The 'Teaching with the Three Qualities of Credibility,' being an Explanation of the Steps by which One Can Guide Disciples by Using the Profound Path of the Six Practices of Naropa

*, SHEL CHOS, *, ,ZAB LAM N'A RO'I CHOS DRUG GI SGO NAS 'KHRID PA'I RIM PA YID CHES GSUM LDAN ZHES BYA BA BZHUGS SO, ,

, ,RJE BTZUN DAM PA RDO RJE 'CHANG DANG DBYER MA MCHIS PA RNAMS KYI ZHABS KYI PADMO LA GUS PA CHEN POS PHYAG 'TSAL LO, ,SKU GSUNG THUGS DANG RDZU 'PHRUL KUN 'GRO DANG, ,CI 'DOD SKYED DANG YON TAN DBANG PHYUG STE, ,DBANG PHYUG BRGYAD LDAN RDO RJE 'CHANG DBANG GI ,NGO BO DPAL LDAN BLA MA'I ZHABS LA 'DUD, ,SHIN TU ZAB PA'I RGYUD SDE'I GNAD BSDUS PA, ,GRUB PA'I DBANG PHYUG TE LO N'A RO NAS, ,RIM BZHIN BRGYUD PA N'A RO CHOS DRUG CES, ,SNYAN PA'I GRAGS PAS PHYOGS KUN RAB KHYAB PA'I, ,LAM 'DIR 'BAD LAS SKAL LDAN MTHA' YAS KYI, ,RNAM PAR 'DREN PA'I GO 'PHANG MTHOR GSHEGS PA'I, ,GDUNG RABS 'DZIN PA'I GSUNG GIS NAN TAN DU, ,YANG YANG BSKUL PHYIR LAM DE 'DIR BSHAD BYA, ,'DIR ZAB LAM N'A RO'I CHOS DRUG CES KUN TU GRAGS PA'I GDAMS NGAG 'CHAD PA LA GNYIS TE, GANG LA BRTEN NAS LAM 'DI SGOM PA'I SNGON 'GRO DANG, DE LA BRTEN NAS LAM 'DI JI LTAR BSGOM PA'O, ,DANG PO LA GNYIS, SNGON 'GRO DANG PO THEG CHEN THUN MONG BA'I LAM DANG, THUN MONG MA YIN PA BLA MED KYI THEG PA'I SNGON 'GRO'O, ,DANG PO LA GNYIS, LAM THUN MONG BA LA SLOB PA

, ,LUGS 'DI LA'ANG DGOS PAR BSTAN PA DANG, LAM DE LA BLO SBYONG BA'I RIM PA'O, ,DANG PO NI, LAM 'DI LA PHA ROL TU PHYIN PA'I THEG PA DANG, SNGAGS KYI THEG PA GNYIS KYI THUN MONG GI LAM LA SBYONG BA'I RIM PA RNAMS NGES PAR DGOS TE, RJE MAR PA'I RGYUD KYI BSHAD SROL 'DZIN PA'I BLA MA RDOG PA SOGS KYIS, BRTAG GNYIS LAS, DANG POR GSO SBYONG SBYIN PAR BYA, ,ZHES PA NAS, DE YI RJES SU DBU MA BSTAN, ,ZHES PA'I BAR GYIS THEG CHEN PA GNYIS THUN MONG GI BSLAB BYA BSTAN PAR BSHAD LA, DE RGYUD KYI DON DU'ANG SNANG BA'I PHYIR DANG, RJE BTZUN MID LAS KYANG, BAR DO 'PHRANG SGROL GYI GDAMS NGAG GIS 'KHRID PA NA, THOG MAR SKYABS 'GRO DANG, SMON 'JUG GI SEMS BSKYED DU 'JUG CING, DE'I TSE YANG PHUNG SNA GROGS GIS 'DREN, MDZO SBREL GA-YANG LA LHUNG, ZHES JI BZHIN DU MI SRUNG BAR KHAS BLANGS TZAM BYED PAS, DPON SLOB GNYIS KA GA-YANG LA LHUNG BA DANG, PHAN YON RE MTHONG BA TZAM GYIS ZHUGS NA PHUNG GI SNA 'DREN DU GSUNGS NAS, PHYIS RJE BTZUN MA'I BYIN RLABS MDZAD NAS GDAMS NGAG PHOG LA, BAR DO 'PHRANG SGROL YANG GDAMS NGAG 'DI NYID KYI MTSAN GYI RNAM GRANGS YIN PA'I PHYIR DANG,

'KHRID ��������; 9�j,`�l2��Dp�9�|�8
y��@K���$c�l.^Yχ� ϑ��[OS P��O�O��O��O��AϜ�O����HO��χ� �p���O��O����τO��O�O�O��O� O��O��O��τ��pp��O��ϙ�O��� �O��O���χ�O�ϐ�A����O��O��O���O��� O�pp�U PA SOGS 'GA' ZHIG GI ,CHOS DRUG GI KHRID YIG NA LAM THUN MONG BA'I KHRID TSUL MI SNANG BA NI, TSOGS KHRID LAM RIM BZHIN DU KHRID PA'I RJES SU GDAMS NGAG 'DI STER BA'I LUGS SU SNANG BAS, YANG DGON PA'I KHRID YIG NA 'DUG PA BZHIN, LAM THUN MONG BA LA SNGON DU 'KHRID PA SHIN TU GNAD CHE BAR ZUNGS SHIG ,DE LTAR BYAS NA LAM PHYOGS RE BAR MA SONG BAR, MDO RGYUD GNYIS KA'I LAM GYI GNAD RDZOGS PA'I KHRID LUGS YIN PAS, LUGS 'DI'I KHYAD CHOS CHEN PO ZHIG TU 'DUG PA LA, DE LTAR DU GO BA CHAGS DGOS SO, ,GNYIS PA LAM DE LA BLO SBYANGS PA'I RIM PA NI, 'O NA THEG CHEN GNYIS THUN MONG BA'I LAM LA JI LTAR SBYANG SNYAM NA, JO BO CHEN PO'I MAN NGAG LAS 'BYUNG BA LTAR BYA STE, THOG MAR THEG PA CHEN PO'I BSHES GNYEN MTSAN NYID DANG LDAN PA ZHIG LA BSAM PA DANG SBYOR BAS BSTEN PA TSUL BZHIN DU BYA'O, ,DES KYANG DAL BA DON CHE BA DANG RNYED DKA' BA'I TSUL BSTAN TE, BLO SBYANGS PAS DAL BA'I RTEN LA SNYING PO LEN 'DOD CHEN PO SKYES PA NA, SNYING PO LEN PA'I MCHOG NI THEG CHEN DU 'JUG PA NYID MCHOG YIN TE, DE'I 'JUG SGO YANG BYANG CHUB KYI SEMS NYID YIN LA, DE YANG DAG PA CIG RGYUD LA YOD NA, DE'I THEG CHEN PA YANG BCOS MA MA YIN PAR 'GYUR LA, DE TSIG TZAM DU SONG NA THEG CHEN PA YANG TSIG TZAM DU 'GRO BA'I PHYIR RO, ,DE LTAR NA SHES RAB CAN GYIS

, ,SEMS DE'I MI MTHUN PHYOGS RIM GYIS BSAL NAS MTSAN NYID TSANG BA CIG BSKYED PAR BYA'O, ,DE LA YANG THOG MAR TSE 'DI LA BLO MA LDOG NA THEG PA CHE CHUNG GANG GI YANG LAM GYI GEGS YIN PAS, TSE 'DIR RING DU MI GNAS PA'I 'CHI BA DRAN PA DANG, SHI BA'I 'OG TU NGAN 'GROR 'KHYAMS PA'I TSUL RNAMS BSAMS NAS, TSE 'DI LA BLO LDOG PAR BYA'O, ,DE NAS 'JIG RTEN PHYI MA'I PHUN TSOGS LA SRED PA'I BLO YANG 'KHOR BA MTHA' DAG GI NYES DMIGS LEGS PAR BSAMS TE BZLOG NAS YID THAR PA LA PHYOGS PAR BYA'O, ,DE'I 'OG TU RANG NYID ZHI BDE'I SEMS BZLOG PA'I PHYIR DU, BYAMS PA DANG SNYING RJE DANG DE'I RTZA BA CAN GYI BYANG CHUB KYI SEMS LA RING DU SBYANGS NAS, BCOS MA MA YIN PA'I BYANG CHUB KYI SEMS SBYANG BAR BYA'O, ,DE NAS BYANG CHUB SEMS DPA'I SPYOD PA RNAMS SHES PAR BYAS LA SLOB 'DOD BSKYED DE, RGYAL SRAS KYI SPYOD PA'I KHUR BZUNG BAR NUS PA NA, BYANG SEMS KYI SDOM PA BZUNG NAS DE'I BSLAB BYA PHYIN DRUG LA SLOB PA SPYI DANG, KHYAD PAR DU BSAM GTAN GYI NGO BO ZHI GNAS KYIS SEMS LAS RUNG DU BYED PA DANG, SHER PHYIN GYI NGO BO CHOS RNAMS SGYU MA DANG NAM MKHA' LTA BUR RTOGS PA'I LHAG MTHENG LA BSLAB PAR BYA'O, ,DE NAS RDO RJE THEG PA'I DAM TSIG DANG SDOM PA'I KHUR BZUNG BAR NUS PA NA, BLA MA LNGA BCU PA MNYAN NAS BLA MA'I BSTEN TSUL RNAMS DAG PAR BYAS TE SNGAGS LA 'JUG PAR BYA'O, ,THEG PA THUN MONG GI LAM GYI RIM PA SNGAR BSHAD PA 'DI DAG LA MA SBYANGS NA, TSE 'DI'I KHRI BA MI CHOD PAS CHOS BYED 'DOD BRTAN PO MI 'BYUNG, DAD PA KHA ZHE MED PA MI SKYE BAS SKYABS GNAS

LA BLO LINGS SKYUR MI 'ONG LAS 'BRAS LA NGES PA BRTAN PO MI RNYED PAS SDOM PA GANG GIS YANG SRUNG SDOM ZHIB MO MED PA'I RTZING CHOS PAR 'GRO, 'KHOR BA LA ZHEN LOG RNAL MA MI SKYE BAS THAR PA DON GNYER GO BA TZAM DU ZAD, BYAMS PA DANG SNYING RJE'I RTZA BA CAN GYI SMON SEMS MA BCOS PA MI SKYE BAS, THEG CHEN PA MING TZAM DU 'GRO, BYANG SEMS KYI SPYOD PA SPYI LA SLOB 'DOD DRAG PO MI 'BYUNG BAS, 'JUG SDOM RNAL MA MI SKYE, ZHI GNAS DANG LHAG MTHONG SPYI'I GO BA RNAM DAG MI 'CHAGS PAS, TING NGE 'DZIN PHRA MO LA YANG 'KHRUL ZHING, BDAG MED KYI LTA BA LA NGES PA MI SKYE BAS, DE RNAMS SU MA SONG BA 'DOD NA THEG CHEN GNYIS KYI SPYI'I LAM LA SBYANG BAR BYA'O, ,'DI NI RJE BTZUN BYAMS PA NAS THOGS MED DANG, RJE BTZUN 'JAM DBYANGS NAS KLU SGRUB DANG, ZHI BA LHA LA BRGYUD PA'I CHU BO GSUM 'DRES KYI, GDAMS PA RDO RJE THEG PA DANG, PHAR PHYIN THEG PA GANG GI SGOR 'JUG KYANG BYA DGOS PAR JO BO CHEN PO BZHED DO, ,RJE BTZUN MID LAS KYANG, DGE DANG MI DGE'I LAS RNAMS LA, ,RGYU 'BRAS DAG PAR MA BSAMS NA, ,NGAN SONG SDUG BSNGAL MI BZOD PAS, ,PHRA ZHING PHRA BA'I RNAM SMIN LA, ,BAG YOD DRAN PAS ZIN KYANG 'TSAL, ,'DOD YON SKYON DU MA BLTAS SHING, ,ZHEN PA NANG NAS MA LOG NA, ,'KHOR BA'I BTZON RA MI SGROL BAS, ,THAMS CAD SGYU MAR SHES PA'I BLOS, ,KUN 'BYUNG GNYEN PO BSTEN YANG 'TSAL, ,'GRO DRUG SEMS CAN PHA MA LA, ,BYAS PA DRIN DU MI GZE NA, ,THEG PA DMAN PAR GOL BA'I SKYON, ,DE PHYIR BRTZE BA CHEN PO YIS, ,BYANG CHUB SEMS LA BSLAB KYANG 'TSAL, ,ZHES DANG, NGA MI KHOM BRGYAD LA 'JIGS 'JIGS NAS, ,MI RTAG 'KHOR BA'I NYES DMIGS BSGOMS, ,SKYABS

, ,DKON MCHOG GSUM LA BLO PHUGS GTAD, ,LAS RGYU 'BRAS CHOS LA NAN TAN BYAS, ,THABS BYANG CHUB SEMS LA RGYUD SBYANGS PAS, ,BAG CHAGS SGRIB PA'I RGYUN LAM CHAD, ,SNANG BA CIR SNANG SGYU MAR RTOGS, ,DA NGAN SONG GSUM LA NYAM NGA MED, ,CES GSUNGS PA LTAR LAM THUN MONG BA DE DAG LA NGES PA BRTAN PO MA BYUNG BAR DU BSGOM PAR BYA'O, ,LAM GYI LUS YONGS SU RDZOGS PA RE LA GO BA LEGS PAR CHAGS NAS NYAMS SU LEN PA NI, LAM RDZOGS PAR BGROD PA'I GZHI TSANG BAR THINGS ? PA YIN PAS GZHAN DANG MI 'DRA LA, LAM THUN MONG BA LA BSLAB TSUL NI GZHAN DU RGYAS PAR BSHAD ZIN TO, ,GNYIS PA THUN MONG MA YIN PA BLA MED KYI THEG PA'I SNGON 'GRO LA GNYIS, SPYI'I SNGON 'GRO DANG, KHYAD PAR GYI SNGON 'GRO'O, ,DANG PO LA GNYIS, DBANG RDZOGS PAR THOB DGOS PAR BSTAN PA DANG, DAM TSIG RNAMS BSRUNG DGOS PAR BSTAN PA'O, ,DANG PO NI, RJE MAR PA'I RGYUD SDE'I BRGYUD 'DZIN MES STON DANG RDOG STON LA SOGS PA RNAMS KYI LUGS LA YANG, GSANG SNGAGS KYI LAM RIM PA GNYIS SGOM PA LA DBANG BZHI RDZOGS PAR BSKUR BA DGOS PAR BZHED LA, RJE BTZUN MID LAS KYANG, SGAM PO PA DANG MJAL NAS LAM 'DI LA 'KHRID PA'I SNGON DU, KHYOD KYIS DBANG THOB BAM GSUNGS PAS, SGAM PO BAS ZANGS DKAR GYI SLOB MA MAR YUL BLO LDAN LA THOB, CES ZHUS PA'I RJES SU KHRID MDZAD CING, DE BZHIN DU KHONG LA GDAMS NGAG ZHUS PA NA, BA RI LO TZ'A BA LA DBANG ZHUS LA SHOG GSUNGS PA MANG DU MDZAD 'DUG PA DANG, DPAL PHAG MO GRU PAS MDZAD PA NA YANG, SNGON DU DBANG

BZHI RDZOGS PAR BSKUR BA'I LUGS MDZAD 'DUG PAS, MAR LUGS LA'ANG RGYUD KYI GZHUNG DANG GDAMS NGAG 'DZIN PA'I BLA MA SNGA MA CHEN PO RNAMS KYI BZHED PAS, DBANG BZHI YONGS SU RDZOGS PAR THOB PA CIG NGES PAR DGOS SO, ,DE NI RGYUD MANG PO LAS KYANG SHIN TU DON ? CHE BAR GSUNGS TE, PHYAG CHEN THIG LE'I GNYIS PA LAS, DANG POR RE ZHIG GANG TSE SLOB, ,LAN CIG DBANG RNAMS KYIS NI BSKUR, ,DE CHE GSANG CHEN BSHAD PA YI, ,NGES PAR SNOD DU GYUR PA'O, ,DBANG MED NA NI DNGOS GRUB MED, ,BYE MA BTZIR LAM MAR MED LTAR, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ,DE BAS 'BAD PA THAMS CAD KYIS, ,BLA MA LAS NI DBANG DON ZHU, ,ZHES DANG, RGYUD RDOR 'PHRENG GI GNYIS PA LAS KYANG, DBANG BSKUR BA NI GTZO BO STE, ,DNGOS GRUB THAMS CAD RTAG TU GNAS, ,NGA YIS JI BZHIN DON BSHAD KYIS, ,DE PHYIR THOG MAR YANG DAG NYON, ,THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI CHE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO, ZHES GSUNGS PAS GSANG CHEN BSHAD PA DANG SGOM PA'I SNOD DU RUNG BA DBANG RNAM DAG THOB PA LA RAG LAS PAS, DBANG NI DNGOS GRUB KYI RTZA BA YIN TE, DE MED NA RGYUD DON SHES NAS LAM LA CI TZAM 'BAD KYANG DNGOS GRUB KHYAD PAR CAN THOB MI SRID LA, DE MA THOB PA'I NYES DMIGS TZAM DU MA ZAD DNGOS GRUB PHRA MO THOB KYANG DPON SLOB GNYIS KA DMYAL

, ,BAR 'GRO'O, ,DBANG BSKUR PA YANG BDE MCHOG RTZA RGYUD LAS, SNGAGS PAS DKYIL 'KHOR MA MTHONG BAR, ,GANG ZHIG RNAL 'BYOR BA NYID 'DOD, ,MKHA' LA KHU TSUR GYIS RDEG DANG, ,SMIG RGYU'I CHU NI 'THUNG DANG MTSUNGS, ,ZHES GSUNGS PAS SNGON DU DKYIL 'KHOR DU BCUG NAS DKYIL 'KHOR MTHENG BA DANG, DE NAS CHU COD PAN LA SOGS PA'I DBANG RDZOGS PAR BSKUR BA DGOS KYI, DE LTA MIN PAR DBANG GI CHA 'GA' RE DANG LHA RE'I BYIN RLABS KYI RJES GNANG TZAM LA BRTEN PA NI, DBANG RNAM DAG GZHAN SNGON DU SONG BA YIN NO, MI RUNG BA MED KYANG DANG PO DBANG RNAM DAG GZHAN SNGON DU MA SONG NA, DE TZAM GYIS DBANG GI GO MI CHOD PAS DBANG RDZOGS PA, RGYUD SDE RNAM DAG NAS GSUNGS PA, PAn GRUB KYIS KYANG LEGS PAR BSHAD PA, BLA MA DAM PA RNAMS LAS RIM PA BZHIN DU BRGYUD SNOD DU RUNG BAR BYA'O, ,DE YANG 'DIR KYE RDO RJE 'AM, 'KHOR LO BDE MCHOG LTA BU'I MTSAMS LEGS PAR SHES PAR BYAS NAS, TSUL BZHIN DU SRUNG DGOS ,GNYIS PA DAM TSIG RNAMS BSRUNG DGOS PAR BSTAN PA NI, DE 'DRA BA'I DBANG RNAM DAG THOB PA'I DUS SU BLA MA DANG RGYAL BA SRAS BCAS DBANG DU BZHAG NAS, JI SKAD GSUNGS PA BZHIN SGRUB PAR KHAS BLANGS PA'I DAM TSIG DANG, SDOM PA RNAMS KYI BSRUNG MTSAMS LEGS PAR SHES PAR BYAS NAS, TSUL BZHIN DU SRUNG DGOS PA YIN TE, BDE MCHOG RTZA RGYUD LAS, SHIN TU MNYAM GZHAG SGRUB PA POS, ,DAM TSIG RTAG TU BSKYANG BAR BYA, ,DAM TSIG NYAMS PAS DKYIL 'KHOR DU, ,DBANG BSKUR DNGOS GRUB THOB MI 'GYUR, ,ZHES DANG, MNYAM SBYOR LAS, DKYIL 'KHOR DU NI MA ZHUGS

SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB PO, ,ZHES�p��-!=H�P}����������������������������� �������������������� ��������������������������������������� �������������������������� ��������������������������������������� �������������������������� ��������������������������������������� ��������������� PAS, RNAL 'BYOR BLA MED PA'I SGRUB PA POR KHAS BLANGS NAS, LUGS DE LA RTZA LTUNG GI GRANGS DU YOD KYANG MI SHES NA MI 'ONG BAS, RTZA BA DANG YAN LAG GI DAM TSIG BSRUNG MTSAMS LEGS PAR SHES PAR BYAS NAS SRUNG BA GAL CHE'O, ,GNYIS PA KHYAD PAR GYI SNGON 'GRO NI, SPYIR SNGON 'GRO'I MCHOG NI, LAM THUN MONG BA LA SBYONG BA DANG, DBANG RNAM DAG BSKUR BA DANG, RTZA BA DANG YAN LAG GI DAM TSIG RNAMS TSUL BZHIN DU SRUNG BA YIN PAS, DE LA NGES PA RNYED PA DGOS LA, BLA MA'I RNAL 'BYOR DANG, RDOR SEMS KYI BSGOM BZLAS DANG, MAndAL DBUL BA SOGS KYANG, SNGAGS KYI BSLAB BYA SRUNG BA'I KHONGS NYID NAS 'BYUNG BA YIN NO, ,'ON KYANG BLA MA RNAMS KYI PHYAG BZHES LA DE DAG LOGS SU 'BYUNG BA LTAR BSHAD PA LA GNYIS, SDIG SGRIB DAG PAR BYA BA'I PHYIR RDOR SEMS KYI BSGOM BZLAS BYA BA DANG, BYIN RLABS 'JUG PA'I PHYIR BLA MA'I RNAL 'BYOR BSGOMS NAS MCHOD PA'O, ,DANG PO NI, THOG MAR DKON MCHOG GSUM LA BLO LINGS SGYUR GYI SKYABS 'GRO RGYUD DANG 'DRES NGES PA BYA, RANG NYID SRID MTSOR LTUNG BA BZHIN DU SEMS CAN RNAMS KYANG DE DANG 'DRA BAR BLTA ZHING, DE RNAMS KYANG RANG GI MA YIN PA DANG, MA BYAS RES KYIS PHAN PA BSGRUBS SHING, GNOD PA BSAL BA'I DRIN CHE BA DANG, DE LA

, ,LAN DU PHAN 'DOGS PA'I DRIN GZO'I BLO BRTAN PO BSKYED NAS, DE NAS DE RNAMS BDE BAS PHONGS LUGS DANG, SDUG BSNGAL GYIS MNAR LUGS RNAMS BSAMS LA, DE RNAMS CI NAS KYANG BDAG GIS BDE BA MTHA' DAG PA DGOD PA DANG, SDUG BSNGAL MTHA' DAG LAS BSGRAL BAR BYA'O SNYAM PA'I 'DUN PA DRAG PO BSKYED, DE NAS DON DE GNYIS RDZOGS PAR SGRUB PA NI, SANGS RGYAS NYAG GCIG TU MTHENG NAS, DE RNAMS KYI DON DU SANGS RGYAS THOB 'DOD KYI BLO'I 'GYUR BA DRAG PO'I SGO NAS BYANG CHUB TU SEMS BSKYED, DE 'DRA BA'I SANGS RGYAS THAB PA'I DON DU LAM 'DI LA BSLAB SNYAM PA'I LAM LA BRTEN PA'I YI DAM BRTAN PO YANG DANG YANG DU BYA'O, ,DE YANG SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, YI GA BRGYA PA CHO GA BZHIN, ,NYI SHU RTZA NI RE RA BZLAS, ,LTUNG SOGS BYIN GYIS BRLABS GYUR PAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES THUN MTSAMS SU RDOR SEMS BSGOMS NAS, YIG BRGYA NYER GCIG RE MA CHAG PAR BZLAS NA LTUNG BA MI 'PHEL BA DANG, 'BUM PHRAG GCIG BZLAS NA NYES PA RNAMS 'DAG PAR GRUB PA MCHOG BRNYES PA RNAMS KYIS GSUNGS PAS DE LTAR BYA'O, ,ZHES GSUNGS PA BZHIN DU DGOS PA DE NYID KYI PHYIR DU RDAR SEMS KYI BSGOM BZLAS BYA'O, ,DE'I RIM PA NI RANG GI

SPYI BOR BAm LAS PADMA DKAR PO, AA LAS ZLA BA'I DKYIL 'KHOR GYI STENG DU, H'Um LAS RDO RJE RTZE LNGA PA DKAR PO LTE BA LA H'Um GIS MTSAN PA, DE LAS 'OD ZER 'PHROS DON GNYIS BYAS, TSUR 'DUS YONGS SU GYUR BA LAS, RDO RJE SEMS DPA' SKU MDOG DKAR PO GA-YAS RDO RJE, GA-YON DRIL BU 'DZIN PA, YUM RDO RJE BSNYEMS MA DKAR MO GRI GUG DANG THOD PA 'DZIN PAS 'KHYUD PA, RIN PO CHE'I RGYAN SNA TSOGS PAS SPRAS PA, MTSAN DANG DPE BYAD DU LDAN PA, RDO RJE'I SKYIL KRUNG GIS BZHUGS PA BSKYED LA, DE'I THUGS KAR ZLA BA'I STENG DU H'Um DKAR PO BSAM, DE LAS 'OD ZER 'PHROS RANG 'DRA'I YE SHES SEMS DPA' SPYAN DRANGS PA LA MCHOD PA LNGAS MCHOD, DZA: H'Um BAm HO: SA DGUG GZHUG BCING MNYES PAR BYA, YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS PA LA MCHOD NAS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, YUM RNAMS KYIS RIN PO CHE'I BUM PA YE SHES KYI BDUD RTZIS GANG BA THOGS NAS, JI LTAR BLTAMS PA SOGS DANG, AOm SARBA TA TH'A GA TA AA BHI shE KA TA SA MA YA SHRI YE H'Um ZHES PAS DBANG BSKUR, LUS YE SHES KYI BDUD RTZIS GANG, MI BSKYOD PAS DBU BRGYAN PAR BSAM, DE NAS SGO GSUM GUS PA CHEN POS, BCOM LDAN 'DAS RDO RJE SEMS DPA' BDAG GZHAN THAMS CAD KYI SDIG SGRIB DANG, DAM TSIG NYAMS CHAGS THAMS CAD DAG PAR MDZAD DU GSOL, ZHES GSOL BA BTAB PAS, THUGS KA'I H'Um LAS 'OD ZER 'PHROS, SEMS CAN THAMS CAD LA PHOG ,DE DAG GI SDIG SGRIB

, ,NYES LTUNG THAMS CAD DAG PAR BYAS, PHYOGS BCU'I SANGS RGYAS SRAS BCAS THAMS CAD LA MCHOD PA PHUL, DE RNAMS KYI SKU GSUNG THUGS YON TAN 'PHRIN LAS THAMS CAD 'OD ZER GYI RNAM PAR BSDUS NAS, THUGS KA'I H'Um LA THIM PAS GZI BRJID DANG MTHU STOBS PHUN TSOGS SU GYUR PAR BSAMS LA, H'Um GI MTHA' MAR, AOm BADZRA HE RU KA SA MA YA, MA NU P'A LA YA, HE RU KA TVE NO PA TIshthA, DRi dHO ME BH'A WA, SU TO shYO ME BH'A WA, SU PO shYO ME BH'A WA, AA NU RAKTO ME BH'A WA, SARBA SIDDHI MME PRA YA TZTSA, SARBA KARMA SU TZA ME, TZITTAm SHRI YAm, KU RU H'Um, HA HA HA HA HO: BHA GA WANA, BADZRA HE RU KA M'A ME MUNYTZA, HE RU KVA BH'A WA, MH'A SA MA YA SATVA A'A: H'Um PHAt, CES PAS BSKOR BA LA DMIGS TE BZLAS PAS YIG 'BRU LAS 'OD ZER 'PHROS, SEMS CAN GYI SDIG SGRIB SBYANGS, SANGS RGYAS SRAS BCAS LA MCHOD PA BSAM GYIS MI KHYAB PA PHUL, SKU GSUNG THUGS KYI BYIN RLABS THAMS CAD BSDUS TE YIG 'BRU LA THIM, YIG 'BRU LAS BDUD RTZI'I RGYUN DKAR PO BYUNG, YAB YUM GYI SBYOR MTSAMS LAS BABS NAS, RANG GI SPYI BO TSANGS PA'I BU GA NAS ZHUGS TE, SGO GSUM GYI SDIG SGRIB THAMS CAD DBANG PO'I SGO DANG BA SPU'I BU GA NAS NAG PHUNGS KYIS 'THON, SDIG SGRIB SANGS KYIS DAG, LUS THAMS CAD YE SHES KYI BDUD RTZI'I RGYUN GYIS DKAR MER GYIS GANG, RTOGS PA DANG YON TAN BDAG GZHAN THAMS CAD LA SKYES PAR BSAM ZHING BZLAS SO, ,THUN 'JOG KHAR STOBS BZHI'I BSHAGS PA BYAS LA, SDIG SGRIB KYI 'KHOR GSUM MI DMIGS PAR BSAM ZHING, BDAG NI MI SHES RMONGS PA YIS, ,DAM

TSIG LAS NI 'GAL ZHING NYAMS, ,BLA MA MGON POS SKYABS MDZOD CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO BO BDAG LA SKYOBS, ,ZHES GSOL BA BTAB PAS, RDO RJE SEMS DPA'I ZHAL NAS, RIGS KYI BU KHYOD KYI SDIG SGRIB DANG, DAM TSIG NYAMS CHAGS THAMS CAD DAG GO, ZHES GSUNGS NAS RANG LA THIM PAS, RANG GI SGO GSUM DANG RDO RJE SEMS DPA'I SKU GSUNG THUGS DBYER MED DU GYUR PAR BSAMS LA, DGE RTZA BSNGO BA DANG SMON LAM GDAB PO, ,GNYIS PA BYIN RLABS 'JUG PA'I PHYIR BLA MA'I RNAL 'BYOR SGOM PA LA GNYIS, TSOGS ZHING DU BLA MA SGOM PA DANG, DE LA MCHOD NAS GSOL BA GDAB PA'O, ,DANG PO NI, MDUN GYI NAM MKHAR RIN PO CHE'I KHRI SENG GES BTEG PA'I STENG NA PAD NYI'I GDAN LA, NGO BO RANG GI BLA MA LA RNAM PA RIGS DRUG PA RDO RJE 'CHANG SKU MDOG SNGON PO ZHAL GCIG PHYAG GNYIS PA GA-YAS RDO RJE GA-YON DRIL BU 'DZIN PAS RANG 'DRA'I YUM LA 'KHYUD PA, LHA RDZAS KYI GOS KYI STOD GA-YOGS DANG, SMAD GA-YOGS CAN, RIN PO CHE'I RGYAN GYIS BRGYAN PA, ZHABS RDO RJE'I SKYIL KRUNG DU BZHUGS PA, 'OD ZER RNAM PA LNGA RAB TU 'BAR BAR BSGOMS PA'I SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, SNYING GAR NYI MA LA H'Um SNGON PO 'OD ZER 'PHRO BA BSGOM, H'Um LAS 'OD ZER 'PHROS PAS RDO RJE 'CHANG NAS BZUNG STE, BLA MA BRGYUD PA RNAMS DANG, YI DAM GYI LHA TSOGS RNAMS SPYAN DRANGS TE BSTIMS LA, SDOM 'BYUNG LAS, BLA MA SANGS RGYAS BLA MA CHOS, ,DE BZHIN BLA MA DGE 'DUN NYID, ,CES GSUNGS PA LTAR, SKYABS GSUM KUN 'DUS KYI NGO BOR BSGOM, RIM

, ,LNGA LAS, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES GSUNGS PA LTAR RANG LA PHAN 'DOGS BA'I ZHING DU NI RDO RJE 'CHANG LAS KYANG CHES LHAG PA YIN SNYAM DU BSAM, ZHAL LUNG LAS, 'DI YI DON LDAN 'GA' ZHIG LA, ,NGA NI DE YI LUS GNAS TE, SGRUB PA GZHAN LA MCHOD PA LEN, ,DE YIS DE MNYES RANG GI RGYUD, ,LAS KYI SGRIB PA DAG BYED DO, ,ZHES GSUNGS PA LTAR YANG DAG PA'I GDAMS NGAG GI DON STON PA'I BLA MA SLOB MAS MCHOD PA'I DUS SU, SANGS RGYAS RNAMS BYON TE BLA MA'I LUS LA BZHUGS NAS, MCHOD PA BZHES TE SLOB MA'I RGYUD DAG PAR BYED LA, MCHOD PA GZHAN GYI TSE RANG GIS SANGS RGYAS LA BTANG BA'I BSOD NAMS 'THOB KYANG, SANGS RGYAS NYID KYIS BZHES PA'I NGES PA MED PA'I TSUL SHES PAR BYAS LA, MCHOD PA'I ZHING GONG NA MED PA'I NGES PA BSKYED DE, DE BZHIN GSHEGS PA THAMS CAD KYI NGO BOR BLTAS LA, SKYON RTOG PA'I BLO LA SDOM SEMS MANG PO DANG, YON TAN RNAMS BRTAGS NAS DE LA DMIGS PA'I DAD PA SBYONG BA MANG DU BYA STE, SKYON GYI NGOS NAS BRTAGS NA DNGOS GRUB KYI GEGS BYED LA, YON TAN GYI NGOS NAS BRTAGS NA DNGOS GRUB MYUR DU 'GRUB PA'I PHYIR RO, ,DE LTA BU LA SOGS PA'I TSUL GYIS BLA MA DE NYID LA DMIGS PA'I DAD PA DANG, BKA' DRIN RJES SU DRAN TE GUS PA CHEN PO MANG DU SBYANG NGO, ,GNYIS PA DE LA MCHOD NAS GSOL BA GDAB PA NI, RIM LNGA LAS, MCHOD PA THAMS CAD RNAM SPANGS NAS, ,BLA MA LA MCHOD YANG DAG BRTZAM, ,DE MNYES PAS NI KUN

MKHYEN PA'I, ,YE SHES MCHOG NI THOB PAR 'GYUR, ,BLA MED BYED PA SLOB DPON GYIS, RDO RJE SEMS DPA' MCHOD BYAS PAS, ,DE YIS BSOD NAMS MA BYAS CI, ,DKA' THUB MA BSTEN GANG ZHIG YOD, ,CES GSUNGS PA LTAR MCHOD PA KUN GYI NANG NAS BLA MA LA MCHOD PA NYID LHUR BLANG BA'I TSUL LA, NGES PA DRAG PO BSKYED NAS BLA MA LA MCHOD DO, ,DE YANG MAndAL GYI MCHOD PA NI, SA'AM RIN PO CHE LA SOGS PA'I MAndAL BA BYUNG GIS BYUGS PA LA, DRI BZANG DANG BDUD RTZI LNGA DANG BCAS PA'I CHUS BYUG CING, AOm BADZRA BH'U MI A'A: H'Um ZHES PAS DBANG CHEN GSER GYI SA GZHI DANG, AOm BADZRA RE KHE A'A: H'Um ZHES PAS LCAGS RI'I MU KHYUD, DRI BZANG DANG BCAS PA'I BDUD RTZI LNGAS SPAGS PA'I ME TOG GI TSOM BU DBUS SU DGOD CING, DBUS SU RI RAB, DE BZHIN DU SHAR LA SOGS PAR ME TOG GI TSOM BU DGOD CING, SHAR LUS 'PHAGS, LHO 'DZAM BU GLING, NUB BA LANG SPYOD, BYANG SGRA MI SNYAN, SHAR GYI GA-YAS GA-YON GNYIS SU ME TOG DGOD CING, LUS DANG LUS 'PHAGS, LHO'I GA-YAS GA-YON GNYIS SU DGOD CING, RNGA YAB DANG RNGA YAB GZHAN, NUB KYI GA-YAS GA-YON GNYIS SU DGOD CING, GA-YO LDAN DANG LAM MCHOG 'GRO, BYANG GI GA-YAS GA-YON GNYIS SU DGOD CING, SGRA MI SNYAN DANG SGRA MI SNYAN GYI ZLA, DE NAS GLING GI NANG GI SHAR DU DGOD CING, GLANG PO RIN PO CHE, LHOR DGOD CING KHYIM BDAG RIN PO CHE, NUB TU DGOD CING RTA MCHOG RIN PO CHE, BYANG DU DGOD CING BTZUN MO RIN PO CHE, SHAR LHOR DGOD CING DMAG DPON RIN PO CHE, LHO NUB TU DGOD CING 'KHOR LO RIN PO CHE, NUB BYANG DU DGOD CING NOR BU RIN PO CHE, BYANG SHAR DU DGOD CING GTER CHEN PO, NANG GI SHAR DU DGOD CING

, ,NYI MA, NANG GI NUB TU DGOD CING ZLA BA RNAMS SO SO'I RNAM PA JI BZHIN DU GSAL GDAB, RIN PO CHE SNA TSOGS KYIS BKANG BAR DMIGS TE, BDAG GZHAN LUS NGAG YID GSUM LONGS SPYOD DUS GSUM DGE BA'I TSOGS, ,RIN CHEN MAndAL BZANG PO KUN BZANG MCHOD PA'I TSOGS BCAS PA, ,BLO YIS BLANGS NAS BLA MA YI DAM DKON MCHOG RNAMS LA 'BUL, ,THUGS RJE'I DBANG GIS BZHES LA BDAG LA BYIN GYIS BRLAB TU GSOL, ,ZHES BRJOD DE BLA MA LA DBUL, ME TOG SOGS PHYI DANG NANG BDUD RTZI'I MCHOD PA DANG, GSANG BA'I MCHOD PAS KYANG MCHOD, BSTOD PAS KYANG BSTOD LA, BLA MA'I SPYAN SNGAR SPYI DANG KHYAD PAR GYI SDOM PA GZUNG NGO, ,DE NAS GUS PA CHEN POS THUN MONG DANG, THUN MONG MA YIN PA'I LAM RNAMS MYUR DU RGYUD LA SKYE BA DANG, DE DAG GI 'GAL RKYEN ZHI ZHING MTHUN RKYEN YID BZHIN DU 'GRUB PA'I GSOL BA BTAB PAS, DGYES TE BLA MA'I GNAS GSUM GYI YI GE LAS 'OD ZER DKAR DMAR MTHING GSUM 'PHROS PA, RANG GI GNAS GSUM DU RIM PA BZHIN DU ZHUGS PAS, LUS KYI NANG THAMS CAD 'OD ZER GSUM GYIS RIM PA BZHIN DU KHENGS, SGO GSUM GYI DRI MA SBYANGS, BUM PA DANG GSANG BA DANG SHES RAB YE SHES KYI DBANG RIM PA BZHIN THOB, SKU RDO RJE SOGS GSUM GYI DNGOS GRUB RIM PA BZHIN THOB PAR BSAM, DE NAS SKU'I GNAS THAMS CAD LAS 'OD ZER SNA TSOGS 'PHROS, RANG GI LUS KYI SGO THAMS CAD NAS ZHUGS SGO GSUM GYI SGRIB PA PHRA BA SBYANGS DBANG BZHI PA THOB, RDO RJE GSUM DBYER MI PHYED PA'I DNGOS GRUB THOB PAR BSAM MO, ,YE GE GSUM NI RDO RJE GSUM GYI MTSON BYED

