*, ,RJE BTZUN 'JAM PA'I RDO RJE'I SGRUB THABS 'JAM PA'I DBYANGS KYI DGONGS PA GSAL BA BZHUGS SO, ,
, ,DPAL GSANG BA 'DUS PA 'JAM PA'I RDO RJE'I SGRUB THABS 'JAM PA'I DBYANGS KYI DGONGS PA GSAL BA ZHES BYA BA, RJE BTZUN 'JAM PA'I DBYANGS KYI NGO BO BLA MA DAM PA RNAMS LA GUS PAS PHYAG 'TSAL LO, ,RGYAL BA KUN GYI MKHYEN PA'I GTER, ,'JAM PA'I DBYANGS DANG DE YI SRAS, ,YE SHES ZHABS DANG DE YI SRAS, ,MAR ME MDZAD KYI ZHABS BTUD NAS, ,DPAL LDAN 'DUS PA'I LAM GYI GNAD, , 'JAM PA'I RDO RJES MNGON SUM DU, ,YE SHES ZHABS LA GSUNGS PA YI, ,LAM 'DI BDAG GIS 'DIR BSHAD BYA, ,'DIR 'JAM DPAL GYI ZHAL LUNG LAS, ,'DI YI RIM PA DANG PO YI, ,SGRUB PA'I THABS DANG SBYIN SREG DANG, ,GTOR MA SNA TSOGS 'KHOR LO DANG, ,BSDUS PA DANG NI RNAM BSHAD DANG, ,DKYIL 'KHOR CHO GA LA SOGS PA, ,MI SHES MUN SGRIBS SEMS CAN GYI, ,THUR MA LTA BUR BRTZAM PAR GYIS, ,ZHES RJE BTZUN GYIS SGRUB THABS RTZOM PA'I GNANG BA BYIN PA LA BRTEN NAS, SLOB DPON GYIS BRTZAMS PA'I KUN TU BZANG PO ZHES PA'I SGRUB THABS DANG, MAR ME MDZAD BZANG POS MDZAD PA'I SGRUB
, ,THABS KYI DON RNAM PAR DAG PA'I 'GREL PA LA BRTEN NAS BSHAD PAR BYA'O, ,'DIR SGRUB PA PO BSAM PA BYANG CHUB TU SEMS BSKYED CING, SPYOD PA PHA ROL TU PHYIN PA DRUG LA SLOB PA, ZAB MO SNGAGS KYI TSUL LA SHIN TU MOS SHING, 'JAM PA'I RDO RJE'I DKYIL 'KHOR DU DBANG BSKUR BA DANG, RJES SU GNANG BA LEGS PAR THOB CING DAM TSIG DANG SDOM PA RNAMS TSUL BZHIN DU BSRUNG BAS CHU DANG SHING PHUN TSOGS KYIS MDZES PA'I RI BO SOGS DBEN PA'I GNAS SU, GNAS KHANG TZANDAN LA SOGS PA'I DRI BZANG POS BYUGS SHING, DRI ZHIM PO'I ME TOG GCAL DU BKRAM PAR BDE BA'I STAN LA 'DUG NAS RJE BTZUN 'JAM PA'I DBYANGS BSGRUB PAR BYA'O, ,DE'ANG RANG NYID 'JAM DBYANGS SU GSAL BA'I THUGS KAR ZLA BA'I DKYIL 'KHOR LA RNAM THAR GSUM GYI BDAG NYID CAN GYI MAm YIG DMAR SER 'OD ZER RNAM PA LNGA 'PHRO BA ZHIG BSGOM PAR BYA'O, , DE LA MA NI STONG PA NYID DANG DE'I SROG GI AA NI MTSAN MA MED PA DANG, THIG LE NI SMON PA MED PA STE DE KHO NA NYID KYI YI GE ZHES GSUNGS PA'I DON NO, ,MAm YIG GI 'OD ZER GYIS DUS GSUM GYI SANGS RGYAS DANG, BYANG CHUB SEMS DPA' PHYOGS BCU'I ZHING NA BZHUGS PA RNAMS GSAL BAR BYAS PA'I MDUN DU 'DUG PAR LHAG PAR MOS PAS THUGS KA'I SA BON LAS BYUNG BA'I GZUGS RDO RJE MA DANG, ME TOG MA LA
SOGS PAS MCHOD PAR BSAM ZHING, AOm SARBA TA TH'A GA TA R'U PA P'U DZA ME GHA SA MU DRA SPHA RA nA SA MA YA SHR'I YE A'A: H'Um, ZHES PAS GZUGS DANG, DE BZHIN DU R'U BA'I GNAS SU SHAPTAS SGRA DANG, GANDHES DRI DANG, R'A SAS RO DANG, SPARSHA BCUG PAS 'DOD YON LNGA'I MCHOD PA DANG, PUshPES ME TOG DANG, DH'U POS BDUG SPOS DANG, A'A LO KES MAR ME DANG, GANDHES DRI DANG, NEE WI DYES ZHAL ZAS DANG, SHAPTA BCUG PAS ROL MO'I MCHOD PA DBUL LO, ,DE NAS, GANG ZHIG THOG MED SRID PA'I CHU KLUNG DU, , MA LUS KUN RTOG GIS BSAGS RNYOG PA RNAMS, ,THUGS RJE CHE LDAN SPYAN SNGAR DE DAG NI, ,CHO GA BZHIN DU THAMS CAD BSHAGS PAR BGYI, ,RDZOGS SANGS RGYAS DANG BYANG CHUB SEMS DPA' DANG, ,'PHAGS PA GZHAN GYIS DGE BA GANG MDZAD PA, ,DE DAG KUN LA YANG DAG YI RANG ZHING, ,BYANG CHUB TU NI YONGS SU BSNGO BAR BGYI, ,YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR PA YI, ,BDE GSHEGS RNAMS LA RTAG TU SKYABS SU MCHI, ,RTOG PA MA LUS PA LAS NGES GROL ZHING, ,SEMS DPA' DAM PA RNAMS KYI PHUN TSOGS GZHI, ,DNGOS PO THAMS CAD RO GCIG NGO BO NYID, ,DAM PA'I CHOS LA'ANG RTAG TU SKYABS SU MCHI, ,'CHING BA RNAMS LAS YANG DAG GROL GYUR CING, ,SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB BZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA DAG GYUR PAS, ,SGRIB PA KUN GYI BAG CHAGS YANG DAG 'BYIN, ,
, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, ,BDE GSHEGS SRAS BCAS RNAMS KYI LAM GCIG BU, ,SBYIN SOGS RNAM BCU DKAR PO'I YON TAN TSUL, ,RDZOGS SANGS RGYAS BDAG MA LUS NGO BO'I BLOS, ,YANG DAG NYID DU DA NI GNAS PAR BGYI, ,ZHES 'KHOR GSUM RMI LAM BZHIN DU BLTAS NAS SDIG PA BSHAGS PA DANG, GANG ZAG LNGA'I DGE BA LA YI RANG ZHING DGE BA BSNGO BA DANG, DKON MCHOG GSUM LA SKYABS SU 'GRO BA DANG, BYANG CHUB KYI MCHOG TU SEMS BSKYED PA DANG, LAM LA BRTEN PAR YI DAM 'CHA' BA RNAMS KYI DON LEGS PAR DRAN PAR BYAS LA BRJOD PAR BYA STE, MTHUN RKYEN BSGRUB PA'I PHYIR DU TSOGS GSOG PA'O, ,'DI MAN SNYE LTAR NA, GNAS BZANG POR LUS BZANG PO LEN PA'I LAS BZANG PO GSOG PA'I RTEN DANG 'DRA'O, ,DE NAS SNYING RJE CHEN POS SEMS CAN MA LUS PA LTA BA NGAN PA'I DRA BAS BCINGS PA RNAMS LA DMIGS NAS, KYE MA SEMS CAN 'DI RNAMS RANG BZHIN GYIS MYA NGAN LAS 'DAS PA'I NGO BO YIN KYANG RANG GIS RTOGS PAR MA GYUR PA YIN NA BDAG GIS 'DI DAG GI DON JI LTAR KHONG DU CHUD PAR 'GYUR BSAMS NAS, STONG PA'I MTSAN NYID CAN GYI BYANG CHUB KYI SEMS BSGOM PAR BYA STE, CHOS THAMS CAD DON DAM PAR NGO BO DANG, RGYU DANG 'BRAS BU LA SMON PA DANG BRAL BA'I STONG PA NYID BSGOM PA DANG, THA MAL BA'I SNANG BA RNAMS 'OD GSAL DU BSDUS PA'I RNAM PAR THAR PA'I SGO GSUM GYI STONG PA NYID BSGOMS LA, AOm SH'U N+YA T'A DZNY'A NA BADZRA SVA BH'A WA A'ATMA
KONYA HAm, ZHES BRJOD LA, RANG GI SEMS DANG DE KHO NA NYID GNYIS RO GCIG TU SONG BA'I BDAG NYID CAN DE NGA'O SNYAM DU CHOS SKU'I NGA RGYAL BYA STE, 'OD GSAL 'CHI BA DANG MTHUN PAR BSGOM PA GNAS GYUR PA'I RNAL 'BYOR RO, ,STONG PA'I NGANG LAS RANG GI SEMS MDUN GYI NAM MKHAR ZLA BA LA GNAS PA'I AOm DKAR PO, A'A: DMAR PO, H'Um SNGON PO, HO: YIG DMAR SER GNYIS KYI MTHA' BRTEN PA ZHIG BSGOM STE, BAR DO'I LUS NGAG YID GSUM RANG GI CHAGS PAS BCINGS PAS RDO RJE GSUM DBYER MI PHYED PA'I SGYU MA'I SKU LHAN CIG SKYES PA'I DGA' BAS BCINGS PAS SBYONG BAR BYED PA'I THABS BSGOM PA BAR SRID KYI RNAL 'BYOR RO, ,YE SHES ZHABS YAB SRAS GNYIS KYIS RGYU RDO RJE 'DZIN PA YAB YUM RDZOGS NAS SEMS CAN THAMS CAD LA DBANG BSKUR BA'I 'OG TU YI GE MNGAL DU 'JUG PAR BSHAD PA MIN PA SKABS 'DIR, BAR SRID MTSON PAR BYED PA'I YI GE LNGA NAM MKHA' LA 'JOG PAR GSAL BAR MA BSHAD KYANG, DPAL 'BRAS RDO RJE DANG KUN TU BZANG POS SKABS 'DIR BSHAD PA NI LEGS TE, SBYANG GZHI DANG MTHUN PA'I PHYIR DANG, 'OG TU YI GE LNGA MNGAL DU 'JUG PA LA SNGON DU MNGAL DU 'JUG RGYU BSGRUB DGOS PA'I PHYIR RO, ,STONG PA'I NGANG LAS NYI MA'I DKYIL 'KHOR, DE'I STENG DU H'Um SNGON PO LAS BYUNG BA'I SNA TSOGS RDO RJE LTE BA LA H'Um GIS MTSAN PA LA 'OD ZER 'OG TU 'PHROS PA LAS RDO RJE'I SA GZHI NGOS SU 'PHROS PA LAS RDO RJE'I RA BA, STENG DU 'PHROS PA LAS RDO RJE'I DRA BA STE GUR, PHYI ROL GYI PHYOGS KUN TU DUS MTHA'I ME LTA BU'I ME 'BAR BAS
