*, ,N'A RO'I CHOS DRUG GI DMIGS SKOR LAG TU LEN TSUL BSDUS PA RJE'I GSUNG BZHIN SEMS DPA' CHEN PO KUN BZANG PAS BKOD PA BZHUGS SO, ,
, ,RJE BTZUN DAM PA RDO RJE 'CHANG DANG DBYER MA MCHIS PA RNAMS KYI ZHABS KYI PADMA LA GUS PA CHEN POS PHYAG 'TSAL LO, ,'DIR ZAB LAM N'A RO'I CHOS DRUG CES GRAGS PA'I GDAMS NGAG 'CHAD PA LA GNYIS, KHYAD PAR GYI SNGON 'GRO DANG, DE LA BRTEN NAS LAM JI LTAR BSGOM PA'O, ,DANG PO LA GNYIS YOD PA'I RDO RJE SEMS DPA'I SGOM BZLAS NI, THOG MAR SKYABS 'GRO SEMS BSKYED RGYUD DANG 'DRES NGES SHIG BYA, DE NAS RANG GI SPYI BOR PAm LAS PADMA DKAR PO, AA LAS ZLA BA'I DKYIL 'KHOR GYI STENG DU, H'Um LAS RDO RJE RTZE LNGA PA DKAR PO LTE BA LA H'Um GIS MTSAN PA, DE LAS 'OD ZER 'PHROS DON GNYIS BYAS, TSUR 'DUS YONGS SU GYUR PA LAS RDO RJE SEMS DPA' SKU MDOG DKAR PO GA-YAS RDO RJE, GA-YON DRIL BU 'DZIN PA, YUM RDO RJE BSNYEMS MA DKAR MO GRI GUG DANG THOD PA 'DZIN PAS 'KHYUD PA, RIN PO CHE'I RGYAN SNA TSOGS PAS SPRAS PA, MTSAN DANG DPE BYAD DU LDAN PA, RDO RJE'I SKYIL KRUNG GIS BZHUGS PA, DE'I THUGS KAR ZLA BA'I STENG DU H'Um DKAR PO, DE LAS 'OD ZER 'PHROS RANG 'DRA'I YE SHES PA SPYAN DRANGS
, ,PA LA MCHOD PA RNAM PA LNGAS MCHOD DZA: H'Um BAm HO: DGUG GZHUG BCING MNYES PAR BYA, YANG THUGS KHA'I H'Um LAS 'OD ZER 'PHROS DBANG GI LHA RNAMS SPYAN DRANGS PA LA MCHOD NAS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, YUM RNAMS KYIS RIN PO CHE'I BUM PA YE SHES KYI BDUD RTZIS GANG BA THOGS NAS, JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHR'I YE H'Um, ZHES PAS DBANG BSKUR, LUS YE SHES KYI BDUD RTZIS GANG, MI BSKYOD PAS DBU BRGYAN, BCOM LDAN 'DAS RDO RJE SEMS DPA' BDAG GZHAN THAMS CAD KYI SDIG SGRIB DANG, DAM TSIG NYAMS CHAGS THAMS CAD DAG PAR MDZAD DU GSOL ZHES GSOL BA BTAB PAS, THUGS KA'I H'Um LAS 'OD ZER 'PHROS SEMS CAN THAMS CAD LA PHOG ,DE DAG GI SDIG SGRIB NYES LTUNG THAMS CAD
DANG, PAR BYAS, PHYOGS BCU'I SANGS RGYAS SRAS BCAS THAMS CAD LA MCHOD PA PHUL, DE RNAMS KYI SKU GSUNG THUGS YON TAN 'PHRIN LAS THAMS CAD 'OD ZER GYI RNAM PAR BSDUS NAS THUGS KA'I H'Um LA THIM PAS GZI BRJID DANG MTHU STOBS PHUN SUM TSOGS PAR GYUR, H'Um GI MTHAR, AOm BADZRA HE RU KA SA MA YA, MA NU P'A LA YA, HE RU KA TVE NO PRA TIshthA, DRI DHO ME BHA BA, SU TO shYO ME BHA BA, SU PO shYO ME BHA BA, AA NU RAKTO ME BHA BA, SARBA SIDDHI MME PRA YA TZTSA, SARBA KARMA SU TZA ME, TZITTAm SHRI YAm, KU RU H'Um HA HA HA HA HO: BHA GA WA NA, BADZRA HE RU KA: M'A ME MUNYTZA, HE RU KA BHA BA, MAH'A SA MA YA SATVA A'A: YIG 'BRU LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, SANGS RGYAS SRAS BCAS LA MCHOD PA BSAM GYIS MI KHYAB PA PHUL, SKU GSUNG THUGS KYI BYIN RLABS THAMS CAD BSDUS TE YIG 'BRU LA THIM, YIG 'BRU LAS BDUD RTZI'I CHU RGYUN DKAR PO BYUNG, YAB YUM GYI SBYOR MTSAMS LAS BABS NAS RANG GI SPYI BO TSANGS PA'I BU GA NAS ZHUGS TE, SGO GSUM GYI SDIG SGRIB THAMS CAD DBANG PO'I SGO DANG BA SPU'I BU GA NAS NAG PHUNGS KYIS 'THON, SDIG SGRIBS SANGS KYIS DAG ,LUS THAMS CAD YE SHES KYI BDUD RTZI'I RGYUN GYIS DKAR MER GYIS GANG, RTOGS PA DANG YON TAN BDAG GZHAN THAMS CAD LA SKYES PAR BSAM ZHING YI GE BRGYA PA CI MANG BZLAS PA'I RJES SU, BDAG NI MI SHES RMONGS PA YIS, ,DAM TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG
, ,NYID CAN, ,'GRO BA'I GTZO BO BDAG LA SKYOBS, ,ZHES GSOL BA BTAB PAS, RDO RJE SEMS DPA'I ZHAL NAS RIGS KYI BU KHYOD KYI SDIG SGRIB DANG, DAM TSIG GI NYAMS CHAGS THAMS CAD DAG GO ZHES GSUNGS NAS RANG LA THIM PAS, RANG GI SGO GSUM DANG, RDO RJE SEMS DPA'I SKU GSUNG THUGS DBYER MED DU GYUR, BLA MA'I RNAL 'BYOR SGOM PA NI, MDUN GYI NAM MKHAR RIN PO CHE'I KHRI SENG GES BTEG PA'I STENG NA PAD NYI'I GDAN LA, NGO BO RANG GI BLA MA, RNAM PA RDO RJE 'CHANG SKU MDOG SNGON PO ZHAL GCIG PHYAG GNYIS PA, GA-YAS RDO RJE GA-YON DRIL BU 'DZIN PAS RANG 'DRA'I YUM LA 'KHYUD PA, LHA RDZAS KYI GOS KYI STOD GA-YOGS DANG SMAD GA-YOGS CAN, RIN PO CHE'I RGYAN GYIS BRGYAN PA, ZHABS RDO RJE'I SKYIL KRUNG DU BZHUGS PA, 'OD ZER RNAM PA LNGA RAB TU 'BAR BA'I SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, SNYING GAR NYI MA LA H'Um SNGON PO 'OD ZER 'PHRO BA, H'Um LAS 'OD ZER 'PHROS PAS, RDO RJE 'CHANG NAS BZUNG STE BLA MA BRGYUD PA RNAMS DANG, YI DAM GYI LHA TSOGS RNAMS SPYAN DRANGS TE THIM, DE LA MCHOD PA 'BUL BA LA, MAndAL GYI MCHOD PA NI, DRI BZANG GIS BYUG CING AOm BADZRA BH'Um MI A'A: H'Um, DBANG CHEN GSER GYI SA GZHI, AOm BADZRA RE KHE A'A: H'Um LCAGS RI MU KHYUD, DBUS SU RI RAB, SHAR LUS 'PHAGS PO, LHO DZAMBU GLING, NUB BA LANG SPYOD, BYANG SGRA MI SNYAN, LUS DANG LUS 'PHAGS, RNGA YAB DANG RNGA YAB GZHAN, GA-YO LDAN DANG LAM MCHOG 'GRO, SGRA MI SNYAN DANG SGRA MI SNYAN GYI ZLA, GLANG PO RIN PO CHE, KHYIM BDAG RIN PO CHE, RTA MCHOG
RIN PO CHE, BTZUN MO RIN PO CHE, DMAG DPON RIN PO CHE, 'KHOR LO RIN PO CHE, NOR BU RIN PO CHE, GTER CHEN PO, NYI MA, ZLA BA, RNAMS SO SO'I RNAM PA BZHIN GSAL BTAB LA, BDAG GZHAN LUS NGAG YID GSUM DUS GSUM LONGS SPYOD DGE BA'I TSOGS, RIN CHEN MAndAL BZANG PO KUN BZANG MCHOD PA'I TSOGS BCAS PA, BLO YIS BLANGS NAS BLA MA YI DAM DKON MCHOG RNAMS LA 'BUL, THUGS RJE'I DBANG GIS BZHES LA BDAG LA BYIN GYIS BRLAB TU GSOL, ,ZHES DBUL, GZHAN YANG ME TOG SOGS PHYI'I MCHOD PA DANG, NANG BDUD RTZI'I MCHOD PA DANG, GSANG BA'I MCHOD PAS KYANG MCHOD LA, GANG GI DRIN GYIS BDE CHEN GNAS, ,SKAD CIG GIS NI THOB 'GYUR PA, ,BLA MA RIN CHEN LTA BU YI, ,RDO RJE CAN ZHABS PAD LA 'DUD, ,CES SOGS KYIS BSTOD DE, DE NAS GUS PA CHEN POS THUN MONG DANG THUN MONG MA YIN PA'I LAm RNAMS MYUR DU RGYUD LA SKYE BAR BYIN GYIS BRLAB TU GSOL, DE DAG GI 'GAL RKYEN ZHI ZHING MTHUN RKYEN YID BZHIN DU 'GRUB PAR BYIN GYIS BRLAB TU GSOL ZHES GSOL BA BTAB PAS, DGYES TE BLA MA'I SPYI BO'I AOm DKAR PO LAS 'OD ZER DKAR PO 'PHROS, RANG GI SPYI BOR ZHUGS PAS LUS KYI NANG THAMS CAD 'OD ZER DKAR POS KHENGS, LUS KYI DRI MA SBYANGS, BUM PA'I DBANG BSKUR, SKU RDO RJE'I DNGOS GRUB THOB, MGRIN PA'I A'A: DMAR PO LAS 'OD ZER DMAR PO 'PHROS, RANG GI MGRIN PAR ZHUGS LUS KYI NANG THAMS CAD 'OD ZER DMAR POS KHENGS, NGAG GI DRI MA SBYANGS, GSANG BA'I DBANG BSKUR, GSUNG RDO RJE'I DNGOS GRUB THOB, THUGS KA'I H'Um MTHING GA LAS 'OD ZER MTHING GA 'PHROS, RANG GI SNYING GAR ZHUGS,