YIN LA, DE GSUM GYIS SGRIB PA GSUM SBYONG BA BZHIN DU, DBANG GSUM GYIS KYANG SBYONG BA 'DRA BA TZAM DANG, DON GYI DBANG BZHI PA RDO RJE GSUM DBYER MI PHYED PAS PHRA BA'I SGRIB PA SBYONG BA LA BSAMS NAS, SNGAR BSHAD PA'I DBANG BZHI THOB PA'I THA SNYAD BYAS PA TZAM YIN GYI, DES DBANG DNGOS THOB PA MIN NO, ,DE NAS MDUN GYI BLA MA RANG GI SPYI BOR RDO RJE BSDU BA'I SNGAGS RGYAS SAM, DMIGS PAS SPYAN DRANGS TE, SPYI BO NAS THIM PAS RANG GI LUS NGAG YID GSUM DANG, BLA MA'I SKU GSUNG THUGS DBYER MI PHYED PAR BSAMS LA YI GE BRGYA PAS BRTAN PAR BYA STE, DE RNAMS NI THUN SNGA PHYI'I BAR DANG THUN MGO RNAMS SU BYA'O, ,GNYIS PA LAM DE LA BRTEN NAS LAM 'DI JI LTAR BSGOMS PA LA GNYIS, BSKYED PA'I RIM PA BSGOM PA DANG, RDZOGS PA'I RIM PA BSGOM PA'O, ,DANG PO NI, BSKYED RIM BSGOM PA NI 'JIG RTEN PA'I DNGOS GRUB SGRUB PA LA DGOS KYI, MCHOG SGRUB PA LA MI DGOS SO ZHES PA'I LOG RTOG BOD NA LUGS 'GA' ZHIG LA SNANG YANG, BLA MA MAR PA NAS BRGYUD PA'I MES LUGS DANG, MTSUR DANG RDOG GSUM GA'I LUGS LA SNGON DU BSKYED RIM LA 'KHRID PA SNANG ZHING, BLA MA MID LAS KYANG, SNANG BA SKYE SHI'I BAR DO RU, ,RIG PA SEMS KYI RTZAL SBYANG PHYIR, ,LAM BSKYED RDZOGS GNYIS LA 'BAD KYANG 'TSAL, ,ZHES GSUNGS SHING, BLA MA CHE BA SNGA MA GZHAN RNAMS KYANG RIM PA GNYIS KA SGOM DGOS PAR BZHED PAS, BSKYED RIM LA MI 'KHRID NA, RGYUD SDE DANG DE'I DGONGS 'GREL CHED LDAN RNAMS DANG 'GAL LA, RANG GI LUGS DANG YANG 'GAL BAS RDZOGS RIM GYI SNGON DU BSKYED RIM LA BSLAB PAR BYA STE, KYE RDO RJE LAS, RIM Z

, ,GNYIS MNYAM PAR GNAS NAS NI, ,RDO RJE CAN GYIS CHOS 'CHAD DO, ,ZHES DANG, BSKYED PA'I RIM PA'I RNAL 'BYOR GYIS, ,BRTUL ZHUGS CAN GYI SPROS PA BSGOM, ,SPROS PA RMI LAM LTAR BYAS NAS, ,SPROS PA NYID KYANG SPROS MED BYA, ZHES DANG, MGON PO KLU SGRUB KYIS KYANG, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES SOGS GZHUNG DU MA ZHIG NAS SNGON DU BSKYED RIM SGOM DGOS PAR GSUNGS PAS, BSKYED RIM GYI DNGOS KYI DGOS PA'I GTZO BO NI, RDZOGS RIM GYI RTOGS PA TSANG BAR SKYE BA'I RGYUD LEGS PAR SMIN PAR BYED PA YIN NO, ,'DI YANG SNGON DU BSKYED RIM GYI TING NGE 'DZIN BRTAN PO RNYED NA, DA GZOD RDZOGS RIM SGOM PA'I SKABS SU YAB YUM ZUNG RE'I LHA'I RNAL 'BYOR SGOM PA SNGON DU BTANG NAS SGOM PA SKYON CHUNG YANG, DANG PO NAS DE TZAM GYIS CHOG PAR BYED PA RGYUD SDE'I DGONGS PA MIN NO, ,'O NA JI LTAR BSGOM SNYAM NA, LUGS 'DI'I RGYUD KYI BSHAD SROL 'DZIN PA RNAMS 'DI'I LAM GYI RMANG RDO GTUM MO YIN LA, DE YANG GTZO CHER KYE RDOR GYI RGYUD LA BRTEN PAS, RGYUD DER GSUNGS PA'I KYE RDOR RIGS BZHI PO GANG RUNG ZHIG LA 'KHRID PAR BZHED DO, ,'DI YI MAN NGAG LA GTZO BOR MDZAD PA'I BLA MA GONG MA RNAMS, BDE MCHOG LA MDZAD PA MANG STE, SGAM PO PAS NI ZANGS DKAR GYI SLOB MA MAR YUL BLO LDAN LA BRTEN NAS, ZANGS DKAR GYI LUGS KYI BDE MCHOG DANG, DPAL MO GRU PAS NI, LO CHUNG NAS BRGYUD PA MAR LUGS KYI BDE MCHOG DANG, CHOS RJE 'BRI GUNG PAS NI, MAR DO NAS BRGYUD PA'I COG RO LUGS KYI BDE

MCHOG LA MDZAD SNANG STE, DE GSUM GA YANG DPAL L'U AI PA'I LUGS KYI BDE MCHOG DRUG CU RTZA GNYIS PA'I DKYIL 'KHOR LA BRTEN PA'O, ,DE LTAR GNYIS YOD KYANG 'DI'I GTUM MO NI BDE DGYAS GNYIS KA'I THUN MONG BA YIN PAS, BSKYED RIM DE GNYIS GANG BYAS KYANG CHOG LA, DKYIL 'KHOR GYI 'KHOR LO'I BSKYED RIM BSGOMS PAS RGYUD SMIN PA 'DRA BA, LHA DPA' BO GCIG PA DANG DPA' MO GCIG PA LA MI 'BYUNG BAS, DRIL BU ZHABS KYI LHA LNGA LTA BU YAN CHAD KYI DKYIL 'KHOR GYI 'KHOR LO ZHIG LA 'KHRID PA'I THUN BZHI'I RNAL 'BYOR BYA'O, ,BSKYED RIM LA MYONG BA 'DON TSUL NI, DANG POR SEMS MA YENGS PAR BSHAR SGOM BYAD, DE RDZOGS PA DANG GTZO BO ZHAL MANG DANG PHYAG MANG YIN NA, ZHAL PHYAG GZHAN SGOM PA RE ZHIG BTANG SNYOMS SU BYAS LA, ZHAL GCIG PHYAG GNYIS PA LA SEMS BZUNG BA LA BSLAB STE, DE LA YANG GNYIS LAS RNAM PA LA BSLAB PA NI, LHA DE'I RNAM PA YAS RIM MAM, MAS RIM NAS SKU'I CHA SHAS RAGS PA CIG GSAL GDAB LA, YID NGOR CHA PHYED PA LAM ME BA CIG 'CHAR THUB PA DANG, DE GAL SEMS GRIMS LHOD RAN PAR RTZE GCIG TU BZHAG ,DANG PO GANG GSAL BTAB PA DE MIN PA'I RNAM PA GANG SHAR YANG, RE ZHIG LA DE'I RJES SU 'BRANGS NA MI DGA' BAS, DANG PO'I DMIGS PA DE KA LA BZHAG, MI GSAL BAR SONG NAS BSKYAR LA GSAL BTAB NAS, BSGOMS PAS, RNAM PA GSAL BAR SONG SONG GI BAR DU BSLAB, DE YANG GA GSAL BTAB PA DE 'CHAR THUB DANG, DE LAS GZHAN GSAL MA BTAB PA MI 'CHAR ZHING, SHIN TU GSAL BA MIG GIS MTHONG BA LAS KYANG LHAG PA SNYAM BYED PA DANG,

, ,GSAL BA DE NYID LA SEMS BZHAG NA BYING RGOD DANG BRAL BAR THUN 'KHYONGS PA'I BRTAN PA CIG DGOS SO, ,LHA'I SKU RAGS PA LA DE LTAR BYANG BA NAS, ZHAL PHYAG GZHAN DANG RGYAN LA SOGS PA'I CHA PHRA MO RNAMS RDZOGS PAR 'CHAR BA LA SNGAR BZHIN BSLAB, DE NAS DE'I STENG DU YUM BSNAN LA DE LTAR BSGOM, DE NAS 'KHOR GYI LHA GZHAN DANG YANG SPREL BA DANG, MTHAR BRTEN PA LHA THAMS CAD DANG RTEN GZHAL YAS KHANG GI SKOR RNAMS DUS GCIG TU, PHRA RAGS THAMS CAD GSAL LAM MER SHAR BA LA SEMS RTZE GCIG TU GNAS THUB PA CIG DGOS SO, ,NGA RGYAL LA BSLAB PA NI, RANG LHA DE'O SNYAM PA'I NGA RGYAL BSKYED NAS, DE LA RTZE GCIG TU GNAS PAR BYED, DE'I SHUGS YAL BA NA YANG SNGAR LTAR LHA'I NGA RGYAL SHUGS CAN BSKYED NAS DE LA 'JOG ,DE LTAR BYAS PAS DANG POR BLOS BCOS NAS DE LTAR SGOM PA YIN KYANG, MTSAMS SHIG NAS LHA'I NGA RGYAL BRTAN PA NA BLO DER KHYUR GYIS 'GRO BA'I NGA RGYAL 'PHO THUB PA 'BYUNG ZHING, DE YANG THUN 'KHYONGS 'KHYONGS KYI BAR DU BYA'O, , LHA'I SNANG BA DANG NGA RGYAL SGOM PA GNYIS DANG PO NAS RE MOS SU BYAS NAS BSKYANG, RTEN DANG BRTEN PA'I SNANG BA KHYAD PAR CAN BSGOMS PA'I MTHAR DE DRAN PA NA, YID NGOR THA MAL GYI SNANG BA 'CHAR MI THUB PAR KHYAD PAR CAN GYI SNANG BA NYID 'CHAR BA NA, THA MAL PA'I SNANG BA YID NGOR DAG PAR BYED NUS PA YIN LA, SNGAR BSHAD PA'I BCOS MIN GYI NGA RGYAL 'PHO NUS PA BYUNG BA NA, THA MAL PA'I ZHEN PA YID NGOR DAG PAR BYED NUS PA YIN NO, ,DE NAS MNYAM GZHAG LAS LANGS TE, SNOD BCUD KYI SNANG BA GANG SHAR

LA LHA DANG GZHAL YAS KHANG DU BLTAS PA NA, DE DANG DE'I NGO BOR 'CHAR BA'I TING NGE 'DZIN BRTAN PO 'BYUNG BAS, BSKYED RIM GYIS THA MAL GYI SNANG ZHEN SBYANGS PA ZHES BYA BA'I GRANGS SU 'GRO'O, ,'DI YANG SDOM PA 'BYUNG BA LAS, KHAMS GSUM RANG BZHIN GZHAL YAS KHANG, ,SROG CHAGS RNAMS NI DKYIL 'KHOR PA, ,ZHES GSUNGS SHING, 'PHAGS PA LHAS KYANG, SNA TSOGS 'DI RNAMS DKYIL 'KHOR 'KHOR LOR SHES PAR GYIS DANG SEMS KHYOD CI LA 'KHRUL, ,ZHES BSHAD DO, ,TSUL 'DI YANG RIM PA GNYIS KA'I SKABS SU 'BYUNG NGO, ,THEG PA 'DI LA GANG SNANG LHA'I 'KHOR LO DANG, NYAMS MYONG BDE BA CHEN PO, RTOG PA SKYE MED KYIS RGYAS 'DEBS PA CIG DGOS PA YANG RIM PA DANG PO NAS 'BYUNG LA, SROG DH'U T'IR TSUD PA LAS BYUNG BA'I RDZOGS RIM PA'I BDE CHEN SKABS 'DIR MED KYANG, YAB YUM DNGOS LTA BU'I GSAL SNANG SHIN TU BRTAN PA RNYED PAS, DE 'DRA BA'I THABS SHES MNYAM PAR SBYAR ZHING, PHAt YIG GIS BYANG CHUB KYI SEMS PHYIR 'PHO BA BKAG PA LAS BYUNG BA'I BSKYED RIM PA'I BDE CHEN DU MA ZHIG 'BYUNG BA SHES DGOS SO, ,DKYIL 'KHOR GYI 'KHOR LO'I BSKYED RIM BSGOMS PAS RGYUD SMIN PAR BYED PA'I GTZO BO NI 'DI NYID YIN NO, ,GNYIS PA RDZOGS PA'I RIM PA BSGOM PA LA GSUM, GZHI DNGOS PO'I GNAS TSUL, LAM BGROD PA'I RIM PA, 'BRAS BU MNGON DU BYED TSUL LO, ,DANG PO LA GNYIS, SEMS KYI DNGOS PO'I GNAS TSUL DANG, LUS KYI DNGOS PO'I GNAS TSUL LO, ,'DI YANG BSGOM RGYU DON GYI GNAS LUGS SHES PA'I PHYIR DU, GNAS TSUL DANG PO 'CHAD LA,

, ,LUS KYI GNAS GANG DU DMIGS PA GTOD SA'I LUS KYI GNAD SHES PA'I PHYIR DU GNAS TSUL GNYIS PA STON NO, ,DES NA DANG PO SEMS KYI GNAS TSUL STON PA NI, BRTAG GNYIS LAS, NGO BOS GZUGS MED MTHONG BA PO, , SGRA MED THOS PA PO YANG MED, ,DRI MED SNOM PA PO YANG MED, ,RO MED MYONG BA PO YANG MED, ,REG MED REG PA PO YANG MED, ,SEMS MED SEMS LAS BYUNG BA'ANG MED, ,CES DANG, DBANG PO DANG NI YUL NYID DANG, ,DBANG PO'I RNAM PAR SHES PA NYID, , RNAL 'BYOR MA RNAMS GO BYA'I PHYIR, ,KHAMS NI BCO BRGYAD RNAMS SU BSHAD, ,RANG BZHIN GDOD NAS MA SKYES PA, ,RDZUN MIN BDEN MIN DE BZHIN DU, ,THAMS CAD CHU YI ZLA BA LTAR, ,'DOD PAS RNAL 'BYOR MAS SHES GYIS, ,ZHES GSUNGS SO, ,DE LA GZUGS SGRA DRI RO REG BYA LNGA DANG, MTHONG BA PO NAS REG PA PO'I BAR LNGAS, MIG NAS LUS KYI DBANG PO'I BAR DBANG PO STON TE, PHUNG PO'I NANG NAS GZUGS KYI PHUNG PO DANG, SKYE MCHED KYI DBANG DU BYAS NA, GZUGS CAN GYI SKYE MCHED BCU RANG BZHIN MED PAR BSTAN LA, SEMS ZHES PAS NI RNAM SHES KYI PHUNG PO DANG YID KYI SKYE MCHED DANG, SEMS LAS BYUNG BA ZHES PAS NI, TSOR BA DANG 'DU SHES DANG 'DU BYED KYI PHUNG PO GSUM DANG, DES MTSON NAS YID KYI DMIGS YUL GYI CHOS KYI SKYE MCHED RANG BZHIN MED PAR BSTAN, YANG MTHONG BA PO LA SOGS PA'I TSIG GIS, GZUGS MTHONG BA PO DANG, SGRA THOS PA PO'I GANG ZAG DANG BDAG LA SOGS PA YANG STON PAS, MDOR NA GANG ZAG DANG CHOS LA BDAG MED PA'I BDAG MED GNYIS STON LA, NGO BO

NYID MED TSUL NI, NGO BOS MED CES PAS STON TE, GANG ZAG DANG GZUGS LA SOGS PA'I CHOS LA NGO BO NYID KYIS GRUB PA'I RANG BZHIN MED CES PA'O, ,BSHAD PA DE DAG NI GRUB CHEN MTSO SKYES KYI 'GREL PA'I DGONGS PA'O, ,'DI NI RANG BZHIN GYIS DANG RANG GI MTSAN NYID KYIS MED CES GSUNG RAB LAS MANG DU 'BYUNG BA RNAMS KYI DON NO, ,DE 'DRA BA'I RANG BZHIN NAM NGO BO NYID KYIS GRUB PA MED PA DANG, RANG BZHIN GYIS MA SKYES PA DE YANG SNGAR MI STONG BA CIG GSAR DU LUNG RIGS KYIS BSGRUBS PA MIN GYI, YE GDOD MA NAS DE LTAR YIN PA LA YIN PAR NGO SHES PAR BYED PA NI, GDOD NAS ZHES PAS STON NO, ,BLA MA MAR PA'I ZHAL NAS, SHAR CHU BO GANGG'A'I 'GRAM DU PHYIN, ,RJE MEE TRI CHEN PO'I BKA' DRIN GYIS, ,GZHI CHOS NYID SKYE BA MED PAR RTOGS, ,SEMS STONG PA NYID LA SBAR ZIN BYAS, ,DON SPROS BRAL GNYUG MA'I NGO BO MTHONG, ,SKU GSUM MA DANG MNGON DU MJAL, ,MI KHO BO'I SPROS PA DE NAS CHOD, ,CES PHYAG RGYA CHEN PO'I LTA BA GTZO BOR MNGA' BDAG MEE TRI PA LAS RNYED CES 'BYUNG LA, SLOB DPON DES MDZAD PA'I DE KHO NA NYID BCU PA LAS, DE BZHIN NYID NI SHES 'DOD PAS, ,RNAM BCAS MA YIN RNAM MED MIN, ,ZHES YIN LUGS KYI DE BZHIN NYID SHES PAR 'DOD PAS, RNAM BCAS DANG RNAM MED KYI LUGS KYI DE KHO NA NYID BLANG BAR BYA BA MA YIN PAR BSHAD PA'I 'GREL PA, MEE TRI BA'I DNGOS SLOB PAndI TA LHAN CIG SKYES PA'I RDO RJES MDZAD PA LAS, NYAN THOS SDE PA RNAM BCAS MDO SDE PA DANG, RNAM MED BYE BRAG SMRA BA DANG, SEMS TZAM RNAM BDEN RDZUN GNYIS DANG, RNAL 'BYOR SPYOD PA'I DBU MA PA THA SNYAD DU RNAM BDEN DANG, RNAM RDZUN LTAR 'DOD PA RNAMS KYI LUGS BLANG BAR

, ,BYA BA MA YIN PAR BSTAN CING, DE NYID LAS, DE LTAR DES NI DBU MA PA 'PHAGS PA KLU SGRUB DANG 'PHAGS PA LHA DANG ZLA BA GRAGS PA LA SOGS PA'I BZHED PA RTEN CING 'BREL PAR 'BYUNG BA'I MTSAN NYID DE BZHIN NYID SHES PAR 'DOD PAS YIN PAR 'GYUR RO, ,ZHES DE GSUM GYI LUGS BLANG BYA YIN NO, ,ZHES BSHAD LA, MGON PO KLU SGRUB DANG 'PHAGS PA LHA GNYIS NI GZHUNG PHYI MO'I DBU MA PA YIN PAS, 'DI GNYIS KYI RJES SU DBU MA'I GRUB MTHA' SMRA BA GZHAN RNAMS KYANG 'BRAD ? MOD KYANG, DE GNYIS KYI LUGS 'DZIN PA MI 'DRA BA MANG DU YOD PA LA MNGA' BDAG MEE TRI PA, DPAL LDAN ZLA BA GRAGS PA'I RJES SU 'BRANG BAR BSHAD LA, YANG DE KHO NA NYID BCU PA LAS, BLA MA'I NGAG GIS MA BRGYAN PA'I, ,DBU MA'ANG 'BRING PO TZAM YIN NO, ,ZHES ZLA BA'I ZHABS KYI LUGS 'DI'I MAN NGAG GIS MA BRGYAN PA'I SLOB DPON GZHAN GYI DBU MA RNAMS 'BRING PO TZAM DU BSHAD PAS, LUGS 'DI LA YIN LUGS KYI DON MTHAR THUG PA, ZLA BA'I ZHABS KYI RJES SU 'BRANGS NAS SHES PAR BYA DGOS SO, ,BDEN MIN RDZUN MIN, ZHES SOGS KYI DON NI, RIGS PA DRUG CU PA LAS, GANG DAG BRTEN NAS NGO BO RNAMS, ,CHU YI ZLA BA LTA BUR NI, ,YANG DAG MA YIN LOG MIN PAR, ,'DOD PA DE DAG LTAS MI 'PHROGS, ,ZHES GSUNGS PA BZHIN SHES PAR BYA STE, SHES RAB CAN GANG DAG GANG ZAG DANG CHOS KYI NGO BO RNAMS, RANG RANG GI RGYU DANG RKYEN LA BRTEN NAS 'BYUNG BA DANG, BRTEN NAS BTAGS PA YIN PA'I PHYIR NA, BDEN PA DANG YANG DAG PAR MED DO, ,ZHES 'DI DAG LA RANG GI NGO BO NYID KYIS GRUB PA'I RANG BZHIN CUNG ZAD KYANG MED DE, RANG LA TSUGS THUB KYI RANG BZHIN

YOD NA, RGYU RKYEN SOGS GZHAN LA BLTOS NAS BZHAG DGOS PA MA YIN NO, ,ZHES BDEN 'DZIN GYI DMIGS GTAD BYAS RDUL TZAM YANG MED SNYAM PA'I NGAS PA DRANG NGO, ,DE LTAR MTSAN MAR 'DZIN PA BDEN 'DZIN GYI DMIGS GTAD RDUL TZAM YANG MA GRUB KYANG, LAS 'BRAS LA SOGS PA'I RGYU 'BRAS KYI 'KHOR 'DAS KYI BYA BYED THAMS CAD NYAMS PA MED PA SGYU MA DANG, RMI LAM DANG GZUGS BRNYAN GYI BYA BYED BZHIN DU 'CHAR BA YOD DO, ,DE'I PHYIR CHOS 'DI RNAMS RI BONG GI RVA YOD DO ZHES PA LTA BU'I BRDZUN PA YANG MIN LA, THEG PA LA SBRUL DU 'KHRUL BA LTA BU'I PHYIN CI LOG 'BA' ZHIG GIS BZHAG PA YANG MIN NA, ,DE LTAR CHOS GANG LA YANG BDEN 'DZIN GYI DMIGS GTAD BYA SA RDUL TZAM YANG MED PAR MTHONG BA'I STONG NYID KYI LTA BA GO BA CIG DANG, LTA THOG DER BZHAG NAS SGOM PA CIG MED NA, LAM CI TZAM BSGOMS KYANG SANGS RGYAS LTA ZHOG 'KHOR BA LAS KYANG BRGAL MI NUS SO, ,DE'I PHYIR RDO RJE GUR LAS, BDAG TU 'DZIN PA BZLOG PA'I PHYIR, ,STONG PA RGYAL BA RNAMS KYIS GSUNGS, ,ZHES GANG ZAG DANG CHOS KYI BDAG TU 'DZIN PA BZLOG PA'I PHYIR DU, SANGS RGYAS KYIS STONG PA NYID KYI STA BA GTAN LA 'BEBS PA GSUNGS SO, ,DON DAM PAR SNGAR BSHAD PA LTAR YIN KYANG, MING TZAM DANG BTAGS PA TZAM GYI CHOS RNAMS LA, KUN RDZOB TU RDZUN PA SGYU MA DANG RMI LAM LTA BU'I RGYU 'BRAS LA NGES PA 'DREN SA MED PAR SONG NAS, RANG LUGS LA DE DAG BYED PA MA BDE NAS, GZHAN GYI 'KHRUL NGO KHO NA LA SKYEL DGOS PAR SONG NA, CHAD PA SKUR 'DEBS KYI LTA BA MI BZAD PA'I GA-YANG SAR LTUNG BAS, RTEN 'BREL SGYU MA LTA BU'I NGES PA SHIN TU

, ,CHE BA CIG DGOS SO, ,BDEN GNYIS KYI RNAM GZHAG DE 'DRA CIG DGOS PAR LAM 'DI'I RNAL 'BYOR PA CHEN PO MID LAS KYANG, KHYED BLO DMAN RNAMS KYIS BSAM NGO DANG, ,BSTUN NAS SANGS RGYAS KUN MKHYEN GYIS, ,THAMS CAD YOD CES GSUNGS PA YIN, ,DON DAM BDEN PA'I DBANG DU NI, ,BGEGS LAS SANGS RGYAS NYID KYANG MED, ,SGOM PA PO MED SGOM BYA MED, ,BGROD BYA SA DANG LAM RTAGS MED, ,'BRAS BU SKU DANG YE SHES MED, ,DE PHYIR MYA NGAN 'DAS PA MED, ,MING DANG TSIG GIS BTAGS PA TZAM, ,KHAMS GSUM BRTAN DANG GA-YO BAR BCAS, ,GDOD NAS MA GRUB SKYE BA MED, ,GZHI MED LHAN CIG SKYES PA MED, ,LAS DANG LAS KYI RNAM SMIN MED, ,DE PHYIR 'KHOR BA'I MING YANG MED, ,MTHAR THUG DON LA DE LTAR GDA', ,ZHES DON DAM PAR 'KHOR 'DAS KYI CHOS GANG YANG RDUL TZAM YANG MA GRUB PAR GSUNGS NAS, AE MA SEMS CAN MED GYUR NA, ,DUS GSUM SANGS RGYAS CI LAS BYUNG, ,RGYU MED 'BRAS BU MI SRID PAS, ,KUN RDZOB BDEN PA'I DBANG DU NI, ,'KHOR BA DANG NI MYA NGAN 'DAS, ,THAMS CAD YOD CES THUB PAS GSUNGS, ,YOD PA DNGOS POR SNANG BA DANG, ,MED PA STONG PA'I CHOS NYID GNYIS, ,NGO BO DBYER MED RO GCIG PAS, ,RANG RIG GZHAN RIG YOD MIN TE, ,THAMS CAD ZUNG 'JUG YANGS PA YIN, ,DE LTAR RTOGS PA'I MKHAS PA YIS, ,RNAM SHES MA MTHONG YE SHES MTHONG, ,SEMS CAN MA MTHONG SANGS RGYAS MTHONG, ,CHOS CAN MA MTHONG CHOS NYID MTHONG, ,ZHES DON DAM PAR 'KHOR 'DAS KYI CHOS RNAMS KYI MING TZAM YANG MA GRUB PA DANG, DE LTAR YIN KYANG KUN RDZOB TU NI, SEMS

CAN GYIS SANGS RGYAS THOB PA LA SOGS PA 'KHOR 'DAS KYI RNAM GZHAG KUN YOD PA DANG, DE YANG MING DANG TSIG GIS BTAGS PA TZAM LA 'JOG PA DANG, DNGOS POR SNANG BA'I RTEN 'BREL DANG, RANG BZHIN GYIS GRUB PA MED PA'I STONG PA GNYIS, NGO BO GCIG TU GNAS PAS SNANG STONG, GCIG GIS GCIG MA DOR BAR GSUNGS PA NI, LUGS 'DI'I BLA MA GONG MA'I KHYAD CHOS CIG TU SNANG BAS, LUGS 'DI LA LTA BA GTAN 'BEBS DBU MA'I GZHUNG RNAMS LAS 'BYUNG BA BZHIN, BDEN GNYIS KYI RKYA BAR NAS DRANGS NAS BSHAD PA MI DGOS SO, ,ZHES MI GZUNG STE, DE LTAR SMRA NA GSUNG RAB DANG, DGONGS 'GREL SPYI DANG 'GAL ZHING, RANG GI LUGS DANG YANG 'GAL BAS BDE STONG DBYER MED DU SBYOR BAR 'DOD PAS, SNGAR BSHAD PA'I STONG PA NYID KYI LTA BA NGES PAR BTZAL BAR BYA'O, , GNYIS PA LUS KYI DNGOS PO'I GNAS TSUL NI, LTE BA SPRUL PA'I 'KHOR LO LA SOGS RTZA 'KHOR GANG NA YOD PA'I DBUS DANG, DH'U T'I'I YAR SNA MAR SNA SOGS NI LUS LA GNAD DU BSNUN PA'I THABS LAM ZAB MO'I GNAD DU BSNUN SA YIN NO, ,DE YANG MAR LUGS KYI GDAMS NGAG PA RNAMS KYI LUGS KYIS, GNYID LOG PA DANG SAD PA'I DUS GNYIS LAS, DANG PO'I SKABS SU DGE SBYOR SKYONG BA LA NI, SNYING KHA DANG MGRIN PA'I GNAD SHES DGOS SHING, SAD DUS SU GTUM MO SGOM PA LA NI LTE BA DANG, LAS RGYA DANG SNYOMS PAR 'JUG PA LA NI, SPYI BO'I GNAD SHES DGOS PAR 'DOD DE, DUS DE DAG GI TSE SEMS RTEN GYI THIG LE GNAS DE BZHIR GNAS PAR 'DOD PA'I LUGS SO, ,'DI NI DUS KYI 'KHOR LO'I SKOR NAS DPRAL BA DANG, LTE BA NA SAD PA'I GNAS SKABS SKYED PA DANG,

, ,MGRIN PA DANG GSANG GNAS NA RMI LAM GYI GNAS SKABS DANG, SNYING KHA DANG NOR BU NA GNYID 'THUG GI GNAS SKABS DANG, LTE BA DANG GSANG GNAS KYI RTZE NA BZHI PA'I GNAS SKABS SKYED PA'I THIG LE YOD PAR GSUNGS PA DANG MTHUN SHAS CHE'O, ,GNYID DU 'GRO BA'I DUS SU SNYING KHA DANG NOR BUR RLUNG 'DU TSABS CHE LA, DE 'THUG PA'I RING LA RMI LAM MED PA'I GNYID 'ONG NGO, ,DE NAS GNAS DE GNYIS NAS RLUNG CUNG ZAD SRAB TU SONG NAS, MGRIN PA DANG GSANG GNAS SU 'ONGS PA NA RMI LAM 'CHAR LA, DER 'DUS PA'I RING LA RMI LAM NYID 'BYUNG NGO, ,DE NAS RLUNG GNAS DE NYID NAS GYES TE DPRAL BA DANG LTE BAR SONG NAS SAD PAR 'GYUR RO, ,SPYI BO NAS BYANG SEMS BAB PA LTE BA DANG NOR BU'I RTZER SLEB PA NA, RANG GI GNAS GONG MA RNAMS LAS 'GYUR BA'I BDE BA CHE BA RE RE 'BYUNG BA NI BZHI PA'I GNAS SKABS YIN LA, DE NYID RLUNG STOBS KYIS LAM DU BSLANGS PA NA YANG, YAS BABS KYI LHAN SKYES KYI MGO RTZOM PA LTE BA NAS DANG, MTSAN NYID RDZOGS PA NOR BU'I RTZER ZIN PA NA 'CHAR RO, ,DE LTAR GNAS BZHIR GNYID DANG RMI LAM GYI DGE SBYOR SKYONG BA'I GNAS CHE MOD KYANG, GNAS DE DAG TU SAD DUS SU SEMS BZUNG NA GNAD DU MI 'GRO BA YANG MIN NO, ,'KHOR LO RNAMS KYI NANG NAS LUGS 'DI LA THOG MAR GNAD DU BSNUN SA NI SPRUL PA'I 'KHOR LO YIN NO, ,DE DAG GIS NI RTZA 'KHOR SO SOR DMIGS PA GTAD NAS SKYONG BA LA, RANG RANG GI LAG RJES THUN MONG MA YIN PA JI LTAR 'ONG GZHAN YANG SHES DGOS PA RTOGS PAR BYA'O, ,GNYIS PA LAM BGROD PA'I RIM PA LA GNYIS, SNGON DU 'KHRUL

'KHOR DANG STONG RA SGOM PA DANG, DE'I RJES SU LAM DNGOS SGOM PA'I RIM PA'O, ,DANG PO NI, MAR LUGS KYI BRGYUD PA GZHAN GYI GDAMS PA LAS, RLUNG LDANG 'JUG GNAS PA GSUM LA BRTEN PA'I H'Um GIS BSRUNG BA DANG, KHRO CHUNG GIS BSRUNG BA DANG, BLA MA'I RNAL 'BYOR GYIS BSOD NAMS GSOG PAR BYED CING, 'KHRUL 'KHOR DANG STONG RA SGOM PA MED KYANG, RJE BTZUN MID LA NAS SGOM PO BA LA BRGYUD PA LA SNGA MA MED CING, PHYI MA YOD PA'I LUGS BZHIN DU 'DIR 'CHAD PA LA GNYIS YOD PA'I DANG PO 'KHRUL 'KHOR NI, SKYABS SU 'GRO BA DANG, SEMS BSKYED PA DANG BLA MA SPYI BOR BSGOMS NAS GSOL BA GDAB PA RGYUD DANG 'DRES NGES PA RE DANG, RANG YI DAM YAB YUM DU GSAL 'DEBS, THUN GANG BYED KYI MGOR SNGON DU BTANG, DE NAS 'KHRUL 'KHOR LA MANG NYUNG DANG BYED LUGS MI 'DRA BA MANG DU SNANG NA'ANG, 'DIR DPAL PHAG MO GRU PAS MDZAD PA'I THABS LAM TSIGS BCAD MA'I LHAN THABS LAS, LUS SBYONG NI, BUM PA LTAR DGANG, 'KHOR LO LTAR BSKOR, LCAGS KYU LTAR DGUG ,RDO RJE BSDAMS PA'I PHYAG RGYA GNAM DU 'PHANGS SHING 'OG TU BSKYUR, KHYI MO'I SKYUG TSUL GYIS MDA' LTAR BSRANG, LUS LA RTZA DANG KHRAG GNAS PAR BYA BA'I PHYIR MGO LUS MED PA SPRUG CING TSIGS PA BSGRENG, ,DE LTAR DRUG GO ,ZHES 'BYUNG BA LA N'A RO DRUG SKOR DU GRAGS PAS, DE LTAR DU BYA BA LA BUM PA LTAR DGANG BA NI, STAN BDE BA LA SKYIL KRUNG GANG BDE BYA LA RKED PA BSRANG, LAG PA GNYIS PUS MO LA DGAB, RLUNG SNA BUG GA-YAS NAS THEN NAS GA-YON DU BLTAS TE, DE DNGOS KYI SNA BUG NAS DAL BUS RING BAR LHAG MA MED PAR BUD, YANG

, ,GA-YON NAS THEN NAS GA-YAS SU BLTAS TE, DE NGOS KYI SNA BUG NAS SNGAR BZHIN DU PUD, DE NAS DBUS NAS SNA BUG GNYIS KA NAS THEN TE, THAD KAR LAN CIG SNGAR BZHIN BUD, DE 'DRA BA'I TSUL GYIS SLAR YANG GSUM TSAN GNYIS TE, DGU PHRUGS SU RLUNG RO BSAL TE, DE YANG PHAR LA 'BUD PA DANG, TSUR 'DREN PA'I DUS GNYIS KAR KHA NAS 'GRO 'ONG MED PAR BYA'O, ,DE NAS LUS DRANG POR BSRANG STE, LAG PA GNYIS KYI MTHEB CHEN NANG DU DGUG ,THAD KA NAS RLUNG SHIN TU DAL LA RING NGAR NANG DU BRNGUBS TE, LTE 'OG TZAM DU MCHIL MA SGRA MED PAR MID NAS CHIR GYIS MNAN DE'I RJES SU 'OG RLUNG LTE 'OG TU MI DRAG PA CIG DRANGS TE, KHA SBYAR DU BZUNG, SHES PA LTE BA'I RTZA 'KHOR GYI DBUS SU GTAD LA, NUS TSAD DU 'DZIN PA NI BUM PA LTAR DGANG BA STE, 'KHRUL 'KHOR BYED PA THAMS CAD 'DI'I NGANG NAS BYED PAS, 'KHRUL 'KHOR GYI DBYE BA'I GSEB TU BGRANGS PA TZAM MO, ,RLUNG MI THUB PA NA KHA NAS YE MA SHOR BAR SNA SGO NAS DAL BUS GTONG BA NI, DMIGS BSAL MED PA THAMS CAD DU SHES PAR BYA'O, ,'KHOR LO LTAR BSKOR BA NI RKANG PA SKYIL KRUNG BYAS PA'I RKANG PA GA-YAS PA'I MTHEB CHEN LAG PA GA-YAS PAS BZUNG, RKANG PA GA-YON PA'I MTHEB CHEN LAG PA GA-YON PAS BZUNG ZHING, RKED PA DRANG POR BSRANG LA, PHO BA DANG RKED PA GA-YAS SU LAN GSUM BSKOR, DE BZHIN DU GA-YON DU YANG BSKOR, DE NAS GA-YON NAS GA-YAS SU KYOG PA DANG, GA-YAS NAS GA-YON DU KYOG PA DANG, MDUN NAS RGYAB TU 'PHUL BA RE DANG, RGYAB NAS MDUN DU 'PHUL BA RE BYA'O, ,LCAGS KYU LTAR DGUG PA NI,

