GU MA MYOS BYED DANG TSIL BU'O, ,ZHES BSHAD LA, MTHE BONG NI RKANG PA LA SOGS PA'I MTHE BONG GNYIS SO, ,ZHES
KYANG BSHAD PAS RKANG PA'I MTHE BONG DANG SOGS KYIS LAG PA'I MTHE BONG YANG BZUNG DGOS PAS SPYIR MTHE BONG GNYIS YIN KYANG PHYE NA BZHI YIN PAS MA RU MTHE BONG BZHI LA 'DOD PA YANG MI 'THAD PA MIN NO, ,RKANG PA'I RGYAB NI BOL LO, ,SKU'I 'KHOR LO YANG SNGAR BZHIN TE, LHAG MA NI 'GA' ZHIG NI BSHAD ZIN LA, MA BSHAD PA YANG GO SLA'O, ,PHYI NANG 'DRA TSUL NI PHYI ROL DU P'ULLI RA LA SOGS PA'I GNAS RNAMS KYI CHU BO RNAMS KYIS GNAS RNAMS GSO BA DANG, NANG DU NI SPYI BO LA SOGS PA'I GNAS RNAMS KYI RTZA RNAMS KYIS SO DANG SEN MO LA SOGS PA RGYAS PAR BYED PA GNYIS 'DRA LA, PHYI ROL DU RDO RJE'I GDAN NI BYANG CHUB CHEN PO'I GNAS DANG, CHU KLUNG NE RANYDZA NA YIN PA BZHIN DU NANG DU RDO RJE'I GDAN NI BDE BA CHEN PO'I 'KHOR LO DANG, NE RANYDZA NA NI DH'U T'I'O, ,ZHES 'CHAD DO, ,GSUM PA NI, SNGAR RTEN DANG BRTEN PA SKYED PA SOGS KYI DON BSDU BA NI, 'DIR RKANG PA BZHI PA LA CHAG 'GYUR LAS, SKAD CIG GIS NI SKU GCIG 'GYUR, ,ZHES 'BYUNG BA'I SKU GCIG PA NI GCIG PA'I SKU, ,ZHES BYA LA GCIG PA STE DBYER MED PA'I BCOM LDAN 'DAS KYI SKUR 'GYUR BA STE BSKYED CES PA'O, ,DBYER MED LUGS JI LTAR ZHE NA, NANG SKU GSUNG THUGS KYI DBYE BA YIS PHYE BA'I 'KHOR LO GSUM DANG, PHYI MTHO RIS KYI SA BLA DANG, SA STENG DANG, SA 'OG GSUM RANG BZHIN DBYER MED PA'I BDAG NYID GCIG TU GYUR PA'O, ,ZHES PA'I DON TE, 'GREL PA GZHAN GNYIS KYI DON KHYAD PAR GSAL BYED KYIS GSAL DU BTANG BA LTAR RO, ,GANG LAS BSKYED SNYAM NA, AOm A'A: H'Um GI YI GE GSUM GYI RANG
, ,BZHIN LAS TE, DE LAS BYUNG BA ZHES PRADZNY'A RAKshI TAS BSHAD DE, DE NI SNGAR NAM MKHAR BZHAG PA'I N'A DA'O, ,DE ZLA BA'I STENG DU BABS TE YONGS SU GYUR PA'I SGO NAS RANG GI RANG BZHIN H'Um GI RNAM PAR RIM GYIS BSKYED LA, DE LAS LHAN CIG SKYES DGA'I RANG BZHIN HE RU KA'I SKUR RDZOGS PAR SKYES PA'O, ,BSHAD PA DE DAG LTAR NA DANG POR NAM MKHAR YI GE GSUM BZHAG PA LAS BYUNG BA'I N'A DA 'JOG PA 'DRA BA CIG YOD KYANG, STONG PAR SGOM PA'I DUS KYI YI GE GSUM RIM GYIS BSDUS PA'I STONG PA LAS N'A DA BYUNG BAR SNGAR BSHAD PA LTAR YIN NO, ,CHAG 'GYUR LAS GSUM GYI RANG BZHIN LAS ZHES 'BYUNG BA 'GREL PA DANG MTHUN NO, ,SKAD CIG CES PA NI PHYAG MTSAN SOGS LA MI LTOS PAR SKYED PA'O, ,DE BZHIN GSHEGS PA'I RDO RJES KYANG DE BZHIN DU BSHAD PA NI SNGAR MNGON BYANG GI SKABS SU PHYAG MTSAN LAS SKYED PA DANG 'GAL DOGS YOD DO, ,RNAL 'BYOR BDAG NI BCOM LDAN 'DAS MA DANG BCAS PA NYID DU RDZOGS PA'I DON NO, ,DE NI RNAL 'BYOR ZHES PA'I DON SBYOR BA LA YANG 'GRO BAS DE'I DON BSHAD PA NA YUM DANG SBYOR BAR BSHAD PA'O, ,PHYAG RGYA CAN NI RANG DANG DUS MNYAM PA KHO NAR SHES RAB MA DANG BCAS SO ZHES PA'I DON NO, ,SKAD CIG RNAM PA'I ZHES PA NI PHYAG MTSAN SOGS LA MI LTOS PA YIN NA, SNGA MAS DE LTAR RDZOGS NAS YUM DANG SBYOR BAR BSHAD PA DE YANG RIM GYIS YIN NAM SNYAM PA LA, PHYI MAS DUS MNYAM DU RDZOGS PAR STON PAS SNGA PHYI GNYIS MI ZLOS SO, ,CHAG 'GYUR LAS, KUN NAS THAMS CAD SKAD CIG STE,
ZHES 'BYUNG BA'I DON NI, KUN NAS NI RTEN DANG BRTEN PA THAMS CAD KUN TU STE LHAN CIG TU SKAD CIG STE DUS GCIG TU RDZOGS ZHES PA'O, ,'DI YANG RTEN BRTEN PA DUS GCIG TU SKYED PA'I KHUNGS SO, ,SKAD CIG GIS NI GSANG SNGAGS 'DON, ,ZHES PA'I SKAD CIG NI SNGAR DANG 'DRA LA, GIS NI ZHES PA SKAD CIG GIS SKYED PA'I SNGAGS SO, ,LVA BA PA'I 'GREL PA DANG, PRADZNY'A RAKshI TA'I 'GREL PA RNGOG 'GYUR LAS, RDZOGS PA DANG DUS MNYAM PA KHO NAR SNGAGS GSUM 'DON PAR BSHAD LA, DE BZHIN GSHEGS PA'I RDO RJES SKYE BA DANG DUS MNYAM PAR ZHES BSHAD KYANG, PRADZNY'A RAKshI TA'I 'GREL PA'I 'GYUR LAS, SKAD CIG GIS NI GSANG SNGAGS BRJOD, CES PA NI, GSANG SNGAGS BRJOD PA LAS DUS MNYAM PA NYID DU RDZOGS PA'O, ,ZHES BSGYUR BA LEGS TE, SNGAGS BRJOD PA 'DI NI RTEN DANG BRTEN PA BSKYED PA'I DUS KYI SNGAGS BRJOD TSUL STON PA YIN PA'I PHYIR DANG, DUS MNYAM PA NI RTEN BRTEN PA GNYIS DUS MNYAM PA'I DON YIN PA'I PHYIR RO, ,SNGAGS KYI TSIG GSUNGS PA LA GSUM YOD PA'I DANG PO NI YI GE GSUM MO, ,GNYIS PA NI AOm SARBA SOGS SO, ,GSUM PA NI AOm BADZRA SOGS SO, ,DE LTAR BSHAD PA NI 'GREL PA GSUM GA'I LUGS YIN LA, DE YANG LUS DKYIL LA MI SBYOR BAR, SNGAR PHYI DKYIL BSHAD PA'I DON BSDUR BSHAD DO, ,JO BO CHEN PAS, SKAD CIG GIS NI SKU GCIG 'GYUR NI, STONG NYID SNGON DU SONG BA'I MNGON BYANG LNGA LAS, RTEN BRTEN PA GNYIS DUS GCIG LA GRUB PA DANG, SKAD CIG TZAM GYIS RNAL 'BYOR BDAG NI, HE
, ,RU KA CHANG BAR DMIGS PA DANG, SKAD CIG PHYAG RGYA'I RNAM PA CAN NI, YUM GSAL BAR DMIGS PA DANG, SKAD CIG GIS NI SKU 'CHANG ZHING, ,ZHES PA NI YE SHES SEMS DPA' DANG, KUN NAS KUN TU SKAD CIG NI, TING NGE 'DZIN SEMS DPA' DANG, SKAD CIG GIS NI GSANG SNGAGS 'DON PA NI, SKU GSUNG THUGS KYI YI GE GSUM SKAD CIG LA GRUB PA LA BSHAD DE, SNGAR BSHAD PA DANG MI MTHUN KYANG LUS DKYIL LA MI SBYOR RO, ,YE SHES SGRON MA LAS, SKU GSUNG THUGS KYI DBYE BA YIS, ZHES PA NAS, SKAD CIG STE ZHES PA'I BAR GYIS, AA AU MA'I YI GE GSUM GYI RANG BZHIN H'Um LAS RTEN DANG BRTEN PA THAMS CAD DUS GCIG TU RDZOGS PA DANG, YAB YUM RDZOGS PA'I DUS SU GNAS GSUM DU YI GE GSUM GYIS BYIN GYIS BRLABS PA, SNGAGS LHAG MA GNYIS KYIS BYIN GYIS RLOB PA, SKAD CIG GIS SNGAGS 'DON PA'I DON DU BYAS NAS DE DAG KYANG DBANG PO 'BRING GI MNGON RTOGS SGOM PA'I DON DU 'DOD PA NI DON MA RTOGS PA CHEN PO'I BSHAD PA'O, ,B'I RA BADZRAS BYAS ZER BA LAS, YI GE GSUM ZHES PA MNGON BYANG LAS SKYED PA'I SKABS KYI NYI ZLA'I 'OG TU AOm DANG, BAR DU A'A: STENG DU H'Um BKOD PA DANG, SKAD CIG GIS ZHES PA RDZUS SKYES DANG, SNGAGS 'DON PA NI KUN KYANG H'Um 'DON PA DANG, AOm A'A: H'Um SOGS NI SNGAR YI GE GSUM BKOD PA BYIN GYIS RLOB PA LA 'CHAD PA NI, MNGON BYANG LAS SKYED PA DANG, RDZUS SKYES GNYIS 'GAL BA SOGS KYI SKYON CHER CHAGS PA'I BSHAD PA'O, ,SDOM 'BYUNG LAS, DKYIL 'KHOR SKYED PA 'DI DANG
PHAL CHER 'DRA BA CIG BSHAD PA NI, SA BON SOGS LAS SKYED PA LA BLO BYANG BA'I DBANG RNON GYIS SKAD CIG TZAM GYIS SKYED PAR DE'I 'GREL PAR GSUNGS PA LTAR YIN PAS 'DI DANG SKABS MI GCIG GO ,'DIR MAR DOS SKU GSUNG THUGS ZHES PA NAS SKAD CIG STE ZHES PA'I BAR PHYI DKYIL LA MI SBYOR BAR LUS DKYIL KHO NA LA SBYAR ZHING, SKAD CIG GIS ZHES PA'I DON RNAMS DKRONGS BSKYED KYI DON DU BYAS NAS BRTEN PA'I LUS DKYIL THAMS CAD SKAD CIG GIS DKRONGS BSKYED DANG, SNGAGS DANG PO'I DON NI YUL NYER BZHI'I DPA' BO DANG DPA' MO'I RANG BZHIN NI, BDAG GI DAM TSIG PA'I 'KHOR LO GSUM GYI DPA' BO DANG DPA' MO 'DI DAG YIN ZHING, DES KYANG RNAL 'BYOR MA LHAG MA RNAMS KYANG MTSON PA DANG, SNGAGS GNYIS PA'I DON NI DAM TSIG PA'I LHA RNAMS KYI SKU GSUNG THUGS RDO RJE'I RANG BZHIN GYIS BDAG NYID NI, NGA'I LUS KYI DKYIL 'KHOR GYI DPA' BO DANG RNAL 'BYOR MA 'DI RNAMS YIN NO, ,ZHES PA DANG, SNGAGS GSUM PA'I DON NI LUS DKYIL GYI LHA THAMS CAD BDE CHEN GYI NGO BO NYID DO ZHES BYIN GYIS RLOB PA LA 'CHAD DO, ,MAL GYO'I RJES 'BRANG DAG KYANG GZHUNG DE RNAMS LUS DKYIL NYID LA SBYOR BA DANG, MAL GYO'I BZHI PA BKOD PA NA, RTZA DANG RTZA NANG GI KHAMS RNAMS DPA' BO DANG DPA' MOR 'OS PA TZAM BYED PA DANG, GZHUNG GI DON 'CHAD PA NA, SKAD CIG GIS SKYED PA DANG, PRADZNY'A RAKshI TES RTEN DANG BRTEN PA GNYIS KA LHAN CIG TU SKYE BAR BSHAD PA YANG RANG LUGS LA 'JOG PA DANG, AOm ZHES BRJOD PA'I TSE LUS DKYIL DANG, 'DZAM BU GLING DANG 'OG MIN NA BZHUGS
, ,PA'I SKU'I 'KHOR LO GSUM DRAN PAR BYED, DE BZHIN DU A'A: ZHES PAS GSUNG GSUM DANG, H'Um ZHES PAS THUGS GSUM DANG, AOm SARBA NAS TZITTA'I BAR GYIS LHA RE GNYIS PO THAMS CAD DRAN TE, DE MAN CHAD BRJOD PAS, PHYI DANG LUS KYI DKYIL 'KHOR GYI SKU GSUNG THUGS DANG, ZHING SKYES DANG LHAN SKYES KYI DPA' BO DANG RNAL 'BYOR MA RNAMS KYI SKU GSUNG THUGS DBYER MI PHYED PA'I RANG BZHIN NGA YIN NO SNYAM DU BYAS NAS, SNGAGS GSUM PA'I DON NI SNGA MAR MA ZAd SNOD BCUD KYI DNGOS PO THAMS CAD KYANG 'KHOR LO LNGA'I LHAR MOS PA BYAS LA, DE RNAMS BDAG GI LUS KYI LHA DANG THA MI DAD PAR MOS PA'I DON DU 'CHAD DO, ,BOD KYI BSHAD SROL DE GNYIS NI LUS DKYIL GYI 'OG TU BSHAD PAS 'KHRUL GZHI BYAS NAS PHYI DKYIL GYI SKYED CHOG SNGAR BSHAD PA'I DON BSDUR MA DGONGS 'DUG PA, 'GREL PA GSUM GYI BSHAD PA BZHIN BYA DGOS LA, LUS DKYIL DKRONGS BSKYED BYED PA MI 'THAD PAR BSTAN ZIN PA DANG, MAL GYO'I BZHED PA RANG LUGS LA 'JOG PA DANG SKAD CIG GIS SKYED PA GNYIS 'GAL ZHING, PRADZNY'A RAKshI TA'I BSHAD PA RANG LUGS LA 'GOD PA DANG, PHYI DKYIL LA MI SBYOR BA YANG 'GAL LO, ,DE'I PHYIR SNGAGS DON BSHAD PA RNAMS KYANG 'DIR GTZO BO'I DON SKYAD SNGAGS SU BSHAD PA MA THON BAS MI LEGS TE, MKHA' 'GRO RGYA MTSO LAS, GSANG SNGAGS 'DI NI 'DON PA NA, ,SKAD CIG RNAM PA'I RNAL 'BYOR LDAN, ,SKAD CIG SNGAGS LAS 'BYUNG BDAG NYID, ,DPA' BO KUN DANG RNAL 'BYOR MA'O, ,ZHES SKAD
CIG MA'I SNGAGS BRJOD PA LAS, DPA' BO DPA' MO KUN SKYED PAR GSUNGS PA'I PHYIR DANG, 'GREL PA GSUM GES KYANG SNGAGS DE SKYED SNGAGS SU GSUNGS PA'I PHYIR RO, ,MKHA' 'GRO RGYA MTSO'I SKABS DAR BYUNG BA'I SNGAGS DANG, 'DI'I SNGAGS GNYIS JI BZHIN DU MI 'DRA YANG, ,SKAD CIG MA'I SNGAGS LAS LHA RNAMS 'BYUNG BAR GSUNGS PA 'DRA'O, ,DES NA SNGAGS GSUM PO 'DI RTEN DANG BRTEN PA SKYED PA'I DON DU BRJOD PA'I TSE NA 'BYUNG 'GYUR GYI NGA RGYAL BYED PA YIN TE, 'DI SKYED SNGAGS SU BSHAD PA'I SKABS GZHAN DU YANG DE BZHIN DU SHES PAR BYA'O, ,'O NA LUS DKYIL RDZOGS PA'I SKABS SU BSHAD PA 'DI 'DRA'I SKABS SNGON DU BSKYED ZIN PA LA BYAR MI RUNG NGAM SNYAM NA, BSKYED ZIN PA LA YANG BYAD PA NI 'CHAD PAR 'GYUR LA, DE LA BYED PA'I SKABS NI YE SHES PA BCUG PA'I RJES SU BYED PAR BSHAD PA LTAR BYA YI, ,BSHAD PA'I SKABS 'DIR BYED PA NI MA YIN NO, ,'DI NI DRIL BU PA LA YANG SHES PAR BYA'O, ,DE LA AOm A'A: H'Um NI SKU GSUNG THUGS MDOR BSTAN PA'O, ,SARBA BA NI THAMS CAD DO, ,B'I RA NI DPA' BO'O, ,YO GI N'I N'I RNAL 'BYOR MA STE, LHA RO GNYIS PO THAMS CAD YIN LA, GZHAL YAS KHANG DANG BCAS PA LA YANG BYA STE, SKYED PA'I SKABS SU RTEN DANG BRTEN PA GNYIS KA'I SKYED SNGAGS SU 'GRO BA'I GNAD KYIS SO, ,K'A YA NAm DE THAMS CAD KYI SKU STE, SNGAR GYI AOm GYI DON NO, ,W'A KA NI DE THAMS CAD KYI GSUNG STE A'A:'I DON NO, ,TZITTA NI DE THAMS CAD KYI THUGS TE H'Um GI DON BSHAD PA'O, ,'OG MIN DANG YUL NYER BZHI NA BZHUGS PA'I LHA TZAM DU MA ZAD PHYOGS DUS KUN NA BZHUGS PA'I
, ,DPA' BO DANG RNAL 'BYOR MA KUN GYI SKU GSUNG THUGS KUN LA GO BAR BYA'O, ,RDO RJE NI DE GSUM GA LA SBYAR RO, ,LHAG MA NI SNGAR BSHAD PA BZHIN NO, ,NGA RGYAL 'DZIN LUGS NI SNGAR BSHAD PA THAMS CAD DANG, RANG GIS BSGOMS PA'I PHYIR DANG, LUS KYI DKYIL 'KHOR RTEN DANG BRTEN PAR BCAS PA THAMS CAD RANG DKYIL 'KHOR GYI GTZO BOR BYAS PA DE'O SNYAM PA STE, 'DI LA GZUGS SKU'I RNAM PA CAN GYI HE RU KA'I NGO BOR MOS PA DANG, LHAN SKYES KYI BDE CHEN GYI NGO BOR MOS PA GNYIS SHES DGOS LA, DE YANG LHAN SKYES KYI BDE CHEN HE RU KA'I GZUGS KYI SKUR SHAR BAR MOS NAS DE'I NGO BOR MOS PA DRAG PO BSKYED DO, ,BADZRA NI RDO RJE DANG, SHUDDHA: NI DAG PA DANG, SARBA BA DHARMMA: NI CHOS THAMS CAD DANG, SHUDDHA AA HAm NI DAG PA DE NGA'O ZHES PA STE, PHYI MA'I DON NI CHOS THAMS CAD KYI RANG BZHIN STONG NYID KYI RDO RJE DANG DBYER MED PAR ZHUGS PA'I DAG PA DE LA NGA RGYAL 'JOG PAS SNGAR BSHAD PA LAS RGYA CHE ZHING, BADZRA SHUDDHA: NI DAG PA DE DANG, RANG NYID DBYER MED PAR MOS PA DE YANG RDO RJE LTAR BRTAN PAR BYA BA'I DON NO, ,BZHI PA GO BGO ZHING YE SHES PA BCUG NAS DBANG BSKUR BA LA GNYIS, GO CHA BYA ZHING YE SHES PA GZHUG PA DANG, DBANG BSKUR NAS RGYAS GDAB PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, DANG PO NI, PHYI DKYIL DANG LUS DKYIL BSKYED PA'I RJES DE NAS YAB DANG YUM GYI GO CHA GNYIS BGO BA'I TSUL SHES PAS GO BGO BA SNGON DU BTANG NAS YE SHES PA'I DKYIL 'KHOR GYI 'KHOR LO SPYAN 'DREN PA SOGS RNAM PAR BSGOM PAR
BYA'O, ,PHEEm ZHES SOGS KYI SNGAGS DANG 'BAR BA'I PHYAG RGYA'I SBYOR BA YIS YE SHES PA SPYAN DRANGS LA, DAM TSIG PA'I DKYIL 'KHOR GYI 'KHOR LOR GZHUG PAR BYA'O, ,MYUR ZHES PA NI 'GREL PA GSUm GA NAS MCHOD YON LA SOGS PA LA MI LTOS PAR RO ZHES 'BYUNG LA, YANG 'GREL PA GSUM GAR 'OG NAS RAG MA BCU DRUG GIS YE SHES PA LA MCHOD PAR YANG BSHAD PA GNYIS MI 'GAL BA NI LHA SPYAN DRANGS ZIN PA LA MCHOD PA'I DBANG DU MA BYAS KYI, SPYAN 'DREN PA LA RGYUD GZHAN NAS MCHOD YON GYIS SPYAN 'DREN PA LTAR MI BYED PAR MYUR DU SPYAN DRANGS ZHES PA'I DON YIN PAS MI 'GAL LO, ,'O NA SOGS KYI DON GANG SNYAM NA SPYAN 'DREN PA'I LHA BZHENGS BZHUGS KYI STANGS CAN LA RANG GIS KYANG DE LTAR BYAS NAS SPYAN 'DREN PAR BSHAD PA SDUD PA'AM, YANG NA SOGS KYI SKAD DOD NI DANG PO LA YANG 'JUG PAS 'DIR DANG PO'I DON DU BYA'O, ,GNYIS PA LA GNYIS, GO CHA BCING BA RGYAS PAR BSHAD PA DANG, YE SHES PA GZHUG PA RGYAS PAR BSHAD PA'O, ,DANG PO LA GNYIS SPYI'I DON DANG, YAN LAG GI DON NO, ,DANG PO NI, GO CHA 'DI RNAMS DON GNYIS SHES PAR BYA BA LA, GO CHA NI LHA CI TZAM ZHIG LA 'GOD SNYAM NA, 'DI LA KHA CIG MNGON BRJOD LAS, GO CHA GNYIS PO NYID DAG KYANG, ,'KHOR LO KUN LA RNAM BSGOMS NAS, ZHES GSUNGS PAS LHA THAMS CAD LA GO CHA BYED PAR BSHAD ZER MOD KYANG, DA'I 'GREL PAR, 'KHOR LO KUN LA LUS KYI DKYIL 'KHOR BSAM PAR BSHAD CING, 'KHOR LO KUN LA GO CHA BGO BAM BSHAD LA, MNGON BRJOD KYI 'GYUR GZHAN MANG PO LAS,
, ,GO CHA GNYIS PO BGO BAR BYA, ,'KHOR LO THAMS CAD RNAM BSGOMS NAS, ,ZHES 'BYUNG BAS GZHUNG DES 'KHOR LO THAMS CAD LA GO CHA SGOM PAR STON PA MIN NO, ,YANG NAG PO PA'I DKYIL CHOG LAS, DPA' BO KUN DANG RNAL 'BYOR MA, ,GO CHA GSUM GYIS BRGYAN PA YIN, ,ZHES PAS LHA THAMS CAD LA GO CHA BYED PAR BSTAN ZER BA YANG MAR DOS BSGYUR BA'I ,'GYUR GNYIS YOD PA'I GCIG LA, DPA' BO RNAL 'BYOR MA KUN GYI, ,GO CHA GSUM GYIS ZHES 'BYUNG LA, ,GCIG LAS, DPA' BO KUN DANG RNAL 'BYOR MA'I, ,GO CHA ZHES 'BYUNG BAS, BUM BZLAS BYED MKHAN GYI SLOB DPON LA DPA' BO DANG RNAL 'BYOR MA'I GO CHAS BRGYAN BA'I DON YIN GYI, DPA' BO DANG RNAL 'BYOR MA KUN LA, GO CHA GSUM GYIS BRGYAN ZHES PA MIN PA'I PHYIR DANG, DKYIL CHOG GI 'GREL PAR MAR DOS, SNGAR SGRUB THABS SGOM DUS SU GO CHA GSUM BYAS PA'AM, YANG NA RANG LA GO CHA CHEN PO DANG, DPA' BO'I GO CHA GNYIS, PHYAG RGYA LA DPA' MO'I GO CHA BKOD PA GSUM LA 'CHAD DO, ,GZHUNG DE NI RTZA RGYUD KYI LE'U NYER BDUN PA NA YOD PA BKOD PA BSNANG LA, RTZA RGYUD LO CHEN GYI 'GYUR GYI JOS BCOS PA LA, DPA' BO KUN DANG RNAL 'BYOR MA, ,GO CHA RNAM PA GNYIS KYIS BRGYAN, ZHES DPE KHA CIG LAS 'BYUNG BA LA YANG, 'I MED PA MA DAG STE, DER YANG SPYOD PA BYED PA'I GANG ZAG CHAS 'JUG BYAS PA CIG GI SPYOD LAM GYI SKABS SU SNANG BA'I PHYIR RO, ,MAL GYI 'GYUR LA DE CHAD KYANG, 'GYUR GYI PHYI MO MA DAG PAR GSAL LA, MAR DO GCIG PUS BSGYUR BA'I 'GYUR
GNYIS SNANG BA LAS, DPA' BO DPA' MO THAMS CAD NI, ,GO CHA GSUM GYIS, ZHES 'BYUNG YANG SNGA MA LTAR DAG GO ,KUN SPYOD LAS, DPA' MO'I GO CHA DRUG BSHAD PA'I MTHAR, GO CHA DRUG NYID PHAG MO STE, ZHES GSUNGS PAS DE'I LE'U SNGA MAR LHA TSANG BAR BSHAD PA'I MTSAMS YIN KYANG, AOm BAm SOGS KYI GO CHA DRUG PHAG MO LA 'GOD PAR BSHAD PAS, AOm HA SOGS DRUG KYANG GTZO BO LA 'GOD PAR GSAL TE, SDOM 'BYUNG DANG KUN SPYOD GNYIS KYANG GO CHA 'DRA BAR SNANG BAS, DE'I DGONGS PA YANG DE BZHIN NO, ,DE'I PHYIR L'U AI PA'I GZHUNG YANG SDOM 'BYUNG DANG MTHUN NO, ,MNGON BRJOD LAS, LANGS PA'I DUS SU GO CHA 'GOD PAR BSHAD PA MANG LA, DE LTA NA NI SNGA MA DANG 'DRA ZHING, GZHAN SGRUB THABS SGOM PA'I SKABS SU 'GOD GZHI GSAL BAR MI SNANG NGO, ,L'U AI PA DANG DRIL BU PA'I LUS DKYIL LAS, GO CHA BCU GNYIS 'GOD PAR GSUNGS KYANG, LHA GANG LA 'GOD MI GSAL LA, DRIL BU PA'I LHA LNGAR NI, GTZO BO YAB YUM BSKYED CING 'KHOR MA BSKYED PA'I BAR DU GO CHA BKOD PAS GTZO BO YAB YUM GNYIS LA 'GOD DO, ,NAG PO SPYOD PA'I SGRUB THABS LAS NI, GTZO BO YAB YUM GNYIS TZAM LA BKOD KYI, GZHAN LA MA BKOD DO, ,YI GE BDUN PA'I SGRUB THABS SU YANG DE DANG 'DRA'O, ,L'U AI PA'I 'GREL PAR LVA BA PAS, DPA' BO'I GO CHA KHA DOG DRUG PA'I YI GE DRUG ,LHA DANG DBYER MED DU BYAS NAS 'GOD PAR BSHAD PA'I MJUG TU DE KHO NA BZHIN DU BCOM LDAN 'DAS MA LA YANG NGO, ,ZHES LHA DANG SNGAGS DRUG DBYER MED DU BYAS NAS 'GOD PA GTZO MO LA YANG BYA BAR
, ,BSHAD PAS, GO CHA SNGA MA DRUG YAB LA 'GOD PAR SHES TE, PRADZNY'A RAKshI TA'I 'GREL PAR YANG DE BZHIN DU BSHAD CING, KHYAD PAR DU DE LAS, DE BZHIN DU BCOM LDAN 'DAS MA'I AOm BAm ZHES BYA BA LA SOGS PA'O, ,ZHES BSGYUR BA LEGS SO, ,MAN SNYE DANG, 'KHRUL SPONG DANG, RGYAL BA BZANG PO DANG, DZA YA SE NAS KYANG GTZO BO YAB YUM NYID LA 'GOD DO, ,BRAM ZE RIN CHEN RDO RJE DANG, NYIN MO MDZAD DANG, DE BZHIN GSHEGS PA'I RDO RJES NI, LHA THAMS CAD LA GO CHA BYED PAR YANG BSHAD DO, ,DE LTAR MANG DU YOD KYANG LO DRIL NAG GSUM GYI SGRUB THABS KYI SKABS SU NI, GTZO BO YAB YUM TZAM ZHIG GO CHA 'GOD PA'I GZHIR GZUNG NGO, ,DE YANG GZHI'I HE RU KA YAB YUM STE, PHAG MO MNGON 'BYUNG LAS GSUNGS PA LTAR YUM RKYANG LA BKOD PA YANG MANG NGO, ,SPYIR NI GO CHA'I LHA RNAMS PHYI'I DKYIL 'KHOR LA 'GOD PA DANG, LAG PA LA 'GOD PA SOGS MANG DU YOD DO, ,'O NA DE LA 'GOD PA'I GO CHA YANG JI LTA BU SNYAM NA, LVA BA PAS, SNGAGS DANG LHA RNAMS THA DAD MED PAS SNGAGS NYID 'GOD PA DANG, YANG NA SNGAGS RNAMS LAS BSKYED PA'I LHA 'GOD PA'I TSUL GNYIS BSHAD DE, PRADZNY'A RAKshI TAS KYANG DE BZHIN DU BSHAD DO, ,DGOD BYA'I SNGAGS NI RTZA RGYUD LAS, YI GE BAm DANG YOm DANG NI, ,YI GE MOm DANG HRIm NYID DANG, , H'Um DANG PHAt CES SBYAR BA NI, ,RNAL 'BYOR MA NI DRUG TU BSHAD, ,CES DPA' MO DRUG GI GO CHA'I SNGAGS GSUNGS LA, SBYAR BA'I DON NI, AOm HAm HRIm HRIm H'Um PHAt DRUG GI SNGON DU SBYOR BA LA, ,SKAL LDAN DANG RGYAL BA BZANG POS BSHAD DO, ,DPA'
BO DRUG GI SNGAGS KYANG DE NYID LAS, YA SDE BRGYAD PA'I SA BON DANG, ,DE BZHIN GUG BKYED BCU GNYIS KYI, ,YI GE BAR MA DER BYAS LA, ,YAN LAG DRUG HE RU KAR BRJOD, ,DPA' BO DRUG DANG MNYAM SBYOR BA, ,YI GE GCIG TU YANG DAG GNAS, ,AOm NA MA SV'A H'A BOO shAtA, ,H'Um H'Um PHAt DANG YANG DAG LDAN, ,ZHES GSUNGS SO, ,DE LA YA NAS BZUNG STE, HA'm BAR NI YA SDE BRGYAD DO, ,BRGYAD PA'I SA BON NI HA'O, ,DE LA Ri Li BZHI SPANGS PA'I GUG BKYED DBYANGS BCU GNYIS KYIS MDZES PAR BYAS PAS, HA H'A NAS HAm HA: ZHES PA'I BAR BCU GNYIS SO, ,DE'I YI GE BAR MA RING PO LNGA DANG THA MA DOR NAS, HA HI HU HE HO HAm STE THUNG DU DRUG BZHAG GO ,DE NI HE RU KA'I SNYING KHA LA SOGS PA'I YAN LAG DRUG TU BRJOD DE, DE YANG RTEN DANG BRTEN PA'I YI GE GNYIS NGO BO DBYER MED PA'AM, DON DAM PAR THA MI DAD PA'O, ,YI GE GCIG TU ZHES PA LA, YI GE RE RE ZHES 'BYUNG BA DAG PAS, HA HI LA SOGS PA'I YI GE RE RE GNAS PA NI, AOm NAS PHAt KYIS BAR GYI DPA' MO DRUG DANG MNYAM PAR SBYAR BAR BYA STE, YI GE RE RE BA RNAMS KYI DON DU'O, ,'DI NI SKAL LDAN GRAGS PA'I 'GREL PA'I LUGS SO, ,RTZA RGYUD KYI SNGAGS JI BZHIN DU KUN SPYOD DANG SDOM 'BYUNG LAS KYANG GSUNGS LA, LO DRIL GNYIS KYI GZHUNG DU BKOD PA DE RNAMS DANG MTHUN NO, ,NAG PO PAS BCU GNYIS PO RE RE'I THOG MAR AOm YIG SBYAR BA NI, RDO RJE MKHA' 'GRO LA BRTEN PA'O, ,MNGON BRJOD LAS, SKU GSUNG THUGS DAM TSIG SOGS KYI BDE MCHOG RIGS SO SO LA GO CHA GNYIS KYI SNGAGS RNAMS RTZA RGYUD DANG 'DRA BA DANG MI 'DRA
