The 'Lamp that Illuminates, Totally, the Teaching on the Five Steps,' being a Book of Advices on the King of All Secret Teachings, the Glorious SecretCollection (Guhyasamaja)

*, ,RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA RAB TU GSAL BA'I SGRON ME ZHES BYA BA BZHUGS SO, ,

, ,RGYUD KYI RGYAL PO DPAL GSANG BA 'DUS PA'I MAN NGAG RIM PA LNGA RAB TU GSAL BA'I SGRON ME ZHES BYA BA, BDE BAR GSHEGS PA THAMS CAD KYI BDAG PO BCOM LDAN 'DAS 'JAM PA'I DBYANGS KYI ZHABS KYI PADMO LA GUS PAS PHYAG 'TSAL LO, ,RMAD BYUNG MTSAN DPE'I DPAL 'BAR LONGS SPYOD RDZOGS, ,KHA SBYOR BDE STONG RO LA RTAG ROL ZHING, ,DMIGS MED THUGS RJES ZHI BA'I MTHA' SPANGS PA, ,RGYAL BA YAN LAG BDUN LDAN LA PHYAG 'TSAL, ,GSANG BA KUN 'DUS SDUD MDZAD GSANG BA'I BDAG ,RGYUD RGYAL 'DUS PA'I LAM GYIS MCHOG BRNYES PA, ,AINDRA BHU TI KLU YI MKHA' 'GRO MA, ,BI SU KA LPA DPAL LDAN SA RA HA, ,KLU SGRUB RDO RJE CAN DANG 'PHAGS PA LHA, ,KLU BYANG SH'AKYA BSHES GNYEN MA TANG GI ,ZLA BA'I ZHABS SOGS BLA MA BRGYUD PA LA, ,SHUGS DRAG DANG BA'I YID KYIS PHYAG 'TSAL LO, ,GANG ZHIG RTOGS NA MTHA' DAG GSUNG RAB LA, ,MI 'JIGS SPOBS PA MCHOG STER 'DUS PA'I LAM, ,JI BZHIN GSAL MDZAD 'JAM DBYANGS BLA MA YI,,

, ,ZHABS KYI PADMAR RTAG TU GUS PHYAG 'TSAL, ,RGYAL BA'I DAM CHOS 'DZIN PA'I SMON LAM SOGS, ,RLABS CHEN DGE TSOGS DU MAS BSKUL BA YIS, ,DKA' BA DU MAS 'PHAGS PA'I YUL BGROD NAS, ,LAM 'DI GANGS RI'I KHROD DU RGYAS MDZAD PA, ,'JIG RTEN MIG GYUR RIN CHEN BZANG PO DANG, ,GSANG BA'I MDZOD 'DZIN LHO BRAG MAR PA DANG, ,RAB 'BYAMS GZHUNG LA MKHAS PA'I SGRA SGYUR MCHOG ,RTA NAG 'GOS KYI ZHABS LA PHYAG 'TSAL LO, ,MDO SNGAGS GZHUNG LA PHYOGS RE'I MIG CAN DANG, ,GZHUNG LUGS GDAMS PA'I MCHOG TU MA SHAR DANG, ,ZAB MO'I LUNG DON 'TSOL BA'I SGO GCIG PU, ,'DZAM GLING RGYAN GYI RIGS LAM PHRA MO RNAMS, ,JI BZHIN MI SHES LUNG TZAM SKYABS GYUR DANG, ,PHRA MO'I GDAMS PA 'GA' YIS CHOG SHES PAS, ,SHIN TU 'BAD KYANG JI BZHIN MI RNYED PA'I, ,'DUS PA'I LAM BZANG BDAG GIS BSHAD PAR BYA, ,RDO RJE 'CHANG CHEN GNYIS PA'I MAN NGAG GIS, ,RTZA BA'I RGYUD DANG BSHAD PA'I RGYUD KUN NI, ,LEGS PAR SHAN SBYAR LUNG RIGS

LAM NAS NI, ,'ONGS PA'I GDAMS NGAG DON DU GNYAR BA RNAMS, ,AINDRA BHU TI BDE BA'I MGON PO DANG, ,SA RA HA DANG KLU SGRUB LA SOGS DANG, ,KLU YI RNAL 'BYOR MA SOGS DPA' BO DANG, ,DPA' MO BYE BAS BGROD PA'I GSANG CHEN LAM; ;'DIR 'JUG PA NI SKAL BA BZANG NGO ZHES, ,LEGS PAR SOMS LA DGA' BA'I BZHIN GYI MDANGS, ,RAB GSAL 'DZUM PA'I NYAMS DANG LDAN PA YIS, ,RNAM GA-YENG SNOD KYI SKYON GSUM SPONGS LA NYON, ,'DIR SA GSUM GYI SGRON MA GCIG PU, ,LHA DANG MI'I RNAM PAR 'DREN PAR DAM PA, LEGS PAR BSHAD PA THAMS CAD KYI 'BYUNG KHUNGS, SANGS RGYAS BCOM LDAN 'DAS KYIS GDUL BYA RNAMS DANG JI LTAR 'TSAM PAR LEGS PAR BSHAD PA JI SNYED CIG BSTAN PA'I RAB DANG PHUL DANG GTZO BOR GYUR PA NI DPAL GSANG BA 'DUS PA ZHES BYA BA 'JIG RTEN GSUM GYI RIN PO CHE 'DI YIN LA, DE LA BRTEN NAS SKAL BA DANG LDAN PA'I GANG ZAG BYANG CHUB MCHOG TU BGROD PA'I LAM GYI RIM PA NI GANG BSHAD PAR BYA BA'I CHOS SO, ,'DI 'CHAD PA LA DRUG ,RGYUD GNYIS KYI RNAM PAR BZHAG PA, 'DUS PA'I CHE BA BRJOD PA, DE'I DGONGS PA 'GREL BA'I RIM PA, 'PHAGS SKOR GYI GZHUNG GI GRANGS, DE'I MAN NGAG BOD DU BRGYUD TSUL, GDAMS PA RIN PO CHE DNGOS KYI DON NO, ,DANG PO LA GSUM, BLA MED KYI RGYUD LA MTSAN GYI DBYE BA BYUNG TSUL, MTSAN DON DANG MTHUN PA'I RGYUD GNYIS KYI DBYE BA BSTAN PA, THABS KYI RGYUD BYE BRAG TU BSHAD PA'O, ,DANG PO NI, BLA NA MED PA'I RGYUD LA GNYIS

, ,SU PHYE BA'I MTSAN GYI 'DOGS LUGS NI MANG STE, SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ,ZHES RNAL 'BYOR DANG RNAL 'BYOR MA'I RGYUD CES GSUNGS LA, SANGS RGYAS THOD PA DANG RDO RJE GUR LA SOGS PAR YANG THA SNYAD DE BZHIN DU MDZAD DO, ,'DI NI DPER NA BU NI BU PHO DANG BU MO GNYIS KA'I DBYE GZHI YIN KYANG, BU PHO LA BU ZHES SPYI MING SGOS LA BTAGS PA LTAR RNAL 'BYOR GYI RGYUD NI THABS SHES GNYIS KA LA 'JUG KYANG THABS RGYUD LA RNAL 'BYOR RGYUD CES SPYI MING SGOS LA BTAGS PA'O, ,RNAL 'BYOR MA'I RGYUD LA MKHA' 'GRO MA'I RGYUD CES KYANG MANG PO LAS GSUNGS SO, ,DRI MED 'OD LA SOGS PA LAS THABS KYI RGYUD DANG SHES RAB KYI RGYUD CES GSUNGS LA, MA RGYUD LA SHES RAB KYI MDO ZHES KYANG KLU BYANG DANG ZLA BA GRAGS PAS GSUNGS SO, ,BOD KYI BLA MA RNAMS KYIS RNAL 'BYOR MA'I RGYUD CES PA'I MING GI ZLAS DRANGS NAS PHA RGYUD DANG MA RGYUD KYI THA SNYAD MDZAD PA NI RDO RJE SNYING PO RGYAN GYI RGYUD LAS, RDO RJE SNYING PO RGYAN GYI RGYUD, ,MKHA' 'GRO MA DANG MKHA' 'GRO PHA, ,RGYUD RNAMS KUN GYI PHYI MO STE, ,ZHES GSUNGS PA DANG MTHUN NO, ,GNYIS PA LA GNYIS, DOGS PA'I GNAS DGOD PA DANG, DE LA SO SO'I 'DOD PA BSHAD PA'O, ,DANG PO NI, GAL TE BLA MED KYI RGYUD LA THABS SHES KYI RGYUD GNYIS SU 'BYED NA RGYUD GNYIS PO DE THABS SHES GNYIS SU MED PA'I RGYUD YIN NAM MIN, DANG PO

LTAR NA MI 'THAD DE, THABS DANG SHES RAB KYI RGYUD CES BTAGS PA'I MING DON NI THABS SHES PHYOGS RE BA'I RGYUD YIN LA, GNYIS SU MED PA'I RGYUD NI THABS SHES GNYIS MNYAM PAR SBYOR BA'I RGYUD YIN PAS SO, ,GNYIS PA LTAR YANG MI RIGS TE, RNAL 'BYOR BLA NA MED CES PA'I RNAL 'BYOR GYI DON NI 'DUS PA PHYIR MAR, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,ZHES GSUNGS PA LTAR THABS SHES GNYIS MNYAM PAR SBYOR BA'I DON YIN GYI PHYOGS RE BA'I DON MIN NO, ,DE'I PHYIR BLA NA MED PA'I THABS SHES GNYIS MNYAM PAR SBYOR BA'I RGYUD NI GNYIS SU MED PA'I RGYUD DU RIGS SO, ,DE LTAR NA THABS SHES KYI RGYUD GNYIS DANG GNYIS SU MED PA'I RGYUD 'GAL MI 'GAL JI LTAR YIN BRJOD PAR BYA'O SNYAM NA, GNYIS PA LA GNYIS, GZHAN GYI LUGS DANG, RANG GI LUGS SO, ,DANG PO NI, BOD KYI BLA MA KHA CIG BLA MED KYI RGYUD LA THABS DANG SHES RAB DANG GNYIS SU MED PA'I RGYUD SO SO BA GSUM DU 'BYED CING , THABS DANG SHES RAB KYI RGYUD DU 'JOG PA'I 'JOG BYED NI RE RE BA DANG DE GNYIS KA STON PA GNYIS MED KYI RGYUD DU 'DOD LA, DE YANG KYEE RDOR LAS, THABS DANG SHES RAB BDAG NYID RGYUD, CES GSUNGS PAS, KYEE RDOR GNYIS MED KYI RGYUD DU BYED CING, RGYUD DE LAS KYEE RDOR RNAL 'BYOR MA'I RGYUD DU GSUNGS PA DANG MI 'GAL TE, GNYIS MED KYI RGYUD LA SHES RAB KYI RGYUD DGOS PA'I PHYIR RO ZHES SMRA'O, ,DE'I LTAR NA GNYIS MED KYI RGYUD THABS RGYUD DU YANG SMRA DGOS PAS, BLA MED KYI RGYUD

, ,LA RGYUD SO SO BA GSUM DU RANG LUGS LA PHYI NAS RGYUD GNYIS KYI 'JOG BYED NI SO SO RE RE BA DANG, GNYIS MED KYI RGYUD NI PHYOGS DE GNYIS KA TSOGS PA STON PA LA BSHAD PA DANG JI LTAR MI 'GAL BA SMRA DGOS SO, ,BOD KYI BLA MA LA LA NI LUGS SNGA MAS 'DI SKAD BDAG THOS KYIS THOG DRANGS PA THABS RGYUD DANG, GSANG BA MCHOG GIS DGYES PA NA, ZHES SOGS KYIS THOG DRANGS PA MA'I RGYUD DU NAG PO SPYOD PAS BSHAD PAS, KYEE RDO RJE'I RGYUD NI RTZA RGYUD LAS SNGA MA DANG, BSHAD RGYUD GUR LAS PHYI MA GSUNGS SHING, SAm BHU tA LAS DE GNYIS KA GSUNGS PAS GNYIS MED KYI RGYUD DO ZHES RJOD BYED SGRA'I KHYAD PAR GYIS RGYUD GSUM GYI KHYAD PAR BZHAG PA LA, BDE MCHOG GI RGYUD LA RTZA RGYUD DU PHYI MA DANG, BSHAD RGYUD MNGON BRJOD BLA MA SOGS LAS 'DI SKAD BDAG THOS SMOS SHING, MNGON BRJOD LAS DE GNYIS KA GSUNGS PA LA BSAMS NAS DE LTA NA BDE MCHOG GI RGYUD KYANG GNYIS MED KYI RGYUD DU 'GYUR LA, DE 'DOD NA MA'I RGYUD GANG YIN ZHES SOGS KYI SKYON BRJOD BYAS NAS, RANG GI LUGS NI RGYA CHE BA'I THABS DANG ZAB PA'I SHES RAB SOGS RE RE NAS GNYIS KA STON KYANG GTZO CHE CHUNG GIS YIN PAR SMRA STE, 'DIS KYANG RGYUD GNYIS DANG GNYIS MED KYI RGYUD 'GAL BAR BSAMS SHING, GNYIS MED KYI THABS SHES DANG RGYUD GNYIS KYI THABS SHES RNAMS JI LTAR YIN DPYAD PA MI SNANG NGO, ,BOD KYI MKHAS PA GZHAN DAG NI BLA MED KYI RGYUD LA THABS SHES KYI RGYUD DANG

GNYIS MED KYI RGYUD SO SO BA GSUM DU PHYE BA DRANG DON DANG, BLA MED KYI RGYUD THAMS CAD GNYIS MED KYI RGYUD DUD BYED PA NGES PA'I DON DU SMRA ZHING, THABS SHES SO SO BA'I RGYUD DU 'JOG PA'I 'JOG BYED GNYIS KA'AM, GNYIS KA MIN PA GCIG STON PAS NI GNYIS MED KYI RGYUD DU 'JOG PAR 'DOD DO, ,DE'I LTAR NA YANG BLA MED KYI THABS SHES KYI RGYUD GNYIS KA GNYIS MED KYI RGYUD YIN PA NGES DON DU 'DOD BZHIN DU, RGYUD GSUM PO'I 'JOG BYED MI MTHUN PA GSUM DU BYED PA DANG, GNYIS MED KYI RGYUD KYI MTSAN GZHI RANG GANG LA ZHEN PA CHE BA'I RGYUD BYE BRAG PA CIG LA BYED PA 'GAL BAR 'GYUR TE, RANG LUGS LA PHA RGYUD DANG MA RGYUD GNYIS KHAS MI LEN NA NI RANG GIS KHAS BLANGS PA DANG LUNG DANG 'GAL BA SOGS KYIS GNOD LA, KHAS LEN NA NI DE GNYIS GNYIS MED RGYUD MIN NA DE GNYIS GNYIS MED RGYUD YIN PA NGES DON DU BYED PA DANG 'GAL ZHING, YIN NA NI RGYUD GSUM GYI 'JOG BYED MI MTHUN PA GSUM DU BYED PA DANG 'GAL PAR 'GYUR RO, ,PHAL MO CHES NI PHA RGYUD MA RGYUD GNYIS LAS GNYIS SU MED PA'I RGYUD MCHOG TU GYUR PA'O SNYAM DU BSAMS NAS, RANG RGYUD GANG LA ZHEN CHE BA DE GNYIS MED KYI RGYUD DU NAN GYIS SGRUB CING, DE LAS LOGS SU RGYUD GNYIS RNAM PAR 'JOG PAR BYED DO, ,GNYIS PA LA GNYIS, THABS SHES GNYIS SU MED PA'I RGYUD KYI 'JOG TSUL DANG, THABS SHES SO SO BA'I RGYUD KYI DON BSTAN PA'O, ,DANG PO LA GNYIS, DNGOS KYI DON DANG, DOGS PA BSAL BA'O, ,DANG PO NI, THABS SHES GNYIS SU MED PA'I RGYUD CES PA'I THABS SHES

, ,DANG, THABS SHES SO SO BA'I RGYUD CES PA'I THABS SHES GNYIS THABS SHES ZHES PA'I MING GCIG TU BYUNG BAS DON YANG GCIG TU 'KHRUL BA LA BRTEN NAS, THABS SHES GCIG GI DBANG DU BYAS PA'I THABS SHAS GNYIS MNYAM PAR SBYOR BA'I RGYUD DANG, THABS SHES PHYOGS RE BA'I RGYUD GNYIS 'GAL BAR 'DUG SNYAM DU BZUNG NAS, BLA MED KYI RGYUD LA RGYUD SO SO BA GSUM DU 'BYAD PAR SNANG BAS DE GNYIS RNAM PAR DBYE BAR BYA'O, ,DE LA RNAL 'BYOR MA BLA NA MED PA DANG RNAL 'BYOR PHA BLA NA MED PA GNYIS KA'I RNAL 'BYOR GYI DON NI THABS SHES PHYOGS RE BA MIN PAR THABS SHES MNYAM PAR SBYOR BAR GSUNGS PA'I THABS NI LHAN CIG SKYES PA'I BDE BA CHEN PO YIN LA, SHES RAB NI BDAG MED PA STONG PA NYID KYI DE KHO NA NYID RTOGS PA'I BLO YIN PAR MANG DU GSUNGS SHING GRAGS KYANG CHE BA LTAR YIN NO, ,DE 'DRA BA'I BDE STONG GI THABS SHES GNYIS KYI NGO BO DBYER MED PAR SBYOR BA'I DBANG DU BYAS NA NI BLA MED KYI RGYUD SDE THAMS CAD DE 'DRA ZHIG BRJOD BYA'I DON MCHOG TU BYED PA LA 'DRA BA YIN PAS, BLA MED KYI RGYUD THAMS CAD RANG GI NGO BO'I GNAS TSUL NI GNYIS SU MED PA'I RGYUD NYID DU GNAS SO, ,DE'I PHYIR THABS SHES DE GNYIS KYI DBANG DU BYAS NAS THABS SHES PHYOGS RE BA'I RGYUD DU 'JOG PA MIN PAS, GNYIS MED KYI RGYUD NI PHA RGYUD DANG MA RGYUD GNYIS KYI DBYE GZHIR BYA'I PHYE BA'I YA GYAL DU MI GZUNG NGO, ,DE LTAR YANG DRI MED 'OD LAS, RANG GI NGO BOS NI THAMS CAD SHES RAB DANG THABS KYI BDAG

NYID CAN RNAL 'BYOR GYI RGYUD NYID DE, DE BZHIN DU DGYES PA'I RDO RJE LAS GSUNGS PA, HE YIG GIS NI SNYING RJE CHE, ,BDZRA SHES RAB CES BRJOD DE, ,SHES RAB THABS KYI BDAG NYID RGYUD, ,DE NI BDAG GIS BSHAD KYIS NYON, ,ZHES GSUNGS PA'I PHYIR DGYES PA'I RDO RJE NI SHES RAB KYI RGYUD DU MI 'GYUR TE, ,SHES RAB KYI RGYUD NYON ZHES GSUNGS PA MED PA'I PHYIR RO, ,DE BZHIN DU 'DUS PA LAS, ,THABS DANG SHES RAB SNYOMS 'JUG PA, ,RNAL 'BYOR ZHES PAR MNGON PAR BRJOD, ,'DUS PA SBYOR BAR RAB GSUNGS TE, ,SANGS RGYAS THAMS CAD MNGON RJOD BYED, ,CES GSUNGS PA'I PHYIR 'DI NI THABS KYI RGYUD DU MI 'GYUR RO, ,DE BZHIN DU DANG PO'I SANGS RGYAS LAS GSUNGS PA, THABS KYI LUS KYIS RNAL 'BYOR MIN, ,SHES RAB GCIG BUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, ,ZHES SO, ,ZHES GSUNGS SHING, RDO RJE SNYING PO'I 'GREL PA LAS KYANG DE BZHIN DU BSHAD DO, ,'DUS PA THABS RGYUD PAR KYEE RDOR SHES RAB RGYUD DU MI 'GYUR RO ZHES PA NI, DE GNYIS BDE STONG GI THABS SHES LA BLTOS NA RE RE BA'I RGYUD YIN PA 'GOG GI ,DE GNYIS RANG LUGS LA PHA RGYUD DANG MA RGYUD DU MI 'DOD PA MIN NO, ,PHA MA'I RGYUD LA DE GNYIS GRAGS CHE BAS SMOS KYI DE GNYIS LAS GZHAN PA'I THABS SHES KYI RGYUD MI 'DOD PA YANG MIN NO, ,GNYIS PA NI, KYEE RDOR SOGS RNAL 'BYOR MA'I RGYUD RNAMS LAS BDE BA MANG DU BSTAN PA LTAR,

, ,'DUS PA'I SKOR LAS TSIG ZIN LA BDE BA MI MANG ZHING STONG PA BZHI'I SGO NAS BSHAD PA MANG BA LA BRTEN NAS, BDE BA CHEN PO MA RGYUD KYI THUN MONG MA YIN PA'O SNYAM PA DANG, PHA RGYUD LA BDE BA CHEN PO LAM GYI DNGOS GZHIR MI BYED DO SNYAM DU MI GZUNG STE, GRUB CHEN NAG PO SPYOD PAS, RNAL 'BYOR GYI NI RGYUD DAG TU, 'DI SKAD CES SOGS PAS GSUNGS GANG, ,DE NI RNAL 'BYOR MA RGYUD DU, ,ME STE GZHAN DAG SOG MA 'DRA, ,RANG BZHIN DBYE BA YOD MIN ZHES, ,THUB RDO RJE YIS DE SKAD GSUNGS, ,ZHES THABS RGYUD DU GSUNGS PA'I 'DI SKAD BDAG THOS SOGS KYI GLENG GZHI'I DON GYI DNGOS GZHI BDE STONG DBYER MED DU SBYOR BA LA BSHAD PA DE NYID RNAL 'BYOR MA'I RGYUD KYI DON YANG YIN PAS, RGYUD DE GNYIS KYI BDE STONG SBYOR BA'I RANG BZHIN LA DBYE BA MED PAR RGYAL BAS GSUNGS SO ZHES BSHAD LA, KHYAD PAR DU 'DUS PA'I 'DI SKAD BDAG THOS SOGS KYI GLENG GZHI'I DON GTAN LA 'BEBS PA GSANG BA GRUB PA LAS KYANG, SGRUB PO DE NYID LA GTANG PAS, ,BRTUL ZHUGS MED KYANG 'GRUB PAR 'GYUR, ,BRTUL ZHUGS BRGYA PHRAG LA SPYAD KYANG, ,DE NYID DMAN NA 'GRUB MI 'GYUR, ,ZHES DANG, DE NYID DE YANG RGYUD GNAS PAR, ,DPAL LDAN GSANG BA 'DUS PAR GSAL, , ZHES DANG, RGYUD MDZAD PA NI THUGS RDO RJE, ,GSUNG BA PO'ANG BRJOD PA'ANG DE, ,DE LAS GZHAN DAG YOD MIN PAS, ,BDE CHEN LAS GZHAN GSUNG BA MED, ,'DI SKAD THOS PA'I TSIG RKANG DANG, ,BZHUGS ZHES BYA BA'I TSIG GNAS PA

THUGS KYI RDO RJE BDAG NYID KYIS, ,SANGS RGYAS KUN LA BSTAN PA YIN, ,DPAL LDAN BDE CHEN MGON PO YIN, ,BZHUGS ZHES BYA BA'I TSIG BZANG POR, ,JI LTAR BZANG PO GANG BSTAN PA, ,DE BZHIN BDAG GIS CUNG ZHIG BRJOD, ,DUS GCIG MCHOG TU MDOR BSTAN PA, ,GANG TSE GTZO BOS GSUNGS PA NI, ,SANGS RGYAS RNAMS KYI RGYUD DON BDEN, ,BDE BA CHEN PO'I BDAG NYID YIN, ,ZHES DE NYID YOD NA YOD LA MED NA MED CES BSNGAGS PA'I DE NYID NI BDE CHEN DANG STONG PA DBYER MED DU SBYOR BA LA LAN CIG MA YIN PAR BSHAD DO, ,'DI NI SLOB DPON BDE BA CHEN PO ZHES PA MTSAN GZHAN PADMA RDO RJE ZHES PAS MDZAD LA, DE NYID SPYOD BSDUS SU YANG LAN MANG POR KHUNGS SU 'DREN PAR MDZAD PAS, 'PHAGS SKOR DANG SHIN TU MTHUN LA, BDE STONG SBYOR BA LAM GYI DNGOS GZHI YIN PA 'DUS PA'I DON YIN PAR YANG DANG YANG DU 'CHAD PAS, 'PHAGS LUGS 'DZIN PA RNAMS KYIS NGES PAR SHES DGOS PAR YOD DO, ,DE LTAR BLA MED KYI RGYUD THAMS CAD BDE STONG GI THABS SHES GNYIS NGO BO DBYER MED DU SBYOR BA CIG LAM GYI DNGOS GZHIR BYED PA LA KHYAD PAR MED PAR BSTAN PA 'DIS NI, RGYUD GNYIS PO GANG GI LAM DU 'JUG KYANG BDE STONG GI THABS SHES GNYIS NGO BO DBYER MED DU RGYUD LA SKYED PA ZHIG MED MI RUNG DU SHES DGOS LA, BDE BA DANG STONG PA YANG 'OL SPYI TZAM RE LA GO BA MIN PAR THUN MONG MA YIN PA'I BDE STONG GI GNAD PHRA MO RNAMS RNYED DGOS PAR SHES PAR GYIS

, ,SHIG ;GNYIS PA LA GNYIS, DRI MED 'OD LA SOGS PA LAS GSUNGS PA DANG, RDO RJE GUR LA SOGS PA LAS GSUNGS PA'O, ,DANG PO NI, THABS SHES GNYIS SU MED PA'I RGYUD KYI THABS SHES SNGAR BSHAD PA LTAR YIN NA, THABS SHES SO SO PA'I RGYUD DU GSUNGS PA'I THABS SHES GANG YIN ZHE NA, DE'I 'JOG TSUL RE ZHIG DRI MED 'OD LAS GSUNGS PA NI, RGYUD GANG LA 'JIG RTEN GYI KUN RDZOB TU ME LONG LTA BU'I YE SHES LA SOGS PA'I DBYE BAS PHUNG PO DANG KHAMS RNAM PAR DAG PA LAS, THABS DANG SHES RAB KYI PHYOGS SU DBANG PO RTUL PO'I SEMS CAN GYI BSAM PA'I DBANG GIS DE BZHIN GSHEGS PAS GSUNGS SO, ,ZHES PHUNG PO DAG PA LAS THABS SU BZHAG PA'I LHA PHO DANG, KHAMS DAG PA LAS SHES RAB TU BZHAG PA'I LHA MO'I SGO NAS THABS SHES SO SO BA'I RGYUD DU BZHAG LA, DE 'DRA BA'I THABS SHES NI SNGAR GYI DON DAM PA'I THABS SHES LA BLTOS NA KUN RDZOB PA DANG ,DBANG PO RTUL PO'I BSAM PA'I DBANG GIS BZHAG PA YIN PAR GSUNGS SO, ,LHA PHO MO'I SGO NAS THABS SHES KYI RGYUD DU 'DOD TSUL YANG DE NYID LAS, KUN RDZOB KYIS GANG DU RNAL 'BYOR MA RNAMS YANG DAG PAR RGYU ZHING GTZO BO MI GA-YO BA DE NI RNAL 'BYOR MA'I RGYUD DO, ,GANG DU THABS YANG DAG PAR RGYU ZHING, SHES RAB MI GA-YO BA DE NI THABS KYI RGYUD DO, ,ZHES LHA DAM TSIG PA LA YE SHES PA DGUG PA LA SOGS PA'I BYA BA BYED PA LA LHA MO RNAMS RGYU ZHING

LHA PHO RNAMS MI RGYU BA SHES RAB DANG, DE LAS BZLOG STE BYED PA THABS KYI RGYUD DU GSUNGS TE, RDO RJE SNYING PO'I 'GREL PAR YANG DE BZHIN DU BSHAD DO, ,DE LTA NA DUS 'KHOR THABS KYI RGYUD DU 'DOD DGOS LA, DE 'DOD NA DRI MED 'OD LAS, LO GSUM GYI DBYE BAS RNAL 'BYOR MA'I RGYUD KYI NGES PA'O, ,ZHES LO GSUM GYI DBU MA'I ZHAG GIS RNAL 'BYOR MA'I RGYUD KYI LHA GRANGS BSTAN PA'I SKABS SU RNAL 'BYOR MA'I RGYUD DU BSHAD PA DANG 'GAL LO ZHE NA, RGYUD GNYIS SU 'JOG TSUL LHA PHO MO'I SGO NAS BZHAG PA DE YANG SHES CHE CHUNG LA DGONGS KYI NGES PA NI MIN TE, GSANG 'DUS 'PHAGS LUGS LTA BU THABS RGYUD LA YE SHES PA DGUG GZHUG SOGS LHA PHOS MI BYED PA YANG YOD LA, DE BZHIN DU LHA MOS DGUG GZHUG SOGS MI BYED PA'I MA RGYUD KYI GZHUNG TSAD LDAN YANG YOD BA DANG, RGYUD GNYIS KA'I THUN MONG GI RNAM GZHAG STON PA'I RGYUD 'GA' ZHIG LA DE GNYIS KA STON PA YANG MI 'GAL BA'I PHYIR RO, ,DES NA RDO RJE 'PHRENG BA RGYUD GNYIS KA'I THUN MONG GI BSHAD RGYUD YIN KYANG RANG GI NGO BO THABS RGYUD DU GSUNGS PA LTAR, DUS 'KHOR LAS KYANG TSUL GNYIS KA BSHAD KYANG RANG GI NGO BO RNAL 'BYOR MA'I RGYUD DU SEMS SO, ,'DI 'DRA'I RIGS LA KHA CIG NA RE, RGYU MTSAN DE NYID KYIS GNYIS MED KYI RGYUD DU 'JOG GO ZHES ZER BA NI, GNYIS MED KYI RGYUD DU 'JOG 'DOD KYANG DRI MED 'OD KYI DGONGS PA LTAR 'JOG MA SHES PA YIN TE, 'DI LTAR DRI MED 'OD LAS NI GNYIS SU MED PA'I RGYUD DU SNGAR BSHAD PA LTAR GYI DON DAM PA'I THABS

, ,SHES KYI SGO NAS 'JOG LA, THABS SHES GA-YO MI GA-YO'I THABS SHES NI KUN RDZOB PA DBANG RTUL GYI BSAM PA'I DBANG GIS BZHAG PAR BSHAD PA'I PHYIR RO, ,'DIS NI BSGOMS PA'I LHA PHO MO'I SGO NAS PHA MA'I RGYUD DU BZHAG PA'I THABS SHES GNYIS DBANG PO RTUL PO'I BSAM PA'I DBANG GIS BZHAG PAR STON GYI, PHA RGYUD DANG MA RGYUD DU 'JOG PA'I THABS SHES THAMS CAD DE LTAR STON PA MIN NO, ,DRI MED 'OD LAS THABS RGYUD LA NYIN MTSAN MNYAM PA DAG PAS LHA YAB YUM ZHAL PHYAG MNYAM PA DANG, SHES RAB KYI RGYUD LA SNGA PHYI'I THUN MTSAMS DAG PAS YAB YUM ZHAL PHYAG MI MNYAM PAR GSUNGS PA RGYUD GNYIS KYI 'JOG BYED DU BYAS NAS, DE'I SHUGS KYIS GTZO BO YAB YUM ZHAL PHYAG MI MNYAM LA 'KHOR MNYAM PA GNYIS MED KYI RGYUD DU 'THOB CES GSUNG PA YANG LEGS PAR MA MTHONG STE, DE NI RGYUD GNYIS LAS ZHAL PHYAG MNYAM MI MNYAM GSUNGS PA'I RGYU MTSAN BSTAN PA TZAM YIN GYI, THABS SHES KYI RGYUD KYI DON DU 'JOG PA MIN PA'I PHYIR TE, DE DAG LA PHO MO'AM THABS SHES KYI DON GYI LDOG PA CI YANG MI SNANG BA'I PHYIR RO, ,GZHAN YANG GNYIS MED KYI RGYUD DU SGRUB PA NI RGYUD GZHAN LAS MCHOG TU SGRUB 'DOD PAR SNANG LA, RGYU MTSAN DES GNYIS MED KYI RGYUD DU GRUB KYANG KHYAD PAR DU 'PHAGS CHOS MIN TE, GTZO BO YAB YUM ZHAL PHYAG GRANGS MI MNYAM PA DANG, 'KHOR GYI LHA MNYAM PA GNYIS KA BYUNG YANG DE'I CHA NAS ZAB GNAS MI SNANG BA'I PHYIR RO, ,RIGS PA 'DI DE 'DRA BA'I SGRUB BYED LTAR SNANG

GZHAN SMRA BA LA YANG SHES PAR BYA'O, ,GNYIS PA LA GNYIS, GZHAN GYIS BRTAGS PA'I MTHA' DGAG PA DANG, LEGS PAR GNAS PA'I PHYOGS BZHAG PA'O, ,DANG PO LA GNYIS, GZHAN GYI LUGS DANG, DE DGAG PA'O, ,DANG PO NI, BOD KHA CIG GUR GYI LE'U BZHI PA LAS, 'DI NI SANGS RGYAS THAMS CAD KYI, ,MKHA' 'GRO MA YI DAM PA'I TSOGS, ,MKHA' 'GRO LNGA PO RAB BSGRUB PHYIR, ,MKHA' 'GRO MA YI RGYUD BSHAD DO, ,ZHES DANG, SROG CHAGS GSOD LA 'BAD LDAN DANG; ;LTA BA LAS NI LOG RNAMS DANG, ,BTZUN MO RNAMS NI BSDU PA'I PHYIR, ,BDE BA'I THABS NI RGYAS MIN ZHING, ,GZHUNG NYUNG BA LA DON RGYAS PA, ,BLO DMAN RAB TU RTOGS BYED PA'I, ,SNGAGS RNAMS KYI NI KHYAD PAR PHYIR, ,RGYUD KUN GYI NI SNYING PO YI, ,MKHA' 'GRO MA YI RGYUD BSHAD DO, ,ZHES GSUNGS PA'I DANG PO BZHIS DE BZHIN GSHEGS PA MKHA' 'GRO MA'I SKUR STAN ZHING MOS GTZO BYAS PA'AM, ,'KHOR MO TSOGS SHES CHE BAS BSKOR BA NI MA RGYUD DANG, DE BZHIN GSHEd PA RIGS LNGA'I SKUR STON ZHING, 'KHAR PHO TSOGS SHAS CHE BAS BSKOR BA NI PHA RGYUD DU BSTAN PAR 'DOD DE, LUNG DES DON SNGA MA DNGOS SU BSTAN PA'I SHUGS KYIS PHYI MA BSTAN PAR BSAMS SO, ,DE BZHIN DU LUNG PHYI MA RNAMS KYIS PHYI ROL PA'I GANG ZAG SROG GCOD PA LA DGA' ZHING, LTA BA DANG LAM PHYIN CI LOG TU GYUR PA RNAMS 'DUL BA'I PHYIR MA RGYUD BSTAN PA'I GNAD KYIS, RANG SDE LTA BA PHYIN CI MA LOG PA DANG LDAN PAS BYANG CHUB SGRUB PAR 'DOD PA 'DUL

, ,BA'I PHYIR PHA RGYUD GSUNGS PAR 'DOD LA, DE GNYIS KYANG RGYUD GNYIS SU 'JOG PA'I KHYAD PAR DU 'DOD DO, ,YANG GUR GYI LE'U BCU GSUM PA LAS, SKYES BU 'DUL BAR MDZAD DON DU, ,RNAL 'BYOR RGYUD RNAMS RAB BSHAD LA, ,BTZUN MO RNAMS NI BSDU BA'I PHYIR, ,RNAL 'BYOR MA YI RGYUD RAB BSHAD, ,CES GSUNGS PAS DGOS PA DE GNYIS KYI PHYIR RGYUD GNYIS BSTAN PA GNYIS RGYUD GNYIS KYI 'JOG BYED DU 'DOD DO, ,GSANG BA'I DE KHO NA NYID GSAL BA LAS, BSKYED DANG RDZOGS 'BYUNG RIM PA YIS, ,RNAL 'BYOR BSKYED PAR BSTAN PA DANG, ,RDZOGS PA RNAL 'BYOR MA RU 'DOD, CES PAS BSKYED RIM GYI DE NYID STON PA PHA RGYUD DANG, RDZOGS RIM GYI DE NYID STON PA MA RGYUD DU BSTAN PAR 'DOD DO, ,GNYIS PA NI, LUNG DANG PO'I DON NI SANGS RGYAS RIGS LNGA PO THAMS CAD KYI 'KHOR MKHA' 'GRO MA'I TSOGS KYIS BSKOR BA'I MKHA' 'GRO SDE LNGA'I DKYIL 'KHOR RAB TU BSGRUB PA'I PHYIR MKHA' 'GRO MA RDO RJE GUR GYI RGYUD BSHAD CES PA'I DON YIN PAR DE'I SNGON DU GSUNGS PA LAS SHIN TU GSAL BAS, MA RGYUD KYI RGYUD DON NGOS 'DZIN PA'ANG MIN LA, MKHA' 'GRO SDE LNGA YANG DE'I GONG DU, DKYIL 'KHOR RNAM PA LNGA GSUNGS TE, ,RDO RJE CAN DANG RTAG PA DANG, ,DE BZHIN RDO RJE GZI BRJID DANG, ,PADMA GAR DBANG PHYUG GI DANG, ,RTA YI RGYAL PO LNGA PA'O, ,ZHES GSUNGS PA'I DE BZHIN GSHEGS PA RIGS LNGA PO NYID YIN PAS DKYIL 'KHOR GYI GTZO BO LHA MOR STON PA YANG MIN PAS

LUNG DANG PO'I BSHAD PA MI 'THAD DO, ,LUNG GNYIS PA'I DON BSHAD PA YANG DE'I DON MIN TE, DE'I GONG NYID DU MI BSKYOD PA LA SOGS PA'I DE BZHIN GSHEGS PA RNAMS KYIS RDO RJE GUR 'DIR RNAL 'BYOR MA DANG MKHA' 'GRO MA RNAMS JI LTAR BSDU BAR BYA BA YIN ZHES BYANG SEMS RNAMS LA DRIS PA'I LAN DU, BYAMS PA LA SOGS PA'I SEMS DPA' RNAMS KYIS, THOG MAR RDO RJE 'DZIN PA YIS, ,SGONG SKYES LA SOGS MA LUS PA, ,BDAG GIS BSGRAL PAR BYA'O ZHES, , BYANG CHUB TU SMON SNGON BRJOD NA, ,CI PHYIR BTZUN MO RNAMS POR BYA, ,SROG CHAGS GSOD LA 'BAD LDAN DANG, ,ZHES PA NAS, RGYUD BSHAD DO, ,ZHES PA'I BAR SNGAR BZHIN GSUNGS PAS, BTZUN MO RNAMS SDUD PA'I PHYIR DU MKHA' 'GRO MA'I RGYUD KYI SNYING PO GSUNGS PA'I RGYUD NI, DRI BA'I SKABS SU RDO RJE GUR LA DRIS PAS GUR YIN LA, DE LA RGYUD KUN GYI SNYING PO ZHES ZER BA NI DE'I GONG DU, 'BUM LNGA DGYES PA'I RDO RJE LAS, ,SNYING PO 'DI NI YONGS BSDUS PA'O, ,ZHES GSUNGS PA LTAR YIN PAS MA RGYUD SPYI'I 'JOG BYED MIN TE, GZHUNG NYUNG BA LA ZHES GSUNGS PAS KYANG SHES SO, ,'O NA RDO RJE GUR DU BUD MED JI LTAR BSDU ZHES 'DRI BA'I DRIS LAN GYI DON GANG YIN SNYAM NA, GSUNG RAB GZHAN DU BUD MED KYI RTEN GYIS DNGOS SU 'TSANG RGYA BA MED PAR BSTAN LA, BLA MED KYI RGYUD RNAMS SU RTEN DES BSGRUBS NA MCHOG 'GRUB PA YOD PAR GSUNGS PA LA BRTEN NAS DRIS PA YIN LA, LAN GYIS NI DANG POR THUGS BSKYED PA'I DUS SU SEMS CAN THAMS CAD SANGS

, ,RGYAS KYIS LA 'GOD PAR DAM BCAS PAS NA, BUD MED RNAMS YAL BAR DOR DU MI RUNG LA, KHYAD PAR DU RTEN DE DANG SROG GCOD PAS MTSON PA'I SDIG CHE BA DANG, RE ZHIG LTA BA LOG PAS KYANG LAM 'DI LA BRTEN NAS MCHOG SGRUB TU YOD PAS, DE RNAMS BSDU BA'I DON DU RDO RJE GUR GSUNGS PAR STON PA YIN PAS MA RGYUD DU 'JOG PA'I 'JOG BYED STON PA GA LA YIN, SKYES PA 'DUL BA DANG BUD MED BSDU BA'I PHYIR RGYUD GNYIS BSHAD CES PA LA, SPYIR RGYUD 'DIR MA RGYUD LA YANG RNAL 'BYOR RGYUD CES PA DANG, BUD MED BSDU BA'I PHYIR DU RDO RJE GUR GSUNGS PA LA BSAMS NAS RNAL 'BYOR MA'I RGYUD BSHAD CES GSUNGS PA YOD DE, DGYES PA'I RDO RJE RNAL 'BYOR RGYUD, ,DANG POR RGYAL BA RNAMS KYIS BSHAD, ,PHYI NAS RNAL 'BYOR MA YI RGYUD, ,DE NYID MO GZUGS BSDU PHYIR RO, ,ZHES SNGAR DRANGS PA LTAR DANG POR RGYUD RGYAS PA 'BUM LNGA GSUNGS PA'I PHYI NAS DE LAS BSDUS NAS RNAL 'BYOR MA'I RGYUD GUR GSUNGS PA DE BUD MED BSDU BA'I PHYIR DU YIN ZHES GSUNGS SO, ,DE LA GUR BRTAG GNYIS KAR KYI RDOR MA RGYUD DU BSHAD PAS DE LA RNAL 'BYOR RGYUD CES GSUNGS PA NI, RNAL 'BYOR PHA DANG RNAL 'BYOR MA GNYIS KA'I DBYE GZHI RNAL 'BYOR RGYUD YIN PA LA DGONGS KYI, ,RNAL 'BYOR MA'I RGYUD KYI ZLAS DRANGS PA'I RNAL 'BYOR RGYUD MIN NO, ,GUR BUD MED BSDU BA'I PHYIR DU GSUNGS TSUL NI BSHAD ZIN LA ,LUNG PHYI MA 'DI YANG DE LTAR BSHAD PAR BYA BA'AM, YANG NA PHA RGYUD MA RGYUD GNYIS KA'I DBANG DU BYAS NAS

'CHAD NA, BLA MED KYI SGO NAS MCHOG SGRUB PA'I RTEN GYI GTZO BO RIN PO CHE LTA BU'I GANG ZAG LA PHO MO GNYIS YOD KYANG, RGYUD DANG BSTAN BCOS RNAMS LAS PHAL CHER SGRUB PA PO SKYES PA DANG, DE'I PHYAG RGYA LA BUD MED RIGS BZHI BSHAD PA MANG NGO, ,DE'I TSE SKYES PAR MA ZAD RIG MA YANG LAM SGRUB PA POR SHES PAR BYA STE, SHES RAB KYI RKYEN GYIS THABS GROL BA LTAR THABS KYI RKYEN GYIS SHES RAB MA GROL BAR YANG LAN MANG DU GSUNGS PA'I PHYIR RO, ,TSUL DE YANG RGYUD GNYIS KA LA YOD MOD KYANG, RIG MA'I MTSAN NYID DANG DBYE BA DANG BRTAG THABS DANG BSTEN TSUL DANG DE BSTEN PA LAS YE SHES SKYE TSUL RNAL 'BYOR MA'I RGYUD LAS 'CHAD PA LTAR PHA RGYUD RNAMS NAS MI RGYAS PAS, DE'I SGO NAS DA? GNYIS 'DUL BA'I DON DU RGYUD GNYIS BSHAD PAR GSUNGS SO, ,DE YANG RGYUD GNYIS KYI DGOS PA BSHAD PA TZAM YIN GYI PHA RGYUD DANG MA RGYUD DU 'JOG PA'I 'JOG BYED MIN TE, DPER NA GSANG 'DUS NI GTZO BOR RIN PO CHE LTA BU'I GANG ZAG GI DON DU GSUNGS PA YIN KYANG DE PHA RGYUD KYI 'JOG BYED MIN PA BZHIN NO, ,DE LTA MA YIN NA BLO DMAN GYIS RAB TU RTOGS PA'I PHYIR DU MKHA' 'GRO MA'I RGYUD BSHAD PAR YANG DE LAS GSUNGS PAS DE YANG MA RGYUD KYI 'JOG BYED DU 'GYUR RO, ,GSANG BA'I DE KHO NA NYID GSAL BA'I LUNG GI DON BSHAD PA YANG DE'I DON MIN TE, DE NYID LAS GNYIS GNYIS SPROD DANG RNAM PA BZHI, ,'DUS PA'ANG RNAM PA GNYIS GSUNGS TE, ,BSKYED DANG RDZOGS 'BYUNG RIM PA YIS, ,RNAL 'BYOR BSKYED PAR BSTAN PA STE, ,RDZOGS PA RNAL 'BYOR MA RU BRJOD, ,DBANG PO GNYIS KA'I SNYOMS 'JUG

, ,PA, ,'DUS PA ZHES BYAR RNAM PAR BRJOD, ,CES BLTAS PA DANG BGOD PA DANG LAG BCANGS DANG, GNYIS SPROD KYI RGYUD BZHI YI BZHI PA DBANG PO GNYIS 'DUS PA'I RGYUD LA RNAL 'BYOR DANG RNAL 'BYOR MA'I RGYUD GNYIS GSUNGS PA'I DANG PO NI BSKYED PA 'BYUNG BA'I RIM PA STON PA DANG, GNYIS PA NI RDZOGS PHA 'BYUNG BA'I RIM PA STON PA YIN ZHES BSHAD KYI BSKYED RIM DANG RDZOGS RIM STON PA LA MA BSHAD PA'I PHYIR DANG, LUNG DE'I GONG NYID DU, DPAL LDAN 'DUS RJES LAM GYIS NI, ,RIM PA GNYIS KA'I NGO BO LA, ,DPAL LDAN 'DUS PA LHAG YID 'ONG, ,RGYUD RNAMS KUN SON GTZO BO YIN, ,ZHES GSUNGS PAS RNAL 'BYOR GYI RGYUD 'DUS PA SOGS LAS RDZOGS RIM GYI DE NYID GTZO BOR MI STON PAR BSKYED RIM GYI DE NYID GTZO BOR STON PA 'GAL BA'I PHYIR RO, ,NAG PO SPYOD PAS 'DI SKAD BDAG THOS SOGS GLENG GZHIR BYAS PA PHA RGYUD DANG, GSANG BA MCHOG GIS DGYES PA SOGS GLENG GZHIR BYAS PA MA RGYUD GYI DON DU BZHED ZER BA NI DE'I BZHED PA MIN TE, DES NI RNAL 'BYOR RGYUD DU 'DI SKAD BDAG THOS SOGS GSUNGS PA DANG, MA RGYUD KHA CIG LA DE'I DOD LA GSANG BA MCHOG GIS DGYES PA ZHES SOGS 'BYUNG BA GNYIS BDE STONG SBYOR BA DNGOS GZHIR BYED PA LA KHYAD PAR MED PAR GSUNGS KYI DE GNYIS RGYUD GNYIS KYI 'JOG BYED DU MA GSUNGS PA'I PHYIR TE, DE'I LUNG NI SNGAR DRANGS ZIN NO, ,DE DAG LAS GZHAN RGYA GAR BA KHA CIG DANG BOD RNAMS KYIS RGYUD GNYIS SU 'JOG TSUL BYAS PA MANG PO CIG SNANG NA'ANG PHAL CHE BA LA THABS DANG SHES

RAB KYI RGYUD DU 'JOG PA'I PHO MO 'AM THABS SHES KYI DON GYI LDOG PA CI YANG MI SNANG LA, THABS DANG SHES RAB GTZO BOR STON PA ZHES ZER BA LA NI THABS SHES 'DI LA BYED DANG GTZO BOR STON MI STON GYI KHYAD PAR BSHAD PA MI SNANG ZHING, 'JOG BYED DU BSHAD PA RNAMS KYANG RGYUD GNYIS KYI MTHUN PHYOGS LA MTHONG TZAM DU 'DUG PAS MI 'THAD PA RTOGS PAR SLA BA'I PHYIR MA BRIS SO, ,GNYIS PA NI, 'O NA PHA RGYUD MA RGYUD GNYIS SU 'JOG TSUL JI LTAR BYED SNYAM NA, RGYUD 'DI GNYIS LA BSKYED RIM GYI SKOR NAS KYANG SO SOR 'JOG PA'I PHAL PA'I KHYAD PAR YANG 'DOD MED KYANG GTZO BOR RDZOGS RIM GYI SGO NAS KHYAD PAR GZHAG DGOS SO, ,DE YANG BDE STONG GI THABS SHES LA BLTOS NAS THABS SHES RE RE BA'I RGYUD DU MI 'JOG PAR GNYIS MED KYI RGYUD DU 'JOG PA SNGAR BSHAD PA LTAR YIN LA, DE LA BLTOS NAS NI SHAS CHE CHUNG GI SGO NAS KYANG GZHAG TU MI RUNG STE, KYE RDOR SOGS MA'I RGYUD LAS BDE BA SHAS CHER BSTAN PA LTAR 'DUS PA LAS MA GSUNGS PAS, KYE RDOR PHA RGYUD DANG 'DUS PA MA RGYUD DU GZHAG DGOS PA'I SKYON DU 'GYUR BA'I PHYIR RO, ,DES NA RDZOGS RIM GYI SGO NAS THABS SHES SO SO BA'I RGYUD DU GSUNGS PA'I THABS SHES NI SHES RAB DON DAM BDE BA CHEN PO'I YE SHES DANG, THABS KUN RDZOB SGYU MA'I SKU'O, ,DE LA DANG PO'I SGO NAS RNAL 'BYOR MA'I RGYAD DU 'JOG PA NI GUR GYI LE'U BCU GSUM PA LAS, BCOM LDAN 'DAS JI LTAR NA RNAL 'BYOR MA'I RGYUD KYI MTSAN RAB TU 'JUG PA LAGS, RDO RJE 'DZIN GYIS GSUNGS PA, SHES RAB PHA ROL PHYIN

, ,PA'I THABS, ,'DI NI RNAL 'BYOR MAR BRJOD DO, ,PHYAG RGYA CHEN PO RAB SBYOR BAS, ,GANG PHYIR DE NYID LA 'JUG PA, ,RNAL 'BYOR MA YI RGYUD CES BYA, ,ZHES MA RGYUD SPYI'I DBANG DU MDZAD NAS DER 'JOG BYED GSAL BAR GSUNGS SO, , DE'I DON NI, GANG DANG DE GNYIS 'BRAL BAS GANG GI PHYIR DON DAM PA'I DE KHO NA STONG PA NYID LA PHYAG RGYA CHEN PO'I SBYOR BAS RAB TU 'JUG PA'I TSUL STON PA DE'I PHYIR GUR LA SOGS PA LA RNAL 'BYOR MA'I RGYUD CES BYA'O, ,RGYU MTSAN DES MA RGYUD DU 'GRUB PA NI SHES RAB CES PA GNYIS KYI DON NO, ,DON DE DAG ZHIB TU BSHAD NA, KUN DA LTA BU'I BYANG CHUB KYI SEMS SPYI BO NAS NOR BU BAR DU BYUNG BA'I YAS BABS DANG, DE NAS SPYI GTZUG TU LOG PA'I MAS BRTAN GYI DGA' BA BZHI SKYE TSUL DANG, PHYAG RGYA CHEN PO LHAN CIG SKYES PA'I BDE BA DANG STONG PA GNYIS DBYER MI PHYED PAR SBYOR BA'I SGO NAS DON DAM PA'I DE KHO NA STONG PA NYID LA RAB TU 'JUG PA'I RTOGS PA GONG NAS GONG DU BGROD PA'I RIM PA GTZO BOR STON ZHING, BDE BA CHEN PO'I YE SHES KYI BZHON PA'I RLUNG 'OD ZER LNGA LAS KUN RDZOB SGYU MA'I SKU SGRUB TSUL GTZO BOR MI STON PA NI RNAL 'BYOR MA'I RGYUD CES BYA STE, LHAN SKYES KYI SHER PHYIN CHOS SKU SGRUB PA'I THABS 'DI NI BDE STONG DBYER MED DU SBYOR BA'I RNAL 'BYOR YANG YIN LA, GTZO BOR CHOS KYI SKU'I SGRUB BYED STONG PHYOGS SHES RAB KYI CHA YIN PAS MA ZHES KYANG BRJOD PA'I PHYIR RO, ,GNYIS PA'I SGO NAS RNAL 'BYOR PA'I RGYUD DU 'JOG PA NI MKHA' 'GRO RGYA MTSO LAS, RNAL 'BYOR RNAMS LA RGYUD RGYAL DU, ,DE DANG DE YI

CHOG DBYE SHES, ,'OD GSAL SGYU MA BDAG GIS NI, ,SGYU MA 'JIG RTEN LA BSHAD DO, ,ZHES GSAL BAR GSUNGS SO, ,DE'I DON NI BSHAD DO ZHES DRANG NGO, ,GANG DU NA RNAL 'BYOR GYI RGYUD KYI RGYAL PO RNAMS SU'O, ,GANG NA SGYU MA'I SKU'O, ,GANG LA NA 'JIG RTEN TE DE'I GDUL BYA LA'O, ,GANG GIS NA STON PA BDAG GIS SO, ,JI LTAR NA STONG PA SNGA MA GSUM DANG BCAS PA'I 'OD GSAL TE STONG PA BZHI'I RIM PAS SGYU MA'I SKU SGRUB PA'I TSUL LO, ,GANG GIS SGRUB NA RGYUD DER GSUNGS PA'I DE DANG DE'I CHO GA'I DBYE BA STE KHYAD PAR LEGS PAR SHES PAS SO, ,DON DE DAG ZHIB TU BSHAD NA, 'OD GSAL 'CHAR BA'I GNAS SNYING KHAR RLUNG RIM GYIS SDUD PA'I RIM PA LAS LUGS 'BYUNG GI STONG PA BZHI DANG, DE NAS PHYIR LA LDANG BA'I RIM PA LAS LUGS LDOG GI STONG PA BZHI'I SGO NAS STONG PA'I YE SHES SKYE TSUL DANG, 'OD GSAL GYI RLUNG 'OD ZER LNGA LAS KUN RDZOB SGYU MA'I SKU SGRUB TSUL GTZO BOR STON PA NI RNAL 'BYOR PA'I RGYUD CES BYA STE, DE NI STONG PA'I YE SHES DANG RLUNG LAS BSGRUBS PA'I SKU GNYIS NGO BO DBYER MED DU SBYOR BA'I RNAL 'BYOR YANG YIN LA, GTZO BOR GZUGS KYI SKU SGRUB BYED SNANG PHYOGS THABS KYI CHA YIN PAS PHA ZHES KYANG BRJOD PA'I PHYIR RO, ,DE KHO NA NYID GSAL BA'I LUNG GI DON YANG SGYU MA'I SKU SKYED PA STONG ? PA BZHI LAS 'BYUNG BA'I RIM PA DANG, GDOD MA NAS RDZOGS PA STE GRUB PA'I DE KHO NA NYID LA 'JUG PA GONG NAS GONG DU 'BYUNG BA'I RIM PA RGYUD GNYIS KYIS GTZO BOR STON PA YIN PAS SNGA MA GNYIS DANG DON 'DRA'O, ,GTZO BOR STON MI

, ,STON NI RGYUD DES DE LA RTZAL DU BTON NAS 'CHAD MI 'CHAD YIN GYI DER BSTAN MA BSTAN TZAM MIN NO, ,KHYAD PAR DE GNYIS NI PHA RGYUD DANG MA RGYUD KYI GTZO BO RE LA TSAD LDAN GYIS BKRAL BA'I TSUL SNANG NA, THABS SHES KYI RGYUD GZHAN RNAMS DE'I SDER GTOGS KYI YAN LAG YIN PAS, TSUL DE DNGOS SU MI GSAL BA RNAMS KYANG PHYOGS GNYIS PO DER DRANGS NAS BSHAD DGOS PAS, 'JOG TSUL DES RGYUD GNYIS PO KUN LA MA KHYAB PA YANG MIN NO, , GSUM PA LA GNYIS, THABS RGYUD LA GSUM DU DBYE BA, GSANG 'DUS BYE BRAG TU BSHAD PA'O, ,DANG PO NI, THABS KYI RGYUD LA 'DOD CHAGS DANG ZHE SDANG DANG GTI MUG GI THABS RGYUD GSUM RDO RJE SNYING PO RGYAN GYI RGYUD LAS GSUNGS PA'I DANG PO NI, DE NYID LAS, DE NAS GZHAN YANG BSHAD BYA BA, ,'DOD CHAGS THABS CHEN PO YI RGYUD, ,GANG GIS LEGS PAR SHES NA NI, ,TSE 'DIR DNGOS GRUB SBYIN PAR BSHAD, ,GSANG BA 'DUS PA STONG PHRAG GCIG ,RDO RJE 'PHRENG BA 'BUM PHRAG GSUM, ,DGONGS PA LUNG STON STONG PHRAG BZHI, ,LHA MO BZHIS ZHUS BRGYA BDUN CU, ,AU RAD TANTRA NYIS BRGYA BRGYAD, ,DE YI NYE BAR BSHAD PA'I RGYUD, ,DAM TSIG CHEN PO LNGA BCU LNGA, ,RDO RJE LNGA 'DUS STONG PHRAG GCIG , KUN LAS BTUS PA 'BUM PHREG GCIG ,MNYAM NYID RNAM RGYAL NYIS BRGYA BCU, ,ZLA GSANG THIG LE STONG BDUN BRGYA, ,RDO RJE SA 'OG BRGYA NYI SHU, ,COD PAN RDO RJE BDUN BRGYA LNGA, ,KHRO ZLA THIG LE 'BUM PHRAG LNGA, ,RDO RJE RNAM RGYAL BRGYA

DGU BRGYA, ,MNYAM NYID GSANG BA STONG PHRAG LNGA, ,RDO RJE GSANG RGYAN STONG PHRAG LNGA, ,RDO RJE GSANG MDZOD STONG PHRAG BDUN, ,NOR BU GSANG THIG 'BUM PHRAG GCIG ,SNANG MDZAD SGYU 'PHRUL STONG DANG BRGYA, ,RDO RJE GSANG RGYAN STONG PHRAG GCIG ,RDO RJE THOD PA NYIS BRGYA BRGYAD, ,DE NYID BRGYA STONG BRGYA STONG BDUN, ,DAM TSIG MNGON RGYAN STONG PHRAG 'BUM, ,'JAM DPAL DPA' BO 'BUM PHRAG GCIG ,GSANG CHEN BSDUS PA BRGYA LNGA BCU, ,RIN CHEN SDONG PO DGU BRGYA BDUN, ,DUS KYI THIG LA BRGYA BRGYAD CU, ,LHA MO BSTAN BCOS LNGA BRGYAD BDUN, ,'DI RNAMS DGONGS PA'I BYE BRAG GIS, ,NGA YIS YANG DAG BSTAN PAR BYA, ,'DI NI GNYIS PO 'KHYUD PA YIS, ,RGYUD KYI DBYE BA BSTAN PA'O, ,ZHES DANG, DE BZHIN ZHE SDANG GTI MUG GI ,RGYUD RNAMS KUN KYANG SHES PAR BYA, ,ZHES GSUNGS SO, ,'DOD CHAGS KYI THABS RGYUD LA 'DIR MING SMOS PA NYER BDUN DANG BCAS PA'I LNGA BRGYA DANG BDUN YOD PAR GSUNGS SO, ,ZHES SDANG GI THABS RGYUD NI GSHIN RJE GSHED LA SOGS PA'I RGYUD DANG, GTI MUG GI THABS RGYUD NI RDO RJE AA RA LI LA SOGS PA'I RGYUD YIN ZHES BOD KYI MKHAS PA DAG GSUNG NGO, ,RGYUD GNYIS PO SO SO'I SPYI'I GRANGS SDOM 'BYUNG LAS GSUNGS PA NI SNGAR DRANGS PA LAS SHES SO, ,GNYIS PA LA GNYIS, ,RTZA RGYUD DANG RGYUD PHYI MA'I DON DANG BSHAD RGYUD KYI GRANGS BSTAN PA DANG, BSHAD PA'I RGYUD KYIS JI LTAR BSHAD PA'I TSUL BSTAN PA'O, ,DANG PO NI, GSANG BA 'DUS PA LA RGYUD RGYAS PA NYI

, ,KHRI LNGA STONG PA GCIG DANG, BSDUS PA'I RGYUD STONG BRGYAD BRGYA PA LE'U BCO BRGYAD KYI BDAG NYID CAN GNYIS SU RDO RJE 'PHRENG BA'I 'GREL PAS BSHAD DE, STONG PHRAG GI GRANGS RNAMS NI SHLOO KA YIN NO, ,DES NA SNGAR GSANG BA 'DUS PA STONG PHRAG GCIG ,CES GSUNGS PA NI BSDUS RGYUD KYI RAGS PA'I GRANGS LA DGONGS SO, ,'DIR RTZA BA'I RGYUD DANG RGYUD PHYI MA DANG BSHAD PA'I RGYUD CES GRAGS PA'I DON GANG YIN SNYAM NA, RTZA BA'I RGYUD KYI DBYE BA NI RGYUD RGYAS PA DANG, NYUNG NGU'I RGYUD DAM BSDUS PA'I RGYUD CES PA GNYIS YIN TE, DANG POR RGYUD SHIN TU RGYAS PAR GSUNGS PA PHYIS KYI GDUL BYA SNGA MA LA BLTOS NA TSE DANG SHES RAB SOGS DMAN PAS BDE BLAG TU KHONG DU CHUD MI NUS PA'I DON DU SNGA MA LAS BSDUS NAS BSTAN PA'O, ,DE GNYIS NI RGYUD KYI TSIG RGYAS BSDUS KYI DBYE BA TZAM MA GTOGS PA GNYIS KA RTZA RGYUD YIN PAS SNGA MA PHYI MA'I RTZA RGYUD DU 'GRO BA MIN NO, ,RTZA RGYUD KYI RTZA BA'I DON NI, YAL GA LA BLTOS NAS SHING SDONG PO'I RTZA BA'I THA SNYAD BYED PA LTAR YAN LAG LA BLTOS NAS BZHAG PA GCIG DANG, DANG PO'I BDAG PO LA RTZA BA'I BDAG PO ZHES BRJOD PA LTAR DUS KYI DBANG DU BYAS PA RGYUD PHYI MA LA BLTOS NAS BZHAG PA GCIG DANG, RTZA BA DANG 'GREL PA ZHES BRJOD PA LTAR BSHAD RGYUD LA BLTOS NAS BZHAG PA GCIG STE GSUM SNANG NGO, ,DE LA DANG PO NI, SGRON GSAL LAS RGYUD SDE GZHAN THAMS

CAD KYI RTZA BA 'DUS PAR GSUNGS PA LTA BU YIN TE, RTZA BAR 'GRO TSUL 'CHAD PAR 'GYUR RO, ,DE NI RTZA BA YANG YIN LA RGYUD YANG YIN PAS RTZA RGYUD CES BYA'I DON DE TSANG BA THAMS CAD LA RTZA RGYUD KYI MING DNGOS MING DU 'JUG PAR MA NGES SO, ,GNYIS PA NI, SNGAR GSUNGS PA'I 'DUS PA LE'U BCU BDUN PO PHYIS GSUNGS PA'I RGYUD PHYI MA LE'U BCO BRGYAD PA LA BLTOS NAS RTZA RGYUD DU MDZAD PA LTA BU'O, ,TSUL 'DI LA DE NYID BSDUS PA RTZA RGYUD DANG, 'DUS PA'I RTZA RGYUD DE RGYUD PHYI MA DANG, LE'U BCO BRGYAD PA DE'I YANG RGYUD PHYI MAR N'A RO PAS GSUNGS SO, ,PHYI MA'I SKAD DOD BLA MA'AM GONG MA STE MCHOG GI DON DANG, PHYI MA GNYIS LA BSGYUR DU RUNG BA LAS, KHA CIG GIS MCHOG TU BSGYUR YANG, LO CHEN GYIS PHYI MA'I PHYI MAR BSGYUR BA LEGS TE 'GREL PAS KYANG PHYI MA'I DON DU BSHAD DO, ,'DUS PA LA BLTOS NAS DE NYID BSDUS PA RTZA RGYUD YIN PA 'DI SPYOD BSDUS KYI'ANG DGONGS PAR SNANG NGO, ,'O NA DE NYID BSDUS PA 'DUS PA LA BLTOS NAS RTZA RGYUD DU 'JOG PA DE DUS SNGA BA TZAM GYIS MI RUNG BAS DE'I RGYU MTSAN GANG YAN SNYAM NA, 'DUS PA RGYUD SDE BZHIR BYAS PA'I RNAL 'BYOR RGYUD MIN MOD KYANG, SPYIR DE LA RNAL 'BYOR RGYUD DU MANG DU GSUNGS PAS, DE DANG DE NYID BSDUS PA GNYIS RNAL 'BYOR RGYUD CES PA'I RNAL 'BYOR GYI RGYUD KYI RGYUD SDE TSAN PA GCIG TU YANG BYUNG BA DANG, DE'I NANG NAS KYANG DE NYID BSDUS PA'I RGYUD THABS SHES LA YAB YUM GNYIS SU BYAS PA'I YAB KYI PHYOGS SU TSUL BRGYA LNGA BCU PA'I 'GREL PA LAS BSHAD PA LTAR THABS KYI RGYUD KYANG YIN ZHING,

, ,LE'U BCU DRUG PA'I SGRON GSAL LAS GSUNGS PA LTAR DBANG GI SKOR LA SOGS PA 'GA' ZHIG RGYUD 'DI NYID NAS DE NYID BSDUS PA LAS SHES PAR BYA BAR YANG GSUNGS PAS, DANG PO'I GZHI 'DZIN PA LTA BU YIN PA LA DGONGS NAS DE LTAR 'CHAD DAM BRTAG GO ,GAL TE SNGA MA'I DON PHYI MAS 'CHAD PA LA RGYUD PHYI MAR 'JOG NA, 'DUS PA'I LE'U DANG POS RGYUD KYI DON MDOR BSTAN PA DE NYID LE'U LHAG MA BCU DRUG GIS 'CHAD PAR GSUNGS PAS DANG PO YANG BCU DRUG PO LA BLTOS NAS RTZA RGYUD DANG, BCU DRUG PO YANG DANG PO LA BLTOS NAS RGYUD PHYI MAR GZHAG DGOS PA DANG, GZHAN YANG LE'U REE'I SNGA PHYI LA YANG DE LTAR GZHAG DGOS PA SOGS KYI SKYON YOD LA, DE LTAR MI 'JOG NA NI RGYUD PHYI MA'I 'JOG MTSAMS GANG NAS YIN SMOS SHIG CE NA, RGYUD PHYI MAR SPYIR 'JOG TSUL MANG YANG, 'DIR 'DUS PA'I RGYUD PHYI MAR 'JOG TSUL BSHAD PAR BYA'O, ,DE LA LE'U BCO BRGYAD PA 'DI 'DUS PA'I RGYUD KYANG YIN LA, 'DUS PA'I RTZA BA'I RGYUD LAS PHYIS GSUNGS SHING, RTZA RGYUD LE'U BCU BDUN PO THAMS CAD KYI THUN MONG GI DON DANG LE'U SOO'I DON DKA' ZHING SBAS PA RNAMS GSAL BAR 'BYED PAS 'DUS PA PHYI MA ZHES ZER BAS, RTZA RGYUD KYI LE'U PHYI MA RNAMS LE'U SNGA MA'I RGYUD PHYI MAR 'GYUR BA'I SKYON MED DO, ,'DUS PA'I BSHAD RGYUD DU 'PHAGS PA YAB SRAS KYIS DNGOS SU GSUNGS PA NI LNGA STE, RIM LNGA LAS LHA MO BZHIS ZHUS DANG, DGONGS PA LUNG STON DANG, RDO RJE 'PHRENG BA BSHAD RGYUD DU GSUNGS LA, SPYOD BSDUS LAS YE SHES RDO RJE KUN LAS BTUS KYANG BSHAD RGYUD DU GSUNGS SHING, SGRON GSAL LAS GLENG GZHI'I YI GE DANG PO GNYIS 'CHAD PA NA LHA'I DBANG POS ZHUS PA'I KHUNGS DNGOS SU SMOS SHING, DE NAS DE'I LHAG MA RNAMS 'CHAD

PA NA BSHAD PA'I RGYUD LAS ZHES GSUNGS PA NI SNGA MA NYID DU SNANG BAS, LHA'I DBANG POS ZHUS PA BSHAD RGYUD DU GSUNGS TE 'DI MA 'GYUR RO, ,YAB SRAS RNAMS KYIS LE'U BCO BRGYAD PA RGYUD PHYI MAR GSUNGS PA MA GTOGS PA BSHAD RGYUD DU GSAL BAR GSUNGS PA MI SNANG YANG, THA GA NA DANG RGYAL BAS BYIN GYIS RTZA RGYUD KYI BSHAD PAR 'DOD PA LTAR BSHAD RGYUD DU 'DOD PAR BYA'O, ,KHA CIG RDO RJE SNYING PO RGYAN GYI RGYUD DANG SGYU 'PHRUL DRA BA GNYIS KYANG BSHAD RGYUD DU BZHED MOD KYANG DE GNYIS 'DUS PA DANG PHYOGS MTHUN PA'I RGYUD YIN GYI BSHAD RGYUD MIN NO, ,LHA MO BZHIS ZHUS NI DE'I 'GREL PA LAS THAMS CAD GSANG BA'I MCHOG CES BYA BA STONG PHRAG GCIG BZHUGS PA'I RGYUD PHYI MA YIN ZHES ZER RO, ,RDO RJE 'PHRENG BA'I RGYUD LA STONG PHRAG BCU GNYIS PA GCIG DANG NYUNG NGU'I RGYUD GNYIS DANG, YE SHES RDO RJE KUN LAS BTUS LA'ANG RGYUD CHE CHUNG GNYIS YOD PAR RDO RJE 'PHRENG BA'I 'GREL PAR BSHAD LA, SNGAR LUNG DRANGS PAR RDO RJE 'PHRENG BA LAS 'BUM PHRAG GSUM YOD PAR BSHAD DO, ,DGONGS PA LUNG STON NI RTZA RGYUD KYI LE'U BCU GNYIS PA YAN 'CHAD PA'I BSHAD RGYUD LAS LHAG MA MA 'GYUR RO, ,GNYIS PA LA GNYIS, RGYUD PHYI MA DANG DGONGS PA LUNG STON GYIS JI LTAR BSHAD PA DANG, RDO RJE 'PHRENG BA LA SOGS PA GSUM GYIS JI LTAR BSHAD PA'O, ,DANG PO NI, 'DUS PA'I BSHAD RGYUD GZHAN NI DE'I BSHAD RGYUD YIN KYANG 'DUS PA'I RGYUD MIN LA, RGYUD PHYI MA NI DE GNYIS KA YIN NO, ,'DIS RTZA RGYUD 'CHAD TSUL LA, RGYUD KYI

, ,THUN MONG GI DON 'CHAD PA NI DPAL GSANG BA 'DUS PA RNAL 'BYOR GYI RGYUD CES PA'I MTSAN DON DANG THABS RGYUD KYI DBYE BA DANG RGYUD SPYI'I SDOM LA DRIS LAN MDZAD PA RNAMS YIN LA, LHAG MA RNAMS NI LE'U BCU BDUN PO SO SO'I DON LA DRIS LAN MDZAD PA'O, ,RGYUD KYI 'GREL PA DRIS PA'I 'GREL PA NI GANG BSHAD PAS RGYUD KYI DON THAMS CAD KHRIG CHAGS SU 'BREL BA'I PHUN SUM TSOGS PA YIN LA, DE NI DPAL GYI DON DU N'A RO PA BZHED DO, ,DE'I LAN DU LE'U GNYIS PA NAS BCU BDUN PA'I BAR BCU DRUG GI BZHI TSAN RE RES BSNYEN SGRUB YAN LAG BZHI'I RE RE STON PAR BSHAD PA LA, N'A RO PAS LE'U DANG POS RGYUD DON MDOR BSTAN PA LHAG MA BCU DRUG GIS BSNYEN SGRUB YAN LAG BZHIR 'CHAD CING, BCO BRGYAD PA NI DE THAMS CAD KYI GSANG BA'I MAN NGAG STON PAR GSUNGS SO, ,DE DAG GIS NI RIM GNYIS SO SOR MA PHYE BAR RIM GNYIS THUN MONG GI BSNYEN SGRUB YAN LAG BZHI BSTAN LA, THABS RGYUD KYI DBYE BA'I SKABS SU RIM GNYIS SO SOR PHYE BA'I BSNYEN SGRUB YAN LAG BZHI BSTAN NO, ,BSHAD RGYUD RNAMS LA THUN MONG MA YIN PA'I RTZAL DU 'DON PHYOGS RE'I SGO NAS RTZA RGYUD 'CHAD TSUL RE YOD PA LA, RGYUD PHYI MA 'DIS NI RTZA RGYUD KYI LE'U BCU GNYIS PAR GSUNGS PA'I BSNYEN SGRUB YAN LAG BZHI'I SGO NAS RTZA RGYUD 'CHAD LA, 'GREL PA'I DON DPAL GYI DRIS LAN DU LE'U BCU DRUG GIS BSNYEN SGRUB BZHI 'CHAD PA BYUNG BAS LE'U SO SO'I DRIS LAN RNAMS DER 'DU ZHING,

THABS RGYUD KYI DBYE BA'I DRIS LAN NI MTSAN DON GYI DRIS LAN NYID YIN PA DANG, SPYI DON YANG MTSAN DON GYI DRIS LAN DU 'DU BAS, RTZA RGYUD KYI GZHUNG NI GTZO BOR RGYUD KYI MTSAN GYI GZHUNG NYID 'CHAD PA LA SBYAR NA SHIN TU NGO MTSAR BSKYED PAR BYED DO, ,'DI LA NI LE'U BZHI BZHIS BSNYEN SGRUB YAN LAG RE RE BSTAN PAR 'GRO TSUL DKA' BAS DE LEGS PAR THON PA DANG RIM GNYIS SO SO'I YAN LAG BZHI'I SA MTSAMS LEGS PAR PHYED PA DANG, KHYAD PAR DU RDZOGS RIM GYI BSNYEN PA'I YAN LAG DRUG BSHAD PA RNAMS LEGS PAR RTOGS NAS RTZA RGYUD 'CHAD SHES PA CIG DGOS TE, 'PHAGS LUGS KYIS RGYUD PHYI MA DE LTAR 'CHAD SHES PA NI N'A RO PA'I 'GREL PA NYID LA RAG LAS PAR SNANG NGO, ,DGONGS PA LUNG STON NI RTZA RGYUD DANG LE'U YI RIM PA RNAMS MTHUN ZHING, LE'U RNAMS SU RTZA RGYUD LAS GANG GSUNGS PA PHAL CHE BA BKOD NAS DE NAS LE'U DE'I DKA' GNAS RNAMS 'CHAD PA ZHIG GO ,RGYUD 'DIR LE'U BCU BDUN PO SO SOS DON 'DI STON PA BSDUS PA RE GSUNGS SHING, 'DUS PA'I RGYUD SGRA JI BZHIN PAR BSHAD DU MI RUNG BAR BSTAN NAS, DRANG DON GSUNGS PA RNAMS KYI NGES DON SBAS PA RNAMS GSAL BAR MDZAD CING, DON GZHAN LA SGRA 'GAL BA GZHAN GYIS GSUNGS PA'I DGONGS BSHAD RNAMS KYANG LEGS PAR BKRAL LA, LE'U SO SO PHAL CHE BAR RDO RJE BZLAS PA RTZA RGYUD DU SBAS NAS GSUNGS PA RNAMS YANG DANG YANG DU GSAL BAR STON PAR MDZAD DO, ,DES NA 'DIS RTZAL DU BTON

, ,NAS RTZA RGYUD 'CHAD PA YANG RIM PA DE DAG GI SGO NAS YIN NO, ,SGRON GSAL DU BSHAD RGYUD KHUNGS SU DRANGS PA LA 'DI MANG SHOS SU YOD DE DE SHAS CHER NGES DON GYI BSHAD PA LA DRANGS SO, ,GNYIS PA NI, RDO RJE 'PHRENG BA NYUNG NGU'I RGYUD 'DI LA LE'U BCU DGU PA DANG NYI SHU PA'I GZHUNG GI GCOD MTSAMS MI 'DRA BA GSUM BYUNG STE, 'DI LTAR LE'U BCU DGU PA'I THOG MA, DE NAS GZHAN YANG BSHAD BYA BA, ,SNA TSOGS LA SOGS SKAD CIG BDAG ,CES PA NAS, RNAM PA SNA TSOGS MNGON PAR 'DOD, CES PA'I BAR GYI TSIG RKANG DGU MA GTOGS PA DE'I RJES NAS LE'U BCU DGU PA'I MTHAR THUG PA'I GZHUNG MA DAR BAS 'DI BZHAG PA'O ZHES 'GREL PAR BSHAD LA, DE'I RJES SU, DE NAS GZHAN YANG BSHAD BYA BA, ZHES PA NAS, BLA MA BRGYUD PA LAS SHES BYA, ZHES PA'I BAR LA LE'U NYI SHU PAR MDZAD NAS SPYIR LE'U RE BRGYAD DU 'GREL PAR BYAS SO, ,LHA BLA MA ZHI BA 'OD KYIS BSGYUR BA LA, RNAM PA SNA TSOGS MNGON PAR 'DOD, CES PA YAN CHAD SNGAR DANG 'DRA BA LA, DE'I RJES SU, BLTA DANG 'GUGS DANG DE BZHIN BRDA, ,KHA LA CUM PA BYED PA YI, ,DGA' BA NYAMS SU MYONG BAR SHES, ,ZHES PA NAS, LHAN CIG SKYES DGA' NYAMS MYONG BA, ,MTSAN NYID DANG BRAL SKAD CIG GO ,ZHES PA'I BAR DU BTON NAS DE RNAMS LA LE'U BCU DGU PA SKAD CIG MA RNAM PAR PHYE BA'I LE'UR MDZAD CING, DE NAS GZHAN YANG BSHAD BYA BA, ,DGA' BA BZHI YI MTSAN NYID NI, ,ZHES PA NAS, SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR

BYED, ,CES PA'I BAR DU BTON NAS DE'I 'OG TU, RTZA RNAMS KUN GYI NAM MKHA' CHE, ,ZHES PA NAS, BLA MA BRGYUD PA LAS SHES BYA, ,ZHES PA'I BAR GYIS LE'U NYI SHU PA DGA' BA'I MTSAN NYID RNAM PAR PHYE BA'I LE'U ZHES MDZAD DE, SPYIR LE'U RE BRGYAD DU BYAS SO, ,ZHI BA 'OD KYI 'GYUR DAR MA BRTZON 'GRUS KYIS BCOS PA LAS, RNAM PA SNA TSOGS MNGON PAR 'DOD, ,CES PA YAN CHAD SNGAR DANG 'DRA BA LA, DE'I RJES SU ,DE NAS GZHAN YANG BSHAD BYA BA, ,DGA' BA BZHI YI MTSAN NYID NI, , ZHES PA NAS, SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES PA'I BAR DU 'DON NO, ,DE'I 'OG TU, BLTA DANG 'GUGS DANG DE BZHIN BRDA, ,ZHES PA NAS, LHAN CIG SKYES DGA' NYAMS MYONG BA, ,MTSAN NYID DANG BRAL SKAD CIG GO ,ZHES PA'I BAR DU 'DON ZHING, DE'I 'OG TU, RTZA RNAMS KUN GYI NAM MKHA' CHE, ,ZHES PA NAS, BLA MA BRGYUD PA LAS SHES BYA, ,ZHES PA'I BAR RNAMS BTON TE, DE RNAMS KUN DGA' BA'I MTSAN NYID RNAM PAR PHYE BA ZHES BYA BA LE'U BCU DGU PAR BYAS NAS, SPYIR LE'U RE BDUN DU BYAS SO, ,DE LTAR MI MTHUN PA MANG DU SNANG YANG PAndI TA M'ANTRA KA LA SHA'I RGYA DPE DANG SU DZA NA SHR'I DZNY'A NA DANG, ZHI BA 'OD KYIS BSGYUR BA'I LE'U YI GCOD MTSAMS DE NYID GZHUNG GI DON DU SNANG STE, SKAD CIG MA BZHI LUGS 'BYUNG DANG LUGS LDOG TU BSHAD PA'I TSAN GCIG DANG, DGA' BA BZHI LUGS BA BZHI LUGS 'BYUNG DANG LUGS LDOG TU BSHAD PA'I CHAN PA GNYIS GZHUNG LA SNANG BA'I PHYIR DANG, BLTA DANG 'GUGS

, ,DANG DE BZHIN BRDA, ZHES SOGS NI, RNAM PA SNA TSOGS MNGON PAR 'DOD, CES PA'I 'PHROR SHIN TU GSAL BA'I PHYIR DANG, DE NAS GZHAN YANG BSHAD BYA BA, ZHES PA'I TSIG NI LE'U GZHAN DU MA LA YANG LE'U YI MGO 'DREN GYI TSIG TU GSUNGS PA'I PHYIR RO, ,RGYUD 'DIR PHYAG RDOR GYIS GSANG BA 'DUS PAR BRDA TZAM GYIS MI GSAL BAR GSUNGS PA'I RIM GNYIS LA RDO RJE 'PHRENG BA'I SGO NAS 'DRI 'DOD PAS, GTZO BOR RDZOGS RIM GYI SGO NAS BSTAN DU GSOL ZHES PA'I NGAG SNGON DU BTANG NAS RDO RJE 'PHRENG BA'I MING DON NAS RLUNG GI MTSAN NYID DANG 'JIG TSUL GYI BAR GYI DRI BA MDZAD DO, ,DE RNAMS KYI LAN GYIS PHAL CHER 'DUS PA'I DON DANG, MNGON BRJOD 'BUM PA SOGS RNAL 'BYOR MA'I RGYUD KYI DON MANG PO YANG BSHAD DE, DE YANG PHAL MO CHE 'DUS PA'I DON GYI MTHA' GCOD PA'I YAN LAG TU SNANG NGO, ,DRIS LAN GYI GRANGS NI BRGYAD CU GYA GNYIS SU 'GREL PAS BSHAD DO, ,RGYUD 'DIS GSAL KHA BTON NAS 'DUS PA'I GZHUNG GANG 'CHAD SNYAM NA, RTZA RGYUD KYI LE'U GSUM PA DANG DRUG PAR SNA RTZER YUNGS KAR TZAM GYI RIN CHEN BSGOM PAR GSUNGS PA SOGS MANG PO ZHIG 'CHAD MOD KYANG, GTZO BO NI AE WAm MA Y'A LA SOGS PA'I YI GE BZHI BCU'I GLENG GZHIS RGYUD KYI DON THAMS CAD BSDUS PAR SGRON GSAL LAS GSUNGS PA DE RGYUD 'DIR, AE NI SHES RAB DAM PA STE, ZHES SOGS TSIGS BCAD BZHI BCU'I TSIGS BCAD RAS YI GE RE'I DON 'CHAD PA 'DI YIN NO, ,GZHUNG DE

DAG GIS LUS DBEN DANG, NGAG DBEN DANG, SEMS DBEN DANG BSGYU LUS RNAMS GTZO BOR BSTAN LA, SKABS GZHAN DU 'OD GSAL DANG ZUNG 'JUG KYANG MANG DU STAN PAS RDZOGS RIM TSANG BAR STON NO, ,DE'I LAM GYI CHINGS KYANG RIM LNGAR MDZAD DE, DE NYID LAS, RDO RJE BZLAS PAR RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,BDAG LA BYIN BRLABS RIM PAS KYANG, ,DNGOS GRUB BRGYAD NI THOB PAR 'GYUR, ,SNANG BA LA SOGS DBYE BA SHES, ,MNGON PAR BYANG CHUB PA NI 'THOB, ,ZUNG 'JUG RIM PA LA GNAS PA, ,DNGOS GRUB THAMS CAD BSDUS PA NI, ,TSE 'DI NYID LA 'GRUB 'GYUR BAR, ,RNAL 'BYOR PA YIS THE TSOM MED, ,CES GSUNGS PA'I PHYIR RO, ,MGON PO KLU SGRUB KYIS RDZOGS RIM RIM LNGAR BSDUS PA NI RGYUD 'DI YI RJES SU 'BRANGS PA YIN LA, BSKYED RIM LA TING NGE 'DZIN GSUM DANG, RNAL 'BYOR BZHI DANG, LHA SO GNYIS SU MDZAD PA LA SOGS PA YANG RGYUD 'DI'I RJES SU 'BRANGS PA'O, ,DES NA MDOR BYAS LAS RJE BTZUN GYIS SRUB MKHAN MDZAD NAS RDO RJE 'PHRENG BA'I SRUB SHING GIS GSANG 'DUS SBAS CHU'I RGYA MTSO BSRUBS PA LAS 'DUS PA'I SGRUB THABS RNYED PAR GSUNGS PA NI BSKYED RIM TZAM LA MI GZUNG NGO, ,'DOD CHAGS CHOS SBAS KYI PHYI'I PHYAG RGYA DANG, RDO RJE BZLAS PA SOGS KYI SROG RTZOL LA BRTEN NAS STONG PA BZHI DANG SGYU MA'I SKU 'DREN PA'I PHYI NANG GI SROG RTZOL MTHA'

, ,CHOD PAR NGES PA'I YAN LAG TU GNAS PA RTZA DANG GA-YO BA RLUNG DANG BKOD PA BYANG CHUB KYI SEMS LA BRTZAMS NAS LUS 'CHAGS PA DANG 'JIG PA'I RIM PA DU MA BSHAD NAS, THABS DE GNYIS LAS MNGON PAR RTOGS PA'I RIM PA 'CHAR TSUL SOGS MTHA' YAS PA CIG 'CHAD DO, ,LAM GYI SNOD RUNG DU SGRUB PA'I DBANG GI CHINGS RNAMS CHO GA NYI SHUR SDUD PA DANG, BSKYED RIM SDUD PA'I CHINGS RNAMS DANG, RIM GNYIS KYI GO RIM NGES PA SOGS MANG PO YANG GSUNGS SHING, KHYAD PAR DU SROG RTZOL RDO RJE BZLAS PAS SNYING KHA'I RTZA MDUD 'BYED PA'I GNAD RNAMS LE'U DRUG PA DANG, SNYING KHA'I RTZA MDUD 'GROL BA 'KHOR LO THAMS CAD KYI RTZA MDUD 'GROL BA'I MCHOG YIN TSUL LE'U NYER GNYIS PA'I YI GE GSUM GYI NGES DON GYI SNGAGS BTU BA LAS 'CHAD DE, LEGS PAR THON PA NYUNG BAR BYUNG SNANG NGO, ,RGYUD 'DIS 'DUS PA RTZAL DU BTON NAS 'CHAD TSUL NI, GLENG GZHI'I YI GE RE'I DON BSHAD PAS 'DUS PAR GAB PA'I DON RNAMS GSAL BAR 'DON LA, DE NYID KYI MTHA' GCOD PA'I YAN LAG TU BSHAD RGYUD KYI GZHUNG GZHAN RNAMS 'GRO BA'I TSUL 'DI RIM GNYIS KYI CHINGS BYAS PA RNAMS KYI SGO NAS SHES PAR BYAS NAS 'CHAD PA CIG DGOS SO, ,BSHAD RGYUD LA 'DI LAS BZANG BA SNGAR MA 'GYUR ZHES 'DI'I 'GYUR BYANG LAS 'BYUNG BA NI DA DUNG YANG DE KHO NA LTAR SNANG NGO, ,LHA MO BZHIS ZHUS KYIS NI GTZO BOR SROG RTZAL GYI GNAD RNAMS RGYAS PAR 'CHAD LA, YE SHES RDO RJE KUN LAS BTUS KYIS

NI 'DUS PA GTZO BOR BYAS PA'I RNAL 'BYOR BLA MED KYI RGYUD RNAMS 'CHAD PA'I MAN NGAG GI MTHAR THUG RGYAN BDUN STON TE, STONG PA GSUM DANG DE LAS SGYU MA'I SKU SGRUB PA NI BSHAD RGYUD GZHAN LAS 'DI GSAL LO, ,RGYUD DE GNYIS KYIS 'DUS PA 'CHAD TSUL RGYAS PAR NI DE GNYIS KYI RGYA CHER BSHAD PA LAS BSHAD ZIN PAS 'DIR RGYAS PAR MA SMOS SO, ,DE LTAR RJE BTZUN YAB SRAS KYI MAN NGAG GI GZHUNG RNAMS LA RING DU 'DRIS PAS DON GYI GNAD LAGS PAR THON PA'I LDE MIG GIS RTZA RGYUD KYI SGO LA MTHA' DRUG DANG TSUL BZHIS RGYAS BTAB PA'I DON BSHAD RGYUD RNAMS DANG LEGS PAR SHAN SBYAR BAS RTZA RGYUD KYI SGO PHYED PA CIG BYUNG NA, RGYUD KYI GDAMS NGAG LA MI 'JIGS PA THOB PA'I GDAMS NGAG CAN DU 'GRO BA YIN LA, DE LTAR SHES NA RGYUD GZHAN LA'ANG DE'I RIGS PA SBYOR SHES PAS RGYUD SDE KUN LA MKHAS PAR 'GYUR RO, ,GNYIS PA NI, RTZA BA'I RGYUD LAS MTSAN BRJOD PA'I SKABS SU DE BZHIN GSHEGS PA THAMS CAD KYI SKU GSUNG THUGS KYI GSANG BA KUN RGYUD 'DIR 'DUS PAR GSUNGS TE, DES NI RDO RJE THEG PA'I GSANG BA'I GNAD THAMS CAD 'DIR 'DUS PAR BSTAN NO, ,RGYUD PHYI MA LAS KYANG, AE MA HO SHIN TU RNYED DKA' BA, ,BYANG CHUB SGRUB PA'I THABS 'DI YIN, ,RGYUD KYI PHYI MA'I PHYI MAR GYUR, ,GSANG BA 'DUS PA ZHES BYA'I RGYUD, ,CES GSUNGS SO, ,SHIN TU RNYED DKA' ZHING DON CHE BAS 'DI LA THUN BZHI'I RNAL 'BYOR BYED PA DANG, NYAN PA DANG 'DRI 'DON DANG MCHOD PA BYED PA LA YANG BYANG CHUB RDO RJE RDO RJE 'CHANG DANG 'DRA BAR

, ,BLTAS NAS PHYAG BYA BAR GSUNGS SHING, DER MA ZAD RGYUD DE'I SGRUB PA PO'I DBANG PO DE GANG GIS MTHONG THOS DRAN REG DANG, DAD PAR BYED CING RGYUD KYI PHYOGS GCIG TZAM ZHIG 'DZIN PA YAN CHAD LA'ANG RDO RJE 'CHANG DANG 'DRA BAR BLTAS NAS PHYAG BYA BAR GSUNGS TE, RGYUD PHYI MA LAS, GANG ZHIG THUN BZHI'I RDO RJE DAG NI SGRUB BYED CING, ,MI SNANG LA SOGS SNA TSOGS MCHOG DANG DMAN GRUB CING, ,BLA MA'I DRIN GYIS 'DI NA MA NOR LAM RTOGS PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ,GANG ZHIG RAB GSANG 'DUS PA'I RGYUD 'DI NYAN PA DANG, ,'DON PAR BYED DANG KLOG PA DANG NI SEMS PA DANG, ,MCHOD PAR BYED PA DANG NI 'DRI 'AM 'DRIR 'JUG PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ,ZHES DANG, GANG GIS GTZO BO SGRUB PA PO MTHONG REG PA DANG, ,LEGS PAR DRAN DANG MING TZAM NGES PAR THOS PA DANG, ,DAD PAR BYED CING PHYOGS GCIG TZAM ZHIG 'DZIN PA DAG ,BYANG CHUB RDO RJE 'DRAR BLTA DE LA RTAG PHYAG 'TSAL, , ZHES GSUNGS SO, ,'JAM DPAL GYI ZHAL GYI LUNG LAS KYANG, SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ,ZHES BSNGAGS SHING, BSTAN PA'I SNYING PO GNAS MI GNAS KYANG 'DI NYID YOD MED KYI RJES SU BYED PAR DER GSUNGS TE, 'DI DON RNA BAR 'PHO BYED PA, ,GANG GI DUS SU GNAS PA DER, ,SANGS RGYAS BSTAN PA RIN CHEN KYANG, ,GNAS PAR RAB TU BSHAD PA YIS, ,BRGYUD PA'I RIM PA 'DI CHAD NAS, ,SANGS

RGYAS BSTAN PA NUB PA RU, ,KUN GYIS RAB TU SHES PAR BYA, ,ZHES SO, ,RGYUD 'DI'I SKER DU DE LTAR BYUNG BAR MA ZAD RGYUD GZHAN LAS KYANG BSNGAGS TE, DMAR NAG GI RGYUD GNYIS LAS, RGYUD KYI MTHAR THUG 'DUS PA STE, ,MA BYUNG 'BYUNG BAR MI 'GYUR RO, ,ZHES GSUNGS SO, ,GSANG BA GRUB PA LAS KYANG, DPAL LDAN 'DUS LAS MCHOG GZHAN MED, ,'JIG RTEN GSUM GYI RIN CHEN 'GYUR, ,SNYING PO LAS NI SNYING PO MCHOG ,RGYUD KUN GYI NI BLA MA'I BLA, ,BSTAN DANG BSHAD PA RNAM GNAS NA, ,RDZOGS PA'I RNAL 'BYOR RIM PA NYID, ,'DUS PA GANG GIS MI SHES PA, ,DE YIS DNGOS GRUB JI LTAR 'GRUB, ,THE TSOM THAMS CAD GCOD BYED CING, ,MI SHES RAB RIB SEL BYED PA, ,SANGS RGYAS RIN CHEN ZA MA TOG ,DPAL LDAN 'DUS PA YONGS SPANGS NAS, ,RNAM RTOG DU MAS BRTAGS PA YIS, ,RMONGS PA DNGOS GRUB 'DOD GYUR PA, ,MKHA' LA KHU TSUR RDEG PA DANG, ,SMIG RGYU'I CHU LA 'THUNG BA BZHIN, ,ZHES DANG, SGRON GSAL LAS KYANG, JI SRID YA RA LA HA'I BAR, ,KA KHA GHA MTHA' nA JO'I MTHA', ,TRA DHA'I MTHA' DANG MA MTHAR BCAS, ,DE DE'I RTZA BA YI GE GSUM, ,THUB PA CHEN POS CHOS PHUNG PO, ,BRGYAD KHRI BZHI STONG GSUNGS BA YI, ,DPAL LDAN 'DUS 'DI SNOD YIN TE, , DE BAS DE NI RGYUD KYI RTZE, ,ZHES RGYUD SDE GZHAN KUN GYI RTZA BA DANG, MDO SDE KUN GYI ZA MA TOG TU GYUR PAS RGYUD SDE KUN GYI RTZE MOR GSUNGS SO, ,YE SHES RDO RJE KUN LAS BTUS LAS KA LA SOGS PA RE RE'I MTHA' CAN GYI RGYUD LA'ANG RGYUD SDE

, ,STONG PHRAG RER BSHAD CING, DE YANG RGYUD SDE BZHI KA'I DBANG DU MDZAD NAS GSUNGS SO, ,GSAL BYED KYI YI GE'I MTHA' CAN GYI RGYUD SDE'I RTZA BAR GSUNGS PA NI MTSON PA TZAM YIN PAS, DBYANGS KYI YI GE RNAMS KYI MTHA' CAN GYI RGYUD SDE'I RTZA BAR YANG BSTAN PAR SLOB DPON SKAL LDAN GRAGS PA DANG KU M'A RAS BSHAD DO, ,RTZA BA YI GE GSUM ZHES GSUNGS PA'I YI GE GSUM NI N'A RO BAS 'BRU GSUM LA BSHAD LA, BOD KYI GONG MA RNAMS SA M'A JI LA BZHED DO, ,DE'I SNGA MA NI GSANG BA 'DUS PA'I 'DU RGYU GSANG BA GSUM SKU GSUNG THUGS LA RGYUD PHYI MAR BSHAD PAS, 'DU RGYU'I SGO NAS 'DUS PA NGOS BZUNG BA'O, ,DE LTAR 'DUS PA'I RGYUD LA MI BYED PAR RGYUD THAMS CAD KYI DON YI GE GSUM GYI DON RDO RJE GSUM DU 'DU BA LA BSHAD NA SKABS DON BOR BAR 'GYUR TE, DES NI 'DUS PA'I RGYUD RGYUD SDE THAMS CAD KYI RTZA BAR STON PA'I PHYIR RO, ,RTZA BA'I DON NI SHING SDONG PO LA YAL GA DANG LO MA SOGS DU MA ZHIG YID k\)�E�*@D(
P"$&�(@�UY DRBYg��4���

�"�P,,��, �� D
@ C DPAb@� AA�
HBHe���`�HhBa�, DE DAG GI GNAD THAMS CAD MTHAR THUG NA 'DUS PA'I LAM DU 'DU BA'I DON TE, MDO SDE'I SNOD KYANG DE DANG 'DRA'O, ,'DIS NI 'DI'I LAM RDZOGS PAR 'CHANG SHES NA 'DI LAS MCHOG TU GYUR PA GZHAN NA MED PAR STON PA'O, ,NAG PO SPYOD PAS RIM PA GNYIS KA LA 'DUS PA'I LAM LHAG PA DANG, RGYUD KUN GYI GTZO BO YIN PA'I SGO NAS BSNGAGS PA NI SNGAR DRANGS ZIN TO, ,BLA

MED KYI RGYUD RNAMS LA RGYUD SDE 'OG MA GSUM BZHIN DU RGYUD SDE'I RIM PA'I SGO NAS MCHOG DMAN MED KYANG KHYAD PAR 'GA' ZHIG LA BLTOS PA'I MCHOG DMAN MED PA NI MIN TE, DPER NA RGYUD SDE GCIG GIS RIM GNYIS STON PA'I GZHUNG LA NANG TSAN GYI MCHOG DMAN YOD KYANG, DE GNYIS LA RGYUD SDE'I RIM PA'I SGO NAS MCHOG DMAN MED PA BZHIN NO, ,GSUM PA NI, AINTRA BAHU TI CHEN PO DANG KLU'I RNAL 'BYOR MA DANG SA BDAG BI SU KALPA SA GZHUNG MDZAD PA NI 'DI NA MI SNANG LA, DPAL MGON PO BDE BA CHEN POS NI 'DUS PA'I DON GTAN LA 'BEBS PA GSANG BA GRUB PA MDZAD DO, ,'DIS 'DUS PA'I GZHUNG NI GTZO BOR GLENG GZHI GTAN LA 'BEBS LA, LAM GYI RIM PA NI DANG POR YI GE 'GOD PA'I BSKYED RIM GNYIS PA LAS RGYAL BRTEN NAS RANG GI RANG BZHIN DE KHO NA NYID MTSON PAR BYED PA, GSUM PA DE BRTAN PA'I DON DU YE SHES KYI PHYAG RGYA LA BRTEN NAS SGOM PA, BZHI PA PHYAG RGYA CHEN PO MNGON PAR BYANG CHUB PA SGOM PA BZHI SPYOD PA DANG BCAS PA STON NO, ,'DIS 'DUS PA'I DKYIL 'KHOR GYI LHA GRANGS BCU BDUN DU MDZAD CES PA NI DE NYID LAS, BYANG CHUB SEMS DPA' BCU BDUN GYI GO RIM GYIS NGES PAR RDZOGS PAR GYUR NAS, ZHES BCU BDUN GYIS RDZOGS ZHES PA TZAM LA BSAMS PAR SNANG LA, DE LTA NA SGRON GSAL LAS, DE LAS GANG GI LHA'I 'KHOR LO YONGS SU RDZOGS PAR GYUR PA DE TZAM NYID CIG BSTAN PA'I PHYIR, ZHES GLENG GZHI'I 'KHOR GYI SKABS SU GSUNGS PAS LHA SO GNYIS KYI DKYIL

, ,'KHOR MI 'DOD PAR 'GYUR RO, ,DES NA DE'I DON NI GSHEGS PA GSHEGS MA DANG SEMS DPA' SEMS MA'I 'KHOR GANG GIS DKYIL 'KHOR GYI LHA RDZOGS PA DE TZAM ZHIG GLENG GZHIR BSTAN ZHES PA'I DON YIN LA, SNGA MA'I DON NI RIGS LNGA MA GTOGS PA'I GLENG GZHI'I 'KHOR DNGOS SU SMOS PA RNAMS SEMS DPAR BYAS NAS, DE DAG GIS DNGOS SU SMOS PA'I BYANG SEMS KYI 'KHOR RDZOGS ZHES PA'I DON NO, ,GSANG BA GRUB PA 'DI NI GRUB SNYING ZHES GRAGS PA'I GRUB PA'I SDE GZHAN DRUG PO KUN GYI PHYI MOR GRAGS LA, SNYING PO'I SKOR GYI BRAM ZE CHEN PO'I DO HA HA'I YANG PHYI MOR SNANG STE, BDE STONG SBYOR BA'I LHAN SKYES KYI YE SHES BLA MED KYI RGYUD SDE KUN GYI SNYING POR GO BA LA SHIN TU GAL CHE BA RNAMS SO, ,SLOB DPON SA RA HAS GSANG 'DUS KYI GZHUNG SGOS SU 'GREL BA'I GZHUNG MDZAD PA NI MI SNANG NGO, ,DE NAS BDAG NYID CHEN PO KLU SGRUB KYIS 'DUS PA'I DON 'GREL PA MDZAD DE, DE'I LUGS KYIS JI LTAR BKRAL BA NI 'CHAD PAR 'GYUR RO, ,SLOB DPON SGEG PA'I RDO RJES RGYUD KYI GLENG BZHI'I BSHAD PA TZAM MDZAD KYANG, RIM GNYIS KYI LAM GYI SROL ZUR PA MI SNANG NGO, ,SGEG RDOR GYI SLOB MA SLOB DPON CHEN PO YE SHES ZHABS LA RJE BTZUN 'JAM PA'I DBYANGS KYIS 'DUS PA'I DON BSHAD PA'I RIM PA LA NI YE SHES ZHABS LUGS ZHES YONGS SU GRAGS SO, ,DE'I LAM LA RIM PA GNYIS LAS BSKYED PA'I RIM PA NI, 'JAM PA'I RDO RJES GTZO MDZAD PA'I LHA BCU DGU'I DKYIL 'KHOR TE BSGRUB PA'I THABS KUN TU BZANG PO DANG BZHI

BRGYA LNGA BCU PAR BSHAD PA LTAR RO, ,RDZOGS PA'I RIM PA NI RJE BTZUN GYIS GSUNGS PA'I ZHAL LUNG DANG, SLOB DPON NYID KYIS MDZAD PA'I GROL BA'I THIG LE LAS 'BYUNG NGO, ,DE YANG ZHAL LUNG LAS RDZOGS RIM SGOM PA'I THOG MA SNYING KHAR MI SHIGS PA'I THIG LE SGOM PA DANG, DE NAS NOR BUR GSANG BA'I THIG LE SGOM PA DBUGS DGAG PA'I YAN LAG CES PA SROG RTZOL GYI YAN LAG DANG, DE BSGOMS PAS GZUNG BA'I YAN LAG CES PA 'DZIN PA'I YAN LAG SKYE BA DANG, DE NAS RJES DRAN BCU DRUG SGOM PA'I RJES DRAN GYI YAN LAG DANG, DE NAS SPRUL PA'I THIG LE ZHES PA RDO RJE'I BZLAS PA DANG, DE NAS SLAR YANG SNYING KHAR MI SHIGS PA'I THIG LE SGOM PA LHAN CIG SKYES PA'I YE SHES 'BA' ZHIG GI DBANG DU BYAS BSGOM PAR BSHAD DO, ,'DIS NI RGYUD PHYI MAR BSHAD PA'I SBYOR BA YAN LAG DRUG GI SOR BSAM GNYIS MA BSTAN PAR YAN LAG PHYI MA BZHI BSHAD SNANG NGO, ,DE LTAR BSHAD PA'I SHUGS KYIS SOR BSAM GNYIS BSKYED RIM DU 'JOG PA DGONGS PAR SNANG STE, YE SHES ZHABS LUGS KYI SBYOR DRUG GI GZHUNG RNAMS LAS KYANG SOR BSAM GNYIS BSKYED RIM DU BSTAN TO, ,'DI LA RGYUD PHYI MA LAS THUN MONG GI BSNYEN PA RDO RJE BZHI DANG, MCHOG GI BSNYEN PA YAN LAG DRUG TU GSUNGS PA'I DON MCHOG GI BSNYEN PA DANG BSKYED RIM GNYIS 'GAL BAR 'DOD PA MIN NO, ,RDZOGS RIM GYI SKABS 'DIR RGYUD PHYI MA GZHIR BYAS SNANG LA, LHA MO BZHIS ZHUS DANG RDO RJE SNYING PO RGYAN GYI LAS KYANG BTUS NAS MDZAD SNANG NGO, ,'DI'I

, ,RJES 'BRANG RTZA RGYUD KYI BSHAD PA BYED PA RNAMS KYIS RGYUD PHYI MA MA BSHAD PA CHER MI SNANG NA'ANG BSHAD RGYUD GZHAN RNAMS KYIS RTZA RGYUD 'CHAD TSUL CHER MI SNANG NGO, ,KHYAD PAR ZHAL LUNG DANG GROL BA'I THIG LE GNYIS LA BRTEN PA'I MAN NGAG GIS RTZA RGYUD KYI GZHUNG MANG POS RDZOGS RIM BSTAN TSUL DANG, RGYUD PHYI MA'I SBYOR DRUG GI YAN LAG PHYI MA BZHI ZHAL LUNG DANG GROL BA'I THIG LE BSTUN NAS LEGS PAR 'CHAD BAR 'DUG NA'ANG DE LTAR BSHAD PA MI SNANG NGO; ;SLOB DPON KUN DGA' SNYING POS BSHAD TSUL LA PHRA RAGS KYIS BSGYUR BA'I 'DUS PA'I 'GREL PA CHEN MO 'DIS MDZAD PAR BYAS PA NI 'GREL PA DE NYID LA MA BRTAGS PAR SMRA BAR 'DUG PAS MI 'THAD LA, LO CHEN GYIS BSGYUR BA'I 'GREL PA KUN SNYING GIS MDZAD PAR BYAS PA NI, SLOB DPON DRI MED SBAS PA'I 'GREL PAR YANG DE'I LE'U LNGA PA'I BSHAD PA BKOD CING KHUNGS MA YIN NO, ,'DIS NI LAS RGYA BSTEN PAR BSHAD PA THAMS CAD KHYAB 'JUG GI RGYUD KYI RJES SU 'BRANG BA 'DOD YON GYI YUL SPONG MI NUS PA'I CHAGS CAN RE SHIG DRANG BA'I PHYIR DU GSUNGS PA TZAM GYI DON DANG, BSHAD GCI SOGS KYI BZA' BA'I DAM TSIG BSTEN PAR GSUNGS PA THAMS CAD KYANG PHRA MEN MA DANG 'CHOL BA'I RGYUD LA ZHUGS PA RNAMS KYI NGOR MDZAD PA TZAM DU BSHAD NAS, GDUL BYA RAB KYI DBANG DU BYAS NAS DE DAG BSHAD PA MIN PAR BSHAD LA, NANG GI RTZA RLUNG GI THIG LE SGOM PA SOGS KYI RNAL 'BYOR GZHAN NAS RDZOGS

RIM DU BSHAD PA'I RIGS KYANG MA BSHAD DO, ,DE RNAMS LA BSAMS NAS BOD KYI BLA MA RNAMS KYIS KUN SNYING GIS GSANG 'DUS YO GAR BKRAL ZHES GSUNG NGO, ,'DI NI RGYA GAR BA'I CHEN PO GZHAN DU MAS BSHAD PA DANG MI MTHUN PA'I BLA MED KYI RGYUD KYI BSHAD SROL DU SNANG NGO, ,SLOB DPON SH'ANITA PAS RTZA RGYUD KYI LE'U DANG POS THABS LAS BYUNG BA'I 'BRAS BU'I RGYUS BSTAN, DE THOB PAR BYED PA'I THABS RGYUD LA BZHI YOD PAR LHAG MA LE'U BCU DRUG GIS 'CHAD DE, GSUM LDAN GYI LE'U BZHIS BSNYEN PA DANG, GNYIS LDAN GYI LE'U BZHIS NYER SGRUB DANG, RDZOGS LDAN GYI LE'U BZHIS SGRUB PA DANG, DGA' BA CAN GYI LE'U BZHIS SGRUB PA CHEN PO BSTAN LA, RGYUD PHYI MA NI DE RNAMS GSAL BAR BYED PA'O ZHES 'CHAD DO, ,'DIS RIM PA DANG PO LA MI BSKYOD PAS GTZO BYAS PA'I LHA BCU DGU DANG, BSKYED RIM BRTAN PA'I 'OG TU SGOM PA'I RDZOGS RIM YAN LAG DRUG GYI TSUL NI YE SHES ZHABS LUGS DANG 'PHAGS LUGS DANG DUS 'KHOR GYI LUGS GANG DANG YANG MI 'DRA BA CIG RGYUD PHYI MA LA BRTEN NAS LE'U BDUN PA'I DON DU 'CHAD DO, ,DE DAG LAS GZHAN PA'I 'GREL BYED RNAMS NI YE SHES ZHABS KYI RJES SU 'BRANGS NAS 'CHAD PAR SNANG LA, RE RE TZAM DE'I RJES SU 'BRANGS PA'I GSAL KHA MI SNANG YANG BSHAD PA'I 'GANGS CHUNG BAR SNANG BAS MA BRIS SO, ,DE LTAR NA DANG DPAL 'DUS PA'I RGYUD 'GREL PA LA SHING RTA CHEN PO'I SROL NI 'PHAGS LUGS DANG YE SHES ZHABS LUGS GNYIS SU GRAGS PA LTAR SHES PAR BYA'O, ,BZHI PA LA GSUM, 'PHAGS PA YAB

, ,SRAS GNYIS KYIS GZHUNG JI LTAR MDZAD PA DANG, SRAS LHAG MA GSUM GYIS GZHUNG JI LTAR MDZAD PA, DE DAG GI RJES 'BRANG RNAMS KYIS GZHUNG JI LTAR MDZAD PA'O, ,DANG PO NI, 'DUS PA'I PHYOGS LA 'PHAGS PAS GZHUNG JI LTAR MDZAD PA'I TSUL LA, RAB TU SGRON GSAL LAS MDOR BYAS DANG MDO BSRE DANG H'Um MDZAD KYI SGRUB THABS DANG RIM PA LNGA PA DANG RGYUD KYI 'GREL PA LA SOGS PA MDZAD PAR BSHAD DO, ,'DUS PA'I RGYUD KYI 'GREL PA 'PHAGS PAS MDZAD ZER BA DA LTA 'DUG PA 'DI NI BOD KYI MKHAS PA DAG PAnIdiTA CIG GIS BOD DU BYAS PA YIN ZHES GSUNG LA, 'DI NA SNYAN DNGAGS DANG ME LONG DANG RNAM BSHAD RIGS PA DANG MNGON PA MDZOD KYI GZHUNG LA SOGS PA DRANGS SHING, 'DI'I MJUG TU, RGYAL BA MCHOG GI BDER GSHEGS NYID BSGOMS PAS NI SAD GYUR PA, ,BDAG GI GNAS NA RAB GNAS MGON PO YE SHES ZHABS LA SOGS, ,ZHES 'BYUNG ZHING, RGYUD KYI BSHAD PA LA YANG YAB SRAS KYI GZHUNG DANG MI MTHUN PA MANG DU SNANG BAS 'PHAGS PA LA KHA GA-YAR BA 'BA' ZHIG GO, DES NA BSKYED RIM STON PA LA MDOR BYAS DANG MDO BSRE GNYIS MDZAD LA, DKYIL CHOG CHO GA NYI SHU PA NI BOD KYI SNGON GYI BLA MA RNAMS 'PHAGS PA'I YIN PAR BZHED LA, RAB TU SGRON GSAL LAS KYANG 'PHAGS PAS MDZAD PA'I DKYIL CHOG CIG YOD PAR 'DOD PAS PHAL CHER 'DI LA BSAMS PA 'DRA'O, ,BOD KYI PHYIS KYI MKHAS PA DAG RGYA GAR BA'I MKHAS PA MANG POS CHAD MAR BYAS PA'I KLU BYANG GYI CHO GA NYI SHU PA DANG MI MTHUN PA MANG ZHING, SLOB DPON

RANG GI GZHUNG DANG YANG MI MTHUN PAS KHA GA-YAR DU BZHED PA LTAR 'THAD PAR MTHONG NGO, ,RDZOGS RIM STON PA'I SKOR LA, RDO RJE BZLAS PA'I RIM PA LA SOGS PA NI SHIN TU GRAGS CHE LA, RTZA RGYUD KYI LE'U GNYIS PAR RNAM SNANG GIS GSUNGS PA'I BYANG CHUB KYI SEMS KYI GZHUNG 'GREL BA LA BYANG CHUB SEMS 'GREL MDZAD DE, 'DI LA SMRI TI'I 'GREL PA'ANG YOD CING, AA BHYA LA SOGS PA PAndI TA MANG POS KHUNGS SU 'DReN NO, ,RDO RJE BZLAS PA'I RIMPA LI"PH($�*$��(�&'&(��� �$*NG 'DI RNAMS LO CHEN KYI 'GYUR LA RIM PA LNGA PA ZHES PA'I GZHUNG GCIG GI LE'U LNGAR YANG MDZAD LA, RIM PA GNYIS PA SH'AKYA BSHES GNYEN GYIS MDZAD PAR YANG BYAS, DE BZHIN DU LAG SMI'I 'GREL PA DANG 'GREL PA NOR BU'I 'PHRENG BAR YANG 'BYUNG NGO, ,CHAG LO TZ'A BAS GZHUNG MI GCIG PA LNGAR BYAS SO, 'DIR GZHUNG 'DI NYID LAS BDAG BYIN BRLABS RIM PA GSUM PA DANG, MNGON PAR BYANG CHUB PA RIM PA BZHI PA DANG, ZUNG 'JUG GI MJUG TU RIM PA LNGA BRTZAMS PA'I BSNGO BA MDZAD PAS 'PHAGS PA NYID KYIS MDZAD PA'I RIM PA LNGA NGES PAR YOD DO, ,DE LA AA BHYA DANG DAM TSIG RDO RJE'I 'GREL PA LAS RIM PA GNYIS PA 'PHAGS PA'I SLOB MA SH'AKYA BSHES GNYEN GYIS MDZAD PAR BSHAD PAS, DE DAG GI LTAR NA MDOR BYAS RIM PA GCIG TU BYAS NAS RIM PA LNGAR 'DOD DGOS LA, THUB PA DPAL BZANG PO YANG DE BZHIN DU 'DOD DO, ,LAG SMI'I 'GREL PAR SLOB DPON GYI DNGOS GRUB KYI MTSAN KLU SGRUB DANG, RAB TU BYUNG BA'I MTSAN SH'AKYA BSHES GNYEN YIN PAS RIM PA GNYIS PA SLOB

, ,DPON NYID KYIS MDZAD PA'I RANG LUGS DANG, KHA CIG SLOB DPON NYID KYIS MDZAD PA LA NYID KYI SLOB MA SH'AKYA BSHES GNYEN GYI MING BCUG PA NI SHIN TU DGYES PA'I PHYIR RO ZHES PA'I GZHAN LUGS GNYIS BSHAD DO, ,'GREL PA PA NOR BU'I 'PHRENG BA LAS NI BSHAD PA SNGA MA LTAR RAM, YANG NA PHYI MA LTAR YIN ZHES GDAM KHA RU BYED DO, ,'DI LA RIM PA GZHAN GSUM LA MCHOD MRJOD DANG BRTZAM PAR DAM BCA' RE YOD KYANG BSNGO BA MED LA, RIM PA THA MA'I MJUG TU BSNGO BA THUN MONG DU MDZAD CING, MDOR BYAS LA BSNGO BA LOGS SU MDZAD PA'I PHYIR DANG, RDO RJE BZLAS PA'I RIM PAR MDOR BSTAN GYI SKABS SU RIM PA LNGA KA'I MDOR BSTAN BYUNG BA DANG BSTUN NA ,RDZOGS RIM STON PA'I GZHUNG TSAN LNGA 'PHAGS PAS MDZAD PA 'DRA BA CIG 'DUG GO, 'O NA RIM PA GNYIS PA SH'AKYA BSHES GNYEN GYIS MDZAD PAR BSHAD PA JI LTAR YIN SNYAM NA, 'DI LA MJUG TU BSNGO BA LOGS SU MDZAD CING, 'PHAGS PA RDO RJE'I DRIN GYIS RGYUD RNAMS MANG PO THOS SO, ,ZHES PA'I DON GZHAN DU BSHAD PA RNAMS MI 'GRIG PAR SNANG BA DANG, RIM PA GNYIS PA TSANG BAR 'PHAGS PAS MDZAD NA 'OD GSAL DANG ZUNG 'JUG GI SKABS SU BSHAD RGYU MANG PO 'DIR BSHAD SNANG BA MI 'THAD PAR SNANG BAS, 'DI TSANG BAR 'PHAGS PAS MDZAD PA MI LEGS SO, ,YANG 'DI TSANG BAR 'PHAGS PA'I SLOB MA SH'AKYA BSHES GNYEN GYIS MDZAD NA'ANG RDZOGS RIM RIM LNGAR 'PHAGS PAS BSDUS PA SOGS MI 'THAD PAR SNANG ZHING, 'PHAGS PA LHAS DGONGS

PA BLA NA MED PA LAS ZHES LUNG LAN GNYIS DRANGS SNANG BA YANG MI 'GRIG PA LTAR MNGON PAS, STONG 'PHAGS PAS MDZAD PA'I 'PHRO CIG SH'AKYA BSHES GNYEN LA GNANG BA BYIN NAS RTZOM DU BCUG PA CIG YIN NAM SNYAM STE, BLO GROS CHE LA ZHIB PA RNAMS KYIS DPYAD PAR BYA'O, ,DE LTAR DU KHAS LEN NA RIM PA LNGA PA ZHES PA'I GZHUNG GCIG LA RIM PA GNYIS PA'I STOD DANG BCAS PA'I LE'U LNGA YOD PAR BYA ZHING, RIM PA GNYIS PA LA MTSAN GNYIS BYUNG BA'I DGONGS PA BLA NA MED PA ZHES PA 'PHAGS PAS BTAGS PA'I MTSAN DU BYA'O, ,DE LTAR MI BYED NA RIM PA LNGA PA ZHES PA'I GZHUNG GCIG TU MI BYA STE, MDOR BYAS GZHUNG LUGS PA YIN PA'I PHYIR DANG, RIM PA GNYIS PA YANG RTZOM MKHAN GZHAN YIN PA'I PHYIR RO, ,GZHAN YANG DE'I LTAR NA BZLAS PA'I RIM PA STE DANG PO'O, ,ZHES PA'I GZHUNG YANG SOR BZHAG TU MI RUNG NGO, ,GANG LTAR YANG 'PHAGS PAS RDZOGS RIM LA SEMS DMIGS RIM PA GNYIS PAR BYAS NAS RIM LNGAR BSDUS PA NI RDO RJE BZLAS PA'I RIM PA LAS SHES LA, DE NYID RNAM GZHAG RIM PA'I YANG DGONGS PAR SNANG NGO, ,GZHAN YANG BOD KYI MKHAS PA DAG DBANG BZHI'I DON GTAN LA 'BEBS PA 'PHAGS PAS MDZAD PAR 'DOD PA RDZUN MAR BZHED LA, PHYAG RGYA BZHI'I RIM PA 'PHAGS PAS MDZAD ZER BA NI MAN NGA SNYE MA DANG 'GREL BA GRU GZINGS LAS BKAG LA, BLA MA MEE TRI PA RJES 'BRANG DANG BCAS PA RNAMS 'PHAGS PA'I YIN PAR 'DOD DO, ,'PHAGS PA LHAS MDZAD PA

, ,LA, RIM LNGA'I DON 'GREL SPYOD BSDUS SGRON MA NI GRAGS SHIN TU CHE LA, BDAG BYIN GYIS BRLAB PA'I RIM PA NI SLOB DPON AA BHYAS KHUNGS SU DRANGS SO, ,SEMS KYI SGRIB SBYONG NI SEMS DBEN STON PA YIN GSUNG YANG SEMS GTZO BOR STON PA'I SNGAGS KYI GZHUNG YIN YANG GSANG 'DUS KYI SGOS KYI GZHUNG MIN NO, ,'DIR YANG AA BHYA KA RAS KHUNGS SU MDZAD DO, ,MNGON PAR BYANG CHUB PA'I RIM PA SLOB DPON 'DIS MDZAD ZER BA LA, BOD KYI MKHAS PA DAG THE TSOM GYI GZHIR SNANG GSUNG BA LTAR SPYOD BSDUS DANG MI MTHUN PA CHEN PO SNANG BAS KHA GA-YAR RO, ,YANG SLOB DPON 'DIS MDZAD ZER BA'I YA RA LA WA SOGS TSUL GZHIR BSHAD PA DANG, RO BSREG GI CHO GA GNYIS LA'ANG BOD KYI MKHAS PA DAG BRTAG PA'I GNAS SO ZHES BZHED DO, ,DE'I SNGA MA NI SGRON GSAL GYI, JI SRID YA RA LA HA'I BAR, ZHES SOGS TSIGS BCAD GNYIS 'GREL ZHING, SPYOD BSDUS KYI GZHUNG KHUNGS SU DRANGS PA DANG, RDO RJE RTZE MO DANG RDO RJE 'PHRENG BA DANG DGONGS PA LUNG STON RNAMS RTZA RGYUD DU BSHAD DE, SLOB DPON KU LA DHA RAS MDZAD PA'I SGRON GSAL GYI 'GREL BSHAD DU YA RA LA WA SOGS TSUL BZHIR BSHAD PA LOGS SU BKOL BAR SNANG BAS, 'PHAGS PA LHAS MDZAD PA'I DON MED LA, PHYI MA YANG RDZUN MAR MNGON NO, ,GNYIS PA NI, KLU'I BLO 'AM KLU'I BYANG CHUB KYIS MDZED PA LA, BSKYED RIM GTZO CHE ZHING RDZOGS RIM YANG STON PA RNAM GZHAG RIM PA NI SHIN TU GRAGS CHE LA, DKYIL CHOG CHO GA NYI SHU PA NI SGRA GCAN 'DZIN DPAL BSHES GNYEN DANG AA BHY'A KA RA DANG THUGS RJE DPAL ZHABS DANG THUB PA

DPAL BZANG PO SOGS PAndI TA MANG POS KHUNGS SU MDZAD DO, ,STONG PA BZHI GTAN LA 'BEBS PA LAS MTHA' RNAM 'BYED NI SGRON GSAL LAS KHUNGS SU MDZAD LA, DA LTA 'GYUR BA 'DI LA MDOR BSTAN DU RANG BZHIN BRGYA DRUG CUR BSHAD NAS, RGYAS BSHAD DU RANG BZHIN BRGYAD CU TSANG BAR MA BYUNG ZHING, DON BSDUR RANG BZHIN LNGA BCU NGA BZHIR BSHAD SNANG BAS BOD DPE MA DAG PA'AM RGYA DPE MA DAG PA LAS BSGYUR BA'I SKYON YIN PA 'DRA'O, ,SLOB DPON 'DI LA KHA GA-YAR BA MANGS PA'I DON GYIS 'DIS MDZAD ZER BA'I RIM LNGA'I 'GREL PA LA NOR BU'I 'PHRENG BA DANG, DON GSAL BA DANG RIM PA KHONGS SU BSDU BA GSUM SNANG NGO, ,DE'I DANG PO NI BOD KYI BLA MA MANG POS KHUNGS MAR BYED LA, PHYIS KYI MKHAS PA DAG DE DANG DON GSAL GNYIS RDZUN MAR MDZAD DO, ,DE LA DANG PO NI, 'DUS PA'I DON 'CHAD PA LA 'PHAGS PA YAB SRAS DANG MI MTHUN PA MANG DU YOD CING, ZLA GRAGS KYI GZHUNG KHUNGS SU 'DREN PA'I SLOB DPON SENG GE BZANG PO'I SLOB MA SANGS RGYAS YE SHES ZHABS KYI GZHUNG ZLA GRAGS KYIS KHUNGS SU 'DREN PA'I KLU BYANG GI GZHUNG YIN ZER BAR 'GOD PAR SNANG LA, RIM PA GNYIS PA KLU SGRUB DANG DE'I SLOB MA SH'AKYA BSHES GNYEN GNYIS GANG GIS MDZAD MTHA' GCIG TU THAG GCOD MI THUB PAR SNANG PAS, KLU BYANG LA KHA GA-YAR BA 'BA' ZHIG GO ,'GREL PA DON GSAL DES MDZAD ZER BA YANG KHA GA-YAR 'BA' ZHIG GO ,RIM PA KHONGS SU BSDU BA NI BOD KYI MKHAS PA DAG KLU BYANG GI YIN PAR BZHED LA, CHAG LO TZ'A BA KLU BYANG DANG MTSAN MTHUN PA CIG GIS BYAS PAR

, ,BZHED DO, ,'DIS MNGON RTOGS RGYAN DU PHAR PHYIN DRUG PO RE RER DRUG DRUG BSDUS PA BZHIN DU BSKYED RIM NAS ZUNG 'JUG GI BAR GYI RIM PA DRUG TU YANG DRUG DRUG SDUD PA YIN ZER NAS, DE DAG GI 'DUS TSUL BSHAD PA'I TSE DE'I LTAR NA SKABS DE'I RIM PA RE RE SGOM PA'I LAM GYI NANG DU LNGA LNGA BSDU RGYUR SNANG NA'ANG DE'I NGES PA MED PAR DPER NA SEMS DBEN GYI SKABS SU ZLA BA DANG RDO RJE SOGS LAS LHA SKYED PA'I BSKYED RIM GSUNGS PA SEMS DBEN GYI BSKYED RIM DU 'DOD PA SOGS RIM PA DE'I SKABS SU BSHAD PA DANG RIM PA DE NYAMS SU LEN PA'I NYAMS LEN GYI NANG DU 'DU BA GNYIS MA PHYED PAR BSHAD PA MANG PO SNANG BAS KLU BYANG LA KHA GA-YAR BA CIG GIS BYAS SO, ,'ON KYANG 'DI DANG NOR BU'I 'PHRENG BA GNYIS RGYA GAR PA CIG GIS BRTZAMS PAR SNANG NGO, ,SLOB DPON SH'AKYA BSHES GNYEN GYIS MDZAD PA LA, RIM PA GNYIS PA'I GZHUNG GI TSUL NI BSHAD ZIN LA, SPYOD BSDUS KYI 'GREL PA SH'AKYA BSHES GNYEN GYIS MDZAD ZER BA NI SLOB DPON DE DANG MING MTHUN PA TZAM YIN NA NI RUNG LA, 'PHAGS PA'I SLOB MA SH'AKYA BSHES GNYEN LA GOR RE NA NI YE MIN PAR 'DUG GO ,SLOB DPON ZLA BA GRAGS PAS MDZAD PA LA, SGRON GSAL NI GRAGS SHIN TU CHE LA ,'DIS MDZAD PA'I SBYOR BA YAN LAG DRUG NI LE'U BCU GNYIS PA'I SGRON GSAL NAS 'BYUNG BA LEGS SU BKOL BAR SNANG NGO, ,RDO RJE SEMS DPA'I SGRUB THABS LA NI TA TH'A GA TA RAKshI TA DANG, LI LA BADZRA GNYIS KYIS 'GREL PA MDZAD CING,

MA GA TA'I PAndI TA THUB PA DPAL BZANG PO SOGS KYANG ZLA GRAGS KYI GZHUNG DU BZHED DO, ,'DUS PA'I MNGON RTOGS RGYAN RTZA BA RANG 'GREL DANG BCAS PA GNYIS ZLA BA GRAGS PAS MDZAD ZER BA LA BOD KYI MKHAS PA DAG BRTAG PA'I GNAS SO ZHES GSUNG NGO, ,'DI GNYIS RTZOM MKHAN SLOB DPON DE DANG MING MTHUN PA TZAM YIN NA NI RUNG LA, SGRON GSAL MKHAN PO LA GOR RE NA NI KHA GA-YAR BA 'BA' ZHIG BAR SNANG NGO, ,DE LA 'PHAGS PA LHA DANG KLU BYANG DANG SH'AKYA BSHES GNYEN GSUM 'PHAGS PA'I SLOB MAR GRAGS CHE LA, MA TAm GI NI GSANG 'DUS MAR LUGS PA RNAMS 'PHAGS PA'I SLOB MAR BYED DO, ,ZLA BA GRAGS PA NI RJE 'GOS LA SOGS PA BLA MA SNGA MA RNAMS NI 'PHAGS PA'I SLOB MAR MDZAD DO, ,BOD KYI DBU MA PA KHA CIG TSIG GSAL GYI MJUG TU 'PHAGS PAS MDZAD PA'I GZHUNG DANG SLOB MA RNAMS DUS MANG ZHIG NA NYAMS PAS DING SANG GZHUNG LUGS GSAL PO MED CES GSUNGS PAS ZLA BA GRAGS PAS 'PHAGS PA MA ZIN NO ZHES SMRA'O, , RGYU MTSAN DE NI MA NGES TE ZLA BA GRAGS PAS RIG 'DZIN BRNYES NAS YUN RING DU BZHUGS PAR RDO RJE GDAN PA'I GSUNG LAS BYUNG BA PA TSAB LO TZ'A BA'I GTAM RGYUD LAS 'BYUNG BA LTAR YIN PAS, DE'I SKU TSE'I SMAD LA KLU SGRUB KYI SLOB GZHUNG BZANG PO RNAMS NYAMS PA DANG, DES KLU SGRUB LA ZIN PA GNYIS MI 'GAL BA'I PHYIR RO, ,DES NA BOD KYI MKHAS PA DAG DPAL LDAN AA TI SHAS KLU SGRUB SLOB MA ZLA GRAGS SU BSHAD PA LTAR 'PHAGS PA'I SLOB MA YIN NO

, ,GSUNG PA LTAR KHAS BLANG NGO, ,SGRON GSAL LAS KYANG, SANGS RGYAS KUN GYIS RIM GNYIS GNAS KYIS RGYAS BTAB DE NI KLU SGRUB LAS RNYED PA, ,KHYAB BDAG DPAL LDAN RDO RJE SEMS DPAR BTUD TE ZLA BA GRAGS PAS RIM BZHIN BSHAD, ,CES 'DUS PA'I DON RNAMS KLU SGRUB LAS RNYED PAR GSUNGS SHING, SKAL LDAN GRAGS PAS KYANG, DE NI DPAL LDAN KLU SGRUB LAS RNYED PA ZHES BYA BA SMOS TE, DES NI DPAL LDAN KLU SGRUB KYI ZHAL SNGA NAS KYI DNGOS SU SLOB MA NYID DU SO SOR BSTAN GYI BRGYUD PAS NI MA YIN NO, ,ZHES DANG, BRAM ZE SGRA GCAN 'DZIN BZANG PO SA RA HAS KLU SGRUB LA BSHAD CING, DES ZLA BA GRAGS PA LA BSHAD TSUL YON TAN BRJOD PA DANG BCAS PA YANG SGRON MA RAB GSAL LAS, KONG K'A NA YI GRONG KHYER DU, ,DPAL GYI RI BO'I RTZE MOR NI, ,SKYE BOS DBEN PA'I GNAS NYID DU, ,DANG POR DE LA GNAS BYAS NAS, ,MI DANG LHA YI BDAG POR MTSUNGS, ,MCHOG TU GYUR PA'I CHOS GSUNGS PA, , SGRA GCAN 'DZIN GYI ZHAL SNGA NAS, ,SA STENG 'DI LA RGYAL GYUR CIG ,MNYES PA DE LAS DE NYID NI, ,THEG CHEN RNAL 'BYOR PAS THOB PAS, ,SA THOB GZHAN GYI DON LA BRTZON, ,DPAL LDAN KLU SGRUB RGYAL GYUR CIG ,DE LAS DE NYID RIN CHEN NI, ,THOB PAS 'JIG RTEN GSUM DU GRAGS, ,'DUS PA'I RGYA MTSO'I PHA ROL PHYIN, ,ZLA GRAGS GSAL BYED RGYAL GYUR CIG ,CES GSUNGS LA MKHAS PA LAKshIm KA RA'I SLOB MA PIndI TA KU M'A RAS KYANG 'DI DAG GIS NI KLU

SGRUB KYI ZHAL SNGA NAS KYI SLOB MA YIN PA NYID KYIS MAN NGAG DANG LDAN PA NYID DU RAB TU BSTAN TO, ,ZHES SO, ,DES NA N'A RO PA DANG AA BHY'A KA RA DANG THUGS RJE DPAL ZHABS DANG KHA CHE LAG SMI DANG THUB PA DPAL BZANG PO DANG SKAL LDAN GRAGS PA DANG KU M'A RA DAR KU LA DHA RA DANG TA TH'A GA TA RAKshI TA DANG LI LA BADZRA SOGS 'PHAGS PA YAB SRAS KYI RJES SU 'BRANGS NAS 'DUS PA BSHAD PA KUN GYIS KYANG ZLA BA'I ZHABS LA 'PHAGS PA DANG 'DRA BAR YID CHES PA'I GNAS SU BYED PA YIN NO, ,GSUM PA NI, 'PHAGS PA YAB SRAS KYI RJES SU 'BRANG BA'I 'DUS PA'I SKOR RGYA GAR BA GZHAN GYIS MDZAD PA LA, RGYUD PHYI MA'I 'GREL PA GSANG BA'I SGRON ME ZHES BYA BA 'DI DPE KHA CIG LAS RJE N'A RO PAS MDZAD CES 'BYUNG LA, DPE KHA CIG LAS SNYAN GRAGS BZANG POS MDZAD CES 'BYUNG ZHING, DE'I MJUG TU KUN TU BZANG PO NAM MKHA'I SNYING PO SNYAN GRAGS BZANG PO N'A RO PA YE SHES DNGOS GRUB RTZA BSHAD PA RNAMS MTSAN GYI RNAM GRANGS YIN NO ZHES 'BYUNG BA SMRI TIS BSGYUR BA ZHIG YOD DE, SMRI TI NI N'A RO PA DANG YE SHES SNYING PO GNYIS KA'I SLOB MA YIN NO, ,'DUS PA'I MAN NGAG RIM PA LNGA PA ZHES PA GZHUNG CHE BA CIG DANG, DE LAS CHUNG BA RIM LNGA BSDUS PA GSAL BA ZHES BYA BA N'A RO PAS MDZAD CING MAR POS BSGYUR ZER BA GNYIS SNANG BA'I DANG PO NI, SKAS KYI RIM PA LTAR RIM GYIS 'KHRID PA DBANG PO 'BRING RTUL GNYIS KYI LAM DANG, DBANG RNON CIG CAR BA'I LAM DU 'DOD PA SOGS RIM LNGA DANG SPYOD BSDUS DANG 'GAL BA'I NOR PA RAGS PA DU MA SMRA BA ZHIG 'DUG PAS N'A RO PA

, ,LA BOD KHA CIG GIS KHA GA-YAR BYAS PAR SNANG NGO, ,RIM LNGA BSDUS PA GSAL BA 'DI MAR LUGS KYI 'DUS PA'I GDAMS PA MTSUR NAS BRGYUD PA LUGS GNYIS SNANG BA'I GNYIS KAS KHUNGS SU BYED DO, ,BLA MA MAR PA'I GDAMS NGAG PHAL CHE BA LA RGYA GZHUNG GI GZHUNG CHUNG RE 'DUG LA, RIM LNGA'I GDAMS NGAG LA GZHUNG CHUNG ZUR PA MI SNANG ZHING 'DI NYID LA GZHUNG DU BYED PAR SNANG BA DANG, 'PHAGS SKOR GYI GZHUNG CHE BA RNAMS KYI 'ANG DON 'DRIL BA CIG SNANG BAS, MAR LUGS KYI RIM LNGA'I GDAMS NGAG GI RTZA BA'I GZHUNG DU 'DOD PAR BYA'O, ,'DI'I MJUG TU, DPAL LDAN GSANG BA 'DUS PA'I RGYUD, ,'PHAGS PA YAB SRAS RIM BSHAD PA, ,DE NYID DGONGS PA N'A ROS RNYED, ,'GREL PA MKHAN GYIS MI SHES PAS, ,RGYUD RKYANG BSHAD PA BSDUS PA NYID, ,BYIN BRLABS LAM 'DI THUN MONG MIN, ,ZHAS SGRON GSAL LA ZUR ZA BA'I TSIG 'BYUNG BA NI N'A RO PA LA BSTOD RA GTONG 'DOD KYANG GTONG MI SHES PA CIG GIS BCUG PAR SNANG STE, RGYUD PHYI MA'I 'GREL PAR N'A RO PAS, PHYI MA'I RGYUD KYI DON GSAL 'DI, ,SGRON MA GSAL BA'I RJES 'BRANGS NAS, ,KLU SGRUB MAN NGAG BSHAD PA YIN, ,ZHES PA DANG, SLOB DPON KLU SGRUB 'PHAGS PA'I LHA, ,KLU YI BYANG CHUB SH'AKYA'I BSHES, ,ZLA BA GRAGS PA LA SOGS PA'I, ,MAN NGAG RIM PA LA BRTEN NAS, ,BDAG GIS BGYIS ZHES GSUNGS PA'I PHYIR RO, ,'DIS NI MTSUR GYI SLOB MA KHAMS PA RO MNYAM RDO RJE'I RGYUD RKYANG GI t'IKKA'I LUGS LA MCHOG TU 'DZIN PA MANG POS, SGRON GSAL DANG

MI MTHUN PA'I RGYUD RKYANG GI BSHAD PA RNAMS N'A RO PA'I LUGS MCHOG TU SMRA BA YANG BKAG PAR SHES PAR BYA'O, ,PAndI TA AA LAm KA DE BA ZHES KYANG ZER AA LAm KA KA LA SHA ZHES KYANG ZER BAS BSHAD RGYUD RDO RJE 'PHRENG BA'I LE'U ZHE BZHI PA'I PHYED YAN CHAD LA 'GREL PA MDZAD PA NI 'PHAGS PA YAB SRAS KYI RJES SU 'BRANG BA'O, ,MDOR BYAS KYI 'GREL PA RIN CHEN 'PHRENG BA ZHES PA SH'ANTI PAS MDZAD ZER BA LA, BOD KYI MKHAS PA DAG KHA GA-YAR DU BZHED DE MING MTHUN PA MIN NA DE LTAR RO, , MDOR BYES KYI DKA' 'GREL BI BH'A TAS MDZAD PA DANG, MDOR BYAS DANG BCAS PA'I RIM LNGA'I 'GREL PA LA AA BHY'AS MDZAD PA'I ZLA BA'I 'OD DANG, NAG PO DAM TSIG RDO RJES MDZAD PA'I DKA' 'GREL DANG, BHA BYA K'IRTIS MDZAD PA'I DKA' 'GREL GSUM MO, ,RIM PA GNYIS PA MA GTOGS PA MDOR BYAS DANG RIM PA BZHI PA'I 'GREL PA RNAL 'BYOR PA'I YID 'PHROG THUB PA DPAL BZANG POS MDZAD PA DANG, RIM LNGA'I DKA' 'GREL BRTZON 'GRUS BZANG POS MDZAD PA DANG, KHA CHE'I MKHAS PA LAG SMIS MDZAD PA'I RIM LNGA'I 'GREL BA DANG, SNGAR BSHAD PA'I KHA GA-YAR BYAS PA RNAMS KYANG 'PHAGS SKOR RO, ,SPYOD BSDUS KYI 'GREL PA DANG, RDO RJE SEMS DPA'I SGRUB THABS KYI 'GREL PA GNYIS NI SNGAR BSHAD ZIN NO, ,SGRON GSAL GYI 'GREL BSHAD SGRON MA RAB GSAL DANG, SGRON GSAL GYI MDOR BSHAD SNYING GI ME LONG DANG, SGRON GSAL GYI 'GREL BSHAD THUGS RJE DPAL ZHABS KYIS MDZAD PA DANG, SGRON GSAL GYI BSHAD SBYAR KU LA DHA RAS MDZAD PA DANG,

, ,SGRON GSAL GYI DKA' BA BTUS PA'I BSHAD PA LEGS LDAN 'BYED KYIS MDZAD PA 'DI LEGS LDAN 'BYED SHES RAB SGRON ME RTZOM PA PO DANG MING MTHUN PA ZHIG GO ,SGRON GSAL GYI 'GREL BSHAD A'AR+YA DE BAS BYAS ZER BA YANG 'PHAGS PA LHA DANG MING MTHUN PA ZHIG STE, SDOG A'AR+YA DE BA MIN PAR SNANG NGO, ,'DI DANG KLU BYANG LA KHA GA-YAR BA'I 'GREL PA DON GSAL GNYIS BOD MA YIN PA 'DRA'O, ,DGONGS PA LUNG STON NAS GSUNGS PA'I RDO RJE'I BZLAS PA'I BSHAD PA DANG, RGYAN BDUN RNAM PAR DGROL BA SHR'ADDHAS MDZAD PA DANG, SGRA DBYANGS BCU GCIG PAS MDZAD PA'I RDO RJE 'CHANG GI LAM RIM DANG, SGRA GCAN 'DZIN DPAL BSHES GNYEN GYIS MDZAD PA'I DKYIL CHOG DANG, DAM TSIG RDO RJES MDZAD PA'I DKYIL CHOG DANG, RDO RJE SEMS DPA'I MCHOD CHOG RNAMS KYANG 'PHAGS SKOR RO, ,SA 'DIS MKHAS GRUB BRGYA STONG GI ,RIN CHEN KHUR CHEN 'DZIN PA'I TSE, ,'BAD PA DU MAS DE RNAMS KYI, ,SPYAN SNGAR SO SO'I LEGS BSHAD LEN; ;DUS KYI DBANG GIS DE NYAMS TSE, ,DE DAG RNAMS KYI THUGS KYI BCUD, ,YI GER BKOD PA'I GZHUNG MANG RNAMS, ,BLA MA'I MAN NGAG LA BRTEN NAS, ,LEGS PAR SBYANGS TE LEN PA NI, ,DE YI DOD DU MKHAS PAS SHES, ,DES NI YANG DAG LTAR SNANG GI ,LAM GYI DBYE BA JI BZHIN PHYED, ,CES PA NI BAR SKABS KYI TSIGS SU BCAD PA'O, ,LNGA PA NI, MNGA' RIS SU DPAL LDAN AA TI SHAS SGRON GSAL GSUNGS SHING, ,DE NAS RIM GYIS BRGYUD PA'I RIM LNGA'I GDAMS

NGAG YOD LA, SKYES MCHOG RIN CHEN BZANG POS RTZA RGYUD DANG DGONGS PA LUNG STON SOGS KYI RGYUD DANG, 'PHAGS PA YAB SRAS LNGA'I GZHUNG MANG PO LA GZHI 'GYUR MDZAD CING GTAN LA PHAB STE, DE'I BSHAD SROL RING DU MA BYUNG BAR 'DUG ,BLA MA MAR PA LA GSANG 'DUS KYI BSHAD SROL BDUN YOD PAR GRAGS SHING, N'A RO PA LA KHA CHE AA KA RA SIDDHI DANG MNYAM DU SGRON GSAL BSLABS SNANG NA'ANG BOD DU SGRON GSAL GYI BSHAD PA MA TSUGS LA, RIM LNGA'I GDAMS NGAG GI DAR RGYAS CHE BAR BYUNG NGO, ,RJE 'GOS KYIS RGYA GAR DU LAN BCU GNYIS BYON NAS SPYIR PAndI TA'I BLA MA BDUN CU DANG MKHA' 'GRO MA'I BLA MA GNYIS BSTEN ZHING, KHYAD PAR DU 'PHAGS LUGS KYI 'DUS PA RTZAD GCOD PA LA, BHANGGA LA'I MKHAS PA MNGON SHES CAN, ZA HOR GYI MKHAS PA BTZUN MO CAN, KONGKA NA'I MKHAS PA SPRIN GYI SHUGS CAN, KHA CHE KHRI BRTAN GYI MKHAS PA TZANDA HA RI, 'JAM PA'I DBYANGS KYIS BYIN GYIS BRLABS PA DZNY'A NA KA RA, BAL PO MTHIL GYI TZA HA DU, BAL PO RDZONG GI N'A GA KO tI, PAndI TA SA RA HA PA, RDO RJE GDAN GYI MKHAS PA NAG PO DAM TSIG RDO RJE, BRI KA MA LA'I MKHAS PA D'I PAm KA RA SHR'I DZNY'A NA RNAMS BSTEN TE PHYI MA GNYIS LA BOD DU GSAN NO, ,DE RNAMS LA 'PHAGS SKOR LNGA'I GZHUNG LA BRTEN PA'I GZHUNG BSHAD; ;DBANG MAN NGAG GI SKOR RNAMS LEGS PAR GTAN LA 'BEBS PA MDZAD LA, MNGON SHES CAN DANG BTZUN MO CAN DANG NAG PO PA GSUM LA MCHOG GI BLA MAR MDZAD CING, ,GZHUNG BSHAD DANG GDAMS PA YANG DE GSUM GYI LUGS

, ,LA GTZO BOR MDZAD DO, ,BLA MA 'DI LA 'DUS PA'I 'PHRIN LAS ZHUGS PAS SKU TSE'I STOD DANG BAR DANG SMAD KYI MKHAS PA BZHI BZHI LA SOGS PA BSHAD SROL 'DZIN PA'I SLOB MA DU MA ZHIG BYUNG ZHING BSHAD RGYUN YANG DING SANG GI BAR DU GNAS SO, ,DZNY'A NA KA RA NAS NAG TSOL BRGYUD PA'I RIM LNGA'I GDAMS NGAG KYANG YOD DO, ,GZHAN YANG PA CHAB LO TZ'A BAS KYANG GSANG 'DUS 'PHAGS SKOR LA SBYANGS NAS GZHUNG MANG PO LA 'GYUR MDZAD PA DANG, SNGAR BSHAD PA'I SGRON GSAL GYI 'GREL BSHAD LA SOGS PA BSGYUR BA'I LO TZ'A BA DE RNAMS KYIS KYANG DANG POR BSHAD PA RE BYUNG TSOD DU 'DUG STE YUN RING BAR MA BYUNG 'DUG ,SHUD PU LO TZ'A BA DANG, CHAG LO TZ'A BAS KYANG BOD DU 'GOS KYI BSHAD SROL LA SBYANGS SHING, PAndI TA'I BLA MA LA YANG GTUGS NAS 'PHAGS SKOR GYI BSHAD PA MDZAD PA'I SROL YOD DO, ,DE LTAR RGYA GAR NAS BOD DU BYUNG BA'I GSANG 'DUS 'PHAGS LUGS LA RGYUD KYI BSHAD SROL GZHAN MANG DU SNANG NA'ANG RJE RIN PO CHE 'GOS KYI BSHAD SROL NYID DE RNAMS KYI MCHOG NYID DU MTHONG NGO, DRUG PA LA GNYIS, THEG PA CHEN PO GNYIS THUN MONG NGAM LAM SPYI LA BSLAB TSUL DANG, THUN MONG MA YIN PA'AM BYE BRAG PA 'DUS PA'I LAM LA BSLAB TSUL LO, ,DANG PO NI, RDO RJE THEG PA LA THOG MAR 'JUG PA'I RTEN NI, RGYUD RDO RJE 'PHRENG BA LAS, SLOB MA YON TAN GANG LDAN NA, ,RNAL 'BYOR RJE 'PHRENG BA LAS, SLOB MA YON TAN GANG LDAN NA, ,RNAL 'BYOR MA LA YANG GUS, ,RTAG TU DGE BA'I LAS LA GNAS, ,RTOG

PA NGAN PA RNAM PAR SPANGS, ,LUNG NI MANG DU THOS PA DANG, ,GSOD PA DANG NI 'TSE BA SPANGS, ,SEMS CAN RNAMS NI GDON PA'I BLOS, ,KUN TU BRTZON DANG YANG DAG LDAN, ,DE LA SOGS PA'I YON TAN LDAN, ,DAD PA CHEN PO'I SLOB MA BZANG, , ZHES GSUNGS SHING, SNOD RUNG GI YON TAN DANG MI LDAN PA LA BSTAN NA SLOB MA 'DI PHYIR PHUNG BA DANG, SLOB DPON GYI RGYUD LA LAM MYUR DU SKYE BA SOGS KYI SGO NAS DNGOS GRUB 'THOB PA YUN RING DU 'GYANG BAR GSUNGS TE, DE NYID LAS, JI LTAR SENG GE'I 'O MA NI, ,SA YI SNOD DU GZHAG MI BYA, ,DE BZHIN RNAL 'BYOR CHEN PO'I RGYUD, ,SNOD MIN DAG LA SBYIN MI BYA, ,SLOB MA SKAD CIG DE LA 'CHI, ,'DI DANG PHA ROL TU NI PHUNG, ,SNOD MIN MAN NGAG RAB BSHAD NA, ,SLOB DPON DNGOS GRUB NYAMS PAR 'GYUR, ,ZHES GSUNGS SO, ,DE YANG SLOB MA'I LUS RTEN GYI MTSAN NYID RNAMS GSAR DU BSGRUB MI DGOS MOD KYANG BSAM PA'I RTEN GYI YON TAN CHOS LA DAD CING BLA MA LA GUS PA DANG, RGYUN DU DGE BA'I LAS LAM BCU LA GNAS PA DANG, LUNG GI CHOS LA THOS PA DANG LDAN PA DANG, 'GRO BA 'DON PAR 'DOD PA'I BSAM PA DRAG POS DE'I KUN SPYOD LA BRTZON PA SOGS KYI MTSAN NYID RNAMS NI LAS DANG PO PA RNAMS LA RANG 'KHRUNGS SU MI 'BYUNG BAS BLO SBYANGS NAS GSAR DU BSKYED DGOS LA, DE THOG MA'I SNOD RUNG DU SNANG BAS SNGAGS KYI THEG PAR ZHUGS ZIN NAS SKYED PA MIN NO, ,DE'I PHYIR SNOD RUNG GI CHOS DE DAG NI THEG CHEN PA GNYIS THUN MONG BA'I LAM LA BLO SBYANGS NAS SKYED PA YIN NO, ,LAG NA RDO RJE DBANG

, ,BSKUR BA'I RGYUD LAS KYANG, BYANG CHUB SEMS DPA' CHEN PO GZUNGS SNGAGS CHEN PO'I DKYIL 'KHOR SHIN TU RGYA CHE BA 'DI DANG SHIN TU ZAB PA 'DI DANG GTING DPAG DKA' BA DANG, GSANG BA BAS KYANG CHES GSANG BA SEMS CAN SDIG PA CAN RNAMS LA BSTAN DU MI RUNG BA 'DI NI LAG NA RDO RJE KHYOD KYIS SHIN TU DKON PA ZHIG SMRAS TE, 'DI NI SNGON MA THOS NA 'DI SEMS CAN JI LTA BU DAG LA BSHAD PAR BYA, LAG NA RDO RJES SMRAS PA, 'JAM DPAL GANG DAG BYANG CHUB KYI SEMS SGOM PA LA ZHUGS PA DANG, GANG GI TSE DE DAG GI BYANG CHUB KYI SEMS GRUB PAR GYUR PA DE'I CHE 'JAM DPAL BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA'I DE DAG YE SHES CHEN POR DBANG BSKUR BA'I GZUNGS SNGAGS KYI DKYIL 'KHOR DU GZHUG PAR BYA'I, GANG DAG GI BYANG CHUB KYI SEMS RDZOGS PAR MA GYUR PA DE DAG NI GZHUG PAR MI BYA STE, DE DAG NI DKYIL 'KHOR YANG BLTAR MI GZHUG GO ,DE DAG LA NI PHYAG RGYA DANG GSANG SNGAGS KYANG BSTAN PAR MI BYA'O, ,ZHES BYANG CHUB KYI SEMS RDZOGS PAR MA SBYANGS PA LA DBANG BSKUR DU MI RUNG BAR GSUNGS SHING, BLA MA LNGA BCU PA LAS KYANG, BSAM PA DAG PA'I SLOB MA NI, ,DKON MCHOG GSUM LA SKYABS SONG LA, ,BLA MA'I RJES SU 'JUG PA 'DI, ,KHA TON BYA BAR SBYIN PAR BYA, ,DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,ZHES BSAM PA DAG PA

STE BYANG CHUB KYI SEMS SBYANGS BA DANG, THUN MONG MA YIN PA'I SKYABS 'GRO DANG LDAN PA LA, BLA MA LNGA BCU PA'I SGO NAS SNGAGS KYI BLA MA BSAM SBYOR GYIS BSTEN TSUL BYIN PA'I 'OG TU DBANG GIS SNOD RUNG DU BYA BAR GSUNGS SO, ,SPYOD BSDUS LAS KYANG, DE'I RIM PA YANG 'DI YIN TE, THOG MA NYID DU NI SANGS RGYAS KYI THEG PA'I BSAM PA LA BSLAB PO, ,GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE, THEG PA GSAR PA DRAN PA GCIG PA'I TING NGE 'DZIN LA BSLAB BO, ,ZHES 'DUS PA'I LAM DU 'JUG PA LA RIM GYIS BSRAB DGOS KYI CIG CAR DU MA YIN NO ZHES BSGRUBS PA'I 'OG TU RIM GYIS SLOB TSUL LA, THOG MAR SANGS RGYAS KYI THEG PA STE THEG PA CHEN PO'I BSAM PA BYANG CHUB KYI SEMS LA BSLAB PAR GSUNGS SO, ,SMON 'JUG GI BYANG CHUB KYI SEMS RDZOGS PAR SBYONG TSUL NI JO BO CHEN PO'I MAN NGAG LAS 'BYUNG BA 'DI YIN TE, THOG MAR THEG PA CHEN PO'I BSHES GNYEN MTSAN NYID DANG LDAN PA CIG LA BSAM PA DANG SBYOR BAS BSTEN PA TSUL BZHIN DU BYA'O, ,DES KYANG DAL BA DON CHE BA DANG RNYED DKA' BA'I TSUL BSTAN TE BLO SBYANGS PAS DAL BA'I RTEN LA SNYING PO LEN 'DOD CHEN PO SKYES PA NA, SNYING PO LEN PA'I MCHOG NI THEG CHEN DU 'JUG PA NYID MCHOG YIN LA, DE'I 'JUG SGO YANG BYANG CHUB KYI SEMS NYID YIN TE, DE YANG DAG PA CIG RGYUD LA YOD NA DE'I THEG CHEN PA YANG BCAS MA MA YIN PAR 'GYUR LA, DE TSIG TZAM DU SONG NA THEG PA CHEN PO PA YANG TSIG TZAM DU 'GRO BA'I PHYIR RO, ,DE LTAR NA SHES RAB CAN GYIS

, ,SEMS DE'I MI MTHUN PA'I PHYOGS RIM GYIS BSAL NAS MTSAN NYID TSANG BA CIG BSKYED PAR BYA'O, ,DE LA YANG THOG MAR TSE 'DI LA BLO MA BZLOG NA THEG PA CHE CHUNG GANG GI YANG LAM GYI GEGS YIN PAS TSE 'DIR RING DU MI GNAS PA'I 'CHI BA DRAN PA DANG, SHI BA'I 'OG TU NGAN 'GROR 'KHYAM PA'I TSUL RNAMS BSAMS NAS TSE 'DI LA BLO BZLOG PAR BYA'O, ,DE NAS 'JIG RTEN PHYI MA'I PHUN TSOGS LA SRID PA'I BLO YANG 'KHOR BA MTHA' DAG GI NYES DMIGS LEGS PAR BSAM TE BZLOG NAS YID THAR PA LA PHYOGS PAR BYA'O, ,DE'I 'OG TU RANG NYID ZHI BDE'I SEMS BZLOG PA'I PHYIR DU BYAMS PA DANG SNYING RJE DANG DE'I RTZA BA CAN GYI BYANG CHUB KYI SEMS LA RING DU SBYANGS NAS BCOS MA MA YIN PA'I BYANG CHUB KYI SEMS SBYANG BAR BYA'O, ,DE NAS BYANG CHUB SEMS DPA'I SPYOD PA RNAMS SHES PAR BYAS LA SLOB 'DOD BSKYED DE, RGYAL SRAS KYI SPYOD PA'I KHUR GZUNG BAR NUS PA NA, BYANG SEMS KYI SDOM PA BZUNG NAS DE'I BSLAB BYA LA BSLAB PAR BYA'O, ,DE NAS RDO RJE THEG PA'I DAM TSIG DANG SDOM PA'I KHUR GZUNG BAR NUS PA NA, BLA MA LNGA BCU PA MNYAN NAS BLA MA'I BSTEN TSUL RNAMS DAG PAR BYAS NAS SNGAGS LA 'JUG PAR BYA'O, ,DE LTAR BYED PA LA DGONGS NAS GSANG 'DUS 'PHAGS LUGS PA CHEN PO SGRA GCAN 'DZIN DPAL BSHES GNYEN GYIS KYANG, DE LA 'DI YI RIM PA NI, ,TSES DANG RGYU SKAR SOGS DGA'I TSE, ,SLOB MAS THAL SBYAR BTUD PA YIS, ,SDIG PA THAMS CAD BSHAGS BYA STE, ,SKYABS GSUM GZUNG BA NYID DU BYA, ,BYANG

CHUB SEMS NI LEGS BSTEN TE, ,DGE BSNYEN SDOM PA NYID DANG YANG, ,BYANG CHUB SEMS DPA'I SDOM PA DANG, ,DE NAS GSO SBYONG NYID KYANG BLANG, ,'DI YI RJES MTHUN RIM PA YANG, ,RDO RJE SLOB DPON TSUL DAM PAR, ,BSTEN TE 'DIR NI GZHUNG MANGS PAS, ,'JIGS PA'I PHYIR NI MA BRIS SO, ,DE LTAR BYAS NAS BLA MA LA, ,BDAG LA DBANG BSKUR STZOL ZHES GSOL, ,ZHES DBANG GI SNGON DU SO THAR DANG BYANG SEMS KYI SEMS BSKYED DANG SDOM PA BZUNG NAS DE NAS BLA MA LA DBANG SKUR GYI DON DU GSOL BA GDAB PAR GSUNGS SO, ,DGE BSNYEN DANG DE'I GSO SBYONG BSNYEN GNAS NI KHYIM PA'I DBANG DU BYAS KYI, SNGAGS LA 'JUG PA'I RAB BYUNG GIS NI DGE TSUL LA SOGS PA'I SDOM PA YONGS SU DAG PAR BYA DGOS SO, ,'DI NI RDO RJE RTZE MO LAS KYANG GSUNGS TE, SROG GCOD RKU DANG 'KHRIG PA DANG, ,RDZUN DANG MYOS BYED RNAM PAR SPANG, ,KHYIM PA'I SDOM PA LA GNAS NAS, ,DE TSE RIG PA'I RGYAL PO BSGRUB, ,GAL TE DE NI RAB BYUNG GYUR, ,SDOM PA GSUM LA YANG DAG GNAS, ,SO SOR THAR DANG BYANG CHUB SEMS, ,RIG 'DZIN SDOM PA MCHOG YIN NO, ,ZHES GSUNGS SO, ,THEG PA THUN MONG GI LAM GYI RIM PA SNGAR BSHAD PA 'DI DAG LA LEGS PAR MA SBYANGS NA, TSE 'DI'I 'KHRI BA MI CHOD PAS CHOS BYED 'DOD BRTAN PO MI 'BYUNG, DAD PA KHA ZHE MED PA MI SKYE BAS SKYABS GNAS LA BLO LINGS SKYUR MI 'ONG, LAS 'BRAS LA NGES PA BRTAN PO MI RNYED PAS SDOM PA GANG GI'ANG BSRUNG SDOM ZHIB MO MED PA'I

, ,RTZING CHOS PAR 'GRO, 'KHOR BA LA ZHEN LOG RNAL MA MI SKYE BAS THAR PA DON GNYER GO BA TZAM DU ZAD, BYAMS PA DANG SNYING RJE'I RTZA BA CAN GYI SMON SEMS MA BCOS PA MI SKYE BAS THEG CHEN PA MING DU 'GRO ,BYANG SEMS KYI SPYOD PA SPYI LA SLOB 'DOD DRAG PO MI 'BYUNG BAS 'JUG SDOM RNAL MA MI SKYE, ZHI GNAS DANG LHAG MTHONG SPYI'I GO BA RNAM DAG MI 'CHAGS PAS TING NGE 'DZIN PHRA MO LA'ANG 'KHRUL ZHING, BDAG MED KYI LTA BA LA NGES PA MI SKYE BAS DE RNAMS SU MA SONG BA 'DOD NA THEG CHEN GNYIS KYI SPYI'I LAM LA SBYANG BAR BYA'O, ,'DI NI RJE BTZUN BYAMS PA NAS THOGS MED DANG, RJE BTZUN 'JAM DBYANGS NAS KLU SGRUB DANG ZHI BA LHA LA BRGYUD PA'I CHU BO GSUM 'DRES KYI GDAMS PA RDO RJE THEG PA DANG PHAR PHYIN GYI THEG PA GANG GI SGOR 'JUG KYANG BYA DGOS PAR JO BO CHEN PO BZHED DO, ,'O NA GSANG 'DUS PA'I BOD KYI BLA MA RNAMS KYANG BZHED DAM SNYAM NA, BSKYED RDZOGS GNYIS KA'I SNGON 'GROR STONG PA NYID RTOGS PA'I LTA BA DANG, SNYING RJE'I RTZA BA CAN GYI BYANG CHUB KYI SEMS SBYONG BA SNGAR DRANGS PA'I SPYOD BSDUS KYI LUNG DON YIN PAR RJE 'GOS KYIS KYANG BSHAD LA, MAR LUGS KYI RIM LNGA'I GDAMS PA DON BZHI MA LAS KYANG LAM SGRUB PA'I RTEN LA DKON MCHOG GSUM LA SKYABS SU SONG BA, LAS 'BRAS RNAM SMIN LA YID CHES PA, DGE BA BCU LA GOMS PA, THUN MONG GI SKYABS SU 'GRO BA SNGON DU SONG NAS SO SOR THAR PA'I SDOM PA BLANGS PA THUN MONG MA YIN PA'I SKYABS 'GRO SNGON DU SONG BAS SMON 'JUG GNYIS KYI

SEMS DANG LDAN PA, DBANG YONGS SU RDZOGS PA'I RNAL 'BYOR PAS BSGRUB DGOS PAR BSHAD CING, DE DAG GI SGO NAS BLO 'KHRID TSUL ZHIB TU STON PA LA LAM RIM GYI MING BTAGS PA YIN PAS, SNGON GYI 'DUS PA'I LAM LA SLOB PA'I BOD KYI BLA MA RNAMS LA LUGS DE MED PA MIN NO, ,LAM GYI LUS YONGS SU RDZOGS PA RE LA GO BA LEGS POR CHAGS NAS NYAMS SU LEN PA NI LAM RDZOGS PAR BGROD PA'I GZHI TSANG BAR THINGS PA YIN PAS GZHAN DANG MI 'DRA LA, LAM THUN MONG BA LA BSLAB TSUL NI GZHAN DU RGYAS PAR BSHAD ZIN TO, ,GNYIS PA LA BZHI, RIM GNYIS KYI LAM GYI SNOD RUNG DU BYA BA DANG, SNOD DU GYUR NAS DAM TSIG DANG SDOM PA DAG PAR BYA BA DANG, DAM TSIG DANG SDOM PA DAG NAS LAM JI LTAR BSGOM PA DANG, BSGOMS PA'I MTHAR 'BRAS BU JI LTAR 'THOB PA'I TSUL LO, ,DANG PO NI, RGYUD SDE NAS GSUNGS SHING TSAD LDAN GYIS DE'I DON BKRAL BA'I DBANG GI TSOGS SLOB DPON MTSAN NYID DANG LDAN PAS SNOD LDAN GYI SLOB MA LA DBANG BSKUR BAS NI SNGAGS KYI CHOS KYI SGO 'BYED CING, LAM RGYUD LA SKYE BA DANG 'BRAS BU 'GRUB PA'I RTEN 'BREL THAMS CAD PHYIN CI MA LOG PAR SGRIG PA YIN PAS, SNGAGS LA 'JUG PA'I DANG PO'I SNOD RUNG DU SONG ZIN PA'I 'OG TU RNAM PAR DAG PA'I DBANG GIS SNGAGS KYI LAM NYAN PA SOGS LA DBANG BA'I SNOD RUNG GNYIS PAR BSGRUB PAR BYA STE, DE'I TSUL YANG GZHAN DU BSHAD ZIN TO, ,GNYIS PA NI, DBANG BSKUR BA'I DUS SU BLA MA DANG SANGS RGYAS DANG BYANG CHUB SEMS DPA' THAMS CAD DBANG DU BTZUGS

, ,NAS, DE DAG GI SPYAN SNGAR SRUNG BAR KHAS BLANGS PA'I DAM TSIG DANG SDOM PA SRUNG BA'I TSUL SHES NAS, SRUNG BA NYAMS 'OG TU TSUD PA CIG LAM SGOM PA'I SNGON DU MED DU MI RUNG LA, DE'I TSUL YANG BLA MA LNGA BCU PA DANG, SDOM PA GZUNG BA DANG, BSGRAG PA'I GZHUNG DANG, RTZA LTUNG DANG SBOM PO'I RNAM BSHAD DU RGYAS PAR BSHAD ZIN PA LAS SHES PAR BYA'O, ,DBANG RNAM DAG DANG DAM TSIG GI SKOR GYI NYAMS LEN RNAMS RIM PA GNYIS LA 'KHRID PA'I SNGON 'GRO YIN PA LA NGES PA RNYED NA BLA MA'I RNAL 'BYOR DANG YIG BRGYA DANG MAndALA SNGON 'GROR BYED PA DE'I ZHAR LA 'BYUNG ZHING, PHYI MA TZAM LA NGES PA RNYED PAS NI SNGA MA'I GO BA YANG MI 'CHAGS PAR SNANG BAS SNGA MA LA 'BAD PAR BYA'O, ,GSUM PA LA GSUM, RIM GNYIS KYI GO RIM NGES PA DANG, GO RIM CAN GYI RIM GNYIS BSGOM TSUL DANG, RIM GNYIS LA BOGS 'BYIN PA'I THABS SPYOD PA'O, ,DANG PO NI, MCHOG 'DOD PA'I GANG ZHAG GIS BSKYED RIM MI SGOM PA YANG MIN LA; BSGOM PA'I RIM PA YANG SNGON DU BSKYED RIM LA LEGS PAR SBYANGS NAS PHYIS RDZOGS RIM LA 'JUG PA YIN TE RIM LNGA LAS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES RIM PA NGES PA CAN DU MDZAD CING, DE'I DGONGS PA RGYAS PAR BSHAD PA'I PHYIR RIM LNGA'I DON 'GREL SPYOD BSDUS LAS KYANG, BDAG CAG LTA BU'I SO SO SKYE BO PHYI ROL GYI

DNGOS PO SNA TSOGS PA LA MNGON PAR ZHEN PAS, YOD PA DANG MED PA DANG, GCIG DANG DU MA DANG, GNYIS DANG GNYIS KA MA YIN PA DANG, YOD PA YANG MA YIN MED PA YANG MA YIN PA DANG, RTAG PA DANG CHAD PA LA SOGS PA'I RANG BZHIN GYI BAG CHAGS KYI RGYUS RNAM PAR RTOG PA LA MNGON PAR ZHEN PA LA ZHUGS PA RNAMS KYIS RDZOGS PA'I GO RIMS KYI TING NGE 'DZIN LA SLOB PA NA, GO RIM JI LTA BA BZHIN DU BSLAB PAR BGYI'AM YANG NA BLA MA'I MAN NGAG TZAM GYIS DE DAG SKAD CIG TZAM GYIS SO SOR SNANG BAR BGYI, RDO RJE SLOB DPON GYIS SMRAS PA, RIM GYIS 'JUG PAS BSLAB PAR BYA'I CIG CAR NI MA YIN NO, ,ZHES THOG MA MED PA NAS MTHA' BZHI'I MNGON ZHEN GYI BAG CHAGS KYI DBANG GIS YUL LA MNGON PAR ZHEN PA RNAMS KYIS RDZOGS RIM LA SLOB PA NA LAS DANG PO PA'I SA NAS RIM GYIS BSLAB DGOS SAM, YANG NA DE 'DRA MI DGOS PAR BLA MA'I MAN NGAG ZAB PA CIG GIS CIG CAR DU BSLABS PAS CHO GA 'DRI BA LA, DE'I LAN DU RIM GYIS SLOB PA MA GTOGS PA CIG CAR DU 'JUG PA'I SGO MED CES GSUNGS NAS, DE'I SHES BYED DU LANG KAR GSHEGS PA DANG DPA' BAR 'GRO BA'I MDO GNYIS DRANGS NAS BSGRUBS SO, ,DES NA LAM 'DIR 'JUG PA'I GDUL BYA'I BZANG SHOS RIN PO CHE LTA BU LA YANG LAS DANG PO BA'I GNAS SKABS SHIG MED NA NI LAM LA MA BLTOS PAR DANG PO NAS GROL BA'I SKYON DU 'GYUR BAS LAS DANG PO BA'I SKABS 'DOD DGOS SO, ,DE LA NI SPYOD BSDUS LAS, SEMS

, ,CAN DANG PO'I LAS CAN RNAMS, ,DAM PA'I DON LA 'JUG PA LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES GSUNGS PA LTAR BYA DGOS SO, ,'ON TE SKYE BA SNGA MA MANG POR LAm 'OG MA SBYANGS PA'I MA THU LDAN 'GA' ZHIG LAM 'OG MA RNAMS NAS 'KHRID MI DGOS PAR GONG MA NAS KHRID PAS CHO GA PA LA BSAMS NAS CIG CAR PAR SMRA NA NI, MTHONG LAM SKYE BA LA TSOGS SBYOR GYI LAM SNGON DU 'GRO DGOS MI DGOS DPYOD PA NA, TSOGS SBYOR SNGON DU 'GRO MI DGOS PA'I RGYU MTSAN DU MTHONG LAM THOB ZIN NAS SNGON DU 'GRO MI DGOS ZHES SMRA BA DANG 'DRA BAS BZHAD GAD KYI GNAS SO, ,DES NA CHU'I PHA ROL TU SLEB NAS GZINGS 'JOG KYANG DER SLEB SLEB TU BSTAN DGOS PA LTAR, RNAL MA MA BCOS PA'I RDZOGS RIM GYI RTOGS PA THOB NAS BSKYED RIM 'DOR BA YIN KYANG ,DE THOB PA LA BCOS MA'I BSKYED RIM SGOM DGOS PAS LAS DANG PO PA LA BSKYED RIM SHIN TU BSNGAGS SHING GAL CHE BA YIN TE, RDO RJE MKHA' 'GRO LAS, RNAL MA'I SBYOR BA RTOGS BYA'I PHYIR, ,BCOS MA YI NI BSGOM PA DANG, ,BCOS MA YI NI BZLAS PA BYA, ,RNAL MA'I SBYOR BA RTOGS GYUR NA, ,BCOS MA'I SBYOR BA PHYI ROL PAS, ,RNAL MA'I SBYOR BA RTOGS GYUR BAS, ,BCOS MA DAG NI MI BYA'O, ,DPER NA GZINGS LA 'JUG NAS NI, ,CHU YI PHA ROL 'GRO BAR BYED, ,PHA ROL PHYIN NAS 'DOR BA LTAR, ,BCOS MA DAG KYANG DE BZHIN NO, ,DKYIL 'KHOR LA SOGS LAS GANG NI, ,BCOS MA'I SEMS

KYIS GANG BYED PA, ,PHYI ROL LAS RNAMS GSAL BYED PAS, ,DANG PO'I LAS CAN RNAMS LA BSNGAGS, ,DNGOS GRUB DE KUN 'DIR GNAS PAS, ,RGYAL BA'I DNGOS NYID RIG LA MIN, ,ZHES GSUNGS SHING ,GROL BA'I THIG LE DANG DPYID KYI THIG LER YANG DE LTAR GSUNGS LA, DE RNAMS SU BCOS MA'I BYA BA LA 'BAD PAS NI THAR PA MI 'THOB PAS SDUG BSNGAL GYI NYON MONGS PA 'BA' ZHIG BYED DO ZHES GSUNGS PA'I DON NI, RDZOGS SE RIM MI SGOM PAR LAM DE TZAM ZHIG LA 'BAD NA DE LTA BUR 'GYUR ZHES PA'I DON YIN GYI BYANG CHUB 'DOD PAS DE DAG MI BSTEN ZHES PA'I DON MIN TE GZENGS KYI DPE DON GYIS SHES SO, ,DES NA CHU'I PHA ROL NAS GZINGS 'DOR BA'I LUNG CHU'I TSU ROL NAS 'DOR BA'I KHUNGS SU MA BYED CIG ,'O NA RIM GNYIS KYI GO RIM RNAMS NGES PAR BYED PA RGYUD KYI LUNG GIS SGRUB PAR RIGS PA LA, MDO SDE'I LUNG GIS SGRUB PA CI YIN SNYAM NA, MDO SNGAGS GNYIS LA LAM MYUR BUL YOD KYANG LAS DANG PO PA'I SA NAS RIM CAN DU 'JUG DGOS PAR 'DRA BA RTOGS PA'I DON DU MDZAD DO, ,RIM GNYIS RIM CAN DU RGYUD LAS GSUNGS PA NI RDO RJE 'PHRANG BA LAS, DE TSE THOG MAR SBYOR BA DRUG ,RNAL 'BYOR RIG PAS MCHOG TU BSGRUB, ,DE NAS DBYANGS MED YI GE HA, ,SHIN TU RGYA CHER BZLAS PAR BYA, ,ZHES GSUNGS TE RNAL 'BYOR DRUG NI, DANG PO SBYOR BA LA RNAL 'BYOR DANG RJES SU RNAL 'BYOR SOGS BZHI DANG ,DKYIL 'KHOR RGYAL MCHOG DANG LAS RGYAL MCHOG DRUG DANG, DBYANGS MED KYI YI GE BZLA BA RDO RJE BZLAS PA LA BSHAD DO, ,GSANG BA GRUB PA LAS KYANG ,DPAL

, ,LDAN 'DUS PA YONGS GSAL BAS, ,'GRO BA'I MGON GYIS GANG GSUNGS PA'I, ,GONG MA GONG MA'I LAM NYID KYI, ,BSGOM PAR BYA BA BZHI PO NYID, ,DANG POR YI GE DGOD PAR BYA, ,BSKYED PA'I RIM PA LA GNAS PAS, ,SGRUB PA'I DBANG POS BSGOM BYA BA, ,GNYIS PA RANG GI RANG BZHIN NYID, ,GSUM PAR LHA RDZAS MCHOG GYUR BA, ,YE SHES PHYAG RGYA RNAM PAR BSGOM, ,BZHI PA GONG MAR GANG BYA BA, ,PHYAG RGYA CHEN PO RNAM PAR BSGOM, ZHES GSUNGS SO, ,DE LTAR LAM RIM GYIS BGROD PA LA BRTEN NAS GTZO BOR LHAN CIG SKYES PA'I YE SHES BSGOM DU YOD PA'I SKABS SU BSKYED RIM LA SOGS PA'I SPROS PA SGOM PA 'GOG PA'I GZHUNG MANG PO DHO HA LA SOGS PAR GSUNGS PA LA 'KHRUL NAS, BRAM ZE CHEN PO'I LUGS CIG CAR BA DANG, KLU SGRUB KYI LUGS RIM GYIS PAR BYED PAR SNANG NGO, ,DES NA LAM 'DI LA THOG MAR 'JUG PA'I RIM PA LA DBANG PO 'BRING RTUL RIM GYIS PA DANG, DBANG PO SHIN TU RNON PO CIG CAR BA'I LAM GNYIS 'DOD PA'I RNAM GZHAG NI RGYUD DANG KHUNGS THUB KYI GZHUNG MTHA' DAG DANG 'GAL BA'O, ,'DI DAG GI RNAM GZHAG RGYAS PAR RDO RJE 'CHAR CHEN PO'I LAM GYI RIM PAR BSHAD ZIN TO, ,GNYIS PA LA GNYIS, BSKYED RIM SGOM TSUL DANG, RDZOGS RIM SGOM TSUL LO, ,DANG PO NI, RIM GNYIS KYI SNGON 'GRO SNGON DU SONG BA DES THOG MAR BSKYED RIM SGOM DGOS NA, BSKYED RIM JI TZAM ZHIG LA RIM PA JI LTAR SLOB CE NA, 'DI LA GNYIS, BSKYED RIM JI TZAM ZHIG SGOM DGOS PA DANG, RIM PA JI LTAR SLOB

PA'O, ,DANG PO NI, RTZA RGYUD KYI LE'U BCU GNYIS PAR BSKYED RIM BSNYEN BSGRUB YAN LAG BZHIR BSHAD PA'I DON, YE SHES KYI SA SGOM PA NAS LAS RGYAL MCHOG GI MTHAR THUG PA'I BAR LA SGRON GSAL GYIS BSHAD DO, ,YANG LE'U DE NYID LAS, YANG NA RDO RJE BZHI DAG GOS, ,BRTUL ZHUGS BRTAN PAS BSNYEN PA BYA, ,ZHES PAS BSTAN PA'I BSKYED RIM DE BSKYED RIM MDOR BSDUS SU SGON GSAL LAS GSUNGS SHING, DE NI RGYUD PHYI MA LAS, DANG PO STONG NYID BYANG CHUB STE, ,GNYIS PA SA BON BSDUS PA'O, ,GSUM PA GZUGS NYID RDZOGS PA STE, ,BZHI PA YI GE DGOD PA'O, ,ZHES GSUNGS PA'I DON DU BSHAD DO, ,'DI'I DON N'A RO PAS YE SHES KYIS SGOM PA NAS DKYIL 'KHOR RGYAL MCHOG GI BAR LA BSHAD PA NI RDO RJE BZHIS SKYED RGYAS PA LA DGONGS LA, MDOR BSDUS PAR GSUNGS PA NI YE SHES KYI SA NAS RDO RJE DANG PADMA'I YI GE DGOD PA'I BAR RO, ,DE YAN DNGOS SU GSUNGS PA TZAM YIN PAS DE'I RJES SU PHRA MO DANG BZLAS PA SOGS KYANG SBYAR DGOS SO, ,LE'U BCU GCIG PA'I SKRON GSAL LAS YE SHES KYI SA SGOM PA NAS SEMS DPA' SUM RTZEG GI BAR GYI RIGS DRUG GI DRAN PA GCIG PA BSHAD NAS, DE LA THUN BZHIR BSLABS NA RGYUD SMIN PAR GSUNGS PA YANG SGRUB THABS MDOR BSDUS 'DI DANG DON GCIG GO ,SGRUB THABS LA RGYAS BSDUS GNYIS SU BYED PA 'DI MA GTOGS PA 'PHAGS PA YAB SRAS KYI GZHUNG NAS MA BSHAD DO, ,DE'I PHYIR LUGS 'DI LA THOG MAR RDO RJE 'CHANG LTA BU'I DPA' BO GCIG LA KHRID NAS

, ,DE LA GSAL SNANG BRTAN PA NA DE NAS SGRUB THABS LHAG MA LA 'KHRID PA'I PHYAG LEN 'DUG PA BZHIN BYED NA MA GTOGS PA, LHA YAB YUM ZUNG GCIG TZAM ZHIG BSGOMS PAS NI RDZOGS RIM GYI RTOGS PA RDZOGS PAR SKYE BA'I DGE RTZA SMIN MI NUS SO, ,DES NA MAR LUGS PA KHA CIG DKYIL 'KHOR GYI 'KHOR LO SGOM PA LAS TSOGS SGRUB PA LA DGOS, RDZOGS RIM GYI SNGON 'GRO LA STONG BA'I NGANG NAS LHA YAB YUM DKRONGS BSKYED TZAM CIG BYED PA'I YE SHES KYI SKU SGOM PAS CHOG ZAR BA DANG, BSKYAD PA'I RIM LA LEGS GNAS SHING, ZHES PAS KYANG DE TZAM ZHIG BSTAN PA YIN ZHES PA NI, 'PHAGS SKOR GYI GZHUNG RNAM DAG GANG DANG YANG MI MTHUN LA, RANG GI LUGS DANG YANG 'GAL TE RIM LNGA BSDUS PA GSAL BA LAS, BSKYED PA'I RIM 'DI LHA YI SKU, ,RDZOGS SANGS RGYAS KYI DKYIL 'KHOR MCHOG ,RNAM PA MNGON DU BYED PA GANG, ,LEGS PAR BSLABS PAS MTHAR PHYIN 'GYUR, ,ZHES 'BYUNG BAS SO, ,RDZOGS RIM SGOM PA'I LNGA BSDUS PA GSAL BA LAS, BSKYED PA'I RIM 'DI LHA YI SKU, ,RDZOGS SANGS RGYAS KYI DKYIL 'KHOR MCHOG ,RNAM PA MNGON DU BYED PA GANG, ,LEGS PAR BSLABS PAS MTHAR PHYIN 'GYUR, ,ZHES 'BYUNG BAS SO, ,RDZOGS RIM SGOM PA'I SNGON 'GROR YE SHES KYI SKU SKYANG CES PA NI BSKYED RIM NAS BRTZAMS TE SEMS DBEN GYI BAR LA LHA'I SKU MED PAS SGYU LUS NAS YE SHES KYI SKU SKYED PAR SPYOD BSDUS LAS GSUNGS PA DANG MI MTHUN ZHING, KHYAD PAR DU BSKYED RIM LA SNGAGS KYI SKU DANG YE SHES KYI SKU GNYIS SU 'BYED PA NI LUGS 'DI LA GNAS MA YIN PA'I DOGS PA'O, ,MDOR NA BSKYED RIM JI TZAM ZHIG BSGOMS PAS RDZOGS RIM GYI RTOGS PA RDZOGS PAR SKYE BA'I RGYUD SMIN BYED DU 'GRO TSUL SHES NAS, BSKYED RIM MA

MTHA' YAN CHAD CIG SGOM PA GAL CHE LA, LE'U BCU GSUM PA RTZA 'GREL LAS LAS DANG PO PA'I SEMS GA-YENG BA SRUNG BA LA BSRUNG 'KHOR THUN BZHIR BSGOM DGOS PAR YANG GSUNGS SO, ,GNYIS PA NI, BSKYED RIM LA SLOB PA'I RIM PA NI, SPYOD BSDUS LAS, SANGS RGYAS KYI THEG PA'I BSAM PA LA LOBS PA'I TSE DRAN PA GCIG PA'I TING NGE 'DZIN LA SLOB, ,DE LA LOBS PA'I TSE RTOG PA'I RNAL 'BYOR LA SLOB, DE LA LOBS PA'I TSE LAS DANG PO PA'I TING NGE 'DZIN LA GNAS PAR GSUNGS PA 'DI YIN NO; ;'DI LA SPYOD BSDUS KYI 'GREL PAR BSKYED RIM LA SKAD CIG MA GCIG GIS SLOB PA DRAN PA GCIG PA DANG, SKAD CIG MA MANG POS SLOB PA RTOG PA'I RNAL 'BYOR DU BYED PA NI MI RIGS TE, SGRON GSAL LAS RNAM SNANG LA SOGS PA MNGON BYANG LNGA LAS SKYED PA DRAN PA GCIG PAR BSHAD PA'I PHYIR RO, ,YANG KHA CIG LE'U BCU GCIG PA'I SGRON GSAL LAS RNAM SNANG LA SOGS PA RE RE SKYED PA DRAN PA GCIG PAR BSHAD PA LA BRTEN NAS, THOG MAR LHA GCIG LA SLOB PA DRAN PA GCIG PA DANG, DE LA LOBS NAS SGRUB THABS TSANG BA LA SLOB PA RTOG PA'I RNAL 'BYOR LA SLOB PA LA BYED PA YANG MI 'THAD DI, RNAM SNANG LA SOGS PA DRAN PA GCIG PAR BSHAD PA DE LA YANG LHAG MOS KYI DKYIL 'KHOR SGOM PAR GSUNGS PA'I PHYIR RO, ,DAS NA DRAN PA GCIG CES PA LHU DRAN THEBS GCIG GAM, LHA GCIG TZAM DRAN PA LA MI ZER GYI GCIG TU LHA DRAN PA'AM RANG DANG LHA GCIG TU DRAN PA YIN LA, DE NI SPYIR LHA PHRA RAGS GNYIS KA SGOM PA LA 'JUG KYANG,

, ,'DIR NI RTEN DANG BRTEN PA RAGS PA'I LHA'I RNAL 'BYOR YIN NO, ,DE YANG SPYOD BSDUS LAS GSUNGS PA LTAR 'PHONG SLOB PAS THOG MAR 'BEN CHEN PO LA SLOB LA, DE LA BYANG NAS CHUNG BA LA SLOB PA DANG 'DRA BAR LAM 'DI LA YANG BSLAB PAR GSUNGS PAS, BSKYED RIM LA SLOB PA NA THOG MAR RAGS PA GSAL BAR SNANG BA'I TING NGE 'DZIN SKYED PA YIN TE, DKYIL 'KHOR RGYAL MCHOG YAN CHAD DO, ,DE LA LOBS PA NA THIG LE PHRA MO'I NANG DU DKYIL 'KHOR SGOM PA LA SOGS PA'I RTOG PA'I RNAL 'BYOR LA SLOB PO, ,RTOG PA 'AM BRTAGS PA'I RNAL 'BYOR NI BSKYED RIM GYI SPYI MING YIN KYANG, 'DIR SPYI MING PHRA MO'I RNAL 'BYOR LA ZHUGS PA STE, LE'U DRUG PA'I SGRON GSAL DU PHRA MO'I RNAL 'BYOR SGOM PA LA RTOG PA'I RNAL 'BYOR LA SLOB PAR GSUNGS PA BZHIN NO, ,LAS DANG PO PA'I TING NGE 'DZIN NI RIM PA DANG PO'I RNAL 'BYOR YIN LA, DE LA GNAS PA NI DE BRTAN PA'AM MTHAR PHYIN PA'O, ,BSKYED RIM LA NI RDZOGS RIM GYI RTOGS PA RNAMS SKYE BA DANG RJES SU MTHUN PA'I RTEN 'BREL ZAB MO RE RE YOD CING, RGYAL BA SRAS BCAS KYIS RGYUD BYIN GYIS RLOB CING TSE RABS KUN TU LHAG PA'I LHAS RJES SU 'DZIN PA DANG, SANGS RGYAS RJES SU DRAN PA DANG MI 'BRAL ZHING MCHOD BSTOD LA SOGS PAS TSOGS BDE BLAG TU RDZOGS PAR BYED PA DANG, BGEGS KYI GNOD PAS MI TSUGS SHING ZHI BA LA SOGS PA'I DNGOS GRUB MANG PO TSE 'DI NYID LA SGRUB NUS PA SOGS KYI YON TAN GYI TSOGS CHEN PO YOD PAS, RTEN

DANG BRTEN PA'I DKYIL 'KHOR PHRA RAGS GANG GSAL BTAB KYANG 'DOD PA BZHIN 'CHAR ZHING MI 'DOD PA MI 'CHAR BA DANG, DE LA SEMS RTZE GCIG TU YUN RING DU GNAS PA BYUNG BYUNG GI BAR DU SLOB PA SHIN TU GAL CHE'O, ,'DIR MA BSHAD PA GZHAN NI GZHAN DU BSHAD ZIN PAS MA SPROS SO, ,GNYIS PA LA GSUM, SPYIR RDZOGS RIM GYI GTZO BO AE WAm GNYIS KYI DON MDOR BSTAN PA DANG, AE WAm GNYIS KYI DON RGYAS PAR BSHAD PA DANG, BYE BRAG TU RGYUD 'DI'I RDZOGS RIM BSHAD PA'O, ,DANG PO NI, SPYIR BLA MED KYI RGYUD KYI DON GYI GNAD THAMS CAD AE WAm LA SOGS PA YI GE BZHI BCU'I GLENG GZHI'I DON DU 'DUS LA, DE'I DON GYI GTZO BO YANG THOG MA'I YI GE GNYIS KYI DON DU 'DU BA YIN NO, ,DE LA RGYUD RDO RJE 'PHRENG BA LAS, RGYUD DU THOG MAR GSUNGS PA YI, ,'DI SKAD BDAG SOGS JI LTA BU, ,'DI SKAD CES SOGS DANG PO'I NGAG ,DON RGYAS PAR NI JI LTAR 'GYUR, ,ZHES RKANG PA DANG PO GNYIS KYIS 'DUS PA LA SOGS PA'I RGYUD DU THOG MAR GSUNGS PA'I GLENG GZHI'I DON AE WAm GNYIS KYI DON DU 'GYUR TSUL DANG, PHYI MA GNYIS KYIS AE WAm ZHES SOGS RE RE NAS KYI DON RGYAS PAR BSHAD NA JI LTAR 'GYUR ZHES GNYIS DRIS PA'I PHYI MA'I LAN DU YI GE RE TSIGS BCAD RES BSHAD CING , DANG PO'I LAN DU AE WAm GYI DON GSUM GSUNGS PA NI, THOB BYA 'BRAS BU'I AE WAm DANG, ,THOB BYED LAM GYI AE WAm DANG, ,DE 'DREN BYAD RTAGS KYI AE WAm MO, ,DANG PO'I AE'I DON NI, STON PA GANG LA BZHUGS NAS CHOS STON PAR MDZAD

, ,PA'I RTEN RGYUD LA LAR GSANG BA ZHES DANG, LA LAR MKHA' DBYINGS ZHES DANG, DE BZHIN DU BHAG DANG, CHOS 'BYUNG DANG, PADMA DANG, SENG GE'I GDAN ZHES GSUNGS PA RNAMS SO, ,WAm GYI DON NI, STON PA LA RDO RJE CAN DANG, RDO RJE SEMS DPA' DANG, RDO RJE 'JIGS BYED DANG, RDO RJE DBANG PHYUG DANG, HE RU KA DANG, DUS KYI 'KHOR LO DANG, DANG PO'I SANGS RGYAS ZHES SOGS KYI MTSAN GYIS RGYUD SO SOR GSUNGS PA RNAMS YIN TE, AE NI GSANG BA MKHA' DBYINGS DANG, , BHA GA CHOS 'BYUNG PADMA LA, ,RNAL 'BYOR SENG GE'I GDAN LA BZHUGS, ,MCHOG TU RMAD BYUNG STON PAR MDZAD, ,RDO RJE SEMS DPA' WAm RDO RJE, ,RDO RJE 'JIGS BYED DBANG PHYUG DANG, ,HE RU KA DANG DUS 'KHOR LO, ,DANG PO'I SANGS RGYAS LA SOGS MTSAN, ,ZHES SO, ,DE'I YANG GSANG BA LA SOGS PA'I NGES DON NI STONG PA NYID DANG, RDO RJE SEMS DPA' LA SOGS PA'I NGES DON NI THUGS RJE CHEN PO YIN PAS STONG PA DANG SNYING RJE DBYER MED PA STON PA YIN TE, AE WAm DE BZHIN GSHEGS PA'I RGYA, ,GNYIS SU MED PA'I MTSON BYED DANG, ,STONG NYID SNYING RJE DBYER MED PA, ,GANG LA DE NYID MNGON PAR BRJOD, ,DE LA DE BZHIN GSHEGS PA'I RGYA, ,GNYIS MED YE SHES MTSON PA NI, ,RGYUD KUN GYI NI GLENG GZHIR GSUNGS, ZHES SO, , GNYIS PA'I AE'I DON NI SHES RAB STONG PA NYID DANG, WA'I DON NI THABS SNYING RJE CHEN PO GNYIS YIN LA, THIG LE'I DON NI THABS SHES DE GNYIS DBYER MED DU SBYOR BA DANG, DE NYID CHOS KYI PHUNG PO BRGYAD KHRI BZHI STONG LA KHYAB PA'I DON GYI

GTZO BO MDOR BSDUS PA'I CHOS KYI RGYAL PO CHEN PO'I RGYUS 'DEBS KYI PHYAG RGYAR GSUNGS TE RDO RJE 'PHRENG BA LAS, AE NI STONG PA NYID DU GSUNGS, ,DE BZHIN WA NI THUGS RJE DANG, ,THIG LE DE GNYIS SBYOR LAS BYUNG, ,DE SBYOR BA YI RMAD MCHOG GO, CHOS PHUNG BRGYAD KHRI BZHI STONG KHYAB, ,MDOR BSDUS CHOS KYI PHYAG RGYA'O, ,RGYAL PO CHEN PO'I PHYAG RGYA NYID, ,RGYUD RNAMS SU NI THOG MAR GSUNGS, ,ZHES SO, ,DE 'DRA BA'I GNYIS SU MED PA'I YE SHES DE RGYUD GANG LAS BRJOD PA DE LA NI DE NYID MCHOG YOD LA, DE MI STON NA MED PA YIN TE, RGYUD KUN GYI NI DON BSDUS LA, ,STONG NYID SNYING RJE MI PHYED PA, ,GANG LA DE NYID MNGON PAR BRJOD, ,DE NI DE BZHIN GSHEGS PA'I RGYA, ,AE WAm ZHES BYA'I YI GE GNYIS, ,GANG LA 'DI GNYIS MED PA NI, , DE LA DE KHO NA NYID MED, CES GSUNGS SO, ,GSANG BA GRUB PA LAS, RGYUD KYI DANG POR RNAM GNAS PA, ,SNYING PO LAS NI SNYING PO MCHOG ,DE NYID BDE CHEN MGON PO YIS, ,GSANG BA'I DE NYID CES BYAR GSUNGS, ,SANGS RGYAS BYANG CHUB SEMS DPA' DANG, ,SEMS CAN KUN GYI BDE 'BYUNG BA, ,GSANG BA'I RTOG PA'I RGYUD RGYAL PO, ,DPAL LDAN 'DUS PAR RNAM PAR GNAS, ,AE WAm RNAM DAG YI GE LA, ,KHAMS GSUM PO KUN GUS PHYAG 'TSAL, ,ZHES DANG, NAM MKHA'I KHAMS ZHES BYA BA DER, ,TIL GYI GANG BU BZHIN DU MTHONG, ,GANGGLA'I KLUNG GI BYE SNYED KYI, ,DE BZHIN GSHEGS PAS YONGS GANG BA, ,YI GE DE YI DA KHO NA, ,BSTEN PAR BYAS PA'I THABS NYID KYIS, ,SANGS RGYAS BYANG CHUB SEMS DPA' RNAMS, ,BLA

