A Practical Instruction for Completing the Five Stages during a Single Sitting, being an Explanation of the Five Steps in the Practice of the King ofSecret Teachings, the Glorious Secret Collection (Guhyasamaja)

*, ,RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID BZHUGS SO, ,

, ,RJE BTZUN DAM PA DMIGS PA MED PA'I THUGS RJE CHEN PO DANG LDAN PA RJE BTZUN 'JAM PA'I DBYANGS DANG GNYIS SU MA MCHIS PA RNAMS DANG, RDO RJE 'DZIN PA'I SA BRNYES PA 'PHAGS MCHOG KLU SGRUB YAB SRAS BRGYUD PA DANG BCAS PA'I ZHABS KYI PADMO LA, DUS THAMS CAD DU GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS SKYE BA THAMS CAD DU RJES SU BZUNG DU GSOL LO, ,RGYUD KYI RGYAL PO DPAL GSANG BA 'DUS PA'I RTZA RGYUD BSHAD RGYUD CHEN PO DRUG GIS BKRAL BA'I DON 'PHAGS PA YAB SRAS KYIS RGYUD DON MNGON DU GYUR NAS LEGS PAR GTAN LA PHAB PA'I LAM LA 'JUG PA'I RIM PA LA, DANG POR SANGS RGYAS KYI THEG PA'I BSAM PA LA BSLAB PA'I TSUL, THEG PA CHEN PO GNYIS THUN MONG GI LAM GYI RIM PA LA BSLAB PAS DBANG RNAMS KYI SNOD RUNG DU SGRUB PA DANG, DE NAS RNAM PAR DAG PA'I DBANG BZHIS LAM RIM PA GNYIS NYAN PA DANG SGOM PA SOGS KYI SNOD RUNG DU BYA BA DANG, DE LTAR SNOD DU RUNG NAS KHAS BLANGS PA'I DAM TSIG DANG SDOM

, ,PA DAG PAR BYED PA'I TSUL DANG, DE NAS THOG MAR THUN BZHI'I RIM PAS RAGS PA DRAN PA GCIG PA'I RNAL 'BYOR LA BSLAB PA DANG, DE LA LOBS NAS PHRA PA RTOG PA'I RNAL 'BYOR LA JI LTAR BSLAB PA, YAB SRAS KYI SGRUB THABS RNAM PA BZHI'I DON, LAS DANG PO PA'I TING NGE 'DZIN GYI RIM PA RNAMS NI GZHAN DU BSHAD ZIN PA LTAR BYA'O, ,DE LTAR BSKYED PA'I RIM PA LA LEGS PAR GNAS PA DES, RIM PA GNYIS PA RDZOGS PA'I RIM PA LA BSLAB PA'I GRUB CHEN GYI MAN NGAG MTHAR THUG PA NI, RIM LNGA DANG SPYOD BSDUS DANG, RNAM GZHAG GI PHYOGS GCIG DANG LAS MTHA' RNAM 'BYED DANG, RGYUD 'GREL GYI SBYOR BA YAN LAG DRUG DANG, RDZOGS RIM GYI RIM LNGA'I BSHAD PA MDZAD PA RNAMS YIN NO, ,DE LTA NA'ANG GZHUNG DE RNAMS SHIN TU BRLING BAS PHYI RABS KYI GDUL BYAS, DE RNAMS LAS SHIN TU GSAL BA'I BLA MA DAM PA'I MAN NGAG MED NA, MAN NGAG GI GNAD RDZOGS PAR MI RNYED PAS, 'PHAGS YUL GYI MKHAS PA DU MA LA GTUGS NAS LEGS PAR MNOS PA'I LOTZTSA BA CHEN PO

RNAMS KYI MAN NGAG SHIN TU GAL CHE'O, ,DE LA NI RJE MAR PA DANG RJE 'GOS KYI LUGS GNYIS MCHOG TU GYUR BA YIN LA, 'DI'I MAN NGAG RGYUD DANG 'PHAGS SKOR GYI GZHUNG LA LEGS PAR GTUGS NAS NGES PA BSKYED PA LA NI, RJE 'GOS NAS BRGYUD PA'I MAN NGAG GI BSHAD PA RNAMS DGOS SHING, GZHUNG NAS DNGOS SU ZIN PA TZAM DU MA ZAD KHONG NA GNAS PA DU MA GSAL DU BTANG NAS, DE LTAR GYI GANG ZAG GI NYAMS SU LEN PA'I DMIGS RIM KHYAD PAR CAN MANG PO'I SGO NAS NGES PA RNYED PA LA NI, RJE MAR PA'I GDAMS NGAG RNAMS DGOS SO, RJE MAR PA'I GDAMS NGAG PHAL MO CHE LA RGYA GZHUNG GI RTZA TSIG RE YOD LA, RIM LNGA'I MAN NGAG GI RTZA TSIG NI RIM LNGA BSDUS PA GSAL BA NYID YIN GYI, BA GA-YAR GZHAN 'DUG PA NI SPYOD BSDUS DANG 'GAL BA CHEN PO YOD PAS RNAM DAG MIN NO, ,RIM LNGA BSDUS PA'I MJUG TU, DPAL LDAN GSANG BA 'DUS PA'I RGYUD, ,'PHAGS PA YAB SRAS RIM BSHAD PA, ,DE NYID DGONGS PA N'A ROS RNYED, ,'GREL PA MKHAN GYIS MI SHES PAS, ,RGYUD RKYANG BSHAD PA BSDUS PA NYID, ,BYIN BRLABS LAM 'DI THUN MONG MIN, ZHES SGRON GSAL LA ZUR ZA BA'I TSIG 'BYUNG BA NI N'A RO PA LA BSTOD RA GTONG 'DOD KYANG GTONG MI SHES PA GCIG GIS BCUG PAR SNANG STE RGYUD PHYI MA'I 'GREL PAR N'A RO PAS, PHYI MA'I RGYUD KYI DON GSAL 'DI, ,SGRON MA GSAL BA'I RJES 'GRANGS NAS, ,KLU SGRUB MAN NGAG BSHAD PA YIN, ZHES PA DANG, SLOB DPON KLU SGRUB 'PHAGS PA LHA, ,KLU YI BYANG CHUB SH'AKYA'I BSHES, ,ZLA BA GRAGS PA LA SOGS PA'I, ,MAN NGAG RIM PA LA BRTEN NAS, ,BDAG GIS BGYIS, ZHES GSUNGS PA'I PHYIR RO, ,RJE MAR PAS RGYA GAR DU LAN GSUM BAL POR LAN BZHI BYON

, ,TE, RGYA GAR SHAR NUB KHA CHE BAL PO RNAMS SU MKHAS PA DANG RNAL 'BYOR PA'I BLA MA SPYIR BRGYA RTZA BRGYAD, KHYAD PAR DU BRGYUD PA 'DZIN NGES LNGA BCU RTZA BRGYAD, SNANG BA 'GYUR NGES BCU GSUM, GTZO BOR GYUR PA GSUM LA GTUGS SHING, BYE BRAG TU 'DUS PA 'PHAGS LUGS DANG YE SHES ZHABS LUGS SOGS LA MKHAS PA'I BLA MA BDUN BSTEN NO, ,BLA MA RNAMS KYI NANG NAS MCHOG TU GYUR BA NI DPAL N'A RO PA YIN LA, DES RGYUD KHYAD PAR DU 'PHAGS PA BZHI LA BRTEN NAS GDAMS PA KHYAD PAR CAN BZHI SNANG BA'I NANG NAS, DPAL GSANG BA 'DUS PA LA BRTEN NAS RIM LNGA GDAN THOG GCIG TU RDZOGS PAR BSGOM PA'I MAN NGAG GNANG ZHES BA NI, RIM LNGA BSDUS PA GSAL BA NAS 'BYUNG BA LTAR DU 'KHRID PA'I MAN NGAG RNAMS SO, ,BLA MA'I GSUNG GI 'OD ZER BSTAN PA ZHES PA'I RIM LNGA'I KHRID YIG GNYIS MED RNAM RGYAL GYI RGYUD RDZUS MA TSAD MAR BYED CING, RGYUD RKYANG GI BSHAD PA BYED PA RNAMS DANG MTHUN LA, MAR LUGS KYI GDAMS PA KHUNGS MA RNAMS DANG MI MTHUN PA CIG SNANG BA NI, BLA MA MAR PAS MDZAD ZER BA SNANG YANG KHA GA-YAR 'BA' ZHIG GO ,RJE MAR PA'I 'DUS PA'I GDAMS NGAG GI BKA' BABS PA NI MTSUR STON DBANG PO YIN LA, DE'I SLOB MA'I GTZO BO GSUM NI, 'KHON GDAB K'I RTI DANG, KHAMS PA RO MNYAM RDO RJE DANG, 'CHOS STON BSOD NAMS RGYAL MTSAN NO, ,'KHON LA THUR LHA BA'I MKHAN PO BYA SGANG PA DANG, GRUB THOB ZHANG ZHUNG PA LA SOGS MANG DU BYUNG LA, BYA SGANG BA NAS GSER SDINGS PA'I BAR DU RIM GYIS BRGYUD CING, ZHANG ZHUNG PA NAS PHO BA LUNG PA'I BAR

DU RIM PA BZHIN BRGYUD DO, ,BYA SGANG PA MA PHYOGS KYI SPUN YANG YIN, SLOB DPON YANG YIN PAS, DE LA 'KHON GYIS DBU SNYUNG BZHES NAS GNANG BA'I MAN NGAG GI GRANGS DON BZHI MAR SMOS PA LA, RIM LNGA GDAN RDZOGS KYI DMAR KHRID, 'KHOR BA LDOG 'JUG LA BRTEN TE MA RIG PA RTZAD NAS GCOD PA DANG, SGYU MA GSUM RGYUD DANG, SGYU MA BTZAN THABS KYI MAN NGAG DANG, SNYING KHA'I MI SHIGS PA'I THIG LE LA BRTEN TE 'OD GSAL NGOS BZUNG BA, MGYOGS 'GRO PHO NYA'I LAM LAS RGYA, GSEB LAM CHE CHUNG, 'PHO BA GRONG 'JUG GTUM MO, BSRE BA DRUG PA, BTZAN THABS SANGS RGYAS, 'BRAS BU SANGS RGYAS KYI BZHUGS CHUL SOGS MA LUS PA GNANG ZHES 'BYUNG LA, GSER SDINGS PA NYID KYIS RIM LNGA'I GDAMS NGAG GI SKOR LA, GZHUNG TSAN NYER GSUM MDZAD PA'I RIM LNGA DON LNGA MA DANG, DON BZHI MA DANG, GDAN RDZOGS DANG, 'KHOR LO CAN TE CHE BA BZHI NI RIM LNGA GDAN RDZOGS KYI DMAR KHRID NYID DU SNANG ZHING, RIM LNGA 'KHOR LO MED PA DANG, SEMS DPA' GSUM RTZEGS DANG, RIM LNGA CIG CAR BA STE, RIM LNGA CHUNG BA GSUM NI SNGAGS 'KHOR GYI SKOR MED PA'I DBANG DU BYAS LA, GSANG BA THUGS RGYUD KYI RIM LNGA NI RIM LNGA DNGOS DANG, CHA MTHUN GYI SGO NAS RE RE LA PHYI NANG GSANG BA GSUM GSUM DU PHYE BA TZAM ZHIG STE 'KHRID RIM STON PA NI MIN NO, ,CHUNG BA BZHI PO DE SNGAR DNGOS SU SMOS PA'I GDAMS NGAG RNAMS KYI NANG DU MA BYUNG NGO, ,SNGAR BSHAD PA'I SGYU MA GSUM RGYUD LA GZHUNG GSUM DANG, 'PHO BA LA SKU GSUM GYI 'PHO BA DANG, BTZAN THABS KYI 'PHO BA GNYIS SU BYAS LA, 'OG SGO BDE CHEN ZHES PA DANG PHO NYA'I LAM

, ,GNYIS GCIG GO ,DE LA DON LNGA MA'I DON TSAN DANG PO BZHI LA NI MAN NGAG ZUR NA YOD CING, GZHUNG DER SA BCAD BTAB PA TZAM MA GTOGS PA MI 'CHAD PAS, DON TSAN LNGA PA RIM LNGA GDAN THOG GCIG TU SGOM PA LAM RTAGS DANG 'BREL BA'I GDAMS PA STON NO, ,DON BZHI MA NI SGRUB PA PO DANG GNAS DANG GROGS DANG GDANGS PA DNGOS TE BZHI STON LA, RIM LNGA GDAN THOG GCIG TU SGOM PA'I KHOG SNGA MA DANG 'DRA'O, ,RIM LNGA GDAN RDZOGS ZHES PA PHA RGYUD YANG SNYING DU GRAGS PA NI DE NYID LAS, GDAMS PA LA NI DON DRUG YIN, ,BSKYED RDZOGS GDAN GCIG STENG BSGOM DANG, ,'JUG LDOG MA RIG RTZAD BCAD DANG, ,BDE BA LAM DU BSLANG BA DANG, ,GTUM MO GRONG 'PHO GRONG 'JUG GO ,ZHES BSHAD PA DRUG DANG, SGYU MA BTZAN THABS DANG, GNYID KYI 'OD GSAL 'DZIN PA STE BRGYAD STON KYANG, GTZO BO NI RIM LNGA STAN GCIG GI STENG DU SGOM PA'O, ,'KHOR LO CAN LAS KYANG, RIM LNGA STAN GCIG GI STENG DU SGOM PA LA SNGAR BSHAD PA'O DON BZHIR BYAS NAS STON PAS NA, DE BZHI KA RIM LNGA GDAN THOG CIG TU RDZOGS PAR SGOM PA'I RIM LNGA GDAN RDZOGS YIN NO, ,MING DE LTAR 'DOGS PA'I RGYU MTSAN NI, RIM LNGA BSDUS PA LAS, THEG PA SNA TSOGS PHA ROL PHYIN, ,SRID PA SKYE DANG GNAS PA SOGS, ,DUS KYI DBYE BA'I KHYAD PAR GYIS, ,STAN GCIG STENG DU SBYAR TE BSGOM, ZHES RIM LNGA STAN GCIG GI STENG DU BSGOM PAR GSUNGS PA LA BRTEN NAS BYAS SO, ,GDAN GCIG GI STENG DU RDZOGS TSUL NI 'KHOR LO CAN LAS, STAN GCIG STENG DU RIM PA LNGA, ,'KHOR LO CAN DU RDZOGS PA YI, ,MAN NGAG 'DI SBYAR, ZHES

'BYUNG BA LTAR RTZA TSIG NAS 'BYUNG BA BZHIN DU, SNYING KHAR SNGAGS 'KHOR BKOD NAS SGOM PA DE'I STENG NAS RIM PA LNGA KA'I GDAMS NGAG GI GNANG RDZOGS PAR 'GYUR BA LA ZER BA YIN NO, ,DES NA GDAN RDZOGS LAS, RIM LNGA STAN GCIG GI STENG DU SGOM PA RDZOGS PA'I MTHAR, DE RNAMS 'KHOR LO CAN YIN NO, ,ZHES 'BYUNG BA LTAR DE BZHI KA 'KHOR LO CAN YANG YIN PAS, RIM LNGA 'KHOR LO CAN ZHES PA'I MAN NGAG ZUR DU 'BYUNG BA NI SPYI MING SGOS LA BTAGS PA'O, ,RIM LNGA SEMS DPA' GSUM RTZEGS DANG, RIM LNGA CIG CAR BA LA YANG SNYING KHAR SNGAGS 'KHOR SGOM PA MED PAS, CHUNG BA GSUM GA LA 'KHOR LO MED PA ZHES BYA'I GCIG LA 'KHOR LO MED PA ZHES PA NI SPYI MING SGOS LA BTAGS PA YIN TE, GDAN RDZOGS LAS, SEMS DPA' GSUM RTZEGS KYANG 'KHOR LO MED PAR BSHAD PA BZHIN NO, ,GSER SDINGS PA'I MAN NGAG 'DI RNAMS BLA MA THA DAD DAM, SNGA PHYI'I GSUNG 'GROS MI 'DRA BA YIN NAM, RTZOM PA PO'I BLO'I KHYAD PAR SNGA PHYI'I DBANG GIS YIN PA 'DRA STE, MI MTHUN PA MANG DU SNANG ZHING BRIS NOR RING DU BRGYUD PA YANG MANG BAR SNANG NGO, ,DES NA DE DAG GIS RIM LNGA BSDUS PA'I DON BSHAD PA RNAMS RTZA TSIG GI DON DU SONG MA SONG DANG, DA KUN KYANG RTZA BSHAD KYI RGYUD DANG, YAB SRAS LNGA'I GZHUNG RTZOD MED RNAMS LA LEGS PAR GTUGS NAS, DE DAG NAS DNGOS SU ZIN MA ZIN DANG MA ZIN PA'I RNAM DAG RNAMS KYANG DON THEB LA YOD LUGS DANG, BRGYUD PA RINGS PA'I DBANG GIS DANG PO'I GDAMS NGAG GI DGONGS PA CUNG ZAD MA 'KHYOR BA RNAMS KYI MA DAG PA'I RGYU MTSAN RNAMS 'DI LTAR RO,

, ,ZHES BSHAD NA, MAR LUGS KYI 'DUS PA'I MAN NGAG GI NUS PA RDZOGS PAR THON PA CIG 'ONG BAR MTHONG BAS DE BZHIN DU BSHAD PAR BYA'O, ,'DI LA RTZA TSIG TU LAM GYI RIM PA JI LTAR BSHAD PA NGES DGOS PAS DE BSHAD NA, DER GZHI LUS SEMS KYI GNAS TSUL DANG, LAM BGROD PA'I RIM PA DANG, 'BRAS BU MNGON DU BYED PA'I RIM PA GSUM DU BSDUS NAS, DANG PO LA LUS SEMS SO SO BA DANG, THUN MONG GI GNAS TSUL DANG, LUS KYI 'KHOR LO BZHI'I GNAD BZHI DANG, SGOM PA'I GNAD BZHI DANG, KHYAD PAR DU SNYING KHA GNAD CHE BA BSTAN TE, DE NYID LAS, DNGOS PO'I GNAS LUGS LAM DANG NI, ,'BRAS BU SKYE BA'I RIM PA'O, ,DNGOS PO'I GNAS LUGS GNYIS YIN TE, ,SEMS DANG LUS KYI GNAS THABS LAS, ,RAGS DANG PHRA DANG SHIN TU PHRA, ,THUN MONG DBYER MED RIM SHES BYA, ,GNYID DANG RMI LAM SNYOMS 'JUG PA, ,THA MAL DUS DANG RNAM PA BZHI, ,'KHOR LO BZHI YI BDAG NYID KYI, ,RTZA DANG THIG LE SEMS SHES PAS, ,LUS DANG DUS DANG YUL RLUNG GI ,GNAD NI RNAM PA BZHIR SHES BYA, ,DRAN PA SNA TSOGS RNAM RTOG RNAMS, ,SEMS LAS YANG DAG 'BYUNG BAS NA, ,RNAM SHES SROG NI 'DU BA'I RTEN, ,SNYING KHAR SNGAGS KYI 'KHOR LO BSGOM, ZHES SO, ,LAM LA GONG 'OG TU RIM LNGA BSHAD THABS KHA YER YOD KYANG PHYOGS GCIG TU BSHAD NA, DE NYID LAS, BYANG CHUB SEMS LDAN BLA MA DANG, ,LHAG PA'I LHA YI RNAL 'BYOR DANG, ,SHIN TU RNAL 'BYOR RNAL 'BYOR CHE, ,RJES SU RNAL 'BYOR BCAS PA DAG ,TING 'DZIN RIM PA LDAN PA NYID, ,BSNYEN PA NYER SGRUB SGRUB

PA CHE, ,SGRUB PA'I NGO BO, ZHES DANG, BSKYED PA'I RIM 'DI LHA YI SKU, ,RDZOGS SANGS RGYAS KYI DKYIL 'KHOR MCHOG ,RNAM PA MNGON DU BYED PA GANG, ,LEGS PAR BSLABS PAS MTHAR PHYIN 'GYUR, ,LUS DBEN SNANG BA SEMS DANG LUS, ,RGYU DANG MI RGYU'I 'JIG RTEN BCAS, ,RIM PAS LHA YI BDAG NYID SBYOR, ,RDO RJE 'CHANG CHEN LAM DU BYED, ,MOS PA LAS BYUNG TING NGE 'DZIN, ,RTEN CING 'BREL PAR 'BYUNG BA'O, ,ZHES BYANG CHUB KYI SEMS SBYANG BA DANG, BLA MA'I RNAL 'BYOR SGOM PA SNGON DU BTANG NAS BSKYED RIM LA DKYIL 'KHOR GYI 'KHOR LO TSANG BA CIG BSGOMS NAS MTHAR DBYUNG BAR BSHAD CING, DE LTAR BYAS PA'I 'OG TU LUS DBEN LA SLOB PAR BSHAD PAS, LUS DBEN LA BSKYED RIM GYI CHA GCIG KYANG YOD MOD KYANG, LUS DBEN THAMS CAD BSKYED RIM DU 'DOD PA DANG, DON LNGA MAR DKYIL 'KHOR GYI 'KHOR LO BSGOM PA LAS TSOGS SGRUB PA'I THABS YIN PAS, DE MI SGOM PAR DPA' BO GCIG PA BSGOM ZHES PA DANG, DON BZHI MAR DPA' BO GCIG PA DANG, DKYIL 'KHOR GYI 'KHOR LO SGOM PA GDAM NGAR BYAS PA'I SNGA MA'I LUGS GNYIS RANG GI RTZA TSIG DANG, RGYUD DANG YAB SRAS KYI GZHUNG KUN DANG 'GAL BAS YID BRTAN PAR MI BYA LA, YANG SNGAGS KYI SKU LA BSKYED RIM DANG YE SHES KYI SKU GNYIS SU 'BYED PA DANG, NGAG DBEN SGOM PA'I RTEN GYI LHA SKU SGOM PA YE SHES KYI SKUR BYED PA YANG YAB SRAS KYI GZHUNG DANG MI MTHUN NO, ,SPYOD BSDUS LAS, RIGS BRGYA LA SOGS PA'I LUS DBEN BZHI BSHAD KYANG, RTZA TSIG LAS, GSANG CHEN RIGS GCIG GI LUS DBEN GCIG PU BSHAD PA NI, SGOM PA'I TSE DE BZHI'I NANG NAS DE GCIG PU SGOM

, ,PA'I DBANG DU BYAS LA, MAN NGAG BZHI LAS KYANG, SNGON DU RDO RJE 'CHANG YAB YUM ZUNG GCIG BSGOM PAR BSHAD PA YANG RIGS GCIG GI LUS DBEN NO, ,DE NAS NGAG DBEN LA SNGON DU SNGAGS 'KHOR BSGOMS NAS DE'I 'OG TU, 'BYUNG BA BZHI YI RLUNG RNAMS NYID, ,RLUNG DANG SNGAGS SU RAB SBYOR BAS, ,RDO RJE BZLAS PA SBYANG BAR BYA, ,'BYUNG 'JUG GNAS PA NYID DU BSHAD, ,CES DANG, RLUNG GI 'BYUNG 'JUG GNAS PA GSUM, ,SKU GSUNG THUGS KYI RDO RJE LAS, ,RLUNG SNGAGS MNYAM PAR RAB SBYOR GANG, ,RDO RJE BZLAS PA'I RIM PA'O, ,ZHES 'KHOR LO'I MI SHIGS PA LA BRTEN NAS YI GE GSUM GYI RDOR BZLAS NYID BYA BAR BSHAD PA'I SKABS SU PAD 'DAB GSUM RIM DANG, DE LA YI GE 'GOD PA RGYUD DANG 'PHAGS SKOR GYI RGYA GZHUNG GZHAN NAS MA BYUNG YANG, RLUNG 'DU SLA BA'I DGOS PA'I DON DU MDZAD PAR SNANG BAS MAN NGAG LA MI THOB PA MIN NO, ,DON LNGA MA DANG, GDAN RDZOGS DANG, 'KHOR LO CAN LAS NGAG DBEN GYI SKABS SU SNGAGS 'KHOR SGOM PAR BSHAD PA RTZA TSIG GI LUGS YIN GYI, DON BZHI MAR SEMS DBEN GYI SKABS KHO NAR SGOM PAR BSHAD PA MIN NO, ,RDOR BZLAS BYED TSUL NI DON BZHI MA DANG 'KHOR LO CAN BZHIN DU, YI GE GSUM GYI RDOR BZLAS NYID BYA'I, DON LNGA MA DANG GDAN RDZOGS LAS, RLUNG 'BYUNG 'JUG NYER GCIG RE TZAM SBYANGS PA'I 'OG TU, RLUNG KHA SBYOR NYID 'DZIN PA RDOR BZLAS DNGOS GZHIR BYED PA DANG PO'I MAN NGAG GI DON MIN NO, ,SEMS DBEN SKYED TSUL NI, RTZA TSIG LAS, GSANG SNGAGS LAS BYUNG RNAM PAR SHES, ,SNANG BA GSUM GYI BDAG NYID

NI, YE SHES 'JUG LDOG NGES PA GANG, ,SEMS LA DMIGS PA'I RIM PA'O, ,ZHES RDOR BZLAS KYI SNGAGS BZLAS PA DANG, 'KHOR LO LA BKOD PA'I SNGAGS KYI YI GE LA DMIGS PA LAS SEMS DBEN GYI YE SHES 'JUG PA LUGS MTHUN DANG, LDOG PA LUGS BZLOG TU SKYE BAR BSHAD LA, YANG DE NYID LAS, MNYAM PA NYID DU SEMS BSDAMS TE, ,MNYAM GZHAG 'KHOR LO'I LTE BA YI, ,YE SHES MNYAM PAR MTHONG 'GYUR BA, ,NYE BAR THOB PA STONG BA CHE, ZHAS 'KHOR LO LA BKOD PA'I YI GE LA DMIGS PA'I SEMS YUL GZHAN DU GA-YENG BA BSDAMS TE, SEMS YI GE LA ZHUGS PA LTA BU'I MNYAM PA NYID DU BYAS TE, MNYAM PAR BZHAG PA GOMS PA LAS, 'KHOR LO'I LTE BA'I MI SHIGS PA AA THUNG DANG BCAS PA LA SEMS ZHUGS NAS RO MNYAM DU SONG BA LAS STONG PA CHEN PO SKYE BAR BSHAD CING, SKYE TSUL NI DE NYID LAS, DANG PO SMIG RGYU LTA BU'I NYAMS, ,'OD ZER LNGA DANG BCAS PA 'CHAR, ,GNYIS PA ZLA BA LTA BU DANG, ,GSUM PA NYI MA'I 'OD KYIS 'KHRIGS, ,MTSAMS SNANG LAS NI THOB PA STE, ZHES BSHAD PA RNAMS YAB SRAS KYI GZHUNG DANG SHIN TU MTHUN NO, ,GSER SDINGS PA'I MAN NGAG LAS, SEMS DBEN SKYED PA NA GDAMS NGAG CHE BA BZHI LAS, RLUNG KHA SBYOR 'DZIN PA DANG, 'KHOR LO'I SDUD RIM RE SBRAGS NAS BYED PA GNYIS RTZA TSIG NA DNGOS SU MED KYANG, MTHA'I YI GE RNAMS DBUS SU SDUD PA NI BYA DGOS LA, SKABS 'DIR RLUNG KHA SBYOR 'DZIN PA 'PHAGS SKOR GYI RGYA GZHUNG RNAMS NA MED KYANG MAN NGAG GIS BYED NA'ANG BYAR RUNG NGO, ,RIG MA LA BRTAN NAS SEMS DBEN SKYED THABS RTZA NAS DNGOS SU MA BYUNG YANG, 'OG SGO BDE BA CHEN PO'I LAM ZHES PA MAN NGAG LAS 'BYUNG BA DE LA YANG SBYAR DU RUNG STE, YAB SRAS KYI

, ,DGONGS PAS PHYAG RGYA LA BRTEN NAS KYANG SKYED PA YIN NO, ,MAN NGAG CHE BA BZHI LA SNGAGS 'KHOR SGOM PA'I SKABS DANG SDUD RIM SOGS LA MI MTHUN PA 'GA' ZHIG SNANG BA NI BLA MA'I GSUNG BGROS SNGA PHYI'AM, RTZOM PA PO'I GO LUGS SDE PHYI'I KHYAD PAR DU SNANG GI DANG PO'I MAN NGAG LA MI MTHUN PA BYUNG BA MIN NO, ,MAN NGAG CHUNG BA GSUM LA SDUD RIM MI MTHUN PA GSUM 'DUG PA NI MAN NGAG MI GCIG PA'I LUGS SU SNANG LA, DE GSUM DANG GSANG BA THUGS RGYUD NI, BA SRAS KYI GZHUNG NA'ANG MI SNANG LA, RTZA TSIG NA'ANG DE'I GZHI MI SNANG NGO, ,SGYU LUS KYI RIM PA NI RTZA TSIG LAS, RLUNG DAG PAS NI YE SHES KYI, ,KUN RDZOB SGYU MA MNGON DU BYED, CES DANG, RLUNG SEMS TZAM LAS BYUNG BA YI, ,SGYU MA'I LUS NI SNANG BAR BCAS, ZHES KUN RTAG GI RLUNG DAG PA LAS KUN RDZOB SGYU MA YE SHES KYI SKU SGRUB PA DANG, DE YANG PHUNG PO RAGS PA LAS MIN PAR PHRA BA'I RLUNG SEMS TZAM LAS SGRUB PAR BSHAD LA, DE'I MAN NGAG RNAMS LAS DE DANG MTHUN PA DANG MI MTHUN PAR BSHAD PA GNYIS SNANG BA RNAMS DBYE BAR BYA STE, DE NI SGYU LUS KYI DNGOS GZHI DANG MNYAM GZHAG SGYU MA'O, ,RTZA TSIG LAS, LAM MCHOG RIM PA LNGA PO NYID, ,PHA ROL PHYIN DANG THEG SNA TSOGS, ,SRID PA SKYE DANG NYIN ZHAG GCIG ,STAN GCIG STENG DU SBYAR TE BSHAD, CES NYIN ZHAG GCIG DANG RIM LNGA SBYAR BA'I SKABS SU GNYID DANG RMI LAM DANG BSRE BA'I GZHI BSTAN LA, SRID PA SKYE 'CHI'I RIM PA DANG RIM LNGA SBYAR BA'I SKABS SU 'CHI BA DANG BAR DO BSRE BA'I GZHI BSTAN NO, ,YANG DE NYID LAS, RMI LAM LUS NI RNAM SBYANG PHYIR, ,SGYU MAR MTSON PA'I DUS GANG LAS, ,

YUL SNANG KUN RDZOB GANG 'BYUNG BA, ,KUN RDZOB SGYU MA'I RIM PA'O, ,ZHES DANG, RMI LAM SGYU MA GCIG TU SBYANG, ,BAR DO RNAM GSUM BSRE BAR BYA, ZHES RMI LAM DANG BSRE BA'I GDAMS NGAG RNAMS SGYU LUS KYI GDAMS NGAG TU BSDUS LA, BAR DO DANG BSRE BA YANG DER BSDUS SO, ,YANG GNYID DANG RMI LAM SNYOMS 'JUG PA, ZHES SOGS SNGAR DRANGS PA RNAMS KYIS GNYID DANG BSRE BA'I GNAD SNYING KHA'I 'KHOR LO DANG, RMI LAM DANG BSRE BA'I GNAD MGRIN PA'I 'KHOR LO NA YOD PAR BSHAD NAS, JI LTAR BSRE BA'I TSUL GSAL BAR MA BSHAD DO, ,MAN NGAG BLA MA LA RAG LAS PAR BYA BA'I PHYIR DU'O, ,DE LTAR BSHAD PA LA NI RMI LAM RLUNG STOBS KYIS 'DZIN PA DANG 'DUN PA'I STOBS KYIS 'DZIN PA'I KHYAD PAR RNAMS PHYED DGOS SO, ,GZHUNG DE RNAMS LA BRTEN NAS SGYU MA GSUM RGYUD KYI GZHUNG GSUM DANG, SGYU MA BTZAN THABS DANG BZHIR BYAS PA'I DANG PO MNYAM GZHAG SGYU MA LA 'CHAD TSUL SNA TSOGS SHIG SNANG YANG, SNGAR BSHAD PA LTAR RLUNG SEMS TZAM LAS GRUB PA'I SKU LA BYA DGOS SO, ,SGYU MA BTZAN THABS NI RMI LAM SGYU MA'I NANG TSAN NO, ,SGYU LUS KYI MAN NGAG TU BSHAD PA'I BAR DO SGYU MA DANG BSRE BA LA NI, BAR DO'I SNGON DU 'ONG BA'I 'CHI BA'I STONG PA RNAMS DANG BSRE DGOS PA GDAMS NGAG RNAMS KYI DON DU YANG SNANG LA, DE LTAR DGOS PA YANG YIN PAS, 'CHI BA'I 'OD GSAL DANG BSRE BA'I MAN NGAG BTZAN THABS SANGS RGYAS SOGS KYANG BAR DO SGYU MA'I MAN NGAG GI YAN LAG TU BYA'O, ,RMI LAM GYI LUS SGYU LUS BZHIN DU LDANG BA LA DE'I SNGON DU SEMS DBEN DANG 'DRA BA'I STONG PA GSUM SKYED DGOS LA, DE LA RMI LAM GYI SNGA ROL GYI GNYID KYI STONG PA BZHI 'DZIN PA'I GNYID KYI 'OD

, ,GSAL SNGON DU BTANG DGOS PAS, SNYING KHAR MI SHIGS PA LA BRTEN NAS MA RIG PA RTZAD NAS GCOD PA SOGS GNYID KYI 'OD GSAL 'DZIN PA'I GDAMS NGAG RNAMS KYANG RMI LAM SGYU MA'I MAN NGAG GI YAN LAG TU BYA'O, ,DES NA DON LNGA MAR RMI LAM GYI SNGON DU GNYID KYI STONG PA BZHI BZUNG BA'I MTHAR RMI LAM LA 'JUG PAR BSHAD PA LEGS LA, MGRIN PA'I PAD 'DAB KYI YI GE BZHI LA RIM PA BZHIN DU DMIGS NAS, GNYID KYI STONG PA BZHI 'DZIN ZHES PA NI, LUGS 'DI'I GNYID KYI 'OD GSAL 'DZIN PA'I GDAMS NGAG GZHAN DANG MI MTHUN ZHING MI RIGS SO, ,GNYID DANG 'CHI BA'I 'OD GSAL 'DZIN PA RNAMS 'OD GSAL 'DZIN PA'I GDAMS PA YIN PAS, RIM PA BZHI PA'I MAN NGAG TU BYA DGOS KYI RIM PA GSUM PA'I MAN NGAG MIN NO SNYAM DU MI BZUNG STE, SGYU LUS MAN CHAD DU DE 'DRA BA'I DPE'I 'OD GSAL DU MA ZHIG 'ONG BA'I PHYIR RO, ,DES NA BSHAD PA'I SKABS SGYU LUS KYI SKABS SU BYUNG BAS DER BSDUS KYI, DON DBANG BTZAN PAR BYAS NA DBEN PA GSUM GA'I SKABS DANG 'BREL SA YOD DO, ,RTZA TSIG LAS, LAM MYUR GCOD PA 'PHO BA STE, ,GRONG DU 'JUG PA YAN LAG GO, ZHES 'BYUNG BA'I MAN NGAG TU BYAS NAS SBYAR BA'I SKU GSUM GYI 'PHO BA'I CHOS SKU DANG, LONGS SKU'I 'PHO BA NI MING 'PHO BAR BTAGS KYANG, DON 'CHI BA DANG BAR DO DANG BSRE BA'I NANG DU 'DU BAS ZUR DU MA BSHAD KYANG CHOG PAR SNANG NGO, ,SPRUL SKU'I 'PHO BA DANG, BTZAN THABS KYI 'PHO BA DANG, GSEB LAM GYI 'PHO BA GSUM NI, 'PHO BA MANG NYUNG MI 'DRA TZAM GSUM DU SNANG LA, GSEB LAM GYI MAN NGAG LHAG MA RNAMS KYANG 'CHI BA DANG BSRE BA DANG BAR DO DANG BSRE BA'I

KHONGS SU 'DUS KYI NUS PA LHAG PO MI SNANG NGO, ,GRONG 'JUG GI MAN NGAG SBYANG BA LA NI SNGON DU GRONG 'JUG NUS PA'I RLUNG GI NUS PA JI TZAM ZHIG THOB PA'I SBYONG TSUL MI SNANG BAS DE ZUR NAS BTZAL DGOS PAR SNANG NGO, ,RTZA TSIG LAS, GTUM MO'I RNAL 'BYOR RLUNG GIS TE, , BDE CHEN SEMS LA DMIGS PA'O, ,RMI LAM SGYU MA GCIG TU SBYANG, ,BAR DO RNAM GSUM BSRE BAR BYA, ,NYON MONGS YE SHES LAM DU 'GYUR, ZHES SOGS BSHAD PA'I MAN NGAG TU BYAS NAS GTUM MO SGOM PA RIM LNGA DANG SBYAR BA BYAS SO, ,DE'I DON NI RDOR BZLAS KYI RLUNG GI RNAL 'BYOR GYIS SEMS DMIGS 'DREN PA'I DOD GTUM MO'I RNAL 'BYOR DANG, RDOR BZLAS KYIS DRANGS PA'I SEMS DMIGS KYI DOD GTUM MO LA BRTEN NAS DGA' BZHI SKYES PA LA BYAS NAS, RIM PA LHAG MA GSUM PHA RGYUD NAS 'BYUNG BA MA RGYUD KYI GTUM MO'I LAM LA SNON PA'I DON DU 'DUG GI, LDANG 'JUG GNAS GSUM YI GE GSUM DANG SBYAR BA RDOR BZLAS DANG, LTE BAR DMIGS SHING NYAMS BDE BA SEMS DMIGS DANG, BDE DROD NYAMS SU MYONG YANG ZHEN PA MAD PA SGYU LUS DANG, SGYU MA TZAM DU YANG MI DMIGS PA 'OD GSAL DANG, BDE STONG GNYIS MED DU SHAR BA ZUNG 'JUG YIN ZHES PA DON DU MA MTHONG NGO, ,DE LTAR NA GTUM MO NI MA RGYUD KYI GDAMS NGAG YIN LA, PHA RGYUD KHA CIG LAS KYANG 'PHO BA DANG GRONG 'JUG GI RNAM GZHAG CUNG ZAD BSHAD KYANG, RNAM SHES 'DON PA'I DMIGS BA ZHIB TU BSHAD PA MED PAS, SNGAR BSHAD PA'I 'PHO BA DANG GRONG 'JUG GI MAN NGAG RNAMS NI MA RGYUD LA BRTEN PA'O, ,PHA RGYUD KYI RIM LNGA BSHAD PA'I SKABS SU MA RGYUD KYI GTUM MO SGOM PA LA RIM LNGA SBYAR BA NI, RIM LNGA DNGOS DANG DE'I

