*, ,DPAL RDO RJE PHRENG BA LAS GSUNGS PA'I DRANG NGES KYI SNGAGS BTU ZHING BYIN GYIS BRLAB PA'I CHO GA RJE'I GSUNG BZHIN ZIN BRIS SU BKOD PA BZHUGS SO, ,
, ,RJE BTZUN DAM PA 'JAM PA'I DBYANGS DANG DBYER MA MCHIS PA SHAR TZONG KHA PA THAMS CAD MKHYEN PA'I ZHABS LA DUS THAMS CAD DU PHYAG 'TSAL ZHING SKYABS SU 'CHI'O, ,BRTZE BA CHEN POS DUS THAMS CAD DU RJES SU BZUNG DU GSOL, ,RNAL 'BYOR CHEN PO'I RGYUD DPAL RDO RJE 'PHRENG BA'I LE'U BCO LNGA PA DANG, NYI SHU RTZA GNYIS PA GNYIS LAS, DRANG NGES KYI YI GE GSUM GYI SNGAGS BTU BA DANG BYIN RLABS BYA BA'I TSUL LA GSUM, SBYOR BA DANG, DNGOS GZHI DANG, MJUG GI BYA BA'O, ,DANG PO LA GSUM, SLOB MA SNOD RUNG DU BYAS NAS BLA MA MNYES PAR BYA BA, BTU GZHI'I SNGAGS BKOD NAS DE LAS SNGAGS BTU BA, BTUS PA'I SNGAGS LA PHYI NANG GI MCHOD PAS RGYAS PAR MCHOD PA'O, ,DANG PO NI, GSER DANG DO SHAL GOS DANG NI, ,RIN CHEN SNA TSOGS YON TAN MCHOG ,BRAN DANG LAS BYED GRANGS MED DANG, ,DAD CING GUS PA LA SOGS KYIS, ,JI LTAR BZHED PA STAN PA LA, ,RNYED PAR DKA' BA'I DNGOS GRUB KYIS, ,SNGAGS KYI DON STON BLA MA NI, ,DGONGS PA YONGS SU RDZOGS PAR BYA, ,ZHES GSUNGS PA'I DON SLOB MA DPAL GSANG BA 'DUS PA'I DBANG YONGS SU RDZOGS PA THOB, DAM TSIG DANG SDOM PA LA GNAS, RIM GNYIS KYI MAN NGAG DANG LDAN PAS BLA MA LA PHYI NANG GSANG BA'I MCHOD PA DANG YON GYIS MNYES PAR BYA'O, ,GNYIS PA NI, PHYAG BYAS
, ,RDO RJE SNGAGS PA YIS, ,YANG DAG BZUNG NAS 'BRAS BU'I DON, ,MI YI RUS PA'I SNYUG GU DANG, ,SA GZHI RIN CHEN RAB 'BAR BA, ,YANG NA DUR KHROD THAL BA NI, ,RAB BRDAL DNGOS GRUB STER BAR BYED, ,THOG MAR DBANG BSKUR BLANG BYAS NAS, ,MDUN DU DKYIL 'KHOR LA SOGS BYA, ,BGEGS MTHAR BYED PA'I GTOR MA NI, ,CHEN PO GTZUG LAG KHANG DU SBYIN, ,SKU GSUNG THUGS NI SGRUB BYED PA'I, ,MTSUNGS PA MED PA'I SNGAGS BTU BYA, ,DANG PO YI GE'I THOG MA BRI, ,DBYANGS YIG LNGA PAR YANG DAG LDAN, ,SDE TSAN THA MA'I MTHA' CHA LDAN, ,SKU YI SA BON DU NI BRJOD, ,THOG MA'I YI GE NYIS 'GYUR LA, ,AUshMA NA YI CHA DANG LDAN, ,MTSUNGS PA MED PA'I SNGAGS BTU BYA, ,GSUNG GI RDO RJE SNYING PO MCHOG ,AUshMA NA YI CHA DANG BCAS, ,DBYANGS YIG DRUG PAS YANG DAG LDAN, ,SDE TSAN THA MA'I MTHA' CHAR BCAS, ,THUGS KYI RDO RJE'I GO 'PHANG GSAL, ,SKU GSUM RDO RJE'I DAM TSIG GSUM, ,'JIG RTEN GSUM YANG 'GRUB PAR BYED, ,CES GSUNGS PA LTAR, SA GZHI BDUD RTZI LNGA DANG BA BYUNG GIS SKYANG NUL GYIS DAG PAR BYAS LA RIN PO CHE SNA LNGA GANG 'GRUB KYI PHYE MA BRDAL BA'AM, DUR KHROD KYI THAL BAS KYANG RUNG STE, DE DAG BRDAL BA'I GZHI LA, ZUR GSUM PA'I CHOS 'BYUNG GI THIG BTAB LA, DE'I DBUS SU SNA TSOGS PADMA 'DAB BRGYAD SPYI 'GRO LTAR TSON
GYIS BRIS, SHAR GYI 'DAB MA LA A'A LI BCU DRUG ,DE NAS BRTZAMS PA'I 'DAB MA BDUN LA, KA CA tA TA PA YA SHA'I SDE PA'I YI GE RNAMS MA TSANG BA MED PAR LEGS PAR 'DRI, DE LTAR BTU BA'I GZHI LEGS PAR 'DUS BYAS NAS, RIM GNYIS KYI MAN NGAG NYAN PA'I SKABS SAM, RGYUD 'GREL GYI BSHAD PA'I SKABS GANG RUNG LA, SLOB DPON DANG MTSAN NYID LDAN PA'I SLOB MAS DKYIL 'KHOR BSGRUB CING MCHOD, TSOGS LA LONGS SPYAD PA'I RJES SU, THOG MAR DBANG BSKUR BLANG BYAS NAS, ,MDUN DU DKYIL 'KHOR LA SOGS BYA, ,BGEGS MTHAR BYED PA'I GTOR MA NI, ,CHEN PO GTZUG LAG KHANG DU SBYIN, ,ZHES PA'I DON KHRO BO BCU DANG PHYOGS SKYONG BCO LNGA LA 'BUL RGYU'I PHYI NANG GI MCHOD PA GTOR MA BZANG PO RGYAN DANG BCAS PA GNYIS LEGS PAR BSHAM, GTOR MA DANG CHO GA'I SKYED CHOG BYIN RLABS CHO GA'I GZHUNG BZHIN YONGS SU RDZOGS PAR BYAS LA, RANG NYID ZHE SDANG RDO RJE SEMS DPA' SUM BRTZEGS CAN GYI NGA RGYAL BRTAN PO LA GNAS PA'I H'Um SNGON PO'I 'OD ZER LCAGS KYU'I RNAM PA CAN GYIS KHRO BO BCU DANG PHYOGS SKYONG BCO LNGA 'KHOR DANG BCAS PA SPYAN DRANGS TE PHYI NANG GI PHYOGS MTSAMS RNAMS SU GNAS PA NI, NANG GI SHAR DU GSHIN RJE GSHED NAG PO RNAM SNANG GI DBU RGYAN CAN NAG DKAR DMAR BA'I ZHAL GSUM PHYAG DRUG GI GA-YAS DBYUG PA 'KHOR LO RDO RJE, GA-YON THUGS KAR ZHAGS PA BZUNG NAS SDIGS MDZUB MDZAD CING DRIL BU DGRA STA 'DZIN PA, ZHES PA NAS SKU LAS SKYES PA'I YE SHES KYI ME RAB TU 'BAR BA'I DBUS NA GDUG PA CAN THAMS CAD TSAR GCOD PA'I
