*, ,DPAL GSANG BA 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON GYI RIM PA BZHUGS SO, ,
, ,DPAL GSANG BA 'DUS PA'I RDO RJE SEMS DPA' MNYES PAR BYED PA'I CHO GA'I NGAG 'DON GYI RIM PA NI, NANG MCHOD GTOR MA LTAR BYIN GYIS BRLAB, SNGON 'GRO'I GTOR MA'ANG BYIN GYIS BRLABS LA RANG GI THUGS KA'I H'Um GI 'OD ZER LCAGS KYU'I RNAM PA CAN GYIS PHYOGS SKYONG BCO LNGA 'KHOR DANG BCAS PA SPYAN DRANGS NAS PHYOGS MTSAMS RNAMS SU GNAS PA NI, SHAR DU RDO RJE MTSON CHA SER PO ZHES PA NAS 'DUS PA'I LHA SHES RAB MA DANG BCAS PA'I SKUR BZHENGS PA'I MGRON RNAMS KYI LJAGS RNAMS H'Um LAS BYUNG BA'I RDO RJE RTZE GCIG PA DMAR PO 'OD KYI SBU GU CAN DU GYUR, AOm A'A: HR'I: ZHES SOGS KYIS CHU BZHI PHUL NAS, AOm A'A: DUS GSUM SKYES PA KUN DANG PHYOGS BCU YI, ZHES PA NAS, ZHI BA DANG NI BSRUNG BAR MDZAD DU GSOL, ,H'Um ZHES PA'I BAR GYIS GTOR MA PHUL NAS, ZHAL BSIL DANG PHYAG BKRU BA'I PHYIR MCHOD YON DANG SO RTZI PHUL LA, AOm A'A: DA SHA DI KA LO KA P'A LA SA PA RI W'A RA PUshPm PRA T'I TZTSA H'Um SV'AH'A, ZHES ME TOG DANG, DE BZHIN DU PUshPE'I GNAS SU DH'U BA NAS SHAPTA'I BAR BCUG LA NYER SPYOD DANG AOm DA
, ,SHA DIKA CES SOGS KYI RJES SU, AOm A'A: H'Um, ZHES BTAGS PAS NANG MCHOD DBUL, MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, DE KUN KHYED KYIS BZOD MDZAD RIGS, ,ZHES BZOD PAR GSOL, YI GE BRGYA PA BRJOD LA AOm A'A: H'Um BADZRA MU: ZHES PAS GSHEGS SU GSOL, DE NAS BDAG BSKYED KYI MCHOD PA BSANGS SBYANGS BSKYED BYIN GYIS BRLABS LA, YID KYI ROL PA ZHES PA NAS, SEMS NI BYANG CHUB DAM PAR BSKYED PAR BGYI, ,ZHES PA'I BAR GYIS SKYABS 'GRO SEMS BSKYED BYA, DE NAS AOm A'A: H'Um BADZRA SATVA RANG GI SNYING GAR ZLA BA'I DKYIL 'KHOR LA GNAS PA'I H'Um GI 'OD ZER GYIS BDAG NYID KYI SGO GSUM GYI DRI MA SBYANGS, 'OD ZER PHYIR 'PHROS PAS RANG BZHIN GYI GNAS NAS BLA MA DANG GNYIS SU MED PA'I RDO RJE 'CHANG GI DKYIL 'KHOR SPYAN DRANGS, MCHOD YON 'BUL BA NAS YANG DAG NYID DU DA NI GNAS PAR BGYI, ,ZHES PA'I BAR SGRUB THABS BZHIN BYA, RANG GI LAG MTHIL GNYIS SU AA AA LAS BYUNG BA'I ZLA BA'I DKYIL 'KHOR GNYIS KYI STENG DU H'Um H'Um LAS BYUNG BA'I RDO RJE 'BAR BA RE RE, DE DAG ZHU NAS LAG PA LA THIM PAS LAG PA RDO RJE'I RANG BZHIN DU GYUR, AOm SHUDDHA DHARM'A: SIDDHA BADZRA H'Um, LKOG MA'I DBUS SU HR'I: LAS PADMA DMAR PO 'DAB MA BRGYAD PA LCE'I THAD KA'I 'DAB MA GCIG LCER GYUR PA'I STENG DU H'Um
LAS BYUNG BA'I RDO RJE 'BAR BA DE ZHU BA LCE LA THIM PAS LCE RDO RJE'I RANG BZHIN DU GYUR, BADZRA DZI HVA H'Um, DE NAS ME TOG DANG, 'BRU DANG BCAS PA'I MCHOD YON GYI SNOD CHUS BKANG BA MDUN DU BZHAG LA, AOm A'A: BIGHN'ANTA KRiTA H'Um ZHES LAN BDUN BZLAS, RDO RJE 'DZIN PA MDUN DU DMIGS LA THAL MO SBYAR TE, PHYAG 'TSAL BSTOD CING PHYAG 'TSAL BSTOD, ,PHYAG 'TSAL BSTOD DE PHYAG 'TSAL 'DUD, ,GUS PAS KHYOD LA BDAG GSOL 'DEBS, ,RDO RJE SEMS DPAR BDAG SGRUBS SHIG ,CES PAS GSOL BA GDAB, DE NAS AOm SVA BH'A WA SHUDDHA SARBA DHARM'A: SVA BH'A WA SHUDDHO NYA Hm, CHOS RNAMS KYI NGO BO RGYU 'BRAS GSUM RANG GI MTSAN NYID KYIS GRUB PAS STONG PA'I STONG PA NYID DU GYUR, AOm SH'U N+YA T'A DZNY'A NA BADZRA SVA BH'A WA A'ATMA KONYA Hm, LAN GSUM BRJOD, AOm A'A: H'Um BADZRA SATVA MA NU SMA RA SA MA YA TIshthA AE shA STVm DHA RA Y'A MI BADZRA SATVA HI HI HI HI H'I H'Um, STONG PA'I NGANG LAS SNA TSOGS PADMA DANG ZLA BA'I GDAN LA RANG NYID RDO RJE SEMS DPA' SKU MDOG DKAR PO DKAR NAG DMAR BA'I ZHAL GSUM PHYAG DRUG CES SOGS NAS DPE BYAD BZANG PO BRGYAD CUS BRGYAN PA, REG BYA RDO RJE MA DKAR MO DKAR NAG DMAR BA'I ZHAL GSUM ZHES PA MA GTOGS RDO RJE 'CHANG GI BSKYED CHOG LTAR BYA BA'AM, YANG NA RANG NYID RDO RJE SEMS DPA' SKU MDOG STON KA'I ZLA BA LTAR DKAR BA ZHAL GCIG PHYAG GNYIS KYI GA-YAS RDO RJE DANG GA-YON DRIL BU 'DZIN PAS YUM LA 'KHYUD PA, RAL PA'I THOR TSUGS CAN, SHIN TU SGEG PA'I NYAMS CAN LHA RDZAS KYI GOS KYI GA SHAL DANG SMAD GA-YOGS DANG RIN PO CHE'I RGYAN CAN, RANG DANG 'DRA BA'I