, ,DOD THUB KYI LAM DU RGYUD GNYIS KYI RDZOGS RIM KUN 'DU BAR BSTAN PA'I PHYIR YIN LA, MA RGYUD KYI 'PHO BA DANG GRONG 'JUG 'DIR BSTAN PA NI PHA RGYUD KYI GDAMS NGAG LA YANG DGOS PAR STON PA'O, ,BSRE BA DRUG GI GNYID DANG RMI LAM DANG BSRE BA DANG 'CHI BA DANG BAR DO DANG BSRE BA BZHI NI BSRE BA DE BZHI'I GDAMS NGAG SNGAR BSHAD PA DE RNAMS KYI NANG DU 'DUS PAS LOGS SU MA BSHAD KYANG CHOG PAR SNANG LA, 'DI'I GNYID DANG 'CHI BA DANG BSRE BA DANG, GSEB LAM GYI 'CHI KHA'I GDAMS NGAG YE SHES NGO SPROD CES PA'I PHYAG RGYA BZHI LDAN LA NI, RLUNG GI STOBS KYIS BSRE BA'I SNGAGS KYI LAM THUN MONG MIN PA DANG, TING NGE 'DZIN THUN MONG BA'I RNAM GZHAG GNYIS PHYED DGOS PAR SNANG NGO, ,SNYOMS 'JUG DANG BDE STONG BSRE BA DANG, LONGS SPYOD DANG BDE STONG BSRE BA ZHES PA LA YANG NUS PA LHAG PO MI SNANG NGO, ,'KHOR BA LDOG 'JUG LA BRTEN NAS MA RIG PA RTZAD NAS GCOD PA DANG, 'BRAS BU SANGS RGYAS KYI BZHUGS TSUL GNYIS KYI MAN NGAG GI GZHI NI RTZA TSIG LA MED LA, SNGA MA NI SGYU LUS KYI MAN NGAG GI YAN LAG DANG PHYI MA NI BSKYED RIM DANG BCAS PA'I RIM PA DRUG GIS SKU BZHI GANG 'GRUB STON PAS RIM PA RNAMS KYI 'BRAS BU'O, ,RIM PA THA MA GNYIS NI RTZA TSIG LAS, RANG BZHIN SHES PA'I BSAM GTAN LAS, ,THABS LAS MA BSKYED TING NGE 'DZIN, ,RANG GSAL NGO BO MI RTOG PA, 'OD GSAL DON DAM RIM PA'O, ,BSAM GTAN MES SBYANGS LHA YI SKU, ,RANG BYUNG YE SHES DAG PA'I LUS, ,SBYANG GZHI SPYOD BYED BRAL BAR GNAS, ,ZUNG DU 'JUG PA'I RIM PA'O, ,ZHES DANG, PHYI NANG MNGON PAR BYANG CHUB TSUL, ,RNAL 'BYOR THOB PAS

BSAM GTAN GNAS, ,'JUG DANG 'BYUNG BA MA BRTAGS PAR, ,SBYOR TSUL YI SHES DES 'THOB BO, ,LTA DANG NYAMS MYONG LUS DANG NGAG, BSAM GTAN MNYAM RJES SPYOD PA DANG, ,SLOB DANG MI SLOB GNYIS MED CING, ,RAB TU MI GNAS ZUNG DU 'JUG ,CES PHYI NANG GI BYANG CHUB PA GNYIS DANG, DE 'DREN PA'I RNAL 'BYOR GYI MAN NGAG THOB PAS, BSAM GTAN GNYIS LA GNAS NAS SPYOD PA'I TSUL DES 'OD GSAL GYI YE SHES THOB PA DANG, SGYU LUS 'OD GSAL GYI BSAM GTAN GYI MES SBYANGS PA'I DAG PA'I LHA SKU RANG BYUNG GI YE SHES LUS RAGS PA LAS LOGS SU BYE BA ZUNG 'JUG TU BSTAN TE, YAB SRAS KYI GZHUNG DANG SHIN TU MTHUN PAS DE LTAR BYA DGOS SO, ,THABS LAS MA BSKYED PA NI 'BYUNG 'JUG MA BRTAGS PAR THOB PA'I DON YIN LA, DE NI DON GYI 'OD GSAL MNGON DU BYED PA'I SKABS SU SNA BUG GI RLUNG GI 'BYUNG 'JUG MA BRTAGS PA'AM, YANG NA LUGS MTHUN DU 'JUG PA DANG LUGS BZLOG TU 'BYUNG BA BLOS BRTAGS NAS 'THOB PA MIN PA'O, ,LTA DANG ZHES SOGS NI GNYIS CHOS SU 'BYED PA'I BDEN 'DZIN GYI RTOG PA RNAMS ZAD NAS, RTOG PA DE DAG GIS MI PHYED PA'I GNYIS MED KYI ZUNG 'JUG TU SONG BA RIM LNGA LAS MANG DU GSUNGS PA'O, ,RTZA TSIG TU RGYUD PHYI MA LAS GSUNGS PA'I YAN LAG DRUG GI DBYE BA TZAM ZHIG BSHAD PA NI DE DANG RIM PA DRUG PO DON GCIG TU BSHAD DGOS PA'I DON NO, ,DE LTAR NA RIM LNGA'I GDAMS NGAG CHE BA BZHI KHRID RIM GCIG TU DRIL NAS CHUNG BA BZHI DANG, MA RGYUD KYI GDAMS NGAG RNAMS MA GTOGS PA'I KHA 'THOR BA RNAMS GCIG TU DRIL BA DE'I THAD KA GANG DU 'ONG LEGS PAR BSGRIGS NAS, KHRID YIG GCIG TU BYAS

, ,NA SHIN TU LEGS PAR SNANG LA, DE LTAR BYAS PA'I TSE GDAMS NGAG GI YI GE RNAMS LA PHAN TSUN MI MTHUN PA 'GA' RE SNANG BA RNAMS GANG LA TSAD MAR BYA RGYU YIN DANG, RTZA TSIG DANG YAB SRAS KYI GZHUNG DANG 'GAL BA'I MA DAG PA THAN THUN SNANG BA RNAMS LEGS PAR DPYOD PA DANG, THAN THUN 'GA' ZHIG MA GTOGS PA RNAMS RTZA TSIG GI DON NYID DU SNANG ZHING, DE RNAMS RTZA BSHAD KYI RGYUD DANG YAB SRAS KYI GZHUNG RTZED MED RNAMS DANG GTUGS TE GSAL DU BTANG NAS, RTZA TSIG GI STENG NAS KHRID YIG GCIG TU BYAS NA, SNGON GYI GDAMS NGAG RNYING PA RNAMS KHA MI 'THOR BAR RING DU GNAS PA DANG, MAR LUGS KYI GDAMS NGAG GI GNAD THAMS CAD RDZOGS SHING, RIM LNGA'I GDAMS NGAG CHUNG BA RNAMS KYI GNAD KYANG LHAG DANG BCAS PA TSANG BA CIG 'ONG BAS RIM LNGA'I KHRID YIG RGYAS PA GCIG TU BSGRIG PAR BYA'O, ,MAR LUGS KYI 'DUS PA'I GDAMS NGAG THOR BU BA RNAMS KHRID YIG GCIG TU SGRIG LUGS BSTAN PA'O,, ` ,,RJE BTZUN DAM PA THUGS RJE CHEN PO DANG LDAN PA RNAMS KYI ZHABS LA GUS PAS PHYAG 'TSAL LO, ,RGYUD KYI RGYAL PO DPAL GSANG BA 'DUS PA'I RDZOGS PA'I RIM PA RIM LNGA GDAN RDZOGS KYI DMAR KHRID LA GNYIS, GDAMS NGAG GI SNGON DU 'GRO BA DANG, GDAMS PA DNGOS SO, ,DANG PO LA GNYIS, SPYI'I SNGON 'GRO DANG, KHYAD PAR GYI SNGON 'GRO'O, ,DANG PO NI, LAM THUN MONG BAS RGYUD LEGS PAR SBYONG BA DANG, RNAM PAR DAG PA'I DBANG RDZOGS PAS SNOD RUNG DU SGRUB PA DANG, DE'I DUS SU KHAS BLANGS PA'I DAM TSIG DANG SDOM PA RNAM PAR DAG PAR BYED PA NI, RDZOGS RIM

GYI SNGON 'GRO'I MCHOG TU SHES PAR BYAS LA, NYAMS 'OG TU CHUD PAR BYA'O, ,DE NAS BSKYED RIM PHRA RAGS MTHAR PHYIN PA YIN NA, MTSAMS 'DI NAS LUS DBEN NYID LA 'DRIL BA YIN LA DE LTA MIN NA BSKYED RIM RGYAS BSDUS GNYIS GZHAN DU BSHAD PA BZHIN DU GANG RUNG RO SGOM PA SNGON DU GTANG YIN BYA, LAM THUN MONG BA'I DAL 'BYOR THOB PA DON CHE BA DANG, SHIN TU RNYED DKA' BA'I TSUL BSGOMS LA SNYING PO LEN 'DOD CHEN PO BSKYED, DAL 'BYOR THOB PA MYUR DU 'JIG PA'I CHE BA RJES SU DRAN PA DANG, SHI NAS NGAN 'GROR LHUNG NA JI LTAR 'GYUR GYI NGAN 'GRO'I SDUG BSNGAL BSAMS LA, CHOS MIN PA BYA RGYU MED PAR THAG BCAD CING 'JIGS PA DRAN PAS RGYU BYAS PA'I SKYABS SU 'GRO BA RGYUD DANG 'DRES NGES PA DANG, DGE SDIG LAS BDE SDUG 'BYUNG BA'I LAS 'BRAS LA NGES PA BRTAN PO BSKYED, 'KHOR BA MTHA' DAG GI NYES DMIGS BSAMS LA SRID PA LAS NGES PAR 'BYUNG 'DOD DRAG PO BSKYED, RANG NYID SRID 'TSOR LHUNG BA BZHIN DU SEMS CAN RNAMS KYANG DE DANG 'DRA BAR BLTA ZHING, DE RNAMS KYANG RANG GI MA YIN PA DANG, MA BYAS RES KYIS PHAN PA BSGRUBS SHING, GNOD PA BSAL BA'I DRIN CHE BA DANG, DE LA LAN DU PHAN 'DOGS PA'I DRIN DU GZO BA'I BLO BRTAN PO BSKYED NAS, DE NAS DE RNAMS BDE BAS PHONGS PA'I PHONGS LUGS DANG SDUG BSNGAL GYIS MNAR BA'I MNAR LUGS RNAMS BSAM LA, DE RNAMS CI NAS KYANG BDAG GIS BDE BA MTHA' DAG LA DGOD PA DANG SDUG BSNGAL MTHA' DAG LAS BSGRAL BAR BYA'O SNYAM PA'I 'DUN PA DRAG PO BSKYED, DE NAS DON DE GNYIS RDZOGS PAR

, ,SGRUB PA NI SANGS RGYAS NYAG GCIG TU MTHONG NAS, DE RNAMS KYI DON DU SANGS RGYAS THOB 'DOD KYI BLO'I 'GYUR BA DRAG PO'I SGO NAS BYANG CHUB TU SEMS BSKYED, DE 'DRA BA'I SANGS RGYAS THOB PA'I DON DU LAM 'DI DANG 'DI LA BSLAB PAR BYA'O, , SNYAM PA'I LAM LA BRTEN PA'I YI DAM BRTAN PO YANG DANG YANG DU BYA'O, ,GNYIS PA LA GNYIS, SDIG SGRIB DAG PAR BYA BA'I PHYIR RDO RJE SEMS DPA'I BSGOM BZLAS BYA BA DANG, BYIN RLABS 'JUG PAR BYA BA'I PHYIR BLA MA'I RNAL 'BYOR BSGOMS NAS MCHED PA'O, , DANG PO NI SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS GYUR PAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ZHES THUN MTSAMS SU RDOR SEMS BSGOMS NAS YIG BRGYA NYER GCIG RE MA CHAG PAR BZLAS NA LTUNG BA MI 'PHEL BA DANG, 'BUM PHRAG GCIG BZLAS NA NYES PA RNAMS 'DAG PAR GRUB PAR MCHOG BRNYES PA RNAMS KYIS GSUNGS PAS DE LTAR BYA'O, ,ZHES GSUNGS PA BZHIN DU DGOS PA DE GNYIS KYI PHYIR DU RDOR SEMS KYI BSGOM BZLAS BYA'O, ,'DI LA RANG NYID RDOR SEMS SU BSGOMS NAS BYAS PAS CHOG MOD KYANG BLA MA RNAMS KYI PHYAG BZHES LA SPYI BOR BSGOMS NAS MDZAD PAS DE LTAR BYA BA'I RIM PA NI, RANG GI SPYI BOR Pm LAS PAD MA DKAR PO,

A'A: LAS ZLA BA'I DKYIL 'KHOR GYI STENG DU, H'Um LAS RDO RJE RTZE LNGA PA DKAR PO LTE BA LA H'Um GIS MTSAN PA, DE LAS 'OD ZER 'PHROS DON GNYIS BYAS, TSUR 'DUS YONGS SU GYUR PA LAS, RDO RJE SEMS DPA' SKU MDOG DKAR PO GA-YAS RDO RJE, GA-YON DRIL BU 'DZIN PA, YUM RDO RJE DBYINGS KYI DBANG PHYUG MA SKU MDOG DKAR MO RDO RJE DANG DRIL BU 'DZIN PAS 'KHYUD PA, RIN PO CHE'I RGYAN SNA TSOGS PAS SPRAS PA, MTSAN DANG DPE BYAD DANG LDAN PA, RDO RJE SKYIL KRUNG GIS BZHUGS PA BSKYED LA, DE'I THUGS KAR ZLA BA'I STENG DU H'Um DKAR PO BSAM, DE LAS 'OD ZER 'PHROS RANG 'DRA'I YE SHES SEMS DPA' SPYAN DRANGS PA LA MCHOD PA LNGAS MCHOD, DZA: H'Um Bm HO: DGUGS GZHUG BCING MNYES PAR BYA, YANG THUGS KA'I H'Um LAS 'OD ZER 'PHROS, DBANG BSKUR GYI LHA RNAMS SPYAN DRANGS PA LA MCHOD NAS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL ZHES GSOL BA BTAB PAS, DE BZHIN GSHEGS PA RNAMS KYIS DBANG BSKUR BA'I DGONGS PA MDZAD, YUM RNAMS KYIS RIN PO CHE'I BUM PA YE SHES KYI BDUD RTZIS GANG BA THOGS NAS, JI LTAR BLTAMS PA SOGS DANG, AOm SARBA TA TH'A GA TA AA BHI shE KTA SA MA YA SHRI YE H'Um ZHES PAS DBANG BSKUR LUS YE SHES KYI BDUD RTZIS GANG, MI BSKYOD PAS DBU BRGYAN PAR BSAM, DE NAS SGO GSUM GUS PA CHEN POS, BCOM LDAN 'DAS RDO RJE SEMS DPA' BDAG GZHAN THAMS CAD KYI SDIG SGRIB DANG DAM TSIG NYAMS CHAGS THAMS CAD DAG PAR MDZAD DU GSOL, ZHES GSOL BA BTAB PAS THUGS KA'I H'Um LAS 'OD ZER 'PHROS, SEMS CAN THAMS CAD LA PHOG ,DE DAG GI SDIG SGRIB NYES LTUNG THAMS CAD

, ,DAG PAR BYAS, PHYOGS BCU'I SANGS RGYAS SRAS BCAS THAMS CAD LA MNYES PA'I MCHOD PA PHUL, DE RNAMS KYI SKU GSUNG THUGS YON TAN 'PHRIN LAS THAMS CAD 'OD ZER GYI RNAM PAR BSDUS NAS, THUGS KA'I H'Um LA THIM PAS GZI BRJID DANG MTHU STOBS PHUN SUM TSOGS PAR GYUR PAR BSAMS LA, H'Um GI MTHA' MAR, AOm BADZRA SATVA SA MA YA, MA NU P'A LA YA, BADZRA SATVA TVE NO PA TIshthA, DRI dHO ME BHA BA, SU TO shYO ME BHA BA, AA NU RAKTA ME BHA BA, SU PO shYO ME BHA BA, SARBA SIDDHI MME PRA YATZTSA, SARBA KARMA SU TZA ME, TZITTm SHR'I Ym KU RU H'Um, HA HA HA HA HO, BHA GA WA NA SARBA TA TH'A GA TA, BADZRA MA ME MUNYTZA, BADZRI BHA BA MAH'A SA MA YA SATVA A'A: H'Um PHAt, CES PAS BSKOR BA LA DMIGS TE BZLAS PAS YIG 'BRU LAS 'OD ZER 'PHROS SEMS CAN GYI SDIG SGRIB SBYANGS, SANGS RGYAS SRAS BCAS LA MCHOD PA BSAM GYIS MI KHYAB PA PHUL, SKU GSUNG THUGS KYI BYIN BRLABS BSDUS NAS YIG 'BRU LA THIM PAS, YIG 'BRU LAS BDUD RTZI'I RGYUN DKAR PO BYUNG, YAB YUM GYI SBYOR MTSAMS LAS BABS NAS, RANG GI SPYI BO TSANGS PA'I BU GA NAS ZHUGS TE SGO GSUM GYI SDIG SGRIB THAMS CAD DBANG PO'I SGO DANG BA SPU'I BU GA NAS NAG PHUNGS KYIS 'THAN, SDIG SGRIB SANGS KYIS DAG ,LUS THAMS CAD YE SHES KYI BDUD RTZI'I RGYUN GYIS DKAR MER GYIS GANG, RTOGS PA DANG YON TAN BDAG GZHAN THAMS CAD LA SKYES PAR BSAM ZHING BZLAS SO, ,THUN 'JOG KHAR STOBS BZHI'I BSHAGS PA BYAS LA, SDIG SGRIB KYI 'KHOR GSUM MI DMIGS PAR BSGOM ZHING, BDAG NI MI SHES RMONGS PA YIS, ,DAM TSIG LAS NI 'GAL ZHING

NYAMS, ,BLA MA MGON POS SKYABS MDZED CIG ,GTZO BO RDO RJE 'DZIN PA STE, ,THUGS RJE CHEN PO'I BDAG NYID CAN, ,'GRO BA'I GTZO LA BDAG SKYABS MCHI, ZHES GSOL BA BTAB PAS, RDO RJE SEMS DPA'I ZHAL NAS RIGS KYI BU KHYOD KYI SDIG SGRIB DANG, DAM TSIG NYAMS CHAGS THAMS CAD DAG GO ,ZHES GSUNG NAS RANG LA THIM PAS RANG GI SGO GSUM DANG RDO RJE SEMS DPA'I SKU GSUNG THUGS DBYER MED DU GYUR PAR BSAMS LA, DGE BA'I RTZA BA BSNGO BA DANG SMON LAM GDAB BO, ,GNYIS PA LA GNYIS, TSOGS ZHING DU BLA MA BSGOM PA DANG, DE LA MCHOD NAS GSOL BA GDAB PA'O, ,DANG PO NI, MDUN GYI NAM MKHAR RIN PO CHE'I KHRI SENG GES BTEG PA'I STENG NA PADMA DANG NYI MA'I GDAN LA, NGO BO RANG GI BLA MA LA RNAM PA RIGS DRUG PA RDO RJE 'CHANG SKU MDOG SNGON PO ZHAL GSUM PHYAG DRUG PA'AM, ZHAL GCIG PHYAG GNYIS KYI GA-YAS RDO RJE GA-YON DRIL BU 'DZIN PAS, RANG DANG 'DRA BA'I YUM REG BYA RDO RJE MA LA 'KHYUD PA, LHA RDZAS KYI GOS KYI STOD GA-YOGS DANG SMAD GA-YOGS CAN RIN PO CHE'I RGYAN BRGYAD KYIS BRGYAN PA, ZHABS RDO RJE SKYIL KRUNG GIS BZHUGS PA, 'OD ZER RNAM PA LNGA RAB TU 'BAR BAR BSGOM, BSDU NA DES CHOG ,RGYAS PAR BYED NA BSHAD RGYUD LAS RDO RJE SLOB DPON GYI LUS LA DKYIL 'KHOR BA'I LHA TSOGS 'GOD PAR GSUNGS PA'I DON LUS DKYIL BZHIN DU BSGOMS PA'I SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, SNYING KHAR NYI MA LA H'Um SNGON PO 'OD ZER LNGA 'PHRO BA BSGOM, H'Um LAS 'OD ZER 'PHROS PAS RDO RJE 'CHANG NAS BZUNG STE BLA MA BRGYUD PA RNAMS DANG, YI DAM GYI LHA TSOGS RNAMS SPYAN DRANGS TE BSTIMS LA, SDOM 'BYUNG LAS, BLA MA SANGS RGYAS BLA MA CHOS, ,DE BZHIN

, ,BLA MA DGE 'DUN NYID, CES GSUNGS PA LTAR SKYABS GSUM KUN 'DUS KYI NGO BOR BSGOM, RIM LNGA LAS, 'DI NI RANG BYUNG BCOM LDAN 'DAS, ,LHAG PA'I LHA NI GCIG PU NYID, ,MAN NGAG RAB TU STER BA'I PHYIR, ,RDO RJE SLOB DPON DE BAS LHAG ,CES GSUNGS PA LTAR RANG LA PHAN 'DOGS PA'I ZHING DU NI RDO RJE 'CHANG LAS KYANG CHES LHAG PA YIN SNYAM DU BSAM, ZHAL LUNG LAS, 'DI YI DON LDAN 'GA' ZHIG LA, ,NGA NI DE YI LUS GNAS TE, ,SGRUB PO GZHAN LA MCHOD PA LEN, ,DE YIS DE MNYES RANG GI RGYUD, ,LAS KYI SGRIB PA DAG BYED DO, ,ZHES GSUNGS PA LTAR YANG DAG PA'I GDAMS NGAG GI DON STON PA'I BLA MA SLOB MAS MCHOD PA'I DUS SU, SANGS RGYAS RNAMS BYON TE BLA MA'I LUS LA ZHUGS TE MCHOD PA BZHES NAS SLOB MA'I RGYUD DAG PAR BYED LA, MCHOD PA GZHAN GYI TSE RANG GIS SANGS RGYAS LA BTANG BA'I BSOD NAMS 'THOB KYANG, SANGS RGYAS NYID KYI DE LTAR BZHES PA'I NGES PA MED PA'I TSUL SHES PAR BYAS LA, MCHOD PA'I ZHING GONG NA MED PA'I NGES PA BSKYED, RDO RJE SNYING PO RGYAN GYI RGYUD DANG, SGYU 'PHRUL DRA BA LAS, RTAG TU BLA MA LA GUS PA'I, ,SLOB MAS BLA MA 'DI LTAR BLTA, ,BLA MA SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE BZHIN GSHEGS PA RIN CHEN 'BYUNG, ,DE NI YE SHES RGYA MTSO CHE, ,YID BZHIN NOR BU'I RIN CHEN SBYIN, ,DE YI YON TAN THAMS CAD BZUNG, ,SKYON KUN SEMS KYIS KYANG MI BSAM, ,YON TAN BZUNG NA DNGOS GRUB 'THOB, ,SKYON GYIS DNGOS GRUB NYAMS PAR BYED, CES GSUNGS PA LTAR DE BZHIN GSHEGS PA RIGS DRUG GI NGO

BOR BLTAS LA, SKYON RTOG PA'I BLO LA SDOM SEMS MANG PO DANG, YON TAN RNAMS BRTAGS NAS DE LA DMIGS PA'I DAD PA SBYONG BA MANG DU BYA STE, SKYON GYI NGOS NAS BRTAGS NA DNGOS GRUB KYI GEGS BYED LA, YON TAN GYI NGOS NAS BRTAGS NA DNGOS GRUB MYUR DU 'GRUB PA'I PHYIR RO, ,DE LTA BU LA SOGS PA'I TSUL GYIS BLA MA DE NYID LA DMIGS PA'I DAD PA DANG, BKA' DRIN RJES SU DRAN TE GUS PA CHEN PO MANG DU SBYANG NGO, ,GNYIS PA NI, RIM LNGA LAS, MCHOD PA THAMS CAD RNAMS SPANGS NAS, ,BLA MA LA MCHOD YANG DAG BRTZA, DE MNYES PAS NI KUN MKHYEN PA'I, ,YE SHES MCHOG NI THOB PAR 'GYUR, ,BLA MED BYED PA SLOB DPON GYI, ,RDO RJE SEMS DPA' MCHOD BYAS PAS, ,DE YIS BSOD NAMS MA BYAS CI, ,DKA' THUB MA BSTEN GANG ZHIG YOD, CES GSUNGS PA LTAR MCHOD PA KUN GYI NANG NAS BLA MA LA MCHOD PA NYID LHUR BLANG BA'I TSUL LA NGES PA DRAG PO BSKYED NAS BLA MA LA MCHOD PAR BYA'O, ,DE YANG RTZA RGYUD LE'U BRGYAD PA LAS, ZHING 'DI RIN PO CHE SNA BDUN GYIS BKANG BA LA SOGS PA'I PHYI NANG GI MCHOD PAS BLA MA LA MCHOD PAR GSUNGS PA BZHIN BYA BA LA MAndAL GYI MCHOD PA NI, SA'AM RIN PO CHE LA SOGS PA'I MAndAL BA BYUNG GIS BYUGS PA LA, DRI BZANG DANG BDUD RTZI LNGA DANG BCAS PA'I CHUS BYUG CING, AOm BADZRA BH'U MI A'A: H'Um, ZHES PAS DBANG CHEN GSER GYIS GZHI DANG AOm BADZRA RE KHE A'A: H'Um, ZHES PAS LCAGS RI'I MU KHYUD, DRI BZANG DANG BCAS PA'I BDUD RTZI LNGAS SBAGS PA'I ME TOG GI TSOM BU DBUS SU 'GOD CING, AOm Hm SU MA DHE MEE RA WE N'A MA, ZHES PAS DBUS SU RI RAB, SHAR DU ME TOG 'GOD CING, AOm Ym P'URBA BI DE H'A YA N'A MA, ZHES PAS

, ,SHAR LUS 'PHAGS, LHAR 'GOD CING, AOm Rm DZAMBU DV'I P'A YA N'A MA, ZHES PAS LHO 'DZAM BU GLING, NUB TU 'GOD CING, AOm Lm AA PA RA GOO TZAR+YA N'A MA, ZHES PAS NUB BA LANG SPYOD, BYANG DU 'GOD CING, AOm Wm AUD TA RA KU RA WE N'A MA, ZHES PAS BYANG SGRA MI SNYAN, SHAR GYI GA-YAS GA-YON GNYIS SU 'GOD CING, AOm Ym AU PA DV'I P'A YA N'A MA, ZHES PA LAN GNYIS KYIS LUS DANG LUS 'PHAGS, LHO'I GA-YAS GA-YON GNYIS SU 'GOD CING, AOm Rm AU PA DV'I P'A YA N'A MA, ZHES PA LAN GNYIS KYIS RNGA YAB DANG RNGA YAB GZHAN, NUB KYI GA-YAS GA-YON GNYIS SU 'GOD CING, AOm Lm AU PA DV'I P'A YA N'A MA, ZHES PA LAN GNYIS KYIS GA-YO LDAN DANG LAM MCHOG 'GRO ,BYANG GI GA-YAS GA-YON GNYIS SU 'GOD CING, AOm Wm AU PA DV'I P'A YA N'A MA, ZHES PA LAN GNYIS KYIS SGRA MI SNYAN DANG SGRA MI SNYAN GYI ZLA, DE NAS GLING GI NANG GI SHAR DU 'GOD CING, AOm Ym GA DZA RADN'A MA, ZHES PAS GLANG PO RIN PO CHE, LHOR 'GOD CING, AOm Rm PU RU shA RADN'A YA N'A MA, ZHES PAS KHYIM BDAG RIN PO CHE, NUB TU 'GOD CING, AOm Lm AA SHVA RADN'A YA N'A MA, ZHES PAS RTA RIN PO CHE, BYANG DU 'GOD CING, AOm Wm STI RADN'A YA N'A MA, ZHES PAS BTZUN MO RIN PO CHE, SHAR LHOR 'GOD CING, AOm Ym KHAd GA RADN'A YA N'A MA, ZHES PAS DMAG DPON RIN PO CHE, LHO NUB TU 'GOD CING, AOm Rm TZA KRA RADN'A YA N'A MA, ZHES PAS 'KHOR LO RIN PO CHE, NUB BYANG DU 'GOD CING, AOm Lm MA nI RADN'A YA N'A MA, ZHES PAS NOR BU RIN PO CHE, BYANG SHAR DU 'GOD CING, AOm Wm MAH'A NI DHI RADN'A YA N'A MA, ZHES PAS GTER CHEN PO, NANG GI SHAR DU 'GOD CING, AOm SU R+YA YA N'A

MA, ZHES PAS NYI MA, NANG GI NUB TU 'GOD CING, AOm TZANTRA YA N'A MA, ZHES PAS ZLA BA RNAMS SO SO'I RNAM PA JI BZHIN DU GSAL GDAB, RIN PO CHE SNA TSOGS KYIS BKANG BAR DMIGS TE, BDAG GZHAN LUS NGAG YID GSUM LONGS SPYOD DUS GSUM DGE BA RNAMS, , RIN CHEN MAndAL BZANG PO KUN BZANG MCHOD PA'I TSOGS BCAS PA, ,BLO YIS BLANGS NAS BLA MA YID DAM DKON MCHOG GSUM LA 'BUL, ,THUGS RJE'I DBANG GIS BZHES NAS BDAG LA BYIN GYIS BRLAB TU GSOL, ZHES BRJOD DE BLA MA LA 'BUL, ME TOG SOGS PHYI DANG NANG BDUD RTZI'I MCHOD PA DANG GSANG BA'I MCHOD PAS KYANG MCHOD, BSTOD PAS BSTOD LA, BLA MA'I SPYAN SNGAR SPYI DANG KHYAD PAR GYI SDOM PA GZUNG BAR BYA'O, ,DE NAS GUS PA CHEN POS THUN MONG DANG THUN MONG MA YIN PA'I LAM RNAMS MYUR DU RGYUD LA SKYE BA DANG, DE DAG GI 'GAL RKYEN ZHI ZHING MTHUN RKYEN YID BZHIN DU 'GRUB PA'I GSOL PA BTAB PAS DGYES TE BLA MA'I GNAS GSUM GYI YI GE LAS RIM PA BZHIN DU 'OD ZER DKAR DMAR MTHING GSUM 'PHROS PA RANG GI GNAS GSUM DU RIM PA BZHIN ZHUGS PAS, LUS KYI NANG THAMS CAD 'OD ZER GSUM GYIS RIM PA BZHIN DU KHENGS, SGO GSUM GYI DRI MA SBYANGS, BUM PA DANG GSANG BA DANG SHES RAB YE SHES KYI DBANG RIM PA BZHIN THOB, SKU RDO RJE SOGS GSUM GYI DNGOS GRUB RIM PA BZHIN THOB PAR BSAM, DE NAS SKU'I GNAS THAMS CAD LAS 'OD ZER SNA TSOGS 'PHROS, RANG GI LUS KYI SGO THAMS CAD NAS ZHUGS SGO GSUM GYI SGRIB PA PHRA BA DANG SHES SGRIB SBYANGS, DBANG BZHI PA THOB RDO RJE GSUM DBYER MI PHYED PA'I DNGOS GRUB THOB PAR BSAM MO, ,

, ,YI GE GSUM NI RDO RJE GSUM GYI MTSON BYED YIN LA, DE GSUM GYIS SGRIB PA GSUM SBYONG BA BZHIN DU, DBANG GSUM GYIS KYANG SPYOD PA 'DRA BA TZAM DANG, DON GYI DBANG BZHI PA RDO RJE GSUM MI PHYED PAS PHRA BA'I SGRIB PA SBYONG BA LA BSAMS NAS, SNGAR BSHAD PA'I DBANG BZHI THOB PAR THA SNYAD BYAS PA TZAM YIN GYI, DES DBANG DNGOS THOB PA MIN NO, ,DE NAS MDUN GYI BLA MA RANG GI SPYI BOR RDO RJE BSDU BA'I SNGAGS RGYAS SAM DMIGS PAS SPYAN DRANGS TE SPYI BO NAS BSTIM PAS, RANG GI LUS NGAG YID GSUM DANG, BLA MA'I SKU GSUNG THUGS DBYER MI PHYED PAR BSAMS LA YI GE BRGYA PAS BRTAN PAR BYA STE, DE RNAMS NI THUN SNGA PHYI'I BAR DANG THUN MGO RNAMS SU BYA'O,, ,,GNYIS PA GDAMS PA DNGOS LA GSUM, GZHI DNGOS PO'I GNAS TSUL, LAM BGROD PA'I RIM PA, 'BRAS BU MNGON DU BYED PA'I TSUL LO, ,DANG PO LA GSUM, LUS SEMS KYI GZHI SO SO'I GNAS TSUL DANG, THUN MONG GI GNAS TSUL DANG, LUS KYI GNAS TSUL BYE BRAG TU BSHAD PA'O, ,DANG PO LA GNYIS LAS LUS KYI GNAS TSUL RAGS PA NI, 'BYUNG BA DANG 'BYUNG GYUR GYI GZUGS LUS RAGS PA 'DI'O, ,LUS PHRA BA NI, DE LA BRTEN PA'I GNAS PA RTZA BDUN KHRI NYIS STONG PA DANG, GA-YO BA RLUNG SROG 'DZIN RAGS PA DANG BCAS PA'I BCU DANG, BKOD PA BYANG CHUB KYI SEMS THIG LE DKAR DMAR RO, ,LUS SHIN TU PHRA BA NI, SPYIR STONG PA BZHI'I GZHON PA'I RLUNG DANG, KHYAD PAR DU THAMS CAD STONG PA 'OD GSAL GYI RLUNG NGO, ,SEMS KYI GNAS TSUL LA RAGS PA NI, DBANG PO'I SHES PA RNAMS SO, ,

PHRA BA NI KUN RTOG BRGYAD CU DANG NYON MONGS SOGS SO, ,SHIN TU PHRA BA NI SPYIR STONG PA BZHI'I SEMS DANG, KHYAD PAR DU THAMS CAD STONG PA'I SEMS SO, ,GNYIS PA NI, RAGS PA GNAS SKABS PA'I LUS DANG, PHRA BA GNYUG MA'I RLUNG GI LUS GNYIS KYI NANG NAS PHYI MA DANG, YID KYI SHES PA GNYIS MAR LA MAR BCUG PA BZHIN NGO BO DBYER MED PAR 'DRES NAS 'KHOR 'DAS KYI BYA BA KUN RDZOGS PAR BYED PA'O, ,GSUM PA NI, LTE BA SPRUL PA'I 'KHOR LO LA SOGS PA RTZA 'KHOR GANG NA YOD PA'I DBUS DANG, AA BA DH'U T'I'I YAR SNA MAR SNA SOGS NI, LUS LA GNAD DU BSNUN PA'I THABS LAM ZAB MO'I GNAD DU BSNUN SA YIN NO, ,MAR LUGS KYI GDAMS NGAG PA KUN GYI LUGS KYIS GANG DU DMIGS PA GTOD PA'I SGOMS SA YUL GYI GNAD SHES PA'I PHYIR DU, LUS KYI DNGOS PO'I GNAS TSUL GTAN LA 'BEBS SHING, BSGOM RGYU'I DON GYI NGO BO SHES PA'I PHYIR DU SEMS KYI DNGOS PO'I GNAS TSUL GTAN LA 'BEBS PA DANG, DE YANG GNYID LOG PA DANG SAD PA'I DUS GNYIS LAS, DANG PO'I SKABS SU DGE SBYOR SKYONG BA LA NI SNYING KHA DANG MGRIN PA'I GNAD SHES DGOS SHING, SAD PA'I SKABS SU GTUM MO SGOM PA LA NI LTE BA DANG, LAS RGYA DANG SNYOMS PAR 'JUG PA LA SPYI BO'I GNAD SHES DGOS PAR 'DOD DE, DUS DE DAG GI TSE SEMS KYI RTEN GYI THIG LE GNAS DE BZHIR GNAS PAR 'DOD PA'I LUGS SO, ,'DI NI DUS 'KHOR GYI SKOR NAS DPRAL BA DANG LTE BA NA SAD PA'I GNAS SKABS SKYED PA DANG, MGRIN PA DANG GSANG GNAS NA RMI LAM GYI GNAS SKABS DANG, SNYING KHA DANG NOR BU NA GNYID 'THUG GI GNAS SKABS DANG, LTE

