*, ,BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA ZHES BYA BA BZHUGS SO, ,
, ,DPAL 'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA ZHES BYA BA, RJE BTZUN BLA MA 'JAM PA'I DBYANGS KYI ZHABS KYI PADMO LA GUS PAS PHYAG 'TSAL ZHING SKYABS SU MCHI'O, ,AINDRA N'I LA'I RI BO CHEN PO LA, ,MTSAMS SPRIN GZHON NUS 'KHYUD PA LTA BU YI, ,DPAL CHEN HE RU KA DANG RJE BTZUN MA'I, ,ZHABS KYI PADMAR GUS PAS PHYAG 'TSAL LO, ,BRTZE BAS BSKYOD PA'I RDZU 'PHRUL SHUGS KYIS NI, ,LAM 'DI'I SGRUB PA PO NI GANG NA GNAS, ,DER NI BYON NAS RTAG TU GROGS MDZAD PA, ,SNYING PO'I RNAL 'BYOR MA LA BDAG PHYAG 'TSAL, ,PULLI RA SOGS GNAS MCHOG NYER BZHIN, ,SPRUL PA'I SKU YI SNANG BA MA BSDUS PAR, ,SGRUB PA PO LA RTAG TU BYIN RLOB PA'I, ,DPA' BO RNAL 'BYOR MA YIS BYIN GYIS RLOBS, ,BSAM MI KHYAB KYI MTHU STOBS CHEN PO YIS, ,SGRUB PA PO LA 'TSE BA'I BGEGS 'JOMS PA, , SGO MTSAMS MA LA GUS PAS BDAG 'DUD KYIS, ,MNGON PAR 'DOD PA'I DON RNAMS 'GRUB PAR MDZOD, ,GANG GI THUGS RJE CHEN POS BSKYOD PA'I SPYAN RAS GA-YO BA'I CHA SHAS SNYING LA ZHUGS PAS KYANG, ,THOG MA
, ,MED NAS RJES SU ZHUGS PA'I RMONGS PA'I DRA BA DAM PO'I 'CHING BA RAB BCAD NAS, ,YID NI RGYAL BA'I GSUNG RAB RNAMS LA CHOS KYI RGYAL SRID SKYONG BA'I DGA' BDE LA ROL PA'I, ,NGO MTSAR MDZAD PAS 'GRO BA DBUGS 'BYIN MDZAD PA'I 'JAM DBYANGS BLA MA DE YIS BYIN GYIS RLOBS, ,DPAL LDAN HE RU KA YI ZHABS PAD LA, ,GANG GIS REG PA'I GRUB CHEN RNAMS KYI LUGS, ,JI BZHIN 'DZIN MDZAD N'A RO TA PA SOGS, ,RGYA BOD MKHAS PA'I BLA MA RNAMS LA 'DUD, ,DNGOS GRUB RIN CHEN KUN GYI GTER, ,MAN NGAG DU MA'I RLABS PHRENG 'KHRIGS, ,BDE MCHOG SBAS CHU'I RGYA MTSO LA, ,BDAG 'DRAS RGAL BAR GA LA NUS, ,DE LTA NA YANG MKHAS LAS RIM BRGYUD PA'I, , LEGS PAR BSHAD PAS RTZA RGYUD BSHAD PA'I RGYUD, ,JI BZHIN SBYOR LA BLO GROS SNANG BA NI, ,CUNG ZAD RNYED PAS 'DIR NI SPRO BAR GYUR, ,TSUL 'DI RNAM DPYOD RAB YANGS DON GNYER CAN, ,DE DAG RNAMS KYI MIG GI BDUD RTZI DANG, , RNA BAR GTAM SNYAN 'PHRIN DANG YID LA NI, ,RMAD BYUNG DGA' BA RAB TU RGYAS BYED DE, ,SBAS PA'I RGYUD DON LTA BA'I ME LONG NGO, ,'DIR 'DZAM BU'I GLING 'DI NYID KYI YUL NYI SHU RTZA BZHI SOGS NA, DPA' BO DANG DPA' MO'I DBANG
PHYUG MA'I SPRUL PA'I DKYIL 'KHOR SPRUL PA DA DUNG YANG BZHUGS PAS, NUS PA DANG YON TAN THAMS CAD MYUR DU 'THOB CING, DUS KYI MTHAR YANG NUS PA MI NYAMS PAR THOGS PA MED PAR 'BYUNG BA'I PHYIR, BYIN RLABS CAN DU GRAGS PA'I DPAL 'KHOR LO SDOM PAR BRJOD PA, BDE MCHOG BSDUS PA'I RGYUD GTAN LA 'BEBS PA LA GSUM, SNGON DU GSUNG RAB SPYI'I RNAM PAR BZHAG PA DANG, BYE BRAG TU BDE MCHOG GI RGYUD RNAMS KYI RNAM PAR BZHAG PA DANG, NYUNG NGU'I RTZA RGYUD BSHAD PA LA JI LTAR 'JUG PA'O, ,DANG PO LA RGYAL BA'I BSTAN PA KHO NA THAR 'DOD KYI 'JUG NGOGS SU BSTAN PA DANG, DE LA 'JUG PA'I RIM PA MI 'DRA BA'I SGO BSTAN PA RNAMS NI RGYAS PAR RDO RJE 'CHANG GI LAM GYI RIM PAR BSHAD CING, PHA RGYUD DANG MA RGYUD GNYIS KYI RNAM PAR BZHAG PA NI GSANG BA 'DUS PA'I MTHA' DPYOD KYI SPYI DON SOGS SU RGYAS PAR BSTAN ZIN PAS 'DIR MA SPROS SO, ,GNYIS PA LA GSUM, RTZA BSHAD DANG CHA MTHUN GYI RGYUD NGOS GZUNG BA DANG, BDE MCHOG GI RGYUD GSUNGS PA'I GNAS DANG DUS BSTAN PA DANG, BSHAD RGYUD KYIS RTZA RGYUD JI LTAR BSHAD PA'O, ,DANG PO LA GNYIS, RTZOD MED KYI RGYUD NGOS GZUNG BA DANG, BSHAD RGYUD RTZOD PA CAN RNAMS BSTAN PA'O, ,DANG PO NI, 'DIR DPAL 'KHOR LO BDE MCHOG GI SKOR GYI RGYUD RTZOD MED RNAMS KYI RNAM GZHAG RAGS PA CIG BRJOD NA, SLOB DPON RDO RJES RTZA BA'I RGYUD LE'U 'BUM PA, RGYUD PHYI MA NAM MKHA' DANG MNYAM PA SHO LO KA 'BUM PA, PHYI MA'I PHYI MA LE'U LNGA BCU RTZA GCIG SHO LO KA BDUN BRGYA PA'O, ,ZHES BSHAD LA, BOD KYI BLA MA KHA CIG KYANG DE LTAR BZHED MOD KYANG KHUNGS THUB
, ,PA'I SHES BYED NI MI SNANG NGO, ,DES NAM MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,PHYUNG PA BDE MCHOG NYUNG NGU STE, ,AA YIG LA SOGS KshA YIG MTHAR, ,LE'U RNAMS JI LTA'I RIM PA YIS, ,DE KHO NA NYID LDAN PAR SBYAR, ,ZHES BDE MCHOG NYUNG NGU'I BSDUS RGYUD MNGON BRJOD 'BUM PHRAG GSUM PA LAS PHYUNG BAR BSHAD DO, ,KUN SPYOD LAS 'BUM DU BRJOD PA'I RGYUD LAS NI, BDE MCHOG BTUS PAR GYUR PA DANG, ,NAM MKHA' DANG NI MNYAM PA'I RGYUD, ,'BUM GCIG NA YANG 'DI DAG BSHAD, ,CES NAM MKHA' DANG MNYAM PA'I RGYUD 'BUM PHRAG GCIG TU BSHAD PA NI SNGA MA DANG MTHUN LA, 'BUM PHRAG GCIG PA'I MNGON BRJOD LAS BDE MCHOG NYUNG NGU'I RGYUD BTUS PAR BSHAD DE, NYUNG NGU'I RGYUD GANG LAS BTUS PA'I MNGON BRJOD 'BUM PA DANG, NAM MKHA' DANG MNYAM PA'I RGYUD GNYIS SO SOR GSUNGS SO, ,DE LTAR GNYIS BSHAD PA NI, HE RU KA MNGON 'BYUNG LAS, 'BUM PHRAG 'BUM PHRAG GSUM LAS BSHAD, ,RGYUD KYI SNYING PO BSDUS PA YIN, ,ZHES PA'I 'GREL PA LAS, MNGON SPYOD RGYAS PA 'BUM PHRAG GSUM PA DANG, BSDUS PA 'BUM PHRAG GCIG PAR BSHAD PAS MI 'GAL ZHES GSUNG BA LTAR YIN PAS RTZA RGYUD RGYAS PA LA MI 'DRA BA GNYIS YOD DE, ,RTZA RGYUD LAS, RIG PA RGYA MTSO LAS JI BZHIN, ,DPA' BOS MDOR BSDUS GSUNGS PA YIN, ,ZHES GSUNGS PA'I RIG PA RGYA MTSO NI, RGYAL BA BZANG PO DANG DPA' BO RDO RJES RGYUD CHEN POR BSHAD LA, BOD KHA CIG RTZA RGYUD 'BUM PHRAG GCIG PAR 'CHAD DO, ,DE RNAMS LAS DA LTA
NI PHYOGS 'DIR NYUNG NGU'I RTZA RGYUD NGA GCIG PA KHO NA'O, ,BSHAD RGYUD MANG PO YANG RANG RANG GI RGYUD RGYAS PA LAS BSDUS PA'I BSDUS RGYUD YIN PAS BSDUS RGYUD GANG YIN RTZA RGYUD MIN YANG NGA GCIG PA LTA BU NI RTZA RGYUD DO, ,BSHAD PA'I RGYUD NI DKA' RGYAL ZLA BAS, MKHA' 'GRO 'BYUNG DANG KUN SPYOD DANG, ,DE BZHIN MTSAN MCHOG BLA MA'I RGYUD, ,KHA SBYOR RGYUD DANG BZHI PO NI, ,BSHAD PA'I RGYUD DU SHES PAR BYA, ,ZHES GSUNGS PA'I MKHA' 'GRO NI RDO RJE MKHA' 'GRO DANG, BLA MA NI MNGON BRJOD BLA MA DANG, KHA SBYOR NI SAMBHU tA DANG, 'BYUNG BA LA SPYIR HE RU KA MNGON 'BYUNG DANG, PHAG MO MNGON 'BYUNG DANG, SDOM PA 'BYUNG BA GSUM YOD KYANG, BSHAD RGYUD DU BYAS PA'I 'BYUNG BA NI 'CHAD PAR 'GYUR RO, ,DE LTAR BYAS NA BSHAD RGYUD LNGA YOD PAS, RGYUD DANG ZHES PA'I DANG NI SO SOR 'BYED PA'I DANG DU BYA'O, ,JO BO'I 'GREL PAR BSHAD RGYUD BZHIR BSHAD PA'I GSUM NI 'BYUNG BA DANG, MNGON BRJOD DANG, RDO RJE MKHA' 'GROR BSHAD LA, BZHI PA NI KUN SPYOD LA BYED PA DGONGS PA'O, ,N'A RO PA'I SLOB MA RGYA GAR D'A RI KA PA ZHES PA PAndI TA THANG CHU BA'I BLA MA NI, RNAL 'BYOR MA BZHI ZHAL SBYOR BA DANG, MKHA' 'GRO RGYA MTSO GNYIS LNGA'I STENG DU BSNAN NAS BSHAD RGYUD BDUN DU BYED ZER, BOD KYI MKHAS PA DAG ,SDOM 'BYUNG 'GREL PAR BSDUS RGYUD YIN LA RGYUD PHYI MA'ANG YIN, BSHAD RGYUD KYANG YIN PAR BSHAD PAS SDOM 'BYUNG DANG, PHAG MO MNGON 'BYUNG NI RGYUD NYID LAS, BSHAD RGYUD DU BSHAD PAS DE GNYIS SNGA MA BDUN LA BSNAN PAS BSHAD RGYUD DGUR BYA'O, ,ZHES ZER RO, ,
, ,DE LA BDE MCHOG GI RGYUD LA NI RTZA BA DANG BSHAD PA'I RGYUD GNYIS SU MA NGES TE, AA LANGKA KA LA SHAS, BSHAD RGYUD DANG YAN LAG GI RGYUD GNYIS SO SOR BGRANGS SHING, SANGS RGYAS GSANG BAS KYANG, BSHAD RGYUD DANG CHA MTHUN GYI RGYUD GNYIS SO SOR MDZAD PA LTAR 'DIR YANG MI 'GAL BAS DE BZHIN DU BYA'O, ,DE LTAR BYAS NA KUN SPYOD KHA SBYOR RDO RJE MKHA' 'GRO GSUM NI BSHAD PA LTAR YIN LA, MNGON BRJOD LA NI 'GREL PAR RES BSHAD RGYUD DANG, RES RTZA RGYUD DU BYAS KYANG BSHAD RGYUD DU BYA'O, ,PHAG MO MNGON 'BYUNG NI DE NYID LAS, BSHAD PA'I RGYUD PHYI MA LAS PHAG MO MNGON PAR 'BYUNG BA ZHES BYA BA, ZHES GSUNGS LA, BSHAD PA'I RGYUD PHYI MA NI MNGON BRJOD LA BYA STE, 'DI MNGON BRJOD KYI LE'U BCU GNYIS PA LA DE'I LE'U GSUM PA NAS 'BYUNG BA SOGS 'GA' ZHIG BSNAN PAR 'DUG PAS, DE LAS PHYUNG BA'I DON NO, ,DE'I PHYIR MNGON BRJOD LAS LOGS PA'I BSHAD RGYUD MIN NO, ,SDOM PA 'BYUNG BA NI RGYUD RGYAS PA 'BUM PHRAG GSUM PA LAS, LHAN SKYES KYI RTOG PA BSHAD PA 'CHAD PA'I SHIN TU GAL CHE BA CIG YOD PAS 'GREL PAS BSHAD RGYUD DU MDZAD PA LTAR BYA'O, ,DKA' RGYAL ZLA BA DANG JO BOS 'BYUNG BA ZHES PA MA GTOGS PA GSAL KHA MED LA, BOD SNGA MA KHA CIG HE RU KA MNGON 'BYUNG DU 'DOD CING, DE YANG DBANG BSKUR BA'I BSHAD RGYUD YIN ZER MOD KYANG, RTZA RGYUD LAS MI 'BYUNG BA'I DBANG GI RNAM GZHAG CHER MED PA DANG, GZHAN YANG BSHAD RGYUD DU 'GRO BA'I RGYU MTSAN GSAL BAR MI SNANG BAS PHYOGS MTHUN GYI RGYUD DU BYA'O, ,MKHA' 'GRO RGYA MTSO DANG RNAL 'BYOR MA BZHI ZHAL SBYOR BA
YANG PHYOGS MTHUN GYI RGYUD DU BYAS NA LEGS PAR SEMS SO, ,JO BOS BSHAD RGYUD BZHIR MDZAD PA NI BDE MCHOG GI SGOS KYI BSHAD RGYUD LA DGONGS SO, ,DE LTAR NA MAL GYO'I RJES 'BRANG DAG ,PHAM THING PA RGYAL DKA' ZLA BA'I RJES SU 'BRANGS NAS BSHAD RGYUD LNGAR BYED, CES SNGAR DRANGS PA'I MKHA' 'GRO 'BYUNG BA KUN SPYOD DRANG ZHES SOGS KYI RJES SU 'BRANGS NAS, BLA MA PHAM THING PA BSHAD RGYUD LNGAR BZHED CES ZER BA LEGS TE, PHAG MO MNGON 'BYUNG MNGON BRJOD BLA MA LAS LO GSUM BGRANGS PA'I LUGS SO, ,GNYIS PA NI, BDE MCHOG GI SKU GSUNG THUGS KYI 'KHOR LO'I BSHAD RGYUD RA LI NYER BZHI 'PHROS PA'I RGYUD BRGYAD DE SO GNYIS LA, BOD KYI MKHAS PA DAG 'PHROS PA'I RGYUD LA, KHA CIG RNYOG PA MED PA'I RGYUD BSNAN NAS BRGYAD DU 'DOD PA DANG, KHA CIG STOBS CHEN YE SHES RGYAL PO'I RGYUD GRANGS SU MI BGRANG BAR RNYOG MED DANG, RI GI AA RA LI GNYIS BSNAN NAS BRGYAD DU BYED PA LA, RI GI AA RA LI NI BDE MCHOG GI BSHAD RGYUD YIN RGYU YANG MED CING, DE RNAMS KYI ZLA LA BSRE BAR PHANGS, RNYOG MED NI RGYUD YANG DAG CIG YIN PA 'DRA, 'DI RNAMS SNGA NAS KYANG RGYUD RTZOD PA CAN DU GRAGS SHING, RGYUD YANG DAG MIN PAR NGES PA 'GA' ZHIG SNANG LA, GZHAN RNAMS THE TSOM GYI GZHIR SNANG BAS DPYAD PAR BYA'O, ,ZHES DANG, NAM MKHA' DANG MNYAM PA'I RGYUD KYANG THE TSOM ZA BA DANG, MKHA' 'GRO MA THAMS CAD KYI SKU GSUNG THUGS GNYIS SU MED PA, BSAM GYIS MI KHYAB PA'I RDO RJE PHAG MO MNGON PAR 'BYUNG BA'I RTZA RGYUD LA LE'U BCU, RGYUD PHYI MA LA LE'U GNYIS BYAS PA DANG, PHAG MO MNGON 'BYUNG GI RGYUD LE'U NYER GNYIS BYAS PA, LO TZ'A BA YE SHES
, ,BZANG POS BSGYUR ZER BA GNYIS RGYUD BRDZUN MAR SNANG GSUNG ZHING, 'BUM PHRAG GSUM PA LAS PHYUNG BA'I SGYU 'PHRUL DRA BA CHEN MO RAL PA GYEN DU BRDZES PA'I RGYUD, SGYU MA CHEN MO ZHES BYA BA 'DI NI ME TRI MKHA' SPYOD KYI RGYUD CHUNG NGU GCIG LOGS SU BKOL BAR SNANG ZHES GSUNG STE, MANG DU MKHYEN ZHING SNYING KHAM CHUNG LA BLO GROS CHE LA ZHIB PA RNAMS KYIS LEGS PAR DPYAD PAR BYA'O, ,GNYIS PA NI, BDE MCHOG GI RGYUD GSUNGS PA'I GNAS LA MNGON BRJOD 'GREL PA NAS RI RAB KYI RTZER GSUNGS PAR BSHAD, GDUL BYA BTUL BA'I GNAS NI 'DZAM BU'I GLING YIN ZER, RTZA RGYUD KYI 'GREL PA AINDRA BH'U TIS MDZAD ZER BAR, DANG POR RI RAB KYI RTZER GSUNGS NAS PHYIS 'BRAS SPUNGS SU GSUNGS PAR BSHAD DO, ,DUS NAM GYI TSE GSUNGS PA NI, SLOB DPON RDO RJES MDZAD PA'I 'GREL PAR, GNYIS LDAN GYI DUS DBANG PHYUG BTUL BA'I TSE GSUNGS PAR 'DOD KYANG, BOD KYI BLA MA RNAMS RTZOD LDAN GYI DUS SU GSUNGS PAR BZHED PA NI, MKHA' 'GRO RGYA MTSO LAS, RTZOD PA'I DUS KYI SA'I NANG DU, ,BCOM LDAN MTHA' YAS PAS 'DI GSUNGS, ,SH'AKYA SENG GES GSUNGS PA'I RGYUD, ,CES GSUNGS SHING, 'GREL PAR YANG MKHA' 'GRO RGYA MTSO'I RGYUD RGYAS PA RTZOD LDAN GYI DUS SU SH'AKYA SENG GES GSUNGS PAR BSHAD LA, DES GZHAN YANG MTSON NO, ,RTZA RGYUD KYI 'GREL PA KHA CIG NAS, BSKYAR NAS MA GSUNGS PA YANG BSHAD MOD KYANG, SNGA MA LTAR RIGS TE, GUR LAS, SNYIGS MA'I DUS SU TSE THUNG ZHING NYON MONGS SHAS CHE BA RNAMS KYI DON DU, RTZA RGYUD RGYAS PA LAS BSDUS NAS GSUNGS PAR
BSHAD PAS SHES SO, ,STON PA PO NI HE RU KAS GSUNGS PAS BDE MCHOG STOD 'GREL DU GSUNGS PA LTAR RTZA RGYUD LAS KYANG, DPA' BOS BSDUS NAS GSUNGS PA YIN, ZHES GSUNGS SO, ,ZHU BA PO NI PHAG MO YIN PAR DE NYID LAS BSHAD LA, PHYAG NA RDO RJES ZHUS PAR SLOB DPON LVA BA PA BZHED DE, RTZA RGYUD LAS, GZUGS DANG LAS KYI GSANG BA GANG, ,JI LTAR GNAS PA DPA' BO NYON, ,ZHES GSUNGS PA DANG MTHUN NO, ,SDUD PA PO NI MKHA' 'GRO RGYA MTSO LAS, BSDU BA MDZAD PA SOGS RNAMS KYIS, , BDAG LAS BGROD PA DE THOB BO, ,MA MO THAMS CAD 'DUS RNAMS KYIS, ,RDO RJE'I GNAS RNAMS SU BSDUS SO, ,GCIG LA GCIG GIS BZHED PA NI, ,GSOL BA 'DEBS SHING GSOL 'DEBS MDZAD, ,BCOM LDAN 'DAS KYIS GSUNGS PA YI, ,TSIG 'DI LA NI MNGON PAR DGA', ,ZHES RNAL 'BYOR MA RNAMS KYIS RDO RJE'I GNAS SU BSDUS PAR GSUNGS PA'I GNAS NI AYON DU 'CHAD DO, ,GSUM PA LA GSUM, BSHAD RGYUD KYIS RTZA RGYUD 'CHAD PA'I DON GYI GTZO BO NGOS GZUNG BA DANG, THUN MONG MA YIN PA'I BSHAD RGYUD KYIS JI LTAR BSHAD PA DANG, THUN MONG BA'I BSHAD RGYUD KYIS JI LTAR BSHAD BA'O, ,DANG PO NI, BSHAD RGYUD KYIS RTZA RGYUD 'CHAD PA'I DON LA MANG DU YOD KYANG, GTZO BO NI RDZOGS RIM YIN LA RDZOGS RIM LA NI, BDE MCHOG GI SKOR DU YANG SBYOR BA YAN LAG DRUG DANG, 'DUS PA'I RIM PA LNGA'I RNAM GZHAG GNYIS GSUNGS TE, MKHA' 'GRO RGYA MTSO LAS, SO SOR SDUD DANG DE BZHIN DU, ,BSAM GTAN SROG RTZOL 'DZIN PA DANG, ,RJES SU DRAN DANG TING 'DZIN TE, ,SBYOR BA'I MTSAN NYID RNAM DRUG GO ,ZHES
, ,GSUNGS SHING, RGYUD DE NYID LAS, SO SOR SDUD PA KHVA GDONG MA, ,'UG GDONG MA NI BSAM GTAN 'DOD, ,SROG RTZOL DU NI GNAS PA KHYI, ,'DZIN PA LA NI PHAG MO'O, ,RJES DRAN GNAS PA PHO NYA MO, ,TING NGE 'DZIN NI BRTAN PAR 'DOD, , MCHE BA MO NI RGYAS BSTAN THOB, ,'JOMS MA 'BRAS BU KUN BDAG SKYES, ,'KHOR BA LAS NI GROL GYUR PA, ,ZHES PHAG GDONG MAM GTOGS PA'I SGO MA GSUM PHAG MO DANG BZHI, GSHIN RJE PHO NYA MO DANG BRTAN MA STE MTSAMS MA GNYIS DANG DRUG ,SBYOR BA YAN LAG DRUG TU RIM PA BZHIN BSHAD LA, 'GREL PA LAS DE RNAMS RTOGS SLA BA DANG, BLA MA'I ZHAL LAS SHES PAR BYA BAR BSHAD DO, ,L'U AI PA'I 'GREL PA KHYAD PAR GSAL BYED LAS, L'U AI PA'I SGRUB THABS LAS GSUNGS PA'I RIM GNYIS LA SBYOR BA YAN LAG DRUG GI RNAM GZHAG MDZAD DO, ,YANG MKHA' 'GRO RGYA MTSO LAS, RANG GI SKU NI SGYU MA MNYAM, ,BDAG BYIN BRLAB 'DI PHRA MO DANG, ,RDO RJE BZLAS RANG MTSAN NYID DO, ,RDZOGS PA'I BYANG CHUB SEMS KYI GTER, ,DE LAS LHAG MA ZUNG 'JUG GO ,ZHES SO, ,DE LA RANG GI SKU SGYU MA DANG MNYAM PA STE MTSUNGS PA'I BDAG BYIN RLABS SHIN TU RTOGS DKA' BAS, PHRA MOR GYUR PA NI RIM PA GSUM PA BDAG BYIN RLABS KYI RIM PA SGYU LUS SO, ,RDO RJE BZLAS PA'I RANG GI MTSAN NYID NI RDO RJE BZLAS PA'I RIM PA STE RIM PA DANG PO'O, ,MNGON PAR RDZOGS PAR BYANG CHUB PA'I RIM PA NI RIM PA BZHI PA STE MING GZHAN 'OD GSAL GYI RIM PA'O, ,SEMS KYI GTER NI SEMS DBEN NAM SEMS DMIGS KYI RIM PA STE RIM PA GNYIS PA'O, ,
SNGAR BSHAD PA BZHI LAS LHAG MA NI ZUNG 'JUG GI RIM PA STE RIM PA LNGA PA'O, ,GZHAN YANG L'U AI PA'I GZHUNG NAS 'BYUNG BA'I RDZOGS RIM RNAL 'BYOR CHEN PO DANG, DRIL BU PAS MDZAD PA'I RIM PA LNGA PA DANG, NAG PO PAS MDZAD PA'I RIM PA BZHI PA SOGS YIN LA, MNGON BRJOD KYI 'GREL PA LAS KYANG, RDZOGS PA'I RIM PA NI RGYUD 'DI NAS RTZA SGOM PA DANG, RLUNG SGOM PA DANG, THIG LE SGOM PA DANG, DROD SGOM PA DANG, BYANG CHUB KYI SEMS SGOM PA DANG MTSAN BCAS SGOM PA LNGA YIN LA, YE SHES KYI TSOGS DON DAM PA'I BDEN PA SGOM PA NI SGYU MA LTA BU DANG, 'OD GSAL STONG PA NYID SGOM PA DANG, ZUNG 'JUG SGOM PA DANG GSUM STE, SROG AA BA DH'U T'IR 'JUG PA'I THABS BSAM GTAN SGOM PA NI LNGA YIN, YE SHES KYI TSOGS DON DAM PA'I BDEN PA SGOM PA NI GSUM YIN, ZHES BDE MCHOG GI RDZOGS RIM LA 'DUS PA'I RDZOGS RIM GYI THA SNYAD BYAS PA MANG DU BSHAD CING, RDZOGS RIM LA SROG DH'U T'IR TSUD PA'I THABS SHIG DANG, TSUD PA LA BRTEN NAS SGOM PA'I SKABS GNYIS SO SOR BYAS TE, BDE MCHOG TU MA ZAD BLA MED KYI RDZOGS RIM GZHAN SGOM PA LA YANG DE GNYIS SHES DGOS SO, ,GNYIS PA LA GNYIS, MNGON BRJOD DANG RDO RJE MKHA' 'GRO JI LTAR BSHAD PA DANG, SDOM 'BYUNG DANG RNAL 'BYOR MA KUN SPYOD KYIS JI LTAR BSHAD PA'O, , DANG PO LA GNYIS, MNGON BRJOD BLA MAS JI LTAR BSHAD PA DANG, RDO RJE MKHA' 'GROS JI LTAR BSHAD PA'O, ,DANG PO LA GNYIS, BSKYED RIM JI LTAR BSHAD PA DANG, RDZOGS RIM JI LTAR BSHAD PA'O, ,DANG PO LA GNYIS, BSKYED RIM RTZA RGYUD DU MI
, ,GSAL BA'I TSUL DANG, DE BSHAD RGYUD 'DIS GSAL BAR BSHAD TSUL LO, ,DANG PO NI, BDE MCHOG RIM LNGA LAS, 'KHOR LO SDOM PAR SBAS PA YI, ,BYIN RLABS RIM PA BSHAD PAR BYA, ,ZHES GSUNGS PA LTAR RTZA RGYUD LE'U NGA GCIG PAR RDZOGS RIM RNAMS SBAS PAR MA ZAD, NAG PO SPYOD PA'I SGRUB THABS LAS, 'KHOR LO SDOM PA'I GSANG BA'I DON, ,GRUB PA GSANG SNGAGS KUN BSDUS PA, ,KLA KLO'I SKAD KYIS SBAS PA STE, ,DE YI SGRUB THABS BDAG GIS BSHAD, ,CES GSUNGS PA LTAR BSKYED RIM YANG SBAS TE, KUN SPYOD LAS KYANG BSKYED RIM GYI SKOR MANG PO SBAS PAR GSUNGS SO, ,DE YANG RTZA RGYUD LE'U GNYIS PAR, GZHAL YAS KHANG GI DBUS SU PADMA'I LTE BAR HE RU KA ZHAL BZHI PA DANG, PHAG MO YAB YUM GNYIS DGOD PA DANG, DPA' MO NYER BZHI PHYOGS DANG MTSAMS SU DGOD PA DANG, DE BZHIN DU DPA' BO YANG DGOD PA DANG, MA MO THAMS CAD PHYOGS DANG MTSAMS SU DGOD PAR BSHAD DE, LHA RE GNYIS KYI DKYIL 'KHOR RO, ,GTZO BO YAB YUM GYI SKU MDOG NI, NYER BDUN PAR SPYOD PA'I SKABS SU, MTSAN MO RTAG PAR GCER BU STE, ,GNAG DANG DMAR BAR RTAG TU BYA, ,ZHES PAS HE RU KA'I MDOG GNAG PA DANG, PHAG MO DMAR MOR BSTAN PAR BLA MA RNAMS BZHED DE, LVA BA PA'I 'GREL PAR YANG DE BZHIN DU BSHAD DO, ,SO BZHI PAR, DPA' BO'I DBANG PO ZHAL BZHI PA LA SNYING PO'I RNAL 'BYOR MA BZHIS BSKOR BA DANG, NGA GCIG PAR HE RU KA PHYAG BCU GNYIS PA DPA' BO DANG DPA' MO'I TSIGS DANG
BCAS PAR BSGOM PAR GSUNGS TE, HE RU KA DE RNAMS NI 'BRAS BU'I HE RU KA'I DBANG DU BYAS SO, ,LE'U SO GNYIS PAR HE RU KA DKAR PO ZHAL BZHI PA PHYAG BZHI NAS 'BUM GYI BAR DU YOD PA LA, DE'I SKU MDOG CAN GYI PHAG MO YUM DU BYAS PA CIG BSHAD DE, 'DI NAG PO PAS RGYU'I HE RU KA LA BSHAD LA, 'CHAD TSUL GZHAN YANG YOD DO, ,GZHAN YANG LE'U BZHI PAR DPA' MO NYER BZHI'I MING DANG, ZHE BRGYAD PAR DPA' BO NYER BZHI'I MING TZAM BSHAD KYANG, 'KHOR GYI LHA DRUG CU'I ZHAL PHYAG GI GRANGS DANG PHYAG MTSAN RNAMS MI GSAL LA, SKU MDOG KYANG MI GSAL LO, ,DE BZHIN DU PHUNG KHAMS SKYE MCHED BYIN GYIS RLOB PA DANG, TSOGS ZHING LA TSOGS GSOG PA DANG, BSRUNG 'KHOR GNYIS SGOM PA DANG, 'BYUNG BA RIM BRTZEGS DANG, RI RAB DANG GZHAL YAS KHANG BSKYED PA MI GSAL LA, BRTEN PA LHA BSKYED PA LA YANG RI RAB KYI STENG DU SNA TSOGS PADMA'I LTE BAR DBYANGS GSAL LAS, HA RU KA BSKYED CES PA MA GTOGS PA MNGON BYANG LHAG MA LAS BSKYED TSUL DANG, DAM TSIG PA LA YE SHES PA GZHUG PA DANG, DBANG BSKUR DANG RGYAS GDAB DANG GTOR MA BSKYED TSUL SOGS MI GSAL ZHING KHRIGS CHAGS SU YANG MA BSHAD DO, ,GNYIS PA NI, DE LTAR RTZA RGYUD NA MI GSAL BA'I BSKYED RIM DE, MNGON RTOGS KHRIGS CHAGS SU GSAL BAR MNGON BRJOD NAS 'CHAD PA NI, DE'I LE'U BZHI PA NAS YIN TE, LE'U DER BSKYED RIM GANG DU SGOM PA'I GNAS DANG, DER SGOM PA LA TSOGS ZHING SPYAN DRANGS NAS TSOGS BSAG PA DANG, LHA BCU BDUN
, ,GYIS PHUNG KHAMS SKYE MCHED BYIN GYIS BRLAB PA DANG, BSRUNG 'KHOR THUN MONG PA DANG THUN MONG BA YIN PA GNYIS DANG, DE NAS STONG NYID SGOM PA DANG 'BYUNG BA RIM BRTZEGS RI RAB DANG BCAS PA'I BSKYED CHOG DANG, RI RAB KYI STENG DU RNAM SNANG LAS GZHAL YAS KHANG BSKYED PAR BSHAD CING, DE MAN CHAD DU TSOGS GSOG NAS GZHAL YAS KHANG BSKYED CHOG GI BAR MA BSHAD DE, LE'U BZHI BAR BSHAD PA 'DI DE RNAMS KYI THUN MONG BA YIN PA LA DGONGS SO, ,BRTEN PA'I DKYIL 'KHOR 'CHAD TSUL DKYIL 'KHOR 'GA' YAR ZHIG GI RNAM GZHAG BSTAN NA, BSKYED RIM 'CHAD TSUL LA GO BA CHE BAR 'GYUR BAS CUNG ZAD BSHAD NA, SKU'I BDE MCHOG YAB YUM GYIS GTZO BO BYAS PA LA SNYING PO'I RNAL 'BYOR MA BZHI DANG, SKU 'KHOR GYI DPA' BO DANG DPA' MO BCU DRUG ,SGO MTSAMS MA BRGYAD DE LHA SUM CU'I DKYIL 'KHOR CIG DANG, DE BZHIN DU GSUNG GI BDE MCHOG YAB YUM LA GSUNG 'KHOR GYI DPA' BO DANG DPA' MO BCU DRUG ,GZHAN SNGAR BZHIN TE LHA SUM CU'I DKYIL 'KHOR ZHIG DANG, THUGS KYI BDE MCHOG YAB YUM LA YANG THUGS 'KHOR GYI DPA' BO DANG DPA' MO BCU DRUG ,GZHAN SNGAR BZHIN TE DE YANG LHA SUM CU'I DKYIL 'KHOR RO, ,DAM TSIG GI BDE MCHOG YAB YUM LA SNYING PO'I RNAL 'BYOR MA BZHI DANG, SGO MTSAMS MA BRGYAD KYIS BSKOR BA'I LHA BCU BZHI'I DKYIL 'KHOR ZHIG DANG, DE NAS BDE MCHOG YAB YUM LA SNYING PO'I RNAL 'BYOR MA BZHIS BSKOR BA'I LHA LNGA'AM DRUG PA CIG BSHAD DE, YE SHES SAM BDE BA CHEN PO'I BDE MCHOG GTZO BOR BYAS PA'O, ,DKYIL 'KHOR DE LNGA GA LA RGYU 'BRAS
KYI RDO RJE 'DZIN PA GNYIS GNYIS DANG, YE SHES PA GZHUG PA DANG, DBANG BSKUR DANG, SO SO'I BZLAS PA DANG, LANGS PA'I DUS SU GO CHA GNYIS BYED PA SOGS BSHAD DO, ,DE NAS GZHAL YAS KHANG GI LTE BAR DPA' BO GCIG PU'I DKYIL 'KHOR ZHES PA GTZO BO DE MCHOG MNGON BYANG LAS BSKYED PA'I LUS KYI DKYIL 'KHOR ZHIG BSHAD DE, GZHAL YAS KHANG LA 'GOD PA'I LHA YANG YAB YUM ZUNG GCIG LAS MED CING, DE GNYIS KA GDAN GCIG LA 'GOD PAS DPA' BO GCIG PA ZER BA YIN NO, ,DES NA LUS DKYIL LA BSRUNG 'KHOR GSUM PO GANG YANG MI SGOM PA DANG, 'BYUNG BA RIM BRTZEGS RI RAB DANG BCAS PA'I GZHAL YAS KHANG BSKYED PA DANG, GZHI'I HE RU KA MNGON BYANG LAS BSKYED PA LUS DKYIL SGOM PA DANG 'GAL BAR 'DOD PA NI BSHAD RGYUD LEGS PAR MA RTOGS PA'I SKYON NO, ,LTA RE GNYIS PA'I DKYIL 'KHOR LA YANG MI 'DRA BA DU MA DANG, GZHAN YANG BDE MCHOG GI DKYIL 'KHOR DU MA ZHIG BSHAD DE, DKYIL 'KHOR RNAMS KYI BSKYED TSUL NI RTEN GZHAL YAS KHANG SNGON DU BSKYED NAS, BRTEN PA LHA RJES SU BSKYED PA'I LUGS SU GSUNGS SO, ,BSHAD RGYUD 'DI LAS BDE MCHOG GI RIM PA DANG PO'I DKYIL 'KHOR DU MA ZHIG GSUNGS PA THAMS CAD KYANG, RTZA RGYUD LAS GSUNGS PA'I BSKYED RIM NYID 'CHAD PA YIN PAS, RTZA RGYUD LA BSKYED RIM BYUNG BA THAMS CAD LO NAG GNYIS GANG RUNG GI BSKYED RIM LA SBYOR BA LA NI SHIN TU RGYA CHUNGS PA'I SKYON YOD DO, ,GNYIS PA NI, RGYUD 'DI'I RDZOGS RIM RNAMS NI BSKYED RIM SBAS PA LAS KYANG CHES SHIN TU MI GSAL LA, BSHAD RGYUD KYIS RDZOGS RIM 'DI STON SHES SU CHUG KYANG RTZA RGYUD KYI SKABS
, ,'DI DANG 'DIR, SBAS PA 'CHAD PA'I TSUL RTOGS PA SHIN TU YANG DKA' BAR BYUNG 'DUG PA NI 'CHAD PAR 'GYUR RO, ,BSHAD RGYUD 'DIR RDZOGS RIM GSAL BAR BYAS TSUL NI, LE'U BZHI PAR, RTAG TU SNYING LA GNAS PA YI, ,ZHES SOGS KYIS BDAG BYIN BRLABS KYI RIM PA GSUNGS PAR DRIL BU PAS BSHAD LA, BCU BZHI PAR RIM PA BZHI PA NAS GSUNGS PA'I GTUM MO'I RDZOGS RIM STON LA, NYER LNGA PA DANG NGA DRUG PA GNYIS KAR L'U AI PA'I RDZOGS RIM RNAL 'BYOR CHEN PO BSHAD CING GZHAN YANG CUNG ZAD MI GSAL BA'I TSUL GYIS RDZOGS RIM NYUNG SHAS RE BSTAN PA MANG NGO, ,DE RNAMS LA YANG SROG DH'U T'IR 'DZUD PA'I THABS DANG, THABS DES DRANGS PA'I BDE BA CHEN PO LA SOGS PA GNYIS SHES DGOS TE, STONG PA NYID KYI LTA BA DANG BDE STONG DBYER MED KYI YE SHES LA BSNGAGS PA SHIN TU MANG NGO, ,GNYIS PA NI, RDO RJE MKHA' 'GRO'I LE'U DANG PO DANG GNYIS PA'I CHA SHAS DANG, BCU GNYIS PA DANG BCU BZHI PA NAS BSKYED RIM MI 'DRA BA MANG DU GSUNGS SHING, BCU GCIG PAR GTUM MO'I RNAL 'BYOR MDOR BSDUS NAS GSUNGS PA DE NYID, BCO LNGA PAR 'KHOR LO BZHI LA BRTEN PA'I TSUL GYIS RGYAS PAR BSHAD DE, 'DI LA YANG SROG DH'U T'IR 'DZUD PA'I THABS DANG, BTZUD PA LA BRTEN NAS SKYES PA'I RDZOGS RIM GYI TSUL GNYIS SHES PAR BYA'O, ,GZHAN YANG LE'U DANG POR BDE STONG GI THABS SHES GNYIS MANG DU GSUNGS SHING, LE'U GNYIS PAR YAB KYI RTZA SNGAGS KYI NGES DON RGYAS PAR BSHAD, ZHE DGU PAR PHYAG RGYA MA BZHI'I DBYE BA DANG, DE RNAMS KYI GSANG GNAS KYI KHYAD PAR
MI 'DRA BA'I STOBS KYIS BYANG SEMS KYI BCUD 'CHING TSUL DANG, RDZAS LA BRTEN NAS BYANG SEMS RING DU 'DZIN TSUL DANG, 'DOD PA'I BSTAN BCOS LAS BSHAD PA'I KA RA NA'I BYED PA MANG DU GSUNGS SO, ,ZHE GNYIS PAR LE'U DANG PO'I GZHUNG PAL CHE BA LA BSHAD PA ZHIB TU MDZAD LA, ZHE DRUG PAR RTZA RGYUD KYI LE'U GNYIS PAR MI GSAL BA'I CHE GA MANG PO DANG, LE'U GZHAN PHAL CHE BA NAS LAS TSOGS MANG PO GSUNGS SO, ,GNYIS PA LA GNYIS, SDOM 'BYUNG GIS JI LTAR BSHAD PA DANG, KUN SPYOD KYIS JI LTAR BSHAD PA'O, ,DANG PO NI, SDOM 'BYUNG GI LE'U DANG POR BSKYED RIM ZHUS PA'I LAN LE'U GNYIS PAS BSHAD PA LA, SPYIR SKYE GNAS BZHI DANG, MI'I GLING BZHI'I GSUM LONGS SPYOD KYI SA PA DANG, 'DZAM BU'I GLING LAS KYI SA PA DANG, DE'I GTZO BO YUL DBUS PA YIN PA DANG, 'DZAM GLING GI MI'I RTEN LA CHAGS BRAL GYI TSUL GYIS 'TSANG RGYA BA'I TSUL BZHI DANG, SGYU MA LTA BU'I TING NGE 'DZIN MA SHES PAS SNGON LAS KYIS SKYE 'CHI BYED PA DANG, SHI NAS BAR DOR GNAS PA DANG, DE NAS PHA MA'I KUN SBYOR LAS MNGAL DU SKYE TSUL DANG, MNGAL NAS PHYI ROL DU SKYE TSUL GSUNGS TE, 'DIS NI BSKYED RIM MI STON GYI, BSKYED RIM SKYE SHI BAR DO GSUM DANG MTHUN PAR SGOM PA'I MTHUN YUL STON NO, ,DE YANG RGYUD 'DI DRANGS NAS BSHAD PA'I RNAM GZHAG RIM PA'I DGONGS PA'O, ,SKYE SHI BAR DO GSUM DANG RNAM PA MTHUN PAR BSKYED RIM SGOM PA 'DI, BDE MCHOG GI RGYUD RNAMS LAS 'DI NYID GSAL BAS, BDE MCHOG GI DKYIL 'KHOR GYI 'KHOR LO'I BSKYED RIM SGOM PA THAMS CAD LA 'KHYER DGOS SHING, DE'I RGYU MTSAN GYIS BDE MCHOG GI RDZOGS RIM GYI SKABS SU
, ,YANG, 'CHI RIM DANG MTHUN PAR 'OD GSAL SGOM PA DANG, BAR DO DANG MTHUN PAR SGYU MA'I SKU SGOM PA SOGS SHES DGOS SO, ,MTHUN YUL GSUM DANG MTHUN PAR SGOM PA'I BSKYED RIM NI LE'U BCU GSUM PA NAS STON TE, 'BYUNG BA RIM BRTZEGS RI RAB DANG BCAS PA BSKYED PA DANG, RI RAB KYI STENG DU SNA TSOGS RDO RJE DANG, DE'I STENG DU PADMA DANG, DE'I DBUS SU A'A LI K'A LI LAS HE RU KA ZHAL GSUM PHYAG DRUG PA YUM BCAS LA RNAL 'BYOR MA BZHI DANG, SGO MTSAMS MA BRGYAD KYIS BSKOR BA YAN LAG DANG BCAS PA CIG GSUNGS TE, L'U AI PA LTAR RTEN DANG BRTEN PA GNYIS DUS GCIG TU BSKYED PA'I LUGS SO, ,GZHAN YANG LE'U BCU BDUN PA DANG BCO BRGYAD PAS DBANG CHOG GI SKOR RNAMS GSUNGS SO, ,RDZOGS PA'I RIM PA NI, LE'U GSUM PAR RDZOGS RIM PA'I LHA SKAD CIG GIS SGOM TSUL DANG, SNA TSOGS THABS DANG SNYING RJE'I STOBS, ,ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ,ZHES ZUNG 'JUG GI RIM PA DANG, KUN RDZOB SKYE BA 'BYUNG BA LAS, ,DNGOS MED KYANG MIN CHAD MED PHYIR, ,LHAN SKYES CHOS RNAMS THAMS CAD KYI, ,LHAN SKYES DGA' BA'I RANG BZHIN DANG, ,RANG BYIN BRLAB DANG RANG BYUNG STE, ,ZHES 'OD GSAL LAS KUN RDZOB SGYU MA'I SKU'I SKYE BA 'BYUNG BAS DNGOS MED DANG, CHAD PA'I MTHA' SPANGS PA'I RANG BYIN BRLAB DANG, BDE CHEN MNGON PAR RDZOGS BYANG CHUB, ,DE BZHIN PHYAG RGYA CHEN PO MCHOG ,CES MNGON PAR BYANG CHUB PA 'OD GSAL GYI RIM PA RNAMS BSTAN ZHING, LE'U LNGA PA DANG DRUG PAR PADMA MGON PO SOGS KYI MGON PO LNGA'I RLUNG DANG, RLUNG GI DE
NYID DANG SNGAGS KYI DE NYID GNYIS RIM LNGA'I RDO RJE BZLAS PA'I RIM PA NAS 'BYUNG BA BZHIN DU GSUNGS PAS RDOR BZLAS BSTAN TE, RTZA RGYUD KYI BZLAS PA'I SNGAGS KYI NGES DON NO, ,LE'U LNGA PAR SNYING GAR SNGAGS KYI THIG LE SGOM PA'I RDZOGS RIM DANG, SNYING GA'I BUM PA CAN BSTAN, SO GCIG PAR 'KHOR LO BZHI LA BRTEN PA'I GTUM MO'I GNAD CHE BA RNAMS BSTAN TE, RDOR BZLAS MAN CHAD DE RNAMS KYIS SROG DH'U T'IR 'DZUD PA'I THABS GSUNGS SO, ,THABS DE LA BRTEN NAS BDE STONG SBYOR BA NI NYER DGU PA DANG SO GSUM PAR RGYAS PAR BSTAN NO, ,YANG SO GCIG PAR PHYAG RGYA MA BZHI SO SO'I MTSAN NYID DANG, BZHI PO RE RE LA ROL TSUL MI 'DRA BA RE GSUNGS SHING, NYER GCIG PAS DROD THOB NAS SPYOD PA BYED TSUL RGYAS PAR GSUNGS SO, ,GNYIS PA NI, KUN SPYOD KYI LE'U DANG PO NAS BCU PA'I BAR GYIS BSKYED RIM YAN LAG DANG BCAS PA GSUNGS TE, DE YANG DE'I LE'U LNGA PA LAS, JI LTAR NANG GI BDAG NYID SHES, ,PHYI YI DKYIL 'KHOR DAM PA YIN, ,RNAM DGOD JI LTAR RAB BSTAN PA, ,SNYING PO THAMS CAD BSDUS PA STE, ,ZHES GSUNGS PA LTAR PHYI DKYIL DANG LUS DKYIL GNYIS KA LA 'GOD PA'I DBANG DU BYAS NAS GSUNGS PA LA, PHYI DKYIL LA LHA DRUG CU RTZA GNYIS TSANG BA DANG, LUS DKYIL LA MA MO BCU GNYIS DANG, GTZO BO YAB YUM MA GTOGS PA'I LHA RNAMS DGOD PA BSTAN, LHA BCU BZHI LUS LA MA BKOD PA NI, KHA SBYOR LA SOGS PA NAS DE RNAMS KYANG LUS LA DGOD PAR GSUNGS PAS, LUS DKYIL LA YANG LHA TSANG BA YOD DO, ,HE RU KA'I ZHAL GYI GRANGS DANG SKU MDOG MA
, ,BSTAN PA NI RTZA RGYUD NA YOD PA LA DGONGS SO, ,PHAG MO MAN CHAD KYI LHA RE GCIG PO THAMS CAD KYANG ZHAL GCIG PHYAG GNYIS PAR BSHAD LA, DPA' BO NYER BZHI'I SKABS SU MAR DO'I 'GYUR LAS, RANG GI MTSAN MAS LEGS 'KHYUD CING, ZHES PA LAS MI GSAL YANG, LO CHEN DANG SHES RAB GRAGS KYIS BSGYUR BA LAS, RDO RJE DRIL BUS LEGS 'KHYUD CING, ,ZHES 'BYUNG BA LEGS SHING, 'GREL PAR YANG DE BZHIN DU 'BYUNG NGO, ,DE RNAMS KYI PHYAG MTSAN YANG DRIL BU PA DANG 'DRA'O, , YUM GYI SKU MDOG DMAR POR BSHAD CING, RNAL 'BYOR MA BZHI LA SNA TSOGS GZUGS CAN, ZHES GSUNGS PA NI RE RE'I SKU MDOG LA MIN GYI BZHI GA'I DBANG DU MDZAD PA'O, ,SGO MTSAMS MA BRGYAD KYI NANG NAS MTSAMS MA BZHI LA DMIGS KYIS BKAR NAS PHYED GZUGS SU GSUNGS PAS SGOM BZHI'I KHA DOG SNGON PO SOGS RE RE BAR GO NUS SO, ,DE LTAR GO NA SGOM BZHI RNAL 'BYOR MA BZHI DANG 'DRA BAR GSUNGS PA'I SHUGS KYIS, RNAL 'BYOR MA BZHI YANG SGOM BZHI DANG KHA DOG MTSUNGS PAR GO NUS SO, ,'KHOR LO GSUM GYI LHA'I KHA DOG NI, DRUG PA LAS, DE LTAR MA LUS 'KHOR LOR GNAS, ,MDOG DBYE CHO GA'I RIM BZHIN NO, ,ZHES 'KHOR LO GSUM PO MA LUS PAR GNAS PA'I SKU MDOG GI DBYE BA NI CHO GA STE, RIGS KYI RIM PA BZHIN YIN NO, ,ZHES PA'I DON YIN LA, DE'I DON YANG MNGON BRJOD LAS, YANG NA SKU GSUNG THUGS KYI NI, ,CI 'DOD MDOG NI DBYE BA BYA, ,ZHES SKU GSUNG THUGS KYI DBYE BAS JI LTAR 'DOD PA'I KHA DOG TU BYA BAR BSHAD DE, SKU 'KHOR GYI LHA DKAR, GSUNG 'KHOR GYI LHA DMAR, THUGS
'KHOR GYI LHA SNGON POR BYA BA'I DON NO, ,'DI'I LHA RE GNYIS NI DRIL BU BA'I LUS DKYIL GYI LHA JI BZHIN YIN LA, SKYED TSUL NI TA TH'A GA TA RAKshI TA'I 'GREL PAR L'U AI PA'I LUGS KYI MNGON BYANG LNGA LAS BSKYED PA LTAR BSHAD DE, RTEN DANG BRTEN PA GNYIS KA DUS GCIG TU BSKYED PA'I LUGS SO, ,DES NA DRIL BU BA'I LUS DKYIL GYI SKABS SU YANG MNGON BYANG LAS BSKYED TSUL L'U AI PA LTAR BYED PA LEGS SO, ,LE'U BCU GNYIS PA NAS LHAN SKYES KYI YE SHES KYI BSNGAGS PA DANG, RDZOGS RIM RNAL 'BYOR CHEN PO BSHAD LA, 'DI LA YANG SROG DH'U T'IR 'DZUD PA'I RDZOGS RIM DANG, BTZUD PA LA BRTEN NAS SKYES PA'I RDZOGS RIM GNYIS SHES DGOS TE, GZHAN DU RGYAS PAR BSHAD ZIN TO, ,LE'U BCU BZHI PA NAS NUS PA RNYED NAS SPYOD PA BYA TSUL STON TE, GZHAN YANG RTZA RGYUD NA MI GSAL BA MANG PO BSHAD DO, ,GSUM PA NI, YANG DAG PAR SBYOR BA DANG KHA SBYOR DANG KHA SBYOR THIG LE ZHES PA NI RGYUD 'DI'I MTSAN GYI RNAM GRANGS YIN LA, RGYUD PHYI MA DANG BCAS PA LA BRTAG PA BCU GCIG GO ,'DI LA BOD KYI BLA MA KHA CIG RGYUD 'DI RGYAL PO AINDRA BH'U TIS, RGYUD SDE 'BUM PHRAG SUM CU RTZA DRUG GI BSHAD RGYUD DU 'DOD DO, ,DA LTA DNGOS SU NGO SPRAD DU YOD PA RGYUD SDE BCU DRUG GI BSHAD PA'I RGYUD YIN PAR BSHAD PA BYED DO, ,ZHES ZER RO, DE LA 'DOD PA DANG PO NI AINDRA BH'U TIS MDZAD ZER BA'I Sm BHU tA'I 'GREL PA LAS, 'DIR RE ZHIG RNAL 'BYOR DANG RNAL 'BYOR MA'I RGYUD RGYAS PA 'BUM PHRAG SUM CU RTZA DRUG PA LAS BYUNG BA, RGYUD NYUNG NGU BRTAG PA BCU GCIG GI BDAG NYID CAN KHA SBYOR THIG LE ZHES BYA BA NI RJOD PAR BYED PA'O, ,ZHES KHA SBYOR, RGYUD 'BUM PHRAG SO DRUG PA LAS BYUNG BA ZHES
, ,PA'I DON MA NGES PA ZHIG STE, DE'I DON NI RGYUD 'BUM PHRAG SO DRUG PA LAS BSDUS PA'I DON DU SNANG LA, DE TZAM GYIS DE RNAMS KYI BSHAD RGYUD DU MI 'GRUB STE, DPER NA MNGON BRJOD 'BUM PA LAS NYUNG NGU'I RTZA RGYUD BSDUS PA BZHIN NO, ,'DOD PA GNYIS PA LA YANG SHES BYED KHUNGS THUB MI SNANG NGO, ,BOD KYI BLA MA GZHAN KHA CIG ,SPYIR RGYUD 'DI RGYUD THAMS CAD DANG, KHYAD PAR DU RGYUD SDE BZHI BCU'I BSHAD RGYUD YIN ZER BA LA YANG SHES BYED YANG DAG CI YANG MI SNANG ZHING, KHYAD PAR DU KHA SBYOR 'DIR RGYUD GZHAN GYI DON BSHAD PA RNAMS LA, RGYUD DE DANG DE'I BSHAD RGYUD DU BYED PA NI RGYU MTSAN MA NGES PA 'BA' ZHIG TU SNANG STE, TSIG MANGS SU DOGS NAS MA BRIS SO, ,RGYUD 'DI'I 'GREL PA DPA' BO RDO RJES BYAS ZER BA LAS, 'DI BSHAD RGYUD YIN PAS RGYUD DGU'I BSHAD RGYUD YIN, YANG NA RANG DGA' BA'I RGYUD YIN ZHES ZER TE, RGYUD DGU NI RGYUD THAMS CAD KYI GLENG GZHI GSANG BA YANG DAG PAR SBYOR BA ZHES PA'I GLENG GZHI DANG, GSANG BA DANG, KHA SBYOR GSUM PO RE RE LA DGU DGUR BYAS PA'I DGU TSAN LA BYED PAR SNANG STE YID BRTAN MI SNANG NGO, ,DES NA SNGAR GYI BOD KYI BLA MA GZHAN RNAMS GSUNG BA LTAR, BDE MCHOG DANG KYEE RDOR THUN MONG GI BSHAD RGYUD YIN LA, BDE MCHOG GI BSKYED RIM NI BRTAG PA GSUM PA'I RAB BYED BZHI PA LAS, MNGON BYANG LNGA LAS BDE MCHOG RDOR SEMS ZHAL GSUM PHYAG DRUG PAR BSKYED PA LA, 'KHOR GYI LHA NYER BRGYAD KYIS BSKOR BA CIG BSHAD DE, MAN SNYER BZHAD MA SOGS KYI LHA MO BRGYAD RGYUD GZHAN DU GSUNGS PA YANG RIG PAR BYA'O, ,ZHES MANG DU MKHYEN PA RNAMS GDAMS PAR BYED DO, ,ZHES GSUNGS PAS LHA
SO BDUN GYI DKYIL 'KHOR YAN LAG DANG BCAS PA CIG GSUNGS SO, ,BRTAG PA DRUG PA'I RAB BYED BZHI PA LAS RA HA SYA LA SOGS PA'I YI GE BCU DRUG LA SOGS PA'I BSHAD PA DANG, YUL NYER BZHI NANG LUS LA SBYAR BA DANG, DPYID DANG THIG LE DANG, 'KHOR LO BZHI'I YI GE'I GTZO BO RNAMS DANG, LUS KYI RTZA DANG KHAMS DANG, 'BYUNG BA RIM BRTZEGS SOGS NANG LA SBYAR BA DANG, SBYIN SREG NANG DU SBYAR BA SOGS DU MA ZHIG GSUNGS PA LA, 'KHOR LO BZHI LA BRTEN PA'I GTUM MO'I RNAL 'BYOR GTZO BOR STON ZHING, DE LAS DGA' BA BZHI 'BYUNG BA SOGS STON TE, 'DI LA YANG SROG DH'U T'IR 'DZUD PA'I THABS DANG, BTZUD PA LA BRTEN NAS SKYES PA'I RDZOGS RIM GNYIS SHES PAR BYA'O, ,BRTAG PA PHYI MA LAS, DBANG BSKUR GYI SKOR YANG MANG DU GSUNGS LA, BRTAG PA SNGA MA LAS KYANG DBANG GONG MA BSKUR BA'I TSUL YANG GSUNGS SO, ,DE LTAR RTZA RGYUD SHIN TU MI GSAL BA'I BSHAD RGYUD MANG PO NI RTZA RGYUD KYI RANG 'GREL YIN PAS, RTZA RGYUD DANG BSHAD RGYUD LEGS PAR 'BYOR BA SHIN TU GAL CHE'O, ,GSUM PA LA GSUM, GRUB CHEN GANG GI MAN NGAG LA BRTEN NAS 'CHAD PA DANG, DE LA BRTEN NAS 'CHAD PA'I BSHAD TSUL BSTAN PA DANG, RTZA BA'I RGYUD BSHAD PA'I TSUL DNGOS SO, ,DANG PO NI, SPYIR RGYUD RGYAS PA LAS BTUS PA'I RTZA BA'I RGYUD RNAMS GANG LA BRTEN NAS 'CHAD PA LA TSUL GSUM GSUNGS TE, BDE MCHOG STOD 'GREL LAS, RGYUD SHIN TU RGYAS PA NYAN PA'I SKAL BA DANG MI LDAN PA'I DON DU, RGYUD RGYAS PA LAS BSDUS NAS BSTAN PA'I RGYUD RNAMS KYI RDO RJE'I TSIG ZAB MO RNAMS BSDUS PA'I RGYUD GZHAN NAM, BYANG CHUB SEMS DPA'I 'GREL PA 'DI LTA
, ,BU'AM BLA MA DAM PA'I MAN NGAG GI RJES SU 'BRANGS NAS RTOGS PAR BYA BAR GSUNGS TE, DANG PO NI DANG PO'I RGYUD RGYAS PA LAS BSDUS PA'I BSHAD RGYUD GZHAN LA BRTEN NAS 'CHAD PA DANG, GNYIS PA NI BDE MCHOG STOD 'GREL LTA BU'I BYANG CHUB SEMS DPA'I 'GREL PA LA BRTEN NAS 'CHAD PA DANG, GSUM PA NI 'PHAGS PA YAB SRAS LTA BU DANG LO NAG DRIL GSUM LTA BU LA SOGS PA'I MAN NGAG LA BRTEN NAS 'CHAD PA YIN PAS, BYANG CHUB SEMS DPA' RNAMS KYI BZHED PA LA YANG DE'I 'GREL PA KHO NA LA BRTEN NAS BSHAD DGOS ZHES PA MIN NO, ,DE RNAMS KYI SKOR DU YANG MNGON SHES THOB PA KHO NAS 'GREL PA BYA BAR GSUNGS PA'I DON YANG, MNGON SHES THOB LUGS GZHAN MANG PO GSUNGS PA LA MIN GYI, BDE BA CHEN POS DE KHO NA NYID KYI DON MNGON DU GYUR PA'I STOBS KYIS DRANGS PA'I MNGON SHES LNGA THOB PA, DRIL BU ZHABS DANG dOm BI HE RU KAS BSHAD PA LTA BU YIN LA, DE YANG DANG POR RGYUD KYI DGONGS PA 'GREL BA'I SROL MA PHYE BA'I SNGON DU, RGYUD DE DANG DE'I LAM SROL DANG PO LA 'BYED PA LA YIN GYI, SNGA MAS SROL PHYE BA'I RJES SU ZHUGS NAS RGYUD DON 'GREL BA LA MNGON SHES THOB DGOS PAR STON PA MIN NO, ,KHA CIG RGYUD 'GREL TZAM BYED PA LA MNGON SHES THOB DGOS, DE MED PAR BYAS NA DMYAL BAR 'GRO BAR 'CHAD CING, MNGON SHES THOB PA'I PHYOGS NA MED PAR RANG GIS RGYUD KYI BSHAD PA RTZOM PA NI RANG GIS RANG LA CO 'DRI BA YIN NO, ,DE LTAR GSUM LAS 'DIR NI DANG PO DANG GSUM PA GNYIS LA BRTEN PA'I 'CHAD LUGS YIN LA, DE YANG LO NAG DRIL GSUM GYI BSKYED
RDZOGS KYI GZHUNG LA BRTEN ZHING RTZA BSHAD LEGS PAR SBYAR TE, DPAL N'A RO TA PA'I MAN NGAG LA BRTEN NAS 'CHAD PA YIN PAS, KHYAD PAR DU 'PHAGS PA'I BSHAD PA'O, ,LO DRIL GNYIS KYI GZHUNG NA RTZA RGYUD KYI TSIG 'DIS RIM GNYIS 'DI STON MI GSAL YANG, DE GNYIS KYI MAN NGAG LEGS PAR SHES NA, RTZA BSHAD LEGS PAR SBYANG BA'I MAN NGAG LA BRTEN NAS SHES NUS TE, TSIG DON GYI SKABS SU 'CHAD PAR 'GYUR RO, ,NAG PO SPYOD PA'I GZHUNG DPYID THIG LAS NI, DE NAS DE BZHIN GSHEGS PA GANG YANG RUNG BA'I SKU'I DKYIL 'KHOR DANG, SBYIN SREG DANG MCHOD SBYIN DANG BZLAS PA DANG, BSGOM PA LA SOGS PA'I CHO GA'I BYA BA PHYI ROL DANG MTHUN PAR, NANG GI NGO BOS YANG DAG PAR RAB TU BSHAD PAR BYA'O, ,ZHES SO, ,DE LA DE BZHIN GSHEGS PA'I SKU GANG YANG RUNG BA NI SGRUB PA PO GANG YANG RUNG BA'I LUS SO, ,DE'I SKU'I DKYIL 'KHOR NI LUS KYI DKYIL 'KHOR RO, ,DE LTAR NA DKYIL 'KHOR NAS SGOM PA'I BAR LA PHYI BSKYED RIM DANG NANG RDZOGS RIM GNYIS GNYIS YOD LA, SOGS KYIS BSDUS PA SNGAGS BTU BA LA YANG SNGAGS BTU BA'I GZHI DANG, BTUS PA'I SNGAGS ZLO BA GNYIS YOD DO, ,DE YANG RDO RJE MKHA' 'GRO LAS, RNAL MA'I SBYOR BA RTOGS BYA'I PHYIR, ,BCOS MA YI NI BSGOM PA DANG, ,BCOS MA YI NI BZLAS PA BYA, ,ZHES GSUNGS PA LTAR BSGOM BZLAS SOGS LA RNAL MA DANG BCOS MA GNYIS GNYIS BYA STE, SNGA MA DANG DON GCIG GO ,PHYI NANG DANG BCOS MA BCOS KYI BSHAD PA DANG, DRANG NGES KYI BSHAD PA NI 'DIR DON GCIG TU GZUNG NGO, ,DE DAG GIS NI RTZA RGYUD KYI GZHUNG 'DIS NANG MA BCOS
, ,PA'I RDZOGS RIM 'DI BSTAN ZER BA MA BYUNG YANG, RTZA RGYUD KYIS DKYIL 'KHOR SOGS BSTAN PA'I DON LA RIM PA GNYIS KA'I BSHAD PA RE DGOS PAR SHES SO, ,GNYIS PA LA GSUM, LE'U NGA GCIG TU GSUNGS PA'I GRANGS KYI DON DANG, LE'U NGA GCIG BSHAD PA GSUM DU SBYAR BA DANG, LE'U SO SO'I BSDUS DON GYI 'BREL BSTAN PA'O, ,DANG PO NI, RGYUD 'DI LA NGA GCIG TU BYAS PA NI, MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,PHYUNG BA BDE MCHOG NYUNG NGU STE, ,AA YIG LA SOGS KshA YIG MTHAR, ,LE'U RNAMS JI LTA'I RIM PA YIS, ,DE KHO NA NYID LDAN PAR SBYAR, ,ZHES LE'U RNAMS RTZA RGYUD LAS JI LTAR 'BYUNG BA'I RIM PA YIS, AA NAS KshA YIG GI BAR LA SBYAR LA, DE YANG DE KHO NA NYID LDAN PAR SBYAR ZHES GSUNGS SO, ,'O NA DBYANGS GSAL GYI YI GE LNGA BCU YOD LA, LE'U NGA GCIG YOD PAS MA MTHUN NO SNYAM NA, SKYON MED DE YI GE SO SO'I DE NYID SBYAR BA LNGA BCU, NGA GCIG PA NI SPYI'I DE NYID DANG SBYAR BAR BYA BA YIN PA'I PHYIR RO, ,DBYANGS GSAL GYI DE KHO NA NYID DANG SBYAR TSUL NI, DBYANGS NI THABS KYI PHYOGS DANG, GSAL BYED NI SHES RAB KYI PHYOGS YIN ZHING, DE GNYIS KA'ANG DBYER MED PA YIN PAS RGYUD KYI LE'U THAMS CAD KYANG THABS SHES GNYIS MED KYI BRJOD BYA DANG LDAN PAR BSTAN PA'I PHYIR YI GE RNAMS DANG SBYAR RO, ,GZHAN YANG DBYANGS GSAL GYI DON KHAMS DKAR DMAR GYI 'DU 'PHROD LA BRTEN NAS, SKYES PA'I LHAN SKYES KYI BDE BA CHEN PO NYID KYI DBANG DU BYAS NAS RGYUD KYI DBU ZHABS THAMS CAD 'JUG PA YIN NO, ,ZHES RTOGS PA'I LUNG DU'ANG
YIN TE, DE LA DGONGS NAS KUN SPYOD LAS, A'A LI K'A LI MA GTOGS PAR, ,GAL TE CHOS 'DI 'DOD NA NI, ,DE YI NGAL BA DON MED DE, ,'BRAS BU THOB PAR MI 'GYUR RO, ,ZHES GSUNGS SO, ,SHLO KA'I GRANGS NI BDE MCHOG STOD 'GREL LAS BDUN BRGYA PAR GSUNGS SO, ,GNYIS PA NI, N'A RO PA'I LUGS KYIS LE'U LA BSDUS DON BYED TSUL 'DI LA, MKHAS PA SU MA TI K'IRTI'I NYUNG NGU'I RGYUD KYI MTSAMS SBYOR MDZAD PA 'DI NYID DBANG POR BYAS NA, N'A RO PA'I BSHAD SROL SHIN TU DAG PA CIG 'ONG NGO, ,DE YANG NYUNG NGU'I MTSAMS SBYOR LAS, DANG POR RE ZHIG BSKYED BA DANG RDZOGS PA'I RIM PA GNYIS KYIS BSDUS PA'I DON THAMS CAD LE'U DANG POS MDOR BSTAN NAS, GNYIS PA NAS LE'U LNGA BCU PA'I BAR GYIS RGYAS PAR BSTAN TE, KUN GYI THA MA'I LE'U NI DE RNAMS GCIG TU MDZAD DE BCOM LDAN 'DAS KYIS GSUNGS PA'O, ,ZHES RGYUD CHUNG NGU 'DI GSUM DU SBYAR BA'I BSHAD PA 'DI NI N'A RO PA'I DGONGS PA'O, ,ZHES GSUNGS SO, ,GSUM DU SBYAR ZHES PA NI LE'U DANG PO MDOR BSTAN DANG SBYAR BA DANG, GNYIS PA NAS LNGA BCU PA'I BAR RGYAS BSHAD DANG SBYAR BA DANG, NGA GCIG PAS MDO RGYAS KYI LE'U DE RNAMS KYI DON GCIG TU BSDUS TE SBYAR BA'I BSHAD PA YIN, ZHES PA'O, ,GSUM DU SBYAR ZHES PA 'DI LA BOD KHA CIG N'A RO PA'I LUGS KYIS KHA SBYOR GSUM GYI BSHAD PA BYED PA YIN ZER BA NI, MTSAMS SBYOR GYI DON MA NGES PAR DON MED PA'I THA SNYAD SBYAR BA'I BSHAD PA'O, ,YANG BOD 'GA' ZHIG GSUM DU SBYAR ZHES PA GZHAN NAS MDOR BSTAN RGYAS BSHAD DON BSDU ZHES 'BYUNG BA LTAR DU BZUNG NAS, GNYIS PA MAN CHAD RNAMS LA DANG POR MDOR BSTAN PA DANG, RANG RANG GI SKABS SU
, ,RGYAS PAR BSHAD TSUL DANG, THA MAR DE'I DON BSDUS TSUL RE 'CHAD PAR SNANG NGO, ,'DIR DON BSDUS PA NI LE'U LNGA BCU'I DON RNAMS LAM GYI RIM PA GCIG TU BSDUS TE BSTAN PAS, SNGAR GYI RGYAS BSHAD LAS GSAL DU SONG BA YIN PAS BSHAD PA DE YANG N'A RO PA'I 'CHAD TSUL MIN NO, ,GSUM PA LA GSUM, BSDUS DON SO SOR BSTAN PA DANG, LAM GYI RIM PA GCIG TU BSGRIGS PA, N'A RO PA NAS BRGYUD PA'I TSUL LO, ,DANG PO LA DRUG ,DBANG BSKUR BA DANG DE LA DE NYID BSTAN PA'I BSDUS DON DANG, SNGAGS BTU BA DANG DNGOS GRUB SGRUB PA'I BSDUS DON DANG, DNGOS GRUB GNYIS KA PHO NYA MO'I DRIN LAS 'GRUB PA'I BSDUS DON DANG, LAM GYI GROGS DAM TSIG DANG BOGS 'BYIN PA'I SPYOD PA'I BSDUS DON DANG, PHYAG RGYA CHEN PO LA SOGS PA PHYAG RGYA BZHI'I BSDUS DON DANG, DNGOS GRUB MYUR DU 'GRUB PA'I MTSAN MA RTOG PA'I BSDUS DON NO, ,DANG PO NI, NYUNG NGU'I MTSAMS SBYOR LAS, DE LA DBANG BSKUR NAS NI DE NYID BSTAN, ZHES PA'I TSIG GIS THEG PA GSANG SNGAGS LA DANG PO DBANG BSKUR BA'O, ,DE LA DKYIL 'KHOR SNGON DU 'GRO BA LAS LE'U GNYIS PAS NI DKYIL 'KHOR RO, ,GSUM PAS NI DBANG BSKUR BA'O, ,ZHES GSUNGS SO, ,LE'U DANG PO LAS, GDOD NAS GRUB PA'I DUR KHROD DU, ,DER NI DKYIL 'KHOR BRI BAR BYA, ,ZHES GSUNGS PA GNYIS PA DANG GSUM PAS 'CHAD BA YIN NO, ,DE LA SNGON DU DBANG MA BSKUR BA LA RIM GNYIS KYI DE NYID BSTAN NA, DNGOS GRUB RING BAS DBANG BSKUR NAS DE NYID BSTAN PAR GSUNGS PAS GSANG SNGAGS LA DANG POR DBANG BSKUR BA DGOS SHING, DRIL BU PAS, DBANG BSKUR DKYIL 'KHOR SNGON 'GRO
BAR, ,RDO RJE 'CHANG GIS GSUNGS PA STE, ,ZHES GSUNGS PA LTAR SNGON DU DKYIL 'KHOR DGOS PA NI LE'U GNYIS PAS STON NO, ,DE YANG RTEN GYI DKYIL 'KHOR KHO NA MA YIN GYI, BRTEN PA'I DKYIL 'KHOR YANG BKOD NAS MCHOD PA DANG, BUM PA RNAMS KYI MTSAN NYID DANG DGOD PA SOGS GSUNGS SO, ,GSUM PAR DKYIL 'KHOR DU GZHUG PA DANG, ME TOG DOR BA DANG, MING DBANG SOGS DANG, GSANG DBANG DANG, DBANG GSUM PA BSKUR BA BSTAN TO, ,MAL GYI LUGS 'DZIN PA DANG, MAR DO'I BSHAD PA GNYIS KAS LE'U BZHI PAR DE NYID BZHI STON PAS DBANG BZHI PA BSKUR BA BSHAD PAR 'DOD DE, NYUNG NGU'I MTSAMS SBYOR LAS, BZHI PAS NI DBANG BSKUR BA'I DON GYI NGO BO NYID DO, ,ZHES GSUNGS PA'I DON BZHI PAS DBANG BSKUR BA LA BSHAD PAR BYA BA'I DON GYI NGO BO NYID DE NYID BZHI 'CHAD PA'I DON YIN PAS, DE DANG YANG MTHUN PAR BYAS PAS CHOG PAR SNANG NGO, ,YANG MTSAMS SBYOR LAS, DE LTAR LE'U GSUM POS NI DE NAS GSANG BA ZHES BYA BA NAS, MNYAN PAR GYIS ZHES PA'I BAR DU BSHAD DO, ,ZHES GSUNGS SO, ,'DI'I DPE KHA CIG LAS LE'U GSUM PAS ZHES 'BYUNG BA DAG STE, RGYAS BSHAD KYI LE'U GSUM PA'O, ,LE'U DES DE NAS GSANG BA ZHES SOGS KYIS BSTAN PA'I RIM GNYIS KYI DON RNAMS BSHAD CES PA'I DON NO, ,BSHAD DO ZHES PA'I 'PHRO NYID NAS, 'DIS NI DE LTAR 'CHAD PAR 'GYUR GYI, BA LANG GNAS KYI LCI SKAM DANG, ,ZHES BYA BA LA SOGS PA SNGON DU 'GRO BA'I SGOM PA'I DKYIL 'KHOR RGYAS PAR BSHAD PA YANG 'DI NYID YIN PAS, DE LAS LOGS SHIG TU MA BRJOD DO, ,ZHES 'BYUNG BA'I DON NI LE'U
, ,SO GNYIS PAR 'CHAD PAR 'GYUR BA'I, BA LANG GNAS ZHES SOGS KYIS 'BYUNG BA RIM BRTZEGS BSKYED PA BSTAN NAS, DE SNGON DU 'GRO BA'I DKYIL 'KHOR SGOM PA YANG LE'U GNYIS PAR BSHAD PA 'DI NYID YIN PAS 'OG TU 'BYUNG BA RIM BRTZEGS SGOM PA BSHAD PA'I 'PHRO NAS, GNYIS PA LAS LEGS SU DKYIL 'KHOR SGOM PA MA BSHAD CES PA'I DON NO, ,GNYIS PA NI, DE LTAR DBANG LEGS PAR THOB PA DES DE NAS GSANG BA ZHES PA NAS MNYAN PAR GYIS ZHES PA'I MDOR BSTAN PA'I DON, LE'U BZHI PAS BSHAD PA'I RIM GNYIS SGOM PA'I BSAM GTAN DANG, BZLAS BRJOD KYIS DNGOS GRUB 'GRUB PAR GSUNGS PA'I BZLAS BRJOD LA NI, SNGAGS DAG DGOS LA DE LA SNGAGS BTU BA DGOS PA'I TSUL NI MTSAMS SBYOR LAS, DE NAS GSANG SNGAGS ZLOS PA'I BZLAS BRJOD DANG, ,BSAM GTAN GYIS KYANG 'GRUB PAR 'GYUR, ,ZHES BYA BA RNAM PAR 'GREL BA LA, LNGA PA NAS BRGYAD PA'I BAR GYI LE'U BZHI DANG, NYI SHU RTZA LNGA PA NAS SUM CU PAS NI GO RIM 'CHOL BA'I LAS BZLAS PA'I SNGAGS BTU BA BSTAN TE, RGYUD LA SLOB DPON MED PAR SNGAGS KYI BZLAS PA DGAG PA'I DON YIN PAR RTOGS PAR BYA'O, ,ZHES GSUNGS SO, ,NYI SHU RTZA LNGA PA NAS ZHES PA YI GE MA DAG STE, 'OG NAS NYER DRUG PA NAS NYER DGU'I BAR GYI LE'U BZHIS 'DI STON LOGS SU BSHAD PA'I PHYIR RO, ,DES NA NYER LNGA PA DANG ZHES 'ONG RGYU YIN NO, ,DE LA LE'U LNGA PA LAS NI YAB KYI RTZA SNGAGS KYI GSAL BYED BTU BA DANG, BDUN PAS RTZA SNGAGS KYI DBYANGS BTU BA DANG, NYER LNGA PA LAS MGOR AOm DANG MTHAR H'Um H'Um PHAt SBYAR BA'I RTZA SNGAGS NYID GSUNGS
LA, LE'U DRUG PA LAS YAB KYI SNYING PO DANG NYE SNYING GI YI GE'I GRANGS TZAM DANG, YAB KYI GO CHA'I SNGAGS BTU BA DANG, BRGYAD PA LAS YAB KYI SNYING PO DANG YUM GYI GO CHA'I SNGAGS BTU BA BSTAN, SUM CU PA LAS ZHAL BZHI PA'I SNGAGS BTU BA DANG BTUS PA'I SNGAGS GNYIS KA BSTAN TO, ,GO RIM 'TSOL BA ZHES PA NI SNYING PO BZLOG STE BSTAN PA SOGS SO, ,'GRUB 'GYUR ZHES PA'I 'BRAS BU 'GRUB PA LE'U DUS STON PA NI, MTSAMS SBYOR LAS, 'DI LTAR BZLAS PA'I DNGOS GRUB MCHOG DANG THA MA'I MTSAN NYID LAS, 'JIG RTEN PA'I DNGOS GRUB BSTAN PA NI, DGU PA NAS BCU BZHI PA'I MTHAR THUG PA DANG, BZHI BCU RTZA GCIG PA NAS LE'U LNGA BCU PA'I BAR DU SHES PAR BYA'O, ,GONG DU SKU GSUM SBYAR BAS 'JIG RTEN LAS 'DAS PA'I MCHOG GI DNGOS GRUB BSTAN TO, ,ZHES GSUNGS TE, BZLAS PA'I DNGOS GRUB CES PA NI MTSON PA STE, BSAM GTAN DANG BZLAS PA GNYIS KA'I SGO NAS KYI DNGOS GRUB SGRUB PA'O, ,DE LA LE'U DGU PA NAS YAB KYI RTZA SNGAGS KYIS THUN MONG GI DNGOS GRUB PA DANG, BCU PA'I PHYOGS GCIG GIS YAB KYI SNYING PO'I SGO NAS LAS SGRUB PA DANG, BCU GCIG PAS SKYE BDUN BRTAG PA DANG, DE'I SNYING GA NAS RO TZA NA BLANGS TE YAB KYI SNYING POS LAS SGRUB PA BSTAN, BCU GNYIS PAS YAB KYI NYE SNYING GIS LAS SGRUB PA BSTAN, BCU GSUM PAS GO CHA'I SNGAGS KYIS LAS SGRUB PA BSTAN, BCU BZHI PAS HE RU KA BONG ZHAL CAN GYI SGO NAS SKYE BDUN GYI SGRUB PA BSTAN, ZHE GCIG PHA NAS ZHES PA NI YI GE MA DAG PAR GSAL TE, 'OG NAS SO DGU PA NAS ZHE GNYIS PA'I BAR BZHI LA LOGS SU BSHAD PA'I PHYIR RO, ,DES NA ZHE GSUM PA NAS ZHES 'ONG RGYUR
, ,SNANG NGO, ,ZHE GSUM PAS YAB KYI NYE SNYING GIS LAS SGRUB PA DANG, ZHE BZHI PAS YAB KYI NYE SNYING DANG YUM GYI GO CHAS LAS SGRUB PA DANG, ZHE LNGA PAS DPA' MO'I GO CHAS LAS SGRUB PA DANG, ZHE DRUG PAS HA LNGA LA BRTEN NAS LAS SGRUB PA DANG, ZHE BDUN PAS SARBA BUDDH'A d'A KI NI YI SNGAGS KYI LAS SGRUB PA DANG, ZHE BRGYAD PAS SANGS RGYAS MKHA' 'GRO MA'I SNGAGS DNGOS DANG, RNAL 'BYOR MA BZHI DANG DPA' BO NYER BZHI RTAG TU SGOM PA BSTAN, ZHE DGU PAS SKYE BDUN BRTAG PA RGYAS PAR DANG, LNGA BCU BAS BADZRA BEE RO TZA NA'I SNGAGS KYIS LAS SGRUB PA BSTAN TO, ,MCHOG GI DNGOS GRUB NI BCU PA'I PHYOGS GCIG GIS SKU GSUM 'GRUB PAR BSTAN PAS STON TE, DANG PO LAS, DNGOS GRUB RTAG PA THOB PAR 'GYUR, ,ZHES MDOR BSTAN PA'I BSHAD PA'O, ,DE YANG RDZOGS RIM GYI LAM GYI SKU GSUM ZHIB TU BSHAD PA NA, DE NYID GONG NAS GONG DU SONG BA'I RIM PAS 'THOB PA RTOGS PAR NUS SO, ,DNGOS GRUB GNYIS BSTAN PA NI THUN MONG GI DNGOS GRUB LA BROD PA SKYES NAS, DE GRUB PA NA MCHOG LA 'JUG PA'I PHYIR YIN NO, ,ZHES SNGA MA RNAMS GSUNG YANG BLA MED KYI GDUL BYA'I GTZO BO NI, BSKYED RIM MTHAR PHYIN NAS 'JIG RTEN PA'I DNGOS GRUB DON DU MI GNYER BAR, RDZOGS RIM LA 'JUG PA YIN PAR GZHUNG DU MA LAS BSHAD PAS MI LEGS SO, ,DES NA BSKYED RIM GYI MTHAR 'JIG RTEN PA'I DNGOS GRUB SGRUB PA NI, BLA MED KYI GDUL BYA DBANG PO DMAN PA RNAMS KYI TSUL LO, ,GSUM PA NI, YANG MTSAMS SBYOR LAS, DE LTAR 'DI LA 'JIG RTEN DANG 'JIG RTEN LAS 'DAS PA'I DNGOS GRUB NI, RNAL 'BYOR MA'I BKA' DRIN LAS 'GYUR BA DE 'DIR BSTAN PA'I DON DU, BCO LNGA PA NAS NYI SHU RTZA BZHI
PA'I BAR GYIS NI, PHO NYA LHAN CIG SKYES DNGOS GRUB, CES PA LA SOGS PA RNAM PAR 'GREL TE, 'DIS RNAL 'BYOR MA GSUM GYI DBYE BA SHES PAR BYA BA'I PHYIR YI GE'I BRDA DANG, RIGS DRUG GI DBYE BA DANG, MING GI RNAM GRANGS DANG, MKHA' 'GRO MA'I RIGS KYI MTSAN NYID DANG, L'A MA'I RIGS KYI MTSAN NYID DANG, LAG PA'I BRDE DANG, LTA BA'I PHYAG RGYA DANG, YAN LAG GI PHYAG RGYA DANG, MTSAN MA'I PHYAG RGYA DANG, NGAG GI BRDA RAB TU SHES PAR 'GYUR BA 'DI NI, BYE BRAG BCUS PHO NYA'I MTSAN NYID LE'U BCUR GO RIM JI LTA BA BZHIN BSTAN TO, ,ZHES GSUNGS PA'I DON NI, DNGOS GRUB GNYIS NI RNAL 'BYOR MA'I BKA' DRIN LAS 'GRUB PA 'DIR BSTAN PA'I DON DU, LE'U DANG POR, PHO NYA LHAN CIG SKYES DNGOS GRUB, ,CES PA NAS, 'DOD PA YI NI DNGOS GRUB BYA, ,ZHES RIGS LDAN MA MCHOD PA LA BRTEN NAS DNGOS GRUB BSGRUB PAR BYA'O, ,ZHES PA'I MDOR BSTAN RGYAS PAR 'CHAD PA LA, LE'U BCO LNGA PA NAS NYER BZHI PA'I BAR LE'U BCU GSUNGS SO, ,'DIS RNAL 'BYOR MA GSUM GYI DBYE BA SHES PAR BYA BA'I PHYIR , ZHES PA NI LE'U DE RNAMS KYI SNGAGS SKYES MA LA SOGS PA GSUM SO SOR SHES PAR BYED PA MA GSUNGS KYANG, MKHA' 'GRO MA DE RNAMS DANG PHRAD PA LA BRTEN NAS, ,'DI RNAL 'BYOR MA GSUM PO'I 'DI YIN ZHES PA DANG, YUL 'DI NA 'DI YOD CES BSTAN PA LA BRTEN NAS SHES PA'O, ,LE'U BCU PO SO SOS BRDA LA SOGS PA 'DI STON SHIN TU BSDUS NAS BSTAN PA 'DI CUNG ZAD BSHAD NA, MKHA' 'GRO MA'I RIGS LDAN MA MCHOD PA LA DE NGO SHES DGOS, NGO SHES PA LA BRTAG DGOS, BRTAGS PA NA BCO LNGA PA DANG NYI SHU PA DANG NYER GNYIS PA DANG, NYER BZHI PAR DPA' BO
, ,DANG SRING MOR SHES PAR 'GYUR BAR GSUNGS PA LTAR SHES PAR BYED PA'I BRTAG PA LA, YI GE RE RE BA'I BRDA NI BCO LNGA PA DANG, YI GE DU MA TSOGS PA'I NGAG GI BRDA NI NYER BZHI PAS BSTON TE, NGAG LA BRTEN NAS SHES PAR BYED PA'O, ,LUS KYI BRDAS SHES PAR BYED PA LA, NYI SHU PAS LAG PA GTZO BOR BYAS PA'I LUS KYI BRDA DANG, NYER GCIG PAS BLTA BA'I PHYAG RGYA'I LUS KYI BRDA DANG, NYER GNYIS PAS YAN LAG GI KHYAD PAR GYI PHYAG RGYA'I LUS KYI BRDA STE, DE LTAR LE'U LNGAS MKHA' 'GRO MA'I PHYAG RGYA RTOG PA BSTAN TO, ,DE LTAR SPYIR RNAL 'BYOR MAR SHES PAS MI CHOG GI, BYE BRAG GI RIGS RTOGS DGOS PA LA LE'U BZHI LAS, BCU DRUG PAS RIGS DRUG GI MTSAN NYID BSTAN TE, BDAG NYID GANG 'DOD PA'I RIGS DANG MTHUN PAR SHES PAR BYAS NAS MCHOD PA'I PHYIR DU'O, ,BCU BDUN PAS NI MKHA' 'GRO MA RNAMS SDUD PAR BYED PA'I MKHA' 'GRO MA BDUN TSAN GNYIS MING GI RNAM GRANGS KYIS BSTAN, BCO BRGYAD PAS MKHA' 'GRO MA'I RIGS KYI MTSAN NYID KYI DBYE BA BSTAN, BCU DGU PAS L'A MA'I RIGS KYI MTSAN NYID KYI DBYE BA LNGA BSTAN TO, ,BRTAGS PAS MKHA' 'GRO MAR SHES KYANG RANG LA RJES SU CHAGS PA MED NA DE KHO NA NYID KYI MCHOD PA BYAR MI RUNG BAS, RANG LA CHAGS PA'I RTAGS MKHA' GRO MA'I KHYAD PAR GYI MTSON MA'I PHYAG RGYA NYER GSUM PAS BSTAN TO, ,SPYIR GSANG SNGAGS BLA MED PA'I SGRUB PA PO THAMS CAD LA PHO NYA MO MTSAN NYID TSANG BAS GROGS BYAS NA LAM MYUR BA YIN PA LA, KHYAD PAR DU BDE MCHOG GI LAM LEGS PAR SHES NAS SGRUB PA BYED PA RNAMS LA, MKHA' 'GRO MA'I PHO NYA MO KHYAD PAR CAN RNAMS KYIS BYIN GYIS
RLOB PA DANG, LAM GYI GROGS MDZAD PA CHES MYUR BA YIN PAS DA LTA DNGOS SU LAG LEN LA MA THEBS KYANG, TSE RABS GZHAN DU BRDA DANG BRDA'I LAN DNGOS SU BYED PA'I RTEN 'BREL SGRIG PA KHYAD PAR CAN DU 'GYUR BAS, 'DI DAG GI TSUL LA MKHAS PA DANG DON YANG YANG YID LA BYED PA LA GOMS PAR BYA'O, ,BZHI PA NI, YANG MTSAMS SBYOR LAS, DE'I RJES LA, DAM TSIG RTAG TU BSKYANG BAR BYA, ,ZHES BYA BA LA SOGS PA'I DON RDZOGS PAR BYED PA LA, NYI SHU RTZA DRUG PAS NI YONGS SU SHES PA'I PHO NYA MO MNYES PAR BYED PA BSRUNG BA'I DAM TSIG BSTAN TO, ,NYI SHU RTZA BDUN PAS NI THOB PA'I PHYAG RGYA MNYES PA DE'I BKAS SPYOD PA BYA BA STE, RNAL 'BYOR PA NYID CES BYA BA LA SOGS PA'I MTSAN NYID KYI DON RDZOGS PAR BYED PA SPROS BCAS KYI SPYOD PA BSTAN TO, ,NYI SHU RTZA BRGYAD PA DANG RTZA DGU PAS NI SPROS BCAS KYI SPYOD PA'I BYA BA BSTAN TO, ,ZHES GSUNGS PA'I DON NI LE'U DANG POR, RTAG TU DAM TSIG BSKYANG BAR BYA, ,ZHES PA'I MDOR BSTAN GYI DON RGYAS PAR 'CHAD PA LA, NYER DRUG PAS BRDA LA BRTEN NAS SHES PA'I PHO NYA MO MNYES PAR BYED PA LA BSRUNG BA'I DAM TSIG BRGYAD BSTAN TO, DE NI MTSON PA TZAM YIN PAS, RTZA LTUNG GI BSRUNG BA'I DAM TSIG SOGS KYANG BSKYANG DGOS SO, ,PHYAG RGYA MA KHYAD PAR CAN MNYES PAR BYAS PA NA DE'I BKAS SPROS BCAS KYI SPYOD PA BYA BA NI, NYER BDUN PA DANG NYER BRGYAD PA DANG NYER DGU PAS BSTAN TO, ,YANG MTSAMS SBYOR LAS, DE NAS SUM CU BRGYAD PAS NI YANG RNAL 'BYOR PA NYID CES BYA BA LA SOGS PA'I DON RDZOGS PAR BYA BA'I PHYIR, SPROS MED DANG SHIN TU SPROS MED KYI SPYOD PA RGYAS PAR BSTAN TO, ,ZHES GSUNGS TE, SPYOD PA'I MDOR
, ,BSTAN NI LE'U DANG POR, RNAL 'BYOR BA NYID BSOD NAMS MCHOG ,DAG BYED SDIG PA 'JIG BYED PA, ,ZHES GSUNGS PA'O, ,DA NAS MTSAMS SBYOR LAS, DE NAS, SBRANG RTZI MTSAL DANG GA BUR BCAS, ,ZHES BYA BA LA SOGS PA'I BSHAD PA NI, SUM CU RTZA GCIG PA LA SOGS PA LE'U GSUM GYIS SPYOD PA THAMS CAD LA MKHO BA BZA' BA'I DAM TSIG BSTAN TE, DE YANG LAG PA'I MCHOD PA DANG, RDZAS KYI KHYAD PAR GYI MING DANG, KHA ZAS KYI CHO GA'I DBYE BA GSUM DU SHES PAR BYA'O, ,ZHES GSUNGS TE, SO GCIG PAS LAG MCHOD DANG, SO GNYIS PAS RDZAS KYI KHYAD PAR GYI MING DANG, SO GSUM PAS KHA ZAS KYI CHO GA'I DBYE BA BSTAN TE, BZA' BA'I DAM TSIG BSKYANG BA'O, ,DAM TSIG GNYIS KYIS BSTEN PA'I DAM TSIG KYANG MTSAN NO, ,LNGA PA NI, YANG MTSAMS SBYOR LAS, DE'I RJES LA, MCHOD BZHI DE BZHIN DPA' BO CHE, ,ZHES BYA BA LA SOGS PA RNAM PAR 'GREL BA NI SUM CU RTZA BZHI PA LA SOGS PA LE'U BZHI STE, PHYAG RGYA CHEN PO DANG CHOS KYI PHYAG RGYA DANG LAS KYI PHYAG RGYA DBANG DU BYA BA GO RIM JI LTA BA BZHIN DU RTOGS PAR BYA'O, ,DAM TSIG GI PHYAG RGYA NI DKYIL 'KHOR GYI 'KHOR LO SGOM PA'I MTSAN NYID BZHIN DU BSTAN PAS NA, 'DIR DE LAS LOGS SHIG TU RGYAS PAR MA BSTAN TO, ,ZHES GSUNGS BA'I DON NI LE'U DANG POR, MCHOD BZHI DPA' BO CHEN PO NI, ,ZHES SOGS KYIS PHYAG RGYA BZHI MDOR BSTAN PA RGYAS PAR 'GREL BA NI, SO BZHI PA NAS SO BDUN PA'I BAR LE'U BZHI'O, ,DE YANG SO BZHI PAS PHYAG CHEN DANG, SO LNGA PAS CHOS KYI PHYAG RGYA DANG, SO DRUG PAS LAS RGYA BSTEN TSUL DANG, SO BDUN PAS LAS RGYA RANG GI DBANG DU BYED PA'I THABS BSTAN LA, DAM TSIG GI PHYAG RGYA NI SNGAR DKYIL 'KHOR GYI DBUS SU HE RU KA YAB YUM
DGOD PA'I SKABS SU BSHAD PA DE LAS LOGS SHIG TU MA BSTAN PAR GSUNGS TE, DAM TSIG GI PHYAG RGYA NI GZHUNG GZHAN NAS YE SHES KYI PHYAG RGYAR BSHAD PA'I YID KYIS RDO RJE PHAG MO SOGS BSGOMS PA'I LHA MO'O, ,'DI LA BLA MA MAR DO DANG MAL GYI LUGS 'DZIN PA GNYIS KA'I LUGS KYIS LE'U SO DRUG PAS DAM TSIG DANG, LAS RGYA GNYIS KA BSTAN PAR BZHED PA DANG MI 'GAL TE, DAM RGYA SPYIR MA BSTAN PA MIN GYI RGYAS PAR MA BSTAN ZHES GSUNGS PA'I PHYIR RO, ,DE'I DEN NI LAS RGYA LAS LOGS SU GSAL BAR MA BSTAN ZHES PA'I DON NI, ,DRUG PA NI, YANG MTSAMS SBYOR LAS, DE NAS RNAL 'BYOR GSUM GYI THUN MONG DU GYUR PA'I DNGOS GRUB KYI MTSAN MA NI, SUM CU RTZA DGU PA NAS BZHI BCU RTZA GNYIS PA'I BAR GYIS BSTAN TO, ,ZHES GSUNGS PA'I DON NI RNAL 'BYOR TE SPYOD PA GSUM GYI THUN MONG GI 'BRAS BU MCHOG MYUR DU 'GRUB PA'I MTSAN MA'AM RTAGS NI, SE DGU PA NAS ZHE GNYIS PA'I BAR LE'U BZHIS STON NO, ,NGA GCIG PA'I DON DANG BSDUS DON DE LTAR BYED PA DE JI LTAR YIN PA NI, MTSAMS SBYOR LAS, DE LTAR MDO DANG RGYAS PAR BSTAN PA'I DON RNAMS KYI MTSAN NYID LE'U LNGA BCU RTZA GCIG PAS GCIG TU BSDUS NAS, BCOM LDAN 'DAS KYIS BSTAN TO ZHES BLA MA'I MAN NGAG GO ,ZHES GSUNGS TE, NGA GCIG PAS MNGON PAR RTOGS PA'I RIM PA GCIG TU BSDUS TSUL NI, DE NYID KYI SKABS SU 'CHAD PAR 'GYUR RO, ,BSDUS DON DE LTAR BYED PA NI RJE BTZUN CHEN PO N'A RO TA PA'I MAN NGAG TU BSTAN TE, GNYIS PA NI, DE LTAR RTZA RGYUD KYI DBU ZHABS KYI DON RNAMS KYANG LAM NYAMS SU LEN PA'I RIM PA LA SKOR NAS LAM DU 'KHYER SHES PA NI, MANG DU BSHAD PA'I SNYING PO DAM PA YIN PAS PHYOGS GCIG TU BSGRIGS TA BSHAD NA, DE LTAR LE'U GNYIS PA DANG GSUM PA NAS 'BYUNG BA'I DBANG GI SKOR RNAMS BSHAD RGYUD
, ,GNYIS KYIS KHA BSKANGS PA'I DBANG LEGS PAR THOB PAR BYA STE, DE NI LAM RIM PA GNYIS YAN LAG DANG BCAS PA LA NYAN BSAM SGOM GSUM BYED PA'I SNOD RUNG DU SGRUB PA'I THABS DAM PA YIN PA'I PHYIR RO, ,SNOD RUNG DU SONG NAS NI, DE NAS GSANG BA BSHAD BYA BA, ,ZHES SOGS KYI DON LE'U BZHI PA DANG, PHYAG RGYA BZHI STON PA'I LE'U DON RTZA BSHAD LEGS PAR SBYAR TE RIM GNYIS BSGOM PAR BYA STE, DE NI LAM GYI GZHUNG SRONG BA'O, ,LAM DE YANG DAM TSIG SKYONG BA'I GROGS DANG LDAN PAR BYA'O, ,DE LTAR BSGOMS SHING BSKYANGS PAS NUS PA RNYED PA NA PHO NYA MO KHYAD PAR CAN DANG PHRAD PAR 'GYUR LA, DE'I TSE DE'I BKAS PHO NYA MO LA BRTEN NAS SPYOD PA BYA BA NI LAM LA BOGS 'BYIN PA'I THABS DAM PA'O, ,RIM PA GNYIS SO SO'I SKABS SU SPYOD PAS BOGS BTON PA NA, THUN MONG DANG MCHOG GI DNGOS GRUB GNYIS MYUR DU 'GRUB PAR 'GYUR RO, ,RTZA RGYUD SHIN TU MI GSAL ZHING 'KHRUGS PAR GYUR PA GRUB THOB KYI MAN NGAG GIS BSHAD PAS, LAM LA NGES PA BLA NA MED PA STER BA 'DI NI MKHAS PA RNAMS KYI YID 'PHROG PAR SNANG BAS, PHYIS 'BYUNG GI MKHAS PA N'A RO PA'I BSHAD SROG LA BRTEN PA RNAMS KYIS KYANG DE KHO NA BZHIN DU BSHAD PAR BYA'O, ,GSUM PA NI, DE 'DRA BA'I BSHAD SROL MCHOG TU GYUR PA NA DPAL N'A RO PA LA MNGA' PA YIN LA, DE LA SLOB MA MANG YANG BDE MCHOG GI SLOB MA GTZO BO BZHI STE, M'A NA KA SHR'I DZNY'A NA DANG, PRA DZNY'A RAKshI TA DANG, PHI TONG HAm DU DANG, PHAm THING PA'O ZHES ZER
RO, ,DANG PO NI, MAR DOS BYANG PHYOGS KYI SGO GLEGS PAR GRAGS PAR BSHAD DE N'A RO PA'I RJES SU SGO GLEGS PA MDZAD PA'O, ,GSUM PA NI PHAM THING PA'I GCEN PO CHOS KYI BLO GROS ZHES PA N'A RO PA'I SPYAN SNGAR LO BCU GNYIS BZHUGS NAS RGYA NAG GI RI BO RTZE LNGAR BYON ZER BA DER MNGON NO, ,BZHI PA NI BAL BO PHAM THING PA ZHES KYANG ZER, BAL YUL NA AA DES PA CHEN POR GRAGS, DGE SLONG 'JIGS MED GRAGS PA ZHES KYANG ZER BA DE YIN, DES N'A RO PA'I SPYAN SNGAR LO DGU BZHUGS, BDE MCHOG GI SGO NAS DMAN PA DANG 'BRING GI DNGOS GRUB THOB, DE'I GCUNG PO DUS 'KHOR BAS N'A RO BA LO LNGA BSTEN, DE'I GCUNG PO THANG CHU BAS KYANG N'A RO PA LA BDE MCHOG GAS NA, KHA CHE BYANG CHUB BZANG POS KYANG N'A RO BA BSTEN NAS BDE MCHOG GSAN NO, ,SNGAR BSHAD PA BZHI'I DANG PO GNYIS DANG, PHAM THING PA LA KA NA KA SHR'IS GSAN, DE LA BAL PHO BA TAN TA ZHES KYANG ZER, SU MA TI K'I RTI ZHES KYANG ZER BA THAMS CAD MKHYEN PA CHUNG NGUR GRAGS PA DES GSAN, M'A NA KA SHR'I DANG PHAM THING PA GNYIS LA YANG DNGOS SU GSAN, BAL PO THUGS RJE CHEN POS KYANG KA NA KA SH'I LA GSAN, DE RNAMS LAS BOD DU BRGYUD BA LA LUGS MANG DU YOD KYANG BOD DU PHAN 'DOGS CHE BA LA MAL GYO LO TZ'A BA BLO GROS GRAGS DANG, MAR PA DE PAR GRAGS PA'I LO TZ'A BA MTSAN NGO BO CHOS KYI DBANG PHYUG ,GSANG MTSAN MANYDZU SHR'I BADZRA ZHES PA GNYIS SO, ,DE LA MAL GYOS PHAM THING PA SKU MCHED GSUM DANG, KHA CHE BYANG CHUB BZANG PO DANG, SU MA TI K'I RTI DANG, BAL PO THUGS RJE CHEN PO LA GSAN, MAR DOS PHAM THING PA DANG SU MA TI K'I RTI GNYIS
, ,LA GSAN NO, ,RJE BTZUN SA SKYA PA CHEN POS PU RANGS LO CHUNG DANG, RMA LO TZ'A BA DANG, MAL LO TZ'A BA RNAMS LA BDE MCHOG GSAN KYANG MAL GYI LUGS LA TSAD MAR MDZAD, MAL DANG SA CHEN GYIS RTZA RGYUD LA YIG CHA MA MDZAD, MAL GYI GSUNG BGROS SA CHEN GYIS BSHAD PA RNAMS, DE'I SLOB MA PU n+YE BADZRA ZHES PA CIG GIS RTZA RGYUD RGYA CHER 'GREL PA MU TIG 'PHRENG BA ZHES PA CIG TU ZHIB TU GTAN LA PHAB, MAR DOS RTZA RGYUD KYI RNAM BSHAD CIG MDZAD, DE'I SLOB MA GZE BA BDE MCHOG RDO RJE DANG, RGYA NAM MKHA' DBANG PHYUG DANG, COG RO CHOS KYI RGYAL MTSAN RNAMS KYIS BDE MCHOG SHIN TU DAR BAR MDZAD DO, ,BLA MA 'PHAGS PA 'OD CES PA JO BO LUGS DANG, LO CHUNG DANG SA SKYA BA'I LUGS KYI DBANG DANG KHRID DANG BSHAD PA MNGA' BA CIG GIS BU STON THAMS CAD MKHYEN PA LA GNANG, YANG BLA MA DES MAR DO'I LUGS KYI BSHAD LUNG YANG RTZE BA LA ZHUS GSUNG PAS KHONG LA LO TZA BA MKHAS PA GNYIS KA LA BRGYUD PA'I N'A RO PA'I BSHAD SROL MNGA'O, ,BU STON ZHABS KYIS MDZAD PA'I RTZA RGYUD KYI RNAM BSHAD CHEN MA'I BSHAD LUNG DE'I SLOB MA BLA MA BDE CHEN PA CHEN PO LA BDAG GIS THOS SO,, ` ,,GSUM PA LA BZHI, MTSAN GYI DON, 'GYUR GYI PHYAG ,GZHUNG GI DON, MJUG GI DON NO, ,DANG PO LA GNYIS, MTSAN BSGYUR BA DANG, MTSAN BSHAD PA'O, ,DANG PO NI, RGYA GAR NA SKAD RIGS BZHI YOD PA LAS LEGS PAR SBYAR BA'I SKAD DU NI, RGYUD 'DI'I MTSAN SHR'I NAS N'A MA'I BAR RO, ,DE BOD KYI SKAD DU BSGYUR NA, SHR'I NI DPAL LO, ,HE RU KA NI KHRAG 'THUNG NGO, ,KHA CIG
RU ZHES PA'I RU TIR KHRAG LA 'JUG PAS, YI GE'I ZUR DE TZAM LA BRTEN NAS KHRAG 'THUNG ZHES BSGYUR BA NI 'GYUR LEGS PA MIN NO ZHES ZER MOD KYANG, MAR DO'I LUGS 'DZIN PA DAG YI GE GSUM LA YI GE BSNAN PA'I NGES TSIG GI BSHAD PA BYAS PAS KHRAG 'THUNG DU SONG BAR BSHAD PA LEGS SO, ,DE YANG HE LA REL PA DANG, RU TI RA KHRAG DANG KA P'A LA THOD PA STE, BSDU NA THOD KHRAG LA ROL PAR 'GYUR BAS KHRAG 'THUNG DU BSGYUR RO, ,R'A DZA NI RGYAL PO DANG, TZA KRA NI 'KHOR LO DANG, Sm BA RA NI SDOM PA DANG, BHI DHA NA NI BRJOD PA DANG, YO GI NI NI RNAL 'BYOR MA DANG, RUD TA RA NI BLA NA MED PA DANG, SARBA TAN TRA NI RGYUD THAMS CAD DANG, TROD CES PA'I TRA'I NA ROR SONG BA'I AUD DANG SBYAR BAS AUD TA RA NI BLA MA DANG, Sm BA RA NI BDE MCHOG DANG, Sm GRA HA NI BSDUS PA DANG, N'A MA NI ZHES BYA BA'O, ,MTSAN LA MI 'DRA BA MANG DU 'DUG NA'ANG 'DI MAR DO RKYANG PA'I 'GYUR LTAR RO, ,GNYIS PA NI, KUN SPYOD LAS, SHR'I NI GNYIS MED YE SHES TE, ZHES GSUNGS PA'I GNYIS SU MED PA'I YE SHES NI, 'DOD CING BSTEN PAR BYA BAS NA DPAL LO, ,HE RU KA NI BSHAD ZIN LA, DE'I BSHAD PA GZHAN NI 'CHAD PAR 'GYUR RO, RGYAL PO NI THOD KHRAG LA ROL PA RNAMS KYI GTZO BO'O, ,SDOM PA NI 'DUS PA MCHOG GO ,SDOM RGYU NI SANGS RGYAS THAMS CAD KYI SKU GSUNG THUGS KYI GSANG BA GSUM GYI LAS SO, ,DE NYID NI SKU GSUNG THUGS KYI 'KHOR LO YANG YIN NO, ,SDOM TSUL NI SDOM RGYU DE THAMS CAD DBYER MI PHYED PAR GCIG TU SDOM PA STE, BDE STONG GCIG TU SDOM PA DANG SKU GSUNG THUGS GSUM LHAN SKYES KYI HE RU KA GCIG GI NGO BOR SDOM PA STE, SDOM 'BYUNG LAS, SKU
, ,GSUNG THUGS KYI YANG DAG LAS, ,RNAM PA THAMS CAD GCIG SDOM PA, ,SDOM PA BDE MCHOG BYANG CHUB STE, ,BRJOD PAR BYA MIN BSTAN DU MED, ,'DUS PA SDOM PA DAG GI MCHOG ,CES GSUNGS SO, ,BRJOD PA NI 'KHOR LO SDOM PAR GRAGS PA'O, ,RNAL 'BYOR MA BLA NA MED PAS NI 'DI MA RGYUD DU STON NO, ,RGYUD DE THAMS CAD KYI BLA MA NI GONG MA STE MCHOG GO ,RGYUD NI 'DUS PA PHYI MA LAS, RGYUD NI RGYUN ZHES BYA BAR GRAGS, ,RGYUD DE RNAM PA GSUM 'GYUR TE, ,GZHI DANG DE BZHIN RANG BZHIN DANG, ,MI 'PHROGS PA YIS RAB PHYE BA, ,RNAM PA RANG BZHIN RGYU YIN TE, ,DE BZHIN MI 'PHROGS 'BRAS BU'O, ,GZHI NI THABS SHES BYA BA STE, ,GSUM GYIS RGYUD KYI DON BSDUS PA'O, ,ZHES RGYUD KYI SGRA DON NI RGYUN CHAGS PA DANG, DE LA RANG BZHIN ZHES PA SGRUB PA PO RIN PO CHE LTA BU'I GANG ZAG GI RANG BZHIN RGYU RGYUD DANG, GZHI ZHES PA RIM GNYIS KYI BSNYEN SGRUB YAN LAG BZHI THABS RGYUD DANG, MI GNAS PA'I MYANG 'DAS RDO RJE 'CHANG NGAM ZUNG 'JUG GI SKU, GZHAN GYIS 'PHROG PAR MI NUS PA 'BRAS BU'I RGYUD DU N'A RO PAS BSHAD DE, DON GYI RGYUD LA GSUM DU PHYE BA'O, ,SH'ANTI PA DANG AA BHYA KA RAS RGYU RGYUD SEMS KYI CHOS NYID LA BSHAD DO, ,DE GSUM BRJOD BYAR STON PA'I SGRA LA YANG RGYUD CES BYA STE 'DIR PHYI MA'O, ,Sm BA RA RTING MA BDE MCHOG TU BSGYUR BA NI Sm SU KHA NA BDE BA DANG, BA RA NI MCHOG YIN PA LA BSAMS TE, KHA SBYOR GYI RGYUD PHYI MA LAS, DE LAS SDOM PA'I SGRAS BRJOD PAR BYA STE, Sm ZHES PA NI BDE BA'O, ,BA RA ZHES PA NI KHYAD PAR DU 'PHAGS PA ZHES
BYA BA'I DON NI, ,ZHES GSUNGS PA BZHIN TE, Sm BA RA'I DON 'DI DANG SNGA MA GNYIS KA SHES DGOS SO, ,BSDUS PA NI RTZA RGYUD RGYAS PA LAS TSIG BSDUS NAS GSUNGS PA'O, ,GNYIS PA NI, BCOM LDAN 'DAS DANG DPAL NI GO SLA'O, ,MNYAM SBYOR LAS, RDO RJE STONG PA NYID DU BRJOD, ,SEMS DPA' YE SHES TZAM NYID DE, ,DE DAG BDAG NYID GRUB PA NI, ,RDO RJE SEMS DPA' ZHES BRJOD DO, ,ZHES GSUNGS PA LTAR, RDO RJE STONG PA NYID MTHAR THUG PA DANG SEMS DPA' YE SHES GNYIS RO GCIG TU ZHUGS PA GRUB PA LA PHYAG 'TSAL LO ZHES PA NI LO TZ'A BA'I PHYAG GO ,GSUM PA LA GNYIS, THOG MAR 'DI SKAD SOGS DNGOS SU MA SMOS PA'I RGYU MTSAN, TSIG GI DON BSHAD PA DNGOS SO, GCIG TU ZHUGS PA GRUB PA LA PHYAG 'TSAL LO ZHES PA NI LO TZ'A BDAG THOS SOGS MI SMOS PA'I RGYU MTSAN GANG YIN ZHE NA, SKAL LDAN GRAGS PAS 'DI RGYUD RGYAS PA 'BUM SNGA LAS BTUS LA, DER 'DI SKAD SOGS SMOS PAS DE'I RGYUD PHYI MA 'DIR DE MA SMOS ZHES 'DOD PA DANG, STON PA MI GNAS PA'I MYA NGAN LAS BSTAN PA'I PHYIR MA SMOS ZHES 'DOD PA DANG, BSTAN DU MED PA'I CHOS NYID LA BSTAN BYA DANG STON PA PO GCIG TU BSTAN PA'I PHYIR MA SMOS PAR 'DOD PA DANG 'DI SKAD SOGS MED PAR MTSAN BRJOD BZHIN DU THEG PA CHEN PO STON PAR MDZAD DO, ,ZHES 'DOD PA'I GZHAN LUGS BZHI BKOD NAS, RANG LUGS NI DANG PO'I SANGS RGYAS RNAMS NI RGYUN CHAD PA MI MNGA' BA'I PHYIR, CHOS KYI RNAM GRANGS 'DI NI THOG MA MED PA'I RGYUN CAN YIN TE, SH'AKA THUB LAS SNGA BAR GNAS TE, ,SANGS RGYAS BYE BA DPA' BO NI, ,BYE BA
, ,NYID KYIS LEGS PAR GSUNGS, ,ZHES BSHAD PA LTA BU'O, ,DE'I DON NI DUS KYI DBANG GIS SREG PA'I BSKAL PA LA SOGS PAS, SHER PHYIN LA SOGS PA NUB PA NA SH'AKYA THUB PAS YANG GSUNGS SO, ,BDE MCHOG NI DE LTAR MA YIN TE SANGS RGYAS KYI ZHING BRJOD DU MED PA RNAMS NI RGYUN MI 'CHAD PA NYID KYIS NYAMS SU BLANGS NAS GNAS PA'I PHYIR RO ZHES ZER RO, ,'DOD PA DANG PO LA BOD KHA CIG GIS KYEE RDOR 'BUM LNGA'I RGYUD RGYAS PA LAS BSDUS TE LOGS SU BSTAN PA BRTAG GNYIS LA 'DI SKAD SOGS GSUNGS PA LTAR, 'BUM DU BRJOD PA LAS BSDUS TE LOGS SU BSTAN PA'I RGYUD 'DI LA YANG SMOS NA 'GAL BA CI YOD CES SUN 'BYIN NO, ,DE LA RGYUD RGYAS PA LAS BSDUS BA'I BSDUS RGYUD YIN PA TZAM RGYU MTSAN DU BYAS NAS, RGYAS BA LAS LOGS SU 'DI SKAD SOGS MA BSTAN PAR 'DOD NA SKYON DE 'JUG KYANG DE TZAM RGYU MTSAN DU BYED PA MIN NO, ,'O NA CI ZHEN, RGYUD KYI THOG MA NAS, DE NAS GSANG BA BSHAD PAR BYA, ,ZHES DE NAS KYI SGRA THOG MAR 'BYUNG BA RGYUD SNGA MA'I 'PHRO 'DI 'DRA BA'I RGYUD BSDUS PA LAS, 'DI SKAD SOGS MA BSTAN ZHES PA'I DON YIN GYI, RGYUD RGYAS PA LAS BSDUS PA'I RGYUD YIN NA, 'DI SKAD SOGS MI SMOS PA YIN NO ZHES 'DOD PA MIN NO, ,LVA BA PA'I 'GREL PA LAS KYANG DE NAS KYI TSIG GIS RGYUD SNGA MA'I MTHA' CAN DU BSTAN PAR GSUNGS SO, ,DES NA LUGS 'DI LA YANG SNGAR BZHIN DU 'GAG PA NI PHYOGS SNGA MA MA LONGS PAR BKAG PA YIN NO, ,YANG BOD KHA CIG LVA BA PAS BDE MCHOG RTZA RGYUD 'BUM PHRAG GSUM PAR 'DI SKAD BDAG THOS
SMROS, 'DI DE LAS BSDUS PA'I PHYI MA YIN PAS MA SMROS, ZHES ZER BA MI 'THAD DE, DRI MED 'OD LAS RTZA RGYUD RGYAS PA NI 'DI SKAD BDAG THOS MED PAR BSHAD PA'I PHYIR RO, ,ZHES 'DI SKAD BDAG THOS YOD PA'I RGYUD RGYAS PA LAS BSDUS PA'I PHYI MA YIN PAS, 'DIR 'DI SKAD BDAG THOS MA SMOS PAR BSHAD PA NI, SNGAR BSHAD PA LTAR PHYOGS SNGA MA GTAN NAS MA LONGS PA YIN LA, DRI MED 'OD LAS MNGON BRJOD 'BUM PHRAG GCIG PA LA 'DI SKAD BDAG THOS SOGS MED PAR BSHAD PA DANG, MNGON BRJOD 'BUM PHRAG GSUM PA LA YOD PAR BSHAD PA GNYIS LA 'GAL BA MED PA'I PHYIR TE, RGYUD RGYAS PA LA MI 'DRA BA GNYIS YOD PA'I KHUNGS RNAMS BSHAD ZIN TO, ,DES NA LVA BA'I NA BZA' CAN LTA BU'I RGYA GAR GYI GRUB CHEN LA SKYON 'DZIN PA NI SHIN TU MI RIGS PA CHEN PO'O, ,RGYUD BSDUS PA 'DI LA YANG 'DI SKAD BDAG THOS SOGS KYI TSIG GSAL PO MED PA YIN GYI, MI GSAL BA'I TSUL GYIS YOD PAR BCOM LDAN 'DAS NYID KYIS GSUNGS TE 'CHAD PAR 'GYUR RO, ,'DOD PA GNYIS PA NI YANG MI 'THAD DE, MTSAN NYID KYI MDO SDE'I PHYOGS LA 'DI SKAD BDAG THOS SOGS STON PA MYA NGAN LAS 'DAS RJES SU SDUD PA POS SDUD PAR BSHAD KYANG, 'DIR BSHAD RGYUD RDO RJE 'PHRENG BA DANG DGONGS PA LUNG STON SOGS LAS GSUNGS PA LTAR, STON PA NYID KYIS 'DI SKAD BDAG THOS SOGS LA BSHAD PA MDZAD PAS, MYA NGAN LAS 'DAS RJES SU BSDUS PAS MA KHYAB PA'I PHYIR DANG, STON PA MI GNAS PA'I MYA NGAN LAS 'DAS PA BRNYES PAR STON PA GSANG 'DUS SOGS KYI'ANG LUGS
, ,YIN PAS, DE RNAMS LA YANG 'DI SKAD SOGS MI STON PAR THAL BA'I PHYIR RO, ,'DOD PA GSUM PA YANG MI 'THAD DE, KYEE RDOR LAS, 'CHAD PA PO NGA CHOS KYANG NGA, ZHES GSUNGS PAS DER YANG 'DI SKAD SOGS MI STON PAR 'GYUR RO, ,'DOD PA BZHI PA YANG MI 'THAD DE, 'DI SKAD SOGS MED PAR BSHAD PA MTSAN BRJOD DANG 'DRA'O ZHES BSTAN PA NA, DER YANG DOGS PA DE 'JUG PAS RGAL BA NYID LAN DU SONG BA'I PHYIR RO, ,RANG LUGS BZHAG PA YANG MI 'THAD DE, SH'AKA THUB LAS SNGA BA'I GSUNG RAB LA 'DI SKAD SOGS MED PAR SGRUB MI NUS PA'I PHYIR DANG, SANGS RGYAS BYE BA SOGS KYIS GSUNGS PA 'DI SKAD SOGS YOD PA'I RGYUD DU MA LA YANG YOD PA'I PHYIR DANG, PHYOGS BCU'I ZHING MTHA' YAS PAR NYAMS SU LEN PA RGYUN MA CHAD DU YOD PA MNGON BRJOD DANG, ,SDOM 'BYUNG DANG SHER PHYIN GYI MDO LA SOGS PA LA YANG YOD PA'I PHYIR, DE RNAMS LA YANG 'DI SKAD SOGS MI SMOS PAR 'GYUR RO, ,GNYIS PA LA GSUM, LE'U DANG POS RGYUD DON KUN MDOR BSTAN, LHAG MA ZHE DGUS DON DE RGYAS PAR BSHAD, LE'U NGA GCIG PAS SNGA MA RNAMS KYI DON BSDUS TE BSTAN PA'O, ,DANG PO LA GNYIS, GZHUNG DNGOS DANG, LE'U'I MTSAN BSTAN PA'O, ,DANG PO LA BZHI, GSANG BA BSHAD PAR DAM BCA' BA, GSANG BA NYAN PAR BSKUL BA, LAM GYI GSANG BA'I BGROD PA RDZOGS PAR BYED PA'I THABS, GSANG BA SGRUB PA'I GNAS BSTAN PA'O, ,DANG PO NI, DE NAS ZHES PA LA SKAD DOD A'A THA ZHES PA YOD LA, DE LA N'A RO PAS TSUL BZHIR BSHAD DE, RTZA RGYUD SNGA MA RDZOGS NAS DE'I PHYI MA'I RGYUD 'CHAD PA'I SKABS SBYOR BA STE YI GE'I DON
NO, ,A'A LA YI GE BSNAN PAS AA K'A RO MU KHm SARBA DHARMA nm ZHES PA NI CHOS THAMS CAD RANG BZHIN GYIS SKYE BA MED PA RTOGS PA'I YE SHES KYI TSOGS DANG, DE'I ZLA STOBS KYIS THA NI BSOD NAMS KYI TSOGS TE SPYI'I DON NO, ,A'A SHES RAB KYI PADMA DANG, THA THABS KYI RDO RJE NI SBAS PA STE, SBAS PA'I NANG NAS 'DOD CHAGS CHOS SBAS SO, ,A'A NI RNAM PAR DAG PA'I SHES RAB DANG, THA NI DMIGS PA MED PA'I SNYING RJE BDE BA CHEN PO STE MTHAR THUG PA'O, ,GZHAN YANG A'A THA ZHES PA DON BZHI LA 'JUG STE, BKRA SHIS PA DANG, TSIG PHRAD KYI DON DANG, DE MA THAG PA'I DON DANG, DBANG DU BYA BA'I DON TE, DANG PO NI 'DI LA 'JUG PA RNAMS BKRA SHIS PAR BYED PA'O, ,GNYIS PA NI DE NAS BCOM LDAN 'DAS MYA NGAN LAS 'DAS PA'I DUS DE NYID NA ZHES BYA BA LTA BU STE, 'DIR NI RGYUD RGYAS PA GSUNGS PA DE NAS BSDUS PA GSUNGS PA NA 'DI LTAR BSHAD CES PA'O, ,GSUM PA NI DE NAS DE MA THAG TU SOM NYI THAMS CAD RNAM PAR BCAD NAS ZHES BYA BA LA SOGS PA LTA BU STE, 'DIR NI RTZA RGYUD RGYAS PA GSUNGS PA'I DE NAS TE, DE MA THAG TU 'DI GSUNGS ZHES BAR MA CHAD PA GSAL BAR BYED DO, ,BZHI PA NI RGYUD DBU ZHABS THAMS CAD STONG PA DANG SNYING RJE DBYER MED PA'I DBANG DU BYAS PAR STON TE, 'DIR BSHAD PA BZHI GA SBYAR RO, ,THEG PA 'DI'I RIGS MED PA RNAMS LA GSAL BAR MA BYAS PAS NA GSANG CHEN NO, ,GSAL BAR MI BYED PA'I RGYU MTSAN YANG KHO NA NYID DANG YUL CAN GNYIS BAR DU MA CHAD PA MED PA RO DANG NI, ,GSANG BA RGYAL BA'I 'KHOR LO'O, ,GSANG BA SBAS PA BDEN PA STE, ,GSANG BA GSANG BA'I PADMA'O, ,GSANG BA SA BON
, ,GYIS DGA' BA, ,GSANG BA THAMS CAD 'DUS PA STE, ,GSANG BA BAR CHAD MED BDE'O, ,ZHES LVA BA PA'I 'GREL PAR DRANGS TE, CUNG ZAD TZAM MA GTOGS PA KHA SBYOR PHYI MA NAS KYANG DE BZHIN DU BSHAD DO, ,DE RNAMS KYI DON LA, DANG PO NI SHES RAB KYI YUL DE KHO NA NYID DANG, GNYIS PA NI LHA'I 'KHOR LO DANG, GSUM PA NI KHA SBYOR PHYI MA LAS, GSANG BA NI DAM PA'I DNGOS PO SBAS PA'O ZHES GSUNGS PAS SBAS PA MCHOG RNAMS SO, ,BZHI PA NI RTZA'I 'KHOR LO LA PADMAR BSHAD PA DANG, PHYAG RGYA'I PADMA DANG, LNGA PA NI SPYI BO'I SA BON Hm LAS BYANG SEMS 'DZAGS PA LAS SKYES PA'I DGA' BA DANG, DRUG PA NI RDO RJE DANG PADMA SOGS KYI GSANG BA RNAMS 'DUS PA DANG, BDUN PA NI YUL DE KHO NA NYID DANG YUL CAN GNYIS BAR DU MA CHAD PA MED PA RO GCIG TU ZHUGS PA'O, ,SLOB DPON KONG KAN PA GSANG BA KHYAD PAR GYI GZHIR BYAS NAS, SHR'I HE RU KA ZHES PA'I RKANG PA BZHI DE'I KHYAD PAR GYI CHOS SU SBYOR RO, ,BSHAD PA DE GNYIS DANG BLA MA RNAMS 'DI'I GSANG BA LA LAM DANG 'BRAS BU'I GSANG BA GNYIS LA SBYOR BA BSHAD PA LA NI DON MI MTHUN PA MED DO, ,DE 'DRA BA'I GSANG BA BSHAD PAR BYA'O ZHES DAM BCAS PA LA 'CHAD BYED KYI GZHUNG JI LTA BU SNYAM NA, RTZA RGYUD RGYAS PA LAS BTUS PA'I GZHUNG MDOR BSDUS PA STE, DE YANG DON NI BSDUS PA MIN GYI RGYAS PA'O, ,ZHES MIN RGYAS PA'I DON DU BSHAD DO, ,RTZA RGYUD GANG LAS NA LANG KA RGYAL BZANG DANG DPA' BO RDO RJE SOGS KYIS NAM MKHA' DANG MNYAM PA'I RGYUD 'BUM PA LAS BTUS BAR 'CHAD DO, ,KUN SPYOD LAS NI RGYUD 'DI GANG LAS
BTUS PA'I RTZA RGYUD 'BUM PA DANG, NAM MKHA' DANG MNYAM PA GNYIS SO SOR GSUNGS SO, ,LVA BA PAS RTZA RGYUD 'BUM PHRAG GSUM PA LAS BTUS PAR BSHAD PA MKHA' 'GRO RGYA MTSO DANG MTHUN NO, ,DPE KHA CIG LAS, DE NAS DE LAS GSANG BA BSHAD, , CES PA LTAR NA RGYUD RGYAS PA DE LAS BTUS TE 'CHAD CES PA'O, ,YANG KHA CIG LAS, DE NAS DE PHYIR GSANG BA BSHAD, ,CES PA LTAR NA ZHU BA POS ZHUS PA DE'I PHYIR RAM CHED DU BSHAD CES PA'O, ,GNYIS PA LA GNYIS, MNYAN BYA'I GSANG BA DANG, DE NYAN PAR BSKUL BA DNGOS SO, ,DANG PO LA GNYIS, GSANG BA RNAM PAR BZHAG PA BSDUS TE BSTAN PA DANG, RNAM PAR BZHAG PA DE CUNG ZAD RGYAS PAR BSHAD PA'O, ,DAG PO LA GNYIS, DRANG BA'I DON DANG, NGES PA'I DON DU BSHAD PA'O, , DANG PO NI, SGRUB PA PO BDAG NYID SHR'I STE DPAL HE RU KA ZHAL PHYAG GI RNAM PA CAN DU BYAS PA DANG, RIG MA RDO RJE PHAG MOR BYAS PA GNYIS YANG DAG PAR SBYOR BA'I LHA'I SKU PHYAG RGYA CHEN PO'I MTSAN NYID CAN GYI GTZO BO YAB YUM DANG, DE'I 'KHOR PHUN SUM TSOGS PA LA MKHA' 'GRO MA NI SNYING PO'I RNAL 'BYOR MA BZHI LA SOGS PA RNAL 'BYOR MA SO DRUG DANG, DES MTSON NAS DPA' BO NYER BZHI STE DRA BA NI DE RNAMS KYI TSOGS SO, ,Sm BA RA'I Sm MAM SHm NI BDE BA DANG, BA RA NI MCHOG STE BDE BA MCHOG LA BSHAD PAS 'KHOR DE RNAMS SKAD CIG RE RE LA BDE BAS GNYES PA'I PHYIR RO, ,RKANG PA THA MA 'KHOR LA SBYOR PA, LVA BA PA'I BSHAD PA 'DI BLA MA SNGA MA'I BSHAD SROL LA YANG SBYAR NA LEGS TE, 'DI NI GSANG BA
, ,BSKYED RIM LA SBYAR BA'O, ,GNYIS PA NI, SHR'I HE RU KA YANG DAG SBYOR ZHES SOGS KYI GZHUNG 'DI 'DRA'I RIGS RNAMS RTZA RGYUD KYI 'GREL PA GZHAN RNAMS NAS, DANG POR SROG DH'U T'IR 'DZUD PA'I THABS RNAMS LA SBYAR BA'I NGES DON GYI BSHAD PA PHAL CHER MI 'BYUNG BA NI, DPA' BO RDO RJE'I 'GREL PA LAS, RDZOGS PA'I RIM PA'O, ,'DIR KHYAD PAR YOD PA RNAMS NI MA BRIS TE, BLA MA LA MI LTOS PA DANG, GDAMS NGAG CHEN PO BSRUNG BA'I PHYIR RO, ,DE'I PHYIR RTOG PA SNGON DU SONG BAS BLA MA MNYES PAR BYAS LA, DPAL HE RU KA MNGON PAR BRJOD PA'I RJES SU 'BRANG BA RTOGS PAR BYA'O, ,ZHES 'BYUNG BA LTAR DE RNAMS KYI MAN NGAG LOGS SU SHES PAR BYA BA LA BSAMS SO, ,N'A RO PA'I BSHAD SROL 'DI LA GZHUNG RNAMS KYI RDZOGS RIM YANG RGYUD KYI BSHAD PA'I SKABS SU RAGS RIM RE 'BYUNG BA LTAR GZHAN DU YANG 'BYUNG STE, 'DIR NI DE'I LUGS LTAR 'CHAD DO, ,SNGA MA KHA CIG SHR'I LA SOGS PA'I YI GE BZHI, RTZA 'KHOR BZHI DANG, DGA' BA BZHI DANG, RNAL 'BYOR BZHI DANG, DBANG BZHI LA SOGS PA DU MA ZHIG LA SBYOR MOD, MAN NGAG GI BSHAD PA LA YANG DE'I BSHAD PA THAMS CAD LA GZHUNG TSAD LDAN GYI KHUNGS MI DGOS KYANG, DON GYI GTZO BO RNAMS LA GZHUNG GI KHUNGS MED PA'I 'DOD PAS KUN BTAGS PA LA MAN NGAG GI BSHAD PAR BYAS NA, BSHAD PA LTAR SNANG THAMS CAD LA YANG RANG GI BRGYUD PA SANGS RGYAS NAS DED PA'I MAN NGAG YIN ZHES 'CHAD PAR SNANG BAS, RNAM PAR DBYE BA 'BYED MI
NUS PAS CHOS YANG DAG NUB PA'I RKYEN DU 'GRO BA'I PHYIR SPANG BAR BYA'O, ,YANG RGYUD DANG 'GREL PA'I KHUNGS YOD DU CHUG KYANG, DE RNAMS 'DUG TSAD NAS GA-YABS PA'I BSHAD PA LA YANG HA CANG BSHAD PA'I SKYON YOD PAS 'TSAM PA RE BSHAD PAR BYA'O, ,'DIR BLA MA MAS DOS HE RU KA DPYID DANG PHAG MO THIG LER BYAS PA'I STENG NAS RIM PA BZHI PA DANG SBYOR BA LEGS PAS DE LTAR BSHAD NA, BSHAD RGYUD KHA SBYOR THIG LE LAS GSUNGS PA LTAR, DPYID THIG TU YANG BSHAD PA NA, SHR'I HE RU KA NI SNYING GA'I RTZA 'KHOR GYI DBUS SU, MGO THUR BSTAN GYI H'Um STE BSAN TA ZHES PA'I DPYID DO, ,PHAG MO NI LTE BA'I RTZA 'KHOR GYI DBUS KYI GTUM MO KHRAG GI THIG LE Am YIG STE, TI LA KA ZHES PA'I THIG LE'O, ,RTZA 'KHOR DE GNYIS STENG MA THUR BSTAN DANG 'OG MA GYEN BSTAN DU KHA SBYOR GYI RNAM PAR YOD PA NI, DE GNYIS YANG DAG PAR SBYOR BA'O, ,DE LTAR BSHAD PA DE DANG BSHAD RGYUD LA BRTEN NAS MGRIN PA'I RTZA 'KHOR GYI AOm YIG DANG, SPYI BO'I RTZA 'KHOR GYI Hm YIG GNYIS STENG DANG 'OG TU SBYOR PA YANG GO BAR NUS PAS, RKANG PA DANG POS RGYUD KYI RIM PA STON NO, ,MKHA' 'GRO MA NI RTZA SO DRUG DANG DRA BA NI RTZA'I TSOGS SO, ,RTZA DE DAG GI NANG NAS RGYU BA'I RLUNG GIS BSKUL BA'I BYANG SEMS BAB PA LAS SKYES PA'I YE SHES NI SDOM PA ZHES PA BDE BA'I MCHOG GO ,DE LTAR YANG DE NYID GSAL BA LAS, RNAL 'BYOR MA RTZA SUM CU DRUG ,RTZA NI MGO LAS SKYES ZHES BRJOD, ,DE YIS BSKUL BA'I YE SHES NI, ,MCHOG TU DGA' BA'I NGO BO STE, ,ZHES GSUNGS SO, ,GZHAN YANG DE KHO NAR CHOS RNAMS RGYUS STONG BA'I
, ,HE DANG, RANG GI NGO BO NYAMS PA STE DES STONG PA'I RU DANG, GNAS GANG DU YANG MI GNAS PA'I KA STE, DE 'DRA BA'I STONG PA NYID DANG SHR'I'I DON BDE BA CHEN PO'I YE SHES GNYIS YANG DAG PAR SBYOR BA NI, SHR'I HE RU KA YANG DAG SBYOR GYI DON YIN TE, DE NYID GSAL BA LAS, HE NI RGYU DANG BRAL BA STE, ,RU NI NGO BO NYAMS PAS SO, ,KA NI GANG NA'ANG MI GNAS PA, ,SHR'I NI GNYIS SU MED PAR GNAS, ,ZHES GSUNGS SO, ,SHR'I HE RU KA YANG DAG SBYOR GYI DON GZHAN YANG DE NYID GSAL BA LAS, SHR'I ZHES BYA BA BHA GAR BRJOD, ,HE RU KA NI SEMS ZHES BYA, ,MKHA' DBYINGS GNAS PA DE NYID DE, ,SHR'I HE RU KA ZHES BYAR BRJOD, ,RGYUD BYED PA NI YE SHES TE, ,DE LAS SKYES PA ZHES BYA STE, ,RNAL 'BYOR MA RNAMS LEGS 'DUS PA'I, ,DZ'A LA DHA RA DPAL GNAS SU'O, ,ZHES GSUNGS SO, ,DE DAG GI DON NI BHA GA STE DE YANG GANG LA BRTEN NAS BYANG CHUB KYI SEMS 'BAB PA'I GNAS SO, ,SHR'I NI DPAL YIN LA DPAL GYI GNAS NI BHA GA STE, RNAL 'BYOR MA STE RTZA RNAMS LEGS PAR 'DUS PA'I GNAS NANG GI YUL NYER BZHI'I YA GYAL SPYI GTZUG DZ'A LA DHA RA STE, GNAS 'DI'I Hm YIG LAS BYANG SEMS 'BAB PA'I PHYIR RO, ,DE LTAR YAS BABS KYI DUS SU THOG MAR DE NAS BYANG SEMS 'BAB PA'I PHYIR DANG, MAS BRTAN GYI DUS SU DER BYANG SEMS BRTAN NA BDE BA BRTAN PA'I PHYIR NA DPAL GYI GNAS ZHES BYA'O, ,HE RU KA BYANG CHUB KYI SEMS LA BSHAD PA KUN RDZOB BA LA BYAS NA KUNDA LTA BU YIN LA, DE DANG SBYOR BA NI DE RTZA 'KHOR GYI LTE BAR SBYAR BA LAS DGA' BA RNAMS SKYE BA'O, ,DON DAM PA LA BYAS NA BDE BA CHEN PO STE DE DANG NAM MKHA'I DBYINGS STONG BA
NYID GNYIS SBYOR BA NI YANG DAG SBYOR GYI DON NO, ,RGYUD BYED PA STE MDZAD PA PO LA HE RU KA ZHES ZER BA'I NGES DON NI LHAN CIG SKYES PA'I YE SHES SO, ,DE NI SHR'I'I DON BHA GA LAS SKYES PA'O, ,RKANG PA GNYIS RDZOGS RIM LA SBYAR BA'I RKANG PA DANG PO LA BSHAD PA GSUM YOD PA'I DANG PO DANG, GSUM PA'I HE RU KA'I PHYOGS GCIG DANG, SHR'I NI RDZOGS RIM PA'I BDE CHEN 'DREN PA'I THABS DANG, BSHAD PA GNYIS PA DANG GSUM PA'I HE RU KA'I PHYOGS GCIG DANG, RKANG PA THA MA'I BSHAD PAS NI THABS DES DRANGS PA'I BDE BA DANG STONG PA SBYAR BA'I BDE STONG DBYER MED BSTAN TO, ,HE RU KA DANG RDO RJE PHAG MO SOGS ZHAL PHYAG GI RNAM PA CAN DU BYUNG BA THAMS CAD, YANG NA BSKYED RIM LA SBYOR YANG NA 'BRAS BU'I SKABS LA SBYAR NAS, RDZOGS RIM LA MI SBYOR BA NI BSKYED RIM PAS LHA BSKYED PA SNGAGS SKU DANG, RDZOGS RIM PAS LHA BSKYED PA YE SHES KYI SKU GNYIS KYI KHYAD PAR DANG, RTOG PAS BTAGS NAS LHA'I SKU SKYED PA DANG, BTAGS PA MIN PAR RLUNG SEMS TZAM LAS DON LA LHA SKUR SKYES PA'I KHYAD PAR RNAMS LEGS PAR MA PHYED PA'I SKYON DU SNANG NGO, ,DES NA BSHAD RGYUD LAS, BSKYED PA'I RNAL 'BYOR DKYIL 'KHOR BSGOM, ,RTUL 'BRING DAG GIS BSAM PAR BYA, ,RNON PO SKAD CIG RNAM PA YIS, ,SEMS TZAM NYID KYI DKYIL 'KHOR TE, ,SKAD CIG RNAM PA'I RNAL 'BYOR GYIS, ,RDZOGS PA'I RIM PA BSGOM PAR BYA, ,KHAMS GSUM RANG BZHIN GZHAL YAS KHANG, ,SROG CHAGS RNAMS NI DKYIL 'KHOR PA, ,SKAD CIG RNAM PA'I RNAL 'BYOR GYIS, ,DE DBUS DKYIL 'KHOR BDAG PO'O, ,ZHES DANG, DE BZHIN NYID RGYAS BTAB 'KHOR LO, ,MKHA' BZHIN STONG NYID DE BZHIN NO, ,
, ,BDAG MED DANG NI DE BZHIN NYID, ,SNA TSOGS THABS DANG SNYING RJE'I STOBS, ,ZUNG 'JUG GNYIS MED LHUN GYIS GRUB, ,DKYIL 'KHOR SNYING PO MCHOG YIN NO, ,ZHES BSKYED RIM PA DANG RDZOGS RIM PA'I DKYIL 'KHOR GYI 'KHOR LO'I LHA GNYIS SO SOR GSUNGS SHING, SKAD CIG RNAM PA YIS SEMS TZAM GYI DKYIL 'KHOR ZHES PA NI, CHU LAS NYA LDANG BA BZHIN DU 'OD GSAL GYI RLUNG SEMS TZAM LAS DKYIL 'KHOR GYI 'KHOR LOR YUD TZAM LA LDANG BA'I RIM PA STON PA YIN GYI, DKRANGS SKYED BYED PA'I DON MIN NO, ,DES NA RTUL 'BRING BSKYED RIM MTHAR PHYIN GYI BAR DANG RNON PO NI DE MTHAR PHYIN PA LA BRTEN NAS RDZOGS RIM PA'I YE SHES KYI SKU SGOM NUS PA NAS YIN TE, GANG ZAG GCIG NYID LAM GYI RIM PA GNYIS LA BLTOS NAS DBANG PO'I RIM PA SO SO BAR BZHAG PAR, MKHAS PA AA BHYA KA RA DANG, RATNA RAKshI TA RNAMS BZHED DO, ,DE BZHIN NYID DANG BDAG MED PA THAMS CAD STONG PA NAM MKHA' LTA BU'I DON GYI 'OD GSAL GYI SHES RAB DANG, DES RGYAS BTAB PA STE DE DANG DBYER MED PA'I SNYING RJE'I STOBS SNA TSOGS PA'I SKU MDOG CAN GYI 'KHOR LO'I THABS GNYIS SBYOR BA NI ZUNG 'JUG GI LHA'I DKYIL 'KHOR DU GSUNGS SO, ,SNANG PHYOGS KYI RDZOGS RIM SGYU MA'I SKU 'DI NI RGYUD 'DI'I LUGS LA YANG SHIN TU GAL CHE STE, MKHA' 'GRO RGYA MTSO LAS, LHA YI RNAM PA'I RNAL 'BYOR BDAG , SKAD CIG MNGON SUM BYED PA PO, ,LUGS MA LA SOGS RNAL 'BYOR GYIS, ,RNAM PAR BYAS PA'I DBYIBS SU 'GYUR, ,STONG NYID RNAL 'BYOR RANG BZHIN GZUGS, ,BDAG BYIN BRLAB PA'I MTSAN NYID DO, ,BDAG BYIN BRLAB BRAL RNAL 'BYOR PA, ,SBU NA KOGS DUM
BU BZHIN SHES BYA, ,'DI 'DRA'I MTSAN NYID MCHOG GYUR PA, ,SKYE BO PHYUGS RNAMS KYIS MI SHES, ,DE PHYIR SGYU 'PHRUL 'DI BSGOMS NA, ,BLA NA MED PA'I BYANG CHUB 'THOB, ,CES GSUNGS TE, LHA'I RNAM PA'I RNAL 'BYOR GYI BDAG NYID RNAL 'BYOR PAS SKAD CIG TZAM GYIS MNGON SUM DU BYED PA PO, STONG PA NYID 'OD GSAL GYI RNAL 'BYOR TE DE DANG DBYER MED PAR SBYOR BA'I 'OD GSAL GYI YE SHES KYI RANG BZHIN TE NGO BOR GYUR PA'I GZUGS NI, BDAG BYIN GYIS BRLAB PA'I MTSAN NYID DO, ZHES SGYU MA'I SKU NGOS GZUNG NGO, ,LHA'I RNAM PA DANG GZUGS ZHES GSUNGS PA'I GZUGS KYI RNAM PA JI LTA BU ZHIG YIN PA NI, LUGS MA ZHES PA'I RKANG PA GNYIS KYIS BSTAN TE, DE DANG RAS BRIS SOGS KYI LHA ZHAL PHYAG GI RNAM PA CAN LA DMIGS NAS SGOM PA'I SKU DANG 'DRA BA'I GZUGS SO, ,SGYU MA'I SKU DE DANG BRAL NA SBUN KOGS BZHIN DU SNYING PO MED PA DANG, MTSAN NYID MCHOG DE YANG PHYUGS DANG 'DRA BA RNAMS KYIS MI SHES PA DANG, SGYU 'PHRUL TE SGYU MA'I SKU DE BSGOMS NA BYANG CHUB MYUR DU 'THOB PAR GSUNGS TE, SKU 'DI SGRUB MI SHES NA RDZOGS RIM GYI GTZO BO GNYIS YOD PA'I PHYED MI SHES PA YIN NO, ,TSUL 'DI L'U AI PA DANG DRIL BU PA'I RDZOGS RIM LAS KYANG 'BYUNG BAR DE DAG GI RNAM BSHAD DU BSHAD ZIN TO, ,DES NA RDZOGS RIM LA STONG PHYOGS BDE STONG DBYER MED KYI HE RU KA DANG, SNANG PHYOGS BDEN GNYIS DBYER MED KYI SGYU MA'I SKU'I HE RU KA GNYIS SHES PAR BYA STE, 'DI SKABS 'OG MA RNAMS SU YANG YANG DANG YANG DU SHES PAR BYA'O, ,DE DAG NI GSANG BA RDZOGS RIM LA SBYAR BA'O, ,RKANG PA GNYIS PA DANG GSUM PAS GSANG BA'I LAM GYI KHYAD PAR STON PA RIM
, ,GNYIS THUN MONG DU BSHAD NA, BYED LAS KYI KHYAD PAR NI MNGON PAR 'DOD PA'I THOB BYA'I DON PHYOGS RE BA MIN PAR KUN TE MA LUS PA SGRUB PAR BYED PA'O, ,ZAB PA'I KHYAD PAR NI PHAR PHYIN THEG PA'I SKOR LAS BLA MA STE GONG MAR GYUR PA RGYUD SDE 'OG MA GSUM LAS KYANG, BLA MA STE GONG MAR 'GYUR ZHING GONG NA MED PA'I GSUNG RAB KYI LAM MO, ,'DOD PA'I DON KUN SGRUB BYED PA, ZHES PA'I SHUGS KYIS DNGOS GRUB GNYIS BSGRUB BYAR BSTAN PAS NI 'BRAS BU'I GSANG BA BSTAN TO, ,ZHES GONG MA RNAMS GSUNG NGO, ,GZHUNG DE RNAMS KYIS NI RGYUD KYI DGOS 'BREL YANG STON TE, GSANG BA GSUM YAN LAG DANG BCAS PA NI 'DI'I BRJOD BYA'O, ,DE 'DI LA BRTEN NAS JI LTA BA BZHIN DU RTOGS PA NI DNGOS KYI DGOS PA YIN LA, DE LA BRTEN NAS RIM PA GNYIS SO SO LA NUS PA RNYED PA YANG DGOS PA'O, ,DGOS PA'I DGOS PA MCHOG NI SANGS RGYAS DANG, PHAL PA NI 'JIG RTEN PA'I DNGOS GRUB BO, ,DNGOS KYI DGOS PA RJOD BYED LA RAG LAS PA DANG, NYID DGOS DGOS PA LA RAG LAS PA'I CHA NI 'BREL PA'O, ,GNYIS PA LA GSUM, DON DNGOS DANG, RNYED DKA' BA DANG, BDE STONG SBYOR BA'I DPE BSTAN PA'O, ,DANG PO LA GSUM, GSANG BA MCHOG CES SOGS KYI RKANG PA GNYIS BSHAD PA DANG, MKHA' 'GRO KUN DNGOS ZHES SOGS KYI RKANG PA BZHI BSHAD PA DANG, 'BYUNG BA ZHES SOGS KYI RKANG PA GNYIS BSHAD PA'O, ,DANG PO LA GNYIS, DRANG BA'I DON DU BSHAD PA DANG, NGES PA'I DON DU BSHAD PA'O, ,DANG PO LA GNYIS, 'DI SKAD SOGS KYI GLENG GZHI LA SBYAR TE BSHAD PA DANG, BSKYED PA'I RIM PA LA SBYAR TE BSHAD PA'O, ,DANG PO LA GNYIS, GLENG GZHI'I TSIG JI LTAR GSUNGS
PA DANG, DE RNAMS KYI DON BSHAD PA'O, ,DANG PO NI, GSANG BA ZHES PA'I RKANG PA GNYIS GLENG GZHI LA SBYOR BA LO TZ'A BA GNYIS KYI BSHAD SROL LA 'BYUNG LA, BDE MCHOG GI 'GREL PA GZHAN LAS MA BYUNG YANG, LVA BA PA DANG LHA SBAS KYI 'GREL PAR 'BYUNG BA SHIN TU LEGS TE, RDO RJE MKHA' 'GRO LAS, BDE MCHOG BLA MA STE PHYI MAR BSHAD PA'I GSANG BA SOGS SGOS SU DRIS PA'I LAN DU, GSANG BA SOGS GLENG GZHI LA SBYOR BA GSUNGS PA'I PHYIR RO, ,DE YANG RDO RJE MKHA' 'GRO LAS, THOG MA DBUS MTHAR YANG DAG GNAS PA'O, ,DE LA THOG MA NI GSANG BA STE, 'DI SKAD CES BYA BA SNGAR 'BYUNG GNAS SU GYUR PA'I RIG PA'O, ,MTHA' ZHES BYA BA NI DGYES PA STE, THOS PA ZHES BYA BA BSTEN PAR BYA'O, ,DBUS ZHES BYA BA NI MCHOG STE, BDAG GIS ZHES BYA BA SHIN TU DAM PAR GYUR PA'O, ,YANG DAG GNAS NI THAMS CAD BDAG NYID DE, DUS GCIG NA ZHES BYA BA'O, ,ZHES GSUNGS SO, ,'DI LA LHA SBAS KYIS THAMS CAD BDAG NYID DU ZHES PA'I BDUN PA 'DI NI BDAG NYID KYIS ZHES GSUM PAR SBYAR RO, ,DES NA BRGYUD PA LAS MA YIN NO ZHES BSHAD CING, DE NYID LVA BA PA'I BZHED PAR YANG SNANG BAS, DA LTA 'GYUR PA'I RGYUD LA THAMS CAD BDAG NYID KYIS DUS GCIG NA ZHES STON PA 'DRA BA CIG 'DUG KYANG, LVA BA PAS RTAG TU BZHUGS KYIS DUS STON PAR BSHAD PA LTAR, YANG DAG GNAS NI RTAG TU BZHUGS PA'I DON DU BYA ZHING , THAMS CAD BDAG NYID KYI DON SNGAR LTAR BYA STE, RGYUD 'DI THAMS CAD SDUD PA POS STON PA LAS DNGOS SU THOS PA'I DON NO, ,GNAS GANG DU BZHUGS PA NI BDE BA CHEN PO'I GNAS SU DANG, BZHUGS PA'I STON PA DE GANG ZHE NA, 'DI NI RANG BYUNG BCOM LDAN
, ,ZHES BYA BAR SBYAR RO ZHES LVA BA PAS GSUNGS SO, ,DE LTAR BYAS NA 'DI SKAD BDAG GIS THOS PA'I DUS GCIG NA BCOM LDAN 'DAS ZHES PA'I GLENG GZHI RGYUD 'DIR YOD LA, DE BZHIN GSHEGS PA THAMS CAD CES PA MAN CHAD BSHAD RGYUD LAS KYANG MI GSAL LA, 'GREL PA GNYIS LAS KYANG MI GSAL LO, ,'O NA DE MAN CHAD KYANG 'DIR DGOS NA, BSHAD RGYUD KHA SBYOR DANG SDOM 'BYUNG LAS, DE BZHIN GSHEGS PA THAMS CAD KYI SKU DANG ZHES PA NAS BTZUN MO'I BHA GA LA BZHUGS SO, ,ZHES GSUNGS PA LTAR SBYAR RAM, MNGON BRJOD LAS, BCOM LDAN 'DAS DE BZHIN GSHEGS PA THAMS CAD KYI RDO RJE MKHA' 'GRO DANG, MKHA' 'GRO MA RNAMS KYI DRA BA GSANG BA'I SNYING PO LA BZHUGS TE, ZHES GSUNGS PA LTAR SBYOR ZHE NA, DE NYID GSAL BA LAS THABS RGYUD KYI 'DI SKAD SOGS KYIS BSTAN PA'I RDZOGS RIM MA RGYUD DU, GSANG BA SOGS KYIS STON PAR GSUNGS PA NI GTZO BOR BDE MCHOG GI DBANG DU BYAS LA, DER BCOM LDAN 'DAS BSHAD PA'I RJES SU DE BZHIN GSHEGS PA THAMS CAD KYI MKHA' 'GRO DANG MKHA' 'GRO MA'I DON BSHAD PA 'BYUNG BAS, DON LA KHYAD PAR CHER MED KYANG TSIG MNGON BRJOD LTAR BYA'O, ,'DI RNAMS LA LO TZ'A BA GNYIS KYI BSHAD SROL LA DUS GCIG NA ZHES PA YAN CHAD 'DRA LA, THAMS CAD BDAG NYID KYIS GNAS BSTAN, MKHA' 'GRO KUN DNGOS ZHES PA'I RKANG PA BZHIS STON PA DANG, 'BYUNG BA ZHES PA'I RKANG PA GNYIS KYIS 'KHOR PHUN TSOGS BSTAN PAR 'CHAD DO, ,GNYIS PA NI, GSANG BAS BSTAN PA'I 'DI SKAD NI, ,DE NAS GSANG BA ZHES PA NAS, DE DANG DE LA DGA' BA YIN, ,ZHES PA'I BAR GYI RGYUD KYI TSOGS MA LUS PA 'DIR,