, ,REG BYA RDO RJE MA DKAR MOS MGUL NAS 'KHYUD PA SEMS DPA'I SKYIL KRUNG GIS BZHUGS PA, DE'I SPYI BOR AOm, MGRIN PAR A'A: THUGS KAR H'Um, H'Um GI 'OD ZER GYIS SPYAN DRANGS PA'I GNOD MDZES SNGON PO NAG DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO RIN PO CHE, GA-YON THUGS KAR ZHAGS PA BZUNG NAS SDIGS MDZUB MDZAD CING PADMA RAL GRI 'DZIN PA MDUN DU 'DUG STE BDAG GIS CI ZHIG BGYI ZHES BKA' NOD PA LA, PHYOGS BCUR SE GOL GTOGS CING, AOm SUMBHA NI SUMBHA H'Um, GRiHnA GRiHnA H'Um, GRiHn'A BA YA GRiHn'A PA YA H'Um, A'A NA YA HO BHA GA W'ANA BIHY'A R'A DZA H'Um PHAt, CES GNOD MDZES LA BOS NAS BGEGS ZUNG LA KHUG CIG CES BKA' BSGOS PAS, GNOD MDZES KYI PHYAG GA-YAS KYI DANG PO'I RDO RJE DE RDO RJE LCAGS KYUR GYUR NAS BGEGS KYI GTZO BO PHYOGS SKYONG BCU'I SNYING GA NAS LCAGS KYUS BKUG ,MGRIN PA ZHAGS PAS BCINGS NAS BKUG STE, PHYI ROL TU H'Um RING PO LAS GRUB PA'I KHRON PA 'BRUB KHUNG GI RNAM PA CAN DU BCUG PAR GYUR, RANG GI THUGS KA'I H'Um LAS SPROS PA'I KHRO BO RDO RJE PHUR BU STOD BDUD RTZI 'KHYIL BA SNGON PO SNGO DKAR DMAR BA'I ZHAL GSUM PHYAG DRUG GI GA-YAS SNA TSOGS RDO RJE 'KHOR LO GTUN SHING GA-YON THUGS KAR ZHAGS PA BZUNG NAS SDIGS MDZUB MDZAD CING DRIL BU DGRA STA 'DZIN PA, LTE BA MAN CHAD MDUD RTZE GCIG PA'I DBYIBS CAN GYI PHUR BU ME DPUNG RAB TU 'BAR BA BCUR GYUR TE PHYOGS SKYONG 'KHOR BCAS KYI MGO BOR ZUG PAR BSAMS LA, AOm GHA GHA ZHES SOGS BRJOD, DE NAS PHUR
BU'I SPYI BO NAS BRDUNGS PAR BSAMS LA, AOm BADZRA MUNGGA RA BADZRA K'I L'A YA A'A KO t'A YA H'Um H'Um PHAt, CES PA BCU BRJOD LA, GNOD MDZES KYI PHYAG MTSAN RDO RJE LCAGS KYU DE RDO RJE THO BA ME 'BAR BAR GYUR PAS SHAR NAS BRTZAMS TE PHYOGS BZHI DANG ME NAS BRTZAMS TE MTSAMS BZHI LA SOGS PA'I PHUR BU'I SPYI BO NAS BRDUNGS PAS BGEGS RNAMS KYI SPYI BO NAS RKANG MTHIL GYI BAR DU PHUR BUS BTAB PAS LUS NGAG YID GSUM GA-YO 'GUL MED PAR GYUR, PHUR BU LAS 'OD ZER 'BAR BA 'OG TU 'PHROS PAS RDO RJE'I SA GZHI, LOGS SU 'PHROS PAS RDO RJE'I RA BA, STENG DU 'PHROS PAS RDO RJE'I GUR, GUR GYI 'OG RA BA'I STENG DU RDO RJE'I BLA BRE, PHYI ROL GYI PHYOGS MTSAMS THAMS CAD DU YE SHES KYI ME RAB TU 'BAR BA 'PHRO BAR GYUR, DE NAS AOm A'A: BADZRA SATVA AARGHm PRA T'I TZTSA H'Um SV'AH'A, ZHES SOGS KYIS MCHOD LA, AOm BADZRA SATVA AOm A'A: H'Um ZHES PAS NANG MCHOD DBUL, DE NAS, RI BONG 'DZIN 'OD LTAR DKAR REG BYA RDO RJE MAS 'KHYUD SKU, ,MNYAM MED YON TAN GTER GYUR SANGS RGYAS LNGA YI GTZOR GYUR PA, ,MA RIG MUN PA'I RGYUD KYI TSOGS KUN RAB TU BCOM PA YI, ,PHYAG NA RDO RJE NAM MKHA'I MTHAR THUG JI SRID RGYAL GYUR CIG ,CES PAS BSTOD, DE NAS MDUN BSKYED BYA BA'I TSUL NI, H'Um LAN BDUN BZLAS PA'I BA BYUNG DANG, SNGAR GYI MCHOD YON GYI CHU BSRES PA AOm BADZRA RE KHE HR'I: ZHES BAS MAndAL LA BYUG CING, CHU BCAS LCI BA SBYIN PA STE, ,SKYANG NUL BYA BA TSUL KHRIMS YIN, ,GROG MA SOGS BSAL BZOD YIN TE, BYA BA RTZOM PA BRTZON
, ,'GRUS YIN, ,SKAD CIG RTZE GCIG BSAM GTAN TE, ,RI MO MNYAM PA SHES RAB YIN, ,THUB PA'I MAndAL 'DI BYAS PAS, ,PHA ROL PHYIN DRUG RNYED PAR 'GYUR, ,LHA MI KHYAD PAR CAN SKYE ZLA LTAR GZI 'PHAGS SHING, ,NAD KUN LAS GROL GSER GYI MDOG DANG 'DRA BAR 'GYUR, ,RGYAL RIGS 'BRU DANG GSER SOGS 'BYOR PAS GANG BAR 'GYUR, ,DE NA BDE GSHEGS MCHOG GI KHYIM GYI LAS BYA'O, ,ZHES BRJOD, DE NAS BIGHN'A NTA KRiTA BRJOD CING SNGAR GYI MCHOD YON GYI CHUS LAG PA GNYIS BSANGS LA, MAndAL GYI DBUS SU ME TOG GI TSOM BU DGOD, LAG PA GA-YAS PA'I MTHIL DU ZLA BA'I STENG DU H'Um H'Um H'Um GSUM, RDO RJE DANG