, ,BA DANG GSANG GNAS KYI RTZE NA BZHI PA'I GNAS SKABS SKYED PA'I THIG LE YOD PAR GSUNGS PA DANG MTHUN SHAS CHE'O, ,GNYID DU 'GRO BA'I DUS SU SNYING KHA DANG NOR BUR RLUNG 'DU TSABS CHE LA, DE 'THUG PA'I RING LA RMI LAM MED PA'I GNYID RGYUN RING NGO, ,DE NAS GNAS DE GNYIS NAS RLUNG CUNG ZAD SRAB TU SONG NAS MGRIN PA DANG GSANG GNAS SU 'ONGS PA NA RMI LAM 'CHAR LA, DER 'DUS PA'I RING LA RMI LAM NYID 'BYUNG NGO, ,DE NAS RLUNG GNAS DE GNYIS NAS GYES TE DPRAL BA DANG LTE BAR SONG BA NA SAD PAR 'GYUR RO, ,SPYI BO NAS BYANG SEMS BABS PA LTE BA DANG NOR BU'I RTZER SLEB PA NA, RANG GI GNAS GONG MA RNAMS LAS 'GYUR BA'I BDE BA CHE BA RE RE 'BYUNG BA NI BZHI PA'I GNAS SKABS YIN LA, ,DE NYID RLUNG STOBS KYIS LAM DU BSLANGS PA NA'ANG, YAS BABS KYI LHAN SKYES KYI MGO RTZOM PA LTE BA NAS DANG, MTSAN NYID RDZOGS PA NOR BU'I RTZER ZIN PA NA 'CHAR RO, ,DE LTAR GNAS BZHIR GNYID DANG RMI LAM GYI DGE SBYOR SKYONG BA'I GNAD CHE MOD KYANG GNAS DE DAG TU SAD DUS SU SEMS BZUNG NA GNAD DU MI 'GRO BA YANG MIN NO, ,'KHOR LO RNAMS KYI NANG NAS KYANG LUGS 'DI LA SNYING KHA GNAD SHIN TU CHE BAR RTZA TSIG LAS BSHAD PA NI LEGS PAR BSHAD PA CHEN PO YIN TE 'CHAD PAR 'GYUR RO, ,DES NI RTZA 'KHOR SO SOR DMIGS PA GTAD NAS SKYONG BA LA, RANG RANG GI LAG RJES THUN MONG MA YIN PA JI LTAR 'ONG GZHAN YANG SHES DGOS PA RTOGS PAR BYA'O, ,GNYIS PA LA GNYIS, ,RDZOGS RIM GYI RIM PA SO SO LA BSLAB TSUL DANG, LAM LA BOGS 'BYIN PA'I THABS SPYOD PA'O,,

DANG PO LA GNYIS, RDO RJE GSUM GYI RDZOGS RIM DANG, BDEN PA GNYIS KYI RDZOGS RIM LA BSLAB TSUL LO, ,DANG PO LA GSUM, LUS DBEN SKU RDO RJE'I TING NGE 'DZIN LA BSLAB TSUL DANG, NGAG DBEN GSUNG RDO RJE'I TING NGE 'DZIN LA BSLAB TSUL DANG, SEMS DBEN THUGS RDO RJE'I TING NGE 'DZIN LA BSLAB TSUL LO, ,DANG PO LA GSUM, BSKYED RIM RDZOGS NAS LUS DBEN LA 'JUG TSUL, 'JUG TSUL DE NYID LA GOMS PAR BYED TSUL, DE LTAR GOMS PA LA BRTEN NAS LUS DBEN DNGOS SKYONG TSUL LO,, DANG PO NI, BSKYED RIM RAGS PA DRAN PA GCIG PA DKYIL 'KHOR RGYAL MCHOG YAN CHAD LA GSAL SNANG RDZOGS PAR BTON PA'I 'OG TU, SEMS DE BRTAN PAR BYA BA'I PHYIR DU STANG SGO'I PHYAG MTSAN PHRA MO LA SEMS BRTAN PA GNAS PA DANG, DE BRTAN NAS DANG POR PHYAG MTSAN GYI SPRO BSDU DANG, DE NAS LHA'I SKU'I SPRO BSDU LA BSLABS TE LOBS PA'I 'OG TU, 'OG SGOR PHYAG MTSAN NAM THIG LE PHRA MO LA SEMS BRTAN PAR BYED PA DANG, DE NAS THIG LE RDO RJE'I LAM NAS YID KYIS RIG MA'I PADMAR PHYUNG STE DER BZHAG PA'I NANG DU, RTAN DANG BRTEN PA'I DKYIL 'KHOR YONGS SU RDZOGS PA LA GSAL SNANG RDZOGS PA DANG, SEMS BRTAN PAR BYAS PA'I SGO NAS RTOG PA'I RNAL 'BYOR SGOM PA MTHAR PHYIN PA'I 'OG TU, LUS DBEN SGOM PA LA 'JUG PA NI, LUGS 'DI SHES PA'I MKHAS PA RNAMS LA YONGS SU GRAGS PA YIN NO, ,'OG SGO'I PHRA MO 'DI'I STENG NAS BSKYED RIM DANG RDZOGS RIM DU 'GRO TSUL GNYIS YOD DE, DANG PO NI SNGAR BSHAD PA LTAR RO, ,GNYIS PA NI NOR BU'I DBUS NA RTZA 'KHOR

, ,GCIG YOD PA DANG, NOR BU'I RTZE NA DH'U TI'I MAR SNA YOD PA'I LUS LA GNAD DU SNUN SA LEGS PAR SHES NAS, DE GNYIS GANG RUNG DU PHRA MO LA SEMS BZUNG BA'I GNAD LA BRTEN PAS, DH'U T'IR RLUNG 'DUS PA DANG DER THIM PA'I DBANG GIS LHAN SKYES KYI YE SHES SKYED PA YIN TE, 'OG SGO'I PHRA MO BSGOMS PAS RO RKYANG GI RLUNG PHYIR RGYU BA BZLOG NAS DH'U T'IR 'DZUD PA'I SGO NAS DE SROG RTZOL DU 'GYUR TSUL YID CHES PA'I KHUNGS DANG BCAS PA RGYAS PAR, MAN NGAG 'DI'I NGO SPROD RGYAS PA RIM LNGA GSAL SGRON DU GTAN LA PHAB ZIN PAS DER SHES PAR BYA'O, ,DES NA MTSAMS 'DI NAS PHRA MO'I SGO NAS LHAN SKYES 'DREN PA'I THABS MI BYED PAR, LUS DBEN RIGS GCIG LA SOGS PA SGOM PA LA 'JUG NA GDAMS NGAG GI GNAD LEGS PAR MA RTOGS PA YIN PAS, SLAR YANG 'OG SGOR PHRA MO SGOMS NAS DH'U T'IR RLUNG BSDUS PA LAS LHAN SKYES BSKYED NAS LUS DBEN DNGOS GZHI SGOM DGOS SO, ,GNYIS PA LA BZHI, 'OG SGOR PHRA MO SGOM PA'I TSUL DANG, DE LTAR BSGOMS PAS MYONG BA SKYE TSUL DANG, DE LA GEGS BYUNG NA SEL TSUL DANG, RE ZHIG STONG NYID MI SGOM PAR PHRA MO SGOM PA'I RGYU MTSAN NO, ,DANG PO NI, TING NGE 'DZIN SKYE BA DANG RJES SU MTHUN PA'I GNAS MTSAN NYID DAD LDAN PAR SKAD CIG GIS RANG RDO RJE 'CHANG ZHAL GSUM PHYAG DRUG PA YAB YUM DU SGOM PA SNGON DU BTANG NAS, PHRA MO SGOM PA LA GNAD BZHI TSAD DGOS PA'I DUS KYI GNAD NI, SPYIR RGYUN LDAN PA YIN MOD KYANG, KHYAD PAR DU THO RANGS SOGS DBEN ZHING RIG PA DANGS

PA'I DUS DANG PHYI DRO ME'I DUS SU BSGOM MO, ,LUS KYI GNAD LA RKANG PA RDO RJE SKYIL KRUNG NGAM, SEMS DPA'I SKYIL KRUNG BYAS, SGAL TSIGS DRANG POR BSRANG, MGRIN PA YID TZAM DGUG ,MIG HA CANG PHYE BA DANG BTZUMS PA MIN PA RAN TZAM DU SNA RTZER BLTA, SO DANG MCHU RANG LUGS PAR BZHAG ,LCE RTZE RKAN LA SBYAR, MGO MI MTHO MI DMA' BAR BZHAG STE, RDO RJE 'PHRENG BA LAS RLUNG SGOM PA'I SKABS SU LUS GNAD BSHAD PA NI GZHAN SGOM PA LA YANG 'DRA'O, ,RLUNG GI GNANG NI PHYI NANG DU RGYU BA SGRA CAN DANG SHUGS CAN DU MI BYA BAR DAL ZHING 'JAM PAR BYA'O, ,GANG DU DMIGS PA GTOD PA'I YUL GYI GNAD NI SNGAR BSHAD PA LTAR MANG YANG SKABS 'DIR NI, RDO RJE'I MGRIN PA YAN CHAD LA NOR BU ZER BAS DE'I DBUS DRANG PO NA RTZA 'KHOR GYI LTE BA'I DH'U T'I YOD PAS DE'I NANG TZAM MAM YANG NA NOR BU'I BUG PA'I RTZE MO RANG NA DH'U T'I'I MAR SNA YOD PAS DER BSGOM PAR BYA'O, ,DE LA RTZA'I RNAM PA GSAL SNANG THON THON DU SGOM MI DGOS KYANG, RTZA'I GNANG GNYIS LEGS PAR SHES NAS DER DMIGS PA GTOD PA NGES PAR DGOS SO, ,'DI 'DRA BA'I RIGS RNAMS LA DMIGS PA GTOD PA'I GNAD LEGS PAR SHES MI SHES LA KHYAD SHIN TU CHE BAS BLA MAS LEGS PAR BSTAN DGOS SO, ,DER SGOM PA NA GANG LA SEMS 'JOG PA'I GZHI DMIGS PA LA, GDAN NI NYI MA'I DKYIL 'KHOR SRAN MA PHYED GSHAGS TZAM ZHIG BYA, DE'I STENG DU THIG LE PHRA MO KHYAD PAR GSUM DANG LDAN PA CIG BSGOMS TE KHA DOG NI SNGON PO'O, ,DBYIBS NI ZLUM PO'O, ,TSAD NI NAS 'BRU DANG YUNGS KAR GANG RUNG GI TSAD TZAM ZHIG RANG GI LHA'I NGO BOR BLTA ZHING, SHIN TU 'TSER LA 'OD ZER LNGA 'BAR

, ,BA GCIG BSGOM MO, ,SEMS ZIN PAR SNANG NA DMIGS YUL CI TZAM PHRA BA TZAM GYIS KUN RTOG DANG DE'I BZHON PA'I RLUNG LDOG SLA LA, SHIN TU 'TSER BA BSGOMS NA BYING BA GCOD SLA ZHING, TING NGE 'DZIN LA GSAL NYAMS CHE'O, ,DMId PA DE LA SEMS 'DZIN TSUL NI, DMIGS RTEN PHRA MO'I NANG DU SEMS ZHUGS PA'I TSUL GYIS 'DZIN PAR GSUNGS PAS, TSUR NGOS NAS PHAR LA BLTA BA 'DRA BA'I RNAM PAR MI BYA'I, YUL CAN GYI SEMS YUL DE'I NANG DU SIM PA BZHIN DU BYA STE, SKYONG TSUL 'DI LTAR BYAS NA DA GZOD SEMS THIG LE DANG 'DRES PAR 'GYUR BA'I NYAMS SKYES NAS RLUNG 'DU BAR SHIN TU SLA'O, ,DE LTAR SEMS 'DZIN PA NA HA CANG SGRIMS DRAGS PA DANG HA CANG LHOD DRAGS PAS BYING RGOD SKYED PAS DE GNYIS SPANGS NAS SEMS GZUNG BAR BYA'O, ,'DI YANG GZHUNG NAS BSHAD PA LTAR GYI BSKYED RIM PHRA RAGS LA BRTAN PA RNYED PA YIN NA, RTZA'I GNAD CHE SAR GNAD DU BSNUN LUGS DANG, DE LA BRTEN NAS RLUNG 'DU RIM SGRUB PA YIN GYI, DMIGS PA GSAL MI GSAL DANG DE LA SEMS ZIN MI ZIN GYI GTAM BYED DON MED MOD KYANG, DA LTA RANG CAG RNAMS 'OG MA LA BSHAD PA LTAR GYI MYONG BA SKYES PA'I BAR DU 'KHRID LONG MED PAR GONG MA LA RGYUG PA RNAMS KYI DBANG DU BYAS NAS YIN TE, TSUL DE GNYIS NI RIM PA GZHAN KUN LA 'ANG SHES DGOS SO, , LUGS 'DI LA 'OG SGO'I PHRA MO SGOM PA LA RDZOGS RIM DU 'GRO LUGS SHIG YOD PA DE MA BSGOM PAR BZHAG NA, PHRA MO'I NUS PA MI RDZOGS SHING LUS DBEN SGOM PA'I GNAD STOR NAS 'GRO BA, DE'I GO BA BSKYED LUGS BYAS PA TZAM MA GTOGS PA,

GANG LA DMIGS PA'I PHRA MO GDAN BCAS DANG, DE LA SEMS 'DZIN PA RNAMS NI SNGAR BSKYED RIM GYI SKABS NYID DU BSHAD PA DE'I STENG NAS BYED PAS 'PHAGS LUGS LA DMIGS PA DE STON PA'I GDAMS PA CHAD PA NI MIN NO, ,PHRA MO'I DMIGS PA GSAL DKA' NA, DMIGS PA GTOD PA'I GNAS MA 'PHYUGS PAR BYAS LA SEMS BZUNG BA NYID LA 'BAD CING, BAR BAR DU GSAL GDAB, DMIGS PA GSAL YANG GNAS GZHAN DU SNANG BA'AM, YAL NAS 'GRO NA'ANG SNGA MA BZHIN DU BSKYANG, RANG SHUGS KYIS GNAS PA RNYED PA'I MTSAMS NAS SEMS KYI NGAR BSKYED NAS BZUNG, DE LTAR MA BYAS NA SEMS DNGOS PO BYUNG YANG BYING BA PHRA MO MI CHOD LA DE MA CHOD NA SEMS BRTAN PO RNYED KYANG RLUNG 'DU DKA' BAS DMIGS PA 'TSER LA 'OD ZER CHEN PO CAN DANG, SEMS KYI NGAR SKYED PA GNYIS KA BYA'O, ,RGOD PA BCAD DKA' NA CUNG ZAD GLOD, BYING BA BCAD DKA' NA STENG GI SNA RTZE'I PHYAG MTSAN PHRA MO LA SEMS SGRIMS PAR BZUNG LA BYING BA SANGS PA DANG 'OG SGOR BSGOM MO, ,GNYIS PA NI, DE LTAR SGOM PA DE LA MYONG BA BSKYED PA'I RIM PA NI, SEMS BYING RGOD DANG BRAL BAR BSKYANGS PAS TING NGE 'DZIN RGYUN RES THUN RE'I BAR DU 'KHYONGS PA BRTAN PAR SONG SONG GI BAR DU BSKYANG NGO, ,DE'I TSE RLUNG GI LTAS JI LTAR 'ONG TSUL NI, DANG POR DH'U T'IR TSUD PA'I RTAGS DANG DE NAS DH'U T'IR THIM PA'I RTAGS 'BYUNG BA'I DANG PO NI MA BSGOMS PA'I SNGON DU GA-YAS GA-YON RE RE BAR RGYU BA NA, PHRA MO BSGOMS STOBS KYIS MYUR POR MNYAM RGYUR NGES CAN DU THENGS KYIN 'DUG NA, PHRA MO'I RNAL 'BYOR GYIS DH'U T'IR 'DZUD NUS PA TZAM DU 'JOG MOD KYANG, LAN CIG

, ,TSUD PHYIN CHAD NAS GA-YAS GA-YON RE RE BAR MI 'PHO BA MIN NO, ,GNYIS PA NI MTSAMS 'DI NAS DRIL TE BSGOMS PAS SNA BUG GI RGYU BA GZHAN DU SONG BA'I MTHAR ZHIB TU BRTAGS PA NI, RGYU BA PHRA MO YANG LDOG PA CIG 'ONG, RTOG TSUL DE NGES DKA' BAR BYUNG NA LUS DRANG POR GA-YO 'GUL MED PAR BDE MOR GNAS PA'I DUS SU, LTE BA 'GUL MI 'GUL BRTAG ,CUNG ZAD 'GUL BAR SNANG NA MA LOG PA'I RTAGS YIN, BRTAG PA 'DI KHYAD PAR DU LTE BA MAN CHAD KYI THUR SEL 'OG GI SNA SGOR 'BYUNG 'JUG BYED MI BYED RTOG PA LA GAL CHE BA YIN, SNA BUG GI RGYU BA PHRA MO YANG LOG PA LA THIM DKA' SLA GNYIS LAS, THIM DKA' NA YUD CIG LA LTO BA RLUNG GIS KHENGS PA 'DRA BA CIG 'BYUNG ZHING DE NAS ZHI BAR 'GYUR LA, ZHI MA THAG LTO BA DANG GSANG GNAS KYI ME GNAS PA'I THAD NAS DROD KHYAD PAR CAN SKYE, DE NAS RIM GYIS ZHU BDE 'DREN NO, ,SNA BUG GI RGYU BA PHRA MO YANG LOG PA 'DI BYING BA PHRA MO MCHOD PAR BSAGS PAS BYING SHAS CHE BA CIG LA YANG YANG 'ONG STE, DE NI DH'U T'IR TSUD PA DANG DER THIM PA GANG YANG MIN PAS KHYAD PAR PHYED PAR BYA'O, ,DH'U T'IR THIM PA BYUNG YANG 'JIG RTEN LAS 'DAS PA'I LAM GYIS SA BON SPANGS PA BZHIN DU MI 'GRO BAS, SLAR YANG RLUNG LANGS NAS RTZA GNYIS LA RGYU BA NI DU MA ZHIG 'ONG NGO, ,PHRA MO BSGOMS PA GNAD DU 'GRO BA'I MTHONG NYAMS KYI RTAGS LA, DANG POR SMIG RGYU LTA BU DANG, DE NAS DU BA LTA BU DANG, DE NAS ME KHYER LTA BU DANG, DE NAS MAR ME RLUNG GIS MA BSKYOD PA LTA BU'I NYAMS 'CHAR TE, GRANGS MANG NYUNG DANG RGYA CHE CHUNG NI CI RIGS SU

'CHAR RO, ,RTAGS 'DI RNAMS DBANG PO LNGA'I RLUNG NANG DU LDOG PAR RTZOM PA DANG, CUNG ZAD LOG PA DANG, RLUNG DH'U T'IR TSUD PA DANG, THIM PAR RTZOM PA'I SKABS SU 'BYUNG BA MANG DU YOD PA LAS, SKABS 'DIR 'BYUNG BA'I GTZO BO NI DH'U T'IR TSUD NAS THIM PAR RTZOM PA'I SKABS SU 'BYUNG STE, RTAGS BZHI PA'I SKABS SU NAM MKHA'I SPRIN MED DANG 'DRA BA'I STONG PA BZHI 'CHAR BAR BSHAD PA'I GNAD KYIS SHES SO, ,RTAGS 'DI RNAMS SKABS 'DIR 'CHAR BA NI 'JAM DPAL GYI ZHAL GYI LUNG LAS GSUNGS SO,, SNGAR BSHAD PA'I TSUL DES RLUNG DH'U T'IR THIM PA DANG GTUM MO 'BAR BA'I MTHUS BYANG SEMS ZHU NAS GSANG GNAS KYI SNA RTZER SLEB PA NA LHAN SKYES KYI DGA' BA MTSAN NYID TSANG BA 'CHAR RO, ,BYANG SEMS ZHU BA SPYI BO NAS MGRIN PAR SLEB PA'I BAR LA DGA' BA DANG, MGRIN PA NAS SNYING KHA'I BAR LA MCHOG DGA' DANG, DE NAS LTE BA'I BAR LA KHYAD DGA' DANG, DE NAS LHAN SKYES RTZOM PAR BSHAD RGYUD RDO RJE PHRENG BA LAS BSHAD LA, RDO RJE'I RTZA BAR DGA' BA DANG, DE NAS RDO RJE'I MGRIN PA'I BAR LA MCHOG DGA' DANG, NOR BUR SLEB PA NA KHYAD DGA' DANG, RTZE MOR LHAN SKYES SKYE BAR YANG BSHAD DO, ,RLUNG DH'U T'IR TSUD NAS THIM PA LAS BYUNG BA'I DGA' BZHI LA NI, DE'I RTEN BYANG SEMS ZHU BA NOR BU'I RTZER YIN KYANG 'DZIN PAR SHIN TU SLA LA, KHYAD PAR DU NOR BU'I DBUS SAM RTZER PHRA MO BSGOM PA LA NI, DER BYANG SEMS ZHU BAS SLEB PA RING DU GNAS PA'I GNAD YOD PAS, 'DZIN PAR SLA ZHING GNAS YUN RING BAS LHAN SKYES LEGS PAR MTSON NUS SO, ,RLUNG 'DU SLA BA MIN PAR ZHU BA DE'I NYAMS SKYE SLA BA 'GA'

, ,ZHIG LA 'BAR 'DZAG BSGOMS NA KHYAD PAR DU DANG, DE MIN YANG 'OG SGO'I PHRA MO LA SOGS PA BSGOMS PA LA YANG BYANG SEMS ZHU BA 'BAB PA 'ONGS BAS, DE LA NI ZHU BA SHAS CHUNG NA MA GTOGS PA GNAS MTHON PO NAS MA BZLOG NA, DMA' MO NAS BZLOG SHIN TU DKA' BA DANG BZLOGS YANG MTHO DGOS LA BZLOG NAS KYANG MA BGRAM NA NAD DU 'GYUR BAS 'GREMS DGOS MOD KYANG, SNGAR BSHAD PA LTAR GYI RLUNG THIM PA LA NI DE RNAMS YE MI DGOS SO, ,'ON KYANG NOR BU'I RTZER LHAN SKYES MTSON ZIN NAS, MAS BRTAN NYAMS SU MYONG BA'I PHYIR ZLOG NA NI BZLOG THABS BYA STE, 'DI LA NI THABS DE YUN RING DU MI DGOS KYI LAN KHA YAR SBYANGS PA'I MTSAMS NAS, RANG SHUGS KYIS LDOG PAR 'GYUR TE, LUS LA GNAD DU BSNUN THABS AA NA TSUGS SU MA BYAS BAR, MAN NGAG GI GNAD LA MKHAS PA'I 'JAM SBYOR GYIS PHRA MO SOGS BSGOMS PA'I KHYAD CHOS YIN NO, ,GAL TE PHRA MO BSGOMS PA 'GA' ZHIG LA RLUNG THIM RIM MA BYUNG BAR ZHU BDE CHE BAR BYUNG NA BZLOG PA DANG 'GREMS PA'I MTHAR BYA SNYAM NA, 'DI LA ZHU BA RIM CAN DU DAL BUS 'ONG BA LA NI RTZOL BA SHUGS DRAG PO MIN PAR DMIGS PAS SPYI GTZUG TU BZLOG CING, DE NAS RTZA GNAS KUN TU BKRAM PA BYAS NA DE GOMS PA'I MTHAR, ZHU BA CHEN PO YANG BZLOG PA DANG BKRAM PAR NUS SO, ,DE LTA MIN PA'I ZHU BA CHES MYUR BAR 'BAB PA LA NI, RANG LHAR GSAL BA'I NGANG NAS RKANG PA SKYIL KRUNG DANG, LAG PA GNYIS BRANG GI THAD DU BSNOL, MIG GNYIS DRAG TU GYEN LA BZLOG ,RKANG LAG GI SOR MO RNAMS LEGS PAR BSKUM, SEMS SPYI GTZUG GI HAm YIG MGO GYEN DU BSTAN

PA LA DMIGS, NGAG TU H'Um RING PO DRAG TU BRJOD PA NYER GCIG TZAM GYI BAR DU BRJOD NAS, GANG NAS BZLOG PA'I GNAS DE NAS RGYAB GZHUNG LA NYE BA'I NGOS SU DH'U T'I'I NANG NAS SPYI GTZUG TU SONG BAR BSAMS, MTHAR 'JAM RLUNG BUM PA CAN BZUNG LA LUS MI DRAG BAR SPRUG CING, SEMS KYIS BYANG SEMS RNAMS RTZA GNAS KUN TU DGRAM PAR BSAM PA LAN MANG DU BYA'O, ,GSUM PA NI, DE LTAR BSGOM PA'I DUS SU 'OG SGO GNYIS KA'AM GANG RUNG SKRANGS PA DANG, ZUG GZER BSKYED PA DANG, DRI CHU 'DOR DKA' RU SONG BA DANG, HA CANG SLA RU SONG NA GNAS DER RLUNG CUNG ZAD 'DUS PA YIN KYANG, 'DU LUGS LEGS PO MIN PAS DE'I SEL THABS NI, GEGS DE ZHI BA RKYANG PAS MI MCHOG GI SNGA RES RLUNG CUNG ZAD 'DUS PA DES RLUNG DH'U T'IR 'DU BA LA PHAN PA DANG, PHYI RES NAS KYANG RLUNG DH'U T'IR BSDU DKAR MA SONG BA CIG GAL CHE'O, ,DE RNAMS LA DANG PO DGE SBYOR SKYONG PA NA DAL BUS SEMS BZUNG BAR GSUNGS PA LTAR MA BYAS PAR SBYOR BA DAM DRAGS PA SOGS SKYONG TSUL MA SHES PA LAS 'BYUNG BA YANG YOD PAS, DE'I SKYON DU SNANG NA 'JAM PO'I SKYONG THABS MKHAS PAR BYA, DE LTA MIN NA DE KA BSKYANGS PAS DGE SBYOR LA DE TZAM MI GNOD PAR ZHI 'GRO BAR SNANG NA DE KA LA BZHAG ,DES KYANG ZHI MA NYAN PAR DGE SBYOR GYI GEGS PHYED NA, RO SMAD KYI RLUNG KUN DMIGS PAS BSDUS LA PHRA MO GANG DU SGOM PA'I THAD KA DER THIM PAR BSAM PA MANG DU BYA, KHYAD PAR DU DRI CHU 'DOR DKA' BA LA 'CHAD PAR 'GYUR BA LTAR GYI 'OG PHYOGS KYI RDOR BZLAS MANG DU BYAS PAS KYANG PHAN NO, ,'OG SGOR DMIGS PA GTAD PA NA RLUNG GYEN DU 'PHYUGS PA

, ,PA DANG LUS 'BAR BA SOGS KYIS GEGS SU SONG NA LTE BA YAN CHAD RANG LUGS PAR BZHAG LA, SMAD KYI BYED BCINGS DAM PAR BYA BA DANG, DMIGS RTEN LA SEMS ZUG PA BZHIN BYAS LA SEMS BZUNG NGO, ,PHRA MO LA DMIGS PA THUN LA BYONGS PA BRTAN PO BYUNG YANG RLUNG DE TZAM 'DU MA NYAN PA SOGS BYUNG NA, DMIGS PA GTOD SA'I RTZA'I GNAD LEGS PAR ZIN PAR BYAS LA DMIGS PA DRAG TU GTAD, STOD SMAD KUN NAS DMIGS PAS RLUNG BSDUS TE DER BSTIM NAS BDE BA NYAMS SU MYONG BA'I DMIGS PA MANG DU BYA, PHYI MA 'DI SPYIR YANG MANG DU BYAS NA GNAD CHE'O, ,BZHI PA NI, SPYIR RDZOGS RIM GYI SKABS SU GTZO BOR STONG NYID SGOM RGYU YIN CING LAM LA SLOB PA'I GANG ZAG MTSAN NYID TSANG BAS KYANG, BSKYED RIM GYI DUS NAS KYANG STONG NYID KYI LTA BA PHU THAG CHOD PAR SGOM PA YIN KYANG, MTSAMS 'DI NAS RE ZHIG STONG NYID MI SGOM PAR LUS LA GNAD DU BSNUN THABS KYI THIG LE SOGS SGOM PA NI, THEG PA BLA NA MED PA'I LUGS KYIS STONG NYID SGOM LUGS THUN MONG MA YIN PA NI, BDE BA CHEN POS YUL CAN BYAS NAS YUL STONG PA SNGAR PHU THAG CHOD PAR BYAS PA SGOM PA YIN LA, DE YANG SEMS BYING RGOD DANG BRAL BA'I MI RTOG PA BSKYANGS PA'I BDE GSAL MI RTOG PA'I BDE BA NI, CHOS 'DI PA DANG GZHAN PA DANG, THEG PA CHE CHUNG DANG, RGYUD SDE GONG 'OG THUN MONG BA YIN PAS, LUS LA GNAD DU BSNUN PA LAS BYUNG BA'I ZHU BDE'I BDE CHEN MIN LA, BSKYED RIM GYI LAM LA YANG YE RGYA LA BRTEN PA'I ZHU BDE MANG DU 'BYUNG YANG, RLUNG THIM PA'I BDE CHEN MIN PAS RDZOGS RIM PA'I LHAN SKYES KYI BDE CHEN LA RLUNG DH'U T'IR THIM PA'I BDE CHEN

DGOS PAS, 'DIR PHRA MO SOGS LA DMIGS NAS LUS KYI GNAD DU MA BSNUN PAR STONG PA TZAM BSGOMS PAS, RDZOGS RIM PA'I BDE CHEN MI RNYED PAS PHRA MO SOGS KYI RNAL 'BYOR BSGOMS PA'I MTHUS BDE CHEN DRANGS NAS BDE STONG SBYAR TE SGOM PA YIN PA 'DI, 'DI 'DRA BA'I SKABS KUN TU SHES PAR GYIS SHIG, DE'I PHYIR 'OG SGO'I THIG LE SOGS LA DMIGS NAS SGOM PA NI, BYING RGOD DANG BRAL BA'I TING NGE 'DZIN BRTAN PO TZAM ZHIG SKYED PA'I PHYIR YANG MIN LA, DE LTAR SGOM PA DES DE KHO NA NYID KYI DON BSGOMS PAR 'DOD PA YANG MIN TE, DES DRANGS PA'I LHAN SKYES KYI BDE BA RNYED KYANG DES STONG NYID PHU THAG CHOD PA'I LTA THOG TU BZHAG NAS MA BSGOMS NA DE KHO NA NYID KYI DON SGOM PA MIN NA, SNGA MA DE KHO NA NYID KYI DON SGOM PA MIN PA LTA SMOS KYANG CI DGOS PA'I PHYIR RO, ,'ON KYANG DE 'DRA BA'I BDE BA PHYOGS GCIG PA'I TING NGE 'DZIN YANG, ZAB PAR 'DOD PA'I TING NGE 'DZIN GZHAN DANG, BYAD PAR SHIN TU CHE BA YANG SHES PAR BYA'O, ,'DI LA YANG YUL CAN GZHAN GYIS STONG NYID RTOGS NAS SGOM PA DANG, LHAN SKYES KYI BDE CHEN GYIS STONG NYID RTOGS NAS BSGOM PA GNYIS NAM MKHA' DANG LAG MTHIL LTAR GYI KHYAD PAR SHIN TU CHE BA'I BDE STONG SBYOR BA LA NGES PA CHEN PO RNYED PA GAL CHE BA NI, RIM PA LNGA GSAL BA'I SGRON MER RGYAS PAR GTAN LA PHAB ZIN TO, ,GSUM PA LA GSUM, LUS DBEN GYI NGOS 'DZIN, LUS DBEN GYI DBYE BA, LUS DBEN SGOM PA'I TSUL LO, ,DANG PO NI SPYOD BSDUS LAS, DBEN GZHI'I LUS NGOS BZUNG NAS DE'I LUS DBEN 'CHAD PA NA, LUS KYI SGRA DON NI BSAGS PA DANG,

, ,SPUNGS PA DANG, TSOGS PA'I DON YIN LA, DE LA YANG GSUM LAS, NANG GI GZUGS LUS THA MAL PA 'DI'I SPUNGS TSUL NI, SHA'I KHAM TSAD LA SOGS PA RNAMS TSOGS PA YIN PAR BSTAN, DE NAS PHUNG PO LNGA DANG, KHAMS BZHI DANG, NANG GI SKYE MCHED DRUG DANG, YUL LNGA DANG, YE SHES LNGA STE NYER LNGA'I LUS KYI SPUNGS TSUL NI 'BRAS DANG NAS LA SOGS PA MANG PO LA SPUNGS BA ZHES BRJOD PA BZHIN DU, LUS KYI YAN LAG DANG NYING LAG TU GTOGS PA TSOGS PA LA SPUNGS PAR BSTAN TO, , NYER LNGA LA NI SEMS SEMS BYUNG YANG YOD LA, DE'I SPUNGS TSUL NI 'BRAS LA SOGS PA BZHIN DU YUL GYI GO SA SO SOR GNON PA'I GZUGS CAN GYI SPUNGS TSUL DANG MI 'DRA BAS, MIG LA SOGS PA'I DBANG PO DANG, GZUGS LA SOGS PA'I YUL GYI KHAMS RNAMS PHRAD PA LAS, YID DE SEMS KYI TSOGS DRUG, SHES RAB LA SOGS PA'I SEMS BYUNG RNAMS 'BYUNG LA, DE RNAMS KYI BSAGS PA'AM TSOGS PA'AM SPUNGS TSUL NI, DUS SNGA PHYI BAR MA CHAD PA'I RGYUN GYI CHA DU MA 'DUS PA YIN GYI, DUS GCIG TU YUL GYI GO SA SO SOR GNON PA'I DU MA 'DUS PA MIN TE, RNAM SHES LUS CAN MIN PAS SHAR LA SOGS PA'I YUL NA MI GNAS PA'I PHYIR RO, ,'DI NI SHES PA'I LUS KYI SPUNGS TSUL TE, DBEN GZHI'I LUS KYI SPUNGS TSUL GSUM GSUNGS KYI LUS DBEN GSUM BSTAN PA MIN NO, ,DE 'DRA BA'I DBEN GZHI'I LUS DE GANG LAS DBEN PA NI, THOG MA MED PA NAS THA MAL PA'I NGA RGYAL GYIS GNAS PA ZHES PAS BSTAN, DE'I GNYEN POR GANG SGOM PA NI, DE BZHIN GSHEGS PA THAMS

CAD KYI RDUL PHRA RAB LAS BSGRUBS PA'I NGO BO NYID DU BSTAN TE, ZHES PAS BSTAN PAS DBEN LUGS GZHAN MANG PO 'CHANG PA NI DON DU MA MTHONG NGO, ,GNYIS PA NI, LUS DBEN DE LA DBYE NA RNAM PA BZHI STE, DAM PA RIGS BRGYA'I LUS DBEN DANG, DE NYID RIGS LNGA'I LUS DBEN DANG, GSANG BA RIGS GSUM GYI LUS DBEN DANG, GSANG CHEN RIGS GCIG GI LUS DBEN NO, ,DANG PO NI PHUNG PO LNGA DANG, KHAMS BZHI DANG, NANG GI SKYE MCHED DRUG DANG, PHYI'I YUL LNGA STE NYI SHU PO RNAM SNANG SOGS RIGS LNGA DANG, SPYAN MA SOGS YUM BZHI DANG, SA SNYING NAS 'JAM DBYANGS KYI BAR SEMS DPA' DRUG DANG, GZUGS RDO RJE MA SOGS SEMS MA LNGAR BZHAG PA RE RE LA, RNAM SNANG GI RNAM SNANG NAS REG BYA RDO RJE MA'I RNAM SNANG SOGS RIGS LNGA LNGAR PHYE BAS BRGYA STE, LHA RE RE LA YANG RIGS LNGA LNGA YOD PAS RIGS LNGA'I RIGS DANG RIGS CAN SO SOR MA NGES PAR BSTAN TO, ,GNYIS PA NI RNAM SNANG DANG RIN 'BYUNG DANG 'OD DPAG MED DANG, DON GRUB DANG, MI BSKYOD PA'I RIGS CAN NYI SHU PO CHEN PO RE RE NI SA'I KHAMS NAS RNAM SHES KYI KHAMS KYI RIGS SU BSTAN NAS LNGAR BYAS PA STE, RIGS BRGYA YANG KHAMS LNGA'I RIGS SU BSTAN NAS DE LNGA'I RIGS SU BSDUS PA'O, ,GSUM PA NI RIGS LNGAR BSDUS PA DE YANG RDO RJE GSUM DU 'GYUR TE, 'DI LTAR RIN 'BYUNG NI SKU RDO RJE DANG DON GRUB NI GSUNG RDO RJE DANG, RIGS DRUG PA NI THUGS RDO RJE'I NANG DU BSDUS PA STE, DE GSUM YANG RANG GI LUS DANG NGAG DANG YID GSUM GYI NGO BOR 'DU'O, ,BZHI PA NI RDO RJE GSUM YANG GSANG CHEN RDO RJE 'CHANG GI SKU GSUNG THUGS SU BSDUS NAS RIGS GCIG