'BYUNG BA 'DI KHO NA SKAD DU SNON 'BRING MED PAR THOS PAR STON PA'I TSIG GI PHRAD DE, RGYA SKAD DU AE Wm ZHES PA'O, ,DE LA GSANG BA ZHES PA NI 'JIG RTEN DANG SGRA'I BSTAN BCOS LA MED PA'I DE BZHIN GSHEGS PA'I BRDA DANG, DPA' BO'I BRDA DANG, RNAL 'BYOR MA'I BRDA DANG, KLA KLO'I SKAD CES GSUNGS PA YIN TE, PHYI MA NI BRDA'I SKAD CES PA STE, 'OG MA RNAMS LA YANG SHES PAR BYA'O, ,SNGAR ZHES SOGS KYI DON NI SNGAR PHUNG PO DANG KHAMS DANG SKYE MCHED RNAMS YANG DAG PAR SKYED PAR BYED PA'I KHU BA DANG KHRAG GO ,MCHOG TU BDE BA DE LAS SKYES SHING BYUNG BAS NA 'BYUNG GNAS TE, ZHES KHU KHRAG GI 'BYUNG GNAS LAS SKYES PA'I MCHOG TU BDE BA'I RIG PAR STON TE, AE Wm DANG GSANG BA'I DON NO, ,MCHOG GIS BSTAN PA'I BDAG GIS ZHES PA DANG, THAMS CAD BDAG NYID KYI SA NI SDUD PA PO BDAG NYID KYIS MNGON SUM DU THOS KYI BRGYUD PA LAS MIN ZHES PA STE MA YA ZHES PA'O, ,SHIN TU DAM PA NI CHES MCHOG CES PA'I DON NO, ,DGYES PAS BSTAN PA'I THOS PA NI THOS PA'I SHES RAB KYIS THOS PA YIN GYI RGYUD KYI DON THAMS CAD MNGON SUM DU RTOGS PA NI MIN PAR STON TE, DE LTA MIN NA STON PA DANG SDUD PA PO LA MCHOG DMAN GYI THA DAD MED PAR 'GYUR LA, DE YANG GLENG GZHI SGRAS ZIN LTAR 'CHAD PA'I SKABS 'DIR MI 'DOD DO, ,BSTAN PAR BYA BA YANG THOS BYUNG GI SHES RAB KYIS BSTEN PA STE THOS PA NI SHRU TA ZHES PA'O, ,THOG MA DBUS MTHAR ZHES PA NI, GSANG BA MCHOG GIS DGYES PA NA, ZHES PA'I TSIG GI THOG MA DANG DBUS DANG THA MA GSUM DANG SBYAR BA'O, ,RTAG TU BZHUGS DANG YANG DAG GNAS KYIS BSTEN PA'I DUS GCIG ZHES PA NI, DUS GCIG GI TSE NA 'DI THOS LA DUS GZHAN DU NI RGYUD GZHAN THOS
, ,SO ZHES PAS SDUD PA PO THOS PA MANG BAR BSTAN, LAN CIG GI TSE 'DI THOS KYI GZHAN DU 'DI MA THOS ZHES PAS RNYED DKA' BA DANG, DUS SKAD CIG MA GCIG LA 'DI THOS ZHES SDUD PA PO SHES RAB PHUL DU BYUNG BAR STON TE, DE LA NI RGYA SKAD DU AE KA SMIN SA MA YA ZHES 'BYUNG NGO, ,BCOM LDAN 'DAS KYI SKAD DONG BHA GA WAN GYI BHA GA NI SKAL BA DANG, WAN NI LDAN PA'I DON TE SKAL LDAN NO, ,SKAL BA DRUG NI, KHA SBYOR LAS, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO RNAMS LA SKAL ZHES BYA, ZHES PHUN SUM TSOGS PA DRUG LA SKAL BAR GSUNGS SHING, LDAN PA'I DON DE DRUG MNGA' BA LA BSHAD DO, ,YANG BHA GA LA NGES TSIG GI TSUL GYIS BHA GA NI BCOM PA STE, NYON MONGS PA LA SOGS PA'I BDUD BCOM PA'O, ,BCOM PA DE 'DI LA LDAN PAS BCOM LDAN NO, ,'DAS ZHES PA NI BHA GA WAN ZHES PA 'JIG RTEN PA'I LHA CHEN PO RNAMS LA YANG 'JUG PAS, DE DAG LAS 'DAS PAR BSTAN PA'I PHYIR DU SNGON GYI LO CHEN RNAMS KYIS BSNAN PA'O, ,YUL DE BZHIN NYID JI LTA BA BZHIN DU YUL CAN GYI YE SHES MTHAR THUG PAR GSHEGS PAS NA DE BZHIN GSHEGS PA YIN LA, RGYUD STON PA PO DE BZHIN GSHEGS PA THAMS CAD KYI NGO BO YIN PAS NA THAMS CAD KYANG YIN NO, ,DE'I RDO RJE MKHA' 'GRO NI DPA' BO DANG, MKHA' 'GRO MA NI DPA' MO DANG, DRA BA NI DE DAG GI TSOGS SO, ,DE RNAMS KYI GSANG BA'I SNYING PO ZHES PA NI BTZUN MO'I BHA GA DANG DON GCIG PAS, CHOS 'BYUNG GRU GSUM PA'I DBUS KYI GZHAL YAS KHANG NA BZHUGS PA'O, ,GNYIS PA NI, KHA SBYOR LAS GSUNGS PA
LTAR, DE NYID GSAL BAR BSHAD PA NI, GSANG BA SA YI KHAMS YIN TE, ,DE BZHIN MCHOG NI CHU YIN NO, ,DGYES PA ZHES PA ME YIN TE, ,RLUNG NI THAMS CAD BDAG NYID GNAS, ,RTAG TU BZHUGS NI NAM MKHA' STE, ,BDE BA CHEN PO'I RANG BZHIN NO, ,ZHES GSUNGS PA LTAR YIN LA, DES NI BSKYED RIM SGOM PA'I SKABS KYI 'BYUNG BA RIM BA BRTZEGS SGOM PA YANG STON PAR MNGON BRJOD DANG, KUN SPYOD DANG, SDOM 'BYUNG GSUM GAS SHES LA, RTAG TU BZHUGS KYIS NI KYEE RDOR LAS, BDE BA NAM MKHA'I KHAMS ZHES BYA, ZHES GSUNGS PA LTAR NAM MKHA'I KHAMS BDE BA CHEN PO BSTAN TO, ,BLA MA MAR DO SOGS KYIS, RTAG TU BZHUGS NI RI RAB BO, ZHES Sm BHU tA NAS 'DREN PA NI GZHUNG DE NA MI SNANG NGO, ,BDE BA CHEN POS NI BDE BA CHEN PO TSON BYED KYI MNGON BYANG LNGA'I SGO NAS LHA SKYED PA BSTAN LA, DE BZHIN DU 'BYUNG BA RIM BRTZEGS SOGS KYANG BDE CHEN GYI RANG BZHIN DU MOS PAR BYA BAR YANG BSTAN TO, ,RNAL 'BYOR RGYUD KYI MNGON BYANG GI SKABS SU ZLA BA LAS LHA SKYED PA BSHAD KYANG, KHA DOG DKAR PO 'BA' ZHIG TU BSHAD KYI, 'DIR NI ZLA NYI DKAR DMAR DANG, ZLA BA DKAR DMAR DANG, ZLA BA GCIG LAS MED NA'ANG DKAR LA DMAR BA'I MDANGS CHAGS PA DANG A'A LI K'A LI DKAR DMAR BSTAN PA'I DGOS PA NI, KHAMS DKAR DMAR GYI 'DU 'PHROD LAS BDE CHEN SKYED PA MTSON PA'I DON DU YIN NO, ,'DI'I SO GNYIS PA LAS 'BYUNG BA RIM BRTZEGS BSHAD PA'I MTHAR, DUNG CHEN PO YI RANG BZHIN BYA, ZHES PA YANG BDE CHEN LA BYA STE, DUNG GI SKAD DOD SHAm KHA'I SHAm NI MAN SNYE LAS, SHAm NI BDE BA STE KHAMS GSUM LAS 'DAS PA'I PHYIR
, ,MCHOG GO ,ZHES GSUNGS PAS, SHAm SU KHA'AM SAm SU KHA NI BDE BA YIN PAS BDE BA CHEN PO'I RANG BZHIN DU BYA ZHES PA'I DON YIN LA, BYED LUGS NI SNGAR BSHAD PA BZHIN NO, ,BSKYED RIM PA'I 'BYUNG BA RIM BRTZEGS BSHAD PA NA, DE'I 'PHRO RI RAB DANG PADMA DANG DBYANGS GSAL LAS BSKYED PA NI, NGA GCIG PA LAS, RING STENG SNA TSOGS PADMA YI, ,LTE BAR A'A LI K'A LI SKYES, ZHES PA LAS GSAL LA, GZHAL YAS KHANG NI LE'U GNYIS PAR GSAL LO, ,DE'I LHAG MA RNAMS NI MNGON BRJOD SOGS KYI BSHAD RGYUD LA BRTEN NAS SHES PAR NUS SO, ,GNYIS PA LA GSUM, GLENG GZHI LA SBYAR BA'I NGES DON DANG, BSKYED RIM LA SBYAR BA'I NGES DON DANG, YI GE BCU DRUG GI DON BCUD LEN LA SBYAR BA BSHAD PA'O, ,DANG PO NI, GSANG BA MCHOG CES SOGS RDO RJE MKHA' 'GRO LAS, AE LBAm MA YA LA SBYAR BA'I NGES DON 'CHAD PA NI, KHA SBYOR LAS, AA NI SA RU SHES PAR BYA, ,LAS KYI PHYAG RGYA SPYAN MA NYID, CES DANG, LTE BAR SNA TSOGS 'DAM SKYES LA, ,SPRUL PA'I 'KHOR LO RNAM PAR GNAS, ZHES PA'I YI GE BZHI RTZA 'KHOR BZHI DANG, SPYAN SOGS BZHI LA SOGS PA BZHI TSAN MANG PO LA SBYAR TE, 'DIR RE ZHIG RTZA 'KHOR DANG SPYAN SOGS LA SBYAR BA BLANG NGO, ,DANG PO'I DBANG DU BYAS NAS BSHAD RGYUD GNYIS LAS 'KHOR LO SO SO'I LTE BA DANG 'DAB MA LA SO SO DGOD PA SOGS BSTAN TE, RIM PA BZHI PA'I RGYUD KYI RIM PA STON NO, ,DE LA RIM PA LHAG MA GSUM SNON PA NI, RIM PA BZHI PA LAS SHES PAR BYA STE 'KHOR LO BZHI LA BRTEN PA'I GTUM MOS LHAN SKYES KYI BDE BA 'DREN PA'I THABS SO, ,SPYAN MA
SOGS BZHI DANG SBYAR BA NI ZHAL LUNG LAS, BUD MED SGYU MA'I PHYAG RGYA NI, ,SGYU MA KUN LAS KHYAD PAR 'PHAGS, ,SGYU MA DE YANG 'JIG RTEN 'DIR, ,SPYAN LA SOGS PAR RNAM DAG PAR, ,RIGS NI RNAM PA BZHIR 'GYUR TE, ZHES GSUNGS PA LTAR, PADMA CAN LA SOGS PA'I PHYAG RGYA MA BZHI, SPYAN SOGS BZHIR DAG PAR BSHAD DE, DE NI PHYI'I PHYAG RGYA LA BRTEN NAS LHAN SKYES KYI DGA' BA 'DREN PA'I THABS SO, ,DES YE SHES KYI PHYAG RGYA RIGS BZHI YANG BSTAN PAR SHES PAR BYA'O, ,THOS PA'I SKAD DOD SHRU TA YIN LA DE'I DON KHA SBYOR LAS, SHRU ZHES BYA BA NI 'DZAG PAR GSUNGS SO, ,TA ZHES BYA BA NI GANG YANG BDE BA CHEN PO'I MGON PO'O, ,ZHES GSUNGS TE GTUM MO BSGOMS PA'I MES BSKUL BA LA BRTEN NAS, SPYI BO NAS BYANG SEMS 'KHOR LO BZHI DANG DE NAS GSANG GNAS KYI RTZE'I BAR DU 'DZAG PA DANG, DE LA BRTEN NAS BDE BA CHEN PO'I DGA' BA RNAMS DANG, DE DAG GI MGON PO STE GTZO BO LHAN CIG SKYES PA'I DGA' BA SKYE BA'O, ,DUS GCIG NA ZHES PA'I NGES DON KHA SBYOR LAS GSUNGS PA, DE NYID GSAL BA LAS, SA MA YA NI DUS GSUNGS TE,, DUS NI RNAM PA GSUM DU BRJOD, ,DUS BZANG DANG NI DUS NGAN DANG, ,BSAM GYIS MI KHYAB DUS NYID DO, ,SNA YI BU GA'I SGO NYID NAS, ,'ONG BA DUS BZANG ZHES BYA STE, ,'GRO BA NYID NI DUS NGAN NO, ,DE DAG GCIG TU BRJOD BA STE, ,GCIG TU ZLA MED PAR GYUR BA, ,DUS NI BSAM GYIS MI KHYAB GYUR, ,SROG DANG RTZAL BA BRAL BA STE, ,DBUGS 'BYUNG RNGUB PA RNAMS SPANGS PA'O, ,'GRO DANG 'ONG BA LAS GROL BA, ,DUS GCIG NA ZHES BRJOD PA YIN, ZHES GSUNGS SO, ,SNA NI MI'I SNA ZHES GRAGS PA'I DH'U T'I'I MANG RTZE'I GNAS SO, ,
, ,MI'I SNA YANG PHO MO GNYIS KA'I SNA STE SKYES PA'I YANG RDO RJE'I RTZA BA NAS BRTZAMS TE SNA RU BRJOD PA'I PHYIR RO, ,SNA DER 'ONG PA NI 'O MA'I RGYUN LTA BU'I BYANG SEMS SO, ,DUS BZANG PO NI DGA' BA GSUM GYI DUS SO, ,'GRO BA NI THIG LE PHYI ROL TU SONG BA STE, DE'I TSE ME BZHIN DU GDUNG BAR BYED PAS DUS NGAN NO, ,DUS DE DAG GCIG TU BRJOD PA NI DUS SNGA MA GNYIS SO SO BA SPANGS PA LHA SKYES KYI SKABS BSAM MI KHYAB KYI DUS SO, ,DE DAG NI MAN SNYE LA BRTEN NAS BSHAD PA'O, ,DUS GCIG NA'I DON GZHAN YANG BSHAD PA NI, SROG DANG ZHES PA'I RKANG PA BZHI STE, RKANG PA DANG PO'I DON NI GNYIS PAS BSHAD PA RLUNG 'GRO 'ONG DANG BRAL BA'I DUS SO, ,DES NI GTUM MO BSGOM PA LA BRTEN NAS RO RKYANG NAS RLUNG 'GRO 'ONG BYED PA DANG BRAL TE DBU MAR 'JUG LA, DBU MA NAS KYANG 'GRO 'ONG BYED PA DANG BRAL BAR STON NO, ,RIM PA BZHI PA LAS KYANG, DUS GCIG NA ZHES BYA BA NI DUS GCIG DANG, DUS TSOD GCIG GO ,'GOG PA'I DUS DANG DBYID KYI DUS ZHES BYA BA STE, JI SRID DU GA-YAS DANG GA-YON PA'I SNA BUG TU SONG BA'I RLUNG 'GAGS PAR GYUR PA'O ZHES BYA BA'I DON NO, ,ZHES GSUNGS TE 'GOG PA'I DUS NI RLUNG PHYI NANG DU RGYU BA 'GOG PA'O, ,DPYID KYI DUS NI DPYID BZHIN DU DGA' BA RGYAS PAR BYED PA'I DUS SO, ,DE'I GONG NYID DU, DE DAG GI BTZUN MO NI MI LA SOGS PA'I GZUGS KYIS GNAS PA STE, DE'I BHA GA DER ZHES BYA BA'I DON NO, ,ZHES GSUNGS PA LA YANG DUS GCIG NA ZHES PA'I DON DE SBYOR DGOS TE, PHYI'I PHYAG RGYA LA BRTEN NAS KYANG SROG DBU MAR 'JUG PA'I GNAD STON NO, ,SROG
DH'U T'IR ZHUGS GNAS THIM GSUM BYAS PA LAS RDZOGS RIM PA'I LHAN SKYES KYI DGA' BA SKYED PA 'DI NI, THOG MAR LUS LA GNAD DU BSNUN PA'I GDAMS NGAG THAMS CAD LA SHES DGOS PA'I GNAD SHIN TU CHE BA YIN PAS LEGS PAR SHES PAR BYA'O, ,BCOM LDAN 'DAS KYI DON NI DE NYID GSAL BA LAS, MCHOG TU DGA' BA'I NGO BO STE, ,'DI DE RANG 'BYUNG GCIG PU NYID, ,'DI NI BCOM LDAN 'DAS SU GSUNGS, ,ZHES PAS BSTAN TE, MCHOG TU DGA' BA LHA SKYES KYI YE SHES LA SKAL BA DANG LDAN PA DANG, RANG GI MI MTHUN PHYOGS 'JOMS PA'I NUS PA CI RIGS PA DANG LDAN PA LA BYA'O, ,DE BZHIN GSHEGS PA THAMS CAD NI DE NYID GSAL BA LAS, THAMS CAD CES BYAR RNAM GRAGS PA, ,SANGS RGYAS PHUNG SOGS DE BZHIN TE, ZHES DANG, SANGS RGYAS PHUNG PO LA SOGS TE, ,DE YI 'BYUNG BA KHAMS ZHES BTAGS, ZHES GSUNGS TE, SANGS RGYAS THAMS CAD NI DE BZHIN GSHEGS PA THAMS CAD DO, ,DE NI PHUNG PO LNGA'O, ,SOGS KYIS BSDUS PA'I KHAMS RNAMS NI PHUNG PO'I 'BYUNG BA BZHI LA KHAMS SU BTAGS SO, ,YANG SNGA MA'I 'PHRO NYID NAS, BUD MED MI SOGS RNAM RTOG PHYIR, ,RNAM RTOG RNAM PA GNYIS SU GSUNGS, ZHES TE, 'DI BUD MED DO 'DI MI STE SKYES PA'O ZHES RNAM PAR RTOG PA'I PHYIR NA, RTOG PA DES BRTAG PAR BYA BA YANG GNYIS SU YOD LA, SKYES PA NI DPA' BO RDO RJE MKHA' 'GRO DANG, BUD MED NI MKHA' 'GRO MA ZHES BYA LA, DE YANG NANG LA BSHAD NA RDO RJE MKHA' 'GRO NI RTZA NANG GI KHAMS RNAMS DANG, MKHA' 'GRO MA NI DE NYID GSAL BA LAS, SANGS RGYAS PHUNG SOGS DE BZHIN TE, ,DE YI MKHA' 'GRO MA DE DAG ,RTZA NI SUM
, ,CU RTZA DRUG NYID, CES GSUNGS PA LTAR RTZA SO DRUG GO ,GSANG BA NI CHOS 'BYUNG GI DBYIBS CAN GYI PHYAG RGYA'I BHA GA YIN TE, BDE BA CHEN PO'I GNAS SU BZHUGS ZHES PA'I GNAS KYANG DE'O, ,SNYING PO NI DE LA BRTEN NAS SKYES PA'I BDE CHEN TE, LAS RGYA LA BRTEN NAS SROG DH'U T'IR BTZUD PA LAS SKYES PA'I RDZOGS RIM LA SBYAR RO, ,GNYIS PA NI, RTZA RGYUD DU RDZOGS RIM SBAS PA'I SKABS MANG DU YOD KYANG 'GANGS CHE BA NI BSKYED RIM GYI SKABS SU GSANG BA SOGS KYI TSIG BZHI DANG, BA LANG GNAS ZHES SOGS KYI TSIG BZHIS, 'BYUNG BA RIM BRTZEGS SGOM PA DANG, DE STENG SNA TSOGS PADMA YI, ,LTE BAR A'A LI K'A LI SKYES, ,ZHES PA'I STENG DU RI RAB SGOM PA DANG, DE'I STENG DU PADMA DANG, DE'I LTE BAR DBYANGS GSAL LAS HE RU KA SKYED PAR BSHAD PA DE YIN NO, , DER SBAS PA BSHAD RGYUD KYIS GSAL BAR BSTAN PA NI, KHA SBYOR LAS, RKANG PA'I MTHIL DU RTZOM CHEN RLUNG, ,GZHU YI DBYIBS SU RNAM PAR GNAS, ,SUM MDO YI NI GNAS SU NI, ,DE BZHIN GRU GSUM 'BAR BA NYID, ,ZLUM PO'I RNAM PA'I GZUGS KYIS NI, , CHU NI LTO BAR RNAM PAR GNAS, ,SNYING GAR YANG NI SA NYID DO, ,KUN NAS GRU BZHI PA NYID DO, ,SGAL TSIG DBYIG GU'I GZUGS KYIS NI, ,RI RAB RI RGYAL DE BZHIN NO, ,ZHES DANG, JI LTAR RTZOM CHEN LA SOGS RIM, ,BLA MA'I DUS THABS RIM NYID KYIS, , DE NI RDZOGS PA'I DKYIL 'KHOR GNAS, ZHES 'BYUNG BA RIM BRTZEGS DANG, RI RAB NANG LA BSHAD PA NA, LUS KYI RKANG PA NAS MGO BO'I BAR STON PA YIN LA, DE YANG RDZOGS RIM PA'I LUS KYI DKYIL 'KHOR DU GSUNGS TE, RDZOGS RIM PAS GANG
LA GNAD DU BSNUN SA'I RDO RJE'I LUS SO, ,NAG PO SPYOD PAS LUS KYI DKYIL 'KHOR LA PHYI NANG GNYIS BSHAD PA'I PHYI NI, DRIL BU PAS BSKYED RIM GYI LUS DKYIL SGOM PA'I LUS LA 'BYUNG BZHI RI RAB SBYAR BA LTA BU YIN LA, NANG NI DE MA THAG TU BSHAD PA'O, ,RDO RJE'I LUS DE'I GNAD DU BSNUN SA BYE BRAG PA NI, KHA SBYOR LAS GLENG GZHI'I AE Wm SOGS KYI YI GE BZHI RTZA'I 'KHOR LO BZHI DANG SBYAR BAS SHES SO, ,RI STENG ZHES PA'I RKANG PA GNYIS SGRA SOR BZHAG TU BYED NA, L'U AI PA LTA BU RTEN DANG BRTEN PA DUS GCIG TU SKYED PA LA SBYAR LA, RI RAB KYI STENG DU GZHAL YAS KHANG SNGON LA BSKYED PA'I DBUS SU PADMA'I LTE BAR DBYANGS GSAL LAS HE RU KA PHYIS SKYED PA LA SBYOR NA, LUS YAN MAN DANG PHAN TSUN DU MNYAM PA, NGOS RNAMS MNYAM PA'I GZHAL YAS KHANG SGO BZHI PAR BYAS PAS KYANG, RDZOGS RIM GYI SKABS SU GANG LA GNAD DU BSNUN SA'I RTEN LUS BSTAN PAR BYA'O, ,PADMA DANG DBYANGS GSAL GYI NGES DON YANG KHA SBYOR LAS GSUNGS PA NAG PO PAS BSHAD PA NI, DE NYID GSAL BA LAS, DE YI RTZE MO MGOR GSUNGS TE, ,'DAM SKYES 'DAB MA SUM CU GNYIS, ZHES DANG, DE YI DBUS SU HAm YIN TE, ,A'A LI K'A LI LAS SPRUL PA, ,MI SHIGS GO 'PHANG NYAMS DGA' BA, ,BDE BA CHEN PO ZHES BYAR BRJOD, ,BDE CHEN 'KHOR LO CHEN PO NI, ,SDE TSAN THA MA MING SPANGS PA, ZHES GSUNGS SO, ,DE'I NGES DON NI PADMA'I LTE BAR A'A LI K'A LI LAS SPRUL PA LA ZLA BA YANG YOD MOD KYANG, GTZO BO NI RTZA RGYUD NAS ZIN PA LA DE GNYIS LAS HE RU KA SKYED PAR GSUNGS PA NYID 'DIR BSHAD DGOS SO, ,RKANG PA THA MA GNYIS KYI DON NI SPYI GTZUG BDE CHEN GYI 'KHOR LO NA GNAS PA, GSAL
, ,BYED KYI SDE TSAN GYI THA MA'I MING CAN NAKshA YIG DOR BA'I GONG MA HA LA THIG LE SBYAR BA'O, ,Hm YIG DE LAS BAB PA'I KUNTA LTA BU LAS SKYES PA'I LHAN SKYES NI MI SHIGS PA ZHES PA GNYIS KYI DON TE DBYANGS GSAL LAS HE RU KA SKYED PA'I NGES DON NO, ,KHA SBYOR LAS KYANG, BDUD RTZI'I GZUGS KYI 'DZAG PA NI, ,NYIN DANG MTSAN DU RNAM PAR GNAS, ZHES SPYI BO'I Hm LAS BYANG SEMS 'DZAG PAR GSUNGS SO, ,DE LA RGYUD GNYIS KA'I LUGS KYIS LHAN SKYES KYI BDE CHEN LAM GYI SROG TU BYED DE, DE NYID GSAL BA LAS, RNAL 'BYOR RGYUD DU DE BZHIN GSHEGS, ,'DI SKAD BDAG GIS ZHES BYAR GSUNGS, ,DE NYID RNAL 'BYOR MA RGYUD DU, ,BDE BA'I MCHOG TU BRJOD PA YIN, ,'DI NYID RNAL 'BYOR RGYUD DANG NI, ,RNAL 'BYOR MA RGYUD CES BYAR YANG, ,BDE BA CHEN PO'I YE SHES MCHOG , MI ZHES BYA BAR MNGON PAR BRJOD, CES GSUNGS SO, ,BDE CHEN DE SKYE BA LA SPYI BO'I HAm LAS BYANG SEMS DKAR PO GSANG GNAS KYI RTZE BAR DU 'DZAG PA DGOS, DE LA GTUM MO'I ME 'BAR BAS BYANG SEMS BZHU BA DGOS TE, MNGON BRJOD LAS, A'A LI K'A LI MNYAM BYAS TE, DER NI RI MO'I SBYOR BA YIS, ,STENG DU 'BAR BA'I RI MO NI, ,'OG TU 'DZAG PAR BYED PA YIN, ,'DZAG PA KHU BA'I TSUL CAN NO, ,'CHI MED THIGS PA'I GZUGS SU 'GYUR, ZHES GSUNGS SO, ,GZHUNG 'DI MA H'A MA YAR YANG 'BYUNG BA LA SH'ANTI PAS GZHAN DU BSHAD KYANG 'DIR DE DANG MI 'DRA'O, ,A'A LI NI DES MTSON PA'I BYANG SEMS DKAR PO 'BAB PA'I RKYANG MA'O, ,K'A LI NI DES MTSON PA'I DMAR PO 'BAB PA'I RO MA'O, ,MNYAM PAR BYAS PA NI DE GNYIS KYI RLUNG LTE BA SOGS
KYI DBUS KYI DBU MAR 'DRES PA'O, ,DER RLUNG ZHUGS PAS ME'I RI MO'AM RE KHA DBUS MA NAS STENG SPYI GTZUG BAR DU 'BAR RO, ,'BAR BA DES Hm LAS 'OG TU 'CHI MED DE BDUD RTZI KHU BA'I GZUGS CAN 'DZAG PA GSUNGS SO, ,SPYI BO'I PADMA'I LTE BAR Hm LAS 'DZAG PA LA DER ME 'BAR BAS SLEB DGOS PAS, DER A'A LI K'A LI GNYIS KA BSHAD DO, ,SROG DBU MAR ZHUGS NAS GTUM MO 'BAR BA LA, RTZA DBU MA GNAS PA'I LUS KYI GNAD CHE SAR GNAD DU BSNUN DGOS PA LA, BYANG SEMS DKAR PO SHAS CHER GNAS PA'I SPYI BO BDE CHEN GYI 'KHOR LO DANG, DMAR CHA SHAS CHER GNAS PA'I LTE BA SPRUL PA'I 'KHOR LO DANG, GSANG GNAS BDE SKYONG GI 'KHOR LO DANG, DKAR DMAR CHA MNYAM DU GNAS PA SNYING KHA CHOS KYI 'KHOR LO DANG, RTZA DBU MA'I YAR SNA DANG MAR SNA SOGS GNAD DU BSNUN SA'I SGO MANG NGO, ,'DI LA L'U AI PA'I LUGS KYIS NI THIG LE SGOM PA DANG RDOR BZLAS BYED PA GNYIS KA LTE BA NAS BYED, DRIL BU ZHABS KYIS NI BDAG BYIN RLABS GNYIS SNYING GNAS DANG, SNA TSOGS RDO RJE'I RIM PA GNYIS DBU MA'I YAR MAR GYI SNA GNYIS NAS DANG, DZ'A LA DHA RA'I RIM PA GSANG GNAS DANG, BSAM MI KHYAB KYI RIM PA SNYING KHA NAS BYED DO, ,NAG PO PA'I LUGS KYIS NI RIM PA BZHI PA LAS GSUNGS PA LTAR, SPYIR 'KHOR LO BZHI DANG, KHYAD PAR DU LTE BAR GNAD DU BSNUN NO, ,DES NA BSHAD RGYUD LAS DBYANGS GSAL 'GOD PA'I GZHI'I PADMA SPYI BO'I RTZA 'KHOR LA GSUNGS PA NI, DANG POR BYANG SEMS GANG NAS 'DZAG PA'I GNAS LA DGONGS LA, GNAS DE NAS BYANG SEMS 'DREN PA'I THABS SU LUS LA GNAD DU BSNUN PA LA NI, 'KHOR LO GZHAN GYI PADMA DGOS PAS
, ,DE RNAMS KYANG DBYANGS GSAL 'GOD PA'I GZHI'I PADMAR BYA'O, ,DBYANGS GSAL LAS HE RU KA SKYED PA'I NGES DON NI, BYANG SEMS DKAR DMAR GYI 'DU 'PHROD LAS NGES DON GYI HE RU KA SKYED PA'I DON YIN LA, DE YANG SPYI BO KHO NAR MIN GYI LUS KYI CHA GZHAN DU YANG GNAD DU BSNUN PAS HE RU KA SKYED PA DANG, NGES DON GYI HE RU KA LA YANG SNANG PHYOGS DANG STONG PHYOGS KYI HE RU KA GNYIS YOD PA SHES PAR BYA'O, ,RTZA RGYUD KYI DON LA RDZOGS RIM GZHAN YOD TSUL NI SKABS SKABS SU 'CHAD PAR 'GYUR RO, , SNGAR BSHAD PA'I TSUL GYIS 'CHAD SHES NA, BSHAD RGYUD LA BRTEN NAS RTZA RGYUD KYI SHIN TU GSANG BA'I GNAS BSHAD PA'I GRUB CHEN GSUM GYI MAN NGAG GI GNAS RNAMS LEGS PAR SHES PAR 'GYUR LA, DE LTAR 'CHAD MI SHES NA NI NAG PO PA'I RIM PA BZHI PA LA CUNG ZAD RE'I BSHAD PA SNANG NA YANG, L'U AI PA DANG DRIL BU PA'I RDZOGS RIM NI, RTZA RGYUD KYI SKABS GANG DU SBAS PA 'CHAD SHES PAR MI SNANG NGO, ,GSUM PA NI, RDO RJE MKHA' 'GRO LAS, BDE MCHOG PHYI MAR GSUNGS PA'I YI GE BCU DRUG ZHUS PA'I LAN DU, YI GE BCU DRUG GI BCUD LEN GYI RDZAS BSTAN TE, YI GE BCU DRUG NI, RA HA SYE PA RA MAR MYE, SARBA TMA NI, SA D'A STHI TA: ZHES PA STE, GSANG BA MCHOG CES PA'I RKANG PA GNYIS KYI SKAD DOD DO, ,DE RNAMS PHRAL NAS YI GE RE RE'I DON RDO RJE MKHA' 'GROR GSUNGS PA, LVA BA PA'I 'GREL PAR 'BYUNG BA NI, RA NI MTSAL CHEN PO YI KHAMS, ,HA NI RI LAS SKYES PA STE, ,RI SKYES ZHES BYA MGO SKYES SO, ,SYE NI DRI YI SNOD YIN TE, ,LUS LA DRI NI JI LTA BA'O, ,PA NI RLUNG DU GSUNGS PA STE, ,RA NI DRI NYID YIN
PAR GSUNGS, ,YI GE MA NI ME TOG STE, ,RA NI DE BZHIN LAN TSVA'O, ,MYE NI SHA CHEN POR 'DOD DE, ,SA NI RAB TU SBYOR BA NYID, ,RBA NI MGO BOR RAB TU GSUNGS, ,LHA MO ME YI RKANG YIN TE, ,NI NI DRI YI MAR KHU'O, ,SA NI SO TANG SEN MO STE, ,D'A NI RGYA MTSO LAS SKYES PA'O, ,STHI NI KHA YI SNYING PO STE, ,TA: NI GA PUR BSTAN PA'O, ,ZHES GSUNGS SO, ,DE LA RA NI DUS SU 'BAB PA'I ZLA MTSAN NO, ,HA NI MI'I KLAD PA MA RUL BA DANG, SYE NI LUS KYI DRI MA DANG, BZHI PA LA 'GYUR GZHAN LAS, BA NI BKAS PA NYID DU GSUNGS, ZHES 'BYUNG STE BU CHUNG GI PAt PA ZHIB BAR SBYANGS PA YIN ZER, RA NI KHA ZAS SNUM BAG CAN MA ZOS PA'I DRI CHEN DANG, MA NI LO BRGYAD MA DANG ROL PA LAS BYUNG BA'I KHRAG DANG BCAS PA ZHES GSUNGS PA DER MNGON NO, ,RA NI THO RANGS KYI DRI CHU DANG, MYE NI CHU SER LAN CIG BTON PA'I SHA CHEN DANG, SA NI MI'I TSIL GYI ZHUN DANG, RBA NI SKA'I MAR KHU DANG LAN TSVA'O, ,TMA NI DRI CHEN GYI MAR KHU DANG, NI NI RKANG MAR DANG, SA NI GSAL LA, D'A NI DRI CHU BAR PA DANG, STHI NI KHA CHU DANG, TA: NI SKYES PA DAR MA'I KHU BA LA 'CHAD DO, ,DE LTAR BCO BRGYAD YOD KYANG RBA'I RDZAS GNYIS GCIG TU DANG, SO DANG SEN MO GNYIS GCIG TU BGRANGS PAS BCU DRUG GO ,DE RNAMS BSDUS PA'I SNYING PO NI BDUD RTZI LNGA STE, RDO RJE MKHA' 'GRO LAS, GSANG SOGS RNAL 'BYOR PA YI RDZAS, ,BSHAD DANG GCI SOGS LNGA LA BYA, KHAMS RNAMS SDUD PA'I SDE TSAN NI, ,DE LTAR BCUD LEN BSTAN PA YIN, ZHES GSANG BA NAS RTAG BZHUGS PA'I BAR GYI TSIG LNGA BDUD RTZI LNGA LA SBYAR TE, KHA SBYOR LAS KYANG DE BZHIN DU 'BYUNG NGO, ,SKRA'I MAR KHU DANG, DRI CHEN GYI MAR KHU DANG, DRI CHU BAR PA SGRUB LUGS DANG, RDZAS RNAMS BSTEN TSUL
, ,SHES PAR 'DOD NA BDE MCHOG GI RNAM BSHAD CHEN MO LAS SHES PAR BYA'O, ,LAM 'DIR BDE BA CHEN PO GTZO BO YIN LA, DE NI LUS KYI KUN TA LTA BU RGYAS PA LA RAG LAS SHING, LUS KYI STOBS RGYAS PAR BYED PA LA SNGAR GYI BCUD LEN LA, PHYI ROL GYI RDZAS KYI BCUD LEN GYIS BCU DRUG GI CHAR YANG MI PHOD PA DANG, RDZAS BCU DRUG DANG BDUD RTZI LNGA'I BCUD LEN BSTEN PA LAS BYUNG BA'I BDE BA BSTEN NA, BDE BA 'PHEL BA DANG BDE BA DE YANG CHOS KYI DBYINGS DANG MNYAM PAR SBYOR BA BSTAN PA LAS THER ZUG TU BDE BA STER BAR GSUNGS SO, ,GNYIS PA LA GNYIS, 'BRAS BU LA SBYAR TE BSHAD PA DANG, LAM GYI RDZOGS RIM LA SBYAR TE BSHAD PA'O, ,DANG PO NI, RDO RJE MKHA' 'GRO LAS, MKHA' 'GRO KUN DNGOS SOGS LA BSHAD PA GNYIS MDZAD PA'I PHYI MA NI, 'BRAS BU LA SBYAR BA LTAR BSHAD NA, MKHA' 'GRO MA KUN NI RAB GTUM MA LA SOGS PA'O, ,DNGOS PO NI HE RU KA MKHA' 'GRO MA DE RNAMS KYI RDUL PHRA RAB LAS BSGRUBS PA'I RANG BZHIN NAM NGO BOR STON NO, ,DE NYID SEMS CAN GYI DON LA NUS PA DANG LDAN PA'I PHYIR SEMS DPA'O, ,MI SHES PA'I RI BO 'JOMS PAS NA HE RU KA'I YE SHES NI RDO RJE'O, ,SEMS DPA' 'OG MA'I DON MA BSHAD PA NI SEMS DPA' SNGA MA'I DON BSHAD PA DANG 'DRA BA LA DGONGS SO, ,'DIR RDO RJE MKHA' 'GRO LAS, SEMS DPA' RNAM PA GNYIS GSUNGS TE, ,SNOD DANG BCUD KYI 'JIG RTEN NO, ,BCUD NI RGYU BA CES BSHAD LA, ,DE BZHIN SNOD NI BSTAN PA'O, ,RE RE ZHING YANG GNYIS GNYIS TE, ,SKAL BA BZANG DANG SKAL NGAN NO, ,SA DANG CHU DANG ME RLUNG GI ,GZUGS NI RNAM PA BZHI RU GNAS, ZHES GSUNGS PA NI, SEMS DPA'I DON NUS PA DANG LDAN PA LA
BSHAD PA'I GANG LA NUS PA DANG LDAN PA'I SEMS CAN LA YANG NUS PA DANG LDAN PA'I SGRA NYE BAR BTAGS NAS GSUNGS LA, DE'I SGO NAS SEMS CAN DE'I GNAS SNOD LA YANG DE'I SGRA BTAGS PA'O, ,GANG ZHIG NUS PA DANG LDAN PA'I 'DUL BYED LA NI SGRA DE DNGOS SU 'JUG GO , DE LTAR NA 'DUL BYED KYI DAG PA'I SNOD BCUD GNYIS NI SKAL BZANG DANG, GDUL BYA'I MA DAG PA'I SNOD BCUD GNYIS NI SKAL NGAN DANG, GZUGS NI 'BYUNG BZHI'I TSUL LAM RNAM PA CAN NO, ,BDE BA'I MCHOG NI PHUL DU BYUNG BA'O, ,'DI NI ZHES PA'I NI'I SGRA NI NGES GZUNG STE, BCOM LDAN 'DAS 'DI KHO NA RANG NYID DAG PA'I BRTAN GA-YO MA LUS PA'I NGO BOR 'BYUNG BAS NA RANG 'BYUNG NGO, ,BCOM LDAN 'DAS NI BSHAD ZIN TO, ,DPA' BO NI MI MTHUN PHYOGS THAMS CAD LAS RGYAL BA'O, ,MKHA' 'GRO NI DPA' BO DANG DPA' MO RNAMS SO, ,DRA BA NI DE DAG GI TSOGS SO, ,SDOM PA YIN ZHES PA NI DE RNAMS THAMS CAD HE RU KA GCIG GI NGO BOR SDOM PA STE, DE LTAR GYUR PA'I BCOM LDAN 'DAS KYIS RGYUD BSHAD DO, ZHES SBYAR RO, ,RKANG PA DE BZHIS RGYUD KYI STON PA PHUN TSOGS BSTAN PAR BLA MA RNAMS BZHED PA NI, LVA BA PA DANG YANG MTHUN PAR SNANG NGO, ,GNYIS PA NI, RE ZHIG SNGAR GYI RKANG PA GNYIS DANG, MKHA' 'GRO KUN DNGOS SOGS KYI 'BREL BSHAD PAR BYA STE, SNGON DU RKANG PA GNYIS KYIS BSTAN PA'I BCUD LEN BSTAN PAS LUS RGYAS PAR BYAS, DE NAS 'BYUNG BA RIM BRTZEGS SOGS KYIS BSTAN PA'I RDO RJE'I LUS SPYI DANG, GSANG BA MCHOG AE Wm MA YA LA SBYOR BA'I YI GE BZHIS BSTAN PA'I RTZA 'KHOR BZHI TSOGS PA DANG, SO SO BA LA BRTEN PA'I RDZOGS RIM SGOM PA'I NANG GI THABS DANG, YANG YI GE BZHIS BSTAN PA'I SPYAN MA
, ,SOGS KYI RIGS KYI LAS KYI PHYAG RGYA BZHI'I PHYI'I THABS LA BRTEN NAS, DUS GCIG NA ZHES PA'I NGES DON SROG DBU MAR ZHUGS TE 'BYUNG 'JUG MI BYED PA DANG, MNGON BRJOD SNGAR DRANGS PA LTAR RLUNG DES GTUM MO SBAR BA LA BRTEN NAS, THOS PA'I SKAD DOD SHRU TA'I NGES DON BSHAD PA LTAR, SPYI BO NAS BYANG SEMS GSANG GNAS KYI RTZE'I BAR DU 'DZAGS PA LAS BYUNG BA'I BDE CHEN LA PADMA GAR DBANG NAS HE RU KA'I BAR GYI THA SNYAD KYIS GSUNGS PA NI, RDO RJE SEMS DPA' HE RU KA, MKHA' 'GRO MA KUN SGRA RU BSHAD, CES PA LTAR NANG GI DPA' BO DANG DPA' MO'I MKHA' 'GRO KUN GYI DNGOS PO STE NGO BO'O, ,DE NYID GSAL BA LAS KYANG, MKHA' 'GRO MA NI THAMS CAD KYI, ,RANG BZHIN NYID PHYIR DE YI DNGOS, ZHES GSUNGS SO, ,SEMS DPA' NI, SEMS DPA' ZHES PA'ANG 'KHOR BA NA, , MCHOG TU DGA' BA'I NGO BO YIN, ZHES GSUNGS TE, 'KHOR BA NI 'DIR THABS BDE BA CHEN PO LA BYA'O, ,RDO RJE SEMS DPA'I SEMS DPA'I DON YANG DE'O, ,RDO RJE NI BDE BA DE NYID STONG PA NYID DANG DBYER MED PAR ZHUGS PA'O, ,RGYU MTSAN DES NA RTZA RGYUD LAS, RDOR SEMS ZHES PA'I 'OG TU BDE BA'I MCHOG ,CES GSUNGS TE, BDE BA CHEN PO NAM MKHA'I KHAMS STONG PA NYID KYI YUL CAN DU GNAS PA NI, BDE BA GZHAN LAS MCHOG YIN PA'I PHYIR TE, BYANG CHUB SEMS NI MI PHYED PHYIR, ,'DI LA RDO RJE SEMS DPA' BRJOD, ,DE YI PHYIR NA DE 'OG TU, ,BDE BA'I MCHOG TU RGYUD LAS GSUNGS, ,NAM MKHA'I KHAMS SU GNAS PAS KYANG, ,DE NI BDE BA'I MCHOG TU BRJOD ,CES GSUNGS SO, ,MCHOG TU DGA' BA 'DI NI GDUL BYA RANG RANG GI NGOR RNAM SNANG LA SOGS PA'I SKUR 'BYUNG BAS
RANG BYUNG NGAM, DE KHO NA NYID JI BZHIN DU RJES SU ZHUGS PAS RANG 'BYUNG DANG, SKAL BA PHUN TSOGS DANG LDAN PAS BCOM LDAN 'DAS DANG, MI MTHUN PHYOGS RTZAD NAS 'BYIN PAR 'GYUR BA'I NUS PA DANG LDAN PAS DPA' BO'O, ,MKHA' 'GRO NI RTZA SO DRUG DANG, DE DAG GI NANG GI KHAMS RNAMS SO, ,DRA BA NI TSOGS SO, ,DE'I NANG NAS RGYU BA'I RLUNG GIS BYANG SEMS BSKYOD PA LAS BYUNG BA'I YE SHES NI SDOM PA STE Sm BA RA ZHES PA BDE BA MCHOG GO ,DE LTAR MKHA' 'GRO KUN ZHES SOGS KYI RKANG PA BZHI'I DON GYI BDE BA LA NI, YAS BABS DANG MAS BRTAN GYI SKABS KYI DGA' BA BZHI TSAN GNYIS YOD LA, RLUNG DBU MAR ZHUGS GNAS THIM GSUM BYAS PA LAS BYUNG BA'I DGA' BA BZHI NI, PHYAG CHEN THIG LE LAS, GANG PHYIR DGA' BA DE SNANG BA, ,SNANG BA MCHED PA MCHOG TU BSHAD, ,KHYAD DGA' NYE BAR THOB PAR SHES, ,LHAN CIG SKYES DE 'OD GSAL BA'O, ,ZHES DGA' BZHI SNANG MCHED THOB GSUM 'OD GSAL DANG BZHIR GSUNGS SO, ,DE YANG MNGON BRJOD LAS, DGA' BA DANG PO YE SHES TE, ,MCHOG TU DGA' BA MNYAM PAR SBYOR, ,BDE BAR DGA' BA GRUB PA CHE, ,LHAN CIG SKYES DGA' BLA MED YIN, ,SBYOR BA DANG NI SHIN TU SBYOR, ,SBYOR BA CHE DANG YE SHES SBYOR, ,DE DAG CHO GA'I RIM PA'O, ,THIG LE GZHUNG GI SBYOR SHES NA, ,PHRA BA'I SBYOR BAS BLTA BAR BYA, ZHES GSUNGS PA'I DGA' BZHI'I RIM PA NI YAS BABS KYI RIM PA YIN LA, RKANG PA THA MA GNYIS KYI DON NI THIG LE'I RNAL 'BYOR SGOM PA'I GZHUNG GI DON SHES NAS YI GE DANG THIG LE PHRA MO'I SBYOR BA STE RNAL 'BYOR BSGOMS NAS, DGA' BZHI JI LTAR SKYE BA BLTA BAR BYA'O, ,ZHES PA'O, ,'GREL PAR RNAL 'BYOR DANG RJES SU RNAL 'BYOR DANG SHIN TU
, ,RNAL 'BYOR DANG RNAL 'BYOR CHEN PO'I YE SHES KYI CHO GA'I RIM PA'O, ,ZHES 'CHAD DE, DGA' BA BZHI DANG RIM PA BZHIN DU SBYAR RO, ,YANG MNGON BRJOD LAS, LTE BA SNYING PAD NU MA'I DBUS, ,LCE YI RTZA DANG MGO STENG DU, ,DGA' BA DANG NI MCHOG DGA' NYID, ,DAM PAR DGA' DANG LHAN CIG SKYES, ,DANG PO 'DAB MA DRUG CU BZHI, ,GNYIS PA BRGYAD PA MCHOG YIN TE, ,GSUM PA 'DAB MA BCU DRUG PA, ,BZHI PA SUM CU RTZA GNYIS 'DAB, ,PHAG MO LTE BA'I RTZAR GNAS PA, ,LHAN CIG SKYES DGA' KHRAG 'THUNG MCHOG , CES LTE BAR DGA' BA DANG, SNYING KHAR MCHOG DGA' DANG, LCE'I RTZA BA STE MGRIN PAR DAM PA STE KHYAD PAR GYI DGA' BA DANG, MGO YI STENG STE SPYI BOR LHAN SKYES KYI DGA' BA SKYE BAR BSHAD PA NI MAS BRTAN GYI DGA' BZHI'I RIM PA'O, ,SNYING PAD NI SNYING KHA'I RTZA 'KHOR TE GZHAN GSUM LA YANG SBYAR RO, ,LTE BA'I RTZA BAR PHAG MO NI GTUM MO AA THUNG DANG, LHAN SKYES KHRAG 'THUNG DU BSHAD PA NI MAS BRTAN GYI LHAN SKYES BYANG SEMS GYEN DU LOG PA SPYI GTZUG TU PHYIN PA NA SKYE BAS, SPYI GTZUG GI Hm YIG HE RU KAR BSTAN PA'O, , GSUM PA LA GNYIS, DRANG DON DU BSHAD PA DANG, NGES PA'I DON DU BSHAD PA'O, ,DANG PO NI, 'BYUNG BA NI 'BYUNG GNAS TE SGRA'I TSUL LO, ,DE LA SGRA NI DBYANGS DANG TSUL NI DE'I RNAM PA CAN TE, DBYANGS GSAL DANG SNGAGS RNAMS SO, ,DE YANG YI GE NGAG TU BRJOD PA MIN GYI, YID LA BRIS PA'I RNAM PA CAN DU SNANG BA YIN PAS SGRAR BTAGS PA'O, ,DE DAG LAS BYUNG BA RNAMS NI LHA RNAMS TE, DES NA LHA'I 'BYUNG GNAS SO, ,DAM TSIG NI LHA MO RNAMS SO, ,DE RNAMS KYI SPYOD PA NI SPYOD PA'O, ,SPYOD PA DE'I SPYOD
YUL NI DPA' BO RNAMS YIN NO, ,SGRA TSUL LAS BYUNG BA LA NAM MKHA'I N'A DA DANG, DBANG PO GNYIS MNYAM PAR SBYOR BA LAS BYUNG BAR 'CHAD PAR YOD KYANG PHYOGS RE BAR SNANG LA, SNGAR BSHAD PA RDO RJE MKHA' 'GRO'I 'GREL PA LAS 'BYUNG BA LTAR NA, LHA'I SKYED CHOG PHAL MO CHE LA 'GRO BAR SNANG NGO, ,BLA MA RNAMS RKANG PA GNYIS PO 'DI SNGON BYUNG GI 'KHOR LA YANG SBYOR TE DE YANG RUNG BAR SNANG NGO, ,GNYIS PA NI, PHUNG SOGS SKYED PAR BSHAD PA'I KHU KHRAG LAS MCHOG TU BDE BA SKYES SHING BYUNG BAS NA 'BYUNG GNAS SGRA TSUL LO, ,DE LAS NGES PAR 'BYUNG BA RNAMS NI, BYANG CHUB KYI SEMS BDE BA CHEN PO SKYED PAR RGYUD 'DIR BSTAN PA NYID RGYUD GZHAN DU YANG BZHED PA STE 'BYUNG BAR NGES PA'I DON NO, ,BSDU NA RDZOGS RIM BSGOMS PAS BYANG SEMS DKAR DMAR GYI 'BAR 'DZAG LAS BYANG CHUB KYI SEMS SKYE BA'O, ,DE NYID RNAL 'BYOR PAS BSTEN ZHING BSNYEN PAR BYA BAS DAM TSIG GO ,DE LA SPYOD PA'I SPYOD YUL NI DBANG PO DRUG GIS YUL DRUG LA LONGS SPYOD PA'O, ,DBANG PO RNAMS LA YANG SPYOD YUL ZHES PA NI, DON DAM PAR YUL DBANG DBYER MED PAS NYE BAR BTAGS PA'O, ,YUL RNAMS BDE CHEN GYI RNAM ROL DU SHAR BA'I TSUL GYIS LONGS SPYOD PAS BDE CHEN 'BAR TE, YUL YUL CAN GNYIS SO SOR MI SNANG BAR LHAN CIG SKYES PAR RO GCIG PA'I GNAS SKABS 'THOB PAR 'GYUR RO, ,'DI NI RDO RJE MKHA' 'GRO RTZA 'GREL LA BRTEN NAS BSHAD PA'O, ,LUS LA GNAD DU BSNUN PA'I RDZOGS RIM SGOM PA THAMS CAD LA SNGAR BSHAD PA LTAR 'BYUNG BAS, RIM PA BZHI PA LTA BU PHYOGS RE BA LA BSHAD MI DGOS SO, ,
, ,GNYIS PA NI, 'JIG RTEN ZHES PA'I RKANG PA GNYIS LA LO TZ'A BA GNYIS KYI BSHAD SROL YANG MI MTHUN PAR SNANG ZHING, 'GREL PA GSUM LAS, THOG MA THUGS DANG DBUS GSUNG DANG MTHA' SKU'I 'KHOR LO GSUM LA GNAS PA'I DPA' BO RNAMS MTHO RIS DANG MI YUL DANG SA 'OG GI 'JIG RTEN GSUM DU RNYED PAR DKA' ZHES 'CHAD DO, ,'DI LA BSHAD TSUL GNYIS LAS BSHAD PA DANG PO NI THOG MA GSANG BA DANG DBUS MCHOG DANG MTHAR DGYES PA DANG, YANG DAG GNAS KYI DON 'DI SKAD BDAG GIS THOS PA'I DUS GCIG NA SOGS KYI NGES PA'I DON SNGAR BSHAD PA NI, SA GSUM GYI 'JIG RTEN GSUM NA SHIN TU RNYED DKA' BA STE RTOGS PAR DKA'O ZHES PA'I DON NO ZHES TE RDO RJE MKHA' 'GRO'I DGONGS PA'O, ,YANG RDO RJE MKHA' 'GRO LAS, 'JIG RTEN GSUM DU RNYED DKA' BA'I DON ZAG BCAS KYI DNGOS PO GSUM LAS RNYED PAR MI 'GYUR BA LA BSHAD PA LTAR NA, 'JIG RTEN GSUM NI DGA' BA DANG MCHOG DGA' DANG KHYAD PAR GYI DGA' BA GSUM LA BYA'O, ,DE DAG GIS NI GANG LAS RNYED DGA' BA BSTAN TO, ,GANG RNYED PAR DKA' NA LHAN CIG SKYES PA'I YE SHES SO, ,RNYED DKA' BA'I RGYU MTSAN NI DGA' BA GSUM ZAG PA DANG BCAS PA ZHES PAS STON NO, ,DE'I DON NI 'JIG RTEN GYI SGRAS DMIGS PA DANG BCAS PA'I RTOG PA STON LA, DE YANG THOG MA DANG DBUS TE BAR DANG MTHAR TE THA MA RNAMS KYI CHA SHAS SU PHYE NAS YANG DAG PAR RTOG PA'O, ,DE RNAMS NI BHA BA BHA DRA'I LUGS SO, ,DE DAG GI DON BSDU NA GNYIS SU SNANG BA DANG DER ZHEN PA'I RTOG PA MA NUB BAR DU, DON GYI LHAN SKYES NYAMS SU MYONG BA MED PAR STON PAS, RNYED DKA'
BA'I LHAN SKYES NI LHAN SKYES TZAM MIN NO, ,GSUM PA NI, BSRUB BYA STE GTZUB STAN DANG, SRUB BYED DE GTZUB SHING DANG LAG PA'I RTZOL BA RNAMS SBYAR BA LAS DU BA SKYE ZHING ME MCHED MOD KYI, BRTAGS NA DE GSUM PO GANG LA YANG MI GNAS TE ME 'BYUNG BA MED DO, , DE JI LTA BA BZHIN DU BSRUB BYA PHYAG RGYA'I CHOS 'BYUNG DANG, SRUB BYED THABS KYI RDO RJE GNYIS YANG DAG PAR SBYOR BA LAS BDUD RTZI LTA BU'I LHAN SKYES KYI YE SHES SANGS RGYAS STER BA PO 'BYUNG STE, BRTAGS NA RGYU RKYEN GANG LAS KYANG MI 'BYUNG BA SHES PAR BYA'O, , NAG PO SPYOD PAS KYANG, DPER NA GTZUB SHING GTZUB STAN LAG PA YI, ,RTZOL BA LA BRTEN ME YI RTZE DMIGS PA, ,BRTAGS NA GTZUB SHING LA SOGS LA YOD MIN, ,DE BZHIN 'GRO BA GA-YO BA LA SOGS PA'O, ,'GRO BA MTHA' DAG SO SOR SNANG BA TZAM, ,BDE SOGS NGO BO MA BRTAGS NYAMS DGA' BA, ,'DI SKAD BDAG GIS ZHES BYA LA SOGS DAG ,BSAM MI KHYAB STE JI LTA DE LTA'O, ZHES DANG, BSRUB BYA SRUB BYED SBYOR BA LAS, ,CHOS SKU JI LTA DE BZHIN NO, ,ZHES SNOD BCUD KUN BRTAGS NA MI RNYED PA DANG, KHYAD PAR DU GLENG GZHI'I TSIG GIS BSHAD PA'I BDE CHEN LA SOGS PA MA BRTAGS NA NYAMS DGA' BA TZAM DU YOD PA, GTZUBS PA'I ME JI LTA BA DE LTAR DU SHES PAR BYA BAR GSUNGS TE, PHYAG RGYA DANG SBYAR BA LAS DANG LUS LA GNAD DU BSNUN PA'I THABS LAS BDE BA BSKYED PA NA, RANG BZHIN GYIS GRUB PAS STONG PAR RTOGS PA'I LTA BA DANG SBYOR BA DANG, RJES LA SGYU MA LTAR MA BRTAGS NYAMS DGA' BA TZAM YIN PAR SHES PAR BYA BAR BSTAN TO, ,'DI LA 'CHAD TSUL DU MA ZHIG 'DUG KYANG NAG PO SPYOD PA DANG, LVA BA
, ,PA'I LUGS LTAR BSHAD PA'O, ,GNYIS PA NI, SNGAGS KYI BZLAS PA LA SNYING PA SOGS ZLO BA DANG, RDO RJE BZLAS PA SOGS DANG, DE BZHIN DU BSKYED RIM DANG RDZOGS RIM GYI BSAM GTAN GNYIS DANG, SOGS KYIS BSDUS PAR DKYIL 'KHOR BRI BA DANG, SBYIN SREG DANG DAM TSIG DANG SDOM PA LA SOGS PA DANG, BZLAS PA DANG BSAM GTAN DANG LDAN PA DE LTAR SBYOR NYID DE LAS LA SBYOR BZHI RGYAS SOGS SGRUB PA DANG, SBYOR BA DE GCIG BUR MA ZAD KYI CHO GA'I YE SHES TE SGRUB THABS KYI DANG LAS SBYOR GYI CHO GA SHES PA'O, ,RNAL 'BYOR MA BLA NA MED PA YI BDE MCHOG GI RTZA BA'I RGYUD RGYAS PA LAS GSUNGS PA MDOR BSDUS PA'I RGYUD NI BSHAD KYIS MNYAN PAR GYIS SHIG, CES BCOM LDAN 'DAS KYIS GSANG BA'I BDAG PO LA GSUNGS PA'O, ZHES LVA BA'I NA BZA' CAN LA SOGS PA MANG POS BSHAD, RDO RJE PHAG MO ZHU BA PO YIN PAR BYANG CHUB SEMS DPA'I 'GREL PA LAS BSHAD DE, CHOS GSUNG THEBS RE RE LA YANG 'KHOR RNAMS KYIS STON PA'I SKU'I BKOD BA MI 'DRA BA DU MA DANG, CHOS MI 'DRA BA DU MA GSUNGS PAR MTHONG BAR GSUNGS PAS, PHYOGS GCIG LA ZHEN MI DGOS SAM SNYAM MO, ,RNAL 'BYOR MA BLA ZHES PA'I RKANG PA GCIG DANG, RGYUD NI BSHAD KYIS ZHES PA LO CHEN GYI 'GYUR MA BCOS PA DANG, MAL GYI 'GYUR DANG, LO RTZ'A BA SHES RAB GRAGS DANG MAR DO GNYIS KA 'DUS NAS BSGYUR BA LA MED CING 'GREL PA RNAMS LA MI SNANG YANG, DON LA NI SKYON MI SNANG NGO, ,GSUM PA LAM GYI GSANG BA'I BGROD PA RDZOGS PAR BYED PA'I THABS LA GSUM, RIGS LDAN MA MCHOD
PA DANG, DAM TSIG RNAMS BSRUNG BA DANG, PHYAG RGYA BZHI BSGOM PA'O, ,DANG PO LA GSUM, RIGS LDAN MA SPYIR MCHOD PA DANG, RIGS LDAN MA GSUM LA BRTEN NAS DNGOS GRUB SGRUB PA MCHOD PA DANG BCAS PA DANG, RIGS LDAN MA MCHOD PA'I PHAN YON NO, ,DANG PO NI, MCHOD PAR BYA ZHES SBYAR RO, ,GANG GIS NA BDAG PO'I RNAL 'BYOR DANG LDAN PA'I RNAL 'BYOR PAS SO, ,DUS NAM GYI TSE ZHE NA, DUS KYI KHYAD PAR GYIS ZHES PA STE ZLA BA RE RE'I YAR NGO DANG MAR NGO'I BCU LA'AM, LO RE RE'I DGUN ZLA 'BRING PO'I MAR NGO'I BCU LA'O, , CI LAN CIG GAM ZHE NA, MA YIN TE RTAG TU ZHES RGYUN MI CHAD DU'O, ,MCHOD RDZAS GANG GIS SHE NA, DBUGS KYIS DRANGS TE 'BYUNG PAR DBUGS 'BYIN TE MCHIL MA'AM, DBUGS 'BYIN PA'I STOBS SKYED PAS SHA CHEN NO, ,DANG PO BYIS PA DANG THA MA RGAN PO LA MI 'BYUNG BAR, BAR DU 'BYUNG BAS BAR MA STE KHRAG GO ,KHAMS RNAMS KYI NANG NA MCHOG STE BYANG CHUB KYI SEMS SO, ,DRI NI DRI CHEN NO, ,CHU NI RDO RJE'I CHU'O, ,BCAS PA NI LNGA CHAR LHAN CIG PA'AM, GNYIS PA LA SOGS PA DANG BCAS PAS SO, ,KYANG GI SGRAS NI NYE BAR SPYOD PA LNGA DANG YANG BCAS PA ZHES STON NO, ,GANG LA NA, RGYAL RIGS SOGS 'JIG RTEN LA GRAGS PA'I RIGS LDAN DANG, DBANG BSKUR BA'I DUS SU MTSON PA'I MI BSKYOD PA SOGS KYI RIGS LDAN TE BSTAN BCOS LA GRAGS PA'I RIGS LDAN MA'O, ,DE NI LO TZ'A BA GNYIS KYI BSHAD SROL LA 'BYUNG BA'O, ,DBUGS 'BYUNG BA NI RANG GI LHAG PA'I LHA SGOM PA SOGS KYIS LEGS PAR SBYANGS PA'I BTZUN MO'O, ,BAR MA NI GZHON NU DANG RGAN MO DAG GI BAR MA RDUL DANG LDAN PA'O, ,MCHOG GAM DAM PA NI BAR MA YON TAN CAN NO, ,DE
, ,LA DBYE NA YE SHES LNGA RNAM PAR DAG PA'I PHYAG RGYA MA LNGA STE, DANG PO NI LO BCU GCIG MA STE DE'I PADMAR ROL PAS BCUD LEN BSGRUB PAR BYA'O, ,GNYIS PAR NI BCU GNYIS MA DANG ROL BAS DAM TSIG DON DU GNYER BAR BYA STE 'DIR DAM TSIG NI BDE CHEN NO, ,GSUM PAR NI BCU DRUG MA DANG ROL BAS SNGAGS LA GOMS PAR GSUNGS PA'I DON NI DNGOS GRUB KYI DON DU YIN NO, ,BZHI PAR LO NYI SHU MA DANG ROL BAS NI MKHA' SPYOD BSGRUB BO, ,LNGA PAR NYER LNGA MA DANG ROL BAS DBANG BSKUR BA'I DON DU YIN TE, RDO RJE MKHA' 'GRO'I DON BSHAD PAR SNANG NGO, ,DE 'DRA BA'I RIGS LDAN MA LA DRI'I RDZAS BZANG POS BYUGS PA DANG, DES MTSON NAS ME TOG SNA TSOGS LA SOGS PA DANG, GOS DANG RGYAN LA SOGS PA RNAMS KYIS BRGYAN PAR BYA'O, ,DE YANG CHU DANG BCAS ZHES PA'I CHU NI RLUNG MKHRIS BDE KUN GYI NAD SEL BA'I CHANG GI BTUNG BA SNA TSOGS PA SBYIN PA DANG, BDAG NYID KYIS LONGS SPYAD PAS RIGS LDAN MA RNAMS MCHOD PAR BYA'O, ,RTAG TU NI BAR MA CHAD PAR DE KHO NA NYID SGOM PA'I MCHOD PA BYA BA'I DON NO, ,GANG GIS NA RIM PA GNYIS SGOM PA'I RNAL 'BYOR PAS SO, ,DUS NAM GYI TSE MCHOD SNYAM NA, DUS KYI KHYAD PAR ZHES PA RDO RJE MKHA' 'GRO LAS SNGA DRO'I DUS LA GSUNGS TE, 'GREL PA GNYIS LAS DE MTSON BYED DU BYAS PA'I DUS DRUG BSHAD DO, ,'GREL PA GZHAN GYIS NI DBANG PO GNYIS 'DUS PA'I DUS KHYAD PAR BA LA BSHAD DO, ,BSHAD PA GZHAN SNGAR DANG 'DRA BA LA, RIGS LDAN MA LA SNYOMS PAR ZHUGS PA LAS DE KHO NA NYID KYI MCHOD PA BYA BAR BSHAD PA'I NGES DON STON PA NI, DBUGS 'BYIN NI SNA BUG GA-YAS GA-YON GYI RLUNG GNYIS SO, ,BAR
MA NI DE GNYIS RO RKYANG GNYIS KYI BAR MA STE DBUS MAR SNYEMS PAR 'JUG PA'O, ,MCHOG NI RLUNG DE GNYIS LTE BA'I RTZA BAR DBU MAR ZHUGS PA'I DUS SU PHYAG RGYA MI 'GYUR BA'I MCHOG GO ,ZHES BSHAD DE TSIG THA MA'I DON NI PHYAG RGYA LA BRTEN NAS RLUNG GNYIS DBU MAR ZHUGS PA'I DUS SU NI, PHYAG RGYA MA NYID MI 'GYUR BA'I BDE BA 'DREN PA'I THABS MCHOG CES PA'O, ,DRI'I CHU NI SI HA LA Km STE KHRAG GO ,BCAS PA NI GA PUR TE KHU BAS RIGS LDAN MA RNAMS LA MCHOD PAR BYA'O, ,DE RNAMS NI LVA BA PA DANG LHA SBAS KYI 'GREL PA LA BRTEN NAS BSHAD DO, ,GNYIS PA NI, BHA BA BHA DAS SEMS CAN SDUG BSNGAL BA LA GDUNG BAS NA PHO NYA'O, ZHES PA NI SKAD DOD KYI STENG NAS YIN LA, BLA MA RNAMS RANG GI 'DOD PA MYUR DU SGRUB PA'I PHO NYA DANG 'DRA BAS NA PHYAG RGYA LA PHO NYA ZHES GSUNGS TE, LVA BA PA DANG MTHUN NO, ,'DI LA SKAL LDAN GYIS, PHO NYA GSUM YOD PA LAS, LHAN CIG SKYES DNGOS GRUB CES PA NI MTSON PA TZAM MO, ,DE LA MCHOG NI LHAN CIG SKYES MA'O, ,'BRING NI GNAS LAS SKYES MA STE ZHING SKYES DANG GCIG GO ,THA MA NI GSANG SNGAGS LAS SKYES PA'O, ,YANG NA MKHA' LA DANG, SA LA DANG, SA 'OG NA RGYU PA GSUM RIM PA BZHIN MCHOG LA SOGS PA'O, ,'DI DAG GRUB PAS DGOS PA CI YOD CE NA, YID NI NANG DU CHUD PA YIS MNGON PAR 'DOD PA'I DNGOS GRUB BSGRUB PAR BYA'O ZHES 'CHAD DO, ,BLA MA RNAMS LHAN CIG SKYES DNGOS KYIS LHAN SKYES MA BSTAN LA, GRUB CES PAS ZHING GI BDAG NYID CHEN PO LAS RNAL 'BYOR MAR GRUB PA DANG, BSAM GTAN DANG BZLAS PA SOGS LAS RNAL 'BYOR MAR GRUB PA BSTAN TO, ,DANG PO NI MCHOG STE DNGOS GRUB GNYIS KA STER BAS SA, ,GNYIS PA NI 'BRING STE 'JIG RTEN
, ,PA'I DNGOS GRUB STER BAS SO, ,GSUM PA NI THA MA STE DNGOS GRUB GNYIS STER MI NUS KYANG DE GNYIS SGRUB PA'I GROGS BYED PAS SO, ,ZHES GSUNG NGO, ,PHO NYA MO GSUM GYI NGOS 'DZIN LA MI 'DRA BA MANG DU 'DUG NA'ANG, DANG PO NI DON GYI LHAN SKYES RGYUD LA THOB PA YAN CHAD DE, 'JIG RTEN LAS 'DAS PA'I MKHA' 'GRO MA'O, ,GNYIS PA NI GNAS SO GNYIS LA SOGS PAR SKYES PA RNAL 'BYOR MAS RJES SU BZUNG BAS RNAL 'BYOR MAR GYUR PA'O, ,GSUM PA NI DBANG LA SOGS PAS RGYUD LEGS PAR SBYANGS PA RIM PA DANG PO'I RNAL 'BYOR LA BYANG BA STE, DE GNYIS NI 'JIG RTEN PA'I RNAL 'BYOR MA'O, ,YID NI NANG DU CHUD PA YIS TE DE BZHIN GSHEGS PA THAMS CAD KYI SKYED MA MO'I SHES RAB MA DANG SBYOR TSUL JI LTAR GSUNGS PA BZHIN DU MNYAM PAR SBYOR BA DANG LDAN PAS YID GZHAN DU MI GA-YENG BAR TSIM PAR BYAS PA LA, MNGON PAR 'DOD PA'I DNGOS GRUB BSGRUB PAR BYA'O, ,DE LTAR PHO NYA MO MCHOD PAS TSIM PAR BYED PA'I, THA MA DANG BAR MA DANG MCHOG GSUM RDO RJE MKHA' 'GRO LAS GSUNGS TE, SNGAR GYI MCHOG DANG ZHES SOGS DANG MI GCIG GO ,PHO NYA DANG SNYOMS PAR ZHUGS PA LAS BYUNG BA'I RANG GI RDZAS KYI THIG LE KHU BAS SANGS RGYAS DANG BYANG CHUB SEMS DPA' MCHOD PAR GSUNGS PA LA SGRAS ZIN LTAR BSHAD NA, CHOS 'BYUNG DU SPROS LA LCES BLANGS TE BDUD RTZI DES, PHYI ROL DU DKYIL 'KHOR PA DANG TSOGS KYI DPA' BO DANG RNAL 'BYOR MA RNAMS TSIM PAR BYA'O, ,ZHES BLA MA RNAMS GSUNG BA LTAR RO, ,SGRAS ZIN LAS GZHAN DU BSHAD NA, SANGS RGYAS TE PHUNG PO LNGA DANG BYANG CHUB SEMS DPA' STE MIG LA SOGS PA RNAMS
TSIM PAR BYA BA'I DON NO, ,DBUGS 'BYIN MCHOG CES PA NAS 'DI YAN CHAD LA NANG GI RIGS LDAN MA MCHOD PA BLA MA RNAMS KYI MAN NGAG GIS RGYAS PAR BSHAD PA NI, 'DIR TSIG MNGAS SU DOGS NAS MA BRIS SO, ,GSUM PA NI, RIGS LDAN MA MCHOD PA'I PHAN YON NI, PHO NYA MO LA BRTEN NAS SPYOD PA BYED PA'I RNAL 'BYOR PA DE, GANG ZAG GZHAN GYI MIG GIS MTHONG BA DANG, LUS KYIS REG PA DANG RNAL 'BYOR PA DE'I GTAM RNA BAS THOS PA'AM YID LA DRAN PA YIS KYANG, LAS KYI SGRIB PA'I SDIG PA KUN LAS GROL BA STE 'DAG PAR 'GYUR BA DE LTA BU NYID DU THE TSOM MED NA, DE 'DRA PA'I RNAL 'BYOR PA BDAG NYID KYIS DAG BYED KYI BSOD NAMS KYI TSOGS MCHOG RNAMS SOG PA DANG, SDIG PA RNAMS 'JIG PA STE 'JOMS PAR BYED PA SMOS KYANG CI ZHIG DGOS, DE LTAR PHO NYA MO LA BRTEN PA DES GSANG SNGAGS ZLOS PA'I BZLAS BRJOD DRANG NGES GNYIS DANG, DRANG NGES KYI BSAM GTAN GNYIS KYIS DNGOS GRUB GNYIS MYUR DU 'GRUB PAR 'GYUR RO, ,KYANG GI SGRAS BSAM GTAN RKYANG PAS KYANG 'GRUB PAR STON TE, NANG LA GZHOL BA'I DBANG DU BYAS PA'O, ,LO CHEN DANG MAR DO RKYANG PAS BSGYUR BA DANG, RGYA 'GREL MANG PO LAS, BDE BA YIS KYANG 'GRUB PAR 'GYUR, ZHES PA MA BYUNG YANG, MAR DO DANG SHES RAB GRAGS GNYIS KAS BSGYUR BA DANG MAL GYI 'GYUR LA 'BYUNG BA DAG STE, BDE MCHOG STONG 'GREL LAS KYANG SNGAGS BZLAS KYIS 'DZIN PA BSTAN PA'I SHUGS KYIS DE'I SNGON MA SROG RTZOL BSTAN, BSAM GTAN DNGOS SU BSTAN PAS DE'I SNGON MA SOR SDUD BSTAN, BDE BAS TING NGE 'DZIN DNGOS SU BSTAN PAS DE'I SNGON MA RJES DRAN BSTAN PAR GSUNGS SO, ,
, ,RGYUD KYI RDO RJE'I TSIG RE RE LA DON MI 'DRA BA DU MA TSAD LDAN RNAMS KYIS BSHAD PA LA 'GAL BA MED LA, MAL GYI BSHAD SROL 'DZIN PA DAG BDE PA YIS KYANG ZHES PA SPYOD PA LA 'CHAD DO, ,GNYIS PA LA GNYIS, BSRUNG BA'I DAM TSIG BSKYANG BA DANG, BZA' BA'I DAM TSIG BSKYANG PA'O, DANG PO NI, LAM 'DI'I SGRUB PA POS SHIN TU MNYAM PAR BZHAG BA STE SGO GSUM MA YENGS PAR BYAS NAS, BSRUNG BA'I DAM TSIG RTZA BA DANG YAN LAG GI DAM TSIG RGYUD GZHAN NAS GSUNGS PA DANG, RGYUD 'DIR GSUNGS PA'I BSRUNG BA'I DAM TSIG RNAMS RTAG TU STE RGYUN DU MA NYAMS PAR BSKYANG BAR BYA'O, ,DAM TSIG MA BSRUNGS PA'I NYES DMIGS NI, RTZA BA'I DAM TSIG LA SOGS PA NYAMS PAS NI SNGAR DKYIL 'KHOR DU DBANG BSKUR BA THOB PAR MI 'GYUR BA STE NUS PA NYAMS PAR 'GYUR LA, SNGAGS BZLAS PA SOGS KYIS KYANG DNGOS GRUB THOB PAR MI 'GYUR BA DANG, DER MA ZAD PHYI MAR NGAN 'GROR 'GRO BA SOGS KYI NYES DMIGS SHIN TU CHE'O, ,DE'I PHYIR DANG PO NAS NYAS PAS MA GOS PA LA 'BAD CING, GAL TE RTZA LTUNG BYUNG NA DKYIL 'KHOR BZHENGS NAS BLA MA LAS SAM, BDAG 'JUG GIS SDOM PA SLAR GSO BAR BYA LA, LHAG MA'I LTUNG BA BYUNG NA BSHAGS PA SOGS KYI PHYIR 'CHOS PA'I TSOGS DAG PAR BYA'O, ,PHYIS BCOS SU RUNG NGO SNYAM PAS KYANG MI BYA STE, DON BCOS KYANG SLAR NYES PA LAS LDANG BAR MI 'GYUR ZHING, PHYIS BCOS PAR MI 'OS PA NYID DU YANG BSHAD DO, ,ZHES MAR DO GSUNG BA NI LEGS PA YIN NO, ,GNYIS PA NI, SGRANG RTZI NI SBRANG RTZI CHEN PO'I ZHES PA NI LHA SBAS KYIS MAR CHEN BO'O, ,
ZHES BSHAD PA DANG DON GCIG STE TSIL CHEN NAM DE'I ZHAG GO ,MTSAL TE KHRAG NI DUS SU 'BAB PA'I ZLA MTSAN NO, ,GA PUR BCAS NI GA BUR DANG LHAN CIG YOD PA'I ME TOG LA BSHAD DE, 'DI KHU BA DANG LHAN CIG PA'I ME TOG YIN LA, SNGA MA NI RAKTA RKYANG PA'O, , TZAN DAN DMAR BO NI SHA CHEN NO, ,SBYAR BA NI BSHAD PA LA SOGS PA DANG BCAS PAS MNYAM MED DE RO MCHOG DRUG PO'I BCUD LEN NO, ,ZHES GSUNGS TE, BDUD RTZI LNGA DANG MAR KHU CHEN PO DANG DRUG GO ,THAMS CAD RDO RJE'I RDO RJE KUN NI LHA KUN GYI BDAG NYID HE RU KA'O, ,DE'I MTSAN MA NI THOD PA'O, ,MTSAN MA 'DZIN NI THOD PA DE LAS RANG GI MTHEB SRIN GYI RTZE SBYAR BAS BLANGS TE MYANG BA'O, ,DE YANG RGYA MTSO BSRUBS PA'I BDUD RTZI BZHIN DU SBOM PO STE MTHE BONG NI RI RAB DANG, MTHA' NI MTHE'U CHUNG YIN LA DE'I LTAG MA SRIN LAGS LA GNAS PA'I RGYA MTSOR BYAS TE DKRUGS LA, AOm HA HO HRI: ZHES PA'I HAS KHA DOG DANG, HES DRI'I SKYON BCOM, HRI: SA MANG POR SPAL TE, LHA'I RNAL 'BYOR BSGOM PA DANG SNGAGS ZLO BA'I RNAL 'BYOR PA BDUD RTZI'I BSTEN TSUL RIG PAS RTAG TU SPYAD PA STE BZA' BAR BYA'O, ,LONGS SPYOD TSUL NI 'DI SKAD DU, MKHAS PAS GRUB PA'I BDUD RTZI MYANG, ,DANG POR BLA MAR DBUL BYAS TE, ,DE YI RJES SU HE RU KA, RDO RJE CAN GYI PHYIR DBUL LO, ,PHYAG RGYA LA NI PHUL NAS NI, ,BDAG NYID KYIS NI YANG DAG MYANG, ,SBYOR BA KUN GYI SNYING PO YI, ,BDUD RTZI RNAM PA LNGAR 'GYUR RO, ,'DI LTA BU YI SBYOR BA YIS, ,RDO RJE SEMS DPA' DANG MNYAM 'GYUR, ZHES GSUNGS PA BZHIN NO, ,TSOGS KYI NANG DAG DU ZHE PA NI 'KHOR LO GSUM GYI DBUS SU'AM YANG NA BDE MCHOG GI RNAL 'BYOR
, ,'DZIN PAR GCIG PA'I RNAL 'BYOR PHO MO'I DBUS SU'O, ,BZHAG PA NI NYAMS SU LEN PA'O ZHES 'GREL PA GZHAN LAS BSHAD DO, ,YANG SGRAS ZIN GYI BSHAD PA LAS GZHAN DU BSHAD NA GA BUR BCAS NI BYANG CHUB KYI SEMS DANG BCAS PA'O, , ZHES BSHAD DE DE'I BYANG CHUB KYI SEMS NI BDE CHEN DANG, BCAS PA NI STONG PA NYID DANG SBYAR BA STE KHAMS DKAR DMAR GYI NGES DON NO, ,TSOGS KYI NANG DU BZHAG PA NI MIG SOGS KYI DBANG PO DRUG GI TSOGS DANG, KHYAD PAR DU PHO MO'I DBANG PO GNYIS KYI TSOGS TE DE RNAMS 'DUS PA'O, ,DE LTAR NA TSOGS NI 'DUS PA'I DON TE, SPYIR THABS SHES KYI DBANG PO DRUG 'DUS PA DANG, KHYAD PAR DU PHO MO'I DBANG PO GNYIS 'DUS PA'O, ,DE GNYIS GANG ZHE NA, SBOM PO STE THABS KYI RDO RJE DANG, MTHA' LTAG STE PHYAG RGYA'I PADMA'O DE YANG PADMA MAN CHAD KYI LUS NI MTHA' DANG, PADMA NI DE'I LTAG STE GONG MA'O, ,DE GNYIS KYI RTZE GNYIS SBYAR BA'I NGES DON NI, YAB KYI GSANG GNAS KYI RTZE'I DH'U T'I'I MAR SNA DANG, YUM GYI GSANG GNAS KYI RTZE'I BYA ROG GDONG ZHES GRAGS PA'I RTZA GNYIS KHA SBYOR BA YIN TE, RDO RJE GUR LAS, RDO RJE SOR MO'I RAB SBYOR GYIS, ,RDO RJE'I SA GZHI RAB BSKUL TE, ZHES DANG, PHYI NAS DE YI BDE LDAN DU, ,RDO RJE SEMS DPA' RAB BCUG STE, ,RDO RJE BCING BA'I SBYOR BA YIS, ,RDO RJE MCHOD PA RAB TU BRTZAM, ZHES SOR MOS RDO RJE'I SA GZHI STE RTEN PADMA'I RTZA BSKUL BA DANG, RTZA SANG PA'I PHYI NAS RDO RJE BCING BA STE RTZA GNYIS MI PHYED PAR 'CHING BA'I SBYOR BA YIS SNYOMS 'JUG BYED PAR GSUNGS PA LTAR BYED PA'O, ,DE LTAR BYAS PAS SNGAR BSHAD PA LTAR PHYAG RGYA LA
BRTEN NAS RLUNG GNYIS DBU MAR TSUD PAR 'GYUR RO, ,'DI NI RIGS LDAN MA MCHOD PA'I GNAD DAM PAR SNANG NGO, ,RDO RJE MKHA' 'GRO LAS, TSOGS KYI NANG DU ZHUGS PA NI, DBANG PO THAMS CAD LAS BYUNG BA STE, DE DAG THAMS CAD KYI BCUD KYI RA SA YA NA'O, ,ZHES GSUNGS PA'I DON NI THABS SHES KYI DBANG PO RNAMS 'DUS PA LAS BYUNG BA'I BYANG SEMS NI DE THAMS CAD KYI BCUD BLANGS PA'I BCUD LEN DU STON PA'O, ,DE 'DRA BA DE RNAL 'BYOR PA PHYAG RGYA SROG RTZOL DU 'GRO BA'I GNAD RIG PAS RTAG TU DE LA SPYAD PAR BYA'O, ,DE LTAR SPYAD PA'I PHAN YON NI, SNGAR BSHAD PA DE ZHI BA'I BTUNG BA LHA'I BDUD RTZI BZHIN DU MYANGS PA STE BSTEN NO, DNGOS GRUB RTAG PA STE SLAR MI LDOG PA THOB PAR 'GYUR RO, ,DE LTAR NA MI 'CHI BA STE BDUD RTZI BCU'I PHYED DE LNGA PO'I BCUD LEN GYIS, BDE BA'I RTEN KUN DA LTA BU RGYAS PAR BYAS NAS MTSAN NYID TSANG BA'I PHYAG RGYA MA BSTEN PA 'DI NI, DNGOS GRUB GNYIS PO THAMS CAD 'JUG PA STE THOB PAR BYED PA YIN NO, ,GSUM PA NI, MCHOD BZHI ZHES SOGS LA GZHUNG YANG MI 'DRA BA DANG, 'CHAD TSUL MI 'DRA BA MANG YANG, SNGAR LE'U'I BSDUS DON GYI SKABS SU BSHAD PA LTAR, N'A RO PA'I LUGS KYI PHYAG RGYA BZHI SGROM PA LA 'CHAD DO, ,DE YANG GSANG BA MCHOG CES PA AE Bm MA YA LA BSHAD PA'I YI GE BZHIS RIM PA BZHIN DU, LAS RGYA DANG, CHOS RGYA DANG, PHYAG CHEN DANG, DAM RGYA STON PAR KHA SBYOR LAS GSUNGS PA'I PHYAG RGYA BZHI NI 'DIR MCHOD PA BZHI'O, ,MCHOD PA'I SKAD DOD P'U DZA LA NGES TSIG GIS BSHAD PAS YID GANG BAR BYED PA ZHES PAR 'GYUR LA, PHYAG RGYA
, ,BZHI THUN BZHIR BSGOMS PAS KYANG YID BDE BAS GANG BAR BYED DO, ,DPA' BO CHEN PO HE RU KA'I NGA RGYAL DANG LDAN PAS RANG GI YID LA GANG 'DOD PA'I PHYAG RGYA SGOM PAR BYED DO, ,DE'I TSE DBANG PO GNYIS SNYOMS PAR 'JUG PA LA BZHI LAS, LAS RGYA'I SKABS SU NI DBANG PO GNYIS DNGOS SU SNYOMS PAR 'JUG GO ,DAM RGYA'I SKABS SU NI YID KYIS BSGOMS PA'I DBANG PO GNYIS SNYOMS PAR 'JUG GO ,CHOS RGYA'I SKABS SU NI DPYID DANG THIG LE GNYIS SNYOMS PAR 'JUG PA LA DBANG PO GNYIS SNYOMS PAR 'JUG PA'I THA SNYAD BTAGS PA TZAM MO, ,PHYAG CHEN GYI SKABS SU NI BDE BA CHEN PO DANG STONG PA NYID GNYIS SNYOMS PAR 'JUG PA LA, DBANG PO GNYIS SNYOMS PAR 'JUG PA ZHES BYA'O, ,DE LTAR SNYOMS PAR 'JUG PA'ANG STE LAS KYANG LHAN SKYES KYI BDE BAS DE KHO NA NYID 'DZIN NO, ,'DI PHYAG CHEN GCIG PU LA SBYOR MOD KYANG BZHI KA LA SBYAR TE BZHI KA BSGOMS PAS LHAN SKYES KYI BDE BA 'DREN LA, DE DRANGS PA NA BZHI KA'I SKABS SU YANG STONG NYID DANG SBYAR DGOS SO, ,'DI'I 'OG TU GSAL BAR STON NO, ,RDO RJE NI BCOM LDAN 'DAS HE RU KA YIN LA DE 'DZIN PA NI 'DI'I RNAL 'BYOR PA'O, ,DE YIS PHYAG RGYA BZHI LA BRTEN NAS SNGAR BSHAD PA'I BDE STONG SBYOR BA DE LTA BUR NI BYED PA YI BDE BA LA, LHA DANG MI RANG DGA' BA'I BDE BA NI PHYOGS GCIG TU BSDUS PAR BYAS PAS BCU DRUG GI CHAR YANG MI PHOD DO, ,ZHES GSUNGS TE, RDZOGS RIM LA NUS PA KHYAD PAR CAN RNYED PA'I SKABS LA DGONGS SO, ,BSHAD PA DE RNAMS PHAL CHE BA NI, MKHAS PA MAR DO'I BSHAD PA YIN TE, N'A RO PA'I BSHAD SROL LA SHIN TU LEGS PAR SNANG NGO, ,RGYA 'GREL MANG POS
KYANG MCHOD BZHI PHYAG RGYA BZHI LA BSHAD LA, RDO RJE MKHA' 'GRO LAS MCHOD BZHI BSKYED RIM LA SBYAR BA NI, LVA BA PAS RDO RJE BZHIS SKYED LA SBYAR BA LTAR RO, ,GZHUNG LHAG MA NI RDZOGS RIM LA SBYAR RO, ,BZHI PA GSANG BA SGRUB PA'I GNAS LA SGRA JI BZHIN PA NI, TSANG TSING NI NAGS TSAL 'KHRIGS PA'O, ,SMAN LJONGS ZHES PA LO CHEN DANG MAL GYI 'GYUR LA MED LA, DE'I DOD LA PHUG DANG RI SU LA ZHES 'BYUNG NGO, ,NGOGS NI 'GRAM MO, ,GDOD NAS GRUB PA NI SNGON CHAGS PA'I DUR KHROD DO, ,BRDAS BSHAD NA, BUD MED KYI PHYAG RGYA NI BDE BA CHEN PO'I BDAG NYID KYIS MU STEGS BYED KYI BDAG TU LTA BAS MI GA-YO BAS NA RI BO'O, ,SEMS CAN DMAN PAS GTING DPAG PAR MI NUS PAS NA TSANG TSING NGO, ,BDUD RTZIS BKANG BA'I KHUNG BU YIN PAS NA PHUG GO ,THABS SHES SBYOR BAS ZAB PA DANG RGYA CHE BA'I CHU'I 'GRAM MO, ,GDOD NAS GRUB PA NI SKYA 'GAG SPANGS PA'I DE KHO NA NYID LA, BDE CHEN GYIS DMIGS PAS DE'I RANG BZHIN DU BYAS PA'O, ,'DOD CHAGS CHEN PO'I MES NYAN RANG GI BYANG CHUB BSREG PAS NA DUR KHROD DO, ,SGRAS ZIN DANG BRDAS BSHAD PA'I GNAS DAR NI SNYING PO LEN PAS NA DKYIL 'KHOR TE, MAndA NI SNYING PO DANG, L'A TI NI LEN PA'O, ,SNYING PO LEN PA'I PHYI NANG GI DKYIL 'KHOR NI THIG LA SOGS PAS BRI BA DANG, YID KYIS BRI BA STE BSGOM PAR BYA'O, ,DE'I DANG PO LTAR NA LE'U GNYIS PA DANG 'BREL LA, GNYIS PA LTER NA RIM PA GNYIS KYI DKYIL 'KHOR SGOM PA'I SKABS RNAMS SU 'BREL LO, ,GNYIS PA NI, DPAL HE RU KA MNGON PAR BRJOD PA BSDUS PA'I RGYUD LAS, SNGAR 'BYUNG BZHI SOGS LUS LA SBYAR BA'I LUS
, ,KYI DKYIL 'KHOR DANG, GLENG GZHI'I BHA GA LA BZHUGS SO ZHES PAS BHA GA'I DKYIL 'KHOR DANG BYANG CHUB SEMS KYI DKYIL 'KHOR YANG BSTAN PA'I DKYIL 'KHOR LA LE'U 'DIS 'JUG PAR BYED PAS DKYIL 'KHOR LA 'JUG PA'O, ,DE'I LE'U NI PA RI TSE DA ZHES PA YONGS SU BCAD PA STE BRJOD BYA'I DON GYI YONGS SU BCAD PA DANG, RJOD BYED GZHUNG GI YONGS SU BCAD PA GNYIS SO, ,DANG PO NI NGA GCIG YOD PA'I GRANGS KYI DANG PO'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SPAS PA'I DON KUN GSAL BA LAS LE'U DANG PO'I BSHAD PA'O,, ` ,,GNYIS PA LHAG MA ZHE DGUS DON DE RGYAS PAR BSHAD PA LA GNYIS, RIM GNYIS SGOM PA SOGS KYI SNOD RUNG DU BYA BA DANG, SNOD DU RUNG BA LA GSANG BA RGYAS PAR BSHAD PA'O, , DANG PO LA GNYIS, DKYIL 'KHOR BRIS TE BSGRUBS PA LA MCHOD PA DANG, BSGRUBS PA'I DKYIL 'KHOR DER DBANG BSKUR BA'O, ,DANG PO LA GSUM, SLOB DPON GYI MTSAN NYID, DES CHO GA JI LTAR BYA BA, LE'U YI MTSAN BSTAN PA'O, ,DANG PO NI, BLA MA LA MA BLTOS PAR RGYUD LA RANG DGAR 'JUG PA DGAG PA'I PHYIR RTZA RGYUD 'DIR GZHUNG DKRUGS TE GSUNGS PA, BSHAD RGYUD LAS 'KHRUGS BSDEBS TE BSHAD PA LTAR BSHAD DO, ,'DIR SLOB DPON MTSAN NYID JI LTA BU DANG LDAN PAS DKYIL 'KHOR GYI CHO GA BYA ZHE NA, DKYIL 'KHOR GYI SLOB DPON NI RGYUD LAS GSUNGS PA'I MTSAN NYID THAMS CAD DANG LDAN PA'O, ,ZHES SPYIR BSTAN NAS, KHYAD PAR DU STON PA NI, YANG DAG PA'I DE KHO NA NYID KYI DON BDE BA CHEN POS SHES PA DANG, BDE MCHOG LA SOGS PA'I RGYUD KYI RDO RJE'I TSIG RNAMS
SHES PA DANG, DPAL LDAN KHRAG 'THUNG HE RU KA'I GSANG SNGAGS RNAMS LEGS PAR SHES NAS ZLO BA'I BSNYEN PA SNGON DU SONG BA STE, SDOM 'BYUNG LAS, 'DI LTAR KHA CIG GSOL 'DEBS PA'AM, ,RANG NYID BSOD NAMS 'DOD PA YIS, ,DANG POR RANG LHA'I BDAG NYID KYIS, ,'KHOR LO LA GNAS SNGON BSNYEN BYA, ,ZHES GSUNGS PA LTAR RO, ,BZLAS PA'I GRANGS NI, GTZO BO'AM RANG GI LHA'I SNGAGS 'BUM PHRAG DANG, GZHAN RNAMS KYI KHRI BZLA BAR MNGON BRJOD LAS BSHAD DO, ,KHRO BA MED PA NI 'PHRAL DU GNOD PA BYAS PA LA SEMS MI 'KHRUG PA'O, ,GTZANG BA NI RTZA LTUNG SOGS KYIS MA GOS SHING SEMS 'KHYOG PA'I SKYON DANG BRAL PA'O, ,MKHAS PA NI SNGOM 'BYUNG LAS, RAB GNAS GTOR MA'I PHA ROL SON, ,SBYIN SREG DKYIL 'KHOR DE NYID SHES, ,RIG PA'I GNAS NI THAMS CAD RIG ,CES GSUNGS PA LTAR RO, ,SBYOR SHES NI ZHI SOGS KYI LAS SBYOR SHES PA'O, ,YI SHES PHA ROL 'GRO NI DE LTAR SHES PA'I PHA ROL TU SON PA'O, ,DE 'DRA BA'I MTSAN NYID DANG LDAN PA DES DKYIL 'KHOR GYI CHO GA BYA'O, ,GNYIS PA LA BZHI, SA'I CHO GA DANG, DKYIL 'KHOR BRI SGRUB KYI CHO GA DANG, BUM PA SGRUB CING DGOD PA DANG, DKYIL 'KHOR MCHOD PA'I CHO GA'O, ,DANG BO LA GNYIS, SA SBYANG BA DANG, SA GZUNG PA'O, ,DANG PO NI, SA BRTAG PA DANG BRKOS NAS SBYONG BA NI RDO RJE MKHA 'GROR BSHAD LA, SA RKO BA SOGS KYI SBYANG BA MI DGOS PA LA DE DANG SDOM 'BYUNG NAS GSUNGS PA LTAR GYI SBYANG BA BYA'O, ,DKYIL 'KHOR BRI BA DE LA BA'I LCI BA LDING BA STE SA LA MA LHUNG BA YIS, DKYIL 'KHOR GANG DU BYED PA'I SA NI NYE BAR BYUG GO ,DES NI BA BYUNG LHAG MA YANG MTSON PAS BA BYUNG LNGAS BYUG ,DE TZAM GYIS CHOG GAM SNYAM NA, DUR KHROD DU RO BSREGS PA'I THAL BA DANG YANG LDAN PAR BYA LA, DER YANG MA ZAD MI 'CHI BCU PHYED DE BDUD RTZI LNGA DANG YANG BCAS PA YIS, DKYIL 'KHOR SA NI NYE BAR BYUGS TE, DE RNAMS KYIS NI SA SBYANG BA
, ,STON NO, ,BYUGS PA'I SA DER NI DKYIL 'KHOR BRI BA YANG DAG PAR BRTZAM PAR BYA'O, ,RTZAM PA'I GZHI DE YANG DUR KHROD DU NI KUN TU SPYOD PA'AM, DUR KHROD MIN NA YANGS DE DUR KHROD KYI GNAS DE RU NI BSAM PAR BYAS NAS DKYIL 'KHOR BRTZAM MO ZHES SBYAR RO, ,TSIG GNYIS PA MAL GYI 'GYUR LA MA BYUNG ZHING, LO CHEN DANG MAR DO'I 'GYUR GNYIS KA LAS 'BYUNG BAS, RGYA DPE LA MI 'DRA BA YOD PAR GSAL BAS RGYA DPE GCIG LA MA BYUNG BAS RGYA DPE LA MED CES MI BYA'O, ,GNYIS PA NI, BLA MA MAL GYI LUGS KYIS, THOD PAS SPYI BOR ZHES PA NAS GA CHAR 'GYUR ZHES PA'I BAR 'DI RNAMS SA GZUNG BAR BZHED PA NI, BSHAD RGYUD GNYIS DANG MTHUN PAS LEGS PA YIN TE, SNGOM 'BYUNG LAS, SLOB DPON LHA'I BDAG NYID CAN LA GSOL BA GANG BA CING, DES RDOR DRIL BZUNG NAS BGEGS SKROD PA SA GZUNG BAR GSUNGS PA DANG, RDO RJE MKHA' 'GRO LAS KYANG, SA CHOG GI SKABS SU RANG KHRO BO CHEN POR BSGOMS NAS PHUR GDAB BYAS PA'I RJES SU MDA'I DRA BA DANG, RDO RJE'I RA BA DANG RDO RJE'I SA GZHI BYA BAR GSUNGS PA NYID RTZA RGYUD KYI GZHUNG 'DI DAG GI DON DU SNANG BA'I PHYIR RO, ,DE LA SNGON DU SLOB DPON CHAS SU 'JUG PA NI, SANGS RGYAS RIGS LNGA'I GZUGS BRIS PA'I THOD PA'I 'PHRENG BAS SPYI BO STE MGO LA SKYES PA'I RAL PA'I COD PAN LA BRGYAN PAR BYAS SHING YAN LAG THAMS CAD RO BSRAGS PA'I THAL BA DANG BDUD RTZI LNGAS BYUGS PA DANG RNA RGYAN DANG MGUL RGYAN SOGS KYI PHYAG RGYA DAG GIS RANG GI LUS BRGYAN PAR BYA'O, ,GUG SKYED DAG GIS LUS BRGYAN CING, ZHES 'GYUR KHA CIG LAS 'BYUNG YANG, PHYAG RGYAR BSGYUR BA LEGS SO, ,RUS 'PHRENG ZHES PA LA LO CHEN GYIS, RUS
'PHRENG RUS PAR YANG DAG GNAS, ZHES BSGYUR LA, DE'I DON NI RUS PA'I RGYAN GYIS BRGYAN PA LA BSHAD DE, RUS PA'I MCHOD PHYIR THOGS SU MNGON NO, ,DUM BU GCIG PA'I THOD PA LAS BYAS PA'I 'KHOR LOS SPYI BOR BRGYAN PA DANG, RUS PA'I 'PHRENG BA RNAM PAR 'PHYANG BA NI MGO 'PHRENG LNGA BCU'I DO SHAL LE, ,KHA t'm GA NI LAG PA GA-YON PA'I GRU MO NA GNAS PA NI, SLOB DPON BDAG NYID DKYIL 'KHOR GYI DBUS SU DPAL KHRAG 'THUNG HE RU KA'I CHAS SU BYAS PA'O, ,DE LTAR BYAS PA DE NAS DPAL KHRAG 'THUNG DRAN PAR BYA BA NI DE'I SGRUB THABS SGOM PA'O, ,SKAL LDAN GYIS HE RU KAR BYAS PA DAM TSIG PAR BSKYED PA DANG, DE DRAN PAR BYAS PA NI YE SHES PA DRAN PA LA 'CHAD DO, ,HE RU KAR BSGOMS PA 'DI'I SNYING GAS MTSON PA'I LUS DKYIL GYI GNAS RNAMS SU LHA SO BDUN GYI 'KHOR LO DGOD CES PAS LUS DKYIL SGOM PA BSTAN TO, ,BDAG NYID DE LTAR PHYI NANG GI DKYIL 'KHOR SGOM PA'I GO BGOS NAS TE BSGOMS PA'I MTHAR, BGEGS GZHOM PA SOGS BYA'O, ,DE LTAR SNGAR YOD KYI BGEGS BCOM NAS, PHYIS MI 'JUG PAR BYA BA'I PHYIR PHYOGS DANG MTSAMS SU RDO RJE'I RA BA RNAMS NI DGOD PA DANG, PHYOGS SU BKOD PAR MA ZAD SA'I 'OG TU YANG NI GSER GYI SA GZHI LA THUG PAR MTSON CHA DGOD PA STE SNA TSOGS RDO RJE'I SA GZHIR BYA'O, ,MAR DO RGYANG PA'I 'GYUR LAS, 'KHOR LO'I BDAG NYID MTSON CHA MNYAM, ZHES 'BYUNG, LO TZ'A BA GNYIS 'DUS KYI 'GYUR LAS, 'KHOR LA MTSON CHA'I 'PHRENG BA DAG ,CES 'BYUNG YANG, LO CHEN GYI 'GYUR LAS, 'KHOR LO'I BDAG NYID BKOD NAS NI, STENG DU SOGS 'BYUNG BA LTAR BYA STE, PHYOGS DANG 'OG TU BSRUNG BA'I 'KHOR
, ,LO'I BDAG NYID BKOD NAS STENG DU MDA' YI DRA BA BYA ZHES PA'I DON DU BYA'O, ,STENG DU MDA'I DRA BA BYAS PA LAS, SLAR YANG MKHA' SPYOD DE STENG DU RDO RJE'I GUR BYAS PA 'DI NI BDAG NYID LA BGEGS KYIS MI TSUGS PA'I GO CHAR 'GYUR RO, ,'GREL PA KHA CIG GIS STENG NAS YE SHES SEMS DPA' SPYAN DRANGS TE DAM TSIG PA LA BSTIMS PA'I RJES SU SLAR YANG STENG DU GUR BYA ZHES 'CHAD DE, 'DI'I SNGON DU GUR BYED PA MA BYUNG BAS MI 'GRIG GO ,SNGAR BSHAD PA DE LTAR GO CHA DE RNAMS BGOS NA, SUM CU RTZA GSUM PA'I LHA'I DBANG POS KYANG MI PHYED PA STE GZHIG PAR MI NUS NA, BGEGS GZHAN GYIS LTA CI SMOS ZHES LHA'I RNAL 'BYOR DANG BSRUNG 'KHOR GYI CHE BAR BSTAN TO, ,GNYIS PA LA GNYIS, DKYIL 'KHOR BRI BA DANG, DKYIL 'KHOR BSGRUB PA'O, ,DANG PO NI, SNGAR BSHAD PA DE LTAR BDAG NYID RAB TU BSRUNGS SHING RTZA BA'I SNGAGS LA SOGS PA DANG, RDO RJE PHAG MO'I PHYAG RGYAS RNAM PAR BRGYAN NAS DNGOS GRUB THAMS CAD RAB TU STER BA'I 'JIGS PA STE KHRO BO'I DKYIL 'KHOR BRI BAR BYA'O, ,ZHES MDOR BSTAN TO, , RTZA RGYUD DU SNGON LA TSON GYIS DANG, DE NAS THIG GIS BRI BAR GSUNGS PA 'KHRUGS PA LA, BSHAD RGYUD LAS 'KHRUGS BSDEBS TE BRI BAR BSHAD PA LTAR BSHAD DO, ,'DI LA GNYIS, THIG GIS BRI BA DANG, TSON GYIS BRI BA'O, ,DANG PO NI, SA'I CHO GA BYAS BA'I RJES DE NAS THIG 'DEBS PA LA, THIG SKUD NI SEMS MED PA STE RO'I SRAD BU'O, ,DE NI MI RO DANG LHAN CIG DUR KHROD DU BSKYAL BA'I SKUD PA SA LA MA LHUNG BA'AM, MI RO'I RGYUS PA LA BYAS PA'I THIG SKUNG LA 'CHAD DO, ,'AM ZHES PAS DE
MED NA BDUD RTZI LNGA DANG BCAS PA'I KHRAG CHEN PO STE MI YI KHRAG GIS BSGOS PA'I THIG SKU DKYIS KYANG DPAL HE RU KA'I PHO BRANG MCHOG GI DKYIL 'KHOR 'JIGS PA'I THIG GDAB PAR BYA'O, ,'AM MED PAR BSHAD PA YANG YOD DO, ,'DI NI LAS KYI THIG SKUD GSHER THIG YIN LA, YE THIG NI BSHAD RGYUD GNYIS LAS NYER LNGA PA'I THIG SKUD KHA DOG SNA LNGA BAR BSHAD PA'O, ,DKYIL 'KHOR CHE CHUNG GI TSAD NI RTZA BA'I THIG KHRU GANG PA'AM KHRU BZHI PA'AM KHRU BRGYAD PA'O, ,SDOM 'BYUNG LAS, KHRU PHYED SOGS NAS YANG DAG BRTZAM, ,KHRU BRGYA YI NI BAR JI SRID, CES KYANG GSUNGS TE, SLOB MA'I 'BYOR BA CHE CHUNG LA SOGS PA'I DBANG GIS MTHA' GCIG TU MA NGES SO, ,RTZA THIG GI TSAD DE LA DKYIL 'KHOR SGO BZHI PA DANG, ZUR TE GRU BZHI PA RTA BABS BZHI YIS RNAM PAR BRGYAN PAR BYA'O, ,KUN NAS ZHES PA NI RTZA THIG GI PHYOGS KUN NAS MNYAM PA'O, ,DKYIL 'KHOR 'DRI BA'I SNGAGS PAS THIG SKUD KYI SRID TSAD DKYIL 'KHOR GYI NYIS 'GYUR DU RNAM PAR DPYAD PA'AM BRTAG STE, SDOM 'BYUNG LAS, RING BA 'KHOR LO'I NYIS 'GYUR TE, ,SGO YI NYI SHU CHA DAG GO ,ZHES PHRA SBOM GYI TSAD SGO YI NYI SHU CHAR GSUNGS SO, ,RDO RJE PHRENG BA LAS THIG SKUD CHA CHUNG RE BZHI BA'I PHYOGS LA RTZA THIG NAS RTZA THIG GI BAR GYI NYIS 'GYUR DANG, CHA CHUNG GO DRUG PA'I PHYOGS LA MDA' YAB NAS MDA' YAB KYI BAR GYI NYIS 'GYUR DU BSHAD DE, 'DI DAG GI RNAM GZHAG RGYAS PAR L'U AI PA'I SGRUB THABS KYI RNAM BSHAD DU BSHAD ZIN TO, ,LVA BA PA'I 'GREL BAR, CHA 'PHEL BA YI RIM GYIS NI, ,BLO BZANG DKYIL 'KHOR THIG GDAB BYA, ZHES PA'I GZHUNG 'BYUNG BA GZHAN LA CHAD DO, ,
, ,MKHA' 'GRO NI DPA' BO DANG DPA' MO'O, ,DRA BA NI DE DAG GI TSOGS SO, ,BDE MCHOG NI GTZO BO'O, ,DE RNAMS MCHOD PAR GSUNGS PA NI 'OG TU 'BREL PAR 'CHAD KYANG, LAS THIG THEBS PA'I 'OG TU LHA STA GON GYI DKYIL 'KHOR MCHOD PA'I DON YIN PAS, GZHUNG GI 'KHRUGS BSDEB MI DGOS SO, ,'DI DAG GI SHES BYED GZHAN DU GSAL BAR BSHAD ZIN PAS 'DIR MA SPROS SO, ,DE LTAR NA RTZA RGYUD DU LHA DANG BUM PA STA GON GNYIS GSUNGS LA, STA GON LHAG MA NI BSHAD RGYUD LAS GSUNGS PAS KHA BSKANG NGO, ,GNYIS PA NI, 'DIR RDUL TSON JI LTA BUS DKYIL 'KHOR BRI SNYAM NA, DUR KHROD LAS BYUNG BA'I TSON SNA LNGAS BYA STE, TSON SNGON PO NI RO BSREGS PA'I SOL BA'I PHYE MAS BYA'O, ,TSON DMAR PO NI DUR KHROD KYI SO PHAG GIS SO, ,TSON DKAR PO NI MI RUS KYI PHYE MAS SO, ,TSON SER PO NI YUNG BA DANG MI RUS KYI PHYE MA LHAN CIG SBYAR BAS SO, ,TSON LJANG KHU NI MI KYI PHYE MA DANG LO MA LJANG KHU'I PHYE MA DANG LDAN PA YIS DKYIL 'KHOR BZANG PO BRI BAR BYA'O, ,SDOM 'BYUNG LAS, PHYE MA RIN CHEN LNGA RANG BZHIN, ,YANG NA 'BRAS LA SOGS RNAMS KYIS, ZHES KYANG GSUNGS PAS, DUR KHROD KYI RDZAS LAS BYUNG BA'I TSON NI DKYIL 'KHOR BYE BRAG PA 'GA' ZHIG LA DGONGS SO, ,TSON RTZI RNAMS BYIN GYIS BRLABS LA, DE NAS TSON DES DKYIL 'KHOR DE'I DBUS SU SNA TSOGS PADMA NI LTE BA 'DAB MA BRGYAD DANG BCAS PA, 'BAR BA DANG BCAS PA STE 'OD ZER 'BAR BA'I RNAM PA CAN GZHAG PA STE BRI BAR BYA'O, ,GE SAR YANG DAG LDAN PA NI ZE'U 'BRU DANG GE SAR GNYIS YOD PA'I DANG PO NI LTE BA
YIN LA, GNYIS PA NI LTE BA DANG 'DAB MA'I MCHAMS SU KHA DOG DMAR SER GYI RNAM PA CAN GYI RI MOS 'KHOR BA STE DE YOD PAR BYA'O, ,DES MTSON NAS SKU GSUNG THUGS KYI 'KHOR LO RNAMS KYANG BRI STE, GZHAN DU RGYAS PAR BSHAD ZIN TO, ,DE LTAR RTEN GYI DKYIL 'KHOR BRIS PA LA BRTEN PA'I DKYIL 'KHOR BRI TSUL NI, MNGON BRJOD LAS LHA RANG RANG GI YI GE STE SA BON DANG, PHYAG MTSAN DANG, LHA SO SO'I PHYAG GIS RANG GI PHYAG RGYA 'CHING BA'I RNAM PA DANG, LHA SO SO'I GZUGS BRNYAN DANG, ME TOG GI TSOM BU DGOD PAR GSUNGS LA, LTE BAR DGOD BYA DPA' BO SOGS KYIS KYANG DKYIL 'KHOR LA LHA'I SKU BRIS PA BSTAN PAR 'CHAD PA YANG YOD DO, ,HA HA ZHES PA'I SGRA CHER BZHAD, CES PA DANG BSTUN NA LHA DAM TSIG PA DKYIL 'KHOR DU YID KYIS DGOD PA LA YANG GSAL BAS, SPYIR GNYIS KA LA BSHAD DU RUNG YANG GTZO BOR DKYIL 'KHOR SGRUB PA LA BYA'O, ,GNYIS PA NI, DE LTAR RTEN DANG BRTEN PA'I DKYIL 'KHOR GYI MTSAN MA GANG RUNG BRIS ZIN PA DANG, DKYIL 'KHOR SGRUB PA LA KUN SPYOD DANG SDOM 'BYUNG GI DGONGS PA L'U AI PA'I LUGS LTAR RTEN DANG BRTEN PA GNYIS KA DUS GCIG TU SKYED PA YIN NA, RLUNG NAS RI RAB DANG PADMA'I BAR DU BSKYED PA'I MTHAR, LE'U NGA GCIG PA LAS GSUNGS PA LTAR, DBYANGS GSAL SOGS KYI MNGON BYANG LAS RTEN DANG BRTEN PA BSKYED PA'I 'OG TU GZHAL YAS KHANG GSAL GDAB, DE NAS 'DIR BSHAD PA BZHIN DU LHA RNAMS GSAL GDAB BO, ,MNGON BRJOD LTAR RTEN SNGON DU BSKYED NAS BRTEN PA RJES SU SKYED PA YIN NA, SNGON DU RI RAB KYI BAR RANG RANG GI SA BON LAS
, ,BSKYED, RNAM SNANG LAS GZHAL YAS KHANG BSKYED PA'I 'OG TU DBUS KYI PADMA'I LTE BAR MNGON BYANG LAS LHA RNAMS BSKYED PAR BYA'O, ,DE YANG PADMA'I LTE BAR DGOD PAR BYA BA'I DPA' BO HE RU KA NI 'JIG RTEN NA MTHU CHE BAR GRAGS PA'I 'JIGS BYED DE DBANG PHYUG KYANG NI, 'JIGS PAR MDZAD PA GZI BRJID CHEN PO SHIN TU 'BAR BA, HA HA ZHES PA'I SGRA CHEN POS NAM MKHA' KHYAB PAR BZHAD PA DBU RE RE LA THOD PA SKAM PO LNGA LNGA'I 'PHRENG BA'I RGYAN DANG LDAN PA, BDE BA CHEN PO'I NGO BO NYID DU GYUR BAS NA BZANG PO, ZHAL BZHI MNGA' BA'I ZHAL RE RE LA SPYAN GSUM GSUM DANG LDAN PA, GLANG PO CHE DKAR PO'I PAGS PA RLON PA RNAM PAR BGOS PA STE MGO GA-YAS DANG SPU PHYIR BSTAN NAS RGYAB TU BKAB PA, DPRAL BA'I RDO RJE PHRENG BA'I MTHAR THUG PA'I BAR DU SMIN MA BZANG PO 'BYES PA STE GYES PA, PHYAG GA-YON NA KHA t'Am GA DANG MI'I THOD PA BSNAMS PA, BRGYA PHYED DE MI MGO RLON PA LNGA BCU RGYU MA RLON PA LA BRGYUS PA'I PHRENG BAS MGUL PA LA RNAM PAR BRGYAN PA'O, , HE RU KA DE'I MDUN NA 'KHYUD PA'I TSUL GYIS GNAS PA'I LHA MO NI, RDO RJE PHAG MO GDUG PA CAN LA BSDIGS PAR MDZAD BAS NA RAB 'JIGS MA, DPAL HE RU KA LA MDUN PHYOGS PAR BYAS NAS BZHUGS PA, SPYAN GSUM PA DRAG MO'I GZUGS CAN MA, KA P'A LA'I NANG NI BDUD RNAMS KYI AANT'A STE RGYU MA DANG KHRAG GIS BKANG BA PHYAG GA-YON PAS 'DZIN PA, KHA NAS RU D+TI RA STE KHRAG 'DZAG CING, PHYAG GA-YAS PAS LHA DANG LHA MIN DANG MIR BCAS PA LA PHYOGS KUN TU NI SDIGS
MDZUB BYED PA'O, ,GTZO BO YAB YUM GYI PHYAG MTSAN GSAL BAR MA BSHAD PA NI, RTZA RGYUD KYI DON BSHAD RGYUD KYIS MI 'DRA BA DU MAR 'CHAD PA LA DGONGS PA YIN PAS, RTZA RGYUD KYI DON TSANG BA NI PHYOGS RE BA LA MI GZUNG NGO, ,'ON KYANG LO NAG DRI LA GSUM LA SOGS PA'I CHO GA LAG TU LEN PA LA NI, SKABS SU GANG BAB KYI LUGS DANG BSTUN LA 'DI DAG GI DON BSHAD PAR BYA STE, DPER NA L'U AI PAS YUM GYI PHYAG GA-YAS NA RDO RJE BSNAMS PA DANG, DRIL BU PAS GRI GUG BSNAMS PAR BSHAD PA GNYIS KA'ANG RTZA RGYUD KYI DON DU 'GYUR BA LTA BU'O, ,DE BZHIN DU YAB KYI PHYAG MTSAN LHAG MA YANG BSHAD RGYUD LAS MI 'DRA BA MANG DU BSHAD PAS, SKABS SU GANG BAB KYI BSHAD PA DANG SBYAR RO, ,DE DAG KYANG SO SO'I LUGS KYI SGRUBS THABS LAS SHES DGOS PAS 'DIR MA BSHAD DO, ,LHAG MA RNAMS LA'ANG DE BZHIN DU SHES PAR BYA'O, ,RDO RJE PHAG MO YI NI RIGS LAS BYUNG BA'I MKHA' 'GRO MA NI RAB GTUM MA LA SOGS PA NYI SHU RTZA BZHI RNAMS, SHAR LA SOGS PA'I PHYOGS BZHIR 'GOD PA NA SHAR NAS GA-YON SKOR DANG, ME NAS MTSAMS GA-YAS SKOR DU BSGOMS LA MCHOD PAR BYA'O, ,'KHOR LO'I DBUS SU ZHES PA NI GZHAL YAS KHANG GI NANG DU ZHES PA'AM, YANG NA 'KHOR LO'I RTZIBS KYI DBUS ZHES PA'O, ,DPA' MO NYER BZHI KHO NA'AM ZHE NA, DPA' MO NYER BZHI BSGOMS NAS MCHOD PA DE BZHIN DU, GZHAL YAS KHANG 'DIR NI DPA' BO NYER BZHI YANG BSGOMS LA MCHOD PAR BYA'O, ,'KHOR LOR YANG DAG GNAS PA NI 'KHOR LO'I RTZIBS KYI DBUS SU GNAS PA'O, ,GAL TE SGRUB PA PO DNGOS
, ,GRUB 'DOD NA DPA' MO DANG GNYIS SU MED PA STE YUM DANG BCAS PA'I DPA' BO MCHOD PAR BYA'I GANG RUNG RE RE NI MIN NO, ,'OG GI MA MO ZHES PA GNYIS KYIS MA MO BCU GNYIS PO DGOD PA BSTAN PAR BLA MA SNGA MA RNAMS BZHED PA LEGS PAS, MA MO BCU GNYIS PO THAMS CAD KYI NANG NAS MKHA' 'GRO MA LA SOGS PA BZHI NI PADMA'I LTE BA'I PHYOGS BZHI DANG, KHVA GDONG MA LA SOGS PA BZHI NI SGO'I PHYOGS BZHIR DGOD LA, GSHIN RJE BRTAN MA SOGS BZHI NI SGO'I MTSAMS BZHIR DGOD PA STE BSGOM PAR BYA'O, ,DE BZHIN DU THOD PA DANG BCAS PA'I BUM PA BZHI'AM THOD PA BZHI NI PAD 'DAB KYI MTSAMS BZHIR DGOD DO, ,DE DAG NI DAM TSIG PA BSKYED PA'O, ,'KHOR GYI LHA RNAMS LA'ANG RTZA RGYUD LAS PHYOGS GCIG LA GSAL KHA MA BRJOD PA NI, BSHAD RGYUD RNAMS LAS LHA'I SKU MDOG DANG GRANGS DANG PHYAG MTSAN SOGS MI 'DRA BA DU MA 'CHAD PA LA DGONGS LA, LO DRIL SOGS DA LTA LAG LEN BYED PA LA NI, RANG RANG GI SGRUB THABS KYI STENG NAS 'DI DANG SBYAR DGOS PAS 'DIR MA BKOD LA, PHYOGS GCIG LA GSAL KHA MA GTOD PA NYID BSHAD RGYUD DANG SBYAR NA 'CHAD BDE BAS, 'DIR YANG PHYOGS RE BA'I BSHAD PA MA BYAS TE, SKABS GZHAN DU YANG DE BZHIN DU SHES PAR BYA'O, ,YE SHES PA GZHUG PA NI, NAM MKHA'I MKHA' 'GRO MA STE THUGS 'KHOR GYI DPA' MO YE SHES PA RNAMS NI, RANG GI YID KYIS THAMS CAD STENG DU STE NAM MKHA' LA SPYOD PA'I THUGS 'KHOR DAM TSIG PA LA DGOD PA STE DE LA GZHUG GO, SA STENG STE SRUNG 'KHOR GYI MKHA'
'GRO MA YE SHES PA GANG YIN PA NI, DKYIL 'KHOR GYI GSUNG GI MKHA' 'GRO MA DAM TSIG PA LA DGOD PA STE GZHUG GO ,GANG YANG SA 'OG GI MKHA' 'GRO MA STE SKU 'KHOR GYI MKHA' 'GRO MA YE SHES PA DE RNAMS NI SA 'OG RNAMS SU STE SKU 'KHOR GYI DAM TSIG PA RNAMS LA DGOD DO, ,DKYIL 'KHOR DU ZHES PA NI SNGA MA DANG PHYI MA GNYIS LA YANG SBYAR LA, STENG DU DANG 'OG TU ZHES PA'I SHUGS KYIS BAR DU DGOD CES PA YANG GO BAR BYA'O, ,BLA MA RNAMS 'DI LTAR 'CHAD PA LVA BA PA DANG LHA SBAS KYI YANG DGONGS PAR SNANG NGO, ,DES NI DAM TSIG PA LHAG MA LA YANG YE SHES PA GZHUG PA MTSON PAR BYA'O, ,CHO GA LHAG MA NI DKYIL CHOG LAS SHES DGOS SO, ,DE LTAR NA 'DIR DBANG GI DKYIL 'KHOR DU LHA RE GNYIS DGOD PAR GSUNGS LA, DE KHO NAR MA NGES TE BSHAD RGYUD LAS LHA LNGA DANG, BCU GSUM DANG, SUM CU DANG, DPA' BO GCIG PA SOGS KYI DKYIL 'KHOR YANG BSHAD PAS, DE DAG GI DKYIL 'KHOR DU DBANG BSKUR BA SOGS KYANG SHES DGOS SO, ,GSUM PA NI, DKYIL 'KHOR SGRUB PA BSHAD ZIN PA DE NAS BUM PA BYA BA STE BYED TSUL NI BSHAD PAR BYA'O ZHES SBYAR RO, ,BUM PA LA RTZA BA STE ZHABS STEGS MED PA DANG, KHA DOG NAG PO DANG, SOGS KYIS BSDUS PA MI SDUG PA DANG, SER KA LA SOGS PA'I SKYON MED PAR BYA'O, ,BUM PA'I NANG RDZAS NI, MU TIG DANG GSER DANG RIN CHEN TE MU MEN DANG, BYU RU DANG DNGUL DANG, PHRENG BAR ZANGS MA YANG RIN PO CHE LNGA LA BGRANGS PAS RIN PO CHE LNGA DANG, BZA' BA NI BDUD RTZI LNGA'O, ,KUN GYIS NI 'BRU LNGA DANG SMAN LNGA LA SOGS PA YANG GZUNG NGO, ,DE RNAMS DANG BCAS PA'I CHU YIS
, ,LEGS PAR DGOD DO, ,BDUD RTZI LNGA LA SOGS PA DANG DRI BZANG PO'I CHUS BKANG BA'I SNOD THOD PA NI BUM PA'I STENG DU GZHAG PAR BYA'O, ,BUM PA'I MGRIN PA SRAD BUS DKRI BA DANG, KHA NI 'DAB MA STE SHING LO GSAR PAS BRGYAN PA DANG, RAS KYI GOS GSAR PA ZUNG GIS NI MGRIN PA LEGS PAR DKRIS PAR BYA LA, BSANG SBYANGS TE BUM PA SKYED BA DANG, DE'I NANG DU LHA SKYED PA DANG SNGAGS ZLO BA SOGS BYED PA NI BUM PA SGRUB PA'O, ,DE NAS DGOD PA NI, BUM PA BRGYAD NI SHAR LA SOGS PA'I SGO BZHI RU GNYIS GNYIS DANG BUM PA DGU PA NI MDUN DU DGOD PAR LVA BA PAS BSHAD PA NI SHAR DU DGOD PA LA BSHAD DO, ,DGU PA DBUS SU 'GOD PA LTAR NA GONG DU STA GON GYI DUS LA DGONGS PA 'DRA'O, ,BZHI PA LA GNYIS, DKYIL 'KHOR BRGYAN PA DANG, DKYIL 'KHOR MCHOD PA'O, ,DANG PO NI, GSER DANG DNGUL DANG MU TIG DANG DE DAG LAS GZHAN PA'I RIN CHEN RNAMS KYIS MDZES PAR BYA'O, ,LO CHEN GYI 'GYUR LA RAM ZHES PA MED DO, ,MDZES PAR BYED LUGS NI SNGAR BSHAD PA'I RIN CHEN DANG GSER LA SOGS PA RNAMS KYIS, DKYIL 'KHOR GYI SA GZHI'I PHYI'I PHYOGS KUN TU MDZES PAR SPRAS PAR BYA'O, ,GNYIS PA NI, GRONG MCHOG STE DKYIL 'KHOR YID DU 'ONG BA MCHOD NA NI, DNGOS GRUB 'GRUB PA NYID DU THE TSOM MED PAS MCHOD PAR BYA'O, ,SLOB DPON BDAG NYID LA DRI ZHIM PO'I CHU YIS LEGS PAR GDAB PAR BYA'O, ,SGO NI ZHAL LO, ,KUN NAS NI ZHAL BZHI PHYOGS KUN TU YOD PA STE RANG NYID HE RU KA ZHAL BZHI PAR BYAS PA LA GDAB CES PA'I, ,'DI DKYIL 'KHOR RDUL TSON GYIS BRIS ZIN NAS SGRUB PAR RTZOM PA'I SKABS LA 'CHAD DO, ,GAL TE DNGOS GRUB MCHOG
'DOD NA MAR ME BRGYA NI DBUL BAR BYA'O, ,GAL TE DNGOS GRUB MCHOG 'DOD NA MAR ME BRGYA DBUL BA DE BZHIN DU DRI BRGYA DANG ME TOG BRGYA DANG SPOS BRGYA DANG MAR ME BRGYA YANG DBUL BAR BYA'O, ,CHO GA ZHES PA'I RKANG PA GCIG LO CHEN DANG MAL GYI 'GYUR LA MED DO, ,MAR ME BRGYA LAN GNYIS SMOS PA'I DANG PO NI TIL MAR GYI MAR ME DANG ,GNYIS PA NI NGES PAR GZHAG DGOS PA'I PHYIR DU YIN TE, MAR ME BRGYA GTZO BO YIN PA'I PHYIR RO ZHES SKAL LDAN NO, ,YANG KHA CIG PHYI MA SGRA JI BZHIN PA DANG, SNGA MA SHA LNGA LA 'CHAD KYANG ,BHA BA BHA DRAS SNGA MA THUN MONG GI MAR ME DANG, PHYI MA MAR KHU CHEN PO'I MAR ME LA 'CHAD PA LTAR BYA'O, ,GANG LA MCHOD NA, HE RU KA ZHES PA'I RKANG PA GNYIS KYIS STON NO, ,RGYAL MTSAN LNGAS MCHOD PA YANG DKYIL 'KHOR LA YIN NO, DE BZHIN DU KHA DOG SNA TSOGS PA'I GOS ZUNG LHA RE RE LA RE RE DANG, MA 'BYOR NA THUN MONG DU GCIG GO ,STENG NAS 'PHYANG BA'I ME TOG GI PHRENG BA MI 'DRA BA DU MA DANG, STENG DU BLA RE DANG LOGS SU YOL BA DAG JI LTAR MDZES PA DE BZHIN BYA'O, ,DE BZHIN DU BZA' BA DANG, BCA' BA DANG ,BTUNG BA ZHIM PO YIS RAB MNYAM GZHAG PA STE YID RTZE GCIG TU BYAS TE DKYIL 'KHOR MCHOD PAR BYA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, DKYIL 'KHOR GYI 'KHOR LO DGOD PA DANG, DE LA MCHOD PA'I CHO GA'I LE'U STE GNYIS PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U GNYIS PA'I BSHAD PA'O,, ,,GNYIS PA BSGRUBS PA'I DKYIL 'KHOR DER DBANG BSKUR BA LA DRUG ,DANG POR BLA MA DANG LHA MNYES PAR BYA BA, DKYIL 'KHOR
, ,DU GZHUG CING DBANG BSKUR BA, YON DBUL BA PHAN YON DANG BCAS PA, DBANG BSKUR BA NGES PAR DGOS PAR BSTAN PA, DBANG BSKUR BA'I CHE BA BSTAN PA, LE'U YI MTSAN BSTAN PA'O, ,DANG PO NI, LE'U GNYIS PA BSHAD ZIN PA DE NAS GSUM PA 'CHAD DO ZHES SBYAR RO, ,SGRUB PA PO STE DBANG BSKUR BAR BYA BA'I BLOB MAS DANG POR TE DBANG GI SNGON DU SLOB DPON LEGS PAR MNYES PAR BYA'O, ,GANG GIS NA LUS NGAG YID KYI DNGOS PO KUN GYIS SO, ,DE YANG DNGOS GRUB 'DOD PAS SHIN TU MNYAM PAR BZHAG PA STE RTZE GCIG TU GUS PAS, NUS PA JI LTAR YOD PAS BLA MA MCHOD PAR BYAS TE, DBANG GI DON DU GSOL BA GDAB PAR BYA'O, ,DRIL BU SGRA SGROGS PA CAN STENG NAS DPYANGS PA DANG, ME TOG DANG SPOS RNAMS KYIS KYANG STENG NAS BRGYAN ZHING NGO, ,SHIN TU SGRA SNYAN PA'I DRIL BU DKROL BA DANG, SGRUB PA PO YIS RNGA STE CANG TE'U BRDUNG ZHING ,HA HA ZHES NI BRJOD PAR BYA'O, ,'DI LA BRDAS BSHAD NA LVA BA PAS DRIL BU NI LO GRANGS BCU DRUG MA'I BU MOR GSUNGS LA, RNGA NI LO GRANGS BCU GNYIS MA'O, ,ZHES GSUNGS PAS, SGRUB PA PO YIS ZHES PA NI, SGRUB PO SHIN TU MNYAM GZHAG PAS, ZHES DANG, SGRUB PO DE YI THAMS CAD NI, ZHES SLOB MA LA SGRUB PA POR GSUNGS PAS RNGA RDUNG MKHAN NI SLOB MA YIN LA, DE'I PHYIR DRIL BU DKROL MKHAN YANG SLOB MA LA BYA'O, ,SHIN TU SGRA SNYAN PA NI NGAG SNYAN ZHING GZUGS MDZES LA REG BYA KHYAD PAR CAN MA DANG, BRDUNG BA NI RJES SU CHAGS PAR BYA BA LA BSHAD DO, ,DKROL PA YANG DE DANG 'DRA BAS SLOB MAS RIG MA DE DAG LA SNYOMS 'JUG BYED PA'O, ,DE SKABS GANG DU YIN ZHE NA, SLOB MA
LA SHES RAB YE SHES KYI DBANG BSKUR BA'I SKABS LA BYA DGOS PAS, 'DIS DBANG GSUM PA BSKUR BA STON TE, DBANG GI GO RIM LAS BZLOG STE BSTAN PA'O, (,BHA BA BHA DRAS DRIL BU 'KHROL BAS DRIL LU'I DBANG) BSTAN PAR YANG BSHAD DO, ,GNYIS PA LA GNYIS, DKYIL 'KHOR DU GZHUG PA DANG, ZHUGS PA LA DBANG BSKUR BA'O, ,DANG PO NI, SNGAR BSHAD PA DE LTAR DKYIL 'KHOR LA MCHOD PA'I CHO GA'I RIM PA BZHIN DU MCHOD NAS, RDUL TSON NAM RAS RIS KYI DKYIL 'KHOR DU GZHUG PAR BYA'O, ,ZHES SBYAR RO, ,YANG DRIL BU DKROL BA SOGS BRDAS BSHAD PA DE LTAR RDO RJE DANG PADMA BYIN GYIS BRLABS NAS SNYOMS PAR 'JUG PA'I CHO GA BZHIN DU SHES RAB MA'I LUS KYI DKYIL 'KHOR GZUGS SDUG SGRA SNYAN DRI ZHIM RO MCHOG REG BYA 'JAM PA STE 'DOD PA'I YON TAN KUN DANG LDAN PA LA SNYOMS 'JUG GI SGO NAS MCHED NAS BHA GA'I DKYIL 'KHOR DU GZHUG PAR BYA'O, ,ZHES KYANG SBYAR RO, ,DE GNYIS KYI DANG PO LTAR NA STA GON GYI SKABS SU BUR BYAS PAS NA BU STE, MDZES PA YID DU 'ONG BA YOL BA'I PHYI ROL TU 'KHOD PA DE RNAMS KYI GDONG LA NI DAR RAM RAS KYIS LEGS PAR DGAB PAR BYA'O, ,DE LA DAR NI MI GSAL BA MTSON PA, BKAB PA NI GSANG BA MTSON PA YIN TE, JI SKAD DU DAR NI MI GSAL MTSON PA STE, ,BKAB PA GSANG BA MTSON PA'O, ZHES SO, ,DE LTAR MIG BKAB NAS SU THAL MO ME TOG GIS BKANG BA STE ME TOG PHRENG BA THAL MO'I BAR DU 'DZIN DU GZHUG LA, YOL BA'I NANG DU YANG DAG PAR NI ZHUGS PA STE GZHUG PAR BYA'O, ,DE NAS SGRUB BO STE SLOB MA SHIN TU MNYAM PAR BZHAG PA STE MA YENGS PAS DKYIL 'KHOR LA BSKOR BA BYAS NAS NI, HE RU KA'I PHO BRANG NYAMS
, ,DGA' BAR GZHUG PAR BYA STE, DKYIL 'KHOR GYI NANG DU YID KYIS ZHUGS PAR SGOM PA'O, ,BLO BZANG ZHES PA'I RKANG PA GCIG LO CHEN DANG MAL GYI 'GYUR LA MED DE MI DGOS PA 'DRA'O, ,LHO YI PHYOGS SU LUS BRTEN PA NI KHA CIG ,BDE MCHOG ZHAL LHOR BLTAS PAS DE NGOS NAS ZHUGS PA LA 'CHAD DO, ,LVA BA PAS LHO YI PHYOGS SU BRTEN NAS ME TOG DOR BA MTSON BYED DU MDZAD NAS, SGO GZHAN GSUM DU YANG ME TOG 'DOR BA DANG, DE LTAR DOR BAS DNGOS GRUB MI 'DRA BA 'THOB PAR BSHAD DO, ,DE NAS SNGAR THAL MO'I BAR DU BZUNG BA'I ME TOG DKYIL 'KHOR GYI STENG DU DOR BAR BYA'O, ,DE NAS MIG DAR PHYE LA DKYIL 'KHOR GYI STENG DU GTOR BA'I ME TOG DE GANG DU LHUNG BA'I LHA DE NI, SLOB MA DE'I RIGS KYI LHA YIN NO ZHES RNAM PAR TE KHYAD PAR DU BSTAN ZHING, SHR'I HE RU KA DANG SOGS KYIS LHA GZHAN DANG, DE'I GNAS GZHAL YAS KHANG RNAMS BSTAN PAR BYA'O, ,'DIR LVA BA PAS DKYIL 'KHOR TZAM ZHIG DE LA BSTAN PAR BYA'I, DKYIL 'KHOR GYI DE KHO NA NYID BSTAN PAR MI BYA BAR GSUNGS SO, ,'O NA 'PHAGS PA LHA DANG KLU BYANG SOGS KYIS SKABS 'DIR DKYIL 'KHOR GYI DE NYID STON PAR BSHAD PA JI LTAR YIN ZHE NA, 'DI LA KHA CIG DE NYID MI STON PA NI, SLOB MA RIGS LNGA'I SDOM PA MA BZUNG ZHING RDO RJE SLOB DPON GYI DBANG MI ZHU BA RNAMS LA YIN LA, SKABS 'DIR DE NYID BSTAN PAR BSHAD PA NI, SNGAR SNGOM PA BZUNG ZHING SLOB DPON DANG SLOB MA'I DBANG TSIG CHOD DU ZHU BA LA YIN ZHES 'CHAD MOD KYANG ,LVA BA PAS NI GSANG DBANG BSKUR BA'I RJES SU DKYIL 'KHOR BSTAN ZHES BYA BA NI, THAMS CAD ZIN
NAS DKYIL 'KHOR GYI DE KHO NA NYID LA SOGS PA THAMS CAD RDZOGS PAR BSTAN PAR BYA'O ZHES GSUNGS SHING ,DBANG GSUM PA DRIL BU 'KHROL BA SOGS KYIS BSTAN PA DGONGS PA SNANG BAS, DBANG GONG MA RNAMS KYANG ZIN NAS DE KHO NA NYID RDZOGS PAR STON PA YIN PAS, SLOB DPON GYI DBANG GI RJES SU DKYIL 'KHOR GYI DE NYID STON PA TZAM LA MI BYA'I, RIM PA GNYIS KA'I DBANG DU BYAS PA'I DE NYID STON PA LA BYA'O, ,DE LTAR NA LHA NGO STON PA'I SKABS SU BSKYED RIM GYI DBANG DU BYAS PA'I DKYIL 'KHOR GYI DE NYID STON PA DANG, DE NYID RDZOGS PAR STON PA DBANG RDZOGS NAS BYED PA GNYIS MI 'GAL LO, ,GNYIS PA LA GNYIS, DBANG BSKUR BA DNGOS DANG, DE'I MTHAR PHYAG BYA'O, ,DANG PO LA GNYIS, BUM DBANG BSKUR BA DANG, DBANG GONG MA BSKUR BA'O, ,DANG PO NI, ME TOG DOR PA'I SLOB MA DE NI ME TOG GANG LA PHOG PA'I LHA DE'I RIGS KYI MING CAN DU 'GYUR BAR, SLOB DPON GYIS NI MING DBANG BSKUR BA'I TSE DE'I MING STE GSANG MTSAN BSTAN PA'I SGO NAS MING DBANG BSKUR RO, ,'DIR SDOM 'BYUNG LAS, CHU DANG COD PAN RDO RJE DANG, ,DRIL BU MING GI DBANG BSKUR TE, ,DBANG LNGA DE BZHIN GSHEGS BDAG NYID, ,BRTUL ZHUGS LUNG BSTAN NYID DANG NI, ,RJES GNANG DBUGS DBYUNG PHYIR MI LDOG ,SBYIN BYA BUM PAR YANG DAG 'GYUR, ,ZHES BUM DBANG LA BCU GSUNGS PA LA MING DBANG NI SKABS 'DIR GSUNGS LA, DRIL BU SGRA SNYAN 'KHROL BA SGRA JI BZHIN PAR BSHAD PA NA, SLOB MAS DRIL BU 'KHROL BA YIN PAS DRIL BU'I DBANG BSTAN, LE'U GNYIS PAR BUM PA LHAG GNAS GSUNGS PA NI, CHU DBANG BSKUR BA'I CHED YIN PAS CHU DBANG STE DBANG GSUM BSTAN TO, ,
, ,COD PAN DANG RDO RJE'I DBANG DANG PHYIR MI LDOG PA'I DBANG LA SOGS PA BDUN NI BSHAD RGYUD NAS KHA BSKANG STE 'DIR MA BSHAD PA RNAMS DKYIL CHOG LAS SHES DGOS SO, ,GNYIS PA NI, BUM DBANG BSKUR BA DE NAS SLOB MA LA GSANG DBANG SBYIN PA'I DON DU SLOB DPON HE RU KA'I TING NGE 'DZIN LA LEGS PAR NI MNYAM PAR BZHAG STE SLOB MAS PHUL BA'I RIG MA MTSAN NYID DANG LDAN PA'I PHYAG RGYA RDO RJE PHAG MOR BYAS PA LA SNYOMS PAR 'JUG PA'I MCHOD PA BYA'O, ,SNYOMS PAR ZHUGS PA'I RJES DE NAS SLOB DPON GYIS GSANG DBANG BSKUR BA'I LAS 'DI YANG DAG PAR SPYAD PAR BYA'O, ,DUS NAM GYI TSE SNYAM NA, PHYI DE NYIN ZHES PA NAM PHYED NA DBANG BSKUR BA LA BSHAD PA NI, 'GREL PA MANG POS NYI MA GNYIS PA LA BSHAD PAS, STA GON LA LTOS PA'I NYI MA GNYIS PA'I NAM PHYED NA BYA ZHES PA'O, ,DE NAS ZHES PA'I RKANG PA BZHIS GSANG DBANG BSTAN PAR GONG MA RNAMS BZHED PA NI 'GREL PA MANG PO DANG MTHUN NO, ,MTSAL CHEN NI KHRAG CHEN PO YIN LA, KHRAG GI SKAD DOD RAKTA NI CHAGS PA LA YANG 'GRO BAS YAB YUM GYI LUS NGAG YID GSUM CHAGS PA LAS BYUNG BA ZHES BSHAD DE, BLA MA YAB YUM SNYOMS PAR ZHUGS PA LAS BYUNG BA'I THIG LE'O, ,DE LA 'BRU GSUM LAN GSUM DU BZLAS PA YIS SNGAGS PAS SLOB MA DE'I SNYING GA DANG MDZOD SPU DANG MGRIN PA DANG SPYI GTZUG RNAMS SU THIG LE BYA'O ZHES 'CHAD DO, ,'GREL PA GZHAN GYIS NI BLA MA YAB YUM SBYOR THABS KYI SKABS SU SLOB MA'I GDONG BCINGS PA LA, SNYING PO DANG NYE
SNYING DANG PHRENG BA'I SNGAGS BZLAS PA'I THIG LES, SNGAR BSHAD PA'I GNAS BZHI DANG MIG GNYIS DANG KHA STE GNAS BDUN DU GSANG BA'I RDZAS STER BA DANG, SLOB MAS KYANG BYIN PA BDUD RTZI BZHIN DU MYANG BAR BYA'O, ZHES GSANG DBANG BSKUR BA'I DUS NYID DU BYA BAR 'CHAD DE, 'DI NI BSHAD PA SNGA MA LA YANG SBYAR NA LEGS SO, ,SLOB MA YI NI GDONG PHYE LA ZHES PA 'DI SNGAR DKYIL 'KHOR BSTAN PA'I SKABS DANG, GSANG DBANG BSKUR BA'I RJES GNYIS KAR 'BREL LO, ,DE LTAR GDONG GA-YOGS PHYE BA'I 'OG TU DBANG GSUM PA BSKUR BA NI SNGAR BSTAN ZIN TO, ,DE NYID JI LTA BU ZHIG BSTAN PAS DBANG BZHI BA BSKUR BA NI 'CHAD PAR 'GYUR RO, ,DBANG THAMS CAD RDZOGS PA DE NAS BRTEN PA LHA DANG LHA GANG GI NI GNAS RTEN GANG YIN PA'I DKYIL 'KHOR GNYIS KYI DE NYID RIM PA GNYIS KYI DBANG DU BYAS PA STE, DBANG RDZOGS PA DER NI STE DE'I 'OG TU RDZOGS PAR BSTAN TO, ,BLA MA SNGA MA RNAMS KYIS NI DE NAS DKYIL 'KHOR ZHES PA RKANG PA GSUM GYIS DBANG GSUM PA BSKUR BA STON PAR BZHED DE, SHES RAB MA SLOB MA'I LAG TU GTAD NAS PHYAG RGYA'I LUS KYI RTZA RNAMS RAB GTUM LA SOGS PAR STON PA'I LUS KYI DKYIL 'KHOR DANG, DE'I BHA GAR GNAS PA'I RTZA 'TSOL BA STON PA BHA GA'I DKYIL 'KHOR DANG, GNAS SKABS 'DIR DGA' BA BZHI 'DI SKYE ZHES STON PA'I BYANG CHUB SEMS KYIS DKYIL 'KHOR SNGON DU GO BAR BYAS NAS, SHES RAB YE SHES KYI DBANG DNGOS GZHI BSKUR BA LA BSHAD DE, MAN NGAG GIS 'CHAD PA'O, ,GNYIS PA NI, DBANG ZIN PA DE NAS SLOB DPON DANG BCAS PA'I PHO BRANG STE DKYIL 'KHOR LA RAB TU STE GUS PA CHEN POS BTUD
, ,NAS, SNGAR DKYIL 'KHOR LA BSKOR BA BYAS PA LAS, SLAR BLA MA DANG DKYIL 'KHOR GYI GA-YON NAS BRTZAMS PA YIS BSKOR BA BYA'O, ,DE BYAS PA DE NAS NI DKYIL 'KHOR DANG BLA MA LA PHYAG 'TSAL BA'I CHO GA STE BYA THABS JI LTAR GSUNGS PA BZHIN DU PHYAG BYA'O, ,GSUM PA LA GNYIS, YON DBUL BA DANG, PHUL BA'I PHAN YON NO, ,DANG PO NI, DE BZHIN GSHEGS PAS GSUNGS PA NI RGYUD RNAMS LAS GSUNGS PA YIN NO, ,GSER NI BRGYA STONG NI GSER SRANG 'BUM MO, ,JI SKAD GSUNGS PA NI RGYUD GZHAN LAS BDAG 'BUL BAR GSUNGS PA BZHIN NO, ,DNGOS PO KUN NI SGO GSUM GYI DNGOS PO KUN NO, ,DE BZHIN NI GSER SOGS PHUL BA DE BZHIN DU DBUL BA'O, ,BDAG 'BUL TSUL NI DENG NAS ZHES PA GNYIS KYIS BSTAN TE LHAG MA NI GO SLA'O, ,GNYIS PA NI, DE LTAR ZHES PA GNYIS LA LO CHEN GYI 'GYUR LAS, DE LTAR NGES PAR BYA BA NI, ,SGRUB PA PO YIS RAB NGES BYA, ,ZHES 'BYUNG BA GSAL LO, ,NGES PAR BYA DGOS PA'I YON DBUL BA NI, SNGAR BSHAD PA DE LTAR SGRUB PA PO YIS NGES PAR BYA DGOS PAR RAB TU NGES PAR BYA'O, ,DE LTAR BYAS PA DE NAS TE DE'I RGYU LAS SLOB MA DE LA MKHA' 'GRO MA BCU GNYIS DANG, RNAL 'BYOR MA NYER BZHI RNAMS MNYES PAR 'GYUR RO, ,MNYES NAS MKHA' 'GRO MA DANG, L'A MA DANG, DUM SKYES MA DANG, GZUGS CAN MA'I RIGS KYI MKHA' 'GRO MA DE RNAMS DANG SGRUB PA PO GNYIS LHAN CIG TU RNAM PAR SPYOD CING KUN TU 'GRO BAR 'GYUR RO, ,DE LTAR 'GRO BAS SGRUB PA PO DE'I CI BGYI STE BKA' BSGO BA THAMS CAD MKHA' 'GRO MA DE
DAG GIS BYED PAR THE TSOM MED DO, ,DE 'DRA BA'I RNAL 'BYOR 'DI NI GRUB PAR GYUR NA 'JIG RTEN GSUM DU GANG GIS KYANG MI BZLOGS PA'I STOBS DANG, GZHAN GYIS MI MTHONG BA'I MI SNANG BA DANG, PHUG STE SA 'OG GI BU GAR RGYU BA'I SA 'OG GI DNGOS GRUB DANG, NAM MKHAR RGYU BA STE MKHA' SPYOD DANG, GRUB PA'I SMAN RKANG PA LA BYUGS PAS GANG 'DOD PA'I GNAS SU SLEB PA'I RKANG MGYOGS DANG, DE BZHIN DU DNGUL CHU SOGS KYI GRUB PA'I RDZAS 'GA' ZHIG ZOS PAS, TSE BSKAL PAR THUB PA'I BCUD KYIS LEN RNAMS SGRUB PA PO NI 'DOD PA TZAM GYIS RTAG PAR RGYUN DU SKYED PAR 'GYUR RO, ,GZUGS NI MI 'DRA BA DU MA'I SPRUL PA BYED PA DANG, RDZU 'PHRUL GYIS NAM MKHA' LA 'GRO BA DANG, KHYAD PAR DU GDUG PA'I MKHA' 'GRO MA RNAMS KYANG NGES PAR ZIL GYIS GNON PAR BYED DE, LO CHEN GYI 'GYUR LAS, MKHA' 'GRO RNAMS KYANG KHYAD PAR DU, ,NGES GNON 'GRO BA THAMS CAD KYANG, ZHES 'BYUNG NGO, ,MKHA' 'GRO MA RNAMS SU MA ZAD 'GRO BA GZHAN RNAMS KYANG LAN CIG BLTAS PA TZAM GYIS GNON PAR BYED DO, ,DE 'DRA BA'I RNAL 'BYOR PAS SKAD CIG GIS NI THABS SHES RAB DBYER MED PAR SBYOR BA NYID SKYED PAR BYED DO, ,BZHI PA NI, GAL TE DKYIL 'KHOR DU DBANG BSKUR BA MA THOB KYANG LAM BSGOMS PAS 'BRAS BU 'GRUB PAR 'GYUR RAM SNYAM NA, SNGAGS PAS DKYIL 'KHOR MA MTHONG BA STE, DKYIL 'KHOR DU MA ZHUGS PA DANG DER DBANG MA BSKUR BAR GANG ZHIG RNAL 'BYOR PA NYID DANG DNGOS GRUB 'GRUB PAR 'DOD PA NI, NAM MKHA' LA KHU TSUR GYIS BRDEGS KYANG MI PHOG PA DANG, SMIG RGYU'I CHU NI 'THUNG BAR 'DOD KYANG 'THUNG
, ,MI NUS PA DANG MTSUNGS TE 'BAD PA DON MED CING, DBANG MA THOB PAR ZHUGS PAS DMYAL BAR 'GRO BA SOGS KYI NYES DMIGS SHIN TU CHE BAR GSUNGS SO, ,'DIS NI DBANG LEGS PAR MA THOB PAR SNGAGS KYI LAM LA 'JUG PA DANG, DBANG YANG DKYIL 'KHOR DU ZHUGS TE MTHONG NAS DBANG RNAMS RIM GYIS BSKUR BA MA BYAS BAR, DBANG GI KHYAD PAR 'GA' ZHIG BSKUR NAS LAM LA 'JUG PA RNAMS NGAL BA DON MED PAR BSTAN TO, ,LNGA PA LA GNYIS, 'DI'I DBANG BSKUR BA MCHOG TU BSTAN PA DANG, DBANG BSKUR 'DI RNYED DKA' BA ZHAR BYUNG DANG BCAS PA'O, ,DANG PO NI, BDE MCHOG GI DKYIL 'KHOR DU DBANG BSKUR BA'I RNAL 'BYOR PA DANG, RGYUD 'DI'I RNAL 'BYOR 'DI NI RIM PA BZHIN DU GZHAN LAS MCHOG TU GYUR PAS RAB YIN LA, SBYOR BA STE RNAL 'BYOR GZHAN GYI DAM PA STE MCHOG GO ,GANG CUNG ZAD CIG YID LA 'DOD PA DE DANG DER, LHA DANG LHA MIN DANG MI RNAMS TE 'DI DAG ZIL GYIS MNAN NAS 'GRO ZHING, JI LTAR 'DOD PA BZHIN DU SPYOD DO, ,LO CHEN GYI 'GYUR LAS, GANG ZHIG CUNG ZAD 'DOD GYUR PA, ZHES 'BYUNG NGO, BDE MCHOG GI RGYUD 'DI RU NI DBANG BSKUR BA'I GANG ZAG DE BYA BA LA SOGS PA'I RGYUD BZHI PO THAMS CAD KYI NI SGRUB PA POR GSUNGS LA, 'DIR DBANG BSKUR NA BLTAS PA STE BYA BA'I RGYUD DANG, RGOD PA STE SPYOD PA'I RGYUD DANG, LAG PA 'DZIN PA'AM LAG BCANGS TE RNAL 'BYOR GYI RGYUD DANG, GNYIS GNYIS 'KHYUD PA STE BLA MED KYI RGYUD DU DBANG BSKUR BAR NI GYUR PA YIN PAS, RGYUD 'DI NI RGYUD RNAMS KUN GYI DAM PA STE MCHOG YIN PAS 'DI'I RNAL 'BYOR PA NI LHA MI THAMS CAD ZIL
GYIS MNAN NAS 'GRO BA YIN NO, ,MAL GYI 'GYUR LAS, RGOD DANG BLTAS DANG LAG BCANGS DANG, ,GNYIS GNYIS 'KHYUD PA LA SOGS, ZHES 'BYUNG BA LTAR LEGS SO, ,KHA CIG SOGS KYI SGRAS NI MA YI YANG MA BLA NA MED PA BDE MCHOG GI RGYUD BSTAN, ZHES 'DOD MOD KYANG, BDE MCHOG GI RGYUD KYANG GNYIS SPROD KYI RGYUD YIN PAS DE LAS LOGS NA MED DO, ,DE'I PHYIR SOGS KYI SKAD DOD MCHOG LA YANG 'GRO BAR BSHAD PAS, GNYIS SPROD KYI RGYUD MCHOG YIN PA'I DON NO, ,'DIR DBANG BSKUR BA THOB NA RGYUD THAMS CAD KYI SGRUB PA POR GSUNGS PA'I DON NI, RGYUD THAMS CAD KYI MED MI RUNG GI GTZO BO'I DON RNAMS 'DI'I LAM DU 'DUS PA LA DGONGS LA, 'DIR DBANG BSKUR NA RGYUD BZHI POR DBANG BSKUR BAR GSUNGS PA NI, GZHAN RNAMS KYI DBANG BSKUR RNAMS 'DI THOB NA LOGS SU ZHU MI DGOS PAR STON PA'I DON MIN GYI, AA BHI sh'E KA'I SGRA LA NGES TSIG GIS BSHAD PA BYAS PAS, SDIG PA'I DRI MA 'KHRUD PA DANG, NUS PA 'JOG PAR BSHAD PA RNAMS 'DI'I DBANG BSKUR GYI NANG DU 'DUS PAR STON PA YIN NO, ,GNYIS PA NI, RTZA BA'I RGYUD DE NYID BSDUS PA'AM, BDE MCHOG GAM ZHES PA NAM MKHA' DANG MNYAM PA'I RGYUD LA 'CHAD CING, DE NYID 'DI'I RTZA RGYUD RGYAS PAR 'DOD PA NANG 'GAL YIN LA, KUN SPYOD LAS, NAM MKHA' DANG NI MNYAM PA'I RGYUD, ,'BUM GCIG NA YANG 'DI DAG BSHAD, CES GSUNGS PAS RGYUD DER RGYUD 'DI'I DKYIL 'KHOR MA BSTAN PA MIN NO, ,DES NA MAR DOS, SANGS RGYAS MNYAM SBYOR DU GRAGS PA SGYU MA BDE MCHOG LA BZHED PA LEGS PA YIN NO, ,GSANG BA NI GSANG 'DUS SO, ,RDO RJE 'JIGS BYED NI DE'I RGYUD CHEN POR MNGON PAS DE DAG LAS, DKYIL 'KHOR
