/SHEL CHOS/ *, ,RDO RJE 'CHANG GI GO 'PHANG BRNYES PAR BYED PA'I LAM LA SLOB PA'I TSUL BZHUGS, ,
, ,GANG GI GSUNG GI 'OD ZER GYIS, ,RDO RJE 'CHANG DBANG MNYES BYED PA'I, ,RIM GNYIS RAB TU GSAL MDZAD PA, ,BLA MA'I ZHABS KYI PAD LA 'DUD, ,GANG ZHIG THEG PA MCHOG GI RIGS KYI NUS PA MI DMAN ZHING, SNYING RJES YID GDUNGS TE SEMS CAN SRID PA'I RGYA MTSO LAS SGROL BA LA CHES RINGS PA DE DAG GIS NI, DPAL 'DUS PA'I RGYUD NAS 'BYUNG BA'I RDO RJE 'CHANG GI GO 'PHANG BRNYES PAR BYED PA'I LAM LA SLOB PAR RIGS PAS 'DI LA GNYIS TE, LAM LA 'JUG PA'I RIM PA DANG, LAM GYI DNGOS GZHI LA SLOB PA'I TSUL GNYIS SO, ,DANG PO'I DBANG DU BYAS NAS SPYOD PA BSDUS PA'I SGRON ME LAS, GO RIM JI LTA BA BZHIN BSLAB PAR BGYI'AM, YANG NA BLA MA'I MAN NGAG TZAM GYIS DE DAG SKAD CIG TZAM GYIS SO SOR SNANG BAR BGYI, ZHES PA'I LAN DU RIM GYIS 'JUG PAR BSLAB PAR BYA YI CIG CAR NI MA YIN NO ZHES SHES BYED KYI MDO DANG BCAS PA DRANGS NAS DE'I RIM PA'ANG 'DI YIN TE, THOG MA NYID DU NI SANGS RGYAS KYI THEG PA'I BSAM PA LA SLOB BO, ,GANG GI TSE DE LA MOS PA DE'I TSE THEG PA GSAR PA LA DRAN PA GCIG PA'I TING NGE 'DZIN LA SLOB BO, ,ZHES SOGS GSUNGS TE RIM PA 'DIS NI SNGAGS DANG MTSAN NYID KYI THEG PA LA NYE RING GI KHYAD PAR YOD KYANG RIM GYIS SLOB PAR KHYAD PAR MED DO ZHES BSTAN, DE NYID KYI
, ,PHYIR 'DIR YANG, 'DIR DANG POR SANGS RGYAS KYI THEG PA'I BSAM PA SMON PA DANG ZHES PA NAS, BLA MA LA LHA'I RNAL 'BYOR SGOM PA'I GNANG BA THOB PA'I RTEN GYI GANG ZAG GIS ZHES PA'I BAR GSUNGS SO, ,'DIR GNANG BA THOB DGOS PAR BSTAN PA NI, DANG POR BSKYED RIM THOS BSAM GYIS SHES PAR BYED PA LA MI DGOS KYANG, PHYIS SHES NAS BSGOM PA'I TSE DGOS PAR RDO RJE SEMS DPA'I SGRUB THABS NAS GSUNGS SHING, 'GREL PA RIN CHEN PHRENG BA LAS NI GNANG BA ZHU TSUL DANG BCAS PA GSUNGS SO, ,GNYIS PA NI LAM GYI DNGOS GZHI LA BSKYED PA'I RIM PA DANG RDZOGS PA'I RIM PA'O, ,DANG PO LA DON GYI SDE TSAN NI, RTZA BA'I RGYUD DANG RGYUD PHYI MA LAS BSNYEN SGRUB YAN LAG BZHIR GSUNGS TE, RDZOGS RIM LA'ANG BZHI PO 'DI TSANG NGO, ,BSHAD RGYUD RDO RJE PHRENG BA LAS TING NGE 'DZIN GSUM DANG RNAL 'BYOR DRUG DANG DE NYID BZHI BCU ZHE DGUR BSHAD DE, DE NYID DANG PO NI GNAS KYI ZHES BYA STE, MDOR BYAS LAS, DGON PA CHEN PO'I SA PHYOGS NI, ,ZHES PA NAS, DNGOS GRUB THAMS CAD BSDUS PA BSGRUB, CES GSUNGS TE, 'DIS NI BSKYED RIM GYIS MCHOG MI GRUB PAR 'DOD PA'ANG BSAL LO, ,DES NA 'DIR YANG GNAS KYI DE NYID CES SOGS GSUNGS TE, KHA SHAR DU PHYOGS PAS ZHES GSUNGS PA NI, BSKYED RIM GYI SGO NAS NUS PA
'TSOL BAR BYED PA DANG, NUS PA RNYED NAS ZHI BA LA SOGS PA'I LAS SGRUB PA GNYIS LAS PHYI MA'I SKABS SU ZHI BA'I LAS SGRUB PA'I TSE KHA SHAR DU LTA BAR GSUNGS SHING BSKYED RIM YANG DE DANG MTHUN PA'I PHYIR RO, ,SNGON DU GTOR MA GTONG BA NI AA BHA YANG THOG MA DANG THA MA NYID DU ZHES SOGS GSUNGS PAS SO, ,DE NAS MCHOD PA RNAMS BSANG BA DANG SBYANG BA DANG BSKYED PA DANG BYIN GYIS BRLAB PA BYAS NAS LHUG PA'AM, YID KYI ROL PA DRI MED ZLA 'DRAS SGRUBS, ZHES PA NAS, SEMS NI BYANG CHUB DAM PAR BSKYED PAR BGYI, ,ZHES PA'I BAR GYIS SKYABS 'GRO SEMS BSKYED BYA'O, ,'DIR SGRUB THABS DNGOS GZHI'I SNGON 'GRO LA MTHUN RKYEN BSTEN PA'I PHYIR BSOD NAMS KYI TSOGS BSAGS PA DANG, 'GAL RKYEN SPANG BA'I PHYIR SRUNG 'KHOR BSGOM PA GNYIS YOD PA LA, SNGA MA NI RTZA BA'I RGYUD DANG BSHAD PA'I RGYUD DANG 'PHAGS SKOR GYI GZHUNG RNAMS SU'ANG GSAL BAR MA BYUNG BA LA BSAMS NAS 'GOS LA SOGS PA KHA CIG LUGS 'DI LA MI BYED PA YIN NO ZHES SMRA MOD, 'ON KYANG THUB PA DPAL LA SOGS PAS BSHAD CING KHYAD PAR DU RDO RJE SEMS DPA'I SGRUB THABS KYI 'GREL PAR 'DI NI 'PHAGS PA KLU SGRUB NAS BRGYUD PA'I MAN NGAG LA YOD PA YIN NO ZHES 'BYUNG BAS 'DI'ANG GSUNGS SO, ,DE LA TSOGS ZHING SPYAN DRANGS NAS MCHOD PA PHUL TE, PHYAG 'TSAL BA NI GANG ZHIG GZUGS DANG ZHES SOGS GSUNGS SO, ,'DIS NI 'DUS PA'I DKYIL 'KHOR GYI LHA SO GNYIS LA PHYAG 'TSAL BA BSTAN TO, ,JI LTAR BSTAN ZHEN GZHAN NI GO SLA LA SKYE MCHED DRUG GI NANG NAS CHOS RDO LA YE SHES ZHABS LUGS KYIS
, ,CHOS DBYINGS RDO RJE MA ZHES GONG MA LA 'DRA BAR BSHAD DO, ,'ON KYANG DE NI DKYIL 'KHOR LA 'GOD PA MED PAS SKABS SU MA BAB PAS SHE NA, SLOB DPON ZLA BAS CHOS RDO RJE NI KUN TU BZANG PO'O ZHES GSUNGS PA LTAR BYA'O, ,YID DBANG 'JAM DPAL LA SBYOR BA LTA BUR SNANG YANG 'GREL PAS NAM MKHA' RDO RJE NI 'JAM DPAL LO, ,ZHES BSHAD PAS YID DBANG NI BYAMS PA LA GO BAR BYA'O, ,BYANG CHUB SEMS DPA' NI RDO RJE 'CHANG NGO, ,RGYA CHEN NI SNANG BA LHA'I 'KHOR LOR 'CHAR BA'O, , GTI MUG RDO RJE'I RIGS RIG PA'I SBYOR BA LAS BYUNG ZHES PA NAS, DNGOS GYUR PA ZHES PA'I BAR DU SBYAR TE 'DIS NI GSHIN RJE GSHED BSTAN NO, ,DE BZHIN DU GZHAN LA'ANG SBYAR, NYES PA ZHES SPYIR BSHAD KYANG NGA RGYAL LA GO BAR BYA STE, SKABS GZHAN DU'ANG DE LTAR BSHAD DO, ,DE BZHIN DU RIG PA ZHES PA RIG MA LA'O, ,DE LTAR NA SH'ANTI PAS GTI MUG GTI MUG LONGS SPYOD PA ZHES SO, ,GSUNGS NAS SNGA MA RNAM SNANG SOGS DANG PHYI MA GTI MUG DGA' MA STE SPYAN MA LA SOGS PA DANG, LONGS SPYOD PA YAB YUM SNYOMS PAR 'JUG PA LA BSHAD PA DANG MTHUN NO, ,DE DAG GIS NI KHRO BO BZHI RIM PA BZHIN BSTAN NO, ,SDUD DANG ZHES PA NI SDUD PAR BYED PA'AM 'GUGS PAR BYED PA STE 'DOD RGYAL LO, ,DE KHO NA NYID LA SEMS SHIN TU CHAGS PA'I DGA' BAS NI DBYUG SNGON CAN NO, ,SANGS RGYAS THAMS CAD KYI MTHU STOBS GCIG TU BSDUS PA'I RNAM PAS NI STOBS BO CHE'O, ,DE BZHIN MI 'GYUR NI MI GA-YO BA STE, GZHAN DU NI MI GA-YO ZHES KYANG 'DON NO, ,RGYU'I RANG BZHIN SEMS SU
RJES THOGS CHOS ZHES SBYAR TE GNOD MDZES SO, ,DE BZHIN DU 'BRAS BU LA'ANG SBYAR TE GTZUG TOR 'KHOR LOS SGYUR RGYAL TE, DE GANG GI RIGS YIN ZHE NA, RMONGS DANG ZHE SDANG 'DOD CHAGS SGRIB PA RDO RJE STE, ZHES GSUNGS TE, ZHE SDANG GIS NI MI BSKYOD BA STE DE'I RIGS NI KHRO BO PHYI MA GNYIS SO, ,GZHAN NI SNGA MA DANG 'DRA STE RMONGS PAS NI RNAM SNANG DANG, 'DOD CHAGS KYIS NI 'OD DPAG MED DANG SGRIB PA NI NGA RGYAL TE DES NI RIN 'BYUNG DANG, RDO RJE NI DON YOD GRUB PA'O, ,BSHAGS PA NI GANG ZHIG THOG MED CES SOGS GSUNGS TE RKANG PA DANG PO GNYIS KYIS NI, GANG GANG DU RGYU GANG GIS BSAGS PA STE GSUM GYIS BSHAGS BYA'I NYES PA BSTAN NO, ,PHYI MA GNYIS KYIS NI GANG GI SPYAN SNGAR, GANG ZHIG JI LTAR BSHAGS PA GSUM GYI NGO BO BSTAN TE, CHO GA BZHIN NI 'KHOR GSUM MI DMIGS PA LA BSHAD DO, ,DGE BA LA RJES SU YI RANG ZHING BYANG CHUB TU BSNGO BA NI, RDZOGS SANGS RGYAS DANG BYANG CHUB SEMS DPA' DANG, ZHES SOGS GSUNGS TE, DANG PO NI DKYIL 'KHOR GYI GTZO BO DANG, GNYIS PA NI 'KHOR RNAMS DANG, 'PHAGS PA NI NYAN RANG DANG, GZHAN NI PHA ROL TU PHYIN PA'I LAM LA BRTEN NAS SANGS RGYAS PA SOGS SO, ,YANG NA DANG PO GNYIS SPYIR BSHAD NAS, 'PHAGS PA NI NYAN RANG DANG, GZHAN NI SO SKYE STE BZANG SPYOD NAS GSUNGS PA DANG YANG MTHUN NO, ,YANG DAG NI SANGS RGYAS KYI SNANG BA STE 'KHOR GSUM MI DMIGS PA LA BYA'O, ,'DI NI BSNGO BA LA'ANG SBYAR RO, ,SKYABS SU 'GRO BA NI YID KYI ROL PA ZHES SOGS TSIGS BCAD GSUM GYIS