, ,BA DU MA ZHIG BSHAD DE, ,GO CHA'I LHA NI MNGON BRJOD LAS, PADMA 'DAB MA LNGA PA'I DBUS SU PHAG MO DANG, SHAR NAS GA-YON SKOR DU GSHIN RJE MA NAS, CAndI KA'I BAR LNGA BKOD NAS, RDO RJE SEMS DPA' SOGS DRUG DANG MNYAM PAR SBYOR BA BSHAD DE, GNAS KYI NGO BO RU YUM BZHUGS NAS YAB KYIS 'KHYUD PA DANG, PHAG MO NI ZHAL GSUM PHYAG DRUG PA DANG, LHA MO GZHAN LNGA ZHAL GCIG PHYAG BZHI PA DANG, SKU MDOG NI RIM PA BZHIN DU, DMAR, SNGO, DKAR, SER, LJANG GU ,DU BA'I MDOG CAN DANG, RDOR SEMS SOGS NI RIM PA BZHIN DU, DKAR, SER, DMAR, SNGO, DMAR, LJANG DANG, RDOR SEMS ZHAL GSUM PHYAG DRUG PA, GZHAN LNGA ZHAL GCIG PHYAG BZHI PAR BSHAD CING, YANG NA SO SOR BSGOM PAR BYA, ZHES YAB YUM PHRAL NAS SGOM PAR YANG BSHAD LA, YANG NA THAMS CAD ZHAL DRUG PHYAG BCU GNYIS PAR SGOM PAR YANG BSHAD DO, ,SGRUB THABS KYI 'GREL PA LVA BA PAS MDZAD PA DANG, PRADZNY'A RAKshI TAS RDOR SEMS KYI RTZA ZHAL DKAR, GA-YAS DMAR, GA-YON NAG ,PHYAG DRUG GI GA-YAS GSUM NA, RDO RJE DANG, d'A MA RU DANG, MGO BO, GA-YON GSUM NA, DRIL BU DANG, THOD PA DANG, KHA tV'Am GA 'DZIN PAR BSHAD DE, 'KHRUL SPONG LAS KYANG DE BZHIN NO, ,RGYUD NA, RDO RJE DRIL THOD KHA tV'Am GA ,RAL GRI CHANG TE'U MGO BO 'CHANG, ZHES RAL GRI ZHES LHAG PO GCIG 'CHAD DO, ,GZHAN LNGA PO'I ZHAL PHYAG GI GRANGS DANG KHA DOG SNGAR DANG 'DRA, GA-YAS GNYIS KYI DANG PO NA RIM PA BZHIN DU 'KHOR LO DANG, PADMA DANG, RDO RJE DANG, RIN PO CHE DANG, RAL GRI, 'OG MA NA d'A MA RU DANG, GA-YON GNYIS NA DRIL BU DANG, THOD PA DANG BCAS PA'I KHA tV'Am
GA 'DZIN PAR BSHAD, RGYUD LAS PHYAG BZHIS THOD PA DANG, KHA tV'Am GA DANG, CANG TE'U DANG, DRIL BU 'DZIN PAR BSHAD KYANG, DE'I 'OG GI SKABS SU RANG RTAGS KYI PHYAG MTSAN 'DZIN PA YANG BSHAD DO, ,DPA' MO DRUG GI SKU MDOG DANG ZHAL PHYAG GI GRANGS NI SNGAR DANG 'DRA LA, PHAG MO NI DMAR SNGO LJANG BA'I ZHAL GSUM, PHYAG DRUG GI GA-YAS GSUM NA LCAGS KYU DANG, TSANGS MGO DANG, GRI GUG DANG, GA-YON GSUM NA THOD PA DANG, KHA tV'Am GA DANG, ZHAGS PA 'DZIN PA DANG, LHAG MA LNGA'I GA-YAS GNYIS NA d'A MA RU DANG GRI GUG ,GA-YON GNYIS NA THOD PA DANG BCAS PA'I KHA tV'Am GA DANG, DRIL BU 'DZIN PAR BSHAD DE, RGYUD NA'ANG DE BZHIN DU YOD DO, ,YAB YUM THAMS CAD KYANG GA-YAS BRKYANG GIS GDAN LA BZHUGS PA, DKAR PO RNAMS ZLA GDAN DANG, ZLA BA'I 'OD KOR CAN, GZHAN RNAMS NYI MA'I GDAN DANG, DE'I 'OD KOR CAN NO, ,DPA' BO RNAMS PHYAG RGYA DRUG PA DANG, THOD PA'I DBU RGYAN DANG, MGO BO'I DO SHAL DANG, SPYAN GSUM PA, STAG LPAGS CAN DANG, DPA' MO RNAMS PHYAG RGYA LNGA PA DANG, GCER MO SKRA GROL BA DANG, SPYAN GSUM PA DANG, THAD PA'I DBU RGYAN DANG MGO PHRENG CAN NO, ,RTZA RGYUD KYI 'GREL PA RNAMS SU TSUL 'OD LAS GZHAN DU BSHAD PA'ANG YOD DO, ,SGRUB THABS KYI 'GREL PA GNYIS LA SOGS PA MANG POS YAB KYI GO CHA LA YUM MA BSHAD, YUM GYI GO CHA LA YANG YAB MA BSHAD LA, RTZA RGYUD KYI 'GREL PA KHA CIG GIS YAB KYI GO CHA YUM BCAS DANG, YUM GYI GO CHA LA YAB MA BSHAD LA, AA BHY'U KA RAS YAB KYI GO CHA YUM BCAS DANG, YUM GYI GO CHA LA YAB YOD MED
, ,GNYIS KA BSHAD DE, MNGON BRJOD LAS GDAM NGA CAN DU GSUNGS PA LA BRTEN PA'O, ,GANG LTAR YANG LTE BAR AOm BAm ZHES SOGS KYIS DPA' MO'I GO CHA 'GOD PA NI YUM LA YIN GYI, YAB LA MI BYED DO, ,AOm HA SOGS SNYING KHA SOGS SU 'GOD PA YANG YUm LA MI BYED DO, ,DE LTAR GNYIS BSHAD KYANG LO DRIL GNYIS LA NI 'GREL PA GNYIS BZHIN DU BYA'O, ,'O NA GO CHA DE DAG MNGON RTOGS KYI SKABS GANG DU BYED SNYAM NA, LO DRIL GNYIS KYIS SGRUB THABS CHE BA GNYIS LAS DAM TSIG PA RDZOGS SHING, YE SHES PA SPYAN MA DRANGS PA'I SKABS SU GO CHA MDZAD PA NI MNGON SPYOD DANG SDOM 'BYUNG DANG MTHUN, PHYI MA'I LUGS DE LTAR YIN PAR DE'I MDOR BSTAN GYI SKABS LAS SHES SO, ,MNGON BRJOD LAS DE LTAR BSHAD PA DANG, YI SHES PA SPYAN DRANGS PA'I 'OG DANG, MNYAM GZHAG LAS LANGS PA'I DUS SU GO CHA BYED PA YANG BSHAD DO, ,DE LTAR YOD KYANG SKABS GANG GI GZHUNG KHUNGS THUB GANG YIN PA NAS BSHAD PA BZHIN DU MA 'DRES PAR BYAS NA LEGS SO, ,'O NA GO CHA DE DAG TSUL JI LTAR DGOD SNYAM NA, 'DI NI TSIG DON GYI SKABS SU BSHAD PAR BYA'O, ,GO CHA'I DON NI L'U AI PA'I DPA' BO GCIG PA'I SGRUB THABS LAS, GO CHA GNYIS KYIS LUS BCINGS NA, ,MI PHYED PA DANG MI GA-YO BAR 'GYUR RO, ,ZHES GSUNGS SHING, DER YE SHES PA GZHUG PA MA BYUNG BAS, DAM TSIG PA DANG YE SHES PA GNYIS DBYER MI PHYED PAR BYED PA MIN PAS, GTZO BO YAB YUM DU BSKYED PA NA HE RU KA DANG, RDO RJE PHAG MOR DNGOS SU MOS PAR BYAS PA DE LAS GZHAN DU BGEGS KYIS MI
PHYED CING GA-YO MI NUS PAR BYED PA'O, ,KUN SPYOD DANG SDOM 'BYUNG LAS, GO CHA DRUG GIS BSRUNGS PAR BSHAD PA'I DON YANG DE'O, ,GNYIS PA NI, DON GNYIS MDOR BSTAN PA'I RJES DE NAS SNGAR GO CHA GNYIS SHES PAS ZHES GSUNGS PA RGYAS PAR BSHAD PAR BYA STE, AOm HA DKAR PO SNYING KHAR DGOD LA, RDO RJE SEMS DPA' DANG NGO BO DBYER MED DU MOS PAR BYA BA'AM, YANG NA SNGAGS DE YONGS SU GYUR PA LAS, RDOR SEMS SU SNGAR BSHAD PA LTAR BSKYED DE, LHAG MA LNGA LA YANG DE'I RIGS PA SBYAR RE, ,MGO NI SKRA MTSAMS SAM MTSEGS MA'O, ,PHAt HAm YAN LAG THAMS CAD LA ZHES PA'I YAN LAG THAMS CAD NI, LVA BA PAS, PAGS PA'I NANG NA GNAS PA'I RDUL PHRA RAB RNAMS DE'I RANG BZHIN DANG, KHA DOG CAN DU'O ZHES GSUNGS PA LTAR PRADZNY'A RAKshI TAS KYANG BSHAD PAS, LUS DBANG GI RDUL PHRA RAB THAMS CAD RTA MGRIN GYI NGO BO'I PHAt HAm LJANG GUR MOS PAR BYA'O, ,SNGAGS 'GOD PA'I GNAS NI, LVA BA PAS, DPRAL BAR 'GOD PAR GSUNGS PA LTAR BYA STE, LHA 'GOD NA YANG LUS DBANG GI RDUL THAMS CAD DE'I NGO BOR MOS PAR BYA'O, ,KHA CIG YAN LAG THAMS CAD LA ZHES BSHAD PAS, DPRAL BAR 'GOD PA 'GOG PA NI MI 'THAD DE, DE LTA YIN NA GZUGS PHUNG LA RNAM SNANG ZHES DANG, LUS LA PHRAG DOG RDO RJE'O, ,ZHES SOGS BSHAD PA LA LHA DE GNYIS SPYI BO DANG DPRAL BAR SGOM PA YANG MI 'THAD PAR 'GYUR BA SOGS MANG NGO, ,PAGS PA'I NANG DU ZHES GSUNGS PAS GE CHA LHAG MA RNAMS KYANG LUS KYI NANG DU DGOD DO, ,LVA WA PAS, GZHAN DU GO CHA'I LHA BCU GNYIS PO SA BON GYI YI GE HA DANG BAm LA
, ,SOGS PA RE RE LAS KYANG SKYED PAR BSHAD DO, ,AOm BAm LA SOGS PA YANG YI GE 'GOD PA'AM LHA 'GOD PA SOGS SNGAR DANG 'DRA ZHING, YAN LAG THAMS CAD KYANG SNGAR BZHIN NO, ,MTSON CHA'O ZHES PA GNYIS NI SNGAR BSHAD PA'I DRUG TSAN GNYIS GE CHAD STON PA'O, ,LTE BA ZHES SOGS NI YUM GYI GO CHA DRUG GANG DU 'GOD PA'I GNAS SO, ,KHA NI MGRIN PAR 'GOD PA LA YANG DE LTAR BSHAD PA MANG BA BZHIN, LVA BA PAS, LTE BA SNYING KHA MGRIN PA MGO, ZHES KYANG BSHAD PAS MGRIN PAR DGOD DO, ,SPYI GTZUG NI SNGAR BZHIN NO, ,MTSON CHA NYID CES PA NI SKABS 'DIR YAN LAG THAMS CAD LA BA'O, ,MAN SNYER DANG PO GNYIS 'DRA ZHING, PHYI MA'I YI GE BZHI'I SNGON DU HO H'I SV'A H'A, ZHES PA SBYAR RO, ,RTZA RGYUD LAS, DANG PO GSUM DANG LNGA PA'I GNAS SNGAR DANG 'DRA ZHING, BZHI PA GO CHA NYID DU YIN ZHES PA NI, HE PHRAG PA GNYIS SU GO CHA'I GZUGS KYIS 'GOD PA DANG, DRUG PA MTSON CHA ZHES BYAR 'DOD, CES PA NI RTA MGRIN LUS THAMS CAD LA 'GOD PA LA SKAL LDAN GRAGS PAS BSHAD DO, ,GNYIS PA NI, SNGAR SNGAGS DANG PHYAG RGYAS YE SHES PA SPYAN 'DREN PAR BSHAD PA 'CHAD PA LA PHYAG RGYA NI, MDZUB MO GNYIS MDUD PA STE LU GU RGYUD DU BYA, GUNG MO GNYIS RTZE MO SBYAR BA DANG, MTHE BONG GNYIS RDO RJE STE MI PHYED PAR BRTAN POR RAB TU SBYAR NAS THUR DU BSTAN, MING MED DANG MTHE'U CHUNG RNAMS BRKYANG PA, DPRAL BA'I DBYES KYI DBUS KYI THAD BZHAG NAS, KUN TU BSGYUR BAR BYA'O, ,JI LTAR NA 'GREL PA SDOM 'BYUNG LAS, GA-YON DANG GA-YAS SU BSKOR BAR BYA, ZHES BSHAD PA LTAR, RGYAL BA
BZANG POS KYANG GA-YON DANG GA-YAS GNYIS KAR BSKOR BAR BSHAD PAS, DANG POR GA-YON DU BSKOR ZHING DE NAS GA-YAS SU BSKOR BAS SO, ,KUN SPYOD LAS, RKANG PA MNAN ZHING ZHES PA TZAM LAS MI 'BYUNG LA, MNGON BRJOD LAS, RKANG PA PHYED MNAN ZHES DANG, RKANG GA-YAS BRKYANG GNAS NAS SU, ZHES 'BYUNG BA'I DON 'KHRUL SPONG DANG, 'GREL PA SDOM 'BYUNG LAS RKANG PA GA-YON PAS GA-YAS PA MNAN PAR BSHAD CING, RGYAL BA BZANG POS, RDO RJE SKYIL MO KRUNG BRKYANG NAS ZHES RDO RJE SKYIL MO KRUNG BZHIG NAS GA-YAS BRKYANG BA'O, ,LANGKA'I SGRUB THABS SU RKANG PA GA-YAS PA'I MTHEB CHEN GYI STENG DU GA-YON PA'I MTHEB CHEN GYIS MNAN PA ZHES 'BYUNG BAS DE LTAR BYA'O, ,DE'I DKYIL CHOG TU GNON LUGS BZLOG STE 'BYUNG BA NI 'GYUR SKYON YIN GSUNG BA LTAR LEGS SO, ,GYEN DU BLTA ZHES PA NI SKOR BA'I SNGON DU MIG CUNG ZAD 'OG TU DMA' BAR BYAS NAS, GA-YON NAS GYEN DU BLTAS TE BYA BAR 'GREL PA SDOM 'BYUNG LAS BSHAD PA LTAR RO, ,GYEN DU BLTAS NA PHEm ZHES PA'I SGRA SGROGS PA YIS, PHYOGS BCU'I 'JIG RTEN GYI KHAMS NA BZHUGS PA'I DPA' BO DANG DPA' MO'I DBANG PHYUG MA RNAMS DKYIL 'KHOR GYI 'KHOR LOR GYUR PA'I YE SHES KYI 'KHOR LO 'GUGS PAR BYED DO, ,KUN SPYOD LAS PHAt CES KYANG 'BYUNG NGO, ,LVA BA PAS, SNYING KHA'I 'OD ZER GYIS DRANGS PA ZHES 'BYUNG BA NI, PRADZNY'A RAKshI TAS SNYING KHA'I SA BON GYI 'OD ZER GYIS BKUG PA ZHES 'BYUNG BA LTAR YIN PAS, DE YANG DGOS LA, SNYING KHA'I SA BON NI AA BHYA KA RA DANG, DE BZHIN GSHEGS PA'I RDO RJES DAM TSIG PA GSAL GDAB PA RDZOGS
, ,PA DANG, LHA THAMS CAD KYI THUGS KAR NYI GDAN LA TING NGE 'DZIN SEMS DPA' SGOM PAR BSHAD PA YIN NO, ,LVA BA PA DANG PRADZNY'A RAKshI TA'I 'GREL PA RDOG 'GYUR LAS, LHA MO BCU DRUG GIS MCHOD BZHIN PA'I YE SHES PA SPYAN 'DREN PAR BSHAD PA LTAR NA, SPYAN DRANGS PA'I RJES SU MCHOD PA MI BYED PA 'DRA BA CIG YOD KYANG 'GREL PA PHYI MA'I 'GYUR GZHAN DANG, 'GREL PA SDOM 'BYUNG LAS, SPYAN DRANGS PA LA MCHOD NAS RANG LA GZHUG PAR BSHAD PA BZHIN BYED DGOS SO, ,SPYAN 'DREN PA'I PHYAG RGYA LA LANG KAS DAM TSIG GI PHYAG RGYA ZHAS ZER, 'GREL PA SDOM 'BYUNG LAS, PHYAG RGYA DRA BA ZHES PA 'DIS, ZHES DRA BA'I PHYAG RGYAR BSGYUR BA NI, 'KHRUL SPONG LAS, 'BAR BA'I PHYAG RGYA ZHES BSGYUR BA LEGS TE, ME 'BAR BA'I RNAM PA CAN LAS BTAGS PA'I PHYIR, DZVA LA 'BAR BA DANG, DZVA LA DRA BA LA YANG 'JUG PA'I CHA GNYIS YOD PAR SNANG NGO, ,SDOM 'BYUNG DANG KUN SPYOD DANG, 'GREL PA GZHAN GSUM DANG, 'KHRUL SPONG LAS, YE SHES PA 'JUG PA LA SNGAGS MA GSUNGS KYANG DRIL BU PAS GSUNGS PA BZHIN DU JO BO CHEN PO'I 'GREL PA LAS, DZA: H'Um BAm HO: SA DGUG GZHUG BCING MNYES BZHI BYA BAR GSUNGS PA 'DIR YANG SBYAR TE, MNGON SPYOD LAS, DZA: H'Um BAm HO: RDO RJE LCAGS KYU LA SOGS PA'I SBYOR BAS, DGUG CING GZHUG STE BCINGS LA DBANG DU BSDU'O, ,ZHES LUS DKYIL RKYANG PA SGOM PA LA GSUNGS PAS, DKYIL 'KHOR DER SGO BA LCAGS KYU LA SOGS PA MED KYANG, DE DAG GIS DGUG PA SOGS BYA BAR SHIN TU RUNG NGO, ,DE
YANG BADZRA AANGKU SHA DZA: ZHES BRJOD PAS YE SHES PA RNAMS DAM TSIG PA RANG RANG GI STENG DU DGUG ,BADZRA P'A SHA H'Um ZHES PAS SO SO LA GZHUG ,BADZRA SPHO tA BAm ZHES PAS 'O CHU 'DRES PA LTAR DBYER MED DU BCING, BADZRA GHA ndA HO: ZHES PAS MI BZHED PA MED PAR DGYES BZHIN DU BZHUGS PAR BSAM STE, RTEN RNAMS LA YANG 'OD PHRENG DANG DUR KHROD LA SOGS PA'I BAR DU YANG BSTIM MO, ,DE NI BDAG DANG YE SHES PA THA DAD DU RTOG PA 'GOG PA DANG DBYER MED KYI NGA RGYAL BRTAN PA DANG, BYIN GYIS RLOB PA'I DON DU YIN PAR JO BO CHEN POS BSHAD DO, ,GO CHA BGO BA DANG, YE SHES PA SPYAN DRANGS PA LA MCHOD NAS, DAM TSIG PA LA GZHUG PA NI, SNGAR BSHAD PA BZHIN DU DRIL BU PA'I LUS DKYIL LA YANG BYA'O, ,DRIL BU PA'I LHA LNGAR, PHYI GSANG MCHOD PA'I LHA MO RNAMS, ,SPYAN DRANGS BGEGS BSKRAD MCHOD YON DBUL, ZHES SPYAN DRANGS PA LA BGEGS BSKRAD PA DANG, MCHOD YON SNGON DU 'GRO BA'I PHYIR DANG GSANG BA'I MCHOD PAS MCHOD PAR BSHAD PA NI DRIL BU PA'I LUS DKYIL LA YANG BYA'O, ,GZHUNG CHUNG LAS, YE SHES SPYAN DRANGS LEGS MCHOD NAS, ,YI GE BZHI YIS RANG LUS GZHUG ,GNAS GSUM BYIN BRLAB GO CHA BCING, ,ZHES BSHAD PA'I GNAS GSUM BYIN BRLAB NI LUS DKYIL DANG LHA LNGA LA YANG BYA'O, ,DE NAS GO CHA BGO BA NI SPYIR YE SHES PA BCUG PA'I 'OG TU YANG BYED PAR RGYUD NAS GSUNGS MOD KYANG, LO DRIL GYI LUGS NI SNGAR BSHAD PA LTAR BYED PAR SNANG BAS GZHUNG CHUNG GIS BSHAD PA'I RIM PA LA DE LTAR BYUNG YANG GONG DU BLANGS NA MTHUN PAR 'GYUR RO, ,YE SHES PA BCUG PA'I RJES SU, AOm
, ,YO GA SHUD DHA ZHES PAS NGA RGYAL 'DZIN TE, DE LA YO GA NI RNAL 'BYOR DANG SBYOR BA GNYIS LA 'JUG KYANG, 'DIR DAM TSIG PA DANG YE SHES PA GNYIS RO MNYAM DU SBYAR BA LA BYA'O, ,'O NA DE CHOS THAMS CAD KYI DAG PAR 'ONG LUGS JI LTAR YIN SNYAM NA, CHOS THAMS CAD KYI DE KHO NA NYID DANG, BDE BA CHEN PO'I YE SHES GNYIS NGO BO DBYER MED YIN LA, DE NYID RTEN BRTEN PA'I DKYIL 'KHOR DU SHAR BAR MOS PA YIN ZHING, DE YANG GTZO BO YAB YUM DU SHAR BA'I CHA SHAS SU MOS DGOS PAS NGA'O ZHES NGA RGYAL 'DZIN NO, ,SNGAGS KYIS NGA RGYAL 'DZIN PA BSHAD PA'I RJES DE NAS SNYING PO'I PHYAG RGYA SBYIN PA BSHAD PAR BYA STE ZHES SO, ,'DI LA 'GREL PA GNYIS KYI 'GYUR DANG, CHAG 'GYUR LAS, SNYING KHA'I PHYAG RGYA ZHES 'BYUNG LA, LO CHEN DANG MAR DO'I 'GYUR LAS, SNYING PO'I PHYAG RGYA ZHES 'BYUNG NGO, ,SNGAS GONG MA PHYAG RGYA DANG BCAS PA SKABS 'DIR BYED PA NI SDOM 'BYUNG LAS GSUNGS TE, SNGAGS GONG MA BRJOD PA'I MJUG TU, SNYING KHAR GA-YAS GA-YON PHYAG DAG GIS, ,BKOD DE PADMA LTAR RGYAS BYA, ,SNYING PO'I PHYAG RGYA SOGS LA BSKOR, ,MKHA' 'GRO MA YI DRA BA SDOM, ,ZHES 'GYUR GSAR RNYING GNYIS KA LAS PHYAG RGYA ZHES 'BYUNG BAS DE DAG PAR MNGON NO, ,PHYAG RGYA NI, LAG PA GA-YON PA DANG GA-YAS PA DAG SNYING KHAR PADMA KHA BYE BA LTAR GYIS PAD KHOR BYAS PA'I MTHAR, PHYAG RKYA SDUD PA NA 'KHYUD PA'I TSUL BYED PA'O, ,DE LTAR BSKOR BA DE NI MKHA' 'GRO MA'I DRA BA STE, TSOGS KUN GYI BDE BA DAM PA STE MCHOG SBYIN PAR BYED PA'O, ,DES NA MKHA' 'GRO MA'I
SNYING PO STE THUGS MNYES PAR BYED PA'I PHYAG RGYA STE, SNGAGS SNGA MA BRJOD CING BYED DO, ,'DI LA MAR DOS SNGAGS LAN RE DANG PAD KOR GA-YON DANG GA-YAS DANG DBUS GSUM DU BYAS PA'I MTHAR 'KHYUD TSUL BYED LA, MAL GYO NAS BRGYUD PA RNAMS RNAM LNGA 'DOD PA'I PHYOGS SU ZHES PAS DBUS SU GSUM DANG, GA-YAS GA-YON DU RE RE BYED DO, ,SOGS LA BSKOR ZHES PA NI SOGS KYIS BSKOR BA'I DON DANG, SOGS KYIS NI SNGAGS BRJOD PA BSDU'O, ,DE NAS 'GREL PA RNAMS NAS SNGAR LTAR SNGAGS GSUM GYIS NGA RGYAL 'DZIN PAR GSUNGS PA'I DON NI SNGAR LTAR RO, ,SNGAR BSHAD PA NI SNGAR GYI DKYIL 'KHOR MNGON BYANG LAS SKYED PA'I SKABS SU SNGAGS GSUM LAS SKYED PA'I DON BSDU YIN GYI, SKABS DER SNGAGS GSUM GYIS NGA RGYAL 'DZIN PA MIN PA NI, RNAL 'BYOR DBANG PHYUG GI DGONGS PAR SNGAR BSHAD PA LTAR YIN PAS, DAR BSHAD PA'I SKABS TZAM LA 'KHRUL BAR MI BYA STE, RGYA GAR BA KHA CIG GIS KYANG DON DE RNAL 'BYOR DBANG PHYUG GI DGONGS PA LTAR MA NGES PAR 'DUG PA'I PHYIR RO, ,GNYIS PA NI, GZHUNG DU DBANG BSKUR BA'I TSIGS BCAD DANG SNGAGS SNGAGS MCHOD KYI 'OG TU GSUNGS PA, LVA BA PAS, SKABS 'DIR DRANGS TE BSHAD PA LTAR, DRIL BU ZHABS KYI GZHUNG GSUM DU YANG YE SHES PA BCUG PA'I 'OG BDAG BSKYED LA MCHOD PA'I SNGON DU BYA BA GSUNGS LA, DE BZHIN DU JO BO CHEN PO DANG, PRADZNY'A RAKshI TA DANG, DE BZHIN GSHEGS PA'I RDO RJES KYANG BSHAD PAS, 'DIR BLANG NGO, DE LA DBANG BSKUR BA'I LHA NI SNGAR YE SHES PA SPYAN DRANGS PA DANG DUS MNYAM DU SPYAN 'DREN PA MAN NGAG YIN PAR LVA BA
, ,PAS GSUNGS PA LTAR, 'GREL PA GZHAN GNYIS KYIS KYANG BSHAD DO, ,DRIL BU PAS KYANG, SNYING KHA'I H'Um GI 'OD ZER GYIS, ,YE SHES DKYIL 'KHOR DBANG BSKUR LHA, ,SPYAN DRANGS, ZHES GSUNGS PA YANG DE DANG 'DRA'O, ,DBANG GI LHA NI JO BOS LHA SO BDUN LA BSHAD PA LTAR BYA LA, DE'I RNAL 'BYOR MA RNAMS NI, YE SHES KYI BDUD RTZIS GANG BA'I THOD PA DANG, d'A MA RU 'DZIN PA'O, ,DE LTAR SPYAN DRANGS PA LA, RANG GI SNYING KHA'I SA BON LAS BYUNG BA'I RIG MA BCU DRUG SOGS KYIS MCHOD NAS, DE BZHIN GSHEGS PA THAMS CAD KYIS BDAG LA DBANG BSKUR DU GSOL, ZHES YID KYIS GSOL BA GDAB PAR BYA'O, ,DE'I TSE RNAL 'BYOR MA RNAMS KYIS JI LTAR BLTAMS PA ZHES PA NAS KHRUS BYA'O, ,ZHES PA'I BAR BRJOD CING, PHYAG GA-YAN PA'I THOD PA CUNG ZAD YO BAR BYAS TE, BLUGS PA'I YE SHES KYI BDUD RTZI'I RGYUN GYIS SPYI BO NAS DBANG BSKUR BAS RANG DANG LHA RNAMS BDE BA CHEN PO'I BDAG NYID DU BSAM MO, ,'GREL BA GNYIS NAS RIGS BDAG GIS RGYAS BTAB PA'I 'OG TU DBANG BSKUR GYI SNGAGS BRJOD PAR GSUNGS KYANG, DRIL BU PAS DBANG BSKUR BA'I TSE BRJOD PAR GSUNGS PA LTAR BYA'O, ,TSIGS BCAD KYI DON NI JI LTAR TE DPER NA, BCOM LDAN 'DAS YUM LAS BLTAMS PA TZAM GYI DUS SU DE BZHIN GSHEGS PA KUN GYIS KHRUS GSOL BA DE BZHIN DU DBANG GI LHA YI BDUD RTZI'I CHU RNAM PAR DAG PA YIS, DBANG BSKUR BA'I LHA BDAG GIS DRI MA 'KHRUD PA'I KHRUS BYA'O ZHES DANG, SARBBA TA TH'A GA TA NI DE BZHIN GSHEGS PA
THAMS CAD DO, ,AA BHI NI MNGON PAR RO, ,shE KA NI DBANG BSKUR BA'O, ,SA MA YA SHRI YE NI DAM TSIG GI DPAL TE, DE LTAR GSUNG BAR BSAM PA'O, ,MDO SDE'I PHYOGS RNAMS LAS YUM LAS BLTAMS PA'I DUS SU 'JIG RTEN PA'I LHAS KHRUS GSOL BAR BSHAD PA TZAM LAS MA BYUNG YANG MNGON BRJOD SOGS NAS SNGAR BZHIN GSUNGS SO, ,DBANG BSKUR BA'I DUS SU SGO MTSAMS MA BRGYAD KYIS BGEGS SKROD PA DANG, DPA' BO RNAMS KYIS BKRA SHIS DANG, DPA' MO RNAMS KYIS GLU DANG, YUM BZHI PHAG MO DANG LNGAS RIN PO CHE'I BUM PA BDUD RTZIS BKANG BA BSNAMS NAS DBANG BSKUR BAR JO BOS BSHAD DO, ,MNGON BRJOD LAS 'GREL PA RNAMS NAS 'BYUNG BA BZHIN DU BDUD RTZI LNGAS GANG BA'I THOD PAS DBANG BSKUR BA DANG, YE SHES KYI BDUD RTZI'I CHUS GANG BA'I BUM PAS DBANG BSKUR BA GNYIS KA BSHAD DO, ,MNGON RTOGS SGOM PA'I SKABS KYI LHA DBANG BSKUR BA LA RGYUD DANG RGYA GZHUNG GZHAN NAS CHU DBANG TZAM LAS MA GSUNGS KYANG, SLOB DPON CHEN PO MTSO SKYES KYIS KYEE RDOR GYI SGRUB THABS DANG, DPAL LDAN AA TI SHAS, L'U AI PA'I SGRUB THABS KYI 'GREL PAR DBANG BZHI BSKUR BA MDZAD DO, ,SNGA MAS NI, BDUD RTZI LNGAS YONGS SU GANG BA'I BUM PAS BDAG LA DBANG BSKUR BAR BSGOM PAR BYA'O, ,'DI LTAR RNAM PA JI LTAR BA BZHIN DU RNAM PA DU MA DANG, RNAM PAR SMIN PA DANG, RNAM PAR 'JOMS PA DANG, RNAM PA'I MTSAN NYID KYI SKAD CIG MA BZHI PO DAG LAS DGA' BA DANG, MCHOG DGA' DANG, RNAM PA'I DGA' BA DANG, LHAN SKYES KYI DGA' BA'I MTSAN NYID MNGON DU GYUR PA'O, ,RGOD PA DANG LTA BA DANG 'KHYUD PA