, ,RNAMS KYI RGYAL PO 'DI NI SNGAR MA BYUNG ZHING PHYIS 'BYUNG BAR MI 'GYUR RO, ,DE LTAR GSUNGS PAS, GZHAN DE RNAMS KYI DKYIL 'KHOR LAS 'DI'I DKYIL 'KHOR MCHOG YIN NO, ,ZHES PA MIN GYI, RGYUD ZAB LA RGYAS PA DE DAG TU YANG MA BYUNG BAS SHIN TU RNYED DKA'O ZHES PA'I DON NO, ,DE LTA MA YIN NA RGYUD DE RNAMS KYI DKYIL 'KHOR YANG 'DIR MA BYUNG BAS 'DI LAS MCHOG TU 'GYUR RO, ,RGYUD 'DIR BSHAD PA DANG 'DIR MA BSHAD PAR RGYUD GZHAN DU BSHAD PA'I DNGOS GRUB GANG CI YANG RUNG BA DE KUN TE THAMS CAD NI, DPAL LDAN KHRAG 'THUNG STE HE RU KA'I RIM GNYIS KYI RNAL 'BYOR 'DI LA GNAS PA STE, 'DI LA BRTEN NAS 'GRUB PA'O, ,SNGA MA RNAMS KYIS DBANG GI CHE BA DANG, 'DIS DBANG DE THOB NAS SGOM PA'I LAM GYI CHE BA BSTAN TO, ,DRUG PA NI, DPAL HE RU KA MNGON PAR BRJOD PA BSDUS PA'I RGYUD LAS, BLA MA LA YON DBUL BA DANG BCAS PA'I DBANG BSKUR BA'I CHO GA'I LE'U STE GSUM PA'O, ,'GYUR KHA CIG LAS PHAN YON DANG BCAS PA ZHES DANG, GZHAN LAS YON TAN DANG BCAS PA ZHES KYANG 'BYUNG NGO, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U GSUM PA'I BSHAD PA'O,, ` ,,GNYIS PA SNOD DU RUNG BA LA GSANG BA RGYAS BAR BSHAD PA LA BCU GCIG ,LAM GYI GSANG BA RGYAS PAR BSHAD PA DANG, SNGAGS DANG BSAM GTAN GYIS 'GRUB PA RGYAS PAR BSHAD PA, RIGS LDAN MA MCHOD PA RGYAS PAR BSHAD PA, RTZA SNGAGS BSTAN ZHING BSRUNG BA'I DAM TSIG RGYAS
BAR BSHAD PA, SPROS BCAS KYI SPYOD PA RGYAS PAR BSHAD PA, BAR CHAD SEL BA'I BSRUNG BA'I SNGAGS BTU BA, BZA' BA'I DAM TSIG RGYAS PAR BSHAD PA, MCHOD PA BZHI'I GSANG BA RGYAS PAR BSHAD PA, SPYOD PA LHAG MA GNYIS RGYAS PAR BSHAD PA, DNGOS GRUB 'GRUB PA'I MTSAN MA BRTAG PA, THUN MONG GI DNGOS GRUB SGRUB PA'I TSUL GZHAN BSTAN PA'O, ,DANG PO NI, BSHAD RGYUD LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD PAR BRTZON, ,SNOD DU BYAS PA'I RGYUN LAS NI, ,'KHOR LO LA SOGS SGOM RIM GYIS, ,YANG DAG MAN NGAG PHUN TSOGS RNAMS, ,'GRUB PAR 'GYUR RO GZHAN DU MIN, ZHES DBANG GI DUS SU KHAS BLANGS PA BZHIN DU, PHYI NAS DAM TSIG BSRUNG BA LA BRTZON PA, SNOD RUNG DU BYAS PA DES DKYIL 'KHOR GYI 'KHOR LO SOGS SGOM PA'I RIM PAS, YANG DAG PA'I MAN NGAG RNAMS 'GRUB PAR 'GYUR RO, ,DE LTAR MA BYAS NA MI 'GRUB PAR GSUNGS PAS, DBANG THOB PA DES THOG MAR DAM TSIG RNAMS SHES PAR BYAS LA LEGS PAR BSRUNG NGO, ,DE NAS RIM GNYIS KYI LAM BSGOM DGOS LA, DE YANG LE'U 'DIR RIM GNYIS KYI DE NYID BZHI TSAN GNYIS KYIS STON NO, ,'DI LA GSUM, BSKYED RIM PA'I DE NYID BZHI DANG, RDZOGS RIM PA'I DE NYID BZHI DANG, LE'U YI MTSAN BSTAN PA'O, ,DANG PO NI, LE'U GSUM PA BSHAD PA'I RJES DE NAS BZHI PA BSHAD PAR BYA'O, ,ZHES SBYAR RO, ,MKHA' 'GRO MA RNAMS NI RANG GI GNAS SPYIR GZHAL YAS KHANG DANG, KHYAD PAR DU 'KHOR LO GSUM NA RNAM PAR 'GYING BA STE ROL LO ZHES PAS RTEN DKYIL 'KHOR GYI DE NYID STON TE, PHYI DKYIL DANG LUS DKYIL
, ,GNYIS KA GZUNG NGO, ,LE'U GNYIS PAR DKYIL 'KHOR GYI MTSAN NYID GSAL BAR BSTAN PAS 'DIR GNAS NA ZHES BSDUS TE GSUNGS SO, ,BRTZON CHEN ZHES SOGS NI, KUN SPYOD LAS, LHA RNAMS BZLOG STE BKOD PA DANG, ,SNGAGS KYI DBYE BA BZLOG PA DANG, ,SGOM PA GSANG BA BZLOG PA NI, ,SNYING PO THAMS CAD RAB SGRUB BYED, CES GSUNGS PA LTAR LHA RNAMS GO RIM BZLOG PAR MA ZAD SNGAGS RNAMS BZLOG PA DANG, SGOM PA GSANG BA'I GO RIM KYANG BZLOG NAS GSUNGS LA, DE'I DGOS PA NI BLA MA'I MAN NGAG LA RAG LAS PAR BSTAN PA'I CHED DU YIN NO, ,'KHRUGS BSDEBS TE BSHAD NA, RAB GTUM MA SNGON LA DANG, BRTZON CHEN MA RJES SU 'ONG NGO, ,DE LTAR NA RAB GTUM MA DANG, GTUM MIG MA DANG, 'OD LDAN MA DANG, SNA CHEN MA BZHI NI THUGS 'KHOR GYI SHAR NAS BRTZAMS TE GA-YON SKOR GYIS PHYOGS BZHIR DGOD DO, ,DE BZHIN DU DPA' BO'I BLO GROS MA DANG, MI'U THUNG MA DANG, LANG KA'I DBANG PHYUG MA DANG, SHING GRIB MA BZHI NI THUGS 'KHOR GYI ME NAS BRTZAMS TE GA-YAS SKOR GYIS MTSAMS BZHIR DGOD DO, ,SA SRUNG MA DANG, 'JIGS BYED CHEN MO DANG, RLUNG SHUGS MA DANG, CHANG 'THUNG MA BZHI NI GSUNG 'KHOR GYI SHAR NAS BRTZAMS TE GA-YON SKOR GYIS PHYOGS BZHI DANG, SHYE MA ZHES PA SNGO BSANGS DANG, LJANG GU GNYIS KAR LA 'JUG PAS SNGO BSANGS LHA MO'AM LJANG LHA MO DANG, RAB TU STE SHIN TU BZANG MO DANG, RTA RNA MA DANG, MKHA' 'GRO GDONG MA'AM BYA GDONG MA BZHI NI GSUNG 'KHOR GYI ME NAS BRTZAMS TE GA-YAS SKOR GYIS MTSAMS BZHIR
DGOD DO, ,'KHOR LO'I SHUGS MA DANG, DU MA SKYES MA DANG, SNA CHEN MA STE GLANG SNA MA'AM CHANG 'TSONG MA DANG, 'KHOR LO'I GO CHA MA BZHI NI SKU 'KHER GYI SHAR NAS BRTZAMS TE GA-YON BSKOR GYIS PHYOGS BZHI DANG, RAB STE SHIN TU DPA' MO DANG, STOBS CHEN MA DANG, 'KHOR LO SGYUR MA DANG, BRTZON 'GRUS CHEN MO BZHI NI ME NAS BRTZAMS TE GA-YAS SKOR GYIS SKU 'KHOR GYI MTSAMS BZHIR DGOD DO, ,SGRUB BYED YIN ZHES PA RGYA DPE LA MED ZER BA NI RGYA DPE GCIG LA MA MTHONG BAS RGYA DPE LA MED PA MIN LA, LO TZ'A BA GSUM GYI 'GYUR LA YANG DE LTAR 'BYUNG NGO, ,DES NA MKHA' 'GRO MA DE RNAMS NI SGRUB PA PO'I DNGOS GRUB SGRUB PAR BYAD PA YIN ZHES PA'O, ,SKABS 'DIR MAL GYI 'GYUR LAS, SKU GSUNG THUGS KYI DBUS SU NI, ,JI LTAR PHYI ROL NANG DE BZHIN, ZHES PA CIG 'BYUNG LA, MAR DO'I 'GYUR GYI DPE KHA CIG LA YANG 'BYUNG ZHING, LVA BA PA SOGS KYI 'GREL PA LAS KYANG 'BYUNG BAS DE YOD PA LEGS SO, ,DE LTAR NA RAB GTUM MA LA SOGS PA RNAMS JI LTAR PHYI ROL GYI DKYIL 'KHOR GYI SKU GSUNG THUGS KYI 'KHOR LO'I RTZIBS KYI DBUS SU 'GOD PA DE BZHIN DU, NANG LUS DKYIL LA YANG SPYI BO NAS PUS MO'I BAR NYER BZHIR DGOD PAR BYA'O, ,ZHES LUS DKYIL BSTAN TO, ,LE'U 'DI'I MTSAN LA DPA' BO DANG RNAL 'BYOR MA GNYIS SU MED PAR DGOD PA ZHES GSUNGS SHING, LVAB PAS KYANG LUS DKYIL LA DPA' BO DANG DPA' MO GNYIS KA DGOD PAR GSUNGS LA, DE NI PHYI DKYIL LA YANG 'DRA BAS, DE DAG GIS MTSON NAS LHA LHAG MA RNAMS KYANG SHES PAR BYA'O, ,MKHA' 'GRO MA NYI SHU RTZA BZHI PO 'DI DAG NI SNGON NYID GRUB PA YIN ZHES PA NI NYER BZHI GTZO BOR BYAS PAS NI, RI
, ,RAB KYI RDUL GYI GRANGS SNYED RNAMS GZUNG STE, NYER BZHIS DE RNAMS BSDUS SO ZHES LVA BA PAS BSHAD DE, SNGON NYID DE THOG MAR GRUB PA'I GTZO MO RNAMS BSHAD CES PA'I DON NO, ,LHA'I DE NYID BSTAN NAS SNGAGS KYI DE NYID NI, LHA DRUG CU PO RANG RANG GI MING DBUS SU BRJOD PA'I SNGAGS LA NI, SNGAGS THAMS CAD GSAL BA STE MDZES PAR BYED PA'I AOm NI THOG MA DANG, MTHAR NI HUm H'Um PHAGS DANG SBYAR BAR BYA STE, DPER NA AOm d'A KI NI YE HUm H'Um PHAGS CES SOGS DANG, AOm KA RA KA RA KHAndA KA P'A LA PRA TZAndE HUm H'Um PHAt, CES SOGS DANG, AOm KA KA SYA HUm H'Um PHAt CES SOGS SO, ,HE RU KA'I DKYIL 'KHOR SGOM PA DANG, DE'I THUGS RGYUD BSKUL BA'I SNGAGS BZLAS PA RAB STE SHIN TU MCHOG TU GYUR PA 'DI MTHONG NA, 'DI NI ME DANG 'DRA LA GZHAN DAG STE RGYUD SDE GZHAN GSUM GYI LHA SGOM PA DANG, SNGAGS ZLO BA NI 'BUS SNYING PO ZOS PA'I RTZA DANG MTSUNGS PA STE STOBS CHUNG BA'I DON NO, ,LO CHEN GYI 'GYUR LAS, GZHAN DAG SNYING PO MED RTZVA MTSUNGS, ZHES 'BYUNG NGO, ,DE'I RGYU MTSAN NI, 'DI'I RNAL 'BYOR GYIS MNGON PAR 'DOD PA'I DNGOS GRUB THAMS CAD STZOL BAR BYED PA'I PHYIR RO, ,YE SHES KYI DE KHO NA NYID NI, SNGAR DPA' MO NYER BZHI BSHAD PA DE KHO NA'AM SNYAM NA, DPA' BO NYID DU 'GYUR 'GRUB PA STE RDZOGS PAR BYA'O, ,'DI LHA'I DE NYID KYI SKABS` SU 'BREL LO, ,KHYIM DU NI PHYAG RGYA'I PADMA'I NANG YIN LA, DKYIL 'KHOR MTHONG BA NI SNYOMS 'JUG GI DUS SU DE'I BDE BAS DKYIL 'KHOR MCHOD PA LA 'CHAD DE, DE'I DUS SU BYANG CHUB SEMS KYI DKYIL 'KHOR MTHONG BA LA BYAS NA LEGS SO, ,
TSUL DE SHES NAS RTAG TU BSGOM PAR BYA'O, ,DE LTAR BSGOMS NA DNGOS GRUB RNAMS DE BZHIN GSHEGS PAS GSUNGS PA BZHIN DU 'THOB BO, ,DE LTAR BSKYED RIM PA'I DE NYID BZHI LA SBYAR TE BSHAD PAS NI, 'BYUNG BZHI RI RAB GZHAL YAS KHANG DANG BCAS PA BSGOMS PA'I NANG DU PHYI DKYIL GYI LHA RNAMS DANG, NANG LUS DKYIL GYI LHA RNAMS SGOM PA DANG, DE LTAR BSGOMS PA'I PHYI NANG GI LHA'I THUGS RGYUD BSKUL BA'I BZLAS PA BYED PA DANG, YANG YUM SNYOMS PAR ZHUGS TE BSKYED RIM PA'I BDE CHEN BSKYED NAS SGOM PA BSTAN TE, BSKYED RIM GYI GNAD TSANG BA STON NO, ,GNYIS PA NI, YANG GZHUNG DE RNAMS RDZOGS RIM GYI DE NYID BZHI LA SBYAR TE BSHAD PA LA, RTEN GYI DKYIL 'KHOR GYI DE NYID NI, 'BYUNG BZHI RI RAB GZHAL YAS KHANG DANG BCAS PA NANG LUS LA SBYAR LA, BSKYED RIM GYI LUS DKYIL SGOM PA'I DBANG DU BYAS PA 'DIR MIN ZHING, LUS LA GNANG DU BSNUN PA'I THABS KYIS GANG LA GNAD DU BSNUN PA'I RDO RJE'I LUS 'CHAD PA RDZOGS RIM GYI DBANG DU BYAS PA LE'U DANG POR BSHAD PA BZHIN NO, ,BRTEN PA LHA'I DE NYID NI, NANG GI RAB GTUM MA SPYI BO'I RTZA LA SBYOR BA SOGS LUS KYI RTZA RNAMS LA SBYOR BA NI MI 'THAD DE, BSKYED RIM PA'I LUS DKYIL GYI SKABS SU YANG, RTZA DE RNAMS LAS LHA BSKYED DGOS PAS RTZAL SBYOR BA BSKYED RIM LA YANG YOD PA'I PHYIR RO, ,DES NA LHA SO BDUN ZHAL PHYAG GI RNAM PA CAN 'DI LA BSKYED RIM PA'I SNGAGS KYI SKU DANG, RDZOGS RIM PA'I YE SHES KYI SKU GNYIS YOD PA'I GNYIS PA NI, SGYU MA'I SKU ZHES BSHAD PA DE YIN TE, DE DANG BRAL NA RNAL 'BYOR
, ,PA SBUN KOGS BZHIN DU SNYING PO MED PAR MKHA' 'GRO RGYA MTSO LAS GSUNGS PA SNGAR BSHAD ZIN TO, ,JO BO CHEN PO'I L'U AI PA'I 'GREL PA LAS KYANG, 'ON KYANG KUN RDZOB TU RLUNG DANG SEMS TZAM LAS LHA SUM CU RTZA BDUN ME LONG GI GZUGS BRNYAN LTAR GSAL LA RDZOGS PA, 'JA' TSON LTAR KHA DOG DANG BCAS PA, CHU ZLA LTAR SGRO SKUR DANG BRAL BAR LTOS SHIG ,DE NI RGYU DANG RKYEN LAS SKYE BAS KUN RDZOB BO, ZHES BDE MCHOG GI LUGS LA YANG SGYU MA'I SKU'I DKYIL 'KHOR SHIN TU GSAL BAR BSTAN NO, ,SNGAGS KYI DE NYID NI, SNGAGS BZLAS PA'I NGES DON RDOR BZLAS SOGS LUS LA GNANG DU BSNUN PA'I RDZOGS RIM MO, ,YE SHES KYI DE NYID NI, RDOR BZLAS SOGS NANG GI THABS DANG, KHYIM DU ZHES PA'I PHYI'I THABS LA BRTEN NAS SROG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE CHEN, DE KHO NA NYID KYI DON LA DBYER MED PAR ZHUGS PA'I 'OD GSAL GYI YE SHES SO, ,DE LTAR DE NYID BZHI RDZOGS RIM LA SBYAR TE BSHAD PA'I DANG POS NI, GNAD DU BSNUN SA'I RDO RJE'I LUS DANG, GSUM PAS NI DER GNANG DU BSNUN PA'I THABS DANG, BZHI PAS NI THABS GNYIS KYIS DRANGS PA'I LHAN CIG SKYES DGA'I YE SHES DANG, GNYIS PAS NI LHAN CIG SKYES DGA' 'OD GSAL GYI RLUNG SEMS TZAM LAS SKYES PA'I YE SHES KYI SKU SGYU MA'I LUS BSTAN PAS RDZOGS RIM GYI GNAD KUN STON NO, ,DE LTAR YE SHES KYI DE NYID DANG LHA'I DE NYID GNYIS DBYER MI PHYED PA'I DON 'DI DBANG BZHI PA BSKUR BA'I DUS SU, TSIG GIS LEGS PAR BRDA SPRAD PA LA BRTEN NAS TSIG DBANG RIN PO CHE 'THOB
BO, ,LVA BA'I NA BZA' CAN GYIS, DBANG BSKUR BA BZHI PA BLA MA'I ZHAL LAS SHES PAR BYA BA NI, 'DI SKAD DU, DE NYID MA LUS PA'I DON PHUN SUM TSOGS PAR BYED PA RTOG PA'I RNYOG PA DANG BRAL BA NYID KYIS, BLA NA MED PA YANG DAG PAR RIG PA DANG THA MI DAD PA, THUB PA'I TSOGS DPAG TU MED PA'I 'OD ZER 'PHRO BA'I DKYIL 'KHOR GYI BDAG NYID, YID BZHIN GYI NOR BU LTA BU BSTAN PA'I NGO BO NYID KYI TSIG GIS SBYIN PAR BYA'O, ,ZHES GSUNGS PA GANG YIN PA STE, ZHES NGOS GZUNG BA YANG SNGAR BSHAD PA DANG 'DRA STE, RTOG PA'I RNYOG PA DANG BRAL BAS YANG DAG PAR RIG PA DANG THA MI DAD PA NI 'OD GSAL GYI YE SHES YIN LA, 'OD ZER 'PHRO BA'I DKYIL 'KHOR GYI BDAG NYID NI SNGAR BSHAD PA'I SGYU MA'I SKU'I DKYIL 'KHOR RO, ,JO BO CHEN PO'I L'U AI PA'I 'GREL PA LAS KYANG, DE LTAR BDEN PA GNYIS MI PHYED PA ZUNG DU 'JUG PA NI, BYANG CHUB KYI SEMS CHEN PO STE BZHI PA'O, ,ZHES DON GYI DBANG BZHI PA ZUNG 'JUG LA GSAL BAR GSUNGS SO, ,DE LTAR NA DON GYI DBANG BZHI PA ZUNG 'JUG LA NGO SPROD PA NA LUGS 'DI LA YANG GNAD SHIN TU CHE'O, , DE NYID BZHI TSAN GNYIS LA SBYAR TE 'CHAD PA 'DI NI LO TZ'A BA GNYIS KYI BSHAD SROL LA BRTEN NAS BSHAD PA'O, ,RTZA RGYUD KYI LE'U DANG PO'I DON BSHAD RGYUD KYIS BSHAD PA LAS, 'DI RGYAS PA MIN YANG RTZA RGYUD NYID LA LTOS NA, LE'U 'DIS DE NAS GSANG BA ZHES PA NAS, MNYAN PAR GYIS ZHES PA'I BAR GYI DON RGYAS PAR BSHAD DO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, PHYI DANG LUS KYI DKYIL 'KHOR LA DPA' BO DANG RNAL 'BYOR MA GNYIS SU MED PAR DGOD
, ,PA'I LE'U STE BZHI PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BZHI PA'I BSHAD PA'O,, ` ,,GNYIS PA SNGAGS DANG BSAM GTAN GYIS 'GRUB PA RGYAS PAR BSHAD PA LA GNYIS, BZLAS PA'I SNGAGS BTU BA DANG, SNGAGS BZLAS PAS DNGOS GRUB SGRUB TSUL LO, ,DANG PO LA BZHI, RTZA BA'I SNGAGS KYI YI GE BTU BA DANG, DPA' BO'I GO CHA'I SNGAGS BTU BA, RTZA BA'I SNGAGS KYI DBYANGS YIG BTU BA, GO BZLOG PA'I SNYING PO DANG DPA' MO'I GO CHA'I SNGAGS BTU BA'O, ,DANG PO LA GNYIS, GZHUNG DNGOS DANG, LE'U'I MTSAN NO, ,DANG PO LA GSUM, SNGAGS BTU BA'I GZHI DGOD PA, DE LAS SNGAGS BTU BA, BTUS PA'I SNGAGS KYI CHE BA BSTAN PA'O, ,DANG PO LA GNYIS, DRANG DON DU BSHAD PA DANG, NGES DON DU BSHAD PA'O, ,DANG PO NI, LE'U BZHI PA'I RJES DE NAS ZHES SBYAR RO, ,STOBS BCU LA SOGS PA'I CHOS KUN 'BYUNG BA YI CHOS 'BYUNG RNAM THAR SGO GSUM MTSON PA'I GRU GSUM PA BYA'O, ,DE NI SNA TSOGS PA'I SNOD BCUD KYI BDAG NYID DO, RNAM THAR GSUM GYI STONG PA DE THAMS CAD KYI NGO BOR GNAS PA'O, ,LTE BAR NI CHOS 'BYUNG GI DBUS SO, ,MI SHIGS PA NI MI PHYED PA'I RDO RJE DANG, DGE BA 'DZIN PAS DGE BA STE RDO RJE 'DZIN PA'O, ,SNGAGS PAS CHO GA BZHIN DU BRI BA NI RDO RJE 'DZIN PA'I BDAG NYID KYI YI GE RNAMS SO, ,DE'I PHYIR NGAG TU BRJOD PA'I CHOS KUN GCIG TU BSDU BAR BYAS PA BRI BAR BYA ZHES SBYAR RO, ,CHOS 'BYUNG 'DIR BRI BAR BYA BA'I SNGAGS KYI TSIG
NI 'DI YIN TE, A'A LI DANG K'A LI MNYAM PAR BYAS PA STE RDZOGS PAR BYAS PA'I SDE TSAN DAG NI BSDU BA STE TSOGS PAR BYA'O, ,MNYAM PA'I DON TSANG BA DANG RDZOGS PA LA BSHAD PA NI, DE'I SKAD DOD KYI STENG NAS YIN NO, ,SDE TSAN DUR BYED PA NI, BZHI DANG BZHI RU SHES PAR BYA ZHES A'A LI'I SDE TSAN GCIG DANG, K'A LI LA SDE TSAN KA, TZA, tA, TA, PA LNGA DANG, MTHAR GNAS DANG DRO BA'I SDE TSAN BDUN TE BRGYAD DO, ,'GREL PA 'GA' ZHIG LAS, BZHI GNYIS BRGYAD NI RKANG BRGYAD LA 'CHAD DO, ,THUB PA MCHOG GI THUB PA NI GRANGS BDUN GYI MING YIN PAS GSAL BYED KYI SDE TSAN BDUN DGOD CING, DE LAS RTZA SNGAGS KYI LUS BTUS LA PHYIS NI DBYANGS YIG DE'I KHYAD PAR DU SBYAR TE, 'DI NI SNGON DU GSAL BYED LAS THU BA'I LUGS SO, ,CHOS 'BYUNG GI DBUS SU PADMA BYED PA 'DIR MI GSAL YANG, KHA SBYOR LAS, GRU GSUM DKYIL 'KHOR NYAMS DGA' BAR, ,GSANG BA'I PAD MA M'A MA K'I, PADMA 'DAB MA BRGYAD BYAS NAS, ,LTE BA SBAS PA'I SPYOD YUL DU, ,'DOD PA'I DON KUN SGRUB BYED PA, ,DER GNAS DPA' BO KUN LAS BTU, ZHES CHOS 'BYUNG GI NANG DU PADMA 'DAB MA BRGYAD PA BYED PAR BSHAD PA LTAR 'DIR YANG BYA'O, ,DE LA YI GE BKOD LUGS LA MAL GYI LUGS 'DZIN PA DAG ,SHAR GYI 'DAB MA NAS AA KA TZA tA TA PA LA SHA'I SDE TSAN BRGYAD GA-YAS SKOR DANG, DBUS SU AA 'GOD PAR 'DOD PA KHA SBYOR DANG MTHUN NO, ,MAR DOS PADMA MI BYED PAR CHOS 'BYUNG GI NANG DU RE'U MIG ZHE DGU BYAS PA LA, KshA YIG MA GTOGS PA DBYANGS GSAL GYI YI GE ZHE DGU 'GOD PAR BZHED DO, ,LE'U SUM CU PA NAS DE BZHIN DU BSHAD KYANG, SKABS
, ,'DIR NI MAL GYI LUGS LTAR BYAS NA LEGS PAR SEMS SO, ,BHA BA BHA DRAS CHOS 'BYUNG GI NANG DU SNA TSOGS PADMA LA RE'U MIG ZHE DGU BYAS TE, KshA SBANGS PA'I YI GE ZHE DGU 'GOD DE, DE'I LTAR NA PADMA'I LTE BA LA RE'U MIG ZHE DGU BYA DGOS SO, ,CHOS 'BYUNG GI DBUS DAR GNAS PA'I DBYANGS GSAL LAS, 'DOD PA'I DON THAMS CAD SGRUB PAR BYED PA'I DPA' BO STE RTZA SNGAGS BTU BAR BYA'O, ,SNGAGS LA DPA' BO ZHES PA NI LHA DANG SNGAGS GNYIS NGO BO DBYER MED PA'O, ,BZLAS PAS DNGOS GRUB 'GRUB PA LA SNGAGS DAG DGOS LA, DAG PA NI SNGAGS BTU BA LA RAG LAS PAS SNGAGS BTU BA BSTAN TO, ,DE DAG GI LAG LEN GYI RIM PA NI, RNAL 'BYOR PA PHYAG RGYA DRUG GIS BRGYAN PA PHYAG RGYA DANG BCAS PA PHYOGS KYI GOS CAN GYIS, DKYIL 'KHOR GYI KHANG PA LA SOGS PA'I SA PHYOGS BDUD RTZI LNGAS BYUGS PA ME TOG LA SOGS PAS YID 'PHROG PA, SHA CHEN GYI DUD PAS BDUG PAR, MAR KHU CHEN PO'I MAR ME SBAR, PHYI ROL TU GLU GAR LA SOGS PA SNGON DU 'GRO BAS, CANG TE'U DANG DRIL BU DKROL ZHING GTOR MA BYIN TE, DUR KHROD KYI SO PHAG LA SOGS PA'I RDUL TSON GYIS PADMA 'DAB BRGYAD BRIS LA, LTE BAR GZHOM DU MED PA DANG, 'DAB MA RNAMS LA SDE TSAN BRGYAD SNGAR BZHIN DU BRI BAR MAN SNYE LAS BSHAD DE, BLA MA RNAMS KYIS KYANG MNGON RTOGS RDZOGS PAR BSGOMS, TSOGS KYI MCHOD PA BYAS TE, GTOR MA BTANG BA'I 'OG TU BRI BAR GSUNGS SO, ,GNYIS PA NI, KHA SBYOR LAS, GRU GSUM DKYIL 'KHOR NYAMS DGA' BAR, ZHES PA NAS, SNGAGS NI YIG 'BRU'I DBANG PHYUG MA CHOG ,CES PA'I
BAR DU GSUNGS PA RNAMS DPYID THIG TU SNGAGS BTU BAR MDZAD PA NI, SNGAGS THU BA'I GZHI'I NGES DON GYI BSHAD PA YIN LA, SNGAGS DRANGS PA'I BTU GZHI STON PA'I KHA SBYOR GYI GZHUNG LA YANG MAN SNYE LAS NGES DON GYI BSHAD PA MDZAD PAS, 'DIR YANG DE RNAMS KYI NGES DON BSHAD NA, GRU GSUM DKYIL 'KHOR ZHES PA'I DKYIL 'KHOR NI PHYAG RGYA'I BHA GA'O, ,NYAMS DGA' BA NI PHUL DU BYUNG BA'I BDE BA'I RGYUR GYUR BA'O, ,M'A MA K'I ZHES PA RDO RJE BSNYEMS MA LA BOD PA'O, ,PHYAG RGYA'I GSANG GNAS KYI PADMA 'DAB MA BRGYAD PA NI BHA GA'I NANG GI RTZA BRGYAD DE, ,LTE BA NI DBUS KYI RTZA KA KA MU KHA ZHES PA BYA ROG GDONG MA'I RTZA'O, ,SBAS PA NI RTZA BRGYAD KYI DBUS NA BSDAMS TE GNAS PA'O, ,SPYOD YUL NI GZHI STE DER DBUS KYI BUG PA'O, ,DPA' BO NI BDE STONG DBYER MED KYI BYANG CHUB KYI SEMS YIN LA, DE KHO NA 'DOD PA'I DON KUN SGRUB PAR BYED PA BTU BAR BYA STE BSGRUB PAR BYA'O, ,DE DAG GIS NI BTU GZHI'I GRU GSUM PA'I DKYIL 'KHOR GYIS PHYAG RGYA'I BHA GA DANG, PADMA 'DAB BRGYAD KYIS RTZA BRGYAD DANG, PADMA'I LTE BAS DH'U T'I'I MAR SNA'I RTZA BSTAN LA, DPA' BO BTU BA NI LE'U DANG POR BSHAD PA BZHIN DU, YAB YUM GYI RTZA'I RTZE GNYIS SBYAR BAS LHAN SKYES KYI YE SHES 'DREN PA BSTAN TE, KHA SBYOR GYI BRTAG PA BDUN PAR GSUNG PA'I NANG BSHAD DO, ,YANG BRTAG PA DANG PO LAS, GRU GSUM DAG PA AE YI DBYIBS, ,DBUS SU DGYES PA'I AE WAm YIN, ,GRU GSUM DKYIL 'KHOR NYAMS DGA' BAR, ,RDO RJE RA LI RNAM PAR 'BYUNG, ,BTZUN MO'I BHA GA ZHES KYANG BYA, ,CHOS KYI 'BYUNG GNAS ZHES BYAR BSHAD, ,DE YI NANG SONG PADMA NI, ,'DAB MA BRGYAD
, ,PA SNYING POR BCAS, ,DE LA A'A LI K'A LI 'DRES, ,SDE TSAN BRGYAD NI RNAM PAR GNAS, ZHES DANG, DE RNAMS DBUS SU ZE'U 'BRU LA, ,PADMA'I DBANG PHYUG MA YOD DE, ,SDE TSAN BRGYAD PO RNAMS KYIS NI, ,YI GE DAM PA YONGS SU BSKOR, ,AA NI YIG 'BRU KUN GYI MCHOG ,CES GSUNGS PA YANG BTU GZHI'I NANG BSHAD DO, ,MAN SNYE LAS, 'DIS NI LTE BA'I PADMA LA SOGS PA YANG GSUNGS SO, ,ZHES AE'I DBYIBS ZHES PAS LTE BA'I RTZA 'KHOR SOGS GSUNGS PAR BSHAD DE, SOGS KYIS NI 'KHOR LO GZHAN GSUM YANG BSTAN PAS 'KHOR LO BZHI KA GZUNG NGO, ,DE YANG LTE BA DANG MGRIN PA'I RTZA 'KHOR GYI PHYI DBYIBS AE'I RNAM PAR GRU GSUM DU YOD PA DANG, SNYING GA DANG SPYI BO'I RTZA 'KHOR GYI PHYI DBYIBS WAm GYI RNAM PAR ZLUM POR YOD PAR BSHAD RGYUD LAS GSUNGS PA LTAR YIN TE, DE LTAR NA CHOS 'BYUNG GRU GSUM PA'I NANG BSHAD KYIS RTZA 'KHOR GNYIS DANG, DE'I NANG DU PADMA'I PHYI DBYIBS ZLUM POR YOD PAS 'KHOR LO GZHAN GNYIS BSTAN PAR BYA'O, ,GRU GSUM DKYIL 'KHOR NAS BSHAD CES PAS NI PHYAG RGYA'I BHA GA DANG LTE BA DANG MGRIN PA'I RTZA 'KHOR GNYIS KA GZUNG NGO, ,RDO RJE NI GSANG GNAS KYI RDO RJE DANG BYANG SEMS KUN TA LTA BU YIN LA, RA LI NI AA RA LLI ZHES PA ROL PA'I DON TE, BDE CHEN GYI BDAG NYID KYI RDOR SEMS ROL BAS BDE BA'I DGA' STON 'BYUNG BA'O, ,DE YI NANG SONG ZHES PA GNYIS DANG, SDE TSAN ZHES PA GCIG STE GSUM GYI DON NI, LTE BA'I RTZA 'KHOR AE GRU GSUM PA'I NANG DU SDE TSAN BRGYAD, RTZA 'DAB LA SGOM PAR RIM PA BZHI PA LAS BSHAD PA LTAR TE, DES MTSON NAS RTZA 'KHOR GZHAN LA YANG YI GE SGOM PA SHES PAR
BYA STE, DE DAG GIS NI SNGAGS BTU BA'I GZHI NANG LA SBYAR BAS, 'KHOR LO BZHI LA BRTEN PA'I GTUM MO SGOM PA BSTAN TO, ,DE LA A'A LI K'A LI 'DRES ZHES PAS BTU GZHI A'A LI K'A LI'I NANG BSHAD GZHAN YANG STON NO, ,'DRES ZHES PA LA GNAS ZHES KYANG 'BYUNG BAS, DE'I DON NI MI GSAL BA'I NGO BOR GNAS PA YIN LA, DE YANG DBYANGS GSAL BRJOD PA'I DUS SU NI, SNGON LA BHA GA'I PADMA'I NANG GI NAM MKHA' NAS RGYU BA'I RLUNG GI SKYE GNAS CAN RNAMS MI GSAL BA'I RANG BZHIN DU SKYES NAS KHA RU PHYIN PA NA, RKAN LA SOGS PA'I BYED PA RNAMS LAS GSAL BAR SKYE STE, JI SKAD DU, NAM MKHA'I RLUNG LAS RAB BYUNG LUS LAS NI, ,BYUNG ZHING KHA RU NYE BAR PHYIN PA'I SGRA, ,GNAS GZHAN DAG TU RAB TU PHYE BA NA, ,YI GE NYID 'GYUR GANG YIN DE SGRA'O, ,ZHES BSHAD PA LTAR RO, ,DBUS KYI AA YIG GIS NI, RANG BZHIN GYIS NI MA SKYES PHYIR, ,SNGAGS NI YIG 'BRU'I DBANG PHYUG MCHOG ,CES RANG BZHIN GYIS SKYE BA MED PA'I STONG NYID MTSON PAR GSUNGS SO, ,DE LTAR BYAS NA CHOS 'BYUNG DANG PADMA DANG 'DAB MA'I YI GE RNAMS KYI NANG BSHAD KYIS BDE CHEN 'DREN PA'I THABS BSTAN LA, THABS GNYIS KYIS DRANGS PA'I BDE CHEN STONG NYID DANG SBYOR BA NI DBUS KYI AA YIG GIS BSTAN TO, ,DRANG DON GYI AA YIG LAS SPYIR NGAG GI YI GE THAMS CAD DANG, KHYAD PAR DU SNGAGS THAMS CAD 'BYUNG BA BZHIN DU, AA YIG NGES DON LAS KYANG DNGOS GRUB THAMS CAD 'GRUB PAR BSHAD RGYUD LAS GSUNGS SO, ,AA YIG GIS STONG NYID MTSON PA NI STONG NYID RTOGS PA'I LTA BA DANG BRAL NA, NGAL BA 'BRAS BU MED PAS DE NGES PAR DGOS PA SHES PA'I DON YIN TE, RNAM SNANG MNGON BYANG LAS,
, ,GSANG BA'I BDAG PO BYANG CHUB SEMS DPAS AA YIG LA GNAS PAS BYA BA THAMS CAD BSGRUB PAR BYA'O, ,ZHES DANG, MI GA-YO BA'I RTOG PA LAS KYANG, BYANG CHUB SEMS NI BRTAN BYAS NAS, ,SNGAGS KYI DNGOS GRUB GSUNGS PA STE, ,GZHAN DU SNGAGS GRUB CHO GA YI, ,BYAS PA THAMS CAD 'BRAS BU MED, ,DNGOS PO THAMS CAD MDOR BSDUS PAS, ,RANG BZHIN MED NYID BSAMS PA LAS, ,BYANG CHUB SEMS NI NGES PAR 'THOB, ,GZHAN DU 'BA' ZHIG 'GYUR BA MIN, ZHES GSUNGS PA'I PHYIR RO, ,'DI RNAMS SKABS 'DIR MAN SNYER DRANGS TE, AA YIG GIS MTSON PA'I STONG NYID KYI LTA BA SHIN TU GAL CHE BA LA NGES PA DRANG BAR BYA'O, ,GNYIS PA LA GNYIS, RKANG BRGYAD KYI RTZA SNGAGS BTU BA DANG, KA RA KA RA'I RTZA SNGAGS BTU BA'O, ,DANG PO LA GNYIS, RKANG PA SNGON MA BZHI BTU BA DANG, PHYI MA BZHI BTU BA'O, ,DANG PO NI, SPANG LEB GTZANG MA LA THOG MAR AOm GYI SHUL STONG PAR BZHAG ,DE NAS YI GE RIM PA BZHIN DU BRI ZHES GSUNG NGO, ,'DIR DBYANGS LAS THUB MED PAS K'A LI LAS THUB LA, DE'I SDE TSAN BZHI PA TA SDE'I LNGA PA NA GANG YIN PA DANG, DER MA ZANG SDE TSAN LNGA PA PA SDE YI YANG LNGA PA MA DANG SDE TSAN LNGA PA'I BZHI PA BHA DANG, SDE TSAN DANG PO KA SDE'I GSUM PA GA GANG YIN PA DANG, DE BZHIN DU KA NAS BGRANGS PA'I NYI SHU RTZA DGU PA WA DANG, BZHI PA TA SDE'I DANG PO TA GANG YIN PA DANG, MTHAR GNAS PA YI SDE TSAN GYI BZHI PA WA DANG, MTHAR GNAS DA NYID KYI NI GNYIS PA RA DANG, KA NAS BGRANGS PA'I SUM CU PA SHA NI YANG DAG PAR BLANG NGO, ,DE BZHIN DU NYI SHU RTZA DRUG PA YA NYID DANG, GONG GI YI GE DE DAG THAMS CAD LEGS PAR BSDUS PA NI RKANG PA DANG PO'I LUS SO, ,
RKANG PA DANG PO BTUS PA DE BZHIN DU RKANG PA GNYIS PA BTU BA NI, BRGYA YI PHYED NI LNGA BCU YIN LA, DE'I PHYED NI NYER LNGA PA MA DANG, MA'I RJES DE NAS SUM CU RTZA GSUM PA HA GZUNG BAR BYA'O, ,SDE TSAN DANG PO'I DANG PO KA NYID DAG DANG, MTHAR GNAS KYI GSUM PA LA'O, , 'DIR LA LA 'DOGS RGYU'I BA MA BYUNG BA NI 'DOGS KYI YI GE MA BRTZIS PA'I DBANG DU MDZAD NAS BTUS PA'O, ,SDE TSAN DANG PO YI NI GSUM PA GNYID DANG, KA NAS BGRANGS PA'I SUM CU RTZA GNYIS PA SA NYID DAG DANG, SDE TSAN BZHI PA YI NI LNGA PA NA DANG, LNGA PA PA SDE YI YANG BZHI PA BHA DANG, MTHAR GNAS KYI DANG PO YA GANG YIN PA STE RKANG PA GNYIS PA'I LUS SO, ,GNYIS PA TZA SDE YI NI GSUM PA DZA DANG, GSUM PA tA SDE'I DANG PO tA GANG YIN PA DANG, LNGA PA PA SDE YI YANG LNGA PA MA DANG, DANG PO KA SDE YI YANG DANG PO KA DANG, DE BZHIN DU KA NAS BGRANGS PA'I BCU GCIG PA tA NYID, DE BZHIN DU SNGAGS BTU BA LA MKHAS PAS KA NAS BGRANGS PA'I BCU DRUG PA TA GZUNG NGO, ,DE'I 'OG TU GA MA BYUNG BA NI TE LA 'DOGS PA'I DBANG DU MDZAD PA'O, ,GSUM PA tA SDE YI YANG DANG PO tA GANG YIN PA DANG, DE BZHIN DU NYI SHU RTZA DRUG PA YA RNAMS NI RKANG PA GSUM PA'I LUS SO, ,BZHI PA TA SDE'I GSUM PA DA GANG YIN PA DANG, AUshMA STE DRO BA YI NI GNYIS PA shA NYID DE, 'DIR YANG tA MA BYUNG BA NI SNGAR DANG 'DRA'O, ,DANG PO KA SDE'I DANG PO KA GANG YIN PA DANG, DE BZHIN DU NYI SHU RTZA BDUN PA NGA DANG, ,NYI SHU RTZA BRGYAD PA LA YANG GZUNG STE, DE DAG NI KA NAS BGRANGS PA STE GZHAN LA YANG SHES PAR BYA'O, ,DANG PO KA SDE YI NI GSUM PA GA DANG, LNGA PA PA SDE YI YANG BZHI PA BHA DANG, DE BZHIN
, ,DU SUM CU RTZA GCIG PA shA BLANG NGO, ,BCO LNGA PA nA NYID DAG DANG, DE BZHIN DU NYI SHU RTZA LNGA PA MA DANG, DANG PO KA SDE'I GNYIS PA KHA GANG YIN PA DANG, DE BZHIN DU NYI SHU RTZA DRUG PA YA RNAMS NI RKANG PA BZHI PA'I LUS SO, ,GNYIS PA NI, KA NAS KYI YI GE SUM CU RTZA GNYIS PA SA DANG, AUshMA YI NI THA MA HA NYID DANG, SUM CU RTZA GNYIS PA SA NYID DANG, LNGA PA BA SDE YI NI BZHI PA BHA DANG, GNYIS PA TZA SDE YI NI GSUM PA DZA DANG, LNGA PA PA SDE YI NI BZHI PA BHA DANG, AUshMA YI NI GSUM PA SA DANG, DE DAG LAS GZHAN YANG NYI SHU RTZA BDUN PAR DANG, AAN TA STHA STE MTHAR GNAS KYI DANG PO YA RNAMS NI RKANG PA LNGA PA'I LUS SO, ,RKANG PA LNGA PA BTUS PA DE BZHIN DU DRUG PA YANG THUB NI, KA NAS KYI NYI SHU RTZA GCIG PA PA DANG, AAN TA STHA'I GNYIS PA RA DANG, SNGAR SHA BTUS PA LA LTOS NAS DE BZHIN DU SLAR YANG NI SUM CU PA SHA DANG, LNGA PA PA SDE YI NI DANG PO PA DANG, AUshMA YI NI DANG PO SHA NYID DANG, DE BZHIN DU YI GE DY'A NYID DANG, BZHI PA TA SDE'I DANG PO TA GANG YIN PA DANG, AUshMA'I DANG PO SHA GANG YIN PA DANG, DE BZHIN DU NYI SHU RTZA BRGYAD PA LA DANG, DANG PO KA SDE'I GNYIS PA KHA GANG YIN PA DANG, GSUM PA tA SDE'I DANG PO tA NYID DAG DANG, DANG PO KA SDE'I GSUM PA GA GANG YIN PA DANG, BZHI PA TA SDE'I BZHI PA DHA GANG YIN PA DANG, AAN TA STHA'I GNYIS PA RA DANG, GSUM PA tA SDE YI YANG LNGA PA nA RNAMS NI RKANG PA DRUG PA'I LUS SO, ,RKANG PA DRUG PA BTUS PA DE NAS YI GE BY'A NI BLANG NGO, ,YI GE DY'A DANG 'DI GNYIS RIM PA BZHIN PADMA DANG RDO RJE BYIN GYIS RLOB PA YIN PAS YAN LAG DANG BCAS PAR BTUS PA YIN ZHES ZER MOD KYANG, YI GE GNYIS PA DE RKANG BRGYAD KYI
GRAL NA YOD CING, YA STA BTUS KYANG DBYANGS KYI YAN LAG BTUS PA MIN LA, GSAL BYED YIN KYANG GRAL GYI GSAL BYED GZHAN LA GSAL BYED ZUR DU GSAL BYED BTAGS TE BRTZEGS PA'I 'OG MA RNAMS 'DIR MA BTUS SO, ,BA DANG DA LA HA BTAGS PA LTA BU NI GSAL BYED KYI YI GE RE RE YIN PAS, LA LA PA DANG, GA LA NA BTAGS PA SOGS DANG MI 'DRA'O, ,DANG PO KA SDE YI NI BZHI PA GHA DANG, DE'I RJES NAS KA NAS KYI BRGYAD PA DZA NYID DAG DANG, BZHI PA TA SDE'I LNGA PA NA GANG YIN PA DANG, LNGA PA PA SDE YI YANG LNGA PA MA'O, ,DE'I 'OG TU BA MA BYUNG BA NI MA DANG RTZEG PA 'OG TU STON PA LA DGONGS SO, ,DE BZHIN DU YI GE NYI SHU RTZA BDUN PA RA DANG, BZHI PA YI NI BZHI PA DHA DANG, SLAR YANG NYI SHU RTZA BDUN PA RA DANG, DE BZHIN DU NYI SHU RTZA DRUG PA YA RNAMS NI RKANG PA BDUN PA'I LUS SO, ,NYI SHU RTZA LNGA PA MA YANG DAG PAR BLANG BA DANG, SUM CU RTZA GSUM PA TA NYID DAG DANG, BZHI PA YI NI BZHI PA DHA DANG, LNGA PA YI NI LNGA PA MA DANG, BZHI PA TA SDE'I LNGA PA NA'O, ,DANG PO'I DANG PO KA NYID DAG DANG, DE BZHIN DU NYI SHU RTZA BDUN PA RA DANG, AAN TA STHA'I BZHI PA WA DANG, DE BZHIN DU NYI SHU RTZA GCIG PA PA DANG, AUshMA YI NI GNYIS PA shA NYID DANG, DE BZHIN DU NYI SHU RTZA DRUG PA YA RNAMS NI RKANG PA BRGYAD PA'I LUS THU BA'O, ,LO CHEN DANG MAL GYI 'GYUR LA RKANG BRGYAD BTUS PA'I RJES SU KA RA KA RA'I RTZA SNGAGS BKOD PA MA GTOGS PA SNGAGS DE BTU BA MED, MU TIG PHRENG BAR KA RA KA RA LA SOGS PA BTU BA LO CHUNG GI DPE LA KHONG NYID KYIS BCUG NAS YOD DE, DE NI RGYA GAR GYI RGYA DPE THAMS CAD LA RTZA RGYUD NA 'DI NA MED GSUNG, ZHES 'BYUNG BAS RANG BZO MKHAN GCIG GIS MAL GYI 'GYUR LA KA RA KA RA SOGS BTU BA DKYUS LA BTZUD 'DUG CING, MAR
, ,NGO RKYANG PA'I 'GYUR LA YANG BTZUD 'DUG PAS, DE 'DRA'I RANG BZO BRI BAR MI BYA'O, ,LO CHEN GYI 'GYUR 'GOS KYIS BCOS PA LA, PAndI TA SU MA TI K'I RTI DANG, MAR DOS ZHU TIG BYAS PA LA RKANG PA BRGYAD KYI SNGAGS BTU BA MA GTOGS PA, KA RA KA RA'I SNGAGS BTU BA MED CING, SKABS 'DIR KA RA KA RA'I SNGAGS BKOD PA YANG MED DO, ,LO CHEN GYI 'GYUR LO TZ'A BA SHES RAB GRAGS DANG, MAR NGOS GNYIS KAS BCOS PA LA KA RA KA RA'I RTZA SNGAGS KYI SNGAGS BTU YOD LA, DE YANG GRAGS PA'I ZHAL SNGAR YUL DBUS KYI DPE LA GTUGS NAS BSGYUR ZER BA 'DUG PA'I GRAGS PA NI SU MA TI K'I RTIR MNGON PAS KHONG LA RGYA DPE MI 'DRA BA 'GA' ZHIG BYUNG BAR MNGON NO, ,MAL GYI 'GYUR BYED PA'I PAndI TA YANG SU MA TI K'I RTIR 'DUG GO ,DE LTAR NA BOD KYI MKHAS PA DAG BAL PO BHA TAN TAS N'A RO TA PA'I DNGOS SLOB PRADZNY'A RAKshI TA'I PHYAG DPE LA GTUGS PAS, RTZA SNGAGS RDZOGS PA'I SNGAGS BTU YOD ZER BA LTAR YIN PA 'DRA'O, ,BOD KYI MKHAS PA DAG 'GREL PA RNAMS LAS KYANG RKANG BRGYAD KYI SNGAGS BTU BA LAS MED GSUNG YANG, LVA BA PA'I 'GREL PA LAS BZHI PA YI NI LNGA PA DANG, ZHES BYA BA LA SOGS PA RNAMS KYIS BCOM LDAN 'DAS KYI SNGAGS TSIG BRGYAD PA DANG, KA RA KA RA ZHES BYA BA LA SOGS PA DANG BCAS PA'I RTZA BA'I SNGAGS BTU BA'O, ZHES RTZA RGYUD LA RTZA SNGAGS TSANG BA'I SNGAGS BTU YOD PAR GSUNGS PAS, RGYA GAR GYI DPE LA MI 'DRA BA MANG DU YOD PAR 'DUG NA YANG, RTZA SNGAGS TSANG BA'I SNGAGS BTU YOD PA LTAR BYA'O, ,GNYIS PA LA GSUM, BRGYAD TSAN DANG PO'I SNGAGS BTU BA DANG, BRGYAD TSAN BAR PA'I SNGAGS BTU BA DANG, BRGYAD
TSAN THA MA'I SNGAGS BTU BA'O, ,DANG PO NI, K'A LI'I SDE TSAN GYI DANG PO KA SDE'I DANG PO KA DANG, MTHAR GNAS KYI GNYIS PA RA DANG, A'A LI LA SDE TSAN DANG POR BYAS PA'I GNYIS PA NI KA SDE YIN LA DE YI DANG PO KA DANG, GSAL BYED KYI SDE TSAN DRUG PA MTHAR GNAS KYI YANG GNYIS PA RA DANG, DANG PO KA SDE YI NI DANG PO KA DANG, MTHAR GNAS KYI GNYIS PA SNGAR BSHAD PA DE BZHIN TER DANG, GNYIS PA YI NI DANG PO KA NI SNGAR BZHIN NO, ,A'A LI SDE TSAN DANG POR BYAS PA'I SDE TSAN BDUN PA YI GNYIS PA RA DANG, DBYANGS SDE NAS BGRANGS PA'I SDE TSAN DRUG PA YI YANG BZHI PA BHA'O, 'DIR DRUG PA YI GSUM PA ZHES PA MA DAG STE BHA THU DGOS PAS SO, ,BSHAD RGYUD LAS KYANG BZHI PA ZHES GSUNGS SO, ,KA SDE NAS BGRANGS PA'I BZHI PA TA SDE YI YANG LNGA PA NA LA, DE'I BZHI PA DHA YIS NI SBYAR BAR BYA BA NI 'OG TU GDAGS PA'O, ,MTHAR GNAS PA YI BZHI PA WA LA 'CHAD MOD KYANG, 'DIR BHA THU DGOS PAS KA TZA tA TA'I SDE PA BZHI'I MTHAR GNAS PA'I BZHI PA BHA LA ZER DGOS PA 'DRA'O, ,LNGA PA TA SDE YI YANG LNGA PA NA LA, DE'I BZHI PA DHA YIS NI GDAN DU BYAS PA STE 'OG TU GDAGS SO, ,LNGA PA TA SDE YI NI DANG PO TA LA 'OG TU ME YI GDAN DANG LDAN PA STE RA YIG RA STAR GDAGS SO, ,DE BZHIN DU AUshMA nA YI GSUM PA SA DANG, MTHAR GNAS KYI DANG PO YA DANG, DBYANGS SDE NAS BGRANGS PA'I BZHI PA TA SDE YI NI DANG PO TA LA ME STE RA YIS GDAN DU BYA'O, ,KA SDE NAS BGRANGS PA'I SDE TSAN BDUN PA DRO BA'I SDE PA YI GSUM PA SA DANG, KA SDE NAS BGRANGS PA'I DRUG PA MTHAR GNAS KYI DANG PO YA DANG, DANG POR KA DANG DE'I 'OG TU shA BTAGS TE BRTZEGS PAS KshA RA GRAGS PA
, ,GZUNG NGO, LNGA PA SDE YI NI BZHI PA BHA DANG, MTHAR GNAS KYI DANG PO YA DANG, SNGAR KshA GZUNG BA DE BZHIN DU SLAR YANG KA DANG shA GNYIS RIL POR BSDUS PA NYID GZUNG NGO, ,LNGA PA BA SDE'I BZHI PA BHA DANG, BDUN PA MTHAR GNAS KYI DANG PO YA BTU'O, ,AUshMA nA'I BZHI PA HA GZUNG ZHING, BDUN PA DRO BA YI NI BZHI PA HA LA, RDO RJE SEMS DPAS PHYE BA, ZHES PA KHA CIG HA'I STENG GI THIG LE LA 'CHAD PA DON MIN TE, LE'U BDUN PAR 'DI RNAMS KYI DBYANGS THU BA'I SKABS SU THIG LE BSHAD PA'I PHYIR DANG, RDO RJE SEMS DPAS PHYE BAR YIG GIS PHYE BA LA BSHAD PA'I PHYIR RO, ,DES NA 'DIR YANG RDO RJE SEMS DPAS PHYE BA'I DON HA GNYIS LA RA BTAGS PA LA BYA'O, ,AUshMA nA YI BZHI PA NI HA'O, ,'OD BYED GDAN DU BYAS PA NI HA LA RA BTAGS PAS HRA DU SANG BA'O, ,KA SDE NAS BGRANGS PA'I BDUN PA DRO BA'I BZHI PA HA LA, DE'I 'OG TU YANG NI ME'I GDAN TE RA YIG RA STAR BYAS PA'O, ,HRA GNYIS PO DE YANG MTHAR TSIG DRAG DANG NI YANG DAG PAR LDAN PA'O, ,KA SDE NAS BGRANGS PA'I LNGA PA PA SDE YI NI GNYIS PA PHA DANG, DE BZHIN DU KA NAS BGRANGS PA'I NYI SHU RTZA GNYIS PA PHA STE, DE GNYIS NI PHEm PHEm DU 'GRO RGYU'I PHA'O, ,GNYIS PA NI, DBYANGS SDE DANG POR BYAS PA'I DRUG PA PA SDE YI GNYIS PA PHA'I MTHAR, DE BZHIN DU KA NAS BGRANGS PA'I YI GE BCU GCIG PA tA NI NGES PAR SBYAR RO, ,SLAR YANG NYI SHU RTZA GNYIS PA PHA GZUNG STE, KA SDE NAS BGRANGS PA'I GSUM PA tA SDE'I DANG PO tA DANG SBYAR RO, ,BZHI PA TA SDE YI NI GSUM PA DA DANG, AUshMA nA YI BZHI
PA HA DANG, LNGA PA TA SDE'I GSUM PA DA DANG, BDUN PA DRO BA YI NI BZHI PA HA DANG, DE NAS NYI SHU RTZA GCIG PA PA BTU'O, ,GNYIS PA RTZA SDE YI NI DANG PO TZA DANG, LNGA PA PA SDE YI NI DANG PO PA DANG, DBYANGS SDE DANG POR BYAS PA'I GNYIS PA KA SDE LAS KA NAS BGRANGS PA'I YI GE DRUG PA TZA BTU'O, ,LNGA PA PA SDE YI BZHI PA BHA DANG, DE BZHIN DU KA shAR GRAGS PA'I KshA DANG, DE NAS KA NAS BGRANGS PA'I NYI SHU BZHI PA BHA BTU'O, ,SLAR YANG RIL PO SNGA MA BZHIN DU BTUS PA'I KshA DANG, LNGA PA PA SDE YI GSUM PA PA DANG, AUshMA nA YI GSUM PA SA DANG, MTHAR GNAS KYI GNYIS PA RA DANG, LNGA PA TA SDE YI BZHI PA DHA DANG, SLAR YANG 'OD BYED RA YIG SBYIN NO, ,KA NAS BGRANGS PA'I YI GE NYI SHU PA NA YI 'OG TU NI BCU DRUG PA TA NI DE'I GDAN DU STE DE'I 'OG TU GDAGS SO, ,TA DE'I 'OG TU ME STER YIG GIS GSAL BAR BYAS PA STE RA STAR BYA'O, ,LNGA PA PA SDE YI NI LNGA PA MA DANG, MTHAR GNAS KYI GSUM PA LA DANG, LNGA PA PA SDE YI GSUM PA BA DANG, DRUG PA MTHAR GNAS KYI GSUM PA LA DANG, MTHAR GNAS KYI BZHI PA WA STE, KHA CIG RGYA GAR GYI DPE LA BA DANG WA 'DRA BA YOD ZER RO, ,NYI SHU RTZA LNGA PA MAS KHYAD PAR TE RNAM PAR DBYE BA STE MA LA GDAGS SO, ,BZHI PA TA SDE YI LNGA PA NA DANG, DBYANGS SDE NAS BGRANGS PA'I GNYIS PA KA SDE YI GSUM PA GA LA, NYI MA'I BU RA YIS KHYAD PAR TE RNAM PAR DBYE BA STE RA STAR BYA'O, , AUshMA nA'I BZHI PA HA DANG, HA'I 'OG TU BCO LNGA PA nA'I GDAN DU BYA'O, ,DANG PO KA SDE YI YANG GSUM PA GA DANG, DE NAS GA DE LA ME STER YIS GDAN RA STAR BYA'O, ,BDUN PA DRO BA YI NI BZHI PA HA DANG, DE'I 'OG TU BCO LNGA PA nA'I GDAN NO, ,AUshMA nA YI GSUM PA SA DANG,
, ,LNGA PA PA SDE'I DANG PO BA DANG, DE LA BCU DRUG PA TA YIS GDAN DU BYA'O, ,DE NAS YI GE NYI SHU GCIG PA BA BLANG NGO, ,BZHI PA TA SDE YI NI DANG PO TA DANG, MTHAR GNAS KYI GSUM PA YA DANG, DBYANGS SDE DANG POR BYAS PA'I GNYIS PA KA SDE YI NI GSUM PA GA DANG, BZHI PA TA SDE YI NI DANG PO TA DANG, LNGA PA PA SDE YI NI BZHI PA BHA DANG, DBYANGS SDE DANG POR BYAS PA'I GSUM PA TZA SDE'I GSUM PA DZA DANG, DANG PO KA SDE YI NI GSUM PA GA DANG, AUshMA nA'I GSUM PA SA DANG, DE BZHIN DU NYI SHU GCIG PA PA DANG, 'OD BYED DER YIG GNYIS MNYAM PAR TE BRTZEGS PA RAS MNAN PA'O, ,LNGA PA PA SDE YI NI GSUM PA BA DANG, BZHI PA TA SDE YI NI DANG PO TA DANG, DBYANGS SDE DANG POR BYAS PA'I SDE TSAN GSUM PA YI NI GSUM PA DZA LA, STENG NAS ME YI YI GE RAS GSAL BAR BYAS PA STE BRGYAN PA'O, ,DE NAS MTHAR GNAS PA'I DANG POR GSUNGS PA'I YA'O, ,DE NAS YANG DE'I 'OG TU YI GE BCU DRUG PA TA DANG, GSUM PA TZA SDE'I GSUM PA DZA DANG, DE'I SPYI BOR ME YI YI GE RAS MTSAN PA DANG, DE BZHIN DU KA NAS BGRANGS PA'I NYI SHU RTZA DRUG PA YA'O, , DANG PO DBYANGS SDE'I DANG PO AA'O, ,'DIR YAN LAG GI DBYANGS MI THU YANG LUS KYI AA THU BA MI 'GAL LO, ,DBYANGS SDE DANG POR BYAS PA'I GNYIS PA KA SDE'I DANG PO KA DANG, KA SDE NAS BGRANGS PA'I GSUM PA tA SDE'I BZHI PA dHA LA, KA NAS BGRANGS PA'I BCU GSUM PA BA YIS MNAN PA'O, ,DE BZHIN DU DBYANGS SDE'I DANG PO AA DANG, GNYIS PA KA SDE'I DANG PO KA DANG, GSUM PA tA SDE'I BZHI PA dHA LA STENG DU BCU GSUM PA dA YIS MNAN PA'O, ,AUshMA nA'I BZHI PA HA LA YI GE NYI SHU RTZA BDUN PA RAS GDAN DU BYAS PA HRA'O, ,
YA SOGS ZHES 'BYUNG BAS YA YIG NAS BGRANGS PA'I BRGYAD PA'I SA BON HA LA, 'OD BYED RAS GSAL BA STER STAR BYAS PA'O, ,GNYIS PA TZA SDE'I GSUM PA DZA LA BCO LNGA PA nA YIS STAN DU BYAS PA STE DZA LA BTAGS PA'O, ,YANG GNYIS PA TZA SDE'I GSUM PA DZA SDE TSAN GSUM PA'I LNGA PA nA'I STENG DU BSKYON NO, ,'DIR BOD KYI MKHAS PA DAG RGYA DPE PHAL CHER LA DZA LA nA'I GZUGS BSDUS NAS BRIS PAS NYA DANG KHYAD MA PHYED PA DANG, RGYA DPE KHA CIG NA NYA'I GZUGS RDZOGS PA BTAGS SNANG BA LA, BOD DPE THAMS CAD LA YANG DE BZHIN DU SNANG STE, SNGAGS BTU BA LAS DE BZHIN DU MI 'BYUNG GSUNG NGO, ,GSUM PA NI, KA DANG shA'I SA BON BTUS NAS KshAR BYAS PA LA NYER LNGA PA MA YIS GDAN DU BYA'O, ,KA DANG shA GNYIS RIL POR BYAS PA'I MDZES PA BTUS NAS NI, YI GE MA YIS KshA DE'I GDAN DU BYA'O, , AUshMA nA'I BZHI PA HA DANG, YANG BDUN PA DRO BA'I BZHI PA HA DANG, YA SOGS TE YA YIG NAS BGRANGS PA'I BRGYAD PA'I SA BON HA DANG, DE BZHIN DU SUM CU RTZA GSUM PAR DES BA HA'O, ,YE SHES LNGA PA'I BDAG NYID H'Um YONGS SU BTUS LA, YANG NI H'Um DE LA GNYIS PA CIG NGES PAR BYA'O, ,GNYIS PA KA SDE YI NI DANG PO KA DANG, MTHAR GNAS KYI GSUM PA LA DANG, DE BZHIN DU YI GE SUM CU RTZA GNYIS PA SA DANG, DRUG PA MTHAR GNAS KYI GSUM PA LA DANG, BDUN PA DRO BA'I BZHI PA HA DANG, DE BZHIN DU DRUG PA MTHAR GNAS KYI GSUm PA LA DANG, LNGA PA TA SDE'I BZHI PA DHA DANG, DRUG PA MTHAR GNAS KYI GSUM PA LA STE, TSIG RKANG PA BZHI PO DE LAN GNYIS GNYIS SU BZLAS PA YIN NO, ,DE LTAR DANG PO NI DANG PO NYID DANG NI, ,MTHAR GNAS PA YI GNYIS PA NYID, CES SOGS SHLO KA SO GSUM DANG RKANG
, ,PA GSUM NI LO TZ'A BA GNYIS 'DUS PA'I RTZA RGYUD KYI 'GYUR LA 'BYUNG PA, 'DIR BSHAD PA'I DON DU BRIS KYI MAR DO RKYANG PA'I 'GYUR LA MED PAS, 'DIR DKYUS LA GZHUG PAR MI BYA'O, ,'DI DANG MNGON BRJOD GNYIS RE RE TZAM MA GTOGS PA 'DRA'O, ,GSUM PA NI, RIG PA NI 'KHOR LO GSUM GYI MKHA' 'GRO MA'O, ,DE'I RGYAL PO NI HE RU KA'O, ,DE'I GSANG SNGAGS NI SNGAGS BTUS PA'I RTZA SNGAGS TE, BSGRUB PAR BYA BA THAMS CAD SGRUB PAR BYED PA'O, ,RTZA SNGAGS 'DI LAS SHIN TU MCHOG TU GYUR PA'I SNGAGS SA 'OG SA STENG SA BLA'I 'JIG RTEN GSUM NA YOD PA MIN TE, DPAL HE RU KA'I RTZA BA'I SNGAGS SHES NAS ZLO BA NI ME DANG 'DRA LA, SNGAGS GZHAN DAG NI SOG MA DANG MTSUNGS TE, STOBS CHE CHUNG GI KHYAD PAR CHE'O, ,DNGOS GRUB THAMS CAD KYI RTZA BA YANG YIN LA SNGAGS KYANG YIN PAS RTZA BA'I SNGAGS SU RAB TU GRAGS SO, ,BYA BA THAMS CAD CES PA LA, SGRUB PA THAMS CAD RNAM SPANGS PA, ZHES KYANG 'BYUNG LA, DE'I DON NI KLAGS PA TZAM GYIS 'GRUB PA YIN NO, ,ZHES KONG KA NA PA BZHED LA, BHA BA BHA DRA DANG DPA' BO RDO RJES KYANG DE BZHIN BSHAD DE, ,SBYIN SREG LA SOGS PA'I SGRUB PA GZHAN LA MI LTOS PAR BZLAS PA TZAM GYIS 'GRUB PA'I DON NO, ,DES NA 'DI'I BZLAS PA BYED PAR 'DOD PAS RTZA SNGAGS NYID LA GTZO BOR BYA'O, ,GNYIS PA NI, DPAL HE RU KA MNGON PAR BRJOD PA BSDUS PA'I RGYUD LAS, RTZA BA'I SNGAGS KYI LUS KYI YI GE BTU BA'I CHO GA'I LE'U STE LNGA PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA, SBAS PA'I DON KUN GSAL BA LAS LE'U LNGA PA'I
BSHAD PA'O,, ` ,,GNYIS PA DPA' BO'I GO CHA'I SNGAGS BTU BA LA GNYIS, GZHUNG DNGOS DANG, LE'U YI MTSAN NO, ,DANG PO LA GNYIS, SNGAGS GNYIS KYI YI GE'I GRANGS GO CHA'I SNGAGS BTU BA DANG BCAS PA DANG, GO CHA 'GOD PA'I GNAS BSTAN PA'O, ,DANG PO NI, RTZA SNGAGS LAS GZHAN YANG 'OG NAS 'CHAD PA'I SNYING PO'I SNGAGS LA NI YI GE NYI SHU RTZA GNYIS YOD LA, SNYING PO DANG NYE BA'I SNYING PO'I SNGAGS LA NI YI GE BDUN YOD DO, ,'DIR YA TSOGS DANG YA SOGS DANG YA SDE ZHES PA GSUM BYUNG BA LA DANG PO 'GYUR MI LEGS SHING, PHYI MA LA BSHAD RUNG TZAM SNANG YANG BAR PA LEGS SO, ,YA LA SOGS PA'I YI GE BRGYAD PA'I SA BON NI HA'O, ,GUG SKYED NI DBYANGS SAM PHYI MO'O, ,BCU GNYIS NI Ri Li BZHI DOR BA'I LHAG MA, AA A'A NAS Am AA: 'I BAR RO, ,DE BZHIN NI BCU GNYIS PO HA LA ZHUGS PAS, HA H'A HI H'I HU H'U HE HE HO HOO Hm HA: SO, ,THUNG NGU GNYIS KYI YI GE PAR MA RING PO LNGA DANG THA MA DOR BAR BYA'O, ,'GYUR GZHAN LAS, YI GE THA MA DOR BYAS PA, ZHES PA LTAR NA GNYIS GNYIS KYI THA MA RING PO RNAMS DOR BA'I DON NO, ,DE RNAMS DOR BA'I HA LA SOGS PA THUNG NGU DRUG NA, DPAL HE RU KA'I SNYING GA LA SOGS PA'I YAN LAG DRUG TU BRJOD DO, ,DE YANG SNYING KHA LA SOGS PA'I RTEN DANG, BRTEN PA HA LA SOGS PA NGO BO DBYER MED PAS SAM DON DAM PAR DBYER MED PAS YAN LAG DRUG CES BYA'O, ,RDOR SEMS LA SOGS PA'I DPA' BO DRUG GI AOm LA SOGS PA DANG MNYAM PAR SBYOR BA STE SBYAR BAR BYA'O, ,YI GE GANG DANG YIN NA, HA LA SOGS PA'I YI GE GCIG TU STE RE RE YANG DAG PAR GNAS PA DANG SBYAR TE, DE YANG HA'I GONG DU AOm DANG YANG DAG PAR LDAN
, ,PA DE BZHIN DU, NA MA TE, SVA HA HU, BOO shAD HE, HUm H'Um HO, PHAt HAm ZHES SBYAR RO, ,DE NI SGRUB PA POS DPA' BO DRUG GI SNYING POR SHES PAR BYA'O, ,GNYIS PA NI, GO CHA'I SNGAGS DANG PO AOm HA NI SNYING GA NYID DU DGOD PA STE, SNGAGS GNYIS PA SPYI BOR DGOD PAR SHES PAR BYA'O, ,SNGAGS GSUM PA SPYI GTZUG DAG TU SBYAR RO, ,SNGAGS BZHI PA GO CHA NYID DU YIN, ZHES PA NI KUN SPYOD LAS PHRAG PAR DGOD PAR GSUNGS PA BZHIN NO, ,SNGAGS LNGA PA NI MIG TU GYUR PA STE MIG GNYIS SU DGOD DO, ,SNGAGS DRUG PA MTSON CHA ZHES BYAR 'DOD, CES PA'I DON NI, SDOM 'BYUNG LAS, PHAt HAm YAN LAG THAMS CAD LA MTSON CHA'O, ,ZHES GSUNGS PA YIN NO, ,YAN LAG THAMS CAD NI LVA BA PAS, PAGS PA'I NANG NA GNAS PA'I RDUL PHRA RAB RNAMS DE'I RANG BZHIN DANG KHA DOG CAN DU BYA'O, ,ZHES GSUNGS PAR LTAR, PRADZY'A RAKshI TAS KYANG BSHAD PAS, LUS DBANG GI RDUL PHRA RAB THAMS CAD RTA MCHOG GI NGO BO'I PHAt HAm LJANG GUR MOS PAR BYA'O, ,SNGAGS 'GOD PA'I GNAS NI, LVA BA PAS DPRAL BAR 'GOD PAR GSUNGS PA LTAR BYA STE, LHA 'GOD NA YANG LUS DBANG GI RDUL PHRA RAB THAMS CAD DE'I NGO BOR MOS PAR BYA'O, KHA CIG YAN LAG THAMS CAD LA ZHES BSHAD PAS DPRAL BAR 'GOD PA 'GOG PA MI 'THAD DE, DE LTA YIN NA GZUGS PHUNG LA RNAM SNANG ZHES DANG, LUS LA PHRAG DOG RDO RJE'O, ,ZHES SOGS BSHAD PA LA LHA DE GNYIS SPYI BO DANG DPRAL BAR SGOM PA YANG MI 'THAD PAR 'GYUR BA SOGS MANG NGO, ,PAGS PA'I NANG DU ZHES GSUNGS PAS GO CHA LTAG MA RNAMS KYANG LUS KYI NANG DU BKOD DO, ,'O NA GO CHA 'DI RNAMS LHA JI TZAM
ZHIG LA 'GOD SNYAM NA, L'U AI PA DANG DRIL BU PA'I LUS DKYIL LAS, GO CHA BCU GNYIS 'GOD PAR GSUNGS KYANG LHA GANG LA 'GOD MI GSAL LA, DRIL BU PA'I LHA LNGAR NI GTZO BO YAB YUM BSKYED CING 'KHOR MA BSKYED PA'I BAR DU GO CHA BKOD PAS GTZO BO YAB YUM NYID LA BKOD DO, ,NAG PO SPYOD PA'I SGRUB THABS LAS NI, GTZO BO YAB YUM GNYIS TZAM LA BKOD KYI GZHAN LA MA BKOD DO, ,DE YANG KUN SPYOD LAS, DPA' MO'I GO CHA DRUG BSHAD PA'I MTHAR, GO CHA DRUG NYID PHAG MO STE, ZHES AOm BAm SOGS KYI GO CHA DRUG PHAG MO LA 'GOD PAR BSHAD PAS, AOm HA SOGS DRUG KYANG GTZO BO LA 'GOD PAR GSAL TE, DE DANG MTHUN NO, ,SPYIR NI PAndI TA MANG POS GTZO BO YAB YUM NYID LA 'GOD PA DANG, GZHAN 'GA' ZHIG GIS LHA THAMS CAD LA GO CHA BYED PAR BSHAD PA YANG YOD KYANG, LO NAG DRIL GSUM GYI SGRUBS THABS KYI SKABS SU NI GTZO BO YAB YUM TZAM ZHIG GO CHA 'GOD PA'I GZHIR GZUNG NGO, ,DGAG GZHAG RGYAS PAR NI L'U AI PA'I SGRUB THABS KYI RNAM BSHAD DU BSHAD ZIN TO, ,'O NA DE LA 'GOD PA'I GO CHA YANG JI LTA BU SNYAM NA, LVA BA PAS SNGAGS DANG LHA RNAMS THA DAD MED PAR SNGAGS NYID 'GOD PA DANG, YANG NA SNGAGS RNAMS LAS BSKYED PA'I LHA 'GOD PA'I TSUL GNYIS BSHAD DE, PRADZNY'A RAKshI TAS KYANG DE BZHIN DU BSHAD DO, ,GO CHA'I LHA'I SKU MDOG PHYAG MTSAN RNAMS NI SGRUB THABS LAS SHES PAR BYA'O, ,RTZA RGYUD KYI GO CHA'I SNGAGS JI BZHIN DU KUN SPYOD DANG SDOM 'BYUNG LAS KYANG GSUNGS LA, LO DRIL GNYIS KYI GZHUNG DU YANG DE BZHIN DU 'BYUNG NGO, ,NAG PO PAS BCU GNYIS PO RE RE'I THOG MAR AOm YIG SBYAR BA NI RDO RJE MKHA' 'GRO
, ,LA BRTEN PA'O, ,MNGON BRJOD LAS, SKU GSUNG THUGS DAM TSIG SOGS KYI BDE MCHOG RIGS SO SO LA GO CHA GNYIS KYI SNGAGS RNAMS RTZA RGYUD DANG 'DRA BA DANG, MI 'DRA BA DU MA ZHIG BSHAD DO, ,GNYIS PA NI, DPAL HE RU KA MNGON PAR BRJOD PA BSDUS PA'I RGYUD LAS DPA' BO DRUG GI GO CHA'I SNGAGS BTU BA'I LE'U STE DRUG PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U DRUG PA'I BSHAD PA'O,, ` ,,GSUM PA RTZA BA'I SNGAGS KYI DBYANGS BTU BA LA BZHI, YAN LAG GI DBYANGS BTU BA DNGOS, BTUS PA'I RTZA SNGAGS KYI CHE BA, RTZA SNGAGS KYI THOG MTHA'I YI GE BTU BA, LE'U YI MTSAN BSTAN PA'O, ,DANG PO LA GNYIS, RKANG BRGYAD KYI DBYANGS BTU BA DANG, KA RA SOGS KYI DBYANGS BTU BA'O, ,DANG PO LA GNYIS, RKANG PA SNGON MA BZHI'I DBYANGS BTU BA, PHYI MA BZHI'I DBYANGS BTU BA'O, ,DANG PO NI, RTZA SNGAGS KYI LUS BTUS PA DE NAS DBYANGS YIG BCU GSUM PA AO, LUS BTUS PA'I YI GE GNYIS PA MA DANG SBYAR BAS MO'O, ,DBYANGS YIG BCU GCIG PA AE YANG DAG LDAN PA STE SBYAR BA YIS, BTUS PA'I YI GE DRUG PA TA LA BRGYAN PAR BYA'O, ,DBYANGS KYI BZHI PA A'I RING PO NYID KYANG NI YI GE BDUN PA WA DANG SBYAR RO, ,DBYANGS YIG BCU GCIG PA AE NI SNGAGS BTU BA LA MKHAS PAS YI GE BRGYAD PA RA DANG SBYAR BAR BYA'O, ,DBYANGS YIG GNYIS PA A'A RING PO DANG LDAN PAR, YI GE DGU PA SHA LA BRGYAN PAR BYA'O, ,DBYANGS YIG GNYIS PA A'A NI YI GE BCU GNYIS PA HA DANG SBYAR RO, ,DBYANGS YIG GNYIS PA A'A RING PO DANG LDAN PAR, KA NAS BGRANGS PA'I YI GE NYI SHU
RTZA GCIG PA BA GZUNG LA, MKHAS PAS YI GE BCU BZHI PA LA LA GDAGS SO, ,YI GE NYI SHU PA NA DANG DBYANGS KYI GSUM PA AI THUNG DU NYID SBYAR LA, NI DE YI GE BCO LNGA PA GA DANG SBYAR BA STE DE LA GDAGS SO, ,DBYANGS YIG BCO LNGA PA Am DANG YANG DAG LDAN PA STE SBYAR BAS, YI GE BCU DRUG PAS MDZES PAR BYA'O, ,DE YANG AA YIG BRJOD PA'I DON YIN PAS PHYIS LA THIG LE DE SA LA SBYIN NO, ,DBYANGS YIG GSUM PA AI THUNG NGU DANG LDAN PA'I YI GE BCU BDUN PA NA RU 'DOD DO, ,DBYANGS KYI GNYIS PA A'A RING PO NI YI GE BCO BRGYAD PA BHA RU SBYAR RO, ,DBYANGS YIG GNYIS PA A'A RING PO NI YI GE NYI SHU RTZA GCIG PA tAR SBYAR RO, ,DBYANGS YIG LNGA PA AU THUNG NGU NI YI GE NYI SHU RTZA GSUM PA KAR SBYAR RO, ,DBYANGS YIG BCU GSUM PA AO NI YI GE NYI SHU BZHI PA tAR SBYAR RO, ,SDE TSAN DANG PO KA SDE'I DANG PO KA BLANGS NAS NI YI GE NYI SHU LNGA PA TA LA SBYAR BA STE GDAGS SO, ,DBYANGS YIG GNYIS PA A'A RING PO DANG LDAN PAR YI GE NYI SHU RTZA DRUG PA tAR 'GYUR RO, ,YI GE NYI SHU RTZA BRGYAD PA DE NYID NI DBYANGS YIG BCO LNGA PA Am DANG SBYAR TE AA PHYIS LA THIG LE DA LA SBYIN NO, ,GSUM PA tA SDE'I DANG POR YANG DAG LDAN PA'I tA YI 'OG MA'I CHA STE 'OG TU NI ME STE RA YIG DANG BCAS PA'O, ,tA LA RA 'DOGS PA DE BZHIN DU DBYANGS YIG GNYIS PA A'A RING PO DANG SBYAR BA'I NYI SHU RTZA DGU PA shA'O, ,YI GE SUM CU RTZA GCIG PA RA NI DBYANGS YIG GNYIS PA A'A RING PO DANG SBYAR RO, ,YI GE SUM CU RTZA GNYIS PA LA NI DBYANGS YIG BCU GSUM PA AO DANG SBYAR RO, ,YI GE SUM CU RTZA GSUM PA GNYI MA'I SA BON RA DANG LDAN PAR BYA STE RA STA'O, ,DBYANGS YIG BZHI PA A'I RING PO NI YI
, ,GE SUM CU RTZA BZHI PA BHA RA LDAN PAR BYA BA NI, 'DOD PA'I DON KUN SGRUB PAR BYED PA YIN NO, ,DBYANGS KYI LNGA PA AU THUNG NGU NI YI GE SUM CU RTZA BDUN BAM DANG LDAN PAS NI MKHA' 'GRO MA RNAMS KYI THUGS RGYUD BSKUL NAS DNGOS GRUB RNAMS SGRUB PAR BYED PA YIN NO, ,SUM CU RTZA BRGYAD PA KHA 'DI DBYANGS YIG GNYIS PA A'A RING PO DANG SBYAR RO, ,DPA' BO DANG DPA' MO'I LHA RNAMS SGRUB PA'I RGYU NI, SNGAGS KYI YI GE 'DI NYID YIN PAR THE TSOM MED DO, ,GNYIS PA NI, SNGAR BTUS PA'I YI GE BZHI BCU RTZA GNYIS PA SA'I 'OG GI CHAR NI SGRUB PA POS ME STER DANG SBYAR LA RA STAR BYA'O, ,BZHI BCU GSUM PA BHA NI DBYANGS YIG LNGA PA AU THUNG NGU DANG SBYAR RO, ,YI GE BZHI BCU LNGA PA BHA NI DBYANGS YIG GNYIS PA A'A RING PO DANG SBYAR RO, ,DBYANGS YIG LNGA PA AU THUNG NGU NI BZHI BCU RTZA DRUG PA SA DANG LDAN PAR BYA STE, DPA' BO THAMS CAD RAB TU MCHOD PA YIN NO, ,BZHI BCU RTZA BDUN PAR NI DBYANGS YIG GNYIS PA A'A RING PO DANG SBYAR RO, ,SNGAGS 'DI DAG NI RDO RJE SEMS DPA' MCHOG GI NGO BO YIN TE, SNGAGS DANG LHA THA MI DAD PA'I PHYIR RO, ,YI GE LNGA BCU RTZA GCIG PA SHA DBYANGS YIG LNGA PA AU THUNG NGUS MDZES PA MCHOG NI YIN PAR 'DOD DO, ,LNGA BCU RTZA GNYIS PA PA DBYANGS YIG GNYIS PA A'A RING PO DANG SBYAR BA NI LHA RNAMS ZHES SOGS SNGAR BZHIN BSHAD DO, ,NGA GSUM PA SHA'ANG DBYANGS BCU GSUM PA AO DANG SBYAR RO, ,YI GE NGA DRUG PA SHA DBYANGS YIG DRUG PA A'U RING PO DANG SBYAR BA NI DGRA RNAMS NGES PAR GCOD PAR BYED PA YIN NO, ,AAN TA S+THA YI BZHI PA WA DANG DBYANGS YIG
GNYIS PA SBYAR BA NI W'A RING PO'O, ,DE BZHIN DU DBYANGS YIG BCO LNGA PA Am DANG SBYAR BA NI SNGAR LTAR TE, DNGOS GRUB THAMS CAD SGRUB PAR BYED PA YIN NO, ,YI GE LNGA BCU RTZA DGU PA tAR 'GYUR BA NI tA'I 'OG TU WA STA RING POR BYA, THIG LE tA'I MGOR BYIN PAS t'Am ZHES PA'O, ,YI GE DRUG CU RTZA GCIG PA DHA, DBYANGS YIG GNYIS PA A'A RING PO DANG SBYAR RO, ,SNGAGS 'DI NYID NI MCHOG YIN PAR BSHAD DO, ,YI GE RE GNYIS PAR DBYANGS YIG GSUM PA AI THUNG BA DANG SBYAR BA NI MKHA' 'GRO MA YI RIG PA'I MCHOG TU 'DOD DO, ,YI GER GSUM PA nA, DBYANGS YIG BCU GCIG PA AE DANG LDAN PA'I MDZES PA'I YI GE NI KUN GYI MCHOG GO ,DE BZHIN DU YI GE RE LNGA BA GHA, RDO RJE SEMS DPA' RAS PHYE BA STE RA STAR BYAS PA'I SA BON 'DI NI LHA RDZAS TE BDUD RTZI'I MCHOG DANG, 'JIG RTEN PA'I DNGOS GRUB SBYIN PA DANG, THAR PA CHEN PO SBYIN PA'O, ,'DIR LO CHEN GYI RTZA RGYUD KYI 'GYUR LA RE BZHI PA RDOR SEMS KYIS PHYE BA DANG, DBYANGS YIG GNYIS PAR LDAN PAR 'BYUNG LA, MAL GYI 'GYUR LA RE BZHI PA DBYANGS YIG GNYIS PA DANG SBYAR BA YOD CING, RDOR SEMS KYIS PHYE BA MED, MAR DO'I 'GYUR GNYIS KA LO RE BZHI PA LA BSHAD PA MED DO, ,DE LTAR MI MTHUN KYANG MAL GYI LTAR LEGS PA 'DRA'O, ,MNGON BRJOD RNAMS DANG, LO CHEN GYI 'GYUR LAS RE BZHI PA RDOR SEMS KYIS PHYE BA DANG, RE LNGA PA DBYANGS GSUM PA DANG SBYOR BA MA DAG LA, RE BZHI PA DBYANGS GNYIS PA DANG SBYOR BA DAG PA 'DRA'O, ,RE DRUG PA DZA DBYANGS GSUM PA AI DANG SBYAR RO, ,SNGAGS DE DAG NI BYA BA KUN LA GRUB PA SBYIN PA DE LTAR DE BZHIN GSHEGS PAS GSUNGS SO, ,
, ,YI GE RE BDUN PA NA DBYANGS KYI GNYIS PA A'A RING PO DANG LDAN PA STE SBYAR BA NI RNAL 'BYOR MA YI DGONGS PA KUN SKONG BA 'DI NYID YIN PAR THE TSOM MED DO, ,RE BRGYAD PA MA DER NI BA SBYAR TE, SA BON GYI YI GE MA 'DI YI 'OG GI CHAR NI BTAGS PA STE GDAGS PAR BYA'O, ,YI GE DON GCIG PAR LA DBYANGS YIG GNYIS PA A'A SBYAR RO, ,YI GE KUN LA MDZES PA NI DE MA THAG PA 'DI NYID YIN PAR THE TSOM MED DO, ,DON BZHI PA HA NI DBYANGS YIG GNYIS PAR SBYAR BA DAG GDOD NAS DNGOS GRUB SGRUB PAR BYED PA YIN PAR DE BZHIN GSHEGS PA'I ZHAL NAS GSUNGS SO, ,DON LNGA PA DHA MA MO STE DBYANGS KYI DRUG PA A'U DANG LDAN PA 'DI NI BYA BA SGRUB PA KUN LA RNAL 'BYOR RAB MCHOG DAM PA YIN NO, ,DON DRUG PA NI MA'O, ,YI GE BA MA DE'I 'OG TU SBYAR LA, NYI MA STE RA YIS NI DBYE BA STE BA DE LA GDAGS SO, ,DBYANGS YIG GNYIS PA A'A RING PO DANG LDAN PA'I ME'I SA BON DE LAS GZHAN PA'I MCHOG TU MDZES PA YOD PA MIN NO, ,MAR DO'I 'GYUR GZHAN LAS, YI GE PA NI DE SBYAR BYA, ZHES 'BYUNG NGO, ,YI GE DON BDUN PA NA'O, , NA DER NI 'OG TU DHA DANG SBYAR BAR BYA'O, ,SA BON GYI SNGAGS 'DI NI LHA RDZAS KYI MCHOG MKHA' 'GRO MA YI MDZES PAR 'DOD DO, ,YI GE DON BRGYAD PA KA NI DBYANGS YIG GNYIS PA DANG SBYAR BA'I SA BON 'DI NI MCHOG TU BZANG PO DNGOS GRUB KYI RGYU'I MCHOG NI YIN PAR 'DOD DO, ,YI GE GYA GCIG PA PA NI DBYANGS KYI BZHI PA A'I, DE'I MTHA' AU YIS KHYAD PAR DU BYED PAS PU'O, ,'DI NI GDOD MA NAS DNGOS GRUB SGRUB PAR BYED PA YIN TE, DNGOS GRUB KUN LA 'JUG PAR BYED PA'O, ,YI GE GYA GNYIS PA shA, DBYANGS KYI
GNYIS PA A'A RING PO DANG SBYAR BAS sh'A'O, ,'GYUR GZHAN LA DE YAN CHAD LAS DBYANGS THU BA MED KYANG, LO TZ'A BA GNYIS 'DUS KYI 'GYUR DANG MNGON BRJOD LAS KAR SOGS KYI DBYANGS THU BA YANG BSHAD PAS, 'DIR DE LTAR BSHAD PAR BYA'O, ,GNYIS PA LA GSUM BRGYAD TSAN DANG PO'I DBYANGS THU BA, BRGYAD TSAN BAR PA'I DBYANGS THU BA, BRGYAD TSAN THA MA'I DBYANGS BTU BA'O, ,DANG PO NI, RKANG BRGYAD KYI LUS BTUS PA DBYANGS DANG SBYAR BA DE BZHIN DU KAR SOGS KYI LUS BTUS PA YANG DBYANGS DANG SBYAR RO, ,MA MO STE DBYANGS RNAMS LAS LNGA PA AU THUNG NGU BTUS PA'I YI GE BRGYAD CU RTZA BRGYAD PA KA LA SBYAR BAS KU'O, ,'DIR MA MO ZHES PA RNAMS DBYANGS LA BYA'O, ,RKANG BRGYAD KYI LUS BTUS PA'I YI GE'I STENG DU KA RA KA RA BSNAN PA'I DBANG DU MDZAD NAS 'DIR GYA BRGYAD PA ZHES GSUNGS SO, ,MA MO RNAMS LAS LNGA PA AU NYID YI GE GYA DGU PAR LA SBYAR RO, ,DE BZHIN DU MA ME RNAMS LAS LNGA PA AU NYID YI GE DGU BCU PA KA LA SBYAR RO, ,MA MO'I LNGA PA AU YI GE GO GCIG PA RA DANG SBYAR RO, ,MA MO RNAMS KYI GNYIS PA A'A NI YI GE GO DRUG PA TRA DANG SBYAR, YANG DBYANGS KYI GNYIS PA DANG YI GE GO DGU PA TRA GNYIS SBYAR BA'I TR'A SA YA NI GDUG PA RNAMS SGRAG PAR BYED CING, SNGAGS PA RNAMS LA BDE BA 'BYUNG BAR BYED PA'O, ,MNGON BRJOD RNAMS LAS, MA MO KUN GYI BDE BA'I GNAS, ZHES 'BYUNG NGO, ,DE LTAR NA TR'A SA PHYI MA'I SA NI YI GE BRGYA PA'O, ,YI GE BRGYA RDZOGS NAS SLAR YANG GCIG NAS 'DREN PA LA YA YIG GCIG TU BYA'O, ,DBYANGS RNAMS KYI BCU GSUM PA AO NI YA NAS BGRANGS PA'I YI GE GNYIS PA KshA DANG LDAN PAR BYA'O, ,DBYANGS LAS
, ,BCU GSUM PA AO NI YA NAS BGRANGS PA'I LNGA PA KshA PHYI MA DANG LDAN PA NI, KshA YANG KAR ZHES GDUG PA RNAMS NI ZAD PAR BYED CING, MKHA' 'GRO MA RNAMS KYI BDE BA 'BAB PA'I GNAS SO, ,MA MO RNAMS KYI BDE BA YANG DE BZHIN NO, ,DBYANGS RNAMS LAS BCU BZHI PA AOO, YI GE BRGYAD PA HRA DANG LDAN PAR BYA LA, DE NYID DBYANGS KYI BCO LNGA PA Am GI AA PHYIS NAS THIG LE'I GDAN DU BYAS PA'O, ,DBYANGS LAS BCU BZHI PA AOO NI, YI GE DGU PA HRAR LDAN PA'I SPYI BOR THIG LES MTSAN PA NI SGRUB PA PO LA MKHA' 'GRO MA RNAMS KHYAD PAR DU DGA' BAR BYED PA'O, ,DBYANGS LAS BCU GCIG PA AE, YI GE BCU GNYIS PA DANG LDAN ZHING SPYI BOR THIG LES MTSAN PAS PHEEm STE PHEEm GNYIS PA YANG DE BZHIN NO, ,GNYIS PA NI, DBYANGS RNAMS LAS LNGA PA AU, YI GE SO GNYIS PA RAR LDAN NO, ,RA SOGS GNYIS PAR 'JOG PA NI PHAt GNYIS KYI PHA DANG tA SO SOR BGRANGS PA YIN GSUNG NGO, ,DBYANGS GSUM PA AI, YI GE SO GSUM PA DHAR LDAN PAS DHI'O, ,DBYANGS KYI GNYIS PA A'A, YI GE SO BZHI PA RAR LDAN PA DANG, DBYANGS KYI GNYIS PA SO DRUG PA MAR LDAN PA DANG, THOG MA DBYANGS SDE'I GNYIS PAR LDAN PA'I YI GE SO BDUN PA LA DANG, DBYANGS LAS GSUM PA AI DANG LDAN PA'I YI GE BZHI BCUB BA DANG, MA MO BCU GCIG PA AE DANG LDAN PA'I YI GE ZHE GCIG PA NA DANG, DBYANGS LAS GSUM PA AI, YI GE ZHE GNYIS PA GRAR LDAN ZHES PA DANG, DBYANGS GSUM PA ZHE BZHI PAR LDAN ZHES PA GNYIS RGYA GAR GYI DPE MA DAG PA LAS BSGYUR BA STE, MNGON BRJOD LAS, DBYANGS KYI YI GE BDUN PA NI, YI GE BZHI BCU GNYIS PAR SBYAR, ,
DBYANGS KYI BDUN PA NYID DANG NI, ,YI GE BZHI BCU BZHI PAR SBYAR, ,ZHES PA DAG STE, DBYANGS KYI BDUN PA Ri, YI GE BZHI BCU PA GA LA SBYAR LA RA PHYI, GRi ZHES PA DAG STE, SDOM 'BYUNG SOGS NAS KYANG DE BZHIN DU BTUS PA'I PHYIR RO, ,ZHES GSUNG PA NI RANG GIS SNGAR LUS THU BA'I SKABS SU GA YIG RA DANG SBYAR BA DANG 'GAL ZHING, 'BROG MI DANG KHYUNG PO SOGS KYIS BSGYUR BA'I MNGON BRJOD MANG PO LAS KYANG, LUS THU BA'I SKABS SU GA YIG GNYIS RA DANG SBYAR SNANG LA, RTZA RGYUD KYI LE'U SUM CU PA LAS KYANG GA RA DANG SBYAR NAS AI YIG BYIN 'DUG CING, 'GREL PA RNAMS LAS KYANG DE DANG MTHUN PAR 'CHAD PAR 'DUG PAS, RTZA RGYUD DU GRA GNYIS LA AI STER BA DAG PA YIN GYI, Ri STER BA DAG PA MIN NO, ,DES NA, DBYANGS KYI YI GE BDUN PA NI, ZHES SOGS MNGON BRJOD LA YOD NA, RGYUD DER LUS THU BA'I SKABS SU JI LTAR YOD BRTAG DGOS SO, ,MNGON BRJOD MANG PO LAS DBYANGS KYI GNYIS PA YI GE ZHE GNYIS PA DANG SBYAR, ZHES PA NI LO RTZ'A BA GNYIS 'DUS KYI 'GYUR LAS, DBYANGS KYI GSUM PAR 'BYUNG BA DAG GO ,SPYIR NA SDOM 'BYUNG NAS GA Ri DANG SBYAR BA YANG BTUS 'DUG PAS TSUL GNYIS YOD PA SHES PAR BYA'O, ,MA MO LAS NI GNYIS PA NYID YI GE ZHE BRGYAD PA PAR LDAN PA DANG, DBYANGS GNYIS PA YI GE ZHE DGU PA TAR LDAN PA DANG, MA MO'I LNGA PA AU, YI GE NGA GSUM PA BHAR LDAN PA DANG, YI GE NGA BZHI PA DZA ?, THIG LES KYANG NI RNAM PAR BRGYAN PA'O, ,YI GE NGA LNGA PA GA LA SPYI BOR THIG LES MTSAN PA LA, DBYANGS KYI GNYIS PA AA SBYAR BA DANG, YI GE NGA BDUN PA RBA SPYI BOR THIG LES MNAN PA DBYANGS KYI GNYIS PA DANG SBYAR BA DANG, YI GE NGA BRGYAD PA BA NI
, ,MA MO'I GNYIS PA DANG SBYAR BA DANG, MA MO GNYIS PA A'A NYID NI YI GE DRUG CU RTZA LNGA PA AA LA SBYAR RO, ,MA MO'I GNYIS PA RE BRGYAD PA AAR LDAN PA NI, DNGOS GRUB THAMS CAD 'GUGS PAR BYED CING, SGRUB PA PO RNAMS LA DPAL TE PHUN TSOGS SBYIN PA'O, ,MA MO'I BZHI PA A'I NYID YI GE DON GCIG PA HRA LA LDAN ZHING, THIG LES KYANG NI RNAM PAR BRGYAN NO, ,MA MO'I BZHI PA A'I YI GE DON GNYIS PA HRA LA LDAN PA'I MGOR THIG LE YIS NI MNYAM PAR MNAN PA NI, SEMS CAN THAMS CAD DBANG DU BYED PA'O, ,DBYANGS KYI BCU BZHI PA AOO DANG NGES PAR LDAN PA'I YI GE DON GSUM PA DZnOO'O, ,MA MO'I BCU BZHI PA AOO YI GE DON BZHI PA DZnAR LDAN PA STE SBYAR BAS DZnOO'O, ,HRI HRI LA THIG LES BRGYAN PA DE BZHIN DU, DZNOO GNYIS LA YANG THIG LES BRGYAN NO, ,GSUM PA NI, DBYANGS KYI GNYIS PA A'A, YI GE DON LNGA PA KshMAR LDAN PAS KshMA'O, ,'DIR LO TZ'A BA GNYIS 'DUS KYI 'GYUR LAKshMA'I THIG LE DANG, DON DRUG PA DANG DON BDUN PA CHAD CING, MA MO LAS NI GNYIS PA NYID, ,YI GE BDUN CU BRGYAD PAR LDAN, , STENG DU THIG LES MTSAN PA'O, ,ZHES PA LA MNGON BRJOD 'BROG 'GYUR LAS, YI GE BDUN CU LNGA DANG SBYAR, ,THIG LES KYANG NI RNAM PAR BRGYAN, ,PHYI MO YI NI GNYIS PA YANG, ,YI GE BDUN CU DRUG DANG SBYAR, ,THIG LE GNYIS KYIS YANG DAG BRGYAN, ,PHYI MO YI NI GNYIS PA YANG, ,YI GE BDUN CU BDUN DANG SBYAR, ,MA MO'I BZHI PA NYID DANG NI, ,YI GE BDUN CU BRGYAD DANG SBYAR, ,THIG LES MGO LA MNAN PAR BYA, ,DBYANGS YIG BZHI PA DAG KYANG NI, ,YI GE BDUN CU DGU DANG SBYAR, ,THIG LE SGRA YIS
BSKYED PA STE, ,THIG LES KYANG NI RNAM PAR BRGYAN, ZHES 'BYUNG NGO, ,DE'I RKANG PA GNYIS PAS KshA SNGA MA'I THIG LE BSTAN, PHYI MO GNYIS PA DON DRUG PA DANG SBYAR ZHES PAS KshA GNYIS PA BSTAN TE, ,BYANG ? GI SGRAS PHYI MA LA YANG THIG LES BRGYAN PAR STON NO, ,DBYANGS KYI GNYIS PA DON BDUN PA DANG SBYAR ZHES PAS H'A BSTAN TE, DE LA THIG LE GNYIS KYIS BRGYAN PAR BSTAN PAS H'm GNYIS SU 'GYUR RO, ,MA MO BZHI PA DANG SBYAR BA'I DON BRGYAD PA DANG, DON DGU PA GNYIS KYI SNGA MA LA THIG LES MNAN PAS H'Im SNGA MA DANG, PHYI MA LA THIG LES BRGYAN PAS H'Im PHYI MA'O, ,THIG LE SGRA YIS BSKYED PA NI, THIG LE YIS SGRA N'A DA BSKYED PA'I DON TE, THIG LE N'A DA DANG LDAN PAR BYA'O, ,DBYANGS RNAMS LAS DRUG PA A'U NYID, RTA'I RGYAL PO DON GRUB LA BSHAD PA MANG ZHING, SKYED PA NI DE'I SA BON HA LA BSHAD PA MANG BAS HA DE LA SBYAR LA, STENG DU THIG LE DANG N'A DAS BRGYAN PAS H'Um STE 'DI LA GNYIS SU BYAS PAS BRGYAD CU PA DANG, GYA GCIG PA'O, ,SNGAR 'DI'I LUS THU BA'I SKABS SU, LNGA PA'I BDAG NYID YONGS BTUS LA, ZHES THU TSUL MI GSAL BA 'DIR GSAL BAR MDZAD CING, YANG NI DE LA GNYIS PAR NGES, ZHES GSUNGS PAS 'DIR H'Um GNYIS BYA DGOS SO, ,'DIR H'Um THU BA MNGON BRJOD RNAMS LA CHAD KYANG, GNYIS 'DUS KYI 'GYUR LA 'BYUNG BA LEGS SO, ,DBYANGS KYI GSUM PA AI, KA LA NAS DHA LA'I BAR GYI YI GE BCU DRUG LA LDAN PA STE SBYAR BAS KI LI SOGS SU 'GYUR RO, ,DE LTAR NA LUS KYI YI GE'I GRANGS NI BRGYA'I STENG DU, DGU BCU RTZA BRGYAD DU GNYIS 'DUS KYI 'GYUR LAS 'BYUNG NGO, ,MNGON BRJOD RNAMS LAS GO BDUN DU 'BYUNG BA LTAR NA, H'm
, ,GCIG CHAD PAR 'GYUR BAS GO BRGYAD DU BYA LA, DON BDUN PA'I SNGON DANG RJES GNYIS KAR H'm GNYIS PA 'ONG SA MI 'DUG PAS, DON BDUN PA'I SKABS SU H'm GNYIS KA YOD PA SNGAR BSHAD PA LTAR BYA DGOS PAR MNGON NO, ,MA MO RNAMS LAS LNGA PA NYID, CES PA NAS, DGU BCU DANG NI RTZA BRGYAD PA'O, ,ZHES PA'I BAR LO TZ'A BA GNYIS 'DUS KYI 'GYUR LA 'BYUNG BA NI, SKABS 'DIR BSHAD PA'I CHED DU BRIS KYI MAR DO RKYANG PA'I 'GYUR LA DKYUS LA GZHUG PAR MI BYA'O, ,DE LTAR DBYANGS GSAL GYI SGO NAS BTUS PA 'DI NI, RE'U MIG DAG LAS BTUS PA DPAL HE RU KA MGON PO'I RTZA BA'I SNGAGS MCHOG TU SHES PAR BYA'O, ,RE'U MIG GI SKAD DOD BKOD PA LA YANG 'JUG CES GSUNG PAS, BTU GZHI LA DBYANGS GSAL BKOD PA LAS BTUS PA'I DON NO, ,GNYIS PA NI, RTZA BA'I SNGAGS RGYAS PA 'DI NI 'DAS MA 'DAS KYI DNGOS GRUB KUN 'GRUB PA'I GNAS SAM GZHI YIN ZHING, BRJOD PA TZAM GYIS 'JIGS PA RNAMS KYANG 'JIGS PAR BYED PA'I MKHA' 'GRO MA THAMS CAD KYI SNYING 'JOMS PA STE SKRAG PAR BYED PA YIN NO, ,SKAL LDAN NI SNYING 'JOMS PA STE SNYING 'DREN ZHING RANG GI DBANG DU BYED PAR SGRUB PA YIN NO, ,ZHES BZHED DO, ,DPAL LDAN KHRAG 'THUNG GI LHA RIG PA'I RGYAL PO'I SNGAGS 'DI NI KLAGS PA TZAM GYIS 'GRUB PA 'DOD PA'I DON YOD PAR BYED PA'O, ,GSUM PA NI, YI GE AOm NI RTZA SNGAGS KYI DANG POR SBYAR TE, H'Um H'Um PHAt NI DE'I MTHA' MAR SBYAR BA NI RTZA BA'I SNGAGS TE, SNGAGS 'DI NI DNGOS GRUB THAMS CAD SGRUB PAR BYED PA YIN NO, ,H'Um GNYIS NI RING PO
YIN PAR BSHAD DO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, RTZA BA'I SNGAGS KYI DBYANGS BTU BA'I CHO GA STE BYA THABS KYI LE'U STE BDUN PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BDUN PA'I BSHAD PA'O,, ` ,,BZHI PA GO BZLOG PA'I SNYING PO DANG DPA' MO'I GO CHA'I SNGAGS BTUB LA BZHI, SNYING PO'I SNGAGS DANG, GO CHA'I SNGAGS RIN CHEN BZHI DANG BCAS PA DANG, SNGAGS KYI RJES GNANG BYA TSUL, LE'U YI MTSAN NO, ,DANG PO NI, RTZA SNGAGS KYI DBYANGS BTUS PA DE NAS SNYING PO DANG GO CHA'I SNGAGS BTU BA STON NO, ,HE RU KA RANG GI BDAG NYID KYI SNGAGS RNAMS DPA' BO NYER BZHI PO THAMS CAD DANG MNYAM PAR SBYOR BA'I MKHA' 'GRO MA NYER BZHI YI DRA BA STE TSOGS KYI RANG BZHIN NO, ,DE THAMS CAD SDOM PAR BYED PA NI 'KHOR LO BDE MCHOG YIN PAR 'DOD DO, ,d'A KI N'I DZ'A LA Sm PAR DANG HE RU Km GI DON NO, ,DE 'DRA BA'I SNGAGS NI SV'A H'A ZHES SOGS TE GO RIM BZHIN BSHAD PA NI, 'DI'I SNGAGS BTU BAR YANG BSHAD DO, ,AOm SHR'I BADZRA HE HE RU RU KI H'Um H'Um PHAt d'A KI N'I DZ'A LA Sm BA Rm SV'A H'A ZHES PA'O, ,'DI LA YI GE NYER GNYIS SU BYED LUGS LA KHA CIG BA DANG DZRA GNYIS SU BYED, KHA CIG PHA DANG tA GNYIS SU BYED DO, ,RIG PA'I RGYAL PO HE RU KA'I SNYING PA 'DI NI, RGYUD GZHAN DU SNGAR MA BYUNG ZHING PHYIS 'BYUNG BAR MI 'GYUR BA BDAG GIS DA LTA BSHAD, CES SNGAGS DKON PA'I CHE BA BSTAN TO, ,GNYIS PA NI, RNAL 'BYOR MA DRUG GI SA BON NI, tA PHA NAS AOm GYI BAR DRUG YIN LA, SNGAGS
, ,THU BA NA GO RIM MA 'CHOL BAR AOm Hm HRIm HRIm H'Um PAGS CES PA'O, ,DE RNAMS YI GE Bm DANG YOm DANG, YI GE MOm DANG HREm DANG H'Um DANG PHAt CES PA DANG SBYAR TE, AOm Bm Hm YOm HRIm MOm HREm HRIm H'Um H'Um PHAt PHAt CES SBYAR BA'O, ,SNGAGS DE DRUG NI GO CHA'I RNAL 'BYOR MA NI DRUG TU BSHAD DE, SNGAGS DANG LHA THA MI DAD PA'I PHYIR RO, ,SDOM 'BYUNG LAS, SNGAGS NYID RNAL 'BYOR MA YI GZUGS, ,SNGAGS KYI GZUGS CAN RNAL 'BYOR MA, ,GAL TE GO 'PHANG MCHOG 'DOD NA, ,DE DAG DBYE BA BRTAG MI BYA, ZHES GSUNGS PA LTAR RO, ,SKABS 'DIR LO CHEN DANG MAL GYI 'GYUR LA, AOm BADZRA BEE RO TZA N'I YE HUm HUm PHAt SV'A H'A, ZHES 'BYUNG LA, LO RTZ'A BA GNYIS 'DUS KYI 'GYUR LA, AOm BADZRA BEE RO TZA NI YE SV'A H'A, ZHES 'BYUNG BA LA, SKAL LDAN DANG DPA' BO RDO RJE'I 'GREL PAR 'GYUR SNGA MA BZHIN BYUNG LA, LANGKA DANG BHA BA BHA DRA'I 'GREL PAR PHYI MA BZHIN DU YOD DO, ,SKAL LDAN DANG LANGKA DANG, DPA' BO DANG, BHA BA BHA DRAS YUM GYI NYE SNYING DU BSHAD LA, DKA' RGYAL ZLA BAS SNYING POR BSHAD DO, ,SNGAGS DE RNAMS MKHA' 'GRO MA YI RIG PA CHEN MO YIN LA, MA BYUNG SOGS NI SNGAR BZHIN NO, ,GO CHA DE DRUG 'GOD PA'I GNAS DANG, LHA MO GANG YIN PA NI KUN SPYOD LAS, LTE BA SNYING KHA DE BZHIN KHA, ,MGO DANG SPYI GCUG GO CHA NYID, ,DANG PO RDO RJE PHAG MO NYID, ,GNYIS PA GSHIN RJE MA RU BSHAD, ,GSUM PA RMONGS BYED MA NYID DE, ,BZHI PA SKYONG BYED MA RU BSHAD, ,LNGA PA SKRAG BYED MA RU GRAGS, ,DRUG PA GTUM MO YIN PAR BSHAD, CES GSUNGS PA LTAR, AOm Bm SOGS DANG RIM PA BZHIN DU SBYAR RO, ,GO CHA NYID CES PA NI YAN
LAG THAMS CAD LA MTSON CHAR BSHAD DE, DE'I DON DANG DE 'GOD PA'I GNAS NI SNGAR LE'U DRUG PAR BSHAD PA BZHIN NO, ,RNAL 'BYOR MA DRUG GI SKU MDOG DANG PHYAG MTSAN SOGS NI SGRUB THABS LAS SHES PAR BYA'O, ,SA YI STENG NA RIN CHEN BZHI ZHES PA LA, BSHAD PA MI 'DRA BA 'GA' ZHIG YOD KYANG, PHRENG SNGAGS DANG SNYING PO DANG NYE SNYING DANG GO CHA'I SNGAGS BZHI LA 'CHAD PA LEGS SO, ,DE RE RE LA YANG YAB YUM GYI SGO NAS PHYE NA GNYIS GNYIS SO, ,DE RNAMS KYI NANG NAS KYANG YAB YUM GYI PHRENG BA'I SNGAGS NI DAM PA STE MCHOG GO , DE DAG NI DKON ZHING DGA' BA RGYAS PAR BYED PA DANG, YID BZHIN GYI NOR BU DANG 'DRA BAR 'DOD DON THAMS CAD STER BAS RIN PO CHE'O, ,MKHA' 'GRO MA YI RIG PA CHE NI RDO RJE PHAG MO LA SOGS PA'I SNGAGS SO, ,RIG PA'I RGYAL PO HE RU KA NI YAB KYI RTZA SNGAGS SO, , 'DI NI PHRENG SNGAGS DAM PAR BSHAD PA'I PHRENG SNGAGS BSHAD PA'O, ,GSUM PA NI, DANG POR LE'U LNGA PA LTAR RTZA SNGAGS KYI LUS BTUS PA BRI, DE NAS LE'U BDUN PA LTAR RTZA SNGAGS KYI DBYANGS BTUS PA LUS DANG SBYAR, DE NAS YAB KYI SNYING PO DANG NYE SNYING DANG, YUM GYI SNYING PO DANG NYE SNYING GNYIS DANG, DE NAS GO CHA GNYIS KYI SNGAGS BRIS PA KHRI LA SOGS PA'I STENG DU GZHAG ,SNGAGS RNAMS LHA'I RANG BZHIN DU MOS TE MCHOD BSTOD BYA, TSOGS LA LONGS SPYOD PA'I RJES SU, SLOB DPON DANG SLOB MA RNAMS PHYAG BCU GNYIS PA YAB YUM GYI NGA RGYAL GSAL BAR BYA, SLOB DPON GYI DPRAL BAR ZLA BA'I STENG DU AOm DKAR PO LA RTZA SNGAGS KYIS BSKOR BA DANG, MGRIN PAR ZLA BA'I STENG DU A'A: DMAR PO LA SNYING PO GNYIS KYIS BSKOR BA DANG, THUGS KAR ZLA BA'I STENG
, ,DU H'Um NAG PO LA NYE SNYING GNYIS BSKOR BAR GNYIS KAS BSAM ZHING, SLOB MA'I GNAS GSUM DU YANG DE BZHIN DU GNYIS KAS BSAM MO, ,DE NAS RTZA SNGAGS KYI RJES BZLOS LAN GSUM BYA STE, LAN RE RE LA SLOB DPON GYI DPRAL BA'I SNGAGS PHRENG AOm DANG BCAS PA LAS DE DANG 'DRA BA RE CHAD NAS, SLOB MA'I DPRAL BA'I SNGAGS PHRENG LA BSTIMS LA SUM BSRES BYAS PA'I MTHAR, SLOB MA RNAMS KYIS RANG RANG GI DPRAL BA'I SNGAGS PHRENG DKAR PO LA DMIGS LA RTZA SNGAGS LAN GSUM MAM BDUN BZLA'O, ,DE BZHIN DU SNYING PO GNYIS KYI RJES ZLOS LAN GSUM BYAS PA'I LAN RE RE LA, SLOB DPON GYI MGRIN PA'I SNGAGS PHRENG A'A: DANG BCAS PA LAS RANG 'DRA CHAD NAS SLOB MA'I MGRIN PA'I SNGAGS PHRENG A'A: DANG BCAS PA LA BSTIMS LA SNYING PO SUM BSRES BYA, DE NAS SLOB MA RNAMS KYIS RANG RANG GI MGRIN PA'I SNGAGS PHRENG DMAR PO LA DMIGS LA SNYING PO GNYIS LAN GSUM MAM NYER GCIG BZLA'O, ,YANG NYE SNYING GNYIS KYI RJES ZLOS LAN GSUM BYAS PA'I LAN RE RE LA, , SNGON PO LA DMIGS LA, NYE SNYING GNYIS NYER GCIG RE 'AM BRGYA RTZA BRGYAD BZLA'O, ,GO CHA'I RJES GNANG LA RANG RANG GI GNAS SU DGOD MI DGOS, RJES ZLOS LAN GSUM BYA ZHING, RANG GI LUS KYI BA SPU'I SGO THAMS CAD NAS SNGAGS DE
RNAMS TSUR LA ZHUGS PAR BSAM MO, ,DE NAS THOG MAR BTU GZHI A'A LI K'A LI BKOD PA LA BLA MA'I PHYAG GIS BYUG CING, SLOB MA'I SPYI BOR BZHAG LA, DE BZHIN GSHEGS PA'I TSOGS THAMS CAD SPYI BO NAS A'A LI K'A LI'I RNAM PAS LUS LA ZHUGS PAR BSGOM, DE BZHIN DU RTZA SNGAGS LA BYUG CING DE'I RDUL GYIS SPYI BOR REG PA DANG, SNYING PO GNYIS LA BYUG CING MGRIN PAR REG PA DANG, NYE SNYING GNYIS LA BYUG CING SNYING GAR REG PAS, GNAS DE DAG TU DE BZHIN GSHEGS PA'I TSOGS LUS LA ZHUGS PAS RGYUD BYIN GYIS BRLABS PAR BSAM, GO CHA'I SNGAGS LA BYUG CING SPYI BOR REG PAS GO CHA BRTAN CING BYIN GYIS BRLABS PAR BSAM MO, ,DE NAS, BCOM LDAN BDAG LA STZAL LAGS KYIS, ,BCOM LDAN BDAG LA BYIN GYIS RLOBS, ZHES LAN GSUM BRJOD LA ME TOG BLA MA LA DBUL, BLA MAS DE BLANGS TE SLOB MA'I SPYI BOR BZHAG LA, BCOM LDAN 'DI LA STZAL LAGS KYIS, ,BCOM LDAN 'DI LA BYIN GYIS RLOBS, ZHES PA DANG, BCOM LDAN 'DAS 'KHOR LO BDE MCHOG GI SKU GSUNG THUGS KYI BYIN RLABS 'JUG PAR GYUR CIG ,CES BRJOD DO, ,DE NAS CHANG LA BDUD RTZI SBYAR BAS YI GE RNAMS BKRUS LA, BLA MA RANG GIS KYANG BTUNG ZHING LUS LA BYUG ,SLOB MA'I YANG SPYI BO MGRIN PA SNYING GA RNAMS SU BYUG CING, KHYOR BAR BYIN PA 'THUNGS SHING LUS LA BYUGS PAS LUS KYI CHA SHAS RNAMS SU DE BZHIN GSHEGS PA'I TSOGS RNAMS THIM PAR BSAM MO, ,MJUG TU TSAM NGAM SNGAGS KYI BSRUNG BA DANG, GO CHA GSUM GYI BSRUNG BA BYA STE, 'DI NI BLA MA SNGA MA RNAMS KYI PHYAG BZHES LA 'BYUNG BA LTAR BRIS PA'O, ,
, ,BZHI PA NI, ,DPAL HE RU KA MNGON PAR BRJOD PA BSDUS PA'I RGYUD LAS, GO BZLOG PA'I SNYING PO DANG, RNAL 'BYOR MA DRUG GI GO CHA'I SNGAGS BTU BA'I CHO GA'I LE'U STE BRGYAD PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BRGYAD PA'I BSHAD PA'O,, ` ,,GNYIS PA SNGAGS BZLAS BAS DNGOS GRUB SGRUB TSUL LA LNGA, RTZA SNGAGS KYIS LAS BSGRUB PA, SNYING POS LAS BSGRUB PA, NYE SNYING GIS LAS BSGRUB PA, GO CHA'I SNGAGS KYIS LAS BSGRUB PA, SNYING POS LAS BSGRUB PA GZHAN BSTAN PA'O, ,DANG PO LA BZHI, BSHAD PAR DAM BCA' BA CHE BA DANG BCAS PA, LAS TSOGS DNGOS RGYAS PAR BSHAD PA, DE LA SNGAGS KYI DE NYID SHES DGOS PAR BSTAN PA, LE'U YI MTSAN BSTAN PA'O, ,DANG PO NI, LE'U BRGYAD PA'I RJES DE NAS RTZA BA'I GSANG SNGAGS KYI SGO NAS DNGOS GRUB SGRUB PA'I LAS MCHOG TU GYUR PA 'OG NAS 'CHAD PA BZHIN DU GO RIM JI BZHIN DU STE RIM GYIS RNAM PAR TE SO SOR BSHAD PAR BYA'O, ,SNGAGS DE NI SA 'OG SA STENG SA BLA'I 'JIG RTEN GSUM NA ZHI SOGS KYI DNGOS GRUB GANG CI YOD PA RNAMS THAMS CAD CIG GIS TE RING PO MI THOGS PAR LAS RNAMS THAMS CAD GRUB PAR BYED PA'O, ,GNYIS PA LA GNYIS, LAS SGRUB PA'I CHO GA'I THUN MONG GI RNAM GZHAG DANG, LAS SGRUB PA'I CHO GA SO SOR BSTAN PA'O, ,DANG PO NI, LAS DMAN PA MANG PO DANG, DUS RING POR 'GRUB PA LA SPYOD PA MED PAR 'GRUB PA YANG YOD MOD KYANG, JI SKAD BSHAD PA BZHIN DU LAS THAMS CAD MYUR DU 'GRUB PA DANG, 'JIG RTEN PA'I DNGOS GRUB RGYUD SDE 'OG MAR MI 'BYUNG BA'I DNGOS
GRUB CHEN PO RNAMS MYUR DU 'GRUB PA LA SPYOD PA BYA DGOS SO, ,DES NA 'DUS PA'I RTZA RGYUD DANG, RGYUD PHYI MAR BSKYED RIM PAS KYANG SPYOD PA BYED PAR GSUNGS SO, ,DE LA SNGON DU BSKYED RIM SHIN TU BRTAN PA DANG, BZLAS PA RDZOGS PA DANG, DE'I BCU CHA'I SBYIN SREG SONG BAS SPYOD PA GSUM GANG RUNG BYAS TE, DE NAS BZLAS PA SOGS KYIS LAS RNAMS SGRUB PA YIN NO, ,BSKYED RIM YANG DKYIL 'KHOR GYI 'KHOR LO GCIG LA BRTEN DGOS LA, LHA 'DI TZAM ZHIG GI NGES PA MED DO, ,SNGAGS LA YANG RTZA SNGAGS STOBS CHE MOD KYANG, DE KHO NA NGES GZUNG DU MI DGOS SO, ,BZLAS PA'I GRANGS NI SDOM 'BYUNG LAS, RDZOGS LDAN LA NI BZLAS BYA GCIG ,NYIS 'GYUR GSUM LDAN LA BZLAS BYA, ,SUM 'GYUR GNYIS LDAN LA RAB BRJOD, ,RTZOD LDAN BZLAS PA BZHI 'GYUR RO, ,ZHES GSUNGS PA LTAR BYA DGOS SO, ,DNGOS GRUB 'GRUB TSUL NI LVA BA PAS, BSAM GTAN TZAM DANG, DE DANG BZLAS PA GNYIS DANG, DE'I STENG DU 'KHRUL 'KHOR DANG GSUM GYIS 'GRUB PAR BSHAD DE, GANG ZAG MCHOG DMAN 'BRING GSUM LA DGONGS SO, ,DE YANG DANG PO NAS MIN GYI LAS SBYOR GYI DUS SU YIN NO, ,LAS SBYOR GYI DUS SU SNGAGS DANG SBYIN SREG GIS SGRUB PA YANG SDOM 'BYUNG LAS MANG DU GSUNGS SO, ,KHA LTA PHYOGS NI SDOM 'BYUNG LAS, ZHI BA LA SHAR DANG, RGYAS PA LA BYANG DANG, DBANG DANG DGUG PA LA NUB DANG, RENGS PA DANG BSAD PA LA LHOR LTA BAR BSHAD, RMONGS PA YANG RENGS PA DANG 'DRA'O, ,RDO RJE MKHA' 'GRO LAS BSKRAD PA LA RLUNG DU LTA BAR BSHAD, BSKRAD DBYE GNYIS KA LA LHOR LTA BAR YANG BSHAD DO, ,ZHI BA LA LHA'I KHA DOG DKAR PO DANG ME TOG DKAR
, ,PO, RGYAS PA LA KHA DOG SER PO DANG ME TOG SER PO, DBANG LA KHA DOG DMAR PO ME TOG DMAR PO DANG, RENGS PA LA KHA DOG SER PO ME TOG SER POR BSHAD DE, RMONGS PA YANG DE DANG 'DRA'O, ,BSAD PA DANG BSKRAD DBYE LA KHA DOG NAG PO BSGOM MO, , DE DAG GIS NI MCHOD RDZAS GZHAN DANG SNGAGS KYI KHA DOG KYANG SHES PAR BYA'O, ,SDOM 'BYUNG LAS KYANG, GANG GI LAS KYI BYE BRAG GIS, ,DE YI KHA DOG SOGS MTSON BYA, ,GNAS DANG LHA YI RNAM PA DANG, ,SNGAGS DANG ME TOG CHO GA BZHIN, ,ZHES GSUNGS SHING, LAS SGRUB PA'I DUS SU SNGAGS BZLAS PA'I BCU CHA'I SBYIN SREG BYED PA YANG MANG DU BSHAD DO, ,KHYAD PAR LHAG MA RNAMS NI MANGS SU DOGS NAS MA BRIS SO, ,GNYIS PA LA LNGA, PHAL CHER TSAR BCAD CING ZHAR LA RJES SU GZUNG BA'I LAS DANG, TSAR BCAD PA NYID KYI LAS TSOGS DANG, RJES SU GZUNG BA'I ZHAR LA LAS SGRUB TSUL BSTAN PA DANG, BSAD GSO GNYIS DANG BCAS PA'I TSAR BCAD KYI LAS DANG, RJES SU GZUNG BA'I LAS GZHAN BSTAN PA'O, ,DANG PO NI, SENG GE DANG 'PHROG BYED DANG DBYIG GI SNYING PO LA SOGS PA'I LHA THAMS CAD DANG MTHONG BA'I DUG CAN LA SOGS PA'I KLU THAMS CAD DANG, ZAS SU MDANGS ZA BA LA SOGS PA'I GNOD SBYIN THAMS CAD DANG, DRI ZA THAMS CAD KYI SKYE GNAS THAMS CAD LAN CIG DRAN PA TZAM GYIS GSOD PAR BYED DO, ,LHA LA SOGS PA THAMS CAD CES SMOS NAS, YANG DE DAG GI SKYE GNAS THAMS CAD CES SMOS PA CI YIN ZHE NA, KONG KA NA PA SOGS NI GSAL BAR BYA BA'I PHYIR YIN PAS ZLOS SKYON MED CES GSUNG, SKAL LDAN NI LHA KLU GNOD SBYIN SOGS NI SEMS CAN GZHAN LA LTOS NA SHIN TU MA RUNGS BA YIN NA,
DE RNAMS KYANG SKAD CIG GIS 'GRUB PAR BYED DO, ,ZHES BDAG NYID CHE BAR BSTAN PA'I DON DU LAN GNYIS SMOS GSUNG NGO, ,LHA LA SOGS PA'I NANG NA GNAS PA'I MA RUNGS PA LA MTHU 'DI GSUNGS LA, DE YANG SLAR GSO BA'I NUS PA DANG LDAN PAS BYA BAR BSHAD DO, , DRAN PA TZAM GYIS ZHES PA 'DI 'DRA RNAMS NI SNGAGS BZLAS PA SOGS LA MI LTOS PAR BSAM GTAN GYIS LAS 'GRUB PA'I BSKYED RIM PA NANG LA GZHOL BA RNAMS LA YIN LA, SNGAGS LA GZHOL BAS NI RTZA SNGAGS KYI MTHAR DE RNAMS KYI MING SBYAR NAS, M'A RA YA PHAt CES SPEL TE BZLAS PAS SROG DANG 'DRAL BAR BYED DO, ,RDO RJE 'DZIN PA'I SPYI BOR PHUL BA'I ME TOG BLANGS LA RTZA SNGAGS LAN BDUN BTAB STE SPRIN LA BDUGS NA NAM MKHA' LAS CHAR 'BAB PA ZLOG PAR BYED DO ZHES LVA BA PAS BSHAD DO, ,BLA MA SNGA MA'I MAN NGAG LAS SPRIN GYI TSOGS LA BLTAS NAS KHRO BA DANG BCAS PAS RTZA SNGAGS KYI MTHAR, SARBA ME GHA NA BI KIR nA BA YA H'Um PHAt CES BRJOD CING, RANG GI KHA NAS RLUNG DMAR BYUNG BAR BSAMS NA SPRIN 'THOR BAR BYED DO ZHES 'CHAD DO, ,CHAR 'BEBS PAR BYED DO ZHES PA LA, LVA BA PA'I 'GREL PA LAS MNGON BRJOD NAS 'BYUNG BA BZHIN DU RDO RJE NAM MKHA' LDING GI BRIS SKU LA BRTEN NAS CHAR 'BEBS PA DANG, SKU GZUGS LA KHRUS GSOL LA CHU 'GRAM GNYIS KYIS GCIG TU BSRES BA LA KLU'I GZUGS BRNYAN MGO DGU PA BYAS TE, KHRUS BYAS LA MCHOD NAS CHU KLUNG DU DOR BAS CHAR 'BEBS PA GNYIS BSHAD CING, RDO RJE MKHA' 'GRO LAS GSUNGS PA BZHIN DU GDENGS KA'I DBANG PHYUG GI 'KHRUL 'KHOR BRIS PA LA BRTEN NAS CHAR 'BEBS PA SOGS
, ,BZHI BSHAD PA LA, 'DIR BZHI PA BSHAD NA, KHAM PHOR SO MA BTANG BAR DUG DANG LAN TSVA DANG SKE CHES 'KHOR LO GSUM GYI DBUS SU CHUD PA'I PAD MA 'DAB BRGYAD KYI LTE BAR H'Um Bm H'Um, 'DAB MA BRGYAD LA KLU RNAMS KYI SNYING PO SA BON H'Um GNYIS KYIS GZIR BA BRI, RTZIBS MTSAN DANG PADMA'I MTHA' LA, AOm BADZRA KRO DHA MA H'A PA LA HA NA HA NA PA TZA PA TZA BI DHVA NSA YA AUTZTSA TA YA SARBA N'A G'A N'A NA M'A RA YA H'Um PHAt, CES PA BRIS, DGUG PA SOGS BYAS LA YANG DAG PAR MCHOD DO, ,KHA SBYAR DU BYAS NAS KLU GNAS PA'I SAR BCUG LA, GU GUL DANG, SA RDZA RA SA STE SPOS DKAR DANG, SGOG SKYA BSREGS PA'I BDUG PA BYIN LA, SNGAGS KYI BZLAS PA BYAS NA CHAR 'BEBS SO, ,CHAR CHES PA'I TSE ZLOG PAR BYED PA NI SNGAR BSHAD PA'I RDZAS GSUM GYI BDUG PAS KLU'I RAS RIS LA BDUG CING, BARSHA NI BARSHA YA ZHES PA'I TSIG BCUG STE RTZA SNGAGS BZLA BA'AM, SPRIN 'THOR BA'I CHO GA BYAS PAS ZLOG PAR BYED DO, ,SPRIN 'THOR BA SAGS GSUM LA KOR KA NA PA DRANG NGES KYI BSHAD PA GNYIS BYED PA LA, SKAL LDAN NI DE GSUM BZLAS BRJOD 'BUM MA BYAS BAR YANG BYED NUS PAS SGRA JI BZHIN PA KHO NAR GZUNG NGO ZHES ZER RO, ,RGYA MTSO'I NANG DU PHYIN TE KHROS PAS RTZA SNGAGS 'BUM BZLAS NA RGYA MTSO SKEMS PAR BYED DO, ,CHU BO RGYUN PHYOGS LAS BZLOG STE 'BAB PAR STON PA NI, KHAB LEN RIG BDUN GANG YANG RUNG BA LA KHA tm GA BYAS NAS RTZA SNGAGS LAN BDUN BZLAS TE, LAG PA GA-YON PAS CHU BO LA BSNUN NA BSHAD PA BZHIN DU 'GYUR RO, ,DE LTAR BYAS PAS CI ZHIG BYA ZHE NA, SEMS BCAS
DANG SEMS MED KYI BDAG PO BYED PAS NA DBANG PO, BYA BA MA YIN PA BYED PA RNAMS DE LAS BZLOG PAR BYED PA'I DON DU YIN NO, ,'GYUR KHA CIG LAS THOG ZLOG PAR BYED PAR 'BYUNG BA LTAR BLA MA SNGA MA RNAMS KYANG MDZAD DE, KHROS PAS SDIGS MDZUB BSGRENG STE RTZA SNGAGS BZLAS PA'I THABS KYIS SO, ,RTZA BA'I GSANG SNGAGS 'DI BZLAS BRJOD 'BUM BYAS TE GA-YAS BRKYANG GI SBYOR BAS GAR BYED BZHIN PA'I DGA' SPRO DANG BCAS PAS, MKHA' 'GRO MA'I 'KHOR RAB TU MGU BAR BYED PAS SA GA-YO BAR BYED CING ROL BAR BYED PA DANG, SHING LA 'DZEGS TE GNAS DANG NYE BA'I GNAS LA SOGS PA GANG DU 'GRO 'DOD PA DER 'GRO BAR BYED CING SLAR 'ONGS NAS 'DU BAR 'GYUR RO, ,PHA ROL GYI SNGAGS KYI NUS PA THAMS CAD PHROGS SHIG ,DNGOS GRUB THAMS CAD PHROGS SHIG CES PA'I SPEL TSIG DANG LDAN PAS RTZA SNGAGS BZLAS NA, SNGAGS KYI NUS PA THAMS CAD 'PHROG PAR BYED PA DANG, ZHI BA LA SOGS PA DNGOS GRUB DANG, BCUD LEN LA SOGS PA'I DNGOS GRUB STE GRUB PA'I RDZAS THAMS CAD 'PHROG PAR BYED DO, ,BSTAN PA LA GNOD PA BYED PA SLAR MI BYED PA'I DON DU, KHROS PAS RTZA SNGAGS KYI MJUG TU DZA CHE GE MO'I RAKTA A'A KARshA YA DZA: ZHES BTAGS PA BZLAS NA, GZHAN GYI KHRAG 'DREN PAR BYED DO, ,BSGRUB BYA DE GUS PAS 'DUD PAR BYED NA SLAR KHRAG GTONG BA'I SPEL TSIG DANG BCAS PAS SNGAGS BZLAS NA, KHRAG BKUG PA SLAR GTANG BAR BYED PA STE SNGAR GYI GNAS SU 'JUG PAR BYED PA'O, ,GZUGS BRGYA STONG DU MAR BYED PA NI PHYAG RGYA CHEN PO'I GO 'PHANG LA GNAS PAS, SNYING RJE DANG SMON LAM GYI MTHUS GDUL BYA GANG LA GANG GDUL GYI BSAM PA DANG MTHUN PAR DE DANG DE'I
, ,GZUGS 'DZIN PAR BYED PA'O, ,DE LTA BU MIN PA'I BRTZON 'GRUS DMAN PAS SNGAGS DANG SMAN GYIS GZUGS SNA TSOGS PA SA BON GYIS SGRUB PA LA, LVA BA PA'I 'GREL PAR BZHI GSUNGS PA'I PHYOGS GCIG NI, SHING AE RAndA DANG SMYO BYED KYI SA BON NYI SHU DGU LA RIGS NGAN MA'I ME TOG GIS BSGO ZHING, BDUD RTZI LNGAS KYANG MNYES LA NYI MTSAN DE LA BSKAMS TE, KHYI NAG PO'I THOD PA DUR KHROD KYI SAS BKANG LA, MAR NGO'I TSES BRGYAD DAM BCU BZHI LA MA MO'I GNAS SU BSKYED NAS, GRUB PA'I SA BON BLANGS TE SNGAGS PAS HE RU KA DANG BLA MA MGON PO KHYAD PAR DU MCHOD LA, DUR KHROD DU GTOR MAS MCHOD CING MNGON PAR BSNGAGS TE GANG 'DOD PA'I GZUGS BSAMS NAS MGRIN PAR BCINGS NA DE'I GZUGS SU 'GYUR TE, BKROL NA SLAR YANG RANG GI GZUGS SU 'GYUR RO, ,YANG SMAN BZANG PO LAS CHO GA BZHIN DU BSGRUBS PA'I DAM TSIG GIS GRUB PA'I SA BON TE, GZUGS NA TSOGS PAR SNANG BAR 'DOD NA KHA NAS PHYUNG NA JI LTAR 'DOD PA BZHIN DU SNANG BAR BYED CING, MI SNANG BAR 'DOD NA NI RANG GI KHAR BCUG NA MI SNANG BAR YANG BYED DE RGYAS PAR MA BRIS SO, ,KHANG BZANG DANG SHING GI RTZE MO LA SOGS PA PHYE MAR BYED DO, ,ZHES PA NI SNGAGS KYI RGYAL PO ME 'BAR BAS STA RE BZHIN GTUB PAR BYA'O, ,ZHES BSHAD DE, RTZA SNGAGS LAS ME 'BAR BAR BSAMS TE DES GTUBS PAR BSAM PA'O, ,LAG PA GA-YON PAR ZLA BA'I 'OD LTAR DRI MA MED PA'I 'KHOR LO BKOD NAS, GNAS PA DANG RGYU BA DANG YAN LAG LAS SKYES PA DANG, SBYAR BA LAS BYUNG BA'I DUG RNAMS LA LAG PA'I MTHIL BSTAN PA TZAM GYIS BDUD RTZIR BYED
CING, BDUD RTZI DUG TU BYED PA NI LAG PA'I SNGAGS NAG POR BYAS NAS BSTAN PA NYID KYIS SO, ,ZLA BA STE CHANG ZLA BA'I 'OD ZER LTAR DRI MA MED PAR BSAMS PA TZAM GYIS CHU STE 'O MAR BYED DO, ,'DI BRAM ZE RIN CHEN RDO RJES MDZAD ZER, KU SUMBHA'I ME TOG BSKAMS PA'I PHYE MA SHING DZAMBU'I KHU BAS LAN MANG DU SBRUS PA BA'I CHUS SPANGS NAS, PADMA'I SNOD DU BLUGS PAS CHU STE 'O MA YANG ZLA BA STE CHANG DANG 'DRA BAR BYED DO, ,TSER MA DANG BCAS PA'I KA RAndA'I 'BRAS BU'I PHYE MA SHING N'A GA RA'I SHUN LPAGS DANG BCAS PAS LAG PA SOGS LA BYUGS NA DRI 'PHROG CING, DE BZHIN DU ME TOG DANG 'BRAS BU LA SOGS PA'I DRI THAMS CAD 'PHROG PAR BYED DO, ,DE BZHIN DU ME TOG DANG SPOS LA SOGS PAS BDUG PA DE BDUGS NA PHAN TSUN DU DRI 'PHO'O, ,NAM MKHA' LDING ZHES SOGS KYI DON LA, 'GREL PA GZHAN MANG POS JI LTAR NAM MKHA' LDING NAM MKHA' LA 'GRO BA NA GSHOG PA GNYIS BSKYOD DE 'GRO BA BZHIN DU, PHYAG RGYA DANG 'DUS PA NA LAG PA GNYIS BRKYANG STE SNYOMS PAR ZHUGS NAS MTHAR, BYANG SEMS RANG GI LCES BLANGS TE PHYAG RGYA'I KHAR SBYIN LA LHAG MA RANG GIS BTUNG NGO ZHES 'CHAD DO, ,LVA BA PA'I 'GREL PAR NAM MKHA' LDING GI GDONG GIS 'GRO BA 'BYIN PAR BYED CING, BUD MED DANG 'DUS PA ZHES 'BYUNG LA, DE'I DON NI GDENGS KA'I DBANG PHYUG GI 'KHOR LO YI KLU RNAMS SPANGS SHING ZLA BAS NYE BAR BRGYAN PA LA, BUD MED DANG SKYES BU BZANG PO RNAMS KYI MING BAR DU BCUG NAS, SKAR MA RGYAL LA GI Hm GIS GRO GA LA BRIS LA MCHOD DE, RANG HE RU KA DANG RIG MA PHAG MOR
, ,BSGOMS NAS, GNYIS SU MED PA'I SBYOR BAS MNYAM PAR BZHAG LA MTSAN THOG THAG RTZA SNGAGS BZLAS NAS 'KHOR LO BUD MED KYI LUS LA BCANGS NA, DE LA RIG PA'I RGYAL PO RANG NYID 'ONGS TE 'DU BA NI BUD MED DANG 'DUS PA STE ZHI BA 'DUS PA ZHES PA'I DON YANG DE'O, ,LHA MO NI SKAD DOD LA BUD MED DU YOD GSUNG, GO BZLOG PA'I 'DUG STANGS TE RKANG PA'I PUS MO GNYIS GONG DU BLANGS TE PADMA RGYAS PAR BYAS PA'I NANG DU TSUD PA'I KHRAG DANG BCAS PA'I RTZA KHA BYE BA NI DOD LA BUD MED DU YOD GSUNG, GO BZLOG PA'I 'DUG STANGS TE 'DU BAR BYED DO, ,ZHES SBYAR RO, ,LHA SBAS KYI 'GREL PAR GDONG DU 'GRO ZHES 'BYUNG BA LTAR BYA'O ,SGRUB PA PO GANG ZHIG SNGAR GYI THABS DE KUN TU SPYOD PA'I SGO NAS RTZA KHA BYE BA DER BYANG SEMS KYI THIG LE 'BYIN PA LAS SKYES PA'I SRAS DE NI DE BZHIN GSHEGS PA THAMS CAD KYI RIGS SU GYUR BAS MI YI MCHOG GO ,DPAL DANG LDAN ZHING MTSAN DRI MA MED PAR 'GYUR TE, DE'I LAG MTHIL NA YOD PA'I DPAL GANG GIS KYANG MI 'PHROGS TE, 'BYUNG PO THAMS CAD KYI MCHOD GNAS SU 'GYUR BAS 'KHOR LO SGYUR BA DANG 'DRA BAR DPAL DANG LDAN ZHING TSE DANG NAD MED PA PHUN SUM TSOGS PAS MTSAN PA'O, ,ZHES LVA BA PA DANG LA SBAS KYI 'GREL PAR RIGS KYI SRAS BSKRUN PA LA BSHAD DO, ,GONG DU BSHAD PA'I RNAM PA DE LTA BU'I CHO GA DANG LDAN PA'I DNGOS GRUB SGRUB PA THAMS CAD 'BRAS BU DANG BCAS PAR 'GYUR RO, ,BLA MA SNGA MA NI, SMAN NAM MKHA' LDING ZHES BYA BA DE'I MING NAM MKHA' LDING DANG 'GRO BA ZHES BYA STE,
SMAN DE BTAGS SHING MNYES PA'I KHU BA LA LAN BRGYA RTZA BRGYAD PA ZLAS NAS 'THUNGS NAS, 'DOD PA SPYAD PA'I SHU KRA 'THUNGS NA LAG MTHIL NA YOD PA LTA BUR MDANGS DANG LDAN PA DANG DPAL DANG LDAN PAR 'GYUR RO, ,ZHES GSUNG NGO, GNYIS PA NI, DRAN PA TZAM GYIS GSOD PAR BYED DO ZHES PA LA 'KHOR LO NYI MA'I DKYIL 'KHOR GYI NANG DU CHUD PAR, DUG DANG LAN TSVA DANG SKE TSES BRIS LA DUR KHROD KYI THAL BA DANG SOL BAS GZUGS BRNYAN BYAS TE, 'KHOR LO SNYING KHAR BCUG NAS BSGRUB BYA'I RNAM SHES DGUG GZHUG BYAS LA, DUR KHROD DU SBAS NAS MI RUS LAS BYAS PA'I PHUR BUS SNYING GAR BTAB STE, CHU TSAN BLUGS NAS KHROS PAS SNGAGS BZLAS NA NYI MA BDUN GYIS 'CHI BAR 'GYUR RO, ,GTUM MO SBAR BA 'BAR BA'I PHRENG BA'I TING NGE 'DZIN LA GNAS NAS, LHO PHYOGS KYI RLUNG GIS BDAS SHING ME 'BAR BAR BSAMS NA GANG 'DOD PA DER ME SKYED PAR BYED DO, ,RDO RJE RTZE GCIG PA GSOR ZHING SNGAGS BZLAS TE SA LA BSNUN NAS 'OG RNAM PAR GSHEG PA STE 'DRAL BAR BYED DO, ,LAG MTHIL DU BSNGAGS NAS RLUNG GI RJES SU BSNUN NA GANG 'DOD PA DER SER BA 'BEBS PAR BYED DO, ,LVA BA PA'I 'GREL PAR THOG 'BEBS PAR BYED CES 'BYUNG NGO, ,SER BA ZLOG PAR YANG BYED PA NI GDUGS DANG RGYAL MTSAN DANG BA DAN GYI RTZE MOR 'KHRUL 'KHOR BRIS PA BTAGS NAS BTZUGS NA, YUL 'KHONG GANG DU 'KHRUL 'KHOR DE SNANG BA'I SA PHYOGS THAMS CAD DU SER BA ZLOG PAR BYED DO, ZHES 'CHAD DO, ,DRAN PA TZAM GYIS GLOG SKYED PAR BYED DO, ZHES PA NI KA RA B'I RA DMAR PO LA, DRAG SHUL SPYOD PA'I SNAG TSAS, TSAS
, ,YA BHA BUD DHA YA YA TA H'Um ZHES PA BRIS NAS BZLAS PA BYA STE NAM MKHA'I PHYOGS SU GA-YUGS NAS BSKYUR NA GLOG 'BYUNG BAR BYED DO ZHES ZER RO, ,LHA THAMS CAD KYI GZUGS BRNYAN GAR BYED DU GZHUG GO ZHES PA NI DUR KHROD KYI RAS LA 'KHRUL 'KHOR BRIS PA BTAGS NAS SHA CHEN DANG GU GUL DANG LHAN CIG THOD PA'I NANG DU DUR KHROD KYI SOL ME'AM ME GZHAN LA BSREGS PAS GU LANG LA SOGS PA'I GZUGS BRNYAN LA BDUGS NA DE DAG GI GZUGS BRNYAN GAR BYED PAR 'GYUR RO ZHES ZER RO, ,SGRUB PA PO GANG GIS BSAD LAS GRUB PAR BYA BA'I PHYIR BSGRUB BYA DE'I MING NAS BZUNG STE RTZA SNGAGS LAN CIG BZLAS NA BSGRUB BYA DE DE'I MOD LA 'CHI BAR 'GYUR RO, ,GSUM PA NI, BA LANG GI SHA DANG BCAS PA'I SBYIN SREG STONG RTZA BRGYAD RTZA BA'I SNGAGS KYI PHUL NAS MA LUS PA LA LONGS SPYOD PA'I RGYAL SRID THOB PAR 'GYUR RO, ,'DOD PA'I LONGS SPYOD KYIS SKYO NAS MED PAR 'DOD NA ZHI BA'I SBYIN SREG GIS RGYAL SRID KYI GA-YENG BA SDUD PAR 'GYUR RO, ,LHA DANG SNGAGS THA MI DAD PA'I PHYIR BCOM LDAN 'DAS SAM BDE MCHOG GI PHRENG SNGAGS 'DI LA, DNGOS GRUB SGRUB PA LA CHA LUGS KYI KHYAD PAR GYI BRTUL ZHUGS MI DGOS, KHRUS DAD NYE REG SOGS KYI NYE BAR SPYOD PA MI DGOS, ZAS GCOD PA'I SMYUNG BAR GNAS PA MI DGOS TE, PHRENG BA'I SNGAGS KYIS LAS SGRUB PA'I RTOG PA'I BYA BA'I CHO GA 'DIS CI 'DOD PA'I DNGOS GRUB SGRUB PA'I LAS RNAMS BYA'O, ,BZHI PA NI, BZLAS PA SONG BA'I RNAL 'BYOR PAS GAL TE KHROS PA'I BSAM PAS SNA BUG GA-YAS PA NAS SNGAGS KHA DOG SNGON PO
'BAR BA BSGRUB BYA'I SNA BUG GA-YON PA NAS ZHUGS TE, BSGRUB BYA'I LUS KHYAB PAR 'OD 'BAR BA DES DKRUGS SHING, SLAR DE'I SNA BUG GA-YAS PA NAS BYUNG STE, RANG GI SNA BUG GA-YON PAR ZHUGS PAR BSGOM MO, ,DA LTAR BZLAS PA BYAS PA CAM GYIS BYE BA GSOD PAR 'GYUR RO, ,ZHI BA'I BSAM PAS SNGAGS 'OD ZER DKAR PO SNGA MA BZHIN DU BSGRUB BYA'I LUS BSIL ZHING PHAN 'DOGS PAR SEMS PAS BZLAS NA 'TSO BAR BYED ZER RO, ,SNGAGS LAN CIG NI RTZA SNGAGS LAN CIG GO ,BA RU RA'I SHING GI LHO PHYOGS SU GTOGS PA'I YAL GA SME SHA CAN GYI STA RES BCAD LA, NYI SHU DGU'I NUB MO DUR KHROD DU ME LA BSREGS TE, BONG BU'I CHUS ME BSAD PA'I THAL BA BLANGS LA RTZA SNGAGS LAN CIG BZLAS PAS BSGRUB BYA GANG LA BSNUN NA DE'I MOD LA LTUNG BAR BYED DO, ,SHA ZA'I SNYING GAR 'KHOR LO BRIS LA SNGAR BSHAD PA'I DUR KHROD KYI THAL BA LA SNGAGS MING SPEL DANG BCAS PA YONGS SU BZLAS NAS BSGRUB BYA GANG LA BSNUN NA DE DE'I MOD LA SHA ZAS GZUNG BAR 'GYUR RO, ,GONG DU BSTAN PA'I DUR KHROD KYI SOL BA LA RTZA SNGAGS LAN CIG BZLAS NAS NYI SHU DGU'I MTSAN MO SPANG LEB BAM RTZIG PA LA DBEN PA'I GNAS SU, GZA' GANG YIN PA DE'I MTSAN MA'I DBUS SU SNGAR GYI 'KHOR LO BRIS LA, DE'I LTE BAR BSGRUB BYA'I SNGAGS MING SPEL DANG BCAS PA BRIS NAS GU GUL CHEN POS BDUGS NA GZAS BZUNG BAR 'GYUR RO, ,SNGAR GYI DE THAMS CAD LA 'KHOR LO 'O MAS BKRUS NAS ZHI BA'I BSAM PAS BZLAS NA SLAR 'TSO BAR 'GYUR RO, ,AA TI MUKTA'I LCUG MA'I KHRI LA 'DUG STE, BU MOS BKAL BA'I SKUD PA SUM BSGRIL
, ,BYAS NAS YUNG BAS KHA BSGYUR TE, NUB PHYOGS KYI YAL GA LA BTAGS LA, RANG GCER BU SGRA GROL BAR BYAS TE, LAG PA GA-YON PAS SNE MO NAS BZUNG STE ZLA BA GZAS BZUNG BA MA GROL GYI BAR DU RTZA SNGAGS BZLAS LA, DE NAS DE BLANGS TE DE'I RTZE MOS GANG LA BSNUN PA DE DE'I MOD LA RLUNG GI SHUGS KYIS 'ONG BAR 'GYUR ZHING, SLAR BZLOG PA'I BSAM PAS BSNUN NA RANG GNAS SU PHYIR 'GRO'O, ,MI'I THOD TSAL LA LDONG ROS DANG YUNG BAS NYI MA'I DKYIL 'KHOR GYI DBUS SU 'KHOR LO MING SPEL DANG BCAS PA BRIS NAS, DUR KHROD DAM LAM BZHI MDOR SA 'OG TU KHA PHUB TU BZHAG LA, BSEG MA LA LAN CIG BZLAS NAS GANG LA REG PA DE JI SRID 'TSO'I BAR DU RENGS PAR 'GYUR RO, ,PHYUNGS NAS 'O MAS BKRUS NA GROL BAR 'GYUR RO, ,'TSUB MAS KHYER BA'I SHING LO LA MCHIL MA DANG BYA ROG GI KHRAG GIS, BYA ROG GI SGRO RTZE'I SMYU GUS MING SPEL DANG BCAS PA BRIS TE, RLUNG GYEN DU LANGS PA LA BSKUR NA GANG DU 'DOD PA DER 'GRO BA STE SKROD PAR 'GYUR RO, ,RA NAG PO'I YAN LAG LNGA DANG TSIL CHEN DANG GU GUL CHEN PO RNAMS CHA BSNYAMS LA, CHANG GIS SPRUS TE MCHOD PA'I DUS SU SBYAR LA RTZA SNGAGS LAN CIG BZLAS TE SPOS KYI DUD PA SBYAR NA DUD PA DE SNAR SONG BA TZAM GYI MOD LA SEMS CAN THAMS CAD LA 'BABS PAR 'GYUR RO, ,LNGA PA NI, LAG PA GA-YON PA'I 'KHOR LO LA BSGRUB BYA'I MING BRI, DE LA RNAM SHES BKUG NAS LAG PA GA-YAS PA LA RTZA SNGAGS LAN CIG BZLAS TE BKAB NA SPRUL NAG POS ZIN PA'I DUG GSOS PAR BYED DO, ,MKHA' 'GROS RGYAS BTAB PA STE ZIN PA LA RTZA SNGAGS LAN CIG BZLAS PA'I