, ,BSKOR BAR BSAM STE, 'GAL RKYEN 'GOG PA'I PHYIR SRUNG 'KHOR BSGOM PA'O, ,KUN BZANG LAS, H'Um GIS RDO RJE BYAS PA'I SAR ZHES PA TZAM LAS MI GSAL BA LA, KHA CIG GIS RANG GI SNYING GAR NYI MA LA GNAS PA'I H'Um LAS BYUNG BA'I RDO RJE SNGON PO KHA GYES PA'I LTE BAR GNAS PA'I H'Um LAS RDO RJE PHRA MO SPROS PA RNAMS GCIG TU 'DUS PA LAS RA GUR SOGS BSGOM PAR BSHAD KYANG, THA GA NA DANG KUN TU BZANG POS BSHAD PA LEGS PAR SNANG BAS DE LTAR BKOD DO, ,SNA TSOGS RDO RJE'I LTE BA'I STENG DU H'Um LAS RDO RJE'I LTE BA H'Um GIS MTSAN PA YONGS SU GYUR PA LAS KUN TU BZANG PO ZHES PA'I RDO RJE 'CHANG SKU MDOG DKAR PO, RTZA ZHAL DKAR BA, GA-YAS ZHAL SNGO BA, GA-YON ZHAL DMAR BA, RIN PO CHE'I RGYAN DANG LDAN PA, PHYAG DANG PO GNYIS KYIS RANG DANG 'DRA BA'I RIG MA LA 'KHYUD PA, LHAG MA GA-YAS GNYIS RAL GRI DANG RDO RJE, GA-YON GNYIS PADMA DANG RIN PO CHE BSNAMS PA, DE YONGS SU GYUR PA LAS CHOS 'BYUNG DKAR PO ZUR GSUM PA GYEN DU LANGS PA, ZUR GCIG NI SA LA GNAS SHING, GNYIS NI STENG NA GNAS PA SKYE GNAS KYI GZUGS CAN 'OD ZER KHA DOG SNA TSOGS PA PHYOGS BCUR 'PHRO BA'I KHONG STONG DANG BCAS PA, BYANG CHUB KYI SEMS RDO RJE 'DZIN PA'I NGO BOR BSAM MO, , CHOS 'BYUNG GI 'OG PHYOGS PHRA BA NI LAS DANG PO PA'I SAR YON TAN GYI TSOGS CHUNG BA DANG, STENG JE RGYAS SU SONG BA NI, MOS SPYOD NAS BRTZAMS TE, YON TAN GONG NAS GONG DU 'PHEL BA DANG, GRU GSUM NI RNAM PAR THAR PA'I SGO GSUM MTSON
PAR SH'ANTI PAS BSHAD LA, YANG ZUR GSUM GYIS AE YIG GI DON STONG PA NYID DANG, SKYE GNAS KYI GZUGS KYI BDE BA CHEN PO MTSON LA, RTEN DANG BRTEN PA'I DKYIL 'KHOR PA THAMS CAD DE'I NANG DU CHUD PAR SGOM PA NI, 'BRAS BU'I SKABS KYI YON TAN SGOM PA THAMS CAD BDE STONG SGOM PA NYID KYIS 'GRUB PAR BSTAN PA'I DON NO, ,CHOS 'BYUNG GI DBUS SU PAm LAS BYUNG BA'I SNA TSOGS PADMA DE'I LTE BAR H'Um LAS BYUNG BA'I SNA TSOGS RDO RJE SHAR GYI RVA DKAR, LHO SER, NUB DMAR, BYANG GI RVA LJANG KHU, DBUS SNGO BA ZHIG BSAM MO, ,DE'I DBUS SU BHR'Um LAS 'KHOR LO RTZIBS BRGYAD PA'AM, BCU GNYIS PA LTE BAR BHR'Um GYIS MTSAN PA, DE YONGS SU GYUR PA LAS BYUNG BA'I RNAM SNANG SKU MDOG DKAR PO DKAR SNGO DMAR BA'I ZHAL GSUM PHYAG DRUG PA, PHYAG DANG PO GNYIS KYIS RANG 'DRA'I YUM LA 'KHYUD PA, LHAG MA GA-YAS GNYIS NA 'KHOR LO DKAR PO DANG RAL GRI ,GA-YON GYIS NA RIN PO CHE DANG PADMA DMAR PO BSNAMS PA, RAL PA'I COD PAN CAN SNA TSOGS PAD ZLA LA RDO RJE SKYIL KRUNG GIS BZHUGS PAR BSAM MO, ,RNAM SNANG YONGS SU GYUR PA LAS GZHAL YAS KHANG MTSAN NYID THAMS CAD DUS GCIG TU RDZOGS PAR BSAMS LA, RIM GYIS GSAL GDAB PA NI, GRU BZHI PA SGO BZHI PA PHYI NAS RIM PA BZHIN DKAR SER DMAR LJANG SNGO BA'I RIM PA LNGA DANG LDAN PA'I RIN PO CHE'I RTZIG PAS SKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM DANG GRU BZHI LA SOGS PAS SPRAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU CHU SRIN GYI KHA NAS MU TIG GI DO SHAL DANG DO SHAL PHYED PA 'PHYANG BA, DE'I PHYI NGOS SU BYA 'DAB LAS
, ,'PHYANG BA'I RIN PO CHE'I SHAR BU, DE'I STENG NA PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG, BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA BZHUGS STABS DANG, KHA DOG SNA TSOGS PA'I LHA MO RNAMS KYIS MCHOD PA BYED BZHIN PA SGO DANG SGO KHYUD KYIS PHYI'I MTSAMS DANG RTZIG PA'I PHYI NANG GI ZUR BZHIR ZLA PHYED LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I MDUN DU STEGS BU GRU BZHI'I STENG DU BUM PA LA GNAS PA'I KA BA BZHI BZHIS BTEG PA'I RTA BABS GSER DANG SHAR BU, RIN PO CHE, RTA RMIG ,MUN SNAM, PA RANdA, MUN PA, SHAR BU, RIN PO CHE, RMIG PA, MDA' YAB STE, SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA'O, ,GZHAL YAS KHANG GI NANG GI DKYIL 'KHOR GYI PHYED KYI TSAD DU RDO RJE'I 'PHRENG BAS ZLUM POR BSKOR BA'I RTZIG PA LA BRTEN PA'I SHAR DU 'KHOR LO, LHOR RIN PO CHE, NUB TU PADMA, BYANG DU RAL GRIS MTSAN PA'I KA BA GNYIS GNYIS KYIS BTEG PA'I RDO RJE'I GDUNG GIS MDZES PAR PHUB PA'I RTZE MO RDO RJE RIN PO CHE'I TOG GIS
SPRAS PA, RIM PA GNYIS PA'I GRVA'I GA-YAS GA-YON GNYIS SU BDUD RTZIS BKANG BA'I RIN PO CHE'I BUM PA GNYIS GNYIS TE, BUM PA BRGYAD KYIS MDZES PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA PHYI BLTAS NANG GSAL BA, NANG BLTAS PHYI GSAL BA'I NANG GI STENG DANG 'OG GI SA GZHI THAMS CAD, SHAR DKAR, LHO SER, NUB DMAR, BYANG LJANG, DBUS SNGO PAR GYUR PA'I NANG GI DBUS DANG, PHYOGS MTSAMS RNAMS SU SNA TSOGS PADMA'I GDAN BCU DGU ,DKYIL 'KHOR NANG MA'I LHO DANG NUB DANG BYANG DANG SGO BZHI STE, DBUS SU NYI MA'I GDAN, NANG MA'I DBUS DANG SHAR DANG NANG MA'I GRVA BZHI DANG, PHYI'I GRVA BZHI DANG, SHAR SGO'I GA-YAS GA-YON GNYIS TE BCU GNYIS SU ZLA BA'I GDAN BSAMS TE RTEN BSKYED PA'O, ,SRUNG 'KHOR GYI DBUS SU CHOS 'BYUNG DANG DE'I DBUS SU GZHAL YAS KHANG GDAN DANG BCAS PA BSKYED PA NI, SBYANG GZHI LA SNGAR BSHAD PA'I LAS BZANG PO BSAGS PA SHI NAS BAR DO 'GRUB PA GANG DU SKYE BA'I GNAS DANG 'DRA LA, LAM DANG 'BRAS BU LA TSOGS ZHING LA TSOGS BSAGS SHING 'CHI SRID DANG BAR SRID MTHUN PAR BSGOMS PA'I SGRUB PA PO GNAS GANG DU LHA'I LUS SU SKYE BA LEN PA DANG, ZHING DAG PA GANG DU 'TSANG RGYA BA'I GNAS DANG 'DRA'O, ,GDAN DBUS MA'I ZLA BA'I STENG DU, AA A'A, AI A'I AU A'U, Ri R'i, Li L'i, AE AEE, AO AOO, Am AA: BCU DRUG PO KHA DOG DKAR PO PHRAG GNYIS GA-YAS DANG GA-YON SKOR DU GNAS PA MTSAN SO GNYIS KYI NGO BOR BSAM MO, ,DE'I PHYI ROL NAS, KA KHA GA GHA NGA, TZA TSA DZA DZHA NYA, tA thA dA dA dHA dHA nA, TA THA
, ,DA DA DHA DHA NA, PA PHA BA BHA MA, YA YA RA LA LA WA, SHA shA SA HA KshA, KHA DOG DMAR PO BZHI BCU PA PHRAG GNYIS GA-YAS DANG GA-YON SKOR DU GNAS PA DPE BYAD BRGYAD CU'I NGO BOR BSAM, DBYANGS SO GNYIS YONGS SU GYUR PA LAS ZLA BA'I DKYIL 'KHOR DKAR PO ZHIG BSGOMS LA, AOm BITTA PRA TI BE DHm KA RO MI, ZHES BRJOD DO, ,GSAL BYED BRGYAD CU YONGS SU GYUR PA LAS ZLA BA SNGA MA'I STENG DU ZLA BA'I DKYIL 'KHOR DMAR PO ZHIG BSGOMS LA, AOm BO DHI TZITTA AUTP'A TA YA MI, ZHES BRJOD DO, ,LUGS 'DI LA GSAL BYED LA YI GE SNON LUGS MI 'DRA BA 'GA' ZHIG YOD KYANG 'DIR SH'ANTI PA'I LUGS SU BYAS SO, ,YE SHES ZHABS YAB SRAS KYI GZHUNG LAS DBYANGS GSAL NYIS 'GYUR BYED MI BYED PA MI GSAL YANG, MAR ME MDZAD KYIS DBYANGS RNAMS MTSAN SO GNYIS DANG, GSAL BYED RNAMS DPE BYAD BRGYAD CUR GSUNGS PA DRANGS NAS NYIS 'GYUR BYA DGOS PAR DPAL 'BRAS RDO RJES 'CHAD PA RNAMS NI LEGS PA YIN NO, ,SLOB DPON DES DBYANGS GSAL GNYIS KA LAS ZLA BA GCIG BSKYED PA YIN ZHES PA NI DE'I LUGS MIN TE, DE'I 'GREL PA LAS DBYANGS KYI YI GE DANG GSAL BYED YONGS SU GYUR PA LAS, SHES RAB DANG THABS KYI BDAG NYID CAN GYI ZLA BA'I DKYIL 'KHOR CAN DU BSGOM PAR BYA'O, ,ZHES DBYANGS GYUR PA LAS SHES RAB KYI BDAG NYID CAN GYI ZLA BA DANG GSAL BYED GYUR PA LAS THABS KYI NGO BO'I ZLA BA BSKYED PAR BSHAD PA'O, ,LUGS 'DI LA NYI MA MI BSKYED PAR ZLA BA GNYIS BSKYED PA'I ZLA BA GNYIS KHA
DOG 'DRA MI 'DRA MI GSAL YANG DPAL 'BRAS RDO RJES SA BON GNYIS DKAR DMAR DU BSHAD PAS, ZLA BA GNYIS KYANG DKAR DMAR DU BYA STE, 'DI 'DRA'I RIGS LA ZLA BA GCIG DMAR PO BYED PA MAN NGAG SNYI MA LAS BSHAD DO, ,ZLA BA GNYIS BSKYED PA NI ME LONG LTA BU'I YE SHES LAS BYANG CHUB PA'O, ,DE NAS ZLA BA GNYIS 'DRES PAS DKAR LA DMAR BA'I MDANGS CAN GYI ZLA BA GCIG TU GYUR PA NI MNYAM PA NYID KYI YE SHES LAS BYANG CHUB PA'O, ,'DI GZHUNG GNYIS SU MI GSAL YANG, DPAL 'BRAS RDO RJE DANG KUN TU BZANG PO'I 'GREL PA GNYIS SU MAN NGAG GSAL BAR BSTAN PA LTAR RO, ,DE LTAR ZLA BA'I STENG DU H'Um YIG LAS BYUNG BA'I RDO RJE RTZE LNGA PA DMAR PO BSAMS LA, AOm TIshthA BADZRA ZHES BRJOD DE, SO SOR RTOG PA'I YE SHES LAS BYANG CHUB PA'O, ,DE NAS RDO RJE DE LAS PHYOGS BCUR 'OD ZER 'PHROS PA'I RTZE MO LAS BYUNG BA'I DE BZHIN GSHEGS PA RNAMS KYIS SEMS CAN THAMS CAD SANGS RGYAS SU BYAS PA DE THAMS CAD TSUR 'DUS NAS RDO RJE LA ZHUGS TE RDO RJE'I LTE BAR H'Um GIS MTSAN PAR BSAMS LA, AOm BADZRA A'ATMA KONYA Hm, ZHES BRJOD DE, BYA BA SGRUB PA'I YE SHES LAS BYANG CHUB PA'O, ,ZLA BA RDO RJE H'Um DANG BCAS PA YONGS SU GYUR PA LAS RDO RJE SEMS DPA' SKU MDOG DKAR PO ZHAL GSUM PHYAG DRUG PA DANG 'DRA'I RIG MA DANG BCAS PA RIN PO CHE'I RGYAN GYIS BRGYAN PA, SKU'I BA SPU'I BU GA THAMS CAD LAS 'PHROS PA'I 'OD ZER GYI RTZE MO LAS BYUNG BA'I THUB PA'I TSOGS RNAMS KYIS KHAMS GSUM PO THAMS CAD KHYAB PAR MDZAD PA RDO RJE SKYIL KRUNG