BCAS PA'I SOR MO'I RTZE MOS MAndAL GYI STENG DU LAN GSUM BSNUN PAS DE'I SGRA DANG H'Um GI 'OD ZER GYIS BSKUL BAS SA GA-YOS PA'I GSEB NAS SA'I LHA MO SER MO LUS PHYED THON PA DGA' BA DANG LDAN PA'I THUGS CAN ZHI BA NA BZA' DKAR PO MNABS PA, RGYAN BZANG PO SNA TSOGS PAS BRGYAN PA, ZHAL GCIG PHYAG GNYIS KYI GA-YAS PA SKYABS SPYIN GYI PHYAG RGYA DANG, GA-YON PAS GSER GYI BUM PA BSNAMS PA BYUNG NAS BDAG GIS CI ZHIG BGYI ZHES BKA' NOD PA LA, AOm A'A: HR'I: PRA BA RA ZHES SOGS KYI CHU BZHI DBUL, AOm PRI THI W'I DE W'I SA PA RI W'A RA PUshPm PRA T'I TZTSA H'Um SV'AH'A, ZHES ROL MO'I BAR GYIS MCHOD LA, AOm PRI THI W'I DE WI SA PA RI W'A RA AOm A'A: H'Um, ZHES PAS NANG MCHOD DBUL, RDO RJE DRIL BU 'DZIN PAS, SKYOB PA SANGS RGYAS THAMS CAD KYI, ,SPYOD PA'I TSUL GYI KHYAD PAR DANG, ,SA DANG PHA ROL
PHYIN RNAMS LA, ,LHA MO KHYOD NI DPANG DU GYUR, ,SKYOB PA SH'AKYA SENGGE YIS, ,JI LTAR BDUD KYI DPUNG BCOM LTAR, ,DE BZHIN BDAG GIS BDUD KYI DPUNG, ,PHAM PAR BYAS TE DKYIL 'KHOR 'DRI, ,ZHES LAN GSUM BRJOD DE GSOL BA BTAB PAS, DE LTAR GYIS SHIG CES GSUNGS NAS DE NYID LA THIM PAR GYUR, DE NAS MAndAL GYI STENG DU LAG PA BZHAG LA, AOm ME DI NI BADZR'I BHA W'A BADZRA BANDHA H'Um, SA GZHI RDO RJE'I RANG BZHIN DU BCINGS PAR GYUR, DE NAS LAG PA'I ME TOG GIS DKYIL 'KHOR RIM PA GSUM PA BRIS LA, RIM PA NANG MA'I DBUS SU PADMA 'DAB BRGYAD, LHA SO SO'I GNAS SU THUN MONG DANG THUN MONG MA YIN PA'I GDAN SGRUB THABS NAS 'BYUNG BA LTAR RAM, YANG NA GTZO BO LA GDAN ZLA BA, DE BZHIN GSHEGS PA BZHI LA RIM PA BZHIN PAD 'DAB LA 'KHOR LO, RIN PO CHE, PADMA, SNA TSOGS RDO RJE, KHRO BO BCU LA NYI MA, LHA LHAG MA RNAMS LA ZLA GDAN BKOD PA'I STENG DU, H'Um KHm NAS H'Um BCU'I BAR GYI SA BON RNAMS 'DRI, DE NAS BIGHNANTA KRiTA BZLA ZHING SNGAR GYI MCHOD YON GYI CHUS LAN GSUM BSANGS LA, DNGOS PO MED PAS SGOM PA MED CES PA NAS, BYANG PHYOGS PA RNAMS LA SNA TSOGS RDO RJE'I GDAN ZHES PA'I BAR RAM, YANG NA DBUS SU ZLA BA ZHES SOGS GONG BZHIN BSKYED, DE RNAMS KYI STENG DU H'Um KHm NAS H'Um BCU RNAMS 'OD ZER 'BAR BA DANG BCAS PA DE RNAMS YONGS SU GYUR PA LAS LHA SO GNYIS BSKYED PA'AM, YANG NA SA BON RNAMS YONGS SU GYUR PA LAS RDO RJE GNYIS 'KHOR LO ZHES PA NAS RDO RJE DANG RDO RJE DE RNAMS YONGS SU GYUR PA LAS LHA SUM CU
, ,SO GNYIS SU RIM GYIS GYUR BA NI GDAN DBUS MA'I STENG DU RDO RJE 'CHANG SNGON PO MI BSKYOD PA'I DBU RGYAN CAN ZHES PA'AM, YANG NA MI BSKYOD PA NAG PO RDO RJE SEMS DPA'I DBU RGYAN CAN NAG DKAR DMAR BA'I ZHAL GSUM ZHES PA NAS GNOD MDZES KYI BAR SGRUB THABS BZHIN BSKYED, AE HYE HI BHA GA W'A NA SA MA YA MA NU SMA RA TIshthA TIshthA MA NU SNA RA SMA RA AOm A'A: H'Um SV'AH'A, ZHES PA LAN GSUM BRJOD, RANG GI THUGS KA'I H'Um GI 'OD ZER GYIS DKYIL 'KHOR GYIS LHA TSOGS SPYAN DRANGS TE 'DOD YON LNGAS MCHOD, DE NAS RDO RJE DRIL BU 'DZIN PAS, MA LUS 'GRO BA'I RANG BZHIN MNGON DU MDZAD, ,MI BZAD BDUD KYI DPUNG GIS PHYAG BYAS PA, ,RANG BYUNG MTHA' YAS 'GRO BA'I RANG BZHIN TE, ,SEMS CAN SNYING PO GCIG GYUR 'DIR GSHEGS SHIG ,CES GSOL PA GDAB, AOm BADZRA SA MA YA DZA: DZA: DZA: DZA: DZA: H'Um Bm HO: YE SHES PA RNAMS RANG RANG SO SO'I DAM TSIG PA DANG GNYIS SU MED PAR GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYI BYANG CHUB KYI SEMS KYI CHU RGYUN GYIS DBANG BSKUR, DE NAS MCHOD PA BSANG SBYANG SOGS SGRUB THABS BZHIN BYAS LA, DAG CING DRI MED YID 'ONG BA'I, ,SNGAGS KYI YON CHAB MCHOG 'DI DAG ,BDAG GIS DAD PAS 'BUL LAGS NA, ,ZHES TE BDAG LA BKA' DRIN STZOL, ,DE BZHIN DU ZHABS BSIL ZHAL BSIL, BSANG GTOR ZHES SBYAR TE CHU BZHI DBUL, DE NAS LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON PO MCHOD PA 'DI