, ,LUS KYI NANG THAMS CAD 'OD ZER MTHING GAS KHENGS, YID KYI DRI MA SBYANGS, SHES RAB YE SHES KYI DBANG BSKUR, THUGS RDO RJE'I DNGOS GRUB THOB, SKU'I GNAS THAMS CAD LAS 'OD ZER SNA TSOGS 'PHROS, RANG GI LUS KYI SGO THAMS CAD NAS ZHUGS, SGO GSUM GYI SGRIB PA PHRA BA SBYANGS, DBANG BZHI PA BSKUR, RDO RJE GSUM DBYER MI PHYED PA'I DNGOS GRUB THOB PAR GYUR, MDUN GYI BLA MA RANG GI SPYI BOR SPYAN DRANGS TE SPYI BO NAS THIM PAS RANG GI LUS NGAG YID GSUM DANG BLA MA'I SKU GSUNG THUGS DBYER MED PAR GYUR, DE LA BRTEN NAS LAM JI LTAR SGOM PA LA GNYIS YOD PA'I BSKYED RIM BSGOM PA NI, AOm SVA BH'A WA SHUDDHA: SARBA DHARM'A: SVA BH'A WA SHUDDHONYA HAm, STONG PA NYID DU GYUR, STONG PA'I NGANG LAS SNA TSOGS PADMA DANG NYI MA'I GDAN LA RANG NYID SKAD CIG GIS BCOM LDAN 'DAS HE RU KA SKU MDOG MTHING GA ,ZHAL BZHI PA'I RTZA ZHAL NAG ,GA-YON ZHAL LJANG, RGYAB ZHAL DMAR, GA-YAS ZHAL SER BA, ZHAL RE RE'ANG SPYAN GSUM GSUM PA, PHYAG BCU GNYIS PA DPRAL BAR RDO RJE RTZE LNGA PA'I PHRENG BA 'DZIN PA, ZHABS GA-YAS BRKYANG BAS 'JIGS BYED NAG PO LAG PA BZHI PA'I DANG PO GNYIS THAL MO SBYAR BA, GA-YAS LHAG MAS d'A MA RU DANG, GA-YON LHAG MAS RAL GRI 'DZIN PA'I MGO BO MNAN PA, GA-YON BSKUM PAS DUS MTSAN MA DMAR MO LAG PA BZHI PA'I DANG PO GNYIS THAL MO SBYAR BA, LHAG MA GNYIS THOD PA DANG KHA tV'Am GA 'DZIN PA'I NU MA MNAN PA, GDAN GNYIS KA'ANG GDONG GCIG PA, MIG GSUM PA, PHYAG RGYA LNGAS BRGYAN PA'O, ,PHYAG DANG PO GNYIS KYIS RDO RJE
PHAG MO LA 'KHYUD PA'I GA-YAS PAS RDO RJE RTZE LNGA PA DANG, GA-YON PAS DRIL BU BSNAMS PA, DE'I 'OG MA GNYIS KYIS GLANG PO CHE'I PAGS PA DKAR PO ZHAG DANG BCAS PA'I NA BZA', PHYAG GA-YAS PAS LAG PA GA-YON PA DANG, GA-YON PAS RKANG PA GA-YON PA'I PAGS PA RANG GI RGYAB TU, SDIGS MDZUB DANG BCAS PA'I PHYAG GIS BRGYANGS TE 'DZIN PA'I SDIGS MDZUB KYI RTZE GNYIS SMIN MA'I THAD SOR GNAS PA, GA-YAS KYI GSUM PA NA d'A MA RU, BZHI PA NA DGRA STA, LNGA PA NA GRI GUG ,DRUG PA NA MDUNG RTZE GSUM PA BSGRENG BA, GA-YON PA'I PHYAG GSUM PA NA RDO RJES MTSAN PA'I KHA tV'Am GA ,BZHI PA NA KHRAG GIS GANG BA'I THOD PA, LNGA PA NA RDO RJE'I ZHAGS PA, DRUG PA NA TSANGS PA'I MGO BO GDONG BZHI PA BSNAMS SHING, SNA TSOGS RDO RJES MTSAN PA'I RAL PA'I THOR COG CAN, DBU RE RE LA RDO RJE NAG PO'I PHRENG BA STOD SMAD DU GNAS PA GNYIS LA BRGYUS PA'I THOD PA SKAM PO LNGA LNGA'I PHRENG BAS BRGYAN PA, DBU'I GA-YON DU CUNG ZAD YO BA'I ZLA BA PHYED PA 'PHYANG BA, ZHAL RNAM PAR 'GYUR BA, MCHE BA BZHI BZHI GTZIGS SHING 'JIGS SU RUNG BA, SGEG PA DPA' BA MI SDUG PA STE SKU'I NYAMS GSUM DANG, RGOD DANG DRAG SHUL 'JIGS SU RUNG BA STE GSUNG GI NYAMS GSUM DANG, SNYING RJE DANG RNGAM PA DANG ZHI BA STE THUGS KYI NYAMS GSUM STE, NYAMS DGU DANG LDAN PA, STAG GI PAGS PA'I SHAM THABS CAN, MI'I RGYU MA LA BRGYUS PA'I MGO BO RLON PA LNGA BCU'I PHRENG BA 'PHYANG BA, PHYAG RGYA DRUG GIS RGYAS BTAB PA, MI RUS KYI THAL BAS LUS THAMS CAD LA BYUGS PA'O, ,BCOM LDAN 'DAS LA MNGON DU PHYOGS PAR
, ,BCOM LDAN 'DAS MA RDO RJE PHAG MO SKU MDOG DMAR MO ZHAL GCIG PHYAG GNYIS MA SPYAN GSUM PA GCER MO SKRA GROL BA, THOD PA'I DUM BUS BRGYAN PA'I 'OG PAG CAN, PHYAG GA-YON PAS YAB KYI MGUL PA NAS 'KHYUD PA'I THOD PA NA BDUD BZHI LA SOGS PA'I KHRAG GIS GANG BA BSNAMS PA, GA-YAS PAS PHYOGS BCU'I GDUG PA CAN KUN LA GRI GUG DANG BCAS PA'I SDIGS MDZUB KYIS BSDIGS PAR MDZAD PA, 'JIG DUS KYI ME LTAR 'BAR BA, BYIN PA GNYIS KYIS YAB KYI BRLA'I STENG NAS LEGS PAR 'KHRIL PA, BDE BA CHEN PO'I RANG BZHIN GYI THUGS RJE CHEN PO'I BDAG NYID CAN, PHYAG RGYA LNGAS BRGYAN PA, MI MGO SKAM PO LNGA'I THOD DANG, MI MGO SKAM PO LNGA BCU'I DO SHAL CAN NO, ,RANG GI SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, THUGS KAR NYI MA LA H'Um SNGON PO, RANG GI THUGS KA'I H'Um YIG LAS 'OD ZER 'PHROS, BSGOMS PA DANG 'DRA BA'I YE SHES PA DANG, DBANG GI LHA RNAMS SPYAN DRANGS PA LA, AOm AARGHAm PRA T'I TZTSA SV'AH'A, DZA: H'Um BAm HO: MI BZHED PA MED PAR DGYES BZHIN DU BZHUGS PAR GYUR, DE BZHIN GSHEGS PA RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS, JI LTAR BLTAMS PA TZAM GYIS SOGS DANG, AOm SARBA TA TH'A GA TA SOGS BRJOD, SPYI BO NAS DBANG BSKUR BAS LUS GANG CHU LHAG MA YAR LUD PA LAS GTZO BO LA RDO RJE SEMS DPA', PHAG MO LA MI BSKYOD BAS DBU BRGYAN, DBANG GI LHA RNAMS RANG LA THIM, BDAG BSKYED LA MCHOD PA 'BUL BA NI, AOm AARGHAm
PRAT'I TZTSA SV'AH'A, AOm P'A DYAm PRA T'I TZTSA SV'AH'A, AOm BADZRA PUshPE A'A: H'Um SV'AH'A, AOm BADZRA DH'U PE A'A: H'Um SV'AH'A, AOm BADZRA D'I PE A'A: H'Um SV'AH'A, AOm BADZRA GANDHE A'A: H'Um SV'AH'A, AOm BADZRA NEE WI DYA A'A: H'Um SV'AH'A, AOm BADZRA SHAPTA A'A: H'Um SV'AH'A, AOm HR'I: HA HA HUm H'Um PHAt AOm A'A: H'Um GIS NANG MCHOD DBUL, YAB YUM SNYOMS PAR ZHUGS PAS BDE BA CHEN PO SKYES TE NYAMS SU MYONG BAR GYUR, AOm HR'I: HA HA HUm H'Um PHAt, AOm BADZRA BEE RO TZA N'I YE HUm H'Um PHAt PHAt SV'AH'A, ZHES PAS BSTOD, 'JOG SGOM NI RANG NYID 'KHOR LO BDE MCHOG DNGOS YIN SNYAM PA'I NGA RGYAL DANG, DE LA CI GNAS BYA'O, ,BZLAS PA BYA TSUL NI, RANG GI THUGS KA'I H'Um YIG GI MTHAR, AOm HR'I: HA HA H'Um H'Um PHAt KYIS BSKOR BA LA BRIS PA LTAR 'DON PA'I DMIGS PA BYA STE BZLA'O, ,RDZOGS RIM SGOM PA LA GNYIS YOD PA'I DANG PO 'KHRUL 'KHOR DANG STONG RA SGOM PA NI, RANG YI DAM YAB YUM DU GSAL BA'I NGANG NAS, BUM PA LTAR DGANG BA NI, STAN BDE BA LA SKYIL KRUNG GANG BDE BYAS LA RKED PA BSRANG, LAG PA GNYIS PUS ME LA DGAB, RLUNG SNA BUG GA-YAS NAS 'THEN TE GA-YON DU BLTAS NAS DE NGOS KYI SNA BUG NAS DAL BUS RING BAR LHAG MA MED PAR BUD, YANG GA-YON NAS 'THEN NAS GA-YAS SU BLTAS TE DE NGOS KYI SNA BUG NAS SNGAR BZHIN DU BUD, DE NAS DBUS NAS SNA BUG GNYIS KA NAS 'THEN TE THAD KAR LAN CIG SNGAR BZHIN DU BUD, DE 'DRA BA'I TSUL GYIS SLAR YANG SUM TSAN GNYIS TE DGU PHRUGS SU RLUNG RO BSAL TE, DE'ANG PHAR LA BUD PA DANG TSUR 'DREN PA'I DUS GNYIS KAR KHA NAS 'GRO 'ONG MED PAR BYA'O, ,DE NAS LUS DRANG POR BSRANG STE LAG PA
, ,GNYIS KYI MTHEB CHEN NANG DU DGUG ,THAD KA NAS RLUNG SHIN TU DAL LA RING BAR NANG DU RDUBS TE LTE 'OG TZAM DU MCHIL MA SGRA MED PAR MID NAS CHER GYIS MNAN, DE'I RJES SU 'OG RLUNG LTE 'OG TU MI DRAG PA ZHIG DRANGS TE KHA SBYAR DU BZUNG, SHES PA LTE BA'I RTZA 'KHOR GYI DBUS SU GTAD LA NUS TSAD DU 'DZIN CING RLUNG MI THUB PA NA KHA NAS YE MA SHOR BAR SNA SGO NAS DAL BUS GTONG NGO, 'OG MA LNGA GA 'DI'I DANG NAS BYED PA LA 'KHOR LO LTAR BSKOR BA NI, RKANG PA SKYIL KRUNG BCAS PA'I RKANG PA GA-YAS PA'I MTHEB CHEN LAG PA GA-YAS PAS BZUNG, RKANG PA GA-YON PA'I MTHEB CHEN LAG PA GA-YON PAS BZUNG ZHING, RKED PA DRANG POR BSRANGS LA PHO BA DANG RKED PA GA-YAS SU LAN GSUM BSKOR, DE BZHIN DU GA-YON DU'ANG BSKOR, DE NAS GA-YON NAS GA-YAS SU KYOG PA DANG, GA-YAS NAS GA-YON DU KYOG PA DANG, MDUN NAS RGYAB TU 'PHUL BA RE DANG, RGYAB NAS MDUN DU 'PHUL BA RE BYA'O, ,LCAGS KYU LTAR DGUG PA NI, LAG PA GNYIS RDO RJE KHU TSUR BCANGS LA SNYING GA NAS THAD KAR MDUN NGOS SU GSHIBS LA SHUGS CHE BAR BRKYANG, DE NAS GA-YON NGOS SU LAG PA GNYIS BRKYANG PA'I GA-YAS PA SNGON LA DAL BUS SHUGS CHE BAR GA-YAS PA'I DPUNG MGO BAR DU DGUG LA GRU MOS MTSAN DU BRDAB, DE NAS GA-YON PA'ANG SNGA MA BZHIN DU DPUNG MGO GA-YON PA BAR DU DGUG LA BRDAB, SLAR YANG LAG PA GNYIS RDO RJE KHU TSUR BCANGS PA SNYING GA NAS THAD KAR MDUN NGOS SU SHUGS CHE BAR GSHIBS