, ,GIS BZHUGS PA, SNGAR BSHAD PA'I KUN BZANG LTA BUR BSAMS LA, AOm SARBA TA TH'A GA TA YA TH'A TA TH'A A'A Hm, ZHES BRJOD DO, ,CHOS KYI DBYINGS KYI YE SHES LAS BYANG CHUB PA'O, ,DE NAS SBYANG GZHI LA BAR DO SKYE BA LEN PA'I PHA MA LTA BU DANG, 'BRAS BU LA SANGS RGYAS THAMS CAD BSKYED PA'I YAB YUM THABS SHES GNYIS SU MED PA LTA BU'O, ,SNGAR GZHAL YAS KHANG BSKYED PAS SNOD KYI ZHING DAG PAR BYAS NAS DA NI BCUD KYI ZHING DAG PAR BYED PA NI, 'DOD CHAGS CHEN POS 'DUL BAR BYA BA'I SEMS CAN GYI KHAMS LA GZIGS NAS, YAB YUM SNYOMS PAR ZHUGS PA'I DGA' BA'I SGRAS RGYAL BA'I TSOGS THAMS CAD SPYAN DRANGS PA RNAMS BA SPU'I BU GA RNAMS NAS LUS KYI NANG DU GZHUG GO ,DE NAS DE RNAMS THAMS CAD SPYAN MA LA SOGS PA BZHI DANG, GZUGS RDO RJE MA LA SOGS PA LNGA STE LHA MO DGUR GYUR PA'I LHA MO RNAMS RANG GI LUS LAS PHYIR PHYUNG STE YUM GYI LUS KYI NANG DU GZHUG PAR BYA'O, ,DE NI RTZA RGYUD LAS GSUNGS PA LTAR RDO RJE 'CHANG SNYOMS 'JUG GI BDE BAS MNYES PAR BYA BA'I PHYIR DU DE BZHIN GSHEGS PA RNAMS RIG MA DGUR SPRUL PA 'DIR YANG MDZAD PA'O, ,DE'I PHYIR 'DIR M'A MA K'I DOR NAS CHOS DBYINGS RDO RJE MA DANG BCAS PA'I LHA MO DGU LA BYED PA NI YE SHES ZHABS YAB SRAS KYI BZHED PA MIN TE, RTZA RGYUD LAS RIG MA DGU SPRUL PA LA CHOS DBYINGS RDO RJE MA MED CING, M'A MA K'I YOD PA'I PHYIR RO, ,DE BZHIN GSHEGS PA RNAMS ZHU BA RDO RJE'I LAM NAS YUM GYI PADMAR ZHUGS PA'I THIG LE'I PADMA'I DBUS SU GNAS PA YONGS SU GYUR PA LAS GZHAL YAS KYI KHANG PA DANG, 'JAM
PA'I RDO RJE 'AM MI BSKYOD PAS GTZO MDZAD PA'I LHA BCU DGU'I DKYIL 'KHOR GRUB PAR BSAM MO, ,LHA RNAMS KYI SKU LAS 'OD ZER 'PHROS PAS SEMS CAN THAMS CAD BKUG STE SLOB MA 'JUG PA BZHIN DU ZHUGS PADMAR GNAS PA'I DKYIL 'KHOR GYI KHYAMS RNAMS SU GNAS PAR BSAM MO, ,RANG GI SKU LAS 'PHROS PA'I 'OD ZER GYIS RNAM SNANG LA SOGS PA'I DE BZHIN GSHEGS PA THAMS CAD SPYAN DRANGS TE, RANG GI ZHAL NAS BCUG PA RNAMS BYANG CHUB KYI SEMS ZLA BA'I GZUGS SU GYUR TE, GSANG BA'I RDO RJE'I DBUS NAS PADMAR SONG BA RNAMS KYIS SEMS CAN THAMS CAD LA DBANG BSKUR BAS SDIG PA DANG SGRIB PA THAMS CAD DAG NAS RDO RJE SEMS DPA'I GO 'PHANG THOB PAR GYUR TE, DE RNAMS KYI MIG LA SOGS PA'I DBANG PO DRUG DANG, GZUGS LA SOGS PA'I YUL DRUG DANG, 'BYUNG BA BZHI DANG PHUNG PO LNGA RNAMS RIM PA BZHIN SO SO'I SA BON, KshIm` DZRIm` KHm` GAm` KAm` SAm` DZA: H'Um` BAm` Hm: KHm` RAm` Lm` Mm` Pm` Tm` BUm` AAm` DZEAm` KHm` H'Um` YONGS SU GYUR PA LAS, SA SNYING LA SOGS PA DRUG DANG, GZUGS RDO RJE MA LA SOGS PA DRUG DANG, SPYAN MA LA SOGS PA BZHI DANG RNAM SNANG LA SOGS PA RIGS LNGA BSKYED, DE NAS RANG RANG GI SANGS RGYAS KYI ZHING DU BYON PAR BSAMS LA, RTEN DANG BRTEN PA'I DKYIL 'KHOR BA MI DMIGS PAR BYA'O, ,DE RJES SA BON GYIS NI DBYUNG BAR BYA ZHES GSUNGS PA'I DON DBANG BSKUR BA'I RJES SU SO SO'I SA BON GYIS DBYUNG BA STE BSKYED PAR BYA BA YIN GYI, LHA NYER GCIG BSKYED ZIN PA'I 'OG TU SO SO'I SA BON GYIS
, ,PADMA LAS PHYIR DBYUNG BA'I DON MIN ZHES SMAN ZHABS 'CHAD PA LTAR LEGS SO, ,DE LA DBYANGS GSAL GNYIS DANG ZLA BA DKAR DMAR GYIS NI BYANG SEMS DKAR DMAR GNYIS MTSON LA, ZLA BA GNYIS GCIG TU GYUR BAS NI BYANG SEMS GNYIS 'BAR 'DZAG GI SGO NAS GCIG TU 'DRES PA MTSON NO, ,PHYAG MTSAN SA BON GNYIS KYIS NI RLUNG SEMS GNYIS DBYER MI PHYED PA MTSON, DE RNAMS RGYU RDO RJE 'CHANG YAB YUM DU BZHENGS PAS NI, BYANG SEMS GNYIS KYI 'BAR 'JOG GI MTHU LAS RLUNG DANG, MI PHYED PA'I SEMS LHAN SKYES KYI BDE STONG GI NGO BOR SKYES PA MTSON TE, DE NYID NI DKYIL 'KHOR GYI SANGS RGYAS DANG BYANG CHUB SEMS DPA' THAMS CAD BSKYED PA'I YAB YUM MO, ,DE LTAR SHES NAS MTSON BYED KYI RIM PA DANG PO BSGOMS PAS NI MTSON BYA DON GYI RDZOGS PA'I RIM PA RNAMS RGYUD LA SKYE BA'I DGE RTZA SMIN BYED DU 'GYUR RO, ,DA NAS NAM MKHAR BZHAG PA'I YI GE LNGAS MTSON PA'I BAR SRID KYIS RDO RJE 'CHANG YAB YUM SNYOMS PAR 'JUG PA MTHONG NAS YUM GYI CHOS 'BYUNG GI PHYAG RGYA'I NANG 'DIR SEMS CAN GANG GIS ZHUGS PA DA ZHUGS PA TZAM GYIS 'TSANG RGYA BA YIN PAS NA, NGAS KYANG KUN TU BZANG PO THOB PAR BYA BA'I PHYIR DU CHOS 'BYUNG DU 'JUG PAR BYA'O SNYAM DU BSAMS NAS, HO: YIG GNYIS KYI BAR DU CHUNG PA'I YI GE GSUM YAB KYI ZHAL DU ZHUGS, RIM GYIS BRGYUD DE RDO RJE'I LAM NAS YUM GYI PADMAR ZHUGS NAS SHES RAB MA'I CHAGS PA'I RKYEN GYIS ZLA BA ZHU BA'I GZUGS BZHIN DU ZHU BA'I 'OD ZER GYI GZI BYIN GYI MTHUS YAB YUM
GNYIS KA ZLA BA ZHU BA'I GZUGS BZHIN DU ZHU BA'I THIG LER GNAS PAR BSAM MO, ,DE NAS DE'I RGYUD KYI TSAD MED BZHI'I NGO BO'I LHA MO PHYOGS BZHIR GNAS PAS, CHOS KYI SKU LAS GZUGS KYI SKUR BZHENGS PA'I DON DU GLUS BSKUL BA NI, SPYAN MAS, SEMS CAN KHAMS NA GNAS KYI DBANG PHYUG KHYOD NI RDO RJE'I THUGS, ,DGA' BA YID 'ONG DON CHEN 'DOD PAS BDAG LA SKYABS SU GSOL, ,MGON PO GAL TE DE RING BDAG NI GSON PAR MCHIS BZHED NA, ,SEMS CAN YAB CHEN GNYAN MCHOG BDAG LA DGYES PAR MDZAD DU GSOL, ,M'A MA K'IS, RDO RJE'I SKU KHYOD BKA' YI 'KHOR LO SEMS CAN KUN LA PHAN, ,SANGS RGYAS DON DU BYANG CHUB DON DAM RJES SU PHAN STON PA, ,MGON PO GAL TE DE RING BDAG NI GSON PAR MCHIS BZHED NA, ,'DOD CHAGS DAM TSIG CHAGS PAS BDAG LA DGYES PAR MDZAD DU GSOL, ,GOS DKAR MOS, KHYOD NI RDO RJE'I GSUNG STE KUN LA PHAN ZHING THUGS BRTZE BA, ,'JIG RTEN DAG GI DGOS PA'I DON MDZAD PA LA RTAG TU BRTZON, ,MGON PO GAL TE DE RING BDAG NI GSON PAR MCHIS BZHED NA, ,RAB DGA'I SPYOD PA KUN TU BZANG PAS BDAG LA DGYES PAR MDZOD, ,SGROL MAS, KHYOD NI RDO RJE 'DOD PA DAM TSIG MCHOG GI PHAN DON CHE, ,YANG DAG RDZOGS SANGS RGYAS KYI GDUNG MCHOG MNYAM PA NYID GZIGS PA, ,MGON PO GAL TE DE RING BDAG NI GSON PAR MCHIS BZHED NA, ,YON TAN RIN CHEN MANG PO'I GTER GYUR BDAG LA DGYES PAR MDZOD, ,CES BSKUL BAR BSAM MO, ,SGRUB THABS KUN BZANG DANG BZHI BRGYA LNGA BCU PA LAS, TSIGS BCAD BZHI LHA MO BZHI DANG SO SOR SBYAR
, ,BA MI GSAL LA, 'GREL PA PHAL CHE BAS RDO RJE'I THUGS ZHES PA DANG, RDO RJE'I SKU KHYOD CES PA LA BSAMS NAS, TSIGS BCAD DANG PO M'A MA K'I DANG, GNYIS PA SPYAN MA LA SBYOR MOD KYANG RTZA RGYUD LAS TSIGS BCAD GNYIS PA M'A MA K'I DANG SBYAR BA DANG SGRUB THABS KUN TU BZANG PO LAS KYANG 'DI LTAR SPYAN MA LA SOGS PA'I LHA MO'I DBYANGS KYI SGRAS BSKUL BAR BSAM, SEMS CAN KHAMS NA GNAS KYI DBANG PHYUG KHYOD NI RDO RJE'I THUGS, ,ZHES BSKUL BA LA SPYAN MA DANG POR GSUNGS PAS 'PHAGS LUGS DANG MTHUN PAR BYAS PAS CHOG GAM SNYAM MO, ,DE LTAR LHA MO BZHIS GLUS BSKUL BAS CHOS THAMS CAD SGYU MA LTA BUR RTOGS NAS ZLA BA ZHU BA LTA BU'I THIG LE DE NYID YONGS SU GYUR PA LAS RAL GRI'I CHANG ZUNGS LA Mm GYIS MTSAN PA GNYIS SU GYUR TE, DE LAS 'OD ZER KHA DOG SNA LNGA 'PHROS PAS PHYOGS BCU'I SANGS RGYAS DANG BYANG CHUB SEMS DPA' THAMS CAD SPYAN DRANGS NAS, RAL GRI'I NANG DU BCUG PA YONGS SU GYUR PA LAS RANG NYID BCOM LDAN 'DAS 'JAM PA'I RDO RJE SKU MDOG DANG RTZA ZHAL GUR KUM BZANG PO LTAR DMAR SER, GA-YAS ZHAL SNGO BA, GA-YON ZHAL DKAR BA, RTZA BA'I PHYAG GNYIS KYIS RANG DANG 'DRA BA'I YUM LA 'KHYUD PA, PHYAG GA-YAS GNYIS KYIS RAL GRI DANG MDA', GA-YON GNYIS KYIS AUTPAL SNGON PO DANG GZHU 'DZIN PA, ZHAL GSUM PHYAG DRUG PA GZHON NU LO BRGYAD LON PA'I RNAM PA CAN, RAL PA'I ZUR PHUD LNGA DANG LDAN PA, MTSAN BZANG PO SO GNYIS DANG, DPE BYAD BRGYAD CUS BRGYAN CING, SGEG PA'I