, ,BSTAN NO, ,RKANG PA DANG PO GNYIS KYIS NI SHES RAB DANG SNYING RJE STE RGYU DE LTA BUS BSGRUBS ZHES PA'I DON NO, ,RANG GI ZHES PA LA RNAL 'BYOR PA RANG GI BDE GSHEGS RANG GI ZHES GNYIS LA BSHAD DO, ,GZHAN NI GO SLA STE GCIG NGO BO NYID YUL GYI GNAS LUGS RTOGS PA'I MNYAM BZHAG GI NGO NA YUL DANG YUL CAN CHU LA CHU BZHAG PA LTA BUR GNYIS SNANG MED PA STE RTOGS PA'I CHOS SO, ,SEMS BSKYED PA NI BSAM DANG ZHES SOGS TE BSAM PA RNAM PAR SMIN PA RNAM PAR DAG PA GNYIS KYIS NI SEMS BSKYED GNYIS BSTAN NO, ,RKANG PA GNYIS PAS NI DE'I NUS PA DANG, GSUM PAS NI ZHE THAG PA NAS SEMS BSKYED PAR BSTAN NO, ,LAM LA BRTEN PAR DAM BCA' BA NI, BDE GSHEGS SRAS BCAS RNAMS KYI LAM GCIG PU, ZHES SOGS GSUNGS TE, RDZOGS SANGS RGYAS BDAG MA LUS NGO BO'I BLOS, ZHES PA NI BDAG NYID DKYIL 'KHOR PA'I LHAR MOS PAS ZHES PA'O, ,SDOM PA GZUNG BA LA RANG NYID MNGON RTOGS BSGOM PA'I TSE MA THOB PA THOB PAR BYED PA MIN KYANG THOB ZIN BRTEN PA'I PHYIR BYA'O, ,GNYIS PA 'GAL RKYEN SPANG BA'I PHYIR SRUNG BA'I 'KHOR LO BSGOM PA NI CI'I PHYIR SNGON DU STONG PA NYID BSGOM ZHE NA, MDO BSRE LAS, NAM MKHA'I DBYINGS KYI DBUS GNAS PAR, ,SANGS RGYAS DKYIL 'KHOR BSGOM PAR BYA, ,ZHES PA'I RGYUD DANG SBYAR TE TSIG SNGA MAS STONG PA NYID BSGOM PAR BSTAN NO, ,SNGAGS DON GANG ZHIG BSGOM ZHE NA RTZA RGYUD DANG BSHAD RGYUD DANG 'PHAGS SKOR GYI GZHUNG RNAMS SU SH'U N+YA T'AS SBYONG BA LAS GZHAN MA BSHAD
MOD, 'ON KYANG 'DIR NI BA BYA K'I RTIS SVA BH'A BAS STONG PAR BSGOM PA LTAR BKOD DO, ,DE LA SNGAGS KYI DON NI 'DI YIN TE AOm NI YI GE SO SOR PHRAL NA AA AU MA GSUM DU 'GYUR LA DE DAG RIM PA BZHIN DU GSUNG DANG THUGS DANG SKU RDO RJE'O, ,DE NYID SDOm PA'I TSE AOm DU 'GYUR TE, SKU GSUNG THUGS KYI RDO RJE GSUM DBYER MED PA'O, ,SVA BH'A BA'I SGRA DNGOS PO 'BYUNG BA RANG BZHIN GSUM LA 'JUG KYANG, 'DIR NI PHYI MA GZUNG NGO, ,SHUDDHA NI DAG PA'O, ,SARBA DHA RM'A NI CHOS THAMS CAD DO, ,SVA BH'A BA SHUDDHA NI SNGA MA BZHIN NO, ,LA LAR NI AA HAm ZHES AAS MTSAMS SBYAR NAS 'DON TE SHUDDHONYA ZHES 'BYUNG NA AA GONG DU SBYAR BA YIN TE GANG LTAR YANG NGA RGYAL 'DZIN PA'I TSIG YIN PAS, CHOS THAMS CAD RANG BZHIN RNAM PAR DAG PA'I STONG PA NYID NGA'O ZHES BYA BA'I DON NO, ,'DIR THUB PA DPAL GYIS STONG NYID GCIG PU LA SBYAR LA BA BYA K'I RTIS RNAM PAR THAR PA'I SGO GSUM GA LA BSHAD KYANG RGYAS BSDUS TZAM YIN TE, BZHI BRGYA PAR, ZHI SGO GNYIS PA MED PA DANG, ZHES PA'I 'GREL PAR SGO DANG POR GZHAN GNYIS KYANG 'DU BAR SHES BYED BRGAL LAN DANG BCAS PAS BSGRUBS PAS SO, ,DES NA 'DIR CHOS RNAMS KYI NGO BO RGYU 'BRAS GSUM RANG GI MTSAN NYID KYIS GRUB PAS STONG PA RIM PA BZHIN STONG PA NYID DANG MTSAN MED SMON MED KYI DON DU SNGA MA RNAMS 'DOD PA LTAR BYA'O, ,DE LTAR STONG PA NYID BSGOMS NAS 'KHOR LO DANG LHA RNAMS RIM GYIS BSGOM PAR BYA'O, ,'DI LA SNGA MA 'GA' ZHIG SGRUB THABS LAS, ZHE SDANG RDO RJE'I TING 'DZIN GNAS, ,GNAS BSRUNG BA NI BSAM PAR BYA, ,ZHES SOGS, RANG NYID ZHE SDANG RDO RJE'I TING NGE 'DZIN LA GNAS NAS
, ,PHYOGS BCUR KHRO BO BCU BKOD NAS BGEGS LA PHUR BUS GDAB BAR BSHAD KYI 'KHOR LO BSKYED PA DANG DANG PO'I MGON PO BSKYED PA RNAMS ZUR TZAM YANG MA BYUNG BAS MI BYED DO ZHES BZHED DO, ,'ON KYANG DE NI MI RIGS TE, RTZA BA'I RGYUD NYID LAS KYANG 'KHOR LO SER PO DANG DER LHA 'GOD PA RNAMS GSUNGS SHING, DE BZHIN DU SLOB DPON THUB PA DPAL DANG AA BHA Y'AS KYANG 'KHOR LO BSKYED PAR BSHAD CING, KHYAD PAR DU RDO RJE SEMS DPA'I SGRUB THABS KYI 'GREL BA MDZAD PA PO L'I LA BADZRA ZHES BYA BAS NI SLOB DPON KLU SGRUB KYIS KYANG SGRUB THABS SU, PHYOGS BCU'I DKYIL 'KHOR CHA RU NI ZHES BYA BA'I TSIG GIS BSTAN PAR BSHAD PAS SO, ,GZHAN DU RAm LAS NYI MA'I DKYIL 'KHOR BSKYED PA SOGS 'BYUNG YANG 'DIR AA LAS BSKYED PAR BSHAD PA NI SLOB DPON CHEN PO AA BHA Y'AS BSHAD PA LTAR BYAS SO, ,RTZIBS BCU LA STENG 'OG GI RTZIBS NI LTE BA NYID KYI CHA LAS LOGS SU MED DO, ,KHRO BO GZHAN NI 'KHOR LO'I PHYI RU 'GOD PA YANG AA BHA YAS BSHAD PA LTAR RO, ,'DIR RGYUD LAS RDO RJE 'BAR BA'I SPRIN 'KHRIGS SHING, ,MI GA-YO BA DANG MTSUNGS PAR 'KHOR, ,ZHES 'BYUNG BA'I DON, 'GREL PAS DUS MNYAM PAR LHA MI GA-YO ZHING 'KHOR LO 'KHOR ZHES BSHAD PAS RTZIBS LA MA REG PAR GDAN LA 'GOD PA YIN NO, ,DE NAS DANG PO'I MGON PO BSKYED PAR YANG RGYUD LAS 'BYUNG ZHING, MDO BSRER YANG GSAL BAR BSHAD LA, BSKYED TSUL YANG RDOR SEMS KYI SGRUB THABS SU LHAG PAR MOS PA TZAM GYIS BSKYED CES GSUNGS SHING, DE'I DON 'GREL PAR SKAD CIG TZAM GYIS BSKYED CES GSUNGS TE,
SA BON PHYAG MTSAN SOGS LAS MI BSKYED PAR DKRONGS BSKYED BYED PA'I DON NO, ,ZHAL GCIG PHYAG GNYIS PA'AM ZHAL GSUM DANG PHYAG DRUG PAR BSKYED PA GNYIS NI RGYAS BSDUS SO, ,YUM RDO RJE DBYINGS KYI DBANG PHUG MA DANG REG BYA RDO RJE MA BSKYED PA GNYIS 'BYUNG YANG 'DIR NI DANG PO'I DBANG DU BYAS SO, ,SEMS DPA' SUM BRTZEGS SU BYED PA NI, RGYUD LAS, RIG PA'I SKYES BU RDO RJE CAN, ,LONGS SPYOD BZHI DANG YANG DAG LDAN, ,ZHES 'BYUNG BAS SHES TE DE'I DON NI DANG PO NI RDO RJE 'CHANG STE, RIG PA'I SKYES BU DANG RDO RJE CAN DANG BYANG CHUB KYI SEMS RDO RJE DANG RDO RJE 'CHANG RNAMS RNAM GRANGS SU MANG DU 'BYUNG NGO, ,LONGS SPYOD BZHI NI YE SHES SEMS DPA' DANG SKU GSUNG THUGS KYI RDO RJE'O, ,DES NA RDO RJE GSUM GYI NGO BO YI GE GSUM YANG DGOD DO, ,'DI LAS MI BSKYOD PA 'BYIN TSUL NI, YE SHES SGRON MA RDO RJE'I TING NGE 'DZIN GYI TSUL GYIS BSKYED CES GSUNGS LA, DE'I DON 'GREL PAS YE SHES SGRON MA RDO RJE'I TING NGE 'DZIN LA SNYOMS PAR 'JUG PA'I TSUL GYIS MI BSKYOD PA 'BYIN ZHES BSHAD PAS YAB YUM SNYOMS PAR 'JUG PA'I TSUL GYIS 'BYIN PAR GRUB PAS DE LTAR BSHAD DO, ,LHA'I SA BON LA AA BHA Y'AS KHRO BO BCU LA H'Um DANG, MI BSKYOD PA LA BADZRA DHRIKA CES PA LAS BSKYED PAR MDZAD DO, ,'ON KYANG, KHRO BO ZHE SDANG GNAS LAS SKYES, ,ZHES 'BYUNG LA, DE'I DON KHRO BO BCU DANG ZHE SDANG STE MI BSKYOD PA NI GNAS TE H'Um LAS SKYES ZHES PA YIN PA'I BCU GCIG PO THAMS CAD KYI SA BON H'Um LA RUNG NGO, ,'BYIN PA'I TSE KHA CIG GIS YUM GYI BA SPU'I BU GNAS DANG, KHA CIG GIS YUM GYI PADMA NYID NAS
