*, ,DPAL GSANG BA 'DUS PA'I SGRUB THABS RNAL 'BYOR DAG PA'I RIM PA BZHUGS SO,,
, ,KHYAB BDAG RDO RJE SEMS DPA' BSNYEN SGRUB BZHI'I SBYOR BAS MNYES PAR BYED PA'I SGRUB THABS RNAL 'BYOR DAG PA'I RIM PA ZHOS BYA BA, GANG GI YID 'PHROG ZHABS KYI PADMA ZUNG, ,'BRAL MED DANG PAS GTZUG NA STEN BYED PA, ,DE YI BLO GROS YAR NGO'I ZLA BZHIN DU, ,RGYAS MDZAD 'JAM DBYANGS BLA MA DE LA 'DUD, ,'OD GSAL LHA YI LAM LAS 'KHRUNGS, ,ZUNG 'JUG DBANG PO'I GZHU LTA BU, ,DPAL LDAN DANG PO'I MGON DE YI, ,MDZAD PAS KHYED RNAMS SKYONG GYUR CIG ,GAR MKHAN MCHOG DES 'GRO BA 'DUL BA'I PHYIR, ,SNA TSOGS SPRUL PA'I NYAMS KYIS GAR MDZAD PAS, ,NYID SKU'I CHA SHAS SUM CU RTZA GNYIS KYI,, 'KHOR LO MCHOG TU SPRUL LA PHYAG 'TSAL NAS, ,MI BSKYOD 'KHOR LO'I RNAL 'BYOR GYIS, ,THA MAL SNANG ZHEN KUN BCAD NAS, ,GANG SNANG LHA YI 'KHOR LOR NI, ,'CHAR BA'I SGRUB PA BDAG GIS BSHAD, ,TSUL 'DI MKHAS PA'I PHRENG BAS GSAL MDZAD MOD, ,DE LTA NA'ANG 'DIR 'BAD 'GAL CI YOD, ,MDZES SHING YID 'PHROG LANG TSO'I DPAL CAN YANG, ,RGYAN BZANG BTAGS PAS MDZES PA MA MTHONG NGAM, ,'DIR DANG POR
, ,SANGS RGYAS KYI THEG PA'I BSAM PA SMON BA DANG 'JUG PA'I SEMS SBYONG BA LA LEGS PAR BSLABS TE, DPAL GSANG BA 'DUS PA'I DKYIL 'KHOR DU DBANG BSKUR BA THOB CING, DE'I DUS SU KHAS BLANGS PA'I DAM TSIG DANG SDOM PA SRUNG BA LA BRTZON PA, BLA MA LAS LHA'I RNAL 'BYOR SGOM PA'I GNANG BA THOB PA'I RTEN GYI GANG ZAG GIS, GNAS KYI DE NYID ME TOG DANG 'BRAS BU DANG CHU YID DU 'ONG BAS BRGYAN PA'I RI BO'AM, SKYE BO'I RGYUN LUGS KYIS DBEN PA'I SA PHYOGS GZHAN YANG RUNG STE, YID DANG MTHUN PA'I DGON PAR 'JAM PA'I STAN LA KHA SHAR DU PHYOGS PAS, SEMS DPA'I SKYIL MO KRUNG GIS 'DUG STE, SNGON 'GRO'I GTOR MA BTANG NAS SGRUB PA'I BAR CHAD ZHI BA'I 'PHRIN LAS BCOL LO, ,DE NAS BDAG GNYIS SU 'DZIN PA'I BAG CHAGS KYIS BSLAD PA'I DBANG GIS, 'GRO BA GSUM PO MA RIG PA'I MUN PAS RMONGS PAR BYAS PA RNAMS LA BLTAS LA, SNYING RJE CHEN PO'I SEMS BSKYED DE, RANG MI BSKYOD RDO RJER GSAL BA'I THUGS KAR, SNA TSOGS PADMA DANG NYI MA LA GNAS PA'I H'Um SNGON PO'I 'OD GZER LCAGS KYU'I RNAM PA CAN GYIS, RANG BZHIN GYI GNAS NAS BLA MA DANG GNYIS SU MED PA'I MI BSKYOD PA'I DKYIL 'KHOR SPYAN DRANGS LA, 'OD ZER RANG GI SNYING KHAR BSDU'O, ,SNYING KHA'I SA BON GYI 'OD ZER LAS BYUNG BA'I MCHOD PA'I LHA MO RNAMS KYIS MCHOD PAR BSAMS LA, AOm SARBA TA TH'A GA TA ARGHAm PU DZA ME GHA SA MU DRA
SPHAR RA nA SA YA MA SHR'I YE A'A: H'Um GIS MCHOD YAN DANG, DE BZHIN DU ARGHAm GYI GNAS SU P'A TI GYIS ZHABS BSIL DANG, PUshPAS ME TOG DANG, DHU POS BDUG SPOS DANG, AA LO KES MAR ME DANG, GAN DHES DRI DANG, NEE WI TES ZHAL ZAS DANG, SHAPTAS ROL MO DANG, R'U PAS GZUGS DANG, SHAPTAS SGRA DANG, GAN DHES DRI DANG, RA SAS RA DANG, SPARshA ZHES SBYAR BAS RAG BYA MCHOG GIS MCHOD DE LHA MO RNAMS SA BON LA BSDUS LA, GANG ZHIG GZUGS DANG TSOR BA 'DU SHES 'DU BYED DANG, ,RNAM PAR SHES DANG SKYE MCHED DRUG DANG DBANG PO DRUG ,SA CHU ME DANG RLUNG DANG NAM MKHA' THAMS CAD NI, ,BYANG CHUB SEMS 'DRA RGYA CHEN DE LA PHYAG 'TSAL LO, ,GTI MUG NYES PA 'DOD CHAGS RDO RJE CHOS BCAS GANG, ,RIG PA'I SBYOR BA LAS BYUNG RTAG TU RAB 'BREL BAR, ,RNAM PA SNA TSOGS DGA' BAS MYOS PA'I DNGOS GYUR PA, ,BYANG CHUB SEMS 'DRA RGYA CHEN DE LA PHYAG 'TSAL LO, ,SDUD DANG DGA' DANG RNAM PA DE BZHIN MI 'GYUR DANG, ,RGYU DANG 'BRAS BU'I RANG BZHIN SEMS SU RJES THOGS TSOGS, ,RMONGS DANG ZHE SDANG 'DOD CHAGS SGRIB PA RDO RJE STE, ,BYANG CHUB SEMS 'DRA RGYA CHEN DE LA PHYAG 'TSAL LO, ,ZHES PAS LHA SUM CU SO GNYIS LA PHYAG BYA'O, ,DE NAS, GANG ZHIG THOG MED SRID PA'I CHU KLUNG DU, ,MA LUS KUN RTOG GIS BSAd RNYOG PA RNAMS, ,THUGS RJE CHE LDAN SPYAN SNGAR DE DAG NI, ,CHO GA BZHIN DU THAMS CAD BSHAGS PAR BGYI, ,RDZOGS SANGS RGYAS DANG BYANG CHUB SEMS DPA' DANG, ,'PHAGS PA GZHAN GYIS DGE BA GANG MDZAD PA, ,DE DAG KUN LA YANG DAG YI RANG ZHING, ,BYANG CHUB TU NI YONGS SU BSNGO BAR
, ,BGYI; ;YID KYI ROL PA DRI MED ZLA 'DRAS BSGRUBS, ,SNYING RJE DAM PA MTHA' YAS PA YI THABS, ,RANG GI YID LA GNAS PAR GYUR PA YI, ,BDER GSHEGS RNAMS LA RTAG TU SKYABS SU MCHI, ,RTOG PA MA LUS PA LAS NGES GROL ZHING, ,SEMS DPA' DAM PA RNAMS KYI PHUN TSOGS GZHI, ,DNGOS PO THAMS CAD RO GCIG NGO BO NYID, ,DAM PA'I CHOS LA RTAG TU SKYABS SU MCHI, ,'CHING BA RNAMS LAS YANG DAG GROL GYUR CING, ,SNYING RJE MCHOG GIS BSKRUN PA'I DPAL DANG LDAN, ,RAB TU DGA' SOGS SA LA RAB BZHUGS PA, ,BRTUL ZHUGS DBANG PO'I TSOGS LA SKYABS SU MCHI, ,BSAM DANG RNAM PAR SMIN PA DAG GYUR PAS, ,SGRIB PA KUN GYI BAG CHAGS YANG DAG 'BYIN, ,LHAG PAR MOS PAS RNAM PAR BRGYAN PA YI, ,SEMS NI BYANG CHUB DAM PAR BSKYED PAR BGYI, ,BDER GSHEGS SRAS BCAS RNAMS KYI LAm GCIG PU, ,SBYIN SOGS RNAM BCU DKAR PO'I YON TAN TSUL, ,RDZOGS SANGS RGYAS BDAG MA LUS NGO BO'I BLOS, ,YANG DAG NYID DU DA NI GNAS PAR BGYI, ,ZHES 'KHOR GSUM RMI LAM BZHIN DU BLTAS NAS SDIG PA BSHAd PA DANG, GANG ZAG LNGA'I DGE BA LA YI RANG ZHING DGE BA BSNGO BA DANG, DKON COG GSUM LA SKYABS SU 'GRO BA DANG, BYANG CHUB KYI MCHOG TU SEMS BSKYED PA DANG LAM LA BRTEN PAR YI DAM 'CHA' BA RNAMS KYI DON LEGS PAR DRAN PAR BYAS LA BYA'O, ,RIGS LNGA SPYI DANG SO SO'I DAM TSIG SNGAR GZUNG BA THAMS CAD LA DE LAS 'DA' BAR MI BYA BAR BRTAN POR GZUNG NGO SNYAM DU BSAMS LA, SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,BDAG MING 'DI ZHES BYA BA NI, ,DUS 'DI NAS NI BZUNG NAS NI, ,BYANG CHUB SNYING POR MCHIS KYI BAR, ,JI LTAR DUS GSUM MGON PO RNAMS, ,
BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,TSUL KHRIMS GYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,SO SOR BRTAN POR BDAG GIS GZUNG, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,SANGS RGYAS RNAL 'BYOR LAS SKYES PA'I, ,SDOM PA DENG NAS BDAG GIS GZUNG, ,RDO RJE RIGS MCHOG CHEN PO YI, ,RDO RJE DRIL BU PHYAG RGYA YANG, ,YANG DAG NYID DU GZUNG BAR BGYI, ,SLOB DPON DAG KYANG GZUNG BAR BGYI, ,RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE BZHIN NI DUS DRUG TU, ,SBYIN PA RNAM BZHI RTAG TU SBYIN, ,BYANG CHUB CHEN PO LAS BYUNG BA'I, ,PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM CHOS SO SOR GZUNG BAR BGYI, ,LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU SO SOR GZUNG, ,MCHOD PA'I LAS NI CI NUS BGYI, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SEMS CAN KUN GYI DON GYI PHYIR, ,BDAG GIS SDOM PA MA LUS GZUNG, ,MA BSGRAL BA RNAMS BDAG GIS BSGRAL, ,MA GROL BA RNAMS BDAG GIS DGROL, ,DBUGS MA PHYIN PA DBUGS DBYUNG ZHING; ;SEMS CAN MYA NGAN 'DAS LA DGOD, ,CES BRJOD DE TSOGS ZHING RANG GNAS SU GSHEGS SO, ,TSOGS ZHING SPYAN DRANG BA NAS SDOM PA GZUNG BA'I PAR NI SNYING RJE CHEN PO LA DMIGS PA'I DE NYID KYIS MTSON PA'I DON LA 'GREL PA RNAMS
, ,KYIS MAN NGAG GIS KHA BSKANG BA STE, MTHUN RKYEN BSTEN PA'I PHYIR BSOD NAMS KYI TSOGS BSAGS PA'O, ,DE NAS CHOS RNAMS KYI NGO BO RGYU 'BRAS GSUM RANG GI MTSAN NYID KYIS GRUB PAS STONG PA'I STONG PA NYID DU BSGOMS TE THA MAL GYI SNANG BA THAMS CAD BSAL LA, AOm SVA BH'A BA SHUDDHA SARBA DHARM'A: SVA BH'A BA SHUD DHO NYHAm, ZHES BRJOD DO, ,STONG PA'I NGANG LAS PAm LAS SNA TSOGS PADMA'I LTE BAR A'A: LAS BYUNG BA'I NYI MA'I DKYIL 'KHOR GYI STENG DU, BHRUm SER PO LAS BYUNG BA'I 'KHOR LO SER PO RTZIBS BCU PA GA-YAS SKOR DU MGYOGS PAR 'KHOR BA, RDO RJE 'BAR BA'I SPRIN GYI PHRENG BA PHYOGS BCUR 'PHRO BA, LTE BA'I NANG GI DBUS SU SNA TSOGS PADMA DANG ZLA BA'I GDAN, PHYOGS MTSAMS KYI RTZIBS BRGYAD KYI RTZE MO DANG LTE BA'I NANG GI STENG 'OG GI RTZIBS LA CUNG ZAD MA REG PAR SNA TSOGS PADMA DANG NYI MA'I GDAN RE RE BSAM MO, ,GDAN DBUS MA'I STENG DU RANG NYID RDO RJE 'CHANG SKU MDOG DKAR PO DKAR NAG DMAR BA'I ZHAL GSUM PHYAG DRUG GI GA-YAS GSUM RDO RJE 'KHOR LO PADMA, GA-YON GSUM, DRIL BU, RIN CHEN, RAL GRI 'DZIN PA, 'OD KYI DKYIL 'KHOR GYIS RNAM PAR MDZES PA, MTSAN SUM CU RTZA GNYIS DANG DPE BYAD BRGYAD CUS BRGYAN PA, RIN PO CHE'I RGYAN DANG DAR SNA TSOGS KYI NA BZA' CAN, RANG DANG 'DRA BA'I RDO RJE DBYINGS KYI DBANG PHYUG MAS 'KHYUD PA'I THUGS KAR YE SHES SEMS DPA' DANG, GNAS GSUM DU RDO RJE GSUM GYI NGO BO'I YI GE GSUM GYIS MTSAN PAR BSGOM MO, ,YAB YUM SNYOMS PAR ZHUGS PA'I SNYING
KHA'I H'Um YIG GI 'OD ZER GYIS MI BSKYOD PA LA KHRO BO BCUS BSKOR BA SPYAN DRANGS PA KHA'AM SPYI BO NAS ZHUGS, RDO RJE'I LAM NAS YUM GYI PADMAR ZHU BA'I THIG LE BCU GCIG H'Um RING PO BCU GCIG TU GYUR, DE RNAMS YONGS SU GYUR PA LAS MI BSKYOD PA DANG KHRO BO BCUR GYUR PA'I MI BSKYOD PA NAG PO NAG DKAR DMAR BA'I ZHAL GSUM PHYAG DRUG PHYAG MTSAN SNGAR BSHAD PA LTA BU 'DZIN PAR GYUR NAS THUGS KAR DRANGS, BADZRA DHRi KA CES PAS THUGS KA NAS PHYIR PHYUNG, PHYOGS BCUR 'PHROS SANGS RGYAS KYI MDZAD PA MDZAD, KHYAD PAR DU ZHE SDANG CAN RNAMS KYI ZHE SDANG SBYANGS NAS MI BSKYOD PA'I GO 'PHANG LA BKOD, SPRUL PA RNAMS GCIG TU 'DUS YE SHES PA DANG DBYER MED DU 'DRES NAS RANG LA RJES SU ZHUGS PAS, SNGAR GYI ZLA BA NYI GDAN DU GYUR PA'I STENG NA RANG NYID ZHE SDANG RDO RJE SKU MDOG MTHING NAG KHRO BA DANG 'DOD CHAGS CHEN PO 'DRES PA'I NYAMS CAN MCHE BA CUNG ZAD GTZIGS PA RTZA ZHAL NAG PO DRAG PO DANG, GA-YAS ZHAL DKAR PO ZHI BA DANG, GA-YON ZHAL DMAR PO CHAGS PA'I NYAMS CAN, PHYAG GA-YAS KYI DANG PO NA RDO RJE RTZE DGU PA, LHAG MA'I PHYAG MTSAN DANG RGYAN LA SOGS PA SNGAR BSHAD PA LTA BU, 'OD DMAR PO 'BAR ZHING 'KHRUG PA'I DBUS NA, RDO RJE DBYINGS KYI DBANG PHYUG MA REG BYA RDO RJE MA SNGON MO ZHAL GSUM PHYAG DRUG PAR GYUR PA DANG SNYOMS PAR 'JUG PA'I TSUL GYIS BZHUGS PA SEMS DPA' GSUM GYI BDAG NYID CAN DU BSAM STE, BKA'I 'KHOR LO'I GTZO BO SKYED PA'I DE NYID DO, ,GSHIN RJE GSHED NAG PO RNAM SNANG GI DBU RGYAN CAN, RTZA ZHAL