LA BRKYANG, DE NAS GA-YAS SU LAG PA BRKYANG NAS SNGA MA BZHIN BKUG PA BRDAB BO, ,RDO RJE BSDAMS PA'I PHYAG RGYA GNAM DU 'PHANG ZHING 'OG TU BSKYUR BA NI, PUS MO GNYIS BTZUGS TE LUS BSRANGS NAS LAG PA GNYIS KYI SOR MO RNAMS PHYI RU BSNOL BA'I LAG LCAGS BCUG PA YAR LA RIM PA BZHIN SPYI BO'I BAR DU SHUGS CHE BAR BRDEG ,DE NAS LAG PA GNYIS KHA SPUB LA RIM PA BZHIN SHUGS CHE BAR SA LA DBAB LA BSKYUR RO, ,KHYI MO'I SKYUG TSUL GYIS LUS MDA' LTAR BSRANG BA NI, PUS MO BTZUGS LA LUS BSRANG, DE NAS LAG PA GNYIS SA LA BZHAG PA'I BAR DU MGO BO BZHAG PA RIM GYIS GYEN DU SHUGS CHE BAR BTEG NAS LUS DRANG POR BSRANGS LA, SLAR YANG LAG PA GNYIS RIM GYIS PHAB PA'I BAR DU MGO BO BZHAG NAS, HA ZHES SKYUG STANGS BYAS PA'I MTHAR, LANGS LA RKANG PA GNYIS LAN GSUM GSUM SPRUG GO ,MGO LUS SPRUG CING TSIGS PA BGRANG BA NI, LAG PAS PHAN TSUN GYI SOR MO'I TSIGS PA 'THON PA'I RJES LA, MGO DANG LUS PO SBRUG CING LAG PA GNYIS PHAN TSUN DU MNYES TE BKRU BA'I TSUL BYED PA'O, ,STONG RA SGOM PA NI, RANG YI DAM DU GSAL BA'I SPYI GTZUG NAS RKANG MTHIL GYI BAR DU PHRU MA PHUS BTAB PA LTAR STONG SANG DE BA LA DMIGS PA GTAD NAS DE LA SEMS BRTAN BRTAN DU BSGOM PA'O, ,GNYIS PA DE'I RJES SU LAM DNGOS SGOM PA'I RIM PA LA GNYIS, LAM DNGOS KYI DON DANG, LAM GYI YAN LAG 'PHO BA DANG GRONG 'JUG GO ,DANG PO LA GNYIS, SROG DBU MAR BTZUD NAS DGA'
, ,BZHI BSKYED PA DANG, DE LA BRTEN NAS SGYU MA DANG 'OD GSAL SGOM TSUL LO, ,DANG PO LA GNYIS, ,NANG GI RKYEN GTUM MO SGOM PA DANG, PHYI'I RKYEN LAS KYI PHYAG RGYA LA BRTEN PA'O, ,DANG PO LA GNYIS, GTUM MO BSGOMS NAS SROG DBU MAR ZHUGS PA DANG, BTZUD PA LA BRTEN NAS DGA' BZHI BSKYED TSUL LO, ,DANG PO LA GNYIS, GTUM MO SGOM TSUL DANG, DE LTAR BSGOMS PAS SROG DBU MAR ZHUGS GNAS THIM GSUM BYED TSUL LO, ,DANG PO LA GSUM YOD PA'I DANG PO RTZA GSAL BTAB NAS BSGOM PA NI, MDUN GYI NAM MKHAR RTZA BA'I BLA MA BRGYUD PA'I BLA MA DANG BCAS PA DPA' BO MKHA' 'GRO'I TSOGS KYIS BSKOR BA DMIGS LA, LUS LONGS SPYOD BLTOS PA MED PAR MCHOD PAR DBUL ZHING, SPYIR GSOL BA MANG DU GDAB, KHYAD PAR DU, RLUNG BDE BAR BYIN GYIS BRLAB TU GSOL, RTZA 'JAM PAR BYIN GYIS BRLAB TU GSOL, BDE STONG GI NYAMS RTOGS KHYAD PAR CAN MYUR DU SKYE BAR BYIN GYIS BRLAB TU GSOL, ZHES GSOL BA DRAG TU GDAB, DE NAS SEMS CAN THAMS CAD KYI DON DU RDO RJE 'CHANG GI GO 'PHANG THOB PAR BYA BA'I PHYIR TZAndA LI NYAMS SU MYONG BAR BYA BA'O SNYAM DU BSAM, DE NAS RANG YI DAM GYI LHAR GSAL BA'I NGANG NAS BSAM GTAN GYI STEGS BU GZHUG ,SGOM THAG GYON, RKANG PA RE MIG TU BSNOL, SGAL TSIGS DRANG POR BSRANG, MGRIN PA CUNG ZAD BKUG ,MIG SNA RTZER DBAB, LCE RTZE CUNG ZAD RKAN LA SBYAR, SO DANG MCHU RANG LUGS PAR BZHAG ,LUS SEMS CUNG ZAD BSGRIM, RO STOD 'PHEL KA BSKYED, MNYAM GZHAG GI PHYAG RGYA LTE 'OG TU BCAR BAR BYAS LA, RTZA GSUM GSAL GDAB PA
NI, LTE BA'I BUG PA'I THAD NAS 'OG TU SOR BZHI SONG BAR LUS KYI NANG GI SGAL TSIGS NGOS LA NYE BAR DBUS SU RTZA AA BA DH'U T'I, GA-YAS SU RO MA, GA-YON DU RKYANG MA GSUM SROG SHING GI TSUL DU SPYI GTZUG BAR DU GSHIBS NAS GNAS SHING, LTE 'OG SOR BZHI'I RTZA DBU MA'I MAR SNA'I NANG DU RO RKYANG GI SNA GNYIS GUG NAS YOD PAR BSAM, DE NAS 'KHOR LO BZHI GSAL 'DEBS PA NI, LTE BA SPRUL PA'I 'KHOR LO PHYI DBYIBS AE GRU GSUM GYI RNAM PA CAN RTZA 'DAB KYI GRANGS RE BZHI PA, KHA DOG DMAR PO KHA GYEN DU PHYOGS PA'I RNAM PA CAN DANG, SNYING GA CHOS KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BRGYAD PA KHA DOG DKAR PO, KHA 'OG TU PHYOGS PA CAN DANG, MGRIN PA LONGS SPYOD KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BCU DRUG PA KHA DOG DMAR PO KHA GYEN DU PHYOGS PA'I RNAM PA CAN DANG, SPYI BO BDE CHEN GYI 'KHOR LO PHYI DBYIBS AE GRU GSUM GYI RNAM PA CAN, RTZA 'DAB KYI GRANGS SO GNYIS PA KHA DOG SNA TSOGS PA KHA 'OG TU PHYOGS PA'I RNAM PA CAN DU BSGOM, DE'ANG THOG MAR RTZA GSUM GSAL GDAB LA GSUM PO NYID LA SEMS BZUNG, 'DI LA SNYING GA YAN CHAD LA GSAL 'DEBS THEBS RE DANG SEMS CUNG ZAD RE 'DZIN PA MA GTOGS SHAS CHER LTE BA'I RTZA GSUM 'DUS PA'I NANG DANG, LTE 'OG SOR BZHI'I RTZA GSUM 'DUS PA'I DBU MA'I NANG KHO NAR SEMS BZUNG NGO, ,GNYIS PA YI GE GSAL BTAB NAS BSGOM PA NI, YI GE 'GOD PA RGYAS BSDUS GNYIS YOD PA'I RGYAS PA NI, 'KHOR LO BZHI'I LTE BA DANG 'DAB MA GNYIS KA
, ,LA YI GE BKOD NAS BSGOM PA YIN YANG 'DIR BSDUS PA'I DBANG DU BYED PA NI, 'KHOR LO BZHI'I LTE BAR YI GE BZHI BSGOM PA YIN LA, DE'I TSUL NI, LTE BA SPRUL PA'I 'KHOR LO'I DBUS KYI RTZA DBU MA SGAL PA'I NANG NGOS LA NYE BA'I NANG KHO NAR ZLA GDAN CHUNG NGU ZHIG GI STENG DU YI GE AA THUNG SHAD KYI RNAM PA 'DRA BA MDOG DMAR PO YUNGS KAR GYI TSAD TZAM ZHIG BSGOM, SNYING GA CHOS KYI 'KHOR LO 'DAB MA BRGYAD PA'I DBUS KYI RTZA DBU MA NU MA GNYIS KYI DBUS DRANG THAD NAS SGAL PA LA NYE BAR YOD PA'I DH'U T'I'I NANG KHO NAR ZLA GDAN LA H'Um YIG SNGON PO MGO THUR DU BLTA BA BYANG CHUB KYI SEMS, KHA BA LTA BU 'DZAG PA, YUNGS KAR GYI TSAD TZAM ZHIG BSGOM, MGRIN PA LONGS SPYOD KYI 'KHOR LO RTZA 'DAB BCU DRUG PA'I DBUS KYI RTZA DBU MA MGRIN PA'I DBUS NAS NANG GI SGAL PA NGOS LA NYE BA'I DH'U T'I'I NANG KHO NAR ZLA GDAN LA AOm YIG DMAR PO MGO GYEN DU BLTA BA YUNGS KAR GYI TSAD TZAM ZHIG BSGOM, SPYI BO BDE CHEN GYI 'KHOR LO RTZA 'DAB SO GNYIS PA'I DBUS KYI RTZA DBU MA'I NANG KHO NAR ZLA GDAN LA HAm YIG DKAR PO MGO THUR DU BLTA BA YUNGS KAR GYI TSAD TZAM ZHIG BSGOM, YI GE BZHI GA'I MGOR ZLA PHYED THIG LE N'A DA DANG BCAS PA, BYANG CHUB KYI SEMS BA MO 'DZAG PA LTA BU'I RNAM PA CAN DU BSGOMS NA BDE BA CHE BA'I GNAD YOD LA, SHIN TU 'TSER BA'I 'OD CAN BSGOMS NA BYING BA GCOD SLA ZHING TING NGE 'DZIN GSAL NYAMS CHE'O, ,YI GE DE RNAMS LA SEMS 'DZIN TSUL NI TSUR NGOS NAS PHAR LA BLTA BA'I RNAM PA CAN MI BYA BAR SEMS YI GE'I NANG DU 'DRES PA BZHIN BYA STE
