*, ,DPAL GSANG BA 'DUS PA'I BSKYED RIM BLO GSAL BUNG BA'I RE SKONG GNAD DON GSAL BA BZHUGS SO, ,
, ,BCOM LDAN 'DAS RDO RJE SEMS DPA' LA PHYAG 'TSAL LO, ,'DIR DPAL GSANG BA 'DUS PA'I MNGON RTOGS KYI RIM PA 'CHAD PA LA, SGRUB THABS KYI SNGON 'GRO BSHAD PA DANG, SGRUB THABS KYI GZHUNG BSHAD PA DANG, SGRUB THABS KYI CHINGS BSHAD PA DANG GSUM, 'DIR 'CHAD BDE BA DANG GO BDE BA'I PHYIR DU, SGRUB THABS KYI CHINGS GZHUG NA YOD PA DE 'DIR MGOR BLANGS PA YIN LA, GSUM PA 'DIR SGRUB THABS KYI CHINGS BSHAD PA LA, DE NYID ZHE DGU'I CHINGS, RDO RJE BZHI'I CHINGS, RNAL 'BYOR DRUG GI CHINGS ,TING NGE 'DZIN GSUM GYI CHINGS, BSNYEN SGRUB YAN LAG BZHI'I CHINGS DANG LNGA'O, ,DANG PO NI, GNAS KYI DE NYID, RANG MI BSKYOD RDO RJE SOGS BRTZE BA SNYING RJE CHEN PO'I DE NYID, RANG NYID ZHE SDANG RDO RJE SOGS BSRUNG 'KHOR GYI GTZO BO BSKYED PA'I DE NYID, GSHIN RJE GSHED CES SOGS BSRUNG 'KHOR GYI 'KHOR LO BSKYED PA'I DE NYID, 'OG GI GNOD MDZES LA BLTAS PAS ZHES SOGS PHUR BTAB KYI DE NYID, tAKKI H'Um DZA: ZHES SOGS RVA GUR GYI DE NYID, DNGOS PO MED PAS SGOM PA MED, CES SOGS YE SHES KYIS BSKYED PA'I DE NYID, STONG PA'I NGANG LAS SKAD CIG GIS ZHES SOGS RDO RJE'I SA'I CHA BSKYED PA'I DE NYID, BHRUm DKAR PO ZHES SOGS LHAG MOS KYI GZHAL YAS KHANG BSKYED PA'I DE NYID, GDAN DE RNAMS KYI DBUS SU ZHES SOGS LHAG MOS KYI
, ,LHA'I 'KHOR LO SGOM PA'I DE NYID, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS RNAM SNANG NAS, ZHES SOGS, LHAG MOS LUS LA BSDU BA'I DE NYID, GDAN DBUS MA'I STENG DU H'Um LAS ZHES SOGS NYI MA SOGS LA DMIGS TE LDANG BA'I DE NYID, DE THAMS CAD GCIG TU 'DRES PA LAS ZHES SOGS ZLA BA LAS BYANG CHUB BA DANG, DE LAS 'OD ZER 'PHROS SNOD BCUD, CES SOGS YE SHES TZAM LA SNYOMS PAR ZHUGS PA'I DE NYID, ZLA BA'I STENG DU CHU LAS ZHES SOGS SA BON LAS BYANG CHUB PA'I DE NYID, DE LAS 'OD 'PHROS RIGS LNGA, ZHES SOGS PHYAG MTSAN LAS BYANG CHUB PA'I DE NYID, RDO RJE YI GE DANG ZHES SOGS SKU RDZOGS PA LAS BYANG CHUB PA'I DE NYID, RANG BZHIN GYI GNAS NAS, ZHES SOGS DANG PO'I MGON PO SPRUL SKUR BSGYUR BA'I DE NYID, LUS KYI MDUN RGYAB CES SOGS LUS GZHAL YAS KHANG DU BSGYUR BA'I DE NYID, SPYI GTZUG NAS SKRA MTSAMS ZHES SOGS PHUNG PO LNGA RIGS LNGAR SGOM PA'I DE NYID, LTE BAR ZHES SOGS KHAMS BZHI YUM BZHIR SGOM PA'I DE NYID, MIG GNYIS SU, ZHES SOGS MIG SOGS SA SNYING SOGS SU BSGOM PA'I DE NYID MIG GI SGOR ZHES SOGS YUL LNGA RDO RJE MA LNGAR SGOM PA'I DE NYID, LAG PA GA-YAS LA ZHES SOGS YAN LAG KHRO BOR SGOM PA'I DE NYID, RANG GI SPYI BOR AOm LAS, ZHES
SOGS SKU BYIN GYIS RLOB PA'I DE NYID, MGRIN PAR A'A: LAS ZHES SOGS, GSUNG BYIN GYIS RLOB PA'I DE NYID, SNYING GAR H'Um LAS, ZHES SOGS THUGS BYIN GYIS RLOB PA'I DE NYID, RANG NYID DE BZHIN GSHEGS PA ZHES SOGS SKU GSUNG THUGS THUN MONG DU BYIN GYIS RLOB PA'I DE NYID, RANG DAM TSIG SEMS DPA' RDO RJE 'CHANG SNGON PO'I, ZHES SOGS YE SHES SEMS DPA' LA DMIGS PA'I DE NYID, DE'I THUGS KAR RDO RJE SNGON PO ZHES SOGS TING NGE 'DZIN SEMS DPA' LA DMIGS PA'I DE NYID, RANG GI THUGS KA NAS RANG RIGS KYI RIGS KYI RIG MA, ZHES SOGS RIG MA 'DU BYA BA'I DE NYID, RANG NYID RIN 'BYUNG DU GYUR ZHES SOGS MCHOD PA'I DE NYID, MI BSKYOD PA RANG GI THUGS KAR DRANGS ZHES SOGS GSHEGS PA DBYUNG BA'I DE NYID, SPYAN MA RANG GI THUGS KAR DRANGS, ZHES SOGS GSHEGS MA DBYUNG BA'I DE NYID, GZUGS RDO RJE MA ZHES SOGS SEMS MA DBYUNG BA'I DE NYID, BYAMS PA ZHES SOGS SEMS DPA' DBYUNG BA'I DE NYID, GSHIN RJE GSHED CES SOGS KHRO BO DBYUNG BA'I DE NYID, STENG SGOR PHYAG MTSAN PHRA MO SGOM PA'I DE NYID, 'OG SGOR THIG LE PHRA MO SGOM PA'I DE NYID, NANG YID KYI BZLAS PA'I DE NYID, BADZRA DHRI KA SOGS PHYI'I BZLAS PA'I DE NYID, YAB YUM SNYOMS PAR ZHUGS PA'I RKYEN GYI ZHES SOGS GTZO BO 'OD GSAL DU ZHUGS PA'I DE NYID; DE NAS TSAD MED PA BZHI ZHES SOGS ZHU BA GLUS BSKUL BA'I DE NYID, MI BSKYOD RDO RJE ZHES SOGS MCHOD BSTOD KYI DE NYID, RANG GI THUGS KA'I H'Um SNGON PO'I ZHES SOGS DKYIL 'KHOR NYE BAR BSDU BA'I DE NYID, KHA ZAS KYI DE NYID, LUS BRTAS PA'I DE NYID
, ,DNGOS GRUB CHUNG DU BSGRUB PA'I DE NYID, DNGOS GRUB 'BRING BSGRUB PA'I DE NYID DE ZHE DGU'O, ,RDO RJE BZHI'I CHINGS NI, GNAS KYI DE NYID NAS, DE BZHIN NYID LAS BYANG CHUB PA'I DE NYID KYI BAR NI, STONG NYID BYANG CHUB KYI RDO RJE DANG, NYI MA SOGS LA DMIGS NAS LDANG BA'I DE NYID NAS, PHYAG MTSAN LAS BYANG CHUB PA'I DE NYID KYI BAR NI, SA BON BSDUS PA'I RDO RJE DANG, SKU RDZOGS PA LAS BYANG CHUB PA'I DE NYID NAS, YAN LAG KHRO BOR BSKYED PA'I DE NYID KYI BAR NI, GZUGS NYID RDZOGS PA'I RDO RJE DANG; SGRUB THABS BSDUS PA LTAR NA, SKU BYIN GYIS RLOB PA NAS, MCHOD PA'I DE NYID KYI BAR DANG, RGYAS PA LTAR NA, SKU BYIN GYIS BRLABS NAS, STENG SGOR PHYAG MTSAN PHRA MO'I DE NYID KYI BAR NI, YI GA 'GOD PA'I RDO RJE YIN NO, ,DE YANG RGYUD PHYI MA LAS, DANG PO STONG NYID BYANG CHUB STE, ,GNYIS PA SA BON BSDUS PA YIN, ,GSUM PA GZUGS NYID RDZOGS PA STE, ,BZHI PA YI GE 'GOD PA'O, ,ZHES GSUNGS SO, ,RNAL 'BYOR DRUG GI CHINGS NI, GNAS KYI DE NYID NAS, YE SHES TZAM LA SNYOMS PAR 'JUG PA'I BAR NI RNAL 'BYOR DANG, SA BON PHYAG MTSAN SKU RDZOGS PA LAS BYANG CHUB PA RNAMS NI RJES SU RNAL 'BYOR DANG, LONGS SKU SPRUL SKUR BSGYUR BA NAS YAN LAG KHRO BOR BSKYED PA'I DE NYID KYI BAR NI SHIN TU RNAL 'BYOR DANG, SKU BYIN GYIS RLOB PA NAS MCHOD PA'I DE NYID KYI BAR NI, RNAL 'BYOR CHEN PO DANG, MCHOD PA'I DE NYID NAS KHRO BO DBYUNG BA'I DE NYID KYI BAR NI, DKYIL 'KHOR RGYAL MCHOG GI RNAL 'BYOR DANG, STENG SKOR PHRA MO SGOM PA'I DE NYID NAS, DNGOS GRUB 'BRING BSGRUB PA'I BAR NI LAS RGYAL MCHOG GI
RNAL 'BYOR RO, ,DE YANG BSHAD RGYUD RDO RJE PHRENG BA LAS, RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DANG PO'I SBYOR BA BSGOM PAR BYA, ,DE NAS DKYIL 'KHOR RGYAL MCHOG GI ,RNAL 'BYOR MCHOG LA DBYE BA LHA, ,DE LAS KYANG NI LAS RGYAL MCHOG ,RNAL 'BYOR DBYE BA BCU GNYIS SO, ,ZHES GSUNGS SO, ,TING NGE 'DZIN GSUM GYI CHINGS NI, GNAS KYI DE NYID NAS MCHOD PA'I DE NYID LA THUG GI BAR NI, DANG PO SBYOR BA'I TING NGE 'DZIN DANG, MCHOD PA'I DE NYID NAS, STENG SGOR PHRA MO SGOM PA LA THUG GI BAR NI DKYIL 'KHOR RGYAL MCHOG GI TING NGE 'DZIN DANG, STENG SGOR PHYAG MTSAN PHRA MO SGOM PA NAS, DKYIL 'KHOR NYER BSDU'I BAR NI LAS RGYAL MCHOG GI TING NGE 'DZIN YIN NO, ,BSNYEN SGRUB YAN LAG BZHI NI, GNAS KYI DE NYID NAS, DE BZHIN NYID LAS BYANG CHUB PA'I BAR NI BSNYEN PA'I YAN LAG YIN LA, CI'I PHYIR BSNYEN PA ZHE NA, YUL STONG PA NYID LA YUL CAN YE SHES DES YANG DANG YANG DU BSNYEN CING DMIGS PAS BSNYEN PA'O, ,NYI MA LA SOGS LA'ANG DMIGS TE LDANG BA'I DE NYID NAS YAN LAG KHRO BOR BSKYED PA'I BAR NI, NYER SGRUB KYI YAN LAG GO ,CI'I PHYIR NYER BSGRUB CE NA, GANG LA NYE BAR BYA RGYU'I YUL NI YE SHES KYI LONGS SPYOD RDZOGS PA'I SKU YIN LA, DE LA KHAD KYIS NYE BAR BYED PA'I SNGAGS KYI LONGS SPYOD RDZOGS PA'I SKU SGRUB PAS NA NYER SGRUB CES BYA'O, ,SKU BYIN RLABS NAS MCHOD BSTOD KYI BAR NI, SGRUB PA'I YAN LAG YIN LA, CI'I PHYIR SGRUB PA ZHE NA, SGRUB PA PO'I LUS NGAG YID GSUM DANG, SANGS RGYAS KYI RDO RJE GSUM DBYER MED DU BSGRUB PAS NA SGRUB PA ZHES BYA'O,,
, ,MCHOD PA NAS DKYIL 'KHOR NYER BSDU'I BAR NI SGRUB PA CHEN PO'I YAN LAG GO ,CI'I PHYIR SGRUB PA CHEN PO ZHE NA, GZHAN DON RGYA CHEN PO LA 'JUG PAS NA SGRUB PA CHEN PO ZHES BYA'O, ,DE YANG LE'U BCU GNYIS PA LAS, BSNYEN PA'I DAM TSIG SBYOR BA DANG, ,NYE BAR SGRUB PA 'BYUNG BA DANG, ,SGRUB PA'I DON NI DAM TSIG DANG, ,SGRUB PA CHEN PO DAG DANG BZHI, ,('DI YAN NI SGRUB THABS KYI CHINGS KYI DBANG DU BYAS PA YIN LA, 'DI MAN CHAD SGRUB THABS KYI TSOGS ZHING NAS BZUNG STE, DNGOS GZHI LA 'JUG PA YIN LA), DANG PO LA MTHUN RKYEN BSTEN PA TSOGS BSAGS PA DANG, 'GAL RKYEN 'GOG PA BSRUNG BA'I 'KHOR LO SGOM PA'O, ,DANG PO LA MCHOD PA'I YAN LAG ,PHYAG 'TSAL BA, SDIG PA BSHAGS PA, RJES SU YI RANG ZHING BSNGO BA, SKYABS SU 'GRO BA, SEMS BSKYED CING LAm LA BRTEN PA, SDOM PA BZUNG BA'I YAN LAG DANG BDUN NO, ,DANG PO LA, MCHOD MKHAN NI MI BSKYOD PA'I NGA RGYAL LA GNAS PA'I SGRUB PA PO YIN LA, MCHOD YUL NI, BLA MA DANG GNYIS SU MED PA'I MI BSKYOD PA'I DKYIL 'KHOR YIN ZHING ;SPYAN 'DREN MKHAN NI THUGS KA'I H'Um SNGON PO'I 'OD ZER LCAGS KYU'I RNAM PA CAN DANG, 'DREN PA'I TSUL LA, BLA MA RDO RJE 'CHANG GCIG PU'I RNAM PAR SPYAN 'DREN PA DANG, GTZO BO'I RIGS BDAG TU BZHUGS PA'I TSUL GYIS SPYAN 'DREN PA DANG, DKYIL 'KHOR GYI GTZO BO DANG THA MI DAD PA'I TSUL GYIS SPYAN 'DREN PA DANG GSUM YOD PA LAS, 'DIR NI PHYI MA YIN NO, ,SPYAN 'DREN PA'I GNAS LA, DUR KHROD NAS SPYAN 'DREN PA DANG, 'OG MIN NAS SPYAN 'DREN PA DANG, RANG BZHIN GYI GNAS NAS SPYAN 'DREN PA'I TSUL
DANG GSUM YOD PA LAS, 'DIR PHYI MA LTAR YIN ZHING, RANG BZHIN GYI GNAS LA YANG, DANG PO GANG DU SANGS RGYAS PA'I LONGS SPYOD RDZOGS PA'I SKU RTEN DANG BRTEN PAR BCAS PA LA RANG BZHIN GYI GNAS SU BYAS NAS, DE NAS SPRUL SKU'I RNAM PAR SPYAN 'DREN PA DANG, CHOS SKU LA RANG BZHIN GYI GNAS SU BYAS NAS, DE NAS GZUGS SKU'I RNAM PAR SPYAN 'DREN PA DANG TSUL GNYIS YOD DO, ,MCHOD PA'I RDZAS NI, SPROS PA'I LHA MO RNAMS KYIS THOGS PA'I ME TOG LA SOGS PA YIN ZHING, MCHOD PA'I SNGAGS NI, BSHAD RGYUD RDO RJE PHRENG BA LAS, AOm SARBA TA TH'A GA TA AARGHAm SOGS GSUNGS PA RNAMS YIN LA, DMIGS PA NI, AOm BRJOD PA DANG MNYAM DU MCHOD PA'I LHA MO SPROS NAS, SNGAGS DON NI, DE BZHIN GSHEGS PA THAMS CAD LA MCHOD YON GYI MCHOD PA'I SPRIN GYI RGYA MTSO PHYOGS BCUR 'PHRO BA 'DI, DAM TSIG BZHIN DU BZHES SHIG ,CES PHUL NAS, H'Um BRJOD PA DANG MNYAM DU, MCHOD PA'I LHA MO RNAMS THUGS KA'I H'Um LA BSDU'O, ,MCHOD PA'I DON NI, DE LTAR MCHOD PAS BLA MA DANG DKYIL 'KHOR PA'I LHA RNAMS KYI DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN SKYES PA DE YIN NO, ,GNYIS PA NI, GANG LA PHYAG 'TSAL NA, BYANG CHUB KYI SEMS RDO RJE 'CHANG DANG SPANGS RTOGS 'DRA ZHING, RIG MA DANG MNYAM PAR SBYAR BA LAS BYUNG BA'I ZAB GSAL GNYIS SU MED PA'I YE SHES DE NYID RGYA CHE BA LHA'I 'KHOR LOR SHAR BA DE LA PHYAG 'TSAL LO, ,LHA'I 'KHOR LO DE GANG YIN SNYAM NA, GZUGS PHUNG LA SOGS PA'I PHUNG PO LNGA RNAM PAR DAG PA'I RNAM SNANG SOGS RIGS LNGA DANG, GZUGS KYI SKYE MCHED DRUG RNAM PAR DAG PA'I GZUGS RDO RJE MA