, ,TSUL GYIS BZHUGS PAR GYUR, ZHES PA'I BAR THUN MONG DANG THUN MONG MA YIN PA'I SKU MDOG RGYAN CHA LUGS SGRUB THABS BZHIN GSAL BAR BSKYED, PHYI'I SHAR DU RDO RJE MTSON CHA SER PO MIG STONG PA SA SRUNGS DKAR PO LA ZHON PA, GA-YAS RDO RJE, GA-YON SDIGS MDZUB CES PA NAS SA'I LHA MO SER MO PADMA LA GNAS PA PADMA 'DZIN PA DBANG PO LA SOGS PA'I 'JIG RTEN PA RNAMS SKAD CIG GIS 'OD GSAL DU BCUG PA LAS 'DUS PA'I LHA SHES RAB MA DANG BCAS PA'I SKUR BZHENGS PA'I LJAGS H'Um LAS SKYES PA'I RDO RJE RTZE GCIG PA DMAR PO 'OD KYI SBU GU CAN RNAMS SU GYUR, DE NAS CHU BZHI PHUL TE, KHRO BO RNAMS LA GRUB NA 'DUS PA'I RGYUD NAS GSUNGS PA'I PHRENG SNGAGS KYIS GTOR MA DBUL, DE MA GRUB NA MKHA' 'GRO MA RDO RJE GUR NAS GSUNGS PA'I KHRO BO'I PHRENG SNGAGS KYIS GTOR MA PHUL NA PHAN YON CHES SHIN TU CHE BAR RGYUD NAS GSUNGS PA LTAR BYA, DE TZAM MA GRUB NA AOm A'A: YA M'ANTA KRiTA H'Um, ZHES SOGS RANG RANG GI MTSAN SNGAGS KYIS GZHUNG LTAR PHUL, PHYOGS SKYONG LA AOm A'A: DUS GSUM SKYES PA KUN DANG, ZHES PA NAS ZHI BA DANG NI BSRUNG BAR MDZAD DU GSOL, ,DE NAS ZHAL BSIL, MCHOD YON, SO RTZI RNAMS PHUL, AOm A'A: BADZRA MAH'A KRO DHA R'A JA SA PA RI W'A RA PUshPA PRA T'I TZTSA H'Um ZHES PA NAS, SHAPTA NYER SPYOD ROL MO'I BAR PHYI'I MCHOD PA DANG, NANG GI MCHOD PAS MCHOD, H'Um CHOS DBYINGS STONG PA GNYIS MED NGANG NYID LAS, ZHES SOGS RDO RJE DRIL THABS DBYANGS KYI NGA RO DANG BCAS PAS KHRO BO RNAMS LA BSTOD, H'Um SA YI PHYOGS
NI 'DI NYID DU, ,GSANG BA 'DUS PA MNGON BRJOD PA'I, ,RNAL 'BYOR CHEN PA'I DAM TSIG RGYUD, ,DUS KUN TU NI SPYOD 'GYUR ZHING, ,RGYUN DU DE DON SGRUB PA DANG, ,SRUNG BA'I DON DU RTAG TU NI, ,GSHIN RJE GSHED SOGS KHRO BO BCUS, ,BGEGS RNAMS LA NI PHUR BU THOB, ,CES LAN GSUM DU BYA'O, ,DE LTAR KHRO BO DANG ZHING SKYONG LA GSOL BA BTAB BGEGS BSAL NAS, SNGAGS BTU BA DNGOS NI, DANG PO YI GE'I THOG MA 'DRI, ,DBYANGS YIG LNGA PAR YANG DAG LDAN, ,SDE TSAN THA MA'I MTHA' CHA LDAN, ,SKU YI SA BON DU NI BRJOD, ,CES PA'I DON DBYANGS YIG DANG PO'I AA THUNG DU BTUS LA, DE NAS DBYANGS LNGA PA'I AU THUNG DU BTU ZHING, AA'I YI GE AU YIG MTHONG BA LAS, SGRA MDO LAS, AA'I YI GE AU'I YI GE LA AO STE PHA ROL YANG DBYI'O, ,ZHES PA LTAR AA DANG AU MTSAMS SBYAR TE AOR BYAS LA, AA AU GNYIS DBYI, SDE TSAN THA MA PA SDE'I THA MA MA YIG RJES SU NGA ROR BYIN LA, BTU GZHI'I DBYANGS GSAL BKOD PA'I PADMA'I LTE BA'I STENG DU BKOD DE SKU RDO RJE'I SA BON DU BRJOD DE SHES PAR BYA'O, ,YI GE GNYIS PA AA BTU BA NI, THOG MA'I YI GE NYIS 'GYUR LA, ,AUshMA NA YI CHA DANG LDAN, ,ZHES PA'I DON AA THUNG DU GNYIS BTUS LA, SGRA MDO LAS, MTSUNGS PA 'DRA BA'I YI GE LA RING POR 'GYUR TE, ZHES PA LTAR, AA GNYIS MTSAMS SBYAR NAS, AA RING PO GCIG TU BYAS TE PADMA'I LTE BAR AOm GYI 'OG TU DGOD, AUshMA NA'I CHA HA YIG SROG MED TSIG DRAG TU BYAS LA GSUNG RDO RJE'I SNYING PO MCHOG TU SHES PAR BYA'O, ,DE NAS H'Um YIG BTU BA NI, AUshMA NA YI CHA DANG BCAS, ,DBYANGS YIG DRUG PAR YANG DAG LDAN, ,