LAG PA GNYIS RDO RJE KHU TSUR BCANGS LA SNYING KHA NAS THAD KAR MDUN NGOS SU GSHIBS LA SHUGS CHE BAR BRKYANGS, DE NAS GA-YON NGOS SU LAG PA GNYIS BRKYANGS PA'I GA-YAS PA SNGON LA DAL BUS SHUGS CHE BAR GA-YAS PA'I DPUNG MGO BAR DU DGUG LA GRU MOS MTSAN KHUNG DU BRDAB, DE NAS GA-YON PA YANG SNGA MA BZHIN DU DPUNG MGO GA-YON PA BAR DU BKUG LA BRDAB SLAR YANG LAG PA GNYIS RDO RJE KHU TSUR BCANGS PA SNYING KHA NAS THAD KAR MDUN NGOS SU SHUGS CHE BAR GSHIBS LA BRKYANG, DE NAS GA-YAS SU LAG PA GNYIS BRKYANGS NAS SNGA MA BZHIN DGUG LA BRDAB BO, ,RDO RJE BSDAMS PA'I PHYAG RGYA GNAM DU 'PHANG SHING 'OG TU BSKYUR BA NI, PUS MO GNYIS BTZUGS TE LUS BSRANG, DE NAS LAG PA GNYIS KYI SOR MO RNAMS PHYI RU BSNAL BA'I LAG LCAGS BCUG PA, YAR LA RIM PA BZHIN SPYI BO'I BAR DU SHUGS CHE BAR BTEG LA, DE NAS LAG PA GNYIS KHA SBUB LA RIM PA BZHIN SHUGS CHE BAR SA LA DBAB LA BSKYUR RO, ,KHYI MO'I SKYUG TSUL GYIS LUS MDA' LTAR BSRANG BA NI, PUS MO GNYIS BTZUGS LA LUS BSRANG, DE NAS LAG PA GNYIS SA LA BZHAG PA'I BAR DU, MGO BO BZHAG PA RIM GYIS GYEN DU SHUGS CHE BAR BTEG NAS LUS DRANG POR BSRANG LA, SLAR YANG LAG PA GNYIS RIM GYIS PHAB PA'I BAR DU MGO BO BZHAG NAS, HA ZHES SKYUG STENGS BYAS PA'I MTHAR, LANGS LA RKANG PA GNYIS LAN GSUM GSUM DU SPRUG GO, MGO LUS SPRUG CING TSIGS PA BSGRENG BA NI, LAG PAS PHAN TSUN GYI SOR MO'I TSIGS PA 'THEN PA'I RJES LA, MGO DANG LUS PO SPRUG CING LAG PA GNYIS PHAN TSUN DU MNYES TE BKRU BA'I TSUL BYED PA'O, ,LUS SBYONG RNAMS

, ,LA RLUNG LEGS PAR 'DZIN PA DANG, SPYOD LAM NGAL BA DANG 'CHUN CHE BA DGOS LA, BYED PA'I DUS NI ZAS MA ZOS PA'I GONG DANG, ZAS ZOS RJES YIN NA LTO BDE BAR SONG BA'I MTSAMS NAS BYA STE, LUS SHIN TU MNYEN PAR MA SONG BAR DU BYA'O, , STONG RA BSGOM PA NI, RANG YI DAM DU GSAL GDAB PA SOGS SNGAR BZHIN DU BYA LA, 'DI'I DMIGS PA KHYAD PAR BA NI SPYI GTZUG NAS RKANG MTHIL GYI BAR DU PHRUM PHUS BTAB PA LTAR STONG SANG NGE BA LA DMIGS PA GTAD NAS, DE LA SEMS BRTAN BRTAN DU SGOM PA YIN TE, 'DI DANG LUS SPYONG GNYIS SPEL MAR BSKYANG NGO, ,STONG RA 'DI LUS THOGS RDUGS CAN DU MED PA'I 'JA' TSON BZHIN DU YID NGOR SGOM PA YIN GYI, 'DIS DNGOS SU LUS DE LTAR BYA MI NUS KYANG, DMIGS PA DE LA SEMS BRTAN NA, RTZA RLUNG DRAG PO SGOM PA LA RTZA ZUG DANG RLUNG ZUG DRAG PO MI 'BYUNG BA DANG, GAL TE BYUNG YANG DMIGS PA DE BSGOMS PAS ZHI BAR BYED NUS PA LA, KHYAD CHE BAS SGOM PA YIN TE, LUS SPYONG GI DGOS PA YANG DE DANG 'DRA'O, ,STONG RA LA RTOG BZO GZHAN MANG PO 'DUG NA'ANG, DPAL PHAG MO GRU PA'I KHRID YIG LAS DE TZAM ZHIG LAS MI 'BYUNG STE, DE GAS CHOG GO ,STONG RA LUS SBYONG 'DI DAG RGYA GZHUNG KHUNGS THUB CHE BA LAS MI 'BYUNG YANG, BLA MA RNAMS KYI MAN NGAG GIS MDZAD 'DUG LA, DE YANG RTZA RLUNG SGOM PA LA 'JAM SBYOR GYIS TING NGE 'DZIN SKYE DKA' BAR BYUNG NA, DRAG SBYOR GYIS BYED PA LA 'DI DAG SBYANGS NA GEGS CHUNG BA LA BSAMS SO, ,GNYIS PA DE'I RJES SU LAM DNGOS BSGOM PA'I RIM PA LA GNYIS, LAM GYI CHINGS BYED TSUL DANG, LAM LA 'KHRID PA'I RIM PA'O, ,DANG PO NI, GDAMS PA 'DI LA CHOS

GNYIS DANG, GSUM DANG BZHI DANG, DRUG DANG BCUR BYED TSUL MANG DU 'DUG NA'ANG, 'DI LA SGOM PA PO GANG ZAG GI DBANG PO'I RIM PA DANG BSTUN NAS BYED NA, TSE 'DI DANG BAR DO DANG, SKYE BA BRGYUD NAS 'TSANG RGYA BA'I LAM GSUM DU BYED DGOS LA, BSGOM RGYU'I LAM GYI DBANG DU BYAS NAS BYED NA, RDZOGS RIM GYI LAM DKYUS MA'I DBANG DU BYAS PA CIG DANG, DA LA BOGS 'BYIN PA'I THABS SPYOD PA DANG GNYIS DGOS PA'I PHYI MA 'DI, LUGS 'DI'I BLA MA GONG MA GDAMS NGAG TZAM LA GTZO BOR MDZAD PA RNAMS KYI MAN NGAG PHAL CHER LA MI SNANG YANG, MAR LUGS KYI RGYUD KYI BSHAD SROL 'DZIN PA RNAMS KYIS BSHAD 'DUG PA BZHIN DGOS SO, ,BLA MA MAR PA'I ZHEL NAS, SGO SRUNGS N'A RO PAn CHEN LA, ,RGYUD ZAB MO DGYES PA RDO RJE THOS, ,BSRE 'PHO MTSAMS SBYOR GYI GDAMS NGAG THOB, ,KHYAD PAR GTUM MO LAS RGYA ZHUS, ,SNYAN BRGYUD KYI GNAD LA NGO SPROD BYAS, ,ZHES SPYIR BSRE 'PHO SNYAN BRGYUD KYI NGO SPROD DANG, KHYAD PAR DU KYE RDOR NAS 'BYUNG BA'I NANG GTUM MO LA BRTEN NAS DGA' BZHI SKYED TSUL DANG, PHYI LAS KYI PHYAG RGYA LA BRTEN NAS DGA' BZHI SKYED TSUL ZHUS PAR GSUNGS PAS, GTZO BOR KYE RDOR LA BRTAN PA LA GTUM MO DANG LAS RGYA GNYIS SO, ,YANG MAR PA'I ZHAL NAS, NUB DU LA KshE TRA'I GRONG KHYER DU, ,DPAL YE SHES SNYING PO'I ZHABS LA GTUGS, ,PA RGYUD GSANG BA 'DUS PA MNYAN, ,SGYU LUS 'OD GSAL GYI GDAMS NGAG THOB, ,LAM RIM PA LNGA YI DON LA BSLABS, ,ZHES GSUNGS LA, DPAL N'A RO PA LA RGYUD KHYAD PAR DU 'PHAGS PA BZHI LA BRTEN PA'I GDAMS PA KHYAD PAR DU 'PHAGS PA BZHI GSAN PA'I GCIG ,DPAL GSANG BA 'DUS PA LA BRTAN PA'I RIM PA LNGA'I GDAMS

, ,NGAG YIN PAS, YE SHES SNYING PO DANG N'A RO PA GNYIS KA LA RIM PA LNGA GSAN PA'I SGYU LUS DANG, 'OD GSAL GYI GDAMS PA 'DUS PA LA GTZO CHER BRTEN PA YIN NO, ,'PHO BA DANG GRONG 'JUG NI GTZO BOR GDAN BZHI LA BRTEN PAR SNANG NGO, ,N'A RO'I CHOS DRUG TU BYED TSUL NI, GTUM MO DANG SGYU LUS DANG 'OD GSAL DANG 'PHO BA DANG GRONG 'JUG DANG BAR DO'I GDAMS NGAG DRUG TU BYED DO, ,DE LA RMI LAM DANG BAR DO NI SGYU LUS KYI YAN LAG RE YIN ZHING, GNYID KYI 'OD GSAL YANG SGYU LUS SU SDUD PA LEGS LA, 'PHO BA DANG GRONG 'JUG GNYIS PHYOGS GCIG TU BSHAD NA BDE'O, ,RJE BTZUN MID LA'I GDAMS NGAG TU, GDAMS PA 'DI LA BSKYED RIM DANG, GTUM MO DANG LAS RGYA DANG, GNAS LUGS LTA BA'I DON GE BA DANG, MTSON BYED LAM GYI 'OD GSAL, MTSON BYED LAM GYI SGYU MA RMI LAM DANG DON DRUG TU BSDUS NAS, RJE LHO BRAG MAR PA'I THUGS KYI BCUD PHYUNG BA, SNYAN BRGYUD DON GYI NGO SPROD THABS LAM GNAD KYI MTHAR THUG KYANG DE LAS MED DO, ,RNAL 'BYOR PA DE'I DGONGS PA ZHE PHUGS BLO'I GDENG, 'PHRAL NYAMS SU BLANGS RGYU DE LAS MED, CES GSUNGS PA'I DANG PO MA GTOGS PA RNAMS CHOS DRUG GI RDZOGS RIM 'DI NYID DU 'DUG CING, MAR PA'I RGYUD KYI BSHAD SROL 'DZIN PA RNAMS KYI LUGS KYANG DE KHO NA LTAR YIN PAS, LUGS 'DI LA N'A RO CHOS DRUG LAS ZAB PA'I GDAMS PA GZHAN YOD PAR 'DOD PA NI MUN SPRUL LO, ,DE LA SPYIR RNAL 'BYOR BLA MED KYI RDZOGS RIM RNAMS LA SNGON DU, RO RKYANG GI RLUNG DBU MAR 'DZUD PA'I THABS KHYAD PAR CAN CIG MED MI RUNG YIN LA, DE LA YANG RGYUD SDE SA SE LA BRTEN PA'I GRUB

CHEN GYI LUGS MI 'DRA BA MANG DU YOD KYANG, 'DIR NI LTE BA SPRUL PA'I 'KHOR LO LA BRTEN PA'I GTUM MO, AA THUNG GI SROG RTZOL GYI SGO NAS, SROG DH'U T'IR SDUD PA YIN NO, ,DES NA SROG DH'U T'IR BTZUD PA LAS BYUNG BA'I DGA' BZHI'I MTHAR SKYES PA'I LHAN SKYES KYI YE SHES KYI PHYAG RGYA CHEN PO SKYONG BA DGOS KYI, DE 'DRA BA'I THABS LAM ZAB MO LA MA BRTEN PAR, SEMS CIR YANG MI RTOG PA'I TING NGE 'DZIN DRAN SHES KYIS RING DU BSKYANGS PA'I BDE GSAL MI RTOG PA'I SEMS GNAS BRTAN PO NI, THEG PA CHE CHUNG DANG SNGAGS DANG PHAR PHYIN GYI THEG PA KUN GYI THUN MONG BA YIN PAS, DE GNYIS MA 'DRES PAR PHYED PA SHIN TU GAL CHE'O, ,DE'I PHYIR MID LA DANG SGAM PO BA GNYIS MJAL BA NA YANG, SGAM PO BAS KHO BO LA ZHAG MANG POR TING NGE 'DZIN THUN RE LA 'GRO BA'I SEMS GNAS LEGS PO YOD ZHUS PAS, MID LA'I GSUNG NAS BYE MA BTZIR BA LA MAR KHU MI 'ONG DE 'DRA'I TING NGE 'DZIN GYIS MI CHOG PAS, NGA'I GTUM MO AA THUNG GI SROG RTZOL SGOM DGOS ZHES GSUNGS PA'I DON LEGS PAR GO DGOS SO, ,GTUM MO LAM GYI RMANG RDO ZHES LUGS 'DI LA GRAGS CHE BA YANG, RDZOGS RIM LA THOG MAR SROG DH'U T'IR BTZUD PA LAS, LHAN SKYES KYI BDE CHEN SKYED PA CIG GZHIR BZHAG PA LA BRTEN NAS, RDZOGS RIM GZHAN RNAMS KYI 'GROS SHES PA CIG DGOS PA'I DON DU BYA DGOS SO, ,GTUM MOS SROG DH'U T'IR BTZUD DE RLUNG ZHUGS GNAS THIM GSUM LA LEGS PAR BYANG BA NA, DE'I MTHUS BYANG SEMS PHYI ROL TU 'DZAG MED DU 'CHING NUS PA NA, DES DGA' BZHI SKYED PA'I LHAN CIG BYED RKYEN LAS RGYA LA BRTEN NAS, LHAN SKYES KYE DGA' BSKYED PA NI KHYAD PAR GTUM

, ,MO LAS RGYA ZHUS ZHES PA'I DON DE'O, ,DE 'DRA BA'I LHAN SKYES KYI BDE STONG SBYAR BA LA BRTEN NAS, SAD DUS SU SGYU LUS SGOM PA DANG, SGYU LUS LA BRTEN NAS 'OD GSAL SGOM PA GNYIS DANG, MTSAN MO GNYID DUS SU RMI LAM GYI SGYU MA SKYONG BA DANG, DE YANG GNYID KYI 'OD GSAL SNGON DU BZUNG NAS, DE'I RJES SU RMI LAM LA 'JUG PA YIN LA, GNYID KYI 'OD GSAL RLUNG GI NUS PAS ZIN PA LA SAD DUS SU SROG DH'U T'IR SDUD NUS PA CIG SNGON DU 'GRO DGOS PAS, DE GNYIS KYI RMANG RDO YANG GTUM MO'O, ,DE 'DRA BA'I RMI LAM GYI SGYU MA THOB PA ZHIG GIS, DA GZOD KYI BAR DO 'DZIN NUS PAS, DE'I YANG RMANG RDO GTUM MO YIN ZHING, DE GSUM GA SGYU LUS SU SDUD PA'I TSUL YANG DE'O, ,'PHO BA KHYAD PAR CAN DANG GRONG 'JUG GNYIS KYANG SROG DH'U T'IR SDUD NUS PA CIG SNGON DU BTANG NAS BYED PAS, DE'I RMANG RDO YANG 'DIR GTUM MO'O, ,DE LTAR SHES NA LAM GYI CHINGS KYI GRANGS MANG NYUNG LA, KHYAD PAR 'GANGS CAN MED PAS JI LTAR BYAS NA GO BA CHE BA GCIG LA BYAS PAS CHOG GO ,GNYIS PA LAM LA 'KHRID PA'I RIM PA LA GNYIS, LAM LA 'KHRID PA'I DKYUS KYI DON DANG, LAM LA BOGS 'BYIN PA'I THABS SPYOD PA'O, ,DANG PO LA GNYIS, LAM DNGOS KYI DON DANG, LAM GYI YAN LAG 'PHO BA DANG GRONG 'JUG GO ,DANG PO LA GNYIS, SROG DBU MAR BTZUD NAS DGA' BZHI BSKYED PA DANG, DE LA BRTEN NAS SGYU MA DANG 'OD GSAL BSGOM PA'I TSUL LO, ,DANG PO LA GNYIS, NANG GI RKYEN GTUM MO BSGOM PA DANG, PHYI'I RKYEN LAS KYI PHYAG RGYA LA BRTEN PA'O, ,DANG PO LA GNYIS, GTUM MO BSGOMS NAS SROG DBU MAR GZHUG PA DANG, BTZUD PA

LA BRTEN NAS DGA' BZHI BSKYED TSUL LO, ,DANG PO LA GNYIS, GTUM MO BSGOM TSUL DANG, DE LTAR BSGOMS PAS SROG DBU MAR ZHUGS GNAS THIM GSUM BYED TSUL LO, ,DANG PO LA GSUM, RTZA GSAL BTAB NAS BSGOM PA DANG, YI GE GSAL BTAB NAS BSGOM PA DANG, RLUNG BUM PA CAN BSGOM PA'I TSUL LO, ,DANG PO NI, MDUN GYI NAM MKHA' LA RTZA BA'I BLA MA BRGYUD PA'I BLA MA DANG BCAS PA, DPA' BO DANG MKHA' 'GRO'I TSOGS KYIS BSKOR BAR DMIGS LA, LUS LONGS SPYOD LTOS PA MED PAR MCHOD PA DBUL ZHING, SPYIR GSOL BA MANG DU GDAB, KHYAD PAR DU RLUNG BDE RTZA 'JAM, BDE STONG GI NYAMS RTOGS KHYAD PAR CAN SKYE PA'I GSOL BA DRAG TU GDAB, DE NAS NAM MKHA' DANG MNYAM PA'I SEMS CAN THAMS CAD KYI DON DU RDO RJE 'CHANG GI GO 'PHANG THOB PAR BYA BA'I PHYIR TZAndA LI NYAMS SU BLANG SNYAM DU BSAM ZHING, BYANG CHUB KYI SEMS RGYUD DANG 'DRES NGES PA BSGOM, DE NAS RANG YI DAM GYI LHAR GSAL GDAB PA SNGON DU BTANG NAS, BSAM GTAN GYI STEGS BUR ZHUGS, SGOM THAG GYON, RKANG PA RE MIG TU BSNOL, SGAL TSIGS DRANG POR BSRANG, MGRIN PA CUNG ZAD DGUG ,MIG SNA RTZER DBAB, LCE RTZA CUNG ZAD RKAN LA SBYAR, SO DANG MCHU RANG LUGS SU BZHAG ,LUS SEMS CUNG ZAD BSGRIM, RO STOD 'PHEL KA BSKYED, MNYAM GZHAG GI PHYAG RGYA LTE 'OG TU BCAR BA BYAS LA, RTZA GSUM GSAL GDAB PA NI, LTE BA'I BUG PA'I THANG NAS 'OG TU SOR BZHI SONG BAR, LUS KYI NANG GI SGAL TSIGS NGOS LA NYE BAR, DBUS SU RTZA AAB DH'U T'I, GA-YAS SU RO MA, GA-YON DU RKYANG MA GSUM 'KHOR LO BZHI'I SROG SHING GI TSUL DU, SPYI GTZUG BAR DU GSHIBS NAS GNAS

, ,SHING, SNGAR BSHAD PA'I MAR SNAR RO RKYANG GNYIS DBU MA'I RTZA'I NANG DU GUG NAS YOD PAR BSAM MO, ,'DI LTAR SGOM PA NI SROG DH'U T'IR 'DZUD PA'I DGOS PA'I DBANG GIS SGOMS MA SHES PAR, KHA CIG LTE 'OG SOR BZHI TZAM NAS RTZA GSUM GA ZAD PA DANG, KHA CIG RO RKYANG GNYIS DE NAS RDZOGS PAR 'DOD PA LTAR MIN GYI, 'OG TU YANG NOR BU'I RTZE'I BAR LA SOGS PAR 'GRO BA DANG, STENG DU SMIN MTSAMS KYI 'OG GI DBUS DANG, SNA'I RTZA BA'I GA-YAS GA-YON LA SGO GTAD NAS YOD PAR GSUNGS PA LTAR BYA'O, ,'KHOR LO BZHI PO RE RE'I DBUS SU RO RKYANG GNYIS KYIS DBU MA LA 'KHYUD PA'I MDUD PA BYAS NAS YANG DRANG POR 'GRO BA YIN NO, ,RTZA'I SBOM PHRA NI BSGOMS PA DANG MA BSGOMS PA'I DUS SU SNA TSOGS SHIG 'ONG BAS, MTHA' GCIG TU MA NGES SO, ,KHA DOG NI DBU MA NAS GTUM MO 'BAR BA'I DUS SU, TIL GYI MAR ME'I MDOG BZHIN 'ONG BA KHA SBYOR GYI RGYUD DON DU MAN NGAG SNYE MA LAS BSHAD KYANG, DER MA SLEB PA'I SNGON DU SGOM PA NI GA-YAS DMAR GA-YON DKAR DBUS SNGO BA'I RNAM PA CAN DU SGOM PA LTAR BYA'O, ,DE NAS 'KHOR LO BZHI GSAL 'DEBS PA NI, LTE BA SPRUL PA'I 'KHOR LO PHYI DBYIBS AE GRU GSUM GYI RNAM PA CAN, RTZA 'DAB KYI GRANGS RE BZHI PA, KHA DOG DMAR PO, ,KHA GYEN DU PHYOGS PA'I RNAM PA CAN DU BSGOM MO, ,'DI DAG LA 'DAB PA'I GRANGS RAGS PA RNAMS SMOS NAS, ZHIB PAR MA SMOS 'DUG PA BZHIN 'DIR CHOG PAR SNANG BSAM BSHAD DO, ,SNYING GA CHOS KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BRGYAD PA KHA DOG DKAR PO, KHA 'OG TU PHYOGS PA'I RNAM PA CAN

DANG, MGRIN PA LONGS SPYOD KYI 'KHOR LO PHYI DBYIBS BAm YIG ZLUM PO'I RNAM PA CAN, RTZA 'DAB KYI GRANGS BCU DRUG PA, KHA DOG DMAR PO, ,KHA GYEN DU PHYOGS PA'I RNAM PA CAN DANG, SPYI BO BDE CHEN GYI 'KHOR LO PHYI DBYIBS AE GRU GSUM GYI RNAM PA CAN, RTZA 'DAB KYI GRANGS SO GNYIS PA, KHA DOG SNA TSOGS PA, KHA 'OG TU PHYOGS PA'I RNAM PA CAN DU BSGOM STE, 'KHOR LO ZUNG RE RE THABS SHES ZUNG RE'I TSUL DU SGOM PA YIN NO, ,DE YANG THOG MAR RTZA GSUM GSAL GDAB LA, DE GSAL BA DANG DE LA SEMS BZUNG GIN RTZA'I GSAL SNANG DANG DE LA SEMS GNAS PA GNYIS TSOGS BSGRUB STE, SEMS 'DZIN PA NI RTZA GSUM 'DUS PA'I DH'U T'I'I NANG DU GZUNG BA GNAD CHE'O, ,DE LA BRTEN NAS 'KHOR LO RNAMS KYI RTZA 'DAB KYI GRANGS GSAL GDAB LA SEMS GZUNG, DE NI BSGOMS NA RTZA 'DAB JE GSAL DU 'GRO BA DANG, DE LA SEMS 'DZIN JE THUB TU 'GRO NA BYA'I, CI BYAS KYANG 'DAB MA RNAMS GSAL MI THUB NA, RTZA GSUM NYID LA SEMS GZUNG, 'DI LA SNYING GA YAN CHAD LA GSAL 'DEBS RE DANG, SEMS CUNG ZAD RE MIN PA SEMS 'DZIN YUN RINGS NA, GEGS KYI NYEN CHE BAS, SHAS CHER RTZA GSUM GYI 'DUS SOR NAN TAN BYAS LA SEMS BZUNG NGO, ,LUGS 'DI LA RTZA'I GSAL GI GNAS CHA BRTAN PO RING DU SGRUB PA DANG, MI SGRUB PA GNYIS SNANG NA'ANG, SNGA MA LTAR BYAS NA LEGS PA YIN TE, GRUB CHEN LVA BA PA'I GZHUNG LAS, RTZA'I GSAL SNANG SGRUB PAR BSHAD DO, ,'DI'I SKABS SU RLUNG 'DZIN 'DOD NA SNGAR BSHAD PA BZHIN GZUNG BAR BYA LA, 'DI DANG 'KHRUL 'KHOR DANG STONG RA SGOM PA RNAMS SPEL MA BYA STE, SKABS 'OG MAR YANG SHES PAR BYA'O, ,GNYIS PA YI GE GSAL BTAB NAS SGOM PA NI, GTUM MO'I SKABS SU RTZA 'KHOR

, ,BZHI GSAL BTAB NAS SGOM PA LA, RTZA GSUM DANG 'KHOR LO BZHI DANG DE DAG LA YI GE BKOD NAS SGOM PA NI, RTZA RGYUD KYE RDO RJE DANG, BSHAD RGYUD SAM BHU tA SOGS KYI DGONGS PA YIN LA, NAG PO SPYOD PA SOGS GRUB CHEN MANG POS KYANG GSUNGS SO, ,YI GE 'GOD PA LA RGYAS BSDUS GNYIS KYI LUGS YOD DE, RGYAS PA NI 'KHOR LO'I LTE BA DANG 'DAB MA GNYIS KA LA YI GE SGOM PA YIN KYANG, LUGS 'DI'I MAN NGAG NA MI GSAL LO, ,BSDUS PA NI 'KHOR LO BZHI'I LTE BAR YI GE BZHI SGOM PA YIN TE, BSHAD RGYUD LAS GSAL ZHING GRUB CHEN DU MA'I GZHUNG LAS KYANG 'BYUNG NGO, ,DE'I PHYIR LTE BA'I AA THUNG CIG PU SGOM PA DANG, SPYI BO'I HAm YIG DANG GNYIS TZAM LAS MI SGOM PA NI MI LEGS PAS, SNYING GA DANG MGRIN PA GNYIS KYI YI GE YANG SGOM DGOS KYI, GNAD SHIN TU CHE BA'I PHYIR RO, ,DE SGOM PA'I TSUL NI, LUS GNAD SOGS SNGAR DANG 'DRA BAR BYAS TE, AA THUNG SGOM PA'I GNAS NI, LTE BA'I 'KHOR LO'I DBUS KYI RTZA DBU MA SGAL PA'I NANG NGOS LA NYE BA, DE'I NANG KHO NAR SGOM DGOS SO, ,DER SGOM PA'I TSUL NI ZLA GDAN CHUNG DU ZHIG GI STENG DU RGYA YIG GI AA THUNG BOD YIG GI DBU CAN GYI SHAD 'DRA BA CIG YOD PAS, YI GE AA THUNG SHAD KYI RNAM PA 'DRA BA GYEN DU 'GRENG BA MDOG DMAR PO ZHIG BSGOM, SNYING GAR YI GE SGOM PA LA SGOM PA'I GNAS NI, CHOS KYI 'KHOR LO 'DAB MA BRGYAD PA'I DBUS KYI RTZA DBU MA NU MA GNYIS KYI DBUS THAD DRANG NAS, SGAL PA LA NYE BAR YOD PA'I DH'U T'I'I NANG KHO NAR SGOM DGOS SO, ,SGOM PA'I TSUL NI, DER ZLA GDAN LA H'Um YIG SNGON PO MGO THUR DU LTA BA, BYANG CHUB KYI SEMS KHA BA LTA BU 'DZAG PA

CIG BSGOM MO, ,MGRIN PAR YI GE SGOM PA LA SGOM PA'I GNAS NI, LONGS SPYOD KYI 'KHOR LO RTZA 'DAB BCU DRUG PA'I DBUS KYI RTZA DBU MA, MGRIN PA'I DBUS NAS NANG GI SGAL PA NGOS LA NYE BA'I DH'U T'I'I NANG KHO NAR SGOM DGOS SO, ,SGOM PA'I TSUL NI ZLA GDAN LA AOm YIG DMAR PO MGO GYEN DU LTA BA CIG BSGOM MO, ,SPYI BOR YI GE SGOM PA LA SGOM PA'I GNAS NI, SPYI GTZUG TU BDE CHEN GYI 'KHOR LO RTZA 'DAB SO GNYIS PA'I DBUS KYI RTZA DBU MA'I NANG NYID DU SGOM DGOS SO, ,SGOM PA'I TSUL NI DER ZLA GDAN LA HAm YIG DKAR PO MGO THUR DU LTA BA CIG BSGOM STE, DE BZHI KA YANG 'KHOR LO SO SO'I DBUS KYI DH'U T'I LA RO RKYANG GI MDUD PAS DKRIS PA'I THAD KA'I RTZA DBU MA'I NANG DU SGOM PA GNAD CHE BA YIN NO, ,BSHAD RGYUD SAM BHU tA LAS, SNYING GI NANG SON PAD MA NI, ,'DAB MA BRGYAD PA SNYING POR BCAS, ,DE YI NANG DU SON PA'I RTZA, ,MAR ME'I RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU'O, ,DE YI NANG GNAS DPA' BO NI, ,NYUNGS DKAR GYI NI SBOM PHRA TZAM, ,MI SHIGS H'Um GI SA BON NI, ,KHA BA LTA BU 'DZAG PA NYID, ,CES GSUNGS TE, DE'I NANG DU SON PA'I RTZA NI SNYING PO ZHES PA RTZA DBU MA'O, ,DE'I NANG DU GNAS PA ZHES H'Um YIG RTZA DBU MA'I NANG DU SGOM PAR GSUNGS PA NI, YI GE GZHAN GSUM LA'ANG 'DRA'O, ,'KHOR LO BZHI'I DBUS SU YI GE BZHI SGOM PA MAN NGAG MANG PO LAS 'BYUNG YANG, SGOM SA'I GNAD DH'U T'I'I NANG KHO NAR SGOM PA GSAL BAR MA THON SNANG STE, 'DI MA SHES NA DMIGS PA 'DI DAG BSGOM PA LA BRTEN NAS, SROG DH'U T'IR SDUD PA MI SHES PAS, GDAMS NGAG GI SKABS DON STOR BAR 'GRO'O, ,YI GE CHE CHUNG GI TSAD H'Um YIG GI SKABS SU, NYUNGS DKAR SBOM

, ,PO'I CHAD TZAM DU GSUNGS PA YANG, YI GE BZHI KA LA 'DRA BAS, YI GE JI LTAR CHUNG ZHING RNAM PA GSAL BA LA SEMS 'DZIN THUB NA, RLUNG SHIN TU 'DU SLA BA'I GNAD CHE'O, ,AA THUNG KLAD KOR CAN DU SAm BHU tA LAS MA GSUNGS KYANG, MAN NGAG GI KLAD KOR CAN DU BYED PAR MAN NGAG SNYE MA LAS BSHAD PA BZHIN DU, BDE MCHOG SDOM 'BYUNG LAS GSUNGS PAS, YI GE BZHI KA'I MGOR ZLA PHYED DANG, THIG LE N'A DA DANG BCAS PA DANG, BYANG CHUB KYI SEMS PA MO LTA BU 'DZAG PA'I RNAM PA CAN DU BSAMS TE, 'DI LA BDE BA CHE BA'I GNAD YOD DO, ,SHIN TU 'TSER BA'I 'OD CAN BSGOMS NA, BYING BA GCOD SLA ZHING TING NGE 'DZIN GSAL NYAMS CHE'O, ,DMIGS PA DE RNAMS LA SEMS 'DZIN TSUL NI, DMIGS RTEN PHRA MO'I NANG DU SEMS ZHUGS PA'I TSUL GYIS 'DZIN PAR GSUNGS PAS, TSUR NGOS NAS PHAR LA LTA BA'I RNAM PAR MI BYA'I, YUL CAN GYI SEMS YUL DE'I NANG DU 'DRES PA BZHIN DU BYA STE, SKYOD TSUL 'DI LTAR BYAS NA DA GZOD SEMS THIG LE DANG 'DRES PAR 'GYUR BA'I NYAMS SKYES NAS RLUNG 'DU BAR SHIN TU SLA'O, ,DE LTAR SEMS 'DZIN PA HA CANG GRIMS DRAGS PA DANG, HA CANG LHOD DRAGS PAS BYING RGOD SKYED PAS DE GNYIS SPANGS NAS SEMS BZUNG BAR BYA'O, ,DE YANG SNYING KHA YAN CHAD KYI YI GE GSUM LA DANG PO YUN THUNG BAR BZUNG LA, SHAS CHER AA THUNG LA SEMS BZUNG, DMIGS PA PHRA MO LA GANG BYAS KYANG SEMS 'DZIN PA DKA' BAR SNANG NA, CUNG CHE RU BTANG LA DE LA BRTEN PA NA, DMIGS PA PHRA MOR BYAS LA SEMS BZUNG NGO, ,'DI 'DRA BA'I GTUm

MO BSGOM PA NI DGA' BA BZHI SKYED PA'I CHED YIN LA, DE SKYED PA LA THOG MAR RTZA RNAMS NAS ZHU BA'I BYANG SEMS DANG, RLUNG GNYIS SPYI BO'I RTZA 'KHOR DU 'DUS PA NA DGA' BA SKYE, DE NAS YANG RTZA GNAS SO SOR GYES NAS, MGRIN PA'I RTZA 'KHOR DU 'DUS NAS MCHOG DGA' SKYE, DE NAS YANG SO SOR GYES NAS SNYING GA'I RTZA 'KHOR DU 'DUS NAS KHYAD PAR GYI DGA' BA SKYE, DE NAS YANG SO SOR GYES NAS LTE BA'I RTZA 'KHOR DU 'DUS NAS LHAN SKYES KYI DGA' BA SKYED DGOS SO, ,DE'I PHYIR 'KHOR LO BZHI PO SO SO'I LTE BA'I DH'U T'I'I NANG DU YI GE LA SEMS BZUNG BAS, GNAS DE BZHIR RLUNG SEMS SHIN TU 'DU SLA BA DANG, GNAS DE BZHIR DGA' BA RE SKYES NAS, DE NYAMS MYONG GIS LEGS PAR MTSON THUB PA DGOS PA LA, GNAS GONG MA NAS BYANG SEMS ZHU NAS BAB PA GNAS DE DAG TU GNAS YUN MI RING NA, DGA' BA RNAMS KYI KHYAD PAR LEGS PAR NGOS MI ZIN ZHING, KHYAD PAR DU LHAN SKYES KYI DGA' BA LEGS PAR NGOS MI ZIN NO, ,GNAS BZHI PO DER SEMS 'DZIN YUN RING BA'I GNAS CHA BRTAN PO RNYED NA, DE DAG TU BYANG SEMS BABS PA RING DU GNAS PA'I GNAD CHE'O, ,GZHAN YANG SPYI BO'I HAm YIG LA SEMS BRTAN NA, DE THIG LE DKAR PO'I GNAS YIN PAS DKAR CHA 'PHEL BA STOBS CHE, MGRIN PA'I YI GE LA SEMS BRTAN NA, DE RO MAS KHRAG 'PHEN 'DZIN BYED PA'I GNAS YIN PAS, LTE BA NAS 'ONGS PA'I GTUM MO'I RDUL THIG LE GNAS SU 'KHRID PA LA STOBS CHE ZHING, RMI LAM GYI DGE SBYOR LA BOGS THON PA CIG 'ONG, SNYING KHA'I H'Um YIG LA SEMS BRTAN NA DE 'OD GSAL 'CHAR BA'I GNAS MCHOG YIN PAS, SAD DUS DANG GNYID DUS

, ,GNYIS KA'I 'OD GSAL 'CHAR BA LA STOBS CHE'O, ,LTE BA'I AA THUNG LA SEMS BRTAN NA, DE RKYANG MAS KHU BA'I 'PHEN 'DZIN BYED PA'I GNAS YIN PAS LTE BA NAS BYANG SEMS DKAR POS, LUS KUN RGYAS PAR BYED PA'I GNAD CHE LA, YANG GNAS DE GTUM MO'I ME GNAS PA'I GNAS KHYAD PAR CAN YIN PAS, BYANG SEMS ZHU BYED KYI ME 'BAR BA LA MCHOG TU BSNGAGS PAS, RTZA 'KHOR DANG DE LA BKOD PA'I YI GE SGOM PA'I GNAD RNAMS LEGS PAR SHES PA GAL CHE'O, ,RTZA LA BKOD PA'I YI GE YANG GSAL SNANG BYUNG GI BAR DU SGOM PAR LVA BA PAS GSUNGS SO, ,GSUM PA RLUNG BUM PA CAN BSGOM PA'I TSUL NI, SNGAR BSHAD PA LTAR DANG POR RTZA'I GSAL SNANG LA SEMS 'DZIN PA SPYI DANG, GTZO BOR RTZA GSUM 'DOMS SA'I DH'U T'IR SEMS 'DZIN PA BRTAN PA DANG, DE'I RJES SU SPYIR RTZAL BKOD PA'I YI GE BZHI DANG, KHYAD PAR DU LTE 'OG GI DH'U T'I'I NANG GI AA THUNG LA SEMS GTOD PA LA GOMS PAS, DER SEMS ZIN PA'I GNAS CHA BRTAN NA, RLUNG SEMS 'JUG PA GCIG TU GNAS PA'I GNAD KYIS SEMS BZUNG SA DER RLUNG NGES PAR 'DU BA LA DGONGS NAS, BDE MCHOG SDOM 'BYUNG DANG BDE DGYES KYI BSHAD RGYUD SAM BHU tA LA SOGS PAR, GTUM MO 'KHOR LO BZHI MA LA YI GE BKOD NAS SGOM PA'I SKABS SU RLUNG BUM PA CAN GYI RLUNG SBYOR MA BSHAD PA BZHIN DU, GRUB CHEN NAG PO SPYOD PA DANG LVA BA PA DANG, MTSO SKYES SOGS KYI GZHUNG MANG POR YANG DE BZHIN DU BSHAD LA, KHYAD PAR DU RGYUD KYI RDZOGS RIM GYI GDAMS NGAG GAL CHE BA RNAMS TSANG BAR BKOD

PA'I MAN NGAG SNYE MAR YANG, SKABS DER RLUNG BUM PA CAN SGOM PA MA BSHAD DO, ,DES NA SNGAR BSHAD PA'I SEMS 'DZIN LUGS LEGS PAR SHES NAS BSGOM NA, DE TZAM GYIS SROG DH'U T'IR TSUD NAS GTUM MO 'BAR STOBS KYIS, BYANG SEMS BZHUS PA LA BRTEN NAS DGA' BZHI SKYE BA NI NGES PAR 'ONG NGO, ,'ON KYANG BOD KYI BLA MA RNAMS KYIS GTUM MO'I MAN NGAG LA RTZA DANG YI GE SGOM PA RLUNG BUM PA CAN DANG SBRAGS NAS BYED PA MANG BAR BYUNG BA NI, GTUM MO'I NYAMS MYONG SKYE BA MYUR BA'I CHED DU MDZAD SNANG BA BZHIN 'DIR YANG BSHAD NA, RNGUB DANG DGANG DANG GZHIL BA DANG, ,MDA' LTAR 'PHANG DANG RNAM BZHI'O, ,ZHES RLUNG BUM PA CAN GYI RLUNG SBYOR KHYAD PAR BZHI LDAN CIG DGOS PAR 'DI PA'I BLA MA GONG MA RNAMS BZHED DO, ,'DI YANG BLA MA RNAMS KYI MAN NGAG LAS 'BYUNG BA YIN GYI, KHRID YIG KHA CIG LAS GDAN BZHI NAS BSHAD ZER BA NI, RGYUD NA YOD MED ZHIB TU MA BRTAGS PA'I SKYON NO, ,RLUNG SBYOR SGOM PA'I LUS GNAD SOGS NI SNGAR DANG 'DRA LA, SGOM PA'I DUS NI DPAL PHAG MO GRUB PA'I KHRID YIG LAS, BLA MA RNAMS KYIS RLUNG MNYAM RGYU'I DUS SU SGOM PAR BSHAD KYANG, NYAMS LEN LA NYIN MTSAN KUN TU SGOM PA YIN GSUNGS TE, DANG PO GSAR DU SGOM PA'I 'GO 'DZUGS LA, SPYI TZAM NAS RLUNG GSUNG RDO RJE'I NGO BO YIN LA, DE'I NANG NAS KYANG PAD MA MGON PO'I RLUNG GYEN RGYU GTZO BOR RGYU DUS SU SGOM PAR, SDOM 'BYUNG GI 'GREL PA PAD MA CAN LAS BSHAD DO, ,DE LA RNGUB PA'I SBYOR BA NI, KHA NAS MI RNGUB PAR SNA BUG NAS BYED PA DANG, DE YANG DRAG PO MIN PAR 'JAM PO RING BAR RNGUB GSUNG