, ,TU BSDUS PA'O, ,GSUM PA NI, 'DIR DBEN GZHI'I LUS BRGYA DANG LNGA LA SOGS PA DE RNAMS LHA DE DANG DE'I NGO BOR SGOM PA TZAM DANG, STONG NYID RTOGS PA'I GZUNG RNAM LHA DE DAG TU SHAR BA TZAM DANG, RLUNG THIM PA LAS BYUNG BA MIN PA'I ZHU BDES STONG NYID RTOGS PA LHA'I RNAM PAR SHAR BA NI, BSKYED RIM GYI LAM LA YANG DU MA ZHIG YOD CING, THUN SNGA PHYI'I BAR DU YANG GANG SNANG THAMS CAD RDO RJE 'CHANG GI RNAM PAR SGOM PA BSKYED RIM GYI LAM DU SBYANGS ZIN PA DANG, YUNGS 'BRU TZAM GYI THIG LE'I NANG DU YANG, LHA SO GNYIS KYI RTEN DANG BRTEN PA'I DKYIL 'KHOR YONGS SU RDZOGS PA'I TING NGE 'DZIN SHIN TU BRTAN PA RIM PA DANG POR BSGRUBS ZIN PAS, BSKYED RIM PHRA RAGS GNYIS KA MTHAR PHYIN PA'I 'OG TU LUS DBEN LA BSLAB PAR GSUNGS PA NI, BSKYED RIM GYI LUS DBEN MIN GYI RDZOGS RIM GYI LUS DBEN YIN LA, DE LA NI SNGAR LTAR PHRA MO BSGOMS NAS RLUNG THIM PA LAS BYUNG BA'I LHAN SKYES BSKYED PA'I 'OG TU GANG SNANG THAMS CAD DE'I RNAM ROL DANG LHAR SGOM PA CIG MED NA, BSKYED RIM GYI LAM LAS LOGS PA'I BOGS CI YANG 'DON RGYU MED DE, RDZOGS RIM PA'I YE SHES KYI SKU'I LHAR SKYED PA NI LUS DBEN GYI LHA SGOM PA LA MED PA'I PHYIR DANG, RDZOGS RIM PA'I LHAN SKYES RGYUD LA BSKYED ZIN PA'I SGO NAS LHAR SGOM PA YANG MED PA'I PHYIR RO, ,DES NA SNGAR BSHAD PA LTAR PHRA MO SGOM PA RLUNG DH'U T'IR SDUD PA'I SROG RTZOL DU 'GRO BA SHES NAS, DE BSGOMS NAS RDZOGS RIM PA'I LHAN SKYES DRANGS TE LUS DBEN SGOM PA NI GDON MI ZA BAR BYA DGOS SO, ,'DI LA LUS DBEN MNYAM GZHAG TU SGOM TSUL NI SNGAR BSHAD PA

LTAR YAS BABS DANG, MAS BRTAN GYI LHAN SKYES KYI DGA' BA RNYED PA'I TSE, STONG PA NYID KYI LTA BA DRAN PAR BYAS LA BDE STONG DBYER MED BSKYANG, LUS DBEN RJES THOB TU SKYONG TSUL NI, SPYIR LHAN SKYES KYI DGA' BA SKYES NA, DE LAS LANGS PA'I DUS SU YUL SNANG BDE BAR 'CHAR BA RE 'ONG LA, KHYAD PAR DU SNGAR BSHAD PA LTA BU'I LHAN SKYES KYI DGA' BA'I BDE STONG SBYAR BA MNYAM GZHAG TU BSKYANGS PA LAS LANGS PA'I TSE, RANG SHUGS KYIS KYANG YUL SNANG BDE BAR 'CHAR BA 'ONG MOD KYANG DE TZAM GYIS MI CHOG GI, RJES KYI SKABS SU MNYAM GZHAG GI BDE STONG DRAN NAS DES YUL SNANG LA RGYAS BTAB NAS BSGOMS NA, BDE BA 'BAR BA KHYAD PAR CAN DU 'GYUR RO, ,DE BYED TSUL NI RLUNG THIM NAS SLAR YANG MA LANGS KYI BAR DU LHAN SKYES NYID BSKYANGS PA'I MTHAR RLUNG GA-YOS TE LDANG BAR RTZOM PA DANG LHAN SKYES KYI 'OD GSAL GYI NGANG LAS RDO RJE 'CHANG YAB YUM GYI SKUR THOL GYIS LANGS LA, RANG GZHAN GYI CHOS THAMS CAD LA RANG GI NGO BO NYID KYIS GRUB PA'I RANG BZHIN RDUL TZAM YANG MED PAR THAG BCAD DE, CHOS CAN MI 'DRA BA SNA TSOGS PA CIG YOD KYANG, DE RNAMS KYI RANG BZHIN MED PA LA KHYAD PAR MED PA NGES PAR BYA, DE'I TSE YIN TSUL GYI NGO BO RANG BZHIN STONG PA DE NYID CHOS CAN GYI RNAM PA MI 'DRA BA DU MAR SHAR BA'I STONG NYID KYI RNAM 'GYUR DU BLTA STE, DU MA RO GCIG DANG, RO GCIG DU MAR SHAR BA'I TSUL LO, ,DE LTAR STONG PA'I RNAM 'GYUR YIN NA RANG RGYUD KYI BDE BAS DE RTOGS PA NA, CHU LA CHU BZHAG PA BZHIN DU RO GCIG TU SONG BAR MOS PA BYED DGOS PAS, MOS PA'I DBANG GIS BDE BA'I RNAM 'GYUR DU YANG BSGOM PAR BYA'O, ,

, ,DE LTA NA PHYI NANG GI CHOS CAN THAMS CAD BDE BA CHEN PO'I RNAM ROL DU BLTA BA LA DANG POR BSLAB, DE BRTAN NAS BDE BA'I RNAM ROL DU SHAR BA THAMS CAD KYANG RDO RJE 'CHANG DU 'CHAR BA LA BSLAB PAR BYA'O, ,MNYAM GZHAG GI LUS DBEN LA LHA'I ZHAL PHYAG GI RNAM PA SGOM PA MED KYANG, LHAN SKYES NGES DON GYI LHA YIN PAS DE BSGOMS PAS THA MAL GYI ZHEN PA 'GOG PA'I LHAR SGOM PA MED PA NI MIN LA, RJES KYI DUS SU DANG POR LHAN SKYES KYI RNAM ROL TZAM DU BLTA BA LA YANG LUS DBEN GYI DON MED PA YANG MIN NO, ,THEG PA BLA NA MED PA 'DI LA RIM PA DANG POR GANG SNANG THAMS CAD LHAR 'CHAR BA CIG DGOS PA BZHIN DU, RIM PA GNYIS PAR GANG SNANG THAMS CAD BDE BA 'BAR BA'I GROGS SU 'GRO BA CIG DGOS PA LA, LUGS 'DI LA NI LUS DBEN NAS DE SGRUB PA YIN PAS GNAD SHIN TU CHE STE RGYAS PAR RIM LNGA GSAL SGRON DU BSHAD ZIN TO, ,DE LTAR MNYAM RJES SU BSKYANGS PA'I MTHAR SLAR YANG 'OG SGO'I PHRA MO BSGOMS LA LHAN SKYES GNYIS BSKYED DO; ;DE SKYES PA DANG YANG SNGAR BZHIN MNYAM RJES SU BSKYANG BA SPEL MAR BYA'O, ,DE LTAR NUS PA BYUNG NA MTSAMS 'DI NAS KYANG SANG DUS KYI DGE SBYOR GYI GNAD KYIS GNYID DANG RMI LAM DANG BSRE BA RNAMS BYAS PAS CHOG GO ,DE LA RMI LAM GYI SGYU LUS LA SOGS PA'I SGYU LUS RJES MTHUN PA BYUNG YANG, GANG SHAR THAMS CAD LTAR SGOM PA'I LUS DBEN DANG MI GCIG GO ,BSKYED RIM PHRA RAGS THAMS CAD BRTAN PAR MA BYAS PA LA'ANG RLUNG 'DUS PA LAS DGA' BZHI SKYE

BA 'BYUNG YANG, RIM PA DANG PO BRTAN PAR BYAS PA LA 'BYUNG BA 'DRA BA'I LHAN SKYES SKYE MI NUS PA'I KHYAD PAR YANG SHES PAR BYA'O, ,RLUNG THIM PA LAS BYUNG BA'I BDE CHEN SKYED MI NUS KYANG, ZHU BDE SKYED NUS NA NI DE'I STENG NAS BSGOM, DE YANG MED NA BDE STONG SBYOR TSUL LA SOGS PA'I GO BA LEGS PAR BTZAL NAS, BLOS YANG NAS YANG DU DE'I PHYOGS BZUNG BA'I GO BA'I STENG NAS KYANG BSKYANGS LA, LAM 'DI'I RIGS KYI NUS PA THUN MONG MA YIN PA BRTAS PAR BYA'O,, ` ,,GNYIS PA NGAG DBEN GSUNG RDO RJE'I TING NGE 'DZIN LA BSLAB PA NI, LUS DBEN DANG NGAG DBEN GNYIS KYI GO RIM NGES TSUL NI, NGAG DBEN GYIS NI GTZO BOR SNYING KHA'I DH'U T'I'I NANG DU RLUNG SDUD PA YIN LA, BSHAD RGYUD RDO RJE PHRENG BA LAS SNYING KHA'I RTZA MDUD 'GROL BA 'KHOR LO GZHAN GYI RTZA MDUD 'GROL BA LAS DKA' BAR GSUNGS PAS, DH'U T'I'I GNAS GZHAN DU RLUNG 'DZUD PA SNGON DU BYAS, DE NAS SNYING KHAR RLUNG BSDUS NA SLA BAS SLA PA'I GO RIMS SO, ,'DI LA GNYIS, SKABS 'DIR SNA RTZE GSUM DU THIG LE GSUM GYI SROG RTZOL GSUM DGOS PA'I TSUL DANG, SROG RTZOL GSUM SGOM PA'I RIM PA NYID BSHAD PA'O, ,DANG PO NI, RGYUD PHYI MAR SBYOR BA YAN LAG DRUG GI SROG RTZOL GYI YAN LAG TSIGS SU BCAD PA GNYIS KYIS GSUNGS PA RIM LNGAR RDOR BZLAS KYI SKABS SU DRANGS LA, DE'I DON SGRON GSAL LAS, SNYING KHAR MI SHIGS PA SGOM PA DANG, STENG GI SNA SGOR RDOR BZLAS BYED PA DANG, GSANG BA'I SNA RTZER RDZAS KYI THIG LE SGOM PA GSUM DU BKRAL BAS SKABS 'DIR DE GSUM GA

, ,BSGOM DGOS SO, ,DE YANG SNA RTZE GSUM DU THIG LE GSUM SGOM PA'I THA SNYAD KYIS RDO RJE 'PHRENG BA LAS GSUNGS TE, SNA RTZE GSUM GYI MTSAN NYID NI, ,GSANG BA SNYING KHA GDONG SNA'I MING, ,ZHES DANG, ,RLUNG DANG SNGAGS DANG RDZAS RNAMS KYI; ;THIG LE GSUM STE BLA NA MED, CES SO, ,SNGAGS KYI THIG LE SGOM PA NI SNYING KHAR MI SHIGS PA SGOM PA DANG DON GCIG GO, 'DI LA MAR LUGS KYI GDAMS NGAG LAS SNYING KHAR MI SHIGS PA SGOM PA NI SNGAGS 'KHOR DANG BCAS PA RGYAS PAR YOD LA, RDOR BZLAS 'DIR BYED PA NI SHIN TU YANG GRAGS CHE'O, ,GSANG BA'I SNA RTZER RDZAS KYI THIG LE SGOM PA SKABS 'DIR BYA DGOS PA NI, RIM LNGA DANG SGRON GSAL GNYIS LAS GSAL BAR GSUNGS PA DA DUNG MA CHAD PAR YOD PAS, DE YANG SKABS 'DI'I MAN NGAG TU 'KHYER DGOS TE RGYAS PAR RIM LNGA GSAL SGRON DU BSHAD ZIN TO, ,GNYIS PA LA GSUM, SNYING KHA'I SNA RTZER SNGAGS KYI THIG LE'I SROG RTZOL BSGOM PA DANG, GDONG GI SNA RTZER 'OD KYI THIG LE'I SROG RTZOL BSGOM PA DANG, GSANG BA'I SNA RTZER RDZAS KYI THIG LE'I SROG RTZOL BSGOM PA'O, ,DANG PO LA GNYIS, SNYING KHAR SNGAGS KYI 'KHOR LO BSGOM PA, DE LA GEGS BYUNG NA SEL TSUL LO, ,DANG PO NI, GSANG CHEN RIGS GCIG GI LHA YAB YUM DU GSAL BA'I NGANG NAS BSGOM PA DANG, GNAD GZHAN GSUM SNGAR DANG 'DRA'O, ,DMIGS PA GANG DU GTONG BA'I YUL GYI GNAD KYI GTZO BO NI SNYING KHA YIN PAS, NU MA GNYIS KYI DBUS DRANG PO NAS THAD DRANG DU SGAL PA NGOS LA NYE BAR SNYING KHA'I RTZA 'KHOR DH'U T'I DANG BCAS PA YOD

PAS DER SGOM PA YIN NO, ,SNYING KHA DER PADMA 'DAB BRGYAD KHA DOG DMAR PO RIM PA GSUM PA CIG BSAM MO, ,'DI LA RTZA'I 'DAB MA NYID LA PAD 'DAB TU BYAS PA DANG, ME TOG PADMA'I 'DAB MA BZHIN DU SGOM PA GNYIS 'BYUNG BA NI, GZHUNG KHUNGS THUB GZHAN NAS KYANG 'DI 'DRA SGOM PA RNAMS LA LUGS GNYIS CHAR 'BYUNG BAS GANG BYAS KYANG 'DRA'O, ,PHYI MA LTAR BYED NA PADMA'I DBUS SU MI SHIGS PA'I THIG LE DKAR LA DMAR BA'I MDANGS CHAGS PA'AM, 'OG TU THIG LE DMAR PO STENG DU DKAR PO SRAN MA PHYED GSHEGS TZAM KHA SBYAR BA'I NANG DU, AA THUNG SHAD KYI RNAM PA CAN MGO GYEN LTA, KHA DOG MTHING KHA 'OD ZER RNAM PA LNGA 'BAR BA SHIN TU 'TSER BA CIG BSGOM MO, ,DE YANG BDE BA CHEN PO'I RANG BZHIN BDUD RTZI 'DZAG PA'I RNAM PA CAN DU BSGOMS NA LEGS SO, , DE LA NI RTZA GSAL BTAB PA'I GSAL SNANG BSKYED NAS MI SGOM YANG, CHOS KYI 'KHOR LO'I DBUS SU DH'U T'I LA RO RKYANG GI MDUD PA BCINGS PA'I THAD KYI DH'U T'I'I NANG NYID NA YOD PAR MOS NAS BSGOM DGOS SO, ,'DIR BSHAD RGYUD LAS SNGAGS KYI THIG LE H'Um YIG TU GSUNGS LA, BLA MA RNAMS KYIS AA THUNG DU MDZAD PA NI SPYOD BSDUS SU RDO RJE DKYIL 'KHOR RGYAN GYI RGYUD DRANGS PA DANG MTHUN NO, ,MI SHIGS PA'I THIG LE LA NI, SEMS KYI RTEN SNYING KHA'I KHAMS DKAR DMAR DANG, SROG 'DZIN GYI RLUNG SHIN TU PHRA BA DANG SEMS LA SOGS PA RNAMS YOD DO, ,NANG SKOR GYI PHYOGS KYI 'DAB MA LA NI SHAR DU Ri, LHOR R'i, NUB TU Li, BYANG DU L'i 'GOD CING MTSAMS BZHI STONG PAR BZHAG, BAR GYI 'DAB MA LA SHAR DU KA KHA GA GHA, LHOR TZA TSA DZA DZHA, NUB TU

, ,tA thA dADHA, BYANG DU TA THA DA DHA, SHAR LHOR PA PHA BA BHA, LHO NUB TU YA RA LA WA, NUB BYANG DU SHA shA SA HA, BYANG SHAR DU NGA NYA nA NA BZHI BZHI 'GOD, YANG NA SHAR NAS BRTZAMS TE KHRIGS CHAGS SU 'GOD, PHYI ROL GYI 'DAB MA LA SHAR DU AA A'A, LHOR AI A'I, NUB TU AU A'U, BYANG DU AE AEE, SHAR LHOR AO, LHO NUB TU AOO, NUB BYANG DU AAm, BYANG SHAR DU AA: 'GOD DE, AAm MA GTOGS PA BCU GCIG LA 'GOR PA SDE'I THA MA'I MA YIG THIG LE RE BZHAG GO ,YANG NA SHAR NAS RIM PA BZHIN 'GOD DO, , YI GE DE RNAMS THAMS CAD MOG GYEN LTA, RE RE BA MA GTOGS PA RNAMS 'PHRENG LA BSGRIGS PA'I RNAM PA CAN BDE BA'I NGO BOR MER RE YOD PA PHYI RIM GYI YI GE'I KHA DOG DKAR PO, BAR MA'I KHA DOG DMAR PO, NANG GI KHA DOG SNGO NAG TU BYA'O, ,'DI RNAMS KYI RGYU MTSAN RIM LNGA GSAL SGRON DU BSHAD ZIN TO, ,RTZA 'DAB TU BYED NA RTZA'I SBUBS KYI NANG NA TSUR PHYI NANG DU BSGRIGS PA'I RNAM PA CAN DU BYA ZHING, YI GE TSAN PA GSUM SNANG MCHED THOB GSUM GYI MTSON BYED DU BSHAD DO, ,'DI LA THOG MAR PAD 'DAB NYER BZHI LTE BA DANG BCAS PA GSAL GDAB LA SEMS BZUNG DE NAS PHYI NAS RIM PA BZHIN PHYOGS MTSAMS KYI YI GE GSAL GDAB LA RIM GYIS SEMS BZUNG BA'I MTHAR, DBUS KYI MI SHIGS PA AA THUNG DANG BCAS PA'I NANG DU SEMS ZHUGS PA LTAR BYAS LA YUN RING DU SEMS BZUNG ZHING, SNGAR BZHIN PHYI NAS RIM PA BZHIN DBUS KYI BAR DU SEMS BZUNG BA SPEL MAR BYAS LA, GSAL SNANG LEGS POR BYUNG BA DANG, DE LA SEMS BRTAN PA GNYIS KA BYUNG BYUNG DU SBYANG NGO, ,DE

LTAR BYED PA NI CHOS KYI 'KHOR LO'I PHYOGS MTSAMS NAS RIM GYI RIM GYIS RLUNG NANG DU 'DU BA NYE RU SONG NAS, MTHAR SNYING KHA'I DH'U T'I'I NANG DU SDUD PA'I CHED YIN TE, RLUNG SEMS 'JUG PA GCIG PA'I GNAD KYIS SEMS GANG DU BZUNG BA'I LUS KYI GNAS DER RLUNG YANG 'DU BA'I PHYIR RO, ,'DI LA YUN BSRINGS PAS 'CHAR DU BTUB TZAM SNANG NA YI GE KUN LA DMIGS LA BSGOM, CI BYAS KYANG MI 'CHAR BAR SNANG NA MED MI RUNG DBUS KYI THIG LE AA THUNG DANG BCAS PA YIN PAS, DE KHO NA LA GSAL SNANG DANG GNAS PA GNYIS KA BTZAL LO, ,'DI LA YANG YE MI GSAL BA DANG, GSAL YANG YAL SKYEN PA LA JI LTAR BYA BA DANG, SNGAGS KYI THIG LE'I RNAL 'BYOR GYIS RLUNG DH'U T'IR TSUD PA'I RTAGS DANG, THIM PA'I RTAGS DANG, THUN TSAD NI PHRA MO SGOM PA'I SKABS SU BSHAD PAS SHES PAR BYA'O, ,SNYING KHA'I MI SHIGS PA SGOM PA LA NI BSNGAGS PA SHIN TU CHE STE, MNGON BRJOD LAS, RTAG TU SNYING LA GNAS PA YI, ,THIG LE GCIG LA 'GYUR MED PA, ,DE SGOM BYED PA'I SKYE BO LA, ,NGES PAR YE SHES SKYE BAR 'GYUR, ZHES DANG, BDE MCHOG RIM LNGA LAS KYANG, SGRA DANG THIG LER LDAN PA'I SEMS, ,SNYING KHAR GZHAG BYA DE NAS 'DI'I, ,RMONGS PA'I RAB RIB 'JOMS MDZAD PA'I, ,MNGA' BDAG BCOM LDAN 'BYUNG 'GYUR TE, ZHAS SNYING KHA'I MI SHIGS PA BSGOMS PAS MA RIG PA RTZAD NAS GCED PA'I LHAN SKYES 'CHAR BAR GSUNGS TE, NGES PAR YE SHES SKYE ZHES PA YANG DE'O, ,GROL BA'I THIG LE LAS KYANG, DE GSAL MI SHIGS THIG LE'I GZUGS, ,YUNGS KAR GYI NI 'BRU TSOD TZAM, ,'OD ZER SNA LNGA 'BAR 'DZAG PA'I, ,TSUL CAN SNYING

, ,DBUS RTAG TU GNAS, ,DE LA BLTAS PAS YE SHES CHE, ,SKAD CIG TZAM GYIS RNAL 'BYOR LA, ,'BAR BA 'DI LA THE TSOM MED, ,CES GSUNGS PA NI LHAN SKYES KYI YE SHES SO, ,'DI DANG 'OG SGO'I PHRA MO BSNGAGS PA CHE ZHING, 'PHYUG MED PA'I SROG RTZOL GYI GDAMS PA KHYAD PAR CAN YIN PAS 'BAD PAR BYA'O, ,'DI BSGOMS PA LA YANG SMIG RGYU LA SOGS PA'I RTAGS RNAMS 'CHAR BAR GSUNGS SHING, RTAGS BZHI PA'I MTHAR STONG PA BZHI YANG 'CHAR RO, ,GNYIS PA NI, 'OG SGO'I PHRA MO'I SKABS SU RLUNG THIM PAS DGA' BZHI LEGS PAR SKYED NUS PA BYUNG NA, 'DIR RLUNG 'DU YANG SLA LA, 'DU BA'I DUS SU ZUG SKYED PA SOGS KYI GEGS CHUNG, DE LTA MIN NA'ANG 'JAM PO'I SKYONG LUGS LEGS PAR SHES NAS BSKYANGS PA LA GEGS 'GANGS CAN MI 'BYUNG NGO, ,SEMS ZIN RAB BYUNG NAS RLUNG RE 'GA' 'DUS PA'I TSE ZUG CUNG ZAD SKYED PA SOGS BYUNG NA'ANG, DE KA LA BZHAG PAS DANG POR ZUG BYUNG YANG, DE'I 'PHRO NAS BDE BA DRANGS PA CIG BYUNG NA LEGS PAS DE KA LA BSKYANG ZUG MA BSAL NA DGE SBYOR GYI GEGS SU 'GRO BAR SNANG NA, 'KHOR LO'I DBUS SU MA BSDUS PAR ZUG SKYED PA'I THAD NAS RLUNG PHYIR 'BYIN PA SOGS KYI SEL THABS BYAS NA, SNGA RES KYI RLUNG BSDUS PA PHYIR LA GTOR BAS DH'U T'IR SDUD PA LA MI PHAN ZHING, PHYI RES NAS KYANG RLUNG BSDU DKA' BAR 'GYUR BAS ZUG ZHI THUB PA TZAM GYI GEGS SEL THABS KYIS MI CHOG GO ,DES NA SNYING KHA'I STOD SMAD KYI RLUNG KUN DMIGS PAS LEGS PAR BSDUS NAS MI SHIGS PA YOD SA DER BSTIM PA YANG YANG BYAS PAS ZUG KYANG ZHI BA DANG, SNGA MA'I RLUNG BSDUS PA YANG DON

MED DU MI 'GYUR ZHING, PHYI RES NAS KYANG SDUD PA LA MI GNOD DO, ,SNYING KHA'I MI SHIGS PA LA SEMS THIM PA LTA BU'I ZIN PO BYUNG BA 'GA' ZHIG LA MIG LONG BA LTA BU 'BYUNG LA, DE BZHIN DU DBANG PO GZHAN BZHIS KYANG RANG GI YUL 'DZIN PA'I NUS PA MED PA BYUNG NA, RLUNG THIM NAS STONG PA BZHI SHAR BA'I DUS SU NI DBANG SHES THIM DGOS PAS SEL THABS MI DGOS LA, DE 'DRA MIN PA'I SKABS SU RGYUN RING RAB PA 'ONG BA NI BSHAD RGYUD LAS, SNYING KHA NA DBANG PO'I SGOR 'JUG PA'I 'DZIN PA'I RLUNG DRUG DANG, GZUNG BA'I RLUNG DRUG STE BCU GNYIS GNAS PAR GSUNGS PA RNAMS, SNYING KHAR MTHIM PAR CUNG ZAD RENGS PA YIN PAS, DE LA NI 'CHAD PAR 'GYUR BA LTAR SNYING KHA NAS DBANG PO SO SO'I SGOR RDOR BZLAS BYAS PAS SAL LA, RLUNG BSDUS TE SNYING KHAR MI SHIG PA LA GOMS NA'ANG SEL NUS SO, ,RGYU MTSAN SNGA MA DES KYANG SNYING KHA'I RTZA 'KHOR GYI DBUS SU GNAD DU BSNUN PA LAS, GZUNG 'DZIN GYI RNAM RTOG GIS MI BSKYOD PA'I 'OD GSAL PHUL DU BYUNG BA 'CHAR BA YIN NO, ,'DI LA YANG GEGS MA BYUNG RUNG SKABS SKABS SU SNYING KHA'I YI GE LAS 'OD ZER LCAGS KYU LTA BU 'PHROS PA'AM, YANG NA DMIGS PA RKYANG PAS KYANG STOD SMAD KYI RLUNG KUN BSDUS NAS MI SHIGS PA LA BSTIM ZHING DE'I DBANG GIS BDE BA BYUNG BAR BSAMS NA RLUNG 'DU SLA BA DANG MNYEN DU 'GRO BA SOGS KYI GNAD KYANG CHE'O, ,GNYIS PA LA GSUM, RLUNG GI DE NYID MDOR BSDUS TE BSTAN PA DANG, DE LA RDOR BZLAS BYA BA'I TSUL DANG, GEGS BYUNG NA SEL TSUL LO, ,DANG PO NI, MI SHIGS PA LA SEMS BRTAN PO RNYED RNYED BAR DU SBYANGS NAS BRTAN PA NA, RDOR BZLAS

, ,BYED PA SGRON GSAL GYI DGONGS PA YIN PAS, DE BRTAN PA NA RDO RJE BZLAS PA BYA BA LA BZLAS PA'I YUL RLUNG NI, RTZA BA'I RLUNG LNGA LAS NAM MKHA'I RLUNG KHYAB BYED NI 'CHI BA'I DUS SU SNA SGOR RGYU'I DE LTA MI RGYU'O, ,GYEN RGYU ME'I RLUNG GIS GTZO BO BYAS TE GZHAN GSUM 'KHOR DU RGYUN SNA BUG GA-YAS NAS DANG, MNYAM GNAS RLUNG GI RLUNG GIS GTZO BO BYAS NAS RGYU NA SNA BUG GA-YON NAS DANG, THUR SEL SA'I RLUNG DANG, SROG 'DZIN CHU'I RLUNG GIS GTZO BO BYAS NAS, RGYUN SNA BUG GNYIS KA NAS MNYAM POR RGYU STE, BZHI KA YANG THUN PHYED RER DGU BRGYA RE RGYU LA, GNAS NI RIM PA BZHIN MGRIN PA DANG, LTE BA DANG, GSANG GNAS DANG, SNYING KHA NA GNAS SO, ,RANG DBANG GI KHA DOG NI RIM PA BZHIN DMAR NAG SER DKAR BA'O, ,ZHAG GCIG GI RLUNG GI PHYED MNYAM RGYUR GSUNGS PAS, LUGS 'DI LA GZHI DUS KYI MNYAM RGYU NI DH'U T'I NAS RGYU BA MIN KYANG, BSGOMS STOBS KYIS MNYAM RGYUR BTANG BA NI DH'U T'I NAS RGYU'O, ,RTZA BA'I RLUNG LNGA MGON PO LNGA'I RLUNG DU RDO RJE PHRENG BA LAS GSUNGS KYANG LHA MO'I RLUNG DU MA GSUNGS SO, ,DGONGS PA LUNG STON LAS, DMAR NAG SER DKAR BA'I ME DANG, RLUNG DANG DBANG CHEN DANG, CHU'I DKYIL 'KHOR BZHI RIM PA BZHIN DU, GOS DKAR MO DANG, SGROL MA DANG, SPYAN MA DANG, M'A MA K'I'I RLUNG DANG, GOS DKAR MO LA SOGS PA'I RLUNG BZHI RIM PA BZHIN SNA BUG GI STENG DANG, BSEGS DANG THAD KA DANG 'OG TU RGYU BA DANG, LHA MO BZHI'I RLUNG NYIS BRGYA NYER LNGA PA BZHI BSDOMS PAS DGU BRGYA RE GSUNGS SO, ,DE'I LUGS LA NI GYEN RGYU

SOGS BZHIS GTZO BO BYAS NAS RGYU BA LA, LHA MO BZHI'I RLUNG DU BZHAG PA DANG, DGU BRGYA PA RE'I BZHI CHA LA LHA MO RE'I RLUNG DU BYAS PA'I TSUL GNYIS SHES DGOS SHING, DGU BRGYA RE'I BZHI CHA NI RIM PA BZHIN SNA BUG GI STENG LA SOGS PA BZHIR RIM GYIS RGYU'O, ,BSOGS NI CHAG GIS LOGS SU BSGYUR BA LTAR SNA BUG GI LOGS DANG, THAD KA ZHES PA NI SNA BUG GI DBUS KYI THAD DRANG DANG, 'OG NI SNA BUG GI 'OG NGOS MCHU LA BDAR NAS RGYU'O, ,RGYU BA DANG, RNAM PAR RGYU BA DANG, YANG DAG PAR RGYU BA DANG, RAB TU RGYU BA DANG, NGES PAR RGYU BA ZHES PA'I YAN LAG GI RLUNG LNGA NI RIM PA BZHIN MIG LA SOGS PA'I DBANG PO LNGA LA GNAS NAS 'JUG LDANG SOGS BYED DO,, ` ,,GNYIS PA LA GNYIS, RTZA BA'I RLUNG GI RDOR BZLAS DANG, YAN LAG GI RLUNG GI RDOR BZLAS SO, ,DANG PO LA GNYIS, DNGOS KYI DON DANG, DE BSGOMS PAS MYONG BA SKYE TSUL LO, ,DANG PO NI, SNGAR RLUNG THIM PA'I LHAN SKYES SKYED NUS PA YOD NA, 'DI DANG SNGAGS KYI THIG LE SGOM PA GNYIS KA'I SKABS SU LHAR SGOM PA NI LHAN SKYES KYI 'OD GSAL GYI NGANG NAS BSGOM, DE LTA MIN NA SKAD CIG GIS BSKYED LUS DANG DUS DANG RLUNG GI GNAD GSUM SNGAR DANG 'DRA'O, ,'DIR RLUNG LA RDOR BZLAS BYED PA'I GTZO BO NI, RTZA BA'I RLUNG BZHI'I RDOR BZLAS YIN LA, DE LTAR BYED PA'I DGOS PA THUN MONG MA YIN PA NI, SNYING KHA NA GNAS PA'I DH'U T'I'I RTZA MDUD BKROL NAS, DE'I NANG GI MI SHIGS PA LA SROG THUR LA SOGS PA'I PHYOGS MTSAMS KYI RLUNG BSDUS NAS THIM PAR BYAS PA LAS, STONG PA BZHI'I RIM GYIS 'OD GSAL PHUL DU BYUNG BA

, ,'CHAR BA'I CHED YIN NO, ,DE'I GNAD KYIS RLUNG BZHI KA'I RDOR BZLAS BYED PA NI, SNYING KHA'I MI SHIGS PA LAS 'BYUNG BA DANG, 'JUG PA LA SOGS PA'I TSUL GYIS BYED PA NI BSHAD PA'I RGYUD LHA MO BZHIS ZHUS DANG SGRON GSAL LAS GSUNGS LA, DE LTAR BYA DGOS PA'I RGYU MTSAN RDOR BZLAS KYIS SNYING KHA'I RTZA MDUD 'BYED PA DANG, DE NYID RTZA MDUD 'BYED PA THAMS CAD KYI DKA' SHOS YIN PA DANG, DE 'BYED NUS NA RTZA MDUD GZHAN RNAMS DE'I STOBS KYIS 'GROL BA LA SOGS PA NGAG DBEN GYI RNAM GZHAG RGYAS PAR NI NGO SPROD RIM LNGA GSAL SGRON DU BSHAD ZIN TO, ,DE'I PHYIR SNGAR BSHAD PA'I 'OG SGO'I PHRA MO DANG, SNYING KHA'I SNGAGS KYI THIG LE BSGOMS NAS RLUNG DHU T'IR 'DZUD PA DANG, THIM PAR BYAS PA'I DBANG GIS DGA' BZHI DANG STONG PA BZHI 'DREN NUS KYANG, SLAR YANG RDO RJE BZLAS PA BYA DGOS SO, ,DE LA RLUNG GI DE KHO NA NYID DANG, SNGAGS KYI DE KHO NA NYID SHES PA SNGON DU BTANG NAS RDOR BZLAS BYA BAR RIM LNGA LAS GSUNGS PA'I DANG PO NI, SPYIR GSAL SGRON DU BSHAD PA LTAR RLUNG BCU'I GNAD MTHA' DAG PAR SHES DGOS LA, KHYAD PAR DU RLUNG RNAMS KYI DANG POR SKYE BA DANG, 'CHI KHAR SDUD PA'I RTZA BA'I GNAS MTHAR THUG PA SNYING KHA'I MI SHIGS PA YIN PA DANG, DER THIM NAS 'CHI BA'I STONG PA BZHI 'CHAR BA'I TSUL DANG, RLUNG RNAMS DER 'DU BA LA GNAS DE'I MDUD PA DBYE DGOS PA DANG, DE RDOR BZLAS KYIS 'BYED PA'I TSUL RNAMS LEGS PAR SHES PA'O, ,GNYIS PA NI DBYANGS GSAL LAS BTUS PA'I SPRUL LA SOGS PA'I SNGAGS JI SNYED CIG GSUNGS PA THAMS

CAD KYI GTZO BO YI GE GSUM YIN PAS, SNGAGS BZLA BAR GSUNGS PA THAMS CAD KYI GTZO BO YANG DE YIN PA DANG, SNGAGS BZLAS PA'I NGES DON MTHAR THUG PA YANG, RLUNG GI RANG GDANGS YI GE GSUM GYI GDANGS SU 'CHAR BA'I TSUL GYI ZLO BA NYID YIN PA DANG, BZLAS PA DES SNGAGS BZLAS PA GZHAN THAMS CAD KYIS SANGS RGYAS SRAS BCAS KYI THUGS RGYUD BSKUL NAS, SGRUB PA PO LA BYIN GYIS RLOB PA'I BYA BA THAMS CAD LHAG DANG BCAS PAR BYED PAR GSUNGS PA'I DON LA NGES PA RNYED PA YIN TE, RLUNG GI RNAL 'BYOR 'DI LA RO RKYANG GI RLUNG DHU T'IR BSDUS NAS THIM PA'I DBANG GIS LHAN SKYES 'CHAR BA'I NUS PA YOD PAR MA ZAD, SNGAGS BZLAS PA THAMS CAD KYI DGOS PA LHAG DANG BCAS PA 'GRUB PA'I KHYAD CHOS YOD PAS, RLUNG GI RNAL 'BYOR RNAMS KYI NANG NAS RMAD DU BYUNG BAR YANG SHES DGOS SO, ,DE LTAR NA RTZA BA'I RLUNG BZHI LA RDOR BZLAS BYED PA'I YUL GYI GNAD NI RLUNG DE RNAMS DON STENG NAS RTZA GANG GI NANG DU RGYU YANG RUNG, MOS PA LA PHYIR LDANG BA DANG NANG DU 'JUG PA'I TSE DHU T'I'I NANG NAS LDANG 'JUG BYED PAR MOS DGOS SHING DE YANG SNYING KHA'I DHU T'I'I NANG GI MI SHIGS PA'I NANG NAS BYED PAR BSAMS LA, GNAS PA'I TSE NI MI SHIGS PA'I NANG DU GNAS PAR BSAM MO, ,GNAS PA'I TSAD NI LDANG 'JUG GANG RUNG RE'I YUN TSAD KYIS CHOG GO, ,DE YANG SNGAGS DANG SBYOR TSUL NI YIG 'BRU BRIS PA'I RNAM PAR BYED PA MIN GYI, YI GE GSUM GYI GDANGS DANG SBYOR BA YIN LA, DE YANG RLUNG LDANG 'JUG GNAS GSUM GYI RANG GDANGS