, ,SDE TSAN THA MA'I MTHA' CHAR BYAS, ,ZHES PA'I DON AUshMA NA MTHA'I YI GE HA DANG DBYANGS YIG DRUG PA AU DANG, SDE TSAN THA MA'I MTHA'I CHA MA RNAMS BTUS LA, HA DANG DBYANGS YIG DRUG PA MTSAMS SBYAR BAS H'Um, DE LA SDE TSAN THA MA'I MTHA' CHA MA YIG KLAD KOR DU BYIN PA'I H'Um GRUB PA NI PADMA'I LTE BAR A'A'I 'OG TU DGOD, DE RNAMS NI DRANG DON GYI SNGAGS BTU BA'I TSUL LO, ,NGES DON GYI SNGAGS BTU TSUL NI SNGAGS KYI BYIN RLABS DNGOS GZHI'I SKABS SU 'CHAD PAR 'GYUR RO, ,GSUM PA BTUS PA'I SNGAGS LA PHYI NANG GI MCHOD PAS RGYAS PAR MCHOD PA NI, BGEGS MTHAR BYED KYIS BSANGS, SH'U N+YA T'AS STONG PAR SBYANGS, STONG PA'I NGANG LAS SKAD CIG GIS RDO RJE'I RA BA GUR BLA BRE ME RI DANG BCAS PA YONGS SU RDZOGS PA'I DBUS SU CHOS 'BYUNG DKAR PO ZUR GSUM PA GDENGS KA CHE BA GYEN DU PHYOGS PA RTZE MO PHRA BA THUR DU ZUG PA'I DBUS SU SNA TSOGS PADMA 'DAB MA BRGYAD PA'I LTE BAR NYI MA'I DKYIL 'KHOR LA GNAS PA'I AOm A'A: H'Um LAS RDO RJE AOm A'A: H'Um GIS MTSAN PA YONGS SU GYUR PA LAS RDO RJE 'CHANG SNGON PO MI BSKYOD PA'I DBU RGYAN CAN SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA GA-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN MTSAN BZANG PO SO GNYIS DANG, DPE BYAD BZANG PO BRGYAD CUS BRGYAN PA, REG BYA RDO RJE MA SNGON MO MI BSKYOD PA'I DBU RGYAN CAN SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS
PA SHIN TU SGEG CING BZHIN 'DZUM BAG DANG LDAN PA, ZUR GYIS BLTA BA LA SOGS PA'I RNAM 'GYUR GYIS MDZES PA LANG TSO DAR LA BAB CING 'DOD PA'I YON TAN LNGA'I DGA' BAS ROL PA, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, GNYIS KA'ANG RIN PO CHE'I DBU RGYAN GSOL BA, RIN PO CHE'I SNYAN RGYAN DANG, SNYAN GONG AUTPA LA'I GDENGS KA DANG DAR DBYANGS KYIS MDZES PAR BYAS PA, RIN PO CHE'I MGUL RGYAN DANG, MU TIG GI SE MO DO DANG, RIN PO CHE'I DO SHAL DANG, PHYAG GDUB DANG, ZHABS GDUB DANG, RIN PO CHE'I 'OG PAG STE RIN PO CHE'I RGYAN BRGYAD KYIS BRGYAN PA SKU STOD LHA RDZAS KYI GOS KYI GA SHAL BYAS SHING SKU SMAD LHA RDZAS KYI DAR GYI SHAM THABS CAN, 'OD KYI DKYIL 'KHOR RAB TU 'BAR BA'I DBUS NA RDO RJE SKYIL MO KRUNG GIS BZHUGS PA, DE'I SPYI GTZUG NAS SKRA MTSAMS KYI BAR DU AOm DKAR PO YONGS SU GYUR PA LAS RNAM SNANG DKAR PO, SKRA MTSAMS NAS MGRIN PA'I BAR DU A'A: DMAR PO YONGS SU GYUR PA LAS 'OD DPAG MED DMAR PO, MGRIN PA NAS NU MA GNYIS KYI DBUS KYI SNYING GA'I BAR DU H'Um SNGON PO YONGS SU GYUR PA LAS MI BSKYOD PA SNGON PO, SNYING GA NAS LTE BA'I BAR DU SV'A SER PO YONGS SU GYUR PA LAS RIN 'BYUNG SER PO, LTA BA NAS BRLA'I RTZA BA'I BAR DU HA LJANG GU YONGS SU GYUR PA LAS DON GRUB LJANG GU, LNGA GA MI BSKYOD PA'I DBU RGYAN CAN NO, ,LTE BAR Lm LAS SPYAN MA DKAR MO RNAM SNANG GI DBU RGYAN CAN, SNYING GAR Mm LAS M'A MA K'I SNGON MO MI BSKYOD PA'I DBU RGYAN CAN, MGRIN PAR Pm LAS GOS
, ,DKAR MO DMAR MO 'OD DPAG MED KYI DBU RGYAN CAN, SPYI GTZUG TU T'm LAS SGROL MA LJANG GU DON GRUB KYI DBU RGYAN CAN, MIG GNYIS SU THL'Im YONGS SU GYUR PA LAS SA SNYING DKAR PO RNAM SNANG GI DBU RGYAN CAN, MIG GI SGOR DZA: YONGS SU GYUR PA LAS GZUGS RDO RJE MA DKAR MO RNAM SNANG GI DBU RGYAN CAN, YAB YUM GNYIS KYI PHYAG DANG PO GNYIS KYIS PHAN TSUN DU 'KHYUD PA, RNA BAR AOm YONGS SU GYUR PA LAS PHYAG RDOR SER PO RIN 'BYUNG GI DBU RGYAN CAN, RNA BA'I SGOR H'Um YONGS SU GYUR PA LAS SGRA RDO RJE MA SER MO RIN 'BYUNG GI DBU RGYAN CAN, SNAR AOm YONGS SU GYUR PA LAS NAM SNYING SER PO RIN 'BYUNG GI DBU RGYAN CAN, SNA'I SGOR Pm YONGS SU GYUR PA LAS DRI RDO RJE MA DMAR MO 'OD DPAG MED KYI DBU RGYAN CAN, LCE'I RTZA BAR AOm YONGS SU GYUR PA LAS 'JIG RTEN DBANG PHYUG DMAR PO 'OD DPAG MED KYI DBU RGYAN CAN, LCE'I SGOR HO: YONGS SU GYUR PA LAS RDO RJE MA LJANG GU DON GRUB KYI DBU RGYAN CAN, RDO RJE LA AOm YONGS SU GYUR PA LAS SGRIB SEL LJANG GU DON GRUB KYI DBU RGYAN CAN, RDO RJE'I SGOR KHm YONGS SU GYUR PA LAS REG BYA RDO RJE MA SNGON MO MI BSKYOD PA'I DBU RGYAN CAN, SNYING KAR H'Um YONGS SU GYUR PA LAS 'JAM DPAL DMAR PO 'OD DPAG MED KYI DBU RGYAN CAN, TSIGS RNAMS LA Sm YONGS SU GYUR PA LAS KUN BZANG LJANG GU DON GRUB KYI DBU RGYAN CAN, SPYI GTZUG TU MEEm YONGS SU GYUR PA LAS BYAMS PA DKAR PO RNAM SNANG GI DBU RGYAN CAN, RNAM SNANG NAS BYAMS PA'I BAR GYI LHA THAMS CAD RIN PO CHE'I RGYAN DANG DAR SNA