, ,NAG GA-YAS DKAR GA-YON DMAR BA'I ZHAL GSUM, PHYAG DRUG GIS GA-YAS DBYUG PA 'KHOR LO RDO RDE, GA-YON THUGS KAR ZHAGS PA BZUNG NAS, SDIGS MDZUB MDZAD CING, DRIL BU DGRA STA 'DZIN PA, THUGS KAR DRANGS, YA M'ANTA KRIT KYIS PHYUNG STE SHAR GYI RTZIBS KYI RTZE MO'I STENG GI RANG GI GDAN LA GA-YON BRKYANG GIS 'KHOD, DE BZHIN DU SBYAR LA, SHES RAB MTHAR BYED DKAR PO RIN 'BYUNG GI DBU RGYAN CAN, DKAR NAG DMAR BA'I ZHAL GSUM, PHYAG DRUG GI GA-YAS RDO RJE RDO RJES MTSAN PA'I DBYUG PA DKAR PO RAL GRI 'DZIN CING, GA-YON SNGA MA DANG 'DRA BA PRADZNY'AN TA KRIT KYIS DBYUNG, RTA MGRIN DMAR PO 'OD DPAG MED KYI DBU RGYAN CAN, DMAR NAG DKAR BA'I ZHAL GSUM PHYAG DRUG GI GA-YAS PADMA, RAL GRI, GTUN SHING, GA-YON DRIL BU BSNYEMS PA DANG BCAS PAS DKUR BRTEN CING DGRA STA ZHAGS PA 'DZIN PA, PAD M'AN TA KRIT KYIS DBYUNG, BGEGS MTHAR BYED SNGON PO DON GRUB KYI DBU RGYAN CAN, SNGO DKAR DMAR BA'I ZHAL GSUM, PHYAG DRUG GI GA-YAS SNA TSOGS RDO RJE, 'KHOR LO, GTUN SHING 'DZIN CING, GA-YON GSHIN RJE GSHED DANG 'DRA BA BIGHNAN TA KRIT KYIS DBYUNG, MI GA-YO BA NAG PO RNAM SNANG GI DBU RGYAN CAN, NAG DKAR DMAR BA'I ZHAL GSUM, PHYAG DRUG GI GA-YAS RAL GRI, RDO RJE, 'KHOR LO, GA-YON THUGS KAR SDIGS MDZUB, DGRA STA ZHAGS PA 'DZIN PA, AA TZA LAS DBYUNG, 'DOD RGYAL SNGON PO RIN 'BYUNG GI DBU RGYAN CAN, NAG DKAR DMAR BA'I ZHAL GSUM, PHYAG DRUG GI DANG PO GNYIS H'Um MDZAD KYI
PHYAG RGYA 'CHING ZHING, LHAG MA GA-YAS RDO RJE, RAL GRI, GA-YON ZHAGS PA, LCAGS KYU 'DZIN PA tA KKI R'A DZAS DBYUNG, H'Um MDZAD KYI PHYAG RGYA NI, LAG PA GNYIS RDO RJE KHU TSUR DU BYAS PA'I RGYAB SBYAR NAS MTHE'U CHUNG GNYIS SPREL ZHING SDIGS MDZUB GNYIS BRKYANG BA'O, ,DBYUG SNGON CAN SNGON PO 'OD DPAG MED KYI DBU RGYAN CAN, SNGO DKAR DMAR BA'I ZHAL GSUM, PHYAG DRUG GI GA-YAS RDO RJES MTSAN PA'I DBYUG PA SNGON PO, RAL GRI, 'KHOR LO, GA-YON THUGS KAR ZHAGS PA BZUNG NAS SDIGS MDZUB MDZAD CING, PADMA, DGRA STA 'DZIN PA N'I LA DAndAS DBYUNG, STOBS PO CHE SNGON PO DON GRUB KYI DBU RGYAN CAN, NAG DKAR DMAR BA'I ZHAL GSUM, PHYAG DRUG GI GA-YAS RDO RJES MTSAN PA'I DBYUG PA NAG PO, RDO RJE, 'KHOR LO, GA-YON THUGS KAR ZHAGS PA BZUNG NAS SDIGS MDZUB MDZAD CING, RTZE GSUM, DGRA STA 'DZIN PA MAH'A B'A LAS DBYUNG, GTZUG TOR 'KHOR LOS BSGYUR BA SNGON PO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM, PHYAG DRUG GI DANG PO GNYIS GTZUG TOR GYI PHYAG RGYA 'CHING ZHING, GA-YAS LHAG MA RDO RJE, PADMA, GA-YON SDIGS MDZUB, RAL GRI 'DZIN PA AUshnI shA TZAKRA WA RTIS DBYUNG, GTZUG TOR GYI PHYAG RGYA NI, LAG PA GNYIS GAN RGYAL DU MNYAM POR BRKYANG BA'I SRIN LAG GI SEN MO'I STENG DU MTHE BO'I SEN MO BZUNG NAS MTHE'U CHUNG GNYIS KHAB LTAR BYA, GUNG MO GNYIS RTZE SPRAD LA MDZUB MO DAG DBUS SU RV'I RNAM PAR BYA BAR AA BHYA KA RAS BSHAD DO, ,GNOD MDZES RGYAL PO SNGON PO MI BSKYOD PA'I DBU
, ,RGYAN CAN, NAG DKAR DMAR BA'I ZHAL GSUM, PHYAG DRUG GI GA-YAS RDO RJE, 'KHOR LO, RIN PO CHE, GA-YON THUGS KAR ZHAGS PA BZUNG NAS SDIGS MDZUB MDZAD CING, PADMA, RAL GRI 'DZIN PA SU MA BHA R'A DZAS DBYUNG LA RANG GI GDAN LA DGOD, KHRO BO BCU PO THAMS CAD KYANG DBU SKRA DMAR SER GYEN DU BRDZES SHING SMIN MA DANG SMA RA DMAR SER RAB TU 'BAR BA, ZHAL RE RE YANG DMAR LA ZLUM PA'I SPYAN GSUM GSUM DANG LDAN ZHING, MCHE BA RNON PO BZHI BZHI GTZIGS PA; HA HA'I GAD RGYANGS DRAG PO SGROGS SHING, BZHIN SHIN TU 'GYUR PA'I KHRO GNYER CAN, GSUS KHYIM CHE ZHING GSUS PA 'PHYANG BA, RIN PO CHE'I RGYAN SNA TSOGS PAS BRGYAN CING STAG GI PAGS PA'I SHAM THABS CAN, SPRUL MTHA' YAS SNGON POS DBU SKRA BCINGS SHING, 'JOG PO DMAR POS RNA RGYAN BYAS PA, RIGS LDAN KHRA BOS DPUNG PA LA BRGYAN ZHING, PADMA DKAR POS MGUL RGYAN BYAS PA, DUNG SKYONG SER POS LAG GDUB BYAS SHING, STOBS RGYU LJANG GUS MCHOD PHYIR THOGS BYAS PA, NOR RGYAS KYI BU BDUD RTZI'I KHA DOG LTA BUS SKA RAGS BYAS SHING, PADMA CHEN PO DKAR POS RKANG GDUB BYAS PA, SKU LAS SKYES PA'I YE SHES KYI ME RAB TU 'BAR BA'I DBUS NA GDUG PA CAN THAMS CAD CHAR GCOD PA'I TSUL GYIS BZHUGS PAR BSAM STE, 'KHOR KHRO BO SKYED PA'I DE NYID DO, ,DE NAS 'OG GI GNOD MDZES LA BLTAS PAS DES SPRUL PA'I GNOD MDZES GNYIS PA 'ONGS NAS MDUN DU 'DUG STE BDAG GIS CI ZHIG BGYI
ZHES BKA' NOD PA LA, AOm SUMBHA NI SUMBHA H'Um, GRiHnA GRiHnA H'Um, GRiHnA PA YA GRiHnA PA YA H'Um, A'A NA YA HO, BHA GA WA NA, BIDY'A R'A DZA H'Um PHAt, CES BRJOD DE, GNOD MDZES LA BOS NAS BGEGS RNAMS ZUNG LA KHUG CIG CES BKA' BSGOS PAS, GNOD MDZES KYI PHYAG GA-YAS KYI DANG PO'I RDO RJE DE, RDO RJE LCAGS KYUR GYUR NAS, BGEGS KYI GTZO BO PHYOGS SKYONG BCU'I SNYING NAS LCAGS KYUS BKUG ,MGRIN PA ZHAGS PAS BCINGS TE BKUG NAS KHRO BO BCU LA BTAD PAS, PHYI ROL DU H'Um RING PO LAS GRUB PA'I KHRON PA 'BRUB KHUNG GI RNAM PA CAN DU BCUG PAR BSAM MO, ,STENG 'OG GI BGEGS STENG 'OG TU 'JUG PA MI BDEN RIM PA BZHIN SHAR GYI SHAR DANG NUB KYI NUB TU GZHUG GO ,DE NAS BYANG GI BDUD RTZI 'KHYIL PAS SPRUL PA'I BDUD RTZI 'KHYIL PA GNYIS PA DE, STOD KHRO BO BDUD RTZI 'KHYIL PA'I RNAM PA CAN LA, LTE BA MAN CHAD MDUD RTZE GCIG PA'I DBYIBS CAN GYI PHUR BU ME DPUNG RAB TU 'BAR BA BCUR GYUR TE, SHAR NAS BRTZAMS TE PHYOGS BZHI DANG, ME NAS BRTZAMS TE MTSAMS BZHI DANG, STENG 'OG GI PHYOGS SKYONG 'KHOR DANG BCAS PA'I MGO BOR ZUG PAR BSAM MO, ,DE NAS RANG GIS YID KYIS GNOD MDZES LA PHUR BU SKUL BA'I BKA' BSGOS PAS GNOD MDZES LANGS NAS, AOm GHA GHA GHA TA YA GH'A TA YA, SARBA DUshtA NA PHAt PHAt, K'I LA YA K'I LA YA SARBA P'A BAm PHAt PHAt, H'Um H'Um H'Um BADZRA K'I LA YA, BADZRA DHA RA ADZNY'A PA YA TI SARBA BIGHNAm K'A YA WA KA CITTA BADZRA K'I LA YA H'Um H'Um H'Um PHAt PHAt, CES BRJOD CING, PHYAG MTSAN RDO RJE LCAGS KYU RDO RJE
, ,THA BA ME 'BAR BAR GYUR PAS, SHAR NAS BRTZAMS TE RIM PA BZHIN PHUR BU'I SPYI BO NAS BRDUNGS PAS, BGEGS RNAMS KYI SPYI BO NAS RKANG MTHIL GYI BAR DU PHUR BU BTAB PAS, LUS NGAG YID GSUM GA-YO 'GUL MED PAR BSAMS LA, SPRUL PA'I GNOD MDZES 'OG GI GNOD MDZES LA BSDU'O, ,'DIR MDO BSRE LAS, AOm GHA GHA ZHES BYA BA LA SOGS PA'I SNGAGS KYIS GNOD MDZES LA BKA' BSGOS TE PHUR BU GDAB BO, ,ZHES SNGAGS 'DI RANG GIS GNOD MDZES LA BKA' BSGO BA'I SNGAGS SU GSUNGS PA DANG, RDO RJE SEMS DPA'I SGRUB THABS LAS, DE NAS GNOD MDZES RGYAL PO LANGS NAS SNGAGS BRJOD CING, RDO RJE THO BAS BRDUNG BAR BSAM PAR BYA'O, ,ZHES SNGAGS 'DI GNOD MDZES KYIS BRJOD NAS PHUR BU THO BAS BRDUNG BAR BSGOM PAR BSHAD PA GNYIS 'GAL LO SNYAM NA, 'DIR BKA' BSGO BA'I YUL NI, SGRON GSAL LAS, BADZRA K'I LA'I DON RDO RJE PHUR BU LA BOS TE, BADZRE DHA RA SOGS KYI DON RDO RJE 'CHANG GI BKA' NYON CIG CES BSKUL NAS, GDUG PA RNAMS KYI LUS NGAG YID GSUM LA PHUR BUS THOB CES PA'I DON DU BSHAD PAS BKA' BSGOS NI RDO RJE PHUR BU'O, ,DES NA MDO BSRE'I DON NI RANG GIS YID KYIS GNOD MDZES LA PHUR BU RDUNG BAR BKA' BSGOS PA NA, DES GHA GHA ZHES SOGS KYI SNGAGS BRJOD NAS PHUR BU 'DEBS PA'O, ,RDO RJE PHUR BU YANG LHA'I RNAM PA TZAM GYI DBYIBS CAN MA YIN GYI BDUD RTZI 'KHYIL PA YIN NO, ,DE NAS KHRO BO DANG PHUR BU LAS RDO RJE'I ME 'OD RAB TU 'BAR BA PHYOGS BCUR
'PHROS PAS 'KHOR GYI BGEGS GDUG PA CAN RNAMS TSIG PAS PHAN TSUN 'BROS PAR BSAM STE, BGEGS LA PHUR BUS GDAB PA'I DE NYID DO, ,DE NAS tAKKI H'Um DZA: ZHES LAN BZHI BRJOD PAS KHRO BO RNAMS KYI PHYI RU LCAGS KYI RDO RJE'I RA BA DANG, CHU DANG, ME DANG, RLUNG GI RA BA BZHI BSAM, H'Um LAS LCAGS KYI RA BA'I STENG DU RDO RJE'I GUR MCHOD RTEN LTA BU DANG, GUR GYI 'OG RA BA'I STENG DU RDO RJE'I BLA RE DANG, 'OG GZHI H'Um LAS RDO RJE'I SA GZHI DANG, PHYI'I PHYOGS MTSAMS THAMS CAD DU MDA'I DRA BA YE SHES KYI ME RAB TU 'BAR BA 'PHRO BAR BSAM MO, ,LHA RNAMS KYI SPYI BOR ZLA BA LA AOm DKAR PO, MGRIN PAR PADMA LA A'A: DMAR PO, SNYING KHAR NYI MA LA H'Um SNGON PO BSAMS LA, GO CHA BYA ZHING NGAG TU YANG BZLA STE, RA BA LA SOGS PAS BSRUNG BA'I DE NYID DO, ,DE LTAR SGRUB THABS DNGOS GZHI'I SNGON DU 'GRO BA'I YAN LAG GNYIS BSTAN NAS, DNGOS GZHI RTEN DANG BRTEN PA'I RNAL 'BYOR GNYIS KYI RTEN GYI RNAL 'BYOR GANG DU 'TSANG RGYA BA'I GNAS SGRUB PA NI, SNOD KYI SRID PA 'JIG PA DANG CHAGS PA DANG RJES SU MTHUN PAR BSGOM PAR BYA STE, DNGOS PO MED PAS SGOM PA MED, ,BSGOM PAR BYA BA SGOM PA MIN, ,DE LTAR DNGOS PO DNGOS MED PAS, ,SGOM PA DMIGS SU MED PA'O, ,ZHES BRJOD LA SNOD BCUD THAMS CAD DON DAM PAR NGO BO NYID MED PAS, SGOM PA DANG BSGOM PAR BYA BA DANG SGOM PA PO GSUM MI DMIGS PA'I STONG PA NYID DANG MTSAN MA MED PA DANG SMON PA MED PA'I RANG BZHIN DU BSAMS LA, SRUNG 'KHOR DANG SNOD BCUD THAMS CAD 'OD GSAL DU GZHUG PAR BYA'O, ,'DI NI YE
, ,SHES KYIS STONG NYID SGOM PA'I DE NYID DE, DON DAM PA'I BSRUNG BA YANG YIN NO, ,STONG PA'I NGANG LAS SKAD CIG GIS RDO RJE'I SA GZHI RVA BA GUR BLA RE ME RI DANG BCAS PA RDZOGS PA'I DBUS SU, CHOS 'BYUNG DKAR PO ZUR GSUM PA GDENGS KA CHE BA GYEN DU PHYOGS SHING ,RTZE MO PHRA BA THUR DU ZUG PA'I NANG DU SNA TSOGS PADMA'I LTE BAR H'Um YAm H'Um GI YAm SNGO SKYA LAS BYUNG BA'I RLUNG GI DKYIL 'KHOR SNGON PO GZHU'I DBYIBS CAN H'Um GNYIS LAS BYUNG BA'I RDO RJE GNYIS KYIS PHYOGS GNYIS BRGYAN PA, H'Um RAm H'Um GI RAm DMAR PO LAS BYUNG BA'I ME'I DKYIL 'KHOR DMAR PO GRU GSUM PA, H'Um GNYIS LAS BYUNG BA'I RDO RJE GNYIS KYIS PHYOGS GNYIS BRGYAN PA, H'Um BAm H'Um GI BAm DKAR PO LAS BYUNG BA'I CHU'I DKYIL 'KHOR DKAR PO ZLUM PO, H'Um GNYIS LAS BYUNG BA'I RDO RJE GNYIS KYIS PHYOGS GNYIS BRGYAN PA, H'Um LAm H'Um GI LAm SER PO LAS BYUNG BA'I SA'I DKYIL 'KHOR SER PO GRU BZHI PA, H'Um GNYIS LAS BYUNG BA'I RDO RJE GNYIS KYIS PHYOGS GNYIS BRGYAN PA BSKYED LA SPYAN SOGS BZHI'I NGO BO BSAM MO, ,DKYIL 'KHOR BZHI PO GCIG TU 'DRES PA LAS SNA TSOGS RDO RJER GYUR PAR BSAM STE, RDO RJE'I SA'I CHA BSKYED PA'I DE NYID DO, ,SNA TSOGS RDO RJE'I LTE BA'I STENG DU, BH'RUm DKAR PO SANGS RGYAS KYI SPRIN GYI 'OD ZER 'PHRO BA YONGS SU GYUR PA LAS GZHAL YAS KHANG MTSAN NYID THAMS CAD DUS GCIG TU RDZOGS PAR BSAMS LA, RIM GYIS GSAL GDAB PA NI, GRU BZHI PA SGO BZHI PA, PHYI NAS RIM PA BZHIN DKAR SER DMAR LJANG SNGO BA'I RIM PA LNGA DANG LDAN PA'I RIN PO CHE'I RTZIG PA