CHUS GTOR NA DE GTONG BAR BYED DO, ,KA RA B'I RI'I LCUG MA'I SMYU GUS SKYU RU RA'I 'DAB MA LA 'KHOR LO MING SPEL DANG BCAS PA BRIS TE RTZA SNGAGS LAN CIG BZLAS PAS SBRUM MA'I MNGAL GANG DU 'DOD PA DER 'BO BAR 'GYUR RO, ,GSUM PA NI, DPAL HE RU KA'I NGES DON GYI YE SHES NI MI SHES PAR, DE'I SNGAGS LA BRTEN PA'I DNGOS GRUB KUN MNGON PAR 'DOD PA NI RMONGS PAS 'BRAS 'DOD NAS DE'I PHUB MA BRDUNG BA DANG MTSUNGS SO, ,GNYIS 'DUS KYI 'GYUR LAS, HE RU KA DPAL YE SHES NI, ,MI SHES ZHES 'BYUNG NGO, ,GSANG SNGAGS KYI DE NYID SHES PA 'DI NI MED PA RU, 'JIG RTEN LAS 'DAS PA'I DNGOS GRUB DANG NI 'JIG RTEN PA'I DNGOS GRUB KYI BDE BA DAG ,MI STE SGRUB PA PO YIS THOB PAR MI 'GYUR RO, ,BHA BA BHA DRAS, BDAG MED PA'I SNGAGS MED PAS DNGOS GRUB MI 'GRUB PO ZHES BSHAD PA BZHIN DU, BDAG MED PA'I DE KHO NA NYID KYI TING NGE 'DZIN BRTAN PO MED PAR SNGAGS BZLAS PA'I DNGOS GRUB KHYAD PAR CAN RNAMS MI 'THOB PA NI RGYUD SDE BZHI GA LA YIN LA, BLA MED LA NI STONG NYID KYI TING NGE 'DZIN KHYAD PAR BA BDE STONG SBYAR BA'I TING NGE 'DZIN MI BRTAN NA, 'JIG RTEN PA'I DNGOS GRUB YIN KYANG KHYAD PAR CAN RNAMS BDE BLAG TU MI 'GRUB PAS SPYOD PA BYA DGOS SO, ,GSANG SNGAGS KYI NGES DON 'DI NI MI SHES PAR, THEG PA MCHOG 'DI'I RNAL 'BYOR PA NYID MNGON PAR 'DOD PA DE YI NGAL BA DON MED DE, DGOS PA GANG GI PHYIR DU DAL BA'I 'BRAS BU 'THOB PAR MI 'GYUR RO, ,GONG MAS SNGAGS KYI NGES DON MI SHES PAR BZLAS PA'I DNGOS GRUB KHYAD PAR CAN 'DOD
, ,PA 'BRAS MED DU BSTAN, 'OG MAS SNGAGS KYI NGES DON MI SHES PAR RNAL 'BYOR PA KHYAD PAR CAN DU 'DOD PA 'BRAS MED DU BSTAN PAS MI ZLOS SO, ,SNGAGS LA SOGS PA'I GSANG SNGAGS KYIS DNGOS GRUB THAMS CAD SBYIN PAR BYED PA 'DI NI 'DOD PA'I YUL LA RANG BZHIN SHES PA'I SGO NAS SPYOD PA'I THABS LA BRTEN NAS YIN NO, ,SGRUB PA POS SNGAGS KYI NGES DON DANG, 'DOD SPYOD KYI GTZO BO PHYAG RGYA LA BRTEN PA DAG STE GNYIS SO, ,BDE BAR GSHEGS PAS GSUNGS PA 'DI, LEGS PAR SHES NAS SHA LA SOGS PA'I BZA' BA DANG, CHANG LA SOGS PA'I BTUNG BA'I BZA' BTUNG GI RO DANG SOGS KYIS GZUGS DANG SGRA DANG DRI DANG REG BYA BSTEN PAS, BDAG NYID LA RAB TU MCHOD PAR BYED PA NI DNGOS GRUB THAMS CAD SGRUB PAR BYED PA YIN NO, , TZ'U TU NI LHAG MA LA YANG 'JUG MOD KYANG 'DIR DE MI 'GRIG PAS, MDZES PA LA 'CHAD PA LTAR 'DOD YON RNAMS KYANG SHIN TU YID DU 'ONG BA BSTEN ZHES PA'O, ,DE YANG BDE CHEN DANG STONG PA SBYOR BA LA BDE BA 'PHEL DGOS LA, DE YANG BDE BA'I RTEN KUNDA LTA BU RGYAS PA LA RAG LAS SHING, DE RGYAS PA LA 'DOD YON KHYAD PAR CAN RNAMS BSTEN PAS DBANG PO RTEN BCAS RGYAS DGOS PA YIN TE, BRTAG GNYIS LAS, DE LA GA PUR RGYU YI PHYIR, ,SHA NI BZA' BA NYID DU BYA, ,KHYAD PAR DU YANG CHANG NYID DO, , ZHES GSUNGS PA LTAR RO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, RTZA BA'I SNGAGS KYI LAS TSOGS KYI CHO GA'I LE'U STE DGU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I
DON KUN GSAL BA LAS LE'U DGU PA'I BSHAD PA'O,, ` ,,GNYIS PA SNYING PO'I SNGAGS KYIS LAS BSGRUB PA LA GNYIS, LE'U BCU PA DANG, LE'U BCU GCIG PA'O, ,DANG PO LA GSUM, SKU GSUM SGRUB PA DANG, SNYING PO'I LAS TSOGS, LE'U YI MTSAN BSTAN PA'O, ,DANG PO LA GNYIS, BSHAD PAR DAM BCA' BA, SGRUB PA POS SKU GSUM 'GRUB PAR BSTAN PA'O, ,DANG PO NI, LE'U DGU PA'I RJES DE NAS RANG DANG DPAL HE RU KA GNYIS SU MED PAR SBYOR BA SGRUB PA PO GANG GIS SHES PA TZAM GYIS NI, 'GRUB PAR THE TSOM MED PA YI SKU GSUM SGRUB PA NI BSHAD PAR BYA'O, ,MAL GYI 'GYUR LAS, DE NAS HE RU KA GNYIS MED, ,SBYOR BA GANG GIS SHES TZAM GYIS, ,'GRUB PAR THE TSOM MED PA YI, ,SKU GSUM PA NI BSHAD PAR BYA, ZHES 'BYUNG BA BDE'O, ,GNYIS PA LA GNYIS, SPYI'I DON DANG, YAN LAG GI DON NO, ,DANG PO NI, RANG DANG HE RU KA GNYIS SU MED PAR SBYOR BA'I THABS KYIS, SKU GSUM 'GRUB PAR BSHAD PA'I THABS DE GANG YIN ZHE NA, 'DI LA LVA BA PAS, MNGON BRJOD KYI LE'U BZHI PA DANG, LNGA PA DANG, DRUG PA NAS BSHAD PA'I SKU GSUNG THUGS KYI BDE MCHOG GI DKYIL 'KHOR LHA SUM CU PA GSUM SNGAR BSHAD PAS, RIM PA BZHIN DU SKU SPRUL SKU DANG, GSUNG LONGS SKU DANG, THUGS CHOS SKU SGRUB PAR BSHAD DE, RANG DANG SKU GSUNG THUGS KYI HE RU KA GNYIS GNYIS SU MED PAR SBYOR BA'O, ,DE NI DKYIL 'KHOR SO SO'I SGO NAS SKU GSUNG THUGS KYI SKU GSUM SGRUB PA'O,, ,,DKYIL 'KHOR GCIG LA SKU GSUM SGOM TSUL LA, KOD KA NA PA NI H'Um GCIG PU LAS BYUNG BA'I 'KHOR LO GSUM
, ,GYI GNAS SKABS NI SPRUL PA'I SKU'O, ,BZLAS PA'I GNAS SKABS SU 'KHOR LO GSUM CHAR RANG GI LUS LA BSDUS LA CHO GAS GO BSKON PA NI LONGS SPYOD RDZOGS PA'I SKU'O, ,DE'I RJES THOGS LA A'A LI K'A LI SPRO ZHING BSDU BA'I GNAS SKABS NI CHOS KYI SKU YIN NO ZHES BZHED DE, LANG KA DANG DPA' BO YANG DE BZHIN DU BZHED DO, ,H'Um GCIG PU LAS, 'KHOR LO GSUM RDZOGS PA NI L'U AI PA LTAR DKYIL 'KHOR RDZOGS PAR SKYED PA YIN LA, DPA' BOS 'KHOR LO GSUM LA SOGS PAR ZHES BSHAD PAS 'KHOR LO GSUM TZAM MIN NO, ,LANG KA DANG DPA' BO GNYIS KAS SNYING GA'I PADMA'I ZLA BA LA, A'A LI DANG K'A LI'I SPRO BA DANG BSDU BA ZHES BSHAD PAS, L'U AI PA LTAR LTE BAR MI BYED PAR SNYING GAR BYED PA'I LUGS SO, ,DE RNAMS KYI LUGS KYIS NI GZUGS SKU GNYIS DANG RJES SU MTHUN PAR SGOM PA RIM PA DANG PO DANG, CHOS SKU DANG RJES SU MTHUN PAR SGOM PA RDZOGS RIM RNAL 'BYOR CHEN PO SGOM PA LA MDZAD DE, MAN NGAG YIN GSUNG NGO, ,DPAL D'A RI KA PAS, PHYI DKYIL GYI LHA SGOM PA DANG, BYANG PHYOGS SO BDUN SGOM PA DANG, LUS DKYIL SGOM PA NI RIM PA BZHIN DU SPRUL SKU DANG, CHOS SKU DANG, LONGS SKU'I SGRUB THABS SU GSUNGS SO, ,DANG PO NI GDUL BYA THUN MONG PA'I DON DU GSUNGS PA SHIN TU RAGS PA'I SKU'I RNAM PA CAN YIN PAS SPRUL SKU DANG, GNYIS PA NI, BDE BA CHEN PO'I YE SHES KYIS DE KHO NA NYID KYI DON LA ZHUGS PA'I RNAM PA CAN YIN PAS CHOS SKU DANG, GSUM PA NI GDUL BYA MCHOG GI DON DU GSUNGS PA SHIN TU PHRA BA'I RTZA DANG KHAMS KYI SGO NAS GZUGS SKU 'DZIN
PA'I RNAM PA CAN YIN PAS, RTZA DANG KHAMS BYIN GYIS BRLABS PA'I SGO NAS BDE BA LA RDZOGS PAR LONGS SPYOD PA LA LONGS SKUR BZHAG STE LEGS PA YIN NO, ,KUN SPYOD LAS KYANG, CHOS DANG LONGS SPYOD SPRUL PA YI, ,SKU GSUM DAG NI RNAM SGOM PA, BYANG CHUB PHYOGS NI SUM CU BDUN, ,DER NI NGES PAR 'BYUNG BAR 'GYUR, ZHES BYANG PHYOGS SO BDUN SGOM PA DER SKU GSUM SGOM PA NGES PAR 'BYUNG ZHES GSUNGS SO, ,DE LA BDE STONG SBYOR BA'I SGO NAS BYANG PHYOGS SO BDUN SGOM PA CHOS SKU DANG, SO BDUN PHRA BA LUS DKYIL DANG SBYAR BA SGOM PA LONGS SKU DANG, SO BDUN RAGS PA PHYI DKYIL DANG SBYAR BA SGOM PA SPRUL SKU YIN PAS DE DANG YANG MTHUN NO, ,'OD GSAL DU ZHUGS PA NI CHOS SKU DANG, DER 'JUG PA'I RTEN NI SGYU MA'I SKU DANG, 'OD GSAL LAS BZHENGS PA'I PHRA BA'I ZUNG 'JUG GI SKU NI LONGS SKU DANG, SKU DES RAGS PA'I DKYIL 'KHOR SPRUL TE SGOM PA NI SPRUL SKU YIN TE, LO DRIL GNYIS KYI RDZOGS RIM GYI BSHAD PAR GSAL BAR BSHAD ZIN TO, ,DE LTAR RIM PA GNYIS LA SKU GSUM SBYAR DGOS PA YANG, 'BRAS BU'I SKU GSUM DANG RJES SU MTHUN PAR LAM RIM PA GNYIS SU SGOM DGOS PA'I GNAD KYIS YIN NO, ,'DIR SDOM 'BYUNG GI LE'U GNYIS PAR GSUNGS PA'I SKYE SHI BAR DO GSUM DANG MTHUN PAR SGOM PA'I MTHUN YUL GYI GZHI'I SKU GSUM SBYAR NAS DE DANG MTHUN PAR SGOM PA'I RIM GNYIS KYI SKU GSUM LA SBYAR NA CHES LEGS SO, ,GNYIS PA NI, SNGAR HE RU KA DANG GNYIS SU MED PAR SBYOR BAS SKU GSUM 'GRUB PAR BSHAD PA 'DIR 'CHAD LA,
, ,DE YANG BSKYED RIM PA'I SKU GSUM SGOM PA THAMS CAD HE RU KA'I BDAG NYID DU SGOM DGOS PAS, HE RU KA DANG GNYIS SU MED PAR SBYOR BA ZHES BYA'O, ,'DI NI RDZOGS RIM GYI LAM GYI SKU GSUM SKYE BA'I RGYUD SMIN BYED YIN NO, , DE LTAR BSGOMS PA LA BRTEN NAS RDZOGS RIM GYI SNANG PHYOGS KYI HE RU KA DANG, STONG PHYOGS KYI HE RU KA SGOM PA NI LAM GYI SKU GSUM SGOM PA'I MCHOG GO ,DE LTAR NA SGRUB PA PO GANG GI TSE RDZOGS RIM GYI CHOS KYI SKU'I LUS CAN DU GYUR PA STE, BDE STONG DBYER MED KYI LHAN SKYES KYI 'OD GSAL DU ZHUGS PA LA, DE LTAR SEMS LEGS PAR GNAS PAR GYUR PA DE'I TSE LAM GYI YE SHES CHOS KYI SKU ZHES NGA ? SMRA'O ZHES GSUNGS TE, SGRUB PA PO STONG PHYOGS KYI HE RU KA DANG GNYIS SU MED PAR BYAS PA'O, ,SGRUB PA PO GANG GI TSE RDZOGS RIM GYI LONGS SPYOD RDZOGS SKU'I LUS CAN DU GYUR PA STE, LHAN SKYES KYI 'OD GSAL GYI RLUNG SEMS TZAM LAS GRUB PA'I HE RU KA'I SKUR GYUR CING, DE NAS SGYU MA'I SKU DE LA MNYAM PAR BZHAG PA LA GNAS PA DE'I TSE, RDZOGS RIM GYI LONGS SPYOD RDZOGS PA'I SKUR NGA ? RAB TU SMRA STE, SGRUB PA PO SNANG PHYOGS SGYU MA'I LONGS SPYOD RDZOGS PA'I SKU'I HE RU KA DANG GNYIS SU MED PAR BYAS PA'O, ,SGRUB PA PO GANG GI TSE SPRUL PA'I SKU'I LUS CAN DU GYUR PA STE, ZUNG 'JUG PA'I RAGS PA'I DKYIL 'KHOR DU GYUR CING, DE LA SEMS RTZE GCIG TU GNAS PAR GYUR PA DE'I TSE SPRUL PA'I SKUR YANG NGA SMRA STE, SGRUB PA PO SNANG PHYOGS KYI RAGS PA'I SKU'I HE RU KA DANG GNYIS SU MED
BAR BYAS PA'O, ,LO CHEN DANG MAL GYI 'GYUR LA, LEGS SEMS DANG, MNYAM GZHAG DANG, SEMS RTZE GCIG PA ZHES PA'I RKANG PA GSUM MED KYANG, GNYIS 'DUS DANG MAR DO RKYANG BA'I 'GYUR LA YOD PA LEGS SO, ,CHOS KYI SKUR GYUR BA SOGS GSUM PO 'BRAS BU'I SKABS SU GNAS GYUR PA LA 'CHAD PA NI MA BRTAGS PA STE, DE DAG 'BRAS BU LA 'CHAD NA SNGAR HE RU KA DANG GNYIS SU MED PAR SBYOR BAS SKU GSUM SGRUB PA BSHAD PAR BYA, ZHES DAM BCAS PA DON MED PAR 'GYUR TE, DE DAG LAS GZHAN PA'I THABS 'DIR MA GSUNGS PA'I PHYIR DANG, DE RNAMS KYANG SKU GSUM SGRUB PA'I THABS LA MA BSHAD PA'I PHYIR DANG, YE SHE ZHES PA'I RKANG PA GNYIS DANG ZLOS PAR 'GYUR BA'I PHYIR RO, ,GZHUNG DE RNAMS BSKYED RIM LA SBYOR BA'I BSHAD PA YANG RUNG TZAM SNANG YANG, GTZO BO NI RDZOGS RIM LA SBYAR RGYU YIN NO, ,DE 'DRA BA'I LAM GYI SKU GSUM SGOM PA GOMS PAR BYAS NA 'BRAS BU'I SKABS KYI YE SHES CHOS SKU DANG, LONGS SPYOD RDZOGS PA'I SKU DANG SPRUL PA'I SKU YANG DAG PAR THOB PAR GDON MI ZA ZHING, RNAL 'BYOR PA BDAG NYID 'BRAS BU'I SHR'I HE RU KAR NI 'GYUR BA 'DI LA THE TSOM MED DO, ,PHYI MA GNYIS KYIS SKU GSUM YANG RGYUD THA DAD MIN PAR HE RU KA GCIG GI BDAG NYID DU GYUR PAR STON NO, ,DGU PAR, DNGOS GRUB THAMS CAD SGRUB BYED YIN, ZHES GSUNGS PA'I MCHOG GI DNGOS GRUB SKU GSUM 'GRUB PA YANG 'DIR BSTAN PA YIN NO, ,GNYIS PA LA GNYIS, BSHAD PAR DAM BCA' BA DANG, LAS TSOGS DNGOS SO, ,
, ,DANG PO NI, SNYING PO YI GE NYER GNYIS PA'I GSANG SNGAGS 'DI YI NI GSANG BA STE SGRUB PA BSHAD KYIS SGRUB PA PO NYON CIG CES ZHU BA PO LA NYAN PAR BSKUL LO, ,GNYIS PA NI, 'GEGS NAS SHI BA'I RO LA RO LANGS BSGRUBS PA GRUB PA NA, BDAG LA MKHA' SPYOD KYI DNGOS GRUB BYIN CIG CES SMRAS PA NA, DE'I LUS LAS 'DZAGS PA'I MAR KHU BLANGS PA SNOD DU BLUGS TE, SNYING PO'I SNGAGS BZLAS PAS RKANG MTHIL LA BYUGS NA DPAG TSAD BYE BAR 'PHAGS NAS MKHA' LA PHAR 'GRO BA DANG TSUR 'ONG BAR 'GYUR RO, ,SKYE BDUN GYI RO TZA NA DANG GANG 'DOD PA'I SROG CHAGS DE'I SHA 'DRES PA'I THIG LA BYAS PA'AM ZOS NA GZUGS STONG PHRAG DU MAR BYED DO, ,SHA DE ZOS PA'I MTHUS KHANG BZANG DANG SHING DANG KHYIM LA 'DZEGS TE RNAL 'BYOR MA RNAMS DANG LHAN CIG DPAG TSAD BYE BA'I BAR DU 'GRO BAR 'GYUR RO, ,RTA RGA'I MAR DANG TSIL CHEN LA SNGAGS KHRI BZLAS NAS RKANG MTHIL LA BYUGS NA NAM MKHA' LA 'GRO BA DANG 'ONG BA LAS GZHAN DU MI 'GYUR BA STE NGES PAR 'GYUR RO, ,MCHOD GTOR SNGON DU 'GRO BAS MAR NGO LA SROG CHAGS SNA TSOGS KYI THOD PA DUR KHROD KYI SAS BKANG LA, DER YUNGS KAR BSKRUN TE DUS DUS SU DE'I CHED DU GTOR MA SBYIN PA DANG BSRUNG BA'I SNGAGS SUMBHA SOGS BZLA'O, ,PHYIS YUNGS KAR MA NOR BAR GTUMS LA SO SO LA SNGAGS MING SPEL DANG BCAS PA KHRI KHRI BZLAS NAS THUM POR BYAS TE, GANG DANG GANG RANG DANG GZHAN SU LA BTAGS PA DE DANG DER SNANG NGO, ,SNANG BAR 'DOD NA THIG LE BYAS PA'AM THUM PO
BTAGS NA SNANG BAR 'GYUR ZHING, MI SNANG BAR 'DOD NA THIG LE PHYIS PA'AM THUM PO BKROL NA MI SNANG BAR 'GYUR RO, ,'DOD NA BYIS PA DANG ZHES BYA BA LA SOGS PA NI THOD PAR SO SOR YUNGS KAR BSKRUN PA SOGS KYI SBYOR BA BYAS PAS SO, ,BSGRUB BYA'I RKANG RJES KYI SA DANG DUR KHROD KYI THAL BAS GZUGS BRNYAN BYAS LA, DRAG SHUL SBYONG BA'I RDZAS KYIS 'KHRUL 'KHOR LAS DANG MTHUN PA'I BSKUL TSIG SMOS PA CAN, SKUD PA NAG POS DKRIS PA DE'I SNYING GAR GZHUG GO ,DE NAS DE LA BSGRUB BYA BSTIMS LA SNGAGS BSKUL TSIG DANG BCAS PA ZLOS SHING MI RUS KYI PHUR PA RNON PO SOR BRGYAD PA KHA LA SOGS PAR BTAB NA, TSIG 'PHROG PA LKUGS PA DANG, MTHONG BA 'PHROG PA LONG BA DANG, NYAN PA 'PHROG PA 'ON PA DANG, SNA 'PHROG PA DRI MI TSOR BA DANG, LCE 'PHROG PA RO MI TSOR BAR BYED DO, ,GZUGS STONG PHRAG DU MAR BYED PA NAS LCA 'PHROG PAR BYED PA'I BAR LA, LVA BA PA DANG LHA SBAS KYI 'GREL PAR CHO GA GZHAN MANG PO BSHAD PA RNAMS TSIG MANGS SU DOGS NAS SNGON GYI LO TZ'A BA'I MAN NGAG LAS 'BYUNG BA RNAMS 'DIR BKOD DO, ,BSGRUB BYA GANG GI KHRAG 'DREN 'DOD PA DE'I KHRAG 'DREN PAR BYED PA DANG, RENGS PAR BYED PA NI BSHAD ZIN TO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS SKU GSUM 'GRUB PA DANG SNYING PO'I SNGAGS KYI LAS TSOGS KYI CHO GA'I LE'U STE BCU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU PA'I BSHAD PA'O,, ` ,,GNYIS PA
, ,LE'U BCU GCIG PA LA BZHI, BSHAD PAR DAM BCA' BA, SKYE BDUN BRTAG PA'I THABS, SKYE BDUN GYI RO TZA NA LA BRTEN NAS LAS SGRUB PA, LE'U YI MTSAN BSTAN PA'O, ,DANG PO NI, LE'U BCU PA'I RJES DE NAS SNYING PO'I LAS SNGAR BSHAD PA LAS GZHAN YANG SGRUB PA POS, MYUR DU DNGOS GRUB LA 'JUG PA'I DNGOS GRUB THOB PAR 'GYUR BA BSHAD PAR BYA'O, ,DE GANG ZHE NA, SKYE BA BDUN PA'I BAR DU BAR MA CHAD PAR MIR 'BYUNG BA STE SKYES PA'I RO TZA NA LA SOGS PA SGRUB PA PO GANG GIS BSTEN PA TZAM GYIS DNGOS GRUB 'GRUB PA'O, ,GNYIS PA NI, MI'I 'GRO BA'I SKYES BU STE SKYES PA GANG ZHIG LUS KYI RDUL DRI ZHIM POR 'BYUNG BA DANG, TSIG BDEN PAR SMRA BA DANG, YUN RING POR MIG MI 'DZUMS PA LA SKAL LDAN GYIS KHU BA MYUR DU MI 'BYUNG BA LA 'DOD PA DANG, MIG YUN RING POR GDANGS PA LA 'DOD PA DANG, MYUR DU 'DZUM PAR BYED PA LA 'DOD PA'I LUGS GSUM BSHAD PA LA, GZHUNG BOD DPE BZHIN YOD NA SNGA PHYI GNYIS 'ONG DON MED PAS BAR PA LTAR RO, ,DE'I TSAD NI THA MAL BA'I MIG 'DZUMS THEBS BDUN GYI BAR DU MI 'DZUMS PA LA BZHED DO, ,YID LA KHRO BA MED PAR GYUR PA DANG, KHA NAS DBUGS DRI ZHIM PA 'BYUNG BA DE NI SKYE BA BDUN BAR MA CHAD DU MI'I SKYE BAR GYUR PA'I RTAGS YIN NO, ,DE 'DRA BA'I DRI ZHIM PO NI RO TZA NA'I 'BRAS BU YIN PAS, DES DE RJES SU DPAG PAR BYA'O, ,GRIB MA RIM PA BDUN PA BYA NGANG PA'I 'GROS CAN, SNYING RJE DE DANG YANG DAG PAR LDAN PA ZHES PA 'DI LO CHEN DANG MAL GYI 'GYUR LA MED LA, GNYIS 'DUS DANG MAR DO RKYANG PA'I
'GYUR LAS 'BYUNG NGO, ,GSUM PA NI, DE BSTEN NAS ZHES PA LA BHA BA BHA DRAS DRI ZHIM PO DE BSNAMS PAS RO TZA NA YOD PAR DPOG PA LA BSHAD DE, DE'I SKAD DOD LA BSNAMS PA YOD GSUNG NGO, ,SKYE BDUN DE SHI BA NA DE'I SNYING KHA NA RO TZA NA YOD DE DE BLANGS LA, DPAL HE RU KA'I SNYING PO'I SNGAGS BRGYA RTZA BRGYAD BZLAS NAS DPRAL BAR THIG LE BYAS NA, STENG DU STE NAM MKHA' LA LDING BAR 'GYUR ZHING, SA NAS DPAG TSAD BYE BA'I STENG DU 'GRO BAR 'GYUR RO, ,DE BSTEN PA STE BSNAMS PA TZAM GYIS 'JIG RTEN GSUM PO THAMS CAD SHES PA'I MNGON SHES CAN DU 'GYUR RO, ,DPAG TSAD BYE BA LNGA BCUR NYIN ZHAG GCIG GIS PHAR 'GRO ZHING, TSUR LA 'ONG BAR 'GYUR RO, ,LHA'I LUS LTAR RGAS PA MED CING TSE RING BA YANG THOB PAR 'GYUR RO, ,RO TZA NA NI GUR KUM GYI MDOG CAN CIG YIN PAR DKA' RGYAL GYIS BSHAD, BLA MA GONG MA RNAMS SER PO CHU THUM GYI RNAM PA LTA BU BA LANG GI MIG TZAM ZHIG YONG GSUNG NGO, ,DE LEN LUGS LA PHAM THING PA SKU MCHED BGRES PA RNAMS KYI BZHED PAS, DE BYANG CHUB SEMS DPA' YIN PAS DE LA SGRUB PA POS BSNYEN BKUR BYAS TE, GSOL BA BTAB PAS DES LUS STER BA YIN GSUNG LA, BLA MA BAL PO KA NA KA SHR'I CHEN PO'I RJES SU 'BRANGS NAS DE LA BSGRAL BA'I THABS DGOS PAR BZHED CES BLA MA MAL GYI LUGS 'DZIN PA DAG ZER MOD KYANG, SKAL LDAN GYIS RANG NYID SHI BA'I SKYE BDUN GYI RO TZA NA BLANG BAR BSHAD DO, ,ZHES GSUNG BA LEGS SO, ,DKA' RGYAL ZLA BAS LE'U BCU PA'I LAS TSOGS THAMS CAD KYANG SKYE BDUN LA
, ,BRTEN NAS BYED GSUNG STE, GANG 'DOD PA'I GZUGS SU BYED DO ZHES PA YAN CHAD THAMS CAD LA BYED PAR MNGON NO, ,DPAL HE RU KA'I SNYING POS SKYE BDUN LA BRTEN NAS LAS SGRUB PA, SGRUB PA PO GANG GIS SHES PA DE LA DNGOS GRUB GANG DANG GANG 'DOD PA DE DANG DE STER BAR 'GYUR RO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, SKYE BA BDUN PA'I MTSAN NYID DANG DE'I LUS LA BRTEN NAS DNGOS GRUB SGRUB PA'I CHO GA'I LE'U STE BCU GCIG PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU GCIG PA'I BSHAD PA'O,, ` ,,GSUM PA NYE SNYING GIS LAS SGRUB PA LA GSUM, BSHAD PAR DAM BCA' BA, LAS SBYOR DNGOS LE'U YI MTSAN BSTAN PA'O, ,DANG PO NI, LE'U BCU GCIG PA'I RJES DE NAS DNGOS GRUB THAMS CAD THOB PAR BYED PA'I NYE BA'I SNYING PO LA BRTEN PA'I LAS KYIS NI, 'JIG RTEN GSUM NA YOD PA GANG CI YANG RUNG BA'I DNGOS GRUB DE RNAMS KUN SKAD CIG GIS TE MYUR DU 'GRUB PA BSHAD PAR BYA'O, ,GNYIS PA LA DRUG ,SA GA-YO BA SOGS KYI LAS SBYOR BZHI BSTAN PA, MIG LA BRTEN PA'I LAS SBYOR, MKHA' SPYOD SGRUB PA'I RI LU'I LAS SBYOR, KHRAG 'DREN PA SOGS KYI LAS DRUG RJES 'DZIN DANG BCAS PA, MI SNANG BA SOGS KYI LAS BDUN RJES 'DZIN DANG BCAS PA, CHU BO GYEN DU ZLOG PA SOGS KYI LAS LNGA RJES 'DZIN DANG BCAS PA'O, ,DANG PO NI, RGYUD LA RANG DGAR 'JUG PA DGAG PA'I PHYIR, tA PHA NAS AOm GYI BAR BZLOG STE BKOD PA NI, AOm HR'I: HA HA
H'Um H'Um PHAt CES PA'O, ,'DI NI HE RU KA'I SNYING PO'I SNGAGS DANG NYE BA'I SNYING PO'O, ,GSANG SNGAGS NYE SNYING 'DI 'BUM BZLAS PAS SA 'OG SA STENG SA BLA'I 'JIG RTEN GSUM GA-YO BAR BYED NA, YANG GI SGRAS GZHAN LTA CI SMOS PA'O, , LAS SBYOR 'DI N'A RO PAS GRUB PA YIN GSUNG NGO, ,GRO GA LA RO'I SEN RTZI DANG, GI HAm DANG, RANG GI KHU BA BSRES PA'I SNAG TSAS DBUS SU PADMA 'DAB MA DRUG PA LTE BA GE SAR DANG LDAN PA, LTE BAR ZLA BA'I DKYIL 'KHOR GYIS BRGYAN PA, RDO RJE PHRENG BAS BSKOR BA, DE'I PHYI ROL TU 'KHOR LO DKAR PO RTZIBS DRUG PA BRI, PADMA'I 'DAB MA DRUG LA YI GE BDUN PA GA-YAS SKOR DU DGOD, 'KHOR LO'I RTZIBS RNAMS LA GO CHA'I RNAL 'BYOR MA DRUG GI SNYING PO BRI, DBUS SU BDUN PA HE RU KA, ZHES 'BYUNG BA NI PADMA LA YI GE BDUN DGOD PAR GSUNGS PAS, PADMA'I LTE BA LA H'Um DGOD PA'I DON NO, ,BLA MA SNGA MAS BSGRUB BYA'I MING BSKUL TSIG DANG BCAS PA YANG BRI ZHES ZER RO, ,DE NAS NYE SNYING 'DON ZHING RJES SU CHAGS PA'I BSAM PAS, BSGRUB BYA GANG NA YOD PA'I PHYOGS SU BLTAS LA LAG PA GNYIS KA GDENGS SHING GA-YO BAS, BSGRUB BYA MDUN NA KHA BZHIN GSAL BAR BSGOMS TE, PHYAG RGYA DANG SNYOMS PAR 'JUG PA'I RJES SU CHAGS PAS BSGRUBS NA, LHA DANG LHA MA YIN DANG GNOD SBYIN DANG SRIN PO DANG KLU DANG DRI ZA DANG MI'AM CI RNAMS GANG 'DOD PA 'GUGS PAR BYED NA, SA LA SKYES PA RNAMS LTA CI SMOS, YANG NA TZAN DAN DMAR PO DANG SKE TSE DANG LAN TSVA DANG BSGRUB BYA'I RKANG RJES KYI SA LA GZUGS BRNYAN BYAS TE, GRO GA LA SNGAR BSHAD PA'I 'KHOR LO BRIS LA SNYING GAR
, ,BCUG NAS DGUG GZHUG BYAS, MING SPEL DANG BCAS PA BZLAS NA, RGYAL PO NOR DANG 'KHOR DANG BCAS PA DBANG DU 'GYUR RO, ,RGYA MTSO DANG 'BAB CHU DANG RDZING BU DANG LA SOGS PAS CHU MIG GI CHU SKEMS PA'AM GNON PA STE RENGS PAR BYED PA NI SNGAGS KYI NUS MTHU THOB PAS, SNGAR GYI 'KHRUL 'KHOR LA SPEL TSIG SPOS PAS SNGAGS SPEL TSIG DANG BCAS PA BZLAS PAS 'GRUB BO, ,GANG DU NYE SNYING 'BUM PHRAG BDUN BZLAS PA'I GNAS DER ZANGS LA SOGS PA LA GZOD RIS BYAS PA'I 'KHOR LO, TZAN DAN DMAR PO DANG SRIN LAG GA-YON PA'I KHRAG GIS DBANG GI 'KHRUL 'KHOR BRIS LA, RAB GNAS BYAS TE SNGAGS BZLAS SHING LUS LA BCANGS NAM MKHA' 'GRO MA THAMS CAD SGRUB PA PO'I MNGAG GZHUG BYED PA STE BKA' NYAN CING BGEGS MI NUS SO, ,GNYIS PA NI, LAG PA GA-YON PAR ZLA BA'I DKYIL 'KHOR GYI STENG DU, SNGAR GYI 'KHOR LO TZAN DAN DKAR POS BRIS LA, LAS DANG RJES SU MTHUN PA'I 'OD ZER 'PHRO BA BKOD LA NYE SNYING 'DIS CHU LA YONGS SU BZLAS TE DES 'KHOR LO BGYIS PA'I CHUS, BDAG NYID KYI MIG BKRUS NA SKYE BA BDUN PA'I MI SHES PAR 'GYUR ZHING, 'DAS PA DANG MA 'ONGS PA YANG SHES PAR 'GYUR RO, ,DE BZHIN DU 'KHOR LO DANG LDAN PA'I LAG PAS MIG LA REG CING SNGAGS BZLAS NA, TSE ZAD PA DANG 'CHI BA NYID DU SNANG BA STE DE'I RTAGS DANG LDAN PA YANG MTSAN MA NGAN PA SNGA MA LOG NAS, TSE RING BA DANG GSON POR SNANG BA'I RTAGS DANG LDAN PAR 'GYUR RO, ,GNYIS 'DUS KYI 'GYUR LAS, TSE ZAD PA YANG 'CHI BA BZHIN DU SNANG BA DANG, TSE RING BA
GSON PAR SNANG BAR 'GYUR RO, ,ZHES PA LTAR NA TSE RING THUNG GI RTAGS SHES PAR 'GYUR BA'O, ,'KHOR LO DANG LDAN PAS MIG LA NYE SNYING SPEL TSIG DANG BCAS PAS MNGON PAR BSNGAGS NAS GANG LA BLTAS PA DE GNON PA STE RENGS PAR 'GYUR RO, ,GSUM PA NI, DPA' BO GA-YUL DU SHI BA'I RKANG MTHIL GYI PAGS PA BLANGS TE DPA' BO GRIR SHI BA'I MI DE NYID KYI KHRAG DANG LHAN CIG BTAGS LA, LIG BU MIG SMAN NI, GNYIS 'DUS KYI 'GYUR LAS, RNA BA'I MIG SMAN ZHES 'BYUNG LA, DE'I DON LA BSHAD PA GZHAN 'DUG NA'ANG LIG BU NI RNA BA YIN LA, RNA BAR DES REG PA TZAM GYIS MIG GNYIS GSAL BAR 'GYUR BAR LHA SBAS KYIS BSHAD, RDO'I BYE BRAG CIG YIN ZER, DE NI GLING MTHA' NAS RNYED PA DANG ZER, GLING GZHAN NAS RNYED CES KYANG ZER RO, ,DE DANG LDONG ROS DANG GI HAm DANG GUR KUM DANG DPA' BO'I SNYING KHRAG DANG BSNOS PA STE DES YANG DANG YANG DU SPANGS PA'I RI LU THONG BAR BCUG STE GRIB MA LA BSKAMS LA, BHA BA BHA DRAS, GSER DANG ZLA BA NYIN BYED RNAMS, ,RIG BYED GSUM BZHI TSAD MAN CHA, ,THUB PA GSUM MDA' RA TIS LHAG ,RI LU RIM PAS DKRI BAR BYA, ZHES BSHAD PA LTAR GSER DNGUL ZANGS GSUM GYI LCAGS GSUM GYIS DKRIS PA BYAS TE, YANG RI LU DE LHAG PAR GNAS PA BYA'O, ,LHAG GNAS NI RAB GNAS BYED PA LA BSHAD PA LTAR RAB GNAS BYA'O, ,SKAR MA RGYAL LA BYA ZHES PA GNYIS 'DUS DANG MAR DO RKYANG PA'I 'GYUR LA, LHAG GNAS BYED PA LA SBYOR LA, LO CHEN DANG MAL GYI 'GYUR LAS, SKAR MA RGYAL LA BAB PA NA DPAL HE RU KA'I ZHAL DU BCUG LA ZHES 'OG MA DANG SBYOR
, ,BA'I PHYI MA LTAR LEGS SO, ,SKAR MA RGYAL LAM RGYU SKAR BZANG PO GZHAN LA, DUR KHROD LA SOGS PA DBEN PA'I GNAS SU TSON SNA LNGA'I CHU TSON GYIS DKYIL 'KHOR BRIS TE BSGRUBS SHING MCHOD PA'I RJES LA, DE'I DBUS SU BSGRUB BYA STE RO GTZANG MA BZHAG ,DE'I KHAR SNGAR GYI RI LU BCUG PA NI, DPAL HE RU KA'I ZHAL DU BCUG PA'I DON NO, ,DE NAS RO DE LA GU GUL GYIS BDUG CING RANG GI LAG PA GA-YON PAS RO DE'I KHA BKAB STE, YANG NYE SNYING BRGYA RTZA BRGYAD BZLAS NA RO DES RI LU DE KHA NAS 'BYIN LA, DE RANG GI KHAR BCUG NA SGRUB PA PO DE DE'I MOD LA MI SNANG BAR 'GYUR ZHING, LUS KYI GRIB MA MED PAR 'GYUR TE, LHA RNAMS KYIS KYANG MTHONG BAR MI 'GYUR NA, SA STENG GI MI RNAMS KYIS MI MTHONG BA LTA SMOS KYANG CI DGOS, 'DI LA MAR DOS, RANG GI SNYING GA'I H'Um LAS 'PHROS PA'I H'Um RO'I SNYING GAR BKOD NAS DE YONGS SU GYUR PA LAS DE NYID BDE MCHOG ZHAL GCIG PHYAG GNYIS PA PHYAG RGYA DRUG LA SOGS PAS BRGYAN PA BSAMS LA, DE'I SNYING GA'I H'Um LAS 'OD ZER 'PHROS PAS GZOD MA NAS GRUB PA'I YI GE BDUN PA'I LHA RNAMS MCHOD DE, DE DAG 'OD DU GYUR PA DPA' BO'I SNYING GA'I YI GE H'Um DANG NYE BAR 'DUS PAS, YI GE BDUN PA'I LHA'I NGO BOS ZHUGS PAR BSGOM MO, ,DE NAS RI LU DPA' BO'I KHAR BCUG LA BZLAS BRJOD BYA, ZHES 'CHAD DO, ,DE BZHIN DU RI LU DE KHA LAS BTON NA SNANG BAR 'GYUR RO, ,BDE MCHOG NYUNG NGU'I RGYUD 'DIR MKHA' SPYOD GRUB PA'I RI LU 'DI NI DPA' BO HE RU KA RANG NYID KYIS GSUNGS
PA YIN NO, ,BZHI PA NI, DPAL HE RU KA NI RTZA BA'I SNGAGS DE'I SNYING PO YI GE NYI SHU RTZA GNYIS PA DE'I NYE BA'I SNYING PO YI GE BDUN PA'I SNGAGS 'DIS MI'I MGO BO'I THOD PA RMA MED PA SHA MED CING MA NYAMS PA BYAS LA, SNGON DU BSNYEN PA BYAS SHING RDO RJE DRAG PO HE RU KA'I RNAL 'BYOR DANG LDAN PAS, H'Um BRJOD PA LAS SKYES PA'I DU MA SKYES MA MTSON CHA THOGS PA RANG GI SNA BUG GA-YAS PA NAS PHYIR PHYUNG STE, DES BSGRUB BYA GANG GI MING NAS BZUNG BA DE'I BSHANG LAM DANG, RDO RJE DANG SNYING GA DANG MGRIN PA DANG DPRAL BA'I RTZA LNGA PHUG NAS KHRAG GI RGYUN GYIS THOD PA YONGS SU GANG BAR BSGOM ZHING, GA-YAS PA'I SDIG MDZUB KYI RTZE MOS THOD PA LA MNYES NAS SNGAGS MANG DU BZLAS NA DE'I KHRAG 'GUGS PAR 'GYUR ZHING, LUS KYI SHA ZAD PAR BYED DO, ,SLAR 'TSO BAR 'DAD PAS GA-YON PA'I SDIGS MDZUB KYI RTZE MOS ZHI BA'I SEMS KYIS YANG DANG YANG DU MNYES SHING, SNA BUG GA-YON PA NAS ZHUGS PA'I DU MA SKYES MA'I PHYAG GI THOD PA'I KHRAG GIS BSGRUB BYA'I LUS YONGS SU GANG BA BSGOMS NA SLAR 'TSO BAR 'GYUR RO, ,NYE SNYING SPEL TSIG DANG BCAS PA BZLAS TE THOD PA DE BSGRUB BYA'I MGO BO'I THOD PA YIN PAR BSAMS NAS KHU TSUR BSNUN NA, GANG GI MING NAS SMOS TE BYAS PA DE'I KLANG PA NA BAR 'GYUR RO, ,ZHI BA'I SEMS KYIS GSANG SNGAGS RJES SU DRAN PAS DNGOS SU THOD PA'I NANG 'O MAS BKANG, DNGOS SU MED NA BKANG BAR BSGOMS NA NYE BAR ZHI BAR 'GYUR RO, ,GI HAm LA NYE SNYING BZLAS TE DPRAL BAR THIG LE BYAS NAS GANG LA BLTAS PA DE RGYAS BTAB PA STE RENGS
, ,PAR 'GYUR RO, ,NYI MA GUNG LA KHROS PA'I SEMS KYIS DUR KHROD KYI RAS SAM, MCHOD SBYIN GYI SHING GI LO MA LA MI RUS GYI SMYU GUS RO SOL DANG DUG DANG MI'I KHRAG GIS SNGAR BSHAD PA'I 'KHOR LO BRIS, RO SOL LA BSGRUB BYA'I GZUGS BRNYAN BYAS PA'I SNYING GAR 'KHOR LO DE BCUG LA, SKE TSES BYUG CING TSER MA'I ME LA YANG YANG BSRO, LAG PA GA-YON PAR YANG 'KHOR LO BRIS PA'AM BSGOMS LA, SDIGS MDZUB LA SNGAGS YONGS SU BZLAS TE BSGRUB BYA GANG LA SDIGS MDZUB BYAS PA DE BYAS PA DE'I MOD LA RIMS KYIS THEBS SHING LTUNG BA STE SA LA 'GYEL BAR 'GYUR RO, ,GZUGS BRNYAN DE RO BSREGS PA'I DBUS SU BRKOS PAR BZHAG NAS, MI RUS KYI PHUR BUS BTAB STE CHER MAS BAR MTSAMS MED PAR BKANG LA, SNYING GAR CHU TSAN BLUGS SHING SPEL TSIG DANG BCAS PA'I SNGAGS BZLAS LA RKANG PAS SA LA BSNUN NA GANG GI MING NAS SMOS PA DE DE'I MOD LA 'CHI BAR 'GYUR RO, ,CHU LA SNGAGS SPEL TSIG DANG BCAS PA BZLAS TE SA LA GTOR ZHING GZUGS BRNYAN 'O MAS BKRUS NA GSOS PAR 'GYUR RO, ,YUNG BA 'AM LDONG ROS KYIS DUNG KHROD KYI RAS LA 'KHRUL 'KHOR BRIS LA, TZAN DAN DMAR PO'I RDUL DANG LAN TSVA DANG SKE TSE DANG BSGRUB BYA'I RKANG RJES KYI SA RNAMS GCIG TU BYAS PA'I PHYE MA DANG, LCAGS PHYE BSRES LA DUR KHROD KYI RAS KYIS GTUMS TE LAM GYI BZHI MDOR SA LA SOR BRGYAD BRKOS TE, DGRA'I MING SPEL DANG BCAS PAR LAN BDUN BZLAS NAS SBAS LA, NYE SNYING
GI SNGAGS BZLAS PA'I MDZUB MO'I RTZE MO DES SKYE BO STONG PHRAG LA YANG SDIGS MDZUB BYAS NA, DE THAMS CAD GNON PA STE RENGS PAR 'GYUR RO, ,LAN STONG DU YANG BSDIGS PAR BYAS NA ZHES 'CHAD PA DON MIN NO, ,LO CHEN DANG MAL GYIS DE THAMS CAD CES BSGYUR BA BDE'O, ,'KHRUL 'KHOR BTON NAS 'O MAS BKRU ZHING SLAR GSO BA'I SNGAGS KYI TSIG GIS NI GROL BAR 'GYUR RO, ,SME SHA CAN TE RIGS NGAN GYI RO BSREGS PA'I THAL BAS BSGRUB BYA'I GZUGS BYAS LA, BSGRUB BYA'I MING SPEL DANG BCAS PA'I 'KHRUL 'KHOR BRIS PA SNYING GAR BCUG STE, DE NYID KYI THAL BA LA BZLAS BRJOD LAN BDUN NAM BRGYA BYAS TE GANG GI GZUGS SU BYA BA'I SEMS CAN DE RJES SU DRAN TE SNGAR GYI GZUGS DE LA BSNUN PA BYAS NA, GANG GI GZUGS SU BYA 'DOD PA DE'I GZUGS 'DZIN PAR 'GYUR RO, ,LO CHEN DANG MAL GYI 'GYUR LAS, SEMS CAN GANG RJES SU DRAN TE BSNUN PA DE'I GZUGS ZHES 'BYUNG BA LEGS SO, ,LNGA PA NI, SNGAR BSHAD PA'I TZAN DAN LA SOGS PA'I SMAN GYIS SBYIN SREG BYAS PA'I THAL BAS BSGRUB BYA'I GZUGS BYAS LA, DE'I SNYING GAR 'KHOR LO BCUG NAS THAL BA DE NYID LA, BSGRUB BYA'I MING NAS SMOS PA'I NYE SNYING GI BZLAS BRJOD BRGYA BYAS TE, GANG LA BSNUN PA DE SUM CU RTZA GSUM PA'I LHA NYID KYIS MI MTHONG NGO, ,SLAR GSO BA'I BSAM PAS CHU LA NYE SNYING SPEL TSIG DANG BCAS PA BRGYA BZLAS PAS GTOR NA SLAR SNANG BAR 'GYUR RO, ,BSGRUB BYA'I MING SPEL TSIG DANG BCAS PA'I 'KHOR LO BRIS TE, SMYO BYED DA DU RA'I 'BRAS BU RTZA BA SDONG BU LO MA YAL GA LNGA DANG LDAN PAR BYAS NAS, KHYI SMYON GYI THOD PA KHA SBYAR GYI BAR DU GZHUG ,DUR KHROD KYI THAL BA'I 'JIM PAS SRUBS BSDAMS TE, NYE SNYING SPEL TSIG DANG BCAS PA LAN BDUN DU DBUGS
, ,MI 'BYIN PAR BZLAS LA, DUR KHROD DU BCUG NA GANG GI MING NAS BZLAS PA DE SMYO BAR 'GYUR RO, ,BSGRUB BYA'I SKYE BO STONG YANG SMYO BAR 'GYUR RO, ,ZHI BA'I YID KYIS BTON NAS 'O MAS BKRUS NA GROL BAR 'GYUR RO, ,KHANG STONG DU SONG STE MKHA' 'GRO MA GANG GI MING NAS SMOS TE, RANG GI GTZUG PHUD LA LAN BCU BZLAS TE MDUD NA, GNOD PA'I MKHA' 'GRO MA THAMS CAD GUNG DU 'GRO BAR 'GYUR RO, ,'ONG BAR MDZOD CIG CES PA'I SPEL TSIG DANG BCAS PA BZLAS NA 'ONG BAR 'GYUR ZER RO, ,KHANG STONG DU SONG STE NYE SNYING LAN BRGYA BZLAS NAS RANG GI GTZUG PHUD SPYI BOR BCINGS LA MIG BGRAD DE JI SRID BZLAS PA DE SRID DU MI SNANG BAR 'GYUR RO, ,GTZUG PHUD DKROL NA SLAR SNANG BAR 'GYUR RO, , 'KHRUL 'KHOR BRIS PA'I KHAM PHOR RAM THOD PA LA BSKUL TSIG DANG BCAS PA'I NYE SNYING MNGON PAR BZLAS TE KHAM PHOR SOGS PHYE MAR BYAS NAS, STENG DANG 'OG DANG PHYOGS BZHI DANG MTSAMS BZHI RNAMS SU GTOR NA LHA DANG LHA MA YIN DANG GNOD SBYIN DANG SRIN PO DANG, DRI ZA DANG MI'AM CI DANG LTO 'PHYE CHEN PO THAMS CAD KYANG 'CHING BAR 'GYUR RO, ,GYO DUM LA BZLAS NAS PHYOGS MTSAMS SU GTOR BA DE NYID KYIS MKHA' 'GRO MA'I GNOD PA'I SBYOR BA THAMS CAD 'PHROG PAR 'GYUR RO, ,KHYI'AM CE SPYANG GI MJUG MA BSGRUB BYA'I MAL 'OG TU SBAS NAS STAN DANG MAL KHRI LA SKYES PA DANG BUD MED 'DUG PA LA BLTAS TE SNGAGS BRGYA RTZA BRGYAD BZLAS NA 'BYAR BAR 'GYUR RO, ,GROL BAR 'DOD PA'I YID KYIS NI
MJUG MA PHYUNG STE SNGAGS BZLAS NA GROL BAR 'GYUR ZER RO, ,DRUG PA NI, THOD PA DANG BCAS PA'I 'KHRUL 'KHOR LA NYE SNYING GI SNGAGS SPEL TSIG DANG BCAS PA YONGS SU BZLAS TE 'BAB CHU'I CHU BOR BCUG NA RGYUN PHYOGS LAS BZLOG STE 'BAB PAR 'GYUR RO, ,THOD PA DANG BCAS PA'I LAS SBYOR DE NYID KYIS CHU BO'I RBA RLABS GNON PAR 'GYUR ZHING, BZLOG PA'I YID KYIS BZLAS NA NI ZLOG PAR 'GYUR RO, ,SPEL TSIG DANG BCAS PA'I SNGAGS BZLAS TE GDONG STENG DU LTA BZHIN DU STONG PHRAG GCIG BZLAS NA CHAR CHEN PO GCOD PAR 'GYUR RO, ,DGRA BO GZHAN GYI DPUNG LA MNGON DU PHYOGS NAS GYO DUM LA BZLAS BRJOD STONG BYAS TE PHYOGS BCUR GTOR NAS GA-YUL DU ZHUGS NA MTSON CHA BRGYAS BSNUN KYANG GNOD PA'I TSOR BA 'BYUNG BAR MI 'GYUR ZHING, MTSON GYIS KYANG CHOD PAR YANG MI 'GYUR TE, MTSON GYIS MI PHYED PA'I RDO RJE'I LUS CAN DU 'GYUR RO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, NYE BA'I SNYING PO'I LAS TSOGS KYI CHO GA'I LE'U STE BCU GNYIS PA'O, ,'KHOR LO SDOM PAR BRJED PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU GNYIS PA'I BSHAD PA'O,, ` ,,BZHI PA GO CHA'I SNGAGS KYIS LAS SGRUB PA LA GSUM, BSHAD PAR DAM BCA' BA, LAS TSOGS DNGOS, LE'U YI MTSAN NO, ,DANG PO NI, LE'U BCU GNYIS PA'I RJES DE NAS DPA' BO'I GO CHA YI, SNGAGS KYIS LAS SGRUB PA RNAMS NI GO RIM BZHIN DU BSHAD PAR BYA'O, ,DE YANG 'JIG RTEN GSUM
, ,NA GANG YOD PA'I YID LA GANG 'DOD PA DE DAG KUN SGRUB PA'O, ,GNYIS PA LA BZHI, 'JIGS PA SEL BA LA SOGS PA'I LAS BRGYAD SLAR DGROL BA DANG BCAS PA, DBANG DU BYED PA DANG RAS GOS LA BRTEN PA'I LAS TSOGS LAS SBYOR RNAMS 'GRUB PA'I THUN MONG GI THABS, SHING DU BYED PA SOGS KYI LAS GNYIS SLAR DGROL BA DANG BCAS PA'O, ,DANG PO NI, GO CHA'I SNGAGS KYIS LAS SGRUB PA DE LA GO CHA'I SNGAGS ZLOS BZHIN DU YANG LAM DU ZHUGS NA RKUN MA DANG STAG GIS 'JIGS PAR MI 'GYUR ZHES PA'I LAS SBYOR NI, SGRUB PA POS SKAR MA RGYAL DANG GZA' NYI MA'I DUS SU GRO GA LA GUR KUM DANG RO'I SEN RTZI DANG RANG GI KHRAG DANG GI Hm GIS ZLA BA'I DKYIL 'KHOR GYI DBUS SU RDO RJE RTZE GSUM PA KHA GYES PA BRI, DE'I LTE BA'I MTHAR RIM PA GNYIS PA'I MU KHYUD DANG, DBUS SU PADMA 'DAB MA DRUG PA LTE BA DANG BCAS PA BRI, PADMA'I LTE BAR H'Um CHE GE MO LA CHOM RKUN RAKshA H'Um ZHES PA LTA BU, LAS GANG YIN GYI MING SPEL TSIG DANG BCAS PA H'Um GNYIS KYI BAR DU CHUD PA PRI, 'DAB MA DRUG LA SHAR NAS BRTZAMS NAS, AOm DANG NA MA DANG SV'A H'A DANG BOOshdA DANG H'Um H'Um DANG PHAt BRI, H'A H'I H'U HEE HOO HA: RNAMS SPANGS PA'I HA HI HU HE HO Hm RNAMS RDO RJE'I LTE BA'I MU KHYUD LA DGOD DO, ,LVA BA PA'I 'GREL PAR RDO RJE MKHA' 'GRO'I RGYUD TSIG DRANGS PA TZAM MA GTOGS PA, BRI TSUL MI GSAL BA LA LHA SBAS KYIS, HA LA SOGS PA THUNG DU DRUG RDO RJE'I LTE BA'I MU KHYUD LA DGOD PAR BSHAD CING, H'A RING PO SOGS DRUG MI 'GOD PAR SNANG BAS, RDO RJE MKHA'
'GRO'I 'GREL PAR PADMA 'DAB MA DRUG PA GNYIS DANG, H'A RING PO SOGS DRUG DGOD PAR BSHAD PA DANG MI MTHUN NO, ,DE NAS RAB GNAS BYAS NAS THUN GSUM DU BZLA ZHING MCHOD PA BYAS NAS, LAN BDUN DU BZLAS TE GOS KYI MTHA' MA MDUD DE, SNGAGS ZLOS BZHIN DU LAM DU ZHUGS NA RKUN MA SOGS KYI 'JIGS PA MI 'BYUNG NGO, ,YANG ZHES PA LO CHEN DANG MAL GYI 'GYUR LA MI 'BYUNG LA, GNYIS 'DUS DANG MAR DO RKYANG BA'I 'GYUR LA 'BYUNG BA LA, LVA BA PA'I 'GREL PAR YA NGA BA'I LAM DU ZHUGS NA ZHES 'BYUNG NGO, ,MI SNANG BAR 'GYUR BA'I LAS SBYOR NI, 'KHOR LO DE NYID KYI LTE BA LA MTHA' THIG LE'I GZUGS KYI BSKOR TE, BSGRUB BYA 'KHOR DANG BCAS PA RMONGS PAR GYIS SHIG CES SPEL TSIG DANG BCAS PA BYAS TE CHOS KYI DBYINGS SU BSGOMS TE GO CHA'I SNGAGS ZLOS BZHIN DU LAM DU ZHUGS NA GZHAN GYIS MI MTHONG LA, GO CHA ZLOS BZHIN DU YANG RGYAL PO'I PHO BRANG GI BUD MED KYI GNAS SU ZHUGS NA YANG MI SNANG BAR 'GYUR TE, GNAS DE NAS GANG 'DOD PA DE BLANGS TE 'GRO BAR 'GYUR ZHING, LHA RNAMS KYIS KYANG MI MTHONG NGO, ,RO RAS LA LDONG ROS DANG YUNG BA'I KHU BAS AA SHO KA'I SMYU GUS SNGAR GYI 'KHOR LO KHYAD PAR DU THIG LES BSKOR BA BRIS TE, GO CHA'I SNGAGS BRGYA BZLAS LA, DE NAS BSGRUB BYA DPUNG DANG BZHON PAR BCAS PA'I MING SPEL DANG BCAS PA BZLA'O, ,DE NAS BSGRUB BYA'I RKANG RJES KYI SA DANG, GLANG PO CHE'I RKANG RJES KYI RDUL DANG, DUR KHROD KYI THAL BA LA BSGRUB BYA'I GZUGS BYAS LA, DE'I SNYING KHAR 'KHOR LO DE BCUG STE, ME TOG SER POS GTOR LA RKANG
, ,PA GA-YON PAS MNAN TE, SNGAGS BRGYA RTZA BRGYAD BZLAS TE SA BRKOS PAR BCUG NAS GA-YOGS PA'I STENG DU, SNYING GA'I THAD KAR SA'I KHANG PA LTA BU BYAS NAS BZHAG STE LAG PA GA-YAS PAS GANG LA REG PA'I DMAG SDE DE GTING RING DU BRKOS NAS BTZUGS PA MDUNG BZHIN DU RENGS PAR 'GYUR TE, SUM CU RTZA GSUM PA'I LHAS KYANG MI GA-YO'O, ,GO CHA'I SNGAGS ZLOS PA'I RKANG PAS BSNUN NAS SA 'OG NAS BTON TE 'KHOR LO 'O MAS BKRUS NA THAR PAR 'GYUR RO, ,RANG GI KHRAG LA GO CHA'I SNGAGS LAN GSUM BZLAS NAS KHAR BCUG LA PHYIR PHYUNG STE THIG LE BYAS LA GANG DANG LHAN CIG SMRA BA DANG, GANG GIS BDAG MTHONG ZHING BDAG GIS GANG MTHONG BA DE THAMS CAD KYI KHRAG 'DREN PAR BYED DO, ,DGRA BO GANG GI KHYIM DU KHRO RGYAL BSGOMS NAS KHRO BA DANG BCAS PAS GO CHA'I SNGAGS LAN STONG DU SPEL TSIG DANG BCAS PA BZLAS NA THAMS CAD RIMS KYIS BTAB PAR 'GYUR RO, ,ZHI BA'I BSAM PAS CHU LA LAN LNGA BZLAS TE GTOR NA SLAR 'TSO BAR 'GYUR RO, ,GZHAN DANG RTZOD PA BYED NA BSGRUB BYA'I RKANG RJES KYI SA DANG, DUR KHROD KYI SA DANG, GROG MKHAR GYI SA GSUM BSRES PA LA BSGRUB BYA'I GZUGS BYAS LA, CHE GE MO'I W'A KA HA RANTU ZHES PA'I SPEL TSIG DANG BCAS PA'I 'KHOR LO BRIS PA'I SNYING GAR BCUG ,DE RKANG PA GA-YAS PAS MNAN LA YID KYIS BDAG GI SNYING GAR 'KHOR LO BSGOMS LA, 'OD ZER SNGAGS KYI RANG BZHIN GCIG GI STENG DU GCIG BRTZEGS PA RI RAB TZAM DU SNA BUG GA-YAS PA NAS SPROS, DES
BSGRUB BYA'I LCE MNAN PAR BSAMS LA BSGRUB BYA GANG GI GDONG LA BLTAS TE SNGAGS SPEL TSIG DANG BCAS PA BZLAS PAS DE'I TSIG 'PHROG PAR 'GYUR RO, ,'BAB CHU'I 'GRAM DANG LTENG KAR GNAS TE KHRO BO'I RGYAL PO BSGOMS LA CHU'I RDUL PHRA RAB THAMS CAD DKYIL 'KHOR GYI LHA'I GZUGS SU BSKYED PA'I LCANG LO'AM DBU RGYAN GYI GZUGS SU BSAMS NAS, SNGAGS STONG BZLAS NA CHU'I STENG DU GNAS TE THANG LA JI LTA BA DE BZHIN DU CHU LA YANG DE BZHIN DU 'GRO'O, ,CHU'I NANG DU ZHUGS NA CHU BO'AM RGYA MTSO YANG MI GA-YO BAR GNAS PAR 'GYUR RO, ,GNYIS PA NI, LAG PA GA-YAS PA DPA' BA DRUG DANG, GA-YON PA DPA' MO DRUG TU BSKYED DE, YAB YUM SNYOMS PAR ZHUGS PAR BSGOMS LA, LAG PA GNYIS DRIL PHYIS TE PHAN TSUN MNYE ZHING GO CHA'I SNGAGS STONG BZLAS NA RNAL 'BYOR MA RNAMS DBANG DU 'GYUR RO, ,RNAL 'BYOR MA NI SNA TSOGS PA'I GZUGS TE, RANG BZHIN CAN MKHA' 'GRO MA'I RIGS SU SKYES PA DANG, DE BZHIN DU L'A MA DANG, BAndA RO HI DANG, DE BZHIN DU GZUGS CAN MA RU RAB TU GRAGS PA DE DANG, SOGS KYIS RAB GTUM MA SOGS KYI RNAL 'BYOR MA DE KUN TE THAMS CAD SGRUB PA PO DE'I DBANG DU 'GYUR RO, ,SPRUL GYI RGYAL PO RNYED NAS DE'I DKAR NAG GI MTSAMS SU DUM BUR BYAS LA, DKAR PO DANG NAG PO SO SOR BZHAG LA, RAS BAL GYI SA BON BLANGS LA YAR NGO'I SKAR MA RGYAL GYI NYIN SA BON LA DKAR PO'I DUM BU'I ZHAG DANG SHAS BSGOS LAS LA GDAB, MAR NGO'I RGYAL GYI NYIN NAG PO'I DUM BU'I ZHAG DANG SHES SA BON LA BSGOS LA GDAB CING, DE DAG GI ZHAG DANG SHAS SA LA YANG SBAG GO ,
, ,DE NAS RDZOGS PAR SKYES PA DANG YAR NGO'I RGYAL GYI NYI MA LA DKAR PO'I CHAS BSGOS PA'I RAS BAL LA RNAL 'BYOR MA SER SKYAS BKAL TE DE NYIN RDZOGS PAR THAG BA SER SKYAS THAGS SU BTAG GO ,MAR NGO'I RGYAL LA NAG POS BSKYED PA'I RAS BAL BLANGS LA, RNAL 'BYOR MA SNGON MOS BKAL LA DE NYIN THAG PA SNGON POS BTAG GO ,DE LTAR SKAR MA RGYAL GYI SBYOR BAS RAS DKAR PO DANG NAG PO BSGRUBS TE, RAS LA GO CHA'I SNGAGS STONG PHRAG SO DGU BZLAS SHING, AA KA RU NAG PO DANG DUM BU NAG PO'I SHA DANG RUS PAS, NAG POS BSKYED PA'I RAS BDUG GO ,SHAm KHA PUshBA DANG DUM BU DKAR PO'I SHA DANG RUS PA DKAR POS BSKYED PA'I RAS LA BDUG STE, DE YANG SNGAGS BRGYA RTZA BRGYAD BZLAS NAS BDUG GO ,DE NAS BLA MA DANG DPA' BO DANG RNAL 'BYOR MA RNAMS LA MCHOD PA BYAS NAS LHA'I RNAL 'BYOR LA DMIGS TE, RAS DE RNAL 'BYOR MA'I BKAS DKAR PO YAR NGO DANG, NAG PO MAR NGO LA BGO'O, ,DE GYON PA'I LUS KYIS RNAL 'BYOR PA TING NGE 'DZIN LA MNYAM PAR BZHAG PAS STONG PHRAG BCU BZLAS NA DE'I 'OG TU MI SNANG BA 'GRUB PAR 'GYUR TE, RAS DE GYON PA'I LUS KYIS DE'I GRIB MA TZAM YANG MI MTHONG BAR DPAG TSAD STONG GI BAR DU NAM MKHAR 'GRO ZHING LHA RNAMS KYIS KYANG MI SNANG BAR 'GYUR ZHING, GANG DU 'DOD PA DER 'GRO BAR 'GYUR RO, ,DES PHYI'I RGYA MTSO'I MTHAR THUG PA'I SA RNAMS SU 'GRO BAR 'GYUR RO, ,STENG GI RGYUN DU STE PHYOGS SU 'OG MIN NAM SPRIN MED KYI BAR DU 'GRO BAR 'GYUR RO, ,GSUM PA NI, GZUGS LA SOGS
PA GANG DANG GANG MIG LA SOGS PA'I DBANG PO'I LAM STE YUL DU GYUR PA, YUL DE DANG DE'I RANG BZHIN DU 'GRO BA STE YUL GYI RO MYONG BAR BYED PA NA, MCHOG TU STE SNGON DU DON DAM PA'I BDEN PA LA DMIGS PA'I MNYAM PAR TE STONG PA NYID DANG SNYING RJE DBYER MED PA'I BYANG CHUB KYI SEMS LA BZHAG PA STE DE'I BDAG NYID DU 'DZIN PA'I SBYOR BA STE RNAL 'BYOR GYIS SANGS RGYAS THAMS CAD KYI RANG BZHIN GYI DE KHO NA NYID LA 'JUG PAR 'GYUR BA DE LTAR BYA'O, ,RNAL 'BYOR MA BZHI ZHAL SBYOR BA'I RGYUD LAS KYANG, GANG GANG DBANG PO'I LAM NYID DU, ,'GYUR BA DE DE RANG BZHIN GYIS, ,'DOD PA KUN LA LONGS SPYAD PAS, ,SANGS RGYAS KUN GYI RANG BZHIN 'THOB, CES GSUNGS PA LTAR BDE STONG DBYER MED KYI NGO BOR MOS NAS 'DOD YON KUN LA LONGS SPYAD PAS LAS TSOGS RNAMS BSGRUB PAR BYA'O,, ,,ZHES PA'I DON TE, LE'U DGU PAR SNGAGS KYI DE NYID SHAS DGOS PAR BSTAN PA BZHIN NO, ,BZHI PA NI, SNGAR BSKYED PA'I CHO GAS RE'I KHAR BSKYED PA'I SHING YONGS 'DU'I KHU BCUD BLANGS LA, DE LA BZLAS BRJOD STONG BYAS TE GANG LA THIG LE BYAS TE SHING DU BSGOMS NA DE SHING DU 'GYUR RO, ,CHU LA LAN BDUN BZLAS PAS GTOR NA SLAR 'TSO BAR 'GYUR RO, ,SNGAR BSHAD PA'I CHO GA DE NYID KYIS YUNGS KAR GYI SA BON BRAM ZE'I THOD PAR BSKYED PA BLANGS NAS, YANG GLANG PO CHE'I THOD PAR BTAB LA DE'I 'BRAS BU SMIN PA'I PHYED MA DANG, GLANG PO CHE DANG BSGRUB BYA'I RKANG RJES KYI RDUL BLANGS TE BZLAS BRJOD STONG BYAS NAS GANG LA BSNUN PA DE GLANG PO CHER 'GYUR RO, ,DE LA ZHON NA GLANG PO
, ,CHE STONG LAS KYANG RGYAL BAR 'GYUR RO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, GO CHA'I SNGAGS KYI LAS TSOGS KYI CHO GA'I LE'U STE BCU GSUM PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU GSUM PA'I BSHAD PA'O,, ` ,,LNGA PA SNYING POS LAS SGRUB PA GZHAN BSTAN PA LA DRUG ,BSHAD PAR DAM BCA' BA, LAS SBYOR DNGOS, GRUB PA'I PHAN YON, GRUB PA'I TSUL, DE'I BSNGAGS PA, LE'U YI MTSAN NO, ,DANG PO NI, GO CHA'I LAS BSTAN PA, DE NAS BDAG NYID BONG BU'I ZHAL GYI RNAM PA'I RNAL 'BYOR SGRUB PA POS DNGOS GRUB MYUR DU 'GRUB PA'I SGRUB THABS DE NI BSHAD PAR BYA'O ZHES SBYAR RO, ,'DI SGOM PA DGOS PA GANG GI DON DU YIN ZHE NA, DKA' RGYAL ZLA BAS HE RU KA SHIN TU MDZES PA YIN NA, CI'I PHYIR MI SDUG PA BONG BU'I GDONG DU BSGYUR ZHES PA'I LAN DU, YID NI THAMS CAD DU SONG ZHING BZLOG DKA' BAS SNGAR BSHAD PA'I LAS RNAMS 'GRUB PAR MI 'GYUR BAS YID KYI SHUGS ZLOG PAR BYED PA'I BONG BU'I RNAM PA SGOM PA BSTAN ZHES 'CHAD PA NI, LO TZ'A BA GNYIS KA'I LUGS KYIS SNGAR BSHAD PA'I LAS TSOGS RNAMS MYUR DU 'GRUB PA'I PHYIR DU RNAL 'BYOR 'DI BSTAN ZHES 'CHAD PA DANG MTHUN TE, BHA BA BHA DRAS KYANG YID KYI SHUGS BZLOG BYA RU 'CHAD DO, ,'GREL PA GSUM LAS, YID KYI SHUGS KYIS BZLOG BYA'I PHYIR ZHES BTON NAS YID KYI SHUGS ZLOG BYED DU 'CHAD LA, DE YANG GNYIS KA'I
BSHAD SBYAR LAS, BONG BU'I RNAL 'BYOR GYI SHUGS KYIS BZLOG PAR BSHAD PA LTAR RO, ,GANG LAS ZLOG PA DANG, BZLOG NAS JI LTAR BYED PA NI, LVA BA PAS, LTA BA NGAN PA DANG SGRIB PA THAMS CAD LAS BZLOG NAS DAG PAR 'GYUR BA'I LUS RMI LAM LTAR YONGS SU BRJE BAS, GA-YO BA DANG BRAL TE MI SHIGS PA'O, ,ZHES GSUNGS, ,LTA BA NGAN PA ZHES SOGS LA LHA SBAS KYI 'GREL PAR CHO GA 'DIS PHYIN CI LOG GI SGRIB PA THAMS CAD RNAM PAR BSGYUR BA'O, ,DES DAG PA'I LUS SU 'GYUR BA NI, ZHES DANG, RMI LAM GYI LUS BZHIN DU THOGS PA MED CING MI SHIGS PA'O, ,ZHES 'BYUNG BA BDE'O,, PHYIN CI LOG GI SGRIB PA NI LUS DAG PA'I SGYU MA'I SKUR 'GYUR BA LA GEGS BYED PA STE, DE SPANGS PA NI BSGYUR BA'O, ,GEGS DE SPANGS PA DES DAG PA'I LUS SU 'GYUR BA'I DPE NI, LUS RAGS PA LAS LOGS SU BYED PAR SNANG BA'I RLUNG SEMS TZAM GYI RMI LAM GYI LUS BZHIN DU 'BYUNG LUS RAGS PA LAS LOGS SU BYE BA'I RLUNG SEMS TZAM GYI SGYU MA'I SKU 'GRUB PA'O, ,BRJE BA NI SNGAR RNAM SMIN GYI LUS RAGS PA YAN LAG GI RNAM PA CAN LAS MED PA DE SGYU MA'I SKUR BRJES PA'O, ,SKU DE NI SGYU MAS SPRUL PA'I LUS BZHIN DU GANG LA YANG THOGS PA MED CING, GANG GIS KYANG MI SHIGS PA RDO RJE'I SKU'O, ,'DI NI BONG ZHAL CAN DU SGOM PA'I SGOS KYI DGOS PA MIN GYI, HE RU KA'I BSKYED RIM SGOM PA SPYI'I DGOS PA'O, ,DE YANG RIM PA DANG PO NI SGYU MA'I SKU MTSAN NYID PA RGYUD LA SKYE BA'I RGYUD SMIN BYED TZAM MO, ,RDZOGS RIM GYI SKABS KYI THUN MONG MA YIN PA'I RGYU NI, LVA BA BAS, 'DI'I DKYIL 'KHOR BSHAD PA'I MTHAR, DKYIL 'KHOR PA THAMS CAD KYANG SNYING RJE CHEN POS YONGS SU BZUNG BA CHOS BDAG MED PA LAS BYUNG BA'O, ,ZHES CHOS BDAG MED PA SNYING RJE CHEN PO STE, BDE BA CHEN POS YONGS SU BZUNG BA'I 'OD GSAL GYI YE SHES LAS 'BYUNG BAR BSTAN TE, 'OD GSAL GYI RLUNG SEMS TZAM LAS
, ,SGYU MA'I SKU 'BYUNG BA'O, ,BSKYED RIM LA YANG DE'I CHA MTHUN TZAM YOD KYANG, GTZO BO NI RDZOGS RIM GYI SKABS SU 'BYUNG NGO, ,LHA SBAS KYI 'GREL PAR CHOS BDAG MED PA'I NGO BO'O, ,ZHES 'BYUNG BA NI RANG BZHIN DANG 'BYUNG BA GNYIS LA SKAD DOD THUN MONG BA YOD PA MA PHYED PA'I 'GYUR SKYON NO, ,RMI LAM GYI LUS BZHIN DU GZUGS BRJE BA'I SGYU MA'I SKU 'OD GSAL LAS BYUNG BAR, LVA BA PA DANG, LHA SBAS KYIS BSHAD PA 'DI, BDE MCHOG LA YANG SHIN TU GAL CHE'O, ,GNYIS PA LA GNYIS, SGRAS ZIN LTAR BSHAD PA DANG, BRDAS BSHAD PA'O, ,DANG PO NI, 'DIR LE'U YI MTSAN GYI SKABS SU HE RU KA BONG BU'I RNAM PAR MDZAD PA CES GSUNGS PAS, BONG BU'I RNAL 'BYOR BDAG ,CES PA NI GTZO BO YIN LA, GTZO BO BONG ZHAL CAN YIN PA DE BZHIN DU MKHA' 'GRO MA DANG L'A MA DANG KHAndA RO HI DANG GZUGS CAN MA BZHI YANG BONG BU'I ZHAL GYI RNAM PA CAN ZHAL NAS KHRAG 'DZAG PA'O, ,BONG ZHAL NI DKA' RGYAL GYIS GDONG TZAM GYIS BONG BU YIN TE, ZHES BSHAD PA LTAR BYA YI, DBU RIL PO NI MIN NO, ,LO CHEN DANG MAL GYI 'GYUR LAS, RNAL 'BYOR MA NI L'A MA'I GZUGS, ZHES 'BYUNG LA, 'GREL PA GNYIS LAS, RNAL 'BYOR MA NI PHAG MOR BSHAD PAS BONG ZHAL CAN GYI LHA DRUG GO ,YANG DE DAG GIS, RNAL 'BYOR MA NI 'DOD PA'I GZUGS, ZHES KYANG 'DON ZHING, RNAL 'BYOR MA NI 'KHOR LO GSUM LA GNAS PA'I RNAL 'BYOR MA DANG, 'DOD PA'I GZUGS NI BONG BU'I GDONG CAN DU 'CHAD LA, KHA CIG 'DOD PA'I DBANG GIS GZUGS GZHAN DU BYED
PA LA 'CHAD DO, ,DE LTAR NA RTZA RGYUD DU ZIN PA LA LHA DRUG TU BZHED PA DANG, LHA SUM CUR BYED PA'I LUGS GNYIS YOD PA'I SNGA MA KHAS BLANGS LA, LHAG MA BSHAD RGYUD KYIS KHA BSKANGS TE RE GNYIS PAR BYA'O, ,DE LA THUGS 'KHOR DANG GSUNG 'KHOR DANG SKU 'KHOR GYI DPA' BO RNAMS NI RIM PA BZHIN DU MKHA' LDING DANG, RMA BYA DANG, SENGGE'I GDONG PA CAN DANG, SGO MA BZHI NI KHVA LA SOGS PA BZHI'I GDONG PA CAN DANG, MTSAMS MA BZHI NI MNGON BRJOD MANG PO LAS, MA HE DANG RI DVAGS KYI GDONG PA CAN DU BSHAD DE, DKA' RGYAL DANG BSHAD SBYAR GYIS KYANG DE BZHIN DU BSHAD DO, ,LVA BA PAS MA HE DANG RI DVAGS DANG STAG DANG GUNG GI GDONG PA CAN DU GSUNGS SO, ,'O NA 'KHOR LO GSUM GYI RNAL 'BYOR MA RNAMS GDONG BRNYAN JI LTAR BYA ZHE NA, BHA BA BHA DRAS BONG ZHAL CAN DU BSHAD LA; GDONG GI GZUGS MI BSGYUR BA'I LUGS KYANG YOD PAR RDO RJE MKHA' 'GRO'I 'GREL PAR BSHAD DO, ,MKHA' 'GRO NI MKHA' 'GRO MA'O, ,RTZE GSUM NI SBRUL GYIS DKRIS PA'I MDUNG RTZE GSUM MO, ,LAG NA ZHES PA NI GRI GUG DOR TE RTZE GSUM 'DZIN PAR BSHAD PA LTAR NA GA-YAS KYI PHYAG DANG PO NA BSNAMS PA'O, ,RDO RJE MKHA' 'GRO'I 'GREL PAR GA-YON DANG POS RTZE GSUM DANG, GNYIS PA NA THOD PA, GA-YAS DANG POS KHA tV'Am GA ,GNYIS PA NA GRI GUG BSNAMS PAR BSHAD DE, LVA BA PA DANG YANG MTHUN PAR MNGON NO, ,KHYAD PAR BSHAD PA DE RNAMS MA GTOGS PA LHAG MA RNAMS L'U AI PA DANG MTHUN PAR BZHED PA LTAR BYAS TE MNGON RTOGS RDZOGS PAR BSGOM, BZLAS PA'I SKABS SU YAB KYI SNYING PO'I SNGAGS KYIS SGRUB PAR BZHED
, ,PA LTAR BHA BA BHA DRAS KYANG, SNYING PO'I SNGAGS 'BUM PHRAG BDUN BZLAS NAS LAS BYA BA DANG, MNGON BRJOD LAS NYE SNYING BZLAS PAR YANG BSHAD DO, ,GNYIS PA NI, BONG ZHAL CAN SGOM PA'I YID KYI SHUGS KYIS DAG PA'I SGYU MA'I SKUR BYED PA 'DI LA, RDZOGS RIM ZHIG KYANG BSHAD PA NI, LA BA PA'I 'GREL PA LAS, DBUGS RNAMS LTE BA'I RTZA BA NAS, ,GA-YAS DANG GA-YON PA GNYIS DAG GI ,ZLA BA NYI MAR RNAM PAR BSHAD, ,CHU SHING ME TOG LTA BU NI, ,LTE BA'I RTZA BA NAS 'GRENG BA, ,BA LANG RMIG 'DRA'I PADMA NI, ,BONG BU'I RNAM PAR SHES PAR BYA, ,'OG TU PHYOGS PA'I PADMA GANG, ,ZLA BA'I 'OD 'DRAS RNAM BRGYAN PA, ,DE DBUS RTAG TU STONG PA NI, ,H'Um YIG RLUNG GI RANG BZHIN CAN, ,'BAR BA MAR ME LTA BU STE, ,'OG GI RLUNG NI YONGS GANG LAS, ,SNYING GA NAS NI STENG DU RGYU, ,SPYI BO PHUG STE 'GRO BAR BSHAD, CES GSUNGS SO, ,DE LA SNA BUG TU RGYU BA'I DBUGS RNAMS LTE BA'I RTZA BA NAS, GA-YAS RO MA DANG GA-YON RKYANG MA DAG GI RTZA LA RGYU BA GA-YAS NYI MA DANG, GA-YON ZLA BA'I RLUNG DU RNAM PAR BSHAD DE, LTE BA'I RTZA BA NAS GYEN DU 'GRENG BA'I RO RKYANG GI RTZA GNYIS KYANG BSTAN TO, ,CHU SHING GI NI ME TOG LTA BU NI, SNYING GA'I RTZA 'KHOR GYI DBUS KYI RTZA DBU MA YIN TE, BSHAD RGYUD LAS, SNYING GI NANG SON PADMA NI,, 'DAB MA BRGYAD PA SNYING POR BCAS, ,DE YI NANG DU SON PA'I RTZA, ,MAR ME'I RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU'O, ,ZHES GSUNGS TE RKANG PA THA MAS CHU SHING GI ME TOG DANG 'DRA TSUL BSTAN TO, ,RTZA DE LTA BA'I
RTZA BA NAS GYEN DU 'GRENG BAR BSTAN PAS NI RTZA DBU MA BSTAN TO, ,BA LANG GI RMIG PA 'DRA BA NI DE'I RMIG PA KHA BRAG TU YOD PA'I GA-YAS GA-YON GNYIS RGYAS SHING DBUS STONG BAR YOD PA BZHIN DU, RO RKYANG GI RTZA GNYIS RLUNG GIS RGYAS PA'I DUS SU DBUS MA RLUNG RGYU BAS STONG PA'O, ,DE'I PADMA NI RTZA 'KHOR TE, DE LA MANG DU YOD KYANG 'DIR LTE BA'I PADMA'I RTZA 'KHOR RO, ,DE'I PHYI DBYIBS GRU GSUM GYI RNAM PAR YOD PAR BSHAD PAS, DE NI BONG BU'I GDONG GI RNAM PAR YOD PAS BONG BU'I RNAM PAR SHES PAR BYA BAR GSUNGS SO; ;DES NA L'U AI PA'I RDZOGS RIM LTAR LTE BA'I 'KHOR LO LA BRTEN NAS GNAD DU BSNUN PA DANG, DE LA BRTEN NAS SKYES PA'I RDZOGS RIM SGOM PA NI, BONG BU'I GDONG CAN SGOM PA'I YID KYI SHUGS SO, ,SNYING GA NAS KHA 'OG TU PHYOGS PA'I CHOS KYI 'KHOR LO'I PADMA GANG YIN PA DE YANG BA LANG RMIG 'DRA'I PADMA'O, ,PADMA DE'I DBUS SU H'Um YIG ZLA BA'I 'OD ZER 'DRA BAS BRGYAN PA NI, BSHAD RGYUD LAS, H'Um YIG MGO THUR DU LTA BA LA KHA BLTA BU'I BDUD RTZI 'DZAG PAR GSUNGS PA'O, , RTAG TU NI RGYUN DU'O, ,STONG PA NI RNAL 'BYOR GYI STOBS KYIS DH'U T'IR BCUG PA'I RLUNG GIS STONG PA STE MA BSGOMS PA'I DUS SU'O, ,RLUNG GI RANG BZHIN CAN NI RNAL 'BYOR GYI STOBS KYIS SROG DH'U T'IR BCUG PAS RLUNG GI RANG BZHIN CAN DU GYUR PA'O, , DE NAS LTE BA NAS TZAndA LI DBU MAR 'BAR BA NI, 'BAR BA MAR ME LTA BU ZHES PA'O, ,LTE BA'I GTUM MO 'BAR BA'I RGYU NI, LTE BA'I 'OG GI GSANG GNAS KYI RLUNG YONGS SU GANG BA STE GA-YOS PA LAS SO, ,GTUM MO'I MES THOG MAR LTE BA DANG, DE NAS
, ,SNYING GA DANG, DE NAS STENG DU STE MGRIN PA DANG, DE NAS SPYI BO STE 'KHOR LO BZHI YI LTE BA PHUG STE GYEN DU 'GRO'O, ,ME SPYI BOR PHYIN PAS BYANG SEMS DRANGS NAS GSANG GNAS KYI RTZE'I BAR DU 'DZAG PA NI, SNGA MA'I SHUGS KYIS SHES BAR NUS SO, ,DE LTAR YAS BABS DANG MAS BRTAN GYI MTHAR, YUL CAN LHAN SKYES KYI BDE BA CHEN POS, YUL BDAG MED PA'I DE KHO NA NYID 'DZIN PA NI, SNGAR BSHAD PA'I SNYING RJE CHEN POS CHOS KYI BDAG MED BZUNG BA'O, ,DE 'DRA BA'I 'OD GSAL GYI RLUNG SEMS TZAM LAS GRUB PA'I RMI LAM GYI LUS BZHIN DU, LHA SO BDUN GYI SGYU MA'I SKU 'GRUB BO ZHES BSHAD PAR BYA'O, ,LVA BA PAS GA-YENG BA KUN SPANGS TE LKUGS PA'I TSUL DU BYAS NAS, SNGAR BSHAD PA'I RIM GNYIS ZLA BA DRUG BSGRUBS NA, BONG BU'I MKHA' 'GRO 'GRUB LA, DE GRUB NA TSE RING THUNG SOGS SHES PA'I DNGOS GRUB BSHAD PA RNAMS 'GRUB PAR BSHAD CING, BSKYED RIM GYI LAS TSOGS ZUR PA MA BSHAD DO, ,'GREL PA GZHAN BZHI LAS, RDUL TSON GYIS DBANG GI DKYIL 'KHOR BZHIN DU BRIS PA LA, DKYIL 'KHOR PA'I LHA'I SNGAGS BRIS PA'I DBUS SU, 'BRAS PHYE LAS BONG BU'I GZUGS BYAS PA BZHAG STE, BONG ZHAL CAN GYI RNAL 'BYOR DANG LDAN PAS SNGAGS RGYUN MA CHAD DU BZLAS TE, DBUS KYI GZUGS BRNYAN LA BLTAS PAS, GANG SHES PAR 'DOD PA DE SNANG BAR 'GYUR BA MAN NGAG YIN GSUNG NGO, ,GSUM PA NI, DE LTAR BONG BU'I RNAL 'BYOR BSGRUBS PAS GRUB NA TSE ZAD PA DANG NI TSE RING BA YANG SNANG BA YIN TE, RANG GZHAN GYI TSE RING THUNG SHES PAR 'GYUR RO, ,'DIR NI
RNAL 'BYOR PA DE SNGAR BONG BUR GYUR PA YIN NA, DE BZHIN DU BONG BUR MTHONG BA DANG, SNGON DU STE SKYE BA SNGON MAR GLANG POR GANG SONG BA DE GLANG PO'I GZUGS CAN DU MTHONG NGO, ,DE BZHIN DU RANG DANG GZHAN GYI SKYE BA GANG DANG GANG SNGON GYI SKYE BAR GYUR PA DAG ,DE DANG DE'I GZUGS SU SNANG BAR BONG BU'I RNAL 'BYOR PAS NI 'DIR MTHONG BAR 'GYUR RO, ,KHYAD PAR DU SNGON NAS SKYE BA BDUN DU BAR MA CHAD PA'I MI SHES PAR 'GYUR LA, DNGOS GRUB STER BA'I SKYE BA BDUN PA'I SHA YOD PAR GYUR NA, SHA DE YIS SBYIN SREG DANG GTOR MA DANG, RNAM RTOG MED PAR MTSAN MO GSANGS TE ZA BA DAG BYAS NA, SGRUB PA PO LHA YI LUS SU 'GYUR BA SOGS KYI DNGOS GRUB 'GRUB PAR 'GYUR RO, ,DE BZHIN DU SHA DE LA BRTEN NAS DPAG TSAD BRGYA PHRAG NI STONG GI STENG DU SKAD CIG LA 'GRO'O, ,BONG BU'I RNAL 'BYOR 'DI NI SNGAGS MCHOG GTZO BO'AM DAM PA STE MTHU STOBS CHE BA'I, ,GANG LAS SHES NA, MKHA' 'GRO MA YI STE RDO RJE RNAL 'BYOR MA RNAMS DANG GNAS DANG NYE BA'I GNAS LA SOGS PAR LHAN CIG TU MNYAM PAR SBYOR BA SGRUB PAR BYED PAS NA MTHU STOBS CHE'O, ,BZHI PA NI, BONG BU'I RNAL 'BYOR BAS MTSAN MA STE DUNG GI PHRENG BAS SNGAGS GANG ZLOS PA NI ZLA BA GCIG GIS 'GRUB PAR 'GYUR RO, ,DE LTAR 'GRUB PA 'DI NI GSANG BA'I RGYUD BDE MCHOG 'DI YI YAB KYI SNGAGS KYI SNYING PO DGE BA 'DI YIS YIN NO, ,LNGA PA NI, BONG BU'I RNAL 'BYOR GYI RIM GNYIS KYI DE NYID MCHOG SHES PA'I RNAL 'BYOR PA DE NI, BDE MCHOG 'DIR THABS SHES KHYAD PAR CAN SBYOR BA'I RNAL 'BYOR PA RU THE TSOM MED DO, ,GONG DU BSHAD PA DE DAG THAMS CAD NI MKHA' 'GRO DRA BA'I BDE BA MCHOG GI RGYUD 'DIR BRJOD PA YIN
, ,GYI, 'DI'I SKOR LAS GZHAN DU MI 'BYUNG BAS GCES PAR GZUNG NGO, ,DRUG PA NI, DPAL HE RU KA MNGON PAR BRJOD PA BSDUS PA'I RGYUD LAS, DPAL HE RU KA BONG BU'I RNAM PAR MDZAD PA'I CHO GA'I LE'U STE BCU BZHI PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU BZHI BA'I BSHAD PA'O,, ` ,,GSUM PA RIGS LDAN MA MCHOD PA RGYAS PAR BSHAD PA LA LNGA, MKHA' 'GRO MA SPYIR SHES PA'I DON DU YI GE RE RE BA'I NGAG GI BRDA, MKHA' 'GRO MA'I RIGS BYE BRAG TU SHES PAR BYA BA'I THABS, MKHA' 'GRO MA'I RIGS SPYIR SHES PAR BYED PA'I LUS KYI BRDA, SHES PA RNAMS RANG LA RJES SU CHAGS PA BRTAG PA, MKHA' 'GRO MA SPYIR SHES PAR BYED PA'I YI GE DU MA TSOGS PA'I NGAG GI BRDA'O, ,DANG PO LA BZHI, BSHAD PAR DAM BCA' BA, BRDA BRTAN PA DNGOS, DON BSDUS TE SBYIN TSUL BSTAN PA, LE'U YI MTSAN BSTAN PA'O, ,DANG PO NI, BCU BZHI PA'I RJES DE NAS SGRUB PA PO GANG ZHIG RNAL 'BYOR MA RNAMS KYI BRDAR GYUR BA SHES PA DAG ,BRDA SHES PA DE NYID KYIS 'DOD PA'I DON DE THE TSOM MED PAR GRUB PA STE 'GRUB PA NI BSHAD PAR BYA'O, ,SDOM PA THAMS CAD CES PA SNGAR BSHAD PA'I BSHAD RGYUD RNAMS LA 'CHAD PA NI, 'KHOR LO SDOM PA'I SKOR GYI RGYUD KYI RNAL 'BYOR PA LA ZHES PA'O, ,KHA CIG NI NYAN THOS LA SOGS PA LA SBA BAR BYA BA'I SDOM PA SRUNG BA DE'I DON DU ZHES ZER RO, ,GNYIS PA NI, dA ZHES BYA BA NI SKYES BU STE SKYES PAR SANGS RGYAS RNAMS KYIS BSHAD LA, dI ZHES PA NI
BUD MED KYI BRDA YIN NO, ,BRDA 'DI RNAMS NI DON DE DANG DE LA 'JUG PAR 'JIG RTEN NA YANG MA GRAGS LA, SGRA'I BSTAN BCOS SOGS BSTAN BCOS GZHAN LA YANG MED PAS, DE BZHIN GSHEGS PA NYID KYIS DON DE RNAMS STON PAR BKAS BCAD PA'O,, 'O NA BRDA 'DI DAG GIS MKHA' 'GRO MAR SHES PAR BYED TSUL JI LTAR YIN SNYAM NA, GCIG GIS dA ZHES ZER BA LA CIG SHOS KYIS dI ZHES LAN 'DEBS PA LTA BUS SHES PAR BYED PA NI MIN NO, ,'O NA JI LTAR YIN ZHE NA, DKA' RGYAL GYIS SKYES PA'AM BUD MED DU BSHAD PAR BYA BA LA, dI ZHES BRJOD PA NI BRDA STE, DE LTAR BSHAD PA RTOGS PA NI BRDA'O, ,DE BZHIN DU YANG THAMS CAD DU BLTA BAR BYA'O, ZHES BSHAD PA LTAR, GCIG GIS dA ZHES BRJOD PA NA CIG SHOS KYIS DE'I DON SKYES PA YIN PAR GO NA BRDA SHES PA'O, ,DE YANG LVA BA PAS BSAM PA GCIG PA NYID KYI PHYIR, DE RNAMS MNYES PAR 'GYUR RO, ,ZHES GSUNGS PA LTAR, DE LTAR SHES NA GNYIS KA BLO MTHUN PAS MKHA' 'GRO MA RNAMS MNYES PAR 'GYUR RO, ,TSUL DES 'OG MA RNAMS KYI BRDAS SHES PAR BYED TSUL YANG SHES PAR BYA'O, ,PHU ZHES BYA BA NI GNON PA STE RENGS PA'I BRDA YIN LA, SU ZHES BYA BA NI ZA BA NYID KYI DON NO, ,MA ZHES PA NI MA RU BSHAD LA Y'A ZHES PA NI CHUNG MA DANG, BHI ZHES PA SRING MO DANG, DE BZHIN DU BA'I ZHES PA MDZA' MO DANG, LU ZHES PA BU MO DANG, STI ZHES PA KHRAG TU SHES PAR BYA'O, ,DE BZHIN DU SO DANG PE DANG HE DANG BHA DANG, �BHU DANG BA'I DANG BHU DANG dHI DANG, GA DANG STRI DANG GU DANG HA DANG, DZA DANG KA DANG BHA DANG SV'A DANG, MI DANG BA DANG PE DANG GHA DANG, KA DANG
, ,SA DANG RA DANG DU DANG, SU DANG NA DANG SA DANG AA DANG, A'A DANG NA DANG SO NI RIM PA BZHIN DU ZHI BA'I BTUNG BA DANG BTUNG BZHU BA'I RDZAS DANG, SHA DANG ZA BA DANG, 'DRES PA STE, 'DAS PA DANG, DUR KHROD DANG RO DANG RNAL 'BYOR MA DANG, L'A MA'I RIGS DANG GZUGS CAN MA DANG MKHA' 'GRO MA'I RIGS DANG, KHAndA RO HI DANG, BYIN PA GNYIS DANG DPUNG PA ZUNG DANG GSONG POR SMRA BA DANG, LEGS PAR 'ONGS PA DANG, NYA DANG BZA' BA DANG BTUNG BYA BTUNG BA DANG BGROD BYA DANG BGROD BYA MIN PA DANG, 'DOD PA DANG BUD MED SKYES PA GZHAN LA MI 'GRO BA DANG KHYO MED MA DANG SPYOD NGAN MA DANG, SKAL BZANG MA DANG SKAL NGAN MA DANG DAM TSIG CAN DANG DAM TSIG MED PA DANG, 'ONGS PA DANG MA 'ONGS PA DANG CHAGS PA'I BRDA YIN NO, ,GSUM PA NI, SNGAR BSHAD PA 'DI DAG NI YI GE RE RE BA'I BRDA YIN TE, DPA' BO STE MING PO DANG, SRING MOR SHES PAR BYED PA NI BRDA 'DI DAG GIS RANG DANG MKHA' 'GRO MA RNAMS YID SHIN TU NYE BAR BYED PA'I DON NO, ,'DU SHES PAR ZHES PA 'GYUR GZHAN LA MED PA LTAR BDE 'O, ,SKAL LDAN GYIS BRDA 'DI RNAMS GRUB PA'I RNAL 'BYOR MA RNAMS KYI BRDAR BSHAD PA LTAR YIN PAS, DNGOS GRUB BRNYED PA'I PHO NYA MO'I BRDA YIN NO, ,GUS PA DANG ZHES SOGS LA LO CHEN GYI 'GYUR LAS, DAD PA DANG MI LDAN PA RNAMS LA SBYIN PAR MI BYA'O, ,ZHES 'BYUNG BA LTAR LEGS LA, MI SBYIN PA NI BRDA DANG DE'I DON BSHAD PA RNAMS SO, ,DAM TSIG MCHOG YID DU 'ONG BA DANG LDAN ZHING, BLA MA LA PHAN 'DOGS PA STE BSNYEN BKUR BA BYED PA'I GUS PA DANG LDAN PA RNAMS
LA BRDA 'DI RNAMS SBYIN PAR BYA'O, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, YI GE RE RE BA'I BRDA'I CHO GA'I LE'U STE BCO LNGA PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCO LNGA PA'I BSHAD PA'O,, ` ,,GNYIS PA MKHA' 'GRO MA'I RIGS BYE BRAG TU SHES PAR BYED PA'I THABS LA BZHI, MKHA' 'GRO MA DRUG GI RIGS SO SOR BSTAN PA, MKHA' 'GRO MA BDUN GYI MING GI RNAM GRANGS, MKHA' 'GRO MA'I RIGS KYI DBYE BA, L'A MA'I RIGS KYI DBYE BA'O, ,DANG PO LA GSUM, BSHAD PAR DAM BCA' BA, BSHAD BYA BSTAN PA DNGOS, LE'U YI MTSAN BSTAN PA'O, ,DANG PO NI, BCO LNGA PA'I RJES DE NAS 'OG NAS 'CHAD PA'I MTSAN NYID DANG LDAN PA'I SKAL BZANG DANG, MTSAN NYID DANG MI LDAN PA'I SKAL LDAN MIN PA NI MDOR BSDUS NAS NI BSHAD PAR BYA'O, ,'OG NAS SKAL MIN DNGOS SU MI STON KYANG, SKAL LDAN GYI MTSAN NYID BSTAN PA LAS BZLOG PA NI SKAL MIN DU GO BA'I DON NO, ,SKAL LDAN NI PHO NYA MO'I DAM TSIG MCHOG LA GNAS PA STE SGRUB PA PO'I YID DU 'ONG ZHING, DE LA PHAN 'DOGS PAR BYED PA YIN LA, DE RNAMS KYI MTSAN NYID NI BLA MA LA GUS PA NYID DE KHO NA LA SBYIN PAR BYA'O, ,TSIG RKANG DANG PO GNYIS LA, DE NAS GSANG BA'I BZA' BYA DANG, BZA' MIN MDOR BSDUS RAB BSHAD BYA, ZHES KYANG 'BYUNG ZHING, DE LA 'GREL PA GNYIS SU BSHAD PA YANG BYAS MOD KYANG, RGYA DPE LA MI 'DRA BA MANG PO YOD PAR SNANG NGO, ,DUS LDAN LA SBYIN PA DE NAS DPA' BO DANG RNAL 'BYOR MA
, ,'DU BA'I DUS SU, RANG RANG GI RIGS KYI DBYE BA BZUNG NA, DPA' BO DANG RNAL 'BYOR MA GNYIS SU MED PA STE GNYIS KA YANG, RIGS BDUN DU BSHAD PA RIGS DRUG TU 'GYUR LA, SGRUB PA PO GANG GIS DE SHES PA TZAM GYIS DNGOS GRUB GNYIS MYUR DU 'THOB PA DE BSHAD PAR BYA'O ZHES SBYAR RO, ,DE NAS RIGS KYI ZHES SOGS LA 'GYUR MI 'DRA BA MANG NGO, ,GNYIS PA LA GNYIS, RIGS BDUN DU DBYE BA DANG, RIGS DRUG TU BSDU BA'O, ,DANG PO NI, SNGAR BSHAD PA LTAR MKHA' 'GRO MA'I RIGS TZAM DU SHES KYANG, BYE BRAG GI RIGS MI SHES NA RANG RIGS KYI MKHA' 'GRO MA DANG 'DU BA MI SHES PAS, DE'I PHYIR DU BYE BRAG GI RIGS STON PA LA, MKHA' 'GRO MA'I BUD MED GANG ZHIG KHA DOG PADMA'I RTZA BA LTAR DKAR LA, MIG GI DBYIBS PADMA'I 'DAB MA LTAR DKYUS RING BA, RTAG TU GOS NI DKAR PO LA DGA' BA, TZANDAN GOR SHIR'A GSAR BA'I DRI DANG LDAN PA, BDER GSHEGS KUN GCIG TU 'DUS PA RDO RJE SEMS DPA' NYID LA DGA' BA STE DAD PA NI, BDER GSHEGS 'DUS PA RDOR SEMS DE'I RIGS LAS BYUNG BAR SHES PAR BYA'O, ,BUD MED GANG ZHIG GSER BTZO MA'I KHA DOG DANG 'DRA ZHING, DMAR BA DANG SER BA'I GOS LA DGA' LA, DZ'A TI'I SHING GI SNA MA'I ME TOG GI DRI DANG TZAM PA KA'I DRI DANG LDAN PA DE NI, DPA' BO'I RJES 'GRO'AM RJES CHAGS RIN 'BYUNG GI RIGS SU 'GYUR RO, ,BUD MED GANG ZHIG KHA DOG AUTPLA SNGON PO LTAR SNGO BSANGS DANG, GOS NI SNGON PO 'DZIN PA LA DGA' BA DANG, SNGON POR SNANG BA'I AUTPA LA'I DRI DANG LDAN PA DE NI, DPAL HE RU KA DRAG PO'I
RJES SU 'GRO BA STE DE'I RIGS SO, ,BUD MED GANG ZHIG GZUGS MDZES MA STE, PAGS PA PADMA DKAR PO'I 'DAB MA DANG 'DRA BAR DKAR BA, RTAG TU PADMA'I RTZA BA'I DRI BRO BA DE NI, DPA' BO'I BLO STE 'OD DPAG MED KYI RIGS SO, ,DE BZHIN NI SNGA MA HE RU KA'I RIGS SU BSTAN PA BZHIN DU ZHES PA'O, ,BUD MED GANG ZHIG DMAR LA DKAR BA'I MDANGS CHAGS PAS DMAR ZHING DKAR BA, GZUGS BZANG LA GOS NI DMAR PO LA DGA' BA DANG, MA L'I KA DANG AUTPA LA'I DRI DANG LDAN PA DE NI, RDO RJE'I RIGS LAS BYUNG BA MI BSKYOD PA'I RIGS YIN NO, ,GZUGS BZANG KHA NI DMAR BA DANG, ZHES 'GYUR GZHAN LAS 'BYUNG NGO, ,BUD MED GANG ZHIG KHA DOG SER ZHING LDANG BA GOS NI DKAR PO 'CHANG BAR DGA' BA, MGO LA ME TOG GI DRI DANG LDAN PA NI, DE BZHIN GSHEGS PA DON GRUB KYI RIGS KYI RJES SU 'GRO BA STE DE'I RIGS YIN NO, ,BUD MED GANG ZHIG KHA DOG DMAR BA DANG, DMAR PO DE'I MDOG GI GOS 'CHANG BA LA DGA' ZHING RTAG TU GA PUR GYI DRI DANG LDAN PA NI RNAM SNANG GI RIGS KYI RJES SU 'GRO BA STE DE'I RIGS YIN NO, ,DE LTAR RNAL 'BYOR MA'I RIGS RNAMS NI BDUN PO HE RU KA NGAS BSHAD PA YIN NO, ,RDOR SEMS NI RGYU RDO RJE 'DZIN PA DANG, HE RU KA 'BRAS BU RDO RJE 'DZIN PA YIN LA, DE GNYIS SO SOR BYAS NA RIGS BDUN DANG, BSDUS NA RIGS DRUG YIN NO ZHES N'A RO PA'I MAN NGAG GIS 'CHAD PA'I LUGS LTAR BSHAD DO, ,'GREL PA GZHAN LAS, RIGS LNGA DANG PHAG MO DANG DRUG ,RDO RJE 'CHANG GI RIGS DANG RIGS BDUN DU 'CHAD LA, LVA BA PAS, BRAM ZE RNAM SNANG
, ,BSHAD PA STE, ,RIN CHEN TZAndA RI ZHES BYA, ,GAR MKHAN DPAG MED MGON PO STE, ,CHOS MKHAN DON YOD RDO RJE CAN, ,MI BSKYOD PA YI dOm BI STE, ,DRUG PA RDO RJE SEMS DPA' YI, ,RGYAL RIGS SU NI SHES PAR BYA, BDUN PA HE RU KA YI NI, ,SNA TSOGS RIGS BYUNG DMANGS RIGS SO, ,ZHES 'CHAD PA'I RIGS BDUN NI BLA MA GONG MA DANG MTHUN NO, ,'DIR MKHA' 'GRO MA'I PHYAG RGYA RIGS BDUN GTZO BO YIN MOD KYANG, MI'I PHO NYA MO YANG RIGS BDUN DU BSHAD DE, DE LTAR NA RNAL 'BYOR PA RANG GI RIGS ME TOG PHOG PA'I LHA'I RJES SU 'BRANGS LA SHES PAR BYAS TE, DE NAS RANG GI RIGS CAN GYI RNAL 'BYOR MA RNAMS MCHOD PAR BYA'O, ,DE LTAR BSHAD PA BDUN NI LAG PA GA-YON PAS ZLA BA DANG, RKANG PA GA-YON PA SNGON DU SPO BA SOGS KYI GA-YON PA'I KUN SPYOD LA RTAG TU DGA' LA, BDUN PO 'DI DAG RANG GI RIGS KYI PHYAG RGYAS RGYAS BTAB PA DANG, RANG RANG GI MDOG GI RIGS KYIS KHYAB PA STE DE LAS MI 'DA'O, , GNYIS PA NI, RANG RANG GI RIGS KYI RIG PA'I YI GE AOm LA SOGS PA DANG, AOm DZI NA DZI KA LA SOGS PA SMRA BAS RIGS DRUG PO SO SO'I RJES SU 'BRANG BAR 'DIR GYUR PA 'DI LA KHA DOG STE RIGS DRUG TU 'GYUR RO, ,ZHES MDOR BSTAN TO, ,KHA DOG GI SKAD DOD WARnA NI RIGS DANG KHA DOG DANG YI GE DANG BRJOD PA LA 'JUG PAS, 'DIR RIGS SU BSGYUR NA LEGS SO, ,RDOR SEMS RANG GI PHYAG RGYA STE PHYAG MTSAN 'CHING BA STE 'DRI BA DANG, RDOR SEMS
RANG GI RIGS LAS BYUNG BA'I SNGAGS TSIG TU SMRA BA NI RDOR SEMS KYI RIGS YIN NO, ,BUD MED GANG ZHIG RTAG TU GA-YON NAS 'GRO ZHING, RNAL 'BYOR PA LA YANG RTAG TU GA-YON LA STE GA-YON NAS BSKOR BA DANG, SKAD CHEN POR SMRA PA DANG, MIG GA-YON NAS BLTA BAS RNAM PAR BLTA BA DANG, BUD MED RNAMS MTHONG BA'I TSE RAB TU STE MANG POR SMRA BA DE NI, RIN 'BYUNG GI RIGS KYI PHO NYA MO DAM TSIG DANG LDAN PAR BSHAD DO, ,BUD MED RNAMS KYIS GANG GSOL BA BTAB PA DE BYED CING, RANG GI RIGS KYI SA BON HRI LA SOGS PA RAB TU SMRA BA DANG, PADMA'I RIGS KYI BYA BA KUN SPYOD RNAMS MI 'DOR PA DANG, RANG GI RIGS KYI BYA BA STON PA'I BSTAN BCOS LAS GSUNGS PA RNAMS SKYONG BA DANG, RANG GI RIGS KYI SNYING PO RIG PA ZLOS PA DE NI SNANG MTHA'I RIGS KYI BUD MED DAM TSIG DANG LDAN PAR BRJOD DO, ,SOR MO DPRAL BAR GANG 'CHING BA'I PHYAG 'TSAL BA NA, GA-YON PA'I LUS KYIS RTAG TU 'DUD PA DANG, LHA MO STE BUD MED RNAMS DANG KUN TU SMRA BA DE NI NGES PAR BDEN PAR 'GRO BA STE, RANG RJES SU 'DZIN PAR NGES PA MI BSKYOD PA'I RIGS SO, ,RKANG PA'I MTHE BONG GA-YON PAS SA LA NI RI MO 'DRI BA BYED CING, RANG GI MGO NI 'PHRUG PAR BYED PA DANG, ZUR MIG GIS BLTA ZHING LAG PA GA-YON GYIS STON PA NI DON GRUB KYI RIGS SO, ,DE MTHONG BA DE'I TSE SGRUB PA POS BUD MED DE'I RANG GI RIGS DRAN PA KHYAD PAR DU BYA'O, ,MKHUR BA'AM KO SKO DAG DANG NI SNA DAG TU NI
, ,SOR MO STON PA DANG, ZUR GYIS BLTA ZHING RIG PA'I RGYAL PO'I SNGAGS LAN CIG ZLOS NAS RIG PA STE RANG RIGS KYI SGRUB PA PO LA RNAM PAR BLTA BA DANG, BDEN PAR 'GRO BA STE BRDZUN MI SMRA BA'I RNAL 'BYOR MA DE NI, NGES PAR RNAM SNANG GI RIGS KYI PHO NYA MO DAM TSIG CAN YIN NO, ,RIGS DRUG GI BSHAD PA 'DI RNAMS KYANG N'A RO PA'I MAN NGAG GIS 'CHAD PA LTAR BSHAD PA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA BDUN DANG RIGS DRUG GI MTSAN NYID BRTAG PA'I CHO GA'I LE'U STE BCU DRUG PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU DRUG PA'I BSHAD PA'O,, ` ,,GNYIS PA MKHA' 'GRO MA BDUN GYI MING GI RNAM GRANGS LA BZHI, BSHAD PAR DAM BCA' BA, MKHA' 'GRO MA BDUN GYI MTSAN NYID BSTAN PA, MTSAN MA'I PHYAG RGYA BSTAN PA, LE'U YI MTSAN BSTAN PA'O, ,DANG PO NI, BCU DRUG PA'I RJES DE NAS Y'A MI NI STE GSHIN RJE MA DANG, SKRAG BYED MA DANG NAGS TSAL MA'AM SHING LDAN MA DANG, 'JIGS GZUGS MA DANG, GZUGS KUN SPYOD MA DANG, MDZES MA'AM TSE ZA MA DANG, BHA SU RA ZHES PA 'OD GSAL MA STE MKHA' 'GRO MA RNAMS BDUN GYI RANG RANG GI MTSAN NYID MDOR BSDUS NAS LE'U 'DIR BSHAD PAR BYA'O, ,BSDUS MA ZHES PA LA BHA BA BHA DRAS MDOR BSDUS NAS BDUN DU BYAS PA, ZHES BSHAD LA, LO CHEN GYI 'GYUR LAS KYANG, MKHA' 'GRO MA NI RNAM
PA BDUN, ,MDOR BSDUS MTSAN NYID 'DIR BSHAD BYA, ,ZHES 'BYUNG NGO, ,DKA' RGYAL ZLA BAS KYANG, RGYUD 'DI LA BDUN LAS LHAG PA NI MA GSUNGS KYI, SDUD PAR BYED MA ZHES BYA BA GAR BYED MA YANG MA GSUNGS SO, ,DE'I PHYIR RNAL 'BYOR MA RNAMS KYI RIGS BDUN NO, ZHES BSHAD CING, GZHUNG LAS KYANG LAN GNYIS SU BDUN DU BSHAD LA, RGYAS BSHAD DU YANG BRGYAD PA LA ZUR DU BSHAD PA BYUNG BAS BDUN DU BYA'O, ,MAL GYI 'GYUR LAS, BHA SU RA DANG RNAM PA BDUN, ,SDUD PA MO NI 'DIR BSHAD BYA, ZHES 'BYUNG BA LTAR BSDUS MA NI, 'DIR SDUD PA MO LA BYA LA DE YANG MKHA' 'GRO MA RNAMS SDUD PAR BYED PA'I BDUN PO NYID LA BYA'I, SDUD PA MO ZHES BRGYAD PA LA 'CHAD CING, DE YANG RDO RJE PHAG MO LA 'CHAD PA DON MIN TE, MNGON BRJOD KYI 'GYUR GSUM LAS SNGA MA BDUN GYI GCIG LA PHAG MO BGRANGS PA'I PHYIR DANG, RTZA RGYUD BZHIN DU RIGS BDUN DU BSHAD PA'I PHYIR RO, ,DES NA HE RU KA MNGON 'BYUNG LAS, AE HI KA DANG GAR DBANG PHYUG ,BRGYAD PA RU NI BRJOD PA STE, ZHES GSUNGS PA DANG RTZA RGYUD GNYIS MI 'DRA BAS, 'DIR BRGYAD DU BYED NA GAR GYI DBANG PHYUG MAS KHA BSKANG NGO, ,'O NA MKHA' 'GRO MA DE RNAMS JI LTA BU SNYAM NA, CHAGS PA CHEN PO'I RANG BZHIN CAN GYI RNAL 'BYOR MA RNAMS NI CHAGS BRAL GYI THEG PA PA LA SOGS PAS SHIN TU RNYAD PAR DKA' LA, DE BZHIN DU MKHA' 'GRO MA RNAMS KYI RIGS KYANG SHIN TU RNYED PAR DKA' BA NI, 'DI RNAMS KYI DAM TSIG GI DKYIL 'KHOR RO, ,BDUD RTZI LNGA ZHES PA NI LNGA BDUD RTZI ZHES BYA LA, LNGA NI LUS KYI 'BYUNG BA LNGA'O, ,DNGOS BDEN
, ,PA NI DE LNGAS CHOS RNAMS BSDUS PA'O, ,LNGA PO DE'I BDUD RTZI NI DE DAG GI SNYING PO BDE STONG DBYER MED LA 'CHAD DO, ,SKAL LDAN LA SOGS PA NI BDUD RTZI LNGA BSTEN PA LA GOMS PAS RNAL 'BYOR MA DE RNAMS DANG PHRAD PA YANG DAG PA 'BYUNG BAS RNYED MI DKA', ZHES ZER RO, ,GNYIS PA NI, GZUGS CAN MA DANG TZUM BI KA STE 'OD BYED MA DANG L'A MA DANG, YONGS GYUR MA DANG, BYIS BCAS MA DANG, MI LDOG MA DANG, AE HI KI LHA MO ZHES PA 'DI PA MA STE, MKHA' 'GRO MA BDUN DU RGYUD RNAMS LAS BSHAD DO, ,ZHES PA NI MDOR BSTAN PA'O, ,DE RNAMS NI RIM PA BZHIN Y'A MI NI LA SOGS PA BDUN GYI MING GI RNAM GRANGS SO, ,BLA MA SNGA MA RNAMS SNGA MA BDUN 'JIG RTEN LAS 'DAS PA DANG, PHYI MA BDUN 'JIG RTEN PA LA GRAGS PA'I MING YIN ZER RO, ,MNGON PAR ZHEN PA STE CHAGS PAS BLTA BA DANG, GANG SMIN MA YON POR 'DEGS PAR BYED CING, SNGON DU GZUGS YID DU 'ONG BA BSTAN NAS DE NAS GZUGS DE SDUD PAR BYED PA GANG, PHYIS NI GZUGS MI SDUG PA BSTAN NAS 'JIGS PAR BYED PA DE NI GZUGS CAN MAR SHES PAR BYA STE, DE LA NI Y'A MI NI ZHES KYANG BYA'O, ,DE NI DPA' BO BDE MCHOG GI RNAL 'BYOR PAS GNYIS SU MED PA STE GNYIS MNYAM PAR SBYOR BAS BSTEN PAR BYA'O, ,DRUNG PA STE NYE BA'I GNYEN NAM MI DRUNG PA STE RING BA GNYEN MA YIN PA'I BYIS PA LA 'KHYUD CING, TZUMBA NA BYED PA NI TZUMBI KAR SHES PAR BYA STE DE LA SKRAG BYED MA ZHES KYANG ZER RO, ,'GYUR KHA CIG LAS SDUG PA'AM YANG NA MI SDUG PA, ZHES KYANG 'BYUNG NGO, ,MKHA' 'GRO
MA DE BSTEN NA SDIG PA STE SGRIB PA 'JOMS PAR BYED PA YIN PAS BSTEN PAR BYA'O, ,MIG GI ZUR GYIS BLTA ZHING GDONG LA KHRO GNYER LDAN PA STE BSDUS PA DANG, SMIN MA BSGYUR BA STE BSKYOD CING, SDIG MDZUB BYED PA DANG, RES 'GA' GZHAN DBUGS 'BYIN PAR BYED CING SLAR YANG 'JIGS PAR BYED PA GANG YIN PA DANG, GZHAN YANG 'DI NA STE RES 'GA' DBUGS MI 'BYIN PAR 'JIGS PAR BYED PA GANG YIN PA DE NI L'A MA YIN PAR BSHAD DE, DE LA NI NAGS TSAL MA ZHES KYANG ZER RI, ,MI LDOG MA LA DMIGS KYIS BSAL NAS MI BSTEN PAR GSUNGS PAS L'A MA YANG BSTEN BYA'O, ,PHAG DANG DRED DANG BYI LA DANG CES SPYANG DANG RI DVAGS DANG RTA DAG DANG, DE 'DRA'I RIGS THAMS CAD DER NI STE BUD MED MTHONG BA NA 'JIGS PAR BYED PA DE NI, YONGS SU GYUR PA MAR BSHAD DO, ,DE LA NI 'JIGS GZUGS MA ZHES KYANG BYA'O, ,SHIN TU DGA' BAS RGOD PA DANG DON 'GA' ZHIG LA SONG NAS SLAR YANG MI LDOG PA STE MYUR DU MI 'ONG BA DANG, SGRUB PA PO LA RJES SU CHAGS PAS GSAL BA STE MTHONG BAR 'DOD PA DE NI KHAndA RO HIR BSHAD DO, ,ZHES SO, ,RGYA DPE KHA CIG LAS, GANG DE BYIS BCAS MA RU BSHAD, ,CES GSUNG PA LTAR LEGS LA, DE LA NI KUN SPYOD MA'AM KUN BSKYOD MA ZHES KYANG ZER RO, ,YID NI 'BYUNG BA STE MI DGA' BAS LAG PA'I BONG BA'AM RKANG PAS SAM GOS KYI THA MA 'AM, YANG NA SHING DAG GIS KYANG RUNG STE, BSHAD PA DE DAG GIS GANG LA RIG PA NI 'TSO BAR MI 'GYUR BA NI, MI LDOG MAR SHES BYA STE, DE NI BSGRUB PA STE BSTEN PAR BYA BA MIN PAR BSHAD DE, DE LA NI MDZES MA ZHES
, ,KYANG ZER RO, ,LAS DANG PO LA SGRUB MI NUS, ZHES PA NI LO CHEN DANG GNYIS 'DUS KYI 'GYUR LA MED LA, YOD PA LTAR NA BSGRUB BYA MIN PA DE LAS DANG PO PAS SO, ,ZHES BSHAD PAR BYA'O, ,RGOD CING SMRA LA DU BA SOGS KYI RGYU MED PA RU DU ZHING RAB TU KHROS PA STE, DE NI PHYOGS 'DIR RING DU GNAS PAS NA AE HI KAR DRAN PA STE BSHAD DO, ,LHA MO AE HI KA DE NI GSONG POR SMRA BA YIN LA, SANGS RGYAS PA STE 'DI'I RNAL 'BYOR MA RNAMS DANG LHAN CIG TU SMRA BA STE DE NYID NI RDO RJE'I RIGS LAS BYUNG BA YIN NO, ,DE LA NI BHA SU RA ZHES KYANG ZER RO, ,MKHA' 'GRO MA YI RIGS KYI PHYAG RGYA MO DE RNAMS NI, DPA' BO STE SGRUB PA POS BSTEN PA'I PHYIR DU MTSON PA STE SHES PAR BYA'O, ,'DI RNAMS SANGS RGYAS BDUN NAM DRUG GI RIGS GANG YIN PA NI BCU DRUG PA LTAR YIN LA, BYE BRAG TU Y'A MI NI DANG GZUGS CAN MA SOGS KYI RIGS GANG YIN PA NI, LE'U 'DIR BSHAD PA BZHIN SHES PAR BYA'O, ,'DI RNAMS DKYIL 'KHOR LA DGOD PA DANG, SKU MDOG DANG PHYAG MTSAN SOGS DANG, MI'I BU MO LA SBYAR BA RNAMS SHES PAR 'DOD NA, LVA BA PA'I DKA' 'GREL LAS SHES PAR BYA ZHING, 'DI DAG GIS RNAL 'BYOR MA GANG BSDUS PA NI 'GREL PA GZHAN RNAMS LAS SHES PAR BYA'O, ,GSUM PA NI, THOD PA DANG DGRA STA DANG PHAG GI MCHE BA DANG, 'KHOR LO DANG CHU SRIN GYI RGYAL MTSAN DANG, RAL GRI DANG SKRAG BYED DE GRI GUG GAM RDO RJE DANG, DUNG DANG BRGYAD NI RIM PA BZHIN DU GZUGS CAN MA LA SOGS PA'I GA-YAS KYI PHYAG DANG PO'I PHYAG MTSAN YIN LA, GA-YON
GYI NI KHA tR'Am GA DANG BCAS PA'I THOD PA NAS KHU KHRAG GSOL BA'O, ,ZHES BSHAD DO, ,DUNG NI 'DIR KHA BSKANGS PA'I GAR DBANG MA'I PHYAG MTSAN NO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, SNGAR BSHAD PA'I BDUN PO 'DIS 'KHOR LO GSUM GYI RNAL 'BYOR MA THAMS CAD KYI GZUGS YONGS SU BRJE BA NI DE RNAMS KYI GZUGS SU BSGYUR BA DANG, PHYAG MTSAN DANG PHYAG RGYA NI THOD PA LA SOGS PA RNAMS GNYIS KA YIN PA LA DGONGS SO, ,DE RNAMS BSTAN PA'I CHO GA'I LE'U STE BCU BDUN PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU BDUN PA'I BSHAD PA'O,, ` ,,GSUM PA MKHA' 'GRO MA'I RIGS KYI DBYE BA LA BZHI, BSHAD PAR DAM BCA' BA, RNAL 'BYOR MA SO SO'I MTSAN NYID, DE RNAMS KYI DON BSDU BA, LE'U YI MTSAN BSTAN PA'O, ,DANG PO NI, LE'U BCU BDUN PA'I RJES DE NAS SNGA MA'I MTSID LAS MTSID GZHAN YANG BSHAD PAR BYA'O, ,DGOS PA CI'I DON DU YIN ZHE NA, MKHA' 'GRO MCHOG GI GO 'PHANG GI GNAS SAM RGYUR GYUR PA NI, SGRUB PA PO GANG GIS YANG DAG PAR SHES PA YIS, MKHA' 'GRO MA RNAMS RNAL 'BYOR PA'I RJES SU 'JUG PA'I DAM TSIG LA GNAS PA'I PHYIR DU'O, ,GNYIS PA LA DRUG, PADMA GAR DBANG GI RIGS KYI DANG, HE RU KA'I RIGS KYI DANG, RDO RJE PHAG MO'I RIGS KYI DANG, KHAndA RO HI'I RIGS KYI DANG, HE RU KA'I RIGS KYI DANG, RNAM PAR 'DREN MA'I RIGS KYI MKHA' 'GRO MA'O, ,DANG PO NI, BUD MED GANG ZHIG DMAR ZHING SER BA STE DMAR
, ,SER DANG, PADMA'I DRI NI RNAM PAR GTONG STE RNAM PAR 'PHRO BA DANG, RANG BZHIN ZHI BA'I LTA STANGS DANG, SGRUB PA PO LA ZHEN PAR TE CHAGS NAS LTA BA'I RJES SU 'GRO BA STE 'BRANG BA DANG, BUD MED GANG ZHIG SEN MO DANG MIG DMAR BA DANG, DE BZHIN DU SKYE BO KUN LA BRTZE BA DANG KHYIM DU PADMA 'DRI ZHING DE LA MCHOD PAR PADMA GAR DBANG STE 'OD DPAG MED KYI RIGS LAS BYUNG BA'I MKHA' 'GRO MA YIN NO, ,GNYIS PA NI, BUD MED GANG LA SMIN MA'I DBUS NA MDUNG RTZE GSUM PA'I MTSAN MA SNANG BA DANG, LUS NI SNGO BSANGS LA CUNG ZAD SKYA BA STE, LUS NI SNGO BSANGS CUNG ZAD SKYA, ZHES 'BYUNG NGO, ,RTAG TU RDO RJE'I RIGS KYI RNAL 'BYOR SGOM PA GANG GI STE RANG GI KHYIM DU RDO RJE 'DRI ZHING, DE LA RTAG PAR MCHOD PAR BYED PA'I MKHA' 'GRO MA DE NI DPAL HE RU KA'I RIGS LAS BYUNG BA'I MKHA' 'GRO MA YIN NO, ,BUD MED GANG GI DPRAL BAR RTZE GSUM NI SNANG ZHING, DER MA ZAD MDUNG THUNG DAG KYANG SNANG BAR GYUR CING, MIG DMAR ZHING LUS KYI MDOG NI DMAR SER DANG, DMAR SER DANG ZHES 'BYUNG NGO, ,DE BZHIN DU RKANG PA DANG LAG PA DMAR BA DANG, RA SKYES DANG KHYIM BYA DAG LA YANG RTAG TU YID NI DGA' BAR 'GYUR CING, BUD MED DE'I KHYIM DU RDO RJE'I MTSAN MA BRIS NAS GANG ZHIG RTAG TU MCHOD PA BYED PA DE NI SHR'I HE RU KA'I RIGS LAS BYUNG BA'I MKHA' 'GRO MA YIN PAR GDON MI ZA'O, ,GSUM PA NI, BUD MED GANG GI DPRAL BA'AM LAG PAR YANG NI 'KHOR LO'I MTSAN MA SNANG BAR GYUR PA, SPRIN SNGON DAG DANG 'DRA BA'I KHA DOG CAN, RTAG TU DPRAL
BAR DAR THOD 'CHANG BA, 'BYOR PA'I SKAL BA CHEN PO PHUN SUM TSOGS SHING MCHOG TU BDE BA DANG LDAN PA GANG YIN PA DANG, RANG GI KHYIM DU 'KHOR LO 'DRI BAR BYED CING, DE LA RTAG TU MCHOD PA BYED PA DE NI RDO RJE PHAG MO'I RIGS LAS BYUNG BA'I MKHA' 'GRO MA'I STOBS KYIS DREGS PA STE NGA RGYAL BA'O, ,GA-YON PA STE BUD MED GANG ZHIG LUS KYI MDOG MIG SMAN NAG PO DANG 'DRA ZHING, SO NI DKAR ZHING MTHO BA STE RING BA DANG, RTAG TU MA RUNGS PA DANG SNYING STOBS CHEN PO DANG LDAN PAR GYUR PA DANG, RTAG TU KHRUS BYED PA LA DGA' BA DANG, KHYIM DU RDO RJE'I MTSAN MA 'DRI BA DANG, BRIS PA LA RTAG TU BSAM PA DGE ZHING DAG PAS MCHOD PA BYED PA DE NI, RDO RJE PHAG MO'I RIGS LAS BYUNG BA MKHA' 'GRO MA STONG PHRAG BCU'I 'KHOR DANG LDAN PA YIN NO, ,STONG PHRAG BCO LNGA ZHES GZHAN LAS 'BYUNG NGO, ,BZHI PA NI, BUD MED GANG ZHIG GSER GYI MDOG DANG 'DRA BAR SER POR SNANG BA, MIG MI GA-YO BA STE MI 'DZUMS SHING, KHA SBU SER BA DANG GANG GI DPRAL BA'AM LAG PAR YANG NI RDO RJE'I MA TSAN MA SNANG BAR GYUR PA, RTAG TU RGYAL SRID DANG 'DRA BA'I 'BYOR PA LA GNAS PA DANG, NGA RGYAL GYIS BSNYEMS SHING TSIG BDEN PAR SMRA BA DANG, LUS LAS MALLI KA'I DRI 'BYUNG ZHING GANG GI STE RANG GI KHYIM DU RTAG TU RDO RJE'I MTSAN MA 'DRI ZHING, DE LA MCHOD PA CHER BYED PA DE NI, KHAndA RO HI DU MA SKYES MA'I RIGS LAS BYUNG BA'I RNAL 'BYOR MA YI DBANG PHYUG MCHOG GO, DE LTAR HE RU KA'I RIGS GNYIS DANG, PHAG MO'I RIGS GNYIS PA DANG, DUM SKYES MA'I
, ,RIGS TE BZHI LA RDO RJE BRIS PA LA MCHOD PAR 'DRA YANG LUS KYI KHA DOG MI 'DRA LA, KHYAD PAR GZHAN YANG YOD DO, ,LNGA PA NI, BUD MED GANG ZHIG RTAG PAR SHA LA DGA' BA DANG, LUS SKEM ZHING KHA DOG MIG SMAN NAG PO'I MDOG CAN DANG, DPRAL BAR MDUNG RTZE LTA BU'I RI MO YOD PA DANG, BUD MED GANG ZHIG GDUG PA'I LAS LA DGA' BA DANG, RTAG TU DUR KHROD DU 'GRO BA DANG, GANG LA YANG 'JIGS PA MED CING BTZOG MED DE GTZANG SGRA MED PA DANG, BUD MED GANG GI DPRAL BAR THIG LE LTA BU'I RI MO YOD PA DANG, RANG GI KHYIM DU THOD PA 'DRI ZHING DE LA MCHOD PA DE NI DPAL LDAN HE RU KA'I RIGS LAS BYUNG BA'I MKHA' 'GRO MA YIN NO, ,DRUG PA NI, BUD MED GANG ZHIG SPRIN SNGON PO'I MDOG DANG 'DRA LA, SO NI MI MNYAM PA RING THUNG DU GNAS SHING, RTAG TU GDUG PA STE DRAG PO'I LAS LA DGA' BA GA-YON GYI MCHE BA GTZIGS PA DAG, DE'I STE RANG GI KHYIM DU DGRA STA 'DRI ZHING, DE LA RTAG TU MCHOD PA BYED PA DE NI 'KHOR LO'I RNAM PAR 'DREN PA STE GTZO BO BDE MCHOG GI RIGS LAS BYUNG BA'I MKHA' 'GRO MAR NI THE TSOM MED DO, ,KHA CIG RNAM 'DREN BGEGS MTHAR BYED LA 'CHAD DO, ,DE LTAR RIGS BRGYAD LAS DANG PO NI GSAL LO, ,GNYIS PA NI HE RU KA'I RIGS, ,GSUM PA NI RIN PO CHE'I RIGS, BZHI PA NI RNAM SNANG GI RIGS, LNGA PA NI MI BSKYOD PA'I RIGS, DRUG PA NI RDOR SEMS KYI RIGS, BDUN PA HE RU KA'I RIGS TE, DE LAN GNYIS BSTAN TO, ,BRGYAD PA NI DON GRUB KYI RIGS DE DAG KYANG SNYING
PO'I RNAL 'BYOR MA BZHI'I NANG GI MKHA' 'GRO MA'I RIGS YIN ZHES MKHAS PA MAR DO GSUNG NGO, ,'DI RNAMS KYANG BYE BRAG GI RIGS SHES PAR BYED PA'I THABS YIN LA, SHES PAR BYED CHUL SNGA MA RNAMS DANG MI 'DRA BAS MI ZLOS SO, , GSUM PA NI, SNGAR BSHAD PA'I MKHA' 'GRO MA'I TSIGS 'DI DAG KYANG, SHR'I HE RU KA'I RIGS LAS BYUNG BA LA MI 'DRA BA'I KHYAD PAR BSHAD PA STE, BDE MCHOG GI SGRUB PA PO RNAMS LA PHAN PA'I PHYIR DU SNOD MIN LA SHIN TU GSANG BA'I MTSAN NYID SPRUL PA STE BSHAD PA YIN NO, ,SPRUL PA MED PAR BSHAD CES KYANG GZHAN LAS 'BYUNG NGO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA BRGYAD PO THAMS CAD KYI KHA DOG GI MTSAN NYID MTSAN MA BRIS PA MCHOD PA LA BRTEN NAS RIGS SO SOR NGES PAR BYED PA'I CHO GA'I LE'U STE BCO BRGYAD PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL PA LAS LE'U BCO BRGYAD PA'I BSHAD PA'O,, ` ,,GNYIS PA L'A MA'I RIGS KYI DBYE BA LA GSUM, BSHAD PAR DAM BCA' BA, L'A MA'I RIGS SO SO'I MTSAN NYID BSHAD PA, LE'U YI MTSAN BSTAN PA'O, ,DANG PO NI, LE'U BCO BRGYAD PA'I RJES DE NAS SGRUB PA PO YIS L'A MA'I KHYAD PAR GYI MTSAN NYID BZHIN DANG, MIG LA SOGS PA'I YAN LAG GI TSOGS TE CHA SHAS RNAMS SHES PAR BYA BA YANG DAG PA STE GSAL PAR BSHAD PAR BYA'O ZHES SBYAR RO, ,GNYIS
, ,PA LA LNGA, 'OD DPAG MED KYI RIGS KYI DANG, RIN 'BYUNG GI RIGS KYI DANG, MI BSKYOD PA'I RIGS KYI DANG, RNAM SNANG GI RIGS KYI DANG, DON GRUB KYI RIGS KYI L'A MA'I MTSAN NYID DO, ,DANG PO NI, BUD MED GANG GI BYED BZHIN NI YONGS SU RGYAS PAR DANG, KUN NAS ZUM PAR SNANG ZHING KHA'I SMAR RTAG PAR YOD PA DANG, BA SPU DANG SMIN MA RING BA DANG, GES BZANG PO LA DGA' LA GTZANG SBRA CHE ZHING SPYOD LAM ZHIB DANG, MI GA-YO BA STE SEMS BRTAN PA DANG, TSIG BDEN PAR SMRA BA DANG RTAG TU DAM PA'I CHOS LA DGA' BA DE NI DPA' BO STE SGRUB PA PO'I SRING MOR SANGS RGYAS KYIS BSHAD DO, ,DE MTHONG NAS LAG PA GNYIS PADMAR BSKOR BA'I PHYAG RGYA SBYIN PA STE BSTAN PAR BYA'O, ,YANG NA RUS SBAL GYI PHYAG RGYA LAG PA GNYIS THAL MO SBYAR BA BSTAN PAR BYA'O, ,PAGS PA'I PHYAG RGYA NI KRIshnA SA RI'I PAGS PA 'DZIN PA'I TSUL DU BYED PA'O, ,SPYI BLUGS NI THOD PA STE DE 'DZIN PA'I TSUL BYED PA NI PHYAG RGYA'I LAN DU BRJOD PA YIN NO, ,BUD MED DE NI YAR MAR GYI TSES BCU'I DUS TSIGS LA, RANG GI KHYIM DU PADMA 'DRI BAR 'GYUR BA NI, 'OD DPAG MED KYI RIGS KYI L'A MA'I RIGS KYI BUD MED KYI MTSAN NYID DU GYUR PA 'DI DAG YIN NO, ,GNYIS PA NI, MCHU GNYIS RLO BA STE 'PHYANG ZHING MIG GNYIS KYI DKYUS RING LA, MIG DMAR ZHING SER SKYAR GNAS PA, LONGS SPYOD KYIS PHYUG CING SKAL BA BZANG BA'I DPAL GYI YON TAN KHA DOG SER ZHING TZAM PA KA LTA BUR SNANG BA, BONG TSOD SHIN TU RING BA MIN ZHING THUNG BA'ANG MIN PAR 'TSAM PA, KHA DOG SNA TSOGS PA'I
GOS LA DGA' BA, DPRAL BAR RI MO GSUM YOD PA, SKRA'I MTSAMS SU GYEN DU BRTEN PA STE GNAS PA LAS RGOD CING DGA' BA NYID DAG DANG, LAM NI RNAM PAR GNON CING GNAS PA PHAN TSUN GYI DPUNG 'KHRUGS PAS GA-YUL DU 'CHI BA RNAMS KYI GTAM LA RTAG TU DGA' BA, DE LTA BU'I RAB DREGS MA STE NGA RGYAL BYED MA MTHONG NAS NI, MTHE BOS MTHE'U CHUNG GI TSIGS BAR PA MNAN NAS LHAG MA RNAMS GYEN DU BSGRENG PA'I MDUNG RTZE GSUM PA'I PHYAG RGYA BSTAN PAR BYA'O, ,RKANG PA GA-YAS PA BRKYANG LA RKANG PA GA-YON PA BSKUMS PA'I SKYIL KRUNG PHYED PA'I GAR NYID KYANG NI BSTAN PAR BYA'O, ,'DI DANG GONG MA GNYIS GDAM NGA CAN DU MNGON NO, ,KHA PHYIR BLTAS TA GA-YON PA'I PHYOGS NAS YONGS SU BZLOG STE BSKOR BA NI, RNAL 'BYOR MA'I PHYAG RGYA'I LAN NI YIN PAR BSHAD DO, ,MAR NGO'I BCU BZHI DANG TSES BRGYAD NI, RNAL 'BYOR MA DE'I SGRUB PA PO DANG 'DU BA'I DUS TSIGS YIN PAR BSHAD LA, RI MO 'DRI PA'I DUS KYANG NGO, ,RANG GI KHYIM DU MDUNG RTZE GSUM PA YANG BRIS NAS RTAG TU MCHOD PA DE NI, 'JIG RTEN GYI DBANG PHYUG GAM DBANG PO RIN 'BYUNG GI RIGS KYI L'A MA'I MTSAN NYID DU GYUR PA NI SNGAR BSHAD PA 'DI DAG YIN NO, ,GSUM PA NI, BUD MED GANG GI MKHUR TSOS DAG TU NI KHUNG BUR SNANG BA'ANG GNAS PAR GYUR CING, DE BZHIN DU LUS KYI KHA DOG RTAG TU DMAR ZHING CUNG ZAD SER BA DANG MIG NI LJANG SER DU SNANG BA DANG, DE BZHIN DU SKRA NI 'KHYIL ZHING LI BA DANG, MGO DANG DPRAL BAR DAR DPYANGS BCINGS PAR SNANG BA DANG, DPRAL BAR RI MO GCIG PAR GNAS PA DANG, DE BZHIN DU MGRIN PA RING BA DANG, RTAG TU GOS DMAR PO LA
, ,DGA' ZHING RGOD CING GLU LEN PA DANG, GLO BUR DU NI KHRO BA DANG SEMS NI RNAM PAR TE KHYAD PAR DU GA-YO BA DANG, RTZOD PA LA DGA' BA STE 'DI 'DRA'I RAB DREGS MA MI BSKYOD PA'I RIGS KYI PHYAG RGYA MA MTHONG NAS NI, MTHE BOS SOR MO GZHAN THAMS CAD MNAN NAS SDIGS MJUB DU BYAS PA'I 'PHANG MDUNG GI PHYAG RGYA SBYIN PAR BYA LA, PHYAG RGYA GNYIS PA NI 'BAD PA YIS DRIL DU 'KHROL BA LTAR BYED PA'I PHYAG RGYA SBYIN PAR BYA STE GDAM NGA CAN NO, ,LUS GA-YON GYI PHYOGS SU LDOG PA STE BSKOR BA NI PHYAG RGYA'I LAN NI YIN PAR BSHAD DO, ,BZHI PA NI, BUD MED GANG ZHIG LUS BONG THUNG ZHING BYIN PA SBOM LA RTAG TU GOS SER PO LA DGA' ZHING PHRAG PA DAG NAS GOS 'PHYANG BA, DE 'DRA'I BUD MED MTHONG NAS NI MTHE BONG DANG MDZUB MO RTZE SPRAD LA, SOR MO GZHAN PAR PHYE STE BRKYANG BA 'KHOR LO'I PHYAG RGYA BSTAN PAR BYA ZHING, 'BAD PA YIS NI PHYAG RGYA GNYIS PA MDZUB MO BRKYANG LA SOR MO GZHAN CUNG ZAD NANG DU BSKUMS TE, KHA GYEN DU PHYOGS PA'I DUNG GI PHYAG RGYA BSTAN PAR BYA ZHING, LUS GA-YON GYI PHYOGS NAS YONGS SU BZLOG PA NI PHYAG RGYA'I LAN NI YIN PAR BSHAD DO, ,MAR NGO'I BCU BZHI NI DE'I 'DU BA'I DUS YIN TE, DE'I RANG GI KHYIM DU RDO RJE'I MTSAN MA 'DRI BA NI, SH'I HE RU KA STE MI BSKYOD PA'I RIGS KYI L'A MA'I MTSAN NYID DU GYUR PA 'DI DAG YIN NO, ,LNGA PA NI, BUD MED GANG ZHIG LUS KUN LA BA SPU MANG PO YOD PA, MIG NAG CING SER BA DANG LUS SBOM ZHING RNAM 'GYUR MI BZAD PA STE 'JIGS SU RUNG BA DANG, BZHIN 'PHEL KA CHE ZHING KHA CHE PA GSUS PA RLO
BA STE 'PHYANG ZHING KHA DOG NAG PA, MIG ZLUM ZHING SNA NI NYAMS PA STE ZHOM BA LTA BU DANG, RTAG TU GLU LA MKHAS PA CHAR SPRIN GYI MDOG CAN, YID 'PHROG PA STE YID DU 'ONG BA 'DI 'DRA'I RAB DREGS MA DON GRUB KYI RIGS KYI PHYAG RGYA MA MTHONG NAS NI, LAG PA GA-YON PA BKAN TE DE'I STENG DU GA-YAS PA'I GRU MO BZHAG LA, MTHE BONG DANG MDZUB MO DAG BSGRENGS TE SOR MO GZHAN GSUM BSKUMS PA GA-YAS PAS BZUNG PA'I KLU'I PHYAG RGYA BSTAN PAR BYA STE, 'BAD PA YIS PHYAG RGYA GNYIS PA 'PHANG MDUNG GI PHYAG RGYA YANG NI BSTAN PAR BYA ZHING, LUS GA-YON GYI PHYOGS NAS YONGS SU BZLOG PA NI PHYAG RGYA'I LAN NI YIN PAR BSHAD DO, ,TSES BCU GCIG NI DE'I 'DU BA'I DUS TE, DE LA KHYIM DU MCHE BA'I RI MO 'DRI BAR BYED DE DE NI RDO RJE PHAG MO'I RIGS LAS BYUNG BA'I L'A MA'I MTSAN NYID DU GYUR PA 'DI DAG YIN NO, ,L'A MA LNGA RIGS LNGAR 'JOG TSUL RTZA RGYUD DANG MNGON BRJOD DANG, KHA SBYOR RNAMS LAS MI GSAL YANG, 'DUS PA'I BSHAD RGYUD RDO RJE PHRENG BA LAS GSUNGS PA LTAR BKOD DO, ,'DI RNAMS KYANG MKHA' 'GRO MA'I RIGS BYE BRAG TU SHES PAR BYED PA YIN KYANG, RIGS BYE BRAG PA DANG SHES PAR BYED TSUL NI SNGAR BSHAD PA RNAMS DANG MI 'DRA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, L'A MA'I RIGS KYI RNAL 'BYOR MA LNGA PO THAMS CAD KYI PHYAG RGYA STON PA DANG, PHYAG RGYA'I LAN BSTAN PA'I LE'U STE BCU DGU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BCU DGU PA'I BSHAD PA'O,, ` ,,GSUM PA MKHA' 'GRO MA'I RIGS SPYIR
, ,SHES PAR BYED PA'I LUS KYI BRDA LA GSUM, LAG PA'I PHYAG RGYA'I BRDA, YAN LAG GI MTSAN NYID KYI BRDA, KHYAD PAR GYI PHYAG RGYA'I MTSAN NYID DO, ,DANG PO LA BZHI, BSHAD PAR DAM BCA' BA, BRDA BSTAN PA DNGOS, BRDA BSTAN NAS JI LTAR BYA BA, LE'U YI MTSAN NO, ,DANG PO NI, BCU DGU PA'I RJES DE NAS L'A MA'I MTSAN NYID BSHAD PA LAS GZHAN YANG LAG PA GA-YON GYIS STON PA'I BRDA RNAMS BSHAD PAR BYA'O, ,DGOS PA GANG GI DON DU STON ZHE NA, BRDA BSTAN PA YANG DAG PAR SHES PAR 'GYUR BA GANG GIS MING PO DANG SRING MO BZHIN DU SHIN TU GDUNG BA'I DBANG DU GYUR NAS, GANG BSGO BA THAMS CAD BYED PA'I CHED DU'O, ,MNGON BRJOD LAS, RNAL 'BYOR MA YIS LAG GA-YON GYIS, ,BRDA RNAMS LA NI 'JUG PAR BYA, ZHES GSUNGS PA BZHIN DU BHA BA BHA DRAS KYANG, RNAL 'BYOR MAS BRDA BSTAN PA LA RNAL 'BYOR PAS BRDA'I LAN BYED PAR BSHAD DO, ,GNYIS PA NI, MKHA' 'GRO MA GANG ZHIG LAG PA GA-YON PA STON PA NI, GSONG POR TE PHYAG 'TSAL LO, ZHES SMRA BA STON PA YIN TE, RDO RJE MKHA' 'GRO LAS, GANG ZHIG LAG GA-YON STON BYED PA, ,PHYAG NI 'TSAL BAR BYED PA YIN, ZHES GSUNGS SO, ,RNAL 'BYOR PA GANG ZHIG LAG PA GA-YON PA'I SRIN LAG STON PA NI, GSONG POR SMRA BA'I LAN DU GYUR BA YIN NO, ,DE YANG RDO RJE MKHA' 'GRO LAS, GANG ZHIG SRIN LAG STON BYED PA, ,PHYAG 'TSAL BA YI LAN GYUR YIN, ZHES GSUNGS SO, ,RNAL 'BYOR MA GANG ZHIG LTO BA RDEBS PA NI, BDAG NYID BKRES PAR TE LTOGS SO ZHES STON
PAS ZAS STER DGOS PA'O, ,BUD MED GANG ZHIG RANG GI DPRAL BA STON PA NI, NAM MKHA' YI LAM LAS NI 'ONGS SO ZHES PA'O, ,BUD MED GANG ZHIG RANG GI KHAR NI RANG GI SOR MO 'JUG PA NI, ZAS ZOS ZIN NO ZHES NI SMRA BA YIN NO, ,BUD MED GANG ZHIG LCE NI BSKYOD PA DAG ,ZAS ZA'O ZHES NI SMRA BA YIN NO, ,GANG ZHIG CES PA RNAMS RNAL 'BYOR MA LA SHES PAR BYA'O, ,CUNG ZAD 'GRO BAS PUS MO DANG BYIN PA LA REG PA NI, BDAG NGAL LO ZHES STON PA'O, ,LAG PA GA-YON PA'I MTHE BOS SOR MO GZHAN GYI RTZE MO LA REG PA NI, NGAL SOS SO ZHES SMRAS PA YIN NO, ,SO NI SOS 'CHA' BA NI, SHA ZA'O ZHES STON PA'O, ,KHRO GNYER STON PA DANG DE LA REG PA NI, BDAG BCINGS SO ZHES STON PA'O, ,RANG GI LAG PA MKHA' LDING GI GSHOG PA LTAR STON PA NI, BDAG GROL LO ZHES STON PA'O, ,LTO BA RDEBS PA SOGS DGU LA NI BRDA BSTAN PA DE DAG GI DON, SGRUB PA POS GO BA NI LAN DANG 'DRA'O, ,LAG PA GA-YON PA'I KHU TSUR STON PA NA, DE LA PA TI SA STON PA NI DPRAL BAR SOR MO GSUM 'PHRAD LA THOD KYI TSUL DU BSTAN TO, , BZHIN RNAM PAR 'GYUR BA'I TSUL GYIS BLTAS NAS NI, RANG GI SKRA LAG PA GA-YON PAS BZUNG NAS STON PA LA, DE LA LAG PA GA-YON GYIS KHA tV'm GA 'DZIN PA'I TSUL NI BSTAN TO, ,YAN LAG BSKYOD PA STE GA-YO BAR BYED PA DE LA RDO RJE KHU TSUR GNYIS KYIS MTHE'U CHUNG GNYIS BSGRENGS TE KHA 'GRAM GNYIS SU BZHAG PA MCHE BA GNYIS KYI PHYAG RGYA BSTAN PAR BYA'O, ,LAG PA GA-YON PAS LAG PA GA-YAS PA STON PA NI, GTOR MA ZA'O ZHES SMRA BA YIN NO, ,LAG PA GA-YAS PA STON PA NI DE LTAR GYIS SHIG CES
, ,SMRA BA'O, ,RNA BA LA REG STE STON PA NI, BDAG DANG LHAN CIG GNAS PAR BYA ZHES STON PA'O, ,LAG PA GA-YON PA'I MTHE BO'I SEN MOS SOR MO GZHAN GYI SEN MO LA REG PA NI, SHI BA'I RO KHYER CIG CES SMRA BA'O, ,SA LA RI MO 'DRI BA NI, DE RING DKYIL 'KHOR DU 'JUG CES SMRA BA'O, ,NU MA LA REG PA NI, BDAG GI BU NI BSRUNGS ZHES SMRA BA'O, ,RKANG PA GA-YON PA'I MTHE BOS SA LA RI MO 'DRI BA NI, BLA MA'I SKYE BOS NGA BSRUNGS ZHES SMRA BA'O, ,MIG 'DZUMS PAR BYED PA NI, DE LTAR BYOS SHIG CES SMRA BA'O, ,LAG PA GA-YON PAS SOR MO'I TSIGS LA REG PA NI, LHAN CIG TU BDE BAR NYAL LO ZHES SMRA BA'O, ,LAG PAS LAG PA STON PA SOGS MAN CHAD KYI DON YANG SNGAR DANG 'DRA'O, ,LE'U 'DIR LAG PA'I BRDA MIN PA YANG MANG DU YOD MOD KYANG, LAG PA'I BRDA THOG MAR BSTAN ZHING, LAG PA'I BRDA MANG BAS LAG PA'I BRDA'I LE'U ZHES GSUNGS SO, ,GSUM PA NI, SNGAR BSHAD PA'I PHO NYA MO DE DAG KUN DANG YANG DAG PAR SPYAD PA STE BSTAN PAR BYA'O, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA THAMS CAD KYI LAG PA GTZO BOR BYAS PA'I PHYAG RGYA'I BRDA'I CHO GA'I LE'U STE NYI SHU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL PA LAS LE'U NYI SHU PA'I BSHAD PA'O,, ` ,,GNYIS PA YAN LAG GI MTSAN NYID KYI BRDA LA GSUM, BSHAD PAR DAM BCA' BA, BRDA BSTAN PA DNGOS, LE'U YI MTSAN BSTAN PA'O, ,