NYAMS DANG LDAN PA, RIN PO CHE'I PHYAG GDUNG DANG, DPUNG RGYAN DANG, SKA RAGS DANG, MU TIG GI DO SHAL DANG, ZHABS GDUB LA SOGS PA'I RGYAN RNAM PA SNA TSOGS PAS BRGYAN PA, SNA TSOGS PADMA DANG ZLA BA'I DBUS NA SEMS DPA'I SKYIL MO KRUNG GIS BZHUGS SHING, NYI MA LTAR SNANG BA'I GZI BRJID MTHA' YAS PA DANG LDAN PA, SKU LAS BYUNG BA'I 'OD ZER GYI RTZE MO LAS SANGS RGYAS DANG, LHA MO DANG, SEMS DPA' DANG, KHRO BO'I TSOGS SPROS PA RNAMS KYIS NAM MKHA'I DBYINGS THAMS CAD 'GENGS PAR BYED PAS MDZES PAR BYED PAR BSAM MO, ,DE NAS PHYI NANG GI GZUNG 'DZIN GYIS BSDUS PA'I CHOS THAMS CAD DON DAM PAR MTSAN NYID THAMS CAD KYIS STONG PA NAM MKHA' LTA BU'I DON RTOGS PA NYID 'JAM DBYANGS KYI SKUR SHAR BAS SRID ZHI'I MTHA' LA MI GNAS PA'I NGO BOR BSAMS LA, AOm DHARM'A DH'A TU SVA BH'A WA A'ATMA KONYAHm, ZHES BRJOD DO, ,'DI NI BSNYEN PA'I YAN LAG CHUNG NGU DANG RGYU MTHUN PA'I 'BRAS BU CHUNG NGU'O, ,DE LA NAM MKHA'I YI GE LNGA YAB YUM GYI MNGAL DU 'JUG PA NA, GZHI LA BAR SRID MA'I MNGAL DU 'JUG PA DANG, 'BRAS BU LA LONGS SKU MA DAG PA'I GDUL BYA 'DUL BA'I DON DU SPRUL SKU 'DZIN PAR MDZAD PA MTSON PA LTAR BSGOM MO, ,YI GE DANG YAB YUM ZHU BA'I THIG LE NI, 'OD GSAL GYI DBYINGS LA ZHUGS PA'I CHOS SKU DANG, DE LAS LHA MO'I GLUS BSKUL NAS 'BRAS BU RDO RJE 'DZIN PA'I SKUR BZHENGS PA NI, GZHI LA MNGAL DU ZHUGS PA DE 'BYUNG BA BZHI GA 'PHEL BAR BYED PA DANG, 'BRAS BU LA TSAD MED BZHIS ZHI RKYANG GI DBYINGS LA GNAS PA 'GOG PA MTSON PA'O, ,
, ,DE NAS RANG GI MIG GNYIS SU ZLA BA RE RE LA KshIm DKAR PO GNAS PA YONGS SU GYUR PA LAS 'KHOR LO KshIm GIS MTSAN PA, DE LAS 'OD ZER 'PHROS PAS DE BZHIN GSHEGS PA RNAMS SPYAN DRANGS TE, DAR BCUG PA LAS SA SNYING RNAM SNANG DANG 'DRA BA BSKYED LA, MIG BYIN GYIS BRLAB PA'O, ,DE BZHIN DU SNA BUG GNYIS DANG RNA BA DAG DANG LCE'I DBUS DANG DPRAL BA'I THOD PA'I NANG DANG, LTE BAR ZLA GDAN LA GNAS PA'I DZIm LA SOGS PA'I SA BON RANG GI LHA'I KHA DOG DANG MTHUN PA YONGS SU GYUR PA LAS, RDO RJE DANG RIN PO CHE CHA DGU PA DANG PADMA DANG RAL GRI DANG, RDO RJE RNAMS KYI LTE BAR SA BON DE DAG GIS MTSAN PA LAS 'OD ZER GYI SPRO BSDU SNGAR LTAR BYAS PA LAS, PHYAG RDOR DANG NAM SNYING DANG 'JIG RTEN DBANG PHYUG DANG SGRIB SEL DANG KUN TU BZANG PO RNAMS RIM PA BZHIN DU MI BSKYOD PA DANG, RNAM SNANG DANG, RIN 'BYUNG DANG, 'OD DPAG MED DANG, DON GRUB DANG, SNGAR BSHAD PA'I KUN BZANG DANG 'DRA BAR BSKYED LA, RNA BA SOGS BYIN GYIS BRLAB PA'O, ,'DI NI NYE BAR SGRUB PA'I YAN LAG DANG, RNAM SMIN GYI 'BRAS BU CHUNG NGU'O, ,DE NAS RANG GI SNYING GAR ZLA BA'I DKYIL 'KHOR GYI STENG DU H'Um LAS BYUNG BA'I RDO RJE RTZE LNGA PA'I LTE BA'I NANG DU H'Um GIS MTSAN PA YONGS SU GYUR PA LAS THUGS RDO RJE MI BSKYOD PA BSKYED LA, DE'I THUGS KAR ZLA BA LA GNAS PA'I RDO RJE SNGON PO'I LTE BA LA H'Um YIG SNGON PO BSAM MO, ,SA BON DE'I 'OD ZER LAS BYUNG BA'I SHES RAB DAM PA GZUGS RDO RJE MA LA SOGS PA'I RIG MA BCUS, PHYOGS BCU'I SANGS RGYAS THAMS CAD KYI THUGS KA NA BZHUGS PA'I THUGS RDO RJE RNAMS LA, RIG MA DANG
'DUS TE MNYAM PAR SBYOR BA'I MCHOD PAS MCHOD NAS, RANG GI SEMS THUGS RDO RJER BYIN GYIS RLOB PA'I DON DU, DPAL LDAN RDO RJE THUGS 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE THUGS KYI MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE THUGS KYIS MDZAD DU GSOL, ,ZHES PHYI NANG GI THUGS RDO RJE LA GSOL BA BTAB PAS, RANG GI SEMS THUGS RDO RJER MDZAD PAR BSAMS LA, AOm SARBA TA TH'A GA TA TZITTA BADZRA SVA BH'A WA A'ATMA KONYA Hm ZHES BRJOD LA, DE BZHIN GSHEGS PA THAMS CAD KYI THUGS RDO RJE'I NGO BO NGA'O SNYAM PA'I NGA RGYAL GZUNG NGO, ,DE NAS MGRIN PAR ZLA BA'I DKYIL 'KHOR GYI STENG DU A'A: LAS BYUNG BA'I GSUNG RDO RJE 'OD DPAG TU MED PA BSKYED LA, DE'I THUGS KAR ZLA BA LA GNAS PA'I PADMA DMAR PO'I LTE BA LA A'A: YIG DMAR PO BSAM MO, ,SA BON DE'I 'OD ZER LAS BYUNG BA'I GZUGS RDO RJE MA LA SOGS PAS PHYOGS BCU'I SANGS RGYAS THAMS CAD KYI MGRIN PAR BZHUGS PA'I GSUNG RDO RJE RNAMS LA RIG MA DANG 'DUS TE MNYAM PAR SBYOR BA'I MCHOD PAS MCHOD NAS, RANG GI NGAG GSUNG RDO RJER BYIN GYIS BRLAB PA'I DON DU, CHOS KYI GSUNG LAM DPAL LDAN PA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE GSUNG GIS MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE GSUNG
, ,GIS MDZAD DU GSOL, ,ZHES PHYI NANG GI GSUNG RDO RJE LA GSOL BA BTAB PAS, RANG GI NGAG GSUNG RDO RJER MDZAD PAR BSAMS LA, AOm SARBA TA TH'A GA TA W'A KA BADZRA SVA BH'A WA A'A TMA KONYA HAm, ZHES BRJOD LA, DE BZHIN GSHEGS PA THAMS CAD KYI GSUNG RDO RJE'I NGO BO NGA'O SNYAM DU NGA RGYAL GZUNG NGO, ,DE NAS RANG GI SPYI BOR ZLA BA'I DKYIL 'KHOR GYI STENG DU AOm LAS BYUNG BA'I SKU RDO RJE RNAM PAR SNANG MDZAD BSKYED LA, DE'I THUGS KAR ZLA BA LA GNAS PA'I 'KHOR LO DKAR PO'I LTE BA LA AOm YIG DKAR PO BSAM MO, ,SA BON DE'I 'OD ZER LAS BYUNG BA'I GZUGS RDO RJE MA LA SOGS PAS PHYOGS BCU'I SANGS RGYAS THAMS CAD KYI SPYI BO NA BZHUGS PA'I SKU RDO RJE RNAMS LA RIG MA DANG 'DUS TE MNYAM PAR SBYOR BA'I MCHOD PAS MCHOD NAS, RANG GI LUS SKU RDO RJER BYIN GYIS BRLAB PA'I DON DU, DPAL LDAN SANGS RGYAS SKU 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE SKUS NI MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE SKUS NI MDZAD DU GSOL, ,ZHES PHYI NANG GI SKU RDO RJE LA GSOL BA BTAB PAS, RANG GI LUS SKU RDO RJER MDZAD PAR BSAMS LA, AOm HAm, ZHES BRJOD LA, DE BZHIN GSHEGS PA THAMS CAD KYI SKU RDO RJE'I NGO BO NGA'O SNYAM DU NGA RGYAL GZUNG NGO, ,'DIR RDO RJE GSUM SPYAN DRANGS NAS BSTIM PA SOGS NI SH'ANTI PA DANG, THA GA NA DANG, DPAL 'BRAS RDO RJE LA SOGS PAS BSHAD PA LTAR BYAS SO, ,
RDO RJE GSUM YANG DON DAM PAR MTSAN NYID THAMS CAD DANG LDAN PA'I STONG PA NYID DU BSAM MO, ,DE NAS THUGS RDO RJE DANG GSUNG RDO RJE'I BAR DU ZLA BA'I DKYIL 'KHOR GYI STENG DU MAm LAS BYUNG BA'I RAL BRI CHAD ZUNGS LA MAm GYIS MTSAN PA YONGS SU GYUR PA LAS, RANG DANG 'DRA BA'I YE SHES SEMS DPA'I THUGS KAR ZLA BA LA GNAS PA'I MAm DMAR SER 'OD 'PHRO BA BSAMS TE, 'DI NI SGRUB PA'I YAN LAG DANG SKYES BU BYED PA'I 'BRAS BU CHUNG NGU'O, ,DE NAS YE SHES SEMS DPA'I THUGS KA'I MAm LAS 'OD ZER 'PHROS PAS PHYOGS BCU'I RGYAL BA THAMS CAD BSKUL NAS, SPYAN DRANGS PA LA MCHOD NAS, DBANG BSKUR BAR GSOL BA BTAB PAS, SANGS RGYAS THAMS CAD KYI SKU LAS SKYES PA'I 'OD ZER LAS BYUNG BA'I SPYAN MA LA SOGS PA YE SHES KYI BDUD RTZIS GANG BA'I BUM PA THOGS PA RNAMS KYIS RANG GI SPYI BO NAS DBANG BSKUR, CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR BSAM ZHING, DBANG GI LHA RNAMS KYANG RANG GI LUS KYI NANG DU THIM PAR BSAM MO, ,'DI NI SGRUB PA CHEN PO'I YAN LAG DANG DBANG GI 'BRAS BU CHUNG NGU'O, ,BSNYEN SGRUB YAN LAG BZHI TSAR GCIG CHENG BA'I BSKYED CHOG LA SBYAR BA DANG, LHA RE RE LA SBYOR BA GNYIS LAS 'DIR NI PHYI MA LTAR YIN LA, DE'ANG YAB KYI BZHI CHUNG NGU DANG, YUM GYI BZHI 'BRING DANG 'KHOR GYI BZHI CHEN POR MDZAD PA NI YAB RKYANG PA'I DBANG DU MDZAD PA NI, THA MAL PA'I SNANG ZHEN 'GOG PA LA NUS PA CHUNG BA DANG, DE'I STENG DU YUM GYI BZHI BSNAN PAS 'BRING DANG, DE'I STENG DU 'KHOR GYI BZHI BSNAN PAS NUS PA CHE BA'I DON NO, ,BSNYEN