BSKOR BA'I STENG NA, RIN PO CHE'I PHA GU GZHI DMAR PO LA RIN PO CHE ZUR GSUM DANG GRU BZHI LA SOGS PAS SPRAS PA, DE'I STENG NA GNAS PA'I GSER GYI SKA RAGS BZHI'I PHYI NGOS SU, CHU SRIN GYI KHA NAS MU TIG GI DO SHAL DANG DE SHAL PHYED PA 'PHYANG BA DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG DU PADMA 'DAB MA PHYED PA'I DBYIBS CAN GYI MDA' YAB LA GNAS PA'I GSER GYI BUM PA NAS 'THON PA'I RGYAL MTSAN DANG BA DAN BRGYAD BRGYAD KYIS MDZES PAR BYAS PA, PHYI'I STENG GI ZUR BZHI LA GDUGS BZHIS BRGYAN PA, RTZIG PA'I 'GRAM NAS 'DOD YON GYI SNAM BU DMAR POS BSKOR BA LA, BZHUGS STABS DANG KHA DOG SNA TSOGS PA'I LHA MO RNAMS KYIS MCHOD PA BYED BZHIN PA, SGO DANG SGO KHYUD KYI PHYI'I MTSAMS DANG RTZIG PA'I PHYI NANG GI ZUR BZHIR, ZLA PHYED LA GNAS PA'I RIN PO CHE DMAR PO'I STENG DU RDO RJES BRGYAN PA, SGO BZHI SO SO'I BDUN DU STEGS BU GRU BZHI'I STENG DU BUM PA LA GNAS PA'I KA BA BZHI BZHIS BTEG PA'I RTA BABS GSER DANG SHAR BU RIN PO CHE RTA RMIG ,MUN SNAM BA RAndA MUN PA SHAR BU RIN PO CHE RMIG PA MDA' YAB STE SNAM BU BCU GCIG DANG LDAN PA'I RTZE MOR CHOS KYI 'KHOR LO'I GA-YAS GA-YON DU RI DVAGS PHO MO DANG BCAS PA, RTA BABS KYI GA-YAS GA-YON DU BUM PA BZANG PO LAS SKYES PA'I DPAG BSAM GYI SHING LA, RGYAL SRID RIN PO CHE SNA BDUN DANG, BAR BAR DU GRUB PA THOB PA DANG, SPRIN GYI GSEB NAS BYUNG BA'I LHA ME TOG GI PHRENG BA BZUNG BA RNAMS KYIS KUN NAS MDZES PAR BYAS PA'O, ,GZHAL YAS KHANG GI NANG
, ,DKYIL 'KHOR GYI PHYED KYI TSAD KYI PHYI NGOS SU, 'OD ZER RNAM PA LNGA'I PHRENG BAS BSKOR BA'I NANG, RDO RJE RTZE GSUM POS ZLUM POR BSKOR BA LA BRTEN PA'I SHAR DU 'KHOR LO, ,LHOR RIN PO CHE, NUB TU PADMA, BYANG DU RAL GRIS MTSAN PA'I KA BA GNYIS GNYIS KYIS BTEG PA'I RDO RJE'I GDUNG GIS MDZES PAR PHUB PA'I RTZE MO RDO RJE RIN PO CHE'I TOG GIS SPRAS PA, RIM PA GNYIS PA'I GRVA'I GA-YAS GA-YON GNYIS SU BDUD RTZIS BKANG BA'I RIN PO CHE'I BUM PA GNYIS GNYIS TE BUM PA BRGYAD KYIS MDZES PA, LHA DANG MI LAS YON TAN KHYAD PAR DU 'PHAGS PA'I KHANG BZANG DAM PA, PHYI LTAS NANG GSAL BA NANG LTAS PHYI GSAL BA'I NANG GI STENG DANG, 'OG GIS GZHI THAMS CAD SHAR DKAR LHO SER NUB DMAR BYANG LJANG DBUS SNGO BAR GYUR PA'I NANG DU, SNA TSOGS PADMA'I GDAN SUM CU RTZA GCIG ,GTZO BO DANG KHRO BO BCU LA NYI MA, RNAM SNANG SOGS SHAR PHYOGS PA RNAMS LA ZLA BA, M'A MA K'I LA RDO RJE, DE MA GTOGS PA'I LHO PHYOGS PA RNAMS LA RIN PO CHE, NUB PHYOGS PA RNAMS LA PADMA DMAR PO, BYANG PHYOGS PA RNAMS LA SNA TSOGS RDO RJE'I GDAN BSAM STE, RTEN GYI DKYIL 'KHOR SKYED PA'I DE NYID DO, ,GANG DU 'TSANG RGYA BA'I GNAS DER, JI LTAR 'TSANG RGYA BA'I RIM PA MDZAD PA DANG BCAS PA SGOM PA BRTEN PA'I RNAL 'BYOR NI, SNOD CHAGS PA'I 'OG TU BSKAL PA DANG PO'I MI 'CHAGS PA DANG CHOS MTHUN PAR BSGOM STE, SKAD CIG GIS LHAG PAR MOS PA TZAM GYIS LHA SUM CU RTZA GNYIS DUS GCIG TU BSKYED LA, RIM GYIS GSAL GDAB PA NI, DBUS
KYI GDAN LA RANG NYID RDO RJE 'CHANG SNGON PO SNGO DKAR DMAR BA'I ZHAL GSUM, PHYAG DRUG PHYAG MTSAN SNGAR BSHAD PA'I RDO RJE 'CHANG DANG 'DRA BA, DBU SKRA RAL PA'I THOR TSUGS CAN RIN PO CHE'I DBU RGYAN GSAL BA, RIN PO CHE'I SNYAN RGYAN DANG, SNYAN GONG AUTPA LA'I GDENGS KA DANG DAR DPYANGS KYIS MDZES PAR BYAS PA, RIN PO CHE'I MGUL RGYAN, MU TIG GI SE MO DO, RIN PO CHE'I DO SHAL, PHYAG GDUB DANG ZHABS GDUB, RIN PO CHE'I 'OG PAG STE RIN PO CHE'I RGYAN BRGYAD KYIS BRGYAN PA, SKU STOD LHA RDZAS KYI GOS KYI GA SHAL BYAS SHING, SKU SMAD LHA RDZAS KYI DAR GYI SHAM THABS 'PHYAR BA, MTSAN BZANG PO SO GNYIS DANG, DPE BYAD BZANG PO BRGYAD CUS BRGYAN PA, RANG DANG 'DRA BA'I REG BYA RDO RJE MAS 'KHYUD CING ,'OD KYI DKYIL 'KHOR GYIS BSKOR BA'I DBUS NA, SEMS DPA'I SKYIL MO KRUNG GIS BZHUGS PAR BSAM MO, ,KHRO BO BCU MA GTOGS PA LHA PHO RNAMS DBU SKRA SNGAR BSHAD PA DANG 'DRA LA, LHA MO DGU RAL PA PHYED BCINGS SU SNGA MA RNAMS BZHED DO, ,LHA THAMS CAD KYI RIN PO CHE'I RGYAN RNAMS 'DRA ZHING , LHA NYER GNYIS KYI NA BZA' YANG SNGAR BZHIN NO, ,SHAR DU RNAM SNANG DKAR PO DKAR NAG DMAR BA'I ZHAL GSUM PHYUG DRUG GI GA-YAS 'KHOR LO RDO RJE PADMA DKAR PO, GA-YON DRIL BU RIN CHEN RAL GRI 'DZIN PA, LHOR RIN 'BYUNG SER PO SER NAG DKAR BA'I ZHAL GSUM, PHYAG DRUG GI GA-YAS NOR BU RDO RJE 'KHOR LO, GA-YON DRIL BU PAD SER RAL GRI 'DZIN PA, NUB TU 'OD DPAG MED DMAR PO DMAR NAG DKAR BA'I ZHAL GSUM, PHYAG DRUG GI GA-YON DANG POS DRIL BU DANG BCAS PA'I PADMA DMAR
, ,PO'I RTZA BA DKUR BRTEN NAS 'DZIN CING, GA-YAS DANG PO THUGS KAR PADMA KHA 'BYED PAR MDZAD PA, LHAG MA GA-YAS RDO RJE 'KHOR LO, GA-YON RIN PO CHE RAL GRI 'DZIN PA, BYANG DU DON GRUB LJANG GU, LJANG NAG DKAR BA'I ZHAL GSUM, PHYAG DRUG GI GA-YAS RAL GRI SNA TSOGS RDO RJE 'KHOR LO, ,GA-YON DRIL BU PAD LJANG NOR BU 'DZIN PA, DE BZHI KA MI BSKYOD PA'I COD PAN CAN NO, ,SHAR LHOR SPYAN MA DKAR MO RNAM SNANG GI DBU RGYAN, ZHAL PHYAG DANG PHYAG MTSAN RNAM SNANG DANG 'DRA BA LA KHYAD PAR DU GA-YAS THA MAS AUTPA LA DKAR PO 'DZIN PA'O, ,LHO NUB TU M'A MA K'I SNGON MO MI BSKYOD PA'I DBU RGYAN CAN, ZHAL PHYAG DANG PHYAG MTSAN MI BSKYOD PA DANG 'DRA BA LA, KHYAD PAR DU GA-YAS THA MAS AUTPA LA SNGO DMAR 'DZIN PA'O, ,RTZA RGYUD LE'U BZHI PA LAS AUTPA LA MTHING KHAR BSHAD PA BZHIN SGRON GSAL LAS KYANG SNGON POR BSHAD, LE'U BCU GSUM PA LAS SNGO DMAR DU BSHAD PA'I 'GREL PA LAS RTZA DMAR BA ZHES BSHAD PA LA, KHA CIG SNGO LA DMAR BA'I MDANGS YOD PA DANG, KHA CIG RTZA BA DMAR BA LA 'CHAD DO, ,NUB BYANG DU GOS DKAR MO DMAR MO 'OD DPAG MED KYI DBU RGYAN CAN, ZHAL PHYAG DANG PHYAG MTSAN 'OD DPAG MED 'DRA BA LA, KHYAD PAR DU PADMA DMAR PO'I GNAS SU AUTPA LA DMAR PO SDONG BU DANG BCAS TE 'DZIN PA'O; ;BYANG SHAR DU SGROL MA LJANG GU DON GRUB KYI DBU RGYAN CAN, LJANG NAG DKAR BA'I ZHAL GSUM, PHYAG DRUG GI GA-YAS SNA TSOGS RDO RJE 'KHOR LO RDO RJES MTSAN PA'I AUTPA LA, GA-YON DRIL BU RIN CHEN RAL GRI 'DZIN PA'O, ,RIM PA GNYIS
PA'I SHAR LHOR GZUGS RDO RJE MA DKAR MO RNAM SNANG GI DBU RGYAN CAN, ZHAL PHYAG DANG PHYAG MTSAN SPYAN MA DANG 'DRA BA LA, KHYAD PAR DU RTZA PHYAG GNYIS KYIS ME LONG DMAR PO 'DZIN PA, LHO NUB TU SGRA RDO RJE MA SER MO RIN 'BYUNG GI DBU RGYAN CAN, SER NAG DKAR BA'I ZHAL GSUM, PHYAG DANG PHYAG MTSAN M'A MA K'I DANG 'DRA BA LA, KHYAD PAR DU RTZA PHYAG GNYIS KYIS PI WANG SNGON PO SGRENG BA, NUB BYANG DU DRI RDO RJE MA DMAR MO 'OD DPAG MED KYI DBU RGYAN CAN, ZHAL PHYAG DANG PHYAG MTSAN GOS DKAR MO DANG 'DRA BA LA, KHYAD PAR DU RTZA PHYAG GNYIS KYIS DRI'I DUNG CHOS 'DZIN PA, BYANG SHAR DU RO RDO RJE MA LJANG GU DON GRUB KYI DBU RGYAN CAN, ZHAL PHYAG DANG PHYAG MTSAN SGROL MA DANG 'DRA BA LA, KHYAD PAR DU RTZA PHYAG GNYIS KYIS RO'I SNOD 'DZIN PA'O, ,LHA MO DGU PO THAMS CAD SHIN TU SGEG CING, GZHIN MJUM BAG DANG LDAN PA, ZUR GYIS LTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING 'DOD PA'I YON TAN LNGA'I DGA' BAS ROL PA, REG BYA RDO RJE MA NI SHAM THABS 'PHYAR BA'O, ,SHAR SGO'I GA-YAS GA-YON GYI GDAN LA RIM PA BZHIN BYAMS PA DANG SA SNYING DKAR PO RNAM SNANG GI DBU RGYAN CAN, ZHAL PHYAG DANG PHYAG MTSAN RNAM SNANG DANG 'DRA BA LA KHYAD PAR DU BYAMS PA'I PHYAG DANG POS KLU SHING GI ME TOG SDONG BU DANG BCAS PA 'KHOR LOS MTSAN PA 'DZIN PA, LHO SGO'I GA-YAS GA-YON GYI GDAN LA RIM PA BZHIN, PHYAG RDOR DANG NAM SNYING SER PO RIN 'BYUNG GI DBU ZRGYAN CAN, ZHAL PHYAG DANG PHYAG MTSAN RIN 'BYUNG DANG 'DRA BA'O, ,NUB SGO'I GA-YAS GA-YON GYI GDAN LA RIM PA BZHIN, 'JIG
, ,RTEN DBANG PHYUG DANG 'JAM DPAL DMAR PO 'OD DPAG MED KYI DBU RGYAN CAN, ZHAL PHYAG DANG PHYAG MTSAN 'OD DPAG MED DANG 'DRA BA'O, ,BYANG SGO'I GA-YAS GA-YON GYI GDAN LA RIM PA BZHIN, SGRIB SEL DANG KUN BZANG LJANG GU DON GRUB KYI DBU RGYAN CAN, ZHAL PHYAG DANG PHYAG MTSAN DON GRUB DANG 'DRA BA'O, ,RNAM SNANG NAS KUN BZANG GI BAR GYI LHA THAMS CAD ZHI BA, 'OD KYI DKYIL 'KHOR RAB TU 'BAR BA'I DBUS NA RANG RANG GI GDAN LA RDO RJE SKYIL MO KRUNG GIS BZHUGS PA BSAMS SHAR SGOR GSHIN RJE GSHED, LHO SGOR SHES RAB MTHAR BYED, NUB SGOR RTA MGRIN, BYANG SGOR BGEGS MTHAR BYED, SHAR LHOR MI GA-YO BA, LHO NUB TU 'DOD RGYAL, NUB BYANG DU DBYUG SNGON CAN, BYANG SHAR DU STOBS PO CHE, STENG DU GTZUG TOR 'KHOR LOS BSGYUR RGYAL 'OG TU GNOD MDZES RGYAL PO RNAMS KYANG SNGAR BSHAD PA BZHIN DU BSAM MO, ,DE NAS RANG GI THUGS KA NAS 'OD ZER 'PHROS, SEMS CAN THAMS CAD BKUG NAS DKYIL 'KHOR GYI PHYOGS BZHI NAS THOGS PA MED PAR 'JUG PA'I RDO RJE SEMS DPA'I 'JUG PAS ZHUGS PA LA YAB YUM SNYOMS PAR ZHUGS PA'I BYANG CHUB SEMS KYI 'OD ZER GYIS DBANG BSKUR BAS, DE BZHIN GSHEGS PA THAMS CAD KYI BDE BA DANG YID BDE BA THOB STE, RDO RJE SEMS DPAR GYUR NAS RANG RANG GI ZHING DU GSHEGS PAR BSAM STE, LHAG MOS KYI LHA'I 'KHOR LO DGOD PA'I DE NYID DO, ,DE NAS RANG GI THUGS KA'I SA BON LAS 'OD ZER 'PHROS PAS, RNAM SNANG NAS GNOD MDZES KYI BAR RNAMS SPYAN DRANGS TE 'OG NAS 'CHAD PA'I SPYI BO LA SOGS PA'I
GNAS SU DGOD LA, GZUGS KYI PHUNG PO LA SOGS PA DANG NGO BO DBYER MED DU MOS PA'I KHA SBYAR GYI SBYOR BA BYAS NAS, RANG GI LUS DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I LUS KYI DKYIL 'KHOR DU MOS PAR BYA STE, LHAG MOS KYI DKYIL 'KHOR LUS LA BSDU BA'I DE NYID DO, ,DE NYID BCU GCIG PO DE RNAMS NI, RNAL 'BYOR DNGOS GZHI'I SNGON DU 'GRO BA'I DE NYID DO, ,DE NAS LUS DKYIL GYI LHA RNAM SNANG, SPYAN MA, SA'I SNYING PO, GZUGS RDO RJE MA, BYAMS PA, GSHIN RJE GSHED MI GA-YO BA RNAMS RIM GYIS 'OD GSAL DU THIM, DE NAS RIN 'BYUNG M'A MA K'I, PHYAG RDOR SGRA RDO RJE MA, GZHAN GYIS MI THUB PA 'DOD PA'I RGYAL PO RNAMS 'OD GSAL DU THIM, DE NAS 'OD DPAG MED GOS DKAR MO, NAM MKHA'I SNYING PO DRI RDO RJE MA, RTA MGRIN DBYUG SNGON CAN RNAMS 'OD GSAL DU THIM, DE NAS DON GRUB SGROL MA, 'JIG RTEN DBANG PHYUG RO RDO RJE MA, SGRIB SEL REG BYA RDO RJE MA, KUN BZANG BGEGS MTHAR BYED STOBS PO CHE RNAMS 'OD GSAL DU THIM, DE NAS GTZUG TOR 'KHOR LOS BSGYUR BA GNOD MDZES 'JAM DPAL RNAMS RIM GYIS 'OD GSAL DU THIM ZHING, GTZO BO YANG 'OD GSAL DU THIM PAR BSGOMS LA, AOm SH'U N+YA T'A DZNY'A NA BADZRA SVA BH'A WA A'ATMA KON YAHAm, ZHES BRJOD DE RIGS LNGA'I NGO BO'I PHUNG SOGS RNAMS 'OD GSAL DU ZHUGS PA DE NGA'O SNYAM PA'I NGA RGYAL BYA'O, ,'DI NI BSKAL PA DANG PO'I MI RIM GYIS THA MAL PAR GYUR TE, PHUNG SOGS RIM GYIS THIM NAS, 'CHI BA'I 'OD GSAL MNGON DU BYAS PA DANG RJES SU MTHUN PAR SGOM PAS 'CHI BA CHOS SKUR 'KHYER BA'I RNAL 'BYOR TE, DON DAM