BZHES SHIG ,CES ME TOG GI GNAS SU NYER SPYOD LHAG MA DANG, ROL MO'I MING BCUG BA PHYI'I NYER SPYOD, GSANG BA'I 'KHOR LO AINDRA N'I LA LTAR, ,SHIN TU SNGO BA'I RDO RJE'I BUNG BA YIS, ,BSKYOD PA'I PADMO LAS 'ONGS ME TOG DMAR, ,MI BSKYOD PA'AM, 'DIR RDO RJE 'CHANG GIS GTZO BO BYAS PAS, ,RDO RJE 'CHANG GI LHA TSOGS MNYES PHYIR DBUL, ,SBRUL PA'I 'KHOR LO GTUM MO'I MES BA SREGS PAS, ,YID 'ONG DRI YI NGAD LDANG GA BUR SPOS, ,NYAMS SU MYONG BAS YID RAB SIM BYED PA, ,RDO RJE 'CHANG GIx CHOS KYI 'KHOR LO'I DBUS GNAS BDE BA'I DNGOS, ,H'Um YIG NYI MA GSAL BA'I 'OD ZER CAN, ,MI SHES MUN 'JOMS SNGAGS KYI MAR ME 'DI, ,RDO RJEx BDE CHEN 'KHOR LO'I DBUS NA LEGS GNAS PA, ,KUNDA LTAR DKAR DRI YI BYUG PA YIS, ,LUS KUN KHYAB PA'I BDE BA'I MCHOG STER BA, ,RDO RJEx RMI LAM YUL LA ROL BA JI BZHIN DU, ,GANG GANG DBANG PO'I LAM NAS BYUNG NAS NI, ,DE DANG DE YI YUL LA LONGS SPYOD ZAS, ,RDO RJEx SNYOMS 'JUG DGA' BA'I ROL PA LAS BYUNG BA'I, ,MI SHIGS YI GE MCHOG GI ROL MO'I SGRA, ,A'A LI K'A LI'I GDANGS SU SHAR BA RNAMS, ,RDO RJEx ZHES PAS NANG GI NYER SPYOD DBUL, DE NAS, RIN CHEN DBANG GI RGYAL PO BEE d'U RYA'I, ,SNGON PO LA SOGS KHA DOG DBYIBS KYI GZUGS, ,RNAM GSUM GZUGS KYI RDO RJE MAR BYAS NAS, ,DKYIL 'KHOR LHA YI SPYAN LA DBUL BAR BYA, ,MA ZIN 'BYUNG BA'I TSOGS PA LAS BYUNG BA'I, ,BRJOD BRAL DBYANGS LA SOGS PA SGRA YI TSOGS, ,RNAM GSUM SGRA YI RDO RJE MAR BYAS NAS, ,DKYIL 'KHOR LHA YI SNYAN LA DBUL BAR BYA, ,GA BUR AA KAR DZ'A TI LA SOGS
, ,PA, ,LEGS PAR SBYAR BAS BYUGS PA DRI YI TSOGS, ,RNAM GSUM DRI YI RDO RJE MAR BYAS NAS, ,DKYIL 'KHOR LHA YI SHANGS LA DBUL BAR BYA, ,LUS MCHOG BRTAS BYED BDUD RTZI'I ZAS SOGS KYI, ,MNGAR SKYUR KHA DANG BSKA LA SOGS PA'I RO, ,RNAM GSUM RO YI RDO RJE MAR BYAS NAS, ,DKYIL 'KHOR LHA YI LJAGS LA DBUL BAR BYA, ,LUS LA REG PA TZAM GYIS BDE STER BA, ,DPAG BSAM GOS LA SOGS PA REG BYA'I TSOGS, ,RNAM GSUM REG BYA'I RDO RJE MAR BYAS NAS, , DKYIL 'KHOR LHA YI LUS LA DBUL BAR BYA, ,ZHES PAS PHYI'I 'DOD YON, 'DOD PA'I SGYU RTZAL DRUG CU BZHI LA MKHAS, ,YID 'PHROG GZUGS MDZES LANG TSO'I DPAL YON CAN, ,PADMA CAN SOGS PHYAG RGYA'I GZUGS MCHOG RNAMS, ,RDO RJE 'CHANG GI LHA TSOGS MNYES PHYIR DBUL, ,ZUR GYIS BLTA ZHING 'DZUM PA'I BZHIN RAS CAN, ,DRUG LDAN LA SOGS YANG DAG GLU LA MKHAS, ,PADMA CAN SOGS PHYAG RGYA'I GLU DBYANGS MCHOG ,RDO RJE 'CHANG GI LHA TSOGS MNYES PHYIR 'BUL, ,LHAN CIG SKYES DANG SBYAR BA BZANG PO'I DRI, ,GANG GI LUS LA RTAG TU RNAM 'BYUNG BA, ,PADMA CAN SOGS PHYAG RGYA'I DRI MCHOG RNAMS, ,RDO RJE 'CHANG GI LHA TSOGS MNYES PHYIR DBUL, ,GANG ZHIG MYANGS PAS BYANG CHUB SEMS 'JU BA, ,BIMBA LTAR DMAR MA MCHU'I SGRANG RTZI SOGS, ,PADMA CAN SOGS PHYAG RGYA'I RO MCHOG RNAMS, ,RDO RJE 'CHANG GI LHA TSOGS MNYES PHYIR DBUL, ,GSANG BA'I SNA RTZE PHAN TSUN PHRAD PA YIS, ,REG BYA MYONG BAS GTUM MO SKUL BYED PA, ,PADMA CAN SOGS PHYAG RGYA'I REG BYA MCHOG
RDO RJE 'CHANG GI LHA TSOGS MNYES PHYIR DBUL, ,ZHES PAS NANG GI 'DOD YON DBUL, YANG NA PHYI NANG GI 'DOD YON DANG NANG GI NYER SPYOD BSHAD RGYUD RDOR PHRENG LAS 'BYUNG BA LTAR BYA'O, ,DE NAS NANG GI MCHOD PA SGRUB THABS LTAR DBUL ZHING, BDUD RTZI LNGA YI BZA' BA NI, ,DNGOS GRUB KUN GYI DE NYID MCHOG ,DKYIL 'KHOR MCHOD PA ZHES SOGS DANG, AOm SARBA TA TH'A GA TA PANYTZA AA MRi TA PRA T'I TZTSA H'Um, ZHES PAS BDUD RTZI LNGA DBUL, BDAG MING 'DI ZHES BYA BA 'DIR, ,CHOS KYI DBYINGS KYI RANG BZHIN KRONG, ,YO BYAD CI 'BYOR PA YIS NI, ,DKYIL 'KHOR MCHOD PA ZHES SOGS KYI MTHAR, AOm SARBA TA TH'A GA TA P'U DZA AU PA S+THA N'A YA A'A TMA NAm NI RY'A TA Y'A MI, AOm A'A: H'Um ZHES PAS BDAG NYID DBUL LO, ,AOm SARBA TA TH'A GA TA P'U DZA BADZRA SVA BH'A WA A'ATMA KONYAHAm GIS MCHOD PA'I NGA RGYAL BZUNG, DE'ANG MCHOD PA BSDUS PA DBUL BA'I SDE TSAN NI, GTZO