\\RGYA\\ *, ,ZHAL SHES GNAD KYI THIM YIG BZHUGS SO, ,
, ,RDO RJE 'CHANG DBANG GANG DE BRTZE BA YIS, ,ROL PAS BSHES GNYEN TSUL BZUNG THEG MCHOG MGON, ,RJE BTZUN BLA MA'I ZHABS LA MGOS PHYAG 'TSAL, ,BRTZE BA'I THUGS KYIS RTAG PAR GZIGS SU GSOL, ,DE LA 'DIR LAM RIM PA GNYIS TSUL BZHIN DU NYAMS SU LEN PA'I GANG ZAG GIS DMIGS PA YID LA BYED PA'I GNAD DAG BSHAD PAR BYA'O, ,DE LA 'DIR THOG MAR SNGON 'GRO GTOR MA'I GNAD NI, RANG ZHE SDANG RDO RJER BSKYED PA'I MDUN DU THOD PA YANGS SHING RGYA CHE BA GCIG TU SHA LNGA BDUD RTZI LNGAR BYIN GYIS BRLABS TE, ZAG PA MED PA'I YE SHES KYI BDUD RTZIR BSAMS NAS PHYOGS SKYONG 'KHOR BCAS RANG GI PHYOGS MTSAMS SU BKUG STE, RANG GI THUGS KA NAS MCHOD PA'I LHA MO THOD PA THOGS PA DPAG TU MED PA SPROS TE, RANG GI MDUN GYI THOD PA'I BDUD RTZI DE NAS THOD PAS BCUS NAS SO SO'I MDUN DU MCHOD PAS LJAGS 'OD KYI SBU GUS DRANGS TE BZHES PAR BSAM PA'O, ,DKYIL 'KHOR PA'I LHA LA 'BUL BA YANG DMIGS PA 'DRA LA, KHYAD PAR RANG GI MDUN DU LHA TSOGS GSAL 'DEBS PA YIN NO, ,BSRUNG 'KHOR GYI GNAD NI, GCOD PA'I 'KHOR LO RTZIBS THAMS CAD SPU GRI'I SO LTAR RNO BA, NYI GDAN LA CUNG ZAD MA REG PAR MGYOGS PAR 'KHOR BA, DE'I DBUS SU GZHAL
, ,YAS KHANG BSGOM NA YANG SHIN TU LEGS SHING, GTOR MGRON BSKYED PA'I SKABS KYI RIGS PA SBYAR NA YANG THOB PA YIN NO, ,DE YANG BSRUNG 'KHOR GRUB TZAM NAS 'BRUB KHUNG DANG PHUR BU SOGS KYANG GSAL GDAB BO, ,GNAS GSUM GYI YI GE GSUM LAS RDO RJE DKAR DMAR MTHING GSUM BYUNG BAS LUS RDO RJE'I RANG BZHIN DU BSGOM MO, ,SGO GSUM BYIN RLABS DANG SEMS DPA' GSUM BRTZEGS KYI TSE SNGA PHYIR THUGS KAR H'Um YIG GNYIS BYUNG YANG THA DAD DU MOS PA MA GTOGS H'Um YIG GCIG GIS CHOG PA YIN NO, ,YUL CAN BDE BAS STONG PA BSGOM PA'I GNAD NI, BSKYED RIM GYI SKABS SU, GTZO BOR YID BDE YIN PAS DES STONG PA SNGAR NGES ZIN LA RTZE GCIG TU 'JOG PA YIN NO, ,DE LA GNYIS SNANG GI BAR CHOD NAS SDUD RIM GYI DMIGS PA BYAS NAS SNGAR LTAR 'JOG PA YIN, DE LA NGA RGYAL 'JOG PA'I GNAD NI, THA MAL GYI PHUNG PO DANG NGA GNYIS NGA'O SNYAM PA'I BLOS MING DON GCIG TU BZUNG NAS ZHEN PAS 'KHOR BAR 'KHOR BA LTAR, YUL STONG PA NYID LA GDAGS GZHIR BYAS NAS NGA BTAGS CHOS SU MING DON GCIG TU BZUNG BAS BDEN 'DZIN SPANGS NAS CHOS SKU'I RGYUR 'GYUR BA YIN NO, ,GZUNG RNAM LHAR 'CHAR TSUL GYI GNAD NI, GZUNG RGYU'I YUL STONG BA NYID DANG, GZUNG MKHAN STONG NYID RTOGS PA'I SHES RAB BO, ,RNAM
PA LHAR 'CHAR TSUL NI, NGO BO BDE STONG DBYER MED NYID YIN PA LA, RNAM PA GZHAL YAS KHANG DU GRUB PAR BSGOM PA'O, ,LHAG MOS LUS LA BSDUS NAS DA LTA THIM PAR BSGOM PA NI, GNAS DE NYID DU PHAR LUS KYI NANG DU THIM PAR BSGOM PA DANG, 'CHI BA'I TSE LTA BU NI CHOS SKUR THIM PAR BSGOM PA'O, ,DANG PO'I MGON PO RANG NYID MI BSKYOD PA LA 'JUG PA NI, GO SA MA 'PHOS PAR DBUS KYI GDAN LA GNAS PA'I NGANG NAS 'JUG PA YIN LA, DE NAS SKU DE RTEN DANG BRTAN PA'I DKYIL 'KHOR DU BSKYED PA NI, LUS KYI CHA SHAS DE DANG DER GYUR PA LAS BSKYED PA MA GTOGS RNAM PA BSDUS NAS DER BSAM PA MIN NO, ,LUS KYI GNAS RNAMS SU LHA BSGOM LPA YANG GOS GCIG TU LHAM MANG PO BSGOM PA 'CHANG DKA' NA, GSANG 'DUS 'JAM RDOR NAS GSUNGS PA LTAR GNAS THA DAD DU BSGOM KYANG RUNG, RIGS BDAG YAB YUM LAS BDUD RTZI'I RGYUN BABS PAS SEMS DPA' GSUM TSIM ZHING DGA' BDE DPAG TU MED PAR SKYES PAR YANG YANG BSAM PA GNAD CHE'O, ,RIG MA 'BYIN PA'I GNAD NI, THOG MAR SNYING GA NAS SME SHA CAN LA SOGS PA RANG RIGS KYI MI'I BU MO'I RNAM PA CAN YID LA GCAGS PA'I BU MO'I RNAM PA CAN GCIG PHYUNG STE, DE NYID BSANGS SBYANGS NAS REG BYA RDO RJE MA SOGS SU BSKYED PA'O, ,PHAt YIG GI GNAD NI, DBU CAN GYI PHAt YIG KHA DOG GSER LTA BU MGO NANG DU BLTA BA 'OD KYI RNAM PAR BSGOM MO, ,DES NI PHAt NGAG NAS BRJOD PA DANG MNYAM DU SPYI BO NAS BYANG SEMS 'BEBS PA DANG, PHYIR 'PHO BA DGAG PA DANG, DMIGS PAS YUM GYI PAD MAR 'BEBS PA DANG,
, ,GSUM BYED DO, ,DANG PO SBYOR BA LAS MI BYED NA, YUM GYI PADMA'AM RDO RJE'I RTZE GANG RUNG DU THIG LE PHAB PA LAS LHA SPROS NAS MDZAD PA MDZAD PA SBYAR DGOS SO, ,RDO RJE DANG PADMA'I NANG 'OD ZER LNGAS GANG BAR BSGOM PA NI, RVA DBUS MA'I AOm YIG DE LAS 'OD ZER LNGA BYUNG STE LUS KYI RTZA THAMS CAD DANG, PADMA'I NANG GANG BAR BSGOM PA YIN NO, ,AOm YIG NI RVA DBUS MA'I SBOM GYI CHA'I DBUS SU 'GOD LA, PHAt YIG NI RVA DBUS MA'I RTZER 'GOD PA YIN NO, ,NGA RGYAL 'JOG PA'I GNAD NI, BDE STONG DBYER MED LA SNGAR LTAR NGA RGYAL BZHAG NAS DE NYID LAS RANG RDO RJE 'CHANG DNGOS YIN PA DANG, DKYIL 'KHOR DE'I RNAM SPRUL DU BLTAS TE THA DAD DU MI BZUNG NGO, ,GSAL SNANG 'DON PA'I GNAD NI, RTEN DANG BRTEN PA'I DKYIL 'KHOR LAM GYIS GSAL BTAB STE SHES PA SPYI DE DE LA GZUNG STE, CHA SHAS PHRA MO GCIG GIS RE RE NAS GSAL SNANG 'DON PA YIN NO, ,PHRA MO'I GNAD NI, RANG GI RDO RJE'I KHA'I PHAt YIG DE NYI GDAN DU GYUR TE, DE'I STENG DU SNYING KHA NAS THIG LE SNGON PO NYUNG 'BRU TZAM GCIG PHYUNG STE PHAB NAS BSGOM PA DANG, MTHAR THIG LE PHAR DRANGS NYI GDAN PHAt YIG TU BSGYUR RO, ,STENG GI SNA RTZER YANG NYI GDAN LA RDO RJE SNGON PO NAS 'BRU TZAM DANG, DE BRTAN PAS DE LAS GCIG DANG, DE NAS DE'I RTZE LAS GCIG STE JE MANG DU BTANG, MTHAR YANG SNYING KHAR BSDU'O, ,DE DAG NI DMIGS PA YID LA BYED PA'I GNAD BSKYED RIM GYI SKABS SU MED DU MI RUNG PA'I ZHAL SHES DAG YIN NO, ,SROG LAS KYANG GCES PA GYIS GSUNG NGO, ,ZHAR LA RDZOGS
RIM GYI GNAD CUNG ZAD BRJOD NA, BDE BA CHEN PO NI LAM 'DI'I GZHI YIN LA, DE RDZOGS RIM NAS SGRUB PA YIN PA LA, DE SGRUB PA'I THABS PHRA MO LAS MA BSHAD KYANG, MA RGYUD KYI GTUM MO YANG BSGOM NA KHYAD PAR DU 'GYUR BA YIN NO, ,SROG RTZOL GSUM GYI SKABS SU SEMS DPA' GSUM BRTZEGS DGOS PAS DE BYED TSUL NI, RANG DAM TSIG SEMS DPA' RDO RJE 'CHANG DU SKAD CIG GIS LANGS PA'I SNYING GA'I RTZA MDUD KYI DBUS KYI MI SHIGS PA'I THIG LE DE'I DBUS SU YE SHES SEMS DPA' SKU MDOG DKAR PO 'OD KYI RANG BZHIN SHIN TU PHRA BA DANG, DE'I THUGS KAR TING NGE 'DZIN SEMS DPA' AA THUNG SHAD KYI RNAM PA CAN, NGO BO RLUNG SEMS KYI RANG BZHIN KHA DOG SNGON PO CIG BSGOMS NAS DE LAS RLUNG 'BYUNG 'JUG BYED PA'I RDOR BZLAS DANG, DE NYID LA SEMS 'DZIN PA'I SNGAGS 'KHOR BSGOM PA RNAMS BYED PA YIN NO, ,MTHAR YANG RIL 'DZIN DANG RJES GZHIG GI SDUD RIM RE DANG SBREL NA LEGS SO, ,BSKYED RIM NI RDZOGS RIM GYI SMIN BYED DU BSGOM PA YIN PAS, LUS DBEN NAS BZUNG STE ZUNG 'JUG GI BAR THAMS CAD DU RANG RDO RJE 'CHANG DU LANGS PA NA BRTEN PA'I DKYIL 'KHOR YONGS RDZOGS SU LANG DGOS PA YIN NO, ,PHYAG RGYA LA BRTEN NAS RLUNG DBU MAR 'JUG PA'I SROG RTZOL NI, PHYAG RGYA MTSAN NYID DANG LDAN PA DANG SNYOMS PAR 'JUG BZHIN PA'I TSE DH'U T'I'I MAR SNAR DMIGS PA GTAD PAS, YAB YUM GYI RLUNG DANG BYANG SEMS RIM GYIS 'DUS PA RNAMS KYIS DH'U T'I'I MAR SNA BYE NAS BTZAN THABS SU RLUNG DBU MA'I NANG DU 'JUG PA YIN NO, ,DE NYID
, ,SNYING GAR DMIGS PA GTAD DE SDUD RIM DANG SBRAGS NA 'OD GSAL SKYE BA'I THABS KYANG MCHOG TU GYUR PA YIN NO, ,GNYID KYI SKABS SU DE LTAR BYAS NA YANG 'OD GSAL BTZAN THABS SU 'DZIN PA'I GDAMS PA'I MCHOG YIN NO, ,KHYAB BYED KYI RLUNG 'DI RLUNG GZHAN LAS BSDU DKA' ZHING, 'DI RDZOGS PAR MA THIM NA SEMS DBEN GYI 'OD GSAL MTSAN NYID PA MI 'BYUNG BAS RLUNG CUNG ZAD SDUD NUS PA NAS 'DI'I SDUD RIM RE YANG NGES PAR BYED DGOS SO, ,LUS DBEN RJES MTHUN PA THOB NAS, RIL 'DZIN DANG RJES GZHIG GI DMIGS PA'I SDUD RIM RE DANG SBRAGS NAS NYAMS SU BLANGS NA RLUNG 'DU SLA BA DANG, MNYEN DU 'GRO BA'I GNAD YOD DO, ,RDOR BZLAS KYI GNAD NI, 'KHOR LO'I SDUD RIM BYAS TE MI SHIGS PA LA BSDU, MI SHIGS PA YE SHES SEMS DPA' LA BSDU, YE SHES SEMS DPA' TING NGE 'DZIN SEMS DPA' AA THUNG LA BSDUS TE, RTZA GCIG TU DE NYID LA SEMS GZUNG BZHIN DU YI GE GSUM GYI RDOR BZLAS BYED PA DE THUN MONG MIN PA'I GNAD DO, ,SDUD RIM DE LTA BU DANG PHYAG RGYA LA BRTEN PA GNYIS TSOGS KYI SEMS DBEN BSKYED PA NI SEMS DBEN GYI GDAMS PA'O, ,SEMS DBEN RJES MTHUN PA THOB NAS SGYU MA'I SKUR LDANG TSUL GYI GNAD KHYAD PAR BA NI, 'OD GSAL LAS LDANG BA NA SNYING GA'I KHAMS DKAR DMAR GYI DBUS KYI YE SHES SEMS DPA' SKU MDOG DKAR PO RDO RJE 'CHANG GI RNAM PA CAN DE NYID LA SEMS KHRIG GE GTAD DE, THIG LE 'OG MA GDAN DANG, STENG MA GOS KYI RNAM PAR