, ,PA'I DKYIL 'KHOR LA 'JUG PA'I DE NYID DANG, DE BZHIN NYID LAS BYANG CHUB PA ZHES KYANG BYA'O, ,'DI NAS BZUNG STE YE SHES KYI SA SGOM PA'I BAR NI BSTEN PA'I YAN LAG GO ,DE NAS GDAN DBUS MA'I STENG DU, H'Um LAS NYI MA'I DKYIL 'KHOR, DE'I DBUS SU AOm LAS ZLA BA'I DKYIL 'KHOR, DE'I STENG DU A'A: LAS PADMA DMAR PO 'DAB MA BRGYAD PA'I STENG NA, AOm A'A: H'Um GI YI GE GSUM STENG NAS STENG DU BRTZEGS PAR BSAM STE, NYI MA LA SOGS PA LA DMIGS PA LDANG BA'I DE NYID DO, ,DE THAMS CAD GCIG TU 'DRES PA LAS ZLA BA'I DKYIL 'KHOR CHA THAMS CAD YONGS SU RDZOGS PA GCIG TU GYUR PAR BSAM PA NI, MTHAR ZLA BA LA DMIGS PA'I DE NYID DO, ,DE LAS 'OD ZER 'PHROS PAS SNOD BCUD THAMS CAD BSDUS TE ZLA BA LA GZHUG LA, AOm DHARM'A DH'A TU SVA BH'A WA A'ATMA KONYA HAm, ZHES BRJOD DE, SNOD BCUD KYI CHOS THAMS CAD KYI RTZA BA RLUNG SEMS TZAM ZLA BAR SNANG BA DE NGA'O SNYAM DU NGA RGYAL BRTAN PAR BYA BA NI, YE SHES TZAM LA SNYOMS PAR 'JUG PA'I DE NYID DO, ,LDANG BA NAS 'DI'I BAR NI, ZLA BA LAS BYANG CHUB PA STE, BYANG CHUB PA GNYIS KYI BDAG NYID DE NYID BZHI NI RNAL 'BYOR GYI DNGOS GZHI'O, ,ZLA BA'I STENG DU CHU LAS CHU BUR RDOL BA'I TSUL DU, ZLA BA LAS BYUNG BA'I AOm DKAR PO A'A: DMAR PO H'Um SNGON PO PO SGOM PA NI, SA BON LAS BYANG CHUB PA'I DE NYID DO, ,DE LAS 'OD ZER 'PHROS, PHYOGS BCU NAS RIGS LNGA 'KHOR DANG BCAS PA DPAG TU MED PA SPYAN DRANGS DE LA THIM STE, YONGS SU GYUR PA LAS RDO RJE DKAR PO RTZE LNGA PA LTE BA LA AOm A'A: H'Um GIS
MTSAN PA BSAMS LA, BADZRA A'ATMA KONYA HAm ZHES BRJOD LA RDO RJE'I NGA RGYAL BYA STE, PHYAG MTSAN LAS BYANG CHUB PA'I DE NYID DO, ,RDO RJE YI GE DANG BCAS PA YONGS SU GYUR PA LAS, SNGAR BSHAD PA LTA BU'I DANG PO'I MGON PO YUm MED PA BSKYED DE, SKU RDZOGS PA LAS BYANG CHUB PA'I DE NYID DO,, BYANG CHUB PA DE GSUM NI RJES SU RNAL 'BYOR RO, ,'DI NI 'CHI BA'I 'OD GSAL LAS, YID KYI LUS CAN GYI BAR DO GRUB PA DANG RJES SU MTHUN PAR BSGOMS PAS, BAR DO LONGS SKUR 'KHYER BA'I RNAL 'BYOR RO, ,DE NAS RANG BZHIN GYI GNAS NAS DE BZHIN GSHEGS PA YAB YUM SEMS CAN 'DUL BA'I PHYIR DU SNYOMS PAR ZHUGS PA'I BYANG CHUB KYI SEMS LAS GRUB PA'I MI BSKYOD PAS, NAM MKHA'I KHAMS THAMS CAD KHYAB PAR BYAS DES SEMS CAN THAMS CAD LA BYIN GYIS BRLABS PAS, ZAG PA MED PA'I BDE BA DANG YID BDE BA THOB PAR GYUR, MI BSKYOD PA THAMS CAD KYANG GZHAL YAS KHANG GI NANG DU GCIG TU 'DRES PA LA, RANG NYID RJES SU ZHUGS PAS SPRUL SKU RDO RJE SEMS DPA' SNGON PO, ZHAL PHYAG DANG PHYAG MTSAN SNGAR BSHAD PA LTA BUR BSGOM PA NI SPRUL SKUR BSGYUR BA'I DE NYID DO, ,DE NAS LUS DKYIL SGOM PA LA, THOG MAR LUS RTEN GYI DKYIL 'KHOR DU GSAL GDAB PA NI, LUS KYI MDUN RGYA BA DANG GA-YAS GA-YON BZHI DKYIL 'KHOR GYI ZUR BZHI, KHA DANG SNA DANG BSHANG GCI'I LAM GYI BUG PA BZHI SGO BZHI, RNAM RTOG GI BZHON PA YE SHES LNGA DAG PA'I RLUNG KHA DOG LNGA PA NI RTZIG PA RIM PA LNGA, LCE'I RNAM SHES NI RIN PO CHE'I PHA GU, RGYU MA DRA BA DANG RGYUS PA DRA PHYED, BYANG SEMS DKAR PO'I CHA ZLA PHYED DANG, MIG GI RNAM SHES ME LONG DANG, SNA'I RNAM SHES ME TOG GI PHRENG BA
, ,DANG, LCE'I DBANG PO DRIL BU DANG, LUS KYI DBANG PO'I TSOGS RNGA YAB TU GYUR PA RNAMS NI DRA BA DANG DRA PHYED KYI RGYAN NO, ,RNA BA DANG LUS KYI RNAM SHES NI MDA' YAB LA GNAS GNAS PA'I BA DAN DANG DAR 'PHAN, RJE NGAR BRLA DPUNG LAG NGAR GYI RKANG BRGYAD NI KA BA BRGYAD, LTO BA NI DKYIL GYI NANG GI BUM PA, RNA BA'I DBANG PO NI MTSAMS RNAMS KYI ZLA PHYED RDO RJE, PHUNG PO LNGA RNAM PAR DAG PA NI DKYIL 'KHOR GYI KHA DOG LNGA, GSANG GNAS DANG LTE BA DANG SNYING KHA DANG GDONG GI SNA RTZE BZHI NI RTA BABS BZHI, MAG GI DBANG PO NI DE'I STENG GI 'KHOR LO, YID KYI RNAM SHES NI RI DVAGS, SNA'I DBANG PO NI RTA BABS KYI BA DAN, YID KYI DBANG PO NI DBUS KYI PADMA STE, DE LTAR LUS KYI CHA RNAMS GZHAL YAS KHANG DU BSGOM STE, LUS RTEN GYI DKYIL 'KHOR DU BSGOM PA'I DE NYID DO,, DE NAS LUS BRTEN PA'I DKYIL 'KHOR DU BSGOM PA NI, SPYI GTZUG NAS SKRA MTSAMS KYI BAR DU GZUGS PHUNG GI NGA BO AOm DKAR PO YONGS SU GYUR PA LAS RNAM PAR SNANG MDZAD, DE BZHIN DU SBYAR TE, SKRA MTSAMS NAS MGRIN PA'I BAR DU 'DU SHES KYI NGO BO A'A: DMAR PO LAS 'OD DPAG MED, MGRIN PA NAS NU MA GNYIS KYI BAR GYI SNYING KHA'I BAR DU RNAM SHES KYI NGO BO H'Um SNGON PO LAS MI BSKYOD PA, SNYING KHA NAS LTE BA'I BAR DU TSOR BA'I NGO BO SV'A SER PO LAS RIN CHEN 'BYUNG LDAN, LTE BA NAS BRLU'I RTZA BA'I BAR DU 'DU BYED KYI NGO BO H'A LJANG GU LAS DON YOD GRUB PA BSKYED DE, PHUNG PO GSHEGS PAR SGOM PA'I DE NYID DO, ,LTE BAR LUS KYI SA'I KHAMS THAMS CAD KYI NGO BO LAm LAS SPYAN MA, DE BZHIN DU SBYAR LA, SNYING KHAR CHU'I KHAMS KYI NGO BO M'Am LAS M'A MA
K'I, MGRIN PAR ME'I KHAMS KYI NGO BO PAm LAS GOS DKAR MO, SPYI BOR RLUNG GI KHAMS KYI NGO BO T'Am LAS SGROL MA DO, KHAMS GSHEGS MAR SGOM PA'I DE NYID DO, ,MIG TU MIG DBANG GI NGO BO THL'Im LAS SA'I SNYING PO, RNA BAR RNA BA'I DBANG PO'I NGO BO AOm LAS PHYAG NA RDO RJE, SNAR SNA'I DBANG PO'I NGO BO AOm LAS NAM SNYING, LCER LCE DBANG GI NGO BO AOm LAS 'JIG RTEN DBANG PHYUG ,SNYING KHAR YID DBANG GI NGO BO H'Um LAS 'JAM DPAL, RDO RJE'I SGOR LUS KUN GYI DBANG PO'I NGO BO AOm LAS SGRIB SEL, TSIGS RNAMS LA TSIGS KYI NGO BO SAm LAS KUN BZANG, SPYI GTZUG TU RTZA RGYUS KYI NGO BO MEEm LAS BYAMS PA BSKYED DE, MIG SOGS SEMS DPAR SGOM PA'I DE NYID DO, ,MIG GI SGOR LUS KYI GZUGS KYI RANG BZHIN DZA: LAS GZUGS RDO RJE MA SA SNYING DANG SNYOMS PAR 'JUG PA, DE BZHIN DU SBYAR LA, RNA BA'I SGOR SKRA'I RANG BZHIN H'Um LAS SGRA RDO RJE MA PHYAG RDAR DANG SNYOMS PAR 'JUG PA, SNA'I SGOR DRI'I RANG BZHIN BAm LAS DRI RDO RJE MA NAM SNYING DANG SNYOMS PAR 'JUG PA, LCER RO'I RANG BZHIN HO LAS RO RDO RJE MA 'JIG RTEN DBANG PHYUG DANG SNYOMS PAR 'JUG PA, RDO RJE'I SGOR REG BYA'I RANG BZHIN KHAm LAS REG RDO RJE MA SGRIB SEL DANG SNYOMS PAR 'JUG PA BSKYED DE, GZUGS SOGS SEMS MAR SGOM PA'I DE NYID DO, ,LAG PA GA-YAS PAR DE'I NGO BO H'Um LAS GSHIN RJE GSHED, LAG PA GA-YON PAR DE'I NGO BO H'Um LAS GZHAN GYIS MI THUB PA, KHA LA DE'I NGO BO H'Um LAS RTA MGRIN, RDO RJE LA DE'I NGO BO H'Um LAS BDUD RTZI 'KHYIL PA, DPUNG PA GA-YAS PA'I RTZA BAR DE'I NGO BO H'Um LAS MI GA-YO BA, DPUNG PA GA-YON PA'I RTZA BAR DE'I NGO
, ,BO H'Um LAS 'DOD PA'I RGYAL PO, PUS MO GA-YAS LA DE'I NGO BO H'Um LAS DBYUG SNGON CAN, PUS MO GA-YON LA DE'I NGO BO H'Um LAS STOBS PO CHE, SPYI GTZUG TU DE'I NGO BO H'Um LAS GTZUG TOR 'KHOR LOS SGYUR BA, RKANG MTHIL DU DE'I NGO BO H'Um YONGS SU GYUR PA LAS GNOD MDZES RGYAL PO BSKYED DE, YAN LAG KHRO BOR SGOM PA'I DE NYID DO, ,DE LTAR LHA SUM CU SO GNYIS PO BSKYED PA'I 'OG TU RE RE NAS RIM PA BZHIN PHUNG PO LNGA DANG, KHAMS BZHI DANG MIG LA SOGS PA BRGYAD DANG, GZUGS LA SOGS PA LNGA DANG, LAG PA GA-YAS PA LA SOGS PA BCU'I NGO BOR BSAM PAR BYA STE SHIN TU RNAL 'BYOR RO, ,LHA RNAMS KYI SKU MDOG LA SOGS PA NI SNGAR BSHAD PA BZHIN DU BSGOM TE, LDANG BA'I YI GE NAS 'DI'I BAR NI NYE BAR BSGRUB PA'I YAN LAG GO ,DE NAS SNGAR YONGS SU RDZOGS PAR BSKYED PA'I LHA DAM TSIG PA TZAM DU 'DZIN PA'I RNAM RTOG RDO RJE GSUM GYI YE SHES SEMS DPA' RJES SU ZHUGS PAS GSAL BA'I PHYIR, RANG GI SPYI BOR AOm LAS BYUNG BA'I ZLA BA'I DKYIL 'KHOR YONGS SU RDZOGS PA'I LTE BAR AOm DKAR PO 'OD ZER KHA DOG LNGA 'PHRO BA LAS, SPAN MA'I TSOGS NAM MKHA' GANG BA SPROS PAS, SKAD CIG GIS SKU RDO RJE RNAM SNANG GI TSOGS NAM MKHA' GANG BA SPYAN DRANGS BA'I DBUS NA BZHUGS PA'I BDAG PO RNAM PAR SNANG MDZAD SPYAN MA DANG SBYOR BA'I MDUN NA RANG NYID GNAS PAR BSAMS LA, DPAL LDAN SANGS RGYAS SKU 'CHANG BA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE SKUS NI MDZAD DU GSOL, ,PHYOGS BCUR BZHUGS PA'I SANGS RGYAS RNAMS,,
RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE SKUS NI MDZAD DU GSOL, ,ZHES RNAM SNANG GTZO 'KHOR LA RDO RJE GSUM MI PHYED PA RDO RJE 'CHANG DU BSGOMS PA BDAG GI LUS DA LTA NYID DU BYIN GYIS BRLAB TU GSOL ZHES GSOL BA BTAB PAS, SPROS PA'I SPYAN MA DANG SPYAN DRANGS PA'I RNAM SNANG GI LHA'I TSOGS GNYIS PO THAMS CAD PHAN TSUN RJES SU CHAGS PA SNGON DU 'GRO BAS, SNYOMS PAR ZHUGS MCHOG TU DGA' BA'I BDE BA MYONG BA'I, 'OD ZER DKAR PO'I NGO BOR ZHU BA YE SHES SEMS DPA'I TSUL GYIS, RNAM PAR SNANG MDZAD KYI SGO NAS ZHUGS TE, YE SHES KYI SA THOB PAS LUS THAMS CAD BKANG STE TSIM NAS SKU'I DBANG PHYUG THOB PAR BSAMS LA, SANGS RGYAS KUN GYI SKU GANG YIN, ,PHUNG PO LNGA YIS RAB BKANG BAS, ,SANGS RGYAS SKU YI NGO BO YIS, ,BDAG KYANG DE DANG 'DRA BAR SHOG ,CES SMON LAM BTAB PAS, DE BZHIN GSHEGS PA THAMS CAD KYI SKU RDO RJE'I BDAG NYID DU NGA RGYAL BRTAN PAR BYAS LA, AOm SARBA TA TH'A GA TA K'A YA BADZRA SVA BH'A WA A'ATMA KONYA HAm, ZHES BRJOD DE BYIN GYIS BRLAB PA NI, SKU BYIN GYIS BRLAB PA'I DE NYID DO, ,DE NAS LCE'I DBUS SU A'A: LAS BYUNG BA'I PADMA DMAR PO 'DAB MA BRGYAD PA'I LTE BAR A'A: DMAR PO 'OD ZER NGA 'PHRO BA LAS, GOS DKAR MO'I TSOGS NAM MKHA' GANG BA SPROS PAS, SKAD CIG GIS GSUNG RDO RJE'I TSOGS NAM MKHA' GANG BA SPYAN DRANGS PA'I DBUS NA BZHUGS PA'I GTZO BO, 'OD DPAG MED GOS DKAR MO DANG SBYOR BA'I MDUN NA RANG NYID GNAS PAR BSAMS LA, CHOS KYI GSUNG
, ,LAM DPAL LDAN PA, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE GSUNG GIS MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS; ;DENG BDAG BYIN GYIS BRLABS NAS SU, ,RDO RJE GSUNG GIS MDZAD DU GSOL, ,ZHES GTZO 'KHOR LA SNGAR BZHIN BDAG GI NGAG DA LTA NYID DU BYIN GYIS BRLAB TU GSOL, ,ZHES GSOL BA BTAB PAS, LHA'I TSOGS GNYIS PO THAMS CAD SNGAR BZHIN SNYOMS PAR ZHUGS, MCHOG TU DGA' BA'I BDE BA MYONG BAS, 'OD ZER DMAR PO'I NGO BOR ZHU BA YE SHES SEMS DPA'I TSUL GYIS, LCE LA ZHUGS TE YE SHES KYI SA THOB PAS LUS THAMS CAD BKANG STE TSIM NAS, GSUNG GI DBANG PHYUG THOB PAR BSAMS LA, RDO RJE CHOS KYI GSUNG GANG YIN, ,NGES PA'I TSIG NI PHUN SUM TSOGS, ,BDAG GI TSIG KYANG DE 'DRA ZHING, ,CHOS 'DZIN PA DANG 'DRA BAR SHOG ,CES SMON LAM BTAB PAS, DE BZHIN GSHEGS PA THAMS CAD KYI GSUNG RDO RJE'I BDAG NYID DU NGA RGYAL BRTAN PAR BYAS LA, AOm SARBA TA TH'A GA TA W'A KA BADZRA SVA BH'A WA A'ATMA KONYA HAm, ZHES BRJOD DE BYIN GYIS BRLAB PA NI, GSUNG BYIN GYIS BRLAB PA'I DE NYID DO, ,MDO BSRE LAS, LKOG MAR PADMA LA A'A YIG SGOM PA'ANG BSHAD PAS DE GNYIS GANG RUNG GIS CHOG GO ,DE NAS SNYING KHA'I DBUS SU H'Um LAS BYUNG BA'I NYI MA'I DKYIL 'KHOR GYI LTE BAR H'Um SNGON PO 'OD ZER LNGA 'PHRO BA LAS, M'A MA K'I'I TSOGS NAM MKHA' GANG BA SPROS PAS, SKAD CIG GIS THUGS RDO RJE'I