BSKYANG LA, SEMS KYI 'DZIN STANGS HA CANG GRIMS DRAGS PA DANG, HA CANG LHOD DRAGS PAS BYING RGOD BSKYED PAS DE GNYIS SPANGS NAS SEMS KYI 'DZIN STANGS CUNG SHUGS CHE BAR GZUNG BAR BYA'O, ,DE'ANG SNYING GA YAN CHAD KYI YI GE GSUM LA DANG PO YUN THUNG BA RE BZUNG LA, SHAS CHER LTE BA'I AA THUNG LA SEMS BZUNG, DMIGS PA PHRA MO LA GANG BYAS KYANG SEMS 'DZIN PA DKA' BAR SNANG NA CUNG ZAD CHE RU BTANG LA DE LA BRTAN PA NA DMIGS PA PHRA MOR BYAS LA SEMS BZUNG NGO, ,GNYIS PA RLUNG BUM PA CAN BSGOM PA'I TSUL NI, BLA MA RNAMS KYI MAN NGAG LAS, RNGUB DANG DGANG DANG GZHIL BA DANG, ,MDA' LTAR 'PHANG DANG RNAM BZHI'O, ,ZHES 'BYUNG BA LTAR NANG DU RNGUB PA NA KHA NAS MI RNGUB PAR SNA BUG NAS DRAG PO RING BAR RNGUB CING, NANG DU RNGUB PA'I MTSAMS NAS PHYIR MI GTONG BAR NANG DU MNAN PAS RO RKYANG GI RTZA GNYIS NAS RLUNG SIR RI RI SONG BAS RGYU MA PHUS BTAB PA BZHIN RTZA GNYIS PO KHRIG GIS GANG BAR BSAM MO, ,RTZA GNYIS KHENGS PA'I MTSAMS NAS RTZA GNYIS KYI RLUNG THAMS CAD DBU MA'I NANG DU PHYUR GYIS CHUD PER BSGOMS LA MCHI LAM ZHIG SGRA MED DU MID DE STENG RLUNG AA THUNG GI SAR MNAN, DE NAS 'OG SGO GNYIS NAS 'OG RLUNG 'JAM PO ZHIG AA THUNG GI SAR 'THEN LA, RLUNG GNYIS KHA SBYAR BA'I AA THUNG LA DMIGS PA GTAD DE RLUNG JI TZAM THUB PA'I TSOD TZAM DU BZUNG, MI THUB BZHIN DU MI GNON PAR RLUNG PHYIR GTONG BA NA, RTZA DBU MA'I NANG NA YAR BDE HRIL LI LI 'GRO BAR BSAM GYI SPYI GTZUG NAS 'THON PAR MI BSAM LA, MGRIN PA
, ,DANG SNYING GA YAN CHAD KHENGS PA LA DMIGS PA GTOD PA SOGS MI BYA'O, ,RLUNG 'KHOR LO'I LTE BAR RANG SHUGS KYIS GNAS PA BYUNG BA'I MTSAMS NAS YUN BSRING BA DANG JE DRAG TU GNON PA'ANG BYA LA, DE GONG DU BAR MA CHAD DU HA CANG RGYUN RING MI BYA BAR SKABS SU NGAL BSO ZHING SGOM MO, ,DE LTAR BUM PA CAN SGOM PA BYANG BA'I MTSAMS SU BUM PA CAN GYI RLUNG SBYOR BSGOM BZHIN PA'I NGANG NAS LTE BA DANG SNYING GA DANG MGRIN PA DANG SPYI BO'I RTZA 'KHOR GYI LTE BAR SNGAR BZHIN Am H'Um AOm HAm BZHI GSAL BTAB LA, DE NAS GSANG GNAS KYI 'KHOR LOR GNAS PA'I RLUNG GIS MA BSKUL BA'I GTUM MO'I RANG BZHIN GYI Am YIG 'BAR BA'I ME'I 'OD ZER DH'U T'I'I NANG NAS GYEN DU SONG BAS HAm AOm H'U GSUM ZHU BA LTE BAR Am YIG LA BABS TE DE DANG DBYER MED DU GYUR NAS LHAN CIG SKYES DGA'I RANG BZHIN GYI Am YIG TU BLTAS LA SEMS BZUNG NGO, ,DE LA SEMS ZIN PA NA Am THUNG DE LAS GTUM MO'I ME PHRA MO ME LCE GCIG TU 'BAR BA LTAR GNAS PAR BSGOM MO, ,DE'I 'OD KYIS 'KHOR LO GONG MA'I GNAS NAS BYANG CHUB KYI SEMS ZHU BA'I BDUD RTZI ZAGS PAS LTE BA'I Am YIG GANG ZHING Am YIG DE LA SEMS RTZE GCIG PA'I BRTAN PA THOB PA'I MTSAN MA MTHONG BA DE SRID DU BSGOM MO, ,SEMS BRTAN PA NA GTUM MO'I 'OD ZER GYIS LUS KYI PHYI NANG DANG GNAS KHANG SOGS THAMS CAD LAG MTHIL GYI SKYU RU RA BZHIN DU GSAL BAR BSGOMS LA, ME PHRA ZHING ME LCE GCIG TU GYUR PA LA SEMS 'DZIN PA GAL CHE'O, ,DMIGS PA DE LTAR
BSGOMS PAS SROG DBU MAR ZHUGS GNAS THIM GSUM BYED TSUL NI, THUN 'KHYONGS PA'I 'OG RANG GI SNA BUG GANG RUNG RE RE BAR RGYU BA'I 'PHOS MA THAG PA'I SKABS NGOS BZUNG LA, DE NAS LUS GNAD DANG SEMS KYI 'DZIN LUGS SNGAR BZHIN BYAS PA'I MTHUS, RING POR MI THOGS PAR SNA SGOR BRTAGS PA NA RLUNG MNYAM RGYUR THENGS PA DANG DE'ANG LAN RE RE GNYIS GNYIS TZAM LA NGES PA MED KYI 'GAL RKYEN GZHAN MED NA NGES CAN DU THENGS KYIN 'DUG PA DANG, MNYAM RGYU'ANG GANG RUNG ZHIG DRAG LA CIG SHOS ZHAN PA MIN PAR DRAG ZHAN SHED MTSUNGS SU RGYU BA 'ONG BAR SNANG NA, RNAL 'BYOR DE'I STOBS KYIS SROG DBU MAR 'DZUD NUS PA ZHIG TU 'JOG NUS MOD KYANG, LAN CIG TSUD NAS GA-YAS GA-YON RE RE BAR MI 'PHO BA YIN NO, ,DE NI SROG DH'U T'IR ZHUGS PA YIN LA, SROG DH'U T'IR GNAS PA'I MTSAMS 'DI NAS DRIL TE BSGOM PA DANG, SNA BUG GI RGYU BA ZHAN DU SONG BA'I MTHAR ZHIB TU BRTAGS PA NA, RGYU BA PHRA MO'ANG LDOG PA ZHIG 'ONG NGO, ,DE LA RLUNG THIM DKA' SLA GNYIS LAS, THIM DKA' NA YUD CIG LA LTO BA RLUNG GIS KHENGS PA 'BYUNG ZHING, DE NAS ZHI BAR 'GYUR LA, ZHI MA THAG LTA BA DANG GSANG GNAS ME GNAS PA'I THAD NAS DROD KHYAD PAR CAN SKYE ZHING, DE NAS RIM GYIS ZHU BDE 'DREN NO, ,RTAGS SNGA MA GNYIS KYIS THIM PA'I RTAGS 'DI 'DREN PA MA BYUNG NA SNA BUG GI RGYU BA PHRA MO'ANG LOG PA 'DI BYING BA PHRA MO MCHOD PAR BSAGS PAS BYING BA SHAS CHE BA ZHIG LA'ANG 'ONG LA, RTZA 'KHOR GYI LTE BAR GNAD DU BSNUN PA LA MI MKHAS PAR BUM PA CAN MANG DU BSGOM
, ,PAR BYAS SHING, SROG DH'U T'IR 'CHING BAR NI MA NUS PA'I RLUNG GNAS GZHAN DU BYER BA LA'ANG, RLUNG 'BYUNG 'JUG KYANG MI BYED CING, NANG DU 'DZIN RGYU 'ANG MED PA ZHIG 'ONG LA, DE NI DH'U T'IR TSUD PA DANG THIM PA GANG YANG MIN PAS KHYAD PAR DE RNAMS LEGS PAR PHYED PAR BYA'O, ,GNYIS PA BTZUD PA LA BRTEN NAS DGA' BZHI SKYE TSUL LA GSUM YOD PA'I DANG PO RTAGS 'CHAR TSUL DANG GTUM MO SBAR TSUL NI LTE BA'I RTZA 'KHOR GYI DBUS SU DMIGS NAS RLUNG DBU MAR 'JUG PA LA RTAGS LNGA 'CHAR BA 'ONG STE, DE'ANG SA CHU LA THIM PA NA SMIG RGYU LTA BUR CHU MER RE SNANG BA DANG, CHU ME LA THIM PA NA DU BA LTA BU'I SNANG BA SNGO MER RE BA ZHIG GIS KHENGS PA DANG, ME RLUNG LA THIM PA NA SRIN BU ME KHYER 'DRA BA DMAR KHRA KHRA BA MANG PO ZHIG GI SNANG BA DANG, KUN RTOG GI BZHON PA'I RLUNG SEMS LA THIM PA NA, RLUNG MED PA'I MAR ME 'BAR BA LTA BU'I SNANG BA 'BYUNG BAS, SNANG BA DE BSDUS PA'I RJES SU YID NGOR GANG SNANG THAMS CAD NAM MKHA' GA-YA' DAG 'DRA BA ZHIG 'CHAR ZHING, 'DI LA ZHIB BRTZIS BYAS NA SNANG BA BZHI 'ONG STE 'OD GSAL GYI SKABS SU 'CHAD DO, ,SMIG RGYU'I SNANG BA LA SOGS PA 'DI RNAMS RLUNG DBU MAR SDUD PA'I THABS MIN PA'I SEMS 'DZIN RKYANG PA ZHIG LA 'ONG BAR SNANG BAS RTAGS SNGA MA RNAMS KHRIGS CHAGS BRTAN POR 'CHAR BA DANG, DE NAS NAM MKHA' GA-YA' DAG GI SNANG BA BAR MA CHAD DU 'BYUNG BA DGOS SO, ,GTUM MO 'BAR TSUL LA DH'U T'I'I NANG GI GTUM MO THOG MAR LTE BA DANG GSANG GNAS NAS 'BAR BA DANG, DH'U T'I'I PHYIR GTUM
MO PHAL PA 'BAR BA GNYIS 'ONG BA'I PHYI MAS BYANG SEMS BZHU BA LA 'DZAG PA BSRUNG BA 'OG NAS 'CHAD PA LTAR MYUR DGOS LA, SNGA MA NI BSGRUB BYA DNGOS GZHI YIN TE, BSHAD RGYUD RDO RJE PHRENG BA LAS, SHES BYA DBUS SU RLUNG RGYU BA, ,ME SAD BYED PAR SHES PAR BYA, ZHES DANG, KHA SBYOR LAS, LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,DPYID THOB PA YI MCHOG SHES PAS, ,ZHES GSUNGS PA'I PHYIR RO, ,GNYIS PA BYANG SEMS BZHU BA LA BRTEN NAS DGA' BZHI SKYE TSUL LA, YAS BABS KYI DGA' BA BZHI NI, BYANG SEMS ZHU BA SPYI BO NAS MGRIN PAR SLEB PA NA DGA' BA DANG, MGRIN PA NAS SNYING GAR SLEB PA NA MCHOG DGA' DANG, SNYING GA NAS LTE BAR SLEB PA NA KHYAD PAR GYI DGA' BA DANG, LTE BA NAS NOR BU'I RTZER SLEB PA NA LHAN SKYES KYI DGA' BA SKYE BA YIN LA, MAS BRTAN GYI DGA' BA BZHI NI, BYANG SEMS NOR BU NAS LTE BAR SLEB PA NA DGA' BA DANG, LTE BA NAS SNYING GAR SLEB PA NA MCHOG DGA' DANG, SNYING GA NAS MGRIN PAR SLEB PA NA KHYAD PAR GYI DGA' BA DANG, MGRIN PA NAS SPYI BOR SLEB PA NA LHAN SKYES KYI DGA' BA SKYE BA YIN TE, RLUNG DBU MAR THIM PA'I DBANG GIS BYANG SEMS ZHU BA YIN NA, NOR BU'I RTZER BZUNG YANG LHAN SKYES KYI DGA' BA MA RDZOGS BAR DU PHYIR MI 'PHO BA YIN TE, DE'I BAR DU BYANG SEMS PHYI ROL TU SKYED PAR BYED PA'I RLUNG GI 'JUG PA ZHI BA'I PHYIR RO, ,NOR BUR THIG LE BZUNG BA'I LHAN SKYES KYI BDE BA RDZOGS NAS THOG MA'I BAR RE ZHIG LA THIG LE DBU MA'I NANG NAS YAR 'DREN PA'I DMIGS PA BYA'O, ,RLUNG DBU MAR THIM RIM MA