DANG PO NI, NYI SHU PA'I RJES DE NAS THABS SLA BA GANG GIS SGRUB BA POS DNGOS GRUB 'GRUB PAR 'GYUR BA, NYAN THOS SOGS KYI SPYOD YUL MA YIN PA'I GSANG BA CHEN PO'I MTSAN NYID DE, RDO RJE 'DZIN PA NGA YIS SNYING RJE CHEN PO'I DBANG GIS RAB TU BSHAD PAR BYA'O, ,GSANG BA CHEN PO'I LTA BA ZHES PA LTAR NA, GSANG BA CHEN PO NI MKHA' 'GRO MA RNAMS SO, ,LTA BA NI BRDA 'DI RNAMS MIG GIS BLTA BAR BYA BA GZUGS KYI BRDA'O, ,GNYIS PA NI, BUD MED GANG RANG GI SPYI GTZUG LA REG PAR BYED PA DE LA, RNAL 'BYOR PAS MGO BSTAN PAR BYA'O, ,GANG ZHIG CES PA RNAMS NI MKHA' 'GRO MA YIN LA, LAN RNAMS NI RNAL 'BYOR PAS STON PA YIN NO, ,LVA BA BAS BRDA 'DI RNAMS SGRA JI BZHIN PAR BSHAD PAS BSHAD PA GNYIS PA MED KYANG CHOG GO , DPRAL BA STON PA DE LA RANG GI MKHUR TSOS BSTAN TO, ,DE BZHIN DU SO STON PA LA LCE DANG, MCHU STON PA LA KA SKO DANG, MGRON PA STON PA LA LTO BA DANG, LAG PA STON PA LA DPUNG PA DANG, SUM SKED DE SKED RGYAB CES 'BYUNG BA STON PA LA RGYAB BAM SA ZHES 'BYUNG BA DANG, NU MA STON BA LA KO SKO DANG, LTO BA STON PA LA LTE BA DANG, GSANG BA'I GNAS STON PA LA LING GA DANG, BRLA STON PA LA PHIG KA LA 'OG CES 'BYUNG BA DANG, PUS MO STON PA LA BYIN PA DANG, RKANG PA STON PA LA RKANG MTHIL DANG, SOR TSOGS STON PA LA SOR MO DANG, SA STON PA LA NAM MKHA' DANG, NAM MKHA' STON PA LA NYI MA DANG, LAG PAS NAM MKHA' LA 'BAB CHU'I RNAM PA'I RI MO 'KHYOG PO BYAS TE STON PA LA LAG PA GNYIS KYI SOR MO BRKYANG NAS BSKYOD PA CHU RLABS
, ,KYI TSUL DU BYED PA RGYA MTSO'I PHYAG RGYA BSTAN PAR BYA'O, ,SNGAR BSHAD PA 'DI DAG NI MKHA' 'GRO MA YI NI LUS KYI CHA SHAS KYI PHYAG RGYAR THE TSOM MED DO, ,SNGAR BSHAD PA 'DI DAG BSTAN PA NI SNOD MIN LA RTAG TU GSANG BAR BYA BA STE, SNOD LDAN LA BRDA DANG BRDA'I YAN YANG DAG PA STE PHYIN CI MA LOG PAR STON PAR 'GRO BAR 'GYUR BA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, YAN LAG GI MTSAN NYID KYI CHO GA'I LE'U STE NYI SHU RTZA GCIG PA'O, , 'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U NYI SHU RTZA GCIG PA'I BSHAD PA'O,, ` ,,GSUM PA KHYAD PAR GYI PHYAG RGYA'I MTSAN NYID LA BZHI, BSHAD PAR DAM BCA' BA, BRDA BSTAN PA DNGOS, DON BSDU BA, LE'U YI MTSAN BSTAN PA'O, ,DANG PO NI, NYER GCIG PA'I RJES DE NAS GANG GIS RNAL 'BYOR MA RNAMS MNYES PAR 'GYUR BA GZHAN TE MCHOG YAN LAG GI PHYAG RGYA'I KHYAD PAR NI BSHAD PAR BYA'O ZHES SBYAR RO, ,LVA BA PAS LAG PA'I SPYI LAS KHYAD PAR NI SOR MO RNAMS SO, ,ZHES GSUNGS PAS LAG PA'I KHYAD PAR GYI PHYAG RGYA ZHES BYA'O, ,TSUL NI RGYUD NAS GSUNGS PA'I CHO GA BZHIN DU BSHAD PA'O, ,DGOS PA GANG GI DON DU YIN ZHE NA, PHYAG RGYA BSTAN PA GANG ZHIG SHES PAS RNAL 'BYOR MAS SGRUB PA PO MING PO DANG, SGRUB PA POS RNAL 'BYOR MA SRING MOR THE TSOM MED PAR SHES PAR 'GYUR BA'I PHYIR DU'O, ,DE LTAR SHES NAS KYANG MID SRID BZHIN DU YID BCUGS PAR
GYUR NAS JI LTAR BSGO BA BZHIN DU BYED PA NI, BRDA DANG BRDA'I LAN GYI DGOS PA'O, ,GNYIS PA NI, RNAL 'BYOR PHO MO GANG YANG RUNG BA GCIG GIS SOR MO GCIG NI STON PA YIS, LEGS PAR 'ONGS SAM ZHES SMRA BA YIN LA, CIG SHOS KYIS MDZUB MO DANG GUNG MO'I SOR MO GNYIS NI BSTAN PA YIS LEGS PAR 'ONGS SO ZHES PA'I LAN SMRA BA YIN NO, ,DE LTA BU 'DI NI RNAL 'BYOR MA KUN GYI YAN LAG GI KHYAD PAR GYI PHYAG RGYAR RAB TU BSHAD DO, ,LAG PA GA-YON KYI GUNG MO BRKYANG BA STON PA LA, MDZUB MO CUNG ZAD BSKUMS PA'I MIG GI PHYAG RGYA LAN DU SHES PAR BYA'O, ,SNGAGS PA STE SGRUB PA POS RNAL 'BYOR MA GANG LA PHYAG RGYA DE BSTAN PA DE, DE'I MOD LA STE MOD NAS JI SRID 'TSO'I BAR DU RANG GI DBANG DU 'GYUR BAR THE TSOM MED DO, ,DE BZHIN DU GUNG MO STON PA LA MDZUB MO DANG, SRIN LAG STON PA LA LCE DANG, SNGAR BSHAD PA'I PA TIS STON PA LA MDUNG RTZE GSUM DANG, SPYI BO STON PA LA SKRA MTSAMS KYI MTHA' DANG, SA STON PA LA KHA DANG, KHRO GNYER STON PA LA SKRA MTSAMS DANG, SO STON PA LA MCHU DANG, MGRIN PA STON PA LA KHA DANG, DPRAL BA STON PA LA MIG BSTAN PAR BYA STE, SPYI BO STON PA LA SOGS LAG PA'I SOR MOS STON PAR BYAS NA, 'DI RNAMS LAG PA'I CHA SHAS SOR MO'I PHYAG RGYA STON PAR BSHAD PA DANG MTHUN NO, , GSUM PA NI, DE LTAR RIM PA BZHIN BSHAD PA'I PHYAG RGYA 'DI DAG NI RNAL 'BYOR MA KUN GYI YAN LAG GI KHYAD PAR GYI PHYAG RGYA YIN LA, PHYAG RGYA 'DI DAG BSTAN PA NI RTAG TU GSANG BA PA STE MKHA' 'GRO MA RNAMS YANG DAG PA STE PHYIN CI MA LOG
, ,PAR LTA BA STE STON PAR 'GRO BA STE RTOGS PAR 'GYUR RO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA RNAMS KYI PHYAG RGYA'I KHYAD PAR GYI MTSAN NYID KYI CHO GA'I LE'U STE NYI SHU RTZA GNYIS PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U NYI SHU RTZA GNYIS PA'I BSHAD PA'O,, ` ,,BZHI PA SHES PA RNAMS RANG LA RJES SU CHAGS PA BRTAG PA LA LNGA, BSHAD PAR DAM BCA' BA, RJES SU CHAGS PA LA MCHOD PA, RJES SU CHAGS PA'I RTAGS BSTAN PA, MTSAN MA BRIS PA LAS SHES PAR BYA BA, LE'U YI MTSAN BSTAN PA'O, ,DANG PO NI, NYER GNYIS PA'I RJES DE NAS MKHA' 'GRO MA YI RNAM PAR ROL PA'I MTSAN NYID SGRUB PA PO GANG GIS RIG PA'I THABS YANG DAG PAR BSHAD PAR BYA'O ZHES SBYAR RO, ,DGOS PA GANG GI DON DU ZHE NA, MKHA' 'GRO MA'I MTSAN NYID KHYAD PAR BA RIG NAS YUL THAG RING PO NAS KYANG, DPA' BO DANG DPA' MO'I SRING MO RU DGONGS PAR 'GYUR BA'I PHYIR DU'O, ,GNYIS PA NI, SGRUB PA PO GANG LA DAM TSIG CAN MA RNAMS RJES SU CHAGS PAR GYUR PA NI, DPA' BO'I STE RNAL 'BYOR PAS LONGS SPYOD PA LA SA GZHI DANG 'DRA BA YIN TE, YON TAN KUN SKYED PA'I GZHIR GYUR PA'I PHYIR RO, ,GANG LA DAM TSIG CAN RJES CHAGS, ZHES DANG, SA GZHI BZHIN ZHES PA'I 'GYUR GO SLA'O, ,SA GZHI NI SA DANG 'DRA BA'I RNAL 'BYOR MA'O, ,DE GZHIR BYAS PA NI GANG LA BRTEN NAS BYANG
CHUB SGRUB PA'I GNAS RANG GI RIG MAR BYAS PA'O, ,RNAL 'BYOR MA'I STE BDE MCHOG GI RNAL 'BYOR PAS MCHOD PA NI, STAN LAS LANGS TE DAM DU 'KHYUD PA DANG TZUMBA NA BYED PA'O, ,SDOM PA NI BDE MCHOG STE DE MCHOD PA'O, ,DE YANG BDE MCHOG GI SKU PHYAG RGYA CHEN PO'I RNAL 'BYOR GYIS BYED PA'O, ,GSUM PA NI, 'OG NAS 'CHAD PA 'DI DAG NI RNAL 'BYOR MA RNAMS KYI RJES SU CHAGS PA'I RTAGS YIN NO, ,RKANG PA 'DI LO CHEN DANG MAL GYI 'GYUR LA MED DO, ,GANG DAG CE NA, GO BZLOG PA'I LTA BA NI MIG GA-YAS PAS BLTA BA LAS GO BZLOG STE GA-YON GYIS BLTA BA'AM, MDUN DU LTA BA SPANGS NAS PHYIR BLTA BA DANG, BYAD KYI BZHIN NI RNAM PAR 'GYUR BA DANG, CUNG ZAD NGO TSA BAS SMIN MA GA-YO ZHING 'PHRIG PA DANG, PHYI DANG NANG GI BDE BA RTAG TU GSAL BA DANG, DU MAR BLTA BA LA SOGS PA'I SPYOD LAM SNA TSOGS PA MYUR DU STON PA SHES PAR BYA BA STE, DE BZHIN DU MKHA' 'GRO MA LAS 'BYUNG BA'I RTAGS GZHAN YANG SHES PAR BYA'O, ,BSKOR ZHING RNAM PAR 'GYUR BA STE BSGYUR BA'I TSUL GYIS MDZOD SPU NA, RI MO ZLUM PO GSUM YOD PA STON PA STE, MKHA' 'GRO MA RNAMS SU NGES PAR 'GRO BA STE RTOGS PAR BYED PA, DE'I MTSAN MA KUN SHES PAR BYA'O, ,RNAM 'GYUR ZHES PA'I RKANG PA GNYIS KYI NANG BSHAD NI, LVA BA PAS, PHUL DU BYUNG BA'I BYANG CHUB KYI SEMS KYI BDE BA BSGRUB PA'I DON DU, BSKOR BA NI SROG DANG RTZOL BA'I RLUNG PHYIR 'GRO BA SDOM PA'I 'KHRUL 'KHOR GYI RNAM 'GYUR GYIS, BDE BA CHEN PO 'DREN PA'I GTUM MO LTE BAR 'BAR BA SOGS SROG STONG
, ,PA DH'U TI'I DBUS SU CHUD PA'I SNGAGS PAS, RI MO ZLUM PO GSUM STE 'JIG RTEN GSUM RO GCIG TU 'DRE BA STE, SA DANG CHU DANG RLUNG NYID DANG, ,ME DANG NAM MKHA' NYID DANG NI, ,BDAG DANG GZHAN DU RTOG TSOR BA, ,SKAD CIG DE LA KUN MI DMIGS, ,DE YI MOD LA LDOG 'GYUR TE, ,BDAG GIS BDE BA NYAMS SU MYONG, ,ZHES GSUNGS SO, ,GLO BUR DU DGOS PA MED KYANG CUNG ZAD CIG SONG NAS SLAR YANG RNAM PAR LDOG PAR 'GYUR BA DANG, SNGAR GYI GDONG NI 'JIG PAR 'GYUR, , ZHES PA LTAR NA SNGAR GYI BZHIN SLAR SDUD PA'O, ,SNGAR BRJOD TSIG NI NYAMS PAR BYED, CES PA LTAR NA, SNGAR BRJOD PA'I TSIG DANG 'GAL BA KHAS BLANGS NAS SNGA MA NYAMS PAR BYED PA'O, ,RNAM PA DE LTAR DE YI DE, ,ZHES PA'I 'GYUR GZHAN DANG 'GREL PA LA MED LA, MNGON BRJOD KHA CIG LAS, DE YI GDONG NI MDZES GYUR PA, ,RDO RJE LTA BUR GSAL BA YIN, ,ZHES PA LTAR NA MKHA' 'GRO MA DE'I GDONG MDZES PA LA RDO RJE LTA BU'I RI MO GSAL BAR SNANG BA'O, ,MKHA' 'GRO MA DE'I SGRA NI KHU BYUG GI SKAD LTA BUR GSAL BAR RTAG TU 'GYUR RO, ,MNGON BRJOD RNAMS LAS, GSAL BA DE NI RTAG TU 'GYUR, ,ZHES 'BYUNG NGO, ,BZHI PA NI, MKHA' 'GRO MA 'DI YI MTSAN MA RANG GI KHYIM DU RDO RJE'I GZUGS LTA BU ME LONG DANG BCAS PA 'DRI BA NI DANG PO'O, ,RAL GRI'I GZUGS 'DRA BA ME LONG DANG BCAS PA 'DRI BA NI, MTSAN MA 'DRI BA GNYIS PAR YANG NI GYUR PA'O, ,RGYAL MTSAN DANG MDUNG GI GZUGS 'DRA BA RTAG TU 'DRI BAR 'GYUR ZHING, ME LONG KHA SBYAR BA 'DRA BA 'DRI BAR SHES
PAR BYA'O, ,KHYIM DU RDO RJE LA SOGS PA'I MTSAN MAR BYAS PA'I GZUGS RNAMS 'DRI BA NI, MDOR BSDUS NAS RNAM PAR SHES PAR BYA STE, RI MO 'DRI BA SOGS KYI MTSAN NYID SNGAR BSHAD PA 'DE DAG DANG LDAN PA NI, MKHA' 'GRO MA MCHOG YIN PAR SHES PAR BYA'O, ,LVA BA PA'I 'GREL PAR, MTSAN MAR BYAS PA'I GZUGS, ZHES PA'I RKANG PA GNYIS BSDUS NAS, MTSAN MA'I CHA BYAD GSAL SHES BYA, ZHES 'BYUNG BA'I MTSAN MA'I CHA BYAD NI, RDO RJE DANG 'KHOR LO DANG RIN PO CHE DANG, PADMA DANG RAL GRI DANG SNA TSOGS RDO RJE DANG RGYAL MTSAN DANG MDUNG THUNG NGO, ,GSAL BAR SHES PAR BYA BA'I DON NI, RIGS KYI DBYE BAS RDO RJE DANG RGYAL MTSAN DANG, RAL GRI DANG MDUNG THUNG NI NAS KYI 'BRU TSAD TZAM DANG, 'KHOR LO DANG RIN PO CHE DANG PADMA DANG SNA TSOGS RDO RJE NI, SRAN MA TZA NA KA'I TSAD TZAM STE MI BSKYOD PA LA SOGS PA'I RIM PA BZHIN DU, RANG GI RIGS KYI MTSAN MA KHA DOG LNGA PO RE RE'I NANG DU DKYIL 'KHOR GYI 'KHOR LO CHUD PA LA SEMS BRTAN PAS PHRA MO'I RNAL 'BYOR BSGOMS PA LAS, PHYAG RGYA CHEN PO'I DNGOS GRUB 'GRUB PAR GSUNGS SO, ,DE LTAR NA RANG GI KHYIM DU ZHES PAS NI RDO RJE'I KHYIM BHA GA BSTAN TE, DES MTSON NAS RDO RJE'I SNA RTZE YANG STON TE, DE GNYIS SU PHYAG MTSAN PHRA MO'I NANG DU RANG GI RIGS KYI DKYIL 'KHOR SGOM PA BSTAN TE, , RTZA RGYUD DU GSAL BA'I MTSAN MA BZHI LA NAS KYI TSAD TZAM DANG, 'KHOR LO SOGS BZHI LA SRAN MA'I TSAD TZAM ZHES GSUNGS PA NI GANG BYAS KYANG 'DRA'O, ,'DI LA BSKYED RIM DU 'GRO BA'I CHA GCIG DANG, RNAL 'BYOR PHO MO'I DH'U T'I'I MAR SNA'I
, ,NANG DU PHYAG MTSAN BSGOMS PAS SROG DBU MAR CHUD NAS LHAN CIG SKYES PA'I YE SHES SKYE BA'I CHA GNYIS YOD PA SOGS GZHAN DU RGYAS PAR BSHAD ZIN PAS 'DIR MA SPROS SO, ,'DI DAG GIS NI DRIL BU BA'I LUGS KYI SA BON DANG BCAS PA'I SNA TSOGS RDO RJE'I RIM PA RTZA RGYUD KYI GANG GIS BSTAN PA SHES PAR BYA'O, ,YANG RDO RJE SOGS BZHI DANG, ME LONG DANG ME LONG KHA SBYAR GYI NGES DON BSHAD PA YANG LVA BA BAS, BHA GA'I DBUS TSUD RDO RJE YI, ,SHIN TU STONG PA SGOM PA NI, ,THAMS CAD NAM MKHA' MNYAM PA'O, ,MA RIG LA SOGS GLO BUR BA, ,RTOG PA'I NYES PA RTOG LAS BYUNG, ,RANG BZHIN RNAM DAG 'OD GSAL BA'I, ,SEMS NI ME LONG BZHIN DU BLTA, ,CHOS RNAMS GZUGS BRNYAN LTA BU STE, ,GSAL ZHING DAG PA NAM MKHA' MTSUNGS, ,RAL GRI NYON MONGS GCOD BYED PA, ,SEMS CAN DON BYED RNO BA'O, ,BSOD NAMS KYIS BTEG RGYAL MTSAN BZHIN, ,MDUNG THUNG NYON MONGS 'BUGS BYED PA, ,SEMS NI RTZE GCIG PA NYID DO, ,DE NYID ME LCE RNO SBYOR BAS, ,KHA SBYAR BDE BA 'THOB PA'O, ,ZHES GSUNGS SO, ,DE LA KHYIM GYI NANG DU TSUD PA'I RDO RJE BRIS PA NI, PHYAG RGYA'I BHA GA'I NANG DANG DES MTSON NAS RDO RJE'I RTZER RDO RJE TSUD PA BSGOMS PA LA BRTEN NAS SKYES PA'I CHOS THAMS CAD KYI STONG PA, NAM MKHA' DANG MNYAM PAR SGOM PA'O, ,CHOS RNAMS GZUGS BRNYAN BZHIN DU GSAL ZHING DAG PA'I NAM MKHA' LTA BU NI RAL GRI STE NYON MONGS PA THAMS CAD GCOD CING, SEMS CAN GYI DON BYED PA LA RNO BA'O, ,RGYAL MTSAN NI BSOD NAMS KYIS MTHO BAR BTEG PA'O, ,MDUNG
THUNG NI RTZE GCIG PA'I SEMS KYIS NYON MONGS PA 'BUGS PA'O, ,PHYIN CI LOG GI RTOG PA LAS BYUNG BA'I MA RIG PA LA SOGS PA'I RTOG PA'I NYES SKYON GLO BUR BAS MA GOS PA'I RANG BZHIN GYIS 'OD GSAL BA'I SEMS NI ME LONG GA-YA' DAG PA BZHIN DU BLTA'O, ,SEMS DE NYID GTUM MO'I ME LCE RNON PO'I RNAL 'BYOR GYIS, BDE BA THOB PAS DE KHO NA NYID GSAL BAR BYED PA NI, SHIN TU DVANGS PA'I ME LONG GNYIS KHA SBYAR BA'O, ,LNGA PA NI, DPAL HE RU KA MNGON BAR BRJOD BA BSDUS PA'I RGYUD LAS MKHA' 'GRO MA'I KHYAD PAR TE KHYAD PAR BA'I RJES SU CHAGS PA DANG, RDO RJE LA SOGS PA'I MTSAN MA'I PHYAG RGYA'I MTSAN NYID KYI CHO GA'I LE'U STE NYI SHU RTZA GSUM PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA GSUM PA'I BSHAD PA'O,, ` ,,LNGA PA MKHA' 'GRO MA RNAMS SPYIR SHES PAR BYED PA'I YI GE DU MA TSOGS PA'I NGAG GI BRDA LA LNGA, BSHAD PAR DAM BCA' BA, YI GE DU MA TSOGS PA'I NGAG GI BRDA DNGOS, DE RNAMS KYI DON BSDU BA, RGYUD 'DI'I THUN MONG MA YIN PA'I KHYAD CHOS BSTAN PA, LE'U YI MTSAN BSTAN PA'O, ,DANG PO NI, NYER GSUM PA'I RJES DE NAS 'JIG RTEN PA DANG BSTAN BCOS GZHAN LA GRAGS PA LAS GZHAN DE BZHIN GSHEGS PA'I SKAD GZHAN GYI BRDA RNAMS NI, SGRUB PA PO LA PHAN PA'I PHYIR DU 'DIR BSHAD PAR BYA'O, ,DGOS PA NI, BRDA BYAS PA GANG GIS RNAL 'BYOR MAS RNAL 'BYOR PA MING PO 'AM, RNAL 'BYOR PAS RNAL 'BYOR MA SRID MOR
, ,THE TSOM MED PAR SHES NAS, MING SRID BZHIN DU SEMS NYE BA'I PHYIR DU'O, ,GNYIS PA NI, LAG PAS GOS KYI MTHA' NAS BZUNG STE BSTAN NAS, PO HAm GI ZHES BYA BA NI GSONG BOR SMRA BA STE PHYAG 'TSAL LO ZHES PA'O, , GOS KYI MTHA' RAB TU BSKYOD PAR STON ZHING PRA TI PO TAm GI ZHES SMRA BA NI GSONG POR SMRA BA'I LAN NO, ,DE BZHIN DU GA MU DANG LUMPA DANG DE HAm NGAm DE HI DANG TZA tH'U KA DANG, P'I RA nA DANG KOOR BA DANG KAR NI KA DANG A'A LI DANG, BA R'A HA DANG SHRA BA nA DANG AA MRI TA STHA NI DANG SA MA GA M'A DANG, T'A LI K'A DANG N'A RA KAm DANG AA MU KAm DANG KI KHA LA DANG, SHVA SA NAm DANG PA RI DHI DANG PI RA TI DANG KRU TA DANG, AAN TYA STHA DANG PA SHU LI KA DANG BHA GI NI DANG ME DA KA DANG, GRI H'A nE DANG LCE SOL REG PA DANG GAN DHA B'A SI N'I DANG KU TA DANG, KI RA nA DANG TU LAm PA DANG DA RO DANG NI RO DHA DANG, HRI PA TI DANG DHU RA YU DANG DHU PA SPRI YA DANG S'A NU DANG, SA RI TA DANG AANG GU LI DANG PA DA NA DANG R'A DZI K'A DANG, AA DA N'A DANG PAG TI DANG TSAN DO DANG TZA LA DANG, PRA BHA HA DANG PA SHU DANG Y'AN TI DANG SA SAm DANG, PHAL GU shAM DANG MAH'A KshA RAm DANG GA DANG N'A DANG, GO DANG MA DANG BH'A DANG H'A DANG AA SBA KA DANG, BRANG LA REG PA DANG KHA LA REG PA DANG SO LA REG PA DANG DHRI ZHES PA RNAMS NI RIM PA BZHIN DU, 'GRO BA DANG 'ONG BA DANG GRONG KHYER DANG ZUNG CIG DANG, SNYING DANG 'CHI BA DANG DRIL BU DANG MGO BO DANG, SKRA DANG RNA BA DANG, SRUB BYED DANG MI DANG, MKHA' 'GRO MA DANG DKYIL 'KHOR DANG DUR KHROD DANG SGO DANG, BRAM ZE'I RIGS DANG RGYAL RIGS DANG RJE'U RIGS DANG DMANGS RIGS DANG, SME SHA CAN DANG KHYIM DANG
MKHA' 'GRO MA DANG CHU DANG, PHYAG RGYAS 'DEBS PA DANG BDAG CAG LTOGS SO ZHES PA DANG SRAD PA DANG GNAS CHE GE MO NAS 'ONGS SO ZHES PA DANG, ME TOG DANG RGOD PA DANG SO DANG CHAR 'BAB PA DANG, ZHU BA DANG PHYI ROL DANG SPRIN DANG RI BO DANG, 'BAB CHU DANG YAN LAG DANG GDONG DANG LCE DANG, SO DANG RGYAL MTSAN DANG PHRENG BA DANG RLUNG DANG, GRU DANG RI DVAGS DANG DKYIL 'KHOR DANG BZHI MDO DANG, SKYE BO DANG PHYUGS CHEN PO DANG RA SKYES DANG MI DANG, KHYU MCHOG DANG MA HE DANG ZA BA DANG RGYAL PO'I SKYES BU DANG, NAGS NA GNAS PA DANG ZOS SO ZHES PA DANG NGOMS SA ZHES PA DANG NGO TSA BA'O, ,H'A RNAM GRANGS SO ZHES PA NI ZA BA'I MING GI RNAM GRANGS SO, ,HO ZHES PA NI RNAM GRANGS TE KHA CIG TU'O, ,ZHES PA NI, HO ZHES PA NI NGOMS PA'I MING GI RNAM GRANGS TE, DE YANG SKABS KHA CIG TU'O ZHES PA'O, ,MAR DO RKYANG PA'I 'GYUR LA DHI ZHES 'BYUNG YANG GNYIS 'DUS KYI 'GYUR LA HRI ZHES PA NI RTZA RGYUD KYI 'GYUR GZHAN DANG MNGON BRJOD DANG MTHUN LA, RDO RJE MKHA' 'GRO DANG MKHA' 'GRO RGYA MTSO LAS, HRI KA NI NGO TSA BA LA BSHAD DO, ,MAR DO RKYANG PA'I 'GYUR LA, STONG PA LA REG PA NI MED DO ZHES PA'O, ,ME THU NA GYIS SHIG PA NI BRLA LA REG PA 'O, ,STENG NYID NI DE BZHIN NO ZHES BYA BA'O, ,'OG NI MED PA'O, ,ZHES 'BYUNG LA GNYIS 'DUS KYI 'GYUR LAS, TSIG DANG PO 'DRA LA, BRLA LA REG PA NI ME THU NA GYIS SHIG PA'O, ,STENG NYID NI DE BZHIN NO ZHES PA'O, ,AE BA ZHES BYA BA NI 'OG NA MED PA'O, ,ZHES 'BYUNG ZHING, MNGON BRJOD LAS DE DAG DANG MI 'DRA BAR YOD
, ,KYANG, RDO RJE MKHA' 'GRO LAS, STONG PA LA REG PA NI ME THU NA GYIS SHIG PA'O, ,BRLA LA REG PA NI DA LTA GYIS SHIG PA'O, ,ZHES GSUNGS LA, MKHA' 'GRO RGYA MTSO LAS KYANG, STONG PA LA REG PA, 'KHRIG PA BRLA LA REG PA NI, DE LTAR DA LTA GYIS ZHES PAR, ZHES GSUNGS LA, HE RU KA MNGON 'BYUNG LAS, GSANG BA LA REG NA 'KHRIG PA'O, ZHES GSUNGS PAS, 'DOMS KYI BAR STONG PA LA REG NA 'KHRIG PA GYIS SHIG PA STE, STONG PA LA REG PA DANG ME THU NA GNYIS SBYAR RO, , BRLA LA REG NA DA LTA DE BZHIN DU GYIS ZHES PA STE, DE BZHIN ZHES PA BRLA LA REG PA LA SBYAR RO, ,STENG DANG 'OG CES PA NI HE RU KA MNGON 'BYUNG LAS, 'OG NA BLTA NA 'OG NA MED CES PA'O, ,STENG DU LTA NA YOD CES PA'O, ,ZHES GSUNGS PA LTAR BYA'O, ,LE'U 'DI'I BRDA DANG BRDA'I LAN RNAMS KYANG LE'U BCO LNGA PA LA BSHAD PA DANG 'DRA'O, ,GSUM PA NI, PHYAG RGYA STE BRDA DANG PHYAG RGYA'I LAN TE BRDA'I LAN, SNOD MIN LA GSANG BA'I BRDA NYID DO, ,DPA' BO HE RU KAS GSUNGS PA SDE STE RIGS BZHI'I MTSAN NYID SHES PAR BYED PA'O, ,BHA BA BHA DRAS SNYING PO'I RNAL 'BYOR MA BZHI SDE BZHI DANG, DE THAMS CAD KYI BRDA'I TSIG TU BZHED DE, RNAL 'BYOR MA BZHI'I RIGS KYI BRDA THAMS CAD LE'U 'DIS BSTAN ZHES PA'O, , BZHI PA NI, 'DIR RNAL 'BYOR MA'I RGYUD RNAMS SHES RAB KYI PHYOGS BDE STONG DBYER MED GTZO BOR STON LA, STONG PA DE KHO NA NYID KYI LTA BA NI MGON PO KLU SGRUB KYIS RGYAS PAR GTAN LA PHAB PA LAS LHAG BA CIG BSHAD RGYU MED PA LA DGONGS
NAS RGYUD RNAMS SU MDOR BSDUS TE GSUNGS SO, ,DES NA BDE BA CHEN PO RTZAL DU BTON NAS 'CHAD DGOS PA LA BDE CHEN 'DREN PA'I THABS SU NANG GI RDO RJE LUS KYI GNAD CHE SAR DMIGS PA GTAD DE SGOM PA DANG, SHES RAB MA'I GZUGS KYI RNAM PA CAN LA BRTEN NAS BDE CHEN 'DREN PA GNYIS LAS, SNGA MA NI BLA MED KYI RGYUD SDE KHYAD PAR CAN RNAMS LAS MI 'DRA BA MANG DU GSUNGS SO, ,PHYI MA LA LAS RGYA DANG BSGOMS PA'I YE SHES KYI PHYAG RGYA DANG, STONG GZUGS PHYAG RGYA CHEN ME LA BRTEN NAS 'DREN PA GSUM LAS, DANG PO GNYIS NI RGYUD DU MA ZHIG LAS 'BYUNG LA, GSUM PA NI, SEMS 'GREL SKOR GSUM LAS GSAL BAR GSUNGS TE, DE 'DRA BA DE RGYUD 'DI'I DON LA YANG YOD PA NI BDE MCHOG STOD 'GREL LAS BSHAD DO, ,LAS RGYA'I MTHAR THUG YUL NYER BZHI SOGS KYI PHO NYA MO KHYAD PAR CAN DANG MYUR DU MJAL ZHING, DE LA BRTEN NAS LAM GYI BGROD PA CHES MYUR BA NI, PHYI NANG GI DKYIL 'KHOR LA GNAS DE RNAMS KYI DPA' BO DANG DPA' MO SGOM TSUL SOGS DANG, GA-YON PA'I KUN SPYOD BSTEN TSUL RNAMS RGYUD 'DI'I SKOR NAS 'BYUNG BA 'DRA BA GZHAN NAS MI 'BYUNG BAS, BDE MCHOG GI KHYAD CHOS CHEN POR SHES PAR BYA'O, ,DES NA PHO NYA MO KHYAD PAR CAN DANG 'DU BA'I SKOR LA LE'U MANG DU GSUNGS SHING, MGO MJUG KUN TU PHO NYA'I DRIN GYIS LAM BGROD LUGS YANG DANG YANG DU GSUNGS SO, ,DE'I PHYIR RGYUD 'DIR TSIG ZIN LA KYE RDOR BZHIN DU BDE BA'I TSIG MI MANG YANG, SNGAR BSHAD PA RNAMS
, ,BDE BA CHEN PA NYID LA BSKOR NAS 'ONG BAS, BDE CHEN RTZAL DU BTON NAS MI 'CHAD PA MIN NO, ,DES NA RGYUD GZHAN DANG MI 'DRA BA'I KHYAD CHOS GTZO BOR GYUR PA RNAMS NGES PAR GYIS SHIG ,YANG RGYUD 'DI'I DON CHOS NYID STONG PA NYID KYI PHYAG RGYA CHEN MO LA DMIGS PAS, LHAN SKYES KYI BDE CHEN 'DREN PA NGES DON GYI MTHAR THUG DRIL BU PAS RIM LNGAR GSUNGS PA NI, DE'I RNAM BSHAD DU BSHAD ZIN PA LAS SHES PAR BYA'O, ,LNGA PA NI, DPAL HE RU KA MNGON PAR BRJOD PA BSDUS PA'I RGYUD LAS, SDE STE RIGS BZHI THAMS CAD KYI MTSAN NYID DE MTSON PAR BYED PA'I BRDA'I TSIG GI BRDAR BRTAGS PA'I CHO GA'I LE'U STE NYI SHU RTZA BZHI PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA BZHI PA'I BSHAD PA'O,, ,, BZHI PA RTZA SNGAGS BSTAN ZHING BSRUNG BA'I DAM TSIG RGYAS PAR BSHAD PA LA GNYIS, RTZA SNGAGS GSAL BAR BSHAD PA DANG, DAM TSIG BRGYAD BSTAN PA'O, ,DANG PO LA GSUM, RTZA SNGAGS GSAL BAR MA BYAS PA'I TSUL, LE'U 'DIR RTZA SNGAGS GSAL BAR MDZAD TSUL, LE'U YI MTSAN BSTAN PA'O, ,DANG PO NI, NYER BZHI PA'I RJES DE NAS SEMS CAN KUN GYI DON RNAMS SGRUB PAR BYED PA MNGON PAR 'DOD PAR BYA BA NI BDE MCHOG GO ,DE'I RNAL 'BYOR DANG LDAN PA'I RNAL 'BYOR PA LA RTZA BA'I SNGAGS GSAL BAR BYA'O ZHES SBYAR RO, , SNGAGS JI LTA BU ZHE NA, SNOD MIN LA SBA BAR BYA BA'O, ,BRGYAD MTHA' NI YA NAS BGRANGS PA'I BRGYAD PA HA'O, ,HA DER SBYAR BA NI AU THIG LE DANG BCAS PAR BYA ZHES PA HUm STE LVA BA PA'I BZHED PA'O, ,DE LA RTZA SNGAGS KYI MGOR AOm DANG MTHAR HUm HUm
PHAt SBYOR BA NI SNGAR LE'U BDUN PAR BSHAD ZIN PAS, 'DIR HUm BSTAN PA NI RKANG PA BRGYAD DANG NYER BZHI PO RE RE'I MTHAR HUm HUm PHAt SBYOR BA STE MGO BO'I AOm YANG SHES PAR BYA'O, ,SBAS PA DE DGOS PA GANG GI PHYIR YIN ZHE NA, NYAN THOS LA SOGS PA THEG PA CHEN PO GSANG SNGAGS LA MOS PA DMAN PA DAG DANG, MU STEGS RMONGS PA DON ZAB MO MI SHES PA'I SEMS DANG LDAN PA RNAMS KYIS SMOD PA BSRUNG BA'I DON DU SBAS SO, ,GNYIS PA LA GNYIS, DRANG BA'I DON DU BSHAD PA DANG, NGES PA'I DON DU BSHAD PA'O, ,DANG PO NI, DE LA DPA' BO DANG RNAL 'BYOR MA RNAMS KYIS GSAL BAR GSUNGS PA'I GSANG SNGAGS NI 'DI YIN TE ZHES PA'I 'GYUR LTAR NA, DPA' BO DANG RNAL 'BYOR MA RNAMS KYI NGO BOR GYUR PA'I BCOM LDAN 'DAS KYIS GSUNGS ZHES PA'O, ,LO CHEN GYI 'GYUR LAS, DPA' BO DANG RNAL 'BYOR MA RNAMS KYIS MI GSAL BAR GSUNGS PA'I ZHES 'BYUNG LA, DKA' RGYAL GYI 'GREL PAR YANG, DPA' BO DANG RNAL 'BYOR MA RNAMS KYI SNGAGS KYI MTHA' RNAMS MA GSUNGS ZHES 'CHAD DO, ,AOm NI AA DANG AU DANG MA GSUM GCIG TU BSDUS PA STE RDO RJE GSUM GCIG TU BSDUS PA BSOD NAMS LEN PA'O, ,NA MO NI PHYAG 'TSAL BA'O, ,BHA GA WA TE BCOM LDAN DANG W'I RE SH'A YA DPA' BO'I DBANG PHYUG GO ,MA H'A GALPA BSKAL PA CHEN PO, PA LA ZHUGS PA'I AA DANG SBYAR BA'I AA GNI ME, SI NI BHA YA DE DANG MTSUNGS PA'O, ,DZA t'A RAL PA MU KU tA COD PAN, tA'I NA ROR 'GRO RGYU'I AU, TA KA t'A YA DANG SBYAR BA NI STENG DU BCINGS PA'AM BRDZES PA'AM MI BZANG PA CAN NO, ,DIshtRA MCHE BA KA R'A LA GTZIGS PA,
, ,AU GRA DRAG PO'I DRAG SHUL CAN BH'I shA NA 'JIGS PA MU KH'A YA ZHAL LO, ,SA HA SRA STONG PHRAG BHU DZA PHYAG BH'A SU R'A YA 'BAR BA'I 'OD CAN NO, ,PA RA SHU DGRA STA P'A SHA ZHAGS PA AU DYA TA GDENGS PA'AM 'PHYAR BA, SH'U LA MDUNG KHA t'Am GA DHA RI nE KHA tV'Am GA 'DZIN PA'O, ,BYA GHA STAG AA DZI NA PAGS PA Am BA RA GOS DHA R'A YA 'DZIN PA'O, ,MA H'A CHEN PO DH'U MBRA DU BA ANDHA K'A RA NI KHA CIG MTHAR BYED PA LA 'CHAD, KHA CIG MUN PA'I RNAM PA LA 'CHAD DO, ,WA PU sh'A YA NI SKU LA'O, ,KA RA GNYIS NI GYIS GNYIS DANG, KU RU GNYIS NI MDZOD GNYIS DANG, BHA NDHA GNYIS NI CHINGS GNYIS DANG, TR'A SA YA GNYIS NI SKRAG PAR GYIS GNYIS DANG, KshO BHA YA GNYIS NI BSKYOD PAR GYIS GNYIS DANG, DA HA GNYIS BSREGS GNYIS DANG, PA TZA GNYIS TSOS GNYIS DANG, BHA KshA GNYIS ZO GNYIS DANG, BA SA ZHAG ,RU DHI RA KHRAG ,ANTRA RGYU MA M'A L'A PA PHRENG BA LA MWI NA 'PHYANG BA, GRIHNA GNYIS ZUNG GNYIS DANG, SAPTA BDUN P'A T'A LA SA 'OG GA TA GNAS BHU DZAm G'm LAG 'GRO, SARBAm P'A SBRUL RNAMS SO, ,TA RDZA YA GNYIS BSDIGS GNYIS, A'A KA dBHA GNYIS NI KHUG GNYIS SO, ,RTZA SNGAGS LA MNGON BRJOD LAS 'DIR BSHAD PA LTAR RKANG BRGYAD MGO LA BTAGS PA CIG DANG, MA GTAGS PA KA RA SOGS MAN CHAD LA BYAS PA CIG STE GNYIS DANG, RDO RJE MKHA' 'GRO DANG HE RU KA MNGON 'BYUNG LAS, RKANG BRGYAD MGO LA MA BTAGS PAR KA RA SOGS MAN CHAD LA BYAS PA STE MI 'DRA BA 'GA' ZHIG YOD DO, ,GNYIS PA LA GNYIS, SNGAGS BRGYAD
CHAN DANG PO'I NGES DON DANG, BRGYAD CHAN PHYI MA GNYIS KYI NGES DON NO, ,DANG PO NI, KA RA KA RA MAN CHAD KYI RTZA SNGAGS LA NGES DON GYI BSHAD PA BSHAD RGYUD LAS GSUNGS PA NI, SNGAR LE'U DGU PAR RTZA SNGAGS KYI DE NYID MI SHES PAR DNGOS GRUB 'DOD PA, 'BRAS 'DOD PAS PHUB MA BRDUNG BA DANG 'DRA ZHING, SNGAGS KYI DE NYID MI SHES PAR RNAL 'BYOR PAR 'DOD PA NGAL BA DON MED PAR GSUNGS PA'I SNGAGS KYI DE NYID SHES PA YIN PAS GAL CHE'O, ,DE YANG RDO RJE MKHA' 'GRO LAS, SNGON BSAGS LAS NI MTHAR BYED PA, ,ME DANG BCAS TE LAN GNYIS BZLAS, ,KU RU KU RU SEMS PA BRAL, ,ZHES GSUNGS SO, ,DE LA DRANG DON GYI SNGON BSAGS NI GSAL BYED KYI SDE PA'I SNGON MA KA DANG, DE'I MTHAR ME STE RA DANG BCAS PA'I KA RA GNYIS SO, ,NGES DON NI SNGON MA NI SNGON BSAGS PA'I MTSAMS MED LNGA LA SOGS PA'I LAS KYI SGRIB PA'O, ,DE NYID ME DANG BCAS PA NI ME LTAR RNAM SMIN RTZUB PA'O, ,KA RA GNYIS TSOGS NI BYED PA STE SGRIB PA DE ZAD PA'I MTHAR BYED PA'O, , LAN GNYIS NI MTSON PA STE SGRIB PA ZAD PAR BYED PA DE YANG DANG YANG DU BYAS PA'I DON NO, ,YANG NA KA DANG RA GNYIS MA CHOGS PAR PHRAL BA NI ZAD PAR BYA RGYU STON PA LA SBYAR RO, ,'O NA LAS SGRIB ZAD PAR BYED PA DE JI LTAR BYA SNYAM PA LA LAS NGAN PA THAMS CAD KYI RTZA BA GZUNG 'DZIN BDEN PAR ZHEN PA'I SEMS PA STE CHAGS PA'I BLO DANG BRAL BAR BYOS SHIG CES PA NI KU RU'I DON YIN LA, LAN GNYIS SMOS PA NI SNGAR BZHIN NO, ,YANG RAL PA GYA GYU BHANDH'A GSAL, ,DE NI SLAR YANG
, ,BZLAS PAR BYA, ,'JIG RTEN GZUGS DANG BRAL BA YI, ,TR'A SA YA ZHES BYA BA BRDZUN, ,DAM BA DE NI LAN GNYIS BZLA, ,KA shA ZHES BYA AO SGRAR LDAN, ,GLO NA BHA YA YANG DAG GNAS, ,DE YANG SLAR NI BZLAS PAR BYA, ZHES GSUNGS SO, ,RAL PA GSAL BA BCINGS PA ZHES BOS NAS, SDANG BA RNAMS CHINGS SHIG CES PA'I NGES DON NI, RAL PA NI DE BZHIN GSHEGS PA'I RIGS KYI TSOGS SO, ,GYA GYU NI DON DAM PAR RANG BZHIN CI YANG MED BZHIN DU KUN RDZOB TU BDEN PAR YOD PAR SNANG BA'O, ,DE DAG BCINGS PA NI BDAG MED PA'I 'KHOR LOS DON DAM PAR GCIG TU BYA BA STE DBYER MED PAR RO GCIG TU BYA BA YIN LA, LAN GNYIS SU BZLAS PA NI SNGAR BZHIN NO, ,GAL TE DE BZHIN GSHEGS PA RNAMS ZHAL PHYAG LA SOGS PA'I MTSAN MA DANG BCAS PA'I TSUL GYIS SGOM PAS NI 'KHOR BA NYID DU 'GYUR RO ZHE NA, 'JIG RTEN KUN GZUGS TE NGO BO NYID DANG BRAL BAR BSTAN PAS, DNGOS POR MNGON PAR ZHEN PA RNAMS YID GDUNG BA'I SKRAG PAR GYIS ZHES PA NI, TR'A SA YA'I DON DANG LAN GNYIS SMOS PA NI SNGAR BZHIN NO, ,DES NA LHA ZHAL PHYAG LA SOGS PA'I RNAM PA CAN DU BSGOMS KYANG 'KHOR BA LAS MI GROL BA MIN NO, ,BRDZUN GYI SKAD DOD AA LI KA DON GNYIS LA 'GRO BA'I BRDZUN LA BYAS NA, DE KHO NA NYID LA DPYOD PA'I TSAD MAS DPYOD NA NGO BO NYID MED KYANG 'JIG RTEN SKRAG PA SPANG BA'I PHYIR, KUN RDZOB TU JI LTAR SNANG BA BZHIN GYI BRDZUN PA SGYU MA LTA BUR YOD DO ZHES BSTAN PAR BYA'O, ,YANG NA AA LI KA PHYUGS LA BYA STE PHYUGS
DANG 'DRA BA'I BLUN PO RNAMS SKRAG PAR GYIS SHIG PA'O, ,KA DANG shA BRTZEGS PA NI KshA'O, ,DE AO DANG LDAN PAS KshO'O, ,KA SHA GNYIS NI BDAR TE BDAR RDO LTA BU'I KUN RDZOB KYI BDEN PA'O, ,DE JI LTA BU ZHIG CE NA, DON DAM PA'I BDEN PAR BDAR BA STE RNAm PAR DPYAD BAR BYA'O, ,JI LTAR AOm ZHES BYA BA AA DANG AU'I CHA GNYIS PA YIN PA BZHIN DU, SHES RAB DANG THABS KYI CHA GNYIS YIN LA, SGRA NI THABS SHES DE NYID NYAMS SU MYONG BA STE DE DANG LDAN PA'O, ,THABS SHES DE NYID GSAL BAR STON PA NI, BHA YA NI BHA GA STE SHES RAB PO, ,DE KshO YI GLO NA GNAS PA NI KshO DANG MTSUNGS PA STE MNYAM PAR ZHUGS PA'I KUN RDZOB KYI BDEN PA'O, ,'DI LTAR BDAR LTA BU'I KUN RDZOB KYI BDEN PA LA, GSER LTA BU'I DON DAM PA'I BDEN PA LTAR RNAM PAR DPYAD NA, RDOL GSER GYI RI MO CHAGS PA LTAR BDEN PA GNYIS MTSUNGS SHING DBYER MED PAR 'GYUR RO, ,YANG NA KA SHA ZHES PA BDAR BA STE DE YANG TSAD MA'O, ,TSAD MAS RNAM PAR DPYAD CING BDAR NA GSER LTA BU KUN RDZOB KYI BDEN PA, RI MO LTA BU'I DON DAM PA'I BDEN PAR ZAD CING MTHAR GTUGS PAR 'GYUR RO, ,DE YANG LUNG GI TSAD MA 'BA' ZHIG GIS MA YIN PAR BSTAN PA'I PHYIR, AO SGRAR LDAN ZHES GSUNGS TE, AO ZHES PA DAD PAS 'JUG PA'O, ,SGRA ZHES PA LUNG NGO, ,LDAN PA NI RIG PAS DPYAD PA STE, 'DIR LUNG DANG RIG PAS DPYAD NAS KHAS BLANG GI, DAD PA TZAM GYIS NI MA YIN NO, ,BHA YA NI BHA BA STE SRID PA YIN LA, GNAS PA'I SKAD DOD NI ZAD PAR YANG 'DREN TE, RIG PAS RNAM PAR DPYAD CING BDAR NA
, ,GZUNG BA LA SOGS PA'I SRID PA'I ZHAGS PA ZAD PAR 'GYUR ZHES BYA BA'I DON NO, ,YANG, SA YI MTHAR NI NYI STAN GNAS, ,MDA' BCU ZLA DUM THIG LES DGANG, ,DE YANG SLAR NI BRJOD PAR BYA, ,'OD BYED SBYANGS PA SA YI MTHA', , GSHEGS SU GSOL BA GLO NA GNAS, ,NYIS 'GYUR DU NI BYA BA YIN, ,ZHES GSUNGS SO, ,DE LTAR LAS KYI SGRIB PA ZAD PAR BYED DGOS PA DANG, DE YANG LAS SGRIB KYI RTZA BA BDEN ZHEN ZAD DGOS PA DANG, DE ZAD PA LA BDEN 'DZIN CAN RNAMS SKRAG PAR BYED PA'I BRDZUN PA SGYU MA LTA BU DANG, BDEN GNYIS DBYER MI PHYED PAR RTOGS DGOS PA DANG, DE YANG LUNG TZAM SKYABS SU GYUR PA MIN PAR, NGES DON GYI LUNG DON RIGS PAS LEGS PAR GTAN LA PHEBS DGOS PAR BSTAN NAS, DA NI DE DANG BDE BA GNYIS SBYAR DGOS PA STON PA LA, HOOm ZHES SOGS KYI NGES DON NI, HA DANG DE'I RA STA DANG DE GDAN DU BYED PA DANG, MGO'I NA RO DANG ZLA PHYED DANG THIG LE RNAMS BSHAD PAS SNGAR BSTAN PA'I THABS SHES GSAL BAR BYED DO, ,DE LA RA NI NYI MA'I SA BON YIN PAS NYI MA ZHES BYA STE, DE YANG THABS KYI RDO RJE YIN TE, LHAN CIG SKYES PA'I YE SHES KYI SNANG BA SKYED PA'I PHYIR RO, ,NYI MA DE'I STAN NI SHES RAB MA'I CHOS 'BYUNG STE RDO RJE'I GNAS SU GYUR PA'I PHYIR RO, ,SHA shA SA HA ZHES PA'I SA'I MTHA' NI HA YIN LA, DE NI NYI MA DANG STAN GYI SBYOR BAS LUS THAMS CAD LA KHYAB PAR BSKYED PA'I BYANG CHUB KYI SEMS KUN DA LTA BU'O, ,HA'I SPYI BOR GNAS PA'I ZLA PHYED NI SPYI GTZUG NAS BYANG SEMS DANG POR 'DZAG
PA'O, DES CI ZHIG BYA ZHE NA, MDA'I SKAD DOD B'A NA NI NAGS TSAL LA YANG 'JUG PA 'DIR PHUNG PO LNGA'O, ,BCU NI DBANG PO LNGA DANG DON LNGA YIN LA, DE NI MA NING BZHI DOR BA'I BCU PA AOO HA LA ZHUGS PA STE N'A RO'I DON YANG DER 'DUS SO, , DUM BU NI DE RNAMS DU MAR SNANG BA'O, ,THIG LE NI STONG NYID RTOGS PA'I RI MO'O, ,DES DGANG BA NI DBANG YUL DANG PHUNG PO LA SOGS PA RNAMS, STONG NYID RTOGS PA'I RI MOR BRIS NAS DER RO GCIG TU BYAS PA'O, ,DE RNAMS KYIS NI NYI STAN GNYIS MNYAM POR SBYOR BA LAS, BYANG CHUB KYI SEMS RDO RJE NOR BU'I NANG DU GNAS PA'I TSE, RNAM PAR RTOG PA'I RANG BZHIN THAMS CAD NUB NAS, LHAN CIG SKYES PA'I RANG BZHIN RTOGS PAR 'GYUR RO ZHES STON TE, DE 'DRA BA'I LHAN SKYES KYI BDE BA RNYED PA NA, SNGAR GTAN LA PHAB PA'I STONG NYID DANG SBYOR BA'I DON NO, ,DE DAG NI HROOm GI DON YIN LA DE LAN GNYIS SMOS PA NI DON DE YANG DANG YANG DU GOMS PA'O, ,HRA: ZHES PA'I SA'I MTHA' HA'I DON SNGAR DANG 'DRA, RA STA NI 'OD BYED PA ME STE SHES RAB KYI KHRAG GO ,SBYANGS PA NI RTZA RGYUD LAS 'OD BYED GDAN DU BYAS PAR GSUNGS PA'I DON TE BYANG SEMS GNYIS 'DRES PA'O, ,TSEG DRAG GNYIS NI GSHEGS SU GSOL BA STE KHU KHRAG GNYIS YUM GYI PAD MAR PHAB PA'O, ,DE GNYIS GLO NA GNAS PA NI ZOS PA STE LONGS SPYAD PAS TSIM PA'O, ,HRA: LAN GNYIS SMOS PA SNGAR BZHIN NO, ,YANG, ZLA GZHON THIG GSAL PHA ZHES BYA, ,DE YANG SLAR NI BZLAS PAR BYA, ,ZHES GSUNGS TE, PHE NI 'DZIN
, ,PA DON DAM PAR MED PA'O, ,DE MED NA DNGOS PO 'DI DAG GANG GI GZUNG BAR 'GYUR TE, DE NI DE LA LTOS PA'I PHYIR RO, ,ZLA BA GZHON NU STE ZLA TSES DANG THIG LES PHE'I STENG DU BRGYAN TE THIG LE NI SKAR MA'O, ,GNYIS PO DES NI RANG NYID GSAL NUS KYI GZHAN NI MIN TE, 'DI LTAR DE DAG SHAR DU ZIN KYANG 'GRO BA THAMS CAD MUN PA DANG BCAS PAR MIG GIS MNGON SUM DU MTHONG BA'I PHYIR, DE DAG GIS MUN PA GSAL BAR NUS PA MA YIN NO, ,'O NA GANG GIS SHE NA, RANG DANG GZHAN GNYIS KA GSAL BA'I ZLA BA NYA GANG BA 'BA' ZHIG SHAR BAS SO, ,DES 'DI SKAD DU STONG PA'I RI MO'I BDAG MED PA ZLA BA TSES PA LTA BU 'BA' ZHIG GIS KYANG, 'GRO BA'I DON JI LTA BA BZHIN NUS PA MA YIN LA, SKAR MA LTA BU'I KUN RDZOB KYI BDEN PA LHA'I SKU 'BA' ZHIG GIS KYANG MA YIN TE, GZHAN DU NA BDEN PA GNYIS GNYIS SU MED PA'I ZUNG 'JUG GI SKU ZLA BA NYA GANG BA LTA BU 'BA' ZHIG GIS NUS SO, ZHAS STON NO, , SLAR NI BZLAS PAR BYA ZHES PA'I DON NI, JI LTAR ZLA BA NYA GANG BA DANG 'GROGS NA SKAR MAS KYANG MUN PA SEL BA LTAR, GNYIS SU MED PA'I ZUNG 'JUG GI SKU'I RJES SU 'BRANG BA'I BYA BA THAMS CAD DE BZHIN NO, ,ZHES BYA BA'I DON NO, ,DE LTAR NA ZLA CHOS KYIS MTSON PA'I STONG NYID 'OD GSAL GYI YE SHES DANG, THIG LE SKAR MA LTA BUS MTSON PA'I SGYU MA'I LHA'I SKU RE RE BA MIN PAR GNYIS KA TSOGS PA NI ZUNG 'JUG DANG, DE GNYIS
GANG LA TSOGS PA'I PHE NI 'OD GSAL STONG PA'I BDAG NYID KYI ZUNG DU 'JUG PA'I GANG ZAG GO ,SNGA MA RNAMS KYIS BDE STONG DBYER MED DGOS PAR BSTAN LA, 'DIS BDEN GNYIS DBYER MED KYI ZUNG 'JUG DGOS PAR STON NO, ,GNYIS PA NI, PHAt NI BDAG MED PA 'OD GSAL GYI YE SHES SO, ,DA HA NI MTSAN 'DZIN GYI RNAM RTOG GI SHING BSREGS SHIG PA'O, ,PA TZA NI ZAG BCAS KYI PHUNG PO TSOS SHIG PA'O, ,BHAKshA NI RNAM RTOG GI BDUD ZO SHIG PA STE, SNGAR GYI BDE STONG GI YE SHES KYIS 'DI RNAMS 'JOMS PA'I DON NO, ,PA SA NAS LAMBI NI YI BAR NI LHA LA BSTOD CING BOD PA'O, ,GRIHAN DANG TA RDZA YA NI ZUNG LA BSDIGS PA STE TSAR CHOD CIG CES PA'O, ,GANG 'DZIN NA SAPTA NAS SARBAm B'A STE SA 'OG RIM PA BDUN GYI SBRUL GDUG PA DANG 'DRA BA'I MTSAN 'DZIN GYI RNAM RTOG GO ,'DI DAG ZUNG LA TSAR CHOD CIG CES PA'O, ,YANG A'A NI AA KA RA STE RNAM PA'O, ,KA NI MID PA STE RNAM PA SNA TSOGS PA RNAMS RO GCIG PAR MID PAR BYA'O ZHES PA'O, ,MID PA DE CI ZHIG TU MID CE NA, ddHA NI SEMS TE DER MID PAR BYA'O, ,SEMS RNAM PA DANG BCAS PAR SMRA BA DANG, RNAM PA MED PAR SMRA BA GNYIS KA YANG SKYON DANG BCAS PAS, RNAM THAR GSUM GYI BDAG NYID RANG BZHIN GYIS 'OD GSAL BAR YA'I DON LUNG DANG RIGS PAS GTAN LA PHAB STE BSGOM ZHES PA'O, ,DE NI RDO RJE MKHA' 'GROR A'A KAddHA LA YA BTUS PA'I BSHAD PA YIN LA, RTZA RGYUD DU YA BTUS PA MED DO, ,HR'Im GI HA NI 'GRO BA THAMS CAD LA KHYAB PAR
, ,BYED PA HE RU KA STE THABS SO, ,RA STA NI NYI MA STE SHES RAB BO, ,A'I NI DBYANGS BZHI PA STE HE RU KA'I LHAG MA'I RIGS BZHI CHAR GYI BDAG NYID DO, ,THIG LE NI 'OG NAS 'BYUNG BA DANG 'BRA'O, ,LAN GNYIS SMOS PA NI THABS LA SHES RAB KYI CHA SBYAR BA'O, ,DZnOOm NI RDO RJE MKHA' 'GROR MA BTUS LA RTZA RGYUD DU BTUS PA LTAR NA, DZnA NI DES TSIG GI TSUL GYIS DZNY'A NA STE YE SHES, AO NI DBYANGS KYI BCU PA STE DBANG PO LNGA DANG DON LNGA, ZLA TSES PHUNG KHAMS SKYE MCHED KYI DBYE BA, THIG LE DE THAMS CAD STONG NYID SNYING RJE DBYER MED DU RO GCIG PA'I DON NO GSUNG NGO, ,KshM'Am GI KAm NI BDE BA'O, ,SHA'AM shA NI BDE BA DE NYAMS SU MYONG BA STE BDE BA CHEN PO RANG GIS RIG PA'I YE SHES NI KshA'O, ,MA NI SDE PA LNGA PA STE GZUNG 'DZIN GYI SPROS PA LNGA MTSON NO, ,PA SDE'I MTHAR GNAS PA'I MTHA' NI SPROS PA MED PA'I MTHAR GTUGS PA'O, ,A'A RING PO NI BDE BA'I RNAM PA'O, ,THIG LE NI STONG NYID DO, ,MA DE KshA'I STAN DU BYAS PA NI 'DI LA BDE BA YOD PAS NA STAN TE BYANG CHUB KYI SEMS SO, ,STAN DE LA KshA GNAS PA NI LHAN SKYES KYI BDE BA 'BYUNG BA'I TSUL DU'O, ,LAN GNYIS SMOS PA NI 'GRO BA RNAMS BDE BA CHEN PO'I RANG BZHIN CAN YIN NA, DRI MAS BSGRIBS PAS DE KHO NA NYID MI SHES PAR ZAD DO SNYAM DU YID KYI RTOG PA TZAM GYIS KYANG DRAN PAR BYA BA'O, ,HAm GI HA NI N'A DA STE SGRA GNYIS KYI TSUL CAN YIN PAS NA AA RING PO DANG SBYAR BA'O, ,HA DANG ZLA TSES DANG THIG LE GSUM DU SBYAR BA STE DE RNAMS NI SNGAR BSHAD PA BZHIN NO, ,
HIm GYI DBYANGS GSUM PA AI NI YE SHES GSUM PA SO SOR RTOG PA'I YE SHES RTOGS PAR 'GYUR BA'O, ,HUm GYI DBYANGS LNGA PA AU NI YE SHES LNGA'I BDAG NYID DU GYUR PA STE LHAG MA SNGAR BSHAD PAS SHES PAR BYA'O, ,KI LI'I KA LA THIG LE BYIN PA'I KAm NI BDE BA'O, ,SA DANG CE NI BZLUMS PA'AM BSDOMS PA STE BDE BA DANG STONG PA GNYIS GNYIS SU MED PAR BZLUMS PA'O, ,DHI NI GNYIS SU MED PA'I BDE BA LA SPYOD PA'I SHIN TU DAG PA'I BLO'O, ,RDO RJE MKHA' GROR HI LI MED PAR TZI LI BTUS LA, RTZA RGYUD LAS HI LI BTUS PA LA YANG SA DANG HA GNYIS BZLUMS PA LA BSHAD PAS CHOG GO ,KA LA SOGS PA BZHI LA AI SBYAR BA NI MCHOG GI DON DU BSHAD PAS, LA LA AI SBYAR BA YANG DE DANG 'DRA ZHING, LA RNAMS NI YI GE GONG MA'I BSHAD PA LA BSDUS NA RUNG BA 'DRA'O, ,HU GNYIS NI THABS KYI CHA DANG, ZLA PHYED DANG THIG LE NI SHES RAB KYI CHA STE, DE RNAMS SBYAR BA'I THABS SHES DBYER MED NI HUm MO, ,RDO RJE MKHA' 'GRO'I 'GREL PAR RTZA BA'I DGONGS PA BSHAD PA NA, HUm GNYIS DANG PHAt GNYIS DANG SV'A H'A MTHAR SBYAR RO, ,RTZA RGYUD LE'U BDUN PA DANG, LE'U 'DIR HUm GNYIS DANG PHAt GCIG SBYAR LA, MNGON BRJOD LAS H'Um GNYIS DANG PHAt GNYIS SBYAR RO, ,PHO NYA MO BRTAG PA'I LE'U BCU'I MTHAR, RTZA SNGAGS TSANG BAR BSGRIGS PA NI PHO NYA MO LA BRTEN NAS BDE STONG SBYOR BA SHES PA'I CHED YIN LA, DE RTZA SNGAGS KYI DES DON BSHAD PA LAS SHIN TU GSAL BAR BSHAD PA RGYUD RTZA 'GREL LAS BSHAD PA NI, LAM GYI SNYING POR MTHONG NGO, ,GSUM PA NI, DPAL HE
, ,RU KA MNGON PAR BRJOD PA BSDUS PA'I RGYUD LAS, RTZA BA'I SNGAGS KYI NGES DON GSANG BA'I CHO GA'I LE'U STE NYI SHU RTZA LNGA PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA LNGA PA'I BSHAD PA'O,, ` ,,GNYIS PA DAM TSIG BRGYAD BSTAN PA LA DRUG ,RTZA BA'I SNGAGS KYI CHE BA BSTAN PA, PHO NYA MO MCHOD PAS DNGOS GRUB KUN STER BA, DAM TSIG DANG SDOM PA'I CHO GA ,PHO NYA MO RNAMS MNYES PA'I RGYU, SLOB MA BRTAG PA'I CHO GA ,LE'U YI MTSAN BSTAN PA'O, ,DANG PO NI, NYER LNGA PA'I RJES DE NAS NYER LNGA PAR BSHAD PA LAS GZHAN YANG BSHAD PAR BYA'O ZHES SBYAR RO, ,SA GSUM GYI 'JIG RTEN NI GSUM PO DAG NA 'DI LAS SNGAGS MCHOG GZHAN YOD PA MIN PA'I SHR'I HE RU KA'I RTZA PA'I SNGAGS KYIS NGES PA'I DON LEGS PAR SHES NAS, SGRA JI BZHIN PA'I GSANG SNGAGS KYI DON THAMS CAD LA GTZO BOR 'DZIN PA YONGS SU 'DOR BA STE DOR NAS RTZA SNGAGS KYI NGES DON NYID LA GTZO BOR 'DZIN NO, ,GNYIS PA NI, LUGS 'BYUNG LUGS LAS BZLOG PA YIS, ,ZHES PA RNAL 'BYOR GYI BSLAB PA'I RIM PA LAS MA 'DAS PA LA 'CHAD PA LTAR NA, LUGS 'BYUNG STE BLANG BYA LEN PA DANG, LUGS BZLOG STE SPANG BYA 'DOR BA LAS MA 'DAS PA'O, ,PHO NYA DANG 'DRA BAS NA PHO NYA STE, BYANG CHUB PA'I GO 'PHANG STER BAR NGES SHING, THAMS CAD DU GNYIS SU MED PA'I DGA' BA'I RANG BZHIN TE DGA' BA 'BYUNG BA'I TSUL GYIS YANG DAG PA STE LEGS PAR GNAS NAS, 'OG STE SA 'OG LA SOGS PA NA GANG
CI YOD PA'I 'JIG RTEN PA'I DNGOS GRUB DANG, STENG GI STE PHYAG RGYA CHEN PO'I DNGOS GRUB STER BA'O ZHES 'CHAD DO, ,'GREL PA GZHAN LAS NI LUGS LAS 'BYUNG BA YIS PHO NYA RNAMS GNAS PA NI, RAB GTUM MA NAS BRTZON CHEN MA'I BAR GYI YAS MAR GYI GO RIM GYIS GNAS PA'O, ,LUGS LAS BZLOG PA YIS GNAS PA NI, BRTZON CHEN MA NAS RAB GTUM MA'I BAR GYI MAS YAR GNAS PA'O, ,DE LTAR 'OG TU GNAS PA STENG DU STE SNGON LA BKOD NAS BSGOMS NA DNGOS GRUB STER ZHES 'CHAD DO, ,GANG DANG LHAN CIG TU SPYOD PA'I BDAG GI PHO NYA MO'O, ,DE YANG SKAL BA DANG LDAN PA'I SEMS CAN GYI DON BSGRUB PA'I PHYIR DANG, 'O BYA BA DANG 'KHYUD PA LA SOGS PA THAMS CAD DU STER BA'I TSUL GYIS GNAS KUN TU 'GRO BA'O, ,DE 'DRA BA'I PHO NYA MO DE NI MIG GIS MTHONG BA DANG LUS KYIS REG PA DANG THOS PAS KYANG DNGOS GRUB KUN STER NA, RGYUN DU TSUL BZHIN DU BSGRUBS PAS DNGOS GRUB STER BA LTA CI SMOS, ZHES PA PAndI TA GSUM GYIS BSHAD DO, ,PHO NYA MO MTHONG BA SOGS KYIS DNGOS GRUB STER LUGS NI BDE BA CHEN PO BSKYED PA'I SGO NAS YIN TE, RDO RJE GUR LAS, BUD MED MCHOG MTHONG LAS BDE ZHING, ,GLU THOS PAS KYANG YANG DAG BDE, ,DRI ZHIM BSNAMS LAS BDE BA CHE, ,SKYE GNAS REG LAS KYANG BDE CHE, ,RO MCHOG GTUNG BA RAB SBYAR BA'I, ,BDE BA SUS KYANG BZLOG MI NUS, ,ZHES GSUNGS SO, ,DE LTAR PHO NYA MO MCHOG MTHONG BA SOGS LAS BDE CHEN 'BAR BA NI ZHU BDE YIN LA, BDE BA DE SKYE BA LA LUS KYI BYANG SEMS ZHU BA DGOS, DE LA GTUM MO 'BAR BA DGOS,
, ,DE NI RLUNG 'DUS PA'I STOBS KYIS ME SPOR BA YIN PAS, PHO NYA MO MCHOG GIS BYIN GYIS BRLABS NA, MTHONG MA THAG LA SOGS PAR YANG BDE CHEN 'DREN PA'I RLUNG SDUD NUS PA SOGS KYI MTHU LAS, BDE CHEN 'GAL RKYEN GANG GIS KYANG BZLOG TU MED PAR RGYUN MI 'CHAD DU SKYE BAS PHO NYA'I LAM CHES MYUR BA YIN NO, ,RTAG PAR TE RGYUN DU PHO NYA MO LA 'KHYUD PA DANG 'O BYA BA STE, DE YANG BDE STONG GNYIS SU MED PAR SBYOR BA'I RNAL 'BYOR GANG LAS 'BYUNG BA'I GNAS KYI KHYAD PAR TE GNAS KHYAD PAR BA PADMA MCHOG GO ,DER CU MBAN BYA BYA ZHING LCE RTZE 'DRIL BAS DRUD LA, CHANG GI BTUNG BA DANG LDAN PAS SEMS RAB TU DGA' BAR BYAS NAS, RDO RJE DANG PAD MA SBYOR BAS ROL BAR BYA'O, ,RNAL 'BYOR JI SNYED PA 'DOD PA'I BSTAN BCOS LAS BSHAD PA'I KA RA NA'I TSOGS, RDO RJE SEMS DPAS GSUNGS PA DE SNYED SHAS PAR BYAS NAS DE DANG MTHUN PAR ROL BAR BYED PA NI, DNGOS GRUB THAMS CAD SBYIN PAR BYED PAR BSHAD DO, ,'GREL PA GZHAN LAS NI GNAS DANG NYE BA'I GNAS LA SOGS PA RNAL 'BYOR GYI GNAS LA GNAS PA'I PHO NYA MOS NI, DNGOS GRUB THAMS CAD STER TE TZUMBA NA DANG 'KHYUD PA 'DOD PA'I BSTAN BCOS LAS BSHAD PA'I RIM PAS BSTAN NA DNGOS GRUB TU 'GYUR RO ZHES 'CHAD DO, ,BDEN DNGOS SAM BDEN PA CAN NAM DAM TSIG DANG LDAN PA'I RNAL 'BYOR MA MTHONG NA, BZA' BA DANG STON MO DANG C'A RU DANG BRDA LA SOGS PA THAMS CAD SBYIN PAR BYA'I GZHAN DU STE DAM TSIG DANG MI LDAN PA LA NAM YANG SBYIN PAR BYA BA MA YIN NO, ,PHO
NYA MO YANG GANG YIN SNYAM NA, MA DANG SRING MO DANG BU MO DANG CHUNG MA RNAMS PHO NYA MOR GNAS PA YIN LA, DE YANG ZHING LAS SKYES PA DANG SNGAGS LAS SKYES PA DANG, LHAN CIG SKYES PA NI MA LA SOGS PA STE, SPYAN LA SOGS PA'I LHA MO RNAMS LA SNYOMS PAR 'JUG PAS MCHOD PAR BYA'O ZER RO, ,DE RNAMS KYANG PHO NYA MO GANG LA RTAG TU SNGAGS SBYIN PA STE DBANG LA SOGS PAS SNOD DU BYAS BA DE NYID PHO NYA MO BSTEN PA DE YI CHO GAR BSHAD DO, ,KHA CIG NI MA LA SOGS PA RIG MAR BSHAD PA LA, CHOS KYI BRDZUN KYIS BGROD PAR BYA BA MA YIN PA LA BGROD PAR BSHAD CE NA, ZHES PA'I LAN DU GANG LA SNGAGS BYIN PA PHO NYA MO YIN GYI, SKYE GNAS KYIS 'BREL BA NI MA YIN PAS 'GAL BA MED DE, BLA MA'I PHYAG RGYA NI MA'O, ,LHAN CIG NYEN PA NI SRING MO'O, ,RANG GIS CHOS BSTAN PA NI BU MO'O, ,BLA MAS BYIN PA NI CHUNG MA 'O ZHES 'CHAD LA, LVA BA PAS MA LA SOGS PA SGRA JI BZHIN PAR GSUNGS TE, RNAL 'BYOR PA MTHON PO LA DGONGS SO, ,DMA' BA LA NI MA LA SOGS PA BSHAD MA THAG PA BZHIN DU'ANG YIN NO, , GSUM PA LA BZHI, BSHAD PAR DAM BCA' BA, GA-YON PA'I KUN SPYOD MCHOD PA DANG BCAS PA, DAM TSIG RNAMS SO SOR BSTAN PA, DON BSDU BA'O, ,DANG PO NI, PHO NYA MO MCHOD PA'I RJES DE NAS PHO NYA MO MNYES PAR BYED PA'I DAM TSIG RNAMS RDO RJE 'CHANG NGA YIS BSHAD PAR BYA'O, ,DAM TSIG JI LTA BU ZHE NA, RNAL 'BYOR GYI RGYUD MAN CHAD DU SHIN TU RNYED PAR DKA' BA'O, ,RNAL 'BYOR RGYUD DU ZHES PA PHA RGYUD LA BYAS NAS, RGYUD DER RNYED DKA' BA RNAL 'BYOR MA'I RGYUD KYI THUN MONG MA YIN PA'I
, ,DAM TSIG BRGYAD, CES PA'I DON DU GZUNG BAR MI BYA STE, GA-YON PA'I DAM TSIG TZAM MA GTOGS PA GZHAN RNAMS PHA RGYUD DANG 'DRA BA'I PHYIR RO, ,GNYIS PA NI, SKYES PA'AM BUD MED RNAL 'BYOR MA MTHONG NA GA-YON DU BZHAG NAS 'GRO BA NI, YID LA 'DOD PA'I 'BRAS BU STER BAR BYED DO, ,DE LTAR NA KHYIM MAM ZHING DU GNAS PA SHIN TU RING PO NA GNAS PA YANG SHES PAR BYAS NAS GA-YON NAS SPYAD PAR BYA'O, ,'DIR BUD MED NI RNAL 'BYOR MA LA BSHAD PAS, SKYES PA YANG RNAL 'BYOR PAR SHES PAS SKYES PA DANG BUD MED TZAM MIN LA, SHIN TU RING PO NA GNAS PA NI ZHING KHYAD PAR CAN NA GNAS PAR MNGON NO, ,GZHAN YANG, BUD MED DAG NI MTHONG BA NA, ,GA-YON NAS LAN GSUM BSKOR BYA ZHING, ,SPYI BOS PHYAG NI BYAS NAS KYANG, ,LAN GSUM PAR DU GSAL BA GDAB, ,KHYOD MA BDAG NI BU YIN TE, ,JI SRID BYANG CHUB 'BYUNG BAR DU, ,BYANG CHUB YAN LAG NU MA LAS, ,BYUNG BA'I RANG GI 'O MAS SKYONGS, ZHES KYANG GSUNGS TE, GSOL GDAB NI, KHYOD MA ZHES SOGS SO, ,'DI DNGOS SU MA NUS KYANG YID KYIS BYA DGOS PA'I 'DI PA'I DAM TSIG GCIG GO ,BHA BAS RANG GI GA-YON DU SKYES PA'AM BUD MED BZHAG NAS 'GRO PA'I SKYES PA'AM BUD MED NI, BDE MCHOG GI RNAL 'BYOR PA'AM RNAL 'BYOR MAR SHES PAR BYA'O, ,DE'I PHYIR YANG 'DOD PA'I DNGOS GRUB TU 'GYUR RO, ,DE BAS NA SHIN TU RING BA STE SNGAR BSHAD PA'I MTSAN NYID MA MTHONG YANG, GA-YON NAS BSKOR ZHING 'GRO BAS MTSON PA NI PHO NYA MO STE, DE YANG KHYIM DANG ZHING NA GNAS BA ZHES 'CHAD DO, ,
DPAL HE RU KA'I RNAL 'BYOR LAS GZHAN PA'I RNAL 'BYOR MCHOG MED PAS, SHR'I HE RU KA'I RNAL 'BYOR NI RNAL 'BYOR RNAMS KYI MCHOG GO, DE'I PHYIR RNAL 'BYOR DE 'DZIN PA'I SLOB DPON NI RNAL 'BYOR MCHOG GI SKYED BYED YIN PAS RNAL 'BYOR RNAMS KYI MA DANG PHA NYID YIN NO, ,BDE MCHOG GI RGYUD 'DI RU NI DBANG BSKUR BA'I RNAL 'BYOR PA SGRUB PA PO NI, LEGS PA STE MCHOG TU GYUR PA YIN TE, DES NA DE DAG LA BRNYAS PA STE KHYAD DU GSOD PA DANG, MI SPANG PA STE MI SMAD PAR GUS PAS CI NUS PA YIS NI MCHOD PAR BYA'O, ,KA KA GDONG SOGS ZHES PA NI LVA BA PA DANG LHA SBAS KYI 'GREL PAR DAM TSIG BRGYAD BSHAD ZIN PA'I 'OG TU 'BYUNG BAS, DAM TSIG BRGYAD LA MI 'DREN LA, 'GREL PA GZHAN LAS SKABS 'DIR 'CHAD KYANG DAM TSIG BRGYAD LA MI 'DREN NO, , 'O NA 'DIR BSHAD PA CI YIN ZHEN, KHVA'I GDONG BA LA SOGS PA DANG CHOS MTHUN PA'I DUD 'GRO MO LA YANG GUS PAR BYA, ZHES PA'I DON DU YIN ZHES SNGA MA DAG 'CHAD PA NI MI 'GRIG GO, 'DI LA SGO MTSAMS MA BRGYAD MCHOD PA DE BZHIN DU SGRUB PA POS BDE MCHOG GI RNAL 'BYOR PA RNAMS LA DAD CING GUS PAS MCHOD NA, YID BYIN GYIS RLOB PA YIN NO ZHES GSUNG NGO, ,BHA BAS NI SNGAR GUS PA YIS MCHOD CES BSHAD PA'I GUS PA NI, KA KA SOGS KYIS STEN PA LA KHVA GDONG MA LA SOGS PA BRGYAD PO 'DI GUS PA DANG DAD PA 'PHEL BAR BYED PA YIN NO, ,DE YANG DNGOS GRUB RNAMS KYI RGYU YIN NO ZHES 'CHAD DE, BLA MA DANG 'DI YI RNAL 'BYOR PA LA RTAG PAR TE RGYUN DU GUS PA NI DNGOS GRUB RNAMS KYI RGYU YIN LA, GUS PA DANG DAD PA GONG NAS
, ,GONG DU 'PHEL BAR BYED PA LA, BAR DU GCOD PA'I BGEGS NI SGO MTSAMS MAS BZLOG PA YIN PAS, SGO MTSAMS MA RNAMS DNGOS GRUB 'PHEL BA'I RGYU YIN NO ZHES PA STE SHIN TU LEGS PA YIN NO, ,GROL BA'I SKAD DOD GUS PA DANG MOS PA LA YANG 'GRO BAR SNANG BAS, 'DIR MOS PA DANG GUS PAR BSGYUR BA RNAMS LEGS SO, ,GSUM PA NI, SNGAR BSHAD PA'I GA-YON PA'I KUN SPYOD BRNYAS SMOD SPONG BA'I DAM TSIG RNAMS SKYONG BA NI DANG PO'O, ,KYANG NI SKYONG BAR BYED PA KHO NA ZHES NGAS GZUNG NGO, ,GA-YON PA'I KUN SPYOD SNGAR BSHAD PA NI MTSON PA TZAM STE, GA-YON PA'I KUN SPYOD THAMS CAD LA GNAS PAR BYA'O, ,RNAM PAR RMONGS SHING 'DOD PA LA CHAGS PAS, LHA MO STE RIG MA GZHAN DANG KUN TU SBYOR BA SPONG BA NI DAM TSIG GNYIS PA'O, ,LVA BA PAS, RNAL 'BYOR MCHOG GI THABS SPANGS NAS, RNAL 'BYOR GZHAN LA BRTEN PA LA 'CHAD DE, DPA' BOS KYANG, LHA GZHAN DAG DANG KUN SBYOR BA'I, ,'DOD LA CHAGS PAR GYUR PA NI, ZHES 'DON NO, , DAM TSIG GSUM PA NI BDAG DANG GZHAN GYI CHAR GNYIS SU 'BYED PA SPONG BA LA BSHAD PA NI, GNYIS SU MED PA RTOGS PA DANG MA BRAL BA LA BSHAD PA LTAR YIN LA, DE YANG DE KHO NA NYID RTOGS PA SPYOD PA DANG MA BRAL BAR BYED PA YIN PAS, GNYIS SU BYED PA MIN ZHES PA'AM GNYIS SU MED PA ZHES BYA'O, ,THOGS MED NI GANG GIS KYANG GZHOM DU MI NUS PA LA BSHAD PA NI, SNGAGS KYI THUN MONG MA YIN PA'I GRUB MTHA' LAS GZHAN DU BKRI MI NUS PA STE DAM TSIG BZHI
PA'O, ,THOGS MED MIN ZHES PA LTAR NA DE SPONG BA LA BYA'O, ,DAM TSIG NI LHA MO'AM RIG MA'O, ,SPYOD PA NI 'DOD PA SPYOD PA'O, ,SPYAD PA NI DE BYED PA'O, ,DE'I YUL NI LAS DANG YE SHES KYI PHYAG RGYA GNYIS SO, ,DE LA YANG GSUM PAS NI DE LTAR BYED PA NA, DE KHO NA NYID KYI LTA BA DANG BRAL BAR SPYOD PA BKAG CING, BZHI PAS NI YID GZHAN DU MI 'GYUR BAR BYED DE DAM TSIG LNGA PA'O, ,MI MO STE BUD MED LA BRTEN NAS RDO RJE DANG PADMA 'DU BA'I DUS SU DBANG PHYUG DANG BRAL BAR MI BYA ZHES KONG KA NA BZHED PA NI, SKAL LDAN GYIS DBANG PHYUG MA DANG BRAL BAR MI BYA BA LA BSHAD DE, LEGS PAR SBYAR BA'AM SHIN TU SBYOR ZHES PAS MA BRAL BAR BYED PA'O, ,DE YANG LHAN SKYES KYI BDE BA 'DREN PA'I NUS PA MA RDZOGS PA DE SRID DU 'BRAL BAR MI BYA ZHES PA STE, DAM TSIG DRUG PA'O, ,DAM TSIG DRUG PA LA MI 'BRAL BAR BSHAD PA DE BZHIN DU, BDE BA'I GZHI PADMA 'DU BA'I DUS SU DBANG PHYUG DANG BRAL BAR MI BYA ZHES RTZE NAS PHYI ROL TU MI 'BRAL BA'I TSANGS PAR SPYOD PA BYA BA NI DAM TSIG BDUN PA'O, ,'GREL PA GSUM LAS, TSANGS PAR SPYOD PA DE BZHIN GZHI, ZHES 'BYUNG NGO, ,BU GAR KUN TU SPYOD PA STE YUM GYI PAD MA NAS BYANG SEMS LCES LEN PA'I DUS SU KHRO BA MED PAR SPYOD PA'O, ,KHRO BA MED PA'I DON NI, DPA' BOS BYANG SEMS LEN PA'I DUS SU BTZOG PA'I 'DU SHES MI BYA BA LA BSHAD PA LTAR YIN TE, BTZOG CING SKYUG BRO BA'I BSAM PA NI YUL DE LA RGYAB KYIS PHYOGS PA'I MI 'DOD PA YIN PAS,
, ,DE 'DRA BA DE LA SDANG BA ZHES GZHAN DU YANG 'BYUNG NGO, ,DE NI DAM TSIG BRGYAD PA'O, ,BZHI PA NI, DE LTAR SNGAR BSHAD PA 'DI BRGYAD 'DZIN PA NI DAM TSIG KUN TU SPYOD PA YIN LA, SHES PA TZAM LA MI 'JOG PAR TSUL BZHIN DU SGRUB PA LA NI GNAS PA YI SGRUB PA PO RNAMS KYIS RTAG TU STE, YANG DANG YANG DU SHES PAR BYA'I BRJED PAR MI BYA'O, ,DAM TSIG 'DI RNAMS NI BYA BA DANG SPYOD PA DANG RNAL 'BYOR DANG RNAL 'BYOR BLA MA DANG, RNAL 'BYOR MA'I RGYUD RNAMS THAMS CAD KYI THUN MONG BA STE BYA BA 'DRA BAR SBYOR BAS BCOM PAR MI BYA BA STE GZHOM PAR MI BYA STE, RGYUD SDE 'OG MA DE DANG DE RNAMS LA RGYUD SDE GONG MA LTAR GYI 'TSANG RGYA BA'I RGYU MED PAR TE MED PA'I PHYIR RO ZHES LVA BA PA DANG LHA SBAS KYI BSHAD DO, ,KONG KA NA PA NI DAM TSIG 'DI RNAMS NI RNAL 'BYOR CHEN PO'I RGYUD THAMS CAD KYI THUN MONG BA STE SPYI YIN PAS GSANG BA STE, RGYUD GZHAN SHES PAS KYANG DGONGS PA 'DI RTOGS PAR MI 'GYUR RO, ,DGONGS PA MI RTOGS PAS NA RGYU STE YANG DAG PA'I GTAN TSIGS MED PAR NI, TSAD MA GZHAN GYIS GZHOM PAR TI SUN DBYUNG BAR MI BYA'O, ,DE LTAR NA JI LTAR BYA ZHE NA, RGYUD LA YID CHES PA'I DAD PA NYID KYIS BLANG BAR BYA YI MIG GIS GZUGS LA BLTA BA DANG, LAG PAS REG BYA LA REG PA LTA BUR BYAR YOD PA MA YIN NO, ,GSANG BA'I DAM TSIG 'DI NI SNOD MIN LA MING TZAM YANG MI BSTAN CING, RAB TU 'BAD DE SBA BAR BYA LA SNOD LDAN LA BSHAD PAR BYA'O, ,BZHI PA NI, BLO DANG LDAN PA STE SGRUB
PA POS MTHE'U CHUNG STE PHO NYA MO'I PAD MA'I RTZA BYA ROG GDONG ZHES PA BSKYOD PA STE BSKUL BAR BYA'O, ,CI'I DON DU ZHE NA, PHO NYA MO LA YANG DAG PAR GNAS PA'I MYOS BYED 'DZAG PA'I DON DU'O, ,SKUL BYED NI SRIN LAG DANG GUNG MO'I RTZE MO KHA SBYAR BAS BSKYOD CES ZER RO, ,KONG KA NA PA NI MTHE'U CHUNG BSKYOD PA LHA MO'I MCHOD PA'I DUS SU, LHA'I RNAL 'BYOR DANG LDAN PAR BYA BA'AM SNGAGS DANG PHYAG RGYA LEGS PAR BSLABS PA MA RNYED NA, PHYAG RGYA GZHAN LHA'I RANG BZHIN DU BYAS LA MCHOD DO, ,PHO NYA MO RNAMS YANG DAG GNAS PA NI DE'I DUS SU RNAL 'BYOR PA LA PHO NYA MO THAMS CAD DGA' BAR 'GYUR RO ZHES 'CHAD DO, ,MTHE'U CHUNG NI BYIN GYIS BRLABS PA'I PAD MA'I LTE BA YIN LA, DE BSKYOD PAR BYA ZHES DKA' RGYAL BZHED DO, ,YANG MTHE'U CHUNG NI LO GRANGS BCU GCIG GI TSIGS DANG LDAN PA STE, DE GZUNG LA DE DANG ROL BA'I BDUD RTZI LCES BLANGS TE 'THUNGS NA, BCUD KYI LEN 'GRUB PAR BYED PAS BDE BA CHEN PO SKYE BA'I RGYU YIN NO ZHES LVA BA PA GSUNG NGO, ,LNGA PA NI, SGRUB PA PO YON TAN DANG LDAN PA'I MI NI RNAM PA GSUM DU GNAS TE, DAG PA DANG MA DAG PA DANG DE GNYIS 'DRES PA'O, ,DANG PO NI RNAM DAG CES BYA BA NUS PA LEGS PAR SKYES PA'O, ,GNYIS PA NI MNYES BYED CES BYA BA NUS PA MA SKYES PA'O, ,GSUM PA NI GSAL BYED CES BYA BA BAR MA STE NUS PA CUNG ZAD SKYES SHING, BSTAN BCOS KYI DON RIG PA'O, ,YANG NA MNYES BYED CES PA SNGAGS DANG RNAL 'BYOR LA GOMS SHING MNYES PAR BYED PA'O, ,YON TAN DANG LDAN PA'I MI BSTAN BCOS KYI DON RIG PA NI GSAL BYED DE, SGRON MA DANG 'DRA BAS
, ,SEMS CAN GYI DON GYI BYA BA NUS PA'O, ,ZHES KONG KA NA PA'I DGONGS PA DPA' BO RDO RJES BSHAD PA LTAR RO, ,DRUG PA NI, DPAL HE RU KA MNGON PAR BRJOD PA BSDUS PA'I RGYUD LAS, SLOB MA YONGS SU BRTAG PA STE SLOB MA MCHOG DMAN GYI MTSAN NYID DANG, SDOM PA STE DAM TSIG BRGYAD KYI CHO GA'I LE'U STE NYI SHU RTZA DRUG PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA DRUG PA'I BSHAD PA'O,, ` ,,LNGA PA SPROS BCAS KYI SPYOD PA RGYAS PAR BSHAD PA LA GNYIS, SPYOD PA SPYI'I RNAM PAR BZHAG PA DANG, SPROS BCAS KYI SPYOD PA LE'U GSUM GYIS BSTAN PA'O, ,DANG PO NI, SPYIR SPYOD PA BYED PA LA SKABS GNYIS TE, THUN MONG GI DNGOS 'GRUB PA LA BOGS 'BYIN PA BSKYED RIM PA'I SPYOD PA DANG, MCHOG GI DNGOS GRUB MYUR DU 'GRUB PA LA BOGS 'BYIN PA'I RDZOGS RIM PA'I SPYOD PA'O, ,BSKYED RIM PA'I SPYOD PA NI, LHA'I RNAL 'BYOR SHIN TU BRTAN PA LA SOGS PA'I SKABS NAS BYED LA, RDZOGS RIM PA'I SPYOD PA BYED PA'I SKABS GSUM NI GZHAN DU RGYAS PAR BSHAD ZIN TO, ,RGYUD 'DI'I SKOR NAS NI KUN SPYOD LAS, DANG PO MNYAM GZHAG RNAL 'BYOR PAS, ,'BAD DE NUS PA BSKYED PAR BYA, ,NUS PA SKYED PA'I RJES THOGS LA, ,YID LA 'DOD PA'I BRTUL ZHUGS SPYOD, ,SEMS CAN RJES SU GZUNG BA'I RGYUR, ,DPA' BO CHEN PO RGYU BAR BYA, ,ZHES GSUNGS LA SDOM 'BYUNG DANG KHA SBYOR LAS KYANG DROD THAB NAS SPYOD PA BYA BAR BSHAD DE, NYER DGU PAR, JI SRID DRO BA'I BYA BA DAG ,MNGON PAR
BRTZON PAS RTOGS PAR BYA, ZHES GSUNGS PA 'CHAD PA'O, ,DROD THOB PA NI SBYOR LAM BZHI'I YA GYAL GYI DROD LA LVA BA PAS BSHAD LA, MAN SNYE LAS, DROD NI RNAL 'BYOR GYI MTHU STE GANG LAS 'DI RNAL 'BYOR LA DGA' BAS RAB TU MGU BAR 'GYUR BA DANG, GLAGS TSOL BA RNAMS KYIS KYANG 'DI LA MI BZOD PA DANG, TSAR GCOD PA DANG RJES SU 'DZIN PAR NUS PAR 'DI RNAMS 'GYUR BA DANG, GRANG BA DANG RLUNG LA SOGS PA RNAMS KYIS ZIL GYIS MI NON PA'O, ,ZHES NUS PA KHYAD PAR CAN THOB PA LA 'CHAD DO, ,SPYOD PA NI GSUM STE SPROS BCAS DANG, SPROS MED DANG, SHIN TU SPROS MED KYI SPYOD PA'O, ,'DI GSUM GYI MTSAN NYID GZHUNG GZHAN DU MI GSAL LA, SPYOD BSDUS NAS RGYAS PAR BSHAD DO, ,MAN SNYE LAS SPYOD BSDUS LA BRTEN NAS 'DI'I SPYOD PA GSUM 'CHAD PA NI LEGS PAS, SPROS BCAS NI DKYIL 'KHOR GYI LHA GRANGS DANG MNYAM PA'I RNAL 'BYOR PA PHO MO LHA RANG RANG GI CHAS SU ZHUGS PA 'DUS NAS, SGRUB THABS BSGOMS PA'I MTHAR LAG PA'I PHYAG RGYA DANG, DE'I LAN DANG, GLU DANG DE'I LAN DANG, GAR DANG DE'I LAN GYI SPROS PA RGYAS PA DANG BCAS PAS 'DOD YON LA SPYOD PA'O, ,SPROS MED NI LAG PA'I PHYAG RGYA LA SOGS PA'I SPROS PA RGYA CHEN PO RNAMS BZHAG NAS, 'DOD YON LA SPYOD PA YIN TE, DE LA NI RNAL 'BYOR PHO MO LHA GRANGS DANG MNYAM PA RGYAS PA DANG, PHYAG RGYA MA LNGA'AM BZHI DANG LHAN CIG BYED PA 'BRING DANG, GCIG DANG LHAN CIG BYED PA BSDUS PA STE GSUM BSHAD DO, ,DE GNYIS NI LAS RGYA LA BRTEN NAS SPYOD PA BYED PA'O, ,SHIN TU SPROS MED NI PHYI'I SPROS PA KUN BZHAG NAS YE SHES KYI PHYAG RGYA TZAM LA
, ,BRTEN NAS PHYAG RGYA CHEN PO SGOM PAR BYED PA STE, 'DI LA BHU SU KU'I SPYOD PA ZHES KYANG ZER RO, ,YI GE DANG PO LA BHUNYDZA NA ZHES YI GE BSNAN PA'I NGES TSIG GIS BSHAD NA ZAS ZA BA DANG, SU TAN ZHES SBYAR TE BSHAD NA GNYID LOG PA DANG, KU tI SA RA ZHES SBYAR TE BSHAD NA BSHANG GCI'I PHYIR 'GRO BA'I 'CHAG PA STE, 'DU SHES DE GSUM TZAM MA GTOGS PA 'DU 'DZI SPONG ZHING, LUS DANG TSOR BA DANG YUL DANG DBANG PO GANG LA YANG MI SEMS PAR, GNYID DANG 'OD GSAL BSRES PA NYING SKYONG BAR BYED PA'O, ,KHA CIG BHU KT'A ZHES SBYAR NA ZA BA DANG ZHES 'CHAD DE, ,SPYOD PA BYED PA 'DI LA SHA ZA BZHIN DU 'KHYAMS TE SPYOD PA BYED PA DANG, KHYIM SPONG MI NUS NA RANG GI KHYIM DU SPYOD PA BYED PA GNYIS GSANG BA GRUB PA LAS GSUNGS LA, SDOM 'BYUNG LAS KYANG 'DAB MA BSKYOD PA BZHIN DU 'KHYAM PA DANG, DUR KHROD DANG SHING GCIG LA SOGS PAR BYED PA DANG, RANG GI KHYIM LA SOGS PAR BYED PA GSUM GYI NANG NAS, GANG 'DOD PA CIG BYA BAR GSUNGS PAS, GNAS MANG POR RGYU BA CIG NGES PAR DGOS PA MIN NO, , KHA SBYOR LAS PHYOGS LAS RNAM RGYAL GYI SPYOD PA DANG, KUN DHAR RAM AA BA DH'U T'I'I SPYOD PA DANG, SMYON PA'I BRTUL ZHUGS KYI SPYAD PA ZHES GSUNGS PA YANG SPYOD PA GSUM GYI NANG DU 'DU BA YIN GYI LOGS PA MIN NO, ,BSHAD PA LHAG MA NI GZHAN DU RGYAS PAR BSHAD ZIN PAS MA SPROS SO, ,LE'U GSUM GYIS SPROS BCAS DANG, SO BRGYAD PAS SPYOD PA GZHAN GNYIS STON CHUL NI GZHUNG GI SKABS SU BSHAD PAR BYA'O, ,GNYIS PA LA GSUM, BRTUL ZHUGS KYI SPYOD PA MCHOD GTOR DANG BCAS PA DANG, NANG
GI SBYIN SREG RIGS GCIG DANG LDAN PA'I CHOG, PHO NYA'I MTSAN NYID DANG DROD DAM NUS PA THOB PA'I GNAS SKABS KYI CHO GA'O, ,DANG PO LA GSUM, BSHAD PAR DAM BCA' BA, BSHAD PA DNGOS, LE'U YI MTSAN BSTAN PA'O, ,DANG PO NI, NYER DRUG PA'I RJES DE NAS BSHAD PAR BYA'O ZHES SBYAR RO, ,GANG NA DPA' BO STE RNAL 'BYOR PA'I PHYAG RGYA RIGS KUN LA SPYOD PA'I CHAS 'JUG RUS RGYAN LA SOGS PA'I BRTUL ZHUGS SO, ,DPA' BO DE JI 'DRA ZHIG CE NA, RNAL 'BYOR MA KUN GYI SGRUB PA PO'O, ,GNYIS PA LA GNYIS, SPYOD PA DANG BRTUL ZHUGS LA SPYAD TSUL, GTOR MA'I CHO GA'O, ,DANG PO LA GSUM, PHO NYA BTZAL NAS DE LA SPYOD PA'I TSUL, CHO GA DANG BRTUL ZHUGS JI LTA BUS SPYOD PA BYA BA, GTZANG SBRA'I MTSAN PA PHAN YON DANG BCAS PA'O, ,DANG PO NI, RNAL 'BYOR MA RNAMS SGRUB PA'I TSUL JI LTAR YIN ZHE NA, RNAL 'BYOR MA RNAMS KYI SNGAR BSHAD PA'I MTSAN NYID KYI DBYE BA STE KHYAD PAR RNAMS SHES PAR BYAS NAS, RNAL 'BYOR MA RNAMS BSGRUB PO, ,DGOS PA GANG GI DON DU ZHE NA, PHO NYA LA BRTEN NAS DNGOS GRUB MYUR DU 'JUG PA THOB PAR BYA BA'I DON DU'O, ,MYUR DU DNGOS GRUB 'JUG PAR 'GYUR, ,ZHES 'BYUNG NGO, ,PHO NYA TSOL BA'I TSUL NI, RNAL 'BYOR PA DE SKYE BO TSOGS PA'I GRONG DANG GRONG DU SONG NAS, DE NA GNAS PA'I PHO NYA'I GZUGS TE KHA DOG DANG DBYIBS LA SOGS PA YIS NI MTSON PA STE SHES PAR BYA'O, ,'O NA PHO NYA MO BSTEN PAR DKA' 'AM SLA SNYAM NA, PHO NYA MO NI RAL GRI'I SO DANG 'DRA STE, RAL GRI'I SO LA BRTEN PA NA 'JIGS SHING YID MA YENGS PA DGOS PA DE BZHIN DU PHO NYA MO DANG 'GROGS PA LEGS NA SDIG
, ,PA DAG PAR BYED CING, BSOD NAMS 'PHEL BAR BYED PAS SGRUB PA POS NI DNGOS GRUB 'THOB LA, BSTEN PA NYES NA PHAN YON MI 'THOB PAR MA ZAD NYES DMIGS SHIN TU CHE STE, HE RU KA MNGON 'BYUNG LAS, RNAL 'BYOR MED PAR RNAL 'BYOR CHOS, ,PHYAG RGYA LA NI BGROD GYUR DANG, ,YE SHES MED PAR YE SHES TSUL, ,DMYAL BAR 'GRO BAR THE TSOM MED, CES GSUNGS TE YUL RTEN KUN MTSAN NYID MA TSANG BAR DE LTAR BYED PA LA NYES DMIGS SHIN TU CHE BAR GSUNGS PA RNAMS SHES DGOS SO, , DE LTAR PHO NYA LA BRTEN NAS SPYOD PA BYED PA DE NI, NGAG GI BZLAS BRJOD DANG BSKYED RIM GYI BSAM GTAN DANG PHYI'I MCHOD PA MED PAR YANG MYUR BA NYID DU STE TSE 'DI NYID LA 'GRUB PAR 'GYUR BAS, SGRUB PA POS NANG GI SNGAGS BZLAS PA DANG, PHYAG RGYA LA BRTEN NAS NANG GI MCHOD PA NYID LA RAB TU 'JUG STE, 'DI LAS GZHAN PA STE MCHOG TU GYUR PA'I LHA MNYES PA'I MCHOD PA MED DO, ,DE LTAR BSTAN PA NI PHA RGYUD MA RGYUD KYI BSTAN BCOS KYI NGES PA STE MI 'GYUR BA YIN NO, ,DE LTAR SHES PA YIS PHO NYA LA BRTAN PA'I LAM LA DGA' BA RNAMS KYI SGRUB PA PO NI DNGOS GRUB SGRUB PA LA BRTZON PA YIN NO, ,RIG PA'I SNGAGS DANG PHYAG RGYAR YANG DAG PAR LDAN PA'I SGRUB PA PO HE RU KA'I RNAL 'BYOR LA SHIN TU MNYAM PAR BZHAG PAS, TZ'A RU STE BDUD RTZI'I BZA' BTUNG RTAG TU STE NYIN RE ZHING PHO NYA DANG LHAN CIG TU BZA' ZHING BTUNG BAR BYA BA DANG, MI BSKYOD PA LA SOGS PA'I RIGS KYI BUD MED RNAMS KUN LA SO SOR MI 'BYED PAR RIGS GCIG TU BYAS TE LONGS SPYOD PAR
BYA BA DANG, 'DI NI BZA' BAR BYA BA DANG 'DI NI BZA' BAR BYA BA MIN PAR MI BRTAG PA DANG, DE BZHIN DU BSRUNG BYA DANG BGRONG BYA YIN MIN DU BRTAG PAR MI BYA'O, ,DE KHO NA NYID DBYER MED PA DE YIS NI STE RGYU MTSAN DES NA, PHYAG RGYA'I RIGS SO SOR BYED PA DANG, BZA' BYA YIN MIN SOGS DE KHO NAR DBYAR MED LA, DE LTAR DU RTOGS PA'I RNAL 'BYOR PA CHEN POS KYANG DE DANG MTHUN PAR BYED PA'O, ,PHO NYA MO GNYIS NI ZHES SOGS LA KONG KA NA PA NI, 'JIG RTEN PA DANG 'JIG RTEN LAS 'DAS PA'I DNGOS GRUB GNYIS PHO NYA MO LA BRTEN NAS SGRUB PA'I DNGOS GRUB SGRUB PA'I CHO GA LA SPYOD PA'I TSE NI, PHO NYA LA SPYOD PA'I DPAL HE RU KA'I RNAL 'BYOR GCIG PU KHO NA MCHOG TU GYUR BA YIN NO, ,YANG NA DE'I TSE PHO NYA MO RNAL 'BYOR MA RAB TU BSKUL BAS DNGOS GRUB SGRUB PA STE 'GRUB PA DANG NYE BAR 'GYUR BAS RNAL 'BYOR DE MCHOG YIN NO, ,ZHES BZHED DE LANG KA DANG DPA' BO YANG DE'I RJES SU 'BRANG STE, PHO NYA MO YI SGRUB PA GNYIS ZHES PA DANG MTHUN NO, ,RANG DGA' NYID DANG ZHES PA NI SGRUB PO RANG GANG LA DGA' BA'I PHO NYA DANG LHAN CIG TU SGRUB PA'O, ,BLA MA DAM PA GCIG NAS GCIG TU BRGYUD PA'I RIM GYIS 'THOB PA'I DBANG BSKUR BAS, GANG GI TSE SNGAGS DANG LEGS PAR LDAN PAR GYUR PA DE YI TSE, BSTEN PAR BYA BA'I PHO NYA RNAMS SU YANG DAG PAR BSHAD DE, ,DE 'DRA BA'I PHYI'I RNAL 'BYOR MA DANG YANG DAG PAR SBYOR BA'I NGANG TSUL CAN DU GYUR PA'I TSE, LHAN CIG SKYES BA'I YE SHES LEGS PAR RAM YANG DAG PAR RDZOGS PAR 'GYUR RO, ,
, ,DE NI BCOM LDAN 'DAS KYI YE SHES KYI RGYU DANG BYED PA YIN TE, DPAL HE RU KA NI DE LAS SKYES PA YIN PA'I PHYIR RO, ,ZHES 'GREL PA RNAMS LAS 'CHAD DO, ,LVA BA PAS NI, DE NYID DBYER MED DU RTOGS PA DE YIS NI, DBANG BSKUR BA'I DON DU RGYAN THAMS CAD YONGS SU RDZOGS PA'I PHO NYA MO GNYIS BSGRUB PAR BYA STE, GCIG NI GSANG DBANG SBYIN PA'I DON DANG, GNYIS PA NI SHES RAB YE SHES KYI DON DU'O, ,DE GNYIS LA BRTEN NAS DBANG BSKUR TE SPYOD PA BYED PA'I RJES SU GNANG BA BYIN PA DE LA, DE'I RJES SU BLA MAS PHO NYA GCIG BYIN TE SPYOD PA BYED PA'I SLOB MA BDAG NYID CHEN POS, HE RU KA'I CHAS SU ZHUGS PA'I BRTUL ZHUGS KYI GZUGS KYIS PHYAG RGYA CHEN PO'I DNGOS GRUB KYI CHO GA'I DON DU PHO NYA LA BRTEN NAS BSGRUB PAR BYA'O, ,DE LTAR BLA MA'I MAN NGAG GI RIM PAS DBANG THOB PA NI, RNAL 'BYOR MA RNAMS KYIS GSUNGS PA'I YE SHES YANG DAG PAR RDZOGS PA'I LUS SU SKYE BA STE, SANGS RGYAS THAMS CAD KYIS PHYAG BYA BAR 'OS PA'O, ,ZHES 'CHAD DE, PHO NYA GNYIS ZHES SOGS KYI RKANG PA GSUM 'OG GI DBANG BSKUR BA DANG SBYAR NAS 'CHAD PA'O, ,BLA MA SNGA MA RNAMS PHO NYA GNYIS ZHING SKYES DANG LHAN SKYES DANG, PHO NYA GCIG PU ZHES PA SNGAGS SKYES LA 'CHAD DO, ,GNYIS PA LA GNYIS, CHO GA JI LTA BUS SPYOD PA BYA BA DANG, BRTUL ZHUGS JI LTA BUS SPYOD PA BYA BA'O, ,DANG PO NI, SPYOD PA BYED PA'I RNAL 'BYOR PAS THO RANGS SNGA BAR 'OD GSAL GYI DANG NAS LANGS TE, THUGS RDO RJE'I BDAG NYID KYI SEMS THABS SHES KYI SBYOR BA DANG
LDAN PAS DKYIL 'KHOR GYI 'KHOR LO BSGOM PAR BYA'O, ,LUS LA DPA' BO DRUG LA SOGS PA'I GO CHAS GO BSKON PA LA SOGS PA THAMS CAD BYAS NAS NI, LUS THAMS CAD LA GNAS PAR KUN TU SPYAD PA STE GO CHAS GA-YOG PAR BYA'O, ZHES 'CHAD DE, LUS LA SHIN TU GO CHA NI, ,LUS LA GNAS PAR KUN TU SPYAD, CES 'DON NO, ,LVA BA PAS, NYING LAG GI NI BSTAN BCOS RNAMS, ,LUS LA GNAS PAR KUN TU SPYAD, CES YAN LAG LAS 'DAS PA NYING LAG TU BYAS, SHASTA nI ZHES PA MTSON CHA DANG, BSTAN BCOS GNYIS LA 'JUG PA BSTAN BCOS SU MDZAD NAS, LUS LA GNAS PA'I NYING LAG STE LUS KYI CHA SHAS BYANG SEMS DKAR PO SOGS KYI BDUD RTZI LNGA LA KUN TU SPYAD PA NI, BGEGS THAMS CAD BZLOG PA DANG, TSOGS GNYIS 'PHEL BA'I PHYIR DU'O, , BSTAN BCOS NI RNAL 'BYOR GYI RIM PA STON PA'I BSTAN BCOS KYIS NYE BAR MTSON ZHING BSTAN PA YIN LA, DE KUN LA SPYOD PA NI KUN SPYAD DE, DES LUS DAG PAR BYED PA NI, LUS LA LHA BCU BDUN SOGS 'GOD PA DANG LUS DKYIL SGOM PA LA BSHAD DO, ,SNGAR BSHAD PA DE LTAR RTAG TU BSRUNG BA BYAS PA'I SNGAGS PAS SNGAGS NI BRJOD PA STE BZLAS PAR BYA'O, ,SNGAGS BRJOD PA STE BZLAS NAS SU RNAL 'BYOR NI BDE CHEN GYI TING NGE 'DZIN NO, ,DE SKYE BA'I GNAS NI BUD MED RNAMS SO, ,DE LA NGES PAR BSTAN PA NI GO CHA BYED TSUL BSTAN NAS GO BSKON PA NGES PAR BYA'O, ,SNGAR BSHAD PA'I MTSON CHA STE GO CHA RNAMS BGO BA LA 'GEM PA STE 'DA' BAR MI BYA BA'AM DAM TSIG RNAMS BSKYANG BAR BYA'O, ,DAM TSIG GCIG PA CAN BDE MCHOG LA
, ,SOGS PA'I RNAL 'BYOR PA RNAMS LA KHRO BA DANG SMAD PAR MI BYA STE, 'KHOR LO SDOM PAR DBANG BSKUR BA'I BLA MA DANG SLOB MA DANG PHO NYA LA ZHE SDANG BSKYED NA, BYANG CHUB TU SEMS BSKYED NAS BSKAL PA BYE BAR BSOD NAMS KYI TSOGS BSAGS PA YANG SKAD CIG LA 'JOMS PAS, DE LTA BU LA SDANG BA SDOM PAR MNGON PAR BRTZON PA LAS 'DA' BAR MI BYA'O, ,ZHES LVA BA PA DANG LHA SBAS KYIS BSHAD DO, ,DAM TSIG CAN MA DE RNAMS DANG LHAN CIG PHYAG RGYA CHEN PO'I THABS SU BDE BA BSKYED PAR BYA'O, ,GROL BA'I DON NI BDAG GI LUS GNAS PAR BYA BA DANG, LUS DE'I DON DU BDUD RTZI RNAM PA LNGA BSTEN PAR BYA BAR LHA SBAS KYIS BSHAD DE, DE DON DU ZHES 'DON NO, ,'GREL PA GSUM LAS BDAG GI DON DU THUN BZHI BYA ZHES 'BYUNG STE SLA'O, ,BSRUNG BA DANG BZA' BA'I DAM TSIG LA SPYOD PA NYID DU BYA'O, ,RNAM 'KHRUL ZHES PA LA, NGES 'KHOR CI DGAR GROL BAR 'GYUR, ZHES 'BYUNG ZHING DE'I DON NI, GANG NGES PAR 'DI LTAR NYIN MTSAN DU 'KHOR BA'I RNAL 'BYOR PA 'PHRUL PA'I BYA BA LAS GROL TE, JI LTAR DGA' BAR TE 'DOD PA BZHIN DU THAR BAR 'GYUR RO ZHES 'CHAD DO, ,MTSAN MO NI RTAG PAR TE RGYUN DU GOS MED CING SKRA GROL BA'I GCER BUR BYAS NAS RANG SKU MDOG GNAG PA'I HE RU KA DANG, RIG MA KHA DOG DMAR BA'I RDO RJE PHAG MOR BYAS TE PHYAG RGYA MO MCHOD PAR BYA'O, ,GNYIS PA NI, DE LA MGUL RGYAN DANG LAG PA'I GDU BU DANG, DPUNG RGYAN DANG RNA CHA DANG TSANGS PA'I SKUD PA DANG, MGO BO RLON PA'I PHRENG BAS MGUL
PA LA BRGYAN PA DANG, RKUN MA BSAD PA'I SKRA LAS BYAS PA'I SKA RAGS SKOR GNYIS PA DANG, RKANG GDUB SIL SIL GYI SGRA SGROGS PA'I GA-YER KHAS SPRAS PA DANG, RAL PA GYEN DU BRDZES PA'I COD PAN DPA' BO'I DAR DPYANGS BCINGS PA DANG, BCOS MA'I SKRA DANG SKRA DNGOS LA SOGS PAS BRGYAN ZHING, RDO RJES MTSAN PA'I THOD MGA KHA tV'Am GA DANG BCAS PA DANG, d'A MA RU BRDUNG ZHING NGAG TU H'Um GI SGRA SGROGS PA ZHES PA NI SPYOD PA BYED MKHAN LHA'I CHAS SU 'JUG PA'O, ,'DI DAG GIS SPROS BCAS KYI SPYOD PA STON PA N'A RO PA'I MAN NGAG YIN PAS, HE RU KA LAS GZHAN PA'I LHA'I CHAS SU 'JUG PA YANG STON PA NI, DPA' BO NYER BZHI'I CHAS SU ZHUGS PA'I RNAL 'BYOR PA DANG, DPA' MO NYER BZHI'I CHAS SU ZHUGS PA'I RNAL 'BYOR MA THAMS CAD NI, DPA' BO DANG DPA' MO'I GO CHA DANG, GO CHA CHEN PO GSUM GYIS BRGYAN PA STE BSRUNGS PA YIN NO, ,DE DAG GIS NI MA MO BCU GNYIS DANG GTZO MO'I CHAS SU ZHUGS PA'I RNAL 'BYOR MA YANG SHES PAR BYA STE, ZHI BA'I 'DUS PAS LEGS GNAS PA'I, ZHES SOGS KYI SKABS SU YANG 'CHAD PAR 'GYUR RO, ,GNAG DANG DMAR BAR ZHES PA'I MJUG DANG, SROG CHAGS YAN LAG CES PA'I GONG GI BAR 'DIR, MGUL RGYAN ZHES PA NAS BRGYAN PA YIN, ZHES PA'I BAR RNAMS 'GREL PA GZHAN GYI 'GYUR LA MED PA MANG BAR SNANG NA'ANG, MAR DO RKYANG PA'I 'GYUR LAS 'BYUNG BA 'DI, LVA BA PA'I 'GREL PA DANG YANG MTHUN ZHING, BHA BA'I 'GREL PA'I 'GYUR LAS KYANG DE BZHIN DU 'BYUNG LA, DKA' RGYAL GYI 'GREL PA'I
, ,DGONGS PA YANG DER SNANG NGO, ,GO CHA GSUM ZHES PA DANG, GO CHA GNYIS ZHES PA MI 'DRA BAR 'BYUNG NGO, ,BHA BAS GO CHA GSUM NI 'KHOR LO GSUM GYI LHA SGOM PA LA BSHAD DO, ,DPA' BO DPA' MO ZHES PA'I RKANG PA GNYIS GZHAN DU DRANGS PA'I 'GYUR LA, DPA' BO KUN DANG RNAL 'BYOR MA'I, GO CHA, ZHES KYANG 'BYUNG BA LTAR NA DPA' BO'I GO CHA DANG, DPA' MO'I GO CHA GNYIS KYIS BRGYAN PA'I DON NO, ,SROG CHAGS KYI YAN LAG STE LUS LAS BYUNG BA'I STAG LPAGS DANG GLANG LPAGS KYI SMAD GA-YOGS DANG STOD GA-YOGS NA BZAR GYON ZHING, LHAN SKYES KYI BDE BA 'DOD CING DON DU GNYER BAS BDE BA DE BSKYOD PA STE BSKYED PAR BYA STE, KUN SPYOD LAS, BDE DON GNYER BAS BDE BA BSKYED, ,CES GSUNGS PA BZHIN NO, ,RIG BYED KYI GZHUNG LAS DAG BYED DU BSHAD PA'I MCHOD PHYIR THOGS TSANGS SKUD NI YONGS SU SPANGS LA, SHR'I HE RU KAR GNAS PA'I RNAL 'BYOR NI GTZANG SBRA CHEN PO'O, ,DE'I TSE MGUL RGYAN LA SOGS PA'I PHYAG RGYA'ANG SPONG NGAM ZHE NA, MGUL RGYAN LA SOGS PA'I PHYAG RGYA LNGA DANG YANG DAG PAR LDAN PA NI, DUS KUN TU NI RNAM PAR GNAS PA STE YANG DAG PAR SPYAD DO, ,ZHES 'CHAD DE, ,MCHOD PHYIR THOGS KYANG GZHAN NAS 'BYUNG BA LTAR GYI TSANGS SKUD SPONG GI GTAN SPONG BA MIN NO, ,SGRUB PA PO NAS THAL BA DANG ZHES PA'I BAR NI 'GREL PA GANG LA'ANG MED CING THAL BA MA GTOGS PA SNGAR BSHAD ZIN PAS MI DGOS SO, ,SPYOD PA LA SPYAD PA DE YANG MTSAN MO RTAG PAR GSAL
BAR BYA ZHING, NYIN PAR NI GSANG BA NYID DU BYA STE, DE YANG SNYOMS 'JUG GI BYA BAS BSKYED PA'I LHAN SKYES KYI YE SHES NI SHIN TU SBAS TE BSTAN LA, SPYOD LAM RAB TU ZHI ZHING NGAL BA THUL BA STE, SKYO BA MED PAR SPYAD DO, ,MTSAN MO ZHES SOGS RKANG PA BZHI PO 'DI 'GREL PA GZHAN RNAMS LA MI SNANG YANG, 'GYUR BZHI KA LA 'BYUNG BA LTAR BHA BA'I 'GREL PAR YANG 'BYUNG NGO, ,GSUM PA LA GNYIS, GTZANG SBRA'I MCHOD PA DANG, DE LTAR BYAS PA'I PHAN YON NO, ,DANG PO NI, HE RU KA'I RNAL 'BYOR GYIS GTZANG SBRA BYED PA DE LA GTZANG SBRA RNAM PA GSUM DU SHES PAR BYA STE, DE YANG HE RU KA RANG GI GSUNG GI RGYUN BZHIN DU RNAM PAR GNAS PA'O, ,BRAM ZE LA SOGS PA'I RIGS BZANG PO DANG RIGS MIN PA MTHAR SKYES KYI RIGS KYI NGOR MI LTA BA STE, DE DAG GI NGO SRUNG GI SPYOD PA SPONG BA DANG, YANG YANG GTZUG PHUD BCINGS PA DANG, LA SOGS PAS DOD PAN DANG THAL BA DANG RAL PA LA SOGS PA 'JIG RTEN PA'I SPYOD PA GZHAN DAG KYANG SPANGS PA YIN NO, ,GTZANG SBRA GSUM LAS DANG PO NI PHO NYA LA BRTEN PA YIN TE, DE NI RGYAL BA THAMS CAD KYI BDE BA RIN PO CHE'I 'BYUNG GNAS YIN PA'I PHYIR RO, ,GNYIS PA NI ZHI BA'AM ZLA BA ZHES PA BDUD RTZI LNGA DANG CHANG YIN PAR 'DOD DE, RA RO BA MA YIN PAR BSTAN NO, ,PHYAG RGYA DANG SNOD GCIG TU ZAS BZA' BA NYID NI GTZANG SBRA GSUM PA YIN PAR BSHAD DE, RNAL 'BYOR PA YIS RTAG PA RU STE RGYUN DU GTZANG SBRA GSUM PO 'DI DAG RAB TU BSKYANG BAR BYA'O, ,DE LTAR KHAMS RGYAS PA'I THABS SU ZHI BA'I BTUNG BA DANG KHA ZAS BZANG PO ZOS TE,
, ,PO NYA LA BRTEN NAS BDE STONG GI TING NGE 'DZIN 'PHEL BAS, GTZANG MA'I DAG PA'I RIM PA RIM GYIS THOB NA, GTZANG SGRA GSUM PO GANG LAS PHYAG RGYA CHEN PO'I DNGOS GRUB 'BYUNG BAR MI 'GYUR TE 'BYUNG BAR 'GYUR RO, ,RNAL 'BYOR GYI RGYUD DE NYID BSDUS PA DANG, SGYU MA BDE MCHOG DANG, GSANG BA MDZOD KYI RGYUD DANG, RNAL 'BYOR GYI RGYUD DPAL MCHOG DANG PO DANG, RDO RJE 'JIGS BYED KYI RGYUD DANG, BZLAS PA DANG BRTUL ZHUGS DANG, SOGS KYIS SBYIN SREG DANG 'KHRUL 'KHOR SOGS KYIS DNGOS GRUB 'GRUB PA DE, GTZANG SBRA GSUM BYED PA 'DIR PHO NYA MO LA BRTEN PA'I BSAM GTAN TZAM GYIS NI, SNGAGS PAS SKAD CIG GIS TE MYUR DU 'GRUB PAR 'GYUR ZHES PA NI, PHO NYA LA BRTEN PA'I CHE BA STON NO, ,SNGAR BSHAD PA 'DI NI RNAL 'BYOR PA PHO NYA'I LAM LA DGA' BA RNAMS KYI GTZANG SBRA'I SPYOD PAR BSHAD DO ZHES MJUG BSDUS SO, ,GNYIS PA NI, GTZANG SBRA GSUM BYAS PA LAS BYUNG BA'I BSOD NAMS SU GANG GYUR BA, SGRUB PA PA'I YON TAN RGYA CHEN PO NI SMRA BAR NUS PAR 'OS PA MA YIN NO, ,JI LTAR DU MI NUS PA NI, KHA CIG GIS NI SMRA BAR YANG CI LA NUS TE, STONG PHRAG BRGYA YI GDONG DU GYUR BA'I KHAS BRJOD PA MIN PAR GDONG GCIG GI KHA YIS BRJOD PAR MI NUS SO, ,LO CHEN GYI 'GYUR LAS, SGRUB PA PO'I YON TAN RGYA CHEN PO, ,STONG PHRAG GCIG PA'I ZHAL MIN PAR, ,KHA CIG GIS NI BRJOD MI NUS, ,ZHES 'BYUNG NGO, ,CI'I PHYIR SGRUB PA PO PHAN YON DE LTA BU DANG LDAN PAR 'BYUNG ZHE NA, DPAL HE RU KA NYID YE SHES CHEN PO YIN LA, NYON MONGS PAS RNAM PAR DAG PA'I YON
TAN GYI MTSAN NYID STOBS BCU LA SOGS PA KUN TSANG BA DE LTA BUR RNAL 'BYOR PA YANG 'GYUR BAS PHAN YON CHE'O, ,SGRUB PA PO PHO NYA MO DANG GNYIS SU MED PAR SBYOR BA LAS BYUNG BA YI BDE BA'I CHU STE BDE STONG GNYIS SU MED PA NYID GNYIS SU MED PAR SBYOR BA'I SGRUB PA PO YIS, REG PA STE BSTEN PAS GZHAN GYI LUS LA REG PA DANG NI GTAM SMRAS PAS KYANG DAG PAR BYED CING, SDIG PA 'JOMS PAR BYED PAS, SDIG PA KUN LAS GROL BAR 'GYUR NA RNAL 'BYOR PA LTA CI SMOS, DE LTAR SDIG PA THAMS CAD LAS RNAM PAR GROL BAR BYED CING, LUS TE RGYUD DAG PA LAS SKYON MED PA'I MI'I MCHOG KUN NAS GTZANG SBRA'I SPYOD PA BYED PA DE, SDIG PA STE SGRIB PA THAMS CAD RNAM PAR DAG PA'I DE BZHIN GSHEGS PA RDO RJE 'CHANG GI SA 'THOB PAR 'GYUR RO, ,GO 'PHANG MCHOG DE TSE 'DIR MA THOB KYANG SDIG PA THAMS CAD RNAM PAR DAG PA'I DE BZHIN GSHEGS PA DE'I RIGS SU SKYE ZHING STE SKYE BA DANG, SNGAGS SPYOD PA'I CHOS DANG LDAN PA'I RGYAL POR SKYE BAR 'GYUR RO, ,BAR 'DIR LVA BA PA'I 'GREL PA LAS, BZA' DANG BTUNG BA SOGS LDAN PAS, ,BDAG NYID SANGS RGYAS KUN SOGS MCHOD, CES RKANG PA GNYIS PA GCIG 'BYUNG STE GZHAN LA MED DO, ,GNYIS PA NI, SNGAR BSHAD PA DE LTAR RTAG TU GTZANG SBRA'I MCHOD PA BYAS NAS SU BSAM PA GUS PA YIN, 'JIG RTEN LAS 'DAS MA 'DAS KYI MGRON RNAMS LA GTOR MA SBYIN PAR BYA'O, ,DGOS PA GANG GI DON DU NA, SGRUB PA PO RANG GANG MNGON PAR 'DOD PA'I LAS SGRUB PA LA RNAL 'BYOR PAS BSHAD RGYUD LAS GSUNGS PA'I CHO GA JI LTA BA BZHIN DU GTOR MA SBYIN
, ,PAR BYA'O, ,DE YANG SDOM 'BYUNG LAS, DKYIL 'KHOR SBYIN SREG BZLAS PA DANG, ,RAB GNAS ZHI BA RGYAS PA DANG, ,DBANG DANG BSKRAD PA BSAD PA DANG, ,'BYUNG PO GNOD SBYIN MO SGRUB DANG, ,GNAS KYI SGRUB PA'I DUS RNAMS DANG, ,LAS RNAMS KUN LA MCHOG YIN TE, ,MYOS BYED GTOR MA MED PAR LAS, ,MYUR DU 'GRUB PAR MI 'GYUR RO, ,DES NA SNGON GYI SANGS RGYAS KYIS, ,GTOR MA'I RAB TU BSNGAGS PA GSUNGS, ZHES GSAL BAR GSUNGS SO, ,GTOR MA'I DUS NI SPYIR RGYUN DU BA YIN LA, KHYAD PAR BA NI ZLA BA MAR GYI NGO'I TSES BCU DANG, ZLA BA YAR GYI NGO'I TSES BCUR GANG GYUR PA LA, MYUR DU 'BAD PAS GTOR MA'I MCHOD PA BYA STE, 'OG GI MTSAN MO ZHES PAS KYANG DUS STON TE, MTSAN PHYED NA SBYIN PAR BSHAD DO, ,DGUN ZLA 'BRING PO'I TSES BCU YAR MAR GNYIS BSNGAGS PA CHE STE, KUN SPYOD LAS, DGUN 'BRING LA SOGS ZLA BA YI, ,BCU PA LA NI GUS PAS MCHOD, CES GSUNGS SO, ,GTOR MGRON NI, RDO RJE LHA MO ZHES PA MTSON PA TZAM STE, KUN SPYOD DANG SDOM 'BYUNG LAS GSUNGS PA LTAR, DKYIL 'KHOR PA'I LHA DANG DUR KHROD BRGYAD NA GNAS PA'I PHYOGS SKYONG LA SOGS PA'O, ,GTOR MA'I RDZAS NI MYOS BYED CHANG DANG SHA RNAMS KYIS MCHOD CES PA'O, ,GTOR MA SBYANG BA LA SOGS PA NI BSHAD RGYUD RNAMS LA SDOM 'BYUNG GSAL LA, DE NAS 'BYUNG BA'I DGONGS PA LVA BA PA'I NA BZA' CAN GYIS LEGS PAR BKRAL BA SOGS NI, L'U AI PA'I RNAM BSHAD DANG SGRUB THABS SU BSHAD ZIN PA LAS SHES PAR BYA'O, ,GTOR MA PHUL BA'I PHAN YON NI, SGRUB
PA PO'I SKYE BO GUS PA'I BSAM PA CAN GYIS MGRON GNYIS PO DE RNAMS LA, GTOR MAS MCHOD PA BYAS NA, HE RU KA DPAL SGRUB PA PO LA MNGON PAR DGA' BA STE DGYES PAR 'GYUR LA, DGYES NA MGU BA'I SEMS TE THUGS KYIS MCHOG STE DNGOS GRUB STZOL BAR 'GYUR BAS, SGRUB PA PO DE RNAMS KYI LAG NA MCHOG STE DPAL GNAS PAR 'GYUR RO, ,GANG GI PHYIR MCHOG STZOL PA DE'I PHYIR GTOR MAS MCHOD PAR BYA'O, ,ZHES PA'O, ,KUN SPYOD LAS, MCHOD PA'I SKYE BO GUS PA DANG LDAN PAS, ,SHR'I HE RU KA MNGON DGYES GYUR PA LA, ,THUGS NI DGYES PAS MCHOG NI STZOL 'GYUR TE, ,GANG PHYIR MCHOG NI DE YI LAG NA GNAS, ZHES GSUNGS SO, ,GTOR MA'I DUS SU RANG GI LHA'I RNAL 'BYOR JI LTA BUS BYED PA NI, RANG NYID SHR'I HE RU KA'I BDAG NYID DU DBYER MED PAR SBYOR BAS GTOR MA BYIN NA, MA MO RNAMS MNYES PAR 'GYUR RO, ,SDOM 'BYUNG LAS KYANG, DANG POR LHA YI RNAM PA NI, ,PHYAG GNYIS BDE MCHOG RNAL 'BYOR LDAN, ,BSRUNG BA GNYIS KYIS YANG DAG BSRUNG, ,H'Um YIG SGRA NI SGRAG PA DANG, ,NYI SHU RTZA BZHI'I GNAS KYI NI, ,LUS KYI KHAMS LA BRGYAN PA DANG, ,SKAD CIG RNAM PA'I RNAL 'BYOR GYIS, ,SKAD CIG GIS NI SNGAGS BRJOD BYA, ZHES GSUNGS TE, 'GREL PAR BDE MCHOG PHYAG GNYIS PA'I RNAL 'BYOR SNGON DU 'GRO BAS, SKAD CIG MA'I SNGAGS BRJOD NAS, SKAD CIG LA PHUNG PO KHAMS SKYE MCHED DAG PA DANG, GO CHA GNYIS DANG, LUS KYI GNAS NYER BZHI RNAMS LA, DPA' BO DANG DPA' MO NYER BZHI LA SOGS PA MTHA' DAG TSANG BAR LHAG PAR MOS TE MDUN DU DRI BZANG LA SOGS PA'I MAndAL BYAS LA, DER LHA'I
, ,'KHOR LO MCHOD NAS GTOR MA GTONG BAR BSHAD DE, CHO GA 'DI BDE'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, SPYOD PA DANG BRTUL ZHUGS DANG MCHOD PA DANG GTOR MA'I CHO GA'I LE'U STE NYI SHU RTZA BDUN PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA BDUN PA'I BSHAD PA'O,, ` ,,GNYIS PA NANG GI SBYIN SREG RIGS GCIG DANG LDAN PA'I CHO GA LA LNGA, NANG GI SBYIN SREG BYA BA YIN MIN GYI CHA DANG BCAS PA, GA-YON PA'I KUN SPYOD DANG RIGS GCIG GI CHO GA ,SBYIN SREG GI CHO GA GZHAN BSTAN PA, RIGS GCIG GI CHO GA PHAN YON DANG BCAS PA, LE'U YI MTSAN BSTAN PA'O, ,DANG PO LA GNYIS NANG GI SBYIN SREG GI CHO GA ,BYA BAR RUNG MI RUNG GI RNAM DBYE BSTAN PA'O, ,DANG PO NI, GANG YANG ZHES PA LA 'GREL PA RNAMS LAS DE NAS ZHES 'BYUNG BAS, NYER BDUN PAR SPYOD PA DANG BRTUL ZHUGS SOGS BSTAN PA DE NAS NANG GI SBYIN SREG SOGS STON NO, ,SNGAR BSHAD PA'I PHO NYA DANG LHAN CIG GNAS NAS LEGS PAR MCHOD PA NI, BLA NA MED PA'I MCHOD PA'I DON BYED PA'I PHYIR RNAM PAR DAG PA'I DNGOS PO STE BDAG NYID DO, ,MYA NGAN LAS 'DAS PA NI MCHOG TU DGA' BA LHAN CIG SKYES PA'I GNAS SKABS SO, ,DE LAS BYUNG BA NI DE'I RJES THOGS SU DPA' BO DANG RNAL 'BYOR MA RNAMS MCHOD PAR BYA'O ZHES SBYAR RO, ,DE LTAR PHYI DANG GSANG BA'I MCHOD PAS BDAG NYID MCHOD PA DE YIS NI BDAG NYID SANGS RGYAS SU BYAS
PA MCHOD PAS, SANGS RGYAS DANG SOGS PAS BYANG SEMS KUN MCHOD PA DANG, DPA' BO DANG RNAL 'BYOR MA KUN DANG, BRTAN PA SNOD DANG GA-YO BA MI LA SOGS PA THAMS CAD MCHOD PAR 'GYUR TE, BDE BA CHEN PO'I BDAG NYID KYI HE RU KAR MOS NAS MCHOD PA'I PHYIR RO, ,LO CHEN GYI 'GYUR LA SOGS PA MED PA LTAR BDE'O, ,CHOS LHAN CIG TU NYAN PA'I SPUN DANG, DPA' BO ZHES PA LA SDUG PA ZHES 'BYUNG STE, BSAM PA DAG CING RNAL 'BYOR GCIG TU BYAS PA DANG, 'ANG GI SGRAS RNAL 'BYOR MA RNAMS MCHOD PAR BYA STE, DE RNAMS MCHOD PA MA GTOGS PAR RNAL 'BYOR PA DE'I PHUN TSOGS THOB PAR MI 'GYUR BA'I PHYIR RO, ,SPUN LA SOGS PA YANG JI LTA BU ZHE NA, CHANG DANG BDE CHEN GYI ZHI BA'I BYA BA LA 'DUS PAS LEGS PAR GNAS PA'I RNAL 'BYOR PHO MO'O, , 'DES NI LHA DANG GRANGS MNYAM PA'I RNAL 'BYOR PHO MO'I TSOGS KYI DKYIL 'KHOR STON LA, DE RNAMS LA ZHI BA'I BTUNG BA LA SOGS PAS MCHOD PA NI NANG GI SBYIN SREG BYED PA'O, ,DE RNAMS 'DUS NAS GLU DANG GLU'I LAN LA SOGS PA'I SPROS PA RGYA CHEN BYED PA NI, SPROS BCAS KYI SPYOD PA BYED PA YIN LA, SPROS PA DE RNAMS BZHAG NAS BYED NA SPROS MED KYI SPYOD PAR 'GYUR RO, ,GNYIS PA NI, RANG DANG BDE BA DANG SDUG BSNGAL KUN LHAN CIG TU STE THUN MONG DU 'BYUNG BA'I SPUN DANG BU LA SOGS PA DER NI, 'JIG RTEN PA'I BRTZE GDUNG KYI DBANG GIS SNGAGS DANG PHYAG RGYA 'CHING BA DANG, PHYAG RGYA CHEN PO'I YE SHES DANG, DKYIL 'KHOR DANG TSOGS KYI 'KHOR LO BSTAN PAR MI BYA ZHING, RDO RJE'I GLU THOS PAR MI BYA'O, ,DE BZHIN DU DAM TSIG
, ,LA SKUR ZHING SLOB DPON LA SMOD PA DANG SEMS CAN RNAMS SUN 'BYIN PAR BYED PA LA MI BSTAN TE, DE RNAMS LA BSTAN NA DE RNAMS DMYAL BAR 'GRO ZHING, DE YIS DER 'DUS PA'I SEMS CAN GZHAN RNAMS KYI'ANG BYANG CHUB KYI SEMS DRI MA CAN DU 'GYUR RO, ,ZHES GSUNG NGO, ,'GYUR GZHAN LAS, MA DAD THAMS CAD SUN 'BYIN BYED, ,CES KYANG 'BYUNG NGO, ,DAG BYED C'A RU BZA' BAR BYA, ,ZHES PA NI SNOD MIN DE RNAMS GZUNG BA'I PHYIR DU, ZAS LA PHYOt GCIG TU SPYAD PAR BYA ZHES 'CHAD DO, , DE LTAR BYAS NA RTAG TU DAM TSIG LA SPYOD PAR 'GYUR RO, ,ZHES LHA SBAS GSUNG NGO, ,GZHAN DAG NI DAD PAR BYED PA'I ZAS LA SPYAD PAS DAM TSIG LA SPYAD PAR 'GYUR RO ZER RO, ,BRKAM CHAGS LA SOGS PAS RGYAL PO LA SOGS PA SU LA'ANG GSANG SNGAt TE DBANG BSKUR BA LA SOGS PA RNAM PA THAMS CAD DU SBYIN PAR MI BYA ZHING, MAN NGAG RNAM PAR BSTAN PAR MI BYA'O, ,LO CHEN GYI 'GYUR LAS, MAN NGAG RNAM PAR BSTAN MI BYA, ZHES 'BYUNG NGO, ,BHA BAS, MAN NGAG RNAM PAR NYAMS MI BYA, ZHES 'DON PA'I DON LAN CIG TZAM GSOL BA BTAB PA LA, SRED PA'I DBANG GIS DBANG BSKUR BA SOGS MI BYA BA LA BSHAD DO, ,'O NA GANG LA SBYIN SNYAM NA, DBANG BSKUR BA DANG DAM TSIG LA GNAS PA LA MAN NGAG RNAMS KYANG DON JI LTA BA BZHIN DU SBYIN PAR BYA'O, ,PHO NYA MO DAM TSIG DANG LDAN PA MA GTOGS PA 'DOD MA'I KHYAD PAR GZHAN DAG LA, 'DOD PA LA RMONGS PAS BGROD PAR MI BYA'O, ZHES ZER RO, ,KHA CIG NI, PHO NYA'I LAM NI NYON MONGS PA GLO BUR BA SBYANGS NAS TSA 'DI NYID LA
RDO RJE 'DZIN PA STER BA'O, ,DE BOR NAS RNAL 'BYOR GZHAN NYAN THOS DANG, BYA BA DANG SPYOD PA LA SOGS PA RNAMS SU BSTAN PA LAS, DNGOS GRUB THAMS CAD 'DOD PA DE DAG NI RMONGS PAS DNGOS GRUB MED CING BDE BA MED DE, RGYAL SRID SHOR BA BZHIN LAM MCHOG LA DAD PA DANG BRAL BA'I PHYIR RO ZHES 'CHAD DO, ,'O NA JI LTAR BYA ZHE NA, PHO NYA MO LA RTAG TU ZHEN PA STE CHAGS PAS BSTAN NA, THAR BA STE GROL BAR 'GYUR RO, ,ZHES 'CHAD DO, ,BHA BA NI, PHO NYA MO BSRUNGS RTAG THAR PA, ,ZHES 'DON PA'I DON PHO NYA MO STE LAS RGYA LA GO CHA'I BSRUNG BA BYAS TE, DE YIS THAMS CAD DU MNGON PAR ZHEN PA ZHI BAR BYA'O, ,YANG NA PHO NYA DBANG DU BYAS TE, GZHAN LA MI 'GRO BAR BYED PA NI PHO NYA BSRUNG BA'O, ZHES ZER RO, ,GAL TE SHIN TU LEGS PAR BSLABS PA'I PHYAG RGYA MED NA, SKAL BA BZANG PO'I PHYAG RGYA 'DA' BA YIS KYANG STE LEGS PAR SBYAR TE LONGS SPYAD PAR BYA'O, ,SKAL LDAN NI DAM TSIG DANG LDAN PA'I PHO NYA MO 'DA' BA STE STOBS LA SOGS PAS BLANGS LA SPYAD PAR BYA ZER RO, , LAS RGYA SKYE GNAS BZANG BA'AM NGAN PA YIN YANG RUNG PHO NYA'I MTSAN NYID PHUN SUM TSOGS PAR MA GYUR NA, SKYE GNAS DMAN PA YIN LA, DE LA MI GNAS PA NI MTSAN NYID TSANG BA YIN PAS DE LA BSNYEN BKUR GYIS GUS PAR BYA BA NYID DE DE TZAM NA BYA BA MIN NO, ,LVA BA PAS, PHO NYA MO MTSAN NYID DANG LDAN PA LA BZA' BTUNG LA SOGS PAS BSNYEN BKUR BA NYID DE KHO NA'AM DE TZAM ZHIG BYA BA MIN GYI, SNYOMS PAR 'JUG PAR BYA STE, JI SKAD DU, BSNYEN BKUR GYI NI DON CAN MIN, ,
, ,CHAGS PAS 'DUS PAR DGA' BA STE, ,DE PHYIR 'KHYUD PAR RAB TU BYA, ,RJES SU CHAGS DANG LDAN PAS 'THOB, ,GZHAN DU BDE BAR MI 'GYUR RO, ,ZHES GSUNGS SO, ,RDO RJE'I RIGS LA SOGS PA'I SKYE GNAS DMAN PA RNAMS DANG, DANG GI SGRAS BRAM ZE'I RIGS LA SOGS PA SKYE GNAS MCHOG GZUNG NGO, ,DE RNAMS KYANG SHIN TU BRTZE ZHING GDUNG BA'I DBANG GIS MA DANG SRING MO DANG BU ME DANG CHUNG MA BZHIN DU, PHO NYA MOR GNAS NA LHAG PAR SDUG PA'I SEMS KYIS RTAG TU MCHOD PAR BYA'O, ,DE 'DRA BA DE LA BSHUNG ZHING DMAN PA'I SEMS KYIS DKA' THUB BYED NA, PHUN SUM TSOGS PA THAMS CAD NGES PAR ZAD PAR 'GYUR LA, DKYIL 'KHOR GYI 'KHOR LO BSGOMS PA LA BRTEN NAS GRUB PA STE DGE BA BSAGS PA RNAMS KYANG, SNGAR BSHAD PA DE BZHIN DU ZAD PAR 'GYUR RO, ,'KHOR LO GRUB PA'ANG DE BZHIN DU'O, ,ZHES LHA SPRAS KYI 'GREL PAR 'BYUNG BA 'GYUR LEGS SO, ,DE LTA BUS DAM TSIG NYAMS NA, DE LAS LDANG BA'I THABS DAM TSIG GSO BA'I SGRUB THABS DANG, BZLAS PA LVA BA PA DANG LHA SPRAS KYI 'GREL PAR BSHAD DO, ,MCHOG DANG LHAN CIG 'JUG PAR BYA, ,ZHES PA LTAR NA PHO NYA MCHOG DANG LHAN CIG TU ZLA BO 'GUGS PA'I CHO GA LA RNAM RTOG MI BYA ZHING, ZAS LA LHAN CIG TU LONGS SPYAD NA DAM TSIG GI SPYOD PA BYAS BAS DAG PAR 'GYUR RO, ,ZHES BYA STE, MCHOG DANG THA MA LHAN CIG 'GUGS, ,ZHES MANG PO LAS 'BYUNG BA'I MCHOG DMAN NI PHO NYA LA BYA'O, ,DE LTA BU'I RDZAS BSTEN PA NI DON DAM PA'I NGES
PA'AM SANGS RGYAS RNAMS KYI NGES PA NI DE LTA BU'O ZHES 'CHAD DO, ,LVA BA PAS, MCHOG NI LHAN CIG SKYES MA'O, ,'BRING NI ZHING SKYES MA'O, ,THA MA NI SNGAGS SKYES MA STE DE RNAMS DANG LHAN CIG TU SBYAR BAS 'GUGS PA STE BSKYED PA RTZAR CHUD PA'I DBANG PO THAMS CAD LAS BYUNG BA, DE LTA BU'I RDZAS NI NGES PAR SPYAD PAR BYA BA YIN, ZHES 'CHAD DE, MCHOG 'BRING THA MA LHAN CIG 'GUGS, ZHES 'DON NO, ,GNYIS PA LA GNYIS, GA-YON PA'I KUN SPYOD DANG, RIGS GCIG GI CHO GA'O, ,DANG PO NI, 'JIG RTEN TE RNAL 'BYOR PA RTAG TU GA-YON NAS SPYOD PAR BYED DO, ,ZHES MDOR BSTAN TE, RNAL 'BYOR PA RTAG GA-YON NAS SPYOD, CES 'BYUNG NGO, ,GA-YON NAS SPYOD PA DE JI 'DRA BA ZHE NA, 'GRO BA NA RKANG PA GA-YON PA SNGON DU 'DER BA DANG, , LAG PA'I BYA BA LA LAG PA GA-YON PA SNGON DU YONGS SU BSGYUR BA STE DES STON PA SOGS BYED PA DANG, LAG PA GA-YON PA MCHOD NAS LAG PA GA-YON GYI SPYOD PAS RAB TU MCHED PAR BYED PA DANG, RIG MA LA SNGON DU LAG PA GA-YON PAS 'KHYUD PA DANG, LAG PA GA-YON PA YIS NI LHA LA MCHOD CING ZAS ZA BA STE, DE LTAR GA-YON PA'I KUN SPYOD KYIS SPYOD PA NI, BRTUL ZHUGS MA NYAMS SHING BRTUL ZHUGS RDZOGS PA'O, ,HE RU KA MNGON 'BYUNG LAS, GA-YON PA'I KUN SPYOD MANG DU GSUNGS PA'I MTHAR, CUNG ZAD GSUNGS DANG MA GSUNGS PA, ,DPAL LDAN KHRAG 'THUNG GA-YON PAS SPYOD, ,SGRUB PO SA STENG SA 'OG NA, ,BZLAS DANG BRTUL ZHUGS BRAL BAS KYANG, ,GA-YON PAS DNGOS GRUB 'GYUR BA YIN, ,ZHES DNGOS GRUB 'GRUB PA LA GA-YON PA'I KUN
, ,SPYOD BSNGAGS PA'I RGYU MTSAN JI LTAR YIN SNYAM NA, RTZA RGYUD DANG MNGON BRJOD SOGS LAS SNOD BCUD KUN GA-YON NAS 'BYUNG BAR GSUNGS PA 'DI NYID, GA-YON PA'I KUN SPYOD BYED PA'I RGYU MTSAN YIN PAR RDO RJE MKHA' 'GRO LAS, BRTAN PA DANG NI GA-YO BA YI, ,'GRO KUN GA-YON LAS BYUNG BAS NA, ,GA-YON GYIS BZA' ZHING GA-YON MCHOD BYA, ZHES GSUNGS SO, ,DE YANG MNGON BRJOD LAS, GA-YON PA'I SPYOD PA SHES RAB STE, ,GA-YAS PA DE BZHIN THABS YIN NO, ,ZHES GA-YAS GA-YON GNYIS LAS, GA-YON PA SHES RAB TU GSUNGS PAS SHES PAR BYA'O, ,DE LA SHES RAB NI CHOS THAMS CAD RANG GI NGO BO NYID KYIS GRUB PAS, STONG PA'I DE KHO NA NYID DE, SHES RAB KYI DMIGS PA LA DER BYAS PA DANG, DON DE RTOGS PA'I SHES RAB GNYIS SO, ,DE'I DANG PO'I DBANG DU BYAS NA, SNOD BCUD KYI BYA BYED THAMS CAD 'JOG PA NI DE'I RGYU MTSAN GYIS 'JOG STE, RANG GI NGO BO NYID KYIS GRUB PA LA NI BYA BYED GANG YANG MI RUNG BA'I PHYIR DANG, CHOS RNAMS RANG GI MTSAN NYID KYIS GRUB PAS STONG PA LA NI, BYA BYED THAMS CAD RUNG BA'I PHYIR NA SNOD BCUD THAMS CAD GA-YON NAS BYUNG BAR GSUNGS KYI, BUD MED LA'ANG GA-YON PA ZHES GSUNGS PA YOD PAS, DE LAS THAMS CAD 'BYUNG BA DANG, GA-YON BRKYANG MA LAS BYUNG BA'I DKAR CHA LAS THAMS CAD 'BYUNG BA DANG, LAG PA GA-YON PA LAS THAMS CAD 'BYUNG BAR STON PA MIN TE, RGYUD RNAMS NAS KYANG STONG PA LAS THAMS CAD 'BYUNG BA BSHAD PA MANG NGO, ,YANG SKYE DANG 'JIG DANG RANG 'BYUNG BA, ,STONG NYID YE SHES 'DI KHO NA'O, ,
ZHES GSUNGS PA LTAR NA BDE STONG DBYER MED DU BYAS PA'I LHAN SKYES KYI BDE CHEN NYID, SNOD BCUD KHYAD PAR CAN DAG PA'I DKYIL 'KHOR GNYIS KYI 'BYIN PA DANG SDUD PAR BYED PA PO YIN PAS, BRTAN GA-YO THAMS CAD GA-YON PA LAS 'BYUNG BAR GSUNGS PA STE TSUL GNYIS SU SHES PAR BYA'O, ,DE LTAR BYAS NA GA-YON PAS MTSON PA'I SHES RAB NI, DNGOS GRUB THAMS CAD KYI SGRUB BYED YIN PAS, LAM DE'I RTOGS PA KHYAD PAR CAN SKYE BA'I RTEN 'BREL DA LTA NAS SGRIG PA'I PHYIR DU, GA-YON PA'I KUN SPYOD RNAMS BYED DO, ,DE YANG SHES RAB KYIS DE KHO NA NYID MTSAN NYID RDZOGS PAR RTOGS PA NI, THEG PA GZHAN DANG RGYUD SDE GZHAN DANG THUN MONG BA YIN LA, LAM GZHAN GYIS BSKAL PA GRANGS MED PAS SANGS RGYAS 'THOB DGOS PA, LAM 'DIR SKYE BA 'DI NYID LA 'THOB PA NI, YUL GYI DE KHO NA NYID LA KHYAD PAR MED KYANG YUL CAN BDE BA MCHOG LHAN SKYES KYI BDE BAS DE KHO NA NYID BSGOMS PA LAS YIN NO, ,MKHA' 'GRO MA'I PHO NYA MO MANG PO ZHIG GA-YON PA'I KUN SPYOD LA DGYES SHING BYA BA DES 'JUG PAS, GA-YON PA'I KUN SPYOD DE RNAMS DANG MTHUN PAR SPYAD PAS DE DAG YID DGA' BAR 'GYUR BA YANG YIN NO, ,GNYIS PA NI, SGRUB PA PO RANG GI BYA BA RNAL 'BYOR LA BRTZON PA NI, DAM TSIG DANG LDAN PA'I RIGS LDAN MA LA SPYOD PA DANG, DE DANG LHAN TU ZAS LA SPYOD PAR BYED CING, DAM TSIG DANG LDAN PA LA SPYOD PA YANG PHYAG RGYA RIGS LNGA LA KUN TU SPYOD PA YIN LA, DE YANG RIN PO CHE'I RIGS MI BSKYOD PA'I RIGS SU