, ,'BYIN ZHES SMRA'O, ,'DI NI DKYIL 'KHOR RGYAL MCHOG DANG MTHUN PAR YAB KYI THUGS KA NAS 'BYIN PAR BYA'O, ,ZHE SDANG RDO RJE NI SGRON GSAL LAS ZHE SDANG RDO RJE SKU MDOG MTHING NAG KHRO BA DANG 'DOD CHAGS CHEN PO 'DRES PA'I NYAMS CAN ZHES BSHAD PAS, SGEG PA'I KHRO BO ZHES BYA STE, SPYAN DMAR LA ZLUM PA DANG DBU SKRA DANG SMIN MA DANG SMRA RA DMAR SER 'BAR BA LA SOGS PA MI SDUG PA'I MTSAN MA YONGS SU RDZOGS PA NI MI SDUG PA'I KHRO BO DANG, DE LAS BZLOG STE SPYAN DKYUS RING BA SOGS SU BYUNG BA'I KHRO BO NI SGEG PA'I KHRO BO ZHES BYA'O, ,PHYAG MTSAN GYI RDO RJE RTZE DGU PA LA SPYIR RDO RJE NI GSUM STE, RDO RJE SER PO RTZE LNGA PA NI DE BZHIN GSHEGS PA'I RDO RJE'O, ,RDO RJE DMAR PO RTZE LNGA PA NI RDO RJE SEMS DPA'I RDO RJE'O, ,RDO RJE NAG PO RTZE DGU PA RVA RNAMS SO SOR GDENGS PA NI KHRO BO'I RDO RJE ZHES BYA'O, ,LHAG MA NI GO SLA'O, ,RTA MGRIN LA RTA MGO CAN NI MA YIN NO, ,ZHES SH'ANTI PAS BSHAD DO, ,SBRUL BRGYAD KYIS BRGYAN TSUL NI SKABS GZHAN DU SBRUL LAM KLU CHEN PO BRGYAD KYIS BRGYAN PA ZHES 'BYUNG BA RNAMS SU'ANG SHES PAR BYA'O, ,'DI NI SLOB DPON CHEN PO DPAL 'DZIN GYIS DGRA NAG GI 'GREL PAR BSHAD CING BSHAD RGYUD RDO RJE PHRENG BA LAS 'BYUNG NGO, ,DE LTAR LHA RNAMS BKOD ZIN NAS BGEGS KUN RNAM PAR GZHIG PA'I PHYIR, GNOD MDZES BKA' STZAL PHUR BUS GDAB, CES 'BYUNG BA LTAR BYA STE, BKA' STZAL BA'I TSUL NI THUB PA DPAL GYIS BSHAD PA LTAR RANG NYID ZHE SDANG RDO RJER PHYOGS PAS 'OG GI GNOD MDZES LA BLTAS PAS, DES
RANG GI BSAM PA SHES TE DES SPRUL PA'I GNOD MDZES GNYIS PA 'ONGS NAS MDUN DU 'DUG STE BDAG GI CI ZHIG BGYI ZHES BKA' NOD PA LA, BKA' BSGO BA'I SNGAGS NI AOm SUm BHA NI SUm BHA H'Um ZHES SOGS SO, ,'DI LTA BU'I SNGAGS THAMS CAD KYI SKABS SU DPAL LDAN ZLA BAS DON BZHI BZHIS BSHAD DE, MING DANG DON DANG BZLAS PA DANG SPEL BA'O, ,DE LA MING NI SBRUL DANG MGO MED DANG MTHA' MED DANG BTUS PA'O, ,DANG PO NI MGOR AOm DANG MJUG TU SV'AH'A STE GNYIS KA YOD PA'O, ,GNYIS PA NI THOG MAR AOm MED LA MTHAR SV'AH'A YOD PA'O, ,GSUM PA NI THOG MAR AOm DE ? LA MTHAR SV'AH'A MED PA'O, ,GNYIS KA MED PA NI BZHI PA'O, ,DON NI AOm GYI DON NI SNGAR BSHAD PA BZHIN NO, ,SUm BHA ZHES PA NI NGES PAR 'DUL BA, NI SUm BHA ZHES PA NI MA LUS PA NGES PAR 'DUL BA'O, , DE NI GNOD MDZES KYI CHE BA BRJOD PA'I SGO NAS BOS PA'O, ,GRiHnA GRiHnA ZHES PA NI ZUNG ZHIG ZUNG ZHIG CES PA'O, ,GRiHn'A PA YA ZHES SOGS NI 'DZIN DU CHUG CIG CES PA'I DON TE SNGAGS DON 'DI LTAR NA GNOD MDZES 'KHOR DANG BCAS PA SPRO BAR GSAL LO, ,A'A NA YA NI KHUG CIG CES PA'O, ,HO BHA GA WAn NI KYE BCOM LDAN 'DAS, BIDY'A R'A DZA NI RIG PA'I RGYAL PO'O, ,BSDUS PA'I DON NI SHUGS KYIS SHES PAR BYA'O, ,SPRO BA'I CHE GCIG PU DE NYID RIM GYIS PHYOGS BCUR SONG BA'AM SPRUL PA BCUR GYUR NAS PHYOGS BCUR 'GRO BA GANG YIN GSAL BAR MA BSHAD KYANG PHYI MA'I DBANG DU BYA'O, ,BGEGS RNAMS BKUG ZIN PA'I TSE JI LTAR BYA ZHE NA 'DI LA KHA CIG NA RE KHRO BO RNAMS KYI GDAN BYED PA YIN NO ZHE'O, ,PHYOGS SKYONG RNAMS LA KHRO BO'I GDAN BYAS PA SKABS
, ,'GAR 'BYUNG MOD KYI, 'DIR NI SLOB DPON DAM TSIG RDO RJES KHRON PA 'BRUB KHUNG GI RNAM PA CAN DU 'JUG PAR BSHAD PA LTAR BYA STE RDO RJE PHUR BU GDAB PA DANG YANG MTHUN NO, ,DE NAS YANG RANG GIS BYANG GI BDUD RTZI 'KHYIL PA LA BLTAS PAS DES RANG GI DGONGS PA SHES TE SPRUL PA SPRUL PA SOGS SGRUB THABS NAS 'BYUNG BA BZHIN NO, ,SNGAGS KYI DON NI GHA GHA ZHES PA LA BAR DU TA BCUG NA GSOD BYED CES PA'O, ,GH'A TA YA SOGS NI CHOMS SHIG CHOMS SHIG CES PA'O, ,SU ZHIG CE NA SARBA DUshtAN ZHES GSUNGS TE GDUG PA CAN THAMS CAD CES PA'I DON TO, ,K'I LA YA SOGS NI PHUR BUS THOB CES PA'O, ,GANG LA ZHE NA SARBA P'A Pm ZHES GSUNGS TE SDIG PA'I SEMS DANG LDAN PA THAMS CAD CES PA'O, ,PHAGS PHAGS CES PA NI DE NYID GSAL BAR BYED PA STE GONG MA'ANG NGO, ,H'Um GSUM NI SKU GSUNG THUGS BSKUL BA'O, ,BADZRA K'I LA YA NI RDO RJE PHUR PA BOS PA'O, ,BADZRA DHA RA NI RDO RJE 'CHANG NGO, ,A'A DZNY'A PA YA NI BKA' BSGO BAR BYED DO, ,PA TI NI BDAG PO'O, ,SARBA BI GHN'm K'A YA W'A KTZI TTA BADZRA K'I LA YA ZHES PA NI BGEGS THAMS CAD KYI LUS NGAG YID GSUM LA RDO RJE PHUR BUS THOB CES PA'I DON NO, ,'DIR GNOD MDZES KYI PHYAG TU RDO RJE THO BA BZUNG BA NI RANG GI PHYAG MTSAN LA MED PAS GSHIN RJE GSHED LA GA-YAR BA YIN NO ZHES KHA CIG SMRA MOD, DE NI MI RIGS TE GSHIN RJE GSHED LA'ANG PHYAG MTSAN LA MED PAS SO, ,'O NA LHA MTSAN DGOD PA'I RDO RJE THO BA YONG BA CI YIN ZHE NA LHA MTSAN DGOD PA'I TSE BYUNG YANG PHYAG MTSAN LA YOD PA'I NGES PA MED DE,
SPYAN MA LA LHA MTSAN DGOD PA'I TSE MIG BYUNG YANG PHYAG MTSAN LA MED PA BZHIN NO, ,DES NA RDO RJE LCAGS KYU DE NYID RDO RJE THO BAR GYUR PA YIN NO, ,RDO RJE PHUR BU YANG RDZAS KYI RDO RJE MA YIN GYI LHA NYID DU BKOD NAS BSHAD PA LTAR RO, ,GHA GHA ZHES SOGS KYI SNGAGS MDO BSRER ZHE SDANG RDO RJES GNOD MDZES LA BKA' BSGO BA'I SNGAGS SU GSUNGS PA DANG, RDO RJE SEMS DPA'I SGRUB THABS LAS GNOD MDZES LANGS NAS SNGAGS DE BRJOD CING PHUR BU BRDUNG BAR BSAM PAR BYA ZHES PA GNYIS MI 'GAL LAM ZHE NA, MI 'GAL TE SNGAGS DON LA BSAMS NA GNOD MDZES KYIS RDO RJE PHUR BU LA RDO RJE 'CHANG GI BKA' NYON CIG CES BSKUL BAR GSAL LA, DES NA MDO BSRE'I DON NI RANG YID KYIS GNOD MDZES LA RDO RJE PHUR BU BSKUL BA'I BKA' BSGO ZHES PA'I DON YIN GYI RANG GIS GNOD MDZES LA BKA' BSGO BA'I SNGAGS SU BSHAD PA MIN NO, ,YANG 'DIR PHYOGS SKYONG RNAMS BGEGS KYI GTZO BOR BYAS NAS PHUR BU 'DEBS PAR BSHAD PA DANG, DE DAG LA GTOR MA PHUL NAS BGEGS KYI BAR CHAD ZHI BA'I 'PHRIN LAS 'CHOL BA DANG MDO SNGAGS RNAMS LAS KYANG BSTAN SRUNG GI GTZO BOR BSHAD PA GNYIS KYANG MI 'GAL LAM ZHE NA, 'DI'I LAN GSAL BAR MA BSHAD MOD, 'ON KYANG BSKYED RIM LA BRTAN PA THOB NAS ZHI BA LA SOGS PA'I LAS BSGRUB PAR BYA BA LA BYAS KYANG MA GRUB NA LHA'I GTZO BO LA GNAD 'BEBS BYAS NA 'KHOR RNAMS KYIS KYANG DNGOS GRUB STZOL BAR BSHAD PA LTAR YIN NAM BSAM GSUNG, PHYOGS SKYONG RNAMS 'GUGS PA'I TSE SKU MDOG PHYAG MTSAN 'DI LTA BU ZHES BSHAD NA
, ,DMIGS PA GSAL BAR YONG BAS NA 'OG NAS GTOR MGRON SPYAN 'DREN PA LAS 'BYUNG BA LTAR BYA STE, 'DIR THUB PA DPAL GYIS 'GA' ZHIG GNAS CHEN POR MI MNGON NO, ,PHUR BU LA RDZAS KYI DANG BSAM GTAN GYI PHUR BU'O, ,DANG PO NI DKYIL 'KHOR BSGRUB PA LA SOGS PA'I TSE NGES PAR BYA LA, 'ON KYANG DMIGS PA BRTAN PO YOD NA PHYI MA'ANG RUNG NGO, ,SRUNG 'KHOR BSGOM PA LTA BU'I SKABS SU NI PHYI MA BYA'O, ,PHUR BU'I SPYI BO NAS BRDUNG ZHES PA'ANG RDO RJE PHUR BU BSKUL BAR MTSON PA TZAM YIN GYI GNOD PA'I PHYIR NI MA YIN NO, ,'DI LTA BU LA SOGS PA RTZUB PA'I SEMS KYIS BYA DGOS PA RNAMS RGYU'I KUN SLONG GI DUS SU SEMS BZANG BAR BSKYED LA DUS KYI KUN SLONG GI SKABS SU NI RTZUB PA'I SEMS MA BSKYED NA MI 'GRUB PA'ANG YOD DE DRAG PO'I LAS BZHIN NO, ,DES NA GNOD SEMS LA'ANG GNANG BKAG GI DMIGS BSAL RNAMS SHES PAR BYA'O, ,'O NA BZLOG PA BYED PA'I TSE JI LTAR BYA ZHE NA 'DI LA SNGA MA 'GA' ZHIG LHA RNAMS ZHAL PHYIR BLTA BA DANG 'KHOR LO GA-YON DU 'KHOR BA RNAMS BYA'O GSUNG NGO, ,'ON KYANG SNGA MA NI GSAL BAR MA BSHAD PAS LHA RNAMS ZHAL NANG DU LTA BA DANG 'KHOR LO GA-YON DU 'KHOR BAR BYA'O, ,GZHAN GYI DON DU SRUNG BA BYED NA JI LTAR ZHE NA, 'DI LA SNGA MA RNAMS SNYING GAR NYI MA'I DKYIL 'KHOR LA H'Um YIG DANG DE'I MDUN LA SOGS PAR 'GOD CE'O, ,'DI NI RGYUD NYID LAS, LAS SGRUB PA'I SKABS SU PHYAG MTSAN GYI BAR DU BSGRUB BYA 'GOD PAR GSUNGS PA DANG MTHUN PAS DE LTAR BYED NA DAM TSIG PA BSKYED NAS YE SHES PA DGUG GZHUG BYED PA