, ,SOGS LNGA DANG, BYANG SEMS KUN BZANG DANG DRUG GO ,MIG GI DBANG PO LA SOGS PA'I DBANG PA DRUG RNAM PAR DAG PA'I SA SNYING SOGS SEMS DPA' DRUG DANG, SA KHAMS LA SOGS PA'I KHAMS LNGA RNAM PAR DAG PA'I SPYAN MA LA SOGS PA'I LHA BZHI DANG, BYANG SEMS 'JAM DPAL DANG LNGA, GTI MUG RNAM PAR DAG PA RNAM SNANG GI RIGS KYI KHRO BO GSHIN RJE GSHED DANG, NYES BA STE NGA RGYAL RNAM PAR DAG PA RIN 'BYUNG GI RIGS KYI KHRO BO SHES RAB MTHAR BYED DANG, 'DOD CHAGS RNAM PAR DAG PA 'OD DPAG MED KYI RIGS RTA MGRIN DANG, RDO RJE DON GRUB KYI RIGS KYI BGEGS MTHAR BYED DANG, SDUD DANG ZHES PA 'DOD RGYAL DANG, DGA' DANG ZHES PA DBYUG SNGON CAN DANG, RNAM PA ZHES PA STOBS PO CHE DANG, MI 'GYUR ZHES PA MI GA-YO BA DANG, RGYU DANG ZHES PA GNOD MDZES DANG, 'BRAS BU ZHES PA GTZUG TOR 'KHOR LOS BSGYUR BA STE LHA SO GNYIS PO DE LA PHYAG 'TSAL LO, ,GSUM PA NI, DUS THOG MA MED PA NAS SRID PA'I CHU KLUNG DU, DUG GSUM MA LUS PA'I KUN RTOG GIS BSAGS PA'I NGO BO KHA NA MA THO BA'I RNYOG PA MI DGE BA BCU LA SOGS PA RNAM, YUL THUGS RJE CHEN PO DANG LDAN PA'I BLA MA DANG, DKYIL 'KHOR PA'I LHA TSOGS RNAMS KYI SPYAN SNGAR, TSUL RGYAL BAS GSUNGS BA'I CHO GA JI LTA BA BZHIN DU GNYEN PO STOBS BZHI TSANG ZHING, 'KHOR GSUM BDEN MED DU RTOGS PA'I SHES RAB KYIS ZIN PA'I SGO NAS BSHAGS PAR BYED PA NI BSHAGS PA'I YAN LAG GO ,BZHI PA NI, SANGS RGYAS BYANG CHUB SEMS DPA' DANG, 'PHAGS PA NYAN RANG DANG, 'PHAGS PA LAS
GZHAN PA'I SO SO SKYE BO RNAMS KYIS DGE BA GANG MDZAD PA, DE DAG KUN LA YANG DAG PAR RJES SU YI RANG ZHING, DUS GSUM GYI DGE RTZA RNAMS BLA NA MED PA'I BYANG CHUB TU BSNGO BAR BYED PA NI RJES SU YI RANG BA DANG BSNGO BA'I YAN LAG GO ,LNGA PA NI, YID KYI ROL PA STE BKOD PA GNYIS SNANG GI DRI MA MED PA'I YE SHES ZLA BA 'DRA BA GONG NAS GONG DU 'PHEL BAS BSGRUBS PA'I SHES RAB KYI YON TAN DANG, SNYING RJE DAM PA MTHA' YAS PA'I THABS KYI YON TAN DANG, DE LTAR THABS SHES KYI YON TAN MTHAR THUG PA DE GNYIS, RANG GI YID LA GNAS PAR GYUR PA'I BDE BAR GSHEGS PA RNAMS CHOS STON PA'I SKYABS SU KHAS LEN PA NI, SANGS RGYAS LA SKYABS SU 'GRO BA DANG, SA RANG RANG GI NGO SKAL GYI GNYIS SNANG GI RTOG PA MA LUS PA LUS RANG DUS NA NGES PAR GROL ZHING, SEMS DPA' DAM PA BYANG SEMS 'PHAGS PA RNAMS KYI SPANGS RTOGS KYI YON TAN PHUN SUM TSOGS PA 'BYUNG BA'I GZHI LAM GYI BDEN PA DANG, CHOS CAN GYI DNGOS PO THAMS CAD DE KHO NA NYID DU RO GCIG PA'I CHOS NYID 'GOG PA'I BDEN PA STE, 'GOG LAM GYI CHOS GNYIS PO DE RANG RGYUD LA THOB BYAR KHAS LEN PA DE NI CHOS LA SKYABS SU 'GRO BA DANG, SA RANG RANG GI NGO SKAL GYI 'CHING BA KUN LAS YANG DAG PAR GROL ZHING, SNYING RJE MCHOG GI MA MAS BSKRUN PA'I DPAL BYANG CHUB KYI SEMS DANG LDAN ZHING; SA RAB DGA' SOGS LA RAB TU ZHUGS PA'I THEG CHEN BRTUL ZHUGS BYANG SEMS SO SKYE LAS DBANG PO STE MCHOG TU GYUR PA'I BYANG SEMS 'PHAGS PA'I TSOGS RNAMS LA MA SGRUB PA'I GROGS SU KHAS LEN PA NI DGE 'DUN LA SKYABS SU 'GRO BA'O,
, ,DRUG PA NI BSAM PA SMON PA'I SEMS DANG, RNAM PAR SMIN PA'I SGRIB PA KUN GYI BAG CHAGS YANG DAG PAR 'BYIN PA'I 'JUG PA'I SEMS TE, SMAN 'JUG GI SEMS GNYIS PO DE, GZHAN DON LA LHAG PAR MOS PAS RNAM PAR BRGYAN TE BYANG CHUB KYI SEMS BSKYED PA DANG, BDE BAR GSHEGS PA SRAS DANG BCAS PA RNAMS KYIS BGROD LAM GCIG TU SBYIN SOGS PHA ROL TU PHYIN PA DRUG DANG, DKAR PO'I LAS LAM BCU LA SOGS PA'I YON TAN GYI TSUL KHRIMS LA SLOB PAR KHAS LEN PA NI SEMS BSKYED KYI LAM LA BRTEN PA'I YAN LAG GO ,BDUN PA NI, JI LTAR DUS GSUM GYI MGON PO SANGS RGYAS RNAMS KYIS SNGON SLOB PA LAM GYI GNAS SKABS SU, BYANG CHUB TU SEMS BSKYED NAS RDZOGS PA'I BYANG CHUB KYI GO 'PHANG MNGON DU MJAD DE, SEMS CAN RNAMS SANGS RGYAS KYI SA LA BKOD PAR MDZAD PA DE BZHIN DU, SLOB BZHIN PA'I SGRUB PA PO BDAG GIS KYANG, SEMS CAN RNAMS SANGS RGYAS KYI SA LA 'GOD PA'I BAR DU SMON PA DANG 'JUG PA'I BDAG NYID CAN GYI BYANG CHUB TU SEMS BSKYED PA'I SGO NAS, SEMS CAN RNAMS MI GNAS PA'I MYA NGAN LAS 'DAS PA LA 'GOD PAR BYA'O SNYAM PA NI, JI LTAR DUS GSUM MGON PA RNAMS ZHES SOGS KYI DON YIN NO, ,NYIN RE BZHIN DU DUS DRUG TU NYES SPYOD SDOM PA'I TSUL KHRIMS, DGE BA CHOS SDUD KYI TSUL KHRIMS, SEMS CAN DON BYED KYI TSUL KHRIMS LA SLOB PA DANG, GSUM LA SKYABS SU 'GRO BAR KHAS LEN PA'I SGO NAS BYANG CHUB KYI SEMS BSKYED PA NI, SANGS RGYAS RNAL 'BYOR RNAM SNANG GI RId
LAS SKYES PA'I RNAL 'BYOR PA'I DAM TSIG DANG SDOM PA YIN NO, ,RGYAL BA'I THUGS GNYIS SU MED PA'I YE SHES NI GSANG BA'I RDO RJE YIN LA, DE DRAN PA'I DON DU PHYAG TSAD DANG LDAN PA'I RTAGS KYI RDO RJE RTZE LNGA PA LA SOGS PA 'DZIN PA RDO RJE'I DAM TSIG DANG, CHOS THAMS CAD RANG BZHIN GYIS MED PA'I STONG PA NYID DANG, RNAL 'BYOR PA'I GNYIS SU MED PA'I YE SHES KYI SHES RAB NI DON DAM PA'I DRIL BU YIN LA, MTSON DON DE DRAN PA'I DON DU PHYAG TSAD DANG LDAN PA'I RTAGS KYI DRIL BU 'DZIN ZHING, DRIL BU 'KHROL BA NI DRIL BU'I DAM TSIG DANG, RANG NYID RDO RJE SEMS DPA' LA SOGS PA LHA'I SKU PHYAG RGYA CHEN POR BSKYED NAS, LAS DANG YE SHES KYI PHYAG RGYA DANG, 'KHYUD PA DANG MNYAM PAR SBYAR BA LAS BYUNG BA'I BDE STONG SBYAR NAS SGOM PA NI PHYAG RGYA'I DAM TSIG DANG, DBANG BSKUR BAS MTSON PA'I SNGAGS KYI CHOS STON PA'I SLOB DPON BSNYEN BKUR PA'I ZHING MCHOG TU 'DZIN PA NI, SLOB DPON GYI DAM TSIG STE, DAM TSIG DE BZHI NYIN RE BZHIN DU DUS DRUG TU BSTEN PAR KHAS LEN PA NI, RDO RJE RIGS MCHOG MI BSKYOD PA'I RIGS KYI RNAL 'BYOR PA'I DAM TSIG GI ,ZANG ZING GI SBYIN PA DANG DGE RTZA GZHAN LA BSNGO BA SOGS CHOS KYI SBYIN PA DANG, BYAMS PA TSAD MED SGOM PA BYAMS PA'I SBYIN PA DANG, BTANG SNYOMS TSAD MED PA SGOM PA MI 'JIGS PA'I SBYIN PA STE, SBYIN PA RNAM PA BZHI NYIN RE BZHIN DU DUS DRUG TU YUL SEMS CAN LA SBYIN PAR KHAS LEN PA NI, RIN CHEN RIGS MCHOG RIN 'BYUNG GI RIGS KYI RNAL 'BYOR PA'I DAM TSIG DANG SDOM PA YIN NO, ,PHYI BYA SPYOD KYI RGYUD SDE DANG GSANG BA RNAL 'BYOR DANG, RNAL 'BYOR BLA MED
, ,KYI RGYUD SDE DANG, NYAN THOS KYI THEG PA DANG, RANG RGYAL GYI THEG PA DANG, PHA ROL TU PHYIN PA'I THEG PA STE, THEG PA GSUM GYI DAM PA'I CHOS MA LUS PA SO SOR NYIN RE BZHIN DU DUS DRUG TU 'DZIN PAR KHAS LEN PA NI, PAD MA'I RIGS 'OD DPAG MED KYI RIGS KYI RNAL 'BYOR PA'I DAM TSIG YIN NO, ,PHYI'I MCHOD PA DANG, NANG GI MCHOD PA DANG, GSANG BA'I MCHOD PA DANG, DE KHO NA NYID KYI MCHOD PA'I LAS, YUL BLA MA DANG, DKYIL 'KHOR PA'I LHA RNAMS LA NYIN RE BZHIN DU DUS DRUG TU MCHOD PAR KHAS LEN PA NI, LAS KYI RIGS MCHOG DON GRUB KYI RIGS KYI RNAL 'BYOR PA'I DAM TSIG YIN NO, ,DE LTAR RIGS LNGA'I SDOM PA BZUNG BA'I SGO NAS, SGRIB GNYIS KYI 'CHING BA LAS MA BSGRAL BA'I TSANGS PA LA SOGS PA LAM MA ZHUGS KYI SEMS CAN RNAMS SGRIB GNYIS KYI 'CHING BA LAS BSGRAL BA DANG, SHES SGRIB KYI 'CHING BA LAS MA SGROL BA'I NYAN RAN DGRA BCOM PA RNAMS SHES SGRIB KYI 'CHING BA LAS SGROL BA DANG, SDUG BSNGAL GYI DBUGS MA PHYIN PA'I NGAN SONG GSUM PO RNAMS DBUGS DBYUNGS NAS SEMS CAN DE RNAMS MI GNAS PA'I MYANG 'DAS LA 'GOD PAR KHAS LEN BA NI, SDOM PA BZUNG BA'I YAN LAG GO ,SKABS 'DIR SDOM BZUNG BYED PA NI SDOM PA SNGAR MED GSAR DU SKYE BA DANG, NYAMS PA SOR CHUD PA'I CHED MIN LA THOB ZIN BRTAN PA'I PHYIR YIN PAS, 'DI NI BLA MA DANG DKYIL 'KHOR PA'I LHA RNAMS DGES BYED YIN PAS SBYOR BA TSOGS BSAGS KYI NANG DU SDUD PA YIN NO, ,GNYIS PA 'GAL RKYEN 'GOG PA BSRUNG BA'I 'KHOR LO SGOM PA NI, BSRUNG 'KHOR SGOM PA'I SNGON DU CHOS RNAMS
KYI NGO BO RGYU 'BRAS GSUM RANG GI MTSAN NYID KYIS GRUB PAS STONG PA'I RNAM THAR SGO GSUM SGOM PA NI, BSRUNG BA'I 'KHOR LO RTEN DANG BRTEN PAR BCAS PA RNAMS STONG NYID KYI RNAM 'GYUR DU 'CHAR BA'I CHED YIN LA, BSRUNG BA'I 'KHOR LO RTZIBS BCU PA GA-YAS SKOR DU MGYOGS PAR 'KHOR BA RDO RJE 'BAR BA'I SPRIN GYI PHRENG BA PHYOGS BCUR 'PHRO BA BSGOM PA NI, RGYUD PHYI MA LAS, KUN NAS SER BA'I 'KHOR LO NI, ZHES PA NAS, MI GA-YO BA DANG MTSUNGS PAR 'KHOR, ZHES PAS STON PA YIN NO, ,BSRUNG 'KHOR GYI GTZO BO RDO RJE 'CHANG SKU MDOG DKAR POR BSGOM PA NI, SLOB DPON KLU SGRUB KYIS GSUNGS SHING ZHAL GSUM PHYAG DRUG PAR BSGOM PA NI, SLOB DPON AA BHYA KA RAS GSUNGS LA, YUM RDO RJE DBYINGS KYI DBANG PHYUG MAR BSGOM PA NI, SLOB DPON THUB PA DPAL GYIS GSUNGS PA LA, SEMS DPA' GSUM BRTZEGS SU BSKYED NAS GNAS GSUM DU YI GE GSUM 'GOD PA NI RGYUD PHYI MA LAS GSUNGS, KHRO BO RNAMS H'Um RING PO LAS BSKYED PA NI, LE'U BCU GSUM PA RTZA 'GREL LAS GSUNGS LA, RDO RJE 'CHANG LA MI BSKYOD PA BCUG NAS ZHE SDANG RDO RJER BSGYUR TE 'OD DMAR PO 'BAR ZHING 'KHRUG PA'I DBUS NA SNYOMS PAR 'JUG PA'I TSUL GYIS BZHUGS PA, SEMS DPA' GSUM GYI BDAG NYID CAN DU BSGOM PA NI, LE'U BCU BZHI PA RTZA 'GREL LAS GSUNGS SHING, YAB ZHE SDANG RDO RJER BSGYUR BA'I DGOS PA NI, KHRO BO RNAMS LA BKA' BSGO BA'I CHED DU YIN LA, YUM REG BYA RDO RJE MAR BSGYUR BA NI, YAB ZHE SDANG RDO RJER BSGYUR BA'I RIGS PA SBYAR BA YIN NO, ,KHRO BO RNAMS MNGAL 'BYIN BYAS NAS NYI GDAN LA GA-YON BRKYANG