, ,BA LTAR RO, ,DGANG BA'I SBYOR BA NI, NANG DU RNGUB PA'I 'TSAMS DE NAS PHYIR MI GTONG BAR DU MNAN PAS, RO RKYANG GI RTZA GNYIS NAS SI RI RI SONG BAS RGYU MA PHUS BTAB PA BZHIN, RTZA GNYIS PO KHRIG GIS GANG BAR BSAM PA'O, , GZHIL BA'I SBYOR BA NI, DE LTAR RTZA GNYIS PO KHENGS PA'I MTSAMS DE NAS, RTZA GNYIS KYI RLUNG THAMS CAD DBU MA'I NANG DU SUR GYIS CHUD PAR BSGOMS LA, MCHIL MA ZHIG SGRA MED DU MID DE STENG RLUNG GNAS DER MNAN, DE NAS 'OG SGO GNYIS NAS 'OG RLUNG 'JAM PO ZHIG AA THUNG GI SAR THEN LA, DER DMIGS PA GTAD LA RLUNG THUB TSAD DU BZUNG NGO, ,'DI LA DPAL PHAG MO GRU PA'I KHRID YIG TSIGS BCAD MAR, RO RKYANG GI RTZA GNYIS NAS DBU MAR CHUD PAR SGOM PA DGANG BA'I SBYOR BA DANG, THUB TSAD BZUNG NAS MI THUB PA NA SE GOL CIG GI YUN TZAM ZHIG PHYIR BTANG NAS LHAG MA SDOM PA GZHAL BA'I RLUNG SBYOR DU BYAS LA, KHRID YIG LHUG PA MAR SNGAR BZHIN BSHAD PA'I MI MTHUN PA GNYIS BYUNG YANG, BZHI PA MA GTOGS PA GSUM RLUNG NANG DU 'DREN TSUL DANG, 'DZIN LUGS SU 'DUG CING, PHYIR GTONG PA THA MAS STON PAR SNANG BAS DGANG BA NI NANG DU DRANGS PA'I RLUNG GIS RO RKYANG 'GENGS PA YIN LA, GZHIL BA NI DE GNYIS KYI RLUNG RNAMS DBU MAR BTZUD PAS, DBU MA DGANG BA YIN KYANG RTZA GZHAN GNYIS KYI RLUNG GZHIL BA YIN NO, ,LTE BA'I BUM PA CAN SGOM PA 'DI LA, KHA CIG 'OG RLUNG YAR LA MI 'THEN PAR STENG RLUNG GNON PA GCIG PU BYED PA DANG, GZHAN DAG DANG PO'I RING LA STENG RLUNG GNON PA CIG PU BYED, 'TSAMS SHIG

NAS 'OG RLUNG 'THEN LA, DE YANG LAN GSUM 'THEN PA YIN ZER BA NI, LTE BA'I BUM PA CAN SGOM PA'I GNAD MA RTOGS PA YIN TE, DE SGOM PA NI LTE BA YAN CHAD KYI SROG RLUNG DANG, LTE BA PHYIN CHAD KYI THUR SEL GYI RLUNG GNYIS LTE BAR BSRE BAR BSHAD PA BZHIN YIN LA, DE BZHIN DU SDOM 'BYUNG LAS KYANG, STENG DANG 'OG TU 'GRO BA'I RLUNG, ,YID KYIS KHA SBYAR DU BYA STE, ,ZHES BUM PA CAN LA STENG 'OG GI RLUNG KHA SBYOR BYED PAR GSUNGS PA'I PHYIR RO, ,DES NA STENG 'OG GI RLUNG GNYIS KA KHA SBYOR DGOS LA, DE GNYIS DUS CIG TU MI 'THEN PAR RIM GYIS THEN NAS BYED DGOS PA LA, DMIGS BSAL CAN GYI DGOS PA GZHAN NA BYUNG NA STENG RLUNG SNGON LA THEN NAS, LTE BAR MNAN PA'I RJES SU 'OG RLUNG YAR LA THEN LA SNGA MA'I SAR GNON PA YIN LA, DE LA 'THEN THEBS RE RES CHOG GI GSUM GSUM MI DGOS SO, ,MDA' LTAR 'PHANG PA'I SBYOR BA NI, RLUNG PHYIR GTONG BA NA RTZA DBU MA'I NANG NA YAR BDE PHRI LI LI 'GRE BAR BSAMS KYI, SPYI GTZUG NAS 'THON PAR BSAM PA MI BYA'O, ,DE LTAR STENG 'OG NAS LTE BAR DRANGS TE 'DZIN PA NA, LUS BYIN PO RLUNG GIS KHENGS PA DANG, MGRIN PA DANG SNYING GA YAN CHAD KHENGS PA LA DMIGS PA GTOD PA SOGS BYAR MI RUNG GI, AA THUNG GANG DU BSGOMS DER RLUNG GNYIS KHA SBYOR BA LA DMIGS PA GTOD PA NI GNAD DAM PA YIN TE, SROG DBU MAR 'DZUD PA LA SROG THUR GNYIS RTZA DE'I NANG DU KHA SBYOR BA CIG DANG, DER YI GE SNGAR BZHIN BSGOM PA LA DMIGS PA GTOD PA'I SEMS KYI GNAD GNYIS DANG LDAN DGOS PA'I PHYIR RO, ,DE YANG RO RKYANG KHA BYE BA'I TSE DBU MA KHA ZUM LA, DBU MA

, ,KHA BYE BA'I CHO RO RKYANG KHA ZUM PAR NGES PA YIN PAS, BUM PA CAN GYIS RO RKYANG NAS RLUNG PHYI ROL TU RGYU BA 'GOG PA DANG, DBU MAR 'DZUD PA'I DMIGS PA GNYIS GOMS PAR BYAS PAS, GOMS PA'I MTHAR DBU MAR 'DZUD NUS PA 'BYUNG NGO, ,RLUNG 'GOG LUGS DANG YUN CI TZAM ZHIG NAS PHYIR GTONG BA NI, DPAL PHAG MO GRU PA'I GDAMS NGAG LAS, DANG POR RTZA SBYONG BA YIN PAS RLUNG MI THUB BZHIN DU MI GNON PAR, DBUGS KYIS THUB TSAD MI DRAG TZAM DU MNAN LA, PHYI NAS JE DRAG JE DRAG TU GNON PA YIN NO, ,ZHES GSUNG BA LTAR RLUNG 'JAM POR RE DGA' GCIG TU MA SONG BAR DU, RO STOD BSIGS KYIN GNON PA DANG, DRAG RLUNG THEN NAS GNON PA SOGS KYI DRAG PO MI BYA BA DANG, YUN KYANG MI BDE BAR MNGON PA MA BYUNG BAR DU BYA'I MI BDE BA BYUNG YANG 'DZIN YUN SING BA MI BYA STE, DE LTAR BYAS KYANG RLUNG DBU MAR 'DU BA LA DE TZAM MI PHAN PA'I PHYIR TE, YUD CIG GI RING LA, SPRUL PA'I 'KHOR LO'I DBUS SU BZUNG BA DE YUN CUNG ZAD RE LAS DER MI GNAS PAR PHYIR LA 'PHYUGS 'GRO BA'I PHYIR DANG, 'KHOR LO'I DBUS LAS PHYIR RING BAR RLUNG ZIN PA LA, DROD DANG BDE BA THAN THUN SKYE YANG SROG DH'U T'IR TSUD PA LA PHAN CHUNG BA'I PHYIR RO, ,DPER NA SEMS 'DZIN GSAR DU SGRUB PA LA, YUD CIG GI RING LA SEMS RTZOL BAS PHAR LA, BZHAG PA TZAM MIN BAR, RANG SHUGS KYIS GNAS PA MI 'ONG YANG, MTSAMS SHIG NAS RANG SHUGS KYIS GNAS PA 'ONG BA BZHIN DU RLUNG 'KHOR LO'I LTE BAR 'DZIN PA LA YANG, RE ZHIG GI RING LA RANG GI RTZOL BAS DER 'DZIN PA TZAM MIN PAR, GNAS

DER RANG SHUGS KYIS GNAS PA MI 'ONG NGO, ,NGES NA RANG SHUGS KYIS GNAS PA MA BYUNG BAR DU 'DZIN YUN BSRINGS PAS, YUN RING DU ZIN PA BYUNG YANG, 'DOD PA'I GNAS SU ZIN PA MI 'ONG BAS, GEGS CHE LA DGOS PA CHUNG BA MI BYA LA, RLUNG 'KHOR LO'I LTE BAR RANG SHUGS KYIS GNAS PA BYUNG BA'I 'TSAMS NAS, YUN SRING BAS SHES DGOS SO, ,DE DAG LA RTOG PA ZHIB MOS SKYONG SHES NA, RANG SHUGS KYIS RLUNG GNAS PA BYUNG MA BYUNG DANG, 'DOD PA'I GNAS SU ZIN MA ZIN LEGS POR SHES PA 'BYUNG NGO, , BUM PA CAN SGOM PA NI LTO STONG DANG, ZAS ZOS PA'I RJES YIN NA, LTO BDE MOR SONG BA'I MTSAMS RNAMS SU BYA LA, BAR MA CHAD DU HA CANG RGYUN RING MI BYA BAR BAR SKABS SU NGAL GSO ZHING BSGOM MO, ,DE LTAR BUM PA CAN SGOM PA BYANG BA'I MTSAMS SU, BUM PA CAN GYI RLUNG SBYOR SGOM BZHIN PA'I STENG NAS, LTE BA DANG SNYING KHA DANG MGRIN PA DANG SPYI BO'I RTZA 'KHOR BZHI'I LTE BAR RTZA MDUD KYIS DKRIS PA'I BU GAR SNGAR BSHAD PA BZHIN DU, Am H'Um AOm HAm BZHI GSAL GDAB PO, ,DE NAS GSANG GNAS KYI 'KHOR LO GNAS PA'I RLUNG GIS, ME BSKUL BA'I GTUM MO'I RANG BZHIN GYI Am YIG 'BAR BA'I ME'I 'OD ZER, DH'U T'I'I NANG NAS GYEN DU SONG NAS, HAm AOm H'Um GSUM BZHUS PA LTE BAR Am YIG LA BABS TE, DE DANG DBYER MED DU 'GYUR TE LHAN CIG SKYES DGA'I RANG BZHIN GYI THIG LER BLTAS LA SEMS GZUNG NGO, ,DE LA SEMS ZIN PA NA THIG LE DE LAS GTUM MO'I ME PHRA MO ME LCE CIG TU 'BAR BA LTAR GNAS PAR BSGOM MO, ,DE'I 'OD KYIS 'KHOR LO GONG MA'I GNAS NAS BYANG CHUB KYI SEMS ZHU BA'I BDUD RTZI 'DZAG PAS LTE BA'I Am YIG GANG

, ,ZHING, Am YIG DE LA SEMS RTZA GCIG PAS BRTAN PA THOB PA'I MTSAN MA MTHONG BA DE SRID DU BSGOM MO, ,SEMS BRTAN PA NA GTUM MO'I 'OD ZER GYI SNANG BAS, LUS KYI PHYI NANG DANG GNAS KHANG SOGS THAMS CAD LAG MTHIL GYI SKYU RU RA BZHIN DU GSAL BAR BSGOM ZHING ME PHRA ZHING ME LCE CIG TU GYUR PA LA SEMS 'DZIN PA GAL CHE'O, ,DES NI TING NGE 'DZIN GSAL NYAMS CHE ZHING, TING NGE 'DZIN MYUR DU RDZOGS PAR 'GYUR RO, ,GNYIS PA DE LTAR BSGOMS PAS SROG DBU MAR ZHUGS GNAS THIM GSUM BYED TSUL NI, SNGAR BSHAD PA'I SGOM TSUL GSUM PO DE DAG GIS SROG DH'U T'IR ZHUGS PA'I RTAGS MI 'KHRUL BA JI LTA BU 'BYUNG SNYAM NA, 'DI NI SHIN TU GAL CHE ZHING RTAGS BSHAD PA GZHAN MANG DU SNANG BA RNAMS NI, LTAR SNANG 'BA' ZHIG TU SNANG BAS YID CHES PA'I RTAGS MYONG BAS NGES THUB PA NI 'DI YIN NO, ,THUN 'KHYONGS PA'I 'OG TU RANG GI SNA BUG GANG RUNG RE RE BAR RGYU BA'I 'PHOS MA THAG PA'I SKABS NGOS GZUNG LA, DE NAS LUS GNAD DANG SEMS KYI 'DZIN LUGS SNGAR BZHIN BYAS PA'I MTHUS, RING PO MI THOGS PAR SNA SGOR BRTAGS PA NA, RLUNG MNYAM RGYUR THENGS PA DANG, DE YANG LAN RE RE GNYIS GNYIS TZAM LA NGES PA MED KYI, 'GAL RKYEN GZHAN MED NA NGES CAN DU THENGS KYIN 'DUG PA DANG, MNYAM RGYU YANG GANG RUNG CIG DRAG LA, CIG SHOS ZHAN PA MED PAR DRAG ZHAN SHED MTSUNGS SU RGYU BA 'ONG BAR SNANG NA, RNAL 'BYOR DE'I STOBS KYIS SROG DBU MAR 'DZUD NUS PA TZAM DU 'JOG NUS MOD KYANG, LAN CIG CHUD NAS GA-YAS GA-YON RE RA BAR MI 'PHO BA MIN NO, ,DE NI

SROG DH'U T'IR ZHUGS PA YIN LA, SROG DH'U T'IR GNAS PA NI 'TSAMS 'DI NAS DRIL TE BSGOMS PAS, SNA BUG GI RGYU BA ZHAN DU SONG BA'I MTHAR ZHIB DU BRTAGS PA NA, RGYU BA PHRA MO YANG LDOG PA CIG 'ONG NGO, ,RJE BTZUN MID LA'I ZHAL NAS KYANG, RLUNG RO RGYANG DH'U T'IR TSUD DE BDE, ,ZHES DANG, DBUGS LA 'GRE 'ONG MED NA BDE, ,RGYU BA CHAD NA YONGS KYANG BDE, ,ZHES GSUNGS SO, ,SNA BUG GI RGYU BA PHRA MO YANG LOG PA LA THIM DKA' SLA GNYIS LAS, THIM DKA' NA YUD TZAM LA LTO BA RLUNG GIS KHENGS PA 'BYUNG ZHING, DE NAS ZHI BAR 'GYUR LA, ZHIM THAG LTE BA DANG GSANG GNAS ME GNAS PA'I THAD NAS, DROD KHYAD PAR CAN SKYE DE NAS RIM GYIS ZHU BDE 'DREN NO, ,SNA BUG GI RGYU BA PHRA MO YANG LOG PA 'DI BYING BA PHRA MO MA CHOD PAR BSAGS PAS, BYING BA SHAS CHE BA ZHIG LA YANG 'OD LA, RTZA 'KHOR GYI LTE BAR GNAD DU SNUN PA LA MI MKHAS PAR BUM PA CAN MANG DU BSGOM PA BYAS SHING, SROG DH'U T'IR 'CHING BAR NI MI NUS PA'I RLUNG GNAS GZHAN DU BYER BA LA YANG, RLUNG 'BYUNG 'JUG KYANG MI BYED CING NANG DU 'DZIN RGYU YANG MED PA CIG 'ONG LA, DE NI DH'U T'IR TSUD PA DANG THIM PA GANG YANG MIN PAS, KHYAD PAR DE RNAMS LEGS PAR PHYED PAR BYA'O, ,BUM PA CAN GYIS RLUNG ZIN PA'I YUN TSAD NI, SDOM 'BYUNG LAS, BUM PA CAN SNGAR SHES BYAS NAS, ,BDAG NYID SKYIL MO KRUNG BCAS TE, ,LAG PA LAN GSUM MNYES NAS NI, ,DE NAS LAN DRUG SE GOL BRDAB, ,JI SRID SUM CU RTZA DRUG TZAM, ,DE SRID BUM PA CAN BYA STE, ,SUM 'GYUR MCHOG GIS GZHOM PAR NI, ,BRGYAD LHAG PA YI BRGYA TZAM MO, ,ZHES GSUNGS PA LTAR LAG PA GA-YAS PA'I THAL MOS, GA-YON PA GAN RKYAL

, ,DU BZHAG PA LA, LAN GSUM NYES NAS SE GOL LAN DRUG RE BRDABS PA LA RE RER BYAS PA'I RAB BRGYA RTZA BRGYAD DANG, 'BRING DON GNYIS, THA MA SO DRUG GI BAR DU RLUNG 'DZIN PAR NUS NA, 'CHI BA 'JOMS PAR BSHAD PA LTAR RO, , GNYIS PA BTZUD PA LA BRTEN NAS DGA' BZHI SKYED TSUL LA GSUM, RTAGS 'CHAR BA DANG GTUM MO 'BAR TSUL DANG, BYANG SEMS ZHU BA LA BRTEN NAS DGA' BZHI SKYED TSUL DANG, LHAN CIG SKYES PA'I YE SHES SGOM PA'I TSUL LO, ,DANG PO NI, LTE BA'I RTZA 'KHOR GYI DBUS SU DMIGS NAS SROG DBU MAR 'JUG PA 'DI LA, RTAGS 'CHAR TSUL NI, GRUB CHEN LVA BA PAS, DANG PO RI DVAGS SRED BZHIN SNANG BA STE, ,MTSAN MA GNYIS PA DUD KHA'I RNAM PA CAN, ,GSUM PA SRIN BU ME KHYER DANG 'DRA BA, ,BZHI PA SGRON ME 'BAR BA LTA BUR GSAL, ,MTSAN MA LNGA PA RNAM PAR MA BRTAGS PAR, ,SPRIN BRAL NAM MKHA' LTA BUR SNANG BA YIN, ,ZHES GSUNGS SO, ,DE LA RI DVAGS SRED NI SMIG RGYU'O, ,RTAGS BZHI PO 'DI SNGA MA LAS PHYI MA GSAL DU SONG BA LA SMIG RGYU SOGS DANG 'DRA BAR GSUNGS KYI, DE RNAMS DANG 'DRA BA'I SNANG BA 'CHAR BA MIN ZHES PA DANG, KHA CIG RTAGS CAN GYI SHES PA BRTAN GA-YO'I TSAD YIN ZHES PA DANG, KHA CIG DU BA SOGS DANG 'DRA BA'I SNANG BA 'CHAR BA LA BZHED PA GSUM BYUNG BA NI, PHYI MA NYID LEGS PA YIN NO, ,RLUNG 'DU PHUL CHE CHUNG SOGS KYI GNAD KYIS RGYA CHE CHUNG DANG, BRTAN MI BRTAN SOGS SNA TSOGS SHIG 'ONG BAS MTHA' CIG TU MA NGES SO, ,DU BA LA SOGS PA 'DI RNAMS LA SROG DBU MAR SDUD PA'I THABS KHYAD PAR CAN GYI SEMS 'DZIN DANG,

DE LTA BU MIN PA'I SEMS MI RTOG PAR 'JOG PA BSKYANGS PA RNAMS LA'ANG 'BYUNG BA GNYIS YOD PAS KHYAD LEGS PAR PHYED DGOS SO, ,THABS SNGA MA LA 'BYUNG BA LA YANG PHYIN CI LOG GI SA'I RLUNG LA SOGS PA RNAMS LDOG RUNG DU SONG BA DANG, CUNG ZAD LOG PA DANG GTAN NAS LOG PA'I RTAGS GSUM 'ONG BAR BSHAD PA LTAR, DBANG PO'I SGO RNAMS NAS PHYIR HA CANG GA-YO BA'I RLUNG CUNG ZAD NANG DU LDOG PAR RTZOM PA DANG, CUNG ZAD LOG PA DANG, DBU MAR CUNG ZAD TSUD PA SOGS KYI RTAGS NAS BZUNG STE, LAm MTHON POR SONG BA'I SKABS KYI LDOG PA DANG, LOG RTAGS KHYAD PAR CAN DU GYUR PA'I RIM PA DU MA ZHIG YOD PA LAS, 'DIR NI SROG DBU MAR THIM PAR RTZOM PA'I THIM RIM GYI SKABS YIN TE, SMIG RGYU NAS NAM MKHA'I SPRIN MED KYI BAR RNAMS BAR MA CHAD DU 'BYUNG BA'I SKABS SO, ,DE YANG SA CHU LA THIM PA NA SMIG RGYU DANG, CHU ME LA THIM PA NA DU BA DANG, ME RLUNG LA THIM PA NA ME KHYER DU SNANG BA DANG, KUN RTOG GI BZHON PA'I RLUNG SEMS LA THIM PA'I DUS SU RLUNG MED PA'I MAR ME 'BAR BA LTA BUR SNANG BA 'BYUNG ZHING, MTSAN MA 'DI DAG RIM PA BZHIN DU BYUNG BA'I MTHUS, PHYAG RGYA CHEN PO 'THOB PAR GSUNGS PA'I BSNGAGS PA MDZAD DO, ,DH'U T'I'I NANG GI GTUM MO THOG MAR LTE BA DANG GSANG GNAS NAS 'BAR BA DANG, DH'U T'I'I PHYI'I GTUM MO PHAL PA 'BAR BA DANG, DROD 'BAR TSUL LA LUS KYI GTING NAS 'BAR BA DANG, SHA LPAGS KYI BAR LTA BU KHA NAS 'BAR BA DANG, DANG POR 'BAR BA'I DROD KYI RGYA CHUNG BA DANG CHE BA DANG, DROD GYEN DU 'CHUG PA BUL BA DANG MYUR BA DANG, DROD 'THUG PA DANG SRAB PA RNAMS KYI SNGA MA

, ,RNAMS BZANG LA, PHYI MA RNAMS DE TZAM DU MI BZANG BA SOGS KYI KHYAD PAR LAS BDE BA SKYE LUGS KYANG DE DANG 'DRA BAR, RIM PA DU MA ZHIG 'ONG BA'I STENG NAS, GTUM MO KHYAD PAR CAN 'BAR BA DANG, DROD PHAL PA 'BAR BA DANG, RLUNG TZAM GYIS DRANGS PA'I BDE BA DANG, KHAMS ZHU BA'I BDE BA LA SOGS PA'I KHYAD PAR SHES DGOS SO, ,GTUM MO KHYAD PAR CAN 'BAR BA NA DE DANG MTHUN PA'I BYANG SEMS ZHU BA RE 'ONG BAS, KHAMS MI MNYAM PAR SONG BA'I NAD MI SKYED KYANG, DE MIN PA'I DROD 'BAR BA LA BYANG SEMS 'JU BA'I NGES PA MED PAS, SHAS CHER MKHRIS PA 'PHEL BA DANG, BDE NYAMS MI CHE BAR DROD KYIS GDUNG BA SOGS 'BYUNG LA, GTUM MO 'BAR BA GNAD DU SONG NA DES BYANG SEMS DKAR PO ZHU NAS 'PHEL BA MA ZAD, BYANG SEMS ZHU BA BABS PA DES KYANG BYANG SEMS DMAR PO'I GTUM MO RGYAS PAR BYED PAR GSUNGS SO, ,GNYIS PA BYANG SEMS ZHU BA LA BRTEN NAS DGA' BZHI SKYED TSUL NI, BYANG SEMS ZHU BAS GNAS GANG DU SLEB PA NA YAS BABS KYI DGA' BZHI SKYE TSUL NI, RGYUD RDO RJE 'PHRENG BA LAS, DE RJES LUGS 'BYUNG BSHAD BYA STE, ,BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONG SPYOD 'KHOR LOR MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES GSUNGS TE, BYANG SEMS SPYI BO NAS MGRIN PAR SLEB PA NA DGA' BA DANG, MGRIN PA NAS SNYING GAR SLEB PA NA MCHOG DGA' DANG, SNYING KHA NAS LTE BAR SLEB PA NA KHYAD DGA' DANG, LTE

BA NAS GSANG GNAS NOR BU'I RTZER SLEB PA NA LHAN CIG SKYES PA'I DGA' BA SKYE LA, MAS BRTAN GYIS TSUL YANG DE NYID LAS, SPRUL PA'I 'KHOR LOR DGA' BA DANG, ,MCHOG DGA' CHOS KYI 'KHOR LOR GNAS, ,LONGS SPYOD BRAL BA'I DGA' BA DANG, , LHAN CIG SKYES PA BDE BA CHE, ,LUGS LDOG RIM PA ZHES NI GSUNGS, ,ZHES TE, 'DI'I GNAS KYANG SNGAR BSHAD PA'I RIGS PAS SHES SO, ,'DI NI PHYAG CHEN THIG LE DANG YANG MTHUN LA, DER YAR MAR GYI BZHI PO RE RE LA BZHI BZHIR BYAS PAS ZLA BA'I CHA BCU DRUG DANG, NYIN MO'I SGO NAS RE RE LA GSUM GSUM DU BYAS NAS BCU GNYIS SU YANG GSUNGS TE, DE NYID LAS, RI BONG MTSAN MA'I CHA 'DI RNAMS, ,DGA' BA'I THIG LE BCU DRUG STE, ,A'A LI'I NGO BOR SHES PAR BYA, ,'KHOR LO BZHI RU RIM PA LAS, , JI SKAD BSHAD RNAMS DE LTA NA'ANG, ,NYI MA'I BCU GNYIS RNAMS SU BSHAD, ,CES SO, ,'DI NI BYANG SEMS YAR MAR DU 'BAB PA NA KHRAG DANG BCAS PAR 'BAB LA, DE LA GNAS BZHI PO RE RE LA CHA BZHI BZHIR BYAS PA'I MTSAMS RE RER BDE BA RE MYONG BA DANG, GNAS BZHI'I RE RE LA CHA GSUM GSUM DU BYAS PA'I MTSAMS RE RER RDUL 'BAB PA'I SGO NAS, BDE BA CHUNG 'BRING CHEN PO GSUM DU SO SOR PHYED PA'I NYAMS MYONG CAN GYIS SHES DGOS TE PHRA BAR SNANG NGO, ,YAS BABS KYI DGA' BA BZHI LAS NI, MAS BRTAN GYI BZHI BDE BA CHE BA CIG 'ONG DGOS SO, ,MAS BRTAN GYI DUS SU LOG PA SPYI BOR MA BRTAN GYI BAR DU BDE BA MI BRTAN LA, SPYI BOR BRTAN NAS BRTAN PAR GSUNGS TE, DE NYID LAS, DE NAS SROG GI STENG DU YID, ,DE MI MTHUN PAS 'BAB

, ,PAR 'GYUR, ,PAD MA'I LTE BA'I DBUS GNAS PA, ,GANG DE PHYI NAS BRTAN GYUR PA, ,DE TSE MGON PO 'GRO MI 'GYUR, ,JI LTAR BU GA MED SNOD DU, ,CHU RNAMS ZAD PA MED GNAS LTAR, ,DE TSE BDE BA BRTAN PAR 'GYUR, ,BRTAN PAS LHAN CIG SKYES PA'I DGA', ,DE PHYIR SANGS RGYAS MI ZAD PA, ,RNAL 'BYOR PA YIS NGAS PAR 'THOB, ,CES SO, ,YID NI KHU BA DANG, MI MTHUN PA NI LUGS LDOG DANG, ,BRTAN PA NI SPYI BOR YIN PAR MAN SNYE LAS GSUNGS SO, ,'DI'I GDAMS NGAG MANG PO LAS, GTUM MO BSGOMS PAS DROD SKYE, DROD LA BRTEN NAS RTZA NANG GI BYANG SEMS 'JU, DE ZHU BAS BDE BA SKYE, BDE BA LA BRTEN NAS MI RTOG PA SKYE ZER BA TZAM SNANG YANG, DE TZAM GYI GO BAS NI YAS BABS DANG, MAS BRTAN GYI DGA' BZHI SPYI DANG, KHYAD PAR DU LHAN SKYES KYI BDE CHEN LEGS POR NGOS MI ZIN PAR MTHONG NAS, RGYUD SDE NAS 'BYUNG BA'I DGA' BA BZHI TSAN GNYIS, GRUB CHEN GYI GZHUNG DANG MTHUN PAR BSHAD DO, ,SPYIR LAM BSGOMS MA BSGOMS GNYIS KA LA, BYANG SEMS ZHU BA GSANG GNAS SU BABS PA LAS BYUNG BA'I DGA' BA NYAMS SU MYONG BA LA NI, NGES PAR LTE BA DANG GSANG GNAS KYI GTUM MO 'BAR NAS ZHU BA CIG 'ONG BAS, GTUM MO 'BAR NAS BYANG SEMS 'JU BA LA, SROG DH'U T'IR THIM PA SOGS MI DGOS SO, ,DE'I PHYIR GANG ZAG GI RIGS KHA CIG LA, SNGAR LTAR BSGOMS PA NA RLUNG DH'U T'IR THIM PA MED KYANG, BYANG SEMS ZHU BA'I BDE BA 'ONG STE, 'DI NI LUS LA GNAD DU SNUN PA'I GDAMS NGAG GZHAN SGOM PA LA YANG 'DRA'O, ,DE 'DRA BA'I THIG LE NI RDO RJE NOR BUR SLEB NAS

SHIN TU BZUNG DKA' BAR MTHONG STE, DANG POR PHYI NANG GI 'BEBS PA'I THABS KYIS BYANG SEMS PHAB PA DE, NOR BUR MA SLEB BA'I GONG GI GNAS RNAMS NAS BTZAN THABS KYIS LDOG PA DANG, RDO RJER SLEB NA DE MA THAG TU LDOG PA'I 'DREN MANG PO DANG, BTZAN THABS SU LDOG PA DE YANG LUS LA MA KHRIMS NA NAD SKYED PAR MTHONG NAS, 'GREMS PA'I TSUL SNGA MA MANG POS BYED MOD KYANG, RLUNG DH'U T'IR THIM NAS BYANG SEMS ZHU BA DANG, DE LTAR MIN PAR ZHU BA'I KHYAD PAR PHYE NAS, DE LA BYANG SEMS GZUNG DKA' SLA DANG, DE BTZAN THABS SU LDOG DGOS MI DGOS DANG LDOG PA LUS LA MA BKRAM NA NAD DU 'GYUR MI 'GYUR GYI KHYAD PAR PHYED PA'I RNAM GZHAG MI SNANG NGO, ,DE LA LAM BSGOMS STOBS KYIS GTUM MO 'BAR NAS BYANG SEMS BZHUS PA'I DGOS PA NI, LHAN CIG SKYES PA'I YE SHES SKYED PA'I CHED YIN LA, DE SKYE BA LA BYANG SEMS ZHU NAS BAB PA DE SPYIR LTE BA MAN CHAD DU SLEB PA CIG DANG, KHYAD PAR DU NOR BUR SLEB NAS PHYIR MA 'PHOS PAR, RE ZHIG GI BAR DU GNAS PA CIG MED NA LHAN SKYES MTSAN NYID TSANG BA MI SKYE'O, ,LHAN SKYES RDZOGS RIM PA'I BDE CHEN DU 'JOG PA LA NI, RLUNG THIM PA'I DBANG GIS GNAS PA CIG DGOS SO, ,RLUNG DH'U T'IR THIM PA'I DBANG GIS BYANG SEMS ZHU BA ZHIG YIN NA, NOR BU'I RTZER BZUNG YANG LHAN SKYES MTSAN NYID TSANG BA MA SKYES BAR DU PHYIR MI 'PHO STE, BYANG SEMS SPYI BO NAS 'BAB PA NA RIM GYI RIM GYIS RLUNG GI GA-YO BA ZHAN DU SONG NAS NOR BUR SLEBS PA NA, BYANG SEMS PHYI ROL TU BSKYOD PAR BYED PA'I RLUNG GI 'JUG PA ZHI BAR 'GYUR BA'I PHYIR RO, ,RLUNG 'DU SLA BA MIN PAR ZHU BDE'I NYAMS SKYE

, ,SLA BA 'GA' ZHIG LA 'BAR 'JOG BSGOMS NA, BYANG SEMS ZHU BA MYUR DU 'BAB PA 'ONG BAS, DE LA NI ZHU BA SHAS CHUNG NA MA GTOGS PA GNAS MTHON PO NAS MA LDOG NA, DMA' MO NAS SHIN TU LDOG DKA' BA DANG, LDOGS YANG MTHO DGOS LA, LDOG NAS KYANG MA BKRAM NA NAD DU 'GYUR BAS 'GREMS DGOS MOD KYANG, SNGAR BSHAD PA LTAR GYI RLUNG THIM PA LA NI DE RNAMS YE MI DGOS SO, ,'O NA RLUNG THIM RIM MA BYUNG BAR ZHU BDE CHE BAR BYUNG NA, LDOG PA DANG 'GREMS PA JI LTAR BYA ZHE NA, 'DI LA ZHU BA RIM CAN DU DAL BUS 'ONG BA LA NI, RTZOL BA SHUGS DRAG PO MIN PAR DMIGS PAS SPYI GTZUG TU LDOG CING, DE NAS RTZA GNAS KUN TU BKRAM NA DE GOMS PA'I MTHAR, ZHU BA CHEN PO YANG LDOG PA DANG DGRAM PAR NUS SO, ,DE LTA MIN PA'I ZHU BA CHES MYUR BAR 'BAB PA LA NI, RANG LHAR GSAL BA'I NGANG NAS RKANG PA SKYIL KRUNG DANG, LAG PA GNYIS BRANG GI THAD DU BSNOL, MIG GNYIS GYEN LA DRAG TU LDOG ,RKANG LAG GI SOR MO RNAMS LEGS PAR BSKUM, SEMS SPYI GCUG GI HAm YIG MGO GYAN DU BSTAN PA LA DMIGS, NGAG TU H'Um RING PO DRAG TU BRJOD PA NYER GCIG TZAM GYI BAR DU BRJOD NAS, GANG NAS LDOG PA'I GNAS DE NAS RGYAB GZHUNG LA NYE BA'I NGOS SU DH'U T'I'I NANG NAS SPYI GTZUG TU SONG BAR BSAM, MTHAR 'JAM RLUNG BUM PA CAN BZUNG LA LUS MI DRAG PAR SPRUG CING, SEMS KYIS BYANG SEMS RNAMS RTZA GNAS KUN TU GRAM PAR BSAM PA LAN MANG DU BYA'O, ,GSUM PA LHAN CIG SKYES PA'I YE SHES SGOM PA'I TSUL NI, SNGAR BSHAD PA LTAR GYI YAS BABS KYI DUS SU, BYANG SEMS ZHU BA

NOR BU'I RTZE BAR DU SLEB NAS, PHYIR MI 'BO BAR GNAS PA NA, LHAN SKYES KYI DGA' BA SKYE BAS DE'I DUS SU SNGAR GTAN LA PHAB PA'I LTA BA DRAN PAR BYAS NAS, LTA THOG TU BZHAG STE, BDE STONG DBYER MED BSKYANGS, LTA BA'I GO BA LEGS PO MED NA'ANG SEMS KYI SPRO BSDU RNAMS DOR LA BDE BA DE NYID LA CI GNAS GNAS KYI BAR DU BSKYANG NGO, ,DE BZHIN DU BYANG SEMS NOR BUR ZIN PA, GYEN DU LDOG PA NA SPYI GTZUG TU NAM SLEB PA'I TSE, MAS BRTAN GYI LHAN CIG SKYES PA'I YE SHES SKYE BAS, DE'I TSE YANG DE NGO SHES PAR BYAS LA BDE STONG DBYER MED DAM, BDE BA RKYANG PA'I MI RTOG PA SNGAR BSHAD PA BZHIN CI TZAM GNAS NUS NUS KYI BAR DU BSKYANG NGO, ,DE DAG NI MNYAM GZHAG TU SKYONG TSUL LO, ,RJES THOB TU SKYONG TSUL NI, SPYIR LHAN SKYES KYI DGA' BA SKYES NA, DE LAS LANGS PA'I DUS SU RANG SHUGS KYIS KYANG YUL SNANG BDE BAR 'CHAR BA CIG 'ONG MED KYANG, DE TZAM GYIS MI CHOG GI ,RJES KYI SKABS SU MNYAM GZHAG GI BDE STONG DRAN NAS, DES YUL SNANG GANG SHAR THAMS CAD LA RGYAS BTAB NAS BSGOMS NA, BDE BA 'BAR BA KHYAD PAR CAN DU GYUR PAS, DE LTAR BSKYANG BAR BYA STE, 'DI 'DI'I GDAMS NGAG GZHAN RNAMS LAS MI GSAL YANG, MAR PA'I GDAMS PA RNGOG PA NAS BRGYUD PA RNAMS LAS MANG DU 'BYUNG BA KYE RDOR SOGS RGYUD SDE DU MA'I DON YIN PAS MA CHAD PA GAL CHE'O, , DE LTAR MNYAM RJES LA SKYONG BA DANG, SLAR YANG GTUM MO'I DMIGS PA DANG, RLUNG SBYOR BYAS TE, DGA' BZHI 'DREN PA SPEL MAR BYA'O, ,GNYIS PA PHYI'I RKYEN LAS KYI PHYAG RGYA LA BRTEN NAS BSGOM PA NI, RANG DANG PHYAG RGYA GNYIS KA GANG ZAG DBANG PO RAB TU GYUR PA,