BYAS NAS LUS 'DI LAS PHYI ROL TU 'PHEN SNYAM PA'I DBANG GIS SKAD CIG TZAM GYIS BSGRUB PA YIN NO, ,SLAR LUS LA 'JUG PA NA SNGAR GYI YE SHES SEMS DPA'I TSUL GYIS 'JUG PA YIN TE, GNAD KHYAD PAR CAN GYI ZHAL SHES SO, ,'DI LTAR 'JUG PA DANG BAR DO'I BSRE BA'I SKYE BA SPRUL SKU DANG BSRE BA'I PHA MA'I KHU KHRAG DANG, GNYID KYI SKABS SU RMI LAM GYI LUS KHYAD PAR BA PHUNG PO LA 'JUG PA RNAMS SPRUL SKU DANG BSRE BA YIN PAS, SKYE GNAS KYI KHU KHRAG DANG RANG GI PHUNG PO MI BSKYOD PAR BSKYED NAS SBRUL SKU BZUNG BA'I BSAM PAS 'JUG DGOS PA YIN LA, RDO RJE 'CHANG DU BSKYED PA MIN NO, ,DE LTAR LANGS PA'I SGYU LUS RDO RJE 'CHANG GI SKU DE NI SKU MDOG DKAR POR 'ONG BA YIN TE, SKU DE'I SGRUB GZHI SROG 'DZIN GYI RLUNG SHIN TU PHRA BA KHA DOG DKAR POR YOD PAS YIN NO, ,DON GYI 'OD GSAL THOG MAR SNGON DU BYED PA'I MTSAMS NI, SKU GSUNG THUGS KYI SEMS DPA' GSUM BRTZEGS BYAS PA'I MA DAG PA'I SGYU LUS DE DAG NAS, YE SHES SEMS DPA' DANG, TING NGE 'DZIN SEMS DPA' N'A DA YANG 'OD GSAL DU DAG PA NA THOB PA YIN NO, ,'PHO BA NI, GTZO BOR MA RGYUD NAS 'BYUNG YANG PHA RGYUD LA YANG LAM GYI YAN LAG TU NGES PAR DGOS PAS DE'I DMIGS PA'I GNAD NI, SNGAGS 'KHOR SOGS RGYAS BSDUS GANG BYED KYANG 'DI DGOS TE, DMIGS PA SBYONG BA NA SNYING GA'I YI GE RNAMS GYEN DU BSGYUR BA DANG, SNYING GA'I RTZA 'KHOR YANG THUR MA LA SOGS PAS RGYU MA SOGS KYI NANG BSGYUR BA LTAR DU DBU MA'I NANG NAS GYEN LA BSGYUR TE, DE'I RTZER YI GE RNAMS DED PA'I RNAM PAR BSGOM, SLAR PHYIR BSGYUR TE SNGAR LTAR 'JOG PA
, ,GNAD DAM PA'O, ,DE LTAR BYAS PAS RTZA RNAMS MNYEN POR SONG STE SBYANGS PA MTHAR PHYIN PA NA, DNGOS SU DE LTAR NUS PA 'BYUNG NGO, ,STONG NYID BSGOM PA'I GNAD NI, BYANG CHUB KYI SEMS BCOS MA MA YIN PA CIG BSKYED DE, DE NAS RIGS PAS LEGS PAR DPYAD DE LTA BA PHU THAG CHOD PA DE LA NGES PA DRANGS NAS YUN RING DU MNYAM PAR GZHAG PA DE LA GNAD DU BSNUN PA'I THABS BSGOM PAS RDZOGS RIM GYI BDE BA MA MTHA' CIG RNYED NAS, SNGAR LTAR DPYAD PA MI BYED PAR SNGAR GYI NGES SHES SHUGS DRAG DE DRAN PAR BYAS TE, SEMS BDE BA'I NGOR SONG BA DES RTZE GCIG TU RANG BZHIN MED PA'I DON DE LA MNYAM PAR BZHAG PAS STONG PA NYID LA BOGS THON NAS SNGAR LAS KYANG NGES PA SHUGS CHE BA DANG, BDAG 'DZIN GYI GNYEN POR NUS PA MTHU CAN DU SONG NAS GNYIS SNANG LDOG PA YIN NO, ,DES NA LAM 'DI LA NI THOG MAR 'KHOR BA MTHA' DAG LA GTING NAS ZHEN PA LOG STE, 'KHOR BA'I PHUN TSOGS CI 'DRA BA ZHIG LA YANG BTZON DONG LTAR DU MTHONG BA'I NGES 'BYUNG GI BSAM PA DRAG PO ZHIG DANG, DE YANG RANG GCIG PU'I PHYIR MA YIN PAR, SEMS CAN THAMS CAD SDUG BSNGAL DU MAS MNAR BA LA SNYING THAG PA NAS MA BZOD PAS, DE NYID 'DON PA LA SKAD CIG GIS MA YENGS PAR RIGS PA'I BLO BCOS MIN GCIG DGOS PA YIN NO, ,DE'I PHYIR THOG MAR KHAS BLANGS PA'I BSRUNG SDOM LA 'BAD, BDAG MED KYI LTA BA RNAM DAG CIG MED NA 'KHOR BA LAS KYANG MI THAR BAS STONG NYID KYI LTA BA PHU THAG CHOD PA
CIG BYA, DE LTAR BYAS TE THABS ZAB MO 'DI LTA BU'I LAM DANG SBRAGS NAS LUS LONGS SPYOD LA LTOS PA MED PAR BRTZON PA CHEN POS CHU BO'I RGYUN BZHIN DU NYAMS SU BLANGS NAS 'KHOR BA'I SDUG BSNGAL GYI CHU BO CHEN PO BSKAMS TE RANG GZHAN GYI DON LHUN GRUB 'BYUNG BA'I GO 'PHANG YANG MYUR DU 'GRUB PAR GDON MI ZA BA YIN NO, ,'DI DAG NI GNAD 'GAG SDOM CHE BA RNAMS KYI DMIGS PA'I GNAD 'GA' ZHIG BSDUS PA'I MAN NGAG THUN MONG MA YIN PA'I ZHAL SHES MED DU MI RUNG BA'I SROG DAG YIN NO, ,RNAM 'DREN SKU BZHI'I GO 'PHANG MCHOG BRNYES NAS, ,GDUL BYA'I BLO MUN MA LUS SEL MDZAD PA, ,CHOS KYI RGYAL PO RGYAL BA TZONG KHA PA, ,GANG DE'I GSUNG RAB BDUD RTZIS LUS 'TSO BA, ,DAD PA'I DBANG PO'I SKAL BZANG SKYE BO'I NGOR, ZHAL SHES GDOMS PA MA NOR TSANG BAR BRIS, ,DES NI GNAS GSUM MKHA' 'GRO'I TSOGS RNAMS KYIS, ,GA-YEL BA MED PAR RTAG TU GROGS MDZOD CIG , ,,RJE BTZUN BLA MA DAM PA RDO RJE 'CHANG CHEN PO DANG DBYER MA MCHIS PA'I ZHABS LA GUS PA CHEN POS PHYAG 'TSAL LO, ,LUS DBEN GYI SKABS SU 'DZAG GEGS BYUNG NA, DH'U T'I'I MAR SNAR DMIGS PA GTAD NAS, NOR BU'I DH'U T'I'I DBUS SU DMIGS PA SPO DES MA SEL NA GSANG BA'I RTZA BAR SPO, DES KYANG MA MA SEL NA LTE BAR SPO BA DANG, LUS DBEN GYI PHRA THIG BSGOM PA'I SMIN BYED DU BSKYED RIM PA'I PHA MO BA, SGOM PA YIN PAR GSUNG NGO, ,DAG DBEN GYI SKABS RDOR BZLAS KHYAB BYED KYI RLUNG LA YANG BYED PAS, KHYAB BYED KYI RLUNG 'DU BAR BYED PA'I CHED YIN CING, 'DUS PA'I
, ,LUS DBEN DANG NGAG DBEN GYI DOD MA RGYUD PA'I GTUM MO'I RNAL 'BYOR YIN, DE LA YANG PHYI'I GTUM MO SHA LPAGS KYI BAR DANG, RO MA'I NANG NAS NANG GI GTUM MO, RTZA GZHAN RNAMS KYI NANG NAS GSANG BA'I GTUM MO, DH'U T'I'I NANG NAS 'BAR BA BZHIN, DKAR CHA YANG PHYI SHA LPAGS DANG, RKYANG MA DANG NANG GI RTZA GZHAN RNAMS DANG GSANG BA'I DH'U T'I NAS BAB PA YIN GSUNG NGO, ,SEMS DBEN GYI SKABS SU SEMS DBEN RDZOGS PAR SKYE BAS NGES PAR SPYOD PA LA MA LTOS PA'I DGOS PA KHYAB BYED KYI RLUNG SDUD PA YIN, 'DUS PA'I SEMS DBEN GYI DOD MA RGYUD PA LA DGA' BZHI BSKYED PA YIN PAS 'DI LA ZHAL SHAS MANG PO YOD GSUNG NGO, ,PHYI'I PHYAG RGYA LO GRANGS BCU GNYIS MA LA BSNGAGS PA, DE DUS GTUM MO PHAL PA YANG MA NYAMS PA'I RGYU MTSAN GYIS YIN, SPYOD PA LA BRTEN NAS KHYAB BYED KYI RLUNG SDUD PA'I RGYU MTSAN, DE'I RKYEN GYIS BDE BA KHYAD PAR CAN SKYE, DES RLUNG SEMS 'JUG PA GCIG PA'I GNAD KYIS RLUNG SEMS MA LUS PAR 'DUS PA YIN GSUNG, DE YANG LUS DBEN DANG NGAG DBEN GYI SKABS SU SGOM STOBS KYIS SKYE BAS, DE LA NGES PAR LTOS MI DGOS KYANG, STON PA BYUNG NA SHIN TU STOBS CHE ZHING, DE'I DGOS PA RDZOGS RIM GYI RTOGS PA SNGAR MED GSAR DU SKYED PA'I PHYIR YIN NO, ,SEMS DBEN DANG SGYU LUS SU STON PA'I DGOS PA RTOGS PA GONG NAS GONG DU 'GYUR BA'I PHYIR YIN NO, ,DE GONG 'OG ZUNG 'JUG TU STON PA'I DGOS PA SPANG BYA SPONG BA LA NUS PA MTHU LDAN DU BYED PA'I PHYIR YIN, YANG LUS DBEN
DU PHRA THIG GI SKABS SU BDE BA KHO NA 'DREN PA YIN, DE BRTAN NAS STONG NYID NGES ZIN BRTAN PAR BYAS NAS SBYOR, RIGS PAS DPYAD PA MI BYED, BYAS NA SLAR RTOG PA'I SPRO BSDU LAS RLUNG LANGS NAS GEGS SU 'GRO BA YIN GSUNG, SGYU LUS MTSUNGS LDAN LNGA DANG LDAN PA NI, GNYID KYI 'BYUNG BA THIM RIM GYI DPE'I 'OD GSAL LAS RMI LAM GYI DUS SU LANGS PA DANG, DE YANG RLUNG SEMS TZAM LAS GRUB PA DANG, DAR NGA RGYAL 'PHOS PA DANG, LUS RAGS PA LAS GO SA LOGS SU BYE BA LTA BU DANG, SLAR YANG LUS RAGS PA LA 'JUG PA DANG, RIM PA BZHIN LAM DUS KYI 'BYUNG BA THIM RIM RNAMS KYIS DPE'I 'OD GSAL LAS SGYU LUS SU LANGS PA DANG, DE YANG RLUNG SEMS TZAM LAS GRUB PA DANG, DER NGA RGYAL 'PHOS PA DANG, LUS RAGS PA LAS LOGS SU BYE BA DANG, SLAR YANG LUS RAGS PA LA 'JUG PA DANG, CHOS MTSUNGS PA YIN GSUNG NGO, ,BSRE BA'I SKABS SU, GNYID DANG RMI LAM RLUNG STOBS KYIS ZIN NA RANG STOBS CHE ZHING, RMI LAM RNAMS PHAL CHER 'KHRUL MED 'ONG BA'I RGYU MTSAN SAD DUS SNYING GA'I SDUD RIM LA LEGS PAR SBYANGS NAS RLUNG 'DUS PA DANG, GNYID DANG RMI LAM DU SNYING GAR RLUNG LEGS PAR 'DUS PA'I DUS SU LKOG GYUR GTAN LA PHEBS PA'I BAG CHAGS RNAMS 'DUS PA'I GNAD KYIS YIN GSUNG, GNYID KYI 'OD GSAL DANG RMI LAM RLUNG STOBS KYIS ZIN NA, 'CHI BA'I 'OD GSAL DANG BAR DO RLUNG STOBS KYIS ZIN PAS KHYAB, DE BZHIN DU GNYID KYI 'OD GSAL DANG, RMI LAM 'DUN PAS ZIN NA, 'CHI BA'I 'OD GSAL DANG BAR DO 'DUN PAS ZIN PAS KHYAB CING, SMIG SGYU SOGS KYI GRANGS RNAMS NGES PAR 'KHRUL MED
, ,'CHAR NA, RLUNG STOBS KYIS GNYID KYI 'OD GSAL SOGS ZIN PAS KHYAB PA YIN PAS, RMI LAM GYI BSRE BA 'DI DAG BAR DO DANG BSRE BA'I TSAD 'DZIN 'KHRUL MED YIN GSUNG NGO, ,DE'I THABS KYANG ZHAG 'GA' GNYID BCAG NAS NYIN PAR SNYING GA'I SDUD RIM LA SBYANGS, MTSAN MO GNYID DU 'GRO KHAR SNYING GA'I SDUD RIM DANG, RDOR BZLAS DANG, BSAM GTAN GNYIS KYI SDUD RIM GYIS GNYID DU BTANG BAS LAN CIG LA MI 'CHAR KYANG, THEBS GNYIS GSUM BYAS PAS NGES PAR RTAGS 'CHAR RO GSUNG, RMI LAM 'DUN PAS ZIN NAS, RLUNG STOBS KYIS 'DZIN PA'I MAN NGAG NI, RMI LAM 'DUN PAS ZIN PA NA, SNYING GA'I SDUD RIM RDOR BZLAS SOGS BYAS PAS, GNYID KYI 'OD GSAL SOGS RLUNG STOBS KYIS ZIN PA'I THABS KHYAD PAR CAN YIN GSUNG NGO, ,GNYID RMI LAM ZIN DUS GNYID KYI 'OD GSAL LA JI TZAM GNAS KYI BAR BZHAG ,DE LAS LDANG BAR RTZOM PA NA, 'PHEN PA BTANG NAS LONGS SKUR LDANG, DE LAS SAD PAR BRTZAM PA NA SNYING GA'I SDUD RIM SOGS BYAS NAS GNYID KYI 'OD GSAL DU STONG PA KHOR MAR BYED PA NI, GNYID DANG RMI LAM GYI DGE SBYOR GYI GTZO BO YIN GSUNG NGO, ,SPRUL SKU DANG BSRE BA'I SKABS SU, RLUNG STOBS KYIS BAR DO LONGS SKU ZIN PA LA MI DGOS KYANG, 'DUN PAS BAR DO ZIN PA'I DUS SU 'PHO BA DGOS PA YIN GSUNG NGO, ,DE'I MAN NGAG NI, GZHAN RNAMS MI DGOS PAR BAR DO'I LUS DE BSAM GTAN GNYIS KYIS 'OD GSAL DU BCUG NAS RNAM SHES BZHON PA DANG BCAS PA DE MKHA' SPYOD 'OG MIN SOGS SNGAGS SPYOD