, ,MED GO 'PHANG THOB PAR 'GYUR, ,ZHES YI GE GNYIS KYI DON NYID 'TSANG RGYA BA'I LAM GYI SNYING POR BSNGAGS SO, ,DE'I PHYIR DE NYID LAS, 'DIR NI YI GE GNYIS PO NI, ,RGYUD KYI DANG POR MED MI 'DOD, ,CES BLA MED KYI RGYUD KUN GYI DANG PO GLENG GZHI'I SKABS SU YI GE GNYIS NGES PAR DGOS PAR GSUNGS PA NI AE WAm ZHES PA'I YI GE DNGOS SU MED PA LA YANG DE'I NGES DON YOD DGOS PA LA DGONGS SO, ,GSUM PA'I AE'I DON NI YUM GYI BHA GA RTEN DANG, WA'I DON NI DE LA BRTEN PA'I YAB KYI RDO RJE DANG, BRTEN PA RDO RJE LA GNAS PA'I THIG LE NI SNA TSOGS PA'I SPRUL PA STON PAR BYED PA'I RDO RJE SEMS DPA' BDE BA CHEN PO LA SOGS PA'I BDE BA KUN GYI GZHI YIN TE, AE NI BHA GA'I MTSAN NYID DE, ,PADMA RTEN DU SHES PAR BYA, ,BRTEN PA RDO RJE ZHES NI GSUNGS, ,BRTEN PA RDO RJE 'CHANG BA YI, ,DE LA GNAS PA'I THIG LE'I GZUGS, ,SNA TSOGS SPRUL PA STON PAR BYED, ,BDE BA KUN GYI GZHI YI GNAS, ,RDO RJE SEMS DPA' BDE BA CHE, ,ZHES SO, ,DES NI YAB YUM GYI RTAGS KYI AE WAm GNYIS SBYAR BA LAS LAM GYI AE WAm 'DREN PA'I THABS BSTAN TO, ,NANG GI RANG GI LUS LA GNAD DU BSNUN PA LAS LAM GYI AE WAm 'DREN PA'I THABS LUS KYI GNAD KYI RTAGS KYI AE WAm YANG SAm BHU tA LAS GSUNGS STE, SPYI BO LTE BAR SON 'KHOR LO, ,AE YIG RNAM PAR YANG DAG GNAS, ,SNYING KHA MGRIN PAR YANG DAG GNAS, ,WAm GYI YI GE 'DRA BAR 'DOD, ,CES SPYI BO DANG LTE BA'I RTZA 'KHOR

GYI DBYIBS AE GRU GSUM GYI DBYIBS DANG, SNYING KHA DANG MGRIN PA'I RTZA 'KHOR GYI DBYIBS WA YIG ZLUM PO'I DBYIBS SU GNAS PA AE WAm GYI DON DU BSHAD DO, ,'DIR RTAGS ZHES PA NI DBYIBS KYI MTSAN MA'I RTAGS SO, ,DE LTAR 'BRAS BU'I AE WAm LEGS PAR SHES NAS DE THOB PAR 'DOD PA NA, DE'I THABS LAM GYI AE WAm GNYIS KYI SBYOR TSUL RGYUD GNYIS NAS BSHAD PA LTAR LEGS PAR SHES TE, DE 'DREN PA'I THABS PHYI'I RTAGS KYI AE WAm PHYAG RGYA DANG MNYAM PAR SBYOR BA DANG, NANG GI RTAGS KYI AE WAm RTZA 'KHOR GYI GNAD DU SNUN TSUL LA, MKHAS PAR BYAS NAS LAM DE 'DREN THABS BYED PA DER RGYUD GNYIS KYI GNAD MTHA' DAG 'DU BAS, YI GE GNYIS KYI DON DANG DE'I YAN LAG TU RGYUD MTHA' DAG 'GRO TSUL LEGS PAR SHES NA, YI GE GNYIS KYI DON GNAS KYI DON YIN PAR RGYUD RNAMS LAS MANG DU BSNGAGS PA RNAMS SHES PAR 'GYUR RO, ,GNYIS PA LA GNYIS, AE WAm GNYIS KYI NGES DON RGYAS PAR BSHAD PA DANG, DE SKYED PA LA RTAGS KYI AE WAm GYI SGO NAS LUS LA GNAD DU BSNUN DGOS PAR BSTAN PA'O, ,DANG PO NI, RGYUD KUN GYI GTZO BO'I DON NI AE WAm GYI DON YIN LA, DE'I NGES DON YANG STONG PA DANG SNYING RJE GNYIS YIN NA DE GNYIS KYI DON GANG YIN PA BSHAD DGOS SO ZHE NA, 'DI LA GNYIS, BDE STONG DBYER MED KYI STONG PA DANG SNYING RJE'I DON BSHAD PA DANG, BDEN GNYIS DBYER MED KYI STONG PA DANG SNYING RJE'I DON BSHAD PA'O, ,DANG PO NI, AE YIG DANG CHOS

, ,'BYUNG GI DBYIBS GRU GSUM DU YOD PAS BDAG MED PA'I DE BZHIN NYID MTSON PAR BYED LA, DE'I TSE GRU GSUM GYIS NI RNAM PAR THAR PA'I SGO GSUM YANG MTSON PAS, CHOS RNAMS KYI NGO BO DANG RGYU DANG 'BRAS BU GSUM RANG BZHIN GYIS GRUB PAS STONG PA'I STONG PA NYID DANG MTSAN MA MED PA DANG SMON PA MED PA'I DON AE YIG GI MTSON DON YIN PA'I PHYIR STONG PA NYID KYI LTA BA PHU THAG CHOD PA CIG MED NA AE YIG GI DON MA TSANG NGO, ,DE YOD KYANG PHYI NANG GI LUS LA GNAD DU BSNUN PA LAS BYUNG BA'I BDE BA CHEN PO CIG MED NA WA YIG GI DON MA TSANG NGO, ,DE GNYIS YOD KYANG STONG NYID KYI LTA BA ZHU BDE'I NGO BOR SKYED PA DANG, STONG NYID YUL DANG BDE CHEN YUL CAN DU BYAS NAS DES DE PHYIN CI MA LOG PAR NGES PA'I BDE STONG SBYOR MI SHES NA THIG LE'I DON MA TSANG BA YIN PAS, BDE STONG DBYER MED KYI AE WAm GYI DON SHES PAR 'DOD NA DE RNAMS SHES DGOS SO, ,'DI LA GSUM, STONG PA'I DON BSHAD PA DANG, BDE BA'I DON BSHAD PA DANG, BDE STONG DBYER MED DU SBYOR BA'I TSUL BSHAD PA'O, ,DANG PO LA GSUM, 'KHOR BA'I RTZA BA NGOS GZUNG BA, DE 'GOG PA'I BDAG MED KYI LTA BA 'TSOL LUGS 'DRA BAR BSTAN PA, MI 'DRA BAR 'DOD PA DGAG PA'O, ,DANG PO NI, SPYOD BSDUS LAS, DE LTAR NA SEMS NA DGE BA'I BSHES GNYEN DANG BRAL BAS RANG GI SEMS JI LTA BA NYID YONGS SU SHES PA MA RTOGS PAR NGAR 'DZIN PA DANG NGA YIR 'DZIN PA DANG GSO BA DANG GSOG LA BRTAGS NAS DGE BA DANG MI DGE BA LA SOGS PAR BRTAGS PAS 'KHOR BA THOG MA

MED NAS SDUG BSNGAL NYAMS SU MYONG BA YIN NO, ,ZHES SEMS KYI DE KHO NA NYID MI SHES PA'I BDEN 'DZIN GYIS RMONGS PA'I DBANG GIS GANG ZAG GI BDAG DANG BDAG GIR BZUNG BA LA BRTEN NAS 'KHOR BAR 'KHOR BA YIN PAR BRGYAD STONG PA DANG LAS KYI SGRIB PA RNAM PAR DAG PA SOGS KYI MDOS BSGRUBS SHING, DE'I DON GSAL BAR MGON PO KLU SGRUB KYI ZHAL SNGA NAS, GAL TE 'DI KUN STONG PA DANG, ,SKYE MED NGO BO NYID YIN NA, ,BDE DANG SDUG BSNGAL SOGS 'JUG 'DIR, ,JI LTAR LAS KYIS 'KHOR BAR 'GYUR, ,BDAG TU RLOM PAR GYUR MA THAG ,'DOD CHAGS LA SOGS DRI MA YIS, ,BRTAGS PAS GZHAN GYI DBANG GYUR PAS, ,'DI DAG THAMS CAD SEMS TZAM STE, ,SGYU MA'I RNAM PAR YANG DAG 'BYUNG, ,DE NAS DGE DANG MI DGE'I LAS DES NI BDE 'GRO NGAN 'GROR SKYE, ,ZHES PAS BSTAN PAR GSUNGS SO, ,MGON PO BDE BA CHEN PO'I SLOB MA YAN LAG MED PA'I RDO RJES KYANG, DE DAG LAS NI SKYE BA DANG, ,'CHI BA LA SOGS RAB RGYAS PA, ,MI BDEN LA ZHEN SOGS LDAN PA'I, ,SHIN TU SDUG BSNGAL 'KHOR MOR 'BYUNG, ,SHES RAB NYAM CHUNG DE DAG GI ,JI SRID DNGOS 'DZIN CHEN PO YOD, ,DE SRID SRID PA'I GTZON RAR GNAS, ,ZHES MI BDEN PA LA BDEN PAR ZHEN PA'I BDEN 'DZIN GYI DBANG GIS 'KHOR BAR 'KHOR BA DANG, BDEN ZHEN GYI DNGOS 'DZIN JI SRID YOD PA DE SRID DU 'KHOR BA LAS MI GROL BAR GSUNGS SO, ,'DI NI RIN CHEN 'PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN YOD, ,NGAR 'DZIN YOD NA YANG LAS TE, DE LAS KYANG NI SKYE BA

, ,YIN; ;ZHES PHUNG PO LA BDEN 'DZIN MA BKAG NA LAS NYON GYI DBANG GIS SKYE BA MI LDOG PAR GSUNGS PA DANG 'DRA'O, ,GNYIS PA NI, DE'I PHYIR 'KHOR BA'I RTZA BA BDEN 'DZIN GYI BAG CHAGS ZAD PAR SBYONG BA LA PHUNG PO RANG BZHIN MED PAR RTOGS PA'I STONG NYID RTOGS DGOS PAR MA ZAD, 'KHOR BAR LAS NYEN GYI DBANG GIS 'KHOR BA'I 'CHING BA GCOD PA LA YANG RANG BZHIN MED RTOGS KYI SHES RAB MED DU MI RUNG BAS, 'KHOR BA'I 'CHING BA BCAD PA'I NYAN THOS DANG RANG SANGS RGYAS RNAMS KYIS KYANG DON DE SNGON DU BSGOMS PA YIN TE, 'DI RNAMS RGYAS PAR GZHAN DU BSHAD ZIN TO, ,DES NA BYANG CHUB SEMS 'GREL LAS, GANG DAG STONG NYID MI SHES PA, ,DE DAG THAR PA RTEN MA YIN, ,'GRO DRUG SRID PA'I BTZON RAR NI, ,RMONGS PA DE DAG 'KHOR BAR 'GYUR, ,ZHES PA DANG, YAN LAG MED PA'I RDO RJES KYANG, DE PHYIR 'GRO BA GSUM PO DAG ,DGA' BAR BYED 'DOD RANG GI NI, ,'KHRUL PA BSAL BAR 'DOD PA YI, ,BSHES GNYEN CAN GYIS DNGOS 'DZIN SPONG, ,ZHES GSUNGS PA LTAR MTSAN NYID KYI THEG PA BAR MA ZAD RDO RJE THEG PAR 'JUG PAS KYANG 'KHOR BA'I RTZA BA DNGOS 'DZIN SPONG BA LA BDAG MED PA'I STONG NYID RTOGS PA'I LTA BA'I GO BA BTZAL NAS DE'I DON BSGOM DGOS SO, ,DE LTAR YANG RDO RJE SNYING PO RGYAN GYI RGYUD LAS, RNAL 'BYOR GCIG GCIG SHES BYAS NAS, ,DBEN PAR SONG STE RAB 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PAR RAB BSGOMS PAS, ,

THAMS CAD MKHYEN PA KHONG DU CHUD, ,CES RNAL 'BYOR GCIG SHES PAR BYAS NAS DBEN PAR BSGOMS NA TSE 'DIR 'TSANG RGYA BA'I RNAL 'BYOR NI CHOS BDAG MED PAR SGOM PA LA BSHAD CING, DE 'DRA BA SHIN TU MANG NGO, ,DE LTAR BDEN 'DZIN SPONG BA DANG BDAG MED RTOGS PA LA YANG BDAG 'DZIN GYIS JI LTAR BZUNG BA'I YUL SUN PHYUNG NAS MED PAR RTOGS DGOS KYI BDEN 'DZIN GYI YUL LA SEMS MI 'PHRO BAR BSDUS PA TZAM GYIS MI CHOG STE, RIGS PA'I DBANG PHYUG GIS, 'DI YUL SUN PHYUNG MED PAR NI, ,DE SPONG BAR NI NUS MA YIN, ,ZHES DANG, 'PHAGS PA LHAS KYANG, YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES DANG, DBU MA LA 'JUG PA LAS KYANG, NYON MONGS SKYON RNAMS MA LUS 'JIG TSOGS LA, ,LTA LAS BYUNG BAR BLO YIS MTHONG GYUR NAS, ,BDAG NI 'DI YI YUL DU RTOGS BYAS TE, ,RNAL 'BYOR PA YIS BDAG NI 'GOG PAR BYED, ,CES SO, ,THOG MAR BDAG MED PA'I LTA BA PHU THAG CHOD PA'I GO BA SKYED LUGS NI SNGAGS DANG DBU MA'I GZHUNG NAS BSHAD PA LA KHYAD PAR MED DE BYANG CHUB SEMS 'GREL LAS, BYANG CHUB SEMS DPA' GSANG SNGAGS KYI SGO'I SPYAD PA SPYOD PA RNAMS KYIS DE LTAR KUN RDZOB KYI RNAM PA BYANG CHUB KYI SEMS SMON PA'I RANG BZHIN CAN BSKYED NAS, DON DAM PA'I BYANG CHUB KYI SEMS BSGOMS PA'I STOBS KYIS BSKYED PAR BYA BA YIN TE, DE'I PHYIR DE'I RANG BZHIN BRJOD PAR BYA'O, ,ZHES GSUNGS NAS DE'I 'OG TU GZHAN SDE 'DOD PA'I GANG ZAG GI BDAG DANG, RANG SDE

, ,NYAN THOS SDE PA 'DOD PA'I GZUNG 'DZIN THA DAD BDEN PA BA DANG, RNAL 'BYOR SPYOD PA BA 'DOD PA'I GZUNG 'DZIN RDZAS THA DAD KYIS STONG PA'I SEMS BDEN PA BA'I CHOS BDAG BKAG NAS BDAG MED PA GTAN LA PHAB STE, GSANG SNGAGS PAS DON DAM BYANG CHUB SEMS BSGOM STOBS KYIS BSKYED PA LA SNGON DU BDAG MED PA'I LTA BA'I 'TSOL LUGS DBU MA'I GZHUNG RNAMS NAS 'BYUNG BA BZHIN DU GSUNGS PA'I PHYIR RO, ,NYAN THOS SDE PA DON SMRA SDE GNYIS KYIS NI GZUNG 'DZIN BDEN PAR 'DOD LA, NYAN RANG 'PHAGS PA THAMS CAD KYIS NI DE LTAR MI BZHED CING, DE DAG GI LAM DU ZHUGS PA'I SO SO SKYE BO LA NI TSUL GNYIS KA YOD PA RNAMS SHES PAR BYA'O, ,GSUM PA NI, 'DI LA KHA CIG RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING JI BZHIN SNYING PO MED, ,RNAM PA KUN GYI MCHOG LDAN PA'I, ,STONG NYID DE LTAR 'GYUR MA YIN, ,ZHES GSUNGS PAS BDAG 'DZIN GYI YUL LA SO SOR RTOG PA'I SHES RAB KYIS DPYAD NAS GTAN LA PHAB PA'I STONG NYID SGOM PA SNGAGS KYI LUGS MIN NO ZHE NA, BDAG MED PA'I DON LUNG RIGS KYIS LEGS PAR GTAN LA PHAB PA'I DON NGES NAS SGOM PA LA SNYING PO MED PA'I SGOM DU 'DOD PA KHYOD NI RNAM DPYOD CAN ZHIG GO ,LUNG DE'I DON NI LE'U LNGA PA'I 'GREL CHEN DRI MED 'OD LAS, RDUL PHRA RAB TSOGS PA'I BDAG NYID KYI CHOS RNAM PAR DPYAD PA'I STONG PA, CHAD PA'I STONG PA LAS RING DU BYAS PA, ZHES GSUNGS PA

LTAR DBU MA PA'I RTAGS KYI DGAG BYA'I SA TSIGS LEGS PAR MA ZIN PAS, PHUNG SOGS RNAMS RIGS PAS DPYAD PA NA SKYE 'GAG LA SOGS PA CIR YANG MA GRUB PA RANG BZHIN MED PA'I DON NO SNYAM DU GO BA'I CHAD STONG 'GOG PA YIN GYI SOOR RTOG PA'I SHES RAB KYIS DPYOD PA THAMS CAD 'GOG PA MIN NO, ,DE LTA MA YIN NA LE'U GNYIS PA'I 'GREL CHEN DRI MED 'OD LAS, RNAM PAR SHES PA DON DAM YOD, ,DE YANG MKHAS RNAMS MI 'DOD DE, ,GCIG DANG DU MA'I RANG BZHIN DANG,, BRAL BAS NAM MKHA'I PADMO BZHIN, ,ZHES GCIG DANG DU BRAL GYI RTAGS DANG NAM MKHA'I ME TOG GI DPES RNAM SHES KYI PHUNG PO RANG BZHIN MED PAR DPYOD PA LA, DE NYID DBU MA PA YIS RIG ,CES GSUNGS PA DANG, BDAG MED PA LA SOGS PA GRUB PA'O, ,'DI NI MDOR BSDUS PAS GSUNGS PA STE, RGYAS PAR LUNG RGYA CHEN PO LAS SHES PAR BYA'O, ,ZHES GZHUNG DER BDAG MED BSDUS NAS GSUNGS PA DE DBU MA LA SOGS PA'I GZHUNG GZHAN LAS SHES PAR BYA DGOS PAR GSUNGS PA DANG 'GAL LA, GZHAN YANG 'GREL CHEN LAS, RDO RJE NI MI PHYED PA DANG MI CHOD PA CHEN PO YIN LA, DE NYDI THEG PA YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES RGYU'I THEG PA PHAR PHYIN GYI STONG NYID KYI LTA BA DANG, 'BRAS BU'I THEG PA SNGAGS KYI THEG PA'I BDE CHEN GNYIS GCIG TU 'DRES PAR GSUNGS PA'I PHYIR, PHAR PHYIN GYI THEG PA NAS GTAN LA PHAB

, ,PA'I LTA BA DANG GTAN LA 'BEBS TSUL MI MTHUN PA ZHIG DUS 'KHOR GYI LUGS SU SMRA BA NI MI RIGS PA CHEN PO'O, ,DE LTAR STONG PA NYID KYI LTA BA GTAN LA 'BEBS PA RTZA BA'I RGYUD KYI SKABS MANG POR GSUNGS MOD KYANG, LE'U GNYIS PAR RNAM SNANG GIS, ,DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES BYANG CHUB KYI SEMS GSUNGS PA'I STONG PA'I CHA GTAN LA 'BEBS PA BYANG CHUB SEMS 'GREL GYIS MDZAD DO, ,DE YANG RKANG PA DANG POS MU STEGS KYIS BRTAGS PA'I BDAG BKAG ,DE NAS GNYIS KYIS DON SMRA GNYIS KYI BRTAGS PA'I GZUNG 'DZIN THA DAD BDEN PA BKAG ,DE NAS LHAG MAS SEMS TZAM GYIS BRTAGS PA'I SEMS BDEN PA BA BKAG PA'I MTHAR, DNGOS PO ZHES BYA RNAM RTOG YIN, ,RNAM RTOG MED PA STONG NYID YIN, ,GANG DU RNAM RTOG SNANG GYUR PA, ,DER NI STONG NYID GA LA YOD, ,RTOG BYA RTOG BYED RNAM PA'I SEMS, ,DE BZHIN GSHEGS RNAMS KYIS MA GZIGS, ,GANG NA BRTAG BYA RTOG BYED YOD, ,DER NI BYANG CHUB YOD MA YIN, ,ZHES GSUNGS PA'I RNAM RTOG NI DE NYID LAS, SANGS RGYAS RNAMS KYIS BYANG CHUB SEMS, ,BDAG DANG PHUNG SOGS RNAM RIG GI ,RTOG PA RNAMS KYIS MA BSGRIBS SHING, ,RTAG TU STONG NYID MTSAN NYID BZHED, ,CES GSUNGS PA'I GANG ZAG GI BDAG TU RTOG

PA LA SOGS PA'I RTOG PA GSUM LA ZER BA YIN GYI RTOG PA GANG YIN THAMS CAD LA BYED PA MIN NO, ,RTZA RGYUD KYI LE'U BCO LNGA PAR CHOS THAMS CAD RMI LAM BZHIN DU GSUNGS PA'I DON 'GREL PA NI BDAG BYIN GYIS BRLAB PA'I RIM PAR GSUNGS SO, ,SO SOR RTOG PA'I SHES RAB KYIS DPYOD TSUL YANG RTZA RGYUD KYI LE'U DGU PA'I BSHAD RGYUD DGONGS PA LUNG STON DU RGYU LAS 'BRAS BU MA BRTAGS PAR 'BYUNG MOD KYANG SO SOR BRTAGS NA GANG NA'ANG MI GNAS PA'I TSUL GYIS BRTAG PAR GSUNGS LA, RDO RJE 'PHRENG BA'I LE'U BCU DRUG PA LAS DUS GSUM PO RE RE LA'ANG GSUM GSUM DU RIM GYIS PHYE NAS DPYOD PAR GSUNGS SO, ,PHYOGS MTHUN GYI THABS RGYUD RDO RJE SNYING PO RGYAN GYI RGYUD LAS KYANG GZUGS CAN RNAMS LA RDUL GYI PHYOGS CHA'I DPYAD PA DANG, SEMS LA SKAD CIG MA GSUM GSUM DU PHYE BA'I DPYAD PAS STONG NYID GTAN LA 'BEBS PAR GSUNGS PAS, LTA BA'I GO BA 'TSOL LUGS PHAR PHYIN GYI THEG PA BZHIN DU BSHAD DO; ;GSANG BA GRUB PA LAS KYANG, GCIG DANG DU MA'I NGO BOS KHAMS GSUM 'DI, ,DNGOS PO RANG BZHIN MED PAR RNAM PAR DPYAD, ,CES DANG, SRID PA'I RTZE MO'I MTHAR THUG PA, ,KHAMS GSUM 'DI DAG THAMS CAD NYID, ,LAM GYI SO SOR BRTAG BYAS NA, ,PHUNG PO BDEN PA YOD MA YIN, ,SU ZHIG GIS NI SO SOR RTOG ,'DIR NI GANG LA BRTAG PAR BYA, ,'BAD PAS DE NYID DE KHO NA, ,JI SRID BAR DU BRTAG BYAS LA, ,DE SRID THAMS CAD 'OD GSAL TE, ,ZHES GSUNGS TE

, ,'DI NI DANG POR GO BA 'TSOL BA TZAM GYI SKABS MIN GYI PHYIS SGOM PA'I SKABS SU GSUNGS SO, ,'ON KYANG DGA' BA BZHI PA LHAN SKYES KYI DGA' BA DANG, STONG PA BZHI PA 'OD GSAL SHAR NAS BDE STONG SBYOR BA'I DUS SU SO SOR RTOG PA'I SHES RAB KYIS YANG YANG DPYOD PA 'DIR MI BYED KYI, MNYAM GZHAG LAS LANGS PA'I RJES THOB KYI SKABS SU DE LTAR BYED PA'O, ,MOS SPYOD PAS LHAG MTHONG MNYAM GZHAG TU SKYONG BA NA SO SOR RTOG PA'I SHES RAB KYIS YANG YANG DPYAD NAS SKYONG BAR PHAR PHYIN GYI THEG PA NAS GSUNGS PA DANG 'DI GNYIS MI 'DRA'O, ,MDOR BSDU NA STONG PA'I LTA BA'I PHYOGS GZHUNG CHE BA RNAMS LAS 'BYUNG BA LA MCHOG DMAN GYI RIM PA BZHI YOD DE, 'DI LTAR MDO SDE PAS GTAN LA PHAB PA'I GANG ZAG GI BDAG MED DBU MA THAL 'GYUR BA MA GTOGS PA'I THEG CHEN PA'I GRUB MTHA' SMRA BA RNAMS KYIS KYANG DE DANG MTHUN PAR KHAS BLANGS PA DANG, RNAL 'BYOR SPYOD PA PAS GZUNG 'DZIN RDZAS THA DAD DANG, CHOS RNAMS LA RANG GI NGO BO DANG KHYAD PAR DU BTAGS PA RANG GI MTSAN NYID KYIS GRUB PA'I KUN BRTAGS KYIS STONG PA'I STONG NYID KHAS BLANGS PA DANG, DBU MA RANG RGYUD PA RNAMS KYIS THA SNYAD DU RANG GI MTSAN NYID KYIS GRUB PA TZAM MI 'GOG PAR DE MIN PA'I BDEN GRUB BKAG PA'I STONG PA NYID DANG, THAL 'GYUR BA RNAMS KYIS RANG GI MTSAN NYID KYIS GRUB PA'I DON BDEN PA GNYIS CHAR DU BKAG PA'I RANG BZHIN MED PA'I LTA BA BZHI'O, ,DE LA SNGAGS BLA MED KYI THEG PA'I GDUL BYA RIN PO CHE LTA BU'I

GANG ZAG GI DBANG DU MDZAD NAS BDE STONG SBYOR BAR GSUNGS PA'I STONG NYID KYI LTA BA NI BZHI PA YIN LA, GDUL BYA GZHAN GYI BDE STONG SBYOR BA'I STONG PA LA NI SEMS TZAM PA DANG RANG RGYUD PA'I LTA BA GNYIS KA GDUL BYA'I DBANG GIS 'BYUNG NGO, , DE BZHI NI BDAG MED PA'I LTA BA LA BLTOS TE THA MA 'BRING RAB RAB KYI RAB YIN LA, SNGAGS KYI GZHUNG 'GREL RNAMS LAS SEMS TZAM GYI LTA BA'I DBANG DU BYAS NAS BDE STONG SBYOR BA'I 'DOD LUGS SNANG MOD KYANG, GANG ZAG GI BDAG MED SNGAR BSHAD PA'I LTA BA TZAM GYI DBANG DU BYAS NAS DE LTAR SBYOR BA NI MI SNANG NGO, ,DES NA BDE STONG SBYOR BA'I STONG PA LA THA NA'ANG RNAM PAR RIG PA TZAM GYI LUGS KYI GZUNG 'DZIN RDZAS THA DAD KYIS STONG PA'I STONG NYID TZAM ZHIG LA NGES PA LEGS PAR RNYED PA DGOS TE, 'DI DAG GI RNAM GZHAG KYANG RGYAS PAR GZHAN DU BSHAD ZIN TO, ,GNYIS PA NI, 'O NA BDE STONG SBYOR BA'I BDE BA DE JI 'DRA BA YIN ZHE NA, 'DI LA SEMS RTZE GCIG PA'I TING NGE 'DZIN TZAM ZHIG BSGOMS PAS SEMS SHIN TU SBYANGS PA SKYES PA NA, DE'I MTHUS LUS KYI RLUNG RNAMS LAS RLUNG DU SONG NAS NANG DU PHAN 'DOGS PA'I RNAM PA CAN GYI LUS SHIN SBYANGS SKYE LA, DE LA BRTEN NAS LUS LA BDE BA DANG SEMS LA DGA' BA CHEN PO SKYE BAR RNAL 'BYOR SPYOD PA'I SA LAS GSUNGS PA NI, PHYI NANG GNYIS KA DANG, THEG PA CHE CHUNG GNYIS KA DANG, MDO SNGAGS GNYIS KA'I THUN MONG BA SEMS MI RTOG PAR 'JOG PA RING DU BSKYANGS PA THAMS CAD LA 'BYUNG BA YIN TE, DE'I TSUL NI SHES BYED KYI LUNG DANG

, ,BCAS PA BYANG CHUB LAM GYI RIM PAR BSHAD ZIN TO, ,DE'I PHYIR DE 'DRA BA'I BDE BA YANG 'DI'I BDE BA MIN NO, ,GZHAN YANG MTSAN NYID KYI THEG PAR BSHAD PA'I RLUNG 'BYUNG RNGUB SGOM PA DANG, BYA RGYUD BSAM GTAN PHYI MA DANG, SPYOD RGYUD RNAM SNANG MNGON BYANG DU GSUNGS PA'I RLUNG PHYIR RGYU BA BKAG NAS NANG DU BZUNG STE, LHA'I RNAL 'BYOR SGOM PA'I SROG RTZOL ZHES GSUNGS PA DE BSGOMS PA LA BRTEN NAS KYANG LUS SEMS LA BDE BA CHEN PO SKYE BA'I TING NGE 'DZIN SKYE MOD KYANG, NANG GI LUS KYI RTZA'I 'KHOR LO'I GNAD RNAMS SU GNAD DU BSNUN PA'I RLUNG GI RNAL 'BYOR MIN PAS, DE'I BDE BA YANG BLA MED KYI THEG PAR BDE STONG SBYOR BAR BSHAD PA'I BDE BA MIN PAS, RLUNG RDO RJE'I BZLAS PA DANG, BUM PA CAN GYI SROG RTZOL RNAMS DANG MTSUNGS PA MA YIN NO, ,SLOB DPON SANGS RGYAS GSANG BAS RLUNG PHYIR 'GRO BA BKAG NAS NANG DU BZUNG STE LHA SGOM PA RNAL 'BYOR RGYUD LA'ANG SBYAR BAR BSHAD DO, ,DE RNAMS MA GTOGS PA SHES RAB SNYING PO'I 'GREL PAR BUM PA CAN SGOM PAR BSHAD PA DANG, RGYUD SDE 'OG MA'I SKABS 'GA' ZHIG TU GONG MA'I LUS LA GNAD DU SNUN LUGS 'GA' ZHIG GIS BSHAD PA NI, MDO SNGAGS DANG RGYUD SDE GONG 'OG GI LAM GYI KHYAD PAR LEGS PO MI SHES PA'I RANG BZO MKHAN GYIS BYAS PA YIN PAS YID BRTAN MI RUNG NGO, ,MDOR NA RNAL 'BYOR RGYUD MAN CHAD KYI RGYUD SDE GSUM DANG, MTSAN NYID KYI THEG PAR STONG NYID KYI DON PHYIN CI MA LOG PAR BSGOMS

PA'I 'JIG RTEN LAS 'DAS PA'I ZAG MED KYI BDE BA MANG PO BSHAD MOD KYANG, LUS KYI RTZA 'KHOR GYI GNAD DU BSNUN PA LAS RLUNG DBU MAR TSUD PA'I DBANG GIS GTUM MO 'BAR NAS BYANG SEMS ZHU BA'I BDE BA MA BSHAD PAS, BDE STONG SBYOR BAR GSUNGS PA'I BDE BA'I DON MED DE, ,MAN NGAG SNYE MA LAS KYANG, 'O NA BSAM GTAN DANG PO THOB PA RNAMS KYANG 'KHOR LOS SGYUR BA RNAMS BZHIN DU BDE BAR NYE BAR BSTAN NA, BDAG MED PA NYID GNYIS KA RAB TU RTOGS PA NA LTA CI SMOS, DE LTAR NI RAB TU DGA' BA LHAG PA NYID LAS SA DANG PO RAB TU DGA' BA'O ZHES BRJOD PAR BYA BAS SO, ,ZHE NA, BDEN TE, 'DI LHAN CIG SKYES PA'I BDE BA NI MA YIN TE, DE NYID KYI PHYIR BDE BA CHEN PO MA YIN ZHING, LAS DANG PO PA'I GNAS SKABS SU THABS SU GYUR PA YANG MA YIN TE, KHAB KYI BU GA NI NAM MKHA'I BU GA'O ZHES PA KHO NAS, NAM MKHA' DANG YANG MNYAM PAR 'GYUR BA MA YIN PAS SO, ,ZHES BDAG MED GTAN MA RTOGS PA'I BSAM GTAN DANG PO THOB PA LA YANG BDE BA RGYA CHEN SKYE BAR GSUNGS NA, BDAG MED GNYIS PHYIN CI MA LOG PAR RTOGS NAS YUN DU MA'I BAR DU SGOM PA'I PHAR PHYIN GYI THEG PA PA LA STONG NYID BSGOMS PA'I BDE BA CHEN PO SKYE BA LTA CI SMOS, SA DANG PO RAB TU DGA' BA ZHES PA YANG SA DER BDE BA SHIN TU LHAG PAS DE LTAR BTAGS PAS NA, BLA MED KYI THEG PA BDE BA'I SGO NAS PHAR PHYIN GYI THEG PA LAS KHYAD PAR DU 'PHAGS PA MA YIN NO SNYAM PA'I RTZOD PA BKOD PA'I LAN DU STONG NYID BSGOMS

, ,PA'I BDE BA CHEN PO YOD PA BDEN YANG, DE LHAN CIG SKYES PA'I BDE BA MIN PAS BLA MED DU GSUNGS PA'I BDE BA CHEN PO MIN LA, PHAR PHYIN GYI THEG PAR LAS DANG PO PA'I SKABS SU LHAN CIG SKYES PA'I BDE BA DNGOS SU 'DREN PA'I THABS KYANG MA GSUNGS PAS, BDE BA CHEN PO'I SGO NAS MCHOG TU MA GYUR PA MIN PAR GSUNGS SO, ,YANG DE NYID LAS, 'O NA SHES RAB KYI PHA ROL TU PHYIN PAR GANG YANG BLA NA MED PA YANG DAG PAR RDZOGS PA'I BYANG CHUB KYI BDE BA ZHES GSUNGS SO ZHE NA, 'DI GSUNGS MOD, 'DI'I THABS BSTAN PA NI MA YIN TE, THABS SU GYUR PA LHAN CIG SKYES PA'I BDE BA CHEN PO NYE BAR MA BSTAN PA'I PHYIR RO, ,DE'I PHYIR DE YANG RIM PA 'DI KHO NAS RTOGS PAR BYA'O, ,ZHES PHAR PHYIN GYI THEG PAR 'BRAS BU BYANG CHUB KYI BDE BA'I THABS RGYU LAM GYI LHAN SKYES KYI BDE BA CHEN PO MA BSTAN PAS, 'BRAS BU'I SKABS SU BDE BA CHEN PO BSHAD DU CHUG KYANG, THEG PA GNYIS KHYAD PAR CHE BAR GSUNGS SO, ,GSANG BA GRUB PA LAS KYANG, DE YANG DE NYID RGYUD GNAS PAR, ,DPAL LDAN GSANG YANG RIM PA 'DI KHO NAS RTOGS PAR BYA'O, ,ZHES PHAR PHYIN GYI SBAS NAS BSTAN PA YIN, ,BYA BA SPYOD PA'I DBYE BA YANG, ,MDO SDE'I SDE SNOD LA SOGS SU, ,MCHOG TU DGA' BA GCIG PU NYID, ,RNAM PAR DU MAR RNAM PAR GNAS, ,PHUNG PO RIN CHEN SNOD NYID DU, ,SEMS CAN BSAM PA'I BYE BRAG GIS, ,DE NYID 'BAD PAS SBAS MDZAD NAS, ,SANGS RGYAS MGON POS RNAM PAR BZHAG ,CES LHAN CIG

SKYES DGA'I DE NYID DE RGYUD SDE 'OG MA DANG MDO SDE RNAMS SU MA BSTAN PAR SBAS PAR GSUNGS SO, ,DES NA MCHOG TU DGA' BA GCIG PU NYID DE RNAMS SU RNAM PA DU MAR GNAS PAR GSUNGS PA NI, MCHOG TU DGA' BA DE NYID LA RIM GYIS BKRI BAR BZHED NAS RNAM PA MI 'DRA BA DU MAR GSUNGS ZHES PA'I DON YIN GYI DE NYID DE RNAMS SU STON PA MIN TE, GZHAN DU NA DE RNAMS SU DBANG GONG MA RNAMS KYANG GSUNG DGOS TE, GSANG BA LA SOGS PA'I DBANG MA BSKUR BA LA BDE BA CHEN PO'I DE NYID STON PA BKAG PA'I PHYIR RO, ,DE LTAR LHAN CIG SKYES PA'I BDE BA THEG PA GZHAN DANG RGYUD SDE GZHAN DANG THUN MONG MA YIN PA'I KHYAD CHOS DAM PAR STON PA 'DI BLA MED KYI RGYUD DANG DE'I DGONGS 'GREL CHAD LDAN THAMS CAD NAS BSHAD MOD KYANG TSIG MANG DU DOGS PAS MA BRIS SO, ,DE LTAR NA STONG NYID PHYIN CI MA LOG PAR NGES NAS BSGOMS PA'I ZAG MED KYI BDE BA YIN KYANG LHAN CIG SKYES PA'I BDE BA MIN PA DU MA ZHIG YOD PA NI TSUL 'DIR SBYANGS PA CIG YIN NA, PHAR PHYIN GYI THEG PA BA THEG PA GZHAN DANG RGYUD SDE GZHAN DANG THUN MONG MA YIN DE'I DGONGS 'GREL CHAD LDAN THAMS CAD NAS BSHAD MOD KYANG TSIG MED KYI RDZOGS RIM GYI DON MED PA NI RGYUD SDE 'OG MA'I GZHUNG LA GO BA RAGS PA CHAGS NA'ANG SHES PAR NUS MOD KYANG, BLO GROS KYI NUS PA SHIN TU ZHEN PA'I SKABS SU 'DUG PAS, SNGAR BSHAD PA'I BDE BA DANG PO TZAM LA'ANG BLA MED KYI BDE STONG SBYOR BA'I BDE CHEN DU 'DZIN PA SHIN TU MANG BAR SNANG NGO, ,DE LTAR NA BDE STONG SBYOR BAR GSUNGS

, ,BA'I BDE BA NI LHAN CIG SKYES PA'I DGA' BA YIN LA, DE THOG MAR SKYE BA NI RO RKYANG GI RLUNG AA BA DH'U T'IR BTZUD PA'I DBANG GIS GTUM MO SBAR BAS BYANG SEMS BZHUS PA LAS SKYE LA, DE'I BDE BA DANG SNGAR BSHAD PA'I BDE BA RNAMS BDE BA TZAM DU MTSUNGS KYANG, DON SHIN TU KHYAD CHE BAS MA 'KHRUL BAR SO SOR PHYED PAR BYA'O, ,DE LA NI THEG PA 'DIR DMIGS PA MED PA'I SNYING RJE ZHES KYANG GSUNGS TE, MAN NGAG SNYE MA LAS, THABS NI DMIGS PA MED PA'I SNYING RJE CHEN PO 'GRO BA'I DON BYED PA LHAN CIG SKYES PA'I BDE BA CHEN PO'I RANG BZHIN NO, ,ZHES GSUNGS TE DE LTAR GSUNGS PA MANG NGO, ,GSUM PA LA GNYIS, DNGOS KYI DON DANG, DE LA RTZOD PA SPANG BA'O, ,DANG PO NI, 'O NA DMIGS MED KYI SNYING RJE'I BDE BA DANG STONG PA GNYIS DBYER MED DU SBYOR TSUL JI LTAR YIN SNYAM NA, DE NI DPAL Sm BHU tA LAS, SPROS PA MED PA'I RANG BZHIN NYID, ,SHES RAB CES NI RAB TU GRAGS, ,YID BZHIN NOR LTAR MA LUS PA'I, ,SEMS CAN DON BYE SNYING RJE NYID, ,DMIGS MED GNAS SU SHES RAB DANG, ,DMIGS MED SNYING RJE CHEN PO NYID, ,BLO DANG LHAN CIG GCIG GYUR PA, ,NAM MKHAR NAM MKHA' JI LTA'O, ,ZHES GSUNGS SHING, DE'I DON THABS SHES GTAN LA DBAB PA GRUB PA LAS KYANG, ,SHES PA SHES BYAR RAB PHYE STE, ,SBYOR BAS YONGS SU BRTAGS NA NI, ,CHOS RNAMS RANG BZHIN MED PA NYID, ,SHES RAB DE NYID DU NI BRJOD, ,MA LUS SDUG BSNGAL RGYA MTSO DANG, ,SDUG BSNGAL RGYU LAS 'DON GANG YIN

SNYING RJE SEMS CAN LA CHAGS PA, ,'DOD CHAGS ZHES NI BYA BAR GRAGS, ,ZHES GZUGS DANG SEMS SO SOR BYA NAS BRTAGS PAS RANG BZHIN MED PAR NGES PA SHES RAB DANG, THABS GANG LAS 'GRO BA'I DON 'BYUNG BA'I CHAGS PA CHEN PO LHAN CIG SKYES PA'I BDE BA LA SNYING RJER BSHAD NAS, CHU DANG 'O MA 'DRES PA BZHIN, ,GNYIS MED RNAM PA'I SBYOR BA YIS, ,GNYIS PO 'DUS PA GANG YIN PA, ,SHES RAB THABS SHES BYA BAR GRAGS, ,ZHES CHU DANG 'O MA 'DRES PA BZHIN DU SBYOR BAR GSUNGS PA LTAR BYED PA'O, ,DE YANG BDE BA DANG DE'I CHOS NYID NGO BO DBYER MED NI CHOS CAN GRUB TZAM NAS RANG GI STONG NYID DANG NGO BO DBYER MED DU GRUB ZIN PAS, DE RNAL 'BYOR DBYER MED DU BYA MI DGOS LA, DE BZHIN DU STONG NYID RTOGS PA'I BLO GZHAN ZHIG LA BDE BAS RGYAS 'DEBS PA DANG, BDE BA BSKYED PA'I 'OG TU STONG NYID KYI LTA BA GZHAN ZHIG GIS RGYAS 'DEBS PA YANG MIN TE, DE LA NI DPER NA SBYIN SOGS BDAG MED PA'I LTA BAS ZIN YANG SBYIN SOGS DE NYID LTA BA DE'I NGO BOR MI SKYE BA LTAR, STONG NYID RTOGS PA DANG BDE BA GNYIS PHAN TSUN GCIG GCIG GI NGO BOR MA SONG BA'I PHYIR RO, ,'O NA JI LTAR BYAD SNYAM NA, YUL CAN SHES PA LHAN CIG SKYES PA'I BDE BA'I NGO BOR SKYES PA DES, YUL STONG NYID KYI DON PHYIN CI MA LOG PAR RTOGS PA'I YUL YUL CAN DU SBYOR BA NYID BDE STONG DBYER MED DU SBYOR BA'O, ,DE YANG DON GYI LHAN SKYES KYI DUS SU YUL YUL CAN GNYIS 'O MA CHU LA ZHUGS PA BZHIN DU RO GCIG TU GYUR NAS GNYIS SNANG PHRA MO YANG

, ,DAG PA YIN LA, DON GYI LHAN SKYES MA SKYES PA'I GONG DU NI DE KHO NA NYID MNGON SUM DU MA RTOGS PAS DE KHO NA NYID LA MOS PA YID BYED KYIS 'JUG DGOS PA'I PHYIR RO GCIG PAR MOS PA TZAM MO, ,YUL STONG PA NYID DANG GNYIS MED DU SBYOR TSUL DE LTAR YIN PAS STONG NYID RTOGS PA'I BLO DANG BDE BA GNYIS NGO BO DBYER MED DU SBYOR TSUL NI BLO GNYIS NGO BO THA MI DAD KYI GRUB SDE GCIG TU SKYES PA'O, ,STONG NYID KYI GO BA'I PHU THAG GCOD LUGS DBU MA NAS 'BYUNG BA LAS LHAG PO MED PAS, THEG PA 'DI DANG PHAR PHYIN GYI THEG PA GNYIS STONG NYID KYI LTA BA LA MCHOG DMAN MED DO, ,NGES RGYU'I DON GCIG YIN KYANG NGES BYED KYI BLO LA LHAN SKYES KYI BDE BAS STONG NYID NGES PA'I STOBS 'DRA BA YUL CAN GZHAN GANG GIS NGES PA LA MED PAS, STONG PA LA KHYAD MED KYANG THABS BDE BAS KHYAD PAR DU 'PHAGS PAR GSUNGS SO, ,BDAG MED PA'I STONG NYID PHU THAG CHOD PA MA NGES NA 'KHOR BA LAS MI GROL LA, NGES BYED LHAN CIG SKYES PA'I BDE BA MA SKYES NA SNGAGS KYI LAM MCHOG GI GNAD MED PAS RE RES MI CHOG GI GNYIS KA DGOS PAR GSUNGS TE, SA RA HAS, SNYING RJE DANG BRAL STONG PA NYID ZHUGS PAS, ,DES NI LAM PA TZAM MO, ,YUL STONG PA NYID DANG GNYIS MED DU SBYOR TSUL DE LTAR YIN PAS STONG NYID RTOGS PA'I BLO DANG BDE BA GNYIS MA YIN NA, ,'ON TE SNYING RJE 'BA' ZHIG BSGOMS NA YANG, ,'KHOR BA 'DIR GNAS THAR PA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, ,ZHES GSUNGS TE DHO HA LAS

NI LHAN CIG SKYES PA'I YE SHES NYID LAM GYI SNYING POR 'CHAD PAS, 'DI'I SNYING RJE YANG LHAN SKYES KYI BDE BA YIN NO, ,SNGAR BSHAD PA LHAN SKYES KYI BDE BA SKYES PA NA RNAM RTOG RAGS PA RNAMS LOG NAS SEMS GA-YO MED DU GNAS PA DANG GIS 'BYUNG BAS, BDE BA NYID YUL GANG LA YANG MI 'PHRO BAR MI RTOG PA SGOM PA TZAM STONG PA SGOM PA'I DON YIN NA, BDE BA 'BA' ZHIG BSGOMS NA 'KHOR BA LAS MI GROL BAR 'CHAD PA MI RIGS PAS, BDAG MED PA'I DON LEGS PAR GTAN LA PHAB PA'I NGES SHAS SKYONG DGOS SO, ,GNYIS PA NI, GAL TE LHAN SKYES KYI BDE BAS BDAG MED PA'I DON NGES PAR BYAS PA'I NGES SHES SKYONG BA STONG NYID SGOM PA YIN NA, Sm BHU tA LAS, STONG PA BSGOM PAR MI BYA STE, ,STONG MIN BSGOM PAR MI BYA'O, , STONG PA MI SPANG RNAL 'BYOR PAS, ,STONG MIN YONGS SU MI SPANG NGO, ,STONG DANG STONG MIN BZUNG BA LAS, ,RTOG PA NYUNG MIN SKYE BAR 'GYUR, ,YONGS SU SPANGS NA KUN RTOG STE, ,DE PHYIR DE GNYIS YONGS SU SPANG, ,ZHES STONG MI STONG GANG DU YANG BZUNG NAS BSGOM PAR MI BYA BAR GSUNGS PA DANG 'GAL LO ZHE NA, LUNG DE'I DON NI MAN NGAG SNYE MA LAS 'DI LTAR BSHAD DE, GZUGS LA SOGS PA RNAMS DON DAM PAR YOD PAS STONG PAS RTAG PA'I MTHA' SPANGS SHING, KUN RDZOB TU YOD PAS MI STONG BAS CHAD PA'I MTHA' SPANGS PA'I PHYIR KUN RDZOB TU YOD PAS STONG PA DANG, DON DAM DU YOD PAS MI STONG BAR BZUNG NAS SGOM PA BKAG PA DANG, GZUGS SOGS DON DAM PAR RANG BZHIN MED PA NYID KUN RDZOB TU GZUGS SOGS KYI NGO BO YIN

, ,PAS, DON DAM PAR STONG PA DANG KUN RDZOB TU MI STONG PA'I NGO BO SPONG BA MI RIGS PAR BSHAD DO, ,DES NA DON DAM PAR MI STONG PAR 'DZIN PA DANG, THA SNYAD DU MED PA'I STONG PAR BZUNG BA LAS MTHAR 'DZIN GYI RTOG PA KUN SKYE LA, DON DAM PAR STONG PA SPANGS NA RTAG MTHAR LTUNG BA'I KUN RTAG DANG, THA SNYAD DU MI STONG BA SPANGS NA LAS 'BRAS CHAD PAR 'DZIN PA'I KUN RTOG SKYE BA GZHUNG GI DON YIN GYI KHYED CAG 'CHAD PA LTAR MIN TE, LUNG DE'I GONG DE NYID DU, CHOS DBYINGS SHIN TU MNYAM PA NYID, ,CHU SHING LTA BUR YONGS SU GZUNG, ZHES SNYING PO MED PAR GZUNG BAR GSUNGS PA'I PHYIR DANG, YANG DE NYID LAS, SDUG BSNGAL MA LUS ZAD PAR 'DOD PA DANG, ,RDZOGS SANGS RGYAS KYI BDE MCHOG THOB 'DOD PAS, ,SEMS NI BRTAN PAR BYAS NAS 'BAD PAS DPYAD, ,DE YI RANG BZHIN DNGOS PO MED PAR BYA, ,ZHES 'BAD NAS DPYAD DE RANG BZHIN MED PAR NGES PAR BYED PA SDUG BSNGAL THAMS CAD ZAD PA DANG BDE BA MCHOG THOB PA'I RGYUR GSUNGS PA'I PHYIR RO, ,GZHAN YANG DNGOS PO BDEN PAR 'DZIN PA MI STONG BAR 'DZIN PA DANG, DNGOS PO MI BDEN KYANG BDEN DNGOS KYIS STONG PA'I STONG NYID BDEN PAR 'DZIN PA STONG PAR 'DZIN PA'I DON YANG YIN TE, THABS DANG SHES RAB GRUB PA LAS, ,'KHRUL PA BSAL BAR 'DOD PA YI, ,BSHES GNYEN CAN GYIS DNGOS 'DZIN SPONGS, ,GAL TE MING TZAM THA DAD KYANG, ,RTOG PA NYID DU DBYER MED PHYIR, ,MKHAS PAS DNGOS 'DZIN YONGS BTANG STE, ,DNGOS

MED PAR YANG MI BRTAG GO ,MAR ME 'BAR BA BSAD RUNG GI ,SHI NAS CI YANG BYAR MED LTAR, ,DNGOS POR 'DZIN PA NYID RUNG GI ,DNGOS MED 'DZIN PA DE LTA MIN, ,ZHES DNGOS PO BDEN 'DZIN LA DNGOS 'DZIN ZHES MING BSDUS NAS BRJOD PA DE SPANG DGOS PA LTAR DE DANG BDEN DNGOS KYI STONG PA'I STONG NYID BDEN PAR 'DZIN PA GNYIS MING MI 'DRA YANG DON BDEN 'DZIN GYI RTOG PA LA KHYAD PAR MED PAS DE YANG SPANG DGOS ZHES GSUNGS SO, ,MAR ME ZHES SOGS KYI DON NI, DNGOS PO BDEN PAR 'DZIN PA LA DE BDEN MED DU BSTAN NA BDEN 'DZIN LDOG SLA YANG DNGOS PO BDEN 'DZIN LDOG BYED DNGOS PO BDEN PAS STONG PA LA BDEN PAR BZUNG NA, ZAS MA ZHU BA 'JOMS BYED KYI SMAN KHONG DU SONG NAS MA ZHU BA DANG 'DRA BAR GSOR MI RUNG BA'I LTA BA CAN DU DBU MA'I GZHUNG NAS GSUNGS PA DANG DON GCIG GO ,'DIS NI BYANG CHUB SEMS 'GREL LAS, SKYE MED DANG NI STONG NYID DANG, ,BDAG MED CES BYAR STONG PA NYID, ,BDAG NYID DMAN PAR GANG SGOM PA, ,DE DE SGOM PAR BYED PA MIN, ,ZHES GSUNGS PA YANG SKYE MED DANG BDAG MED LA BDEN PAR BZUNG NAS SGOM PA 'GOG PAR SHES PAR BYA STE, 'JIG RTEN LAS 'DAS PAR BSTOD PA LAS, KUN RTOG THAMS CAD BSAL BA'I PHYIR, , STONG NYID BDUD RTZI STON MDZAD NA, ,GANG ZHIG DE LA ZHEN GYUR PA, ,DE NYID KHYOD KYIS SHIN TU SMAD, ,CES GSUNGS PA LTAR RO, ,DES NA DE 'DRA'I RIGS KYANG BKA' DANG DGONGS 'GREL LAS MANG DU GSUNGS LA, YANG STONG NYID DANG BDAG MED DANG

, ,SKYE MED SOGS SU BLTAS NAS SGOM PAR YANG MANG DU GSUNGS PA RNAMS MI 'GAL BA'I TSUL DE LTAR DU SHES PAR BYA'I, 'KHOR BA'I RTZA BA GCOD BYED BDAG MED KYI NGES PA 'DREN PA LA BAR CHAD MI BYA'O, ,DE 'DRA BA'I NGES PA DE SO SO SKYE BO'I DUS SU RTOG PA PHRA MO DANG YANG BRAL BA'I RTOG BRAL MIN KYANG MI RTOG YE SHES DANG SHIN TU MTHUN PAS DE BSGOMS PA LAS MI RTOG PA SKYE BAR GSANG 'DUS KYI 'GREL PA SNYIM PA'I ME TOG DANG, MAN NGAG SNYE MA DANG, BDAG SGRUB PA'I THABS LA 'JUG PA LAS GSAL BAR GSUNGS TE, GZHAN DU MANG DU BSHAD ZIN PA DANG TSIG MANG DU DOGS NAS MA BRIS SO, ,MDOR NA 'KHOR 'DAS KYI CHOS GANG LA YANG BDEN PAR 'DZIN PA'I MTSAN 'DZIN GYI DMIGS GTAD BYAS RDUL TZAM YANG MED PAR NGES SHING, DON DE LA YANG RGYU 'BRAS RTEN 'BREL GYI BYA BYED THAMS CAD CHES SHIN TU 'THAD PAR MTHONG BA'I MTHA' GNYIS DANG BRAL BA'I DON LA, TSAD MA'I STOBS KYIS NGES PA RNYED PA'I STONG NYID RTOGS PA LA NI, THA NA DON 'GYUR GYI THE TSOM ZOS PAS KYANG SRID PA HRUL POR BYED PA LA SOGS PA'I PHAN YON MTHA' MED PA CIG GSUNG RAB DGONGS 'GREL DANG BCAS PA NAS LAN CIG MA YIN PAR GSUNGS PA'I STENG DU BLA MED RDO RJE THEG PA LAS DE 'DRA BA DE YUL CAN KHYAD PAR CAN LHAN CIG SKYES PA'I DGA' BAS LEGS PAR NGES PA LA, YUL CAN BDE BA CHEN PO'I SGO NAS KYANG TSE 'DI NYID LA MCHOG STER BA SOGS KYI GNAS SKABS DANG MTHAR THUG GI PHAN YON DPAG TU MED PA CIG BSHAD

PAS, RNAM DPYOD CAN GYIS NI BDAG MED PA'I DON PHU THAG CHOD PAR NGES PA'I LTA BA DANG, THUN MONG MA YIN PA'I BDE BA CHEN PO 'DREN PA'I THABS MTHA' CHOD PA'I MAN NGAG LA ZHUGS NAS, BDE STONG DBYER MED DU SBYOR BA'I LHAN CIG SKYES PA'I YE SHES 'TSOL BA LA 'GUS PAR BYA'O, ,'DUS PA'I RGYUD PHYI MA LAS, RTZA RGYUD DU BYANG CHUB KYI SEMS ZHES GSUNGS PA'I DON DRIS PA NA, STONG PA DANG SNYING RJE DBYER MED PA BYANG CHUB KYI SEMS SU GSUNGS SHING, RTZA RGYUD LE'U GNYIS PAR BYANG CHUB KYI SEMS GSUNGS PA RNAMS LA SGRON GSAL DU 'OD GSAL DANG ZUNG 'JUG GI MTHAR THUG GI BYANG CHUB KYI SEMS GNYIS GSUNGS PA'I SNGA MA NI DON GYI LHAN SKYES YIN PAS, BDE STONG DBYER MED KYI STONG PA DANG SNYING RJE'I BYANG CHUB KYI SEMS 'DUS PA'I LUGS LA MA BSHAD PA MIN NO, ,RIM LNGA LAS KYANG, CHOS PHUNG BRGYAD KHRI BZHI STONG NI, ,THUB PA CHEN POS GSUNGS PA LAS, ,MNGON PAR BYANG CHUB MTSAN NYID NI, ,SNYING PO LAS NI SNYING POR GSUNGS, ,ZHES DON GYI 'OD GSAL MNGON PAR BYANG CHUB PA SNYING PO'I YANG SNYING POR GSUNGS PA YANG DON GYI LHAN SKYES BDE STONG DBYER MED KYI BYANG CHUB KYI SEMS YIN NO, ,BLA MED KYI RGYUD DANG, DE'I DGONGS 'GREL TSAD LDAN RNAMS KYI KHA CIG TU BDE BA'I PHYOGS GSAL ZHING STONG NYID RTOGS TSUL DE TZAM DU MI GSAL BA DANG, KHA CIG TU STONG NYID RTOGS TSUL GSAL LA BDE BA'I PHYOGS DE TZAM DU MI GSAL BA RNAMS SU YANG BDE STONG GNYIS KA SBYOR BA DON DU GZUNG GI RE RE BA LA 'KHRUL PAR MI BYA'O, ,BDE

, ,STONG DBYER MED KYI GTAM NI RLUNG LTAR RAB TU GRAGS KYANG, BDE BA RNAMS KYI KHYAD PAR PHYED PA'I BDE CHEN DANG, STONG PA RNAMS KYI KHYAD PAR PHYED PA'I STONG PA'I MTHAR THUG DANG SBYOR TSUL SHES PA SHIN TU DKON PA LA DGONGS NAS SA RA HAS, KHYIM DANG KHYIM NA DE YI GTAM SMRA YANG, ,BDE CHEN GNAS NI YONGS SU SHES PA MED, ,CES GSUNGS PAS CUNG ZAD TZAM RES TSIM SLA BAR MI BYA BAR GSANG BA LAS KYANG CHES GSANG BA'I DON 'DI RTOGS PA LA YUN RING DU 'BAD PAR BYA'O, ,GNYIS PA LA GNYIS, DNGOS KYI DON DANG, DE LTAR BSHAD DGOS PA'I RGYU MTSAN NO, ,DANG PO NI, DE LTAR BDE STONG DBYER MED KYI STONG PA DANG SNYING RJE AE WAm GYI DON YIN TSUL SNGAR BSHAD PA LTAR YIN NA, BDEN GNYIS DBYER MED KYI STONG PA DANG SNYING RJE'I BYANG CHUB KYI SEMS AE WAm GYI DON DU 'CHAD PA JI LTAR YIN SNYAM NA, SNGAR BSHAD PA'I BDE STONG DBYER MED DE NYID LA RNAL 'BYOR MA'I RGYUD KYI BSHAD PA MDZAD PA MANG POS, BDE STONG ZUNG 'JUG DANG, BDEN GNYIS ZUNG 'JUG CES BSHAD CING, 'PHAGS LUGS KYI ZUNG 'JUG GI DON KYANG DE LA 'CHAD PA YOD MOD KYANG, MGON PO KLU SGRUB KYI LUGS KYIS NI SNGAR BSHAD PA'I DON GYI LHAN SKYES KYI BDE STONG DBYER MED DE TZAM LA ZUNG 'JUG TU MI BYED DO, ,DE YANG 'DUS PA PHYI MA LAS, THOG MA THA MA MED ZHI BA, DNGOS DANG DNGOS MED MI ZAD GTZO, ,STONG NYID SNYING RJE MI PHYED PA, ,BYANG CHUB SEMS ZHES BYA BA YIN, ,ZHES GSUNGS PA'I BYANG CHUB KYI SEMS LA SNGAR BSHAD PA LTAR GNYIS

YOD PA'I ZUNG 'JUG GI BYANG CHUB KYI SEMS 'DIR BSHAD PAR BYA'O, ,DE LA STONG NYID NI DNGOS MED CES PA DANG, SNYING RJE NI DNGOS DANG ZHES PAS STON LA, DE GNYIS KYANG THABS DANG SHES RAB TU GSUNGS TE DE NYID LAS, GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,ZHES THABS SHES SNYOMS PAR 'JUG PA RNAL 'BYOR GYI DON DU BSHAD PA'I SKABS SU GSUNGS SO, ,SBYOR BA YAN LAG DRUG GI DRUG PA'I SKABS SU THABS SHES SNYOMS PAR 'JUG PAR GSUNGS PA'I DON SGRON GSAL LAS THABS KUN RDZOB KYI BDEN PA DANG, SHES RAB DON DAM PA'I BDEN PA GNYIS SBYOR BA ZUNG 'JUG TU GSUNGS PA LTAR YIN NO, ,SPYIR THABS SHES LA MANG DU YOD KYANG 'DIR ZUNG 'JUG GI THABS SHES NGOS 'DZIN PA'O, ,DE LA DON DAM BDEN PA DNGOS NI CHOS RNAMS KYI CHOS NYID 'DUS MA BYAS YIN MOD KYANG, 'DIR DE DANG BDE BA CHEN PO GNYIS RO GCIG TU ZHUGS PA'I 'OD GSAL GYI YE SHES LA YANG DON DAM BDEN PA ZHES YUL DANG YUL CAN SO SOR MA PHYE BAR MANG DU GSUNGS SO, ,DE 'DRA BA'I DON GYI LHAN CIG SKYES PA'I YE SHES 'DI LA YANG DON GYI 'OD GSAL RKYANG PA'I SKABS GCIG DANG ZUNG 'JUG GI SKABS KYI 'OD GSAL GNYIS LAS, DANG PO NI RIM LNGA'I RIM PA BZHI PAR BSHAD PA'I MNGON PAR BYANG CHUB PA'I RIM PA'AM 'OD GSAL GYI RIM PA DANG, GNYIS PA NI RIM PA LNGA PA ZUNG 'JUG GI RIM PA'I YA GCIG YIN PAS, GZHUNG GZHAN NAS BSHAD PA'I BDE STONG DBYER MED KYI DON GYI LHAN SKYES

, ,TZAM ZHIG NI, TSUL BZHI'I MTHAR THUG GI BSHAD PA LA GNYIS YOD PA'I 'OD GSAL GYI MTHAR THUG YIN KYANG, DE'I GONG NA ZUNG 'JUG GI MTHAR THUG YOD PAS DA DUNG DER MA SLEB BO, ,GAL TE ZUNG 'JUG GI YA GCIG DON DAM PA'I PHYOGS DE LTAR YIN NA, DE'I YA GZHAN KUN RDZOB BDEN PA'I PHYOGS DE GANG YIN SNYAM NA, GZHUNG GZHAN NAS KUN RDZOB BDEN PA BSHAD PA DANG 'DI MI 'DRA BAS, 'DIR NI STONG PA'I YE SHES DANG PO BO GCIG TU 'JUG PA DE'I BZHON PAR GYUR PA'I YE SHES KYI RLUNG 'OD ZER LNGA PA'I NYER LEN LAS GRUB PA'I MTSAN DPES BRGYAN PA'I YONGS SU DAG PA'I SGYU MA'I SKU LA KUN RDZOB BDEN PA ZHES YANG YANG BSHAD PA DE'O, ,SEMS DBEN GYI STONG PA GSUM GYI MTHAR YANG RLUNG 'OD ZER LNGA PA LAS GRUB PA'I SGYU MA KUN RDZOB PA'I SKU 'BYUNG BA NI RIM LNGA'I RIM PA GSUM PA BDAG BYIN GYIS BRLAB PA'I RIM PA ZHES PA SGYU MA'I SKU'O, ,'DI RNAMS RGYAS PAR 'CHAD PAR 'GYUR RO, ,DES NA SNGAR BSHAD PA DE 'DRA BA'I DON GYI 'OD GSAL DANG, YONGS SU DAG PA'I SGYU MA'I LUS GNYIS NI DBYER MED DU SBYOR RGYU AE DANG WA YIG GI DON YIN LA, SBYOR TSUL SNGA MA THUGS DANG PHYI MA SKUR NGO BO GCIG TU SBYOR BA NI THIG LE'I DON TE, AE WAm GYI DON GNYIS PA ZUNG 'JUG GI MTHAR THUG GO ,DE YANG 'DUS PA'I BSHAD RGYUD LHA'I DBANG POS ZHUS PA LAS, AE WAm YIG GNYIS SGYU MA LA, ,THAMS CAD MKHYEN PA 'DIR BZHUGS PAS, ,DAM CHOS BSTAN PA'I THOG MAR NI, ,AE WAm DE

PHYIR RAB TU BSHAD, CES GSUNGS PA'I SGYU MA NI ZUNG 'JUG YIN PAS, AE WAm GYI DON GNYIS PA BSTAN NO, ,'DI LA SLOB PA DANG MI SLOB PA'I ZUNG 'JUG GNYIS YOD DO, ,'DI LA SHES RAB DANG SNYING RJE'I THA SNYAD KYANG 'PHAGS PAS MDZAD DE, RIM PA LNGA PA LAS, SHES RAB SNYING RJE GCIG PAR NI, ,SHES NAS GANG DU 'JUG GYUR PA, ,ZUNG 'JUG CES BYAR BSHAD PA STE, ,RIM 'DI SANGS RGYAS SPYOD YUL LO, ,ZHES GSUNGS SO, ,RIM PA GSUM PA BDAG BYIN BRLABS KYI SKABS NAS KYANG SGYU MA'I SKU DANG STONG PA'I YE SHES GNYIS SBYOR BA'I AE WAm GYI DON YOD DE, DE NI SBAS DON GYI AE WAm MO, ,LUGS 'DI DAG TU STONG PA BZHI BSHAD PA'I DON NI RNAL 'BYOR MA'I RGYUD DANG DE'I DGONGS 'GREL RNAMS SU DGA' BA BZHI BSHAD PA YIN LA, 'DIR STONG PA GSUM DANG BZHI PA'I BAR DU RLUNG SEMS LAS GRUB PA'I SGYU MA'I SKU BSHAD PA BZHIN DU, RNAL 'BYOR MA'I RGYUD KYI SKOR DU DGA' BA GSUM DANG BZHI PA'I BOR DU DE LTAR MA BSHAD CING, 'DIR DON GYI 'OD GSAL GYI MJUG TU RLUNG SEMS TZAM LAS GRUB PA'I SGYU MA'I SKU BSHAD PA BZHIN DU, GZHAN DU DON GYI LHAN SKYES KYI DGA' BA'I MJUG TU DE LTAR MA BSHAD PAS, 'BRAS BU'I GZUGS SKU'I NYE RGYU'I SLOB PA'I ZUNG 'JUG GI SKU DANG, DE'I NYE RGYUR RIM PA GSUM PA'I SGYU MA'I SKU RLUNG LAS SGRUB TSUL GSAL BAR BSHAD PA 'DI NI, LUGS MCHOG TU GYUR PA 'DI'I KHYAD PAR GYI CHOS BLA NA MED PA'O, ,GNYIS PA NI, GAL TE RNAL 'BYOR BLA MED KYI RGYUD 'DIR DE 'DRA BA'I SGYU MA'I SKU SGRUB TSUL GDON MI ZA BAR BSHAD

, ,DGOS NA DE LTAR YIN MOD KYANG, DE 'DRA BA'I SGYU MA'I SKU SGRUB TSUL NGES PAR BSHAD DGOS PAR GANG LAS SHES SNYAM NA, RNAM DPYOD DANG LDAN PA KHYOD NYON CIG ,SHIN TU RTOGS DKA' BA'I GNAS 'DI BDAG GIS YANG DAG PA'I SGRUB BYED RNAMS KYIS GTAN LA DBAB PAR BYA'O, ,'DI LA BZHI, GZUGS SKU'I RGYU THUN MONG MA YIN PA'I SGO NAS BSGRUB PA DANG, SBYANG GZHI'I GNAD THUN MONG MA YIN PA'I SGO NAS BSGRUB PA DANG, LHA SKYED TSUL GYI GNAD LA BRTEN TE BSGRUB PA DANG, THABS SHES NGO BO DBYER MED KYI GNAD LA BRTEN NAS BSGRUB PA'O, ,DANG PO NI, MNGON RTOGS RGYAN LAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PAS DPER NA SKOM PAS GDUNGS PAS DON DU GNYER BYA'I GTZO BO BTUNG BA YIN KYANG, DE THOB PA'I THABS SU SNAD DON DU GNYER BA LTAR, THEG PA CHEN PO PA RNAMS KYANG SEMS CAN SDUG BSNGAL GYIS MNAR BA DANG, BDE BAS PHONGS PA SHES MA BZOD PA'I SNYING RJE CHEN POS YID BSKYOD PA'I MTHUS DON DU GNYER BYA'I GTZO BO GZHAN GYI DON YIN LA, 'ON KYANG DE PHUN SUM TSOGS PA SGRUB PA LA SANGS RGYAS MA THOB NA THABS GZHAN GYIS MI NUS PAR MTHONG NAS, DE'I THABS SU RDZOGS PA'I SANGS RGYAS DON DU GNYER BA 'DI NI SNGAGS DANG PHA ROL TU PHYIN PA'I THEG PA CHEN PO GNYIS 'DRA STE, SEMS BSKYED LA KHYAD PAR MED PA'I PHYIR RO, ,DE LTAR NA SEMS CAN LA DNGOS SU SNANG NAS DE'I DON SGRUB PA NI SKU GNYIS KYI NANG NAS GZUGS SKU YIN GYI

CHOS SKU MIN PAS DON DU GNYER BYA'I GTZO BO GZUGS SKU'O, ,DE'I PHYIR GZUGS SKU SGRUB BYED KYI THABS DE'I RIGS 'DRA'I RGYU KHYAD PAR CAN, THEG PA GZHAN DANG, RGYUD SDE GZHAN DANG, RIM PA DANG PO LA MED PA'I KHYAD CHOS BLA NA MED PA CIG RDZOGS RIM GYI SKABS SU DGOS SO, ,DE LA STONG PA NYID RTOGS PA'I SHES RAB MED NA 'KHOR BA'I 'CHING BA LAS GROL BA'I THAR PA YANG 'THOB PAR MI NUS PAS, DE 'DRA BA'I SHES RAB THEG DMAN LA YANG YOD MOD KYANG, GZUGS SKU'I RGYU'I THABS KYI CHA TSANG BA MED PAS STONG NYID JI TZAM BSGOMS KYANG SRID PA LAS GROL BA'I THAR PA 'THOB KYI THAMS CAD MKHYEN PA MI 'THOB PA, DES NA GZUGS SKU'I RGYU'I THABS RNAMS LA'ANG STONG NYID KYI RTOGS PA MED MI RUNG YIN KYANG, STONG NYID KYI RTOGS PA CHOS SKU'I BAR DU KHYAD ZHUGS PAR 'GRO BA LA YANG THABS KYI CHA TSANG BA NGES PAR SGOM DGOS PA NI THEG CHEN PA GNYIS KA'I LUGS YIN NO, ,'ON KYANG PHA ROL TU PHYIN PA'I THEG CHEN LA CHOS SKU DANG RJES SU MTHUN PA'I LAM SGOM PA YOD KYANG, GZUGS SKU DANG RJES SU MTHUN PA'I LHA'I SKU SGOM PA MED PAS GZUGS SKU'I THABS LA MCHOG DMAN YOD PA DANG, SKU GNYIS DANG RJES SU MTHUN PA'I LAM GNYIS KYANG SGOM DGOS MI DGOS MGO MTSUNGS PA'I TSUL DANG, DE YANG RGYUD SDE BZHI KA'I LAM LA 'DOD DGOS PA SOGS RGYAS PAR NI RDO RJE 'CHANG GI LAM GYI RIM PAR BSHAD ZIN PAS 'DIR MA SPROS SO, ,DE YANG RGYUD SDE 'OG MA GSUM GYI LHA'I RNAL 'BYOR NI BLA MED LA BLTOS TE SHIN TU RING PA'I GZUGS

, ,SKU'I RGYU YIN LA, BLA MED KYI RIM PA DANG PO'I LHA'I RNAL 'BYOR RNAMS KYANG, RDZOGS RIM GYI RTOGS PA SKYE BA'I DGE RTZA SMIN BYED TZAM YIN PAS, DE LAS CHES KHYAD ZHUGS PA'I RDZOGS RIM PA'I LHA'I RNAL 'BYOR SPYIR GZUGS SKU'I RGYU BYED PA CIG DANG, KHYAD PAR DU SLOB LAM GYI RDZOGS RIM GYI MTHAR 'BRAS BU'I GZUGS SKU'I NYER LEN BYED PA'I MTSAN DPE'I RIGS 'DRA'I RGYU ZHIG DGOS SO, ,'DI LA PHA ROL TU PHYIN PA'I THEG PAR GZUGS SKU'I RGYUR SPYIR BSOD NAMS KYI TSOGS DU MA ZHIG DANG, KHYAD PAR DU MTSAN SO SO'I RGYU BLA MA BSU SKYEL LA SOGS PA TSE RABS MANG POR TSOGS BSAGS PA'I SA THOB NAS, 'BRAS BU'I MTSAN DPE DANG, RJES SU MTHUN PA'I LUS 'THOB PA DANG, DE YANG SA GONG MA GONG MAR JE BZANG DU SONG NAS SRID PA THAM PA'I DUS SU LAM DE'I SLOB LAM GYI MTSAN DPE MTHAR THUG PA RNAMS 'THOB BO, ,DE NAS DE 'TSANG RGYA BA'I TSE LUS DE NYID KYI MTSAN DPE'I RIGS 'DRA SNGA MAS 'BRAS BU'I MTSAN DPE'I RIGS 'DRA'I RGYU BYED PAR BSHAD KYI, SNGAR MTSAN DPE'I LUS MA THOB PAR GLO BUR DU GNAS GYUR 'DOD PA MIN NO, ,DE BZHIN DU BLA MED KYI LAM GYIS TSE GCIG LA 'TSANG RGYA BA LA YANG LUS GRUB TZAM NAS MTSAN DPES BRGYAN PA'I LUS, 'THOB DGOS PAR GSUNGS PA MED LA SLOB LAM DU MTSAN DPES BRGYAN PA'I LUS SHIG MA THOB NA'ANG RIGS 'DRA'I RGYU MED PAS GLO BUR DU LUS GNAS 'GYUR BA YANG MIN NO, ,DE'I PHYIR RDZOGS RIM GYI SLOB LAM GYI SKABS NAS

MTSAN DPES BRGYAN PA'I LUS 'THOB DGOS LA, RNAM SMIN GYI LUS RAGS PA 'DI LHA'I RNAL 'BYOR BSGOMS PAS MTSAN DPES BRGYAN PA'I LUS SU SKYED PA YANG MIN ZHING, BSKYED RIM GYI SKABS BZHIN DU BLOS LHA'I SKUR BSGOMS PA RKYANG PA'I LUS KYIS KYANG MI CHOG PAS DE DAG LAS GZHAN PA'I MTSAN DPES BRGYAN PA'I LUS THOB PA'I LHA'I RNAL 'BYOR KHYAD PAR CAN ZHIG DGOS LA, DE'I NYER LEN KYANG RLUNG LAS GZHAN DU 'THAD PA MIN PA'I PHYIR RLUNG LAS SGYU MA'I SKU SGRUB PA'I TSUL NGES PAR DGOS SO, ,GZHAN YANG BSHAD PA'I RGYUD RDO RJE 'PHRENG BA DANG DGONGS PA LUNG STON LA BRTEN NAS, GZHI DUS KYI SEMS CAN GYI LUS LA GNAS SKABS PA RAGS PA'I LUS CIG DANG, RLUNG SEMS TZAM LAS GRUB PA'I GNYUG MA'I LUS GNYIS YOD PAR NI 'OG TU SGRUB LA, DE'I TSE YE SHES CHOS SKU'I NYER LEN GNYUG MA LHAN CIG SKYES PA'I SEMS YIN PAR 'DOD PA DE BZHIN DU RLUNG SEMS TZAM LAS GRUB PA'I GNYUG MA'I LUS KYI NYER LEN LAS KYANG GZUGS KYI SKU SGRUB DGOS PA RNAM PA THAMS CAD DU MTSUNGS PA YIN TE 'CHAD PAR 'GYUR RO, ,GNYIS PA NI, BLA MED KYI RGYUD RNAMS NAS RTEN GZHAL YAS KHANG GI SNOD DANG, BRTEN PA LHA'I BCUD KHYAD PAR CAN GNYIS GSAR DU 'CHAGS PA'I RIM PA CIG STON LA, DE'I SNOD 'CHAGS PA'I RIM PA NI GZHI DUS KYI SNOD KYI 'JIG RTEN 'JIG CHAGS KYI RIM PA DANG BSTUN NAS BYED PAR 'DOD KYANG 'DOD LA RGYUD KYI DGONGS PA YANG YIN NO, ,RGYU MTSAN DE'I GNAD KYIS BCUD KYI LHA SKYED PA SOGS KYI RIM PA YANG

, ,PA YANG GZHI DUS KYI SEMS CAN SKYE BA DANG 'CHI BA DANG BAR DO'I RIM PA BZHIN DU BYA DGOS SHING, DE YANG BSKYED RIM TZAM MIN GYI RDZOGS RIM LA YANG DE LTAR BYA DGOS SO, ,DE'I TSE 'OD GSAL MNGON DU BYED PA 'CHI BA'I RIM PA BZHIN DU BYAS PA'I MTHAR PHUNG PO RAGS PA RNYING PA'I LUS LAS LOGS SU BYE NAS, RLUNG SEMS TZAM LAS BAR DO GRUB PA'I RIM PA BZHIN DU 'OD GSAL GYI MTHAR RLUNG SEMS TZAM LAS SGYU MA'I SKU YANG SGRUB DGOS PAR SHES PA YIN TE, 'DI NI RGYAS PAR DPAL KLU'I BYANG CHUB KYIS BSHAD PA'I GZHUNG RNAM GZHAG RIM PA'I RNAM BSHAD DU BSHAD ZIN PAS 'DIR MA SPROS LA, RDZOGS RIM GYI RNAM GZHAG RNAMS DE RNAMS DANG 'DRA BAR BYED PAR RDO RJE 'PHRENG BA LAS GSUNGS PA NI 'CHAD PAR 'GYUR RO, ,GSUM PA NI, BYA RGYUD NAS BRTZAMS TE LHA'I SKYED CHOG BYED PA NA, STONG PAR ZHUGS PA RE'I MTHAR LHA'I SKUR LDANG BA RE BSHAD 'DUG PA 'DI LA, MTHAR RDZOGS RIM GYI SKABS SU MOS NO TZAM GYIS DE LTAR BYED PA MIN PAR STONG PAR ZHUGS PA'I MTHAR RNAL 'BYOR PA DE LHA'I SKUR LDANG BA CIG DGOS LA, DE YANG SGYU MA'I SKU SGRUB SHES NA 'BYUNG BAR SNANG LA, DE LTA MIN NA MI 'DUG PA'I GNAD KYIS KYANG 'CHI RIM BZHIN DU 'OD GSAL DU ZHUGS PA'I MTHAR, BAR DO BZHIN DU RLUNG SEMS LAS GRUB PA'I LHA'I SKU ZHIG SGRUB DGOS PA YIN NO, ,'DI NI SPYOD BSDUS LAS BSKYED RIM NAS BRTZAMS TE LUS DBEN GYI BAR DANG, NGAG DBEN DANG SEMS DBEN LA YANG LHA'I SKU MI SNANG BAS YE SHES KYI SKU JI LTAR SKYED DRIS PA'I

LAN DU, SGYU MA'I SKU RLUNG LAS SGRUB LUGS GSUGNS PA'I DON YIN LA, DE YANG BSKYED RIM GYI THOG MA NAS STONG PAR ZHUGS PA'I MTHAR LHA'I SKUR LDANG BA CIG BSHAD 'DUG NA'ANG MOS PA YID BYED TZAM GYIS LHA'I SKUR SKYED PA MIN PA'I LHA'I SKU SGRUB LUGS SKABS DE RNAMS SU MA BYUNG BAS, DE NAS LHA'I SKU 'GRUB LUGS DRIS PA'I LAN DU SGYU MA'I SKU BSHAD PA'O, ,BZHI PA NI, BSKYED RIM MTHAR PHYIN NAS RDZOGS RIM LA LEGS PAR BSLABS SHING ,SPYOD PA BYA RAN NAS SPYOD PA BYED PA'I DUS SU, SPROS BCAS KYI SPYOD PA LA BSHAD PA LTAR GYI PHYAG DANG PHYAG GI LAN LA SOGS PA RTOG PAS BYA DGOS PA RNAMS DANG, RJES THOB TU CHOS RANG BZHIN MED PAR DPYOD PA LA SOGS PA MA GTOGS PAR MCHOD RTEN BYED PA DANG, GLEGS BAM KLOG PA DANG, DKYIL 'KHOR TE MAndAL DBUL BA SOGS BSOD NAMS KYI TSOGS GSOG PA RJES THOB TU BYED PA PHAR PHYIN GYI THEG PA DANG RGYUD SDE 'OG MA NAS GSUNGS PA RNAMS BYED PA BKAG STE, GSANG BA GRUB PA LAS, SHING RDO SA YI RANG BZHIN GYI, ,LHA RNAMS LA YANG PHYAG MI BYA, ,LUS NYID LA NI MCHOD PA BYA, ,BLA MAR GUS PAS PHYAG BYA'O, ,SA RDO'I RANG BZHI NA MCHOD RTEN DANG, ,GLEGS BAM LA SOGS MI BYA ZHING, ,RMI LAM DU BYANG DKYIL 'KHOR SOGS, ,LAG PA'I PHYAG RGYA YANG MI BYA, ,THEG PA GSUM LA ZHUGS RNAMS LA, ,PHYAG LA SOGS PA MI BYA'O, ,ZHES GSUNGS SHING, RGYUD GZHAN MANG POR YANG DE BZHIN DU GSUNGS SO, ,KHYAD DU SHIN TU SPROS MED KYI SPYOD PA'I SKABS SU ZA BA DANG BSHANG GCI DOR

, ,BA'I SKABS TZAM MA GTOGS PAR SPROS PA GZHAN THAMS CAD DOR NAS, 'OD GSAL DU 'JUG PA 'I RIM PA RNAMS BYAS PA'I SGO NAS 'OD GSAL NYID SGOM PAR BSHAD DO, ,MDO SDE SA BCU PA LAS NI SA BRGYAD PAR NYON MONGS SA BON DANG BCAS PA ZAD PA'I TSE, DE KHO NA NYID KYI DON LA MNYAM PAR BZHAG PA'I DON DAM PA'I BZOD PA NYID KHO NA SGOM PA NA, DE LAS BSLANG NAS NGED KYI SKU DANG YE SHES DANG ZHING TSAD MED PA LA SOGS PA KHYED LA MED PAS, DE RNAMS SGRUB PA'I BRTZON 'GRUS RTZOMS SHIG BZOD PA'I SGO 'DI YANG MA 'DOR CIG ,CES MNYAM GZHAG TU MI RTOG YE SHES 'BA' ZHIG SGOM PA BYED DU MI 'JUG PAR RJES THOB TU GZUGS SKU'I RGYU'I BSOD NAMS KYI TSOGS GSOG PA LA BSKUL BAR GSUNGS, TSUL DE GNYIS LA RNAM DPYOD CAN GYIS BRTAGS NA NI, BLA MED NAS BSHAD PA'I LHAN SKYES KYI DGA' BA DANG, STONG PA BZHI PA 'OD GSAL SGOM PA'I STENG NAS SKU GNYIS KYI RIGS 'DRA'I RGYU THUN MONG MA YIN PA YOD PAR GSAL LA, PHA ROL TU PHYIN PA'I THEG PA LTAR NAS BRGYAD PA TZAM GYI MNYAM BZHAG GI MI RTOG YE SHES LA YANG GZUGS SKU'I LHAG CIG BYED RKYEN YOD MED KYANG, NYER LEN GYI RGYU MA TSANG BAR GSAL LO, ,SNGA MA LA TSANG TSUL YANG LHAN SKYES KYI DGA' BA'I 'OD GSAL GYI YE SHES DE YE SHES CHOS SKU'I NYER LEN YIN PA GO SLA LA, GZUGS SKU'I NYER LEN DU 'GRO TSUL NI, STONG PA'I YE SHES DANG NGO BO GCIG TU ZHUGS PA'I RLUNG 'OD ZER LNGA LAS GRUB PA'I SGYU MA'I SKUR GSAL LO, ,DE LTAR BYAS

NA SKU GNYIS KYI NYER LEN GYI DBANG DU BYAS PA'I THABS SHES NGO BO DBYER MED 'OD KYI GZHAN DU NA SHIN TU DKA'O, ,'DI YANG SNGAR BSHAD PA LTAR LAM THUN MONG BAS RGYUD SBYANGS, DBANG DANG DAM TSIG LEGS PAR BZUNG NAS BSKYED RIM MTHAR PHYIN, RDZOGS RIM GYI BOGS 'BYIN GYI SPYOD PA BYED PA'I SKABS SU GSUNGS PA YIN GYI, GZHAN LA DE GSUNGS PA MIN PAS, DE DAG GI RNAM BZHAG GANG YANG MA CHOGS PAR MYUR LAM YOD PA SKAD SER NAS CHOG RGYA CHEN PO GSOG PA'I SPYOD PA RNAMS 'GEGS PA NI RANG GZHAN RNAMS NYAMS PAR BYED PA'O, ,BRAM ZE CHEN PO'I DHO GHA SOGS KYANG SNGAR BSHAD PA'I LAM MTHON PO'I SKABS DE DAG TU SPROS PA GZHAN DOR NAS LHAN SKYES KYI YE SHES KYI SKOR NYID SNYING POR BYAS NAS SKYONG DGOS PA'I TSUL STON PA YIN PA LA, LAM LA 'JUG PA'I THOG MA NAS DBANG PO RNON DE LTAR BYED PA'I CIG CAR BA'I LUGS BSTAN NO SNYAM DU 'KHRUL 'DUG PAS, GRUB SNYING GI SKOR RNAMS LA LHAG PAR YANG BLO ZHIB PAR BYAS NAS DPYAD DGOS PAR YOD DO, ,SNGAR BSHAD PA'I GNAD DE RNAMS LA BRTEN NAS GZHUNG GZHAN DU BSHAD PA'I BDE STONG DBYER MED KYI THABS SHES NI, 'PHAGS PA YAB SRAS KYI LUGS KYIS BDEN GNYIS DBYER MED KYI ZUNG 'JUG GI YA GCIG TU BYAS PA'I ZUNG 'JUG GI DON AE Wm GYI DON DU 'CHAD PA 'DI SHES NA, RGYUD GZHAN GYU LUGS KYANG RDZOGS PAR SHES PA LA SHIN TU GAL CHE'O, ,DE BZHIN GSHEGS PA THAMS CAD KYI GSANG BA THAMS CAD 'DUS

, ,PA'I DON LA TSUL BZHIR BSHAD PA'I SBAS BSHAD KYI SNYING PO NI RIM PA GSUM PA'I SGYU LUS YIN LA, MTHAR THUG GI BSHAD PA'I SNYING PO NI ZUNG 'JUG GI SKU YIN PAS, GSANG ZHING SHIN TU GSANG LA CHES CHER GSANG BA'I GNAS SU GYUR PA 'DI NI LUGS 'DI MIN PA GZHAN NAS GSAL BAR MA BSTAN LA, LUGS 'DI LA RING DU 'DRIS PAS KYANG DON GYI SPYI RAGS PA YANG JI BZHIN DU RNYED DKA' BAR SNANG BAS, BLO GROS DANG LDAN PA RNAMS KYIS BSHES GNYEN MKHAS PA RING DU MA NYES PAR BYAS PA'I BKA' DRIN GYIS KHONG DU CHUD PA LA 'BAD PA DRAG PO BYA'O, ,GNYIS PA LA GNYIS, BDE STONG DBYER MED KYI LHAN SKYES SKYED PA LA LUS LA GNAD DU BSNUN DGOS LUGS DANG, BDEN GNYIS DBYER MED KYI ZUNG 'JUG SKYED PA LA LUS LA GNAD DU BSNUN DGOS LUGS SO, ,DANG PO LA GNYIS, THABS GNYIS SPYIR BSTAN PA DANG, SO SOR BSHAD PA'O, ,DANG PO NI, SNGAR BSHAD PA LTAR BDAG MED PA'I DE KHO NA NYID KYI DON MTHAR THUG PA'I GO BA 'TSOL LUGS LA PHAR PHYIN GYI THEG PA LAS LHAG PA CIG SNGAGS LA MED DE, BDEN 'DZIN GYIS BZUNG BA'I ZHEN YUL RIGS PAS PHU DAG PAR BKAG PA'I SGO NAS BDEN 'DZIN GYI DMIGS GTAD MA BSHIG PAR YID NANG DU BSDUS PA TZAM GYIS NI, BDEN 'DZIN DANG 'DZIN STANGS 'GAL BA MED PAS BDEN 'DZIN LA CI YANG MI GNOD PA'I PHYIR DANG, GANG BKAG PAS BDAG MED PA'I DON RNYED PA'I DGAG BYA DBU MA THAL 'GYUR BAS BSHAD PA DE LAS RAGS SU BTANG NAS BDAG MED 'TSOL NA NI BDEN 'DZIN GYI DMIGS

GTAD PHRA MO NAS MI KHEGS PAS, BDEN 'DZIN LA LHAG MA LUS PA'I PHYIR DANG, DE LAS PHRA RU BTANG NAS 'GOG NA NI DON DE LA RTEN 'BREL GYI NGES PA TSAD MA'I STOBS KYIS DRANG SA MED PAS CHAD STONG DU 'GYUR BA'I PHYIR RO, ,DES NA STONG NYID KYI DON GTAN LA 'BABS TSUL KHYAD MED KYANG DE'I DON SGOM PAR BYED PA NA, GA-YAS GA-YON GYI RLUNG DH'U T'IR BTZUD NAS DER THIM PA'I DBANG GIS GTUM MO 'BAR BAS BYANG SEMS BZHUS PA'I BDE BA CHEN POS STONG PA'I DON NGES NAS SGOM PA'I LHAN SKYES KYIS SGRIB PA'I BAG CHAGS SBYONG MYUR BA'I NUS PA 'DRA BA YUL CAN GZHAN GANG LA'ANG MED PAS, NGES PAR BDE BA DE BSKYED DGOS SO, ,DE YANG LUS LA GNAD DU BSNUN PA MED NA MI SKYE BAR DGONGS NAS LUS LA GNAD DU BSNUN PA'I THABS GNYIS GSUNGS TE, RIG MA'I PHYAG RGYA LA BRTEN PA DANG, NGANG GI RTZA RLUNG THIG LE SOGS SGOM PA'I THABS SO, ,DE'I DANG PO NI RGYUD SDE 'OG MA NAS LAS KYI PHYAG RGYA DNGOS SU LTA ZHOG ,DE LA DMIGS NAS RGOD PA DANG LTA BA SOGS KYANG TSOGS SEMS KYIS BYED PAR MA GSUNGS LA, RANG DANG MNYAM PAR SBYOR BA MIN PA'I BSGOMS PA'I LHA MO LA DMIGS NAS RGOD PA DANG LTA BA DANG LAG PA 'DZIN PA BYED PAR BSHAD PAS, RGYUD DE DAG LA RGOD PA'I RGYUD LA SOGS PA'I THA SNYAD MDZAD DO, ,RNAL 'BYOR BLA MED LAS NI LAS GYI PHYAG RGYA DANG YE SHES KYI PHYAG RGYA'I LHA MO GNYIS KA DANG MNYAM PAR SBYOR BA'I THABS GSUNGS PAS, RGYUD DE LA GNYIS SBYOR GYI RGYUD CES GSUNGS SO, ,RGYUD GANG LAS LAS KYI PHYAG RGYA DANG SBYAR NAS BDE BA CHEN PO 'DREN PA'I THABS MA

, ,GSUNGS PA DER NI, YE SHES KYI PHYAG RGYA DANG MNYAM PAR SBYOR BA YANG MI STON LA, NANG GI RTZA RLUNG THIG LE BSGOMS NAS BYANG SEMS ZHU BA'I BDE BA 'DREN PA'I THABS KYANG STON PAR MI MDZAD DO, ,SNGA MA GANG DU GSUNGS PA'I RGYUD DER NI PHYI MA GNYIS KYANG GSUNGS LA, NANG GI LUS LA GNAD DU BSNUN PA'I THABS GSUNGS PA'I RGYUD DER YANG PHYAG RGYA GNYIS DANG MNYAM PAR SBYOR BA YANG GSUNG PA YIN TE, THABS DE RNAMS KUN GYIS NI RO RKYANG GI RLUNG DH'U T'IR BSDUS NAS THIM PA'I DBANG GIS BDE BA CHEN PO 'DREN PAR BYED PA LA 'DRA BA YIN PAS NA, DE RNAMS KYI DGOS PA NI STONG NYID NGES PA'I YUL CAN KHYAD PAR CAN LHAN CIG SKYES PA'I DGA' BA SNGAR MA SKYED PA SKYED PA DANG, SKYES ZIN GYI RGYUN GNAS PA DANG, GONG NAS GONG DU 'PHEL BAR BYED PA'I DON NO, ,GNYIS PA LA GNYIS, RIG MA'I PHYAG RGYA'I THABS DANG, NANG GI RTZA RLUNG SOGS SGOM PA'I THABS SO, ,DANG PO NI, GAL TE LUS LA GNAD DU BSNUN PA'I THABS DE RNAMS RO RKYANG GI RLUNG DH'U T'IR TSUD PA'I THABS YIN NA, NANG GI RTZA RLUNG THIG LE SOGS SGOM PA'I THABS RNAMS DE LTAR YIN DU CHUG KYANG, PHYAG RGYA GNYIS DANG MNYAM PAR SBYAR BAS DE LTAR MI NUS PAS, THABS DE THAMS CAD KYIS DE LTAR BYED PA MI 'THAD DO ZHE NA, LAS RGYA LA BRTEN NAS DE LTAR NUS PA LA NI YUL RTEN GNYIS KA RGYUD NAS BSHAD PA LTAR GYI MTSAN NYID THAMS CAD TSANG BA DGOS PAS, CHES SHIN TU DKON PA'I PHYIR GANG ZAG GZHAN LA GSUNGS PA MIN NO, ,MTSAN NYID CHANG BA LA NI MAN SNYE LAS, SHES RAB

DANG BCAS PA'I THABS DAG SNYOMS PAR 'JUG PAS, LA LA N'A DANG RA SA N'A'I RLUNG DAG AA BA DH'U T'IR 'JUG PA NA GTUM MO 'BAR RO, ,DE YANG PHUNG PO LA SOGS PA SREG CING ZLA BA 'JU BAR BYED DO, ,ZHES LAS RGYA DANG MNYAM PAR SBYAR BAS GA-YAS GA-YON GYI RLUNG DH'U T'IR ZHUGS NAS, GTUM MO SBAR BAS BYANG SEMS 'JU BAR BSHAD LA, DE BZHIN GSHEGS PA'I RDO RJES DE'I TSE SNA BUG GNYIS KYI RLUNG RGYU BA LDOG PAR BSHAD PAS, RLUNG GNYIS DH'U T'IR THIM PA YIN TE, THABS DE NI PHYI'I SROG RTZOL YIN NO, ,BLA MED KYI RGYUD SDE NAS SROG RTZOL GYI LAM 'DI MA BSHAD PA YANG MED CING, BSHAD PA YANG MANG BA LA THABS 'DIS RLUNG DH'U T'IR SDUD PA'I RGYU MTSAN GYI GNAD SHIN TU RTOGS DKA' BAR SNANG NA'ANG GO BA RAGS PA CHAGS NA RGYUD KYI DON MANG PO CIG GO BA LA KHYAD CHE BAR SNANG NGO, ,LAS RGYAL BRTEN NAS JI LTAR 'GYUR BA'I GZUGS BRNYAN PHAL MO CHE YE SHES KYI PHYAG RGYA SHIN TU GSAL ZHING BRTAN NA DE LA BRTEN NAS KYANG 'BYUNG BAS, YE RGYA LA BRTEN NAS KYANG GA-YAS GA-YON GYI RLUNG DH'U T'IR TSUD PA'I SKABS YOD DE, 'DI NI RGYUD PHYI MA NAS SROG RTZOL GSUM BSHAD PA'I 'OG SGO'I SROG RTZOL GYI MAN NGAG SHES PA LA RAG LAS SO, ,GNYIS PA NI, NANG GI RTZA RLUNG THIG LE SOGS SGOM PA'I THABS NI, RTZA AA BA DH'U T'I LA RO RKYANG GIS LU GU RGYUD DU 'KHYUD PA'I RTZA 'KHOR LUS KYI GNAD GANG NA YOD PA'I DBUS DER, RO RKYANG GI RLUNG DH'U T'IR 'DZUD PA'I SGO RE YOD DO, ,'DZUD LUGS NI, RDO RJE BZLAS PA DANG, BUM PA CAN LA SOGS PA'I RLUNG GI RNAL 'BYOR DANG,