BO RIGS BDAG YAB YUM DE BZHIN GSHEGS PA BZHI LA PHYI'I NYER SPYOD NAS MCHOD PA'I NGA RGYAL BZUNG BA'I BAR TSAR GCIG ,DE BZHIN DU LHA MO BRGYAD DANG, BYANG CHUB SEMS DPA' BRGYAD, KHRO BO BCU LA TSAR RE RE DBUL LO, ,DA'ANG GTZO BO MI BSKYOD PAS BYAS PA'I TSE, NGAG TU 'DON PA'I TSUL NI, AOm A'A: BADZRA DHRiKA BADZRA SATVA, SPARSHA BADZRA, DZI NA DZIKA, RATNA DHRiKA, A'A RO LIKA, PRADZNY'A DHRi KA PUshPAm PRA T'I TZTSA H'Um SV'AH'A, ZHES PAS ME TOG DBUL, DE BZHIN DU GZHAN RNAMS LA'ANG SBYAR TE SHES PAR BYA'O, ,RDO RJE 'CHANG GTZO BOR BYAS NA AOm A'A: BADZRA SATVA BADZRA DHRiKA, SPARSHA BADZRA DZI NA DZIKA CES SOGS KYIS DBUL LO, ,DES NA GOS YOD NA SKOR BA GSUM BYED CING MA H'A RA TA SU tI TA SU
, ,TO shO SU SE shO BADZRA SATVA A'A: DHYA SI DDHYA MAm ZHES BRJOD, DE NAS GANG ZHIG THOG MED SRID PA'I CHU KLUNG ZHES PA NAS, YANG DAG NYID DU DA NI GNAS PAR BGYI, ,ZHES PA'I BAR LAN CIG BRJOD PA'I RJES SU, DKON MCHOG GSUM LA SKYABS SU MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ,ZHES DANG, THUN MONG MA YIN PA'I SDOM PA BZUNG BA LAN GSUM BRJOD, AOm PRA NA MA: MI SARBA TA TH'A GA TAN, ZHES PAS PHYAG GSUM BYA, MI BSKYOD RDO RJE ZHES PA NAS, RDO RJE SEMS DPA' PHYAG 'TSAL LO, ,ZHES DANG, GANG ZHIG GZUGS DANG TSOR BA ZHES SOGS KYIS BSTOD, ,DE NAS BZLAS PA GTZO BO LA BRGYA RTZA BRGYAD, 'KHOR RNAMS LA NYER GCI NGE, BRTAN BYANG DU YI GE BRGYAB RNAMS BZLAS LA, 'JIG RTEN DANG 'JIG RTEN LAS 'DAS PA'I LHA LA GTOR MA BTANG, DE NAS GTANG RAG GI MCHOD BSTOD RGYAS BSDUS GANG RUNG BYA, DE NAS SANGS RGYAS KUN GYI KUN BDAG NYID SOGS DANG, DE LTAR SGYU MA JI BZHIN RMI LAM BZHIN, ,SNANG STONG LHA SKUR GSAL BA'I NGANG NYID NAS, ,PHYOGS BCU'I RGYAL BA RAB 'BYAMS KUN BSDUS PA, ,MI BSKYOD RDO RJE'I DKYIL 'KHOR LHA TSOGS LA, ,RMAD BYUNG BDE BAS DGYES PA BSKYED PA YI, ,PHYI DANG NANG DANG GSANG BA'I MCHAD BSTOD DANG, ,BSGOM DANG BZLAS PA SOGS LA 'DIR 'BAD PAS, ,BDAG GIS JI SNYED BSAGS PA'I DGE BA 'DIS, ,RANG NYID SRID MTSOR LHUNG BA JI BZHIN DU, ,MA GYUR 'GRO BA KUN KYANG DE 'DRA BAR, ,MTHONG NAS 'GRO BA SGROL BA'I KHUR
'KHYER BA'I, ,BYANG CHUB SEMS MCHOG 'BYONGS PA NYID GYUR CIG ,SEMS TZAM BSKYED KYANG TSUL KHRIMS RNAM GSUM LA, ,GOMS PA MED NA BYANG CHUB MI 'GRUB PAR, ,LEGS PAR MTHONG NAS RGYAL SRAS SDOM PA LA, ,BRTZON PA DRAG POS SLOB PA NYID GYUR CIG ,THUN MONG LAM SBYANGS SNOD DU GYUR BA NA, ,THEG PA KUN GYI MCHOG GYUR RDO RJE'I THEG ,SKAL BZANG SKYE BO'I 'JUG NGOGS DAM PA DER, ,BDE BLAG NYID DU 'JUG PA NYID GYUR CIG ,BUM DBANG GANGG'A'I CHU RGYUN BSKUR PA YIS, ,THA MAL SNANG ZHEN DRI MA 'KHRUD PAR SHOG ,GSANG DBANG YE SHES BDUD RTZI MYANGS PA YIS, ,NGAG GNAS RLUNG NI SNGAGS SU 'CHAR BAR SHOG ,GSUM PA LHAN SKYES DGA' BA'I LCAGS KYU YIS, ,YID NI 'OD GSAL DBYINGS SU 'DREN PAR SHOG ,BZHI BA ZUNG 'JUG DON LA NGO SPRAD PAS, ,MTHAR THUG DON LA SGRO 'DOGS CHOD PAR SHOG ,DE TSE DNGOS GRUB RNAM GNYIS 'GRUB PA'I GZHI, ,RNAM DAG DAM TSIG SDOM PAR GSUNGS PA LA, ,BCOS MA MIN PA'I NGES BA RNYED GYUR NAS, ,SROG DANG BSDOS TE RTAG TU BSRUNG BAR SHOG ,THA MAL SNANG ZHEN KUN RTOG SPANGS PA YI, ,LUS KYI GA-YO BA NGAG GI BRJOD PA DANG, ,YID KYI BSAM PA KUN GYIS 'BAD MED PAR, ,RLABS CHEN TSOGS RNAMS YONGS SU SDUD BYED PA'I, ,THUN BZHI'I SBYOR BA BSNYEN SGRUB YAN LAG BZHI, ,RIM PA DANG PO'I RAGS DANG PHRA BA'I LAM, ,MA LUS SHIN TU BRTAN PA RNYED NAS NI, ,GANG SNANG LHA YI 'KHOR LOR 'CHAR BAR SHOG ,ZHING GI PHUL BYUNG THUGS KYI DKYIL 'KHOR LA, ,BRTEN NAS 'KHOR GSUM DAG PA'I MCHOD SBYIN SOGS, ,SBYOR BA TSOGS GSOG CHO GA BZHIN BYAS