TSOGS NAM MKHA' GANG BA SPYAN DRANGS PA'I DBUS NA BZHUGS PA'I GTZO BO, MI BSKYOD PA M'A MA K'I DANG SBYOR BA'I MDUN NA RANG NYID GNAS PAR BSAMS LA, DPAL LDAN RDO RJE THUGS 'CHANG BA, ,RDO RJE MI PHYED GSUM BSGOMS PAS, ,DER BDAG BYIN GYIS BRLABS NAS SU, ,RDO RJE THUGS KYIS MDZAD DU GSOL, ,PHYOGS BCUR BZHUGS PA'I SANGS RGYAS RNAMS, ,RDO RJE MI PHYED GSUM BSGOMS PAS, ,DENG BDAG BYIN GYIS BRLABS NAS SU, ,RDO RJE THUGS KYIS MDZAD DU GSOL, ,ZHES GTZO 'KHOR LA SNGAR BZHIN BDAG GI YID DA LTA NYID DU BYIN GYIS BRLAB TU GSOL ZHES GSOL BA BTAB PAS, LHA'I TSOGS GNYIS PO THAMS CAD SNGAR BZHIN SNYOMS PAR ZHUGS, MCHOG TU DGA' BA'I BDE BA MYONG BAS, 'OD ZER NAG PO'I NGO BOR ZHU BA YE SHES SEMS DPA'I TSUL GYIS SNYING KHAR ZHUGS TE, YE SHES KYI SA THOB PAS LUS THAMS CAD BKANG STE TSIM NAS, THUGS KYI DBANG PHYUG THOB PAR BSAMS LA, KUN TU BZANG PO'I THUGS GANG YIN, ,GSANG BA'I DBANG PO BLO LDAN PA, ,BDAG KYANG DE DANG 'DRAR 'GYUR ZHING, ,RDO RJE 'DZIN DANG MTSUNGS 'GYUR SHOG ,CES SMON LAM BTAB PAS, DE BZHIN GSHEGS PA THAMS CAD KYI THUGS RDO RJE'I BDAG NYID DU NGA RGYAL BRTAN PAR BYAS LA, AOm SARBA TA TH'A GA TA TZITTA BADZRA SVA BH'A BA A'A TMA KONYA HAm, ZHES BRJOD DE BYIN GYIS BRLAB PA NI, THUGS BYIN GYIS BRLAB PA'I DE NYID DO, ,'DIR H'Um YIG GI GNAS LA RDO RJE'I DKYIL 'KHOR ZHES GSUNGS PA'I DON SGRON GSAL LAS MDOR BYAS BZHIN NYI MA DANG, RDO RJE SEMS DPA'I SGRUB THABS LAS RDO RJE LA BSHAD DO, ,DE NAS SKU GSUNG
, ,THUGS KYI RDO RJE GSUM DBYER MI PHYED PA RDO RJE 'CHANG CHEN POR BSGOMS LA, AOm SARBA TA TH'A GA TA K'A YA W'A KA TZITTA BADZRA SVA BH'A BA A'ATMA KONYAHAm, ZHES BRJOD DE RDO RJE 'CHANG GI NGA RGYAL BYA BA NI, DAM TSIG SEMS DPA'I SKU GSUNG THUGS THUN MONG DU BYIN GYIS RLOB PA'I DE NYID DO, ,DE NAS RANG DAM TSIG SEMS DPA' RDO RJE 'CHANG SNGON PO'I THUGS KAR, SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO, ZHAL GCIG PHYAG GNYIS KYIS RDO RJE DANG DRIL BU 'DZIN PAS RANG SNANG GI SHES RAB MA LA 'KHYUD PA, KHA SBYOR GYI SBYOR BAS LUS RGYAS PAR BYED PA BSGOM PA NI, YE SHES SEMS DPA'I DE NYID DO, ,MDOR BYAS LAS YE SHES SEMS DPA' PHRA MO BSGOM PAR GSUNGS PA'I DON NAS 'BRU'I TSAD TZAM SGOM PAR MA GA TA'I PAndI TA THUB PA DPAL BZANG POS BSHAD DO, ,DE'I THUGS KAR ZLA BA'I GDAN LA RDO RJE SNGON PO'I LTE BA'I NANG DU, TING NGE 'DZIN SEMS DPA' H'Um YIG SNGON PO RTAG TU 'CHAR BA MAR ME CHEN PO LTA BU, MI SHES PA'I MUN PA 'JOMS PA'I DON DU, SNANG BA'I PHUNG PO LTA BU BSAM PA NI, TING NGE 'DZIN SEMS DPA'I DE NYID DO, ,DAM TSIG SEMS DPA'I RAL PA'I COD PAN LA, RDO RJE 'CHANG CHEN PO SKU MDOG DKAR PO ZHAL GCIG PHYAG GNYIS PA RDO RJE DBYINGS KYI DBANG PHYUG MA DANG LHAN CIG KHA SBYOR GYI SBYOR BAS, BYANG CHUB KYI SEMS KYI BDUD RTZI 'DZAG PA'I RGYUN GYIS LUS THAMS CAD TSIM PAR BYED PAR BSAM STE, RNAL 'BYOR CHEN PO DANG SGRUB PA'I YAN LAG GO ,RNAL 'BYOR PHYI MA GNYIS PO NI SHA'I MIG GIS MI MTHONG BA'I BAR DOS MNGAL DU SKYE BA
BZUNG NAS, PHUNG PO LA SOGS PA RDZOGS PA'I TSE, MNGAL GYI SGOR 'THON PA NA SHA'I MIG GIS MTHONG BA DANG, LONGS SKU SO SO SKYE BO LA SOGS PAS MI MTHONG BAS, DE DAG GI DON BYA BA'I PHYIR YUM GYI LHUMS SU SPRUL SKU'I SKYE BA BZUNG NAS BTZAS PA'I TSUL BSTAN PA'I TSE, GDUL BYA DE DAG GIS MTHONG BA BZHIN DU, BAR DO DANG LONGS SKU DANG 'DRA BA'I DANG PO'I MGON POS KYANG, MNGAL DU SKYE BA BZUNG BA DANG 'DRA BA'I MI BSKYOD PA LA ZHUGS PAS, SPRUL SKU RDOR SEMS SU BSGYUR BA LA MNGAL GYI SKABS YONGS SU RDZOGS PA DANG 'DRA BAR, AOm YIG NAS TING NGE 'DZIN SEMS DPA' H'Um YIG GI BAR GYI SNGAGS THAMS CAD KYIS BYIN GYIS BRLABS PAS, PHUNG PO KHAMS SKYE MCHAD YAN LAG SKU GSUNG THUGS LA SOGS PA'I GNAS SKABS RNAMS YONGS SU RDZOGS PA'I TSE, SPRUL SKU ZHAL GSUM PHYAG DRUG PA YONGS SU RDZOGS PAR MTHONG BA NI, SKYE BA BZUNG BA'I GNAS SKABS DANG MTHUN PAR BSGOM PA SKYE BA SPRUL SKUR 'KHYER BA'I RNAL 'BYOR RO, ,DE LTAR GANG DU 'TSANG RGYA BA'I GNAS SNOD YONGS SU DAG PAR GANG GIS 'TSANG RGYA BA'I RTEN LHA THAMS CAD 'DUS PA'I BDAG NYID RDO RJE 'CHANG GI RNAL 'BYOR DANG LDAN PAS, JI LTAR 'TSANG RGYA BA'I RIM PA PHUNG SOGS RIM GYIS 'OD GSAL DU ZHUGS PA'I CHOS SKU'I NGANG NAS, LONGS SKU DANG PO'I MGON POR ZHENGS TE, SPRUL SKU RDO RJE 'CHANG DU SPRUL NAS NYID KYI SKU RTEN DANG BRTEN PA'I DKYIL 'KHOR BAR SPRUL PA'I SKU GSUM GYI GO 'PHANG NI, 'DOD CHAGS KYI CHOS SNGAGS KYI SPYOD PAS 'THOB PAR BSTAN PA'I PHYIR, SPRUL SKU RDO RJE 'CHANG GIS 'DOD CHAGS
, ,CHEN PO'I TSUL GYI TING NGE 'DZIN LA SNYOMS PAR ZHUGS NAS, MCHOG TU DGA' BA'I BDE BAS TSIM PAR BYED PA'I LHA MO DGU SPRUL PA DE BZHIN DU, SLOB BZHIN PA'I RNAL 'BYOR PA 'DOD CHAGS KYI KUN SPYOD LA DGA' BAS KYANG, SKU GSUM GYI GO 'PHANG BSGRUB PA'I PHYIR, 'DOD PA KUN LA LONGS SPYOD PA'I TING NGE 'DZIN BSTAN PAR BYA'O, ,DE LA RIG MA 'DU BYA BA NI, PHYI ROL GYI RIG MA'AM YANG NA, SNYING KHA NAS RANG RAGS KYI RIG MA PHYUNG LA, STONG PAR SBYANGS TE KHAm LAS RDO RJE DE LAS REG BYA RDO RJE MAR SNGAR BSHAD PA BZHIN BSKYED, DE'I SPYI GTZUG NAS SKRA MTSAMS KYI BAR DU AOm DKAR PO LAS RNAM SNANG SOGS SNGAR BSHAD PA BZHIN SA BON RKYANG PA LAS BSKYED, LTE BA SOGS KYI GNAS BZHIR YUM BZHI SA BON LAS BSKYED, MIG SOGS BZHI DANG BHA GA'I RTZE MOR DZA: H'Um BAm HO: KHAm LAS RDO RJE MA LNGA SA SNYING SOGS KYIS 'KHYUD PAR BSKYED, LAG PA GA-YAS LA RO LANGS MA, GA-YON LA GZHAN GYI MI THUB MA, KHA LA KHRO GNYER CAN, BHA GAR RAL GCIG MA, DPUNG PA GA-YAS KYI RTZA BAR DE BZHIN GSHEGS PA'I YUM RDO RJE MA, GA-YON LA SNA TSOGS RIN CHEN MA, PUS MO GA-YAS LA SNA TSOGS PADMA, GA-YON LA SNA TSOGS LAS MA, SPYI GTZUG TU NAM MKHA'I RDO RJE MA, RKANG MTHIL DU SA 'DZIN LHA MO RNAMS H'Um YIG LAS ZHAL PHYAG DANG PHYAG MTSAN KHRO BO BCU DANG 'DRA BAR BSKYED DO, ,DE NAS RDO RJE DANG PADMA 'DU BYA BA NI, RANG GI GSANG GNAS MI DMIGS PA LAS, H'Um LAS BYUNG BA'I RDO RJE RTZE LNGA PA'I RVA DBUS MA'I NOR BU LA AOm
GYIS MTSAN ZHING, BU GA YI GE PHAt SER POS BKAG PA DANG, YUM GYI GSANG GNAS MI DMIGS PA'I NGANG LAS A'A: LAS BYUNG BA'I PADMA DMAR PO 'DAB MA BRGYAD PA, BU GA YI GE PHAt KYIS BKAG PAR BSGOM STE, RIG MA 'DU BYA BA SOGS KYI DE NYID DO, ,DE NAS RIN 'BYUNG GI NGA RGYAL GYIS YAB YUM RJES SU CHAGS PAS, PHAN TSUN 'KHYUD PA DANG 'O BYA BA DANG 'JIB PA SOGS BYAS LA, AOm SARBA TA TH'A GA TA AA NU R'A GA nA BADZRA SVA BH'A WA A'ATMA KONYAHAm, ZHES BRJOD DE DE BZHIN GSHEGS PA THAMS CAD KYI RJES SU CHAGS PA'I RDO RJE'I BDAG NYID NGA'O SNYAM DU RJES SU CHAGS PA'I NGA RGYAL BYA'O, ,RJES SU CHAGS PA'I DE NYID DO, ,RIN 'BYUNG LAS RDO RJE 'CHANG GI NGA RGYAL DU 'PHOS RDO RJE DANG PADMA'I NANG 'OD ZER LNGAS GANG BAR BSAMS LA, H'Um GLUR BLANG ZHING SNYOMS PAR 'JUG PA'I LAS LA GNAS PAR BYAS PAS MCHOG TU DGA' BA'I BDE BA BSKYED LA BSGOM, MTHAR DON GRUB KYI NGA RGYAL GYIS, PHAt CES BRJOD PAS LUS DKYIL GYI LHA THAMS CAD TSIM NAS ZHU BA'I THIG LE YUM GYI PADMA RA PHAB LA, DE NYID DE BZHIN GSHEGS PA RIGS LNGA LA SOGS PA LHA THAMS CAD KYI 'BYUNG GNAS SU BSAM ZHING, BDE BA CHEN POS SANGS RGYAS DANG BYANG CHUB SEMS DPA' THAMS CAD MCHOD PAR BSAMS LA, AOm SARBA TA TH'A GA TA P'U JA BADZRA SVA BH'A WA A'ATMA KONYAHAm, ZHES BRJOD DE DE BZHIN GSHEGS PA THAMS CAD MCHOD PA'I RDO RJE'I BDAG NYID NGA'O SNYAM DU NGA RGYAL BYA BA NI, MCHOD PA'I DE NYID DO, ,DE YAN CHAD NI DKYIL 'KHOR GSUM SEMS DPA' GSUM GYI BDAG NYID CAN RANG GI DON PHUN SUM
, ,TSOGS PA TING NGE 'DZIN GYI RGYAL PO MCHOG GAM, DANG PO SBYOR BA'I TING NGE 'DZIN TO, ,DE LTAR RANG DON SKU GSUM BRNYES NAS GZHAN GYI DON PHUN SUM TSOGS PA RGYAL MCHOG GNYIS KYIS SGRUB PA LA, THOG MAR DKYIL 'KHOR RGYAL MCHOG GI RTEN GYI DKYIL 'KHOR NI, THIG LE CHA GCIG BHRUm DANG, DE YONGS SU GYUR PA LAS GZHAL YAS KHANG GRU BZHI SGO BZHI PA SOGS GDAN DANG BCAS PA BSKYED, THIG LE CHA GCIG GDAN RNAMS KYI STENG DU, CHA SUM CU SO GNYIS SU GYUR DE RNAMS YONGS SU GYUR PA LAS, AOm A'A: H'Um H'Um LA SOGS PA RANG RANG GI SA BON GYI SNGAGS RDO RJE GSUM GYI YI GES BYIN GYIS BRLABS PA SO GNYIS SU GYUR, DE LAS RDO RJE LA SOGS PA'I PHYAG MTSAN SO GNYIS SU GYUR, DE LAS LHA'I SKUR RIM GYIS BSKYED PA NI SKYED PA'I SGO'O, ,YUM GYI PADMA NAS YAB KYI THUGS KAR DRANGS TE, PHYIR PHYUNG PHYOGS BCUR 'PHROS PA NI SPRO BA'I SGO'O, ,DE NAS RANG RANG GI 'PHRIN LAS MDZAD PA NI MDZAD PA'I SGO'O, ,SPRUL PA RNAMS GCIG TU 'DUS PA NI BSDU BA'I SGO'O, ,YE SHES PA SPYAN DRANGS PA DANG 'DRES PA NI 'DRES PA'I SGO'O, ,RANG RANG GI SPYI GTZUG GI RIGS BDAG YAB YUM GYI BYANG CHUB KYI SEMS KYIS DBANG BSKUR BA NI DBANG BSKUR BA'I SGO'O, ,SLAR BYON NAS RANG GNAS SU BZHUGS PA NI GNAS SU GNAS PA'I SGO STE, LHA THAMS CAD SGO BDUN BDUN DANG LDAN PAR BYA'O, ,DE'I RIM PA NI GDAN DBUS MA'I STENG DU, RANG NYID MI BSKYOD PA MTHING NAG MI BSKYOD PA'I DBU RGYAN CAN REG RDO RJE MA DANG BCAS PAR SKYAD PA NAS GNOD
MDZES KYI BAR DU SNGAR BSHAD PA BZHIN, RIM GYIS BSKYED ZIN PA DANG, MI BSKYOD PA RDO RJE'I LAM NAS THUGS KAR DRANGS, BADZRA DHRIKA CES BRJOD PAS THUGS KA NAS PHYIR BYUNG PHYOGS BCUR 'PHROS CHOS KYI 'KHOR LO BSKOR BA LA SOGS PA SANGS RGYAS KYIS DZAD PA THAMS CAD MDZAD, KHYAD PAR DU ZHE SDANG CAN RNAMS KYI ZHE SDANG SBYANGS NAS MI BSKYOD PA'I GO 'PHANG LA BKOD, SPRUL PA RNAMS GCIG TU 'DUS, MI BSKYOD PA YE SHES PA DANG DBYER MED DU 'DRES, RANG GI RIGS BDAG YAB YUM GYI BYANG CHUB KYI SEMS KYIS DBANG BSKUR, SLAR BYON NAS RANG GI MDUN NA 'DUG PA RANG GI SNYING KHAR ZHUGS NAS 'DRES PAS, RANG RDO RJE 'CHANG ZHI BA DE ZHE SDANG RDO RJER GYUR TE, SNGAR GYI ZLA BA NYI GDAN LA THIM PA'I STENG NA BZHUGS PA SNGAR BSHAD PA BZHIN GSAL GDAB, DE BZHIN DU SBYAR LA, REG BYA RDO RJE MA PHYUNG NAS SNGAR GYI REG RDO RJE MA LA BSTIM STE, KHYAD PAR NI 'BYIN SNGAGS SPAR SHA BADZRA DANG, MDZAD PA NI REG BYA LA ZHAN PA RNAMS SBYANGS NAS, RGYAL BA RNAMS REG BYA'I BDE BAS MCHOD PA'O, ,RNAM SNANG LA SOGS PA BZHI'I 'BYIN SNGAGS NI RIM PA BZHIN, DZI NA DZI KA DANG RATNA DHRIKA DANG A'A RO LIKA DANG PRADZNY'A DHRIKA YIN LA, SPYI MDZAD NI 'DRA ZHING, SGOS MDZAD NI RIM PA BZHIN GTI MUG CAN DANG, NGA RGYAL DANG, 'DOD CHAGS DANG, BRDZUN DU SMRA BA DANG, PHRAG DOG CAN RNAMS SBYANGS NAS, RNAM SNANG LA SOGS PA'I GO 'PHANG LA BKOD PA STE, GSHEGS PA DBYUNG BA'I DE NYID DO, ,SPYAN MA LA SOGS PA BZHI'I 'BYIN SNGAGS NI RIM PA BZHIN, MO HA RA TI DANG DE shA RA TI DANG R'A GA RA TI DANG BADZRA RA