, ,'DUS PA LUGS GNYIS DANG, DRIL BU ZHABS KYI GZHUNG LAS 'BYUNG BA LTAR THIG LE'I RNAL 'BYOR MANG PO DANG, dO BI HE RU KA DANG NAG PO SPYOD PA'I GZHUNG LAS 'BYUNG BA LTAR GTUM MO SGOM PA SOGS SGO MANG PO YOD DO, ,DE YANG DUS 'KHOR GYI SKOR RNAMS SU NI LTE BA'I 'KHOR LO'I GNAS SU BUM PA CAN GYI RLUNG SBYOR BSGOMS NAS RLUNG GNYIS DBU MAR 'DZUD LA, dOm BI HE RU KA DANG NAG PO SPYOD PAS NI LTE BAR GTUM MO'I DMIGS PA BSGOMS NAS MDZAD PAS, THOG MAR LTA BA'I 'KHOR LO LA GNAD DU BSNUN PA YIN NO, ,YE SHES ZHABS LUGS KYIS THOG MAR SNYING KHA DANG, DE NAS GSANG GNAS DANG, DE NAS SLAR YANG SNYING KHAR GNAD DU BSNUN PAR BZHED LA, 'PHAGS LUGS KYIS THOG MAR GSANG GNAS KYI 'KHOR LO'I GNAS SU DANG, DE NAS SNYING KHA'I 'KHOR LO'I GNAS SU BSNUN PAR MDZAD DO, ,'DI LA KHA CIG RNAL 'BYOR MA'I RGYUD KYI LUGS KYIS LTA BA NAS BYED PAR NGES PAR 'DOD PA NI MI 'THAD DE, DRIL BU ZHABS KYIS THOG MAR SNYING KHAR THIG LE SGOM PA DANG, KU KU RI PAS MAH'A M'A YA'I RGYUD LA BRTEN NAS THOG MAR SNYING KHAR SROG RTZOL RDO RJE BZLAS PA BYED PA DANG, MTSO SKYES KYIS KYE RDO RJE'I SGRUB THABS SU SNYING KHAR SPROS PA RNAMS BSDUS NAS 'OD GSAL DU 'JUG PAR BSHAD PA'I PHYIR RO, ,DES NA TSAD LDAN RNAMS KYIS GSUNGS PA'I SGO SO SO BDE DAG DANG MTHUN PAR RGYUD RNAMS NAS KYANG GSUNGS LA, DE DAG LA KHYAD PAR GYI CHOS KYANG MI 'DRA BA RE RE YOD DO, ,DE RNAMS LA'ANG GZHUNG DE KA NAS RO RKYANG GI RLUNG DBU

MAR 'DZUD PA'I THABS YIN NO ZHES GSAL POR BSHAD PA 'GA' RE YANG YOD MOD KYANG, PHAL CHER MI GSAL BAR BSHAD PA MANG LA, SGOM PA'I TSE RTZA GSUM GSAL 'DEBS PA SOGS KYANG NYUNG BA'I GNAD KYIS THIG LE DANG YI GE SOGS RTZA 'KHOR GANG DU 'ONG BA'I DBUS SU BKOD NAS SGOM PA SOGS BSHAD PA RNAMS KYIS, RO RKYANG GI RLUNG DH'U T'IR 'DZUD PAR BYED PA GO DKA' BAR YOD PAS GSAL BAR BSHAD PA RNAMS DANG, RGYUD DANG KHUNGS THUB KYI GZHUNG MANG PO'I GUNG SGRIG PA SOGS ZHIB TU DPYAD PA LAS SHES DGOS PAR YOD DO, ,DE LTAR RLUNG GNYIS DH'U T'IR 'DZUD PA'I SGO MI 'DRA BA MANG PO YOD KYANG, THABS DE DAG GIS GTUM MO SBAR NAS BYANG SEMS BZHUS PA LAS BYUNG BA'I 'BRAS BU DGA' BA BZHI 'AM STONG PA BZHI'I YE SHES BSKYED NAS, LHAN CIG SKYES PA'I DGA' BA'AM 'OD GSAL GYI YE SHES NGOS BZUNG NAS DE'I RGYUN SKYONG BAR BYED PA LA RGYUD GNYIS KA 'DRA BA YIN NO, ,'ON KYANG DE DAG LA RGYU'I KHYAD PAR MI 'DRA BA MANG PO YOD PA'I RGYU MTSAN GYIS 'BRAS BU LHAN SKYES DANG 'OD GSAL LA YANG NANG GI KHYAD PAR MI 'DRA BA MANG PO NI YOD DO, ,LUS KYI RTZA 'KHOR GYI DBUS SAM DH'U T'I'I MAR SNA LA SOGS PA LUS KYI GNAD CHE SA RNAMS SU, YI GE DANG THIG LE SOGS LA DMIGS PA GTAD NAS SGOM PA'I SGOM LUGS THUN MONG MA YIN PA RNAMS SHES NAS BSGOMS PAS, DE DAG TU SEMS ZIN NA RLUNG SEMS 'JUG PA GCIG PA'I GNAD KYIS DNGOS SU RLUNG SGOM PA MED KYANG, RLUNG GNYIS DH'U T'IR TSUD PA'I THABS SU 'GYUR BA'I RGYU MTSAN

, ,LEGS PAR SHES NA, KHUNGS THUB KYI RDZOGS RIM GYI GZHUNG MANG PO ZHIG GI GNAD SHES NAS DE RNAMS LA NGES PA RNYED PAR 'GYUR RO, ,DE LTAR RLUNG GNYIS DH'U T'IR 'DZUD PA'I SGO SO SO BA DE RNAMS KYI THUN MONG MA YIN PA'I NUS PA RTZAL DU 'DON PHYOGS RNAMS SO SOR MA 'DRES PAR SHES NA, GZHUNG DE RNAMS DON GCIG TU MA BYUNG YANG DE RNAMS KYI LAG RJES RLUNG GNYIS DH'U T'IR BTZUD PA'I 'BRAS BU LA DGA' BA BZHI DANG, STONG PA BZHI'I YE SHES 'CHAR BA'I TSUL NGES PAR BYAS NAS LHAN SKYES DANG 'OD GSAL GYI BDE STONG SBYOR BA'I RGYUN SKYONG? BA LAM GYI SNYING POR 'DZIN PA CIG 'BYUNG BAS, GDAMS NGAG GI 'GAG SDOM MI 'PHYUG PA'I GZER THEBS PAS RGYUD KYI NGES DON LA MI 'JIGS PA 'THOB PA YIN NO, ,TSUL DE LA DGONGS NAS SA RA HAS KYANG, ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENGS, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG PAS MNAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER SEMS NI DBUGS PHYUNGS SHIG ,MDA' BSNUN GYIS NI MAN NGAG THAMS CAD BSTAN NAS SONG, ,ZHES PHYI NANG GI LUS LA GNAD DU BSNUN PA'I THABS KYIS NYI ZLA'I RLUNG DH'U T'IR BTZUD NAS THIM PA LA BRTEN NAS GTUM MO 'BAR BAS BZHUS PA'I BYANG SEMS KYIS LUS BKANG BA'I BDE STONG SBYOR BAS, RMONGS PA RTZAD NAS

GCOD PA GDAMS NGAG THAMS CAD KYI GNAD BSDUS PAR GSUNGS SO, ,SNGAR BSHAD PA LTAR MI SHES NA LHAN SKYES SKYED PA'I SGO SO SO BA RNAMS DON GCIG TU MA BYUNG NA PHAN TSUN 'GAL BA ZHUGS SO SNYAM PA DANG, YANG KHA CIG RANG GI GDAMS NGAG GI BSNGAGS PAR BSGOMS NAS GDAMS NGAG GCIG GI STENG DU, THAMS CAD DON GCIG TU BSHAD PA MI 'GRIG BZHIN DU BYED PA DANG, GZHAN DAG RANG GANG LA ZHEN CHE BA DE LAS GZHAN PA RNAMS LA KHYAD DU GSOD PAR 'GYUR RO, , GNYIS PA LA GNYIS, RDZOGS RIM GYI LAM RNAMS SKYE SHI BAR DO'I RIM BZHIN DU SKYED DGOS PA DANG, DE LA BRTEN NAS LUS LA GNAD DU BSNUN LUGS BSHAD PA'O, ,DANG PO NI, RNAL 'BYOR BLA MED KYI RGYUD KUN GYI DGONGS PAS, RIM PA DANG POR RTEN DANG BRTEN PA'I 'KHOR LO SKYED PA SNOD BCUD KYI SRID PA SKYE 'JIG GI RIM PA DANG MTHUN PA CIG MDZAD DE, RGYUD SDE 'OG MA LA 'DI MED DO, ,DE LTAR MDZAD PA NI LAM RNAMS RIM PA DE BZHIN DU SKYED PA'I CHED YIN LA, DE YANG BSKYED RIM NI RDZOGS RIM GYI RNAM PA DANG RJES SU MTHUN PAR BSGOMS NAS RDZOGS RIM SKYE BA'I DGE RTZA SMIN BYED TZAM YIN PAS, GTZO BO NI RDZOGS RIM GYI LAM RNAMS SEMS CAN SKYE 'CHI'I RIM PA DANG MTHUN PAR SKYED PA'I CHAD DO, ,TSUL 'DI GSAL BAR NI 'DUS PA'I SKOR RNAMS NAS BSHAD DE, RGYUD RDO RJE 'PHRENG BA LAS, JI LTAR MES BSREGS DNGOS PO MED, ,RGYU MED PAR NI THIM NAS 'GRO ,SLAR YANG SROG GI RLUNG SHAR NAS, ,LAS KYI RLUNG NI SNA TSOGS PA, ,DE NI

, ,LHAN CIG RNAM SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE LAS SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,SNGON BZHIN RDO RJE BZLAS PA SOGS, ,RIM GYIS DE YI DBYE BAR 'GYUR, ,ZHES GSUNGS SO, ,'DI NI 'CHI BA'I DUS KYI RLUNG 'JIG TSUL DRIS PA'I LAN YIN LA, DE YANG JI LTAR MES BSREGS PA NA SHING GI DNGOS PO MED PAR 'GRO BA BZHIN DU, 'CHI BA'I TSE YANG RLUNG RNAMS SROG 'DZIN GYI BAR DU RIM GYIS THIM NAS 'CHI ZHING, YANG SHI BA'I 'OD GSAL LAS LAS KYI RLUNG SHAR TE, DE DANG RNAM SHES GNYIS LHAN CIG TU 'JIG RTEN GSUM DU GNAS PA'I SKYE BA LEN NO, ,LAS KYI RLUNG DE LAS KYANG CHAGS PA LA SOGS PA'I KUN RTOG RNAMS SKYE LA, DES LAS BZANG NGAN GNYIS BSAGS NAS YANG 'CHI ZHING YANG SKYE BA 'KHOR LO BSKOR BA BZHIN DU 'GYUR RO, ,SNGON DU BSHAD PA'I RDO RJE BZLAS PA SOGS RIM PA LNGA NI GZHI DUS KYI SKYE 'CHI'I RIM PA DE'I DBYE BAR 'GYUR RO ZHES GSUNGS SO, ,'GYUR TSUL NI, RLUNG 'BYUNG 'JUG RGYUN LDAN DU BYED PA NI GZHI'I RDO RJE BZLAS PA YIN TE, DE NYID LAS, GANG YANG KHAMS GSUM SEMS CAN RNAMS, ,SROG DANG RTZOL BA LA BRTEN PA, ,GSANG SNGAGS RGYAL PO ZLOS BZHIN DU, , MI SHES BSAM GTAN KLOG PA SPANGS, ,ZHES SO, ,DE LTAR NYIN MTSAN KUN TU RLUNG GI BZLAS PA BYAS PA'I MTHAR 'CHI BA NA, RLUNG PHYI NANG DU RGYU BA LOG NAS 'BYUNG BA RNAMS RIM GYIS THIM STE, SNANG MCHED THOB GSUM GYI NYAMS 'CHAR BA NI SEMS

DBEN GYI RIM PA'O, ,NYER? THOB KYI MTHAR 'CHI BA'I 'OD GSAL 'CHAR BA NI 'OD GSAL GYI RIM PA STE GZHI'I CHOS SKU ZHES KYANG BYA'O, ,'CHI BA'I 'OD GSAL GYI MTHAR PHUNG PO RNYING PA'I KHROD NA GNAS PA'I RLUNG SEMS TZAM LAS LUS RNYING PA LAS LOGS SU BYA NAS BAR DO'I LUS GRUB PA NI SGYU LUS KYI RIM PA STE GZHI'I LONGS SKU ZHES KYANG BYA'O, ,GZHI LA DAG MA DAG GI SGYU LUS KYI RIM PA SO SO BA GNYIS MED KYANG, 'DIS LAM DUS KYI SGYU MA'I SKU GNYIS KA MTSAN NUS PA NI 'CHAD PAR 'GYUR RO, ,GZHI'I BAR DO LONGS SKU MIG THA MAL PA SHA'I MIG GI YUL DU MI MTHONG BA DE, SKYE SRID DU SKYE BA BLANGS PA NA MIG DE'I YUL DU 'GYUR BA NI GZHI'I SPRUL SKU'O, ,TSUL 'DI LA RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,RDO RJE'I SKU YANG DE NYID YIN, ,ZHES RIM PA GSUM PA'I SGYU MA'I SKU DRI ZA'I SEMS CAN BAR DOR BSHAD PAS, LAM GYI SGYU MA'I SKU LA BAR DOR BTAGS PA DANG, GZHI'I BAR DO LA LAM GYI SGYU MA'I SKUR BTAGS PA GNYIS KA SHES PAR BYA'O, ,DE LTAR GSUNGS PA NI THABS LA MKHAS PA'I MAN NGAG DANG BRAL BA LA BAR DOR 'ONG RGYU'I RLUNG SEMS DE NYID THABS MKHAS KYI MAN NGAG DANG LDAN PA LA SGYU MA'I LUS LONGS SPYOD RDZOGS PA'I SKUR 'CHAR BA'I RGYU MTSAN GYIS YIN TE, SPYOD BSDUS LAS, DE LTAR BYIS PA SO SO'I SKYE BO SRID PA BAR MA ZHES BYA BA NI 'KHOR BA'I RGYUR 'GYUR RO, ,DE NYID BLA MA BRGYUD PA'I RIM GYIS DE BZHIN GSHEGS PA THAMS CAD KYI MAN NGAG THOB PA RNAMS NI, BDAG LA BYIN GYIS BRLAB PA ZHES BYA BA 'DI

, ,LTAR RTZIG PA 'AM RAS RIS ME LONG GI NANG DU NYE BAR SNANG BA DE BZHIN DU, RDO RJE'I SKU'I NGO BO NYID KYIS BDAG NYID SPRUL TE, RNAM PA THAMS CAD KYI MCHOG DANG LDAN PA SKU BLTA BAS CHOG MI SHES PA, SKYES BU CHEN PO'I MTSAN SUM CU RTZA GNYIS LA SOGS PAS LUS LA BRGYAN PA STE, ZHES GSUNGS SO, ,YAB SRAS GNYIS KYIS BAR DO LA DE LTAR BSHAD PA'I GNAD KYIS 'CHI BA DANG SKYE BA YANG MAN NGAG MED PA LA SKYE 'CHI RANG DGA' BA 'KHOR BA'I 'KHOR LO BSKOR BA DE MAN NGAG DANG LDAN PA LA 'CHI BAR 'ONG RGYU DE CHOS SKU DANG, SKYE BA LEN PA RANG DGA' BAR 'ONG RGYU DE SPRUL SKU RU 'CHAR BAS, GZHI LA LAM GYI SKU GNYIS DANG, LAM GYI SKU GNYIS LA GZHI'I CHOS GNYIS KYI MING GIS BSTAN PA YANG 'THOB BO, ,RNAM GZHAG RIM PAR YANG RDO RJE BZLAS PA LA GNAS NAS SEMS DMIGS KYI RIM PA GNYIS PA SHES PAR BYAS TE, BSAM GTAN GNYIS KYIS 'CHI RIM BZHIN DU 'OD GSAL MNGON DU BYED PAR BSHAD PAS, RDZOGS RIM GYI LAM RNAMS KYANG 'CHI BA'I RIM PA BZHIN DU RGYUD LA SKYED DGOS PA GSAL BAR GSUNGS SO, ,'GOS LUGS PA RNAMS RIM PA GNYIS KA'I SBYANG GZHIR SRID PA SKYE 'JIG GI RIM PA 'CHAD KYANG GZHI DUS LA SKU GSUM DANG RIM LNGA'I RNAM GZHAG MI BYAD KYANG, MAR LUGS PA RNAMS RIM LNGA BSDUS PA LAS, SRID PA SKYE DANG NYIN ZHAG GCIG ,STAN GCIG STENG DU SBYAR TE BSHAD, ,CES 'BYUNG BA LA BRTEN NAS SKYE SHI BAR DO GSUM LA SKU GSUM GYI THA SNYAD DANG, GZHI DUS KYI RDOR BZLAS SOGS RIM LNGA'I THA SNYAD BYED

PA NI SHIN TU LEGS TE, DE LTAR BYED PA NI GZHI'I SRID PA SKYE 'CHI'I RIM PA JI LTA BA BZHIN DU LAM RGYUD LA SKYED PA'I CHED YIN PAS DE DGOS SO, ,THA SNYAD DE LTAR BYED KYANG DGOS PA DE MA SHES PAR 'CHI BA CHOS SKU SOGS KYI GDAMS NGAG RNAMS 'CHI BA'I DUS DANG BAR DO'I DUS KHO NAR NYAMS SU LEN RGYU LA 'CHAD PA DANG, GZHI'I RIM LNGA'I THA SNYAD SNGAR BSHAD PA LAS GZHAN DU BYED PA NI LEGS PAR MI SNANG NGO, ,NYIN ZHAG GCIG LA RIM LNGA 'JOG PA'I DON NI, MAR LUGS PA KHA CIG ZHAG GCIG GI RLUNG 'BYUNG 'JUG RDO RJE'I BZLAS PA, RANG BZHIN GYI RTOG PA SNYING KHAR THIM PA SEMS DMIGS, GNYID 'OD GSAL, RMI LAM 'BYUNG BA SGYU LUS, SAD PA ZUNG 'JUG GO ZHES ZER RO, ,SPYIR GNYID DANG RMI LAM GYI GDAMS NGAG 'PHAGS LUGS KYI GDAMS NGAG TU BYED PA 'DI, SPYOD BSDUS LA BRTEN NAS 'CHAD SHES NA MA GTOGS PA, GSAL POR BSHAD PA 'PHAGS LUGS KYI GZHUNG GANG NA'ANG MI GSAL LO, ,SGRON GSAL DU SPYOD BSDUS KYI DE'I SKABS KYI LUNG ZHIG DRANGS MOD KYANG DRANGS PA TZAM DU ZAD DO, ,DE'I DGONGS PA LTAR BYED NA, RDOR BZLAS SNGAR DANG 'DRA, GNYID KYI MGO BRTZAMS NAS RMI LAM MA SHAR BA'I BAR LA STONG PA BZHI 'CHAR BA'I DANG PO GSUM SEMS DMIGS DANG, BZHI PA 'OD GSAL 'DI LA GNYID CHOS SKU ZHES KYANG BYA'O, ,RMI LAM 'BYUNG BA TZAM MIN GYI RMI LAM GYI LUS KHYAD PAR BA CIG YOD PA DE SGYU LUS KYI RIM PA YIN LA, 'DI LA RMI LAM LONGS SKU ZHES KYANG BYA'O, ,'DIS RIM PA GSUM PA DANG LNGA PA'I SGYU MA'I SKU YANG MTSON NUS SO, ,DE NAS SAD

, ,PA SPRUL SKU YIN TE, 'DI LA'ANG GNYID SAD PA TZAM MIN PA'I SAD LUGS KHYAD PAR BA CIG YOD DO, ,YAB SRAS LNGA'I RJES 'BRANG SNGAR BSHAD PA'I RGYA GAR BA GZHAN RNAMS KYIS SRID PA SKYE 'JIG GI RIM PA LNGA DANG, GZHI'I SKU GSUM DANG, ZHAG GCIG GI RIM LNGA MA BSHAD KYANG, N'A RO PA'I MAN NGAG LAS 'BYUNG BA NI SNGAR BSHAD PA'I GZHUNG RNAMS KYI DGONGS PA YIN PAS NGES PAR DGOS SO, ,GZHI LA RIM LNGA'I GZHI 'DINGS TSUL 'DI LTAR LEGS PAR SHES NA BSRE BA'I GDAMS NGAG GI GNAD RNAMS LA NGES PA CHEN PO RNYED PA YOD PAS 'DIR BSHAD DO, ,GNYIS PA NI, DE LTAR RLUNG SEMS TZAM LAS SGYU MA'I SKU GNYIS SGRUB PA DE BAR DO JI LTA BA BZHIN DU SGRUB PAS NA, DE'I SNGON GYI STONG PA BZHI YANG 'CHI BA'I DUS KYI STONG PA BZHI BZHIN DU SGRUB DGOS SO, ,DE LA NI RGYUD RDO RJE 'PHRENG BA LAS, RLUNG RNAMS MCHOG TU NUB PA NI, YANG DAG SDUD, ,SKYE BA'I RIM LTAR THIM PAR 'GYUR, ,ZHES SKYE BA'I TSE JI LTAR 'BYUNG BA'I RIM PA BZHIN DU 'CHI BA'I TSE MAS RIM NAS THIM PAR GSUNGS LA, YANG DE NYID LAS, NYON MONGS CAN YIN SROG RLUNG NYID, ,RTAG TU YANG DAG 'GRO BAR 'GYUR, ,THOG MAR 'PHO BA'I DUS SU NI, ,NYA YI RNAM PA LTA BUR 'GYUR, ,ZHES 'PHO BA DANG PO'I DUS SU SROG 'DZIN GYI RLUNG CHAGS NAS, DE LAS RIM PA BZHIN THUR SEL LA SOGS PA RLUNG DGU 'CHAGS PAR BSHAD LA, SROG GI RLUNG NI SNYING KHAR GNAS, ZHES SROG

'DZIN SNYING KHA NA GNAS PAR BSHAD PAS NA, 'CHI BA'I TSE RLUNG SEMS RNAMS SNYING KHAR SDUD PA YIN NO, ,'PHAGS PA THOGS MED KYIS KYANG DANG PO PHA MA'I KHU KHRAG GI DBUS SU RNAM SHES ZHUGS PA'I GNAS DE SNYING KHA DANG, DE NAS LUS YAN MAN DU 'CHAGS PA DANG , MTHAR 'CHI BA'I TSE SNYING KHA NAS RNAM SHES 'THON PAR BSHAD PA DANG RGYUD 'DI MTHUN NO, ,SAm BHU tA LA SOGS PA NAS 'CHI BA'I TSE MIG DANG RNA BA LA SOGS PA'I SGO DGU NAS RNAM SHES 'PHO BAR BSHAD PA DANG MI 'GAL TE, SEMS KYI RTEN GYI GTZO BO SNYING KHA YIN PAS SNYING KHA'I MI SHIGS PA'I GNAS NAS MA 'THON BAR DU RNAM SHES SGO GZHAN NAS MI 'PHO BA'I PHYIR DANG, RGYUD DE DAG GI SKABS DE'I 'PHO BA'I MAN NGAG MAN SNYER BSHAD PA LAS KYANG RNAM SHES SNYING KHA NAS 'DON PA'I RNAL 'BYOR LA SLOB PAR GSUNGS PA'I PHYIR RO, ,DES NA GZHI'I RIM LNGA JI BZHIN DU BYED DE, SNYING KHAR MI SHIGS PA SGOM PA DANG, SNYING KHAR DMIGS NAS RLUNG 'BYUNG 'JUG GNAS GSUM LA RDO RJE'I BZLAS PA BYAS PAS, DE'I MTHAR RLUNG PHYI NANG DU RGYU BA LOG NAS SNYING KHAR RIM GYIS THIM PA LAS STONG PA BZHI SHAR BA'I 'OG TU, RAGS PA'I LUS KYI NANG NA GNAS PA'I RLUNG SEMS TZAM LAS SHIN TU PHRA BA'I SGYU MA'I SKU 'GRUB STE, DE YANG DON GYI 'OD GSAL GYI MJUG TU ZUNG 'JUG GI SKU DANG, DPE'I 'OD GSAL GYI MJUG TU SGYU MA'I SKU 'GRUB BO, ,LONGS SKU DE MIG THA MAL PAS MTHONG DU MI RUNG BAS, DES RAGS PA'I PHUNG PO'I LUS BZUNG BA NA SHA'I MIG GI YUL DU'ANG 'GYUR TE, DE NI SPRUL PA'I SKU'O, ,DE LTAR NA 'PHAGS

, ,LUGS KYIS LUS LA GNAD DU BSNUN PA'I GNAS DAM PA NI SNYING KHA'I RTZA 'KHOR GYI DBUS SU YIN PAS 'DI GNAD KYI DON DU ZUNGS SHIG ,GZHI DUS KYI SKYE SHI BAR DO GSUM GYI 'PHRENG BAS 'KHOR BA'I 'KHOR LO BSKOR BA 'DI, 'CHI BA CHOS SKU BAR DO LONGS SKU SKYE BA SPRUL PA'I SKUR SGYUR BA'I THABS MKHAS KYI MTHAR THUG 'DI DANG, DE'I THABS KYANG SEMS CAN RANG LA RANG CHAS SU GNAS PA'I RLUNG 'BYUNG 'JUG NYID LA MAN NGAG NGO SPRAD PAS CHOG PA'I SROG RTZOL GYI RGYAL PO 'DI 'DRA BA NI, RDO RJE 'CHANG CHEN PO KLU SGRUB ZHABS KYI SKU GSUM NGO SPROD KYI MAN NGAG YIN NO, ,ZHAG GCIG GI RIM LNGA LTAR NYAMS SU LEN PA'I LUS LA GNAD DU BSNUN TSUL NI 'CHAD PAR 'GYUR RO,, ,, ` GSUM PA BYE BRAG TU RGYUD 'DI'I RDZOGS RIM BSHAD PA LA GSUM, MAN NGAG BDAR SHA GCOD TSUL MTHAR THUG PA BSHAD PA DANG, BLA MA SNGA MA RNAMS KYI MAN NGAG GZHAN YANG DE DANG BSTUN DGOS PA DANG, RDZOGS RIM GYI LAM GYI RIM PA DNGOS BSHAD PA'O, ,DANG PO NI, RIM LNGA'I MAN NGAG YOD SA MTHAR THUG PA NI 'DUS PA'I RTZA RGYUD YIN PAS, DE MAN NGAG DE'I GZHUNG MTHAR THUG GO ,'ON KYANG RGYUD DER RIM LNGA'I RDZOGS RIM RNAMS RGYAS BTAB STE MI MNGON PAR SBAS LA, RGYA DE BKROL NAS GAB PA DE MNGON DU 'BYIN PA LA BSHAD RGYUD RNAMS GSUNGS SO, ,DE LTA NA'ANG RTZA BSHAD SBYAR NAS RGYUD DON RDZOGS PAR 'CHAD SHES PA'I BLA MA MTSAN NYID DANG LDAN PA'I ZHAL NAS MA BSHAD NA, RIN PO CHE LTA BU'I GANG ZAG GIS KYANG RGYUD DON RDZOGS PAR MI

SHES PAR GSUBS PAS, BLA MA'I MAN NGAG LA LTOS DGOS TE, RIM LNGA LAS, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB NAS, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES GSUNGS SO, , DES NA RTZA RGYUD DU RGYAS BTAB STE SBAS PA'I DON BLA MA'I ZHAL LAS SHES PAR BYA BAR GSUNGS PA'I DON DE LTAR DU YIN GYI, RGYUD DU BRI BAR PHANGS NAS MA BKOD PA BLA MA RNAMS KYI NGAG BRGYUD DU BYAS PA'I DON DU MI GZUNG STE, DE LTAR BZUNG NA RTZA BSHAD KYI RGYUD RNAMS LA GUS PA BLA NA MED PA SKYE BA'I GEGS SU 'GYUR BAS TSE 'DIR RGYUD DON MI RNYED CING, SKYE BA GZHAN DU YANG DE'I RGYU MTHUN RJES SU 'JUG PA'I PHYIR RO, ,DE 'DRA BA'I SBAS PA NI GANG DU SBAS PA'I RGYUD DER BSTAN KYANG MI MNGON PAR BYAS PA'I SBAS PA YIN LA, RGYUD RDO RJE 'PHRENG BA LAS, SNGAGS KYI DE NYID RAB GSAL BA, ,DE NYID MCHOG TU GSANG BA NI, ,GANG DU'ANG NGA YIS MA BSHAD PA, ,SKAL BA MED PA'I BSAM PA'I RGYUS, ,RGYUD RNAMS KUN TU SBAS BYAS PA, ,DE NI NGA YIS BSHAD KYIS NYON, ,ZHES RGYUD SDE 'OG MA GANG DU YANG RDOR BZLAS MA BSHAD PAR SBAS PAR GSUNGS PA LTA BU NI, RGYUD DER MA BSTAN PA'I SBAS PA YIN PAS, DE 'DRA BA LA NI DE'I MAN NGAG DE LAS MI RNYED PAS GZHAN DU BTZAL DGOS PAS SBAS TSUL GNYIS GSUNGS PA'I KHYAD PAR SHES DGOS SO, ,DE LTA NA RDO RJE 'PHRENG BA LAS, MI SHES PA YI MI 'GA' ZHIG ,RGYA MTSO BZHI YI PHA MTHA' YI, ,SA LA SHIN TU 'GRO 'DOD PA, ,LAM NI GANG YIN MI 'DRI

, ,GANG; ;JI LTAR BDAG NYID 'GRO BAR BYED, ,DE BZHIN DKA' BA CHER BYED PA'I, ,MAN NGAG DANG BRAL SGRUB PA PO, ,'BRAS BU MED PHYIR MKHAS PA YANG, ,SGRUB PA PO NI KHONG KHRO SKYE, ,KHONG KHRO SKYES PA'I SKAD CIG LA, ,'BRAS BU MED CING DU 'BOD 'GRO ,DE BAS 'BAD PA THAMS CAD KYIS, ,DAD PAS BLA MA BRGYUD PA LAS, ,MAN NGAG DAG NI BSLAB PAR BYA, ,ZHES RTZA BSHAD KYI RGYUD LA MKHAS KYANG BLA MA'I MAN NGAG DANG BRAL BA'I NYES DMIGS GSUNGS PAS, RTZA BSHAD KYI RGYUD MAN NGAG GI GZHUNG MTHAR THUG TU 'DOD PA MI 'THAD DO SNYAM NA, DER GSUNGS PA'I MKHAS PA NI RIG GNAS GZHAN LA MKHAS KYANG BLA MA'I MAN NGAG MED PA YIN GYI, RTZA BSHAD KYI RGYUD LA MKHAS PA MIN TE, DE'I MAN NGAG MED NA RGYUD GNYIS LA MKHAS PA 'GAL BA'I PHYIR DANG, DE LTAR GSUNGS PA NA PHYAG NA RDO RJES DE'I MAN NGAG GANG YIN ZHES ZHUS PA'I LAN DU, SKABS DER RGYUD LAS MAN NGAG GSAL BAR GSUNGS PA'I PHYIR DANG, RTZA BSHAD SBYAR NAS 'CHAD PA'I BLA MA'I MAN NGAG DGOS PA DANG, RTZA BSHAD KYI RGYUD MAN NGAG GI MCHOG YIN PA LA 'GAL BA CUNG ZAD KYANG MED PA'I PHYIR RO, ,RGYUD KYI GZHUNG DE DAG GIS NI LAS DANG PO PA'I SA NAS SANGS RGYAS KYI SA'I BAR GANG DU BGROD BAR BYA BA'I LAM RNAMS THOG MAR LEGS PAR SHES PA'I GO BA BTZAL NAS, DE'I 'OG TU GDAMS NGAG NYAMS SU LEN PA MI BYED PAR THOM RGYAG TU ZHUGS NAS LAM BGROD PA NI, RGYA MTSO'I PHA MTHA' LA 'GRO 'DOD PAS SNGON DU RGYUS CAN LA LAM RGYUS RTZAD MI GCOD PAR THOM 'GROS BYED PA DANG 'DRA BAR STON PAS,

MAN NGAG NYAMS SU LEN PA'I SNGON DU DE'I GO BA LEGS POR 'CHAGS DGOS PA'I KHUNGS SU SHES PAR GYIS SHIG ,SNGAR BSHAD PA LTAR GYI BLA MAS RTZA BSHAD SBYAR NAS 'CHAD SHES PA PHYI DUS SU RNYED DKA' ZHING, DE 'DRA'I BLA MAS RTZA BSHAD KYI RGYUD SBYAR BA LAS RNYED PA'I MAN NGAG YI GER BRIS PA NI DUS RING PO'I BAR DU YANG GNAS PAR GZIGS NAS, 'PHAGS PA YAB SRAS RNAMS KYIS RIM LNGA DANG SPYOD BSDUS LA SOGS PA'I RIM GNYIS KYI MAN NGAG GI GZHUNG MANG DU MDZAD DE, DE DAG NI RGYUD DON RNYED PA BLA MA'I ZHAL LAS SHES DGOS PA'I MAN NGAG GI GNAD MTHAR THUG PA RNAMS SO, ,DE RNAMS DNGOS PO LA MAN NGAG MTHAR THUG YIN KYANG, PHYI DUS KYI GANG ZAG LA DAR 'CHAR MA THUB PA NI, SNGON GYI DUS LAS PHYI DUS SU BLO'I MTHU RNAMS RIM GYIS BRI BA'I GNAD KYIS YIN GYI, MAN NGAG GI GNAD MTHAR THUG PA RNAMS DER MI GSAL BA MIN NO, ,GZHUNG DE DAG TU RTZA RGYUD LTAR DON MI MNGON PAR SBAS PA MA YIN PA TZAM DU MA ZAD, SBAS DON GSAL BAR BSHAD KYANG, DUS KYI SHUGS KYIS GANG ZAG GI BLO MI GSAL BAR SONG BA'I RGYU MTSAN GYIS GZHUNG YANG MI GSAL DU SONG BA NA, DE RTOGS PA'I THABS SU DE DAG LA YANG TSIG DON SHIN TU GSAL BAR BYED PA'I 'GREL PA DANG, DNGOS SU DE LTAR MI BYED KYANG DE'I DON RTOGS PA'I THABS SU MAN NGAG GI YI GE ZUR PA RNAMS KYANG MDZAD PA YIN NO, ,GNYIS PA NI, DE LTAR NA 'DI'I GDAMS NGAG BOD KYI DAM PA RNAMS KYIS MDZAD PA'I 'KHRID PA'I RIM PA RNAMS KYI BDAR SHA LEGS PAR GCOD NA NI, RTZA BSHAD KYI RGYUD KUN LEGS

, ,PAR SBYOR BA'I TSUL DANG, YAB SRAS LNGA'I GZHUNG YAN LAG DANG BCAS PA LA RING DU SBYANGS PA DANG, MAN NGAG ZUR NAS 'BYUNG BA KUN LA YANG LEGS PAR SBYANGS NAS BYA DGOS SO, ,RJE 'GOS KYIS 'DI'I RIM PA GNYIS KA'I MAN NGAG RGYAS PAR BSHAD PA STONG THUN CHEN MOR GRAGS PAR MDZAD LA, DA LTA N'A RO PA'I GDAMS PA RJE MAR PA NAS BRGYUD PA'I SROL KHA CUNG DRAG PAR SNANG NGO, ,'DI LA BLA MA MAR PA LA KHA GA-YAR BA'I BLA MA'I GSUNG GI 'OD ZER BSTAN PA ZHES PA'I RIM LNGA'I KHRID YIG ,GNYIS MED RNAM RGYAL GYI RGYUD RDZUS MA TSAD MAR BYED TZANG RGYUD RKYANG GI BSHAD PA BYED PA RNAMS DANG MTHUN LA, MAR LUGS KYI GDAMS PA KHUNGS MA RNAMS KYI GZHUNG DANG MI MTHUN PA CIG SNANG BA NI BLA MA DES MDZAD PAR MI SNANG NGO, ,MTSUR STON NAS GAD PA PA LA BRGYUD PA LA LUGS GNYIS SNANG BA'I GSER SDINGS PAS MDZAD PA'I KHRID YIG RNAMS DANG, BRGYUD PA GZHAN GYI RIM LNGA BSDUS PA GSAL BA'I BSHAD PA RNAMS KHOG MTHUN NO, ,DE LA MAR LUGS KYI MAN NGAG 'DI'I RTZA TSIG NI SNGAR BSHAD PA LTAR RIM LNGA BSDUS PA GSAL BA YIN LA, GSER SDINGS PAS KYANG DE LA BRTAN PAR SNANG NGO, ,GSER SDINGS PAS MDZAD PA'I 'DUS PA'I MAN NGAG GI SKOR LA RNAL 'BYOR MA'I RGYUD NAS 'BYUNG BA'I GRONG 'JUG DANG 'PHO BA DANG GTUM MO SGOM PA SOGS 'BYUNG BA NI RIM LNGA BSDUS PA GSAL BA NA DE RNAMS KYI GZHI RE YOD PAS DE'I DBANG DU BYAS LA, GZHUNG DER DE DAG 'CHAD PA'I RGYU MTSAN NI 'OG TU BSTAN PAR BYA'O, ,GZHAN 'DUS PA'I MAN NGAG

PHRA RAGS MANG DU SNANG YANG GTZO BO NI, RIM LNGA DON LNGA MA DANG, DON BZHI MA DANG, RIM LNGA GDAN RDZOGS DANG, 'KHOR LO CAN TE BZHI YIN NO, ,'DI RNAMS NI LUGS 'DI'I RIM LNGA'I DON TSAN RNAMS TSANG BAR STON PA'I KHRID YIG YIN PAS, SNGON GYI BLA MA RNAMS KYIS KHRID YIG TSANG BA YI GER MA BKOD PAR NGAG BRGYUD BYAS PA MIN NO, ,DE LA DON LNGA MA'I DON TSAN DANG PO BZHI LA NI MAN NGAG GI YI GE ZUR NA YOD PAS GZHUNG DER SA BCAD BTAB PA TZAM MA GTOGS PA MI 'CHAD PAS, DON TSAN LNGA PA RIM GNYIS GDAN THOG GCIG TU SGOM PA LAM RTAGS DANG 'BREL BA'I GDAMS PA DE TZAM ZHIG STON NO, ,DE'I PHYIR DE NI RIM LNGA GDAN THOG GCIG TU SGOM PA'I MAN NGAG GO ,DON BZHI MA NI SGRUB PA PO DANG GNAS DANG GROGS DANG GDAMS PA DNGOS TE BZHI STON PA YIN LA, GDAMS PA DNGOS KYI KHOG NI SNGA MA DANG 'DRA'O, ,RIM LNGA GDAN RDZOGS ZHES PA PHA RGYUD YANG SNYING DU GRAGS PA NI DE NYID LAS, GDAMS PA LA NI DON DRUG YIN, ,BSKYED RDZOGS GDAN GCIG STENG SGOM DANG, , 'JUG LDOG MA RIG RTZAD GCOD DANG, ,BDE BA LAM DU BSLANG BA DANG, ,GTUM MO GRONG 'PHO GRONG 'JUG GO ,ZHES DON DRUG STON PA MAR LUGS KYI 'DUS PA'I MAN NGAG GI SKOR KUN GYI DON SNA TSANG BA CIG STON PA YIN YANG, ,GTZO BO NI RIM LNGA STAN GCIG GI STENG DU SGOM PA'O, ,'KHOR LO CAN NI RIM PA LNGA STON KYANG SNYING KHAR SNGAGS 'KHOR SGOM PA LA MING BTAGS PA STE, 'DI LA STAN GCIG GI STENG DU RIM PA LNGA 'KHOR LO CAN DU RDZOGS PA'I MAN NGAG CES 'BYUNG NGO, ,SNYING KHAR SNGAGS

, ,'KHOR SGOM PA NI MAN NGAG DE BZHI KA LA YOD PAS DE'I CHA NAS 'KHOR LO CAN ZHES ZER BA NI 'DRA'O, ,RIM LNGA STAN GCIG GI STENG DU 'KHOR LO CAN DU RDZOGS PAR SGOM PA LA RIM LNGA GDAN RDZOGS ZER BAS DE BZHI KA YANG RIM LNGA GDAN RDZOGS KYI MAN NGAG GO ,DON BZHI MAR GAD PA BAS BYA KHANG PA LA DBU BSNYUNG BZHES NAS MAN NGAG GNANG BA'I GRANGS SMOS PA NA SNGAR GYI BZHI MA SMOS PAR RIM LNGA GDAN RDZOGS KYI DMAR 'KHRID CES 'BYUNG BA YANG DE DAG GO ,MING DE LTAR 'DOGS PA'I RGYU MTSAN NI, RIM LNGA BSDUS PA LAS, THEG PA SNA TSOGS PHA ROL PHYIN, ,SRID PA SKYE DANG GNAS PA SOGS, ,DUS KYI DBYE BA'I KHYAD PAR GYIS, ,STAN GCIG STENG DU SBYAR TE BSGOM, ,ZHES RIM LNGA STAN GCIG GI STENG DU BSGOM PAR GSUNGS PA LA BRTEN NAS BYAS SO, ,RJE N'A RO PAS BLA MA MAR PA LA RGYUD KHYAD PAR DU 'PHAGS PA BZHI LA BRTEN NAS GDAMS PA KHYAD PAR CAN BZHI GNANG BA'I NANG NAS, DPAL GSANG BA 'DUS PA LA BRTEN NAS RIM PA LNGA GDAN THOG GCIG TU RDZOGS PAR SGOM PA'I MAN NGAG GNANG ZHES PA NI SNGAR BSHAD PA 'DI NYID DU SHES PAR BYA'O, ,BOD KYI PHYIS KYI MKHAS PA DAG GIS MAR LUGS KYI 'DUS PA'I MAN NGAG DAG LA BRGYUD PA YI GER BKOD PA YIN ZHES GSUNG PA NI, DE DAG GI 'GA' ZUNG TZAM MA GTOGS PA LUGS 'DI'I MAN NGAG 'DZIN PA RNAMS KYIS, KHA CIG NI 'DUS PA'I MAN NGAG THOR BU BAR BYAS TE BKOD PA DANG, KHA CIG NI N'A RO CHOS DRUG NAS 'BYUNG BA RNAMS PHYOGS GCIG TU BSGRIGS PAR SNANG BAS SGRIG LUGS DE 'DRA BA

DE SNGAR YI GER PHYOGS GCIG TU MA BKOD KYANG YE MA BRIS PA MIN LA, MAR LUGS KYI KHRID YIG TSAD MA DE'I GONG DU YI GER BKOD PA MA BYUNG BA YANG MIN NO, ,SNGAR BSHAD PA'I GDAN RDZOGS KYI MAN NGAG BZHI NI RTZOM PA PO GCIG YIN KYANG BLA MA THA DAD DAM SNGA PHYI'I GSUNG BGROS MI 'DRA BA YIN NAM, RTZOM PA PO'I BLO'I KHYAD PAR SNGA PHYI'I DBANG GIS YIN PA 'DRA STE, MI MTHUN PA MANG DU SNANG ZHING, BRIS NOR RING DU BRGYUD PA'ANG MANG BAR SNANG NGO, ,DES NA DE DAG GIS RIM LNGA BSDUS PA'I DON JI LTAR BSHAD PA RNAMS N'A RO PA'I SLOB MA DZNY'A NA KA RA NAS NAG TSO LA BRGYUD PA'I MAN NGAG DANG, MAR PA NAS BRGYUD PA GZHAN GYI MAN NGAG DANG YANG GUNG BSGRIGS TE RIM LNGA BSDUS PA'I DON DU SONG MA SONG DANG, DE KUN KYANG RTZA BSHAD KYI RGYUD DANG, ,YAB SRAS LNGA'I GZHUNG RTZOD MED RNAMS LA LEGS PAR GTUGS NAS, DE DAG NAS DNGOS SU ZIN MA ZIN DANG, MA ZIN PA'I RNAM DAG RNAMS KYANG DON THOB LA YOD LUGS DANG, BRGYUD PA RINGS PA'I DBANG GIS DANG PO'I GDAMS NGAG GI DGONGS PA CUNG ZAD MA 'KHYOR BA RNAMS KYI MA DAG PHA'I RGYU MTSAN RNAMS 'DI LTAR RO ZHES BSHAD NA, MAR LUGS KYI 'DUS PA'I MAN NGAG GI NUS PA RDZOGS PAR THON PA CIG 'ONG BAR MTHONG BAS DE BZHIN DU BSHAD PAR BYA'O, ,GSUM PA LA BZHI, RDZOGS RIM GYI DBYE BA, GO RIM NGES PA, GRANGS NGES PA, PHYE BA SO SO'I DON NO, ,DANG PO LA GNYIS, DBYE BA DNGOS DANG, RIM LNGAR YAN LAG DRUG 'DU BA'I TSUL LO, ,DANG PO NI, RDZOGS PA'I RIM PA LA RIM PA'I GRANGS DU ZHIG

, ,YIN SNYAM NA, RTZA RGYUD PA TSAB KYIS BSGYUR BA'I LE'U DRUG PA LAS, SNGAGS LA NGES RTOG LUS KYIS NI, ,NGAG GIS YID LA BSKUL GYUR PAS, ,BSGRUB BYA RAB MCHOG DNGOS GRUB DANG, ,YID NI DGA' ZHING MGU BA'O, ,ZHES GSUNGS LA, DE'I DON NI, SNGAGS LA NGES RTOG NI NGAG DBEN NO, ,LUS KYIS ZHES PA RDOR BZLAS SGRUB BYED KYI SPRUL PA'I LUS ZHES GSUNGS TE LUS DBEN NO, ,DES BSGRUBS PA'I NGAG DBEN GYIS YID LA STE SNYING KHA NA GNAS PA'I RDO RJE SEMS DPA' BSKUL BA STE JI BZHIN DU YUL DU BYAS PAS, RNAL 'BYOR PA'I RGYUD LA RAB MCHOG LA SOGS PA BZHI BSGRUB PAR BYA'O, ,DE LA RAB MCHOG NI RDOR BZLAS LAS RAB TU GYUR PA'I SEMS DBEN NO, ,DNGOS GRUB NI BDAG BYIN BRLAB BO, ,YID DGA' BA NI SGYU MA'I LUS DE DAG PAR BYED PA'I DON DAM BDEN PA 'OD GSAL LO, ,MGU BA NI ZUNG 'JUG RDO RJE 'CHANG CHEN PO'I SKU LA 'GROL BAS BSHAD PAS, SKABS 'DIR LUS DBEN LA SOGS PA'I RIM PA DRUG GSUNGS SO, ,SKABS 'DI'I RGYUD DANG 'GREL PA GNYIS KA'I 'GYUR NI 'GYUR GSAR BZANG NGO, ,TSIGS BCAD 'DI SPYOD BSDUS KYI RIGS GCIG GI LUS DBEN GYI SKABS SU DRANGS NAS DE'I DON SKU RDO RJER GYUR NAS, RKAN DANG LCE DANG MCHU TSOGS PA LAS GSUNG RDO RJE LA 'JUG LA, THUGS RDO RJE NI DE LA SKUL BAR BYED PA YIN TE, DE LTAR GSUM TSOGS PA LAS YID DGA' ZHING TSIM PAR BYED PA'I DNGOS GRUB BSGRUB PAR BYA'O ZHES BSHAD PA DANG MI 'GAL TE, RDO RJE'I TSIG RE LA BSHAD PA MI 'DRA BA MANG

PO 'JUG PA'I PHYIR TE, DPER NA LE'U BDUN PAR DE BZHIN GSHEGS PA'I TSIGS BSAD NA DNGOS GRUB MCHOG 'THOB PAR GSUNGS PA, MGON PO KLU SGRUB KYIS LHAG MOS 'OD GSAL DU SDUD PA LA SBYAR, 'PHAGS PA LHAS DE'I DON RDZOGS RIM PA'I 'OD GSAL DU 'JUG PA LA BSHAD PA BZHIN NO, ,LE'U DANG PO'I SGRON GSAL DU BSKYED RIM RIM PA GCIG DANG, RDZOGS RIM LA SEMS DMIGS KYI RIM PA LA SOGS PA BZHIR MDZAD DO, ,DE NI DE NYID LA, RGYUD KUN GYI NI DON BSDUS PA'O, ,ZHES GSUNGS PAS RGYUD KYI BRJOD BYA'I CHA GCIG LA RIM LNGAR MA BYAS PAR GTZO BO'I DON KUN BSDUS PA'I LUGS SO, ,SLOB DPON SKAL LDAN GRAG PA LA SOGS PAS, GSANG SNGAGS SKU NI RAB SGRUB BYED, ,CES GSUNGS PAS RDOR BZLAS KYANG BSTAN PAR 'CHAD MOD KYANG, BOD KYI MKHAS PA RNAMS LUS DBEN DANG NGAG DBEN GNYIS SEMS DMIGS SU BSDUS PA YIN GSUNG PA LTAR LEGS TE, RGYUD KYI GLENG GZHI'I SBAS BSHAD KYI RGYUD RDO RJE 'PHRENG BA'I SEMS KYI SBAS PA'I SKABS NYID DU DBEN PA DANG PA GNYIS BSTAN PA DANG MTHUN PA'I PHYIR RO, ,RIM LNGA'I MDOR BSTAN DU 'PHAGS PAS RDO RJE BZLAS PA LA RIM PA DANG POR BYAS PA'I RDZOGS RIM LA RIM PA LNGAR MDZAD DE, BSHAD RGYUD RDO RJE 'PHRENG BA'I LE'U THA MAR DE BZHIN DU MDZAD PA'I RJES SU 'BRANGS PA'O, ,SPYOD BSDUS LAS DE NYID LNGA ZHES GSUNGS PA NI DE DANG 'DRA LA, RGYAS BSHAD DU LUS DBEN LA LE'U GCIG MDZAD NAS RIM PA DRUG TU YANG GSUNGS SO, ,RNAM GZHAG RIM PAR YANG RDO RJE BZLAS

, ,PA'I RIM PAS ZHES DE LA RIM PA GCIG TU MDZAD CING, SEMS DMIGS RIM PA GNYIS PAR GSUNGS PAS RIM LNGA'I MDOR BSTAN DANG 'DRA BAR RIM PA LNGAR BZHED DO, ,'PHAGS PAS RIM PA GSUM PAR LUS RNAM PAR DBEN PA ZHES PA'I MING TZAM MA GTOGS PA LUS DBEN GSAL BAR MA BSHAD PA NI SPYOD BSDUS LAS RGYAS PAR GSUNG SO, ,SPYOD BSDUS LAS DE NGAG DBEN GYI SNGON DU GSUNGS PA LTAR 'PHAGS PAS MA GSUNGS PA'I RGYU MTSAN CI YIN SNYAM NA, 'DI LA KHA CHE LAG SMI DANG, SKAL LDAN GRAGS PA GNYIS, BSKYED PA'I RIM LA LEGS GNAS SHING, ZHES PA'I TSIG GIS TING NGE 'DZIN GSUM GYI BSKYED RIM DANG LUS DBEN GNYIS KA BSTAN PAR BSHAD PAS, 'PHAGS PAS KYANG LUS DBEN NGAG DBEN GYI SNGON DU BSTAN PAR 'DOD DO, ,BSKYED PA'I RIM ZHES PA'I TSIG GIS LUS DBEN BSTAN PA NI, 'GREL PA ZLA 'OD SOGS SU LUS DBEN BSKYED RIM DU BSHAD PA RNAMS KYIS KYANG KHAS BLANG DGOS SO, ,DON LNGA MAR 'PHAGS PAS BSKYED RIM SGYU LUS LA TSANG BAR BZHED PAS MA GSUNGS ZHES DANG, DON BZHI MAR BSKYED RIM SGYU LUS LA 'DUS TE SNGON 'GROR BYAS ZHES ZER BA NI, LUS DBEN GYI LHA SKYED TSUL DANG, SGYU LUS PA'I RDO RJE 'CHANG SKYED TSUL GNYIS GCIG PAR 'DOD CING, DE GNYIS KA BSKYED RIM DU 'DOD PAR SNANG BAS, BSKYED RIM SGYU LUS LA 'DUS ZER YANG, LUS DBEN SGYU LUS DE BSKYED RIM LA 'DUS PAS, BSKYED RIM LAS LOGS SU LUS DBEN MA BSHAD CES PA'I DON NO, ,'DI NI 'PHAGS SKOR GYI GZHUNG RNAM

DAG GANG DANG YANG MI MTHUN ZHING ,RIM LNGA BSDUS PA GSAL PA'I DON YANG MA RTOGS PA'I BSHAD PAR SNANG NGO, ,RANG GI LUGS NI, LUS DBEN LA RIM GNYIS KYI CHA GNYIS YOD PA'I RIM PA GNYIS PA'I LUS DBEN 'PHAGS PAS NGAG DBEN GYI SNGON DU MA GSUNGS PA NI, RDO RJE BZLAS PA'I RIM PAR BSDUS PA LA DGONGS PA YIN NO, ,DES NA DBEN PA DANG PO GNYIS SEMS DMIGS KYI RIM PAR BSDUS NAS RDZOGS RIM LA RIM PA BZHIR MDZAD PA DANG, DE LAS RDO RJE BZLAS PA'I RIM PA LOGS SU BTON CING, DER LUS DBEN BSDUS PA'I RIM PA LNGA DANG, LUS DBEN YANG LOGS SU BTON NAS RIM PA DRUG TU MDZAD PA RNAMS NI DBYE BSDU YIN PAS 'GAL BA MED DO, ,YANG 'DUS PA PHYI MA LAS, BSNYEN PA'I YAN LAG DRUG TU NI, , BYAS NAS MCHOG TU BSGRUB PAR BYA, ,GZHAN DAG GIS NI BSGRUBS GYUR NA, ,DNGOS GRUB MCHOG TU MI 'GYUR RO, ,SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN DANG TING 'DZIN RNAMS, ,SBYOR BA YAN LAG DRUG CES BYA, ,ZHES RDZOGS RIM MCHOG GI BSNYEN PA LA SO SOR SDUD PA'I YAN LAG LA SOGS PA SBYOR BA YAN LAG DRUG TU GSUNGS SO, ,DE'I RKANG PA DANG PO BZHIS YAN LAG DRUG GI SGO NAS MCHOG SGRUB PA MA BYAS NA MCHOG MI 'GRUB PAR GSUNGS PAS, BLA MED KYI MCHOG SGRUB PA THAMS CAD LA YAN LAG DRUG TSANG DGOS MOD KYANG, LUGS RE RE'I SBYOR DRUG 'GREL TSUL JI MA JI BZHIN DU BYA MI DGOS TE, DE LTA MA YIN NA RDZOGS RIM THAMS CAD GCIG TU 'GYUR DGOS LA, DE LTA NA BSKYED

, ,RIM THAMS CAD LA YANG RIGS PA MTSUNGS PAS, GDUL BYA MI 'DRA BA DU MA'I DON DU RGYUD MTHA' YAS PA GSUNGS PA RNAMS DON MED PAR 'GYUR TE, RGYUD GCIG BSTAN PAS CHOG PA'I PHYIR RO, ,DES NA BSKYED RIM GYI SGRUB THABS PHAL MO CHE DANG PO SBYOR BA LA SOGS PA'I TING NGE 'DZIN GSUM GYIS BSDUS PAR 'DRA MOD KYANG, DE GSUM GYI DON DU JI TZAM ZHIG BYA DGOS PA MI MTHUN PA DU MA YOD PA BZHIN DU, RDZOGS RIM LA YANG YAN LAG DRUG GI RNAM GZHAG BYA DGOS PAR MTSUNGS KYANG, DON MI 'DRA BA DU MA ZHIG 'ONG BAS, SOR SDUD LA SOGS PA'I MING 'DRA BAS DON GCIG TU BYA DGOS PA MA YIN TE, MING GCIG LA DON DU MA DANG DON GCIG LA MING DU MA 'JUG PA NI MDO SNGAGS KYI PHYOGS RNAMS LA MTHA' YAS PA CIG SNANG BA'I PHYIR RO, ,GNYIS PA LA GNYIS, LUGS MI 'DRA BA RNAM PAR DGOD PA DANG, DE RNAMS KYI 'THAD MI 'THAD DPYAD PA'O, ,DANG PO LA GNYIS, 'GREL BYED RNAMS KYI LUGS DGOD PA DANG, BOD KYI BLA MA RNAMS KYI LUGS DGOD PA'O, ,DANG PO NI, 'DIR SDUD BYED NI LUS DBEN DANG BCAS PA'I RIM PA DRUG GO ,BSDU BYA NI SBYOR BA YAN LAG DRUG YIN LA, DE LA YANG BYANG CHUB SEMS DPA'I 'GREL PA SKOR GSUM GYI LUGS DANG, 'JAM DPAL ZHAL LUNG RJES 'BRANG DANG BCAS PA'I LUGS DANG, SNYIM PA'I ME TOG GI LUGS DANG, MAN NGAG SNYE MA'I LUGS DANG, BDE MCHOG L'U AI PA'I DBANG DU BYAS NAS DE BZHIN GSHEGS PA'I RDO RJES BSHAD PA'I

SBYOR DRUG LA SOGS PA NI, MING 'DRA YANG DON MI MTHUN PA DU MA CIG YOD PAS, 'DIR DE RNAMS KYI SDUD TSUL STON PA MIN GYI, RGYUD PHYI MA'I GZHUNG GI DON SGRON GSAL LAS BSHAD PA'I YAN LAG DRUG GI SDUD TSUL STON PA YIN NO, ,'DI LA 'GREL PA ZLA 'OD LAS MDOR BSDUS KYI RIM PA BSKYED RIM GYIS SOR BSAM GNYIS BSDUS PA'I SOR SDUD NI LHA SGOM PA STE, DE KUN RDZOB DANG DON DAM PA'I TSUL GYIS BRTAG PA LA RTOG DPYOD DANG, DE NAS DE KHO NA NYID LA 'JUG PA LA MNGON PAR PHYOGS PAS DGA' BDE DANG, STONG NYID GCIG PU LA SEMS GTAD PA NI SEMS RTZE GCIG PA STE, BSAM GTAN GYI YAN LAG LNGA'O, ,GZHOM DU MED PA LA RLUNG BSDUS PA SROG RTZOL DU BSHAD NAS RIM LNGA'I 'DIS BSDUS MA BSHAD KYANG RDOR BZLAS SU BSDU'O, ,SGYU MA'I RANG BZHIN RDO RJE 'DZIN PA'I SKU 'OD GSAL GYI BDAG NYID NI 'DZIN PA'O ZHES BSHAD PAS, 'DZIN PA NI SGYU LUS DANG 'OD GSAL DU BSDU'O, ,'OD GSAL GYI RJES SU SKAD CIG GIS RDO RJE 'DZIN PA'I SKUR RDZOGS PA NI RJES DRAN DANG, DE NYID ZUNG 'JUG GI BDAG NYID DU SGOM PA NI TING NGE 'DZIN TE YAN LAG THA MA GNYIS ZUNG 'JUG TU BSHAD DO, ,'DI NI SGRON GSAL GYI RJES SU 'BRANG BA BSDUS SHANG SNYING POR GYUR PA'I BSHAD PA YIN ZHES GSUNG NGO, ,SGRON MA RAB GSAL LAS SOR BSAM GNYIS SEMS DBEN DANG, SROG RTZOL RDOR BZLAS DANG, 'DZIN PA 'OD GSAL DANG, RJES DRAN DANG TING NGE 'DZIN ZUNG 'JUG TU 'DUS PAR BSHAD DE, SNYING GI ME LONG YANG DE DANG 'DRA'O, ,DE GNYIS KYANG SGRON GSAL

, ,GYI BSHAD PA'I SBYOR DRUG RIM LNGAR SDUD LUGS SO, ,SLOB DPON SGRA DBYANGS BCU GCIG PAS, DBANG PO BCU PO ZHES SOGS TSIGS BCAD GCIG GIS BSTAN PA'I SOR SDUD NI LUS DBEN GYI GZHI DANG, DE NAS 'DOD PA LNGA NI ZHES SOGS KYI TSIGS BCAD BZHIS BSTAN PA'I BSAM GTAN NI LUS DBEN DU BSHAD DO, ,'DI'I GZHUNG LA GSANG BA'I RGYUD NI ZHES PA'I RKANG PA GNYIS MI SNANG NGO, ,DE NAS YE SHES LNGA YI ZHES SOGS KYI TSIGS BCAD GNYIS KYIS BSTAN PA'I SROG RTZOL NI NGAG DBEN DANG, DE NAS RANG DBANG ZHES PA RKANG PA GNYIS KYIS BSTAN PA'I 'DZIN PA'I YAN LAG NI SEMS DBEN DU 'DOD DO, ,SGYU LUS NI SO SOR SNANG BA DE LAS SKYE, ZHES PAS BSTAN TE, DE LTAR GSUNGS PA NI SHES RAB CAN NGA RGYAL BCAG PA'I PHYIR YAN LAG LNGA PA'I MTHAR SBAS TE BZHAG PA YIN ZHES ZER RO, ,'OD GSAL MNGON DU BYED PA'I THABS RIL 'DZIN NI, THABS DANG SHES RAB SNYOMS 'JUG PA, ZHES PA YAB YUM GYI RDO RJE DANG PADMA SBYOR BA LA THABS SHES SNYOMS 'JUG TU GSUNGS PAS BSTAN ZHING, RJES GZHIG NI, DNGOS PO THAMS CAD MDOR BSDUS NA, ,GONG BU'I TSUL GYIS BSDUS NAS NI, ,ZHES PA GNYIS DANG, DE'I TSE MTSAN MA LNGA SKYE TSUL NI, SEMS NI 'GOG PA'I RDO RJER 'GYUR, ,ZHES SOGS TSIGS BCAD PHYED DANG GSUM GYIS BSTAN NO, ,'OD GSAL NI GSANG CHEN YIN PAS YAN LAG LNGA PA DANG DRUG PA GNYIS SU DKRUGS TE BSHAD PA YIN ZHES ZER TE, DE NI SEMS NI 'GOG PA'I RDO RJE ZHES SOGS YAN LAG LNGA PA DANG, THABS DANG ZHES SOGS RKANG PA

GSUM YAN LAG DRUG PA'I GZHUNG DU 'DOD PA'I DON NO, ,ZUNG 'JUG NI BRTAN GYUR ZHES SOGS RKANG PA LNGAS BSTAN PAR 'DOD DE, SGYU LUS DANG 'OD GSAL DANG ZUNG 'JUG GSUM GA RJES DRAN GYI YAN LAG LAS PHYE BAR 'DOD DO, ,DBUS SU GZUGS NI ZHES PA RKANG PA GSUM GYIS BSTAN PA'I TING NGE 'DZIN GYI YAN LAG NI LHUN GYIS GRUB PA'I LAM DU BSHAD DO, ,YAN LAG DRUG PA STON PA'I RKANG PA GSUM GYIS 'OD GSAL STON PAR SNGAR BSHAD PAS YAN LAG DRUG PA LA 'OD GSAL GYI CHA GCIG KYANG 'DOD DGOS SO, ,'DIS SGRON GSAL GYI KHUNGS DNGOS SU MA DRANGS KYANG RGYUD PHYI MA SGRON GSAL GYIS BSHAD PA LA BRTEN NAS YAN LAG DRUG BSHAD PAR SNANG BAS DE'I SDUD TSUL LO, ,GNYIS PA NI, SNGON GYI 'GOS LUGS PA MKHAS PA GLAN GYIS, YAN LAG DRUG NI DE KHO NA NYID KYI TING NGE 'DZIN DANG, DE DANG RJES SU MTHUN PA'I SPYOD PA GNYIS SU 'DU LA, SOR SDUD KYIS SGYU LUS KYI SKABS KYI SPYOD PA DANG, YAN LAG LHAG MA LNGAS TING NGE 'DZIN STON NO, ,DE LA BSAM GTAN GYI YAN LAG RTOG DPYOD GNYIS KYIS LUS DBEN DANG, DGA' BAS LUS DBEN GYI PHAN YON DANG, SROG RTZOL GYIS NGAG DBEN DANG, BDE BAS DE'I PHAN YON DANG, SEMS RTZE GCIG PAS SEMS DBEN DANG, SANGS RGYAS KUN DNGOS ZHES PA BSAM GTANG YI PHAN YON GYIS SGYU LUS DANG, 'DZIN PAS 'OD GSAL DANG, RJES DRAN DANG TING NGE 'DZIN GYIS ZUNG 'JUG BSTAN PAR 'DOD DE, 'DI YANG SGRON GSAL GYIS BSHAD PA'I SBYOR DRUG GI SDUD LUGS SO, ,MAR LUGS PA KHA CIG NI, SOR SDUD LUS DBEN DANG, BSAM GTAN SEMS DBEN DANG,

, ,SROG RTZOL RDOR BZLAS DANG, 'DZIN PA SEMS DBEN DANG, RJES DRAN SGYU LUS SU 'DU ZHING ,'OD GSAL DANG ZUNG 'JUG TING NGE 'DZIN DU 'DU ZER TE, PHYI MA SNGA MA GNYIS SU 'DU ZER RGYUR SNANG NGO, ,'DI NI DUS 'KHOR BA'I SBYOR DRUG SDUD TSUL DU 'DOD DO, ,BOD KYI PHYIS KYI MKHAS PA KHA CIG ,AA BHYAS SOR BSAM GNYIS BSKYED RIM DU BSHAD PA MI 'THAD DE, RGYUD PHYI MA LAS, BSKYED RIM DANG 'BREL BA'I BSNYEN PA'I RDO RJE BZHI THUN MONG GI DNGOS GRUB SGRUB BYED DU BSHAD LA, YAN LAG DRUG GIS BSGRUBS PA LAS GZHAN DU BSGRUBS NA MCHOG MI 'GRUB CES GSUNGS PAS, YAN LAG DRUG MCHOG SGRUB BYED KYI BSNYEN PA THUN MONG MA YIN PA DANG, BSKYED RIM MCHOG SGRUB BYED MA YIN PAR BSHAD PA DANG 'GAL LO, ,GLAN GYIS SOR SDUD KYIS SPYOD PA DANG BSAM GTAN GYIS LUS DBEN BSTAN ZHES PA SHIN TU MI 'THAD DE, MCHOG SGRUB PA'I DANG PO NYID DU SPYOD PA 'ONG BA GO RIM 'GAL BA'I PHYIR DANG ,LUS DBEN LA SHES DANG SHES BYA CUNG ZAD KYI PHAN YON MI 'ONG BA'I PHYIR RO, ,DES NA DRI MED 'OD LAS, BDAG BYIN BRLAB PA DAG NI STONG PA LA, ,KHAMS GSUM PO NI MTHONG BAR 'GYUR BA'I MTSAN, ,ZHES DANG, PHYAG RDOR STOD 'GREL LAS, 'DIR RANG BYIN GYIS BRLAB PA ZHES BYA BA NI, SO SOR SDUD PAS DU BA LA SOGS PA KUN RDZOB KYI BDEN PA MTHONG BA'O, ,ZHES GSUNGS PAS SOR BSAM GNYIS SGYU LUS SU 'DU, SROG RTZOL NI RDO RJE BZLAS PA, 'DZIN PA NI 'OD GSAL, RJES DRAN NI SNGAR SOR SDUD KYI SKABS SU MTHONG BA DANG 'DRA BAR DAG PA'I GZUGS BRNYAN MTHONG BA'I CHA NAS SGYU LUS, DE'I DUS

SU ZHU BDE NYAMS SU MYONG BA'I LAM GYI CHA NAS SEMS DBEN TE, SEMS DBEN NI SNANG MCHED THOB GSUM LAM DU BYED PA YIN LA, DE NI DGA' BA GSUM DANG RNAM GRANGS YIN PA'I PHYIR RO, ,TING NGE 'DZIN NI ZUNG 'JUG GO ZHES 'CHAD DO, ,'DIS NI DUS 'KHOR BA'I SBYOR DRUG RIM LNGAR SDUD LUGS BSHAD DO, ,GNYIS PA LA GNYIS, 'GREL BYED RNAMS KYI LUGS 'THAD MI 'THAD DPYAD PA DANG, BOD RNAMS KYIS BSHAD PA 'THAD MI 'THAD DPYAD PA'O, ,DANG PO NI, ZLA 'OD LAS SOR BSAM GNYIS BSKYED RIM DU BSDUS PA 'GOG PA LA, BSKYED RIM THUN MONG GI DNGOS GRUB DANG, YAN LAG DRUG MCHOG GI SGRUB BYED DU GSUNGS BAS MI GNOD DE, GNOD NA LAM GCIG GIS DNGOS GRUB GNYIS KA SGRUB PA 'GAL BAR 'GYUR LA, DE LTA NA RDZOGS RIM GYI LAM GYIS THUN MONG GI DNGOS GRUB MI 'GRUB PAR 'GYUR RO, ,YAN LAG DRUG GIS SGRUB PA LAS GZHAN DU BSGRUBS NA MCHOG MI 'GRUB CES PAS NI, YAN LAG DRUG GIS SGRUB PA LAS GZHAN DU STE DES MA BSGRUBS NA MCHOG MI 'GRUB PAR STON PA YIN GYI, YAN LAG DRUG LAS GZHAN PA'I LAM MCHOG SGRUB BYED MIN PAR STON PA GTAN MIN NO, ,BSKYED RIM GCIG PUS BSGRUBS PAS MCHOG MI 'GRUB KYANG, BSKYED RIM MCHOG GI DNGOS GRUB KYI RGYUR 'GYUR BA CI ZHIG 'GAL TE, GZHAN DU NA RDZOGS RIM LA'ANG MTSUNGS PA DANG, RDZOGS RIM GYI YAN LAG DRUG RE RES KYANG MI 'GRUB PAS, DE RNAMS KYANG MCHOG SGRUB PA'I LAM MA YIN PAR 'GYUR RO, ,BSKYED RIM MCHOG SGRUB BYED DU GTAN MI RUNG NA BSNYEN PA LA THUN MONG DANG MCHOG GI BSNYEN PA GNYIS GSUNGS PA'I THUN MONG GI DON LA RGYU THUN MONG BA DNGOS

, ,GRUB GNYIS KA'I RGYUR RANG GIS BSHAD PA DANG YANG JI LTAR MI 'GAL LA, BCOM LDAN 'DAS MI BSKYOD PA DANG 'KHOR LO BDE MCHOG SOGS KYI SGRUB THABS SU BSHAD PA'I DON KYANG MA NGES PA DANG, DE DAG BSGOMS PA'I PHAN YON GYI SKABS SU SANGS RGYAS 'THOB PA'I THABS SU GSUNGS PA THAMS CAD DANG 'GAL BAR 'GYUR RO, ,GAL TE LAM GNYIS KA DNGOS GRUB GNYIS KA'I THABS YIN NA, DE GNYIS LA THUN MONG DANG MCHOG SGRUB BYED SO SOR GSUNGS PA CI YIN SNYAM NA, RDZOGS RIM LA MA BLTOS PAR YANG BSKYED RIM GYIS THUN MONG GI DNGOS GRUB 'GRUB PAS THUN MONG GI DNGOS GRUB SGRUB BYED DANG BSKYED RIM RDZOGS RIM GYI RTOGS PA SKYE BA'I DGE RTZA SMIN BYED YIN GYI, MCHOG SGRUB PA'I LAM GYI GTZO BO RDZOGS RIM YIN PAS, DE LA MCHOG SGRUB BYED DU GSUNGS KYI SGRUB BYED GNYIS 'GAL BA MIN NO, ,SOR BSAM NI TSAD LDAN GZHAN GYIS RDZOGS RIM GYI SGO NAS BSHAD LA, ZHAL LUNG GI DGONGS PAS BSKYED RIM LA'ANG BSHAD DGOS PAR SNANG BAS, SPYIR SOR BSAM RIL PO BSKYED RIM MAM RDZOGS RIM DU MI BYA'I CHA GNYIS KA KHAS BLANG NGO, , BYE BRAG TU RANG GI GZHUNG GANG NAS RIM GNYIS GANG GI CHA BSHAD PA DE BZHIN DU BYA STE, DE LTAR NA, 'PHAGS LUGS LTAR NA RDZOGS RIM GYI CHA BSHAD PAR BYAS NA LEGS PAR SEMS SO, ,'DZIN PAS SGYU LUS BSTAN PA LEGS PAR MA MTHONG STE, DE NI 'OG TU BSHAD PAR BYA'O, ,SGRON MA RAB GSAL LAS BSHAD PA'I 'DUS TSUL 'THAD MI 'THAD NI, YAN LAG DRUG GI NGOS 'DZIN 'OG TU BSHAD PA'I SKABS SU BSHAD NA RTOGS

SLA'O, ,SLOB DPON SGRA DBYANGS BCU GCIG BAS SOR SDUD LUS DBEN GYI GZHIR BSHAD PA NI SGRON GSAL LAS SOR SDUD SBYANG BYA DANG, BSAM GTAN DE SBYONG BYED DU BSHAD PA'I DON DU BSAMS SO, ,RANG DBANG ZHES PA GNYIS KYIS BSTAN PA'I 'DZIN PA SEMS DBEN DANG, SO SOR SNANG BA ZHES PAS SGYU LUS DANG, YAN LAG THA MA STON PA'I RKANG PA GSUM GYIS BSAM GTAN GNYIS DANG, ZUNG 'JUG TING NGE 'DZIN GYI YAN LAG LAS ZUR DU 'CHAD CING, ZUNG 'JUG LAS LOGS SU LHUN GRUB KYI LAM RKANG PA THA MA GSUM GYIS BSTAN PAR 'DOD PA RNAMS LEGS PA MA YIN TE, 'DI RNAMS KYANG 'OG NAS YAN LAG DRUG GI GZHUNG 'CHAD PA'I SKABS SU BSHAD NA RTOGS SLA'O, ,GNYIS PA NI, BOD KHA CIG GIS GLAN GYIS SOR SDUD KYIS SPYOD PA BSTAN PAR 'DOD PA 'GOG PA NA, MCHOG SGRUB PA'I THOG MAR SPYOD PA 'ONG BA GO RIM 'GAL ZHES PA NI RANG LUGS LA YANG MTSUNGS PA YIN TE, DE LTA NA SOR BSAM GNYIS SGYU LUS SU STON PA YANG MI 'THAD DE, MCHOG SGRUB PA'I THOG MAR SGYU LUS 'ONG BA DE LAS KYANG 'GAL BA'I PHYIR RO, ,THOG MAR BSHAD PAS THOG MAR 'ONG MI DOGS ZHES SMRA NA NI SPYOD PA LA'ANG MTSUNGS SO, ,GO RIM 'GAL BA'I SKYON STON NA NI SBYOR DRUG DANG RIM LNGA GNYIS 'DRA BAS, SROG RTZOL RDO RJE BZLAS PA'I SNGON DU SOR BSAM SGYU LUS SKYE BA DANG, 'DZIN PA 'OD GSAL GYI MJUG TU RJES DRAN GYI SEMS DBEN DANG, RIM PA GSUM PA'I SGYU LUS SKYE BA SHIN TU YANG 'GAL LO, ,GZHAN YANG RIM LNGA LA SROG RTZOL GYI LAM DANG, SEMS DBEN DANG SGYU LUS SNGA PHYI RIM CAN DU SKYE BAR NGES PAS, DUS 'KHOR GYI

, ,LUGS LA'ANG SROG RTZOL GYI RDOR BZLAS DANG, RJES DRAN GYI SEMS DBEN GNYIS SOR BSAM GYI SGYU LUS KYI SNGON DU 'GRO DGOS PAR 'GYUR ZHING, RJES DRAN GYI CHA GCIG 'DZIN PA'I SNGON DU SKYE DGOS PAR 'GYUR TE, DE RNAMS DON GCIG TU KHAS BLANGS PA'I PHYIR RO, ,'DI 'DRA BA'I SKYON NI DON GCIG TU BSHAD DU MI RUNG BA RNAMS NAN GYIS GCIG TU BSHAD PA'I SKYON NO, ,DE BZHIN DU SGYU LUS SA BCU GCIG PA, 'OD GSAL SA BCU GNYIS PA, DE NYID MOS SPYOD KYI SA NAS BGRANGS PAS BCU GSUM PAR RANG NYID BZHED PAS, SA BCU GNYIS 'PHAGS PA'I SA YIN LA, DA LTA NA 'PHAGS PA'I SA BCU GCIG PA'I SGYU LUS MCHOG SGRUB PA'I THOG MA SOR SDUD NAS 'THOB PA SOGS DANG, DUS 'KHOR BA'I TING NGE 'DZIN GYI YAN LAG SO SKYE'I SA NAS KYANG 'THOB PA DANG, DE ZUNG 'JUG TU MDZAD PA SOGS KYANG 'GAL BAR MTHONG NGO, ,BSAM GTAN GYIS LUS DBEN BSTAN PA MI 'THAD PA'I RGYU MTSAN DU, LUS DBEN LA SHES DANG SHES BYA BYUNG ZAD KYI PHAN YON MI 'ONG BA'I PHYIR RO ZHES GSUNG PA NI, PHYOGS SNGA MA SMRAS BAS SHES DANG SHES BYA BYUNG ZAD KYI SEMS RTZE GCIG PA SEMS DBEN DU 'DOD PAR SNANG BAS DE LA SKYON DE MI 'JUG GO ,DES NA 'PHAGS PA YAB SRAS KYIS BSHAD PA DANG, DUS 'KHOR GYI SKOR NAS BSHAD PA'I BDAG BYIN BRLABS DANG KUN RDZOB BDEN PA ZHES PA GNYIS MING GCIG KYANG DON MI GCIG STE, DPER NA DRIL BU ZHABS KYI RIM LNGAR SNYING KHAR THIG LE SGOM PA BDAG BYIN BRLABS SU BSHAD PA BZHIN TE DE 'DRA MANG NGO, ,DUS 'KHOR GYI SBYOR DRUG RIM PA DRUG TU SDUD TSUL BOD GZHAN GYIS BSHAD PA YANG DON GCIG

TU 'CHAD PA'I PHYOGS SU SNANG LA, DE MI 'THAD PA NI SNGAR BSHAD PAS SHES SO, ,DES NA RGYUD PHYI MA'I SBYOR DRUG GI GZHUNG RNAMS N'A RO PAS KYANG RGYUD PHYI MA'I 'GREL PAR SGRON GSAL JI BZHIN DU BSHAD LA DBANG MDOR BSTAN GYI 'GREL PAR DUS 'KHOR BZHIN DU BSHAD DO, ,DE LTAR DON GCIG TU BSHAD DU MI RUNG YANG DE'I DOD THUB JI LTAR YIN DPYOD NA NI LEGS TE, DE LTAR BYAS NA RGYUD SO SO'I MAN NGAG GI MTHA' CHOD PAR 'GYUR BA'I PHYIR RO, ,DE YANG CUNG ZAD BSHAD NA, DUS 'KHOR BA'I LUGS KYI SOR BSAM NI, RLUNG GNYIS DBU MAR 'DZUD PA'I SROG RTZOL GYI SNGON 'GRO RTZA DBU MA SBYONG BYED YIN PAS, DE NAS BSHAD PA JI LTA BA BZHIN DU MI SGOM YANG, RLUNG GNYIS DBU MAR 'DZUD PA'I SNGON 'GRO RTZA DBU MA SBYONG BYAD DU 'GRO BAR SNANG NA DE'I DOD YIN NO, ,DE BZHIN DU DUS 'KHOR BA'I SROG RTZOL NI RLUNG DBU MAR 'DZUD BYAD YIN LA, BTZUD PA DE 'KHOR LO RNAMS KYI LTE BAR GA-YO MED DU 'DZIN PA NI 'DZIN PA YIN PAS, DE NAS BSHAD PA JI MA JI BZHIN GYI SROG RTZOL DANG 'DZIN PA SGOM PA MA YIN KYANG, DGOS PA DE SGRUB PA'I THABS SU SNANG NA DE GNYIS KYI DOD DANG, DE BZHIN DU THABS SNGA MA LA BRTEN NAS BSGOM PA'I THABS KYIS GTUM MO SBAR TE BYANG SEMS BZHUS PAS GSANG GNAS KYI RTZE'I BAR DU 'BEBS PA'I DGA' BA MYONG BA NI RJES DRAN DANG, BYANG SEMS PHYIR 'PHO MED DU BZUNG BA'I 'GYUR MED KYI BDE BA NI TING NGE 'DZIN YIN PAS, ,DE NAS BSHAD PA JI MA JI BZHIN DU MI SGOM YANG DGOS PA DE SGRUB NUS PA'I LAM DU 'DUG NA DE GNYIS KYI DOD THUB TU 'ONG NGO, ,DES NA DGOS PA DE SGRUB NUS KYI NGOS NAS RIM LNGA SOGS LAM GZHAN LA DPYAD NAS LAM PHAN TSUN DU SDUD TSUL BYED NA

, ,NI, DE RNAMS DON GCIG TU MA BSHAD KYANG SKABS DON 'GRUB PAS, RGYUD SO SO'I LAM GYI GNAD GANG DU SONG LA MI 'JIGS PA 'THOB PAR 'GYUR TE, RIGS PA DE LAM GZHAN LA YANG SHES PAR BYA'O, ,'DI NI BLO GROS CHEN PO RNAMS KYI DPYOD TSUL THUN MONG MA YIN PAR ZUNGS SHIG ,GLAN GYIS SOR SDUD SPYOD PA LA SBYAR BA NI MTSAN NYID MTSUNGS PA TZAM YOD KYANG, RGYUD PHYI MA LAS YAN LAG DRUG LAS LOGS SU SPYOD PA GSUNGS PAS MI 'GRIG GO ,DES NA DE DOR NAS RDZOGS RIM GYI RIM PA DRUG LA YAN LAG DRUG SBYOR NA, SOR BSAM GNYIS LUS DBEN LA SBYOR BA SGRA DBYANGS BCU GCIG PA LTAR LEGS SO, ,SGRON GSAL NAS BSHAD PA LA SNA RTZE GSUM DU SGOM PA'I SROG RTZOL GSUM YOD PAS, NGAG DBEN DANG RDOR BZLAS DNGOS MIN PA'I SROG RTZOL YOD KYANG, DE GNYIS SROG RTZOL GYI GTZO BO'I SGO NAS KYI MING 'DOGS SU BYAS NA DE GNYIS SU 'DU'O, ,SEMS DBEN NI BSAM GTAN GYI RTZE GCIG PA DANG, 'OD GSAL DU 'JUG PA'I SNGON GYI STONG PA GSUM DANG MTSAN NYID MTSUNGS PA'I SGO NAS GO SA YOD PA MA GTOGS PA TSIG ZIN LA MED DO, ,'DZIN PA NI 'OD GSAL DANG DON GCIG TU SGRON GSAL LAS BSHAD PAS DES SEMS DBEN DANG SGYU LUS STON PA MI 'GRIG GO ,RJES DRAN NI 'OD GSAL LAS LUGS LDOG TU LANGS PA'I SNANG BA RNAMS KYI 'CHAR TSUL DANG, TING NGE 'DZIN NI ZUNG 'JUG YIN PA SGRON GSAL LAS SHIN TU GSAL BAS, DE LAS GZHAN DU 'CHAD PA DON MIN TE, ZHIB TU 'CHAD PAR 'GYUR RO, ,RIM PA GSUM PA'I SGYU LUS NI ZUNG 'JUG GI SGYU MA'I SKU DANG MTSAN NYID MTSUNGS PA'I SGO NAS GO

SA YOD PA MA GTOGS PA YAN LAG DRUG GI GZHUNG 'GREL PAS BSHAD PA'I DNGOS KYI TSIG ZIN LA MED DO, ,SANGS RGYAS KUN DNGOS ZHES PAS SGYU LUS STON PA DON MIN PA YANG 'CHAD PAR 'GYUR RO, ,DE DAG GI DON RGYAS PAR BSHAD NA SGYU LUS DANG SEMS DBEN YANG THON PAR 'GYUR BAS YAN LAG DRUG GI LAM DU RDZOGS RIM GYI MCHOG SGRUB PA'I LAM GAL CHE BA RNAMS MA 'DUS PA'I SKYON YANG MED, DO, ,GNYIS PA NI, RIM LNGAR RIM GNYIS SKAS KYI RIM PA LTAR GSUNGS PA NI, RDZOGS RIM GYI RIM PA LNGA LA'ANG 'DRA STE, DER RDOR BZLAS LA GNAS PAS SEMS DMIGS 'THOB PA DANG, SGYU LUS YANG DAG PA'I MTHA' 'OD GSAL GYIS SBYONG BA DANG, DE LAS LANGS NAS GNYIS MED ZUNG 'JUG 'THOB PAR GSUNGS LA, DES NI SEMS DMIGS LA GNAS PAS SGYU LUS 'THOB PA YANG GO BAR NUS PA'I PHYIR RO, ,DE YANG SNGA MA SNGA MA LA BRTEN NAS PHYI MA PHYI MA 'BYUNG BAR STON PA'I GO RIM MO, ,RIM LNGAR MI RGYAS PA DE RGYAS PAR SPYOD BSDUS LAS, SANGS RGYAS KYI THEG PA'I BSAM PA SEMS BSKYED GNYIS DANG, RAGS PA'I LHA'I RNAL 'BYOR DRAN PA GCIG PA DANG, PHRA MO RTOG PA'I RNAL 'BYOR DANG, LUS DBEN NAS ZUNG 'JUG GI BAR LA SNGA MA SNGA MA LA LOBS NAS PHYI MA PHYI MA LA SLOB PA'I RJES 'GRO'I GO RIM DANG, LUS DBEN NAS BZUNG STE SNGA MA MED NA PHYI MA MI 'BYUNG BA'I LDOG PA'I GO RIM KYANG GSUNGS PAS, GO RIM NGES PA 'DOD DGOS SO, ,DE LTAR BSHAD PA TZAM MA GTOGS PA RTZA BSHAD KYI RGYUD DANG YAB SRAS LNGA'I GZHUNG NAS GO RIM DE LTAR NGES PA'I RGYU MTSAN GSAL BAR MA GSUNGS SO, ,KHA CHE LAG SMIS

, ,DANG POR THA MAL PA'I LUS DAG PAR BYA DGOS PAS, DE NI DANG PO SBYOR BA NAS RIGS BRGYA'I LUS DBEN GYI BAR GYI BSKYED RIM GYIS BYED DO, ,DE NAS NGAG DAG PA LA NGAG DBEN DANG, DE NAS THA MAL PA'I SEMS DAG PA LA SEMS DBEN DANG, DE NAS SNGON GYI SMON LAM 'BRAS BU DANG LDAN PAR BYA BA DANG, DBANG PHYUG CHEN PO'I BSTAN PA BZHIN DU CHAD PA'I PHYOGS SPANG BA DANG, BSKAL PA'I BAR DU 'GRO DON MDZAD PA DANG, NYAN THOS KYI BYANG CHUB BZHIN DU 'GOG PA'I BDEN PA SPANG PA'I PHYIR DU SGYU LUS DANG, DE LA YANG CHAGS NA DMIGS PA DANG BCAS PAR 'GYUR BAS DE SBYANG BA'I DON DU 'OD GSAL DANG, 'OD GSAL GYI CHAD MTHA' SPANG BA'I PHYIR DU ZUNG 'JUG BSTAN NO ZHES 'CHAD DO, ,SNGON GYI BOD KYI MKHAS PA NI, PI WAm GI KHOG PA LEGS PAR MA SBYANGS KYI BAR DU SGRA SNYAN PO MI 'BYUNG BA BZHIN DU, SKU RDO RJE'I TING NGE 'DZIN GYIS LUS THA MAL PA LAS MA DBEN GYI BAR DU NGAG DBEN MI 'BYUNG LA, DE LAS BZLOG NA 'BYUNG NGO, ,RTA LTA BU'I SEMS KYI BZHON PA'I RLUNG DBANG DU MA 'DUS KYI BAR DU, MI LTA BU'I SEMS DBANG DU MI 'DUL NGAG DBEN GYIS RLUNG DBANG DU 'DUS PA LAS SEMS DBEN 'BYUNG NGO, ,SEMS DBEN DU RAGS SHOS CHOS THAMS CAD RANG RIG SEMS TZAM DU SHES PA MED NA, PHRA SHOS KUN RDZOB SGYU MA TZAM DU SHES PA MED PA'AM, YANG NA SEMS DBEN DU RANG RIG PA BDE BA'I TING NGE 'DZIN MED NA SGYU MA'I SKU MI 'BYUNG STE, SGYU MA'I SKU NI DE TZAM LAS GRUB PA'I PHYIR RO, ,DPER NA BUM PA BLOS MA BCAD PAR DE'I CHOS MI RTAG PA GCOD PAR MI NUS PA BZHIN DU, CHOS CAN SGYU MA MTHAR

MA PHYIN PA NA DE BSAM GTAN GNYIS KYIS BSHIG PA'I 'OD GSAL MNGON DU MI 'GYUR RO, ,'OD GSAL SNANG MED SNGON DU MA SONG BAR SNANG STONG DBYER MED KYI ZUNG 'JUG RTOGS PAR MI 'GYUR TE, ME LONG GI GZUGS BRNYAN SNANG STONG DBYER MED DU BLOS GCOD PA LA SNGON DU GZUGS BRNYAN LA BYAD BZHIN GYI DNGOS PO MED PAR GCOD DGOS PA BZHIN NO ZHES GSUNG NGO, ,MAR LUGS PA KHA CIG ,DANG PO GNYIS LAG SMI DANG 'DRA LA, LUS NGAG GNYIS SEMS SU 'DU BAR BSTAN PA'I PHYIR SEMS DBEN DANG, DE LA BDEN ZHEN SPANG BA'I PHYIR SGYU MA DANG, SGYU MA TZAM DU ZHEN PA SPANG BA'I PHYIR 'OD GSAL DANG, CHAD MTHA' SPANG BA'I PHYIR ZUNG 'JUG BSTAN NO ZHES ZER RO, ,DE LA LUGS DANG PO NI, DBEN PA GSUM NI SGO GSUM GYI DRI MA DAG BYED YIN LA, DE YANG RAGS RIM NAS SPANG DGOS PAS DE GSUM GYI GO RIM NGES SNYAM PA DANG, SEMS DBEN DU CHAD MTHA' YOD PAS DE SPANG BA'I PHYIR SGYU LUS SGRUB PA DANG, DE LA RTAG PA'I MTHAR 'DZIN GYI DMIGS PA YOD PA SBYONG BA LA 'OD GSAL DANG, DE LA'ANG CHAD MTHA' YOD PA SPONG BA'I PHYIR ZUNG 'JUG BSTAN PA YIN ZER BAR SNANG STE, DBEN GSUM SNGA MAS PHYI MA 'DREN LUGS THUN MONG MA YIN PA STON DGOS PA MI 'DUG CING, CHAD MTHA' SPANG BA'I PHYIR DU BSTAN PA'I LAM RTAG LTA CAN DU SKYE LA, DE SPONG BA'I LAM CHAD MTHA' CAN DU SKYE NA GLANG PO CHE'I KHRUS DANG 'DRA BAS LAM YANG DAG PAR MI RUNG BA'I PHYIR DANG, SPYOD BSDUS LAS, KUN RDZOB KYI BDEN PA RTOGS PA DANG BRAL BAS NI DON DAM PA'I BDEN PA MNGON SUM DU BYA BAR MI NUS SO, ,ZHES 'OD GSAL MNGON SUM DU BYED PA LA SNGON DU SGYU LUS RTOGS PA STE THOB DGOS PAR BSTAN PAS, 'OD GSAL MNGON

, ,DU BYED PA LA SGYU LUS SNGON DU SKYE DGOS PA'I PHYOGS NAS RGYU MTSAN BSTAN DGOS KYI, SGYU MAR ZHEN PA SPONG BA LA 'OD GSAL DU 'JUG DGOS ZHES RGYU MTSAN STON PA GA LA YIN, SEMS DBEN DANG SGYU MA DANG 'OD GSAL DANG ZUNG 'JUG GI GO RIM GYI RGYU MTSAN YANG DE BZHIN DU BSTAN DGOS KYI, DE LAS GZHAN STON PA LA NI SNYING PO MA MTHONG NGO, ,GZHAN YANG LUS NGAG GNYIS SEMS SU 'DU BA KHONG DU CHUD PA'I DON DU SEMS DBEN STON ZER BA NI, SEMS DBEN DMIGS RNAM JI 'DRA ZHIG TU SKYE BA LA ZHIB TU MA BRTAGS PA'I SKYON YIN LA, SPYOD BSDUS LAS SEMS KYI YANG DAG PA'I DON JI BZHIN DU SHES NAS SGYU LUS SGRUB PA LA 'JUG PAR GSUNGS PAS, SEMS DBEN DU SEMS LA BDEN 'DZIN GYI DOGS PA MA CHOD PA PHYIS SGYU LUS KYIS GCOD PA'I DON MED DE, BSKYED RIM SGOM PA'I DUS NAS KYANG STONG NYID KYI DON LEGS PAR NGES DGOS PAR GSUNGS PA'I PHYIR RO, ,LUGS BAR PAS, NGAG DBEN GYIS RLUNG DBANG DU BYAS PA'I MTHUS SEMS DBEN 'DREN PA DANG, SEMS DBEN GYIS SGYU MA'I SKU SGRUB PA'I GZHI BYED PA DANG, SGYU LUS BSAM GTAN GNYIS KYIS 'OD GSAL DU BCUG NAS 'OD GSAL MNGON DU BYA DGOS PA DANG, ZUNG 'JUG GI YA GCIG SGRUB PA LA 'OD GSAL SNGON DU 'GRO DGOS PA'I RGYU MTSAN GSUNGS PA RNAMS NI SHIN TU LEGS LA, DBEN PA DANG PO GNYIS KYI GO RIM GYI RGYU MTSAN DU PI WAm GI DPE DON GSUNGS PA NI, DPE DANG DON GYI CHOS MTHUN DA GDOD BSGRUB DGOS PAR SNANG BAS DES MI CHOG GO ,RANG LUGS KYI GO RIM NGES PA'I RGYU MTSAN NI GRANGS NGES SGRUB PA'I SKABS SU 'CHAD PAR 'GYUR RO, ,GSUM PA LA

GNYIS, DNGOS KYI DON DANG, LAM 'DIR LAM GZHAN 'DU TSUL LO, ,DANG PO NI, SPYOD BSDUS LAS LAM LA RIM CAN DU SLOB TSUL SNGAR LTAR BSHAD NAS, ZUNG 'JUG THOB PHYIN CHAD GSAR DU LAM GYI RIM PA LA BSLAB TU MED PAR GSUNGS SHING, RIM LNGA LAS KYANG, ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB BO, ,ZHES GSUNGS PAS LAM GYI RIM PA DE RNAMS SU MI 'DU BA MED PA DANG, DE RNAMS LA SLOB DGOS PAR GSUNGS PAS, DER MA 'DUS PA'I LAM GZHAN MI DGOS PA'I PHYIR GRANGS MANG BA SEL LA, DE RNAMS MED NA MI NUS PAS GRANGS NYUNG BA YANG SEL LO, ,DE'I PHYIR GRANGS NGES 'DOD DGOS SO, ,DE LTA NA'ANG GRANGS NGES PA'I RGYU MTSAN GSAL BA NI RGYUD GNYIS DANG YAB SRAS KYIS DNGOS SU MA GSUNGS SO, ,'DI LA LAG SMIS NI, DBEN PA GSUM GYIS LUS NGAG YID GSUM RNAM PAR DBEN PA STE DAG PAR BYED CING, 'OD GSAL GYIS KUN RDZOB DANG DON DAM PA'I BDEN PA RNAM PAR DBEN PA STE DAG PAR BYED LA, ZUNG 'JUG GIS BDEN GNYIS RO GCIG PA'I RDO RJE 'CHANG 'THOB PAS DE PHAN CHAD DU BSLAB PAR BYA BA MED PAS RIM PA DRUG MI DGOS SO, ,SNGAR BSHAD PA 'DI TZAM GYIS 'DOD PA'I DON 'GRUB PAS RIM PA BZHI YANG MA YIN PAS RIM PA LNGAR GRANGS NGES SO ZHES ZER RO, ,SKAL LDAN GRAGS PAS, DANG PO GSUM SNGAR DANG 'DRA, SGO GSUM DAG PAS SEMS CAN GYI DON BYA BA'I PHYIR RANG BYIN GYIS RLOB, DE LA MNGON ZHEN 'OD GSAL GYIS SPONG, DE'I CHAD MTHA' ZUNG 'JUG GIS SPONG ZHING, DE PHAN CHAD DU BSLAB PAR BYA BA MED PAS RIM PA DRUG MED PA DANG, DE GNYIS MED