, ,BYUNG BAR ZHU BA RIM CAN DU DAL BUS 'ONG BA LA NI RTZOL BA SHUGS DRAG PO MIN PAR DMIGS PAS SPYI GTZUG TU LOG PA DANG, DE NAS RTZA GNAS KUN TU BKRAM PA'I DMIGS PA BYAS NA DE GOMS PA'I MTHAR ZHU BA CHEN PO'ANG LOG PA DANG DGRAM PAR NUS SO, ,DE LTA MIN PA'I ZHU BA CHES MYUR BAR 'BAB PA LA NI, RANG LHAR GSAL BA'I NGANG NAS RKANG PA SKYIL KRUNG DANG, LAG PA GNYIS BRANG GI THAD DU BSNOL, MIG GNYIS GYEN LA DRAG TU LDOG, RKANG LAG GI SOR MO RNAMS LEGS PAR BSKUM, SEMS SPYI GTZUG GI HAm YIG MGO GYEN DU BSTAN PA LA DMIGS, NGAG TU H'Um RING PO DRAG TU BRJOD PA NYER GCIG TZAM GYI BAR DU BYAS TE, GANG NAS LOG PA'I GNAS DE NAS RGYA BA GZHUNG LA NYE BA'I NGOS SU DBU MA'I NANG NAS SPYI GTZUG TU SONG BAR BSAM, MTHAR 'JAM RLUNG BUM PA CAN BZUNG LA LUS MI DRAG PAR SPRUG CING SEMS KYIS BYANG SEMS RNAMS RTZA GNAS KUN TU DGRAM PAR BSAM PA LAN MANG DU BYA'O, ,GSUM PA LHAN CIG SKYES DGA'I YE SHES SGOM TSUL LA, MNYAM GZHAG TU SKYONG TSUL NI, YAS BABS KYI LHAN SKYES KYI DGA' BA DANG, MAS BRTAN GYI LHAN SKYES KYI DGA' BA GANG SKYES PA'I SKABS SU, LTA BA'I GO BA YOD NA GANG ZAG DANG CHOS RANG BZHIN GYIS MA GRUB SNYAM DUM YENGS PAR RTZE GCIG TU BZHAG STE BDE STONG DBYER MED BSGOM, LTA BA'I GO BA MED NA'ANG BDE BA DE NYID LA CI GNAS GNAS KYI BAR DU BSKYANG NGO, ,RJES THOB TU SKYONG TSUL NI, LHAN SKYES KYI DGA' BA LAS LANGS PA'I DUS SU MNYAM GZHAG GI BDE STONG DRAN PAR
BYAS NAS DES YUL SNANG GANG SHAR THAMS CAD LA BDE STONG DBYER MED YIN SNYAM DU RGYAS BTAB NAS BSGOM MO, ,DE LTAR MNYAM RJES LA SKYONG BA DANG, SLAR YANG GTUM MO'I DMIGS PA DANG RLUNG SBYOR BYAS TE, DGA' BZHI 'DREN PA SPEL MAR BYA'O, ,GNYIS PA PHYI'I RKYEN LAS RGYA LA BRTEN NAS BSGOM PA NI, RGYUD SDE DANG GRUB CHEN GYI GZHUNG KHUNGS MA NAS BSHAD PA'I MTSAN NYID TSANG BA ZHIG MA GTOGS GZHAN GYIS BYAS NA NGAN 'GRO'I SGO 'BYED PAS RE ZHIG LA BZHAG GO, GNYIS PA DE LA BRTEN NAS SGYU MA DANG 'OD GSAL SGOM TSUL LA GNYIS YOD PA'I DANG PO GTUM MO LA BRTEN NAS LAM LHAG MA BSGOM PA'I SPYI'I RNAM GZHAG NI, MAR PA'I ZHAL NAS, PHA RGYUD GSANG BA 'DUS PA NYAN, ,SGYU LUS 'OD GSAL GYI GDAMS NGAG THOB, CES GSUNGS PA LTAR SGYU LUS DANG 'OD GSAL GYI SKOR RNAMS GSANG BA 'DUS PA LA BRTEN ZHING, DE'ANG 'PHAGS PA KLU SGRUB YAB SRAS KYI DGONGS PA LTAR, RIM LNGA BSDUS PA GSAL BA LAS, RLUNG DBU MAR THIM PA'I DBANG GIS SNANG MCHED THOB GSUM GYI SEMS DBEN RDZOGS PAR SKYES PA'I RLUNG SEMS TZAM LAS SGYU LUS MTSAN NYID PA SGRUB PAR GSUNGS PA BZHIN DU MAN NGAG 'DIR YANG 'ONG RGYUR SNANG BA NI 'DUS PA 'PHAGS SKOR LA BRTEN NAS SHES DGOS LA, SGYU LUS MTSAN NYID PA'I GONG DU RTAGS LNGA'I BRGYAD 'CHAR TSUL NI SNGAR CUNG ZAD BSHAD PA LA RGYAS PAR 'OG TU 'CHAD, SGYU LUS MTSAN NYID PA NI, RIM LNGA LAS, RLUNG DANG YANG DAG LDAN PA YI, ,RNAM SHES GSUM PO SLAR YANG NI, ,RNAL 'BYOR PA YI LUS SU 'GYUR, ,SGYU MA'I LUS
, ,ZHES DE LA BSHAD, CES GSUNGS PA LTAR 'BYUNG BZHI THIM PA'I RTAGS BZHI SNGON DU SONG BA'I RJES SU 'OD GSAL NYER THOB TU BSDUS PA'I RNAM SHES GSUM PA'I MTHA'I 'OD GSAL GYIS LHAN CIG BYED RKYEN DANG, DE'I ZHON PA'I SROG 'DZIN GYI RLUNG GI NYER LEN LA BRTEN NAS GNYUG MA'I LUS DNGOS PO'I STENG DU LHA'I SKUR 'GYUR BA LA BYA'O, ,DE THOB NA TSE DE LA NGES PAR 'TSANG RGYA BA DANG, NAM MKHA' MDZOD LA MNGA' BRNYES PA DANG, SKU'I TSAD DPAG TSAD BRGYA'I KHYON LA SOGS PA'I YON TAN DANG LDAN PA'ANG YIN TE, RIM LNGA LAS, BDAG LA BYIN RLABS RIM THOB PA'I, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR THOB PAR 'GYUR, ,ZHES DANG, GNAS DANG GOS DANG ZAS LA SOGS, , MKHA' LA SKAD CIG DAG GIS RNYED, ,CES DANG, GSANG 'DUS RTZA RGYUD LAS, DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YIS, ,ZHES PA'I 'GREL PA SGRON GSAL LAS, ,DPAG TSAD BRGYA'I KHYON TZAM DU RGYA CHE BA'I TSAD DANG GRANGS MED PA'I 'JIG RTEN GYI KHAMS RDO RJE 'BAR BA STE RANG GI SKU'I 'OD KYIS SNANG BAR BYED PA DANG, MTSAN SO GNYIS LA SOGS PA'I RGYAN GYIS BRGYAN PAR BSHAD PA'I PHYIR RO, ,SGYU LUS MTSAN NYID PA MA THOB KYANG GTUM MO LA SOGS PA'I DMIGS PA LA BRTEN NAS RLUNG DBU MAR THIM PA'I LHAN CIG SKYES PA'I DGA' BA DANG, THAMS CAD STONG PA'I DPE'I 'OD GSAL GYI MTHAR 'DUN PA BTANG BA NA RLUNG GI STOBS KYIS LHA'I SKUR LDANG BA NI DPE'I SGYU
LUS DANG, DE'I RGYU'I 'OD GSAL NI DPE'I 'OD GSAL DU BYA'O, ,DE LA BRTEN NAS CHOS SKU LONGS SKU SPRUL SKU'I BSRE BA SKOR GSUM BYED TSUL NI, ,RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ZHES GSUNGS PAS DE LAS DPAGS NAS, DON DAM BDEN PA 'OD GSAL NYID, ,CHOS KYI SKU YANG DE LA BYA, ,DE NYID 'CHI BA'I NGO BOR GYUR, ZHES PA DANG, PHRA BA'I LUS KYIS SNA TSOGS PA'I, ,LUS LA 'JUG PA SPRUL PA'I SKU, , DE NYID SKYE BA'I NGO BOR 'GYUR, ,ZHES PA GNYIS KYANG MTSON NUS LA, DE DAG DON RIM LNGA BSDUS PA GSAL BA LAS, BAR DO RNAM GSUM BSRE BAR BYA, ,ZHES GSUNGS PAS KYANG, 'CHI BA RNAM GSUM BSRE BAR BYA, ,ZHES DANG, SKYE BA RNAM GSUM BSRE BAR BYA, ZHES PA'ANG MTSON NUS SO, ,DE LA 'CHI BA GSUM NI, SAD DUS SU STONG PA BZHI'I RIM PAS 'OD GSAL SGOM PA NI LAM DUS KYI 'CHI BA DANG, GNYID DUS SU STONG PA BZHI'I RIM PAS 'OD GSAL SGOM PA NI GNYID DUS KYI 'CHI BA DANG, 'CHI KHAR STONG PA BZHI'I RIM PAS 'OD GSAL SGOM PA NI 'CHI DUS KYI 'CHI BA'O, ,BAR DO GSUM NI, SAD DUS KYI STONG PA BZHI'I MTHAR RLUNG STOBS KYIS LHA'I SKUR LDANG BA NI SGYU MA'I LONGS SKU'I SAD DUS KYI LAM GYI BAR DO DANG, GNYID DUS KYI STONG PA BZHI'I MTHAR RLUNG STOBS KYIS RMI LAM LHA'I SKUR LDANG BA'I SGYU MA LONGS SKU NI RMI LAM GYI BAR DO DANG, 'CHI BA'I STONG PA BZHI'I MTHAR RLUNG STOBS KYIS BAR DO'I LHA'I SKUR LDANG BA'I SGYU MA LONGS SKU NI SRID PA BAR DO'O, ,SKYE BA GSUM
, ,NI, SAD DUS SU RLUNG STOBS KYIS ZIN PA'I LHA SKU LAS LANGS NAS RNAM SMIN GYI LUS LHAR BSGOMS PA'I SNYING GAR 'JUG PA'I SPRUL SKU NI SAD DUS KYI LAM GYI SKYE BA DANG, RMI LAM GYI RLUNG STOBS KYIS ZIN PA'I LHA SKU LAS LANGS NAS RNAM SMIN GYI LUS LHAR BSGOMS PA'I SNYING GAR 'JUG PA'I SPRUL SKU NI RMI LAM SAD DUS KYI SKYE BA DANG, BAR DO RLUNG STOBS KYIS ZIN PA'I LHA SKU LAS LANGS NAS SKYE GNAS BZHI PO GANG RUNG GI LUS LHAR BSGOMS PA'I SNYING GAR 'JUG PA'I SPRUL SKU NI SKYE SRID KYI SKYE BA'O, ,DE LTA BU'I SAD DUS KYI 'OD GSAL DANG, GNYID DUS KYI 'OD GSAL DANG, 'CHI KHA'I 'OD GSAL SGOM PA GSUM GA'ANG GZHI'I 'CHI RIM GYI STONG PA BZHI 'CHAR BA JI LTA BA BZHIN SGRUB DGOS PAR SHES PA'I CHED DU DE GSUM LA 'CHI BA'I MING GIS BTAGS SHING, SAD DUS KYI SGYU MA LONGS SKU DANG, RMI LAM GYI SGYU MA LONGS SKU DANG, BAR DO'I SGYU MA LONGS SKU SGOM PA GSUM GA'ANG GZHI'I BAR DO JI LTA BA BZHIN BSGRUB DGOS PAR SHES PA'I CHED DU DE GSUM LA BAR DO'I MING GIS BTAGS LA, SAD DUS KYI SPRUL SKU DANG, RMI LAM SAD MA THAG PA'I SPRUL SKU DANG, BAR DO SKYE SRID DU 'JUG PA'I SPRUL SKU SGOM PA GSUM GA'ANG SKYE SRID LEN PA JI LTA BA BZHIN BYA DGOS PAR, SHES PA'I CHED DU DE GSUM LA SKYE BA'I MING GIS BTAGS NAS BSHAD DO, ,BSRE ZHES PA'I DON LA, 'OD GSAL CHOS SKU GSUM GYI BSRE TSUL NI, SAD DUS SU THAMS CAD STONG PA 'OD GSAL SKYONG NUS PA ZHIG GIS GNYID DU 'GRO