, ,GIS 'KHOD PA, SLOB DPON KLU SGRUB DANG ZLA BA GRAGS PA GNYIS KYIS GSUNGS SO, ,AOm SUM BHA SOGS KYI SNGAGS DON BSHAD NA, AOm LA YI GE AA DANG, AU DANG MA DANG GSUM YOD PA DES NI, RDO RJE GSUM PO DE MTSON LA, AA LA AU BYIN PAS AO DANG, MA YIG THIG LER BYIN PAS AOm DU GYUR PA NI, RDO RJE GSUM DBYER MI PHYED PA DE MTSON ZHING, MTSON DON DE DRAN PA'I SGO NAS DANG POR AOm ZHES BRJOD PA NI BSOD NAMS KYI TSOGS LEN PAR BYED DO, ,SUM BHA ZHES PA NI NGES PAR 'DUL BA, NI SUm BHA ZHES PA NI MA LUS PAR NGES PAR 'DUL BA, GRiHnA GRiHnA ? ZHES PA NI ZUNGS SHIG ZUNGS SHIG PA'O, ,GRiHn PA YA GNYIS NI 'KHOR RNAMS KYANG 'DZIN DU CHUG CIG PA'O, ,GANG NA 'GOGS RNAMS SO, ,A'A NA YA HO BHA GA WA NA BIDY'A R'A DZA H'Um PHAt, CES PA NI, KYEE BCOM LDAN 'DAS RIG PA'I RGYAL PO ZHES GNOD MDZES LA BOD PA'O, ,GNOD MDZES KYI PHYAG MTSAN RDO RJE DE RDO RJE LCAGS KYUR BSGYUR BA NI, LE'U BCU BZHI PA RTZA 'GREL LAS GSUNGS, BGEGS RNAMS KYI GTZO BO ZHES PA NAS, 'BRUG KHUNG GI RNAM PA CAN RNAMS SU BCUG PAR GYUR ZHES PA'I BAR RNAMS NI, NAG PO DAM TSIG RDO RJES GSUNGS, PHUR GDAB KYI SNGAGS DON NI, AOm NI BSHAD ZIN LA, GHA GHA NI GHA TA KA TE, GSOD BYED GSOD BYED CES PA'O, ,GH'A TA YA GH'A TA YA SARBA DUshtAm PHAt, CES PA NI, MA RUNGS PA THAMS CAD CHOMS SHIG CHOMS SHIG PA'O, ,K'I LA YA K'I LA YA ZHES PA NI, PHUR BUS GDAB PA LAS MI GA-YO BAR GYIS SHIG PA'O, ,AOm SARBA P'A PAm ZHES PA NI SDIG PA'I BSAM PA CAN THAMS CAD
PA'O; ;H'Um GSUM PO NI SKU GSUNG THUGS KYI DE KHO NA NYID GSAL BAR BYED PA'O, ,BADZRA K'I LA YA ZHES PA NI RDO RJE PHUR BU ZHES PA'O, ,BADZRA DHA RA A'ADZNY'A PA YA TI ZHES PA NI RDO RJE 'CHANG GI BKA' NYON CIG PA'O, ,SARBA BIGHNAN ZHES PA NI BGEGS THAMS CAD PA'O, ,K'A YA W'A KA TZITTA ZHES PA NI LUS NGAG YID GSUM MO, ,BADZRA K'I LA YA SNGAR LTAR RO, ,H'Um PHAGS CES PA NI, DE DAG DGAS PAR BYED PA'O, ,KHRO BO RNAMS KYI PHYI ROL DU RDO RJE CHE BA RNAMS KYI KHONG GSENG, CHUNG BA RNAMS KYI RDUL PHRA RAB KYIS BAR MTSAMS MED PAR GTAMS PA'I LCAGS KYI RDO RJE'I RA BA DANG, DE'I PHYI ROL DU CHU'I GZEGS MA PHYIR 'THOR BA'I CHU'I RA BA DANG, DE'I PHYI ROL DU GDUG PA CAN RNAMS KYIS BLTA BAR MI BZOD PA'I KHA DOG LNGA 'PHRO BA'I YE SHES KYI MI 'BAR BA DANG, DE'I PHYI ROL DU DRAG CING RTZUB PA'I SGRA DANG LDAN PA'I RLUNG GI RA BA STE, RA BA BZHI KA'ANG DBYIBS ZLUM PO DPANGS SU 'OG MIN NAS RLUNG GI DKYIL 'KHOR LA THUG PA'I BAR RAM, YANG NA TSANGS PA'I 'JIG RTEN NAS GSER GYI SA GZHI LA THUG GI BAR DANG, RGYAR LCAGS RI LA THUG PA'AM, BLOS JI TZAM SPRO THUB THUB SPROS NAS BSGOM PA NI, GNAS BSRUNG PA'I CHED YIN LA, KHRO BO RNAMS KYI GNAS GSUM DU YI GE GSUM 'GOD PA NI BDAG BSRUNG BA'I CHED YIN NO, ,GNYIS PA SGRUB THABS KYI GZHUNG BSHAD PA LA GNYIS, GZHI'I SRID PA 'CHAGS 'JIG GI RIM PA DANG CHOS MTHUN PAR DANG PO SBYOR BA'I TING NGE 'DZIN BSGOM TSUL BSHAD PA DANG, 'BRAS BU SANGS RGYAS KYI MDZAD PA DANG CHOS MTHUN PAR DKYIL 'KHOR RGYAL MCHOG GI TING NGE 'DZIN SGOM TSUL BSHAD PA'O, ,DANG PO LA GNYIS,
, ,SNOD KYI SRID PA 'CHAGS 'JIG GI RIM PA DANG CHES MTHUN PAR RTEN GZHAL YAS KHANG BSGAM PA'I TSUL DANG, BCUD KYI SRID PA 'CHAGS 'JIG GI RIM PA DANG CHOS MTHUN PAR SKU GSUM GYI RNAL 'BYOR BSGOM TSUL BSHAD PA'O,, DANG PO LA GNYIS, SNOD SNGA MA STONGS PA'I RIM PA DANG CHOS MTHUN PAR YE SHES KYIS BSGOM TSUL DANG, SNOD PHYI MA 'CHAGS PA'I RIM PA DANG CHOS MTHUN PAR RLUNG GI DKYIL 'KHOR SOGS BSGOM PA'I, ,DANG PO LA GNYIS, MTHUN YUL BSHAD PA DANG, DE DANG CHOS MTHUN SBYAR NAS BSHAD PA'O, ,DANG PO NI, MNAR MED KYI SEMS CAN LAS ZAD PA RNAMS NI, TSE'I DUS BYAS NAS BDE 'GROR SKYE ZHING, LAS MA ZAD PA RNAMS NI 'JIG RTEN GYI KHAMS GZHAN GYI MNAR MED DU SKYE STE, SDUG BSNGAL MYONG BA'I TSUL GYI 'JIG RTEN GYI KHAMS 'DI'I MNAR MED STONGS SO, ,DE'I RJES SU STONGS TSUL DE BZHIN DU BYAS TE, CHA DMYAL LHAG MA BDUN DANG, GRANG DMYAL BRGYAD RTZA BA'I GNAS NA GNAS PA'I YI DVAGS DANG, BYING NA GNAS PA'I DUD 'GRO RNAMS RIM GYIS STONGS SHING, LHA MI RNAMS DANG LHAN CIG TU GNAS PA'I DUD 'GRO RNAMS NI DE RNAMS DANG LHAN CIG TU STONGS LA, DE'I RJES SU MI STONGS PA'I TSUL NI, DE'I TSE 'DZAM BU GLING PA'I MI GCIG GI RGYUD LA CHOS NYID KYIS THOB PA'I BSAM GTAN DANG PO'I TING NGE 'DZIN SKYES TE, DES DBEN PA LAS SKYES PA'I DGA' BDE NI BDE BA DANG ZHI PA'O, ,ZHES BRJOD CING, GZHAN RNAMS KYIS KYANG DE THOS PA LA BRTEN NAS BSAM GTAN DANG PO'I TING NGE 'DZIN RGYUD LA SKYES TE, TSE'I DUS BYAS NAS DE RNAMS KYANG BSAM
GTAN DANG PO'I LHAR SKYES SO, ,DE'I RJES SU STONGS TSUL DE BZHIN DU BYAS NAS, SHAR LUS 'PHAGS PO DANG, NUB PA GLANG SPYOD PA'I MI RNAMS KYI RGYUD LA YANG, BSAM GTAN DANG PO'I TING NGE 'DZIN SKYES TE, TSE'I DUS BYAS NAS THAMS CAD KYANG BSAM GTAN DANG POR 'PHOS SO, ,DE'I RJES SU BYANG SGRA MI SNYAN PA RNAMS NI RNAM SMIN GYI SGRIB PA SHAS CHE BAS, TSE DE LA 'DOD CHAGS DANG BRAL BA MI SRID PAS TSA'I DUS BYAS NAS 'DOD LHAR SKYES SO, ,DE'I RJES SU RGYAL CHEN RIGS BZHI PA DANG, SUM CU RTZA GSUM, 'THAB BRAL, DGA' LDAN, 'PHRUL DGA', GZHAN 'PHRUL DBANG BYAD PA STE, 'DOD LHA RIGS DRUG GI RGYUD LA BSAM GTAN DANG PO'I TING NGE 'DZIN SKYES TE, THAMS CAD KYANG CHE'I DUS BYAS NAS BSAM GTAN DANG PO RI 'PHOS SO, ,DE'I RJES SU BSAM GTAN DANG PO'I LHA GCIG GI RGYUD LA CHOS NYID KYIS THOB PA'I BSAM GTAN GNYIS PA'I TING NGE 'DZIN SKYES TE, DES TING NGE 'DZIN LAS SKYES PA'I DGA' BA DE NI BDE BA DANG ZHI BA'O ZHES BRJOD CING, GZHAN RNAMS KYIS KYANG DE THOS PA LA BRTEN NAS BSAM GTAN GNYIS PA'I TING NGE 'DZIN RGYUD LA SKYES TE, TSE'I DUS BYAS NAS BSAM GTAN GNYIS PAR 'PHOS PA'I TSUL GYIS BCUD KYI SRID PA DE STONGS SO, ,DE'I RJES SU SNOD STONGS PA'I TSUL NI, DE'I TSE SEMS CAN MED PA'I DBANG GIS, LHA RNAMS KYIS DUS DUS SU CHAR 'BEBS PA MED PAS RTZI SHING NAGS TSAL RNAMS BSKAMS TE, DE LTAR GYI NYI MA 'DI NYID KYIS SREG PAR BYED DO, ,DE'I RJES SU RAB TU TSA BA'I NYI MA GNYIS PA SHAR TE LTENG KA CHE CHUNG RNAMS SKEMS SO, ,DE'I RJES SU RAB TU TSA BA'I NYI MA GSUM PA SHAR NAS
, ,CHU KLUNG CHE CHUNG DANG, DE'I RJES SU RAB TU CHA BA'I NYI MA BZHI PA SHAR NAS MTSO MA DROS PA DANG, DE'I RJES SU RAB TU TSA BA'I NYI MA LNGA PA DANG DRUG PA'I PHYAGS GCIG SHAR NAS PHYI'I RGYA MTSO SKEMS PAR BYED DO, ,DE'I RJES SU RAB TU TSA BA'I NYI MA DRUG PA'I PHYOGS GCIG DANG, BDUN PA SHAR NAS GLING BZHI LCAGS RI LHUN PO DANG BCAS PA BSREGS TE ME LCE GCIG TU BYAS PA'I ME LCE RLUNG GIS BSKYOD PAS, BSAM GTAN DANG PO MAN CHAD KYI GZHAL MED KHANG RNAMS BSREGS TE, THAMS CAD KYANG NAM MKHA'I RANG BZHIN GCIG TU BYAS PA'I TSUL GYIS SNOD KYI SRID PA DE STONGS SO, ,GNYIS PA DE DANG CHOS MTHUN SBYAR NAS BSHAD PA NI, DNGOS PO MED PAS BSGOM PA MED, CES PA NAS, SMON PA MED PA'I RANG BZHIN DU GYUR, ZHES PA'I BAR RNAMS YIN LA, DE NI MDOR BYAS LAS GSUNGS SHING, DE'I MTHUN YUL NI RNAM GZHAG RIM PA LAS GSUNGS SO, ,CHOS MTHUN PA'I TSUL NI, YE SHES KYIS BDE BA CHEN PO NAS SNOD RANG BZHIN GYIS MED PAR NGES PA'I NGES BON SNOD MED PA DANG, GZHI LA SNOD STONGS PA'I TSE SNOD MED PA GNYIS PO DE CHOS MTHUN, YE SHES KYI SA BDE BA CHEN POS SNOD RANG BZHIN GYIS MED PAR NGES PA'I SNANG NGO NA SNOD MI SNANG BAR MES PA DANG, GZHI LA SNOD STONGS PA'I TSE SNOD MI SNANG BA GNYIS PO DE CHOS MTHUN NO, , CI'I PHYIR BDE BA CHEN PO'I YE SHES DE LA SA ZHES BYA ZHE NA, DE YANG SNOD SNGA MA STONGS PA'I NAM MKHA' DES SNOD PHYI MA 'CHAGS PA'I RTEN BYED PA DE BZHIN DU, BDE BA CHEN PO'I YE SHES DES KYANG, GZHAL YAS KHANG 'CHAGS PA'I RTEN BYED PAS NA YE SHES
KYIS ZHES BJOD PA YIN NO, ,DE YANG SKABS 'DIR BSGOM RGYU'I STONG NYID DE LA SNOD BCUD DON DAM PAR MED PA DANG, SGOM PA DANG BSKOM ? PAR BYA BA DANG SGOM PA PO GSUM BDEN PAR MI DMIGS PA DANG, CHOS RNAMS KYI NGO BO RGYU 'BRAS GSUM RANG BZHIN GYIS MED PA'I RNAM THAR SGO GSUM PO YIN ZHING, SKABS 'DIR DNGOS PO MED PAS ZHES SOGS KYI TSIGS BCAD BRJOD PA'I SGO NAS STONG NYID BSGOM PA'I DGOS PA NI, DBANG RTUL RNAMS KYIS STONG NYID KYI LTA BA GSAR DU RTOGS PA DANG, DBANG 'BRING GIS BRJED PA DRAN PA DANG, DBANG RNON RNAMS KYIS RTOGS ZIN BRTAN PA DANG, YE SHES KYI TSOGS GSOG PA DANG, LUS NGAG YID GSUM LA THA MAL GYI SNANG ZHEN RTOG PA SPONG BA DANG, 'OG NAS 'CHAD PA'I RTEN DANG BRTEN PA'I DKYIL 'KHOR STONG PA NYID KYI RNAM 'GYUR DU 'CHAR BA'I CHED DANG, 'KHOR BA'I RTZA BA BDEN 'DZIN 'GOG PA DANG, DON DAM PA'I BSRUNG BAR 'GYUR BA DANG, GZHI'I 'CHI BA SBYONG BA DANG, RDZOGS RIM GYI 'OD GSAL RNAMS KYIS RGYUD SMIN PAR BYED PA DANG, 'BRAS BU'I CHOS SKU 'GRUB PA SOGS KYI DGOS PA DU MA YOD DO, ,GNYIS PA LA MTHUN YUL DANG, DE DANG CHOS MTHUN SBYAR BA GNYIS, DANG PO LA SNOD KYI 'JIG RTEN 'CHAGS PA'I TSUL NI, BSAM GTAN GNYIS PA NAS 'OG TU RLUNG CUNG ZAD CIG BABS PAS RKYEN BYAS PA LA BRTEN NAS, BSAM GTAN DANG PO'I GZHAL MED KHANG RNAMS CHAGS, DE NAS 'OG TU RLUNG CUNG ZAD BABS PAS RKYEN BYAS PA LA BRTEN NAS GZHAN 'PHRUL DBANG BYED NAS 'THAB BRAL GYI BAR GYI GZHAL MED KHANG RNAMS YAS RIM GYIS ? GSO, ,DE NAS SEMS CAN SPYI MTHUN GYI