LTAR BYA'O, ,YANG NA AA BHA Y'AS GZHAN GYI DON DU SRUNG BA BYED NA 'KHOR LO'I RTZIBS BCU LA KHRO BO RNAMS BKOD NAS GTZO BO'I GNAS SU BSGRUB BYA 'GOD PAR GSUNGS PA LTAR BYAR YANG RUNG NGO, ,'DIR SGRUB THABS SU LO CHEN RIN BZANG GI 'GYUR 'GA' ZHIG LAS RDO RJE ME NI SNGAGS BCAS PAS ZHES 'DON LA DE'I DON LA SNGA MA 'GA' ZHIG RDO RJE ME NI LHA YIN LA, DE'I SNGAGS NI AOm BADZRA DZVA LA AA NA L'ARKA H'Um ZHES PA STE DE NYID LA 'DON ZHES PA'I DON DU 'CHAD DO, ,'ON KYANG PHYIS KYI 'GYUR GSAR RNAMS LA SNGAGS DE MI 'BYUNG ZHING, DER MA ZAD 'GREL PA RNAMS KYIS KYANG SNGAGS DE MED PA'I DBANG DU BYAS NAS BSHAD LA, GAL TE SNGAGS BI BH'U TI TZANDRAS NAS GSUNGS PA LTAR MNGON BRJOD BLA MA NAS GSUNGS PA'I KHRO BO BCU'I SNGAGS DMIGS PA GSAL BA TAB PA'I RJES SU GDON PAR BYA'O, ,DE LTAR SNGAR YOD KYI BGEGS TSAR BCAD NAS SLAR MI 'JUG PAR BYA BA'I PHYIR RA BA LA SOGS PA'I BSRUNG BA BYA STE, DE YANG MDO BSRE LAS 'DOD RGYAL GYI SNGAGS KYIS RDO RJE'I RA BA BYA BAR BSHAD PAS SNGA MA 'GA' ZHIG ,NA MA SSA MAnTA K'A YA W'A KTZI TTA BADZR'A N'm ZHES PA DANG, t'IKKA H'Um DZA: ZHES PA'I MTSAN SNGAGS SBYAR BA 'DOD RGYAL GYI SNGAGS KYIS ZHES PA'I SNGAGS SU BZHED MOD, 'ON KYANG RDO RJE SEMS DPA'I SGRUB THABS SU t'A KKI H'Um DZA: ZHES BYA BA SNGAGS KYI ZHES MTSAN SNGAGS 'BA' ZHIG 'DON PAS DE LTAR BYA'O, ,RDO RJER BA'I DBYIBS NI GRU BZHI PAR BYA ZHES THUB PA DPAL GYIS BSHAD DO, ,MTHO DMAN NI 'OG GSER GYI SA GZHI LA THUG PA DANG, STENG TSANGS PA'I 'JIG RTEN LA THUG PAR
, ,BYA ZHES GZHUNG GZHAN NAS STON NO, ,CHU ME RLUNG GI RA BA GSUM BYED PAR RDO RJE SEMS DPA'I SGRUB THABS LAS GSUNGS TE DBYIBS DANG MTHO DMAN RA BA BZHIN BYA'O, ,RGYA KHYON NI RANG JI LTAR 'DOD PA BZHIN BKOD DO, ,'GYUR RNYING 'GA' ZHIG LAS H'Um MDZAD KYI SNGAGS LAS RDO RJE'I GUR BSKYED PAR BYA ZHES 'DON KYANG PHYIS KYIS 'GYUR GSAR LAS H'Um LAS SKYES PAR GSUNGS PA LTAR LEGS PAS DE BZHIN BYA'O, ,DES NA 'GA' ZHIG GIS BHRUm LAS BSKYED PA'ANG 'DI DANG 'GAL LO, , DE LTA BU'I SRUNG 'KHOR DE NI THUN BZHIR MA CHAG PAR NGES PAR BYA ZHES GSUNGS SO, ,SGRUB THABS DNGOS GZHI LA GNYIS LAS GANG DU 'TSANG RGYA BA'I GNAS SGRUB PA RTEN GYI RNAL 'BYOR NI YE SHES KYIS STONG NYID BSGOM PA LA SOGS PA STE, 'DIR DANG POR STONG NYID BSGOM PA GANG LAS BSTAN CE NA, RTZA BA'I RGYUD LAS, DNGOS PO MED PAS SGOM PA MED, CES BYA BA LA SOGS PAS BSTAN CING, SLOB DPON KLU SGRUB KYIS KYANG MDOR BYAS LA SOGS PA LAS, DAM PA'I DON DU DNGOS PO RNAMS, ,SRID GSUM DNGOS PO MED PAR BSGOM, ,ZHES PA NAS, CHO GA'I SBYOR BA 'DI YIS NI, ,YE SHES SA GZHI BYIN GYIS BRLAB, ,CES PA LA SOGS PAS BSTAN CING, RGYUD GZHAN 'GA' ZHIG TU'ANG BSHAD DO, ,GZHAN DU SVA BH'A BA LA SOGS PA'I SNGAGS NGAG TU BRJOD CING DON YID LA SEMS PA DANG 'DRA BAR 'DIR, DNGOS PO MED PAS SGOM PA MED, ,CES PA'I TSIGS SU BCAD PA NGAG TU BRJOD CING DON YID LA BSAM PAR BYA'O, ,DON NI SGRON GSAL LAS, YIG DON DANG
SPYI DON SNGAS DON MTHAR THUG PA'I DON TE TSUL BZHIR BSHAD PA'I SNGA MA GNYIS 'DIR SKABS SU BAB PAS DE GNYIS BSHAD NA YIG DON NI BSGOM PA LA SOGS PA'I 'KHOR GSUM MI DMIGS PA DANG, SPYI DON NI STONG NYID DANG MTSAN MED DANG SMON MED LA BSHAD PA LTAR BSGOM MO, ,SKABS 'DIR BSGOMS PA'I DGOS PA NI RNAM PA BZHI STE, DANG PO NI 'BRAS BU'I DUS SU CHOS SKU GRUB NAS GZUGS KYI SKU 'BYUNG BAS LAM DUS SU'ANG DE BZHIN DU BSGOM PAR BYA BA'I PHYIR DANG, BSOD NAMS DANG YE SHES KYI TSOGS GNYIS LAS 'BRAS BU RDO RJE 'CHANG 'BYUNG BA LTAR 'DIR YANG SNGON DU TSOGS GNYIS BSAGS NAS LHA'I SKUR LDANG BA DANG THA MAL GYI SNANG BA MA BSAL BAR DAG PA'I SNANG BA 'CHAR MI NUS PAS DE'I PHYIR DANG, 'DIR STONG NYID BSGOMS PA'I MTHUS 'OG NAS RNAL 'BYOR BSGOM PA THAMS CAD KYANG MTSAN 'DZIN GYIS MA BCINGS PAR SGYU MA LTA BU'I NGANG NAS BYED PAR 'GYUR BA'O, ,DKYIL 'KHOR LA RDO RJE RA BA DANG ME RI BRI BYA LA'ANG 'BYUNG LA GUR SOGS NI 'DRI BAR MA BDE BAS MA BRIS MOD, BSGOM BYA LA NGES PAR DGOS PAS DE DAG KYANG BSKYED PAR BYA'O, ,CHOS 'BYUNG SKYED MI SKYED LUGS GNYIS LAS 'DIR SNGA MA DANG, DE'ANG AE LAS SKYED PA DANG RDO RJE 'CHANG LAS SKYED PA DANG DKRONGS BSKYED BYED PA GSUM LAS 'DIR NI PHYI MA'O, ,'DI LA KHA CIG DONG DU BCUG PA LTA BUR BYED KYANG DE NI MA YIN TE, SLOB DPON CHEN PO DPAL 'DZIN DANG LU A'I PA LA SOGS PAS GYEN DU 'GRENG BAR GSUNGS PAS DE BZHIN BYA'O, ,SH'ANTI PAS GDENGS KA CHE BA GYEN DU PHYOGS PAS NI YON TAN GONG NAS GONG DU RGYA CHE BAR
, ,'GYUR BA MTSON PAR BSHAD DO, ,KHA DOG LA SNGA MA 'GA' ZHIG PHYI DKAR LA NANG DMAR BA ZHES BZHED DE, PADMA'I GZHI CHOS 'BYUNG GI SAR TSON DMAR SKYA DGYE ZHES PA LA BSAMS SO, ,'ON KYANG PHAL CHER DKAR PO ZHES BSHAD PAS DE BZHIN DU BYA'O, ,'DIR A'A BHA Y'AS NAM MKHA'I DBYINGS KYI ZHES PAS CHOS 'BYUNG DANG DBUS ZHES PAS PADMA BSTAN PAR BSHAD DO, ,KHA CIG NI YE SHES KYIS DE NYID CHOS 'BYUNG DU BYED PA YIN ZHE'O, ,PADMA'I LTE BAR DKYIL 'KHOR BZHI RIM GYIS BSKYED PAR BYA STE, SA BON YANG SNGO SKYA LAS TE DES MTSON NAS H'Um GNYIS KYI KHA DOG KYANG NGO, ,'BYUNG BA NI RLUNG GI DKYIL 'KHOR, KHA DOG NI SA BON BZHIN NO, ,DBYIBS NI GZHU LTA BU'O, ,MTSAN MA NI RDO RJE 'BAR BA SNGON POS MTSAN PA'O, ,DES GZHAN LA'ANG 'GRE'O, ,BZHI PO 'DRES TSUL NI THAMS CAD BAM PO GCIG TU GYUR PA'O, ,DE LAS SNA TSOGS RDO RJER GYUR PA'I RVA LA RTEN 'BREL GYI YAN LAG BCU GNYIS RNAM PAR DAG PA'I DBANG DU BYAS NAS BCU GNYIS SU BYED DE, DE LTAR NA SHAR DU RVA GSUM STE DKAR PO'O, ,DE BZHIN DU GZHAN LA'ANG RIGS 'GRE SBYAR RO, ,'JIG TSOGS LA LTA BA'I RI'I RTZE MO NYI SHU 'JOMS PA'I DBANG DU BYAS NAS NYI SHUR BYED DE DE LTAR NA PHYOGS BZHIR RVA LNGA LNGA'O, ,KHA DOG NI SNGA MA LTAR PHYOGS DANG, YANG SHAR GYI RVA LNGA PO NYID LA'ANG SHAR GYI RVA DKAR LHO'I RVA SER BA SOGS DANG, DE BZHIN DU PHYOGS GZHAN GSUM LA'ANG SBYAR BA STE DE LTAR LUGS GNYIS LAS GANG YANG RUNG NGO, ,BH'Um GYI KHA DOG DKAR POR THUB PA DPAL