, ,PAS, ,RANG GI RGYUD NI YONGS SU DAG PAR SHOG ,DPAL LDAN ZHE SDANG RDO RJE KHRO BO BCU'I, ,'KHOR GYIS YONGS SU BSKOR BA'I TING 'DZIN GYIS, ,PHYOGS BCUR RGYU BA'I GDUG PA'I BSAM PA CAN, ,MA LUS TSAR GCOD 'PHRIN LAS 'GRUB PAR SHOG ,GANG DU 'TSANG RGYA'I ZHING KUN DAG BYAS NAS, ,DER NI SKU GSUM GO 'PHANG MNGON 'GYUR BA'I, ,THABS KYI DAM PA 'CHI BA CHOS SKU DANG, ,BAR DO LONGS SKU SKYE BA SPRUL PA'I SKUR, ,TSUL BZHIN LAM DU BYED PA'I RNAL 'BYOR MCHOG ,RIM PA BZHIN DU RGYUD LA SKYES PA YIS, ,THA MAL SKYE SHI BAR DO'I SNANG ZHEN KUN, ,SBYOR BYED DANG PO'I SBYOR BA THOB PAR SHOG ,RANG DON PHUN TSOGS DE YI MYUR BA'I LAM, ,'DOD CHAGS CHEN PO'I TSUL GYI TING 'DZIN GYIS, ,RANG RIG PHYAG RGYAR GZHOL BA'I THABS LA MKHAS, ,LHAN SKYES BDE BAS RGYAL RNAMS MCHOD PAR SHOG ,MKHA' DBYINGS RDO RJE SBYAR BAS SBAR BA YI, ,TZANdA LI YIS BZHUS PA'I BYANG CHUB SEMS, ,AA BA DH'U T'I'I RGYUN LAM NAS 'ONGS PA, ,SHES RAB PADMA'I ZE 'BRUR SON PA LAS, ,'KHRUNGS PA'I RTEN DANG BRTEN PA'I DKYIL 'KHOR GYI, ,SPRUL PA'I SPRIN GYIS NAM MKHA'I KHYON BKANG NAS, ,SNOD BCUD ZHING KUN YONGS SU SBYONG MDZAD PA'I, ,DKYIL 'KHOR RGYAL MCHOG MYUR DU 'GRUB PAR SHOG ,SROG 'DZIN THUR SAL LAM GYI SNA RTZER NI, ,GNAS NAS 'OD ZER DRA BA 'GYED PA CAN, ,BDE GSHEGS LNGA BDAG RIN CHEN KHA DOG LNGA, ,PHYAG MTSAN BYANG SEMS PHRA MO YUNGS 'BRU TZAM, ,DE NANG DKYIL 'KHOR 'KHOR LO YONGS RDZOGS SHING, ,MA 'DRES
GSAL LA JI SRID 'DOD KYI BAR, ,MNYAM BAR BZHAG PAS PHRA MO'I RNAL 'BYOR DANG, ,PHYI NANG BZLAS PA YONGS SU RDZOGS PAR SHOG ,DES NI RDZAS SNGAGS 'KHRUL 'KHOR BSAM GTAN LA, ,BRTEN NAS GRUB PA CHEN PO BRGYAD DANG NI, ,ZHI SOGS RAB 'BYAMS LAS KUN 'GRUB PA YI, ,LAS KYI RGYAL PO MCHOG NI THOB PAR SHOG ,SO SOR SDUD DANG BSAM GTAN SROG RTZOL DANG, 'DZIN PA RJES DRAN TING 'DZIN YAN LAG DRUG ,YONGS SU SDUD PA'I ZAB LAm RIM PA LNGA, ,SPYOD PA GSUM DANG BCAS PA 'GRUB PAR SHOG ,NOR BUR THIG LE PHRA MOR SEMS BRTAN PAS, ,NYI MAS ZLA BA BZHUS PA'I BDUD RTZI'I RGYUN, ,LUGS 'BYUNG LUGS LDOG RIM PAS DRANGS PA YI, ,YAS BABS MAS BRTAN DGA' BZHI SKYE BAR SHOG ,DE LAS LANGS TSE GANG SHAR SNANG BA KUN, ,RIGS BRGYA RIGS LNGA RIGS GSUM RIGS GCIG TU, ,'CHAR BA'I SKU YI RDO RJE'I TING NGE 'DZIN, ,LUS DBEN SOR SDUD BSAM GTAN RDZOGS PAR SHOG ,THIG LE'I RGYAL PO SNGAGS KYI THIG LE MCHOG , SNYING GA'I CHU SKYES SNA RTZER GOMS BYAS PAS, ,GZUNG DANG 'DZIN PA'I RNAM RTOG BSKYED PA'I RLUNG, ,BCU GNYIS MI SHIGS THIG LER SDUD PAR SHOG ,GDONG GI SNA RTZE'I 'OD KYI THIG LE'I GDANGS, ,MA BCOS RDO RJE GSUM DU SHAR BA YIS, ,NGAG DBEN GSUNG GI RDO RJE'I TING 'DZIN GYIS, ,SNYING GA'I MA RIG SGO NGA'I SRUBS 'BYED SHOG ,THABS SHES GSANG BA'I RTZA MCHOG GNYIS KYI RTZER, ,RDZAS KYI THIG LE'I SROG RTZOL BSGOMS PA YIS, ,KUN RTOG RLUNG GI MUN PA SANGS GYUR NAS, ,
, ,'OD GSAL NYI MA SNYING DBUS 'CHAR BAR SHOG ,SNA RTZE GSUM DU THIG LE RNAM GSUM GYI, ,SROG RTZOL BSGOMS PAS SPRIN MED NAM MKHA' LA, ,ZLA NYI'I 'OD DANG SMAG GIS KHYAB 'DRA YIS, ,STONG PA GSUM GYI SEMS DBEN SKYE BAR SHOG ,SGYU MA LONGS SKU 'OD GSAL CHOS SKU DANG, ,SNA TSOGS SPRUL SKU GSUM LA RE RE ZHING, ,RNAM PA GSUM GSUM BSRE BA RNAM PA DGU ,YONGS RDZOGS MAN NGAG GNAD LA MKHAS GYUR TE, ,KUN RDZOB SGYU LUS DON DAM 'OD GSAL 'DZIN, ,LUGS LDOG RJES DRAN ZUNG 'JUG TING 'DZIN DANG, ,SPROS BCAS SPROS MED SHIN TU SPROS MED KYI, ,SPYOD MCHOG RNAM GSUM YONGS SU RDZOGS PAR SHOG ,GAL TE 'DI DANG BAR DOR MCHOG 'GRUB PA'I, ,TING 'DZIN MA RNYED 'CHI BA'I DUS BYED NA, ,GZHI YI 'CHI RIM STONG PA RNAM PA BZHI, ,LAM GYI STONG PA BZHI DANG BSRE NUS SHOG ,BAR DO GRUB TSE SGYU MA'I TING 'DZIN DANG, ,BSRE BAR BYED CING SKYE BA LEN PA'I TSE, ,LONGS SKUS SPRUL SKU'I SKYE BA 'DZIN PA BZHIN, ,SKYE GNAS MCHOG TU BSAMS BZHIN SKYE BAR SHOG ,MDOR NA SKYE SHI BAR DO GANG SHAR YANG, ,SNGON CHAD BSGOMS PA'I LAM 'KHYER RNAM GSUM GYI, ,GSAL 'DEBS DGE SBYOR BSKUL MAR RTOGS GYUR NAS, ,'CHI TSE YID LA DGA' BA RGYAS PAR SHOG ,DE LTAR RMAD BYUNG LAM GYI MTHAR THUG 'DI, ,TSUL BZHIN BSGRUB LA BAR CHOD MED PA DANG, ,PHYOGS DUS KUN TU DAR ZHING RGYAS GYUR TE, ,'GRO KUN THABS MKHAS 'DI YIS SGROL BAR SHOG ,CES SOGS BSNGO BA DANG