, ,PA DANG, 'KHRIG PA DANG BZHI RNAM PAR DAG PA LAS SLOB DPON DANG, GSANG BA DANG, SHES RAB YE SHES DANG, MCHOG TU DGA' BA BDE BA CHEN PO'I DBANG BZHI PA BLANG BAR BYA'O, ,ZHES GSUNGS SO, ,'DI'I 'GREL PA J'A LAN DHA RI PAS MDZAD PA LAS NI, DBANG BZHI LEN LUGS GSAL BAR MA BSHAD CING, 'DI'I 'GREL PA RDO RJE DRIL BU PAS MDZAD ZER BA LAS NI LHA MO LA 'KHYUD PA CAM DU GNAS KYI, BYANG CHUB KYI SEMS ZHES LTA BA TZAM YANG MI BYED PA'I PHYIR, RGOD PA ZHES BYA BA NI SLOB DPON GYI DBANG DANG, BDE CHEN GYI RO MYONG BA MED KYANG, BYANG CHUB KYI SEMS ZHES LTA BA NI GSANG DBANG DANG, PHYAG RGYA LA 'KHYUD PA NI SHES RAB YE SHES KYI DBANG DANG, GNYIS GNYIS KYI BDE CHEN NYAMS SU MYONG BA NI DBANG BZHI PAR BSHAD LA, DGA' BA BZHI DBANG BZHIR 'JOG PA NI, RTZA RGYUD LAS, DBANG NI BZHI YI GRANGS KYIS NI, ,DGA' BA LA SOGS RIM SHES BYA, ,ZHES GSUNGS PA'I DON DU 'DOD DO, ,BOD KYI BLA MA KHA CIG BUM PA'I CHU RGYUN DES SMIN MTSAMS DANG, MGRIN PA DANG, SNYING KHA DANG, RKANG MTHIL YAN CHAD KHENGS PAS RIM PA BZHIN DU LUS NGAG YID GSUM RE RE BA GSUM DANG, SGO GSUM BSDOMS PA'I DRI MA DAG NAS DBANG BZHI RIM PA BZHIN THONG PAR 'CHAD DO, ,BLA MA KHA CIG NI, CHU DBANG BSKUR NAS RIGS BDAG GIS RGYAS GDAB PA BUM DBANG DANG, DE NAS NAM MKHA'I LHA TSOGS SNYOMS 'JUG BYAS PAS THIG LE DKAR DMAR LCE THOG TU GNANG BA NI, GSANG DBANG DANG, NAM MKHA'I LHA TSOGS KYIS RANG LA REG BYA RDO RJE MA GTAD NAS SNYOMS PAR ZHUGS PAS NYAMS MYONG SKYES PA NI SHES
RAB YE SHES KYI DBANG NGO, ,DE YANG SKAD CIG MA DANG DGA' BA BZHI RIM GYIS SKYE BA DANG, RGOD PA LA SOGS PA'I 'DOD CHAGS BZHI DAG PAS, BUM PA LA SOGS PA'I DBANG BZHI BYUNG BA'O, ,ZHES ZER RO, ,DE LTAR MANG DU BSHAD KYANG, DGONGS PA NI MAN SNYE LAS, DBAB PO RAB KYI SEMS CAN LA NI, DGA' BA BZHI PO KHO NA DBANG BSKUR BZHI RNAMS SO, ,ZHES STON PA'I DON DU DE YANG DBANG BSKUR RNAM PA BZHI ZHES GSUNGS TE DE NI DGA' BA LA SOGS PA'O, ,ZHES GSUNGS LA, DA DANG SNGAR DRANGS PA'I KYEE RDOR GYI LUNG GIS DGA' BA BZHI DBANG BZHIR BSHAD PA GNYIS DON GCIG TU BSHAD PA LTAR GYI, DGA' BA BZHI LA DBANG BZHIR BYED PA YIN GYI, CHU DBANG GI STENG NAS BYED PA MIN NO, ,DA LTAR NA RGONG PA SOGS BZHI NI DGA' BZHI SKYED PA'I THABS YIN PAS RIG MA DANG SNYOMS PAR ZHUGS PAS DGA' BA BZHI SKYED DGOS SO, ,DES NA DBANG BZHI BLANG BAR BYA'O ZHES GSUNGS PA'I LEN SA NI DBANG GI LHA YIN LA, DE LAS LEN TSUL NI HE RU KAS PHYAG RGYA GTAD PA LAS DBANG BZHI'I NGO BO DGA' BZHI SKYED PA YIN LA, PHYAG RGYA YANG SKABS 'DIR YE SHES KYI PHYAG RGYA YIN ZHING, DE YANG SKABS STOBS KYIS SHES DGOS PAS KYI RDOR LA BDAG MED MA'O, ,MAN SNYE LAS, DBANG BZHIR BZHAG PA'I DGA' BA BZHI KA PHYAG RGYA LA BRTEN NAS SKYED PAR BSHAD PA'I RIM PA NI, YE RGYA LA YANG BYA DGOS SO, ,DE YANG SNYOMS PAR ZHUGS PA LAS BYANG CHUB KYI SEMS ZHU BA RIM GYIS BABS PA LAS LUS KYI GNAS SO SOR BYANG SEMS BABS PA SLEB PA NA SO SOR DGA' BZHI SKYES PA NGOS BZUNG LA, DBANG BZHI THOB PAR BSAM STE, DMIGS PA GSAL ZHING BRTAN PA LA DNGOS
, ,SU BYANG SEMS ZHU BA YANG 'ONG LA, DE TZAM GYI NUS PA MED PAS NI YANG YANG GOMS PA LAS MTHAR DNGOS SU 'BYUNG NGO, ,JO BO'I BZHED PAS NI SLOB DPON GYI DBANG GI NGES PA MI MDZAD PAR BUM DBANG TZAM ZHIG LEN PA YIN LA, DE BDE BA LA NGO SPROD PA YANG MA MDZAD PAS, CHU DBANG BSKUR NAS DRI MA BKRUS PA LAS BUM DBANG DANG, DE NAS SNYING PO'I RNAL 'BYOR MA BZHI PHAG MO LA THIM NAS DE DANG HE RU KA SNYOMS PAR ZHUGS PA'I BYANG SEMS LCE LA BZHAG PA MYANGS PA LAS, GSANG DBANG DANG, DE NAS HE RU KAS PHAG MO PHYAG RGYAR GNANG BA LA SNYOMS PAR ZHUGS PAS RLUNG THIM PAS LHAN SKYES KYI BDE BA MYONG BA NI SHES RAB YE SHES DANG, DE NAS HE RU KAS DON GYI DBANG BZHI PA BSTAN PA'I DON GO BA LAS, TSIG GI SGO NAS DBANG BZHI PA THOB PAR BSGOM PA'O, ,TSIG GI STON LUGS NI, RIGS KYI BU KHYOD KYIS PHYAG RGYA DANG SBYAR BA LA BRTEN NAS MYONG BA'I SNANG BA THOB PA'I YE SHES DE 'OD GSAL BAR SGOMS SHIG ,'OD GSAL DE NI SNANG MCHED THOB GSUM GYI RNAM SHES RNAM PAR DAG PA SHER PHYIN GYI NGO BO YIN LA, DON DAM PA'I BDEN PA DE NI MTHONG BA GZHAN GYI YUL LAS 'DAS PA STE, SHES RAB DANG YE SHES KYI MIG GIS LTOS SHIG ,DE LTAR GZHAN GANG GI YANG RANG BZHIN DU MA MTHONG BA DE 'OD GSAL MTHONG BA YIN NO, ,DE'I DON RGYU 'BRAS GANG YANG MED MOD KYI, 'ON KYANG KUN RDZOB TU RLUNG SEMS TZAM LAS GRUB PA'I LHA SE BDUN GZUGS BRNYAN LTAR GSAL LA RDZOGS PA, 'JA' TSON LTAR KHA DOG MA 'DRES PAR SO SOR SNANG BA, CHU ZLA LTAR SGRO SKUR DANG BRAL PAR LTOS SHIG ,DE 'DRA BA'I
KUN RDZOB DANG 'OD GSAL DON DAM GNYIS DBYER MI PHYED PAR ZUNG DU 'JUG PA NI, BYANG CHUB KYI SEMS CHEN PO STE DBANG BZHI PA'O, ,ZHES BSTAN PAR BSGOM MO, ,BOD KYI MKHAS PA DAG DBANG BZHI CHANG BAR LEN PA'I LUGS LA 'DI LEGS SHING, KHYAD PAR DU 'PHAGS PA YAB SRAS KYI DGONGS PA BZHIN LONGS 'DUG PAS MCHOG TU LEGS SO, ,ZHES GSUNG BA LTAR BZUNG NGO, ,'DI 'DRA BA'I ZUNG 'JUG LA DBANG BZHI PA'I NGO SPRAD PAS SNOD RUNG KHYAD PAR CAN DU SGRUB PA'I DBANG BZHI PA THOB PAR 'JOG PA 'DI NI DRIL BU ZHABS KYI'ANG BZHED PAR SNANG BAS, MA RGYUD BDE MCHOG LA'ANG DE LTAR BYED PA GZHAN NAS BKAB PA MIN NO, ,BOD NA TING NGE 'DZIN GYI DBANG BZHI MDOR BSDUS LEN PA LA, PHAL CHER YI GE GSUM GYI 'OD ZER SPRO BSDU TZAM LA BRTEN PA SOGS MANG BAR SNANG YANG MKHAS PA GNYIS KYI BZHED PA SNGAR LTAR BKOD PA'I RGYUD SDE'I DON LA LEGS PAR ZHUGS PA NYUNG BAR SNANG BAS, SGRUB THABS RGYAS BSDUS GANG RUNG LA BRTEN NAS DBANG BZHI MDOR BSDUS SNGAR LTAR BLANGS NA SHIN TU GNAD CHE BAR MTHONG NAS ZHING TU BSHAD DO, ,DE LTAR BYED PA'I LUGS LA RIGS BDAG GIS RGYAS GDAB PA NI, JO BOS CHU DBANG GI RJES SU MDZAD LA, MTSE SKYES KYIS DBANG BZHI KA BLANGS ZIN PA'I MJUG TU MDZAD DE GANG BYAS KYANG CHOG GO ,'GREL PA GNYIS LAS CHU'I LHAG MA LAS LHA RNAMS RDZOGS PA DANG SKYES PAR GSUNGS PA NI, SPYI BO NAS SKU LA ZHUGS PA'I CHU'I LHAG MA SPYI GTZUG TU GNAS PA YONGS SU GYUR PA LAS LTAR SKYED PA'O, ,DE YANG GTZO BO LA MI BSKYOD PA DANG, PHAG MO LA RNAM SNANG DANG, MKHA' 'GRO MA SOGS BZHI LA RIN 'BYUNG DANG,
, ,THUGS GSUNG SKU DAM TSIG GI LHA RNAMS LA RIM PA BZHIN DU MI BSKYOD PA, SNANG MTHA', RNAM SNANG, DON GRUB KYIS RGYAS GDAB STE, GZHUNG CHUNG LAS KYANG, PHAG MO MA GTOGS PA DE BZHIN DU BSHAD DO, ,LHA LNGAR, GTZO BO LA RDOR SEMS DANG, YUM LA MI BSKYOD PA DANG, MKHA' 'GRO MA SOGS LA GA-YON SKAR DU, RTAG PA DON GRUB DPAG MED RIN 'BYUNG GIS RGYAS GDAB BO, ,LVA BA PA'I 'GREL PA'I SKABS GZHAN DU GTZO BO LA SNGAR DANG 'DRA, YUM NAG MO YIN NA MI BSKYOD PA DANG, DMAR MO YIN NA RDOR SEMS DANG, RNAL 'BYOR MA BZHI LHA LNGA BZHIN DANG, 'KHOR LO GSUM GYI LHA SNGAR DANG 'DRA, SGO MTSAMS MA BRGYAD LA SHAR DANG SHAR LHO BA GNYIS LA RNAM SNANG DANG, LHO DANG LHO NUB PA GNYIS LA RIN 'BYUNG, NUB DANG NUB BYANG PA GNYIS LA 'OD DPAG MED DANG, BYANG DANG BYANG SHAR BA GNYIS LA DON GRUB KYIS RGYAS GDAB PA YANG MDZAD DO, ,GZHUNG CHUNG LAS, BDUD RTZIS DBANG BSKUR THAMS CAD LA, ,RDO RJE MTSAN MA 'DZIN PA'O, ,ZHES DANG, BSDUS LA BSDUS PA'I DBU RGYAN NYID, ,CES GSUNGS PAS DRIL BU PA'I LHA RE GNYIS PA LTA BU, RIGS BSDUS PA'I LHA LA NI, BSDUS PA'I DBU RGYAN BYA STE, DE YANG RDO RJE'I MTSAN MA 'DZIN PAR BSHAD PA'O, ,'DI NI SPYI BOR RDO RJES MTSAN PA 'DRA BA CIG 'DUG KYANG, THAMS CAD LA MI BSKYOD PAS RGYAS 'DEBS PA STE, SNGAM DANG 'DI GNYIS RGYAS BSDUS SO, ,DE LTA NA'ANG RIGS LNGAS RGYAS 'DEBS PA DANG MI 'GAL TE, RIGS LNGA RE RE LA YANG RIGS CHUNG LNGA LNGA YOD PAR GSUNGS PA'I PHYIR RO, ,RGYAS 'DEBS DANG PO'I GTZO BO'I RGYAS 'DEBS NI, RGYU LA 'BRAS BU'I RGYAS GDAB DANG,
YUM GYI NI CHOS SKU LA GZUGS SKU'I RGYAS GDAB DANG, DE MAN CHAD KYI NI SO SO'I RIGS NGES PA'I PHYIR YIN PA DANG, RIGS BDAG GIS RGYAS BTAB PA'I 'OG TU DBANG LHA RANG LA BSTIM PA MNGON BRJOD KYI DGONGS PAR JO BOS BSHAD DO, ,DE LTAR DBANG BSKUR BA LA NI, BGEGS DANG SGRIB PA DANG THEG DMAN SEL BA DANG BZLAS BSGOM GYI SNOD DU RUNG BA DANG, ZHI SOGS KYI LAS SGRUB PA LA MTHU DANG LDAN PA DANG, BYANG CHUB KYI SEMS NYAMS PA SKONG BA DANG, DAM TSIG DANG SDOM PA NYAMS PA SKONG BA DANG, MA 'ONGS PA NA SANGS RGYAS KYIS DBANG BSKUR BA'I DGOS PA BRGYAD JO BOS BSHAD DO, ,LNGA PA LHA RNAMS LA MCHOD CING BSTOD PA NI, MCHED PA'I SKABS 'DIR GZHUNG NAS SNGAGS KYI MCHOD PA TZAM LAS MA BYUNG YANG, LVA BA PAS, DE NAS MCHOD PA SNGON DU 'GRO BAS, LHA MO RE MAS DRANGS PA'I BDUD RTZI MYANG BAR BYA'O, ,SNYING PO LA SOGS PA NAS RKANG PA BRGYAD PA'I BAR GYI SNGAGS KYIS BSTOD PAR BYA'O, ,ZHES GSUNGS PA BZHIN DU, PRADZNY'A RAKshI TAS KYANG BSHAD, JO BO'I 'GREL PAR BUM DBANG DANG 'BREL BA'I PHYIR DANG, NANG DANG GSANG BA DANG DE KHO NA'I MCHOD PA'O, ,GSANG BA DANG 'BREL BA'I BDUD RTZI MYANGS PA DANG, SHES RAB YE SHES DANG 'BREL BA DGA' BA BRTZAM PA'I MCHOD PA BYA BAR BSHAD DO, ,DE'I DON NI SPYIR MCHOD PA LA PHYE MCHOD LA SOGS PA BZHIR BYA LA, DE'I DANG PO NI BUM DBANG GI MCHOD PA DANG, GNYIS PA NANG BDUD RTZI'I MCHOD PA NI GSANG DBANG GI MCHOD PA DANG, GSUM PA GSANG BA NI, YAB YUM SNYOMS PAR ZHUGS NAS DGA' BZHI SKYED PA STE, DBANG GSUM PA'I MCHOD PA'O, ,DBANG BZHI PA'I MCHOD
, ,PA NI DNGOS SU MA SMOS KYANG DE KHO NA NYID KYI MCHOD PAR SHES SO, ,DE LA PHYI MCHOD NI 'GREL PA DE LAS SNYING KHA'I SA BON LAS SPRUL PA'I ME TOG MA SOGS LNGA DANG, GZUGS RDO RJE MA SOGS LNGA GZUGS DANG LANG TSO DANG RGYAN PHUN SUM TSOGS PA BUD MED KYI NYAMS DANG LDAN PAS MCHOD PA DANG, 'DOD YON LNGA DANG, GDUGS DANG RGYAL MTSAN DANG, BA DAN DANG, BLA RE DANG, RIN CHEN SNA BDUN DANG, RDO RJE'I GLU DANG, ROL MO'I SGRA LA SOGS PAS MCHOD PAR BSHAD PA RNAMS YIN NO, ,DE YANG ME TOG MA, BDUG PA MA, MAR ME MA, BYUG PA MA, ZHAL ZAS MA RNAMS RIM PA BZHIN DKAR BA, DU BA'I MDOG ,DMAR SER, LJANG GU ,SNA TSOGS MDOG CAN, PHYAG BZHI'I DANG PO GNYIS KYIS RDOR DRIL DANG, LHAG MA GNYIS KYIS RIN PO CHE'I SNOD RANG RANG GI MCHOD SPRIN GYIS GANG BA 'DZIN PA DANG, GZUGS SGRA DRI RO REG BYA RDO RJE MA RNAMS RIM PA BZHIN DU DKAR, SNGO, DKAR, DMAR, LJANG BA, PHYAG BZHI'I DANG PO GNYIS KYIS KHA tV'Am DANG THOD PA DANG, LHAG MA GNYIS KYIS ME LONG SOGS RANG RANG GI MTSAN MA 'DZIN PA STE, SNGA PHYI GNYIS KA'I PHYAG LHAG MA GNYIS KYIS NI PHYAG MTSAN GCIG THUN MONG DU 'DZIN PA'O, ,SNGAGS NI AOm BADZRA PUshPE A'A:H'Um SV'AH'A DANG, PUshPE'I GNAS SU DH'U PE DANG, D'I PE DANG, GANDHE DANG, NEE WI DYA BCUG ,LHAG MA SNGAR BZHIN DU BYA'O, ,'DOD YON MAN CHAD KYIS MCHOD PA'I SNGAGS NI, AOm SARBBA BI SHVASTHA PRA SA RA P'U DZA ME GHA SA MU DRA A'A:H'Um SV'A H'A, ZHES PAR YANG BSHAD DO, ,DRIL BU PAS, GZUGS MA SGRA MA DRI RO MA, ,REG MA CHOS MA ZHI BA
MA, ,DKAR SGRO SER DMAR LJANG DKAR MO, ,ZHAL GCIG PHYAG BZHI GA-YON THOD tR'm, ,GA-YAS RNAMS ME LONG PI WAm DANG, ,DRI MCHOG RO MCHOG NA BZA' DANG, ,CHOS 'BYUNG DANG NI d'A MA RU, ,AOm A'A: BADZRA A'A DARSHE H'Um, AOm A'A: BADZRA BI nI H'Um, AOm A'A: BADZRA GANDHE H'Um, AOm A'A: BADZRA RA SE H'Um, AOm A'A: BADZRA SPARSHE H'Um, AOm A'A: BADZRA DHARME H'Um, ZHES PA'I TSUL GYIS MCHOD PA PHYI MCHOD DU BSHAD DO, ,SNYING KHA'I SA BON LAS SPRUL PA'I RIG MA BCU DRUG GIS KYANG SNGAR BZHIN MCHOD DE, MCHOD PA BSANG SBYANGS SOGS NI BSHAD ZIN TO, ,DE NAS NANG MCHOD GTOR MA LTAR BYIN GYIS BRLAB, LVA BA PAS, LCE H'Um LAS RDO RJE DKAR POR SKYED PAR GSUNGS PA NI, DRIL BU PAS, BCOM LDAN 'DAS DANG RNAL 'BYOR MA RNAMS LCE, ,YI GE H'Um BYUNG RDO RJE RTZE GSUM PA, ,DKAR PO NAS 'BRU TZAM BKOD SBU GUS DRANGS, ,BDUD RTZI GSOL BAS LHA TSOGS MCHOG TSIM BLTA, ,ZHES GSUNGS PAS GSAL DU BTANG BAS DE LTAR BSKYED PA'I RJES SU, AOm AA MRi TA AU DA KA H'Um H'Um thA thA, TRAm A'A: KHAm H'Um, ZHES PA DANG, YI GE GSUM BRJOD DE BYIN GYIS BRLAB BO, ,DE NAS BOD KYI BLA MA'I PHYAG BZHES LA 'BYUNG BA LTAR, DNGOS DANG BRGYUD PA'I BLA MA RNAMS KYI MTSAN GYI MTHAR YI GE GSUM BTAGS LA DBUL, DKYIL 'KHOR PA'I LHA'I SNGAGS KYI MTHAR YANG YI GE GSUM BTAGS LA DBUL, DE NAS DUR KHROD PA DANG PHYOGS SKYONG 'BYUNG PO'I BAR RNAMS LA'ANG DBUL TE, DE YANG SNGAR BSHAD PA'I LHA MO RO RDO RJE MAS BDUD RTZI BSTABS PAR BSAMS LA, CHANG GIS MCHOD DE LHA THAMS CAD YE SHES KYI BDUD RTZIS TSIM PAR BSAM LA, AOm AA MRi TA SV'A DA NA SVA BH'A BA A'ATA MA KONYAHAm,
, ,ZHES BRJOD DO, ,SNYING KHA'I SA BON LAS SNYING PO'I RNAL 'BYOR MA BZHI DANG SGO MTSAMS MA BRGYAD DE, BCU GNYIS SPROS LA THOD PA NA GNAS PA'I BDUD RTZI LNGAS KYANG MCHOD PAR BYA STE NANG MCHOD DO, ,DRIL BU PAS, SNYING PO'I RNAL 'BYOR MA BZHIS BDUD RTZI LNGAS MCHOD PA NANG MCHOD DU BSHAD DO, ,GSANG MCHOD NI SNGAR BSHAD PA LTAR YAB YUM GSAL BTAB STE, GNAS BZHIR YI GE BKOD PA SOGS GSAL GDAB LA, SNYOMS PAR ZHUGS TE DGA' BA BZHI BSKYED PAS PHYI NANG GI LHA THAMS CAD KYIS KYANG BDE BA CHEN PO NYAMS SU MYONG BAR BSAM STE, LHA THAMS CAD HE RU KA'I CHA SHAS TZAM DU ZAD PA'I PHYIR RO, ,DRIL BU ZHABS KYIS, MYUR DU DNGOS GRUB BYED PAR NI, ,PHYAG RGYA'I MCHOD 'DI THE TSOM MED, ,CES GSUNGS PAS MCHOD PA'I GTZO BO 'DI DANG, DE KHO NA NYID KYI MCHOD PA GNYIS LEGS PAR DMIGS PHYED PA DANG YUN MI THUNG BAR BYA'O, ,DE KHO NA NYID KYI MCHOD PA NI, MAN SNYE LAS, BLA NA MED PA'I DE KHO NA NYID KYI MCHOD PA NI, BYANG CHUB KYI SEMS SGOM PA KHO NA STE, GANG MNGON PAR BRJOD PA PHYI MAR GSUNGS PA, RANG BZHIN MED PA'I GNAS GOMS LAS, ,LHA YI SNYING PO SGOM BYED PA, ,DE NI MCHOD PA CHEN POR 'DOD, ,SANGS RGYAS THAMS CAD RTOGS BYED PA'O, ,ZHES GSUNGS PA DRANGS PA LTAR LHAN SKYES KYI BDE BA DANG, DE KHO NA NYID KYI LTA BA GNYIS DBYER MED PAR SBYAR NAS YUN RING DU BSGOM MO, ,DE LTAR NA MCHOD PA'I 'KHOR GSUM PO THAMS CAD BDE STONG DBYER MED KYI NGO BOR MOS NAS BYAS PAS, TSOGS BDE BLAG TU RDZOGS PAR 'GYUR BAS DE LA
'BAD DO, ,DE NAS BSTOD PA NI, AOm SHR'I BADZRA ZHES SOGS BCOM LDAN 'DAS KYI SNYING PO DANG, AOm HR'I: HA HA ZHES SOGS DE'I NYE BA'I SNYING PA'I SNGAGS DANG, AOm BADZRA BEE RO TZA N'I ZHES SOGS BCOM LDAN 'DAS MA'I SNYING PO DANG, AOm SARBBA BUD DHA ZHES SOGS BCOM LDAN 'DAS MA'I NYE BA'I SNYING POR BSHAD DO, ,JO BO CHEN POS, SNYING RJE DANG SHES RAB KYI THABS SHES DBYER MED PA'I BYANG CHUB KYI SEMS NI LHA'I SNYING PO YIN LA, SEMS DE SKUL BAR BYED PAS SNYING PO DANG, NYE BAR BSKUL BAS NYE SNYING DANG, 'JIG RTEN PA'I SEMS LAS SKYAB PAS SNGAGS DANG, YANG DANG YANG DU BSKUL BAS SHES RAB KHYAD PAR CAN SKYED PAS RIG SNGAGS DANG, BYANG CHUB KYI SEMS MI BRJOD PA'I DRAN PA SKYED PAS GZUNGS SNGAGS SO, ,ZHES BSHAD DO, ,DE NAS YAB KYI RTZA SNGAGS LA TSAN PA NYER BZHIR BYAS PA'I THOG MAR AOm DANG, MTHAR HUm HUm PHAt SBYAR BA NYER BZHI DANG, DE NAS DPA' MO NYER BZHI DANG, DE NAS SGO MTSAMS MA BRGYAD DANG, DE NAS SNYING PO'I RNAL 'BYOR MA BZHI'I MTSAN SNGAGS DANG, DE NAS YAB KYI RKANG BRGYAD DE, DE RNAMS KYI THOG MTHA' GNYIS SU SNGAR LTAR SBYAR RO, ,MCHOD PA'I SNGAGS SO ZHES BSHAD PA NI 'GREL PA GNYIS NAS BSTOD PAR BSHAD DO, ,'KHRUL SPONG LAS, RKANG BRGYAD KYI SNGAGS BSTOD PA DANG, SNGAGS LHAG MA RNAMS BZLAS PA'I SKABS KYI SNGAGS SU BDZAD, DE BZHIN GSHEGS PA'I RDO RJES RO MAS BDUD RTZI DRANGS PA'I 'OG TU RKANG BRGYAD KYIS BSTOD NAS, LHA SO SO'I SNGAGS RKANG BRGYAD DANG BCAS PAS MCHOD PAR BSHAD DE, SNGAGS THAMS CAD MCHOD SNGAGS SU 'DOD DO, ,SNGAGS 'DI RNAMS DANG BZLAS PA'I SNGAGS GNYIS GCIG YIN KYANG,
, ,'DIR BSHAD PA NI MCHOD SNGAGS YIN PAS 'DIR YANG TSANG DGOS SO, ,MCHOD SNGAGS SU 'GRO TSUL NI NANG MCHOD KYI SKABS SU SNGAGS 'DI RNAMS BRJOD NAS DES MCHOD PA MIN TE, RO MAS DRANGS PA'I BDUD RTZI MYANGS PA'I 'OG TU SNGAGS RNAMS KYIS BSTOD PAR GSUNGS PAS SO, ,DE BZHIN DU MCHOD RDZAS GZHAN 'BUL BA'I MCHOD SNGAGS KYANG MIN LA, GZHUNG LAS MCHOD SNGAGS SU YANG BSHAD CING, RTZA RGYUD LAS KYANG, SNGAGS RNAMS KUN GYIS YANG DAG MCHOD, ,CES GSUNGS PAS BSTOD PA'I MCHOD PA'I SNGAGS SO, ,DE THOG MAR BYED PA YANG MIN TE, MCHOD PA SNGON DU 'GRO BAS NANG MCHOD BYAS PA'I MJUG TU SNGAGS KYIS BSTOD PAR YANG GSUNGS PA'I PHYIR RO, ,DE GNYIS LAS GZHAN PA'I MCHOD PA NI SNGAR BSHAD PA RNAMS TE, DE LA SNYOMS 'JUG GI MCHOD PA 'GREL PA GNYIS NAS GSAL BAR MA BYUNG YANG 'DIR MCHOD PA DE BYED PA N'A RO PA'I PHYAG BZHES YIN PAR MAR DOS BSHAD CING JO BO'I 'GREL PAR YANG 'BYUNG LA, SPYI MING GIS KYANG GO NUS SO, ,SNGAGS MCHOD KYI BSTOD PA LA RKANG BRGYAD NI, THUN MONG DANG, LHA SO SO'I SNGAGS NI THUN MONG MA YIN PA'I BSTOD PAR MAR DO BZHED DO, ,DRUG PA LHA'I 'KHOR LO BSGOM ZHING DAG PA DRAN PA LA GNYIS, LHA SGOM PA DANG, DAG PA DRAN PAR BYA BA'O, ,DANG PO NI, SKABS 'DIR 'GREL PA GSUM LAS, DE NAS DKYIL 'KHOR YE SHES LNGA DANG, SKU GSUM GYI BDAG NYID GZUGS BRNYAN LTA BUR MOS PAR BYA'O, ,ZHES GSUNGS PA NI DKYIL 'KHOR PA'I LHA SGOM PA STON PA YIN PAS DE BSHAD PAR BYA'O, ,DE LA LHA RNAMS SKU GSUM GYI SGO
NAS SGOM PA NI, KUN SPYOD LAS, CHOS DANG LONGS SPYOD SPRUL PA YI, ,SKU GSUM DAG NI RNAM SGOM PA, ,BYANG CHUB PHYOGS NI SUM CU BDUN, ,DER NI NGES PAR 'BYUNG BAR 'GYUR, ,ZHES GSUNGS PA'O, ,'DI LA PHAM MTHING PA NAS BRGYUD PA'I BLA MA RNAMS LA SKU GSUM SGOM LUGS MI 'DRA BA MANG DU SNANG YANG, DPAL D'A RI KA PAS, PHYI DKYIL GYI LHA SGOM PA DANG, BYANG PHYOGS SO BDUN SGOM PA DANG, LUS DKYIL SGOM PA NI RIM PA BZHIN DU SPRUL SKU DANG, CHOS SKU DANG, LONGS SKU'I SGRUB THABS SU GSUNGS SO, ,DANG PO NI, GDUL BYA THUN MONG BA'I DON DU GSUNGS PA SHIN TU RIGS PA'I SKU'I RNAM PA CAN YIN PAS SPRUL SKU DANG, GNYIS PA NI BDE BA CHEN PO'I YE SHES KYIS DE KHO NA NYID KYI DON LA ZHUGS PA'I RNAM PA CAN YIN PAS CHOS SKU DANG, GSUM PA NI GDUL BYA MCHOG GI DON DU GSUNGS PA SHIN TU PHRA BA'I RTZA DANG, KHAMS KYI SGO NAS GZUGS KYI SKU 'DZIN PA'I RNAM PA CAN YIN PAS RTZA DANG KHAMS BYIN GYIS BRLABS PA'I SGO NAS BDE BA LA RDZOGS PAR LONGS SPYOD PA LA LONGS SKUR BZHAG STE LEGS PA YIN NO, , YE SHES LNGA NI 'KHOR LO LNGA'I LHA RNAMS RIGS LNGA'I RIGS KYI DBANG GIS 'JOG PAS RNAM SNANG ME LONG LTA BU DANG, MI BSKYOD PA CHOS DBYINGS YE SHES DANG, RIN 'BYUNG MNYAM NYID DANG, SNANG MTHA' SOR RTOG DANG, DON GRUB BYA SGRUB YE SHES SU 'JOG PA'I SGO NAS YE SHES LNGAR SHES PAR BYA'O, ,DE 'DRA BA'I LHA RNAMS NI JO BO'I 'GREL PA LAS, YANG DANG YANG DU GUS PA DANG, RGYUN MI 'CHAD PA LA SOGS PA'I TSUL GYIS RGYUN MA CHAD PAR BSGOM PAR BYA'O, ,ZHES GSUNGS PA LTAR RTAG TU DANG GUS PAR SBYOR BAS