GYIS BSHAD PA RNAM SNANG GI DANG MTHUN PA'O, ,SANGS RGYAS KYI SPRIN GYI 'OD ZER 'PHRO BA'I DON NI 'OD ZER GYI SNE LA SANGS RGYAS YOD PA'O, ,'DI NI SGRON GSAL LAS BSHAD DO, ,RTZIG PA LNGA LA A'A BHA Y'AS STONG NAS STONG DU BRTZEGS PA'AM, YANG NA LNGA SBRAG YOD PA ZHES PA'I PHYI MA BDE'O, ,'DOD YON GYI SNAM BU LA MING STABS BU DANG KHA KHYER DANG GZUNGS SNAM SOGS DANG KHA DOG DKAR DMAR SOGS SU BSHAD DO, ,LHA MO RNAMS BZHUGS STABS DANG KHA DOG MA NGES PA NI KUN SNYING GES SO, ,DKYIL 'KHOR GYI PHYI'I DBYIBS NI 'DI PA DANG YE SHES ZHABS LUGS GNYIS 'DRA LA NANG GI 'OD 'PHRENG 'DI LUGS PHYI MA LA MED DO, ,'OD PHRENG BSKOR MTSAMS LA KLU BYANG GI DKYIL CHOG LAS NANG NAS BRTZAMS PA'I CHA PHRAN BDUN NAS DANG, BRGYAD PA NAS BSKOR BA'I 'GYUR GNYIS 'BYUNG YANG PHYI MA LTAR BYA'O, ,DE LTA BU'I GZHAL YAS KHANG GI NANG DU SNA TSOGS PADMA'I GDAN SUM CU RTZA GCIG STE LHA SO GNYIS YOD KYANG YAB YUM GNYIS KYI GDAN GCIG PAS SO, ,MDOR BYAS LAS, SHAR PHYOGS PA LA MI GSAL CING PHYOGS GZHAN GSUM PO'I LHA RNAMS LA RIN PO CHE LA SOGS PA'I PHYAG MTSAN GDAN DU 'DINGS PAR BSHAD PA'I RIGS PA SBYAR NA SHAR PHYOGS PA RNAMS LA 'KHOR LO GDAN DU 'DING BAR SNANG YANG, MDO BSRE LAS KYANG ZLA BA LA SAGS PA ZHES BSHAD PA DANG, RGYUD NYID LAS KYANG, GSAL BA LA SOGS DKYIL 'KHOR LDAN, ,ZHES 'BYUNG ZHING, DE'I 'GREL PAR GSAL BA NI ZLA BA LA BSHAD PAS SHAR PHYOGS PA RNAMS GDAN ZLA BA 'GOD PAR GSAL LO, ,DE LTAR SNOD KYI
, ,GZHAL YAS KHANG GSAL BTAB NAS BCUD KYI LHA BSKYED PA NI LHAG MOS KYI LHA BSGOM PA LA SOGS PA'O, ,DE LTA BU'I BSKYED RIM BSGOMS BAS SPANG BYA GANG ZHIG SPONG ZHE NA, THA MAL DU SNANG BA DANG ZHEN PA GNYIS DE RE RE LA'ANG LUS DANG LONGS SPYOD DANG GNAS THA MAL DU SNANG BA DANG ZHEN PA STE GSUM GSUM MO, ,DE'ANG DBANG SHES LNGA'I NGOR DE LTAR SNANG BA NI BSKYED RIM GYIS 'GOG MI NUS PA'I PHYIR SPANG BYA MA YIN PAS YID SHES KYI NGOR DE LTAR SNANG ZHING ZHEN PA'O; ;DE SPONG BA'I GNYEN PO NI SNOD GZHAL YAS KHANG DU BSGOM ZHING BCUD LHAR BSGOM PA LA SOGS PA'O, ,DES DE SPONG BA'I TSUL NI 'JIG RTEN PA'I LAM GYIS SA BON NYAMS PAR BYED PA LTA BU'AM, 'JIG RTEN LAS 'DAS PA'I LAM GYI SA BON DRUNGS 'BYIN PA LTA BU'O, ,'O NA JI LTAR ZHE NA JI SRID BSKYED RIM GYI NGANG LA GNAS PA DE SRID DU YID SHES KYI NGOR THA MAL GYI SNANG ZHEN 'GAGS PA TZAM MO, ,DE LA'ANG THA MAL DU ZHEN PA NI SPANG BYA'I GTZO BO YIN PAS GNYEN PO'ANG NGA RGYAL GTZO BO YIN PAS SKU MDOG PHYAG MTSAN SOGS GSAL 'DEBS PA'ANG NGA RGYAL BSKYED PA'I RGYU MTSAN DU SHES PAR BYA'O, ,DES NI BSKYED RIM BSGOM PA'I TSE LHA LA SOGS PA'I RNAM PA GSAL BAR SHAR BA DANG, DE DANG DE'I NGA RGYAL BRTAN PO YOD MED MU BZHIR 'GYUR BA LAS GNYIS KA YOD PA NI MCHOG YIN LA, NGA RGYAL BRTAN PO YOD LA SNGA MA MED PA NI DE'I 'OG MA YIN, DE LA BGEGS LA SOGS PAS MI TSUGS SHING LHA'I BYIN RLABS MYUR DU 'JUG PA YIN GSUNG, 'OG MA GNYIS
NI GO SLA'O, ,GNYIS PA JI LTAR 'TSANG RGYA BA'I RIM PA MDZAD PA DANG BCAS PA BSGOM PA BRTEN PA'I RNAL 'BYOR NI LHAG MOS KYI LHA BSKYED PA LA SOGS PA'O, ,DE LA CHOS SKU'I NGO BOR 'TSANG RGYA BA SOGS RIM PA GSUM LAS DANG PO LAS CHOS SKU MNGON DU BYED PA'I RTEN BSKYED PA'I PHYIR THOG MAR LHAG MOS KYI DKYIL 'KHOR BSGOM PA YIN NO, ,'DIR GTZO BO GANG BSKYED CE NA, MDOR BYAS LAS, RDO RJE SEMS DPA' DANG LDAN GNAS, ,ZHES GSUNGS PAS RDO RJE 'CHANG NGO, ,'O NA RNAM GZHAG RIM PA LAS MI BSKYOD PA LA SOGS PA'I LHA'I 'KHOR LO THAMS CAD LHAG PAR MOS PAS DGONG PAR BYA'O, ,ZHES GSUNGS PA JI LTAR DRANG ZHE NA, DE NI SKABS GZHAN DU GSUNGS PA LTAR SGRA BSHAD PA'I MI BSKYOD PA'I DBANG DU BYAS TE SLOB DPON GYI GZHUNG GZHAN DU'ANG RDO RJE 'CHANG LA GSAL BAR GSUNGS PAS SO, ,LHA'I PHYAG MTSAN DRUG LA 'KHOR LO NI RNAM SNANG GI MTSAN MA STE KHA DOG NI DKAR PO'O, ,RTZIBS NI BCU GNYIS PA'AM BRGYAD PA GANG RUNG NGO, ,RDO RJE NI MI BSKYOD PA'I STE KHA DOG NI SNGON PO'O, , RVA'I GRANGS GZHAN DU MA BSHAD KYANG DAG PA SBYOR BA'I TSE RVA YE SHES LNGA'I BDAG NYID CAN ZHES BSHAD PAS NA LNGA'O, ,PADMA NI 'OD DPAG MED KYI MTSAN MA STE DMAR PO'O, ,DRIL BU NI DRUG PA RDO RJE 'CHANG GI STE JI LTAR SHES SHE NA, DRIL BU'I DBANG LA MING GNYIS PA BDAG PO'I DBANG ZHES KYANG 'BYUNG LA DRIL BU DKROL BA'I TSE CHOS KYI PHUNG PO STONG PHRAG BRGYAD CU'I SGRA SGROG PAR SEMS PA YIN ZHING DE STON PA'I BDAG PO RDO RJE 'CHANG YIN PAS DES NA DRIL BU NI RDO RJE 'CHANG GI MTSAN MAR BYAS SO, ,RIN CHEN NI
, ,RIN 'BYUNG GI MTSAN MA STE YID BZHIN GYI NOR BU RIN PO CHE DBANG GI RGYAL PO'O, ,DE'I KHA DOG NI 'DIR SER PO LA BSHAD DO, ,RAL GRI NI DON YOD GRUB PA'I 'O, ,DBU RGYAN LA NI MING GZHAN PHROG ? ZHU DANG RTZE PHRAN ZHES KYANG 'BYUNG NGO; ;'OD KYI DKYIL 'KHOR NI SKABS GZHAN DU ME RI LA BSHAD PA YOD MOD KYANG 'DIR NI RANG GI KHA DOG DANG MTHUN PA'I 'OD ZER PHYOGS BCUR 'PHRO BA'O, ,RNAM SNANG SOGS BZHI LA MI BSKYOD PAS DBU BRGYAN PA DANG, RDO RJE 'CHANG GIS BRGYAN PA GNYIS LE'U BCO LNGA PA DANG BCU GNYIS PA NAS RIM PA BZHIN BSHAD KYANG MDOR BYAS SU MI BSKYOD PAS BRGYAN PAR BSHAD PA LTAR 'DIR YANG BSHAD DO, ,PHYAG MTSAN LA AA BHA Y'AS GA-YAS PA MAS 'GYED DANG GA-YON PA YAS 'GYED BYED PA YIN ZHES BSHAD KYANG 'DIR NI GNYIS KA YAS 'GYED DU SNGA MA RNAMS BZHED PA LTAR BYA'O, ,DANG PO GNYIS THUGS KA DANG LHAG MA RNAMS GDENGS PA'I TSUL DU BYA'O, ,ZHAL LA YE SHES ZHABS LUGS RNAMS LAS DMAR PO GA-YAS SU MI YONG ZHING NAG PO GA-YON DU 'BYUNG MI SRID CES 'BYUNG BA LTAR SKABS 'DIR DE LTAR BYA'O, ,LHAG MOS KYI MDZAD PA NI SGRON GSAL LAS DKYIL 'KHOR PA DE DAG GIS CI ZHIG MDZAD CE NA SPYIR BSHAD PAS, GTZO BO'I THUGS KA DANG GZHAN RNAMS KYI SKU LAS 'OD ZER 'PHROS PAS SEMS CAN THAMS CAD BKUG NAS DKYIL 'KHOR GYI PHYOGS BZHI NAS GZHUG BA SOGS BYA'O, ,DE LA 'JUG TSUL BZHI STE SLOB MA'I 'JUG PA DANG YE SHES KYI 'JUG PA DANG RDO RJE SEMS DPA'I DANG RDO RJE SHUGS KYI'O 'DIR NI
GSUM PA'O, ,RANG RANG GI ZHING DU GSHEGS PA NI YE SHES ZHABS LUGS NAS 'BYUNG BA LTAR RO, ,KHRO BO RNAMS LA MI SDUG PA'I KHRO BO DANG SGEG PA'I KHRO BO GNYIS SU YE SHES ZHABS LUGS PAS BYED KYANG 'DIR NI SNGA MA 'BA' ZHIG GO ,LHAG MOS LUS LA NYER BSDU BYED PA'I TSE LUS DKYIL GYI SKABS NAS 'BYUNG BA LTAR BKOD PAR BYA STE MI BSKYOD PA DANG REG BYA RDO RJE MA NI MI 'GOD DO, ,'DIR MDOR BYAS LAS KHA SBYOR GYI SBYOR BAS LHA RNAMS RANG GI LUS LA GZHUG CES BSHAD PA'I KHA SBYOR GYI SBYOR BA LA 'GREL PA RIN CHEN PHRENG BAR DON BZHIR BSHAD, NAG PO DAM TSIG RDO RJES YAB YUM SNYOMS PAR 'JUG PA LA BSHAD KYANG 'DIR NI GZUGS LA SOGS PA'I PHUNG PO DANG DBYER MED DU MOS PA NYID LA BYA'O, ,DE LTAR LHAG MO KYI LHA BSKYED PA NI CHOS SKU MNGON DU BYED PA'I RTEN BSKYED PA'I PHYIR YIN NO, ,DE YANG THA MAL PA LA PHUNG SOGS THA MAL PA 'OD GSAL DU THIM PA DANG RNAL 'BYOR PA LA RIGS LNGA'I NGO BO'I PHUNG SOGS 'OD GSAL DU THIM PA GNYIS LAS 'DIR PHYI MA'O, ,THIM PA'I GO RIM NI GZUGS PHUNG SOGS RAGS RIM NAS TE 'JAM DPAL MJUG TU THIM PA NI YID DBANG GZHAN RNAMS KYI MJUG TU 'OD GSAL DU 'JUG PAS SO, ,'DIR RNAM SHES MI BSKYOD PA LA BYAS NAS LHAG MOS KYI GTZO BO MI BSKYOD PA YIN TE RNAM GZHAG TU'ANG GTZO BO MI BSKYOD PA LA BSHAD PAS SO ZHES SMRA MOD KYANG MI RIGS TE 'OG NAS 'BYUNG BA'I SH'U NYA T'A'I SNGAGS DON DANG 'GAL BAS SO, ,RNAM GZHAG GI DON SNGAR BSHAD ZIN TO, ,DES NA 'DI RNAMS DANG NGO BO DBYER MED DU MOS PA'I GTZO BO NI RDO RJE 'CHANG LA BYA'O,