, ,LAS KYI DBANG GIS, NAM MKHA' LA SNOD KYI SNGA LTAS SU GYUR PA'I RLUNG 'JAM PO KHAD KYIS GA-YOS PA RIM GYIS 'PHEL BA LA BRTEN NAS, RLUNG GI DKYIL 'KHOR RNGAMS SU DPAG TSAD 'BUM PHRAG BCU DRUG RGYAR DPAG TSAD GRANGS MED PA TSAN PO CHE'I RDO RJES GZHIG MI NUS PA'I RLUNG GI DKYIL 'KHOR DE CHAGS, DE'I STENG DU GSER GYI SNYING PO CAN GYI SPRIN NAM MKHA' LA KHRIGS PA DE LAS, GSER GYI SNYING PO CAN GYI CHAR GYI RGYUN SHING RTA'I 'PHANG LO TZAM BABS PA YUN RING DU BSAGS PA LA BRTEN NAS CHU'I DKYIL 'KHOR DE CHAGS, DE SEMS CAN GYI LAS KYI DBANG GIS BYUNG BA'I RLUNG GIS PHYOGS BZHI NAS BSRUBS PA LAS, 'O MA BSKOL BA LAS SPRIS MA CHAGS PA BZHIN DU GSER GYI SA GZHI CHAGS, ME'I DKYIL 'KHOR LOGS SU MA BSHAD KYANG DKYIL 'KHOR GZHAN GSUM GYI GSEB NA ME'I BYED LAS DANG, RDUL PHRAN SOGS YOD PAS, GZHI LA ME'I DKYIL 'KHOR GYI MTHUN YUL CHAD PA'I SKYON MED DO, ,DE'I STENG DU SEMS CAN GYI LAS KYI DBANG GIS KHAMS SNA TSOGS PA'I SNYING PO CAN GYI SPRIN MKHA' LA 'KHRIGS, DE LAS KHAMS SNA TSOGS PA'I SNYING PO CAN GYI CHAR GYI RGYUN BABS PA RGYUN RING DU BSAGS PA LAS PHYI'I RGYA MTSO DE CHAGS, DE SNGA MA LTAR BSRUBS PA LAS KHAMS RAB RNAMS LAS LHUN PO, 'BRING RNAMS LAS GSER GYI RI BDUN, THA MA RNAMS LAS GLING BZHI GLING PHRAN DANG BCAS PA CHAGS SO, ,GNYIS PA NI, STONG PA'I NGANG LAS SKAD CIG GIS RDO RJE'I SA GZHI, ZHES PA NAS, BYANG PHYOGS PA RNAMS LA SNA TSOGS RDO RJE'I GDAN, ZHES PA'I BAR LHAG MOS KYI RTEN GZHAL YAS
KHANG BSGOM PA MDOR BYAS LAS GSUNGS, DE'I MTHUN YUL SNOD CHAGS PA'I TSUL NI, RNAM GZHAG RIM PA LAS GSUNGS, CHOS MTHUN PA'I TSUL NI, RLUNG GI DKYIL 'KHOR BSGOM PA NI, GZHI LA RLUNG GI DKYIL 'KHOR CHAGS PA DANG CHOS MTHUN, DES DKYIL 'KHOR GZHAN GSUM LA'ANG RIGS 'GRE'O, ,SNA TSOGS RDO RJE'I STENG DU GZHAL YAS KHANG BSGOM PA NI, GZHI LA RI GLING CHAGS PA DANG CHOS MTHUN NO, ,DE RNAMS RDZOGS RIM GYI MTSON DON LA SBYAR NA, CHOS 'BYUNG GI RTZE MO PHRA BAS NI, LAS DANG PO PA'I DUS SU YON TAN CHUNG BA DE MTSON, GDENGS KA CHE BA GYEN DU PHYOGS PAS, MOS SPYOD NAS BZUNG STE YON TAN JE RGYAS SU 'GRO BA DE MTSON, KHA DOG DKAR POS NI RANG BZHIN RNAM DAG DE MTSON ZUR GSUM PO DES RNAM THAR SGO GSUM DANG, DE GSUM RTOGS PA'I SHES RAB GSUM PO DE MTSON, DA BHA GA'I DBYIBS SU YOD PAS BDE BA CHEN PO DE MTSON, DE'I NANG DU LHAG MOS KYI RTEN DANG BRTEN PA'I DKYIL 'KHOR CHUD PAR BSGOM PA NI, BDE STONG DBYER MED KYI LAM BSGOM PA LA BRTEN NAS 'BRAS DUS KYI YON TAN THAMS CAD 'BYUNG BA DA MTSON, CHOS 'BYUNG GRU GSUM PAR BSGOM PA NI, RGYUD PHYI MA LAS, CHOS 'BYUNG BA NI JI LTAR SGOM ZHES ZHUS PA'I LAN DU, SKU GSUNG THUGS KYI DBYE BA YIS, ,GRU GSUM DU NI RNAM PAR SGOM, ZHES GSUNGS PAS STON LA, RLUNG GI DKYIL 'KHOR SOGS BZHI SGOM PAS NI RIM PA BZHIN, RDZOGS RIM PA'I RNAL 'BYOR PA'I MNYAM GNAS RLUNG GI RLUNG KHA DOG LJANG SER, GYEN RGYU ME'I RLUNG GI KHA DOG DMAR PO DANG, SROG 'DZIN CHU'I RLUNG KHA DOG DKAR PO DANG, THUR SEL SA'I RLUNG KHA DOG
, ,SER PO MTSON, DKYIL 'KHOR BZHI PO SPYAN SOGS LHA MO BZHI'I NGO BOR BSGOM PA NI, PHYI'I RKYEN PADMA CAN LA SOGS PA'I PHYAG RGYA BZHI PO DE MTSON, DE BZHI KA GCIG TU 'DRES PA LAS SNA TSOGS RDO RJE SGOM PAS NI, PHYI'I RKYEN PHYAG RGYA DANG RIM PA BZHIN MNYAM PAR SBYAR BA DANG, NANG GI RKYEN RLUNG BZHI LA RDOR BZLAS BYAS PA LAS BYUNG BA'I RIM PA BZHI PA'I DON GYI 'OD GSAL DE MTSON, RVA LNGA PO DES 'OD GSAL GYI YE SHES LNGA PO DE MTSON, SNA TSOGS RDO RJE'I LTE BAR RTEN DANG BRTEN PA'I DKYIL 'KHOR BSGOM PAS NI, DON GYI 'OD GSAL LAS ZUNG 'JUG PA'I RTEN DANG BRTEN PA'I DKYIL 'KHOR GNYIS 'BYUNG BA DE MTSON, GNYIS PA LA, SKU GSUM MNGON DU BYED PA'I RTEN LHAG MOS KYI LHA'I 'KHOR LO SGOM PA'I TSUL DANG, SKU GSUM GYI RNAL 'BYOR SGOM TSUL DANG, DE MYUR DU 'GRUB PA'I THABS LHAN SKYES KYI BDE CHEN SKYES TSUL BSHAD PA'O, ,DANG PO LA MTHUN YUL DANG, DE DANG CHOS MTHUN SBYAR NAS BSHAD PA'O, ,DANG PO NI, DE NAS BCUD KYI 'JIG RTEN 'CHAGS PA'I TSUL NI, DE'I TSE BSAM GTAN GNYIS PA'I LHA TSE DANG BSOD NAMS DANG LAS ZAD PA GCIG TSE'I DUS BYAS NAS BSAM GTAN DANG POR SKYE BA LEN PAR BYED, DE NAS RIM GYIS GZHAN 'PHRUL DBANG BYED NAS RGYAL CHEN RIGS BZHI'I BAR GYI 'DOD LHA DRUG PO YAS RIM NAS CHAGS SO, ,DE NAS BYANG SGRA MI SNYAN PA NAS TSE DMYAL BRGYAD KYI BAR RIM BZHIN CHAGS NAS MNAR MED DU SEMS CAN GCIG SKYES PA DANG, BCUD CHAGS PA'I MJUG RDZOGS PA DANG, GNAS PA'I 'GO RTZOM PA GSUM DUS MNYAM
MO, ,DE LTAR 'JIG PA'I BSKAL PA NYI SHU, STONGS PA'I BSKAL PA NYI SHU, 'CHAR BA'I BSKAL PA NYI SHU, GNAS PA'I BSKAL PA NYI SHU STE BAR BSKAL BRGYAD CU PO DE LA BSKAL CHEN GCIG ZER, SEMS CAN DE RNAMS KYI NANG NAS 'DZAM BU GLING PA'I BSKAL PA DANG PO PA'I MI RNAMS NI MTSAN DPE RJES MTHUN PA DANG LDAN PA DANG, TSE LO DPAG MED THUB PA DANG, DBANG PO KUN TSANG BA DANG, RDZU 'PHRUL GYIS NAM MKHA' LA 'GRO NUS PA DANG, KHAM ZAS LA MI LTOS PAR DGA' BA ZAS SU ZA BA DANG, NYIN MTSAN GYI KHYAD PAR MED PAR LUS KYI 'OD KYIS GSAL BAR BYED NUS PA DANG, RDZUS TE SKYES PA STE CHOS BDUN DANG LDAN PA ZHIG YOD PA, DE'I TSE SA CHEN PO'I 'DI'I STENG NA, SA BCUD RO SBRANG RTZI MA SKOL BA LTA BU, KHA DOG MAR GSAR PA'I MDOG LTA BU CIG GIS KHYAB CING GNAS PA LAS, MI KHAM ZAS LA SRED PA'I BAG CHAGS SAD PA GCIG GIS MDZUB MO'I RTZER BLANGS TE MYANGS PA GZHAN RNAMS KYIS KYANG MTHONG STE MYANGS PAS, LUS SRA BA DANG, LCI BA DANG, RDZU 'PHRUL GYIS NAM MKHA' LA 'GRO BAR MI NUS PA DANG, LUS KYI 'OD RNAMS NYAMS TE MUN PA BYUNG NGO, ,DE LA 'DUS TE MYA NGAN BYAS PA LAS SEMS CAN GYI LAS KYI DBANG GIS NYI MA DANG ZLA BA BYUNG NGO, ,DE LA BRTEN NAS LO DANG ZLA BA DANG ZHAG DANG DUS TSIGS RNAMS GRUB BO, ,DE'I TSE BCUD NYUNG DU ZOS PA RNAMS KHA DOG BZANG LA, MANG DU ZOS PA RNAMS KHA DOG NGAN PAS, NGA NI KHA DOG BZANG LA KHYOD NI KHA DOG NGAN NO ZHES KHYAD DU BSAD PA'I MI DGE BA'I DBANG GIS SA'I BCUD DE NUB BO, ,DE LA 'DUS TE MYA NGAN BYAS PAS, YANG
, ,LAS KYI DBANG GIS SA CHEN PO 'DI'I STENG NA SA'I ZHAG RO SNGA MA DANG 'DRA BA LA KHA DOG DONG KHA'I ME TOG LTA BU GCIG GIS KHYAB CING GNAS PA DE NYID ZA BA NAS KHYAD DU GSOD PA'I BAR SNGA MA BZHIN DU BYAS PAS MI DGE BA'I DBANG GIS, ZHES PA NAS, MYA NGAN BYAS PAS ZHES PA SNGA MA BZHIN NO, ,YANG LAS KYI DBANG GIS SA CHEN PO 'DI'I STENG NA MYU GU'I TSAL RO SBRANG RTZI MA SKOL BA LTA BU, KHA DOG KA TAM YU GU'I ME TOG 'DRA BA GCIG GIS KHYAB CING GNAS PAR GYUR PA DE NYID ZA BA NAS ZHES PA SNGA MA BZHIN NO, ,YANG SEMS CAN GYI LAS KYI DBANG GIS SA CHEN PO 'DI'I STENG NA, MA RMOS MA BTAB PA'I 'BRAS SA LU RTZA BA SOR BZHI PA PHUB MA DANG SHUN PA MED PA, NANG BRNGAS PAS NANG SKYE BA DANG, NUB BRNGAS PAS NUB SKYE BA DANG, BRNGAS PA MI MNGON PA GCIG GIS KHYAB CING GNAS PA DE NYID ZA BAR BYED CING, DE NI KHA ZAS RAGS PA YIN PAS BSNYIGS MA RNAMS BSHAD GCIR 'GYUR ZHING, DE 'DOR BA'I PHO MO'I DBANG PO RNAMS SO SOR DOD PAR GYUR TO, ,DE'I TSE 'KHRIG PA'I BAG CHAGS SAD PA 'GA' ZHIG GIS LOG PAR ZHUGS PA STE, GZHAN GYIS MTHONG BAS SA 'THOR BA LA SOGS PA BYAS PAS MI MTHONG BA'I PHYIR DU KHYIM BRTZIGS SHING KHYIM GYI THOG MA DE NAS GRUB PO, ,DE'I TSE SEMS CAN RNAMS KYI 'BRAS SA LU NANG ZA BA NANG LEN, NUB ZA BA NUB LEN PA YIN PA LA, LE LO CAN 'GA' ZHIG GIS NANG NUB GNYIS KYI 'BRAS DUS GCIG LA BLANGS PAS, GZHAN DAG GIS DE MTHONG NAS ZHAG BDUN LA SOGS PA'I 'BRAS
PHYOGS GCIG TU BLANGS PAS RKYEN BYAS PA LA BRTEN NAS BRNGAS PA RJES MNGON PA DANG, SLAR 'DEBS DGOS PA CIG BYUNG BAS, DE'I TSE 'BRAS SA LU SKYE BA'I SA CHA LA MA 'CHAM PAR DBANG CHE BAS CHUNG BA LA 'PHROG PA DANG, 'JAM POS RKU BA DANG, DE LA BRTEN NAS GCIG GIS GCIG GSOD PA LA SOGS PA'I MI DGE BA'I LAS LAM BCU GRUB PO, ,DE'I TSE 'BRAS SA LU PHUB MA DANG SHUN PA YOD PA, DE'I TSE RGAN PO RNAMS GROS BYAS NAS, MI RANG BZHIN GYI GSHIS BZANG BA BLO TSAD PA CIG ZHING DPON DU BSKOS NAS STON THOG GI DRUG CHA BSTABS PAS, DES KYANG KHRIMS TSUL BZHIN DU SPYOD PAR BYED DO, ,DE NAS BRGYUD PA LA NI MANG POS BSKUR BA ZER ZHING, SH'AKYA RNAMS NI DE LAS BRGYUD PA YIN NO, ,GNYIS PA CHOS MTHUN NI, SKAD CIG GIS LHAG PAR MOS PA ZHES PA NAS, TSAR GCOD PA'I TSUL GYIS BZHUGS PAR GYUR, ZHES PA'I BAR RNAMS YIN ZHING, DE NI MDOR BYAS LAS GSUNGS LA, MTHUN YUL BCUD CHAGS PA'I TSUL NI, RNAM GZHAG RIM PA LAS GSUNGS, THUGS KA'I H'Um SNGON PO, ZHES PA NAS SANGS RGYAS KYI ZHING DU GSHEGS PAR GYUR, ZHES PA'I BAR NI LHAG MOS KYI MDZAD PA DANG, DE NAS BZUNG STE RKANG MTHIL GNYIS SU GNOD MDZES RGYAL PO ZHES PA'I BAR NI, LHAG MOS LUS LA SDUD PA YIN NO, ,CHOS MTHUN PA'I TSUL NI LHAG MOS KYI LHA SKAD CIG GIS DKRONG BSKYED BYED PA NI, 'DZAM BU GLING PA'I BSKAL PA DANG PO'I MI RNAMS RDZUS TE SKYES PA DANG CHOS MTHUN NO, ,LHA PHO MO'I RNAM PAR BSGOM PA NI BSKAL PA DANG PO'I MI RIM GYIS PHO MO'I RNAM PAR GYUR PA DANG CHOS MTHUN, SGOM
, ,TSUL NI LHAG MOS KYI LHA SA BAN DANG PHYAG MTSAN SOGS MED PAR DUS GCIG TU GRUB PAR BSKYED NAS, RIM GYIS GSAL GDAB PA DANG, LHA THAMS CAD GTZO BO'I CHA SHAS SU MOS PA DANG, GTZO 'KHOR THAMS CAD BDE STONG DBYER MED DU BLTAS NAS SGOM PAR BYED PA NI, RDZOGS RIM DANG 'BRAS DUS KYI RTEN DANG BRTEN PA'I DKYIL 'KHOR DNGOS GNAS LA GNAS PA DE 'GRUB PA'I CHED YIN NO, ,LHAG MOS KYI MDZAD PA DANG, LUS LA BSDU BA GNYIS NI, SNGON BYUNG STON PA'I RNAM THAR DANG MTHUN PAR BSGOM PA'I 'BRAS BU LAM BYED YIN GYI, GZHI LA CHOS MTHUN SBYAR RGYU MED DO, ,DKYIL 'KHOR DU 'JUG PA'I TSUL LA, SLAB MA DKYIL 'KHOR DU 'JUG PA NI SHAR SGO NAS 'JUG PA DANG, RDO RJE SHUGS KYI 'JUG PA NI DKYIL 'KHOR BTEG STE 'OG NAS 'DZUL BAR MOS PA'I TSUL GYIS 'JUG PA DANG, DAM TSIG PA LA YE SHES PA 'JUG PA NI STENG NAS THAL BYUNG DU 'JUG PA DANG, RDO RJE SEMS DPAS 'JUG PA NI, DKYIL 'KHOR GYI PHYOGS BZHI NAS THOGS PA MED PAR 'JUG PA DANG, TSUL BZHI YOD PA LAS SKABS 'DIR SEMS CAN 'JUG TSUL NI PHYI MA LTAR YIN NO, ,GNYIS PA LA 'CHI BA SBYANG ZHING CHOS SKU 'GRUB PA'I RGYU LHAG MOS 'OD GSAL DU SDUD TSUL DANG, BAR DO SBYONG ZHING LONGS SKU 'GRUB PA'I THABS KYI GTZO BO MNGON BYANG LNGA LAS DANG PO'I MGON PO BSKYED TSUL DANG, SKYE BA SBYONG ZHING SPRUL SKU 'GRUB PA'I THABS KYI GTZO BO DANG PO'I MGON PO SPRUL SKU RDOR SEMS SU BSGYUR BA'I TSUL DANG GSUM, DANG PO LA MTHUN YUL DANG, DE DANG CHOS MTHUN SBYAR NAS BSHAD PA GNYIS,