, ,BSDUS NAS, RIGS BZHIR RAB TU BRTAG PAR BYA BA DANG, DE YANG SKU GSUNG THUGS KYI RIGS GSUM DU SDUD CING, DE GSUM YANG GSANG CHEN RDO RJE 'CHANG GI RIGS GCIG LA NI KUN TU SPYOD PA NI, GRUB PA'I RNAL 'BYOR PAS RAB TU MCHOD PA STE DE DANG RJES SU MTHUN NO, ,GSUM PA NI, DKON MCHOG GSUM LA SOGS PA LA GNOD PA BYED PA RNAMS GZHOM PA'I PHYIR DU, LAS KYI TSOGS GSUNGS PA NI DRAG PO'I SBYIN SREG BYED THABS LAS GSUNGS PA'I CHO GAS, THAB KHUNG GI DKYIL 'KHOR GRU GSUM PA BYAS LA MNGON SPYOD KYI SBYIN SREG GI YO BYAD DANG, YUNGS MAR LA SOGS PA RNAMS KYIS ME SBAR LA, DUM SKYES MA SNA BU GA-YAS PA NAS BCUG STE, 'OG NAS BYUNG BAR BSAMS LA, DE RDO RJE LCAGS KYU DANG GRI GUG BSNAMS PAS, BSGRUB BYA GCER BU MYOS PAR GYUR PA BKUG LA, DE NYID DUM BUR BYAS PAR BSAM ZHING BA LANG GI SHA DANG RTA YI SHA DANG, KHYI YI SHA DAG DANG SNA TSOGS PA STE RMA BYA'AM KHYIM BYA'I SHA RNAMS BSGRUB BYA'I SHA YIN PAR BSAMS PA YIS, KHRO BO CHEN PO'I NGA RGYAL DANG LDAN PAS CHE GE MO M'A RA YA ZHES BYA BA DANG, RTZA BA'I SNGAGS KYIS SBYIN SREG BYAS NA, SANGS RGYAS DAG KYANG NGES PAR 'JIG PA STE 'CHI NA, GZHAN LTA CI SMOS ZHES PHUL BYUNG BRJOD PA'O, ,KHA CIG 'DI NANG LA SBYAR NAS PHYI LA MI SBYOR BA DANG, GZHAN DAG DE LAS BZLOG NAS BYED KYANG, LVA BA PAS PHYI NANG GNYIS KA LA BSHAD PA LTAR LEGS LA, 'DIR NI TSIG MANGS SU DOGS NAS MA BRIS SO, ,BZHI PA NI, PHYAG RGYA DANG SNGAGS LEGS
PAR BSLABS PA'I PHYI'I RNAL 'BYOR MA DANG YANG DAG PAR LDAN PA'I DPA' BO NI, RAB TU BSNGAGS PA YIN LA DE BZHIN DU PHYAG RGYA DANG LDAN PA'I ZAS TE STON MO BYED PA'I DPA' BO YANG BSNGAGS PA YIN NO, ,SHR'I HE RU KA NI GNYIS SU MED PA'I BYANG CHUB KYI SEMS SO, ,DE YI SPRUL PA NI HE RU KAR BSGYUR BA'I RNAL 'BYOR RO, ,DE NYE BAR SPYOD PA NI DES GUS PA DANG BCAS PAS SPYOD PA'O, ,BSTAN BCOS KUN NI RIG BYED LA SOGS PA'I GZHUNG NGAN PA GZHAN NO, ,SPANGS PA NI DOR BA'O, ,NYER SPYOD DE RTAG TU 'DZIN ZHING DAM TSIG SRUNG BA NI, MNGON PAR 'DOD PA'I LAS RNAMS KUN SGRUB PA LA BGEGS MED PAR JI LTAR 'DOD PA BZHIN DU DE 'GRUB BO, ,'DIR NI 'GAR YANG 'GRUB MA YIN, ZHES PA LA 'GYUR GZHAN LAS, 'DIR NI GZHAN DAG 'GYUR MA YIN, ZHES 'BYUNG BA'I DON 'DIR NI STE SNGAR BSHAD PA DE NI, NYAN THOS KYI BYANG CHUB LA SOGS PA GZHAN DU 'GYUR BA MA YIN NO, ,ZHES GSUNGS SO, ,SGRUB PA PO DE YI PHO NYA MO MCHOG STE GZHAN BZANG PO DANG BCAS PA STE LHAN CIG PA KHA RTZON PAR LDAN PA STE LE LO MED PAR DNGOS GRUB SGRUB PA LA RJES SU CHAGS PA'O, ,DE 'DRA BA DE RNYED NAS DE DANG LEGS PAR SBYOR BA LAS KUN NAS TE SHIN TU CHAGS PA'I DGA' BA YI LONGS SPYOD BYA'O, ,RNAL 'BYOR GYI RDZAS NI THAMS CAD MKHYEN PAR BGROD PA'I BDUD RTZI'I BCUD LEN BYANG CHUB KYI SEMS SO, ,DES RNAM PAR 'BYED PA STE BYE BRAG LONGS SPYOD PA DANG GROL BA'I 'BRAS BU GNYIS STZOL LO, ,BLA MA'I MAN NGAG THOB NAS DE SGOM PA LA, RTAG TU DGA' ZHING GUS PA DANG
, ,LDAN PAS BYANG CHUB BSGRUBS NA TSE 'DI NYID LA SANGS RGYAS 'THOB LA, GAL TE BRTZON 'GRUS DMAN PAS DE LTAR MA THOB PA DE'I TSE, SANGS RGYAS MA THOB KYI BAR DU YANG RNAL 'BYOR PA DE NI, JI LTAR 'DOD PA'I DON RNAMS NOR SBYIN DANG MTSUNGS PAR 'BYOR PAR 'GYUR RO, ,LNGA PA NI, DPAL HE RU KA MNGON PAR BRJOD PA BSDUS PA'I RGYUD LAS, PHO NYA DANG 'DUS NAS BZA' BTUNG LONGS SPYOD PA'I NANG GI SBYIN SREG DANG, PHO NYA'I RIGS THAMS CAD KYANG RDO RJE 'CHANG GI RIGS GCIG DANG LDAN PAR BYAS NAS, PHO NYA MCHOD PA'I CHO GA'I LE'U STE NYI SHU RTZA BRGYAD PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA, SBAS PA'I DON KUN GSAL BA LAS, LE'U NYI SHU RTZA BRGYAD PA'I BSHAD PA'O,, ` ,,GSUM PA PHO NYA'I MTSAN NYID DANG DROD DAM NUS PA'I GNAS SKABS KYI CHO GA LA GSUM, BSHAD PAR DAM BCA' BA, BSHAD PA DNGOS, LE'U YI MTSAN BSTAN PA'O, ,DANG PO NI, NYER BRGYAD PA'I RJES DE NAS SNGAR BSHAD PA'I MTSAN NYID LAS, GZHAN YANG STE PHO NYA'I KHYAD PAR GYI MTSAN NYID SHES PAR BYA BA BSTAN PA NI STE BSTAN PAR BYA'O, ,DGOS PA GANG GI DON DU NA, RNAL 'BYOR PA GANG GIS PHO NYA'I MTSAN NYID YANG DAG PA SHES PAR 'GYUR BA'I CHED YIN LA, DE LTAR SHES NA MKHA' 'GRO MA RNAMS DAM TSIG LAS MI 'DA' BAR SGRUB PA PO RNAMS LA PHAN PA'I PHYIR DU GNAS PAR 'GYUR RO, ,GNYIS PA LA GSUM, PHO NYA'I MTSAN NYID, NUS PA'I CHO GA ,RNAL 'BYOR CHEN PO
LA BSNGAGS PA'O, ,DANG PO NI, MKHA' 'GRO MA'I DAM TSIG SHES NAS BRTEN NA, DE RNAMS KYIS RNAL 'BYOR PA MING PO DANG PHA DANG BDAG PO KHYO BZHIN DU SKAD CIG GIS MTHONG ZHES GONG MA RNAMS 'CHAD DO, ,PHYAG RGYA GANG RNYED PA DANG GNAS TSUL NI, PHA 'AM YANG NA MA DANG NI, ZHES PA SHIN TU SDUG PA'I SEMS KYIS LHAN CIG TU SPYOD PAR RJES SU 'JUG PA'O, ,GANG LA RJES SU 'JUG CE NA, BDAG PO NYID CES PA RNAL 'BYOR PA YE SHES THOB PA LA'O, ,SKAD CIG MTHONG NI BDE STONG GNYIS SU MED PAR ZHUGS PA DAG GIS YE SHES DE'I BDAG NYID SO SO RANG GIS RIG PA SKAD CIG JI SRID PAR MTHONG BA'O, ,LCE SBOM PA DANG MIG NI DMAR SER DANG, YAN LAG RTZUB PA DANG, SPU STE SKRA DMAR SER CAN BZHI NI PHYAG RGYA MO RIGS BZHI YIN LA, DE YANG LVA BA PA'I 'GREL PAR DANG PO NI, BZHIN 'PHEL CHE ZHING NU RGYAS MA, ,GZHAN YANG THUNG ZHING SKRA YANG THUNG, ,GLANG CHEN DRI BRO REG MYOS PA, ,MDOR BSDUS NAS NI RAB TU BSGRAGS, ,LUS BONG RING ZHING BZHIN YANG RING, ,DE BZHIN LAG PA RKANG PA'ANG RING, ,NYA YI DRI BRO KHU BA 'BAB, ,SKYE GNAS RING ZHING ZLA BA 'BAB, ,MNYAM ZHING SNGO BSANGS NU MA 'KHRANG, ,YAN LAG CHUNG ZHING SKRA YANG SRAB, ,SKYE GNAS CHUNG ZHING YAN LAG RTZUB, ,DAL BAR SMRA ZHING SNA MTHO BA, ,MGRIN RING HA CANG RING PA MIN, ,GZUGS MDZES PAD MA DKAR PO 'DRA, ,LUS LA RTAG TU RDUL 'BYUNG BA, ,SHIN TU DRI ZHIM YID 'PHROG MA, ,MIG DANG LTA STANGS RI DVAGS 'DRA, ,RI DVAGS MGRIN PA RI DVAGS LTO, ,RI DVAGS RGYAL PO'I RKED PA CAN, ,SKAL BZANG PAD
, ,MA'I DRI DANG LDAN, ZHES PA'O, ,GNYIS PA NI, MIG DMAR BA SHAS CHE ZHING SER BA DANG, DE BZHIN RKANG PA LAG PA'ANG DMAR, ,MALLI KA YI DRI 'BYUNG ZHING, ,BDER GSHEGS 'DUS PA NYID DGA' BA'I, ,BUD MED DNGOS GRUB STER BAR BYED, , LUS RGYAS NU MA'ANG RAB RGYAS SHING, ,SKRA NI 'KHYIL BAR GYUR PA DANG, ,NGANG PA'I 'GROS CAN DAL BAR SMRA, ,SHIN TU RING MIN BZHIN YANG ZLUM, ,LTE BA'I DBUS SU GNYER GSUM NI, ,DBUS NAS 'PHYANG BA DER SHES BYA, ,ZHES PA'O, ,GSUM PA NI, RTZUB CING YAN LAG RTZUB PA DANG, ,BRGYA BYIN LTA BUS GZHAN LA SMOD, CES PA'O, ,BZHI PA NI, SKRA NI 'KHYIL ZHING KHAM PAR GNAS, ,MDOG NGAN YAN LAG RTZUB PA DANG, ,SKYES PA LTA BUR NU MA SPANGS, ,SA LI LTA BU'I DRI YANG BRO, ,'OD 'BAR SA LI'I 'DRI 'BYUNG LA, ,RTAG TU CHANG LA DGA' BA STE, ,DAM TSIG SPYOD PA PHUN SUM TSOGS, ,BSAM PA RTOG LA NAN TAN BYED, ,KHYAD PAR CAN GYI DRI ZHIM PA'I, ,CHANG GI RJES SU 'GRO BA STE, ,CHANG GI KHYAD PAR DAG DANG NI, ,CHANG GIS SHIN TU MYOS PA DANG, ,DE BZHIN KHU BA MANG BA'O, ,ZHES PA'O, ,PHYAG RGYA DE RNAMS NI GROL BA'I DNGOS GRUB GYI DON DU, DGE BA'I BSHES GNYEN TE RNAL 'BYOR PA THAMS CAD KYI THUN MONG DU RJES SU 'GRO BA MA'O, ,GANG ZHIG BZLAS PA DANG BRTUL ZHUGS KYI SPYOD PA LA, RTAG TU DGA' BA PHO NYA MO'I MTSAN NYID RNAMS DRAN PA DANG NI YANG DAG PAR LDAN PA, RGYUN MI 'CHAD PAR RNAL 'BYOR LA BSLABS NAS, PHO NYA MO DANG BCAS PA SOGS KYIS BSDUS PA BZA' SRUNG GI DAM TSIG LA GO 'PHANG STE GNAS PA'I SNGAGS PA DE LA, MKHA'
'GRO MA MCHOG STE GTZO BO NYI SHU RTZA BZHIS, SPYOD PA STE MNGON MTHO MCHOG DANG DNGOS POR ZHEN PA'I 'CHING BA LAS GROL BA'I 'BRAS BU RAB TU STER BAR BYED DO, ,GNYIS PA NI, HE RU KA'I DKYIL 'KHOR GYI 'KHOR LO BSGOMS LA RTZA BA'I SNGAGS DRANG NGES GNYIS NI RTAG TU ZLOS PA STE BZLA'O, ,DE NI MNGON PAR 'DOD PA'I DON KUN SGRUB PAR BYED PA DANG, BAR DU GCOD PA'I BDUD KUN RAB TU ZHI BAR BYED PAS NA, DNGOS GRUB THAMS CAD GSANG SNGAGS 'DI LAS 'BYUNG BA STE SHIN TU GOMS PAR BYAS PAS 'THOB BO, ,DE GANG YIN ZHE NA, RGYU BA NI BCUD DANG MI RGYU BA NI SNOD DANG, 'JIG RTEN GSUM NI SA 'OG SA STENG SA BLA'I DAG PA'I SANGS RGYAS KYI ZHING STE, DE THAMS CAD RDO RJE 'DZIN PA LHAN SKYES KYI NGO BOR RO GCIG TU BYAS PA'I RNAL 'BYOR LA ROL BAS, SPYOD PA DANG GROL BA'I 'BRAS BU RAB TU STER RO, ,YID SKYOB PA'I SNGAGS DANG PHYAG RGYAR YANG DAG PAR LDAN PA'I SGRUB PA PO NYID NI DNGOS GRUB MCHOG SGRUB PA LA BRTZON PA YIN PAS, PHYAG RGYA LA SBYOR BA DANG BRAL BA'I GSANG SNGAGS NI, LUS CAN TE SGRUB PA PO RNAMS LA 'GRUB MI 'GYUR BA STE 'GRUB PAR SHIN TU DKA'O, ,DE BAS NA SNGAGS DANG PHYAG RGYA'I RAB SBYOR LA MNGON PAR BRTZON PAS JI SRID DU TSAR GCOD PA DANG RJES SU 'DZIN PA'I DRO BA'I BYA BA STE NUS PA DAG THOB PA DE SRID DU 'BAD LA, DE THOB PA DANG MA THOB PA YANG RTOGS PAR BYAS TE, DROD THOB NAS SPYOD PAR BYA'O, ,YANG NA, DANG PO SHES RAB DRO BA STE, GNYIS PA DU BA LDAN PAR 'GYUR, ,GSUM PA LA NI 'OD 'KHRUGS 'BYUNG, ,BZHI PA MAR ME LTAR 'BAR BA, ,LNGA PA RTAG TU SNANG BA NI, ,SPRIN MED PA
, ,YI NAM MKHA' BZHIN, ZHES GSUNGS PA LTAR RO, ,DRO BA DANG RTZE MO DANG BZOD PA DANG CHOS MCHOG BZHI STE, KUN LAS BTUS DANG MDO SDE RGYAN LAS GSUNGS PA LTAR BSHAD DO, ,GSUM PA LA GNYIS, RNAL 'BYOR CHEN PO LA SDANG ZHING DOR BA'I NYES DMIGS, RNAL 'BYOR CHEN PO LA GNAS PA'I PHAN YON NO, ,DANG PO NI, MNGON PAR 'DOD PA'I DON KUN TSE 'DI NYID LA SGRUB PAR BYED PA'I DPAL HE RU KA'I RNAL 'BYOR CHEN PO LA GANG ZHIG RMONGS SHING, SDIG GROGS DANG PHRAD PAS SDANG BAS SUN 'BYIN PA NI, MNAR MED PAR 'GRO'O, ,DE LAS THAR NAS KYANG KHYI'I SKYE GNAS BRGYAR SKYES TE, DE NAS MIR SKYES KYANG SME SHA CAN TE RIGS NGAN GYI RIGS SU SKYE BAR 'GYUR RO, ,DPER NA GANG ZAG LA LA MAR 'DOD PAS 'BAD PA MANG POS CHU NI BSRUBS PAR GYUR KYANG, MAR SAR 'BYUNG BAR MI 'GYUR GYI LUS NYON MONGS PA STE SDUG BSNGAL BA KHO NAR ZAD DO, ,DE BZHIN DU RNAL 'BYOR 'DI DOR NAS 'TSE BA'I THABS KYI RGYUR GYUR PA'I RNAL 'BYOR GZHAN LA BRTEN NAS 'DZIN ZHING MCHOD PA BYED PA NI, 'DI DANG GZHAN DU STE PHYI MAR NGAL BA DON MED PAR 'GYUR RO, ,GNYIS PA NI, DPAL HE RU KA'I RNAL 'BYOR CHEN PO MCHOG YONGS SU 'DZIN PA'I DPA' BO STE SGRUB PA PO NI, RIGS NGAN GDOL BA DANG KLA KLO YIN NA YANG, YUL PHYOGS GANG NA GNAS PAR GYUR BA'I YUL PHYOGS DE, DPA' BO'I YUL DU YONGS SU BRTAG PAR BYA STE, YUL DE'I SEMS CAN RNAMS YONGS SU GZUNG BA'I RGYUR YUL DE RU HE RU KA NGA NI RTAG PAR RNAL 'BYOR PA DE YI SNYING LA GNAS
PA STE BZHUGS PAS, CI NAS KYANG DE'I RTZA LAG RNAMS KYANG MCHOD PAR BYA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, PHO NYA'I MTSAN NYID BSTAN PA DANG, DRONG KYI NUS PA'I GNAS SKABS SKYED THABS KYI CHO GA'I LE'U STE NYI SHU RTZA DGU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U NYI SHU RTZA DGU PA'I BSHAD PA'O,, ` ,,DRUG PA BAR CHAD SEL BA'I BSRUNG BA'I SNGAGS BTU BA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, NYER DGU PA'I RJES DE NAS HE RU KA'I SNGAGS BTU BA LAS GZHAN YANG GNOD MDZES KYI SNGAGS KYI MDON PAR RTOGS PA BSHAD PAR BYA'O, ,DE YANG RGYUD GZHAN GYI SLOB DPON GYIS SHIN TU RNYED DKA' BA'I DBYANGS GSAL DGOD PA'O, ,DGOS PA NI SGRUB PA PO GANG GIS SNGAGS BTU BA SHES PA TZAM GYIS NI, MYUR DU BGEGS ZHI BA'I DNGOS GRUB SGRUB PAR BYED BA'O, ,GNYIS PA LA GSUM, SA GZHI BSTAR BA SOGS BYAS TE SNGAGS BTU BA, BTUS PA'I CHE BA CHO GA DANG BCAS PA, SNGAGS BZHI RIM PAR BSGRIGS TE BSTAN PA'O, ,DANG PO LA BZHI, GANG DU SNGAGS BTU BA'I GZHI 'DU BYA BA, GANG GIS THU BA'I RNAL 'BYOR BSTAN PA, GANG LAS THU BA'I GZHI DGOD PA, SNGAGS BTU BA'I TSUL DNGOS SO, ,DANG PO NI, GANG DU SNGAGS THU BA'I SA YI CHA NI MTHO DMA' MED PAR NGOS MNYAM ZHING SA YID DU 'ONG BAR TZAN DAN
, ,GYI CHUS NI NYER BAR BSKU'O, ,DRI BZANG PO'I DRI DANG LDAN PA'I SA LA NI, ME TOG SIL MA GCAL DU BKRAM ZHING, MAR ME'I PHRENG BAS YANG DAG PAR DKRIGS PA DANG, SPOS BZANG PO'I DRI YIS NYAMS DGA' BAR BYAS PA'I SA GZHIR SNGAGS BTU BA'O, ,GNYIS PA NI, SNGAGS THU BA PO BDAG GIS BYA DGOS PA THAMS CAD BYAS NAS NI SNGAGS BTU BAR BYA'O ZHES SBYAR RO, ,DE NI SNGOM 'BYUNG LAS, SNGAGS PAS TZ'A RU YANG DAG SPYAD, ,BDUD RTZI BTUNG BAR BYA DE NAS, ,RANG LHAG LHA YI RNAL 'BYOR GYIS, ,GTOR MA SBYIN PA SNGON 'GRO BAR, ,MKHA' 'GRO MA KUN MNYAM SBYOR BA'I, ,SLOB DPON LEGS PAR MNYAM BZHAG STE, ZHES GSUNGS PA LTAR HE RU KA'I RNAL 'BYOR GYIS SNGON DU GTOR MA SBYIN LA, DE NAS DPA' BO DANG RNAL 'BYOR MA KUN MNYAM PAR SBYOR BA'I TING NGE 'DZIN LA MNYAM PAR BZHAG PA SNGON DU BYA'O, ,DER MA ZAD PHYOGS BCING BA YANG BYAS NAS SU SNGAGS BTU BA STE, PHYOGS BCING BA NI RDO RJE'I SA GZHI DANG, RA BA DANG GUR DANG BLA RE DANG, MDA'I DRA PA DANG ME RI RNAMS DGOD PA'O, ,GSUM PA NI, PHYOGS BCINGS PA'I RJES DE NAS RDZA RNGA BCINGS PA LTA BU'I DBYIBS SA LA BRI BAR BYA STE, DE YANG PHYOGS RE NAS RI MO BRGYAD BRGYAD KYIS LEGS PAR BSKOR BA LA RE'U MIG BDUN BDUN BYAS PAS RE'U MIG ZHE DGUR 'GYUR LA, RE'U MIG ZIN PA'I RJES SU RI MO DGU PAS BSKOR BA STE DE NI DBUS SU BYED PA'O, ,'GREL PA BZHI LAS RDZA RNGA'I DBYIBS LTA BU LA
RE'U MIG BYA BAR BSHAD PAS, RDZA RNGA BCINGS PA LTA BU'I DBYIBS NI RE'U MIG NI BYED PA'I GZHI LA BYA'I, RE'U MIG GI DBYIBS LA MI BYA'O, ,RI MO DGUS ZLUM POR BSKOR BA'I DBYIBS NI, RDZA RNGA ZOB DKRIMS ? BCINGS PA DANG 'DRA BAR BCINGS PA CIG YOD PAR GSAL LO, ,RE'U MIG ZHE DGU LA NI YI GE STE GSAL BYED DANG, PHYI MO STE DBYANGS RNAMS MNYAM PA STE RDZOGS PAR BRIS TE, SLOB DPON HE RU KA'I TING NGE 'DZIN LA SHIN TU MNYAM PAR BZHAG PAS AA NAS HA'I BAR DU DGOD BAR BYA'O, ,RDO RJE MKHA' 'GRO LAS, DBUS KYI RE'U MIG STONG PA LA, ,KA SHA ZHES BYA'I YI GER NI, ,GNAS PA YI NI BRI BAR BYA, ,ZHES GSUNGS PAS DBUS MA STONG PA LA KshA BRI'O, ,BZHI PA LA GSUM, SNGAGS BTU BA MDOR BSTAN PA DANG, BTU GZHI DANG MDOR BSTAN GYI NGES DON DANG, SNGAGS BTU BA RGYAS PAR BSHAD PA'O, ,DANG PO NI, RDZA RNGA'I DBYIBS CAN DER GNAS PA'I DBYANGS GSAL LAS, DPA' BO NI 'DOD PA'I DON KUN SGRUB PAR BYED PA'I SNGAGS BTU BAR BYA'O, ,SNGAGS LA DPA' BO ZHES PA NI SNGAGS DANG LHA DBYER MED PA'I PHYIR RO, ,JI LTAR DU BTU ZHE NA, DBYANGS RNAMS RIM PA BZHIN 'BYUNG BA DANG, YI GE STE GSAL BYED RNAMS RIM PA BZHIN 'BYUNG BA MIN PA'I TSUL GYIS, SGRUB PA POS YI GE ZHE DGU'I GRANGS RNAMS, RE'U MIG DE DAG GI NANG DU CHUD PAR BYAS PA LAS BTU'O, ,SDOM 'BYUNG LAS, DANG PO AA YIG NAS BRTZAMS TE, ,HA YIG RNAM PA'I BAR DU SNGAGS, ,GA-YAS SKOR RNAM PA'I SBYOR BA YIS, ,SHES PAR BYA'O GSANG BA'I BDAG ,CES DBYANGS GSAL GNYIS KA GA-YAS
, ,SKOR DU DGOD PAR GSUNGS PAS DBYANGS GA-YAS SKOR DANG, GSAL BYED GA-YON SKOR DU 'GOD PA LUGS 'BYUNG DANG LUGS BZLOG GI DON MIN NO, ,DES NA RIM BZHIN DANG RIM MIN NI SNGAGS THU TSUL LA BYA'O, ,GNYIS PA NI, 'DIR LVA BA PA DANG LHA SBAS KYIS, DE NAS RDZA RNGA BCINGS BYAS TE, ZHES PA NAS, GRANGS DE DAG GI NANG CHUD PAR, ZHES PA'I BAR LA NGES DON GYI BSHAD PA MDZAD PA NI, RDZA RNGA'I SKAD DOD MU RA DZE ZHES PA'I YI GE GSUM NI, SKU GSUNG THUGS KYI DBYE BAS SKU GSUM MO, ZHES YI GE GSUM SKU GSUNG THUGS SU BYED PA NI, AOm SKU, A'A: GSUNG, H'Um THUGS SU BYED PA'O, ,DE SKU GSUM DU BYED PA NI, RIM PA BZHIN DU SPRUL SKU DANG, LONGS SKU DANG, CHOS SKUR 'JOG PA'O, ,LVA BA PAS, RLUNG GIS SHIN TU BSKOR BA YI, ,RI MO BRGYAD LA YANG DAG BRTEN, ,RI MO DGU PA DBUS GNAS PA, ZHES PA NI DBUS KYI RI MO DGU PA RI MO BRGYAD KYI BZHI PO DANG, DBUS KYI RI MO ZLUM PO RLUNG DU LHA SBAS KYIS BSHAD PAS RI MO BRGYAD KYIS BSKOR BA'I RI MO BRGYAD KYI RTEN RI MO DGU PA NI RLUNG ZHES BYA STE, 'BRU GSUM GYI SNGAGS DANG RLUNG GNYIS DBYER MED PAR SBYOR BA'O, ,STONG PA'I RNAM PA DRI MED DGOD, ,A'A LI K'A LI MNYAM RGYAS BYA, ,ZHES PA NI 'OG TU BSHAD DO, ,DGA' BA BZHI YI RANG BZHIN CAN, , CHOS KYI RNGA CHEN MI SHIGS PA, ZHES PA'I RDA NI GNYIS TE, SANGS RGYAS KYI CHOS KYI RNGA DANG, LUS KYI DBUS SNYING GA'I MI SHIGS PA'I RNGA'O, ,DE NI DGA' BA BZHI'I RANG BZHIN CAN TE DGA' BA BZHI 'BYUNG BA CAN NO, ,RE'U MIG STONG PA'I RNAM PA CAN
LA YI GE RE RE MNYAM PAR DRI MA MED PA'I A'A LI K'A LIS RGYAS PAR BYA BA STE BKANG BA NI, GSUNG RAB YAN LAG BCU GNYIS PA'I, ,CHOS KYI YI GE YONGS RDZOGS PA, ,ZHES GSUNGS TE, CHOS KYI RNGA CHEN POS DBYANGS GSAL GYI BDAG NYID KYI GSUNG RAB YAN LAG BCU GNYIS KYI CHOS KYI YI GE RDZOGS PAR STON PAR MTSON PA'O, ,DE 'DRA BA'I NGAG GI BYA BA THAMS CAD KYI RTZA BA NI, SNYING KHA'I MI SHIGS PA LA GNAS PA'I RLUNG YIN PAS, RE'U MIG ZHE DGU'I YI GE THAMS CAD KYI RTEN YIN LA, DBUS KYI KshA NI MI SHIGS PA MTSON BYED DO, ,SNGAR RDZA RNGA'I MING GI YI GE BSHAD LA, 'DIR MING GI DON 'CHAD PAS KHYAD PAR CHE'O, ,DE DAG GRANGS KYI NANG SON PA, ,CHOS BDAG MED LA YANG DAG BRTEN, ,ZHES PA NI LHA SBAS KYIS DE DAG GI GRANGS KYI BAR BAR NAS BTU BA NI CHOS BDAG MED PA'O, ,ZHES BSHAD PA LTAR YIN PAS DBYANGS GSAL LAS SNGAGS THU BA NI, GSUNG RAB YAN LAG BCU GNYIS KYI DBYANGS GSAL GYI SNYING PO BDAG MED PA'I YE SHES THU BA'O, ,ZHAL BZHI PAR NI RNAM GRAGS PA, ,BDUD BZHI RNAM PAR 'JOMS PA'O, ,ZHES PA NI, HE RU KA MNGON 'BYUNG LAS, ZHAL BZHI PA YI SNGAGS 'DI DAG, MA BYUNG 'BYUNG BAR MI 'GYUR RO, ZHES SUMBHA NI'I SNGAGS LA ZHAL BZHI PA'I SNGAGS SU GSUNGS PA NI ZHAL BZHI PA'I SNGAGS SU GRAGS PA'O, ,BTUS PA'I SNGAGS DE BTON PAS BDUD 'JOMS PA'I NGES DON NI, GSUNG RAB KYI SNYING PO BTUS PA'I BDE STONG DBYER MED KYI YE SHES KYIS, NANG GI BDUD RNAMS RTZAD NAS 'DON PA'O, ,RLUNG LA ZHON NAS SPRO BYED CING, ,KHAMS
, ,GSUM PO NI YANG DAG SDUD, ,RLUNG GI DE NYID SHIN TU RIG ,CES PA'I DON NI LHA SBAS KYIS, SNGAGS KYI GZUGS RNAMS BZLAS PA'I DUS NA RNAM PAR 'PHRE BA DANG BSDU BA NI, RLUNG LA MNYAM DU ZHON PAS KHAMS GSUM MA LUS PA RLUNG GI DE KHO NA NYID DU RIG PAR BYA'O, ,ZHES SUMBHA NI'I SNGAGS ZLOS PA NA SPRO BSDU BYED PA NI, KHAMS GSUM PA'I RTZA BA RLUNG GI DE NYID RIG NAS, RLUNG LA BSKYON PA'I RDOR BZLAS BYED PA STE, SNGAR YI GE GSUM RLUNG DANG DBYER MED PAR BSHAD PA DANG SBYAR RO, ,RIM BZHIN 'BYUNG DANG RIM MIN PA'I, ,A'A LI KA LI LAS BYUNG PA, ,BRJOD DANG BRJOD BYA'I YI GE STE, ,SGRA BRNYAN LTA BU'I RNAM PAR RTOGS, ZHES PA'I DON NI GNYIS LAS BRJOD BYA LA SBYAR NA, RIM DANG RIM MIN GYI DON YAS BABS KYI DGA' BZHI LUGS 'BYUNG DANG, MAS BRTAN GYI DGA' BZHI LUGS BZLOG GO, DE GNYIS NI A'A LI K'A LIS MTSON PA'I KHAMS DKAR DMAR 'DUS PA LAS BYUNG BA'O, ,RJOD BYED LA SBYAR NA DBYANGS GSAL BKOD PA NI, DBYANGS GSAL DNGOS MIN GYI DE GNYIS KYI GZUGS BRNYAN NO, ,DES NI NGAG THAMS CAD BRAG CA DANG 'DRA BAR RTOGS PA MTSON NO, ,DE RNAMS KYI DON BSDU NA SNYING GA'I MI SHIGS PA LAS RLUNG LDANG 'JUG GNAS GSUM GYI RDOR BZLAS BYAS PAS DRANGS PA'I DGA' BA BZHI'I LHAN SKYES KYI BDE CHEN DANG, BDAG MED PA'I DON GNYIS SBYAR BA NI GSUNG RAB KYI SNYING PO YIN LA, DE RDZA RNGA BCINGS PA'I RNAM PA CAN LA DBYANGS GSAL BKOD NAS SNGAGS THU BA'I NGES DON DU 'CHAD PA, LVA BA PA'I MAN NGAG GIS BSHAD PA MKHAS
PA YID 'PHROG PA'I BSHAD PAR SNANG NGO, ,GSUM PA LA BZHI, SNGAGS RKANG DANG PO BTU BA, SNGAGS RKANG GNYIS PA BTU BA, SNGAGS RKANG GSUM PA BTU BA, SNGAGS RKANG BZHI PA THOG MTHA'I YI GE DANG BCAS PA BTU BA'O, ,DANG PO NI, DGE BA THUB PAR BYAS NAS NI, ZHES PA'I RKANG PA GNYIS NI 'GYUR GZHAN DANG, 'GREL PA RNAMS LA MED LA, RTZA RGYUD BZHIN DU 'BYUNG BA'I MNGON BRJOD LAS KYANG, THUB PA DE YI GRANGS GYUR LAS, ,RE'U MIG SUM CU GNYIS PA BLANG, ZHES 'BYUNG ZHING RKANG PA DANG PO MED PA LTAR LEGS SO, ,THUB PA NI BDUN GYI GRANGS YIN PAS SDE TSAN THUB PA DE YI GRANGS SU GYUR PA GSAL BYED LAS, KA NAS BGRANGS PA'I RE'U MIG SUM CU GNYIS PAS BLANGS LA, AA NAS BGRANGS PA'I DBYANGS LNGA PA AU THUNG NGU YIS NI KHYAD BAR DU BYAS PAS SU'O, ,BRGYA PHYED NI LNGA BCU DE'I PHYED NI NYER LNGA PA STE, KA NAS BGRANGS PA'I NYER LNGA PA MA YANG DAG PAR BLANGS LA, NYER BZHI PA BHA YIS PHYE BA NI MA LA BTAGS PA'O, ,AA NAS BGRANGS PA'I RE'U MIG SUM CU DRUG PA NA BLANGS LA, DBYANGS KYI GSUM PA AI YIS NI KHYAD PAR DBYE BA STE KHYAD PAR DU BYAS PAS NI'O, ,DE NAS KA NAS BGRANGS PA'I SUM CU GNYIS PA SA BLANGS LA, DBYANGS KYI LNGA PA AU YIS KHYAD PAR DU BYAS PAS SU'O, ,DE'I RJES NAS NYI SHU LNGA PA MA GZUNG LA, NYI SHU BZHI PA BHA DAG DANG SBYAR BA STE DE LA GDAGS SO, , KA NAS BGRANGS PA'I SUM CU RTZA GSUM PA HA YANG DAG PAR BLANGS LA, AA NAS BGRANGS PA'I RE'U MIG BCO LNGA PA Am, DE YI AA YIG BRJOD PA'I DON YIN PAS PHYIS LA, THIG LE HA YI RJES SU NGA ROR LDAN PAS HAm MO, ,DE DBYANGS KYI LNGA PA AU DAG DANG
, ,BCAS PAS HUm MO, ,DE NI MDZES PA'I MCHOG NI YIN PAR 'DOD DE SNGAGS RKANG DANG PO'O, ,GNYIS PA NI, AA NAS BGRANGS PA'I RE'U MIG BCU DGU PA GA GZUNG BAR BYAS LA, ME'I BU STE RA DANG YANG DAG PAR LDAN PAR BYAS PAS BRI'O, ,DE LA DBYANGS KYI RE'U MIG GSUM PA AI THUNG DUS RNAM PAR PHYE BAS GRI'O, ,YA TSOGS TE YA SDE'I YA NAS BGRANGS PA'I BRGYAD PA'I SA BON HA LA AA NAS BGRANGS PA'I RE'U MIG SUM CU DRUG PA, NA DANG YANG DAG PAR LDAN PA'I YI GER GYUR PA NI HA LA NA BTAGS PA'O, ,SLAR YANG GRIHNA'I TSIG NI DE DAG NYID SBYAR BA NI, MNGON PAR 'DOD PA'I DON KUN SGRUB PAR BYED PA YIN NO, ,DE NAS RANG 'BYUNG STE HA BLANGS NAS NI RE'U MIG LAS NI STE, RE'U MIG GI NANG NAS LNGA PA AU DANG SBYAR BAS HU'O, ,DE'I SPYI BOR THIG LE DANG N'A DA SBYAR BA'I H'Um NI, DON KUN SGRUB PAR BYED CES BYA BA'I SNGAGS KYI TSIG NI RKANG PA GNYIS PA YIN PA BSHAD DO, ,GSUM PA NI, AA NAS KYI RE'U MIG BCU DGU PA GA NYID LA, KA NAS KYI NYI SHU RTZA BDUN PA RA YIS PHYE BAS BRI'O, ,DE LA DBYANGS KYI GSUM PA AI DAG DANG YANG DAG PAR LDAN PAR BYAS PAS BRI'O, ,BOD KHA CIG RKANG PA GNYIS PA DANG GSUM PA'I GRI NI BTU BA NA, RA LA AI ZHUGS PA BTUS NAS, BTUS ZIN PA NAG LA Ri ZHUGS PA RGYAD PA PHAL CHE BA LA 'BYUNG BAS, GA LA DBYANGS KYI Ri ZHUGS PAR SHES PAR BYA'O, ZHES ZER MOD KYANG, RTZA BA RANG LAS RA DANG AI SO SOR BTUS SHING, DE JI BZHIN DU 'GREL PA LAS KYANG BSHAD PAS SNGAR LE'U LNGA PAR BSHAD PA NYID LEGS SO, ,KA NAS KYI SUM CU RTZA GSUM PA HA LEGS PAR
BLANGS TE, DBYANGS KYI RE'U MIG GI NI GNYIS PA A'A RING POR SBYAR RO, ,KA NAS KYI NYI SHU PA NA DANG YANG DAG PAR LDAN PA STE HA LA BTAGS PA NI, YI GE MDZES PA'I MCHOG NI YIN PAR 'DOD DO, ,'DIR LANG KAS, RA DANG HA'I DBANG GIS DE nAR 'GYUR TE GRI HA'I SGRA'I 'OG TU GNAS PA'I NA NI nAR 'GYUR RO, ,ZHES GONG GI RA DANG DE'I 'OG GI HA'I DBANG GIS NA DE nAR 'GYUR BAR BSHAD PAS, NA LOG TU BYA STE SNGAGS RKANG GNYIS PAR YANG DE BZHIN DU BYA'O, ,DE BZHIN DU KA NAS KYI YI GE NYI SHU GCIG PA PA NYID DANG, DE BZHIN DU NYI SHU RTZA DRUG PA YA BTU BA YIN NO, ,GRI Hn'A PA YA LAN GNYIS SU BZLAS PA'I TSIG TU NI, HE RU KA'I NGA RGYAL LA SHIN TU MNYAM PAR BZHAG STE BTU'O, ,DE NAS GSAL BYED KYI GO RIM BZLOG PA'I DANG PO HA NYID GZUNG NGO, , RE'U MIG LAS NI ZHES PA RE'U MIG GI NANG NAS ZHES PA'O, ,KshA NI DBUS SU SONG BAS HA MTHA' MAR 'ONG NGO, ,SNGAGS RKANG BZHI KA LA HA BTUS LA DE RE'U MIG DANG POR BSHAD PA NI, GSAL BYED KYI LUGS BZLOG YIN PA DANG, GZHAN YANG GSAL BYED BTUS PA RNAMS PHAL CHAR SMAD NAS BTUS PAS, GSAL BYED LUGS BZLOG TU BSHAD LA, DE'I RIGS PAS DBYANGS PHAL CHER LUGS MTHUN DU BTUS PA YANG SHES PAR BYA'O, ,DBYANGS KYI BZHI PA NI A'I RING PO'O, ,DE'I MTHA' NI AU THUNG DU STE, HA DE DE DANG YANG DAG PAR LDAN PAR BYAS PAS HU'O, ,DE BZHIN DU HU DE DBYANGS KYI BCO LNGA PA Am GI AA PHYIS NAS, THIG LE DANG BCAS PAR BYAS PAS HUm MO, ,MNGON MTHO SGRUB PA'I CHOS DANG, DON TE NOR RAM LONGS SPYOD DANG, 'DOD PA
, ,LA BRTEN PA DANG, NGES LEGS THAR PA SGRUB PA YI SNGAGS KYI TSIG NI RKANG PA GSUM PA YIN PAR BSHAD DO, ,CHOS LA SOGS PA BZHI LA GZHAN NAS SDE BZHI'I 'BRAS BU ZHES ZER RO, ,BZHI PA NI, DBYANGS KYI RE'U MIG GNYIS PA'I SA BON A'A RING PO DANG, RE'U MIG SUM CU RTZA DRUG PA NA NYID DANG, DE BZHIN DU KA NAS KYI NYI SHU DRUG PA YA DANG, AA NAS KYI SUM CU GSUM PA HA YANG DAG PAR BLANGS LA, AA NAS KYI RE'U MIG BCU GSUM PA AO YIS TE AO DANG LDAN PAR BYAS PAS HO'O, , GSAL BYED KYI GO RIM BZLOG PAS HA NAS YAR LA BGRANGS PA'I BCU PA BHA, SGRUB PA POS BLANG, AA NAS KYI RE'U MIG LAS NI BCU DGU PA GA DANG, DE BZHIN DU RE'U MIG NYI SHU RTZA DGU PA WA NI, AA NAS KYI RE'U MIG GNYIS PA A'A RING PO DANG LDAN ZHING, SGRA STE N'A DA DANG THIG LES RNAM PAR BRGYAN PAS W'Am MO, ,DE NAS CHU YI SA BON PA DANG, KA NAS KYI BRGYAD PA DZA YANG NI DE BZHIN DU GZUNG NGO, ,ME YI BU RA YIS KHYAD PAR DU DBYE BA STE DZA LA GDAGS SO, ,SDOM 'BYUNG LAS, BHA GA WAN DANG, BADZRA MA BTUS PAR BIDY'A R'A DZA BTUS SO, ,YI GE HUm GIS NI SNGAGS DE'I MTHA' RU SBYAR TE, 'DI NI KHAMS GSUM STE TSANGS PA DANG KHYAB 'JUG DANG DBANG PHYUG GSUM LAS RGYAL BAR BYED PA ZHES BYA BA'I SNGAGS KYI TSIG RKANG PA BZHI YIS RNAM PAR BRGYAN PA'O, ,RKANG PA BZHI PO DE LA AOm NI BZHI PO KUN LA GSAL BYED DE THOG MA DANG, HUm DANG PHAt NI RKANG PA RE RE'I MTHA' RU SBYAR TE, 'DI'I HUm RNAMS KYI MGOR ZLA PHYED MED LA THIG LE NI THAMS CAD LA YOD DO, ,SNGAR HUm RE RE SONG YOD PAS
'DIR SBYAR BA'I HUm DANG BCAS PAS, HUm GNYIS GNYIS DANG PHAt RE RE YOD DO, ,GNYIS PA LA GNYIS, SNGAGS KYI CHE BA DANG, SNGAGS KYI CHO GA'O, ,DANG PO NI, RIG PA NI LHA RNAMS DANG, DE RNAMS KYI RGYAL PO NI 'KHOR LO SGYUR BA H'Um MDZAD DANG, GNOD MDZES KYI SNGAGS 'DI NI GZHAN DU SNGAR MA BYUNG ZHING PHYIS 'BYUNG BAR MI 'GYUR RO, ,GZHAN GANG DU MA BYUNG BA NI, RTZA RGYUD DE NYID BSDUS PA DANG, CHA MTHUN GYI RGYUD DPAL MCHOG DANG PO DANG, SGYU MA BDE MCHOG DANG, RDO RJE 'JIGS BYED KYI RGYUD DU MA BYUNG BA'O, ,DE'I DON NI SUMBHA NI'I SNGAGS KYI BTU GZHI DANG BTUS PA'I SNGAGS ZLO BA'I NGES DON SNGAR BSHAD PA, RGYUD DE RNAMS SU MA BYUNG BA'O, ,'KHOR LO ZHES PA 'GYUR GZHAN DANG MNGON BRJOD LA MED DO, ,'JIGS BYED DU ZHES PA MA BYUNG ZHES SOGS DANG SBYAR RGYU YIN GYI, RGYUD DE RNAMS SU SNGAGS KYI TSIG BZHIS, KHRO BO BZHI DANG LDAN PAR 'CHAD PA NI DON MIN NO, ,KHRO BO BZHI DANG YANG DAG LDAN, ,ZHES PA LA 'GREL PA GSUM LAS, SNGAGS BZHIS MTSAN NAS MA SMOS PA'I KHRO BO BSHAD PA YIN ZHES ZER MOD KYANG, DKA' RGYAL GYIS MNGON BRJOD KYI LE'U DRUG CU PA LAS, PADMA'I LTE BA'I DBUS SU H'Um MDZAD ZHAL BRGYAD PHYAG BCU DRUG PA LA, 'DOD RGYAL DANG DBYUG SNGON CAN DANG, STOBS PO CHE DANG MI GA-YO BA STE, DE BZHIS BSKOR BA LA BSHAD PA DRANGS NAS 'CHAD PA LTAR LEGS SO, ,LVA BA PA'I 'GREL PAR, DKYIL 'KHOR BSRUNG BA'I DON DU NI, ,GDUG PA THAMS CAD NGES GNON PA, KHRO BO BZHI DANG YANG DAG LDAN, ,SKAD CIG GIS NI SKU BRGYAD 'GYUR, ,ZHES 'BYUNG ZHING RKANG PA GSUM PA'I
, ,DON LA, MNGON BRJOD LE'U BZHI PA NAS GSUNGS PA LTAR GYI H'Um MDZAD LA, KHRO BO BCUS BSKOR BA'I BSRUNG 'KHOR BSHAD PA NI, L'U AI PA'I SGRUB THABS KYI BSHAD PAR RGYAS PAR BSHAD ZIN TO, ,SKAD CIG GIS NI SKU BRGYAD 'GYUR, ZHES PA NI SKAD CIG GIS NI STE SNGAGS RKANG BZHI PO RE RE'I SNGAGS BRJOD PA LAS, SGO MTSAMS MA BRGYAD KYI GNYIS GNYIS SPROS TE DE BRGYAD KYIS BGEGS 'GUGS PAR LA BA PAS BSHAD DE, L'U AI PA'I SGRUB THABS KYI 'GREL PA LVA BA PAS MDZAD PA DANG MI 'DRA BA YOD DO, ,DKA' RGYAL GYIS, GZUGS NI BRGYAD PO YANG DAG LDAN, ZHES BTON NAS, DAM TSIG GI 'KHOR LOR GNAS PA'I PHO NYA MO BRGYAD DANG LDAN PAR 'CHAD DO, ,'GREL PA GNYIS LAS, SKU BRGYAD DANG NI BCAS PA RU, ZHES BTON NAS, 'BYUNG BA BZHI NYI ZLA GSHIN RJE GNOD SBYIN GYI SKU BRGYAD KYI TSUL DU, SNGAGS BZHI GNAS PAR BSHAD MOD KYANG, SNGA MA GNYIS LAGS SO, ,BDE BA'I ZHES PA LTAR NA BDE BA CHEN PO'I NGO BO'I H'Um MDZAD KYI DKYIL 'KHOR DANG, GZHAN YANG BSRUNG BA'I DON DU KHRO BO BZHI DANG SKU BRGYAD BYED PA'O, ,DE'I DKYIL 'KHOR ZHES KYANG 'BYUNG NGO, ,GDUG PA THAMS CAD NGES PAR ZIL GYIS GNON PA 'DI NI RNYED PA TZAM GYIS KYANG, BRTAG MI DOGS PA STE THE TSOM MED PAR GDUG PA RNAMS 'CHI BAR 'GYUR RO, ,RANG GI LUS LAS SHES RAB KYI LUS SU ZHUGS TE, SLAR YANG RANG GI LUS SU ZHUGS PAS 'KHOR LO'I SBYOR BA BDAG NYID KYIS SNGAGS DE BZLAS NA DNGOS GRUB KUN GYI 'BRAS BU BGEGS MED PAR BSKYED PAR
'GYUR RO, ,GSUM PA NI, AOm SUMBHA NI SUMBHA HUm HUm PHAt, AOm GRIHnA GRIHnA HUm HUm PHAt, AOm GRIHn'A PA YA GRIHn'A PA YA HUm HUm PHAt, AOm AA NA YA HO BHA GA W'Am BADZRA HUm HUm PHAt, CES PA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RDZA RNGA BCINGS PA'I DBYIBS LTA BU LA DBYANGS GSAL BKOD PA LAS, SNGAGS RKANG PA BZHI BTU BA'I CHO GA'I LE'U STE SUM CU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU PA'I BSHAD PA'O,, ` ,,BDUN PA BZA' BA'I DAM TSIG RGYAS PAR BSHAD PA LA GSUM, LAG PA'I BRDA'I CHO GA'I LE'U DANG, PHYUGS DANG RO LANGS SGRUB PA DANG BSKYED RIM GYI CHO GA'I LE'U DANG, GSANG BA DANG BSNYEN BKUR GYI MCHOD PA'I LE'U'O, ,DANG PO LA BZHI, GA-YON PA'I KUN SPYOD 'JUG PA'I YUL BSHAD PA, GA-YON PA'I KUN SPYOD RGYAS PAR BSHAD PA, TSUL DE SBAS TE BSTAN PAR BYA BA, LE'U YI MTSAN BSTAN PA'O, ,DANG PO NI, SUM CU PA'I RJES DE NAS SO GCIG PA BSHAD PAR BYA BA LA, GDUG PA CAN THAMS CAD KYI SROG 'JIG PAR BYED PA, SHA CHEN PO STE MI'I SHA'I SBYIN SREG SOGS NI, RDO RJE LAS SKYES PA STE MI SLU BAR BSHAD DO, ,RDO RJE DBYER MED PA'I YE SHES TE DE LAS SKYES PA'I RDO RJE 'DZIN PA'I SKU'I TING NGE 'DZIN GYIS DE DAG BYED PA LA YANG BSHAD DO, ,MI'I SHA'I SBYIN SREG 'DI NI GDUG PA CAN THAMS CAD KYI SROG 'JIG PAR BYED PA MI BZAD PA STE MTHU DANG LDAN PA CAN DU BSHAD DO, ,MI SHA KHO NA DGOS SAM SNYAM NA, 'DI LTAR MI'I SHA DE BZHIN DU KHYI DANG PHAG GI
, ,SHA DANG, ZANGS KYI GTZUG PHUD CAN KHYIM BYA'I SHAS KYANG, DRAG PO'I SBYIN SREG DANG, LHA LA GTOR MA DBUL BA BYAS NA'ANG GDUG PA CAN 'JIG PAR BYED DO, ,'ON KYANG MI SHA NI LAS DE LA STABS CHE'O, ,DE GSUM BYED PA LA YANG LAG PA GA-YON PA'I BYA BA GTZO BOR 'JUG GO ,DE LTAR BYED PA LA NI RUNG NGAM MI RUNG SNYAM PA'I RNAM PAR DPYAD PA MED PAR RANG BZHIN GYIS 'OD GSAL BAR RTOGS NAS BYAS NA, RAL GRI LA SOGS PA'I DNGOS GRUB CHEN PO MA LUS PA DANG, DNGOS GRUB LHAG MA LUS PA MED PA'I SANGS RGYAS NYID 'GRUB CING, 'KHOR LO SGYUR BA'I 'AM PHYOGS SKYONG BA'I BDAG PO'I RGYAL SRID THAMS CAD RAB TU 'GRUB PAR 'GYUR RO, ,SHA DE DAG KYANG RANG GIS SROG BCAD PA LAS BYUNG BA MA YIN PA BZUNG NGO, ,RIG BYED PA RNAMS DUNG LA SOGS PA GSUM NI DAG BYED YIN LA, THOD PA NI MI GTZANG BA YIN PAS GZUNG BAR MI BYA'O, ,ZHES ZER BA'I LAN DU DUNG DANG NYA PHYIS DANG MU TIG RNAMS TE GSUM CHAR RGYU STE LAS MI DGE BA LAS BYUNG BA YIN NA, DE LA DAG BYED DO ZHES BSTOD CING, BSOD NAMS KYI TSOGS CHEN PO LAS BYUNG ZHING, SHIN TU RNYAD DKA' BA'I LUS CAN TE, MI'I THOD PA LA DAG BYED MA YIN NO ZHES SU ZHIG SMOD DE SMAD PAR MI BYA'O, ,CI'I PHYIR MI'I LUS MCHOG YIN ZHE NA, CHOS KYI SKU'I THAR PA DANG, BDE BA CHEN PA'I YE SHES RAB TU SGRUB PA'I GNAS KHYAD PAR CAN YIN PAS MI'I RTEN MCHOG GO ,ZHES GSUNG NGO, ,'DI LA GSUM CHAR RGYU LAS BYUNG BA YIN NA, CHOS KYI YE SHES LUS CAN GYI, ,ZHES 'DON NO, ,DUNG DANG NYA PHYIS MU TIG GI, RGYU MTSAN
GSUM PO 'BYUNG BA YIS, ,ZHES PA LTAR NA MU TIG GI GSUM PO RGYU MTSAN TE RGYU LAS 'BYUNG BA YIS ZHES SBYAR RO, ,'GYUR GZHAN LAS, DUNG DANG NYA PHYIS MU TIG STE, ,GSUM CHAR RGYU MTSAN BYUNG YIN NO, ,ZHES 'BYUNG NGO, ,SKAL LDAN GYIS PHUNG PO LA SOGS PA'I RGYU LAS BYUNG BAR 'DRA BA LA, DUNG LA SOGS PA DAG BYED YIN LA THOD PA NI MA YIN NO, ,ZHES BYA BA'I RGYU MTSAN GYI KHYAD PAR MED CES ZER LA, DPA' BOS KYANG RGYU SHA YIN PAR DBYER MED CES 'CHAD KYANG, LA BA PA'I LUGS LEGS SO, ,MI THOD KYANG DAG BYED DU 'GRO BA'I PHYIR, DPA' BO BCOM LDAN 'DAS NI MI'I THOD PA SKAM RLON GYI PHRENG BA CAN DU MDZAD LA, ZLA BA PHYED PAS DBU LA RGYAN DU BYAS PA'O, ,YAR NGO'I ZLA BA PHYED PA'I RNAM PA DE LTA BUR GYUR PA NYID LAS ZLA BA RGYAS PAR 'BYUNG BA BZHIN DU, DPA' BO THOD PA'I DUM BU LA SOGS KYANG DPA' BO HE RU KA LAS 'BYUNG BA YIN PAR BSHAD DO, ,GNYIS PA LA GNYIS, GA-YON PA'I KUN SPYOD SPYI DANG, KHYAD PAR DU LAG PA GA-YON PA'I MCHOD PA'O, ,DANG PO NI, BRDA NI LNGA PO NI RDO RJE PHAG MO LA SOGS PA'I LHA MO LNGA YIN LA, DE NI RAL PA'I COD PAN GYI THOD PA LNGA LA BRTEN PA STE BSGOM PAR BYA'O, ,ZHES 'CHAD DE, LHA MO LNGA'I NGO BO'I THOD SKAM LNGA BSGOM PAR BYA ZHES PA'I DON NO, ,YANG NA SOR MO LNGA PO YI BRDA NI 'OG NAS BSTAN PA DAG GI SGO NAS PHYAG RGYA'I DNGOS GRUB SGRUB PAR BYED PA'I SGRUB PA PO'I LAG PA GA-YON GYIS BZA' BTUNG SOGS DAM TSIG CAN LA SBYIN PAR BYA ZHING, DE NYID KYIS LAG PA'I BRDA RNAMS LA NI RAB TU 'JUG PA'O, ,DE'I RGYU MTSAN NI, LAG PA GA-YON PA 'DI NI RDO RJE SEMS DPA' LA SOGS
, ,PA DPA' BO DANG DPA' MO'I GNAS YIN PA'I PHYIR RO, ,KHAMS GSUM GYI RGYU BA BCUD DANG, MI RGYU BA SNOD KYIS BSDUS PA'I 'GRO BA KUN NI, GA-YON PA LAS BYUNG BA YIN PAS GA-YON PA'I KUN SPYOD BYA'O, ,LVA BA PAS, GA-YON PA NI SHES RAB STE RANG BZHIN MED PA'I NGO BO'O, ,DE NYID KUN RDZOB PA YONGS SU 'DRIS PA NI CHOS RNAMS KYI GNYIS SU MED PA'I DE BZHIN NYID NYE BAR MTSON PAR BYED PA'O, ,ZHES GSUNGS SO, ,SKAL LDAN GYIS, STONG PA KHO NA'I CHOS RNAMS LAS, ,STONG PA'I CHOS NI 'BYUNG BA YIN, ZHES KLU'I LUNG DRANGS PA LTAR BRTAN GA-YO MA LUS PA NI, RANG BZHIN MED PA'I STONG PA NYID LA BYA LA, DON PHYOGS RE BA NI GA-YON PA BUD MED DU BSHAD PA LA YOD DE, SNGAR RGYAS PAR BSHAD ZIN TO, ,GNYIS PA NI, 'O NA LAG PA'I MCHOD PA BYED PA NA LAG PA GA-YON PA'I SOR MO SOGS LA LHA GANG 'GOD SNYAM NA, RDO RJE SEMS DPA' NI LAG PA GA-YON PA'I SBOM PO'AM SDONG PO ZHES PA MTHE BONG STE DE LA GNAS SO, ,DE BZHIN DU LCUG MA STE MDZUB MOR RNAM PAR SNANG MDZAD GNAS SO, ,CHO GA'I RNAM PA DE LTA BUR ZHES PA 'GYUR GZHAN LA MED LA, YOD PA LTAR NA SOR MO GNYIS LA LHA 'GOD PA'I CHO GA'I RNAM PA DE LTA BUR TE BZHIN DU, LHAG MA LA YANG LHA DGOD CES PA'O, ,GTZO BOR STE GUNG MO LA PADMA GAR MDZAD DE GAR DBANG DANG, BRTAN PAR TE SRIN LAG LA DNGOS GRUB THAMS CAD NI RAB TU STZOL BA'I DPA' BO HE RU KA BZHUGS SO, ,MTHA' MA STE MTHE'U CHUNG LA NI, NAM MKHA' YI SNYING PO STE RDO RJE NYI MA MI BZANG PA'I SKU DANG LDAN PA NYID DO, ,LO CHEN GYI 'GYUR LA MTHE BONG SOGS
LNGA RANG MING NAS SMOS SO, ,SEN MO'I NGOS LNGA BSDOMS PA NI RTA MGRIN NAM RTA MCHOG GI GNAS SU GYUR PA YIN NO, ,DPA' BO 'DI DAG THAMS CAD LAG PA GA-YON PA LA 'GOD PA NI, BRDA STON PA DANG ZAS STER BA SOGS LAG PA GA-YON PA LAS 'BYUNG BA'I RGYU MTSAN NO, ,LAG PA GA-YON PA'I MTHIL DU KHA DOG BZHI PA'I PADMA 'DAB MA LNGA PA BSAMS LA, ZE'U 'BRU STE LTE BA LA SHR'I HE RU KA DANG DE YI YUM PHAG MO GNYIS 'DUS PAS MCHOG TU DGA' BA BYED PA YIN NO, ,MDUN DU GSHIN RJE MA, GA-YON DU RMONGS BYED MA, GA-YAS SU SKYONG BYED MA, RGYAB TU SKRAG BYED MA, GTUM MO NI SNYOMS PAR 'JUG PAR 'DOD PA STE DBANG LDAN GYI MTSAMS SU BSGOM MO ZHES DPA' BOS BSHAD DO, ,SKAL LDAN DANG LANG KAS GA-YAS SU SKRAG BYED MA RGYAB TU SKYONG BYED MA 'GOD DO, , LAG PA GA-YON PA'I RGYAB TU YANG LHA BCU GNYIS SAM 'KHOR LO GSUM GYI LHA TSOGS ME LONG LA GZUGS BRNYAN SHAR BA BZHIN DU, SHIN TU NGES PA STE BSGOM PAR BYA'O, ,'DI DAG NI LAG PA GA-YON DU LHA 'GOD PA STE MDZA' BA STE SEMS MTHUN PA'I RNAL 'BYOR MA THAMS CAD 'DUS PA NA, RNAM PA DE LTA BU'I CHO GAS DPA' BO DAM PA STE MCHOG ,LAG MCHOD KYI BRDA NYID RNAM PA LNGA DRI CHEN LA SOGS PA'I BDUD RTZI LNGAS MCHOD PAR BYA BA YIN NO, ,LAG PA GA-YON GYI 'BYUNG BA BZHI SPYAN SOGS BZHIR SGOM PA NI, SA NI SPYAN ZHES PA'I RKANG PA BZHIS BSTAN TE, SKAL LDAN DANG LANG KAS SPYAN LA SOGS PA NI MKHA' 'GRO MA LA SOGS PA BZHI LA BYA'O, ZHES 'BYUNG BAS, SPYAN DANG M'A MA K'I DANG GOS DKAR MO DANG SGROL
, ,MA NI RIM PA BZHIN DU, MKHA' 'GRO MA DANG GZUGS CAN MA DANG DUM SKYES MA DANG L'A MA YIN TE, SA SOGS BZHI DE RNAMS KYI NGO BOR BSGOM MO, ,DPA' BOS SPYAN MA LA SOGS PA GZUNG BAS GZUGS CAN MA LA SOGS PA BZHI GZUNG BA'O, ,ZHES 'CHAD MOD KYANG SNGA MA GNYIS KYI LUGS LEGS SO, ,STONG PA STE NAM MKHA'I KHAMS NI TZUM BI KA STE 'O BYED MAR BSAM MO, ,DE NI RDO RJE PHAG MOR BSHAD DO, ,DE BZHIN DU LHA MO DE NI SHES RAB KYI PHA ROL TU PHYIN PA YANG YIN NO, ,DBUS SU ZHES PA NI STONG PA NAM MKHA'I DBYINGS TE, DPA' BO KUN GYIS ROL PA'I GNAS KYANG YIN NO, ,MKHAS PAS RGYAB TU GSHEGS SU GSOL BA NI, LAG PA LA BKOD PA'I LHA RNAMS LAG PA'I RGYAB TU GZUGS BRNYAN SHAR BA BZHIN DU, DER GSHEGS PA LA 'CHAD DE, RGYAB TU DES BYAS ZHES PA DANG DON GCIG TU 'CHAD DO, ,LAG MCHOD KYI RNAM GZHAG RGYAS PAR NI L'U AI PA'I RNAM BSHAD DU ZHIB TU BSTAN PA LAS SHES PAR BYA'O, ,GSUM PA NI, LAG PA'I MCHOD PA SOGS GSANG BA 'DI NI SNOD MIN LA MI BSHAD CING, RAB TU 'BAD DE SBA BAR BYA'O, ,DE LTAR LAG MCHOD LA DUNG CHEN PO MI THOD LA GNAS PA'I RDZAS BDUD RTZI LNGA LA SOGS PAS, 'KHOR LO SDOM PA LA SOGS PA'I DPA' BO RNAMS BRDAR BYAS PA STE MCHOD CING, ZAS LA LONGS SPYOD PA'I TSE SNOD SO SOR MI BGO BAR SNOD GCIG TU ZAS LA BRTZAM BAR TE LONGS SPYOD PAR BYA'O, ,DE LTAR BYAS PAS DPA' BO THAMS CAD DANG MNYAM PAR SBYOR BA'I MKHA' 'GRO MA'I DRA BA STE TSOGS KUN GYI GTZO BO 'KHOR LO BDE MCHOG NYID
DU 'GYUR BA YIN NO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, BZA' BA DANG SBYIN SREG DANG, GTOR MA'I BYA BA LA 'JUG PA NA, LAG PA LA BRTEN PA'I BRDA YIS 'JUG PA'I CHO GA'I LE'U STE SUM CU RTZA GCIG PA'O,, ` ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA GCIG PA'I BSHAD PA'O,, ` ,,GNYIS PA PHYUGS DANG RO LANGS SGRUB PA DANG BSKYED RIM GYI CHO GA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, SO GCIG PA'I RJES DE NAS LAG MCHOD LAS GZHAN YANG BSHAD PAR BYA'O, ,DE GANG YIN ZHE NA, BZA' BA'I RGYU PHYUGS DANG, LONGS SPYAD PAR BYA BAS NA STON MO STE, DE RNAMS BSAGS PA NI 'DUS PA STE, DE RNAMS MJES PAR BYED PA'I LHA'I RNAL 'BYOR LA SOGS PA'I YANG DAG PA'I CHO GA GANG GIS SHES PA NI, MYUR DU STE TSE 'DI NYID LA DNGOS GRUB RAB TU 'JUG PAR BYED PA'O, ,GNYIS PA LA GSUM, SBYIN SREG SOGS KYI DON DU PHYUGS KYI SGRUB PA DANG, DNGOS GRUB CHEN PO'I DON DU RO LANGS KYI SGRUB PA DANG, DE KUN LA DGOS PA'I BSKYED RIM GYI RNAL 'BYOR BSTAN PA'O, ,DANG PO NI, SGRUB PA POS SNGAR BSTAN PA'I RIM PA DES SANGS RGYAS LNGA RNAM PAR DAG PA'I BONG BU LA SOGS PA LNGA'I PHYUGS RNAMS KYI NI SHA RANG GIS GNOD PA BYAS PA MIN PA DGUG PA STE BSGRUB PAR BYA'O, ,SNGAR BSTAN PA NI BCU BZHI BAR SKYE BDUN GYI BRTAG PA BA STAN PA DES, SKYE BDUN SHES PAR BYA BA'AM, YANG NA THUN MONG BA STE NAD KYIS MA SNYOMS PA DANG, SHU BA DANG MDZE LA SOGS PA DANG BRAL BA'I SHA RNYED NA YANG NGO, ,
, ,YANG NA SNGAR LAG PA'I BRDA JI LTAR BSTAN PA'I BYA BAS SO, ,ZHES GSUNG STE PHYI MA NI GNAS DANG NYE BA'I GNAS LA SOGS PAR TSOGS KYI DKYIL 'KHOR BYED PA'I DUS SU BRDA STON PA'O, ,SKYE BDUN GYI PHYUGS RNAMS LA BRTEN NAS SGRUB PA DE BZHIN DU SDER MO LNGA PA LAS KYANG BSGRUB PAR BYA STE, 'GREL PA GNYIS LAS, SEN MO LNGA PA NI KHYI DANG BYI LA DANG RI BONG LA SOGS PA'O, ,ZHES 'CHAD PA LTAR NA, PHYUGS RNAMS DANG NI SEN MO LNGA, ZHES PA YOD DO, ,DPA' BOS, SDER MO CAN NI DE BZHIN DANG, LNGA NI RUS SBAL DANG RNGA MO DANG KHYI DANG CE SPYANG DANG RTA DANG LNGA LA 'CHAD DO, ,KHA CIG RTA'I SKAD DOD LA RGYA DPE KHA CIG LAS, SEN MO ZHES 'BYUNG LA, DE'I DON SDER MO CAN LNGA YIN ZHES GSUNG MOD KYANG, PHYUGS RNAMS DANG NI DE BZHIN LNGA, ZHES PA'I BSHAD PAR MI 'GRIG CING, SDER MO CAN LNGA ZHES PA NI 'GREL PA RNAMS LAS, SEN MO LNGA PA ZHES 'BYUNG BAS SDER MO LNGA PA CAN DU BYA DGOS SO, ,BONG BU DANG RUS SBAL DANG MI DANG RNGA MO DANG, CE SPYANG DANG RTA DANG SOGS KYIS BA LANG YANG GZUNG NGO, ,THUN MONG GI DNGOS GRUB SGRUB PA'I TSOGS KYI DKYIL 'KHOR DU PHYUGS 'DI DAG GI SHA NI SGRUB PA'I YAN LAG TU STE GROGS SU 'GYUR RO, ,BONG BU LA SOGS PA PHYUGS YIN MOD MI PHYUGS SU JI LTAR BRJOD CE NA, PHYUGS KYI SKAD DOD NI DAM PA'AM MCHOG LA YANG 'JUG LA, DE LTAR NA RIGS RANG DGA' BA'I RIGS RNAMS LAS TE DE DAG GI NANG NAS RIGS KYI MCHOG GI PHYUGS MI YIN TE, LAM SGRUB PA'I RTEN DU BSNGAGS PA'I YON TAN
THAMS CAD DANG LDAN PA'I PHYIR RO, ,ZHES GSUNG NGO, ,BONG BU LA SOGS PA'I RKANG BZHI PA RNAMS LAS GLANG PO CHE MCHOG DANG, KHRA LA SOGS PA'I 'DAB CHAGS RNAMS LAS NGANG PA NYID MCHOG DANG, DUD 'GRO ZHES PA'I RKANG PA LA, BYOL SONG RNAMS LAS RUS SBAL RGYAL ZHES BYUNG ZHING RUS SBAL RGYAL NI NOR BU YOD PA'I SPRUL LA 'CHAD DO, ,KHA CIG CHU LAS SKYES PA'I DUD 'GRO RNAMS LAS RUS SBAL NI RGYAL PO STE GTZO BO'O ZER RO, ,DE RNAMS NI PHYUGS KYI SKAD DOD MCHOG LA 'JUG PA'I STENG NAS BSHAD PA'O, ,LHA NI TSANGS PA DANG KHYAB 'JUG DANG DBANG PHYUG RNAMS SO, DE RNAMS SNGAGS DANG PHYUGS LNGA'I SHA LA PHYI NANG GI SBYIN SREG BYAS PAS, GDOD 'GUL BA STE RANG GI DBANG DU 'GYUR RO, ZHES KHA CIG 'CHAD LA, KHA CIG NI, LHA RNAMS KYI NI KHA GA-YO BA, ZHES BTON NAS, RA DANG MA HE DANG KHYIM BYA RNAMS KYIS, SNA TSOGS KYI GZUGS KYIS ROL BAS NA LHA STE LHA MA YIN GYI KHA GA-YO BAR BYED DO, ZHES 'CHAD DO, ,LHA RNAMS LAS NI ZHES PAR 'GYUR GZHAN GNYIS DANG 'GREL PA RNAMS LA MED DO, ,SHA'I RIGS RNAMS NI SNGAR BRJOD PA'I RNAM PA DE LTAR YIN NO, ,THUN MONG GI DNGOS GRUB SGRUB PA'I DKYIL 'KHOR DU TSOGS LA LONGS SPYOD PA NI, PHYUGS DE DAG GI SHA NI YIN PAR BSHAD DE, KHVA DANG CHU SKYAR DANG BZHAD DANG SKYE GNYIS BLON PO CHEN PO STE NE TZO DANG, KHRUNG KHRUNG DANG RI SKEGS DANG KA TAM PA'I SHA RNAMS LAS, BZA' BA DANG SBYIN SREG DANG LHA LA GTOR MA BYAS PAS, 'DOD PA'I DNGOS GRUB KUN NI 'GRUB PAR 'GYUR RO, ,'DIR CE SPYANG 'DAB CHAGS KYI GSEB TU BGRANGS PA NI, DPE MA DAG PA LAS
, ,'GREL PAR YANG MED DO, ,GNYIS PA NI, GNOD MDZES KYI SNGAGS SAM, RTZA BA'I SNGAGS SAM, SNYING PO'I SNGAGS 'BUM BZLAS TE, 'GRUB PA'I MTSAN MA THOB PA'I SNGAGS PAS, BGEGS PA'I RO'AM RO GZHAN YANG RUNG, RMA MED CING MA RUL PA MDZES PA RNYED NAS, MAR NGO'I BRGYAD DAM BCU BZHI LA RI RTZE'AM DUR KHROD DU, DKYIL 'KHOR BZHENGS PA'I DBUS SU RO MGO SHAR DU BSTAN PA GAN RKYAL DU BZHAG PA'I SNYING KHAR SGRUB PA PO KHA SHAR DU BLTAS LA 'DUG STE, KHYI NAG MO DANG BA NAG MO YI 'O THUG SRAN MA MA SHA NAG PO DANG, 'BRAS NAG POR LDAN PA'I BSREG RDZAS KYIS, DNGOS GRUB 'DOD PAS DOGS PA STE 'JIGS PA MED PA RU, GNOD MDZES KYIS SNGAGS SAM SNYING PO'I SNGAGS KYIS JI SRID BRGYA RTZA BRGYAD DAM, BRGYAD BRGYA'I BAR DU RO'I KHAR NI PHUL BAR MOS NAS SPYIN SREG BYA'O, ,DE LTAR BYAS PAS YI DVAGS RO DE LANGS NAS NI SGRUB PA PO DE LA 'DRI BAR BYED DE BDAG GIS CI BGYI ZHES NI SMRA BAR 'GYUR RO, ,RO LA YI DVAGS ZHES PA NI SKAD DOD THUN MONG BA CIG YOD PAR SNANG BAS, KHA CIG GIS ROR BSGYUR LA, KHA CIG GIS YI DVAGS SU BSGYUR RO, ,DE NAS DE LA MCHOD YON BYIN NAS, DPA' BO CHEN PO LEGS SO KYE, ,RDO RJE SEMS BDAG BRTUL ZHUGS BZANG, , GRUB PA BDAG DE BDE LEGS KYI, ,DNGOS GRUB BDAG LA RAB TU STZOL, ZHES BA RJOD LA 'DOD PA'I DON LA GSOL BA BTAB PAS SA 'OG STE SA YI BUG PAR 'JUG PA'I DNGOS GRUB DANG, LANGS PA STE BAR SNANG LA 'GRO BA DANG, RAL GRI'I RIG
'DZIN DANG, 'AM GYI SGRAS 'KHOR LO'I RIG 'DZIN LA SOGS PA BSDU'O, ,TSAR GCOD PA GDUG PA CAN GZHOM PA DANG, PHAN 'DOGS PA RI LU'I RIG 'DZIN DANG, MIG SMAN MIG LA BSKUS PAS SA 'OG GI GTER MTHONG BA RNAMS SAM, SHING LHAM LA SOGS PA'I RKANG MGYOGS DAG GAM, TSE BSKAL PAR GNAS PA'I BCUD KYIS LEN DANG, DE BZHIN ZHES PAS DNGOS GRUB GZHAN SDUD DE DNGOS GRUB 'DI RNAMS KYI NANG NAS DNGOS GRUB GANG RUNG GCIG BYIN NAS, RANG GI GNAS SU 'GRO BAR 'GYUR GYI GZHAN DU MIN ZHES BA NGES PA MED PA'I PHYIR RO, ,ZHES 'CHAD PA'I PHYI MA NI NGES PA MED PA MIN ZHES PA'I DON DU BYA STE, DNGOS GRUB GANG RUNG GCIG MA BYIN PAR MI 'GRO BA'I DON NO, ,STENG GI PHO NYA MO MKHA' LA SPYOD PA DANG, 'OG GI PHO NYA MO SA DANG SA 'OG NA SPYOD PA'I 'KHOR LO GSUM GYI RNAL 'BYOR MA GRUB NAS, DE RNAMS KYIS RANG GI GNAS SU 'KHYER BA'AM, DE'I THABS STON PAR 'GYUR BA NI BDE MCHOG GI RGYUD 'DIR THE TSOM MED PA YIN NO, RO LANGS KYI GRUB PA ZHIB TU SHES PAR 'DOD NA, LVA BA PA DANG LHA SBAS KYI 'GREL PA DANG BSHAD SBYAR LAS SHES PAR BYA'O, ,GSUM PA LA GNYIS, RTEN BSKYED PA DANG, BRTEN PA LHA BSKYED PA'O, ,DANG PO NI, BA LANG GNAS ZHES PA'I RKANG PA BZHI LA, GZHAN LAS, LCI BA'I THAL BA NYID DAG DANG, ,DE BZHIN LHAG MA MGO BO SKAM, ,DUNG CHEN PO LAS BYUNG BAS BYA, ,YANG NA RUS SBAL GYIS NI BYA, ZHES 'BYUNG LA, DE'I DON NI, KONG KA NA DANG, SKAL LDAN GRAGS PA DANG, LANG KA DANG, DPA' BO RDO RJE RNAMS KYIS 'BYUNG BA RIM RTZEGS DANG RI RAB
, ,SKYED PA LA MI SBYOR ZHING, DANG POS MI MGO'I DUM BU SKAM PO BLANGS LA, DUNG CHEN PO BYA'O ZHES DANG, GNYIS PAS BA LANG DANG MHE SOGS KYI RUS PA BLANGS LA LAS SO SO'I PHRENG BA BYA'O, ZHES DANG, GSUM PAS MGO BO SKAM PO CHAG GRUGS MED PA BLANGS LA DUNG CHEN PO BYA BA'AM YANG NA RUS SBAL GYI THOD PA LA BYA'O ZHES DANG, BZHI PAS MI MGO SKAM PO BLANGS NAS BDE BA CHEN PO BYED DO, ,RUS SBAL NI THOD PA'O ZHES 'CHAD DO, ,SLOB DPON GZHAN GNYIS NI LCI BA SA DANG, THAL BA CHU DANG, MGO SKAM ME DANG, DE BZHIN NAM MTSON CHA RLUNG DANG, DUNG CHEN PO RI RAB DANG, RI CHEN PO'I NGO BOR BYA, ZHES KYANG 'DON TE DON 'DRA'O, ,BA LANG GNAS ZHES SOGS 'DIR 'BYUNG BA BZHIN DU, DRIL BU BA'I LHA LNGA LAS 'DI DANG RKANG PA BZHI 'DRA ZHING NAG PO SPYOD PA'I GZHUNG LAS KYANG RKANG PA GSUM 'DRA BAR 'BYUNG STE, DE YANG RTEN GYI DKYIL 'KHOR GYI 'OG GI 'BYUNG BA RIM RTZEGS LA SBYOR PA LTAR 'DIR BSHAD NA, BA LANG GNAS NI, ZHIB MO RNAM 'THAG LAS, NGAG PHYOGS SA DANG 'OD ZER DANG, PHYUGS DANG MIG DANG RDO RJE DANG, ,MTHO RIS CHU DANG DON DGU LA, ,MKHAS PAS GOO SGRA NGES GZUNG BYA, ZHES GSUNGS PA LTAR PHYUGS TE BA LANG LA'ANG 'JUG PA'I GOO SGRA NI SA LA YANG 'JUG PA'I 'DIR SA'O, ,GANG DU ME TOG SOGS BZHAG NA STENG DU LDING BA NI CHU'O, ,GANG GIS LHAG MA MED PAR SKAM PAR BYED PA NI ME'O, ,RTZA NANG NAS RGYU BA NI RLUNG NGO, ,DE NAS NI DUNG CHEN PO'I SKAD DONG MAH'A SHAm KHA ZHES PA LA, SHAm SU KHA DANG SAm SU
KHA GNYIS KA BDE BA LA 'GRO BAS BDE BA CHEN PO RANG BZHIN DU BYA BA'I DON TE, BDE CHEN MTSON PA'I MNGON BYANG LNGA BYA BA DANG, 'BYUNG BA RIM RTZE GSOGS BDE BA CHEN PO'I NGO BOR MOS PAR BYA BA'O, ,YANG NA RUS SBAL DAG GI'O ZHES BAS LHA SGONG SKYES KYI SKYED CHOG STON PAR 'GREL PA GZHAN LAS BSHAD KYANG, NAG PO PA DANG DRIL BU PA'I LUGS KYIS RTEN BSKYED PA'I SKABS KHO NA LA SBYOR BAR 'DUG PAS, YANG NA'I DON YANG NI'I DON DU BSHAD PA YANG YOD PAS RUS SBAL GYI BRDAS BSTAN PA'I RI RAB KYANG BSGOM ZHES PA'I DON NO, ,SPYOD PA PAS, MI PHYED PA DANG RUS SBAL LO, ,ZHES YANG NA'I SGRA MED PAR YANG 'DON NO, ,'DIR RTEN GZHAL YAS KHANG SKYED PA MA BSHAD PA NI, SNGAR LE'U GNYIS BAR BSHAD PA LA DGONGS SO, ,ZHES SU MA TI K'I RTI GSUNG NGO, , DE LTAR SGOM PA 'DIS NI DNGOS GRUB SBYIN PAR 'GYUR BA YIN NO, ,GNYIS PA NI, PHYAG BZHI ZHES SOGS 'DI NAG PO SPYOD PAS RGYU RDO RJE 'DZIN PA HE RU KA YAB YUM LA 'CHAD, LVA BA PA DANG LHA SBAS KYIS RGYU RDO RJE 'DZIN PA ZHAL GSUM PHYAG DRUG PA YUM DANG BCAS PA ZHU BA LA, GLUS BSKUL BA LAS BZHENGS PA'I 'BRAS BU'I HE RU KA LA 'CHAD CING, BHA BAS RO LANGS SGRUB PA'I LHA'I RNAL 'BYOR DU 'CHAD DO, ,HE RU KA RTZA ZHAL DKAR GA-YON LJANG RGYAB DMAR GA-YAS SER BA'AM, YANG NA BZHI KA DKAR BA'I ZHAL BZHI PA PHYAG BZHI PA'I PHYAG MTSAN NI, RO LANGS SGRUB BA LA RDO RJE DANG MDUNG DANG THOD PA DANG KHA tV'Am GA 'CHANG BA ZHES BHA BAS BSHAD, JI SRID PHYAG NI 'BUM GYI BAR ZHES PAS NI ZHAL DANG PHYAG NGES PA MED PAR DGONGS TE, 'ON KYANG GDAMS NGAG LA
, ,LTOS SO, ,SKU MDOG NI DKAR BA'I KHRO BO CHEN PO, DE NAS TE DE BZHIN DU DRAG SHUL GYI GZUGS 'CHANG BA SPYAN RDO RJE PHAG MO LA GZIGS PA, PHAG MO YANG YAB DE'I SKU MDOG 'CHANG BA STE DKAR PO ZHAL BZHI PA, PHYAG NA MTSON CHA STE RDO RJE DANG THOD PA 'CHANG BA, DPA' BO YAB NI DBU LA THOD PA'I PHRENG BA CAN, SKU LA DUR KHROD KYI THAL BAS NYE BAR BYUGS PA, RAL PA COD PAN DU BCINGS PA, PHYAG GA-YAS KYI GNYIS PA NA MDUNG DANG LDAN PA, SPYI BO'I NOR BU LA SOGS PA'I PHYAG RGYA YIS NI SKU LA BRGYAN PA, ZHAL GYI MCHE BA CUNG ZAD GTZIGS PA, YI DVAGS CHEN PO STE 'BYUNG PO'I BDAG PO GANG NA DU BYAS PA LHA SO DRUG DANG BCAS PA, SGRUB PA PO YIS DUS GSUM DU RTAG TU SNGAGS KYI LHA DE RNAMS SHES NAS BSGOM PAR BYA'O, ,PHYAG DANG ZHAL 'BUM LA SOGS PA LA NI GA-YAS THAMS CAD DU RDO RJE DANG, GA-YON DU MDUNG NGAM YANG NA NI KHA tV'Am GA DANG THOD PA'O, ,ZHAL THAMS CAD NI DKAR BA'O, ,ZHES BHA BAS BSHAD DO, ,MAR DO'I LUGS KYIS 'BYUNG BA RIM RTZEG SGOM PA SNGAR DANG 'DRA, DUNG CHEN PO RI RAB LA BYAS NAS, GZHAL YAS KHANG BSKYED PA'I NANG DU, MNGON BYANG LNGA LAS RGYU RDO RJE 'CHANG YAB YUM SKYED PA NAG PO PA LTAR BYED PA NI, PHYAG BZHI PA DANG ZHES PA NAS MTSON CHA 'CHANG ZHES PA'I BAR GYIS STON NO, ,DPA' BO THOD PA'I PHRENG BA CAN, ZHES PA NAS 'BRAS BU RDO RJE 'CHANG LA SBYOR TE MNGAL SKYES DANG SBYOR RO, ,YANG NA ZHES PAS BRDZUS SKYES DANG SBYOR BA L'U AI PA LTAR BYED DO, ,DE'I LTAR NA DUNG CHEN PO ZHES PA MNGON BYANG LNGAS RTEN DANG BRTEN PA DUS GCIG TU SKYED
PA LA BYA DGOS SHING, 'BRAS BU'I HE RU KA SKU MDOG DKAR POR MI SGOM ZER LA, DKA' RGYAL GYIS RO LANGS CHEN PO SGRUB PA'I THUN MONG MA YIN PA'I LHA LA SBYOR BA DANG, SKAL LDAN SOGS KYIS PHRENG BA LA 'CHANG PA GNYIS MI 'THAD DE, LE'U YI MTSAN LA BSKYED PA'I RIM PA ZHES BSHAD PAS GSAL BA'I PHYIR RO, ,ZHES 'CHAD DE, MAL GYI LUGS 'DZIN PA DAG GIS KYANG DE LTAR 'GOG GO, DE LA DKA' RGYAL GYI 'GREL PAR DE LTAR SBYAR BA MED LA, BHA BAS RO LANGS SGRUB PA LA SBYAR YANG, DE'I THUN MONG MA YIN PAR BSHAD PA MED CING, DE DANG PHRENG BA SOGS LA SBYOR BA BSKYED RIM DU BSHAD PA DANG 'GAL BA MED DO, ,NAG PO PA'I LUGS KYIS KYANG RDO RJE 'CHANG GNYIS SKYED PA'I GZHUNG GI GCOD MTSAMS DE LTAR MI BYED PA DE'I SGRUB THABS LAS SHIN TU GSAL LA, PHAG MO DMAR MOR 'CHAD PA YANG DE'I DGONGS PA MIN NO, ,L'U AI PA'I LUGS BRDZUS SKYES SU 'CHAD PA YANG SKABS GZHAN DU SGONG SKYES SU RANG NYID 'DOD PA DANG 'GAL LO, ,DE LTAR BRJOD PA'I RIM PAS HE RU KA BSGOMS PAS YON TAN KHYAD PAR DU 'PHAGS PA'I DON THAMS CAD 'GRUB PAR 'GYUR RO, ,GSUM PA NI, DPAL HE RU KA MNGON PAR BRJOD PA BDE MCHOG BSDUS PA'I RGYUD LAS, DUD 'GRO STE 'DAB CHAGS DANG BONG BU LA SOGS PA'I PHYUGS KYI SHA DGUG PA DANG, RO LANGS CHEN PO SGRUB PA DANG, DE DAG LA SOGS PA LA NYE BAR MKHO BA'I BSKYED PA'I RIM PA'I CHO GA'I LE'U STE SUM CU RTZA GNYIS PA'O,, ` ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA, SBAS PA'I DON KUN GSAL BA
, ,LAS, LE'U SUM CU RTZA GNYIS PA'I BSHAD PA'O,, ` ,,GSUM PA GSANG BA DANG, BSNYEN BKUR GYI MCHOD PA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, , DANG PO NI, SO GNYIS PA'I RJES DE NAS SGRUB PA PO KUN LA NI, SBYOR BA STE RNAL 'BYOR KUN LA 'DI LAS MCHOG TU GYUR PA GZHAN MED PA'I SBYOR BA BSHAD PAR BYA'O, ,GZHAN LAS, DE NAS SGRUB PA PO RNAMS KYI, ,SBYOR BA KUN LA MED PA BSHAD, CES 'BYUNG NGO, ,GNYIS PA LA GSUM, BSNYEN BKUR GYI MCHOD PA, GSANG BA'I MCHOD PA, MCHOD PA'I PHAN YON NO, ,DANG PO NI, GAL TE DE LTA YIN NA RNAL 'BYOR DE GANG ZHE NA, BZA' BA NI LONGS SPYOD PAR BYA BA STE GOO KU DA HA NA LA SOGS PA'I SMAN RNAMS SO, ,BCA' BA STE STON MO NI ZHO DANG MAR DANG SBRANG RTZI DANG, KHA RA DANG LA DU LA SOGS PA'O, ,ZHO LA SOGS PA MANG BA LA STON MOR BSHAD DE, BCA' BA NI STON MOR BSGYUR RO, ,NYA NI RO HI TA SOGS DANG, SHA NI RA'I SHA DANG, SOGS KYIS NI GZHAN YANG JI LTAR RNYED PA'I BZA' BA SOGS KYI KHYAD PAR GZUNG NGO, ,DE DAG KYANG NUS PA STE RANG GI 'BYOR PA JI LTA BA BZHIN DU DE DANG 'TSAM PAR BYA'O, ,BDUD RTZI LNGAR SKYED PAR MI NUS SHING BDUD RTZI LNGA PO MED PAR GYUR KYANG BZA' BA DANG BTUNG BA THAMS CAD NI, BDUD RTZI LNGA PO NYID DU BSGOM PAR BYA BA YIN NO, ,TSOGS KYI YO BYAD KYI BZA' BA DANG BCA' BA RGYA CHE ZHING BZANG BA RNAMS, RTAG PAR TE RGYUN DU MTSAN MO NYID DU BYA BA YIN ZHES GSUNGS TE, NYIN MO YANG BYED MOD KYANG
NUB MO NI NGES PAR BYA BA YIN PAS MTSAN MO SMOS SO, ,LVA BA PAS, BSOD NAMS CHEN PO GSOG PA'I THABS MCHOG YIN PAS TSOGS KYI DKYIL 'KHOR BRTZAM PAR BYA STE, 'PHAGS PA LHA'I ZHAL SNGA NAS KYI SPYOD PA BSDUS PA'I SGRON MA LAS JI SKAD GSUNGS PA BZHIN NO, ZHES GSUNGS SHING, LVA BA PAS KYIS KYANG SPYOD BSDUS LA KHA 'PHANGS PAS SPYOD BSDUS LAS GSUNGS PA BZHIN DU TSOGS 'KHOR BYA'O, ,DE NAS PHO NYA RAB SBYIN ZHING ZHES PA NI DKA' RGYAL GYIS BLA MAS SLOB MA LA PHO NYA MO SBYIN PA 'CHAD, SKAL LDAN SOGS KYIS BDAG NYID GCIG PUS MI BZA' YI, RIGS BZANG NGAN GYI RNAL 'BYOR MA RNAMS LA SBYIN PAR BYA ZHES PHO NYA LA ZAS SBYIN PA'I DON DU BYED DO, ,GNYIS PA NI, TSOGS MCHOD BYA BA LA KHYAD PAR DU NI SGRUB PA POS, RANG GI PANG PAR MGO BO BZHAG PA STE PHO NYA MO RANG GI GA-YON LOGS SU BZHAG PA LA LAG PA GA-YON PAS 'KHYUD NAS, DPA' BO HE RU KA DANG GNYIS SU MED PA STE MNYAM PAR SBYOR BAS MCHOD PAR BYA BAR 'CHAD DE, RANG GI PANG PAR MGO BZHAG STE, ZHES 'DON NO, ,DE DAG GI LTAR NA PANG PAR MGO BZHAG PA DANG, GA-YON GYIS 'KHYUD PA GNYIS LA SKAD DOD THUN MONG BA CIG YOD PA 'DRA STE, BOD SKAD LTAR NA 'BRU GNON RNAMS 'BREL MED DU 'GRO BA'I PHYIR RO, ,DPA' BO'I 'GREL PAR, RANG GIS 'KHYUD CING MGOR BYAS LA, ZHES 'BYUNG ZHING, SLOB MAS GA-YON PA'I BRLA'I DBUS SU MGO BO BYAS LA ZHES PA LTAR NA GA-YON PA NI PHO NYA MO DANG, DE'I BRLA GNYIS KYI DBUS SU MGO BO BYAS PA NI RDO RJE'I MGO PADMAR BZHAG PA'O, ,PHO NYA MO NI MA LA
, ,SOGS PA BZHI STE, DE DAG GI DON NI BSHAD ZIN TO, ,PHO NYA MO BSTEN PA NA RANG HE RU KA DANG PHYAG RGYA RDO RJE PHAG MOR SGOM PA RNAM PA 'DI LTA BU'I CHO GA YIS BSTEN NAS SRED PAR BCINGS PA'I BAG CHAGS LAS NI RAB TU GROL BAR BYA'O, ,PHO NYA MO LA GSANG MCHOD BYAS PA DE NAS TE DE LA BRTEN NAS YID SKYOB PAS SNGAGS TE GNYIS SU MED PA'I YE SHES 'GRUB PAR 'GYUR RO, ,DE 'DRA BA DE JI TZAM BAR DU BYA NA, JI SRED DU NYON MONGS PA'I 'BYUNG BA YOD PA STE GNAS MA GYUR GYI BAR DU'O, ,RKANG PA 'DI LA, SHIN TU BCINGS LAS GROL BA'O, ,ZHES KYANG 'DON PAR LHA SBAS KYIS BSHAD DE, 'CHING BA'I BAG CHAGS MA ZAD KYI BAR DU'O, ,MNGON SUM DU MA BYAS PA'I RDO RJE 'DZIN JI LTAR 'GRUB CE NA, RDO RJE 'CHANG BDAG GI SLOB DPON GYI LUS SU LEGS PAR GNAS PA STE, SLOB DPON GYI RNAM PA CAN DU BYAS NAS SGRUB PA PO RNAMS LAS PHYI DANG NANG GI MCHOD PA LEN PAS RDO RJE 'DZIN MNGON SUM DU GYUR PA DANG 'DRA'O, ,ZHAL LUNG LAS KYANG, 'DI YI DON LDAN 'GA' ZHIG LA, ,NGA NI DE YI LUS GNAS TE, ,SGRUB PO GZHAN LA MCHOD PA LEN, ,DE YIS DE MNYES RANG GI RGYUD, ,LAS KYI SGRIB PA DAG BYED DO, ZHES GSUNGS PAS THEG PA 'DI'I BLA MA NI, TSOGS SOG PA'I ZHING DU SANGS RGYAS LAS KYANG LHAG PAR GSUNGS PA LTAR YIN NO, ,DES NA DE MCHOD NA RDO RJE 'CHANG MCHOD PAR 'GYUR BAS RGYAL BA THAMS CAD LA MCHOD PAR 'GYUR RO, ,'DI'I SGRUB PA PO RNAMS LA BCOM LDAN 'DAS 'DI RTAG TU MA BRAL BA KHO NA YIN NO, ,ZHES BSTAN PA'I PHYIR DPA' BO ZHES GSUNGS TE, DPA' BO HE RU KA LA SOGS PA RNAMS KYI STAN DRAG ?
STE BZHUGS PA'I GNAS NI, MTSAN NYID DANG LDAN PA'I PHYAG RGYA MO NYID DU THE TSOM MED PAS DE BSTAN PA NI, HE RU KAS BYIN GYIS RLOB PA DANG MI 'BRAL LO, ,KONG KA NAS STAN DANG PHYAG RGYA GCIG TU BSHAD PA LA, SKAL LDAN GYIS DE GNYIS SO SOR GSUNGS PAS GCIG TU BYED PA MI 'THAD PAS STAN NI BZA' BTUNG DANG, PHYAG RGYA NI RIG MA YIN NO ZHES 'CHAD MOD KYANG, DKA' RGYAL GYIS, DPA' BO RNAMS KYI STAN DAG NI, ,PHYAG RGYA NYID DU THE TSOM MED, CES KYANG 'DON PAS GZHUNG GCIG TU MA NGES SO, ,DE LTAR NA RDO RJE 'CHANG SLOB DPON GYI LUS LA GNAS NAS SLOB MA'I MCHOD PA LEN PAS, TSOGS RDZOGS SLA BA BZHIN DU PHYAG RGYA'I LUS LA'ANG GNAS NAS BYIN GYIS RLOB PAS LAM MYUR BA YIN NO, ,DE'I PHYIR SGRUB PA POS THA MAL GYI SNANG ZHEN SPANGS PA'I MCHOG GI SNANG BA DANG NGA RGYAL LA SHIN TU MNYAM PAR BZHAG PAS, GLU DANG GAR LA SOGS PA'I MCHOD PAS RANG DANG PHYAG RGYA LA MCHOD PAR BYA'O, ,JI SRID DU LUS CAN THAMS CAD KYANG THABS SHES DBYER MED DU SBYOR BA'I RNAL 'BYOR GYI LHAN SKYES KYI YE SHES LA ZHEN PA STE DGA' BAR MA GYUR PA DE SRID DU, 'KHOR BAR RING DU 'KHOR BAR 'GYUR ZHING, LUS KYI SDUG BSNGAL DANG, MYA NGAN TE YID MI BDE BAS YONGS SU GA-YENGS PAR 'GYUR RO, ,ZHES PA 'KHOR BA DANG DE'I BAG CHAGS LAS LAM GZHAN GYIS GROL BA CHES RING NGO ZHES PA'I DON NO, ,DE NAS TE RGYU MTSAN DE'I PHYIR SGRUB PA POS PHYI NANG SOGS KYI MCHOD PA'I DNGOS PO KUN GYIS RANG DANG PHYAG RGYA MCHOD PAR BYAS PA LAS MYUR DU GROL BAR BYA'O, ,MCHOD PAS NI MCHOD PAR
, ,'DOD PA STE PHO NYA MO KHYAD PAR CAN RNAMS KYIS RJES SU 'DZIN LA, DE RNAMS LA BRNYAS PA YIS NI, DMYAL BAR NGES PAR BSREG PAR BYED DO, ,PHO NYA MO RNAL 'BYOR GYI RGYUD DANG THUN MONG BAR STON PA NI, RNAL 'BYOR GYI RGYUD GSANG 'DUS SOGS SU BSHAD PA LTAR SGRUB PA'I MI STE RNAL 'BYOR PAS, LHA'I SKU PHYAG RGYA CHEN PO'I MTSAN NYID PHUN SUM TSOGS PA GRUB PA'I MA'AM SRING MO LA SOGS PA'I PHO NYA MO BLANGS LA, RNAL 'BYOR PHO MO'I TSOGS THAMS CAD 'DUS PA'I DBEN ZHING NYAMS DGA' BAR, 'KHOR LO SDOM PA'I DKYIL 'KHOR BRIS LA, RANG GI LHA'I GZUGS SU BDAG NYID BSAMS TE, NYI MA NUB PA NAS BZUNG STE MTSAN HRIL POR DANG POR RAB TU 'BAD PAS MCHOD PAR BYA'O, ,DANG POR DE LTAR SPYAD PAS 'OD GSAL DU ZHUGS PA'I PHYI NAS, 'OD GSAL GNYIS SU SNANG BA MED PA LAS LANGS NAS DPA' BO RNAMS KYI NI, DPA' BO NYID DE RDO RJE LTA BU'I TING NGE 'DZIN GYIS ZUNG 'JUG GI RIM PAS SANGS RGYAS KYI SKU MNGON SUM DU BYAS NAS SPYAD PAR BYA BA STE, YON TAN THAMS CAD KYIS BRGYAN NAS GNAS PAR BYA'O, ,GSUM PA NI, SNGAR BSHAD PA DE LTAR BSNYEN BKUR DANG GSANG MCHOD BYAS PA DE LA BRTEN NAS NI, SGRUB PA POS SA 'OG GI DNGOS GRUB DANG, LANGS PA'AM 'GRO BA ZHES PA NAM MKHA' LA 'GRO BA DANG, NAD DANG GDON LA SOGS PA ZHI BA NYID DANG, TSE DANG SHES RAB SOGS RGYAS PA DANG, MA DAD PA SOGS DBANG DU BYA BA DANG, SKYES PA DANG BUD MED DGUG PA DAG DANG, DKON MCHOG LA GNOD PA SOGS BSAD PA DANG, GNAS NAS BSKRAD
PA DANG, SOGS KYIS SMYO BA DANG, RIMS KYIS 'DEBS PAR BYED PA DANG, RMUGS PAR DANG RENGS PAR BYED PA DANG, DE BZHIN DU MDZA' BA DANG DBYE BA DANG, TSAR GCOD PA DANG RJES SU 'DZIN PA'I LAS KYI DNGOS GRUB GANG CI YANG RUNG BA'I LAS KUN SGRUB PA LA, NYON MI MONGS PA STE SDUG BSNGAL BA MED PAR 'GRUB PAR 'GYUR RO, ,LAS KYI ZHES PA'I RKANG PA GCIG LA SKAD DOD LA, JI BZHIN LAS RNAMS THAMS CAD NI, ,ZHES PA YOD GSUNG NGO, ,MDOR NA THE TSOM MED PA STE NGES PAR PHYAG RGYA MCHOD PA'I SGRUB PA PO'I DNGOS GRUB THAMS CAD 'GRUB PAR 'GYUR BAS, BSNYEN BKUR DANG GSANG BA'I MCHOD PA BYA'O, ,DE LTAR SO GCIG PA SO GNYIS PA SO GSUM PA GSUM GYIS NI BZA' BA DANG MCHOD PA'I DAM TSIG RGYAS PAR 'CHAD DO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, PHO NYA MO BSTEN PA'I GSANG BA'I MCHOD PA DANG, BZA' BTUNG GI BSNYEN BKUR GYI MCHOD PA'I LE'U STE SUM CU RTZA GSUM PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS DON KUN GSAL BA LAS, LE'U SUM CU RTZA GSUM PA'I BSHAD PA'O,, ` ,,BRGYAD PA MCHOD PA BZHI'I GSANG BA RGYAS PAR BSHAD PA LA BZHI, PHYAG RGYA CHEN PO STON PA'I LE'U, CHOS KYI PHYAG RGYA STON PA'I LE'U, DAM TSIG DANG LAS RGYA GNYIS 'JUG PA GCIG GIS STON PA'I LE'U, LAS RGYA DBANG DU BYA BA'I LE'U'O, ,DANG PO LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, SO GSUM PA'I RJES DE NAS
, ,RAB GTUM MA LA SOGS BA'I MKHA' 'GRO MA YI DRA BA STE NGO BO'I 'KHOR LO BDE MCHOG GI, ZHI BA DANG RGYAS PA LA SOGS BA'I CHOG RGYAS PA SNGAR BSHAD PA'I LAS RNAMS GANG YANG MYUR BA STE RING POR MI THOGS PAR SGRUB PA PO YIS THE TSOM MED PAR 'GRUB PA'I THABS BSHAD PAR BYA'O, ZHES SBYAR RO, ,RKANG PA GSUM PA LA LVA BA PAS, SGRUB THABS YID LA BRTEN PA STE, ZHES 'DON LA, DON NI AA BA DH'U T'I'I GNAS LA BRTEN PA'I SGRUB THABS YID LA RNYED PA LA BSHAD DO, ,BLA MA SNGA MA RNAMS NI RKANG PA BZHI PO DES RDZOGS RIM SGOM PA'I DON DU, LHA'I 'KHOR LO RGYAS PAR SGOM PA DANG, SBYIN SREG GI SNGON DU LHA RNAMS RGYAS PAR BSGOMS NAS, RANG LA BSDUS PA'I 'OG TU SBYIN SREG ? BYED PAR 'DOD DO, ,GNYIS PA LA GNYIS, BSHAD BYA'I DON RGYAS PAR BSHAD PA DANG, BSHAD PA'I DON BSDU BA'O, ,DANG PO LA GNYIS, DRANG BA'I DON DU BSHAD PA DANG, NGES PA'I DON DU BSHAD PA'O, ,DANG PO NI, THOD PA'I DUM BU LA SOGS PA'I DPA' BO KUN DANG, RAB GTUM MA LA SOGS PA'I RNAL 'BYOR MA NYER BZHI LTE BA'I PADMA STE 'DAB MAR NGES PAR SBYAR BA STE NGES PAR DGOD DE RDO RJE MKHA' 'GROR, PADMA 'DAB MA BRGYAD PA SUM RIM LA DPA' BO DANG DPA' MO NYER BZHI DGOD PAR BSHAD DO, ,SMIN MA ZHES PA GNYIS KYIS LHA THAMS CAD KYI SPYAN GSUM PA BSTAN PA YIN TE, SMIN MA GA-YAS GA-YON GYI 'OG TU SPYAN RE RE YOD PA DE BZHIN DU, GA-YAS GA-YON GYI SMIN MA'I BAR DU STE DBUS SU YANG SPYAN DBUS MA GZHUG PA STE NGES PAR BZHAG GO, DE NI AA BA DH'U T'I
RDZOGS PA'I GNAS TE DBU MA'I YAR SNA'O, ,'DI NI KOD KA NA LA SOGS PA LNGA'I DGONGS PA'O, ,'GREL PA GNYIS LAS, AA PA DH'U T'I'I GNAS DE BZHIN, ,SMIN MA'I BAR DU NGES PAR BZHAG ,CES 'BYUNG NGO, ,MTSAN MA THOB PA'I RNAL 'BYOR PAS, DPA' BO STE DPAL HE RU KA'I 'CHOL PA STE GTZANG SME MED PA'I SBYOR BAR BDAG NYID BYAS PA'AM, 'DOD CHAGS DANG ZHE SDANG GNYIS 'CHOL PA STE 'DRES PA'I NYAMS CAN GYI DPAL HE RU KA'I KHRO BOR BSGYUR BA'I TING NGE 'DZIN GYIS, SHA'I SBYIN SREG BYA BA'AM, YANG NA RE SHIG DANG POR BDAG NYID KHRO BO'I NGA RGYAL DANG LDAN PAS, JI LTAR RNYED PA'I SHA YIS TSIM PAR BYAS LA, DE NAS TE DE'I 'OG TU LAS DANG RJES SU MTHUN PA'I BZA' BA YANG NI STE, BSREG RDZAS GOO STE BA LANG GI MAm SA STE SHA DANG, RU DHI RA STE KHRAG GIS 'BAD PAS TE LHA'I NGA RGYAL LAS MA YENGS PAR, BSREG BYA STE BSREG BLUGS LNGA DAG 'JIG RTEN PA'I ME LHA LA DBUL BAR BYA'O, ,'GYUR KHA YAR LA, BYAS CHAGS PAR, ZHES 'BYUNG ZHING, CHAGS PA ZHES PA 'GREL PA KUN DANG LO CHEN GYI 'GYUR LA MED CING, 'GREL PA RNAMS LAS BYAS PA YIS, ZHES DANG, ZHAL GYIS NI, ZHES 'BYUNG NGO, ,CHAGS PA YOD PA LTAR NA NI, LO CHEN GYIS 'CHOL PA DRAG POR BSGYUR BA LTAR, ZHAL DRAG PO DANG CHAGS PA'I NYAMS 'DRES PAR BYA'O, ,BSREG BLUGS LNGA PHU LA BA DE NAS THAB KHUNG GI 'BAR BA'I ME LA NI BDUD RTZI LNGA LA SOGS PA'I BSREG RDZAS KYI BSREG BLUGS DGU NI 'JIG RTEN PA'I ME LHA'I ZHAL DU SBYIN PAR BYA'O, ,DE DAG GIS 'JIG RTEN
, ,PA'I ME LHA'I SBYIN SREG BSTAN NAS, 'JIG RTEN LAS 'DAS PA'I LHA LA SBYIN SREG 'BUL BA NI, THAB KHUNG DU 'BAR BA'I PHRENG BA RGYA MTSO LTAR 'KHRIGS PA DER BLTA BA STE BSGOM PAR BYA'O, ,'GYUR GZHAN LAS, DE NAS 'BAR PHRENG RGYA MTSOR NI, ZHES 'BYUNG BA 'GREL PA RNAMS DANG MTHUN NO, ,JI LTAR DU BSGOM PAR BYA ZHE NA, ME'I DBUS DER PHYOGS BZHI PO KUN NAS SGO RE RE YOD PA'I SGO'I 'KHOR LOR TE GZHAL YAS KHANG GRU BZHI PA SGO BZHI PA'I DKYIL 'KHOR NGES PA STE BSAM PAR BYA STE, RTEN BSKYED PA'O, ,BRTEN PA BSKYED PA NI GZHAL YAS KHANG DE'I DBUS SU PADMA 'DAB MA BRGYAD PA'I LTE BA LA, DPA' BO'I DBANG PO HE RU KA ZHAL BZHI PA DANG, DPA' BO'I GNAS 'KHOR LO RIM PA GSUM BRTZIBS KYI 'DAB MA NYER BZHI PA DANG, GDAN NYER BZHI YOD PA DE BZHIN DU THOD PA'I DUM BU PA LA SOGS PA'I DPA' BO NYER BZHI DANG, PADMA'I PHYOGS KYI 'DAB MA BZHI LA MKHA' 'GRO MA SOGS PHO NYA MO BZHI DGOD DO, ,DPA' BO GCIG PUR MA ZAD KYI DPA' BO NYER BZHI PO KUN DANG GNYIS SU MED PA'I SBYOR BAS BDE BA CHEN PO LA ROL PA'I RAB GTUM MA SOGS NYER BZHI YANG RTZIBS LA DGOD DO, ,DE RNAMS KYIS MTSON NAS THOD PA'AM BUM THOD BZHI MTSAMS KYI 'DAB MA LA DGOD PA DANG, SGO BZHI DANG MTSAMS BZHIR KHVA GDONG MA SOGS BRGYAD DGOD PA YANG SHES PAR BYA'O, ,CHO GA ZHES PA'I RKANG PA GCIG NI 'GYUR GZHAN DANG 'GREL PA RNAMS LA MED LA, YOD PA LTAR NA DUM SKYES MA'I SGO NAS LAS SGRUB PA'I CHO GA JI BZHIN DU BSHAD PA'I RNAM
PA YIS, KHAndA RA HI SBYIN PA STE SBYAR BAR BYA'O, ,RGYAB KYI 'DAB MA LA GNAS PA'I DUM SKYES MA DE BZHIN DU BZHAG LA, RANG GI LUS LAS DUM SKYES MA GNYIS PA CIG PHYI ROL DU PHYUNG NAS LAS THAMS CAD LA SBYAR BAR BYA'O, ,ZHI BA SOGS KYI LAS SO SO LA DKAR PO SOGS KYI RANG GI GZUGS SU RNAM PAR ZHUGS PA STE GNAS PAR BYA'O, ,DE KHO NA MIN GYI THAB KYI DBUS SU 'KHOR LO'I LHA RNAMS BLTA BAR BYA STE, BRTEN PA'I 'KHOR LO 'DI DAG GSAL BAR NI ZHI SOGS KYI LAS KYI RIM PA LA, SKU MDOG DKAR PO SOGS DANG RANG RANG GI NYAMS LA SOGS PA JI LTAR GSUNGS PA BZHIN BYA STE, 'DI YANG SBYIN SREG KHO NA'I SKABS MIN GYI, LAS SGRUB PA'I SKABS GZHAN DU YANG NGO SBYIN SREG GI CHO GA NI RGYAS PAR GZHAN DU BSTAN PA LAS RTOGS PAR BYA STE, 'DIR TSIG MANGS SU DOG NAS MA BRIS SO, ,GNYIS PA LA RDO RJE MKHA' 'GROR 'DI'I NGES DON PHYOGS GCIG TZAM ZHIG BSHAD PA NI, DE'I 'GREL PA LAS SHES PAR BYA LA NGES DON GZHAN BSHAD PA LA GNYIS, BLA MA SNGA MA'I MAN NGAG LAS 'BYUNG BA DANG, LVA BA'I NA BZA' CAN GYIS BSHAD PA'O, ,DANG PO NI, 'DI'I SGRUBS THABS BSGOMS NAS YAB YUM SNYOMS PAR ZHUGS PAS, BDE BA CHEN PO KHYAB PA NYAMS SU MYONG BAR BSAM LA, BDE BA'I BYANG CHUB KYI SEMS NOR BU'I RTZE MOR A'A LI K'A LI DKAR DMAR 'OD 'BAR BZHIN PAR GYUR TE, STENG DU 'ONGS PA SNA BUG GA-YAS PA NAS BYUNG NAS BDE CHEN GYI 'KHOR LO NAS BRTZAMS TE DAM TSIG GI 'KHOR LO'I BAR DANG, GNAS GSUM GYI SEMS CAN DKYIL 'KHOR PAR BYAS PA RNAMS KYI BAR DU SNANG
, ,BAR BYAS PAS, DE DAG THAMS CAD KYIS BDE BA CHEN PO MYONG BAR BSAM MO, ,BDE BA MYONG BAS PHYI'I GNAS GSUM GYI DPA' BO DPA' MO ZHU BAR GYUR PA DUR KHROD LA DANG, DUR KHROD ZHU BA GZHAL YAS KHANG LA BSDU BA NAS, MKHA' 'GRO MA LA SOGS PA BZHI'I BAR DU BSDU BA NI, DPA' BO KUN DANG ZHES PA'I RKANG PA GNYIS KYI DON NO, ,DE RNAMS ZHU BA ZHAL BZHI'I SNA BUG GA-YON PA NAS ZHUGS TE, SMIN MTSAMS NAS DH'U TIR ZHUGS NAS BYANG SEMS BABS PAS 'KHOR LO BZHI LA YANG KHYAD PA NI, SMIN MA'I BAR DU ZHES PA'I RKANG PA GNYIS KYI DON NO, ,DE NAS RANG DANG PHAG MO BDE BA CHEN POR ZHU BA RDO RJE'I RTZE MOR THIG LE DKAR LA DMAR BA CIG TU GYUR PAR DMIGS LA, BDE BA CHEN PO'I NGO BOR BSGOM MO, ,LHAN SKYES DE NI CHAGS SOGS KYI RTOG PA DANG BRAL BAS DPA' BO 'CHOL PA STE AUHKA tA ZHES PA GSAL BA'O, ,TSOGS PA NI GZHAN DU BSGYUR BAR BYED PA'O, ,BSREG PA NI SNANG BA MED PAR BYED PA'O, ,GOO Mm SA NI SA LA SOGS PA'O, ,BSREG BYA LNGA NI PHUNG PO LNGA'O, ,'BAR BA'I ME NI ME DANG 'DRA BA'I LHAN SKYES SO, ,BSREG BLUGS DGU SBYIN PA NI PHUNG PO LNGA DANG KHAMS BZHI SNANG BA MED PAR BYED PA'O, ,DE LTAR THIG LE LA DMIGS PA LAS SEMS GA-YENG BA LTA NA, 'OD KYI GONG BU 'BAR BA'I PHRENG BA CAN DE NYID RTEN BRTEN BA'I DKYIL 'KHOR DU BSGOM PAR BYA'O, ,DE JI LTAR SGOM SNYAM PA LA KUN NAS SGO YI ZHES PA'I RKANG PA LNGAS SGOM TSUL BSTAN TO, ,DE LTAR BRTZON PA DRAG POS BSGOMS NA ZHAG NYER LNGA NA DU BA LA SOGS PA'I RTAGS MTHONG NGO, ,THUN MTSAMS SU BDE BA'I THIG LE H'Um YIG TU
GYUR PA LAS 'OD ZER SPRO BSDU'I SBYOR BAS, RANG NYID BDE MCHOG ZHAL GCIG PHYAG GNYIS PA RGYAN GYIS BRGYAN PA SNYING KHAR NYI MA LA H'Um GNAS PAR BSAM PAR BYA'O, ,DE LTAR BSGOMS PAS RTAGS LNGA MTHONG NAS NI DKYIL 'KHOR SGOM PA MIG SNGAR SNANG BAR 'GYUR LA, BDE BA CHEN PO YANG MNGON SUM DU 'GYUR RO, ,'DI NI LAS RGYA DANG DAM TSIG GI PHYAG RGYA LA BRTEN PA YANG MIN LA, YI GE LA DMIGS PA CHOS KYI PHYAG RGYA YANG MIN PAS PHYAG CHEN SGOM PA'O, ZHES 'CHAD DE, PHYAG RGYA BZHI GANG RUNG GCIG TU GZHAG DGOS LA GZHAN GSUM GANG YANG MIN PAS SO SNYAM DU BSAMS PA'O, ,'DI LA SMON GRO'I MAR LO'I LUGS DMAR CHOS RGYAL GYIS BSHAD PA LAS, SNGAR BZHIN BSDUS PA'I THIG LE DKAR DMAR LA SEMS BRTAN PA DANG, THIG LE N'A DAR BTANG LA SEMS GZUNG, DE LA BRTAN PA DANG N'A DA YANG MI DMIGS PAR BYAS LA, SPROS PA THAMS CAD DANG BRAL BA LA SEMS GTAD DE BSGOM, DE LAS LANGS NAS RTEN DANG BRTEN PA'I 'KHOR LO BSGOM, DE 'DRA BA THUN GCIG LA LAN GSUM BYA ZHES 'CHAD NGO, ,DE YANG N'A RO PA'I LUGS SU BYED DE MI MTHUN BAR SNANG NGO, ,DE LA SDUD RIM DNGOS SU BYED MI BYED GANG YIN KYANG, BSKYED RIM BRTAN NAS RDZOGS RIM LA NUS PA SKYES PA'I MTSAMS NAS PHYAG RGYA GZHAN GSUM LA BRTEN PA NI, LHAN SKYES KYI BDE STONG GI 'OD GSAL SGOM PA SHIN TU YANG 'ONG BAS, 'DI'I SDUD RIM GYI MTHAR BDE STONG SBYOR BA BYUNG YANG, DES PHYAG RGYA GZHAN GSUM SGOM PA LAS KHYAD PAR DBYE BAR MI NUS SHING, LHA'I 'KHOR LOR LDANG BA BSKYED RIM LA BYED PAR SNANG BAS, DE LTA YIN NA DE'I
, ,STENG NAS KYANG RDZOGS RIM GYI PHYAG RGYA CHEN PO SGOM PA MED PAS, LE'U 'DIS RDZOGS RIM GYI PHYAG RGYA CHEN PO SGOM PA BSTAN ZER BA NI TSIG TZAM MO, ,DES NA LE'U 'DIR RDZOGS RIM PA'I PHYAG CHEN BSTAN TSUL NI, RDZOGS RIM PA'I YE SHES KYI LHA'I SKU SKYED NUS PA NAS YIN TE, DE YANG RJES GZHIG GI SDUD RIM LA BRTEN NAS 'OD GSAL DU 'JUG PA NI, DPA' BO KUN DANG ZHES SOGS DANG SBYIN SREG GI NGES DON DU BYA, 'OD GSAL GYI RLUNG SEMS TZAM LAS DKYIL 'KHOR GYI 'KHOR LO LANGS PA NI, KUN NAS SGO YI ZHES SOGS RKANG PA LNGA'I NGES DON DU BYA LA, DE YANG RDZOGS RIM PA'I LHA'I SKU PHYAG RGYA CHEN PO YIN PAS, LE'U 'DIS RDZOGS RIM PA'I PHYAG CHEN BSTAN PAR BYAS NA LEGS SO, ,THIG LE MI SDUD PA DANG LHA SGOM PA BSKYED RIM LA 'CHAD PA DANG, SEMS GA-YENG BA LTA NA ZHES SOGS LEGS PAR MI SNANG NGO, ,DA LTA'I GANG ZAG LTA BU DMA' MO NAS KYANG SDUD RIM SNGAR LTAR BYAS NAS, YAB YUM ZHU BA'I THIG LE DKAR DMAR GSANG GNAS KYI RTZER DMIGS NA, DBU MA'I MAR SNA RU RO RKYANG GI RLUNG SDUD PA'I GDAMS PA ZAB MO ZHIG TU MTHONG NGO, ,GNYIS PA LA GNYIS, THIG LE'I RNAL 'BYOR LA BSHAD PA DANG, PHRA MO'I RNAL 'BYOR LA BSHAD PA'O, ,DANG PO NI, THOD BA'I DUM BU LA SOGS PA'I DPA' BO NYER BZHI PO THAMS CAD NI, RAB GTUM MA LA SOGS PA RNAL 'BYOR MA NYER BZHIR 'DUS TE, SHES RAB MA GTZO BOR BYAS PA'I RGYUD KYI DBANG DU BYAS PA'O, ,RNAL 'BYOR MA RNAMS KYANG PHAG MOR 'DUS LA, DE YANG LTE BA'I THIG LE LA BSHAD PAS GTUM MO
AA THUNG DU 'DUS PAS, SPRUL PA'I 'KHOR LO'I PADMA'I LTE BAR AA GNAS PA DER SBYAR BA STE DER 'DUS PA'O, ,RKANG PA DE GNYIS KYI BSHAD PA 'GREL PA GNYIS SU MI GSAL YANG, DE'I DON DKA' RGYAL GYIS BSHAD PA LTAR BYAS TE, LTE BAR GTUM MO'I AA THUNG SGOM PA'O, ,LVA BA PAS, RNAM PAR RTOG PA'I SDIG BSKYOD PAS NA, AA BA DH'U T'I STE ZHES GSUNGS PA LA, AA BA NI RNAM RTOG GI SDIG GO, DH'U NO T'I NI SDIG PA DE BSKYOD PA'AM SEL BAR BYED PA STE, ME 'BAR BA'I GZUGS CAN YIN LA, ME DE'I BDAG PO RTZA LA YANG AA BA DH'U T'I ZHES BRJOD DO, ,DH'U T'I DE'I GNAS NI DE LA GNAS PA STE DE LA BRTEN PA'O, ,DE'I SBYOR BA YIS RNAL 'BYOR PA LA YANG DH'U T'I'I GNAS ZHES BYA'O, ,DH'U T'I'I GNAS GANG DU ZHE NA, SMIN MA GA-YAS GA-YAN GNYIS KYI BAR DU'O, ,DER NGES PAR BZHAG PA NI, ZLA BA LTA BU'I THIG LE DBU MA'I NANG DU SEMS PA'O, ,ZLA BA DE DANG RTZA 'KHOR GYI MTHA'I PADMA'I DBUS SU STE BAR DU RTZA 'DAB BCU DRUG GIS BSKOR BA STE, JI SKAD DU SMIN MTSAMS ZLA BA'I PAD MAR NI, ,BCU DRUG CHA YIS YONGS SU BSKOR, ,THABS DANG SHES RAB KUN SBYOR BAS, ,KHA SBYAR ZHES NI MNGON PAR BRJOD, ,DANG PO'I DBYANGS YIG YANG DAG LDAN, ,BSAMS NA MYUR DU 'BAR BAR 'GYUR, ZHES GSUNGS SO, ,THABS DANG ZHES PA GNYIS KYI DON NI, ZLA BA LTA BU'I THIG LE THABS DANG, LTE BA'I AA YIG SHES RAB GNYIS 'BAR 'DZAG TU SBYOR BAS KHA SBYAR DU BRJOD PA'O, ,DANG PO ZHES PA GNYIS KYIS NI LTE BA'I GTUM MO BSGOMS NA 'BAR BA'O, SMIN DBUS KYI DH'U T'I'I YAR SNA RDZOGS MTSAMS KYIS
, ,NI, DRIL BU BAS GSUNGS PA'I SA BON MED PA'I SNA TSOGS RDO RJE'I RIM BA RTZA RGYUD KYI GANG DU SBAS PA YANG SHES PAR BYA'O, ,LTE BA'I AA THUNG LAS GYEN DU LANGS PA STE 'BAR BA'I ME NI, DPA' BO 'CHOL BA STE 'JIGS SU RUNG PA'I ZHAL LO, ,DER BSREG BYA LNGA SREG PA NI, DE BZHIN GSHEGS PA LNGA DAG PA'I GOO MAm SAS MTSON BA'I SHA LNGAS DBANG PO LNGA DANG, RU DHI RAS MTSON PA'I BDUD RTZI LNGAS KHAMS LNGA'I RTOG PA RNAMS SREG PA'O, ,LNGA PO DE RE RE'I RTOG PA LA PHUNG PO LNGA DANG KHAMS BZHI'I RTOG PAS BSGYUR BAS DGU TSAN LNGA SREG PA NI BSREG BLUGS DGU SBYIN PA'O, ,DE NAS 'BAR PHRENG RGYA MTSOR NI, ZHES PA NI GTUM MO RAB TU 'BAR BA DANG LDAN PAS RNAM RTOG BSREGS PA'O, ,KUN NAS SGO YI 'KHOR LO BSAM, ,ZHES PA NI BSREGS PA DER SNGAGS PAS 'KHOR LO BSAM MO, ,'KHOR LO DE JI LTA BU ZHIG CE NA, KHAMS GSUM MA LUS PA KUN GYI SGOR GYUR PA'I DKYIL 'KHOR TE, RANG BYUNG LHAG PA'I LHA ZHES GSUNGS TE, SEMS CAN THAMS CAD GANG DU 'JUG PA'I SGO 'OD GSAL DE NAS SGYU MA'I SKU'I LHAG PA'I LHAR LDANG BA BSTAN TO, ,RANG GI LHAG PA'I LHA DE'I RNAL 'BYOR GYIS GNAS PA'I TSUL NI, DPA' BO'I DBANG PO ZHES SOGS RKANG PA LNGAS STON TE, SGYU MA'I SKU'I RTEN DANG BRTEN PA'I DKYIL 'KHOR DU BZHENGS PA'O, ,GNYIS PA NI, 'KHOR LO 'DI DAG CES PA'I RKANG PA GNYIS KYIS STON PA LA, 'KHOR LO 'DI DAG BSTAN PA NI, ,DNGOS GRUB THAMS CAD SGRUB BYED YIN, ,ZHES BTON NAS 'CHAD DE, YE SHES SEMS DPA'I THUGS KAR DKYIL 'KHOR GYI 'KHOR LO
'DI DAG RIG PA RGYA MTSO LAS BSTAN PA DE BZHIN DU SGOM PA NI, DNGOS GRUB THAMS CAD MYUR DU 'GRUB PAR BYED PA YIN NO, ,'KHOR LO SGOM TSUL NI, YE SHES SEMS DPA'I THUGS KAR PADMA DKAR PO LA RIGS GANG YIN GYI MTSAN MA PHYAG MTSAN DANG, DE'I DBUS SU RIGS SO SO'I SA BON GYI YI GE DANG, DE'I THIG LE'I NANG DU SO SO'I SA BON H'Um LA SOGS PA LAS GYUR PA'I DKYIL 'KHOR BDE CHEN GYI RANG BZHIN RDUL PHRA MO TZAM DU BSDUS PA LAS 'PHROS PA'I YE SHES KYI 'OD ZER GYI PHRENG BA LAS, SNA TSOGS PA'I SANGS RGYAS KYI SKU 'PHROS PAS SEMS CAN THAMS CAD RDO RJE MKHA' 'GRO'I DAM TSIG GIS BYIN GYIS BRLABS PAR BSAMS LA, RLUNG BUM PA CAN GYIS SEMS SHIN TU BRTAN PAR BYED PA ZHAG BDUN DU BSGOMS PA NA, 'DAR BA DANG BSKYOD PA DANG, 'BEBS PA DANG GA-YO BA DANG, 'BAR BAR MNGON SUM DU MTHONG BAR 'GYUR BA LA THE TSOM MI BYA'O, ,YE SHES SEMS DPA' GANG DU SGOM MI GSAL YANG LUGS DE'I MAN NGAG YOD PA RNAMS SNYING KHAR SGOM PAR 'DOD PA LTAR SNYING KHA'I DH'U T'I'I NANG DU BSGOM ZHING, BUM PA CAN YANG SNYING KHAR BYA'O, ,DE LTAR NA SPYI BO DANG LTE BA'I DH'U T'I'I NANG DU THIG LE DKAR PO DANG DMAR PO'I NGO BO AA YIG SGOM PA'I THIG LE GNYIS KYIS, GNAS DER SROG DH'U T'IR BSDUS PA LAS RNAM RTOG SREG PA'I NGES DON GYI SBYIN SREG 'OD GSAL DU ZHUGS PA DANG, DE LAS SGYU MA'I SKUR LDANG BA BSTAN ZHING, YANG SNYING KHA'I DH'U T'I'I NANG DU PHRA MO'I RNAL 'BYOR RLUNG SBYOR DANG SBRAGS PA SGOM PA RIG PA RGYA MTSO'I RGYUD KYI LE'U
, ,DANG PO LAS GSUNGS PA, LVA BA'I NA BZA' CAN GYIS BKOD PA SHIN TU ZAB PA GNYIS SO, ,KHA SBYOR LAS KYANG SBYIN SREG GI NGES DON RGYAS PAR BSHAD PA NI GZHAN DU SBYAR ZIN TO, ,GNYIS PA NI, RIG PA RGYA MTSO ZHES PA'I RGYUD CHEN PO'I LE'U DANG PO LAS 'KHOR LO BSTAN PA JI LTA BA BZHIN DU, DPA' BO HE RU KAS 'DIR YANG MDOR BSDUS TE GSUNGS PA YIN PAS THE TSOM MI BYA'O, ,LANG KAS KYA DPA' BO ZHES BOD PA'I DON DU 'CHAD MOD KYANG, LVA BA PA SOGS KYI 'GREL PA RNAMS KYI DGONGS PAS DPA' BOS ZHES 'CHAD PA LTAR LEGS SO, ,PHO NYA MO DANG GNYIS SU MED PAR MNYAM PAR SBYOR BA'I BDAG NYID CAN SHIN TU RNYED PAR DKA' BA'I SNGAGS KYI GZHUNG RNYED NAS, BZLAS BRJOD DANG SGOM PA LA BRTZON PA DES NI DNGOS GRUB 'GRUB PAR 'GYUR BA 'DI LA THE TSOM MED DO, ,BHA BAS PHO NYA ME DANG SNYOMS PAR ZHUGS PA LAS SBYIN SREG BYA'O ZHES 'CHAD PA NI, LE'U'I MTSAN GYI SKABS DANG MTHUN NI, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, PHO NYA MO DANG GNYIS SU MED PA'I SBYIN SREG CAS PA'I TSEG SNGA MA'I DON NI, DKA' RGYAL GYIS PHO NYA MO RNAL 'BYOR MA THAMS CAD 'DUS PA'I AA THUNG LTE BAR SGOm PA LA BSHAD CING, TSIG PHYI MA'I DON NI SBYIN SREG GI NGES DON LA BSHAD DE, NGES DON GYI STENG NAS YIN LA, DRANG DON LTAR NA PHO NYA MO DANG SBYOR BZHIN DU SBYIN SREG BYED PA BHA BA BZHIN DU BSHAD DO, ,DE 'DRA BA'I DRANG NGES GNYIS KYI SBYIN SREG GI LAS KYI CHO GA'I LE'U STE, SUM CU RTZA BZHI PA'O,, ,,'KHOR LO SDOM
PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA BZHI PA'I BSHAD PA'O,, ` ,,GNYIS PA CHOS KYI PHYAG RGYA STON PA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U'I MTSAN BSTAN PA'O, ,DANG PO NI, LE'U SO BZHI PA BSHAD PA DE NAS LAS RNAMS KYI RAB KYI MCHOG SGRUB PA BSHAD PAR BYA'O, ,ZHES SBYAR RO, ,LAS SGRUB PA DE JI LTA BU ZHE NA, BLA MA GCIG NAS GCIG TU BRGYUD PA'I RIM GYIS GZHUNG LUGS MA NYAMS PA JI LTA BA BZHIN DU MTSON PA STE SHES PAR BYED PA'O, ,DE YANG THABS DANG SHES RAB GNYIS SU MED PA'I MCHOD PA LA SBYOR BA'I BDAG NYID KYI SNGAGS PAS ZHI BA LA SOGS PA'I LAS SO SO BA SGRUB TSUL GYI LAS NI SO SOR SBYAR BAR BYA STE, LAS GANG DAG RAB TU SGRUB PA'AM 'GRUB PAR BYED PA'I SNGAGS DE'I RAB TU DBYE BA STE, LAS SO SOS PHYE BA RNAMS RIM PA BZHIN DU BSHAD PAR BYA'O, ,GNYIS PA LA GNYIS, DRANG BA'I DON DU BSHAD PA DANG, NGES PA'I DON DU BSHAD PA'O, ,DANG PO LA GNYIS, BZLAS PA BYED TSUL DANG, DUM SKYES MAS LAS SGRUB TSUL LO, ,DANG PO NI, WARnA ZHES PA KHA CIG GIS KHA DAG DANG, KHA CIG GIS YI GE DANG, KHA CIG GIS RIGS SU BSGYUR BA LAS, 'DIR YI GER BSGYUR BA GZUNG STE, RDO RJE MKHA' 'GROR YI GE ZHES 'BYUNG BA LA 'GREL PAS KYANG YI GE'I BSHAD PA BYAS LA, LVA BA PAS KYANG YI GE'I BSHAD PA MDZAD PA'I PHYIR RO, ,DE LTAR NA YI GE NI DBYANGS BCU DRUG DANG, GSAL BYED SO
, ,GSUM MO, ,PHO NYA NI RTZA'I RANG BZHIN GYI RAB GTUM MA LA SOGS PA'I RNAL 'BYOR MA'O, ,SOGS KYIS NI DPA' BO NYER BZHI GZUNG STE, DE RNAMS KYI SNGAGS SO, ,BSHAD SBYAR LAS, SOGS KYIS GTZO BO YAB YUM YANG GZUNG BA DANG, DE GNYIS KYI SNGAGS KYANG GZUNG BAR BSHAD PA BZHIN DU BYA STE, SNGAGS DE RNAMS LAS SO SO'I DBYE BA SHES PAS BZLAS PAR BYA'O, ,BZLAS PA'I DMIGS PA NI, JI LTAR GZHU BKANG STE MDA' RGYANG 'PHANGS PA'I SHUGS KYIS MYUR DU 'JUG PA BZHIN DU, GANG GI TSE GDUG PA TSAR GCOD PA'I CHO GA RTZOM PA DE'I TSE, SRAD BU LEGS PAR BSGRIL BA BZHIN DU GSANG SNGAGS KYI YI GE PHAN TSUN GCIG LA GCIG MDUD PA STE SBYAR TE, YAB YUM GNYIS KA'I ZHAL NAS CIG CAR 'BYUNG BA ZO CHUN GYI BUM PA LTA BUR YONGS SU 'KHOR BA BSAM PAR BYA'O, ,ZHI BA LA RANG GI KHA'I NANG GI YUL NAS 'JUG PA NYID KYIS TE ZHUGS PA'I SNGAGS KYI YI GE LU GU RGYUD KYI PHRENG BA'I TSUL CAN, RDO RJE'I LAM NAS BYUNG BA SLAR YANG LHA MO'I PADMAR CHUD PAR BYA STE, LHA MO'I KHA NAS RANG GI KHAR 'JUG PA'I RIM PAS YI GE RNAMS LHOD LA DRAG CING RTZUB PA MA YIN PAR 'KHOR BAS RAB TU PHYE BA'O, ,DRAG PO LA NI RANG GI KHA NAS YUM GYI KHAR 'JUG PA'I TSUL GYIS BYA BA STE KHYAD PAR NI DE TZAM MO, ,'DIR, ZHI BA LA NI LHOD PA STE, ,DRAG CING RTZUB PA MA YIN NO, ,ZHES PA'I RKANG PA GNYIS 'GREL PA MANG PO LAS 'BYUNG BA BZHIN DU, 'GYUR GZHAN LAS KYANG 'BYUNG NGO, ,TSIG RKANG PA GNYIS
BO DE PAndI TA SNGA MA RNAMS KYI DPE LA YOD LA, SU MA T'I'I DPE LA MED CES MAL GYI LUGS 'DZIN PA DAG ZER RO, ,RGYAS PA LA NI SA BON TE SNGAGS KYI YI GE'I PHRENG BAS GZUNG BA STE PHAN TSUN GCIG LA GCIG SBREL BA'I TSUL GYIS BZLA'O, , DE NAS NI YI GE SNGA MA'I RJES DE NAS YI GE PHYI MA LA DAM POR SPREL BA'O, ,'DI BHA BAS RGYAS PA LA SBYAR RO, ,DBANG LA GSAL BAR MA BYUNG YANG, MAL GYI LUGS 'DZIN PA DAG LCAGS SGROG GI RNAM PA RANG GI ZHAL NAS YUM GYI ZHAL DU 'KHOR BAR 'DOD DO, ,LAS SO SO LA SNGAGS KYI KHA DOG DKAR PO SOGS SO SOR BYA'O, ,DRAG PO LA NI H'Um NI BSGRUB BYA'I MING GI THOG MA DANG MTHA' RU GNAS PAR BYA BA YIN TE, H'Um CHE GE MO M'A RA YA H'Um ZHES PA H'Um H'Um PHAt KYI SNGON DU SBYAR BAR BYA'O, ,DE LTAR BYAS PAS BSGRUB BYA NI GOM PA GCIG KYANG 'GRO BA'I LONG MED PAR 'GOG PA STE 'CHI BAR 'GYUR RO, ,KHA SBYAR SBYAR BAR GYUR PA NI ZHI BA LA, AOm LHA SBYIN SV'AH'A, AOm ZHES, AOm GNYIS KHA SBYAR BA'O, ,DRAG PO'I LAS LA NI BSGRUB BYA'I MING GI THOG MTHAR RDO RJE STE H'Um KHA SBYAR BYIN NAS LU GU RGYUD DE LCAGS SGROG BCINGS PA LTA BUS, RDO RJE STE H'Um GIS DBYE BA STE GZHOM PA NYID BYA'O, ,DE BZHIN DU BUNG BA'I SKAD DOD PATZTSI KA ZHES PA 'GREL PA GSUM DU, SGRO'I CHUN POR BSGYUR BA BSHAD PA YANG DE LA MDZAD PAS, JI LTAR RMA BYA'I SGRO'I CHUN POS BSKOR BA NA BAR MTSAMS MI SNANG BA BZHIN DU, SNGAGS ZHAL NAS ZHAL DU 'KHOR BA NA'ANG BAR MED PAR 'KHOR BAR BSAM PAR BYA'O, ,GNYIS PA NI, GANG GI TSE BSGRUB BYA DGUG PAR 'DOD NA, DZA CHE
, ,GE MO A'A KARshA YA DZA: ZHES SPEL TE DUM SKYES MA LCAGS KYU THOGS PA NYID KYIS BSGRUB BYA DGUG PAR BYA'O, ,GANG GI TSE GZHAN GYI DPUNG LA SOGS PA DKRUG CING BSKYOD PAR 'DOD PA DE'I TSE, H'Um CHE GE MO KshO BHA YA H'Um ZHES ZLOS SHING, DUM SKYES MA PHYAG NA GTUN SHING BSNAMS PAS DPUNG LA SOGS PA THAMS CAD DKRUG PAR BYA'O, ,DE BZHIN NI 'GUt PA DUM SKYES MAS BYED PA DE BZHIN DU ZHES PA'I DON NO, ,PHAt CHE GE MO BHAKshA YAm ZHES BZLAS LA, DUM SKYES MA PHYAG NA RDO RJE BSNAMS PA NYID KYIS 'DEBS PA STE ZA BAR BSHAD DO, ,RDO RJE YIS NI BZA' BAR BYA, ZHES 'GREL PA RNAMS LAS 'BYUNG NGO, ,GZHAN GYI LUS DBUG PAR BYA BA 'BIGS SHING 'DAR BAR BYA BA LA NI, PHAt CHE GE MO BE DHA NAm PHAt CES ZLO ZHING, DUM SKYES MA MDA' BSNAMS PA NI SBYAR BAR BYA'O, ,DUS MIN PA'I 'CHI BA LAS RGYAL BAR BYA BA LA, DUM SKYES MA DKAR MO YAN LAG STE PHYAG GA-YON NA KHA tV'Am GA BSNAMS PA, H'Um DKAR PO LAS BDUD RTZI'I RGYUN STONG PHRAG 'DZAG PA BSAMS LA, H'Um CHE GE MO DZRI BA Y'A H'Um ZHES BZLA'O, ,DUM SKYES MAS LAS SGRUB PA THAMS CAD LA THOG MAR THOD PA'I SNOD DU BDUD RTZI LNGAS BKANG BAS DUM SKYES MA'I ZHAL DU MCHOD YON PHUL LA, DE'I 'OG TU MTSON CHA STE LCAGS KYU LA SOGS PA'I MTSON CHAS BSGRUB BYA'I YAN LAG LA SBYAR BAR BYA'O ZHES 'CHAD DO, ,KHA SBYAR ZHES PA NAS NGES PAR SBYAR ZHES PA'I BAR DBUG LA ZHES PA'I RKANG PA GCIG MA GTOGS PA, RGYU RDO RJE 'DZIN PA HE RU KA LA NAG PO
SPYOD PAS SBYAR BA YANG YOD DO, ,GNYIS PA NI, MDA'I SHUGS KYIS ZHES PA NAS 'DEBS PAR BSHAD, CES PA'I BAR LA, LVA BA PAS NGES DON GYI BSHAD PA MDZAD PA NI, MDA' NI RLUNG YIN LA DE'I SHUGS KYIS 'GRO BA DANG 'ONG BA BYED PA NI YONGS SU 'KHOR BA'O, ,DE YANG PHAN TSUN TE PHAR 'GRO BA DANG TSUR 'ONG BA NA DBYANGS GSAL GYI SNGAGS KYIS MDUD PA STE 'DUS PA'AM SBYOR BA'O, ,DBYANGS GSAL DE RNAMS LTE BA DANG, SNYING KHA DANG MGRIN PA DANG SPYI BO'I YUL NYID KYIS NI PHYE BA STE, 'KHOR LO BZHI RNAMS SU BKOD PA'O, ,'KHOR LO BZHI LA YI GE BKOD PA DE NAS RTZA GA-YAS GA-YON GNYIS LA, SA BON TE DBYANGS GSAL GYI PHRENG BAS ZIN PAR BYA STE, RDO RJE MKHA' 'GRO LAS, GA-YON DANG GA-YAS KYI NGOS GNYIS SU, ,DBYANGS YIG BCU GNYIS STENG BLTAS BRI, KA SOGS 'OG TU BLTAS PA NI, ,NGOS GNYIS DAG TU SPEL BA STE, ,DBUS SU DES NI SBYAR BAR BYA, ZHES GSUNGS SO, ,GA-YON DANG ZHES PA'I RKANG PA BZHI'I DON NI, RTZA GNYIS KA LAS RLUNG PHYIR RGYU BA NA DBYANGS YIG BCU GNYIS KYI SKUD PAR RGYU ZHING, DBYANGS KYI SKUD PA DE NYID LA DE'I RJES SU 'JUG PA YIN PAS, KA LA SOGS PA'I PHRENG BA NI KA LA SOGS PA DANG SPEL BA'O, ,SNA SGO GNYIS NAS RLUNG NANG DU 'JUG PA'I TSE DBYANGS GSAL GYI PHRENG BA KHA 'OG TU BLTAS PAR BRI STE, DES NA RLUNG PHYIR RGYU BA LA NI DE DAG STENG DU BLTA BA DANG, NANG DU 'JUG PA LA NI 'OG TU BLTA BAR SHES PAR BYA'O, ZHES 'GREL PAR 'CHAD DO, ,RKANG PA THA MA'I DON NI LVA BA PAS, DE'I DBUS SU CHUD
, ,PAR BYA'O ZHES GSUNGS PA YIN LA, DE YANG DBUS MAR GA-YAS GA-YON GYI RLUNG CHUD PAR BYED PA'I DON NO, ,MTHA' RU STE GNAS GANG DU YI GE H'Um GNAS PA DE RU DGUG CING GZHUG PAR BYA BA YIN TE, DE YANG SNGAR 'KHOR LO BZHI LA YI GE DGOD PAR BSHAD PA'I H'Um YIG SNYING KHAR BKOD PA DER RLUNG SEMS RNAMS 'GUGS PA'O, ,'GOG PAR 'GYUR BA, ZHES PA NI, RGYU BA GNYIS RNAM PAR BCINGS PA'O, ,ZHES GSUNGS PA NI DKA' RGYAL GYIS 'GOG PA NI 'GRO BA DANG 'ONG BA RENGS PA'O, ,ZHES RLUNG 'GRO 'ONG BYED MI NUS PA LA BSHAD PA LTAR YIN LA DE YANG LUS LA GNAD DU BSNUN PA'I RNAL 'BYOR GYI STOBS KYIS BYED DE, 'DI NI LUS LA GNAD DU BSNUN PA THAMS CAD LA SBYAR BAR BYA'O, ,DE LTAR RLUNG GNYIS BCINGS PA LAS BSGRUB BYA STE DNGOS GRUB TU 'GYUR PA STE, RTEN DE DMIGS PA MED PA ZAG PA MED PA BDE BA CHEN PO'I RANG BZHIN DU 'GYUR BA'O, ,GOM PA GCIG KYANG MI 'GRO'O ZHES PA NI, RLUNG GI DBANG GIS BGROD PAR BYA BA'I YUL MED PA STE, KUN RTOG GA-YO BA'I RLUNG THIM PA'I DBANG GIS, 'OD GSAL GYI RLUNG DE DANG SEMS DE NYID RANG BZHIN GYIS RO GCIG TU GYUR PA'I PHYIR RO, ,KHA SBYAR NI, KHA SBYAR SBYAR BAR GYUR PA NI, ,ZLA BA NYI MAR RNAM PAR BSHAD, ,GA-YON DANG GA-YAS KYI NGOS GNYIS SU, ,RDO RJE LU GU RGYUD BCINGS PAS, ,STENG GI SGO RU RTAG GNAS PA'I, ,SNANG BYED 'BAR BA'I PHRENG BA CAN, ,ZHES GSUNGS PA'O, ,DE'I DON NI, ZLA BAR BSHAD PA DBU MA'I GA-YON NGOS SU GNAS PA'I RKYANG MA DANG, NYI MAR BSHAD PA GA-YAS NGOS SU GNAS PA'I RO MA GNYIS 'KHOR LO SO SO'I THAD DU DBU MA LA, RDO RJE LU GU RGYUD DE LCAGS
SGROG LTAR 'KHRIL BA'I KHA SBYAR RO, ,SBYAR PAR GYUR PA NI DE GNYIS KYI RLUNG DH'U T'IR BCINGS PA'O, ,LTE BAR STENG GI SGOR TE KHA GYEN DU PHYOGS TE RTAG TU GNAS PA'I SNANG BYED DAM, NYIN BYED 'OD ZER 'BAR BA'I PHRENG BA CAN, GTUM MO SPYI GTZUG TU RNAM PAR 'GRO BAS BYANG SEMS PHAB PA'I RGYUN GYIS MCHOG TU DGA' BA LA SBYOR BAS SO, ,YANG LAS RGYA DANG SBYOR BA LA BSHAD PA NI, RDO RJE MKHA' 'GRO LAS, SHES RAB THABS KYI MNYAM SBYOR GYIS, ,KHA SBYOR ZHES BYAR BRJOD PA YIN, ,LAG GNYIS KUN TU 'KHYUD PA NI, ,RDO RJE LU GU RGYUD BCINGS BRJOD, ,CES GSUNGS PA LTAR RO, ,THABS KYI RDO RJE SHES RAB KYI PADMA DBYE BA NYID DANG, DE BZHIN DU PHYE NAS PADMA'I NANG DU BUNG BA LTAR 'KHOR BA STE BSKYOD PAR BYA'O, ,ZHAGS PA STE RDO RJE PADMAR BCUG PA'I 'DOD PA LA CHAGS PA'I LCAGS KYUS DE BZHIN GSHEGS PA STE, BYANG CHUB KYI SEMS THAMS CAD DGUG PAR BYA LA, GTUN SHING STE RDO RJES RTZA THAMS CAD DKRUG PAR BYA'O, ,RDO RJES 'DEBS PA'AM BZA' BA NI, DE BZHIN GSHEGS PA STE BYANG SEMS RDO RJE'I RTZER 'DUS PA LA LONGS SPYOD PA'O, ,DE YANG LVA BA PA'I 'GREL PAR DRANGS PA LAS, RDO RJES PADMA PHYE BA NI, ,SGRO CHUN SBRANG RTZIR BYED PAR BSHAD, ,BSGOR BA 'DIR NI BSKYOD PA'O, ,BDE DANG DGA' BA'I RANG BZHIN GYIS, ,ZHAGS PA PADMAR BCUG PA STE, ,'DOD LA CHAGS PA'I LCAGS KYU YIS, DE BZHIN GSHEGS PA THAMS CAD DGUG ,MI 'KHRUG 'KHRUG BYED RDO RJE STE, ,DE NI GTUN SHING RAB TU GRAGS, ,BZA' BA RDO RJE 'DEBS PA LA, H,DE BZHIN GSHEGS PA 'DUS PA'O, ,ZHES GSUNGS TE RDO RJE MKHA' 'GRO LA BRTEN NAS 'KHOR LO BZHI'I GTUM
, ,MO DANG, LAS RGYA'I RDZOGS RIM BSTAN PA'O, ,BLA MA SNGA MA RNAMS KYIS KYANG LE'U 'DI NGES DON DU BSHAD PA LA, RIM PA BZHI PA LTAR RIM PA BZHI KA 'CHAD CING, RTZA GNAS SU YI GE BKOD PA LA CHOS KYI PHYAG RGYAR BYAS NAS, DE SGOM PA LA CHOS KYI PHYAG RGYA SGOM PAR 'CHAD DO, ,'ON KYANG CHOS RGYA NI YI GE LA DMIGS NAS SGOM PA KHO NA LA MI BYA BAR DE LA BRTEN NAS SKYES PA'I RDZOGS RIM DNGOS LA YANG BYA'O, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, THABS SHES RAB GNYIS SU MED PAR SBYOR BA'I LAS DANG, DUS MA YIN PAR 'CHI BA SLU BA SOGS KYI CHO GA'I LE'U STE SUM CU RTZA LNGA PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, ,LE'U SUM CU RTZA LNGA PA'I BSHAD PA'O,, ` ,,GSUM PA DAM TSIG DANG LAS RGYA GNYIS 'JUG PA GCIG GIS STON PA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, DUS MA YIN PAR 'CHI BA SLU BA BSHAD PA'I RJES DE NAS, LAS DANG YE SHES KYI PHYAG RGYA LA BRTEN PA'I MCHOD PA CHEN PO BSHAD PAR BYA'O, ,PHYAG RGYA LA BRTEN PA DE MCHOD PA CHEN POR 'JOG PA CI'I PHYIR ZHE NA, SNGAGS KYI GTZO BO'I DON NI GNYIS SU MED PA'I YE SHES YIN LA, DE'I RNAM PAR DAG PA MTSAN MA GNYIS LA YI GE DGOD PA YANG SNGAGS YIN ZHING, DE BKOD NAS DE'I LAS LA SBYOR BA NI MCHOD PA CHEN POR RAB TU GRAGS PA STE BSHAD PA'I
PHYIR RO, PHYAG RGYA'I MCHOD PA 'DIS MYUR DU STE RING POR MI THOGS PAR DNGOS GRUB 'GRUB PAR BYED PAR NI THE TSOM MED PAS, DNGOS GRUB 'DOD PA RNAMS KYIS PHYAG RGYA'I MCHOD PA DE BSTEN PAR BYA'O, ,GNYIS PA LA GNYIS, DE KHO NA NYID KYI MCHOD PA DANG, DE LA BRTEN NAS LAS SGRUB PA'I CHO GA'O, ,DANG PO LA GNYIS, PHYAG RGYA GNYIS LA BRTEN PA'I MCHOD PA DANG, PHYAG RGYA BZHI'I RNAM GZHAG CUNG ZAD BSHAD PA'O, ,DANG PO NI, RANG DANG LAS RGYA DANG DAM TSIG GI PHYAG RGYA ZHES PA YE RGYA GNYIS GTZO BO YAB YUM DU BYAS PA'I GSANG GNAS KYI MTSAN MA GNYIS LA SNGAGS RAB TU SBYAR TE, H'Um GIS RDO RJE DANG A'A: PADMA DANG BAm GYIS PADMA'I ZE'U 'BRU LTE BA BSKYED CING, PHAt KYIS BU GA GNYIS BKAG NAS LHAN SKYES KYI YE SHES MTSON PAR BYA BAR LVA BA PAS RTZA RGYUD KYI 'GREL PAR BSHAD, YANG DES L'U AI PA'I SGRUB THABS KYI 'GREL PAR, BY'A DMAR PO LAS NOR BU DMAR PO BSKYED PA'I RTZE MOR BY'A YIG SER POS MCHEN PO DANG, BY'A DKAR PO LAS PADMA'I ZE'U 'BRU DKAR PO BSKYED PA'I RTZE MOR, BY'A YIG SER POS MTSAN PAR BSHAD DO, ,TSUL GNYIS KAS 'GRUB PAR MNGON NO, ,KUN SPYOD LAS, SNGAGS PAS DPA' BO RNAL 'BYOR MA BYIN BRLAB, ,YI GE BY'A NI SNA RTZER YANG DAG SBYOR, ,BY'A NI MTSAN GYI LTE BAR RNAM PAR DKOD, ,ZHES GSUNGS TE SNA RTZE NI PADMA'I SNA RTZE DANG, MTSAN NI RDO RJE DANG, LTE BA NI NOR BU'I DBUS KYI RTZER DGOD PA'O, ,'DI DAG GIS NI DRIL BU PAS GSUNGS PA'I SA BON DANG BCAS PA'I SNA TSOGS RDO RJE'I RIM PA RTZA RGYUD KYI GANG DU SBAS PA YANG SHES PAR BYA'O, ,MKHA' 'GRO NI RDO RJE PHAG MO'O, ,