TSOGS PA'I NA BZA' CAN, LAG PA GA-YAS LA H'Um YONGS SU GYUR PA LAS GSHIN RJE GSHED NAG PO RNAM SNANG GI DBU RGYAN CAN, LAG PA GA-YON LA H'Um YONGS SU GYUR PA LAS SHES RAB MTHAR BYED DKAR PO RIM 'BYUNG GI DBU RGYAN CAN, KHA LA H'Um YONGS SU GYUR PA LAS RTA MGRIN DMAR PO 'OD DPAG MED KYI DBU RGYAN CAN, RDO RJE LA H'Um YONGS SU GYUR PA LAS BDUD RTZI 'KHYIL PA SNGON PO DON GRUB KYI DBU RGYAN CAN, DPUNG PA GA-YAS PA'I RTZA BAR H'Um YONGS SU GYUR PA LAS MI GA-YO BA NAG PO RNAM SNANG GI DBU RGYAN CAN, DPUNG PA GA-YON PA'I RTZA BAR H'Um YONGS SU GYUR PA LAS 'DOD PA'I RGYAL PO SNGON PO RIN 'BYUNG GI DBU RGYAN CAN, PUS ME GA-YAS LA H'Um YONGS SU GYUR PA LAS DBYUG SNGON CAN SNGON PO 'OD DPAG MED KYI DBU RGYAN CAN, PUS MO GA-YON LA H'Um YONGS SU GYUR PA LAS STOBS PO CHE SNGON PO DON GRUB KYI DBU RGYAN CAN, SPYI GTZUG TU H'Um YONGS SU GYUR PA LAS GTZUG TOR 'KHOR LOS SGYUR BA SNGON PO MI BSKYOD PA'I DBU RGYAN CAN, RKANG MTHIL GNYIS SU H'Um YONGS SU GYUR PA LAS GNOD MDZES RGYAL PO SNGON PO MI BSKYOD PA'I DBU RGYAN CAN, KHRO BO BCU PO THAMS CAD KYANG DBU SKRA DMAR SER GYEN DU BRDZES PA SOGS KHRO BO'I NYAMS THAMS CAD YONGS SU RDZOGS PA ZHES PA'I BAR, SKU'I DKYIL 'KHOR LA GNAS PA'I MNGON RTOGS RNAMS SGRUB THABS JI LTA BA BZHIN BSGOMS LA, LHA THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, THUGS KA'I H'Um LAS 'OD ZER 'PHROS PAS 'DUS PA'I DKYIL 'KHOR RTEN DANG BRTEN PAR BCAS PA LA SANGS RGYAS
, ,BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, CHU NYER SPYOD ROL MO DANG BCAS PAS MCHOD, DZA: H'Um BAm HO: SPYAN DRANGS PA'I YE SHES PA'I DKYIL 'KHOR RTEN DANG BRTEN PAR BCAS PA DAM TSIG PA SO SO DANG RO GCIG TU GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYI BYANG CHUB KYI SEMS KYI CHU RGYUN GYIS LHA SO SO LA DBANG BSKUR, DE LTAR BTUS PA'I SNGAGS YI GE GSUM LAS LHA SO GNYIS YONGS SU RDZOGS PA'I DKYIL 'KHOR LA 'BRU GSUM GYI RNAM PA MA DOR BA RNAMS MCHOD PA'I YUL DU BYAS LA, DE DAG LA MCHOD RDZAS CHU NYER SPYOD 'DOD YON SOGS BZANG ZHING GYA NOM PA GA-YAS SKOR DU BKOD PAS MDZES PAR BSHAMS LA, BSANG SBYANG BSKYED CHOG NAS BDAG NYID 'BUL BA'I BAR CHO GA'I GZHUNG BZHIN DU BYA, RGYUD KYI STON PA RDO RJE 'CHANG LA RIGS LNGA'I YON TAN GYI SGO NAS BSTOD PA, MI BSKYOD RDO RJE YE SHES CHE ZHES SOGS KYIS BSTOD DE, DE LTAR SNGON 'GRO SBYOR BA'I CHOS RNAMS LEGS PAR GRUB NAS, SNGAGS KYI RJES GNANG DNGOS GZHI JI LTAR BYA BA'I TSUL LA, DRANG DON GYI SNGAGS BTU BA'I BYIN RLABS, NGES DON GYI SNGAGS BTU BA'I BYIN RLABS GNYIS, DANG PO NI, SLOB MA RNAMS LAS THAMS CAD PA BZLAS PA'I BUM PA'I CHUS KHRUS BYAS, NANG DU 'ONGS MAndAL DANG YON PHUL STAN LA 'DUG PA LA, SLOB DPON RANG NYID LHA'I RNAL 'BYOR LA GNAS PAS, SLOB MA RNAMS RDO RJE 'CHANG SNGON PO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG
DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN, MTSAN BZANG PO SO GNYIS DANG, DPE BYAD BZANG PO BRGYAD CUS BRGYAN PA, REG BYA RDO RJE MA SNGON MO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI GA-YAS RDO RJE 'KHOR LO PADMA, GA-YON DRIL BU RIN CHEN RAL GRI 'DZIN PA, DBU SKRA RAL PA PHYED BCINGS SU BYAS PA ZHES PA NAS 'OD KYI DKYIL 'KHOR RAB TU 'BAR BA'I DBUS NA YAB RDO RJE'I SKYIL MO KRUNG GIS BZHUGS PA'I BAR DMIGS PA RNAMS BRDA SPROD CING BSGOM DU GZHUG ,DE RNAMS KYI SPYI BOR AOm DKAR PO, MGRIN PAR A'A: DMAR PO, THUGS DKAR H'Um SNGON PO, RANG DANG SLOB MA'I SPYI BO'I AOm DKAR PO LAS SPYAN MA'I TSOGS NAM MKHA' GANG BA SPROS PAS SKAD CIG GIS SKU RDO RJE RNAM PAR SNANG MDZAD KYI LHA'I TSOGS NAM