PA'I LUS KHYAD PAR CAN DU 'PHO'O GSUNG NGO, ,RMI LAM RLUNG STOBS DANG 'DUN PA GANG GIS ZIN KYANG, LONGS SKU DE LAS LDANG BAR RTZOM PA NA 'PHEN PA BTANG NAS, RNAM SMIN GYI LUS SPRUL SKU MI BSKYOD PA SOGS SU LDANG BAR BYED CING, DE LAS PHRA BA NI RMI LAM GYI LONGS SKU LAS RMI LAM GYI LUS RANG DGA' BAR LDANG BAR RTZOM PA NA 'PHEN PA BTANG NAS SPRUL SKU MI BSKYOD PA'AM RDO RJE 'CHANG DU LDANG, DE LAS LDANG BAR RTZOM PA NA 'PHEN PA BTANG NAS, RLUNG STOBS KYIS ZIN NA RNAM SMIN GYI LUS DANG, RMI LAM GYI LUS GNYIS SO SOR SNANG BAS, RNAM SMIN GYI LUS SPRUL SKU MI BSKYOD PA'AM, RDO RJE 'CHANG SOGS KYI SKU LA YE SHES SEMS DPA'I TSUL DU 'JUG PA YIN GSUNG NGO, ,SGYU LUS KYI MED MI RUNG KHYAD PAR LNGA DANG LDAN PA NI, GANG NAS LDANG BA GNAS KYI KHYAD PAR RTZA 'KHOR GYI DBUS DH'U T'I'I NANG NAS DANG, DE'I YANG NANG THIG LE DKAR DMAR GA'U KHA SBYAR BA 'DRA BA'I NANG NAS LDANG, GANG LAS LDANG BA RGYU'I KHYAD PAR THIG LE'I NANG GI SROG RLUNG SHIN TU PHRA BA RNAM SHES SHIN TU PHRA BA LAS LDANG, THOG MED NAS KYI THIG LE SHIN TU PHRA BA YOD GSUNG, GANG GI LDANG BA RTEN GYI KHYAD PAR SGYU MA'I SKUR NGES PAR LDANG BAR BYA'O SNYAM PA'I 'PHEN PA DRAG POS LDANG, GANG GI TSE LDANG BA DUS KYI KHYAD PAR KUN RTOG GI GA-YO BA'I RLUNG DANG, SEMS SNANG BA GSUM RIM GYIS THIM PA'I DPE'I 'OD GSAL LA JI TZAM GNAS KYI BAR BZHAG PA'I MTHAR LDANG BAR RTZOM PA NI, DPER NA GZHONG PA SOGS CHUS BKANG BA NA RLUNG MA LANGS PAR ME RE RE SDOD LA, RLUNG CUNG ZAD LANGS PA DANG MTHA'
, ,MA NAS ZED ZED DANG BAN BUN BYUNG BA NA LDANG BAR RTZOM PA BZHIN, DPE'I 'OD GSAL LAS LDANG BAR RTZOM PA'O, ,DES SGYU MA'I SKUR LDANG BAR RTZOM PA YANG RIGS BSGRES TE GSUNG NGO, ,GANG GI NGO BOR LDANG BA 'BRAS BU'I KHYAD PAR, DANG PO'I MGON PO SKU MDOG DKAR PO MTSAN DPES BRGYAN PA THUGS BDE STONG GNYIS SU MED PA'I NGO BOR LDANG BA YIN TZONG KHA PA GSUNG, ,ZAB ATHI, ,YANG LUS DBEN GYI SKABS SU, PHRA MO LA DMIGS PA THUN 'KHYONGS PA BRTAN PA BYUNG YANG, RLUNG 'GAG TU MA 'DOD PA SOGS BYUNG BA'I ZHAL SHES NI, LUS KYI RTZA STONG PHRAG BDUN CU RTZA GNYIS SOG SBUGS LTAR GYUR PA DMIGS RTEN LA ZUG PA'I NANG DU RLUNG RNAMS THIM PAR BSGOM, 'DIS GEGS SEL ZHING BOGS 'DON PA YIN, 'DIS DMIGS PA GTOD PA'I GNAS GZHAN LA YANG GAGS BYUNG NA DMIGS PA 'DI GA BYED GSUNG NGO, ,YAS BABS MAS BRTAN GYI DGA' BZHI'I SKABS SU, MAS BRTAN GYI DGA' BA MTSAN NYID PA RDZOGS PA'I PHYIR RO, ,(SPYI BOR BRTAN PA LA ZHES PA'ANG 'DUG ,BRTAN PA LA NI RLUNG 'DI NYID SNGON DU SONG BAS SNYING GA'I RTZA MDUD SOGS MA LUS PA GROL BA'I MTSAMS NAS, RNAL 'BYOR PA 'BAD PA MED PAR YUD TZAM GYIS BYED NUS GSUNG NGO, ,YAS BABS KYI DGA' BA SKYE BA LA RTZA MDUD MA GROL YANG GTUM MO'I ME'I NUS PA ZHUGS NAS DGA' BZHI SKYE BA YIN, DPER NA RDZA'I GSHAM GAS PA'I NANG DU MAR 'KHYAGS PA YOD PA 'OG NAS ME 'BAR BAS ZHU NAS 'DZAG PA BZHIN NO GSUNG NGO, ,BSKYED RIM PA'I LHA'I NGA RGYAL 'DZIN PA'I NGA DE THA SNYAD PA'I NGA TZAM DE YIN GSUNG, SNYING GAR BKOD PA'I LHA'I BZLAS PA'I SKABS SU TING NGE 'DZIN
SEMS DPA' LA NGA RGYAL 'JOG PA YIN GSUNG NGO, ,GNYID 'THUG GI SKABS SU 'OD GSAL 'CHAR BA'I THABS SNYING GAR RANG GI LUS SEMS 'OD KYI PHUNG POR BSGOM PA YIN GSUNG NGO, ,GNYID KYI BSRE BA'I SKABS SU, GZHI DUS KYI GNYID KYI STONG PA BZHI DANG, RMI LAM GYI LUS DANG, RMI LAM GYI SKABS KYI RNAM SMIN GYI LUS SOGS NI RIM PA BZHIN GZHI DUS KYI CHOS SKU LONGS SKU SPRUL SKU GSUM YIN GSUNG, GNYID KYI STONG PA 'OD GSAL GYI NGO BOR SHAR BA DANG, DE'I MTSAMS NAS RDO RJE 'CHANG DU LANGS PA DANG, DE RNAM SMIN GYI LUS LA BSAM BZHIN DU ZHUGS PA RNAMS NI RIM PA BZHIN DU GNYID KYI SKABS KYI LAM DUS KYI CHOS SKU LONGS SKU SPRUL SKU GSUM YIN NO, ,GNYID 'THUG GI MTHAR RDO RJE 'CHANG GI SKUR LANGS PA'I RMI LAM GYI LUS DE RMI LAM GYI SKABS KYI LONGS SKUR BYAS PA 'DI LA GNYIS YOD KYANG, RMI LAM RLUNG STOBS KYIS ZIN PA LTA BU NUS PA MTHU CAN DU SONG BA NI RMI LAM GYI LUS DANG RNAM SMIN GYI LUS GNYIS SO SOR MI SNANG BAR 'BYUNG LA, DE'I GONG DU DE GNYIS SO SOR MI SNANG YANG, RMI LAM GYI LUS RDO RJE 'CHANG GI SKUR LANGS PA 'BYUNG, DE BZHIN DU RMI LAM GYI SPRUL SKU LA YANG GNYIS YOD CING, DE NGOS ZIN BA ZHAL GYI GDAMS PA MED NA CUNG DKA' YANG 'DIR RMI LAM GYI SKABS DANG SAD PAR SHES PA'I SKABS GANG YIN YANG RUNG STE, RMI LAM GYI LUS RANG DGA' BA'I SNANG BA NAM SHAR BAR 'DOD PA'I MTSAMS DER SPRUL SKU RDO RJE 'CHANG DU BSGYUR BA'O, ,DE YANG LUS GNYIS SO SOR SNANG BA'I GANG ZAG YIN NA, BSKYED RIM GYI SKABS SU LONGS SKU SPRUL SKU LA ZHUGS
, ,PAR GSUNGS PA BZHIN DU BYAS BAS CHOG CING, DE'I SPRUL SKU NI DAM TSIG PA'I DOD DANG, LONGS SKU YE SHES BA'I DOD LTAR BYAS PAS KHYAB BO, ,KHAMS GSUM DAG GI LAM MCHOG NA, ,BUD MED JI SNYED YOD BA RNAMS, ,THAMS CAD CHO GA BZHIN DU SPYAD, ,GSUNG GI RDO RJE MI SMOD DO, ,ZHES PA'I SKABS SU, NGAG GI RDO RJE STE RO 'DZIN GYI BYA BAS BSKYOD LA ZHES RTZA GSUM PA LCES BSKYOD PAR GSUNGS LA, GLUS BSKUL BA LAS BZHENGS PA'I SKABS SU, RTZA SBUBS GSUM SOR MO GSUM GYIS BSKYOD CING ZHES SO SOR BSKYOD PA DANG GSUM BSHAD DO, ,'DI LA RDO RJE MKHA' 'GRO LAS, CHAGS PA SRA BA DANG RGAN PA SOGS LA NI, SOR MO RING PO GSUM SBRUL MGO LTAR BYAS NAS DRUD BAR BYA BA DANG, GZHON ZHING CHAGS BA MNYEN PA RNAMS LA NI, 'OD DANG LDAN PA'I BYANG CHUB KYI SEMS 'BAB PA'I RTZA BAR RDO RJE THUR MAS PHUG STE BSKYOD PAR GSUNGS TE, YUL SO SOR MDZAD PA NI SAR MA'I BYED PA LA DGONG SO, ,DKYIL CHOG RDOR PHRENG LAS MDZUB MO DANG LCE'I RTZE MO LA YI GE HR'I: DMAR PO BKOD PAS RTZA BSKUL BAR BSHAD PA LTAR NA, LUS GCIG LA YANG SOR MO DANG LCE GNYIS KAS BSKUL BA NI SOR MO GCIG GI KHYAD PAR RO, ,DUS JI TZAM DU BSKUL BA NI, PA TSAB KYI 'GYUR LAS, RO 'DZIN GYI BYA BA DAG GIS MA PHYIN GYI BAR DU BSKYOD PAR BYA ZHING, ZHES 'BYUNG BA LTAR NA, YUM GYI DBU MA'I MAR SNA BYE NAS BDUD RTZI 'DZAG PA MA BYUNG GI BAR DU'O, ,RDO RJE MKHA' 'GRO LAS, YUL LAS SID CES BYA BA'I SNGAGS BYUNG GI BAR DU DRUNG
PAR GSUNGS LA, DE NI YUL DES CHED DU BYAS NAS SNGAGS DE BTON PA MIN PAR RANG SHUGS KYIS SNGAGS DE ZLOS PAR BYUNG BA'O, ,DE YANG RDO RJE MKHA' 'GRO LAS, DE LTAR SGRUB PA POS YANG YANG DU BSKUL BAS SNYING 'DAR BA DANG, DGA' BAS MYOS SHING BYANG SEMS KYI RDUL PHRA MO 'DZAG LA, NGO TSA BA LA SOGS PA DANG BRAL TE BA SPU LANGS NAS SHIN TU CHAGS PAS BLTA ZHING 'KHYUD PA LA GUS PAR GYUR CING SID CES ZER BA DANG, ZHES GSUNGS PA LTAR YIN, DE RNAMS NI SOR MO DANG, LCES BSKUL BAS RTZA KHA BYE BA'I RTAGS SO, ,SEMS KYI RDUL PHRA MO'I CHU NI BYANG CHUB KYI SEMS KUNDA LTA BU'I CHU'O, ,RDO RJE GUR LAS, RDO RJE SOR MO'I RAB SBYOR GYIS, ,RDO RJE'I SA GZHI RAB BSKUL TE, ,RDO RJE SEMS SU RAB BYUNG LA, ,RDO RJE LCE YIS BZA' MI BYA, , PHYI NAS DE YI BDE LDAN DU, ,RDO RJE SEMS DPA' RAB BCUG STE, ,RDO RJE BCINGS BA'I SBYOR BA YIS, ,RDO RJE MCHOD PA RAB TU BRTZAM, ,ZHES GSUNGS TE, RDO RJE'I SA GZHI NI, GSANG GNAS KYI RDO RJE'I RTEN YUM GYI PADMA'O, ,RDO RJE SEMS SU ZHES PA NI KUNDA LTA BU'O, ,PHYI NAS ZHES PA NI, RTZA SAD PAR BYA YIS RJES SU'O, ,RDO RJE SEMS DPA' NI M'A MA K'I'I GSANG BA'I RDO RJE'O, ,RDO RJE BCINGS PA NI RTZA GSUM MI 'BRAL BAR BCING BA'O, ,'DOD PA'I BSTAN BCOS RNAMS LAS, PADMA CAN DANG DUNG CAN MA LA SOGS BA'I BUD MED KYI MTSAN NYID STON PA YOD PAR SNANG NA'ANG MAN NGAG 'DI NI DE DAG LA GTAN MED DU SHES PAR BYA'O, ,'DI MTHA' DPYOD NAS GDAN DRANGS PA YIN NO,, ` BLA MA DAM PA'I ZHABS LA PHYAG 'TSAL LO, ,DE LA 'DIR PHYI
, ,ROL GYI PHYAG RGYA DANG SNYOMS PAR ZHUGS PAS SROG RTZOL DU 'GRO BA'I TSUL, ZHES PA DA LTAR GYI GANG ZAG LA DNGOS SU MI DGOS PA SHAS CHE YANG, DE'I GO BA CHAGS NA BSKYED RIM SGOM BA SOGS KYI SKABS SU, YE RGYA LA BRTEN PA LA PHAN CHE BAS NYE BAR MKHO BA YIN NO, ,DE YANG SPYIR BLA MED KYI RGYUD SDE RNAMS NAS LAS RGYA LO BCU GNYIS MA NAS, SUM CU MA'I BAR GSUNGS PA NI, DE GNYIS LAS RGAN PA DANG GZHON PAS RANG GI RTZA SAD PAR BYED MI NUS PA'AM, NUS KYANG THABS KYIS RTZA SAD PA'I RKYEN DU 'GRO MI NUS PA'I SGO NAS SPANG DGOS PA YIN ZHING, 'DI LA RNAL 'BYOR MA TING NGE 'DZIN KHYAD PAR CAN RGYUD LA MNGA' BA SOGS NI MA NGES SO, ,'O NA RTZA SAD THABS JI LTAR BYA SNYAM NA, DE NI RNAL 'BYOR BA KHYAD PAR CAN LAS RGYA DANG SNYOMS PAR 'JUG PA'I TSE MDZUB MO DANG LCE LA YI GE 'GOD PA SOGS KYI SBYOR BA GZHAN NAS GSUNGS PA LTAR BYA'O, ,DE LTAR RTZA DBU MA SAD BA'I PHYAG RGYA DANG THABS SNYOMS PAR ZHUGS PAS NA PHYAG RGYA'I RTZA SAD PA'I RKYEN DES THABS KYI RTZA AA WA DH'U T'I SAD PAR 'GYUR LA, DE SAD NA RO RKYANG GNYIS KHA ZUM PA CHOS NYID YIN CING, DBU MA SAD PA'I NANG DU THUR SEL ZHUGS, DES GTUM MO SBAR BA SOGS KYI RKYEN GYIS LHAN SKYES 'CHAR RO, ,'DI NI RGYUD DON YIN PAR DA LTA NYAMS BZANG BA'I GANG ZAG 'GA' ZHIG GIS YE RGYA LA BRTEN PA'I TSE THOG MAR YUM GYI RTZA NAS RLUNG TSUR BYUNG NAS RANG GI RDO RJE'I BU GAR ZHUGS PA SNYAM BYED PA 'BYUNG BAR SNANG BAS KYANG SHES SO GSUNGS SO, ,DES NA YAB YUM GYI SNA RTZE GNYIS PHRAD