, ,TI'O; ;MDZAD PA NI RIM PA BZHIN SEMS CAN NAD DANG GDON GYIS GDUNGS PA RNAMS ZHI BA DANG, BGEGS CHEN POS GZIR BA RNAMS BSRUNGS TE RGYAS PA DANG, SEMS CAN GDON GYIS NYEN PA RNAMS ZHI ZHING SRUNG BA DANG, SEMS CAN THAMS CAD DBANG DU MDZAD PA STE, GSHEGS MA DBYUNG BA'I DE NYID DO, ,GZUGS RDO RJE MA LA SOGS PA BZHI'I 'BYIN SNGAGS NI RIM PA BZHIN, R'U PA BADZRA SHAPTA BADZRA GANDHE BADZRA RA SA BADZRA ZHES PA'O, ,MDZAD PA NI RIM PA BZHIN, GZUGS DANG SGRA DANG DRI DANG RO LA ZHEN PA RNAMS SBYANGS NAS, GZUGS SEMS KYI BDE BAS RGYAL BA RNAMS MCHOD PA STE, SEMS MA DBYUNG BA'I DE NYID DO, ,BYAMS PA LA SOGS PA BRGYAD KYI 'BYIN SNGAGS NI, RIM PA BZHIN MEE TRI DANG KshI TI GARBHA DANG BADZRA P'A nI DANG KHA GARBHA DANG LO KE SHVA RA DANG MANYDZU SHR'I DANG SARBA NI WA RA nA BI SKAm BI NI DANG SA MANTA BHA DRA ZHES PA'O, ,MDZAD PA NI RIM PA BZHIN SEMS CAN THAM CAD KYI RTZA RGYUS DANG MIG DANG RNA BA DANG SNA DANG LCE DANG YID DANG LUS KYI SKYE MCHED DANG TSIGS RNAMS SBYONG BA STE, SEMS DPA' DBYUNG BA'I DE NYID DO, ,GSHIN RJE GSHED LA SOGS PA BCU'I 'BYIN SNGAGS NI SNGAR BSHAD ZIN LA, MDZAD PA NI RIM PA BZHIN DBANG PO LA SOGS PA'I GDON DANG, GSHIN RJE DANG MA MO LA SOGS PA'I GDON DANG, KLU DANG SA BDAG GI GDON DANG, GNOD SBYIN DANG LOG 'DREN LA SOGS PA'I GDON DANG, ME LHA'I GDON DANG, BDEN BRAL GYI GDON DANG, RLUNG LHA'I GDON DANG, DBANG LDAN GYI GDON DANG, TSANGS PA DANG LHA'I GDON DANG, BRTAN PA DANG GA-YO BA'I DUG DANG KLU DANG SA BDAG GI
GDON RNAMS BCOM PA STE, KHRO BO DBYUNG BA'I DE NYID DO, ,KHYAD PAR LHAG MA RNAMS NI SNGAR BSHAD PA BZHIN SBYAR RO, ,GZHAL YAS KHANG THUGS KAR DRANGS, AOm A'A: H'Um GIS THUGS KA NAS PHYIR PHYUNG, PHYOGS BCUR 'PHROS SNOD KYI NYES SKYON THAMS CAD SBYANGS, GCIG TU 'DUS YE SHES KYI GZHAL YAS KHANG DANG 'DRES PA SLAR BYON NAS SNGAR GYI GZHAL YAS KHANG LA THIM PAR BSAM MO, ,MDOR BYAS LO CHEN GYIS BSGYUR BA DAG PA RNAMS NAS, RIGS LNGA DANG YUM BZHI DANG KHRO BO BZHI RANG RANG GI MTSAN SNGAGS KYIS DBYUNG BAR GSUNGS SHING, KHRO BO LHAG MA DRUG RANG GI SNGAGS KYIS DBYUNG BAR GSUNGS PA SNGA MA DANG 'DRA LA, SEMS DPA' BRGYAD RANG GI SA BON GYIS SKYAD PAR GSUNGS SHING, RDO RJE MA LNGA LA 'BYIN PA DANG SKYED PA'I SNGAGS GANG YANG MA GSUNGS PA'I DON, SA BON SO GNYIS SKYED SNGAGS DANG RNAM GZHAG LAS GSUNGS PA BZHIN MTSAN SNGAGS SO GNYIS 'BYIN SNGAGS SU BYED PA LEGS TE, LHA RNAMS SKYED PA'I SNGAGS LUS DKYIL BZHIN BYA DGOS SHING, 'BYIN SNGAGS MTSAN SNGAGS LA BSHAD PAS SO SOR BYA DGOS PA'I PHYIR RO, ,DES NA SEMS DPA' BRGYAD KYI SKYED SNGAGS KYIS GZHAN RNAMS KYI SKYED SNGAGS DANG, RIGS LNGA SOGS KYI 'BYIN SNGAGS KYIS GZHAN RNAMS KYI 'BYIN SNGAGS MTSON PAR BYA'O, ,MDOR BYAS LAS, RANG SNGAGS YI GE LAS BYUNG BA, ,RDO RJE GSUM GYIS BYIN BRLABS BDAG ,CES GSUNGS PAS RANG RANG GI SA BON GYI SNGAGS 'BRU GSUM DANG SPEL BA YIN LA, LHA GZHAN THAMS CAD ZHE SDANG RDO RJE'I TING NGE 'DZIN GYIS 'BYIN PAR GSUNGS PAS, 'BYIN
, ,PA'I TSE SO SO'I NGA RGYAL BYED PA MIN NO, ,DE LTAR LHA DANG GCIG TU DRAN PA'AM GCIG TU LHA DRAN PAS DRAN PA GCIG PA'I RNAL 'BYOR LA SLOB PA'I GNAD BSDU NA, THA MAL GYI SNANG BA RNAMS 'OD GSAL DU BSDUS PA'I 'OG TU, LHAG PAR MOS PA DANG SA BON LA SOGS PA LAS LHA'I GNAS LUS LONGS SPYOD MDZAD PA RNAMS SU BSKYED PA NA, RGYU DE DAG LAS RDO RJE 'CHANG LA SOGS PA DE RNAMS SU DNGOS SU SKYES PAR MOS PA'I NGES SHES KYI 'DZIN STANGS RE SKYED PA DANG, BSGOM RGYU GANG YIN PA DE'I KHA DOG DANG DBYIBS KYI RNAM PA RNAMS, YID KYIS JI LTAR GSAL GDAB PA DE BZHIN DU 'CHAR BA'I RNAM PA LA BSLAB PA DANG, DE GNYIS LA SEMS MI GA-YO BAR GNAS PA'I TING NGE 'DZIN BRTAN PO BYED PA YIN TE, 'DI'I MAN NGAG RGYAS PAR GZHAN DU BSTAN PA LAS SHES PAR BYA'O, ,DE YAN CHAD NI SPRUL SKU'I MDZAD PA SKU'I SPRUL PA'I SGO NAS SEMS CAN GYI DON MDZAD PA DANG, RJES SU MTHUN PAR SGOM PA DKYIL 'KHOR RGYAL PO MCHOG GI TING NGE 'DZIN TO, ,DE LTAR BSLABS PAS THA MAL PA'I SNANG ZHEN GNYIS RAGS PA'I LHA'I RNAL 'BYOR GYIS GCOD PAR NUS PA'I TSE, RTOG PA'I RNAL 'BYOR PHRA MO LA BSLAB PAR GSUNGS PA NI, THIG LE PHRA MO'I NANG DU RTEN DANG BRTEN PA'I DKYIL 'KHOR YONGS SU RDZOGS PA SGOM PA LA DGONGS PA YIN GYI, PHRA MO TZAM LA SEMS 'DZIN PA LA GSUNGS PA MIN NO, ,DES NA DKYIL 'KHOR RGYAL MCHOG GI RNAL 'BYOR ZIN PA'I 'OG TU RANG GI SEMS BRTAN PAR BYA BA'I PHYIR, MI BSKYOD PA GTZO BO YIN NA DE'I STENG GI SNA RTZE'AM
RDO RJE'I KHAR NYI MA'I GDAN LA RDO RJE SNGON PO RTZE LNGA PA YUNGS KAR RAM, NAS 'BRU'I TSAD TZAM ZHIG MI BSKYOD PA'I NGO BOR BLTAS LA BSGOM, DE YANG MTHONG BA'I MTSAN MA SKYES TE MI 'GYUR BAR BRTAN PA MA THOB KYI BAR DU'O, ,SKABS 'DIR NI DRAN PA GCIG PA'I MJUG THOGS SU JI TZAM 'TSAM PA CIG SGOM PA YIN LA, DRAN PA GCIG PA LA LOBS NAS NI 'DI LA GTZO BOR BSGOM MO, ,DE LA BRTAN PA NA SGOM PA LA DBANG DU GYUR PA BSKYED PA'I PHYIR, GNYIS DANG GSUM LA SOGS PA NAM MKHA' KHYAB PAR SPRO ZHING BSDU BA LA BSLAB, DE LA BRTAN PA NA PHYAG MTSAN LHA SKUR BSGYUR NAS, SPRO BSDU SNGAR BZHIN DU BYA'O, ,MTHAR 'JOG PA'I TSE RTZA BA'I MTSAN MA LA BSDU ZHING, SNA SGO GNYIS GANG RUNG NAS DRANGS LA, SNYING KHAR BSDU STE PHYAG MTSAN PHRA MO LA SLOB PA'I DE NYID DO, ,RNAM SNANG LA SOGS PA GTZO BO YIN NA'ANG, 'KHOR LA PHRA MO LA SOGS PA LA 'DON PA BSGYUR RO, ,DE NAS RANG GI RDO RJE'I KHAR NYI GDAN LA THIG LE SNGON PO YUNGS KAR TZAM ZHIG MI BSKYOD PA'I NGO BOR BLTAS LA, MA BRTAN GYI BAR DU BSGOM, BRTAN PA NA RDO RJE DANG PADMA 'DU BYA BSNGON DU 'GRO BAS, YUM GYI PADMAR DBYUNG LA YUNGS 'BRU TZAM GYI THIG LE'I NANG DU BYANG CHUB KYI SEMS LAS BYUNG BA LAS, RTEN DANG BRTEN PA'I DKYIL 'KHOR YONGS SU RDZOGS PA RIM GYIS BSDOM LA, BRTAN PAR BYA BA NI BU'I TSUL DU SPRO BA'O, ,DES KYANG SNYOMS PAR 'JUG PA SNGON DU 'GRO BAS LHA SPRO BA NI TSA BO'I TSUL DU SPRO BA'O, ,RIGS GZHAN LA YANG DE'I RIGS PA SBYAR TE THIG LE PHRA MO'I DE NYID ADO, ,SPRUL PA'I SKUS NANG DU YANG DAG 'JOG LA SOGS PA THUGS
, ,KYI 'PHRIN LAS MDZAD PA DANG MTHUN PAR BSGOM PA'O, ,DE NAS SLONG DU 'GRO BA DANG YONGS SU TSOL BA LA SOGS PA DMAN PA LA 'JUG PA DANG, LONGS SPYOD GANG LA YANG MA CHAGS SHING, LUS GNAS PAR 'GYUR BA DE TZAM GYIS CHOG SHES PAS, LHA'I RNAL 'BYOR DANG MI PHYED CING 'DOD PA KUN LA LONGS SPYOD PA'I SNGAGS PAS, LCE DANG MCHU MI 'GUL ZHING, SGRA SPANGS PA'I YID KYI BZLAS PA NI BSKYED RIM PA'I RDO RJE'I BZLAS PA STE, RDO RJE'I BZLAS PA'I DE NYID DO, ,TSIG TU BZLAS PA LA NI RNAM PA BZHI LAS, DAM TSIG GI BZLAS PA NI, THUGS KA'I SA BON LA SNYING PO DANG NYE SNYING GIS BSKOR BAR BSAMS LA, ZLO BA'I TSE SA BON LAS DKYIL 'KHOR GYI LHA TSOGS SPROS TE 'GRO BA'I DON BYAS NAS, SNGAGS DANG LHAN CIG TU PHRENG BA'I SKUD PA 'DREN PA'I TSUL GYIS 'JUG PA'I RLUNG GIS SNYING KHA'I SA BON LA GZHUG CING, LHA SO SO'I SNGAGS BRJOD PA RDZOGS PA NA SO SOR SPRO BA DANG SDUD PA STE SNYING PO DANG NYE SNYING GI BZLAS PA'O, ,KHYOGS KYI BZLAS PA NI, CHOS THAMS CAD MNYAM PA NYID KYI NGA RGYAL GYIS SNGAGS PHRENG RANG GI ZHAL DU ZHUGS PA RDO RJE NAS 'THON TE PADMAR SONG ZHING RTZA DBU MA LAS GYEN DU BYUNG STE YUM GYI ZHAL NAS BYUNG BA, RANG GI ZHAL DU ZHUGS NAS 'KHOR BAR BSGOM ZHING YI GE LHOD CING ZHI BA'I PHRENG SNGAGS ZLOS PA STE RTZA SNGAGS SAM PHRENG SNGAGS KYI BZLAS PA'O, ,KHROS PA'I BZLAS PA NI, DANG POR YUM GYI ZHAL DU ZHUGS NAS SNGAR BZHIN 'KHOR BA STUG CING RTZUB PA'I YI GE CAN TE 'DI YANG PHRENG SNGAGS KYI BZLAS PA'O, ,KHRO
BO'I BZLAS PA NI, SNYING PO LA SOGS PA DRAG TU BRJOD PA STE 'DI NI GSUM GA'I BZLAS PA'O, ,SA BON LA SNGAGS RNAMS MGO GYEN BSTAN ZLUM POR BSKOR BA MAR ME'I PHRENG BA BZHIN 'BAR BA BSAMS NAS, SEMS KYIS BRIS PA BZHIN ZLO BA NI GONG BU'I BZLAS PA YIN LA, ZHAL DU YOD DANG, LHA THAMS CAD KYIS BTON PAR DMIGS NAS ZLA BA YANG DAM TSIG GI BZLAS PA'O, ,BZLAS PA'I GRANGS SU GZHUG PA NI, THUN GYI NGO BO LA HA CANG MYUR BUL LA SOGS PA'I SKYON DANG BRAL ZHING, SEMS RTZE GCIG PAS MA YENGS PAR BZLAS PA RNAMS YIN GYI, THUN BTANG BA'I SKABS SU GANG BYUNG BZLAS PA RNAMS GRANGS LA PHAN MI 'DOGS KYANG BZLAS PAR NI BSHAD DO, ,BZLAS BYA'I SNGAGS NI, AOm A'A: H'Um NI DE KHO NA NYID KYI SNYING PO'O, , AOm A'A: BADZRA DHRI KA H'Um H'Um, AOm A'A: DZI NA DZI KA AOm H'Um, AOm A'A: RATNA DHRIKA SVA H'Um, AOm A'A: A'A RO LIKA A'A: H'Um AOm A'A: PRADZNYA DHRIKA H'A H'Um, AOm A'A: MO HA RA TI L'Am H'Um, AOm A'A: DVE shRA TI M'Am H'Um, AOm A'A: R'A GA RA TI PAm H'Um, AOm A'A: BADZRA RA TI T'Am H'Um, AOm A'A: R'U PA BADZRA DZA: H'Um, AOm A'A: SHPTA BADZRA H'Um H'Um, AOm A'A: GHANEDHA BADZRA BAm H'Um, AOm A'A: RA SA BADZRA HO: H'Um, AOm A'A: SPRSHA BADZRA KHAm H'Um, AOm A'A: MEE TRI MEEm H'Um, AOm A'A: KIshA TI GARBHA THILAm H'Um, AOm A'A: BADZRA P'A nI AOm H'Um, AOm A'A: KHA GARBHA AOm H'Um, AOm A'A: LO KI SHVA RA AOm H'Um, AOm A'A: MANYDZU SHR'I H'Um H'Um, AOm A'A: SARBA NI WA RA nA BI SKAm BI NI AOm H'Um, AOm A'A: SA MANTA BHA DRA SAm H'Um, AOm A'A: YA MA'NTA KRITA H'Um H'Um, AOm A'A: PRADZNYA NTA KRI TA H'Um H'Um, AOm A'A: PAD MA'TNA KRI TA H'Um H'Um, AOm A'A: BIGHNAN TA KRI TA H'Um H'Um, AOm A'A: AA