, ,PA'I DON NI NYE BA YIN NO, ,DE'ANG YAB YUM DANG 'KHOR BSKYED PA GSUM GYIS ZAB GSAL GNYIS SU MED PA'I YE SHES KYI SKU SGRUB PA LA NYE BAR BYED PAS NA BSNYEN PA'O, ,LHA GSUM PO RANG RANG GIS SKYE MCHED, ZHAL GSUM PHYAG DRUG PA'I LHA DANG, RIGS MTHUN PAS RGYU MTHUN PA'I 'BRAS BU'O, ,SKYE MCHED BYIN GYIS BRLAB PA GSUM NI SGRUB PA DANG, NYA BAS NA NYE BAR BSGRUB PA'O, ,SNGON GYI LAS KYI RNAM SMIN MIG SOGS 'GRUB PA DANG 'DRA BAS NA RNAM SMIN GYI 'BRAS BUR BTAGS SO, ,SKU GSUNG THUGS BYIN GYIS BRLAB PA NI, LUS NGAG YID GSUM CHOS LONGS SPRUL GSUM GYI SKU'I NGO BO NYID DU BSGRUB PAS SGRUB PA'O, ,SEMS CAN GYI DON BYED PA'I 'BRAS BU BSGRUB PAS NA SKYES BU BYED 'BRAS SO, ,GZHAN DON BSGRUB PA LA'ANG SANGS RGYAS BYANG SEMS KYI DBANG BSKUR NA YIN GYI, MA BSKUR NA MA YIN PAS, DBANG BSKUR RGYAS GDAB GSUM NI SGRUB PA CHEN PO'O, ,YAN LAG CES PA BZHI'I DON NI GSUM PA DER RDZOGS PAR BSKYED PA'I CHA SHAS RE RE'O, ,YUM GYI BSNYEN SGRUB YAN LAG BZHI'I BSNYEN PA'I YAN LAG LA, KUN BZANG LAS, DE BZHIN RANG GI LHA 'DRA LHA SNYING POS, ,SPRUL PA'I RIG MA NYID NI YANG DAG LTA, ,ZHES SNYING PO MAm GYIS YAB BZHIN DU BSKYED PA DANG, SKU MDOG SOGS YAB DANG 'DRA BAR BSKYED PAR GSUNGS LA, KUN TU BZANG PO DANG BZHI BRGYA LNGA BCU PA LAS KYANG DE LAS GSAL BAR MA GSUNGS SO, ,DE BZHIN ZHES PA'I DON LA 'GREL PA GZHAN MANG POS SEMS CAN LA DBANG BSKUR BA MA GTOGS PA RGYU RDO RJE 'DZIN PA MNGON
BYANG LNGA LAS BSKYED PA DANG, BAR DO'I YI GE ZHUGS NAS ZHU BA GLUS BSKUL NAS 'DIR SKYED PAR BYED, 'GREL PA KHA CIG GIS SNGAR 'JAM RDOR BSKYED PA'I SKABS SU PHYAG GNYIS KYIS RIG MA LA 'KHYUD PA ZHES GSUNGS PAS, SNGAR YAB DANG MNYAM DU BSKYED NAS 'DIR SLAR YANG SGOM PAR BYED LA, DE BZHIN GYI DON YANG YAB LA CHO GA GSUM BSKYED BYAS PA BZHIN DU, BSKYED PA'I DON DU 'CHAD DO, ,'DIR PHYI MA BZHIN BYED DE, ME TOG GI COD PAN DANG NU MA RGYAS PA SOGS MA GTOGS PA SNGAR YAB DANG 'DRA BAR BSKYED PA 'DIR YANG GSAL 'DEBS PA DANG, SKYE MCHED DRUG DANG, SKU GSUNG THUGS SNGAR BZHIN BYIN GYIS RLOB PA DANG, SNGAR BZHIN DBANG BSKUR NAS RGYAS 'DEBS PA NI YUM GYI BSNYEN SGRUB BZHI DANG 'BRAS BU BZHI BAR MA'O, ,DE NAS YUM GYI SPYI BO NAS NU MA'I BAR DU RNAM SNANG GI NGO BO AOm DKAR PO, NU MA GNYIS KYI DBUS SNYING GA NAS LTE BA'I BAR DU MI BSKYOD PA'I NGO BO H'Um SNGON PO, LTE BA NAS GSANG BA'I PADMA'I BAR DU RIN 'BYUNG GI NGO BO SV'A SER PO, GSANG BA'I PADMA NAS BRLA'I RTZA BA'I BAR DU 'OD DPAG MED KYI NGO BO A'A: DMAR PO, BRLA'I RTZA BA NAS RKANG MTHIL GYI BAR DU DON GRUB KYI NGO BO H'A LJANG GU STE, YI GE LNGA LAS RIGS LNGA'I NGO BO'I 'OD ZER GYI TSOGS 'PHRO BAS SA GSUM PO THAMS CAD KHYAB PAR BYED PAS LUS BYIN GYIS BRLAB PAR BSAM MO, ,YAB KYI GSANG GNAS MI DMIGS PA'I NGANG LAS H'Um LAS BYUNG BA'I RDO RJE RTZE GCIG PA NOR BU MAm MAm LAS SKYES PA'I BUG PHAt KYIS BKAG PA, YUM GYI GSANG GSANG GNAS MI DMIGS PA LAS A'A:
, ,LAS SKYES PA'I SNA TSOGS PADMA'I LTE BA DANG, H'Um LAS SKYES PA'I PADMA 'DAB MA BRGYAD BSAM STE, TZUMBHA NA DANG 'KHYUD PA SOGS SNGON DU 'GRO BAS DGA' BA CHEN PO BSKYED NAS, DON DAM PA'I YUL LA KUN TU CHAGS PA'I BDE STONG DBYER MI PHYED PA'I TING NGE 'DZIN BSKYED PA'I MTHAR AOm SARBA TA THA GA AA NU R'A GA nA BADZRA SVA BH'A WA A'ATMA KONYA HAm, ZHES BRJOD LA DE BZHIN GSHEGS PA THAMS CAD KYI RJES SU CHAGS PA'I RDO RJE'I RANG BZHIN NGA YIN NO SNYAM DU RJES CHAGS KYI NGA RGYAL GZUNG STE DANG PO SBYOR BA'I TING NGE 'DZIN TO, ,DE NAS RANG GI THUGS KA'I YE SHES SEMS DPA'I THUGS KA'I SA BON MAm LAS 'OD ZER 'PHROS PAS PHYOGS BCU'I SANGS RGYAS THAMS CAD SPYAN DRANGS TE, RANG GI ZHAL DU ZHUGS PA RNAMS ZHU BA RDO RJE'I LAM NAS YUM GYI PADMAR ZHUGS TE GNAS PA'I THIG LE RANG GI SNYING PO MAm DMAR SER DU GYUR, DE YONGS SU GYUR PA LAS MI BSKYOD PAS GTZO BYAS PA'I LHA BCU DGU'I GZUGS RDZOGS PAR BSAM MO, ,DE NAS BADZRA DHRi KA CES BRJOD PAS MI BSKYOD PA SNGON PO SNGO DKAR DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, GA-YAS LHAG MA GNYIS NA RDO RJE DANG RAL GRI, GA-YON 'OG MA GNYIS NA PADMA DANG RIN PO CHE BSNAMS PA, PADMA NAS PHYUNG PHYOGS BCUR 'PHROS, SEMS CAN RNAMS KYI RNAM SHES KYI PHUNG PO DANG ZHE SDANG SBYANGS, SPRUL PA RNAMS 'DUS TE MI BSKYOD PA YAB YUM GYI SKU GCIG TU GYUR PA DANG, GTZO BO YAB YUM LA CHU LA 'O MA 'DRES PA BZHIN DU ZHUGS PAR GYUR, PHYAG DANG PO GNYIS KYIS RANG 'DRA'I YUM DANG YAB
LA 'KHYUD PA DANG PADMA NAS PHYUNG STE PHYOGS BCUR 'PHRO BA DANG, SPRUL PA RNAMS 'DUS TE MI BSKYOD PA YAB YUM GYI SKU GCIG TU GYUR PA SOGS NI LHAG MA KUN LA SBYAR RO, ,DZI NA DZI KA GIS RNAM SNANG DKAR PO DKAR SNGO DMAR BA'I ZHAL GSUM PHYAG DRUG GI GA-YAS LHAG MA GNYIS 'KHOR LO DKAR PO DANG RAL GRI, GA-YON 'OG MA GNYIS PADMA DANG RIN PO CHE 'DZIN PA SPROS, GZUGS PHUNG DANG GTI MUG SBYANGS TE GZHAL YAS KHANG NANG MA'I SHAR GYI PAD ZLA'I GDAN LA 'KHOD, RATNA DHRi KA GIS RIN 'BYUNG SER PO SER SNGO DKAR BA'I ZHAL GSUM PHYAG DRUG GI GA-YAS GNYIS RIN PO CHE LJANG GU DANG RAL GRI, GA-YON GNYIS PADMA DANG 'KHOR LO 'DZIN PA SPROS, TSOR PHUNG DANG NGA RGYAL DANG SER SNA SBYANGS, LHOR PAD NYI LA 'KHOD, AA RO LI KA GIS 'OD DPAG MED DMAR PO DMAR SNGO DKAR BA'I ZHAL GSUM PHYAG DRUG GI GA-YAS GNYIS PADMA DMAR PO DANG RAL GRI, GA-YON GNYIS 'KHOR LO DANG RIN PO CHE 'DZIN PA SPROS, 'DU SHES DANG 'DOD CHAGS SBYANGS, NUB TU PAD NYI LA 'KHOD, PRADZNY'A DHRi KA GIS DON GRUB LJANG GU LJANG SNGO DKAR BA'I ZHAL GSUM PHYAG DRUG GI GA-YAS GNYIS RAL GRI DANG 'KHOR LO, GA-YON GNYIS PADMA DANG RIN PO CHE 'DZIN PA SPROS, 'DU BYED KYI PHUNG PO DANG PHRAG DOG SBYANGS, BYANG DU PAD NYI LA 'KHOD, RNAM SNANG NI ZLA BA'I 'OD DANG LDAN ZHING, RIN 'BYUNG SOGS GSUM NI NYI MA'I 'OD CAN NO, ,MO HA RA TIS SPYAN MA RNAM SNANG DANG 'DRA BA SPROS, SEMS CAN RNAMS KYI SA'I KHAMS SBYANGS, SNYING RJE TSAD MED LA BKOD, SHAR LHO'I GRAR 'KHOD, DVE shA RA TIS M'A MA KI MI BSKYOD PA LTA BU LA KHYAD PAR GA-YAS
, ,GNYIS PAS AUTPALA DMAR PO 'DZIN PA SPROS, CHU'I KHAMS SBYANGS, BYAMS PA TSAD MED LA BKOD, LHO NUB TU 'KHOD, R'A GA RA TIS GOS DKAR MO 'OD DPAG MED LTA BU SPROS, ME'I KHAMS SBYANGS, DGA' BA TSAD MED LA BKOD NUB BYANG DU BKOD, BADZRE R'A TIS SGRON MA RIN 'BYUNG LTA BU LA GA-YAS GNYIS AUTPALA SER PO KHA BYE BA DANG RAL GRI, GA-YON GNYIS PADMA DANG RIN PO CHE 'DZIN PA SPROS, SEMS CAN RNAMS KYI RLUNG GI KHAMS SBYANGS, BTANG SNYOMS TSAD MED LA BKOD, BYANG SHAR GYI GRVAR BKOD, AOm A'A: H'Um GIS GZUGS RDO RJE MA RNAM SNANG LTA BU LA GA-YAS PAS ME LONG 'DZIN PA SA SNYING GIS 'KHYUD PA SPROS, SEMS CAN RNAMS KYI GZUGS KYI SKYE MCHED DANG SER SNA SBYANGS, PHYI'I ME MTSAMS KYI GRVAR 'KHOD, 'BYIN SNGAGS NI LHAG MA LA'ANG SBYAR RO, ,SGRA RDO RJE MA MI BSKYOD PA LTA BU LA, GA-YAS GNYIS PAS PI WANG 'DZIN PA, PHYAG RDOR GYIS 'KHYUD PA SPROS, SGRA DANG TSUL 'CHAL SBYANGS, LHO NUB TU 'KHOD, DRI RDO RJE MA RIN 'BYUNG LTA BU LA GA-YAS GNYIS PAS DRI'I DUNG PHOR DANG, GA-YON GNYIS PADMA DANG 'KHOR LO 'DZIN PA NAM SNYING GIS 'KHYUD PA SPROS, DRI DANG KHONG KHRO SBYANGS, NUB BYANG DU 'KHOD, RO RDO RJE MA 'OD DPAG MED LTA BU LA GA-YAS GNYIS PAS BDUD RTZIS BKANG BA'I THOD PA DANG, GA-YON GNYIS 'KHOR LO DANG RIN PO CHE 'DZIN PA 'JIG RTEN DBANG PHYUG GIS 'KHYUD PA SPROS, RO DANG LE LO SBYANGS, BYANG SHAR DU 'KHOD, REG BYA RDO RJE MA DON GRUB LTA BU LA GA-YAS GNYIS PAS GOS 'DZIN PA, SGRIB SEL GYIS 'KHYUD PA SPROS, REG BYA DANG RNAM GA-YENG