, ,NYID DE GSUM DU SHAR BAR SEMS PA'O, ,'DI YID BZLAS SU SGRON GSAL LAS GSUNGS KYANG BSKYED RIM PA'I YID BZLAS DANG MI 'DRA BA'I KHYAD PAR LEGS PAR PHYED PAR DGOS SO, ,RDOR BZLAS 'DI LA LUS KYI RTZA 'KHOR GYI GNAD DU BSNUN PA MED PAR KHONG PA'I NANG NAS 'GRO 'OD TZAM BYED PA'I BZLAS PA BYED NA, NYAN SA DANG MDZOD RTZA 'GREL NAS BSHAD PA'I RLUNG BGRANG BA DANG GNYIS PO LA, SNGAGS DANG SBYAR MA SBYAR GYI KHYAD PAR TZAM YOD KYANG, RLUNG DH'U T'IR TSUD MI TSUD LA KHYAD PAR CI YANG MED PAS LUS KYI GNANG DU BSNUN PAR DGOS LA, 'DIR NI SNYING KHA'I GNAD LEGS PAR SHES NAS DER GTAD DE BZLA'O, ,'DI LA YANG RTZAL DGOS SU GSAL SNANG 'DON PA'I GSAL 'DEBS MI DGOS KYI MOS PA TZAM GYIS CHOG GO ,GSANG GNAS NA GNAS PA'I THUR SEL LA STENG GI SNA SGOR 'BYUNG 'JUG BYAD PA CIG DANG, 'OG SGO GNYIS SU 'BYUNG 'JUG BYED PA GNYIS GSUNGS PA'I PHYI MA 'DI'I RDOR BZLAS KYANG BYED SHES NA STENG SGO'I RDOR BZLAS KYIS 'GRUB MOD KYANG, DE LA DMIGS KYIS BKAR NAS PHYED 'DOD NA, SROG RLUNG STENG GI SNA SGOR PHYIR 'BYUNG BA NA 'OG GI THUR SEL RTAGS KYI RTZE NAS LTE BA BAR DU 'BYUNG ZHING, STENG GI SROG RLUNG STENG GI SNA SGO NAS NANG DU 'JUG PA NA, 'OG GI THUR SEL RTAGS KYI RTZE'I BAR DU 'GRO STE, DRI CHEN GYI LAM LAS KYANG DE BZHIN DU BYED DO, ,DE LA DRI CHU'I LAM NAS RDOR BZLAS BYED NA RTAGS KYI RTZE NAS NANG DU 'JUG PA'I GDANGS AOm DANG, RTAGS KYI RTZE'I BAR DU PHYIR 'BYUNG BA'I GDANGS

H'Um DANG, LTE BA'AM SNYING KHAR GNAS PA'I GDANGS A'A: YIG GDANGS DANG SBYAR LA RDOR BZLAS BYA'O, ,'DIS NI DROD MYUR DU BSKYED PA YIN TE, DMIGS BSAL CAN GYI DGOS PA SGRUB NA MA GTOGS PA 'DI'I GNAS PA YANG SNYING KHAR BYA STE, LAM GZHAN LA BYED NA YANG DE BZHIN DU'O, ,DH'U T'I'I YAR SNA BYE NA BDE BA LA KHYAD CHE ZHING MAR SNA BYE NA GTUM MO 'BAR BA LA KHYAD CHE BA LA 'DI NI PHYI MA LA BSNGAGS SO, ,RDOR BZLAS LA YANG RIG PA LA NGAR THON PA RGYUN LDAN PA MED NA BYING BA 'PHEL BAR 'GYUR LA, , DER SONG NA SNA SGO'I RLUNG 'BYUNG 'JUG MI BYED PA BYUNG YANG SKYON SKYED PA MIN LA, YON TAN MI SKYE BAS BYING BA GCOD PA GAL CHE'O, ,GNYIS PA NI, DE LTAR RDOR BZLAS BYAS PA NA RE SHIG RLUNG GI GDANGS LA SNGAGS SU MOS PA TZAM LAS MI 'ONG YANG, GOMS PA'I MTHAR PHAR LA MOS PA BYAS PA TZAM MIN PAR, TSUR LA RANG GI GDANGS YI GE GSUM GYI GDANGS SU 'CHAR BA'I GSUNG GI NGA RGYAL 'PHOS PA 'BYUNG STE BSKYED RIM DANG 'DRO'O, ,'DI LA YANG DANG POR SNA BUG RE RE BAR RGYU BZHIN PA NA, RDOR BZLAS BYAS PA'I MTHUS MYUR POR MNYAM RGYUR NGES CAN DU THENGS KYI NA 'DUG NA, RDOR BZLAS KYIS RLUNG DH'U T'IR TSUD PA NI YIN LA, MTSAMS DE NAS 'BAD PA CHEN POS SNYING KHA'I 'BYUNG 'JUG LA DRIL NA SKYED CHE'O, ,DE YANG DANG POR DH'U T'I'I NANG NAS 'BYUNG 'JUG BYED PAR MOS PA TZAM YIN KYANG, GDAMS NGAG GI GNAD LEGS PAR SHES NAS GOMS PA BSRINGS NA RLUNG SEMS 'JUG PA GCIG PA'I GNAD KYIS DH'U T'I'I NANG NAS DNGOS SU 'BYUNG 'JUG BYED PA 'ONG NGO, ,DE BYUNG

, ,NA SMYUG MA LA SOGS PA'I SBUBS 'GAGS PA THUR MAS DKRUGS PAS DE SEL NUS PA BZHIN DU, MDUD PA'I NANG GI DH'U T'IR 'BYUNG 'JUG GI RDOR BZLAS GOMS PA'I MTHUS DNGOS SU MDUNG PA 'GROL NUS TE, SPYIR DH'U T'I'I NANG DU TSUD PAS MI CHOG PAR SNYING KHA'I MDUD PA'I NANG NAS 'GRO 'ONG GNAS GSUM BYED PA GNAD KYI DON DU GZUNG BAR BYA'O, ,'BYUNG 'JUG GANG RUNG RE'I YUN TSAD KYI GNAD PA NI DANG POR CHED DU BYA DGOS LA, DE GOMS PA YUN BSRINGS PA NA MTSAMS GCIG NAS CHED DU BYA MI DGOS PAR RANG GI NGANG GIS GNAS PA CIG 'ONG NGO, ,DE BYUNG BA NA SLAR YANG GOMS PA BSRINGS PAS GNAS PA JE RING JE RING JE RING DU 'GRO, DE'I GNAD KYIS LDANG 'JUG GNYIS JE THUNG DU SONG NAS, MTHAR RLUNG 'BYUNG 'JUG GI RGYU BA PHRA MO YANG LOG NAS GNAS PA 'BA' ZHIG PAR 'GRO'O, ,DE NAS GNAS PA YANG RLUNG DH'U T'IR THIM NAS STONG PA RNAMS 'CHAR BA CIG 'ONG STE, 'DIR YANG SMIG RGYU LA SOGS PA'I RTAGS RNAMS 'CHAR RO, ,DON GYI DBANG 'DI GZIGS NAS 'PHAGS PA YAB SRAS KYIS RDZOGS RIM GYI SKABS KYI RLUNG GI RNAL 'BYOR BSHAD PA NA, STENG 'OG GI RLUNG KHA SBYOR GYIS NANG DU 'DZIN PA MA BSHAD PAR RDOR BZLAS NYID BSHAD PA YIN TE, RDO RJE 'PHRENG BA LAS LAN DU MAR SNGAGS KYI DE NYID GCIG BUS 'GRUB CES GSUNGS PA YANG DE LA DGONGS SO, ,GNYIS PA NI, RANG LTAR BSKYED PA DANG GNAD GZHAN GSUM NI SNGAR DANG 'DRA, YAN LAG GI RLUNG GI RDOR BZLAS 'DI LA NGAG DBEN GYI SKABS DANG, MIG GI MNGON SHES SOGS SGRUB PA'I SKABS GNYIS

YOD PA LAS, NGAG DBEN GYI SKABS SU BYED PA NI SGRON GSAL MA GTOGS PA YAB SRAS KYI GZHUNG GZHAN NAS GSAL BAR MA BSHAD LA, SGRON GSAL GYI DGONGS PA NI RTZA BA'I RLUNG GI RDOR BZLAS KYIS MA SHIGS PA LA RLUNG THIM PAR BYAS PA'I 'OG TU LDANG BA NA SNYING KHA'I MI SHIGS PA LA BRTEN NAS BYED PA YIN NO, ,'DI BYED PA LA YUL GYI GNAD NI 'BYUNG BA NA SNYING KHA'I MI SHIGS PA LAS BYUNG NAS, DBANG PO SO SO'I SGOR 'BYUNG BA DANG 'JUG PA NA SGO SO SO NAS NANG DU ZHUGS TE, MI SHIGS PA LA 'JUG PA DANG, GNAS PA NA DER GNAS PA DANG, RLUNG SNGAGS SBYOR TSUL SOGS NI SNGAR DANG 'DRA'O, ,DBANG PO GZHAN GYI SGOR BYED PA NI SHES PAR SLA LA, SNA'I SGOR BYED PA LA SNA SGOR RGYU BA'I RTZA BA'I RLUNG MIN PA'I YAN LAG GI RLUNG GCIG NI YOD DE, GNYID DU SONG NAS DBANG SHES LNGA THIM PA'I DUS SU SNA BUG GI 'BYUNG 'JUG NI YONG LA, SNA SHES THIM NA DE'I BZHON PA YANG DAG PAR RGYU BA'I RLUNG LDOG DGOS PA'I PHYIR RO, ,NGES NA GNYES YOD PA'I YANG DAG PAR RGYU BA'I RLUNG LA BSAMS NAS BYA DGOS SO, ,NGES PAR RGYU PA'I RLUNG GI BZLAS PA BYAD PA NA LUS KYI BA SPU'I SGO THAMS CAD NAS 'BYUNG 'JUG BYED PAR BSAM ZHES RJE 'GOS GSUNG NGO, ,RTZA BA'I RLUNG LA RDOR BZLAS BYAS PAS SNA BUG RLUNG GI RGYU BA DH'U T'IR TSUD NAS THIM NA DBANG SHES LNGA BZHON PA DANG BCAS PA LDOG DGOS PA BZHIN DU, YAN LAG GI RLUNG GI RDOR BZLAS BYAS NAS YAN LAG GI RLUNG DH'U T'IR THIM NA'ANG RTZA BA'I RLUNG RNAMS DH'U T'IR THIM DGOS SAM SNYAM NA, DBANG SHES RLUNG GI GZHON PA DANG BCAS PA THIM PA YIN LA, YID SHES KYI RANG BZHIN

, ,BRGYAD CU'I RTOG PA RAGS PA MA THIM PA GZHI MTHUN PA 'ONG ZHING, RTZA BA'I RLUNG BZHI DH'U T'IR THIM NA KUN RTOG RAGS SHOS RNAMS NGES PAR THIM DGOS PAS SPYIR NGES PA MED MOD KYANG, YAN LAG GI RLUNG THIM PA NUS PA MTHU CAN DU SONG BA NA RTZA BA'I RLUNG RNAMS KYANG DH'U T'IR THIM PAR 'GYUR RO, ,BYANG SEMS ZHU BA SNYING KHAR PHAB NAS, SNYING KHA NAS YAN LAG GI RLUNG GI RDOR BZLAS BYAS TE RLUNG GI YUL SNANG KHYAB PAR BYAS NAS, YUL RNAMS RANG GI RLUNG SEMS BDE STONG DU MYONG BA'I RANG SNANG DU GOMS PAR BYAS NA, YUL SNANG RAB 'BRING THA MA THAMS CAD BDE BA CHEN PO 'BA' ZHIG GI RKYEN DU 'CHAR BAR 'GYUR RO, ,ZHES MKHAS PA DAG GSUNGS PA NI, RDO RJE 'PHRENG BA'I DGONGS PA DAM PAR SNANG NGO, ,DE LTAR NA RTZA BA'I RLUNG GI RDOR BZLAS MTHAR PHYIN PA'I TSAD NI SNYING KHA'I RTZA MDUD LEGS PAR GROL BA YIN LA, YAN LAG GI RLUNG GI RDOR BZLAS MTHAR PHYIN PA'I TSAD NI BSHAD MA THAG PA LA BYAS NA LEGS SO, ,RDOR BZLAS BYAS PAS RLUNG DH'U T'IR THIM NAS STONG PA BZHI 'CHAR BA NI, RDOR BZLAS MTHAR MA PHYIN PA'I DMA' MO NAS KYANG 'BYUNG LA, LUS DBEN DANG, SNYING KHAR SNGAGS KYI THIG LE SGOM PA DANG, RDOR BZLAS KYI SKABS GSUM GAR RLUNG THIM PA'I STONG PA BZHI 'CHAR BA SPYI TZAM ZHIG 'DRA MOD KYANG, RGYU'I KHYAD PAR MI 'DRA BA'I GNAD KYIS NANG TSAN GYI KHYAD PAR CHEN PO YOD PA'ANG SHES PAR BYA'O, ,RDOR BZLAS 'DRA BA GCIG GIS STONG PA 'DREN THEBS KYI SNGA PHYI'I STONG PA RNAMS LA YANG RLUNG BYANG MA BYANG DANG, RLUNG 'DU TSABS CHE CHUNG GIS THIM PA SHAS CHE CHUNG DANG, BDE STONG SBYAR NAS

BSGOM PA SNGON DU BTANG BA MANG NYUNG SOGS KYI KHYAD PAR LAS, RIM GYI RIM GYIS KHYAD ZHUGS PAR 'GRO TSUL DU MA ZHIG 'BYUNG BA YANG SHES PAR BYA'O, ,DH'U T'I'I NANG GI GTUM MO THOG MAR LTE BA DANG, GSANG GNAS 'BAR BA DANG, DH'U T'I'I PHYI'I GTUM MO PHAL PA 'BAR BA'I KHYAD PAR DANG , DROD 'BAR TSUL LA LUS KYI GTING NAS 'BAR BA DANG, SHA LPAGS KYI BAR LTA BU KHA NAS 'BAR BA DANG, DANG POR 'BAR BA'I DROD KYI RGYA CHE CHUNG DANG, DROD GYEN DU 'PHYUG BA MYUR BUL DANG, SRAB 'THUG SOGS KYI KHYAD PAR LAS BDE BA SKYE LUGS KYANG DE DANG 'DRA BA RIM PA DU MA ZHIG 'ONG BA'I STENG NAS, GTUM MO KHYAD PAR CAN 'BAR BA DANG, DROD PHAL BA 'BAR BA DANG, RLUNG TZAM GYIS DRANGS PA'I BDE BA DANG, KHAMS ZHU BA'I BDE BA'I KHYAD PAR LA SOGS PA SHES DGOS SO, ,GTUM MO KHYAD PAR CAN 'BAR NA DE DANG MTHUN PA'I BYANG SEMS ZHU BA RE 'ONG BAS, KHAMS MI MNYAM BAR SONG BA'I NAD MI SKYED KYANG, DE MIN PA'I DROD 'BAR BA LA BYANG SEMS 'JU BA'I NGES PA MED PAS SHES CHER 'KHRIG PA 'PHEL BA DANG, BDE NYAMS MI CHE BAR DROD KYIS GDUNG BA SOGS 'BYUNG LA, GTUM MO 'BAR BA GNAD DU SONG NA DES BYANG SEMS DKAR PO ZHU BAS 'PHEL BAR MA ZAD, BYANG SEMS ZHU BA BABS PA DES KYANG BYANG SEMS DMAR PO'I GTUM MO RGYAS PAR BYED PAR GSUNGS SO, ,MDOR NA RDZOGS RIM GYI LAM KHYAD PAR CAN SNGA MAS STONG NYID BSGOMS NAS, RDZOGS RIM GYI LAM PHYI MA MTHON POR BGROD BA LA LUS LA GNAD DU BSNUN PA'I THABS SNGAR BSHAD PA'AM, DE 'DRA BA RNAMS KYIS RLUNG DH'U T'IR THIM

, ,PA DANG, DER ZHUGS PA'I RLUNG GIS GTUM MO SBAR TE LHAN SKYES KYI BDE CHEN BSKYED PA DES, BDAG MED PA'I DON SGOM PA'I BDE STONG SBYOR BA MED NA, RGYUD SDE 'OG MA GSUM DANG BSKYED RIM MAN CHAD KYI STONG NYID SGOM TSUL LAS KHYAD PAR DU 'PHAGS PA'I BDE STONG SBYOR BA MI 'BYUNG BAS, BDAG MED PA'I GO BA RNA PAR DAG PA 'TSEL BA DANG, LUS LA GNAD DU BSNUN PA'I THABS LAM ZAB MO LEGS PAR SHES PAR BYAS NAS SGOM PA CIG MED MI RUNG DU SHES PAR BYA BA DANG, LHAN SKYES KYI BDE BA MA MTHA' CIG RNYED NAS BDE STONG SBYAR TE BSGOM PA DANG, RLUNG GA-YOS TE DE LAS LANGS PA NA SLAR YANG LUS LA GNAD DU BSNUN PA'I THABS SGOM PA SPEL MAR BYA DGOS SO, ,GSUM PA NI, SNGAR BSHAD PA'I SNA RTZE GNYIS SU THIG LE GNYIS KYI SROG RTZOL BSGOMS PAS RLUNG THIM PA BYUNG NA RDOR BZLAS LA GEGS SHIN TU CHUNG, RDOR BZLAS BYED PA'I TSE YANG DAL BUS BYA BAR ZHAL LUNG LAS LAN MANG DU GSUNGS PAS, RLUNG PHYI NANG DU GTONG LUGS DANG CUNG ZAD RE 'DZIN PA'I GNAD LA MKHAS NA YANG GEGS HA CANG THAL BA MI SKYE'O, ,RLUNG SGOMS PA LA GEGS CHEN PO SKYE BA PHAL CHE BA NI, DANG PO'I SKYONG TSUL GYI GNAD LA MI MKHAS PA'I SKYON NYID DU SNANG BAS SKYONG TSUL LEGS PAR SHAS PAR BYA'O, ,'ON KYANG SNGON DU RLUNG THIM PA MA BYUNG NA RDOR BZLAS YUN RING DU BYAD PA YIN NA, THAMS CAD LA 'ONG BAR MA NGES KYANG, GEGS THEN THUN 'ONG BA SEL TSUL NI RLUNG RE 'GA' 'DUS PA'I MTSAMS NAS ZUG SKYED PA LA JI LTAR BYA BA NI SNGAR BSHAD PAS SHES PAR BYA'O, ,LUS KYI GNAS RNAMS NAS SMUG PA'AM, 'OD ZER

GYI RNAM PA'AM SKRA'I PHYE MA LTA BU LA SOGS PA PHYIR LA MANG DU 'THON PA'I SNANG BA BYUNG NA, RLUNG GNAD DU 'DU DKA' BA YIN PAS RLUNG BSDUS NAS MI SHIGS PA LA SDUD PA MANG DU BYA, RNAM PA DE 'DRA MANG PO PHYI NAS BYUNG NAS LUS LA 'JUG PAR SNANG NA RLUNG 'DU RTAGS YIN PAS SKYON MIN NO, ,GZHAN YANG MGO LA SOGS PA'I PAGS PA SHIN TU 'THUG PA SNYAM BYED CING, SKRA'I RTZA BA LA SOGS PA RNAMS RTZE BA DANG, SHA LPAGS KYI BAR ZA BA DANG, TSA BA DANG, GRANG BA DANG, 'PHRIG PA SOGS DANG, SROG CHAGS MANG POS ZA BA DANG, 'KHYUD PA DANG, 'BYAR BA'I NYAMS BYUNG NA, RLUNG CUNG ZAD 'DU BA'I RTAGS YIN KYANG 'DU LUGS 'DOD PA LTAR MIN PAS, GNAS GANG YIN DU DMIGS PAS BSDUS NAS MI SHIGS PA LA BSTIM PA MANG DU BYAS PA NYID DGA'O, ,SPRUL KHRA BO'I RNAM PA PHYI NAS NANG DU 'JUG PA DANG, NANG NAS BYA'I ? 'BYUNG BAR RTZOM PA DANG, LUS LA 'KHYUD PA SOGS KYI NYAMS BYUNG NA RLUNG 'DU TSUL SNGAR DANG 'DRA BAS RLUNG GI RNAL 'BYOR LA DRAG TU BRTZON PA DANG, BSDUS NAS BSHIG PA BYAS PAS SEL LO, ,SBRUL KHRA BO'I RNAM PA RTZA'I NANG DU 'TSANG BA SOGS KYI SNANG BA BYUNG NA RLUNG 'DU RTAGS LEGS PO YIN PAS RLUNG GI RNAL 'BYOR NYID BSKYANGS PAS CHOG GO ,RLUNG THIM PA'I SKABS SU SPRUG PA DANG 'DAR BA BYUNG BA MA BSAL NA KHAMS 'KHRUG PAR GSUNGS PAS, LHA'I SKUR LANGS TE 'OD ZER SPRO BA'I SBYOR BAS BSAL BAR GSUNGS SO, ,MDOR NA SROG RTZOL BSGOMS PAS RLUNG SHIN TU MNYEN PAR MA SONG GI BAR DU SBYOR BA 'JAM PA KHO NA BYA, SHIN TU LAS RUNG DU SONG BA'I SKABS SU SBYOR BA DRAG PO BYAS NA RLUNG

, ,'DU SLA BAR SNANG NA MI MANG TZAM RE BYAS PAS CHOG GO ,SBYOR BA 'JAM POS LUS LA GNAD DU BSNUN PA BYAS PA'I SGO NAS RLUNG THIM PA BYUNG NA NYAMS MYONG DE BRTAN PA DANG, BOGS CHE BA DANG, LUS KYI 'BYUNG BA MI 'KHRUG PAS LUS LA BRTEN PA'I YON TAN SKYE BA RNAMS GNAD DU 'GRO LA, BZLOG STE BYAS NA NYAMS MYONG CUNG ZAD MYUR BA 'DRA BA CIG 'OD KYANG SKYON MANG PO SKYED PAS MI LEGS SO, ,GSUM PA NI, LHAR SGOM PA DANG, GNAD GZHAN GSUM SNGAR DANG 'DRA, YUL GYI GNAD NI YAB YUM GYI RDO RJE DANG PADMA 'DU BYAS TE SNYOMS PAR ZHUGS PAS BYANG CHUB KYI SEMS ZHU BA DH'U T'I NAS RIM GYIS BRGYUD DE, RDO RJE'I RTZE'I DH'U T'I'I MAR SNA DANG, YUM GYI RDO RJE DBYINGS KYI DBANG PHYUG MA'I RTZA'I SNA RTZE GNYIS SPRAD NAS 'BYAR BA'I PHRAD MTSAMS KYI NANG DU BYANG SEMS KYI THIG LE YUNGS 'BRU TZAM PA CIG ,RANG GI LHA'I KHA DOG CAN 'OD ZER LNGA 'BAR BA SHIN TU 'TSER BA CIG BSAMS LA, DE LA SNGAR BSHAD PA LTAR SEMS BZUNG, DE LA SEMS LEGS PAR ZIN PA'I RTAGS KHYAD PAR CAN BYUNG BA NA, DE NAS RLUNG NANG DU 'JUG PA'I NYAMS SKYE, DE'I RJES SU DROD KHYAD PAR CAN 'BAR ZHING DES BZHU BA'I BYANG CHUB KYI SEMS 'BAB STE, DH'U T'I'I MAR SNA BYE NAS LHAN SKYES 'CHAR BA'I GNAD SHIN TU CHE'O, ,THUN 'JOG PA NA THIG LE SNYING KHAR DRANGS LA BZHAG GO ,SROG RTZOL BSGOMS PAS RLUNG THIM NUS PA'I MTSAMS NAS YE SHES KYI PHYAG RGYA DANG MNYAM PAR SBYAR BAS KYANG, DE LTAR BYED NUS PA'I GDAMS NGAG GI GNAD KYANG SHES PAR BYA'O, ,THIG LE GSUM GYI SROG RTZOL

SGOM, ,'DI GSUM GA'I SKABS SU BYANG SEMS ZHU BA, SPYI BO NAS GSANG GNAS KYI SNA RTZE'I BAR DU GTONG BA DANG, STOD SMAD NAS SNYING KHA NYID DU SDUD PA'I GNAD GNYIS YOD PA NI BLA MAS BSTAN PAR BYA'O, ,'DI GSUM GYI SKABS SU YANG RLUNG THIM PAS STONG PA BZHI 'DRA NA NUS PA'I MTSAMS NAS, RLUNG STOBS KYIS GNYID KYI STONG PA BZHI BZUNG NAS RMI LAM GYI SGYU MA LA 'JUG PA'I TSUL YANG SHES PAR BYA'O, ,RDO RJE BZLAS PA DANG NGAG DBEN NA SROG RTZOL GYI PHYOGS GCIG GI MING GIS BTAGS PA YIN PAS, 'DIR SROG RTZOL GSUM MED PHA NI MIN NO, ,NGAG DBEN GYI GNAD RGYAS PAR NI RIM LNGA GSAL SGRON DU BSHAD ZIN TO,, ` ,,GSUM PA SEMS DBEN THUGS RDO RJE'I TING NGE 'DZIN LA BSLAB PA LA GSUM, SEMS DBEN SKYED PA'I THABS, THABS DE LA BRTEN NAS SEMS DBEN SKYED TSUL, SEMS DBEN GANG GI DON DU SKYED PA BSTAN PA'O, ,DANG PO NI, DE LTAR SNYING KHA'I SNA RTZE SNGAGS KYI THIG LE BSGOMS PAS SNYING KHAR RLUNG BSDUS, DE NAS GDONG GI SNA RTZER 'OD KYI THIG LE BSGOM PA RLUNG RDO RJE'I BZLAS PA BYAS PAS, SNYING KHA'I DH'U T'I'I MDUNG PA'I NANG NAS RLUNG GIS 'GRO 'ONG GNAS GSUM BYAS, DE RJES GSANG BA'I SNA RTZER RDZAS KYI THIG LE BSGOMS TE, PHYAG RGYA LA BRTEN NAS SNGA MA'I BOGS 'DON PA GSUM GOMS PAR BYAS PAS MTHAR SNYING KHA'I RTZA MDUD LEGS PAR GROL BA NA, MDUD PA'I NANG GI MI SHIGS PA LA RLUNG LEGS PAR BSDUS TE THIM PA LAS SEMS DBEN SKYED PA LA GNYIS, NANG GI THABS DANG, PHYI'I THABS SO, ,DANG PO NI, LHAR SGOM PA DANG GNAD GZHAN GSUM SNGAR LTAR SNGON DU BTANG

, ,NAS DANG BSDUD PA'I RNAL 'BYOR NI, RANG LHAR BSKYED PA 'KHOR LO LA BSDUS, 'KHOR LO'I YI GE PAD 'DAB DANG BCAS PA PHYI MA BAR MA LA BSDU, BAR MA GNYIS NANG MA LA BSDUS, NANG MA GNYIS DBUS KYI MI SHIGS PA LA SDUD PAR MAN DAG LAS BSHAD, YANG DON LNGA MA LAS BSAM GTAN GNYIS KYIS NYAMS SU LEN PA YIN ZHES 'BYUNG BA LTAR BSAM GTAN GNYIS GANG RUNG GIS BSDUS NA'ANG CHOG LA, DE LTAR BYED NA 'KHOR LO'I SDUD RIM ZUR PA MA BYAS KYANG CHOG STE BSAM GTAN GNYIS NI 'CHAD PAR 'GYUR RO, ,SDUD PA'I TSE STENG 'OG GI RLUNG KHA SBYOR DANG SBRAGS NAS BYED PA, GSER SDINGS PA'I MAN NGAG CHE CHUNG RNAMS LAS BSHAD DO, ,'DI LA STENG 'OG GI RLUNG KHA SBYAR TE NANG DU 'DZIN PA CIG MED NA, RDOR BZLAS KYIS RLUNG DH'U T'IR TSUD PA MI 'ONG SNYAM PA'AM, TSUD KYANG DER THIM PA MI 'ONG SNYAM NAS BYED NA NI, RDOR BZLAS KYI GNAD RDZOGS PAR MA RTOGS PA YIN PAS MI 'THAD LA, DE LTAR MIN PAR DE YANG MAN NGAG GIS BYED NA 'GAL BA MED DO, ,SKABS 'DIR BUM PA CAN BYED PA'I YUL GYI GNAD NI DON LNGA MAR SNYING KHAR BYED PAR BSHAD PA LEGS SO, ,DE'I TSUL NI RLUNG RE BSAL BA SNGON DU BTANG BA'AM, DE MA BYAS KYANG CHOG PAS STENG RLUNG 'OG DU 'THON PA DANG, 'OG RLUNG KYEN DU 'THON PA NI GNYIS KA BYAS DGOS TE, SROG DANG THUR SEL GNYIS KA SNYING KHAR DRANGS NAS MI SHIGS PA LA BSDU DGOS PA'I PHYIR RO, ,SDOM 'BYUNG LAS KYANG, 'KHOR BA'I STENG DU BGROD PA'I RLUNG, ,MYA NGAN 'DAS PA'I 'OG TU BGROD, ,RAB TU MI GNAS MYA NGAN 'DAS, ,SNYING KHA'I CHU SKYES

ZE'U 'BRUR GNAS, ,STENG DANG 'OG TU 'GRO BA'I RLUNG, ,YID KYIS KHA SBYOR DU BYA STE, ,DE YI RNAL 'BYOR GOMS PA YIS, ,DAS NI BRTAN PA'I GO 'PHANG 'THOB, CES STENG 'OG GNYIS KA'I RLUNG KHA SBYAR TE SNYING KHAR 'DZIN PAR GSUNGS SO, ,RIM PA NI DANG POR STENG RLUNG SNA SGO NAS SNYING KHA'I BAR DU 'THEN, DE RJES 'OG SGO GNYIS NAS 'OG RLUNG SNYING KHA'I BAR DU 'THEN NAS MI SHIGS PA'I NANG DU TSUD PAR BYAS TE SEMS DER GTAD LA BZUNG, DE YANG YID KYIS KHA SBYOR DU BYAS TE, ZHES GSUNGS PAS LUS KYI RTZOL BA DRAG PO MI BYA BAR GTZO CHER DMIGS PAS BYA, 'DZIN PA'I TSAD NI ZUG MI SKYED TZAM DU BZUNG LA, ZUG SKYED PA NA KHA NAS MA SHOR BAR SNA NAS DAL BUS BTANG, DE NAS YANG DE MA THAG SNGAR LTAR BZUNG NGO, ,RLUNG RE MNYEN DU MA SONG BAR LA LHAG MA MI BZHAG PAR BTANG, RE MNYEN DU SONG BA'I TSE LHAG MA JI TZAM 'TSAM PAR BZHAG KYIN BZUNG NGO, ,'CHI SLU'I BUM PA CAN LA RKANG MTHIL GYI BAR GYI LUS KUN RLUNG GIS BKANG NAS BYED PAR SDAM 'BYUNG LAS GSUNGS PA DE LTA BU'I DMIGS BSAL CAN MA GTOGS PA, 'DI 'DRA'I SKABS SU DH'U T'I'I NANG GI MI SHIGS PA'I NANG LTA BU DMIGS PA RGYA CHUNG BA GCIG TU SEMS GTAD NAS DER RLUNG KHA SBYAR 'DZIN PA YIN GYI, DE LTAR MA BYAS PAR DMIGS PA DES PA MED PA'AM LUS KYI NANG KUN TU GANG BA'I DMIGS PAS BZUNG NA, GANG 'DOD PA'I 'KHOR LO'I DBUS SU 'DU BAR DKA' LA, RLUNG RANG SHUGS KYIS SDOD PA'I MGO MA BRTZAMS BAR DU RTZOL BA RKYANG PAS BZUNG BA DE, GNAS DER RING DU MI SDOD PAR 'PHYUG PA YIN LA, RING DU 'PHYUGS

, ,NA DER BTZAN 'DZIN BYAS KYANG, DH'U T'IR 'DU BA LA PHAN DKA' ZHING GEGS SKYED PAS, DANG PO NAS 'DZIN PA YUN RING BA LA RTZAL DU 'DON PA MIN NO, ,DE LTAR GOMS PAS RLUNG BZUNG RGYU'I 'DI YIN KYANG MED LA, SNA SGOR 'BYUNG 'JUG BYED RGYU YANG MED PA CIG BYUNG NA, BYOR BA YIN NA NI SNGAR BSHAD PA LTAR GYI GTUM MO KHYAD PAR CAN 'BAR BA DANG, BDE BA KHYAD PAR CAN SKYE RGYU MED LA, DE RNAMS 'ONG BAR SNANG NA RLUNG DH'U T'IR TSUD NAS THIM PA YIN NO, ,'O NA DE 'DRA BA DE LA RLUNG 'DZIN RGYU MED NA JI LTAR BYA SNYAM NA, RLUNG 'DZIN RGYU MED KYANG SNYING KHA'I MI SHIGS PA NYID LA GTAD LA SEMS GA-YO MED DU BZUNG NA, RLUNG 'DZIN PA DANG GNAD GCIG PAS LHAN SKYES 'CHAR SLA LA SHAR BA YUN RING, DE LTAR MA BYAS PAR RTOG PA'I 'PHRO 'DU MANGS NA SLAR YANG LAS RLUNG LDANG SLA BAS LHAN SKYES YUN THUNG NGO, ,BUM PA CAN GYI YUN TSAD NI, SDOM 'BYUNG LAS, ,BUM PA CAN SNGAR SHES BYAS NAS, ,BDAG NYID SKYIL MO KRUNG BCAS TE, ,LAG PA LAN GSUM MNYES NAS NI, , DE NAS LAN DRUG SEL KOL BRDAB, ,JI SRID SUM CU RTZA DRUG TZAM, ,DE SRID BUM PA CAN BYA STE, ,SUM 'GYUR MCHOG GIS GZHOM PAR NI, ,BRGYAD LHAG PA YI BRGYA TZAM MO, ZHES SOGS GSUNGS PA LTAR, RAB BRGYA RTZA BRGYAD, 'BRING DON GNYIS, THA MA SO DRUG GIS 'CHI BA 'JOMS PAR BSHAD PA LTAR RO, ,KHA CIG SNYING KHA'I BUM PA CAN THOG MAR BYED PA SHIN TU GNYAN ZHES ZER MOD KYANG, STENG 'OG NAS 'DREN PA 'JAM SBYOR DANG, 'DZIN PA'I YUN CHAD SOGS SGOM TSUL

LEGS PAR SHES NA GEGS CHEN PO SKYED PA MIN NO, ,GNYIS PA NI SKABS 'DIR NANG GI THABS DE TZAM GYIS SEMS DBEN RDZOGS PAR SKYED MI NUS PAS, DE SKYED PA LA PHYI'I PHYAG RGYA GROGS SU DGOS PAR GSUNGS TE, RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,'DOD CHAGS NYID DANG CHAGS BRAL DANG, ,DE YI BAR TE GSUM PO NI, ,DBANG PO GNYIS NI MNYAM SBYOR BA'I, , RDO RJE PADMA 'DUS LAS SO, ,ZHES GSUNGS SO, ,'DIR SEMS DBEN NI SNYING KHA'I SDUD RIM LAS 'BYUNG BA YIN LA, DE PHYAG RGYA LA BRTEN NAS 'BYUNG BA DANG, YE SHES RDO RJE KUN LAS BTUS LAS SGYU MA'I SKU 'GRUB PA PHYAG RGYA LA LTOS PAR GSUNGS TE TSE 'DIR SGYU LUS 'GRUB PA'O, ,DE GNYIS LA NI SPYIR PHYAG RGYA SROG RTZOL DU 'GRO TSUL SHES DKA' NA, KHYAD PAR DU THABS DE SNYING KHA'I RLUNG SDUD THABS SU 'GRO BA'I TSUL RTOGS DKA' BA LTA CI SMOS DES NA DE RNAMS SHIN TU RTOGS DKA' BA'I TSUL RNAM DPYOD CAN GYIS LEGS PAR SHES NAS RGYUD DON BTZAL BAR BYA'O, ,GNYIS PA NI, STONG PA BZHI NI NAM MKHA' GA-YA' DAG GI DPES MTSON NAS STON PA LA, DBYAR GYI CHAR GYIS SA'I RDUL BAR SNANG LA LDANG BA LEGS PAR MNAN PA DANG, SPRIN GYI SGRIB BYED DANG BRAL BA GNYIS TSOGS PA MANG DU 'BYUNG BA STON GYI DUS YIN PAS STON GYI NAM MKHA' DPER BZUNG NGO, ,DE'I NAM MKHA' GA-YA' DAG PA NI, NYIN PAR NYI 'OD KYIS KHYAB PA DANG,

, ,NAM SROS NAS SROD KYI SMAG 'THUG PO MA SANGS KYI BAR GYI THUN MTSAMS LA SMAG NAG PO 'THUG POS KHYAB PA DANG, DE SANGS PA'I 'OG TU ZLA 'OD SHAR NAS THO RANGS LA MA SLEB PA'I BAR DU ZLA 'OD KYIS KHYAB PA DANG, ZLA 'OD KYANG YAL NYI 'OD KYIS KYANG MA SLEB PA'I THO RANGS KYI DUS NAM MKHA'I RANG MDOG JI BZHIN DU MI THON PA'I RGYU GSUM DANG BRAL BA'I SKABS GCIG STE BZHI YOD DO, ,DE LA SNGAR BSHAD PA'I THABS RNAMS LA BRTEN NAS, KUN RTOG GA-YO BA'I RLUNG THIM PA NA MAR ME 'BAR BA LTA BU'I RTAGS 'CHAR LA, DE'I RJES SU 'CHAR BA'I SNANG BA NI STON GYI NAM MKHA' GA-YA' DAG PA'I TSE MTSAN MO ZLA BA SHAR BA'I 'OD KYIS KHYAB PA'I NAM MKHA' BZHIN DU SHIN TU DANGS SHING STONG SANG NGE BA LA 'OD KYI SNANG BA DKAR PO'I RNAM PA GCIG 'CHAR LA, DE MA GTOGS PA'I GNYIS SNANG RAGS PA GANG YANG MI 'CHAR RO, ,DPER NA NAM MKHA' LA ZLA 'OD KYIS KHYAB KYANG, DES NAM MKHA' MI SGRIB PAR MTHONG BA BZHIN DU, 'DIR YANG 'OD SNANG DKAR PO'I RNAM PA SHAR BA DES NAM MKHA' DAG PA LTA BU'I STONG GSAL DE MI SGRIB PAR 'CHAR BA YIN NO, ,DE NAS SNANG BA DE BSDUS PA'I 'OG TU SNANG BA MCHED PA SHAR BA NA, STON GYI NAM MKHA' GA-YA' DAG LA NYI 'OD KYIS KHYAB PA BZHIN DU, SNGA MA LAS KYANG CHES DANGS PA'I STONG SANG NGE BA LA DMAR PO'AM DMAR SER GYI RNAM PA 'CHAR TE LHAG MA NI SNGA MA BZHIN NO, ,DE NAS SNANG BA DE YANG BSDUS PA'I 'OG TU NYER THOB SHAR BA NA, RLUNG 'GAG PA CHER SONG BAS YUL SNANG NI, STONG