, ,RNAM PAR DAG PA'I DBANG BSKUR BA THOB NAS, RTZA BA DANG YAN LAG GI DAM TSIG LA MKHAS SHING, JI LTA BA BZHIN DU SRUNG BA, DKYIL 'KHOR GYI 'KHOR LO'I SGRUB THABS LA MKHAS SHING, THUN BZHIR BSGOMS PAS LEGS PAR BYANG BA, DGA' BA'I BSTAN BCOS NAS 'BYUNG BA'I SGYU RTZAL DRUG CU RTZA BZHI LA MKHAS PA, STONG NYID KYI LTA BA PHU THAG CHOD CING, DGA' BZHI'I RIM PA DANG, KHYAD PAR DU LHAN CIG SKYES PA'I YE SHES SKYE BA'I SA MTSAMS LA MKHAS PA DANG, BYANG SEMS PHYIR MI 'PHO BAR 'DZIN NUS PA SOGS RGYUD SDE DANG, GRUB CHEN GYI GZHUNG KHUNGS MA NAS BSHAD PA'I MTSAN NYID TSANG BA CIG GIS BYED PA YIN PA LA, DE LTAR BSHAD PA'I BRDA CHAD RAGS PA TZAM YANG MA CHAGS PAR, ZAB MO YIN ZER BA'I MAN NGAG LTAR SNANG RE LA NGES PA DRANGS NAS, LAG TU LEN PA NI, SHIN TU MI BZAD PA'I NGAN 'GRO'I SGO 'BYED PAR SHES PAR GYIS SHIG ,HE RU KA MNGON 'BYUNG LAS KYANG, RNAL 'BYOR MED PAR RNAL 'BYOR CHOS, ,PHYAG RGYA LA NI BGROD 'GYUR DANG, , YE SHES MED PAR YE SHES TSUL, ,DMYAL BAR 'GRO BAR THE TSOM MED, ,CES GSUNGS TE YUL RTEN KUN MTSAN NYID MA TSANG BAR DE LTAR BYED PA LA, NYES DMIGS SHIN TU CHE BAR GSUNGS PA RNAMS SHES DGOS SO, ,DE LTA BU'I LAS KYI PHYAG RGYA LA BRTEN PA'I NUS PA MA THOB NA NI, BDAG MED MA DANG, RDO RJE RNAL 'BYOR MA LA SOGS PA'I YE SHES KYI PHYAG RGYA RING DU BSGOMS PAS, SNANG BA GSAL BA DANG DE BRTAN PA RNYED NA, DE DANG SNYOMS PAR ZHUGS NAS DGA' BZHI BSKYED PA'I LHAN SKYES KYI DUS SU, BDE STONG

SBYOR NUS NA LTA BA DRAN PAR BYAS LA BDE STONG DBYER MED DU BSKYANG, DE MI NUS NA'ANG BDE BA LA BRTEN NAS, SEMS RTZE GCIG TU GNAS PA'I TING NGE 'DZIN BSKYED PAR BYA'O, ,GNYIS PA DE LA BRTEN NAS SGYU MA DANG 'OD GSAL SGOM PA'I TSUL LA GNYIS, GTUM MO LA BRTEN NAS LAM LHAG MA SGOM PA'I SPYI'I RNAM GZHAG DANG, LAM SO SO'I SGOM TSUL LO, ,DANG PO NI, LUGS 'DI LA GTUM MO SGOM NAS RLUNG DBU MAR 'DZUD PA DGOS ZHES PA GSAL BAR SNANG YANG, SREG DH'U T'IR TSUD PA LA BRTEN NAS SGYU LUS DANG, 'OD GSAL GNYIS SGOM TSUL SHIN TU MI GSAL ZHING, DE RNAMS SHIN TU RTAGS DKA' BAR BYUNG SNANG MOD KYANG, 'DIR MAN NGAG LA GO BA THUN MONG MA YIN PA CHAGS PA'I PHYIR DU CUNG ZAD CIG BRJOD PAR BYA'O, ,DE YANG SNGAR BSHAD PA LTAR SGYU LUS DANG 'OD GSAL GYI SKOR RNAMS GSANG 'DUS LA BRTEN PA YIN ZHES 'BYUNG ZHING, DE YANG GSANG 'DUS 'PHAGS SKOR GYI GDAMS NGAG TU SNANG LA, 'PHAGS PA YAB SRAS KYI DGONGS PA NI, SROG DBU MAR BTZUD PA'I ZHUGS GNAS THIM GSUM MA BYUNG BAR DU, SEMS DBEN KYI SNANG MCHED THOB GSUM GYI TING NGE 'DZIN MI SKYE LA, SEMS DBEN GYI YE SHES MTSAN NYID RDZOGS PA SKYES PA'I RLUNG SEMS TZAM LAS, SGYU LUS MTSAN NYID PA SGRUB PA YIN ZHING, MAR LUGS KYI GSANG 'DUS KYI GDAMS NGAG RNAMS DANG, MAR LUGS KYI RIM LNGA'I RTZA TSIG RIM LNGA BSDUS PA GSAL BA LAS KYANG, MAN NGAG 'DI LAS GSAL BAR 'BYUNG LA, DE BZHIN DU 'DIR YANG 'ONG RGYUR SNANG BA MA BYUNG BA NI, 'DUS PA 'PHAGS SKOR LA BRTEN NAS LEGS PAR SHES DGOS PAR SNANG

, ,NGO, ,DE YANG MAR LUGS KYI RIM LNGA'I RTZA TSIG RIM LNGA BSDUS PA GSAL BA LAS, DANG PO SMIG RGYU LTA BU'I NYAMS, ,'OD ZER LNGA DANG BCAS PA 'CHAR, ,GNYIS PA ZLA BA LTA BU DANG, ,GSUM PA NYI MA'I 'OD KYIS 'KHRIGS, ,MTSAMS SNANG LAS NI THOB PA STE, ,ZHES DANG, RLUNG SEMS TZAM LAS BYUNG BA YI, ,SGYU MA'I LUS NI SNANG BAR BCAS, ,ZHES NAM MKHA' SPRIN MED LA ZLA 'OD SHAR BA LTA BU'I SNANG BA DANG, NAM MKHA' DE LA NYI 'OD KYIS 'KHRIGS PA LTA BU'I MCHED PA DANG, NAM MKHA' DE LA THUN MTSAMS KYI SMAG NAG POS KHYAB PA LTA BU'I NYER THOB GSUM, SNGON DU SKYE BA DANG, DE NAS SEMS DBEN GYI RLUNG SEMS TZAM LAS SGYU MA'I LUS 'OD ZER DANG BCAS PA 'BYUNG BAR BSHAD PA RNAMS KYI RNAM GZHAG GANG YANG, 'DI'I SKOR GYI MAN NGAG TU MA BYUNG BAR, RANG LUS LA GZUGS BRNYAN DPER BYAS NAS, DGA' MI DGA' LA BRTEN PA'I CHAGS SDANG GI RNAM RTOG RAGS PA 'GOG PA LA MA DAG PA'I SGYU LUS DANG, YANG RANG LHA SKU SGYU MA BZHIN DU BSGOMS NAS DGA' ME DGA' LA RO SNYOMS PAR BYED PA TZAM LA DAG PA'I SGYU LUS SU 'JOG PA 'DI TZAM ZHIG LAS KHYAD PAR DU GYUR PA MED NA NI RNAL 'BYOR BLA MED PA DANG, LAM GZHAN THUN MOD BA'I SPYI DON GYI SGYU MA DANG, BLA MED KYI THEG PA'I LUGS KYI RIM PA GSUM PA'I SGYU LUS SBAS DON GYI SGYU MA DANG, RIM PA LNGA PA ZUNG 'JUG GI SGYU MA'I SKU RNAMS KYI KHYAD PAR RAGS PA'ANG MA PHYED PAR 'GRO BAR SNANG STE, 'DI'I SGYU LUS DNGOS NI RNAL 'BYOR BLA MED KYI RDZOGS RIM THUN MONG MA YIN PA YIN LA, SNGAR BSHAD PA'I SGYU LUS DANG

POR BZHAG PA LA NI, SPYI DON GYI SGYU MA'I MTSAN NYID TSANG BA'ANG MI SNANG LA, GNYIS PAR 'DOD PA NI RGYUD SDE 'OG MA GSUM LAS KYANG DU MA ZHIG 'BYUNG BA'I PHYIR RO, ,CHAGS SDANG GI RNAM RTOG ZIL GYIS MNAN NAS RO SNYOMS PAR BYED PA LA NI, DBU MA'I LTA BA PHU THAG CHOD PA'I STONG PA DANG, LHAN SKYES KYI BDE CHEN GNYIS SBYAR NAS, MNYAM GZHAG TU SGOM PA NYID GTZO BO YIN TE, DE LEGS PAR SHES NAS BSKYANGS NA, DE LAS LANGS PA'I RJES KYI TSE, MNYAM GZHAG GI SHUGS KYIS GANG SNANG THAMS CAD SGYU MAR 'CHAR BA DANG, RIM PA DANG PO'I DUS NAS RJES KYI SKABS SU, GANG SNANG LHA'I 'KHOR LOR 'KHYER BA'I LAM 'KHYER GOMS PA'I GNAD KYIS, LHA SKU SNANG LA RANG BZHIN MED PA YANG ZUR DU MA SBYANGS KYANG, DER RANG SHUGS KYIS 'CHAR BA'I PHYIR RO, ,MAR LUGS KYI 'DUS PA'I GDAMS NGAG KHA CIG LAS, LHA'I BRIS SKU'I GZUGS BRNYAN MDUN DU BTAGS PA'I ME LONG GI NANG DU SHAR BA LA BLTAS NAS, RANG NYID GZUGS BRNYAN GYI LHA'I SKU BZHIN DU AE 'CHAR LTA BA 'DI, BSKYED RIM GYI SKABS SU LHA'I GSAL SNANG LA BOGS 'DON PA'I GDAMS PA YIN ZHES ZER BA DANG, BLA MA TSUR GYI GDAMS NGAG LAS, DANG PO GSANG DBANG GI DUS SU RDO RJE SEMS DPA'I SKU ME LONG NANG GI GZUGS BRNYAN SNANG LA RANG BZHIN MED PA'I SGYU LUS SU NGO SPROD PA YIN TE, ZHES 'BYUNG BA DE RNAMS 'DIR KHYER 'DUG PA DANG, RIM LNGA'I GZHUNG ZHIG GI 'BRU JI BZHIN MNON PAS 'DIR SBYAR BAR SNANG STE, DE RNAMS KYANG 'PHAGS SKOR GYI GDAMS NGAG TU RGYAS PAR BSHAD ZIN TO, ,'ON KYANG MAR LUGS KYI DANG PO'I GDAMS NGAG LA SGYU LUS KYI GNAD MA

, ,TSANG BA'I TSUL YANG DER RGYAS PAR BSHAD ZIN TO, ,GZHAN YANG 'DI'I MAN NGAG RNAMS SU ZUNG 'JUG LA SLOB MI SLOB GNYIS SU BYED PA DANG, SNANG MCHED THOB GSUM 'OD GSAL DANG BZHI'I RNAM GZHAG MDZAD PA SNANG YANG, KHYAD PAR CAN GYI RLUNG SEMS TZAM LAS SGYU MA'I SKU SGRUB LUGS DANG, SKU DE GRUB PA'I STENG NAS DON GYI 'OD GSAL DU 'JUG PA LA, SNANG MCHED LA SOGS PA'I STONG PA BZHI 'CHAR TSUL DANG, DON GYI 'OD GSAL GRUB NAS SLOB PA'I ZUNG 'JUG SGRUB TSUL DANG, DE LA BRTEN NAS MI SLOB PA'I ZUNG 'JUG SGRUB TSUL DANG, GNYID KYI 'OD GSAL 'DZIN PA NA, SAD DUS SU SROG DH'U T'IR 'DZUD NUS PA CIG LA BRTEN NAS, SNYING KHA'I DH'U T'IR RO RKYANG GI RLUNG BSDUS NAS STONG PA BZHI'I RIM GYIS 'OD GSAL DU 'JUG TSUL DANG, DE'I MTHAR RMI LAM GYI SGYU LUS KYI LHA SKUR LDANG TSUL RNAMS 'ONG RGYUR SNANG NA'ANG, MA BYUNG BA LA THE TSOM YANG MI 'JUG PAR SNANG NGO, ,DE'I PHYIR SROG DH'U T'IR TSUNG PA'I RLUNG STOBS KYIS GNYID KYI 'OD GSAL 'DZIN PA DANG, THEG PA CHE CHUNG THUN MONG BA'I TING NGE 'DZIN SAD DUS GNAS CHA BRTAN PO YOD PA CIG GIS, GNYID DU 'GRO KHAR SNGAR GYI TING NGE 'DZIN LA BZHAG PA NA, GNYID DU GANG SONG BYIN PO 'AM, DE'I STOD TZAM TING NGE 'DZIN DU MER GYIS 'GRO BA'I TING NGE 'DZIN LA, GNYID KYI 'OD GSAL DU 'KHRUL SA CHE BA RNAMS BYED PA'I RNAM GZHAG GSAL PO YANG MI SNANG ZHING, DE BZHIN DU RMI LAM RLUNG STOBS KYIS ZIN PA DANG, 'DUN PA'I STOBS KYIS ZIN PA GNYIS KYI KHYAD PAR DA GZOD 'BYED DGOS PAR SNANG LA, RLUNG STOBS KYIS 'OD GSAL ZIN PA'I 'CHI BA'I 'OD GSAL

DANG BSRE TSUL DANG, DA LTA MIN PA'I DA LTA GNAS CHA BRTAN PA DANG, 'DUN PA DRAG CING GOMS SHAS CHE BAS 'CHI BA'I 'OD GSAL DANG BSRE TSUL DANG, DE BZHIN DU BAR DO LONGS SKUR 'CHAR TSUL GYI RNAM DBYE RNAMS KYANG, DA DUNG LEGS PAR 'BYED DGOS PAR SNANG STE, DE RNAMS LEGS PAR SHES PAR 'DOD NA, 'PHAGS SKOR GYI GDAMS NGAG TU RGYAS PAR BSHAD ZIN PA LAS SHES PAR BYA'O, ,GNYID KYI 'OD GSAL DANG, RMI LAM GNYIS KA RLUNG STOBS KYIS ZIN PA YIN NA NI, DE GNYIS KYI RIM PA LA THOG MAR GNYID KYI 'OD GSAL BZUNG NAS, DE NAS RMI LAM GYI DGE SBYOR LA 'JUG PA YIN LA, DE YANG 'DI'I KHRID YIG KHA CIG LA SNANG BA LTAR YIN NO, ,SROG DH'U T'IR SDUD MI NUS PAS NYIN MO 'DUN PA SBYANGS NAS, RMI LAM 'DUN PA'I STOBS KYIS 'DZIN PA DANG, SANG DUS GNAS CHA BRTAN PA'I STOBS KYIS GNYID TING NGE 'DZIN DU SKYED THUB PA LA, MING GNYID KYI 'OD GSAL DU BTAGS PA GNYIS KYI GO RIM LA NI NGES PA MED DE, GAL TE SAD DUS SU PHYI NANG GI THABS GNYIS LA BRTEN NAS, SROG DBU MAR ZHUGS GNAS THIM GSUM BYAS PA LA, DGA' BA BZHI DANG STONG PA BZHIR GRAGS PA BSKYED NAS, LHAN SKYES SHAR BA'I DUS SU BDE STONG DBYER MED DU SGOM PA DANG, DE'I MTHAR SGYU MA'I SKUR LANGS NAS, GANG SHAR THAMS CAD LA MNYAM GZHAG GI BDE STONG GIS RGYAS BTAB NAS DKYIL 'KHOR PA'I RNAM PAR SHAR BA LA SLAB PAS CHOG MOD, 'KHOR LO LHAG MA GNYIS LA BRTEN NAS GNYID KYI 'OD GSAL DANG, RMI LAM SGYU MA SBYANG CI DGOS SNYAM NA, GNYID DU 'GRO BA'I DUS SU RANG SHUGS KYIS RLUNG SNYING KHA'I 'KHOR LO'I RTZA 'DAB TU 'DU

, ,BA YIN LA, DE LA SAD DUS SU SROG DH'U T'IR SDUD NUS PA ZHIG GIS, SNYING KHA'I DH'U T'IR DMIGS PA GTAD PA NA RO RKYANG GI RLUNG SNYING GA'I DBU MAR 'DUS TSABS CHE BA ZHIG 'ONG BAS, SPYIR STONG PA BZHI DANG, KHYAD PAR DU THAMS CAD STONG PA 'OD GSAL 'CHAR STOBS CHE BA GZHIG 'ONG ZHING, DE LA CI NUS SU MNYAM PAR 'JOG PA'I 'OD GSAL SKYONG BZHIG BYUNG NA, DE'I SHUGS BRGYAB NAS SAD DUS SU SROG DH'U T'IR SDUD PA PHUL CHE BA DANG, BRTAN PAR 'GRO ,DES KYANG GNYID KYI 'OD GSAL BRTAN DU 'GRO BAS, DE YOD MED KYIS LAM BGROD PA STOBS CHE CHUNG KHYAD PAR SHIN TU CHE BA DANG, TSE 'DIR MCHOG MA THOB PAR 'CHI BA'I DUS BYAD PA YIN NA, 'CHI BA'I 'OD GSAL ZIN LUGS GZHAN DANG MI 'DRA'O, ,DE BZHIN DU GNYID KYI 'OD GSAL GYI MTHAR, RMI LAM GYI SGYU LUS KHYAD PAR CAN DU LDANG SHES NAS, DER LDANG BAR GOMS PAS SAD DUS KYI SGYU LUS STOBS CAN DU 'GRO ZHING, DES KYANG RMI LAM GYI SGYU LUS KHYAD ZHUGS PAR 'GRO'O, ,TSE 'DIR MCHOG MA THOB PAR 'CHI BA'I DUS BYED NA, RLUNG STOBS KYIS 'OD GSAL ZIN PA'I MTHUS, RMI LAM GYI SGYU LUS LA GOMS PA YOD PAS, BAR DO'I SGYU LUS ZIN PA 'DRA BA GZHAN GANG LA YANG MI 'BYUNG BAS, 'DI GNYIS KYI GDAMS NGAG PHYIN CI MA LOG PA YOD PA NI, MCHOG TU NGO MTSAR ZHING SHIN TU BSNGAGS PA'I GNAS SO, ,GNYIS PA LAm SO SO'I BSGOM TSUL NI, RGYUD KYI DGONGS PA GTZO BO'I DON GYI SGYU LUS DANG, 'OD GSAL GNYID SAD PA DANG, LEG PA'I DUS SU BSGOM TSUL SNGAR BSHAD

PA LTAR SHES DGOS LA, DE LAS GZHAN PA'I BSGOM TSUL BLA MA GONG MA RNAMS KYI KHRID YIG NAS 'BYUNG BA BZHIN BSHAD PA LA GNYIS, SGYU MA BSGOM TSUL DANG, 'OD GSAL BSGOM TSUL LO, ,DANG PO LA GSUM, SNANG BA SGYU MA BSGOM TSUL DANG, RMI LAM GYI SGYU MA BSGOM TSUL DANG, BAR DO SGYU MA BSGOM TSUL LO, ,DANG PO NI, SNGAR BSHAD PA LTAR STONG PA PHU THAG CHOD PA'I LTA BA DANG, LHAN SKYES KYI BDE BA GNYIS DBYER MED DU SBYAR TE, MNYAM GZHAG TU SGOM PA GOMS PA LAS LANGS PA'I TSE LTA BA DRAN PA DANG, SNGAR GANG SNANG LHAR SGOM PA DRAN PA TZAM GYIS YUL SNANG KUN RANG SHUGS KYIS SGYU MA DANG RTAN BRTEN PA'I DKYIL 'KHOR BA'I RNAM PAR 'CHAR BAS, DE LA DMIGS PA 'DI DAG MI DGOS KYANG, DE 'DRA BA MIN PA'I GANG ZAG MNYAM GZHAG TU BDE BA TZAM LA GOMS PA BYAS PA DES, RJES THOB KYI TSE DANG POR THA MAL DU SNANG BA'I SNOD BCUD RNAMS, RANG BZHIN MED PAR GTAN LA PHAB NAS BSKYANGS NA, RANG GI LUS ME LONG LA SHAR BA RANG LA BSTIMS NAS, RANG GZUGS BRNYAN BZHIN DU GTAN LA 'BEBS PA NI SNGA MA DE'I ZHOR LA SONG ZIN PAS, DE TZAM ZHIG LA SBYONG BA DBANG PO SHIN TU RTUL BA LA, STON NA MA GTOGS 'GANGS CHUNG, DE LTAR THA MAL DU SNANG BA'I SNOD BCUD KUN RANG BZHIN MED BZHIN DU SNANG BA SGYU MA LTA BU'I NGES PA BRTAN NA, SNOD BCUD KUN DAG PA DKYIL 'KHOR GNYIS KYI RNAM PAR BLTAS LA, DE YANG RANG BZHIN GYIS STONG BZHIN DU SNANG BA'I DAG PA'I SGYU MAR GTAN LA PHAB NAS BSKYANGS NA, LHA'I SKU MDUN GYI ME LONG LA SHAR BA LA BLTAS NAS DE BLOS BTON TE,

, ,RANG LA BSTIMS NAS RANG LHA SKU SGYU MA BZHIN DU SGOM PA NI, SNGA MA'I ZHAR LA GRUB ZIN CING, SNGA MA STOBS CHE BAS PHYI MA CHA CHUNG, RIM LNGA LAS RDOR SEMS BRIS PA ME LONG LA SHAR BA BZHIN DU, SGYU MA'I LUS STON PAR GSUNGS PA'I DON, BLA MAS DE GNYIS DPE DON DU BSGRIGS NAS, SLOB MA LA NGAG GIS STON PA'I DON DU MA GO BAR MIG LA STON PA'I DON DU BZUNG ZHING, BSKYED RIM GSAL BAR BYED PA LA KHANG PA KHYAD PAR CAN BSGRUBS PA'I NANG DU, RDZAS SNA GZHAN MANG PO YANG TSOGS PAR BYAS NAS, BRIS SKU SOGS ME LONG GI NANG DU SHAR BA LA BLTAS KYIN SGOM PA CIG ,MAR 'GOS GNYIS KA'I LUGS LA 'JUG PA DANG 'DRES PA'I RNAM GZHAG CIG 'BYUNG 'DUG GO ,CHOS THAMS CAD SGYU MA DANG RMI LAM BZHIN DU GSUNGS PA'I SGYU MA LTA BU'I DON NI GNYIS TE, DON DAM BDEN PA SGYU MA LTA BUR GSUNGS PA LTA BU YOD TZAM DU GRUB KYANG BDEN PA KHEGS PA LA BYAS PA DANG, STONG BZHIN DU SNANG BA'I SNANG BA SGYU MA LTA BU GNYIS LAS, 'DIR NI PHYI MA'O, ,'DI LA NI DER SNANG BA DANG SNANG BA LTAR GYI DON YOD PAS STONG PA GNYIS DGOS KYI, RI BONG GI RVA DANG MO GSHAM GYI BU LTAR SNANG BA TZAM DU YANG GTAN MED PA DANG, SNANG YANG SNANG BA LTAR GYI DON YOD PAS STONG PAR MI 'CHAR NA YANG, SNANG BA SGYU MA LTA BU'I DON BLO LA MI 'CHAR RO, ,DES NA SGYU MA'I DPE DANG 'DRA BAR CHOS GZHAN RNAMS SHES PAR BYED TSUL NI, DPER NA SGYU MA MKHAN GYIS SPRUL PA'I SGYU MA DE, RTA GLANG GIS GDOD MA NAS STONG YANG RTA GLANG DU SNANG BA BSNYON MI NUS PAR 'CHAR BA BZHIN DU, GANG ZAG

LA SOGS PA'I CHOS RNAMS KYANG YUL STENG NAS, RANG GIS NGO BOS GRUB PA'I RANG BZHIN GYIS GDOD MA NAS STONG YANG DER GRUB PAR SNANG BA LA BSNYON MI NUS PAR SHES PA'O, ,DE LTAR LHA DANG MI LA SOGS PAR SNANG BA NI GANG ZAG DANG, GZUGS SGRA SOGS SU SNANG BA NI CHOS SU 'JOG PAS, GANG ZAG DANG CHOS RNAMS LA RANG GI NGO BOS GRUB PA'I RANG BZHIN RDUL TZAM YANG MED KYANG, LAS SOG PA PO SOGS DANG, BLTA BA DANG MNYAN PAR BYA BA SOGS RTEN 'BREL GYI BYA BYED THAMS CAD KYANG 'THAD DO, ,BYA BYED THAMS CAD 'THAD PA'I PHYIR CHAD STANG MIN LA, CHOS RNAMS GDOD MA NAS DE LTAR STONG PA LA STONG PAR SHES PA TZAM YIN PAS, BLOS BYAS KYI STONG PA'ANG MIN ZHING, SHES BYA THAMS CAD DE LTAR 'DOD PAS NYI TSE BA'I STONG PA'ANG MIN PAS, DE BSGOMS PAS BDEN 'DZIN GYI MNGON ZHEN MTHA' DAG GI GNYEN PAR YANG 'GRO'O, ,ZAB MO'I DON DE BLO GANG GIS KYANG YUL DU MI RUNG BA MIN GYI, YANG DAG PA'I LTA BAS GTAN LA PHABS PA DANG, YANG DAG PA'I DON SGOM PA'I BSGOMS PAS YUL DU BYED NUS PAS, LAM DUS SU NYAMS SU LEN MI NUS PA DANG, RIG RGYU DANG RTOGS RGYU CI YANG MED PA'I STONG PA YANG MIN NO, ,MDOR NA NGA'O SNYAM DU 'DZIN PA'I GZHI GANG ZAG LA, PHUNG PO DANG RANG BZHIN CIG THA DAD GANG DU GRUB SNYAM DU BRTAGS PA'I SGO NAS, GANG ZAG LA RANG BZHIN CUNG ZAD KYANG MED DO SNYAM PA'I NGES PA BRTAN PO BYA STE, STONG PHYOGS LA DE 'DRA BA MANG DU SBYANG, DE NAS GANG ZAG GI THA SNYAD BSNYON MI NUS PAR SNANG BA RNAMS, BLO'I YUL DU 'CHAR DU GZHUG LA, DE LAS GSOG PA PO DANG, 'BRAS BU MYONG BA POR 'JOG PA'I RTEN

, ,'BREL GYI PHYOGS RNAMS YID LA BYA ZHING, RANG BZHIN MED PA LA RTEN 'BREL 'THAD PA'I 'THAD LUGS RNAMS LA NGES PA RNYED PAR BYA'O, ,DE GNYIS 'GAL BAR SNANG BA'I TSE NA GZUGS BRNYAN SOGS DPER BLANGS NAS, MI 'GAL BA'I TSUL BSAM STE, 'DI LTAR BYAD BZHIN GYI GZUGS BRNYAN NI MIG SNA SOGS GANG DU SNANG BAS STONG YANG, BYAD DANG ME LONG LA BRTEN NAS SKYE BA DANG, RKYEN DE DAG 'GA' ZHIG LOG PA'I TSE 'JIG PA GNYIS BSNYON MI NUS PAR GZHI MTHUN DU 'DU BA BZHIN DU, GANG ZAG LA YANG RANG BZHIN RDUL TZAM MED KYANG, LAS GSOG PA PO DANG 'BRAS BU MYONG BA PO DANG, SNGON GYI LAS NYON SOGS LA BRTEN NAS SKYE BA YANG MI 'GAL LO SNYAM DU SPYAD DO, ,DE LA NGES PA BRTAN PA NA SNOD GZHAL YAS KHANG DANG, BCUD RNAMS LHA DANG LHA MOR LTA BA LA BSLAB STE, DE YANG BDE STONG DBYER MED KYI RNAM ROL DU LTA BA LA BSLAB BO, ,DE LTAR BYAS NA GANG SNANG LHA SKU, LHA SKU SGYU MA, SGYU MA BDE BA CHEN PO'I NGOR SHAR BA'I SHES BYA SUM RIM MO, ,SLAR YANG MNYAM GZHAG TU BDE CHEN RNYED PA NA, STONG NYID LEGS PAR NGES PA'I LTA BA DRAN PAR BYAS LA, DE'I STENG DU RTZE GCIG TU BZHAG STE MI RTOG PA BSKYED DE, DE LTAR MNYAM RJES SPEL MA BYA'O, ,GNYIS PA RMI LAM SGYU MA BSGOM TSUL LA BZHI, RMI LAM GZUNG BA DANG, SBYANG ZHING SPEL BA DANG, YAR BA SPANG ZHING SGYU MAR BSLAB PA DANG, RMI LAM GYI DE KHO NA NYID SGOM PA'O, ,DANG PO NI, RMI LAM 'DZIN PA 'DI LA GNYIS LAS, RLUNG STOBS KYIS 'DZIN PA NI, SAD DUS SU RLUNG DH'U T'IR TSUD NAS THIM PA LAS STONG PA BZHI 'DREN NUS PA ZHIG GIS

BYED PA YIN TE, BYED TSUL NI GNYID KYI 'OD GSAL THOG MAR BZUNG BA'I TSE, GNYID KYI STONG PA BZHI LEGS PAR NGO SHES NAS SKYONG BA NA, DE'I PHYI LOGS SU RMI LAM 'CHAR BA NGES PAR SHES PAS, DE LA NI GNYID KYI STONG PA RNAMS 'DZIN PA'I THABS LAS GZHAN PA'I RMI LAM 'DZIN THABS MI DGOS SO, ,'DUN PA'I STOBS KYIS 'DZIN PA NI, DE 'DRA BA'I NUS PA MED PA ZHIG GIS SAD DUS SU RMI LAM ZIN THABS KYI 'DUN PA SBYONG BA DANG, MGRIN PA SOGS SU DMIGS PA GTOD PA YIN NO, ,DE LA SNGAGS KYI THUN MONG MA YIN PA'I RMI LAM 'DZIN LUGS GTZO BO NI SNGA MA YIN LA, PHYI MA NI THUN MONG BA PHAL PA'O, ,'DI LA MTSUR GYI LUGS KYIS SNYING GAR DMIGS PA GTAD NAS RMI LAM 'DZIN PA DANG, MES TSON GYI LUGS KYI MGRIN PAR DMIGS PA GTAD NAS RMI LAM 'DZIN PA'I TSUL GNYIS BSHAD PA LA, ,KHA CIG NA RE SNYING KHAR DMIGS PA GTOD PA 'OD GSAL DANG 'BREL, MGRIN PAR GTOD PA RMI LAM DANG 'BREL ZHES ZER MOD KYANG, RMI LAM RLUNG STOBS KYIS ZIN PA ZHIG YIN NA, GNYID KYI STONG PA BZHI SNGON LA BZUNG NAS BYED LA, DE LA NI SNYING GAR DMIGS PA GTOD PA YIN NO, ,'DUN PAS 'DZIN DGOS PA ZHIG YIN NA, RMI LAM ZIN PA'I SNGON DU GNYID KYI STONG PA BZHI MI ZIN PAS MGRIN PAR GTOD DO, ,'O NA MGRIN PAR RMI LAM 'DZIN PA'I GNAD YOD PAR BSHAD PA DE, 'DUN PAS 'DZIN DGOS PA KHO NA LA YIN NAM SNYAM NA, RLUNG STOBS KYIS 'DZIN NUS PAS KYANG, GNYID DU 'GRO KHAR MGRIN PAR DMIGS PA GTAD NA, GNAS DE'I DH'U T'IR RLUNG THIM NAS STONG PA BZHI SNGON DU 'CHAR BA ZHIG YOD MOD KYANG,

, ,SNGON DU SNYING GAR RLUNG MA 'DUS PAR MGRIN PAR MI 'DU LA, SNYING GAR 'DUS NAS THIM PA LAS BYUNG BA'I STONG PA BZHI 'DRA BA GNAS GZHAN DU 'CHAR MI THUB PAS, GNYID DU 'GRO KHAR SNYING GAR DMIGS PA GTOD DGOS SO, ,'ON KYANG NYAL KHAR MGRIN PA DANG DPRAL BA SOGS SU DMIGS PA GTANG NA, SNYING KHAR RLUNG 'DU TSABS CHUNG BAS, GNYID BSRABS PA'I GNAD KYIS RIG PA GSAL SLA BA DANG, NYAL KHAR MGRIN PAR SEMS 'DZIN PA GOMS PAS KYANG, DA BZOD RMI LAM SHAR BA NA RMI LAM YUN RING NGO, ,RMI LAM SHAR ZIN PA'I 'OG TU YANG GNYID DUS SU RMI LAM YUN RING BA ZHIG 'DOD NA, SNGON LA MGRIN PAR DMIGS PA GTAD DE SEMS YUD CIG BZUNG NA RMI LAM GYI NGANG NAS, DGE SBYOR SKYONG BA RGYUN RING BA ZHIG 'ONG BA'I DBANG DU BYAS NAS RMI LAM GYI DGE SBYOR GYI GNAD MGRIN PA NA YOD PAR BSHAD DO, ,'DUN PA'I STOBS KYIS 'DZIN TSUL BSHAD NA, SPYIR LAM SGOM PA LA MI LTOS PAR GZHI DUS NAS KYANG, RMI LAM GSAL BA 'GA' ZHIG LA, RMI LAM ZIN PA MANG PO 'ONG BAS RMI LAM ZIN PA TZAM ZHIG LAM BSGOMS NAS SGRUB MI DGOS LA, DE BZHIN DU BYA BA 'GA' ZHIG LA SAD DUS SU 'DUN PA DRAG PO YOD NA, RMI LAM NA DE 'BYUNG BA YANG MANG BA'I GNAD KYIS, NYIN PAR RMI LAM ZIN PA'I DRAN 'DUN DRAG PO RGYUN CHAGS PA BTANG NA'ANG RMI LAM ZIN PA 'ONG BAS, DE TZAM CIG SKYED DKA' BA MIN NO, ,'DI LA RMI LAM MA SHAR NA RMI LAM GYI DGE SBYOR GYI GZHI STOR BAS 'CHAR BA CIG DGOS LA, RMI LAM BYUNG YANG MI GSAL NA ZIN DKA' BAS, RMI LAM GSAL PO 'CHAR BA

CIG DGOS TE, RMI LAM GSAL BA NI SAD RJES SU RMI LAM KUN BSHAD RGYU 'ONG BA'O, ,DES NA DANG PO NAS RMI LAM GSAL BA DANG DE MIN KYANG GNAS DBEN PA LA SOGS PA RIG PA DVANGS PA'I RGYU'I KHYAD PAR TSOGS PA'I SKABS DANG, MTSAN MO GCIG GI'ANG THO RANGS LTA BU RIG PA GSAL DUS SU, RMI LAM ZIN PAR SLA'O, ,DE'I PHYIR NYIN PAR GYI DRAN 'DUN DRAG POS GZHAG PA'I BAG CHAGS RMI LAM DU SAD THUB PA LA NI, RMI LAM GYI SHES PA SHIN TU GSAL BA GCIG DGOS PAS, DE'I THABS KYANG NYIN MO BSGRUB DGOS SO, ,DE NI MAN NGAG RNAMS LAS 'BYUNG BA LTAR MGRIN PA DANG, SMIN MTSAMS SU SHES PA GTOD PA DANG, DMIGS YUL 'TSER BA'I RNAM PA CAN SGOM PA DANG, RLUNG SBYOR BYAS NAS RIG PA DVANGS SNYIGS 'BYED PA SOGS YIN NO, ,DE LTAR RMI LAM GYI GDAMS NGAG GI GNAD RNAMS LA GO BA LEGS PAR BTZAL TE BYAS NA, RNAM PAR DAG PA'I MYONG BA CAN MKHAS PAR 'GRO YI, GZHAN DU NA MYONG BA CUNG ZAD SKYES KYANG THOM ME BA LAS MI 'ONG STE, MAN NGAG GZHAN LA'ANG DE DANG 'DRA'O, , RMI LAM 'DZIN PA LA'ANG RANG LHAR SGOM PA DANG, BLA MA'I RNAL 'BYOR BSGOMS TE MCHOD LA, RMI LAM MANG PO DANG, GSAL PO DANG, BZANG PO RMI BA DANG, RMI LAM ZIN PA DANG, ZIN NAS KYANG RMI LAM GYI DGE SBYOR RNAMS RGYUD LA SKYE BA'I 'GAL RKYEN ZHI ZHING, MTHUN RKYEN TSANG BA'I GSOL BA DRAG PO MANG DU 'DEBS PA DANG, YI DAM DANG BKA' SDOD LA GTOR MA PHUL NAS, 'PHRIN LAS BCOL ZHING, MTSAMS DAM PAR BYA'O, ,DE NAS NYIN MO DRAN PA RGYUN CHAGS KYIS BZUNG BA NI, DA LTAR GYI SNANG BA 'DI RNAMS

, ,RMI LAM GYI SNANG BAR 'DUG SNYAM PA DANG, DA RMI LAM LA RMI LAM DU NGO SHES PAR BYA SNYAM PA'I 'DUN PA DRAG PO YANG YANG SBYANG, GZHAN YANG DA BZOD RMI LAM BYUNG DUS SU, CI NAS KYANG RMI LAM DU NGO SHES PAR BYAS LA, RMI LAM GYI DGE SBYOR BSKYANG BAR BYA'O, ,SNYAM PA'I 'PHEN PA DRAG PO MANG DU SBYANG, KHYAD PAR DU NYAL KHAR RGYUN LDAN DU BSKYANG STE RMI LAM GSAL NA, 'DI CIG PUS KYANG ZIN PAR 'GYUR RO, ,MTSAN MO MAN NGAG BTZAN THABS KYIS BZUNG BA LA GSUM LAS, DANG PO MGRIN PAR YI GE LA DMIGS PA GTOD PA NI, GNYID DU 'GRO KHAR RANG YI DAM GYI LHAR SGOM, SPYI BOR BLA MA BSGOMS LA GSOL BA MANG DU GDAB, MGRIN PAR PAD MA DMAR PO 'DAB MA BZHI PA CIG GI LTE BA'I DH'U T'I'I NANG DU AA 'AM, AOm DMAR PO CIG GSUNG RDO RJE'I NGO, BOR BSAM ZHING DE LA SHES PA GTAD DE GZHAN DU MI 'PHRO BAR BYAS LA, SEMS BZUNG BA'I NGANG NAS GNYID DU 'GRO BAR BYA'O, ,'DI'I GDAMS NGAG 'GA' ZHIG LA AOm AA NU TA RA ZHES PA'I YI GE LNGA BKOD NAS, RIM PA BZHIN DU SEMS 'DZIN LA, GDAMS NGAG GZHAN DAG LA DBUS KYI AA DMAR PO 'BA' ZHIG LA SEMS GTOD PA'I LUGS GNYIS SNANG BA LA, GNYIS MED RNAM RGYAL BRDZUS MA LAS, 'DAB MA BZHI LA AA NU TA RA BZHI BKOD NAS, RIM PA BZHIN DU DMIGS MOD KYANG, DE LA NUS PA LHAG PO MI SNANG BAS MA BRIS SO, ,DBUS KYI YI GE AOm DU BYED PA SAMBU tA LA SOGS PA'I RGYUD MANG PO DANG MTHUN NO, ,'ON KYANG AA DMAR PO BYED NA'ANG MI RUNG BA MED, YI GE DBUS SU 'GOD PA NA MGRIN PA'I DBU MA'I NANG DU BKOD PA LA SEMS 'DZIN PA GNAD