DANG PO NI, 'DZUM BU GLING PA'I BSKAL PA DANG PO'I MI RIM GYIS THA MAL PAR GYUR PA KHAMS DRUG LDAN 'CHI BA NA, GZUGS PHUNG DANG, GZHI DUS KYI ME LONG LTA BU'I YE SHES DANG SA KHAMS DANG MIG GI DBANG PO DANG, RANG RGYUD KYIS BSDUS PA'I YUL GZUGS RNAMS DUS MNYAM DU THIM LA, DE LA PHYI RTAGS DANG NANG RTAGS GNYIS YOD PA LAS, PHYI RTAGS NI GZUGS PHUNG THIM PA'I RTAGS LA LUS KYI YAN LAG RNAMS SNGAR LAS PHRA RU SONG BA DANG, LUS NYAMS STOBS CHUNG ZHING NUS PA NYAMS PAR 'GYUR BA DANG, ME LONG LTA BU'I YE SHES THIM PA NA, MIG MI GSAL ZHING RAB RIB TU 'GYUR, SA'I KHAMS THIM PA'I RTAGS LA LUS SHAS CHER BSKAMS PA'I LHOD LHOD POR 'GYUR, MIG DBANG THIM PA'I RTAGS LA MIG 'BYED 'DZUM MI SHES PAR 'GYUR, RANG RGYUD KYIS BSDUS PA'I YUL GZUGS THIM PA'I RTAGS LUS KYI MDANGS YAL BAR 'GYUR, DE RNAMS KYI NANG RTAGS LA SMIG RGYU LTA BU'I NYAMS 'BYUNG, DE'I RJES SU TSOR PHUNG, GZHI DUS KYI MNYAM NYID YE SHES, CHU'I KHAMS, RNA BA'I DBANG PO, RANG RGYUD KYIS BSDUS PA'I SGRA RNAMS KUN MNYAM DU 'OD GSAL DU THIM PAR 'GYUR LA, DE LA PHYI'I RTAGS DANG NANG GI RTAGS GNYIS 'BYUNG LA, DE YANG GZHI DUS KYI TSOR BA'I PHUNG PO THIM PA'I RTAGS SU, DBANG SHES 'KHOR GYI GTZO BO TSOR BA BDE SDUG RNAMS MI GSAL BAR 'GYUR, MNYAM NYID YE SHES THIM PA'I RTAGS SU, YE SHES 'KHOR GYI TSOR BA BDE SDUG MI GSAL BAR 'GYUR, CHU'I KHAMS THIM PA'I RTAGS LA, KHA CHU DANG KHRAG RNAMS BSKAMS, RNA BA'I DBANG PO THIM PA'I RTAGS LA PHYI NANG GI SGRA
, ,MI THOS, RANG RGYUD KYIS BSDUS PA'I SGRA THIM PA'I RTAGS LA RNA BA'I NANG GI 'UR SGRA MI GRAG ,DE RNAMS KYI NANG GI RTAGS LA DU BA LTA BU'I NYAMS 'BYUNG, DE'I RJES LA 'DU SHES KYI PHUNG PO, GZHI DUS KYI SO SOR RTOG PA'I YE SHES, ME'I KHAMS, SNA'I DBANG PO RANG RGYUD KYIS BSDUS PA'I DRI RNAMS DUS MNYAM DU THIM, DE LA YANG RTAGS GNYIS LAS PHYI'I RTAGS NI, 'DU SHES KYI PHUNG PO THIM PA'I RTAGS LA, NYE DU SOGS KYI DON MI DRAN, SOR RTOG YE SHES THIM PA'I RTAGS LA, NYE DU SOGS KYI MING MI DRAN ME'I KHAMS THIM PA'I RTAGS LA, LUS KYI BZA' BTUNG 'JU BA'I NUS PA NYAMS, SNA'I DBANG PO THIM PA'I RTAGS LA, DBUGS PHYIR DRAG TU RING DU RGYU ZHING, NANG DU SDUD MI NUS SHING, RGYU BA ZHAN PAR 'GYUR, RANG RGYUD KYIS BSDUS PA'I DRI THIM PA'I RTAGS LA, DRI GSUM PO GANG YANG MI TSOR DE RNAMS KYI NANG RTAGS LA, MKHA' SNANG LTA BU'I SNANG BA 'BYUNG, DE'I RJES SU 'DU BYED KYI PHUNG PO, GZHI DUS KYI BYA SGRUB YE SHES, RLUNG GI KHAMS, LCE'I DBANG PO, RANG RGYUD KYIS BSDUS PA'I RO DANG, REG BYA RNAMS DUS MNYAM DU THIM, DE LA YANG PHYI'I RTAGS DANG, NANG GI RTAGS GNYIS LAS, PHYI'I RTAGS NI, 'DU BYED KYI PHUNG PO THIM PA'I RTAGS LA, LUS KYI BYA BA DANG SGUL BSKYOD SOGS MI NUS GZHI DUS KYI BYA BA SGRUB PA'I YE SHES THIM PA'I RTAGS LA, PHYI'I BYA BA DANG DGOS PA MI DRAN, RLUNG GI KHAMS THIM PA'I RTAGS SU RLUNG BCU RANG GNAS NAS SNYING GAR 'PHO, LCE'I DBANG PO THIM PA'I RTAGS LA, LCE THUNG ZHING SBOM LA LCE RTZA SNGON PAR 'GYUR, RANG RGYUD KYIS BSDUS PA'I RO
THIM PA'I RTAGS LA, RO DRUG GANG YANG MI TSOR, REG BYA THIM PA'I RTAGS LA, LUS KYIS REG BYA GANG YANG MI TSOR DE RNAMS KYI NANG RTAGS LA, MAR ME 'BAR BA LTA BU'I SNANG BA 'BYUNG, RLUNG SNANG BA LA THIM PA'I SNANG BA RANG DUS SU, STON GNAM GA-YA' DAG LA ZLA 'OD KYIS KHYAB PA LTA BU'I SNANG BA DKAR LAM PA 'BYUNG, SNANG BA MCHED PA LA THIM PA'I MCHED PA RANG DUS SU, STON GNAM GA-YA' DAG PA LA NYI 'OD KYIS KHYAB PA LTA BU'I DMAR LAM PA 'BYUNG, MCHED PA NYER THOB LA THIM PA'I NYER THOB RANG DUS SU, STON GNAM GA-YA' DAG LA MTSAMS KYI SMAG 'THUG POS KHYAB PA LTA BU'I NAG LAM PA'I SNANG BA 'BYUNG, NYER THOB 'OD GSAL LA THIM PA'I 'OD GSAL RANG DUS SU, STON GYI NAM MKHA' GA-YA' DAG SLOD BYED KYI RKYEN GSUM DANG BRAL BA'I NAM MKHA'I RANG MDOG JI BZHIN PA'I SNANG BA 'BYUNG STE, 'CHI BA'I 'OD GSAL NYAMS SU MYONG BAR BYED DO, ,GNYIS PA NI, DE NAS LUS DKYIL GYI LHA RNAM SNANG, SPYAN MA, SA'I SNYING PO, GZUGS RDO RJE MA, BYAMS PA, GSHIN RJE GSHED, MI GA-YO BA RNAMS RIM GYIS 'OD GSAL DU THIM PAR BSGOM PA, GZHI DUS LA GZUGS PHUNG, ME LONG LTA BU'I YE SHES, SA'I KHAMS, MIG DBANG, RANG RGYUD KYIS BSDUS PA'I GZUGS RNAMS 'OD GSAL DU THIM PA DANG CHOS MTHUN TE, 'OG MA CHEN PA GSUM LA YANG SBYOR SHES PAR BYA'O, ,DE NAS GTZUG TOR 'KHOR LOS BSGYUR BA GNOD MDZES RGYAL PO 'JAM DPAL RNAMS RIM GYIS 'OD GSAL DU THIM PAR BSGOM PA DANG, RLUNG SNANG BA LA, SNANG BA MCHED PA LA, MCHED PA
, ,NYER THOB LA THIM PA DANG CHOS MTHUN, DE NAS GTZO BO YANG 'OD GSAL DU THIM PAR BSGOM PA DANG, NYER THOB 'OD GSAL DU THIM NAS 'CHI BA'I 'OD GSAL NYAMS SU MYONG BA DANG CHOS MTHUN PA YIN NO, ,DE SKAD DU YANG RDO RJE PHRENG BA LAS, GZUGS PHUNG RTOG DANG ME LONG DANG, ,SA KHAMS MIG GI DBANG PO DANG, ,GZUGS DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,TSOR BA'I PHUNG PO MNYAM NYID DANG, ,CHU KHAMS RNA BA'I DBANG PO DANG, ,SGRA DANG RNAM LNGAR GYUR PA DANG, ,KHRO BO GNYIS DANG YANG DAG LDAN, ,'DU SHES SO SOR RTOG PA DANG, ,BYIN ZA SNA YI DBANG PO DANG, ,DRI DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,'DU BYED BYA SGRUB YE SHES DANG, ,RLUNG KHAMS LCE YI DBANG PO DANG, ,RO DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,STENG 'OG KHRO BO SHIN TU GCES, ,RANG BZHIN GYIS NI SNANG BA NYID, ,RNAM SHES PHUNG POR ZHUGS PA STE, ,RNAM SHES KYANG NI 'OD GSAL BA'O, ,MYA NGAN 'DAS BCAS KUN STONG DANG, ,CHOS KYI SKUR YANG BSHAD PA YIN, ,BSTAN PAR BYA BA'I DON DU NI, ,GSANG SNGAGS 'DI NI BRJOD PAR BYA, ,A'DMA KONYA Hm ZHES GSUNGS PA'I PHYIR RO, ,SPYI BO LA SOGS PA'I GNAS SU GZUGS PHUNG LA SOGS PA'I LUS KYI CHA SHAS RNAMS DANG, RNAM SNANG LA SOGS PA'I LHA'I 'KHOR LO'I NGO BO DBYER MED DU BYAS NA, GNAS DE DANG DER BDE STONG DBYER MED KYI 'OD GSAL THIM PAR BSGOM, DE NAS GTZO BO YANG 'OD
GSAL DU THIM PA LAS BYUNG BA'I BDE STONG SBYAR NAS BSGOMS TE, SH'U NA+YA T'A'I SNGAGS BRJOD NAS, YUL STONG PA NYID DANG, YUL CAN YE SHES DBYER MED PA'I YE SHES KYI BDAG NYID DE NGA'O SNYAM PA'I NGA RGYAL LA SLOB PAR BYED PA NI, BSKYED RIM PA'I 'CHI BA CHOS SKUR 'KHYER BA'I LAM 'KHYER YIN LA, DE LA NI 'CHI BA CHOS SKUR 'KHYER BA'I LAM 'KHYER DANG, DE BZHIN NYID LAS BYANG CHUB PA DANG, LHAG MOS 'OD GSAL DU SDUD PA'I DE NYID DANG, DON DAM PA'I DKYIL 'KHOR CES BYA'O, ,'O NA BSKYED RIM PA'I CHOS SKUS 'CHI BA SBYONG BA'I TSUL JI LTAR YIN SNYAM NA, THA MAL PA'I 'CHI BA RANG DGA' BA 'BYUNG BA'I DOD LA, RNAL 'BYOR PA LA LHAG MOS 'OD GSAL DU BSDUS PA'I CHOS SKU 'BYUNG BA STE, BSKYED RIM PA'I CHOS SKUS 'CHI BA SBYONG BA'I TSUL YIN NO, ,'O NA DES RDZOGS RIM PA'I RGYUD GANG SMIN PAR BYED SNYAM NA, LUS DBEN DANG NGAG DBEN GYI SKABS KYI DPE'I 'OD GSAL DANG, 'CHI BA DNGOS GNAS PA SBYONG BAR BYED PA'I SEMS DBEN DANG, SGYU LUS KYI SKABS KYI DPE'I 'OD GSAL DANG, RIM PA BZHI PA DANG, LNGA PA'I SKABS KYI DON GYI 'OD GSAL RNAMS KYIS RGYUD SMIN PAR BYED CING, SBYANGS PA'I 'BRAS BU SANGS RGYAS KYI CHOS SKU 'GRUB PAR BYED DO, ,GNYIS PA LA YANG MTHUN YUL DANG, DE DANG CHOS MTHUN SBYAR NAS BSHAD PA GNYIS, DANG PO BAR DO 'GRUB PA'I TSUL NI; 'CHI BA 'OD GSAL GYI RLUNG 'OD ZER LNGA PAS NYER LEN DANG, SEMS KYIS LHAN CIG BYED RKYEN BYAS PA LAS 'DZAM BU GLING PA'I MI GANG DU SKYE BAR 'GYUR BA'I BAR DO DE RLUNG GI LUS CAN, PHUNG PO RNYING PA LAS GO SA LOGS SU DNGOS GNAS LA GRUB PA DANG,
, ,MNYAM DU NYER THOB DANG, DE NAS SMIG RGYU'I BAR DU RIM GYIS 'ONG LA, BAR DO DE'I NGO BO NI 'BYUNG LUS RAGS PA SPANGS PA'I PHRA BA'I LUS CAN YIN PA, DBANG PO KUN TSANG BA, RI BO LA SOGS PA LA THOGS MED DU 'GRO BA, LAS KYI RDZU 'PHRUL SANGS RGYAS KYIS KYANG DGAG PAR MI NUS PA CIG YIN LA, MING GI RNAM GRANGS NI, YID LAS BYUNG BA, SRID 'TSOL, SRID PA BAR MDO, DRI ZA, MNGON GRUB KYI SRID PA RNAMS YIN NO, ,MI'I BAR DO'I BONG TSOD NI, BYIS PA LO LNGA'AM DRUG LON PA LTA BU YIN NO, ,TSE'I TSAD NI ZHAG BDUN YIN LA, DE LA SKYE GNAS MA RNYED NA ZHAG BDUN LA 'CHI CHUNG RE BYAS NAS, BDUN PHRAG BDUN PA LA SKYE GNAS RNYED PAS KHYAB PA YIN NO, ,RNAM PA'I KHYAD PAR LA, NGAN 'GRO'I BAR DO NI, MTSAN MO'I SMAG GIS KHYAB PA LTA BU'AM, PHYAR PA NAG PO BRKYANGS PA LTA BU DANG, BDE 'GRO'I BAR DO NI MTSAN MO ZLA 'OD KYIS KHYAB PA'AM, SNAM BU DKAR PO BRKYANGS PA LTA BU YOD PAR SA'I DNGOS GZHI LAS GSUNGS, YANG DMYAL BA'I BAR DO NI, SDONG DUM MES TSIG PA LTA BU DANG, DUD 'GRO'I BAR DO NI CHU LTA BU DANG, YI DVAGS KYI BAR DO NI DU BLTA BU DANG, 'DOD LHA'I BAR DO NI GSER LTA BU DANG, GZUGS KHAMS PA'I BAR DO NI DKAR POR DGA' BO MNGAL MJUG LAS GSUNGS SHING, GZUGS MED DU SKYE BA LA BAR SRID MED DO, ,MTHONG TSUL NI, RANG DANG RIGS MTHUN GYI BAR DO DANG, RANG GANG DU SKYE 'GYUR GYI SKYE GNAS MTHONG BA YIN NO, ,'GRO TSUL GYI KHYAD PAR LA NGAN 'GRO'I BAR DO NI SPYI'U TSUGS DANG, MI'I BAR DO NI THAD LA 'GRO LA, LHA'I BAR DO NI STENG LA 'GRO BA YIN NO, ,LDOG