, ,BSGOM DGOS LA, DE YANG SGRUB THABS KYI THOG MA NAS RIM PA BZHIN DMIGS PA DU MA LA RNAM PA SNA TSOGS SU SGOM PA RKYANG PA MIN GYI, LHAR BSKYED PA'I DON LA SEMS GZHAN DU MI GA-YO BAR RTZE GCIG TU BZHAG STE SGOM PA YANG BYA STE, DE NI BSKYED RIM SGOM PA'I GTZO BO YIN PA'I PHYIR RO, ,'DI LA GNYIS LAS THA MAL PA'I ZHEN PA'I GNYEN POR NI GZHAL YAS KHANG DANG LHA SGOM PA NA SANGS RGYAS KYI ZHING DAG PA DANG, SANGS RGYAS KYI SKU DE DANG DE DNGOS YIN SNYAM PA'I DAG PA'I NGA RGYAL SHUGS CAN RE SKYED PA DANG, DE LTAR BSKYED PA'I DON LA BLO DE'I SHUGS MA YAL BAR DU DE'I RGYUN NYID LAS GZHAN DU MI GA-YENG PAR 'JOG PA CIG DGOS TE, GZHUNG DU MA LAS LHA LA SOGS PA'I MCHOG GI NGA RGYAL BSKYED PAR BYA BA DANG, THA MAL PA'I NGA RGYAL BSAL DGOS PAR LAN DU MAR GSUNGS PA'I PHYIR RO, ,GNYIS PA RTEN BRTEN PA LA THA MAL PA'I SNANG BA NYID 'CHAR BA'I GNYEN POR NA YONGS SU DAG PA'I RTEN DANG BRTEN PA'I SNANG BA SGOM PA NA RIM CAN DU SGOM PA'I TSE, SKABS GANG YIN GYI SNANG BA KHYAD PAR CAN DU RE RE NAS GSAL 'DEBS PA DANG, 'JOG SGOM BYED PA'I TSE SKABS KYI DMIGS PA GANG YIN PA GSAL BTAB PA SHAR BA DE LA SEMS RTZE GCIG TU 'DZIN PA'O, ,THA MAL PA'I SNANG BA NI DBANG PO'I SHES PA LA SNANG BA'I SNOD BCUD MIN GYI, YID KYI SHES PA LA THA MAL GYI SNOD BCUD DU SNANG BA YIN LA, DE DANG THA MAL PA'I NGA RGYAL GNYIS BSKYED RIM GYIS 'GOG TSUL NI, 'JIG RTEN LAS 'DAS PA'I LAM GYIS SPONG BA LTAR, SA BON SPONG BA SKABS 'DIR 'OD DON MED LA, 'JIG RTEN PA'I LAM
GYIS SPONG BA LTAR SA BON NYAMS SMAD NAS MNGON GYUR SPONG BA YANG MIN NO, ,'O NA JI LTAR 'GOG SNYAM NA, GLO BUR BA'I 'GAL RKYEN GZHAN MED PA NA, RTEN DANG BRTEN PA'I DKYIL 'KHOR DE DAG DE'I NGA RGYAL BZUNG BA'I TSE, SNGAR BSHAD PA LTAR GYI NGA RGYAL DU 'PHO NUS PA DANG, DKYIL 'KHOR GNYIS GSAL BTAB PA'I TSE GSAL GANG BTAB PA BZHIN DU SHIN TU GSAL BAR SNANG BA SKYES NAS YID DO'I THA MAL PA'I SNANG BA BZLOG PA'I TSUL DES THA MAL PA'I SNANG ZHEN GNYIS BZLOG PA YIN NO, ,'DI YANG CUNG ZAD RE'I BAR DU ZLOG NUS PAS MI CHOG GI, SHIN TU BRTAN PA CIG DGOS SO, ,GOMS PA CHE BAS LHA'I RNAL 'BYOR LA MNYAM PAR BZHAG PA NA MIG SHES SOGS KYI SNANG BA GZHAN MI 'CHAR BA NI, YID KYI SHES PA DON DE LA RJES SU ZHUGS DRAGS PAS MIG LA SOGS PA'I SHES PA SKYE BA'I DE MA THAG RKYEN GYI NUS PA NYAMS PAS, DE DAG RE SHIG MA SKYES PAS KHA DOG LA SOGS PA'I SNANG BA GZHAN MA SHAR BA YIN GYI, SNANG BA DE DAG BSKYED RIM GYIS BKAG PA MIN TE, RIGS PA'I RGYAL POS, RNAM SHES DON GZHAN CHAGS PA YIS,, NUS MED DON GZHAN MI 'DZIN PHYIR, ,ZHES GSUNGS PA BZHIN NO, ,DES NA KHYAD PAR CAN GYI SNANG BAS YID SHES KYI NGOR THA MAL PA'I SNANG BA 'GOG PA'I NUS PA THOB NA DES DGOS PA 'GRUB LA, DNGOS PO LA LHAR MA SONG YANG LHA'I BCOS MIN GYI NGA RGYAL SKYES NA'ANG DES DGOS PA 'GRUB PO, ,GANG GSAL BTAB PA DE'I SKOR MIN PAR DE LAS GZHAN DU GANG SHAR YANG DE'I RJES SU MI 'BRANG BAR RTZA BA'I DMIGS PA LA SEMS BZUNG, GSAL BTAB PA'I SKOR NAS CHA GCIG GSAL NA DE LA BZUNG, DE MI GSAL
, ,BAR SONG BA'AM 'GRO BAR SNANG NA SKU'I SPYI LA GZUNG, DE LTAR NGA RGYAL DANG SNANG BA GNYIS SPEL MAR BSGOMS PAS THA MAL PA'I NGA RGYAL LOG NAS LHA'I NGA RGYAL DU 'PHOS PA NI, DPER NA YE SHES LEGS PAR PHEBS PA NA SNGAR GYI RANG NYID GANG YIN PA'I 'DZIN STANGS DE DOR NAS LHA YIN NO SNYAM PA'I BSAM PA 'GYUR 'GRO BA BZHIN DU MI BSKYONG PA DANG RNAM SNANG LA SOGS PA'O SNYAM PA'I BSAM PA BCOS MA DE 'GYUR NAS LHA'I NGA RGYAL DU 'PHOS PA LA BYA'O, ,'DI LA KHA CIG LA LHA'I NGA RGYAL MA BCOS PA SKYE YANG RTEN BRTEN PA'I SNANG BA GSAL PO MED PA DANG, KHA CIG LA RTEN BRTEN PA'I SNANG BA GSAL PO YOD KYANG BCOS MIN GYI NGA RGYAL MED PA DANG, KHA CIG LA GNYIS KA YOD PA DANG, GNYIS KA MED PA STE MU BZHI 'ONG BAR SNANG NGO, ,DE YANG KHYAD PAR CAN GYI NGA RGYAL SGOM PA NI GTZO BO YIN LA, KHYAD PAR BA'I SNANG BA SGOM PA NI DE'I YAN LAG GO, ,THUN RE RE LA NGA RGYAL 'PHOS PA BRTAN PA DANG, THUN RE LA SNANG BA KHYAD PAR CAN DU SONG NAS, YID NGOR THA MAL PA'I SNANG BA LOG PA DANG, DE LA SEMS KYI GNAS CHA BRTAN NA RAGS PA LA LOBS PA YIN NO, ,THOG MAR ZHAL GCIG PHYAG GNYIS PA LTA BU LA LOBS PA NA ZHAL PHYAG RDZOGS PA DANG RGYAN DANG PHYAG MTSAN SOGS RDZOGS PA DUS GCIG TU GSAL GSAL DU BSLAB, DE LA LOBS PA NA LHA GZHAN GCIG DANG GNYIS LA SOGS PA BSNAN ZHING, DE RNAMS DUS GCIG TU GSAL NAS GNAS PA LA BSLAB, DE NAS NAD LUS KYI DKYIL 'KHOR GYI GSAL SNANG SOGS LA BSLAB BO, ,GZUGS BRNYAN LTAR MOS PAR BYA BAR BSHAD PA DANG, KYI RDOR
LAS, BSKYED PA'I RIM PA'I RNAL 'BYOR GYIS, ,BRTUL ZHUGS CAN GYIS SPROS PA BSGOM, ,SPROS PA RMI LAM LTAR BYAS NAS, ,ZHES GSUNGS PA'I SGOM TSUL NI, GSAL SNANG THOB PA DANG DMIGS PA RTEN DANG BRTAN PA'I DKYIL 'KHOR LA DMIGS NAS RNAM PA RANG BZHIN MED PAR NGES PA'I NGES SHES DANG LDAN PAR SKYONG BA STE, BSKYED RIM PA'I ZAB GSAL GNYIS MED CES KYANG ZER RO, ,LHA LA SEMS 'DZIN PA SOGS KYI KHYAD PAR MA GTOGS PA, SEMS DMIGS PA LA GTOD PA'I DRAN SHES DANG, BYING RGOD GCOD PA DANG, ZHI GNAS DNGOS DANG RJES MTHUN PAR SONG MA SONG NI THEG PA THUN MONG GI LAM RIM DU RGYAS PAR BSHAD ZIN PA LAS SHES PAR BYA ZHING, BSKYED RIM LA LOG RTOG GI GNAS BSAL BA SOGS NI SNGAGS RIM CHEN MOR RGYAS PAR BSHAD ZIN TO, ,GNYIS PA NI, DAG PA DRAN PA NI GZHUNG LAS, MCHOD PA'I RJES SU GTOR MA GSUNGS LA, 'GREL PA GNYIS LAS BZLAS PA'I RJES LA GTOR MA'I CHO GA GSUNGS PA NI, PHYIS BRJOD PAR BYA'O ZHES GTOR MA BZLAS PA'I RJES SU BYA BAR BSHAD, DKYIL 'KHOR BSGOMS PA'I 'OG BZLAS PA'I GONG 'DIR RNAM DAG BSGOM PAR BSHAD CING, DE LTAR BDAG NYID RNAMS BSAMS NAS, ZHES PA NAS, SPYOD PA'I DUS SU GANG BYA BA DE BYA BAR LVA BA PAS GSUNGS PA'I SPYOD PA NI, PRADZNY'A RAKshI TAS RGYU BA'I DUS SU ZHES GSUNGS PA YIN LA, GTOR MA PHUL RJES SU LHA'I GZUGS KYIS GNAS PAR BYA'O, ,ZHES DE NAS THUN MTSAMS KYI BYA BA LA 'JUG PAR BSHAD PAS, DAG PA DRAN PA NI SKABS 'DIR BYED PA YIN NO, ,SEN MO DANG SO DAG LA KHAndA KA P'A LA'O ZHES PA NAS, SNABS LA NI RDO RJE
, ,SEMS DPA' 'O, ,DE DAG NI DPA' BO'I YAN LAG RNAM PAR DAG PA'O, ,ZHES DPA' BO NYER BZHI'I RNAM DAG BSHAD PA NI, SNGAR LUS DKYIL DU BSHAD PA BZHIN MI PHYED MA LA SOGS PA'I RTZA NYER BZHI NAS 'BAB PA, SO DANG SEN MO SOGS SKYED PA'I LUS KYIS KHAMS NYER BZHIN NI, SKABS 'DIR DPA' BO NYER BZHI'I NGO BOR MOS PA TZAM BYED PA YIN LA, DE DAG GI DON NI RGYAS PAR BSHAD ZIN TO, ,DE NAS SNGAGS DANG RGYAN CHA'I DAG PA DRAN PAR BYA BA NI, DPA' BO STE GTZO BO'I RTZA BA'I SNGAGS NI, KA RA KA RA LA SOGS PA'I PHRENG SNGAGS SO, ,DE KHO NA DANG PO STE MCHOG GO ZHES LVA BA PAS BSHAD DE, PRADZNY'A RAKshI TA YANG DE DANG 'DRA BAS, DPA' BO'I RTZA BA'I SNGAGS DANG PO ZHES PA DAG LA, DANG PO NI GRANGS KYI MIN GYI MCHOG GI DON NO, ,DE NI TSANGS PA'I SKUD PA DANG, ,SOGS KYIS THAL BA DANG SPYI BO'I 'KHOR LOR BRTAG GO ,DPA' BO NYI SHU RTZA BZHI'I SNGAGS NYER BZHI YIS NI LUS KYI KHAMS SO DANG SEN MO SOGS NYER BZHI YONGS SU DAG PAR BRTAG PAR BYA'O, ,DPA' BO STE YAB KYI GO CHA DRUG PO YIS TE DES BSKYED PA'I PHYAG RGYA DRUG PO 'DI YIS LUS TE SKU MDZES PA'O, ,RDO RJE PHAG MO'I RTZA BA'I SNGAGS GANG YIN PA LAS BYUNG BA'I MGUR CHU STE MGUL RGYAN GYIS MGRIN PA BRGYAN NO, ,LHA STE GTZO BO YI SNYING PO YI GE NYER GNYIS PA'I SNGAGS KYIS TE, DES BSKYED PA'I MGO BO'I PHRENG BA BRGYA YI PHYED KYIS SKU LA BRGYAN NO, ,NYE SNYING YI GE BDUN PA'I GSANG SNGAGS KYIS BSKYED PA'I GDUB KOR TE RNA RGYAN GYIS NI RNA BA LA BRGYAN NO, ,SANGS RGYAS KUN GYI MKHA' 'GRO MA NI, YUM GYI NYE SNYING SARBA BUD DHA ZHES PA'I SNGAGS KYIS BSKYED PA'I GLANG LPAGS KYI GOS NI
'DZIN PAR BYED PA'O, ,RNAL 'BYOR MA PHAG MO LA SOGS PA'I GO CHA'I GSANG SNGAGS DRUG RNAMS KYIS BSKYED PA'I SKA RAGS BYAS PAS NI SKU RNAM PAR BRGYAN PA'O, ,MKHA' 'GRO MA NAS BZUNG STE, GSHIN RJE 'JOMS MA'I BAR GYI 'KHOR LO LNGA PO KUN GYI RNAL 'BYOR MA'I SNGAGS LAS BYUNG BA'I KA P'A LA NI BTUNG BA'I THOD PA'O, ,SNGAGS NI 'DIR SNYING RJE'O ZHES 'GREL PA GNYIS LAS BSHAD PA NI SNGAGS LAS BYUNG BA'I THOD PA'O, ,DE YANG LHAN SKYES KYI BDE BA NI SNYING RJE CHEN PO YIN LA, KA P'A LA'I NGES DON YANG BDE BA SKYONG BA YIN ZHING, DE NYID NI YID SKYOB PAS SNGAGS ZHES BYA'O, ,JO BO'I 'GREL PAR RNAL 'BYOR MA SO SO'I SNGAGS LAS, SO SO'I PHYAG GI THED PA SKYED PAR BSHAD DO, ,BEE RO TZA N'I ZHES PA'I SNGAGS YUM GYI SNYING PO GANG YIN PA LAS BYUNG BA'I THOD PA LNGAS DBU LA BRGYAN PA'O, ,SNGAGS DE RNAMS LAS RGYAN CHA DE RNAMS SKYED PAR JO BO'I 'GREL PAR BSHAD DE, DNGOS SU YOD NA'ANG DE LTAR BYAS LA GDAGS, PHYAG RGYA DE RNAMS DNGOS SU 'DZIN PA MED NA'ANG SNGAGS BRJOD PAS SNGA MA DANG MTSUNGS PA'I PHAN YON 'THOB PAR BSHAD PAS SNGAGS RNAMS LAS BSKYED PA'I RGYAN CHA RNAMS LUS LA BTAGS PAR MOS PAR BYA'O, ,'OG GI KHA tV'Am GA NI ZHES PA NAS, GANG DU 'ANG MI GNAS PA'O, ,ZHES PA'I BAR NI 'GREL PA GSUM LAS, THOD PAS DBU LA BRGYAN PA'O, ,ZHES PA'I MJUG TU SBYAR BAR GSUNGS PAS 'DIR BLANG NGO, ,RANG GIS 'CHANG BA'I KHA tV'Am GA NI LHA STE HE RU KA'I SKU'I RANG BZHIN DU MOS PA 'AM, YANG NA RANG GI RUS PA'I GZHUNG TSIGS KHA tV'Am GA'I RANG BZHIN DU BLTA'O, ,d'A MA RU'I SGRA NI SHES RAB STE STONG PA NYID BRAG CHA LTA BUR RTOGS PAR BYA'O
, ,DPA' BO BCOM LDAN 'DAS NI THABS SNANG PHYOGS YIN PAS DMIGS PA'I PHYIR NYIN MO ZHES GSUNGS LA, RNAL 'BYOR MA BCOM LDAN 'DAS MA NI SNANG BA SDUD PA'I STONG PHYOGS YIN PAS MI DMIGS PA'I PHYIR MTSAN MO ZHES PAR BRJOD DE, , MYA NGAN 'DAS BYUNG ZHES PA BZHI'I DON NI RDZOGS RIM GYI SKABS SU 'CHAD PAR 'GYUR LA, SKABS 'DIR NI DPA' BO BCOM LDAN 'DAS ZUNG 'JUG GI SKUR MOS PA DANG, PHAG MO NI STONG PA NYID 'OD GSAL GYI NGO BOR MOS PAR BYA'O, ,YI GE BZHI'I DON NI CI RIGS PA CIG NI BSHAD ZIN LA, RDZOGS RIM GYI SGO NAS BSHAD DGOS PA NI 'CHAD PAR 'GYUR RO, ,BLA MA LA NAS BRGYUD PA KHA CIG , DAG PA DRAN PA 'DI BLA MA PHAM MTHING PA LA SOGS PA RNAMS MNYAM GZHAG GI RJES LA BYED, N'A RO PA'I SLOB MA RGYA GAR D'A RI KA PA NI MNYAM GZHAG RANG DU 'DOD, MAL GYOS NI NYAMS LEN MDZAD PA NA BRJED KYIS DOGS NAS BSKYED RIM MNYAM GZHAG GI RJES RANG LA DAG PA DRAN PA BSGOMS NAS, DE NAS MCHOD PA LA SOGS PA MDZAD ZER LA, MAR DO DANG 'GREL PA RNAMS KYI LUGS NI LUGS GNYIS PA LTAR BYED PA YIN NO, ,'GREL PA RNAMS NAS PHYOGS MTHUN SO BDUN DANG SBYOR BAS THAMS CAD SHES PA NYID DANG, SA BCU RNAM PAR DAG PA GNAS LA SOGS PA DANG SBYOR BAS NI LAM SHES PA NYID DANG, GO CHA NAS RNAM DAG GI BAR GYIS NI RNAM PA THAMS CAD MKHYEN PA NYID GSUNGS PAR 'CHAD DO, ,DE NI SGRUB THABS 'DIR PHAR PHYIN PA'I MKHYEN GSUM GYI LAM RNAMS 'DUS PAR BSTAN PA'I PHYIR YIN NO, ,DE YANG GZHI PHUNG KHAMS SKYE MCHED THAMS CAD KYI DE KHO NA NYID BDE BA CHEN PO'I YE SHES KYIS KHONG DU CHUD PA'I
CHOS SO BDUN, PHYI DKYIL LHA SO BDUN GYI NGO BOR GYUR PAS NI GZHI SHAS BSDUS LA, LHAN SKYES KYI BDE STONG GI RTOGS PA LA LAM SHES SA BCUR BZHAG PA NYID LA LUS KYI GNAS DANG NYE BA'I GNAS LA SOGS PAR MOS PAR BYAS PA LA LUS DKYIL SGOM PAS NI LAM SHES BSDUS SHING, RNAL 'BYOR PA RANG GI GZHI DANG LAM KHYAD PAR GYI GZHIR BYAS PA'I STENG NAS KHYAD PAR GYI CHOS KYI RNAM PA GO CHA 'CHING BA SOGS MKHYEN PAS NI RNAM MKHYEN GYI LAM BSDUS SO, ,BZHI PA NI, GZHUNG DU, A'A LI K'A LI MDUN BSAMS NAS, ,ZHES PA NAS, DE LAS GZUNGS NI THOB PAR 'GYUR, ,ZHES 'BYUNG BA 'DIS RDZOGS RIM STON PAR 'GREL PA BZHI KA NAS BSHAD CING, PHAM MTHING PA NAS BRGYUD PA RNAMS KYANG DE BZHIN DU BZHED, DE GZHUNG GZHAN NAS NI MCHOD PA DANG, GTOR MA DANG, DAG PA DRAN PA DANG, MNYAM LANGS KYI BYA BA RNAMS BSHAD PA'I 'OG TU 'BYUNG BAS, BSKYED RIM SGOM PA'I SKOR ZIN PA'I 'OG TU BYED PA 'DRA BA CIG SNANG NGO, ,YANG 'GREL PA GSUM GA LAS, A'A LI ZHES SOGS KYIS BSTAN PA'I SDUD RIM LAS GZHAN PA'I SDUD RIM BYAS PA'I MTHAR, DKYIL 'KHOR GYIS 'KHOR LOR LANGS NAS BZLAS PA DANG, GTOR MA BYA BAR BSHAD DO, ,'GREL PA DE RNAMS LAS, A'A LI ZHES SOGS KYIS BSTAN PA'I SDUD RIM LAS GZHAN PA'I SDUD RIM MA BSHAD, GTZUG NOR LAS, BZLAS PA'I MJUG TU DKYIL 'KHOR BA NAS, N'A DA SDUD PA'I BAR GYI SDUD RIM BSKYED RIM GYI KHONGS SU BSDUS NAS A'A LI ZHES SOGS RDZOGS RIM SGOM PA LA SBYAR BAS SDUD RIM GNYIS YOD DO, ,MAR DO YANG DE DANG MTHUN PAR SDUD RIM GNYIS BYED CING,
, ,BSKYED RIM GSAL ZHING YUN RING DU SEMS GTONG NUS PA'I TSE RDZOGS RIM GYI SDUD RIM SGOM LA, BSKYED RIM BSDUS TE BSGOM PA'I BZLAS PA CUNG ZAD CIG BYAS PA'I 'OG TU GTZO BOR DE BSGOM ZHING, DE LAS LANGS PA NA SPYOD LAm GYI RNAL 'BYOR LA 'JUG PAR BZHED DE, MAL NAS BRGYUD PA RNAMS SDUD RIM GNYIS MI BYED CING, BSKYED RIM BSGOM RES KYIS GTOR MA'I MJUG TU RDZOGS RIM GYI SDUD RIM BSGOMS PA'I MTHAR BZLAS PA BYAS BA'I 'OG TU RJES SPYOD LA 'JUG PAR 'DOD DO, , DA LTAR MANG DU YOD KYANG BZLAS PA'I SNGON DU SDUD RIM BYED PA 'DI BSKYED RIM BSGOM PA LA THUN MTSAMS BYA BAR 'DOD NAS DKYIL 'KHOR SDUD PA NI MIN PAS RDZOGS RIM GYI KHONGS SU GTAGS LA, DE YANG BSKYED RIM GSAL BA DANG YUN RING DU SEMS GTOD MI NUS BAR DU GTZO BOR BSKYED RIM DANG, ZHAR LA RDZOGS RIM GYI SDUD RIM RE, BSKYED RIM GYI BAR SKABS SU BYED PA YIN LA, 'DIR NI SKABS 'DIR BYED CING, BSKYED RIM CUNG ZAD LAS SU RUNG BA NAS BSKYED RIM GYI LHA NYUNG DU MI BYED KYANG SKYED CHOG RNAMS BSDUS TE GTZO BOR MI SGOM LA, RDZOGS RIM GYI SDUD RIM GTZO BOR BYAS TE YUN RING DU SGOM PA YIN NO, ,DE'I TSE NI THUN GYI NGO BO'I BSKYED RIM GYI SKOR RNAMS ZIN PA'I MJUG TU BSGOMS NAS, LDANG BA NA PHYAG GNYIS PA YAB YUM DU LDANG BAR BYA'O, ,GANG ZAG RAB LA BSKYED RIM MTHAR PHYIN NAS, DE NAS RDZOGS RIM SGOM PA YIN PAS, DE'I DBANG DU BYAS NA BSKYED RIM BZHAG NAS RDZOGS RIM SGOM PAR GSUNGS TE, 'ON KYANG LHA'I 'KHOR LO MI SGOM PA NI MIN NO, ,DES NA DA LTA'I GANG ZAG RNAMS LA SKABS
'DIR RDZOGS RIM SGOM PA RE YANG GAL CHE BAS DE BZLAS PA'I SNGON DU BYED NA DBYANGS GSAL NGAG TU BRJOD CING, DE'I TSE DBYANGS GSAL GYI PHRENG BA 'OD ZER LNGA LDAN 'KHOR LO GSUM GYI LHA TSOGS 'PHRO BA, SNA BUGS GA-YAS PA'I RLUNG DANG 'GROGS NAS 'PHROS PAS 'GRO BA RNAMS 'KHOR LO GSUM GYI LHA TSOGS SU BYAS, BYAS PA DE RNAMS THOG MA MED PA NAS GRUB PA'I DPA' BO DANG RNAL 'BYOR MA RNAMS DANG RO MNYAM DU GYUR TE, SNA BUG GA-YON NAS ZHUGS NAS LTE BAR GNAS PA YONGS SU GYUR PA LAS DBYANGS GSAL GYI GZUGS BRNYAN DANG LDAN PA'I ZLA BA'I DKYIL 'KHOR DKAR LA DMAR BA'I MDANGS CAN DU GYUR PAR BSGOM, DE'I DBUS SU SKAD CIG GIS H'Um YIG DKAR DMAR DE DANG ZLA BA GNYIS YONGS SU GYUR PA LAS HE RU KA DKAR PO GA-YAS BRKYANG GIS BZHUGS PA, ZHAL GCIG PHYAG GNYIS KYIS RDOR DRIL BSNAMS PA, NAM MKHA'I 'JA' TSON LTA BU YUM RDO RJE PHAG MO ZHAL GCIG MA, PHYAG GNYIS KYIS RDO RJE DANG THONG PA 'DZIN PA DANG, SNYOMS PAR ZHUGS PAS GSANG GNAS GNYIS BSKYOD PA'I SGYU MA'I DGA' BA'I SGRAS 'GRO BA RNAMS BKUG STE, DUR KHROD LA THIM, DE NI RTEN GYI 'KHOR LO LA, DE SKU 'KHOR LA, DE GSUNG 'KHOR LA, DE THUGS 'KHOR LA THIM, DE'I SHAR NAS GA-YON SKOR GYIS PHYOGS NA GNAS PA BZHI NI RIM PA BZHIN DU MKHA' 'GRO MA NAS BZUNG STE, GA-YON SKOR GYIS LHA MO BZHI LA DANG, DE NAS ME NAS BRTZAMS TE MTSAMS NA GNAS PA BZHI NI, GZUGS CAN MA NAS BZUNG STE GA-YAS SKOR GYIS LHA MO BZHI LA THIM, 'DIR THAD PA BZHI JI LTAR SDUD PA MA BSHAD KYANG, GZUGS CAN MA LA SOGS PA BZHI LA
, ,BSDU'O, ,LHA MO BZHI YANG RANG NGOS KYI GTZO BO'I ZHAL BZHI LA RIM PA BZHIN BSDU, DAM TSIG PA YAB YUM NI LTE BA'I YE SHES SEMS DPA' YAB YUM LA THIM, PAndI TA KHA GCIG LUGS 'DI LA'ANG YE SHES SEMS DPA' LTE BA DANG, SNYING KHAR SGOM PA GDAM NGA CAN DU BYED DO, ,DE GNYIS KYANG SNYOMS PAR ZHUGS PAS ZHU BAR GYUR, ZHU BA DE YONGS SU GYUR PA LAS, SINDHU RAS BYUGS PA'I MU TIG LTA BU'I H'Um YIG BDE BA CHEN PO'I RANG BZHIN DU 'GYUR, DE'I A'U NAS N'A DA'I BAR DU SNGA MA PHYI MA LA RIM GYIS BSDUS NAS, N'A DA YANG SKRA'I RTZE MO BRGYA STONG GI CHA TZAM DU BYAS PA LA SEMS BZUNG NGO, ,RAB KYIS NI DE YANG MI DMIGS PAR 'OD GSAL DU BSDUS PA LA SEMS NUS TSAD DU GZUNG NGO, ,YE SHES SEMS DPA' BSKYED PA NAS 'DI'I BAR NI, 'GREL PA GSUM GA LAS RNAL 'BYOR CHEN POR BSHAD CING, 'DI NAS RNAL 'BYOR CHEN PO RDZOGS PAR BSHAD LA, DE LTAR BDAG NYID RNAM BSAM, ZHES PA SOGS RJES SPYOD KYI RNAL 'BYOR RNAMS KYANG SHIN TU RNAL 'BYOR DU BSHAD PAS, BZLAS PA DANG GTOR MA SOGS KYANG SHIN TU RNAL 'BYOR DU BSDU'O, ,SDUD RIM GYI RDZOGS RIM 'DI DANG, RDO RJE BZLAS PA GNYIS KYI GNAD NI SHIN TU RTOGS DKA' BAR YOD PA LOGS SU BSHAD PAR BYA'O, ,GSUM PA THUN GYI MJUG TU JI LTAR BYA BA LA GNYIS, BZLAS PA JI LTAR BYA BA DANG, GTOR MA JI LTAR BYA BA'O, ,DANG PO NI, DES SKYO BAR GYUR NA RTEN BRTEN PA'I 'KHOR LO THAMS CAD SKAD CIG GIS DMIGS PAR BYAS LA BZLAS PA BYA STE, RDO RJE BZLAS PA NI, RANG GI LTE BAR ZLA BA LA GNAS PA'I H'Um DKAR DMAR RAM, YANG NA N'A DA RKYANG
PA DKAR DMAR BLTAS LA, DE GNYIS GANG YIN KYANG RLUNG PHYIR 'BYUNG BA NA H'Um YIG GI GDANGS KYIS N'A DA LAS 'KHOR LO LNGA'I LHA TSOGS YANG DAG PAR SPROS TE 'GRO BA'I DON BYAS PAR BSAM, SLAR YANG PHYIR 'JUG PA NA 'JUG PA'I RLUNG AOm YIG GI GDANGS KYIS PHRENG BA'I SKUD PA TSUR 'THEN PA BZHIN DU SNGAGS DANG LHA LHAN CIG TU 'ONGS NAS LTE BA'I N'A DA DE NYID LA THIM PAR BSAM MO, ,RDOR BZLAS 'DI LA YI GE GSUM GYI RDOR BZLAS BYED PAR 'GREL PA GSUM KA LAS BSHAD PAS, GNAS PA'I RLUNG LA JI LTAR BYA BA MI GSAL YANG, NANG DU ZHUGS NAS THIM PA'I 'OG TU RLUNG CUNG ZAD NANG DU BZUNG NAS DE'I GDANGS NI A'A:'I GDANGS SU BZLA'O, ,'GREL PA SDOM 'BYUNG LAS, BLA MA DAM PA'I GDAMS PAS, YANG NAS YANG DU RDOR BZLAS BYA BAR BSHAD PA BZHIN 'DI'I GNAD LEGS PAR BLA MA LAS BTZAL DGOS SO, ,DAM TSIG GI BZLAS PA NI, N'A DA DE NYID LAS GTZO BO'I SNYING PO DANG, NYE SNYING GI SNGAGS BRJOD CING 'KHOR LO SDOM PA'I LHA TSOGS SNGAR BZHIN 'GRO BA'I DON LA SPRO BA DANG, SLAR YANG SDUD PA'I TSUL GYIS SPROS PA DANG, LHA GZHAN SO SO'I SNGAGS BRJOD PA RDZOGS PA NA RE RE ZHING SPRO BA DANG, SDUD PA'I TSUL GYIS ZLO BA'O, ,LHA GZHAN GYI SNGAGS ZLO TSUL NI, DE RNAMS KYI THUGS KAR NYI GDAN LA TING NGE 'DZIN SEMS DPA' H'Um DGOD PAR BSHAD PAS DE LA BZLAS BYA'I SNGAGS KYI 'PHRENG BAS 'KHOR BAR DMIGS NAS BZLA'O, ,DO LI'I BZLAS PA NI, CHOS THAMS CAD MNYAM PA NYID KYI NGA RGYAL GYIS SNGAGS PHRENG RANG GI ZHAL NAS ZHUGS NAS RDO RJE'I LAM NAS YUM GYI PADMAR ZHUGS, DE'I DH'U T'I'I LAM NAS STENG DU LANGS TE, GTZO MO'I ZHAL NAS