SHIN TU CHE'O, ,DE LTAR DMIGS PA BZUNG BA DES MA ZIN NA, YANG SNGAR BZHIN BSKYAR GYIN GZUNG, DE LTAR BYAS KYANG MA ZIN NA, SMIN MTSAMS KYI THIG LE LA BRTEN NAS 'DZIN PA NI, THO RANGS TSUN CHOD GNYID 'THUG PA LA ZIN DKA' BAS, THO RANGS NAS NYI MA RTZE SHAR TSUN LA GNYID BSRABS PAS, RMI LAM 'DZIN SLA BA'I DUS SU, BLA MA'I RNAL 'BYOR BSGOMS NAS GSOL BA 'DEBS PA DANG, 'DUN PA SBYONG BA RNAMS SNGAR BZHIN BYAS LA, RANG LHAR GSAL BA'I SMIN MTSAMS SU THIG LE DKAR LA 'TSER BA SRAN MA TZAM ZHIG LA SHES PA GTAD DE, RLUNG BUM PA CAN BDUN BYAS LA GNYID DU 'GRO BAR BYA'O, ,THIG LE 'TSER DRAGS PA'I SNANG BA BYUNG NAS, GNYID MI KHUGS PA DANG CUNG ZAD BYUNG YANG SAD MGYOGS PAR SNANG NA, CUNG MI GSAL BAR BYA'O, ,KHA CIG DANG POR MGRIN PAR YI GE LA SEMS GTAD NA, GNYID MI 'ONG BAS DANG POR DPRAL BAR THIG LE DKAR PO LA GTOD PA YIN ZER BA NI, SHIN TU YANG MI RIGS TE, DE NI RMI LAM GYI GNAS SKABS SKYED PA'I SAR DMIGS PA GTAD NA GNYID MI 'ONG PAS SAD PA'I GNAS SKABS SKYED PA'I SAR SEMS GTAD NA GNYID 'ONG NGO, ,ZHES SMRA BA'I PHYIR RO, ,MGRIN PAR SROD DAM THO RANGS SEMS GTAD PA MANG DU BYAS KYANG MI ZIN NA, GANG ZAG DE GNYID 'THUG PA YIN PAS, DE CUNG SRAB TU GTONG BA LA SMIN MTSAMS SU SEMS GTOD PA'O, ,DE LTAR BYAS PA DES GNYID SRAB DRAGS NAS MA KHUGS PA'AM KHUGS KYANG SAD SKYEN PAR BYUNG NAS MA ZIN NA, GSANG GNAS KYI THIG LE LA DMIGS PA NI, NYIN PAR GYI 'DUN PA SBYONG BA SOGS SNGAR BZHIN BYA LA, NYAL

, ,KHAR RDO RJE'I NOR BU'I DBUS SU THIG LE NAG PO CIG LA SEMS GTAD DE, RLUNG KHA SBYOR NYER GCIG BSGOMS LA, SEMS MA YENGS PAR BZUNG BA'I NGANG NAS GNYID LOG PAR BYA'O, ,SNGA MA GNAS MTHOS PA DANG, DMIGS PA CUNG GSAL BAS GNYID HA CANG SRAB MOR SONG BA LA, NOR BUR GNYID 'THUG GI GNAS SKABS SKYED PA'I THIG LE YOD PAS, DER SEMS GTAD NA GNYID SRAB 'THUG SNYOMS PAR 'GYUR RO, ,DE'I RIGS PAS SROD DANG, THO RANGS KYI DUS KYI SGO NAS CHA SNYOM PA YANG SHES PAR BYA'O, ,DES KYANG MA ZIN NA LO DANG ZLA BAR YANG ZIN THABS RNAMS BSGOMS GSUNG MOD KYANG, DE LTAR BYAS KYANG MI ZIN PA NI GTUM MO'I SKABS SU, SROG DH'U T'IR ZHUGS GNAS THIM GSUM BYED NUS PA LAS, LHAN SKYES KYI YE SHES MA SKYES PAS RLUNG STOBS KYIS GNYID KYI 'OD GSAL MA ZIN, DE MA ZIN PAS RLUNG STOBS KYIS RMI LAM 'DZIN MA THUB PAS LAN ZHING, 'DUN PAS 'DZIN PA LA DKA' SPYAD MANG PO BYAS NAS MA ZIN KYANG, 'GANGS CHUNG PAS GTUM MO LAM GYI RMANG RDO YIN PA LA NGES PA BSKYED NAS, SLAR YANG DE BSGOMS TE SROG DH'U T'IR CHUD PA LA 'BAD PA RTZA BA BOR NAS YAL GA TSOL BA LTAR MI 'GYUR BA SHES PAR GYIS SHIG ,GNYIS PA SBYANG ZHING SPEL BA NI, RMI LAM SGYU MA'I RNAM THAR LA SBYONG BA LA GNYIS LAS, 'JIG RTEN PA'I RNAM THAR LA SBYONG BA NI, SNGAR MED PA GSAR DU SPRUL PA DANG, SNGAR YOD RNAM PA GZHAN DU BSGYUR BA'I SPRUL BSGYUR SNA TSOGS LA SLOB PA DANG, NYI MA DANG ZLA BA'I 'OD ZER LA ZHON NAS, SUM CU RTZA GSUM LA SOGS PA'I LHA DANG, MI'I YUL LA

SOGS PA'I GNAS LTA BA'I 'PHEN PA BTANG NAS, DER 'GRO BA DANG, NAM MKHA' LA 'PHUR NAS 'GRO BA SOGS SNA TSOGS PA'I RTZAL SBYONG BA'O, ,'JIG RTEN LAS 'DAS PA'I RNAM THAR LA SBYONG BA NI, BDE BA CAN DANG, MNGON DGA' DANG, 'OG MIN SOGS SANGS RGYAS KYI ZHING DAG PA DANG, DER BZHUGS PA'I SANGS RGYAS BYANG SEMS BLTA BA DANG, MCHOD PA DANG CHOS NYAN PA SOGS KYI 'PHEN PA BTANG NAS, DE RNAMS SGRUB PA'O, ,'DI RNAMS LA RMI LAM RLUNG STOBS KYIS ZIN PA YIN NA, RLUNG BYANG BA'I GNAD KYIS 'DUN PA GANG BTANG PHAL MO CHE 'DOD PA BZHIN BYA BAR SLA LA, DE 'DRA BA'I NUS PA MA THOB PAS NI GOMS PA MANG DU DGOS SO, ,DE GNYIS KAS DAG PA'I SNOD BCUD MTHONG BA SOGS NI, DE DAG DANG RNAM PA 'DRA BA TZAM 'GA' ZHIG SHAR BAR ZAD KYI, DNGOS MTHONG BA SOGS SU GZHAG DKA'O, ,LUNG STON LA YANG PHYI MA'I LUNG STON 'GA' RE BDEN PAR SNANG YANG, PHAL MO CHE NGES PA MIN LA, SNGA MA YIN NA RMI LAM GYI DGE SBYOR GYI GNAD GZHAN 'GA' ZHIG DANG, RLUNG BYANG BA'I GNAD 'GA' ZHIG LA BRTEN NAS MI 'KHRUL BA BYA BA'I THABS SHIG YOD PAR SNANG NGO, ,SPEL BA NI, MI DANG DUD 'GRO SOGS SEMS CAN DANG, KA BA DANG BUM PA SOGS SEMS CAN MA YIN PA RNAMS GCIG GNYIS DANG, GNYIS BZHI LA SOGS PA NAS, BRGYA DANG STONG LA SOGS PA'I BAR DU SPRUL PA'O, ,GSUM PA YA NGA BA SPANG ZHING SGYU MAR BSLAB PA LA YA NGA BA SPANG BA NI, RMI LAM GYI DUS SU ME DANG CHU LA SOGS PA'I YA NGA BA 'AM BAG TSA BA BYUNG NA, RMI LAM DU NGO SHES PAR BYAS NAS, RMI LAM GYI ME DANG CHU LA SOGS PAS GNOD PAR GA LA 'GYUR SNYAM DU

, ,BSAMS LA, MCHOD PA DANG, BRGAL BA LA SOGS PA'I THOGS BRDZIS BYA'O, ,SGYU MAR BSLAB PA'I TSUL NI RMI LAM GYI BUM SNAM SOGS DE DAG TU SNANG YANG, DE'I NGO BOS STONG PAR RTOGS PA NI RMI LAM LA RMI LAM DU NGO SHES PA NA 'BYUNG YANG, DE TZAM GYIS RMI LAM GYI RANG BZHIN MED PA RTOGS PA MIN TE, DPER NA, SAD DUS SU ME LONG LA SHAR BA'I BZHIN GYI GZUGS BRNYAN BZHIN GYIS STONG PAR RTOGS KYANG, GZUGS BRNYAN GYI DE BZHIN NYID RTOGS P MIN PA BZHIN NO, ,DES NA RMI LAM LA RMI LAM DU MA SHES PAR 'KHRUL BA NI, BYIS PA CHUNG DUS BYAD BZHIN GYI GZUGS BRNYAN LA BYAD BZHIN DNGOS YIN PAR 'DZIN PA DANG 'DRA, RMI LAM LA RMI LAM DU SHES PA NI RGAN PO BRDA LA BYANG BAS, BYAD BZHIN DU SNANG YANG BYAD BZHIN GYI STONG PAR SHES PA DANG 'DRA, BYAD BZHIN GYI GZUGS BRNYAN BYAD BZHIN GYIS STONG PA DPER BYAS NAS, CHOS GZHAN RNAMS KYANG DE BZHIN DU RANG GIS NGO BOS GRUB PA'I RANG BZHIN MED PAR SHES PAR BYED PA BZHIN DU, RMI LAM LA RMI LAM DU SHES PA DE DPE LA BLANGS NAS, CHOS GZHAN THAMS CAD KYANG DE DANG 'DRA BAR BDEN PAR GRUB PA CUNG ZAD KYANG MED DO SNYAM DU NGES PAR BYA STE, BDEN 'DZIN GYIS JI LTAR BZUNG BA LEGS PAR SHES NAS DES BZUNG BA LTAR MED PA'I RGYU MTSAN YANG DAG RNAMS SHES DGOS SO, ,DE LTAR SHES NAS RMI LAM GYI SNOD BCUD THAMS CAD DKYIL 'KHOR GNYIS KYI RNAM PAR 'CHAR BA LA BSLAB CING, DE LTAR SHAR BA DE DAG KYANG RANG GI NGO BOS GRUB PAS STONG BZHIN DU DER SNANG BA'I SGYU MAR 'CHAR BA LA BSLAB STE, DE DAG THAMS CAD KYANG BDE STONG GNYIS KYI RNAM

ROL DU BLTA BA SAD DUS BZHIN BYA'O, ,BZHI BA RMI LAM GYI DE KHO NA NYID BSGOM PA NI, 'OD GSAL DANG GCIG TU BYED PA YIN ZHING, DE NI RANG YI DAM DU GSAL BAR BSGOMS LA, RANG GI THUGS KA'I H'Um YIG LAS 'OD ZER 'PHROS PAS, RMI LAM GYI SNOD BCUD THAMS CAD H'Um YIG LA BSDU, RANG YANG LUS KYI STOD SMAD NAS RIM PA BZHIN H'Um LA BSDU ZHING, H'Um YIG KYANG MI DMIGS PA 'OD GSAL DU GZHUG LA SEMS GA-YO MED DU BZUNG NGO, ,DE YANG SAD DUS KYI YID NGO'I SNANG BA DANG, RMI LAM GYI YID NGO'I SNANG BA GNYIS PHYI MA SDUD PA CHES SLA LA, DE'I DUS SU RLUNG SHIN TU RAGS PA 'GA' ZHIG THIM YOD PA'I GNAS KYIS, SLAR YANG RLUNG SNYING KHAR 'DU ZHING RMI LAM GYI SNANG BA MI 'CHAR BAR GNYID DU 'GRO'O, ,DE'I TSE GNYID KYI STONG PA RNAMS CUNG ZAD NGES NUS LA, LAN 'GA' ZUNG LA NGES MA THUB NA'ANG, DE GOMS PA NA RNAM PA GSAL POR GNYID KYI STONG PA RNAMS NGES NUS PA ZHIG 'ONG NGO, ,DE'I SDUD RIM DANG STONG PA RNAMS RE BRTAN BYUNG NA, NYIN MO'I RLUNG SBYOR BSGOM PA SOGS LA'ANG BOGS THON PAR 'GYUR ZHING, MTSAN MO'I GNYID KYI STONG PA RNAMS GNYID DU THOG MAR 'GRO BA'I MTSAMS NAS MA ZIN KYANG, RMI LAM ZIN PA'I RJES NAS SNGAR LTAR BYAS PAS KHYAD PAR CAN ZIN PAR 'GYUR RO, ,GSUM PA BAR DO SGYU MA BSGOM TSUL LA GNYIS, BAR DO'I RNAM GZHAG SPYIR BSTAN PA DANG, NYAMS SU LEN PA'I RIM PA BSTAN PA'O, ,DANG PO NI, SHI BA'I DUS KYI 'CHI SRID 'GAGS PA DANG, BAR DOR GRUB PA GNYIS SRANG MDA'I MTHO DMAN BZHIN 'ONG NGO, ,DE YANG DBANG PO KUN TSANG BA, GANG DU SKYE 'GYUR GYI LUS DBYIBS CAN, LAS KYI RDZU 'PHRUL

, ,GYI SHUGS DANG LDAN PA, SKYE GNAS MA GTOGS PA LA THOGS PA MED PA, BAR DO'I LUS BLANGS PA RE'I TSE'I TSAD NI, RING MTHA' ZHAG BDUN YIN ZHING, DE TSUN CHAD DU NGES PA MED LA, DE LA SKYE SRID DU SKYE MA THUB NA SLAR YANG BAR DOR SKYES NAS, ZHAG BDUN GYI TSUL GYIS SKYE BA'I RKYEN GYI TSOGS PA MA RNYED NA, ZHAG BZHI BCU ZHE DGU BAR DU GNAS LA, DE TSUN CHAD KYI NGES PAR SKYE BA LEN NO, ,BRDZUS TE SKYE NA GNAS LA SRED PA SKYE, DROD GSHER LAS SKYES NA DRI RO LA SRED PA SKYE, SGO NGA LAS SKYE BA DANG MNGAL LAS SKYE NA, PHA MA NYAL PO BYED PA DNGOS SAM DER SNANG BA LA CHAGS SDANG SKYE STE, MOR SKYE NA PHA LA CHAGS MA LA SDANG, PHOR SKYE NA PHA LA SDANG MA LA CHAGS PA DANG, GZHAN RNAMS KYANG SKYE GNAS LA ZHE SDANG SKYES PAR 'CHI RKYEN BYAS NAS SKYE BA YIN LA, DE YANG MI DGE BA BYED PA'I BAR DO NI PHYAR BA NAG PO 'AM MTSAN MO MUN NAG LTA BU DANG, DGE BA BYED PA'I BAR DO NI SNAM BU DKAR PO'AM ZLA 'OD DANG BCAS PA'I MTSAN MO'I SNANG BA LTA BU 'BYUNG NGO, ,DMYAL BA'I BAR DO NI SDONG DUM TSIG PA LTA BU DANG, DUD 'GRO'I BAR DO NI DU BA LTA BU DANG, YI DVAGS KYI BAR DO NI CHU'I KHA DOG LTA BU DANG, 'DOD LHA DANG MI'I BAR DO NI GSER LTA BU DANG, GZUGS KHAMS PA'I BAR DO NI DKAR POR MNGAL 'JUG LAS GSUNGS LA, GZUGS MED NAS KHAMS 'OG MA GNYIS SU SKYE NA BAR DO YOD LA, DE GNYIS NAS GZUGS MED DU SKYE NA GANG DU SHI BA DER GZUGS MED KYI PHUNG PO 'GRUB KYI BAR DO MED DO, ,ZHES GSUNGS PAS YAR MAR GYI MTSAMS MED LA BAR DO MED PAR 'DOD PA NI RTOGS

BTAGS 'BA' ZHIG GO ,'DIR MDZOD LAS, SNGON DUS SRID 'BYUNG SHA TSUGS CAN, ,ZHES BAR DO DE SNGON 'BYUNG GI SRID PA'I GZUGS BRNYAN CAN DU GSUNGS PA'I DON, DA GZOD 'BYUNG 'GYUR GYI 'CHI SRID KYI SNGON DU 'BYUNG BA'I SNGON DUS KYI SRID PA LA BSHAD PA MA GO BAR, BAR DO DE SNGAR MA SHI BA'I DUS KYI SRID PA'I GZUGS CAN DU GO NAS, BAR DO THAMS CAD SNGAR MA SHI BA'I DUS KYI GZUGS CAN DANG, DE DUS KYI GROGS LA SOGS PA'I SNANG BA CAN DU KHA CIG 'DOD PA BYUNG LA, YANG KHA CIG KUN LAS BTUS LAS, GANG DU SKYE BAR 'GYUR BA'I BYAD GZUGS SO, ,ZHES GSUNGS PA MTHONG NAS LUS PHYI MA LEN RGYU'I BYAD GZUGS CAN DANG, DE DUS KYI GROGS LA SOGS PA'I SNANG BA CAN DU 'DOD PA BYUNG, YANG GZHAN DAG SKYE BA SNGA PHYI GNYIS KA'I GZUGS CAN DU BSHAD 'DUG PAS, BAR DO'I ZHAG BDUN GYI PHYED ZHAG PHYED DANG BZHIR SKYE BA SNGA MA'I LUS DBYIBS DANG, DE'I DUS KYI SNANG BA 'BYUNG, ZHAG PHYED DANG BZHIR SKYE BA PHYI MA'I LUS DBYIBS DANG, DE'I DUS KYI SNANG BA 'BYUNG BA DANG, ZHAG SNGA MA PHYED DANG BZHI SOD BA'I MTSAMS NAS, RANG SHI BA DANG BAR DO GNAS PA SHES PA YIN ZHES ZER MOD KYANG, KHUNGS RNAM DAG YE MI SNANG ZHING, SGRUB BYED RNAM DAG GZHAN YANG MI 'DUG PAS RTOG BTAGS SO, ,BAR DO'I SGRA DON YANG, MDZOD LAS 'DIR GANG 'CHI DANG SKYE BA YI, ,SRID PA'I BAR DU 'BYUNG DE'O, ,ZHES 'DI NAS SHI NAS PHA ROL SKYE SRID DU SKYE BA MA BLANGS PA'I BAR GYI SRID PA LA GSUNGS PAS, SKYE SHI BAR DO LAS GZHAN PA'I SRID PA BAR DO MED KYI, DE NYID LA SRID PA BAR DOR GSUNGS SO, ,'ON KYANG GDAMS

, ,NGAG 'DI LAS, SKYES NAS DA GZOD MA SHI'I BAR GYI DA LTAR GYI SKABS LA SKYE 'CHI BAR DO DANG, YANG DA LTA GNYID DU SONG NAS MA SAD KYI BAR GYI SKABS LA RMI LAM BAR DO DANG, YANG DA GZOD SHI NAS SKYE SRID DU SKYE BA MA BLANGS PA'I BAR GYI SKABS 'DI LA, SRID PA BAR DO ZHES 'CHAD PA 'DI JI LTAR YIN SNYAM NA, 'DI LA GSANG 'DUS 'PHAGS SKOR DU STONG PA BZHI'I RIM GYIS 'OD GSAL MNGON DU BYED PA DE, 'CHI RIM BZHIN DU BYED, SGYU MA'I LONGS SKU SGRUB PA DE BAR DO JI BZHIN DU BYED, PHRA BA'I LONGS SKUS RAGS PA'I SPRUL SKU'I LUS 'DZIN PA DE, SKYE BA LEN PA BZHIN DU BYED PAS, GDAMS NGAG DANG MI LDAN PA LA, THA MAL PA'I SKYE SHI BAR DO GSUM DU 'ONG RGYU DE, GDAMS NGAG DANG LDAN PA'I RNAL 'BYOR PA LA, THOG MAR LAM GYI SKU GSUM DANG, MTHAR 'BRAS BU'I SKU GSUM DU 'CHAR BA CIG BYED LA, 'DRA BA DANG 'BREL PA KHYAD PAR CAN LA BRTEN NAS, LAM DANG 'BRAS BU'I SKU GSUM LA GZHI'I CHOS GSUM GYI MING GIS BTAGS PA DANG, GZHI'I CHOS GSUM LA SKU GSUM GYI MING GIS BTAGS PA MDZAD DE, KHUNGS DANG BCAS PA GZHAN DU RGYAS PAR BSHAD ZIN TO, ,DE LTAR NA DA LTA SAD DUS SU SGYU LUS SGRUB PA BAR DO BZHIN DU SGRUB PAS, GNAS SKABS 'DIR YANG BAR DO'I MING GIS BTAGS PA ZHIG MDZAD DO, ,DE BZHIN DU GNYID KYI 'OD GSAL GYI MJUG TU, RMI LAM GYI SGYU LUS BAR DO JI BZHIN DU SGRUB PA CIG YOD PAS, RMI LAM LA YANG BAR DO'I MING GIS BTAGS SHING, GANG ZAG KHYAD PAR CAN GYIS 'CHI BA'I 'OD GSAL GYI MTHAR, GZHAN LA BAR DOR 'ONG RGYU DE LONGS SKUR SKYED PA CIG

YOD PAS, DE LA BSAMS NAS BAR DOR BSHAD DO, ,DE'I PHYIR BAR DO GSUM BSHAD PAR SNANG YANG, DE RNAMS GANG GI CHED DU BSHAD PA GO BA SHIN TU NYUNG BAR BYUNG SNANG STE, GZHI'I CHOS GSUM LAM GYI SKU GSUM DU 'KHYER BA'I RNAM GZHAG GANG BYUNG THAMS CAD DA GZOD KYI MTHAR 'ONG BA'I SKYE SHI BAR DO GSUM DANG BSRE BA KHO NA LA 'JOG PAR SNANG BA'I PHYIR RO, ,DE LTAR SAD DUS KYI SGYU LUS DANG, RMI LAM GYI SGYU LUS DANG, BAR DO 'ONG BA'I DOD LA SGRUB PA'I SGYU LUS GSUM, GZHI'I BAR DO JI BZHIN DU SGRUB SHES NA, SAD DUS SU GTUM MO BSGOMS PAS SROG DBU MAR ZHUGS GNAS THIM GSUM BYUNG BA'I STOBS KYIS, STONG PA BZHI 'AM DGA' BA BZHI'I RIM GYIS 'OD GSAL MNGON DU BYED PA DE, 'CHI BA'I DUS SU RLUNG SEMS RIM GYIS DBU MAR ZHUGS NAS, 'CHI BA'I 'OD GSAL MNGON DU BYED PA JI BZHIN DU, SAD DUS KYI 'OD GSAL DANG, GNYID DUS KYI 'OD GSAL DANG, 'CHI KA'I 'OD GSAL BSGOM TSUL GSUM GA YANG, GZHI'I 'CHI RIM LA RLUNG SEMS DBU MAR SDUD PA'I RIM PAS, STONG PA BZHI 'CHAR BA JI BZHIN DU BYA DGOS PAR SHES DGOS SO, ,DE 'DRA BA'I SUM TSAN GSUM PO DE SHES NA, SAD DUS KYI PHRA BA'I SGYU LUS KYI MTHAR, RAGS PA'I SPRUL SKU'I LUS 'DZIN PA DANG, RMI LAM GYI MTHA' SAD LA KHAD PA'I DUS SU, PHRA BA'I LONGS SKU DES RAGS PA'I SPRUL SKU'I LUS 'DZIN PA DANG, SHA BA'I 'OD GSAL GYI MTHAR BAR DO'I DOD LA LONGS SKUR LANGS PA DES, RAGS PA'I SPRUL SKU'I LUS 'DZIN PA CIG KYANG SHES DGOS MOD KYANG DE DAG LA JI LTAR YIN GYI THE TSOM YANG SKYE DKA' BAR BYUNG SNANG BA SHES NAS, LEGS

, ,PAR RTZAD GCAD PAR BYA'O, ,DE LTAR RTOGS NA 'CHI BA CHOS SKU DANG, BAR DO LONGS SKU DANG, SKYE BA SPRUL SKU'I BSRE BA GSUM PO RE RE LA BSRE BA GSUM GSUM DU 'GYUR BAS, BSDU NA BSRE BA GSUM DANG, PHYE NA DGU 'GYUR BA'I BSRE BA'I TSUL BLA NA MED PA RNAMS SHES PAR 'GYUR RO, ,DE LTA MIN PAR KHA CIG 'DOD CHAGS DBANG GSUM PA DANG BSRE, GTI MUG 'OD GSAL DANG BSRE, ZHE SDANG SGYU LUS DANG BSRE BA'I BSRE BA GSUM BYED PA NI, DBANG GSUM PA DNGOS DBANG DU BSKUR BA LA BRTEN NAS, 'DOD CHAGS LAM DU BYED PA CIG YOD KYANG, 'DIR SNGON DU 'GRO BA'I DBANG DANG, DE'I RJES SU LAM RIM PA GNYIS LAS BSKYED RIM LA SLOB PA'I DUS KYI, BSRE BA NGOS 'DZIN PA MIN GYI, RDZOGS RIM GYI STENG NAS BSRE BA DU BYED STON PAS, 'DOD CHAGS DBANG DANG BSRE BA 'DIR STON PA NI SKABS DANG MA 'BREL LO, ,BAR DO'I PHYOGS GCIG MNGAL DU SKYE BA'I BAR DOS LUS LEN PA NA, 'DOD CHAGS DANG ZHE SDANG GI SEMS GANG RUNG ZHIG MNGON DU 'GYUR BAR GSUNGS PA'I GDAMS NGAG LA BSAMS NAS, SGYU LUS ZHE SDANG DANG BSRE ZER BA MA GTOGS PA GZHAN MED LA, DA LTA NA SHIN TU GAL CHE BA'I SAD DUS KYI SGYU LUS DANG, RMI LAM GYI SGYU LUS DANG BSRE BA BOR NA, SGYU LUS KYI BSRE BA DNGOS STONG NAS 'GRO BA DANG, YANG GAL CHE BA SHI BA'I 'OD GSAL GYI MTHAR BAR DO JI BZHIN DU SGYU LUS SGRUB PA'I BSRE BA YANG STOR BAR 'GYUR BA DANG, MNGAL SKYES SKYE BA LEN KAR YANG, 'DOD CHAGS KYI SEMS KYIS KYANG MTSAMS SBYOR BAR GSUNGS PAS, SGYU LUS DANG 'DOD

CHAGS BSRE ZHES KYANG BYA DGOS PAR 'GYUR BAS, RNAM GZHAG DE RNAMS MI LEGS SO, ,YANG KHA CIG ,SKYE SHI BAR DO LA 'DOD CHAGS SHAS CHE BAS 'DOD CHAGS DANG BSRE BA YIN, RMI LAM BAR DO LA GTI MUG DANG BSRE BA YIN, SRID PA BAR DO LA ZHE SDANG SHAS CHE BAS ZHE SDANG DANG BSRE BA YIN, ZHES ZER BA YANG MI 'THAD PA SNGA MAS RTOGS PAR NUS LA, KHYAD PAR DU, GNYID DANG RMI LAM PAR SHED NA, ,GTI MUG CHOS SKU'I NGO BO CAN, ,ZHES GNYID DU NI SONG, RMI LAM MA SHAR BA'I BAR DER, GNYID KYI 'OD GSAL 'DZIN PAR BSHAD PA'I LUNG TSAD MAR KHAS BLANGS NAS, YANG RMI LAM GYI DUS SU GTI MUG DANG 'OD GSAL BSRE BAR 'DOD PA NANG 'GAL LO, ,YANG MAR PAS MDZAD ZER BA CIG TU, 'DOD CHAGS DANG ZAG MED DU BSRE BA, ZHE SDANG DANG SGYU LUS SU BSRE BA, GTI MUG DANG 'OD GSAL DU BSRE BA 'BYUNG YANG, SNGA MA GNYIS LA YID BRTAN MA SNANG NGO, ,YANG BLA MA KHA CIG SKYE SHI BAR DO LA RIM GNYIS SGOM PA'I BSRE BA SKOR CIG ,DE 'BYONGS PA DANG RMI LAM BAR DO LA GTI MUG DANG 'OD GSAL BSRES NAS, RIM GNYIS SGOM PA'I BSRE BA SKOR GNYIS, DE 'BYONGS PA DANG SRID PA BAR DO LA ZHE SDANG DANG CHOS NYID DU BSRES NAS, RIM GNYIS SGOM PA'I BSRE BA SKOR GSUM MO, ,ZHES ZER BA LA YANG SNYING PO YOD PAR MA MTHONG NGO, ,'DIR BAR DO GSUM GYI LUS GSUM LA SOGS PA'I BAR DO'I RNAM GZHAG BCO LNGA BYED PAR SNANG YANG SHIN TU RTOGS SLA BAS MA BRIS SO, ,GNYIS PA NYAMS SU LEN PA'I RIM PA LA GNYIS, BAR DO'I 'DZIN PA PO'I GANG ZAG GI DBYE BA DANG, DE RNAMS KYIS JI LTAR 'DZIN PA'I TSUL LO, ,DANG PO NI,

, ,BAR DO 'DZIN PA 'DI LA GANG ZAG RNAM PA GSUM YOD DE, ,RAB NI ZHAL LUNG DANG SPYOD BSDUS DANG SGRON GSAL LAS GSUNGS PA LTAR, 'CHI BA'I MTHAR BAR DO 'ONG BA'I DOD LA SGYU MA'I LONGS SKU GRUB NAS, RTEN DE LA 'TSANG RGYA BA CIG STE, 'DI LA BOD KYI MKHAS PA SNGA MA RNAMS LE LO CAN BAR DOR 'TSANG RGYA BA ZHES PA'I THA SNYAD MDZAD DE, LE LO MED KYANG TSE 'DIR SPYOD PA BYED PA'I YO BYAD MA TSANG BA BAR DOR 'TSANG RGYA BA CIG KYANG YOD PAS, MING DE NI PHYOGS GCIG GIS BTAGS PA'O, ,'DI LA TSE 'DIR LAM GYI RTOGS PA JI TZAM ZHIG THOB PA DGOS SNYAM NA, RIM PA DANG PO'I RTOGS PA MTHAR PHYUNG, DE NAS SROG DH'U T'IR ZHUGS GNAS THIM GSUM BYAS PA LA BRTEN NAS DGA' BA BZHI DANG, STONG PA BZHI'I YE SHES RIM GYIS BSKYED DE SGYU MA'I SKU DNGOS 'GRUB PA LA NYE BA CIG DGOS SO, ,'BRING NI SROG DH'U T'IR TSUD NAS THIM PA LAS BYUNG BA'I STONG PA BZHI SKYED PA BYANG BA ZHIG YIN LA, DE LTAR NUS PA'I STENG NAS GNYID KYI STONG PA DANG BSRE NUS NA NI, SHIN TU BSNGAGS TE, GNYID KYI STONG PA DANG BSRE BA NI, RLUNG STOBS KYIS 'CHI BA'I STONG PA DANG BSRE BA'I TSAD 'DZIN LTA BU YIN PA'I PHYIR RO, ,DE LA NI GNYID 'THUG GI SKABS SU YANG DE'I STONG PA DANG BSRE NUS NA LEGS PAR MNGON NO, ,THA MA NI, DBANG RDZOGS PAR THOB CING DAM TSIG DANG SDOM PA SRUNG BA, RIM PA DANG PO'I RNAL 'BYOR LA BRTZON ZHING, RDZOGS RIM BSGOM PA CIG GIS, 'CHI BA'I DUS SU SA CHU LA THIM PA'I RTAGS NAS 'CHI BA'I 'OD GSAL, DNGOS GZHI 'CHAR BA'I RIM PA DANG, DE LAS

LANGS MA THAG TU BAR DO 'GRUB PA'I RIM PA LEGS PAR SHES NAS, DA LTA NAS DE'I GDAMS NGAG RNAMS MANG DU SBYONG BA YIN TE, 'DI NI RMI LAM 'DUN PAS 'DZIN PA DANG 'DRA STE, 'CHI BA'I 'OD GSAL RLUNG STOBS KYIS MI ZIN KYANG, DE'I GDAMS NGAG LA GOMS PA'I STOBS KYIS 'JUG PA'I PHYIR RO, ,DE RNAMS MIN PA'I TSE 'DIR SEMS GNAS BRTAN PA'I GOMS PA CHE BAS KYANG, 'CHI BA LA NYE BA'I TSE TING NGE 'DZIN DE YID LA BYAS NA, DE'I RGYUN 'BYUNG BAR MNGON TE, TSE 'DIR GANG LA GOMS CHA CHE BA'I DGE BA'I SEMS DRAN NA, 'CHI SRID KYI SNGA LOG BAR DU 'JUG PAR GSUNGS PA'I PHYIR RO, ,'ON KYANG 'DI NI TING NGE 'DZIN THUN MONG BA YIN NO, ,GNYIS PA DE RNAMS KYIS JI LTAR 'DZIN PA'I TSUL NI, GANG ZAG RAB BAR DOR 'TSANG RGYA BA ZHES PA NI, TSE 'DIR 'TSANG RGYA MI NUS PA CIG YIN NO, ,'DI LA 'CHI BA'I 'OD GSAL ZIN NA DUS DER 'TSANG RGYA BAR 'DOD CING, DE YANG BAR DO DANG POR SANGS RGYAS PA ZHES ZER BA NI, SHIN TU MI RIGS TE, 'CHI SRID MA 'GAGS PAR BAR DO GRUB PA GZHUNG TSAD LDAN RNAMS DANG 'GAL BA'I PHYIR DANG, 'CHI SRID TSE 'DI DANG BAR DO GNYIS KYI NANG NAS, TSE 'DI NYID DU GZHAG DGOS PA'I PHYIR DANG, DER 'CHI BA'I 'OD GSAL ZIN NA SKABS DER SANGS RGYAS PA GZHUNG TSAD LDAN GANG NAS KYANG MA BSHAD CING, MI 'THAD PA'I PHYIR RO, ,'DI LTAR 'BRAS BU'I CHOS SKU SNGAR MA THOB GSAR DU THOB PA'I DNGOS KYI RTEN YIN NA, RO THA MAL PAR 'GRO BA 'GAL BA'I PHYIR DANG, RTEN DE LA SLOB MI SLOB KYI MTSAN DPE GANG YANG MED PA'I PHYIR RO, ,DES NA DER 'CHI BA CHOS SKU DANG BSRE ZHES PA NI, 'DRA BA TZAM LA CHOS SKUR BTAGS PA

, ,YIN GYI, CHOS SKU DNGOS MA YIN PA'I PHYIR RO, ,DE BZHIN DU SHI BA'I 'OD GSAL GYI MTHAR BAR DO MTSAN NYID PA'I LUS LEN DGOS NA, BAR DO ZIN NAS LAM SBYANGS KYANG RTEN DE NYID LA MCHOG MI 'GRUB PAS, GANG ZAG DANG PO LA GZHAN LA BAR DO 'ONG BA'I DOD LA, ,KHONG LA RLUNG SEMS LAS LAM GYI LONGS SKU 'GRUB PA CIG DGOS PA YIN TE, 'DI DAG GI SGRUB BYED RNAMS KYANG GZHAN DU BSHAD ZIN TO, ,GANG ZAG PHYI MA GNYIS KYIS NI 'CHI BA LA NYE BA'I SNGON RIG PA GSAL BA NA, ZANG ZING YONGS SU BZUNG BA THAMS CAD BSOD NAMS KYI ZHING GI PHYOGS SU LTOS PA MED PAR BLOS LINGS KYIS BTANG LA, CI LA YANG CHAGS PA MED PAR BYA, KHAS BLANGS PA'I SDOM PA DANG 'GAL BA'I NYES LTUNG RNAMS LA BSHAGS BSDAMS DANG, DAM TSIG NYAMS CHAG SOR GZHUG LA, DA NI SHI NA'ANG SHI MOD SNYAM DU YID LA GCAGS PA MED PAR BYA, 'CHI BA DANG BAR DO'I GDAMS NGAG GOMS PA RNAMS LA, DE GNYIS DGE SBYOR GYI GSAL 'DEBS SU 'GRO BA'I TSUL DRAN PAR BYAS TE, 'CHI BA LA BU PHA KHYIM DU 'GRO BA LTAR DGA' BAR BYA, DE NAS RANG LHAR GSAL 'DEBS PA DANG, MDUN DU BLA MA DANG YI DAM GYI LHA TSOGS BSGOMS NAS MCHOD DE, 'CHI BA 'OD GSAL DANG BSRE NUS PA DANG, BAR DO SGYU LUS DANG BSRE NUS PA'I GSOL BA DRAG PO MANG DU GDAB BO, ,GANG ZAG GNYIS PAS NI 'CHI BA'I DUS SU 'BYUNG BA'I 'CHI RTAGS RNAMS MA SHAR BA'I SNGON NAS KYANG, SNGAR SROG DH'U T'IR SDUD PA'I THABS GANG GOMS CHA CHE BA ZHIG YANG DANG YANG DU SBYANGS LA, STONG PA BZHI 'DREN PA DANG, DE'I MTHAR LHA SKUR LDANG LUGS KHYAD PAR