TSUL LA, 'GRO BA DE DANG DE'I BAR DO GRUB NAS, 'GRO BA GZHAN DU MI LDOG PAR, MDZED LAS GSUNGS SHING, KUN LAS BTUS LAS NI LDOG PAR GSUNGS SO, ,GNYIS PA DE DANG CHOS MTHUN SBYOR TSUL NI, GDAN DBUS MA'I STENG DU, ZHES PA NAS, DANG PO'I MGON PO ZHES PA'I BAR RNAMS YIN LA DE RNAMS NI MDOR BYAS LAS GSUNGS SHING, MTHUN YUL BAR DO 'GRUB TSUL NI, RNAM GZHAG RIM PA LAS GSUNGS, RNAM PA MTHUN PA'I TSUL NI, GDAN DBUS MA'I STENG DU NYI ZLA PADMA GSUM SGOM PA NI, 'CHI BA'I 'OD GSAL THOB MCHED SNANG GSUM 'BYUNG BA DANG CHOS MTHUN, NYI ZLA PAD GSUM GYI RGYUR GYUR PA'I YI GE GSUM BSGOM PA NI, THOB MCHED SNANG GSUM GYI RGYUR GYUR PA'I RLUNG GSUM PO DE DANG CHOS MTHUN PADMA'I STENG DU YI GE GSUM STENG NAS STENG DU BRTZEGS PAR SGOM PA NI, THOB MCHED SNANG GSUM GYI BZHON PA'I RLUNG GSUM DANG CHOS MTHUN, DE THAMS CAD GCIG TU 'DRES PA LAS ZLA BA'I DKYIL 'KHOR GCIG TU GYUR PAR BSGOM PA NI, BAR DO'I RLUNG SEMS DNGOS PO GCIG PA DE DANG CHOS MTHUN, ZLA BA'I STENG DU YI GE GSUM STENG NAS STENG DU BRTZEGS PAR BSGOM PA NI, BAR DO'I NGAG DANG CHOS MTHUN, RDO RJE DKAR PO RTZE LNGA PA NI, BAR DO'I YID DANG CHOS MTHUN, DANG PO'I MGON PO BSGOM PA NI, BAR DO'I LUS DANG CHOS MTHUN, SA BON LAS 'OD ZER 'PHRO BAR BSGOM PA NI, BAR DO'I BYA BA DANG CHOS MTHUN, DE 'BRAS BU LA SBYAR NA, ZLA BA LAS BYANG CHUB PA'I ZLA BA'I DKYIL 'KHOR BSGOM PA NI, 'BRAS DUS KYI 'OD GSAL GYI BZHON PA'I RLUNG DANG CHOS MTHUN, DE'I SNGON DU NYI ZLA PAD GSUM YI GE DANG BCAS PA BSGOM PA NI, DON GYI 'OD
, ,GSAL GYI BZHIN PA'I RLUNG DANG BCAS PA'I RGYUR GYUR PA'I THOB MCHED SNANG GSUM DANG, DE'I RGYUR GYUR PA'I RLUNG GSUM DANG CHOS MTHUN, SA BON LAS BYANG CHUB PA DANG, SKU RDZOGS PA LAS BYANG CHUB PA DANG, 'OD ZER SPRO BSDU BYED PA RNAMS NI RIM PA BZHIN, DON GYI 'OD GSAL DE NYID SANGS RGYAS KYI GSUNG THUGS SKU 'PHRIN LAS KYI RNAM PAR SHAR BA DANG CHOS MTHUN, RDO RJE'I RVA LNGA PO DES DON GYI 'OD GSAL GYI YE SHES LNGA PO DE MTSON, RDO RJE'I LTE BA LA YI GE GSUM BSGOM PA NI, SKU GSUNG THUGS KYI RDO RJE GSUM NGO BO DBYER MED PA DE MTSON, SGOM PA'I TSUL NI, NYI MA'I DKYIL 'KHOR NAS, DANG PO'I MGON PO'I BAR RNAMS BDE STONG DBYER MED KYI RNAM 'GYUR DU BLTA BA DANG, DANG PO'I MGON PO'I NGA RGYAL DANG, GSAL SNANG LA BSLAB PA DANG, DAG PA'I RLUNG SEMS SHIN TU PHRA BA'I YE SHES KYI SKUR SHAR BA DE NGA'O SNYAM DU NGA RGYAL LA SLOB PAR BYED PA NI, BAR DO LONGS SKUR 'KHYER BA'I LAM 'KHYER YIN LA, DE DANG SKU RDZOGS PA LAS BYANG CHUB PA DANG, DANG PO'I MGON PO DANG, BSKYED RIM PA'I LONGS SKU RNAMS DON GCIG MING GI RNAM GRANGS YIN NO, ,BSKYED RIM PA'I LONGS SKUS BAR DO SBYONG BA'I TSUL NI, THA MAL PA LA BAR DO RANG DGA' BA 'BYUNG BA'I DOD LA, BSKYED RIM PA'I RNAL 'BYOR PA LA, MNGON BYANG LNGA LAS DANG PO'I MGON PO 'BYUNG BA DE YIN NO, ,RDZOGS RIM GYIS RGYUD GANG SMIN PAR BYED SNYAM NA, DBEN PA GSUM GYI SKABS KYI SGYU LUS RJES MTHUN PA DANG, BAR DO DNGOS GNAS LA SBYONG BAR BYED PA'I RIM PA GSUM PA'I SGYU LUS DANG,
LNGA PA'I SKABS KYI SGYU LUS RNAMS KYIS RGYUD SMIN PAR BYED CING, SBYANGS PA'I 'BRAS BU LA SANGS RGYAS KYI LONGS SKU 'GRUB PA YIN NO, ,GSUM PA SKYE BA SPRUL SKUR 'KHYER BA'I LAM 'KHYER LA YANG, MTHUN YUL DANG, CHOS MTHUN GNYIS YOD PA LAS, DANG PO NI, MNGAL DU SKYE BA LEN PA LA, MA NAD MED CING ZLA MTSAN DANG LDAN PA LA DRI ZA NYE BAR GNAS, PHO MO GNYIS PHAN TSUN CHAGS SHING SNYOMS PAR ZHUGS DGOS PA DANG, MA'I MNGAL RLUNG MKHRIS BAD KA NA SOGS KYIS BKAG PA DANG, MNGAL GROG MO'I RKED PA LTA BU DANG, NAS KYI DBYIBS LTA BU STE, MNGAL GYI SKYON GSUM DANG, PHO MO GNYIS KYI SA BON SNGA PHYIR BABS PA'AM, DUS MNYAM DU BABS KYANG RUL BA LA SOGS PA'I SA BON GYI NYES PA DANG, DRI ZA DES PHO MO GNYIS PHA MAR 'GYUR BA'I LAS MA BSAGS PA DANG, PHO MO GNYIS KYIS KYANG DRI ZA DE BUR 'GYUR BA'I LAS MA BSAGS PA'I LAS KYI NYES PA STE, NYES PA GSUM DANG BRAL NA MNGAL 'CHAGS PAR MNGAL 'JUG LAS GSUNGS SO, ,'CHAGS PA'I TSUL NI, THUGS RDO RJE BAR DO'I RNAM PAR SHES PA DE, CHAGS PA'I SEMS KYI RTEL ZHAN TE, SHIN TU MYUR BAR 'ONGS NAS PHA'I SPYI BO NAS ZHUGS TE, RTZA STONG PHRAG DON GNYIS NAS BABS PA'I THIG LE DANG MNYAM DU 'GROGS NAS PHOR SKYE NA MA LA CHAGS SHING PHA LA SDANG BA DANG, MONG SKYE NA PHA LA CHAGS SHING MA LA SDANG BA SKYES PAS 'CHI RKYEN BYAS NAS, RNAM SHES MA'I MNGAL DU KHU KHRAG 'DRES PA'I DBUS SU ZHUGS NAS SKYE BA LEN PA DANG MNYAM DU NYER THOB, DE LAS MCHED PA, DE LAS SNANG BA, SNANG BA'I RLUNG LAS, RANG LAS RNAM SHES KYI RTEN BYED PA'I NUS PA
, ,RAGS SU SONG BA'I RLUNG GI RLUNG, DE LAS RANG LAS RNAM SHES KYI RTEN BYED PA'I NUS PA RAGS SU SONG BA'I ME'I RLUNG, DE LAS RANG LAS RNAM SHES KYI RTEN BYED PA'I NUS PA RAGS SU SONG BA'I CHU'I RLUNG, DE LAS RANG LAS RNAM SHES KYI RTEN BYED PA'I NUS PA RAGS SU SONG BA'I SA'I RLUNG SKYE'O, ,DE RNAMS KYI RTAGS LA RIM PA BZHIN, MAR ME, MKHA' SNANG, DU BA, SMIG RGYU LTA BU'I SNANG BA RNAMS 'BYUNG ZHING, BAR DO MNGAL DU ZHUGS PA'I DUS KYI KHAMS DKAR PO 'PHEL BA'I RIM PA DE LA, MER MER PO DANG, LTAR LTAR PO DANG, GOR GOR PO DANG, 'KHRANG 'GYUR ,RKANG LAG 'GYUS PA'I SKABS DANG LNGA 'BYUNG LA, DE LA DANG PO NI, PHYI SPRIS MA LTAR CHAGS PA NANG SHIN TU SLA BA, GNYIS PA NI, PHYI NANG GNYIS KA ZHO LTAR BSKA BA DANG, GSUM PA NI, SHAR GYUR KYANG MAN NA MI BZOD PA DANG, BZHI PA NI, MNAN KYANG BZOD PA DANG, LNGA PA NI, 'BUR PO LNGA DOD PA'I GNAS SKABS YIN LA, DE RNAMS RIGS LNGA DANG SBYAR BA RNAM GZHAG GI RIM PA LAS GSUNGS SHING ,SBYOR TSUL NI MI BSKYOD PA NAS, RNAM SNANG GI BAR DU RIM PA BZHIN SBYAR RO, ,KHAMS DMAR PO 'PHEL BA'I GNAS SKABS LA YANG, ZHU BA DANG, DMAR PO DANG, GONG BU DANG, 'KHRANG 'GYUR DANG, YANG DAG PAR 'DRES PA'I GNAS SKABS LNGA 'BYUNG LA, DE YANG RIGS LNGA DANG SBYOR BA DE DAG SDOM 'BYUNG LAS GSUNGS SHING ,SBYOR TSUL NI, DANG PO MI BSKYOD PA DANG, GNYIS PA 'OD DPAG MED, GSUM PA RIN 'BYUNG, BZHI PA DON GRUB, LNGA PA RNAM SNANG DANG SBYOR RO, ,DE NAS KHAMS DKAR DMAR 'PHEL BA LA BRTEN NAS, MNGAL GYI
SKYES BU DE'I PHUNG PO LNGA DANG, KHAMS LNGA, DBANG PO DRUG YUL LNGA, YAN LAG RNAMS RIM GYIS GRUB PA DANG, DE'I RJES SU MNGAL GYI SKYES BU DE'I LUS RDZOGS PA DANG, KHA NAS RLUNG RGYU BA DANG, LCE RKAN SOGS KYI GNAS BRGYAD GRUB PA DANG, YID SHES YUL LA 'JUG PA'I DRAN PA RDZOGS PA DANG, RAGS PA GNAS SKABS PA'I LUS DANG, PHRA BA GNYUG MA'I LUS RNAMS RIM GYIS 'GRUB PA YIN NO, ,MNGAL DU GNAS PA'I TSUL NI, PHO YIN NA MA'I GZHOGS GA-YAS NAS KHA RGYAB NGOS NAS PHYOGS PA DANG, MO YIN NA MA'I GZHOGS GA-YON NAS MDUN ROS LA KHA PHYOGS TE ZLA BA NGO BCU RIL PO DGUR GNAS LA, DE ZHAG GI DBANG DU BYAS NA, ZHAG BDUN PHRAG SO BRGYAD YOD PA'I SO DRUG PA LA, MNGAL LA MI GTZANG BA DANG DRI NGA BA'I BLO 'BYUNG, SO BDUN PA LA MNGAL DU SDOD MI 'DOD PAR, PHYI ROL DU 'BYUNG 'DOD PA DANG, SO BRGYAD PA LA LAS KYI RLUNG YAN LAG CES BYA BAS CHOS 'BYUNG GI SKOR PHYOGS PAR BYED PA STE, DE LAS RLUNG THUR DU BLTA BA ZHES BYA BAS MGO MJUG BSGYUR TE, CHOS 'BYUNG GI SKOR 'PHUL NAS BTZA' BAR BYED DE, BTZAS PA'I GNAS SKABS DE LA BYIS PA, GZHON NU, DAR LA BABS, DAR YOL BA ,RGAN PO'I GNAS SKABS RNAMS 'BYUNG NGO, ,GNYIS PA CHOS MTHUN SBYAR BA NI, RANG BZHIN GYI GNAS NAS, ZHES PA NAS, RIGS BDAG GIS RGYAS BTAB PA'I BAR YIN LA, DE NI MDOR BYAS LAS GSUNGS SHING ,MTHUN YUL NI RNAM GZHAG LAS GSUNGS SO, ,CHOS MTHUN SBYOR BA'I TSUL NI, RANG BZHIN GYI GNAS NAS, ZHES PA NAS, SNYOMS PAR ZHUGS PA'I BAR NI GZHI LA PHO MO GNYIS SNYOMS PAR 'JUG PA DANG CHOS
, ,MTHUN ;MI BSKYOD PA THAMS CAD, CES PA NAS, SEMS DPA' GSUM BRTZEGS KYI BAR RNAMS NI, MA'I MNGAL DU KHAMS DKAR DMAR 'DRES PA'I DBUS SU BAR DO ZHUGS TE SKYE BA BLANGS PA NAS, PHRA BA GNYUG MA'I LUS KYI BAR RNAMS RIM PA BZHIN SBYOR RO, ,RIGS BDAG GIS RGYAS BTAB STE ZHAL GSUM PAR BSGOM PA NI, MNGAL NAS PHYI ROL DU BCAS PA DANG CHOS MTHUN, SGOM TSUL LA, LUS RTEN GZHAL YAS KHANG DU BSGOM TSUL NI, PHYI DKYIL GYI ZUR BZHI LA SOGS PA DANG, SGRUB PA PO'I LUS KYI MDUN RGYAB LA SOGS PA'I LUS KYI CHA SHAS RNAMS DUS MNYAM DU TSOGS PAS NYER LEN DANG, LHAN CIG BYED RKYAN BYAS PAS DKYIL 'KHOR PHYI MA'I RIGS 'DRA SKYES BAR SGOM PA NI, RDZOGS RIM GYI RIM PA GSUM PA DANG, 'BRAS DUS KYI GZHAL YAS KHANG DNGOS GNAS LA GRUB BO, ,BRTEN PA LHA BSGOM PA'I TSUL NI, SGRUB PA POS LUS KYI SPYI BO LA SOGS PA'I GNAS RNAMS SU, GZUGS PHUNG LA SOGS PA'I LUS KYI CHA SHAS RNAMS DANG, AOm YIG LA SOGS SO SO'I SA BON SO GNYIS PO RNAMS NGO BO DBYER MED DU BYAS PA LAS, RNAM SNANG LA SOGS PA'I LHA SO GNYIS KYI GSAL SNANG DANG, NGA RGYAL LA BSLAB PA DANG, DE THAMS CAD BDE STONG DBYER MED KYI RNAM 'GYUR DU BLTAS NAS BSGOM PAR BYA'O, ,DE LTAR BSGOMS BAS RIM PA GSUM PA DANG 'BRAS DUS KYI BRTEN PA'I LHA SO GNYIS DNGOS GNAS LA GRUB 'ONG NGO, ,DE YANG SO SOR BSGOM PA'I DGOS PA LA, YUM BZHI DANG RIGS LNGA BSGOMS PAS NI, RDZOGS RIM DANG 'BRAS DUS SU LHA DANG DER DNGOS GNAS SU 'GRUB PA DANG, SA RNYING SOGS
LNGA BSGOMS PAS NI, MNGON SHES LNGA DANG, LUS DBANG SGRIB SEL DU BSGOMS PAS NI, RDO RJE'I LUS DANG, YAN LAG KHRO BOR BSGOMS PAS NI, SGRUB PA PO LA BGEGS MI 'BYUNG BA'I PHYIR DU YIN NO, ,THUN MONG DU SGOM PA NI RDZOGS RIM DANG 'BRAS DUS SU PHYAG RGYA DANG, SNYOMS PAR ZHUGS PA LAS BYUNG BA'I BDE CHEN GYIS RGYUD SMIN PAR BYED DO, ,SKU GSUNG THUGS BYIN GYIS RLOB PA'I TSUL LA YUL NI SGRUB PA PO'I LUS NGAG YID GSUM YIN LA, TSUL NI YI GE GSUM LAS LHA MO MTSAN MA GSUM SPROS NAS RDO RJE GSUM GYI LHA TSOGS SPYAN DRANGS TE, DPAL LDAN SANGS RGYAS ZHES SOGS KYIS GSOL BA BTAB PA LA BRTEN NAS, RDO RJE GSUM GYI LHA TSOGS SNYOMS PAR ZHUGS PAS NGO BO BDE BA CHEN PO LA, RNAM PA 'OD ZER DKAR DMAR NAG PO GSUM GYI RNAM PAR SPYI BO LA SOGS PA'I GNAS RNAMS SU RMI PAR ZHUGS TE, YE SHES KYI BDE BA CHEN PO THOB PAR BSAMS TE SNGAGS GSUM BRJOD NAS, RIM PA BZHIN ,DE BZHIN GSHEGS PA THAMS CAD KYI SKU GSUNG THUGS RDO RJE'I BDAG NYID DE NGA'O SNYAM PA'I NGA RGYAL LA SLOB PA DANG, RDO RJE GSUM DBYER MED PA'I BDAG NYID DE NGA'O SNYAM PA'I NGA RGYAL LA SLOB PA DE NI, RDZOGS RIM DANG 'BRAS DUS KYI SKABS KYI RDO RJE GSUM SO SO BA DANG, RDO RJE GSUM DBYER MI PHYED PAR 'GRUB PA DANG, SEMS DPA' GSUM BRTZEGS SGOM PA NI, RDZOGS RIM DANG 'BRAS DUS KYI SEMS DPA' GSUM RTZEGS 'GRUB PA'I PHYIR DU YIN NO, ,BSKYED RIM PA'I SPRUL SKUS SKYE BA SBYONG BA'I TSUL NI, THA MAL PA LA SKYE BA RANG DGA' BA 'BYUNG BA'I DOD LA, BSKYED RIM PA'I RNAL 'BYOR PA LA DANG