SBYANGS, SHAR SGO'I BYANG DU 'KHOD, CHOS DBYINGS RDO RJE MA RDOR SEMS LTA BU LA GA-YAS GNYIS PAS CHOS 'BYUNG GI MTSAN MA 'DZIN PA KUN BZANG GIS 'KHYUD PA SPROS, CHOS KYI SKYE MCHED DANG SHES 'CHAL SBYANGS, SHAR SGO'I LHOR 'KHOD, LHA MO DRUG PO'I GA-YAS GSUM PA NA RAL GRI DANG, DANG PO GNYIS DANG THA MA GNYIS TE, BZHI'I GA-YON GNYIS KYIS PADMA DANG RIN PO CHE 'DZIN PA'O, ,SA SNYING SOGS DRUG LA DPAL 'BRAS RDO RJES SA SNYING GI GA-YAS GNYIS PAS NOR BU'I RGYAL MTSAN 'DZIN PA DANG, SGRIB SEL GYIS GA-YAS GNYIS ZHU BA'I PHYAG RGYA MDZAD PAR BSHAD KYANG, 'GREL PA GZHAN RNAMS KYI LUGS RNAM SNANG MI BSKYOD PA, RIN 'BYUNG, 'OD DPAG MED, DON GRUB, RDOR SEMS DRUG DANG 'DRA BAR BZHED PAS, 'DIR DE BZHIN DU BYA'O, ,DE BZHIN GSHEGS PA LNGA RDO RJE'I SKYIL KRUNG DANG, YUM DRUG SEMS DPA'I SKYIL KRUNG GIS BZHUGS PA, THAMS CAD KYANG SPYI BO'I RAL PA'I TSOGS KYI STENG NA MRGAD DANG AINDA N'I LA DANG, PADMA R'A GA LA SOGS PA NOR BUS SPRAS PA'I COD PAN DANG, DZAMBU CHU BO'I GSER DANG, MU TIG DANG, NOR BUS SPRAS PA'I DO SHAL DANG, DPUNG RGYAN DANG, SKA RAGS DANG, PHYAG GDUB DANG ZHABS GDUB LA SOGS PA'I RIN PO CHE'I RGYAN SNA TSOGS PA DANG, DAR GYI NA BZAS SKU LA BRGYAN PA'I 'OD ZER GYIS PHYOGS KUN TU 'GENGS PAR MDZAD PA'O, ,Y'A M'ANTA KRATA KYIS GSHIN RJE MTHAR BYED MI BSKYOD PA LTA BU LA KHYAD PAR GA-YAS GNYIS PAS THO BA 'DZIN PA SPROS, MA DAD PA DANG PHUNG PO'I BDUD BCOM, SPRUL PA RNAMS GCIG TU 'DUS, GSHIN RJE MTHAR BYED YAB
, ,YUM GYI SKU GCIG TU GYUR PA, SHAR SGO'I SNA TSOGS PADMA DANG NYI MA'I GDAN LA GA-YON BRKYANG GI STABS KYIS 'KHOD, DE BZHIN DU SBYAR LA, PRA DZNY'A NTA TRiTA KYIS SHES RAB MTHAR BYED RNAM SNANG LTA BU LA GA-YAS PAS DBYUG PA 'DZIN PA SPROS, LE LO DANG NYON MONGS PA'I BDUD BCOM LHO SGOR 'KHOD, PADM'ANTA KRi TA KYIS PADMA MTHAR BYED 'OD DPAG MED LTA BU SPROS, BRJED NGAS DANG 'CHI BDAG GI BDUD BCOM, NUB SGOR 'KHOD, BIGHN'ANTA KRi TA KYIS BDUD RTZI 'KHYIL PA MI BSKYOD PA LTA BU LA, GA-YAS GNYIS PAS SNA TSOGS RDO RJE 'DZIN PA SPROS, RNAM GA-YENG DANG LHA'I BU'I BDUD BCOM, BYANG SGOR 'KHOD, THAMS CAD KYI PHYAG DANG PO GNYIS KYIS RIM PA BZHIN DU RANG 'DRA'I RO LANGS MA DANG, GZHAN GYIS MI THUB MA DANG, KHRO GNYER CAN MA DANG, RAL GCIG MA LA 'KHYUD PA'O, ,KHRO BO DANG KHRO MO THAMS CAD KYANG 'JIGS PA'I 'OD ZER PHYOGS BCUR 'PHRO ZHING DRAG PO'I RIGS DPAG TU MED PA 'PHRO BA, DBU SKRA KHAM SER GYEN DU BRDZES PA, GSUS PA 'PHYANG BA, SPYAN DMAR ZHING ZLUM PA, SMIN MA DANG SMA RA DMAR SER 'BAR BA, STAG GI PAGS PA'I SHAM THABS CAN, SPRUL MTHA' YAS SNGON POS DBU SKRA BCINGS SHING 'JOG PO DMAR POS RNA RGYAN BYAS PA, RIGS LDAN KHRA BOS DPUNG PA LA BRGYAN CING, PADMA DKAR POS MGUL RGYAN BYAS PA, DUNG SKYONG SER POS LAG GDUB BYAS SHING, STOBS RGYU LJANG GUS MCHOD PHYIR THOGS BYAS PA, NOR RGYAS KYI BU BDUD RTZI'I KHA DOG LTA BUS SKA RAGS BYAS SHING, PADMA CHEN PO DKAR POS RKANG
GDUB BYAS PA, ZHAL MCHE BA GTZIGS SHING LJAGS BSKYOD PA'O, ,LHA THAMS CAD ZHAL RE RE LA SPYAN GNYIS GNYIS DANG LDAN ZHING KHRO MO RNAMS SMA RA MED PA'O, ,'DIR KUN BZANG LAS, DE LTAR YONGS SU RDZOGS PA'I DKYIL 'KHOR LA, ,DNGOS PO THAMS CAD KYIS NI BLTAS NAS KYANG, ZHES 'BYUNG BA'I RKANG PA GNYIS PA'I DON SKABS 'DIR SKYE MCHED DRUG DANG, SKU GSUNG THUGS BYIN GYIS BRLAB PA BYED PA LA, DPAL 'BRAS RDO RJE 'CHAD PA NI MI 'THAD DE, KUN TU BZANG PO DANG KUN TU BZANG MO GNYIS LAS DE GNYIS BYIN GYIS RLOB PA MI GSAL YANG, MAR ME MDZAD BZANG POS YE SHES PA'I DKYIL 'KHOR DAM TSIG PA DANG BSRE BA'I 'OG TU MIG DANG SKU SOGS BYIN GYIS BRLAB, SNGON BZHIN DBANG BSKUR DE LA BSAM, ,RGYU MTHUN LA SOGS CHEN PO NYID, ,CES GSAL BAR GSUNGS PA DANG 'GAL BA'I PHYIR DANG, BSNYEN PA'I YAN LAG MA RDZOGS PAR NYE SGRUB DANG, SGRUB PA'I YAN LAG BYED PA GO RIMS 'GAL BA'I PHYIR RO, ,DES NA DNGOS PO THAMS CAD KYIS NI ZHES GSUNGS PA'I DON DKYIL CHOG LAS, RDZOGS PA'I 'KHOR LO BLTAS NAS KYANG, ,KUN NAS RANG GI DNGOS PO YIS, ,ZHES GSUNGS PA'I DON SH'ANTI PAS, KUN NAS NI RANG RANG GI GNAS DANG, DNGOS PO YIS ZHES PA RANG RANG GI TSUL GYIS ZHES BSHAD PA LTAR LHA SO SO'I GNAS NA RANG RANG GI SKU MDOG LA SOGS PA'I TSUL GYIS BZHUGS PAR BLTA BA'I DON NO, ,DKYIL 'KHOR RDZOGS PAR BSKYED CING SKYE MCHED SKU GSUNG THUGS BYIN GYIS BRLABS PA'I LHA RANG CHAS SU LDAN PAR BSGOM PAR 'DOD PA NI LUGS 'DI'I DON GTAN MA YIN NO, ,DE NAS RANG
, ,GI YE SHES SEMS DPA'I Mm GYI 'OD ZER LCAGS KYU LTA BU 'PHROS PA DANG, YA M'ANTA KRi TA DZA: ZHES BRJOD PAS, GSHIN RJE GSHED KYIS THUGS KA NAS RANG 'DRA'I KHRO BO SPROS PAS, 'JAM PA'I RDO RJE'I DKYIL 'KHOR MDUN DU BKUG PA'I DKYIL 'KHOR PA RNAMS SNYOMS PAR ZHUGS PA'I BDE BA DAM PAS GANG BAR BSAM MO, ,DE NAS KHRO BO BZHI'I SNGAGS BRJOD PAS, BGEGS SNGAR YOD BSKRAD CID PHYIS MI 'JUG PA'I DON DU BYIN GYIS BRLAB PAR BSAMS LA, TZANDAN DANG, ME TOG SOGS DANG BCAS PA'I MCHOD YON GTZO BO'I SNGAGS KYIS DBUL LO, ,DE NAS PRADZNY'ANTA KRi TA H'Um GIS DAM TSIG PA RNAMS LA GZHUG ,PADM'ANTA KRi TA Bm GYIS DAM TSIG PA DANG DBYER MED DU BCING, BIGHN'ANTA KRi TA HO: SA MNYES PAR BYAS PA NI BSNYEN PA'I YAN LAG DANG, RGYU MTHUN PA'I 'BRAS BU CHEN PO'O, ,'KHOR GYI LHA THAMS CAD KYI SKYE MCHED DRUG SNGAR BZHIN BYIN GYIS RLOB PA NI NYER SGRUB KYI YAN LAG DANG RNAM SMIN GYI 'BRAS BU CHEN PO'O, ,SNGAR BZHIN SKU GSUNG THUGS BYIN GYIS BRLAB PA NI, SGRUB PA'I YAN LAG DANG, SKYES BU BYED PA'I 'BRAS BU CHEN PO'O, ,SNGAR BSHAD PA BZHIN BUM PA'I CHUS DBANG BSKUR BA'I CHU'I LHAG MA SPYI GTZUG TU GNAS PA YONGS SU GYUR PA LAS, 'KHOR GYI DE BZHIN GSHEGS PA BZHI DANG, MA M'A K'I YAB YUM DANG, SGRA RDO RJE MA YAB YUM DANG, CHOS DBYINGS RDO RJE MA YAB YUM DANG, SHES RAB MTHAR BYED RNAMS LA MI BSKYOD PA DANG, SPYAN MA YAB YUM DANG, GZUGS RDO RJE MA YAB YUM DANG,