MTSAMS SU THIG LE PHRA MO BSGOM BA YANG SNA RTZE GNYIS SAD BA'I CHED DU YIN NO, ,'O NA LAS RGYA LA BA RTEN BA'I SNYING GA'I SDUD RIM DU 'GRO TSUL JI LTAR YIN SNYAM NA, DE NI RIL 'DZIN DANG RJES GZHIG GI BSAM GTAN GNYIS DANG, SNYING GA'I SDUD RIM GYI DMIGS PA DANG, RDOR BZLAS DANG, GSANG BA'I SNA RTZER RDZAS KYI SROG RTZOL SNYING GAR SDUD RIM RNAMS SKABS DER BYED PA'I STOBS KYIS YIN NO, ,RJE BTZUN TZONG KHA PA CHEN PO'I ZHAL GYI GDAMS NGAG GO, ,,BLA MA RDO RJE 'CHANG GI ZHABS LA PHYAG 'TSAL ZHING SKYABS SU MCHI'O, ,'DIR RGYUD SDE NAS LAN CIG MA YIN PAR GSUNGS PA'I PHYAG RGYA SROG RTZOL GYI GNAD MTHAR THUG RJE BLA MA'I LEGS BSHAD THUN MONG MA YIN PA, GSANG BA LAS KYANG CHES GSANG BA'I GNAD RNAMS BRJED BYANG DU BRI BAR 'TSAL NA, BLA MA DANG YI DAM MKHA' 'GRE CHOS SKYONG RNAMS KYIS GNANG BA MDZAD NAS BDE CHEN MCHOG GI DNGOS GRUB STZAL DU GSOL, DE LA LAS RGYA BSTEN PA'I DGOS PA NI DE BSTEN PAS SROG DBU MAR ZHUGS TE, YAS BABS DANG, MAS BRTAN GYI DGA' BZHI BSKYED PA'I CHED DU YIN NO, ,DES NA THABS GYI MCHOG 'DI BSHAD PA LA GSUM, LAS RGYA'I MTSAN NYID, SROG RTZOL GTONG BA'I MAN NGAG DNGOS DANG, THA MA DE LA BRTEN NAS DGA' BZHI BSKYED CING BDE STONG SBYOR TSUL LO, ,DANG PO NI, RNAL 'BYOR BZHI'I RIM PAS GSUNGS PA'I PADMA CAN LA SOGS PA BZHI'I DON NI, RTZA DBYIBS MI 'DRA BA BZHI'I SGO NAS BSTAN PA YIN LA, YDE YANG DH'U TDI'I MAR SNA'I DBANG DU BYAS PA YIN CING, DE'I RNAM PA JI BZHIN PA NI MAR SNA KUN RDZOB KYI SNA SOGS
, ,KYIS MTSON PAR BYED DO, ,DES NA GLANG PO CAN GYI RTZA'I MAR SNA NI, RTZA SNA GA-YON NAS GA-YAS SU CUNG ZAD 'KHYIL BA'I RNAM PAR YOD LA, DE'I RTAGS RTZA DE'I YAS SNA YOD PHYOGS KYI BUD MED DE'I SNA GA-YON NAS GA-YAS SU 'KHYIL BA'I RNAM PA CAN LA SOGS PA LAS, PHYAG RGYA DE GLANG PO CAN GYI RIGS SU GTOGS PA YIN NO, ,DUNG CAN MA NI RTZA DE'I MAR SNA DUNG DKAR GYI KHA LTA BUR 'KHYIL ZHING, GUG LA RING BA CIG YOD PAS, DE'I RTAGS LA, RTZA'I YAR SNA YOD PHYOGS KYI SKRA DANG SNA YANG RING BA LA SOGS PA DUNG CAN MA'I RIGS SU SHES PAR BYA'O, ,RI DVAGS CAN MA NI RTZA DE'I MAR SNA RI DVAGS GLA BA'I LTE BA 'DRA BA KHA BTZUM ZHING 'GOR PO'I RNAM PA CAN DU YOD PAS, RTZA DE'I KHA SHIN TU TSOL BA DKA' BAS, DE NI RNAL 'BYOR PAS SEN MOS BTZAL DGOS PA SOGS GSUNGS SO, ,MAR SNA DE'I RTAGS LA YAR SNA'I PHYOGS KYI SNA LA RI MO YOD LA DER MA ZAD LUS GZHAN LAS SBOM PA SOGS YIN NO, ,PADMA CAN NI MAR SNA ME TOG PADMA'I DBYIBS LTA BUR YOD PAS RTZA DE KHA BTZAL SLA ZHING, 'BYED PAR SLA BAS PHYAG RGYA'I MCHOG TU GSUNGS PA YIN NO, ,DE'I RTZA'I MAR SNA DE LTAR YOD PAS MAR SNA'I PHYOGS DE LA SNA NI DZA BA'I ME TOG LTAR YOD PAR GSUNGS PA YIN NO, ,DE LTAR PHYAG RGYA BZHI'I RTZA LA MI 'DRA BA'I KHYAD PAR DE LTAR YOD PA'I SGO NAS PADMA CAN SOGS SU BZHAG PA'I DON DE NYID, RANG GI BLA MA KHO NA'I MAN NGAG YIN PAS, RANG KHO NA'I SNYING LA BCANG RGYU YIN GSUNGS, DE'I RGYU MTSAN CHAGS LAM LA SHIN TU MKHAS PAR GRAGS PA'I BLA MA THAMS
KYIS RGYUD NAS GSUNGS PA'I PHYAG RGYA RIGS BZHI'I KHYAD PAR SNA GA-YON GA-YAS SU 'KHYIL BA DANG, ZHES SOGS RNAMS RTZA'I DBYIBS LA BRTAGS PA'I DON LA BLO KHA TZAM YANG MA PHYOGS SHING, RTZA LA MI 'DRA BA BZHI YOD PA'I GNAD MA RTOGS PA SHA STAG YIN PAS, PHYOGS 'DI LA KHA PO JI LTAR CHE YANG MKHAS PA'I BZHAD GAD KYIS GNAS 'BA' ZHIG YIN GSUNG, GNYIS PA SROG RTZOL DU GTONG BA'I THABS DNGOS NI, RDO RJE DBYINGS KYI DBANG PHYUG MA'I RTZA NI NYE BAR BTZAL BAR BYA STE, BYED PA BCINGS PA'I SBYOR BA YIS, ,ZHES PAS BSTAN LA, DE'I RDO RJE DBYINGS KYI DBANG PHYUG MA'I RTZA NI BUD MED KYI DH'U T'I YIN LA, NYE BAR BTZAL BYA ZHES PA NI, RNAL 'BYOR PAS RTZA DE'I MAR SNA BTZAL BAR BYAS LA DE YANG BYA ROG GDONG ZHES PA NI 'JIG RTEN PA LA BYA LER GRAGS PA DE LA ZER BA YIN ZHING, DBU MA'I MAR SNA RTZA DE'I DBUS NAS 'BYUNG NGO, ,DE LAS SKYES PA'I DH'U T'I SBOM ZHING THUNG BAR GNAS PAS, NOR BU'I BUG PA LAS PHYIR NAR NAS 'ONG BA MI SRID LA, BUD MED KYI DH'U T'I NI PHRA ZHING RING BA'I BYA ROG GDONG LAS PHYIR NAR NAS 'ONG BA'I SKABS YOD PAS, SNYOMS 'JUG GI TSE BUD MED KYI RTZA DE RNAL 'BYOR PA'I RTZA'I MAR SNA'I NANG DU 'JUG PA'I SBYOR BA YIN NO, ,DE'I PHYIR DU PHYAG RGYA'I DH'U T'I'I RIGS MI 'DRA BA BZHI'I GNAS TSUL SHES NAS TSOL BA DANG, KHA 'BYED PA'I MAN NGAG GI SHES RAB KYI RTZA SAD PAR BYA, DE NAS PHYAG RGYA'I RTZA DE RANG GI RTZA'I NANG DU BCUG NAS 'BYED PA DAM DU BCING BA'I SBYOR BA BYA, DE LTAR BYAS PAS PHYAG RGYA'I RTZA NANG NAS RLUNG BYUNG STE, RANG GI RTZA'I NANG DU SLABS
, ,NA SNYOMS 'JUG GI BDE BA SOGS GANG BAS KYANG LHAG PA'I BDE BA SKYE LA, RLUNG DE RANG GI DH'U T'I'I NANG DU BSDUS PAS RANG GI THUR SEL GYI RLUNG GYEN DU LOG STE PHYAG RGYA'I RLUNG DES SNA 'DREN BYAS NAS DBU MAR ZHUGS SHING BSDUS PAS DROD 'BAR NAS SPYI BO'I Hm YIG ZHU ZHING, BYANG SEMS DH'U T'I'I MAR SNAR SLEB PA NA PHYAG RGYA'I YANG KHU BA BZHU NAS DH'U T'I'I LAM NAS BYUNG STE, RANG GI RTZA'I NANG DU PHRAD PA NA THABS SHES ZUNG DU 'BREL BA'I GNAD KYIS SNGA MA'I BDE BA DE LAS KYANG CHES CHE BA ZHIG 'BYUNG ZHING, DE NAS MAN NGAG GIS GYEN DU BZLOG PA'I SBYOR BAS THIG LE DE LTE BAR SLEB PA NA RGYU MTHUN GYI TSUL GYI DGA' BA SNYING GAR SLEB PA NA RNAM SMIN GYI TSUL GYI MCHOG DGA' MGRIN PAR SLEB PA NA SKYES BU BYED PA'I TSUL GYIS KHYAD DGA', GTZUG TOR DU SLEB PAS DRI MA DANG BRAL BA'I LHAN CIG SKYES DGA' STE SHIN TU RNAL 'BYOR BSGOM PAR BYA'O, ,GSUM PA BDE STONG SBYOR TSUL NI, DE 'DRA BA'I YAS BABS MAS BRTAN GYI DGA' BZHI SKYES PA DE'I TSE, DBU MA'I LTA BA MTHAR THUG DANG SBYAR NAS BSKYANGS PAS SRID PA'I SDUG BSNGAL GZHOM PAR BYED DO, ,GZHAN YANG RDO RJE'I LTE BAS PADMA MNAN PA DANG, SKYIL KRUNG BCINGS ZHES SOGS KYI DON YANG YUM GYI RTZA DE RNAL 'BYOR PA'I RTZA'I MAR SNA'I NANG DU BCUG PA NGES DON GYI RDO RJE SKYIL KRUNG GA-YAS GA-YON GNYIS KYIS RO RKYANG GI RLUNG DBU MA'I NANG DU ZHUGS PA 'BYUNG ZHING, DE'I RNAL 'BYOR PA'I SEMS NOR BU'I NANG GI DH'U T'I'I NANG DU SON PA LAS YE SHES KYI NGO BO
LHAN SKYES 'BYUNG NGO, ,DE DAG GIS DGA' BA GZHAN GSUM YANG YIN NO, ,PADMA CAN GYI BGROD TSUL NI, PADMA'I BYED PA ZHES PA PHAL PA LTAR STENG NAS BGROD PA'O, ,GLANG PO CAN GYI BGROD TSUL NI DUD 'GRO LTAR RGYAB NAS BGROD PA'O, ,DUNG CAN MA'I BGROD TSUL NI BHA HAR TI'I SBYOR BA ZHES BYA BA RKANG PA GNYIS PHRAG PA LA BKAL TE 'OG NAS BGROD PA'O, ,RI DVAGS CAN GYI BGROD TSUL NI BI LA SA'I CHING BA ZHES BYA BA RDO RJE SEMS DPA' LTAR SKYIL KRUNG LA BGROD PAR BYA BA YIN NO, ,RTAGS KYI RTZA GNYIS MI 'BRAL BAR BYED PA SHIN TU GAL CHE, DE NI RNAL 'BYOR PA'I LAG PAS BYED DGOS PAR RGYUD LAS BSHAD DO, ,RJE BTZUN TZONG KHA PA'I ZHAL SNGA NAS KYI GDAMS PA'O, ,ZAB ZAB AiTHI,, ` ,,RGYAL BA RDO RJE 'CHANG DANG DBYER MA MCHIS PA'I DPAL LDAN BLA MA DAM PA RNAMS KYI ZHABS KYI PADMO LA GUS PAS PHYAG 'TSAL LO, ,'DIR BSRE BA SKOR DGU'I GDAMS PA STON PAR BYED PA LA DON GSUM STE, SAD DUS SU SKU GSUM DANG BSRE BA, GNYID KYI DUS SU SKU GSUM DANG BSRE BA, 'CHI BA'I DUS SU SKU GSUM DANG BSRE BA'O, ,DANG PO LA SAD DUS KYI 'OD GSAL CHOS SKU DANG BSRE BA, SAD DUS KYI SGYU LUS LONGS SKU DANG BSRE BA, SAD DUS KYI LONGS SKU LAS LANGS PA SPRUL SKU DANG BSRE BA'O, ,DANG PO NI, RDO RJE'I LUS LA GNAD DU BSNUN PA LA BRTEN NAS RLUNG SNYING GA'I DH'U T'I'I NANG DU ZHUGS GNAS THIM GSUM BYAS PA LAS SMIG RGYU DU BA LA SOGS PA'I RTAGS RNAMS 'CHAR ZHING, DE'I RJES SU SNANG BA, MCHED PA, NYER THOB, 'OD GSAL RNAMS 'CHAR LA,