, ,TZA LA H'Um H'Um, AOm A'A: tKIKA R'A DZ'A H'Um H'Um, AOm A'A: N'I LA dANtA H'Um H'Um, AOm A'A: MAH'A B'A LA H'Um H'Um, AOm A'A: AUshIn'A shA TZA KRA WA RTI H'Um H'Um , AOm A'A: SU MABHA R'A DZ'A H'Um H'Um, ZHES PA NI SNYING PO'O, ,NYE BA'I SNYING PO NI SNYING PO'I SNYING POR GSUNGS PA'I MTSAN SNGAGS RNAMS SO, ,RTZA SNGAGS SAM PHRENG SNGAGS NI RGYUD 'DI LAS YUM BZHI DANG, KHRO BO DGU'I PHRENG SNGAGS GSUNGS PA DANG, LHAG MA'I PHRENG SNGAGS RGYUD GZHAN LAS GSUNGS PA RNAMS YIN TE, NGAG GI BZLAS PA'I DE NYID DE SPRUL PA'I SKUS CHOS STON PA LA SOGS PA GSUNG GI 'PHRIN LAS MDZAD PA DANG MTHUN PAR SGOM PA'O, ,DE NAS YAB YUM SNYOMS PAR ZHUGS PA'I RKYEN GYIS YUM YAB LA THIM, KHA DAM TSIG SEMS DPA' YE SHES SEMS DPA' LA, DE TING NGE 'DZIN SEMS DPA' LA, DE'I ZHABS KYU AU NI HA LA, HA NI HA'I MGO BO LA, MGO BO NI ZLA TSES LA, ZLA TSES NI THIG LE LA, THIG LE N'A DA LA, N'A DA 'OD GSAL DU THIM PAR BSAM PA'AM, YANG NA SEMS DPA' GSUM GCIG CAR 'OD GSAL DU THIM PAR BSGOM MO, ,'DI NI GTZO BO DON DAM LA ZHUGS PA'I DE NYID DE, SKU DNGOS KYIS 'DUL BA'I SEMS CAN MED PA'I ZHING DU MYA NGAN LAS 'DA' BA'I MDZAD PA'I TSUL STON PA DANG, MTHUN PAR SGOM PA'O, ,DE NAS TSAD MED PA BZHI'I NGO BOR GYUR PA'I LHA MO BZHIS GTZO BO MA MTHONG BAS, GDUNG BA'I YID KYIS LTA 'DOD DE, SNYAN PA'I DBYANGS KYIS BSKUL BA NI, SPYAN MAS, SEMS CAN KHAMS NA GNAS KYI DBANG PHYUG KHYOD NI RDO RJE'I THUGS, ,DGA' BA YID 'ONG DON
CHEN 'DOD PAS BDAG LA BSKYAB TU GSOL, ,MGON PO GAL TE BDAG NI DE RING GSON PAR MCHIS BZHED NA, ,SEMS CAN YAB CHEN GNYEN MCHOG BDAG LA DGYES PAR MDZAD DU GSOL, ,M'A MA K'IS, RDO RJE SKU KHYOD BKA' YI 'KHOR LO SEMS CAN KUN LA PHAN, ,SANGS RGYAS DON DU BYANG CHUB DON DAM RJES SU PHAN STON PA, ,MGON PO GAL TE DE RING BDAG NI GSON PAR MCHIS BZHED NA, ,'DOD CHAGS DAM TSIG CHAGS PAS BDAG LA DGYES PAR MDZAD DU GSOL, ,GOS DKAR MOS KHYED NI RDO RJE'I GSUNG STE KUN LA PHAN ZHING THUGS BRTZE BA, ,'JIG RTEN DAG GI DGOS PA'I DON MDZAD PA LA RTAG TU BRTZON, ,MGON PO GAL TE DE RING BDAG NI GSON PAR MCHIS BZHED NA, ,RAB DGA'I SPYOD PA KUN TU BZANG POS BDAG LA DGYES PAR MDZOD, ,SGROL MAS, KHYOD NI RDO RJE 'DOD PA DAM TSIG MCHOG GI PHAN DON CHE, ,YANG DAG RDZOGS SANGS RGYAS KYI GDUNG MCHOG MNYAM PA NYID GZIGS PA, ,MGON PO GAL TE DE RING BDAG NI GSON PAR MCHIS BZHED NA, ,YON TAN RIN CHEN MANG PO'I GTER GYUR BDAG LA DGYES PAR MDZOD, ,CES BSKUL BAS, SNGON GYI SMON LAM DANG, THUGS RJE'I SHUGS KYIS 'OD GSAL LAS SEMS DPA' GSUM GYI BDAG NYID CAN GYI SKU SNGAR BSHAD PA'I MTSAN NYID DANG LDAN PAR BZHENGS TE, DKYIL 'KHOR PA THAMS CAD KYIS MTHONG BAR GYUR TO, ,'DI NI BSKUL BAS BSLANG BA'I DE NYID DO, ZHING GZHAN DU SKAL BA DANG LDAN PA LA SLAR YANG SPRUL PA'I MDZAD PA STON PA DANG MTHUN PAR BSGOM PA'O, ,DE NAS RANG LA DE BZHIN GSHEGS PA THAMS
, ,CAD KYIS MGRIN GCIG TU RIGS LNGA'I YON TAN GYI SGO NAS, MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,GSANG BA'I DBYANGS LA PHYAG 'TSAL LO, ,RNAM PAR SNANG MDZAD DAG PA CHE, ,RDO RJE ZHI BA DGA' BA CHE, ,RANG BZHIN 'OD GSAL MCHOG GI MCHOG ,STON PA RDO RJE PHYAG 'TSAL LO, ,RIN CHEN RGYAL PO RAB TU ZAB, ,RDO RJE MKHA' 'DRA DI MA MED, ,RANG BZHIN DAG PA GOS PA MED, ,RDO RJE SKU LA PHAG 'TSAL LO, ,RDO RJE DPAG MED RGYAL PO CHE, ,MI RTOG NAM MKHA' RDO RJE 'DZIN, ,'DOD CHAGS PHA ROL PHYIN PA BRNYES, ,RDO RJE GSUNG LA PHYAG 'TSAL LO, ,DON YOD RDO RJE RDZOGS SANGS RGYAS, ,BSAM PA THAMS CAD RDZOGS MDZAD PA, ,DAG PA NGO BO NYID LAS BYUNG, ,RDO RJE SEMS DPA' PHYAG 'TSAL LO, ,ZHES PAS BSTOD PAR BSGOM MO, ,DE NAS MCHOD PA RNAMS BGEGS MTHAR BYED KYI SNGAGS KYIS BSANG BA DANG, ,STONG PAR SBYANG BA DANG, BSKYED PA DANG BYIN GYIS BRLAB PA BYAS LA, SNGAR BSHAD PA LTAR NYER SPYOD LNGA DANG, 'DOD YON LNGA'I MCHOD PA BYA BA NI PHYI MCHOD DE, ,BDUD RTZI RIL BU BTAB PA'I CHANG 'OG NAS 'CHANG BA LTAR BYIN GYIS BRLAB ,LHA RNAMS KYI LJAGS H'Um LAS BYUNG BA'I RDO RJE RTZE LNGA PAR BSAMS LA, THOG MAR DNGOS DANG BRGYUD PA'I BLA MA RNAMS KYI MTSAN GYI MTHAR 'BRU GSUM BTAGS LA DBUL, DE NAS LHA RNAMS KYI SNGAGS KYI MTHAR 'BRU GSUM BTAGS LA DBUL, DE BZHIN DU PHYOGS SKYONG LA SOGS PA LA YANG PHUL BAS ZAG PA MED PA'I BDE BAS
TSIM PAR BSAM PA NI NANG MCHOD DO, ,DE NI MI BSKYOD PA'I RNAL 'BYOR PA'I DBANG DU BYAS KYI RIGS GZHAN GYI RNAL 'BYOR PAS, LCE BYIN GYIS BRLAB PA LA YANG DE'I RIGS PA SBYAR RO, ,DE NAS RIG MA DANG SNYOMS PAR ZHUGS PAS, MCHOG TU DGA' BA'I BDE BA NYAMS SU MYONG BAR BSAM PA NI GSANG MCHOD DE, MCHOD BSTOD KYI DE NYID DO, ,DE NAS THUGS KA'I SA BON GYI 'OD ZER GYIS 'KHOR GYI LHA RNAMS SPYAN DRANGS TE, RANG GI LUS KYI DKYIL 'KHOR LA GZHUG CING, GZHAL YAS KHANG YANG BSDU LA RANG YAB YUM GCIG PU GNAS PAR BSAM MO, ,YAB YUM GNYIS SNYOMS PAR ZHUGS PA'I SBYOR MTSAMS NAS, BYANG CHUB KYI SEMS KYI 'OD ZER 'PHROS PAS, SEMS CAN THAMS CAD LA DBANG BSKUR SGRIB PA SBYANGS NAS H'Um YIG TU GYUR, DES NAM MKHA'I KHAMS GANG BA YONGS SU GYUR PA LAS RDO RJE 'CHANG DU BSAMS TE, RANG GI 'OD ZER GYIS DRANGS NAS RANG LA GZHUG STE NYE BAR BSDU BA'I DE NYID DO, ,THUN GSHAM DU GTOR MA'I CHO GA NI, GTOR MA GNYIS BGEGS MTHAR BYED KYIS BSANG, SH'U N+YA T'AS SBYANG STONG PA'I NGANG LAS, H'Um YAm H'Um LAS RUNG GI DKYIL 'KHOR LJANG SNGON ZLA GAm NGOS GNYIS SU RDO RJE GNYIS KYIS BRGYAN PA, DE'I STENG DU H'Um RAm H'Um LAS BYUNG BA'I ME'I DKYIL 'KHOR DMAR PO GRU GSUM PA, NGOS GNYIS SU RDO RJE GNYIS KYIS BRGYAN PA'I STENG NA, AOm A'A: H'Um LAS BYUNG BA'I MI MGO'I SKYED BU GSUM GYI STENG DU, A'A: LAS BYUNG BA'I THOD PA PHYI DKAR LA NANG DMAR BA'I NANG DU, A'A: LAS BYUNG BA'I PADMA DMAR PO 'DAB MA
, ,BRGYAD PA A'A: SA MTSAN PA, DE NAS RDZAS RNAMS LTE BA DANG SHAR LA SOGS PA'I PHYOGS BZHIR RIM PA BZHIN, H'Um BRUm A'Am DZRIm KHAm LAS, MI DANG GRANG PO CHA DANG, RTA DANG BA LANG DANG KHYI'I SHA RNAMS KYI GE DE LNGAS MTSAN PA, SLAR YANG DBUS DANG PHYOGS BZHIR YI GE DE LNGA LAS BYUNG BA'I DRI CHU DRI CHEN RAKTA BYANG SEMS DKAR PO SHA CHEN LA DE DAG DANG, AOm YIG GIS MTSAN PA BSAM STE, SHA LNGA GSHEGS PAR 'JOG TSUL NI SGRON GSAL DANG BDUD RTZI LNGA GSHEGS MAR 'JOG TSUL NI BSHAD RGYUD RDO RJE PHRENG BA LAS GSUNGS SO, ,DE DAG GI STENG GI BAR SNANG LA NYI MA'I STENG DU H'Um YIG LAS SKYES PA'I RDO RJE DKAR PO RTZE LNGA PA H'Um GYIS MTSAN PA, DE LAS 'OD 'PHROS PAS RUNG GA-YOS ME SBAR THOD PA'I RDZAS RNAMS BSKOL BA'I NANG DU, RDO RJE NYI GANG NA DANG BCAS PA LHUNG NAS DKRUGS PAS, RDO RJE DANG RDZAS RNAMS RO MNYAM DU GYUR PAS, DRI MA THAMS CAD SBYANGS NAS SHEL LTAR GYUR PAR BSAM, PADMA A'A: DANG BCAS PA ZHU BAS NYI MA LTAR 'BAR BA'I 'OD KYIS YE SHES KYI BDUD RTZI'I NGO BOR RTOGS PAR BYA'O, ,AOm YIG GI 'OD ZER LCAGS KYU LTA BUS PHYOGS BCU'I DE BZHIN GSHEGS PA THAMS CAD KYI YE SHES KYI BDUD RTZI BKUG NAS BSNAN BAS MANG POR SBAR ZHING SPEL BAR BSAMS LA, AOm A'A: H'Um LAN BDUN BRJOD PAS BYIN GYIS BRLAB BO, ,DE NAS RANG GI THUGS KA'I SA BON GYI 'OD ZER GYIS KHRO BO BCU DANG BCAS PA'I BSRUNG BA'I 'KHOR LO BRTZIBS BCU PA'I LTE BA'I NANG DU, 'DUS PA'I
DKYIL 'KHOR RTEN DANG BRTEN PAR BCAS PA DANG, BSRUNG 'KHOR GYI PHYI ROL TU PHYOGS SKYONG BCO LNGA 'KHOR DANG BCAS PA DANG, KLU RNAMS DANG SEMS CAN THAMS CAD BKUG PAR BSAMS LA, DKYIL 'KHOR PA'I LHA RNAMS GSAL GDAB, PHYOGS SKYONG GSAL GDAB PA NI, PHYI'I SHAR DU RDO RJE MTSON CHA SER PO MIG STONG PA SA SRUNGS DKAR PO LA ZHON PA RDO RJE 'DZIN PA, DE'I GA-YAS SU SGYU MA RDO RJE NAG PO NAM MKHA' LDING LA ZHON PA, GA-YAS GNYIS 'KHOR LO DANG DBYUG TO, GA-YON GNYIS DUNG DANG NOR BU KOO STU BHA THOGS PA, MER RDO RJE ME DMAR PO SMIN MA DANG RAL PA'I THOD DANG SMA RA 'BAR ZHING 'KHRUG PA SHIN TU TSO BAR LA ZHON PA GA-YAS GNYIS SKYABS SBYIN DANG BGRANG PHRENG, GA-YON GNYIS RIL BA DANG DBYU GU 'DZIN PA, LHOR RDO RJE DUS NAG PO MA HE'I GDAN LA GA-YAS BRKYANG GIS BZHUGS PA, SKRA GYEN DU 'BAR ZHING KHROS PA GA-YAS DBYUG PA DANG GA-YON SDIGS MDZUB MDZAD PA, LHO NUB TU RDO RJE GTUN SHING NAG PO RO LA GNAS PA GCER BU MI RUS KYIS BRGYAN CING MCHE BA GTZIGS PA, GA-YAS GRI GUG DANG GA-YON THOD PA 'DZIN PA, NUB TU RDO RJE KLU DKAR PO GDENGS KA BDUN DANG LDAN PA SBRUL ZHAGS 'DZIN PA, NUB BYANG DU RDO RJE RLUNG LJANG KHU AE nA YA SER PO LA GNAS PA RLUNG RAS 'DZIN PA, BYANG DU RDO RJE 'JIGS BYED SER PO MI LA GNAS SHING SBOM PA GA-YAS NE'U LE DANG GA-YON BI DZA PU RA 'DZIN PA, DE'I GA-YAS SU RDO RJE SNA RINGS DKAR PO GLANG PO CHE'I GDONG PA CAN LA GNAS PA GA-YAS GNYIS LA PHUG DANG DBYUG PA GA-YON GNYIS LA DU DANG PHRENG BA 'DZIN PA, BYANG SHAR DU RDO RJE KHRO BO
, ,DKAR PO KHYU MCHOG LA GNAS PA, RAL PA'I THOR TSUGS DANG RUS PA'I RGYAN DANG LDAN PA, GA-YAS RTZE GSUM PAS MTSAN PA'I KHA tV'Am GA DANG, GA-YON CANG TE'U 'DZIN PA, DBANG LDAN DANG NYE DBANG GI BAR DU RDO RJE 'KHYIL PA DMAR PO SHING RTA LA GNAS PA BZOD PAR DKA' BA'I 'OD ZER CAN PADMA 'DZIN PA, RDO RJE DKAR PO 'KHOR LO LA GNAS PA GA-YAS KU MU TA DANG GA-YON BGRANG PHRENG 'DZIN PA, MI SMRA RDO RJE SER P;O DANG PA LA GNAS PA GA-YAS PADMA DANG SKYABS SBYIN, GA-YON GNYIS BGRANG PHRENG DANG DBYIG PA 'DZIN PA, CHU LHA DANG BDEN BRAL GNYIS KYI BAR DU THAGS BZANG RIS NAG PO SHING RTA LA GNAS PA RAL GRI 'DZIN PA, SA'I LHA MO SER MO PADMA LA GNAS PA PADMA 'DZIN PA, DBANG PO LA SOGS PA 'JIG RTEN PA THAMS CAD SKAD CIG GIS 'OD GSAL DU BCUG PA LAS, 'DUS PA'I LHA SHES RAB MA DANG BCAS PA'I SKUR BZHENGS PAR BSAMS PA, AOm A'A: HR'I: PRA WA RA SAD KA RAm AARGAm PRA T'I TZTSA H'Um SV'A H'A, ZHES PAS MCHOD YON, AARGAm GYI GNAS SU P'ADYAm ZHABS BSIL DANG, A'ANYTZA MA nAm GYIS ZHAL BSIL DANG, PROKshA BCUG LA BSANG GTOR DBUL LA, RDO RJE GSOR DRIL BU DKROL ZHING, STONG NYID SNYING RJE DBYER MED PA'I BYANG CHUB KYI SEMS SU LHAG PAR MOS BZHIN PAS 'KHOR GSUM YONGS SU DAG PAS GTOR MA, AOm A'A: BADZRA DHRIKA H'Um, DZE NA DZI KA AOm, RATNA DHRIKA SV'A, K'A RO LIKA A'A: PRDZNYA DHRIKA H'A, MO HA RA TI LAm DVE shA RA TI M'A, R'A GA RA TI PAm, BADZRA RA TI T'Am, R'U PA BADZRA H'Um, GAHNDNYAm BADZRA PAm, RA SA BADZRA HO: SPARSHA BADZRA KHAm, MEE TRI MEEm, KIshA TI