, ,DPA' BO NI HE RU KA STE GNYIS SU MED PAR SBYOR BA'O, ,DE BZHIN DU SNYING PO RNAMS KYIS ZHES PA NI, YAB YUM GYI GNAS BZHIR SNYING PO GNYIS DANG, NYE SNYING GNYIS KYI SNGAGS RNAMS 'GOD PA STE, KUN SPYOD LAS, LTE BA SNYING KHA KHA DANG DPRAL BA RU, ,SNGAGS KYI TSOGS DANG BCAS PAS BYIN GYIS BRLAB, ,LTE BA SNYING KHAR RNAL 'BYOR MA, ,SANGS RGYAS MKHA' 'GRO MA YIS TE, ,LCE DANG SPYI BO GNYIS SU NI, ,DPA' BOS BYIN GYIS BRLAB PAR BYA, ,RNAL 'BYOR MA DANG DPA' GNYIS MED, ,CES GSUNGS SO, ,DE LA LTE BA ZHAS PA'I RKANG PA GNYIS KYIS GTZO MO'I GNAS BZHIR SNGAGS KYIS BYIN GYIS RLOB PA DANG, DE NAS LTE BA ZHES PA NAS BYIN GYIS BRLAB PAR BYA, ZHES PA'I BAR GYIS YAB KYI GNAS BZHIR SNGAGS KYIS BYIN GYIS RLOB PA STE, DPA' BYIN BRLAB CES DPA' BO GTZO BO'I LTE BA LA SOGS PA RNAMS SU BYA'O ZHES DANG, LCE DANG AA WA DH'U T'I GNYIS, ZHES 'GREL PAR 'DON ZHING BSHAD DO, ,LCE DANG AA WA DH'U T'I ZHES PA LTAR NA LCE NI MGRIN PA STE KHA YANG DE BZHIN NO, ,DH'U T'I NI DE'I YAR SNA SMIN MTSAMS SO, ,YAB KYI LTE BAR RNAL 'BYOR MA STE YUM GYI SNYING PO DANG, SNYING KHAR SANGS RGYAS MKHA' 'GRO MA'I SNGAGS KYIS BYIN GYIS BRLAB, LCE DANG SPYI BO GNYIS SU YAB KYI SNYING PO DANG NYE SNYING GIS BYIN GYIS RLOB PA MAR DO'I 'GYUR LEGS SO, ,SNGAGS PAS MKHA' 'GRO MA PHAG MO DANG SBYAR LA, SNGAGS RNAMS GNAS BZHIR 'GOD PA DE BZHIN DU BYA'O, ,ZHES BYA STE, SKAL LDAN LA SOGS PAS, SNGAGS PAS MKHA' 'GRO MA SBYOR LA, ,SNYING PO
RNAMS KYIS DE BZHIN BYA, ,ZHES 'DON NO, ,DE LTAR BYAS PA'I 'OG TU BLO LDAN TE SNYOMS 'JUG GI LAS LA MKHAS PAS, RNAL 'BYOR MA LAS DANG DAM TSIG GI PHYAG RGYA'I PADMAR BSRUB PAR BYAS LA, DE KHO NA NYID KYI MCHOD PA BYA'O, ,THA MAL PA'I GZUNG 'DZIN LAM GROL BA'I DAG PA LHA'I LUS SU BYAS PAS NI, RANG 'DOD PA STE RNAL 'BYOR PA RANG GI PHYAG RGYA'I RIGS DANG MTHUN ZHING, DAM TSIG LEGS PAR SRUNG BA'I TSUL KHRIMS DANG LDAN PA'I MA DANG BU MO LA SOGS PA LTA BU, SNGAR BSHAD PA RNAMS KYI NANG NAS PHYAG RGYA GANG RUNG GCIG GZUNG BA LA BRTAN NAS, DPA' BO HE RU KA MCHOD PA RNAMS BYAS NAS, ZHI BA LA SOGS PA'I LAS THAMS CAD NI 'BAD PA NYID KYIS BYA'O, ,ZHES LAS SGRUB PA RNAMS PHYAG RGYA LA BRTEN NAS BYAS NA MYUR DU 'GRUB PAR BSTAN TO, , PHYAG RGYA GNYIS LA BRTEN NAS SGOM PA NI 'DIR BSKYED RIM MIN GYI, RDZOGS RIM LA SBYOR BA N'A RO PA'I DGONGS PA YIN PAS, LAS RGYA LA BRTEN NAS SGOM PA NI DE'I RKYEN GYIS SROG DH'U T'IR BTZUD PA LA BRTEN NAS SGOM PA YIN LA, YE SHES KYI PHYAG RGYA LA BRTEN NAS SGOM PA YANG SNGAR DBU MAR RLUNG ZHUGS GNAS THIM GSUM BYED PA LA BYANG BA CIG YIN NA, DES KYANG DAM TSIG GI PHYAG RGYA LA BRTEN PA NA SROG DH'U T'IR SDUD NUS PAS DE'I DBANG DU BYAS PA YIN PAR SHES PAR BYA BA NI GNAD KYI DON NO, ,GNYIS PA NI, DE LTAR SO BZHI PA DANG SO LNGA PAS PHYAG CHEN DANG CHOS RGYA BSTAN, LE'U 'DI'I 'DI YAN CHAD KYIS DAM TSIG DANG LAS RGYA BSTAN PAR BYED PA'I LUGS KYIS PHYAG RGYA BZHI SO SO'I NGOS 'DZIN NI BSHAD ZIN TO, ,PHYAG RGYA BZHI YANG BSHAD RGYUD LAS, DO
, ,PHYIR YE SHES SKYED PA YIS, ,PHYAG RGYA BZHI NI SBYAR BAR BYA, ,ZHES GSUNGS PA'I DON LA, MAN SNYE LAS RIM GNYIS KYI PHYAG RGYA BZHI TSAN GNYIS BSHAD PA'I BSKYED RIM PA'I PHYAG RGYA BZHI NI, PHYI ROL GYI SHES RAB MA KHO NA 'DOD PA'I LHA MO'I GZUGS SU SGOM PA NI LAS RGYA DANG, LUS LA SGOM PA'I H'Um YIG LA SOGS PA NI CHOS RGYA DANG, SA BON LA SOGS PA LAS RDZOGS PA'I DKYIL 'KHOR GYI 'KHOR LO 'DUS PA'I SPRO BSDU SOGS BYED PA NI DAM RGYA DANG, RANG NYID GTZO BO'I LHA SKUR SGOM PA NI PHYAG CHEN NO, ,RDZOGS RIM PA'I PHYAG RGYA BZHI LA YANG GNYIS LAS LAM GYI SKABS SU BZHAG PA NI, PHYI'I SHES RAB MA NI LAS RGYA STE, 'KHYUD PA LA SOGS PA'I LAS KYIS DGA' BA STER BA'I PHYIR RO, ,NANG GI SHES RAB MA AA BA DH'U T'I NI CHOS KYI PHYAG RGYA'O, ,BDE BA CHEN PO'I BYANG SEMS KYI PHYAG RGYA DE DAG GI 'BRAS BU NI PHYAG CHEN NO, ,LHA RNAM PA SNA TSOGS PA SPRUL PA NI DAM TSIG GI PHYAG RGYA'O, ,'BRAS BU LA BZHAG PA NI SPRUL SKU NI LAS RGYA DANG, CHOS SKU NI CHOS RGYA DANG, LONGS SKU NI PHYAG CHEN DANG, BDE STONG GI BYANG CHUB KYI SEMS BDE BA CHEN PO'I SKU NI DAM RGYA DANG, PHYAG RGYA BZHI PO RE RE YANG PHYAG RGYA BZHI BZHI'I BDAG NYID DO ZHES 'CHAD DO, ,BLA MA SNGA MA RNAMS KYI LAS RGYA DANG DAM RGYA'I NGOS 'DZIN DRIL BU ZHABS DANG MTHUN LA, PHYAG RGYA GZHAN GNYIS LA MI 'DRA BA CHEN PO YOD DE, BDE MCHOG RIM LNGA'I BSHAD PA LAS SHES PAR BYA'O, ,GNYIS PA NI, TSOGS KYI DKYIL 'KHOR BA THAMS CAD LA RANG GANG LA DGA' BA'I TSUL GYIS SNGAGS PAS NI, TSOGS KYI RDZAS RNAMS RNAM PAR DBYE BA STE SO SOR BGO BAR BYA
ZHING, PHYAG RGYA BSTEN PA'I DUS SU PHYIN CI LOG PA STE RNAL 'BYOR MA SKYES PA LTAR STENG DU 'DUG PA LA NGES PAR SBYAR BAR BYA'O, ,DE LTAR BYED PA DGOS PA CI'I PHYIR SNYAM NA, NYON MONGS PA RNAMS TSAR GCOD PA DANG, SEMS CAN LA PHAN 'DOGS PA'I DON RNAMS LA STE DON GYI PHYIR DU'O, ,LAS NI DE BZHIN GSHEGS PA RNAMS RNAM PAR DAG PA'I SO SO RANG GIS RIG PA'I TING NGE 'DZIN GYI MTSAN NYID YIN LA, 'DI YI DNGOS POR RNAM PAR BSGOM PA NI PHYIN CI LOG GI GA-YENG BA THAMS CAD SPANGS TE SGOM PA'O, ,DE NYID NI RIGS LNGA'O, ,DE'I DBYE BAR TE DBYE BAS PHYE BA'I MIG LA SOGS PA DAG PA'I GTI MUG RDO RJE LA SOGS PAR MIG LA SOGS PA BLTAS LA, MIG LA SOGS PA'I RTZA LA STE RTZA YI LAM DU STE YUL RNAMS SU SBYAR BAR BYA'O, ,SBYOR TSUL NI, DBANG PO'I RTZA'I SGO NAS YUL RNAMS LA 'KHOR BA'I DE KHO NA NYID 'OD GSAL RIG PAS, YUL DBANG RNAMS DE'I NGO BOR SBYOR BA'AM, YANG NA DBANG YUL RNAMS SGYU MA LTA BU'I RANG BZHIN DANG GNYIS SU MED PAR RIG NAS SBYAR RO, ,SKAL LDAN LA SOGS PAS NI LAS SGRUB PA DE NYID NI, LAS SO SO'I DBYE BAS PHYE BA'I SNGAGS DE RDO RJE DANG PADMA'I RTZA LA STE RTZA'I LAM DU NGES PAR SBYAR ZHAS 'CHAD DE, GSANG GNAS GNYIS NAS SNGAGS 'KHOR BA'I TSUL GYIS LAS SGRUB PA'O, ,PHYI ROL JI LTAR ZHES PA'I RKANG PA 'DI LO CHEN DANG MAL DANG GNYIS 'DUS KYI 'GYUR LA MED CING, 'GREL PA GZHAN RNAMS SU'ANG MED KYANG, LVA BA PA DANG LHA SBAS KYI 'GREL PAR SBYAR BAR BYA, ZHES PA'I DE MA THAG TU 'BYUNG NGO, ,DBANG POS YUL LA LONGS SPYOD PA 'OD GSAL GYI NGO BOR SBYOR BA'AM, SGYU MA LTA BU
, ,DANG SBYOR TSUL DE JI LTAR BYA SNYAM NA, JI LTAR PHYI ROL GYI PHYAG RGYA LA BRTEN NAS BDE CHEN 'DREN PA DE BZHIN DU, NANG MIG LA SOGS PAS YUL LA SPYOD PA NA'ANG, BDE CHEN 'BAR BAR BYAS PA LA BRTEN NAS SBYOR TSUL GNYIS PO DE BYA'O, , BLA MA MAR DOS PHYI LAS RGYAL LA BRTEN NAS SGRUB PA DE BZHIN DU, NANG DAM TSIG GI PHYAG RGYA LA BRTEN NAS KYANG SGRUB PA'I DON DU 'CHAD DO, ,DNGOS GRUB RAB TU SGRUB PA'I SBYOR BA STE RNAL 'BYOR GYI DON LA NI, PHYAG RGYA GNYIS LA BRTEN PA 'DI YIS MYUR DU LHA DANG, LHA MIN DANG MIR BCAS PA RNAMS CHER BCAD PA DANG PHAN 'DOGS PA'I TSUL GYIS BSGRUB PAR BYA BA STE 'GRUB PA YIN NA, GZHAN RNAMS LTA CI SMOS ZHES DGONGS SO, ,GSUM PA NI DPAL HE RU KA MNGON PAR BRJOD PA BSDUS PA'I RGYUD LAS, PHYAG RGYA GNYIS LA BRTEN PA'I DE KHO NA NYID KYI MCHOD PA DANG, ZHI SOGS KYI LAS SGRUB PA'I CHO GA'I LE'U STE, SUM CU RTZA DRUG PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA DRUG PA'I BSHAD PA'O,, ` ,,BZHI PA LAS RGYA DBANG DU BYA BA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, SO DRUG PA BSHAD PA DE NAS SNGAR BSHAD PA LAS GZHAN YANG BSHAD PAR BYA'O, ,DE GANG ZHE NA, SKAL LDAN LA SOGS PAS, GZUGS GNON PA'I CHO GA STE, ZHES 'DON PA LTAR NA, GZUGS NI LUS TE BUD MED LA SOGS PA'I SKYE BO'O, ,DE GNON PA'I CHO GA NI DE RNAMS
DBANG DU BYA BA YIN LA, DE BSHAD PAR BYA ZHES PA'O, ,TSAR GCOD CES PA LTAR NA, SMAN BZANG PO DANG BCAS PA'I SNGAGS KYIS TSAR GCAD PAR BYA BA BSGRUB BYA'I LUS SO, ,GNON PA NI SGYU CAN DANG GA-YO CAN DANG GDUL DKA' BA'I BUD MED THAMS CAD DBANG DU BYAS NAS, DE RNAMS DANG LHAN CIG SGRUB PA PO 'DOD PA'I YON TAN LNGA LA SPYOD PA'O, ,GNYIS PA LA GSUM, KHA ZAS LA BRTEN NAS BSGRUB BYA DBANG DU BYA BA DANG, SBYIN SREG LA BRTEN NAS BSGRUB BYA DBANG DU BYA BA DANG, DBANG DU BYA BA'I CHO GA'I BSNGAGS PA BSTAN PA'O, , DANG PO NI, PHAN TSUN ZHES SOGS KYIS LAS SGRUB PA'I SGRUB THABS GSUNGS TE, PHAN TSUN NI PHYI DANG NANG NGO, ,MKHA' 'GRO MA NYER BZHI NI SNGAGS DANG 'DRA BAS GSANG SNGAGS SO, ,MKHA' 'GRO MA DANG GCIG TU SBYAR BA NI, PHYI DKYIL 'GOD PA DANG, NANG LUS DKYIL 'GOD PA GNYIS KA BSDUS TE SGOM PA LA 'CHAD DO, ,SKAL LDAN LA SOGS PA NI, YAB YUM PHAN TSUN GYI RTZA BA'I GSANG SNGAGS GNYIS SBYAR BA STE PHYOGS GCIG TU BYA STE, DA NI MKHA' 'GRO MA YUM GYI RTZA SNGAGS DANG GCIG TU SBYAR BA'I DON NO, ,DE LTAR SNGAGS GNYIS ZHAG BDUN GYI BAR DU THUN BZHIR BZLAS LA, MAR LA SOGS PA'I BZA' BA ZOS SHING MID NAS NI, SNGAGS BZLAS PA'I MTHAR NI THOD PA'I NANG DU SKYUG PAR BYA'O, ,ZAS DE MTSAN MO STE ZHAG BDUN RDZOGS PA'I 'OG TU, BUD MED LA SOGS PA'I BSGRUB BYA GANG YIN GYI BZA' BTUNG DAG LA SBYAR TE BYIN PA 'DI YIS, BSGRUB BYA DE JI SRID 'TSO BA YI BAR DU RANG GI DBANG DU 'GRO BAR THE TSOM MED DO, ,SNGAR BSHAD PA'I ZHAG GRANGS BZHIN DU BA SER SKYA'I MAR NI ZOS SHING MAR
, ,KHU 'THUNGS NAS SU, SNGAGS BZLAS PA'I MTHAR NI SKYUG PAR BYA LA SKYUGS PA DE YIS RANG GI GDONG LA BSKUS NAS, BSKUS PA'I MAR DE BZA' BTUNG LA SBYAR TE BYIN NA, GAL TE RTAG TU BSGRUB BYA KHROS PAR GYUR PA YIN NA'ANG RANG NYID BSGRUB BYAS MTHONG BA TZAM GYIS RANG GI DBANG DU 'GYUR RO, ,GZHAN DANG PO DANG 'DRA BA LA KHYAD PAR NI, TIL DMAR PO'I MAR GYIS SA LU DMAR PO BTAGS PA DANG LDAN PAS LUS KYI DRI MA DRIL BAS LUS NI BSKUS PAR GYUR CING, SA LU'I KHAM SKYONG MAR GYIS BTZOS PA'I SNUM 'KHUR SNGAGS PAS BYAS NAS NI, DE BZA' BA LA RAB TU SBAR TE BYIN NA, GAL TE LAS SBYOR 'DI MA BTANG NA JI SRID 'TSO BA YI BAR DU BSGRUB BYA DE RTAG TU RANG GI DBANG DU 'GYUR RO, ,TIL NAG SKE TSE DANG BCAS PA DAG NI ZOS NAS SU SKE TSOR BCAS PA SKYUGS PA DANG, RU RTA BSHANG LAM NAS LAN BDUN BTON PA DANG LDAN PA DANG, LAG SKYES SEN MO DANG LTO BAR GNAS PA'I SRIN BU BSHANG LAM NAS BYUNG BA'I 'BU DANG, RANG GI KHRAG DANG LHAN CIG BTAGS NAS NI SVA STE RANG GI SHU KRA STE KHU BA NYID DANG SBYAR TE, BZA' BTUNG DANG MIG SMAN DANG GOS LA BYUG PA NYID DU RAB TU SBYAR NA, SBYOR BA 'DI YIS JI SRID 'TSO BA'I BAR DU RANG GI DBANG DU 'GYUR BAR GDON MI ZA'O, ,'DI YANG BZLAS PA'I MTHAR BYA BA SNGAR BSHAD PA DANG 'DRA'O, ,GNYIS PA NI, DBANG DU BYA BA'I LAS SO SO BA'AM LAS THAMS CAD PA'I THAB KHUNG DU BA LANG GI SHA BA LANG GI KHRAG GIS BSKUS PAS, ZHAG BDUN DU BSGRUB BYA'I MING NAS SMOS TE THUN BZHIR SBYIN SREG BRGYA RE BYAS NA, BSGRUB BYA'I
LHA RNAMS NI DE'I MOD LA DBANG DU 'GYUR RO, ,'AM GYI SGRAS GAL TE BSGRUB BYA BDAG GI GAM DU MA 'ONGS NA 'CHI BAR 'GYUR RO, ,THAB KHUNG GI DBUS SU HE RU KA 'KHOR BCAS BSKYED NAS, BDAG NYID HE RU KA DE'I MDUN DU 'DUG PAR BSGOMS NAS LAS SBYAR LA MKHAS PAS SNGAR BSHAD PA'I SBYIN SREG RDZOGS PA'I MTHAR BA LANG GI SHA KHRAG GIS NI GTOR MA DBUL BA BYAS NA NI, KHAMS GSUM PA RNAMS SKAD CIG GIS TE MYUR DU 'GUGS PA MTSAN TE ZHAG BDUN GYIS NI 'GRUB PAR 'GYUR RO, ,LVA BA PAS, LTE BA'I THAG KHUNG DU PADMA'I DBUS SU LHA MTHE BO'I TSAD TZAM MAM, NAS TZAM PA SKU MDOG DMAR PO ZHAL GCIG PHYAG GNYIS PA NYI GDAN LA BZHUGS PA, 'OD KYI SNANG BAS GNAS PA BSAMS NAS, BSGRUB BYA DBUGS KYIS BKUG STE LTE BA'I ME LA BSREGS NA BSGRUB BYA DBANG DU 'GYUR RO ZHES 'CHAD DO, ,GSUM PA NI, SA 'OG SA STENG SA BLA'I 'JIG RTEN GSUM NA RNYED PAR DKA' BA'I RNAL 'BYOR PA DAM TSIG SPYOD PA'I MTSAN NYID CAN GYIS, LAS RGYA DBANG DU BYA BA 'DI NI RTAG TU RANG GI SNGAGS KYI KUN SPYOD SBAS PA YIS RAB TU 'BAD DE SNOD MIN LA GSANG BAR BYA STE, SKAL MED LA BYIN YANG SBAS DON ZAB MO RNYED PAR MI 'GYUR ZHING YID CHES PAR MI 'GYUR LA, SKAL BA DMAN PAS BSGRUBS KYANG 'GRUB PAR MI 'GYUR TE, DMUS LONG GI LAG TU NOR BU'I MCHOG BZHAG PA BZHIN DU, CHO GA KHYAD PAR CAN 'DI YANG SKAL BA DMAN PAS MI MTHONG NGO, ,SKAL BA MI DMAN NA NI SNGON GYI BSOD NAMS BSAGS PA CHUNG �BA STE HA CANG MI CHE BA'I SGRUB PA POS KYANG, NGA STE HE RU KA DANG THA MI DAD PA'I BLA MA MNYES PAR BYAS PAS, RGYUD DU SBAS PA'I ZAB
, ,MO'I DON RNAMS RNYED PA STE KHONG DU CHUD PAR 'GYUR ZHING, BSGRUBS PAS KYANG 'GRUB PAR 'GYUR RO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, NANG GI BDAG NYID KYI DBANG DU BYA BA NI, LVA BA'I NA BZA' CAN GYIS NANG GI SBYIN SREG GIS DBANG DU BYED PA GSUNGS PA LTA BU STE, GTZO BO'I MING GIS BTAGS PA'O, ,DE 'DRA BA'I CHO GA'I LE'U STE, SUM CU RTZA BDUN PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA BDUN PA'I BSHAD PA'O,, ` ,,DGU PA SPYOD PA LHAG MA GNYIS RGYAS PAR BSHAD PA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, PHYAG RGYA DBANG DU BYA BA BSTAN PA DE NAS 'OG NAS 'CHAD PA LTAR GYI LUS DANG NGAG GI BRDA DANG RAB GTUM MA LA SOGS PA'I MKHA' 'GRO MA NYER BZHI YI RNAL 'BYOR GYI LUS KYI MTSAN NYID GANG YIN PA DANG, DPA' BO HE RU KAR SGOM PA'I YAN LAG GI DBYE BA NANG GI YUL NYER BZHI DANG, DER LHA'I 'KHOR LO 'GOD PA'I SKU MDOG ZHAL PHYAG LA SOGS PA'I DBYE BA NI, JI SKAD BSHAD PA DE BZHIN DU NI PHYI DANG NANG LUS LA DGOD PA 'GRUB PAR 'GYUR PA SBA BA DE BSHAD PAR BYA'O, ,'GYUR GZHAN LAS, DE BZHIN DU NI BSHAD PAR BYA, ,ZHES KYANG 'BYUNG NGO, ,GNYIS PA LA GNYIS, SPYOD PA BYED PA SOGS KYI BSRUNG BA'I DAM TSIG DANG, SPYOD PA BYED PA GNAS DANG BCAS PA BSTAN PA'O, ,DANG PO LA GNYIS, RNAL 'BYOR PAS MI BYA BA'I CHA YI DAM TSIG DANG, BYA BA'I
CHA YI DAM TSIG BSTAN PA'O, ,DANG PO NI, SBA BAR BYA BA'I DAM TSIG NI, DPA' BO'I DBANG PHYUG HE RU KA DANG DES MTSON NAS, PHAG MO LA SOGS PA'I SKU MNGON GSAL CAN DU MI BRI BAR RNAM PA KUN TU SBAS TE BRI BAR BYA BA DANG, BRIS PA YANG SBA BAR BYA'O, ,DE LTAR YANG BSHAD RGYUD LAS, GLEGS PAM DANG NI BRIS SKU NYID, ,GAL TE SKAL BA MED MTHONG NA, ,SKYE BA 'DIR NI 'GRUB MI 'GYUR, ,'JIG RTEN PHA ROL SPYOD YUL MIN, ,ZHES GSUNGS SHING BSHAD RGYUD RDO RJE PHRENG BAR YANG NAN TAN CHE BAR GSUNGS TE BRIS SKU SNOD MIN LA STON PA SOGS KYIS KYANG DNGOS GRUB 'GRUB PA LA CHES RING DU BYED DO, ,DE BAS NA SHIN TU 'BYUNG NYE BA 'DI BSRUNG BA LA 'BAD PAR BYA'O, ,'GREL PA GSUM DU, DPA' BO'I DBANG PHYUG MI DGONGS, ZHES 'DON ZHING, DAM TSIG LAS 'DA' BAR BYED PA LA BCOM LDAN 'DAS KYIS MI GZIGS SO, ,ZHES 'CHAD DO, ,DBANG MA BSKUR BA DANG DAM TSIG MI SRUNG BA GANG GI THAD DU'ANG RGYUD 'DI MI 'DON ZHES PA NI DE'I LAM YANG MI 'CHAD PA'O, ,RGYUD 'DI'I GA-YON PA'I KUN SPYOD RNAMS NI LEGS PAR SBAS PAS BSTEN PAR BYA'O, ,BHA BAS, GA-YON PA'I KUN SPYOD LEGS SBAS PAS, ,ZHES 'DON TE, SGRUB PA PO ZHES PA'I SKAD DOD DE GNYIS KA LA 'JUG PAR GSAL YANG, 'DIR BHA PA'I 'GREL PA LTAR LEGS SO, ,GSANG BAR BYA BA'I MTSAN NYID MKHA' 'GRO MA'I SNGAGS TE GLEGS BAM PAG MED PAS 'DON PAR BYED NA, DE 'DRA DE LA HE RU KA NGA NI MI LTA BA STE THUGS RJES MI 'DZIN NO, ,'OG TU 'DI YI BZLOG PHYOGS LA, ,HE RU KA DPAL BLTA DKA'I [*TEXT WAS CORRUPTED HERE] A BA MI SRUNG BAR SNOD MIN LA GSANG BA STON PA KUN LA BYA'O, ,THUGS KYIS MI 'DZIN PA TZAM DU MA ZAD, DAM TSIG SRUNG BA DANG BRAL BA'I NGAN PA'I BDAG NYID CAN DE MKHA' 'GRO MA STONG PHRAG DU MA YIS ZA BAR BYED DO, ,DAM TSIG 'JOMS PA STE RAL BAR BYED CING RDO RJE 'CHANG GIS BKAG PA'I BYA BA NGAN PA LA SPYOD PA DE, BRAM ZE STE SANGS RGYAS GSOD PA DANG 'DRA BA'I SDIG SOG PAR THE TSOM MED DO, ,SDIG PA DANG LTUNG BA LA SPYOD PA LAS 'BRAS LA RMONGS PA'I BDAG NYID CAN RANG GIS RANG BSLUS PAR GYUR PA, SKYE BO NGAN PA'I BDAG NYID DE GDUG PA'I MKHA' 'GRO MA YIS ZAS PAR GYUR KYANG DE LA HE RU KA NGAS NI SKYOB PAR MI BYED DO, ,ZLA GSANG THIG LE LAS KYANG, SNGAGS KYI DNGOS GRUB DON 'DOD PAS, ,DAM TSIG BSRUNG LA BRTZON PAR BYA, ,GZHAN DU BYAS NA SNGAGS MKHAN GYIS, ,SNGAGS LA SOGS PA'I DON MI 'GRUB, ,LHA RNAMS KYANG NI DAM TSIG GI ,GSOL YANG RJES SU MI GNANG STE, ,'JIG RTEN 'DI RU SDUG BSNGAL CHE, ,'JIG RTEN PHA ROL DMYAL BA RNAMS, ,DAM TSIG SPYOD PA 'DAS PA YI, ,RMONGS PA'I BDAG NYID DES 'THOB BO, ,SLOB MA DE YANG DE BZHIN DU, ,BLO ZHAN SDUG BSNGAL 'THOB 'GYUR TE, ,DE NA SNGAGS KYI DON MI SMIN, ,LHA RNAMS KYI NI MCHOG TU BDE, ,DAM TSIG MED PA'I SLOB MA LA, ,NAM YANG SBYIN PAR MI 'GYUR RO, ,ZHES GSUNGS LA, LHA RNAMS KYANG NI ZHES SOGS KYI DON NI, DZNY'A NA BO DHIS, SPOS DANG ME TOG LA SOGS PA, ,PHUL YANG BZHES PAR MI 'GYUR RO, ,ZHES DRANGS PA LTAR
DAM TSIG RNAMS LAS 'DAS NA, SANGS RGYAS DANG BYANG CHUB SEMS DPA' RNAMS LA MCHOD PA PHUL YANG MA BZHES PA'O, ,SNGAGS PAS 'DI LTAR GSUNGS PA SHES NAS DAM TSIG SRUNG BA LA 'BAD PA NI GAL SHIN TU CHE'O, ,GSANG BA PA STE GSANG SNGAGS LA SPYOD PA'I NANG NA NI, DAM TSIG MI SRUNG BA'I SGRUB PA PO DE NI PHYUGS DANG 'DRA BAR SHIN TU BLUN PA YIN NO, ,BLA MA DANG RANG GI DAM TSIG LA 'KHU BA STE GNOD PA BYED PA DE NI, SANGS RGYAS KYIS THUGS RJES 'DZIN PA'I GDUL BYA'I 'JIG RTEN LAS LHUNG BA STE DE'I NANG NAS PHYIR 'THON PAR 'GYUR RO, ,GNYIS PA NI, DPAL HE RU KA'I RGYUD BLTA DKA' BA STE DE KHO NA NYID MA RTOGS PA RNAMS KYIS MTHONG NA, 'JIGS PA SKYE BAR BYED PA'I DAM TSIG RNAMS RNAL 'BYOR PA GANG ZHIG LEGS PAR SRUNG ZHING SKYONG BAR BYED PA LA NI, MKHA' 'GRO MA STE DPA' MO RNAMS DANG BCAS PA'I DPA' BO RNAMS KYIS 'DI NI DGE BA'I GDONG STE SGO'O ZHES DGONGS PAR MDZAD DO, ,MU KHVA ZHES PA GDONG DANG SGO GNYIS KA LA 'JUG PA'I PHYI MA LTAR BYA'O, ,HE RU KA NGA NI DAM TSIG SRUNG BA DE LA PHAN 'DOGS PAR BYED DO, ,BLA MA LA NI GUS PAS BSNYEN BKUR BAR BYED PA DANG, GSANG BA'I GNAS SRUNG BAR BYED PA'I SGRUB PA PO LA, MKHA' 'GRO MA RNAMS RTAG TU DGA' BAR 'GYUR ZHING, DE LA DNGOS GRUB THAMS CAD 'BYUNG BA STE STZOL BAR 'GYUR RO, ,LO CHEN GYIS, GSANG BA SRUNG BA'I SGRUB PO LA, ,MKHA' 'GRO MA RNAMS RTAG DGA' BA, ,ZHES BSGYUR RO, ,DNGOS GRUB NI SGRUB PA PO DPA' BO HE RU KA NYID DU 'GYUR BA'O, ,DE NI KHAMS GSUM DANG NAM MKHA' LA RGYU BA'I BDAG PO STE GTZO BO'O, ,SGRUB PA PO DPA' BO NYID THOB PAR 'DOD NAS TSUL BZHIN DU SGRUB PA NI, THAMS CAD
, ,DU NI MCHOD PAR BYA BA'I 'OS SU 'GYUR RO, ,DAM TSIG SRUNG BA DE NI THABS SHES DBYER MED PA'I RNAL 'BYOR LA RAB TU 'JUG PA LA DGA' BAR 'GYUR ZHING YANG DAG PA'I MAN NGAG BLA MAS SBYIN PA'ANG LEGS PAR RIG PAR 'GYUR RO, ,YANG NA, YANG DAG 'GRO BA RIG PAR 'GYUR, ,ZHES 'DON PA LTAR NA KHAMS GSUM NA 'GRO BA STE SPYOD PA'I BDE BA KUN NYAMS SU MYONG BAR 'GYUR RO, ,ZHES KONG KA NA PA SOGS BZHED DO, ,HE RU KA'I BRTUL ZHUGS 'DZIN PA STE DE'I GZHUNG GI LUGS SKYONG BA'I SGRUB PA POS NI RANG GI SLOB DPON DANG DPA' BO HE RU KA'I SKU GZUGS MTHONG BAR GYUR NA, 'OG NAS 'BYUNG BA'I SNGAGS 'DI DAG KUN TU DGA' BAS BRJOD PAR BYA'O, ,DGA' TSUL NI SLOB DPON MTHONG ZHING SKU GZUGS MTHONG ZHING STE MTHONG BA TZAM GYI RKYEN GYIS YID DGA' BA'O, ,SNGAGS GANG 'DON NA DPA' BO HE RU KA'I RTZA BA'I GSANG SNGAGS KYI CHA SHAS MCHOG RKANG PA BRGYAD PA LAN BDUN DU NI BRJOD PAR BYA'O, ,LONG YOD NA DE LTAR BYA MED NA LAN CIG GIS KYANG 'GRUB CES MAR DO GSUNG NGO, ,RAB STE MCHOG GI SNGAGS RKANG BRGYAD LA MTHAR H'Um DANG, LA SOGS PAS H'Um GNYIS PA DANG PHAt DANG, MGOR AOm BRJOD PAS RAB TU PHYE BA BRJOD LA, DE NAS 'BAD DE PHYAG BYAS NA SANGS RGYAS DANG LA SOGS PAS BYANG SEMS THAMS CAD LA MCHOD PAR 'GYUR RO, ,DE LTAR BYAS PAS RTAG PA NYID DU DPA' BO CHEN PO HE RU KA DANG LDAN PAR TE LHAN CIG TU ROL BAR THE TSOM MED DO, ,GZHAN YANG SGRUB PA PO DE'I THUGS KAR TE SNYING LA RDO RJE PHAG MO, NGA STE HE RU KA DANG LHAN CIG PA DANG, DPA' BO NYER BZHI DANG RNAL 'BYOR MA NYER BZHI DANG,
PHO NYA MO BCU GNYIS RNAMS DANG BCAS PAR GNAS NAS BYIN GYIS RLOB PAR 'GYUR RO, ,SGRUB PA PO DE DANG SEMS CAN GANG ZHIG DUS MNYAM DU LEGS PAR TE BDE 'GROR SKYES PAR GYUR PA'I SROG CHAGS SGRUB PA PO MTHONG BA NGES KYANG BSOD NAMS RGYA CHEN PO SOG PA YIN NO, ,GNYIS PA NI, DE 'DRA BA'I DAM TSIG RNAMS DANG LDAN PA'I RNAL 'BYOR PA SPYOD PA DANG BSGRUB PA BYA BAR 'DOD PAS, DE LTAR BYA BA'I GNAS NI CHU BO DANG RGYA MTSO DANG, RDZID BU'I 'GRAM DANG, RI BO DANG DE BZHIN DU LAM BZHI MDO DANG LTENG KA DANG MCHE'U DANG KHRON PA'I 'GRAM DANG, KHANG STENG DANG GRONG KHYER GYI LAM SRANG THAMS CAD DU NI SPYOD PA DANG BSGRUB PA BYA'O, ,DE LTAR BYAS NA DE LA MKHA' 'GRO MA RNAMS KUN TU ZHEN PAR TE RJES SU CHAGS PAR LTA BA STE DE LA THUGS BRTZE BAS LTA BA LA GNAS PAR MDZAD DO, , 'JIGS PA CHEN PO STE 'JIGS SU RUNG BA'I DUR KHROD DU, RNAL 'BYOR MA MKHA' LA SPYOD PA DANG, DE BZHIN DU SA 'OG NA SPYOD PA DE GNYIS KYIS MTSON NAS SA LA SPYOD PA'I RNAL 'BYOR MA DANG, RO LANGS KYANG NI DU MA ZHIG 'JIGS PA'I GZUGS DANG STOBS CHEN POS GNAS PA DE RNAMS DANG LHAN CIG TU DPA' BO CHEN PO STE SGRUB PA PO DANG, CI BDE BAR TE BAG TSA BA MED PAR ROL BAR MDZAD DO, ,RI'I SUL DANG TSANG TSING GI GNAS GSANG BA RU STE SHIN TU DBEN PA'I GNAS SU RNAL 'BYOR MA KHYAD PAR CAN DANG, GSANG BA SGRUB PA'I MI STE SGRUB GROGS DANG LHAN CIG TU SNGAR BSHAD PA'I PHYOGS TE GNAS NI DE DANG DE DAG TU SGRUB PA PO LHAN CIG TU SA'I STENG DU ROL BAR MDZAD DO, ,SPROS MED NI SPROS BCAS KYI SPYOD PA LAS, BYA BA'I SPROS PA NYUNG BAS SPROS MED CES ZER LA, DE
, ,LA DKYIL 'KHOR GYI LHA GRANGS DANG MNYAM PA'I RNAL 'BYOR PHO MO 'DUS NAS BYED PA DANG, LAS RGYA'I RNAL 'BYOR MA LNGA'AM BZHI DANG, GCIG DANG 'DUS TE SPYOD PA BYED PA'I SPROS MED RGYAS BSDUS 'BRING GSUM DANG, YE SHES KYI PHYAG RGYA ZHES PA DAM TSIG GI PHYAG RGYA NYID LA BRTEN NAS BHU SU KU'I SPYOD PA BYED PA SHIN TU SPROS MED KYI SPYOD PAR SPYOD BSDUS LAS BSHAD CING, SPYOD PA BYED TSUL LVA BA'I NA BZA' CAN GYIS SPYOD BSDUS LA ZHAL 'PHANGS PA LTAR BYA'O, ,LE'U 'DIR NI PHAL CHER RNAL 'BYOR MA MTHU LDAN RNAMS LA BSHAD DO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA MTHU LDAN RNAMS LA BRTEN NAS SPYOD PA SGRUB PA DANG, GSANG BA'I LAM SGRUB PA'I DPA' BO SGRUB PA PO YI GANG DU SGRUB PA'I GNAS KYI CHO GA'I LE'U STE SUM CU RTZA BRGYAD PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA BRGYAD PA'I BSHAD PA'O,, ` ,,BCU PA DNGOS GRUB 'GRUB PA'I MTSAN MA BRTAG PA LA BZHI, BLTA BA DANG HA HA ZHES RGOD PA'I LE'U, RIGS LNGA PO DBANG DU BYA BA DANG PHYAG RGYA CHEN PO BSTEN PA'I LE'U, YI GE NYER BZHI'I DKYIL 'KHOR DGOD PA'I LE'U, RGOD PA'I SNGAGS DANG MKHA' 'GRO'I GZUGS KYI RGYU'I LE'U'O, ,DANG PO LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, RNAL 'BYOR MA DANG SGRUB PA PO SA STENG DU ROL BA BSHAD PA DE
NAS BZHAD PA BRGYAD KYI SNGAGS KYI MTHONG BA RTZOL BA BSHAD PAR BYA'O, ,GNYIS PA LA GSUM, RGOD PA LAS BLTA BA 'BYUNG TSUL, MTHONG BA NA 'JIGS PA'I NYES DMIGS, MTHONG BA NA MI 'JIGS PA'I PHAN YON BSTAN PA'O, ,DANG PO NI, SGRUB PA PO'I RNAL 'BYOR PA CHEN PO RNAL 'BYOR LA BRTAN PA THOB PAS, SPYOD PA BYED PA'I DUS SU DUR KHROD LA SOGS PAR PHYIN NAS CHOS THAMS CAD BRDZUN PA SGYU MA LTA BUR BLTAS LA, BZHAD PA BRGYAD KYI SNGAGS NI BRGYAD PO YAN LAG BRGYAD LA DGOD CING, RGOD PA STE NGAG TU YANG BZLAS PAR BYA'O, ,DE BYAS PA'I DGOS PA NI, GAD MO BRGYAD BYAS PA DE NAS TE RGYU DE LAS SGRUB PA PO 'DI LA MKHA' 'GRO MA RNAMS KYIS, RANG GI GZUGS YANG DAG PAR MTHONG BA RTZOL BAR 'GYUR BA GDON MI ZA BA'O, ,BZHAD PA BRGYAD NI 'GREL PA MANG POS YAB KYI RTZA SNGAGS KYI CHA SHAS, KI LI KI LI, SI LI SI LI, HI LI HI LI, DHI LI DHI LI TSAN PA BRGYAD DANG, YUM GYI HA HA HI HI HU HU HUm HUm BRGYAD LA 'CHAD LA, BLA MA SNGA MA RNAMS HA HA SOGS DRUG DANG, HE HE BRGYAD LA 'CHAD DO, ,GNYIS PA NI, DE LTAR MTHONG BA'I TSE MKHA' 'GRO MA RNAMS KYIS 'JIGS PA'I SGRA NI RNAM PA MANG PO MI BZAD PA 'JIGS PAR BYED PA SGROG PAR 'GYUR RO, ,BSGRAGS PA DE LA DPA' BO STE SGRUB PA PO 'JIGS PAR GYUR NA NI, SKRAG CING STE BAG MI 'BEBS PAS PHYOGS PHYOGS SU RNAM PAR 'BYOR BAR BYED PAS DNGOS GRUB MI STER RO, ,GSUM PA NI, GAL TE DPA' BO STE SGRUB PA PO MTHONG BA DE LA MI 'JIGS NA NI, DE RNAMS KYIS LAG PA GA-YON PAS BZUNG NAS NI,
, ,DE DAG GI RANG GI GNAS SU KHYER NAS NI MKHA' 'GRO MA NI DE DAG DANG RTAG TU MNGON PAR TE MNGON SUM DU RTZE BA DANG ROL BAR BYED CING, BDE BA CAN GYI STE BDE BA CHEN PO'I PHYAG RGYA CHEN PO'I DNGOS GRUB 'GRUB PA'I GNAS SU 'GRO BAR 'GYUR LA, HE RU KA DPAL LA SHIN TU GUS SHING 'DOD PA STE DON DU GNYER BA CHEN POS DE SGRUB PA'I MKHA' LA 'GRO BA STE SPYOD PA'I GNAS SU 'KHYER BAR BYED DO, ,SGRUB PA PO NI SNGAGS TE YE SHES KYI LUS CAN DU 'GYUR BAS 'KHOR BAR 'CHI BA DANG RGA BA SOGS MED PAR 'GYUR RO, ,LE'U 'DIR BZHAD PA BRGYAD KYI SNGAGS KYI SGO NAS 'JIGS MI 'JIGS BRTAGS PAS DNGOS GRUB KYI MTSAN MA RTOG PA STON PA YIN NO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, MKHA' 'GRO MAS GZUGS BSTAN PA BLTA BA DANG, HA HA ZHES RGOD PA'I CHO GA'I LE'U STE SUM CU RTZA DGU PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U SUM CU RTZA DGU PA'I BSHAD PA'O,, ` ,,GNYIS PA RIGS LNGA PO DBANG DU BYA BA DANG PHYAG RGYA CHEN PO BSTEN PA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, LE'U BZHI BCU PA 'CHAD PA'I SKABS LA BAB PAS DA NI RAB TU BSHAD PAR BYA'O, ,GANG BSHAD BAR BYA NA, DPA' BO HE RU KA'I RNAL 'BYOR
DANG DE'I RKANG PA BRGYAD PA'I SNGAGS KYI BZLAS PA YIS SBYIN SREG GI CHO GA GANG GIS SA STENG NA GNAS PA'I MI LA SOGS PA DBANG DU 'GYUR BA RNAMS, HE RU KA'I RNAL 'BYOR GYI CHO GAR GNAS PAS 'GRUB PAR 'GYUR BA BSHAD PAR BYA'O, ,GNYIS PA LA GSUM, PHYI DANG NANG GI SBYIN SREG ,BSGRUB BYA SO SO LA LTOS PA'I GRANGS, DE LTAR BYAS PA'I PHAN YON NO, ,DANG PO NI, DNGOS GRUB GSAL BAR BYED PAS NA SGRON MA STE SHA DANG, LO CHEN DANG MAR DO RKYANG PA'I 'GYUR LA SMYO BYED CES DANG, GNYIS 'DUS DANG MAL GYI 'GYUR LA MYOS BYED CES PA GNYIS KA YOD KYANG, 'DIR PHYI MA LTAR BSHAD NA MYOS BYED CHANG DANG BCAS PA DANG, NYA YI SHA DANG LDAN PAR BYAS TE, DPA' BO'I DBANG PHYUG 'KHOR DANG BCAS PA GNAS SKABS THAMS CAD DU NYI MA BDUN GYIS SGRUB PA POS THUN GSUM DU PHYI NANG GI DBANG GI SBYIN SREG BYED PA LA GZHOL BAS DBANG DU BYA BA DBANG DU BYED PA'I DNGOS GRUB RGYA CHEN PO GSOL BA STE STZOL BAR 'GYUR RO, ,MTSAN MO NI, RNAL 'BYOR MA NI MTSAN MOR BRJOD, , CES PA'I TSUL GYIS RNAL 'BYOR MA DANG SNYOMS PAR ZHUGS NAS SBYIN SREG BYED PAS NI, PHYI NANG GNYIS KA'I SBYIN SREG TU 'GYUR LA, BZA' BTUNG LA LONGS SPYAD PA'I NANG GI SBYIN SREG KYANG BYA'O, ,GNYIS PA NI, SBYIN SREG BRGYA DANG RTZA BRGYAD LDAN PA STE BCAS PA NYID KYIS THUN GSUM DU NI DBANG GI SBYIN SREG SGRUB PAR BYED NA, RGYAL PO DPUNG DANG BCAS PAR NI NYI MA BDUN GYIS NI RANG GI DBANG DU 'GYUR RO, ,BRGYA RTZA BRGYAD KYI PHYED LNGA BCU RTZA BZHIS DPA' BO CHEN PO STE GRONG DPON
, ,DANG, LNGA BCU RTZA BZHI PO DE YI PHYED NYER BDUN GYIS BLON PO DANG, SUM CU RTZA GNYIS SU BSREG PA'I SBYIN SREG BYA BA'I RIM PAS RGYAL PHRAN TE YUL DPON SOGS DBANG DU 'GYUR RO, ,BRAM ZE NYID LA NI SBYIN SREG NYI SHUS THUN MTSAMS GSUM DU NYI MA BDUN GYI BAR DU SBYIN SREG BYA'O, ,DE BZHIN DU RGYAL RIGS DAG LA SBYIN SREG BDUN, RJE'U RIGS LA SBYIN SREG LNGA, DMANGS RIGS LA NI SBYIN SREG GSUM, THA MA GDOL PA LA SOGS PA LA NI SBYIN SREG GCIG BYA'O, ,DE LTAR DPA' BOS RIGS KYI RIM GYIS DUS ZLA BA GCIG NI ZHES PA SNGAR LAS TSOGS RNAMS NYI MA BDUN GYIS 'GRUB PAR BSHAD PA DANG MI MTHUN PAS, RGYA DPE DANG 'GREL PAR, STAN GCIG LA NI MNYAM BRTEN NAS, ,ZHES 'BYUNG BA LTAR TE STAN TE GDAN GCIG LA YAB YUM GNYIS KA MNYAM PAR BRTEN NAS SNGAGS KYI NUS PA SGRUB PA POS BRAM ZE LA SOGS PA'I 'GRO BA RIGS LNGA PO THAMS CAD DGUG PAR BYA'O, ,GSUM PA NI, DPA' BO STE SGRUB PA POS CHO GA SNGA MA STE LHA'I RNAL 'BYOR DANG SBYIN SREG GI CHO GA SNGON DU 'GRO BAS, GZUGS SGRA SOGS KYI 'DOD YON LA BRTEN PA'AM, RANG GANG DBANG DU BYED 'DOD PA'I BSGRUB BYA DBANG DU BYED PA'I THABS BSTEN NA DBANG DU BYA BA THOB PAR 'GYUR RO, ,SA STENG DU 'DOD PA'I DBANG PHYUG STE DBANG PHYUG CHEN PO BZHIN DU BSOD NAMS KYI DPAL DANG LDAN ZHING, GZUGS LA SOGS PA'I SKAL BA BZANG POR SKYE BAR 'GYUR LA, SGRUB PA PO NI MKHA' 'GRO MA RNAMS
KYI YID DU 'ONG BAR 'GYUR BAR THE TSOM MED DO, ,LE'U 'DIR RDZOGS RIM BRTAN POR SONG BA NA DBANG DU BYA BA LA SOGS PA'I LAS RNAMS, ZHAG BDUN TSUN CHAD KYIS 'GRUB MI 'GRUB BRTAGS PAS, 'GRUB PAR SNANG NA PHYAG RGYA CHEN PO'I DNGOS GRUB MYUR DU 'GRUB PA'I MTSAN MA RTOG PA STON NO, ,GONG MA RNAMS BSKYED RIM BRTAN PA NA YANG DE LTAR RTOG PAR BZHED DO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RGYAL RIGS LA SOGS PA'I RIGS LNGA DANG PHYAG RGYA RIGS LNGA PO DBANG DU BYA BA DANG, DE LA BRTEN NAS PHYAG RGYA CHEN PO BSTEN PA'I LE'U STE, BZHI BCU PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU PA'I BSHAD PA'O,, ` ,,GSUM PA YI GE NYER BZHI'I DKYIL 'KHOR DGOD PA'I LE'U LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, LE'U BZHI BCU PA BSHAD PA DE NAS LAS RNAMS KYI RAB MCHOG RDZOGS RIM LA GNAS PA'I DNGOS GRUB THAMS CAD 'GRUB PAR STON PA SNGAGS KYI RNAL 'BYOR GANG GIS SHES NAS SGRUB PA POS BSGRUBS PAS 'GRUB PA BSHAD PAR BYA'O, ,'DI BSKYED RIM PAS KYANG SGRUB MOD KYANG, 'DIR RDZOGS RIM PAS MCHOG GI DNGOS GRUB 'GRUB PA'I MTSAN MA RTOG PA YIN PAS, 'GREL PA GSUM
, ,LAS RDZOGS RIM PA LA SBYAR RO, ,GANG GIS TE DES SNGAGS KYI SGRUB PA RNYED DKA' ZHING GSANG BAR GYUR PA BSHAD PA'I RGYUD PHYI MA DANG, BLA MA'I KHA LAS SHES PAR BYA BA ZHES GSUNG NGO, ,GNYIS PA LA GNYIS, BSGRUB PAR BYA BA'I LAS KYI DBYE BA, DE 'GRUB PA'I RGYU BSTAN PA'O, ,DANG PO NI, BSGRUB PAR BYA BA'I LAS LA NI LAS CHEN BCU GNYIS TE, DBANG DU BYA BA DANG DGUG PA GNYIS GCIG TU BYAS PA DANG, MDZA' BA DBYE BAR BYA BA DANG, BSAD PA DANG BSKRAD PA GNYIS GNYIS SU BYAS PA DANG, LA SOGS PAS ZHI RGYAS GNYIS BSDUS TE DE GNYIS SO SOR BYA'O, ,SEMS RMUGS PAR BYED PA DANG, RENGS PAR BYA BA DANG, DRAN PA NYAMS PAR BYED PA RMONGS PAR BYED PA GSUM DANG, PHUR BUS GDAB PA DANG, TSIG GI SBYOR BA KHYAD PAR CAN BYED PA 'PHROG PA DANG NGAG LKUGS PAR 'GYUR BA DANG RNA BA 'ON PA DANG DE BZHIN DU MIG LONG BA STE BZHI NI DBANG PO RENGS PAR BYED PA ZHES GCIG TU BYA'O, ,MA NING NYID DU BYA BA DANG GZUGS NI SNA TSOGS PAR YONGS SU 'GYUR BA STE BCU GNYIS SU BYED PA NI BLA MA GONG MA'I LUGS SO, ,SKAL LDAN LA SOGS PA'I LUGS KYIS DBANG DGUG GNYIS GCIG ,BSAD BSKRAD GNYIS GCIG ,TSIG 'PHROG LKUGS PAR 'GYUR BA GCIG TU BYAS NAS BCU GNYIS SU BYED PAR MNGON NO, ,SKABS 'DIR ZHAL BZHI PA LA SOGS PA'I SNGAGS KYIS 'KHRUL 'KHOR LA BRTEN NAS LAS SGRUB PA BSHAD DE, TSIG MANGS SU DOGS NAS MA BRIS SO, ,GNYIS PA LA GNYIS, MDOR BSTAN PA
DANG, RGYAS PAR BSTAN PA'O, ,DANG PO NI, LAS CHEN BCU GNYIS PO 'DI DAG NI RTAG TU SGRUB PA PO YIS BSGRUBS NA NI, 'DOD PA'I DNGOS GRUB SGRUB PA PO LA NI DRAN PA TZAM GYIS 'GRUB PAR 'GYUR PAR THE TSOM MED DO, ,'DI NI GANG ZAG RAB LA DGONGS TE, 'KHRUL 'KHOR GYIS SGRUB PA NI 'BRING PO DANG, DMAN PA'I DBANG DU BYAS PA'O, ,GNYIS PA LA GSUM, MKHA' 'GRO MAS GNAS KUN TU KHYAB PAR BSTAN, GNAS KYI GTZO BO NGOS GZUNG BA, BSGOMS SHING MCHOD PAS BSRUB PAR BSTAN PA'O, , DANG PO NI, DRAN PA TZAM GYIS DNGOS GRUB 'THOB PA'I CHO GA DE DAG GANG ZHE NA, YUL THAMS CAD KYI BLA MA STE GONG MA NI, 'DZAM BU GLING GI YUL GYI GNAS DANG, LA SOGS PAS NYE BA'I GNAS NAS NYE BA'I DUR KHROD KYI BAR BSDU STE, YUL NYER BZHI'I MKHA' 'GRO MAS NI, YUL THAMS CAD KHYAB PAR GNAS SO, ,MKHA' 'GRO MA DE DAG KYANG GANG ZHE NA, PULLI RA MA LA YA LA SOGS PA'I YUL DANG YUL DU MNGON PAR SKYE BA, BDE BA CHEN PO'I YE SHES DANG LDAN PA'I RANG RANG GI DPAG TU MED PA'I SKYE GNAS TE, DON DAM PA'I BYANG CHUB KYI SEMS KYI RGYA MTSO'O, ,DES BSKYED PA CI ZHIG CE NA, RDO RJE STE GNYIS SU MED PA'I YE SHES KYI RANG BZHIN GYI DKYIL 'KHOR GYI GTZO MO RNAMS BSDUS PAR, RAB GTUM MA LA SOGS PA DE RNAMS NI, RDO RJE'I LUS KYI KHAMS NYER BZHI'I NGO BOR BSTAN PA'I MKHA' 'GRO MA NYE BZHI RU BSHAD DE, ,BSDU NA DRAN PA TZAM GYIS LAS KYI DNGOS GRUB STER BA'I MKHA' 'GRO MA NI, RAB GTUM MA LA SOGS PA
, ,YIN NO, ,DE DRAN PA TZAM GYIS ZHI SOGS KYI DNGOS GRUB STER NA NI, MCHOG GI DNGOS GRUB MYUR DU 'GRUB PA'I MTSAN MAR SHES PAR BYA'O, ,GNYIS PA LA GSUM, YUL NYER BZHI BSTAN PA DANG, DE RNAMS KYI RNAL 'BYOR MA'I BYIN RLABS 'JUG TSUL, DE RNAMS RNAL 'BYOR MA GANG GIS BSDUS PA'O, ,DANG PO NI, LE'U BZHI PAR RNAL 'BYOR MA NYER BZHI MAS RIM NAS BZLOG STE BSTAN PA BZHIN DU, 'DIR DE DAG GI GNAS NYER BZHI YANG BZLOG STE STON PA NI, KU LU TA DANG MA RU ZHES PA MYA NGAN GYI YUL DANG, SIN DHU'I YUL DANG NA GA RA DANG, SU WARnA DHI PA DANG, SOO RAshtA DANG, GRi HA DE BA TA DANG, PRE TA PU RI DANG, HI MA LA YANG DANG, KANYTZI DANG, LAm PA KA'I YUL DANG, KA LING GA DANG, KO SA LA DANG, TRI SHA KU NE DANG, AO TRE DANG, KA MA R'U PA DANG, M'A LA WA DANG, DE BI KO tI DANG, RA ME SHVA RI DANG, GO DA BA RI DANG, AARBU TA DANG, AU RGYAN DANG, DZ'A LANDHA RA DANG, PULLI RA MA LA YA STE SKU'I 'KHOR LO NAS BRTZAMS NAS, THUGS KYI 'KHOR LO'I MTHAR THUG PA'O, ,SOGS KYIS GRONG MTHA' DANG NYE BA'I GRONG MTHA' LA SOGS PA'I MTHAR THUG PA BSDUS TE GNAS SUM CU RTZA GNYIS SO, ,GTZO MO NYER BZHI GNAS PA'I YUL NI 'DI DAG STE, DPA' BO NYER BZHI'I GNAS KYANG DE RNAMS SO, ,GNYIS PA NI, YUL NYER BZHI PO 'DI DAG GI BU MO GANG THOD PA'I DUM BU LA SOGS PA'I DPA' BO DANG GNYIS SU MED PA STE SNYOMS PAR 'JUG PA'I RNAL 'BYOR MA DE KUN NI RANG GI 'DOD PA TZAM GYIS GZUGS MI 'DRA BA DU
MA SPRUL PA CAN NO, ,RNAL 'BYOR MA NYER BZHI PO DE RNAMS CI'I PHYIR DKYIL 'KHOR DU DGOD PAR BYA SNYAM NA, NYER BZHI PO 'DI RNAMS PHYI DANG LUS KYI DKYIL 'KHOR LA BKOD NAS BSGOMS PAS, YID KYI SHUGS KYIS TE YID KYI SHUGS LTAR SHIN TU MGYOGS PAR SONG NAS SGRUB PA PO LA BYIN GYIS RLOBS PA LA 'JUG PA YIN NO, ,'DI RNAMS BSGOMS PAS YUL KHYAD PAR CAN DE RNAMS NA GNAS PA'I DPA' MO DANG MYUR DU 'PHRAD LA, DE LA BRTEN NAS LAM TSOGS MED PAR CHES SHIN TU MYUR BAR 'GYUR RO, ,GSUM PA NI, RNAL 'BYOR MA DRUG CES PA NAS GTZO MO YIN ZHES PA'I BAR LA N'A RO PA'I MAN NGAG GIS LOTZTSA BA GNYIS KYIS 'CHAD TSUL NI, RNAL 'BYOR MA DRUG NI L'A MA DANG GZUGS CAN MA DANG BYIS BCAS MA DANG YONGS GYUR MA DANG AE HI KA DANG MI LDOG MA STE, DE DRUG GIS YUL NYER BZHIN GNAS PA'I RNAL 'BYOR MA RNAMS BSDUS SO, ,JI LTAR BSDUS SHE NA, KU LU TA NI SKU 'KHOR GYI BYANG SHAR NA GNAS PA'I BRTZON 'GRUS CHEN MO'O, ,MA RU'I YUL NA MA MO RNAMS ZHES PA DE RNAMS KYI GTZO MO NUB BYANG GI 'KHOR LO SGYUR MA'O, ,SIN DHU'I YUL NA GNAS PA LHO NUB KYI STOBS CHEN MA'O, ,RIGS KYI GTZO MO NA GA RAR ZHES PA DE NA GNAS PA SHAR LHO'I SHIN TU DPA' MO STE, SKU 'KHOR GYI MTSAMS MA BZHI PO DE RNAMS L'A MA'I BDAG NYID KYIS BSDUS SO, ,LI PA KA SU WARnA DHI PA NA GNAS PA LHO'I 'KHOR LO'I GO CHA MA DANG, SOO RAshtAR RIGS KYI LHA MO RNAMS YIN NO ZHES PA DE RNAMS KYI GTZO MO NUB KYI CHANG 'TSONG MA DANG, KA TYA CHE GRI HA DE BA TAR GNAS PA BYANG GI DUM SKYES
, ,MA DANG, PRE TA PU RI NA GNAS PA SHAR GYI 'KHOR LO'I SHUGS CAN MA'O, ,MKHA' 'GRO GZUGS CAN MA RU BCAS ZHES PA SKU 'KHOR GYI PHYOGS BZHI PO NA GNAS PA DE RNAMS NI GZUGS CAN MA'I BDAG NYID KYIS BSDUS SO, , HI MA LA YA'I RIR GNAS PA, GSUNG 'KHOR GYI BYANG SHAR GYI MKHA' 'GRO GDONG MA DANG, KANYTZI NA GNAS PA NUB BYANG GI RTA SNA MA DANG, PANYTZA LA LAm PA KA NA GNAS PA LHO NUB KYI SHIN TU BZANG MO DANG, KA LING GA NA GNAS PA'I BRTUL ZHUGS 'DZIN PA KHYIM LHA MO ZHES PA SHAR LHO'I SNGO BSANGS LHA MO STE, GSUNG 'KHOR GYI MTSAMS MA DE RNAMS BYIS BCAS MOS BSDUS SO, ,MAL GYIS NI YONGS GYUR MAS BSDUS PAR 'CHAD DO, ,KO SA LAR GNAS PA'I SHA ZAN MA LHO'I CHANG 'THUNG MA DANG, YI DVAGS GRONG AO tE NA GNAS PA'I RDO RJE MKHA' 'GRO NI BYANG GI 'JIGS BYED CHEN MO DANG, SBOM DBANG PHYUG KA MAR'U PA NA GNAS PA SHAR GYIS SRUNGS MA DANG, TRI SHA KU NER GNAS PA NUB KYI RLUNG SHUGS MA STE, GSUNG 'KHOR GYI PHYOGS NA GNAS PA BZHI PO NI KHAndA RO HI YONGS GYUR MAS BSDUS SO, ,MAL NI BYIS BCAS MOS BSDUS PAR 'CHAD DO, ,PULLA RI MA LA YAR GNAS PA THUGS 'KHOR GYI SHAR GYI RAB GTUM MA DANG, DE BZHIN ZHES PA AU RGYAN NA GNAS PA NUB KYI 'OD LDAN MA DANG, AARPU TA NA GNAS PA LHO'I SNA CAN MA DANG, GSER RI DZ'A LANDHA RAR GNAS PA BYANG GI GTUM MIG MA STE, THUGS 'KHOR GYI PHYOGS MA BZHI PO DE RNAMS NI SME SHA CAN RIGS SKYES ZHES PA AE HI KAS BSDUS SO, ,BUD MED STONG PHRAG NYI SHU GCIG NI YUL
DE RNAMS KYI RNAL 'BYOR MA RE RE LA YANG 'KHOR DE SNYED YOD CES PA'O, ,LHAG MA GZHAN DAG NI M'A LA WA NA GNAS PA BYANG SHAR GYI SHING GRIB MA DANG, DE BI KO tA NI GNAS PA NUB BYANG GI LANG KA'I DBANG PHYUG MA DANG, RA ME SHVA RIR GNAS PA LHO NUB KYI MI'U THUNG MA DANG, GO DA BA RIR GNAS PA SHAR LHO'I DPA' BLO MA STE, THUGS 'KHOR GYI MTSAMS MA BZHI PO DE RNAMS NI MI LDOG MA'I RIGS YIN NO, ,BSRUB PA CHE NI RDO RJE PHAG MO'O, ,DE'I NI SHR'I HE RU KA'O, ,GTZO MO YIN NA NI PHAG MO STE, DE'I KHONGS SU GTOGS PA NI MKHA' 'GRO MA SOGS BZHI DANG KHVA GDONG MA SOGS BRGYAD DO, ,DE LTAR NA RNAL 'BYOR MA SO DRUG PO THAMS CAD KYANG PHAG MOS BSDUS LA, DE NYID KYANG BCOM LDAN 'DAS LAS THA DAD PA MA YIN NO, ,MKHA' 'GRO ZHES SOGS NI MKHA' SPYOD MA DANG SA SPYOD MA DANG SA 'OG SPYOD MA YIN PAS 'DI RNAMS KYIS, MTHO RIS DANG SA STENG DANG SA 'OG GI 'JIG RTEN GSUM PO KUN LA KHYAB PAR BZHUGS SO ZHES 'CHAD DO, ,SKAL LDAN GYIS MKHAS PA GZHAN GYI BZHED PA BKOD PA LA GNYIS LAS, KONG KA NA PA'I BZHED PA NI, RNAL 'BYOR MA DRUG NI YUM GYI GO CHA'I DPA' MO DRUG GO ,MA RU'I YUL NA GNAS PA'I MA MO NI SGO MTSAMS MA BRGYAD DE THAMS CAD KYANG GDUG PA RMONGS PAR BYED PA'O, ,SIN DH'U'I YUL GYI L'A MA NI DE'I RIGS SU GTOGS PA'I RNAL 'BYOR MA DRAG MO RNAMS SO, , RIGS KYI GTZO MO NI MKHA' 'GRO MA'O, ,GZUGS CAN MA NI TZUMPI KA SOGS LAS THA DAD PA'I GZUGS CAN MA'O, ,PANYTZA LA NI LNGA LEN GYI YUL TE GNAS DANG NYE BA'I GNAS LAS GZHAN PA'I GRUB PA'I GNAS KYI KHYAD PAR RO, ,DE DAG LA SOGS
, ,PA NI NYE BAR MTSON PA TZAM DU ZAD DE, RGYA CHER NI GRUB PA'I RNAL 'BYOR MA STONG PHRAG NYI SHU RTZA GCIG YOD DO, ,ZHES BZHED DE RE RE TZAM MA GTOGS PA LANG KA DANG DPA' BO YANG DE DANG 'DRA'O, ,LO CHEN GYIS, KA TYA CHE LA, YI DVAGS YUL DU NAG MO CHE, ZHES DANG, YI DVAGS GRONG DU ZHES PA LA YI DVAGS GRONG DU SHA CHEN ZA, ZHES BSGYUR RO, ,DPAL AU RGYAN PA'I ZHAL SNGA NAS KYI BZHED PA BKOD PA NI MANGS BAS 'JIGS NAS MA BRIS SO, ,DKYIL 'KHOR GYI GTZO MO NI 'KHOR LO GSUM NA BZHUGS PA'I MKHA' 'GRO MA NYER BZHI DANG, NYER BZHI PO 'DIS RGYU BA DANG MI RGYU BA'I 'JIG RTEN GSUM GYI SNOD DANG, 'GRO BA KUN LA 'DI YIS KHYAB PA STE DE THAMS CAD DU RGYU BA'O, ,GSUM PA NI, MKHA' 'GRO MA YI 'DA' BAR MI BYA BA'I DAM TSIG 'DI NI TING 'DZIN GYI SPRUL PA'I PHYI DANG NANG LUS LA MKHA' 'GRO MA RNAMS SGOM PA NYID YIN TE, RIM PA GNYIS KYI BSAM GTAN DANG SOGS KYI BZLAS PA LA SOGS PAS ZHI SOGS KYI LAS GANG CI YANG RUNG BA RNAMS, SA STANG NA NI RDZOGS PA STE 'GRUB PAR 'GYUR BA'O, , SNGAGS PAS RTAG TU TING NGE 'DZIN LA MNYAM PAR BZHAG PAS MTSAN MO NAM MKHA'I GOS CAN TA GCER BUR BYAS LA GSANG SPYOD BYA ZHING, RTEN GYI GANG ZAG SKYES PA'AM GAL TE GA-YON PA RU STE BUD MED KYANG RUNG RNAL 'BYOR MA KUN DANG, DPA' BO RNAMS MNYES PA'I THABS PHYAG RGYA GAR GYI MCHOD PA YIS, RANG BYUNG LHAN CIG SKYES MA RTAG TU MCHOD NA NI DNGOS GRUB MA LUS SHING LUS PA MED PA 'GRUB CING STE 'GRUB PA'I THABS, GA-YON PA SHES RAB MA'I MCHOD PA LA RAB TU 'JUG PAR BYA'O, ,
GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, PU DZA LA SOGS PA'I YI GE NYI SHU RTZA BZHIS MTSAN PA'I GNAS NYER BZHIR DPA' BO'I DKYIL 'KHOR DGOD PA'I CHO GA'I LE'U STE, BZHI BCU RTZA GCIG PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA GCIG PA'I BSHAD PA'O,, ` ,,BZHI PA RGOD PA'I SNGAGS DANG MKHA' 'GRO'I GZUGS KYI RGYU'I LE'U LA GSUM, BSHAD PAR DAM BCA' BA, BSHAD PA DNGOS, LE'U YI MTSAN BSTAN PA'O, ,DANG PO NI, LE'U ZHA GCIG PA BSHAD PA DE NAS LE'U ZHE GNYIS PA BSHAD PAR BYA'O, ,ZHES KHONG NAS BLANG STE, DE NAS ZHES PA'I TSIG GI NUS PA LAS SO, ,GNYIS PA LA GNYIS, BSHAD TSUL DANG PO DANG, BSHAD TSUL GNYIS PA'O, ,DANG PO LA GNYIS, BZHAD PA BYA TSUL DANG, GSANG BA'I MTSAN MA 'PHROS DANG BCAS PA'O, ,DANG PO NI, SNGAR LE'U SO DGU PAR BZHAD PA BRGYAD KYIS RGOD PA BSTAN PA DE 'DIR GSAL BAR BYED PA NI, DPA' BO STE SGRUB PA POS BU MO MGO BZANG MA RNYED NAS DE DANG LHAN CIG SBYAR BA'I RANG BYUNG GI ME TOG GI CHU RDO RJES 'THUNGS NAS HA HA SOGS KYI SNGAGS 'DIS BZHAD PA RJES SU DRAN NAS BRGAD PAR BYA'O, ,PHYAG RGYA DANG LHAN CIG TU SGRUB PA POS SNYOMS PAR ZHUGS NAS, SNGAGS BRGYAD KYIS RGOD PA 'DI LTAR BYA BA NYID NI RTAG TU BYA ZHING, DE YANG MTSAN MO RTAG TU SHA ZA BA DANG CHANG 'THUNG BA DANG BCAS PAR BYA'O, ,SNGAGS GSUM BYA BA 'DI YIS NI, ZHES LVA BA PA'I 'GREL PAR 'DON PAS, AOm SARBA BADZRA KA MI NI, SARBA BHA KshA SHO DHA
, ,YA, GU HYA BADZRI NI SV'AH'A, ZHES PA'I SNGAGS LAN GSUM DU BZLAS PAR BYA BA 'DI YIS SNYOMS PAR ZHUGS NA MYUR DU BDE BA CHEN PO'I DNGOS GRUB 'THOB PAR 'GYUR RO, ,DE LTAR ZHUGS PA'I BYANG CHUB KYI SEMS PAD MAR GNAS PA RANG GIS 'THUNGS PA DANG, DE BZHIN DU PHYAG RGYA MA DE LA BYIN PA DANG, PAD MA'I MCHOG CHEN PO'I GNAS DER RANG GIS DNGOS GRUB GRUB PAR BYA BA'I SEMS KYIS REG PA STE RDO RJE SBYAR BAR BYAS LA, RNAM PA BRGYAD PA'I SNGAGS BTON NAS BZHAD PAR BYA'O, , GTZO MO CHE ZHES PA LA, GTZO BO CHE ZHES DANG, CHANG GIS MYOS PA'I SNGAGS PA ZHES PA NI, RIGS LDAN CHEN MO ZHES PA NI SNGAGS DANG LDAN MA BCUD KYIS MYOS MA CAN NO, ,ZHES BSGYUR BA LEGS PAS, RANG GI PHYAG RGYA RIGS LDAN MTSAN MOR BYAS PA BYANG CHUB KYI SEMS 'BAB PA'I BCUD KYIS MYOS PA CAN MA ZHES PA'I DON NO, ,GANG GI PHYIR DE BZHIN GSHEGS PA THAMS CAD NI SGRUB PA PO'I LUS KYI DKYIL 'KHOR DU 'DUS SHING, DE BZHIN DU LHA MO THAMS CAD KYANG RANG GI PHYAG RGYA RIGS LDAN MCHEN MO, REG BYA RDO RJE MAR BSGOMS PA'I LUS KYI DKYIL 'KHOR DU 'DUS PA DE'I PHYIR, PHYAG RGYA MO DE NYID MCHOD PAR BYA'O, ,REG RDO RJE MA NYID JI 'DRA BA ZHE NA, BDEN PAR SMRA BAS TSANGS PAR SPYOD PA DANG, THOG MTHAR ZHES PA'I RKANG BA LA, BLTA DANG BZHAD PA'I PHYAG RGYAS BSGRUB, CES 'BYUNG BAS, MIG GIS BLTA BA'I PHYAG RGYA NI LAS KYI PHYAG RGYA'O, ,DE NI BSNYEMS PA STE 'GYING BA DANG BCAS PAS MIG GA-YON GYIS SGRUB PA PO LA BLTA BA'I GRAGS LDAN MA STE, 'DIS
SGRUB PA PA LA BDE BA CHEN PO STER BAR GRAGS PA DANG LDAN PA LA BRTEN TE BZHAD PA BRGYAD KYI SGO NAS YE SHES CHEN PO BSGRUB PAR BYA'O, ,MTSAN MO'AM DE BZHIN DU NYIN MOR NI, PHYAG RGYA DANG SBYOR BA 'DIS NI BZHAD PA DAG TU BYA STE DE LA YID NANG DU CHUD PAS GOMS PAR BYAS NA, PHYAG RGYA CHEN PO MCHOG GI DNGOS GRUB 'GRUB PA'I RTAGS SAM MTSAN MA SKYE BAR 'GYUR RO, ,GNYIS PA NI, DNGOS GRUB MCHOG LA MNGON DU PHYOGS PA'I GZUGS DANG LAS KYI GSANG BA'I MTSAN MA GANG JI LTAR GNAS PA NI, DPA' BO PHYAG NA RDO RJE NYON ZHES BKA' STZAL TO, ,LE'U BCU GNYIS PAR RI LU 'DI NI DPA' BO RANG NYID KYIS GSUNGS PA YIN NO, ,ZHES PA'I DPA' BO NI HE RU KA YIN LA, 'DIR DPA' BO ZHES PA NI NYON ZHES PA PHYAG NA RDO RJE LA GSUNGS PAR LVA PA BAS BSHAD PA LTAR YIN NO, ,GZUGS DANG LAS KYI GSANG BA'I MTSAN MA NI, LVA BA PAS DBANG PHYUG GI YON TAN BRGYAD LA BSHAD LA, YON TAN BRGYAD NI SPYOD BSDUS LAS, GZUGS PHRA BA DANG REG PA YANG, ,KHYAB PA YANG DAG THOB PA NYID, ,RAB TU GSAL BA NYID BRTAN PA, ,DBANG PHYUG NYID DANG 'DOD DGUR 'GYUR, ,ZHES PA'O, ,DE'I DON BOD SNGA MA RNAMS KYIS BSHAD PA NI, DBANG PHYUG GI YON TAN BRGYAD KYI BSHAD PA MA MTHONG BAR SNANG BAS, SPYAN RAS GZIGS BRTUL ZHUGS KYIS DBANG PHYUG GI, YON TAN BRGYAD BSHAD PA DANG SBYAR BAR BYA'O, ,DE LA DBANG PHYUG GIS SEMS CAN GYI SKYE 'JIG BYED PA PHRA BA DANG, SNOD KYI SKYE 'JIG BYED PA YANG BA DANG, DE GNYIS KA SKYE 'JIG BYED PA BDAG POR GYUR BA YIN LA, 'DIR NI RNAL 'BYOR PAS DE RNAMS SPRUL PA DANG SDUD PA BYED NUS PA'O, ,PHYI MA NI YANG DAG PAR THOB PAS
, ,BSTAN TO, ,'BYUNG PO KUN GYIS MCHOD PAR BYA BA NI 'OD DANG GZI BRJID KYIS GZHAN RNAMS ZIL GYIS GNON PA'I RAB TU GSAL BA'AM SNANG BAS BSTAN TO, ,SEMS CAN RNAMS LA TSAR BCAD DANG RJES 'DZIN GYI DBANG YOD PA NI DBANG DU GYUR PA'O, ,YON TAN LA 'DOD DGUR DBANG SGYUR BA NI 'DOD DGUR LDAN PA'O, ,GANG THOB PAR 'DOD PA'I DON DE LTAR THOB NUS PA NI DGA' DGUR GNAS PA STE DE NI BRTAN PAS BSTAN TO, ,DE RNAMS LA GZUGS MI 'DRA BA DU MA STON PA NI GZUGS KYI YIN LA, KHYAB PA DANG DBANG DU GYUR PA SOGS NI LAS KYI GSANG BA'O, ,DE YANG SPYOD BSDUS LAS, SPYOD PA RNAM PA GSUM ZLA BA PHYED DAM, ZLA BA GCIG GAM ZLA BA DRUG BSLABS PAR GYUR PAS, PHYAG RGYA CHEN PA'I DNGOS GRUB THOB PA'I MTSAN MA NYE BAR 'BYUNG BAR 'GYUR TE, DE LA MTSAN MA NI 'DI DAG YIN NO, ,ZHES GSUNGS PA'I DON DU SNANG BAS ZLA BA DRUG TSUN CHAD DU MCHOG 'GRUB PA'I MTSAN MA'O, ,DBANG PHYUG GI YON TAN BRGYAD THOB PA DE'I TSE BKRES SKOM GYIS GNOD PAR MI 'GYUR ZHING, BSHANG GCI LA SOGS PA YANG LDOG GO ,'DI DAG THAMS CAD RMI LAM DANG KHYAD PAR MED PAR DMIGS PAS, DUS RTAG TU RNAL 'BYOR PA DE NI MIG GNYIS NAS MCHI MA 'PHYUNG STE, DE YANG KYE MA SEMS CAN 'DI KUN NI, 'KHOR BA LAS THAR PA'I THABS DAM PA 'DI LTA BU SKAD CIG KYANG MI SGOM PAR, SDUG BSNGAL MI BZAD PA CAN GYI 'KHOR BA BSKYABS MED PA 'DIR, SKYE RGAN 'CHI LA SOGS PA'I 'JIGS PAS 'KHRUGS SHING, GA-YO BA DANG LDAN PA 'DI LA SNYING RJE DRAG TU SKYE'O, ,RIG MA'I PADMA LA BRTEN NAS BDE BA'I BDUD RTZI LANGS PA STE
'DZAGS PA LAS, LHAN SKYES LA DAD PAS DE YI LUS KYI SPU YANG LDANG BA DANG, GZHIG PAR DKA' BAS RDO RJE DANG 'DRA BA'I KHAMS GSUM PA'I 'KHOR BA LAS 'GOM PA STE 'DA' BAR BYA'O SNYAM PA'I BSAM PAS RIG MAS SKYES PA LTAR BYED PA'O, ,'DI LVA BA PA'I 'GREL PA LAS, LHA SBAS KYI 'GREL PA'I 'GYUR BZANG BAR SNANG BAS DE BZHIN DU BSHAD DE, 'GOM PAR BYA, ZHES 'BYUNG NGO, ,DE BZHIN DU RIG MA GCER BUR BYAS TE NU MA DANG, MCHAN KHUNG DANG BYIN PA DANG, PADMA LA BLTA ZHING GNAS DE DAG TU LAG PAS MNYES NAS SBYOR THABS KYIS MCHOD PAR BYA'O, ,'DI NI 'DOD PA'I DBANG PHYUG MA PHYAG RGYA MA KUN GYI DBANG PO'I TSOGS THAMS CAD KYI BDE BA'I RO RIM PA NYID DE BZHIN DU NYAMS SU MYONG BAR BYA BA'O, ,DBUGS 'BYIN NI, LVA BA PAS SHES RAB KYI RLUNG RNAMS KYIS 'BAB PA'O ZHES GSUNGS PA'I DON NO, ,PHO NYA MO'I RTZA DBU MA'I RLUNG THABS KYI RTZA DBU MA'I SGOR ZHUGS PAS RKYEN BYAS NAS, BYANG CHUB KYI SEMS 'BAB PA'I GNAD SHIN TU ZAB PA CIG YIN TE, BLO GROS CHE LA ZHIB PAS BSHAD RGYUD RDO RJE PHRENG BA LA BRTEN NAS SHES DGOS PAR YOD DO, ,BSGUL BA NI BYANG CHUB KYI SEMS BAB PAS LUS 'DAR BA'O, ,RGOD PA NI BZHAD PA'I LUS KYIS RAG MA GNON PA'O, ,SGAG PA'I GAR NI GAR GYI 'GROS KYIS RIG MA LA 'JUG PA'O, ,NGO MTSAR BA NI SO SKYE RNAMS RMAD DU GYUR PAR MDZAD PA'O, ,DE LTAR MDZAD PAS RNAL 'BYOR MA GANG DAG SNA TSOGS PA STE THAMS CAD KYI MDUN DU 'DI LTAR BRGAD PAR BYA'O, ,ZHES PA'I DON NO, ,DE YANG PHYAG RGYA MO DANG BZHAD PA'I SNGAGS NI RJES SU DRAN PAR BYAS LA BNGAD PAR BYA'O, ,BZHAD
, ,PA'I SNGAGS BRGYAD NI HA H'A HE HEE HO HOO HAm HA: RNAM PA BRGYAD DE 'DI DAG GIS RGOD PA'O, ,BSHAD PA DE RNAMS NI LVA BA PA'I 'GREL PAR GSAL BAR 'BYUNG BAS KHA BSKANGS PA'O, ,GNYIS PA NI, SKAL LDAN LA SOGS PA NI ME TOG CHU NI SNGAR DANG 'DRA, SNGAGS NI RTZA SNGAGS SAM YI GE BDUN PA DANG, DE BZHIN SBYIN NI 'KHOR LO GSUM LA GNAS PA LA SBYIN PA DANG, GTZO MO CHE ZHES PA LA NAG MO CHE ZHES 'DON ZHING, DON NI RDO RJE PHAG MO LA 'CHAD DE LAS RGYA DER SGOM PA'O, ,THOG MA ZHES SOGS LA THOG MA BAR DANG THA MAR PHYAG RGYA RANG GI DBANG DU 'GYUR BA DANG, BZHAD PA NYID PHYAG RGYA YIN PAS NA ROL ZHING RGOD PA GTZO BOR GYUR PA NI DGA' BAR BYED PA DANG, PHYAG RGYA DES LTA BA'I BSNYEMS PA STON ZHING, RANG GI BZHAD PA'I BSNYEMS PA DANG LDAN PA'I LHA MO NI GRAGS PA DANG LDAN PAR 'GYUR RO, ,BZHAD PA DE NI NYE BAR MTSON PA TZAM MO RAB TU DGA' BA'I BDE BA THAMS CAD KYANG MTSAN MO'AM NYIN MOR BYA'O ZHES SBYAR RO, ,GZUGS DANG LAS KYI ZHES BYA BA LA SOGS PA NI SGRUB PA PO MTHONG BA DANG, GRUB PA'I LHA MO RNAMS SNGON MA BYUNG BA'I GZUGS DANG BYA BA DAG STON PAR BYED DE, DE'I LAS BSTAN PA DANG, LAS KYI LAN BSTAN PA NI RTAG TU ZHES SOGS TE, LHA MO'I BYA BA NI RDO RJE LA NI ZHES SOGS SO, ,SGRUB PA PO'I BYA BA NI DBUGS 'BYIN ZHES SOGS TE, DBUGS 'BYIN NI RLUNG RGYU BA MED PAR BYED PA'O, ,SGEG PA DANG ZHES BYA BA NI GAR GYI KHYAD PAR RO, ,SNA TSOGS NI SGRUB PA PO'I LAS SO, ,ZHES 'CHAD DO, ,PHO NYA MO LAS SNA TSOGS PA LA
DBANG BYED PA'I DBANG PHYUG MA RNAMS MCHOG TU DGA' PAR TE RJES SU CHAGS PAR BYED PA'O, ,HA H'A ZHES SOGS BYA BAR GSUNGS PA 'DI RNAMS NYE BAR TE PHO NYA MO KHYAD PAR CAN RNAMS KYI MNGON SUM DU SGRUB PA BOS BYA'O, ,RTAG TU STE SGRUB PA PO LA GNAS PA DE SRID DU NGU ZHING MCHI MA 'BYUNG BAR BYED PA DE DAG BSNGAGS LA, NGU BA DANG MCHI MA 'BYUNG BA DANG BZHAD PA BRGYAD KYI SNGAGS ZLO BA DE NYID KYIS PHO NYA MO DE DAG DGA' BAR 'GYUR ZHING, BSAM GTAN TE LHA'I RNAL 'BYOR DANG, SNGAGS KYIS BZLAS PAS LEGS PAR SBYOR BA STE SHIN TU MNAN PA NI RANG GI RIG MA RNAL 'BYOR MA'O, ,GTZO MO STE RAB GTUM MA LA SOGS PA'I DPA' MO RNAMS DANG, KHAndA KA B'A LA LA SOGS PA'I DPA' BO RNAMS DANG LHAN CIG TU, LUS KYI BA SPU LDANG BA DANG, LHAN CIG SKYES PA'I BDE BA NYAMS SU MYONG BAR 'GYUR RO, ,RDO RJE LA NI 'GOM MI BYA, ZHES PA LTAR NA RANG GI RDO RJE PADMAR GZHUG PA LAS 'GOM PAR MI BYA'O, ,DE NI GA-YON PA STE RNAL 'BYOR MA RNAMS KYIS YONGS SU BRTAGS PA STE NGES PAR DGONGS PA YIN NO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RGOD PA'I SNGAGS RNAM PA BRGYAD DANG, MKHA' 'GRO MA'I GZUGS KYI RGYU STE RAB GTUM MA LA SOGS PA'I GZUGS KYI SPRUL PA'I CHO GA'I LE'U STE BZHI BCU RTZA GNYIS PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA GNYIS PA'I BSHAD PA'O,, ` ,,BCU GCIG PA THUN MONG GI DNGOS
, ,GRUB SGRUB PA'I TSUL GZHAN BSTAN PA LA LNGA, YAB KYI NYE SNYING DANG GO CHAS LAS BSGRUB PA, DPA' MO'I GO CHA DANG HA LNGA LA BRTEN NAS LAS BSGRUB PA, SANGS RGYAS MKHA' 'GRO MA'I SNGAGS KYIS BSGRUB PA DANG LHA SGOM PA RTAG TU BYA BA, SKYE BDUN BRTAG PA RGYAS PAR BSTAN PA, YUM GYI SNYING PO'I SNGAGS KYIS LAS BSGRUB PA'O, ,DANG PO LA GNYIS, YAB KYI NYE SNYING LA BRTEN NAS BSGRUB PA DANG, DE DANG YUM GYI GO CHA LA BRTEN NAS BSGRUB PA'O, ,DANG PO LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, ZHE GNYIS PA BSHAD PA DE NAS SGRUB PA PO RNAL 'BYOR MA RNAMS KYIS RJES SU GZUNG BA'I DON DU, SPYAN RAS KYIS GZIGS PA'I THABS BSHAD PAR BYA'O, ,DGOS PA GANG GI DON DU RNAL 'BYOR MA RNAMS KYIS SPYAN RAS KYIS GZIGS PA'I THABS 'CHAD CE NA, RNAL 'BYOR MAS SPYAN RAS KYIS GZIGS NA, SGRUB PA POS MI RNAMS DPA' BO THOD PA'I DUM BU LA SOGS PA LTAR RNAL 'BYOR MA RAB GTUM MA SOGS DANG, GNYIS SU MED PAR SNYOMS PAR 'JUG PAR 'GRO BAR 'GYUR BA'I PHYIR DU'O, ,SGRUB PA PO JI 'DRA BA ZHIG LA SPYAN RAS KYIS GZIGS PAR 'GYUR ZHE NA, PU LLI RA LA SOGS PA'I GNAS KYI GNAS DANG NYE BA'I GNAS LA SOGS PA'I DBYE BA'I CHO GA PHYI DKYIL DANG, NANG LUS DKYIL LA JI LTAR SGOM PA SHES PA DANG, SHES NAS KYANG DE DAG SGOM PA LA, DUS RTAG TU MNGON PAR DGA' ZHING SGOM PA LA SPYAN RAS KYIS GTZIGS PAR 'GYUR RO, ,'DIS NI PHO NYA
MO MCHOG RNAMS DANG 'DUS TE LAM BGROD BA LA, LUGS 'DI'I SGRUB THABS PHYIN CI MA LOG PAR SHES NAS DUS RGYUN DU SGOM DGOS PAR STON TE, 'DI LA NGES PA CHEN PO RNYED DGOS SO, ,GNYIS BA LA LNGA, GANG DU GZIGS PA'I GNAS, GCER BU'I MCHOD PA, BAR CHAD BSRUNG BA'I SNGAGS, SNGAGS KYI NUS PA THOB PA LA BRTEN NAS LAS BSGRUB PA, LAS KYI NUS PA 'GRUB PA'I THABS SO, ,DANG PO NI, 'O NA GNAS GANG DU GNAS PA LA RNAL 'BYOR MAS GZIGS PAR 'GYUR ZHE NA, LAM BZHI 'DUS BA'I MDO 'AM RANG GI KHYIM DAG GAM, DPA' BO STE PHYOGS SKYONG LA SOGS PA'I GNAS DANG RI BOR NI GNAS SHING, BZA' BA DANG BSRUNG BA DANG BSTEN PA'I DAM TSIG RNAMS TSUL BZHIN DU SRUNG BA LA GNAS PA LA, MKHA' 'GRO MA YIS PADMA'I MTSO LA NGANG PA'I TSOGS 'DU BA BZHIN DU, YUL THAG RING PO NAS KYANG THUGS RJE'I SPYAN GYIS GZIGS PAR 'GYUR TE, GDUL BYA SNOD DANG LDAN ZHING RNAL 'BYOR MA RNAMS THUGS RJE CHEN POS THUGS GDUNGS PA'I PHYIR RO, ,DAM TSIG GNAS LA MKHA' 'GRO MA, ,RING PO NAS KYANG GZIGS PAR 'GYUR, ZHES 'BYUNG BA GO BDE'O, ,GNYIS PA NI, RNAL 'BYOR PA GOS MED PA GCER BUR BYAS TE, PHYAG RGYA MO MCHOD PA NI GCER BU'I MCHOD PA'O, ,MCHOD PA'I LAS NYID KYIS NI YONGS SU GROL BAR 'GYUR RO, ,PHYAG RGYA GCER BUR MCHOD PA YI, ,LAS NYID KYIS NI YONGS SU GROL, ZHES 'BYUNG NGO, ,DE YANG STAG LPAGS KYI GOS NYID KYIS NI BKAB PA STE SMAD DKRIS PA DANG, 'AM GYI SGRAS GCER BU DANG, GZHAN NI RUS RGYAN YAN LAG LAG LA BZHAG PAS,
, ,JI LTAR PADMA LA CHUS MI GOS SHING, MKHA' LA NYI MA'I GDUNG BAS MI GNOD PA BZHIN DU, 'DOD PA RNAMS LA LONGS SPYAD PA NYID KYIS RNAL 'BYOR PA LA GOS PAR MI 'GYUR TE, RGYUD RDOR PHRENG LAS, BKAG PA DAG KYANG BYED PAS NA, ,BYA DANG BYA MIN RNAM SPANGS TE, ,PADMA LA NI 'DAM GYIS BZHIN, ,NGO BO NYID SHES GOS MI 'GYUR, ZHES GSUNGS SO, ,GOS PAR MI 'GYUR BA NI SEMS RGYUD LA NYON MONGS MI SKYE BA'I DON MIN TE, LAM 'DI NYON MONGS PA CHAGS PA LAM DU BYED PA YIN PA'I PHYIR RO, ,DES NI DE'I DUS KYI NYON MONGS KYI NYES DMIGS NGAN 'GROR 'KHRID PA'I NYES PAS MI GOS ZHES PA'I DON NO, ,DE YANG NGO BO NYID SHES ZHES GSUNGS PAS, BYANG SEMS MI 'PHO BAR 'DZIN NUS PA TZAM GYIS MI CHOG GI, DE KHO NA NYID KYI LTA BA PHU THAG CHOD PA SOGS MANG PO ZHIG DGOS SO, ,BRAM ZE CHEN POS KYANG, 'KHOR 'DAS MA LUS PA'I RANG BZHIN STONG NYID SHES PA'I STONG PA DANG SBYOR RGYU MED PAR, DBANG PO GNYIS SBYOR LAS BYANG SEMS MI 'PHO BAR BDE BA SGRUB PA TZAM NI, SRID PA'I RTZA BA BDEN 'DZIN GYI MA RIG PA LA CI YANG MI GNOD PAS, BDE BA DE JI TZAM SPYAD BZHIN BDE 'DZIN DES DRANGS PA'I SRED PA JE 'PHEL DU 'GRO BAS, SKOM SRED CAN GYIS SMIG RGYU LA CHUR 'DU SHES NAS ZHUGS PA DANG 'DRA BAS, DE 'DRA BA NI SMAD LA, SNGAR BSHAD PA LTAR GYI BDE STONG SBYOR NUS PA LA NI, THABS DE MED NA SA GSUM GYI 'GRO BA'I RE BA SKONG BA'I SANGS RGYAS MYUR DU MI 'THOB PAS, MYUR LAM GYI SGO NAS BSNGAGS PA MDZAD DE, SA RA HAS, MA LUS
RANG BZHIN GANG GIS MI SHES PA, ,KUN TU RU YI SKABS SU BDE CHEN SGRUB PA NI, ,JI LTAR SKOM PAS SMIG RGYU SNYEG PA BZHIN, ,SKOM NAS 'CHI YANG NAM MKHA'I CHU RNYED DAM, ,RDO RJE PADMA GNYIS KYI BAR GNAS PA, ,BDE BA GANG GIS RNAM PAR ROL BA NI, , CI STE BDE BSTEN NUS PA MED PAS NA, ,SA GSUM RE BA GANG GIS RDZOGS PAR 'GYUR, ,ZHES GSUNGS SO, ,GCER BU DANG PAGS PA'I GOS BGOS NAS 'DOD PA SPYOD PA DE BZHIN DU SKRA YANG GROL BAS PHYAG RGYA MNYES PA'I LAS RNAMS THAMS CAD BRTZAM PAR BYA'O, ,YANG NA GCER BU SGRA GROL BAS DE LA GUS PAR BYAS NAS LAS THAMS CAD BSGRUB PAR BYA BA'AM, BSLAB PA DANG DBANG BSKUR BA SOGS KYI LAS THAMS CAD BRTZAM PAR BYA'O, ,ZHES GSUNG NGO, ,GCOR GYUR ZHES PA 'GYUR GZHAN GNYIS LA MED CING, 'GREL PA RNAMS LAS KYANG MI 'BYUNG NGO, ,GSUM PA NI, GCER BUR SNYOMS 'JUG LA SOGS PA'I LAS BYED PA LA BGEGS SKYE BAR MI 'GYUR RAM SNYAM NA, LAS THAMS CAD RTZOM PA LA YAB KYI RTZA BA'I SNGAGS DANG, DE BZHIN DU GZHAN TE ZHAL BZHI PA'I SNGAGS KYIS RAS BA DANG DRA BA DANG, GUR DANG BLA RE DANG MDA'I DRA BA DANG, ME'I DRI BA'I SNGAGS RNAMS KYIS PHYOGS RNAMS BCING PAR NI 'JUG PA YIS BSRUNGS NAS BYED PA NI, LHA YUL BA'I LHA'I TSOGS RNAMS KYIS KYANG MA MTHONG BAR TE MI MTHONG NA, MI RNAMS KYIS LTA CI SMOS PAS DE BYAS NAS GCER BU'I MCHOD PA SOGS GYIS SHIG CES PA'O, ,LO CHEN GYIS, LHA YUL LHA YI TSOGS KYIS KYANG, ,MA MTHONG BAR NI MCHOD PA GYIS, ,ZHES BSGYUR BA LTAR LHA SBAS KYI 'GREL
, ,PAR YANG 'BYUNG BA LEGS SO, ,BZHI PA LA GNYIS, SNGAGS KYI NUS PA KHYAD PAR BA RNYED PA'I TSUL DANG, DE LA BRTEN NAS LAS RNAMS SGRUB PA'I TSUL LO, ,DANG PO NI, SNYIM PA ME TOG GIS BKANG STE DE LA SNGAGS KYIS BSNGAGS NAS NAM MKHA' LA GYEN DU 'THOR BA NA, DE RNAMS MKHA' LA SPYOD PA STE NAM MKHAR GNAS NAS ME TOG DE DAG GCIG KYANG SA LA MA LHUNG ZHING, ME TOG SA LA LHUNG BA MA MTHONG NA LAS THAMS CAD BYED PAR NUS LA, SA'I GNAS KYI KHYAD BAR TE KHYAD PAR BA RNAMS LA GNAS PA DANG, MKHA' LA 'GRO BA STONG PHRAG GIS MTSON NAS STENG GI PHYOGS NA GNAS PA THUG PA MED PA RNAMS KYI GNAS LA DBANG NI BYED PAR 'GYUR ZHING, NGAG GI DBANG PHYUG MA STE DBYANGS CAN MA LA SOGS PA'I LHA'I BU MO RNAMS DANG, GSUNG GI DBANG PO STE SMRA MKHAS PA LHA'I BLA MA PHUR BU DANG, DES MTSON PA'I LHA CHEN PO GZHAN RNAMS 'GUGS PAR 'GYUR RO, ,LHA DANG LHA ZHES PA NI MANG PO SDUD PA'I ZLOS SGRA STE, DE KUN GYI GTAM STE SKAD SHES SHING, SKAR MA'I RGYU BA RNAMS KYANG SHES PAR 'GYUR RO, ,GO RIM ZHES SOGS NI 'GREL PA RNAMS LA MED LA, YOD PA LTAR NA SKAD RNAMS GO RIM MA 'CHOL BAR SHES PA'I DON NO, ,GNYIS PA LA GSUM, MI SNANG BA DANG SHING DGUG PA, RMI LAM BRTAG PA DANG PRA DBAB PA, NAD ZHI BA LA SOGS PA'I LAS SGRUB PA'O, ,DANG PO NI, GRONG GRONG NI GRONG MANG PO SDUD PA'I ZLOS SGRA'O, ,DE BZHIN DU DGON PA DBEN PA DANG, GRONG KHYER DANG NI LAM GYI BZHI MDO DANG, SHING GCIG
NI SHING GZHAN GYI GRIB MAS SHING DE MI NON ZHING, SHING DE'I GRIB MAS KYANG SHING GZHAN MI NON PA'I SHING NGO, ,ZHING SKYONG LA SOGS PA LHAG PAR GNAS PA'I DPA' BO'I KHYIM DANG, RI RTZE DANG DBANG PHYUG CHEN PO'I MTSAN MA STE LING GA'I DRUNG DU SNYING PO LA NYE BAS NYE BA'I SNYING PO YI GE BDUN PA RTAG TU DRAN TE, MI SNANG BA SGRUB PA'I SGO NAS ZLOS NA, LHA DANG MI GZHAN GYIS MTHONG BAR MI 'GYUR BAS MI SNANG BA 'GRUB BO, ,SNGAR BSHAD PA'I GNAS DE DAG TU BSGRUBS NA 'GRUB PA DE BAS NA, GRENG LA SOGS PA'I YUL PHYOGS 'DI DAG TU SGRUB PA PO NI RTAG TU GNAS PA YIN NO, ,RANG HE RU KAR GSAL BA'I SNYING KHAR PADMA 'DAB MA DRUG PA LA NYE SNYING YI GE BDUN GYI BDAG NYID CAN KHA DOG DMAR PO BSAMS NAS, SNGAGS KHA DOG DMAR PO BUNG BA 'KHRIGS PA LTA BUR 'PHROS PA SHING SDONG GI RTZE MOR BSAMS NAS, YI GE BDUN PA DANG DBYER MI PHYED PAR 'DRES PAR BSAMS NA SHING SDONG DE DMA' BA STE 'GYEL BAR 'GYUR RO, ,SHING DRUNG ZHES PA LTAR NA SHING GI RTZA BAR SEMS PA YIN MOD KYANG BHA BAS RTZE MOR YI GE BDUN SEMS PAR BSHAD DO, ,SA RNAMS ZHES PA LA SA 'DZIN ZHES 'BYUNG ZHING, DE'I DON RDO YI RI BO LA BSHAD DE SNGAR LTAR BYAS NA DE RNAMS KYANG NI 'GYEL BAR 'GYUR BA LAS GZHAN DU MIN NO, ,GNYIS PA NI, RANG HE RU KAR GSAL BA'I LAS KYI SNYING KHAR PADMA DMAR PO 'DAB MA DRUG PA GCIG BSAM, DE'I LTE BA 'DAB MA DANG BCAS PA BDUN LA, NYE SNYING GI YI GE RE RE RNAM PAR BKOD DE, MAL 'OG GI SA
, ,LA BDUD RTZI LNGAS BYUGS TE, KU SHA STAN DU BYAS PA LA NYAL LA, YI GE BDUN GYI BDAG NYIN CAN GYI SNGAGS GRANGS BRGYA RTZA BRGYAD PA NYID DU BZLAS TE, RANG LAS MKHA' 'GRO MA'I 'KHOR SPROS NAS 'JIG RTEN GSUM DANG LHAN CIG 'DRES NAS, SLAR YANG RANG GI SNA BUG GA-YON PA NAS ZHUGS TE, NYAL BA'I CHO GA BZHIN DU NYAL NA RMI LAM DU NI BYA BA KUN RANG GI YID LA 'DOD PA THAMS CAD STON PAR 'GYUR RO ZHES GSUNG NGO, ,BSHAD SBYAR LA, RANG GI LUS LA DKYIL 'KHOR GYI 'KHOR LO RIM PA JI LTA BA BZHIN DU BSGOMS LA, BDUD RTZI LNGAS BYUGS PA'I KU SHA'I STAN LA NYAL TE SNGAGS BRGYA RTZA BRGYAD BZLAS NAS NYAL BAS RNAL 'KHOR MAS RMI LAM DU STON NO ZHES 'CHAD DO, ,DPA' BOS RANG GI LUS LA RNAM BKOD KYI DON, RANG GI SPYI BO DANG, DPRAL BA DANG, MIG GNYIS DANG, KHA DANG PHRAG PA DANG, SNYING KHAR ZLA BA'I DKYIL 'KHOR GYI STENG DU KHA DOG DKAR PO'I YI GE BDUN DGOD CES 'CHAD DO, ,BHA BAS BDAG GI LUS LA BKOD PA'I DON, MIG DANG RNA BA DANG SNA DANG LCE DANG LUS DANG YID LA, AOm NAS BGRANGS PA'I YI GE DRUG DANG, YID LA H'Um BKOD PA'I MTHAR PHAt DGOD PAR 'DOD DO, ,RMI LAM RTOG PA 'DI NI BYA SLA ZHING DON CHE BA DANG, GRUB CHEN SO SO'I MAN NGAG LAS 'BYUNG BA YIN PAS KUN SHES NA GCIG LA MA BYUNG YANG BRTAG PA GZHAN LA BYAS PAS CHOG PAS BKOD DO, ,BLA MA GONG MA'I MAN NGAG NI, 'BAB CHU'I 'GRAM GYI BYE MA
DANG KU SHA LA SNGAGS BRGYA RTZA BRGYAD BZLAS SHING BDUD RTZI LNGA GTOR LA, SA PHYOGS GTZANG MAR BYE MA'I STENG DU 'DUG STE RANG GI SNYING KHAR 'KHOR LO BSAMS LA, BZLAS BRJOD KYI SNGAGS BDAG GI KHA DANG MIG DANG RNA BA DANG SNA NAS 'PHROS TE; SEMS CAN LA KHYAB PAR BYAS SHING SLAR BSDU BA'I SBYOR BAS GSANG SNGAGS ZLO ZHING, GLO GA-YAS PA PHAB NAS NYAL NA JI SKAD BSHAD PA DE BZHIN DU 'GYUR RO, ,ZHES GSUNG NGO, ,RMI LAM DU YID LA 'DOD PA STON TSUL NI, DUS MIN PAR 'CHI BA DANG, BCOM PA DANG NYAMS PA SOGS KYI BYA BA KUN TU GANG GYUR PA DANG, BYA BA DANG MI BYA BA RNAM PA SNA TSOGS PA SNGAR BSHAD PA LAS GZHAN DAG THAMS CAD KYANG RMI LAM DU RNAL 'BYOR MAS STON NO, ,DUS MIN ZHES PA'I RKANG PA GCIG LA DUS MA YIN PAR 'CHI BA BCOM STE SEL BAR BYED CING, NYAMS PA 'PHEL BAR BYED PAR 'GREL PA GSUM LAS 'CHAD DE, DUS MIN DU 'CHI BA SOGS KYI MTSAN MA MTHONG NA, 'DI LA 'DI LTAR GYIS ZHES THABS BSTAN PAS DUS MIN GYI 'CHI BA SEL BA SOGS BYED PA'O, ,LHAS RMI LAM DU LUNG STON PA DE BZHIN DU LHA'I MTHUS PRA PHAB PAS BYA BA DANG MI BYA BA STON PA NI, MDZES PA'I GZHON NU MA'AM KHYI'U GZHON NU, DUS TSOD MIN PA ZHES PA DGONGS MO BOS TE MIG BKAB LA NYE SNYING GI SNGAGS BRGYA RTZA BRGYAD DU BZLAS PAS BSNGAG GO, THO RANGS JI LTA BA BZHIN DU STON PAR 'GYUR TE, KHANG PA'I NANG DU MAR ME SPAR LA, DRI BZANG
, ,PO'I CHUS BKANG BA'I BUM PAS BRIS SKU DANG SKU GZUGS RNAMS LA YANG DAG PAR MCHOD DO, ,RAL GRI'AM CHU DANG MAR ME DANG ME LONG BSTAN LA, SNGAGS PAS BDAG NYID RTAG TU DPAL HE RU KA'I RNAL 'BYOR DANG LDAN PAS, PRA SE NA NI 'BEBS PAR BYED CING, DPAL HE RU KA BSGOMS NAS NYE SNYING LAN BDUN DU BZLAS BRJOD BYAS PAS DGE BA STE BYAR RUNG BA DANG, MI DGE BA STE BYAR MI RUNG BA RNAMS LHA'I MTHUS STON PAR 'GYUR RO, ,YANG NA MTHE BONG TIL MAR GYIS BKRUS LA, SAN RTZI ZHES BA RGYA SKYEGS KYI KHU BAS BYUGS TE, GZHON NU'AM GZHON NU MA LA BSTAN NA SU ZHIG GIS NOR KHYER BA SMRA BAR 'GYUR ZHING, BCOM PA DANG NYAMS PA LA SOGS PA YANG STON PAR 'GYUR TE MTHE BONG LA PRA DBAB PA'O, ,GSUM PA LA LNGA, SNGAGS DPA' 'KHOR LO LA BRTEN NAS NAD ZHI BAR BYA BA, DBANG GI SBYIN SREG GDAM NGA DANG BCAS PA, LAS KYI DBYE BAS KHA DOG GI DBYE BA BSTAN PA, DUG DANG RIMS LA SOd PA 'JIG TSUL, RGYAN PO DANG GA-YUL LAS RGYAL BA ZHAR BYUNG DANG BCAS PA'O, ,DANG PO NI, PRA 'BEBS PA BSHAD PA DE NAS DPA' BO HE RU KA'I NYE SNYING YI GE BDUN PA'I SNGAGS, 'KHOR LO LA DGOD PA'I DBYE BA MI 'DRA BA NYID KYI LAS SGRUB TSUL BSHAD PA NI, NYI MA'I DKYIL 'KHOR GYI DBUS SU NYE SNYING GI HE LA SOGS PAS DNGOS SU DGOD PA STE BRI BA'AM YID KYIS BSAMS NAS NI, DE'I DBUS SU NAD PA BSAMS TE SPEL TSIG DANG BCAS PAS NYE SNYING
STONG GI BAR DU BZLAS PAR BYA ZHING, LAG PA LA SNGAGS KYI YI GE SHAL GYI RNAM PA LTA BUR NI BSGOMS LA NAD KYIS GDUNGS PA'I NAD PA LA BSTAN PAR BYAS NA, LAG PA MTHONG BA TZAM GYI MOD LA NI NAD KUN 'JOMS PAR THE TSOM MED DO, ,SKABS 'DIR BSGRUB BYA'I SNYING KHAR DE'I RNAM SHES MTHE BONG GI TSAD TZAM DRI MA MED PA'I SHEL LTAR BSGOMS NA NAD LAS GROL BAR 'GYUR RO ZHES 'GREL PA MANG POS 'CHAD DE GZHUNG GIS ZIN PAR 'DOD DO, ,STON KA'I DUS KYI ZLA BA 'DRA BA'I ZLA BA'I DKYIL 'KHOR BSAMS LA, DE LA ZLA BA'I DBUS SU PHYOGS BZHI DANG DE'I DBUS SU RE'U MIG LNGA BYAS PAS, MTSAMS SU BZHI DANG BCAS PA'I RE'U MIG DGU RNAM PAR BKOD CING, DE'I DBUS SU AOm, SHAR DU HRI: LHOR HA, NUB TU HA, BYANG DU HUm, YANG DBUS SU HUm, MTSAMS BZHIR PHAt BZHI 'AM, tA MA GTOGS PA'I PHA BZHI DGOD DE, YI GE SHEL GYI MDOG LTAR DKAR POR SNANG ZHING GSAL BA'I 'KHOR LOR NAD RNAMS KUN SAL BA LA, BSGRUB BYA DBUS SU GNAS PA'I 'KHOR LO LAG PA GA-YON PAR BSGOMS TE, RGYU BA DANG MI RGYU BA'I DUG GIS ZIN PA'I MGO BOR BZHAG LA, DE LAS BDUD RTZI'I RGYUN BAB PAS LUS THAMS CAD LA DUG MED PAR BSAMS NA DUG MED PAR 'GYUR RO, ,DE BZHIN DU RIMS DANG GDON DANG SOGS KYI SGRAS RGYU BA DANG MI RGYU BA'I DUG DANG, BRJED BYED DANG GZER NAD DANG KYI SGRAS LHO PA'I SOGS DANG, MDZE CAN DANG MCHE BA'I DUG GIS ZIN PA SOGS KYI NAD RNAMS DANG, DE DAG LAS GZHAN PA'I NAD KUN THE TSOM MED PAR NI ZLA BA'I GZUGS LA YI GE BDUN PA
, ,BKOD PA LAG PA GA-YON PAR BSAMS NAS NAD KYIS GDUNGS PA LA BSTAN PA'AM BYAB PAR BYAS SHING, SNGAGS KYI YI GE DE RNAMS KYI 'OD ZER BDUD RTZI'I RANG BZHIN CAN BYUNG STE, SHAR LA SOGS PA'I PHYOGS BCUR RNAM PAR 'BYER BA STE KHYAB PAR BSGOMS NA DUG LA SOGS PA SEL LO, ,GNYIS PA NI, SBYIN SREG GI DUS NI MTSAN MO GSANG BA STE DBEN PA LA GNAS TE, GO NI DON MANG PO LA 'JUG KYANG 'DIR NI BA LANG NGO, ,MAm SA NI SHA'O, ,DE NI BU RAM DANG SBRANG RTZI DANG SHA KHA RA'I MNGAR GSUM LA BTAGS PA STE, DE GSUM GYIS SPAGS PA'I BSREG RDZAS YI GE BDUN GYI GSANG SNGAGS KYIS SBYIN SREG BYED LUGS SHES PAS, DBANG GI LAS THAMS CAD PA'I THAB TU STONG PHRAG BRGYAD DU SPYIN SREG BYAS NA, SNGAGS PAS NANG PAR GYI DUS SU NI, GSER SRANG STONG NI RNYED PAR 'GYUR LA, SBYIN SREG STONG PHRAG BCU YIS NI YUL 'KHOR DAM PA STE MCHOG RNYED PAR 'GYUR RO, ,SBYIN SREG GIS SGRUB PA LAS YANG NA SNGAR BSHAD PA'I GNAS GANG DANG GANG DU GSANG SNGAGS KYI RGYAL PO NYE SNYING NI, ZHI BA LA SOGS PA'I DON DU BSAMS NAS ZLO BA DE YI TSE, GNAS DE DANG DER NI DON DE SKYE BA STE 'BYUNG BAR 'GYUR BAR THE TSOM MED DO, ,BOD KHA CIG NANG RE ZHING GANG DU SKYE 'DOD PA'I GNAS SU SKYE BAR BYA'O SNYAM NAS, NYE SNYING BRGYA RTZA BRGYAD RE BZLAS NA GNAS GANG DU SKYE 'DOD PA DER SKYE'O ZHES 'CHAD PA NI DON MIN TE, LAS SGRUB PA LA SBYIN SREG
BYED MI BYED GNYIS KYI TSUL STON PAR SNANG BA'I PHYIR RO, ,GSUM PA NI, DKYIL 'KHOR GYI LHA DANG ME LHA DANG, SNGAGS KYI KHA DOG DANG, CHAS GOS DANG, ME TOG LA SOGS PA'I MCHOD RDZAS RNAMS KHA DOG DKAR POR BYAS PA YIS NI, NAD DANG GDON LA SOGS PA ZHI BAR 'GYUR BA'I LAS 'GRUB CING, DE RNAMS KHA DOG NAG POR BYAS PAS SKAD CIG DAG GIS TE MYUR DU GSOD PAR BYED DO, ,DES MTSON NAS BSKRAD PA DANG DBYE BA SOGS KYANG SHES PAR BYA'O, ,DE RNAMS DMAR POR BYAS PAS NI BSGRUB BYA DBANG DU 'GYUR BA STE DE YANG 'PHRAL DU NGES PAR 'GUGS PAR 'GYUR RO, ,LHA LA SOGS PA RNAMS KYI KHA DOG SER POR BYAS PA YIS GZHAN GYI DPUNG LA SOGS PA THAMS CAD GNON PA STE RENGS PAR 'GYUR TE; LAS SO SO LA KHA DOG GI DBYE BA SO SOR BSHAD PA 'DI NI BSTAN BCOS TE RGYUD RNAMS LAS NGES PA YIN NO, ,THAMS CAD GNON ZHES PA'I GNON BYA STON PA NI LHA LA SOGS PA KHA DOG SER PO YIS NI GZHAN GYI DPUNG NI GNON PA DANG, CHU LA 'GRO BA'I GRU DANG, GZHAN GYIS BYAS PA'I 'KHRUL 'KHOR DANG, GLANG PO CHE LA SOGS PA GNON PA STE RENGS PAR BYED DO, ,DE RNAMS KHA DOG DKAR PO YIS NI, YID LA BSAMS PA TZAM GYIS NI DUS MA YIN PAR 'CHI BA'I RGYU YANG ZHI BAR BYAS TE, 'CHI BA DE LAS NGES PAR SLONG BA STE THAR BAR 'GYUR RO, ,DUG SPRUL CHEN PO BRGYA'I MCHE BA'I DUG GIS ZIN PA'I DUG GI NAD DE YANG DE LAS MYUR DU SLONG BA STE THAR BAR BYED DO, ,BZHI PA NI, DUG GIS BRGYAL
, ,BA RNAMS SGRUB PA POS MTHONG NAS BRGYAL BA DE LAS RAB TU SANGS PA'I THABS BYAS PAS, BRGYAL BA LAS RAB TU SANGS PAR 'GYUR LA, NYIN GCIG PA LA SOGS PA'I RIMS DANG, GZA' LA SOGS PA'I GDON DANG, BRJED BYED KYI GDON GYIS ZIN PA RNAMS NI, SNGAGS PA'I LAG PA GA-YON PAR 'KHOR LO BRIS PA MTHONG BAS 'JIG PA STE DE RNAMS NYAMS PAR 'GYUR RO, ,LNGA PA NI, RGYAN PO STE SHO 'DEBS PA DANG, GA-YUL DU 'JUG PA'I DUS SU NYE SNYING GI 'KHOR LO DANG BCAS PA'I LAG PA'I KHU TSUR BCINGS TE, YID LA NYE SNYING GI SNGAGS SPEL TSIG DANG BCAS PA RTAG TU ZLOS PAR BYED NA, KHU TSUR MA BKROL BA DE SRID DU RANG GANG 'DOD PA'I BYA BA THAMS CAD SGRUB PA STE 'GRUB PAR 'GYUR LA, GAL TE DGRA BO LAG NA NI MTSON CHA 'PHYAR BAR BYED PA YANG, JI SRID KHU TSUR MA BKROL BAR DU MTSON CHA GTONG BAR MI NUS SO, ,LAS SBYOR 'DI LA LVA BA PAS, LDONG ROS SAM YUNG BAS LAG PA GA-YON PA 'AM ZANGS LEB LA 'KHOR LO, CHE GE MO'I LUS LA 'KHOR LO THAMS CAD ZLOG CIG CES PA SPEL TSIG DANG BCAS PA BRIS LA, SNGAGS STONG BZLAS NAS KHA BSUBS LA RDO RJE'I CHU RU GZHUG ,DE NAS BLANGS TE SNGAGS BZLAS SHING KHU TSUR GYI NANG DU BCUG NA, KHU TSUR MA BKROL BAR DU MTSON CHAS MI TSUGS SO, ,'GEGS NAS SHI BA'I RO'I KHAR RDO RGYUS BCUG DE NAS BLANGS TE, RANG KHA NUB PHYOGS MIN PAR BLTAS NAS 'KHOR LO 'DI BRIS NA BRIS PA TZAM GYIS RGYAN PO LAS RGYAL BAR 'GYUR RO
ZHES 'CHAD DO, ,YANG NA LA GZHAN YANG ZHES 'BYUNG BA LEGS PAS SNGAR BSHAD PA'I DPUNG GNON PA SOGS LAS GZHAN PA'I PHA ROL PO'I LUS NGAG RENGS BAR BYED PA'I BYA BA THAMS CAD NI, 'KHOR LO LAG PAR BCUG NAS KHU CHUNG BCINGS PAS SNGAR BSHAD PA DE BZHIN NYID DU SGRUB PAR BYED PA STE BSGRUB PAR BYA'O, ,SNGAGS PA RANG NYID KYIS 'BRAS BU DANG, ME TOG DANG, DE'I 'DAB ME DANG SO RTZI DANG DE BZHIN DU KHA ZAS GZHAN RNAMS LA'ANG LAG PA GA-YON PAR ZLA BA DANG, 'KHOR LO RE'U MIG DGU PA LA NYE SNYING SNGAR BZHIN BKOD NAS, DE LAS BDUD RTZI 'DZAGS PAS DE THAMS CAD LA KHYAB PAR BSAMS TE LONGS SPYAD PAR BYE BA NI GDAMS NGAG GO ZHES 'CHAD PA LTAR BYA'O, ,LNGA PA NI, DE LTAR SNGAR BSHAD PA'I LAS SGRUB PA'I NUS PA 'GRUB PA'I THABS NI, SNGAR BSHAD PA'I GNAS SU GNAS NAS LUS TE SKU'I SBYOR BA STE RNAL 'BYOR BYED PA NI DANG PO STE, DPAL 'KHOR LO BDE MCHOG GI GZUGS KYI BDAG NYID DU RDZOGS PAR BYED PA'O, ,DE BZHIN DU GNYIS PA NI YID KYIS LHA MO PHAG MO SGOM PA'O, ,NUS PA YID ZHES PA SKAD DOD LA YID KYI YIN ZHES PAR YOD GSUNG BA LTAR RO, ,GSUM PA DAG NI NGAG NYID DE ZHES PA NI MKHA' 'GRO MA NAS GSHIN RJE BRTAN MA LA THUG PAR MCHOD PA DANG BSTOD PA NAS GZUNG BA SNGON DU 'GRO BAS, RIM PA JI LTA BA BZHIN DU RDZOGS PAR BYAS NAS SNGAGS KYI BZLAS PA LAS LAS THAMS CAD 'GRUB PAR 'GYUR RO, ,ZHES BA'I
, ,DON NO ZHES TA TH'A GA TA RAKshI TAS 'CHAD DE, SNGON DU SGRUB THABS BZLAS PA DANG BCAS PA LA GOMS PAR BYAS NAS PHYIS LAS BSGRUB CES PA'I DON NO, ,BZHI PA DMIGS PAR MI 'GYUR TE ZHES PA 'GREL PA RNAMS DANG LO CHEN GYI 'GYUR LA MED, YOD PA RNAMS KYI LUGS KYI LUS NGAG YID KYI SBYOR BA GSUM LAS GZHAN MED PA'I DON DU 'CHAD DO, ,SNGAR BSHAD PA LTAR GOMS PA'I MTHAR LAS RNAMS BSGRUBS NI, SNGAGS KYI RGYAL PO NYE SNYING GIS 'GRUB PAR 'GYUR RO, ,GANG 'GRUB PA NI SA GZHI SHING GIS MTSON PA DANG BCAS PA PHYI'I PHYOGS BZHI'I RGYA MTSO CHU YI SKA RAGS BTAGS PA STE BCINGS PA DE LA GNAS PA'I DNGOS GRUB 'GRUB PA 'DIR NI THE TSOM MED DO; ;SA GSUM GYI KHAMS GSUM GYI RGYU BA BCUD KYI SEMS CAN DANG, MI RGYU BA SNOD KYI 'JIG RTEN DANG BCAS PAR DMOD PA 'DEBS PA STE, NGAG TZAM GYIS CHER GCOD PA DANG PHAN 'DOGS PA'I RJES SU 'DZIN PAR NUS PA YIN NO; ;GSUM PA NI, DPAL GE RU KA MNGON PAR BRJOD PA BSDUS PA'I RGYUD LAS, NYE BA'I SNYING PO'I SGO NAS LAS SGRUB PA'I CHO GA'I LE'U STE, BZHI BCU RTZA GSUM PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA GSUM PA'I BSHAD PA'O,, ` ,,GNYIS PA DE DANG YUM GYI GO CHA LA BRTEN NAS BSGRUB PA LA GSUM, BSHED PAR DAM BCA' BA, DAM BCAS
PA'I DON BSHAD PA, LE'U YI MTSAN BSTAN PA'O, ,DANG PO NI, LE'U ZHE GSUM PA BSHAD PA'I RJES DE NAS LAS RGYA'I PHO NYA MO LA BRTEN TE, YI GE BDUN PA GO CHA'I RNAL 'BYOR MA DRUG GI SNGAGS DANG LDAN PAS, BSGRUB BYA GANG DU STE LA DBANG LA SOGS PA'I LAS YANG DAG PAR BRTZAMS NA BRTZAMS PA DE YI MOD LA LAS RNAMS MYUR DU 'GRUB PA BSHAD PAR BYA'O ZHES SBYAR RO, ,GNYIS PA LA GSUM, DBANG GI SGO NAS DGUG PA'I LAS, GNON PA'I LAS SLAR DGROL BA DANG BCAS PA, SMYO BYED KYI LAS SLAR DGROL BA DANG BCAS PA'O, ,DANG PO LA GNYIS, 'KHOR LO LA BRTEN NAS DGUG PA DANG, SBYIN SREG LA BRTEN NAS DGUG PA'O, ,DANG PO NI, LAG PA GA-YON PA'I DBUS SU STE MTHIL DU 'KHOR LO RTZIBS DRUG PA'I DBUS SU SNA TSOGS PADMA 'DAB MA DRUG PA BRI, DE'I LTE BA LA AOm, 'DAB MA LA HRI: HA HA HUm HUm PHAt CES PA DGOD, 'KHOR LO'I RTZIBS DRUG LA RNAL 'BYOR MA'I GO CHA'I SNGAGS AOm PAm LA SOGS PA DRUG LAS DANG RJES SU MTHUN PA'I KHA DOG CAN, BSGRUB BYA'I MING DANG SPEL BA RNAM PAR DGOD, YI GE BDUN PA'I CHO GA YIS ZHES PA DANG, RNAL 'BYOR MA DRUG YANG DAG GNAS, ZHES PA LA, LAG DBUS YI GE BDUN DGOS BYA, ,RNAL 'BYOR MA DRUG RTZIBS DRUG GNAS, ZHES DKA' RGYAL GYI 'GREL PAR 'BYUNG BA LTAR GO BAR BYA'O, ,LAG PA GA-YON PA'I 'KHOR LO DANG MING SPEL BA'I BSKUL TSIG DANG LDAN PAR ZLOS SHING, SNGAGS LAS 'OD ZER LCAGS KYU'I RNAM PA CAN 'PHROS PAS, BSGRUB BYA GANG ZHIG
, ,RANG GI GZUGS 'DZIN PA CAN BKUG PAR BSAMS NAS, KHA NAS GSANG SNGAGS KYI RGYAL PO YI GE BDUN PA ZLOS BZHIN PAS, BSGRUB BYA GANG LA RANG GI LAG PA DE BSTEN PA'I BSGRUB BYA DE NI NGES PAR 'GUGS PAR 'GYUR RO; ;GNYIS PA NI, TZAN DAN DMAR PO'I RDUL TE BYE MA DANG, DE BZHIN DU SKO TSE DANG LAN TSVA DANG BSGRUB PAR BYA BA'I RKANG RJES KYI SA GCIG TU SDOM PAR BYAS NAS ZHIB TU BTAGS PAR BYA, ZLA BA DANG NYI MA BKOD PA'I LAG PA GNYIS KYIS MNYES LA THAB KHUNG DU, GO CHA'I RNAL 'BYOR MA DRUG GI 'KHOR LO BRIS TE MTSAN MO'I DUS SU, SME SHA CAN GDOL BA'I ME'AM DUR KHROD KYI ME LA, RNAL 'BYOR MA'I SNGAGS BSKUL TSIG DANG LDAN PAS PHYE MA SREG PA'I SBYIN SREG BYA'O, ,DE NAS THAL BA LA BSGRUB BYA'I GZUGS BRNYAN BYAS TE, GRO GA LA 'KHOR LO JI LTA BA BZHIN BRIS NAS DE'I SNYING KHAR BCUG STE, BDAG NYID LA MNGON DU PHYOGS PAR BZHAG LA, BSGRUB BYA MYOS PA BKUG GZUGS BRNYAN LA BCUG STE, MING SPEL DANG BCAS PA'I SNGAGS BZAS PA'I SBYOR BA 'DI NI BRTZAM PAR BYAS LA, JI SRID BRGYA PHRAG GCIG GI BAR DU BZLAS NA DES NI NGES PAR TE GDON MI ZA BAR 'GUGS PAR 'GYUR RO, ,GANG LA DGUG PA'I LAS BYED PA'I BSGRUB PAR BYA BA'I BDAG NYID NOR BDAG DANG NOR DANG 'KHOR GYI SKYE BO RNAMS RANG GI DBANG DU 'GYUR RO, ,LAS KYI SBYOR BA 'DI NI GRUB PA STE GZHAN DU MI 'GYUR BAR RTAG PA STE RNAM PA GZHAN DAG TU 'GYUR BAR NI NGA MI SMRA'O, ,GNYIS PA NI, RDUL
DE NYID NI SNGAR BSHAD PA'I TZAN DAN DMAR PO LA SOGS PA'I PHYE MA MANG PO STE DE BLANGS NAS SU LCAGS KYI PHYE MA DANG NI RNAM PAR BSRE'O, ,DE NAS DUR KHROD KYI RAS LA BSGRUB BYA'I MING SBEL TSIG DANG BCAS PA BRIS PAR GTUMS NAS NI, SPEL TSIG DANG BCAS PA'I SNGAGS LAN BDUN BZLAS LA LAM BZHI MDO RUS ZABS SU SOR BRGYAD TZAM DU SA BRKOS NAS, DGRA YI MING DANG BCAS PA NI BSGRUB BYA GANG GI MING SMOS PA'I SNGAGS BZLAS TE, SA BRKOD PA DER SBAS PAR GYUR PA DE NI MYUR DU GNAN PA STE RENGS PAR 'GYUR RO, ,SLAR GSO BAR 'DOD NA 'KHOR LO SA 'OG NAS BTON NAS 'KHOR LO'I NANG GI PHYE MA DE NYID LA, DGROL BA'I SPEL TSIG DANG BCAS PA'I SNGAGS BZLAS NAS NI, 'BAD DE BA YI 'O MA GTZANG MA YIS 'KHOR LO BKRUS PA YIS, RENGS PA DE NI SLAR YANG GSOS PAR GYUR NA, SLAR SOS PA 'GRUB PA NYID DU THE TSOM MED DO, ,GSUM PA NI, SNGAR BSHAD PA'I PHYE MA BZHI PO DE NI BLANGS NAS NI SMY BYED THANG KHROM PA'I RTZA BA SDONG BU 'DAB MA ME TOG 'BRAS BU LNGA DANG LDAN PA RU BYAS PA DES NI, DUR KHROD KYI RAS TE RO RAS LA DGRA YI MING SPAS TSIG DANG BCAS PA'I 'KHOR LO SNGAR BSHAD PA BRIS PA BCUG LA, RAS DES BCINGS PA STE GTUMS NAS, BSGRUB BYA'I MING SPEL TSIG DANG BCAS PA'I SNGAGS YAN BRGYAR BZLAS BRJOD BYAS NAS NI, DUR KHROD DU NI SA BRKOS NAS NGES PAR SPAS NA, BSGRUB BYA DE 'PHRAL DU SMYO BA NYID DU 'GYUR RO, ,SLAR GSO BAR 'DOD NA BTON PA NYID KYIS THAR
, ,BAR 'GYUR TE, DE YANG 'KHOR LO SA 'OG NAS BTON NAS PA YI 'O MA GTZANG MA YIS 'BAD PAS BKRU BAR BYAS TE, SLAR YANG GSO BAR BYED PA DAG BYAS NA, SOS PA 'GRUB PA NYID DU THE TSOM MED DO, ,DE BZHIN ZHES PA NI SNGAR DANG 'DRA BAR BSTAN TO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, RNAL 'BYOR MA DRUG GI GO CHA DANG NYA SNYING YI GE BDUN GYIS LAS SGRUB PA'I CHO GA'I LE'U STE, BZHI BCU RTZA BZHI PA'O, , 'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA BZHI PA'I BSHAD PA'O,, ` ,,GNYIS PA DPA' MO'I GO CHA DANG HA LNGA LA BRTEN NAS LAS BSGRUB PA LA GNYIS DPA' MO'I GO CHA DANG TSIG GI DNGOS GRUB SGRUB PA'I CHO GA DANG, HA LNGA LA BRTEN NAS LAS BSGRUB PA'O, ,DANG PO LA GSUM, BSHAD PAR DAm BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, LE'U ZHE BZHI PA BSHAD PA DE NAS BSHAD PA'I LAS RNAMS LAS PHUL DU BYUNG BA'I LAS KYI RAB MCHOG NI, NGAG GI NUS PA KHYAD PAR CAN GYI DNGOS GRUB GRUB PA LA BRTAN NAS LAS BYED PA BSHAD PAR BYA'O, ,GNYIS PA LA BZHI, TSIG GI DNGOS GRUB SGRUB PA'I THABS DE LA BRTEN NAS DGUG PA'I LAS DU MA BSGRUB PA, THABS GZHAN LA BRTEN NAS TSIG GI DNGOS GRUB BSGRUB PA, DE THOB NAS LAS MI 'DRA BA DU MA TSIG GIS BSGRUB PA'O, ,DANG PO NI, KA RA B'I RA NI RTA BONG GI RNGO GSOD PAR BYED PAS RTA GSOD DU
GRAGS PA STE, DON RE LCAGS PA YIN LA, DE LA DKAR NAG GNYIS YOD PA'I NAG PO LA ME TOG DMAR PO 'ONG BAS, DE'I ME TOG DMAR PO BRGYA RTZA BRGYAD PA NI BLANGS NAS SU 'BAD DE BA YI 'O MAS BKRUS LA, DPA' MO'I GO CHA'I SNGAGS KYIS BZLAS BRJOD BRGYA YANG BYA BA YIN NO, ,DE LTAR SNGAGS LAN RE BZLAS PA'I ME TOG GIS RANG BYUNG GI LING GA'I SPYO BOR BSNUN PAR BYA'O, ,DE LTAR LHA'I RNAL 'BYOR LA SHIN TU MNYAM BAR BZHAG PAS NYI MA STE ZHAG BDUN DU 'O MA 'THUNG ZHING KHRUS BYA BA YIN NO, ,ZHAG BDUN SONG BA DE NAS ZHAG GSUM SMYUNG BAR GNAS PA BYAS TE NYIN ZHAG BCU GCIG PA LA ME TOG DE DAG NI BLANGS NAS SU, KA RA B'I RA'I SHING SHUN LA BRGYUS TE BRGYA MTSOR 'GRO BA'I CHU BO CHEN PO'O 'GRAM DU SONG NAS NI RNAL 'BYOR MA'I 'KHOR LO MCHOD DE, ME TOG RNAMS RE RE NAS NI CHU LA DOR RO, ,DE DAG THAMS CAD KYANG RIM PA BZHIN DU ME TOG RE LA SNGAGS LAN RI RAB TU BZLAS NAS BYA'O, ,CHU BOR ME TOG THA MA DOR BA'I DUS SU NI, CHU BO RGYUN LAS BZLOG STE RAB TU 'BAB NA, STIM PAS ME TOG CHU DANG BCAS PAR BLANGS NAS NI, SOS MA REG PAR ME TOG CHU BCAS DE 'THUNGS NA, 'DI YI GSANG BA'I RGYUD 'BUM PA LAS 'BYUNG BA'I TSIG GI DNGOS GRUB NI, SGRUB PA PO YIS 'GRUB PAR 'GYUR RO,, GNYIS PA LA GSUM, SKYE GNAS KYI PHYAG RGYA BCINGS PA LA BRTEN NAS DGUG PA, SBYIN SREG LA BRTEN NAS DGUG PA, KA RA B'I RA'I ME TOG LA BRTEN NAS LAS BSGRUB PA'O, ,DANG PO NI, TSIG GI DNGOS GRUB GRUB PA DE NAS SKYE GNAS KYI PHYAG RGYA
, ,NI, DKA' RGYAL GYIS NAM MKHA'I DBUS SU SNA TSOGS PADMA, DE'I PHYI ROL TU STON KA'I ZLA BA LTAR DKAR BA'I ZUR GSUM PA LA 'CHAD DO, ,CHOS 'BYUNG GI PHYAG RGYAR MNGON NO, ,BHA BAS, SKYIL KRUNG BYAS LA RDO RJE BSDAMS PA BYAS NAS, GUNG MO GNYIS KYI KHA DANG MTHE BONG GNYIS KYI KHA SBYAR TE, MDZUB MO GNYIS BSGRENGS TE PHAN TSUN SBYAR BA NI SKYE GNAS KYI PHYAG RGYAR 'CHAD DO, ,'GREL PA GZHAN NAS SKYE GNAS KYI PHYAG RGYA BCING BA NI, PHYI'I RIG MA DANG KHA SBYAR GYI SBYOR BA LA 'CHAD DE, CHOS 'BYUNG GI PHYAG RGYA 'CHING BA DANG, RIG MA LA BRTEN PA GNYIS KA LA BRTEN NAS SGRUB PA'O, ,CHOS 'BYUNG GI PHYAG RGYA DE BCINGS LA, DGUG PA'I SNGAGS SPEL TSIG DANG BCAS PA BRGYA RTZA BRGYAD DU BZLAS NAS NI, SNGAGS PA BSGRUB BYA'I GZUGS BRNYAN GYI PHYOGS SU MNGON PAR PHYOGS NAS, BSGRUB PAR BYA BA'I GZUGS BRNYAN GYI LTO BAR 'KHOR LO GNAS PA STE BCUG PA DE LA YIKD KYIS DMIGS PA LA GNAS BZHIN DU, BLO DANG LDAN PA STE SGRUB PA POS THUN GSUM DU LAG PA GA-YON PA'I MTHE POS SKUD PA MNAN LA MTHE'U CHUNG GIS GSANG GNAS KYI SKUD PA BSKYOD PAR BYA STE GZUGS BRNYAN BYA TSUL SOGS NI 'CHAD PAR 'GYUR RO, ,DE LTAR BYAS NA BRAM ZE GSOD PAS MTSON PA'I SDIG CHE BA DAG GIS KYANG, ZHAG BDUN GYIS BRGYA BYIN DANG SOGS PAS DBANG PHYUG LA SOGS PA YANG NGES PAR 'GUGS SO, ,'DI 'DRA'I RIGS RNAMS SNGAR SDIG CHEN PO BYAS KYANG PHYIS THEG PA 'DIR ZHUGS NAS,
SDIG SPANGS PA'I NUS PA KHYAD PAR CAN RNYED PA LA DGONGS SO, ,SNGAR BSHAD PA'I BSGRUB BYA'I GZUGS GANG LAS BYED PA SOGS BSHAD PA NI, TZANDAN DMAR PO'I RDUL DANG BSGRUB BYA'I RKANG RJES KYI SA LA NI, GANG 'GUGS PA'I BSGRUB PAR BYA BA'I GZUGS BRNYAN BYAS LA, SGA DANG PI PI LING DANG PHA BA RIL TE TSA BA GSUM GYIS GZUGS BRNYAN DE'I LUS LA BSKU ZHING, DER MA ZAD SPRA TSIL GYIS KYANG DE'I LUS LA RAB TU BYUG GO ,'GREL PA GZHAN RNAMS NAS SBRA TSIL LA GZUGS BSNYAN BYAS TE, TZANDAN DMAR PO'I PHYI MA DANG CHA BA GSUM GYIS BYUG CES 'CHAD DO, ,'DI'I LTO BAR GZHUG RGYU'I 'KHOR LO NA 'CHAD PAR 'GYUR RO, ,DE NAS SGRUB PA PA YIS GZUGS BRNYAN GYI GSANG GNAS SU STE MO YIN NA SKYE GNAS DANG, PHO YIN NA LING GA NAS ZANGS MA'I KHAB KYIS PHUG NAS NI, DE'I SHUL NAS SKUD PA BRGYUS LA SKUD PA DE MTHE'U CHUNG GIS BSKYAD PA YIN NO, ,BSHAD SBYAR LAS GZUGS BRNYAN GYI MDUN DU YAB YUM KHA SBYAR DU BYAS TE, SNGAGS SPAL TSIG DANG BCAS PA BZLA LA, DE'I RJES SU MTHE'U CHUNG ZHES BYA BA LA SOGS PA NI, DE LA YID KYIS GNAS ZHES PA'I MTHAR TE, RDO RJES GA-YON PA'I MTHAR RTZA BA'I SGRAR BRJOD DO, ,DE YID KYIS THUN GSUM DU BSKYOD PAR BYA'O ZHES 'CHAD PA LTAR NA, BZLAS PA LA YID KYIS GNAS PAR BYAS PA'I MTHAR GSANG GNAS KYI RDO RJES, GA-YON PA STE BUD MED LA LANGS SPYAD PA'I MTHAR, RTZA BA STE 'OG MA'I SGOR BRJOD PA MTHE'U CHUNG GIS GSANG GNAS KYI SKUD PA BSKYOD PA NA, YID
, ,KYIS BSGRUB BYA'I PADMA BSKYID PAR SEMS PA THUN GSUM DU BYA'O, ,YANG DE LAS, 'DIS NI RNAL 'BYOR PA SGRUB PA POS CHAGS PA CAN GYI THAMS CAD KYI THAMS CAD RDZOGS PAR 'GYUR BAR BSTAN PA YIN NO, ,ZHES 'BYUNG STE, DE LTAR BYAS PA DES BSGRUB BYA RANG LA CHAGS PA CAN GYI 'DOD PA THAMS CAD RDZOGS PAR BYAS PAS YUN RING POR RANG GI DBANG DU 'GYUR PA'I DON NO, ,BHA BAS NI MTHE'U CHUNG NI GO CHA'I RNAL 'BYOR MA DRUG GI SNGAGS KYI YI GE'I PHRENG BA SPEL TSIG DANG BCAS PA SHOG BU LA BRIS PA, BSGRUB BYA'I RKANG RJES KYI SA LA SOGS PA LAS BYAS PA'I GZUGS BRNYAN GYI LTO BAR GZHUG GO ,BSKYOD PA NI SNGAGS DE BZLAS PAR BYA BA STE DE YANG GZUGS BRNYAN GYI MDUN DU, THUN GSUM DU DE YID LA GNAS PAR BYAS TE ZLOS PA'O ZHES 'CHAD DO, ,SNGAR BSHAD PA'I GZUGS BRNYAN DE SENG LDENG GI ME'I 'DAG MDU BA MED PA LA, LAS SBYOR LA MKHAS PAS NYI MA BDUN DU THUN RE LA SNGAGS LAN BRGYAR BZLAS TE SPRA TSIL MA ZHU TZAM BYAS TE BSRO BAR BYA'O, ,DE LTAR BYAS PAS BZLAS PA'I MTHAR NI, MI'I BDAG PO DANG MDUN NA 'DON TE BLO PO CHEN PO DANG, BTZUN MO 'KHOR DANG BCAS PA NI NGES PAR 'GUGS PAR BYED PA YIN NO, ,MI'I BDAG PO 'KHOR DANG BCAS PA'I MING SNGAGS DANG SPEL BA'I TSIG GO CHA'I SNGAGS KYIS 'KHOR LO SNGAR BSHAD PA GRO GA'I 'DAB MAR BRI BAR BYA STE, DE YANG YI DVAGS NI RO'O, ,DE'I SEN RTZI NI DE'I SEN MO LA BSKUS PA'I RGYA SKYEGS SO, ,RE TZA NA NI GI HAm STE DE GNYIS KYI SNAG CHAS MNYAM PAR BZHAG PA STE YID MA YONGS PAS BRIS
NAS NI, BSGRUB BYA'I GZUGS BRNYAN GYI LTO BAR GZHUG LA, DE NAS BSGRUB BYA'I MING DANG SNGAGS SPEL NAS GANG GZUGS BRNYAN LA MNGON PAR PHYOGS TE BRGYA ZHAG BDUN DU BZLAS NAS SENG LDENG GI ME DU BA MED PA LA GZUGS BRNYAN DE BDUGS SHING STE BSRE BAR BYA ZHING, YANG DUR KHROD KYI ME STE DUR KHROD KYI SOL BA'AM THAL BA'I ME LA GDUNG BAR BYA STE, DGUG PA'I LAS BSGRUB PA'I PHYIR DU BSHAD DO, ,BSRO BA'I TSAD NI JI SRID DU GZUGS BRNYAN GYI SPRA TSIL MA ZHU BAR BSROS PAR GYUR NA, ZHAG BDUN DU SNGAGS BRGYA RTZA BRGYAD BZLAS PA'I MTHAR NI, RGYAL PO PHAL PA DANG, DER MA ZAD 'KHOR LO SGYUR BA DANG BCAS PAR YANG NGES PAR 'GUGS PAR 'GYUR BA YIN NO, ,GNYIS PA NI, BSGRUB PAR BYA BA'I RKANG RJES KYI SA DANG, TZANDAN DMAR PO NYID DANG NI, DUR KHROD KYI THAL BAR BSREGS PA ZHES BYA STE, MAL GYI 'GYUR LAS, DUR KHROD THAL BAR BSREGS PA RNAMS, ZHES 'BYUNG BA LEGS SO, ,RDZAS DE RNAMS SGRUB PA PO YIS GCIG TU BSDUS LA, GANG 'GUGS PA'I GZUGS BRNYAN BYA'O, ,DE NAS GZUGS DE SENG LDENG GI ME DU BA MED PA LA RAB TU 'BAD PAS BSRO BAR BYA'O, ,DE NAS RDUL TE GZUGS BRNYAN DE LAG PA GNYIS LA SNGAR BSTAN PA'I 'KHOR LO GNYIS BKOD DE, MNYES NAS GZUGS PHYE MAR BKRUMS PA DES SBYIN SREG BYA'O, ,JI SRID DU DGUG PA MA GRUB KYI BAR DE SRID DU SBYIN SREG BYAS PAS 'GRUB PAR 'GYUR RO, ,RDUL DE BLANGS NAS ZHES PA'I RKANG PA GNYIS, GNYIS 'DUS KYI 'GYUR LA MED LA, 'GYUR GZHAN GNYIS LAS KYANG
, ,MED PA NI BSHAD SBYAR DANG MTHUN NO, ,YOD PA LTAR NA RDUL TE GZUGS BRNYAN DE BLANGS NAS MA YENGS PAR DBUGS PHYIR MI 'BYIN PAR NANG DU BSDAMS TE DUR KHROD DU SBAS NA ZHES PA TE SBYIN SREG MI BYED PA'I LUGS SO, ,DE LTAR BYAS NA NI BSGRUB BYA DE BRGYAL ZHING SEMS DANG BRAL BA DANG 'DRA BA DANG, CI YIN MI SHES PAR RNAM PAR RMONGS SHING DER MA SONG NA NYON MONGS PA STE SDUG BSNGAL GYIS GDUNGS PA DANG LDAN PAR MTHONG NAS, RLUNG GI SHUGS LTAR MGYOGS PAR 'ONGS NAS NI, SGRUB PA PO'I STENG NAS 'OG TU LHUNG BAR 'GYUR RO, ,GSUM PA NI, SBYIN SREG BSHAD PA DE NAS LAS KYI PHO NYA MO ZHES PA SKYES PA'I RO SREG SAR BUD MED MCHONGS TE MNYAM DU BSREGS PA'I SAR SONG NAS, BUD MED DE'I MING NAS BOS LA KHYOD KYIS BDAG GI BYA BA 'DI NI RTAG TU GYIS SHIG CES LAN GSUM DU BSGO BA 'DZIN DU GZHUG PAR BYA'O, ,KA RA B'I RA'I LCUG MA NI RLAN DANG BCAS PA GRU MO NAS DPUNG PA RDZOGS PA'I BAR GYI TSAD DANG MNYAM PA'AM LAG PA PHYED DANG GNYIS KYIS TSAD TZAM BLANGS LA, 'BAR BAR 'GYUR BA'I RO BSREGS PA'I ME LA DOR TE, JI SRID DU LCUG MA DE NI MA TSIG PAR MYUR DU SONG STE DE BLANGS LA RIG PA STE DPA' MO'I GO CHA'I SNGAGS LAN BDUN BZLAS NAS NI, GANG ZHIG BZLAS TE ZHES PA NI CHE GE MO 'DIR SHOG LA, KHYE'U 'AM BU MO CHE GE MO 'DIR KHRID LA SHOG CIG CES BZLAS TE, LAG PA GA-YON PAS GA-YON
PHYOGS SU BSKOR NA NI, BSKOR BA DES NI SKOR BA DE'I SKAD CIG LA SKYES PA'AM BUD MED RANG GI GZUGS MDZES PA CAN RLUNG GI SHUGS KYIS 'ONG BAR 'GYUR RO, ,CHE GE MO 'DIR SHOG LA ZHES PA NI SNGAR GYI BUD MED SHI BA DER MNGON PAS SNGA MA DANG 'DI GNYIS SGROL RGYU'O, ,GSUM PA NI, KA RA B'I RA'I ME TOG DMAR PO LA SNGAGS BRGYA RTZA BRGYAD BZLAS TE PU SHYA STE RGYAL GYI SBYOR BA LAS ME TOG BLANGS TE, SGRUB PA POS GI HAm GIS BYUGS LA ME TOG MYOS BYED KYI CHU LA YANG DAG PAR GNAS PA LA BRGYA RTZA BRGYAD BZLAS NAS, RANG CHU BO CHEN POR ZHUGS NAS NI LTE BA MAN CHAD TSUR BCUG STE SNGAGS STONG PHRAG GCIG BZLAS PAR BYA'O, ,DE'I RJES SU SGRUB PA PO RANG LAG PA THAL MO SBYAR BA'I DBUS SU SGRUB GROGS KYIS ME TOG 'DAB MA RGYAS SHING, ZE'U 'BRU SOGS NYAMS PA MED PA GNAS PA STE GZHUG PAR BYA'O, ,PHYIR KLAGS TE ZHES PA LA LEGS BKANG STE ZHES 'BYUNG BAS LAG PA GNYIS SGRUB GROGS KYIS BCUG PA'I ME TOG GIS LEGS PAR BKANG STE CHU DANG BCAS PA SE LA MA REG PAR BTUNG BAR BYA'O, ,'THUNGS PA'I RJES DE NAS SGRUB PA PO DE YIS TSIG TZAM GYIS LAS THAMS CAD 'GRUB PA TSIG GI DNGOS GRUB THOB PAR 'GYUR RO, ,LHA SBAS KYIS, SKYE GNAS DBUS GNAS ME TOG DE, ZHES 'DON PA LVA BA PA YI YANG DGONGS PAR SNANG BAS, DE GNYIS LA LAG PA SBYAR BA'I DBUS GNAS ZHES PA MED DO, ,DE DAG GI LTAR NA NYI ZLA GZAS ZIN PA'I TSE, SKYE GNAS GNYIS TE GSANG GNAS GNYIS KHA SBYAR BA'I DBUS SU ME TOG DMAR PO GZHUG PAR BZHED DE,
, ,NYI ZLA GZA' LAS GROL BA DANG BTON NAS CHU DANG BCAS PA 'THUNG BAR MNGON NO, ,BZHI PA LA GNYIS, DGUG PA DANG DRAG PO'I LAS, DGUG PA'I LAS BYE BRAG TU BSHAD PA'O, ,DANG PO NI, TSIG GI DNGOS GRUB GRUB PA'I DGOS PA NI, RGYAL PO'AM RGYAL PO'I CHUNG MA NI DGUG PA'I YID KYIS MING NAS SMOS TE KHUG CIG CES BRJOD NA NGES PAR 'GUGS PAR 'GYUR RO, ,DE BZHIN DU BRJOD PAS LHAR BCAS PA'I LHA MIN DANG MI RNAMS NI MYUR DU DBANG DU BYED PAR 'GYUR RO, , KHROS PA'I BSAM PAS CHE GE MO SOD CIG CES PA'I TSIG GIS GSOD PAR 'GYUR ZHING, MDZA' BA DBYE BA DANG GNAS NAS BSKRAD PA NYID KYANG BYED DE, MDOR NA SGRUB PA PO YIS TSIG TZAM GYIS TSAR GCOD PA NYID BYED PAR 'GYUR RO, ,'DI DANG 'DI RENGS PAR GYUR CIG CES PA'I TSIG TZAM GYIS NI CHU BO DANG SHING RTA DANG 'KHRUL 'KHOR DANG RGYA MTSO DANG, GLANG PO DANG RTA DANG DE BZHIN DU SPRIN DANG SKYES BU STE SKYES PA DANG, 'AM GYI SGRAS BUD MED DANG YANG NA BYA YANG GNON PA STE RENG PAR BYED DE, MDOR NA YID KYIS BSAMS NAS YID LA LAS GANG BYA BAR 'DOD PA THAMS CAD TSIG TZAM GYIS BYED PAR 'GYUR BA NI, TSIG GI DNGOS GRUB GRUB PA'I MTHU YIN NO, ,GNYIS PA NI, BSGRUB BYA DGUG PA YI NI SBYOR BA DAG KHYAD PAR DU BSHAD PAR BYA STE, DE NA BUD MED THAMS CAD RMONGS PA STE MYOS PAR BYED PA ZHES PA NI MTSON PA TZAM MO, ,DE STON PA NI KA RA B'I RA'I ME TOG DMAR PO KHROS PA'I TSE YANG DAG PAR BLANGS NAS SU, RIG PA STE DPA' BO'I GO CHA'I SNGAGS LAN BRGYA BZLAS PA DAG PHYAG RGYA'I SKYE GNAS KYI DBUS SU