, ,NA RANG GZHAN GYI DON MI 'GRUB PAS NYUNG BA YANG MIN NO ZHES SMRA'O, ,BOD KYI SNGON GYI MKHAS PA NI, ,SGRIB PA MNGON GYUR PA MGO GNON PA DANG, ,SA BON RTZA BA NAS 'JOMS PA'I DBANG DU BYAS NAS RIM PA DRUG TU GRANGS NGES TE, 'DI LTAR NYON MONGS DANG RNAM RTOG MNGON GYUR MGO GNON PA LA DBEN PA GSUM DU BZHAG STE, ZHI GNAS BDE STONG GI RTEN LA LUS DBEN DANG, RLUNG DBANG DU 'DUS PAS RTOG PA SLONG BAR BYED PA MED PAS NGAG DBEN NI RKYEN DANG, SEMS DBEN NI DNGOS TE, BDE STONG DE PHYAG RGYA MO LA BRTEN NAS RGYUD LA SKYE BAS SO, ,SGYU MAS YUL GYI STONG NYID RTOGS PAS GZUNG BA RANG RGYUD PA LA ZHEN PA'I GZUNG RTOG GI SA BON DANG, 'OD GSAL GYIS SEMS KYI STONG NYID RTOGS PAS 'DZIN PA SEMS SU ZHEN PA'I 'DZIN RTOG GI SA BON DANG, ZUNG 'JUG GIS BDEN GNYIS THA DAD DU ZHEN PA'I SA BON SPONG BA'I PHYIR DANG, SPANG BYA DE DAG LAS MED PA'I PHYIR RO ZHES GSUNG NGO, ,SNGA MA GNYIS NI TSIG MI 'DRA TZAM MA GTOGS PA DON 'DRA BAR SNANG LA, DE'I 'THAD MI 'THAD NI SNGAR DPYAD ZIN TO, ,LUGS GSUM PAS GSUNG PA LTAR SPANG BYA LA BLTOS NAS KYANG LAM 'DI TZAM GYIS CHOG GO ZHES BSHAD DGOS MOD KYANG, MGO GNON PA'I LAM BDE STONG SBYOR BAR SMRA NA, PHAR PHYIN NAS BSHAD PA LTAR GYI STONG NYID LA DMIGS PAR 'DRA YANG ZHI LHAG GI SGOM TSUL MI 'DRA BA BZHIN DU NI BZHED PAR MI SNANG BAS, ZHI LHAG GI LAM SO SOR 'JOG MI NUS LA, LAM PHYI MA GSUM YANG RTOG PA GSUM SO SO'I GNYEN PO SO SOR MA NGES PAS LEGS PAR MI SEMS SO, ,

'O NA GANG LA BLTOS NAS GRANGS NGES SGRUB SNYAM NA, BSGRUB BYA MTHAR THUG LA BLTOS NAS TE, DE SGRUB PA LA 'DI RNAMS DGOS LA 'DIR MI 'DU BA MI DGOS PA'I PHYIR RO ZHES PA'I TSUL GYIS SO, ,DE LA YE SHES CHOS KYI SKU DANG, DE'I RTEN GZUGS SKU THUN MONG MA YIN PA TSOGS PA'I ZUNG 'JUG GI 'BRAS BU NI SNGAR BSHAD CING 'OG NAS KYANG 'CHAD PAR 'GYUR BA LTAR RO, ,DE 'DRA BA'I ZUNG 'JUG 'GRUB PA LA NI, SLOB LAM DU BDE BA CHEN PO'I YE SHES DE KHO NA NYID KYI DON LA MNGON SUM DU ZHUGS PA'I DON DAM 'OD GSAL DANG, YE SHES KYI BZHON PA'I RLUNG 'OD ZER LNGA'I RGYU LAS BSGRUBS PA'I YONGS SU DAG PA'I KUN RDZOB SGYU MA'I SKU GNYIS TSOGS PA'I SLOB PA'I ZUNG 'JUG BSKYED DGOS SO, ,BDEN GNYIS ZUNG 'JUG DE LA SNGON DU YA GNYIS SO SOR SGRUB DGOS TE, SPYOD BSDUS LA, DON DAM PA'I BDEN PA RTOGS PA MED PAR NI ZUNG DU 'JUG PA'I RIM PA MNGON SUM DU BYA BAR MI NUS SO, ,ZHES GSUNGS SHING, KUN RDZOB SGYU LUS SNGON DU MA THOB PAR YANG 'OD GSAL MNGON DU BYA MI NUS PAR GSUNGS PA'I PHYIR RO, ,DE'I PHYIR 'OD GSAL DU MNGON SUM DU 'JUG PA'I RTEN LA SNGON DU SGYU MA'I SKU BSKYED DGOS TE, 'DI'I RGYU MTSAN 'OG TU BSHAD PAR BYA'O, ,RIM PA GSUM PA'I SGYU LUS DANG, RIM PA BZHI PA'I 'OD GSAL GNYIS ZUNG 'JUG GI DUS NA MED PAS, ZUNG 'JUG GI DUS KYI YA GNYIS MIN KYANG, SPYIR KUN RDZOB SKYU MA DANG, DON ,DAM 'OD GSAL GNYIS ZUNG 'JUG GI YAR 'GRO ZHING, SNGA MA GNYIS KYANG DE GNYIS YIN PA LA BSAMS NAS DE LTAR BSHAD DO, ,DE 'DRA BA'I SGYU MA'I SKU GANG LAS SGRUB PA'I GZHI'I RLUNG DANG SEMS

, ,NI; SA CHU LA THIM PA SOGS KYI SGO NAS RLUNG RIM GYIS SNYING KHAR BSDUS TE, RANG BZHIN BRGYAD CU'I RTOG PA GA-YO BA'I RLUNG THIM PA SOGS KYI THIM RIM LAS, SEMS DBEN GYI YE SHES GSUM BSKYED PA'I SEMS DANG, DE'I BZHON PA'I RLUNG YIN PAS SGYU LUS KYI SNGON DU SEMS DBEN 'GRA? DOGS SO, ,DE 'DRA BA'I THABS KYIS SNYING KHAR SDUD RIM KHYAD PAR CAN BYED PA LA NI PHYI LAS DANG YE SHES KYI PHYAG RGYA DANG SBYOR BA'I SROG RTZOL DANG, NANG RLUNG DANG THIG LE SOGS SGOM PA'I SROG RTZOL SGOM PA GNYIS DGOS PAS ,SEMS DBEN GYI SNGON DU NGAG DBEN RDO RJE BZLAS PA'I RIM PA SGRUB DGOS SO, ,NGAG DBEN DANG RDO RJE BZLAS PA ZHES PA NI SROG RTZOL GYI PHYOGS GCIG GI MING GIS BTAGS PA STE, RIM PA 'DI'I SPYI MING NI, RGYUD PHYI MAR YAN LAG DRUG GI GSUM PA SROG RTZOL ZHES GSUNGS PA'O, ,DE LA NI 'OG GI SNA RTZER RDZAS KYI THIG LE DANG ,SNYING KHA'I SNAR RTZER MI SHIGS PA SNGAGS KYI THIG LE DANG, GDONG GI SNA RTZER 'OD KYI THIG LE SGOM PA'I SROG RTZOL GSUM YOD DO, ,THABS DANG SHES RAB KYI 'OG SGO'I SNA RTZE GNYIS LAS PHYI MAR RDZAS KYI THIG LE SGOM PAS PHYAG RGYA GNYIS DANG SBYOR BA BSTAN LA, PHYAG RGYA GNYIS DANG SBYOR BA'I SROG RTZOL NI RDOR BZLAS MTHAR PHYIN PA'I SNGON DANG, PHYIN PA'I 'OG NAS BYED PA'I SKABS GNYIS SO, ,SGYU LUS SGRUB GZHI LA SNYING KHA'I DH'U T'I'I NANG DU RLUNG BSDUS NAS THIM PA LAS BYUNG BA'I RLUNG SEMS DGOS PA'I RGYU MTSAN GYI GTZO BO NI SNGAR BRJOD ZIN LA, DE'I RGYU MTSAN ZHIB PA DANG, PHYAG RGYA GNYIS KYANG SNYING KHAR RLUNG SDUD PA'I THABS SU 'GRO TSUL NI 'CHAD PAR 'GYUR RO, ,DE LTAR SNYING KHAR RLUNG SDUD PA'I SDUD RIM KHYAD PAR CAN GYI

SROG RTZOL GYI LAM 'GRUB PA LA SNGON DU, LUS KYI GNAD GZHAN DU DMIGS PA GTAD NAS BSGOMS PAS, SPYIR DH'U T'IR RLUNG GNYIS TSUD NAS THIM PA LAS BYUNG BA'I LHAN SKYES KYI BDE BA DRANGS TE SGOM PA DANG, GANG SHAR THAMS CAD DE'I RNAM ROL TU LTA BA DANG, DE YANG LHA'I RNAM PAR SGOM PA'I LUS DBEN BSGOM DGOS SO, ,DE 'DRA BA'I LUS KYI GNAD GZHAN LA RTZA 'KHOR BYE BRAG PA'I NGES PA MED LA, 'DIR NI 'OG SGOR THIG LE BSGOMS NAS SDUD DO, ,DE 'DRA BA'I RDZOGS RIM YONGS SU RDZOGS PA RGYUD LA SKYE BA'I DGE BA'I RTZA BA SMIN PA LA NI, SKYE SHI BAR DO GSUM SKU GSUM DU 'KHYER BA'I SGO NAS RGYUD SBYONG BA'I RIM PA DANG PO'I RAGS PA'I RNAL 'BYOR DRAN PA GCIG PA DANG, PHRA MO'I DKYIL 'KHOR RTOG PA'I RNAL 'BYOR THUN BZHIR SGOM PA SNGON DU 'GRO DGOS SO, ,RIM GNYIS SGOM PA'I SNOD RUNG DU SGRUB PA LA NI, DBANG RDZOGS PA RNAM DAG CIG THOB PA DANG, KHAS BLANGS PA'I DAM TSIG DANG SDOM PA RNAMS LEGS PAR SRUNG BA DGOS, DBANG DANG DAM TSIG SRUNG BA'I SNOD KYI MTSAN NYID TSANG BA LA, BYANG CHUB KYI SEMS GNYIS YAN LAG DANG BCAS PA LA SBYONG BA'I LAM THUN MONG BA'I RIM PA LA BSLABS PA DGOS TE SNGAR BSHAD ZIN TO, ,BOGS 'DON PA'I SPYOD PA NI PHYI'I SROG RTZOL GYIS MTSON NAS STON PAS DE LTA BU NI LAM THAMS CAD KYI GRANGS NGES DANG, RIM PA GNYIS KYI GRANGS NGES DANG, RIM PA GNYIS PA'I RIM PA RNAMS KYI GRANGS NGES YIN NO, ,DES NI GO RIM NGES PA YANG SHES LA, GANG ZAG GCIG 'TSANG RGYA BA LA YANG DE DAG KUN DGOS PAS, LAG SMI DANG, SKAL LDAN GRAGS PA SOGS KYIS GANG ZAG GCIG GOS KYANG RIM PA LNGA KA

, ,BSGOM DGOS PAS, RE RE GANG ZAG RGYUD THA DAD PA RE RE'I DBANG DU BYAS PA MIN ZHES 'CHAD PA LEGS KYI, 'GREL PA ZLA 'OD LAS, GANG ZAG RAB LA RIM PA THA MA GNYIS, 'BRING LA RIM PA GSUM PA DANG BZHI PA GNYIS, CHUNG NGU LA BSKYED RIM DANG RDOR BZLAS GNYIS, CHUNG NGU'I CHUNG NGU LA DE GNYIS DANG NGAG GI BZLAS PA GSUM BSHAD NAS, RAB 'BRING THA MA GSUM YANG RGYUD GCIG GI BLO RIM GYIS GONG NAS GONG DU 'PHOS PA'I SKABS LA 'JOG PA GZHAN LUGS DANG, RGYUD THA DAD LA BYED PA RANG LUGS SU MDZAD PA NI 'PHAGS PA YAB SRAS KYI GO RIM STON PA'I GZHUNG DANG 'GAL ZHING ,RNAL 'BYOR RDZOGS 'PHRENG DANG YANG 'GAL BAS LEGS PA MA YIN NO, ,GRANGS NGES 'DI RGYUD GZHAN LA SBYOR NA RIM PA THA MA GSUM GYI RIM PA SNGAR LTAR BYA, BDE MCHOG RIM LNGA DANG, KU KU RI PA'I MAH'A M'A YA'I MAN NGAG LTA BU SNYING KHAR SDUD RIM DNGOS SU YOD PA RNAMS NI DER GZHOL TSUL RTOGS PAR SLA LA, DE MED PAR LTE BAR GNAD DU BSNUN PA LA SOGS PA RNAMS KYI LAM YANG MTHAR SNYING KHAR SDUD PA LA GZHOL BA'I TSUL SHES PAR BYA BA DANG, LUS DBEN GZHAN DU THA SNYAD MED KYANG DON YOD NA 'DRA BA DANG, DON MED KYANG MI 'GAL BA'I RGYU MTSAN DU 'DIR BSHAD PA SNYING KHAR SDUD SLA BA'I GO RIM DU SHES PAR BYA ZHING, BSKYED RIM PA LA YANG DE'I RIGS PA SBYAR RO, ,LAM THUN MONG BA NI KUN LA 'DRA'O, ,GNYIS PA NI, SGRON GSAL LAS, 'DI NI SGRUB PA'I YAN LAG MCHOG ,RGYUD KUN GYI NI DON BSDUS PA'O, ,ZHES RIM PA DANG PO DANG BCAS PA'I RIM PA LNGA PO 'DIR RGYUD KUN GYI

DON 'DUS PAR GSUNGS PA NI, 'DUS PA'I RGYUD KUN ZHES PA TZAM LA MI BYA'I, RGYUD THAMS CAD LA BYA DGOS TE, DE NYID LAS, 'DUS PA RGYUD SDE THAMS CAD KYI RTZA BA DANG, MDO SDE THAMS CAD KYI SNOD DU GSUNGS PA'I PHYIR RO, ,DES NA DE NYID LAS, RIM PA 'DI YI DBYE BA YANG, ,SPROS PA'I RIM PA RNAM PA MANG, ,DE RNAMS YANG DAG BSDUS PA NI, ,GANG GIS SHES PA RGYUD RIG DE, ,ZHES GSUNGS PA YANG 'DUS PA RKYANG PA'I RGYUD LA MI BYA'I RGYUD SDE KUN LA BYA'O, ,'O NA RGYUD SDE GZHAN GYI LAM GYI RIM PA RNAMS 'DI LAS SPROS PA'I RIM PA DANG, DE RNAMS 'DIR 'DUS PAR SHES PA DES RGYUD KYI DON SHES SO, ,ZHES GSUNGS PA'I DON GANG YIN SNYAM NA, 'DI NI SNGAR BSHAD PA LTAR DON GCIG PA'I SGO NAS 'DUS PA MIN GYI BYED LAS MTHUN PA'I SGO NAS 'DUS PA'O; ;DE YANG SEMS DBEN NAS ZUNG 'JUG GI BAR DGOS LUGS SNGAR BSHAD PA BZHIN LA, SEMS DBEN 'DREN PA'I THABS KYI GTZO BO SNYING KHA'I SDUD RIM YIN PA DANG, SNYING KHAR SDUD RIM DNGOS SU MI GSAL BAR LTE BA SOGS GNAS GZHAN DU SDUD PA RNAMS KYANG MTHAR SNYING KHAR GZHOL TSUL SHES DGOS TE MANGS PAS 'JIGS PAS RE ZHIG 'DIR MA BRIS SO, ,BSKYED RIM 'DI DANG JI BZHIN MI 'DRA YANG RDZOGS RIM RDZOGS PAR SKYE BA'I DGE RTZA SMIN BYED DU 'GRO BA'I TSUL SHAS NA DON 'DRA BAS, DE LTA BU'I LAM SDUD TSUL LEGS PAR SHES PA DE NI RGYUD DON KUN LA MI 'JIGS PA 'THOB BO, ,'DIR KHA CIG RIM LNGA BSDUS PA GSAL BA LAS, SNGAR DRANGS PA'I, STAN GCIG STENG DU BSGOM PAR BYA, ,ZHES PA'I MJUG TU, 'DI NYID YANG DAG RTOGS PA'I PHYIR, ,LAM

, ,MCHOG RIM PA LNGA PA NYID, ,PHA ROL PHYIN DANG THEG SNA TSOGS, ,SRID PA SKYE DANG NYIN ZHAG GCIG ,STAN GCIG STENG DU SBYAR TE BSHAD, ,CES PA'I DANG PO'I DON NI, SHER PHYIN GYI MDOR, STON PA'I SKU DRANG POR BSRENG ? STE BZHUGS PA BSKYED RIM PA DANG, SKU LAS 'OD ZER BYA BA BKYE BA RNAMS RDOR BZLAS, STONG PA NYID BCO BRGYAD KYIS SEMS DMIGS, GZUGS SGYU MA LTA BU ZHES SOGS KYI SGYU LUS, GZUGS LA RANG BZHIN MED CES SOGS KYIS 'OD GSAL ,GNYIS SU MED GNYIS SU BYAR MED CES SOGS KYIS ZUNG 'JUG BSTAN ZHES DANG, THEG PA SNA TSOGS DANG SBYAR BA'I DON NI, BSKYED RIM DU NYAN THOS KYI THEG PA 'DU STE, NYAN THOS KYIS 'DOD PA'I RDUL PHRA RAB 'DUS PA'I RIGS PA'I SNANG BA DANG, BSKYED RIM RTOG PA'I RNAL 'BYOR GNYIS CHOS MTHUN PA'I PHYIR RO, ,RDO RJE BZLAS PAR RANG RGYAL GYI THEG PA 'DU STE, RLUNG 'PHO BA BCU GNYIS KYI RDO RJE'I BZLAS PA DANG, RANG RGYAL GYI RTEN 'BREL BCU GNYIS CHOS MTHUN PA'I PHYIR RO, ,SEMS DMIGS KYI RIM PAR SEMS TZAM GYI THEG PA 'DU STE, GNYIS KA SEMS LA RTZI BA'I PHYIR RO, ,DBU MA SGYU MA LTA BU SGYU LUS SU 'DU STE, GNYIS KAS CHOS THAMS CAD SGYU MAR 'DOD PA'I PHYIR RO, ,DBU MA RAB TU MI GNAS PA 'OD GSAL DU 'DU STE, GNYIS KAS CHOS THAMS CAD STONG PAR 'DOD PA'I PHYIR RO, ,GSANG SNGAGS KYI THEG PA THAMS CAD ZUNG 'JUG TU 'DU STE, SNGAGS KYI LTA BA THAMS CAD BDEN GNYIS RO MNYAM ZUNG 'JUG YIN PA'I PHYIR RO, ,ZHES DON LNGA MA LAS 'CHAD DE, 'KHOR LO CAN DANG, PHA RGYUD YANG SNYING DU YANG NGO, ,GZHUNG DER RIM LNGA SHES RAB KYI PHA ROL TU PHYIN PA DANG, THEG PA

SNA TSOGS DANG SBYAR LA BSHAD CES PA'I SBYAR BA'I DON NI, SNGAR BSHAD PA LTAR SRID PA SKYE 'CHI'I RIM PA DANG, NYIN ZHAG GCIG LA GZHI DUS KYI RIM LNGA SBYAR BA LTAR SBYOR BA MIN NO, ,'O NA CI ZHE NA, SPYIR THEG PA CHE CHUNG SNA TSOGS PA'I GSUNG RAB DANG, BYE BRAG TU ZAB MI SHAR PHYIN GYI MDO SDE KUN GYI GNAD RNAMS, 'DUS PA'I RGYUD DU 'DU BAS DE'I LAM RIM PA LNGAR YANG DE DAG GI GNAD RNAMS 'DUS SO ZHES STON PA LA DE DANG SBYAR TE BSHAD CES BSTAN PA MIN TE, DE NYID LAS, LAM GYUR RIM PA LNGA LDAN PA, ,BYANG CHUB PHYOGS CHOS MDO DON DANG , ,SBAS PA RNAM GSUM MTHAR THUG BCAS, ,SNA TSOGS SGRA NI MTSON PA'O, ,ZHES BYANG CHUB KYI PHYOGS KYI CHOS STON PA'I MDO SDE DANG ,SBAS PA GSUM DANG MTHAR THUG GNYIS STON PA'I RGYUD SDE SNA TSOGS PA'I SGRA'I DON NI RIM PA LNGAR MTSON NAS STON PAR BSHAD PA'I PHYIR RO, ,'DUS TSUL NI, GZHUNG GZHAN DE DAG NAS BSHAD PA LTAR GYI LAM DE DAG 'DIR MA BSHAD KYANG, DE DAG GI LAM GYI GNAD NI 'KHOR BA LAS GROL BA'I THAR BA DANG, THAMS CAD MKHYEN PA'I GO 'PHANG SGRUB BYED YIN LA, DE 'DIR BSHAD PA'I LAM GYI NANG DU LHAG DANG BCAS PA TSANG BA DANG, YANG LAM GZHAN DE DAG KYANG MTHAR 'DIR GZHOL DGOS PAS 'DI DE DAG GI RTZA BAR GYUR PA'I DON NO, ,GZHAN GYI LUGS LAM 'DIR LAM GZHAN 'DU BA'I RGYU MTSAN RNAMS NI; MA NGES PA DANG MA GRUB PA NYID DU SNANG NGO, ,BZHI PA LA GNYIS, DBEN PA GSUM GYI TING NGE 'DZIN LA BSLAB TSUL DANG, BDEN PA GNYIS KYI TING NGE 'DZIN LA BSLAB TSUL LO, ,DANG PO LA GSUM, LUS DBEN SKU RDO RJE'I TING NGE 'DZIN LA BSLAB TSUL, NGAG DBEN GSUNG

, ,RDO RJE'I TING NGE 'DZIN LA BSLAB TSUL ,SEMS DBEN THUGS RDO RJE'I TING NGE 'DZIN LA BSLAB TSUL LO, ,DANG PO LA DRUG ,LUS DBEN RIM GNYIS GANG YIN DPYOD PA, BSKYED RIM DANG LUS DBEN KHYAD PAR CAN GYI GO RIM, LUS RNAM PAR DBEN PA'I NGOS 'DZIN, LUS DBEN GYI RAB TU DBYE BA, DE SOR SDUD DANG BSAM GTAN GYI YAN LAG TU 'GYUR TSUL, LUS DBEN JI LTAR NYAMS SU BLANG BA'I TSUL LO, ,DANG PO LA GSUM, LUGS SO SO BA RNAM PAR DGOD PA DANG DE DAG GI 'THAD MI 'THAD DPYAD PA DANG, RANG GI LUGS RNAM PAR BZHAG PA'O, ,DANG PO NI, LUS DBEN RIM GNYIS GANG DU 'JOG PA LA MI MTHUN TE, 'DI LTAR AA BHYA DANG ,THUB PA DPAL DANG, LAG SMI DANG, SKAL LDAN GRAGS PA SOGS MANG POS LUS DBEN BSKYED RIM DU BSHAD LA, BLA MA BTZUN MO CAN DANG MNGON SHES CAN GNYIS RDZOGS RIM DU BZHED CING ,NAG PO DAM TSIG RDO RJE RIGS BRGYA DANG ,RIGS LNGA DANG ,RIGS GSUM GYI LUS DBEN BSKYED RIM DANG ,RIGS GCIG GI LUS DBEN RDZOGS RIM DU BZHED CES RJE 'GOS KYIS STONG THUN LAS BSHAD DO, ,MAR LUGS PA KHA CIG N'A RO PAS KYANG BSKYED RIM DU BZHED ZER BA MI BDEN TE, RIM LNGA BSDUS PA GSAL BA LAS DE GNYIS SO SOR BSHAD PA'I PHYIR RO, ,DE LTAR MI MTHUN PA 'ONG BA NI, SPYOD BSDUS LAS, DRAN PA GCIG PA DANG RTOG PA'I RNAL 'BYOR LA LOBS PA NA LAS DANG PO PA'I TING NGE 'DZIN LA GNAS PA DANG, DE LA GNAS ZIN PA'I 'OG TU LUS DBEN LA SLOB PAR GSUNGS PA DANG, BSKYED PA'I RIM PA NAS BRTZAMS TE LUS RNAM PAR

DBEN PA'I MTHAR THUG PA'I BAR DU, ZHES DE GNYIS SO SOR GSUNGS PA LA BRTEN NAS RDZOGS RIM DU 'JOG GO ,LAS DANG PO PA NI 'DI PA'I LUGS KYIS BSKYED RIM THOG MAR SGOM PA NAS DE MTHAR PHYIN PA'I BAR LA BZHED DE, RIM LNGAR, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,ZHES GSUNGS SHING ,SPYOD BSDUS LAS, RDO RJE THEG PA 'DI LA BSKYED PA'I RIM PA LA BSLABS NAS SA BRGYAD PA 'THOB STE, ZHES GSUNGS PA BZHIN NO, ,YANG SPYOD BSDUS LAS, PHUNG PO DANG KHAMS DANG SKYE MCHED LA SOGS PA BSHAD MA THAG PA NI LUS RNAM PAR DBEN PA STE, DE LA LHA RNAM PAR DGOD PA NI THAMS CAD KYI THUN MONG STE RAGS PA'I RNAL 'BYOR YIN PA'I PHYIR RO, ,ZHES GSUNGS SHING ,DE'I 'PHRO NAS NGAG DBEN BSKYED RIM PA'I YUL MIN TE, SHIN TU PHRA BA'I PHYIR RO, ,ZHES BSHAD PA'I SHUGS KYIS THAMS CAD KYI THUN MONG ZHES PA RIM GNYIS KYI THUN MONG DU BSTAN PA LA BRTEN NAS RIM PA GNYIS KA'I CHAR MDZAD DO, ,BSKYED RIM DU 'JOG PA RNAMS KYIS NI PHUNG SOGS LHAR SGOM TSUL BSKYED RIM PA'I LHA SO SO'I RNAM DAG SGOM PA DANG DON GCIG TU 'DUG SNYAM DU BSAMS PA 'DRA'O, ,'O NA LUS DBEN BSKYED RIM DU 'DOD PA RNAMS KYIS DE'I SKABS GANG DU LUS DBEN BSTAN PAR 'DOD CE NA, AA BHYA NI, BSKYED PA'I RIM PAS GRUB PA'I RDO RJE 'CHANG GI SKUR LHAG PAR MOS PA TZAM LUS DBEN DU BSKYED RIM GYI SKABS SU GSUNGS PAR BZHED PAS, LHAG MOS KYI GTZO BO LTA BU LA BYED DO, ,GZHAN GSAL BAR MA BSHAD KYANG LHAG MOS KYI LHA GZHAN LUS LA BKOD PA NA PHUNG SOGS DANG DBYER

, ,MED DU MOS DGOS PAS, DE RNAMS LUS DBEN DU BYED PA 'DRA'O, ,LHAG PAR MOS PA TZAM GYIS SKYED PAR BSHAD PAS, SA BON LAS BSKYED PA'I LUS DKYIL LUS DBEN DU MI 'DOD PA 'DRA'O, ,THUB PA DPAL GYIS KYANG MDOR BYAS SU GSUNGS PA'I BSKYED RIM GYIS LUS DBEN BSTAN ZHES PA TZAM MA GTOGS PA LUS DBEN BSTAN TSUL MI GSAL LO, ,PAndI TA PHYI MA GNYIS KYIS NI MDOR BYAS KYI TING NGE 'DZIN GSUM LA BSLAB ZIN PA'I 'OG TU LUS DBEN LA SLOB PAR BSHAD PAS DE BSKYED RIM DU 'DOD KYANG ,MDOR BYAS SU BSHAD PA'I BSKYED RIM DU MI 'DOD DO, ,BOD KYI 'GOS LUGS PA PHAL MO CHE LUS DBEN RDZOGS RIM DU 'DOD LA, GLAN GYIS PHUNG PO SOGS LA LNGA LNGAR ZHIB TU MA PHYE BA'I RAGS PA'I LUS DBEN RTOG PA DANG , RIGS BRGYA NAS GCIG GI BAR ZHIB TU DPYOD PA'I LUS DBEN DPYOD PAR BYED CING, SNGA MA BSKYED RIM DANG THUN MONG BA'I LUS DBEN YIN TE, BSKYED RIM PAS KYANG SHIN TU RNAL 'BYOR GYI SKABS SU DE LTAR SGOM PAR BSHAD PAS SO, ,PHYI MA NI RDZOGS RIM PA'I THUN MONG MA YIN PA'I LUS DBEN DU 'DOD DO, ,GNYIS PA NI, DE LTAR LUGS THA DAD PA DE DAG LAS GANG GZUNG ZHE NA, LUS DBEN RIL PO MDOR BYAS SU GSUNGS PA'I BSKYED RIM DU 'DOD NA SPYOD BSDUS LAS, LAS DANG PO BA'I TING NGE 'DZIN LA BSLABS ZIN PA'I 'OG TU LUS DBEN LA SLOB PAR GSUNGS PA DANG 'GAL BA SPANG MI NUS LA, LUS DBEN MDOR BYAS SU GSUNGS PA'I TING NGE 'DZIN GSUM DU MI 'DU BAR BSKYED RIM LOGS PAR BYED PA SHIN TU MI 'THAD DO, ,MDOR BYAS KYI TING NGE 'DZIN

GSUM GYIS LAS SGRUB PA'I DUS KYI BSKYED RIM 'GA' ZHIG MA GTOGS PA, RDZOGS RIM GYI SNGON DU BTANG DGOS PA'I BSKYED RIM THAMS CAD STAN PA'I PHYIR DANG, MDOR BYAS KYI BSKYED RIM PHRA RAGS GNYIS KA MTHAR PHYIN PA'I RJES SU SNGA MAR MYONG BA MA THON PA LUS DBEN GYI BSKYED RIM GYI LHA'I RNAM PA 'CHAR BA LA SLOB TSUL 'DI YIN NO ZHES GZHAG PAR MI NUS PA'I PHYIR DANG, LHA'I SKU'I RNAM PA SGOM PA LAS GZHAN PA'I LUS DBEN GYI SGOM TSUL YANG DE DAG LA MI SNANG BA'I PHYIR RO, ,LUS DBEN NI RIL PO RDZOGS RIM DU 'JOG PA YANG MI 'THAD DE, LUS DBEN LA THAMS CAD KYI THUN MONG YIN ZHES GSUNGS SHING ,NGAG DBEN LA DMIGS KYIS BKAR NAS BSKYED RIM PA'I YUL MIN ZHES GSUNGS PA'I PHYIR DANG, THUN MONG YIN MIN GYI SGRUB BYED DU RAGS PA DANG PHRA BAR GSUNGS PAS KYANG SHES PA'I PHYIR RO, NA DE LA LHA DGOD PA NI ZHES PA PHUNG SOGS LA LHA DGOD PA RIM PA GNYIS KA'I THUN MONG DU STON PA YIN GYI, LUS DBEN THUN MONG BAR STON PA MIN ZHES KYANG BSHAD PAR MI NUS PAS, LUS DBEN LA RIM PA GNYIS KYI LUS DBEN GNYIS SU DBYE BAR BYA'O, ,DE LTA NA'ANG DAM TSIG RDO RJE LTAR NI MI BYED DO, ,RIGS �BRGYA NAS GSUM GYI BAR GYI LUS DBEN RNAMS RIGS GCIG GI LUS DBEN DU SDUD PAR SPYOD BSDUS LAS GSUNGS PAS, , BSDU RGYU BSKYED RIM DANG DE RNAMS BSDUS PA RDZOGS RIM DU MI RUNG BA'I PHYIR RO, ,LUS DBEN GYI PHUNG SOGS LHAR SGOM PA 'DI LHA'I RNAM PA 'CHAR BA BSGOM PA YIN NA NI, BSKYED RIM YUNGS 'BRU TZAM GYI NANG DU

, ,'KHOR RDZOGS PA LA GSAL SNANG SHIN TU BRTAN PA RNYED NAS, DE NAS 'DI SGOM PAR BSHAD PAS, SNGA MAR MYONG BA MA THON PA 'DIR GDON RGYU MI 'DUG PAS, DE LA LOBS NAS 'DI LA SLOB PA'I LAM GYI RIM PA GZHAN DU BSHAD PA MI 'THAD DO, ,PHUNG SOGS LA LNGA LNGAR PHYE BA 'DI'I RIM PA DANG PO'I SKABS SU GSAL BAR MA BSHAD KYANG, BSKYED RIM PHRA RAGS MTHAR PHYIN PA NA GANG SHAR SHAR LA YID GTAD PAS, DE MA THAG TU LHAR 'CHAR BA'I GSAL SNANG BRTAN PO BSKYED NUS PAS, ZHING DU PHYE BA LA SKYED MI NUS ZHES SMRA MI NUS PAS, GLAN GYIS LUS DBEN LA RIM PA GNYIS KYI 'BYED TSUL BYAS PA YANG 'THAD PAR MA MTHONG NGO, ,KHA CIG BSKYED RIM PAS NI GSAR DU SKYED PA YIN LA, LUS DBEN GYI PHUNG SOGS LHAR SGOM PA NI GDOD MA NAS LHAR GRUB PA YIN NO SNYAM DU LTA BA'I RDZOGS RIM PA'I LHA SGOM LUGS SO ZHES ZER BA NI, RIM PA GNYIS LA SNGAGS KYI SKU DANG YE SHES KYI SKU'I TSUL GNYIS YOD PA LEGS PAR MA PHYED PA'I GTAM DU SNANG LA, RDZOGS RIM GYI SKABS SU YANG THIG LE DANG YI GE SOGS BLOS DMIGS PA LTAR MED BZHIN DU DMIGS PA YOD MOD KYANG, DE DAG GIS DMIGS PA RIGS MTHUN GZHAN BAR DU BRGYUD MI DGOS PAR MA BCOS PA'I RDZOGS RIM BSKYED PAS RDZOGS RIM DU SDUD PA LTAR, PHUNG SOGS GDOD MA NAS LHA YIN NO SNYAM DU SEMS PAS NI DE LTAR YANG MI NUS LA, LHAR SGOM LUGS DE NI BLOS BCOS PA DANG BRTAGS LUGS BSKYED RIM PA LAS KYANG CHE BAR SNANG BAS, DE 'DRA

BA'I LHAR LTA LUGS GNYIS PO DES RIM GNYIS KYI KHYAD PAR DBYE MI NUS SO, ,DE BZHIN DU STONG PA NYID RTOGS PA'I BLO GZUNG RNAM LHAR 'CHAR BA LA BYAS NA'ANG, DES BSKYED RIM LAS DBYE BAR MI NUS TE, DE NI BSKYED RIM GYI SKABS NAS KYANG 'ONG BA'I PHYIR TE, LHA SKYED PA'I SNGA ROL TU SH'U NYA T'A LA SOGS PAS STONG PAR SBYANG BAR GSUNGS LA, DE'I DON KYANG STONG NYID KYI LTA BA LEGS PAR MA GO BA'I SNANG BA BSDUS PA TZAM LA BYAR MI RUNG BA'I PHYIR RO, ,GSUM PA NI, 'O NA LUS DBEN LA RIM GNYIS SU 'BYED TSUL JI LTAR YIN SNYAM NA, PHUNG SOGS LHAR SGOM PA'I LUS DBEN 'DI LA STONG NYID RTOGS PA'I GZUNG RNAM LHAR SHAR SHAR GYI SGOM TSUL GNYIS DANG, SHAR BA LA YANG THUN MONG MA YIN PA'I BDE BAS STONG NYID RTOGS PA YIN MIN GNYIS DANG BDE BAS STONG NYID RTOGS PA LA YANG RO RKYANG GI RLUNG GNYIS DH'U T'IR BTZUN NAS THIM PA LAS BYUNG BA'I BDE BA YIN MIN GNYIS YOD DO, ,DE LA BSKYED RIM LA NI, DANG PO GNYIS KYI PHYI MA DANG ZHU BA DES STONG NYID RTOGS PA MIN PA'I STONG NYID RTOGS PA DANG, THA MA GNYIS KYI GNYIS PA'I SGO NAS PHUNG SOGS LHAR SGOM PA'I LUS DBEN YOD LA, THA MA GNYIS KYI DANG PO'I SGO NAS PHUNG SOGS LHAR SGOM PA'I LUS DBEN NI RDZOGS RIM NYID LA 'JOG GO, PHUNG SOGS LHAR SGOM PA'I BSKYED RIM GYI LUS DBEN NI LHAG MOS RANG LUS DKYIL DANG, DKYIL 'KHOR NYE BAR BSDU BA'I SKABS DANG, YUL SNANG THAMS CAD RDO RJE 'CHANG DU LTA BA'I SKABS SU GSUNGS TE, DES NI BSKYED RIM PAS YUL LHA PHO MOR LTA BA'I THABS SHES KYI RNAM DAG GSUNGS PA YANG MTSON NO, ,DES NA DE

, ,'DRA BA'I LUS DBEN LA SLOB PA NI BSKYED RIM LA SLOB PA'I SKABS NYID DU 'BYUNG BAS, LAS DANG PE PA'I TING NGE 'DZIN LA BSLABS ZIN PA'I 'OG TU, LUS DBEN LA SLOB PAR GSUNGS PA NI RDZOGS RIM PA'I LUS DBEN NE, ,'O NA BDE BA CHEN PO'I SGO NAS PHUNG SOGS LHAR SGOM PA'I LUS DBEN GANG NAS BSHAD SNYAM NA, SPYOD BSDUS SU, 'GRO BA 'DI KUN SANGS RGYAS LNGA BDAG NYID, ,GAR MKHAN DAG DANG RI MO BZANG LTAR SNANG, ,GANG DU BDE CHEN ZHES BYA GCIG PU NYID, ,GCIG PU NYAMS NI DU MAS GAR MDZAD DO, ,ZHES NAM MKHA' DANG MNYAM PA'I RGYUD KYI LUNG RIGS LNGA'I LUS DBEN SGOM PA'I SKABS SU DRANGS PA 'DIS STON NO, ,'DIR GAR MKHAN GCIG NYID 'BAG DANG CHAS GOS MI 'DRA BAR ZHUGS NAS GAR BYED PA DANG, SNGON PO LA SOGS PA'I TSON GCIG NYID GZUGS KYI RNAM PA DU MAR 'CHAR BA BZHIN DU, BDE BA CHEN PO GCIG PU NYID NYAMS KYI RNAM PA DU MA'I TSUL GYIS GAR MDZAD PAR GSUNGS PA NI, SANGS RGYAS RDO RJE 'CHANG KHO NAS DE LTAR MDZAD PA LA MI SBYAR GYI, LAM DANG 'BRA DUS KYI BDE BA CHEN PO KUN GYI DBANG DU BYAS PA'O, ,DE LTAR NA LUS DBEN GYI SKABS SU YANG BDE BA CHEN PO GCIG NYID RIGS LNGA LA SOGS PA DU MA'I RNAM ROL TU 'CHAR BAR SGOM PA YIN LA, DE YANG RANG RGYUD LA BDE BA DE MED PAR GZHAN RGYUD KYI BDE BA LA DMIGS NAS BYED PA MIN PAS, BDE BA DE RANG GI RGYUD LA SKYES PA NAS DE LTAR SGOM PA'O, ,DES NA SPYOD BSDUS SU SKABS DER, GZUGS BRNYAN LUGS MA LA SOGS LAS, ,RNAL 'BYOR 'BYUNG BAR MI 'GYUR GYI, ,BYANG CHUB SEMS LA RAB BRTZON

NA, ,DE LAS RNAL 'BYOR LHAR 'GYUR RO, ,BDAG NYID SANGS RGYAS THAMS CAD DANG, ,DPA' BO THAMS CAD BDAG YIN NO, ,DE BAS BDAG NYID LHAR SBYOR BAS, ,BDAG NYID RAB TU BSGRUB PAR BYA, ,ZHES PHYI'I LHA'I GZUGS LA DMIGS PA MIN PAR BYANG CHUB KYI SEMS LA BRTZON PA'I SGO NAS RANG NYID LHAR SBYOR BA BSGRUB PAR BYA, ,ZHES SGYU MA BDE MCHOG DRANGS PA'I BYANG CHUB KYI SEMS KYANG BDE STONG DBYER MED KYI BYANG CHUB KYI SEMS SO, ,KYE RDO RJE LAS KYANG, NGES PAR DNGOS PO THAMS CAD KYI, ,DAG DE BZHIN NYID DU BRJOD, ,PHYI NAS RE RE'I DBYE BA YIS, ,LHA RNAMS KYI NI BRJOD PAR BYA, ,ZHES DANG, RANG RIGS BDAG NYID DAG PA NYID, ,DAG PA GZHAN GYIS RNAM GROL MIN, ,YUL GYI DNGOS PO DAG PA'I PHYIR, ,RANG GIS RIG PA'I BDE BA MCHOG CES PHYI NANG GI CHOS THAMS CAD RANG BZHIN GYIS GRUB PAS STONG PAR GTAN LA 'BEBS PA DE BZHIN NYID KYI DAG PA ZHES PA SPYI'I RNAM DAG DANG, GZUGS PHUNG LA SOGS PA RE RE LHA RE RER SGOM PA LHA SO SO'I RNAM DAG DANG, RNAL 'BYOR PA SO SOR RANG GIS RIG PA'I BDE BA CHEN PO RANG RIG PA'I RNAM DAG GSUM GSUNGS PA'I BAR PA LA, DE NYID LAS, BSKYED PA'I RIM PA'I PHYOGS LA NI, ,'DIS NI PHUNG PO SBYANG BAR BYA, ,ZHES BDE BA CHEN PO'I SGO NAS LHAR SGOM PA MED PA'I LHA SO SO'I RNAM DAG BSKYED RIM DU GSUNGS PAS, BDE BA CHEN PO NI RDZOGS RIM PA'I RNAM DAG YIN LA, DE BZHIN NYID KYI RNAM DAG NI DE GNYIS KA'I THUN MONG NGO, ,DES NA RDZOGS RIM PA'I LUS DBEN GYI LHA SGOM TSUL SNGAR BSHAD PA LTAR MI SHES NA, YE SHES KYI SKU SKYED PA'I LHAR SGOM TSUL NI SKABS 'DIR

, ,MED PAS, RDZOGS RIM DU BZHAG KYANG SNGAGS KYI SKU'I LHA SKYED TSUL LAS KHYAD PAR MI THON PAS 'DI'I GNAD RTOGS PA MA YIN NO, ,'O NA 'DI'I BDE BA CHEN PO NI BSKYED RIM DU NI MI 'JOG LA, BSKYED RIM MTHAR PHYIN NAS LUS DBEN LA MA SLEB PA'I BAR DU NI 'DI'I SKYES THABS MI SNANG ZHING, LUS DBEN GYI SKABS SU YANG 'DI'I SKYED TSUL MI SNANG BAS, BDE BA CHEN PO SKABS 'DIR JI LTAR 'BYUNG SNYAM NA, 'DI NI 'DI'I DKA' GNAS CHEN POR SNANG BA'I RGYU MTSAN GYIS THON DKA' BAR BYUNG 'DUG PA NI GO RIM GYI SKABS SU BSHAD PAR BYA'O, ,GNYIS PA NI, BSKYED RIM DANG RDZOGS RIM GYI LUS DBEN GNYIS KYI GO RIM NGES LUGS JI LTAR YIN SNYAM NA, SPYIR BSKYED RIM PHRA RAGS RDZOGS PAR SGOM PA NI, RDZOGS RIM KUN SKYE BA'I DGE RTZA SMIN BYED YIN PAS RDZOGS RIM GYI LUS DBEN SKYE BA'I SMIN BYED DU YANG 'GRO'O, ,KHYAD PAR DU NOR BU'I NANG DU PHYAG MTSAN NAM THIG LE PHRA MO SGOM PA NI, RO RKYANG GYI RLUNG GNYIS DH'U T'IR SDUD PA'I THABS YIN PAS, DE LA BRTEN NAS SNGAR BSHAD PA'I BDE BA CHEN PO DRANGS PA NA LUS DBEN GYI DNGOS GZHI SGOM PA YIN PAS, PHRA MO'I BSKYED RIM DANG DE LTAR 'BREL LO, ,'OG SGO'I PHRA MO SGOM PA RLUNG GNYIS DH'U T'IR SDUD PA'I THABS SU 'GRO BAR GANG LAS SHES SNYAM NA, BYA BA DANG SPYOD PA'I RGYUD LAS SROG RTZOL BSHAD KYANG, DES RLUNG GNYIS DH'U T'IR SDUD MI NUS PA NI SNGAR BSHAD ZIN LA, BLA MED NAS BSHAD PA'I SROG RTZOL SGOM PA'I SROG RO RKYANG GYI RLUNG GNYIS DANG RTZOL BA DE GNYIS RO RKYANG DU RGYU BA BKAG NAS DH'U T'IR 'DZUD

PA LA, DUS 'KHOR GYI SKOR NAS MANG DU GSUNGS LA, SGOM GSAL SOGS LAS SROG DANG RTZOL BA'I DON DE LTAR MI 'CHAD KYANG, SROG RTZOL BSGOMS PAS BYA BA DE BYED PA NI 'DRA'O, ,DES NA RGYUD PHYI MA LAS, GSANG BA'I SNA RTZER PHRA MO SGOM PA SROG RTZOL DU GSUNGS PA'I DON 'GREL BA NA ZHAL LUNG LAS, SNYING STOBS TSUL DU LE YANG, ,SNYING GI PADMA LAS BABS NAS, ,RANG GI RDO RJE NOR BU YI, ,DKYIL DU RNAM PAR GNAS PA LA, ,'BYUNG BA LNGA YI GZUGS CAN MCHOG ,YE SHES LNGA YI NGO BO NYID 'OD GZER LNGA 'BYAR RANG LHA YI, ,MTSAN MA PHRA MO RNAM BSAMS NAS, ,ZHES GSUNGS NAS DE'I DON BSDUS PA NA, DBUGS DGAG STONG PA'I YAN LAG GO ,ZHES SNA BUG TU RLUNG 'BYUNG 'JOG GI SPRO BSDU BYED PA 'GOG CING DES STONG BAR BYED PA'I YAN LAG TU GSUNGS TE, DES NI SROG RTZOL GYI YAN LAG DANG DBUGS 'GOG PA'I YAN LAG GNYIS DON GCIG TU BSTAN NO, ,DE BZHIN GSHEGS PA'I RDO RJES KYANG, 'BYUNG BA LNGA'I BDAG NYID CAN SROG RLUNG THUR DU RGYU BAR BYAS NAS YUNGS 'BRU'I CHAD TZAM CIG BYANG CHUB KYI SEMS KYI THIG LE 'DRI BA'I TSUL GYIS, RDO RJE'I SNA'I RTZE MOR PHAB NAS GONG DU GSUNGS PA'I SO SOR SDUD PA DANG, YAN LAG LNGA'I BSAMS GTAN GYI RIM PAS BSAM PAR BYA'O, ,'DI YANG THIG LE'I SBYOR BA STE, SROG RNAMS PHYI ROL TU 'GRO BA BZLOG BA'I DON DU, DE'I RGYU GNYID KYIS NA GSANG BA 'DUS PA PHYI MA'I RGYUD LAS SROG RTZOL ZHES BYA BAR BRJOD DO, ,'DI YANG NYE BAR MTSON PA TZAM STE, LTE BAR PHRA BA'I A'A LI K'A LI'I SBYOR BA'AM, THUGS LA SOGS

, ,PA LA THIG LE SOGS PA'I SBYOR BA'I BSAM GTAN GANG DE YANG SROG 'THON PA BZLOG PA'I DON NYID KYIS SROG RTZOL ZHES BRJOD DO, ,BYE BRAG TU BSAM GTAN 'DI LTA BU'I STOBS KYI RO MA DANG RKYANG MA DAG GI RGYU BA LAS BZLOG NAS DBU MAR SROG RLUNG GI RTZOL BA NI RAB TU RGYU STE, 'DI YANG SROG RTZOL ZHES BRJOD DO, ZHES 'GO SGO'I PHA MO BSGOMS PAS RO RKYANG NAS SNA BUG TU RGYU BA'I RLUNG 'BYUNG 'JUG BKAG NAS DBU MAR 'DZUD PAS, RGYUD PHYI MAR DE SROG RTZAL DU GSUNGS PA DANG, DE YANG PHYOGS TZAM MTSON PA STE LTE BA DANG SNYING KHA SOGS SU THIG LE DANG YI GE SOGS LA DMIGS NAS BSGOMS PAS KYANG BYED PA'I SROG RTZOL DU SHIN TU GSAR BAR BSHAD PA 'DI, RTZA 'KHOR YOD SA RNAMS SU YI GE SOGS 'GOD PA'I RDZOGS RIM SGOM PAR GSUNGS PA THAMS CAD LA YANG SHES DGOS SO, ,SOR BSAM GYIS SGOM PAR GSUNGS PA NI, DE GNYIS BSKYED RIM DU 'DOD PAS BSKYED RIM DANG LDAN PAS SGOM PA'I DON NO, ,YE SHES ZHABS LUGS KYI SBYOR DRUG GI RGYA GZHUNG ZHIGS LAS KYANG 'DI JI BZHIN DU BSHAD DO, ,NOR BU'I NANG NA RTZA 'KHOR RTZA 'DAB BRGYAD PA ZHIG MAN NGAG SNYE MA LAS BSHAD CING, DBANG MDOR BSTAN LAS, NOR BU'I CHU SKYES, ZHES GSUNGS PA YANG DE LA DGONGS PAS DER PHRA MO BSGOMS PAS RLUNG DH'U T'IR SDUD NUS SO,, 'PHRENG BAR, NOR BU'I NANG DU GNAS BLTA BAS, ZHES GSUNGS PA BUD MED LA PADMAR SGYUR BAR GSUNGS PA DANG 'DIR YANG 'DRA BAS RTEN DE LA YANG SHES PAR BYA'O, ,'PHAGS LUGS LAS DANG POR NOR BUR PHRA MO BSGOMS NAS

BRTAN PA DANG, YUM GYI PADMAR SPROS PA'I NANG DU DKYIL 'KHOR SGOM PAR GSUNGS PAS, RLUNG 'DU SLA BA'I RIGS MA GTOGS PA BSKYED RIM PA'I PHRA MO'I DKYIL 'KHOR BRTAN BRTAN DU BSGOMS KYANG, RLUNG GNYIS DH'U T'IR THIM PA DKA' BAS, PHAL CHER PHRA MO'I DKYIL 'KHOR BRTAN PA NAS LUS DBEN LA 'JUG PA NA, NOR BUR THIG LE'AM PHYAG MTSAN PHRA MO BSGOMS LA, RLUNG GNYIS DH'U T'IR BTZUD PA'I RJES SU LUS DBEN DNGOS GZHI'I BDE STONG SBYOR BA SOGS BSGOM PAR BYA'O, ,RGYUD PHYI MAR SNYING KHA DANG 'OG SGOR THIG LE SGOM PA'I SROG RTZOL BSHAD PA NI, ZHAL LUNG LAS DBUGS 'GOG PA'I YAN LAG TU BSHAD PA'I DON RGYA GZHUNG GNYIS KYIS GSAL BAR BSHAD CING, KHYAD PAR DU RTZA 'KHOR GYI GNAS SU YI GE DANG THIG LE SGOM PA SOGS THAMS CAD RLUNG DH'U T'IR SDUD PA'I THABS SU 'GYUR BAR BSHAD NAS, SROG RTZOL RGYA CHEN POR BTANG BA 'DI RMAD DU BYUNG BA'I LEGS BSHAD CIG 'DUG STE, 'DI MI SHES NA SROG RTZOL RGYA CHUNGS PAS, BLA MED KYI RDZOGS RIM MANG PO LA YA LAG DRUG GI SROG RTZOL SBYOR DGOS PA MI SHES PA DANG, RTZA 'KHOR GSAL BTAB NAS YI GE SOGS BKOD NAS SGOM PA'I GNAD KYANG MI SHES NA, GSANG 'DUS LUGS GNYIS DANG, DRIL BU PA'I RIM LNGA SOGS RTZA 'KHOR GSAL MA BTAB PAR DE'I GNAS SU THIG LE DANG YI GE SOGS BKOD NAS SGOM PA RNAMS KYI GNAD SHES PAR 'GYUR BAS, GDAMS NGAG GI MTHAR THUG PA RNAMS LA NGES PA CHEN PO MI SKYE BAR SNANG LA, TSUL 'DI SHES NA NI DE DAG THAMS CAD KYI MAN NGAG GI GNAD LA NGO MTSAR BA'I NGES PA 'DREN

, ,PAR SNANG NGO, ,LUGS 'DI'I RDZOGS RIM PA'I LUS DBEN SGOM TSUL JI BZHIN DU MA SHES PA YANG, THIG LE PHRA MO SGOM PA RLUNG GNYIS SDUD PA'I SROG RTZOL DU 'GRO BA DANG, DES BDE BA CHEN PO 'DREN TSUL MA SHES PA 'DI'I SKYON YIN NO, ,BSKYED RIM PHRA RAGS MTHAR PHYIN PA NA YE SHES KYI PHYAG RGYA LA BRTEN NAS, BYANG CHUB KYI SEMS SPYI BO NAS GSANG GNAS KYI RTZE'I BAR DU 'BEBS NUS SHING ,DE YANG DMIGS PA SHIN TU BRTAN PAS PHAt YIG GIS 'GO NUS PAS, DE LA BRTEN NAS DGA' BA BZHI SKYES NUS MOD KYANG, DE NI RLUNG GNYIS DH'U T'IR BSDUS NAS THIM PA LAS BYUNG BA MIN PAS RDZOGS RIM PA'I BDE CHEN DU MI 'JOG PA'I PHYIR, DE 'DRA BA'I BDE STONG SBYAR BA'I SGO NAS PHUNG SOGS LHAR SGOM PA YANG RDZOGS RIM PA'I LUS DBEN DU MI 'DOD DO, , GSUM PA LA GNYIS, GZHAN GYI LUGS DANG, RANG GI LUGS LUGS SO, ,DANG PO NI, BOD KYI BLA MA MANG POS, LUS DBEN BZHIR MDZAD DE, SPYOD BSDUS LAS, LUS SU GRUB PA 'DI NI SPUNGS PA BZHIN DU GNAS TE, SHA'I KHAM TSAD DANG ZHES PA NA ,MIG DANG YAN LAG LA SOGS PA TSOGS PA LA SPUNGS PA ZHES BYA'O, ,ZHES MI GTZANG BA'I RDZAS SO DRUG TSOGS PA LUS KYI SGRA DON SPUNGS PAR BSHAD PAS GZUGS KYI LUS BDEN BSTAN TO, ,MU STEGS LA SOGS PAS LUS GTZANG BA DANG BDE BAR SGRO BTAGS PAS DBEN PA NYAN THOS DANG SHES BYA THUN MONG BA'O, ,PHUNG PO LNGA DANG, KHAMS BZHI DANG, SKYE MCHED DRUG DANG, YUL LNGA DANG, YE SHES LNGA NI 'BRAS DANG NAS LA SOGS PA'I 'BRU MANG PO LA SPUNGS PA ZHES BRJOD PA BZHIN DU, LUS KYI YAN LAG

DANG NYING LAG TU GTOGS PA TSOGS PA LA SPUNGS PA ZHES BYA'O, ,ZHES PAS RANG BZHIN GYI LUS DBEN BSTAN TE, DE NI PHUNG KHAMS SKYE MCHED SOGS DU MA 'DUS PAS PAS BDAG GCIG PHUR BTAGS PAS BDEN PA, PHA ROL TU PHYIN PA DANG SHES BYA THUN MONG BA'O, , KHAMS RNAMS PHRAD PA'I PHYIR SHES RAB DANG, LTA BA DANG, YID DANG, MA RIG PA DANG, BAG CHAGS DANG, SRED PA DANG, NYON MONGS PA'I RGYUN LA NI BSAGS PA ZHES BYA'O, ,RNAM PAR SHES PA'I TSOGS PA'AM SPUNGS PA NI NYE BAR DMIGS PAR MI 'GYUR TO, ,GNAS MED PA'I PHYIR RO, ,ZHES GSUNGS PAS RNAM PAR SHES PA'I LUS DBEN STAN TE, RNAM PAR SHES PA NI NYE BAR MI DMIGS PAS GZUNG BA DANG 'DZIN PAS DBEN PA, SEMS TZAM PA DANG SHES BYA THUN MONG BA'O, ,PHUNG PO DANG KHAMS DANG SKYE MCHED RNAMS KYI THOG MA MED PA NAS THA MAL PA'I NGA RGYAL GYIS GNAS PA RNAMS NA, 'DI LTAR DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I NGO BO NYID DU BSTAN TE, ZHES GSUNGS PAS TING NGE 'DZIN GYI LUS DBEN BSTAN TE, BDAG GNYIS KYI STONG PA'I LUS DE RIGS BRGYA LA SOGS PA'I DBYE BAS DE BZHIN GSHEGS PA THAMS CAD KYI RDUL PHRA RAB LAS BSGRUBS PAR NGA RGYAL BYED PA STE, GSANG SNGAGS PA'I SHES BYA THUN MONG MA YIN PA'O, ,ZHES GSUNGS NGO, ,GNYIS PA NI, DE LTAR SNGA MA GSUM LA LUS DBEN DU BSHAD PA NI, 'PHAGS SKOR GYI RGYA GZHUNG 'GYUR PA GANG NAS KYANG MA BYUNG ZHING, SPYOD BSDUS KYI DGONGS PAR YANG MI SNANG NGO, ,'O NA SPYOD BSDUS KYI DGONGS PA JI LTAR BYED SNYAM NA, DANG POR DBEN GZHI'I LUS NGOS BZUNG NAS DE LUS DBEN DU 'JOG PA NA, LUS KYI SGRA'I

, ,DON NI BSAGS PA DANG SBUNGS PA DANG TSOGS PA'I DON YIN LA, DE LA YANG GSUM LAS, NANG GI GZUGS LUS THA MAL PA 'DI'I SPUNGS TSUL NI, SHA'I KHAM TSAD LA SOGS PA RNAMS TSOGS PA YIN PAR DANG POS BSTAN TE, 'DI NI RDOR 'PHRENG LAS KYANG GSUNGS SO, ,DE NAS PHUNG PO LNGA LA SOGS PA NYER LNGA SPUNGS PAR BSTAN NAS SPUNGS TSUL NI, 'BRAS DANG NAS LA SOGS PA MANG PO LA SPUNGS PA ZHES BRJOD PA BZHIN DU, LUS KYI YAN LAG DANG NYING LAG TU GTOGS PA TSOGS PA LA SPUNGS PAR BSTAN NO, ,NYER LNGA LA NI SEMS SEMS BYUNG YANG YOD LA, DE'I SPUNGS TSUL NI 'BRAS LA SOGS PA BZHIN DU YUL GYI GO SA SO SOR GNON PA'I GZUGS CAN GYI SPUNGS TSUL DANG MI 'DRA BAS, DE LAS KHYAD PAR DBYE BA'I PHYIR DU KHAMS RNAMS PHRAD PA'I PHYIR ZHES SOGS GSUNGS TE, MIG LA SOGS PA'I DBANG PO DANG, GZUGS LA SOGS PA'I YUL GYI KHAMS RNAMS PHRAD PA'I PHYIR, YID DE SEMS KYI TSOGS DRUG DANG, SHES RAB LA SOGS PA SEMS BYUNG RNAMS 'BYUNG LA, DE RNAMS KYI BSAGS PA'AM TSOGS PA'AM SPUNGS TSUL NI, DUS SNGA PHYI BAR MCHAD PA'I RGYUN GYI CHA DU MA 'DUS PA YIN GYI, DUS GCIG TU YUL GYI GO SA SO SOR GNON PA'I DU MA 'DUS PA MIN ZHES PA'I DON TE, RGYUN LA NI BSAGS PA ZHES BYA'O, ,ZHES RGYUN LA DMIGS KYIS BKAR NAS GSUNGS PA'I PHYIR RO, ,RNAM PAR SHES PA'I SPUNGS PA NI DMIGS PAR MI 'GYUR TE, GNAS MED PA'I PHYIR RO, ,ZHES PAS NI RNAM SHES LUS CAN MIN PAS, SHAR LA SOGS PA'I YUL NA MI GNAS PA'I RGYU MTSAN GYIS, YUL GYI GO SA GNON PA'I DU MA 'DUS PA

MED PAR STON PA YIN GYI, GZUNG 'DZIN RDZAS THA DAD 'GOG PA MIN NO, ,DE 'DRA BA'I DBEN GZHI'I LUS DE GANG LAS DBEN PA NI, THOG MA MED PA NAS THA MAL BA'I NGA RGYAL GYIS GNAS PA ZHES PAS BSTAN, DE'I GNYEN POR GANG SGOM PA NI, DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I NGO BO NYID DU BSTAN TE, ZHES PAS BSTAN PAS, DBEN LUGS SNGAR BSHAD PA DANG GZHAN MANG PO 'CHAD PA NI DON DU MA MTHONG NGO, ,BZHI PA LA BZHI, DAM PA RIGS BRGYA'I LUS DBEN, DE NYID RIGS LNGA'I LUS DBEN, GSANG BA RIGS GSUM GYI LUS DBEN, GSANG CHEN RIGS GCIG GI LUS DBEN NO, ,DANG PO LA BZHI, PHUNG PO LNGA'I DANG, KHAMS BZHI'I DANG, DBANG PO DRUG GI DANG, YUL LNGA'I LUS DBEN GYI DBYE BA'O, ,DANG PO NI, RTZA RGYUD LAS, MDOR NA PHUNG PO LNGA RNAMS NI, ,SANGS RGYAS LNGAR NI RAB TU BSGRAGS, ,ZHES PHUNG PO'I LUS DBEN GYI DBEN GZHI'I LUS NI, GZUGS PHUNG SOGS LNGA DANG, DE LNGA SANGS RGYAS LNGAR SGOM PA DE'I LUS DBEN DU GSUNGS SO, ,DE LA GZUGS PHUNG RNAM SNANG LA PHYE NA, PHYI NANG DANG, GNYIS KA'I RING THUNG LA SOGS PA'I DBYIBS KYI DANG, BDAG GZHAN DANG GNYIS KA LA SOGS PA'I RNAM PA'I DANG, PHYI NANG GI SNGON PO SOGS KHA DOG GI DANG, PHYI NANG GI NYI ZLA SOGS SNANG BA'I DANG, RIG BYED MIN PA'I GZUGS LNGA NI, RIM PA BZHIN RNAM SNANG GI RNAM SNANG, RIN 'BYUNG, 'OD DPAG MED, DON GRUB, MI BSKYOD PA'I RIGS LNGA'O, ,TSOR PHUNG RIN 'BYUNG LA PHYE NA, MNYAM PA STE BTANG SNYOMS KYI DANG, BAD RLUNG LAS BYUNG BA'I DANG, BDE BA'I DANG, SDUG BSNGAL GYI DANG, 'DUS PA DANG

, ,MKHRIS PA LAS BYUNG BA'I TSOR BA NI RIN 'BYUNG GI RNAM SNANG SOGS LNGA'I RIGS SO, ,'DU SHES 'OD DPAG MED LA BYE NA, MI GA-YO ZHING MI 'GYUR BA'I DANG, RKANG BZHI PA'I DANG, RKANG MED KYI DANG, RKANG MANGS KYI DANG, RKANG GNYIS KYI 'DU SHES NI 'OD DPAG MED KYI RNAM SNANG SOGS LNGA'I 'O, ,'DU BYED KYI PHUNG PO DON GRUB LA PHYE NA, LUS KYI DANG, KHAMS GSUM GYI DANG, NGAG GI DANG, THAR PA'I DANG, YID KYI 'DU BYED NI DON GRUB KYI RNAM SNANG SOGS LNGA'I 'O, ,RNAM SHES MI BSKYOD PA LA PHYE NA, MIG NAS LUS KYI BAR GYI RNAM SHES NI MI BSKYOD PA'I RNAM SNANG SOGS LNGA'I 'O, ,GNYIS PA NI, RTZA RGYUD LAS, SA NI SPYAN ZHES BYA BA YIN, ,CHU YI KHAMS NI M'A MA K'I ,ME NI GOS DKAR MO YIN NO, ,RLUNG NI SGROL MAR RAB TU BSGRAGS, ,ZHES KHAMS KYI LUS DBEN GYI DBEN GZHI'I LUS NI SA LA SOGS PA BZHI DANG, DE BZHI LHA MO GZHIR SGOM PA DE'I LUS DBEN DU BSHAD DO, ,DE LA SA'I KHAMS SPYAN MA LA PHYE NA, PHYI NANG GNYIS LAS NANG LA NI, SGRA RUS PA PHYI SA MCHIN PA SNYING DANG, SPU SEN MO RNAG SNYING DANG, SO PAGS PA SHA SNYING DANG, RGYUS PA SHA RTZIB MA SNYING DANG, DRI MA RGYU MA MKHRIS PA SNYING STE LNGA'O, ,SKABS 'DIR SNYING LNGAR BYED PA'I KHUNGS SU SPYOD BSDUS LAS, SNYING NI LNGA LA NGES GNAS TE, ,RGYUD LNGAR RNAM PAR 'BYUNG BA NI, ,RLUNG LNGA DANG NI LDAN PA RU, ,'DOD PA LNGA RNAMS SPYOD PAR BYED, ,CES DRANGS PA'I RKANG PA GNYIS PA'I DON NI, RDO RJE 'PHRENG BA DAR MA BRTZON 'GRUS KYIS BSGYUR BA LAS, DBANG PO LNGA LAS NGES 'BYUNG BA, ,ZHES 'BYUNG BA LTAR YIN TE, SPYOD PAR BYED, CES PA'I MJUG NYID DU, DBANG PO GANG DANG GANG

LAM GYIS, ,SGRUB PA POS NI YUL THOB PA, ,ZHES GSUNGS PAS SO, ,DE YANG RDO RJE 'PHRENG BA LAS, SNYING GI DBUS GNAS BDE BA'I DNGOS, ,SANGS RGYAS NYI MA GSAL BA'I 'OD, ,GZUNG DANG 'DZIN PA'I GZUGS KYIS KYANG, ,DE NI 'OD ZER BCU GNYIS TE, ,ZHES SNYING KHA'I DBUS NAS BYUNG BA'I RLUNG BCU GNYIS DBANG PO'I LAM LA BRTEN NAS 'DZIN PA DRUG DANG, GZUNG BA DRUG GI RLUNG DU 'GYUR BAR GSUNGS PAS, SNYING LNGAR BYED PA NI, DBANG PO'I RLUNG LNGA'I RTEN SNYING KHA YIN PAS DE'I SGO NAS PHYE BA'O, ,PHYI'I LA LNGA NI, RI RAB DANG LHO DANG NUB DANG BYANG DANG SHAR GYI GLING RNAMS YIN LA, PHYI NANG GI TSAN PA LNGA NI, SPYAN MA'I RNAM SNANG SOGS LNGA'I RIGS SO, ,CHU M'A MA KLI LA PHYE NA NANG GI NI, BAD KAN MCHI MA DANG BCAS PA DANG, RDUL DANG, KHRAG DANG, KHA CHU DANG, GCIN NO, ,PHYI NI, 'BAB CHU'I DANG, CHU BA'I DANG, BKOD MA'I DANG, LTENG KA'I DANG, RGYA MTSO'I CHU NI M'A MA K'I'I RNAM SNANG SOGS LNGA'I 'O, ,ME GOS DKAR MO LA PHYE NA NANG GI NI, MGO'I DANG, LTE BA'I DANG, YAN LAG THAMS CAD KYI DANG, LTO BA'I DANG, SNYING KHA'I DROD DANG, PHYIR, RDO LAS DANG, ME SHEL LAS DANG, SHING LAS DANG, NAGS LAS BYUNG BA'I ME DANG, RGYUN BZHAG GI ME NI GOS DKAR MO'I RNAM SNANG SOGS LNGA'I 'O, ,RLUNG SGROL MA LA PHYE NA NANG GI NI, KHYAB BYED DANG, THUR SEL DANG, GYEN RGYU DANG, ME MNYAM DANG, SROG 'DZIN DANG, PHYIR, STENG DANG, LHO DANG, NUB DANG, BYANG DANG, SHAR GYI RLUNG NI SGROL MA'I RNAM SNANG SOGS LNGA'I RIGS SO, ,KHAMS BZHI LA PHYI NANG SO SOR BRTZIS NA NYI SHU PA GNYIS YOD MOD KYANG, PHYI NANG GI KHAMS GNYIS SA'I KHAMS LA SOGS PA RE RER BYAS NAS NYI SHUR BYA'O, ,GSUM PA NI,

, ,RTZA RGYUD LAS, RDO RJE'I SKYE MCHED NYID DAG KYANG, ,BYANG CHUB SEMS DPA'I DKYIL 'KHOR MCHOG ,CES NANG GI SKYE MCHED KYI LUS DBEN GYI DBEN GZHI NI DBANG PO DRUG DANG, DE BYANG SEMS SU SGOM PA DE'I LUS DBEN DU GSUNGS SO, ,DE LA MIG SA SNYING LA PHYE NA, MIG GIS GZUGS GSUM 'DZIN PA DANG, MIG 'BRAS KYI DKAR PO DANG, ZUR GYIS LTA BA'I MIG GI GZUGS DANG, MIG GA-YO BA DANG, RGUN 'BRU'I TSAD TZAM GYI MIG DBANG NI, SA SNYING GI RNAM SNANG SOGS LNGA'I RIGS SO, ,RNA BA PHYAG RDOR LA PHYE NA, RNA BA'I RANG BZHIN DANG, SGRA GSUM 'DZIN PA DANG, RNA BA'I BU GA DANG, RNA BA'I RTZA BA DANG, GRO GA GCUS TE BCAD PA LTA BU'I RNA BA'I DBANG PO NI PHYAG RDOR GYI RNAM SNANG SOGS LNGA'I 'O, ,SNA NAM SNYING LA PHYE NA, SNA'I RANG BZHIN DANG, SNA'I NANG GI DBUS DANG, DRI GSUM 'DZIN PA DANG, SNA'I BU GA DANG, MIG SMAN GYI THUR MA PHRA BA LTA BU'I SNA'I DBANG PO NI NAM SNYING GI RNAM SNANG SOGS LNGA'I 'O, ,LCE 'JIG RTEN DBANG PHYUG LA PHYE NA, LCE'I RANG BZHIN DANG, DE'I RTZA BA DANG, DE'I RTZE MO DANG, RO GSUM 'DZIN PA DANG, ZLA PHYED KYI DBYIBS LTA BU'I LCE DBANG NI 'JIG RTEN DBANG PHYUG GI RNAM SNANG SOGS LNGA'I 'O, ,LUS SGRIB PA RNAM SEL LA PHYE NA, LUS DBANG DANG, LUS KYI RUS PA DANG, SHA'I RANG BZHIN DANG, PAGS PA'I RANG BZHIN DANG, REG BYA 'DZIN PA NI SGRIB SEL GYI RNAM SNANG SOGS LNGA'I 'O, ,SNANG MCHED THOB GSUM GANG DU 'DU BA'I YID KYI DBANG PO 'JAM DPAL LA PHYE NA, ME LONG LTA BU, MNYAM NYID, SO SOR RTOG PA, BYA BA SGRUB PA, CHOS DBYINGS YE SHES TE LNGA NI 'JAM DPAL GYI RNAM SNANG SOGS LNGA'I RIGS SO, ,DE RNAMS

NI ME LONG LA GZUGS BRNYAN SNANG BA BZHIN DU DNGOS PO MA LUS PA CIG CAR SHES PA DANG, RKANG MED SOGS BZHI'I SEMS CAN RNAMS KYANG SEMS TZAM MO ZHES RNAM PA GCIG TU RTOGS PA DANG, PHYI NANG GI DNGOS PO RNAMS SO SOR PHYE STE BRTAGS NA THAMS CAD KYANG SANGS RGYAS KYI RANG BZHIN NO ZHES SHES NAS, CHOS THAMS CAD KYI CHA SHAS 'DI DAG GO ZHES PADMA'I 'DAB MA LTAR SO SOR RTOG CING, DOGS PA MED PAR GNAS PA DANG, BDAG GZHAN GYI SGO GSUM GYI BYA BA RNAMS RDZOGS PAR SGRUB PA DANG, SGO GSUM GYI SGRIB PA DAG CING LAS NYON LAS GROL TE, DGE MI DGE'I BAG CHAGS RNAMS SBYANGS PAR SPYOD BSDUS LAS GSUNGS PA NI 'BRAS BU'I SKABS KYI YE SHES LA DGONGS LA, RNAM GZHAG LAS YE SHES BZHI'I THIM RIM BSHAD PA'I DGONGS PA LTAR, ME LONG LA GZUGS BRNYAN GSAL BA LTAR YUL RNAMS GSAL BAR SNANG BA DANG, TSOR BA GSUM MYONG BAR RIGS GCIG PA'I MNYAM PA NYID DANG, PHA MA LA SOGS PA'I 'GRO BA RNAMS KYI MING SO SOR DRAN PA DANG, 'JIG RTEN PA'I BYA BA DANG DGOS PA RNAMS DRAN PA NI DANG PO BZHI YIN LA, LNGA PA NI DRI MA SPANGS NA GNAS 'GYUR RUNG GI YID KYI DBANG PO'I NGO BO LA BYA'O, ,'DIR SPYOD BSDUS SU, 'JAM DPAL GYI TING NGE 'DZIN BSHAD ZIN TO, ,ZHES GSUNGS SHING, GZUGS RDO RJE MA SOGS LNGA YANG BSHAD PA'I 'OG TU YE SHES LNGA BSHAD PA LA BSAMS NAS, 'JAM DPAL BSHAD PA ZHAR BYUNG DU BYAS NAS, DE LAS ZUR DU YE SHES LNGA 'CHAD PA MI 'THAD DE, LHA SO GNYIS KYI KHRO BO BCU DANG, BYAMS PA KUN BZANG GNYIS BZHAG

, ,NAS, LHAG MA LHA RE RE LA RIGS LNGA LNGAR 'BYED PA YIN PA'I PHYIR DANG, RIGS BRGYA'I RIGS LNGAR BGRANGS RGYU'I YE SHES LNGA NI YID KYI SHES PAR 'DU BA'I PHYIR DANG, SKYE MCHED GZHAN RNAMS KYI SKABS SU YANG, SKYE MCHED DE DAG DNGOS MIN KYANG, ,DE DAG GI SKABS KYI RIGS SU BZHAG PA DU MA SNANG BA'I PHYIR RO, ,BZHI PA NI, RTZA BA'I RGYUD LAS, GZUGS SGRA LA SOGS SNGAGS PA YIS, ,LHA NYID DU NI RTAG TU BSGOM, ,ZHES YUL GYI LUS DBEN GYI DBEN GZHI NI, YUL LNGA DANG DE LNGA RDO RJE MA LNGAR SGOM PA NI DE'I LUS DBEN DU GSUNGS SO, ,DE LA RGYU BA'I RLUNG MIG LA BRTEN NAS GZUGS LNGA MTHONG BA'I GROGS BYAS TE MTHONG BA'I GZUGS GZUGS RDO RJE MA LA PHYE NA, RKYEN GSUM TSOGS PA LA BRTEN NAS MTHONG BA'I GZUGS SPYI TZAM PA DANG, RJES SU CHAGS PA'I DANG, YID DU 'ONG MI 'ONG BAR MA GSUM GYI DANG, BYA BA RNAMS SGRUB PA'I DANG, 'GYING BAG DANG RNAM PAR ROL PA DANG STEG PA STE SGEG PA'I GZUGS NI GZUGS RDO RJE MA'I RNAM SNANG LA SOGS PA LNGA'I RIGS SO, ,RNAM PAR RGYU BA'I RLUNG RNA BA LA BRTEN NAS SGRA THOS PA'I GROGS BYAS TE THOS PA'I SGRA RDO RJE MA LA PHYE NA, RNA BA'I NANG DANG MGO DANG SKRA'I SGRA DANG, GLU DANG RGYUN GYI SGRA DANG, RKAN DANG MCHU DANG NGAG GI SGRA DANG, NAGS TSAL DANG CHU BO DANG THAL MO DANG RDZA RNGA LA SOGS PA ROL MO'I SGRA DANG, H'Um YIG GI ZHI DRAG GI SGRA NI SGRA RDO RJE MA'I RNAM SNANG LA SOGS PA LNGA'I 'O, ,YANG DAG PAR RGYU BA'I RLUNG SNA LA BRTEN NAS DRI TSAR BA'I GROGS BYAS TE, TSOR BA'I DRI RDO RJE MA LA PHYE NA, DRI SPYI DANG, YAN LAG GI DRI DANG, DRI GSUM

GYI BYE BRAG DANG, RO'I DRI DANG, DRI MI ZAD PA NI DRI RDO RJE MA'I RNAM SNANG SOGS LNGA'I 'O, ,RAB TU RGYU BA LCE LA BRTEN NAS RO MYONG BA'I GROGS BYAS TE MYONG BA'I RO RDO RJE MA LA PHYE NA, MNGAR BA'I DANG, BSKA BA'I DANG, LAN TSVA'I DANG, TSA SKYUR GYI DANG, KHA BA'I RO NI RO RDO RJE MA'I RNAM SNANG SOGS LNGA'I 'O, ,NGES PAR RGYU BA LUS LA BRTEN NAS REG BYA MYONG BA'I GROGS BYAS TE MYONG BA'I REG RDO RJE MA LA PHYE NA, STAN GCIG LA GNAS PA'I DANG, 'KHYUD PA'I DANG, 'O BYED PA'I DANG, RNGUB PA'I DANG, DBANG PO GNYIS SBYOR BA'I REG BYA NI REG RDO RJE MA'I RNAM SNANG SOGS LNGA'I RIGS SO, ,DE LTAR NYI SHU PO RE RE LA LNGA LNGAR BYAS PA RNAMS LHA'I RNAM PA 'CHAR TSUL NI RNAM SNANG LA MTSON NA, ZHAL PHYAG GI GRANGS DANG PHYAG MTSAN RNAM SNANG 'DRA BA LA SKU MDOG MI 'DRA BA'I SGO NAS LNGAR GYUR PA STE, DES GZHAN YANG SHES PAR BYA'O, ,'O NA LHA SO GNYIS KYI NYI SHU BSHAD NAS LHAG MA BCU GNYIS 'DIR MA BSHAD PA CI YIN SNYAM NA, RTZA RGYUD LAS GZUGS PHUNG NAS REG BYA'I BAR NYI SHU LHA SO SOR SGOM PA GSAL BAR BSHAD KYI, YAN LAG BCU DANG, TSIGS DANG, RTZA RGYUS KHRO BO BCU DANG SEMS DPA'I GNYIS SU SGOM PA GSAL BAR MA BSHAD PAS DE'I DBANG DU MDZAD PA YIN TE, TSAN PA BZHI PO RE RE RDZOGS PA NA, RTZA RGYUD KYI MDO 'DI'I DON BSHAD DO ZHES GSUNGS PA'I PHYIR RO, ,DE 'DRA BA'I RIGS BRGYA DANG, DE LAS LNGA DANG, DE LAS GSUM BYED PA'I KHUNGS SU SPYOD BSDUS LAS ZLA GSANG THIG LE DRANGS PA NI, MTSON PA STE RGYUD PHYI MA LAS KYANG, DE NYID RNAM PA LNGA RU BSHAD, ,GSANG BA RNAM GSUM DU BSHAD, ,LHAG PA'I LHA NI GSANG CHEN

, ,TE, ,DAM PA'I RIGS NI RNAM PA BRGYA, ZHES GSUNGS PAS KYANG DON DE STON NO, ,BSHAD RGYUD RDO RJE 'PHRENG BA LAS KYANG RIGS BRGYAR GSUNGS LA, YANG RGYUD DER GLENG GZHI'I SBAS BSHAD KYI LUS DBEN GYI SKABS SU YAN LAG BCU KHRO BO BCUR BSHAD CING, MIG SA SNYING SOGS SU BSHAD PA'I SOGS KHONG NAS BYAMS PA DANG KUN BZANG GNYIS KYANG BTON LA LHA SO GNYIS TSANG BAR BYA STE, SKABS GZHAN DU LUS LHAR SGOM PA'I SKABS SU GSUNGS PA'I PHYIR DANG, LHA NYI SHU'I RE RE LA RIGS LNGAR DBYER RUNG LA, BCU GNYIS LA MI RUNG BA'I KHYAD PAR MED PA'I PHYIR DANG, LUS DBEN DU 'JOG MI 'JOG KYANG MTSUNGS PA'I PHYIR RO, ,DES NA DER SNGAR LTAR KHRO BO BCU BSHAD PA LUS DBEN LA SBYAR NA RIGS BRGYA LAS MANG DU DOGS NAS 'DOD CHAGS CHOS SBAS LA SNGA MA RNAMS 'CHAD MOD KYANG, 'DOD CHAGS CHOS SBAS LA 'GRIG RGYU MI SNANG ZHING, LHA SO GNYIS TSANG BAR 'CHAD PA'I PAR GCOD PA MI 'THAD PAS, DE THAMS CAD LUS DBEN GYI SNGAR BYA'O, ,RANG GI LUS DBEN NI NYI SHU PO DE LAS BSGRUBS LA, DE'I CHA BRGYAR PHYE BA RNAMS RIGS LNGA'I RIGS KYI LHAR BSTAN PAS, RANG GI LUS DE BZHIN GSHEGS PA THAMS CAD KYI RDUL PHRA RAB LAS BSGRUBS ZHES GSUNGS TE, DE'I RDUL PHRA RAB CES PA NI, CHA SHAS SO SO BA BRGYAR PHYE NAS, LHA SO SOR BYAS PA'I MING NGO, ,GNYIS PA NI, ,DE LTAR DAM PA RIGS BRGYAR PHYE BA DE DAG KYANG BSDU NA, DE NYID RIGS LNGAR 'DU'O, ,'DIR BDEN GZHI'I LUS KYI RIGS LNGA NI, SA LA SOGS PA'I 'BYUNG BA BZHI DANG ,RNAM PAR SHES PA'I KHAMS DANG LNGA'O, ,DE LA GZUGS PHUNG

GI RNAM SNANG GI RIGS NAS, REG BYA RDO RJE MA'I RNAM SNANG GI RIGS KYI BAR NYI SHU NI SA'I KHAMS SU BSDU'O, ,DE BZHIN DU RIN 'BYUNG GI RIGS NYI SHU CHU DANG, 'OD DPAG MED KYI RIGS NYI SHU ME DANG, DON GRUB KYI RIGS NYI SHU RLUNG DANG, MI BSKYOD PA'I RIGS NYI SHU RNAM SHES KYI KHAMS SU BSDU'O, ,'DIR SPYOD BSDUS LAS GZUGS PHUNG LA SOGS PA 'BYUNG 'GYUR DU BSHAD PA NI, 'BYUNG BA BZHI DANG CHOS KYI SKYE MCHED KYI GZUGS MA GTOGS PA'I GZUGS PHUNG NI 'BYUNG 'GYUR DNGOS YIN LA, MING BZHI'I PHUNG PO NI 'BYUNG BA'I LUS LA BRTEN PA TZAM LA 'BYUNG 'GYUR DU BTAGS PA'O, ,RIGS BRGYA'I SDUD BYED KYI KHAMS LNGA NI DE BZHIN GSHEGS PA LNGA'I RIGS LA BYAS NA LEGS SO, ,GSUM PA NI, DE NYID RIGS LNGAR BSDUS PA DE YANG GSANG BA RIGS GSUM DU 'DU STE, SKU RDO RJE RNAM SNANG GI RIGS KYI NANG DU RIN 'BYUNG DANG, GSUNG RDO RJE 'OD DPAG MED KYI RIGS KYI NANG DU DON GRUB DANG, THUGS RDO RJE MI BSKYOD PA'I RIGS KYI NANG DU DRUG PA RDO RJE 'CHANG BSDUS PA'I TSUL GYIS SO, ,'DIR RIGS BRGYA NAS BRTZAMS TE RIGS LNGA'I BAR GYI SANGS RGYAS DANG BYANG SEMS RNAMS RANG GI LUS NGAG YID GSUM GYIS BSDUS PAR SPYOD BSDUS LAS GSUNGS PA DANG, SNGAR RIGS BRGYAR 'BYED PA NA SGRUB PA PO LAS GZHAN PA'I RGYUD KYIS BSDUS PA DANG, RANG GZHAN GYI GANG ZAG GNYIS GANG GI'ANG RGYUD KYIS MA BSDUS PA SNOD KYI 'JIG RTEN GYI CHA MANG DU BSHAD PA DANG MI 'GAL TE, 'DUS PA'I TSUL NI, GZUGS PHUNG DU 'BYUNG BZHI 'DU BA LTA BU YIN PA'I TSUL GYIS 'DUS BA KHO NA MIN PA'I PHYIR TE,

, ,'CHAD BAR 'GYUR RO, ,'DIR DBEN GZHI'I LUS NI, LUS NGAG YID GSUM MO, ,BZHI PA NI, DE LTAR RDO RJE GSUM GYI RIGS SU BSDUS PA DE YANG BSDU NA GSANG CHEN RIGS GCIG TU 'GYUR RO, ,DE NI RDO RJE GSUM LA SKU GSUNG THUGS GSUM DU BYAS PA'I SGO NAS, RDO RJE GSUM DBYER MI PHYED PAR BYAS PA'I LHAG PA'I LHA DRUG PA RDO RJE 'CHANG STE 'DI NI LUS DBEN GYI MTHAR THUG PA'O, ,LNGA PA LA GNYIS, SOR SDUD LUS DBEN DU SDUD TSUL DANG, BSAM GTAN LUS DBEN DU SDUD TSUL LO, ,DANG PO NI, SER SDUD NI RGYUD PHYI MA LAS, DBANG PO BCU PO RNAMS KYI YANG, ,RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PA ZHES BSHAD DO, ,ZHES SO, ,DE LA SPYIR 'DOD PA NI, 'DIS 'DOD PA DANG, 'DI 'DOD PA GNYIS LAS, 'DIR NI PHYI MA STE 'DOD CING CHAGS PAR BYA BAS NA 'DOD PA STE, GZUGS LA SOGS PA'I YUL LNGA'O, ,DE LA DBANG PO RNAMS KYIS SO SOR TE YANG DANG YANG DU SDUD PA STE LEN PAS NA SOR SDUD PA ZHES BYA'O, ,YUL RNAMS LA'ANG DBANG PO'I SGRA NYE BAR BTAGS NAS DBANG PO BCUR BSHAD DE, MIG LA SOGS PA'I DBANG PO LNGA 'DZIN PA DANG, GZUGS SOGS LNGA GZUNG BA'I RANG BZHIN GYIS 'JUG PA NI RANG GI 'JUG PA'O, ,DER GNAS PA NI RANG GI 'JUG GNAS SO, ,THAMS CAD NI DMAN MCHOG BAR MA'I BYE BRAG GIS GNAS PA'O, ,DU NI LA'I DON TE, DE THAMS CAD LA DBANG POS SPYOD PA'O, ,CHAGS GYUR LAS, DBANG PO BCU PO RNAMS KYI NI,

ZHAS 'BYUNG LA, 'GREL BAR YANG YANG GI DON MED DO, ,SO SO'I SKAD DOD PRA TI NI RTEN 'BREL GYI SKABS SU TSIG GSAL LAS PHRAD PA DANG ZLOS PA'I DON DU BSHAD, SO SOR THAR PA'I SKAD DOD PRA TI MOKshA'I DON MDZOD LAS DANG POR THAR PA'I DON DU BSHAD, PRA T'I TZTSA'I DON SO SOR BZHES PA'I DON DU BSHAD DO, ,'DIR NI ZLOS PA'I DON YANG DANG YANG DU ZHES PA LA GZUNG STE, SO SOR BRTAN POR BDAG GIS GZUNG, ,ZHES PA'I SKABS SU YANG 'GREL PA GZHAN GYIS YANG YANG GI DON DU BSHAD PA BZHIN NO, ,DES NA SO SOR ZHES PA'I DON THA DAD PA DANG RA RE KHO NA LA BYA MI DGOS SO, ,SGRON MA RAB GSAL LAS GZUGS SOGS RE RE LA SPYOD PA GZUGS SOGS SO SOR SDUD PA'I DON DU BSHAD PA 'DIR MI 'DOD DO, ,SDUD PA LA YANG DON MANG PO YOD KYANG, 'DIR NI KHRAL BLANGS PA LA KHRAL BSDUS ZER BA LTAR LEN PA'I DON YIN LA, BSDU RGYU YANG 'DOD YON LNGAR GSUNGS PAS, DBANG POS YUL LNGA LONGS SPYOD PA'O, ,DE YANG THUN MONG GI BSNYEN PA RDO RJE BZHI MTHAR PHYIN NAS MCHOG GI BSNYEN PA LA 'JUG PA'I RNAL 'BYOR PA'I DBANG POS YUL LONGS SPYOD PA YIN MOD KYANG, DE TZAM ZHIG SOR SDUD SGOM PA'I LAM MIN TE, DE NI YID KYI SHES PA NYID LA GZHAG DGOS PA'I PHYIR RO, ,DES NA LE'U BCO LNGA PA'I SGRON GSAL LAS, BSHANG GCI'I DAM TSIG BZA' BAR BYA, ZHES BYA BA STE, BSHAD PA NI GZUGS LA SOGS PA'I YUL RNAMS SO, ,GCI BA NI MIG LA SOGS PA'I DBANG PO RNAMS TE, DE DAG GI DAM TSIG NI YUL DANG YUL CAN DU GYUR PAS 'DUS PA STE, DE BZA' BA NI SO SOR SDUD PA LA

, ,SOGS PA'I RIM PAS NYAMS SU MYONG BA 'DI NYID NI, ZHES DBANG POS YUL LA LONGS SPYOD PA BZA' BYA DANG, SOR SDUD DE ZA BYED DU GSUNGS SO, ,DE'I PHYIR STAR BSHAD PA'I RNAL 'BYOR PAS DBANG PO LNGAS YUL LNGA LONGS SPYOD TSUL KHYAD PAR BA 'GA' ZHIG LA SO SOR SDUD KYI SGRA BSHAD DU YOD MOD KYANG, YAN LAG DRUG GI YA GYAL GYI SOR SDUD NI, DBANG POS YUL LA LONGS SPYOD PA'I TSE, MNYAM GZHAG GI LUS DBEN GYI BDE BA CHEN PO'I BDE STONG GIS RGYAS BTAB NAS LONGS SPYOD PA'I RNAL 'BYOR YIN PAS, SOR SDUD NI RJES THOB TU SBYONG BA'I LUS DBEN NO, ,'O NA SGRON GSAL LAS, SO SOR SDUD PA RNAM PAR SBYANG BA'I DON DU YAN LAG GNYIS PA BSTAN ZHES PA'I DON GANG YIN SNYAM NA, DBANG POS 'DOD YON LONGS SPYOD PA LAM DU BYED PAR SOR BSAM GNYIS 'DRA YANG, BSAM GTAN DU DE RNAMS LHAR BSGOMS NAS LONGS SPYOD PA LTAR SER SDUD DU MED PA'I DON NO, ,DE LTA NA'ANG LUS DBEN DU MI 'GYUR BA'I SKYON MED DE, BDE BA CHEN PO NYID NGES DON GYI LHA YIN LA, DES RGYAS BTAB NAS SGOM PA NI THA MAL GYI RNAM RTOG LAS DBEN PAR BYED PA CHEN PO YIN PAS SO, ,GNYIS PA NI, BSAM GTAN GYI YAN LAG NI, RGYUD PHYI MA LAS, 'DOD PA LNGA NI MDOR BSDUS NA, ,SANGS RGYAS LNGA RU SBYOR BA YIS, ,BRTAG PA BSAM GTAN ZHES BSHAD DE, ,BSAM GTAN DE NI RNAM LNGAR 'GYUR, ,RTOG DANG DPYOD DANG DGA' BA DANG, ,DE BZHIN BDE BA NYID DANG YANG, ,SEMS KYI RTZE GCIG NYID DAG STE, ,LNGA PO DER NI BSAM GTAN BSDU, ,GSANG BA'I RGYUD NI THAMS CAD DU, ,RNAM

PA DU MAR YONGS BSHAD PA, ,GSANG BA GSUM BYUNG RTOG PA STE, ,DE YI LONGS SPYOD DPYOD PA'O, ,DGA' LA REG PA GSUM PA STE, ,BDE BAS BSDUS PA BZHI PA'O, ,SHES DANG SHES BYA BYUNG ZAD PA'O, ,RANG SEMS LNGA PAR SHES PAR BYA, ,SANGS RGYAS KUN DNGOS ZHI BA NI, ,'DOD PA KUN LA RAB TU GNAS, ,ZHES SO, ,GZUGS SGRA LA SOGS PA'I 'DOD PA LNGA MDOR BSDUS PA STE DBANG PO RNAMS DANG GCIG TU GYUR NAS SO ZHES GSUNGS PA NI, DBANG PO DANG YUL YUL CAN DU LHAN CIG TU 'DUS PA'I DBANG PO DANG YUL GNYIS KA'O, ,SANGS RGYAS LNGA NI MIG LA SOGS PA STE, DE RNAMS KYI SBYOR BA NI YANG DAG PAR SBYOR BAS, SANGS RGYAS LNGA RU SBYOR BA YIS TE, DE BAS NA GZUGS LA SOGS PA RNAMS KYANG SANGS RGYAS YIN NO, ,ZHES SGRON GSAL LAS GSUNGS PA NI, SANGS RGYAS LNGA NI MIG LA SOGS PA DE RNAMS KYI SBYOR BA NI, ZHES 'OD RGYUR 'DUG KYANG 'GYUR CUNG MA BDE'O, ,MIG SOGS LNGA RNAM SNANG NAS MI BSKYOD PA'I BAR GYI SANGS RGYAS LNGAR YANG DAG PAR SBYOR BAS NA, GZUGS SGRA SOGS LNGA YANG RIGS LNGAR SBYAR RO, ,DE LTAR DBANG YUL GNYIS SANGS RGYAS YIN ZHES YONGS SU DAG PA'I LHAR BRTAG PA DE NI BSAM GTAN TE, DE LA NI RTOG BA LA SOGS PA LNGA'O, ,SPYI'I MTSAN NYID BSHAD PA'I SKABS 'DIR BSAM GTAN GYIS YUL DBANG LHAR SGOM PAR BSHAD PA NI MTSON PA TZAM STE, LUS DBEN GYI SKABS LTAR PHUNG SOGS LHAR SGOM PA YANG SHES PAR BYA LA, LHA'I SKU KHO NA SGOM PAR MI GZUNG STE, LHA'I DE KHO NA NYID SGOM PA YANG DGOS PAR RGYAS BSHAD KYI SKABS LAS SHES

, ,SO; ;BDUD RTZI GSANG BAR 'DOD PA LNGA PHUNG PO LNGA DANG, DE RE RE LA NANG GI DBYE BA DU MA YOD KYANG LNGAR BSDUD PA MDOR BSDUS PA'I DON DU BYED PA NI DON MIN NO, ,DBANG PO DANG YUL DANG DBANG PO'I SHES PA GSUM NI GSANG BA GSUM STE LNGA TSAN GSUM PO RIGS LNGA'I BDAG NYID YIN NO ZHES RTOG PA NI RTOG PA'O, ,GSANG BA GSUM NI RTOG PA STE, ,ZHES PA TSAB DANG CHAG GI 'GYUR LAS 'BYUNG BA LTAR LEGS TE, 'GREL PAR 'BYUNG BA'I DON MED PAS SO, ,RTOG PA DE YI LONGS SPYOD DE, ,YUL DE NYID LA RNAM PAR DPYOD PAS GNAS PA NI DPYOD PA'O, ,BDUD RTZI GSANG BAR RAB TU PHYE STE SGOM PA NI DPYOD PAR BSHAD PA LTAR ZHIB TU PHYE MA PHYE'I SGO NAS RTOG DPYOD DU BZHAG STE, 'DI GNYIS KYANG RJES THOB TU SKYONG PA'I LUS DBEN NO, ,DE LTAR NA DANG POR SOR SDUD KYI SKABS SU YUL DBANG SOGS KYI CHOS RNAMS BDE STONG GI RNAM 'GYUR DU LTA BA LA BSLABS, DA BRTAN PA NA BDE STONG GI RNAM 'GYUR LHAR 'CHAR BA'I BSAM GTAN LA BSLAB BO, ,'DIR SGRON GSAL LAS, DE LTAR DPYAD NAS DE KHO NA NYID LA 'JUG PA LA MNGON PAR PHYOGS PAS, GANG YID BDE BA'I MTSAN NYID CAN DE NI DGA' BA LA REG PA'O, ,DE KHO NA NYID LA MNGON PAR ZHUGS PAS LUS SHIN TU SBYANGS PA LA SOGS PA'I MTSAN NYID CAN GYI BDE BA GANG THOB PA DE NI BDE BAS BSDUS PA'O, ,ZHES DGA' BA YID BDE DANG, BDE BA LUS SHIN SBYANGS DANG, SOGS KYIS BSDUS PA'I SEMS SHIN SBYANGS KYI BDE BA DANG, SNGA MA DE KHO NA NYID LA 'JUG PA LA PHYOGS PAS THOB PA