, ,'THON NAS RANG GI ZHAL DU ZHUGS SHING N'A DAR THIM PA DANG, YANG SNGAR BZHIN 'KHOR BAR BSGOMS NAS PHRENG SNGAGS ZLO BA'O, ,LVA BA PA'I 'GREL PAR 'GYUR CUNG 'KHRUGS YOD KYANG, PRADZNY'A RAKshI TA DANG, 'GREL PA SDOM 'BYUNG LAS 'BYUNG BA 'DI LAGS SO, ,BZLAS BYA'I SNGAGS LA, SHR'I BADZRA NI DPAL RDO RJE DANG, HE DANG RU GNYIS GNYIS KYI RJES SU KAm NI KHRAG 'THUNG GNYIS BSTAN ZER MOD KYANG, RU DHI RA KHRAG LA 'JUG PA'I ZUR TZAM LA BRTEN NAS KHRAG 'THUNG DU SNGA MA RNAMS KYIS BSGYUR BA'I 'GYUR MI LEGS ZHES BOD KYI MKHAS PA DAG GSUNG DO, ,d'A KI N'I NI MKHA' 'GRO MA'O, ,DZ'A LA NI DRA BA'AM TSOGS SO, ,SAm BA RAm NI SNGAR LTAR GNYIS SO, ,SV'AH'A NI GZHI TSUGS SHIG PA'O, ,BADZRA BEE RO TZA N'I YE NI RDO RJE RNAM PAR SNANG MDZAD MA'O, ,SARBBA BUDDHA d'A KI N'I YE NI SANGS RGYAS THAMS CAD KYI MKHA' 'GRO MA'O, ,BADZRA WA RnA N'I YE NI RDO RJE RAB BSNGAGS MA'O, ,MNGON SPYOD LAS, GTZO BO YAB YUM GYI SNYING PO DANG NYE SNYING GNYIS LA, SKU GSUNG THUGS LA SOGS PA'I BDE MCHOG GI RIGS SO SO LA BRTEN PA'I SNGAGS MI 'DRA BA MANG DU GSUNGS PA LAS, L'U AI PA NAS GSUNGS PA LTAR, DRIL BU PAS KYANG GSUNGS TE, RTZA RGYUD DANG, MNGON BRJOD DAG PA 'GA' ZHIG LAS KYANG DE BZHIN DU 'BYUNG NGO, ,L'U AI PA 'GYUR BCOS MA BYAS PA'I MAR DO'I 'GYUR DANG, LO CHEN DANG CHAG DANG, ZANGS DKAR GYI 'GYUR DANG, DRIL BU BA'I LUS DKYIL CHE BA RNAMS LAS, YUM GYI SNYING BO DANG NYE SNYING SNGAR DANG 'DRA, LO CHEN GYI 'GYUR MAR DOS BCOS PA LAS, YUM GYI SNYING PO DANG NYE SNYING GNYIS SNGAR BSHAD PA LAS BZLOG STE 'BYUNG YANG DPE MA DAG PAR MNGON, NAG
PO SPYOD PA'I SGRUB THABS SU DE LTAR 'BYUNG BA NI MA DAG PA MIN NO, ,YID BZHIN NOR BU LAS, DANG POR SANGS RGYAS MKHA' 'GRO MA DANG, DE NAS SNANG MDZAD MA'I SNGAGS BSHAD NAS LHA MO'I SNYING PO DANG NYE SNYING DU BSHAD KYANG RIM PA BZHIN GYI TSIG MED PAS LUS DKYIL BZHIN BYAS NA LEGS SO, ,RTZA RGYUD DANG KUN SPYOD LAS, DPA' BO DANG DPA' MO RNAMS KYI SNGAGS LA, THOG MAR AOm DANG, MTHAR HUm GNYIS DANG PHAt SBYOR BAR BSHAD DO, ,DE LA DPA' BO NYER BZHI'I SNGAGS LA NI, RANG RANG GI MTSAN SNGAGS MED PA DANG, YOD PA GNYIS LAS DANG PO NI, GZHUNG 'DI NAS 'BYUNG BA LA RTZA SNGAGS KA RA KA RA LA SOGS PA TSAN PA NYER BZHIR BCAD PA'I THOG MTHAR SNGAR BZHIN SBYAR BA'O, ,'DI YANG MNGON BRJOD LAS 'BYUNG NGO, ,MTSAN SNGAGS YOD PA LA RTZA SNGAGS NYER BZHI DANG SPEL LUGS GSUM MNGON BRJOD LAS GSUNGS TE, AOm KHAndA KA P'A LA KA RA KA RA HUm HUm PHAt, CES PA LTA BU, AOm DANG MTSAN SNGAGS NYER BZHI THOG MAR BYAS NAS, RTZA SNGAGS KYI DUM BU NYER BZHI 'OG TU BTON PA CIG DANG, YANG AOm KA RA KA RA KHAndA KA P'A LA HUm HUm PHAt, CES PA LTA BU, RTZA SNGAGS KYI DUM BU SNGAR BYAS, MTSAN SNGAGS 'OG TU BYAS PA CIG DANG, YANG AOm KA RA KHAndA KA P'A LA KA RA HUm HUm PHAt, CES RTZA SNGAGS KYI DUM BU PHYED MAR BTANG BA'I BAR DU MTSAN SNGAGS NYER BZHI BCUG PA CIG GO ,KHYAD PAR GSAL BYED LAS, AOm KA RA KA RA KHAndA KA P'A LI NI, PRA TZAndE HUm HUm PHAt, CES SBYAR BA CIG KYANG YOD DE, ,DPA' BO RDO RJES DPA' BO'I MTSAN SNGAGS NYER BZHI BSGRIGS PA LA, THOG MAR AOm DANG MTHAR HUm GNYIS DANG PHAt SBYAR TE, 'DON PA NI DPA' BO'I SNYING PO DANG NYE SNYING BSDUS PA'I LUGS DANG, DPA' MO NYER BZHI LA YANG DE
, ,BZHIN DU BYAS PA NI, DPA' MO'I SNYING PO DANG NYE SNYING BSDUS PA'I LUGS SU BSHAD DO, ,DE LA KA RA GNYIS NI GYIS GNYIS DANG, KU RA GNYIS NI MDZOD GNYIS DANG, BAN DHA GNYIS NI CHINGS GNYIS DANG, TR'A SA YA GNYIS NI SKRAG PAR GYIS GNYIS DANG KshO BHA YA GNYIS NI BSKYOD PAR GYIS GNYIS DANG, DA HA GNYIS NI SREGS GNYIS DANG, PA TZA GNYIS NI TSOS GNYIS DANG, BHAKshA GNYIS NI ZO GNYIS DANG, BA SA NI ZHAG DANG, RU DHI R'A NI KHRAG DANG, AANTRA NI RGYU MA DANG, M'A L'A BA NI 'PHRENG BA DANG, LAMBI NE NI 'PHYANG BA DANG, SAPTA NI BDUN DANG, P'A TA LA NI SA 'OG DANG, GA TA NI GNAS PA DANG, BHU DZAm GAm NI LAG 'GRO DANG, SAR PAm B'A NI SPRUL RNAMS KYANG NGO, ,KHA CIG SARBA B'A ZHES 'DON ZHING LAG 'GRO THAMS CAD CES ZER RO, ,TARDZA YA GNYIS NI BSDIGS GNYIS DANG, A'A KAd dDYA GNYIS NI KHUG GNYIS SO, ,DE NAS SGO MTSAMS MA BRGYAD DANG, RNAL 'BYOR MA BZHI'I MTSAN SNGAGS KYI MGOR AOm DANG, MTHAR HUm GNYIS DANG PHAt SBYAR BA NI, SO SOR 'DON PA DANG, DANG POR RNAL 'BYOR MA BZHI DANG, DE NAS SGO MTSAMS MA BRGYAD KYI MTSAN SNGAGS BCU GNYIS BSGRIGS PA LA THOG MTHAR SNGAR BZHIN SBYAR BA NI, DE DAG GI BSDUS PA'I NYE SNYING DU DPA' BO RDO RJES BSHAD DO, ,d'A KI N'I LA SOGS PA'I MTSAN NI BRDA PHRAD PAR SLA'O, ,YAB KYI RKANG BRGYAD KYI DANG POR BCOM LDAN 'DAS DPA' BO'I DBANG PHYUG LA PHYAG 'TSAL LO, ,ZHES PA DANG, MAH'A KALPA NI BSKAL PA CHEN PO DANG, AAGNI SAm NI BH'A YA NI ME DANG MNYAM PA'I 'OD CAN DANG, DZA d'A NI RAL PA DANG, MU KU tO TKA t'A YA NI COD PAN MI BZAD PA CAN DANG, DAmsht'A KA R'A LE GRA NI MCHE BA RNAM PAR GTZIGS PA DANG, BH'I shA nA MU KH'A NI
'JIGS PA'I ZHAL CAN NO, ,KHA CIG DRAG SHUL 'JOMS PA'I ZHAL ZER RO, ,SA HA SRA NI STONG DANG, BH'U DZA NI PHYAG DANG, BH'A SU R'A YA NI 'BAR BA'I 'OD CAN DANG, PA RSHU NI DGRA STA DANG, P'A SHO DYA TA NI ZHAGS PA GDENGS PA DANG, KHA tV'Am DRUG DANG, AAm GA YAN LAG ZER, GZHAN DAG KHA tV'Am NI MKHA' DANG, AA GA HI LUS ZER RO, ,DH'A RI nE NI 'DZIN PA'O, ,BY'A GRA NI STAG DANG, DZI N'A MBA RA DHA R'A YA NI PAGS PA'I NA BZA' CAN NO, ,MAH'A DH'U MBR'ANDHA KA YA WA PU shA YA NI DUD KHA CHEN PO'I MUN PA DANG 'DRA BA'I SKU CAN ZER, KHA CIG DUD KHA CHEN PO DANG, MUN PA CHEN PO'I SKU ZER RO, ,'DI LA YANG RKANG PA BRGYAD KA'I MGOR AOm GCIG DANG, MTHAR H'Um GNYIS PHAt SBYAR TE BSDUS PA GCIG DANG, RKANG PA RE RE'I MGOR, AOm RE DANG MTHAR H'Um GNYIS DANG PHAt SBYAR BA SO SOR BYAS PA GNYIS BSHAD DO, ,PHAM MTHING PA LAS BRGYUD PA LA GNYIS LAS, KHA CIG NI SNYING PO'I LHA MO BZHI'I SNGAGS DANG, ZHAL BZHI PA'I SNGAGS SBREL BA DANG, SGO MTSAMS MA BRGYAD KYI SNGAGS DANG, RKANG PA BRGYAD PA'I SNGAGS SBREL BA DANG, 'KHOR GYI LA DPA' BO'I SNGAGS LA HUm PHAt BCAD, RNAL 'BYOR MA'I SNGAGS RNAMS LA AOm BCAD LA BZLA'O, ,ZHES 'DOD LA, KHA CIG NI DE LTA BU MI BYED PAR GZHUNG NAS 'BYUNG BA BZHIN BYED DO, ,DE LA LUGS DANG POS NI, RNAL 'BYOR MA NYER BZHI'I SNGAGS RE DANG, RTZA SNGAGS KYI DUM BU RE SPEL 'DUG SNYAM DU GO NAS, RNAL 'BYOR MA LHAG MA BCU GNYIS KYI SNGAGS LA'ANG SNGAGS GZHAN DANG SPEL DGOS PAR BZUNG NAS DE LTAR BYAS PAR SNANG NGO, ,DE NI MA YIN TE, RTZA SNGAGS LA NYER BZHIR BCAD PA NI, DPA' BO NYER BZHI'I SNGAGS YIN LA, DE'I RE RE'I 'OG TU DPA' MO RE'I MTSAN SNGAGS
, ,'BYUNG BA NI, DPA' BO DE'I YUM GYI SNGAGS YIN GYI, LHA GCIG GI SNGAGS LA SPEL NAS SNGAGS GNYIS SU BYAS PA MIN PA'I PHYIR TE, DPER NA YAB KYI SNYING PO DANG NYE SNYING GI 'OG TU YUM GYI SNGAGS DE GNYIS BSHAD PA YIN KYANG, LHA RE RE'I SNGAGS SPEL BA MIN PA DANG 'DRA'O, ,DPA' BO RDO RJES NI RKANG BRGYAD BSKYAR NAS DPA' BO'I MTSAN SNGAGS NYER BZHI DANG SPEL BA BYAS KYANG, SGO MTSAMS MA DANG MA SPEL LA, SNYING PO'I LHA MO'I SNGAGS ZHAL BZHI PA'I SNGAGS DANG SPEL BA YANG MI SNANG NGO, ,MNGON BRJOD LAS, RTZA SNGAGS LA DUM BU NYER BZHIR BYAS PA GCIG DANG, DPA' BO NYER BZHI'I MTSAN SNGAGS DANG SPEL YANG, DPA' MO NYER BZHI DANG MA SPEL LO, ,DPA' BO DANG DPA' MO'I SNGAGS GCOD TSUL DE, DE BZHIN GSHEGS PA'I RDO RJES BSHAD PA LTAR, GNYIS KA'I SNGAGS BSDUS TE 'DON NA DE LTAR YIN KYANG, SPYIR DE LTAR GCOD DGOS PA NI MIN NO, ,DPA' BO RDO RJES GO CHA GNYIS LA'ANG, AOm HA SOGS KYI MGOR AOm DANG, MTHAR HUm GNYIS DANG PHAt SBYAR BA GCIG DANG, BADZRA STVA SOGS MTSAN SNGAGS BCU GNYIS KYI THOG MTHAR SNGAR BZHIN SBYAR BA DANG, DPA' BO'I GO CHA DRUG TSAN GNYIS PO DE BSDUS NAS THOG MTHAR SNGAR BZHIN SBYAR BA GNYIS DANG, DE BZHIN DU DPA' MO'I GO CHA LA'ANG SBYAR BA GNYIS BSHAD DO, ,GZHAN LA DBANG BSKUR BA DANG, RANG NYID BDAG 'JUG BYED PA DANG, RAB GNAS SOGS LA DBANG BA LA SNGON DU BSNYEN PA GAL CHE LA, DE YANG GRANGS JI TZAM ZHIG GI BAR DU BSNYEN DGOS SNYAM NA, MNGON BRJOD LAS, SNGON DU BSNYEN PA BYA BA NI, ,CHO GA BZHIN DU 'BUM DU BZLA, ,'KHOR LO'I GSANG
SNGAGS 'BUM BZLAS SHING, ,RANG GI LHA'I YANG 'BUm DU BZLA, GZHAN NI KHRI RU BZLA BAR BYA, ,ZHES GSUNGS LA, LVA BA PAS KYANG, GTZO BO LA 'BUM DANG, 'KHOR LA KHRI BZLA BAR BSHAD DO, ,SPYOD PA BAS, DPA' BO'I SNYING PO'I GSANG SNGAGS NI, ,KHRI PHRAG GSUM DU BZLA BAR BYA, ,DPA' BO RNAL 'BYOR MA 'KHOR LO'I, ,KHRI PHRAG GNYIS NI BSNYEN PAR BYA, ,KAm KA LA SOGS RNAM PA BRGYAD, ,SNYING PO'I RNAL 'BYOR MA BZHI YI, ,STONG PHRAG LNGA DANG LNGA BRGYA NI, ,SNGON DU BSNYEN PA BYA BA STE, ,ZHES GTZO BO LA KHRI PHRAG GSUM, ,'KHOR LO GSUM GYI LHA RE RE LA KHRI PHRAG GNYIS GNYIS, LHA MO GZHAN BCU GNYIS PO RE RE LA STONG PHRAG PHYED DRUG RE BZLA BAR BSHAD DE, GTZO MO LA'ANG KHRI PHRAG GSUM MO, ,DE DANG MTHUN PAR D'A RI KA PAS L'U AI PA'I DKYIL CHOG TU YANG GSUNGS PAS, L'U AI PA DANG DRIL BU PA'I LHA RE GNYIS PA LA'ANG DE BZHIN DU BYA, YANG D'A RI KA PAS, 'BRING NGAM CHUNG NGU'I TSUL GNAS NA, ,DKYIL 'KHOR DBANG PO 'BUM DU STE, ,DE BZHIN MKHA' 'GRO STONG PHRAG BCU, ,BZLAS TE LHA RNAMS MNYES PAR BYA, ,YE SHES MCHOG LA KHRI PHRAG STE, ,SBYIN SREG MCHOG GIS NYE BAR MCHOD, ,CES GSUNGS PA NI, SNGAR BSHAD PA BZLAS PA RAB YIN LA, BZLAS PA 'BRING DANG THA MA NI, GTZO BO LA 'BUM DANG, 'KHOR LA KHRI PHRAG RE, GNYIS KA LA THUN MONG DU YE SHES 'BEBS PA'I SNGAGS LA KHRI PHRAG GCIG ,DE RNAMS LA SPYIR BZLAS PA'I NYES PA DAG BYED LA NI, JI TZAM 'TSAM PA GCIG GI SBYIN SREG BYA, YE SHES 'BEBS PA LA NI, GZHAN NAS BCU CHA'I SBYIN SREG BYA BAR GSUNGS TE, SNGA MA NI ZHI BA DANG, PHYI MA NI DBANG NGO, ,BZLAS RGYU'I SNGAGS NI RTZA SNGAGS YIN NA RAB, DE MIN NA'ANG SNYING PO'I
, ,SNGAGS ZHES GSUNGS PA LTAR BYA, 'KHOR GYI NI BSHAD ZIN TO, ,BGRANG 'PHRENG NI MNGON BRJOD LAS, MI RUS KYI PHRENG BA LA BYA BAR MANG DU BSHAD PA LTAR BYA, DE MA GRUB NA GDAN BZHI LAS, ZHI RGYAS DBANG DANG MNGON SPYOD LA, ,BO DE TZI NI LAS KUN BYED, ,CES GSUNGS PA LTAR BYA'O, ,PHRENG THAG NI GZHON NU MA MA NYAMS PAS BKAL BA'I RAS BAL GYI SKUD PA LA BYA BAR RDO RJE MKHA' 'GRO LAS BSHAD DO, ,RAB GNAS RGYAS PA NI PHRENG BA DANG MAN SNYE LAS BSHAD PA BZHIN BYA, BSDUS PA NI PHRENG BA LAS, PHRENG BA LA GSUNG RDO RJE BSGOMS TE, YE SHES PA DANG GCIG TU BYAS NAS GZUGS DE YONGS SU GYUR PA LAS PHRENG BA'I RNAM PAR BSAMS LA BUM PA'I CHUS GTOR TE, MCHOD NAS GSUNG RDO RJE'I SNYING PO BRGYA RTZA BRGYAD BZLA BAR GSUNGS PA BZHIN BYA'O, ,GSUNG RDO RJE NI 'DIR PADMA GAR GYI DBANG PHYUG GO ,DE'I SNYING PO NI, AOm PADMA NIR TYA SHVA RA HUm HUm PHAt CES PA'AM, SV'AH'A HU'I THOG MTHAR SNGAR BZHIN SBYAR BA'O, ,SEMS MA YENGS PA LA 'BAD NAS BZLAS PA'I SKYON HA CANG MYUR BUL DANG, HA CANG SGRA CHE BA DANG, RING THUNG GI TSAD LAS NYAMS PA DANG, DE GNYIS BZLOG NAS 'DON PA SOGS LA BSHAD PA RNAMS DANG BRAL BAR BZLAS SO, ,'DI LA YID BZLAS RDO RJE BZLAS PA DANG, NGAG BZLAS GNYIS KA YOD LA, DE YANG THUN NGO BO LA MA YENGS PAR BZLAS PA RNAMS GRANGS SU GZHUG GI, THUN BAR DU BZLAS PA DANG, SEMS GA-YENGS NAS BZLAS PA SOGS NI GRANGS LA MI PHAN YANG BZLA BAR NI BSHAD DO, ,RDO RJE MKHA' 'GRO LAS, MTHE BONG LCAGS KYUR BYAS NAS NI, ,LHA RNAMS THAMS CAD 'GUG PAR BSAM, ,SHIN TU MNYAM GZHAG SNGAGS
BZLAS NA, ,'GRUB 'GYUR 'DIR NI THE TSOM MED, ,CES PA DANG, KHA SBYOR LAS, DE NYID YOD NA 'GRUB LA MED NA MI 'GRUB PAR GSUNGS PA'I DON NI, MAN SNYE LAS, LAG PA GA-YAS PA'I SOR MO RNAMS RDO RJE RTZE LNGA PA DANG, GA-YON PA'I SOR MO RNAMS PADMA'I 'DAB MA'I RNAM PAR SKAD CIG GIS BSAMS LA, DE GNYIS LA RIM PA BZHIN DU A'A: LAS SKYES PA'I NYI MA A'A: SA MTSAN PA DANG, AA LAS SKYES PA'I ZLA BA AAS MTSAN PA BSGOMS PA, STONG PA DANG, SNYING RJE DBYER MED PAR BSGOMS NAS GA-YAS PAS BGRANG BA DANG, LHA'I SKU RANG BZHIN MED PAR SHES PA'I DE NYID YOD NA 'GRUB KYI, MED NA MI 'GRUB PAR GSUNGS PA DANG, ZHAL DU YOD DANG 'KHOR GYI LHA DU YOD KYIS 'DON PAR MOS PAR DRIL BU PA DANG LVA BA PAS GSUNGS PA LTAR BTON NA DE DAG GIS GRANGS KYI 'GYUR YOD PAR GSUNGS SO, ,MNGON BRJOD LAS, DUNG CHEN PHRENG BA BLANGS NAS SU, ,LAG GA-YON MTHE BONG SRIN LAG GIS, ,GSANG SNGAGS DAG NI BZLAS PA BYA, ,ZHES GSUNGS SO, ,GNYIS PA NI, GTOR MA'I CHO GA NI RTZA RGYUD LAS MI GSAL LA, GZHUNG NAS KYANG, 'JIG RTEN LAS 'DAS MA 'DAS KYI GTOR SNGAGS TZAM MA GTOGS PA CHO GA GZHAN GSAL BAR MA GSUNGS SO, ,DE LA LVA BA PAS, GTOR MA'I CHO GA GSAL BAR GSUNGS PA NI, GTZO BOR SDOM 'BYUNG LA BRTEN PA YIN LA, PRADZNY'A RAKshI TA DANG DE BZHIN GSHEGS PA'I RDO RJE SOGS MANG POS KYANG LVA BA PA LTAR BSHAD DO, ,'DIR SDOM 'BYUNG LAS, MYOS BYED GTOR MA MED PAR LAS, ,MYUR DU 'GRUB PAR MI 'GYUR RO, ,DES NA SNGON GYI SANGS RGYAS KYIS, ,GTOR MA'I RAB TU BSNGAGS PA GSUNGS, ,ZHES GSUNGS LA, KUN SPYOD LAS, RANG 'DOD
, ,LAS LA SBYIN BYA BA, ,KHYAD PAR DU YANG GTOR MA SBYIN, ,MAR NGO YI NI TSES BCU DANG, ,YAR NGO YI YANG DE GYUR LA, ,MYUR DU 'BAD PAS CHANG DANG SHA YIS KYANG, ,RDO RJE LHA MO RAB TU MCHOD PAR BYA, ,ZHES SHA YANG DGOS PAR GSUNGS SHING, SPYIR THUN GYI THOG MTHA' DANG, KHYAD PAR DU TSES BCU GNYIS KYI DUS SU BYA BAR BSHAD DO, ,DE LA GTOR MA SBYANG BA NI, MDUN DU YAm LAS BYUNG BA'I RLUNG GI DKYIL 'KHOR DANG, DE'I STENG DU RAm LAS BYUNG BA'I ME'I DKYIL 'KHOR RO, ,GTER SNOD NI AOm A'A: H'Um GSUM LAS BYUNG BA'I MI MGO RLON PA'I SGYED BU GSUM LA GNAS PA'I AA DKAR PO LAS BYUNG BA'I PADMA'I SNOD DU BSKYED DO, ,DRIL BU PAS, DE STENG AA LAS PADMA'I SNOD, ,DUM BU GCIG PA NANG DMAR PO, ,ZHES THOD PA DUM BU GCIG PA NANG DMAR POR BSHAD DE, GTZUG NOR LAS KYANG NGO, , PHYI NI DKAR PO'O, ,DE'I NANG DU GTOR MA'I RDZAS GANG YIN RNAMS BDUD RTZI LNGA DANG SGRON MA LNGAR BSKYED PA NI, SHAR NAS BRTZAMS TE DBUS KYI BAR DU GA-YON SKOR GYIS AOm KHAm AAm TRAm H'Um RIM PA BZHIN DU DKAR LJANG DMAR SER MTHING KHA RNAMS YONGS SU GYUR PA LAS, RIM PA BZHIN DU GSANG PA'I SMAN DRI CHEN DANG, SHA CHEN DANG, BYANG SEMS DKAR PO DANG, RANG BYUNG GI ME TOG RAKTA DANG, DRI'I CHU RNAMS LA SLAR YANG YI GE DE DAG NYID KYIS MTSAN PA DANG, ME NAS BRTZAMS TE DBUS KYI BAR DU GA-YAS SKOR GYIS LAm MAm PAm T'Am BAm DKAR SNGO DMAR LJANG YONGS SU GYUR PA LAS, BA LANG KHYI GLANG PO CHE RTA YI SGRON MA STE SHA RNAMS YI GE DE DAG GIS BYIN GYIS BRLABS PA'O, ,'GREL PA RNAMS NAS SA BON LNGA TSAN GNYIS LAS, BDUD RTZI LNGA DANG SHA LNGA SKYED PAR BSHAD PA TZAM LAS, SA BON GANG LAS
DE RNAMS GANG SKYED MI GSAL BAS SKYED LUGS DE NI YID BZHIN NOR BU DANG GTZUG NOR LTAR YIN NO, ,DER KHAm LAS SHA CHEN SKYED PA LA BSAMS NAS SHA'I SKABS SU SHA CHEN MED CING, SA BON GYI YI GE BAm MA BYUNG BA NI SHA CHEN DE SHA DANG BDUD RTZI GNYIS KA LA GTOGS PA'I 'GREL PA RNAMS KYI LUGS LTAR NA, SDOM 'BYUNG LAS, BDUD RTZI LNGA PA LA KLAD PA DANG, RKANG MAR DANG TSIL GSUM GANG RUNG CIG BSHAD PAS, KHAm LAS DE GSUM GANG RUNG GCIG DANG, DBUS SU BAm DMAR PO LAS SHA CHEN BSKYED NAS LHAG MA SNGAR LTAR BYAS NA LEGS LA, BDUD RTZI LNGA LA GSHEGS PA GSHEGS MAR 'JOG TSUL DANG, PHYOGS DANG MTSAMS SU 'GOD TSUL RGYUD SO SO NAS BSHAD PA MANG DU YOD KYANG, TSUL 'DI NI SDOM 'BYUNG GI DGONGS PA'O, ,DE NAS RLUNG GA-YOS PAS ME 'BAR BA'I DROD KYIS SA BON GYI YI GE LA SOGS PA ZHU STE, NYI MA 'CHAR KA'I MDOG LTAR DMAR POR BLTA'O, ,DE'I STENG DU H'Um DKAR PO LAS BYUNG BA'I KHA tV'Am GA DKAR PO BYANG CHUB SEMS KYI BDUD RTZI'I RANG BZHIN CAN MGO THUR DU BLTAS PA THOD PAR LHUNG STE ZHU BAS BCUD DE DAG DNGUL CHU'I MDOG CAN BSIL BAR GYUR PAR BSAM MO, ,DE NAS DBYANGS GSAL GYI THOG MAR AOm DANG, MTHAR H'Um H'Um PHAt DANG BCAS PA BRJOD PAS YI GE DE NYID KHA DOG SNA TSOGS PA BDUD RTZI'I STENG DU GNAS PAR BLTAS LA, DE RNAMS YONGS SU GYUR PA LAS, AOm DKAR PO, ,A'A: DMAR PO, ,H'Um SNGON PO BSTENG NAS STENG DU GNAS PAR BSAM MO, ,'OD ZER 'PHROS PAS RGYA MTSO LA SOGS PA NA GNAS PA'I BDUD RTZI DANG, PHYOGS BCU NA BZHUGS PA'I DPA' BO DANG DPA' MO'I DBANG PHYUG MA THAMS CAD
, ,KYI THUGS KA'I SA BON LAS YE SHES KYI BDUD RTZI BKUG CING, 'OD ZER GYIS 'GRO BA RNAMS 'KHOR LO GSUM GYI LHAR BYAS PA'I DPA' BO DANG, DPA' MO RNAMS KYANG BKUG PA RNAMS SNYOMS PAR 'JUG PA SNGON DU 'GRO BAS ZHU BA YI GE GSUM LA THIM, DE GSUM YANG RIM GYIS ZHU BA THOD PAR THIM PAR BSAMS LA, YI GE GSUM LAN GSUM BRJOD DE BYIN GYIS BRLAB BO, ,GTOR MGRON NI SNGAR BSHAD PA LTAR 'BAR BA'I PHYAG RGYA DANG SNGAGS KYIS DUR KHROD NA GNAS PA'I PHYOGS SKYONG LA SOGS PA'I 'KHOR DANG BCAS PA RNAMS THAMS CAD YONGS SU RDZOGS PA'I DKYIL 'KHOR SPYAN DRANGS TE MDUN DU BZHAG LA, MCHOD YON SOGS SNGON DU 'GRO BAS MCHOD DO, ,DE NAS LAG PA GNYIS A'A LI K'A LI YONGS SU GYUR PA LAS, ZLA BA DANG NYI MA'I RANG BZHIN DU GYUR PA'I DBUS SU H'Um YIG BLTAS TE, AOm AA N+YO N+YA AA NU GA TA SARBBA DHARMMA: PA RA SPHA RA, AA NU PRA BIshtA SARBBA DHARMMA: AA TYANTA, AA NU PRA BIshtA SARBBA DHARMMA:, H'Um ZHES BRJOD PA SNGON DU 'GRO BAS ZLA NYI H'Um DANG BCAS PA YONGS SU GYUR PA LAS, RDO RJE'I THAL MOR BYAS PA'I LAG MTHIL DU BDUD RTZI GTOR MA'I SNOD DNGOS SU BZHAG PA 'AM BZHAG PAR BSAMS TE, DE NAS MGRON GYIS GTOR MA BDAG GIR MDZAD PA'I PHYIR DU RANG GI 'DOD DON BRJOD DE, LHA MO TSAD MA DAM TSIG TSAD MA DANG, ,DE BRJOD GSUNG YANG MCHOG TU TSAD MA STE, ,BDEN PA 'DI DAG GIS NI LHA MO RNAMS, ,BDAG CAG RJES SU 'DZIN PA'I RGYUR GYUR CIG ,CES BRJOD DO, ,DE NAS MCHOD PA'I 'KHOR GSUM PO RNAMS BDE STONG GI NGO BOR DBYER MED PAR BLTAS LA, LHA RNAMS KYI LJAGS LA H'Um DKAR PO
LAS BYUNG BA'I RDO RJE RTZE GSUM PA DKAR PO NAS 'BRU TZAM BKOD DE, 'DIR SNGAR LTAR SNGAGS GNYIS KYIS BYIN GYIS BRLAB PA MA BSHAD KYANG, KHA ZAS KYI DUS SU DE BYA BAR BSHAD PA LTAR BYAS NA LEGS SO, ,RDO RJE'I 'OD ZER GYI SBU GUS DRANGS NAS BDUD RTZI GSOL BAR BSAM ZHING, BDUD RTZI'I SNOD DE SHAR NAS BRTZAMS TE PHYOGS GA-YON SKOR DANG, ME NAS BRTZAMS TE MTSAMS GA-YAS SKOR DU BSKOR LA, AOm KARA KA RA NAS HUm HUm PHAt KYI BAR LAN CIG BRJOD LA, 'KHOR LO GSUM GYI LHA LA DBUL LO, ,DE NAS GTZO BO YAB YUM DANG, LHA MO BZHI DANG, SGO MTSAMS MA BRGYAD LA JI LTAR RIGS PAR BSKOR TE, AOm A'A: BADZRA AA RA LI HO: DZA: H'Um BAm HO: BADZRA d'A KI N+YA SA MA YA STVAm TRI SHYA HO: ZHES PA 'DI GCIG NAS LNGA BRJOD PAS DBUL BAR BYA'O, ,DA LTA 'GYUR BA'I SDOM 'BYUNG LAS YE SHES PA SPYAN DRANGS PA LA SNYING GA'I PHYAG RGYA SBYIN PA DANG, SA MA YA STVAm LA SOGS PA BRJOD PA DANG, PHYOGS MTSAMS BRGYAD DANG STENG 'OG NAS PHYOGS SKYONG SO SOR 'GUGS PA'I SNGAGS SO SO DANG, DE NAS SNGAGS GZHAN ZHIG MGO BOR BTAGS PA'I RTZA SNGAGS LAN CIG BRJOD NAS GTZO BO YAB YUM LA 'BUL ZHING, SNGAGS 'OG MA LAN GCIG NAS LNGA'I BAR BRJOD PAS LHA MO BCU GNYIS LA 'BUL BAR BSHAD DE, RGYUD DER SGRUB THABS LA LHA BCU GSUM LAS MED PA LA DGONGS PAR MNGON NO, ,GZHUNG NAS RDO RJE THAL MO KHA GYEN DU PHYE LA MTSAN PHYED NA GTOR MA SBYIN PAR BYA STE ZHES GSUNGS NAS, GTOR SNGAGS GNYIS BKOD PA MA GTOGS PA MGRON GANG LA 'BUL BA SOGS MI GSAL LA, SNGAGS GONG MA'I MTHAR ZHES BYA BA 'DIS LAN LNGA'I BAR DU MNGON PAR BSNGAGS PAR BYAS LA BSTAB PAR