KHAR SNYING GA'I DBU MAR DMIGS PA GTAD PA LAS THAMS CAD STONG PA 'OD GSAL ZIN NA, DE LA SAD DUS BZHIN RTZE GCIG TU 'JOG PA DANG, 'CHI KHAR SNYING GA'I DBU MAR DMIGS PA GTAD PA LAS THAMS CAD STONG PA 'OD GSAL ZIN NA DE LA SAD DUS BZHIN RTZE GCIG TU 'JOG PA'O, ,DES LONGS SKU GSUM GYI BSRE TSUL DANG SPRUL SKU GSUM GYI BSRE TSUL YANG 'GRE'O, ,SNYING GA DANG MGRIN PA'I 'KHOR LO GNYIS LA BRTEN NAS GNYID KYI 'OD GSAL DANG, RMI LAM SGYU MA SBYONG BA'I GDAMS NGAG PHYIN CI MA LOG PA YOD PA NI SHIN TU BSNGAGS PA'I GNAS YIN TE, SAD DUS SU RLUNG DBU MAR SDUD NUS PA ZHIG GIS GNYID DU 'GRO KHAR SNYING KHA'I DBU MAR DMIGS PA GTAD PA LAS BYUNG BA'I THAMS CAD STONG PA 'OD GSAL SKYONG BA ZHIG NUS NA DE'I SHUGS BRGYAB NAS SAD DUS SU RLUNG DBU MAR SDUD PA PHUL CHE BA DANG BRTAN PAR 'GRO, DES KYANG GNYID KYI 'OD GSAL BRTAN PAR 'GRO BAS GNYID KYI 'OD GSAL SKYONG BA YOD MED KYIS LAM BGROD PA STOBS CHE CHUNG KHYAD PAR SHIN TU CHE BA DANG, TSE 'DIR MCHOG MA THOB PAR 'CHI BA'I DUS BYED PA YIN NA 'CHI BA'I 'OD GSAL ZIN LUGS GZHAN DANG MI 'DRA BA 'ONG BA DANG, DE BZHIN DU GNYID KYI 'OD GSAL GYI MTHAR RMI LAM GYI SGYU LUS KHYAD PAR CAN DU LDANG SHES NAS DE LDANG BA GOMS PAS SAD DUS KYI SGYU LUS STOBS CAN DU 'GRO ZHING, DES KYANG RMI LAM GYI SGYU LUS KHYAD ZHUGS PAR 'GRO BA DANG, TSE 'DIR MCHOG MA THOB PAR 'CHI BA'I DUS BYED NA RLUNG STOBS KYIS 'OD GSAL ZIN PA'I MTHUS
, ,RMI LAM GYI SGYU LUS LA GOMS PA YOD PAS BAR DO'I SGYU LUS ZIN PA 'DRA BA GZHAN GANG LA'ANG MI 'BYUNG BA'I PHYIR RO, ,GNYIS PA LAM SO SO'I SGOM TSUL LA, RGYUD KYI GTZO BO'I DON SGYU LUS DANG 'OD GSAL GNYID SAD PA DANG LOG PA'I DUS SU SGOM TSUL SNGAR BSHAD PA LTAR SHES DGOS LA, DE LAS GZHAN PA'I SGOM TSUL BLA MA RNAMS KYI KHRID YIG NAS 'BYUNG BA LA GNYIS, SGYU MA SGOM TSUL DANG, 'OD GSAL SGOM TSUL LO, ,DANG PO LA GSUM YOD PA'I SNANG BA SGYU MA SGOM TSUL NI, NGA'O SNYAM DU 'DZIN PA'I GZHI GANG ZAG LA PHUNG PO DANG RANG BZHIN GCIG DANG THA DAD GANG DU GRUB SNYAM DU BRTAGS PA'I SGO NAS GANG ZAG LA RANG BZHIN GYIS GRUB PA CUNG ZAD MED DO SNYAM PA'I NGES PA BRTAN PO BYA STE, STONG PHYOGS LA DE 'DRA BA MANG DU SBYANG, DE NAS GANG ZAG GI THA SNYAD BSNYON MI NUS PAR SNANG BA RNAMS BLO'I YUL DU 'CHAR DU GZHUG LA, DE LAS GSOG PA PO DANG 'BRAS BU MYONG BA POR 'JOG PA'I RTEN 'BREL GYI PHYOGS RNAMS YID LA BYA ZHING, RANG BZHIN MED PA LA RTEN 'BREL 'THAD LUGS RNAMS LA NGES PA RNYED PAR BYA'O, ,DE GNYIS 'GAL BAR SNANG BA'I TSE NA GZUGS BRNYAN SOGS DPER BLANGS NAS MI 'GAL BA'I TSUL BSAM STE, 'DI LTAR BYAD BZHIN GYI GZUGS BRNYAN NI MIG SNA SOGS GANG DU SNANG BAS STONG YANG BYAD DANG ME LONG LA BRTEN NAS SKYE BA DANG, RKYEN DE DAG 'GA' ZHIG LOG PA'I TSE 'JIG PA GNYIS BSNYON MI NUS PAR GZHI MTHUN DU 'DU BA BZHIN DU GANG ZAG LA'ANG RANG BZHIN RDUL TZAM MED KYANG, LAS GSOG PA PO DANG 'BRAS BU
MYONG BA PO DANG, SNGON GYI LAS NYON SOGS LA BRTEN NAS SKYE BA'ANG MI 'GAL LO SNYAM DU SBYANG NGO, ,DE LA NGES PA BRTAN PA NA SHES PA'I YUL DU GANG SNANG THAMS CAD LHA SKU DANG, LHA SKU RANG BZHIN GYIS MA GRUB PA BZHIN DU GRUB PAR SNANG BA'I SGYU MA DANG, SGYU MA'ANG BDE BA CHEN PO'I NGO BO NYID YIN SNYAM DU BLTA BA'I SHES BYA SUM SGRIL LA BSLAB PO, ,GNYIS PA RMI LAM SGYU MA SGOM TSUL LA BZHI YOD PA'I DANG PO RMI LAM BZUNG BA LA, RMI LAM RLUNG STOBS KYIS 'DZIN PA NI, SAD DUS SU RLUNG DH'U T'IR TSUD NAS THIM PA LAS STONG PA BZHI 'DREN NUS PA ZHIG GIS BYED PA YIN LA, BYED TSUL NI GNYID KYI 'OD GSAL THOG MAR BZUNG BA'I TSE GNYID KYI 'OD GSAL STONG PA BZHI NGO LEGS PAR SHES NAS SKYONG BA NA DE'I PHYI LOGS SU RMI LAM 'CHAR BA NGES PAR SHES PAS DE LA NI GNYID KYI STONG PA RNAMS 'DZIN PA'I THABS LAS GZHAN PA'I RMI LAM 'DZIN THABS MI DGOS SO, ,RMI LAM 'DUN PA'I STOBS KYIS 'DZIN PA NI, DE 'DRA BA'I NUS PA MED PA ZHIG GIS 'DZIN PA YIN PAS, DE LA RANG LHAR BSGOM PA DANG BLA MA'I RNAL 'BYOR BSGOMS TE MCHOD LA, RMI LAM MANG PO DANG, GSAL PO DANG, BZANG PO RMI BA DANG, RMI LAM ZIN PA DANG, ZIN NAS KYANG RMI LAM GYI DGE SBYOR RNAMS RGYUD LA SKYE BA'I 'GAL RKYEN ZHI ZHING MTHUN RKYEN TSANG BA'I GSOL BA DRAG PO MANG DU 'DEBS PA DANG, YI DAM DANG BKA' SDOD LA GTOR MA PHUL NAS 'PHRIN LAS BCOL ZHING MTSAMS DAM PAR BYA'O, ,DE NAS NYIN MO DRAN PA RGYUN CHAGS KYIS BZUNG BA NI, DA LTAR GYI SNANG BA 'DI RNAMS
, ,RMI LAM GYI SNANG BAR 'DUG SNYAM PA DANG, DA RMI LAM LA RMI LAM DU NGO SHES PAR BYA'O SNYAM PA'I 'DUN PA DRAG PO YANG YANG SBYANG, ,GZHAN YANG DA BZOD RMI LAM BYUNG DUS SU CI NAS KYANG RMI LAM DU NGO SHES PAR BYAS LA RMI LAM GYI DGE SBYOR BSKYANG BAR BYA'O SNYAM PA'I 'PHEN PA DRAG BO MANG DU SBYANG, KHYAD PAR DU NYAL KHAR RGYUN LDAN DU SBYANG NGO, ,MTSAN MO MAN NGAG BCAN THABS KYIS BZUNG BA NI GNYID DU 'GRO KHAR RANG YI DAM GYI LHAR BSGOM, SPYI BOR BLA MA BSGOMS LA GSOL BA MANG DU GDAB, MGRIN PAR PADMA DMAR PO 'DAB MA BZHI PA ZHIG GI LTE BA'I DH'U T'I'I NANG DU AOm DMAR PO ZHIG GSUNG RDO RJE'I NGO BOR BSAM ZHING, DE LA SHES PA GTAD DE GZHAN DU MI 'PHRO BAR BYAS LA SEMS BZUNG BA'I NGANG NAS GNYID DU 'GRO BAR BYA'O, ,DMIGS PA BZUNG BA DES RMI LAM MA ZIN NA'ANG SNGAR BZHIN BSKYANG STE, DE LTAR BYAS KYANG MA ZIN NA THO RANGS NAS NYI MA RTZE SHAR TSUN LA GNYID SRAB PAS RMI LAM 'DZIN SLA BA'I DUS SU BLA MA'I RNAL 'BYOR BSGOMS NAS GSOL BA 'DEBS PA DANG, 'DUN PA SBYONG BA RNAMS SNGAR BZHIN BYAS LA, RANG LHAR GSAL BA'I SMIN MTSAMS SU THIG LE DKAR PO 'TSER BA SRAN MO TZAM ZHIG LA DMIGS PA GTAD DE RLUNG BUM PA CAN BDUN BYAS LA GNYID DU 'GRO BAR BYA'O, ,DE LTAR BYAS PAS GNYID SRAB DRAGS NAS MA KHUGS PA'AM, KHUGS KYANG GNYID SAD RKYEN PAR BYUNG NAS RMI LAM MA ZIN NA,