SNANG LA MTSAMS KYI SMAG GIS KHYAB PA 'DRA BA'I NAG PO'I RNAM PA DRAN PA MA NYAMS PA CIG THOG MAR 'CHAR LA, BAR DU YUL CAN GYI DRAN PA NYAMS NAS DRAN MED DU 'GRO, DE'I RJES SU DRAN PA NYAMS PA SANGS PA'I NAM MKHA' SPRIN MED 'DRA BA CIG 'CHAR TE, RIM PA GSUM PA MAN CHAD DU PHYI MA DE YANG NYER THOB TU BSDUS NAS STONG PA GSUM DU BSHAD KYANG, DPE'I 'OD GSAL DE LOGS SU BYAS NA STONG PA BZHIR 'GYUR RO, ,LUGS MTHUN GYI TSE NYER THOB DRAN MED DU SONG BA JI LTAR 'THUG PA TZAM GYIS DE'I 'JUG GI 'OD GSAL BRTAN LA RGYUN RING NGO, ,DPE'I 'OD GSAL NAS LUGS ZLOG TU 'CHAR TSUL NI, DPE'I 'OD GSAL DE BSDUS PA NA NYER THOB DANG, DE BSDUS PA NA MCHED PA DANG, DE BSDUS PA NA SNANG BA RNAMS SNGON BZHIN DU 'CHAR RO, ,STONG PA BZHI KA'I TSE BDE STONG SBYOR BA YIN MOD KYANG, GTZO BO NI THAMS CAD STONG PA'I DUS SO, ,STONG PA BZHI NI 'CHI BA'I DUS SU RDZOGS PAR 'CHAR LA, GNYID KYI DUS SU SNA BUG GI RGYU BA MI LDOG PAS CHA 'DRA TZAM 'CHAR RO, ,LAM DUS SU NI SNYING KHA'I DH'U T'IR RLUNG BTZUD NAS THIM PA LA MTSAN NYID RNAMS TSANG BAR 'CHAR LA, GZHAN DU THIM PA LA DE'I CHOD TZAM MI 'CHAR RO, ,DE GSUM LA YANG GOMS PA SHAS CHE CHUNG DANG, RLUNG 'DU PHUL DANG THIM PA SHAS CHE CHUNG GI DBANG GIS YUL SNANG RGYA CHE CHUNG DANG SRAB 'THUB DANG, GNAS YUN RING THUNG SOGS MI 'DRA BA DU MA ZHIG 'BYUNG NGO, ,RLUNG SGOM PA SOGS KYI SKABS SU SNANG BA DANG PO GNYIS SNGON DU MA SHAR BAR, NAG THOM GYIS 'GRO BA'I DRAN MED 'ONG BA NI NYER THOB MIN LA, DBANG SHES MA THIM PAR YID NGOR NAM MKHA' LA

, ,ZLA 'OD SOGS SHAR BA BZHIN DU SNANG BA DANG DBANG SHES LOG KYANG YID NGOR KOR LE RER ZLA 'OD SOGS SHAR BA BZHIN DU SNANG BA DANG, DE GNYIS KA'I SKABS SU SNGAR BSHAD PA LTAR GYI STONG PA GSUM SNGON DU SONG BA MIN PA'I NAM MKHA' GA-YA' DAG LTA BU'I RNAM PA SHAR BA RNAMS 'DIR BSHAD PA'I STONG PA BZHI MIN NO, ,DE 'DRA BA'I STONG PA GSUM NI SGYU LUS THOB NAS DON GYI 'OD GSAL SNGON DU MA BYAS PAR DANG, DON GYI 'OD GSAL LAS LUGS ZLOG TU LANGS PA'I SKABS DANG, SLOB PA'I ZUNG 'JUG THOB NAS MI SLOB PA'I ZUNG 'JUG MA THOB PA'I BAR DU YANG 'BYUNG MOD KYANG, SEMS DBEN MIN PA DE BZHIN DU, SEMS DBEN MA THOB PA'I GONG DU YANG STONG PA GSUM GYI YE SHES 'BYUNG BA YIN PAS, STONG PA GSUM GYI YE SHES DANG, SEMS DBEN GYI STONG PA'I YE SHES KYI KHYAB CHE CHUNG RNAMS PHYED PAR BYA'O, ,GSUM PA NI, SPYIR RLUNG DH'U T'IR BSDUS PA DANG KHYAD PAR DU SNYING KHA'I MDUD PA GROL NAS DE'I NANG GI MI SHIGS PA LA RLUNG BSDUS NAS THIM PA LAS SEMS DBEN BSKYED PA'I DGOS PA NI, GZHUNG GZHAN NAS 'BYUNG BA LTAR LHAN SKYES KYI DGA' BA KHYAD PAR CAN BSKYED DE DE DANG STONG PA SBYAR NAS GOMS PAR BYED PA TZAM GYI CHED MIN GYI, BAR DO JI BZHIN PA DE 'DRA BA'I SGYU MA'I SKU SGRUB PAR 'DOD NAS YIN TE, DE LA NI 'CHI RIM JI BZHIN DU RLUNG SEMS BSDUS NAS STONG PA BZHI SKYED DGOS PA'I PHYIR DANG, DE LA SNYING KHA'I MI SHIGS PA NYID DU SDUD GNAS MTHAR THUG PA YIN PA'I PHYIR RO, ,SEMS DBEN GYI BSHAD PA MTHA' DAG PAR NI RIM LNGA GSAL SGRON DU BSHAD ZIN TO,, ,,GNYIS PA BDEN PA GNYIS

KYI RDZOGS RIM LA GSUM, KUN RDZOB SGYU MA'I RDZOGS RIM, DON DAM 'OD GSAL GYI RDZOGS RIM, DBYER MED ZUNG 'JUG GI RDZOGS RIM MO, ,DANG PO LA GNYIS, SGYU LUS DNGOS DANG, DE'I YAN LAG GI GDAMS PA'O, ,DANG PO NI, DE LTAR PHYI NANG GI THABS GNYIS LAS SEMS DBEN GYI YE SHES RDZOGS PAR BSKYED PA'I LUGS MTHUN DU ZHUGS PA'I STONG PA DANG PO GNYIS DANG, NYER THOB KYI THOG MA DANG BAR GYI RLUNG SEMS LAS BRGYUD NAS DANG, MTHA'I DPE'I 'OD GSAL LAS LUGS ZLOG TU 'JUG PA'I RLUNG SEMS TZAM LAS DNGOS SU RDO RJE 'CHANG GI SKU MTSAN DPES BRGYAN PAR 'KHRUNGS PA NI, BDAG BYIN RLABS DANG, KUN RDZOB BDEN PA DANG, SGYU MA'I SKU DANG RDO RJE'I SKU ZHES BYA LA, DRI ZA'I SEMS CAN BAR DO'I THA SNYAD KYIS KYANG GSUNGS SO, ,DE YANG RIM LNGA LAS ME LONG NANG GI GZUGS BRNYAN GYIS, ,SGYU MA'I LUS NI SHES PAR BYA, ,KHA DOG RNAMS NI 'JA' LTA BU, ,KHYAB PA CHU YI ZLA BAS SO, ,ZHES YAN LAG DANG NYING LAG THAMS CAD CIG CAR DU RDZOGS PA ME LONG LA BRIS SKU SHAR BA LTA BU DANG, LUS DANGS SHING THOGS PA MED PA BAR SNANG GI 'JA' TSON LTA BU DANG, SKU GCIG LAS 'PHROS PA'I BKOD PAS YUL DU MA LA KHYAB PA NAM MKHA'I ZLA BA CHU SNOD DU MAR SHAR BA LTA BU'I DPES MTSON PAR GSUNGS TE, SPYIR NA SGYU MA'I DPE BCU GNYIS KYIS MTSON NAS GSUNGS SO, ,'DI CHES RTOGS DKA' LA GNAD SHIN TU CHE BAS MTHA' GCOD PA RGYAS PAR NI RIM LNGA GSAL SGRON DU BSHAD ZIN TO, ,GNYIS PA LA GSUM, MNYAM GZHAG SGYU MA DANG, RMI LAM SGYU MA DANG, BAR DO SGYU MA'O, ,DANG PO NI, MNYAM GZHAG SGYU MA'I GTZO BO NI SNGAR BSHAD PA LTAR GYI

, ,RLUNG SEMS TZAM LAS GRUB PA'I SKU SGYU MA LTA BU'I TING NGE 'DZIN ZHES KYANG GSUNGS PA DE LA MNYAM PAR BZHAG PA'O, ,RJES MTHUN PA NI SDUD PA'I RNAL 'BYOR GYIS RIM GYIS BSDUS NAS, MI SHIGS PA LA THIM PA DNGOS SU BSGOMS PA'AM, DE LTAR MA BYAS KYANG MTHA'I RLUNG RNAMS DH'U T'IR 'DUS NAS THIM PA LAS BYUNG BA'I SEMS DBEN RJES MTHUN PA'I STONG PA RNAMS SHAR BA'I MTHAR, RDO RJE 'CHANG GI SKUR LANGS TE DE'I TING NGE 'DZIN LA MNYAM PAR BZHAG PA'O, ,'DI NI LUS DBEN NAS KYANG 'THOB MOD KYANG, SNYING KHA'I DH'U T'IR 'DUS NAS THIM PA LAS BYUNG BA'I MTSAMS NAS, SGYU LUS DNGOS DANG MTHUN TSABS CHE'O, ,DE LTAR BYAS NA RIM PA LNGA RJES MTHUN PA NI LUS DBEN NAS KYANG BZHAG TU RUNG LA, DE RNAMS DANG RIM LNGA DANG SPYOD BSDUS NAS GSUNGS PA'I RIM LNGA DNGOS GNYIS KYI KHYAD PAR LEGS PAR PHYED PA CIG SHIN TU GAL CHE'O, ,RIM LNGA LAS, RDO RJE SEMS DPA' LEGS BRIS PA, ,ME LONG DRI MA MED PA LA, ,GZUGS BRNYAN GSAL BAR SNANG DANG MTSUNGS, ,RNAM PA KUN GYI MCHOG LDAN ZHING, , SKU NI BLTA BAS MI NGOMS PA, ,SLOB MA BZANG PO DE LA BSTAN, ,BDAG BYIN BRLAB CES DE BSHAD DO, ,ZHES RDO RJE 'CHANG GI SKU JI 'DRA BA BRIS PA'I BRIS SKU ME LONG GA-YA' DAG PA LA SHAR TE GSAL BAR SNANG BA DANG MTSUNGS PA'I SKU DE NI, MTSAN GYI RNAM PA KUN GYI MCHOG DANG LDAN PA DANG LTA BAS CHOG MI SHES PA YIN NO, ,ZHES SLOB MA LA BSTAN PA'I DON DE BDAG BYIN BRLAB BO ZHES GSUNGS PA'I DON NI, GZUGS BRNYAN DANG SGYU MA'I SKU GNYIS DPE DON DU SBYAR NAS, BLA MA'I MAN NGAG GIS

SLOB MA LA STON PA'I DON YIN GYI, ME LONG LA GZUGS BRNYAN SHAR BA SLOB MA'I MIG LA STON PA DANG, DE LA BLTAS NAS SGOM PA DANG, DE NAS BLOS BTON NAS RANG LA BSDUS PA'I LHA SKU SGYU LUS SU STON PA MIN TE, DPE GZHAN RNAMS DANG YANG MTSUNGS PAR SLOB MA LA STON PAR GSUNGS KYANG, DE RNAMS LA SGYU MA SOGS KYI DPE MIG LA STON MI DGOS PA DANG 'DRA'O, ,SPYOD BSDUS LAS KYANG, BRIS PA'AM RAS BRIS ME LONG GI NANG DU SNANG BA BZHIN DU, ZHES GSUNGS PAS KYANG SHES LA, RIM LNGA'I 'GREL PA LA SOGS 'PHAGS SKOR GYI RGYA GZHUNG GANG NAS KYANG DE LTAR MA BSHAD DO, ,BSKYED RIM MI GSAL NA ME LONG GI NANG DU BRIS SKU SHAR BA LA BLTAS KYIN SGOM PA'I GDAMS NGAG 'GA' ZHIG SNANG BA DANG, RIM LNGA'I GZHUNG DE'I DON LEGS PAR MA GO BA DANG, SGYU MA'I LUS KYI SGYU MA ZHES PA'I DON GZUGS BRNYAN BZHIN GYI BRDZUN SNANG DANG, DE LTAR RTOGS PA'I ZHEN MED GCIG LA BZUNG NAS, SGYU LUS KYI GNAD KHONG DU MA CHUD PAR SKABS 'DIR ME LONG GI NANG DU LHA SKUR SHAR BA LA SEMS GTAD NAS SGOM PA SOGS BYED PAR SNANG YANG, MAR LUGS KYI DANG PO'I GDAMS NGAG GI DON MIN PA NI SNGAR BSHAD ZIN TO,, ` ,,GNYIS PA LA GNYIS, RMI LAM GYI SNGON DU GNYID KYI STONG PA 'DZIN TSUL DANG, DE ZIN NAS RMI LAM GYI DGE SBYOR SKYONG TSUL LO, ,DANG PO NI, GZHI LA 'CHI BA'I STONG PA BZHI SNGON DU 'BYUNG BA'I MTHAR BAR DO 'GRUB PA DANG, GNYID KYI STONG PA RNAMS BYUNG BA'I MTHAR RMI LAM 'CHAR BA DANG, LAM LA BSKYED RIM LA LHAG MOS 'OD GSAL DU SDUD PA SNGON DU BTANG NAS, DANG PO'I MGON POR SKYED PA

, ,PA DANG, RDZOGS RIM LA SEMS DBEN GYI STONG PA RNAMS SNGON DU BTANG BA'I SGYU MA'I SKU 'GRUB PA DANG, DON GYI 'OD GSAL SNGON DU BTANG BA'I MTHAR ZUNG 'JUG GI LHA SKU 'GRUB PA THAMS CAD KYI GO RIM DE LTAR YIN NO, ,DES NA RMI LAM GYI LUS SGYU LUS SU LDANG BA LA YANG, SEMS DBEN DANG 'DRA BA'I GNYID KYI STONG PA BZHI SNGON DU BZUNG DGOS PA YIN TE, 'DIS 'CHI BA'I 'OD GSAL 'DZIN PA DANG BAR DO SGYU MA'I GO RIMS KYANG SHES PAR BYA'O, ,SPYIR GNYID TING NGE 'DZIN GYI NGO BOR SKYED PA LA SAD DUS SU SEMS GNAS BRTAN PO YOD NA, DES GNYID DU 'GRO KHAR SAD DUS KYI TING NGE 'DZIN DE DRAN NAS DE LA YID PHYOGS PAR BYAS NA, GNYID DU SONG BA NA RMI LAM MED PAR GNYID TING NGE 'DZIN DU MER GYIS 'GRO BA CIG 'BYUNG, 'DI NI THEG PA CHE CHUNG DANG, SNGAGS DANG PHAR PHYIN GYI THEG PA GNYIS KA'I THUN MONG BA YIN PAS, DE LA GNYID KYI 'OD GSAL 'DZIN PA ZER BA MIN NO, ,NYAN THOS KYI SAR, GNYID DU 'GRO KHAR NYIN MO'I DGE SBYOR BYAS PA RNAMS MNGON DU BYAS NAS, YID GZHAN DU MA GA-YENGS NA GNYID DU SONG BA'I TSE DGE SBYOR DE NYID KYI RGYUN SKYONG BA 'ONG BAR BSHAD PAS, TING NGE 'DZIN KHO NAR MA ZAD NYIN PAR GYI DGE SBYOR GYI GOMS PA GANG BRTAN PA THAMS CAD LA GNYID DU 'GRO KHAR DRAN NAS DE NYID LA GNAS BZHIN PA'I DANG NAS GNYID LOG PA GOMS NA SNGA MA'I RGYUN DE SKYONG BA 'ONG NGO, ,DES NA SAD DUS SU SEMS GNAS SHIN TU BRTAN PA YOD PA LA GNYID THUN GANGS PO LA RMI LAM MED PAR TING NGE 'DZIN THUN GCIG TU 'GRO BA YANG 'ONG LA, KHA CIG LA RMI LAM SHAR

YANG SAD PA'I TSE BSHAD MI SHES PA YANG 'ONG NGO, ,GNYID KYI 'OD GSAL 'DZIN PA NI RGYUD SDE 'OG MA GSUM LA 'ANG MED PAR SNGAGS BLA MED KYI KHYAD CHOS YIN PAS, DE 'DZIN TSUL THUN MONG MA YIN PA SHES DGOS SO, ,'DI LA LUS LA GNAD DU BSNUN PA'I THABS RNAM DAG GANG YANG RUNG BA GCIG BSGOMS NAS, RLUNG DH'U T'IR TSUD DE THIM PA LAS BYUNG BA'I STONG PA BZHI SAD DUS SU LEGS PAR 'DREN NUS PA CIG DGOS LA, KHYAD PAR DU SNYING KHAR GNAD DU BSNUN PA'I THABS KYIS DE LTAR NUS PA CIG BYUNG NA KHYAD PAR SHIN TU CHE BA YIN NO, ,DE 'DRA BA'I NUS PA MTHOB PAS NI GNYID DU 'GRO KHAR GNYID KYI MGO RTZOM PA NAS JI LTAR 'CHAR BA LA SEMS KYI DRAN PA BSTEN NA SNANG MCHED GNYIS DANG NYER THOB KYI STOD TZAM NGES PA SRID KYANG, NYER THOB KYI DNGOS GZHI DANG, GNYID KYI STONG PA BZHI PA MI NGES SO, ,GZHI DUS KYI GNYID KYI SKABS SU SNA BUG GI RGYU BA PHRA MO CIG MI LDOG PAR 'BYUNG 'JUG BYED PA'I GNAD KYIS, STONG PA RNAMS CHA MTHUN TZAM MA GTOGS PA MTSAN NYID RDZOGS PAR MI 'CHAR LA, STONG PA BZHI PA NI YUN SHIN TU THUNG NGO, ,SNGAR BSHAD PA LTAR GYI NUS PA SAD PA'I SKABS SU THOB PAS NI, RANG LHAR SGOM PA SNGAR DANG 'DRA, LUS KYI GNAD NI GNYID KYI DUS SU NYAL BA'I SPYOD LAM 'PHRES PA DANG, TZOG BU SOGS GANG RUNG NGO, ,DUS NI GNYID DU 'GRO BA'I SNGON ROL TZAM NAS YIN LA, DE YANG SROD LA SOGS PA GNYID 'THUG PA'I DUS SU MA GOMS PAS ZIN PAR DKA' BAS THO RANGS SOGS GNYID SRAB PA'I DUS SU'O, ,RLUNG GI GNAD NI NYIN MO BUM PA CAN BYANG BA LTA BU YIN NA,

, ,DES BYAS PAS KYANG ZIN LA, DE LTA MIN NA RLUNG 'BYUNG 'JUG RANG LUGS PAR BYA'O, ,YUL GYI GNAD NI SNGAR BSHAD PA LTAR RMI LAM MA SHAR BA'I GNYID DU 'GRO BA LA NI, SNYING KHAR RLUNG RANG SHUGS KYIS 'DU BA'I GNAD KYIS SNYING KHA'I MI SHIGS PA LA DMIGS PA GTAD NA GNAD DU 'GRO STE, SNYING KHAR RANG SHUGS KYIS MI 'DU BA'I SAD DUS SU YANG SNYING KHAR DMIGS PA GTAD NA DER RLUNG BSDUS NAS THIM PAR BYED NUS PA DES, GNYID DU 'GRO KHAR RANG SHUGS KYIS SNYING KHAR 'DU BA LA, DER DMIGS PA GTAD NA DER RLUNG 'DU BA LTA CI SMOS PA'I PHYIR RO, ,'DI LA BRTEN NAS SAD DUS KYI STONG PA DANG GNYID DUS KYI STONG PA BSRE BA YANG SHES PAR BYA'O, ,SNYING KHAR PADMA 'DAB MA BZHI PA'I LTE BAR THIG LE DKAR DMAR LA DMIGS PAR BSHAD DE DE LTAR RAM, YANG NA SNGAR BSHAD PA LTAR GYI SNGAGS 'KHOR SGOM PA LA BYANG NA DES BYA BA DANG MI SHIGS PA RKYANG PA LA DMIGS NA'ANG 'GRUB STE, PADMA'I KHA DOG DKAR DMAR SNGO BA GSUM GA BSHAD PAS GANG RUNG GIS CHOG GO ,SNGAGS 'KHOR SGOM NA DANG POR PHYOGS MTSAMS KYI RIM PAS DMIGS LA, DE NAS PHYI NAS RIM PA BZHIN DU BSDUS TE MI SHIGS PA LA THIM PAR BYAS LA DE NYID LA SEMS BZUNG NGO, ,GZHAN YANG RIM LNGA GDAN RDZOGS LAS, RDO RJE BZLAS PA BYAS NAS KYANG 'DZIN PA CIG BSHAD DE 'DZIN THABS DE GNYIS NI RGYUD DANG YAB SRAS KYI DGONGS PA BLA NA MED PAR MTHONG NGO, ,GNYID KYI 'OD GSAL SNYING KHAR 'DZIN PA'I RIGS PA'I 'DIS NOR BU'I NANG DU 'DZIN PA YANG GO BAR NUS

SAM SNYAM MO, ,DE LTAR BZUNG BAS SMIG RGYU LA SOGS PA'I RTAGS BZHI 'CHAR LA, DE NAS NAM MKHA' GA-YA' DAG LA ZLA 'OD DANG NYI 'OD SHAR BA DANG MTSAMS KYI SMAG GIS KHYAB PA DANG 'DRA BA'I STONG PA GSUM SNGON DU SHAR BA'I MTHAR, NAM MKHA' SLONG BYED KYI RKYEN GSUM DANG BRAL BA'I RANG MDOG THON PA'I THO RANGS KYI DUS DANG 'DRA BA'I NAM MKHA' GA-YA' NGAG LTA BU'I RNAM PA 'CHAR BA NI, GNYID KYI 'OD GSAL DNGOS GZHI'O, ,SNGAR BSHAD PA'I TING NGE 'DZIN THUN MONG BA'I SGO NAS GNYID TING NGE 'DZIN DU 'GRO BA LA NI, RTAGS DE RNAMS DANG STONG PA SNGA MA GSUM MI 'CHAR BAS, NAM MKHA' SPRIN MED 'DRA BA CIG SHAR YANG GNYID KYI 'OD GSAL GYI DON MED DO, ,'DI LA LAN 'GA' ZUNG MTSAN MA RNAMS KHRIGS CHAGS SU MA SHAR YANG DE NAS MYUR POR 'CHAR RO, ,LUGS ZLOG GI STONG PA RNAMS NI LUGS MTHUN LAS 'CHAR DKA' BAS, DE BYED PA'I MTSAMS NAS LAN 'GA' ZUNG 'PHEN PA BTANG NAS 'CHAR BAR BYAS NA, DE NAS 'PHEN PA LA MI LTOS SO, ,SAD DUS SU SNGAR BSHAD PA'I RLUNG NUS MA THOB PAS KYANG GNYID DU 'GRO KHAR DMIGS PA SNGA MA GNYIS BYAS NA NYIN MO SGOM PA LA PHAN THOGS PAS BYAS NA LEGS SO, ,GNYID KYI 'OD GSAL SHAR BA NA LTA BA DRAN PAR BYAS LA, JI SRID DU RLUNG GIS MA GA-YOS BA DE SRID DU DE 'BA' ZHIG SGOM DGOS SO, ,'DI LA GNYID 'THUG DRAGS NA DRAN PA NYAMS PA PHUL CHE BAS 'OD GSAL MI ZIN LA, GNYID MA BYUNG NA NI GZHI STOR BAS MI ZIN PAS, GNYID DU YANG 'GRO BA DANG GNYID CUNG ZAD SRAB PA GNYIS TSOGS CIG DGOS PA LA, GNYID MA BYUNG NA KHA ZAS DROD

, ,BCUD CAN BSTEN PA DANG, BSKU MNYE SOGS GNYID 'ONG BA'I RGYU BSTEN TE, 'DI LA STONG 'BYAMS GCOD PA ZHES KHA CIG ZER RO, ,GNYID 'THUG DRAGS NA SNYING KHA'I THIG LE SHIN TU 'TSER BA DANG, 'OD PHUNG CHEN PO 'PHROS TE GNAS KHANG TZAM MAM, MAL GYE KHYON TZAM DU NYI MA SHAR BA LTA BU BSAMS TE, 'DI LA SDUG 'BYAMS GCOD PA ZHES KHA CIG ZER RO, ,GNYID SRAB KYANG MI ZIN NA DROD 'BYAMS GCOD PA BYA ZHES ZER MOD KYANG, SNGAR BSHAD PA LTA BUS 'DZIN PA LA DE MI 'ONG NGO, ,GNYID KYI 'OD GSAL SHAR NAS RING DU SKYONG DGOS PA LA, DE LA SANG SKYIN NA SAD 'BYAMS GCOD PA'I MAN NGAG GZHAN 'GA' RE SNANG YANG, MAN NGAG DAM PA NI 'DI YIN TE, 'OD GSAL GYI TING NGE 'DZIN SRAB TU SENG NAS LDANG BAR RTZOM PAR SNANG NA, DE MA THAG SNYING KHA'I MI SHIGS PA LA DMIGS PA GTAD NA, SNYING KHA NAS RLUNG CUNG ZAD GYES PA SLAR YANG DER 'DUS NAS 'OD GSAL BRTAN PAR 'GYUR RO, ,NYIN MO BUM PA CAN LA BYANG NA'ANG, GNYID DU 'GRO KHAR SNYING KHA'I BUM PA CAN BYAS LA BZUNG ZHING, SAD 'BYAMS KYANG DES GCOD DO, ,SAD DUS RDOR BZLAS SOGS BYAS PAS RLUNG RE 'GA' 'DUS KYANG, RTAGS BZHI DANG STONG PA RNAMS KHRIGS CHAGS MIN PAR 'CHAR BA DANG, STONG PA'I NGO BO 'DOD PA BZHIN MA SHAR NA, DES GNYID KYI STONG PA BZHI 'DZIN PA LA 'BAD NAS, DE'I NYAMS MYONG SKYES NUS NA SAD DUS KYI RDOR BZLAS SOGS SGOM PA LA TSUR BOGS 'DON PA DANG, PHAR LA BOGS 'DON PA GNYIS KA SHES PA GNAD CHE'O, ,'DI'I SKOR YANG YID CHES PA'I KHUNGS DANG BCAS PA RIM LNGA GSAL SGRON DU RGYAS PAR BSHAD ZIN TO,, ` ,,GNYIS

PA LA GSUM, RMI LAM BZUNG BA DANG, RMI LAM SBYANG BA DANG, GCIG TU BYED PA'I BSAM GTAN NO, ,DANG PO LA GNYIS, RMI LAM 'DZIN THABS KYI DBYE BA DANG, RMI LAM 'DZIN PA DNGOS SO, ,DANG PO NI, RMI LAM 'DZIN PA 'DI LA RLUNG STOBS KYIS 'DZIN PA DANG, 'DUN PA'I STOBS KYIS 'DZIN PA GNYIS YOD PA SO SOR PHYED DGOS SO, ,DE LA DANG PO NI SAD DUS SU RLUNG DH'U T'IR TSUD NAS THIM PA LAS STONG PA BZHI 'DREN NUS PA GCIG GIS BYED PA YIN TE, BYED TSUL NI SNGAR BSHAD PA LTAR GNYID KYI 'OD GSAL THOG MAR BZUNG BA'I TSE, GNYID KYI STONG PA BZHI LEGS PAR NGO SHES NAS SKYONG BA NA, DE'I PHYI LOGS SU RMI LAM 'CHAR BA NGES PAR SHES PAS, DE LA NI GNYID KYI STONG PA RNAMS 'DZIN PA'I THABS LAS GZHAN PA'I RMI LAM 'DZIN THABS MI DGOS SO, ,GNYIS PA NI DE 'DRA BA'I NUS PA MED PA GCIG GIS SAD DUS SU RMI LAM ZIN THABS KYI 'DUN PA SBYONG BA DANG, MGRIN PA LA SOGS PAR DMIGS PA GTOD PA YIN NO, ,DE LA SNGAGS KYI THUN MONG MA YIN PA'I RMI LAM 'DZIN LUGS GTZO BO NI SNGA MA YIN LA, PHYI MA NI THUN MONG BA PHAL PA'O, ,'DI LA DON LNGA MAR MTSUR GYI LUGS KYIS SNYING KHAR DMIGS PA GTAD NAS RMI LAM 'DZIN PA DANG, MES MTSON GYI LUGS KYIS MGRIN PAR DMIGS PA GTAD NAS RMI LAM 'DZIN PA'I TSUL GNYIS BSHAD NAS, SNYING KHAR GTOD PA 'OD GSAL DANG 'BREL, MGRIN PAR GTOD PA RMI LAM DANG 'BREL ZHES ZER MOD KYANG, RMI LAM RLUNG STOBS KYI ZIN PA CIG YIN NA, GNYID KYI STONG PA BZHI SNGON LA BZUNG NAS BYED LA, DE LA NI SNYING KHAR DMIGS PA GTOD PA YIN NO, ,'DUN PA'I STOBS

, ,KYIS 'DZIN DGOS PA CIG YIN NA, RMI LAM ZIN PA'I SNGON DU GNYID KYI STONG PA BZHI MI ZIN PAS MGRIN PAR GTOD DO, ,'O NA RTZA TSIG LAS MGRIN PAR RMI LAM 'DZIN PA'I GNAD YOD PAR BSHAD PA DE, 'DUN PA'I STOBS KYIS 'DZIN DGOS PA KHO NA LA YIN NAM SNYAM NA, RLUNG STOBS KYIS RMI LAM 'DZIN NUS PAS KYANG, GNYID DU 'GRO KHAR MGRIN PAR DMIGS PA GTAD NA, GNAS DE'I DH'U T'IR RLUNG THIM NAS STONG PA BZHI SNGON DU 'CHAR BA CIG YOD MOD KYANG, SNGON DU SNYING KHAR RLUNG MA 'DUS PAR MGRIN PAR MI 'DU LA, SNYING KHAR 'DUS NAS THIM PA LAS BYUNG BA'I STONG PA BZHI 'DRA BA GNAS GZHAN DU 'CHAR MI THUB PAS, GNYID DU 'GRO KHAR SNYING KHAR DMIGS PA GTOD DGOS SO, ,'ON KYANG RMI LAM SHAR ZIN PA'I 'OG TU GNYID KYI DUS SU RMI LAM YUN RING BA CIG 'DOD NA SNGON LA MGRIN PAR DMIGS PA GTAD DE SEMS YUD CIG BZUNG NA RMI LAM GYI NGANG NAS DGE SBYOR SKYONG BA RGYUN RING BA CIG 'BYUNG BA'I DBANG DU BYAS NAS, RMI LAM GYI DGE SBYOR GYI GNAD MGRIN PAR YOD PAR BSHAD DO, ,GNYIS PA NI RLUNG STOBS KYIS ZIN PA YIN NA, RMI LAM MA SHAR BA'I SNGON NAS PHYI LOGS SU RMI LAM 'CHAR BA SHES TE, DE YANG LUGS MTHUN GYI GNYID KYI STONG PA BZHI PA'AM, YANG NA GNYID KYI LUGS ZLOG GI STONG PA THA MA NAS RMI LAM 'BYUNG BAR 'GYUR BA SHES PA DES RMI LAM BZUNG BAS CHOG GO ,'DUN PA'I STOBS KYIS 'DZIN DGOS PA YIN NO, SPYIR LAM SGOM PA LA MI LTOS PAR GZHI DUS NAS KYANG RMI LAM GSAL BA'I RIGS 'GA' ZHIG LA, RMI LAM ZIN PA MANG PO 'ONG BAS RMI LAM ZIN PA TZAM ZHIG LAM BSGOMS NAS BSGRUB MI DGOS

LA, DE BZHIN DU BYA BA 'GA' ZHIG LA SAD DUS SU 'DUN PA DRAG PO YOD NA, RMI LAM NA DE 'BYUNG BA YANG MANG BA'I GNAD KYIS, NYIN PAR RMI LAM ZIN PA'I DRAN 'DUN DRAG PO RGYUN CHAGS PA BTANG NA'ANG RMI LAM ZIN PA SKYED NUS PAS, DE TZAM ZHIG SKYED DKA' BA MIN NO, , 'DI LA RMI LAM MA SHAR NA, RMI LAM GYI DGE SBYOR GYI GZHI STOR BAS 'CHAR BA CIG DGOS LA, RMI LAM BYUNG YANG MI GSAL BA'I RIGS YIN NA ZIN DKA' BAS, RMI LAM GSAL PO 'CHAR BA CIG DGOS TE, RMI LAM GSAL BA NA SAD RJES SU RMI LAM KUN MI BRJED PAR BSHAD RGYU 'ONG BA'O, ,DES NA DANG PO NAS RMI LAM SHIN TU GSAL BA DANG, DE MIN KYANG GNAS DBEN PA LA SOGS PA RIG PA DANGS PA'I RGYU'I KHYAD PAR TSOGS PA'I SKABS DANG, MTSAN GCIG GI'ANG THO RANGS KYI DUS LTA BU RIG PA NAM GSAL BA'I DUS SU RMI LAM ZIN PAR SLA BA YIN NO, ,DE'I PHYIR NYIN PAR GYI DRAN 'DUN DRAG PO DES BZHAG PA'I BAG CHAGS RMI LAM GYI DUS SU SAD THUB PA LA NI, RMI LAM GYI DUS KYI SHES PA SHIN TU GSAL BA CIG DGOS PAS, DE'I THABS KYANG NYIN MO BSGRUB DGOS SO, ,DE NI MAN NGAG RNAMS LAS BSHAD PA LTAR MGRIN PA DANG SMIN MTSAMS SU SHES PA GTOD PA DANG, DMIGS YUL SHIN TU 'TSER BA'I RNAM PA CAN SGOM PA DANG, RLUNG SBYOR BYAS NAS RIG PA DANGS SNYIGS 'BYED PA SOGS YIN NO, ,NYAL KHAR MGRIN PA DANG DPRAL BA SOGS SU DMIGS PA GTAD NA, SNYING KHAR RLUNG 'DU TSABS CHUNG BAS GNYID SRAB PA'I GNAD KYIS RIG PA GSAL BAR SLA BA DANG, NYAL KHAR MGRIN PAR SEMS BZUNG BA GOMS PAS KYANG DA GZOD RMI LAM SHAR BA NA RMI LAM YUN RING NGO, ,DE LTAR

, ,SNGAR BSHAD PA LTAR DU RMI LAM GYI GDAMS NGAG GI GNAD RNAMS LA GO BA LEGS PAR BTZAL NAS BYAS NA, RNAM PAR DAG PA'I MYONG BA CAN MKHAS PAR 'GRO YI GZHAN DU NA MYONG BA CUNG ZAD SKYES KYANG THOMS SE BA LAS MI 'ONG STE, MAN NGAG GZHAN RNAMS LA'ANG DE DANG 'DRA'O, ,RMI LAM 'DZIN PA LA'ANG RANG LHAR SGOM PA DANG, GNAD BZHI TSANG BA DANG, BLA MA'I RNAL 'BYOR BSGOMS TE MCHOD NAS RMI LAM MANG PO DANG, GSAL PO DANG, BZANG PO RMI BA DANG, RMI LAM ZIN PA DANG, ZIN NAS KYANG RMI LAM GYI DGE SBYOR RNAMS RGYUD LA SKYE BA'I 'GAL RKYEN ZHI ZHING MTHUN RKYEN TSANG BA'I GSOL BA DRAG PO MANG DU 'DEBS PA DANG, YI DAM DANG BKA' SDOD LA'ANG GTOR MA PHUL NAS 'PHRIN LAS DRAG TU BCOL ZHING MTSAMS DAM PAR BYA'O, ,DE NAS NYIN PAR DRAN PA RGYUN CHAGS KYIS BZUNG BA NI, DA LTAR GYI SNANG BA 'DI RNAMS RMI LAM GYI SNANG BAR 'DUG SNYAM PA DANG, DE RMI LAM LA RMI LAM DU NGO SHES PAR BYA SNYAM PA'I 'DUN PA DRAG PO YANG YANG SBYANG, GZHAN YANG DA GZOD RMI LAM BYUNG BA'I DUS SU CI NAS KYANG RMI LAM DU NGO SHES PAR BYAS LA RMI LAM GYI DGE SBYOR BSKYANG PAR BYA'O SNYAM PA'I 'PHEN PA DRAG PO MANG PO SBYANG, KHYAD PAR DU NYAL KHAR RGYUN LDAN DU SBYANG STE, RMI LAM GSAL NA 'DI GCIG PUS KYANG ZIN PAR 'GYUR RO, ,MTSAN MO MAN NGAG BTZAN THABS KYIS BZUNG BA LA GNYIS LAS, RTEN CAN NI MGRIN PAR PADMA 'DAB MA BZHI PA'I LTE BA LA AA SHAD KYI RNAM PA CAN GSAL GDAB DE NAS RMI LAM LA RMI LAM DU NGO SHES PAR BYA'O SNYAM PA'I 'PHEN PA BTANG LA, AA LA DMIGS PA GTAD PA'I