, ,DE RNAMS KYI DUS SU LTA BA DRAN PAR BYED CING, KHYAD PAR 'OD GSAL GYI DUS SU GDAMS NGAG DANG SBYAR NAS SGOM PAR BYED PA NI SAD DUS KYI 'OD GSAL CHOS SKU DANG BSRE BA YIN NO, ,GNYIS PA SAD DUS KYI SGYU LUS LONGS SKU DANG BSRE BA NI, GONG DU BSHAD PA LTAR GYI 'OD GSAL CHOS SKU DANG BSRE BA DE LAS LDANG BAR RTZOM PA NA SHIN TU PHRA BA'I RLUNG SEMS TZAM LAS RNAM SMIN GYI PHUNG PO LAS LOGS SU BYE STE, GSANG 'DUS KYI SKABS SU YIN NA, LONGS SKU DANG PO'I MGON PO DANG, 'JIGS BYED KYI SKABS SU YIN NA, RGYU RDO RJE 'DZIN PA 'JAM DPAL GZHON NUR GYUR PA 'JA' TSON LTA BU'I SKUR SKAD CIG GIS LDANG BA NI SAD DUS KYI SGYU MA LONGS SKU DANG BSRE BA YIN NO, ,GNYIS PA SAD DUS KYI LONGS SKU LAS LANGS PA SPRUL SKU DANG BSRE BA NI, GONG DU BSHAD PA LTAR GYI SGYU MA'I SKU LAS LDANG BAR RTZOM PA NA, RNAM SMIN GYI LUS 'DI GSANG 'DUS KYI SKABS SU YIN NA SPRUL SKU RDO RJE SEMS DPA' 'AM, RDO RJE 'CHANG GI SKUR LDANG BA DANG, 'JIGS BYED KYI SKABS SU YIN NA, SPRUL SKU 'BRAS BU RDO RJE 'DZIN PA DPAL RDO RJE 'JIGS BYED KYI SKUR LANGS LA, GONG DU BSHAD PA LTAR GYI SHIN TU PHRA BA'I RLUNG SEMS LAS GRUB PA'I LONGS SKU DE YANG SPRUL SKU'I THUGS KAR YE SHES SEMS DPA'I TSUL GYIS BZHUGS PA'I SPRUL SKUR LDANG BA NI, SAD DUS KYI LONGS SKU LAS LANGS BA SPRUL SKU DANG BSRE BA NI, DA LTAR SAD DUS KYI BSRE BA SKOR GSUM MO, ,GNYIS PA GNYID DUS SU SKU GSUM DANG BSRE BA LA GSUM, GNYID DUS KYI 'OD GSAL CHOS SKU DANG BSRE BA, RMI LAM LONGS SKU DANG BSRE
BA, GNYID SAD PA SPRUL SKU DANG BSRE BA'O, ,DANG PO NI, SAD DUS SU SNYING GAR ZHUGS GNAS THIM GSUM BYED PA LA GOMS PA'I GANG ZAG GIS, GNYID DU 'GRO KHAR RLUNG SDUD PA'I DMIGS PA BYAS NA, GNYID DU 'GRO BA'I TSE, YAN LAG GI RLUNG RNAMS RANG SHUGS KYIS SNYING GAR 'DU BA'I GNAD KYIS SNYING GAR RLUNG GZHAN PAS 'DU TSABS CHE BA CIG 'ONG ZHING, DE'I DUS SU RMI LAM GYI LUS GNAS LA, DE'I STOBS KYIS GNYID DU SONG BA NA, SNANG MCHED THOB GSUM 'OD GSAL DANG BCAS PA 'CHAR LA, DE'I 'OD GSAL GYI DUS SU STONG PA NYID KYI LTA BA DRAN PAR BYAS NAS 'OD GSAL LA JI TZAM GNAS GNAS KYI BAR DU 'JOG PA NI, GNYID KYI 'OD GSAL CHOS SKU DANG BSRE BA'O, ,GNYIS PA RMI LAM LONGS SKU DANG BSRE BA NI, GONG DU BSHAD PA LTAR GYI GNYID KYI 'OD GSAL LAS LDANG BAR RTZOM PA DANG, RMI LAM 'CHAR BAS DE'I DUS SU RMI LAM GYI LUS DE RNAM SMIN GYI LUS LAS LOGS SU BYA BA'I LONGS SKU DANG PO'I MGON PO'AM, 'JIGS BYED LTAR NA LONGS SKU RGYU RDO RJE 'DZIN PA 'JAM DPAL GZHON NUR GYUR PA'I SKU 'JA' TSON LTA BUR SKAD CIG GIS LANGS TE JI TZAM GNAS GNAS KYI BAR DU SGYU MA LTA BU'I TING NGE 'DZIN LA MNYAM PAR 'JOG PA NI RMI LAM LONGS SKU DANG BSRE BA'O, ,GSUM PA SAD PA SPRUL SKU DANG BSRE BA NI, GONG DU BSHAD PA LTAR GYI SGYU MA LTA BU'I TING NGE 'DZIN DE LAS LDANG BAR RTZOM PA NI, RNAM SMIN GYI LUS 'DI SPRUL SKU RDO RJE SEMS DPA' DANG, RDO RJE 'CHANG GANG RUNG DANG 'JIGS BYED LTAR NA SPRUL SKU 'BRAS BU RDO RJE 'DZIN PA DPAL RDO RJE 'JIGS BYED KYI
, ,SKUR BSGOM LA, DE'I THUGS KAR RMI LAM GYI LONGS SKU DE YE SHES SEMS DPA'I TSUL GYIS BZHUGS PAR BSGOM PA'AM, SPRUL SKUR BSGOM PA NI, SAD PA SPRUL SKU DANG BSRE BA STE, DE LTAR NA GNYID DUS KYI BSRE BA SKOR GSUM MO, ,GSUM PA 'CHI BA'I DUS SU SKU GSUM DANG BSRE BA LA GSUM, 'CHI BA'I 'OD GSAL CHOS SKU DANG BSRE BA, BAR DO LONGS SKU DANG BSRE BA, SKYE BA SPRUL SKU DANG BSRE BA'O, ,DANG PO NI, 'DZAM BU GLING PA'I MI KHAMS DRUG LDAN CIG RIM GYIS 'CHI BA'I TSE SNYING GAR RANG SHUGS KYI RLUNG 'DU BA'I GNAD KYIS, 'CHI BA'I TSE SNANG MCHED THOB GSUM 'OD GSAL DANG BCAS PA YONGS SU RDZOGS PAR 'CHAR ZHING, DUS DER SHAR BA'I 'OD GSAL NI MA'I 'OD GSAL YIN LA, SNYING GA LA SOGS PA'I GNAS RNAMS SU GNAD DU BSNUN PA LA BRTEN NAS, SNANG MCHED THOB GSUM 'OD GSAL DANG BCAS PA SHAR BA'I 'OD GSAL NI BU'I 'OD GSAL YIN ZHING, 'CHI BA'I TSE RLUNG SDUD PAR RTZOM PA NA SNYING GA'I SDUD RIM LEGS PAR BSGOMS TE, 'OD GSAL MA BU 'DRES PA'I 'OD GSAL SHAR BA'I TSE, LTA THOG TU LEGS PAR BZHAG STE, 'OD GSAL LA JI TZAM GNAS GNAS KYI BAR 'JOG PA NI 'CHI BA CHOS SKU DANG BSRE BA'O, ,GNYIS PA BAR DO LONGS SKU DANG BSRE BA NI, GONG DU BSHAD PA LTAR GYI 'CHI BA'I 'OD GSAL DE LAS LANGS NAS, BAR DO 'CHAR BAR RTZOM PA NA BAR DO'I LUS SHIN TU PHRA BA'I RLUNG SEMS TZAM LAS LONGS SKU DANG PO'I MGON PO'AM, RDO RJE 'CHANG GI SKU GANG RUNG DU
LDANG ZHING, 'JIGS BYED LTAR NA LONGS SKU RGYU RDO RJE 'DZIN PA ZUNG 'JUG 'JA' TSON LTA BU'I SKUR LDANG BAR BYA'O, ,'DI NI THA MAL PA LA BAR DO 'ONG BA'I DOD LA, SGYU MA'I LONGS SPYOD RDZOGS PA'I SKUR LDANG BA YIN PAS, 'DI NI BAR DO LONGS SKU DANG BSRE BA'O, , GSUM PA SKYE BA SPRUL SKU DANG BSRE BA NI, MNGAL DU SKYE BA LEN PAR RTZOM PA NI, SKYE BA LEN RGYU'I RNAM SMIN GYI LUS DE SPRUL SKU RDO RJE SEMS DPA' 'AM, SPRUL SKU RDO RJE 'DZIN PA DPAL RDO RJE 'JIGS BYED KYI SKUR BSGOM PA'I SNYING GA'I DBUS SU SHIN TU PHRA MO'I RLUNG SEMS TZAM LAS GRUB PA'I LONGS SKU DE NYID BZHUGS PAR BSGOM STE, SKYE GNAS SU SKYE BA LEN PA NI SKYE BA SPRUL SKU DANG BSRE BA YIN TE, DE LTAR NA 'CHI BA'I DUS KYI BSRE BA STE BSRE BA SKOR GSUM MO, ,DE LTAR BSRE BA RNAMS KYI SKABS SU LONGS SKU DANG PO'I MGON PO DANG, 'JAM DPAL GYI SKUR LANGS PA'I DGOS PA NI BSKYED RIM GYI SKABS KYI BAR DO'I SBYONG BYED DANG, BAR DO LONGS SKUR 'KHYER BA'I LAM 'KHYER DANG PO'I MGON PO DANG, RGYU RDO RJE 'DZIN PA 'JAM DPAL YIN PAS SO, ,BSKYED RIM GYI SKABS KYI SKYE BA SPRUL SKUR 'KHYER BA'I LAM 'KHYER DANG, SKYE BA SBYONG BYED SPRUL SKU RDO RJE SEMS DPA' DANG, 'JIGS BYED KYI SKABS SU 'BRAS BU RDO RJE 'DZIN PA DPAL RDO RJE 'JIGS BYED YIN PAS SPRUL SKU DANG BSRE BA'I SKABS SU RDO RJE SEMS DPA' DANG RDO RJE 'JIGS BYED DU LDANG DGOS PA'I RGYU MTSAN DE LTAR YIN PAR SHES PAR BYA'O, ,BSRE BA SKOR DGU'I GDAMS PA 'DI, ,DAM TSIG SDOM PA LDAN PA YI, ,SKAL LDAN SLOB MA MA GTOGS PA, ,DE LAS GZHAN DU CUNG ZAD TZAM, ,
, ,BSTAN CING SBYIN PAR BYA BA MIN, ,DE BAS SNYING LAS GCES PAR BZUNG, ,DE LTAR BSRE BA SKOR DGU'I GDAMS PA SHIN TU GSAL BAR BKOD PA 'DI DAG NI, CHOS KYI RGYAL PO TZONG KHA PA CHEN PO'I ZHAL SNGA NAS LA GSER GYI MAndAL DANG BCAS PA PHUL NAS, YANG DANG YANG DU GSOL BA BTAB PA'I NGOR, SHIN TU GO BDE ZHING MAN NGAG DPYIS PHYIN PAR BKOD PA'I DGE BAS SEMS CAN THAMS CAD SKU GSUM GO 'PHANG THOB PA DANG MI 'BRAL BAR GYUR CIG ,MAN NGAG 'DI SHIN TU BKA' RGYA DAM PAR MDZAD 'TSAL LO,, AiTHI ,,RANG YI DAM DU GSAL BA'I THUGS KAR SNA TSOGS PADMA DANG ZLA BA'I DKYIL 'KHOR GYI STENG DU HA LAS RAL GRI'I 'CHANG ZUNG LA HAS MTSAN PA, YONGS SU GYUR PA LAS, DON YOD RDO RJE SKU MDOG LJANG KHU LJANG NAG DKAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RDO RJE DANG RAL GRI, GA-YON GNYIS DRIL BU DANG PADMA 'DZIN PA, YAB YUM GNYIS KA'ANG RIN PO CHE SNA TSOGS PAS BRGYAN PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um Bm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS PAS, RIGS LNGA 'KHOR DANG BCAS PA SPYAN DRANGS, MCHOD PAS MCHOD DE, DE BZHIN GSHEGS PA THAMS CAD KYIS 'DI LA MNGON PAR DBANG BSKUR DU GSOL, ZHES GSOL BA BTAB PAS, DE
RNAMS KYIS YE SHES KYI BDUD RTZIS GANG BA'I BUM PAS, AOm SARBA TA TH'A GA TA AA BHI shE KA TA SA MA YE SHRI A'A: H'Um, ZHES RANG GI SPYI BO NAS DBANG BSKUR BAS, DAM TSIG RDO RJE'I LUS THAMS CAD GANG, BDE BA CHEN PO MYONG, DRI MA THAMS CAD DAG CHU'I LHAG MA SPYI BOR GNAS PA YONGS SU GYUR PA LAS, YAB LA MI BSKYOD PA DANG, YUM LA DON GRUB KYIS DBU BRGYAN, DE'I THUGS KAR ZLA BA'I STENG DU SNA TSOGS RDO RJE'I LTE BAR HA LJANG KHU LAS BDUD RTZI'I RGYUN PHRA MO 'DZAG PA DE'I MTHAR, AOm A'A: PRADZNY'A DHRIKA HA H'Um, ZHES PAS BSKOR NAS, BDUD RTZI'I RGYUN DE SNA TSOGS RDO RJE'I RVA'I BU GA NAS RIM GYIS BYUNG, LUS THAMS CAD GANG, ZAG MED KYI BDE BA MYONG BAS, DAM TSIG NYAMS PA THAMS CAD BA SPU'I BU GA NAS NAG NYIL NYIL 'THON PAR BSAMS LA NGAG TU GONG GI SNGAGS 'DI BZLAS, BZLAS PA TSAR BA NA, BDAG NI MI SHES RMONGS PA YIS, ,ZHES SOGS BYA, DGE BA BSNGO BA'O,, ,,LAM SGOM PA THAMS CAD KYI SKABS SU RANG RGYUD LA LHAS BYIN GYIS RLOBS PA DANG SGOM PA'I NYAMS SNANG DANG, BGEGS KYI BAR CHAD KYI MTSAN MA GSUM GYI RIGS 'DI LTAR DBYE BAR BYA STE, LHA BSGOM PA DANG BZLAS PA LA SOGS PA'I SKABS SU DE BZHIN GSHEGS PA'I SKU GSUNG THUGS KYI MTSAN MA LA SOGS PA BYUNG NA, RTZA AA WA DH'U T'I'I YAR SNA RANG GI SMIN MTSAMS KYI DBUS KHRO BO RNAMS KYI SPYAN GSUM PA 'ONG SA DER RAG DUNG GI KHA LTAR GDANGS PA LA MIG GNYIS KYANG DRIL TE, DH'U T'I'I YAR SNA NAS MTSAN MA GANG YIN PA DE LA BLTAS PAS DMIGS PA BSGOM PA'I