, ,THIM TSUL LHA RNAMS GANG DU BKOD PA'I GNAS DE NYID DU NAM MKHA' LA 'JA' YAL BA LTAR GYUR NAS MI SNANG BAR SONG BA'O, ,DPER NA SPYI GTZUG TU RNAM SNANG DANG LTE BAR SPYAN MA MI SNANG BAR GYUR BAR MOS PA LTA BU'O, ,BRTAN PAR BYA BA'I DON DU SH'U NYA T'A'I SNGAGS BRJOD PAR BYA STE, DE LA SNGAGS DON NI AOm NI SNGAR BSHAD PA LTAR RO, ,SH'U NYA T'A NI STONG PA NYID CES PA'O, ,DZNY'A NA NI SHES PA STE LO TZ'A BA RNAMS KYIS YE SHES KHYAD PAR SBYAR BA YIN NO, ,BADZRA NI RDO RJE STE MI PHYED PA'O, , DE'I DON NI AA BHA Y'AS MANG POR SBYAR KYANG 'DIR NI YUL STONG NYID DANG YUL CAN STONG NYID RTOGS PA'I YE SHES GNYIS DBYER MED PA LA BYA'O, ,DE YANG SA THOB NAS RES 'GA' BA DANG MTHAR PHYIN PA'I TSE GTAN DU'O, ,SO SO SKYE BO RNAMS LA MTSAN NYID PA MED KYANG DE LTAR MOS PA'O, ,SVA BH'A WA NI 'DIR RANG BZHIN NO, A'ATMAKA NI BDAG NYID DO, ,AA HAm NI NGA RGYAL 'DZIN PA'O, ,DE DAG RIGS DRUG DANG SBYAR NAS BSHAD DE AOm DANG AOm DAN SH'U NYA T'A DANG DZNY'A NA DANG, BADZRA DANG SVA BH'A WA A'ATMA KA NI RIM PA BZHIN RNAM SNANG LA SOGS PA'I RIGS LNGA'O, ,AA HAm NI DRUG PA RDO RJE 'CHANG NGO, ,AOm LA SOGS PA LNGA PO DE DAG RE RE ZHING AA HAm DANG SBYAR BAR BYA STE, 'OD GSAL DU 'JUG RGYU'I RNAM SNANG LA SOGS PA'I RIGS SO, ,ZHUGS ZIN LA SBYAR NA NGO BO THA DAD PA'I LHA DU MA MED KYANG LDOG PAS PHYE BAS DU MA YOD DO, ,'DI YAN NI BSNYEN PA'I YAN LAG GO, DE LA BSNYEN PA NI DE BZHIN NYID LA RTZE GCIG TU GNAS PA'I TING NGE 'DZIN NO, ,DE YANG 'DI DANG THUGS RJE DPAL ZHABS KYIS GONG GI YE
SHES KYIS STONG NYID BSGOM PA'ANG YIN ZHES BSHAD PA GNYIS PO NI BSNYEN PA'O, ,YAN LAG NI RDO RJE'I SA'I CHA BSKYED PA LA SOGS PA NAS NYAR BSDU'I BAR RO, ,'DIR 'GA' ZHIG LHAG MOS NYER BSDU YAN BSNYEN PA'I YAN LAG TU 'CHAD PA NI, RGYUD LAS BSNYEN PA'I TING NGE 'DZIN RAB SBYOR GZHES PA'I 'GREL PA DANG MI MTHUN PAS MI 'THAD DO, ,DE LTAR NA SNOD 'OD GSAL DU BSDUS NAS DAG PA'I SNOD KHYAD PAR CAN BSKYED PA DANG, BCUD 'OD GSAL DU BSDUS NAS DAG PA'I SNOD BCUD KHYAD PAR CAN BSKYED PA GNYIS LAS SNGA MA NI SNGAR STONG NYID BSGOMS NAS GZHAL YAS KHANG BSKYED PAS BSTAN NO, ,DES NA SNGAR STONG NYID BSGOM PA'I SKABS SU BCUD STONG PAR BSGOM PAR BSHAD PA NI SNOD STONG PAR BSGOM PA'I ZHAR LA BSHAD PA TZAM YIN GYI GTZO BO'I DON MA YIN TE BCUD 'OD GSAL DU BSDUS NAS DAG PA'I BCUD KHYAD PAR CAN BSKYED PA NI 'DI NYID NAS 'BYUNG BAS SO, ,DES NI 'DIR GZHAL YAS KHANG BSDU BA YANG MI 'THAD PAR GRUB STE, RGYAL MCHOG GI SKABS SU SNGAR BSHAD PA'I GZHAL YAS KHANG DU ZHES 'BYUNG BA DANG YANG 'GAL BAS SO, ,'DIR YI GE GSUM LAS NYI MA SOGS BSKYED PA NI LE'U BCU GCIG PA'I SGRON GSAL LAS BSHAD DO, ,'DIR SNGA MA 'GA' ZHIG YAS GZHUG MAS 'JUG CES BYA BA 'OG NAS NYI MA YAR ZLA BA LA ZHUGS STENG NAS PADMA YI GE GSUM DANG BCAS MAR ZLA BA LA ZHUGS PAS ZLA BA'I DKYIL 'KHOR CHA THAMS CAD YONGS SU RDZOGS PAR GYUR CES 'CHAD PA NA MDO BSRE LAS DE THAMS CAD BSDUS NAS ZHES DANG, RGYUD 'GREL SGRON GSAL LAS KYANG DE LTAR
, ,MANG DU BSHAD PAS MI 'THAD DO, ,DE LTA BU'I ZLA BA LAS 'OD ZER 'PHROS PAS SNOD BCUD THAMS CAD 'OD DU ZHU NAS ZLA BA DE NYID LA ZHUGS PA BRTAN PAR BYA BA'I DON DU AOm DHA RM'A ZHES SOGS KYI SNGAGS BRJOD PAR BYA STE, DE LA SNGAGS DON NI AOm NI SNGAR BSHAD PA BZHIN NO, ,DHA RM'A NI CHOS SO, ,DH'A TU NI DBYINGS SO, ,LHAG MA NI SNGAR BSHAD PA BZHIN NO, ,DON NI SNOD BCUD KYI CHOS THAMS CAD KYI RTZA BA RLUNG SEMS TZAM DE NYID RNAM PA ZLA BAR SNANG BA DE NGA'O SNYAM DU NGA RGYAL BYED PA'O, , PHYAG MTSAN LAS BYANG CHUB PA'I SKABS SU RDO RJE 'BYUNG BA NI MDOR BYAS LAS MI GSAL YANG MDO BSRE LAS RDO RJE 'CHANG GI NGA RGYAL LAS BYUNG BA ZHES BSHAD, DES NA RDO RJE BSKYED PA DANG NGA RGYAL 'DZIN PA GNYIS KA BSTAN NO, ,LONGS SKU SPRUL SKUR BSGYUR BA'I TSUL LA MDOR BYAS LAS, MI BSKYOD PA NI RJES ZHUGS PAS, ,ZHES BSHAD PAS DANG PO'I MGON PO SPRUL SKUR BSGYUR LUGS LA MDO BSRE NAS MI GSAL ZHING MDOR BYAS LAS, MI BSKYOD PA NI RJES ZHUGS PAS, ,ZHAL GSUM PHYAG DRUG 'BAR BA DANG, ,ZHES PA TZAM LAS MA BSHAD LA, DE'I DON RAB TU SGRON GSAL DANG 'GREL PA RIN CHEN PHRENG BA DANG DAM TSIG RDO RJES, RANG GI THUGS KA NAS MI BSKYOD PA SPROS, SEMS CAN GYI DON BYAS TSUR 'DUS RANG LA THIM PAS SPRUL SKUR BSGYUR BAR 'DOD DO, ,'ON KYANG ZIL GNON RDO RJE'I TING NGE 'DZIN LAS BSKYED PAR GSUNGS PAS DE LTAR BYA STE, DE'I TSUL NI RANG BZHIN GYI GNAS NAS ZHES SOGS SGRUB THABS NYID NAS 'BYUNG BA BZHIN NO, ,DE LTAR SPRUL SKUR BSGYUR BA'I RTEN DE LA LUS KYI DKYIL
'KHOR 'GOD PAR BYA STE, 'DIR RGYUD LAS RIG PA CHEN PO SKYES BU'I GZUGS 'DI ZHES SKU DE NYID LUS DKYIL 'GOD PA'I RTEN LTA BUR GSUNGS KYANG DE SPRUL SKUR BSGYUR BA LA BYA STE, MDO BSRE DANG MDOR BYAS GNYIS KA LAS SKU DE DANG PO'I MGON PO'I SKUR GSUNGS SHING SGRON GSAL LAS KYANG SKU DE YI GE GSUM GYIS BSKYED PA'I SKUR GSUNGS PAS SO, ,'DIR LUS RTEN GYI DKYIL 'KHOR DU BSGOM PA MDOR BYAS SOGS LAS MI GSAL YANG BSHAD RGYUD RDO RJE PHRENG BA NAS 'BYUNG BAS 'DIR MAN NGAG GIS KHA BSKANG STE BSHAD DO, ,JI LTAR BYA ZHE NA, ZUR BZHI PA NI MDUN RGYAB DANG, ,GA-YAS DANG GA-YON GYI DBYE BAS SO, ,ZHES BSHAD DO, 'DIR ZUR NI DBANG LDAN NAS ME MTSAMS KYI BAR LTA BU'I PHYOGS LA'ANG BYA'O, ,STENG 'OG SGO YI DBYE BA YIS, ,SGO BZHI PO NI BSAM ZHES BSHAD PA LA GZHAN DAG SKU'I SGO DGU LA GCIG TU BYAS TE DE BZHIN DU GSUNG GI SGO BZHI LA GCIG TU BYAS NAS SGO GNYIS DANG, THUGS KYI SGO LA STENG 'OG GI SGO GNYIS SU PHYE NAS 'CHAD PA YOD MOD, 'ON KYANG 'DIR NI KHA SNA'I BU GA NI STENG GI SGO GNYIS DANG BSHAD GCI'I BU GA GNYIS NI 'OG GI SGO GNYIS TE DE LTAR SGO BZHIR BYA'O, ,'DIR KHA CIG LUS KYI CHA RNAMS RTEN GYI DKYIL 'KHOR GYI CHA DE DANG DE DAG YIN NO ZHES MOS PA TZAM YIN GYI, GZHAL YAS KHANG GI DBYIBS CAN DU BSGOM PA MIN NO ZHES ZER RO, ,DE LTAR NA BRTEN PA'I DKYIL 'KHOR BSGOM PA'I TSE'ANG LUS KYI CHA DE DANG DE DAG LHA DE DANG DE DAG YIN NO, ,ZHES PA MOS PA TZAM YIN GYI LHA'I RNAM PA CAN DU MI SGOM PAR MTSUNGS SO, ,DES NA LUS GZHAL YAS KHANG GI DBYIBS