CAN DANG, GNYID KYI STONG PA RNAMS 'DZIN PA DANG, RMI LAM GYI LUS SGYU LUS SU LDANG LUGS KHYAD PAR CAN RNAMS BYA ZHING, SNGAR BZHIN 'PHEN PA YANG YANG BTANG STE, 'DI NI SNGA MO NAS KYANG MANG DU SBYANG DGOS SO, ,DE NAS 'CHI RTAGS SOGS BRTAG PA NI RAGS PA NYI SHU 'OD GSAL DU 'JUG PA'I RTAGS RNAMS NI RNAM GZHAG LAS 'BYUNG BA BZHIN DU SHES PAR BYA, MDOR BSDUS PA'I RTAGS NI SA CHU LA THIM PA NA PHYI RTAGS LUS BSGUL BSKYOD MI NUS SHING, ZUNGS MI THUB PAR LHOD LHOD POR 'GRO, LUS SA LA BYING BA SNYAM BYED CING NGA THAN ZER BA 'BYUNG, NANG RTAGS NI SMIG RGYU LTA BU'I NYAMS 'BYUNG, CHU ME LA THIM PA'I PHYI RTAGS NI KHA SNA'I CHU SKAMS SHING LCE THUNG DU 'GRO, NANG RTAGS DU BA LTA BU 'BYUNG, ME RLUNG LA THIM PA'I PHYI RTAGS NI DROD CHUNG DU 'GRO ZHING, LUS KYI DROD MTHA' NAS SDUD, NANG RTAGS SRIN BU ME 'KHYER LTA BU 'BYUNG, KUN RTOG GI RLUNG SEMS LA THIM PA'I PHYI RTAGS NI, DBUGS PHYIR RING DU RGYU ZHING NANG DU SDUD MI SHES, CUNG ZAD SDUD KYANG THUNG LA RTZUB PAR SDUD, NANG RTAGS MAR ME RLUNG GIS MA BSKYOD PA LTA BU 'BYUNG, DE NAS STONG PA ZHES PA SNANG BA DANG PO 'CHAR TE, NAM MKHA' SPRIN MED PA LA ZLA 'OD SHAR BA LTA BU 'BYUNG, DE NAS SNANG BA DE BSDUS PA'I RJES SU SHIN TU STONG PA ZHES PA SNANG BA MCHED PA 'CHAR TE, NAM MKHA' GA-YA' DAG LA NYI 'OD SHAR BA BZHIN DU DMAR PO'I DMAR SER GYI SNANG BA 'CHAR, DE NAS SNANG BA DE YANG BSDUS PA'I RJES SU STONG CHEN ZHES PA SNANG BA NYER THOB 'CHAR TE, NAM MKHA' GA-YA' DAG LA MTSAMS KYI SMAG GIS KHYAB PA BZHIN DU, NAG LAM PA 'BYUNG ZHING DRAN PA YANG NYAMS

, ,NAS 'GRO, DE NAS NAG THOM GYIS SONG BA'I DRAN MED DE SANGS PA NA THAMS CAD STONG PA ZHES PA 'OD GSAL 'CHAR TE, NAM MKHA' SLOD BYED KYI ZLA NYI'I 'OD DANG, NAG PO'I RNAM PA CAN DANG BRAL BA'I THO RANGS KYI NAM MKHA' GA-YA' DAG LTA BU CIG 'CHAR TE, 'OD GSAL DNGOS GZHI'O, ,'DIR STONG PA GSUM DANG 'OD GSAL LA RIM PA BZHIN DU, PHYI RTAGS DU BA DANG SRIN BU ME KHYER DANG MAR ME DANG, NAM MKHA' SPRIN MED DANG, NANG RTAG DKAR PO DANG, DMAR PO DANG NAG PO DANG, SKYA RENG SHAR BA LTA BU GNYIS BYED PA DANG, MI BYED PA GNYIS SNANG YANG PHYI MA LEGS TE, DU BA SOGS NI STONG PA BZHI'I SNGON NYID DU 'ONG BAR GZHUNG KHUNGS THUB NGU MA LAS GSUNGS SHING, STONG PA BZHI GA YANG DKAR PO SEGS KYI RNAM PA CAN DU 'CHAR BA MA GTOGS PA, SPRIN MED PA'I NAM MKHA' LTA BUR SNANG BA LA 'DRA BA YIN NO, ,'CHI BA'I 'OD GSAL GYI DUS 'DI NI, SNANG BA GSUM RIM GYIS THIM NAS RLUNG RNAMS SNYING KHA'I MI SHIGS PA LA THIM PA DANG, SPYI BO'I THIG LE DKAR PO MAR LA BAB, LTE BA'I DMAR PO YAR 'ONGS TE SNYING KHAR 'DU 'PHROD BYAS PA'I SKABS YIN NO, ,KHAMS DRUG LDAN MIN PA'I SEMS CAN GZHAN 'CHI BA LA YANG, SNGAR BSHAD PA'I 'OD GSAL KHYEMS PA CIG 'CHAR MOD KYANG NGOS MI ZIN NO, ,'BYUNG BA THIM PA'I RTAGS DE RNAMS NI SNGA TSAD NAS KYANG 'ONG BAS, LEGS PAR SHES PAR BYAS LA, RTAGS DANG PO BYUNG BA NAS SROG DH'U T'IR SDUD PA'I THABS GANG GOMS CHA CHE BA GCIG LA SBYANG ZHING, RTAGS BZHI SHAR BA NA RTAGS DE DANG DE YIN NO SNYAM DU NGAS PAR BYAS LA LTA BA DRAN PAR BYA,

LHAG MA RNAMS KYI 'CHAR RIM RNAMS DGE SBYOR DANG BSRE BA'I 'PHEN PA BTANG, DE NAS STONG PA DANG PO SHAR BA NA NGOS ZIN PAR BYA ZHING LTA THOG TU BZHAG STE, STONG PA GNYIS PA DANG NYER THOB DRAN THUB PA RNAMS LA'ANG DE LTAR BYA, 'OD GSAL SHAR BA NA LTA THOG TU BZHAG LA MNYAM PAR 'JOG CI THUB BYA, 'CHI BA'I 'OD GSAL GYI DUS SU RLUNG SEMS DBU MAR SDUD PAS, RLUNG SNYING GAR THIM PA NA, GNYIS SNANG GI SPROS PA RAGS PA RNAMS ZHI BA NAM MKHA' SPRIN MED LTA BUR 'CHAR ZHING, DE NGOS ZIN NAS DE LA MNYAM PAR 'JOG THUB KYANG, SNGON DBU MA'I LTA BA GTAN LA PHAB NAS SGOM SGOM PA CIG GIS, LTA THOG TU BZHAG NAS SKYONG RGYU MED NA, GNAS LUGS RTOGS PAR MI 'GRO BAS, SNGAR TSE 'DIR LTA BA GTAN LA PHEBS PA CIG DANG, BDE STONG SBYOR GYIN BSGOMS PA'I BU'I 'OD GSAL LAM GYI 'OD GSAL LA GOMS PA DGOS SO, ,RJE BTZUN MID LAS KYANG, 'CHI BA'I 'OD GSAL CHOS KYI SKU YIN TE, DE YIN PA LA YIN PAR NGO SHES DGOS, DE NGO SHES PAR BYED BA LA DE LTAR BLA MA DAM PAS NGO SPRAD PA, GNAS LUGS LTA BA'I DON GO BA DANG, MTSON BYED LAM GYI 'OD GSAL SBYANG 'TSAL LO, ,ZHES GSUNGS SO, ,GZHI'I 'CHI BA'I 'OD GSAL NI MA'I 'OD GSAL YIN PAS 'OD GSAL MA BU GNYIS BSRE THUB PA LA, DA LTA SAD DUS SROG DBU MAR ZHUGS GNAS THIM GSUM BYAS PA LAS, STONG PA BZHI DANG KHYAD PAR DU THAMS CAD STONG PA LA GOMS PA DANG, GNYID DUS SU GNYID JI LTAR 'THUG KYANG 'OD GSAL DANG BSRE THUB NA, RLUNG STOBS KYIS DA GZOD 'CHI BA'I 'OD GSAL MA BU BSRE NUS, 'CHI BA'I 'OD

, ,GSAL LA DER NGO SHES NAS BSRE NUS NA, DE'I PHYI LOGS SU BAR DO 'CHAR BA NGO SHES PAS, BAR DO ZIN PA'I THABS DAM PA NI, 'CHI BA'I 'OD GSAL NGOS ZIN NAS BSRE NUS PA YIN GYI, DE LAS GZHAN MED DO, ,DE LAS GZHAN DA LTA NGA SHI BAR 'DUG ,SNANG BA 'DI BAR DO YIN PAR 'DUG SNYAM PA SOGS LA RGYUN LDAN DU SBYANGS NA, BAR DO ZIN PA TZAM SRID DU CHUG KYANG STOBS CHUNG, DE BZHIN DU 'CHI RIM RNAMS 'BYUNG 'GYUR LA'ANG DE BZHIN DU SBYANGS NA, 'CHI RIM GYI STONG PA'I SKABS SU TING NGE 'DZIN RGYUN RING BA TZAM BYUNG YANG, TSE 'DIR RLUNG STOBS KYIS 'CHI BA'I 'OD GSAL ZIN PA MIN PAS, RNAL 'BYOR BLA MED KYI LAM THUN MONG MA YIN PAR BZHAG PAR DKA'O, ,DES NA DE DAG LA DON GNYER CHE NA, RTZA BA BOR NAS YAL GA MA BTZAL BAR, SLAR YANG GTUM MO'I RNAL 'BYOR SNGAR BSHAD PA SOGS SROG DH'U T'IR 'JUG PA'I THABS RNAM DAG RNAMS LA, SNYING RUS BSKYED NAS SAD DUS SU, SROG DH'U T'IR ZHUGS GNAS THIM GSUM BYAS PA LAS STONG PA BZHI SKYED PA DANG, DE RNYED NA GNYID KYI 'OD GSAL RLUNG STOBS KYIS ZIN PAR BYA, DE NAS SAD DUS KYI 'OD GSAL GYI MTHA' DANG, GNYID DUS KYI 'OD GSAL GYI MTHAR SGYU LUS SU LDANG LUGS KHYAD PAR CAN SHES PAR BYAS NAS LDANG BA BYUNG NA, DA GZOD 'CHI BA'I 'OD GSAL DANG BAR DO ZIN LUGS LA, SNGON MED PA'I NGO MTSAR BA'I NGES PA RNYAD PAR 'GYUR BAS, GTUM MO LAM GYI RMANG RDO YIN ZER BA DRAN PAR GYIS SHIG ,'CHI BA'I 'OD GSAL ZIN NAS BZUNG BA DE 'OD GSAL LAS LDANG BAR RTZOM PA NA, SNGAR

GYI GOMS PA DANG 'PHEN PA'I GNAD KYIS, MOS PA YID BYED KYI SGO NAS BAR DO SGYU MA LTA BU'I LHA SKUR LDANG BA'I THABS BYA'O, ,DE LTAR BAR DO NGOS ZIN NAS BAR DO'I LUS MTSAN NYID PA LEN DGOS PAR BYUNG BA 'DIS, RTEN DE LA MCHOG MI 'GRUB KYANG, RANG NYID YI DAM GYI LHAR SGOM PA DANG, DE KHO NA NYID KYI LTA BA SKYONG BA DANG, GANG SNANG GI SNOD BCUD THAMS CAD LA SNGAR SNANG BA SGYU MA DANG, RMI LAM SGYU MAR BSHAD PA BZHIN DU BSGOMS NA KHYAD PAR CHE BAS DE RNAMS KYI GDAMS NGAG NAS BAR DO'I SKABS YIN PAR BSAMS KYIN BSGOM PAR BYA'O, ,TSE 'DIR LAM GOMS PA'I RNAL 'BYOR PA DE MNGAL DU SKYE BAR MA NGES PAS, SKYE GNAS GZHAN GSUM DU YANG SKYE BA 'ONG BAS, SNGAR BZHIN GANG SNANG LHA DANG, LHA SKU SGYU MA DANG, SGYU MA RANG BZHIN GYIS STONG BZHIN DU DER SNANG BA'I DON LA NGES PAR DRANGS NAS, LAGS PAR BSKYANGS NA PHA MA BLA MA YAB YUM DANG, YI DAM YAB YUM DU SGOM PA SOGS KYANG SNGA MA'I NANG DU LHAG DANG BCAS PA 'ONG BAR SNANG BAS DE BZHIN DU BYA'O, ,YANG SKYE GNAS 'DAM PAR BYA ZHES PA'I SPYOD LUGS BZHIN DU, DAG PA'I ZHING KHAMS SU SKYE BA'I 'DUN PA SBYONG BA DANG, MAR LUGS KYI GDAMS NGAG GZHAN NAS BAR DO ZIN NA, DES GNAS MTHON POR SKYE BA'I 'DUN PA GTAD NAS, 'PHO BA'I GDAMS NGAG BYA BAR BSHAD PA BZHIN YANG BYA'O, ,GNYIS PA 'OD GSAL BSGOM PA'I TSUL LA GNYIS, SAD DUS SU 'OD GSAL BSGOM TSUL DANG, GNYID DUS SU 'OD GSAL BSGOM TSUL LO, ,DANG PO NI, SPYIR 'OD GSAL 'DI LA GNYIS LAS THUN MONG BA'I 'OD GSAL NI, GZHI'I CHOS NYID RTAG CHAD KYI MTHA' DANG BRAL BA NI YUL

, ,GYI 'OD GSAL DANG, DON DE JI LTA BA BZHIN DU RTOGS PA NI YUL CAN GYI 'OD GSAL LO, ,DE NI THEG PA CHE CHUNG GNYIS DANG, SNGAGS DANG PHAR PHYIN GNYIS DANG, RGYUD SDE 'OG MA GSUM DANG, BLA MED GNYIS KA'I THUN MONG BA STE, SPYI DON GYI 'OD GSAL ZHES KYANG BYA'O, ,THUN MONG MA YIN PA NI YUL GYI 'OD GSAL DE KHO NA NYID LA KHYAD PAR MED KYANG, YUL CAN LHAN SKYES KYI BDE BA CHEN POS DE RTOGS PA NI, RNAL 'BYOR BLA MED NYID KYI KHYAD CHOS YIN PAS, THUN MONG MA YIN PA ZHES BYA'O, ,'DI'I YANG GTZO BO NI RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI RDZOGS RIM PA'I BDE BA DGOS SO, ,DES NA KHAMS BYANG CHUB KYI SEMS ZHU BA LAS BYUNG BA MIN PAR, DAN SHES KYI SEMS BYING RGOD DANG BRAL BA'I MI RTOG PA TZAM BSKYANGS PAS, RLUNG CUNG ZAD LAS SU RUNG BA LAS SKYES PA'I BDE GSAL MI RTOG PA ZHES ZER BA'I BDE BA YANG MIN LA, ZHU BDE YIN KYANG BSKYED RIM LA SOGS PA'I SKABS SU SROG DH'U T'IR ZHUGS PA SOGS LAS MA SKYES PA'I ZHU BDE YANG MIN PAS, BDE BA'I KHYAD PAR RNAMS ZHIB TU PHYED DGOS SO, ,DE YANG SNGAR GTUM MO'I SKABS SU BSHAD PA BZHIN DU, RDZOGS RIM PA'I LHAN SKYES KYI BDE CHEN, DE KHO NA NYID LEGS PAR GTAN LA PHEBS PA'I LTA BA DANG SBYAR BA'I, BDE STONG DBYER MED KYI YE SHES LA 'OD GSAL DU BZHAG PA'I LAM GYI 'OD GSAL NI, SGYU LUS KYI RDZOGS RIM GYI SNGON DU SKYE DGOS SHING, DE LA GOMS PA MANG DU BYAS PA LA BRTEN NAS, SGYU MA'I SKU SGRUB DGOS PAS, 'DIR 'OD GSAL SNGA MA DE LAS KHYAD PAR DU GYUR PA CIG SPYOD DGOS SO, ,DE YANG SGYU MA'I LUS DNGOS

SAM RJES MTHUN PA'I RTEN CIG LA BRTEN NAS 'OD GSAL DU 'JUG PA CIG YIN NO, ,'OD GSAL DU 'JUG PA'I SDUD RIM NI, 'DI'I MAN NGAG PHAL CHE BAR MI GSAL YANG, GDAMS NGAG KHA CIG LAS 'BYUNG BA SHIN TU LEGS PAR SNANG NGO, ,DE'I RIM PA NI, RANG YI DAM YAB YUM DU GSAL BA'I SNYING KHA CHOS KYI 'KHOR LO'I DBUS KYI DH'U T'I'I NANG DU NYI GDAN LA H'Um YIG SNGON PO CIG BSGOMS, DE LAS 'OD ZER 'PHROS PAS SNOD THAMS CAD SBYANGS TE, 'OD GSAL DU BZHUS PA'I SNOD KHU BA BCUD KYI SEMS CAN LA BSDU, DE NAS BCUD BZHUS PA DANG YUM NI RANG LHAR GSAL BA LA BSDU, RANG GI SPYI BO NAS YAS ZHU, RKANG MTHIL NAS MAS ZHU BA GNYIS DANG, NYI GDAN NI SNYING KHA'I H'Um YIG LA BSDU, DE NAS H'Um GI ZHABS KYU AU YIG HA LA BSDU, HA RANG GI MGO BO LA BSDU, DE ZLA PHYED LA BSDU, DE THIG LE LA BSDU, DE N'A DA GYEN DU 'KHYOG PA LA BSDUS TE, DE YANG SNYING KHA'I DH'U T'I'I NANG NYID DU BSDUS PAR MOS NAS, GNAS DE NYID DU DMIGS PA BRTAN PAR BZUNG NAS, RO RKYANG GI RLUNG SNYING KHA'I DBU MA'I NANG DU ZHUGS GNAS THIM GSUM BYAS PA LAS, STONG PA BZHI'I RIM PAS LAM GYI 'OD GSAL PHUL DU BYUNG BA 'CHAR LA, DE SHAR BA NA BDE BA CHEN PO'I SEMS DE NYID LTA THOG TU GA-YO MED DU BZUNG BAR BYA'O, ,SNGAR BSHAD PA BZHIN SGYU LUS DANG 'OD GSAL GNYIS KA 'PHAGS SKOR GYI GDAMS NGAG DANG SGRIGS RGYUR SNANG LA, BSHAD MA THAG PA'I 'OD GSAL DU 'JUG TSUL NI, GSANG 'DUS RIM LNGA'I RJES GZHIG GI BSAM GTAN KHYAD PAR CAN DU SNANG BAS, 'DUS PA'I GDAMS NGAG GIS CUNG ZAD BRGYAN NAS BSHAD DO, ,

, ,SNGAR GTUM MO BSGOM PA'I SKABS SU RLUNG DBU MAR THIM PA'I LHAN SKYES SKYED NUS PA CIG YIN NA, SKABS 'DIR SNGAR BSHAD PA'I SDUD RIM DE NYID KYIS, SROG DH'U T'IR ZHUGS PA'I LHAN SKYES KYI 'OD GSAL BDE BLAG TU SKYED NUS LA, DE LTA MIN NA'ANG SDUD RIM 'DI NYID LA GOMS PAR BYAS PAS KYANG, DE LTAR SKYED NUS PA YIN TE, GZHAN DU RGYAS PAR BSHAD ZAN TO, ,GNYIS PA GNYID DUS KYI 'OD GSAL BSGOM TSUL NI, GNYID KYI 'OD GSAL RLUNG STOBS KYIS ZIN PA CIG YIN NA, SNGAR BSHAD PA LTAR RMI LAM GYI DGE SBYOR LA 'JUG PA'I SNGON DU 'DI 'DZIN DGOS PA DANG, DE NYID RMI LAM 'DZIN THABS DAM PAR 'GRO BAS, DE BZHIN DU BYED RGYU YIN NA'ANG, BLA MA RNAMS KYIS SKABS 'DIR BSHAD 'DUG PA DANG MTHUN PAR BYAS SO, ,'DI LA SNGON DU ZAS GOS DROD BCUD CAN MANG DU BSTEN PA DANG, ZHAG GNYIS GSUM GNYID GCOG PAR BYED PA DANG, MI BYED PA'I LUGS GNYIS 'DUG PA LA, DANG POR GNYID KYI 'OD GSAL 'DZIN PA LA PHAL CHE BAS GNYID 'THUG DRAGS NA ZIN DKA' LA, CUNG SRAB NA 'DZIN SLA BAS DANG PO'I DUS SU NI, PHYI MA LTAR BYAS LA, GOMS NAS BRTAN PA NA SNGA MA LTAR BYA STE, GNYID GCOG PA NI MI DGOS SO, ,'ON KYANG GNYID SHIN TU 'THUG PA LA AE ZIN LTA 'DOD NA NI, DE LTAR YANG BYA'O, ,NYIN MO NAS DANG MTSAN MO'I CHA LA YANG, DKON MCHOG LA MCHOD PA DBUL, CHOS SKYONG LA GTOR MA GTANG LA, GNYID KYI 'OD GSAL ZIN PA DANG, DE'I 'GAL RKYEN ZHI BA'I 'PHRIN LAS BCOL, RANG LHAR BSGOMS PA DANG BLA MA'I RNAL 'BYOR BSGOMS LA GNYID KYI 'OD GSAL ZIN PA'I GSOL BA DRAG PO

MANG DU GDAB, GNYID BYUNG BA NA RMI LAM DU MA SHOR BAR GNYID KYI STONG PA RNAMS ZIN PAR BYA'O SNYAM DU 'PHEN PA MANG DU GTANG NGO, ,DE NAS NYAL BA NA MA GO BYANG RGYAB SHAR KHA NUB RKANG PA LHOR LTA BA DANG, RKANG PA GA-YAS PA'I STENG DU GA-YON PA BRTZEGS TE, GZHOGS GA-YAS PA 'OG TU 'BABS PA SENG GE'I NYAL THABS BYA'O, ,RANG YI DAM DU GSAL BA'I SNYING GAR PADMA 'DAB MA BZHI PA SNGON PO ZHIG BSAM, DE'I LTE BA RTZA DBU MA'I NANG DU H'Um YIG SNGON PO GCIG BSAM, 'DI'I 'DAB MA LA AA NU TA RA 'GOD PA DANG MI 'GOD PA'I LUGS GNYIS SNANG BA LA, SNGA MA'I LUGS KYIS SHAR GYI 'DAB MA LA AA, LHOR NU, NUB TU TA, BYANG DU RA BKOD NAS GNYID DU 'GRO LA KHAD PA NA, AA LA SEMS GTOD, GNYID 'GO RTZOM PA NA NU LA GTAD PAS, STONG PA DANG PO SNANG BA 'CHAR, DE'I 'OG TU TA LA GTAD PAS STONG PA GNYIS PA SHIN TU STONG PA SNANG BA MCHED PA 'CHAR, DE'I 'OG TU RA LA GTAD PAS STONG PA GSUM PA CHEN PO STONG PA NYER THOB 'CHAR, DE NAS DBUS KYI H'Um LA GTAD PAS STONG PA BZHI PA THAMS CAD STONG PA 'CHAR ZER ZHING, YI GE DE RNAMS BSGOMS PA LA STONG PA RNAMS RIM PA BZHIN DU 'CHAR BA'I DGOS PA YOD PAR SMRA'O, ,DE LTAR SMRA YANG YI GE DBUS KYI DH'U T'I'I NANG DU BKOD PA LA DMIGS PAS, SROG SNYING KHA'I DH'U T'IR BSDUS PA'I ZHUGS GNAS THIM GSUM LAS STONG PA BZHI 'CHAR BA'I MAN NGAG GI GNAD MA RTOGS PAR SNANG LA, DE'I RGYU MTSAN GYIS DBUS KYI YI GE YANG SNYING GAR 'GOD ZER BA TZAM MIN PA, SNYING KHA'I RTZA 'KHOR GYI DBUS DH'U T'I'I NANG DU 'GOD PA YANG GSAL BAR MA BYUNG LA, 'DAB MA'I YI GE'I SKABS SU

, ,STONG PA GSUM SKYE ZER BA SNANG BAS, 'DI'I MAN NGAG GI GNAD KYI GZHI STOR BA BZHIN DU 'GRO'O, ,DES NA AA NU TA RA BKOD PA LA 'GANGS CHE RGYU MED PAS MED KYANG CHOG ,DBUS KYI YI GE GANG DU 'GOD SA DE LEGS PAR THON DGOS PAR 'DUG ,DE LTAR BYED PA'I GNYID KYI 'OD GSAL 'DZIN MKHAN 'DI LA, SNGAR GNAS CHA BRTAN PA'I TING NGE 'DZIN RNYED PA DANG, MA RNYED PA GNYID LAS MA RNYED PA YIN NA NI, NYAL KHA TZAM DU SNGAR GYI DMIGS PA DE BSKYANGS PAS, GNYID DU SONG MA THAG TU GNYID TING NGE 'DZIN DU 'GRO BA YUN SHIN TU THUNG BA RE DANG, DE GNYID KYI SKABS YIN PAR SHAS PA GCIG TSEGS CHEN POS 'BAD PAS 'BYUNG DU CHUG KYANG, DE LA LEGS PAR GNAS PA MI NUS LA, RLUNG STOBS KYIS 'OD GSAL 'DZIN MI NUS PA GNYID DU SONG DUS SU, SNA BUG GI 'BYUNG 'JUG PHRA MO MI 'GAG PA'I GNAD KYIS, STONG PA BZHI GA RJES MTHUN PA TZAM MIN PA MTSAN NYID PA 'CHAR MI THUB PAS, GNYID KYI 'OD GSAL ZIN PA'I DON MED DO, ,GNAS CHA BRTAN PO RNYED PA LA GNYIS LAS, SAD DUS SU GTUM MO LA SOGS PA'I GNAD LEGS PAR SHES NAS BSKYANGS PA'I STOBS KYIS, SROG DH'U T'IR ZHUGS GNAS SOGS BYAS PA LAS STONG PA 'DREN NUS PA GCIG YIN NA, NYAL KHAR SNGAR BSHAD PA'I DMIGS PA, DH'U T'I'I NANG DU H'Um YIG BSGOM PA SOGS SHES NAS BSGOM PA YIN NA, ZHAG GNYIS GSUM PHAN MI 'GYANG BAR NGES PAR GNYID KYI STONG PA BZHI RLUNG THIM PA'I RIM PA LA BRTEN NAS 'DZIN NUS SO, ,SAD DUS SU DE 'DRA'I RLUNG STOBS KYIS STONG PA 'DREN MI NUS KYANG, SPYIR TING

NGE 'DZIN BDE GSAL MI RTOG PA ZHES GRAGS PA DE BRTAN PO YOD PA ZHIG YIN NA, DES NYAL GAR SNGAR BSHAD PA'I DMIGS PA DE BZUNG BA'AM, YANG NA DE MA BZUNG YANG SAD DUS SU TING NGE 'DZIN LA MNYAM PAR 'JOG PA DE BSKYANGS NA, DE'I MTHAR GNYID TING NGE 'DZIN DU 'GRO BA ZHIG 'ONG STE, DE 'DRA BA DE 'ONG BA LA THUN MONG BA'I TING NGE 'DZIN BRTAN PO YOD NA, DES CHOG GI SROG DH'U T'IR TSUD PA MI DGOS PAS, BLA MED NAS BSHAD PA'I GNYID KYI 'OD GSAL MTSAN NYID PA MIN NO, ,'ON KYANG DE 'DRA BA DES KYANG SNGAR BSHAD PA BZHIN SNYING KHA'I DMIGS PA BZUNG NA, DA GZOD KYI BAG CHAGS 'JOG PA'I GNAD NI YOD DO, ,TING NGE 'DZIN THUN MONG BA'I SGO NAS GNYID TING NGE 'DZIN DU SKYED NUS PA DES, DE KHO NA NYID KYI LTA THOG TU 'JOG NUS PA YIN NA, LAM THUN MONG BA'I 'OD GSAL CAM YIN MOD KYANG, SNGAGS BLA MED KYI 'OD GSAL GYI DON MED DO, ,DA NI SNGAR BSHAD PA LTAR SNYING GAR DMIGS PA LAS RLUNG STOBS KYIS 'DZIN NUS PA LA, STONG PA BZHI 'CHAR LUGS BSHAD PAR BYA STE, GZHI DUS SU SNYING KHA'I 'KHOR LO NA GNYID 'THUG GI GNAS SKABS SKYED PA'I THIG LE YOD PA'I GNAD KYIS, DE LAM DU BYAS PA NA MI RTOG PA'I 'OD GSAL PHUL DU BYUNG BA 'CHAR BA YIN, DE LAM DU MA BYAS PA'I TSE YANG GNYID DU 'GRO BA NA, DER RLUNG RANG SHUGS KYIS 'DU BA ZHIG YOD DO, ,DE LA SAD DUS SU SROG DH'U T'IR SDUD PA SOGS NUS PA ZHIG GIS, GNYID DU 'GRO KHAR SNGAR BSHAD PA LTAR, SNYING KHA'I DH'U T'I'I NANG DU DMIGS PA GTAD NAS BSKYANGS NA, DGE SBYOR SNGA MA'I GNAD KYIS RLUNG SNYING KHA'I DBU MA'I NANG DU 'DU BAR SHIN DU SLA BA ZHAG 'ONG NGO, ,

, ,DE 'ONG BA'I RIM PA NI THOG MAR SMIG RGYU LTA BU CHUR MER RE SNANG BA CIG 'BYUNG, DE NAS SNANG BA DE BSDUS PA NA DU BA LTA BU'I SNANG BA SNGO MER BA CIG GIS KHENGS PA 'DRA BA ZHIG 'BYUNG, SNANG BA DE BSDUS PA'I RJES LA SRIN BU ME KHYER 'DRA BA DMAR PHRA PHRA BA MANG PO ZHIG GI SNANG BA 'BYUNG, SNANG BA DE BSDUS PA'I RJES LA MAR ME RLUNG GIS MA BSKYOD PA LTA BU'I SNANG BA MANG DU 'BYUNG, SNANG BA DE BSDUS PA'I RJES SU KOR LE RER THIG LE DKAR PO 'AM, ZLA BA SOGS 'CHAR BA'I DKAR LAM MIN PA'I YID NGOR GANG SNANG THAMS CAD NAM MKHA' GA-YA' DAG 'DRA BA ZHIG LA, ZLA 'OD SHIN TU DVANGS SHING GSAL BA SHAR BA 'DRA BA ZHIG GIS THAMS CAD DU KHYAB PA 'ONG STE, STONG PA DANG, SNANG BA ZHES ZER RO, ,DE BSDUS PA'I RJES LA KOR LE RER DMAR KHYIL KHYIL SNANG BA MIN PAR, YID NGOR GANG SNANG THAMS CAD NAM MKHA' GA-YA' DAG 'DRA BA GZHIG LA, DE LA NYI 'ONG LTA BU DMAR PO 'AM, DMAR SER DU SNANG BAS THAMS CAD DU KHYAB PA 'DRA BZHAG 'ONG STE, SHIN TU STONG PA DANG SNANG BA MCHED PA ZHES ZER RO, ,SNANG BA DE BSDUS PA'I RJES SU KOR LE RER THIG LE NAG PO SOGS SNANG BA MIN PAR YID NGOR GANG SNANG THAMS CAD NAM MKHA' GA-YA' DAG 'DRA BA LA, DE LA SROD KYI SMAG NAG POS THAMS CAD DU KHYAB PA 'DRA BA ZHIG 'CHAR ZHING, DE'I STOD LA DRAN PA NYAMS MI THUB, SMAD KYI MTSAMS SHIG NAS DRAN MED DU NAG THUM GYIS 'GRO STE SKYON MIN, DE DUS DRAN PA NYAMS PHUL JI LTAR CHE BA TZAM GYIS, NYER THOB KYI RTING LA 'CHAR BA'I 'OD GSAL DE SHIN TU BRTAN CHA CHE BA ZHIG 'BYUNG NGO, ,'DI LA CHEN

PO STONG PA DANG SNANG BA NYER THOB CES ZER RO, ,DE NAS NYER THOB KYI SNANG BA DE BSDUS PA'I RJES SU, SNGAR GYI DRAN MED 'THUG PO DE SANGS NAS, NAM MKHA'I RANG MDOG JI BZHIN DU MI THON PA'I RGYU, NYI ZLA'I 'OD SHAR BA DANG SMAG 'THUG POS KHYAB PA GSUM DANG BRAL BA'I, THO RENGS KYI DUS KYI NAM MKHA' GA-YA' DAG 'DRA BA ZHIG 'CHAR BA DE LA, THAMS CAD STONG PA 'OD GSAL ZHES ZER BA YIN, DE LA CI GNAS GNAS KYI BAR DU 'JOG CI THUB BYA DGOS TE, DE MA THAG NAS SAD PA DANG, MA SAD KYANG RMI LAM DU SHOR BA MI 'BYUNG BA'I THABS LA 'BAD DE MAR LUGS KYI GSANG 'DUS KYI GDAMS NGAG TU BSHAD ZIN TO, ,DE 'DRA BA'I STONG PA BZHI PO DE DGA' BA BZHIR YANG 'JOG LA, BZHI PA 'OD GSAL NI LHAN SKYES KYI DGA' BA'I MCHOG YIN PAS, DE'I BDE BA DANG SEMS MI RTOG PAR 'JOG PA TZAM SKYANGS PA'I BDE BA GNYIS BDE BA'I MING TZAM MTSUNGS KYANG, DON NAM MKHA' DANG LAG MTHIL DANG 'DRA BA YIN NO, ,DE 'DRA BA'I BDE CHEN DE SKYES PA DANG, SNGAR GYI DE KHO NA NYID KYI LTA BA DRAN PAR BYAS NAS SEMS GA-YO MED DU 'DZIN PA DE LA, BLA MED KYI THEG PA'I LUGS KYI BDE STONG DBYER MED CES YANG YANG BSNGAGS PA DE YIN TE, 'DI LA 'DRA LA 'DRA MIN GYI NOR SA MANG PO ZHIG SNANG BA ZHIB TU PHYED PAR BYA'O, ,LUGS 'DI'I GDAMS NGAG MANG POR SKABS 'DIR STONG PA GSUM GYI RNAM GZHAG MA BYUNG LA, KHA CIG TU STONG PA BZHI KA'I RNAM GZHAG BYUNG YANG NGOS 'DZIN GSAL PO MI 'DUG GO, BLA MA RDOG ? PA'I GDAMS NGAG KHA CIG TU NGOS 'DZIN MA BYUNG YANG, SKYOD BSDUS KYI GZHUNG JI BZHIN PA ZHIG 'BYUNG NGO, ,DA NI SPYOD BSDUS LAS,

, ,PHUNG PO LA SOGS PA NI KHAMS PHRA BA LA GZHUG GO ,KHAMS PHRA BA NI SEMS LA GZHUG GO, SEMS NI YANG SEMS PA LA GZHUG GO, SEMS PA NI YANG MA RIG PA LA GZHUG STE, DE LTAR SBYAR NAS GNYID LOG PAR BYED DO, ,DE LA DUS 'DIR NI SEMS DANG SEMS PA DANG, MA RIG PA RAB TU ZHUGS PA'I SKAD CIG LA DRAN PA BRJOD PA'O, ,PHYIS NI BRJOD PA YANG MED PA'I YE SHES KYI NGO BO NYID NI 'OD GSAL BA'O, ,YANG GROL BA NA RLUNG GIS RANG BZHIN RNYED DE, GAL TE RMI LAM GZHAN DAG 'BYUNG BA NI, JI SRID DU RNAM SHES MI GA-YO BA DE SRID DU GNYID LOG NAS 'OD GSAL BA LA BLTA STE, ZHES GSUNGS PA 'DIR SNANG LA, GRUB CHEN GYI GZHUNG KHUNGS THUB NAS GNYID KYI STONG PA BZHI BSHAD NAS 'OD GSAL 'DZIN TSUL 'DI 'DRA BA GZHAN GANG NAS KYANG MI 'BYUNG BAS, 'DI NAS BSHAD PA BZHIN SHES DGOS SO, ,DE LA PHUNG PO LA SOGS PA NI ZHES PA NI, RIGS PA'I PHUNG SOGS KYI SNANG BA, KHAMS PHRA BA ZHES PA RLUNG LA THIM PA'I DUS YIN TE, SA CHU ME GSUM SNGA MA PHYI MA LA THIM NAS, ME RLUNG LA THIM PA'I DUS SO, ,DE NAS RLUNG SNANG BA DANG PO'I RNAM SHES LA THIM PA NI, SEMS LA GZHUG CES PA STE, SEMS NI STONG PA DANG PO'O, ,SEMS PA LA ZHES PA NI SNANG BA MCHED PA DANG, GZHUG CES PA RNAM SHES NI DER THIM PA'O, ,MA RIG PA NI NYER THOB YIN LA, DE LTAR SBYAR NAS ZHES PA NI GNYID DUS KYI SEMS STONG PA GSUM DANG SBYAR BA'AM BSRES PA'O, ,DE DAG GI NGOS 'DZIN NI, YE SHES RDO RJE KUN LAS BTUS NAS GSUNGS PA'I DON, SPYOD BSDUS NAS

BSHAD PA SNGAR GSAL BAR BSHAD ZIN PA DE'O, ,DUS 'DIR ZHES PA NI GNYID KYI DUS SO, ,SEMS GSUM RAB TU ZHUGS PA NI SNGA MA PHYI MA LA ZHUGS PA'O, ,DE GSUM GYI GSUM PA'I DUS NI DRAN PA NYAMS PA'O, ,PHYIS NI ZHES PA NI NYER THOB KYI RJES THAGS SU'O, ,BRJED PA YANG MED PA NI DRAN MED 'THUG PO SANGS PA'I SKABS, THO RANGS KYI NAM MKHA'I RANG MDOG THON PA DANG 'DRA BA STE, DE LA NI DE TZAM ZHIG MA GTOGS PA SNANG BA GZHAN GANG YANG MI 'CHAR RO, ,'DIR CHAG 'GYUR LAS, YANG GROL BA RLUNG GIS RANG BZHIN GA-YOS TE, GAL TE RMI LAM GZHAN DAG MA BYUNG NA, JI SRID DU ZHES SOGS 'BYUNG BA LEGS LA, DE'I DON NI 'OD GSAL GYI TING NGE 'DZIN DE GROL BA STE, DE LHOD PAR SONG NAS LDANG BA NA, RLUNG GIS RANG BZNIN GYIS RTOG PA GA-YOS TE, RMI LAM 'CHAR BA YIN PA LA, GAL TE RMI LAM 'CHAR BA DE MA BYUNG NA, JI SRID 'OD GSAL LAS MA GA-YES PA DE SRID DU 'OD GSAL BSKYED ZHES PA'I DON TO, ,DES NA 'OD GSAL RLUNG STOBS KYIS ZIN PA MIN PAS, GNYID TING NGE 'DZIN DU SKYED NUS PA LA NI GNYID KYI 'OD GSAL GYI SNGON DU 'CHAR DGOS PA'I STONG PA GSUM SNGAR BSHAD PA DE MI 'CHAR BAS, DE GSUM SNGON DU MI 'CHAR BA'I GNYID KYI TING NGE 'DZIN GSAL DVANGS BYUNG YANG, GNYID KYI 'OD GSAL GYI DON MED DO, ,DER MA ZAD STONG PA DANG PO'I SNGON DU YANG SMIG RGYU DANG DU BA SOGS KYANG 'DRA LA 'DRA MIN TZAM ZHIG AE 'CHAR MA GTEGS PA, KHRIGS CHAGS BRTAN POR MI 'CHAR RO, ,DE'I PHYIR GNYID KYI 'OD GSAL LA NYAMS DANG RTOGS PA'I 'OD GSAL GNYIS DANG, SRAB MO DANG 'THUG PO'I 'OD GSAL GNYIS DANG, RMI LAM GYI DUS SU