, ,PAR BYA STE, ZHES GSUNGS TE, LAN GNYIS SOGS GDAM NGA CAN GYI TSIG MED DO, ,MNGON BRJOD DANG KUN SPYOD LAS, SKRA GROL ZHING GCER BUR BYAS NAS LHOR BLTAS TE RDO RJE THAL MO KHA GYEN DU PHYE NAS MTSAN PHYED NA GTOR MA BYA BAR BSHAD CING, SNGAGS LAN GNYIS SOGS BRJOD PA LA GDAM NGA CAN GYI TSIG MED, DES NA LVA BA PAS GDAM NGA CAN DU BSHAD PA NI, SPYIR LAN LNGA BRJOD DGOS KYANG LHA SO SO LA LTOS NAS MA NGES PAS DE LA DGONGS TE, GCIG GTZO BO DANG, DE NAS GCIG BSNAN NAS YUM DANG, DE NAS GCIG BSNAN NAS LHA MO BZHI DANG, DE NAS GCIG BSNAN NAS SGO MTSAMS MA PHYOGS NA GNAS PA DANG, DE NAS GCIG BSNAN NAS MTSAMS NA GNAS PA LA DBUL LO, ,DE LTAR PHUL BA'I RJES SU ZHAL BSIL DANG, LAG PHYIS DANG, SO RTZI LA SOGS PA DBUL ZHING RIG MA BCU DRUG GIS MCHOD NAS RKANG PA BRGYAD PAS BSTOD DE, 'DOD DON 'GRUB PAR GSOL BA GDAB PAR BYA STE, SRID PA DANG MNYAM ZHI BA'I CHAGS BCOM KUN TU RTOG PA 'JOMS, ,KHYOD NI DNGOS PO MTHA' DAG MKHA' LTAR GZIGS PA DAG DANG LDAN, ,MGON PO SHIN TU BRTZE BA LCI BA'I CHUS BRLAN THUGS KYI CHUS, ,MDZOD CIG LHA MO RNAMS NA BDAG LA SHIN TU RJES BRTZER MDZOD, ,CES BRJOD DO, ,DE NAS 'JIG RTEN PA'I GTOR MA NI SDOM 'BYUNG DANG, 'GREL PA SOGS NAS DKYIL 'KHOR PA'I LHAR BSGYUR BA MED PAR 'BUL, PHAM MTHING PA NAS BRGYUD PA MANG POS KYANG DE BZHIN DU MDZAD, AA BHY'A KA RAS 'JIG RTEN PA RNAMS SKAD CIG GIS 'OD GSAL DU BCUG PA'I RJES LA, BDE MCHOG GI LHA YUM DANG BCAS PA'I
SKUR BSGYUR NAS 'BUL BA MDZAD DO, ,PHAM MTHING PA NAS BRGYUD PA KHA CIG ,THUGS KA NAS 'OD ZER 'PHROS PA DUR KHROD BRGYAD LA PHOG PAS YONGS SU RDZOGS PA'I DKYIL 'KHOR PA BRGYAD DU GYUR PA LA 'BUL BAR BZHED DE, RGYA GZHUNG GI KHUNGS NI MA MTHONG NGO, ,SNGAR SBYAN DRANGS PA'I DUR KHROD NA GNAS PA'I PHYOGS SKYONG DANG ZHING SKYONG DANG KLU LA SOGS PA LA PHYOGS GA-YON DANG, MTSAMS GA-YAS SU BSKOR ZHING, AOm KHA KHA, KH'A HI KH'A HI, SARBBA YAKshA, RAKshA SA, BH'U TA, PRE TA, PI SH'A TZA, AUNMA DA, AA PASMA RA, BADZRA d'A KA, d'A KI N+Y'A DA YA, AI MAm, BA LIm GAIHnA TU, SA MA YA RAKshANTU, M'A MA, SARBA SIDDHI MME PRA YATZTSANTU, YA THE BAm YA THEshtAm, BHU DZA THA, P'I P'A THA, DZI GRA THA, M'A TI PRA MA THA, MA MA SARBB'A KA RTA YA, SAD SU KHAm BI SHUD DHA YE, SA HA YI KA BHA WANTU, H'Um H'Um PHAt PHAt SV'A H'A, ZHES LEN GNYIS BRJOD NAS PHYOGS DANG MTSAMS NA GNAS PA LA DBUL BAR BYA'O, ,PHYOGS SKYONG LA SOGS PAS BDUD RTZI DE GSOL BAS LUS BDE BA CHEN POS TSIM PAR BSAM MO, ,DE'I RJES LA MGRON SPYI LA SO RTZI LA SOGS PA DBUL ZHING, RIG MA BCU DRUG GIS MCHOD RKANG BRGYAD KYIS BSTOD LA, BRDA'I LAG PAS BRDA BYAS TE 'DOD DON LA GSOL BA GDAB BO, ,BRDA'I LAG PAS BRDA BYED TSUL NI, 'GREL PA RNAMS DANG RTAG PA'I RDO RJES GSAL BAR MA BSHAD, KHA CIG GIS LAG PA GA-YAS PA'I MTHEB CHEN GYI STENG NA PHAR LA, GA-YON PA'I MTHEB SRIN GYIS SE GOL BYED PA YIN ZHES ZER MOD KYANG, 'OG NAS 'CHAD PA'I GSHEGS GSOL GYI PHYAG RGYA DANG GCIG PAR MNGON LA, 'DIR NI MNYES PAR BYED PA'I BRDA DANG, 'OG TU NI GSHEGS GSOL GYI BRDAR BYA'O, ,DE NAS CHO GA LHAG CHAD KHA SKONG
, ,PA'I DON DU DRIL BU DKROL BA SNGON DU 'GRO BAS, AOm BADZRA HE RU KA SA MA YA, M'A NU P'A LA YA, HE RU KA TVE NO PRA TIshthA, DRi dHO ME BHA WA, SU TO shYO ME BH'A WA, SU PO shYO ME BH'A WA, AA NU RAKTO MA BHA WA, SARBBA SIDDHI ME PRA YATZTSA, SARBBA KARMA SU TZA ME TZITTAm SHR'I YAm: KU RU H'Um, HA HA HA HA HO: BHA GA W'Am, BADZRA HE RU KA MA ME MUNYTZA, HE RU KA BHA WA, MAH'A SA MA YA SATVA A'A: H'Um PHAt, CES YI GE BRGYA PA'I SNGAGS BZLA BAR BYA'O, ,'DI NI MNGON BRJOD LAS GSUNGS SO, ,CHO GA'I LHAG CHAD KHA SKONG TSUL NI, SNGAGS DES LHAG CHAD KYI NYES PA DAG PAR BYAS PAS CHO GA TSANG BAR 'GYUR BA'I DON NO, ,DE NAS, AOm YO GA SHUDDHA: SARBBA DHARMMA: YO GA SHUD DHONYA HAm, ZHES BRJOD CING, SNYING KHAR PAD KOR GYI PHYAG RGYAS MNYAM PAR BYAS LA, PHYAG RGYA SDUD PA NA, LAG PAS 'KHYUD PA'I TSUL BYA ZHING, MTHE BONG DANG SRIN LAG GIS SE GOL GTOG PA SNGON DU 'GRO BAS, AOm BADZRA MU: ZHES BRJOD DE 'JIG RTEN PA RNAMS GSHEGS SU GSOL ZHING, DKYIL 'KHOR GYI 'KHOR LO BDAG NYID LA GZHUG PAR BYA'O, ,DE NAS SNGAR BSHAD PA LTAR GYI SDUD RIM N'A DA YANG MI DMIGS PA'I BAR DU BYA LA, DE LAS LDANG BA NA HE RU KA ZHAL GCIG PHYAG GNYIS PA YUM DANG BCAS PAR LDANG BAR BYA'O, ,LUS DKYIL JI LTAR BSDU BA NI BSHAD ZIN TO, ,GNYIS PA THUN SNGA PHYI'I BAR DU JI LTAR BYA BA LA GNYIS, DNGOS KYI DON DANG, THUN GZHAN BYED LUGS SO, ,DANG PO NI, SNGAR BSHAD PA DE LTAR BDAG NYID GTZO BO YAB YUM DU LANGS PA LA RANG LA DPA' BO'I GO CHA DRUG DANG, YUM LA DPA' MO'I GO CHA DRUG PO RNAMS DANG, RANG GI GNAS NYER BZHIR NYI GDAN LA PUm LA SOGS PA'I YI GE NYER
BZHI'I GO CHA CHEN PO RNAM PAR BSAMS NAS, TSAM NGAM STE BGEGS 'JIGS PAR BYED PA'I ZHAL BZHI PA'I SNGAGS KYIS SHIN TU STE YANG DANG YANG DU BRJOD PAS BSRUNG NGO, ,DE'I TSUL NI, GA-YON PA'I MTHEB MDZUB KYIS SHAR NAS GA-YON SKOR DU SE GOL GTOG PA SNGON DU 'GRO BAS SNGAGS BZHI BRJOD PA'O, ,TSANGS PA NI BDE MCHOG YIN LA, DER SPYOD PA NI SEMS CAN THAMS CAD 'KHOR LO SDOM PA'I NGO BOR LTA BA'O, ,DE NI RTAG GYUR NAS TE RGYUN MI 'CHAD DU BYA'O ZHES PA'O, ,DPA' BO'I RKANG PA BRGYAD PA'I GSANG SNGAGS KYIS BDAG NYID LA MCHOD PA DANG, BLA MA DANG, SANGS RGYAS DANG, BYANG SEMS MTHONG NA'ANG 'KHOR LO SDOM PAR MOS PAS RKANG BRGYAD KYI SNGAGS KYIS BSTOD NAS PHYAG LA SOGS PA BYA'O, ,SANGS RGYAS BYANG SEMS NI DE DAG GI SKU GZUGS LA YANG GZUNG NGO, ,SPYOD PA BYED PA'I DUS SU NI BLA MA MA GTOGS PA PHYI ROL DU PHYAG LA SOGS PA MI BYED PAR BSHAD DO, ,RGYUD 'DI NAS BSHAD PA LTAR LEGS PAR BSAMS PA'I SBYOR BA STE, RNAL 'BYOR BA BDAG NYID GZHAN LA BAG TSA BA LA SOGS PA'I SKRAG PA THAMS CAD RNAM PAR SPANGS TE BLO GROS CHEN PO DANG LDAN PA'I RNAL 'BYOR PAS SBYANG BAR BYA'O, ,JI LTAR ZHE NA, KHAMS GSUM PA'I 'KHOR LO'I TSOGS BDE BA'I MCHOG LHAN SKYES KYI BDE STENG GI NGO BOR DBYER MED PAR SDOM PA LA GNAS NAS SO, ,DE LTA BU'I TSUL GYIS PHYAG RGYA RIGS LNGAR KUN TU SPYOD PA NI, LHAN CIG SKYES PA'I YE SHES KYI RIGS GCIG TU NI BRTAGS PA STE BZHAG PA YIN NO, ,ZHES BSHAD PAR BYA'O, ,BDAG NYID KYI MTSAN MAR RNAM PAR MI RTOG PA STE, DE'I DMIGS GTAD 'JIG PA'I SEMS KYI BDAG NYID KYIS 'DOD PA'I YON TAN SPYI DANG, BYE BRAG
, ,TU PHYAG RGYA'I GZUGS LA SOGS PA LNGA LA BDE STONG GI TING NGE 'DZIN RGYAS PA'I PHYIR DU SPYOD PAR BYED DE, DE LTAR LONGS SPYAD PAS NI LUS RGYAS PAS BDE BA'I RTEN RGYAS PAR 'GYUR LA, DA BAS NI, BDE BA CHEN PO DANG DE LAS NI TING NGE 'DZIN RGYAS PAR 'GYUR BA'I PHYIR RO, ,DE LTAR BYA MI RUNG BA DANG, DE LTAR SPYAD PA'I 'BRAS BU MI ZAD PA 'BYUNG BA'I DOGS PA THAMS CAD RNAM PAR SPANGS LA, RNAL 'BYOR PA DPA' BO SENG GE BZHIN DU NYAM NGA BA MED PAR SPYOD DO, ,DE LTAR DPAL HE RU KA'I GO 'PHANG GI TING NGE 'DZIN LA GNAS PA LA NI LUS KYI BSGUL BSKYOD DANG, NGAG GI SMRA BRJOD BTANG SNYOMS PA RNAMS KYIS KYANG PHYAG RGYA BCINGS PA DANG, SNGAGS BZLAS PA DANG 'DRA BA'I TSOGS RDZOGS PAR BYED DE, KUN SPYOD LAS, SHR'I HE RU KA'I GO 'PHANG GNAS, ,YAN LAG GI NAm BSKYOD PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ,ZHES TE, RJES SPYOD BYA TSUL DE RNAMS NI KUN SPYOD DANG MNGON BRJOD LAS 'BYUNG NGO, ,KHRUS BYED PA'I DUS SU NI LHA DBANG BSKUR BA'I CHO GAS BYA'O, ,KHA ZAS KYI DUS SU NI RANG GI LUS KYI DKYIL 'KHOR SKAD CIG GIS GSAL GDAB, GTOR MA SNGAR BSHAD PA LTAR GYI CHO GAS SAM, YANG NA YI GE GSUM GYIS BYIN GYIS BRLAB LA, AOm KHA KHA ZHES SOGS LAN CIG BRJOD LA PHYOGS SKYONG LA GTOR MA 'BUL BAR 'GREL PA RNAMS NAS BSHAD DE, ,DE NAS RANG GI BZA' BTUNG RNAMS 'BAR BA SOGS KYI CHO GAS SBYANG BAR 'GREL PA RNAMS NAS BSHAD PA NI, SDOM 'BYUNG LAS, BLA MA DPA' BO RNAL 'BYOR MA, ,MCHOD CING RJES SU SPYAD PAR BYA, AOm A'A: H'Um ZHES PAS SNGAGS KYIS, RTAG
TU BYIN GYIS BRLAB BYA ZHING, ,HA HO HR'I: ZHES PAS SNGAGS KYIS, ,SBYANG BA DANG NI RTOGS BYA STE, ,HA YIG KHA DOG 'PHROG PAR BYED, ,HO YIG DRI RNAMS 'PHROG PAR BYED, ,HR'I: YIG NUS PA BCOM PA DANG, ,BDUD RTZI'I RNAM PA'ANG BRTEN PAR BYA, ,LHA GSUM LA SOGS DANG BRAL BA, ,GAL TE SRED LDAN 'THUNGS GYUR NA, ,DE NI DUG 'GYUR THE TSOM MED, ,SNGAGS KYI DNGOS GRUB SKYE MI 'GYUR, ,ZHES GSUNGS PA LTAR BYA DGOS SO, ,DE'I BYED TSUL NI, SDOM 'BYUNG 'GREL PA LAS, LAG PA GA-YAS LA HO YIG LAS SKYES PA'I 'KHOR LO, ,RNAM SNANG GI NGO BO HO YIG GIS MTSAN PA BSAMS NAS DE'I STANG DU RDZAS KYI SNOD BZHAG LA, LAG PA GA-YON PA LA HA LAS SKYES PA'I SNANG MTHA'I RANG BZHIN, PADMA DMAR PO 'DAB MA BRGYAD PA HAS MTSAN PA BSGOMS PA YIS KHA DGE BA, RDZAS KYI STENG DU NYI MA LA GNAS PA'I HR'I: YIG MI BSKYOD PA'I RANG BZHIN CAN BLTAS LA, SNGAGS DE GSUM LAN GSUM MAM LNGA 'AM BDUN BRJOD NAS, HR'I: 'I GA-YAS SU AOm, GA-YON DU A'A:, MDUN DU H'Um GNAS PAR BSAMS LA, AOm A'A: H'Um YANG SNGA MA LTAR BRJOD NAS, BLA MA DANG, DBANG PO DANG, RNAL 'BYOR MA LA MCHOD NAS RANG GIS BSTEN PAR BYA'O, ,DE LTAR MA BYAS PAR BSTEN PA'I NYES PA NI LHA GSUM ZHES PA BZHIS BSTAN PAR 'CHAD DO, ,HA LA SOGS PAS KHA DOG DANG DRI NUS KYI SKYON 'PHROG PA NI SBYANG BA'O, ,SKYON BSAL NAS BDUD RTZIR BYED PA NI RTOGS PA'O, ,MANG POR SPEL BA NI 'BAR BAR BYAS PA'O, ,'DI NI BZA' BTUNG LA LONGS SPYOD RES KYIS BYA DGOS TE, DE LTAR MA BYAS NA NYES DMIGS CHE BAR GSUNGS PA'I PHYIR RO, ,DE NAS CHOS THAMS CAD MNYAM PA NYID DO SNYAM DU MOS PA'I
, ,NGA RGYAL SNGON DU 'GRO BAS, AOm SA MA YA SHUD DHA SARBA DHARMMA: SA MA YA SHUD DHONYHAm, ZHES BRJOD, SA MA YA NI 'DIR MNYAM PA'I DON DANG, SHUD DHA NI DAG PA'O, ,DE NAS LCE RDO RJER SKYED PA DANG, BYIN GYIS BRLAB PA SNGAR BZHIN DU BYAS LA LONGS SPYAD PAS LTE BAR GNAS BA'I H'Um MAm, N'A DA DKAR DMAR LHA THAMS CAD KYI NGO BOR MOS PA LA PHUL BAS TSIM PAR BSAM MO, ,DE 'DRA BA'I TSUL GYIS ZOS NA YON SBYONG NUS PA YIN TE, GDAN BZHI LAS, GANG ZHIG CUNG ZAD BZA' BTUNG RNAMS, ,BSNGO BA BYAS NAS BZA' BAR BYA, ,'DI LTAR SPYOD PA'I RNAL 'BYOR PA, ,BU LON DU YANG MI 'GYUR RO, ,ZHES NANG GI SBYIN SREG GI TSUL GYIS ZA BA LA BU LON DU MI 'GYUR BAR GSUNGS TE SHIN TU GAL CHE'O, ,GNYIS PA NI, DE LTAR THUN DANG PO LA JI LTAR BYA BA BSHAD NAS, NYIN GYI GUNG THUN LA NI BSAM GTAN GYI KHANG PAR ZHUGS TE, SNGAR BSHAD PA'I SNGAGS GSUM BRJOD PAS SKAD CIG GIS RTEN BRTEN PA'I 'KHOR LO RDZOGS PAR MOS PAR BYAS TE, SNGAR BZHIN GSAL GDAB, GTZO BO YAB YUM GSAL GDAB ZIN PA DANG, GSANG GNAS BYIN RLABS SOGS BYAS LA, BDE STONG BSGOM, 'KHOR RNAMS GSAL BTAB ZIN PA DANG, SNGAR GYI BDE BA DRAN PAR BYAS LA, CHOS SO BDUN GYI DAG PA RGYAS BSDUS GANG RUNG ZHIG DRAN PAR BYA, DE NAS LUS DKYIL BSGOM, DE NAS GO BGO BA SOGS SNGAR BZHIN BYA'O, ,'GREL PA RNAMS LAS, DAG PA GSUM NAS SBYOR BA TSOGS BSAG GI BAR RNAMS THUN GZHAN GSUM LA BYA BAR MA BSHAD KYANG, BSKYED RIM LA SEMS CUNG ZAD LAS RUNG GI TING NGE 'DZIN MA THOB BAR DU MA CHAG PA
RE DANG, STONG PA'I NGANG NAS N'A DA 'JOG PA NAS MNGON BYANG SGOM PA'I BAR BYAS NA LEGS SO, ,THUN DE BTANG NAS PHYI DRO'I THUN LA MA ZHUGS KYI BAR DANG, PHYI DRO'I THUN LA'ANG DE BZHIN DU BYA'O, ,DE NAS THUN BZHI PA MTSAN MO'I THUN LA'ANG DE BZHIN DU BYAS LA, DE'I MTHAR NAM GYI GUNG LA NI, NGAG GI BYA BA THAMS CAD A'A LI K'A LI'I BDAG NYID DU KHONG DU CHUD PAR BYAS LA, AOm TSUR SPYON TSUR SPYON DPA' BO CHE, ,DAG PA'I TSIG NI STON PA PO, ,SKYE DANG 'JIG DANG RANG 'BYUNG BA, ,STONG NYID YE SHES 'DI KHO NA'O, ,ZHES BRJOD CING, MTHAR H'Um H'Um PHAt SBYAR BA'I DBYANGS GSAL TSAR GCIG BRJOD LA, 'OD GSAL LA MNGON DU PHYOGS PAR BYAS LA, GNYID KYANG 'OD GSAL DU MOS PAR BYA'O, ,ZHES BSHAD DO, ,'DI NI GNYID KYI 'OD GSAL 'DZIN PA LA SLOB PA YIN PAS BZLAS PA DANG GTOR MA ZIN PA'I 'OG TU SDUD RIM SNYING KHAR BYAS NAS N'A DA YANG MI DMIGS PAR BYAS PA'I 'OG TU SEMS GA-YO MED DU BZUNG NA GNYID KYI 'OD GSAL 'DZIN PA'I STOBS CHE'O, ,THUN BZHI PO THAMS CAD KYI MTHAR YI GE BRGYA PA CI MANG DU BRJOD PAR BYA'O, ,DE NAS YANG THO RANGS KYI THUN LA 'OD GSAL LAS LANGS TE, LUS DKYIL 'KHOR GYI 'KHOR LOR MOS PA BYA STE, AOm TSUR SPYON SOGS BRJOD NAS THUN DANG PO'I BSHAD PA THAMS CAD LA RJES SU GNAS PAR BYA'O, ,DRIL BU PA'I LUS DKYIL LA NI, LHA LNGA LAS, SA BON 'OD KYIS SHES RAB BDAG PO DANG, ,'KHOR LO PA DANG KHANG PA BRTZEGS MA RNAMS, ,SNANG BAR BYAS TE 'OD GYUR RIM BZHIN BSDU, ,ZHES GSUNGS PAS, SNYING KHA'I HE RU KA'I THUGS KA'I H'Um YIG LAS, 'OD ZER 'PHROS PAS RTEN DANG BRTEN PA THAMS CAD SNANG BAR BYAS PA'I
, ,MTHAR SNOD BCUD DUR KHROD DANG, DE DANG BSRUNG 'KHOR GZHAL YAS KHANG DANG, DE LHA LNGA LTA BU YIN NA LHA LA SDUD CING, YUM BZHI SNGAR BZHIN SDUD, LUS DKYIL RKYANG PA YIN NA KHANG PA GZHI'I HE RU KA LA BSDU, DE NAS BRTEN PA'I LUS DKYIL RNAMS SNGAR BSHAD PA BZHIN RANG GNAS SU THIM PA 'AM RIM GYIS BSDUS TE, SNYING KHA'I HE RU KA YAB YUM BZHAG ,DE NAS GZHI'I GTZO BO YAB YUM GNYIS SNYING KHA'I GTZO BO YAB YUM LA BSDU, DE GNYIS KYANG SNYING KHA'I NYI GDAN H'Um DANG BCAS PA LA BSDU, NYI MA DANG A'U DANG HA NAS N'A DA'I BAR RNAMS SNGA MA PHYI MA LA RIM GYIS BSDUS LA, N'A DA YANG MI DMIGS PAR BYAS TE, PHYAG GNYIS PA YAB YUM DU LANGS LA BSNGO BA DANG SMON LAM DANG, YIG BRGYA YANG BRJOD GSUNG STE, SNGAR BSHAD PA RNAMS KYANG DGOS SO, ,THUN GZHAN LA 'JUG PA NA, GUNG DANG PHYI DRO'I THUN MTSAMS SU, ,BSAM GTAN KHANG PAR STAN BDER 'DUG ,BDAG NYID 'OD ZER DU GYUR PA, ,H'Um DU GYUR TE YONGS GYUR LAS, ,BCOM LDAN 'KHOR LO BDE MCHOG GI, DKYIL 'KHOR 'KHOR LO LHA LNGA YI, ,KHANG BRTZEGS RIN CHEN TSOGS LAS GRUB, ,DUR KHROD BRGYAD BSKOR GSAL DMIGS NAS, ,DBANG BSKUR BA LA SOGS PA CHO GA THAMS CAD BYA'O, ,ZHES RANG 'OD DU BZHUS PA YONGS SU GYUR PA LAS H'Um DU GYUR, DE YONGS SU GYUR PA LAS, RTEN THAMS CAD DANG, GZHI'I HE RU KA BSKYED PA'AM, YANG NA SNGAR BZHIN DAG PA GSUM NAS YE TSOGS KYI BAR JI LTAR 'TSAM PA CIG BYA LA, MNGON BYANG GI BAR DU BSGOMS NAS SKAD CIG MA'I SNGAGS BRJOD LA, RTEN THAMS CAD DANG GZHI'I HE RU KA BSKYED LA GSAL GDAB,
DE NAS LUS DKYIL BSGOMS LA DBANG BSKUR BA SOGS BYA'O, ,THUN MTSAMS THA MA LA NI SNGAR BSTAN PA'I CHO GA THAMS CAD SBYANG LA, BZLAS BRJOD KYI RJES LA H'Um GI 'OD ZER GYIS THAMS CAD 'OD DU GYUR PA DKYIL 'KHOR BDAG PO LA BSDUS LA, DKYIL 'KHOR GTZO BO PHYAG RGYA DANG BCAS PA YANG 'OD DU GYUR PA, SNYING KHA'I SHES RAB RAB GYUR YAB YUM LA, DE YANG SNYING KHA'I NYI BCAS H'Um, ,NYI MA AU HA'I MGO ZLA TSES, ,THIG LE N'A DA'I BAR BSDUS LA, ,DE YANG DMIGS MED GNYID LA 'JUG ,NANG BAR GYI DUS SU RDO RJE RNAL 'BYOR MA'I GLUS BSKUL BAS SAD PAR MOS PA BYAS LA, CHO GA THAMS CAD NYI MA SNGA MA BZHIN DU BYA'O, ,ZHES GSUNGS PA LTAR BYA'O, ,GNYIS PA RDZOGS PA'I RIM PA NI, ,A'A LI K'I LI MDUN BSAMS NAS, ,ZHES SOGS KYIS STON TE ZUR DU BSHAD PAR BYA'O, , GSUM PA PHAN YON NI, SEMS NI NGAL BSO SOGS NI 'GREL PA GSUM GA NAS PHAN YON DU 'CHAD LA, DE YANG BSKYED RIM KHO NA'I MIN GYI, ,RIM PA GNYIS KA'I PHAN YON NO, ,TSIGS BCAD 'DI'I GONG DU PHAN YON GSUNGS PA NI, RTZA RGYUD LAS, MI MCHOG GANG ZHIG KUN SPYOD PA, ,SDIG PA THAMS CAD RNAM DAG PAS, ,DE BZHIN GSHEGS PA'I SA THOB CING, ,SKYE DANG SKYE BAR BDER GSHEGS KYI, ,RIGS SKYE RGYAL PO CHOS LDAN 'GYUR, ,JI LTAR SNGON BSAGS SDIG PA YI, ,MTSAN NYID THAMS CAD DMAN PA STE, ,GANG ZHIG 'DI NI RTAG SGOM PA, ,SA LA 'DOD PA KUN DBANG PHYUG ,DPER NA MAR GYIS GANG BA'I SNOD, ,ME YI DBUS SU BZHAG PA NI, ,MAR SAR STENG DU ZHU GYUR CING, ,DE BZHIN SHR'I HE RU KA'I, ,MTSAN GYIS SDIG PA 'JIG PAR 'GYUR, ,BSAM GTAN BSAMS PA TZAM
, ,GYIS SAM, ,KLOG CING KHA TON BRIS PA YIS, MTHO RIS LONGS SPYOD THOB GYUR PA, ,YANG NA 'KHOR LOS SGYUR BA 'THOB, ,CES PA'I 'OG TU RNAL 'BYOR PA RNAMS, ZHES GSUNGS TE, DE BZHIN GSHEGS PA'I SA THOB PA NI MTHAR THUG GI PHAN YON DANG, DE TSE 'DIR MA THOB KYANG SKYE BA BRGYUD NAS 'THOB PA YANG THEG PA MCHOG GI RIGS SU SKYE BA DANG, CHOS 'DI SPYOD PA'I CHOS LDAN GYI RGYAL POR 'GYUR BA DANG, LAS KYI SGRIB PA'I SDIG KUN 'DAG PA DANG, LAM 'DI LA BSAM GTAN BYAS PA TZAM DANG, GLEGS BAM LA KLOG PA DANG, KHA TON DU 'DON PA DANG, RGYUD KYI GLEGS BAM BRIS PAS KYANG MTHO RIS KYI DPAL SPYI DANG, KHYAD PAR BA 'KHOR SGYUR 'THOB PAR BSTAN NO, ,GAL TE GA-YENG BAS MA GRUB NA 'CHI BA'I TSE PHAN YON NI, LAM 'DI YI RNAL 'BYOR PA RNAMS LA NI MYANG 'DAS TE 'CHI BA DON DAM PA BSTAN PA MIN NO, ,'O NA CI ZHE NA, KHYIM BZANG PO NAS KHYIM BZANG PO GZHAN DU 'GRO BA'I BAR SKABS SU CUNG ZAD NGAL BSO BA DANG 'DRA BAR CHOS SPYOD PA'I GNAS 'DI NAS GNAS KHYAD PAR CAN GZHAN DU 'GRO BA'I BAR SKABS SU RNAL 'BYOR PA SEMS NGAL BSO BA TZAM LA 'CHI BA ZHES BRJOD PA TZAM MO, ,DES NA 'CHI BA DON DAM PA BA MA YIN ZHES PA NI, 'GYOD DGOS PA DANG PHYI MAR 'JIGS PA'I 'CHI BA DE MIN ZHES PA'I DON NO, ,DE NYID 'CHAD PA NI, LAM 'DI'I RNAL 'BYOR PA DANG RNAL 'BYOR MA RNAMS 'JIG RTEN 'DI NAS 'JIG RTEN PHA ROL TU 'PHO BA'I TSE NI DPAL KHRAG 'THUNG STE HE RU KA DANG, RJE BTZUN MA PHAG MO LA SOGS PA'I DPA' BO DANG RNAL 'BYOR MA LAG NA ME TOG DANG, BDUG SPOS SNA TSOGS PA DANG,
RGYAL MTSAN DANG, BA DAN SNA TSOGS PA DANG, SIL SNYAN GYI SGRA SNA TSOGS PA DANG, YID DU 'ONG BA'I GLU'I MCHOD PA SNA TSOGS KYIS MKHA' SPYOD KYI GNAS SU 'KHRID PAR BYED DO, ,'GREL PA GSUM NAS MKHA' SPYOD 'OD GSAL LA BYAS NAS 'OD GSAL GYI GO 'PHANG LA 'GOD BAR BSHAD PA NI NGES DON GYI BSHAD PA YIN TE, 'CHI BA 'OD GSAL DU 'CHAR DU 'JUG PA'O, ,GNYIS KA'I BSHAD SBYAR LAS, DON DAM PAR NI SNGON GYI GNAS YONGS SU BTANG STE KHYAD PAR DU 'PHAGS PA'I GNAS RNAMS LA BRTEN NAS RNAL 'BYOR PA 'GRO'O ZHES SGRAS ZIN TSOD KYI STENG NAS BSHAD PA NI DRANG DON GYI MKHA' SPYOD DO, ,DES NA 'CHI BA ZHES PA 'DI NI 'JIG RTEN PA'I RNAM PAR RTOG PAS BZHAG PA STE, RNAL 'BYOR PA KHYAD PAR CAN RNAMS KYI 'CHI BA NI GNAS BZANG PO GCIG BTANG NAS, BZANG PO GCIG TU 'JUG PA YIN LA, DE LTA NA TSE 'DIR KHANG BZANG GCIG NAS GCIG TU BGROD PA LA 'CHI BA ZHES MI BRJOD PA BZHIN NO, ,DE'I MJUG TU, RTZA RGYUD LAS, DE 'DRA'I DPA' CHEN RNAL 'BYOR MA, ,SA STENG NA NI RNYED PAR DKA', ,ZHES GSUNGS PA NI, PHAN YON DE RNAMS MNGON DU BYED NUS PA'I LAM LA SGRUB PA BYED PA'I RNAL 'BYOR PA DANG, RNAL 'BYOR MA NI SA'I STENG NA SHIN TU DKON PAR BSTAN PAS, 'DI 'DRA BA'I RNYED DKA' PA'I LAM LA NYAMS LEN BYAS YOD PA'I DUS SU NI, SHIN TU RNYED DKA' BAR SHES PAR GYIS LA, LAM 'DI LA THOS BSAM SGOM PA LA 'BAD PAR BYOS SHIG ,CES STON PA'ANG YIN PA NI 'DI'I 'OG TU MGUL RGYAN ZHES PA NAS, GO 'PHANG MCHOG NI BSGOM PAR BYA, ,ZHES SOGS LAS SHES SO, ,DE LTAR GNYID KYI 'OD GSAL DANG 'CHI BA 'OD GSAL DU