MKHA' GANG BA SPYAN DRANGS PA'I DBUS NA BZHUGS PA'I BDAG PO RNAM PAR SNANG MDZAD SPYAN MA DANG SBYOR BA'I MDUN NA SLOB MA 'KHOD PA'I MOS PA BYED DU GZHUG LA, DPAL LDAN SANGS RGYAS SKU 'CHANG BA, ,RDO RJE MI PHYED GSUM BSGOM PA, ,DENG BDAG BYIN GYIS BRLABS NAS SU, ,RDO RJE'I SKU NI MDZAD DU GSOL, ,ZHES SKU GSUNG THUGS KYI RDO RJE GSUM DBYER MI PHYED PA RDO RJE 'CHANG DU BSGOM PA BDAG GI LUS DA LTA NYID DU SKU RDO RJE'I NGO BOR BYIN GYIS BRLAB TU GSOL, ,ZHES GTZO BO LA GSOL BA GDAB TU GZHUG CING, 'KHOR RNAMS LA, PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOM PA, ,DANG BDAG BYIN GYIS
, ,BRLABS NAS SU, ,RDO RJE'I SKU NI MDZAD DU GSOL, ,ZHES GSOL BA BTAB PAS, SPROS PA'I SPYAN MA DANG SPYAN DRANGS PA'I RNAM SNANG GI LHA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS SNYOMS PAR ZHUGS, MCHOG TU DGA' BA'I BDE BA MYONG, 'OD ZER DKAR PO'I NGO BOR ZHU BA YE SHES SEMS DPA'I TSUL GYIS SLOB MA RNAMS KYI SPYI GTZUG RNAM PAR SNANG MDZAD KYI SGO NAS ZHUGS, YE SHES KYI SA THOB PAS LUS THAMS CAD GANG STE TSIM PAS SKU'I DBANG PHYUG THOB PAR BSAM DU GZHUG LA, SANGS RGYAS KUN GYI SKU GANG YIN, ,PHUNG PO LNGA YIS RAB BKANG BA, ,SANGS RGYAS SKU YI NGO BO NYID, ,BDAG KYANG DE DANG 'DRA BAR SHOG ,AOm SARBA TA THA' GA TA K'A YA BADZRA SVA BH'A BA A'ATAMA KO NYAHAm ZHES DE BSHIN GSHEGS PA THAMS CAD KYI SKU RDO RJE'I RANG BZHIN GYI BDAG NYID CAN NO, ,ZHES NGA RGYAL 'DZIN DU GZHUG ,RANG DANG SLOB MA RNAMS KYI LCE'I DBUS SU A'A: DMAR PO 'OD ZER KHA DOG LNGA 'PHRO BA LAS GOS DKAR MO'I TSOGS NAM MKHA' GANG BA SPROS PAS SKAD CIG GIS GSUNG RDO RJE 'OD DPAG MED KYI TSOGS NAM MKHA' GANG BA SPYAN DRANGS PA'I DBUS NA BZHUGS PA'I BDAG PO'I 'OD DPAG MED GOS DKAR MO DANG SBYOR BA'I BDUN NA SLOB MA RNAMS 'KHOD PA'I MOS PA BYED DU GZHUG LA, CHOS KYIS GSUNG LAM DPAL LDAN PA, ,RDO RJE MI PHYED GSUM BSGOM PA, ,DENG BDAG BYIN GYIS BRLABS NAS SU, ,RDO RJE'I GSUNG NI MDZAD DU GSOL ZHES SLOB MA RNAMS SU GSUNG THUGS KYI RDO RJE GSUM DBYER MI PHYED PA RDO RJE 'CHANG DU BSGOM PA'I DAG
DA LTA NYID DU GSUNG RDO RJE 'OD DPAG MED KYI NGO BOR BYIN GYIS BRLAB TU GSOL, ,ZHES GTZO BO LA GSOL BA GDAB TU GZHUG CING ,'KHOR RNAMS LA, PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOM PA, ,DED BDAG BYIN GYIS BRLABS NAS SU, ,RDO RJE'I GSUNG NI MDZAD DU GSOL, ,ZHES GSOL BA BTAB PAS SPROS PA'I GOS DKAR MO DANG SPYAN DRANGS BA'I 'OD DPAG MED KYI LHA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS SNYOMS PAR ZHUGS, MCHOG TU DGA' BA'I BDE BA MYONG, 'OD ZER DMAR PO'I NGO BOR ZHU BA YE SHES SEMS DPA'I TSUL GYIS SLOB MA RNAMS KYI LCE LA THIM STE GSUNG GI DBANG PHYUG THOB PAR MOS PA BYED DU BZHUG LA, RDO RJE CHOS KYI GSUNG ZHES SOGS RKANG PA BZHI BRJOD, AOm SARBA TA TH'A GA TA W'A KA BADZRA SVA BH'A BA A'ATAMA KONYA HAm, DE BZHIN GSHEGS PA THAMS CAD KYI GSUNG RDO RJE'I RANG BZHIN DA DA'O SNYAM DU NGA RGYAL 'DZIN DU GZHUG, RANG DANG SLOB MA RNAMS KYI THUGS KAR H'Um LAS RDO RJE SNGON PO RTZE LNGA PA'I LTE BA'I NANG DU H'Um SNGON PO 'OD ZER KHA DOG LNGA 'PHRO BA LAS M'A MA K'I'I TSOGS NAM MKHA' GANG BA SPROS PAS SKAD CIG GIS THUGS RDO RJE MI BSKYOD PA'I LHA'I TSOGS NAM MKHA' GANG BA SPYAN DRANGS PA'I DBUS NA BZHUGS PA'I BDAG PO MI BSKYOD PA M'A MA K'I DANG SBYOR BA'I MDUN NA SLOB MA RNAMS GNAS PAR SEMS SU GZHUG LA, DPAL LDAN SANGS RGYAS THUGS 'CHANG BA, ,RDO RJE MI PHYED GSUM BSGOM PAS, ,DENG BDAG BYIN GYIS BRLABS NAS SU, ,RDO RJE'I THUGS SU MDZAD DU GSOL, ,ZHES GTZO BO LA RDO RJE GSUM DBYER