GZHUG PAR BYA STE, DE'I DON ME TOG DE NI PHYI'I LAS RGYA DANG KHA SBYAR BYAS PA'I PHYAG RGYA'I GSANG BA'I GNAS SU NGES PAR SBYAR BA STE DER BCUG PA'O, ,GNYIS SU MED PA'I YE SHES KYI RNAL 'BYOR DANG LDAN PA'I SNGAGS PAS, GO CHA'I SNGAGS MING SPEL DANG BCAS PA BRGYA PHRAG GCIG TU BZLAS NAS, SKYE GNAS KYI DBUS KYI ME TOG DE LAS SGRUB PA PO YIS ME TOG GCIG BLANGS LA, ME TOG DE YIS NI GANG LA BSNUN PA DE NI, BSNUN PA'I MOD LA RANG GI DBANG DU 'GYUR RO, ,DBANG DU 'GYUR TSUL NI, ME TOG BSNUN PA'I MTHUS BSGRUB BYA DE BRGYAL ZHING SEMS DANG BRAL BA STE DRAN PA NYAMS PA DANG, YAN LAG GI TSIGS KUN GYI BYA BA BYED PA LA RANG DBANG MED PAR SGRUB PA PO YI GZHAN DBANG DU 'GYUR BA STE, SNGAR GYI SEMS NI MNGON GYUR DU LDOG PA RU STE LOG NAS, SKAD CIG GIS NI RANG GI DBANG DU BYED PA 'DI NI SNGAGS KYI SBYOR BA LA YID CHES PA LAS DNGOS GRUB 'GRUB PA STE, DBANG DU BYED PA'I LAS DON YOD PA STE LAS BRTZAMS PA'I 'BRAS BU YOD PAR BYED PA YIN NO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, LE'U 'DI YI MTSAN LA, MAR DO RKYANG PA DANG GNYIS 'DUS KYI 'GYUR LAS, RNAL 'BYOR MA DRUG DANG TSIG GI DNGOS GRUB LUNG BSTAN PA ZHES 'BYUNG LA, LO CHEN GYIS RNAL 'BYOR MA DRUG GI DNGOS GRUB LUNG BSTAN PA ZHES BSGYUR MOD KYANG, MAL GYIS RNAL 'BYOR MA DRUG GI TSIG GI DNGOS GRUB DANG, DGUG PA'I CHO GA ZHES BSGYUR BA DPA' BO RDO RJE'I 'GREL
, ,PA DANG MTHUN ZHING, DON YANG LEGS PAS GO CHA'I RNAL 'BYOR MA DRUG GI SNGAGS KYIS TSIG GI DNGOS GRUB SGRUB PA DANG, DE GRUB PA LAS DGUG PA SOGS KYI LAS SGRUB PA'I CHO GA'I LE'U STE BZHI BCU RTZA LNGA PA'O,, ,, 'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA LNGA PA'I BSHAD PA'O,, ` ,,GNYIS PA HA LNGA LA BRTEN NAS LAS BSGRUB PA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, LE'U ZHE LNGA PA BSHAD PA DE NAS YI GE HA LNGA LA BRTEN NAS NI, BSAD LAS SOGS LAS RNAMS THAMS CAD RAB TU SGRUB PAR BYED PA BSHAD PAR BYA'O, ,DGOS PA NI, SGRUB PA PO GANG GIS SHES NAS NYAMS SU BLANGS PA TZAM GYIS NI, MYUR DU DNGOS GRUB RAB TU 'JUG PA STE 'THOB PA DE'I PHYIR DU BSHAD DO, ,GNYIS PA LA GSUM, BSAD PA'I LAS, GZUGS BSGYUR BA'I LAS, MNGAL 'PHO BA'I LAS SO, ,DANG PO NI, HA LNGA NI MAR DO RKYANG PA'I 'GYUR LA, HEE HO H'O HAm HA ZHES 'BYUNG LA, GNYIS 'DUS KYI 'GYUR LA, HAm HOO HI HEE HA ZHES 'BYUNG ZHING, 'GYUR GZHAN RNAMS LA YANG MI 'DRA BA MANG DU SNANG NA'ANG, BHA BAS SNGAR DPA' BO'I GO CHA DRUG LA AA AI AU GSUM DANG AE DANG AO STE LNGA, HA LA ZHUGS PA'I LHAG MA'I DBYANGS LNGA HA LA ZHUGS PA'I H'A H'I H'U HEE HOO LNGA LA BZHED PA LTAR BYA'O, ,DE 'DRA BA'I YI GE HA LNGA LAG PAR 'KHOR LO RTZIBS LNGA PA DNGOS SU BRA BA'AM BSAMS LA,
YI GE LNGA BSAMS PA'AM BRIS PA YIS, SNGAGS BSKUL TSIG DANG LDAN PAS MDA' DANG LDAN PA'I LAG PAS MNYES NAS NI, SBYIN SREG BYAS TE RTZA LNGA KHAB KYI RNAM PA CAN GYI KHAS PHUG NAS, KHRAG 'GUGS BZHIN PA THOD PAR 'BAB PAR BSAMS NA, BSGRUB BYA KHA NAS KYANG NI KHRAG 'DZAG CING DGRA BO DE YI MOD LA 'CHI'O, ,'KHOR LO RTZIBS LNGA PA BYED NA LTE BA LA DBYANGS RING PO LNGA'I THA MA HA: CHEG DRAG CAN BRI'O, ,RANG GI KHRAG DANG SRIN LAG GI STE BUD MED BU MED PA'I KHRAG DANG LHAN CIG BSRES TE, THOD PAR GNAS PA STE BZHAG LA, BSGRUB BYA'I MING SPEL TSIG DANG LDAN PAR BZLAS SHING, LAG PAS KHRAG JI SRID SKAMS SKAMS KYI BAR DU DE MNYES NA, DES NI BSGRUB BYA RNAM PAR 'JIG PA STE 'CHI'O, ,GAL TE RDZAS GNYIS PO DE MED PA'I TSE KHRO BA 'BAR BA DANG BCAS PAS MIG DMAR PO YIS, HA LNGA MING SPEL DANG BCAS PA BZLAS NA NI DPUNG TSOGS BZHON PAR BYAS PA YI RGYAL PO DANG, DES MTSON NAS BSGRUB BYA GANG YIN MYUR DU 'CHI BAR BYED DO, ,BYI LA DANG NI NE'U LE DANG KHVA DANG WA DANG CHU SKYAR LNGA'I SHA, ZLA BA GNAS PA'I HA LNGA LAS BSKYED LA, DE DAG GIS MKHA' 'GRO MA STOBS CAN LA SBYAR BA STE GTOR MA SNGON DU 'GRO BAS SBYIN SREG BYAS NA, SHA 'DI DAG GIS BSAD PA SOGS MYUR DU 'GRUB PA YIN PAR RGYUD 'DI LA NI THE TSOM MED DO, ,GNYIS PA NI, RI BONG DANG LA SOGS PAS CE SBYANG LA SOGS PA'I SPU LAS NI SRAD BU BYAS TE HA LNGA LAN STONG DU BZLAS NAS, BSGRUB BYA GANG GI MGUL DU BCINGS PAR GYUR PA DE NI, RI BONG LA SOGS PA DE DANG
, ,'DRA BA'I GZUGS SU 'GYUR RO, ,GSUM PA NI, RANG GI LAG PAR HA LNGA'I BZLAS BRJOD STONG BYAS TE KA RA B'I RA'I ME TOG DANG BCAS PAS SBRUM MA LA NI REG PAR GYUR NA MNGAL NI RNAM PAR 'GYUR RO, ,YI GE RE RE MNGON BZLAS NI HA LNGA'I YI GE RE RE'I GRANGS KYI 'BUM PHRAG BZLAS LA, DE NAS LAS LA SBYAR BA'I DON NO, ,LAG PAS LUS LA REG PA BTANG NA MNGAL 'PHO BA LAS THAR BAR 'GYUR BA YIN NO, ,KHROS PAS BSGRUB BYA GANG LA SDIGS MDZUB BYAS TE DRAG SNGAGS BZLAS PA'I BSGRUB BYA DE 'CHI LA, SLAR YANG ZHI BAS SNGAGS BZLAS TE SDIGS MDZUB BKROL NA 'TSO BAR BYED PA YIN NO, ,GSUM PA NI, DPAL HE RU KA MNGON PAR BRJOD PAR BSDUS PA'I RGYUD LAS YI GE HA LNGA LA BRTEN NAS LAS SGRUB PA'I CHO GA'I LE'U STE BZHI BCU RTZA DRUG PA'O,, ,,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI BCU RTZA DRUG PA'I BSHAD PA'O,, ` ,,GSUM PA SANGS RGYAS MKHA' 'GRO MA'I SNGAGS KYIS BSGRUB PA DANG LHA SGOM PA RTAG TU BYA BA LA GNYIS, SANGS RGYAS MKHA' 'GRO MA'I SNGAGS KYIS LAS BSGRUB PA DANG, DPA' BO DANG RNAL 'BYOR MA RNAMS RTAG TU BSGOM PAR BYA BA'O, ,DANG PO LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, ZHE DRUG PAS HA LNGA'I LAS BSGRUB PA BSTAN PA DE NAS DE LAS GZHAN YANG YANG DAG PAR BSHAD PAR BYA'O, ,DE GANG SNYAM
NA, MKHA' 'GRO MA KUN 'DUS PA RDO RJE PHAG MO'I NYE BA'I BRGYAD BRGYA BZLAS PAR 'CHAD CING, GCOD PA ZHES PA SKROD PAR LAS BSGRUB PA'O, ,KHA CIG BEE RO TZA NA'I SNGAGS LA 'CHAD MOD KYANG, 'GREL PA GZHAN GYIS SANGS RGYAS MKHA' 'GRO MA'I SNGAGS LA BSHAD PA LE'U 'DI'I MTSAN DANG MTHUN NO, ,DGOS PA NI, NYE BA'I SNYING PO'I SNGAGS 'DI NI BZLAS BRJOD BYAS PA TZAM GYIS KYANG DBANG LA SOGS PA'I DNGOS GRUB THAMS CAD SKYED PAR BYED PA YIN PA DE'I PHYIR DU BSHAD DO, ,GNYIS PA LA GNYIS, DBANG DANG DRAG PO'I LAS KYIS BSGRUB PA DANG, GZHAN DU BSGYUR BA'I LAS KYIS BSGRUB PA'O, ,DANG PO NI, BSNYEN PA SNGON DU SONG BA DE NAS MKHA' 'GRO MA'I RIG PA CHEN MO STE, SANGS RGYAS MKHA' 'GRO MA'I SNGAGS SPEL TSIG DANG BCAS PA BZLAS NA, RGYAL RIGS LA SOGS PA'I RIGS THAMS CAD DBANG DU BYED PAR 'GYUR RO, ,SNGAGS DE RTAG TU BZLAS BRJOD BYAS NA TSE RING BA SOGS KYI DPAL CHEN PO STE PHUN TSOGS THAMS CAD SKYED PAR 'GYUR RO, ,MI RUS LAS BYAS PA'I PHUR BU SOR DRUG PA BYAS LA, YUM GYI SNGAGS BRGYA RTZA BRGYAD MNGON PAR BZLAS NAS, BSGRUB BYA GANG GI SGOR SBAS PA DE'I RIGS BRGYUD RNAMS RABS GCOD PAR 'GYUR RO, ,BHA BAS SNGAGS BRGYAD BRGYA BZLAS PAR 'CHAD CING, GCOD PA ZHES PA SKROD PAR 'DON NO, ,ZHING DANG BA LANG GI RA BA DANG MA HE DANG GLANG PO CHE DANG, RTA'I GNAS SU SA BRKOS TE, SNGAR BSHAD PA'I PHUR BU LA SNGAGS BZLAS NAS SBAS NA, ZHING LA
, ,SOGS PA THAMS CAD BRLAG PAR 'GYUR RO, ,DE NAS RGYAL PO'AM RGYAL PO'I BLON PO DBANG DU BYA BAR 'DOD NA, LAS SBYOR LA MKHAS PAS SA LAS TE RDZA MKHAN GYI LAG PA LA 'BYAR BA'I 'JIM PA LA BYAS PA'I BSGRUB BYA'I GZUGS BRNYAN SOR BRGYAD PA BYAS LA, DE'I SNYING KHAR GRO GA SOGS LA SNGAGS BSGRUB BYA'I MING SPEL DANG BCAS PA BRIS PA BZHAG LA, DE RGYAL PO'AM BLON PO'I SGOR BZHAG PA STE SA BRKOS TE SBAS NAS, NYIN ZHAG DANG PO LA MA DU LUNG KA'I ME TOG DANG 'BRAS BU RNAMS DANG, KU SU MA'I ME TOG BSRES PA'I SBYIN SREG STONG PHRAG GSUM DANG, PHYI NAS DE RNAMS KYI SBYIN SREG STONG PHRAG BRGYAD BYAS NA, RGYAL PO LA SOGS PA DE DBANG DU 'GYUR RO, ,SANGS RGYAS MKHA' 'GRO MA'I SNGAGS 'DI GNYIS LHA SGOM TSUL DANG, SNGAGS KYI KHA DOG SOGS SO SOR BYAS PA NYID KYIS DGUG PA DANG, GNOD PA STE RENGS PA DANG RMONGS PA DANG, SKEMS PA DANG RMUGS PA DANG, TSIG 'PHROG PA STE LKUGS PAR BYED PA DANG, MIG LONG BAR BYED PA DANG, LCE DIG PA NYID DU BYED LA, SLAR GSO BAR 'DOD NA DE RNAMS ZHI BA'I BSAM PAS SNGAGS BZLAS NA, GTONG BAR BYED PA STE SNGAGS KYI LAS SBYOR GYI NUS PA LDOG PAR BYED DO, , GNYIS PA LA DRUG ,MTSAN GZHAN DU BSGYUR BA, 'GRO BA GZHAN DU BSGYUR BA, RDZAS GZHAN DU BSGYUR BA, BSAM PA GZHAN DU BSGYUR BA, GZUGS GZHAN DU BSGYUR BA, BDAG PO GZHAN DU BSGYUR BA'O, ,DANG PO NI, DE NAS SKYES PA BUD MED
DU BYA BAR 'DOD NA, SKYES PA'I RO LA BTAGS PA'I ME TOG DANG, LCAGS KYI SO TOG DANG, KA KAndA K'I YI 'BRAS BU NI NAG PO CHEN PO'I 'BRAS BU LA 'CHAD PA NI, LCUG MA NAG PO ZHES PA'I 'BRAS BU LA BSHAD DO, ,KHVA'I SEN MO NI BYA KHVA TA'I SEN MO LA BSHAD, LTOGS PA'I SEN MO ZHES KYANG 'BYUNG LA, DON NI BYA ROG GI SEN MO LA 'CHAD PA DANG, LTAGS NAS SHI BA'I SEN MO LA YANG 'CHAD DE, DE DANG RKANG BA'I 'OG STE MTHIL GYI PAGS PA RNAMS CHA MNYAM PAR BYAS LA, SNGAR BSHAD PA'I BUD MED KYI THOD PAR BSKYED PA'I SA BON BLANGS LA RI BONG GI KHRAG DANG LHAN CIG TU BTAGS TE, RI LU BCU GCIG BYAS LA GRIB MA LA BSKAM MO, ,DE BZHIN DU NYIN ZHAG BZANG PO STE TSES GRANGS DANG, GZA' SKAR BZANG PO LA LAG PAR BLANGS NAS KHU TSUR BCINGS TE, NYI MA RE RE ZHING THUN RE RE LA STONG PHRAG BRGYAD BRGYAD BZLAS PA'I NYI MA BCU GNYIS PA LA, SKYES PA GANG GI SPYI BOR RIL BU'I PHYE MA BZHAG PA DE BUD MED DU 'GYUR RO, ,SGRA BZHAR NA NI SNGAR BZHIN DU 'GYUR RO, ,GNYIS PA NI, DE NAS SKYES PA KHYIR BYA BAR 'DOD NA, RGYAL GYI LCAGS TE GSER KHA NA MA THO BA MED PAR RNYED PA'I NE'U LE STE SE MO'I MGO BOR TE THOD PA'I NANG DU, GUR GUM DANG LHAN CIG PHYE MAR BYAS PA BZHAG LA, MTSAN MO STE ZHAG BDUN GYI BAR DU SNGAGS STONG PHRAG BRGYAD BZLAS PAR BYA'O, ,NYIN ZHAG BRGYAD PA LA GUR KUM DANG MNYAM POR BYAS TE, SNGAGS SPEL TSIG DANG BCAS PA LAN BRGYA RTZA BRGYAD MNGON PAR BZLAS NAS, LAS THAMS CAD PA'I THAB TU PHYE MA'I SBYIN SREG BYAS LA, DE'I THAL BA GANG GI SPYI BOR BZHAG PA DE KHYI'I GZUGS SU 'GYUR RO, ,
, ,SLAR GSO BA NI MTSAN MO'I DUS SU MKHA' 'GRO MA RNAMS LA MCHOD PA CHEN PO BYAS TE GTOR MA BYIN NAS GSOL BA BTAB NA, DE'I 'OG TU SNGAR BZHIN DU RNAL MAR 'GYUR RO, ,GSUM PA NI, GSER DNGUL SOGS KYI RIN PO CHE'I RDZAS RIN PO CHE'I RDZAS MA YIN PAR BYA BAR 'DOD NA, GSER SHING STE DHA DU RA'I 'BRAS BU SBYIN SREG BRGYA RTZA BRGYAD SPEL TSIG DANG BCAS PA BYAS NA RDZAS RDZAS MA YIN PAR 'GYUR RO, ,AA RU RA BRGYAD BRGYA'I SBYIN SREG BRGYAD BRGYA BYAS NA RNAL MAR 'GYUR RO, ,BZHI PA NI, CI STE SMYO BAR BYA BAR 'DOD NA, BYA CHEN PO NI SRIN BYA 'AM 'UG PA'O, ,DE'I GNAS TE TSANG GI SHING GIS NYI MA BDUN GYI BAR DU SNGAGS STONG PHRAG BRGYAD BZLAS PA SNGON DU SONG BAS SBYIN SREG BYAS NA NYI MA BDUN PA LA SMYO BAR 'GYUR RO, ,SLAR BZLOG PA STE GSO BA NI 'BRAS KYI PHUB MA'I ME LA SBYIN SREG STONG PHRAG BRGYAD BYAS NA ZHI BAR 'GYUR RO, ,LNGA PA NI, BYI LA'I SPU ZLA BA GZAS ZIN PA'I TSE BSDUS LA BLANGS TE, BSGRUB BYA GANG GI MING NAS BRJOD NAS SPEL TSIG DANG BCAS PA'I SNGAGS KYIS SBYIN SREG STONG PHRAG BRGYAD BYAS NAS, THAL BA DE GANG GI SPYI BOR BZHAG PA DE BYI LAR 'GYUR RO, ,ZHI BA'I BSAM PAS SLAR STONG PHRAG BRGYAD BZLAS NA RNAL MAR 'GYUR RO, ,BYA ROG GI RGYUS PA STE CHU RGYUS LA SRAD BU BYAS PA GZUNG LA BSGRUB BYA'I MING SPEL DANG BCAS PAS SNGAGS LAN BRGYAD BRGYAR MNGON PAR BZLAS TE GANG GI MGUL DU BCINGS PA DE BYA ROG TU 'GYUR RO, ,DES MTSON NAS SEMS CAN GANG DANG GANG GIS
RGYUS PA SRAD BUR BYAS PA LA MING SPEL DANG BCAS PA'I SNGAGS BRGYAD BRGYA MNGON PAR BZLAS TE MGUL DU BCINGS PA DE SEMS CAN DE DANG DE 'DRA BAR 'GYUR RO, ,DE BZHIN DU KHVA DANG THI BA DANG RMA BYA DANG CHU SKYAR DANG 'UG PA DANG KHRA DANG BYA RGOD KYI GZUGS 'DZIN PAR 'GYUR RO, ,BA LANG GI SPU LAS SRAD BA BYAS LA BSGRUB BYA'I MING SPEL DANG BCAS PA'I SNGAGS BRGYA RTZA BRGYAD BZLAS BRJOD BYAS TE, MGUL DU BCINGS NA DE BA LANG DU 'GYUR RO, ,RKANG BZHI PA DANG SOGS KYIS RKANG MANGS DANG RKANG MED LA SOGS PA'I SROG CHAGS GANG DANG GANG GI SPU LAS SRAD BU BYAS LA, MING SPEL DANG BCAS PA SNGAR BZHIN BZLAS TE MGUL DU BTAGS NA SROG CHAGS DE DANG DE'I GZUGS 'DZIN PAR 'GYUR RO, ,SKUD PA DE RNAMS MGUL NAS BKROL NA THAR BAR 'GYUR RO, ,DRUG PA NI, SO BA LA NYI MA BDUN GYI BAR DU THUN RE RE LA SNGAGS STONG PHRAG BRGYAD BZLAS NAS NOR GYI BDAG PO CHEN PO'I KHYIM DU BCUG LA, LHAG MA STE BCUG PA'I RJES SU SNGAGS KYIS MNGON PAR BSNGAGS PA'I CHUS BDAG NYID LA DBANG BSKUR ZHING ZHAG BDUN DU BZLAS NA MTSAN MO BDUN GYIS SO BA THAMS CAD 'GUGS PAR 'GYUR RO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, SANGS RGYAS THAMS CAD KYI MKHA' 'GRO MA NI SARBA BUDDHA d'A KI NI STE DE'I SNGAGS KYI SGO NAS LAS SGRUB PA'I CHO GA'I LE'U STE, BZHI BCU RTZA BDUN PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U BZHI
, ,BCU RTZA BDUN PA'I BSHAD PA'O,, ` ,,GNYIS PA DPA' BO DANG RNAL 'BYOR MA RNAMS RTAG TU BSGOM PAR BYA BA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, ZHE BDUN PA BSHAD PA DE NAS SNGA MA LAS GZHAN YANG BSHAD PAR BYA'O, ,DE GANG ZHE NA, RDO RJE PHAG MO LA SOGS PA'I MKHA' 'GRO MA KUN GYI SNYING PO'I SNGAGS SGRUB PA PO GANG DGE BAR BYED PA, RNAL 'BYOR MA KUN GYIS SGRUB PA PO'I 'DOD PA'I DON THAMS CAD SGRUB PAR BYED PA'O, ,DE BZHIN DU SNGAGS DANG LHA GANG ZHIG BSNYEN PA'I RJES SU YID LA DRAN NAS BZLAS PA TZAM GYIS, SA 'OG SA STENG SA BLA'I 'JIG RTEN GSUM PO GA-YO BAR BYED CING, SBYIN SREG SOGS LA MI LTOS PAR RJES SU DRAN PA TZAM GYIS RNAL 'BYOR MA RNAMS KYI BSNYEN PA LA 'JUG PA'I RIM PAS, GNAS DANG NYE BA'I GNAS LA SOGS PA RNAMS SU 'PHYAN NA, DE'I MKHA' 'GRO MA RNAMS KYIS BYIN GYIS RLOB CING, YANG DAG PA'I DNGOS GRUB BDE MCHOG GI GO 'PHANG RIM GYIS 'THOB PA DE BSHAD PAR BYA'O ZHES PA'O, ,GNYIS PA LA GSUM, LAS SGRUB PA'I SNGAGS PHAN YON DANG BCAS PA, GSANG BA'I DKYIL 'KHOR BSGOM PA, DON BSDU BA'O, ,DANG PO NI, SNGAGS STON PA NA H'A SV'A ZHES SOGS LUGS BZLOG TU GSUNGS PA NI, RGYUD LA RANG DGAR 'JUG PA DGAG PA'I PHYIR YIN LA, GO RIM LUGS MTHUN DU BSHAD NA, AOm SARBA BUDDHA d'A KI N'I YE, BADZRA WARnA NI YE H'Um H'Um PHAt SV'AH'A, ZHES PA'O, ,DE LA
AOm NI PHYAG 'TSAL BA'O, ,GANG GI CHED DU NA, SARBA BUDDHA d'A KI N'I YE NI SANGS RGYAS MKHA' 'GRO MA THAMS CAD DANG, BADZRA WARnA NI YE NI RDO RJE RAB BSNGAGS MA STE DE'I CHED DU'O, ,H'Um GNYIS NI SKABS KYI DON GANG YIN PA LA DMIGS PA, PHAt NI DE GSAL BAR BYED PA, SV'A H'A NI DBUGS 'BYIN PA'O, ,SNGAGS 'DI BKLAGS PAS 'GRUB PA ZHES PA NI, SNGON BSOD NAMS BSAGS PA DAG GIS NI, SNGON DU BSNYEN PA SOGS LA MI BLTOS PAR LAS RNAMS KUN BYED CING, DGE BAR BYED PA YIN NO, , DE DAG LAS GZHAN GYIS NI SNGON GYI BSNYEN PA SOGS LA BLTOS PA KHO NA'O, ,SNGAGS DE GANG GI YIN ZHE NA, MKHA' 'GRO MA NI MDOR BSTAN PA'O, ,RNAL 'BYOR MA NI DE 'CHAD PA'O, ,DE YANG GANG ZHE NA, DUM SKYES MA DANG L'A MA DANG, SOGS KYIS NI GZHAL YAS KHANG NA BZHUGS PA THAMS CAD GZUNG NGO, ,DE LTA BU'I MKHA' 'GRO MA THAMS CAD KYI SNGAGS NI SANGS RGYAS MKHA' 'GRO MA'I SNGAGS 'DI NYID YIN PAR GRAGS SO, ,SNGAGS DE'I CHE BA NI SA 'OG DANG YANG NA MTHO RIS TE SA BLA LHA'I YUL DANG, DE BZHIN SA STENG MI'I YUL DAG TU YANG STE 'JIG RTEN GSUM NA YOD PA YI ZHI SOGS KYI LAS NI GANG DAG YOD PA RNAMS, SANGS RGYAS MKHA' 'GRO MA'I SNGAGS KYIS DE DAG THAMS CAD 'GRUB CING, DNGOS GRUB KUN 'GRUB PAR BYED PAS DGE BAR BYED PA YIN NO, ,DNGOS GRUB THAMS CAD RAB TU STZOL BA'I SNGAGS 'DI LAS CHES SHIN TU MCHOG TU GYUR BA'I SNGAGS GZHAN MED DE, RGYU MTSAN GANG GI PHYIR NA SNGAGS 'DI NI BLA NA MED PA'I DNGOS GRUB KYI THABS BZANG POR NI
, ,BSTAN PA YIN PA'I PHYIR RO, ,GNYIS PA LA GNYIS RTEN BSGOM PA DANG, BRTEN PA LHA BSGOM PA'O, ,DANG PO NI, MKHA' 'GRO MA NI KUN GYI BZHUGS PA'I GNAS NI 'DIR MDOR BSDUS NAS BSHAD PAR BYA YI, RGYAS PAR BSHAD PA NI MA YIN NO, ,DE YANG GANG ZHE NA, RIN PO CHE SNA BDUN GYI RANG BZHIN GYI RI BO BZANG PO STE RI RAB RTZE MO BRGYAD PA ME TOG DANG, 'BRAS BU LA SOGS PA SNA TSOGS KYIS BRGYAN PA YID KYIS BRI BAR BYA'O, ,'DI GNAS BSDUS TE STON PA YIN PAS, DES MTSON NAS 'BYUNG BA RIM RTZE GA DANG GZHAL YAS KHANG GI BAR DU BSGOM PAR BYA'O, ,GNYIS PA NI, RI RAB DE'I STENG DU GZHAL YAS KHANG BSGOMS PA'I NANG GI DBUS KYI PADMA 'DAB BRGYAD KYI PHYOGS KYI 'DABS MA LA, RTAG TU BSGOM PAR BYA BA NI, SHAR DU MKHA' 'GRO MA DANG, DE BZHIN DU BYANG DU LNGA MA DANG, NUB TU DUM SKYES MA DANG, LHOR GZUGS CAN MA DANG, RNAL 'BYOR MA SO GNYIS DANG, 'KHOR GYI DPA' BO NYID DE HE RU KA SHES RAB MA DANG BCAS PA DANG, HA HA HE HE ZHES PA'I BZHAD MO MDZAD PA DANG, DPA' BO NYI SHU RTZA BZHI'I MKHA' 'GRO'I DRI BA'I STE TSOGS KYIS, BCOM LDAN 'DAS BDE MCHOG GI LHA TSOGS RTAG TU BSGOM PAR BYA'O, ,LE'U BZHI PAR RNAL 'BYOR MA NYER BZHI GO RIM BZLOG NAS BSTAN PA BZHIN DU, DPA' BO NYER BZHI YANG GO RIM BZLOG NAS STON PA NI, DPA' BO RDO RJE SEMS DPA' DANG, RNAM PAR SNANG BYED DE SNANG MDZAD DANG PADMA GAR GYI DBANG PHYUG DANG DPAL KHRAG 'THUNG STE SHR'I
HE RU KA DANG, NAM MKHA'I SNYING PO DANG RTA MGRIN DANG, RIN CHEN RDO RJE DANG STOBS PO CHE BRGYAD NI SKU 'KHOR LA GNAS PA'I DPA' BO BRGYAD DO, ,MIG MI BZANG DANG 'JIGS BYED CHEN PO DANG, RDO RJE BZANG PO DANG, RAB TU BZANG PO DANG, RDO RJE H'Um MDZAD DANG, DPA' BO CHEN PO DANG, RDO RJE RAL PA CAN DANG MYU GU CAN TE DE BRGYAD NI GSUNG 'KHOR LA GNAS PA'I DPA' BO BRGYAD DO, ,RDO RJE'I LUS TE SKU DANG, RDO RJE'I 'OD DANG, 'OD DPAG MED DANG LHA YI DGRA DANG, DE BZHIN DU MCHE BA RNAM PAR GTZIGS PA DANG, KENG RUS DANG, KENG RUS CHEN PO DANG, THOD PA'I DU MA BU'O, ,'DIR SOGS KYI SKAD DOD NI BHA BA'I 'GREL PA LAS DANG POR MDZAD PA LTAR BYA'I SOGS SU MI BYA'O, ,DE BRGYAD NI THUGS 'KHOR LA GNAS PA'I DPA' BO BRGYAD DO, ,'DI RNAMS KYI SKU MDOG DANG PHYAG MTSAN SOGS NI, BSHAD RGYUD LAS MI 'DRA BA DU MAR GSUNGS PA SLOB DPON SO SO'I BZHED PA LTAR, GANG SKABS SU BAB PA NYAMS SU BLANG BAR BYA'O, ,DE LTAR DPA' BO NYI SHU RTZA BZHI YIS 'GRO BA 'DI DAG THAMS CAD KYI SPYI BO DANG, SPYI GTZUG SOGS NANG GI GNAS NYER BZHIR KHYAB PA STE GNAS PAR BSGOM STE RAB GTUM MA SOGS DANG BCAS PA'O, ,DA LTAR DPA' BO NYER BZHI PO RNAMS DANG, MKHA' 'GRO MA NYID DE RNAL 'BYOR MA NI RAB GTUM LA SOGS PA NYER BZHI NI, ZHI SOGS KYI BYA BA STA LAS KUN SGRUB PA LA SGRUB PA POS SKU GSUNG THUGS KYI 'KHOR LO GSUM GYI RTZIBS LA BZHUGS PA BLTA BAR TE BSGOM PAR BYA'O, ,ZHES PA NI MTSON PA STE, LHA LHAG MA RNAMS KYI 'GA' ZHIG KYANG KHA BSKANGS
, ,TE LHA RE GNYIS BSGOM PAR BYA'O, ,DNGOS GRUB SGRUB PAR 'DOD PAS SHIN TU MNYAM PAR BZHAG PA STE BYA BA GZHAN GYIS MA GA-YENGS PAS, RTEN DANG BSTEN PA'I LHA'I 'KHOR LO'I BDAG NYID 'DI NI RTAG TU BSGOM PAR BYA ZHING, SNGAR LE'U GNYIS PA DANG GSUM PAR BSHAD PA'I CHO GA YIS MKHA' 'GRO'I DRA BA STE TSOGS KYIS BSKOR BA'I 'KHOR LO BDE MCHOG BRJOD PA STE MCHOD PAR BYA'O, ,GSUM PA NI, DKYIL 'KHOR GYI 'KHOR LO CHEN PO'I RNAL 'BYOR MA RNAMS BSGOM ZHING, SNGAR BSHAD PA DE BZHIN DU MCHOD PA 'DI NI DNGOS GRUB KUN GYI GZHI YIN PAR, RNAM SNANG LA SOGS PA'I SANGS RGYAS BYE BA DANG, HE RU KA LA SOGS PA'I DPA' BO BYE BAS LEGS PAR GSUNGS PA'I LAM DE LA SHIN TU BRTZON PAR BYA'O, ,DPA' BO'I CHE BA STON PA NI, DPA' BO RE RE LA RNAL 'BYOR MA RE RE DE 'DRA BA'I MKHA' 'GRO MA NI RE RE YANG, BYE BA GRANGS MED PA YI 'KHOR GYIS BSKOR RO, ,RNAL 'BYOR MA NI MKHA' 'GRO MA'I DNGOS PO NI MKHA' 'GRO MA NYID DANG, GZUGS CAN MA DANG, DUM SKYES MA DANG L'A MA DANG, LA SOGS PAS SGO MTSAMS MA BRGYAD DANG, GTZO MO RNAMS KYI 'KHOR GYI GRANGS KYANG SNGAR BSHAD PA DE BZHIN NO, ,DE RNAMS THAMS CAD KYANG DNGOS GRUB KUN TE THAMS CAD STZOL BAR BYED CING SGRUB PA PO DGE BAR BYED PA YIN NO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, DPA' BO DANG RNAL 'BYOR MA THAMS CAD KYI GNAS TE RI RAB SOGS DANG, DER SGOM PA'I GSANG BA STE LHA'I DKYIL
'KHOR SGOM PA'I CHO GA'I LE'U STE, BZHI BCU RTZA BRGYAD PA'O, ,'KHOR LO SDAM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BZHI BCU RTZA BRGYAD PA'I BSHAD PA'O,, ` ,,BZHI PA SKYE BDUN BRTAG PA RGYAS PAR BSTAN PA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI MTSAN BSTAN PA'O, ,DANG PO NI, ZHE BRGYAD PA BSHAD PA DE NAS DER BSHAD PA LAS GZHAN YANG BSHAD PAR BYA'O, ,DE GANG ZHE NA, SNGAR BCU BZHI PAR BSHAD PA JI LTA BA DE BZHIN GYI CHO GA STE BONG BU'I RNAL 'BYOR SNGON DU 'GRO BAS PHYUGS TE SKYE BDUN BSGRUB PAR BYA'O, ,DGOS PA NI SGRUB PA PO GANG GIS RDZAS KHYAD PAR CAN DU BYIN GYIS BRLABS PA SHES PA TZAM GYIS 'OG NAS 'CHAD PA'I DNGOS GRUB RNAMS MYUR DU 'GRUB PAR 'GYUR BA DE'I PHYIR DU BSHAD DO, ,GNYIS PA LA GSUM, 'BRAS PHYE LAS PHYUGS KYI GZUGS BRNYAN BYA BA, PHYUGS MCHOG GI MTSAN NYID DANG DE LA BRTEN PA'I LAS, LAS SBYOR DE MCHOG TU BSTAN PA'O, ,DANG PO NI, SNGAGS PAS DGUN GYI DUS SU SKYES PA'I 'BRU'I BYE BRAG 'BRAS SA LU'I PHYE MA DANG, 'BRAS PHYE'I 'KHUR BA LA MI LA SOGS PA'I PHYUGS KYI GZUGS BRNYAN BYA'O, ,RIM BZHIN NI MI LA SOGS PA'I GZUGS RIM PA BZHIN BYA BA'O, ,PHYUGS DU ZHE NA, MI DANG RUS SPAL DANG RNGA MO DAD BONG BU DANG, SPYANG KI DANG RTA DANG LA SOGS PAS KHVA DANG 'UG PA DANG BYA RGOD LA SOGS PA GZUNG NGO, ,DE LTAR SNA TSOGS PHAG NI KHA DOG SNA TSOGS PA'I RI DVAGS KYI KHYAD PAR LA
, ,BSHAD PA STE, 'BRAS PHYE LA PHYUGS GZUGS BYA ZHES PA'I PHYUGS NI, PHYUGS 'DI DAG TU SHES PAR BYA'O, ,'DI NI SNGAR DKYIL 'KHOR GYI DBUS SU BONG BU'I GZUGS BRNYAN, 'BRAS PHYE'AM 'BRAS KYI 'KHUR BA LAS BYAS PA BZHAG CES PA'I KHA SKONG NGO, ,GNYIS PA LA GSUM, DON GNYIS BSHAD PAR DAM BCA' BA, PHYUGS MCHOG GI MTSAN NYID BSTAN PA, DE LA BRTEN PA'I LAS SBYOR BSTAN PA'O, ,DANG PO NI, SKYE BDUN GYI MTSAN NYID JI LTAR DU GYUR PA DANG, SKYE BDUN 'DI RNAMS KYI LAS NI BSHAD PAR BYA'O, ,GNYIS PA NI, DANG POR MI'I SKYE BA GCIG DANG, DE NAS SKYE BA GNYIS PA DANG, DE NAS SKYE BA GSUM PA DANG, BZHI PA DANG LNGA PA NYID DANG, SKYE BA DRUG PA DANG, BDUN PAR BAR MA CHAD DU GYUR PA'I MI NI PHYUGS RNAMS KYI MCHOG TU NI GDON MI ZA'O, ,'DI LA PHYUGS ZER BA'I RGYU MTSAN NI SNGAR BSHAD ZIN TO, ,MAL GYI 'GYUR LA'AM GNYIS DANG DAM MED PA LEGS SO, ,MI GANG GI KHA'I DRI AUTPALA'I DRI LTAR ZHIM ZHING, MIG MI 'DZUMS PAR RNAM PAR BLTA BA DANG, TSIG BDEN PAR SMRA ZHING GZHAN GYIS MTHONG NA DGA' BA DANG, RTAG TU DAM PA'I CHOS SPYOD PA LA DGA' BAR 'GYUR ZHING, RANG GI SKYE BA SHES PA DANG LUS KYI DRI NI RTAG TU ZHIM PO BRO BA'I MTSAN NYID 'DI DAG DANG LDAN PA NI, MI YI SKYE BA BDUN DU BAR MA CHAD PAR 'BYUNG BA YIN NO, ,MTSAN NYID RGYAS PA NI BSHAD RGYUD LAS, SKAL BZANG YID 'ONG BDE BAR 'GRO, SKRA YI MYU GU DE BZHIN RING, MIG NI DKYUS RING MIG KYANG DMAR, ,PADMA'I 'DAB MA 'DRA BA'I GZUGS, ,DE YI
LUS LA RDUL RAB 'BYUNG, ,LUS LAS LHA YI DRI 'BYUNG ZHING, ,KHA YI DBUGS NI GA BUR DRI, ,LDAN PAS SPRANG MA RTAG TU 'KHOR, ,GCIN DANG PHYI SA GLA RTZI BRO, ,TSIG NI 'JAM PAR GYUR PA DANG, ,LAG PA DANG NI RKANG PA 'JAM, , AUTPA LA YI DRI DANG LDAN, ,SKRA DKAR GNYER MA LAS RNAM GROL, ,LUS KYANG SNUM ZHING MNYEN PA DANG, ,SNYING DANG THOD PA LTE BA STE, ,DES NA RO RTZA NA RU 'GYUR, ,GRIB BDUN NGANG PA'I 'GROS SU 'GRO, SNYING RJE'I BSAM PA CAN YIN TE, ,DKON MCHOG GSUM LA RTAG TU DAD, ,SBYIN DANG TSUL KHRIMS DAG DANG LDAN, ,'DI 'DRA RNAL 'BYOR PAS RTOGS NA, ,MI GSOD ME YIS 'TSIG MI 'GYUR, ,SROG CHAGS SNA TSOGS GDUG PA DAG ,GANG YANG RUNG BAS ZA MI NUS, ,DE NI MTSAN MO MI MTHONG STE, ,MI SNANG BA YI DBANG PHYUG MCHOG ,'DI 'DRA SNGAGS PAS RTOGS NAS NI, ZHES GSUNGS PA LTAR GYI MTSAN NYID CAN TE, DE MTHONG NAS BDAG LA SBYIN PA STZOL ZHES ZHUS LA, DRI CHEN DRI CHU BYANG CHUB KYI SEMS BLANGS TE, RIL BUR BYAS LCAGS GSUM GYIS DKRIS LA, DBANG PO GNYIS MNYAM PAR SBYAR NAS NYE SNYING LAN 'BUM BZLAS NAS RIL BU DE DE'I LAG TU BYIN NAS BDAG LA SBYIN PA BYIN ZHES SMRAS PAS, DE DE MA THAG SHI NAS MI 'KHRUGS PA'I ZHING DU SKYE LA, RO DE DBEN PAR KHYER NAS BSGRUB PAR BYA'O, ,ZHES MNGON BRJOD LAS GSUNGS SO, ,GSUM PA LA GNYIS, PHYUGS MCHOG LA BRTEN PA'I LAS KYIS BSGRUB PA DANG, PHYUGS GZHAN LA BRTEN PA'I LAS KYIS SGRUB PA'O, ,
, ,DANG PO NI, DE 'DRA BA'I SKYE BDUN GYI SHA DE NI ZOS PA TZAM GYIS NI LHA YI GZUGS NI 'DZIN PAR 'GYUR ZHING, DE'I SNYING KHA'I RO TZA NA'I DRI BSNAMS PA'AM DE LA REG PA TZAM GYIS SAM, SGRUB PA PO GANG ZHIG RANG GI DPRAL BAR RO TZA NA DE'I THIG LE BYED PA DE, THIG LE BYAS PA DE'I MOD LA'ANG DNGOS GRUB RNAMS 'GRUB PAR 'GYUR BA STE, RNAL 'BYOR PA 'DI NI RANG GANG LA DGA' BA YI GZUGS SU 'GYUR RO, ,SKYE BDUN DE YI SNYING KHA NA YOD PA'I RO TZA NA STE GI HAm, DE'I LAS SBYOR LA MKHAS PA YIS NI BLANG NGO, ,SNGAR DRANGS PA'I BSHAD RGYUD LAS, SNYING KHA DANG THOD PA DANG LTE BA GSUM GA NA RO TZA NA YOD PAR BSHAD DO, ,GI HAm DE BLANGS NAS NI YAB YUM GNYIS KYI SNYING PO'I SNGAGS NI BZLAS NAS SU DE YI THIG LE BYA BA YIN LA, SEMS CAN GANG DANG GANG GI NI GZUGS SU BSGYUR PAR BYA BAR 'DOD PA NA, SEMS CAN DE DANG DE YI GZUGS SU NI SNGAR GYI THIG LE BYAS PAS 'GYUR BAR THE TSOM MED DO, ,'DI'I LAS SBYOR LA MKHAS PAS SHING GI LO MA'I KHU BA NI RO TZA NA DANG BCAS PA BLANGS NAS SU DPRAL BAR THIG LE BYAS NA NI, SHING DE'I GZUGS SU 'GYUR BAR THE TSOM MED DO, ,PHYUGS NYID KYI BA SPU DANG, PHYUGS DE'I BA SPUS MCHON NAS SEN MO DANG SO DANG, PAGS PA DANG SKRA STE YAN LAG LNGA DANG LDAN PA STE LHAN CIG BYAS PAS LAG NGAR GZHAN GYI SPYI BOR BCINGS NA NI, GANG BCINGS PA DE NGUD 'GRO DE'I GZUGS SU 'GYUR BAR THE TSOM MED DO, ,PHYUGS NYID KYI NI BA SPU DAG ,DE YI YAN LAG LNGAR LDAN ZHING, ,LAG PA SPYI
BOR BCINGS NA NI, ZHES PA MA GTOGS PA RKANG PA GZHAN GNYIS 'GREL PA RNAMS LA MED DO, ,DE THAMS CAD LA BCINGS PA DE BKROL NA THAR BAR 'GYUR RO, ,ZHES PA MAN NGAG GO ,'DI RNAMS KYI LAS SGRUB PA LA NI LHA'I RNAL 'BYOR LA NI SHIN TU BYANG BAR GOMS PA DANG, SNGAGS MING SPEL DANG BCAS PA ZLOS PAS DNGOS GRUB 'GRUB BO, ,MI RNAMS NGUD 'GRO LA SOGS PAR BSGYUR PA DE CI'I DON DU YIN ZHE NA, MI RNAMS LAM SGRUB PA'I NUS PA DANG LDAN PA YIN NA'ANG, NYON MONGS SDIG PA LA DGA' BA, ZHES 'DON PA LEGS PAS, MI RNAMS PHAL CHER SDIG PA SPYAD PA DANG, NYON MONGS KYI PHYOGS LA DGA' BAS, DNGOS GRUB KYI LAM NI 'GOG PAR BYED PA YIN PAS, DE LAS BZLOG PA'I PHYIR DU GZUGS DMAN PAR BSGYUR BAR GSUNGS SO, ,GNYIS PA NI, GLANG PO DANG RTA DANG BONG BU DANG RUS SBAL DANG, RNGA MO DANG PHAG DANG WA DANG KHVA DANG 'UG PA SOGS DANG, BYA RGOD DANG KHRUNG KHRUNG DANG, KHRA DANG SA RA SA STE BZHAD RNAMS KYI SHA CHO GA BZHIN DU BSGOM ZHING SNGAGS ZLOS PAS GTOR MAR DBUL ZHING, RANG GI LONGS SPYAD NA GZUGS NGAN PA RNAMS KYANG, GZUGS BZANG BA LHA'I GZUGS SU SGRUB PA PO DE 'GYUR RO, ,KHA CIG GIS WA'I SKAD DOD CE SPYANG LA BSGYUR RO, ,GZUGS BZANG BA DANG GZUGS NGAN PA, ZHES PA LA BSHAD SBYAR LAS, GZUGS NGAN PA YANG GZUGS BZANG, ZHES BSGYUR BA NYID LEGS SO, ,SGRUB PA PO'I RNAL 'BYOR PA CHEN PO NI, RANG GANG LA DGA' BA'I GZUGS SU SKYE BA STE 'GYUR BA DE NI THE TSOM MED DO, ,GSUM PA NI, SKYE BDUN GYI LAS SBYOR 'DI LAS SHIN TU
, ,MCHOG TU GYUR PA NI, 'JIG RTEN GSUM NA YOD PA MA YIN NO, ,GSUM PA NI, DPAL HE RU KA MNGON PAR BRJOD PA BSDUS PA'I RGYUD LAS, SKYE BA BDUN PA LA BRTEN NAS BCU GCIG PAR BSHAD PA BZHIN GYI DNGOS GRUB KHYAD PAR CAN BSGRUB PAR BYA BA DANG, RANG DANG GZHAN GYI GZUGS YONGS SU BRJE BA'I CHO GA'I LE'U STE, BZHI BCU RTZA DGU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS LE'U BZHI BCU RTZA DGU PA'I BSHAD PA'O,, ` ,,LNGA PA YUM GYI SNYING PA'I SNGAGS KYIS LAS BSGRUB PA LA BZHI, SBYIN SREG BSHAD PA, GNAS SOGS BCU BSHAD PA, DON BSDU BA, LE'U YI MTSAN BSTAN PA'O, ,DANG PO LA GSUM, BSHAD PAR DAM BCA' BA, DAM BCAS PA'I DON BSHAD PA, DON BSDUS TE LAS SGRUB PA'I SNGAGS BSTAN PA'O, ,DANG PO NI, ZHE DGU PA'I RJES DE NAS DBANG GI SBYIN SREG GI CHO GA NI BSGRUB BYA NGES PAR DBANG DU BYED PAR 'GYUR BA'I YANG DAG PA'I CHO GA GANG GIS NI, MYUR DU 'DOD PA'I DNGOS GRUB THOB PAR 'GYUR BA BSHAD PAR BYA'O, ,GNYIS PA LA LNGA, DBANG GI SBYIN SREG ,MNGON SPYOD KYI SBYIN SREG ,RGYUN DU BGEGS ZHI BA'I THABS, RGYAS PA'I SBYIN SREG ,RENGS PA'I SBYIN SREG GO , DANG PO NI, GOO MAm SA STE BA LANG GI SHA DANG, MYOS BYED CHANG GNYIS BSRES TE LAG PA GA-YON PAS SBYIN SREG BYAS NA, SANGS RGYAS KYANG NI DBANG DU 'GYUR ZHES PA NI PHUL BYUNG BRJOD PA'O, ,DE LTAR 'GYUR NA PHRAN CHEGS ME NI STE RANG
DGA' BA'I MI RNAMS DBANG DU BYED PA NI SEMS KYANG CI DGOS, KHA'I CHU STE MCHIL MA DANG SO SHING DAG DANG, DE BZHIN DU RANG GI LUS MNYES PA'I LUS KYI DRI MA DANG, MYOS BYED CHANG GI BSREG RDZAS KYIS SNYING PO'I SNGAGS MING SPEL DANG BCAS PA YIS, DBANG GI SBYIN SREG BYAS NA, KHAMS GSUM STE SA GSUM GYI 'GRO BA DAG NI RANG GI DBANG DU 'GYUR RO, ,BUD MED KYI ZLA MTSAN GYI KHRAG DANG ZOS NAS RLON PA STE ZOS NAS SKYUGS PA'I ZAS DAG DANG, MI YI SKRA DANG LDAN PA YIS SBYIN SREG BYAS NA, BYAS PA'I MED LA BSGRUB BYA 'GUGS PAR 'GYUR BA YIN NO, ,GNYIS PA LA GNYIS, DBYE BA'I SBYIN SREG DANG, BSAD BSKRAD KYI SBYIN SREG GO ,DANG PO NI, RANG GI LUS DANG RANG GI SKRA LA BHA BAS, KHYI YI LUS DANG KHYI YI SPU, ZHES 'DON BAS, KHYI YI LUS TE KHOG PA NAS SKYUGS PA DANG, KHYI YI SPUS NIM PA'I SHING LA ME RAB TU SBAR NAS DBYE BA'I SBYIN SREG BYAS NA, DE'I MOD LA MDZA' BA RNAMS BYE BAR 'GYUR BA YIN NO, ,GNYIS PA NI, DRAG PO'I TING NGE 'DZIN LA MNYAM PAR BZHAG PAS DA DU RA STE SMYO BYED KYI SHING GIS MA SBAR TE, YUNGS MAR TSAN DE'AM SKE TSE'I MAR KHU LA BSGROS PA STE DES SBAGS PA'I BYA ROG GI GSHOG PAS SBYIN SREG BYAS NA, 'PHRAL DU 'CHI BA NI BSAD PA'I SNGAGS KYIS SO, ,GNAS NAS SKRAD PAR 'GYUR BA NI SNGAGS LA DE'I SPEL TSIG BTAGS PAS SO, ,GSUM PA NI, STAN LA NYAL TE GNYID LOG PA DANG, MNYAL BA SAD PA DANG 'DUG PA 'AM LANGS PA DANG, ZAS ZA BZHIN PA DANG DBANG PO GNYIS SBYOR BA SOGS RNAMS LA YANG, SNGAGS PAS RTAG TU SNGAGS ZLOS PAR BYED NA, ZLOS PA DE LA
, ,BGEGS NI YOD PA MA YIN NO, ,'DIS NI SPYOD LAM KUN TU SNGAGS BZLAS NA BGEGS KYI GNAD PA MI 'BYUNG BAR BSTAN TO, ,BZHI PA LA BZHI, NOR RGYAS PA, DNGOS GRUB RGYAS PA, MNGA' THANG RGYAS PA, TSE RGYAS PA'O, ,DANG PO NI, WA YI SHA YI BSREG RDZAS KYIS RGYAS PA'I BSREG BLUGS BRGYAS, YANG DAG PA'I SBYIN BLUGS BYED PA'I MI DE NI ZLA BA GSUM SONG BA'I RJES LA, RIGS RGYUD KYI DBUL BA 'JIG PAR 'GYUR RO, ,SHA CHEN GYI BSREG RDZAS DAG GIS, GANG ZAG LA LA ZHIG MYOS BYED CHANG DANG LDAN PAS SBYIN SREG ,BRGYA RTZA BRGYAD KYI BAR DU SGRUB PA POS NI ZHAG RE LA THUN GSUM DU SBYIN SREG BYED NA, ZLA BA DRUG GIS SA MA LUS PA RNAMS LA LONGS SPYOD PA'I TSUL GYIS DBANG DU 'GYUR RO, ,SBYIN SREG GIS TSIM PAR GYUR PA'I MKHA' 'GRO MAS, SGRUB PA PO DE LA RGYAL SRID STER BAR GDON MI ZA'O, ,GNYIS PA NI, DKYIL 'KHOR GYI LHA RNAMS THAMS CAD SO SOR GSAL BAR SNANG BA'I BSAM GTAN GYIS BSGOMS NAS, ZHAG RE LA THUN GNYIS KYI BAR DU ZLA BA GSUM DU SBYIN SREG BYAS NA, SGRUB PA PO RANG GI LUS NI DE NYID KYIS MKHA' LA 'GRO BA NYID DE MKHA' SPYOD THOB PAR 'GYUR RO, ,GO M'A YU NE WAR BSGYUR MOD KYANG, 'DIR CE SPYANG LA BSGYUR BA LTAR TE CE SPYANG GI SHA DANG, CHANG GIS PHYI'I SBYIN SREG GI THAB KYI LHA LA SBYIN SREG DANG, NANG GI SBYIN SREG SHA DE MCHAN MO SNGAGS KYI BZLAS BRJOD BYAS NAS ZOS NA, MYUR DU SGRUB PA PO DE YAm LAG TU DNGOS GRUB THAMS CAD RAB TU 'JUG PAR 'GYUR ZHING, YUL 'KHOR CHEN
PO YANG NI 'GUGS PAR BYED DO, ,DE LTAR NYIN RE ZHING SBYIN SREG GNYIS DANG BZLAS PA BYAS NA, SGRUB PA PO DE RGYAL PO NYID DU BYED PAR 'GYUR RO, ,LAS SBYOR 'DI LAS RGYAS PA'I LAS GZHAN RAB TU MCHOG TU GYUR BA NI, SA GSUM GYI 'JIG RTEN GSUM NA YOD PA MA YIN NO, ,LAS 'DIS RNAL 'BYOR PA CHEN PO RANG DGOS TE RANG GI 'DOD PA'I DBANG GIS 'CHI BA DANG SKYE BAR 'GYUR RO, ,LHA LA SOGS PA SNA TSOGS PA'I GZUGS DU MA NI 'DZIN ZHING, 'DOD PA LA ROL BAR BYED DO, ,GSUM PA NI, BIL BA STE DPAL 'BRAS DANG, DE BZHIN DU P'A LA SHA DANG, AU DU MA WA RA NYID DAG NI STE DE RNAMS KYI BSREG RDZAS KYIS RGYAS PA'I SBYIN SREG 'BUM BYAS NA, MYUR DU NOR GYI BDAG PO CHEN POR 'GYUR RO, ,GOO MAm SA STE BA LANG GI SHA DANG, MYOS BYED CHANG GNYIS LEGS PAR BSRES TE, RGYAL SRID 'DOD PAS SBYIN SREG BYED CING, RNAL 'BYOR DBANG PHYUG NI LHA'I DBANG PHYUG STE DE MNYES PAR BYAS NA, DBUL PO NYID DU GA LA 'GYUR TE MI 'GYUR BAR, RGYAL SRID KYI DPAL LA SPYOD PAR 'GYUR RO, ,GO M'A YU CE SBYANG GI SHAS NI SBYIN SREG BYAS PAS, GANG 'DOD PA RNAMS CAM BDE BAR NI 'GRUB PAR 'GYUR RO, ,ZHES SHA DES BSREG RDZAS BYAS PA'I BSNGAGS PA BSTAN TO, ,GO M'A YU CE SBYANG GI SHA YI SBYIN SREG GIS MYUR DU NOR BDAG RNAM THOS KYI BU DANG NOR MNYAM PA THOB PAR 'GYUR RO, , GO M'A YU'I SHAS BSREG RDZAS BYA BAR YANG YANG GSUNGS PA NI, LAS SBYOR BSHAD PA LA 'DAM MCHOG YIN PA'I PHYIR TE, CI BDE BAR NI ZHES GSUNGS PA'I PHYIR RO, ,PHYI'I BRTUL ZHUGS DANG GTZANG SBRA YOD NA 'GRUB PAR MA ZAD MED PA YIN
, ,NA'ANG, JI SKAD BSTAN PA'I DNGOS GRUB RNAMS THOB PAR 'GYUR RO, ,BZHI PA NI, LHAG PA'I TSER 'GYUR BA NI TSE DPAG TU MED PAR 'GYUR BA'O, ,DE LA NI DUR BA'I BSREG RDZAS KYIS RGYAS PA'I SBYIN SREG BYAS NA, TSE ZAD PA YANG TSE DPAG TU MED PAR 'GYUR RO, ,'GRAL PA RNAMS LAS, LHAG PA'I TSER 'GYUR, ZHES 'DON NO, ,LNGA PA NI, KUshMA nnAm STE DE'I MING CAN GYI SHING GI SA BON DANG, MUD GA STE MON SRAN RDA'U DANG, MA sh'A STE SRAN MA MA sh'A DANG, SRAN MA TZA NA KA DANG, SGRANG RTZI'I TSIGS MA STE SPRA TSIL DANG, SKE TSE DANG KHYIM GYI TA MA LA'I 'DAB MA STE BA SHA KA'I LO MA LA BSHAD, KHA CIG GIS KHYIM GYI STENG NAS 'PHYANG BA'I DU BA LA 'CHAD DO, ,DE RNAMS KYIS SBYIN SREG BYA ZHING, RDZAS DE RNAMS CHA MNYAM PAR BYAS TE, BSGRUB BYA'I MING SPEL DANG BCAS PA'I SNGAGS BZLAS NAS KHANG PA'I PHYOGS GCIG TU BYUGS NA, BSGRUB YA DE KHA PA CINGS PAR NI 'GYUR BA YIN NO, ,PA SHA KA'I 'DAB MA LA RO BSREGS PA'I SOL BAS YI GE GA'I NANG DU CHUD PAR BSGRUB BYA'I GZUGS BRIS LA, NYA SKYOGS KYI NANG DU BCUG NAS NGUR BA DANG 'BRAS KYI PHUB MAS BKANG STE, NYA SKYOGS KYI RUS PAS KHA BCAD, SPRA TSIL GYIS RGYAS BTAB NAS, PHYI SA'I NANG DU DBUGS MI 'BYIN PAR BZHAG NA, BSGRUB BYA DE'I KHA 'CHI NGO ZHES LVA BA PA GSUNG NGO, ,'DI NI RGYUD 'DIR LAS SBYOR GYI MTHA' STE, 'DI YAN CHAD LE'U DGU PA MAN CHAD DU LAS SBYOR JI SNYED GSUNGS PA RNAMS, KHYAD PAR 'GA' ZHIG MA GTOGS PA RIM PA GNYIS KA'I SKABS KYI THUN MONG BA YIN LA, BSKYED
RIM MTHAR PHYIN NAS RDZOGS RIM MI SGOM PAR, ZHI SOGS KYI DNGOS GRUB RNAMS SGRUB PA NI BSKYED RIM PA KHO NA'I YIN TE, DE YANG RDZOGS RIM LA LTOS TE GANG ZAG DBANG PO DMAN PA'I DBANG DU BYAS PA'O, ,GSUM PA NI, SNGAR BSHAD PA'I DBANG GI LAS LA SOGS PA RNAMS RANG BYED PAR 'DOD PA DE'I TSE, LAS DE'I CHO GA LA SPYOD PA'I RNAL 'BYOR PA NI, GANG DU STE GANG LA DGA' BA DE DANG DE GRUB NAS GNAS PAR 'GYUR RO, ,GONG DU GSUNGS PA'I LAS DE RNAMS SGRUB PA'I SNGAGS NI, AOm BADZRA BEE RO TZA NI YE H'Um H'Um PHAt SV'AH'A ZHES PA'O, ,'DI GRUB CHEN KHA CIG GIS NYE SNYING DANG, KHA CIG GIS SNYING POR BSHAD DE PHYOGS RE NAS GNYIS KA LA BSHAD DU RUNG BA'O, ,GNYIS PA LA GNYIS, BSHAD PAR DAM BCA' BA, DAM BCAS PA'I DON BSHAD PA'O, ,DANG PO NI, LAS SBYOR RNAMS BSHAD PA DE NAS SNGAR BSTAN PA LAS DON GZHAN YANG BSHAD PAR BYA'O, ,DE GANG ZHE NA, RNAL 'BYOR MA'I BRDAS BSTAN PA'I RAB DGA' SOGS SA BCU GNAS DANG NYE BA'I GNAS LA SOGS PA'I BRDAS BSTAN PA BSHAD PAR BYA'O, , GNAS LA SOGS PA DE CI ZHIG TU GYUR NAS GNAS SHE NA, DPAL HE RU KA'I SKU'I YAN LAG LAG PA LA SOGS PA DANG, TSIGS LA SOGS PA'I NYING LAG TU GNAS SO, ,DE NI HE RU KA'I SPYI BO SOGS NYER BZHI, GNAS NYER BZHI'I BDAG NYID DU GNAS LA, DE'I BRDAS SA BCU STON PA'I DON NO, ,HE RU KA'I YAN LAG THAMS CAD BRTAN PA SNOD DANG, GA-YO BA BCUD KYI BDAG NYID CAN NO ZHES PA NI BRTAN GA-YO RNAMS SA 'OG SA STENG SA BLA GSUM DU 'DUL, SA GSUM GYI DPA' BO DANG RNAL 'BYOR MA NI
, ,HE RU KA'I SKU'I CHA SHAS SU GNAS PA'I DON NI, ,BRTAN GA-YO'I BDAG NYID CAN LA, BHA BAS, THAMS CAD YAN LAG SPYI BO STOBS, ZHES 'DON ZHING, DE'I DON SPYI BO GZUGS PHUNG DANG, STOBS PHUNG PO LHAG MA LA BYAS NAS, SA DANG GNAS LA SOGS PA DANG PO LA SOGS PA'I BDAG NYID, DPAL HE RU KA'I YAN LAG DANG NYING LAG GO ,ZHES 'CHAD DO, ,GNYIS PA LA GNYIS, GNAS SOGS SA BCUR BSTAN PA, GNAS SOGS BCUS KUN LA KHYAB PAR BSTAN PA'O, , DANG PO LA GNYIS, SPYI'I DON DANG, YAN LAG GI DON NO, ,DANG PO LA GSUM, RAB DGA' SOGS KYI SA MING SO SOS GSUNGS TSUL, GNAS LA SOGS PA LA MI MTHUN PAR GSUNGS PA'I 'GAL SPONG, DE RNAMS GANG GI PHYIR DU GSUNGS PA'I GDUL BYA'I DBYE BA'O, ,DANG PO NI, RTZA RGYUD 'DIR GNAS DANG NYE BA'I GNAS NAS, DUR KHROD DANG NYE BA'I DUR KHROD KYI BAR BCUS RAB DGA' NAS CHOS KYI SPRIN GYI BAR BCU BSTAN PAR BSHAD LA, BSHAD RGYUD LAS, GNAS SOGS BCU'I STENG DU 'THUNG GCOD DANG NYE BA'I 'THUNG GCOD GNYIS BSNAN NAS, 'DI RNAMS SA NI BCU GNYIS TE, ZHES GNAS SOGS BCU GNYIS SA BCU GNYIS SU GSUNGS TE, BRTAG GNYIS SU YANG DE BZHIN DU GSUNGS SO, ,SA BCU GNYIS NI, BHA BA BHA DRA DANG, SH'ANTI PA DANG, NAG PO PA DANG, PADMA'I MYU GUS MDZAD PA'I KYEE RDOR GYI 'GREL BA DANG MAN SNYE RNAMS SU, RAB DGA' SOGS BCU'I STENG DU MOS SPYOD KYI SA DANG, KUN TU 'OD GNYIS BSNAN PA LA BSHAD DE, MOS SPYOD NI 'THUNG
GCED DANG, KUN TU 'OD NI NYE BA'I 'THUNG GCOD DU BSHAD DE, YE SHES THIG LES SA BCU DRUG BSHAD PA NI, DE NYID LAS, GNAS LA SOGS PA DGA' BA'I GNAS, ,SA YI SGRA YIS BRJOD PA YIN, ,MOS BAS SPYOD BA SA DANG PO, ,GNYIS PA RAB TU DGA' BA, GSUM PA DRI MA MED PA, BZHI PA 'OD BYED PA, LNGA PA 'OD 'PHRE BA, DRUG PA SBYANG DKA' BA, BDUN PA MNGON DU GYUR PA, BRGYAD PA RING DU SONG BA, DGU PA MI GA-YO BA, BCU PA LEGS PA'I BLO GROS, DE RNAMS NI BYANG CHUB SEMS DPA'I SA'O, ,CHOS KYI SPRIN NI SANGS RGYAS KYI SA, KUN TU 'OD NI YANG DAG PAR RDZOGS PA'I SANGS RGYAS KYI SA, KUN TU SNANG BA MCHED PA'I 'OD NI, DPAL RDO RJE SEMS DPA' BCOM LDAN 'DAS KYI SPRUL PA'I SKU'I SA, KUN TU SNANG BA THOB PA'I 'OD NI LONGS SPYOD RDZOGS PA'I SKU'I SA, BRJOD DU MED PA TSAD MED PA NI BDE BA CHEN PO'I SA STE, DE KUN DGA' BA'I BYE BRAG LA, SAR NI KUN TU BTAGS PA'O, ,ZHES GSUNGS LA, YANG DE NYID LAS, RTAG TU SPRUL PA YI NI SKUS, ,SA NI BCU GCIG PA RU DRAN, ,LONGS SPYOD RDZOGS SKUS BCU GNYIS PA, ,CHOS KYI SKUS NI BCU GSUM MO, ,BDE BA CHEN PO'I BCU BZHI PA, ,GANG ZHIG BCO LNGA YI NI SA, ,DE NI YE SHES SA ZHES BYA, BCU DRUG PA NI BRTAGS PA MIN, ZHES KYANG GSUNGS PAS SA BCU DRUG GO ,DE LA MOS SPYOD KYI SA RDO RJE GSANG BAS DROD RTZE BZOD MCHOG BZHI LA BSHAD PA LTAR SO SKYE'I SA YIN LA, DE'I LHAG MA RNAMS NI 'PHAGS PA'I SA'O, ,YE SHES THIG LER SANGS RGYAS DANG YANG DAG PAR RDZOGS PA'I SANGS RGYAS GNYIS LA KHYAD PAR PHYE BA NI, BDAG NYID CHEN PO SENGGE BZANG
, ,POS, SA BCU PA LA NI BYANG CHUB SEMS DPA' SANGS RGYAS KHO NAR BRJOD PAR BYA'I, YANG DAG PAR RDZOGS PA'I SANGS RGYAS NI MA YIN NO, ,ZHES 'BYUNG BA'I PHYIR, ZHES DE GNYIS KYI KHYAD PAR PHYE BA MNGON RTOGS RGYAN GYI DGONGS PA YIN PA DE DANG 'DRA STE, MAN SNYE LAS KYANG KHYAD DE BZHIN DU PHYE'O, ,RAB TU DGA' BA SA DANG POR BYAS NA, KUN TU 'OD BCU GCIG PA YIN LA, DE LA SKU GSUM DANG BDE BA CHEN PO'I SKU DANG BZHIR PHYE BA LA, SA RE RER BYAS PAS SA BCO LNGA, YANG YE SHES KYI SKU LA YE SHES KYI SA ZHES PA NI, SA DANG PO NAS BGRANGS PA'I BCO LNGA PA YIN KYANG, MOS SPYOD NAS BGRANGS PA'I BCU DRUG PA'O, ,DE LTAR BYAS NA DRI MA THAMS CAD DANG BRAL BA'I DE BZHIN NYID NI CHOS KYI SKU YIN LA, YE SHES KYI SKU NI RTOGS PA YE SHES CHOS KYI SKU'O, ,YE SHES THIG LE'I 'GREL PA LAS KYANG SA BCU DRUG TU BSHAD PAS, LUGS 'DI LAS BCO LNGA LAS MANG BA MI BYED PA MIN NO, ,BSHAD PA'I RGYUD LAS RAB DGA' SOGS SA BCU'I STENG DU, DPE MED PA DANG YE SHES LDAN, ,RDO RJE'I SA STE BCU GSUM PA, ZHES GSUNGS PA'I DON YANG MAN SNYE LAS, SA BCU PA NI BCU PA TZAM LA BYAS, DPE MED KYI SA SA BCU PA'I KHYAD PAR GYI LAM, YE SHES LDAN GYI SA NI SA BCU PA'I BAR CHAD MED PA'I LAM, RDO RJE 'DZIN PA'I SA NI KUN TU 'OD LA BSHAD DO, ,BSHAD RGYUD RDO RJE PHRENG BA NAS BUM DBANG BCU GCIG DANG, DBANG GONG MA GSUM STE BCU BZHI PO LA, DBANG BSKUR RE
RE SA RE'O, ,ZHES SA BCU BZHIR BSHAD PA YANG, SA BCU GSUM GYI STENG DU MOS SPYOD KYI SA BSNAN PA'O, ,RDO RJE SNYING PO RGYAN GYI RGYUD LAS, BYANG CHUB SEMS NI 'OD GSAL BA, ,KUN TU 'OD KYI SA CHEN PO, ZHES DE LAS DANG POR BYAS NAS, BCU GNYIS SO SO BDAG RIG PA, ,RNAL 'BYOR YE SHES YONGS RDZOGS NYID, ,CES SA BCU GNYIS PA'I BAR DU GSUNGS PA YANG, PAn CHEN MKHAS PAS SA BCU GNYIS KYI 'CHAD TSUL LTAR BYAS NA LEGS PAR SEMS SO, ,YE SHES THIG LE'I RGYUD KYI DGONGS PA DANG, RGYA GAR GYI MKHAS PA DU MA ZHIG GIS BKRAL BA LA, BCU GCIG KUN TU 'OD LAS LHAG PA'I SA YOD PAR MA BSHAD PAS, PHAR PHYIN LAS SNGAGS KYI THEG PAR SA YI GRANGS MANG BA BYUNG BAS 'KHRUL GZHI BYAS NAS, KUN TU 'OD LA GNAS PA DE MTHAR THUG PA'I SANGS RGYAS MA YIN NO, ZHES ZER BA NI RDZOGS PA'I SANGS RGYAS LA SKUR 'DEBS KYI KHO NA MA THO BA CHEN PO 'DZIN PAS SPANG BAR BYA'O, ,SA RNAMS LA THEG PA 'DI'I LUGS KYIS NI, YUL CAN LHAN SKYES KYI BDE BA CHEN POS YUL GYI DE KHO NA NYID RTOGS PA'I STENG NAS 'JOG PA MA RTOGS PA, DE KHO NA NYID 'JIG RTEN PA'I SGOM BYUNG GI YE SHES KYIS RTOGS PA'I STENG NAS SBYOR LAM 'JOG PA DANG, CHOS NYID MNGON SUM DU SNGAR MA RTOGS PA RTOGS PA'I STENG NAS MTHONG LAM 'JOG PA DANG, DE 'DRA BA MTHONG ZIN GOMS PAR BYED PA LA SGOM LAM 'JOG PA SOGS NI, THEG PA GZHAN DANG 'DRA STE, DE YANG LAM GYI GTZO BO SMOS KYI LAM DE RNAMS KYIS BSDUS PA LA NGES PA MED DO, ,LUGS 'DIS LHAN SKYES KYI BDE CHEN GYI BYE BRAG SO SO LA, SA SO
, ,SOR 'JOG PA NI, DE KUN DGA' BA'I BYE BRAG LA, ,SAR NI KUN TU BTAGS PA'O, ,ZHES GSAL BAR GSUNGS SO, ,'DI YANG RANG GI SA'I NGOS 'DZIN YIN GYI, RAB DGA' SOGS KYI SA THAMS CAD LA DE LTAR 'JOG PA MIN NO, ,SA RNAMS KYI RNAM PAR BZHAG PA DE LTAR YIN NA, LAM LNGA'I RNAM PAR BZHAG PA JI LTAR SNYAM NA, CHOS NYID MNGON SUM DU RTOGS MA RTOGS LA 'PHAGS PA'I SA THOB MA THOB KYI SGO NAS SO SKYE DANG, 'PHAGS PA'I LAM GNYIS SU 'BYAD CING, SO SKYE'I LAM LA TSOGS SBYOR GNYIS BYED PA DANG SBYOR NA, LAM THUN MONG PA NAS BZUNG NAS BSGOMS STOBS KYIS RLUNG DH'U T'IR BCUD PA THIM PAS, STONG PA DNGOS SU 'DREN MI NUS PA DE SRID DU TSOGS LAM DANG, DE NUS PA NAS BDE BA CHEN POS DE KHO NA NYID MNGON SUM DU MA RTOGS PA TSUN CHAD SBYOR LAM DANG, DON GYI 'OD GSAL NAS ZUNG 'JUG MA THOB PAR MTHONG LAM SA RAB DGA' DANG, SLOB PA'I ZUNG 'JUG NAS MI SLOB PA'I ZUNG 'JUG MA THOB PAR SGOM LAM SA DGU DANG SBYAR RO, ,GNYIS PA NI, KHA SBYOR LAS, PU L'IR M'A LA YA DANG, DZ'A LANDHA RA DANG, AO ddI YA NA DANG, AARBU TA BZHI GNAS DANG, GO D'A BA RI DANG, RA ME SHVA RI DANG, DE B'I KO tI DANG, M'A LA BA BZHI NYE BA'I GNAS DANG, K'A MA R'U BA DANG, AO tEE GNYIS ZHING DANG, TRI SHA KU NE DANG, KO SA LA GNYIS NYE BA'I ZHING DANG, KA LING KA DANG, LAM PA KA GNYIS TSANDO HA DANG, KANYTZI DANG HI MA LA YA GNYIS NYE BA'I TSANDO HA DANG, PRE TA BU RI
DANG, GRIHA DE BA TA GNYIS 'DUS PA DANG, SOO RAshtA DANG SU WARN'A D'I PA GNYIS NYE BA'I 'DUS PA DANG, NA GA RA DANG SINDHU GNYIS DUR KHROD DANG, MA RU DANG KU LU TA GNYIS NYE BA'I DUR KHROD DU GSUNGS TE, LE DRIL GNYIS LAS KYANG DE BZHIN DU 'BYUNG NGO, MAN SNYE LAS, BLO LA GO RI DANG, KOLLA GI RI DANG, BU LLIR M'A LA YA DANG, RDO RJE'I GNAS ZHES GSUNGS PA RNAMS NI MING GI RNAM GRANGS SO, ,KHA SBYOR LAS, GSUNGS PA'I K'A RA N+YA P'A tA KA DANG, KARMA PA tA KA tA DANG, HA RI KE LA DANG, BIN DH+YA STE RI BO 'BIGS BYED KYI NAGS DANG, GZHON NU MA'I GRONG KHYER TE LNGA DANG, TZA RA tI DANG, GRONG DANG GRONG KHYER GYI MTHA'I SA ZHES RGYUD GZHAN NAS GSUNGS PA GNYIS TE BDUN NI 'THUNG GCOD DANG, DE RNAMS DANG THAG NYE BA'I SA GZHI BDUN NI NYE BA'I 'THUNG GCOD DANG, DUR KHROD NI RO 'DUS PA'I DUR KHROD KYI SA GZHI DANG, RGYA MTSO'I 'GRAM ZHES PA GNYIS SO, ,SKYED TSAL DANG RDZING BU'I 'GRAM NI NYE BA'I DUR KHROD DE, DUR KHROD DANG NYE BA'I DUR KHROD 'DI DAG TU RNAL 'BYOR MA RNAMS RE 'GA' 'DU'O, ,PHU LLI RA M'A LA YA LA SOGS PA'I YUL RNAMS SU DKYIL 'KHOR BA'I LHA ME RNAMS BRAM ZA LA SOGS PA'I SKYE GNAS RNAMS SU SKYE'O, ,DE LTAR YANG RDO RJE MKHA' 'GRO LAS, MKHA' 'GRO MA ZHES YANG DAG GRANGS, ,RDO RJE DKYIL 'KHOR GTZO MO STE, ,YE SHES LDAN RNAMS YUL YUL DU, ,RANG NYID SKYE GNAS RNAMS SU SKYE, ,ZHES DRANGS TE 'CHAD DO, ,'O NA BRTAG GNYIS SU, GNAS NI DZ'A LANDHA RA DANG, AOddI YA NA DANG, P'U RA nA GI RI DANG, K'A MA R'U PA'O, ,NYE BA'I GNAS NI M'A LA WA
, ,DANG, SINDHU DANG NA GA RA'O, ,ZHING NI MUMMU NI DANG, K'A RA N+YA P'A tA KA DANG, DE B'I KO tA DANG, KARMA PA tA KA'O, ,NYE BA'I ZHING NI KU LU T'A DANG, AARBU TA DANG, GO D'A BA RI DANG, KHA BA'I RI'O, ,TSANDO HA NI HA RI KE LA DANG, LAMP'A KA DANG KA NYTZI DANG, SOO RAshtA'O, NYE BA'I TSANDO HA NI KA LING KA DANG, GSER GLING DANG, KONG KA nA'O, ,'THUNG GCOD NI GRONG DANG GRONG KHYER GYI MTHA'I SA GZHI DANG, TZA RI TRA DANG, KO SHA LA DANG, 'BIGS BYED DANG, GZHON NU'I GRONG KHYER TE LNGA'O, NYE BA'I 'THUNG GCOD NI 'THUNG GCOD DANG NYE BA LNGA'O, ,DUR KHROD NI DUR KHROD KYI SA GZHI DANG RGYA MTSO'I 'GRAM GNYIS SO, ,NYE BA'I DUR KHROD NI SKYED MOS TSAL DANG RDZING BU'I 'GRAM MO, ,ZHES RGYA CHER BSHAD LA, 'DU BA DANG NYE BA'I 'DU BA, GNYIS RGYAS PAR MA BSTAN PA DANG, PHYAG CHEN THIG LER GNAS NI DZ'A LAN DHA RA DANG, AOddI YA NA DANG, P'U RA nA GI RI DANG, K'A MA R'U PA'O, ,NYE BA'I GNAS NI M'A LA WA DANG, NA GA RA DANG, SIN DHU DANG, SING HA LA'O, ,ZHING NI MUMMU nI DANG DE B'I KO tA'O, ,NYE BA'I ZHING NI KU LU TA DANG, AARBU TA'O, ,TSANDO HA NI GO D'A BA R'I DANG, HA RI KE LA'O, ,NYE BA'I TSANDO HA NI KANYTZI DANG, LAMP'A KA'O, ,'DU BA NI KARMA P'A tA KA DANG, GSER GLING NGO, ,NYE BA'I 'DU BA NI KONG KA nA DANG, 'BIGS BYED DO, ,DUR KHROD NI RAB SONG GI SA GZHI DANG, RGYA MTSO'I NGOGS SO, ,NYE BA'I DUR KHROD NI TZA RI TRA DANG, GZHON NU'I GRONG NGO, ,'THUNG GCONG NI KHA CHE DANG, KE RI TA'I DKYIL 'KHOR RO, ,NYE BA'I 'THUR GCOD NI BAL PO DANG, K'A N+YA KUB DZA'O, ,ZHES GSAL BAR
MDZAD PA DANG, RI GI AA RA LI'I RGYUD DU, SHAR LUS 'PHAGS PO DANG, 'DZAMBU GLING DANG, BA LANG SPYOD DANG, SGRA MI SNYAN NI GNAS TE, ZHES GSUNGS PA THAMS CAD PHAN TSUN 'GAL BAR 'GYUR RO ZHE NA, SKYON MED DE, GNAS SA DANG PO RAB DGA' LA BYAS PA NAS, NYE BA'I DUR KHROD CHOS KYI SPRIN LA BYAS PA'I SA RNAMS GCIG YIN NA, CIG SHOS YIN PAR 'GAL MOD KYANG, SPYIR GNAS KYI SGRAS BSTAN PA DANG, NYE BA'I GNAS LA SOGS PA'I SGRAS BSTAN PA RNAMS LA, TSA GRANG DANG DNGOS PO DANG DNGOS MED BZHIN DU 'GAL BA MIN TE, DON GCIG LA YANG MING SNA TSOGS PA YOD PA'I PHYIR RO, ,DES NA AARBU TA LA KHA SBYOR DU GNAS SU BSHAD PA DANG, KYEE RDOR DANG PHYAG CHEN THIG LER NYE BA'I ZHING DU BSHAD PA MI 'GAL LA, DE BZHIN DU GO D'A BA RI PHYAG CHEN THIG LER TSANDO HA RA DANG, KYEE RDO RJE NYE BA'I ZHING DANG, KHA SBYOR DU NYE BA'I GNAS SU BSHAD PA RNAMS MI 'GAL TE, DE DAG GIS GZHAN RNAMS KYANG MI 'GAL BA SHES PAR BYA'O, ,GZHAN YANG PHYAG CHEN THIG LER, PHYI'I YUL RNAMS NANG GI LUS LA SBYOR BA NA, BDE MCHOG DANG MI 'DRA BA DU MA BSHAD PA RNAMS KYANG MI 'GAL TE, GDUL BYA SO SO'I BSAM PA DANG MTHUN PAR SNA TSOGS PA CIG GSUNGS PA'I PHYIR RO, ,'GAL SPONG 'DI DAG NI MAN SNYE'I DGONGS PAR BSHAD PA'O, ,GSUM PA NI, MAN SNYE LAS, GDUL BYA LNGA LAS DBANG PO RTUL PO'I DON DU, PHYI ROL GYI GNAS LA SOGS PA BSTAN TE, RNAL 'BYOR SGOM PAR MI NUS PA RNAMS
, ,LA RANG YUL GYI ZHEN PA SPANG PA'I PHYIR DU GSUNGS SO, ,DBANG PO 'BRING PO'I DON DU DKYIL 'KHOR GYI 'KHOR LO GSUM GYI RTZIBS LA GNAS LA SOGS PAR BZHAG PA DANG, GDUL BYA CHEN PO LA GSUM DU BYAS PA'I CHUNG NGU'I DON DU, LUS KYI GNAS NYER BZHI LA GNAS LA SOGS PAR BZHAG PA DANG, 'BRING GI DON DU RDZOGS RIM PAS SA BON GYI YI GE SOGS LA MI LTOS PAR, SPYI BO SOGS GNAS SOGS SU DANG, RTZA RNAMS LHA MOR MOS PAR BYED PA DANG, CHEN PO RDZOGS RIM LA GNAS PA'I DBANG DU BYAS NAS, STONG NYID SNYING RJE DBYER MED PA'I BYANG CHUB KYI SEMS RAB DGA' SOGS LA GNAS SOGS SU BZHAG PA STE LNGA DANG, THA MA NI NGES PA'I DON DANG, DANG PO BZHI NI LNGA PA LA LTOS NAS DRANG PA'I DON TE, RAB DGA' SOGS GNAS LA SOGS PAR BZHAG PA'I SA DE DANG DER MOS PA LAS, 'JIG RTEN LAS 'DAS PA'I SA RNAMS GSAL BA'I CHED DU 'BAD PAR GYUR NA CI MA RUNG SNYAM DU DGONGS PA'O ZHES 'CHAD DO, ,DRANG NGES KYI TSUL DE LTAR YIN PA'I SHES BYED DU, MNGON BRJOD LAS, MKHA' 'GRO MA KUN 'DI NYID DU, ,THUGS RJE LDAN RNAMS RNAM PAR GNAS, ,SANGS RGYAS BYANG CHUB SEMS DPA' KUN, , 'GRO BA GSUM PO'ANG 'DI NYID DU, ,NYI SHU RTZA BZHI'I DBYE BA YIS, ,GNAS SOGS 'DI KHO NA LA GNAS, ,DE BAS DE RU BSKOR BA YI, ,SKYO BYA DE NYID CAN GYIS MIN, ,GAL TE DE NYID MED GYUR NA, ,DE RNAMS BSKOR BAS CUNG ZAD MIN, ,
GAL TE DE NYID LDAN GYUR NA, ,DE RNAMS BSKOR BA CI ZHIG DGOS, ,PHYI ROL RNAL 'BYOR PA DE RNAMS, ,BSKOR BAS KHAMS RNAMS ZAD PAR 'GYUR, ,DE BAS PHYI ROL SPANGS NAS NI, ,RNAL 'BYOR ROL PAS GNAS PAR BYA, ,DPAL LDAN RDO RJE RNAL 'BYOR MA, ,RNAM DAG YE SHES CAN RNAMS KYIS, ,RDO RJE RNAL 'BYOR CAN RNAMS GZIGS, ,THUGS RJES KHYAB PA'I THUGS KYIS NI, ,DE RNAMS DGYES PAS DNGOS GRUB MCHOG ,JI LTAR 'DOD BZHIN STZOL BAR MDZAD, CES DANG, RANG GI LHAG PA'I LHA DMIGS TE, ,DE KHO NA NYID GCIG PU BSAM, ,LKUGS PA'I DNGOS POR RAB GYUR PA'I, ,ZLA DRUG TZAM GYIS NGES PAR NI, ,RNAL 'BYOR MA YIS NYER BSTEN PA'I, ,RNAL 'BYOR CHEN PO 'DI GSAL 'GYUR, ,YE SHES 'OD ZER MCHOG MTHONG NAS, ,RNAL 'BYOR MA RNAMS LEGS 'DU STE, ,PADMA'I 'BYUNG GNAS NYAMS DGA' BAR, ,NGANG PA'I TSOGS 'DU JI BZHIN NO, ,DPAL LDAN RDO RJE 'DZIN DNGOS SU, ,'GYUR BA 'DI LA THE TSOM MED, ,MIG 'KHRUL MKHAN BZHIN 'JIG RTEN DU, ,SEMS CAN KUN GYI DON BYED RNAMS, ,SEMS NI DGA' BAR GYIS SHIG CES, ,SEMS CAN RNAMS LA BDAG GSOL 'DEBS, ZHES GSUNGS PA RNAMS DRANGS TE, LHAN SKYES KYI BDE STONG SBYOR BA'I LAS LA NGES PA STER BAR BYED DO, ,GNYIS PA NI, SBYIN PAS SEMS CAN DPAG TU MED PA TSIM PAR BYED PA'I GNAS NI RAB TU DGA' BA'I SA SA DANG PO'O, ,BZOD PA RAB TU GYUR PAS MNGON SHES SOGS PHUL BYUNG SKYE BA'I ZHING NI RGYUD 'DIR SA GSUM PA 'OD BYED PA YIN PAR SHES PAR BYA BA DANG, TSANDO HA'I TSANDA
, ,'DUN PA DANG, AU YIG PHYUNG BA'I AU HA RTAG PA STE 'DUN RTOG DANG, RANG GZHAN GYI DON PHUN SUM TSOGS PA DON DU GNYER BA NI 'DUN PA DANG, 'DI LTA 'DI LTAR BDAG GI DON DE BYA'O ZHES RTOG PA STE DE NI SA LNGA PA SBYANG DKA' BA'O, ,THABS KYI PHAR PHYIN RAB TU GYUR PAS TING NGE 'DZIN DANG MNGON SHES SOGS MTSAN MA MED PAR BRTZOL BAS 'DU BA NI SA BDUN PA RING DU SONG BA YIN ZHING, BDAG MED BAR DUR KHROD DANG MTSUNGS PA'I CHOS KYI DBYINGS RTOGS NAS, SEMS CAN GYIS KYANG DE RTOGS PA'I CHED DU CHOS STON PA SOGS LA 'BAD PA NI DUR KHROD DE DE NI SA DGU PA LEGS PA'I BLO GROS NYID DO, ,NYE BA'I GNAS SA GNYIS PA DRI MA MED PA DANG, NYE BA'I ZHING NI SA BZHI PA 'OD 'PHRO BA DANG, NYE BA'I TSANDO HA NI SA DRUG PA MNGON DU GYUR PA NYID DANG, NYE BA'I 'DU BA NI SA BRGYAD PA MI GA-YO BA DANG, NYE BA'I DUR KHROD NI SA BCU PA CHOS KYI SPRIN NO, ,NYE BA LNGA PO DE'I MING DON NI, SNGA MA LNGA DANG NYE BA YIN LA, NYE LUGS NI PHAN GDAGS BYA DANG 'DOGS BYED DU 'BREL BA DANG, RANG GI SNGA MA LAS PHUL DU BYUNG BAR GYUR BA YANG NYE BA'I DON DU DANG PHYI ROL GYI GNAS DANG NYE BA'I GNAS LA SOGS PA'I NYE BA'I DON LNGA YANG, SNGA MA LA BRTEN NAS DE DANG CHA MTHUN PA'I DON SHES PAR BYA'O, ,DE LTAR SHR'I HE RU KA'I GZHUNG DU SPYOD PA STE GNAS DANG NYE BA'I GNAS LA SOGS PA 'DI NI, NANG GI STE NGES DON GYI BDAG NYID CAN GYI SA BCU YIN LA, SBYIN SAGS PHA ROL TU PHYIN PA BCU'I RANG BZHIN CAN GYI RAB DGA' SOGS KYI SA RNAMS NI, RNAL
'BYOR MA YI BRDA YI SKAD KYI SA GNAS LA SOGS PAR BSTAN TO, ,BRDA DANG KLA KLO'I SKAD GNYIS LA SKAD DOD THUN MONG BA CIG YOD PAR 'DUG PAS, KHA CIG GIS KLA KLO'I SKAD DU BSGYUR MOD KYANG 'GYUR MI LEGS SO, ,GNYIS PA NI, JI LTAR HE RU KA'I SKU'I YAN LAG THAMS CAD GNAS LA SOGS PA YIN ZHE NA, MTHO RIS TE NAM MKHA' LA SPYOD PA'I THUGS KYI 'KHOR LO DANG, SA STENG DU SPYOD PA GSUNG 'KHOR DANG, SA 'OG TU SPYOD PA SKU'I 'KHOR LO'I BRTEN PA DANG, RTEN 'KHOR LO'I RTZIBS NYER BZHI PO THAMS CAD DPA' BO HE RU KA'I YAN LAG DANG NGO BO DBYER MED PAS, HE RU KA BRTAN GA-YO KUN GYI BDAG NYID CAN DU GSUNGS TE DE LA DGONGS NAS SO, ,PULLIR MA LA YA DANG, SOGS PAS YUL LHAG MA NYER GSUM GANG BSTAN PA RNAMS, PHYI ROL GYI BDAG NYID DANG, NANG GI BDAG NYID CAN DU GNAS TE, PHYI MA NI NANG LUS LA GNAS PA DANG, DE DAG GI NGES DON BDE STONG DBYER MED LA BSHAD PA'O, ,DPAL LDAN KHRAG 'THUNG GI RGYAL PO CHEN PO 'DOD PA KUN LA LONGS SPYOD PA LA DBANG BSGYUR BAS NA, DBANG PHYUG GI GTZO BO NI LAM 'DIS BSGRUB PAR BYA BA'O, ,HE RU KA DE JI 'DRA ZHIG CE NA, PHYAG DANG ZHABS DANG LDAN ZHING SPYAN DANG DBU DANG ZHAL DANG, GSAN PA STE THOS PA DANG LDAN PA ZHIG GO ,PHYAG LA SOGS PA DRUG PO JI LTA BU DANG LDAN ZHE NA, KUN TU ZHES PA DRUG KA LA SBYAR BA'I DON NI, SKU'I CHA KUN GYIS PHYAG GI BYA BA BYED NUS PA NI KUN TU PHYAG YIN LA, DES GZHAN LNGA YANG SHES PAR BYA'O, ,'JIG RTEN
, ,THAMS CAD GA-YOGS PA STE KHYAB PAR RNAM PAR BZHUGS ZHES MAN SNYE LAS 'CHAD DO, ,DE LTAR NA PHYAG GIS LEN PA'I BYA BA BYED PA YANG 'JIG RTEN THAMS CAD DU YIN LA, DES LHAG MA RNAMS KYANG SHES PAR BYA'O, , GA-YOGS PA LA 'GYUR GZHAN LAS KHYAB PAR ZHES 'BYUNG NGO, ,DE RNAMS KYI SHES BYED DU, DAD PA'I STOBS BSKYED PA'I MDOR, DE BZHIN GSHEGS PAS GTZUG TOR GYIS KYANG GZIGS SO, ,DE BZHIN DU MDZOD SPUS KYANG GZIGS SO, , DE LTAR MTSAN RE RES SO, ,DE LTAR DUS CIG CAR DU PHYOGS BCU RNAMS SU, 'JIG RTEN GYI KHAMS RAB 'BYAMS THAMS CAD DU GZIGS SO, ,ZHES GSUNGS PA MAN SNYER DRANGS SO, ,GSUM PA NI, DE 'DRA BA'I HE RU KA'I RNAL 'BYOR BRTAN PAR BYAS PA DE NAS, RIM GNYIS KYI BSAM GTAN DANG LDAN PA'I SEMS KYIS DNGOS GRUB THAMS CAD BSGRUB PAR BYA BA NI, SGRUB PA PO RNAMS LA PHAN PAR BYA BA'I PHYIR DU, GSANG BA'I DE NYID 'DI BCOM LDAN 'DAS KYIS GSUNGS PA YIN NO, ,BZHI PA NI, DPAL HE RU KA MNGON PAR BRJOD PA BSDUS PA'I RGYUD LAS, DBANG GI SBYIN SREG LA SOGS PA'I SBYIN SREG DANG, GNAS LA SOGS PA'I BRDA BCUS SA BCU BSTAN PA'I CHO GA'I LE'U STE, LNGA BCU PA'O, ,'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U LNGA BCU PA'I BSHAD PA'O,, ` ,,GSUM PA LE'U NGA GCIG PAS SNGA MA
RNAMS KYI DON BSDUS TE BSTAN PA LA GSUM, BSHAD PAR DAM BCA' BA, DAM BCAS PA'I DON BSHAD PA, LE'U YI GRANGS BSTAN PA'O, ,DANG PO NI, LE'U LNGA BCU PA'I RJES DE NAS SNGAR BSHAD PA'I LE'U SO SO'I DON LAS GZHAN, SNGAR BSHAD PA RNAMS KYI DON PHYOGS GCIG TU BSDUS PA YANG BSHAD PAR BYA'O, ,GNYIS PA LA LNGA, RGYUD 'DRI'I MAN NGAG SHIN TU RNYED DKA' BAR BSTAN PA, RNYED SLA BA'I THABS DE NYID BCU BZHI BSTAN PA, BCU BZHI PO LA SPYOD PA'I PHAN YON DANG MA DAD PA'I NYES DMIGS, DE NYID BCU BZHIR BSDUS PA SGOM PA'I TSUL, SANGS RGYAS KYI GSUNG RAB GANG YANG MI SPONG BA'I THABS BSTAN PA'O, ,DANG PO NI, SANGS RGYAS THAMS CAD KYI MAN NGAG BLA MA CHEN PO LA GUS SHING BSNYEN BKUR BAS RTOGS PAR BYA BA MA GTOGS PA, GZHAN DU SDUG BSNGAL BAS KYANG RNYED PAR MI 'GYUR BAS NA, SHIN TU RNYED PAR DKA' 'O ZHES PHYAG NA RDO RJE LA BOS TE GSUNGS SO, ,RNYED DKA' BA'I GDAMS NGAG NI, RANG GI SEMS CHOS RNAMS KYI DE KHO NA NYID JI LTA BA DE LTAR RJES SU ZHUGS PAR GYUR PA'I DON DAM PA 'OD GSAL DANG, KUN RDZOB PA YONGS SU DAG PA'I SKU GNYIS ZUNG DU 'JUG PA'I ZHING KUN TU RGYU BA'I PHYAG RGYA CHEN PO CHE STE, BDEN PA GNYIS LA LEGS GNAS PA'I, ,ZUNG DU 'JUG PAS RGYU BA STE, ,PHYAG RGYA CHEN POS DE MNGON PAR, ,RDZOGS SANGS RGYAS BYANG CHUB PA'O, ,ZHES GSUNGS PA'I RDZOGS SANGS RGYAS NI SGYU MA'I SKU DANG, BYANG CHUB PA NI 'OD GSAL LO, ,ZUNG 'JUG DE YANG MAN NGAG
, ,GI RIM PA JI LTA BA BZHIN DU NYAMS PA MED PAR, LHAG PAR KHONG DU CHUD CING MTHAR THUG GI BSGRUB BYA'I RJES SU 'JUG PAR, SGRUB PA PO RNAMS KYI SGRUB THABS DANG, SPYOD PA'I CHO GA SHIN TU GSAL BA, BSKYED PA'I RIM PA NAS BRTZAMS NAS RDZOGS PA'I RIM PA'I TING NGE 'DZIN LA BRTEN NAS, DPAL HE RU KA DANG GO 'PHANG MNYAM PAR 'GYUR BAR BSHAD DE, 'DIS NI ZUNG 'JUG GI GO 'PHANG BSGRUB BYAR 'JOG PA DANG, DER BGROD PA'I RIM GNYIS SPYOD PA DANG BCAS PA'I GRUB CHEN GYI MAN NGAG NYAMS PA MED PAR KHONG DU CHUD PA'I MAN NGAG RNYED DKA' BAR BSTAN TE, ZUNG 'JUG LEGS PAR SHES PA NI 'DUS PA DANG DE'I MAN NGAG LEGS PAR SHES PA LA RAG LAS SO, ,'GREL PAR, SANGS RGYAS KUN DANG MNYAM SBYOR BA, ,MKHA' 'GRO DRA BA'I SDOM PA LAS, ,BYUNG BA'I TING NGE 'DZIN RDZOGS PA'I, ,SANGS RGYAS BYANG CHUB PHYAG RGYA CHE'I, ,LAS GNAS RNAL 'BYOR MA YI BKA', ,BDEN ZHING NYE BAR SPYOD DANG BCAS, ,LAN DANG BCAS SHING SANGS RGYAS SPYAN, ,MCHOG LAS MCHOG TU GYUR BA DANG, ,GCIG LAS GCIG BRGYUD MAN NGAG STE, ,THOS DANG BSAMS DANG BSGOMS PA YIS, ,SHES RAB YE SHES GOMS PA NI, ,RNAL 'BYOR RGYUN CHAGS RAB 'BREL BAS, ,RGYUN MI 'CHAD DON SKAL BA CAN, ,YONGS SU SMIN CING YONGS SU BYED, ,SNOD LDAN DE YI PHYIR BSTAN PAS, ,'ONGS PA GANG YIN 'DIR GZHUNG LUGS, ,RGYUD RNAMS KUN TU GSANG BA GANG, ,GSANG CHEN SANGS RGYAS KUN GNAS PA, ,'BUM PHRAG SUM 'GYUR
GANG YIN NYID, ,RAB RGYAS RGYUD LAS 'ONGS PA'O, ZHES GSUNGS SO, ,DE'I RKANG PA DANG PO GSUM GYI DON NI, SANGS RGYAS KUN DANG MNYAM PAR SBYOR BA MKHA' 'GRO MA RNAMS KYI DRA BA SDOM PA SGYU MA LTA BU'I TING NGE 'DZIN GYIS SGRUB PA NI, RDZOGS PA'I SANGS RGYAS TE KUN RDZOB SGYU MA'I SKU DANG MNGON PAR BYANG CHUB PA DON DAM 'OD GSAL GYI BDEN PA GNYIS DBYER MI PHYED PA PHYAG RGYA CHEN PO SGRUB PA'I 'PHRIN LAS YIN NO, ,GNAS ZHES SOGS GNYIS LA NI LVA BA PA'I 'GREL PA'I 'GYUR GZHAN LAS, GNAS KYI RNAL 'BYOR MA RNAMS KYI BKA' LAS 'BYUNG BA NYE BAR BTAGS PA ZHES 'BYUNG BA LTAR BYA'O, ,LAN DANG BCAS ZHES PA NI 'GYUR GZHAN LA MED DO, ,SANGS RGYAS KYI SPYAN NI SPYAN DANG 'DRA BAR GCES PA'I DON NO, ,'DIR GZHUNG LUGS ZHES PA NI, SNGAR BSHAD PA'I MAN NGAG RNYED DKA' BA'O, ,LHAG MA RNAMS NI SLA'O, ,'GOS 'GYUR LAS TSIGS BCAD DU 'BYUNG LA, SH'AKYA BRTZON 'GRUS KYI 'GYUR LA LHUG PAR 'BYUNG NGO, ,'GOS 'GYUR LAS 'BUM PHRAG GSUM DU 'BYUNG BA LA, 'GYUR GZHAN DANG LHA SBAS KYI 'GREL PAR, STONG PHRAG GSUM ZHES BSGYUR BA NI DPE MA DAG PA LAS BSGYUR BA'O, ,DE LTAR RGYUD 'BUM PHRAG GSUM PA LAS 'ONGS PA'I DON, BSKYED RIM LA BRTEN PA'I DE KHO NA NYID BCU BZHI SGOM PA NAS, RDZOGS PA'I RIM PA'I MTHAR THUG PAR GYUR PA NI, NYON MONGS PA DANG BRAL BAS DPA' BO STE DE'I BRDA YI SKAD DU RDO RJE 'DZIN PA NGA YIS SBAS PA YIN NO, ,GANG DU SBAS SHE NA, RGYUD GZHAN DU STE BYA BA DANG SPYOD PA DANG RNAL 'BYOR DANG, RNAL 'BYOR BLA MA RNAMS
, ,SU'O ZHES GSUNGS PA LA, RGYUD GZHAN NI RGYUD SDE 'OG MA GSUM MO, ,SBAS PA LA GNYIS LAS, DER YE MA BSTAN PAR SBAS PA NI RGYUD SDE 'OG MA GSUM DANG MDO SDE'I PHYOGS SU'O, ,TSIG BZHI PA LA 'GYUR GZHAN LAS RNAL 'BYOR MCHOG RNAMS SU'O ZHES KYANG 'BYUNG BAS RNAL 'BYOR BLA MED DO, ,DER SBAS PA NI RGYUD DE'I DON DU YOD KYANG TSIG MI GSAL BAR SBAS PA'O, ,RGYU MTSAN DES NA SHIN TU RNYED DKA' BA'O, ,DE LTAR NA RNYED DKA' BA'I GDAMS NGAG NI SPYIR HE RU KA'I RIM GNYIS SPYOD PA DANG BCAS PA YIN LA, KHYAD PAR DU NI SGYU LUS KYI TING NGE 'DZIN GYIS ZUNG 'JUG SGRUB TSUL RNYED DKA' BAR LVA BA'I NA BZA' CAN DANG, LHA SBAS KYIS BSHAD PA NI GNAD SHIN TU CHE'O, ,GNYIS PA NI, DE LTAR GANG RNYED DKA' BA DANG, RNYED DKA' BA'I RGYU MTSAN BSTAN PA DE, RNYED SLA BA'I THABS NI DE NYID BCU BZHIR BSDUS PA'I STENG NAS BSHAD DGOS PA YIN PAS, 'DI LA GNYIS, DE NYID BCU BZHI'I TSIG GI DON BSHAD PA DANG, DE RIM PA GNYIS LA SBYAR TE BSHAD PA'O, , DANG PO NI, DE NYID BCU BZHI'I GRANGS 'DI LTAR BYED RTZA RGYUD KYI 'GREL PA KHUNGS MA RNAMS NAS MA BSHAD KYANG DNGOS SU GSUNGS PA RNAMS DE NYID RNAMS KYI GRANGS YIN NO, ,DE NYID DANG PO GOS DANG PHYAG RGYA LNGA LA SOGS PA'I DE NYID NI, GOS KYI SKAD DOD NI BA SA NAm ZHES PA GNAS DANG, GOS GNYIS KA LA 'JUG PAR LO TZ'A BA MKHAS PA DAG BZHED PA LEGS PAS, 'GREL PA RNAMS LAS GOS LA STAG GI PAGS PA DANG GZHAL YAS KHANG GI BSHAD PA GNYIS BYUNG BA'I PHYI MA BOD SKAD LA
'BREL MED 'DRA BA CIG BYUNG YANG, SKAD DOD KYI STENG NAS YIN LA, GNAS LA NI SGRUB PA PO'I GNAS DANG, DKYIL 'KHOR PA'I LHA'I GNAS GNYIS SO, ,PHYAG RGYA LNGA NI, MGO BO'I NOR BU 'AM SPYI BO'I 'KHOR LO DANG, RNA CHA DANG, MGUL RGYAN DANG, LAG GDUB DANG, MCHOD PHYIR THOGS LNGA'O, ,LA SOGS KYIS NI THAL BA SDUD PAR BSHAD DE, NAG PO PA'I DKYIL CHOG LAS MGO PHRENG DANG, RAL PA'I COD PAN DANG BCOS MA'I SKRA LA SOGS PAS BRGYAN PAR BSHAD PA YANG BSDU STE, SGRUB PA'I GNAS SU SGRUB PA PO CHOS SU 'JUG PA'I TSUL LO, ,GNYIS PA SHES RAB YAN LAG GI DE NYID NI, KHA tVAm GA'AM SHES RAB MA'I YAN LAG GIS 'KHYUD PA LA BSHAD DO, ,NAG PO PA'I DKYIL CHOG LAS, SHES RAB YAN LAG STAN GYI STENG, ZHES GSUNGS PA YANG SHES RAB MA STAN DU BYA BA'I DON TE SNGA MA DANG 'DRA'O, ,GSUM PA PHUR BU DANG GUR GYI DE NYID NI, RDO RJE'I PHUR BU DANG, RDO RJE'I GUR DANG, DES MTSON NAS RDO RJE'I RA BA DANG, BLA RE DANG, RDO RJE'I SA GZHI DANG, MDA'I DRA BA DANG, ME'I PHRENG BA LA SOGS PA STE BSRUNG 'KHOR SGOM PA'O, ,A'A LI DANG K'A LI ZHES PA DBYANGS GSAL GYI PHRENG BA BRJOD NAS, DE RNAMS KHOR YUG TU BKOD PA YONGS SU GYUR PA LAS, ZLA BA DANG NYI MA'I GZUGS SU SGOM PA'O ZHES BSHAD DE, A'A LI LAS ZLA BA DANG, K'A LI LAS NYI MA SGOM PA'I LUGS TE, DKA' RGYAL GYIS KYANG DE BZHIN DU BSHAD DO, ,DES MTSON NAS, ZLA BA DKAR DMAR GNYIS DANG, ZLA BA GCIG SKYED PA YANG GZUNG NGO, ,'DI LA A'A LI'I DE NYID DANG
, ,K'A LI'I DE NYID GNYIS SU BYA BA NI DE NYID BZHI PA DANG LNGA PA'O, ,DRUG PA RGYU SOGS STONG PA SNGON DU 'GRO BA'I DE NYID NI, MAR DO'I LUGS KYIS SOGS KYI SKAD DOD DANG PO LA'ANG 'JUG PAS, RGYU BSOD NAMS KYI TSOGS DANG POR BYAS NAS, STONG PA SGOM PA YE SHES KYI TSOGS GNYIS GSOG PA LA 'CHAD KYANG, 'GREL PA RNAMS LAS SOGS KYI STENG NAS BSHAD CING, DPA' BO RDO RJE DANG GNYIS KA'I BSHAD SBYAR LAS, HE NI RGYU SOGS STONG PA NYID, CES SOGS GSUNGS PA'I DON DU 'CHAD PAS, RTEN SKYED PA'I SNGON GYI STONG NYID SGOM PA LA YANG SBYAR RO, ,DE LTAR BYAS NA RTEN DANG BRTEN PA SKYED PA'I SNGON DU 'GRO BA'O, ,RGYU STE SKYED PA'I BYED PA DANG, SOGS KYIS BSDUS PA BSKYED PAR BYA BA SOGS THAMS CAD STONG PA NI, BZHI PA BYA BA SGRUB PA'I YE SHES SU 'CHAD DO, ,STONG PA NI ZLA NYI DANG SA BON RNAMS SO SOR GNAS PAS STONG PA GCIG TU 'DRES PA LA DGONGS SO, ,BYA SGRUB KYI SNGON DU 'GRO BA NI GSUM PA SOR RTOG LA BSHAD DO, ,BDUN PA 'JUG PA SGO LA SOGS PA'I DE NYID NI, LVA BA PA'I 'GREL PA'I 'GYUR GZHAN LAS, SGRA DANG LA SOGS PAS BSDUS PA ZLA NYI DANG PHYAG MTSAN RNAMS RGYU RDO RJE 'DZIN PA JI SRID PA DE SRID DU 'JUG PA DANG, 'JUG PA'I MTSAN MA STE RGYU NI SGRA TZAM ZHES PA MNGON BYANG BZHI PA'I SKABS SU GNAS PA'I H'Um MO, ZHES 'CHAD DE GZHAN GSUM YANG RGYU'O, ,'GREL PA GZHAN LAS, BZUNG BA N'A DA SOGS PAR GNAS, ZHES BTON NAS HE RU KA BZUNG BA STE 'JUG CING
SKYED PA'I RGYUR YI GE GSUM DANG N'A DA'I NGO BO YONGS SU BZUNG BA'O ZHES 'CHAD DO, ,SOGS PAS NI YI GE GSUM LAS 'KHOR LO GSUM GYI LHA RNAMS SPRO BA'O, ,BRGYAD PA BSDUS PA'I SBYOR BA DANG LDAN PA'I DE NYID NI, SA BON DANG ZLA NYI RNAMS GONG BU GCIG TU BSDUS PA STE BYA BA SGRUB PA'I SKABS DANG SBYAR RO GSUNG NGO, ,KHA CIG SPROS PA'I LHA RNAMS KYIS SEMS CAN GYI DON BYAS PA SNGON DU 'GRO BAS YI GE GSUM LA BSDUS PA'O, ,ZHES 'CHAD DE JI LTAR BSDUS PA'I ZHES 'DON NO, ,NAS DANG JI SRID KYI DON NI MNGON BYANG SGOM PA NAS RDZOGS PA'I BAR ZHES PA'O, ,DGU PA BDUD RTZIS TSIM PAR BYED PA'I DE NYID NI, SHIN TU RNAM PAR DAG PA'I YE SHES KYI BDAG NYID KYI RDO RJE 'DZIN PA MNYES PAR BYED PA YIN LA, DE YANG PHYI NANG GI BDUD RTZI MCHOD PA'O, ,BCU PA MYA NGAN LAS 'DAS PA'I DE NYID NI, DKYIL 'KHOR SGOM PA RDZOGS PA'I MTHAR LHA RNAMS RANG LA SDUD PA'O, ,BCU GCIG PA LAG PA'I MCHOD PA'I DE NYID NI, LAG PA LA MCHOD PA DANG LAG PAS MCHOD PA GNYIS YIN TE, GZHAN DU RGYAS PAR BSHAD ZIN TO, ,BCU GNYIS PA DBANG BSKUR BA'I DE NYID NI, CHU DANG COD PAN DANG RDO DANG BDAG PO DANG, MING DANG, SLOB DPON DANG, BRTUL ZHUGS DANG LUNG BSTAN DANG, DBUGS DBYUNG DANG GZENGS BSTOD DANG, CHOS BSHAD PA DANG, GSANG BA DANG, SHES RAB YE SHES DANG, BZHI PA STE BCU BZHI LA BSHAD DE, DES LHA DBANG BSKUR BA YANG MTSON NO, ,BCU GSUM PA GO CHA CHEN POS YANG DAG PAR BSRUNG BA'I DE NYID NI, LUS KYI SPYI BO LA
, ,SOGS PA'I GNAS NYE BZHIR NYI GDAN LA, PU DZA LA SOGS PA'I YI GE NYER BZHI THIG LE CAN 'GOD PA NI GO CHA CHEN PO DANG, DES MTSON NAS YAB YUM GYI GO CHA GNYIS BKOD NAS SRUNG BA'O, ,BCU BZHI PA SNGAGS RNAMS KUN GYIS MCHOD PA'I DE NYID NI, L'U AI PAS BSHAD PA LTAR LHA KUN GYI SNGAGS BTON NAS MCHOD PA STE, LHA SO SE'I SKU LA DMIGS NAS SO SO'I SNGAGS ZLOS PA'O, ,KHA CIG RKANG PA BRGYAD PA'I SNGAGS KYIS BSTOD PA LA SNGAGS MCHOD DU BYED, GZHAN DAG A'A LI K'A LI LA SOGS PA'I SNGAGS KYI DON DRAN PA LA 'CHAD DO, ,SNGAR BSHAD PA DE LTAR DE NYID BCU BZHIR BSDUS NAS BSHAD PA NI, SNGAR GYI LE'U LNGA BCU'I DON MDOR BSDUS NAS NI YANG DAG PAR BSHAD PA YIN NO, , GNYIS PA NI, RIM PA GNYIS KA'I THUN MONG GI DE NYID NI BZHI STE, DBANG BSKUR BA'I DE NYID KYI BYE BRAG RGYUD SNOD RUNG DU BYED PA NI THOG MAR 'BYUNG NGO, ,LAG MCHOD KYI DE NYID NI DBANG GI DUS SU THOB PA'I DAM TSIG DANG SDOM PA SRUNG BA LA, THUN MONG YIN MIN GNYIS LAS PHYI MA DANG, DE'I YANG GTZO BO GA-YON PA'I KUN SPYOD SPYI LA SLOB PA DANG, DE'I NANG NAS KYANG GTZO BOR GYUR PA'I DAM TSIG YIN NO, ,GOS DANG PHYAG RGYA LNGA LA SOGS PA'I DE NYID DANG SNGA MA GNYIS TE GSUM DANG, SHES RAB YAN LAG GI DE NYID NI DBANG DUS DANG, RIM GNYIS KYI DUS TE SKABS GSUM DU DGOS TE DE BZHI NI RIM PA GNYIS KA'I THUN MONG PA'O, ,BSKYED RIM LA SBYAR TE BSHAD PA LA MNGON BRJOD LAS 'BYUNG BA LTAR, BSKYED RIM MTHA' YAS
PA CIG BSHAD PA SOGS BSKYED RIM KUN LA 'JUG MOD KYANG, 'DIR GTZO BOR NYER BAR MKHO BA'I LO DRIL NAG GSUM GYI GZHUNG LA BRTEN NAS BSHAD NA, PHUR BU DANG GUR GYI DE NYID KYIS NI, BSRUNG 'KHOR RGYAS 'BRING BSDUS GSUM BSDUS LA, DES MTSON NAS SBYOR BA TSOGS BSAG SOGS SGRUB THABS DNGOS GZHI'I SNGON DU 'GRO BA RNAMS KYANG SHES DGOS PA NI MNGON BRJOD SOGS BSHAD RGYUD LAS SHES SO, ,A'A LI ZHES SOGS KYI RKANG PA BZHIS MNGON BYANG LNGA BSTAN PAR LVA BA PAS GSUNGS PA NI, KHYAD PAR 'GA' YAR TZAM MA GTOGS PA LO NAG DRIL GSUM GSUM GA'I SGRUB THABS LA YANG SBYAR DU RUNG NGO, ,'GREL PA GZHAN GYI BSHAD PA LTAR NA YANG DKYIL 'KHOR GYI LHA SKYED PA'I YAN LAG LA SBYOR BA NI SNGAR BSHAD PAS GO NUS LA, SGRA NI N'A DA DANG SOGS KYIS NI BAR SRID MTSON PA'I YI GE GZHAN YANG SDUD LA, 'JUG PA NI RTEN BRTEN PA DUS GCIG TU SKYED PA LA NI ZLA BA'I STENG DU BABS PA DANG, RGYU RDOR 'DZIN YAB YUM MNYAM PAR SBYOR BA LA NI YAB KYI ZHAL LAM, SNYING KHA SOGS NAS ZHUGS TE YUM GYI PAD MAR 'GRO BA'O, ,NAS ZHES PA NI DE NAS BZUNG STE ZHES PA'O, ,BSDUS PA'I SBYOR BA DANG LDAN PA'I DE NYID NI DE NAS BZUNG STE JI SRID DAM TSIG PA DANG, YE SHES PA'I LHA GNYIS GCIG TU BSDUS PA'I SBYOR BA DANG LDAN PA DE SRID DU ZHES PA STE, LO DRA'I GNYIS KA LA SBYAR BAS CHOG GO ,NAG PO PA LTAR NA SNGAR BSHAD PA NAS BZUNG STE, LHA SO BDUN DANG BYANG PHYOGS SO BDUN GCIG TU BSDUS PA'I SBYOR BA'I BAR LA BYA'O, ,DBANG BSKUR GYI PHYOGS
, ,GCIG LHA DBANG BSKUR NAS RIGS BDAG GIS RGYAS GDAB PA YANG 'DIR SBYAR RO, ,BDUD RTZIS TSIM BYED KYI DE NYID NI NANG MCHOD DANG GTOR MAS MCHOD PA SOGS SO, ,MYANG 'DAS DANG, GO CHA DANG SNGAGS MCHOD NI SNGAR DANG 'DRA'O, ,RDZOGS RIM BSTAN TSUL NI DE NYID BCU BZHI'I DON HE RU KA 'KHOR BCAS SKYED PA 'OG TU STON PA'I SKABS SU 'CHAD PAR 'GYUR RO, ,DE NYID BCU BZHI'I CHINGS BYAS PA'I STENG NAS MAN NGAG RNYED SLA BAR STON PA DE YANG RTZA BSHAD LEGS PAR MA SBYAR BA LAS RNYED PAR MI SLA STE, BSHAD RGYUD NI RTZA RGYUD KYI MAN NGAG LEGS PAR RNYED PA'I CHED YIN PA'I PHYIR RO, ,DE SBYOR BA YANG LO NAG DRIL GSUM LTA BU'I GRUB CHEN GYI MAN NGAG SHES PA'I BLA MAS BSHAD PA LAS YIN GYI DE MED PAR MIN NO, ,GSUM PA LA GNYIS, DE NYID BCU BZHI LA SPYOD PA'I PHAN YON DANG, LAM 'DI LA MA DAD PA'I NYES DMIGS SO, ,DANG PO LA GNYIS, 'DI PHYI'I PHAN YON SPYIR BSTAN PA DANG, KHYAD PAR DU 'CHI BA'I DUS SU 'BYUNG BA'I PHAN YON BSTAN PA'O, ,DANG PO NI, MI'I MCHOG GANG ZHIG SNGAR BSHAD PA'I DE NYID BCU BZHI'I RIM GNYIS LA, KUN NAS SPYOD PA NI SNGON BSAGS PA'I SDIG PA THAMS CAD RNAM PAR DAG PA'I BDAG NYID DU 'GYUR TE, SGRIB GNYIS KYI DRI MA THAMS CAD DAG PA'I DE BZHIN GSHEGS PA'I YE SHES KYI SA TSE 'DIR THOB PAR 'GYUR RO, ,GAL TE SGOM PA PHUL DU BYUNG BAR 'GRO BA MED PAS DE 'DRA BA DE MA THOB NA, DE'I TSE CIR 'GYUR ZHE NA, SKYE DANG SKYE BAR BDE BAR GSHEGS PA'I
RIGS TE SNGAGS SPYOD PA'I RIGS KYI BDE 'GRO'I RTEN KHYAD PAR CAN DU SKYE BA DANG, DE 'DRA BA'I RIGS KYI CHOS SPYOD PA DANG LDAN PA'I RGYAL POR SKYE BAR 'GYUR RO, ,GAL TE SHIN TU SDIG CHE BAS KYANG DE NYID BCU BZHI GOMS PAR BYAS NA DE'I TSE CIR 'GYUR ZHE NA, SNGON SOGS NI MAL GYIS SNGON BSAGS SU BSGYUR BA BDE BAS, LUS DANG NGAG DANG YID KYIS SNGON JI LTAR BSAGS PA'I SDIG PA'I MTSAN NYID THAMS CAD DMAN PA STE ZAD PAR BYAS NAS, SA LA 'DOD PA KUN GYI DBANG PHYUG TU 'GYUR RO, ,GANG GIS ZAD PAR 'GYUR SNYAM NA, SGRUB PA PO GANG ZHIG DE NYID BCU BZHI PO 'DI NI RTAG TU SGOM PA'I BSAM GTAN DE YIS SDIG PA ZAD PAR BYED DO, ,ZHAL PHYAG GI RNAM PA CAN GYI HE RU KA BSGOMS PAS, SNGON BSAGS PA'I SDIG PA JI LTAR 'DZAD SNYAM PA LA, DE'I DPE STON PA NI, DPER NA MAR GYIS GANG BA'I SNOD MI GTZANG BA'I SNYIGS MAS GOS PA, ME YI DBUS SU BZHAG NA NI MAR SAR STENG DU ZHU BAR 'GYUR ZHING, SNOD KYI DRI MA'I SNYId MA 'BYOR BA RNAMS 'JIG PA STE GOG NAS MAR KHU'I 'OG TU GNAS PAR 'GYUR BA DE BZHIN DU RANG NYID SHR'I HE RU KA ZHES PA YI MTSAN CAN DU SGOM PA, ZHAL PHYAG GI RNAM PA CAN DANG STONG NYID BSGOMS PA NYID KYIS SDIG PA 'JIG PA STE ZAD PAR 'GYUR TE, YID LA HE RU KA'I BSAM GTAN BSAMS PA STE BSGOMS PA TZAM GYIS SAM, RTZA RGYUD KYI GLEGS BAM KLOG CING KHA TON DU BYED PA DANG, GLEGS BAM BRIS PA YIS KYANG SDIG PA DAG NAS, MTHO RIS TE BDE 'GRO'I RTEN DANG,
, ,LONGS SPYOD KYI 'BYOR PA THOB PAR 'GYUR BA'AM, YANG NA 'KHOR LO SGYUR BA 'THOB PAR 'GYUR RO, ,GNYIS PA NI, GAL TE GA-YENG BAS TSE 'DIR DNGOS GRUB MA GRUB NA 'CHI BA'I TSE PHAN YON NI, LAM 'DI'I RNAL 'BYOR PA DANG RNAL 'BYOR MA RNAMS 'JIG RTEN 'DI NAS 'JIG RTEN PHA ROL TU 'PHO BA'I TSE NI, DPAL KHRAG 'THUNG STE HE RU KA DANG, SOGS KYIS BSDUS PA RJE BTZUN MA PHAG MO LA SOGS PA'I DPA' BO DANG RNAL 'BYOR MA LAG NA ME TOG DANG, BDUG SPOS SNA TSOGS PA DANG, RGYAL MTSAN DANG, BA DAN SNA TSOGS PA DANG, ROL MO'I SGRA NI SNA TSOGS PA DANG, YID DU 'ONG BA'I GLU'I MCHOD PA SNA TSOGS KYIS MKHA' SPYOD KYI GNAS SU 'KHRID PAR BYED DE, ,'GREL PA GSUM NAS MKHA' SPYOD 'OD GSAL LA BYAS NAS DE'I GO 'PHANG LA 'GOD PAR BSHAD PA NI, NGES DON GYI BSHAD PA YIN TE, 'CHI BA 'OD GSAL DU 'CHAR DU 'JUG PA'O, ,BSHAD SBYAR LAS DON DAM PAR NI SNGON GYI GNAS YONGS SU BTANG STE, KHYAD PAR DU 'PHAGS PA'I GNAS RNAMS LA BRTEN NAS RNAL 'BYOR PA 'GRO'O, ,ZHES SGRAS ZIN TSOD KYI STENG NAS BSHAD PA NI, DRANG DON GYI MKHA' SPYOD DE, DKA' RGYAL GYIS MKHA' 'GRO'I GNAS SU 'KHYER BAR 'GYUR, ZHES 'GOD TE MKHA' 'GRO MA BZHUGS PA'I GNAS MKHA' SPYOD DO, ,'DIR MI'I RTEN GYIS MKHA' SPYOD 'GRUB PA MANG DU GSUNGS PA'I MKHA' SPYOD GRUB PA NI, 'DI'I LAM TSUL BZHIN DU SGRUB PA'I SGRUB PA PO MIN KYANG, MI 'GA' ZHIG SNGAGS DANG RDZAS LA SOGS PA'I MTHUS NAM MKHA' LA 'GRO BA SOGS
NUS PA TZAM LA MI ZER GYI SNGAGS SPYOD PA'I RTEN KHYAD PAR CAN GYI MKHA' 'GRO DANG, MKHA' 'GRO MA RNAMS NAM MKHA'I DBYINGS KYI GNAS KHYAD PAR CAN DU BZHUGS NAS GSANG SNGAGS MCHOG RNAMS SPYOD KYI GNAS YIN LA, DER SGRUB PA PO MI'I RTEN CAN GYIS LUS MA SPANGS PAR BGROD NUS PA NI MKHA' SPYOD GRUB PA YIN NO, ,DE TSE 'DIR MA GRUB KYANG SKYE BA RTING MA NYID LA 'GRUB PA NI, SKYE BA GZHAN DU MKHA' SPYOD 'GRUB PA STE DE 'DRA BA'I MKHA' SPYOD LA RIM PA DU MA ZHIG YOD DO, ,TSE 'DIR MKHA' SPYOD 'GRUB LUGS KYANG RIM PA GNYIS KYI LAM GYI MTHU NYID KYIS 'GRUB PA DANG, MKHA' 'GRO MA DANG DPA' BO'I KHYAD PAR 'GA' ZHIG GIS DER DNGOS SU 'KHRID PA'ANG YOD DO, ,DE BZHIN DU MI YUL GYI BYE BRAG GI SA LA SPYOD PA, RIG PA 'DZIN PA'I 'GO BA DU MAS SNGAGS SPYOD PA'I GNAS KHYAD PAR CAN YANG MANG DU YOD DO, ,DES NA 'CHI BA ZHES PA 'DI NI 'JIG RTEN PA'I RNAM RTOG GIS BZHAG PA STE, RNAL 'BYOR PA KHYAD PA CAN RNAMS KYI 'CHI BA NI GNAS BZANG PO GCIG BTANG NAS BZANG PO GCIG TU 'JUG PA YIN LA, DE LTA NA TSE 'DIR KHANG BZANG GCIG NAS GCIG TU BGROD PA LA 'CHI BA ZHES MI BRJOD PA BZHIN NO, ,DE 'DRA BA'I YON TAN BSHAD PA'I DPA' BO CHEN PO DPAL BDE MCHOG DANG, THOD PA'I DUM BU SOGS DANG, RNAL 'BYOR MA RAB GTUM MA LA SOGS PA DE DAG SA YI STENG NA NI RNYED PAR DKA' 'O ZHES 'CHAD PA NI, DPA' BO DANG RNAL 'BYOR MA DE 'DRA RNAMS SGOM PA LA BRTZON PA RNAMS SHIN TU RNYED DKA' BA'I DON TE, DE RNYED DKA' BAR BSTAN
, ,PAS, 'DI 'DRA BA'I LAM LA NYAMS LEN BYA SA YOD PA'I DUS SU NI, SHIN TU RNYED DKA' BA SHES PAR GYIS LA, LAM 'DI LA THOS BSAM SGOM PA LA 'BAD PA BYOS SHIG CES STON NO, ,GNYIS PA NI, DPAL LDAN HE RU KA'I RGYUD CHEN PO GANG GIS SHES NAS MA DAD PA DE LA DNGOS GRUB KUN GYIS DBUL PO STE DBUL BA DANG, NGAN 'GRO LA SOGS PA'I SDUG BSNGAL GYIS GDUNGS PAR RTAG TU 'BYUNG BAR 'GYUR NA, MI SHES PAR MA DAD PAR BYED PA LTA CI SMOS, DE'I PHYIR RGYUD CHEN PO 'DI SHES PAR BYA BA LA 'BAD CING, SHES NAS KYANG SHIN TU GUS PAR BYA'O, ,BZHI PA NI, DE NYID BCU BZHI'I DON BSGOMS PA'I PHAN YON DANG, MA DAD PA'I NYES DMIGS SHIN TU CHE NA, DE'I DON SGOM PA'I TSUL JI LTAR BYA SNYAM NA, SHR'I HE RU KA RGYAL PO CHEN PO'I GO 'PHANG MCHOG BSGRUB PA'I THABS DE NYID BCU BZHI'I DON NI BSGOM PAR BYA'O ZHES 'OG TU SBREL LO, ,JI LTAR DU BSGOM ZHE NA, MGUL RGYAN DANG, PHYAG DANG ZHABS KYI GDU BU DANG, DPUNG PA GNYIS KYI RGYAN DANG, RNA BA GNYIS KYI RGYAN DANG, TSANGS PA'I SKUD PA DANG, MGO BO RLON PA'I PHRENG BA'I DO SHAL DANG, THOD SKAM GYI DBU RGYAN DANG, SKE RAGS DRIL BU GA-YER KHA'I SIL SIL GYI SGRA SGROGS PA DANG BCAS PAR HE RU KA LA SOGS PA BSGOM PAR BYA'O, ,'O NA SKYED CHOG JI LTA BUS BSKYED PA'I LHA SGOM SNYAM NA, LE'U SO GNYIS PAR BSHAD PA'I 'BYUNG BA RIM BRTZEGS DANG, RI RAB KYI STENG DU SNA TSOGS PADMA CHE BA DANG, DE'I DBUS SU SNA TSOGS RDO RJE DANG, DE'I
STENG DU SNA TSOGS PADMA CHUNG BA DANG, DE'I LTE BAR A'A LI BCU DRUG PA PHRAG GNYIS GA-YAS SKOR DANG GA-YON SKOR DU BKOD PA DANG, K'A LI BZHI BCU PA PHRAG GNYIS GA-YAS SKOR DANG GA-YON SKOR DU BKOD PA GNYIS YONGS SU GYUR PA LAS, ZLA BA DANG SA BON DANG DE RNAMS GCIG TU 'DRES PA LAS RTEN DANG BRTEN PA RNAMS SKYES PA STE, RTEN DANG BRTEN PA GNYIS KA DUS GCIG TU RDZOGS PA L'U A'I PA'I LUGS SO, ,RTEN DANG BRTEN PA SNGA PHYI BAR BYED NA RI RAB KYI STENG DU RTEN SNGON DU SKYED PA'I GZHAL YAS KHANG GI DBUS SU, A'A LI K'A LI SOGS KYI MNGON BYANG LNGA LAS HE RU KA SKYED PA STE, MNGON BRJOD LAS GSUNGS PA'I SGRUB THABS DU MA ZHIG LA SBYAR DGOS PAS, LO NAG GNYIS KHO NA LA SBYOR BA MIN LA, 'ON KYANG SKABS SU GANG NYE BAR MKHO BA PHYOGS GCIG PA LA'ANG SBYAR RO, ,DE LTAR MNGON BYANG LAS SKYES PA'I HE RU KA NI DKAR MO STE LHA MO AU MA DANG DE'I BDAG PO DRAG PO DBANG PHYUG GNYIS ZHABS 'OG TU RNAM PAR GNON ZHING, PHYAG DANG PO GNYIS KYIS RDO RJE DANG DRIL BU 'DZIN PAS PHAG MO'I SKU LA 'KHYUD CING, NYI SHU RTZA BZHI'I PHYED BCU GNYIS NI, SPYAN BCU GNYIS DANG MA MO BCU GNYIS LA 'CHAD PA YOD KYANG, PHYAG LA 'CHAD PA LEGS TE KUN SPYOD DANG MTHUN PA'I PHYIR RO, ,DE 'DRA BA'I PHYAG DANG LDAN PA STE PHYAG MTSAN LHAG MA NI BSHAD RGYUD LAS GSUNGS PA L'U AI PA DANG, DRIL BU PAS MDZAD PA'I SGRUB THABS DANG MTHUN PAR BKOD PA'I MNGON RTOGS SU SHES PAR BYA'O, ,SKU LA 'KHYUD CES PAS YUM YANG STON PAS GTZO BO YAB YUM GNYIS DANG, DPA' BO
, ,DANG RNAL 'BYOR MA'I TSOGS KYIS YONGS SU BSKOR BA'I DKYIL 'KHOR BSGOM PAR BYA'O, ,LO CHEN GYIS, DPA' BO RNAL 'BYOR MA TSOGS BSKOR, ZHES BSGYUR RO, ,THOD PA'I DUM BU LA SOGS PA'I DPA' BO NYER BZHI PO KUN DANG; MKHA' 'GRO MA LA SOGS PA'I RNAL 'BYOR MA SA DRUG PO'I 'KHOR DANG BCAS PA'I DBUS SU, GTZO BO YAB YUM SNYOMS PAR 'JUG PA'I SBYOR BA DANG LDAN PAS LHA THAMS CAD LA DGYES PA SKYED PA'I BDE STONG GNYIS SU MED PAR GYUR PA, 'KHOR GYI LHA RNAMS 'BYIN PA STE SPRUL BA DANG, SLAR YANG DE RNAMS RANG LA SDUD PAR MDZAD PA YIN NO, ,DE LTAR NA THOG MAR DBANG RDZOGS PA THOB PA'I SGRUB PA POS BSRUNG 'KHOR DANG SBYOR BA TSOGS BSAG BYAS TE RTEN DANG BRTEN PA'I LHA RDZOGS PAR BSKYED NAS SGOM PA DANG, DAM TSIG SRUNG BA DANG, MCHOD PA SOGS NI DE NYID BCU BZHI'I DON YIN LA, 'DIR YANG DE DAG GI GTZO BO RNAMS STON PAS, 'DI NI DE NYID BCU BZHI'I DON GYI GTZO BO SGOM PA YIN NO, ,DE 'DRA BA DE LA 'BYUNG BA RIM BRTZEGS SOGS RTAN GYI NGES DON DANG, MNGON BYANG DANG DE LAS HE RU KA RDZOGS PA SOGS KYI NGES DON YOD PA NI, LE'U DANG POR RGYAS PAR BSHAD ZIN TO, ,KHYAD PAR DU SGYU LUS KYI TING NGE 'DZIN GYIS ZUNG 'JUG SGRUB PA NI, SGYU MA'I SKU 'OD GSAL DU ZHUGS PA LAS SGRUB PA YIN TE, MTHA' CHOD PAR SHES PAR 'DOD NA DPAL GSANG BA 'DUS PA LAS SHES PAR BYA'O, ,LNGA PA NI, CHOS STON PA'I SKU'I BKOD PA DANG, BRJOD BYA MI 'DRA BA SNA TSOGS PA LA MOS PA'I SEMS CAN TE GDUL
BYA DU MA LA SPYOD PA MI 'DRA BA SNA TSOGS PA SANGS RGYAS KYIS STON PAR MDZAD DE, THABS SNA TSOGS PA'I TSUL GYIS GDUL BAR BYA LA, RANG GI DBANG PO DANG 'TSAM PA'I THABS NI SNA TSOGS PA STON PA YIN NO, ,DE LTAR SHIN TU ZAB MO'I CHOS NI STON PA STE BSTAN PA LA, GAL TE MOS PA THOB PAR MA GYUR KYANG, CHOS DE LA SMOD PA DAG TU MI BYA STE, GSUNG RAB KYI BRJOD PAR BYA BA'I CHOS ZAB MO NYID BDAG 'DRA BAS BSAM GYIS MI KHYAB BO SNYAM DU DRAN PAR BYA'O, ,THAMS CAD LA MOS PA MNYAM POR SKYE BA DKA' BAS, MOS PA DE 'DRA BA MA SKYES KYANG MI SMOD PAR BTANG SNYOMS SU BZHAG NA NYES PA MED PAR GSUNGS TE, MDO SDE'I RGYAN LAS, YID KYI NYES PA'I RANG BZHIN GDUG PA STE, ,MI RIGS PA YI GZUGS LA'ANG MI RIGS NA, ,THE TSOM ZA BA'I CHOS LA SMOS CI DGOS, ,DE PHYIR BTANG SNYOMS BZHAG LEGS NYES PA MED, CES DANG, RIN CHEN PHRENG BA LAS KYANG, DE BZHIN GSHEGS DGONGS GSUNGS PA RNAMS, ,SHES PAR SLA MIN DE YI PHYIR, ,THEG GCIG THEG PA GSUM GSUNGS PA, ,BTANG SNYOMS KYIS NI BDAG BSRUNG BYA, ,BTANG SNYOMS KYIS NI SDIG MI 'GYUR, ,SDANG BAS SDIG 'GYUR DGE MI 'GYUR, ZHES GSUNGS SO, ,BSAM GYIS MI KHYAB PA JI LTAR DRAN PAR BYA NA, GSANG CHEN 'DIR BDAG SO SO SKYE BO'I YUL MIN PA GANG GIS NA, BDAG GIS CHOS RNAMS KYI CHOS NYID DE DANG TSUL JI LTAR YIN PA MI SHES PA YIN LA, RDZOGS PA'I SANGS RGYAS DANG SANGS RGYAS DE YI SRAS NI BDAG NYID CHEN PO SA THOB PA RNAMS KYIS MKHYEN NO SNYAM DU BSAM PAR
, ,BYA'O, ,BYANG SA LAS KYANG, BYANG CHUB SEMS DPA' ZAB CING MCHOG TU ZAB PA'I GNAS DAG THOS NAS, SEMS MOS PAR MA GYUR NA, DE LA BYANG CHUB SEMS DPA' DAD PA DANG GA-YO MED PAS, 'DI LTAR BDAG NI LONG BAR GYUR TE MIG MED LA, DE BZHIN GSHEGS PA'I SPYAN GYIS RJES SU SPYOD PAR ZAD PAS, DE BZHIN GSHEGS PAS DGONGS TE GSUNGS PA SPANG BA NI, BDAG GI CHA MA YIN NO ZHES YANG DAG PAR BSLAB PAR BYA'O, ,DE LTAR BYANG CHUB SEMS DPA' DES BDAG NYID NI MI SHES PAR BRTZIS LA, DE BZHIN GSHEGS PA NYID CHOS DE DAG LA LKOG TU MA GYUR PAR YANG DAG PAR BLTA NA, DE LTA NA YANG DAG PAR ZHUGS PA YIN NO, ,ZHES GSUNGS TE, DGONGS TE GSUNGS PA YIN NAM MIN YANG RUNG STE, CHOS SPONG BA'I LAS KYI SGRIB PA MI 'DZIN PA'I THABS MCHOG TU GYUR PA ZHIG 'DUG STE, 'ON KYANG CHOS SPONG BA'I LAS KYI SGRIB PA NI SHIN TU PHRA'O, ,ZHES RTOGS DKA' BAR GSUNGS PA DE LTA'I DUS SU YANG MANG DU SNANG BAS CHOS SPONG LEGS PAR NGOS ZIN PAR BYAS LA, DES MA GOS PA LA 'BAD PAR BYA'O, ,BSAM GYIS MI KHYAB PA'I RGYU MTSAN NI, SANGS RGYAS RNAMS NI BYUNG BAR GYUR TAM, MA BYUNG NA YANG RUNG STE RNAM PA KUN TU CHOS NYID NI 'PHEL BA DANG, BRI BA SPANGS PAS GNAS PA YIN PAS BSAM GYIS MI KHYAB PA YIN NO, ,'DIR CHOS NYID CES PA GSHIS YIN LUGS LA BYAS NA, JI SNYED PA STON PA'I GSUNG RAB ZAB MO RNAMS SPANG DU MI RUNG BA'I RGYU MTSAN DU MI 'GRO LA, GZHAN YANG CHOS
NYID SKYE 'GAG MED PAR GNAS PAR YANG CHOS NYID STON PA MI SPONG BA'I RGYU MTSAN DU 'BREL PO MI 'ONG NGO, ,DES NA JI LTA JI SNYED STON PA GNYIS KA MI SPONG BA'I RGYU MTSAN DU BYA LA, DE YANG GSUNG RAB LAS 'DI LAS 'DI 'BYUNG ZHING, 'DI LAS 'DI MI 'BYUNG BA DANG, 'DI 'DI LTAR YIN MIN ZHES GSUNGS PA RNAMS NI, DE LAS 'PHEL BA STE LHAG PA DANG, BRI BA STE CHAD PA MED PAR, CHOS DE RNAMS KYI CHOS NYID DE DANG TSUL JI LTAR GNAS PA TZAM ZHIG BSHAD PAR ZAD LA, DE KUN KYANG BDAG GI SPYOD YUL MIN PAS BSAM GYIS MI KHYAB CES PA'O, ,BDAG GIS MI SHES PA DANG SANGS RGYAS KYIS MKHYEN NO ZHES DE LTAR RNAM PAR BZHAG PA BYAS NAS KYANG, 'JIG RTEN PA KUN TE GDUL BYA'I PHYIR DU GSUNGS PA RNAMS LA YOD DE GTAN MI SMAD DO, ,GDUL BYA'I 'JIG RTEN DE YI BGROD PA STE 'JUG PA BSAM YAS SHING, DE DANG MTHUN PAR 'JUG PA'I SANGS RGYAS KYI ROL PA STE RNAM 'PHRUL GYI MDZAD PA YANG BSAM GYIS MI KHYAB PA'I PHYIR RO, ,GDUL BYA'I 'JUG PA DANG BSTUN NAS GSUNGS PA'I CHOS KYANG JI LTA BU SNYAM NA, MDO SDE DANG RGYUD SDE'I PHYOGS GNYIS LAS MDO SDE NI RGYA CHER ROL PA SOGS TE, PHYI'I SDE SNOD GSUM MO, ,RGYUD SDE LA BYA BA'I RGYUD NI DPA' BO GCIG GRUB SOGS SO, ,SPYOD PA'I RGYUD NI 'BYUNG PO GDUL BYED SOGS SO, ,ZHES 'CHAD MOD KYANG RNAM SNANG MNGON BYANG LA SOGS PA'O, ,RNAL 'BYOR GYI RGYUD NI DE ~NYID BSDUS PA LA SOGS PA'O, ,GSANG BA'I RGYUD KYI MTHA' NI RNAL 'BYOR BLA MED KYI RGYUD RNAMS SO, ,DE RNAMS
, ,KYI DBYE BAS PHYE BA NYID NI, GDUL BYA'I SEMS CAN RANG RANG GI MOS PAS LAM LA 'JUG PA RNAMS, RANG GI LAM DE DANG DE LA JI LTAR DGA' BA BZHIN DU GSUNGS PA RNAMS TE DE RNAMS LA MI SMAD PA'O, ,BOD KHA CIG RGYUD SDE GSUM SNGAR LTAR DANG, GSANG BAS RNAL 'BYOR PHA BLA MED DANG, GSANG MTHAS MA BLA MED DANG DBYE BAS MA'I YANG MA BLA MED BDE MCHOG BSTAN PA DANG, DE LTAR RGYUD SDE DRUG BYED PA YANG LVA BA PA'I LUGS SO ZHES PA NI GTAN MI RIGS TE, DBYE BA ZHES PA'I DON GONG GI DE RNAMS SU DBYE ZHES PA YIN PAS, DE'I BSHAD PA YI GE'I DON LA YANG MA ZHUGS LA, GSANG MTHA' ZHES PA NI GSANG SNGAGS KYI MTHAR THUG BLA MED STON PAS, RGYUD BZHIR 'BYED PA'I DON YIN PA'I PHYIR DANG, 'GREL PA SUS KYANG DE LTAR BSHAD PA MED PA'I PHYIR DANG, LVA BA PA'I GZHUNG GANG NAS KYANG DE LTAR BSHAD PA MED PA'I PHYIR RO, ,BHA BAS, DE DANG DE LA DGA' BA YIN, ZHES BTON NAS RGYUD THAMS CAD RDZOGS PAR GSUNGS PA LA, SDUD PA PO LA SOGS PA THAMS CAD KYIS MNGON PAR BSTOD DO ZHES PA'I DON DU 'CHAD PA NI, 'DI LA GZHUNG MI 'DRA BA MANG DU 'DUG PAS TSIG RKANG DE'I GONG MA'I GZHUNG GZHAN ZHIG YOD NA MA GTOGS PA, BOD DPE BZHIN DU YOD NA MI 'GRIG GO ,DE LTAR NA LE'U DANG POS MDOR BSTAN PA ZHE DGUS RGYAS PAR BSHAD PA'I DON NGA GCIG PAS BSKYED RDZOGS KYI LAM GYI RIM PA GCIG TU BSDUS PA LA THOS BSAM SGOM GSUM BYAS LA, DPAL
BDE MCHOG GI BSTAN PA RANG GZHAN GYI RGYUD LA RGYAS PAR BYA'O, ,GSUM PA NI, DPAL HE RU KA ZHES MNGON PAR BRJOD PA'I RTZA BA'I RGYUD RGYAS PA RGYUD KYI RGYAL PO SHLOO KA 'BUM PA'I NANG NA GNAS PA STE DE LAS BTUS PA, RNAL 'BYOR MA'I RGYUD THAMS CAD KYI BLA MA STE GONG MA, DPAL HE RU KA DPA' BO CHEN PO KLAGS PAS 'GRUB PA NI, RGYUD KLAGS PAS KYANG SANGS RGYAS MYUR DU 'GRUB PA'O, ,THAMS CAD DU GZHAN GYIS MI THUB PA NI THEG PA GZHAN DANG RGYUD SDE 'OG MAS MI THUB PA STE, DE RNAMS THAMS CAD ZIL GYIS GNON PA'O, ,GDOD NAS GRUB PA NI THOG MA MED PA NAS SANGS RGYAS KYI GO 'PHANG MYUR DU STER BAR GRUB PA STE GNAS PA RTZA RGYUD RGYAS PA'I RGYUD PHYI MA'O, ,MTSAN BSDU NA DPAL HE RU KA 'KHOR LO SDOM PA ZHES BYA BA, RNAL 'BYOR MA'I RGYUD KYI RGYAL PO CHEN PO LAS, LE'U LNGA BCU RTZA GCIG PA RDZOGS SO,, ,,DPAL 'KHOR LO SDOM PAR BRJOD PA BDE MCHOG BSDUS PA'I RGYUD KYI RGYA CHER BSHAD PA SBAS PA'I DON KUN GSAL BA LAS, LE'U LNGA BCU RTZA GCIG PA'I BSHAD PA'O,, ` ,,BZHI PA MJUG GI DON LA GNYIS, GZHUNG YONGS SU RDZOGS PA'I TSUL DANG, BOD DU GANG GIS BSGYUR BA'I TSUL LO, ,DANG PO NI, DPAL HE RU KA SHLOO KA 'BUM GYI NANG NAS PHYUNG BA PHYAG RGYA CHEN PO MCHOG GI DNGOS GRUB SGRUB PA'I RTOG PA, DNGOS GRUB DE TSE 'DI NYID LA SGRUB PAS RMAD DU BYUNG BA MKHAS PA RNAMS KYI YID NGO MTSAR DANG BCAS PAR BYED PA BSTAN BCOS THAMS CAD KYI RGYAL PO STE GTZO BO DPAL HE RU KA DPA'
, ,BO CHEN PO KLAGS PAS GRUB PA GZHAN THAMS CAD KYIS MI THUB PA, GDOD NAS GRUB PA'I BLA MA NYUNG NGU'I RTZA RGYUD LE'U LNGA BCU RTZA GCIG PA RDZOGS PAR GRUB PA YIN NO, ,GNYIS PA NI, RGYA GAR GYI MKHAN PO PADMA KAR WAR MA STE PADMA BYED PA'I GO CHA DANG, TSIG DON GNYIS KA'I ZHU CHEN GYI LO TZ'A BA NI LO KA NI 'JIG RTEN DANG, TZTSAN DO HA NI 'DUN PA STE 'JIG RTEN 'DUN PA LA BSHAD PA LTAR RO, ,DE 'DRA BA'I DGE SLONG RIN CHEN BZANG POS RGYA SKAD LAS, BOD KYI SKAD DU BSGYUR ZHING STE GZHI 'GYUR MDZAD PA LA, TSIG DON GYI SGO NAS ZHUS DAG BYAS TE, 'CHAD NYAN GYIS GTAN LA PHAB PA'O, ,DE'I RJES SU RGYA GAR GYI MKHAN PO SBAS PA'I NYI MA STE NYI MA SBAS PA DANG, BOD KYI LO TZ'A BA RJE 'GOS LHAS BTZAS KYIS SLOB DPON CHEN PO LVA BA PA'I 'GREL PA DANG BSTUN NAS LO CHEN GYI 'GYUR BCOS PA'O, ,YANG SLAD NAS RGYA GAR GYI MKHAN PO SU MA TI K'IR TI DANG, BOD KYI LO TZ'A BA MKHAS PA CHEN PO MAR PA DO PA ZHES GRAGS PA MAR BA CHOS KYI DBANG PHYUG GIS 'GOS 'GYUR LA ZHU TIG STE ZHUS DAG BGYIS TE 'CHAD NYAN GYIS GTAN LA PHAB PA'O,, ` ,,DPAL LDAN RGYUD SDE'I 'KHOR GYI DBUS NA YON TAN BYE BA'I DPAL GYIS LHAG GER 'BAR, ,RNAM DAG DBANG DANG DAm TSIG SA CHEN LA GNAS RIM GNYIS SRID LA DBANG BSGYUR BAS, ,DNGOS GRUB GNYIS KYI DGA' STON CI YANG RGYAS PAS YA MTSAN DGA' BA SKYED BYED PA, ,RNAL 'BYOR DBANG PHYUG BYE BA'I 'JUG NGOGS DE NI RGYUD KYI RGYAL PO 'KHOR LO
SDOM, ,'DI YI SHIN TU ZAB PA'I DKA' BA'I GNAS, ,RNAL 'BYOR MA YI BRDA YIS BCINGS NA'ANG, ,DPA' BO NYID KYIS RANG GI 'GREL PA MCHOG ,BSHAD RGYUD DU MAS SHIN TU GSAL BAR MDZAD, ,DE NAS TSUL 'DI JI BZHIN GZIGS PA LAS, ,GO 'PHANG MTHON POR GSHEGS PA'I GRUB CHEN DANG, ,GZHAN YANG RGYA GAR MKHAS PA DU MAS KYANG, ,GRUB CHEN SO SO'I MAN NGAG BZHIN DU PHYE, ,GANG GI GRAGS PA RGYU SKAR BDAG PO'I 'OD, ,RGYA BOD MKHAS PA'I MDUN SA KUN DA'I TSAL, RAB TU 'GENGS BYED N'A RO TA P'A ZHES, ,DE YI DRI MED LUGS BZANG LAS 'ONGS PA, ,GANGS CAN GDUL BYA RNAMS KYI MIG TU GYUR, ,SKAD GNYIS SMRA BA'I DBANG PO RNAM GNYIS KYI, ,LEGS PAR BSHAD PA'I SROL LA RAB BRTEN ZHING, ,RTZOD NGAS THAMS CAD MKHYEN PA LAS BRGYUD PA'I, ,RNAM BSHAD 'DI NI RGYA BOD MKHAS PA YI, ,LEGS BSHAD KUN GYI CHU KLUNG GCIG 'DUS SHING, DNGOS GRUB GNYIS KYI RIN CHEN GTER GYUR PAS, ,SKAL LDAN KLU DBANG RNAMS KYI PHUN TSOGS GZHI, ,DPAL LDAN L'U AI PA DANG DRIL BU PA, ,NAG PO SPYOD PA'I GDAMS NGAG LA BRTEN NAS, ,BSHAD PA'I RGYUD KYIS RTZA RGYUD BSHAD PA NA, ,RTZA RGYUD GDAMS PA'I MCHOG TU 'CHAR BA DANG, ,DRI MED DBANG DANG DAM TSIG LA GNAS NAS, ,RIM GNYIS LAM GYIS LEGS PAR BGROD TSUL DANG, ,BGROD LAS DNGOS GRUB MTHA' YAS 'GRUB TSUL GYIS, ,RDO RJE 'CHANG GI SA RU BGROD TSUL RNAMS, ,RGYUD LAS LEGS PAR BSTAN PA'I TSUL SHES NAS, ,TSUL BZHIN
, ,SGRUB PA'I RNAL 'BYOR PA DE LA, ,SNGAGS TSUL JI BZHIN GZIGS PA'I MKHAS PA RNAMS, ,GSANG SNGAGS PA ZHES ZER BA SHES PAR MDZOD, ,GSUNG RAB DGONGS 'GREL SPYI DANG KHYAD PAR DU, ,BDE MCHOG SKOR LA RING DU 'DRIS BYAS NAS, ,LEGS PAR SBYAR MAD SO SKYE'I BLOR GYUR PAS, ,NYES PAR GANG GYUR BSAM PA THAG PAS 'CHAGS, ,'BAD PA CHEN POS NGAL BA BGYIS PA LAS, ,THOB PA'I RNAM DKAR DGE BAS RANG GZHAN KUN, ,'KHOR LO BDE MCHOG LAM BZANG 'DIR ZHUGS NAS, ,HE RU KA YI GO 'PHAR MYUR THOB SHOG ,CES DPAL 'KHOR LO BDE MCHOG NYUNG NGU'I RTZA RGYUD KYI RGYA CHER BSHAD PA SBAS PA'I DON KUN GSAL BA ZHES BYA BA 'DI NI, MANG DU THOS PA'I DAG SLONG SHAR TZONG KHA PA BLO BZANG GRAGS PA'I DPAL GYIS, DPAL BDE MCHOG GI RTZA BA'I RGYUD DANG, BSHAD PA'I RGYUD DANG, CHA MTHUN PA'I RGYUD KUN DANG, BDE MCHOG GI SKOR SPYI DANG, KHYAD PAR DU LO DRIL NAG GSUM GYI GZHUNG KUN DANG, BDE MCHOG GI 'GREL PA DU MA LA RING DU 'DRIS PAR BYAS PA'I MTHAR, BDE MCHOG GI BSHAD SGRUB NYAMS PA GSO BA'I DON DANG, RANG GI BRJED BYANG DU DMIGS TE, 'BROG RI BO CHE DGA' LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI BA RIN CHEN DPAL LO,, ,,