SMON LAM BYA, DE NAS LHAG CHAD KYI NYES BA ZHI BA'I PHYIR YI GE BRGYAB LAN GSUM, ME TOG DANG BCAS PA'I THAL MO SNYING GAR SBYAR LA, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, , MGON KHYOD DE KUN BZOD PAR MDZOD, ,MA RNYED YONGS SU, ZHES SOGS KYIS BZOD PAR GSOL NAS, BSTAN PA RGYAS PA LA SOGS PA'I DON DU GSOL BA GDAB, DE NAS YE SHES KYI 'KHOR LO CHA GNYIS SU BYAS PA'I CHA GCIG DZA: H'Um BAm HO: RANG LA THIm, RANG GI SPYI BOR AOm LAS BYUNG BA'I ZLA BA'I DKYIL 'KHOR GYI DBUS SU AOm DKAR PO 'OD ZER LNGA 'PHRO BAR GYUR, DPAL LDAN SANGS RGYAS SKU 'CHANG BA, ,ZHES PA NAS RDO RJE'I SKUS NI MDZAD DU GSOL, ZHES PA'I RJES SU, SANGS RGYAS KUN GYI SKU GANG YIN, ,ZHES PA NAS, AOm SARBA TA TH'A GA TA K'A YA BADZRA SVA BH'A WA A'ATMA KONYAHAm, ZHES SKU BYIN GYIS BRLAB, DE BZHIN DU GSUNG DANG THUGS LA'ANG SBYAR LA BYIN GYIS BRLAB BO, ,SKU GSUNG THUGS KYI RDO RJE GSUM DBYER MI PHYED PA RDO RJE 'CHANG CHEN PO'I RANG BZHIN DU GYUR, AOm SARBA TA TH'A GA TA K'A YA W'A KA RTZITTA BADZRA SVA BH'A WA A'ATMA KONYAHAm, ZHES THUN MONG DU BYIN GYIS BRLAB, BRTAN BYED DU YI GE BRGYA PA BRJOD, DE NAS, BDAG LA DNGOS GRUB MCHOG STZAL LAGS, ,TING 'DZIN KUN GYI 'BRAS BU STZAL, ,SEMS CAN KUN LA CI 'DOD PAR, ,DNGOS GRUB BLA NA MED PA STZAL, ,SLAR YANG GSHEGS PAR MDZAD PA'I PHYIR, ,RANG GI GNAS GSHEGS BADZRA MU:, ZHES PAS YE SHES PA CHA GCIG GSHEGS, AOm YO GA
, ,SHUD DHA SARBA DHARMM'A: YO GA SHUDDHONYAHAm, ZHES PAS DAM TSIG GI 'KHOR LO'I LHA RNAMS SPYAN DRANGS TE SPYI BO LA SOGS PA'I GNAS RNAMS SU 'KHOD PA NI, SPYI BOR RNAM SNANG ZHES PA NAS, RKANG MTHIL GNYIS SU GNOD MDZES RGYAL PO, GZHAL YAS KHANG GI CHA RNAMS KYANG RANG GI LUS KYI CHA SHAS RNAMS LA THIM PAR GYUR, ,DE NAS ME TOG LA SOGS PA BSAL TE, YANG LEGS PAR BYUGS NAS, ME TOG GCIG PHUL LA, BZOD PA GSOL ZHIG SA YI GZHI, ,ZHES BRJOD LAS KYI RJES MI MNGON PAR BYAS LA, RAB YANGS NAM MKHA' TIL GYI GANG BU BZHIN, ,YONGS SU GANG BA'I 'DUS PA'I LHA TSOGS NI, ,KHA CIG ME TOG SNA TSOGS CHAR 'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNG 'JOMS PA'I 'PHRIN LAS KYIS, ,KHYED LA RTAG TU DPAL GNAS MDZAD PA 'DI, ,SHES PAR GYIS LA YID BDE SKYED CIG DANG, ,SHIS BRJOD PHRENG BA BDAG GIS BSGRAG PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, , KHA SBYOR BDE STONG RO LA RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN BSDUS SDUD MDZAD GSANG BA'I BDAG ,RGYUD RGYAL 'DUS PA'I LAM GYIS MCHOG BRNYES PA, ,AINDRA BHU T'I KLU YI MKHA' 'GRO MA, ,BI SU KALPA DPAL LDAN SA RA HA, ,KLU SGRUB RDO RJE CAN DANG 'PHAGS PA LHA, ,KLU BYANG SH'AKYA BSHES GNYEN MA TAm KI, ZLA BA'I ZHABS SOGS BLA MA BRGYUD PA LA, ,LEGS TSOGS ZHES 'OG NAS 'BYUNG
BA LTAR SBYAR, PHYOGS BCU'I ZHING RAB 'BYAMS NA BZHUGS PA'I RGYAL BA THAMS CAD 'DUS PA'I BDAG NYID DPAL GSANG BA 'DUS PA'I SANGS RGYAS DKON MCHOG BCOM LDAN 'DAS MI BSKYOD RDO RJE'I DKYIL 'KHOR GYI LHA TSOGS LA LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES, SKAL BA DANG LDAN PA'I GANG ZAG KHYED CAG 'DIR 'KHOD PA THAMS CAD LA NYIN MTSAN THAMS CAD DU PHUN SUM TSOGS PA'I DPAL LA RTAG TU ROL PAR BYED PA'I SHIS PAS LHAG PAR SKYONG BAR GYUR CIG ,BDE GSHEGS RIGS LNGA YAB YUM SEMS MA BZHI, ,RGYAL SRAS BRGYAD DANG KHRO BO'I DBANG PO BCU, ,DPAL LDAN 'DUS PA'I SANGS RGYAS DKON MCHOG NI, ,SUM CU RTZA GNYIS LHA YI 'KHOR LO LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DBYANGS DANG GSAL BYED KYI YI GE SUM CU RTZA GSUM GYI MTHA' CAN GYI RGYUD SDE STONG PHRAG SUM CU RTZA GSUM GYI RTZA BA DANG, CHOS KYI PHUNG PO STONG PHRAG BRGYAD CU RTZA BZHI'I MDO SDE THAMS CAD KYI SNOD DAM PA DPAL GSANG BA 'DUS PA'I RTZA BA'I RGYUD DANG BSHAD PA'I RGYUD DANG DE DAG GI DON DBANG BSKUR BA RNAM PA BZHI DANG, DAM TSIG RNAM PA GSUM DANG, THUN MONG GI BSNYEN PA RDO RJE RNAM PA BZHI DANG, MCHOG GI BSNYEN PA SBYOR BA YAN LAG DRUG DANG, ZAB LAm RIM PA LNGA DANG, SPYOD PA RNAM PA GSUM STE, DPAL GSANG BA