, ,MI PHYED PA RDO RJE 'CHANG DU BSGOM PAS BDAG GI SEMS THUGS RDO RJE MI BSKYOD PA'I NGO BOR DA LTA NYID DU BYIN GYIS BRLAB TU GSOL, ,ZHES GTZO BO LA GSOL BA BTAB TU GZHUG CING, DE BZHIN DU 'KHOR RNAMS LA, PHYOGS BCUR GZHUGS PA'I SANGS RGYAS RNAMS, ,RDO RJE MI PHYED GSUM BSGOM PA, ,DENG BDAG BYIN GYIS BRLABS NAS SU, ,RDO RJE'I THUGS SU MDZAD DU GSOL ZHES GSOL BA BTAB PAS, SPROS PA'I M'A MA K'I DANG SPYAN DRANGS PA'I MI BSKYOD PA'I LTA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS SNYOMS PAR ZHUGS MCHOG TU DGA' BA'I BDE BA MYONG, 'OD ZER NAG PO'I NGO BOR ZHU BA YE SHES SEMS DPA'I TSUL GYIS SLOB MA RNAMS KYI SNYING KAR ZHUGS YE SHES KYI SA THOB PAS LUS THAMS CAD GANG NAS TSIM PAS THUGS KYI DBANG PHYUG THOB PA'I MOS PA BYED DU GZHUG LA, KUN TU BZANG PO'I THUGS GANG YIN, ,GSANG BA'I DBANG THOB BLO LDAN PA, ,BDAG KYANG DE DANG 'DRA 'GYUR ZHING, ,RDO RJE 'DZIN DANG MTSUNGS 'GYUR SHOG ,AOm SARBA TA TH'A GA TA TZI TTA BADZRA SVA BH'A WA A'A TMA KO NYAHAM ZHES DE BZHIN GSHEGS PA THAMS CAD KYI THUGS RDO RJE'I RANG BZHIN DE NGA'O SNYAM DU NGA RGYAL 'DZIN DU GZHUG ,SGO GSUM BYIN GYIS BRLABS PA'I SKABS RNAMS KYI YE SHES KYI SA THOB CE PA'I DON NI, 'KHOR GSUM PO RNAMS RANG BZHIN GYIS GRUB PAS STONG BA'I STONG PA NYID RTOGS PA'I LTA BAS ZIN DGOS PA'I DON TE, RTZA RGYUD LE'U GNYIS PA LAS, SKU DANG GSUNG DANG THUGS NAM MKHA' LTA BUR SBYAR NAS ZHES PA'I DON NO, ,DE NAS
SLOB MA RNAMS DE BZHIN GSHEGS PA THAMS CAD KYI SKU GSUNG THUGS KYI RDO RJE GSUM DBYER MI PHYED PA RDO RJE 'CHANG CHEN PO'I NGO BOR MOS PA BYED DU GSHUG ,AOm SARBA TA TH'A GA TA K'A YA W'A KA TZITTA BADZRA SVA BH'A WA A'A TMA KO NYA HAM, ZHES SKU GSUNG THUGS KYI RDO RJE GSUM DBYER MI PHYED PA RDO RJE 'CYANG CHEN POR MO9S SU GZYHG GO ,DRANG DON GYI 'BUR GSUM BTU BA DANG BYIN GYIS BRLAB PA'I TSUL LO, ,NGES DON GYI YI GE GSUM BTU ZHING BYIN GYIS RLOB PA'I TSUL NI, NGES DON GYI AOm YIG LA AA DANG AU DANG MA GSUM YOD PA LAS; RDO RJE PHRENG BA LAS, AA NI CHOS 'KHOR PADMAR GNAS, ,RLUNG GI 'KHOR LO LA NI KHYAB, ,'DI NYID KHO NA RLUNG CHEN PO, ,SROG CES BYA BA THAMS CAD GSUNGS, ,ZHES AOm YIG GI YI TE GSUM GYI AA'I NGES DON NI, SNYING GA CYOS KYI 'KHOR LO'I PADMAR GNAS PA'I AA YIG LA BSHAD DO, ,AU YIG NI PHRENG BA'I 'GYUR DAG PA LAS, AU NI LOONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPYI GTZUG MTHAR, ,KHYAB PA GZI BRJID KYI NI LUS, ,ZHES AU YIG GE NGES DON MGRON PA LONGS SPYOD KYI 'KHOR LO NAS BDE CHEN GYI 'KHOR LO'I BAR LA KYAB PA GYEN RGYU'I RLUNG DU BSHAD DO, ,DE NYID LAS, BDEN CHEN 'KHOR LO ZHES BYAR GNAS, ,YI TE MA NI THIG LE TZAM, ,MTHO BA'I TSAD NI SOR BCU GNYIS, , RGYAL PO'I RTZUG TOR GNAS NA GNAS, ,MZHES MA YIG GI NGES DON SMIN MTSAMS NAS SOR BCU GNYIS GZHAL BA'I GTZUG TOR GYI GNAS NA GNAS PA'I BYANG SEMS THIG LER BSHAD DO, ,DRANG DON LA AA AU MA MA GSUM MTSAMS SBYAR
, ,BA'I AOm YIG SPYI BOR DGOD PA BZHIN DU SLOB MA RNAMS RDO RJE 'CHANG DU GSAL BA'I SROG 'DZIN DANG GYEN RGYU DANG HAm GI THIG LE GSUM BDE CHEN 'KHOR LO'I RTZA MDUD KYI DH'U T'IR TING NGE 'DZIN GYI STOBS KYIS BCINGS PA LAS YAS BABS KYI TSE DGA' BA'I YE SHES KYI 'GO RTZOM, MAS BRTAN GYI TSE LHAN CIG SKYES DGA'I YE SHES YONGS SU RDZOGS PA SKYE ZHING DE NGO SPRAD LA MOS PA BYED DU GZHUG, NGES DON GYI AOm YIG BTUS TE BYIN GYIS BRLAB TSUL LO, ,NGES DON GYI AA YIG BTU TSUL NI, YI GE AA NI SNGAR BSHAD ZIN, ,SROG GI RLUNG NI MCHOG YIN NO, ,ZHES PA DANG, AA NI CHOS 'KHOR PADMA LAS, ,MGRIN PAR YI GE AA NYIS 'GYUR, ,SROG NYID DANG NI THUR LEL BA, ,YI GE HA YIS KUN NAS NI, ,MGRIN PA'I DBUS NA GNAS PA BCINGS, ,ZHES SNYING GA'I SROG 'DZIN DANG, MGRIN PA'I GYEN RGYU GNYIS AA YIG NYIS 'GYUR A'A RING PO'I DON DANG, HA YIS MTSON PA'I MTSON DON THUR SEL GSUM AA YIG MGRIN PAR 'GOD PA'I DOD, LONGS SPYOD 'KHOR LO'I RTZA MDUD KYI DH'U T''I'I NANG DU TING NGE 'DZIN GYI STOBS KYIS BCINGS PA LAS YAS BABS KYI TSE DGA' BA'I YE SHES MTSAN NYID TSANG BA DANG, MAS BRTAN GYI TSE LHAN SKYES DE NYID LAS PHYE BA'I KHYAD DGA'I YE SHES SKYE BAR NGO SPRAD DO, ,NGES DON GYI H'Um YIG 'THU TSUL NI, HA NI THUR SEL MING CAN RLUNG, ,BSHAD SGO GSANG BA'I DBUS NA GNAS, ,YI GE AU NI STENG 'GRO'I RLUNG, ,MGRIN PA'I PADMA'I DBUS NA GNAS, ,YI GE MA NI SROG RLUNG YIN, ,DPRAL BAR