, ,PO'I MGON PO SPRUL SKU RDOR SEMS SU BSGYUR BA'I SPRUL SKU 'BYUNG BA YIN NO, ,DES RDZOGS RIM GANG GIS RGYUD SMIN PAR BYED PA NI, DBEN PA GSUM GYI SKABS KYI SGYU LUS RJES MTHUN PA PHUNG PO RNYING PA LA ZHUGS PA'I RAGS PA'I SPRUL SKU DANG, DAG MA DAG GI SGYU MA'I SKU PHUNG PO RNYING PA LA ZHUGS PA'I RAGS PA'I SPRUL SKU RNAMS KYIS RGYUD SMIN PAR BYED CING, SBYANGS PA'I 'BRAS BU LA SANGS RGYAS KYI SPRUL SKU 'GRUB PA YIN NO, ,DE LA KHO NA RE BSKYED RIM PA'I CHOS LONGS SPRUL GSUM PO DE SEMS CAN RNAMS KYI NANG NAS, 'DZAM BU GLING PA'I MI'I 'CHI BA BAR DO SKYE BA GSUM DANG RNAM PA MTHUN PA'I SGO NAS BSGOM PAR BYA BA'I PHYIR DU YIN NO, ,RNAM PA MTHUN PA'I TSUL NI, GZHI'I 'CHI BA DANG, BSKYED RIM PA'I CHOS SKU GNYIS MOS PA YID BYED KYI SGO NAS RNAM PA MTHUN LA, RDZOGS RIM DANG 'BRAS DUS KYI CHOS SKU DANG RNAM PA DNGOS GNAS LA MTHUN PA YIN NO, ,GZHI'I BAR DO DANG BSKYED RIM PA'I LONGS SKU MOS PA YID BYED KYI SGO NAS RNAM PA MTHUN, GZHI'I SKYE BA DANG BSKYED RIM PA'I SPRUL SKU MOS PA YID BYED KYI SGO NAS RNAM PA MTHUN, 'O NA THEG PA 'DI'I GDUL BYA'I GTZO BO RIN PO CHE LTA BU'I GANG ZAG DE 'DZAM BU GLING PA'I MI YIN PA'I RGYU MTSAN CI YIN SNYAM NA, DE'I RGYU MTSAN YOD DE, THEG PA 'DI'I GDUL BYA'I GTZO BO RIN PO CHE LTA BU'I GANG ZAG DES, PHO MO GNYIS KYI DBANG PO GNYIS MNYAM PAR SBYAR NAS KHAMS DKAR DMAR GYI 'DU 'PHROD BYAS PA LAS BYUNG BA'I BDE BA LAM DU BYED NUS PA ZHIG YIN LA, DE 'DRA BA'I GANG ZAG NI,
'DZAM BU GLING PA MA GTOGS PA'I 'GRO BA GZHAN LA MED PA'I PHYIR TE, GZUGS MED KHAMS PA'I LHA LA NI, BZHIN LAG GI RNAM PA CAN GYI GZUGS MED PA'I PHYIR DANG, GZUGS KHAMS DANG 'DOD LHA GONG MA LA NI, GZUGS YOD KYANG PHO MO'I DBANG PO MED PA DANG, 'DOD LHA 'OG MA GNYIS LA PHO MO'I DBANG PO YOD KYANG MTSAN SGOR RLUNG NYI TSE BA DE RGYU BA MA GTOGS KHAMS DKAR DMAR GYI 'DU 'PHROD MED PA DANG, NGAN SONG GSUM LA KHAMS DKAR DMAR GYI 'DU 'PHRO'I BDE BA YOD KYANG, DE RNAMS CHOS SGRUB PA'I RTEN DU MI RUNG BA DANG, GLING GZHAN GSUM GYI MI LA KHAMS DKAR DMAR GYI 'PHRO 'DU'I BDE BA YOD KYANG, DE RNAMS TSE SNGA MAR BSAGS PA'I LAS KYI 'BRAS BU TSE 'DIR MYONG BA'I LONGS SPYOD KYIS PA YIN PA'I PHYIR DANG, TSE 'DIR LAM SGOM PA'I 'BRAS BU TSE 'DIR THOB PA'I LAS KYI SA PA MA YIN PA'I PHYIR TE, RNAM GZHAG RIM PA LAS, 'DAS PA DANG MA 'ONGS PA DANG, DA LTAR BYUNG BA'I SANGS RGYAS THAMS CAD MI'I BDAG NYID KYI SRID 'DIR ZHUGS TE, THAMS CAD MKHYEN PA'I DNGOS GRUB KYI GO 'PHANG BRNYAS PA DANG LDAN PAR 'GYUR RO, ,RGYU MTSAN DES NA 'DIR MI'I SRID PA SKYE BA'I RIM PA BSTAN NO, ,ZHES GSUNGS SHING, DES NA DE 'DRA BA'I BDE BA LAM DU BYED PA'I TSAD NI, RNAL 'BYOR PHO MO GNYIS KA'ANG LHA'I RNAL 'BYOR BRTAN PO DANG LDAN PA BYANG CHUB KYI SEMS 'PHO MED DU 'DZIN PA'I SGO NAS BDE STONG SBYOR NUS PA ZHIG DGOS LA, DE 'DRA BA'I GANG ZAG DE LA AUD PA LA DANG, PADMA, PAD DKAR, TZANDAN, RIN PO CHE LTA BU'I GANG ZAG LNGA YOD CING ,DE
, ,RE RE LA YANG SKYES PA BUD MED GNYIS GNYIS YOD PA YIN NO, ,DE YANG BUD MED KYI RTEN CAN TSE DE NYID LA 'TSANG RGYA BA'I TSUL NI, DPER NA YAB KYIS YUM LA BRTEN NAS DGA' BA BZHI DANG, STONG PA BZHI DRANGS TE, STONG PA BZHI'I 'OD GSAL GYI SEMS LAS DAG MA DAG GI SGYU MA'I SKU BSKYED NAS, TSE DE LA MI SLOB PA'I ZUNG 'JUG MNGON DU BYED PA DE BZHIN DU, YUM GYIS KYANG YAB LA BRTEN NAS DGA' BA BZHI DANG, STONG PA BZHI'I 'OD GSAL GYI RLUNG SEMS LAS DAG MA DAG GI SGYU MA'I SKU BSKYED NAS, TSE DE LA MI SLOB PA'I ZUNG 'JUG MNGON DU BYED PA YIN NO, ,BUD MED KYI RTEN LA 'TSANG RGYA BA'I TSUL NI, LU'I BCU GSUM PA RTZA 'GREL LAS GSUNGS SO, ,THEG PA 'DI'I LUGS KYI RIG MA'I 'DOD YON LA BRTEN NAS 'TSANG RGYA BA'I DGOS PA NI, YE SHES RDO RJE KUN LAS BTUS LAS, SNGAGS DANG PHYAG RGYA SNGON DU MNGON PAR 'DU BYAS PA'I RDO RJE DANG PADMA MNYAM PAR SBYOR BA MED PAR RNAM PAR SHES PA GSUM NYE BAR MTSON PAR MI NUS SO, ,BHA GA DANG LING GA YANG DAG PAR SBYOR BAR MI NUS PA DES NI, BDE BA CHEN PO'I TING NGE 'DZIN MI RNYED DO, ,GANG RDO RJE DANG PADMA MNYAM PAR SBYAR BA'I BDE BAS RANG BZHIN SNANG BA YANG DAG PAR 'TSON PAR BYED PA DE NI, BDE BA CHEN PO'I GO 'PHANG LA GNAS BAR 'GYUR RO, ,ZHES GSUNGS PA DANG, RTZA RGYUD LE'U BDUN PA LAS, CHAGS CAN YE SHES 'DOD PA YIS, ,RTAG TU 'DOD YON LNGA RNAMS BSTEN, ,ZHES PA DANG, MDO BSRE LAS KYANG, JI LTAR BCOM LDAN 'DAS KYI GO 'PHANG NI 'DOD CHAGS LAS SKYE BAR 'GYUR BAR RAB TU BSTAN PAR BYA BA'I PHYIR, LE'U DANG PO LAS 'DOD CHAGS CHEN PO'I TSUL ZHES
BYA BA'I TING NGE 'DZIN LA SNYOMS PAR ZHUGS PAR MDZAD, CES DANG, LE'U DANG PO'I SGRON GSAL LAS, GANG GI DON DU 'DI NYID MDZAD, ,SKYE BO 'DOD CHAGS CAN DON DU, ,ZHES GSUNGS PA RNAMS KYIS STON PA YIN NO, ,'O NA BSKYED RIM PA'I CHOS LONGS SPRUL GSUM PO DE, MI RNAMS KYI NANG NAS 'DZAM BU GLING PA BSKAL PA DANG PO'I MI'I 'CHI BA BAR DO SKYE BA GSUM DANG CHOS MTHUN SBYOR BA'I RGYU MTSAN CI YIN SNYAM NA, DE NI RNAM GZHAG RIM PA LAS, LHAG MOS KYI RTEN GZHAL YAS KHANG DANG SNOD CHAGS BA CHOS MTHUN, LHAG MOS KYI LHA'I 'KHOR LO DANG BSKAL BA DANG PO'I MI GNYIS CHOS MTHUN NO, ,LHAG MOS KYI LHA 'OD GSAL DU BCUG PA'I CHOS SKU DANG, BSKAL PA DANG PO'I MI SHI BA GNYIS CHOS MTHUN, BSKYED RIM PA'I LONGS SPRUL GNYIS DANG, BSKAL PA DANG PO'I MI'I BAR DO DANG SKYE BA RNAMS CHOS MTHUN SBYAR BAR GSUNGS PA YIN NO, ,DE LA KHO NA RE, CHOS MTHUN DANG PO DE LTAR RIGS KYANG, CHOS MTHUN PHYI MA GNYIS DE LTAR SBYOR BA MI RIGS TE, 'DZAM BU GLING PA'I MI SHI BA DE 'DZAM BU GLING BA'I MIR SKYE BA'I NGES PA MED PA'I PHYIR ZHE NA, RIM GNYIS KYI CHOS LONGS SPRUL GSUM PO DE, GZHI'I 'CHI BA BAR DO SKYE BA GSUM DANG RNAM PA MTHUN PAR MA ZAD, 'BRAS DUS KYI SKU GSUM DANG YANG RNAM PA MTHUN PA DANG, LONGS SKU DES MDZAD PA BCU GNYIS KYI TSUL BSTAN PA'I SPRUL SKU NI, 'DOD PA'I RTEN KHO NA LA SKYE BA 'DZIN PA'I PHYIR, DE YANG BSKYED RIM PA'I CHOS LONGS SPRUL GSUM DANG, 'DZAM BU GLING PA'I BSKAL PA DANG PO'I MI'I 'CHI BA BAR DO SKYE BA GSUM DANG CHOS MTHUN SBYOR BA YIN GYI, DE GSUM SBYANG GZHIR BYED PA NI MA YIN TE, DE LTAR RNAL 'BYOR PAS SGOM PA DE,
, ,SNGAR 'DAS ZIN PA'I RANG LAS RGYUD THA DAD PA'I GANG ZAG GI 'CHI BA BAR DO SKYE BA GSUM SBYONG MI NUS SHING, NUS KYANG DE LA 'BREL MED PA'I PHYIR, 'O NA GANG SBYONG BA YIN SNYAM NA, RNAL 'BYOR PA LA MA 'ONGS PA NA 'BYUNG BAR 'GYUR BA'I 'CHI BA BAR DO SKYE BA GSUM SBYONG BA YIN NO, ,SKU GSUM MYUR DU 'GRUB PA'I THABS BDE BA CHEN PO BSKYED PA'I TSUL BSHAD PA NI, RIGS LNGA'I SGRUB PA PO SO SOS 'DU BYED RGYU'I RIG MA DE LA SME SHA CAN DANG, BTZO LAG MKHAN DANG, GAR MKHAN DANG, PHRENG RGYUD MKHAN DANG, BZO BYED MKHAN GYI BU MO RNAMS YIN LA, DE RNAMS KYI MTSAN NYID LA LAM THUN MONG BAS RGYUD SBYANGS SHING DBANG RNAM PAR DAG PA THOB NAS DAM TSIG DANG SDOM PA TSUL BZHIN DU BSRUNG BA 'DOD PA'I BSTAN BCOS DANG RGYUD LA LEGS PAR BSLABS PA LHA'I RNAL 'BYOR LA GOMS PA, SGRUB PA PO LA SHIN TU GUS PA DANG LDAN PA CIG DGOS PAR RGYUD 'GREL LAS GSUNGS SO, ,YE SHES KYI PHYAG RGYA LA SPYAN MA LA SOGS PA'I LHA MO DGU YOD LA, DE BSKYED PA'I TSUL NI, MI BSKYOD PA'I RIGS KYI SGRUB PA PO LTA BU ZHIG LA MTSON NA, RANG GI SNYING GA NAS RANG RIGS KYI RIG MA PHYI ROL GYI BU MO'I RNAM PAR PHYUNG NAS, STONG PAR SBYANGS TE, STONG PA'I NGANG LAS REG BYA RDO RJE MA'AM, M'A MA K'I GANG RUNG DU BSKYED PA'I LUS LA LHA NYER DGU 'GOD PA NI RIG MA 'DU BYA BA DANG, YAB KYI GSANG GNAS MI DMIGS PA'I, ZHES PA NAS, BU GA PHAt KYIS BKAG PA'I BAR SGOM PA NI, MKHA' GSANG BYIN RLABS PA DANG, RANG NYID RIN 'BYUNG DU GYUR ZHES BRJOD DE, RIN 'BYUNG GI NGA RGYAL LA GNAS NAS, AOm SARBA TA
TH'A KA T'A AA NU R'A GA nA SOGS BRJOD DE, DE BZHIN GSHEGS PA THAMS CAD KYI RJES SU CHAGS PA RDO RJE'I RANG BZHIN GYI BDAG NYID DE NGA'O SNYAM PA'I RJES CHAGS KYI NGA RGYAL LA SLOB PA DANG, DE NAS RDO RJE 'CHANG GI NGA RGYAL LA 'PHOS NAS, H'Um ZHES GLUR BLANGS TE, YAB YUM SNYOMS PAR ZHUGS NAS DGA' BZHI DRANGS TE, LHAN SKYES KYI DUS SU BDE STONG SBYAR NAS SGOM PA DANG, DE NAS DON GRUB KYI NGA RGYAL LA GNAS PAS, AOm SARBA TA TH'A GA T'A P'U DZA SOGS BRJOD DE, DE BZHIN GSHEGS PA THAMS CAD KYI MCHOD PA RDO RJE'I RANG BZHIN GYI BDAG NYID DE NGA'O SNYAM DU MCHOD PA'I NGA RGYAL LA GNAS NAS SLOB PAR BYED LA, DE RNAMS KYIS BSKYED PA'I 'DOD YON LA CHAGS PA LAM BYED DANG, 'KHOR BA'I RTZA BA BDAG 'DZIN 'GOG PA DANG, RTEN DANG BRTEN PA'I DKYIL 'KHOR RNAMS BDE STONG DBYER MED KYI RNAM ROL TU 'CHAR BA DANG, RIM PA GNYIS PA'I SKABS KYI RIG MA LA BRTEN PA'I DGA' BZHI'I RGYUD SMIN BYED YIN PAS RIM PA DANG PO'I LAM GYI SNYING PO YIN NO, ,GNYIS PA 'BRAS BU SANGS RGYAS KYI MDZAD PA DANG CHOS MTHUN PAR DKYIL 'KHOR RGYAL MCHOG GI TING NGE 'DZIN SGOM TSUL LA GNYIS, SKU'I MDZAD PA DANG CHOS MTHUN PAR DKYIL 'KHOR RGYAL MCHOG DANG, THUGS DANG GSUNG GI MDZAD PA DANG CHOS MTHUN PAR LAS RGYAL MCHOG GI TING NGE 'DZIN SGOM TSUL BSHAD PA'O, ,DANG PO NI, THIG LE YUM GYI PADMAR, YID KYIS BYUNG NAS GZHAL YAS KHANG SGOM PAR BYED PA NI RNAM GZHAG RIM PA LAS GSUNGS SO, ,BRTEN PA LHA SGOM PA LA CHO GA GSUM GYI SGO NAS BSKYED PA DANG, SGO BDUN GYI SGO NAS BSKYED PA DANG, PHYAG RGYA BZHIS RGYAS