NGANG NAS GNYID LOG PAR BYA'O, ,'DAB MA BZHI LA AA NU TA RA BKOD NAS RIM PA BZHIN DU DMIGS PA'I MAN NGAG NI GNYIS MED RNAM RGYAL RDZUS MA LAS 'BYUNG MOD KYANG, DE LA NUS PA LHAG PO MI SNANG BAS MA BRIS SO, ,SAD PA NA BLTAS PAS MA ZIN PAR 'DUG NA YANG SNGAR BZHIN DU BYED PA YIN TE, DE LTAR NUB GCIG DANG SO SO LA MANG DU BYA'O, ,RMI LAM ZIN PA NA MYUR POR SAD PA'I SAD 'BYAMS GCOD PA MANG DU BSHAD KYANG, GTZO BO NI RLUNG STOBS KYIS ZIN PA YIN NA, MGRIN PA'I AA LA GTOD PA NYID GNAD CHE, DE LTA MIN NA'ANG DER DMIGS PA GTOD PA'I SGO NAS SEMS 'DZIN PA LA GOMS PA YOD NA DE KA BYA ZHING, SNGAR GOMS PA MED NA'ANG GOMS SU GZHUG GO ,RTEN MED NI 'PHEN PA BTANG NAS MGRIN PA'AM SNYING KHA GANG RUNG DU RLUNG BUM PA CAN BZUNG STE, SEMS KYANG DER GTOD PA YIN GSUNG NGO, ,MGRIN PA'I GNAD LA BRTEN NAS RMI LAM BTZAN THABS SU BZUNG BA NI, RANG RDO RJE 'CHANG DAM TSIG PAR GSAL BA'I MGRIN PAR PADMA'I LTE BA LA RANG 'DRA'I YE SHES SEMS DPA' MTSON GANG PA GCIG BSGOM, DE'I THUGS KAR THIG LE YUNGS 'BRU TZAM CIG BSAM, THIG LE LAS BDUD RTZI ZAGS PAS LUS THAMS CAD BDE BAS KHENGS TE, SEMS DPA' GNYIS THIG LE LA BSDUS LA RMI LAM LA RMI LAM DU NGO SHES PAR BYA'O SNYAM DU BSAMS TE, THIG LE LA DMIGS PA GTAD NAS GNYID LOG GO ,BLA MA KHA CIG NI N'A RO CHOS DRUG LAS 'BYUNG BA'I RMI LAM GYI 'BYAMS GCOD MANG PO 'DI'I GDAMS NGAG TU MDZAD PAR SNANG NGO,, ` ,,GNYIS PA LA GNYIS, RMI LAM GYI DGE SBYOR GTZO BOR GANG LA SBYANG BA DANG, SBYANGS THABS

, ,GZHAN YANG BSTAN PA'O, ,DANG PO NI, RLUNG STOBS KYIS 'DZIN NUS PA YIN NA LUGS MTHUN GYI STONG PA BZHI PA LAS LDANG BAR RTZOM PA NA, NGAS GNYID CHOS KYI SKU LAS RMI LAM LONGS SKUR LDANG BAR BYA'O SNYAM DU BSAMS LA, 'OD GSAL GYI NGANG NAS RDO RJE 'CHANG YAB YUM GYI SKUR YUD TZAM GYIS LDANG BAR BYA'O, ,RMI LAM MA SHAR BA'I GNYID KYI DGE SBYOR GYI GTZO BO NI, GNYID KYI 'OD GSAL NYID SKYONG BA YIN PA DE BZHIN DU, RMI LAM GYI DGE SBYOR GYI GTZO BO YANG 'OD GSAL GYI NGANG NAS RMI LAM GYI SGYU LUS RDO RJE 'CHANG GI SKUR LDANG BA DANG, LANGS NAS SGYU MA LTA BU'I SKU'I TING NGE 'DZIN SGOMS PA SOGS YIN TE, SAD DUS SU RLUNG THIM PA LAS BYUNG BA'I STONG PA BZHI SGOM PA DANG, DE'I MTHAR LHA'I SKUR LDANG BA'I BDEN GNYIS DANG RJES SU MTHUN PA'I RDZOGS RIM SGOM PA'I LAM, CHES CHER KHYAD ZHUGS PAR BYA BA'I DON DU GNYID DUS SU STONG PA BZHI DANG RMI LAM GYI SGYU LUS SGOM PA YIN PA'I PHYIR RO,, ,,DES NA SAD DUS SU TSUL DE GNYIS LAN DU MAR SGOM PA BZHIN DU, GNYID DUS SU YANG DANG POR GNYID KYI STONG PA BZHI BSGOMS PA'I MTHAR RMI LAM 'CHAR BA NA, RMI LAM GYI LUS SGYU MA'I SKUR LDANG, SLAR YANG GNYID KYI 'OD GSAL 'DZIN PA'I MAN NGAG BYAS NAS DE GNYIS SPEL MAR SGOM PA YIN NO, ,SAD DUS KYI TSUL GNYIS BSGOMS PAS KYANG GNYID DUS KYI TSUL GNYIS SGOM PA CHES KHYAD ZHUGS TE, PHAN TSUN DU NUS PA KHYAD PAR CAN 'DEN BA SHES PAR BYA'O, ,RMI LAM 'DUN PA'I STOBS KYIS 'DZIN DGOS PAS NI SNGAR LTAR BYED MI NUS PAS, THOG MAR

RMI LAM ZIN PAR BYAS PA'I MJUG TU LHA'I SKUR LDANG BA LA BSLAB BO, ,GNYIS PA NI, SGYU MA'I RNAM THAR SBYONG BA LA GNYIS LAS 'JIG RTEN PA'I RNAM THAR LA SBYONG BA NI, SNGAR MED PA GSAR DU SPRUL PA DANG, SNGAR YOD PA RNAM PA GZHAN DU BSGYUR BA'I SPRUL SGYUR SNA TSOGS LA SLOB PA DANG, ME DANG CHU DANG GA-YANG LA MCHONG BA SOGS BYAS NAS NYAM NGA BA DANG, BAG TSAB MED PAR BYED PA DANG, LHA DANG MI'I YUL LA SOGS PA'I GNAS BLTA BA'I 'PHEN PA BTANG NAS DER 'GRO BA DANG, NAM MKHA' LA 'PHUR NAS 'GRO BA SOGS SNA TSOGS PA'I RTZAL SBYONG BA'O, ,'JIG RTEN LAS 'DAS PA'I RNAM THAR LA SBYONG BA NI BDE BA CAN DANG, MNGON DGA' DANG, 'OG MIN SOGS SANGS RGYAS KYI ZHING DAG PA DANG, DER BZHUGS PA'I SANGS RGYAS BYANG SEMS BLTA BA DANG, MCHOD PA DANG, CHOS NYAN PA SOGS KYI 'PHEN PA BTANG NAS DE RNAMS SGRUB PA'O, ,'DI DANG GONG MA GNYIS KAR PHYAG RGYA MA DANG MNYAM PAR SBYAR NAS DGA' BA BZHI SKYED PA SOGS BYED PAR YANG MAN NGAG LAS 'BYUNG NGO, ,'DI RNAMS LA RLUNG STOBS KYIS RMI LAM ZIN PA YIN NA, , RLUNG LEGS PAR BYANG BA'I GNAD KYIS, 'DUN PA GANG BTANG PHAL MO CHE 'DOD PA BZHIN BYA BAR SLA LA, DE 'DRA BA'I NUS PA MA THOB PAS NI GOMS PA MANG DU DGOS SO, ,DE GNYIS KAS DAG PA'I SNOD BCUD MTHONG BA SOGS NI DE DAG DANG RNAM PA 'DRA BA TZAM 'GA' ZHIG SHAR BAR ZAD KYI DNGOS MTHONG BA SOGS SU BZHAG PAR DKA'O, ,LUNG STON LA YANG PHYI MA'I LUNG STON 'GA' RE BDEN PAR SNANG YANG PHAL MO CHE NGES PA MED LA, SNGA MA YIN NA RMI LAM GYI DGE SBYOR GYI GNAD GZHAN 'GA' ZHIG DANG, RLUNG

, ,BYANG BA'I GNAD GZHAN 'GA' ZHIG LA BRTEN NAS MI 'KHRUL BA BYA BA'I THABS SHIG YOD PAR SNANG NGO, ,GSUM PA NI, DE LTAR SBYANGS PA THAMS CAD KYANG RANG BZHIN MED PAR RTAGS PA'I LTA BA'I STENG NAS RMI LAM GYI DE KHO NA NYID SGOM PA CIG DGOS LA, DE'I TSUL NI RMI LAM GYI BUM PA DANG SNAM BU SOGS DE DAG TU SNANG YANG, DE'I NGO BOS STONG PAR RTOGS PA NI, RMI LAM LA RMI LAM DU NGO SHES PA NA 'BYUNG YANG, DE TZAM GYIS RMI LAM GYI RANG BZHIN MED PA RTOGS PA NI MIN TE, DPER NA SAD DUS SU ME LONG LA SHAR BA BZHIN DU SNANG BA BZHIN GYIS STONG PAR RTOGS KYANG GZUGS BRNYAN GYI DE KHO NA NYID RTOGS PA MIN PA BZHIN NO, ,DES NA RMI LAM LA RMI LAM DU MA SHES PAR 'KHRUL BA NI, BYIS PA CHUNG NGUS BYAD BZHIN GYI GZUGS BRNYAN LA BYAD BZHIN DNGOS YIN PA DANG 'DZIN PA DANG 'DRA, RMI LAM LA RMI LAM DU SHES PA NI RGAN PO BRDA LA BYAD PAS BYAD BZHIN DU SNANG YANG BYAD BZHIN GYIS STONG PAR SHES PA DANG 'DRA, BYAD BZHIN GYI GZUGS BRNYAN BYAD BZHIN GYIS STONG PA DPER BYAS NAS CHOS GZHAN RNAMS KYANG DE BZHIN DU RANG GI NGO BO NYID KYIS GRUB PA'I RANG BZHIN MED PAR SHES PAR BYED PA BZHIN DU, RMI LAM LA RMI LAM DU SHES PA DE DPER BLANGS NAS, CHOS GZHAN THAMS CAD KYANG 'DI DANG 'DRA BAR BDEN PAR GRUB PA CUNG ZAD KYANG MED DO SNYAM DU NGES PAR BYA STE, BDEN 'DZIN GYIS JI LTAR BZUNG BA LEGS PAR SHES NAS, DES BZUNG BA LTAR MED PA'I RGYU MTSAN YANG DAG RNAMS SHES DGOS SO, ,DE NI RMI LAM NA'ANG CHOS THAMS CAD RMI LAM LTA BUR BLTA BAR GSUNGS PA'I DON TE, SNGAGS DANG

MTSAN NYID GNYIS KA'I THUN MONG BA'O, ,'DIR DE GZHIR BZUNG NAS THUN MONG MA YIN PA NI 'OD GSAL DANG GCIG TU BYED PA YIN LA, DE NI RANG RDO RJE 'CHANG YAB YUM DU GSAL BAR BSGOMS LA, DE NAS RJES GZHIG GI BSAM GTAN GYIS RMI LAM GYI SNOD BCUD KYI SNANG BA THAMS CAD SDUD PA DANG, RANG YANG 'OD GSAL DU 'JUG PA 'CHAD PA LTAR BYAS NA, SAD DUS KYI YID NGO'I SNANG BA DANG RMI LAM GYI YID NGO'I SNANG BA GNYIS PHYI MA SDUD PA CHES SLA BA DANG, DE'I DUS SU RLUNG SHIN TU RAGS PA 'GA' ZHIG KYANG THIM YOD PA'I GNAD KYIS SLAR YANG RLUNG SNYING KHAR 'DU ZHING RMI LAM GYI SNANG BA MI 'CHAR BAR GNYID DU 'GRO'O, ,DE'I TSE GNYID KYI STONG PA RNAMS CUNG ZAD NGES NUS LA, LAN 'GA' ZUNG LA NGES MA NUS NA'ANG, DE GOMS PAR BYAS PA NA RNAM PA GSAL POR GNYID KYI STONG PA RNAMS NGES NUS PA CIG 'ONG NGO, ,DE'I SDUD RIM DANG STONG PA RNAMS RE BRTAN BYUNG NA, NYIN MO SNYING KHAR MI SHIGS PA SGOM PA SOGS LA'ANG BOGS THON PAR 'GYUR ZHING, MTSAN MO'I GNYID KYI STONG PA RNAMS GNYID DU THOG MAR 'GRO BA'I MTSAMS NAS MA ZIN KYANG, RMI LAM ZIN PA'I RJES NAS SNGAR BZHIN BYAS PAS KHYAD PAR CAN ZIN PAR 'GYUR RO, ,DE'I MTHAR 'OD GSAL GYI NGANG NAS RMI LAM GYI LUS SGYU MA'I SKUR LDANG BA SNGAR BSHAD PA BZHIN DU BYA'O, ,DE BRTEN NAS 'DI DANG SNGA MA GNYIS KA LA RMI LAM GYI LUS SGYU MA'I SKUR LDANG LUGS KHYAD PAR CAN CIG SNANG BA DE BLA MAS ZHIB TU BSTAN PAR BYA STE, DE NI RMI LAM GYI GDAMS NGAG GI YANG SNYING PO YIN LA KHYAD PAR DU RMI LAM LA BRTEN NAS BAR DO SGYU MA ZIN PA'I THABS BLA NA MED PA YANG YIN NO, ,DES NA RMI LAM RLUNG GI

, ,STOBS KYIS MI ZIN PAS KYANG, 'DUN PA'I STOBS KYIS ZIN PA BRTAN PA DANG, SAD 'BYAMS LEGS PAR BCAD DE RMI LAM RING DU 'ONG BA BYA NUS PA'I MTSAMS NAS, RMI LAM DANG 'OD GSAL GCIG TU BYED PA'I GDAMS NGAG 'DI'I GNAD SHES NAS GOMS PAR BYAS NA, NYIN PAR GYI RLUNG 'DU BA MYUR DU 'GRO BA'I THABS KHYAD PAR DU 'PHAGS PA CIG TU MTHONG NGO, ,GNYID KYI STOD LA GNYID CHOS SKU DANG BSRE BA DANG, BAR DU RMI LAM LONGS SKU DANG BSRE BA DANG THA MAR SANG BA SPRUL SKU DANG BSRE BA STE, GNYID KYI SKOR GYI BSRE BA GSUM GYI RNAM GZHAG MANG PO ZHIG NI RIM LNGA GSAL SGRON DU BSHAD ZIN LA, BLA MAS ZHIB TU BSHAD DGOS PA 'GA' ZHIG KYANG YOD DO,, ` ,,GNYIS PA BAR DO SGYU MA LA GSUM, BZUNG BA DANG, SBYANG BA DANG, GCIG TU BYED PA'I BSAM GTAN NO, ,DANG PO LA GNYIS, 'DZIN PA PO'I GANG ZAG GI DBYE BA, DE RNAMS KYIS JI LTAR 'DZIN PA'I TSUL LO, ,DANG PO NI, BAR DO SGYU MA 'DZIN PA 'DI LA GANG ZAG RNAM PA GSUM YOD DO, ,RAB NI ZHAL LUNG DANG SPYOD BSDUS DANG SGRON GSAL LAS GSUNGS PA LTAR 'CHI BA'I MTHAR BAR DO DE 'ONG BA'I DOD LA SGYU MA'I LONGS SKU GRUB NAS, RTEN DE LA 'TSANG RGYA BA GCIG STE, 'DI LA BOD KYI MKHAS PA SNGA MA RNAMS LE LO CAN BAR DOR 'TSANG RGYA BA ZHES PA'I THA SNYAD MDZAD DE, LE LO MED KYANG TSE 'DIR SPYOD PA BYED PA'I YO BYAD MA TSANG BA BAR DOR 'TSANG RGYA BA GCIG KYANG YOD PAS, MING DE NI PHYOGS GCIG GIS BTAGS PA'O, ,'DI LA TSE 'DIR LAM GYI RTOGS PA JI TZAM ZHIG THOB PA DGOS SNYAM NA, RIM PA DANG PO PHRA RAGS GNYIS MTHAR PHYUNG,

DE NAS LUS DBEN DANG NGAG DBEN MTHAR PHYIN NAS SEMS DBEN THOB PA CIG DGOS TE, RGYAS PAR RIM LNGA GSAL SGRON DU BSHAD ZIN TO, ,GANG ZAG 'BRING NI RLUNG DH'U T'IR TSUD NAS THIM PA LAS BYANG BA'I STONG PA BZHI SKYED PA BYED PA CIG YIN NO, ,'DI LA YANG 'OG SGO'I PHRA MO BSGOMS STOBS KYIS DE NUS PA LUS DBEN GYI SKABS LTA BU DANG, NGAG DBEN GYI SKABS LTAR SNYING KHA'I DH'U T'IR THIM STOBS KYIS NUS PA SOGS MANG DU YOD LA, DE LTAR NUS PA'I STENG NAS GNYID KYI STONG PA DANG LEGS PAR BSRE NUS NA NI SHIN TU BSNGAGS TE, GNYID KYI STONG PA DANG BSRE BA NI RLUNG STOBS KYIS 'CHI BA'I STONG PA DANG BSRE BA'I TSAD 'DZIN LTA BU YIN PA'I PHYIR RO, ,DE LA NI GNYID SHIN TU 'THUG PA'I SKABS SU YANG DE'I STONG PA DANG BSRE NUS NA LEGS PAR MNGON NO, ,THA MA NI, DBANG RDZOGS PAR THOB CING DAM TSIG DANG SDOM PA BSRUNG BA, RIM PA DANG PO'I RNAL 'BYOR LA BRTZON ZHING RDZOGS PA'I RIM PA SGOM PA ZHIG GIS 'CHI BA'I DUS SU SA CHU LA THIM PA'I RTAGS NAS 'CHI BA'I 'OD GSAL DNGOS GZHI 'CHAR BA'I RIM PA DANG, DE LAS LANGS PA'I DE MA THAG TU BAR DO 'GRUB PA'I RIM PA LEGS PAR SHES NAS, DA LTA NYIN RE BZHIN DE'I GDAMS NGAG RNAMS SBYONG BA YIN TE, 'DI NI RMI LAM 'DUN PA'I STOBS KYIS 'DZIN PA DANG 'DRA STE, 'CHI BA'I 'OD GSAL RLUNG STOBS KYIS MI ZIN KYANG, DE'I GDAMS NGAG LA GOMS PA'I STOBS KYIS 'JUG PA'I PHYIR RO, ,DE RNAMS MIN PA'I TSE 'DIR SEMS GNAS BRTAN PO'I GOMS PA SHAS CHE BAS KYANG, 'CHI BA LA NYE BA'I TSE TING NGE 'DZIN DE YID LA BYAS NA, DE'I RGYUN 'BYUNG BAR MNGON TE, CHE 'DIR GANG GOMS PA BRTAN CHA CHE BA'I DGE BA'I

, ,SEMS DRAN NA, 'CHI SRID KYI SNGA LOGS BAR DU 'JUG PAR GSUNGS PA'I PHYIR RO, ,'ON KYANG 'DI NI GNYID KYI 'OD GSAL GYI SKABS SU BSHAD PA LTAR TING NGE 'DZIN THUN MONG BA YIN NO, ,GNYIS PA NI, GANG ZAG DANG POS NI TSE 'DIR STONG PA BZHI 'DREN PA'I GDAMS NGAG BSAM GTAN GNYIS GANG RUNG GI RNAL 'BYOR BYED CING, 'CHI BA'I 'OD GSAL DON DAM DANG BSRE BA DANG, DE LAS LANGS PA'I DE MA THAG 'OD GSAL GYI RLUNG SEMS LAS GZHAN LA BAR DAR SKYE BA'I DOD LA LONGS SKU SGYU MA'I LUS SU LDANG BAR BYA'O SNYAM PA'I 'PHEN PA BTANG NA, JI LTAR 'PHEN PA BTANG BA BZHIN DU 'GRUB PAR GSUNGS SO, ,GANG ZAG 'DIS SNGON LA BAR DO RANG KA BA GRUB NAS DE'I RTEN LA LAM BSGOMS NAS 'TSANG RGYA BA MIN GYI SNGAR LTAR YIN LA, 'CHI BA'I 'OD GSAL MNGON DU BYAS PA NA, DON DAM BDEN PA MNGON SUM DU RTOGS PA MIN PA SOGS KYANG GZHAN DU RGYAS PAR BSHAD ZIN TO, ,DE LTA NA'ANG BAR DOR 'TSANG RGYA BA'I THA SNYAD BYED PA MI 'GAL TE, RIM LNGAR TSE 'DIR GRUB PA'I SGYU LUS LA BAR DOR GSUNGS PA BZHIN NO, ,'DI LA BAR DO'I TSE TSAD ZHAG ZHE DGU SOGS RTZI BA'I DON MED DO, ,GANG ZAG PHYI MA GNYIS KYIS NI 'CHI BA LA NYE BA'I SNGON RIG PA GSAL BA NA, ZANG ZING YONGS SU BZUNG BA THAMS CAD BSOD NAMS KYI ZHING GI PHYOGS SU LTOS PA MED PAR BLOS LINGS KYIS BTANG LA, CI LA YANG MA CHAGS PAR BYA, KHAS BLANGS PA'I SDOM PA DANG 'GAL BA'I NYES LTUNG RNAMS LA BSHAGS BSDAM DANG, DAM TSIG NYAMS CHAGS SOR GZHUG LA, DA NI SHI NA'ANG SHI MONG SNYAM DU YID LA GCAGS PA MED PAR BYA, 'CHI BA DANG BAR DO'I GDAMS NGAG GOMS PA RNAMS LA DE GNYIS

DGE SBYOR GYI GSAL 'DEBS SU 'GRO BA'I TSUL DRAN PAR BYAS LA, 'CHI BA LA BU PHA KHYIM DU 'GRO BA LTAR DGA' BAR BYA, DE NAS RANG LHAR GSAL 'DEBS PA DANG, MDUN DU BLA MA DANG YI DAM GYI LHA TSOGS BSGOMS NAS MCHOD DE, 'CHI BA 'OD GSAL DANG BSRE NUS PA DANG, BAR DO SGYU LUS DANG BSRE NUS PA'I GSOL BA DRAG PO MANG DU GDAB BO, ,DE NAS GANG ZAG GNYIS PAS NI 'CHI BA'I DUS SU 'BYUNG BA'I 'CHI RTAGS MA SHAR BA'I SNGON NAS KYANG, SNGAR BSGOM PA'I SNYING KHA'I MI SHIGS PA BSGOM PA DANG, RDOR BZLAS SOGS SNYING KHAR GNAD DU BSNUN PA'I GDAMS NGAG RNAMS YANG DANG YANG DU SBYANGS LA STONG PA BZHI 'DREN PA DANG, DE'I MTHAR LHA SKUR LDANG LUGS KHYAD PAR CAN DANG GNYID KYI STONG PA RNAMS 'DZIN PA DANG, RMI LAM GYI LUS SGYU LUS SU LDANG LUGS KHYAD PAR CAN RNAMS BYA ZHING, SNGAR BZHIN 'PHEN PA YANG DANG YANG DU BTANG STE, 'DI NI SNGA MO NAS KYANG MANG DU SBYANG DGOS SO, ,DE NAS 'CHI RTAGS SOGS BRTAG PA NI RAGS PA NYI SHU 'OD GSAL DU 'JUG PA'I RTAGS RNAMS NI RNAM GZHAG GI RNAM BSHAD DU BSHAD PA BZHIN SHES PAR BYA, MDOR BSDUS PA'I RTAGS NI SA CHU LA THIM PA NI PHYI RTAGS LUS BSGUL SKYOD MI NUS SHING, ZUNGS MI THUB PAR LHOD LHOD POR 'GRO ,LUS SA LA BYING BA SNYAM BYED CING, NGA THEN ZER BA 'BYUNG, NANG RTAGS NI SMIG RGYU LTA BU'I NYAMS 'BYUNG, CHU ME LA THIM PA'I PHYI RTAGS NI, KHA SNA'I MCHU SKAM ZHING LCE THUNG DU 'GRO ,NANG RTAGS NI DU BA LTA BU 'BYUNG, ME RLUNG LA THIM PA'I PHYI RTAGS NI, DROD CHUNG NGU 'GRO ZHING LUS KYI DROD MTHA' NAS SDUD, NANG RTAGS NI SRIN BU ME KHYER LTA BU 'BYUNG, KUN RTOG GI RLUNG SEMS LA THIM PA'I PHYI RTAGS NI, DBUGS

, ,PHYIR RING DU RGYU ZHING NANG DU SDUD MI SHES, CUNG ZAD SDUD KYANG RTZUB LA THUNG BAR SDUD, NANG RTAGS NI MAR ME RLUNG GIS MA SKYOD PA LTA BU 'BYUNG, DE NAS STONG PA ZHES PA SNANG BA DANG PO 'CHAR TE, NAM MKHA' SPRIN MED LA ZLA BA'I 'OD SHAR BA LTA BU 'BYUNG, DE NAS SNANG BA DE BSDUS PA'I RJES SU SHIN TU STONG PA ZHES PA SNANG BA MCHED PA 'CHAR TE, NAM MKHA' GA-YA' DAG PA LA NYI 'OD SHAR BA BZHIN DU DMAR PO'AM DMAR SER GYI SNANG BA 'CHAR, DE NAS SNANG BA DE YANG BSDUS PA'I RJES SU STONG PA CHEN PO ZHES PA SNANG BA NYER THOB 'CHAR TE, NAM MKHA' GA-YA' DAG PA LA MTSAMS KYI SMAG GIS KHYAB PA BZHIN DU NAG LAM PA 'BYUNG ZHING DRAN PA YANG NYAMS NAS 'GRO ,DE NAS NAG THIB KYIS SONG BA'I DRAN MED DE SANGS PA NA THAMS CAD STONG PA ZHES PA 'CHAR TE, NAM MKHA'I KHA DOG SLONG BYED KYI RKYEN GSUM DANG BRAL BA'I THO RANGS KYI NAM MKHA' GA-YA' DAG LTA BU CIG 'CHAR TE 'CHI BA'I 'OD GSAL DNGOS GZHI'O, ,'DI NI SNANG BA GSUM RIM GYIS THIM NAS RLUNG RNAMS SNYING KHA'I MI SHIGS PA LA THIM PA DANG, SPYI BO'I THIG LE DKAR PO MAR LA BABS, LTE BA'I DMAR PO YAR 'ONGS TE SNYING KHA'I THIG LE LA 'DUS PA'I SKABS YIN NO, ,KHAMS DRUG LDAN MIN PA'I SEMS CAN GZHAN 'CHI BA LA YANG, SNGAR BSHAD PA'I 'OD GSAL KHYEM PA CIG 'CHAR MOD KYANG NGOS MI ZIN NO, ,'BYUNG BA'I THIM RTAGS DE RNAMS NI SNGA TSAD NAS KYANG 'ONG BAS LEGS PAR SHES PAR BYAS LA, RTAGS DANG PO BYUNG BA NAS, SNYING KHA'I MI SHIGS PA'AM, SNYING KHA'I RDOR BZLAS SAM, BSAM GTAN GNYIS GANG RUNG GIS SDUD PA'I RNAL 'BYOR BYA ZHING, RTAGS BZHI SHAR BA NA RTAGS

DE DANG DE YIN NO SNYAM DU NGES PAR BYA ZHING LTA BA DRAN PAR BYA, LHAG MA RNAMS KYI 'CHAR RIM RNAMS DGE SBYOR DANG BSRE BA'I 'PHEN PA BTANG, DE NAS STONG PA DANG PO SHAR BA NA NGOS ZIN PAR BYA ZHING LTA THOG TU BZHAG STE, STONG PA GNYIS PA DANG NYER THOB DRAN THUB PA RNAMS LA'ANG DE LTAR BYA, 'OD GSAL SHAR BA NA LTA THOG TU BZHAG LA MNYAM PAR 'JOG CI THUB BYA, DE NAS 'OD GSAL LAS LDANG BAR RTZOM PA NA SNGAR GYI GOMS PA DANG 'PHEN PA'I GNAD KYIS BAR DO LONGS SKUR LDANG BA'I THABS BYA'O, ,GANG ZAG GSUM PAS KYANG LHAR GSAL BA'I NGANG NAS SNGA CHAD NAS LUGS 'BYUNG DANG, LUGS ZLOG GI 'CHAR RIM RNAMS YID LA BYAS LA, RTAGS SHAR BA NA SNGAR BZHIN 'PHEN PA BTANG LA SNYING KHA'I SDUD RIM GOMS PA GAL CHE BA CIG GI DMIGS PA SBYANG STE, LHAG MA NI SNGA MA BZHIN DU BYA'O, ,KHYAD PAR DU PHYI MA 'DIS BSRE BA GNYIS PO 'DI NUS PA LA, SNGA MO NAS RMI LAM DANG 'OD GSAL GCIG TU BYED PA'I BSAM GTAN DANG, RMI LAM GYI LUS SGYU MA'I SKUR LDANG LUGS KHYAD PAR CAN LA 'BAD PAR BYA'O, ,RMI LAM GYI LUS SGYU LUS SU LDANG BA'I STENG NAS RLUNG STOBS DANG 'DUN PA'I STOBS KYIS BAR DO ZIN PA'I TSAD 'DZIN GNYIS KYANG SHES PAR BYA'O, ,GNYIS PA NI GANG ZAG DANG PAS NI RIM PA GSUM PA'I SGYU LUS 'GRUB PA YIN PAS BSAM GTAN GNYIS KYI SDUD RIM GYIS 'OD GSAL BSGOMS TE SBYONG BA YIN LA, DON GYI 'OD GSAL MNGON DU 'GYUR TSUL DANG, DE'I MTHAR ZUNG 'JUG 'GRUB TSUL SOGS PHAL CHE BA NI GZHUNG NAS 'BYUNG BA DANG 'DRA'O, ,GANG ZAG PHYI MA GNYIS LA NI BAR DO MTSAN NYID PA 'GRUB LA, BAR DO NI GZUGS MED KHAMS SU SKYE NA MA GTOGS

, ,PA 'DOD GZUGS GNYIS KAR SKYE BA LA 'ONG MOD KYANG, 'DIR NI 'DOD PAR SKYE BA'I DBANG DU BYA'O, ,DE YANG SKYE GNAS BZHI KAR SKYE BA LA 'ONG BAS MNGAL SKYES RKYANG PA'I RTZIS BYAR MI RUNG NGO, ,'DI NI 'CHI BA'I 'OD GSAL GYI RLUNG SEMS LAS YAN LAG DANG NYID LAG THAMS CAD DUS GCIG TU 'GRUB STE, 'CHI SRID KYI 'OD GSAL 'GAGS PA DANG, BAR DO 'GRUB PA GNYIS SRANG MDA'I MTHO DMA' BZHIN 'ONG NGO, ,DE YANG DBANG PO KUN CHANG BA, GANG DU SKYE 'GYUR GYI LUS DBYIBS CAN, LAS KYI RDZU 'PHRUL GYI SHUGS DANG LDAN PA, SKYE GNAS MA GTOGS PA LA THOGS PA MED PA, BAR DO'I LUS BLANGS PA DE'I CHE TSAD NI RING MTHA' ZHAG BDUN YIN ZHING TSUN CHAD MA NGES LA, DE LA SKYE SRID DU SKYE MA THUB NA SLAR YANG BAR DOR SKYES NAS ZHAG BDUN GYI TSUL GYIS SKYE BA'I RKYAN GYI TSOGS PA MA RNYED NA ZHAG ZHE DGU BAR DU GNAS LA DA TSUN CHAD KYIS NGAS PAR SKYE BA LEN PA'O, ,BRDZUS TE SKYE NA GNAS LA SRED PA SKYE, DROD SHER LAS SKYE NA DRI RO LA SRED PA SKYE, SGO NGA LAS SKYE BA DANG MNGAL NAS SKYE BA YIN NA, PHA MA NYAL PO BYED PA LA CHAGS SDANG SKYE STE, MOR SKYE NA PHA LA CHAGS MA LA SDANG, PHAR SKYE NA PHA LA SDANG MA LA CHAGS PA'I ZHE SDANG DANG, GZHAN RNAMS KYANG SKYE GNAS LA ZHE SDANG SKYES PAS 'CHI RKYEN BYAS NAS SKYE BA YIN NO, ,DE LA GANG ZAG GNYIS PAS NI BAR DOR RANG SGYU MA'I SKU RJES MTHUN PAR BSKYED PA DE NYID BSAM GTAN GNYIS GANG RUNG GIS 'OD GSAL DU GZHUG PA DANG, DE'I MTHAR SGYU MA'I SKUR LDANG BA STE TSUL GNYIS KYIS SBYANG NGO, ,GANG ZAG GSUM PAS BAR DO ZIN PA NA, SBYONG TSUL NI GANG SNANG THAMS CAD RANG BZHIN MED PAR GTAN LA PHAB LA BSGOM PA DANG,

SNANG BA DE RNAMS RDO RJE 'CHANG GI RNAM PAR 'CHAR BA LA BSLAB CING, SKYE GNAS LA CHAGS SDANG SKYE BA'I TSE SGYU MA LTA BUR GTAN LA DBAB PA DANG, DE YANG YI DAM GYI LHAR BSGOM MO, ,GSUM PA NI, GANG ZAG DE GNYIS KYIS GCIG TU BYED TSUL NI, DE LTAR SBYANGS PA'I MTHAR SNGAGS SPYOD PA'I GNAS KHYAD PAR CAN DU SKYE BA'I 'PHEN PA MANG DU BTANG NAS, 'PHO BA'I GDAMS NGAG GANG RUNG DANG GCIG TU BYAS TE 'PHO BA'AM, BAR DO 'CHI BA'I STONG PA RNAMS LA BSRE TSUL SNGAR LTAR DANG, DE'I MTHAR SPRUL PA'I SKUR LDANG BA'I 'PHEN PA SNGA MA BZHIN BYAS LA SKYE GNAS SU SKYE BA BLANG BAR BYA'O, ,'DI LA YANG THOG MAR 'CHI BA CHOS SKU DANG BSRE BA DANG, DE NAS BAR DU BAR DO LONGS SKU DANG BSRE BA DANG, MTHAR SKYE BA SPRUL SKU DANG BSRE BA GSUM YOD DE, RGYAS PAR NI RIM LNGA GSAL SGRON DU BSHAD ZIN LA, TSE 'DIR YANG BSRE BA GSUM STE BSDU NA BSRE BSKOR GSUM DANG, PHYE NA BSRE BSKOR DGU'I TSUL RNAMS KYANG LEGS PAR SHES PAR BYA'O,, ` ,,GNYIS PA DON DAM 'OD GSAL GYI RDZOGS RIM LA GNYIS, SGYU LUS DNGOS LA BRTEN NAS DON GYI 'OD GSAL GYI YE SHES DNGOS SKYED TSUL DANG, SGYU LUS RJES MTHUN PA LA BRTEN NAS DON GYI 'OD GSAL RJES MTHUN PA BSGOM TSUL LO, ,DANG PO LA GNYIS, SGYU LUS DANG 'OD GSAL GYI GO RIM NGES TSUL, DE LA 'OD GSAL GYI GDAMS NGAG BSHAD PA'O, ,DANG PO NI, SGYU LUS KUN RDZOB BDEN PA SNGON DU MA SKYED NA 'DI'I 'OD GSAL MNGON DU BYA MI NUS PAR GSUNGS PA'I RGYU MTSAN GANG YIN SNYAM NA, SPYIR 'PHAGS PA YAB SRAS KYI LUGS KYIS, CHOS KYI BDAG MED PA'I DE KHO NA NYID KYI DON MNGON SUM DU RTOGS PA NI NYAN RANG 'PHAGS PA DANG YANG THUN MONG BA YIN NA, PHAR PHYIN GYI THEG PA'I SAB

, ,RAB TU DGA' BA THOB PAS DON DAM DE MNGON SUM DU 'GYUR BA LTA SMOS KYANG CI DGOS, SGYU LUS SGRUB PA NI SNGAGS BLA MED KYI KHYAD PAR GYI CHOS THUN MONG MA YIN PA YIN PAS, DON DAM BDEN PA'I 'OD GSAL MNGON SUM DU RTOGS PA TZAM ZHIG LA SNGON DU SGYU LUS SKYED DGOS PAR MI 'DOD DO, DE BZHIN DU LHAN CIG SKYES PA'I BDE BAS, DE KHO NA NYID MNGON SUM DU RTOGS PA TZAM GYI YE SHES BSKYED PA'I PHYIR DU'ANG SGYU LUS SKYED PA MIN GYI DON GYI 'OD GSAL GYI YE SHES KYIS SHES SGRIB SBYONG BA LA NUS PA KHYAD PAR CAN DU 'GYUR BA'I DON DU YIN TE, GZUGS SKU'I THUN MONG MA YIN PA'I RGYU'I GTZO BO YIN PA'I PHYIR RO, ,LHAN SKYES KYI BDE BAS STONG NYID YUL DU BYAS PA LA YUL CAN GYI SGO NAS SHES SGRIB SBYANG BA LA NUS PA KHYAD PAR CAN DU SKYE BA'I SGO GCIG KYANG YOD MOD KYANG, THEG PA GZHAN GYI BSOD NAMS KYI TSOGS MTHA' YAS PA'I DOD NI, RDZOGS RIM GYI SKABS 'DIR SGYU MA'I SKU YIN PAS DE GNYIS SBRAL SHES PA GNAD MTHAR THUG PA YIN NO, ,DE LTAR NA YE SHES CHOS SKU'I RGYU'I GTZO BO DE SHES SGRIB SBYONG BA LA NUS PA KHYAD PAR CAN DU 'GRO BA'I DON DU GZUGS SKU'I RGYU SGRUB PA NI 'DI DANG LAM GZHAN 'DRA MOD KYANG SKU GNYIS KYI RGYU'I GTZO BO GANG LA BYED KHYAD PAR SHIN TU CHE BA YIN NO, ,DE'I PHYIR RIM PA GSUM PA'I SGYU MA'I SKU SGRUB PA NI, DE LA SGYU 'DZIN GYI DRI MA GCIG YOD PA SBYONG BA LA 'OD GSAL DU 'JUG PA MIN GYI, DON GYI 'OD GSAL GYI YE SHES SHES SGRIB SBYONG BA LA NUS PA MTHU CAN DU SKYE BAR 'GYUR BA'I PHYIR DU SGYU LUS SGRUB PA YIN TE, RGYAS PAR NGO SPROD DU BSHAD ZIN TO,, ` ,,GNYIS PA LA GNYIS,