, ,RTOG MED KYI TING NGE 'DZIN GSAL DVANGS BYUNG BA YANG, GNYID KYI 'OD GSAL DU 'JOG PA'I RNAM GZHAG MANG PO SNANG YANG SNGAR BSHAD PA LTAR MA PHYED PAR GNYID TING NGE 'DZIN DU SKYED NUS PA TZAM GYI STENG NAS BSHAD PA MANG DU BYAS PAR SNANG BAS, YID BRTAN THUB PA MI SNANG NGO, ,DE LTAR SAD DUS DANG GNYID DUS GNYIS KA'I 'OD GSAL YANG DAG PA DANG LTAR SNANG BA, 'PHAGS PA YAB SRAS KYI GZHUNG LA BRTEN NAS LAGS PAR PHYE BA 'DI, SHIN TU GCES PA'I GDAMS NGAG TU BZUNG BAR BYA'O, ,DE LTAR 'OD GSAL LA 'JOG CI NUS BYAS KYANG, RLUNG GA-YOS PA'I DBANG GIS 'JOG MA NUS NA, RMI LAM DU LDANG LUGS KHYAD PAR CAN NI, MAR LUGS KYI GSANG 'DUS KYI GDAMS NGAG TU BSHAD PA LAS SHES PAR BYA'O, ,GNYIS PA LAM GYI YAN LAG 'PHO BA DANG GRONG 'JUG LA GNYIS, GONG DU 'PHO BA DANG, GRONG DU 'JUG PA'O, ,DANG PO NI, RNAM SHES GONG DU 'PHO BA'I GDAMS NGAG 'DI NI, RNAL 'BYOR BLA MED KYI RGYUD KYI KHYAD CHOS CHEN PO ZHIG YIN LA, 'DI YANG BDE DGYES GNYIS KA'I THUN MONG GI BSHAD RGYUD SAM BHU tA DANG, BDE MCHOG GI THUN MONG MA YIN PA'I BSHAD RGYUD RDO RJE MKHA' 'GRO DANG, BDE MCHOG SDOM 'BYUNG GNYIS DANG, RDO RJE GDAN BZHI'I RTZA RGYUD DANG, RJE BTZUN 'JAM DPAL GYI ZHAL GYI LUNG LA SOGS PA NAS GSUNGS SO, ,DE'I PHYIR 'PHO BA'I GDAMS NGAG LEGS PAR SHES PAR 'DOD NA, RGYUD DE RNAMS DANG DE RNAMS KYI 'GREL PA KHYAD PAR CAN RNAMS GUNG LEGS PAR BSGRIGS NAS, GNAD RNAMS SHES DGOS PAR YOD DE, ,LAM 'DI'I PHAN YON NI RDO RJE MKHA'

'GRO LAS, NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,RKU 'PHROG 'DOD LA SPYOD PA YANG, ,LAM 'DI YIS NI DAG 'GYUR TE, ,SDIG PAS GOS PAR MI 'GYUR ZHING, ,SRID PA'I SKYON LAS RANG DU 'GRO, ,ZHES GSUNGS TE, ,'GYUR KHYAD 'GA' YAR MA GTOGS PA KHA SBYOR DANG, GDAN BZHI LAS KYANG DE BZHIN DU GSUNGS PAS, SHIN TU DON CHE BAS 'DI LA 'BAD DGOS SO, ,LAM 'DIS DAG PA DANG GROL BAR GSUNGS PA NI, NGAN 'GRO LAS GROL BA DANG DER SKYE BA'I SDIG PA DAG PA YIN PAR MAN SNYE SOGS LAS BSHAD DO, ,'PHO BAS LAS LA SBYOR BA'I DUS KYANG RDO RJE MKHA' 'GRO LAS, DUS LA BAB NA 'PHO BYA STE, ,DUS MIN LHA RNAMS GSOD PAR 'GYUR, ,LHA RNAMS BSAD PA TZAM GYIS NI, ,DMYAL BAR NGES PAR SREG PAR 'GYUR, ,DE BAS 'CHI BA'I MTSAN MA NI, ,MKHAS PAS 'BAD DE SHES PAR BYA, ,ZHES DANG, GDAN BZHI DANG KHA SBYOR LAS KYANG DE BZHIN DU GSUNGS PAS, DUS MA YIN PAR 'PHOS NA, RANG NYID LHAR GSUNGS PA'I LHA BSAD PAS, SNGAGS SDOM YOD NA RTZA LTUNG BRGYAD PA 'BYUNG BAS, DMYAL BAR 'GRO BA'I NYES DMIGS CHE BAR GSUNGS PAS DUS SHES DGOS SO, ,DUS SHES PA LA 'CHI LTAS LA MKHAS PAS 'BAD PA CHEN POS 'CHI LTAS SHES PAR BYA BAR GSUNGS PAS, RANG LA 'CHI LTAS MTHONG BA DANG, DE LA 'CHI BLU BYAS PAS MA ZLOG PA'I RTAGS MTHONG NA, 'PHO BA BYA BA'I DUS SO, ,DE YANG GDAN BZHI'I 'GREL PAR ZLA BA DRUG GI SNGON DU BYA BAR BH'A BA BHA DRAS BSHAD DE, 'CHI LTAS KYI DUS TSIGS LEGS PAR NGES PA GAL CHE'O, ,GZHAN YANG GDAN BZHI LAS, RIMS LA SOGS PAS MA PHOG PAR, ,

, ,'PHO BA SBYONG BA MCHOG YIN NO, ,ZHES GSUNGS PAS, NAD KYIS MA PHOG PA'I GONG DU BYA DGOS KYI, NAD KYIS BTAB NA NI SNGAR LEGS PAR SBYANGS PA YIN KYANG, JI BZHIN DU 'PHO MI NUS PAR GSUNGS SO, ,YANG RGAS PAS SHIN TU SDUG BSNGAL BAR MTHONG BA DANG, NAD DRAG PO'I SDUG BSNGAL MA BZOD NAS 'PHO BA BYED NA, SNGAR BZHIN DU BYA MI RUNG BAR GSUNGS PAS, 'DI'I GDAMS NGAG KHA CIG TU SNGA MA LA 'PHO BA BYA, ZHES PA NI PHYIN CI LOG TU SMRA BA CHEN PO'O, ,'PHO BA'I GDAMS NGAG DNGOS LA GNYIS LAS SBYANG BA NI, RDO RJE MKHA' 'GRO LAS, GNAS KYI MTHA' NI DAG PAR BYA, ,DAG NAS SRID PA 'PHO BYA YIS, ,GZHAN DU NA NI DON MED 'GYUR, ,ZHES BDE SDUG GI GNAS LUS KYI MTHA' STE, SNGAR GTUM MO BSGOMS PAS DAG PAR MA BYAS PAR 'PHOS NA, NGAL BA DON MED DU BH'A BA BHA DRAS BSHAD PAS, SNGAR GYI GTUM MO SGOM PA 'PHO BA KHYAD PAR CAN SGRUB PA'I RGYU CIG YIN NO, ,YANG RDO RJE MKHA' 'GRO LAS, BUM PA CAN GYIS SGO BCINGS NA, ,SGO YI BU GU DAG PAR 'GYUR, ,ZHES GSUNGS SHING, GDAN BZHI DANG SAM BHU tA LAS KYANG DE DANG MTHUN PAR GSUNGS PAS, RLUNG BUM PA CAN BSGOMS PAS DBANG PO LA SOGS PA'I SGOR 'JUG PA'I RLUNG NANG DU LEGS PAR SDUD NUS PA ZHIG DGOS PAR GSUNGS PAS, SNGAR BSHAD PA'I BUM PA CAN RAB 'BRING THA MA GSUM GYI THA MA YOD NA DES CHOG CES ZER BA MANG DU SNANG BA NI, RGYUD KYI DON MA RTOGS BZHIN DU SMRA BA'O, ,DES NA SPYI GTZUG GSER GYI SGO MA GTOGS PA'I SGO BRGYAD NAS RNAM SHES 'PHO BA BKAG NAS, SPYI GTZUG GSER GYI SGO NAS 'PHOS TE, SNGAGS SPYOD PA'I RIG PA 'DZIN PA'I

RTEN MCHOG TU GYUR PA 'THOB PA'I 'PHO BA LA, RGYUD NAS GSUNGS PA DE RNAMS DGOS SHING, RNAM SHES LUS LAS 'DON PA'I DMIGS PA RNAMS KYANG, RGYUD DE RNAMS NAS BSHAD PA'I DMIGS PA MTSAN NYID RDZOGS PA DGOS SO, ,'DI'I GDAMS NGAG SHOG DRIL BZHI PA'I 'PHO BA DANG, RDOG LUGS KYI GDAMS NGAG RNAMS KYI 'PHO BA'I DMIGS PA DNGOS GZHI RNAMS CUNG RGYAS PAR SNANG YANG, 'DIR LUGS 'DI'I MAN NGAG GTZO BOR MDZAD PA'I BLA MA RNAMS KYI MAN NGAG NAS 'BYUNG BA CUNG ZAD BRJOD PAR BYA'O, , 'DIR 'PHO BA SBYONG BA'I RTEN DU LHA GANG SGOM SNYAM NA, BLA MA RNAMS RANG GI YI DAM GANG YIN SGOM PAR BZHED, KHA SBYOR DANG GDAN BZHI LAS 'DI LA SGOS KYI LHA SGOM TSUL CIG GSUNGS PAS GRUB NA DE BZHIN DU BYED RGYU YIN YANG, 'DIR TSIG MANGS SU DOGS NAS MA BRIS SO, ,RANG LHAR GSAL BA DANG RLUNG KHA SBYOR GSANG GNAS SAM, LTE BAR BSGOMS PA'I DANG NAS, LTE BAR AA DMAR PO DANG, SNYING GAR H'Um MTHING NAG DANG, TSANGS BUG TU KshA DKAR PO RE BSAM, DE NAS 'OG RLUNG DRAG TU THEN PAS LTE BA'I AA YIG PHUL BAS, YAR 'ONGS NAS H'Um PHUL, DE NAS H'Um YAR 'ONGS TE KshA YIG PHUL BAR BSAM, YANG PHYIR DBAB LA SNYING KHAR H'Um DANG, LTE BAR AA GNAS PAR BSAM, ZHES 'BYUNG BAS, YAR RES AA H'Um LA THIM PAR BSAM ZHES ZER YANG SNGA MA LTAR BYAS NA BDE'O, ,DE LTAR RGYUN DU RTAGS MA BYUNG GI BAR DU SBYANG NGO, ,RTAGS NI SPYI GTZUG ZA BA DANG, 'PHRIG PA SOGS SO, ,DE NAS LAS LA SBYAR BA NI, LUS GNAD TZOG PUR BYA, LAG PA GNYIS KYIS PUS MO GNYIS LA 'KHYUD CING, SKYABS 'GRO SEMS BSKYED SNGON DU 'GRO BAS, RANG NYID

, ,YI DAM GYI LHAR GSAL BA'I NGANG NAS SPYI GTZUG GI THAD KA'I MDUN GYI NAM MKHAR 'DOM GANG NGAM, KHRU GANG SOGS GANG BDE BA'I SAR, BLA MA DANG YID DAM GYI LHA DBYER MED DU DMIGS LA, MOS GUS KYI GDUNG BAS GSOL BA DRAG TU GDAB, DE NAS LTE BA'I AA DANG, SNYING KHA'I H'Um DANG, SPYI GTZUG GI KshA GSAL BTAB NAS, 'OG RLUNG DRAG TU THEN PAS AA DE NYID, RTZA DBU MA'I NANG NAS YAR LA KHYU RU RU BYUNG NAS, SNYING KHA'I H'Um LA THIM PAR BSAM ZHING, AA HI KA CI TZAM GRUB PA CIG BZLOS SO, ,YANG H'Um DE NYID KYANG YAR BYUNG STE, AA HI KA NYI SHU'I BAR DU BRJOD PAS, MGRIN PAR BYUNG BAR BSAMS LA, TSANGS BUG GI KshA YIG BSAL NAS, TSANGS BUG DKAR KHUNG BYE BA LTAR DKAR SANGS NGE YOD PAR BSAM ZHING, AA HI KA DRAG PO LNGA BRJOD PAS, H'Um DE TSANGS BUG NAS RGYANGS KYIS 'THON NAS, BLA MA DANG YI DAM DBYER MED KYI THUGS KAR THIM PA LA SEMS GTAD DE MI RTOG PA'I NGANG LA BZHAG GO, ZHES BLA MA RNAMS GSUNG NGO, ,'DI GDAN BZHI LA BRTEN NAS 'PHO BA BSDUS PA CIG MDZAD PAR 'DUG ,DE LA RGYUD DANG 'GREL PA KHUNGS THUB NAS, BSHAD PA'I YI GE GNYIS KYI GDAN DANG, YI GE GNYIS GANG DU 'GOD PA'I GNAS DANG, MGO BO GYEN DANG THUR DU LTA BA'I TSUL DANG, YAR 'PHUL MAR 'BEBS KYI DUS GNYIS SU RLUNG GI BZLAS PA DANG, SBYOR TSUL KHYAD PAR CAN SBYONG LUGS RNAMS DA DUNG LEGS PAR SHES PAR BYAS NAS BSKYANGS NA SHIN TU LEGS PAR RTOGS SO, ,SPYIR BDE 'GRO'I GNAS TZAM DU 'PHO BA'I GDAMS NGAG LA YANG, KHYAD PAR CHE MOD KYANG, RGYUD SDE'I

DGONGS PA NI SNGAGS SPYOD PA'I RIG 'DZIN GYI RTEN MCHOG TU 'PHO BAR BYED PA YIN LA, DE LA THUN MONG MA YIN PA'I TING NGE 'DZIN KYI STOBS KYIS SGO GZHAN BRGYAD NAS RNAM SHES 'PHO BA 'GOG NUS SHING, GSER GYI SGO NAS 'PHO NUS PA CIG DGOS SO, ,DE LA RNAM SHES KYI BZHON PA'I RLUNG SGO GZHAN BRGYAD DU 'GRO BA 'CHING NUS NA, RLUNG LA ZHEN PA'I RNAM SHES KYANG SGO DE RNAMS SU 'PHO BA'I 'CHING NUS LA, DE LA SGO DE RNAMS SU YI GE BKOD NAS SGOM PA'I GNAD SHES NAS 'CHING BA ZHIG DANG, SROG RTZOL BUM PA CAN GYIS DBANG PO'I SGO RNAMS NAS RLUNG 'CHING NUS PA ZHIG DGOS PA NI GNAD DAM PA YIN TE, DE RNAMS KYI GNAD GSAL POR ZIN PA YIG CHA RNAMS LAS KYANG DKA' BAR BYUNG SNANG NGO, ,DES NA LTE BA'I AA KHA DOG DMAR POR GONG MA RNAMS MDZAD PA SAM BHU tA LAS, SA BON DE NYID DMAR PO'O, ,ZHES GSUNGS PA'I DON, MAN SNYE LAS DE NYID CES PA NGES BZUNG GI DON DU BSHAD PAS AA KHE NA DMAR POR BYA ZHES GSUNGS PA LA, AA MIN PAR H'Um YIG DMAR POR BYED PA DANG, GDAN BZHI LA SOGS PA'I RGYUD RNAMS SU SGO DGUR YI GE ? 'GOD LUGS GSAL BAR BSHAD PA BOR NAS, H'Um BSGRIL MA RE RES 'GOD PA ZAB PAR 'DOD PAR SNANG STE, RGYUD DON MA GO BAR BSHAD PA'O, ,GNYIS PA RNAM SHES GZHAN GYI GRONG DU 'JUG PA NI, MIG SOGS KYI DBANG PO LA GRONG DANG, DBANG PO'I RTEN LA GRONG KHYER GYI SGRAS BSTAN PA NI, PHAR PHYIN NAS 'BYUNG LA, GANG ZAG GZHAN SHI BA'I LUS MA NYAMS PA LA'ANG, GRONG KHYER GYI SGRA 'JUG PAS RNAM SHES DER 'JUG PA LA GRONG 'JUG CES GSUNGS SO, ,'DI'I GDAMS NGAG KYANG RNAL 'BYOR BLA MED KYI KHYAD CHOS YIN LA, MA

, ,RGYUD MANG PO NAS GSUNGS SHING, PHA RGYUD KYANG RE RE TZAM NAS GSUNGS SO, ,'O NA GRONG 'JUG 'DI RTEN JI 'DRA ZHIG GIS BYED, DGOS PA JI 'DRA ZHIG GI PHYIR DU BYED, BYED LUGS JI 'DRA ZHIG GIS BYED SNYAM NA, DE LA RTEN GYI GANG ZAG NI 'PHO BA DANG, GRONG 'JUG SOGS LA'ANG DBANG BSKUR LEGS PAR THOB PA DANG, DAM TSIG DANG SDOM PA TSUL BZHIN DU SRUNG BA DANG, BSKYED PA'I RIM PA LA SBYANGS PA DGOS PA NI 'DRA'O, ,RGYUD NAS 'PHO BA KHYAD PAR CAN DANG, RANG GI RNAM SHES GZHAN GYI GRONG DU 'JUG PA DANG, GZHAN GYI RNAM SHES LUS LAS BTON NAS RANG GI LUS LA 'JUG PA GSUM GA LA, SGO DGUR YI GE BKOD NAS RLUNG 'GOG NUS PA DANG, BUM PA CAN GYIS KYANG SGO DE RNAMS SBYANGS NAS SROG DH'U T'IR 'DZUD NUS PA DANG, GTUM MO LA BRTEN NAS LTE BA'I AA THUNG GI DMAR CHAS, SNYING KHA'I SROG RLUNG PHRA BA'I BZHON PA CAN GYI YID SHES KYI H'Um YIG BSKUL NUS PA CIG DGOS PA NI, RDO RJE MKHA' 'GRO DANG, GDAN BZHI DANG, DE GNYIS KYI 'GREL PA BH'A BA BHA DRAS MDZAD PA DANG, KHA SBYOR DANG DE'I 'GREL PA MAN NGAG SNYE MA RTZA 'GREL GYI DGONGS PAR SNANG NGO, ,RNAM SHES RANG GZHAN LA 'JUG PA GNYIS NUS PA LA NI SNGAR BSHAD PA DE LAS KYANG RLUNG 'BYONGS PA CIG DGOS PAR SEMS SO, ,ZHIB PAR GZHAN DU BSHAD PA LAS SHES PAR BYA'O, , GRONG 'JUG BYED PA'I DGOS PA NI, RIGS DMA' BAS GZHAN DON CHEN PO MI 'GRUB PAS RIGS MTHO BA'I RTEN 'DZIN PA DANG, NAD BU CAN GYIS RANG GZHAN GYI DON MI 'GRUB PAR MTHONG NAS, NAD MED PA'I LUS RTEN 'DZIN PA DANG, NA SO RGAS PAS

GZHON PA'I LUS RTEN 'DZIN PA SOGS KYI DON DU GRONG 'JUG BYED DO, ,JI LTAR BYED PA'I TSUL LA 'DI PA'I BLA MA RNAMS GSUM DU BYED PA'I DANG PO SKYANG BA NI, RLUNG SEMS GNYIS LA DBANG THOB, TSE 'DIR GZHAN DON 'GRUB PAR MTHONG ZHING, SEMS CAN LA SNYING RJE CHAD MED DANG LDAN PA'I GANG ZAG GIS GRONG DU 'JUG PA'I MAN NGAG NYAMS SU BLANG BAR BYA STE, SHIN TU DBEN PA'I GNAS SU GA-YOG DANG BCAS TE, BYA BYED KYI GA-YENG BA SPANGS NAS YI DAM DANG RTEN BKRAM, MCHOD PA BSHAM, MTSAMS DAM PAR BCAD DE, RANG GI MDUN DU TSON RTZI NAG POS PHYUGS PA'I MAndAL GYI STEGS BU BYA, DE'I DBUS SU THED PA'I MTHIL DU RDO RGYUS KYIS YI GE H'Um GSAL BAR BRIS LA, RANG YI DAM GYI LHAR GSAL BA'I NGANG NAS, YAN LAG BDUN PA BYA, RANG GI SNYING GI NANG DU YI GE H'Um GSAL BAR BSGOMS LA, SNA BUG GA-YAS NAS RLUNG RGYU BA'I DUS SU, SNYING KHA'I H'Um DE NYID RLUNG PHYIR RGYU BA DANG SDONGS NAS, SNA BAG GA-YAS NAS 'THON TE, THED PA'I H'Um LA THIM PAR BSAM ZHING, RLUNG NANG DU MI RNGUB PAR PHYIR GZUNG NGO, ,MA THUB PA DANG NANG DU DAL BUS RNGUB, YANG PHYIR 'GRO DUS SNGA MA LTAR BYA'O, ,DE LTAR YANG YANG BSGOMS PAS, 'BYONGS PA'I RTAGS THED PA 'GUL BA DANG, 'TSAG PA DANG 'PHAR BA SOGS 'BYUNG NGO, ,DE NAS BSAD PA NI MI RO GSAR PA MA NYAMS SHING, RMA 'BRAS SOGS MED PA, RIMS DANG 'BRUM BU SOGS KYIS SHI BA MIN PA'AM, YANG NA PHYUGS LA SOGS PA'I RO GTZANG ZHING MA NYAMS PA ZHIG BTZAL LA, CHU GTZANG MAS KHRUS BYAS, YID DU 'ONG BA'I RGYAN BTAGS LA, MDUN GYI MAndAL GYI STENG DU SKYIL KRUNG DAM LUS LEGS

, ,PAR BCOS LA BZHAG, DE NAS RANG DANG RO GNYIS KA'I SNYING GAR SEMS KYI RTEN YI GE H'Um RE BSAMS LA, RANG GI SNYING KHA'I H'Um DE RLUNG PHYIR 'GRO BA DANG SDONGS NAS SNA BUG GA-YAS NAS 'THON TE, RO'I SNA BUG GA-YON NAS ZHUGS NAS SNYING KHA'I H'Um LA THIM PAR BSAM MO, ,DE LTAR YANG YANG BYAS PAS RO'I LUS LA DBUGS DANG, DRI LA SOGS PA BYUNG NA 'BYONGS PA YIN PAS NYAMS 'OG TU TSUD DO, ,DE NAS LAS LA SBYAR PA NI 'TSAMS BKROL LA, MI RO GSAR PA MTSAN LDAN SOGS BTZAL LA, SNGAR GYI MAndAL GYI STENG DU RANG LA KHA BSTAN LA BZHAG ,RGYAN GDAGS PA SOGS BYAS LA, RANG YI DAM GYI LHAR GSAL BTAB LA THA MAL GYI LUS KYI ZHAN PA DOR NAS, SNANG SRID KYI CHOS THAMS CAD SGYU MA LTA BUR SHES PAR BYAS LA, THA MAL GYI 'KHRUL RTOG GI BAG CHAGS SPANGS NAS, BLA MA DANG CHOS SKYONG LA GTOR MA PHUL, BAR CHAD MI 'BYUNG BA'I GSOL BA GDAB, DE NAS RANG DANG RO GNYIS KA LHAR GSAL BA'I THUGS KAR YI GE H'Um RE GSAL GDAB, DE NAS RO DANG RANG GNYIS KHA SPRAD DE, RANG GI SNYING KHA'I H'Um DE SNA BUG GA-YAS PA NAS RLUNG PHYIR 'GRO BA DANG BSDONGS NAS, RO'I SNA BUG GA-YON NAS ZHUGS PAR BSAM ZHING, RLUNG SEMS H'Um LA DRAG TU GTAD DE, RLUNG NANG DU MI RNGUB PAR PHYIR DRAG TU GTANG NGO, ,DE LTAR BYAS PAS RO'I LUS LA DBUGS LA SOGS PA BYUNG NA, YID DU 'ONG BA'I GROGS KYIS 'PHROD PA'I ZAS BYIN NAS, ZLA BA PHYED TZAM BAR DU SPA BAR BYA ZHING, BRTAN PA THOB KYI BAR DU PHUNG PO RNYING PA GZHAN DU SBA'O, ,DE NAS PHUNG PO RNYING PA LA NGEN LAN GLAN PA'I PHYIR, SREG PA DANG TSA TSA GDAB PA SOGS BYAS LA, LUS GSANG

BA DE NYID KYIS SEMS CAN GYI DON RGYA CHEN PO BYA'O, ,ZHES BLA MA RNAMS 'CHAD DO, ,RGYUD DANG 'GREL PA KHUNGS THUB KYI LUGS KYIS DE 'DRA MI DGOS PA'I GRONG DU 'JUG LUGS BSHAD DO, ,RANG GI LUS LAS RNAM SHES BTON NAS GZHAN GYI GRONG DU 'JUG PA 'DI LA, 'PHO BA LA GSUNGS PA LTAR LANG GSOD PA DANG, MI GSOD PAR 'GRO BA'I RNAM GZHAG MA GSUNGS SHING, 'DI DUS LA BAB NAS 'CHI BA YANG MIN LA, DUS MIN DU RANG GIS RANG BSAD PA'I NYES DMIGS GSUNGS PA YANG 'DI LA MI SNANG BAS 'CHI SRID MTSAN NYID PA MIN NO, ,DE MIN PA'I RGYU MTSAN GYIS PHA ROL GYI GRONG DU 'JUG PA DE YANG, MNGAL SKYES SOGS BZHI PO GANG GI 'ANG SKYE BA 'DZIN TSUL MED PAS, SKYE SRID MTSAN NYID PA 'DI MIN NO, ,DE'I PHYIR 'DI NAS RNAM SHES 'THON NAS PHA ROL GYI GRONG DU MA ZHUGS PA'I BAR YOD KYANG, BAR SRID MTSAN NYID PA'ANG MIN NO, ,DES NA LUS SNGA MA LA BRTEN PA'I CHOS KYI DRAN PA LA SOGS PA SNGA MA DOR BA'I RGYU MTSAN GYIS NYAMS PA YANG MED DO, ,'DI 'DRA BA'I RNAM GZHAG RNAMS LEGS PAR SHES PA LA NI, DPAL 'DUS PA'I SGYU LUS KYI MAN NGAG RNAMS LEGS PAR SHES DGOS PAR SNANG NGO, ,RNAM SHES RANG GZHAN LA 'JUG PA GNYIS GSUNGS KYANG, GNYIS PA BLA MA RNAMS KYIS MA BSHAD SNANG BAS 'DIR MA BRIS SO, ,GNYIS PA LAM LA BOGS 'BYIN PA'I THABS SPYOD PA NI, TSE 'DIR MCHOG 'GRUB PA LA SPYOD PA DGOS LA, 'DI LA YANG BSKYED RIM PA'I SPYOD PA DANG, RDZOGS RIM PA'I SPYOD PA GNYIS DANG, DE RE RE LA YANG SPROS BCAS DANG, SPROS MED DANG, SHIN TU SPROS MED KYI SPYOD PA GSUM BYED PAR SGRON GSAL LAS GSUNGS

, ,SO, ,DE LA SPYOD PA ZHES PA'I DON NI, RANG BZHIN YONGS SU SHES PA'I SGO NAS 'DOD YON SPYI DANG, KHYAD PAR BA RIG MA'I 'DOD YON LA LONGS SPYOD PAS, DE KHO NA NYID KYI RTOGS PA PHUL DU PHYIN PAR 'GRO BA CIG GO, DE'I PHYIR SHIN TU SPROS MED KYI SPYOD PA NI, YE SHES KYI PHYAG RGYA'I RIG MA'I 'DOD YON LA LONGS SPYOD PA YIN ZHING, SPYOD PA GZHAN GNYIS NI LAS KYI PHYAG RGYA'I 'DOD YON LA LONGS SPYOD PA'O, ,DE DAG KYANG GLU GAR LA SOGS PA'I BYA BA'I SPROS PA SHIN TU RGYAS PA DANG, DE BSDUS NAS 'BRING DU GYUR PA DANG, PHYI'I BYA BA'I SPROS PA KUN BZHAG PA'I DBANG GIS GSUM DU PHYE BA'O, ,BYED PA'I DUS NI SGYU LUS SGRUB PA'I MGO RTZOM PA'I DUS DANG, SGYU LUS GRUB NAS 'OD GSAL SBYONG BA'I DUS DANG, SLOB PA'I ZUNG 'JUG THOB NAS, MI SLOB PA'I ZUNG 'JUG THOB PA'I PHYIR DU BYED PA'I DUS GSUM MO, ,'DI RNAMS 'DIR SMOS PA NI MAN NGAG GI GNAD TSANG BA LA 'DI RNAMS KYANG DGOS SO, ,ZHES KHA BSKANG PA DANG, DE DAG GI BAG CHAGS BZHAG PA'I PHYIR BYAS KYI, RGYA CHER NI TSIG MANGS SU DOGS PAS MA BRIS TE, SHES PAR 'DOD NA 'DUS PA'I MAN NGAG LAS BTZAL BAR BYA'O, ,GSUM PA 'BRAS BU MNGON DU BYED PA'I TSUL NI, SLOB PA'I ZUNG 'JUG THOB PA NA, 'OD GSAL BSGOMS PAS GNYIS SNANG 'KHRUL PA'I BAG CHAGS SBYANGS NAS, CHO SKU MTHAR THUG PA MNGON DU GYUR PA'I TSE, SLOB PA'I ZUNG 'JUG SGYU MA'I SKU, MI SLOB PA'I ZUNG 'JUG GI SKUR 'GYUR ZHING, 'KHOR BA JI SRID BAR SKU DE NYID LAS MI GA-YO BAR BZHUGS SO, ,DE 'DRA BA'I DAG PA GNYIS LDAN GYI YUL GYI 'OD GSAL

NI, 'DUS MA BYAS PA'I CHOS KYI SKU DANG, YUL CAN GYI 'OD GSAL NI YE SHES CHOS KYI SKU DANG, BDE BA CHEN PO'I SKU ZHES KYANG BYA'O, ,DE'I RTEN GZUGS KYI SKU RLUNG SEMS TZAM LAS GRUB PA NI LONGS SKU YIN LA, SKU DE GNYIS NGO BO GCIG LA LDOG PA THA DAD TZAM YIN ZHING, GZUGS SKU DE LA GNYIS SU MED PA'I YE SHES KYI SKU ZHES LAN DU MAR GSUNGS PAS, GZUGS SKU SANGS RGYAS KYI SAS MA BSDUS PAR GDUL BYA'I RGYUD KYIS BSDUS PA DANG, SHES PA LAS NGO BO THA DAD PA'I BEMS POR 'DOD PA DANG, 'BRAS BU'I SKABS SU YE SHES MED PA SOGS SU SMRAS PA NI, LEGS PAR SMRAS PA MIN PAR SHES PAR BYA'O, ,DE 'DRA BA'I ZUNG 'JUG GI SKU DES MCHOG GI SPRUL PA'I SKU LA SOGS PA'I SPRUL PA DU MA ZHIG MDZAD DO, ,'DI'I KA DPE RTZA BA'I SDOM SNGA MA YIN ZER BA DANG, KA DPE PHYI MA YIN ZER BA GNYIS 'DUG PA'I SNGA MA LA, MI MTHUN PA CHER YOD PA GNYIS SNANG ZHING, PHYI MA LA MAR PAS MDZAD PA YIN ZER BA'I 'GREL PA CIG KYANG SNANG MOD KYANG, 'DUS PA'I MAN NGAG MAR PAS MDZAD ZER BA SOGS KHA GA-YAR MANG PO SNANG BAS, MTHA' CIG TU YID CHES PA DKA' BAR SNANG NGO, ,YANG MAR PAS MDZAD ZER BA'I TSIGS BCAD DANG, TSIG RKANG GNYIS GCIG TU BZUNG BA'I TSIG RKANG BRGYAD MA ZHES PA CIG DANG, CHOS DRUG RDO RJE'I MGUR ZHES PA GNYIS LA NI, GDAMS NGAG GI SA BON TZAM MA GTOGS PA NUS PA LHAG PO BTON PA MI 'DUG LA, KHYAD PAR DU GTER NAS BTON PA YIN ZER PA'I CHOS DRUG GI MAN NGAG MANG PO 'DUG PA LA NI YID BRTAN YOD SNYAM PA MI SNANG NGO, ,DE LTAR NA RJE MAR PA NAS

, ,RNGOG STON DANG, MTSUR STON DANG, RJE BTZUN MID LA LA BRGYUD PA GSUM DANG, MID LA NAS CHOS RJE SGAM PO BA DANG, RAS CHUNG BA'I PHYOGS NAS BRGYUD PA GNYIS DANG, SGAM PO BA NAS BRGYUD PA SO SOR GYES PA MANG PO'I GDAMS PA PHAL MO CHE'I RNAM GZHAG RNAMS KYI MI 'DRA BA'I KHYAD PAR MANG PO SNANG BA RNAMS KHONG DU CHUD PAR BYAS SHING, GTUM MO'I SKOR RNAMS TE LO PA LA SLOB DPON TZARYA PA ZHES PA NAG PO SPYOD PA'I BKA' BABS YIN ZER BA SNANG BAS, GDAMS NGAG SNGAR YOD LA GZHI BYAS NAS BSNAN DGOS PA DANG, GSAL DU BTANG DGOS PA RNAMS, SA BHU t'A'I DPYID THIG DANG, NAG PO SPYOD PA'I DPYID THIG LA BRTEN NAS BSHAD, SGYU LUS DANG, 'OD GSAL GYI SKOR RNAMS 'DUS PA'I MAN NGAG YE SHES SNYING POS BSTAN PA LAS, RNYED PAR 'DUG PAS GSANG 'DUS LA BRTEN NAS BSHAD DGOS PA RNAMS, MAR LUGS KYI 'DUS PA'I GDAMS NGAG LA GZHI BYAS NAS, 'PHAGS PA YAB SRAS KYI GZHUNG LA BRTEN NAS BSHAD, 'PHO BA DANG GRONG 'JUG GDAN BZHI LA BRTEN ZER BA NI, DE KHO NAR MA ZAD SAM BHU t'A DANG, RDO RJE MKHA' 'GRO SOGS RGYUD SDE MANG PO LA BSTAN PA YANG GO DGOS PAS, DE GNYIS KYI SPYI PA'I GO BA SKYED PA'I TSUL YANG BSHAD PAS, SHIN TU YID CHES PAR BYA'O, ,SPRUL ZLA MED THUB PA'I DBANG PO YIS, ,'GRO BA'I DON DU GSUNGS PA'I GSUNG RAB NI, , KUN GYI MCHOG NI RNAL 'BYOR BLA MED KYI, ,RNAL 'BYOR MA YI RGYUD DANG PHA RGYUD YIN, ,MA RGYUD LA BRTEN AA THU SROG RTZOL GYI, ,TZAndA LI LA GNAD DU BSNUN PA LAS, ,GNYUG MA LHAN SKYES YE SHES MTSON PA'I THABS, ,'DI NYID GTZO BOR RTZAL DU BTON PA LAS, ,

DPAL LDAN 'DUS PA'I SGYU LUS 'OD GSAL DANG, ,RDO RJE GDAN BZHI'I 'PHO BA GRONG 'JUG KYANG, ,DE LA BRTEN NAS JI BZHIN SKYED BYED PA, ,GRUB CHEN TE LO N'A RO'I GDAMS PA MCHOG ,DPAL LDAN N'A RO CHOS DRUG CES GRAGS PA, ,GANGS RI'I KHROD 'DIR SKAL LDAN MTHA' YAS LA, ,ZAB MO RDO RJE THEG PA'I DGA' STON MCHOG ,KUN NAS RTZOL BAR MDZAD PA'I GDAMS PA 'DI, ,SNGON GYI BSOD NAMS CHEN PO'I MTHUS, ,YANGS PA'I SRID LA DBANG SGYUR ZHING, ,SKYABS GSUM GTZUG GI RGYAN 'DZIN PA, ,MI DBANG GRAGS PA'I MTSAN CAN DANG, ,DE'I GCUNG YANGS PA'I RNAM DPYOD KYIS, ,LUNG GI BSTAN PA'I DE NYID GZIGS, ,ZAB MO'I MNGON RTOGS TSOGS KYIS 'BYOR, ,CHOS RJE BSOD NAMS MTSAN CAN GYIS, ,RIN CHEN SA LE SBRAM MANG GI, MAndAL BCAS TE BSKUL BA DANG, ,DA DUNG LAM BZANG 'DI LA NI, ,MOS PA SHIN TU MANG BA'I PHYIR, ,GZHAN LA PHAN PAR 'GYUR SNYAM NAS, ,BDAG GI 'BAD PAS 'DI BRTZAMS SO, ,DMIGS PA SKYONG TSUL GSAL LA 'DRIL, ,SO SO'I GO BA DMIGS PHYED CING, ,DE YANG YID CHES GZHUNG DANG 'BREL, ,'DI GSUM 'DI YI KHYAD PAR RO, ,ZAB MO'I GNAS NI MTHONG BAR DKA', ,SO SO SKYE BO'I BLO MIG ZHAN, ,DE PHYIR NONGS PA GANG MCHIS PA, ,DPA' BO MKHA' GROS BZOD PA MDZOD, ,LEGS PAR BSHAD PA'I DGE BA YIS, ,'GRO KUN BLA MED THEG 'JUG CING, ,LAM BZANG 'DI YANG RGYAS GYUR CIG, ,CES ZAB LAM N'A RO'I CHOS DRUG GI SGO NAS 'KHRID PA'I RIM PA, YID CHES GSUM LDAN ZHES BYA BA 'DI NI, MI'I DBANG PO CHEN PO GRAGS PA RGYAL MTSAN PA'I BKAS BSKUL ZHING, CHOS KYI

, ,RJE BSOD NAMS RGYAL MTSAN BA'I GSUNG GIS YANG YANG DU NAN TAN DU MDZAD DE, GTUM MO LA SOGS PA'I GNAD RNAMS LEGS PAR THON PA DANG, CUNG ZAD RNAM PAR DBYE DGOS PA THUN MONG BA DANG, THUN MONG MA YIN PA'I TSUL RNAMS SO SOR PHYE BA CIG GYIS ZHES BSKUL BA'I DON DU DANG, SROL 'DI PHYOGS 'DIR 'PHRIN LAS SHIN TU CHE BAR BYUNG 'DUG NA'ANG, DA LTA DAR RGYAS CHE RGYU MI 'DUG CING, 'ON KYANG PHYOGS MOS BYED PA SHIN TU MANG BAR 'DUG PA LA PHAN PA'I BSAM PA RNAM PAR DAG PAS KUN NAS BSLANGS NAS, MANG DU THOS PA'I DGE SLONG SPONG BA PA SHAR TZONG KHA PA BLO BZANG GRAGS PA'I DPAL GYIS 'BROG RI BO CHA DGE LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI PA RIN CEN DPAL LO, ,DGE LEGS 'PHEL,, ,,