, ,CAN DU BSGOM PAR BYA'O, ,'O NA SNGAR GZHAL YAS KHANG MA BSDUS PAS JI LTAR BSGOM ZHE NA, SKYON MED DE RANG GI LUS KYI CHA DE DAG SNGAR GYI GZHAL YAS KHANG GI CHA DE DAG GI NGO BOR SGOM PAR BYED PAS SO, ,LUS BRTEN PA'I DKYIL 'KHOR DU BSGOM PA'I TSUL LA, SNGA MA DAG LUS LA RNAM SNANG LA SOGS PA'I NGO BO YI GE TZAM ZHIG 'GOD PAR GSUNGS PAS DE LTAR BYA'O ZHES GSUNG NGO, ,DE NI MI RIGS TE, GZHAN DU'ANG AOm LAS BYUNG BA ZHES SOGS BSHAD PAS DE BZHIN DU BYA'O, , YANG KHA CIG LHA NYI SHU RTZA BDUN 'GOD KYI LHA MO LNGA PO RNAMS MI 'GOD CES SO, ,DE YANG MI RIGS TE RNAM GZHAG LAS LHA MO RNAMS KYANG BSKYED PAR BSHAD PAS SO, ,'O NA LUS KYI GNAS DE DANG DE DAG TU LHA BSGOM PA TZAM GYIS LUS DKYIL DU 'GYUR RAM ZHE NA, MA YIN TE GZUGS KYI PHUNG PO LA SOGS PA DE DAG NYID LHA'I NGO BOR BSKYED NAS BSGOM RIGS PAS SO, ,BSKYED PA'I TSUL NI DPER NA GNAS SPYI GTZUG NAS SKRA MTSAMS KYI BAR DU SA BON GZUGS PHUNG GI NGO BO AOm DKAR PO'I RNAM PAR GNAS PA DE YONGS SU GYUR PA LAS RNAM SNANG ZHAL PHYAG YONGS SU RDZOGS PAR BSKYED DE, DE'I 'OG TU DE NYID GZUGS KYI PHUNG PO DANG NGO BO DBYER MED DU MOS PAR BYA'O, ,DE BZHIN DU GZHAN LA YANG NGO, ,'O NA YUM BZHI GNAS GANG DU BSKYED CE NA, SNGA MA 'GA' ZHIG 'DI DAG 'BYUNG BZHI'I RANG GI NGO BO YIN PAS DE DAG GANG DU GNAS PA'I SAR 'GOD CE'O, ,'ON KYANG SAm BHU tI LAS LTE BA SNYING GA MGRIN PA SPYI GTZUG RNAMS SU BSKYED PAR BSHAD CING DE NYID 'DIR YANG BSHAD DU RUNG BAR BSHAD
PAS SO, ,DE BZHIN DU BYA'O, ,YANG RDO RJE MA LNGA'I SA BON GANG LA BYED CE NA GZHAN DAG RGYU BA NI GZUGS SO, ,RAB TU RGYU BA NI SGRA'O, ,ZHES SOGS BSHAD PA TZAM LA BRTEN NAS RLUNG LNGA PO DE NYID RDO RJE MA LNGAR BSKYED CE'O, ,DE LTA BU'I LUNG DES NI GZUGS SOGS LNGA 'DZIN PA'I GROGS BYED PAR STON PA TZAM YIN PAS KHUNGS SU MI CHE'O, ,'O NA GANG ZHE NA RANG GI LUS KYI CHAR GYUR PA'I GZUGS SOGS LNGA PO DE NYID RDO RJE MA LNGAR BSKYED PAR BYA'O, ,RDO RJE PHRENG BA LAS, DE YI MIG GI DBANG GNYIS LA, ZHES DANG, DE BZHIN DU RNA BA LA SOGS PA LA'ANG SBYAR TE BSHAD PAS SA'I SNYING PO DANG, GSHIN RJE GSHED LA SOGS PA GNYIS BSKYED DGOS PA RNAMS LA DE LTAR BYA STE, RTEN SO SOR CHAD PA RNAMS LA'O, ,'ON KYANG LHA'I GRANGS LHAG PAR MI 'GYUR TE SA'I SNYING PO LA SOGS BAR RIGS GCIG PA'I PHYIR ZHES SNGA MA RNAMS GSUNG BA LTAR YIN NO, ,DE LTAR RANG GI LUS LA BKOD PA'I LHA DE DAG DAM TSIG PA TZAM STE RANG NYID KYI BLOS BTAGS PA TZAM DU 'DZIN PA'I RNAM RTOG BSAL BA'I PHYIR YE SHES PA DGUG GZHUG BYA'O; ;'DI LA DKYIL 'KHOR RGYAL MCHOG GI SKABS SU DAM TSIG PA RE RE LA YE SHES PA RE RE GZHUG DBANG BSKUR BA'ANG RE RE LA RIM PA BZHIN BYED PAR BSHAD DO, ,GZHUNG GZHAN NAS RANG GIS JI LTAR BSGOM PA LTAR GYI GRANGS DANG, DE'I RNAM PA CAN GYI YE SHES PA SPYAN DRANGS TE, DGUG GZHUG BYAS NAS CHU DBANG BSKUR TE RIGS BDAG GIS RGYAS 'DEBS PA ZHIG BSHAD DO, ,'DIR NI THUN MONG MA YIN PA SPYAN DRANGS RGYU'I LHA YE SHES PA RNAMS SKU RDO RJE LA SOGS PA GSUM DU 'DUS PAS DE DAG SPYAN
, ,DRANGS TE GSOL BA GDAB PA SOGS BYAS NAS RIGS BDAG GIS RGYAS 'DEBS SO, ,'DIR GSOL BA GDAB BYA'I YUL NI RNAM SNANG GTZO 'KHOR RO, ,'DEBS PA PO LUS LA LHA SO GNYIS BKOD CING RANG NYID SPRUL SKU RDO RJE 'CHANG GI NGA RGYAL DU GNAS PA DE NYID DKYIL 'KHOR NAS 'PHAGS TE GTZO BO YAB YUM SNYOMS PAR SBYOR BA'I MDUN NA GNAS PA'O, ,GAL TE YAB THAMS CAD RNAM SNANG DANG, YUM THAMS CAD SPYAN MA'I RNAM PAR GNAS PA MIN NAM JI LTAR GTZO 'KHOR DU 'GYUR ZHE NA BDEN MOD 'ON KYANG 'DIR DBUS NA BZHUGS PA DE GNYIS GZHAN LAS BONG TSOD CHE BAR BSAMS TE DE'I DBANG GIS GTZO 'KHOR DU BZHAG PA'O, ,GSOL BA CI ZHIG 'DEBS SHE NA, BDAG GI LUS DA LTA NYID DU SKU RDO RJE'I NGO BOR MDZAD DU GSOL ZHES SO, ,DE NYID STON PAR BYED PA'I TSIG NI, DPAL LDAN SANGS RGYAS SKU 'CHANG BA, ,ZHES SOGS GTZO BO DANG, PHYOGS BCUR BZHUGS PA'I SANGS RGYAS RNAMS, ,ZHES SOGS 'KHOR LA GSOL BA 'DEBS PA'I TSIGS SU BCAD PA RE RE'O, ,TSIG GI DON NI DPAL NI 'DIR SPYAN MA STE YUM DU LDAN PA'O, ,DE LA SANGS RGYAS NI 'DIR RNAM SNANG NGO, ,SKU NI RDO RJE STE 'CHANG BA NI DE'I NGO BOR GNAS PA LA BYA'I 'CHANG BYA 'CHANG BYED RDZAS THA DAD DU MI BZUNG NGO, ,DE LTAR NA SPYAN MA YUM DU LDAN CING SKU RDO RJE'I NGO BOR GNAS PA'I RNAM SNANG ZHES PA'I DON TE GSOL BA GDAB BYA'I YUL BSTAN NO, ,'DEBS PA PO NI, RDO RJE MI PHYED GSUM BSGOMS PAS, ,ZHES PAS BSTAN NO, ,RDO RJE GSUM MO
MI PHYED PA RDO RJE 'CHANG DU BSGOM PA BDAG NYID DO, ,DENG ZHES PA NI BYIN GYIS RLOBS PA'I DUS BSTAN TE GSOL BA 'DEBS PA'I DUS DA LTA NYID DU ZHES PA'I DON NO, ,LHAG MAS NI BDAG BYIN GYIS BRLABS NAS SKU RDO RJE'I NGO BOR MDZAD DU GSOL ZHES PA'O, ,DE LTAR GSOL BA BTAB PAS RANG GIS SPROS PA'I SPYAN MA RNAMS DANG, SPYAN DRANGS PA'I RNAM SNANG GI LHA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS SNYOMS PAR ZHUGS, DE LAS MCHOG TU DGA' BA'I BDE BA MYONG BAS TSIM, DE LAS 'OD ZER DKAR PO'I NGO BOR ZHU, DE NYID RANG GI SPYI BO NAS THIM PAS YE SHES KYI SA THOB PA STE, 'OD GSAL MNGON DU BYAS NAS 'OD ZER GYIS LUS KYI CHA THAMS CAD BKANG STE TSIM NAS DBANG PHYUG BRGYAD LAS SKU'I DBANG PHYUG THOB PAR GYUR TE, RANG NYID RNAM SNANG DKAR PO DKAR NAG DMAR BA'I ZHAL GSUM PHYAG DRUG PAR GYUR PAR BSAM MO, ,BRTAN PAR BYA BA'I DON DU SMON LAM GDAB PA NI, SANGS RGYAS KUN GYI SKU GANG YIN, ,ZHES PA LA SOGS PA'O, , 'DI'I TSIG GI DON NI SANGS RGYAS NI SNGA MA BZHIN DU RNAM SNANG LA BYA'O, ,RNAM SNANG GI SKU PHUNG PO LNGA PO DE NYID SKU RDO RJES RAB TU BKANG BA STE DE'I NGO BOR BYAS PA'O, ,BDAG GI LUS KYANG DE LTA BU'I SANGS RGYAS KYI SKU'I NGO BO DANG 'DRA BAR SKU RDO RJE'I NGO BOR GYUR CIG CES PA'O, ,DE NAS NGA RGYAL 'DZIN CING BYIN GYIS BRLAB PA NI, AOm SARBA TA TH'A GA TA K'A YA BADZRA SVA BH'A WA A'ATMA KONYHAm, ZHES PA'O, ,SNGAGS DON NI DE BZHIN GSHEGS PA THAMS CAD KYI SKU RDO RJE'I TING NGE 'DZIN GYI BDAG NYID
, ,DE NGO'O SNYAM DU NGA RGYAL BYA'O, ,DE BZHIN DU LHAG MA RNAMS KYANG GO BAR BYA'O, ,KHYAD PAR NI MDO BSRE LAS PADMA'I GNAS LKOG MAR BYED PAR BSHAD PA DANG, DE BZHIN DU RGYUD 'GREL LAS KYANG DE LTAR BSHAD PA DANG, MDOR BYAS LAS LCE'I DBUS SU BSKYED PAR BSHAD PA NI 'GAL BAR MI BSAM STE DE GANG LTAR YANG RUNG BAS SO, ,GSOL BA 'DEBS PA'I TSE RANG NYID RDO RJE 'CHANG GI NGA RGYAL DU GNAS PAR BYA STE, RDO RJE MI PHYED GSUM BSGOMS PAS, ,ZHES 'BYUNG BAS SO, ,CHOS KYI GSUNG LAM DPAL LDAN PAS, ,ZHES PA LA CHOS NI 'OD DPAG MED DO, ,DE'I GSUNG NI 'OD DPAG MED KYI GSUNG NGO, ,DE NYID GANG LAS 'BYUNG BA NI LAM STE 'OD DPAG MED NYID DO, ,LHAG MA NI SNGA MAS GO BAR NUS SO, , SMON LAM 'DEBS PA'I TSIG GI DON NI RDO RJE CHOS NI SKABS GZHAN DU SPYAN RAS GZIGS LA BSHAD KYANG 'DIR NI 'OD DPAG MED DO, ,DE'I GSUNG NI NGES BA'I TSIG NI PHUN SUM TSOGS PA STE, 'DIS NI NGES PA'I TSIG SO SO YANG DAG PAR RIG PA STE, LHAG MA GSUM YANG MTSON NO, ,CHOS 'DZIN PA'ANG 'OD DPAG MED NYID LA BYA'O, ,YANG MDOR BYAS LAS H'Um LAS NYI MA'I DKYIL 'KHOR DANG, RDO RJE SEMS DPA'I SGRUB THABS LAS H'Um LAS RDO RJE BSKYED PAR BSHAD PA'ANG GANG LTAR YANG RUNG NGO, ,RDO RJE THUGS NI MI BSKYOD PA'O, ,LHAG MA NI SNGAR BSHAD PA BZHIN NO, ,KUN TU BZANG PO NI MTHA' THAMS CAD NAS BZANG ZHING DGE BA'O, ,GSANG BA'I DBANG PO BLO LDAN PA, ,ZHES PA LA GSANG BA NI GNYIS SU MED PA'I