RLUNG GI 'KHOR LO LA, ,DE DAG GCIG GYUR SNYING GA LA, ,THUGS KYI SA BON DU NI BRJOD, ,CES HA AU MA GSUM MTSAMS SBYAR BA'I H'Um YIG THUGS KAR 'GOD PA'I NGES DON HAS MTSON PA'I THUR THUR SEL DANG SNYING GA NAS SMIN MTSAMS KYI RLUNG GI 'KHOR LO LA KHYAB PA'I SROG RLUNG MA'I DON DANG, AU YIG GI DON STENG 'GRO'AM GYEN RGYU'I RLUNG GSUM SNYING GA CHOS KYI 'KHOR LO'I AA WA DH'U T'I'I RTZA MDUD KYI NANG DU TING NGE 'DZIN GYI STOBS KYIS DBYER MED DU BCINGS PA LAS YAS BABS MAS ? BRTAN GNYIS KYI TSE NA MCHOG DGA', RIL 'DZIN RJES GZHIG LTA BU'I TING NGE 'DZIN GYI STOBS KYIS CHOS KYI 'KHOR LO'I DBUS KYI DH'U T'I'I NANG DU RLUNG DE DAG DBYER MED DU BCINGS PA LAS STONG PA SNGA MA GSUM SNGON DU SONG BA CAN GYI THAMS CAD STONG PA 'OD GSAL GYI YE SHES SKYE BA'I MOS PA BYED DU GZHUG CING NGO SPRAD LA, DGA' BA DANG STONG PA DE DAG GI TSE GANG ZAG DANG PHUNG PO LA SOGS PA'I CHOS RANG BZHIN GYIS GRUB PAS STONG PA'I STONG PA NYID DANG DBYER MED DU SBYOR TSUL PHYIN CI MA LOG PAR BSHAD DE, NGES DON GYI YI GE GSUM BTU ZHING BYIN GYIS BRLAB PA'I CHO GA'O, ,DPAL GSANG BA 'DUS PA RTZA BSHAD KYI RGYUD LAS YI GE GSUM LA LAN CIG MA YIN PAR BSNGAGS PA MDZAD PA'I DON NI DE DAG YIN TE, RJE BTZUN BLA MA 'JAM PA'I DBYANGS KYI THUGS KYI BCUD PHYUNG BA'I MAN NGAG LA RING DU 'DRIS PAR BYAS PA'I GDAMS PA'O, .JUG GI CHO GA LA GSUM LAS, GTANG RANG GI MCHOD PA CHU NYER SPYOD 'DOD YON LNGA LA SOGS PA PHYI NANG GI MCHOD PAS RGYAS PAR MCHOD CING BSTOD, GNYIS PA NI, RGYU DE DAG LAS BYUNG BA'I DGE BA'I RTZA BA RNAMS RGYAL BA'I
, ,BSTAN PA MI NUB CING YUN RING DU GNAS PA'I RGYUR BSNGO ZHING KHYAD PAR DU, DGE BA 'DI YIS MYUR DU BDAG ,CES SOGS M BTU ZHING BYIN GYIS RLOB PA'I TSUL NI, NGES DON GYI AOm YIG LA AA DANG AU DANG MA GSUM YOD PA LAS; RDO RJE PHRENG BA LAS, AA NI CHOS 'KHOR PADMAR GNAS, ,RLUNG GI 'KHOR LO LA NI KHYAB, ,'DI NYID KHO NA RLUNG CHEN PO, ,SROG CES BYA BA THAMS CAD GSUNGS, ,ZHES AOm YIG GI YI TE GSUM GYI AA'I NGES DON NI, SNYING GA CYOS KYI 'KHOR LO'I PADMAR GNAS PA'I AA YIG LA BSHAD DO, ,AU YIG NI PHRENG BA'I 'GYUR DAG PA LAS, AU NI LOONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPY DANG BCAS PA'I LAG PA GA-YAS KYIS BTUS PA'I YI GE RNAMS LA RAG PA'I TSUL BYAS LA RDO RJE 'CHANG YAB YUM LHA SO GNYIS KYI SKU'I DKYIL 'KHOR DANG BCAS PA'I DAM TSIG PA RNAMS 'OD DU ZHU BA LAS BTUS PA'I YI GE 'BRU GSUM DANG, BTU GZHI'I DBYANGS DANG GSAL BYED KYI YI GE'I RNAM PAR GYUR BA'I MOS PA BYAS LA YI GE DE DAG LA RANG GI LAG PA GA-YAS KYIS REG NAS SLOB MA RNAMS KYI LUS KYI GNAS GSUM DANG GNAS KUN TU BYUG CING SLOB MA RNAMS BYANG CHUB MA THOB BAR DU LUS DAG YID GSUM PHYI NANG GI NYER 'TSE LAS BSRUNGS PA'I MOS PA BYED DU GZHUG GO ,DE NAS DPON SLOB KUN GYI LAG TU ME TOG BKRAM ZHING YE DHARMA': CI 'GRUB BZLAS LA ROL MO'I SGRA DANG DBYANGS KYI NGA RO DANG BCAS PAS, RAB YANGS NAM MKHA' TIL GYI GANG BU BZHIN, ,YONGS SU GANG BA'I 'DUS PA'I LHA TSOGS NI, ,KHA CIG ME TOG SNA TSOGS CHAR