GARBHA THILA, BADZRA P'A nI AOm, KHA GARBHA AOm, LO KE SHVA RA AOm, MANYDZU SHR'I H'Um, SARBA NI BA RA nA BI SKAm BI NI AOm, SA MANTA BAHA DRA SAm, YA M'ANTA KRI TA H'Um, PRADZNY'A NA TA KRI TA H'Um, BEGHN'ANTA KRITA H'Um, AA TZA LA H'Um, tAKIKA R'A DZ'A H'Um, N'I LA DndA H'Um MAH'A B'A LA H'Um AUshIN'A TZKRA WA RTI H'Um, KUMBHA R'A DZ'A H'Um, SARBA DU shtAN SA MA MU TRA PRA BHAm DZA KA MA MA SHNITA RAKsh'A SV'A H'A, ZHES PAS LHA SO GNYIS LA DBUL LO, ,DE NAS RDO RJE GSOR BA LA SOGS PA SNGAR BZHIN BYA ZHING, PHYOGS SKYONG 'KHOR DANG BCAS PA LA, AOm A'A: DUS GSUM SKYES PA KUN DANG PHYOGS BCU YI, ,'JIG RTEN KHAMS RNAMS NAM MKHA'I MTHAS KLAS, PA, ,RGYA MTSO SPRIN GYI BKOD PA RAB 'BYAMS KYI, ,SHIN TU PHRA BA'I RDUL SKYES DKYIL 'KHOR NI, ,PHAN TSUN GCIG GI NANG DU GCIG SON PA, ,SNYOMS PAR 'JUG PA KUN TU GNAS PA YI, ,CHOS KYI DBYINGS SU YANG DAG PAR 'DU ZHING, ,NAM MKHA'I KHAMS KYI YONGS SU MTHAR THUG PA'I, ,DUS GSUM SKYES PA KUN DANG PHYOGS BCU YI, ,'JIG RTEN KHAMS RNAM MTHA' YAS SPRIN BKOD PA, ,NAM MKHA' RAB 'BYAMS MNYAM DANG 'JIG RTEN SKYONG, ,KUN DANG SEMS CAN KUN YANG 'DI LTA STE, ,RDO RJE MTSON CHA SGYU MA RDO RJE DANG, ,RDO RJE ME DANG RDO RJE DUS DANG NI, ,RDO RJE GTUN SHING RDO RJE KLU DAG DANG, ,RDO RJE RLUNG DANG RDO RJE 'JIGS BYED DANG, ,RDO RJE SNA RINGS RDO RJE KHRO BO DANG; ;RDO RJE 'KHYIL PA RDO RJE 'OD DANG NI, ,MI SMRA RDO RJE DANG NI THAGS BZANG RIS, ,SA YI LHA MO 'KHOR DANG BCAS PA LA, ,ME TOG DAG DANG BDUG PA MAR ME DANG, ,DRI DANG LHA SHOS LA SOGS YANG DAG LDAN, ,NYE BAR SPYOD PA DANG NI GTOR MA
, ,'DI; ;SO SOR BZHES SHING NYE BAR LONGS SPYAD NAS, ,BDAG GI DBYIG GSER NOR 'BRU LANG TSO CHA, ,NAD MED PA DANG BAD BA DAM PA RNAMS, ,'PHROG PAR BYED PA'I BGEGS DANG LOG 'DREN KUN, ,SDANG DANG RAB TU SDANG BA THAMS CAD DANG, ,MI DANG MI MA YIN RNAMS RMONGS PAR MDZOD, ,RENGS DANG BCING DANG RNAM PAR 'JIG PAR MDZOD, ,BDAG LA DBYIG GSER NOR 'BRU LANG TSO TSE, ,NAD MED PA DANG BDE BA DAM PA DANG, ,BDE BA CHEN PO RAB TU 'PHEL BA RNAMS, ,JI SRID BYANG CHUB SNYING PO'I MTHAR THUG PAR, ,GNANG BAR MDZAD CING RTAG TU STONG KROGS DANG, ,ZHI BA DANG NI BSRUNG BAR MDZAD DU GSOL, ,H'Um ZHES BRJOD LA DON DRAN BZHIN PAS DBUL LO, ,MGRON RNAMS KYI LJAGS RNAMS H'Um LAS BYUNG BA'I RDO RJE RTZE GCIG PA DMAR PO'I 'OD KYI SBU GUS DRANGS NAS GSOL PAS BDE STONG DBYER MED KYI BDAG NYID CAN DU JI SRID 'DOD KYI BAR DU BSAM MO, ,PHYOGS SKYONG LA GTOR MA 'BUL BA'I CHO GA NI GTOR SNGAGS BOD SKAD DU BSGYUR BA STE, RGYA SKAD KYIS 'BUL NA PHRENG BA LAS SHES PAR BYA'O, ,SLAR YANG ZHAL BSIL DANG PHYAG BKRU BA DANG SO RTZI LA SOGS PA PHUL NAS, NYER SPYOD DANG NANG MCHOD KYIS MCHOD DE, RANG GI 'DOD PA'I DON SGRUB PA'I MGRON THAMS CAD LA BZOD PAR GSOL ZHING, THOG MAR AOm DANG THA MAR A'A : H'Um PHAt SBYAR BA'I RDO RJE SEMS DPA'I YI GE BRGYA PA BRJOD NAS, AOm YO GA SHUD DH'A: SARBA DHARM'A YO GA SHUD DHONYA HAm, ZHES BRJOD DE PAD KOR DANG 'KHYUD PA'I PHYAG RGYA BYAS NAS RANG GI LHA'I 'KHOR LO BDAG NYID LA GZHUG CING, DBANG PO
LA SOGS PA LA SE GOL GSUM GTOG CING, AOm A'A: H'Um BADZRA MU: ZHES BRJOD DE RANG GNAS SU GSHEGS SU GSOL LO, ,SKABS GZHAN DU RANG GZHAN GYI DON DU GTOR MA BYED NA BDAG BSKYED YONGS RDZOGS SAM, RDO RJE BZHI'I CHO GAS RIM GYIS SA MA YANG NA GTZO BO YAB YUM DU SKAD CIG GIS BSKYED LA, DRI BZANG PO LA SOGS PAS MAndAL BYAS PAR DKYIL 'KHOR PA DMIGS NAS MCHOD CING BSTOD PA'I 'OG TU SNGAR BZHIN GTOR MGRON SPYAN DRANG BA SOGS BYA'O, ,GZHAN DON DU BYED NA BDAG DANG BDAG GI ZHES PA JI LTAR GNAS PA BRJOD LA GZHAN DE RANG DU BSAM ZHING, 'DI LA PHAN BTAGS PAS BDAG LA PHAN BTAGS PAR 'GYUR RO SNYAM DU BSAMS NA, DE'I LAS DE 'GRUB PAR BSHAD DO, ,DE NAS DGE BA 'DI YIS MYUR DU BDAG ,SANGS RGYAS KUN GYI KUN BDAG NYID, ,RDO RJE 'CHANG BA THOB GYUR CIG ,'GRO BAS KYANG NI DE THOB SHOG ,BYANG CHUB PHYIR NI SPYOD GANG DANG, ,RDZOGS SANGS RGYAS KYI GANG YIN PA, ,BYANG CHUB RDO RJES GANG GSUNGS PA'I, ,SPYOD DE GNYIS KA'ANGO BDAG SPYOD SHOG ,CES SMON LAM GDAB LA, LANGS NAS SPYOD LAM LA 'JUG PA'I TSE SNOD THAMS CAD GZHAL YAS KHANG DANG, BCUD THAMS CAD RDO RJE SEMS DPAR BLTA'O, ,ZAS KYI BYA BA BYED PA'I TSE KHA ZAS SBYANG BA NI GTOR MA BYIN GYIS BRLAB PA LTAR BYA, LKOG MA SBYANG BA NI DUNG DMAR PO'I RNAM PA CAN GYI MGRIN PAR HR'I: LAS BYUNG BA'I PADMA DMAR PO 'DAB MA BRGYAD PA'I LTE BAR, H'Um SNGON PO LAS RDO RJE RTZE LNGA PA RVA DBUS MA SBU GU CAN GYI RTZE MOR AOm 'OD ZER ZAS LA 'PHRO BA BSAM PA'O, ,SNYING KHA SBYANG PA NI SNA
, ,TSOGS PADMA DANG NYI MA'I STENG DU H'Um SNGON PO LAS RTZE GSUM GYI ME 'PHRO BA BSAM PA'O, ,DE NAS LAG PA DGANG BLUGS SU MOS PAS, AOm GYI 'OD ZER GYIS DRANGS TE LCE H'Um LAS BYUNG BA'I RDO RJE RTZE LNGA PA'I SBU GU NAS ZHUGS NAS, LHA THAMS CAD 'DUS PA'I BDAG NYID SNYING KHA'I H'Um LA 'BUL BA'I TSUL GYIS ZA BA NI, NANG GI SBYIN SREG GO ,DE YANG GSANG GNAS SU YAm LAS RLUNG, LTE BAR RAm LAS ME, SNYING KHAR LAm LAS SA, MGRIN PAR BAm LAS CHU'I DKYIL 'KHOR RE BSAM, RLUNG GIS ME SBAR BAS SA BSREGS DES CHU BSKOL BAS KHA ZAS RNAMS BZHUS NAS, MGRIN PA'I PADMA NAS ZHUGS SNYING KHAR SLEB PA NA DNGAS MAS LHA RNAMS TSIM, LTE BAR SLEB PA NA GTUM MO'I MES BSREGS SNYIGS MA RNAMS THAL BAR 'GYUR TE GSANG BA'I PADMA NAS BRGYUD NAS 'OG SGOR 'THON PAR BSAMS LA ,CUNG ZAD ZHU BA'I 'OG TU STENG 'OG GI RLUNG KHA SBYAR BYAS LA GZUNG NGO, ,DE RGYUN PAR BYAS NA NAD DANG DUG LA SOGS PAS MI TSUGS SHING RGAS DKA' LA DUS MIN DU 'CHI BA ZLOG STE, KHA ZAS KYI BSAM GTAN GYI DE NYID DO, ,THUN GYI NGO BO DANG THUN MTSAMS KYI RNAL 'BYOR THAMS CAD LA RANG BZHIN MED PAR RTOGS PA'I LTA BAS DRANGS PA'I SGYU MA LTA BU'I RTZI DANG MA BRAL BA DANG, KHYAD PAR DU YAB YUM SNYOMS PAR ZHUGS PA'I BDE BA BSKYED BA'I TSE STONG PA'I LTA BA DANG DBYER MED DU SBYAR NAS BSKYED LA, GZHAN YANG DMIGS PA LHA LA SOGS PA LA DMIGS NAS RNAM PA RANG BZHIN MED PAR NGES PA'I GNYIS TSOGS SBYONG BA NI SHIN TU GAL CHE'O, ,DE LTAR NAM GYI BRGYAD CHA LUS PA'I MTSAMS
NAS LANGS TE, THUN DANG PO'I RNAL 'BYOR SNGAR BSHAD PA BZHIN BYA, NYI MA GUNG GI THUN DANG PHYI DRO NYI MTHA'I THUN DANG, MTSAN MO'I GUNG THUN LA YANG LHA'I RNAL 'BYOR BSGOM PA'I THUN BZHI BYA STE, DE YANG THUN THOG MTHA' GNYIS RGYAS LA BAR PA GNYIS BSDUS TE BYED PA LTAR RAM, BREL NA'ANG DANG PO RGYAS LA GZHAN GSUM BSDUS TE BYED PA DANG, YANG NA DANG PO LA YANG DAL BREL GYIS RGYAS BSDUS GNYIS BYED LA, GZHAN GSUM BSDUS NAS BYED PAR GSUNGS PA BZHIN BYA'O, ,'DI'I BSDUS PA NI RDO RJE BZHIS SKYED PA LA RGYAS BSDUS GNYIS GSUNGS PA'I PHYI MA YIN LA, DE'I TSUL NI MCHOD PA'I NGA RGYAL 'DZIN PA YAN CHAD SNGAR BSHAD PA BZHIN BYA LA, ,DE'I MTHAR BZLAS PA DANG MCHOD BSTOD SOGS BYED PA'O, ,DE LTAR BYED NA LHAG MOS KYI LHA LUS LA BSDUS PA'I TSE GDAN GZHAN RNAMS MI DMIGS PAR BYA'O, ,THUN BZHI GA'I MTHAR GTOR MA MA GRUB NA THA MA'I MTHAR BYA'O, ,THUN THA MA'I MTHAR NYAL BA NA, LUS DKYIL GYI LHA RNAMS LHAG MOS 'OD GSAL DU SDUD PA BZHIN BSDUS PA'I MTHAR SEMS GZHAN DU MI GTANG BAR DE NYID LA RTZE GCIG TU DMIGS TE GNYID KYI 'OD GSAL GZUNG, NANG PAR LDANG BA'I TSE LHA MO'I GLUS BSKUL NAS 'OD GSAL LAS LHA'I SKUR LANGS PA LA BSLAB LA, LHAG MA RNAMS SNGA MA BZHIN BYA'O, ,THUN BZHI'I RNAL 'BYOR LA RTZE GCIG TU DRIL BA'I DBANG GIS LUS STOBS CHUNG BAR SONG NA, RANG GI SPYI BO NAS MTHO GANG TZAM GYI BAR SNANG LA, WA YIG YONGS SU GYUR PA LAS ZLA BA'I DKYIL 'KHOR YONGS SU RDZOGS PA, 'OG GI DBUS SU AOm DKAR PO MGO THUR DU LTA BA, ZLA BA DANG BCAS PA LAS DE BZHIN GSHEGS
, ,PA LNGA'I NGO BO'I BDUD RTZI KHA DOG LNGA DANG LDAN PA BAB PAS, SPYI BO NAS RKANG MTHIL GYI BAR DU DBANG BSKUR BAR BSAMS NA, RING POR MI THOGS PAR LUS GZI BRJID DANG LDAN PAR 'GYUR TE, LUS RTAS PAR BYED PA'I DE NYID DO, ,'DI NYIN RE BZHIN YI DAM DU BYAS NAS GOMS NA TSE RING ZHING GNYER MA DANG SKRA DKAR MED PAR 'GYUR RO ZHES 'CHAD DO, ,DE LTAR LAS DANG PO PAS DBANG THOB CING DAM TSIG DANG SDOM PA SRUNG BA LA SHIN TU BRTZON PAS, THUN BZHIR GOMS PAR BYAS PAS, LHA'I RNAL 'BYOR PHRA RAGS GNYIS MTHAR PHYIN PA'I SNGAGS DANG NANG LA MCHOG TU GZHOL BAS, ZHI BA LA SOGS PA'I LAS RNAMS SGRUB PA NI, DNGOS GRUB CHUNG NGU SGRUB PA'I DE NYID DO, ,YANG DES GRUB PA BRGYAD LA SOGS PA SGRUB PA NI DNGOS GRUB 'BRING SGRUB PA'I DE NYID DE LAS RGYAL MCHOG GO THUN BZHIR GOMS PAS RDZOGS RIM GYI RTOGS PA YONGS SU RDZOGS PA SKYE BA'I RGYUD LEGS PAR SMIN PA NI GTZO BO'I DON NO, ,'DI NAS RIG MA 'DU BYA BA'I BAR NI SGRUB PA CHEN PO'I YAN LAG GO ,DE NYID SO BRGYAD DANG ZHE DGUR BYED PA'I TSUL GNYIS BSHAD RGYUD LA BYUNG ZHING SNGA MA RGYA GAR BA KHA CIG GIS KYANG BYAS MOD KYANG, PHYI MA RGYA DPE DAG PA'I LUGS YIN LA, ZHE DGU'I GRANGS NI 'GREL BAS GZHAN DU BSHAD KYANG, MDOR BYAS DANG MDO BSRE DANG N'A RO PA'I RGYUD PHYI MA'I 'GREL PA DANG BSTUN NAS BSHAD DO, ,RNAL 'BYOR BZHI'I STENG DU RGYAL MCHOG PHYI MA GNYIS KYI RNAL 'BYOR BSNAN PAS RNAL 'BYOR DRUG GO ,DE LTAR NA RTZA RGYUD DANG RGYUD PHYI MA LAS BSNYEN BSGRUB YAN LAG BZHI DANG, BSHAD RGYUD RDO RJE PHRENG BA
LAS TING NGE 'DZIN GSUM DANG RNAL 'BYOR DRUG DANG DE NYID BZHI BCU ZHE DGUR BSHAD PA'I DON LA MKHAS PAR BYAS NAS, LAM RIM PA DANG PO LA THUN BZHIR BSGOMS TE SNGAGS KYI LAM GYI GZHI TSUGS PAR BYA'O,, ,,RGYAL BA'I CHOS TSUL KUN GYI MTHAR THUG PA, ,GTING MTHA' DPAG PAR DKA' BA 'DUS PA'I DON, ,LAM 'DIS RDO RJE 'CHANG GIS BRNYES PA, ,DPAL LDAN KLU SGRUB ZHABS LAS LEGS 'ONGS PA, ,THABS MKHAS KUN GYI DBUS NA NI, ,RGYU SKAR KHROD NA ZLA BA BZHIN, ,BLO CHEN LDAN LA DGA' SKYED PA'I, ,NGO MTSAR RMAD DU BYUNG BA'I GNAS, ,THABS DANG BRAL LA SKYE SHI BAR DO YI, ,RIM PAS SRID PAR YUN RING NGAL BA DE, ,THABS MKHAS LDAN LA SKU GSUM NYID DU NI, ,JI BZHIN 'CHAR BA'I RIM PA 'DI NYID DO, ,DE YI NYE RGYU GTZO BO NI,, RDZOGS PA'I RIM PA YIN MOD KYANG, ,RIM PA DANG POS MA SMIN LA, ,LAM DE RDZOGS PAR MI SKYE BAS, ,DE PHYIR RIM PA DANG PO'I SMIN BYED TSUL, ,GO BDE'I NGAG GIS 'JUG PA BDE BAR NI, ,KLU SGRUB MAN NGAG JI BZHIN BKOD PA 'DI, ,LAM 'DIR MOS PA'I SKAL LDAN DON DU SBYAR, ,'DIR NI BDAG GIS GANG ZHIG NONGS PA DE, ,THUGS RJE CHE LDAN SPYAN SNGAR KUN NAS BSHAGS, ,'DIR 'BAD DGE DANG DGE GZHAN CI MCHIS PA, ,MA LUS THUB BSTAN RGYAS PA'I DON DU BSNGO, ,ZHES KHYAB BDAG RDO RJE SEMS DPA' BSNYEN SGRUB BZHI'I SBYOR BAS MNYES PAR BYED PA 'DUS PA'I SGRUB THABS RNAL 'BYOR DAG PA'I RIM PA ZHES BYA BA 'DI NI, DPAL GSANG BA 'DUS PA'I RNAL 'BYOR PA BLO BZANG GRAGS PA'I DPAL GYIS, 'DUS PA'I RTZA BA DANG BSHAD PA'I RGYUD
, ,RNAMS DANG, 'PHAGS SKOR GYI GZHUNG KUN LA RING DU 'DRIS PAR BYAS NAS, LAM 'DI LA MOS PA MANG POS BSKUL BA'I DON DU, 'OL KA'I BSAM GTAN GLING GI DBEN GNAS SU SBYAR BA'O,, SARBA MANGGA LAm,, ,,