DANG; PHYI MA DE KHO NA NYID LA ZHUGS PAS THOB PAR GSUNGS SHING, PA TSAB KYI 'GYUR LAS, DE LTAR DPYOD BZHIN PA LA, ZHES DANG, CHAG 'GYUR LAS, DE LTAR DPYAD PA LAS, ZHES 'BYUNG NGO, ,'GYUR SNYING GNYIS LAS, DE LTAR DPYAD NAS ZHES PA'I DON NI, RTOG DPYOD GNYIS KYIS SNGAR LTAR DPYAD NAS ZHES SNGA MA'I DON BSDUS SHING, DE KHO NA NYID LA ZHUGS PAS DGA' BDE GNYIS 'THOB CES PHYI MA'I 'THOB TSUL STON NO, ,DE KHO NA NYID LA ZHUGS PA DANG PHYOGS PA GNYIS NI DON 'DRA LA, TSUL DES DGA' BDE 'THOB TSUL NI, DANG POR 'OG SGO'I PHRA MO BSGOMS PA'I DBANG GIS BDE BA CHEN PO THOB PA NA DES DE KHO NA NYID KYI DON NGES PAR BYAS TE BSKOMS PAS, STONG PA NYID RTOGS PA'I YID BDE KHYAD PAR CAN LA REG PA STE 'THOB PA DANG, STONG PA NYID RTOGS PA'I LUS SEMS SHIN TU SBYANGS PA'I BDE BA 'THOB BO, ,LUS SHIN SBYANGS DNGOS NI, LUS SHIN TU LAS RUNG DU SONG BA'I REG BYA KHYAD PAR CAN CIG YIN PAS, 'DIR DE MIN GYI, LUS DANG SEMS SHIN TU LAS RUNG DU BYED PA'I BYED CHOS SU GYUR PA'I SHIN SBYANGS KYI BDE BA STE, SNGAR GYI YID BDE DANG MTSUNGS LDAN GYI SEMS BYUNG NGO, ,SNGAR BSHA DE PA DE LTAR SBYANGS PA'AM GOMS PAR BYAS PA LAS 'OG NAS 'CHAD PA LTAR GYI RAB KYI MTHAR THUG PAR SON PA'I PHYIR, SHES PA MIG GI RNAM SHES LA SOGS PA DRUG DANG, SHES BYA GZUGS LA SOGS PA DRUG TU BYUNG BA ZAD PA NI, SEMS KYI GZUNG 'DZIN RGYANGS CHAD DU SNANG BAS STONG PA NYID DO, ,DE BAS NA YE SHES KYI MTSAN NYID SEMS RTZE

, ,GCIG PA LA NI RANG SEMS ZHES BYA'O, ,'DIR CHAG 'GYUR LAS, SANGS RGYAS KUN GYI RANG BZHIN ZHI, ,THAMS CAD NAM MKHA' LA RAB GNAS, ,ZHES DANG, RNAL 'BYOR PA'I SEMS DA LTA BU NI SANGS RGYAS KUN GYI RANG BZHIN ZHI, ZHES PA GZUNG BA LA SOGS PA'I RNAM PAR RTOG PA ZHI BA'I PHYIR ZHI BA STE SNANG BA TZAM MO, ,DE THAMS CAD STONG PA NYID DANG GCIG TU MTHAR THUG PAR 'BYUNG BAR 'GYUR TE, ZHES 'BYUNG BA'I SNGA MA RNAMS LEGS LA, PHYI MA NI PA TSAB KYIS, DE NI THAMS CAD STONG PA NYID GCIG PU'I MTHAR THUG PAR 'GYUR TE, ZHES 'BYUNG BA LTAR BDE'O, ,SNGAR GYI SEMS RTZE GCIG PA DE NI SANGS RGYAS KUN GYI RANG BZHIN STONG PA NYID LA ZHUGS PA DANG, TZAM GYI SKRAS KUN RTOG RNAMS DE'I DUS NA YOD PA GCOD DE ZHI BA'I DON NO, ,NAM MKHA' NI STONG PA YIN PAS THAMS CAD STONG PA ZHES PA STONG PA BZHI PA'O, ,DE LA RAB TU GNAS PA NI STONG PA SNGA MA GSUM RIM GYIS DER ZHUGS PA STE, RKANG PA 'DI GNYIS KYANG SEMS RTZE GCIG PA'I BSHAD PA'O, ,DES NA GLAN GYIS SEMS RTZE GCIG PA SEMS DBEN LA SBYAR NAS, SANGS RGYAS KUN DNGOS KYIS SGYU LUS DANG, DE'I LHAG MAS 'OD GSAL MDOR BSTAN PA YIN ZHES ZER BA NI 'THAD PA MIN NO, ,RDO RJE 'PHRENG BA'I GLENG GZHI SPAS BSHAD KYI KHAMS KYI LUS DBEN GYI SKABS SU YANG, RLUNG DANG ME DANG CHU DANG SA, ,SPYAN LA SOGS PA BZHI PO STE, ,YE SHES BDAG NYID CAN GSUM DU, ,SHES BYA SANGS RGYAS BYANG CHUB STER, ,ZHES 'BYUNG BA BZHI SPYAN MA SOGS BZHIR SGOM PA RNAMS STONG PA GSUM GYI YE SHES GSUM GYI BDAG NYID CAN DU SHES PAR BYA BAR

GSUNGS PAS, LUS DBEN GYI SKABS SU LAM DUS KYI STONG BA GSUM GYI YE SHES YOD DO, ,SNGAR STONG PA BZHI PA GSUNGS PA NI DPE'I 'OD GSAL YIN LA, DE NI LUS DBEN NAS SGYU LUS KYI BAR DU SKYE BA MI 'GAL LO, ,'ON KYANG SGYU LUS MAN CHAD DU STONG PA GSUM DU GSUNGS PA NI, DPE'I 'OD GSAL NYER THOB STONG CHEN DU BSDUS PA LA DGONGS SO, ,DES NA SKABS 'DI DAG TU NYER THOB 'OD GSAL DU ZHUGS PA NI DRAN MED DU SONG BA'I NYER THOB DE DE'I SMAD THAMS CAD STONG PAR BZHAG PA'I NAM MKHA' SPRIN MED LTA BU DER ZHUGS PA LA BYA'O, ,'O NA SNGAR BSAM GTAN SPYI'I MTSAN NYID BSHAD PA DE RTOG DPYOD GNYIS LA SNANG YANG DGA' BDE DANG SEMS RTZE GCIG PA LA MI SNANG BAS, DE GSUM BSAM GTAN DE LAS PHYE BAR MI 'GYUR RO SNYAM NA, BSAM GTAN GYIS DBANG PO YUL SOGS LHAR SGOM PAR BSHAD PA DE LA LHA'I ZHAL PHYAG GI RNAM PA CAN DU SGOM PA DANG, LHA'I DE KHO NA NYID SGOM PA GNYIS SU BYED PAS SKYON MED DO, ,SGRON MA RAB GSAL LAS, YUL LA SPYOD PA'I DUS SU DBANG PO SOGS GSUM RId LNGA'I BDAG NYID DO ZHES RTOG PA RTOG PA DANG, DA RNAMS YE SHES LNGA'I BDAG NYID DO ZHES RTOG PA DPYOD PA DANG, DE KHO NA NYID LA MNGON DU GYUR PA NI BDAG YIN NO ZHES BSAMS PAS DGA' BA'I KHYAD PAR SKYES PA DGA' BA DANG, SEMS GYI BDE BA DE THOB NAS LUS SHIN SBYANGS SU GYUR BA BDE BAR BSHAD CING, RTOG DPYOD GNYIS SNANG BA DANG, DGA' BA MCHED PA DANG, BDE BA NYER THOB TU BSHAD DE, SEMS DBEN GYI YE SHES GSUM LA 'DOD PAR SNANG NGO, ,'DI NI YE SHES GSUM YE SHES

, ,RDO RJE KUN LAS BTUS LAS GSUNGS PA'I DON SPYOD BSDUS SU SEMS DBEN GYI SKABS SU BSHAD PA'I DMIGS PA GANG YIN PA DANG, DE LA 'DZIN STANGS KYI RNAM PA JI 'DRA ZHIG GIS BZUNG BA'I TSUL LEGS PAR MA NGES PA'I SKYON NO; ;N'A RO PAS YAN LAG GNYIS KYI DON BSHAD PA NI SGRON GSAL BRIS PA TZAM DU SNANG NGO, ,'PHAGS LUGS KYI SBYOR DRUG 'DI ZHIB PAR BSHAD DGOS PAR 'DUG NA'ANG, SNGA MA RNAMS KYIS ZHIB PAR MA MDZAD SNANG BAS, 'DIR ZHIB TU BSHAD CING 'CHAD PAR 'GYUR RO, ,DRUG PA LA GSUM, PHRA MO BSGOMS PAS RLUNG 'DU LUGS, DE LAS ZHU BDE SKYE TSUL, SKYES PA'I TSE MNYAM RJES SU SKYONG TSUL LO, ,DANG PO NI, PHRA MO'I DKYIL 'KHOR LA DMIGS PA'I RNAL 'BYOR BRTAN PO RNYED PAS ZHU BDE KHYAD PAR CAN 'DREN NUS PA SNGAR BYUNG NA, DGA' BA'I SKYE TSUL SHES PAR BYAS LA 'CHAD PA LTAR BSKYANG, DE LTAR RNYED KYANG MA BYUNG NA MTSAMS 'DI NAS GTZO BO YAB YUM GYI RNAL 'BYOR LA GNAS NAS BSGOM, DE YANG MIN PA DA LTA 'JUG PA LTAR BYED NA, DKYIL 'KHOR GYI 'KHOR LO'I RNAL 'BYOR SGOM PA SNGON DU BTANG BA'I MTHAR BSGOM MO, ,RIM LNGA BSDUS PA LAS, LUS DANG DUS DANG YUL RLUNG GI ,GNAD NI RNAM PA BZHIR SHES BYA, ,ZHES BSHAD PA LTAR BYA BA LA LUS KYI GNAD NI NGAG DBEN DU 'CHAD PA LTAR RO, ,DUS KYI GNAD NI SPYIR RGYUN DU BA YIN MOD KYANG, KHYAD PAR DU RIG PA GSAL BA DANG, PHYI DRO ME'I DUS SU BSGOM, RLUNG GI GNAD NI RANG LUGS PAS CHOG GO ,GANG DU DMIGS PA GTOD PA YUL GYI GNAD NI, LE'U DRUG

PA'I SGRON GSAL LAS, SKYES PAS RDO RJE'I BU GAR PHYAG MTSAN NAS 'BRU TZAM DANG, BUD MED KYIS BHA GA'I NANG DU TZA nA KA'I TSAD TZAM DANG, LE'U GSUM PA'I SGRON GSAL LAS, KUN RDZOB BYANG CHUB KYI SEMS YUNGS KAR GYI 'BRU TSAD TZAM RANG GI RDO RJE'I KHAR RIGS LNGA'I BDAG NYID DU BYAS NAS SGOM PAR BSHAD LA, ZHAL LUNG LAS, SNGAR DRANGS PA LTAR NOR BU'I DKYIL DU SGOM PAR GSUNGS PA NI, RDO RJE'I BU GAR SGOM PAR GSUNGS PA DANG MI MTHUN PA MED DO, ,RDO RJE'I KHAR SGOM PA NI DH'U T'I'I MAR SNE YIN PA LA DGONGS PAS DE GNYIS 'DRA'O, ,ZHAL LUNG LAS, SNYING KHA'I SA BON GYI 'OD GSAL GYIS DKYIL 'KHOR SPYAN DRANGS SNYING KHAR BCUD PA RNAMS ZHU NAS BABS PA'I THIG LE NOR BUR GNAS PAR BSHAD LA, SGRON GSAL LAS, GZHI DUS KYI PHO MO SNYOMS PAR ZHUGS PAS CHAGS PA'I MES ZHU BA'I THIG LE PADMAR LHUNG BA'I SRID PA'I BSKYED RIM LTAR SGOM PAR BSHAD PAS, DE LTAR BYAS PA'I THIG LE 'OG SKOR PHAB NAS SGOM PAR MNGON NO, ,THIG LE'I KHA DOG NI RANG GI LHA'I MDOG TU BYA BA SGRON GSAL GYI DGONGS PA'O, ,THIG LE SHIN TU PHRA BA LA SEMS ZIN NA KUN RTOG GCOD SLA BAS, DE GA-YO BA'I LAS KYI RLUNG YANG 'GOG PAR SLA'O, ,CI BYAS KYANG DE 'DRA MI ZIN PAR SNANG NA, CUNG CHE RU BTANG NAS DE LA ZIN PA NA PHRA RU BYA STE, 'DI NI BSKYED RIM MA BRTAN PAR SGOM PA RIM PA RGAL BA'I SKYON YIN GYI, BRTAN NA DE 'DRA BA LA SEMS MI ZIN PA'I DON MED DO, ,SEMS 'DZIN TSUL KHYAD PAR BA DANG, BYING RGOD DANG BRAL BAR SKYONG TSUL DANG, DMIGS PA ZIN PO BYUNG YANG RLUNG 'GAG TU MA 'DOD PA DANG,

, ,BDE BA DE TZAM DU SKYE MA NYAN PA SOGS LA JI LTAR BYA BA DANG, RLUNG 'GAG TU 'DOD PA LA SNGA ROL TU MI BDE BA THAN THUN SKYE BA SEL TSUL SOGS KYI MAN NGAG ZHIB PAR NI LOGS SU BSHAD PAR BYA'O, ,DE LTAR NOR BU'I RTZA 'KHOR GYI DBUS SAM DH'U T'I'I MAR SNA'I LUS KYI GNAD CHE SAR DMIGS PA GTAD NAS BSGOMS PAS RLUNG SEMS 'JUG PA GCIG PA'I GNAD KYIS DER SEMS ZIN PA NA, RO RKYANG DU RLUNG RGYU BA 'GAGS NAS DH'U T'IR RGYU LA, DE'I RJES SU DER THIM PAR RTZOM PA NA SNGA ROL TU RTAGS LNGA 'CHAR TE, ZHAL LUNG LAS, DE NAS GSANG BA'I THIG LE CHE, ,RAB TU PHRA BAR GONG MA BZHIN, ,RANG SEMS DAL BU DAL BUS GZUNG, ,DNGOS PO MED PA'I GNAS SU 'GYUR, ,DE YANG GZUNG BA GOMS PA YIS, ,PHYIN LOG SA NI RNAM PAR LDOG ,SMIG RGYU LTA BU SNANG BA NI, ,RTAGS NI DANG POR SHES PAR BYA, ,DE BZHIN DU NI CHU LOG PAS, ,DU BA LTA BU 'BYUNG BA NI, ,GNYIS PA YIN PAR SHES PAR BYA, ,ME NA RNAM PAR LOG GYUR PAS, ,MKHA' SNANG 'DRA BA GSUM PA'O, ,RLUNG NI DE BZHIN LOG PAS NA, ,MAR ME LTA BU RAB SNANG BA, ,RTAGS NI BZHI BAR SHES PAR BYA, ,DE BZHIN PHYIN LOG RNAM PAR SHES, ,LOG PAS ZAB GSAL GNYIS MED KYI, ,DON 'DRA SPRIN MED NAM MKHA' LTAR, ,GSAL BA RTAGS NI LNGA PA'O, , MTSAN MA LNGA PO DE YIS NI, ,MI GNAS MYA NGAN 'DAS 'THOB PAS, ,RNAL 'BYOR PAS NI 'DI LA 'BAD, ,GZUNG BA YI NI YAN LAG GO ,ZHES SO, ,RGYUD PHYI MAR 'DZIN PA'I SKABS SU MTSAN MA LNGA 'BYUNG BAR GSUNGS PA NI, 'OD GSAL DU 'JUG PA'I

SNGON DU MTSAN MA BZHI 'BYUNG ZHING ,LNGA PA NI 'OD GSAL GYI DUS YIN LA, 'OD GSAL DU 'JUG PA YANG SROG RTZOL GSUM BSGOMS PA'I MTHUS 'JUG PA LA DGONGS NAS, 'OG SGOR PHRA MO DANG, SNYING KHAR MI SHIGS PA SGOM PA'I SKABS SU YANG RTAGS LNGA 'BYUNG BAR ZHAL LUNG LAS GSUNGS TE, DE GNYIS KYI RDOR BZLAS BYAS PAS KYANG RTAGS DE RNAMS 'BYUNG BAR GO BAR BYA'O, ,SGRON GSAL LAS RTAGS LNGA'I SGO NAS 'OD GSAL DU 'JUG PAR BSHAD PA DE, SROG RTZOL GSUM MTHAR BYUNG NAS SEMS DBAN DANG SGYU LUS THOB PA'I 'OG TU 'OD GSAL DU 'JUG PA LA BSHAD DGOS MOD KYANG, SKABS 'OG MA RNAMS KYI DPE'I 'OD GSAL DU 'JUG PA NA'ANG RTAGS DE RNAMS 'BYUNG BAR MI BZHED PA MIN PAS, 'OG SGOR PHRA MO BSGOMS PA'I SKABS SU RTAGS LNGA'I RIM GYIS DNGOS PO MED PA'I GNAS 'OD GSAL DU 'JUG PA'I 'DZIN PA'I YAN LAG BSHAD PA MI 'GAL LO, ,DE BZHIN GSHEGS PA'I RDO RJES, SNYING KHAR H'Um YIG BSGOMS NAS DE'I THIG LE LA RLUNG 'JUG PAR BSGOMS PAS 'DZIN PA 'OD GSAL 'THEB PA NI MTSON PA TZAM STE, LTE BA'I RTZA BAR GNAS PA'I PHRA BA'I A'A LI K'A LI'I SBYOR PA'AM, RDO RJE'I SNA RTZER THIG LE SGOM PA'AM, GTUM MO LA SOGS RNAL 'BYOR GANG YANG RUNG BA BSGOMS PA LAS KYANG, 'DZIN PA 'OD GSAL 'THOB PAR BSHAD CING, YE SHES ZHABS LUGS KYI SBYOR DRUG GI RGYA GZHUNG ZHIG LAS KYANG DE DANG MTHUN PAR BSHAD DE, 'DI YANG LEGS PA YIN NO, ,DAS NA LUS KYI RTZA'I GNAD CHE SAR SEMS ZIN PA NI SEMS 'DZIN GZHAN DANG 'DRA BA MIN NO, ,'OG SGOR PHRA MO SGOM

, ,BA'I LAG LEN NI DE'I BAR DU YOD MED KYANG, SNGAR BSHAD PA LTAR DE BSGOMS PAS YON TAN CI SKYE LEGS PAR MA SHES NA GDAMS NGAG LA NGES PA MI RNYED PAR MTHONG NAS, RGYUD PHYI MA DANG, RJE BTZUN 'JAM PA'I DBYANGS KYIS GSUNGS PA LA BRTEN NAS LEGS PAR BSHAD PA YIN PAS, LAM 'DI NI SROG RTZOL KHYAD PAR CAN 'PHYUG MED PA'I GDAMS PAR SHES PAR GYIS LA, RNAL 'BYOR PAS NI 'DI LA 'BAD, CES GSUNGS PA LTAR SGOM PA LA 'BAD PA DRAG PO BYA'O, , GNYIS PA NI, SPYIR LAM BSGOMS MA BSGOMS GNYIS KA LA BYANG SEMS ZHU BA GSANG GNAS SU BABS PA LAS BYUNG BA'I DGA' BA NYAMS SU MYONG BA LA NI, NGES PAR LTE BA DANG GSANG GNAS KYI GTUM MO 'BAR NAS ZHU BA CIG 'ONG BAS, GTUM MO 'BAR NAS BYANG SEMS 'JU BA LA SROG DH'U T'IR THIM PA SOGS MI DGOS SO, ,DE'I PHYIR GANG ZAG GI RIGS KHA CIG LA, SNGAR LTAR BSGOMS PA NA RLUNG DH'U T'IR THIM PA MED KYANG, BYANG SEMS ZHU BA'I BDE BA 'ONG STE, 'DI NI LUS LA GNAD DU BSNUN PA'I GDAMS NGAG GZHAN SGOM PA LA YANG 'DRA'O, ,DE 'DRA BA'I THIG LE NI RDO RJE NOR BUR SLEB NAS SHIN TU GZUNG DKA' BAR MTHONG NAS, DANG POR PHYI NANG GI 'BEBS PA'I THABS KYIS BYANG SEMS PHAB PA DE NOR BUR MA SLOB PA'I GONG GI GNAS RNAMS NAS BTZAN THABS KYIS BZLOG PA DANG, RDO RJER SLEB NA DE MA THAG TU ZLOG PA'I 'DREN MANG PO DANG, BCAN THABS SU BZLOG PA DE YANG LUS LA MA KHREMS NA NAD SKYED PAR MTHONG NAS, 'GREMS PA'I TSUL RNAMS SNGA MA MANG POS BYED MOD KYANG,

RLUNG DH'U T'IR THIM NAS BYANG SEMS ZHU BA DANG, DE LTAR MIN PA'I ZHU BA'I KHYAD PAR PHYE NAS, DE LA BYANG SEMS GZUNG DKA' SLA DANG, DE BTZAN THABS SU ZLOG DGOS MI DGOS DANG, BZLOG PA LUS LA MA BKRAM NA NAD DU 'GYUR MI 'GYUR GYI KHYAD PAR PHYED PA'I RNAM GZHAG MI SNANG NGO, ,DE LA LAM BSGOMS PA'I STOBS KYIS GTUM MO 'BAR NAS BYANG SEMS BZHUS PA'I DGOS PA NI LHAN SKYES KYI YE SHES SKYED PA'I CHED YIN LA, DE SKYE BA LA BYANG SEMS ZHU NAS BAB PA DA SPYIR LTE BA MAN CHAD DU SLEB PA CIG DANG, KHYAD PAR DU NOR BUR SLOB NAS PHYIR MA 'PHOS PAR RE SHIG GI BAR DU GNAS PA ZHIG MED NA LHAN SKYES MTSAN NYID TSANG BA MI SKYE'O, ,LHAN SKYES RDZOGS RIM PA'I BDE CHEN DU 'JOG PA LA NI RLUNG THIM PA'I DBANG GIS GNAS PA CIG DGOS SO, ,RLUNG DH'U T'IR THIM PA'I DBANG GIS BYANG SEMS ZHU BA YIN NA NOR BU'I RTZER BZUNG YANG LHAN SKYES MTSAN NYID TSANG BA MA SKYES BAR DU PHYIR MI 'PHO STE, BYANG SEMS SPYI BO NAS 'BAB PA NA, RIM GYIS RIM GYIS RLUNG GI GA-YO BA ZHAN DU SONG NAS NOR BUR SLEB PA NA, BYANG SEMS PHYI ROL TU SKYOD PAR BYED PA'I RLUNG GI 'JUG PA ZHI BAR 'GYUR BA'I PHYIR RO, ,DE LA NI LHAN SKYES KYI TING NGE 'DZIN LAS MA LANGS BAR DU MI 'PHO LA, DE LAS LANGS PA'I SKABS SU NI RLUNG CHER GA-YOS PA YIN PAS, DE'I TSE MI 'PHO BA'I THABS SHES DGOS SO, ,DE LA YANG DANG POR MA GOMS PA'I SKABS SU PHYIR ZLOG PA'I THABS DANG, PHYIS GOMS NAS BZLOG THABS MA BYAS KYANG SLAR RANG LOG TU 'GRO BA'I DUS GNYIS KAR GYEN DU LOG PA LA NI, LUS LA MA BKRAM NA NAD SKYED PA GTAN MIN NO, ,RLUNG THIM

, ,PA'I DBANG GIS MIN PAR PHRA MO BSGOMS PA SOGS KYIS BYANG SEMS ZHU BA LA NI NOR BUR RE SHIG GI BAR DU 'DZIN MI NUS PAS, DE MA THAG TU BZLOG DGOS LA, ZLOG SA'I MTHO DMAN KYANG SHES DGOS SO, ,ZHU BA SHAS CHUNG NA BZLOG PAS CHOG LA, SHAS CHE NA LUS LA DGRAM YANG DGOS SO, ,'DI LA YANG RING DU GOMS NA DE MA THAG MA BZLOG KYANG RE SHIG NAS NUS PA SOGS YOD DO, ,RGYUD DANG RGYA GZHUNG CHE BA RNAMS NAS 'DI RNAMS KYI SKOR GDAMS NGAG GZHAN LA 'DUG PA LTAR MI 'BYUNG BA NI, 'DI'I GDUL BYA'I GTZO BO LA RLUNG THIM PA'I RDZOGS RIM MYUR DU SKYE BAS, DE LA GDAMS NGAG DE RNAMS MI DGOS PA'I GNAD KYIS YIN NO, ,BYANG SEMS ZHU BAS GNAS GANG DU SLEB PA NA YAS BABS KYI DGA' BA BZHI SKYE TSUL NI, RGYUD RDO RJE 'PHRENG NGA LAS, DE RJES LUGS 'BYUNG BSHAD BYA STE, ,BDE CHEN 'KHOR LO'I SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LOR MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES GSUNGS TE, SPYI BO NAS MGRIN PA'I BAR LE DGA' BAR 'JOG LA, DES GZHAN GSUM LA YANG SHES PAR BYA'O, ,MAS BRTAN GYI SKYE TSUL YANG DE NYID LAS, SPRUL PA'I 'KHOR LOR DGA' BA DANG, , MCHOG DGA' CHOS KYI 'KHOR LOR GNAS, ,LONGS SPYOD BRAL BA'I DGA' BA DANG, ,LHAN CIG SKYES DANG BDE BA CHE, ,LUGS LDOG RIM PA ZHES NI GSUNGS ZHES TE, 'DI'I GNAS KYANG SNGAR BSHAD PA'I RIGS PAS SHES PAR BYA'O, ,'DI NI PHYAG CHEN

THIG LE DANG YANG MTHUN LA, DER YAR MAR GYI BZHI PO RE RE LA BZHI BZHIR BYAS PAS ZLA BA'I CHA BCU DRUG DANG, NYI MA'I SGO NAS RE RE LA GSUM GSUM DU BYAS NAS BCU GNYIS SU YANG GSUNGS TE, DE NYID LAS RI BONG MTSAN MA'I CHA 'DI RNAMS, ,DGA' BA'I THIG LE BCU DRUG STE, ,A'A LI'I NGO BOR SHES PAR BYA, ,'KHOR LO BZHI RU RIM PA LAS, ,JI SKAD BSHAD RNAMS DE LTA NA'ANG, ,NYI MA'I BCU GNYIS RNAMS SU BSHAD, ,CES SO, ,'DI NI BYANG SEMS YAR MAR DU 'BAB PA NA KHRAG DANG BCAS PAR 'BAB LA, DE LA GNAS BZHI PO RE RE LA CHA BZHI BZHIR BYAS PA'I MTSAMS RE RER BDE BA RE MYONG BA DANG, GNAS BZHI'I RE RE LA CHA GSUM GSUM DU BYAS PA'I MTSAMS RE RER RDUL BAB PA'I SGO NAS BDE BA CHUNG 'BRING CHEN PO GSUM DU SO SOR PHYED PA'I NYAMS MYONG CAN GYIS SHES DGOS TE PHRA BAR SNANG NGO, MAN NGAG SNYE MAR MAS BRTAN GYI BZHI KA LHAN SKYES LA CHUNG NGU DANG BAR MA DANG CHEN PO DANG CHEN PO'I CHEN POR PHYE BAR BSHAD DE, YAS BABS KYI BDE BA BZHI LAS NI MAS BRTAN GYI BZHI BDE BA CHE BA CIG 'ONG DGOS SO, , MAS BRTAN GYI DUS SU LOG PA SPYI BOR MA BRTAN BAR DU BDE BA MI BRTAN LA, SPYI BOR BRTAN NAS BRTAN PAR GSUNGS TE, DE NYID LAS, DE NAS SROG GI STENG DU YID, ,DE MI MTHUN PAS 'BAB PAR 'GYUR, ,PADMA'I LTE BA'I DBUS GNAS PA, ,GANG DE PHYI NAS BRTAN GYUR PA, ,DE TSE MGON PO 'GRO MI 'GYUR, ,JI LTAR BU GA MED SNOD DU, ,CHU RNAMS ZAD PA MED GNAS LTAR, ,DE TSE BDE BA BRTAN PAR 'GYUR, ,BRTAN PAS LHAN CIG SKYES PA'I DGA', ,DE PHYIR SANGS RGYAS MI ZAD PA, ,RNAL 'BYOR PA YIS NGES PAR

, ,'THOB, ,CES SO, ,YID NI KHU BA DANG, MI MTHUN PA NI LUGS LDOG DANG, BRTAN PA NI SPYI BOR YIN PAR MAN SNYE LAS GSUNGS SO, ,LAG SMIS, SPYI GTZUG NAS BYANG SEMS 'DZAG PA'I TSE SNANG BA DANG, YAN LAG THAMS CAD KYI TSIGS LA BAB PA'I DUS SU MCHED PA DANG, RDO RJE'I RTZE MO LAS THIG LE GCIG SPROS PA'I TSE NYER THOB DANG RTZE MO DE NYID DU BRTAN PA NA 'OD GSAL SKYE BA DANG, YANG DANG PO GNYIS 'DRA LA, RDO RJE'I RTZE MO'AM DBUS SU PHYIN PA NA NYER THOB DANG, NOR BU'I NANG NA GNAS PA NA 'OD GSAL SKYE BA DANG, DE RNAMS DGA' BA BZHIR YANG BSHAD DE, 'DI DANG 'DRA BA MANG NGO, ,THUB PA DPAL GYIS, RDO RJE'I RTZA BAR SLEB PA NA SNANG BA DANG, ,NOR BU'I DBUS SU PHYIN PA NA NYER THOB DANG, NOR BU'I RTZE MOR 'OD GSAL SKYE BAR BSHAD PA'I SHUGS KYIS RDO RJE'I RTZA BA NAS NOR BU'I MGRIN PA'I BAR DU SLEB PA NA MCHED PA SKYE BAR 'DOD DGOS SO, ,PHYAG CHEN THIG LE LAS DGA' BA BZHI SNANG MCHAD THOB GSUM 'OD GSAL DANG BZHIR BSHAD DO, ,'DUS PA'I RTZA BSHAD DANG ,'PHAGS SKOR LNGA'I GZHUNG NAS DGA' BA BZHI STONG PA BZHIR BSHAD PA MA BYUNG ZHING, YAB SRAS LNGAS BYANG SEMS ZHU BA GNAS 'DIR SLEB PA NA, DGA' BA BZHI 'AM STONG PA BZHI 'DI SKYE MA GSUNGS PAR RLUNG THIM PAS SNANG BA DANG, SEMS THIM PAS MCHED PA SOGS SKYE BAR BSHAD PA TZAM MO, ,'PHAGS SKOR LNGA'I RJES 'BRANG GZHAN PHAL MO CHES NI SPYI BO NAS GSANG GNAS RDO RJE'I BAR DU BYANG SEMS BABS PA'I RIM PA LAS SKYA BA'I STONG PA BZHI MA GTOGS PA STONG PA BZHI'I YE

SHES LAM GYIS BSDUS PA GZHAN MA BSHAD CING, MI 'DOD PA NI LUGS 'DI'I GNAD CHEN PO MA RTOGS PA STA 'OG TU BSHAD PAR BYA'O, ,DE LTAR BYANG SEMS BAB PA'I RIM PA LAS DGA' BZHI SKYE TSUL DE RNAMS LAS 'DIR GANG GZUNG ZHE NA, 'CHAD PAR 'GYUR BA'I STONG PA BZHI KHYAD PAR CAN NI SNYING KHAR GNAD DU BSNUN PA LAS 'BYUNG BAS, 'DIR MI SKYE YANG, DE DANG RJES SU MTHUN PA'I STONG PA BZHI 'DIR SKYED PA YIN LA, DE NI THUB PA DPAL LTAR BYAS NA MTHUN TSABS CHE BAR MNGON NO, ,'DIR BDE BA CHEN PO NI LAM GYI SREG YIN LA, DE BRTAN PA NI MAS BRTAN GYI BDE BA LA RAG LAS PAS NA DE SKYED TSUL GAL CHE'O, ,DE YANG MAN SNYE LAS, DE'I 'CHAR BA NI NOR BU NAS BRTZAMS NAS LTE BA JI SRID PA STE, MA 'PHOS PA'I BYANG CHUB KYI SEMS 'PHEL BZHIN PAS STENG DU NYE BAR 'GRO ,ZHES GSUNGS PA'I TSIG ZIN LTAR NA, NOR BU NAS PHYIR MA 'PHOS NA RANG LOG BYED PA 'DRA BA CIG 'DUG KYANG, DE MIN TE, MA 'PHOS KYANG SNGAR GYI LAM DE NYID NAS MAR 'ONG BA LTAR MI BYED PAR GAR SONG CHA MED DU 'GRO BA DANG, PHYIR LOG KYANG SPYI BO'I BAR DU THAL GYIS 'GRO BA'I NGES PA MED PAR GNAS DMA' MO NAS GRAM NAS 'GRO BA YANG 'ONG BAS DES NA YAR LA 'DRIL NAS SPYI GTZUG BAR DU 'GRO BA CIG DGOS PA NI, RNAL 'BYOR PAS CHED DU BYA DGOS TE RGYUD RDOR 'PHRENG LAS, RLUNG GI DE NYID SNGON SONG NAS, ,DE NYID STENG DU RGYU BAR NI, ,RNAL 'BYOR PAS NI SGRUB PAR BYED, ,DE LAS SPRUL PA'I 'KHOR LOR NI, ,DGA' BZHES BYAR RNAM PAR SHES, ,ZHES GSUNGS SHING, DE NAS CHOS 'KHOR GYI

, ,STENG DANG, DE NAS LONGS SPYOD KYI 'KHOR LO'I STENG DU 'GRO BA RNAL 'BYOR PAS BYED PAR GSUNGS SO, ,DE LTAR PHRA MO BSGOMS PAS RLUNG THIM LUGS DANG, RTAGS 'CHAR TSUL DANG, GTUM MO 'BAR NAS BYANG SEMS ZHU BA MAR LA 'ONG TSUL DANG, YAR LA LDOG TSUL DANG, DE GNYIS LAS YAS BABS DANG MAS BRTAN GYI DGA' BA CHA BCU DRUG DANG, NYI MA'I SGO NAS CHA BCU GNYIS SKYE TSUL LA SOGS PA DE RNAMS NI, LTE BA DANG GSANG GNAS SU GTUM MO'I 'BAR 'DZAG DANG, DER YI GE DANG THIG LE BKOD NAS SGOM PA DANG, DER BUM PA CAN SGOM PA SOGS LA'ANG 'DRA BAS, DE THAMS CAD LA SHIN TU GAL CHE ZHING, KHYAD PAR DU RNAL 'BYOR MA'I RGYUD KYI LAM GYI GNAD MI 'PHYUG PA'I THABS YIN PAS LEGS PAR SHES PAR BYA'O, , 'OG SGOR THIG LE PHRA MO SGOM PA 'DIS NI THUR SEL GYEN DU LDOG SLA BAS GTUM MO 'BAR STOBS CHE BA DANG, YAS BABS KYI LHAN SKYES LEGS PAR MTSON NUS PA LA, NOR BUR BYANG SEMS GNAS PA YUN RING DGOS PA LA, DER GNAS YUN RING PA SOGS KYI DGOS PA MANG MED KYANG MANGS PAS 'JIGS NAS MA BRIS SO, ,GSUM PA NI, DE LTAR YAR MAR GYI LHAN SKYES KYI DGA' BA SKYED NUS PA NA, DE BZHIN NYID KYI DAG PA BDAG MED PA'I LTA BA PHU THAG BCAD PA DANG SBYAR DGOS PAS, BLO GNYIS GRUB SDE GCIG TU SKYED PA DANG, STONG NYID DANG BDE CHEN GNYIS YUL YUL CAN DU SBYAR LA MNYAM GZHAG TU BSGOM PAR BYA'O, ,RLUNG GA-YOS PA'I DBANG GIS DE LAS LANGS PA NA SGOM TSUL NI, RGYUD RDOR 'PHRENG LAS, DBANG PO YUL LA SPYOD PA

NI, ,GANG GNAS DE NI BSNGAMS NAS NI, ,STONG NYID GNYIS MED SGYU MA LA, ,SOGS PA KUN RDZOB LHAG SPYAD BYA, ,SHES RAB YE SHES DBANG BSKUR SOGS, ,NYAMS SU MYONG BA'I BDE BA YIN, ,BDE BA CHEN PO DRAN PA YIS, ,DBANG PO RNAMS NI YUL LUS LDOG CES SO, ,'DIS NI STONG NYID 'OD GSAL DANG, GNYIS MED ZUNG 'JUG DANG, KUN RDZOB SGYU LUS KYI SKABS DANG, SOGS KYIS BSDUS PA DE RNAMS LAS 'OG MA'I SKABS SU YENG YUL RNAMS LHAG PAR SPYAD TSUL STON PAS, NGAG DBEN YAN CHAD DU 'ANG STONG PA BZHI DRANGS PA'I SKABS THAMS CAD DU, GANG SHAR LA BDE STONG GIS RGYAS 'DEBS TSUL 'DIR BSHAD PA BZHIN SHES PAR BYA'O, ,'DI LTAR DBANG GSUM PA DNGOS DBANG DU BYAS PA'I BDE BA DANG, SOGS KYIS BSDUS PA SNGAR BSHAD BSHAD PA LTA BU'I BDE BA CHEN PO SNGAR MYONG BA DRAN NAS, YUL LA LONGS SPYOD PA'I TSE DES RGYAS BTAB STE, DE DANG MI MTHUN PA'I YID BYED BSDAMS TE GNAS NA YUL SNANG KUN BAD BAR 'CHAR ZHING, DE'I RJES SU BDE BA 'BAR BA'I RKYEN GYIS DBANG PO'I SGO NAS 'JUG PA'I RLUNG RNAMS NANG DU LDOG PA NA DBANG SHES KYANG SDUD PAS, RLUNG THIM NAS SNGAR BZHIN BDE BA RNAMS SKYE'O, ,DE LA RIM PA DANG PO'I SKABS SU PHYI DANG NANG DU GANG SHAR THAMS CAD LHAR 'CHAR BA LA BSLAB DGOS PA BZHIN DU, RIM PA GNYIS PA'I SKABS SU NI GANG SHAR THAMS CAD BDE BA CHEN PO'I RNAM 'GYUR DU 'CHAR BA CIG DGOS SHING, DE YANG RDZOGS RIM PA'I BDE CHEN LHAN SKYES RNYED PHYIN CHAD NAS YIN PAS, 'DIR LUS DBEN GYI SGO NAS GANG SHAR THAMS CAD BDE CHEN GYI RNAM

, ,ROL TU LTA BAR GSUNGS PA NI, GANG SNANG THAMS CAD BDE BAR 'CHAR BA'I CHED DU'O, ,DE LA NI THOG MAR DNGOS PO KUN GYI RANG BZHIN RNAM DAG GTAN LA PHAB PA'I SGO NAS, CHOS CAN THAMS CAD STONG PA NYID KYI RNAM 'GYUR DU SHES PA DANG, DE NAS BDE STONG SBYOR TSUL GYI SGO NAS BDE BA CHEN PO'I RNAM 'GYUR DU SGOM PA CIG DGOS PAS DE DAG BSHAD NA, SPYOD BSDUS LAS, BDAG NI RANG BZHIN GYIS DAG PA'O, ,ZHES BDAG NYID BRTAN PAR BSKYED LA, RDO RJE GSUM GYI BDAG NYID RDO RJE 'CHANG CHEN POR LHAG PAR MOS PAR BYAS PA NI, BYIN GYIS BRLABS PA'I RNAL 'BYOR ZHES BYA BAR BSHAD DE, ZHES RIGS GCIG GI LUS DBEN GYI SKABS SU RNAL 'BYOR PA RANG NYID RANG BZHIN GYIS RNAM PAR DAG PAR SHES PA'I MOS PA BRTAN PO BSKYED NAS RDO RJE 'CHANG DU SGOM PAR GSUNGS PA NI, RANG GCIG PUR MA ZAD DBEN GZHI'I LUS THAMS CAD DANG, RIGS GCIG GI SKABS SU MA ZAD RIGS BRGYA LA SOGS PA LA YANG 'DRA'O, ,DES NA DBEN GZHI'I CHOS THAMS CAD GDOD MA NAS RANG GI MTSAN NYID KYIS GRUB PAS STONG PA'I RANG BZHIN RNAM DAG GI BDAG NYID DU GTAN LA PHAB PA NA, RANG BZHIN MED PA'I STONG NYID DE NYID CHOS CAN DE RNAMS SU SHAR BAR SHES TE, DE NI CHOS RNAMS STONG NYID KYI RNAM 'GYUR YIN PA'I DON NO, ,CHOS MI 'DRA BA DU MA YOD KYANG, GANG GIS STONG PA'I DGAG BYA BDEN PAS STONG PAR KHYAD PAR MED PAS, STONG NYID RNAMS KYANG MI 'DRA BA DU MA MIN PAR RO GCIG PA'O, ,DE 'DRA BA'I STONG NYID LHAN SKYES KYI BDE BAS YUL DU BYAS PA NI, DA LTA YUL

YUL CAN GNYIS CHU LA CHU BZHAG PA BZHIN DU MA SONG YANG, DER MOS NAS BYED LA, DE'I TSE BDE STONG RO GCIG TU MOS PA'I GNAD KYIS STONG NYID KYI RNAM 'GYUR YIN PA BZHIN DU BDE BA'I RNAM 'GYUR DU YANG MOS PA'I DBANG GIS 'JOG PAR SLA STE, 'DI NI MNYAM GZHAG GI BDE STONG DRAN NAS GANG SHAR THAMS CAD LA RGYAS 'DEBS PA'I RGYU MTSAN YANG DAG PA'O, ,DE LTAR CHOS CAN THAMS CAD BDE STONG RO GCIG PA'I RNAM 'GYUR DU LTA BA'I DBANG DU BYAS NA, 'BRAS BU 'KHOR BA DANG DE'I RGYU LAS NYON DU SNANG BA YANG YE SHES CHEN PO'I ROL PA YIN PAS, 'KHOR BA DANG DE'I RGYU RANG DGA' BA RNAMS GANG LAS 'BYUNG BA'I GNAS MED DE, SPYOD BSDUS SU RIGS BRGYA'I LUS DBEN GYI SKABS SU DRANGS PA LAS, PHUNG PO KHAMS DANG DE BZHIN SKYE MCHED NI, ,RAB DBYE LNGA DANG LNGA NYID BYAS PA LAS, ,DE BZHIN GSHEGS PA SO SOS BYIN GYIS BRLABS, ,'KHOR BA'I LAS RNAMS DAG NI GA LAS 'BYUNG, ,DE BZHIN PHYI ROL YUL NI LNGA PO DE, ,RE RE ZHING YANG BDER GSHEGS LNGA RNAMS KYIS, , DE RNAMS RANG RANG RTAG TU BYIN GYIS BRLABS, ,YE SHES GSUM DANG LNGAR NI YANG DAG GNAS, ,ZHES GSUNGS TE, CHAG GIS 'DI LTAR BSGYUR BA LEGS SO, ,DON GYI DBANG 'DI GZIGS NAS SA RA HAS, GNYIS SU MI BYA GCIG TU BYA BA STE, ,RIGS LA BYE BRAG DAG TU MA 'BYAD PAR, ,KHAMS GSUM MA LUS 'DI DAG THAMS CAD NI, ,'DOD CHAGS CHEN PO GCIG TU KHA DOG SGYUR CIG DANG, ,DER NI THOG MA BAR MTHA' MED, ,SRID MIN MYA NGAN 'DAS PA MIN, ,BDE BA CHEN PO MCHOG 'DI LA, ,BDAG

, ,DANG GZHAN DU YOD PA MIN, ,MDUN DANG RGYAB DANG PHYOGS BCU RU, ,GANG GANG MTHONG BA DE DE NYID, ,DE RING NYID DU MGON PO DA LTA 'KHRUL PA CHAD, ,DA NI SU LA'ANG DRI BAR MI BYA'O, ,ZHES GSUNGS TE, 'DOD CHAGS CHEN PO NI LHAN CIG SKYES PA'I YE SHES SO, ,DE LTAR NA DANG POR RIGS BRGYA LA SOGS PAR BSHAD PA LTAR THOS BSAM GYIS GTAN LA DBAB, NYAMS LEN GYI DUS SU NI SNGON DU GANG SNANG THAMS CAD BDE STONG GI RNAM ROL TU LTA BA'I SO SOR SDUD LA BSLAB, DE LA LOBS PA NA DE THAMS CAD GSANG CHEN RDO RJE 'CHANG GCIG PUR 'CHAR BA'I LUS DBEN MTHAR THUG PA LA BSLAB, RANG NYID KYANG BDE STONG RDO RJE 'CHANG DU SHAR PA'I RNAM PA CAN DU BSGOM, DE YANG YUM DANG MNYAM PAR SBYOR BA CAN NO, , RDO RJE 'CHANG SNGON PO DANG DKAR PO GANG YIN YAB SRAS KYI GZHUNG LAS MI GSAL LO, ,SNGAR BSHAD PA LTAR GYI BDE CHEN SKYED MA NUS PA'I ZHU BDE SKYED NUS PAS NI DE'I STENG NAS BSGOM, DE YANG MED NA BDE STONG GI SBYOR TSUL DANG, MNYAM RJES KYI SKYONG TSUL LEGS PAR GO BA'I SGO NAS KYANG BSKYAD BAR BYA'O, ,BDE BA CHEN PO LAM DU BYED PA LA, MNYAM RJES SU BDE CHEN SKYONG TSUL 'DI LA GOMS PA BRTAN PA'I DBANG GIS GANG SHAR THAMS CAD BDE BA 'BAR BA'I GROGS SU 'GRO BA CIG MED THABS MED PAS, RGYUD DANG BSTAN BCOS DU MAR YANG MANG DU BSHAD PA RNAMS, LUGS 'DI LA LUS DBEN GYI SKABS SU GSAL BAR STON PAS, LEGS PAR SHES PAR BYAS NAS BLOS YANG DANG YANG DU DE'I PHYOGS BZUNG STE, LAM 'DI'I RIGS

KYI NUS PA THUN MONG MA YIN PA RTAS PAR BYA'O, ,GNYIS PA NGAG DBEN GSUNG RDO RJE'I TING NGE 'DZIN LA BSLAB PA LA DRUG ,LUS DBEN DANG NGAG DBEN GYI GO RIM, NGAG DBEN BSKYED RIM GYI LAM DU 'DOD PA DGAG PA, NGAG DBEN GYI SHES BYA RLUNG GI DE NYID BSTAN PA, SNGAGS KYI DE KHO NA NYID BSTAN PA, NGAG DBEN SROG RTZOL GYI YAN LAG TU 'GYUR TSUL, NGAG DBEN JI LTAR NYAMS SU BLANG BA'I TSUL LO, ,DANG PO NI, LUS DBEN LA BSLABS PA'I 'OG TU NGAG DBEN LA SLOB CING ,LUS DBEN SNGON DU SONG BA MED NA NGAG DBEN MI 'BYUNG BAR GSUNGS PA'I DON GANG SNYAM NA, SPYOD BSDUS LAS, BSKYED RIM PHRA RAGS LA LOBS PA NA, LAS DANG PO PA'I TING NGE 'DZIN LA GNAS BA DANG, LUS DBEN LA LOBS PA NA SKU RDO RJE'I TING NGE 'DZIN LA GNAS PAR GSUNGS LA, RIM PA DANG POR YANG SKU RDO RJE'I TING NGE 'DZIN YOD MOD KYANG ,'DI LA SKU RDO RJE ZHES GSUNGS PA NI, SKU RDO RJE KHYAD PAR CAN RDZOGS RIM PA'I SKU RDO RJE'O, ,DE YANG SGYU LUS SU BSHAD PA'I RDO RJE'I SKU DANG YE SHES KYI SKU 'DIR MED KYANG, 'DI NI RDZOGS RIM PA'I LHAN SKYES KYI BDE BA RNYED NAS, DE'I RNAM ROL TU SHAR BA'I SKU RDO RJE YIN PAS, BDE BA CHEN PO DANG DBYAR MI PHYED PA'I RDO RJE'I DON YOD DO, ,DE DAG DBEN GYI SNGON DU SGRUB PA NI, NGAG DBEN NI RDZOGS RIM PA'I SNGAGS BZLAS PA THUN MONG MA YIN PA YIN PAS ZLOS PA PO'I LHAR SPOM PA LA YANG SKU DE MED NA, BZLAS PA DE'I NUS PA JI LTA BA BZHIN DU MI THON PA'I PHYIR RO, ,GZHAN YANG RLUNG SDUD PA'I GNAS KHYAD PAR CAN SNYING KHA'I DBUS KYI DH'U T'IR BSDUS TE THIM PAR BYED PA LA, SPYIR DBU MA'I NANG DU BSDUS NAS THIM PA LAS BDE BA SKYE BA CIG SNGON

, ,DU SONG NA BSDU SHIN TU SLA LA, DE SNGON DU MA SONG NA BSDU BAR DKA' BA'I RGYU MTSAN GYIS KYANG GO RIM DE LTAR BSHAD DE, DA SNYING KHA'I DH'U T'I'I RTZA MDUD 'GROL BA RTZA MDUD GZHAN 'GROL BA LAS DKA' BAR RDO RJE 'PHRENG BA LAS GSUNGS PAS, THOG MAR GNAS GZHAN DU DBU MAR SDUD PA NI SNYING KHAR SDUD PA LAS SLA BA'I PHYIR RO, ,GNYIS PA NI, 'GREL PA ZLA 'OD LAS, RDO RJE BZLAS PA YANG DE LTAR BSGOM PA GOMS SHING, DANG POR DE'I YAN LAG TU BSHAD PAS, BSKYED PA'I RIM PAR BZHAG GO ,'DI LTAR SPYOD PA BSDUS PA'I NGAG DBEN GYI MTHAR NYE BAR BZHAG PA DE LTAR, GSUNGS GI RDO RJE'I TING NGE 'DZIN LA GNAS PAS, BSKYED PA'I RIM PA LAS 'DAS NAS SEMS KYI DBEN PA RJES SU BTZAL LO ZHES BYA BA'O, ,SKAD CIG GIS YONGS SU RDZOGS PA'I LHA'I SKUR DMIGS PA NI RDZOGS PA'I RIM PA STE, DE LA LTOS PA NYID KYIS, SPYOD BSDUS LAS, NGAG GI RNAM PAR DBEN PA NI BSKYED RIM LA SPYOD PA RNAMS KYI SPYOD YUL MA YIN NO, ,ZHES GSUNGS SO, ,ZHES GSUNG RDO RJE'I TING NGE 'DZIN LA GNAS PA NA, BSKYED RIM LAS, 'DAS PA'I SEMS DBEN BTZAL ZHES GSUNGS PAS, NGAG DBEN GYI DUS SU DE LAS MA 'DAS LA, SKAD CIG GIS LHA'I SKUR RDZOGS PA LA RDZOGS RIM DU BTAGS PA'I YUL YIN ZHING ,RIM GYIS LHAR SKYED PA'I MIN PAS, BSKYED RIM PA'I YUL MIN PAR GSUNGS SO, ,ZHES 'CHAD DO, ,SPYOD BSDUS LAS DE LTAR GSUNGS PAS NI, NGAG DBEN GYI TING NGE 'DZIN LA GNAS PA DE BSKYED RIM LAS 'DAS PAR STON GYI, SEMS DBEN BSKYED RIM LAS 'DAS PAR STON

PA MIN NO, ,DES NA 'GYUR YANG, BSKYED PA'I RIM PA LAS 'DAS NAS, ZHES PA DANG, CHAG GIS, 'DAS TE, ZHES BSGYUR BA GNYIS LEGS SO, ,YANG SPYOD BSDUS LAS, BSKYED RIM GYIS SA BRGYAD PA 'THOB PAR GSUNGS SHING ,GSUNG RDO RJE'I TING NGE 'DZIN LA GNAS PA YANG SA BRGYAD PA'I DBANG PHYUG TU GSUNGS PAS, DE BSKYED RIM GYI LAM DU BYA'O SNYAM DU YANG MI BYA STE, SA BRGYAD PA LA BZHAG KYANG, DE LA SNGA PHYI'I RIM PA MANG PO YOD PAS 'JOG SA GCIG KHO NAR BYA MI DGOS PA'I PHYIR RO, ,SA 'DI RNAMS JI LTA BU YIN PA NI 'CHAD PAR 'GYUR RO, ,SPYOD BSDUS LAS, NGAG RNAM PAR DBEN PA YANG RNAL 'BYOR PA'I YE SHES TE, SHIN TU PHRA BA THEG PA CHEN PO PA RNAMS KYI YUL MA YIN PA, RDO RJE'I THEG PA RNAMS LAS KYANG BSKYED PA'I RIM PA LA SPYOD PA RNAMS KYI YUL MA YIN TE, SHIN TU PHRA BA'I PHYIR RO, ,ZHES GSUNGS PA'I DON RIM GYIS LHAR SKYED PA'I BSKYED RIM PA'I YUL MIN PA DANG, SKAD CIG GIS LHAR SKYED PA'I BSKYED RIM PA'I YUL YIN PAR STON PA LA DRANG DU MI RUNG STE, DE GNYIS KYI YUL YIN MIN KUN NAS MTSUNGS PA'I PHYIR DANG, SPYOD BSDUS LAS, NGAG DBEN GYI MGOR RIN CHEN KHA DOG SNA LNGA PA SNA RTZER SGOM PAR LE'U GSUM PA LAS GSUNGS PA'I DON LA, RIM GNYIS KYI PHRA MO'I RNAL 'BYOR GNYIS SO SO BSHAD PA NA, RDOR BZLAS NGES DON RDZOGS RIM PA'I PHRA MO'I RNAL 'BYOR DU BSHAD PA'I PHYIR DANG, RIM LNGA LAS KYANG, BSKYED RIM LA GNAS PAR BYAS ZIN PA'I 'OG TU RDZOGS RIM 'DOD PA LA RDO RJE BZLAS PA SOGS RIM PA LNGA BSHAD PAR GSUNGS PA'I PHYIR RO, ,BSKYED RIM PA'I

, ,YUL MIN PAR GSUNGS PA YANG BSKYED RIM PA LA DE'I GO BA MED PAR STAN PA MIN GYI, BSKYED RIM GYI LAM MIN ZHES PA'I DEN NO, ,DES NA GZHUNG CHAD LDAN GZHAN NAS RDOR BZLAS BSKYED RIM GYI SKABS SU BSHAD PA LA YANG 'KHRUL BAR MI BYA STE, DE'I SKABS SU BSHAD PA DANG ,DE'I LAM MIN PA LA 'GAL BA CUNG ZAD KYANG MED PA'I PHYIR RO, ,'DIS NI RLUNG 'BYUNG 'JUG GI RDOR BZLAS BSKYED RIM GYI GDAMS PAR GAD PA BA BZHED CES PA YANG BKAG PA YIN NO, ,GSUM PA LA BDUN, RLUNG SNGAGS RDOR BZLAS GSUM LA RIM GYIS BSLAB PA'I DEN, RLUNG GI DE NYID SHES MA SHES KYI SKYON YON, RLUNG GI RNAM PAR DBYE BA, PHYE BA SO SO'I DON BSHAD PA, RLUNG RNAMS JI LTAR 'PHO BA'I TSUL, RLUNG RNAMS KYIS BYA BA CI ZHIG BYED PA, DE LA BRTEN NAS NYAMS LEN GYI GNAD SHES TSUL BSTAN PA'O, ,DANG PO NI, RIM LNGAR, RLUNG GI DE NYID RIM GYIS NI, ,SNGAGS KYI DE NYID YANG DAG 'JUG ,SNGAGS KYI BSKYED PA RTOGS NAS NI, ,RDO RJE BZLAS PA LA NI SLOB, ,CES RLUNG GI DE KHO NA NYID LA 'JUG PA'I RIM GYIS SNGAGS KYI DE KHO NA NYID LA 'JUG PA DANG, DE RTOGS NAS RDOR BZLAS LA SLOB PAR GSUNGS SO, ,'DI LA GSANG BA'I SNA RTZER BYANG SEMS RDZAS KYI THIG LE DANG ,SNYING KHA'I SNA RTZER SNGAGS KYI THIG LE DANG ,GDONG GI SNA RTZER RLUNG RNAMS THIG LE'I GZUGS KYIS BSDUS PA 'OD KYI THIG LE ,DUG GSUM CAN GYI RDO RJE GSUM GYI RNAL 'BYOR PAS BSGOM PA RLUNG GI DE NYID LA 'JUG PA DANG ,SPYI BO'I AOm MGRIN PA'I A'A: LA DANG, A'A: SNYING KHA'I H'Um LA DANG, DE'I THIG LE DANG ZLA TSES DANG MGO BO DANG HA DANG ZHABS

SKYED RNAMS SNGA MA PHYI MA LA BSDUS PA'I MTHAR, ZHABS SKYED AA THUNG DU GYUR PA LA DMIGS NAS SGOM PA SNGAGS KYI DE NYID LA 'JUG PA'I DON DU SKAL LDAN GRAGS PAS BSHAD CING ,LAG SMI SOGS MANG POS KYANG DE BZHIN DU 'DOD MOD KYANG, DE DAG NI RGYUD PHYI MA DANG RDO RJE 'PHRENG BA GNYIS KYI DON MIN PAS RIM LNGA DANG SPYOD BSDUS KYI DON DU'ANG MA MTHONG NGO, ,DES NA DE NYID GSUM LA RIM CAN DU 'JUG PAR GSUNGS PA NI, RJE 'GOS KYI BZHED PA LTAR RLUNG GI DE NYID SHES PA SNGON DU BTANG NAS, DE RJES SNGAGS KYI DE NYID SHES PAR BYED LA, DE GNYIS KA THOS BSAM GYIS LEGS PAR SHES PA NA DE'I 'OG TU RDOR BZLAS BSGOM ZHES PA'I DON NO, ,GNYIS PA NI, RGYUD RDO RJE 'PHRENG BA LAS, DE NAS RLUNG GI DE NYID MCHOG ,DON DAM PA NI BSHAD KYIS NYON, ,RNAL 'BYOR BAS NI RLUNG BSGOMS NA, ,MYUR DU DNGOS GRUB THOB PAR 'GYUR, ,ZHES DANG, SDOM 'BYUNG LAS KYANG, RLUNG GI RNAL 'BYOR MI SHES DANG, ,GANG ZHIG SHES KYANG MI SGOM PA, ,DE NI SDUG BSNGAL SNA TSOGS KYIS, ,NYER 'TSE 'KHOR BA'I SRIN BUR 'GYUR, ,ZHES GSUNGS LA, RLUNG GI RNAL 'BYOR SHES NAS SGOM PA LA NI RLUNG GI GNAD LEGS PAR SHES PA SHIN TU GAL CHE BAS, RLUNG DNGOS SU SGOM PA RDOR BZLAS LTA BUR MA ZAD, LUS KYI GNAD RNAMS SU THIG LE SOGS LA DMIGS NAS SGOM PA DANG, PHYI'I SROG RTZOL GYI SGO NAS LAM SKYED PA LA YANG DE LEGS PAR SHES DGOS SO, ,DES NA LUS LA GNAD DU BSNUN PA'I RDZOGS RIM SGOM PA THAMS CAD RLUNG GI 'PHRUL DU 'GRO LUGS LEGS PAR SHES NAS, RLUNG DNGOS DANG BRGYUD NAS SGOM PA CIG LAM

, ,'DI LA MED MI RUNG DU SHES PAR GYIS SHIG ,GSUM PA NI, 'O NA RLUNG GI KHYAD PAR CI TZAM ZHIG TU NGES PAR BYA ZHE NA, SANGS RGYAS MNYAM SBYOR DANG YE SHES RDO RJE KUN LAS BTUS LAS, RLUNG BCU NI KO tA KHYA LA SOGS PA SGRA JI BZHIN MA YIN PA BCU GSUNGS, RDO RJE SGO ZHES BYA BA'I RGYUD LAS, SROG DANG, THUR DU SEL BA DANG, ME DANG MNYAM DU GNAS PA DANG, GYAN DU RGYU BA DANG, KHYAB BYED DANG, RGYU BA DANG, RNAM PAR RGYU BA DANG, YANG DAG PAR RGYU BA DANG, RAB TU RGYU BA DANG, NGES PAR RGYU BA ZHES PA SGRA JI BZHIN PAS GSUNGS SO, ,RDO RJE 'PHRENG BA DANG DGONGS PA LUNG STON LAS SNGA MA LNGA SNGAR DANG 'DRA ZHING, PHYI MA LNGA LA, KLU DANG RUS SBAL RTZANGS PA DANG, ,LHA SBYIN DANG NI GZHU LAS RGYAL, ,ZHES GSUNGS TE, PHYI MA LA NOR LAS RGYAL ZHES 'GREL PA RNAMS LAS BSHAD PA'ANG YOD DO, ,LNGA TSAN GNYIS LA RTZA BA DANG YAN LAG GI RLUNG ZHES PA'I THA SNYAD NI 'PHAGS SKOR GZHAN NAS MI GSAL YANG, SGRA DBYANGS BCU GCIG PAS MDZAD DO, ,'O NA RDO RJE 'PHRENG BA LAS, BTANG BZUNG LA SOGS PA RLUNG BRGYA RTZA BRGYAD DU BSHAD PA BCU POR 'DUS SAM MA 'DUS SNYAM NA, BOD KYI MKHAS PA KHA CIG ,RLUNG BCU PO RE RE LA MING GI RNAM GRANGS BCU BCU DANG, THUN MONG BA'I MING GI RNAM GRANGS BRGYAD YIN ZHES 'CHAD DO, ,RDO RJE 'PHRENG BA'I 'GREL PA LAS, SPRUL PA DANG CHOS DANG ME DANG LONGS SPYOD DANG RLUNG DANG BDE CHEN GYI 'KHOR LO DRUG PO RE RE LA, KHYAB BYED NI BYA BA DANG BRAL BA DANG LUS KUN LA KHYAB PAS, DE MA GTOGS PA LHAG MA DGU DGU RGYU STE, DE YANG NYIN MONG BZHI DANG,

MTSAN MONG BZHI STE BRGYA RTZA BRGYAD DO, ,DE LA SROG 'DZIN NI DRUG KA'I LTE BA NAS RGYU ZHING, ME RLUNG GI 'KHOR LO GNYIS MA GTOGS PA BZHI'I 'DAB MA LA, THUR SEL NAS NGES PAR RGYU BA'I BAR BRGYAD BRGYAD RGYU'O, ,LONGS SPYOD KYI 'KHOR LO'I 'OG GI ME 'KHOR 'DAB MA GSUM PA DANG, SMIN MTSAMS KYI RLUNG 'KHOR 'DAB MA DRUG PAR BSHAD PAS, DE'I DANG PO LA NI RTZA DBU MA LA BRTEN PA'I MDUD PA GSUM DANG, NU MA GA-YAS GA-YON GYI RTZA GNYIS DANG, 'DAB MA GSUM STE BRGYAD DE, ,GNYIS PA LA NI 'DAB MA DRUG DANG SMIN MA GA-YAS GA-YON GYI RTZA GNYIS TE BRGYAD LA, RLUNG LHAG MA BRGYAD RGYU'O ZHES BSHAD DO, ,RGYUD LOGS SU BSGYUR BA RNAMS LAS, MTSAN PHYED NAS NYIN PHYED BAR LA NGA BZHI DANG, NYIN PHYED NAS MTSAN PHYED BAR LA NGA BZHIR BSHAD DE, 'GREL PA'I GYUR LA MA BYUNG NGO, ,RLUNG DGU 'KHOR LO DRUG LA RGYU BA'I SGO NAS BRGYA RTZA BRGYAD DU 'CHAD PAR SNANG BAS, BSHAD PA DANG PO RGYUD DANG MI MTHUN LA, 'KHOR LO RE RE LA SROG THUR SOGS DGU DGU RGYU BA NA, GZHAN RNAMS LA RGYUN BRGYA RTZA'I GRANGS 'DREN LUGS DA DUNG BSHAD DGOS LA, MI RGYU NA LTE BA NAS SNA BUG TU RGYU BA NI SNYING KHA DANG MGRIN PA SOGS NAS KYANG RGYU DGOS PAS MI 'THAD DE, ,GZHAN YANG, THUN PHYED DUS NAS BRTZAMS NAS NI, ,'KHOR LO DRUG LA DGU BDAG NYID, ,THUN PHYED KYI NI MTHA' NYID DU, , ZHES 'GREL PAR GZHUNG DE LTAR 'DON PA YANG 'GRIG PAR MI SNANG NGO, ,GANG LTAR YANG RLUNG BRGYA RTZA BRGYAD PO DE RLUNG BCUR MI 'DU BA MIN PA RGYUD DE'I DON DU SNANG YANG, 'KHOR LO DRUG LA DGU DGU RIM CAN DU RGYU TSUL GZHAG DKA' BAR SNANG BAS

, ,DA DUNG DPYAD PAR BYA'O, ,BZHI PA LA GSUM, RTZA BA'I RLUNG LNGA'I DON BSHAD PA, YAN LAG GI RLUNG LNGA'I DON BSHAD PA, RLUNG GNYIS KYI THUN MONG GI DON BSHAD PA'O, ,DANG PO NI, DE LA RLUNG LNGA GANG NA GNAS PA DANG, MGON PO GANG GI RLUNG GANG YIN PA NI, RGYUD RDOR 'PHRENG LAS, SROG GI RLUNG NI SNYING KHAR GNAS, ,MI BSKYOD BYE BRAG RIGS LAS SKYES, ,'DOMS NA GNAS PA'I THUR SEL NI, ,RIN CHEN 'BYUNG LDAN BYE BRAG SKYES, ,STOD DU RGYU BA LKOG MAR GNAS, ,'OD DPAG MED KYI RANG BZHIN NI, ,MNYAM GNAS LTE BA'I PADMAR GNAS, ,DON YOD GRUB PA'I RANG BZHIN NO, ,KHYAB BYED YAN LAG KUN LA GNAS, ,RNAM SNANG MDZAD KYI NGO BO'O, ,ZHES GSUNGS TE, SPYOD BSDUS SU YANG DE BZHIN DU GSUNGS SO, ,RLUNG GI DE NYID GSAL BA 'DI, ,YE SHES LNGA YI NGO BO CAN, ,ZHES YE SHES LNGAR GSUNGS PA NI RIGS LNGA'I SGO NAS SHES PAR BYA'O, ,DE LA SROG 'DZIN SNA BUG NAS RGYU BA NI SROG 'DZIN RAGS PA YIN LA, SNYING KHAR GNAS PA'I RLUNG MI SHIGS PA ZHES PA NI SHIN TU PHRA BA'I SROG 'DZIN YIN TE; RGYUD RDOR 'PHRENG LAS, SNYING GI PADMA'I SBUBS MKHA' LA, ,YE SHES RDO RJE RTAG TU BZHUGS, ,ZHES DANG, GTZO BO CHEN PO MI BSKYOD PA'I, ,'JIG RTEN KHAMS NI DE NYID DO, ,DER NI RTAG TU BZHUGS PA'I SA, ,SROG GI YE SHES MING CAN TE, ,ZHES JI SRID 'TSO'I BAR DU RTAG TU SNYING KHAR BZHUGS PA'I RLUNG NI SROG 'DZIN DU BSHAD PAS, SROG 'DZIN LA PHRA RAGS GNYIS SU BYA DGOS SO, ,LHA MO BZHIS ZHUS PA LAS KYANG, PHYED TSAD TZAM GYI PHRA MO MCHOG ,YID KYI DNGOS PO THIG LE'I GZUGS, ,RTAG TU

SNYING GI DBUS GNAS PA, ,'OD ZER CHEN PO 'BAR BA CAN, ,ZHES GSUNGS PA YANG 'OD ZER LNGA 'BAR BA'I MI SHIGS PA'I RLUNG YIN LA, RDO RJE DKYIL 'KHOR RGYAN GYI RGYUD LAS, SNYING GI DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES GSUNGS PAS KYANG MI SHIGS PA'I RLUNG STON TE, SPYIR SNYING KHA'I MI SHIGS PA LA BYANG SEMS DKAR DMAR DANG, GZHI'I 'OD GSAL DANG, SROG 'DZIN PHRA BA SOGS MANG DU YOD DO, ,'DI NI RDO RJE 'PHRENG BA'I 'GREL PAR 'OD GSAL GYI RLUNG DU BSHAD CING ,DE KHO NA NYID GRUB PA LAS, RLUNG GZHAN RNAMS THIM NAS LHAN CIG SKYES PA'I RLUNG RANG GNAS SU GNAS PA NA DE KHO NA NYID RTOGS PAR GSUNGS PA YANG 'DI YIN NO, ,DES NA RDO RJE 'PHRENG BA LAS, RLUNG THOG MAR SKYE BA'I RIM PA BZHIN DU 'CHI BA'I TSE MAS YAR THIM PAR GSUNGS LA, DANG PO 'CHAGS PA NA SROG 'DZIN GYI RLUNG 'CHAGS PAR BSHAD PAS, MTHAR RLUNG RNAMS SROG 'DZIN PHRA BA LA THIM PAR 'GYUR BAS SPYOD BSDUS LAS, RLUNG RNAMS MTHAR MI SHIGS PAR 'JUG PAR BSHAD PA YANG SNYING KHA'I RLUNG MI SHIGS PA LA THIM PA'I DON NO, ,SNYING KHA'I MI SHIGS PA'I RLUNG DANG THIG LE NI SNYING KHA'I RTZA MDUD KYI DH'U T'I'I NANG NA GNAS LA, SNA BUG TU RGYU BA'I SROG 'DZIN NI SNYING KHAR GNAS KYANG DER GNAS PA MIN NO, ,RDOR 'PHRENG GI SKU GSUNG THUGS KYI SNYING PO'I LE'U LAS, THUR SAL BSHANG SGO GSANG BA'I DBUS NA GNAS PAR BSHAD PA NI, GSANG BA'I PADMA GNAS DNGOS GZHI YIN LA, DRI CHEN THUR DU SEL BA BSHANG SGO NAS BYED PA LA DGONGS SO, ,

, ,SGRON GSAL LAS, SA RLUNG BSHANG SGO'I PADMAR GNAS PAR BSHAD PA YANG GSANG BA'I PADMA LA DER BTAGS PA TZAM MO, ,'O NA RDOR 'PHRENG LAS, DRUG CU RTZA BZHI BRGYAD 'DAB GNYIS, ,STENG DANG 'OG TU KHA BLTAS BZHIN, ,STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,CES GSUNGS PA DE RTZA 'DAB BRGYAD PA SNYING KHA'I STENG 'OG LA BYED DAM, RTZA 'DAB RE BZHI PA LTE BA'I STENG 'OG LA BYED, DANG PO LTAR NA SNGAR BSHAD PA'I GNAS DANG 'GAL LA, GNYIS PA LTAR NA, SNYING GI PADMA'I SBUBS ZHES PA GNYIS KYI MJUG TU, STENG 'OG YANG DAG BRTEN NAS NI, ,SROG DANG THUR SEL RLUNG CHEN GNAS, ,ZHES BSHAD PA DANG 'GAL LO ZHE NA, STENG 'OG CES PA NI SNYING KHA'I RTZA MDUD KYI STENG 'OG LA BYED LA, DE YANG GNAS ZHES PA NI RGYU BAR BYED CES PA'I DON YIN PAS RGYU BA'I LAM YIN GYI, DER SDOD PA'I GNAS MIN PAS SKYON DANG PO MED DO, ,'O NA SA RLUNG THUR SEL SNA BUG GNYIS KA LA RGYU BAR BSHAD PAS SNYING KHA'I 'OG LA BRTEN NAS RGYU ZHES PA CI YIN SNYAM NA, DE NI SNYING KHA'I RTZA MDUD KYIS BKAG PAS DE'I DBUS KYI DH'U T'I'I LAM NAS THUR SEL STENG DU 'GRO MI NUS PA'I DON YIN TE, SROG 'DZIN KYANG DE DANG 'DRA'O, ,SROG 'DZIN NI SNYING MGRIN NAS STENG GI SNA SGOR 'BYUNG 'JUG BYED PA BZHIN DU, THUR SEL YANG LTE BA NAS BSHANG LAM DANG RTAGS KYI SNA RTZE BAR DU 'BYUNG 'JUG BYED DE, GSHED DMAR GYI RGYUD LAS, THUR SEL 'OG LAM GSANG BA'I MTHA', ,GTONG ZHING LTE BAR RTZOM PAR BYED, ,SNYING KHA MGRIN PAR SONG NAS NI, ,SROG NI SNA BUG DAG NAS

'GRO, ZHES SO, ,MNYAM GNAS NI LTE BA'I GTUM MO DANG MNYAM DU GNAS PA'O, ,RDOR 'PHRENG LAS, SNYING KHA'I DBUS KYI RTZA MDUD KYIS BKAG PAS, GNAS DE NAS SROG 'DZIN 'OG TU DANG, THUR SEL STENG DU 'GRO MI NUS PAR GSUNGS PA'I RIGS PAS, 'KHOR LO GZHAN GSUM LA RLUNG GSUM GNAS PA YANG DA LTA RTZA MDUD KYI DBUS NAS 'BYUNG 'JUG BYED PA MIN NO, ,RDOR 'PHRENG LAS, LKOG MA SNYING KHA LTE BA DANG, ,GSANG BA'I PADMAR 'GRO 'ONG STON, ,ZHES PA NI KHYAB BYED MA GTOGS PA BZHI GNAS GANG NAS 'GRO 'ONG BYED PA'I TSUL YIN LA, DE YANG THOG MAR RLUNG LDANG BA DANG RANG GI RGYU BA RDZOGS PA'I MTHAR SDOD PA NI GNAS DE DAG TU YIN KYANG, BAR SKABS SU RGYU BA NA RANG RANG GI GNAS DE TZAM NAS PHYIR 'GRO BA DANG, DE TZAM DU NANG DU 'JUG PA NI MIN NO, ,RLUNG RNAMS 'GRO 'ONG BYED PA'I TSA SNA BUG GANG LAS RGYU BA DANG, 'BYUNG BA'I DKYIL 'KHOR GANG GI RLUNG GANG YIN PA DANG KHA DOG NI, RDO RJE 'PHRENG BA LAS, SANGS RGYAS LNGA YI RIGS GNAS PA, ,SNA YI BU GA LAS BYUNG ZHING, , RLUNG LNGA STENG DU YANG DAG RGYU, ,LUS LA SPYOD PAR RTAG TU 'GYUR, ,KUN RDZOB SNAR NI RGYU BA YI, ,SGO DE LAS NI RNAM PAR 'BYUNG, ,GA-YON DANG GA-YAS DANG GNYIS KA DANG, ,DAL BAR RGYU DANG RNAM PA BZHI, ,GA-YAS PA NAS NI 'BYUNG BA'I KHAMS, ,ME YI DKYIL 'KHOR NYID YIN TE, ,KHA DOG DMAR PO BZANG PO 'DI, ,PADMA MGON PO'I RGYU BA'O, ,GA-YON PA NAS NI 'BYUNG BA'I KHAMS, ,RLUNG GI DKYIL 'KHOR LA BRTEN PA, ,LJANG SER DAG TU SNANG BA STE, ,LAS KYI MGON PO'I RGYU BA'O, ,GNYIS KA LAS NI

, ,'BYUNG BA'I KHAMS, ,GSER GYI MDAG TU SNANG BA STE, ,DBANG CHEN GYI NI DKYIL 'KHOR NYID, ,RIN CHEN MGON PO'I RGYU BA'O, ,DAL ZHING RGYU BA MED PA'I KHAMS, ,DAG PA'I SHEL LTAR SNANG BA NI, ,'DI NI CHU YI DKYIL 'KHOR TE, ,RDO RJE MGON PO'I RGYU BA'O, ,KHAMS KUN LAS NI YANG DAG BYUNG, ,RTEN DANG BRTEN PA'I GZUNG BA NI, ,RNAM PAR SNANG MDZAD RANG BZHIN TE, 'CHI BA'I MTHAR NI 'BYUNG BAR 'GYUR, ,DKYIL 'KHOR BZHI PO 'DI DAG NI, ,MNYAM PAR BZHAG PAS RTAG TU ZLOS, , SNGAGS PAS ZLOS PA'I GRANGS NYID KYIS, ,NYIN MTSAN RTAG TU ZLOS PA YIN, ,ZHES GSUNGS SO, ,DE'I DON SPYOD BSDUS LAS, RDO RJE DANG PADMA'I SNA'I BU GA LAS 'OD ZER RNAMS BYUNG NAS STENG DU SONG STE, KUN RDZOB KYI SNA'I SGO GA-YAS GA-YON SOGS LAS RGYU BA'I DKYIL 'KHOR RE RE LA YI GE GSUM GYI SNGAGS KYI BDAG PO 'JUG PA LA SOGS PA'I RIM GYIS RTAG TU RANG NYID ZLOS PAR BSHAD DO, ,RKANG PA BZHI PA LA NI, 'GYUR GZHAN LAS, LUS LA RTAG TU YANG DAG RGYU, ,ZHES 'BYUNG NGO, , KHYAB BYED KYANG RLUNG LNGA STENG DU SNA SGO LAS RGYU BAR GSUNGS PAS, SNA BUG LAS 'BYUNG BAR BSTAN LA, DAL BAR RGYU BA YANG GA-YAS GA-YON RE RE BA'I RGYU BA LOGS SU BSHAD PAS GNYIS KA NAS RGYU BAR GO'O, ,RGYU BA MED PA NI RGYU BA BUL BA'I DON DU SPYOD BSDUS LAS GSUNGS SO, ,GA-YAS PA SOGS NAS 'BYUNG BAR GSUNGS PA 'DI SPYOD BSDUS SU SNA BUG GA-YAS GA-YON DANG, GNYIS KA LA BSHAD LA, SDOM 'BYUNG NAS DE LTAR GSUNGS PA YANG 'DI DANG 'DRA BAS, SDOM 'BYUNG 'GREL PAR SNA BUG GANG RUNG GCIG

GI GA-YAS GA-YON DANG DBUS SU RGYU BA LA 'CHAD PA DON MIN NO, ,RDOR 'PHRENG LAS DE LTAR GSUNGS PA DANG, ZHAL LUNG LAS SNA SGO GA-YAS NAS RLUNG DANG, GA-YON NAS CHU DANG, GNYIS KA NAS SA ME GNYIS RGYU BAR GSUNGS PA GNYIS MI 'GAL TE, SNGA MA NI GTZO BOR BYAS NAS RGYU BA LA DGONGS LA, PHYI MAS MNYAM RGYUR GSUNGS PA YANG SNA BUG RE RE LA YANG RGYU BA DANG, RE RE LA RGYU BAR GSUNGS PA GNYIS KA LAS KYANG RGYU BAR GSUNGS PAS DE GNYIS MA NGES PA DANG, GA-YON LA RGYU BAR GSUNGS PA GA-YAS SU RGYU BAR BSHAD PA YANG SNA BUG RE RE BA GNYIS KYI RLUNG 6YANG MA NGES PAR STON PA'I DON YIN LA, 'BYUNG BA CHE BA'I RLUNG RE RE RGYU BA NA GZHAN GSUM GSUM 'KHOR DU RGYU BAR YANG 'CHAD PAR 'GYUR BA'I PHYIR RO, ,SNA SGO GA-YAS NAS RGYU BA SOGS BZHI PO 'DI RGYUD 'DI DANG, YAB SRAS KYI GZHUNG NAS RTZA BA'I RLUNG 'DI YIN ZHES GSAL BAR MA BSHAD KYANG, MGON PO BZHI'I RLUNG DU BSHAD PA 'DI DANG, SNGAR DRANGS PA'I SROG 'DZIN SOGS MGON PO 'DI YIN ZHES BSHAD PA GNYIS SBYAR NA SHES PAR NUS SO, , SGRON GSAL LAS, SA CHU ME RLUNG GI RLUNG BZHI'I RIM PA BZHIN DU GSANG GNAS DANG, SNYING KHA DANG, MGRIN PA DANG, LTE BA'I PADMA NAS RGYU BAR BSHAD DO, ,KHA DOG LA RDO RJE 'PHRENG BA'I 'GYUR RNAMS DANG, RDOR 'PHRENG SPYOD BSDUS 'GYUR RNYING DU DRANGS PA LAS, GA-YON PA'I RLUNG LJANG SER DU BYUNG ZHING, DE'I BSHAD PAR YANG LJANG SER 'OD ZER NAG PO'I NGO BO NYID CES 'BYUNG NGO, ,SPYOD BSDUS PA TSAB DANG CHAG GIS BSGYUR BAR DRANGS PA LAS, LJANG SNGON DU BSGYUR ZHING, DE'I BSHAD PAR LJANG SNGON DU BYUNG NGO, ,SPYOD

, ,BSDUS SU RLUNG BZHI KA RIM PA BZHIN 'OD ZER NAG DMAR SER DKAR BA'I NGO BO NYID DU BSHAD PA LTAR, LE'U BCU BZHI PA'I SGRON GSAL LAS KYANG 'BYUNG NGO, ,SGRON GSAL LE'U GSUM PAR RLUNG BZHI'I KHA DOG DMAR PO SOGS BZHIR BSHAD CING, DGONGS PA LUNG STON LAS KYANG DE LTAR BSHAD, SGRON GSAL LE'U DRUG PAR GA-YAS PA'I RLUNG 'OD ZER DMAR PO'I NGO BOR BSHAD PA MA GTOGS PA GZHAN GSUM GYI KHA DOG SNGAR BZHIN BSHAD DO, ,DE LTAR SNA TSOGS SHIG BSHAD KYANG ,SROG 'DZIN DANG ,THUR SEL DANG, GYEN RGYU DANG ,MNYAM GNAS KYI RLUNG GI RANG DBANG GI KHA DOG NI RIM PA BZHIN DU, DKAR SER DMAR NAG RE RE BAR NGES PAR BYAS LA, 'OD ZER KHA DOG LNGA LNGA YOD PA NI, SPYOD BSDUS LAS, DE LTA MOD KYI 'OD ZER RE RE 'BYUNG BA NA YANG 'OD ZER LNGA LNGA NGES PAR 'BYUNG STE, KHAMS KYI DKYIL 'KHOR GCIG GIS KYANG KHAMS KYI DKYIL 'KHOR BZHI LA KHYAB PAR BYED PA YIN NO, ,ZHES GSUNGS PA'I DON DU GZUNG NGO, ,THUGS RJE DPAL ZHABS KYIS, SHY'A MA ZHES PA LJANG GU DANG NAG PO GNYIS KA LA 'JUG PAR BSHAD PAS, LJANG SNGON NAM LJANG NAG TU BYA'I LJANG SER DU MI BYA'O, ,LAG SMIS KHYAB BYED RNAM SNANG DANG, SROG 'DZIN MI BSKYOD PAR GSUNGS PA LA BRTEN NAS, DKAR PO DANG NAG POR BSHAD PA'I PHYI MA NI GZHUNG MANG PO DANG 'GAL LA, SNGA MA LA GSAL KHA MED KYANG ,RJE 'GOS SNGO SANGS SU BZHED PA LTAR BYA'O, ,RLUNG RNAMS KYI KHAMS KYI DKYIL 'KHOR GCIG GIS KYANG BZHI LA KHYAB PA NI, SROG 'DZIN SOGS RE RE RGYU BA

NA'ANG, GZHAN GSUM DANG BCAS PAS BZHI BZHI RGYU BA'O, ,LE'U DRUG PA'I SGRON GSAL LAS KYANG, DKYIL 'KHOR RE RE'I DKYIL 'KHOR GYI RAB TU 'JUG PA LA SPYOD PA NA, DKYIL 'KHOR GSUM PO 'KHOR DU GYUR BAS DE'I NANG DU TSUD PAR SPRO'O, , ZHES GSUNGS SHING, DE NYID KYANG RGYUD LAS, 'KHOR DAG KHYAD PAR DAG TU SPRO, ZHES PA'I DON BKRAL BA YIN PA'I PHYIR DANG, SKABS DE'I DKYIL 'KHOR BZHI YANG SNA BUG GA-YAS GA-YON DANG, MNYAM RGYU'I DKYIL 'KHOR BZHI LA BSHAD PAS, SROG 'DZIN SOGS BZHI LA BYA DGOS PA'I PHYIR NA, GYEN RGYU SNA BUG GA-YAS LA RGYU BA NA'ANG SREG THUR DANG MNYAM GNAS KYANG DE DANG LHAN CIG TU RGYU STE, DES GZHAN GSUM LA'ANG SHES PAR BYA'O, ,DE'I TSE GYEN RGYU'I NANG DU TSUD PAR RLUNG GZHAN GSUM RGYU TSUL NI, ME RLUNG GI DBANG DU BYAS PAS GZHAN GSUM KAR LA DMAR BA DANG, SER LA DMAR BA DANG, LJANG LA DMAR BA'I MDANGS CAN DU 'JA' TSON GCIG BZHIN DU SKYE STE, DES MNYAM GNAS SOGS GSUM GA-YON PA SOGS NAS RGYU BA NA'ANG GTZO BO RE RE DANG, 'KHOR GSUM GSUM DE'I NANG DU CHUD PAR RGYU BA YANG SHES PAR BYA'O, ,DES NA GYEN RGYU SNA BUG GA-YAS DANG, MNYAM GNAS GA-YON DANG, SROG THUR GNYIS MNYAM RGYUR GSUNGS PA NI GTZO BOR BYAS NAS RGYU BA YIN GYI, 'KHOR DU RGYU BA NA DE'I NGES PA MED DO, ,SNA BUG GA-YAS SU GYEN RGYU'I RLUNG GIS GTZO BO BYAS PA'I MGON PO BZHI'I RLUNG RGYU BA NA, THOG MAR NYIS BRGYA NYER LNGA RGYU BA NI, GOS DKAR MO'I RLUNG DANG, DE NAS DE TZAM PA GSUM RGYU BA NI RIM PA BZHIN DU SGRON MA DANG, SPYAN MA DANG, M'A MA K'I'I

, ,RLUNG YIN LA, LHA MO RE RE'I RLUNG LA'ANG MGON PO'I RLUNG BZHI BZHI YOD DO, ,DE BZHIN DU SNA BUG GA-YON DU MNYAM GNAS KYI RLUNG GIS GTZO BO BYAS PA'I MGON PO BZHI'I RLUNG RGYU BA NA, SGROL MA'I RLUNG NAS DANG, MNYAM RGYU LA, SROG 'DZIN GYIS GTZO BO BYAS NAS RGYU BA NA, M'A MA K'I'I RLUNG NAS DANG, THUR SEL GYIS GTZO BO BYAS NAS RGYU BA NA SPYAN MA'I RLUNG NAS MGO 'DZUGS PA SOGS KYANG SHES PAR BYA'O, ,DGONGS PA LUNG STON LAS, GOS DKAR LA SOGS RIM BZHIN DU, ,STENG DANG BSREGS DANG THAD KA 'OG ,ME DANG RLUNG DANG DBANG CHEN DANG, ,CHU STE SO SO'I DKYIL 'KHOR RO, ,ZHES GOS DKAR MO'I RLUNG STENG DANG ,SGROL MA'I RLUNG BSEGS DANG, SPYAN MA'I RLUNG THAD KA DANG, M'A MA K'I'I RLUNG 'OG TU RGYU BA DANG , DE BZHI YANG RIM PA BZHIN ME NAS SA'I BAR GYI DKYIL 'KHOR BZHIR BSHAD DO, ,DE LTAR BYAS NA GYEN RGYU SOGS RE RES GTZO BO BYAS NAS BZHI BZHI RGYU BA'I TSAN PA RE RE LA, LHA MO BZHI'I RLUNG DU PHYE BA'I BZHI NI DUS GCIG LA MI RGYU LA, LHA MO RE RE'I RLUNG LA MGON PO BZHI'I RLUNG DU PHYE BA'I BZHI NI DUS MNYAM DU RGYU BA DANG, LHA MO RNAMS KYI RLUNG RIM CAN KHO NAR RGYU ZHING, DUS MNYAM DU RGYU BA LA YANG MGON PO BZHI'I RLUNG LAS MED PAS, NAG PO DAM TSIG RDO RJES RLUNG GCIG DBUS SU DANG, GZHAN BZHI PHYOGS BZHIR GNAS NAS DUS GCIG TU LNGA RGYU BAR BZHED PA MI LEGS LA, RLUNG BZHI DUS GCIG TU RGYU BA YANG SO SOR MA BYAS PAR 'JA' TSON GCIG BZHIN DU RGYU BAR BTZUN MO CAN BZHED PA LEGS SO, ,DES NA LUGS

GZHAN NAS 'BYUNG BA CHUNG BA LNGA DBUS DANG, PHYOGS BZHI NAS DUS GCIG TU RGYU BAR BSHAD PA DANG YANG 'DI MI 'DRA BAS, STENG LA SOGS PA NAS RGYU BAR BSHAD PA YANG RIM CAN YIN GYI DUS GCIG TU MIN NO, ,CHAG 'GYUR LAS, STENG DANG LOGS DANG MNYAM 'OG NAS, ZHES 'BYUNG BA LTAR NA RLUNG DGU BRGYA PA RE LA LHA MO BZHI'I RLUNG BZHIR BSHAD PA'I TSE, ME GOS DKAR MO'I RLUNG NI SNA BUG GI STENG NGOS DANG, RLUNG SGROL MA'I RLUNG NI SNA BUG GI LOGS NAS DANG, SA SPYAN MA'I RLUNG NI GA-YAS GA-YON MNYAM PA STE SNA BUG GI DBUS NAS DANG ,CHU M'A MA K'I'I RLUNG NI SNA BUG GI 'OG NGOS NAS RGYU'O, ,DE NI DPAL 'DZIN GYIS 'PHO BA RE'I RLUNG LA 'BYUNG BA BZHI'I RLUNG DU BYAS NAS, SA RLUNG DBUS DANG, RLUNG GI RLUNG LOGS GNYIS NAS RGYU BAR BSHAD PA DANG MTHUN NO, ,SAm BHU tAR NGOS SU RGYU BAR BSHAD PA DANG, GZHAN RNAMS LAS BSAGS LA RGYU BAR BSHAD PA'I DON LOGS SU RGYU BA'I DON DU BYA LA, THAD KA DANG MNYAM PAR RGYU BA'I DON DBUS NAS RGYU BA'I DON NO, ,SNA BUG GI LOGS GNYIS NAS RGYU BAR BYED NA RIM CAN DU BYA'O, ,RGYUD LAS, RLUNG LNGA STENG DU, ZHES PA'I SKABS SU KHYAB BYED KYANG STENG GI SNA BUG LAS 'BYUNG BAR BSHAD KYANG, 'OG TU 'CHI BA'I MTHAR 'BYUNG BAR BSHAD PA LA BSAMS NAS, 'CHI BA'I DUS SU DE RGYU BA MA GTOGS PA DA LTA MI RGYU ZHES LAG SMI DANG, AA Lm KA KA LA SHA DANG, BOD SNGA MA MANG PO BZHED LA, SGRA DBYANGS BCU GCIG PAS, DA LTAR DKYIL 'KHOR GANG 'BYUNG DE'I TSUL DU 'BYUNG LA, 'CHI BA'I TSE GTZO BO'I TSUL GYIS 'BYUNG BAR BSHAD CING, MAN SNYE LAS ZHAG RE LA BDUD PHRAL ? MA'I RTZA NANG NAS RGYU BA'I RLUNG RNAMS

, ,TSE 'DZAD PA'I RLUNG YIN PAS KHYAB BYED KYI RLUNG DU BSHAD PA GSUM BYUNG MOD KYANG, TSId KUN LA KHYAB PA'I KHYAB BYED KYI RLUNG SNA BUG TU RGYU MI RGYU'I TSUL NI LUGS DANG PO LTAR LEGS SO, ,DES NA SNA SGOR 'BYUNG 'JUG BYED PA'I RLUNG SDUD NUS KYANG, KHYAB BYED KYI RLUNG SDUD MI NUS PA DU MA YOD PAS DE RNAMS KYANG BSDU DGOS TE, Sm BHU tA LAS BUM PA CAN BYED PA NA YUL NYER BZHI'I RLUNG SDUD PAR BSHAD PA'I DON MAN SNYE LAS KHYAB BYED KYI RLUNG SDUD PAR BSHAD PA BZHIN NO, ,GNYIS PA NI, YAN LAG GI RLUNG LNGA NI MIG LA SOGS PA'I DBANG PO LNGA LA GNAS PAR SPYOD BSDUS LAS GSUNGS SHING, RDOR 'PHRENG LAS, ZLA BA'I CHA DANG SNANG BA DANG, ,BSNYEN BKUR LDOG SHAL MCHIN PA STE, ,RTZA NI LNGA YI MING YIN NO, ,RTZA NI LNGA LAS RGYU BA'I RLUNG, ,KLU DANG RUS SBAL RTZANGS PA DANG, ,LHA SBYIN DANG NI GZHU LAS RGYAL, ,ZHES ZLA BA'I CHA LA SOGS PA'I RTZA LNGA LAS RGYU BAR GSUNGS SO, ,YANG DE NYID LAS, SNYING GI DBUS GNAS BDE BA'I DNGOS, ,SANGS RGYAS NYI MA GSAL BA'I 'OD, ,GZUNG DANG 'DZIN PA'I GZUGS KYIS KYANG, ,DE NI 'OD ZER BCU GNYIS SO, ,'OD 'PHEL 'OD ZER GZI BRJID MA, ,GSAL BA 'BAR MA 'OD 'BAR MA, ,MIG LA SOGS PA LA BRTEN NAS, ,PHYI ROL GZUGS SOGS 'DZIN PA'O, ,'OD ZER 'OD MA SNANG BA MA, ,GSAL MDZES GSAL 'OD NYI MA GSAL, ,PHYI ROL GZUGS SOGS RNAM PA'O, ,DRUG PO 'DI DAG 'OD DU 'DOD, ,CES SNYING KHA NAS 'BYUNG BA'I RLUNG DBANG PO DRUG LA BRTEN NAS, TSOGS DRUG GA-YO BYED 'DZIN PA'I RLUNG DRUG DANG, GZUGS SOGS GSAL BYED

GZUNG BA'I RLUNG DRUG GSUNGS PAS, RTZA DE DAG KYANG SNYING KHA NA GNAS PA'I RTZAR MNGON NO, ,SNYING KHA'I SUM SKOR MA LA SOGS PA'I RTZA RNAMS YUL LNGA 'BAB PA'I RTZAR BSHAD PA DANG DON GCIG GAM BRTAG GO ,YAN LAG GI RLUNG LNGA NI SHAS CHER SROG 'DZIN GYI YAN LAG YIN PAS, 'DI RNAMS 'CHAR BA DANG NUB PA GNYIS KA'I GTZO BO'I GNAS NI SNYING KHA'O, ,SGRON GSAL LAS, 'BAR BA LNGA NI RNAM PAR LDANG BA LA SOGS PA 'OD ZER RNAM PA LNGA'O, ,ZHES DANG, MI LTAG MANG PO 'KHRUGS PA YI ZHES PA'I 'OD ZER LNGA'I BDAG NYID CAN NO, ,ZHES DANG, RGYUN MI 'CHAD PAR ZO CHUN GYI 'KHRUL 'KHOR DANG 'DRA BAR NYIN DANG MTSAN DU RAB TU BSKOR BAS NA 'KHOR LO'O, ,RDO RJE NI KHA DOG LNGA STE, ZHES GSUNGS PAS YAN LAG GI RLUNG LNGA YANG 'OD ZER LNGA LNGA'I BDAG NYID CAN DANG, NYIN MTSAN KUN TU DBANG PO'I SGO NAS 'BYUNG 'JUG BYED DO, ,KHA DOG NI, RGYU BA'I RLUNG DMAR, RNAM PAR RGYU BA SNGO, YANG DAG PAR RGYU BA SER, RAB TU RGYU BA DKAR, NGES PAR RGYU BA LJANG ZHES RJE 'GOS GSUNG NGO, ,RLUNG LNGA PA LUS DBANG LA GNAS TSUL NI, DBANG PO DES GAR KHYAB PAR GNAS PA'O, ,GSUM PA NI, SPYOD BSDUS LAS, RLUNG BCU DBUGS 'BYUNG RNGUB TU 'GYUR BAR BSHAD PA LA, MNGAL DU RLUNG BCU 'CHAGS PAR BSHAD KYANG, MA BTZAS BAR DU 'BYUNG RNGUB MI BYED PAR BSHAD PAS, BTZAS PA NAS YIN LA, DE YANG RTZA BA'I RLUNG LNGA'I 'BYUNG 'JUG NI BSHAD ZIN CING, YAN LAG GI RLUNG LNGA'I KHA CIG SNA BUG TU RGYU BA'I RLUNG DANG MNYAM POR 'JUG PA'AM, YANG NA CI RIGS PAR SBYAR BA'I DON NO, ,DE RNAMS

, ,RLUNG LA SOGS PA'I DKYIL 'KHOR BZHI DANG, LHA MO BZHI DANG, 'BYUNG BA LNGAR 'GYUR ZHES PA NI SNGAR BSHAD PA LTAR RO, ,DE RNAMS RIGS LNGA DANG YE SHES LNGAR 'GYUR ZHES PA'I RTZA BA'I RLUNG LNGA'I TSUL NI BSHAD ZIN LA, YAN LAG GI RLUNG LNGA DANG SBYOR NA, DBANG PO DANG YUL LNGA RIGS LNGA'I RIGS SU 'GRO TSUL DANG BSTUN NAS BYA'O, ,DE RNAMS YI GE GSUM GYI GZHIR GYUR NAS RDOR BZLAS BYED PAR GSUNGS PA NI BCU KA LA YOD DO, ,RLUNG DE RNAMS PA'I GZHIR GYUR NAS TSIG MA LUS PA SMRA BAR BYED CES PA YANG BCU KA LA MI 'GAL LO, ,YANG DE RNAMS MI SHIGS PA THOB NAS DNGOS PO MED PAR 'GYUR BA NI 'CHI BA'I MTHAR SNYING KHA'I MI SHIGS PA LA THIM NAS 'OD GSAL DU 'JUG PA YIN LA, LAM GYIS KYANG DE BZHIN DU BYED DO, ,'DI RNAMS SPYOD BSDUS SU RLUNG BCU GANG DU GNAS NAS CI ZHIG BGYID PA DRIS PA'I LAN GYI SKABS SU GSUNGS PA LA BSAMS NAS, RLUNG GI BYED LAS SU 'CHAD MOD KYANG, BYED LAS NI, RTZA BA LNGA LUS KYI CHA LA GNAS NAS LUS KYI BYA BA BYED PA DANG, YAN LAG LNGA NI MIG LA SOGS PA LA GNAS NAS DBANG PO RNAMS KYI BYA BA BYED DO ZHES GSUNGS PAS BSTAN ZHING, DE YANG RGYAS PAR LUS DBEN DU BSHAD ZIN PAS DE LAS SHES PAR BYA RGYU YIN NO, ,DES NA 'BYUNG RNGUB TU 'GYUR ZHES SOGS NI RANG GI NGO BO'I SGO NAS BSHAD PAR GZUNG NGO, ,RIM LNGAR, 'DI NI RNAM SHES BZHON PA STE, ,ZHES SOGS KYIS RNAM SHES RLUNG GI BZHON PA CAN DU GSUNGS PA NI, RLUNG GIS RNAM SHES GA-YO BAR BYED PA'I DON NI, ,RGYU MTSAN DES SEMS CAN YIN NO