GSHIN RJE GSHED RNAMS LA RNAM SNANG DANG, GOS DKAR MO YAB YUM DANG, RO RDO RJE MA YAB YUM DANG, PADMA MTHAR BYED RNAMS LA 'OD DPAG MED DANG, SGROL MA YAB YUM DANG, REG BYA RDO RJE MA YAB YUM DANG, BGEGS MTHAR BYED RNAMS LA DON GRUB DANG, DRI RDO RJE MA YAB YUM LA RIN CHEN 'BYUNG LDAN GYIS DBU BRGYAN PA'O, ,SH'ANTI BA DANG, DPAL 'BRAS RDO RJES 'KHOR RNAMS LA YE SHES SEMS DPA' 'GOD PAR BSHAD, YAB SRAS GNYIS KYI GZHUNG NAS MA BSHAD PA BZHIN DU PAndI TA GZHAN RNAMS KYIS KYANG MA BSHAD DO, ,LHA 'BYIN PA'I SKABS SU KHRO BO BZHI LA RIGS BDAG BSHAD KYANG, RIGS BDAG GIS DBU BRGYAN PA DBANG BSKUR BA'I 'OG TU BYED BA MAN NGAG YIN PAR THA GA NAS BSHAD DO, ,DKYIL CHOG LAS 'BYIN PA'I SKABS SU MA BSHAD PAR DBANG BSKUR BA'I 'OG TU GSUNGS SO, ,DE NAS MCHOD PA SOGS BSANGS SBYANGS SOGS BYAS LA, RANG GI YE SHES SEMS DPA'I SA BON GYI 'OD ZER GYIS GZUGS SOGS YUL THAMS CAD DRANGS SHING BKUG NAS RANG GI ZHAL DU ZHUGS RDO RJE'I LAM NAS YUM GYI PADMA'I NANG DU BYANG CHUB SEMS KYI RANG BZHIN DU 'OD KYI DKYIL 'KHOR GYI TSOGS SU GYUR PA YUM GYI BA SPU'I SGO RE RE NAS 'OD ZER SNA TSOGS PA PHYIR SPROS PA'I 'OD KYI RTZE MO LAS BYUNG BA'I GZUGS RDO RJE MA LA SOGS PA DRUG ,RIN PO CHE'I RGYAN GYIS BRGYAN PA, SGEG PA'I NYAMS CAN, SNGAR BSHAD PA'I PHYAG MTSAN DANG LDAN PA, NAM MKHA' KHYAB PAR SPRO BAR BYA'O, ,DE DAG KYANG BDEN PAS STONG BZHIN DU SNANG BA SGYU MA LTA BU DANG ZAG MED KYI BDE BA BSKYED PA'I RGYUR GYUR PA RNAMS
, ,KYIS RANG DANG DKYIL 'KHOR BA LA MCHOD PAR BSAMS LA, CHU GNYIS SNGON DU 'GRO BA'I 'DOD YON LNGA DANG, NYER SPYOD DANG GSANG BA'I MCHOD PAS MCHOD PAR BYA'O, ,MCHOD PA'I 'KHOR GSUM THA DAD MED PAR BLTAS LA, AOm SARBA TA TH'A GA TA P'U DZA BADZRA SVA BH'A WA A'ATMA KO NYA Hm, ZHES BRJOD DE, DE BZHIN GSHEGS PA THAMS CAD MCHOD PA'I RDO RJE'I RANG BZHIN GYI BDAG NYID NGA'O SNYAM DU NGA RGYAL GZUNG STE MCHOD PA'O, ,DE NAS SGRA'I YUL THAMS CAD BSTOD PA'I SGRA DANG, DE'ANG BRAG CHA LTA BUR MOS BAR BYAS LA, DE NAS RANG DANG DKYIL 'KHOR BA LA BSTOD PAR BSAMS LA, MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,RNAM PAR SNANG MDZAD DAG PA CHE, ,RDO RJE ZHI BA DGA' BA CHE, ,RANG BZHIN 'OD GSAL MCHOG GI MCHOG ,STON PA RDO RJE PHYAG 'TSAL LO, ,RIN CHEN RGYAL PO RAB TU ZAB, ,RDO RJE NAM MKHA' 'DRA DRI MED, ,RANG BZHIN DAG LA GOS PA MED, ,RDO RJE SKU LA PHYAG 'TSAL LO, ,RDO RJE DPAG MED RGYAL PO CHE, ,MI RTOG NAM MKHA' RDO RJE 'DZIN, ,'DOD CHAGS PHA ROL PHYIN PA MNYES, ,RDO RJE GSUNG LA PHYAG 'TSAL LO, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,RDO RJE SEMS LA PHYAG 'TSAL LO, ,ZHES RDOR DRIL 'DZIN PA'I BDE BA'I DBYANGS KYIS BSTOD PAR BYA STE, BSTOD PA'O, ,DE NAS BDUD RTZI MYANG BAR BYA STE, NANG MCHOD SNOD DANG BCAS PA MI DMIGS PAR SBYANGS PA'I STONG
PA'I NGANG LAS, Ym LAS RLUNG GI DKYIL 'KHOR SNGON PO GZHU LTA BU LA, RGYAL MTSAN SNGON PO GNYIS KYIS MTSAN PA, DE'I STENG DU Rm LAS ME'I DKYIL 'KHOR GRU GSUM PA DMAR PO LA GRVA GSUM DU Rm ME 'BAR BAS MTSAN PA, DE'I STENG DU A'A LAS THOD PA'I SNOD KYI NANG DU ZLA BA DANG NYI MA'I GDAN LA, DBUS SU H'Um LAS DRI CHU, SHAR DU BRUm LAS DRI CHEN, LHOR Am LAS RAKTA, NUB TU DZRIm LAS BYANG SEMS DKAR PO, BYANG DU KHm LAS SHA CHEN RNAMS LA YI GE DE DAG GIS MTSAN PAR BSAMS LA, YI GE LNGA LAS 'OD ZER 'PHROS PAS RIGS LNGA BKUG NAS SA BON SO SO LA GZHUG GO ,DE NAS RLUNG GA-YOS TE ME 'BAR BAS BDUD RTZI LNGA BSKOL BA ZHU BA'I RLANGS PA LAS BYUNG BA H'Um LAS BYUNG BA'I RDO RJE THOD PAR ZHU BAS DRI MA THAMS CAD SBYANGS PAR BSAMS, YI GE A'A: THOD PAR ZHU BAS KHRAG ZHU BA LTA BU'I BDUD RTZIR GYUR, AOm THOD PAR ZHU BAS BDUD RTZI DKAR PO BSIL BA'I RANG BZHIN CAN DU BSAMS LA, YI GE GSUM BRJOD DE BYIN GYIS BRLAB PA'O, ,DE NAS SNYING GAR ZLA BA LA DKYIL 'KHOR YONGS SU RDZOGS PA BLTAS LA, MGRON RNAMS KYI LJAGS H'Um LAS BYUNG PA'I RDO RJE RTZE GSUM PAS MTSAN PA'I 'OD ZER GYIS BDUD RTZI DRANGS NAS GSOL BAR BSAMS LA, DANG POR RTZA BA'I BLA MA DANG, DE NAS BRGYUD PA'I BLA MA DANG, LHA SO SO'I SNGAGS LA AOm A'A: H'Um BTAGS LA DBUL, DE NAS PHYOGS SKYONG DANG GZHI BDAG SOGS KYANG LHAR BSKYED LA DBUL LO, ,DANG PO SBYOR BA
, ,DANG DKYIL 'KHOR RGYAL MCHOG GI LHA SGOM TSUL NI, MNGON RTOGS KHRIG CHAGS SU BSGOM PA NA, RTEN DANG BRTEN PA GANG BSGOM PA'I RNAM PA MA SHAR BAR DU PHYI MA MI BSGOM PA SNGA MA SNGA MA'I RNAM PA RE RE SHAR BAR BYAS NAS SNANG BA DANG NGA RGYAL BSGOM PA GNYIS KA BYA, SKABS 'DIR SLEB PA DANG, GTZO BO ZHAL GCIG PHYAG GNYIS PA'I RNAM PA LA BSLAB STE, DE'ANG RNAM PA GSAL BTAB PA MA MTHA' CIG SHAR BYUNG BA DANG, DE NYID LA DMIGS NAS BYING RGOD DANG BRAL BAR SEMS GZUNG, MI GSAL BAR SONG NA BSKYAR MA GSAL BTAB LA SEMS GZUNG STE, MIG GIS MTHONG BA DANG 'DRA BA'I GSAL BA DANG, CUNG ZAD RE GNAS PA GNYIS TSOGS BYUNG BYUNG DU BSGOMS TE, DE NAS ZHAL PHYAG LHAG MA DANG, NA BZA' DANG, RGYAN DANG, PHYAG MTSAN SOGS LA ZHIB PAR BSLAB BO, ,DE LA BRTAN PA NA, DE'I STENG DU YUM DANG 'KHOR RNAMS KYIS BSNAN LA, RTEN DANG BRTEN PA DUS GCIG TU GSAL GSAL DU BSLAB STE, SKABS 'DIR GTZO CHER RNAM PA GSAL BA DANG NGA LHA DE'O SNYAM PA'I NGA RGYAL SHUGS CAN BSKYED DE, LHA DER NGA RGYAL 'GYUR BA LA BSLAB BO, ,DE LA BRTAN PA NA DMIGS BRTEN DANG BRTEN PA'I DKYIL 'KHOR LA DMIGS NAS RNAM PA BDEN PAS STONG PAR NGES PA'I RNAM PA CAN DU BYAS LA ZAB GSAL GNYIS SU MED PA LA GOMS PAR BYA'O, ,'BYUNG BA'I DKYIL 'KHOR BSKYED PA NAS 'DI'I BAR NI DKYIL 'KHOR RGYAL MCHOG GO ,RANG GI YE SHES SEMS DPA'I THUGS KA'I RAL GRI'I CHANG ZUNGS LA GNAS PA'I Mm YIG LAS 'PHROS PA'I 'OD ZER GYI RTZE LAS THUB PA'I TSOGS
NAM MKHA' GANG BA BYUNG BA RNAMS KYIS SEMS CAN THAMS CAD KYI DRI MA SBYANGS, SANGS RGYAS SU BYAS DE THAMS CAD TSUR 'DUS TE Mm LA ZHUGS PAR BSAM ZHING, RANG GI YID Mm 'OD 'BAR BAR GYUR PA BDUD RTZI 'DZAG PA LA RTZE GCIG TU DMIGS LA BSGOM PAR BYA'O, ,DE NAS Mm GYI 'OD ZER GYIS RANG GI RTEN MTSAN MA DANG, YE SHES SEMS DPA' DANG, RDO RJE SEMS DPA' DANG RDO RJE GSUM GSAL BAR BYAS TE, SLAR Mm LA 'DUS PAR BSAM ZHING, SEMS GZUNG NGO, ,DE BZHIN DU RANG GI BA SPU'I BU GA LAS 'PHROS PA'I 'OD ZER GYIS 'GRO BA RNAMS KYI DON BYAS NAS SA BON LA BSDUS PA LA SEMS GZUNG STE, Mm LAS 'GRO BA'I DON MDZAD PA NI, 'PHRIN LAS BSGRUB PA'I LAS RGYAL MCHOG LA DGONGS TE THIG LE'I RNAL 'BYOR RO, ,PHRA MO'I RNAL 'BYOR SGOM PA LA KUN BZANG DKYIL CHOG LAS, YANG NA ZHES GSUNGS PA'I DON NI, SMAN ZHABS KYIS YANG NI ZHES PA'I DON DU BSHAD PA LTAR SHES DGOS SO, ,DE NAS Mm YIG GI 'OD KYIS SANGS RGYAS THAMS CAD SPYAN DRANGS, RANG GI ZHAL DU BCUG PA ZHU BA RDO RJE'I LAM NAS YUM GYI GSANG BA'I SNA RTZER ZLA BA LA GNAS PA'I YI GE YUNGS 'BRU TZAM Mm DE YONGS SU GYUR PA'I RAL GRI NAS 'BRU TZAM GYI NANG DU RTEN DANG BRTEN PA'I DKYIL 'KHOR YONGS SU RDZOGS PA BSAM, DE LA BRTEN PA'I MTSAN MA RNYED PA NA, PHRA MO'I DKYIL 'KHOR LAS LHA DANG PHYAG MTSAN RGYA JE CHER SPRO BA DANG, SLAR SDUD PA LA BYANG BAR BYA STE SPRO BSDU'I 'PHRIN LAS BSGRUB PA'I LAS RGYAL MCHOG GO ,MTSAN MA NI THA GA NA DANG, SH'ANTI PA DANG, DPAL 'BRAS RDO RJE DANG, KUN TU BZANG POS SMIG RGYU LA SOGS PA'I MTSAN MA LNGA LA BSHAD PA NI,