, ,'CHAR BA GNYIS KYI BSRE BA GSUNGS PA 'DI LA BRTEN NAS 'DI YI GDAMS PA THUN MONG MA YIN PA NI, LUGS 'DI'I RDZOGS RIM GYI SKABS SU RTZAD BCAD DGOS PA'ANG SHES PAR GYIS SHIG ,GNYIS PA MA TSANG PA KHA SKONG BA NI, GZHUNG NAS MA ZIN KYANG, LVA BA PAS, 'DIR PHYI ROL DANG, LAG PA LA MCHOD PA GNYIS GSUNGS PAS, SNGA MA NI LAG PAS MCHOD PA DANG, PHYI MA NI LAG PA LA MCHOD PAR BSHAD DO, ,DE NI GA-YON PA'I KUN SPYOD KYI KHYAD PAR CIG YIN LA, DE YANG RTZA RGYUD NAS, DAM TSIG BRGYAD GSUNGS PA SHES NAS SRUNG BA GAL CHE'O, ,'DI LA GNYIS, DAM TSIG BRGYAD SPYIR BSHAD PA DANG, KHYAD PAR DU GA-YON PA'I DAM TSIG BSHAD PA'O, ,DANG PO NI RTZA RGYUD LAS, DE NAS RNAL 'BYOR RGYUD DU NI, ,RNYED DKA'I DAM TSIG NGA YIS BSHAD, , SKYES PA BUD MED GA-YON NAS 'GRO, 'DOD PA'I 'BRAS BU STER BAR BYED, ,KHYIM DANG ZHING DU RNAM GNAS PA, ,SHIN TU RING YANG SHES PAR 'GYUR, ,SHR'I HE RU KA RNAL 'BYOR MCHOG ,SLOB DPON RNAL 'BYOR MA NYID YIN, ,RGYUD 'DI RU NI SGRUB PA PO, ,LEGS PAR GYUR PA NYID YIN TE, ,BRNYAS MI BYA ZHING SPANG MI BYA, ,NUS PA YIS NI MCHOD PAR BYA, ,K'A K'A GDONG SOGS BRGYAD PO NI, ,GROL DANG DAD PA 'PHEL BYED PA, ,RTAG PAR DNGOS GRUB RNAMS KYI RGYU, ,DAM TSIG RNAMS KYANG SKYONG BAR BYED, ,LHA MO GZHAN DANG KUN SBYOR BA'I, ,RNAM PAR RMONGS PAS 'DOD PA MIN, ,GNYIS SU 'BYED DANG THOGS MED MIN, ,DAM TSIG SPYOD PA'I SPYAD BYA BA, ,MI MO'I DBANG PHYUG LEGS PAR SBYOR, ,TSANGS SPYOD DE BZHIN BSAM GTAN TE, ,KHRO MED BU GAR KUN TU SPYOD, ,'DI BRGYAD
DAM TSIG KUN SPYOD YIN, ,SGRUB PA LA NI GNAS PA YI, ,SGRUB PA PAS NI RTAG SHES BYA, ,ZHES GSUNGS SO, ,SKYES PA BUD MED CES PA'I RKANG PA BZHI'I DON NI, SNGAGS PAS BUD MED DAM SKYES PA MTHONG BA NA GA-YON GYI CHA NAS 'GRO'O, ,DE LTAR NA SHIN TU RING YANG SHES PAR 'GYUR RO, ,ZHES DANG, LANG KAS, SKYES PA'AM BUD MED RNAL 'BYOR MA, ,KHYIM MAM SHIN TU RING PO NA GNAS PA YANG SHES PAR BYAS LA GA-YON NAS SPYAD PAR BYA'O, ,ZHES DANG, DPA' BO RDO RJES, SKYES PA'AM BUD MED RNAL 'BYOR MA MTHONG NA GA-YON GYI CHA RU BYAS NAS 'GRO BA'O, ,RING YANG ZHES PA'I DON RING YANG KHYIM MAM ZHING DU GA-YON PA'I SPYOD PAS BYA, ZHES DANG, GNYIS KA'I BSHAD SBYAR LAS KYANG BUD MED NI RNAL 'BYOR MA LA BSHAD PAS, SKYES PA'AM BUD MED RNAL 'BYOR PAR SHES LA, ZHING NA GNAS PA ZHES GSUNGS PAS, GNAS KHYAD PAR CAN NA BZHUGS PA'I RNAL 'BYOR PHO MO LA BYED PAR MNGON NO, ,GZHAN YANG, BUD MED THAMS CAD MTHONG BA NA, ,GA-YON NAS LAN GSUM BSKOR BYA ZHING, ,SPYI BOS PHYAG NI BYAS NAS KYANG, ,LAN GSUM BAR DU GSOL BA GDAB, ,KHYOD MA BDAG NI BU YIN TE, ,JI SRID BYANG CHUB 'BYUNG BAR DU, ,BYANG CHUB YAN LAG NU MA LAS, ,BYUNG BA'I RANG GI 'O MAS SKYONGS, ,ZHES KYANG GSUNGS TE, GSOL GDAB NI, KHYOD MA ZHES SOGS SO, ,'DI DNGOS SU MA NUS KYANG YID KYIS BYA DGOS PA'I 'DI PA'I DAM TSIG GO, MAL NAS BRGYUD PA DANG, MAR DOS RGYUD 'DI'I RNAL 'BYOR PHO MOS, 'GRO BA'I TSE RKANG PA GA-YON PA SNGON DU BTANG NAS 'GRO BA DANG, DE LTAR BYAS PAS GNAS KHYAD PAR CAN NA BZHUGS PA'I RNAL 'BYOR MAS RING MO NAS KYANG MKHYEN
, ,NAS 'PHRAD CING LUNG STON PAR 'CHAD DO, ,GZHAN YANG, RTZA RGYUD LAS, RKANG PA GA-YON PA SNGON DU 'DOR, ,LAG PA GA-YON PA YONGS SU SGYUR, ,GA-YON GYI SPYOD PAS RAB MCHOD BYED, ,GA-YON PAS 'KHYUD PA TZAM DANG NI, ,GA-YON PA YIS NI MCHOD CING ZA, ,ZHES PA LA SOGS PA'I GA-YON PA'I KUN SPYOD THAMS CAD DO, ,SLOB DPON NI RNAL 'BYOR RNAMS KYI SKYED BYED YIN PAS RNAL 'BYOR MA NYID YIN, ZHES BYA'O, ,BDE MCHOG GI RGYUD DU DBANG BSKUR BA'I SGRUB PA PO DANG, SLOB DPON LA BRNYAS PAR MI BYA ZHING, SPANG BAR MI BYA BAR CI NUS PAS MCHOD DO, ,K'A K'A ZHES PA'I RKANG PA GNYIS NI, LVA BA PA DANG, LHA SBAS KYI 'GREL PAR, DAM TSIG BRGYAD BSHAD ZIN PA'I 'OG TU 'BYUNG ZHING, PHYI MAR KHVA SOGS PHO NYA BRGYAD PO LA, ,GROL DANG DAD PA 'PHEL BYED CING, , ZHES 'DON NI, ,'GREL PA GZHAN RNAMS NAS SNGAR DRANGS PA'I SKABS SU 'BYUNG YANG DAM TSIG BRGYAD LA MI 'DREN NI, ,GNYIS KA'I BSHAD SBYAR LAS, KHVA GDONG MA LA SOGS PA MCHOD PA DE BZHIN DU SGRUB PA POS RNAL 'BYOR MA RNAMS KYANG MCHOD PAR BYA BA'I DON DU 'CHAD LA, MOS DANG DAD PA ZHES MANG PO LAS 'BYUNG BAS KHVA GDONG SOGS LA MOS DANG ZHES SBYAR RO, ,DNGOS GRUB KYI RGYU'I DAM TSIG BRGYAD KYI DANG PO NI, SNGAR BSHAD PA'I GA-YON PA'I KUN SPYOD DANG, MI BRNYAS SHING MCHOD PA NI DAM TSIG DANG PO'O, , LHA MO ZHES PA GNYIS NI DAM TSIG GNYIS PA STE, 'DOD PA LA CHAGS SHING RMONGS PAS PHO NYA MO GZHAN DANG SBYOR BA SPONG BA'O, ,GNYIS SU MED CES PA NI DAM TSIG GSUM PA STE, BDAG DANG GZHAN GYI CHAR 'BYED PA SPONG BA LA LANG KA DANG DPA' BO RDO RJES BSHAD
PA NI, SKAL LDAN GRAGS PAS, GNYIS SU MED PAR RTOGS PA DANG MA BRAL BA LA BSHAD PAS DE KHO NA NYID KYI DON RTOGS PA SKYONG BA DANG MA BRAL BAR BYED PA'O, ,THOGS MED PA NI DAM TSIG BZHI PA STE, SKAL LDAN DANG LANG KAS SGRA SOR BZHAG TZAM LAS GZHAN MA BSHAD, DPA' BO RDO RJES, GANG GIS KYANG GZHOM DU MI NUS PA LA BSHAD DO, ,BLA MA SNGA MA RNAMS THOGS MED MIN, ZHES BTON NAS DAM TSIG MED PA SOGS LA, NYON MONGS PA'I 'DOD PA'I DBANG GIS THOGS PA MED PAR BYED PA MIN, ZHES ZER MED KYANG, 'GREL PA RNAMS NAS, GNYIS SU MED DANG THOGS MED PA, ,ZHES BTON NAS 'CHAD PAS, DE LTAR DU BYA'O, ,RTZA RGYUD LAS, PHO NYA MA GTOGS GZHAN DAG LA, ,'DOD NAS RMONGS PAS BGROD MI BYA, ,PHO NYA LA RTAG ZHEN THAR PA, ,'DA' BA YIS KYANG LONGS SPYOD BYA, ,ZHES GSUNGS PA LTAR, RANG GI PHO NYA LA THAR PA'I DON DU ZHES PAS, RTAG TU STE RGYUN DU BYA BA DES 'DA' BA'I TSUL GYIS LONGS SPYAD PAR GSUNGS PA LTAR BYA BA LA, DE 'DRA BA'I LAM LAS GANG GIS KYANG BKRI BAR MI NUS PA LA BYA'O, ,DAM TSIG CES PA GCIG NI DAM TSIG LNGA PA STE, DAM TSIG NI LHA MO RNAMS SO, ,SPYOD PA NI 'DOD PA SPYOD PA'O, ,SPYAD PA NI DE BYED PA'O, ,DE'I YUL NI LAS DANG YE SHES KYI PHYAG RGYA GNYIS SO, ,DE LA YANG GSUM PAS NI DE LTAR BYED PA NA DE KHO NA NYID KYI LTA BA DANG BRAL BAR SPYOD PA BKAG CING, BZHI PAS NI LAM 'DI LAS YID GZHAN DU MI 'GYUR BAR BYED DO, ,MI ZHES PA GCIG NI DAM TSIG DRUG PA STE, 'DI LA KONG KA NAS, RDO RJE DANG PADMA 'DUS PA'I DUS SU DBANG PHYUG DANG BRAL BAR MI BYA'I, GZHAN DU DBANG PHYUG NYID DU BYA'O, ,ZHES
, ,BZHED LA, DPA' BO RDO RJES KYANG DE BZHIN DU BSHAD, LANG KAS, GZHAN 'DRA BA LA DBANG PHYUG MA DANG BRAL BAR MI BYA, ZHES BSHAD DO, SKAL LDAN DANG DPA' BO'I 'GREL PAR BUD MED DBANG PHYUG SHIN TU SBYOR, ZHES 'BYUNG BA LTAR LEGS LA, DE YANG LANG KA'I 'GREL PAR KUN TU SBYOR, ZHES 'BYUNG BA GSAL ZHING DON NI 'DOD PA'I DBANG PHYUG MA LA BRTEN NAS LHAN SKYES KYI BDE BA 'DREN PA'I NUS PA MA RDZOGS PA DE SRID DU ZHES PA'O, ,'GREL PA GSUM LAS, TSANGS PAR SPYOD PA DE BZHIN GZHI, ,ZHES 'DON PA NI, DAM TSIG BDUN PA STE, SKAL LDAN GYIS GZHIR GYUR PA'I BYANG SEMS LEN PA'I SKABS SU, TSANGS PA NYID DU SPYAD PAR BYA'O, ,ZHES BSHAD LA, DPA' BOS KYANG GZHI'I DON TZAM MA GTOGS PA DE BZHIN DU MDZAD, LANG KA YANG DE DAG DANG 'DRA BA LA, BYANG CHUB KYI SEMS 'DZAG PA'I DUS SU ZHES BSHAD DO, DON NI DRUG PA LA MI 'BRAL BAR BSHAD PA DE BZHIN DU SPYI BO NAS BYANG SEMS 'DZAG PA'I DUS SU YANG GSANG GNAS KYI RTZE LAS PHYI ROL DU MI 'BRAL BAR BYED PA LA, TSANGS PAR SPYAD CES BYAS PA'O, , SNGA MA RNAMS DRUG PA GSANG GNAS SOGS BYIN GYIS RLOB PA SOGS DANG, BDUN PA NI, DGA' BA LA SOGS PA LA DMIGS TE MNYAM PAR 'JOG PA'I BSAM GTAN, TSANGS PA MI GNAS PA'I MYANG 'DAS KYI DON DU SPYOD PA LA 'CHAD MOD KYANG, 'GREL PA GSUM LTAR LEGS SO, ,KHRO MED CES PA GCIG NI BRGYAD PA STE, BU GAR KUN TU SPYOD PA STE, YUM GYI PADMA NAS BYANG SEMS LEN PA'I DUS SU KHRO BA MED PAR SPYOD PA'O, ,LANG KAS, BYANG SEMS LEN PA'I DUS SU SDANG BAR MI BYED CES DANG,
SKAL LDAN GYIS KHRO ZHING SPANG BAR MI BYA ZHES BSHAD PA'I DON NI, DPA' BOS, BYANG SEMS LEN PA'I DUS SU BTZOG PA'I 'DU SHES MI BYA BA LA BSHAD PA LTAR YIN TE TZOG CING SKYUG BRO BA'I BSAM PA NI, YUL DE LA RGYAB KYIS PHYOGS PA'I MI 'DOD PA YIN PAS, DE 'DRA BA DE LA SDANG BA ZHES GZHAN DU YANG 'BYUNG NGO, ,'GREL PA GSUM NAS, KHRO MED RGYUN GYIS KUN TU SPYOD, ,CES 'BYUNG YANG, 'GYUR SNGA MA RNAM PA GSAL LA, KUN TU SPYOD PA NI LCES BLANGS TE 'THUNG BA'O, ,DAM TSIG BRGYAD KYI GRANGS BYED LUGS DANG, NGOS 'DZIN BYED LUGS SNGA MA RNAMS LA TSUL GZHAN YOD KYANG, PAndI TA GSUM GYI DGONGS PA NI SNGA MA LTAR YIN PAS YID CHES PAR SNANG NGO, ,'DI RNAMS BSRUNG BA'I DAM TSIG GAL CAN YIN LA, YID CHES PA'I BSHAD PA LA MA BRTEN NA BSRUNGS KYANG 'BRAS BU CHUNG BAS MKHAS PA GUNG BSGRIGS TE ZHIB TU BSHAD DO, ,DAM TSIG 'DI BRGYAD GONG MA RNAMS BDE MCHOG GI DAM TSIG THUN MONG MA YIN PAR 'CHAD KYANG, GA-YON PA'I KUN SPYOD MA GTOGS PA BLA MED PA GZHAN DANG THUN MONG BA YIN LA, RTZA LTUNG BCU BZHI DANG SBOM PO'I LTUNG BA BRGYAD DANG, SDOM PA GZUNG BSGRAG GI SKABS KYI DAM TSIG GI NANG DU MA BYUNG BA YANG MANG BAR SNANG BAS BRIS SO, ,GNYIS PA LA GNYIS, GA-YON PA'I KUN SPYOD KYI GNANG BSHAD PA DANG, LAG PA'I MCHOD PA BSHAD PA'O, ,DANG PO NI, HE RU KA MNGON 'BYUNG LAS, GA-YON PA'I KUN SPYOD MANG DU GSUNGS PA'I MTHAR, ,CUNG ZAD GSUNGS DANG MA GSUNGS PA, ,DPAL LDAN KHRAG 'THUNG GA-YON PAS SPYOD, ,SGRUB PO SA STENG SA 'OG NA, ,BZLAS DANG BRTUL ZHUGS BRAL BAS KYANG, ,GA-YON PAS DNGOS
, ,GRUB 'GYUR BA YIN, ZHES DNGOS GRUB 'GRUB PA LA GA-YON PA'I KUN SPYOD BSNGAGS PA'I RGYU MTSAN JI LTAR YIN SNYAM NA, BSHAD PAR BYA STE, RTZA RGYUD DANG MNGON BRJOD SOGS LAS, SNOD BCUD KUN GA-YON NAS 'BYUNG BAR GSUNGS PA 'DI NYID GA-YON PA'I KUN SPYOD BYED PA'I RGYU MTSAN YIN PAR, RDO RJE MKHA' 'GRO LAS, BRTAN PA DANG NI GA-YO BA YI, ,'GRO KUN GA-YON LAS BYUNG BAS NA, ,GA-YON GYIS BZA' ZHING GA-YON MCHOD BYA, ,ZHES GSUNGS SO, ,DE YANG MNGON BRJOD LAS, GA-YON PA'I SPYOD PA SHES RAB STE, ,GA-YAS PA DE BZHIN THABS YIN NO, ,ZHES GA-YAS GA-YON GNYIS LAS, GA-YON PA SHES RAB TU GSUNGS PAS SHES PAR BYA'O, ,DE LA 'DIR SHES RAB NI, CHOS THAMS CAD RANG GI NGO BO NYID KYIS GRUB PAS STONG PA'I DE KHO NA NYID DE SHES RAB KYI DMIGS PA LA DER BYAS PA DANG, DON DE RTOGS PA'I SHES RAB GNYIS SO, ,DE'I DANG PO'I DBANG DU BYAS NA, SNOD BCUD KYI BYA BYED THAMS CAD 'JOG PA NI DE'I RGYU MTSAN GYIS 'JOG STE, RANG GI NGO BO NYID KYIS GRUB PA LA NI, RTZA SHE LAS, GANG LA STONG NYID MI RUNG BA, , DE LA THAMS CAD MI RUNG 'GYUR, ,ZHES GSUNGS PA BZHIN DU, BYA BYED GANG YANG MI RUNG BA'I PHYIR DANG, CHOS RNAMS RANG GI MTSAN NYID KYIS GRUB PAS STONG PA LA NI, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,ZHES GSUNGS PA LTAR, BYA BYED THAMS CAD RUNG BA'I PHYIR NA, SNOD BCUD THAMS CAD GA-YON NAS BYUNG BAR GSUNGS KYI, BUD MED LA'ANG GA-YON PA ZHES GSUNGS PA YOD PAS DE LAS THAMS CAD 'BYUNG BA DANG, GA-YON BRKYANG MA LAS BYUNG BA'I DKAR CHA LAS, THAMS CAD 'BYUNG BA DANG, LAG PA
GA-YON PA LAS THAMS CAD 'BYUNG PAR STON PA MIN TE, RGYUD RNAMS NAS KYANG, STONG PA LAS THAMS CAD 'BYUNG BAR BSHAD PA MANG NGO, ,YANG, SKYE DANG 'JIG DANG RANG 'BYUNG BA, ,STONG NYID YE SHES 'DI KHO NA'O, ,ZHES GSUNGS PA LTAR NA BDE STONG DBYER MED DU BYAS PA'I LHAN SKYES KYI BDE CHEN NYID SNOD BCUD KHYAD PAR CAN DAG PA'I DKYIL 'KHOR GNYIS SU 'BYIN PA DANG, SDUD PAR BYED PA PO YIN PAS, BRTAN GA-YO THAMS CAD GA-YON PA LAS 'BYUNG BAR GSUNGS TE TSUL GNYIS SU SHES PAR BYA'O, ,DE LTAR BYAS NA GA-YON PAS MTSON PA'I SHES RAB NI DNGOS GRUB THAMS CAD KYI SGRUB BYED YIN PAS, LAM DE'I RTOGS PA KHYAD PAR CAN SKYE BA'I RTEN 'BREL DA LTA NAS SGRIG PA'I PHYIR DU GA-YON PA'I KUN SPYOD RNAMS BYED DO, ,DE YANG SHES RAB KYIS DE KHO NA NYID MTSAN NYID RDZOGS PAR RTOGS PA NI THEG PA GZHAN DANG RGYUD SDE GZHAN DANG YANG THUN MONG BA YIN LA, LAM GZHAN GYIS BSKAL PA GRANGS MED PAS SANGS RGYAS 'THOB DGOS PA LAM 'DIR SKYE BA 'DI NYID LA 'THOB PA NI, ,YUL GYI DE KHO NA NYID LA KHYAD PAR MED KYANG YUL CAN DAM PA'I BDE BA STE, BDE BA MCHOG LHAN SKYES KYI BDE BAS DE KHO NA NYID BSGOMS PA LAS YIN TE, SAm BHU tA LAS, DE PHYIR DE RGYAS CI ZHIG BYA, ,MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG 'THOB PA, ,GANG GIS DAM PA'I BDE BAS KHYOD, , SKYE BA 'DIR NI 'THOB PAR 'GYUR, ,ZHES GSUNGS PAS SO, ,DE RGYAS CI ZHIG BYA ZHES PA DANG, MDOR BSDUS PAS NI, ZHES PA NI, SKYE BA 'DIR BDE BAS 'THOB PAR 'GYUR, ZHES PA DANG SBREL RGYU YIN PAS LAM GZHAN LTAR SHIN TU MANG PO LA BSLAB MI DGOS PAR
, ,'GRUB PA YANG DE'I GNAD KYIS YIN NO, ,LHAN SKYES KYI BDE CHEN 'DREN PA LA THABS MANG DU YOD KYANG, LAS DANG PO PA'I SKABS SU RANG GI LUS LA DMIGS TE SGOM PA SOGS KYIS LHAN SKYES MTSON MI NUS PA'I TSE, PHO NYA MO MTSAN NYID THAMS CAD TSANG BA LAS MTSON DGOS TE, GSANG BA GRUB PA LAS, LAS KYI PHYAG RGYA MNYAM LDAN PAS, ,RDO RJE PADMA MNYAM SBYOR BAS, ,BDEN PA GSUNG BAS MNGON SUM DU, ,'DI 'DRA'I SGOM PA GANG GSUNGS PA, DANG PO'I LAS CAN SEMS CAN LA, ,LAS KYI PHYAG RGYA GANG SPANGS NAS, BYANG CHUB SEMS NI RAB STON PA, ,GZHAN GYIS MTSON PAS MI MTHONG STE, ,DANG PO'I LAS PAS RIG PAR BYA, ,THOG MA BAR MTHA' DRI MED PA, ,RIG STE GZHAN DU NUS MA YIN, ,ZHES GSUNGS PAS SO, ,DE LAS MTSON PA SNGON DU SONG NA RANG LUS LA GNAD DU BSNUN PA RNAL 'BYOR BSGOMS PAS, SROG DH'U T'IR TSUD PA LA BRTEN NAS LHAN SKYES SKYED PAR SLA ZHING, DE LTAR BYA NUS PA NAS KYANG PHYI'I RKYEN PHO NYA MO SNGAGS SKYES MTSAN NYID TSANG BA DANG, KHYAD PAR DU ZHING SKYES DANG LHAN SKYES KYI PHO NYA MO DANG 'DU BA'I SKAL BAR LDAN NA LAM CHES MYUR BAR 'GYUR GYI, GZHAN DU MIN PAS THABS DE GTZO BO'O, ,DE 'DRA BA'I RTEN 'BREL KHYAD PAR CAN SGRIG PA LA YANG GA-YON PA'I KUN SPYOD KYI DAM TSIG RNAMS GAL CHE'O, ,DE LA DGONGS NAS RTZA RGYUD LAS, PHYAG RGYA DANG BRAL GSANG SNGAGS NI, ,LUS CAN RNAMS LA 'GRUB MI 'GYUR, ,ZHES DANG, DE BZHIN PHO NYA LEGS 'GROGS PAS, ,SGRUB PA PO YIS DNGOS GRUB 'THOB, ,BZLAS BRJOD BSAM GTAN MCHOD MED PAR, ,MYUR BA NYID DU 'GRUB PAR 'GYUR, ,SNGAGS DANG PHYAG RGYAS SGRUB PA POS, ,
MCHOD PA NYID LA RAB TU 'JUG ,'DI LAS GZHAN PA'I MCHAN MED DE, ,DE LTAR BSTAN BCOS NGES PA YIN, ,PHO NYA'I LAM LA DGA' RNAMS KYIS, ,SGRUB PA PO NI DNGOS GRUB 'GYUR, ,ZHES GSUNGS TE, BSTAN BCOS NI, PHA RGYUD MA RGYUD KUN NO, ,NGES PA NI MI 'GYUR ZHES PA'I DON NO, ,HE RU KA MNGON 'BYUNG LAS KYANG, DPA' BO GANG ZHIG PHYAG RGYA DMAN, ,SGRUB PO MCHOD PAR BYED PA NI, ,PHUB MA RDUNG DANG MTSUNGS PA STE, ,ZHES GSUNGS SO, ,'ON KYANG RTZA RGYUD LAS, PHO NYA RAL GRI'I SO 'DRA ZHING, ,ZHES GSUNGS PA BSTEN PAR DKA' BA'I DON DU KONG KA NA PA BZHED PA NI, HE RU KA MNGON 'BYUNG LAS, RNAL 'BYOR MED PAR RNAL 'BYOR CHOS, ,PHYAG RGYA LA NI BGROD GYUR DANG, ,YE SHES MED PAR YE SHES TSUL, ,DMYAL BAR 'GRO BAR THE TSOM MED, ,CES GSUNGS TE, YUL RTEN KUN MTSAN NYID MA TSANG BAR DE LTAR BYED PA LA, NYES DMIGS SHIN TU CHE BAR GSUNGS PA RNAMS SHES DGOS SO, ,YANG DE NYID LAS, RTAG TU GA-YON PA YIS NI BYA, ,BUD MED RNAMS LA MTHUN PAR BYA, ,DE YIS NGES PAR RTAG PAR 'BYUNG, ,RKANG PA GA-YON PA'I MTHE BONG GIS, ,SA YANG RKO ZHING RI MO 'DRI, ,LAG PA GA-YON PAS RANG PHYOGS KYI, ,SPYI BO LA NI 'PHRUG PAR BYED, ,RANG YUL LAG PA GA-YON PAS STON, ,DE YIS RANG GI RIGS NI DRAN, ,SGRUB PO'I LUS LA PHAN PA YIN, ,ZHES GSUNGS PA LTAR MKHA' 'GRO MA'I PHO NYA MO MANG PO ZHIG GA-YON PA'I KUN SPYOD LA DGYES SHING BYA BA DES 'JUG PAS GA-YON PA'I KUN SPYOD DE RNAMS DANG MTHUN PAR SPYAD PAS DE DAG YID DGA' BAR 'GYUR BA YANG YIN NO, ,KHYAD PAR DU LAG PA GA-YON PA MCHOD PA'I KUN SPYOD BYED PA NI PHO NYA MO KHYAD PAR CAN DANG 'DU BA LA SNGON DU BRDA BSTAN DGOS LA, BRDA YANG LAG PA GA-YON PAS BYED DE, RTZA
, ,RGYUD LAS, BRDA NI LNGA PO BSTAN PA DAG ,SGRUB PA PO YIS LAG GA-YON GYIS, ,'DI NI DPA' BO'I GNAS YIN TE, ,BRDA RNAMS LA NI RAB 'JUG PA'O, ,KHAMS GSUM RGYU DANG MI RGYU DANG, ,'GRO KUN GA-YON LAS 'BYUNG BA YIN, ,ZHES DANG, SDOM 'BYUNG LAS KYANG, DA NAS LAG GA-YON GYI NI BRDA, ,MDOR BSDUS 'DI LA BSHAD PAR BYA, ,ZHES GSUNGS PAS DE 'DRA BA'I 'DU BA BSGRUB PA'I PHYIR DU DA LTA NAS LAG PA GA-YON PA LA MCHOD PAR BYED DE DGOS PA GZHAN YANG YOD DO, ,LAG PA GA-YON PA'I SKYED CHOG BYAS NAS DES DKYIL 'KHOR PA LA MCHOD PA SOGS NI DE LTAR BYAS NA TSOGS KHYAD PAR CAN BDE STONG SKYE BA'I THABS KYI TSOGS RNAMS RDZOGS PAR SLA STE, LAG PA DE NUS LDAN DU SONG BAS DES BYA BA GZHAN BYED PA LA YANG KHYAD PAR CAN DU 'GYUR BA'O, , TSUL 'DI DAG LEGS PAR SHES NA DPAL 'KHOR LO BDE MCHOG RNAL 'BYOR MA'I RGYUD KYI GTZO BO YIN PA SHES PAR 'GYUR TE, RTZA RGYUD KYI BCO LNGA PA LA SOGS PA LE'U MANG PO ZHIG GIS PHO NYA MO'I MTSAN NYID DANG BRDA LA SOGS PA RGYAS PAR STON PA RNAMS KYI GNAD LA'ANG NGES PA RNYED PAR 'GYUR RO, ,GNYIS PA LA GSUM, PHYI ROL MCHOD PA DANG, LAG MA LA MCHOD PA DANG, LAG MCHOD MA GRUB PA'I TSE JI LTAR BYA BA'O, ,DANG PO NI, PHYI ROL MCHOD PA 'DI DUS NAM GYI TSE BYA BA NI, LVA BA PAS, SNGA DRO LANGS LA ZHES GSUNGS PA'I DON LA, RTAG PA'I RDO RJES THO RANGS LANGS PA'AM SKABS JI LTA BA BZHIN DU ZHES BSHAD DE, SNGA DRO'I THUN GYI SNGON DU'AM THUN GZHAN GYI BAR SKABS SU YANG RUNG NGO, ,BDAG BSKYED NI 'KHOR LO SDOM PA'I RNAL 'BYOR DANG LDAN PAS ZHES GSUNGS PAS THUN
BAR YIN NA PHYAG GNYIS PA YUM BCAS KYI RNAL 'BYOR DE NYID GSAL BTAB PAS 'GRUB LA, DE 'DRA MIN PA'I SKABS YIN NA SGRUB THABS LTAR GYI BDAG BSKYED DAM DAG PA GSUM GYI RNAL 'BYOR GYIS KYANG RUNG NGO, ,MDUN BSKYED SGRUB TSUL NI SA PHYOGS GTZANG MAR ZHAL BZHI PA'I SNGAGS BRJOD LA ZHES GSUNGS PA LA, RTAG PA'I RDO RJES SA PHYOGS GTZANG MAR LAG PA GTAD NAS SNGAGS BZLA BAR GSUNGS TE, 'DI NI GNAS DE'I BGEGS BSAL BA YIN PAS DES BGEGS BSKRAD PAR BYA'O, ,'DIR ME TOG 'BUL BA'I SNGON DU LAG PA GA-YON PA SBYANG BAR GSUNGS PAS SNGON DU LAG PA LA LHA SKYED PA'I CHO GA BYAS NAS BYA'O, ,BDUD RTZI LNGA DANG DRI BZANG LA SOGS PA'I GONG BU 'AM, DE DAG TSANG BA MED NA 'ANG DE RNAMS KYI RDZAS GZHAN GANG RUNG DANG BSRES PA'I BA LANG GI LCI BA'I GONG BUS MAndAL GRU BZHI PA DE LAG PA GA-YON PAS BYUNG, DE NAS SKABS 'DIR MA BSHAD KYANG CHOG 'DI'I MTHAR DE NAS DKYIL 'KHOR GYI RI MO DBYI'O, ,ZHES GSUNGS PAS LAG PA GA-YON PA'I MTHEB SRIN GYIS GTZO BO YAB YUM DANG YUM BZHI'I GNAS SU DRI BZANG POS GRU BZHI PA RE DANG LHA GNAS GZHAN RNAMS SU ZLUM PO RE BYAS TE ME TOG GI TSOM BU RE YANG DGOD DO, ,DE NAS DE'I DKYIL DU LAG PA GA-YON PA BZHAG LA, GNAS DE YUL NYER BZHI GNAS LA SOGS PA BCUR BYAS PA'I SA BUR MOS PA SNGON DU BTANG NAS P'U DZ'A LA SOGS PA'I YI GE NYER BZHI DANG, AOm P'I THA, AU PA P'I THA, KshE TRA, AU PA KshE TRA, TZTSA NA DO HA, AU PA TZTSA NA DO HA, ME L'A KA, AU PA ME L'A KA, SHMA SH'A NE, AU PA SHMA SH'A NE, ZHES PA BCU BRJOD PAR BYA STE 'DI'I DON SNGAR BSHAD ZIN TO, ,DE NAS GNAS DER SKAD CIG GIS RLUNG ME CHU SA'I DKYIL 'KHOR BZHI DANG, SA'I STENG DU RI RAB