'BEBS SHING, ,LA LA BKRA SHIS GDANGS SNYAN GLU RU LEN, ,GZHAN DAG BGEGS DPUNG 'JOMS PA'I 'PHRIN LAS KYIS, ,KHYED LA RTAG TU DPAL GNAS MDZAD PA 'DI, ,SHES PAR GYIS LA YID BDE SKYED CIG DANG, ,SHIS BRJOD PHRENG BA BDAG GIS BSGRAG PAR BYA, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG ROL RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN 'DUS SDUD MDZAD GSANG BA'I BDAG ,RGYUD RGYAL 'DUS PA'I LAM GYI MCHOG BRNYES PA, ,AINDRA BO DHI KLU YI MKHA' 'GRO MA, ,B'I SU KALPA DPAL LDAN SA RA HA, ,KLU SGRUB RDO RJE CAN DANG 'PHAGS PA LHA, ,KLU BYANG SH'AKYA BSHES GNYEN M'A HAm KI ,ZLA BA'I ZHABS SOGS BLA MA BRGYUD PA DANG, ,'JAM DBYANGS CHOS KYI RGYAL PO TZONG KHA PA'I, ,SKU GSUNG THUGS DANG RNAM DKAR MDZAD PA LA, ,DGE MTSAN JI SNYED MDZAD PA'I BKRA SHIS DES, ,DNGOS DANG BRGYUD PA'I BLA MA MCHOG RNAMS KYI, ,DRI MED RNAM THAR JI BZHIN ZIN PA DANG, ,BYIN RLABS ZHUGS PAS DPAL LDAN 'DUS PA YI, ,BSTAN PA RGYAS PAR BYED PA'I BKRA SHIS SHOG ,PHYOGS BCU'I ZHING RAB 'BYAMS ZHES PA NAS, ,PHYOGS BCU'I RAB 'BYAMS ZHING NA BZHUGS PA YI, ,DPAL LDAN 'DUS PA'I DGE 'DUN DKON MCHOG LA, ,LEGS TSOGS JI SNYED MCHIS PA'I BKRA SHIS DES, ,KHYED KYI MI MTHUN RGUD PA KUN ZAD CING, ,DGE LEGS YAR NGO'I ZLA BZHIN 'PHEL RGYU NAS, ,PHUN TSOGS DPAL LA ROL BA'I BKRA SHIS SHOG ,SRUNG BA LNGA'I
, ,CHO GA'I GZUNGS LAS GSUNGS PA'I, ,'JIG RTEN 'DI DANG GZHAN DANG MTHO RIS NA, ,RIN CHEN RMAD BYUNG RGYA CHEN MCHOG YOD PA, ,DES NI RDZOGS PA'I SANGS RGYAS RIN CHEN LA, ,CIS KYANG GRANGS DANG BGRANG DANG CHAR MI PHOD, , NGO MTSAR SHIN TU RMAD BYUNG DPAG MED GANG, ,RDZOGS PA'I SANGS RGYAS RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS KYANG SHIN TU BDE LEGS SHOG ,ZHI 'GOG BDUD RTZI DAM PA GYA NOM GANG, ,SH'AKYA THUB PAS MNYAM GZHAG THUGS CHUD PA, ,CHOS DE DANG NI MTSUNGS PA YOD MIN TE, ,DE MNGON BYAS NAS PHYIN CHAD MYA NGAN MED, ,NGO MTSAR SHIN TU RMAD BYUNG DPAG MED GANG, ,DAM PA'I CHOS KYI RIN CHEN 'JIG RTEN MCHOG ,JI LTAR NGA'I 'DI DE BZHIN BDEN MCHOG NA, ,BDEN PA 'DIS KYANG SHIN TU BDE LEGS SHOG ,RGYAL BAS GANG DAG GANG ZAG BRGYAD GSUNGS PA, ,DE DAG RNAMS NI SKYES BU ZUNG BZHI STE, ,SBYIN GNAS DE DAG SA STENG SHIN TU DKON, ,DE DAG LA BYIN DPAG TU MED PAR 'GYUR, ,NGO MTSAR RMAD BYUNG RMAD BYUNG DPAG MED NA, ,DGE 'DUN RIN CHEN GANG ZHIG 'JIG RTEN MCHOG ,JI LTAR NGA'I 'OD DE BZHIN BDEN MCHOG NA, ,BDEN PA DES KYANG SHIN TU BDE LEGS SHOG ,RGYAL BA SRAS BCAS BSOD NAMS MTHU DAG DANG, ,LHA RNAMS KUN GYIS LEGS PAR BSAMS PA DANG, ,GSANG SNGAGS RIG SNGAGS KUN GYI MTHU STOBS DANG, ,BDEN PAR SMRA BA RNAMS KYI BDEN TSIG GIS, ,BSOD NAMS RI BO BZHIN DU BRTAN PA DANG, ,
RGYUD NI NYI ZLA BZHIN DU GSAL BA DANG, ,SNYAN PAS NAM MKHA' BZHIN DU KHYAB GYUR PAS, ,GSUM PO DES KYANG DENG 'DIR BDE LEGS SHOG ,CES PA NAS SBYIN PA GTONG ZHING ZHES SOGS YONGS SU RDZOGS PA'I BAR DANG, NYIN MO BDE LEGS DANG , 'DI NA RGYAL BA DGRA RGYAL BDEN GANG GIS, ZHES SOGS SHIS PA BRJOD, ME TOG GI CHAR DBAB, BDAG CAG DPON SLOB 'KHOR DANG BCAS PA GZA' NYI MA DANG ZLA BSGRA GCAN LAS RGYAL BA BZHIN DU MTHUN PHYOGS THAMS CAD LAS RGYAL NAS BKRA SHIS PAR GYUR CIG ,CES BRJOD, DPAL RDO RJE PHRENG BA LAS GSUNGS PA'I DRANG NGES KYI SNGAGS BTU BZHING ZHIN BYIN GYIS BRLAB PA'I CHO GA 'DI NI YONGS SU RDZOGS PA'I BSHES GNYEN CHEN PO DU MAS YANG YANG BSKUL BA LA BRTEN NAS RJE BTZUN DAM PA SHAR TZONG KHA PA THAMS CAD MKHYEN PA'I MAN NGAG LA BRTEN NAS DPAL GSANG BA 'DUS PA RTZA BSHAD KYI RGYUD THAMS CAD DANG 'GREL PA SGRON MA GSAL BA SOGS 'PHAGS PA YAB SRAS KYIS MDZAD PA'I 'DUS PA'I GZHUNG KUN LA RING DU 'DRIS PAR BYAS TE RJE THAMS CAD MKHYEN PA SHAR TZONG KHA PA DE NYID KYI ZHABS KYI RDUL SPYI BOS LEN PA 'DUS PA'I RNAL 'BYOR PA SDE SNOD 'DZIN PA NAM MKHA' DPAL GYIS GRUB PA'I GNAS MCHOG 'BROG RI BO CHE DGE LDAN RNAM PAR RGYAL PA'I GLING DU SBYAR PA'O, ,YI GE PA NI YONGS SU RDZOGS PA'I PAndI TA SH'AKYA SHR'I BHA DRA'O,, ,,'DIS KYANG RJE BTZUN BLA MA'I GSUNG RAB DANG SANGS RGYAS BCOM LDAN 'DAS KYI BSTAN PA'I SNYING PO PHYOGS DUS KUN TU DAR
, ,ZHING RGYAS LA YUN RING DU GNAS PAR GYUR CIG , ,, SARBA MANGGA LAm,,