, ,STOBS KYI NYAMS YIN NA, SNGAR LAS SHIN TU GSAL ZHING SNUM LA 'OD DANG LDAN PAR 'GYUR RO, ,DE LA MA CHAGS PAR SGYU MA LTA BU'I BLTA BAS RGYAS BTAB LA BSGOM, 'OD ZER SNA LNGA 'PHRO ZHING SNGAR LTAR DU GNAS NA, LHAS RANG GI RGYUD BYIN GYIS RLOB PA'I RTAGS YIN PAS RDO RJE BSDU BA'I SNGAGS DANG PHYAG RGYAS RANG LA BSTIM ZHING GSOL BA GDAB, DE LTAR BLTAS PAS SNGAR GYI DE YAL 'GRO BAR SNANG NA BGEGS KYI MTSAN MA YIN PAS, BSRUNG 'KHOR THUN MONG DANG THUN MONG MA YIN PA BSGOM ZHING, MTSAMS DAM DU BCAD LA CHOS SKYONG LA GTOR MA PHUL, BSKANG BSHAGS BYAS LA DGE SBYOR SNGAR LAS KYANG 'JUR DU GTONG BA YIN NO, ,SLAR YANG YANG YANG 'ONG NA YAL 'GRO BA'I MGO RTZOM PA NA, RANG GI SNYING GA NAS KHRO BO GSHIN RJE GSHED 'JIG RTEN GSUM PO ZA BAR NUS PA, SKU LAS ME 'OD 'PHRO BA GRI GUG DANG THOD PA 'DZIN PA DU MA SPROS TE, CHAR BABS PA BZHIN DU DE LA BSTIM PAS BYA SGRO MES TSIG PA LTAR BSREGS PAR BSAMS LA SNGAR LTAR BSRUNG 'KHOR BSGOM ZHING DGE SBYOR LA 'GRIL BAR BYA'O, ,DGE SBYOR GANG GI SKABS SU YANG MED DU MI RUNG BA'I ZHAL GYI GDAMS PA AIthI,, ` ,,RJE BTZUN BLA MA RDO RJE 'CHANG DANG DBYER MA MCHIS PA DANG, DPA' BO MKHA' 'GRO'I TSOGS LA PHYAG 'TSAL LO, ,DNGOS GRUB RGYA MTSO 'DU BAR MDZOD, LUS DBEN GYI SKABS SU DMIGS RTEN GSAL PO BYUNG YANG, RLUNG JI LTA BA BZHIN DU 'DU BAR MA 'DOD NA, RTZA'I SBUBS THAMS CAD NAS, RLUNG SPOS RENG GI DUD PA'I RNAM PA CAN STOD SMAD
THAMS CAD NAS DMIGS PAS BKUG STE, DMIGS RTEN LA THIM PA YANG YANG BYAS PAS MYUR DU GNAS DER 'DUS NAS RTAGS RNAMS 'CHAR BAS RLUNG GI BOGS 'DON KHYAD PAR BA YIN NO, ,DE LTAR BSGOM PAS RLUNG 'DUS KYANG LUS KYI GNAS GANG YANG RUNG BAR NAD SKYED NA, GANG NA SA DE NAS NAD KHA DOG SNGO DMAR GYI RNAM PA CAN RLUNG DANG LHAN CIG BKUG STE DMIGS RTEN LA THIM PA YANG YANG BYAS PAS RLUNG 'DU ZHING NAD SEL BA'I GDAMS PA KHYAD PAR CAN YIN GSUNG NGO, ,RLUNG SHA LPAGS MTSAMS SU ZHUGS TE KHOL BUR SKRANGS NAS NA NA, GANG NA SA DE BDE BA'I NGO BOR BLTA BA DANG, DER SEMS BZUNG LA GROGS GCIG DANG RANG GNYIS KAS RLUNG DUS GCIG TU BZUNG LA GROGS KYIS NA SA DE MNYE MI THUB PA DANG DUS MNYAM DU BTANG NGO, ,LUS DBEN SOGS GANG GI SKABS SU YANG SEMS RMUGS PA DANG BYING BA SOGS BYUNG NA, RTZA'I NANG THAMS CAD DANG, KHYAD PAR DBU MA'I NANG DU SGRON ME SHIN TU GSAL BA 'OD KYIS KHYAB PA 'TSER ZHING DVANGS PA BSGOM PAR BYA'O, ,'DI GSAL BA'I BOGS 'DON YIN NO, ,DMIGS PA GSAL YANG BDE NYAM CHUNG NA, RTZA'I NANG THAMS CAD BYANG SEMS SKAR MA SHAR BA LTA BUS GANG BA, BDE BA CHEN PO'I NGO BOR BZHU BA RNAMS DBU MA LA PHYOGS PAR RGYUG PA, KHYAD PAR SPYI BO'I Hm YIG BZHU BA DGA' BA BZHI'I RIM PAS 'ONG BA DANG 'GROGS TE, NOR BU'I RTZER SLEB PAS LHAN CIG SKYES DGA' MYONG BAR BSAM PA NI, RLUNG 'DU ZHING BDE BA'I BOGS 'DON PA'I GDAMS PA YIN NO, ,RMI LAM BTZAN THABS SU 'DZIN PA NI, RMI LAM 'DZIN PA'I 'DUN PA LEGS PAR SBYANGS PA'I
, ,MTSAMS NAS GNYID LOG PA'I TSE, GROGS RMI LAM 'DZIN PA'I TSOD LA MKHAS PA ZHIG GIS, RMI LAM YIN NO, ,RMI LAM LA RMI LAM DU NGO SHES PAR GYIS LA DGE SBYOR 'DI LTA BU GYIS SHIG ,CES RNA KHUNG DU DANG PO SGRA CHUNG DU SGROGS, GNYID MA SAD PA'I GDENG RNYED PA'I MTSAMS NAS CUNG CHE BAR SGROGS, DE THOS PA'I RKYEN BYAS NAS RMI LAM NGO SHES, DE LTAR NGO SHES NAS NYIN PAR GANG MA BYANG BA'I DGE SBYOR RNAMS SKYONG, DANG PO MA GOMS BAR DU GNYID MYUR DU SAD 'ONG BAS DE LA NI SNYING GA'I NOR BU'I DBUS SU THIG LE NAG PO SRAN MA TZAM ZHIG LA SEMS BZUNG, YANG SNGAR BZHIN DGE SBYOR SKYONG, KHYAD PAR RMI LAM LONGS SKUR LDANG BA LA BSLAB PAR BYA'O, ,DE LTAR BYAS PAS RMI LAM MYUR DU ZIN PA DANG, SAD 'BYAMS GCOD PA'I GDAMS PA GNYIS SNANG NGO, ,SHIN TU GCES PA'I GDAMS PA SEMS DPA' GSUM BRTZE GSU BYA BA LA, GZHI DUS KYI SEMS DPA' GSUM BRTZEGS, LAM DUS KYI SEMS DPA' GSUM BRTZEGS 'PHRAS DUS KYI SEMS DPA' GSUM BRTZEGS TE, GSUM MTSAN GSUM YOD DO, ,DANG PO NI, DA LTAR GYI LUS RAGS PA 'DI DAM TSIG SEMS DPA', DE'I SNYING GA'I DANG POR CHAGS PA'I THIG LE DKAR DMAR NI YE SHES SEMS DPA', DE'I NANG GI SROG 'DZIN SHIN TU PHRA BA NI TING NGE 'DZIN SEMS DPA', DE BZHON PA DANG BCAS PA NI, SGYU LUS KYI BSGRUB GZHI YIN NO, ,LAM DUS LA BSKYED RIM DANG RDZOGS RIM GNYIS LAS, BSKYED RIM GYIS NI GO SLA LA, RDZOGS RIM GYIS NI STONG PA BZHI'I MTHAR SHIN TU PHRA BA'I
RLUNG SEMS LAS SGYU LUS DNGOS SAM, RJES SU MTHUN PAR LANGS NAS, SLAR YANG PHUNG PO RNYING PA'I SNYING GAR ZHUGS PA NI YE SHES SEMS DPA', DE LTAR LDANG BA DANG, 'JUG PAR BYED PA'I SEMS NI TING NGE 'DZIN SEMS DPA', DAM TSIG SEMS DPA' SNGAR BZHIN, 'BRAS DUS KYI SEMS DPA' GSUM BRTZEGS NI SLOB PA'I DON GYI 'OD GSAL GYI MTHAR RLUNG SEMS TZAM LAS KHA SBYOR YAN LAG BDUN LDAN GYI SKUR BZHENGS PA DES MCHOG GI SPRUL SKU LA SOGS PA'I GZUGS RAGS PA BZUNG BA'AM, GZHAN DON DU 'GYUR BAR GZIGS NAS SLER YANG PHUNG PO RNYING PA'I THUGS KAR YE SHES SEMS DPA'I RNAM PAR ZHUGS PA NI YE SHES SEMS DPA', DE'I THUGS LHAN SKYES KYI YE SHES NI TING NGE 'DZIN SEMS DPA' SPRUL SKU GSAR PA'AM, PHUNG PO RNYING PA NI DAM TSIG SEMS DPA' 'O, ,GRUB CHAN SA RA HA LTA BU NI PHUNG PO RNYING PA LA ZHUGS PA YIN GSUNG NGO, ,SHIN TU GCES PAS SNYING LA CHONGS, PHRA THIG DANG RDOR BZLAS SOGS KYI RLUNG 'DUS KYANG STONG PA BZHI'I GO RIM NGES MED DU SHAR NA, CUNG ZAD PHAN CHUNG BAS DE MI 'KHRUL BAR BYA BA NI, RTAGS BZHI DANG STONG PA BZHI 'CHAR BA'I GO RIM LA MKHAS PAR BYAS NAS, SNANG BA SHAR BA NA 'DI SNANG BA YIN, 'DI'I SNGON DU SA CHU LA THIM PA LA SOGS PA RNAMS SONG BA YIN, SNANG BA 'DI 'GAGS PA'I RJES SU, SNANG BA MCHED PA 'CHAR BA YIN SNYAM DU NGES PAR BYA, DES GZHAN GSUM LA'ANG 'GRE'O, ,'DI NI STONG PA BZHI MI 'KHRUL BAR BYA BA'I THABS SO, ,RDOR BZLAS KYI SKABS SU SROG THUR BSRE BA NI, STENG 'OG GI SNA SGO GNYIS NAS RLUNG NANG DU 'JUG PA DUS MNYAM DANG,
, ,SNYING GAR GNAS PA DMIGS RTEN LA SIM PA'I TSUL GYIS DUS MNYAM DANG, PHYIR 'GRO BA YANG DUS GCIG LA 'GYES PA YIN GSUNG, THUGS RDO RJE'I GNAS PA BYAS NA TSE RING BA'I RTEN 'BREL YOD GSUNG, BYANG SEMS 'JAG PA BTZAN THABS SU 'GOG PA NI, RKANG PA GA-YON PA'I RTING NAS RDO RJE'I RTZA BA'I RTZA BSDAMS SHES PA SPYI BO'I Hm LA GTAD, MIG DANG LCE GYEN LA LDOG ,RGYU MA SGAL TSIGS LA SBYAR, YAN LAG GNYIS SNYING GAR BSNOL, YAN LAG GI SOR MO BSKUMS, NGAG NAS H'Um RING PO RDUB PA'I TSUL DU DRAG TU BRJOD, YANG GCIG LA STENG RLUNG DRAG TU MNAN, 'OG RLUNG GLOD LA BZHAG ,DPER NA RIL BA ZHABS TSAGS CAN BZHIN NO, ,GSUNG NGO, ,RMI LAM DU 'DZAG PA LA NI, NYIN PAR SROG LA BAB KYANG BYANG SEMS MI 'TSOR BA BYA SNYAM PA'I 'PHEN PA GAL CHE GSUNG, KHYAD PAR NYAL KHA'I 'PHEN PA DANG, RDO RJE YANG RKYEN DANG MI PHRAD PA BYA'O, ,MA TSOR BAR 'DZAG PA LA NI, BYA SPYOD NAS BSHAD PA'I SRUNG SKUD KYI THABS KYIS KYANG THUB GSUNG NGO, ,DE BYA THABS NI BU MOS BKAL BA'I SKUD PA TSOS MA'AM, GUR KUM GYIS BCOS PA LA, AOm HA RA HA RA, BHAN DHA NI SHU KRA DH'A RI nI, SID DHA RA THE SV'AH'A, ZHES STONG BZLAS PA'I SRAD BU RKED PA LA BCINGS PAS 'JAG PA BSRUNG NGO,, ` ,,BCOM LDAN 'DAS KHYAB BDAG RDO RJE 'CHANG CHEN PO LA GUS PAS PHYAG 'TSAL LO, , BSRE BA'I GDAMS NGAG LA, LAM DUS KYI SKU GSUM DANG BSRE BA LA GSUM STE, 'DI LTAR LAM DUS KYI CHOS SKU DANG BSRE BA DANG, LAM DUS KYI LONGS SKU DANG BSRE BA, LAM DUS KYI SPRUL SKU DANG BSRE BA GSUM MO, ,DANG PO LA GSUM STE, GNYID SAD
DUS SU CHOS SKU DANG BSRE BA DANG, GNYID KYI DUS SU CHOS SKU DANG BSRE BA, 'CHI BA'I DUS SU CHOS SKU DANG BSRE BA'O, ,DANG PO NI, LUS KYI GNAD CHE SAR GNAD DU BSNUN PA LA BRTEN NAS STONG PA BZHI BSKYED DE, 'OD GSAL STONG PA BZHI PA SHAR BA'I DUS SU LTA THOG TU BZHAG NAS BSGOM PA YIN LA, GNAD DU BSNUN PA LA YANG SGO GSUM GSUNGS TE, 'OG SGOR NOR BU'I DBUS SAM, NOR BU'I SNA RTZE DH'U T'I LTA BU'I MAR SNAR RDZAS KYI THIG LE PHRA MO BSGOM PA LA BRTEN NAS, DE BRTAN PA'I MTHAR, RO RKYANG GI RLUNG DH'U T'IR ZHUGS SHING THIM PA LA BRTEN NAS SMIG RGYU LA SOGS PA'I RTAGS BZHI SNGON DU 'CHAR ZHING, DE'I 'OG TU STONG PA DANG, SHIN TU STONG PA DANG, STONG PA CHEN PO ZHES BYA BA, MING GZHAN SNANG BA DANG, SNANG BA MCHED PA DANG, SNANG BA NYE BAR THOB PA ZHES BYA BA GSUM SHAR BA'I MTHAR, THAMS CAD STONG PA ZHES BYA BA 'OD GSAL CHEN PO 'CHAR BA NI SGO DANG PO'O, ,GZHAN YANG SNYING GA'I SNA RTZER MI SHIGS PA SNGAGS KYI THIG LE BSGOM PA LA BRTEN NAS, DE BRTAN PA'I MTHAR, RO RKYAR GI RLUNG DH'U T'IR ZHUGS SHING THIM PA LA BRTEN NAS, SMIG RGYU LA SOGS PA'I RTAGS BZHI SNGON DU 'CHAR ZHING, DE'I 'OG TU STONG PA DANG, SHIN TU STONG PA DANG, STONG PA CHEN PO ZHES BYA BA MING GZHAN SNANG BA DANG, SNANG BA MCHED PA DANG, SNANG BA NYE BAR THOB PA ZHES BYA BA GSUM SHAR BA'I MTHAR, THAMS CAD STONG PA ZHES BYA BA 'OD GSAL CHEN PO 'CHAR BA NI SGO GNYIS PA'O, ,YANG GDONG GI SNA RTZER 'OD KYI THIG LE ZHES PA, RLUNG 'OD ZER LNGA PA SNA BUG NAS RGYU BA'I 'JUG GNAS LDANG GSUM, MA BCOS PA RDO RJE GSUM GYI RANG GDANGS SU 'CHAR BA BSGOM