NYIN PAR GYI 'DUN PA SBYONG BA SOGS SNGAR BZHIN BYAS LA, NYAL KHAR RDO RJE NOR BU'I DBUS SU THIG LE NAG PO ZHIG LA SEMS GTAD DE, RLUNG KHA SBYOR NYER GCIG BSGOMS LA SEMS MA YENGS PAR BZUNG BA'I NGANG NAS GNYID LOG PAR BYA'O, , GNYIS PA SBYANG ZHING SPEL BA LA 'JIG RTEN PA'I RNAM THAR LA SBYANG BA NI, SNGAR MED GSAR DU SPRUL PA DANG, SNGAR YOD RNAM PA GZHAN DU BSGYUR BA'I SPRUL SGYUR SNA TSOGS LA SLOB PA DANG, NYI MA DANG ZLA BA'I 'OD ZER LA ZHON NAS SUM CU RTZA GSUM LA SOGS PA'I GNAS BLTA BA'I 'PHEN PA BTANG NAS DER 'GRO BA DANG, NAM MKHA' LA 'PHUR NAS 'GRO BA LA SOGS PA'I RTZAL SBYONG BA'O, ,'JIG RTEN LAS 'DAS PA'I RNAM THAR LA SBYONG BA NI, BDE BA CAN DANG, MNGON DGA' DANG, 'OG MIN SOGS SANGS RGYAS KYI ZHING DAG PA DANG, DER BZHUGS PA'I SANGS RGYAS BYANG SEMS BLTA BA DANG, MCHOD PA DANG CHOS NYAN PA SOGS KYI 'PHEN PA BTANG NAS DE RNAMS BSGRUB PA'O, ,SPEL BA NI, MI DANG DUD 'GRO LA SOGS PA'I SEMS CAN DANG, KA BA DANG BUM PA LA SOGS PA'I SEMS CAN MA YIN PA RNAMS GCIG GNYIS SU SPRUL PA DANG, GNYIS BZHI LA SOGS PA NAS BRGYA DANG STONG LA SOGS PA'I BAR SPRUL BA'O, ,GSUM PA YA NGA BA SPONG ZHING SGYU MAR SLOB PA LA, YA NGA BA SPANG BA NI, RMI LAM GYI DUS SU ME DANG CHU LA SOGS PA'I YA NGA BA'AM BAG TSA BA BYUNG NA, RMI LAM DU NGO SHES PAR BYAS NAS RMI LAM GYI ME DANG CHU LA SOGS PAS GNOD PAR GA LA 'GYUR SNYAM DU BSAMS LA, MCHONG BA DANG BRGAL BA LA SOGS PA'I THOG BRDZIS BYA'O, ,SGYU MAR BSLAB TSUL
, ,NI, RMI LAM DU MER SNANG YANG MER MA GRUB PAR SHES PA DPER BLANGS NAS, RMI LAM GYI CHOS THAMS CAD KYANG SNANG BA LTAR GYI BDEN PAR MA GRUB BO SNYAM DU SHES PAR BYAS NAS BSGOM MO, ,DE LTAR SHES NAS RMI LAM GYI SNOD BCUD THAMS CAD RTEN DANG BRTEN PA'I DKYIL 'KHOR GYI RNAM PAR 'CHAR BA LA BSLAB CING, DE LTAR SHAR BA DE DAG KYANG RANG GI NGO BOS GRUB PAS STONG BZHIN DU DER SNANG BA'I SGYU MAR 'CHAR BA LA BSLAB, DE DAG KYANG BDE STONG GI NGO BOR BLTA BA'I SHES BYA SUM SGRIL LA BSLAB PA SNANG BA SGYU MA'I SKABS BZHIN BYA'O, ,BZHI PA RMI LAM GYI DE KHO NA NYID BSGOM PA NI, RMI LAM ZIN PA BRTAN PO BYUNG BA'I SKABS NAS RANG YI DAM DU GSAL BAR BSGOMS LA, RANG GI THUGS KA'I H'Um YIG LAS 'OD ZER 'PHROS PAS RMI LAM GYI SNOD BCUD THAMS CAD RANG LA BSDU, RANG YANG LUS KYI STOD SMAD NAS THUGS KA'I H'Um LA BSDU ZHING, H'Um KYANG MI DMIGS PA 'OD GSAL DU GZHUG LA SEMS GA-YO MED DU BZUNG NGO, ,GSUM PA BAR DO SGYU MA BSGOM TSUL LA GNYIS YOD PA'I DANG PO BAR DO 'DZIN PA PO'I GANG ZAG GI DBYE BA NI, BAR DO 'DZIN PA 'DI LA GANG ZAG RAB 'BRING THA MA GSUM YOD DE, GANG ZAG RAB NI SPYOD BSDUS LAS 'CHI BA'I MTHAR BAR DO'I DOD LA RIM PA GSUM PA'I SGYU LUS 'GRUB PA LA BSHAD PA'I PHYIR DANG, GANG ZAG GNYIS PA NI, SPYOD BSDUS LAS, DE LTAR SBYAR NAS GNYID LOG PAR BYED DO, DE LA DUS 'DIR SEMS DANG SEMS PA DANG MA RIG PA RAB TU ZHUGS PA'I SKAD CIG LA DRAN PA BRJED PA'O, ,PHYIS
NI BRJES PA'AM MED PA'I YE SHES KYI NGO BO NYID NI 'OD GSAL BA'O, ,YANG GROL BA NA RLUNG GI RANG BZHIN GA-YOS TE, GAL TE RMI LAM GZHAN DAG CES GSUNGS PAS, GNYID KYI STONG PA BZHI ZIN PA DANG, DE'I RJES LA RMI LAM RLUNG STOBS KYIS ZIN PA 'PHANGS LA, GNYID KYI STONG PA BZHI ZIN PA NI, 'CHI BA'I STONG PA BZHI ZIN PA'I CHAD 'DZIN YIN LA, RMI LAM RLUNG STOBS KYIS ZIN PA NI 'CHI PA'I STONG PA ZIN PA'I RJES SU BAR DO RLUNG STOBS KYIS ZIN PA'I TSAD 'DZIN YIN PA'I PHYIR DANG, GANG ZAG THA MA NI SNGA MA GNYIS LTAR MIN YANG DAM TSIG DAG CING RIM GNYIS BSGOM PA ZHIG GIS 'CHI BA'I DUS SU SA CHU LA THIM PA'I RTAGS NAS 'CHI BA'I 'OD GSAL DNGOS GZHI 'CHAR BA'I RIM PA DANG, DE LAS LANGS MA THAG BAR DO 'GRUB PA'I RIM PA RNAMS LEGS PAR SHES NAS, DA LTA NAS DE'I GDAMS NGAG RNAMS BRENG CHAGS SU MANG DU SBYANGS NA 'CHI BA'I 'OD GSAL DANG BAR DO RLUNG STOBS KYIS MI ZIN KYANG DE'I GDAMS NGAG LA GOMS PA'I STOBS KYIS ZIN PA 'ONG BA'I PHYIR RO, ,GNYIS PA DE RNAMS KYIS JI LTAR 'DZIN PA'I TSUL LA, GANG ZAG DANG POS NI, 'CHI KHAR RIM PA GSUM PA'I SGYU LUS SU LDANG BA'I 'PHEN PA BTANG BAS CHOG LA, GANG ZAG 'BRING GIS NI 'CHI BA LA NYE BA'I SNGON RIG PA GSAL BA NA ZANG ZING YONGS SU BZUNG BA THAMS CAD BSOD NAMS KYI ZHING GI PHYOGS SU BLTOS PA MED PAR GTONG BA DANG KHAS BLANGS PA'I SDOM PA DANG 'GAL BA'I NYES LTUNG RNAMS LA BSHAGS SDOM DANG, DAM TSIG NYAMS CHAGS GSOR GZHUG GO, DE NAS RANG LHAR GSAL 'DEBS PA DANG MDUN DU BLA
, ,MA DANG YI DAM GYI LHA TSOGS BSGOMS NAS MCHOD DE, 'CHI BA 'OD GSAL DANG BSRE NUS PAR BYIN GYIS BRLAB TU GSOL, ,BAR DO SGYU LUS DANG BSRE NUS PAR BYIN GYIS BRLAB TU GSOL ZHES PA'I GSOL BA DRAG PO MANG DU GDAB BO, ,DE NAS PHYI RTAGS SOGS BRTAG PA NI, SA CHU LA THIM PA NA LUS BSGUL SKYAD MI NUS SHING ZUNGS MI THUB PAR LHOD LHOD POR 'GRO, LUS SA LA BYING BA SNYAM BYED CING NGA 'THEN ZER BA 'BYUNG, NANG RTAGS SMIG RGYU LTA BU CHU MER RE SNANG BA ZHIG 'BYUNG, CHU ME LA THIM PA'I PHYI RTAGS NI, ,BA SNA'I CHU SKAMS SHING LCE THUNG DU 'GRO, NANG DU DU BLTA BU'I RNAM PA SNGO MER RE BA ZHIG GIS KHENGS PA 'DRA BA 'BYUNG, ME RLUNG LA THIM PA'I PHYI RTAGS NI, DROD CHUNG DU 'GRO ZHING LUS KYI DROD MTHA' NAS SDUD, NANG RTAGS SRIN BU ME KHYER 'DRA BA DMAR KHRA KHRA BA MANG PO ZHIG GI SNANG BA 'BYUNG, KUN RTOG GI RLUNG SEMS LA THIM PA'I PHYI RTAGS NI, DBUGS PHYIR RING DU RGYU ZHING NANG DU SDUD MI SHES, CUNG ZAD SDUD KYANG THUNG LA RTZUB PAR SDUD, NANG RTAGS MAR ME RLUNG GIS MA BSKYED PA LTA BU'I SNANG BA MANG DU 'BYUNG, DE NAS STONG PA ZHES PA SNANG BA DANG PO 'CHAR TE, NAM MKHA' SPRIN MED PA LA ZLA 'OD SHAR BA LTA BU 'BYUNG, DE NAS SNANG BA DE BSDUS PA'I RJES SU SHIN TU STONG PA ZHES PA SNANG BA MCHED PA 'CHAR TE, NAM MKHA' GA-YA' DAG LA NYI 'OD SHAR BA BZHIN DU DMAR PO'AM DMAR SER GYI SNANG BA 'CHAR, DE NAS SNANG BA DE'ANG BSDUS PA'I RJES SU STONG CHEN ZHES PA NYER THOB 'CHAR TE, NAM MKHA' GA-YA' DAG PA LA MTSAMS KYI SMAG
GIS KHYAB PA BZHIN DU NAG LAM PA 'BYUNG ZHING, DRAN PA'ANG NYAMS NAS 'GRO, DA NAS NAG THOM GYIS SONG BA'I DRAN MED DE SANGS PA DANG, THAMS CAD STONG PA ZHES PA 'OD GSAL 'CHAR TE, NAM MKHA' SLONG BYED KYI ZLA NYI'I 'OD DANG NAG PO'I RNAM PA CAN DANG BRAL BA'I THO RANGS KYI NAM MKHA' GA-YA' DAG CIG 'CHAR TE, 'OD GSAL DNGOS GZHI'O, ,'CHI KHA'I 'BYUNG BA THIM PA'I RTAGS DE RNAMS SNGA TSAD NAS 'ONG BAR SNANG BAS LEGS PAR NGO SHES PAR BYAS LA, SMIG RGYU LA SOGS PA'I RTAGS BZHI SHAR BA NA DE RE RE'I DUS NAS GANG ZAG DANG CHOS RANG BZHIN GYIS MA GRUB SNYAM DU BSGOM, DE NAS NAM MKHA' SPRIN MED LA ZLA 'OD SHAR BA LTA BU LA SOGS PA'I STONG PA BZHI SHAR BA NA'ANG GANG ZAG DANG CHOS RANG BZHIN GYIS MA GRUB SNYAM DU BSGOMS LA, KHYAD PAR DU 'CHI BA'I STONG PA BZHI PA'I DUS SU GNYIS SNANG RAGS PA ZHI BA'I NAM MKHA' SPRIN MED LTA BU SHAR BA DE NGOS ZIN PAR BYAS NAS DE LA MNYAM PAR 'JOG CI THUB BYA'O, ,RJE MING LAS KYANG 'CHI BA'I 'OD GSAL CHOS KYI SKU YIN TE, DE YIN PA LA YIN PAR NGO SHES DGOS, DE NGO SHES PAR BYED PA LA DA LTA BLA MA DAM PAS NGO SPRAD PAS GNAS LUGS LTA BA'I DON GO BA DANG, MTSON BYED LAM GYI 'OD GSAL SBYANG 'TSAL LO, ,ZHES GSUNGS PA'I MTSON BYED LAM GYI 'OD GSAL NI, SAD DUS KYI STONG PA BZHI PA DANG, NYID DUS KYI STONG PA BZHI PA LA ZER RO, ,'CHI BA'I STONG PA BZHI PA LAS LDANG BAR RTZOM PA NA 'CHI BA 'OD GSAL LAS BAR DO SGYU MA LTA BU'I LHA'I SKUR LDANG BAR BYA'O SNYAM