, ,'DEBS PA'I SGO NAS BSKYED PA DANG, LHA THAMS CAD ZHAL GSUM PAR GSUNGS PA'I MTSON DON BSHAD PA'O, ,DANG PO NI, SA BON SO GNYIS YI GE GSUM DANG SPEL BA LAS BSKYED PA NI GSUNG YIG 'BRU LAS BYANG CHUB PA DANG, RDO RJE LA SOGS PA'I PHYAG MTSAN SO GNYIS BSKYED PA NI THUGS PHYAG MTSAN LAS BYANG CHUB PA DANG, MI BSKYOD PA LA SOGS PA'I LHA SO GNYIS BSKYED PA NI, SKU RDZOGS PA LAS BYANG CHUB PA DANG GSUM MO, ,GNYIS PA NI, CHO GA GSUM GYI SGO NAS, BSKYED PA NI BSKYED PA'I SGO DANG, THUGS KAR DRANGS NAS PHYOGS BCUR 'PHROS PA NI, SPRO BA'I SGO DANG, CHOS 'KHOR BSKOR BA LA SOGS PA'I 'PHRIN LAS MDZAD PA NI, MDZAD PA'I SGO DANG, SPRUL PA RNAMS GCIG TU BSDUS PA NI, BSDU BA'I SGO DANG, LHA RNAMS RANG GI YE SHES PA DANG DBYER MED DU 'DRES PA NI, 'DRES PA'I SGO DANG, RANG GI RIGS BDAG YAB YUM GYI BYANG CHUB KYI SEMS KYI DBANG BSKUR BA NI, DBANG BSKUR BA'I SGO DANG, SLAR BYON NAS RANG GNAS SU 'KHOD PA NI, GNAS PA'I SGO STE, LHA THAMS CAD SGO BDUN BDUN DANG LDAN PA YIN NO, ,GSUM PA NI, SA BON SO GNYIS YI GE GSUM DANG SPEL BA NI, GSUNG CHOS KYI PHYAG RGYA DANG, RDO RJE LA SOGS PA'I PHYAG MTSAN SO GNYIS PO DE THUGS DAM TSIG GI PHYAG RGYA DANG, MI BSKYOD PA LA SOGS PA'I LHA SO GNYIS PO 'DI SKU PHYAG RGYA CHEN PO DANG, ZHE SDANG SKYONG BA LA SOGS PA'I 'PHRIN LAS MDZAD PA NI, 'PHRIS KYI PHYAG RGYA'O, ,BSKYED CHOG DE'I SGO NAS LHA THAMS CAD BSKYED PA LAS MI 'DA' BAR BYED PAS NA, PHYAG RGYA BZHIS RGYAS BTAB PA'I DON NO, ,BZHI PA NI,
'O NA GNYIS KA'I RGYUD DANG, BSDUS PA DANG, SPYOD PA'I RGYUD RNAM SNANG MNGON BYANG BZHI DANG, BLA MED KYI RGYUD 'KHOR LO BDE MCHOG SOGS LA LHA THAMS CAD PHAL CHER ZHAL GCIG PAR GSUNGS LA, 'DIR LHA THAMS CAD ZHAL GSUM PAR GSUNGS PA'I MTSAN DON DE CI YIN SNYAM NA, GA-YAS ZHAL DES THABS BDE BA CHEN PO'I YE SHES MTSON PA DANG, GA-YON ZHAL DES STONG NYID RTOGS PA'I SHES RAB DANG, DE GNYIS GANG LA LDAN PA'I RTZA ZHAL DES BDE STONG DBYER MED PA DE MTSON, YANG GA-YAS ZHAL DES KUN RDZOB BDEN PA DAG PA SGYU MA'I SKU DANG, GA-YON ZHAL DES SHES RAB DON DAM BDEN PA BDE BA CHEN PO'I YE SHES MTSON PA DANG, DE GNYIS GANG LA LDAN PA'I RTZA ZHAL DES, DE GNYIS SKU DANG THUGS SU ZUNG DU 'JUG PA'I ZUNG 'JUG DE MTSON ZHING, MTSON DON DE DRAN PA'I SGO NAS ZHAL GSUM PAR BSGOM PA YIN NO, ,RIG MA 'DU BYED PA DANG, DKYIL 'KHOR RGYAL MCHOG GNYIS GANG DANG CHOS MTHUN NA, SNGON BYUNG LA STON PA DGA' LDAN NAS BABS NAS, DMAN PA LA MOS PA LA CHAGS BRAL GYI SPYOD PA RNAMS BSTAN TE, BDEN BZHI KHONG DU CHUD PAR MDZAD PA DANG, RGYA CHE BA LA MOS PA RNAMS LAS DANG PHA ROL TU PHYIN PA'I SPYOD PA BSTAN NAS, CHOS KYI BDAG MED PHRA MO KHONG DU CHUD PAR MDZAD PA DANG, ZAB MO LA LHAG PAR MOS PA RNAMS LA BTZUN MO DANG MNYAM PAR SBYAR NAS CHAGS CHEN GYI SPYOD PA BSTAN TE, BDEN GNYIS DBYER MED KYI ZUNG 'JUG KHONG DU CHUD PAR MDZAD PA DANG GSUM LAS, 'DIR BTZUN MO DANG MNYAM PAR SBYAR NAS, RTEN DANG BRTEN PA'I DKYIL 'KHOR SPRUL NAS GDUL BYA LA DBANG BSKUR BAR MDZAD PA
, ,DANG CHOS MTHUN NO, ,GZHI LA CHOS MTHUN SBYAR RGYU MED DO, ,DKYIL 'KHOR RGYAL MCHOG GI LHA RNAMS SGO BDUN GYI SGO NAS BSKYED, LHA'I GSAL SNANG DANG NGA RGYAL LA BSLAB, BDE STONG DBYER MED KYI RNAM ROL TU BLTAS PAS RDZOGS RIM DANG 'BRAS DUS SU 'BYUNG BA'I RTEN DANG BRTEN PA'I DKYIL 'KHOR DNGOS GNAS LA 'GRUB BO, ,THUGS DANG GSUNG GI MDZAD PA DANG CHOS MTHUN PAR LAS RGYAL MCHOG SGOM TSUL BSHAD PA NI, RANG NYID MI BSKYOD RDO RJER GNAS PA'I, GDONG GI SNA RTZER NYI GDAN LA RDO RJE RTZE LNGA PA YUNGS KAR GYI 'BRU TSAD TZAM MI BSKYOD PA'I NGO BOR BLTAS NAS, REG MTHONG GI MTSAN MA BRTAN PO MA BYUNG GI BAR SGOM, BRTAN PO BYUNG NAS RDO RJE DE BZHI DANG GNYIS NAS NAM MKHA'I KHAMS THAMS CAD RIM GYIS KHYAB PAR SPRO SLAR YANG RIM GYIS RTZA BA'I PHYAG MTSAN LA BSDU, PHYAG MTSAN LA SPRO BSDU MTHAR PHYIN PA NA, RTZA BA'I RDO RJE MI BSKYOD PAR BSGYUR NAS, NAM MKHA'I KHAMS THAMS CAD KHYAB PAR RIM GYIS SPRO, SLAR YANG RIM GYIS PHYAG MTSAN LA BSDU, STENG SGOR PHYAG MTSAN PHRA MO MTHAR PHYIN PA NA, RANG NYID MI BSKYOD PAR GSAL BA'I GSANG GNAS RDO RJE RTZE LNGA PA'I BU GA'I NANG DU, NYI GDAN LA THIG LE SNGON PO YUNGS KAR GYI 'BRU TSAD TZAM LA REG MTHONG GI MTSAN MA BRTAN PO MA BYUNG GI BAR DU SGOM, BRTAN PO BYUNG NA YUM GYI PADMAR YOD KYIS PHYUNG NAS, THIG LE'I NANG DU MI BSKYOD PAS GTZO BYAS PA'I RTEN DANG BRTEN PA'I DKYIL 'KHOR BSKYED DE'I NANG GI MI BSKYOD PA YAB YUM SNYOMS PAR ZHUGS
PA'I THIG LE'I NANG DU, SLAR YANG MI BSKYOD PAS GTZO BYAS PA'I RTEN DANG BRTEN PA'I DKYIL 'KHOR BSKYED PA NI, 'OG SGOR PHRA MO BSGOM PA'I DE NYID DO, ,BZLAS PA LA YANG GNYIS LAS PHYI'I BZLAS PA NI, BADZRA DHRI KA LA SOGS PA RNAMS YIN LA, NANG GI BZLAS PA NI, YI GE GSUM MO, ,BZLAS PA'I GRANGS NI, RANG BDAG 'JUG LEN PA DANG, GZHAN LA DBANG BSKUR BA DANG, RAB GNAS SOGS LA DBANG BA LA, GTZO BO DANG YE SHES 'BEBS PA'I SNGAGS LA 'BUM, 'KHOR GYI SNGAGS DANG BGEGS MTHAR BYED KYI PHRENG SNGAGS DANG, KHA SKONG BA'I SBYIN SREG RNAMS LA KHRI PHRAG GO ,BSNYEN PA'I DON NI RANG GTZO BOR GSAL BA DANG, GTZO 'KHOR THAMS CAD RGYUD GCIG PA DANG, LHA THAMS CAD BDE STONG GI RNAM ROL DU BLTAS NAS, THUGS GNYIS SU MED PA'I YE SHES BSKUL BA'I DON DU, LHA THAMS CAD KYI ZHAL NAS SNGAGS ZLOS PA YIN NO, ,GTZO BO YAB YUM SNYOMS PAR ZHUGS PA'I RKYEN GYIS SEMS DPA' GSUM BRTZEGS RIM GYIS 'OD GSAL DU ZHUGS NAS, BDE STONG SBYOR NAS SGOM PA NI, GTZO BO'I 'OD GSAL DU ZHUGS PA'I DE NYID DO, ,DE NAS TSAD MED PA BZHI'I NGO BOR GYUR PA'I LHA MO BZHIS, SEMS CAN KHAMS NA GNAS, ,ZHES SOGS RIGS BZHI'I YON TAN GYI SGO NAS BSTOD DE, LHAN CIG SKYES PA'I BDE BA CHEN PO'I YE SHES BSKYED PA'I SGO NAS BDAG LA DGOS PAR MDZAD DU GSOL, ,ZHES GSOL BA BTAB PA LA BRTEN NAS, NGO BO THUGS GNYIS SU MED PA'I YE SHES, RNA PA SEMS DPA' GSUM BRTZEG GI RNAM PAR BZHENGS PAS, DKYIL 'KHOR PA THAMS CAD KYIS MNGON SUM
, ,DU MTHONG BAR GYUR PA NI, ZHU BA GLUS BSKUL BA'I DE NYID DO, ,DE LA BSTOD PA DANG MCHOD PA NI, MI BSKYOD RDO RJE ZHES SOGS RIGS LNGA'I YON TAN GYI SGO NAS BSTOD PA DANG, MCHOD PA NI PHYI'I MCHOD PA DANG, NANG GI MCHOD PA DANG, GSANG BA'I MCHOD PA DANG GSUM MO, ,DANG PO NI, MCHOD MKHAN RANG GTZO BO'I NGA RGYAL LA GNAS PA'I BDE BA CHEN PO'I RNAL 'BYOR PA YIN NO, ,MCHOD YUL NI BLA MA DANG MI BSKYOD PA'I DKYIL 'KHOR YIN NO, ,MCHOD RDZAS NI THUGS KA NAS SPROS PA'I LHA MO RNAMS KYI PHYAG NA THOGS PA'I MCHOD RDZAS RNAMS YIN NO, ,MCHOD PA'I SNGAGS NI AOm SARBA TA ZHES SOGS YIN, SNGAGS DON NI, AOm ZHES PA DANG MNYAM DU THUGS KA NAS SPROS PA'I LHA MO RNAMS KYIS, BLA MA DANG DKYIL 'KHOR BA'I LHA RNAMS LA MCHOD YON LA SOGS PA'I SPRIN RGYA MTSO BZHIN DU PHYOGS BCUR 'PHRO BA NI, DAM TSIG BZHIN DU BZHES SHIG BZHES SHIG BRJOD NAS H'Um ZHES PA DANG MNYAM DU, LHA MO RNAMS THUGS KA'I H'Um LA BSDU, NANG MCHOD NI, NANG MCHOD BDUD RTZI LTAR BYIN GYIS BRLABS NAS, BLA MA DANG DKYIL 'KHOR GYI LHA RNAMS LA ZAG PA MED PA'I BDE BA KHYAD PAR CAN BSKYED PA YIN, GSANG BA'I MCHOD PA NI, GTZO BO YAB YUM SNYOMS PAR ZHUGS PA LA BRTEN NAS 'KHOR GYI LHA RNAMS BDE BA CHEN POS TSIM PAR BYED PA DE YIN NO, , 'BRAS BU DANG SBYAR NAS, PHRA MO'I RNAL 'BYOR SGOM PA NI, STONG PA YANG DAG 'JOG LA BZHUGS PA'I THUGS KYI MDZAD PA DANG CHOS MTHUN NO, ,SNGAGS KYI MDZAD PA'I DE NYID NI, ,GDUL BYA LA CHOS KYI 'KHOR LO BSKOR BA'I GSUNG GI MDZAD PA DANG
CHOS MTHUN NO, ,GTZO BO YAB YUM 'OD GSAL DU ZHUGS PA'I DE NYID NI, ZHING 'DI'I SKU DNGOS KYI GDUL BYA RNAMS NUB NAS MYA NGAN LAS 'DAS PA DANG CHOS MTHUN, ZHU BA GLUS BSKUL BA'I DE NYID NI, SKU DNGOS KYI GDUL BYA GANG DU YOD PA'I ZHING DER THUGS RGYUD TSAD MED BZHIS BSKUL NAS 'OD GSAL LAS GZUGS KYI SKUR BZHENGS PA DANG CHOS MTHUN, MCHOD BSTOD KYI DE NYID NI, GDUL BYA DE RNAMS KYI YON GNAS MDZAD NAS, DE RNAMS KYI MCHOD PA BDAG GIR MDZAD PA DANG CHOS MTHUN, DE RDZOGS RIM LA SBYAR NA, PHRA MO'I RNAL 'BYOR SGOM PA NI RDZOGS RIM PA'I LUS DBEN GYI RGYUD SMIN PAR BYED, BZLAS PA'I DE NYID KYIS RDZOGS RIM PA'I NGAG DBEN GYI RGYUD SMIN PAR BYED, GTZO BO 'OD GSAL DU ZHUGS PA'I DE NYID KYIS RDZOGS RIM PA'I 'OD GSAL GYI RGYUD SMIN PAR BYED, ZHU BA GLUS BSKUL BA LAS LANGS PA'I DE NYID KYIS, RDZOGS RIM PA'I 'OD GSAL LAS SGYU MA'I SKUR LANGS PA RNAMS KYI RGYUD SMIN PAR BYED, MCHOD BSTOD SOGS KYI DE NYID NI, TSOGS GSOG GI YAN LAG TZAM YIN NO, 'BRAS BU SANGS RGYAS KYI MDZAD PA DANG CHOS MTHUN PAR DKYIL 'KHOR RGYAL MCHOG DANG ,LAS RGYAL MCHOG GI TING NGE 'DZIN BSHAD PA YIN NO, ,DE LA BSKYED RIM PA'I YAN LAG GI DBANG DU BYAS NA, SNGAR GYI BSNYEN SGRUB YAN LAG BZHI PO NI, BSNYEN PA'I YAN LAG YIN LA, LE'U BCU PA LAS GSUNGS PA'I BSKYED RIM PA'I SPYOD PA LA BRTEN NAS, SNYING PO BSKUL BA NI, NYE SGRUB KYI YAN LAG YIN PA DANG, BSKYED RIM PA'I SPYOD PA DANG LHA LA DRAG SHUL GYI SBYOR BA BYED PA NI, SGRUB PA'I YAN LAG DANG, MDO BSRE
, ,LAS ZHI BA LA SOGS PA'I 'JIG RTEN PA'I DNGOS GRUB SGRUB PAR BYED PA NI, SGRUB PA CHEN PO'I YAN LAG ,RJE BLA MA'I GSUNG ZIN BRIS SU BKOD PA'O, ,'DI LA 'BAD PA GANG BGYIS PA, ,'CHI BA BAR DO SKYE BA GSUM, ,CHOS SKU LONGS SKU SPRUL SKU RU, ,BSGYUR TE RGYAL BA'I SKU THOB SHOG ,BHA WANTU, ,