, ,DANG, DE'I STENG DU SNA TSOGS PADMA DANG ZLA BA'I DKYIL 'KHOR BSAM PAR BYA'O, ,LVA BA PA DANG DE BZHIN GSHEGS PA'I RDO RJE'I 'GREL PAR ZLA BA MA BYUNG YANG, PRADZNY'A RAKshI TA'I GZHUNG LAS BYUNG BAS 'GYUR GYI PHYI MO 'AM BOD DPE CUNG MA DAG PAR MNGON NO, , ZLA BA NI DKAR LA DMAR BA'I MDANGS CAN DBYANGS GSAL GYI GZUGS BRNYAN CAN DU BLTA BA STE, 'DI RTEN DANG BRTEN PA MNGON BYANG LNGAS SKYED PA BSDUS PA'I LUGS YIN PAS SNGAR BSHAD PA DANG RGYAS BSDUS SO, ,DE NAS RANG GI SNYING KHA NAS YI GE H'Um CHAD NAS SNA BUG GA-YAS PA NAS BYUNG STE BLA BA'I DBUS SU BZHAG STE, KHA DOG NI DKAR LA DMAR BA'I MDANGS CAN NO, ,SA BON DE'I 'OD ZER GYIS YE SHES KYI DKYIL 'KHOR SPYAN DRANGS TE H'Um LA BCUG PA YONGS SU GYUR PA LAS, BCOM LDAN 'DAS 'KHOR DANG BCAS PA BLTA BAR BYA'O, ,ZHES PA TZAM LAS MA GSUNGS KYANG, RTAG PA'I RDO RJE DANG BI BHU TIS, RNAM PA THAMS CAD RDZOGS PAR BLTA BAR BSHAD PAS RTAN DANG BRTEN PA'I DKYIL 'KHOR GNYIS KA DUS GCIG TU SKYED PA'I LUGS SO, ,DE LTAR NA ZLA BA'I KHA DOG GNYIS DANG, DBYANGS GSAL GNYIS NI ME LONG LTA BU DANG, MNYAM PA NYID DANG, SA BON NI SOR RTOG DANG, SPRO BSDU SOGS NI BYA BA SGRUB PA DANG, YONGS SU RDZOGS PA NI CHOS DBYINGS YE SHES LAS BYANG CHUB PA'O, ,DE NAS DKYIL 'KHOR GSAL GDAB, RGYA GZHUNG BZHIR DE'I RJES SU GO CHA DANG, YE SHES PA GZHUG PA DANG, DBANG BSKUR BA MA BSHAD DE BSDUS PA'I LUGS SO, ,DE RNAMS BYA BAR 'DOD NA'ANG BYED PA LA MI RUNG BA MED DO, ,DE NAS MCHOD PA NI, LVA BA PAS, RANG GI THUGS KA'I SA BON LAS BYUNG BA'I RIG MA BCU DRUG DANG, SA BON LAS
BYUNG BA'I BDUD RTZI LNGA DANG, RIN PO CHE SNA BDUN LA SOGS PAS MCHOD PA DANG, DE NAS LAG PA GA-YON PA CHO GA JI LTA BA BZHIN SBYANGS PAS DKYIL 'KHOR GYI DBUS SU YI GE GSUM GYIS YAB YUM GNYIS LA ME TOG DBUL, SLAR YANG DE NYID DU GTZO BO YAB YUM GYI SNYING PO DANG, NYE SNYING GIS ME TOG DBUL, DE NAS MKHA' 'GRO MA NAS BZUNG STE, GSHIN RJE 'JOMS MA'I BAR LA PHYOGS GA-YON SKOR DANG, MTSAMS GA-YAS SKOR GYI SBYOR BAS, GNAS JI LTA BAR DKYIL 'KHOR DU ME TOG DBUL, DE NAS LAG PA LA BKOD PA'I LHA RNAMS LA GNAS DE DANG DER AOm HA LA SOGS PAS ME TOG PHUL NAS LAG PA GA-YON PA NA GNAS PA'I ME TOG RNAMS RKANG BRGYAD KYI SNGAGS BRJOD PA SNGON DU 'GRO BAS DKYIL 'KHOR DU DOR LA, SPYI BOR THAL MO SBYAR BA SNGON DU 'GRO BAS LAG PA'I LHA'I 'KHOR LO DE RANG LA GZHUG GO ,ZHES BSHAD LA, DE NAS SNYING PO LA SOGS PA DANG, RKANG BRGYAD KYI SNGAGS KYIS BSTOD PA SNGON DU 'GRO BAS JI LTAR GRAGS PA'I BSTOD PA RNAMS KYIS BSTOD LA, JI LTAR NUS PAS SDIG BSHAGS SOGS DANG, BSAM GTAN DANG, BZLAS PA DANG, SMON LAM GDAB PA SOGS BYA BAR BSHAD PA LTAR BYA'O, ,GZHUNG GZHAN GSUM YANG CUNG ZAD TZAM MA GTOGS PA 'DRA'O, ,BOD RNAMS MCHOD YON SOGS SNGON DU 'GRO BA'I NYER SPYOD SNGON DU BYED DO, ,BDUD RTZI LNGA DANG RIN PO CHE SNA BDUN SOGS SNYING GA'I SA BON LAS BYUNG BAR BSHAD DE, MCHOD RDZAS DE DAG THOGS PA'I LHA MO SPRUL BA'O, ,SOGS KYI SGRAS NI 'DOD YON SOGS GZHAN RNAMS BSDU'O, ,BSAM GTAN NI RANG GI RNAL 'BYOR SGOM PA'AM MDUN GYI LHA LA SEMS 'DZIN PA'O, ,BSAM GTAN GYI BDAG 'JUG BYED PA LA SANG MDUN BSKYED RGYAS PA MA
, ,GRUB NA 'DI LTAR BYAS PAS CHOG PAR MNGON NO, ,DE NAS CHAD LHAG GI NYES PA DAG PA'I CHED DU YI GE BRGYA PA BRJOD PA DANG, SNYING GA'I PHYAG RGYA SNGAGS DANG BCAS PA BYAS PA'I MTHAR PHYAG RGYA SDUD PA NA 'KHYUD PA'I TSUL SNGON DU 'GRO BAS SE GOL BRDAB CING SRIN LAG GIS SA LA REG LA, AOm BADZRA MU: ZHES BRJOD PAS RANG GI GNAS NAS GSHEGS SU GSOL TE BDAG NYID LA GZHUG GO ,DE NAS DKYIL 'KHOR GYI RI MO DBYI BAR BYA BAR LVA BA PAS BSHAD PA LTAR GZHUNG GZHAN GSUM LAS KYANG 'BYUNG NGO, , GNYIS PA NI, LAG PA LA MCHOD PA'I DUS NA LVA BA PA SOGS KYIS TSOGS KYI DKYIL 'KHOR SOGS BYA BAR GSUNGS PAS, TSOGS 'KHOR BYED NA LAG PA LA MCHOD PA'I CHO GA SNGON DU BTANG DGOS LA, DE MIN PA'I SKABS GZHAN TSES BCU LA SOGS PA'I DUS SU YANG BYA'O, ,RGYUN GYI BZA' BTUNG GI DUS SU BYED PAR YANG GSUNGS TE, DRIL BU PAS, ZAS KYI RDO RJE SEMS SOGS DANG, ,SNYING KHA'I DKYIL 'KHOR SBYIN SREG BYA, ,ZHAS ZAS KYI DUS SU RDOR SEMS SOGS SKYED PA BYA BAR GSUNGS PA'I PHYIR RO, ,'DI'I DGOS PA GZHAN NI, KUN SPYOD LAS, RNAL 'BYOR PA YI LAG MCHOD KYIS, ,DBUL BA YIS NI 'DOD YON 'GYUR, ,SEMS NI GZHAN DU GYUR PA NYID, ,BZA' BTUNG GOS SOGS THOB PAR 'GYUR, ,RTAG TU MCHOD PA BYAS PA YIS, ,YID LA BSAMS PA 'GRUB PAR 'GYUR, ,ZHES GSUNGS TE RKANG PA GSUM PA LA 'GYUR GZHAN LAS, SEMS KYI BSAM PAR MA BYAS KYANG, ,ZHES 'BYUNG BA LEGS TE, SPYIR CI BSAMS PA 'GRUB PA DANG, KHYAD PAR DU DBUL BA SEL BAR GSUNGS SO, ,'DI BYED PA'I TSE BDAG NYID LHAR SKYED
TSUL NI, SDOM PA'I RNAL 'BYOR DANG LDAN PA'I SNGAGS PAS ZHES GSUNGS LA, DE'I DON YANG SNGAR BSHAD PA LTAR RO, ,LAG PA GA-YAS PA'I MTHEB SRIN GYIS NANG MCHOD BLANGS TE LAG PA GA-YON PA LA BSANG GTOR BYA, DE NAS LAG PA GA-YON PA'I SOR MO RNAMS BSDUS PA'I MTHE BONG LA ZLA GDAN, SOR MO GZHAN BZHI LA NYI GDAN RE, BSDUS PA'I SEN MO LA YANG NYI GDAN BSAM MO, ,MTHE BONG NAS SEN MO BSDUS PA'I BAR DRUG LA GO RIM BZHIN DU RDOR SEMS NAS DON GRUB KYI NGO BOR GYUR PA'I AOm HA DKAR PO LA SOGS PA'I YI GE DGOD PAR GZHUNG GSUM LAS BSHAD PAS DE TZAM ZHIG GAM, YANG NA DE BZHIN GSHEGS PA'I RDO RJES LHA DANG SA BON SGOM PA GDAM NGA CAN DU BSHAD CING, JO BO ? MA N'A KA SHR'I YANG LHAR SGOM PAR BZHED ZER BA LTAR YANG CHOG PAS RDOR SEMS SOGS DRUG DKRONGS BSKYED DAM, YI GE TZAM LAS SAM, YI GE 'GYUR BA'I PHYAG MTSAN LAS CHO GA GSUM GYIS SKYED PA GANG RUNG BYA'O, ,YI GE NI AOm HA SOGS SAM, YANG NA HA HI NAS HAm GI BAR DRUG LAS SKYED PAR YANG BSHAD DO, ,YAB KYI GO CHA DRUG YUM DANG BCAS BAR SKABS GZHAN DU BSHAD PA'I RIGS PA SBYOR NA'ANG SBYAR BAS CHOG STE, LHA RNAMS KYI SKU MDOG DANG PHYAG MTSAN SOGS NI SNGAR BSHAD ZIN TE, LAG PA GA-YON PA'I MTHIL DU YANG SKAD CIG GIS PADMA DMAR PO 'DAB MA LNGA PA GCIG BSAM MO, ,DE'I SHAR GYI 'DAB MA NAS BZUNG STE, GA-YON SKOR GYIS GO RIM BZHIN HAm YAm SNGON MO NAS PHAt PHAt DUD KHA'I BAR LNGA BKOD LA RIM PA BZHIN DU GSHIN RJE MA NAS GTUM MO'I BAR LNGA'I RANG BZHIN DU BSAM PA DANG, PADMA'I LTE BAR AOm BAm DMAR PO DGOD LA RDO RJE PHAG MOR BSAM PAR GZHUNG
, ,GSUM LAS BSHAD PAS DE TZAM ZHIG GAM, YANG NA SNGAR BSHAD PA LTAR PHAG MO SOGS DRUG TU DKRONGS BSKYED DAM SA BON TZAM LAS SAM, CHO GA GSUM LAS BSKYED DE, MNGON BRJOD LAS, DKYIL 'KHOR GYI SKABS SU BAD MA 'DAB MA LNGA PA'I LTE BA DANG BCAS PA LA, DPA' MO DRUG BKOD NAS, RDOR SEMS SOGS KYI YAB KYIS 'KHYUD PA DANG, YAB MED PAR SGOM PA GDAM NGA CAN DU GSUNGS PAS DE GNYIS GANG RUNG NGO, ,LAG PA'I RGYAB TU YANG SNGAGS SAM, LHA BCU GNYIS KYI GZUGS BRNYAN SHAR BAR BSAM PA'AM, YANG NA LAG PA'I RGYAB TU 'KHOR LO GSUM GYI LHA TSOGS GSAL BAR BLTA'O, ,LAG PA'I RGYAB NI BOL GONG NGO, ,DE NAS SA DANG CHU DANG ME DANG RLUNG DANG NAM MKHA'I KHAMS RNAMS RIM PA BZHIN DU LTUNG BYED MA LA SOGS PA LNGA'I NGO BOR MOS PAR BYA'O, ,DE NAS LAG PA LA GNAS PA'I SA BON GYI YI GE RNAMS LA KHU BA'I RDZAS KYIS BYUG PAR GZHUNG BZHI LAS BSHAD PAS, BOD KYI BLA MA SNGA MA RNAMS YI GE GSUM BRJOD CING, LAG PA GA-YAS PAS KHU BA'I RDZAS BLANGS NAS LAG PA GA-YON PA'I PHYI NANG MED PAR LAN GSUM DU BYUG CING, CHANG GIS KYANG DE BZHIN DU BYED DO, ,DE NAS LAG MTHIL DE DPA' BO DANG RNAL 'BYOR MA THAMS CAD KYIS BYIN GYIS BRLABS PA'I 'KHOR LO GSUM GYI LHA'I NGO BOR MOS PAR BYAS LA, KHU BA'I RDZAS LA SOGS PAS MCHOD PAR BSHAD DE, KHU BA NI THUG PA DANG ZHO LA SOGS PA DANG, SOGS KYIS NI GUNG BU'I RDZAS SHA DANG ZAN LA SOGS PAS KYANG MCHOD DE BYIN GYIS BRLAB LA BYA'O, ,DE YANG YI GE GSUM DANG RKANG BRGYAD KYI SNGAGS BRJOD NAS DBUL LO, ,
SNGA MA RNAMS YAB KYI GO CHA LA GA-YAS SKOR DANG, YUM GYI GO CHA LA GA-YON SKOR DANG, 'KHOR LO'I LHA LA PHYOGS GA-YON DANG, MTSAMS GA-YAS SKOR GYIS LAN GSUM GSUM DANG, CHANG GIS KYANG GO CHA'I SNGAGS BRJOD DE, DE BZHIN DU DANG, LHA GZHAN RNAMS LA RANG RANG GI SNGAGS KYIS LAN GSUM GSUM DBUL ZER RO, ,DE NAS YANG DAG PAR MCHOD DE ZHES PA NI, RIG MA BCU DRUG SOGS KYIS MCHOD PA LA SNGA MA RNAMS 'CHAD DO, ,DE NAS CHAD LHAG BSKANG BA'I DON DU YI GE BRGYA PA BRJOD, TSOGS 'KHOR BYED PA YIN NA DE BYIN GYIS BRLAB PA'I DON DU GSOL BA GDAB, SKABS GZHAN YIN NA SKABS DANG MTHUN PAR 'DOD DON LA GSOL BA GDAB BO, ,DE NAS LVA BA PA'I 'GREL PAR GSOL BA BTAB LA, RDZAS DE RDZAS BZHIN DU 'AM GZHAN DU YANG RUNG STE BZHAG NAS ZHES 'BYUNG BA NI, RTAG PA'I RDO RJES RDZAS DES GZHAN BYIN GYIS BRLAB PA'AM GANG YANG RUNG BAR BZHAG LA, ZHES BSHAD PA LTAR LEGS LA, DON NI LAG PA LA MCHOD PA'I RDZAS DE RNAMS TSOGS KYI BZA' BTUNG NGAM, RANG GI BZA' BTUNG LA BSRES LA BYIN GYIS BRLAB PA'AM, YANG NA SNOD CIG GI NANG DU GZHUG LA BZHAG CES PA'I DON NO ?, ,PHYI MA 'DI LTAR BYAS NAS BZHAG NA LONGS SPYOD 'PHEL BA'I RTEN 'BREL YOD PAR BLA MA KHA CIG BZHED DO, ,DE NAS LAG PA GA-YON PA LA GOS PA'I RDZAS GA-YON PA'I SRIN LAG GIS BZUNG STE, SNYING KHA DANG, LCE DANG, MGO BOR H'Um A'A: AOm BRJOD PA SNGON DU 'GRO BAS BYUG PAR BYA'O, ,DE YANG DANG PO LAG PA GA-YAS PAS GA-YON PA LA 'GOS PA'I RDZAS RNAMS BSDUS TE, GA-YON GYI LAG MTHIL DU BZHAG ,DE NAS DE GA-YON PA'I SRIN LAG GIS BLANGS NAS BYED
, ,PAR SNGA MA RNAMS 'CHAD DO, ,DE NAS LAG PA'I LHA TSOGS RNAMS BDAG LA ZHUGS PAR BSAM MO, ,'DI YANG THOG MAR PAD KOR BYAS TE MGO BOR BZHAG NAS, YO GA SHUD DHA BRJOD PAS ZHU NAS, SPYI BO NAS ZHUGS TE GO CHA LA THIM PAS SHIN TU GSAL BAR BSAM ZHES SNGA MA RNAMS ZER RO, ,GSUM PA NI, 'DIR LVA BA PAS, YANG NA ZHES CHOS 'BYUNG GRU GSUM GYIS DBUS SU DKYIL 'KHOR PA MCHOD PA GCIG BSTAN PA NI, TSOGS 'KHOR GYI SNGON DU LAG MCHOD MA GRUB NA CHO GA 'DI BYAS NAS TSOGS BYIN GYIS RLOB PA YIN TE, CHO GA 'DI'I MTHAR TSOGS KYI 'KHOR LO BYIN GYIS BRLAB PA'I DON DU GSAL BA BTAB STE, ZHES GSUNGS PAS SO, ,'ON KYANG SKABS GZHAN DU YANG TSUL 'DIS DKYIL 'KHOR MCHOD PA YANG RUNG RO, , DE'I TSUL NI GNAS DANG NYE BA'I GNAS LA SOGS PA'I MING BRJOD CING, LAG PA LHA SKYED PA'I TSOGS DAG PAR BYAS PA'I LAG PA GA-YON PA'I MING MED KYIS BDUD RTZI'I SKYED CHOG GIS DAG PAR BYAS PA'I MYOS BYED KYIS MDUN DU 'KHOR LO GRU GSUM PA GNYIS BYUG CING, DE'I DBUS SU DKYIL 'KHOR ZLUM PO GCIG BYA, DER RANG GI SNYING KHA'I SA BON GYI 'OD BAR GYIS SPYAN DRANGS PA'I 'KHOR LO SDOM PA'I RTEN DANG BRTEN PA'I DKYIL 'KHOR BSAM PAR BYA'O, ,DE LA GRU GSUM BYED TSUL NI GRU GSUM BSNAL MAR BTANG BA YIN TE, RTAG PA'I RDO RJES, RTZIBS DRUG 'KHOR LO LA GNAS PA'I ZHES ZUR DRUG PAR BSHAD PAS SO, ,DE LA 'KHOR LO ZHES GSUNGS KYANG DON NI CHOS 'BYUNG NGO, ,DE NI AE YIG GI DON DANG, DA'O DBUS KYI ZLUM PO NI BAm YIG GI DON DANG, DANG PO LA NI MCHOG TU DGA' BA
LHAN SKYES KYI BDE BA BSKYED PA'I GZUGS CAN, SHES RAB MA'I LUS LA BRTEN PA'I SKYE GNAS KYI GZUGS CAN GYI CHOS 'BYUNG GCIG DANG, DE LA BRTEN NAS BYUNG BA'I BDE BAS RNAM THAR GSUM GYI STONG NYID RTOGS PA'I YUL STONG PA NYID MTSON PA'I CHOS 'BYUNG GRU GSUM PA GCIG STE GNYIS SO, ,DE YANG GSANG BA GRUB PA LAS, MCHOG TU DGA' BA'I GZUGS CAN GYIS, ,SEMS CAN KUN GYI BDE 'BYUNG BYED, ,RNAM DAG SHES RAB LUS LA 'BYUNG, ,SANGS RGYAS KUN GYI GNAS ZHI BA, ,LHA RDZAS CHOS 'BYUNG MI 'GYUR BA, ,SANGS RGYAS DE NI BDAG GIS BSTEN, ,AE YI CHA BYAD BZANG PO LA, ,DBUS SU BAm GYIS RNAM PAR BRGYAN, ,BDE BA KUN GYI 'BYUNG GNAS PA, ,SANGS RGYAS RIN CHEN ZA MA TOG ,RGYUD KYI DANG POR GANG GNAS PA, ,DE PHYIR DE NI BSHAD PAR BYA, ,ZHES GSUNGS SO, ,DE LTAR NA CHOS 'BYUNG GCIG GI GNAS LA BRTEN NAS BYUNG BA'I BAm ZLUM POS MTSON PA'I BDE CHEN GYIS CHOS 'BYUNG GNYIS PA'I DON RTOGS PA MTSON LA, DE 'DRA BA'I CHOS 'BYUNG DANG, DBUS KYI ZLUM PO'I NANG DU RTEN DANG BRTEN PA'I DKYIL 'KHOR KUN TSUD PA NI, LAM DANG 'BRAS BU'I YON TAN THAMS CAD DES SPRUL PA'I RNAM 'PHRUL YIN PAS, YON TAN THAMS CAD DE'I NANG DU 'DUS PAR GO BA'I CHED YIN TE, GSANG BA GRUB PA LAS, CHOS 'BYUNG MI 'GYUR ZHI BA NYID, ,SHES RAB RANG GI DNGOS DE SRID, ,KUN TU LHA RDZAS YE SHES KYIS, , SPROS PA MED CING DAG PA LAS, ,'DI DAG THAMS CAD RNAM PAR SPRUL, ,MCHOG TU SHES SHING RNAM DAG GANG, ,SANGS RGYAS KUN GYIS PHYAG BYAS PA, ,BRJOD MIN KUN LA KHYAB PA'I GNAS, ,THAMS CAD DE YI RNAM 'PHRUL YIN, ,ZHES GSUNGS PA 'DI'I GNAD SHES
, ,NAS DKYIL 'KHOR SNGAR LTAR BSGRUBS NAS MCHOD PA NI, DE 'DRA BA'I GO BA MED PAR DKYIL 'KHOR MCHOD PA LAS, CHOS MCHOG TU GYUR PA YIN PAS, CHOS 'BYUNG GI NANG DU DKYIL 'KHOR SGOM PA RNAMS KYI NGES DON YANG DE LTAR SHES PAR GYIS SHIG ,DE NAS DKYIL 'KHOR LA MCHOD PA LA SOGS PA NI, GTOR MA BYIN GYIS BRLAB PA BZHIN DU BDUD RTZI LNGA LA SOGS PA'I TSUL DU RDZOGS PAR BYAS PA'I BZA' BTUNG SOGS YI GE GSUM DANG RKANG BRGYAD KYI SNGAGS KYIS PHUL NAS, THOD PA NA GNAS PA'I MYOS BYED BDUD RTZIR BYAS PA YANG MTHE BONG DANG, SRIN LAG GIS BLANGS NAS GTZO BO YAB YUM LA RANG RANG GI SNYING PO DANG, NYE SNYING GIS DANG, LHA LHAG MA RNAMS LA RANG RANG GI SNGAGS KYIS PHUL TE, MNYES PAR BYA BAR BSHAD LA, BOD KYI BLA MA RNAMS DNGOS BRGYUD KYI BLA MA'I MTSAN DANG, LHA'I SNGAGS KYI MTHAR 'BRU GSUM BTAGS NAS 'BUL BA DANG, 'JIG RTEN PA GZHAN LA'ANG 'BUL BAR 'DOD DO, ,PHYI ROL MCHOD PA'I SKABS SU BDUD RTZI LNGA'I MCHOD PA BYED PAR BSHAD PA'I DUS SU YANG MYOS BYED KYIS KYANG MCHOD PAR BYA'O, ,DE NAS YANG DAG PAR MCHOD PAR GSUNGS PA NI, RIG MA BCU DRUG SOGS SNGAR PHYI ROL MCHOD PA'I SKABS SU BSHAD PA LTAR BYA'O, ,DE NAS YI GE BRGYA PA BRJOD PA NAS BDAG NYID LA ZHUGS PA'I BAR NI, PHYI ROL MCHOD PA'I SKABS SU BSHAD ZIN PA LTAR BYA'O, ,DE NAS SA DE LA GNAS PA'I MYOS BYED GA-YON PA'I SRIN LAG GIS BLANGS TE, H'Um A'A: AOm KYI SNGAGS BRJOD PA SNGON DU 'GRO BAS, SNYING KHA DANG, LTE BA DANG, MGO BO RNAMS SU BYUG PAR BYA'O, ,DE NAS LAG PA GA-YON PA LA GNAS PA'I
LHA'I 'KHOR LO YANG BDAG NYID LA ZHUGS PAR BLTA BAR BYA'O, ,DE LTAR DAM TSIG DANG SDOM PA DAG PAR BYAS TE THUN BZHI'I RNAL 'BYOR LA GNAS PA'I SKABS NAS THUN GYI BAR DU MCHOD TSUL GSUM PO DES MCHOD PA'I DUS KHYAD PAR BA NI, KUN SPYOD LAS, DGUN 'BRING LA SOGS ZLA BA YI, ,TSES BCU LA NI GUS PAS MCHOD, ,CES GSUNGS PA LTAR, ZLA BA RE RE'I YAR MAR GYI TSES BCU GNYIS DANG, KHYAD PAR DU RGYAL GYI ZLA BA'I TSES BCU GNYIS YIN PAS DUS RGYUN PA DANG KHYAD PAR BA RNAMS LA, BCOM LDAN 'DAS HE RU KA'I DKYIL 'KHOR PA MCHOD PA LA BRTZON PAR BYAS NA SKYE BA THAMS CAD DU DPAL HE RU KA DANG RJE BTZUN MAS RJES SU BZUNG NAS GNAS SKABS DANG MTHAR THUG GI 'DOD DEN THAMS CAD BDE BLAG TU 'GRUB PAR 'GYUR RO, ,GSUM PA 'JUG GI DON NI, BCOM LDAN 'DAS 'KHOR LO BDE MCHOG GI MNGON PAR RTOGS PA, PHYAG RGYA CHEN PO MCHOG GI DNGOS GRUB BRNYES PA DPAL L'U AI PA'I ZHAL SNGA NAS MDZAD PA RDZOGS SO, ,ZHES PA NI MDZAD PA DE MTHAR PHYIN PA'O, ,GZHUNG 'DI GANG GIS BSGYUR BA NI, RGYA GAR GYI MKHAN PO DPAL SU MA TI K'I RTI BLO BZANG GRAGS PA'I ZHAL SNGA NAS DANG, SGRA BSGYUR GYI LO TZ'A BA CHEN PO MAR PA CHOS KYI DBANG PHYUG ,GSANG MTSAN 'JAM PA'I RDO RJE ZHES PA'I YUL DBUS MA GA DHA'I DPE DANG SBYAR NAS RGYA SKAD LAS BOD SKAD DU BSGYUR ZHING, TSIG DON LA ZHUS DAG BYAS TE 'CHAD NYAN GYIS GTAN LA PHAB PA'O,, ,,RGYAL BA'I GSUNG RAB KUN GYI MTHAR SON PA, ,RNAL 'BYOR CHEN PO BLA NA MED PA YI, ,RNAL 'BYOR MA RGYUD KUN GYI GTZO BO NI, ,'KHOR LO SDOM PA'I RGYUD CES BYA BAR GRAGS, ,SHIN TU RTOGS
, ,DKA'I RGYUD DE LAS BTUS NAS, ,SKAL BZANG RNAMS KYI 'JUG NGOGS MCHOG MDZAD PA, ,GZHUNG NYUNG DON RGYAS GNAD KUN LEGS 'DUS PA, ,RNAL 'BYOR DBANG PHYUG L'U AI PA YI GZHUNG, ,'KHOR LO SDOM PA'I RTZA BSHAD RGYUD KUN DANG, , RGYA GAR MKHAS PAS MDZAD PA'I BDE MCHOG GZHUNG, ,KUN LA RING DU 'DRIS PAR BYAS PA DANG, ,DAM PA SNGA MA RNAMS LAS LEGS 'ONGS PA'I, ,BRGYUD PA SO SO'I MAN NGAG DANG LDAN PAR, ,GO SLA'I NGAG GIS GSAL BAR BSHAD PA 'DI, ,LAM 'DI CHAS CHER NYAMS PA GSO PHYIR DANG, ,BDAG KYANG TSE RABS KUN TU 'DI 'DRA BA'I, ,LAM BZANG RNAMS DANG MI 'BRAL BYA PHYIR DANG, ,LOGS PAR BSHAD PA'I DRI MA BSAL BA'I CHED, ,DE PHYIR BDAG LA GNAS GSUM MKHA' 'GRO MAS, ,BRTZE BA CHEN POS BZOD PA MDZAD DU GSOL, ,'DI NA YANG DAG PA DANG LTAR SNANG GI, ,BSHAD PA JI BZHIN PHYED PA CHES DKON ZHING, ,KHYAD PAR RDO RJE THIG PA'I GZHUNG KUN LA, ,RNAM GZHAG CHAGS PA SHIN TU NYUNG BAS NA, LEGS BSHAD 'DI LA'ANG CHOS KYI RJES 'BRANGS NAS, ,NGES PA RNYED PA DKA' BAR SNANG NA'ANG, ,MKHAS PA RING DU BSTAN PA'I DPYOD LDAN GYIS, ,LEGS PAR BSHAD NA DGA' BA RGYAS PAR 'GYUR, ,LUNG DANG MAN NGAG RIGS LAM PHRA MO YIS, ,RNAM PAR DPYAD NAS BZHAG PA YIN MOD KYANG, ,TSU ROL MTHONG PA'I BYIS BLO MI GSAL BAS, ,NONGS PAR GANG GYUR DAM PA'I SPYAN SNGAR BSHAGS, ,RNAM DAG BSAM PAS 'BAD PA CHEN PO YIS, ,TSUL 'DI BSGRUBS PAS BSOD NAMS GANG THOB PA, ,DES NI MAR GYUR 'GRO BA MTHA' DAG RNAMS, ,BLA MED THEG PA'I LAM 'DIR 'JUG PAR SHOG ,
'KHOR BAR 'KHOR BA'I TSE RABS THAMS CAD DU, ,DPAL LDAN HE RU KA DANG RJE BTZUN MAS, ,MA LTAR BRTZE BA CHEN POS RJES BZUNG NAS, ,YANG DAG LAM 'DI GEGS MED MTHAR PHYIN SHOG ,CES RNAL 'BYOR GYI DBANG PHYUG L'U AI PAS MDZAD PA'I BCOM LDAN 'DAS DPAL 'KHOR LO BDE MCHOG GI MNGON PAR RTOGS PA'I RGYA CHER BSHAD PA 'DOD PA 'JOB ZHES BYA BA 'DI NI, MDO DANG SNGAGS KYI SDE SNOD 'DZIN PA, LAM 'DI NYID NYAMS SU LEN PA LA MOS PA MANG POS SGRUB THABS KYI 'GREL PA SHIN TU RGYAS PA CIG GYIS ZHES NAN TAN GYIS BSKUL BA'I DON DU BDE MCHOG GI RTZA BA DANG, BSHAD PA'I RGYUD KUN DANG, DE DAG GI 'GREL PA RNAMS DANG, GZHUNG 'DI'I 'GREL PA DRUG DANG, SGRUB THABS KYI RGYA GZHUNG GZHAN RNAMS LA'ANG RING DU 'DRIS PAR BYAS SHING, BOD KYI BDE MCHOG GI BSHAD SROL SO SO BA YANG MANG DU BLTAS NAS MANG DU THOS PA'I DGE SLONG BLO BZANG GRAGS PA'I DPAL GYIS 'BROG RI BO CHE DGA' LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI PA RIN CHEN DPAL LO, ,MANGGA LAm, ,