COG THAMS CAD LA GA-YO BA'I 'JIG RTEN ZHES GSUNGS TE, GZUGS LUS KYIS GA-YO 'GUL SOGS BYED PA DE'I RGYU MTSAN DU SMRA NA NI, SEMS CAN KUN LA MA KHYAB PAR 'GYUR RO, ,GZUGS LUS RLUNG GIS GA-YO BA LTA BU NI RNAM SHES LA MED PAS, DES GA-YO BA'I DON GANG SNYAM NA, LAG SMI LA SOGS PAS RNAM SHES DRUG GIS YUL YONGS SU GCOD PA RLUNG GIS BSKUL BA LA RAG LAS TE, GZHAN DU NA DE YIS LONG BA BZHIN DU MTHONG BAR MI 'GYUR RO, ,DE BAS NA 'PHYE BO DANG LONG BA BZHIN DU 'DI GNYIS LA 'BREL PA YOD NA DON GYI BYA BA 'GRUB BO ZHES ZER RO, ,DGONGS PA LUNG STON LAS, 'GRO BA YUL SOGS LAS BYED PA, ,'DIR NI DE LA BRTEN PA YIN, ,ZHES 'GRO 'CHAG SOGS DANG, YUL 'DZIN PA'I BYA BA BYED PA RNAMS RLUNG LA BRTEN PAR GSUNGS PA DANG, SPYOD BSDUS LAS RLUNG LNGA DBANG PO LA GNAS NAS YUL LNGA DANG DBANG PO'I BYA BA BYED PAR GSUNGS PAS, RNAM SHES KYIS YUL 'DZIN PA'I BA BA BYED PA RLUNG LA RAG LAS PAR NI KHAS BLANG DGOS MED KYANG, RGYU MTSAN DES RLUNG RNAM SHES KYI BZHON PAR 'JOG MI NUS TE, DBANG PO DANG YUL BZHIN NO, ,GZHAN YANG SPYOD BSDUS LAS SNANG BA KHAMS PHRA BAR 'JUG PA LAS RIM GYIS GA-YO LA, DE'I RKYEN GYIS RANG BZHIN MA LUS PA NYIN MTSAN DU MYONG BAR GSUNGS SHING, BRAM ZE CHEN POS KYANG, 'DI NA YID 'DUS PA LA RLUNG GIS BRLABS, ,GA-YO ZHING 'PHYAR LA SHIN TU MI SRUN 'GYUR, ZHES YID RLUNG GIS BRLABS PA LAS SEMS SHIN TU MI SRUN PA'I RNAM PA CAN DU SKYE BAR GSUNGS PAS, RTOG PA RTOG MED KYI SEMS YUL LA 'PHYAR BA THAMS CAD RLUNG GIS BYAS PAR 'DOD MOD KYANG, DE TZAM GYIS RLUNG RNAM SHIS KYI BZHON PAR 'JOG PA'I DON RNYED PAR MI SEMS SO, ,'O NA JI LTAR YIN SNYAM NA, RNAM

, ,SHES NI LUS CAN MIN PAS DE LA RANG DBANG DU YUL BGROD PA'I 'GRO 'ONG GI NUS PA MED LA, RLUNG DANG MNYAM PAR ZHUGS NA NI YUL BGROD PA'I NUS PA YOD DE, SPYOD BSDUS LAS, SNANG BA GSUM 'GRO 'ONG DANG BRAL BAR GSUNGS NA, JI LTAR NA NYIN MTSAN DU LUS LA SPRO ZHING SDUD PAR BYED, GANG ZHIG 'DI LA MEL TSE BYED CES DRIS PA'I LAN DU, DE GSUM LA GZUGS MED TSUL BSHAD PA'I MTHAR, DE LTA MOD KYI SNANG BA DANG BCAS PA YIN LA, DES NA RLUNG GI KHAMS DANG LHAN CIG MEL TSE BYED CES GSUNGS SO, ,DE'I DON NI RNAM SHES GSUM LUS CAN MIN PA DE LTA MOD KYANG, RLUNG GI SNANG BA DANG BCAS PA YIN PAS NA, RLUNG DANG LHAN CIG MEL TSE BA MI SDOD PAS 'GRO 'ONG BYED PA BZHIN DU 'GRO 'ONG BYED CES PA'O, ,DES NA RLUNG GI SGO NAS YUL BGROD PA NI SEMS KYIS RLUNG LA BZHON NAS BGRO BA'I DON TE, DE LA NI SEMS YUL LA 'PHYAR BAR BYED MI BYED GNYIS YOD DO, ,DE YANG RANG GI BZHON PA'I RLUNG NYID KYI SNGA MA NAS PHYI MAR BGROD PA BYUNG NA, DE LAS GZHAN PA'I YUL BGROD PA MA BYUNG YANG YUL BGROD PA MED PA NI MIN NO, ,SPYOD BSDUS LAS, KHAMS PHRA BA DANG RNAM PAR SHES PA SNANG BA DAG NI, GZUGS MED PAS MAR GYI NANG DU MAR BCUG PA BZHIN DU 'DRES PAR GYUR NAS, 'JIG RTEN DANG 'JIG RTEN LAS 'DAS PA'I BYA BA THAMS CAD RDZOGS PAR BYED DO, ,ZHES MAR LA MAR BCUG PA BZHIN DU 'DRES PAR GSUNGS PA'I RLUNG SEMS GNYIS NI, LAG SMIS NGO BO GCIG PAR BSHAD PA LEGS SO, ,SPYOD BSDUS LAS, RLUNG DE LA GZUGS MED CES GSUNGS

PA NI KHAMS RAGS PA LTAR GYI GZUGS MED PA LA DGONGS KYI, KHAMS PHRA BA'I 'OD ZER LNGA MED PA NI MIN TE, DE'I GONG DU PHYI'I RLUNG LA RKANG LAG SOGS KYI GZUGS MED PA LA YANG GZUGS MED CES GSUNGS PA BZHIN NO, ,RNAM SHES KYIS LUS SGUL BSKYOD SOGS GA-YO BAR BYED PAR GSUNGS PA YANG, RLUNG DANG BCAS PAS BYED PA YIN GYI, RLUNG DANG BRAL NA DES GA-YO BAR MI NUS TE, BZHI BRGYA PA'I 'GREL PA LAS KYANG SHES PAR NUS SO, ,LNGA PA LA GNYIS, SNA BUG GCIG NAS GCIG TU 'PHO MI 'PHO'I TSUL DANG, RTZA 'DAB DANG DKYIL 'KHOR GCIG NAS GCIG TU 'PHO BA'I TSUL LO, DANG PO NI, DUS 'KHOR GYI SKOR NAS GA-YAS NAS SA CHU ME RLUNG NAM MKHA' YE SHES KYI RLUNG DRUG DANG, GA-YON NAS GO RIM BZLOG PA'I RLUNG DRUG GI RIM PAS RGYU ZHING ,GA-YAS KYIS NAS GA-YON GYI NAM MKHAR 'PHO BA LA SOGS PA'I RIM PAS 'PHO BA BCU GNYIS DANG, 'PHO MTSAMS RE RER DBU MA NAS DBUGS NGA DRUG BZHI CHA RE RGYU BAS, ZHAG GCIG LA DBU MA NAS RLUNG DRUG BRGYA DANG DON LNGA RGYU LA, DE'I LHAG MA RNAMS GA-YAS GA-YON GYI RTZA LAS RGYU STE, DE YANG ZHAG GCIG GI RLUNG NYI KHRI GCIG STONG DRUG BRGYA LA BCU GNYIS KYIS BGOS PAS RE RE'I THOB SKAL STONG BRGYAD BRGYA RE YOD PA NI 'PHO BA RE'I RLUNG DU BSHAD DE, DBUS MA NAS RGYU BA LOGS SU BGRANGS NA DE TZAM RE MI 'ONG NGO, ,DBUGS NI 'BYUNG 'JUG GNYIS GNYIS LA RE RER BYAS PA STE, RDO RJE 'PHRENG BA DANG SDOM 'BYUNG YANG DE DANG 'DRA'O, ,MAN SNYE LAS, 'BYUNG BA BZHI LAS LOGS SU NAM MKHA'I RLUNG RGYU BA MED PAR, RDO RJE 'PHRENG BA DANG DGONGS PA LUNG STON DANG, GNYIS MED RNAM RGYAL GSUM

, ,GYIS BSGRUBS SHING, 'BYUNG BA BZHI LAS NAM MKHA'I DKYIL 'KHOR LOGS SU RGYU BA DANG, SNA BUG RE RER 'BYUNG BA CHUNG BA LNGA'I RLUNG DBUS DANG PHYOGS BZHIR RGYU BA DANG, MGRIN PA DANG SPYI BO'I RTZA 'DAB KYI GRANGS BZLOG PA DANG, LTE BA'I RTZA 'DAB RE BZHI'I RTZA 'DAB BZHI STONG PA'I RTZAR DUS 'KHOR NAS GSUNGS PA RNAMS NYI MA'I SHING RTA LA SOGS PA'I GDUL BYA'I NGOR DRANG BA'I DON DU YIN GYI, NGES PA'I DON MIN TE, PHAG LA SOGS PA 'DOD PA'I RJES SU 'JUG PAS RI RAB KYI STENG GI MTSAMS SU KHAMS GSUM PA'I SNOD KYI 'JIG RTEN GYI BKOD PA LA SOGS PA BSTAN PA BZHIN ZHES BSHAD DO, ,'GREL PA ZLA 'OD LAS, DGONGS PA LUNG STON NAS 'PHO BA NYER BZHI GSUNGS PA LA, LA LA NA RE, SNA BUG GCIG LA BAR MA CHAD PAR RLUNG 'PHO BA GNYIS BRGYUS PA'I RJES SU SNA BUG GZHAN DU 'PHO BAS, ZHAG GCIG LA SNA BUG LA 'PHO BA NI BCU GNYIS TE, PHYIR LO GCIG LA NYI MA'I 'PHO BA BCU GNYIS BZHIN NO, ,BRTAG GNYIS LAS 'PHO BA BCU DRUG TU BSHAD PA NI MGRIN PA'I RTZA 'DAB BCU DRUG LA DGONGS SO, ,GZHAN DAG NA RE, SNA BUG GCIG LA 'PHO BA NYER BZHI'I 'PHO BA PHYED DANG GNYIS BRGYUS PA'I RJES SU SNA BUG GZHAN DU 'PHOS TE PHYED DANG GNYIS RGYU BAS, ZHAG GCIG LA 'PHO BA BCU DRUG TU 'GYUR TE, LTE BA'I PADMA'I RIM PA GSUM PA LA RTZA 'DAB BCU DRUG YOD PA'I BZHI DOR NAS, 'PHO BA BCU GNYIS SU BZHAG PAS PHYI ROL DANG MTHUN PAR BYA'O, ,YANG NA PHYI NANG GNYIS THAMS CAD DU MTHUN PAR BZHAG MI DGOS SO, ,PHYOGS GNYIS KA LA PHYI NANG DU 'PHO BA

PHYED DANG GNYIS KYIS THUN PHYED DU BZHAG GO ,RDO RJE 'PHRENG BA LA SOGS PA LAS, 'PHO BA RES NANG GI THUN PHYED DU BZHAG PA TZAM LAS 'GAL BA MED DO ZHES 'CHAD DO, ,'PHO BA NYER BZHI'I 'PHO BA GNYIS GNYIS KYIS SNA BUG GI 'PHO BA RER BYED PA'I LUGS KYIS 'PHO BA BCU DRUG BSHAD PA MGRIN PA'I RTZA 'DAB LA DGONGS KYI SNA BUG GI 'PHO BA MIN PA DANG, NYER BZHI'I PHYED DANG GNYIS GNYIS KYIS SNA BUG GI 'PHO BA RER BYED PA'I LUGS KYIS 'PHO BA BCU GNYIS SU BSHAD PA LTE BA'I RTZA 'DAB BCU GNYIS LA DGONGS NAS PHYI'I 'PHO BA DANG MTHUN PAR BYAS KYI SNA BUG GI 'PHO BA LA DGONGS PA MIN PA DANG, RDO RJE 'PHRENG BA SOGS LAS 'PHO BA RES THUN PHYED DANG, DGONGS PA LUNG STON GYI 'PHO BA PHYED DANG GNYIS KYIS THUN PHYED RE YIN PAS MI MTHUN PAR BSHAD PA RNAMS MI 'GAL BAR 'DOD PA'O, ,MAN SNYE LAS NYER BZHIR GSUNGS PA THUN PHYED PA NYER BZHIR BSHAD DO, ,DE DAG GIS NI LHA MO'I RLUNG BZHI 'PHO THEBS RE LA NYER BZHIR BSHAD ZER DGOS SO, ,THUB PA DPAL GYIS DGONGS PA LUNG STON LAS ZHAG GCIG LA DGU BRGYA PA NYER BZHIR BSHAD PA SNA BUG GI 'PHO BA'I DBANG DU BYED LA, 'PHO BA NYER BZHIR GSUNGS PA DRANG DON DANG, KYE RDO RJER 'PHO BA BCU DRUG TU BSHAD PA NGES DON DU BSHAD DE, DE YANG SNA BUG GI 'PHO BA LA 'DOD CING, JI LTAR PHYI ROL DE BZHIN NANG, ,ZHES PA DANG MTHUN PAS SO ZHES ZER RO, ,DE LA 'DUS PA'I RTZA RGYUD DANG BSHAD PA'I RGYUD GZHAN NAS NI, DKYIL 'KHOR BZHI'I RLUNG SNA BUG LAS RGYU BA'I YUN TSAD GSAL BAR MA BSHAD LA, DGONGS PA LUNG STON DA LTA 'GYUR BA LA, RLUNG DKAR SER DMAR NAG BZHI RE

, ,RE LA LHA MO'I RLUNG NYIS BRGYA NYER LNGA PA TSAN PA BZHI BZHI STE, BSDOMS PAS BRGYA PHRAG DGU DANG, DE YANG ZHAG GCIG LA DGU BRGYA PA TSAN PA NYER BZHI RGYU BA'I RIM PAS NYI KHRI GCIG STONG DRUG BRGYA ZHES GSUNGS PA DE, RDO RJE 'PHRENG BA DANG BSGRIGS PA NA RLUNG BZHI RTZA BA'I RLUNG YIN LA, DE YANG BZHI PO RE RES GTZO BO BYAS NAS GZHAN GSUM RANG GI NANG DU CHUD PA'I TSUL GYIS RGYU BA LA DGU BRGYA RER BYAS PA'O, ,RDO RJE 'PHRENG BA NAS, RLUNG BZHI PO RGYU BA NA THUN PHYED RER GNAS PAR BSHAD LA, DE'I DON BOD KYI MKHAS PA SNGA MA RNAMS RLUNG DGU BRGYA RE RGYU BA'I YUN LA 'CHAD CING, THUB PA DPAL YANG 'DUS PA'I LUGS KYI THUN PHYED DE LTAR 'CHAD DO, ,LE'U BCO LNGA PA'I SGRON GSAL LAS, RLUNG DGU BRGYA PA PHRAG RE RGYU BA'I DUS SU RDOR BZLAS KYIS ZHI SOGS KYI LAS SGRUB PAR BSHAD LA, LE'U BCU BZHI PA'I SGRON GSAL DU, BSHAD PA'I RGYUD LAS ZHES DRANGS PA'I LUNG GIS 'BYUNG BA BZHI'I RLUNG THUN PHYED PHYED DU GNAS PAR GSUNGS PA'I DON BKRAL BA NA, GSANG GNAS LA SOGS PA'I GNAS BZHI NAS DKYIL 'KHOR BZHI'I RLUNG BYUNG STE, THUN PHYED DU GNAS PA'I TSE ZHI BA LA SOGS PA'I LAS BZHI BYA BAR BSHAD PAS, THUN PHYED RE'I YUN DGU BRGYA RE YIN LA, DKYIL 'KHOR BZHI'I RLUNG SNA SGOR RGYU BA NA RGYU THEBS DE YUN JI TZAM GNAS PA'I CHANG THUN PHYED KYIS 'DZIN PAR SNANG BAS, THUN PHYED SNGA MA LA DGU BRGYA DANG, YANG BAR MA CHAD PAR DGU BRGYA STES STONG BRGYAD BRGYA BRGYUS NAS SNA BUG GZHAN DU 'PHO BAR BSHAD PA DGONGS PA MIN NO, ,SNA BUG GNYIS NAS MNYAM DU RGYU BA'I DKYIL 'KHOR GNYIS LA SNA BUG

'PHO BA MED PAS ZHAG GCIG GI RLUNG LA SNA BUG GA-YAS GA-YON DU 'PHO BA BCU GNYIS BYED PA YANG MIN NO, ,BSHAD PA'I RGYUD LAS, ZHES PA'I RGYUD NI DGONGS PA LUNG STON YIN PAR SHR'A DDH'A DANG, SKAL LDAN GRAGS PAS GSUNGS TE DA LTA 'GYUR BA LA MED KYANG 'PHRO LAS 'DUG PAS MI 'GAL LO, ,'O NA GROL BA'I THIG LE LAS, PHYAG RGYA BZHI 'BREL RE RE ZHING, ,NYIS BRGYA NYI SHU RTZA LNGA STE, ,DE BZHI BSGRES PAS DGU BRGYA'O, ,DE NI 'PHO BA NYI SHU BZHIS, ,BRTZIS PA'I KHRI PHRAG GNYIS DANG NI, ,CHIG STONG DANG NI DRUG BRGYA'O, ,ZHES 'PHO BA NYER BZHIR GSUNGS PA JI LTAR DRANG SNYAM NA, 'DI DANG ZHAL LUNG GNYIS KAR SNA BUG RE RE BA LA DKYIL 'KHOR GNYIS DANG, MNYAM DU RGYU BA LA DKYIL 'KHOR GNYIS BSHAD PAS, DKYIL 'KHOR GNYIS LA SNA BUG GA-YAS GA-YON DU 'PHO BA BCU GNYIS, DKYIL 'KHOR GZHAN GNYIS LA SNA BUG MI 'PHO YANG DKYIL 'KHOR 'PHO THEBS BCU GNYIS BYED PA GZHUNG GI DON YIN PAS, GROL BA'I THIG LE'I 'GREL PAS KYANG SNA BUG GA-YAS GA-YON DU 'PHO BA NYER BZHIR BSHAD PA GZHUNG GI DON MIN NO, ,GAL TE DGONGS PA LUNG STON GYI LUGS DE LTAR YIN DU CHUG KYANG, RDO RJE 'PHRENG BA'I THUN PHYED KYI TSAD NI DE MIN TE, DE NYID LAS, THUN MTSAMS KYI NI RAB DBYE BAS, ,DE NAS RJES 'GRO ZLOS PAR 'GYUR, ,THUN ,TSAMS SO SOR SROG RNAMS DANG, ,RTZOL BA RU NI BRTAG PA STE, ,NYIS STONG BDUN BRGYA'I GRANGS KYIS NI, ,YANG DAG PAR NI NGES GZUNG BYED, ,CES THUN TSOD RE'I RLUNG GNYIS STONG BDUN BRGYAR GSUNGS PAS THUN PHYED GNYIS PHYED DANG BCAS PA'I BRGYA PHRAG BCU GSUM 'BYUNG BA'I PHYIR DANG, YANG DE NYID LAS,

, ,DE RNAMS SPRO BA'I SBYOR BA YIS, ,RIM GYIS THUN NI BRGYAD DU 'GYUR, ,ZHES GSUNGS PAS, ZHAG GCIG LA THUN PHYED PA BCU DRUG YIN NO SNYAM NA, LUNG DANG PO'I DON NI RDO RJE 'PHRENG BA LAS, BSKYED RIM MTHAR PHYIN PA'I RJES SU RDOR BZLAS ZLA BA DRUG BYED PAR GSUNGS PA'I ZLA BA GNYIS PA LA, RJES 'GRO'I BZLAS PAS RLUNG LA RTOG PA'I TSE SNGAR LTAR GSUNGS PAS ZHAG GCIG LA CHA MNYAM BRGYAD BYAS PA'I CHA RNAMS KYI RLUNG RNAMS, RNAL 'BYOR PAS CHED DU BYAS PA'I RTZOL BAS SNYOMS PAR BYED PA'I DON YIN GYI, DE 'DRA BA LAS GZHAN PA RNAMS KYI RLUNG RGYU BA'I DBANG DU MDZAD PA MIN NO, ,LUNG PHYI MA'I DON NI, RTZA RO RKYANG DH'U T'I GSUM LAS SPROS PAS SNYING KHA'I THUN GYI RTZA BRGYAD DU 'GYUR BAR STON GYI, RLUNG RGYU BA'I YUN GYI CHAD STON PA MIN LA, DKYIL 'KHOR BZHI'I RLUNG SNA SGOR RGYU BA NA THUN PHYED PHYED DU GNAS PAR GSUNGS PA NI, GZHI DANG LAM GYI DUS SU RANG 'GA' BAR RGYU BA'I RLUNG GI YUN TSAD STON PA YIN PAS, DE'I THUN PHYED DANG, NYIS STONG BDUN BRGYA'I THUN PHYED GNYIS MING 'DRA YANG DON MI GCIG GO ,DE'I PHYIR BSHAD RGYUD GNYIS DANG RIM LNGAR DRANGS PA'I GNYIS MED RNAM RGYAL GYIS BSHAD PA'I THUN PHYAD RNAMS MTHUN PAR BYA'O, ,'DI LA LAG SMI DANG SKAL LDAN GRAGS PA DANG, AA LAm KAS RLUNG RGYU BA'I YUN TSAD LA THUN BRGYAD DANG THUN PHYED PA BCU DRUG DANG, THUN RE LA CHU TSOD BRGYAD BRGYAD DANG, THUN RE LA RLUNG 'BYUNG 'JUG DANG BRAL BA'I 'OD GSAL GYI CHU TSOD PHYED PHYED 'CHAR PAS, ZHAG GCIG LA 'OD GSAL GYI CHU TSOD BZHI 'CHAR BA DANG, BAR PAS DE'I DUS

SU THIG LE LA SEMS BZUNG NA 'OD GSAL GYI BDAG NYID CAN GYI SEMS RTZE GCIG PA SKYE'O ZHES ZER RO, ,'DUS PA'I SKOR GYI RGYUD GZHAN NAS ZHAG GCIG GI CHU TSOD KYI GRANGS MA BSHAD LA, RDO RJE 'PHRENG BA LAS, ZHAG GCIG LA CHU TSOD DRUG CUR GSUNGS PAS, LUGS 'DI LA CHU TSOD RE BZHIR BYED DON MED LA, RGYUD DER DBYU GU DANG CHU TSOD GNYIS DON 'DRA BAR GSUNGS SHING, RGYUD GZHAN LAS DBYU GU RE BZHIR BSHAD PAS, RE BZHI DANG DRUG CU GNYIS KYI 'GAL BA SPONG BA'I CHED DU BYED NA, GZHAN NAS CHU TSOD SO GNYIS DANG DBYU GU RE BZHIR BSHAD PA'I DON DANG, 'DI DANG RDO RJE MKHA' 'GRO DANG, GDAN BZHIR SNGAR LTAR BSHAD PA GNYIS DON MI GCIG PAS SPONG DGOS PA'I PHYIR DANG, SNA SGOR RGYU BA'I THUN GYI THOG MAR 'BYUNG 'JUG DANG BRAL BA'I CHU TSOD PHYED KYI DUS SNANG RUNG MA DMIGS PAS KHEGS PA'I PHYIR MI LEGS SO, ,DUS 'KHOR NAS LTE BA'I RTZA 'DAB RE BZHI LA RTZA 'DAB BZHI STONG PAR BSHAD PA'I DON DU SEMS NA'ANG DE'I DON MIN NO, ,SDOM 'BYUNG LAS, 'PHO BA'I YAN LAG BCU DRUG GI ,RLUNG NI NYIN ZHAG GCIG GIS 'GYUR, ,SNA YI BU GA LA RTAG TU, ,THUN NI PHYED PHYED YANG DAG RGYU, ,ZHES ZHAG GCIG LA THUN PHYED BCU DRUG TU BYAS NAS SNA BUG TU THUN PHYED RER RGYU BAR BSHAD PA'I 'PHO BA BCU DRUG GSUNGS PA NI, SNA BUG GA-YAS GA-YON DU 'PHO THEBS BCU DRUG LA MI GZUNG STE, RGYUD DER, ME RLUNG GI DKYIL 'KHOR SNA BUG GA-YAS GA-YON RE RA BA DANG, SA CHU GNYIS SNA BUG LAS MNYAM DU RGYU BAR BSHAD PAS SO, ,DES NA SNA BUG GA-YAS GA-YON DU 'PHO THEBS BRGYAD DANG, SNA BUG MI 'PHO YANG

, ,DKYIL 'KHOR 'PHO BA BRGYAD LA BYA'O, ,DGRA NAG GI 'GREL PA LHAN CIG SKYES PA'I SNANG BA LAS, SNA BUG GNYIS GANG RUNG DU THUN PHYED GNAS NAS CIG SHOS SU 'PHO BA NYIN MO BRGYAD DANG, MTSAN MO BRGYAD BYED PAR BSHAD CING DAM TSIG RDO RJE DANG THUB PA DPAL YANG DE BZHIN DU 'DOD DO, ,GNYIS PA NI, SDOM 'BYUNG LAS, RTZA NI SUM CU GNYIS ZHES BYA, ,THUN GCIG GI NI BZHI CHA RNAMS, ,RTZA DANG CHU TSOD CES KYANG BRJOD, ,NYIN DANG MTSAN MO'I DBYU GU'I TSAD, ,DRUG CU RTZA BZHI DAG TU 'GYUR, ,RTZA PHYED CHU TSOD PHYED DBYU GU ,THUN NI BRGYAD CHA ZHES PAR DRAN, ,ZHES GSUNGS TE, SKAR RTZIS PA RNAMS KYIS ZHAG GCIG GI BRGYAD CHA LA THUN TSOD DU BYAS PAS THUN TSOD BRGYAD DANG, DE'I PHYED LA 'PHO BAR BYAS PA'I TSE 'PHO BA BCU DRUG DANG, SNGA MA'I BZHI CHA LA CHU TSOD DU BYAS PA'I TSE CHU TSOD SO GNYIS DANG, DE'I PHYED LA DBYU GUR BYAS PA'I TSE DBYU GU RE BZHIR 'GYUR RO, ,SDOM 'BYUNG 'GREL PAR BHA SA TI'I RTZIS MDZAD PAS, ZHAG GCIG LA DBYU GU BRGYAR BYAS PAS NA DBYU GU'I TSAD NI RTZIS BYED RNAMS KYI RANG RANG GI 'DOD PAS 'JOG PAR BSHAD DE, CHU TSOD SOGS LA YANG DE DANG 'DRA BAS, DE DANG MTHUN PAR RGYUD LAS KYANG, KHA CIG TU ZHAG GCIG LA CHU TSOD SO GNYIS DANG, KHA CIG TU CHU TSOD DRUG CU DANG ,KHA CIG TU CHU TSOD RE LA DBYU GU RER GSUNGS SO, ,NANG DU NI, SNYING KHA'I RTZA 'DAB GCIG LA RLUNG NYIS STONG BDUN BRGYA RGYU BA NI, THUN TSOD RE'I RLUNG DANG, DE'I PHYED KYI RLUNG BRGYA PHRAG PHYED BCAS BCU GSUM MGRIN PA'I RTZA 'DAB

GCIG LA RGYU BA 'PHO BA RE DANG, SNYING KHA'I RTZA RE'I BZHI CHA'I RLUNG DRUG BRGYA DANG DON LNGA SPYI BO'I RTZA 'DAB GCIG LA RGYU BA CHU TSOD RE DANG, SNYING KHA'I RTZA RE'I BRGYAD CHA'I RLUNG SUM BRGYA DANG PHYED BCAS SO BDUN LTE BA'I RTZA 'DAB GCIG LA RGYU BA DBYU GU RE'I RLUNG YIN PA DANG, LTE BA DANG SPYI BO DANG MGRIN PA DANG SNYING KHA'I RTZA 'DAB RE'I RLUNG SNGA MA SNGA MA'I NYIS 'GYUR PHYI MA PHYI MA LA 'BAB PA, KYE RDOR DANG SDOM 'BYUNG GNYIS KA'I DON YIN PAR SDOM 'BYUNG GI 'GREL PAR BSHAD LA, KYE RDOR GYI DON YIN PAR MAN SNYE LAS KYANG BSHAD DO, ,DKYIL 'KHOR BZHI'I RLUNG RNAMS RTZA'I GTZO MO GSUM GANG LAS RGYU BA NI, RDO RJE 'PHRENG BA LAS, SROG DANG THUR SEL RGYU BAR BYED, ,DE GNYIS RTOG PA DANG BCAS PA'I, ,RLUNG GNYIS SU NI GSAL BAR GSUNGS, , SKU DANG GSUNG GI SNYING PO GNYIS, ,LA LA N'A DANG RA SA N'A, ,AA BA DH'U T'I MCHOG GI RTZA, ,DE GNYIS DBUS NA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHYAB, ,CES SROG THUR GNYIS RTOG PA SKYED PA'I RLUNG DANG, DH'U T'IR ZHUGS PA'I RLUNG RNAM RTOG 'GOG PA'I RLUNG DU GSUNGS LA, RNAM PAR RTOG PA'I RLUNG GNYIS NI, ,DE NAS RNAM PAR BCAD NAS 'GRO,RNAM RTOG MED PA'I RLUNG CHEN PO, ,SKU GSUNG RDO RJE BCAD NAS NI, ,ZHES RLUNG DE GNYIS BCAD PA LA SKU DANG GSUNG GI RDO RJE BCAD PAR GSUNGS PAS, SKU DANG GSUNG GI SNYING PO GNYIS, ZHES PA NI SROG THUR GNYIS YIN LA, DE YANG RTZA GNYIS LA RGYU BAR BSTAN PAS, SROG THUR GNYIS NI RNAL 'BYOR GYI STOBS KYIS DH'U T'IR BCUG PA DANG, 'CHI BA'I DUS LA SOGS PA MA GTOGS PAR

, ,DH'U T'IR MI RGYU BA'I LUGS SO, ,YANG DE NYID LAS, RNAM PAR RTOG PA'I RLUNG GNYIS NI, ,SNA YI BU GA NAS NI 'BYUNG, ,YANG DAG NYI MA ZLA BA GNYIS, ,SBAS PA NANG NAS RGYU BAR BYED, ,CES KYANG GSUNGS PAS, DE GNYIS NI NYI MA RO MA DANG ZLA BRKYANG MA'I NANG NAS RGYU BAS, LUGS 'DI LA NI MNYAM RGYU BYED PAS DBU MAR RGYU BAR 'JOG MI NUS SO, ,ME MNYAM DANG GYEN RGYU GNYIS LA GSAL BAR MA BSHAD KYANG DE GNYIS KYANG RO RKYANG NAS RGYU'O, ,DES NA RO RKYANG NAS RGYU BA LA RES 'JOG DANG, DUS MNYAM DU RGYU BA GNYIS YOD DO, ,ME DANG MNYAM GNAS GNYIS KYIS GTZO BO BYAS NAS RGYU NA, RO MA DANG RKYANG MA RE RE NAS DANG, SROG THUR GNYIS KYIS GTZO BO BYAS NAS RGYU NA, RO MA DANG RKYANG GNYIS NAS DUS MNYAM DU RGYU LA, 'KHOR DU RGYU NA NGES PA MED DO, , RLUNG GI DKYIL 'KHOR GCIG NAS GCIG TU 'PHO BA NI, DKYIL 'KHOR CHE BA'I DBANG DU BYAS NA RE RE LA ZHAG GCIG LA 'PHO THEBS DRUG DRUG YOD PAS NYER BZHI DANG, CHUNG BA'I DBANG DU BYAS NA SNGA MA RE RE'I 'PHO THEBS DRUG PO RE RE LA BZHI BZHI YOD PAS GO DRUG TU 'GYUR BA NI 'DUS PA'I BSHAD RGYUD RNAMS KYI LUGS SO, ,SDOM 'BYUNG GI LUGS LA NI, 'BYUNG BA CHUNG BA'I DKYIL 'KHOR RE BZHI BYA DGOS PAS, 'GREL PAR GO DRUG TU BSHAD PA SKABS SU MA BAB BO, ,DGONGS PA LUNG STON NAS, DKYIL 'KHOR BZHI'I RLUNG RE RE'I 'PHO CHED DGU BRGYA PAR 'DRA BAR GSUNGS SHING, RDOR 'PHRENG DANG SDOM 'BYUNG DANG ZHAL LUNG LAS, SNA BUG RE LA DKYIL 'KHOR GNYIS DANG, MNYAM RGYU LA DKYIL 'KHOR GNYIS BSHAD PAS SNA BUG

GA-YAS GA-YON RKYANG PA RE LA RGYU BA GNYIS KYI RLUNG GIS ZHAG GCIG GI RLUNG GI PHYED DANG, SNA BUG GNYIS KA LA MNYAM POR RGYU BA'I RLUNG GIS PHYED THUB PA DANG, DE LTAR BYAS NA MNYAM RGYU'I KHUG PA RE DANG, GA-YAS GA-YON RE RE BA'I RKYANG PA RE YUN MNYAM PAS, MNYAM RGYU'I DGU BRGYA BA PHRAG RE RTZI TSUL NI, GA-YAS GA-YON GNYIS KA BSDOMS PA'I 'BYUNG 'JUG GNYIS GNYIS LA BYA DGOS PAS, GA-YAS GA-YON RE RE BA'I RTZI TSUL DANG MI 'DRA BAR BYA DGOS SAM BRTAG PAR BYA'O, ,DE LTAR NA GA-YAS GA-YON GYI RLUNG GNYIS DRAG ZHAN MTSUNGS PA'I MNYAM RGYU NI YUN THUNG YANG, DRAG ZHAN SPEL BA'I MNYAM RGYU NI YUN RING DU 'ONG BAR SNANG BAS DE GNYIS KA MNYAM RGYUR BYAS PA'O, ,GA-YAS NAS GA-YON DU 'PHO MTSAMS SU MNYAM RGYU 'ONG TSUL NI, GA-YAS KYI RLUNG GI RGYU BA ZHAN DU SONG BAR DE TZAM DU MI MNGON PA'I MTSAMS SHIG NAS, GA-YON DU RGYU BA SHIN TU ZHAN PA CIG 'ONG BA NAS BZUNG STE, DE'I RGYU BA CUNG ZAD RES JE DRAG TU 'GRO BA NA, GA-YAS KYI RGYU BA JE ZHAN DU SONG BA'I MTHAR PHRA MO YANG RGYU BA MED PAR SONG MA THAG GA-YON RKYANG LA RGYU BA'I MGO 'DZUGS TE, GA-YON NAS GA-YAS SU 'PHO BA YANG DE BZHIN YIN PAS, SNA BUG SNGAR MI RGYU BA NGOS SU GSAR DU RLUNG BRGYAS PA YIN KYANG, SNGAR RGYU BA NGOS KYI RLUNG 'PHOS MA 'PHOS GNYIS YOD DO, ,'O NA 'DUS PA'I BSHAD RGYUD LTAR NA ZHAG GCIG GI RLUNG GI PHYED LA SNA BUG 'PHO BA BCU GNYIS DANG, SDOM 'BYUNG LTAR NA BRGYAD DANG DUS 'KHOR LTAR NA DRUG BRGYA DANG DON LNGA MA GTOGS PA ZHAG GCIG GI RLUNG RIL PO LA SNA BUG 'PHO BA BCU GNYIS

, ,SU GSUNGS PA RNAMS 'GAL MI 'GAL JI LTAR YIN SNYAM NA, 'DUS PA'I LUGS DE NI 'JAM DPAL ZHAL LUNG DANG, 'PHAGS PA YAB SRAS KYIS BKRAL BA NA YANG SOR BZHAG TU MDZAD CING, SDOM 'BYUNG GI DE YANG RGYUD DE'I DON DU SNANG BAS, LUNG DE DAG GI DON GCIG TU BSHAD DU MI RUNG LA, SNA BUG TU RGYU BA LA LUGS 'DI MNGON SUM GYIS 'GRUB LA, GZHAN MI 'GRUB PA'I KHYAD PAR YANG GZHAG DKA' BAR SNANG BA'I PHYIR, GDUL BYA'I DBANG GIS GSUNGS PAS MI 'GAL BAR BYA'O, ,RTZA RLUNG SOGS KYI SKOR LA DE 'DRA'I MI MTHUN PA GZHAN YANG SNANG MOD KYANG, DE RNAMS GTAN LA PHAB PA'I DGOS PA DE DAG SHES NAS LUS LA GNAD DU BSNUN PA NA, LAS RLUNG DH'U T'IR BSDUS TE THIM PA LAS BYUNG BA'I BDE BA CHEN PO BSKYED NAS, DE DANG STONG NYID SBYOR BA LAM GYI SNYING POR BYED PA DE RNAMS KUN GYI LUGS SU SNANG BAS, LAM DE'I GNAD LA MI MTHUN PA 'ONG BA'I RKYEN DU MI 'GYUR RO, ,ZHAG GCIG GI THOG MAR SNA GA-YAS PA'I MI RLUNG RGYU BAR SKAL LDAN GRAGS PAS BSHAD MOD KYANG, SDOM 'BYUNG LAS, DKAR PO RNAMS KYI TSES GCIG NAS, ,YANG DAG BRTZAMS TE NYIN GSUM RLUNG, ,ZLA BA LA RGYU THUN PHYED LA, ,DE NAS NYIN GSUM NYI MA LA, ,YONGS RGYU'I TSUL GYIS JI SRID RLUNG, ,DKAR PO'I TSES NI BCO LNGA'I BAR, ,NAG PO RNAMS KYI TSES GCIG NAS, ,BRTZAMS TE NYI MA GSUM DU RLUNG, ,NYI MAR BRJOD LAS SNGA DRO RGYU, ,JI SRID TSES NI BCO LNGA'I BAR, ,ZHES GSUNGS PA LTAR RGYU BA 'DIR YANG MI 'GAL LO, ,

ZLA BA LA RGYU BA NI SNA BUG GA-YON NAS DANG, NYI MA LA RGYU BA NI SNA BUG GA-YAS NAS YIN LA NYI MA SHAR BA NAS BRTZAMS TE NUB PA'I BAR NYIN MO DANG, DE NAS BRTZAMS TE NYI MA MA SHAR BA'I BAR MTSAN MOR BSHAD LA, MAN SNYER THOG MAR RGYU BA NI THO RANGS LA BSHAD DO, ,YAR NGA MAR NGO'I THOG MA'I RGYU TSUL GYI RLUNG LTAS DE ZHAG DRUG DAYANG SROG GI RLUNG SHAR NAS, LAS KYI RLUNG NI SNA TSOGS PA, ,DE NI LHAN CIG RNAM SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE BZHIN SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,ZHES GSUNGS SO, ,DE LTAR GSUNGS PAS KYI 'KHOR BA'I RTZA BA BDAG 'DZIN DU GSUNGS PA LTAR MI BYED PAR RLUNG 'KHOR BA'I RTZA BAR STON PA MIN TE, SPYOD BSDUS LAS DE LTAR YANG GSUNGS LA, BDAG DANG BDAG GIR BZUNG BA LA BRTEN NAS LAS DGE MI DGENGO, , BDUN PA NI, DE LTAR RLUNG RNAMS KYI NGO BO DANG BYED LAS BSHAD PA LA BRTEN NAS, LUS LA GNAD DU BSNUN PA'I GNAD JI LTAR RTOGS PA YIN ZHE NA, DE LA RDO RJE 'PHRENG BA LAS, RNAM PAR SHES PA'I SHING RTA'I RLUNG RNAM SHES KYI BAG CHAGS DANG 'DRES NAS YUL LA ZHUGS PA LAS RANG BZHIN RNAMS SKYED PA DANG, BAG CHAGS KYIS BSLAD PA'I DBANG GIS 'KHOR BAR 'KHYAM PA YIN GYI, DE MA GTOGS PA'I 'KHOR BA MED CES GSUNGS PA'I RJES SU, DE PHYIR 'KHOR BA SPONG DON DU, ,THIG LA DBYE BA'I GO

, ,'PHANG GSAL, ,SGOM PA LA NI RAB 'BAD KYIS, ,MA RIG GZHAN GYIS MI SHES PA, ,DBUS KYI MDUD PA DE YANG NI, ,DE PHYE NA NI DNGOS GRUB 'GYUR, ,ZHES 'KHOR BAR 'KHOR BA'I BAG CHAGS SBYANG BA'I PHYIR DU, SNYING KHA'I DH'U T'I BCINGS PA'I MA RIG PA'I MDUD PA 'BYED BYED THIG LE'I DBYE BA ZHES PA RDO RJE BZLAS PAR SGOM PAR BYA'O, ,ZHES GSUNGS PAS, SNGAR BSHAD PA LTAR RANG BZHIN GYI RTOG PA GA-YO MI GA-YO'I MTSAMS SU STONG PA BZHI 'CHAR BA SHES NAS, RIM PA DE LTAR RGYUD LA BSKYED PA'I PHYIR DU RDOR BZLAS LA SOGS PA'I SROG RTZOL SGOM DGOS PAR SHES PA NI, RLUNG BSHAD PA LA BRTEN NAS NYAMS LEN GYI GNAD SHES PA BLA NA MED PA'O, ,DE YANG BDAG GNYIS SU 'DZIN PA'I YUL LEGS PAR SUN PHYUNG NAS, BDAG MED PA'I DON PHU THAG CHOD PAR NGES PA'I BDAG MED RTOGS PA'I SHES RAB BTZAL NAS, ,DE BSGOMS PAS SGRIB PA GNYIS RTZAD NAS 'JOMS PA LA MKHAS PA'I MCHOG RNAMS MTHUN MOD KYANG, DA LTAR THOS BSAM GYIS LEGS PAR GTAN LA PHAB ZIN NAS ZAB MO STONG PA NYID SGOM PA LA, THEG PA 'DI NAS BSHAD PA LTAR GYI YUL CAN KHYAD PAR CAN BDE BA CHEN PO DGOS PA NI THEG PA GZHAN DANG, RGYUD SNGA 'OG MA NAS MI STON PAS, THEG PA BLA NA MED PA'I KHYAD CHOS SO, ,THABS KHYAD PAR CAN GYIS DGA' BA BZHI DANG STONG PA BZHI GANG 'DREN KYANG BDE BA CHEN PO'I SGO NAS 'DREN PA YIN LA, DE YANG KUN RTOG GA-YO BA'I RLUNG MA BKAG BAR DU RDZOGS PAR MI SKYE BAS, RLUNG 'GOG PA'I THABS LA 'BAD PA YIN NO, ,DES NA RLUNG BSGOMS PAS

RLUNG GI GA-YO BA KHAD KYIS ZHI NAS SEMS BRTAN POR GNAS PAR GSUNGS PA LA, RLUNG MA BSGOMS KYANG SEMS MI RTOG PAR 'JOG PA BYING RGOD DANG BRAL BA SKYONG SHAS NA, DA GOMS PA NYID KYIS TING NGE 'DZIN BRTAN PO RNYED PAS, RLUNG BSGOMS NAS CI ZHIG BYA SNYAM PA DANG, YANG SEMS MI RTOG PAR GNAS PA BRTAN NA DE NYID RLUNG DH'U T'IR TSUD PA YIN PAS LOGS SU BSGOM MI DGOS SNYAM NA, 'DI LA BSHAD PAR BYA STE, SPYIR SEMS MI RTOG MED DO, ,DES NA LAS RLUNG GI GA-YO BA BKAG NAS SEMS BRTAN POR GNAS PA SGRUB CES PA'I SEMS BRTAN PO NI LHAN CIG SKYES PA'I THUN MONG BA YIN LA, KHYAD PAR DU STONG NYID KYI DON LA MI RTOG PAR GNAS PA'I TING NGE 'DZIN ZAG PA MED PA YANG PHA ROL TU PHYIN PA'I THEG PA DANG YANG THUN MONG YIN PAS, DE RNAMS SKYED PA LA RLUNG GI RNAL 'BYOR LUS LA GNAD DU BSNUN PA RNAMS SGOM GAN DGOS LA, DE 'DRA'I TING NGE 'DZIN RNYED PAS KYANG RLUNG DH'U T'IR THIM PA'I DBANG GIS BDE BA CHEN PO RNYED PA'I DON MED DO, ,DES NA LAS RLUNG GI GA-YO BA BKAG NAS SEMS BRTAN POR GNAS PA SGRUB CES PA'I SEMS BRTAN PO NI LHAN CIG SKYES PA'I BDE BA'I SEMS YIN TE, SA RA HAS, 'DI NA YID 'DUS PA LA RLUNG GIS BRLABS, ,GA-YO ZHING 'PHYAR LA SHIN TU MI SRUN 'GYUR, ,LHAN CIG SKYES PA'I RANG BZHIN RTOGS GYUR NA, ,DE YIS BDAG NYID BRTAN PAR 'GYUR BA YIN, ,ZHES GSUNGS SO, ,DE SKYED PA NI LAS RLUNG DH'U T'IR THIM NAS GTUM MO 'BAR BA LA BLTOS PAS, DE RNAMS KYI SEMS MI RTOG PA RNAMS DANG BDE BA RNAMS KYI MING MTSUNGS KYANG DON GTAN MI 'DRA STE, SNGAR MANG DU BSHAD ZIN TO, ,STONG NYID KYI LTA BA PHU THAG CHOD PA

, ,YOD KYANG SGOM PA NA, DE ZHU BA DES SGOM DGOS PA'I GNAD KYIS RDZOGS RIM LA 'JUG PA NA, SNGON LA BDE CHEN SKYED PA'I THABS SU LUS LA GNAD DU BSNUN PA'I SGO MANG DU GSUNGS PA YIN GYI, STONG NYID SGOM AA THUNG RNAMS SNGA MA PHYI MA LA BSDUS NAS BSGOMS PAS STONG PA GSUM SKYE BAR BSHAD DO, ,'DI LA 'KHOR LO MED PA ZER BA NI SPYI MING SGOS LA BTAGS PA'O, ,RIM LNGA SEMS DPA' SUM BRTZEGS LAS, RANG DAM TSIG SEMS DPAR GSAL BA'I THUGS KAR YE SHES SEMS DPA' MTHE BONG TZAM ZHIG DANG, DE'I THUGS KAR RDO RJE YUNGS 'BRU TZAM GYI LTE BAR TING NGE 'DZIN SEMS DPA' H'Um MTHING NAG SPUS BRIS PA TZAM ZHIG BSGOMS NAS, RDOR BZLAS SNGAR DANG 'DRA BA LA, SEMS DMIGS NI, RLUNG KHA SBYAR BZUNG NAS SEMS DPA' GNYIS DANG RDO RJE DANG H'Um YIG RNAMS SNGA MA PHYI MA LA BSDUS NAS BSGOMS PAS STONG PA GSUM SKYE BAR BSHAD DO, ,RIM LNGA CIG CAR BA LAS, RANG LHAR GSAL BA'I THUGS KAR PADMA DMAR PO 'DAB MA BZHI PA'I LTE BAR THIG LE DKAR PO AA THUNG NAG PO DANG BCAS PA CIG BSGOMS

, ,NAS, RDOR BZLAS BYED PA SNGAR DANG 'DRA BA LA, SEMS DMIGS NI, LTA SKU DANG PAD 'DAB DANG THIG LE LA SEMS GTAD PA NA STONG PA GSUM SKYE BAR BSHAD CING, LHA SKU DANG PAD 'DAB DANG THIG LE DANG AA THUNG RNAMS SNGA MA PHYI MA LA BSDU BAR BSHAD KYANG, ,DE'I THIM RIM LA STONG PA GSUM MA BZHAG PA NI, ,NOR PA YIN PAR SNGA MA GNYIS KYI GNAD KYIS KYANG SHES PAS, ,THIM RIM GSUM LA STONG PA GSUM SKYE BA SNGA MA RNAMS DANG MTHUN PAR BYA'O, ,'DI RNAMS LA SMIG RGYU LA SOGS PA'I RTAGS LNGA BYUNG BYUNG BAR DU RDOR BZLAS BYED PA DGONGS PAR SNANG STE LEGS SO, ,GDAMS NGAG RGYAS BSDUS DE DAG GI LUGS KYIS NI, ,SEMS DBEN SKYOD PA LA RLUNG KHA SPYAR 'DZIN PA DANG, ,DMIGS PA'I SDUD RIM CIG STE GNYIS TSIGS NAS BYED PA YIN NO, ,SEMS DBEN LAS RGYA LA BRTEN NAS SKYED PAR RIM SNGAR BSHAD PA LA, ,RIM LNGA BSDUS PA DANG, ,GSER SDING PA'I MAN DAG LAS DE GSAL BAR MI 'BYUNG YANG, ,PHYAG CHEN LAS RGYAL BRTEN NAS SPYIR BDE BA SKYED TSUL GYI GDAMS PA CIG SNANG BA DER MNGON NO, ,MAR LUGS PA GZHAN KHA CIG NI, ,RLUNG KHA SBYOR MI 'DZIN PAR YI GE TSAN PA GSUM LA DMIGS NAS, ,RIM PA BZHIN RDOR BZLAS BYAS PAS RTOG PA TSAN PA GSUM SBYONG BA DANG, ,YI SHES GSUM SKYE BAR 'DOD DO, ,NA' RO PA'I MAN NGAG NAG TSO LA BRGYUD PA LAS NI, ,SEMS KYI GNAS LUGS BDE BAS GROGS BYAS NAS RTOGS DGOS PA LA GNYIS LAS, ,CHAGS CAN 'OG SGO LA BRTEN PA NI, ,LAS RGYA LA BRTEN PA YIN LA , ,CHAGS

, ,BRAL STENG SGO LA BRTEN PA LA, ,YI G'I 'PHREN BA DANG, ,YI GE TZAM DANG, ,YI GE MED BAR YANG BDE BSKYED PA GSUM GYI DANG PO'I DBANG DU BYAS NA, ,SNYING KH'I YI GE TSAN GSUM LAS SPROS PA'I 'OS ZER GYIS , ,SPYI BO'I HAm BZHU BAS SNYING GA KHENGS PAR BSGOM ZHING, ,BDE BA SKYES PA NA RLUNG BAG RE 'DZIN PAR BSHAD PA MA GTOGS PA, ,SNGON DU RLUNG KHA SBYOR 'DZIN PA DANG, ,SDUD RIM GYI DMIGS PA MI SNANG NGO, ,GNYIS PA LA GNYIS, ,LUGS DE RNAMS JI STAR YIN RNAM PAR DPYAD PA DANG, ,GNAS PA'I PHYOGS RNAM PAR BZHAG PA'O, ,DANG PO NI, ,RLUNG THOG MAR DH'U T'IR BSDUS NAS THIM PA LA SUS KYI GNAD NGES PA CAN DGOS KYANG, ,RDOR GZLAS LA SOGS PA'I SUS LA GNAD DU BSNUN PA'I THABS BSGOMS NAS, ,RLUNG DH'U T'IR BTZUD PA LAS STONG PA BZHI DANG, ,DGA' BA SKYED PA LA BYANG BA CIG GIS DMIGS PA CI 'DRA ZHIG LA DMIGS NAS SEMS ZIN PA NA RLUNG 'DUS TE, ,NYAMS DE RNAMS CI RIGS PAR SKYE BA CIG SNANG NGO, ,DE NI SNGA MA'I SHUGS KYIS BYUNG BA YIN GYI, ,PHYI MA'I DMIGS PA DA'I LAG RJES YIN PAR MA NGES SO, ,NGES NA RDOR BZLAS LA LEGS PAR BSLABS NAS, ,LOBS PA CIG GIS SNGAR BSAD PA'I DMIGS PA RNAMS BZUNG BAS, ,NYAMS DE RNAMS SKYES BYUNG NA RGYU MTSAN DES GDAMS NGAG DE GZHUNG DE DAG GI DON YI PAR SGRUB MI NUS SO, ,RIM LNGA DANG SPYOD BSDUS LAS, ,SNANG BA GSUM GYI RNAM GRNGS SU YI GE GSUM DANG ZLA NYI RDO RDE SOGS BSHAD PA NI, ,RDZOGS RIM GYI SNANGS BA GSUM LA MING DE DAG GIS BTAGS PA DANG, ,SNANG BA GSUM GYI

, ,YE SHES SKYED MINUS PA'I BSKYED RIM GYI SKABS SU DE DAG TU MOS NAS SGOM ZHES PA'I DON YIN PAS, RDZOGS RIM PAS ZLA NYI SOGS LA YI GE BKOD NAS BSGOMS PAS YE SHES DE DAG SKYED PA DON MIN PAR BLA MA MNGON SHES CAN BZHED PALTAR LEGS SO, ,GAL TE SKYED PA YIN DU CHUG NA'ANG SNYINGKHAR BYA DGOS KYI, LTE BAR BYED PA NI LUGS 'DI'I GNAD MA RTOGS PA'O, ,SNANG BA'I YE SHES DANG MCHED PA LAS 'BYUNG ZHES PA YANG, DA RNAMS LAS RANG BZHIN RNAMS 'BYUNG BAR STON GYI, YI GE SOGS BSGOMS PAS YE SHES RNAMS 'BYUNG BAR STON PA MIN NO, ,YI GE DANG 'OD GZER GYI KHA DOG DKAR DMAR NAG GSUM BSGOMS PA'I SHUGS BRGYAB NAS YUL SNANG KHA DOG DE GSUM GYI RNAM PAR 'CHAR BA BYUNG YANG, GZHUNG NAS BSHAD PA'I KHA DOG GI RNAM PA 'CHAR TSUL MIN NO, ,RIM LNGA BSDUS PALAS, YI GE TSAN GSUM RIM PA BZHIN DU SNANG MCHED THOG GSUM GYI MTSON BYED DU BSHAD KYANG, YI GE BKOD PA DE DAG GI THAD DU SEMS BZUNG BAS YE SHES SKYE BAR STON MI DGOS LA, DE NYID LAS, MNYAM PA NYID DU SEMS BSNGAMS TE, ,MNYAM GZHAG 'KHOR LO'I LTE BA YI, ,YE SHES MNYAM PAR MTHONG GUR PA, ,NYE BAR THOB PA STONG PA CHE, ,ZHES 'KHOR LO LA BKOD PA'I YI GE LA DMIGS PA'I SEMS YUL GZHAN DU GA-YENG BA BSNGAMS TE, SEMS YI GE LA ZHUGS PA LTA BU'I MNYAM PA NYID DU BYAS TE, MNYAM BAR BZHAG PA GOMS BA LAS,

'KHOR LO'I LTE BA'I MI SHIGS PA AA THUNG DANG BCAS PA LA SEMS ZHUGS NAS, RO MNYAM DU SONG BA LAS STONG PA CHEN PO SKYE BAR GSUNGS PA DANG YANG MI MTHUN NO, ,DES NA 'KHOR LO SDUD NA'ANG YI GE LA GSAL SNANG BRTAN PA RNYED PA'I MTSAMS NAS, DANG POR PHYI MA LA DMIGS, DE NAS BAR MA LA BSDUS TE DE LA DANG, DE NAS NANG MA LA BSDUS TE DE LA DANG, DE NAS MI SHIGS PA LA BSDUS NAS DE LA DMIGS PA GOMS PAR BYED, YANG YI GE RNAMS SNGAR BZHIN BKOD NAS DE LTAR BYED PA SPEL BA LA GOMS NA DH'U T'IR 'DU BA MYUR BA YIN GYI, DH'U T'I'I NANG DU SDUD PA MI BYED PAR PHYI ROL TU GOMS KYANG STONG PA'I LAM RNAMS MTSAN NYID PA MI 'CHAR TE, DE DAG NI DH'U T'IR BSDUS TE THIM PA LAS 'BYUNG BA'I PHYIR RO, ,RIM LNGA BSDUS PA LAS KYANG, YI GE RNAMS SGOM PA DANG RDOR BZLAS MA GTOGS PA RLUNG KHA SBYOR 'DZIN PA MA BSHAD DO, ,RDO RJE 'PHRENG BA LAS, SNGAGS KYI DE NYID GCIG PUS 'GRUB, CES MANG DU GSUNGS PA YANG DE'I GNAD RDZOGS PAR SHES NAS BSGOMS NAS, RLUNG SBYOR GZHAN GROGS SU MED KYANG 'GRUB CES PA'I DON YIN NO, ,'DI YANG RDOR BZLAS KYI GNAD RDZOGS PAR MA RTOGS PAR RLUNG KHA SBYOR 'DZIN PA CIG MED NA, DOR BZLAS KYIS RLUNG DH'U T'IR THIM PA SOGS BYED MI NUS SNYAM NAS, KHA SBYOR 'DZIN NA GDAMS NGAG 'DI'I GNAD MI RTOGS PAR SNANG BAS DE LTAR BSHAD KYI, SPYIR RDOR BZLAS SGOM MKHAN GYIS RLUNG KHA SBYOR BZUNG NA SKYON DU 'GYUR ZHES PA NI MIN NO, ,'DIR KHA

, ,JI LTAR BTUS PA'I TSUL YANG RGYUD SDE RNAMS NAS SNGAGS BTU TSUL DU MA ZHIG GSUNGS PA'O, ,DE 'DRA BA'I SNGAGS THAMS CAD KYI DE KHO NA NYID NI, AOm A'A: H'Um GE YI GE GSUM YIN TE, SPYOD BSDUS LAS, DE LA SBRUL LA SOGS PA'I SNGAGS RNAMS NI, A'A LI K'A LI LAS YANG DAG PAR BYUNG BA RNAMS SO, ,DE RNAMS KYI DE KHO NA NYID NI MI SHIGS PA LAS BYUNG BA'I YI GE GSUM STE, GANG GI PHYIR SNGAGS THAMS CAD NI BUD MED DANG SKYES PA DANG MA NING GI NGO BO NYID MAN NGAG JI LTAR THOB PA YI GE GSUM LA RAB TU 'JUG GO ,DES NA YI GE GSUM NI SNGAGS THAMS CAD KYI BDAG PO'O, ,ZHES GSUNGS TE, GANG GI PHYIR NA, DES NA'I BAR GYIS YI GE GSUM SNGAGS THAMS CAD KYI BDAG PO YIN PA'I RGYU MTSAN GSUNGS SO, ,RTZA RGYUD LAS KYANG, DE NYID SNGAGS SNYING KUN BSDUS PA, ,SKU DANG GSUNG THUGS GSANG BAR GRAGS, ,ZHES YI GE GSUM SNGAGS KUN GYI SNYING PO STE GTZO BOR GSUNGS SO, ,BUD MED CES SOGS GSUM PO 'DI BTU GZHI A'A LI K'A LI DANG, BTUS PA'I SNGAGS SBRUL LA SOGS PA DANG, YI GE GSUM GANG DANG SBYAR RGYU YIN ZHE NA, SPYOD BSDUS CHAG 'GYUR LAS, BUD MED DANG SKYES PA DANG MA NING GI NGO BO NYID KYI SNGAGS THAMS CAD NI ZHES BSGYUR BA DANG, LE'U DRUG PA'I SGRON GSAL LAS, SNGAGS NI A'A LI K'A LI LAS BYUNG BA RNAMS TE SBRUL LA SOGS PA'I NGO BO YIN LA, DE RNAMS NI BUD MED DANG SKYES PA DANG MA NING NYID KYIS YI GE GSUM GYI GZHIR GYUR PAS NA SNGAGS NI YI GE GSUM STE, ZHES 'GYUR RNYING GNYIS LAS 'BYUNG LA,

'GYUR GSAR GNYIS LAS YI GE GSUM DU 'DUS PAS, ZHES 'BYUNG ZHING, LE'U BCU PA'I SGRON GSAL LAS KYANG, SKYES PA LA SOGS PA'I SNGAGS GSUM YI GE GSUM DU BSDU RGYUR BSHAD PA NI BTUS PA'I SNGAGS LA GSUM DU BYAS PA'O, ,SNGAGS RNAMS LA PHO MO MA NING BYED TSUL DANG, DE RNAMS YI GE GSUM DU SDUD TSUL LA, MAN NGAG JI LTAR THOB PAS, ZHES PA TZAM MA GTOGS PA YAB SRAS LNGA'I GZHUNG NAS GSAL BAR MA BYUNG ZHING, BSHAD PA GZHAN LA YANG YID BRTAN THOB PAR MI SNANG NGO, ,RANG GI LUGS NI, LHA PHO MO RE RE BA DANG, GNYIS KA'I SNGAGS KYI SGO NAS GSUM DU 'JOG LA, SNGAGS KYI LHA JI SNYED CIG GSUNGS PA THAMS CAD RDO RJE GSUM DU 'DU BAS SNGAGS THAMS CAD KYANG YI GE GSUM DU 'DU BA YIN NO, ,DE'I PHYIR YI GE GSUM NI SNGAGS THAMS CAD KYI SNYING PO YIN TE, SKU RDO RJE'I RIGS THAMS CAD KYI SNYING PO AOm YIG YIN PAS, DE'I SNGAGS THAMS CAD KYI GTZO BO YANG AOm YIG GO ,DE BZHIN DU GZHAN GNYIS LA'ANG SHES PAR BYA'O, ,BTU GZHI LA BYED NA, RDO RJE SNYING PO RGYAN GYI RGYUD LAS, A'A LI BCU GNYIS BUD MED DANG, KA TZA tA TA PA'I SDE TSAN RNAMS SKYES PA DANG, Ri Li BZHI MA NING DU GSUNGS PA LTAR BYA'O, ,YI GE GSUM LA NI AOm SKYES PA DANG, A'A: BUD MED DANG, H'Um MA NING DU BYA DGOS PAR MNGON NO, ,SKAL LDAN GRAGS PA SOGS KYIS, DBYANGS GSAL SDE TSAN BRGYAD THOG MA'I YI GE AA KA TZA tA TA PA YA SHA DANG, DE BRGYAD AA KA YA SHA DANG, DE BZHI AA KA YA GSUM LA 'DUS SHING, ,DE GSUM RIM PA BZHIN DU BUD MED A'A: DANG, SKYES

, ,PA H'Um DANG, MA NING AOm DU YONGS SU 'GYUR BAR 'DOD DO, ,DE LTAR NA BTU GZHI LAS SNGAGS BTU TSUL MTHA' YAS PA CIG YOD KYANG, SKABS 'DIR NI AOm A'A: H'Um GSUM DU THU BA YIN LA, DE RE RE YANG MI SHIGS PA DANG LHAN CIG YI GE GSUM GSUM LAS BYUNG BA'I SGO NAS BTUS PA'I YI GE GSUM DU SNGAGS THAMS CAD SDUD PA NI SNGAGS BTU BA'O, ,SNGAGS THAMS CAD 'BRU GSUM DU 'DU BAR BSTAN PA'I DGOS PA NI, SNGAGS GZHAN THAMS CAD KYI DNGOS GRUB SGRUB PA'I NUS PA RNAMS YI GE GSUM LA YOD PAR GO BA'I CHED YIN PAS NGAG BZLAS THAMS CAD KYI BZLAS PA'I MTHAR THUG YIN TE, LE'U BCU PA RTZA 'GREL GNYIS LAS, BSKYED RIM PA SPYOD PA GSUM NYAMS 'OG TU TSUD PAS KYANG DNGOS GRUB MA GRUB NA BZLAS PA'I SNGAGS 'BRU GSUM GYIS LHA THAMS CAD KYI THUGS KYI SNYING PO SKUL BAR BYED PAR GSUNGS PA'I PHYIR DANG, 'CHAD PA LTAR BSKYED RIM PAS 'DI'I SGO NAS LAS BZHI GA SGRUB NUS PA'I PHYIR RO, ,DE LTA YIN NA NGES DON GYI YI GE GSUM GYI BZLAS PA RLUNG GSUM DANG DBYER MED DU SBYAR NAS ZLO BA'I RDO RJE BZLAS PA LA NI, LHA THAMS CAD KYI THUGS RGYUD BSKUL NAS SGRUB PA PO LA BYIN GYIS RLOB PAR BYED PA'I SNGAGS KYI NGAG BZLAS THAMS CAD KYI NUS PA YOD PA LTA CI SMOS, DES NA RDOR BZLAS LA RLUNG GI RNAL 'BYOR GYI CHA NAS RLUNG DH'U T'IR SDUD PA SOGS KYI YON TAN YOD PAR MA ZAD, SNGAGS BZLAS BA'I SGO NAS NUS PA KHYAD PAR CAN SKYED PA YANG BLA NA MED PA YOD PA'I TSUL LA NGES PA RNYED DGOS PAS, RLUNG GI RNAL 'BYOR

GZHAN DANG MI 'DRA'O, ,DE 'DRA BA'I YI GE GSUM GYIS BYA BA CI ZHIG BYED PA SPYOD BSDUS LAS GSUNGS PA LA GNYIS LAS, THA MAL PA DANG RNAL 'BYOR PA GNYIS KA'I THUN MONG GI BYA BA BYED TSUL NI, 'BRU GSUM DE NYID 'JUG GNAS LDANG BA'I RIM GYIS 'JUG PA'I DBANG GIS NYIN MTSAN DU LUS GNAS PAR BYED PA'I SGO NAS 'DZIN PAR BYED PA DANG, 'BRU GSUM DE NYID KHU KHRAG GI NGO BO'I A'A LI K'A LI RNAMS DANG LHAN CIG DBANG PO GNYIS SBYOR BA'I DUS SU KHA THUR DU BLTAS TE GSANG BA'I SNA BUG NAS, SA BON GYI GZUGS KYIS BYUNG NAS SEMS CAN GYI LUS SKYED PAR BYED PA DANG, DE NYID YANG SROG RTZOL DANG LHAN CIG STENG DU SONG NAS MIG LA SOGS PA'I DBANG PO'I SGO RNAMS SAD PAR BYED DO, ,KHU KHRAG RLUNG DANG 'DRES NAS 'OG TU 'GRO BA NA 'OG GI SNA SGO NAS RLUNG 'BYUNG 'JUG BYED PA DANG, RANG GNAS SU GNAS PA LA DGONGS NAS YI GE GSUM DU BSHAD LA, SROG GI RLUNG STENG DU 'GRO BA LA'ANG CHA 'GA' ZHIG NANG DU GNAS PA DANG PHYIR SONG BA'I RJES SU NANG DU 'ONG BA YOD PAS YI GE GSUM BRTZIR RUNG ZHING, RLUNG GI GDANGS KYI YI GE DE LA RLUNG DANG LHAN CIG CES PA'I THA SNYAD KYANG 'THOB BO, ,LUS LA GNAS PA'I SKABS SU BSHAD ZIN PA DANG 'CHAD 'GYUR GYI BYA BA THAMS CAD BYAS TE, 'CHI BA'I MTHAR MI SHIGS PAR ZHUGS NAS, YANG THA MAL PA'I LUS LA BRTEN TE SNGAR BZHIN DU BYA BA THAMS CAD BYED DO ZHES GSUNGS PA'I DON NI BSHAD ZIN TO, ,KHYAD PAR DU RNAL 'BYOR PA LA BYA BA BYED TSUL LA GNYIS LAS, BSKYED RIM PA LA BYED

, ,TSUL NI, YI GE GSUM YANG DAG PAR SBYOR BA LAS LHA'I SKU SKYED DE, 'DI NI KHA DOG DANG DBYIBS KYI RNAM PA CAN GYI YI GE GSUM MO, ,DE NYID KHA DOG DANG DBYIBS KYI RNAM PA CAN GYI YI GE'I GZUGS SU SNYING KHA LA SOGS PAR BKOD NAS, SHUB BU DANG SGRA GSAL BA'I NGAG GI BZLAS PA BYAS PAS BYA'I KHA DOG DANG, KHA LTA PHYOGS LA SOGS PA LA BRTEN NAS ZHI BA LA SOGS PA'I LAS RNAMS BYED DE, 'DI LA NI SGRA DANG GZUGS KYI 'BRU GSUM GNYIS YOD DO, , RDZOGS RIM PA LA BYED TSUL NI, STENG GI SNA SGO NAS BYUNG NAS LHUN GYIS GRUB PA'I RDO RJE'I BZLAS PA BYAS PAS SNGON GYI LAS KYI SGRIB PA SPYOD LA, RDOR BZLAS KYI SGO NAS DKYIL 'KHOR BZHI'I RLUNG RGYU BA'I THUN PHYED RE RE LA ZHI RGYAS DBANG DRAG GI GTZO BO'I LAS RE RE DANG, PHAL PA'I TSUL DU GZHAN GSUM GSUM 'GRUB PA'I GTZO PHAL GYI LAS GNYIS GNYIS 'GRUB PA'O, ,RNAL 'BYOR PA GNYIS KAS BZA' BTUNG LONGS SPYOD PA NA YI GE GSUM GYIS SBYANG RTOGS SBAR GSUM GYI RIM GYIS KHA ZAS KYI NYES SKYON SBYONG BAR BYED DE, 'DI LA'ANG SGRA GZUGS GNYIS YOD DO, ,DE LTAR PHYI NANG GNYIS KA'I DBANG DU BYAS NAS GSUNGS KYANG, 'DIR GTZO BO NI SNYING KHA'I MI SHIGS PA LAS BYUNG BA'I RLUNG LDANG 'JUG GNAS GSUM GYI RANG GDANGS KYI YI GE GSUM YIN TE, SPYOD BSDUS LAS, NANG GI BDAG NYID CAN GYI NGAG GI YI GE LA 'JUG PAR BYA BA LA NI SOM NYI MA MCHIS NA, ZHES GSUNGS SHING, RE RE YANG MI SHIGS PA LAS 'BYUNG BAR GSUNGS PA'I PHYIR RO, ,GNYIS PA NI, SNGAGS KYI BRDA NI SNGAGS

KYI MING STE, DE YANG MGOR AOm DANG MTHAR SV'AH'A YOD PA'I SBRUL DANG, AOm YOD LA SV'A H'A MED PA'I MJUG MED DANG, DE LAS BZLOG PA'I MGO MED DANG, GNYIS KA MED PA'I BTUS PA ZHES PA BZHI DANG, SNYING PO NYE SNYING SOGS DU MA ZHIG YOD KYANG, 'DIR NI DGONGS PA LUNG STON LAS, BRDA YIS DE NYID GSUM GNAS PA, ,RANG BZHIN BZLAS PA'I MTSAN NYID DO, ,ZHES GSUNGS SO, ,DES NI BRDA YIS NI RLUNG GI DE NYID LDANG 'JUG GNAS PA GSUM DU DANG PO NAS GNAS PA DE, RANG BZHIN GYI BZLAS PA'I MTSAN NYID CAN DU SHES PAR BYA BAR BSTAN PAS, NANG GI SNGAGS GSUM GYI BRDA NI DE NYID GSUM GNAS YIN LA, 'JUG PA'I DE NYID NI AOm GYI BRDA YIN, DES GZHAN GNYIS KYANG SHES PAR BYA'O, ,RGYUD DE LAS, MYUR BA DANG, RNAM SDUD DANG, DAL BA CAN ZHES PA'I BRDAS KYANG GSUNGS SO, ,DE LTAR NA RDOR BZLAS KYI BZLAS BYA'I SNGAGS BTUS PA NA YI GE GSUM BYUNG BA DE'I MING GI BRDA BSTAN PA NA, RLUNG GI GDANGS KYI YI GER SHES NAS DE GNYIS DBYER MED DU SBYOR BA YIN NO, ,DGONGS PA LUNG STON LAS, PHYAG RGYA MED PA'I SNGAGS GCIG PU'ANG, ,SNGAGS KYI SKYES BUR 'GYUR BA MIN, ,ZHES SNGAGS DANG PHYAG RGYA GNYIS KA SBYOR BA MED NA KHYOD KYIS MI 'GRUB PAR GSUNGS NA, 'DUS PA 'DIR LAG PA'I PHYAG RGYA MA BSTAN PAS, SNGAGS GCIG PUS JI LTAR 'GRUB CES ZHUS PA'I LAN DU, MYUR BA LA SOGS GSUM LDAN PA, ,PHYAG RGYA SGRUB PAR BSHAD PA YIN, ,ZHES RLUNG PHYIR LDANG BA'I MYUR BA DANG, NANG DU 'JUG PA SDUD PA DANG, NANG DU GNAS PA DAL PA CAN BGRANG PA DANG LDAN PA NI, PHYAG RGYA SGRUB PA STE DE 'CHING BA YIN LA, MYUR DANG RNAM

, ,SDUD DAL BA CAN, ,SNGAGS SU NGES PAR SBYOR BA NI, ,SLOB DPON GYIS NI 'BAD PA YIS, ,SLOB MA'I RNA BA'I DRUNG DU BRJOD, ,CES DE GSUM YI GE GSUM GYI SNGAGS DANG SBYOR BA NI SNGAGS DANG PHYAG RGYA SBYOR BA YIN PAS, PHYAG RGYA CHEN PO 'GRUB CES BSHAD PAS, PHYAG RGYA 'CHING BA THAMS CAD KYI YON TAN YANG 'DI LA 'DUS PAR BSTAN TE, LAN 'DI RNAMS RNAM GZHAG TU DRANGS PA LTAR RO, ,YANG, SPYAN DRANG BA DANG GSHEGS SU GSOL, ,'DIR NI LEGS PAR JI LTAR BRJOD, ,CES ZHUS PA'I LAN DU, MYUR BA DANG NI 'JUG PA DANG, ,GNAS PA RJES SU SBYOR BA RNAMS, ,SPYAN DRANG BA DANG GSHEGS GSOL LA, 'DI DAG PHYAG RGYAR YANG DAG 'GYUR, ,ZHES GSUNGS TE, LAG PA'I PHYAG RGYA 'CHING BA NI LHA SPYAN 'DREN PA DANG GNAS SU BZHUGS SU 'JUG PA DANG, GSHEGS SU GSOL BA STE RANG RANG GI 'PHRIN LAS LA BSKUL BA'I CHED YIN LA, DGOS PA DE RDOR BZLAS KYIS 'GRUB STE, 'DI LTAR NANG DU 'JUG PA SOGS KYI BZLAS PA GSUM GYIS SPYAN 'DREN PA DANG, BZHUGS SU GSOL BA DANG, LAS LA BSKUL BA'I DGOS PA 'GRUB PA'I PHYIR RO, ,GSUM PA NI, SNGAGS KYI DON NI SPYIR DU MA ZHIG YOD KYANG, 'DIR RDOR BZLAS KYI YI GE GSUM GYI SNGAGS KYI DON BSHAD DGOS LA, DE YANG YI GE GSUM GYI GDANGS LA BYED PA BSHAD ZIN PAS DE MIN NO, ,'O NA GANG ZHE NA, RDZOGS RIM PA'I SKU RDO RJE LA SOGS PA GSUM YIN LA, DE NI DGONGS PA LUNG STON LAS, DE NI YONGS SU GYUR PA'I GZUGS, ,LHA RU NYE BAR DMIGS PA'O, ,ZHES GSUNGS PA DE YIN TE, SPYOD BSDUS LAS, BSHAD RGYUD

'DI LAS SRAGS BTU BA DANG, SNGAGS KYI BRDA DANG, SNGAGS KYI DON DANG, SNGAGS KYI DE KHO NA NYID BZHI GSUNGS PAR BSHAD PA NI, RGYUD DER BRJOD PA DANG, DMIGS PA DANG, BRDA DANG, DON DAM PA BZHI GSUNGS PA DE NYID YIN PA'I PHYIR RO, ,DE YANG RTZA RGYUD LE'U GNYIS PAR, LUS SEMS LTA BU DANG, ZHES SOGS KYIS LUS NGAG YID GSUM DBYER MED PAR SBYOR BA'I SGYU MA'I SKU SKYED CIG CES GSUNGS PA'I SKYED TSUL DRIS PA'I LAN YIN PAS, RKANG PA GNYIS PO DES SGYU MA'I SKU SKYED PA BSTAN NO, ,DE LTAR NA DE NI ZHES PA NI DNGOS MED NGO BO STE 'OD GSAL MI SHIGS PA LAS BYUNG BA'I RLUNG SEMS SO, ,DE YONGS SU GYUR PA LAS LHA'I GZUGS SU DMIGS PA NI RLUNG SEMS LAS SANGS RGYAS KYI SKUR LA'ANGS PA'O, ,DE NYID NI RDO RJE GSUM DBYER MI PHYED PA'I SGYU MA'I SKU STE 'DI LA SGYU MA'I SKU GNYIS YOD DO, ,BZHI PA NI, 'GAG MED RAB TU ZHI BA STE, ,RTAG DANG CHAD PA RNAM SPANGS PA, ,DUS GSUM MKHYEN PAS MA BYAS PA, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, ,SO SO RANG RIG MTSAN NYID DO, ,ZHES CHOS RNAMS KYI DE KHO NA NYID NAM MKHA' LTA BU SANGS RGYAS RNAMS KYIS MA BYAS PA DE DANG, RTOG PA STE SHES PA GNYIS RO GCIG TU SONG BA DBYER MED PA'I 'OD GSAL GYI BYANG CHUB KYI SEMS NI SNGAGS KYI DE KHO NA NYID DAM SNGAGS KYI DON DAM PAR BSTAN NO, ,DE LTAR NA SNGAGS BTU BA'AM, BRJOD PA'I SNGAGS DANG, SNGAGS KYI BRDA GNYIS KYIS RDOR BZLAS BYED TSUL BSTAN LA, DE BYAS PAS BDEN PA GNYIS KYI BYANG CHUB KYI SEMS BSKYED PA NI, SNGAGS KYI DON NAM, SNGAGS KYI DMIGS PA DANG,

, ,SNGAGS KYI DON DAM PA GNYIS KYIS BSTAN PA 'DI BSHAD RGYUD KYI DON DU ZUNGS SHIG ,LNGA PA NI, RIM LNGAR SNGAGS KYI DE KHO NA NYID NI RTZA RGYUD LE'U BCU PA LAS, SNGAGS THAMS CAD BSDUS PA 'BRU GSUM DU GSUNGS PA DES BSTAN PA DANG, DE NYID DGONGS PA LUNG STON GYI LE'U GNYIS PA LAS, BRJOD PA'I SNGAGS GSUNGS PA'I GZHUNG RNAMS KYIS 'CHAD PAR MDZAD NAS, GZHUNG DE RNAMS DRANGS LA, SPYOD BSDUS LAS KYANG, YI GE GSUM YI GE GZHAN GYIS SKYED TSUL GZHUNG DE DAG GIS STON PAR MDZAD NAS DE RNAMS DRANGS SO, ,DRANGS PA'I GZHUNG LAS YI GE GSUM GYI SNGAGS BTU BA BSTAN PA'I 'OG TU, THUNG DU MA LUS NGAG TU 'GYUR, ,GCIG MIN DU MA MA YIN NO, ,ZHES SOGS GSUNGS PA LA SPYOD BSDUS LAS, THUNG NGU MA LUS NGAG TU 'GYUR, ,ZHES PA'I DON BSHAD PA MA GTOGS PA GZHUNG GZHAN RNAMS LA DNGOS SU BSHAD PA MA MDZAD DO, ,DE'I RGYU MTSAN NI, SNGAGS KYI DE NYID SHES PA LA AA THUNG NGAG MA LUS PA'I RTZA BAR GSUNGS PA'I DRANG NGES KYI KHYAD PAR LEGS PAR SHES PA MED MI RUNG YIN PA DANG, DA SHES NA GZHUNG GZHAN RNAMS KYI NGES DON RTOGS PAR SLA BA LA DGONGS SO, ,DES NA SPYOD BSDUS LAS, AA THUNG TSIG MA LUS PA LA 'JUG PA'I RGYUR 'GYUR TSUL DRIS PA'I LAN DU, 'DI NA GSUNG RAB 'CHAD PA DAG NI BY'A KA RA nA'I TSIG SNGON DU BYAS NAS, SGRA YI DON 'BA' ZHIG GI RJES SU 'BRANG GI, YANG YI GES BRJOD PA GANG DU, GANG GI PHYIR, JI LTAR RAB TU 'JUG PA SHES PA NI MA YIN NO, ,YI GE'I DE KHO NA NYID JI LTA

BA NYID NI MI SHES TA, SANGS RGYAS RNAMS KYI SPYOD YUL YIN PA'I PHYIR RO, ,BSTAN PA'I RIM GYIS DE KHONG DU CHUD PAR BYA YIS NYON CIG ,CES GSUNGS PA'I DON LEGS PAR GTAN LA DBAB DGOS SO, ,DE LA GSUNG RAB 'CHAD PA NI, BSHAD RGYUD LA BRTEN NAS AA THUNG NGAG MA LUS PA LA 'JUG PA'I RGYUR 'GYUR BA'I NGES DON SNGAGS KYI DE KHO NA NYID MI SHES PA'I RANG SDE GSUNG RAB KYI DON 'CHAD PA KUN YIN TE, SPYOD BSDUS LAS, SNGAGS KYI DE KHO NA NYID CES BYA BA, GANG DE KHO NA NYID BSDUS PA LA SOGS PA'I RTZA BA'I RGYUD DANG, RGYUD PHYI MA LAS SNGAGS TZAM GSUNGS KYI, SNGAGS BTU BA NI MA BSTAN NO, ,BSHAD PA'I RGYUD LAS NI SNGAGS BTU BA DANG SNGAGS KYI BRDA DANG, SNGAGS KYI DON DANG, SNGAGS KYI DE KHO NA NYID BCOM LDAN 'DAS KYIS BDEN PA KHO NAR GSUNGS SO, ,DES NA BSHAD PA'I RGYUD MA RTOGS SHIG, PHYI ROL GYI GSANG SNGAGS LA MNGON PAR ZHEN PA RNAMS KYIS SHES PAR MI 'GYUR TE, ZHES GSUNGS SO, ,BY'A KA RA nA NAS, RJES SU 'BRANG GI'I BAR GYI DON NI, SGRA BA'I LUGS KYIS NGAG TSIG GI DON SGRA'I STOBS KYIS JI TZAM ZHIG LA 'JUG PAR 'CHAD PA'I TSIG DON NGES PAR BYAS NAS SGRA'I BRJOD BYA'I DON DE TZAM ZHIG SHES PA'I DON NO, ,YI GES BRJOD PA NI RGYUD LAS, THUNG NGU MA LUS NGAG TU 'GYUR, ,ZHES PA'I SGRA'I THOB TSOD KYI DON TZAM LAS GZHAN DU GYUR PA'I NGES DON NO, ,DE YANG GANG DU 'JUG PA DANG, GANG GI PHYIR 'JUG PA DANG, JI LTAR 'JUG PA'I DON NO, ,'DI LA BOD KYI BLA MA RNAMS KYIS NGAG TSIG RNAMS GANG DU 'JUG NA RANG GI BRJOD BYA'I DON LA 'JUG ,

, ,GANG GI PHYIR TE RGYU MTSAN GANG GIS 'JUG NA AA THUNG RGYUR GYUR PA'I SGO NAS 'JUG ,JI LTAR 'JUG NA YI GE DU MA 'DUS PA LAS MING DANG, DE 'DUS PA LAS TSIG DANG, DE 'DUS PA LAS NGAG DANG, DE 'DUS PA LAS BSTAN BCOS KYI BAR DU 'GRUB PA LA 'CHAD PA NI DON MIN TE, DE LTA NA SGRA'I GZHUNG LA BRTEN NAS GSUNG RAB 'CHAD PAS MI SHES PAR GSUNGS PA SHIN TU MI RIGS PAR 'GYUR RO, ,'O NA GANG ZHE NA, 'DIR 'JUG PA PO NI, A'A LI K'A LI'I BDAG NYID CAN GYI NGAG TU GSUNGS PA'I MTSON DON RLUNG DBYANGS GSAL GYI RNAM PAR SNANG BA'O, ,GANG DU 'JUG NA, SNYING KHA'I MI SHIGS PAR 'JUG STE, SNGAR SPYOD BSDUS DRANGS NAS BSHAD ZIN TO, ,GANG GI PHYIR 'JUG NA, MI SHIGS PA THOB NAS DNGOS PO MED PAR 'GYUR RO, , ZHES SPYOD BSDUS LAS GSUNGS PAS, DNGOS PO MED PA 'OD GSAL MNGON DU BYA BA'I PHYIR DU'O, ,JI LTAR 'JUG NA, SA CHU LA THIM PA SOGS KYI THIM RIM GYI TSUL GYIS SO, ,DE 'DRA BA'I TSUL GSUM GYI YI GE AA THUNG GI DE KHO NA NYID NI, SANGS RGYAS RNAMS KYI SPYOD YUL GDUL BYA 'OG MA RNAMS LA GSANG BA'I DON YIN PAS, DE RNAMS KYIS MI SHES SO, ,SPYOD BSDUS KYI 'GREL PAR YI GE'I DON LA THOS PA LA SOGS PAS 'JUG PA'I SKABS SU, MDZUB MOS ZLA BA BSTAN PA LTAR DAM PA MIN PA RNAMS KYIS MI SHES ZHES 'CHAD PA NI DON DU MA MTHONG NGO, ,BSTAN PA'I RIM GYIS KHONG DU CHUD PAR BYED TSUL LA, MA LUS NGAG CES PA NI DBYANGS BCU DRUG DANG GSAL BYED SO GSUM GYI YI GE ZHES DGU PO MA LUS PA THAMS CAD DO, ,DE RNAMS RIM GYIS 'DUS PA

LAS MDO SDE DANG RGYUD SDE LA SOGS PA'I 'JIG RTEN DANG 'JIG RTEN LAS 'DAS PA'I BSTAN BCOS BYUNG NAS DNGOS GRUB THAMS CAD RDZOGS PAR BYED DO, ,DE RNAMS KYI NGAG TSIG LA SOGS PAR GTOGS PA'I YI GE'I BYE BRAG RNAMS KYI DON SHES PA NI AA THUNG SREG TU YOD PA'I DBANG GIS YIN TE, AA THUNG DANG MI LDAN PA'I KA LA SOGS PA'I YI GE NI YOD PA MIN PA'I PHYIR TE, MTHA' CAN YIN PA'I PHYIR TSIG TU MI 'GYUR RO, ,ZHES BSHAD PA NI, THUNG NGU MA LUS DAG TU 'GYUR, ,ZHES GSUNGS PA'I SGAS ZIN DRANG DON GYI BSHAD PA'O, ,DE NAS, JI SKAD DU MTSAN BRJOD LAS, AA NI YIG 'BRU KUN GYI MCHOG ,DON CHEN YI GE DAM PA YIN, ,KHONG NAS 'BYUNG BA SKYE BA MED, ,TSIG TU BRJOD PA SPANGS PA STE, ,BRJOD PA KUN GYI RGYU YI MCHOG ,TSIG KUN RAB TU GSAL BAR BYED, ,CES GSUNGS TE, ZHES DRANGS PA NI, SNGAR AA THUNG YI GE GZHAN KUN DANG LDAN DGOS PAR BSTAN PA'I SHES BYED DU DRANGS PA MIN TE, ZHES GSUNGS TE, DE BAS NA BCOM LDAN 'DAS KYIS BSAM GTAN MA LUS PA'I SGO'I SA BON GYI TSIG ,AA NI SKYE BA MED PA'I PHYIR CHOS THAMS CAD KYI SGO'I, ,ZHES GSUNGS PA DANG, LHAN CIG SKYES PA'I YI GE YIN PAR YANG GSUNGS TE, RDO RJE DKYIL 'KHOR RGYAN ZHES BYA BA'I RGYUD LAS KYANG, AA GSAL BAR BSTAN PA'I PHYIR, SNYING GI DBUS NA MI SHIGS PA, ,ZHES SOGS SNGAR DRANGS PA LTAR DRANGS PA'I MTHAR, DE LTAR NA DE BZHIN GSHEGS PA THAMS CAD PA'I RIGS SU GYUR PA DANG, AA RGYUR GYUR PA DANG, AA LAS NGES PAR 'BYUNG BA STE, ZHES LUNG GSUM LAS GSUNGS PA RGYU

, ,MTSAN DU BYAS NAS, SANGS RGYAS RNAMS AA LAS 'BYUNG BAR BSGRUBS KYI, NGAG KUN LA AA THUNG YOD PAR MA BSGRUBS PA'I PHYIR RO, ,DE'I MJUG TU SPYOD BSDUS LAS, LANG GSHEGS LAS, DON LA BRTAN PAR BYA'I YI GE LA BRTAN PAR MI BYA BA DANG, YI GE'I PHYIR 'BRANG BAS NI RANG YANG DON DAM LAS NYAMS PAR BYED CING, GZHAN YANG KHONG DU CHUD PAR MI BYED PA DANG, GCIG GIS GCIG LA SOR MO'I RTZE MOS DON CIG BSTAN NA, DES SOR MO'I RTZE MO NYID KYI PHYIR 'BRANG ZHING LTA BA DE BZHIN DU, BYIS PAS KYANG SGRA JI BZHIN PA'I DON LA CHAGS NAS DON DAM PA TSOL BAR MI BYED DO, ,DES NA DON 'DOD PAS DE BSTAN PAR MI BYA ZHING, SGRA JI BZHIN PA LA ZHEN PA DOR NAS DON BTZAL BAR BYA'O ZHES GSUNGS PA KHUNGS SU DRANGS TE, AA THUNG TSIG THAMS CAD LA 'JUG PAR BSTAN PA'I SGRAS ZIN GYI DON DE TZAM DU 'DZIN NA, DES MTSON PA'I DON GZHAN MI RNYED PAS, SOR MO'I RTZE MO KHO NA LA LTA BA NA DES MTSON PA'I DON MI MTHONG BA DANG 'DRA BAS, DE'I SGRAS ZIN GYI DON LAS DON GZHAN BTZAL DGOS PA'I DON NO, ,'O NA DON DE GANG YIN ZHE NA, 'DI LA BOD KYI BLA MA RNAMS, NGAG GI SGRA THAMS CAD DBYANGS GSAL LAS BYUNG ZHING, DE THAMS CAD AA THUNG LAS BYUNG BA DANG, AA THUNG LUS KYI KHONG STONG 'OD GSAL LAS BYUNG BA'I PHYIR, SGRA THAMS CAD NAM MKHA' DANG MNYAM ZHING, STONG NYID KYI RTZA BA CAN YIN PAS NA, SGRA DES BRJOD PA'I DON PHUNG PO LA SOGS PA THAMS CAD KYANG, NAM MKHA' DANG 'DRA BA RANG BZHIN MED PAR SHES PAR BYA BA NI SGRA'I DE KHO NA NYID DU 'CHAD DO, ,

RANG GI LUGS NI, RDO RJE DKYIL 'KHOR RGYAN GYI LUNG DRANGS PAS, SNYING GI DBUS NA MAR ME LTAR 'BAR BA'I MI SHIGS PA AA'I DON DU GSUNGS LA, DE DANG MTSAN BRJOD LAS, AA NI YIG 'BRU KUN GYI MCHOG TU BSHAD PA DANG, RGYUD GZHAN LAS AA CHOS THAMS CAD KYI SGOR GSUNGS PA RNAMS SKABS 'DIR DON GCIG TU BSHAD DGOS SHING, DE YANG SPYOD BSDUS SU 'CHI BA'I MTHAR RLUNG RNAMS THIM PA'I GZHI MI SHIGS PA YIN PAR GSUNGS PA DE'O, ,AA THUNG GI DES DON DE LTAR BSHAD PA NA, DE DBYANGS GSAL GYI YI GE MA LUS PA 'JUG PA'I RGYUR GSUNGS PA'I DBYANGS GSAL GYI YI GE'I NGES DON KYANG, MI SHIGS PA'I RLUNG PHRA BA LA BRTEN NAS BYUNG BA'I RLUNG RNAMS LUS KYI NANG GI GNAS RNAMS SU PHYIN PA NA, DBYANGS GSAL GYI RNAM PA CAN DU 'BYUNG BAR BSHAD PA'I DBYANGS GSAL LA BYA'I, LCE RKAN GYI RTZOL BA LAS BYUNG BA'I DBYANGS GSAL LA MIN NO, ,Sm BHU tA LAS, LTE BA'I RTZA 'DAB BRGYAD KYI DBUS SU YIG 'BRU'I MCHOG AA YIG GNAS PA DANG, LUS CAN RNAMS KYI SNGAGS KUN DE NYID LAS SKYE BAR GSUNGS PA'I AA THUNG NI, GTUM MO RDUL GYI RI MO'I N'A DA YIN LA, 'DIR NI RDO RJE 'PHRENG BA LAS, RLUNG BRGYA RTZA BRGYAD GSUNGS PA RNAMS GNAS GANG LAS LDANG BA DANG, MCHOG PAR BGYID PA LAGS, ,ZHES ZHUS PA'I LAN DU, RLUNG GI GNAS KYI MTSAN NYID NI, 'KHOR LO DRUG LA KHYAB PA'I RLUNG, ,CHOS KYI 'KHOR LOR RTAG TU GNAS, ,SROG CES BYA BAS 'GRO LA KHYAB, ,RNAM RTOG MED PA MTSAN PHYED NA, ,NAM MKHA' MCHOG LAS SHAR NAS NI, ,RLUNG GI RANG BZHIN 'BYED PAR BYED, ,

, ,CES SPYIR RLUNG GI GNAS 'KHOR LO DRUG KA YIN PA DANG, KHYAD PAR DU SNYING GI NAM MKHA' LAS SROG RLUNG SHAR BA DES, RLUNG THAMS CAD 'BYED PA STE GA-YO BAR BYAS NAS LDANG BA DANG, RLUNG DES 'GRO BA RNAMS KYI RLUNG KUN LA KHYAB PAR GSUNGS PA DANG, DANG POR CHAGS PA NA SNYING KHA NAS SROG RLUNG 'CHAGS SHING, MTHAR SDUD PA NA DER SDUD PAR GSUNGS PAS, SNGAR MI SHIGS PA'I AA THUNG LAS SNGAGS KUN SKYE BAR BSHAD PA NI, SNYING KHA NA GNAS PA'I SROG GI RLUNG DANG, BYANG SEMS KYI MI SHIGS PA'I AA THUNG NGO, ,MAN SNYE LAS, LTE BAR YI GE SDE TSAN BRGYAD GNAS PAR GSUNGS PA LA, MI GSAL BA'I NGO BOS GNAS PA DANG, BRJOD PA'I DUS SU BHA GA'I PADMAR RLUNG GI SKYE GNAS CAN RNAMS MI GSAL BAR SKYE LA, RKAN LA SOGS PA'I BYED PA RNAMS LAS GSAL BAR SKYE BAR BSHAD DO, ,SNYING KHA'I AA THUNG NI 'OD GSAL 'CHAR BA'I GZHI MCHOG YIN PAS, YIG 'BRU KUN GYI MCHOG DANG, DE'I PHYIR DON CHEN PO DANG, YI GE DAM PA'O, ,KHONG NAS 'BYUNG BA SKYE BA MED LA, CHAG 'GYUR DU, SROG CHEN PO NI YI GE MED, CES 'BYUNG STE, SROG NI SROG RLUNG DANG, CHEN PO NI MCHOG GI DON NO, ,YI GE MED PA NI MI SHIGS PA YIG 'BRU'I GZUGS SU MED PA'O, ,TSIG TU BRJOD PA SPANGS PA NI, BRJOD PA'I NGO BOR MED PA'O, BRJOD PA'I RGYU NI, SPYIR RLUNG KUN YIN KYANG MI SHIGS PA GTZO BO'I RGYU'O, ,TSIG KUN RAB TU GSAL BAR BYED PA YANG DE LAS 'ONGS PA'I RLUNG GIS MGRIN PAR PHYIN PA NA SGRA GSAL BA'I TSIG RNAMS SKYE BA'O, ,CHOS THAMS CAD KYI SGO NI BSAM GTAN MA