, ,'OG SGO'I PHRA MO BSGOM PA'I STENG NAS RIM GNYIS KYI CHA GNYIS YOD PA'I RDZOGS RIM PA'I PHRA MO LA DGONGS SO, ,SNYING GAR Mm YIG GI THIG LE DANG GSANG GNAS KYI THIG LE 'AM, PHYAG MTSAN PHRA MO SGOM PA NI, SEMS GNAS BRTAN PA'I THABS YIN PAS, DE GNYIS KYI SGO NAS GTZO BOR GNAS CHA SGRUB PA YIN NO, ,'OG SGOR DKYIL 'KHOR RDZOGS PA SGOM PA'I SKABS NI, 'DI'I LUGS LA YE SHES LA, LAS DANG PO PA DANG, YE SHES CUNG ZAD BABS PA DANG, YE SHES LA DBANG CUNG ZAD THOB PA DANG, YE SHES LA YANG DAG PAR DBANG THOB PA DANG BZHI GSUNGS PA'I BZHI PA'I SKABS NI BSKYED RIM MTHAR PHYIN NAS RDZOGS RIM LA NUS PA RNYED PA'I SKABS YIN LA, DANG PO'I SKABS NI BSKYED RIM DANG POR BSGOMS NAS DKYIL 'KHOR GYI LHA RAGS PA LA GSAL SNANG MA THOB TSUN CHAD DO, ,GNYIS PA'I SKABS NI RAGS PA LA GSAL SNANG THOB NAS SKYE MCHED BYIN RLABS KYI LHA LA SOGS PA LA GSAL SNANG MA THOB TSUN CHAD DO, ,GSUM PA'I SKABS NI, LHA DE DAG LA GSAL SNANG BRTAN PO THOB PA STE, DE GSUM NI RIM PA DANG PO'I SKABS SO, ,DE GSUM GYI DANG PO GNYIS KYI SKABS SU PHRA MO'I RNAL 'BYOR GNYIS BSGOM PA MIN GYI GSUM PA'I SKABS SU BSGOM PA YIN NO, ,DE NAS BZLAS PA BYA BA NI, RANG GI YE SHES SEMS DPA'I THUGS KA'I SA BON DANG, LHA GZHAN RNAMS KYI THUGS KA'I RDO RJE'I SA BON GYI MTHAR BZLAS BYA'I SNGAGS KYI PHRENG BA MGO GYEN DU BSTAN PA DGOD LA, DE LA SKU RDO RJE SOGS KYI LHA RNAMS CIG CAR RIM GYIS SPROS PA RNAMS KYIS 'GRO BA'I DON MDZAD NAS
SLAR YANG SO SO'I SA BON LA BSDU BA'I TSUL GYIS YID MA YENGS PAR HA CANG MYUR BA DANG, BUL BA DANG, RING THUNG DANG BRAL BAR STONG PA NYID KYI LTA BA DRAN PA'I SGO NAS BZLAS PA BYA'O, ,BZLAS BYA'I SNGAGS NI, DKYIL CHOG LAS, 'BYIN PA DE NYID GSUM DANG SPEL, ,GZHAN DANG SNYING RJE'I SA BON SPEL, ZHES 'BYIN SNGAGS DANG SA BON RNAMS YI GE GSUM DANG SPEL BA LA GSUNGS PA LTAR TA, AOm A'A: BADZRA DHRI KA M'm H'Um, AOm A'A: DZI NA DZI KA AOm H'Um, AOm A'A: RATNA DHRi KA SV'A H'Um, AOm A'A: A'A RO LIKA A'A: H'Um, AOm A'A: PRADZNY'A DHRi KA H'A H'Um, AOm A'A: MO HA RA TI Lm H'Um, AOm A'A: DVE shA RA TI Mm H'Um, AOm A'A: R'A GA RA TI Bm H'Um, AOm A'A: BADZRA R'A TI Tm H'Um, AOm A'A: R'U PA BADZRA DZA: H'Um, AOm A'A: SHAPTA BADZRA H'Um H'Um, AOm A'A: GANDHE BADZRA Bm H'Um, AOm A'A: R'A SA BADZRA HO: H'Um, AOm A'A: SPARSHA BADZRA KHm H'Um, AOm A'A: DHARM'A DH'A TU BADZRA Rm H'Um, AOm A'A: YA M'ANTA KRi TA H'Um H'Um, AOm A'A: PRADZNY'ANTA KRi TA H'Um H'Um, AOm A'A: PADM'ANTA KRi TA H'Um H'Um, AOm A'A: BIGHN'ANTA KRi TA H'Um H'Um, ZHES PA'O, ,BZLAS PA'I TSAD NI DKYIL CHOG LAS, ,'KHOR LO LA GNAS TSUL BZHIN BZLAS, ,MTSAN MA THOB NAS YANG DAG 'DRI, ,'KHOR LO CAN SNGAGS 'BUM BZLAS PA'AM, ,YANG NA RANG GI LHA YI 'BUM, ,GZHAN GYI KHRI STE YANG NA NI, ,'KHOR LO CAN GYI BKAS GNANG 'DRI, ,ZHES GZHAN LA DBANG BSKUR BA LA GSUNGS TE, RAB GNAS DANG SBYIN SREG GI LAS LA'ANG DE TZAM RE BTANG DGOS LA, BZLAS PA DAG BA DKA' BAS DE'I NYES PA SEL BA LA KHA SKONG GI SBYIN SREG KYANG MANG DU BYA'O, ,RANG GI SPYI BOR MTHO GANG TZAM GYIS 'PHAGS PAR ZLA BA'I STENG DU BDUD RTZI LNGA'I
, ,SA BON AOm YIG DKAR PO 'OD ZER LNGA 'PHRO BA BSAMS LA, DE LAS 'OD SPROS PAS DE BZHIN GSHEGS PA RNAMS KYI THUGS KA NAS YE SHES KYI BDUD RTZI BKUG STE DE LA BSTIM PA LAS BDUD RTZI LNGA'I RGYUN 'DZAG PA SPYI BO NAS PHAB PAS TSIM PAR BYA STE, LUS BRTAS PA'I CHO GA'O, ,DE NAS SNGAR BSHAD PA BZHIN DU MCHOD PA DANG BSTOD PA DANG, BDUD RTZI MYANG BA BYAS LA, YI GE GSUM BRJOD NAS RNAM SNANG DANG, DE'I RIGS KYI LHA SPYAN MA LA SOGS SPYI BO'I SKU RDO RJE'I AOm LA BSDU, SNANG MTHA' DANG DE'I RIGS KYI LHA GOS DKAR MO SOGS MGRIN PA'I GSUNG RDO RJE'I A'A: LA BSDU, M'A MA K'I LA SOGS PA'I MI BSKYOD PA'I RIGS KYI LHA RNAMS THUGS RDO RJE'I THUGS KA'I H'Um LA BSDU, DKYIL CHOG GI 'GREL PAR RIGS GSUM DU SDUD PA NA, RIN 'BYUNG DON GRUB GNYIS GSUNG RDO RJER SDUD PA SH'ANTI PAS BSHAD LA, 'DIR YANG DE GNYIS DANG DE'I RIGS LHAG MA RNAMS A'A: YIG LA BSDU STE LAS RGYAL MCHOG GO ,DE NAS, 'KHOR BA THA MA MED PA YI, ,SNGON GYI MTHA' NI JI SRID PA, ,DE SRID SEMS CAN PHAN DON DU, ,SPYOD PA DPAG YAS SPYAD PAR BGYI, ,PHYOGS BCU NAM MKHA'I MTHAS GTUGS PA'I, ,SEMS CAN KUN DON BSGRUB BYA'I PHYIR, ,JI LTAR 'JAM DBYANGS SPYOD MDZAD PA, , BDAG GI SPYOD PA'ANG DE 'DRAR SHOG ,CES SOGS DANG, BZANG PO SPYOD PA'I SMON LAM YANG BYA'O, ,DE NAS THUN GYI SNGA PHYI'I BAR DU JI LTAR BYA BA LA, SPYI DANG BYE BRAG GI RNAM PA GNYIS GSUNGS PA LA, SPYI'I RNAM GZHAG 'KHYER BDE BAS GANG SNANG
THAMS CAD 'JAM PA'I RDO RJE NYID DU YUL YUL CAN DU SHAR NAS YUM GYIS MCHOD PA 'BUL BAR BSAMS TE, RANG LA MCHOD PA DANG, GZHAN LA STER BA NA'ANG DE LTAR BSAMS TE LONGS SPYOD DAG PA'I RNAL 'BYOR RO, ,NANG GI SBYIN SREG BYA BA NI, BZA' BTUNG LA LONGS SPYOD PA NA, BZA' BTUNG NANG MCHOD LTAR BYIN GYIS BRLAB, SNYING GAR Rm LAS ME GRU GSUM GYI THAB DANG, DE'I GNAS SU DKYIL 'KHOR RDZOGS PA BSAM, LAG PA GNYIS DGANG BLUGS DANG, BZA' BTUNG SREG RDZAS SU BYA STE LCE SNGAR BZHIN BYIN GYIS BRLABS LA, SBYIN SREG 'BUL BA'I TSUL GYIS LONGS SPYOD PA NI KHA ZAS KYI RNAL 'BYOR RO, ,CHOS STON PA DANG, SANGS RGYAS MCHOD PA SOGS KYI LUS NGAG GI BYA BA LA 'JUG PA NA, LHA'I RNAL 'BYOR LA MA YENGS PA'I NGANG NAS BYAS NA LUS KYI SGUL BSKYOD GANG YIN GYIS PHYAG RGYA 'CHING BA DANG 'DRA BA'I BSOD NAMS GSOG PA DANG, NGAG GI SMRA BRJOD RNAMS KYIS KYANG, SNGAGS STON PA DANG 'DRA BA'I BSOD NAMS SDUD PAR GSUNGS SO, ,DON YOD GRUB PA'I SGO NAS GTZO BO 'PHOS PA'I DKYIL 'KHOR 'PHOS PA'I THUGS KAR SNA TSOGS PADMA'I DBUS SU ZLA BA LA Mm LAS RDO RJE KHm GYIS MTSAN PA LAS 'OD ZER 'PHROS PAS, SNGAR BZHIN DBANG LHA SPYAN DRANGS, DBANG BSKUR TE STONG PA NYID KYI DON YID LA BYAS NAS SDIG PA DAG PA'I MOS PA BYA BA NI, DAM TSIG GSO BA'O, ,KHRUS BYED PA'I TSE'ANG DBANG BSKUR BA LTAR BYA'O, ,THUN GZHAN LA JI LTAR BYA BA NI TSOGS ZHING MCHOD NAS BZLAS BRJOD LA SOGS PA'I BAR SNGAR BZHIN RDZOGS PAR BYAS LA, GAL TE BREL NA GZHAL
, ,YAS KHANG DANG GTZO BO BSKYED PA BYAS NAS THUGS KA NAS DKYIL 'KHOR RGYAL MCHOG GI LHA RNAMS SPROS TE, SKYE MCHED BYIN GYIS BRLAB PA SOGS RDZOGS PAR BYAS PA TZAM GYIS KYANG RUNG NGO, ,NYAL BA'I TSE NA RANG GI SNYING GA'I NANG DU DKYIL 'KHOR GYI 'KHOR LO CHUD PAR BYAS LA THABS SHES GNYIS DANG LDAN PAR NYAL ZHING, SANG LDANG BA'I DUS SU LHA MO RNAMS KYIS GLUS BSKUL NAS LDANG BAR BYAS LA, THUN GYI BYA BA RNAMS BSGRUB PAR BYA'I, DE LTAR YE SHES ZHABS KYI LUGS SU GRAGS PA'I 'JAM PA'I RDO RJE'I SGRUB THABS 'DI NI YE SHES ZHABS KYIS RANG DGAR MDZAD PA MA YIN GYI RJE BTZUN 'JAM PA'I DBYANGS KYIS YE SHES ZHABS LA MNGON SUM DU BSHAD PA'I LUGS, RGYA GAR DU MKHAS PA RNAMS LA RTZOD MED DU GRAGS PA'I LAM SROL CHEN POR SNANG BAS, 'DI SKOR GYI GZHUNG KHUNGS MA DU MA DANG LEGS PAR BSTUN NAS BGYIS PA YIN PAS, YID CHES PA'I GNAS SU BZUNG NGO, ,'JAM PA'I DBYANGS KYI ZHAL GYI GDAMS PA YIS, ,RGYUD RGYAL 'DUS PA'I RIM PA DANG PO'I GNAD, ,JI BZHIN GSAL BAR MDZAD PA'I SGRUB THABS NI, ,SLOB DPON NYID KYI SGRUB THABS RNAM GNYIS DANG, ,TSE 'DIR MCHOG BRNYES MAR ME MDZAD KYI GZHUNG, ,THA GA NA DANG RIN CHEN 'BYUNG GNAS DANG, , DPAL 'BRAS RDO RJE SMAN PA'I ZHABS DANG NI, ,KUN TU BZANG PO'I GZHUNG GIS LEGS BSHAD PA, ,CHOG KHRIGS RIM PA DANG PO'I GNAD RNAMS KYIS, ,DGONGS PA GSAL BAR BYED PA 'DI SBYAR BAS, ,'GRO KUN 'DUS PA'I LAM LA LEGS
ZHUGS NAS, ,'JAM PA'I RDO RJE MYUR DU 'GRUB PAR SHOG ,CES RJE BTZUN 'JAM PA'I RDO RJE'I SGRUB THABS 'JAM PA'I DBYANGS KYI DGONGS PA GSAL BA ZHES BYA BA 'JAM PA'I DBYANGS LA MI PHYED PA'I DAD PA DANG LDAN PA SHAR TZONG KHA PA BLO BZANG GRAGS PA'I DPAL GYIS DON GNYER CAN MANG PO'I DON DU 'GYUR BAR MTHONG NAS 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI BA RIN CHEN DPAL LO, ,'DIS KYANG BSTAN PA RIN PO CHE PHYOGS DUS KUN TU DAR ZHING RGYAS PAR BYED NUS PAR GYUR CIG ,SARBA MANGGA Lm, ,