PHYI NANG GI BYANG CHUB PA GNYIS BSHAD PA DANG, DE MNGON DU BYED PA'I THABS BSAM GTAN GNYIS BSHAD PA'O, ,DANG PO NI SGYU LUS THOB PAS BSAM GTAN GNYIS DANG SPYOD PA LA BSLABS PAS DON GYI 'OD GSAL MNGON DU 'GYUR BA LA NYE BAR SLEB PA'I TSE, NYI MA DMAR THAG CHAD PA NA TSOGS KYI MCHOD PA DANG, LEGS PAR BSLABS PA'I PHYAG RGYA PHUL NAS BLA MA MNYES PAR BYAS PAS, BLA MAS MTSAN PHYED NA LAS RGYA LA BRTEN PA'I DBANG GSUM PA'I DNGOS DBANG BSKUR NAS 'OD GSAL MTSON PAR BYED DO, ,DE NAS THO RANGS 'OD GSAL SGOM TSUL GYI GDAMS NGAG PHOG PA BSGOMS PAS, GNYIS SNANG PHRA MO YANG DAG NAS DE KHO NA NYID KYI DON BDE BA CHEN PO'I YE SHES MNGON SUM DU RTOGS PA'I DON GYI 'OD GSAL GYI YE SHES MNGON PAR BYANG CHUB PA'I RIM PA 'THOB BO, ,DE NYID PHYI'I MNGON PAR BYANG CHUB PAR 'JOG PA NI, SNANG BA NYER THOB MTSON PA'I DUS NYI MA DMAR THAG CHAD PA NAS SMAG 'THUG PO MA SANGS TSUN GYI MTSAMS DANG, SNANG BA MTSON PA'I DUS SMAG 'THUG PO SANGS NAS THO RANGS LA MA SLEB PA'I BAR GYI MTSAN MO GNYIS 'DAS SHING, SNANG BA MCHED PA MTSON PA'I DUS NYI MA SHAR NAS DMAR THAG MA CHAD KYI BAR DANG, NYIN MOS MA SLEB PA'I BAR GYI PHYI'I DUS KHYAD PAR CAN THO RANGS KYI DUS LA LTOS NAS MNGON DU 'GYUR BAS NA PHYI'I MNGON PAR BYANG CHUB PA'O, ,YANG DE NYID NANG GI MNGON PAR BYANG CHUB PAR 'JOG PA NI, LUGS MTHUN GYI SNANG BA GSUM 'DAS SHING, LUGS ZLOG GI NYER THOB MA SHAR BA'I NANG GI DUS DER MNGON DU 'GYUR DGOS PAS NA NANG GI MNGON PAR BYANG CHUB PA ZHES

, ,BYA STE, RIM LNGA LAS, ,MTSAN MO SNANG BA'I CHA STE GSAL BA NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS KYIS LAN CIG MIN PAR 'GRO, ,MTSAN MIN NYIN BAR MA YIN MTSAMS MIN GANG ZHIG RANG BZHIN RNAMS DANG RNAM BRAL BA, ,DE NI BYANG CHUB SKAD CIG YIN PAR BLA MA MCHOG BSHAD RNAL 'BYOR PA NYID YUL, ,MTSAMS KYI MTHA' NI 'JIG MIN MUN NAG TSOGS NI MA LUS GANG DU 'DAS PA DANG, ,JI SRID NYI MA MA SHAR SKAD CIG 'DIR NI DRI MED YANG DAG MTHA' RU BSHAD, ,SLOB DPON MCHOG NI RAB RIB BRAL BAS SLOB MA LA NI PHYI ROL BYANG CHUB BSTAN, ,NANG GI BDE BA RNYOG BRAL SANGS RGYAS BYANG CHUB SKAD CIG DAG GIS THOB PAR 'GYUR, ZHES PHYI NANG GI BYANG CHUB PA GNYIS GSUNGS SO, ,CHAG 'GYUR LAS, DE DAG RANG GI RANG BZHIN RNAMS DANG LAN CIG MIN PAR LDAN, ZHES DANG, MUN PA'I MTHA' NI RNAM PAR ZAD CING MTSAMS KYI GZI BRJID MA LUS GANG DU 'DAS GYUR CING, ,JI SRID NYI MA MA SHAR SKAD CIG DRI MA MED PA 'DI LA YANG DAG MTHA' NI BSTAN ZHES 'BYUNG NGO, ,SPYOD BSDUS LAS KYANG MNGON PAR BYANG CHUB PA LA GNYIS LAS PHYI'I MNGON BYANG NI THO RANGS KYI THUN MTSAMS SU MA RIG PA'I SNANG BA 'DAS NAS JI SRID NYI MA GSAL BAR MA GYUR BA STE, 'DI LA NI 'OD GSAL THAMS CAD STONG PA'O ZHES BSHAD PA'I DON NI RIM LNGA LAS, THOB PA DANG SNANG BA'I MTSAN GYI DUS GNYIS 'DAS SHING NYI MA MA SHAR BA'I BAR LA BSHAD PA'I THO RANGS SO, ,NYI MA SHAR BA NA SNANG BA MCHED PA DANG, NYI MA NUB PA'I

MTSAMS SU MA RIG PA DANG, ZLA BA SHAR BA'I TSE SNANG BA'O ZHES BSHAD NAS, NANG GI MNGON BYANG STON PA NA DANG POR SMIG RGYU LTA BU LA 'OD ZER LNGA'I TSOGS DANG LDAN PAR MTHONG NGO, ,GNYIS PA NI SNANG BA STE ZLA BA'I 'OD ZER LTA BU'O, ,GSUM PA NI SNANG BA MCHED PA STONG PA'I 'OD ZER LTA BU'O, ,BZHI PA NI SNANG BA THOB PA STE MUN PA LTA BU'O, ,DE NAS MUN PA DANG BRAL BA'I SKAD CIG LA 'OD GSAL BA STE SHIN TU GSAL BA RTAG TU SNANG BA'I MTSAN NYID CAN DON DAM PA'I BDEN PA'I RANG GI MTSAN NYID YE SHES KYI MIG GIS MTHONG BA ZHES GSUNGS SHING, RTZA RGYUD LE'U BCO LNGA PA'I 'GREL PA SGRON GSAL LAS PHYI NANG GI DUS GNYIS GSAL BAR GSUNGS SO, ,GNYIS PA NI, SGYU LUS THOB PAS DON GYI 'OD GSAL MNGON DU BYED PA'I THABS SU SPYOD PA YANG BYA DGOS MOD KYANG, 'DIR BSAM GTAN GNYIS STON LA DE NI RIM LNGA LAS, MAN NGAG THOB PA'I SLOB MA YIS, ,DE NAS RNAL 'BYOR RNAM GNYIS BSLAB, ,RIL POR 'DZIN PA'I RIM PA DANG, ,JI BZHIN RJES SU GZHIG PA'O, ,MGO BO NAS NI RKANG BA'I BAR, ,JI SRID SNYING KHAR PHYIN GYI BAR, RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DE, ,RGYU BA DANG NI MI RGYU NYID, ,DANG POR 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,DBUGS KYI RLUNG NI ME LONG LA, ,JI LTAR KUN TU THIM 'GYUR BA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, CES GSUNGS SO, ,SPYOD BSDUS LAS KYANG, CHU BO'AM LTENG KA'I CHU NI DRI MED DAG LA GONG BU GNAS PA LTAR, DE BZHIN DE LA RIM GYIS RJES SU 'JIG PAR BYED PAR RNAL 'BYOR PAS NI RTAG

, ,TU BSAM, ,ME LONG LA NI RLUNG DAG RIM GYIS ZAD PAR BYED PA BZHIN DU'ANG BLTA BYA STE, ,RIL POR 'DZIN PA LA'ANG BYA BA'I RIM PA 'DI NI DE BZHIN YANG DAG BRTAG ,CES GSUNGS SO, ,DE LA RIL 'DZIN NI RANG GI MGO BO NAS MAR SDUD PA DANG, RKANG PA NAS YAR SDUD PA'I MTHA' GNYIS KA SNYING KHA YIN PA NI SNYING KHAR PHYIN GYI BAR ZHES PA'O, ,NAG PO PAS MGO BE NAS RKANG PA'I BAR RNAMS SNYING KHA'I SA BON DANG, DE THIG LE DANG, DE STONG PAR SDUD PA LA BSHAD DO, ,DE LTAR SNYING KHAR BSDUS NAS RNAL 'BYOR PA YANG DAG PA'I MTHA'I 'OD GSAL DU 'JUG GO ,DE'I DPE NI DBUGS KYI ZHES PA BZHIS STON TE, ME LONG LA HAS BTAB PA'I KHA RLANGS DE MTHA' KUN NAS DE'I DBUS SU 'DU BA LTAR, RANG GI LUS KYI STENG 'OG DANG RGYAB MDUN DANG GA-YAS GA-YON KUN NAS SNYING KHA'I DBUS SU SDUD PA'O, ,RJES GZHIG NI DANG POR SNOD BCUD 'OD GSAL DU BSDUS PA DE'I RJES SU RANG NYID 'OD GSAL DU SDUD PA'O, ,BDAG NYID DE BZHIN ZHES PA NI NAG PO PAS RIL 'DZIN BZHIN DU BYED PAR BSHAD PA LEGS SO, ,YANG DANG YANG DU ZHES PA NI DE GNYIS LAN DU MAR DGOS PA'I DON NO, ,RJES GZHIG GI DPE NI LTENG KA'I CHU LA KHA BA'I GONG BU GNAS PA DE RIM GYIS ZHU BA'O, ,'DI LA CHAGS 'GYUR LAS, THIGS PA ZHAS 'BYUNG YANG 'GYUR RNYING BDE'O, ,RANG GI PHUNG PO RIM GYIS 'JIG PA GNYIS KA LA YOD KYANG, SNGON DU SNOD BCUD GZHAN BSDUS PA YOD MED KYI KHYAD PAR TZAM MO, ,RJES GZHIG GI SGA DON NI BSHAD PA LTAR YIN LA, RIL PO NI RANG GI LUS DANG DE STONG PA NYID KYIS 'DZIN PA NI RIL 'DZIN GYI DON DU AA BHYAS BSHAD DE, LUS 'OD GSAL

DU BCUG STE 'DZIN PA'O, ,BSAM GTAN GNYIS KYIS SDUD PA'I GNAS MTHAR THUG PA SNYING KHAR BYAS NAS DON GYI 'OD GSAL MNGON DU BYED PA 'DI NI 'PHAGS PA YAB SRAS KYI BZHED PA'O, ,SDUD RIM GYI DMIGS PA 'DI LA DNGOS SU RLUNG SDUD PA GSAL BAR MA BSHAD KYANG, DMIGS PA DE BYAS NA DON LA RLUNG GI SDUD RIM BLA NA MED PAR 'GRO TSUL NI, NGAG DBEN GYI SKABS SU SROG RTZOL SGOM PA GSUM GA SNYING KHAR RLUNG DANG BYANG SEMS BSDUS NAS STOD PA BZHI 'DREN PA'I THABS YIN PAS SHES DGOS SHING, DE LA GOMS PA'I MTHUS SKABS 'DIR DMIGS PA'I SDUD RIM GYIS KYANG RLUNG DANG BYANG SEMS SNYING KHAR BSDUS NAS 'OD GSAL DU 'JUG PAR BYED PAS, SGYU LUS PAS 'OD GSAL DU 'JUG PA'I THABS SGOM PA LA BSAM GTAN GNYIS GSUNGS PA'I RGYU MTSAN NI DE YIN NO, ,DER MA ZAD PHYI'I PHYAG RGYA DANG SNYOMS PAR 'JUG PA DGOS PAR YANG YE SHES RDO RJE KUN LAS BTUS LAS GSUNGS TE, DE'I BYED LAS KYANG DE DANG 'DRA'O, ,BSAM GTAN GNYIS KYIS SGYU LUS 'OD GSAL DU 'JUG PAR GSUNGS PA YANG, RLUNG SEMS SNYING KHAR BSDUS TE STONG PA BZHI YANG DANG YANG DU BSKYED DE GOMS PAR BYAS PA LAS, DON GYI 'OD GSAL MNGON DU GYUR PA'I TSE, SGYU LUS KYANG DAG NAS 'GRO BA'I DON NO, ,SGYU LUS PAS BSAM GTAN GNYIS SGOM PA LA, RDO RJE GSUM GYI SEMS DPA' SUM RTZEG SGOM PA RTZA RGYUD LE'U BCU GCIG PA DANG, DE'I 'GREL PA SGRON GSAL LAS GSUNGS PA BZHIN MDZAD PA NI, RGYUD 'GREL NA BZHUGS PA MAN NGAG TU THON PA YIN PAS SHIN TU LEGS SO, ,DE'I TSUL NI DANG POR RANG GI LUS DANG SEMS CAN GYI LUS GNYIS DANG, RANG GI NGAG DANG SEMS CAN GYI

, ,NGAG GNYIS DANG, RANG GI YID DANG SEMS CAN GYI YID GNYIS DBYER MED DU MOS PAR BYA, DE'I 'OG TU RIM PA BZHIN DBYER MED DU BYAS PA GSUM PO RNAM SNANG DANG 'OD DPAG MED DANG MI BSKYOD PAR SGOM PA NI DAM TSIG SEMS DPA'O, ,DE LTAR BSGOMS PA GSUM GYI THUGS KA GSUM DU RIM PA BZHIN AOm DANG, A'A: DANG H'Um GSUM SGOM PA NI YE SHES SEMS DPA'O, ,YI GE GSUM LA RANG GI SEMS THIG LER GYUR PA 'JOG PA NI TING NGE 'DZIN SEMS DPAR SGRON GSAL LAS GSUNGS PA'I DON NI, YI GE GSUM GYI THIG LE'I NANG DU AA THUNG 'JOG PAR BLA MA MKHAS PA GONG MA RNAMS BZHED DO, ,DE LTAR SEMS DPA' SUM RTZEG BSGOMS NAS RIL 'DZIN SGOM TSUL NI, THUGS KA'I SA BON GANG YIN LAS 'OD ZER SPROS PAS DAM TSIG SEMS DPA'I MGO BO NAS YAS RIM DANG, RKANG MTHIL NAS MAS RIM GYIS SNYING KHA'I YE SHES SEMS DPA' LA BSDU, YE SHES SEMS DPA' RNAMS KYANG RIM GYIS TING NGE 'DZIN SEMS DPA' MI SHIGS PA'I THIG LE AA THUNG LA BSDU ZHING, DE YANG 'OD GSAL DU BSDUS PA LA SEMS GA-YO MED DU 'DZIN PA STE, SKU GSUNG THUGS KYI RIL 'DZIN GSUM MO, ,RJES GZHIG SGOM TSUL NI RANG GI SNYING KHA'I SA BON LAS SPROS PA'I 'OD ZER GYIS THOG MAR RANG MA GTOGS PA'I SNOD BCUD THAMS CAD 'OD DU BZHUS PA'I 'OD PHUNG RIM GYIS RANG LA GZHUG ,DE'I RJES SU RIL 'DZIN LTAR BYED PA'O, ,SPYIR AOm YIG SPYI BO DANG, A'A: YIG MGRIN PAR SGOM PA YIN KYANG, 'DIR NI YI GE GSUM GA SNYING KHAR SGOM PAR GSUNGS PA'I RGYU MTSAN NI, 'OD GSAL 'CHAR BA'I THABS KYI SDUD GNAS MTHAR THUG PA NI SNYING KHA

YIN PA'I GNAD KYIS YIN NO, ,DE LTAR MANG DU BSGOMS PAS RANG GI SEMS 'GOG PA'I RDO RJE 'OD GSAL DU 'JUG PA'I RTAGS DANG POR SMIG RGYU LTA BU DANG, DE NAS DU BA LTA BU DANG, DE NAS MKHA' SNANG STE ME KHYER LTA BU DANG, DE NAS MAR ME LTAR 'BAR BA BZHI 'BYUNG STE, RIM PA BZHIN DU SA CHU LA DANG, CHU ME LA DANG, ME RLUNG LA DANG, RLUNG RNAM SHES GSUM GYI DANG PO SNANG BA LA THIM PA LAS 'BYUNG NGO, ,DE NAS SNGAR BSHAD PA LTAR SNANG MCHED THOB GSUM SNGA MA PHYI MA LA THIM PA'I NYAMS 'CHAR RO, ,DE NAS NYER THOB 'OD GSAL DU THIM PA NA STON GYI NAM MKHA' SPRIN MED LA SLONG BYED KYI RKYEN GSUM DANG BRAL BA THO RANGS KYI DUS KYI NAM MKHA' LTA BU GCIG 'BYUNG NGO, ,GNYIS SNANG PHRA MO MA DAG PAS DE KHO NA NYID KYI DON MNGON SUM DU MA GYUR TSUN CHAD DPE'I 'OD GSAL GYI DUS SU, SNGAR BSHAD PA'I NAM MKHA'I KHA DOG 'DRA BA 'CHAR YANG, MNGON SUM DU GYUR PA'I YE SHES KYI NGOR NI KHA DOG GI RNAM PA MI 'CHAR GYI, SPROS TSOGS KYI GA-YA' DAG PA LA DE LTAR BTAGS PA TZAM STE, 'DI RNAMS KYANG RGYAS PAR RIM LNGA GSAL SGRON DU SHES PAR BYA'O, ,GNYIS PA NI, DE LTAR RIGS GSUM GYI SEMS DPA' SUM RTZEG BSGOMS NAS BSAM GTAN GNYIS KYI 'OD GSAL DU 'JUG PA'I RIM PA BSGOM PA 'DI NI SKABS 'DI KHO NAR MA ZAD PHRA MO SOGS BSGOMS PA'I STOBS KYIS RLUNG DH'U T'IR BSDUS NAS THIM PAR BYAS PA LAS BYUNG BA'I STONG PA BZHI 'DREN NUS SHING, SAD PA'I DUS DANG RMI LAM GYI DUS SU SGYU LUS RJES MTHUN PA SGRUB NUS PA'I MTSAMS NAS KYANG BSGOM PAR BYA STE, DE YANG SPYIR STONG PA BZHI KA'I DUS SU LTA BA DRAN PAR BYAS NAS BDE STONG SBYAR TE BSGOM LA, KHYAD

, ,BAR DU STONG PA BZHI PA 'OD GSAL GYI DUS SU YUN CI RING GI THABS BYAS LA, LTA BA PHU THAG BCAD PA'I DON DRAN PAR BYAS NAS BDE STONG SBYOR BA'I TING NGE 'DZIN LA RTZE GCIG TU DRIL TE BSGOM PAR BYA'O, ,DE'I DUS SU YANG SNGAR BSHAD PA LTAR GYI RTAGS BZHI SHAR NAS STONG PA BZHI'I RIM GYIS 'OD GSAL DU 'JUG PA 'ONG NGO,, ` GSUM PA DBYER MED ZUNG 'JUG GI RDZOGS RIM NI, SNGAR BSHAD PA LTAR THO RANGS 'OD GSAL BSGOM PA DANG, DE LAS ZUNG 'JUG SGRUB PA'I TSUL GYI GDAMS NGAG PHOG NAS BSGOMS PAS DON GYI 'OD GSAL SNGON DU BYAS PA'I 'JUG THOGS SU SLOB PA'I ZUNG 'JUG 'GRUB BO, ,DE'I 'GRUB TSUL NI 'OD GSAL LAS LUGS ZLOG GI RIM PAS NYER THOB DANG, DE LAS NYI 'OD TSA BA LTA BU'I MCHED PA DANG, DE LAS ZLA 'OD BSIL BA LTA BU'I SNANG BA RNAMS 'BYUNG NGO, ,SNGAR LUGS MTHUN GYI DUS SU STONG PA BZHI SNGA MA PHYI MA LA THIM NAS MTHAR 'OD GSAL DU GCIG TU SONG BA'I 'OD GSAL GYI YE SHES DANG DE'I BZHON PA'I RLUNG KHAMS PHRA BA DANG LHAN CIG PA LAS SGRUBS PA, GRIB MA DANG 'DRA BAR BCAD DU MED PA DANG, GZHIG TU MED PA'I RDO RJE'I SKU 'PHO BA MED CING ZAG PA MED PA NYON MONGS PA'I SA BON THAMS CAD LAS GROL BA CHU LAS NYA LDANG BA'AM, GNYID LOG PA LAS SAD PA BZHIN DU BZHENGS PA'I SKU NI ZUNG 'JUG GI SKU'O, , DE NI 'OD GSAL GYI MJUG THOGS NYER THOB GRUB PA DANG MNYAM DU 'GRUB STE, SHI BA'I 'OD GSAL LAS LUGS ZLOG TU LANGS PA'I NYER THOB GRUB PA NA BAR DO 'GRUB PA BZHIN NO, ,'DIR RIM LNGA LAS, 'KHOR BA DANG NI MYA NGAN 'DAS, ,RTOG PA GNYIS PO

SPANGS PAS NA, GANG DU DNGOS PO GCIG GYUR PA, ,ZUNG DU 'JUG CES DE LA BSHAD, CES PA NAS, GZUGS CAN DANG NI GZUGS MED CES, ,RTOG PA GNYIS PO SPANGS PAS NI, ,GANG ZHIG ZHI RTOGS RNAL 'BYOR DBANG, ,DE NI ZUNG 'JUG THOB PA'O, ZHES PA'I BAR GYIS ZUNG 'JUG NYER GSUM GSUNGS SO, ,DE LA ZUNG 'JUG GI SKAD DOD YUG NA DVA'I YU GA NI ZUNG, NA DVA NI GNYIS MA YIN PA STE GNYIS GNYIS MA YIN PAR GYUR BA YIN LA, DE'I DON LA GNYIS LAS, DANG PO NI 'KHOR 'DAS LA SOGS PA'I GNYIS CHOS RNAMS LA GNYIS SU 'BYED PA'I BDEN 'DZIN GYI KUN RTOG SNGAR BSHAD PA'I SNGAGS KYI LAM THUN MONG MA YIN PA 'OD GSAL BDE BA CHEN PO'I YE SHES LA BRTEN NAS SPANGS PAS, RTOG PA DES MI PHYED PA'I GNYIS MED DU SONG BA'I RDO RJE'I SKU THOB PA'I ZUNG 'JUG DANG, GNYIS PA NI LUS SGYU MA'I SKUR SONG BA DANG, SEMS DON GYI 'OD GSAL GYI YE SHES KYI NGO BOR SONG BA GNYIS RES 'JOG TU MA SONG BAR DUS GCIG TU THUGS DANG SKUR TSOGS PA'I ZUNG 'JUG GO ,PHYI MA NI RIM LNGA LAS, DE NYID SHES PAS RIM PA BZHIN, ,RANG BYIN BRLABS DANG 'OD GSAL SHES, ,DE DAG KHO NA 'DUS PA GANG, ,'DI NI ZUNG 'JUG RIM PA'O, ZHES GSUNGS TE DE'I DANG PO NI DON GYI 'OD GSAL GYI DE MA THAG TU 'GRUB LA, GNYIS PA NI ZUNG 'JUG THOG MAR THOB PA DES, DA GZOD SLAR YANG DON GYI 'OD GSAL DU ZHUGS PA NA 'THOB BO, ,SLOB PA'I ZUNG 'JUG THOB PA'I TSE NYON MONGS PA THAMS CAD SPANGS PAR SPYOD BSDUS LAS BSHAD LA, BDAG GNYIS SU 'DZIN PA'I BDEN 'DZIN THAMS CAD NYON MONGS SU 'JOG PA NI 'PHAGS PA YAB SRAS KYI LUGS TE, GZHAN DU RGYAS

, ,BAR BSHAD ZIN TO, ,RIM LNGA LAS, ZUNG 'JUG GO 'PHANGS LA GNAS PA'I, ,SLOB BZHIN PA YI RNAL 'BYOR CHE, ,ZUNG DU 'JUG PA BSGOMS GYUR PAS, ,SPYOD PA'ANG DE DANG GNYIS SU MED, CES SLOB PA'I ZUNG 'JUG KYANG GSUNGS LA, DE LA GNAS BZHIN PA'I NGANG NAS SPYOD PA BYED PAR YANG GSUNGS SO, ,SNGAR BSHAD PA BZHIN DU SGYU LUS RJES MTHUN PA THOB PA BSAM GTAN GNYIS KYI DPE'I 'OD GSAL DU BCUG PA'I MTHAR SGYU MA'I SKU RJES MTHUN PAR LANGS PA YANG ZUNG 'JUG RJES MTHUN PAR SHES PAR BYA'O, ,SNGAR BSHAD PA'I ZUNG 'JUG GI RNAL 'BYOR DE MA THOB GONG DU RDZOGS RIM GYI LAM MI 'DRA BA LA GSAR DU BSLAB DGOS KYANG, DE THOB NAS NI RDZOGS RIM GYI LAM GYI GNAD MTHAR THUG PA, SPYIR GSUNG RAB KUN GYI MTHAR THUG PA'I SNYING PO KHYAD PAR DU GNYIS SU MED PA'I RGYUD RNAL 'BYOR BLA MED KYI RGYUD SDE THAMS CAD KYI NGES DON MTHAR THUG PA YIN ZHING, SNGAR THOB PA RNAMS GOMS PAR BYED PA YIN GYI GSAR DU BSLAB TU MED PAR GSUNGS TE, RIM LNGA LAS, ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB BO, ZHES GSUNGS SO, ,'DI YANG RGYAS PAR RIM LNGA GSAL SGRON LAS SHES PAR BYA'O,, ` ,,GNYIS PA LAM LA BOGS 'BYIN PA'I THABS SPYOD PA NI, RDZOGS RIM GYI SKABS SU LAM LA BOGS 'BYIN PA'I SPYOD PA BYED PA'I DUS GSUM STE, 'DI LTAR SEMS DBEN THOB NAS SGYU LUS 'GRUB PA'I DON DU BYED PA DANG, SGYU LUS THOB NAS 'OD GSAL GYI DON DU BYED PA DANG, SLOB PA'I ZUNG 'JUG THOB NAS SHES SGRIB ZAD PA'I PHYIR DU BYED PA'O, ,DE RE RE'I SKABS

SU YANG GANG ZAG GI BYE BRAG GIS SPROS BCAS DANG, SPROS MED DANG, SHIN TU SPROS MED KYI SPYOD PA GSUM GANG RUNG LA SLOB BO, ,DE LA SPYOD PA DANG PO GNYIS NI LAS KYI PHYAG RGYA LA BRTEN NAS BYED LA, GSUM PA NI YE SHES KYI PHYAG RGYA TZAM LA BRTEN NAS BYED DO, SPYOD PA'I NGO BO NI 'DOD YON SPYI DANG KHYAD PAR DU RIG MA'I 'DOD YON LNGA LA RANG BZHIN SHES PA'I SGO NAS SPYAD DE BDE STONG BSGOM PA'O, ,DE LA SPROS BCAS NI DKYIL 'KHOR GYI LHA GRANGS DANG MNYAM PA'I RNAL 'BYOR PA PHO MO LHA DE DANG DE'I CHAS SU ZHUGS PA'I TSOGS KYI DKYIL 'KHOR LA GNAS NAS, DANG PO SBYOR BA LA SOGS PA'I TING NGE 'DZIN GSUM GYIS SGRUB CING, LAS RGYAL MCHOG GI DUS SU PHYAG DANG PHYAG GI LAN DANG, GLU GAR DANG GLU GAR GYI LAN LA SOGS PA'I BYA BA'I SPROS PA RGYA CHEN PO ZHAG GCIG LA DUS BZHIR SPYOD PA'O, ,SPROS MED NI LAS RGYAL MCHOG GI DUS SU GAR DANG DE'I LAN LA SOGS PA'I BYA BA'I SPROS PA RNAMS BZHAG GNAS 'DOD YON LNGA LA LONGS SPYOD PA'O, ,DE LA RGYAS PA DKYIL 'KHOR BA'I LHA GRANGS DANG MNYAM PA DANG, 'BRING LAS KYI PHYAG RGYA LNGA DANG, BSDUS PA LAS KYI PHYAG RGYA GCIG DANG BCAS PA'I TSOGS KYI DKYIL 'KHOR LA BRTEN NAS BYED DO, ,SHIN TU SPROS MED PAS NI BZA' BTUNG DANG BSHAD GCI 'DOR BA LA 'GRO BA'I SKABS MA GTOGS PA YE RGYA LA BRTEN NAS, RGYUN DU GNYID DANG 'OD GSAL BSRES TE, SGOM PAR BYED PAS DUS 'DA' BAR BYED DO, ,SPYOD PA DE RNAMS ZLA BA DRUG LA SOGS PAR SPYAD PAS MCHOG 'GRUB PA'I MTSAN MA DBANG PHYUG GI YON TAN THOB PAR 'GYUR TE, RGYAS PAR NI RIM LNGA GSAL SGRON DU BSHAD ZIN PA LAS SHES

, ,PAR BYA'O,, ` ,,GSUM PA 'BRAS BU MNGON DU BYED PA'I TSUL NI, DE LTAR LAM THUN MONG BA NAS BRTZAMS TE BSKYED RIM PHRA RAGS LA MTHAR PHYIN PAR BSLAB PA'I BAR GYI LAM DANG, LUS DBEN GYI SKABS SU BSGOMS STOBS KYIS RLUNG DH'U T'IR BTZUD PA THIM PA LAS BYUNG BA'I STONG PA BZHI 'DREN NUS PA NAS BRTZAMS TE SGYU LUS THOB PA NAS DON GYI 'OD GSAL MA THOB PA'I BAR GYI LAM RNAMS NI, THEG PA 'DI'I SO SO SKYE BO'I LAM YIN LA, DON GYI 'OD GSAL MNGON DU BYAS PA NAS BRTZAMS TE, MI SLOB PA'I ZUNG 'JUG MA THOB PA'I BAR GYI LAM NI, THEG PA 'DI'I 'PHAGS PA'I SLOB PA'I LAM MO, ,DE 'DRA'I LAM RIM GYIS BGROD CING, KHYAD PAR DU SLOB PA'I ZUNG 'JUG THOB NAS SPYOD PA LA BSLABS PA'I MTHAR MI SLOB PA'I ZUNG 'JUG 'GRUB LUGS NI SNGAR BSHAD PA LTAR PHYI NANG GI BYANG CHUB PA GNYIS KYI SGO NAS THO RANGS 'OD GSAL BSGOMS TE, GNYIS SNANG 'KHRUL PA'I BAG CHAGS KYI LHAG MA MA LUS PAR SBYANGS NAS, CHOS KYI SKU MTHAR THUG PA MNGON DU GYUR PA'I TSE SLOB PA'I ZUNG 'JUG SGYU MA'I SKU MI SLOB PA'I ZUNG 'JUG GI SKUR 'GYUR ZHING, 'KHOR BA JI SRID PAR SKU DE GNYIS LAS MI GA-YO BAR BZHUGS SO, ,DE 'DRA BA'I DAG PA GNYIS LDAN GYI YUL GYI 'OD GSAL NI 'DUS MA BYAS PA'I CHOS KYI SKU DANG, YUL CAN GYI 'OD GSAL NI YE SHES CHOS KYI SKU DANG, BDE BA CHEN PO'I SKU ZHES KYANG BYA'O, ,DE'I RTEN GZUGS KYI SKU RLUNG SEMS TZAM LAS 'GRUB PA NI LONGS SKU YIN LA, SKU DE GNYIS NGO BO GCIG LA LDOG PA THA DAD TZAM YIN PAS GZUGS SKU DE LA

GNYIS SU MED PA'I YE SHES KYI SKU ZHES LAN DU MAR GSUNGS SO, ,DE 'DRA BA'I ZUNG 'JUG GI SKU DES MCHOG GI SPRUL PA'I SKU LA SOGS PA'I SPRUL PA DU MA ZHIG MDZAD LA, SPRUL SKU'I ZUNG 'JUG GCIG KYANG BYAS NAS ZUNG 'JUG GI SKU LA SKU GNYIS KYI RNAM GZHAG BYAS NA LEGS SO, ,TSE 'DIR SPYOD PA BYED PA MA BYUNG BAS BAR DOR MCHOG 'GRUB TSUL DANG, LAM GZHAN GYI MTHAR LAM 'DI'I 'OD GSAL DANG ZUNG 'JUG GI RIM PA BSKYED NAS 'TSANG RGYA TSUL SOGS, SA DANG LAM DANG 'BRAS BU'I RNAM GZHAG RGYAS PAR NI GSAL SGRON LAS SHES PAR BYA'O, MDOR NA DPA' BO DANG RNAL 'BYOR MA'I DBANG PHYUG BGRANG LAS 'DAS PA RNAMS GANG NAS GSHEGS PA'I MTHAR THUG PA'I LAM GYI RIM PA 'DI'I DON KHONG DU CHUD PAR BYAS NAS, KHA PHYI LTAR MA SONG BAR LAM THUN MONG BA NAS BZUNG STE, 'BRAS BU'I BAR RNAMS RANG GI RGYUD LA BSKOR TE, MNGON RTOGS YID LA BYA BA'I RIM PA TZAM GYIS KYANG RGYUN LDAN DU GOMS PAR BYAS NA, DAL BA THOB PA'I RTEN LA SNYING PO DAM PA LON PA YIN NO, ,'DI DAG GI SHES BYED MTHA' GCOD RNAMS RGYAS PAR NI RTZA BA'I RGYUD KYI RGYAL PO DANG, DE'I BSHAD PA'I RGYUD LNGA DANG, YAB SRAS KYI BSKYED RDZOGS KYI GZHUNG PHRAN LNGA DANG, RGYUD KYI RGYA CHER BSHAD PA 'GRAL BA SGRON MA GSAL BA DANG, DE'I 'GREL BSHAD LNGA DANG, MDOR BYAS DANG RIM LNGA'I 'GREL PA DGU DANG, RGYUD PHYI MA DANG RDO RJE 'PHRENG BA'I 'GREL PA GNYIS DANG BCAS PA LA YUN RING DU LEGS PAR SBYANGS SHING, MAR 'GOS KYI GDAMS NGAG KUN LA 'DRIS PAR BYAS NAS SBYAR BA NGO SPROD RIM LNGA'I GNAD THAMS

, ,CAD GSAL BA'I SGRON ME LAS SHES PAR BYA'O,, ` ,,GSUNG RAB MTHAR THUG DPAL LDAN 'DUS PA'I DON, ,DGONGS 'GREL MTHAR THUG KLU SGRUB KYIS BKRAL BA'I, ,LAM GYI MTHAR THUG RIM PA LNGA YI KHRID, ,'CHAD TSUL MTHAR THUG 'DI 'DRAS BSHAD PA 'DI, ,YAB SRAS GZHUNG LA LEGS PAR SBYANGS PA YIS, ,RTZA RGYUD BSHAD RGYUD LEGS PAR MA 'BYOR ZHING, ,TSUL BZHIN SGRUB PA'I RNAL 'BYOR DMAN PA YIS, ,YANG DAG LAM DANG LTAR SNANG MI PHYED PAS, ,RING DU 'BAD KYANG JI BZHIN MI SHES PAR, ,MTHONG NAS GSOL BA RING DU BTAB PA'I TSE, ,'DOD PA'I MTSAN MA BRTAN PO RNYED PA NA, ,RANG DANG GZHAN GYI DON DU BDAG GIS SBYAR, ,TSUL DER 'BAD LAS THOB PA'I BSOD NAMS DES, ,LAM BZANG 'DI DANG NAM YANG MI 'BRAL ZHING, ,BSTAN PA'I SNYING PO YUN RING GNAS PA DANG, ,DER BRTZON 'DOD PA YID BZHIN 'GRUB PAR SHOG ,CES RGYUD KYI RGYAL PO DPAL GSANG BA 'DUS PA'I RDZOGS RIM RIM LNGA GDAN RDZOGS KYI DMAR KHRID CES BYA BA 'DI, SNGON GYI BLA MA RNAMS KYIS KHRID YIG KHA 'THOR BA MANG DU MDZAD PA RNAMS PHYOGS GCIG TU SGRIGS TE, RGYUD DANG YAB SRAS KYI GZHUNG GIS GSAL DU BTANG DGOS PA RNAMS KHA BSKANGS NAS GNAD KYI DON RNAMS RDZOGS PAR DPAL GSANG BA 'DUS PA'I RNAL 'BYOR PA SHAR TZONG KHA PA BLO BZANG GRAGS PA'I DPAL GYIS, 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YE GE PA NI, GSANG BA 'DUS PA'I TSUL LA SBYANGS PA DKA' BZHI PA RIN CHEN DPAL LO, ,'DIS KYANG BSTAN PA RIN PO CHE PHYOGS KUN TU RGYAS PAR BYED NUS PAR GYUR CIG , ,,MANGGA LAm,, ,,