, ,ZHING, DE YANG DH'U T'I NAS BYED PAR MOS PA'I RDO RJE'I BZLAS PA GOMS PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS DANG POR SMRIG RGYU LTA BU DANG, GNYIS PA DU BA LTA BU DANG, GSUM PA ME KHYER LTA BU DANG, BZHI PA MAR ME 'BAR BA LTA BU'I NYAMS 'BYUNG STE, RIM PA BZHIN SA CHU LA THIM PA DANG, CHU ME LA THIM PA DANG, ME RLUNG LA THIM PA DANG, RLUNG RNAM SHES KYI SNANG BA DANG PO LA THIM PA LAS 'BYUNG NGO, ,DES NA STONG PA DANG PO'I DUS SU SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA, ZLA BA'I 'OD ZER GYIS KHYAB PA LTA BU'I DKAR LAM GYI SNANG BA 'BYUNG, DE NAS SNANG BA DE YANG RIM GYIS BSDUS NAS SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA NYI 'OD KYIS KHYAB PA LTA BU'I DMAR LAM GYI SNANG BA 'BYUNG, DE NAS SNANG BA DE YANG RIM GYIS BSDUS NAS SNANG BA GZHAN GANG YANG MI 'CHAR BAR, YUL DU GANG SNANG THAMS CAD MTSAN MO SROD KYI NAM MKHA' DRI MA MED PA LA MTSAMS KYI SMAG GIS KHYAB PA BZHIN DU NAG LAM GYI NYAMS 'BYUNG, DE'I STOD DANG SMAD LA DRAN PA MI NYAMS SHING, BAR DU RLUNG THIM PA'I MTHUS DRAN PA NYAMS PA 'BYUNG NGO, ,DE NAS SNANG BA DE YANG BSDUS NAS MTSAN MO THO RANGS KYI NAM MKHA' NYI ZLA SMAG GI 'OD DANG BRAL BA'I NAM MKHA'I RANG MDOG JI LTA BA BZHIN DU, 'OD GSAL MTHA' DBUS MED PA SHIN TU DVANGS PA'I NYAMS 'CHAR TE, DE DAG GI BSHAD PA NI SNGA MA RNAMS LA'ANG SHES PAR BYA'O, ,DE NI SGO GSUM PA'O, ,GNYIS PA GNYID KYI 'OD
GSAL CHOS SKU DANG BSRE BA'I TSUL NI, GONG GI SGO GSUM PO GANG RUNG CIG GIS STONG PA BZHI DRANGS PA'I MTSAMS NAS, MTSAN MO GNYID DU 'GRO KHAR MI SHIGS PA'I THIG LE BSGOM PA'AM, RDO RJE BZLAS PA GNYIS GANG RUNG NYAMS SU BLANGS PA LA BRTEN NAS SNGAR BSHAD PA'I RTAGS BZHI DANG, STONG PA BZHI 'CHAR ZHING, DE'I MTHAR 'OD GSAL 'CHAR BA'I DUS SU LTA THOG TU BZHAG NAS BSGOM PA YIN, SPYIR GZHI DUS SU GNYID DU 'GRO BA'I TSE RLUNG SNYING GAR RANG SHUGS KYIS 'DUS PA LA BRTEN NAS, STONG PA BZHI DANG 'OD GSAL CHA MTHUN TZAM ZHIG 'CHAR BA YOD LA, DE SHES NAS GNYID KYI 'OD GSAL 'DZIN PA'I GDAMS NGAG NYAMS SU BLANGS NA, STONG PA BZHI 'CHAR BA'I GNAD YOD DO, ,DE YANG GNYID KYI DUS SU RMI LAM 'CHAR BA DANG MI 'CHAR BA'I DUS GNYIS LAS RMI LAM MI 'CHAR BA'I DUS SU GNYID KYI 'OD GSAL 'DZIN LA, DE YANG GNYID DU SONG BA'I MTHUN STOD KYI SKABS YIN NO, ,GSUM PA 'CHI BA'I DUS SU 'CHI BA'I 'OD GSAL CHOS SKU DANG BSRE BA'I TSUL NI, DE LTAR GYI DUS SU GNYID SAD DUS DANG, GNYID DUS SU SNGAR BSHAD PA BZHIN DU 'OD GSAL CHOS SKU DANG BSRE BA LA SBYANG PA CIG GIS, 'CHI BA'I DUS SU SA CHU LA THIM PA SOGS KYI RTAGS DANG PO SHAR BA'I DUS SU SNYING GAR MI SHIGS PA'I THIG LE BSGOM PA DANG, SNYING GA'I DH'A T'I'I DBUS NAS RLUNG 'JUG GNAS LDANG GSUM GYI RDO RJE'I BZLAS PA BYAS NAS, GZHI DUS KYI 'CHI BA'I DUS SU SNYING GAR RLUNG RANG SHUGS KYIS 'DU BA YOD PA'I GNAD KYIS SNGAR BSHAD PA'I RTAGS RNAMS DANG STONG PA BZHI SNGAR BSHAD
, ,PA BZHIN 'CHAR LA, DE LA 'CHI BA'I TSE STONG PA RANG SHUGS KYIS 'CHAR BA'I 'OD GSAL NI, MA'I 'OD GSAL YIN LA, SNGAR GNYID SAD PA DANG, GNYID DUS BSGOM PA'I 'OD GSAL NI BU'I 'OD GSAL YIN ZHING, DE GNYIS 'CHI BA'I 'OD GSAL GYI DUS SU 'DRES PA LA 'OD GSAL MA BU 'DRES PA ZHES ZER BA YIN NO, ,GNYIS PA LAM DUS KYI DUS SU LONGS SKU DANG BSRE BA LA GSUM STE, GNYID SAD DUS KYI SGYU MA'I LONGS SKU DANG BSRE BA DANG, GNYID KYI DUS SU RMI LAM SHAR BA'I RMI LAM GYI SGYU MA'I LONGS SKU DANG BSRE BA DANG, 'CHI BA'I 'OD GSAL MTHAR BAR DO DNGOS SAM, BAR DO DANG RJES SU MTHUN PA'I SGYU LUS LONGS SKU DANG BSRE BA'O, ,DANG PO NI, SNGAR BSHAD PA'I SGO GSUM GANG RUNG GI 'OD GSAL GYI TING NGE 'DZIN BSKYED PA'I DUS SU 'BAD PA SKYE NA, 'OD GSAL JI TZAM GNAS GNAS SU MNYAM PAR 'JOG ,SNGAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LA NYA LDANG BA'I TSUL DU 'OD GSAL DE'I NGANG LAS SKU DER DKRONGS KYIS LDANG STE, SGYU MA'I SKU DE LAS SEMS BZUNG STE JI TZAM GNAS KYI BAR DU 'JOG PA'O, ,GNYIS PA GNYID KYI DUS RMI LAM SHAR BA'I RMI LAM GYI SGYU LUS DANG BSRE BA NI SNGAR BSHAD PA LTAR GYI GNYID KYI 'OD GSAL SHAR BA'I TSE 'BAD NAS JI TZAM GNAS GNAS SU MNYAM PAR 'JOG ,SNGAR RLUNG THIM PA LAS SLAR LANGS PA'I MTHUS TING NGE
'DZIN DE LAS LDANG BAR RTZOM PA'I TSE DE'I MTHAR RMI LAM PHAL BA GZHAN DU MA BSHOR BAR, DANG PO'I MGON PO YAB YUM GYI SKUR LDANG BAR BYA'O SNYAM DU 'PHEN PA BTANG NAS, CHU DVANGS BA LA NYA LDANG BA'I TSUL DU 'OD GSAL GYI NGANG NAS SKU DER DKRONGS KYIS LANGS TE, SGYU MA'I SKU DE LA SEMS BZUNG STE JI TZAM GNAS KYI BAR DU 'JOG PA'O, ,GSUM PA 'CHI BA'I 'OD GSAL GYI MTHAR BAR DO DNGOS SAM BAR DO DANG RJES SU MTHUN PA'I SGYU LUS LONGS SKU DANG BSRE BA NI, SNGAR BSHAD PA LTAR GYI 'CHI BA'I DUS SU 'OD GSAL MA BU BSRES NAS 'OD GSAL JI TZAM GNAS GNAS SU MNYAM PAR 'JOG ,SNGAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR BAR DO PHAL BA'I LUS SU MA LDANG BAR, DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LA NYA LDANG BA'I TSUL DU, 'OD GSAL GYI NGANG LAS DER DKRONGS KYIS LDANG STE, SGYU MA'I SKU DE LA SEMS BZUNG STE JI TZAM GNAS KYI BAR DU MNYAM PAR 'JOG PA'O, ,'DI LA GNYIS YOD DE, SGYU MA'I LONGS SKU BSGOM PA TZAM MIN PAR, GZHAN LA BAR DO GRUB PA'I DUS SU, RANG GI LUS DON STENG NAS SNGAR BSHAD PA'I SGYU MA'I SKUR SKYES PA YIN NA, BAR DOR MCHOG 'GRUB PA YIN NO, ,DE LTAR MA NUS PAS, BAR DO RANG DGA' BA'I LUS BLANGS PA YIN KYANG, YID KYI NGOR BAR DO'I LUS THA MAL BA'I SNANG BA RE ZHIG MI 'CHAR BAR, DANG PO'I MGON PO YAB YUM DU SHAR BA'I LONGS SKU'I BSRE BA BYUNG NA'ANG SHIN TU KHYAD CHE BA YIN NO, ,GSUM PA LAM DUS KYI SPRUL SKU DANG BSRE BA LA GSUM LAS, DANG
, ,PO GNYID SAD PA'I DUS KYI SPRUL SKU DANG BSRE BA NI, SNGAR BSHAD PA LTAR GNYID SAD DUS KYI 'OD GSAL GYI NGANG LAS SGYU MA'I SKUR RNAM SMIN GYI LUS 'DI LAS LOGS SU BYE STE SGYU MA'I TING NGE 'DZIN BSGOM PA'I MTHAR RNAM SMIN GYI PHUNG PO 'DI NYID LA ZHUGS TE, RNAM SMIN GYI PHUNG PO MI BSKYOD PAR GSAL BA'I THUGS KAR YE SHES SEMS DPA'I TSUL GYIS GNAS PA'O, ,'DI NI 'BRAS BU'I LONGS SKU MA DAG PA'I SEMS CAN GYI MIG GI LAM DU MI 'GYUR BA DE'I MTHUS, SGYU 'PHRUL CHEN MO LTA BU'I MNGAL DU LUS RAGS PA'I SKYE BA BZUNG NAS SPRUL PA'I SKU DE SEMS CAN MA DAG PAS KYANG MTHONG BA DANG 'DRA BAR LAM DUS KYI SGYU MA'I LONG SKU SEMS CAN GZHAN GYI SHA'I MIG GIS MA MTHONG BA DE RAGS PA'I LUS LA ZHUGS PA NA, DES BZUNG NAS MI BSKYOD PAR SNANG BA'I RAGS PA'I LUS SHA'I MIG GI YUL DU GYUR PA LA SPRUL SKU ZHES THA SNYAD BTAGS PA DANG, YANG SGYU MA'I LONGS SKU DES RAGS PA'I SKU SEMS CAN GZHAN GYI SHA'I MIG GIS MTHONG BAR SPRUL PA LA SPRUL SKU ZHES THA SNYAD BYA'O, ,GNYIS PA GNYID DU SONG NAS RMI LAM 'CHAR BA'I DUS SU SPRUL SKU BSRE TSUL NI, SNGAR BSHAD PA BZHIN GNYID KYI 'OD GSAL GYI NGANG LAS LONGS SKUR LANGS TE, SGYU MA LTA BU'I TING NGE 'DZIN BSGOM PA'I MTHAR, SNGAR GYI RNAM SMIN GYI LUS LA ZHUGS NAS, SNYING GAR YE SHES SEMS DPA'I TSUL GYIS GNAS PA DANG, LONGS SKU DES RAGS PA'I SKU SPRUL PA NI SPRUL SKU DANG BSRE BA ZHES BYA STE, DE'I GO DON NI SNGAR BSHAD PA LTAR RO, ,GSUM PA 'CHI BA'I
'OD GSAL GYI MTHAR SPRUL SKU DANG BSRE BA'I TSUL NI, 'CHI BA'I 'OD GSAL SNGAR BZHIN BSGOMS PA CIG GIS 'CHI BA'I 'OD GSAL GYI MTHAR LONGS SKUR LANGS NAS, SGYU MA LTA BU'I TING NGE 'DZIN BSGOMS PA'I RJES SU, GANG 'DOD PA'I SKYE GNAS KHYAD PAR CAN DU SKYE BA'I 'PHEN PA BTANG NAS, SKYE GNAS GANG YIN PA DER BAR DO SHI BA'I STONG PA BZHI SNGAR GOMS PA'I LAM DANG BSRES NAS SKYE BA LEN PA LA SPRUL SKU DANG BSRE BZHES BYA STE, DE'I DON SNGAR LTAR RO,, ,,DE LTAR SNGAR BSHAD PA LTAR GYI RLUNG GI NUS PA THOB NA SHIN TU LEGS PAS DE LTAR BYA LA, DE LTA BU MA THOB NA YANG DE LTAR GYI DUS SU 'CHI BA'I TSE RTAGS BZHI DANG STONG PA BZHI 'CHAR PA RNAMS YID LA DRAN PAR BYAS LA, YANG YANG DU GOMS PAR BYA ZHING, 'OD GSAL GYI MTHAR BAR DO 'GRUB PA'I DUS SU BAR DO LA LONGS SKUR LDANG BA SOGS MAN NGAG KYANG YANG YANG GOMS PAR BYAS NAS, DA GZOD 'CHI BA'I DUS KYI TSE RTAGS BZHI DANG STONG PA BZHI 'CHAR BA RNAMS NGOS ZIN PA DANG, BAR DO'I DUS SU BAR DO ZIN PA SOGS LA KHYAD SHIN TU CHE BAR MNGON NO, ,DE NI BSRE BA'I MAN NGAG GI GNAD BSDUS PA YIN NO, ,'PHO BA LA GDAMS NGAG SO SO NAS MI 'DRA BA MANG PO YOD KYANG, DPAL SAm BHU tA DANG, RDO RJE MKHA' 'GRO DANG, RDO RJE GDAN BZHI GSUM NAS GSUNGS PA RNAMS DON 'DRA BAR SNANG LA, BDE MCHOG SDOM 'BYUNG DANG, 'JAM DPAL ZHAL LUNG LAS GSUNGS PA GNYIS KYANG SNGA MA GNYIS DANG MTHUN SHAS CHE BAS, YID CHES PA'I KHUNGS KHYAD PAR CAN NAS 'BYUNG BA 'PHO BA'I GDAMS PA LA RGYAS SDUS GNYIS LAS, RGYAS PA NI, SGO DGUR YI GE BKOD NAS, DE LA GSAL