, ,PA'I 'PHEN PA DRAG PO BYAS PAS, SNGAR SAD DUS DANG GNYID DUS KYI 'OD GSAL LAS SGYU LUS KYI LHA SKUR LDANG BA LA GOMS PA'I GNAD KYIS BAR DO ZIN PA 'BYUNG BAS, DE BYUNG BA NA RANG NYID BAR DOR GNAS PAS SNGAR SNANG BA SGYU MA DANG, RMI LAM SGYU MA'I SKABS SU BSHAD PA BZHIN DU BAR DO'I SNANG BA GANG SHAR THAMS CAD LHA'I RTEN DANG BRTEN PA'I DKYIL 'KHOR DU GSAL BTAB NAS BSGOM PA DANG, DE'ANG RANG BZHIN GYIS MA GRUB BZHIN DU GRUB PAR SNANG BA'I SGYU MA LTA BU BSGOM PA DANG, SGYU MA'ANG BDE STONG DBYER MED KYI NGO BOR BSGOM PA'I SHES BYA SUM SGRIL BYA ZHING, DAG PA'I ZHING DU SKYE BAR BYA'O SNYAM PA'I 'DUN PA DRAG PO'ANG SBYANG, 'PHO BA'I GDAMS NGAG YOD NA 'PHO BA BYA'O, ,GANG ZAG THA MAS NI GANG ZAG 'BRING PO'I SKABS SU BKOD PA LTAR, 'CHI BA LA BSRE BA'I SNGAR ZHES PA NAS, GSOL BA DRAG PO MANG DU GDAB, CES PA'I BAR RNAMS DE DUS SU BYA BA DANG, DA LTA NAS NYI MA RE RE BZHIN 'CHI BA'I DUS KYI RTAGS BZHI DANG, STONG PA BZHI DNGOS SHAR BYUNG SNYAM DU BSAMS LA RE RE'I DUS SU GANG ZAG DANG CHOS RANG BZHIN GYIS MA GRUB SNYAM DU BSGOM, DE NAS 'CHI BA 'OD GSAL 'GAGS NAS BAR DO DNGOS GRUB SNYAM DU BSAMS LA, SHES BYA SUM SGRIL BSGOM PA DANG, DAG PA'I ZHING DU SKYE BA'I 'DUN PA SBYANG NGO, ,GNYIS PA 'OD GSAL BSGOM PA'I TSUL LA GNYIS YOD PA'I SAD DUS SU 'OD GSAL SGOM TSUL NI, SGYU LUS MTSAN NYID PA'AM RJES MTHUN PA THOB PA ZHIG GIS BSGOM PA YIN YANG
'DIR SPYIR BTANG GI SGOM TSUL NI, RANG YI DAM YAB YUM DU GSAL BA'I SNYING GA CHOS KYI 'KHOR LO'I DH'U T'I'I NANG DU NYI GDAN LA H'Um YIG SNGON PO ZHIG BSGOM, DE LAS 'OD ZER 'PHROS PAS SNOD THAMS CAD SBYANGS TE, 'OD GSAL DU BZHU BA'I SNOD ZHU BA BCUD KYI SEMS CAN LA BSDU, DE NAS BCUD ZHU BA DANG YUM NI RANG LHAR GSAL BA LA BSDU, RANG GI SPYI BO NAS YAS ZHU RKANG MTHIL NAS MAS ZHU BA GNYIS DANG, NYI GDAN NI SNYING GA'I H'Um YIG LA BSDU, DE NAS H'Um GI ZHAB KYU HA LA BSDU, HA RANG GI MGO BO LA BSDU, DE ZLA PHYED LA BSDU, DE THIG LE LA BSDU, DE N'A DA LA BSDU, DE'ANG SNYING GA'I DH'U T'I'I NANG DU BSDUS PAR MOS NAS GNAS DE NYID DU DMIGS PA BRTAN PAR BZUNG NGO, ,DE YUN RING DU BSGOMS PAS STONG PA BZHI'I RIM PAS SAD DUS KYI LAM GYI 'OD GSAL SHAR BYUNG NA LTA THOG TU BZHAG STE GA-YO MED DU GZUNG BAR BYA'O, ,'OD GSAL DU 'JUG TSUL 'DI NI GSANG 'DUS NAS BSHAD PA'I RJES GZHIG GI BSAM GTAN LA BRTEN PA'O, , GNYIS PA GNYID DUS KYI 'OD GSAL SGOM TSUL NI, RMI LAM RLUNG STOBS KYIS 'DZIN PA'I THABS DAM PA YIN PAS DE'I SKABS SU BYED RGYU YIN NA'ANG, BLA MA RNAMS KYIS SKABS 'DIR BSHAD PA DANG MTHUN PAR BSGOM PA NI, ,DKON MCHOG LA MCHOD PA DBUL, CHOS SKYONG LA GTOR MA BTANG LA, GNYID KYI 'OD GSAL ZIN PA DANG DE'I 'GAL RKYEN ZHI BA'I PHRIN LAS BCOL, RANG LHAR BSGOM PA DANG BLA MA'I RNAL 'BYOR BSGOMS LA, GNYID KYI 'OD GSAL ZIN PA'I GSOL BA
, ,DRAG PO MANG DU BTAB, GNYID BYUNG BA NA RMI LAM DU MA SHOR BAR GNYID KYI STONG PA RNAMS ZIN PAR BYA'O SNYAM PA'I 'PHEN PA MANG DU BTANG, DE NAS NYAL BA NA MGO BYANG DU BLTA BA DANG, GZHOGS GA-YAS PA 'OG TU 'BEBS PA SENGGE'I NYAL STABS BYA STE, RANG YI DAM DU GSAL BA'I SNYING GAR PADMA 'DAB MA BZHI PA SNGON PO ZHIG BSAM, DE'I LTE BA RTZA DBU MA'I NANG DU H'Um YIG SNGON PO ZHIG LA RANG GI SHES PA 'DRES PA BZHIN DU BSGOMS LA NYAL LO, ,SAD DUS SU GTUM MO BSGOM PA SOGS KYI MTHUS RLUNG DBU MAR THIM PA'I STONG PA 'DREN NUS PA YIN NA, NYAL KHAR DMIGS PA 'DI BZHIN BYAS NAS BSGOMS PAS ZHAG GNYIS GSUM PHAN MI 'GYANGS PAR RLUNG DBU MAR THIM PA'I GNYID KYI STONG PA BZHI ZIN PA 'ONG LA, SAD DUS SU RLUNG DBU MAR THIM PA'I STONG PA 'DREN MI NUS KYANG, SPYIR BYING BA DANG BRAL BA'I GNAS CHA BRTAN PO YOD PA ZHIG GIS GNYID NYAL KHAR SNGAR BSHAD PA'I DMIGS PA DE BZUNG BA'AM, YANG NA DE MA BZUNG YANG SAD DUS KYI TING NGE 'DZIN DE NYAL KHAR BSKYANGS NA DE'I MTHAR STONG PA BZHI RIM CAN DU MI 'CHAR BA'I TING NGE 'DZIN DU 'GRO BA NI GNYID KYI 'OD GSAL MTSAN NYID PA MIN YANG DES DE KHO NA NYID KYI LTA THOG TU 'JOG NUS NA LAM THUN MONG BA'I 'OD GSAL TZAM YIN GYI SNGAGS BLA MED KYI 'OD GSAL GYI DON MED DO, ,GNYID KYI 'OD GSAL 'DZIN PA'I SPYOD BSDUS KYI LUNG NI SNGAR DRANGS PA LTAR RO, ,GNYIS PA LAM GYI YAN LAG 'PHO BA DANG GRONG 'JUG LA GNYIS, GONG DU 'PHO BA DANG, GRONG DU 'JUG PA'O, ,DANG PO LA GNYIS YOD PA'I DANG PO 'PHO
BA SBYANG BA NI, THOG MAR BLA MA RNAMS KYIS MAN NGAG LAS 'BYUNG BA BZHIN BRJOD NA, RANG NYID RANG GI YI DAM GYI LHA GANG YIN DU GSAL 'DEBS PA DANG, RLUNG KHA SBYOR GSANG GNAS SAM LTE BAR BSGOMS PA'I NGANG NAS LTE BAR AA DMAR PO DANG, SNYING GAR H'Um MTHING NAG DANG, TSANGS BUG TU KshA DKAR PO RE BSAM, DE NAS 'OG RLUNG DRAG TU 'THEN PAS LTE BA'I AA YIG PHUL BA YAR 'ONGS NAS H'Um PHUL, DE NAS H'Um YAR 'ONGS NAS KshA YIG PHUL BAR BSAM ZHING, YANG PHYIR DBAB PA NA, SNYING GAR H'Um DANG LTE BAR AA GNAS PAR BSAM MO, ,DE LTAR RGYUN DU RTAGS MA BYUNG GI BAR DU SBYANG NGO, ,RTAGS NI SPYI GTZUG ZA BA DANG 'PHRIG PA SOGS SO, ,GNYIS PA LAS LA SBYAR BA NI, LUS GNAD TZOG PUR BYA, LAG PA GNYIS KYIS PUS MO GNYIS LA 'KHYUD CING, SKYABS 'GRO SEMS BSKYED SNGON DU 'GRO BAS RANG NYID YI DAM GYI LHAR GSAL BA'I NGANG NAS, SPYI GTZUG GI THAD KA'I MDUN GYI NAM MKHAR 'DOM GANG DAM KHRU GANG SOGS GANG BDE BA'I SAR BLA MA DANG YI DAM GYI LHA DBYER MED DU DMIGS LA, MOS GUS KYI GDUNG BAS GSOL BA DRAG TU GDAB, DE NAS LTE BA'I AA DANG SNYING GA'I H'Um DANG SPYI GTZUG GI KshA GSAL BTAB NAS 'OG RLUNG DRAG TU 'THEN PAS AA DE NYID RTZA DBU MA'I NANG NAS YAR LA KHYUR RU RU BYUNG NAS SNYING GA'I H'Um LA THIM PAR BSAM ZHING AA HI KA JI TZAM GRUB PA ZHIG BZLAS SO, ,YANG H'Um YIG DE NYID KYANG YAR BYUNG STE, AA HI KA NYI SHU'I BAR BRJOD PAS MGRIN PAR BYUNG BAR BSAMS LA, TSANGS BUG GI KshA YIG BSAL NAS TSANGS BUG SKAR KHUNG BYE BA
, ,LTAR DKAR SANG NGE YOD PAR BSAM ZHING, AA HI KA DRAG PO LNGA BRJOD PAS H'Um DE TSANGS BUG NAS RGYANGS KYIS 'THON NAS BLA MA DANG YI DAM DBYER MED KYI THUGS KAR THIM PA LA SEMS GTAD DE MI RTOG PA'I NGANG LA BZHAG GO, ZHES BLA MA RNAMS GSUNG NGO, ,GNYIS PA GRONG 'JUG NI RE ZHIG BZHAG GO, THUGS BZHAD KYI 'PHO BA DANG GRONG 'JUG GI DMIGS PA NI GZHAN DU 'GOD DO, ,'DI DAG NI N'A RO CHOS DRUG GI DMIGS SKOR LAG TU LEN TSUL BSDUS NAS BKOD PA'O, 'DI BRIS DGE BA RAB DKAR BDUD RTZI'I 'OD, ,ZAB LAM RIM GNYIS SNANG BA'I BSIL ZER GYIS, ,KUN RMONGS MUN PA MA LUS MTHAR BYED CING, ,RNAM GROL KU MUD BZHAD PA'I DPAL GYUR CIG ,DGE'O,, ,,