, ,'DUS PA'I CHOS DKON MCHOG ,LUNG DANG RTOGS PA'I 'KHOR LO RNAM PA GNYIS LA LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES, SKAL BA DANG LDAN PA'I GANG ZAG KHYED CAG 'DIR 'KHOD PA THAMS CAD LA NYIN MTSAN THAMS CAD DU PHUN SUM TSOGS PA'I DPAL LA RTAG TU ROL PAR BYED PA'I SHIS PAS LHAG PAR SKYONG BAR GYUR CIG ,KHYAB BDAG DPAL LDAN RDO RJE SEMS DPA' YI, ,ZHAL GYI PADMA LAS 'ONGS RGYUD SDE'I GZHUNG, ,STONG PHRAG SUM CU GSUM GYI RTZA BA MCHOG ,DPAL LDAN 'DUS PA'I RTZA RGYUD BSHAD RGYUD DANG, ,DBANG BSKUR BZHI DANG DAM TSIG RNAM PA GSUM, ,BSKYED RIM THUN MONGS BSNYEN PA RDO RJE BZHI, ,RDZOGS RIM MCHOG GI BSNYEN PA YAN LAG DRUG ,ZAB MO RIM PA LNGA DANG SPYOD PA GSUM, ,DPAL LDAN 'DUS PA'I CHOS KYI DKON MCHOG NI, ,LUNG DANG RTOGS PA'I 'KHOR LO RNAM GNYIS LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGYUD PA KUN ZAD CING, ,BDE LEGS YAR NGE'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA THAMS CAD 'DUS PA'I RGYUD KYI DON BLA MA'I DRIN GYIS MA NOR BAR RTOGS NAS THUN BZHI'I RNAL 'BYOR LA BRTEN PA DANG, MCHOG DANG THUN MONG GI DNGOS GRUB BSGRUB PA LA, MI 'GYUR BA'I BLO BRTAN PO CAN GYI SGRUB PA PO'I DBANG PO DANG, SGRUB PA PO DE GANG GIS MTHONG ZHING THOS PA DANG, DRAN ZHING REG PA DANG, DAD CING PHYOGS GCIG TZAM
'DZIN PA YAN CHAD LA YANG RDO RJE 'CHANG DANG 'DRA BAR BLTAS NAS PHYAG 'TSAL LO, ,ZHES RGYUD KYI RGYAL PO LAS GSUNGS PA'I DPAL GSANG BA 'DUS PA'I DGE 'DUN DKON MCHOG ,RGYUD KYI RGYAL PO'I LUNG DANG RTOGS PA'I CHOS 'DZIN PA THAMS CAD LA LEGS PA'I TSOGS JI SNYED CIG MCHIS PA'I BKRA SHIS PA'I DAM PA DES, SKAL BA DANG LDAN PA'I GANG ZAG KHYED CAG 'DIR 'KHOD PA THAMS CAD LA, NYIN MTSAN THAMS CAD DU PHUN TSUM TSOGS PA'I DPAL LA RTAG TU ROL PAR BYED PA'I SHIS BAS LHAG PAR SKYONG BAR GYUR CIG ,PHYOGS BCU'I RAB 'BYAMS ZHING NA BZHUGS PA YI, ,DPAL LDAN 'DUS PA'I DGE 'DUN DKON MCHOG NI, ,RGYUD KYI RGYAL PO'I LUNG RTOGS DAM CHOS KYI, ,PHYOGS GCIG YAN CHAD 'DZIN PA THAMS LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,BDE LEGS YAR NGO'I ZLA BZHIN 'PHEL GYUR NAS, ,PHUN TSOGS DPAL LA ROL PA'I BKRA SHIS SHOG ,CES SOGS KYIS SHIS PA RGYAS PAR BRJOD LA ME TOG GI CHAR DBAB BO, ,MDUN BSKYED KYI RTEN SNGA ROL TU 'DRI NA, RANG NYID SKAD CIG GIS RDO RJE SEMS DPA' DRAN PAR BYAS NAS, H'Um LAN BDUN BZLAS PA'I BA BYUNG DANG, MCHOD YON SKABS 'DIR BSGRUBS PA BSRES NAS MAndAL LA BYUGS TE, AOm BADZRA RE KHE HR'I: ZHES BRJOD NAS RANG RANG GI SA BON BRI BA'I BAR BYAS LA, DE NAS NANG MCHOD BYIN RLABS NAS BZUNG STE, BDAG BSKYED MCHOD BSTOD KYI BAR DANG, DE NAS BIGHN'ANTA KRiTA KYIS DKYIL 'KHOR LA BSANG
, ,BA SOGS BYA'O,, ,,MDO SNGAGS KYI BSTAN PA RIN PO CHE DAR ZHING RGYAS LA YUN RING DU GNAS PAR GYUR CIG , (,,CHU BZHI PHYI NANG NYER SPYOD DANG, ,DE BZHIN PHYI NANG 'DOD YON LNGA, ,NANG MCHOD BDAG DBUL NGA RGYAL BZUNG, , BSKOR BSHAGS SEMS BSKYED SDOM PA BZANG, ,PHYAG 'TSAL BSTOD DANG BZLAS PA BRTEN, ,GTOR MA GTANG RAG SMON LAM GDAB, ,YIG BRGYA BZOD GSOL GSOL BA GDAB, ,CHA GCIG BDAG BSDU RANG BYIN BRLAB, ,BRTAN BYED YI GE BRGYA BA BRJOD, ,CHA GCIG GSHEGS NAS DAM TSIG BSDU, ,SLAR YANG BZAD GSOL SHIS PA BRJOD, ,MCHOD CHOG SDOMS SU BSDUS PA'O,) ,SARBA MANGGA LAm, ,