, ,SNANG BRTAN PO RNYED PA'I SGO NAS SGO DGU'I RLUNG RE SNGS ? PAR BYA BA SNGON DU BTANG NAS, LTE BA'I BUM PA CAN LA NUS PA RNYED PA'I MTSAMS NAS 'PHO BA DNGOS GZHI'I DMIGS PA SKYONG BA YIN NO, ,DE MA GRUB KYANG BSDUS PA BYED PA NA, RANG YE SHES MKHA' 'GRO MA'AM, YI DAM GYI LHA GANG RUNG DU GSAL BA'I NGANG NAS, SNYING GA CHOS KYI 'KHOR LO KHA THUR DU BLTA BA'I 'KHOR LO'I LTE BA'I DH'U T'I'I NANG DU RNAM SHES KYI NGO BO H'Um YIG SNGON PO KHA THUR DU BLTA BA ZHIG BSGOM, DE'I MGO BO'I 'OG TU RNAM SHES KYI BZHON PA'I RLUNG GI NGO BO YUM YIG SNGON PO MGO THUR DU BLTA BA ZHIG DANG, DE'I MGO BO'I 'OG TU HI DKAR PO MGO THUR DU BLTA BA ZHIG BSGOM, H'Um YIG GI ZHABS KYU'I STENG DU RNAM SHES KYI BZHON PA'I RLUNG GI NGO BO YUM YIG SNGON PO MGO GYEN DU BLTA BA DANG DE'I DBUS SU KA YI GA DKAR PO MGO GYEN DU BLTA BA ZHIG BSGOM STE, STENG 'OG GI HI KA GNYIS NI RNAM SHES KYI RLUNG GI BZHON PA CAN SNYING GA'I GNAS NAS GYEN DU SPYI GTZUG NAS 'BYIN PA'I THABS SO, ,DE NAS LUS GNAD BCAS NAS RLUNG PHYI ROL DU 'GRO BA'I TSE SNYING GA'I RTZA 'KHOR GYEN DU PHYOGS PAR BYAS TE, SNYING GA'I DH'U T'I'I NANG NAS H'Um YUM HI GSUM MGO BO GYEN DU BLTAS TE SNGON DU RGYU ZHING YUM KA GNYIS H'Um GI GSHAM NAS MGO GYEN DU BLTAS TE, RJES SU RGYU BA'I TSUL GYIS SPYI BO'I TSANGS BUG LA REG PA'I BAR DU 'GRO BAR BSAMS LA, RLUNG NANG DU 'JUG PA'I TSE, SNGAR GYI GO RIM DE LAS LDOG STE SNYING GAR 'ONGS NAS SNYING GA'I RTZA 'KHOR KHA THUR DU PHYOGS PAR BSAM, DE LTA BU'I TSUL GYIS RLUNG 'GRO 'ONG GNYIS
DANG, YI GE LNGA SBRAGS TE BSGOM PA'I MTHAR CHED DU GTAD MI DGOS PAR RANG GI NGANG GIS RLUNG DH'U T'IR 'JUG THUB PA DANG, SPYI GTZUG TU ZA BA DANG, 'KHRIG PA SOGS 'BYUNG 'BYUNG GI BAR DU SBYANGS LA, LAS SBYOR GYI DUS SU SPYI GTZUG TSANGS PA'I BU GA ZANG THAL GYIS BYE BAR BSAMS LA, DE'I STENG GI NAM MKHA' LA BLA MA DANG YI DAM DBYER MED DU BZHUGS PA'I THUGS KAR 'PHO BAR BYA'O, ,'DI NI 'CHI LTAS BYUNG NAS BZLOG PA'I THABS BYAS KYANG MI BZLOG PAR MTHONG NA, NAD KYIS MA PHOG PA'I GONG ZLA BA DRUG TZAM NAS BYA BAR GSUNGS SO, ,DE GNYIS NI BSRE BA DANG 'PHO BA ZHES BYA BA'I MAN NGAG KHYAD CHOS SU GRAGS PA YIN LA, DE'I SNGA MA NI PHA RGYUD GSANG BA 'DUS PA'I SGO NAS LEGS PAR SHES DGOS PA YIN LA, PHYI MA NI RNAL 'BYOR MA'I RGYUD RNAMS LAS SHES DGOS PA YIN NO, ,TSUL GNAS GRU GZINGS RIGS PA'I SKYA BA 'DZIN, ,DED DPON BSHES GNYEN MCHOG GI ZHABS BTUD NAS, ,NYID KYI THUGS BCUD ZHAL GYI GDAMS PA MCHOG ,YI GER BKOD LA SRUNG MAS GROGS MDZOD CIG ,DE LA ZHI LHAG GI MTSAN NYID DANG, RGYU TSOGS BSTAN PA'I RIM PA LA SOGS PA MTHA' DAG PAR BYANG CHUB LAM GYI RIM PAR SHES PAR BYA LA, 'DIR NI DE DAG GI SKABS SU MED DU MI RUNG BA'I ZHAL SHES DAG BRI BAR BYA'O, ,DE YANG ZHI LHAG GI SKABS SU YANG BYING RGOD GCOD PA SHIN TU GAL CHE BAS, BYING RGOD BTZAN THABS SU SEL TSUL NI, BYING RGOD SHAS CHUNG ZHING LAN RE TZAM LAS MI 'BYUNG NA, SKABS GZHAN NAS 'BYUNG BA LTAR DRAN SHES BSTEN TSUL
, ,LA MKHAS PAS SEL LA, BYING RGOD SHIN TU SHAS CHE ZHING YANG YANG 'BYUNG BA LA NI, 'DI LTAR BYING BA DANG RMUGS PA YANG YANG BYUNG BA NA, RANG GI SEMS DANG NAM MKHA' GSAL STONG GNYIS DBYER MED DU BSRES NAS BSGOMS NA SEMS GSAL LA DVANGS SHING DMIGS PA LA 'DOD PA BZHIN GNAS PA CIG 'ONG BA YIN NO, ,RGOD PA LA NI RLUNG SBYOR BYAS TE NANG DU BZUNG BAS, SEMS YANG GNAS SHING RIG PA DVANGS SNYIGS PHYE NAS 'ONG BA YIN TE, BYING RGOD BTZAN THABS SU GCOD PA'I ZHAL SHES SO, ,GANG LA 'JOG PA'I DMIGS PA DANG, JI LTAR 'JOG PA'I DMIGS TSUL DANG, DMIGS PA BSGOMS PAS MYONG BA SKYE TSUL DANG, BYING RGOD PHRA RAGS KYI DBYE BA DANG KHYAD PAR RNAMS SHAS PAR BYA DGOS SO, ,LHAG MTHONG LA DGAG BYA DE'I TSAD 'CHAD TSUL NI, THOG MAR BLO LHAN SKYES LA, NGA TZAM DE JI LTAR 'CHAR LTA, DE NGES NAS, NGA TZAM DE NGA'O SNYAM PA'I BLO LA JI LTAR SNANG BA LTAR, SNANG TSUL NGES NAS NGA'O SNYAM PA'I BLO 'DIS NGA DE JI LTAR BZUNG NGES PAR BYED PA STE, DE LA YANG SNGON DU SNANG BA'I 'CHAR TSUL DANG, DE NAS ZHEN PA'I 'CHAR TSUL GNYIS LA RIM PA BZHIN THA DAD DU GNYEN PO BSTEN DGOS SO, ,LTA TSUL YANG NGA'O SNYAM PA'I BLO MA SHOR BAR BYAS NAS, BLO GZHAN ZHIG GIS ZUR NAS BLTA DGOS PA YIN TE, DE LTAR BLTAS PA NA THOG MAR PHUNG PO 'CHAR BA DANG, MI 'CHAR BA GNYIS DANG, 'CHAR BA LA YANG NGA DE PHUNG PO'I DKYIL NA GNAS PA LTAR DU 'CHAR BA DANG, PHUNG PO LAS GZHAN MI 'CHAR BA DANG, MI 'CHAR BA LA YANG CI MED KYI STONG SANG BA LTA BU DANG,
KHA DOG GZUGS KYI RNAM PA LTA BU 'CHAR BA NI 'CHAR TSUL RNAM DAG MIN NO, ,DES NA BLO LHAN SKYES 'DI LA NGA DE YUL GANG LA YANG LTOS PA MED PA 'DRA BA'I RANG NGOS NAS LHANG NGE 'CHAR BA ZHIG 'CHAR LA, DE NYID THA SNYAD HRANG NGE BA DANG, PHOB PHOB PA DANG, NUS PA HANG NGE BA DANG, LAM ME BA DANG, GANG DANG SBYAR YANG 'CHAR BA 'DRA BA CIG 'ONG NGO, ,SNANG BA DE YANG YUN THUNG BAS PHRENG TZAM RE LAS MI 'CHAR RO, ,DE YANG BLO DE DANG MNYAM DU SNGON NAS GRUB GRUB PA CIG DRAN PA LTAR DU 'CHAR RO, ,'CHANG TSUL DE LA YANG PHUNG PO DANG GCIG THA DAD GNYIS KA'I 'CHAR TSUL 'BYUNG NGO, ,DE YANG NGA NA ZHES PA DANG, NGA'I LAG PA NA ZHES PA LTA BU'O, ,LHAN SKYES KYI SNANG BA DE MA DOR BAR NGA BYA BA BYED DO, ,ZHES PA LTA BU NI NGAR ZHEN PA YIN NO, ,NGA'O SNYAM PA'I BLO NI NGA 'GRO NGA SDOD SNYAM PA RNAMS SO, ,DE LTAR 'CHAR TSUL NGES NAS DE LTAR GRUB NA, PHUNG PO LAS GCIG THA DAD GANG RUNG LAS MI 'DA' BA'I TSUL DANG, GCIG THA DAD GNYIS KA LA GNOD PA YOD PA'I TSUL BSAM STE, NGA SNANG BA DE LTAR GRUB PA MI 'DUG PAR LHANG GIS NGES PA NA NGES SHES LHANG LHANG BA BAR MA CHAD DU SKYONG BA NI SKYONG TSUL GYI GNAD DAM PA'O, ,DE'I TSE YANG DGAG BYA GSAR DU GSAL BTAB NAS, DE LTAR DU MED SNYAM DU BYED PA MA YIN TE, DANG POR DGAG BYA GSAL BTAB STE, DE LTAR MED PAR NGES PA'I NGES SHES LHANG GIS SKYES PA'I MED DGAG DE NYID LA RTZE GCIG TU 'JOG PA'O, ,DE LA GNAD BZHIR BYAS NA, DANG PO DGAG BYA NGES PA, GNYIS PA KHYAB PA NGES PA, GSUM PA PHYOGS CHOS KYI ZUR DANG PO NGES PA, BZHI PA PHYOGS CHOS KYI ZUR GNYIS PA NGES PA DANG
, ,BZHI YIN LA, TSAD MA BZHIR BYAS NA, DGAG BYA'I 'CHAR TSUL NGES PA'I TSAD MA, GCIG THA DAD GANG RUNG NGES PA'I TSAD MA, GCIG TU MA GRUB PAR NGES PA'I TSED MA, THA DAD DU MA GRUB PAR NGES PA'I CHED MA DANG BZHI'O, ,DE LA BOGS 'DON PA NI, MNYAM RJES GYI SKYONG TSUL GNYIS LA MKHAS PAS 'DON PA YIN LA, GEGS SEL LA CHAD LTA NI, GNAD DANG PO'I TSAD MA NGES NA MING 'BYUNG YANG, BDAG CHAD KYIS DOGS PA'I 'JIGS PA NI, RJES THOB KYI SNANG BA SKYON MED 'DI KAS SEL NUS SO, ,STONG NYID RGYANG CHAD DU BSGOM NA BDEN GRUB GYI RTAG LTA BSGOM BAR 'GYUR BA'I BLO DANG BSRES NAS DBYER MED DU BSGOM MO, ,NGA YI BA'I 'CHAR TSUL NI, NGA'O SNYAM PA'I BLO SPYI 'DI'I 'CHAR TSUL NGA YI'O SNYAM DU BSAMS PA NA, BLO DE DANG MNYAM DU LING CHAD DU CHAR CHAR BA 'DRA BA CIG 'CHAR LA, DE NYID SNANG BA LTAR DU GRUB NA, MIG RNA SOGS DANG GCIG THA DAD GANG RUNG DU GRUB NGES LA, GCIG TU GRUB NA THA DAD GTAN MED DU 'GYUR BAS MIG GIS KYANG SGRA THOS PAR 'GYUR LA, RNA BAS KYANG GZUGS MTHONG BA SOGS SU 'GYUR RO, ,THA DAD DU GRUB NA, NGA YI'O SNYAM PA'I BLO DE NYID KYIS YUL LA LONGS SPYOD PA YOD PA DANG, NGA YI BA RNAMS NGA YI BDE BSGRUB BYED MA YIN PAR 'GYUR BAS, DE LTAR NGES PA DRANGS NAS SKYONG TSUL SNGAR LTAR BYED PA YIN NO, ,DE NAS SHES PA'I 'CHAR TSUL LA BLTAS TE, DE YANG YUL RANG DBANG DU SPYOD PA 'DRA BA'I TSUGS THUB TU 'CHAR RO, ,DE YANG NGES PA 'DREN TSUL DANG, SKYONG TSUL MNYAM RJES SOGS THAMS CAD SNGAR DANG 'DRA'O, ,DE NAS RANG
RGYUD KYIS BSDUS PA'I PHUNG PO'I STENG DU GTAN LA PHAB STE BSGOM MO, ,DE NAS GANG ZAG GZHAN DANG RANG RGYUD KYIS MA BSDUS PA'I CHOS THAMS CAD KYI STENG DU BSGOM MO, ,DE'I 'CHAR TSUL NI, KA BA LTA BU DE SNGAR NAS GRUB GRUB PA 'DRA BA BRTAN TSUGS PA'I RNAM PAR 'TSAR RO, ,THA SNYAD DU YOD PAR BSHAD PA NI MING TZAM ZHIG YOD PA YIN LA, RIGS PAS MED PAR SGRUB PA NI BLO MA RIG PAS YUL RNAMS RANG DBANG DU BZUNG BA LTAR MED PAR BSGRUB PA YIN NO, ,ZHAL SHES GNAD KYI THIM YIG ZAB ZAB AITHi,, ,,