YE SHES SO, ,DE'I DBANG PO'I BDAG PO NI THUGS RDO RJE'O, ,BLO NI 'DIR YUL TE REG BYA RDO RJE MA'O, ,'O NA SNGAR YUM M'A MA KLI RA BSHAD PA DANG MI 'GAL LAM ZHE NA MI 'GAL TE GANG LTAR YANG RUNG BAS SO, ,SKU GSUNG THUGS THUN MONG DU BYIN GYIS RLOB PA'I TSE MI BSKYOD PA LAS RDO RJE 'CHANG DU NGA RGYAL 'PHO BAR BYA STE, DE GNYIS KYI KHYAD PAR NI SKU SNGO LA NAG PA SHAS CHE BA NI MI BSKYOD PA DANG, SNGO BA NYID SHAS CHE BA NI RDO RJE 'CHANG NGO, ,DE NAS SEMS DPA' SUM BRTZEGS SU BYED PA'I TSUL NI RANG DAM TSIG SEMS DPA' ZHES SOGS TE 'DIR YE SHES SEMS DPA'I SKU MDOG PHYAG MTSAN NI RDO RJE SEMS DPA'I SGRUB THABS SU BSHAD PA BZHIN BYAS TE GZHAN DU NI GSAL BAR MA BSHAD DO, ,'DIR MDOR BYAS LAS PHRA BA ZHES GSUNGS PA LA THUB PA DPAL GYIS NAS 'BRU TZAM ZHES CHUNG BAS PHRA BAR BSHAD KYANG ZLA BA'I ZHABS KYIS YE SHES KYI RANG BZHIN YIN PAS NA PHRA BA ZHES BSHAD PA BZHIN BYA'O, ,'DI'I SEMS DPA' GSUM LA KHA CIG RIM PA BZHIN SPRUL SKU LONGS SKU CHOS SKU GSUM LA BYA'O, ,ZHES GSUNGS SO, ,KHA CIG SKU GSUNG THUGS RDO RJE GSUM RIM PA YIN ZHE'O, ,DE LA SKABS GZHAN DU SA BON GYI SNGAGS RNAMS GSUNG DANG PHYAG MTSAN THUGS DANG LHA'I RNAM PA CAN GYI SKU RNAMS BSHAD PA LTAR NI PHYI MA LTAR RUNG NGO, ,SNGA MA LA DANG PO GNYIS SKU GNYIS LA RIM PA BZHIN SBYOR BA 'THAD KYANG PHYI MA NI DPYAD GZHI'O, ,GSUM GYI SGRA DON NI, DAM TSIG SEMS DPA' LA SA MA YA SATVA ZHES 'BYUNG STE, DE LA SO SOR PHRAL NAS
, ,DANG PO NI SA MA TI NI YANG DAG PAR 'DU BA DANG MI LA TI NI YANG DAG PAR 'GRO BA ZHES BYA STE, GNYIS SU MED PA'I YE SHES YANG DAG PAR 'DU ZHING 'GRO BA'I GZHI YIN PAS NA DAM TSIG GO ,SEMS DPA' NI SEMS CAN GYI DON BYED PA'I PHYIR DANG RNAM PAR DAG PA'I SEMS CAN GYI THA SNYAD KYI YUL YIN PA'I PHYIR SEMS DPA' ZHES BYA'O, ,PHYI MA GNYIS LA DZNY'A NA SATVA DANG, SA MA TI SATVA ZHES 'BYUNG STE STONG PA NYID RTOGS PAS DANG THUGS RTZE GCIG TU GNAS PAS NA YE SHES DANG TING NGE 'DZIN ZHES BYA STE SEMS DPA' NI SNGAR BZHIN NO, ,RIG MA 'DU BYED PA'I TSE THA MAL PA'I BU MO'I RNAM PA CAN SNYING GA NAS DBYUNG BAR BYA STE, GZHAN DU NA STONG PAR SBYANGS SHING LHAR BSKYED PA SOGS DGOS MED DU 'GYUR BAS SO, ,YUM BZHI BSKYED PA'I SA BON SOGS MO HA RA TI SOGS MTSAN SNGAGS LA BYED PA NI MI 'THAD DE, RIGS LNGA SOGS SA BON GYI SNGAGS LAS BSKYED PA DANG MTSUNGS PA'I PHYIR RO, ,'DIR RDO RJE MA LNGA DANG SA SNYING SOGS SNYOMS PAR 'JUG TSUL NI RDO RJE MA LNGA GZHI'I LHAR BKOD NAS DE LA SA SNYING SOGS PHAR LA SNYOMS PAR 'JUG PA'I TSUL DU BYA, KHA CIG GIS KHRO MO RNAMS KYANG KHRO BO BCU DANG SBYOR BA BSKYED KYANG DE NI MI RIGS PAS KHRO MO RKYANG PA BSKYED DO, ,'O NA RIG MA'I LUS DKYIL DU'ANG 'GYUR RAM ZHE NA MA YIN TE, GNAS DE DAG TU LHA DE DAG BSKYED PA TZAM YIN GYI LUS KYI CHA DE DAG NYID LHAR BSKYED PA MED PAS SO, ,'ON KYANG PHYI ROL GYI RIG MA DNGOS LA NI LUS
KYI CHA DE DAG NYID LHAR BSKYED CING DE NYID LUS DKYIL DU'ANG BSHAD DO, ,RDO RJE DANG PADMA 'DU BYA BA'I SKABS SU PHAGS THIG LE 'GOG BYED DU BZHAG PA DANG, 'OG TU PHAGS THIG LE 'BYIN BYED DU BSHAD PA GNYIS MI 'GAL TE RIM PA BZHIN GZUGS DANG SGRA'I RNAM PA CAN YIN PAS SO SO THA DAD PA'I PHYIR RO, ,RDO RJE DANG PADMA'I NANG GNYIS KA 'OD ZER LNGAS GANG BA RGYUD 'GREL LAS BSHAD PAS NA MDOR BYAS MDO BSRE LAS RDO RJE GCIG PU LA BSHAD KYANG GNYIS KA LAS SHES PAR BYA'O, ,'DI NYID GONG DU RJES CHAGS KYI SKABS SU'ANG SHES PAR BYA'O, ,'DIR MCHOD PAR 'GYUR TSUL NI SNGA MA DAG THIG LE CHA GSUM DU BYAS NAS CHA GCIG GZHAL YAS KHANG GI SA BON DANG, CHA GCIG LHA'I SA BON DANG, CHA GCIG NANG MCHOD KYI MCHO PA BZHIN MTHEB SRIN GYIS BLANGS NAS MCHOD CE'O, ,KHA CIG YUM GYI PADMA'I NANG DU THIG LE DE NYID DKYIL 'KHOR GYI LHA TSOGS BSKYED NAS DE PHYIR SPROS NAS SEMS CAN GYI DON BYAS PA NYID RGYAL BA DGYES PA'I MCHOG YIN PAS MCHOD PA ZHE'O, , BZHED PA NA DE LTAR SNYOMS PAR ZHUGS PA'I BDE BAS RANG DANG RIG MA'I LUS KYI LHA RNAMS TSIM PA NYID DO ZHE'O, ,'DI YIS DANG PO SBYOR BA'AM RNAL 'BYOR DANG PO ZHES BYA STE, SBYOR BA'I SKAD DOD YO GA ZHES 'BYUNG BA DE NYID RNAL 'BYOR LA'ANG 'JUG PAS SO, ,RNAL 'BYOR LHAG MA GNYIS LA DKYIL 'KHOR RGYAL MCHOG GI RNAL 'BYOR LA THOG MAR RTEN GYI NI THIG LE CHA GNYIS LAS, DANG POS GZHAL YAS KHANG DANG GNYIS PA LAS LHAR BSKYED DE LHA'I BYE BRAG GIS SO GNYIS
, ,SU BYA'O, ,DE DAG LAS AOm A'A: H'Um H'Um LA SOGS PA SO GNYIS SU GYUR BAR BSAM MO, ,'DIR BSKYED SNGAGS NI, RANG SNGAGS YI GE LAS BYUNG BA, ,RDO RJE GSUM GYI BYIN RLABS BDAG ,CES GSUNGS PAS THUN MONG BA AOm A'A: H'Um DANG, THUN MONG MA YIN PA GNYIS SO, ,PHYI MA NI MDOR BYAS LO CHEN GYIS BSGYUR BA'I DPE 'GA' ZHIG LAS DZI NA DZI KA SNGAGS LAS BYUNG BA ZHES SOGS MTSAN SNGAGS BSKYED SNGAGS SU BSHAD PA DANG, DES 'GA' ZHIG TU DZI NA DZI KA GI SNGAGS KYIS DBYUNG ZHES SOGS MTSAN SNGAGS DBYUNG SNGAGS LA SBYAR TE BSHAD PA GNYIS 'BYUNG LA, DANG PO NI ZLA BAS BADZRA DHRI KA LA SOGS PA LAS BYUNG BA ZHES SOGS GSUNGS PA DANG MTHUN PAS DE LTAR BYAR YANG RUNG NGO, ,'ON KYANG 'DIR NI SEMS DPA' BRGYAD RANG GI SA BON LAS BSKYED PAR GSUNGS PAS, DES MTSON NAS GZHAN RNAMS KYANG SA BON LAS BSKYED PAR BYA STE LUS DKYIL BZHIN NO, ,DE DAG DANG GONG GI THUN MONG BA AOm A'A: H'Um RNAMS SPEL BA LAS BSKYED PAR BYA STE, RDO RJE GSUM GYIS BYIN RLABS ZHES GSUNGS PA'I PHYIR DANG, LHA MO BZHIS ZHUS PA LAS KYANG DE LTAR GSUNGS PA'I PHYIR RO ZHE'O, ,DE LAS RDO RJE LA SOGS PA'I PHYAG MTSAN BSKYED PA NI 'DI DAG TU MI GSAL YANG GZHAN DU GSAL BAR BSHAD PAS DE BZHIN DU BYA'O, ,DE NAS LHA'I SKUR BSKYED TSUL NI ZA HOR GYI MKHAS PA BTZUN MO CAN GYIS CIG CAR BSKYED PAR BSHAD LA, BHAm GA LA'I MKHAS PA MNGON SHES CAN GYIS RIM GYIS BSKYED PAR BZHED DE, DE GNYIS KA'ANG RGYUD KYI LE'U DANG PO LAS MI
BSKYOD PA BSDUS PA'I DKYIL 'KHOR DANG, GZUNGS KYI DKYIL 'KHOR DANG, SEMS DBANG GI DKYIL 'KHOR GSUM GSUNGS PA'I SKABS LA BRTEN TE'O, ,'DI LTAR DANG POS NI, DKYIL 'KHOR DANG PO'I SKABS SU SPYIR BSKYED PA DANG, GNYIS PAS NI, DKYIL 'KHOR GSUM PA'I SKABS SU BSKYED TSUL RIM CAN DU BSHAD PA LA BRTEN TE'O, ,'ON KYANG 'DIR NI PHYI MA LTAR NGES PAR BYA STE, ZLA BAS KYANG NGA RGYAL DANG ZHES BSHAD PA'I DON NI, LHA RNAMS BSKYED PA'I TSE SO SO'I NGA RGYAL BYED PA YIN LA, NGA RGYAL YANG SPYIR BYED PAR MI NUS TE, RTOG GNYIS CIG CAR MI 'JUG PAS SO,, ,,YE DHARM'A HE TU PRA BHA W'A HE TU NTE sh'ANTA TH'A GA TO HA-YA BADTA, TE sh'ANYTZA YO NI RO DHA AE WAm B'A D'I MAH'A SHRA MA nA: SARBA MANGGA LAm,, ,,