LUS PA'I SGO STE, BDE STONG GI 'OD GSAL NI TING NGE 'DZIN THAMS CAD KYI SNYING PO YIN PA'I PHYIR RO, ,MI SHIGS PA'I AA LA TING NGE 'DZIN GYIS RLUNG SDUD NUS NA RANG BZHIN GYIS SKYE BA MED PA'I STONG NYID BDE CHEN GYIS NGES PA'I 'OD GSAL 'CHAR BAS, GDOD MA NAS MA SKYES PA'I PHYIR ZHES GSUNGS KYI, RANG BZHIN GYIS SKYE BA MED PA'I STONG NYID TZAM LA MI BYA'O, ,DE LTAR NA SNGAR BSHAD PA LTAR GANG DU 'JUG PA SOGS GSUM AA THUNG GI DON YIN PA DE NYID, 'TSANG RGYA BA'I LAM GYI GNAD MTHAR THUG PA YIN PAS, SANGS RGYAS THAMS CAD AA LAS 'BYUNG BAR GSUNGS SO, ,MDOR BSDU NA SNYING KHA'I MI SHIGS PA NI NANG GI DBYANGS GSAL GYI RNAM PA CAN GYI RLUNG THAMS CAD KYI RTZA BAR SHES NAS, RLUNG RNAMS DER BSDUS PA LAS 'OD GSAL MNGON DU 'GYUR BAR RTOGS PA NI RDOR BZLAS KYI SNGAGS KYI DE NYID SHES PA'I TSUL THUN MONG MA YIN PA YIN LA, THUNG DU MA LUS NGAG TU 'GYUR, ZHES GSUNGS PA'I SGRAS ZIN GYI DON GYIS DON GZHAN MTSON PA'I NGES PA'I DON RNYED PA YIN NO ZHES PA'I DON NO, DES NA SOR MO'I RTZE MOS BSTAN PA NA DES MTSON DON LA LTA DGOS KYI, MTSON BYED NYID LA LTA BA BZHIN DU MA SONG BA CIG DGOS ZHES GSUNGS PA'I DON 'CHAD BZHIN DU, DA DUNG YANG DE BZHIN DU SONG BA MANG BAR SNANG BAS, ZHIB PA'I RNAM DPYOD YANGS PAS TSIM MA SLA BAR RING DU RTOGS SHIG ,LNGA PA NI, NGAG DBEN SBYOR DRUG GI SROG RTZOL GYI YAN LAG 'GRO TSUL STON PA LA, YAN LAG DE RGYUD PHYI MA LAS GSUNGS TSUL NI, ,YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I

, ,GZUGS KYIS PHYUNG NAS NI, ,SNA YI RTZE MOR RAB TU BRTAG ,RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,RANG SNGAGS SNYING KHAR BSAMS NAS NI, ,SROG NI THIG LER GYUR PAR BZHAG ,CES SO, ,'DI'I DON SGRON GSAL GYIS BSHAD PA NI RKANG PA DANG PO BZHIS GSANG BA'I SNA RTZER RDZAS KYI THIG LA SGOM PA DANG, RKANG PA DANG PO GNYIS DANG, RIN CHEN ZHES PA NAS, RANG SNGAGS ZHES PA'I BAR GYIS STENG GI SNA SGOR RDOR BZLAS BYED PA'I 'OD KYI THIG LE SGOM PA DANG SNYING KHAR ZHES PA MAN CHAD RKANG PA PHYED DANG GNYIS KYIS SNYING KHA'I SNA RTZER MI SHIGS PA'I THIG LE SGOM PA DGOS PA DANG BCAS PA BSTAN TE, SNA RTZE GSUM DU THIG LE GSUM SGOM PA'I SROG RTZOL GSUM SGOM PA'O, ,DE LA YE SHES LNGA'I DBUGS NI KHYAB BYED KYI RLUNG ME LONG LTA BU'I YE SHES YIN PA NAS, SROG 'DZIN GYI RLUNG CHOS DBYINGS YE SHES YIN PA'I BAR RO, ,'BYUNG BA LNGA NI, SA NAS NAM MKHA'I BAR TE, THUR SEL SA'I NGO BO NYID YIN PA SOGS SO, ,SA LA SOGS PA'I BDAG NYID CAN GYI YE SHES LNGA'I DBUGS DE NYID, RANG GI RDO RJE'I BU GNAS BYUNG NAS, RIG MA'I PADMA'I SNA'I RTZE MOR BYANG CHUB KYI SEMS GONG BU'I GZUGS TE THIG LE'I GZUGS KYIS BSGOM PAR BYA'O, ,RLUNG RNAMS THIG LE'I NGO BOR 'GYUR TSUL NI, LE'U DRUG PA'I SGRON GSAL LAS, THABS SHES SNYOMS PAR 'JUG PA'I DUS SU, ,STENG NA GNAS PA'I SROG RTZOL GYI RLUNG SNYOMS 'JUG GI DGA' BAS DRANGS PAS CHAGS PA'I MES ZHU NAS THIG LER 'GYUR BAR BSHAD DO, ,LE'U DRUG PA'I SGRON GSAL

DU RGYUD PHYI MA DRANGS PA'I 'GYUR THAMS CAD DANG, BCU GNYIS PA'I 'GREL PAR DRANGS PA'I 'GYUR GSAR GNYIS DANG, CHAG GIS BSGYUR BA'I RIM LNGA DANG SPYOD BSDUS LAS, PADMA'I SNA RTZER ZHES 'BYUNG LA, LE'U BCU GNYIS PA'I 'GREL PA'I 'GYUR RNYING GNYIS DAG PA DANG, RGYUD PHYI MA DANG RIM LNGA DANG SPYOD BSDUS LO TSAN GYIS BSGYUR BA LA PADMA ZHES PA MED PAS, RGYA GAR GYI DPE LA YOD MED GNYIS BYUNG BAR GSAL YANG, SPYOD BSDUS SU DKYIL 'KHOR BZHI'I RLUNG LA YI GE GSUM GYI RDOR BZLAS STENG GI SNA RTZER BYED PA, YE SHES LNGA'I ZHES SOGS RKANG PA DRUG GIS GSAL BAR BSTAN PAR GSUNGS PAS, PADMA MED PA DAG PAR MNGON NO, ,NAG PO PAS GDONG GI PADMA'I SNA RTZER ZHES BSHAD KYANG 'GRIG PA MA YIN NO, ,GDONG GI SNA RTZER DA LTA RDOR BZLAS BYED PA LA SBYOR NA, SPYOD BSDUS SU GSUNGS PA LTAR KHYAB BYED DER BA'I RLUNG BZHI DANG, SNA'I RTZE MO NI STANG GI SNA SGO DANG, GONG BU'I GZUGS KYIS PHYUNG BA NI RE RE GTZO BOR RGYU BA LA, GZHAN GSUM DE'I NANG DU 'DUD PA'I TSUL GYIS 'BYUNG BA'O, ,BDUD RTZI GSANG BA LAS, RLUNG DE RNAMS 'JUG GNAS LDANG GSUM DU 'GYUR BA NI GONG BU DANG, DE YANG YI GE GSUM GYI GZUGS SU GYUR NAS 'BYUNG BAR BSHAD DO, ,SKAL LDAN GRAGS PAS, PADMA'I SNA RTZER SGOM PA MTSON PA TZAM YIN PAS, RDO RJE'I SNA RTZER SGOM PA YANG BSTAN ZER BA NI PHO MO SO SOS SNA RTZE MO SOR SGOM PA'I LUGS SO, ,'DIR NI RANG DANG RIG MA'I SNA RTZE GNYIS KAR SGOM PA YIN TE, SNA RTZE SO SOR SGOM PA NI BSKYED RIM PHRA MO'I SKABS DANG, LUS DBEN GYI SKABS SU BSHAD ZIN PA'I PHYIR RO, ,GZHUNG

, ,'DI RNAMS KYIS BSKYED RIM PA'I 'OG SGO'I THIG LE PHRA MO SGOM PA BSTAN PAR LE'U DRUG PA'I SGRON GSAL LAS GSUNGS PA NI, MTSAN NYID MTSUNGS PA'I SGO NAS BSTAN GYI, DNGOS KYI DON RDZOGS RIM PA'I YIN NO, ,SNA RTZE GNYIS KAR SGOM PA NI, RDO RJE 'PHRENG BA LAS, RTZA RNAMS KUN TU DBAB PA DANG, ,BYANG CHUB SEMS NI BRTAN BYAS LA, ,RDO RJE'I RTZE DANG PADMA'I RTZER, ,RLUNG NI BZUNG BA'I SKAD CIG LA, ,RKAN LA YI GE'I SBYOR BA DANG, ,Kshm SNGAGS KYI SBYOR BA YIS, ,RNAL 'BYOR MCHOG NI 'THOB PAR BSHAD, ,CES PAS GSUNGS SO, ,DE'I DON NI, RTZA RNAMS LAS BAB PA'I BYANG SEMS ZHU BA 'CHAD PAR 'GYUR BA'I THABS KYIS, SNA RTZE GNYIS SU BRTAN PAR BYAS PA LAS RNAL 'BYOR MCHOG 'THOB BO, ,BRTAN PA'I THABS NI 'GREL PAS RKAN NI CHOS 'BYUNG GI DBUS KYI SHIN TU RING BA'I RTZA DANG, DE LA RDEBS PA'I SBYOR BA NI SHIN TU DAM PAR BSDAMS PA DANG, KshMm NI RDO RJE'I RTZE MOR SGOM PA DANG, RLUNG NI BZUNG BA'I SKAD CIG LA, ,ZHES PA SROG RLUNG GI DE NYID SGOM PA'I RNAL 'BYOR MCHOG GIS 'THOB PAR BYED PA LA BSHAD DO, ,DE'I LTAR NA, RKAN LA RDEBS PA'I SBYER BA DANG, ZHES 'THOB BO, ,'GYUR GZHAN LAS, RLUNG GIS BZUNG BA, ZHES 'BYUNG BA LEGS LA, RKAN LA YI GE'I SBYOR BA DANG, ,PU KshMIm SNGAGS KYI SBYOR BA YIS, ,ZHES PA MI LEGS SO, ,DE 'DRA BA'I RDO RJE'I RTZER BZUNG BA NI PADMA'I SNA RTZER 'DZIN PA YANG YIN TE, RTZA GNYIS KYI PHRAD MTSAMS SU'O, ,RTZA BA'I RGYUD LAS KYANG, 'DOD PA KUN LA LONGS SPYOD CING, ,SNGAGS KYI YAN LAG MA NYAMS BZLAS, ,ZHES GSUNGS

PAS, RNAL 'BYOR PA KHYAD PAR CHEN PO CAN 'GA' ZHIG LA SKABS 'DIR YANG LAS KYI PHYAG RGYA LA BRTEN PA MI 'GAL LO, ,'DIR YE SHES KYI PHYAG RGYA LA BRTEN NAS KYANG SGOM PA YIN NO, ,SGRON GSAL LAS GSUNGS PA 'DI RIM LNGA'I KHRID YIG TU 'KHYER SHES NA RLUNG DH'U T'ER SDUD PA'I SROG RTZOL MCHOG TU SNANG NGO, ,SGRON GSAL LAS, DE NYID GYEN DU 'GRO BA'I DBUGS NI KHA DOG SNA LNGA PA STE, ZHES BSGYUR BA NI, PA TSAB KYIS, DBUGS DE NYID, CES BSGYUR BA LEGS PAS, SNGAR YE SHES DANG 'BYUNG BA'I DBUGS SU BSHAD PA'I RLUNG DE NYID STOD DU DBANG PO'I SGOR 'GRO BA NI KHA DOG SNA LNGA PA STE DE BZHIN GSHEGS PA LNGA'I BDAG NYID CAN NO, ,DES NA RIN PO CHE'O, ,SROG NI 'TSO BA DANG, RTZOL ZHING RING DU SPROS PA RTZOL BA'I DON DU 'GYUR RNYING LAS 'BYUNG BA NI, PA TSAB KYIS, GANG GIS SRING ZHING RING DU MCHED PAR BYED PAS NA, DE NI SROG RTZOL, ZHES BSGYUR BA BDE LA, DON NI, GANG GIS SROG STE TSE RING DU SRING BAR BYED PA'I RLUNG LA SROG RTZOL DU BRJOD PA'O, ,RTZOL BA'I SKAD DOD AA Y'A MA ZHES PA 'BOD PA DANG, 'GOG PA DANG, MCHU RING BA RNAMS LA 'JUG PA LAS, 'DIR NI PHYI MA YIN PAS, SROG DANG RTZOL BA ZHES PA NI 'GYUR NOR BA STE, ZLAS DBYE'I BSDU BA YIN NA GNYIS KYI TSIG TU 'GYUR BA'I PHYIR RO, ,ZHES BOD KYI MKHAS PA GSUNG NGO, ,DUS 'KHOR GYI SKOR NAS BAR PA'I DBANG DU MDZAD DE, SROG 'GOG PA SROG RTZOL GYI DON DU BSHAD DO, ,BOD SKAD KYI RTZOL BA NI 'GOG PA DANG SRING BAR BYED PA GNYIS KA LA MI 'JUG KYANG, DE'I SKAD DOD KYI STENG

, ,NAS DE GNYIS SU BYAR YOD LA, DE BZHIN DU BOD SKAD KYI SOR SDUD KYI SDUD PA LEN PA LA 'JUG PA YOD CING, SO SO YANG YANG GI DON LA 'JUG PA MED KYANG SKAD DOD LA YOD PA MI 'GAL LO, ,STENG GI SGOR 'GRO BA'I RLUNG DE NYID 'JUG SDANG GNAS GSUM GYI NGO BO NYID KYIS, NYIN DANG MTSAN DU RANG GI NGANG GIS ZLOS PA'I PHYIR RANG SNGAGS SO, ,'DI'I 'GREL PA 'GYUR RNYING GNYIS LAS, NYIN DANG MTSAN DU ZLOS PAR 'GYUR BA'I PHYIR RO, ,RANG SNGAGS SNYING KHAR TE RANG GI SNYING KHA'I PADMA LA BSAMS NAS, ZHES 'BYUNG YANG, 'GREL PA 'GYUR GSAR GNYIS LAS ,ZLAS PAR 'GYUR BA'I PHYIR RANG SNGAGS SO, ,ZHES 'BYUNG BA LEGS TE, PHYIR ZHES PA RGYU MTSAN YIN ZHING ,GONG DU RLUNG SROG RTZOL DU BYAS PA'I RGYU MTSAN NI MIN LA, RGYU MTSAN GZHAN LA'ANG SBYAR RGYU MED PAS RANG SNGAGS KYI RGYU MTSAN DU BYA DGOS PA'I PHYIR DANG, LE'U BCU GCIG PA'I SGRON GSAL LAS KYANG, RANG SNGAGS NI 'JUG PA LA SOGS PA'I RANG BZHIN CAN GYI YI GE GSUM MO, ,ZHES GSUNGS PA'I PHYIR RO, ,'DIR N'A RO PA'I RGYUD PHYI MA'I 'GREL PAR, SROG DANG RTZOL BA ZHES PA NI, RANG GI SNYING KHA'I PADMA LA AA THUNG DU BSAMS TE, ZHES 'BYUNG BA LA, SROG RTZOL GYI BSHAD PA DANG RLUNG 'JUG PA LA SOGS PA NYIN MTSAN DU ZLOS PA DANG, RANG SNGAGS ZHES SGRON GSAL DU 'BYUNG BA RNAMS MA BYUNG BA NI, DPE MA DAG PA'AM, 'GYUR GYI SKYON YIN TE, YAN LAG DRUG GI SKABS GZHAN RNAMS SGRON GSAL JI BZHIN DU SNANG BA'I PHYIR RO, ,SNYING KHAR AA THUNG BSAM PAR BSHAD

PA NI, SGRON GSAL GYI RGYA DPE KHA CIG LA YOD PA'AM, YANG NA 'GREL PA'I DGONGS PA BSKANGS PA STE, SGRON GSAL LAS, THIG LE MI SHIGS PA LA BSHAD CING, SPYOD BSDUS SU DRANGS PA'I LUNG GIS SNYING KHAR MI SHIGS PA'I AA THUNG BSHAD PA DANG MTHUN PAS LEGS PA YIN NO, ,SROG NI THIG LER GYUR PAR BZHAG ,CES PA LA SGRON GSAL LAS, MI SHIGS PAR GTOGS PAR DGOD, CES PA TZAM LAS MA BYUNG LA, DE'I DON NI, THIG LE NI SNYING KHAR BSAM RGYU'I MI SHIGS PA'O, ,SROG NI RLUNG RNAMS SO, ,GYUR PAR BZHAG PA NI MI SHIGS PA'I KHONGS SU GTOGS PAR DGOD PA STE, RLUNG RNAMS MI SHIGS PA LA SDUD PA'O, ,'DI NI SROG RTZOL GSUM BSGOMS PAS CI ZHIG BYED PA'I BYED LAS SO, ,'DIR BDUD RTZI GSANG BA LAS, RANG SNGAGS NI YI GE GSUM DANG, SNYING KHAR BSAM PA NI DE GSUM RLUNG LDANG 'JUG GNAS GSUM LA THIM PA DANG, DE GSUM YANG SROG RLUNG LA THIM PAR BSGOM PA'O, ,SROG RLUNG MI SHIGS PA'I THIG LE LA THIM PAR SGOM PA NI, SROG NI THIG LER GYUR PAR BZHAG PA'I DON DU BSHAD PA DANG, THUB PA DPAL GYIS, RANG SNGAGS SNYING KHAR SGOM PA DER H'Um YIG BSAMS NAS, H'UM LAS BYUNG BA'I N'A DA MI SHIGS PA ZHES BYA BA AA YIG PHRA MO THIG LE'I RNAM PA'O, ,SEMS NI THIG LER GYUR PAR DGOD PA NI SEMS DER GYUR PAR BYAS NAS BSGOM PAR BYA BA'I DON NO, ,ZHES PA DANG, 'GREL PA ZLA 'OD LAS, SNYING KHAR RANG GI SNGAGS TING NGE 'DZIN SEMS DPA' BSAMS LA, DE'I THIG LE'I STENG DU N'A DA'I RNAM PA'I RANG BZHIN GYI SEMS NI YID

, ,KYI NGO BOR BSAM PAR BYA'O, ,ZHES PA DANG, LAG SMIS ,SNYING KHA'I PADMA'I DBUS KYI DH'U T'I'I NANG DU RANG GI SNGAGS SPRIN GYI SGRA H'Um YIG GI THIG LE BSAMS NAS, DER SROG BZHAG PA NA RLUNG LA ZHON PA'I RNAM SHES GZHAG PAR BYA BA LA BSHAD DO, ,DE LA LUGS GZHAN NAS GZHAN DU BSHAD PA YOD CING, LUGS 'DI LA'ANG SKABS 'DIR SNYING KHAR H'Um DANG, AA YIG SGOM PA RUNG MOD KYANG, RANG SNGAGS ZHES 'DIR GSUNGS PA'I DON NI DE RNAMS MIN LA, SROG SEMS LA BYAS NAS DE YI GE'I STENG GI THIG LE LA GTOD PA, SROG NI THIG LER GYUR PAR BZHAG ,CES PA'I DON MIN TE, SKABS 'DIR SROG RTZOL GSUM BSGOMS PA'I DGOS PA THUN MONG MA YIN PA NI, RLUNG GZHAN RNAMS SNYING KHA'I MI SHIGS PA LA BSDUS TE THIM PA LAS STONG PA BZHI 'DREN PA YIN PA'I PHYIR, ,GAL TE SROG RTZOL GZHAN GNYIS PO DE LTAR YIN DU CHUG KYANG, 'OG SGO'I SROG RTZOL SGOM PA LA NI, BYANG SEMS RTAGS KYI RTZER PHAB NAS 'DZIN PAR SNGAR BSHAD PAS NA, SNYING KHA'I SDUD RIM LAS BYUNG PA'I STONG PA BZHI MI SKYE'O SNYAM NA BDEN TE, DE NI SNGON DU THIG LE GSANG GNAS KYI RTZER BZUNG BAR NUS NUS KYI BAR YIN LA, DE'I RJES SU PHYAG RGYA GNYIS DANG SBYOR BA YANG SNYING KHAR RLUNG SDUD PA'I THABS SU 'GYUR BA'I GDAMS PA THUN MONG MA YIN PA YOD PAS SKYON MED DO, ,RTZA RGYUD LAS, RIN CHEN KHA DOG SNA LNGA PA YUNGS KAR GYI 'BRU TSAD TZAM SNA'I RTZE MOR SGOM PAR GSUNGS PA'I DON 'CHAD PA NA, SNA RTZE GSUM DANG, DER SGOM RGYU'I THEG LE GSUM RDO RJE 'PHRENG BA LAS GSUNGS TE, SNA RTZE GSUM GYI

MTSAN NYID NI, ,GSANG BA SNYING KHA GDONG SNA'I MING, ,ZHES DANG, RLUNG DANG SNGAGS DANG RDZAS RNAMS KYI, ,THIG LE GSUM STE BLA NA MED, ,CES GSUNGS SO, ,GSANG BA'I SNA RTZER RDZAS KYI THIG LE SGOM PA NI SNGAR DRANGS PAS BSTAN LA, SNYING KHA'I SNA RTZER SNGAGS KYI THIG LE SGOM PA NI, SNYING KHA'I PADMA'I LTE BA LA, ,DBUS SU H'Um NI BKOD NAS NI, ,ZHES SOGS GSUNGS PA'I MTHAR, ,'DI NI SNGAGS KYI THIG LER BSHAD, ,CES PA DANG, GDONG GI SNA RTZER RLUNG GI THIG LE SGOM PA YANG, RLUNG GI THIG LE RNAL 'BYOR MCHOG ,KHA DOG RNAM LNGA GSAL BA CHE, ,SNA RTZER SBYOR BA'I RNAL 'BYOR GYIS, ,KUN NAS KYANG NI BSGOM PAR BYA, ,'DI LTA BU YI SNGAGS KYI MCHOG ,RNAL 'BYOR PA YIS BZLAS PAR BYA, ,ZHES PAS BSTAN NO, ,YANG, SNGAGS KYI THIG LE 'DI NYID MCHOG ,THIG LE GNYIS NI 'OD DANG RDZAS, ,ZHES SNYING KHA'I MI SHIGS PA SNGAGS KYI THIG LE NI, THIG LE GZHAN GNYIS LAS MCHOG DANG, RLUNG GI THIG LE LA 'OD KYI THIG LE ZHES KYANG GSUNGS LA, 'OD KYI THIG LE SGOM PA NI SNA RTZER RLUNG 'GRO 'ONG GI RDO RJE BZLAS PA LA GSUNGS PAS, SNGAR BSHAD PA'I RGYUD PHYI MA'I SROG RTZOL DANG SBYAR RGYU YIN GYI ,SKAL LDAN GRAGS PA LA SOGS PAS BSHAD PA NI DON MIN NO, ,GAL TE SNGAR BSHAD PA'I SROG RTZOL GSUM NI GANG ZAG GCIG GIS SGOM PA YIN LA, RDO RJE 'PHRENG BA LAS GSUNGS PA NI, RNAL 'BYOR PA GCIG GAM, SO SO PA GANG GIS SGOM ZHUS PA'I LAN DU, 'DOD CHAGS CHE BAS RDZAS THIG DANG, ZHE SDANG CHE BAS SNGAGS THIG DANG, GTI MUG CHE BAS 'OD THIG SGOM PAR GSUNGS PAS MI MTHUN NO SNYAM NA, SPYIR, SKYE BO 'DOD

, ,CHAGS CAN DON DU, ,ZHES 'DUS PA DBANG PO GNYIS SBYOR GYI CHAGS CAN GYI DON DU GSUNGS PAS, GANG ZAG 'DI GSUM GA'ANG DE LTAR YIN MOD KYANG, DE LA YANG NANG GI DBYE BA GSUM YOD LA, DE DAG GTZO BOR LAM GANG GIS 'KHRID PA LA GSUM GSUNGS KYI, GANG ZAG GCIG GIS DE GSUM GA BSGOM DU MI RUNG BAR STON PA MIN NO, ,LAM 'DI GSUM YANG GDUL BYA DE RNAMS TSE 'DI LA GROL BA'I DON DU DANG, MYUR DU GROL BAR GSUNGS SO, ,'DIR GTI MUG CAN NI CHAGS SDANG CHA MNYAM PA CAN NO, ,RLUNG LDANG 'JUG GNAS GSUM YI GE GSUM DANG SBYAR BA'I RANG SNGAGS ZLOS PA NA ,SNYING KHA'I PADMAR MI SHIGS PA'I THIG LE BSAMS NAS ZLO MOD KYANG, DE DANG MA SBREL BAR YANG SNGAGS KYI THIG LE SNYING KHAR SGOM PA DGOS SO, ,SROG RTZOL NI LUGS 'DIR TSE GNAS PAR BYED PA'I RLUNG YIN LA, DE TZAM NI SBYOR DRUG GI YAN LAG GCIG MIN PAS, SROG RTZOL GYI RNAL 'BYOR GYI YAN LAG LA SROG RTZOL ZHES MING BSDUS PA'O, ,SNYING KHA DANG GSANG GNAS KYI SNA RTZER THIG LE GNYIS SGOM PA LA, SROG RTZOL RLUNG DNGOS SU SGOM PA MED KYANG, LAS RLUNG DH'U T'A RI SDUD PA'I THABS KHYAD PAR CAN YIN PAS SROG RTZOL SGOM PAR MI 'GAL LO, ,NGAG DBEN DANG RDOR BZLAS NI SROG RTZOL GYI RNAL 'BYOR GYI KHYAD PAR GCIG GI SGO NAS BTAGS PA'I MING YIN PAS, KHYAD PAR GYI MING SPYI LA BTAGS PA LA 'KHRUL NAS, RDOR BZLAS KYI SKABS SU SROG RTZOL SGOM PA GZHAN GNYIS STOR NA, NOR PA SHIN TU CHEN PO YIN PAS, SROG RTZOL GSUM GA SGOM DGOS PA'I TSUL LEGS

PAR SHES PAR BYA'O, ,DRUG PA NGAG DBEN JI LTAR NYAMS SU BLANG BA'I TSUL LA GSUM, SROG RTZOL GSUM SGOM PA'I RIM PA BSHAD PA, RDOR BZLAS KYI BYED LAS THUN MONG MA YIN PA BSHAD PA, SROG RTZOL BSGOMS PAS NYAMS MYONG SKYE BA'I RIM PA BSHAD PA'O, ,DANG PO LA GSUM, SNYING KHA'I SNA RTZER SNGAGS KYI THIG LE'I SROG RTZOL BSGOM PA DANG, GDONG GI SNA RTZER 'OD KYI THIG LE'I SROG RTZOL BSGOM PA DANG, GSANG BA'I SNA RTZER RDZAS KYI THIG LE'I SROG RTZOL BSGOM PA'I BSHAD PA'O, ,DANG PO LA GNYIS, SNGAGS KYI THIG LE NYI TSE BA SGOM PA'I TSUL DANG, SNGAGS KYI 'KHOR LO BSGOM PA'I TSUL LO, ,DANG PO NI, GNAS GANG DU BSGOM PA NI, RDO RJE 'PHRENG BA LAS, SKYE BOS DBEN PA'I LHA YI GNAS, ,SGRA YI TSER MA RNAMS DANG BRAL, ,SKYE BO'I TSOGS NI MED PA DANG, ,BGEGS MED SKAL BZANG NYAMS DGA' BA, ,SKYED MOS TSAL ZHI BDE BA CHE, ,'DOD PA LNGA LA LONGS SPYOD PAS, ,SNGAGS KYI GTZO BO 'GRUB PAR 'GYUR, ,ZHES GSUNGS PA LTAR RO, ,LHA'I GNAS NI LHA'I KHANG PA SOGS SO, ,DER LUS KYI GNAD SPYOD LAM JI 'DRA BAS SGOM PA DANG, RLUNG GI GNAD KYANG, DE NYID LAS, SPYOD LAM BDE BA CHEN PO'I GNAS, ,GANG GIS DNGOS GRUB MCHOG TU 'GYUR, ,SGRUB PO BDE BA'I STAN 'DUG NAS, ,MIG GNYIS SNA RTZER GTAD BYAS LA, ,SNA NI LTE BA'I TSAD DU BZHAG ,PHRAG GONG BSNYAMS LA LCE RKAN SBYAR, ,SO DANG MCHU NI BDE BAR BZHAG ,DBUGS KYI 'BYUNG RDUB GLONG NAS NI, ,CUNG ZAD CUNG ZAD RTZOL BRAL BAS, ,JI LTA BA BZHIN 'BYUNG RNGUB NI, ,SEMS DPA'I SKYIL KRUNG LEGS GNAS PA, DE LTAR SPYOD LAM DANG LDAN

, ,PAS, ,YI GE GNYIS NI RTAG TU BZLA, ,ZHES GSUNGS PA LTAR RO, ,YI GE GNYIS KYI RDOR BZLAS LA DE LTAR GSUNGS PA NI, YI GE GSUM GYI RDOR BZLAS LA'ANG 'DRA'O, ,'GYUR GZHAN LAS, RDO RJE SKYIL KRUNG, ZHES 'BYUNG NGO, ,DUS KYI GNAD NI, SNGAR BSHAD PA DANG 'DRA'O, ,RTEN NI, LUS DBEN GYI GSANG CHEN RIGS GCIG PA YAB YUM BSGOMS NAS BYA'O, ,RIM LNGAR RGYUD PHYI MA DRANGS PA LAS, SNYING KHAR BSAMS NAS NI, SROG NI THIG LER GNAS PAR BZHAG ,CES GSUNGS PA'I DON SGRON GSAL LAS, MI SHIGS PA'I THIG LE SNYING KHAR SGOM PA LA BSHAD CING, RIM LNGA'I 'GREL BYED RNAMS KYIS KYANG, SNYING KHAR SNGAGS KYI THIG LA SGOM PAR BSHAD LA, RIM LNGAR DRANGS PA'I LHA MO BZHIS ZHUS PA'I 'PHRO NYID LAS, PHYED TSAD TZAM GYI PHRA MO MCHOG ,CES SOGS SNGAR DRANGS PA BZHIN GSUNGS PA YANG SNGAR GYI RGYUD PHYI MA'I LUNG DANG DON GCIG GO, SPYOD BSDUS LAS KYANG, RDO RJE DKYIL 'KHOR RGYAN GYI LUNG DRANGS NAS, SNYING KHAR MI SHIGS PA'I AA THUNG DANG, MI SHIGS PA RLUNG SDUD PA'I GNAS SU GSUNGS PA YANG, SNYING KHAR MI SHIGS BA SGOM PA RTOGS PA'I DON DU YIN NO, ,DE YANG LE'U GSUM PA'I SGRON GSAL LAS, KHA DOG RNAM PA LNGA'I DE BZHIN GSHEGS PA RNAM PA LNGA'I BDAG NYID CAN, RIN PO CHE NI MI SHIGS PAR GRAGS PA STE, SANGS RGYAS KYI RIN PO CHE SKYED PAS SO, ,YUNGS KAR GYI 'BRU TSAD TZAM NI THIG LE'I GZUGS CAN YIN PAS SO, ,SNA'I RTZE MOR ZHES BYA BA NI SNYING KHA'I PADMA'I LTE BAR RO, ,NAN TAN DU ZHES PA NI DE LA

ZHEN PAS, 'JUG PA DANG, GNAS PA DANG, LDANG BA DANG, SDUD PA'I RNAL 'BYOR GYIS RTAG PAR NYIN MTSAN DU BSGOM PAR BYA'O, ,ZHES SNYING KHAR MI SHIGS PA 'JUG PA LA SOGS PA'I RNAL 'BYOR GYIS NYIN DANG MTSAN DU BSGOM PAR GSUNGS SO, ,MI SHIGS PA DANG RDOR BZLAS SGOM PA'I GO RIM KYANG DE'I 'PHRO NYID NAS, BRTAN PA NI RTAG PA STE, DE GANG ZHE NA, MI SHIGS PA'O, ,DE LAS RIN CHEN TE KHA DOG SNA LNGA PA'I 'OD ZER GYI TSOGS SPRO BAR BYA ZHING, 'JUG PA DANG, GNAS PA DANG, LDANG BAS 'JUG PAR BYA'O, , BRTAN PAR MA GYUR ZHES PA NI, MI SHIGS PA'I DE KHO NA NYID RTOGS PA NYID KYIS RNAL 'BYOR 'DI BYA'I, GZHAN GYIS NI MA YIN NO, ,ZHES BSTAN PA YIN NO, ,ZHES, RIN CHEN BRTAN PAR GYUR NAS SPRO, ,BRTAN PAR MA GYUR YONG MI SPRO, ,ZHES PA'I 'GREL BAR GSUNGS SO, ,DE'I DON NI, SNGAR 'JUG PA LA SOGS PA'I RNAL 'BYOR GYIS MI SHIGS PA RTAG TU BSGOM PAR GSUNGS BA'I MI SHIGS PA'I THIG LE DE BSGOMS PAS BRTAN PAR GYUR PA NA, MI SHIGS PA DE LAS RLUNG NANG DU 'JUG PA SOGS KYI RNAL 'BYOR BYA BA DANG, MI SHIGS PA'I DE KHO NA NYID DE'I NGANG TSUL RTOGS PA STE YUL DU BYAS PA'I MI SHIGS PA BRTAN PA LAS, GZHAN GYIS 'JUG PA SOGS KYI RNAL 'BYOR 'DI MI BYA'O ZHES PA'I DON YIN PAS, BSGOMS PA'I MI SHIGS PA RTAG PA STE MI 'GYUR BA'I BRTAN PA SNGON DU BYAS NAS, DE'I RJES SU RDOR BZLAS BYED PA YIN NO, ,BSHAD PA 'DI SGRON GSAL LAS MTHAR THUG GI BSHAD PAR GSUNGS PA LA, KHA CIG ,MTHAR THUG ZUNG 'JUG PA'I RTEN GYIS RDOR BZLAS BYED TSUL YIN PAS DE

, ,LTAR BSHAD PAR 'DOD LA, GZHAN DAG MI SHIGS PA RIM PA BZHI PA'I 'OD GSAL LA 'CHAD MOD KYANG, DON 'DI RGYAS PAR BSHAD PA'I LE'U GSUM PA'I 'GREL PA LAS ,MI SHIGS PA LAS 'BYUNG BA'I DKYIL 'KHOR BZHI'I RLUNG BSHAD PA'I MTHAR, DE RNAMS KYI SKU GSUNG THUGS NI SGRUB PA YIS, TE SKU LA SOGS PA BSKYED PA YIS, RDO RJE LAS BYUNG BA STE 'OD GSAL LAS BZHENGS PA BDEN PA GNYIS KYI BDAG NYID CAN GYI LHA'I 'KHOR LO SKYE'O, ,ZHES CHAG 'GYUR LAS 'BYUNG BAS, RDO RJE BZLAS PA BYAS PAS RLUNG GIS ZUNG 'JUG SKYED PA RDOR BZLAS KYI LAS SU BYA BA'I SGO NAS MTHAR THUG TU GSUNGS TE, LE'U BCU BDUN PA'I 'GREL BAR STONG PA GSUM MTHAR THUG TU BSHAD PA BZHIN NO, ,MI SHIGS PA GANG DU SGOM PA'I GNAS YUL GYI GNAD SNYING KHA'I PADMA'I LTE BA NI, RDO RJE 'PHRENG BA LAS, CHOS KYI 'KHOR LO'I RTZA 'DAB BRGYAD KYI LTE BAR SNGAGS KYI THIG LE SGOM PAR GSUNGS PA DANG DON GCIG PAS, LAG SMIS SNYING KHA'I DBUS KYI AA BA DH'U T'I'I NANG DU SGOM PAR GSUNGS PA LEGS KYI, DON LNGA MAR SNYING DKAR NAG GI MTSAMS DANG, DON BZHI MAR SNYING KHONG STONG GI NANG ZER BA DON MIN NO, ,DH'U T'I NI SROG GI DBYIG PA ZHES PA SROG PA RTZAL BRTEN PAR PHYAG CHEN THIG LE DANG, YE SHES THIG LE LAS GSUNGS PAS, NU MA GNYIS KYI DBUS KYI THAD NAS SROG RTZA'I NGOS SU SNYING KHA'I RTZA 'KHOR GYI LTE BA YOD PAS DER DMIGS PAR BYA'O, ,LUS KYI GNAD DU BSNUN PA'I THIG LE SOGS SGOM PA 'DI 'DRA'I RIGS RNAMS LA, LUS KYI GNAD LEGS PAR SHES NAS DER SEMS GTAD NA GNAD

DU 'GRO YI, DE LTA MIN NA MI 'GRO'O, ,GNAS DER SGOM PA'I THIG LE NI, RDO RJE 'PHRENG BAR YI GE MA GTOGS PA'I THIG LE DNGOS SU MA GSUNGS KYANG, SGRON GSAL LAS, MI SHIGS PA THIG LE'I GZUGS CAN DU SGOM PAR BSHAD DO, ,'DI LA 'GOS LUGS PA KHA CIG NYI ZLA KHA SBYOR GYI THIG LE'I DBUS NA AA THUNG SGOM PAR 'DOD, RIM LNGA BSDUS PA LAS, MI SHIGS PA'I THIG LE AA THUNG DANG BCAS PA BSGOM PAR BSHAD LA, GSER SDINGS PA'I MAN NGAG GNYIS SU THIG LE DKAR PO DANG AA THUNG NAG POR BSHAD, GCIG TU THIG LE DKAR PO'I NANG NA AA THUNG PHYED DKAR PHYED NAG GNAS ZER, YANG GCIG TU THIG LE PHYED DKAR PHYED NAG GI NANG NA AA SHAD LTA BU GNAS ZER, GZHAN GCIG TU THIG LE DKAR LA DMAR BA'I MDANGS CHAGS PA BSAM ZER RO, ,THIG LE DKAR DMAR KHA SBYOR NI, GRUB CHEN KU KU RI PAS, DE YI LTE BAR BSAM PA NI, ,NYI DKYIL THIG LE ZLA BA STENG, ,DBYIBS NI GA'U KHA SBYOR 'DRA, ,NYI MA THABS LA SHES RAB ZLA, ,ZHES RDOR BZLAS KYI RTEN GYI THIG LE LA DE LTAR GSUNGS PA DANG MTHUN TE, 'ON KYANG DE'I DBUS KYI THIG LE'I DOD 'DIR YI GE LA BYAS SO, ,ZHAL LUNG LAS, DKAR LA CUNG ZAD DMAR BAR BSHAD DO, ,MNGAL DU PHA MA'I KHU KHRAG GI DBUS SU BAR DO'I RNAM SHES ZHUGS PA DE SNYING KHAR BSHAD CING, DE SEMS KYI RTEN DU YANG BSHAD PAS, LUGS DE GNYIS LTAR SGOM PA LA SBYANG GZHI'I GNAD YOD DO, ,THIG LE'I TSAD NI YUNGS KAR GYI TSAD TZAM DU GSUNGS TE, DMIGS PA PHRA MO LA SEMS ZIN NA, KUN RTOG GCOD PA DANG RLUNG SDUD PAR SLA'O, ,YI GE NI, RDO RJE 'PHRENG

, ,BA LAS, SNYING KHA'I DBUS KYI YI GE LA AA DANG H'Um GNYIS KA DANG, SPYOD BSDUS LAS AA YIG GSUNGS BA NI MI SHIGS PA'I MTSON BYED DU SGOM PA YIN GYI, DER YI GE'I GZUGS SU GRUB PA CIG YOD PAS NGES PA MED MOD KYANG, 'DIR NI AA DANG H'Um GANG RUNG CIG BSGOM, KHA DOG NI GNYIS KA MTHING GAR BYA BA'AM, SDOM 'BYUNG LAS, H'Um YIG DKAR POR YANG BSHAD DO, ,'DI NI RLUNG MI SHIGS PA DANG, THIG LE DKAR DMAR NI BYANG SEMS MI SHIGS PA'I MTSON BYED DO, ,SKABS 'DI'I RIN CHEN KHA DOG SNA LNGA PA NI 'OD ZER LNGA 'BAR BA YIN LA, DE NI YI GE DANG THIG LE GNYIS KA LA SBYAR BAS CHOG GO ,LUGS GZHAN NAS PHYAG MTSAN LA GNAS PA'I YI GE'I STENG GI THIG LE LA BSHAD KYANG, 'DIR NI SNGAR LTAR BYA'O, ,DE LTAR SNYING KHA'I MI SHIGS PA LA SEMS HA CANG GRIMS DRAGS PA DANG, HA CANG GLOD PA'I SKYON DANG BRAL BAR BYAS TE SEMS GZUNG BAR BYA'O, ,'DI LA NI GROL BA'I THIG LE LAS KYANG SHIN TU BSNGAGS TE, DE GSAL MI SHIGS THIG LE'I GZUGS, ,YUNGS KAR GYI NI 'BRU TSAD TZAM, ,'OD ZER SNA LNGA 'BAR 'DZAG PA'I, ,TSUL CAN SNYING DBUS RTAG TU GNAS, ,DE LA BLTAS PAS YE SHES CHE, ,SKAD CIG TZAM GYIS RNAL 'BYOR LA, ,'BAR BA 'DI LA THE TSOM MED, ,CES GSUNGS SO, ,RGYUD GZHAN LAS KYANG BSNGAGS TE, MNGON BRJOD BLA MA LAS, RTAG TU SNYING LA GNAS PA YI, ,THIG LE GCIG LA 'GYUR MED PA, ,DE SGOM BYED PA'I SKYE BO LA, ,NGES PAR YE SHES SKYE BAR 'GYUR ZHES GSUNGS SHING ,DE'I DON 'GREL BA'I BDE MCHOG RIM LNGA LAS KYANG, SGRA DANG THIG LER LDAN PA'I SEMS, ,

SNYING KHAR GZHAG BYA DE NAS 'DI'I, ,RMONGS PA'I RAB RIB 'JOMS MDZAD PA'I, ,MNGA' BDAG BCOM LDAN 'BYUNG 'GYUR TE, ,ZHES SNYING KHAR MI SHIGS PA'I THIG LE BSGOMS PA LA BRTEN NAS MA RIG PA RTZAD NAS GCOD PA'I LHAN SKYES 'CHAR BAR GSUNGS SO; ;SDOM 'BYUNG LAS KYANG ,SNYING KHA'I CHU SKYES SON PA'I RLUNG, ,H'Um YIG DKAR PO DANG MTSUNGS PA, ,BSAM BYA MNYAM PAR BZHAG PA GANG, ,DE LAS YUL SOGS KYIS MI 'CHING, ,'KHOR BA'I STENG DU 'GRO BA'I RLUNG, MYA NGAN 'DAS PA'I 'OG TU BGROD, , RAB TU MI GNAS MYA NGAN 'DAS, ,SNYING KHA'I CHU SKYES ZE'U 'BRUR GNAS, ,ZHES SNYING KHA'I RTZA 'KHOR GYI DBUS SU SNGAR BSHAD PA LA SOGS PA'I THABS KHYAD PAR CAN GYIS RLUNG BSDUS TE BKAG NAS BRTAN PAR BYED NUS NA, GZUGS SGRA SOGS KYI YUL LA 'JUG PA'I KUN RTOG GIS 'CHING MI NUS PAS, SRID ZHI'I MTHA' LA MI GNAS PA'I MYANG 'DAS KYI GO 'PHANG STER BAR GSUNGS SO, ,DE YANG SNGAR BSHAD PA LTAR GZUNG 'DZIN GYI RLUNG BCU GNYIS SNYING KHA NAS 'BYUNG BAR GSUNGS PAS, DER SEMS 'DZIN PA'I LUS LA GNAD DU BSNUN PA'I THABS BYAS NA RLUNG DE RNAMS DER 'DUS NAS, THIM PAR 'GYUR BA'I GNAD KYIS, GZUNG 'DZIN GYI RTOG PA GCOD PAR SLA BA YIN NO, ,DE 'DRA BA'I TSUL GYIS RGYUD SDE DANG GRUB CHEN GYI GZHUNG DU MAR BSNGAGS PA LA NGES PA CHEN PO BSKYED LA, SNYING KHA'I SNA RTZER MI SHIGS PA SNGAGS KYI THIG LE'I SROG RTZOL SGOM PA LA 'BAD PAR BYA'O, ,GNYIS PA NI, RIM LNGA BSDUS PA LAS, DRAN PA SNA TSOGS RNAM RTOG RNAMS, ,SEMS LAS LAS DAG 'BYUNG BAS NA, ,RNAM SHES SROG NI

, ,'DU BA'I RTEN, ,SNYING KHAR SNGAGS KYI 'KHOR LO BSGOM, ,ZHES SNA TSOGS PA'I RTOG PA RNAMS SEMS LAS 'BYUNG ZHING, RLUNG SEMS GNYIS SDUD PA'I GNAS SNYING KHA YIN PAS, SNYING KHAR GNAD DU BSNUN PA'I SNGAGS KYI 'KHOR LO BSGOM PA DANG, SNGAGS KYI YI GE'I 'KHOR LO NI, DANG POR CHU SKYES 'DAB BRGYAD PA, ,PHYI NANG GSANG BA'I TSUL GYIS NI, ,RIM PA LDAN PAR BSAM GTAN BYA, ,ZHES SNYING KHAR PADMA 'DAB BRGYAD SUM RIM PA CIG SGOM PA DANG, PHYI RIM SHES RAB DBYANGS YIG MTSAN, ,BAR MA GSAL BYED THABS BCAS PA, ,GNYIS SU MED PA NANG MAR GNAS, ,PHYOGS MTSAMS RIM PA'I TING NGE 'DZIN, ,SBYOR BA RNAM PA GSUM RANG BZHIN, ,DBUS SU MI SHIGS THIG LE STE, ,AA YIG DANG BCAS SROG GYUR GANG, ,KUN GYI SNYING PO SPRO ZHING SDUD, ,CES PAD 'DAB PHYI MA BRGYAD LA SHES RAB KYI NGO BO DBYANGS YIG BCU GNYIS KYIS MTSAN PA DANG, BAR PA BRGYAD LA THABS KYI NGO BO GSAL BYED DANG, NANG MA LA THABS SHES GNYIS SU MED PA'I NGO BO MA NING GI YI GE BZHIS MTSAN PA DANG, DBUS SU MI SHIGS PA'I THIG LE AA THUNG DANG BCAS PA SGOM PAR BSHAD DO, ,'DI LA, DON LNGA MA DANG, 'KHOR LO CAN DANG, GDAN RDZOGS GSUM DU RDOR BZLAS KYI SNGON DU SNGAGS 'KHOR SGOM PAR BSHAD LA, DON BZHI MAR SEMS DBEN GYI SKABS SU BSHAD MOD KYANG, RTZA TSIG LAS, SNGON DU SNGAGS 'KHOR BSGOMS PA'I 'OG TU RDOR BZLAS BYED PAR BSHAD PAS, SNGA MA GSUM LTAR BYA'O, ,PAD 'DAB KHA DOG DMAR PO, DBYIBS ME LONG BSLANG BA LTA BU LA YIG

'BRU RNAMS DKAR POR GSER SDINGS PAS BSHAD, MAR LUGS KYI GDAMS NGAG GZHAN KHA CIG LAS, RTZA PADMA'I RNAM PA LTAR GNAS PA DKAR LA DMAR BA'I MDANGS CAN LA YIG 'BRU DKAR POR BSHAD DO, ,RDOR BZLAS KYI RTEN GYI THIG LE SNYING KHAR 'GOD PA'I GNAS KYI PADMA NI DKAR PO 'DAB BZHI PA DANG, DMAR PO 'DAB BZHI PA 'BYUNG BA BZHI'I RANG BZHIN CAN DU SEMS PAR KU KU RI PAS BSHAD DE, SNYING KHA'I PHYOGS KYI RTZA BZHI'I NGO BOR SEMS PA'O, ,GZHUNG GZHAN LAS KYANG RDZOGS RIM PA'I SKABS SU THIG LE DANG YI GE SOGS 'GOD PA'I LTE BA LA SOGS PA'I PADMA RNAMS RTZA 'DAB TU BSHAD PAS DE LTAR BYA BA'AM, YANG NA PAD 'DAB NYID RTZA'I NGO BOR MOS KYANG CHOG GO ,SNYING KHA'I PADMA LA KHA DOG GI NGES PA MED LA, DER RTZA 'KHOR 'DAB BRGYAD PA CIG BSHAD PA MANG ZHING, GNYIS BSHAD PA'ANG SNANG LA, GSUM BSHAD PA GZHAN LAS CHER MI 'BYUNG NGO, ,ME TOG PADMA'I 'DAB MA LTAR SGOM NA'ANG ME LONG BSLANG BA BZHIN BYED DON MED DO, ,GSER SDINGS PAS PAD 'DAB PHYI MA LA K'A LI DANG, BAR MA LA DBYANGS YIG 'GOD PA RTZA TSIG DANG MI MTHUN PAS, MAR LUGS GZHAN NAS RTZA TSIG BZHIN 'BYUNG BA LTAR 'GOD DGOS TE, RTZA TSIG LAS, DBYANGS YIG SNANG BA DANG, GSAL BYED MCHOD PA DANG, MA NING NYER THOB TU BSHAD PAS KYANG SHES SO, ,DE LTAR NA YI GE PHYI MA'I KHA DOG DKAR PO DANG, BAR PA DMAR PO DANG, NANG MA SNGON PO 'AM NAG POR BYAS NA LEGS SO, ,RTZA TSIG LAS, BCU GNYIS YI GE THIG LER BCAS, ,ZHES PA'I DON MA NING BZHI DOR BA'I DBYANGS YIG BCU GCIG PA LA THIG LE YOD PAS, LHAG

, ,MA BCU GCIG GI MGOR THIG LE 'JOG PA'I DON YIN GYI, THIG LE DE RNAMS KYI MDUN DU 'JOG PAR 'DOD PA DANG, DE RNAMS LA THIG LE MED PAR 'GOD PA MIN NO, ,DE'I 'GOD TSUL NI, SHAR NAS BRTZAMS TE PHYOGS BZHIR RIM PA BZHIN GNYIS GNYIS DANG, SHAR LHO NAS BRTZAMS TE MTSAMS BZHIR RE RE 'AM, YANG NA SHAR NAS KHRIGS CHAGS SU DGOD CES GSER SDINGS PA GSUNG PA LTAR BYA STE, K'A LI LA YANG DE DANG 'DRA'O, ,K'A LI 'GOD TSUL LA, RTZA TSIG LAS, YI GE KA NAS HA YI BAR, ,KshA NI SPANGS PA BZHI BCAS PA, ,ZHES BSHAD PA'I DON, SHAR NAS BRTZAMS TE 'DAB MA LNGA LA KA TZA tA TA PA'I SDE TSAN LNGA LNGA DANG, DE NAS 'DAB MA GSUM LA YA DANG SHA'I SDE TSAN BZHI BZHI DANG, 'DAB MA THA MA LA KLA BLA SLA SHLA'I YI GE BZHI 'GOD CING ,DE BZHI LA SBAS PA DANG, LCE RTZA CAN GYI YI GE BZHI ZHES KYANG ZER TE DON MA SHES PA'O, ,GZHUNG DE'I DON NI, 'DAB MA BRGYAD PO RE RE LA KshA SPANGS PA'I KA NAS HA'I BAR BZHI BZHI DANG BCAS PAR BYA ZHES PA YIN TE, 'DI LTAR KA TZA tA TA PA'I SDE PA LA BZHI TSAN LNGA DANG, NGA NYA nA NA'I SDE TSAN LA BZHI DANG, YA DANG SHA'I SDE TSAN GYI BZHI TSAN GNYIS TE BRGYAD DO, ,MA YIG NI DBYANGS RNAMS KYI THIG LE LA SONG NGO, ,PAD 'DAB NANG MA'I PHYOGS BZHIR Ri R'i Li L'i BZHI DGOD CING, MTSAMS RNAMS STONG PAR BZHAG GO ,DE RNAMS RTZA 'DAB LA 'GOD NA, YI GE RE RE BA MIN PA RNAMS RTZA'I NANG DU PHYI NAS NANG DU RIM PA BZHIN BSGRIGS TE LANGS PA'I RNAM PAR BYA LA, PAD 'DAB NYID KYI RNAM PA LA 'GOD NA 'PHRENG LA BSGRIGS PA'I RNAM PA CAN DU

BYA'O; ;DBUS SU MI SHIGS PA AA DANG BCAS PA 'GOD PA NI BSHAD ZIN PA LTAR RO, ,RTZA TSIG LAS, NAM MKHA'I DBYINGS KYI DBUS GNAS PAR, ,GSAL BA'I DKYIL 'KHOR BSAM PAR BYA, ,ZHES SNGAGS 'KHOR GYI SKABS SU 'BYUNG BA'I DON LA, KHA CIG , STONG PA'I NGANG NAS RIG PA N'A DA TZAM DU LANGS PA YONGS SU GYUR PA LAS, SNYING KHAR ZLA BA'I DKYIL 'KHOR SGOM PAR 'DOD PA NI DON MIN TE, RTZA RGYUD LAS DE LTAR GSUNGS PA'I NGES DON NI SGRON GSAL LAS, NAM MKHA'I DBYINGS 'OD GSAL DANG, DE'I DBUS SU GNAS PA'I ZLA BA'I DKYIL 'KHOR NI MI SHIGS PA LA GSUNGS LA, DE NYID 'DIR YANG SBYAR RGYU YIN TE, DES RDOR BZLAS KYI RTEN MI SHIGS PA STON PA'I PHYIR RO, ,SNGAGS 'KHOR 'DI LTAR SGOM PA NI N'A RO PA'I MAN NGAG MA GTOGS PA, 'PHAGS SKOR GYI GZHUNG MAN NGAG DANG BCAS PA LAS MI 'BYUNG LA, DZNY'A NA KA RA NAS NAG TSO LA BRGYUD PA'I MAN NGAG 'GA' ZHIG LA 'DI DANG MI MTHUN PAR 'BYUNG ZHING, MAR LUGS KYI GDAMS NGAG LA YANG MI 'DRA BA 'GA' RE SNANG YANG, SNGAR BSHAD PA NYID DAG PA YIN NO, ,GSER SDINGS PAS DGONGS PA LUNG STON RIM LNGAR DRANGS PA LAS, LNGA PA LNGA DANG YANG DAG LDAN, ,ZHES DANG, BZHI NI GSUM DU NGES PAR SBYAR, ,ZHES DANG, CHA LA SOGS PA BCU DRUG GNAS, ,ZHES PAS 'DAB MA'I YI GE 'GOD TSUL RNAMS BSTAN ZER BA NI DON MIN TE, DE RNAMS NI DBYANGS GSAL LAS AOm A'A: H'Um GSUM THUB YIN GYI, PAD 'DAB LA YI GE BKOD NAS SGOM PA'I DON MIN PA'I PHYIR RO, ,RGYUD GZHAN LAS 'KHOR LO RNAMS LA YI GE MANG PO BKOD NAS SGOM PAR

, ,GSUNGS PA RNAMS, DER RLUNG SDUD PA'I CHAD YIN PA BZHIN DU 'DIR YANG DE DANG 'DRA BAS, SNYING KHAR RLUNG SDUD PA'I CHED DU RIM GYIS DE'I PHYOGS MTSAMS SU YI GE BKOD PA LA DMIGS NAS BSGOMS PAS RLUNG MI SHIGS PA LA RIM GYIS 'DU BA'I CHED DU MAN NGAG TU MDZAD PA TZAM MO, ,DE YANG DANG POR PAD 'DAB LA DMIGS PA DANG, DE NAS PHYI NAS RIM PA BZHIN DU PHYOGS DANG MTSAMS RNAMS KYI YI GE LA RIM PA BZHIN DMIGS NAS SEMS ZIN NA, MI SHIGS PA LA RLUNG 'DU BA NYA RU NYA RU 'GRO SLA BA'I GNAD KYIS DE LTAR GSUNGS KYI, SNGAGS 'KHOR RGYAS PA NGES PAR DGOS PA NI MIN TE, MAR LUGS KYI RIM LNGA'I GDAMS NGAG 'KHOR LO MED PA DANG, SEMS DPA' SUM RTZEG DANG, CIG CAR BA GSUM GA LA SNGAGS 'KHOR MED PAR SNYING KHAR MI SHIGS PA AA THUNG DANG BCAS PA DANG, H'Um YIG BKOD NAS RDOR BZLAS BYED PAR BSHAD PA BZHIN NO, ,'ON KYANG SNGAR BSHAD PA'I MI SHIGS PA YI GE DANG BCAS PA SGOM PA NI NGES PAR DGOS PAS, SNGAGS 'KHOR 'GOD MI 'GOD NI RGYAS BSDUS TE, DPER NA MAN NGAG SNYE MAR 'KHOR LO BZHI LA LTE BA DANG 'DAB MA'I YI GE GNYIS KA 'GOD PA DANG, LTE BA KHO NAR YI GE BZHI 'GOD PA'I TSUL GNYIS BSHAD PA BZHIN NO, ,GNYIS PA LA GNYIS, RLUNG GANG LA GNAS GANG NAS RDOR BZLAS BYA BA DANG, RLUNG SNGAGS SBYOR TSUL DANG RDOR BZLAS KYI DBYE BA BSTAN PA'O, ,DANG PO NI, DE LTAR MI SHIGS PA SNGAGS 'KHOR DANG BCAS PA'AM MI SHIGS PA YI GE DANG BCAS PA BSGOMS PAS MI GA-YO BA'I BRTAN POR SONG BA NA, DE LA BRTEN NAS RDOR BZLAS BYA'O, ,DE LA RDZOGS RIM PAS ZHI RGYAS

DBANG DRAG GI LAS SGRUB PA'I DON DU RDOR BZLAS BYED PA NA, RTZA BA'I RLUNG BZHI LA BYED LA, YANG RDZOGS RIM PAS MIG GI MNGON SHES SOGS LNGA SGRUB PA'I DON DU RDOR BZLAS BYED PA NA, YAN LAG GI RLUNG LNGA LA BYED CING, LUS DBEN SNGON DU SONG NAS, SEMS DBEN GYI STONG PA RNAMS SKYED PA'I DON DU RDOR BZLAS BYED PA NA, THOG MAR RTZA BA'I RLUNG BZHI DANG, DE LA NUS PA RNYED PA'I MTSAMS SHIG NAS YAN LAG GI RLUNG LNGA LA BYED DE, RDOR BZLAS BYED PA'I SKABS GSUM GSUNGS PA LAS 'DIR NI PHYI MA'O, ,RLUNG GANG LA RDOR BZLAS BYED PA'I TSUL DE LTAR YIN NA, LUS KYI GNAD KYI GNAS 'DI NAS BYED CES PA'I GNAS NGES PA YOD DAM MED CE NA, 'DI LA, PHAL MO CHES LUS KYI KHONG PA NAS SNA BUG TU 'BYUNG 'JUG BYED PA TZAM MA GTOGS PA LUS KYI RTZA 'KHOR GYI GNAS 'DI NAS BYED KYI NGES PA MI BYED PA DANG, YANG KHA CIG ,RTZA BA'I RLUNG BZHI'I GNAS MGRIN PA SOGS BZHI NAS DKYIL 'KHOR BZHI SO SO LA BYED ZER RO, ,DE'I DANG PO LA NI, RLUNG GI LDANG 'JUG GNAS GSUM YI GE GSUM DANG SBYAR BA YOD DU CHUG KYANG ,LUS KYI RTZA 'KHOR GYI GNAD 'DIR BYED CES PA'I MAN NGAG DANG BRAL BAS, JI TZAM 'BAD KYANG DH'U T'IR RLUNG TSUD NAS THIM PA LAS STONG PA BZHI 'DREN PA MI 'ONG STE, GZHAN DU NA NYAN SAR BSHAD PA'I RLUNG 'BYUNG 'JUG BGRANGS PAS KYANG, DE LTAR BYED PAR 'GYUR BA BZLOG MI NUS SO, ,PHYOGS GNYIS PA LA, LUS KYI RTZA 'KHOR GYI GNAD DU BSNUN PA TZAM ZHIG YIN KYANG, LUGS 'DI'I RDOR BZLAS KYIS LUS LA GNAD DU BSNUN PA'I GNAD KYI DON RNYED PA MA YIN NO, ,DES NA RANG GI LUGS NI, SNGAR BSHAD PA'I SNYING KHA'I DBUS KYI

, ,MI SHIGS PA'I THIG LE YI GE DANG BCAS PA NYID LAS 'JUG LDANG GNAS GSUM BYED PA YIN NO, ,DON 'DI THOG MAR SGRON GSAL GYIS SGRUB PA NI, SNGAR DRANGS PA'I SGRON GSAL LAS, GZHUNG SNGA MAS LDANG 'JUG GNAS GSUM GYI RNAL 'BYOR GYIS BSGOM PAR GSUNGS PA'I DON, GZHUNG PHYI MAS GSAL DU BTANG BA NA, MI SHIGS PA DE LAS KHA DOG SNA LNGA'I 'OD ZER GYI TSOGS KYI LDANG 'JUG GNAS PA BYA BAR GSUNGS PA DANG, YANG LE'U GSUM PA'I SGRON GSAL LAS, NAM MKHA'I DBYINGS KYI DBUS GNAS PAR ZLA BA'I DKYIL 'KHOR BRI BA DANG, GSAL BA'I DKYIL 'KHOR GYI DBUS GNAS 'KHOR LO'I DKYIL 'KHOR DANG, PAD MO'I DKYIL 'KHOR 'DRA BA DANG, RIN CHEN GYI DKYIL 'KHOR DANG 'DRA BA BSGOM PA DANG ;SBYOR BA'I DKYIL 'KHOR BRI BAR BYA BAR GSUNGS PA'I NGES DON 'CHAD PA NA, ZLA BA'I DKYIL 'KHOR GYI BAR SNGAR BZHIN DANG, GSAL BA'I DKYIL 'KHOR NI MI SHIGS PA DANG, DBUS GNAS NI DE LAS BYUNG BA STE, DE LTAR BYUNG BA'I DKYIL 'KHOR BZHI NI RIM PA BZHIN DU CHU DANG ME DANG DBANG CHEN DANG RLUNG GI DKYIL 'KHOR GYI RLUNG BZHI 'BYUNG BAR SHES PAR BYA BA LA BSHAD PA DANG, YANG RGYUD KYI LE'U DRUG PAR, NAM MKHA'I DBYINGS KYI DBUS NA GNAS PAR NYI MA DANG, GSAL BA DANG, RIN CHEN DANG, 'OD KYI DKYIL 'KHOR BZHI BSGOM PAR GSUNGS PA'I DON 'GREL PAR NAM MKHA'I DBYINGS MI SHIGS PA DANG, DBUS NA GNAS PA DE LAS BYUNG BA DANG, BYUNG BA'I DKYIL 'KHOR BZHI RIM PA BZHIN DU 'BYUNG BA BZHI'I RLUNG LA

BSHAD NAS, DE RNAMS LA YI GE GSUM GYI RDOR BZLAS BYED PA DANG, YANG RDOR BZLAS KYIS SNYING KHA NA GNAS PA'I RDO RJE SEMS DPA' BSKUL BAR YANG GSUNGS SO, ,LE'U GSUM PAR BSHAD PA'I RLUNG BZHI'I RDOR BZLAS KYI BSHAD PA NI, BSHAD RGYUD DGONGS PA LUNG STON DRANGS NAS DE'I DON DU BSHAD DO, ,KHYAD PAR DU RDO RJE 'PHRENG BA LAS, LKOG MA SNYING KHA LTE BA DANG, ,GSANG BA'I PAD MAR 'GRO 'ONG STON, ,ZHES RLUNG BZHI GNAS DE BZHI NAS 'GRO 'ONG BYED PAR GSUNGS PA LA DOGS PA BCAD NAS, SNYING KHA'I MI SHIGS PA LAS RLUNG 'GRO 'ONG BYED PA'I TSUL LHA MO BZHIS ZHUS LAS GSUNGS PA, SGRON GSAL LAS SNGAR BZHIN BSHAD PA'I DON YIN PA NI, DE'I RNAM BSHAD DU RGYAS PAR GTAN LA PHAB PA LAS SHES PAR BYA'O, ,SPYOD BSDUS LAS, RDOR BZLAS KYI YI GE GSUM GYI SKABS SU, DE LA SPRUL LA SOGS PA'I SNGAGS RNAMS NI A'A LI K'A LI LAS BYUNG BA RNAMS SO, ,DE RNAMS KYI DE KHO NA NYID NI MI SHIGS PA LAS BYUNG BA'I YI GE GSUM STE, ZHES GSUNGS PAS KYANG RDOR BZLAS KYI SNGAGS GSUM ZLO BA NI MI SHIGS PA LAS BYUNG BA'I TSUL GYIS ZLO BA'I DON YIN PAS, 'KHOR LO BZHI'I GNAS NAS 'BYUNG 'JUG BYED PA'I TSUL GYIS ZLO BA MIN NO, ,DE LTAR BYA DGOS PA'I RGYU MTSAN YANG, SNGAR BSHAD PA LTAR SNYING KHA'I MI SHIGS PA LA RLUNG BSDUS PA LAS STONG PA BZHI 'BYUNG BA YIN LA, RDOR BZLAS NI SNYING KHA'I MI SHIGS PA LA RLUNG SDUD BYED YIN PA'I GNAD KYIS YIN TE, GANG DU 'JUG PA SOGS GSUM SNGAR BSHAD PA'I 'JUG BYED KYI

, ,THABS KYI GTZO BO NI RDOR BZLAS YIN PA'I PHYIR RO, ,DES NA SGRA DBYANGS BCU GCIG PAS, SNYING GI DKYIL GYI PADMA'I LTE BA LA GNAS PA'I MI SHIGS PA'I THIG LE LAS LDANG BA H'Um DANG, 'JUG PA AOm DANG, GNAS PA A'A: 'I RANG BZHIN, CHU'I DKYIL 'KHOR LA SOGS PA'I MTSAN NYID CAN KHA DOG DKAR PO LA SOGS PA LA BRTEN TE, KUN RDZOB KYI SNA SGO GA-YAS PA LA SOGS PA'I RIM GYIS BYUNG NAS, ZHI BA LA SOGS PA'I LAS LHUN GYIS GRUB PA'I RDO RJE'I BZLAS PA BYAS TE, SNGON GYI SGRIB PA THAMS CAD BYANG BAR BYED DO, ,ZHES BSHAD PA DANG, RIM LNGA'I DKA' 'GREL BHA BYA K'I RTIS MDZAD PA LAS, DKYIL 'KHOR BZHI KA MI SHIGS PA LAS LDANG 'JUG GNAS GSUM BYED PA'I RDOR BZLAS BYA BAR BSHAD PA LEGS PA YIN NO, ,RTZA TSIG LAS, DBUS KYI MI SHIGS PA LUS KUN GYI SNYING PO RLUNG LA SOGS PA RNAMS DANG POR SPRO BA DANG MTHAR SDUD BYED DU BSHAD NAS, RDOR BZLAS BYED PAR BSHAD PAS, MI SHIGS PA LAS 'BYUNG BA'I TSUL GYIS ZLO BA YIN LA, DON BZHI MAR, SNYING GI DBUS NA GNAS PA'I MI SHIGS PA DE LAS 'OD KHA DOG LNGAR RTZA BA'I RLUNG LNGA 'PHRO BA DE'I 'JUG LDANG GNAS GSUM YI GE GSUM DANG SBYAR BA'I BZLAS PA BYA BAR BSHAD PA NI, RTZA TSIG GI DON YIN ZHING, RDOR BZLAS BYED PA'I YANG GNAD MTHAR THUG YIN MOD KYANG, LUGS 'DI LA SNYING KHA'I GNAD LEGS PAR SHES DGOS PA MA RTOGS PA'I GNAD KYIS, DE RNAMS LA LEGS BSHAD DU MI SHES PA SNANG NGO, ,MAR LUGS PA

GZHAN KHA CIG ,PAD 'DAB RIM PA GSUM GYI YI GE LA PHYI NAS RIM PA BZHIN DMIGS NAS, RIM PA DE DAG TU RLUNG LDANG 'JUG GNAS GSUM GYI RDOR BZLAS BYED PA, SBYOR BA RNAM PA GSUM RANG BZHIN, ,ZHES PA'I DON DU 'DOD PA NI MI RIGS TE, PHYOGS MTSAMS RIM PA'I TING NGE 'DZIN, ,SBYOR BA RNAM PA GSUM RANG BZHIN, ,ZHES PA'I DON RIM PA GSUM GYI PHYOGS MTSAMS LA DMIGS PA'I TING NGE 'DZIN GSUM SBYOR PA STE RNAL 'BYOR GSUM GYI NGO BOR STON PA YIN PA'I PHYIR RO, ,KU KU RI PAS KYANG, SNYING KHAR BKOD PA'I THIG LE KHA SBYOR GYI NANG NAS LDANG 'JUG GI RDOR BZLAS BYED PAR BSHAD DO, ,ZHAL LUNG LAS, SPYI BO DANG, MGRIN PA DANG, SNYING KHA DANG, NU MA GNYIS KYI DBUS SU RDO RJE GSUM DANG, YE SHES SEMS DPA' BSGOMS PA'I THUGS KAR RIM PA BZHIN DU MTSAN MA LA GNAS PA'I RLUNG DANG CHU DANG ME DANG SA'I DKYIL 'KHOR GYI DBUS SU ZLA BA LA GNAS PA'I 'BRU GSUM DANG, RANG GI LHA'I SA BON BSGOMS NAS RDO RJE BZLAS PA BYED PAR BSHAD KYANG, LHA SO SO'I THUGS KA NAS MI BYED KYI MI SHIGS PA LAS BYED PA YIN TE, RIM PA 'DI YIS MI SHIGS PA'I, ,RDO RJE BZLAS PA'I NGO BO BYA, ,ZHES GSUNGS SO, ,DES NA GROL BA'I THIG LE LAS, YI GE BZHI LAS 'PHROS PA'I 'OD ZER STENG GI SNA SGO LAS 'BYUNG BA'I RLUNG BZHI LA RDOR BZLAS BYA BAR GSUNGS PA NI, DER GA-YAS KYI RLUNG SKU DANG, GA-YON GYI CHU GSUNG DANG, GNYIS KA'I ME THUGS RDO RJE DANG, GNYIS KA'I SA LHA THAMS CAD KYI NGO BOR BSHAD PAS, RLUNG BZHI DE BZHI'I RLUNG DU BSTAN PAR BZHED NAS DE LTAR GSUNGS KYI, DE NAS LDANG

, ,'JUG GNAS GSUM BYED PA'I RDOR BZLAS MIN TE, DE DANG ZHAL LUNG GNYIS KAR LHA'I THUGS KAR BKOD PA'I YI GE BZHI RLUNG 'JUG GNAS LDANG GSUM DANG, DE GNYIS DANG BRAL BAR BSHAD PA BZHIN NO, ,DE DAG NI LUGS 'DI DANG MTHUN PA RNAMS SMOS PA YIN GYI, LUGS GZHAN NAS LTE BAR RDOR BZLAS BYED PAR YANG BSHAD DO, ,GNYIS PA NI, RLUNG DANG SNGAGS GNYIS SBYOR TSUL LA, SGRON GSAL LAS, LUS KYI GNAS SU BKOD PA'I KHA DOG DANG DBYIBS KYI RNAM PA CAN GYI AOm DKAR PO SOGS RLUNG 'JUG GNAS LDANG BAR BSHAD PA NI, YI GE GSUM GYI MTSON DON RLUNG GSUM YIN PAS, DE LTAR BSHAD KYI, DON RNAMS RLUNG GSUM DU SGOM PA YANG MIN LA, RDOR BZLAS KYI SKABS KYANG MIN NO, ,RDOR BZLAS KYI SKABS SU RGYUD DANG 'PHAGS SKOR RNAMS NAS, YI GE GSUM SGRA GZUGS GANG YIN DANG, DE DANG SBYAR RGYU'I RLUNG GI DE NYID LA RLUNG DANG DE'I GDANGS GANG YIN GSAL BAR BSHAD PA MI SNANG NGO, ,RJE 'GOS KYIS NI SGRA'I GDANGS LA MDZAD KYI, DBYIBS KYI YI GE LA MI MDZAD PAS, 'DI'I RJES 'BRANG MKHAS PA RNAMS KYANG DE BZHIN DU 'DOD DO, ,MAR LUGS PA MANG POS RLUNG 'PHRENG THAG LTA BU LA YI GE GSUM 'PHRENG RDOG 'KHRIGS PA BZHIN DU BRIS PA'I RNAM PA CAN LA 'DOD DO, ,RTZA RGYUD LE'U BDUN PAR, SLONGS MO ZA ZHING MI BZLA STE, ,ZHES GSUNGS PA'I NGAS DON SGRON GSAL LAS, DGONGS PA LUNG STON DRANGS TE BSHAD PA LAS, THA DAD YI GE SLONGS MO YIN, ,DE 'DON PA NI ZA BA STE, ,DE DAG SLONGS MO ZA BAR 'DOD, ,CES GSUNGS TE, 'DIS RDOR BZLAS KYI MI MTHUN PHYOGS RLUNG SNGAGS THA DAD DU ZLO BA

BSHAD PAS, DE LA BRTEN NAS THA MI DAD SHES DGOS SO, ,DE LA SLONG MO'I SKAD DOD BHI KshA LA NGES TSIG GI TSUL GYIS, BHINNA THA DAD DANG, AA KshA RA YI GE STE, RLUNG DANG YI GE SO SOR BYAS NAS 'DON PA NI SLONGS MA ZA BA YIN PAS, RLUNG SNGAGS GNYIS SO SOR BYED PA NA SNGAGS NI GDANGS SU 'DON PA LA BYAS KYIS BRIS PA'I RNAM PA LA SEMS PA LA MA BSHAD DO, ,DES NA RLUNG SNGAGS GNYIS THA MI DAD DU BYED PA'ANG SNGAGS KYI GDANGS DANG THA MI DAD DU BYA DGOS KYI, BRIS PA'I RNAM PA DANG THA MI DAD DU BYED PA MIN NO, ,GDANGS KYANG TSIG TU BTON PA NI PHYI ROL GYI NGAG YIN LA, SPYOD BSDUS LAS 'DI NANG GI NGAG TU BSHAD PAS DE MIN NO, ,TSIG TU MA BTON KYANG TSIG TU BTON PA'I RNAM PA YID LA BYED PA'I GDANGS KYANG MIN NO, ,DES NA RLUNG 'JUG GNAS LDANG GSUM GYI RANG GDANGS NI 'DIR YI GE GSUM DU BYA'O, ,RLUNG GI RANG GDANGS NYID SNGAGS KYI GDANGS SU DBYER MED DU SBYOR BA DE RLUNG SNGAGS DBYER MED DU SBYOR ZHES PA'I DON NO, ,RLUNG GIS YI GE GSUM GYI GDANGS DANG 'DRA BA SGROG BZHIN PAR YOD PA DE NYID RANG GIS NGO SHES NAS, DE LA MA YENGS PAR YID GTONG PA NYID 'DI'I BZLAS PA BYED PA YIN LA, DE LA SKRON GSAL LAS, YID KYI BZLAS PAR GSUNGS KYI, LCE RKAN GYI RTZOL BAS SNGAGS 'DON PA'I RNAM PA YID LA BYED PA'I YID BZLAS DANG YE MI 'DRA BAS LEGS PAR PHYED PAR BYA'O, ,RLUNG SNGAGS DBYER MED DU SBYOR BAR GSUNGS PA'I DON DE YID NGOR GCIG TU 'CHAR BA CIG DGOS KYI, SNGAR LTAR MA BYAS NA YID NGOR GCIG TU MI 'CHAR RO, ,GDAMS NGAG LAS, RLUNG NANG DU GNAS PA'I DUS SU CUNG ZAD RING BA RE BYA ZHES PA LA, MKHAS PA KHA CIG ,RGYUD 'GRAL GYI DGONGS

, ,PA NI, RLUNG JI LTAR 'DUG PA BZHIN BZO MED PAR 'JOG PA YIN GSUNG BA MI 'THAD DE, ZHAG GCIG LA RLUNG 'BYUNG 'JUG GNYIS LA GCIG TU BYAS PA'I NYI KHRI GCIG STONG DRUG BRGYA LAS MA BSHAD PAS, BZE MED DU 'JOG NA 'BYUNG 'JUG GNYIS MIN PA'I GNAS PA MED PA'I PHYIR LDANG 'JUG GNAS GSUM GYI RDOR BZLAS BYAR MED PAR 'GYUR RO, ,DES NA YI GE GNYIS KYI RDOR BZLAS GSUNGS PA LTAR BYED NA, BZO MED DU BYAS PAS CHOG KYANG, YI GE GSUM LA BAR DU GNAS PA RE CHED DU BYED PA, MAR 'GOS GNYIS KA'I GDAMS NGAG LAS 'BYUNG BA LTAR BYA DGOS TE, ZHAL LUNG LAS, A'A: 'I RANG BZHIN GNAS PA'I DUS SU DAL BUS GZUNG BAR LAN BZHIR BSHAD PA'I PHYIR RO, ,LDANG 'JUG GNYIS LAS NANG DU GNAS PA RING BAR BYA BAR MANG PO 'DOD MOD KYANG, RJE 'GOS KYI BZHED PAS GSUM GA MNYAM BAR BZHED PA LTAR LEGS SO, ,RLUNG PHYIR LDANG BA'I DUS SU CHOS KUN DAG PAR BYAS NAS BDUD RTZIR GYUR PA AOm GYI NGO BOR 'ONGS NAS RANG RGYUD KYI BAG CHAGS BKRUS PA DANG, A'A: 'I NGO BOS KYANG RANG RGYUD DAG PAR BYED PAR ZHAL LUNG LAS GSUNGS SHING, GROL BA'I THIG LE LAS, H'Um GIS SANGS RGYAS SOGS SPROS PA'I DUS SU BRTAN PA'I CHOS KUN 'GRUB PAR BYED, AOm GYIS SANGS RGYAS SOGS SDUD PA'I DUS SU GA-YO BA'I CHOS KUN 'GRUB PAR BYED, A'A: YIG SANGS RGYAS SOGS GZUNG BA'I DUS SU BRTAN GA-YO'I CHOS KUN GNYIS MED YE SHES SU 'JUG PAR BYED, CES GSUNGS TE, 'GRUB PAR BYED PA NI DAG PAR BYED PA'I DON DU 'GREL PAS BSHAD DO, ,'PHAGS SKOR

DU DE LTAR BYED PAR MA BSHAD, KHA CIG ,RIM LNGA LAS, H'Um YIG SEMS CAN YANG DAG SPRO, ZHES SOGS KYIS BSTAN PAR 'DOD MOD KYANG, DON MIN NO, ,DON LNGA MAR, YI GE GSUM GYI RDOR BZLAS NYER GCIG RE TZAM SBYANG, DE YANG GRANGS MANG NA KHAMS BDE RLUNG BZUNG SLA RDOR BZLAS DNGOS NI, STENG RLUNG AOm GYIS MNAN, 'OG RLUNG H'Um GIS DRANGS TE SNYING KHAR RLUNG KHA SBYAR SGOM PA LA BYED, DON BZHI MAR, YI GE GSUM GYI RDOR BZLAS BYAS PAS RLUNG MI RGYU BAR DH'U T'I'I DBUS SU TSUD PA LAS BDE STONG GI NYAMS SKYED PA'I RDOR BZLAS MTHAR PHYIN GYI BAR DU BYA BAR BSHAD, 'KHOR LO CAN DU'ANG RDOR BZLAS BRGYA RTZA BRGYAD SOGS YANG YANG BYAS PAS RTAGS LNGA 'CHAR BAR BSHAD DO, ,DE LTAR MI MTHUN PA SNANG BA'I DANG POS YI GE GSUM GYI RDOR BZLAS NYER GCIG LA SOGS PA CUNG ZAD RA LAS MI SBYONG BA NI, RTZA BSHAD KYI RGYUD DANG, YAB SRAS KYI GZHUNG KUN DANG 'GAL BA'I NOR BA CHEN POR SNANG LA, RLUNG KHA SBYOR 'DZIN PA RDOR BZLAS SU BSHAD PA NI RTOG BZO 'BA' ZHIG TU SNANG ZHING, RANG LUGS KYIS SEMS DBEN GYI RLUNG SBYOR DU 'DOD PA MANG PO DANG YANG 'GAL LO, ,DES NA DON BZHI MA LTAR BYA DGOS LA, 'KHOR LO CAN YANG DE DANG MTHUN PAR BYA'O, ,MDOR BYAS SU LHA MO BZHIS ZHUS KYI GZHUNG BKOD PA LAS, KHA ZAS KYI SKABS SU KHA SBYAR BYA BAR BSHAD PA LA, 'GREL PA KHA CIG GIS RLUNG KHA SBYOR DU BSHAD PA MA GTOGS PA, 'PHAGS SKOR GYI RGYA GZHUNG GANG DU YANG MA BSHAD LA, GAL TE MAN NGAG GIS BYED NA'ANG, RANG LUGS KYI MAN NGAG GZHAN LAS SEMS DBEN GYI SKABS SU BSHAD PA LTAR BYAS NA RANG

, ,GI LUGS DANG MTHUN NO, ,RDOR BZLAS LA BZLAS PA'I YUL RLUNG GI SGO NAS PHYE NA, RTZA BA DANG, YAN LAG GI RDOR BZLAS GNYIS DANG, DE GNYIS LA'ANG BZHI DANG LNGAR DBYE BA'O, ,BZLAS PA'I SNGAGS KYI SGO NAS PHYE NA, RDO RJE 'PHRENG BAR H'U HO: 'I YI GE GNYIS KYI RDOR BZLAS DANG, YI GE GSUM GYI RDOR BZLAS GNYIS BSHAD LA, DGONGS PA LUNG STON DANG RGYUD PHYI MAR NI YI GE GSUM GYI RDOR BZLAS NYID BSHAD DO, ,LAG SMI DANG SKAL LDAN GRAGS PA SOGS KYIS RIGS DRUG DANG, KHRO BO DANG, DUG GSUM DANG, MA NING GI RDOR BZLAS TE BCU GCIG TU BSHAD CING, DE YANG LE'U BCU GSUM PA RTZA 'GREL GYI DON DU 'DOD DO, ,SGRON GSAL GYI DGONGS PA NI, 'BRU GSUM GYI DE KHO NA NYID LA DPYAD NAS DE'I DON SHES PAR BYED PA LA, SKU GSUNG THUGS KYI RDO RJE BZLAS PAR BSHAD LA, DE NAS RIN CHEN GYI BZLAS PA DANG, THOGS MED KYI BZLAS PA GNYIS RDOR BZLAS KYI GTZO BOR GSUNGS PAS, SNGA MA GSUM TZAM NI RDOR BZLAS KYI MTSAN NYID TSANG BA MIN NO, ,RDOR BZLAS YID BZLAS SU BSHAD CING, KHRO BO'I BZLAS PA NGAG BZLAS SU BSHAD PAS, DE RDOR BZLAS MIN PA NI SHIN TU YANG GSAL LO, ,DUG GSUM GYI BZLAS PA NI, DUG GSUM CAN GYI SEMS CAN RNAMS 'OD GSAL DU 'JOG PAR SEMS PA LA BSHAD PAS, DE LA RLUNG GI BZLAS PA MED DO, ,MA NING GI BZLAS PA NI 'OD GSAL SGOM PA LA MDZAD SNANG BAS, DE LA'ANG RLUNG GI BZLAS PA MED LA, DE RNAMS RDOR BZLAS SU YANG MA GSUNGS SO, ,RDOR BZLAS KYI GTZO BOR GSUNGS PA NI RGYUD LAS, DON GYI RJES 'GRO'I BZLAS PA NI, ,NGO BO NYID

MED BZANG PO YIS, ,DUS GSUM SANGS RGYAS RNAMS DPYAD PA, ,DE NI RIN CHEN BZLAS PAR BSHAD, ,SANGS RGYAS ZHING RNAMS KUN TU NI, ,SKU YI SPRIN RNAMS SPRO BA DANG, ,GZHUD CING BYON PA RDO RJE'I DON, ,DE NI THOGS MED BZLAS PAR BSHAD, ,CES GSUNGS PA'O, ,RKANG PA GNYIS PA LA CHAG 'GYUR LAS, NGO BO NYID BYUNG BZANG PO YIS, ,ZHES 'BYUNG BA LEGS SO, ,DE RNAMS KYI DON NI, 'BRU GSUM GYI DON 'JUG LDANG GNAS GSUM GYI RJES SU 'BRANG BA'I BZLAS PA NI DON GYI RJES 'GRO'I BZLAS PA'O, ,MI SHIGS PA'I NGO BO NYID LAS BYUNG BA'I BZANG PO STE RGYUD MI 'CHAD PAR RNAM PAR 'PHRO BA'I RGYU DES, LDANG 'JUG GNAS GSUM GYI DUS GSUM DU 'BYUNG BA'I SANGS RGYAS RNAM PAR DBYAD DE YONGS SU SHES PA NI, DE BZHIN GSHEGS PA THAMS CAD KYI NGO BO'I RLUNG RNAMS MI SHIGS PA'I NGO BOR RTOGS PAR BYAS PA STE, RIN CHEN GYI BZLAS PA'O, ,'DI'I 'GREL PA'I 'GYUR BZANG BA RNAMS DANG BSTUN PA'I BSHAD PA'O, ,DE NI RDOR BZLAS KYIS RLUNG RNAMS MI SHIGS PAR BSDUS PA'I DON NO, ,DE LTAR BSDUS TE THIM PA LAS YANG LDANG BA NA SANGS RGYAS KYI ZHING SNYING KHA'I PADMA'I MI SHIGS PA LAS, THAMS CAD DU STE MIG LA SOGS PA'I SKYE MCHED KYI SGO RNAMS SU SKU'I SPRIN RNAMS PHYIR BZHUD PA DANG NANG DU BYON PA DANG, NANG DU GNAS PA'I RDO RJE'I DON GYI BDAG NYID CAN GYI SPRO BA GANG YIN PA DE NI THOGS MED KYI BZLAS PA'O, ,SNGA MA LA RIN CHEN GYI BZLAS PA ZER BA NI, RTZA BA'I RLUNG GI RDOR BZLAS KYIS MI SHIGS PA'I RIN PO CHE LA RLUNG BSDUS PA LA DGONGS PA YIN GYI RIGS LNGA'I RIN 'BYUNG GI BZLAS PAR STON PA MIN

, ,NO, ,DE LTAR RLUNG SDUD PA'I NUS PA THOB NAS YAN LAG GI RLUNG LA RDOR BZLAS BYED PA NI, DBANG PO SO SO'I SGOR THOGS PA MED PAR 'JUG PA'I BZLAS PA YIN PAS THOGS MED KYI BZLAS PA ZHES BYA'I, DON GRUB KYI BZLAS PA STON PA MIN NO, ,RIM LNGAR DRANGS PA LAS, SNGA MA LA RDO RJE BZLAS PA ZHES 'BYUNG NGO, ,SGRON GSAL MA GTOGS PA YAB SRAS KYI GZHUNG RNAMS DANG, RIM LNGA BSDUS PA SOGS NAS YAN LAG GI RLUNG GI RDOR BZLAS MA BSHAD DO, ,SNGAR BSTAN PA'I MTSAMS DE NAS YAN LAG GI RLUNG GI BZLAS PA BYED NA'ANG SNYING KHA'I MI SHIGS PA LAS 'BYUNG BA'I TSUL GYIS BZLA DGOS SHING, DE LTAR BYED PA DES YUL SNANG THAMS CAD KYI BDE BA 'BAR BA'I GROGS BYED PAR RJE 'GOS BZHED DE, RDO RJE 'PHRENG BA'I DGONGS PA DAM PAR SNANG NGO, ,RDO RJE BZLAS PA'I SGRA'I DON LA, BOD DANG RGYA GAR BA KHA CIG GIS SNA TSOGS SHIG BSHAD SNANG NA YANG, SGRON GSAL LAS, DE RNAMS KYI DON NI YI GE GSUM MO, ,DE'I BZLAS PA NI 'JUG PA LA SOGS PA GSUM MO, ,DE RNAMS YOD PA NI RDO RJE MI PHYED GSUM GYIS MTSAN PA STE, DE'I NGO BO NYID KYI RDO RJE BZLAS PA GSUNGS SO, ,ZHES GSUNGS PAS, RDO RJE GSUM GYI YI GE GSUM DANG RLUNG GSUM GYI GDANGS GSUM DBYER MI PHYED PAR SBYAR BA'I NGO BO NYID KYI BZLAS PA LA RDO RJE BZLAS PA ZHES BYA'O, ,DE LTAR NA MNYAM GZHAG TU SNGAR BSHAD PA'I LUS KYI GNAD LA SOGS PA'I GNAD BZHI DANG LDAN PA'I NGANG NAS, BYING BA DANG RGOD PAR 'GYUR BA'I SKYON BCAD NAS RLUNG GI RNAL 'BYOR DANG, BZLAS PA'I RNAL 'BYOR GNYIS KA'I YON TAN LEGS PAR

MTHONG BA'I SPRO SHUGS KYIS, RLUNG GSUM GYI GDANGS SNGAGS SU 'CHAR BA LA TSUL BZHIN DU BSLAB PAR BYA ZHING, RJES THOB TU'ANG BSLAB PA NI DGONGS PA LUNG STON LAS, BYA BA THAMS CAD NYID DU YANG, ,RNAL 'BYOR RIG PAS NYAL SOGS LA, ,MING MED BRJOD DU MED PA DANG, ,DUS GSUM 'DAS PA RTAG TU BZLA, ,ZHES GSUNGS PA LTAR RO, ,RKANG PA PHYI MA GNYIS KYI DON NI, DUS GSUM THAMS CAD DU MING DANG TSIG GIS BRJOD PA DANG BRAL BA'I YI GE GSUM BZLA ZHES SHR'ADDH'AS BSHAD DO, ,GSUM PA NI, GSANG BA'I SNA RTZER RDZAS KYI THIG LE SGOM PA LA GNYIS LAS, RDO RJE 'PHRENG BAR GSUNGS PA NI, LAS KYI PHYAG RGYA'I PADMA'I SNA RTZE DANG, RANG GI RDO RJE'I SNA RTZE PHRAD MTSAMS SU BYANG SEMS MI 'PHO BAR 'DZIN PA LA THIG LE SGOM PA ZHES GSUNGS KYI, DER THIG LE'I GZUGS LA DMIGS NAS SGOM PA MIN NO, ,SGRON GSAL LAS, RGYUD PHYI MA'I DON BSHAD PA NI, RANG GI RDO RJE'I BU GNAS RLUNG THIG LE'I GZUGS KYIS PHYUNG NAS, RIG MA'I PAD MA'I SNA RTZER THIG LE'I GZUGS KYIS BRTAG PAR GSUNGS PAS, THIG LE LA DMIGS NAS SGOM PA YIN NO, ,DE NI YE SHES KYI PHYAG RGYAR GSAL LA, DE YANG SNA RTZE GNYIS PHRAD MTSAMS SU SGOM PAS, RE RE BA'I SNA RTZER SGOM PA DANG MI 'DRA'O, ,SPYIR YE SHES KYI PHYAG RGYA LA BRTEN NAS SGOM PA LA, DE DANG SNYOMS PAR ZHUGS NAS BDE BA SKYED PA CIG DANG, DE DANG SNYOMS PAR ZHUGS PA'I BYANG SEMS YUL GYI PAD MAR ZHUGS PA'I THIG LE'I NANG DU DKYIL 'KHOR SGOM PA CIG DANG, YAB YUM GNYIS KYI GSANG GNAS KYI SNA RTZE GNYIS PHRAD MTSAMS SU THIG LE LA DMIGS NAS SGOM PA GSUM 'PHAGS SKOR DU BSHAD

, ,PA LAS 'DIR PHYI MA'O, ,DE'I DGOS PA YANG RLUNG DH'U T'IR SDUD PA'I CHED YIN MOD KYANG ,SNGAR DH'U T'IR SDUD MA NUS PA 'DIR BSDU BA'I DON MIN TE, LUS DBEN LA LOBS PA NA RLUNG SDUD NUS PA'I PHYIR RO, ,DES NA SKABS 'DI'I SROG RTZOL SGOM PA SNGA MA GNYIS KYIS NI SNGAR SNYING KHAR SDUD MA NUS PA SDUD PAR BYED LA, 'DI NI SKABS 'DIR SNYING KHAR BSDUS PA'I BOGS 'DON DU 'GRO BA YIN PAS, SKABS GZHAN DU YANG DE'I RIGS PA SBYAR RO, ,GNYIS PA LA GNYIS ,RDOR BZLAS KYIS SNYING KHA'I RTZA MDUD 'GROL BAR BSTAN PA DANG, ,SNYING KHA'I RTZA BDUD 'GROL BA DE RTZA MDUD 'GROL BA'I GTZO BOR BSTAN PA'O, ,DANG PO NI, DE LTAR SNYING KHA'I 'KHOR LO'I DBUS KYI MI SHIGS PA LAS RDOR BZLAS BYA DGOS PA'I RGYU MTSAN NI, RDO RJE 'PHRENG BA LAS GSAL BAR GSUNGS TE, MDZOD SPU'I DBUS NA GNAS PA NI, ,THIG LE RLUNG DU YANG DAG BSHAD, ,SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ,RLUNG GI DE NYID RIGS PA DE, ,KHYAD PAR DBYE BA'I SBYOR BA YIS, ,SBYOR BA DE YANG MI RIG GO ,RLUNG 'DZIN PA YI RNAL 'BYOR GYIS, , RJOD DANG BRJOD BYA'I DON LAS 'DAS, ,MI GSAL LOG PAR MTHONG RNAMS LA, ,BSAM GTAN BSGOM BYA DANG BRAL BA'I, ,SANGS RGYAS KYIS KYANG THOB PAR DKA', ,RNAL 'BYOR MA YI DRIN GYIS NI, ,ZHAL NAS ZHAL DU BRGYUD NAS GNAS, ,ZHES SO, ,RKANG PA DANG PO GNYIS KYI DON NI, DE NYID LAS, AA NI CHOS 'KHOR PAD MAR GNAS, ,RLUNG GI 'KHOR LO LA NI KHYAB, ,'DI NYID KHO NA RLUNG CHEN PO, ,SROG CES BYA BA ZHES GSUNGS SHING, ,MDZOD SPU'I GNAS SMIN MTSAMS NA RLUNG GI 'KHOR LO 'DAB MA DRUG PA

GNAS PAR GSUNGS PAS, SNYING KHA NAS DE'I BAR DU KHYAB PA'I SROG RLUNG GI GNAS DH'U T'I STON NO, ,SNGAGS DANG RLUNG GI DE NYID KYIS DE 'BYED PA NI SNGAGS ZHES PA GCIG GIS SO, ,DH'U T'I'I RTZA MDUD 'BYED PA NI RNAL 'BYOR ZHES PA GCIG GIS SO, ,SNGAGS DANG RLUNG GI DE NYID RIGS PA DANG BCAS PA KHYAD PAR CAN GYI 'BYED BYED DE MI SHES PAR RLUNG 'DZIN PA'I RNAL 'BYOR GYIS DON DE 'THOB DKA' BA NI, RLUNG GI ZHES PA NAS, RLUNG 'DZIN PA YI RNAL 'BYOR GYIS, ,'THOB PAR DKA', ZHES SBREL BA'I DON NO, ,ZHI BA 'OD KYI 'GYUR LAS, MCHOG TU DBYE BA'I SBYOR BA YIS, ,SBYOR BA DE YANG MI SHES PAR, ,ZHES 'BYUNG BA LEGS LA, RLUNG GI DE NYID RIG PA STA, ,ZHES KYANG 'BYUNG NGO, ,DON DE BLA MA'I MAN NGAG MED PAR MI RTOGS PA NI, RJOD DANG BRJOD BYA'I DON LAS 'DAS SO, ,MI GSAL BA NI GSAL BAR MA RTOGS PA'O, ,LUNG GI DON PHYIN CI LOG TU BZUNG BA NI LOG PAR MTHONG BA'O, ,DE LTAR RLUNG DANG SNGAGS KYI DE NYID SHES NAS, DE'I BSAM GTAN SGOM PA DANG BRAL NA, SANGS RGYAS KYIS KYANG RNAL 'BYOR GYI STOBS KYIS SNYING KHA'I MDUD PA GROL BA THOB PAR DKA'O, ,ZHI BA 'OD KYI 'GYUR LAS, SANGS RGYAS RNAMS NI THOB PAR DKA', ,ZHES KYANG 'BYUNG NGO, ,RGYUD 'DIR SNGAGS KYI DE NYID RNAL 'BYOR MA'I DRIN DANG, BLA MA'I ZHAL NAS RTOGS PAR 'GYUR ZHES GSUNGS PAS, RNAL 'BYOR MA ZHES PA BLA MA LA ZER BA MIN NO, ,'O NA GANG SNYAM NA, RGYUD 'DI'I RTZA DBAB PA'I MTSAN NYID KYI LE'U LAS, RTZA BDUN KHRI NYIS STONG BSDUS PA LAS, PULLIR MA LA YA LA SOGS PA'I GNAS NYER BZHI'I GRANGS KYI RTZAR 'GYUR BA DANG ,DE YANG BSDUS PAS SNYING

, ,KHA'I THUN TSOD KYI RTZA BRGYAD DU 'GRO BA DANG ,DE BRGYAD KYANG SNYING KHA'I DBUS KYI RTZA GSUM DU 'GRO BA DANG, DA GSUM YANG SBYOR BAS DH'U T'I GCIG NYID DU 'GRO BA'I TSUL RNAL 'BYOR MA'I RGYUD LAS SHES PAR BYA BAR GSUNGS PAS, RLUNG DANG SNGAGS KYI DE NYID RDOR BZLAS KYIS SNYING KHA'I RTZA MDUD DBYE DGOS PA'I RGYU MTSAN RTZA RNAMS DANG PO DE NAS 'CHAGS PA DANG, MTHAR SDUD PA'I GNAS MTHAR THUG PA RNAL 'BYOR MA RNAMS KYIS ZHUS PA'I NGOR, MNGON BRJOD 'BUM PA LA SOGS PAR BSTAN PA LA DGONGS NAS DE LTAR GSUNGS SO, ,DE LTAR SNGAR BZHIN GSUNGS PA NA DE STON PAR RDO RJE DBANG PHYUG PHYAG NA RDO RJES GSOL BA BTAB PA NI, 'GRO BA'I MGON GYIS BSTAN DU GSOL, ,THIG LE'I DBYE BA RIGS BCAS PA, ,GANG SHES MYUR DU RNAL 'BYOR MCHOG ,SBYOR BAS MDUD PA 'BYED PAR BYED, ,KHAMS GSUM PA YI 'GRO BA 'DI, ,MYUR DU DNGOS GRUB MCHOG TU 'GRO ,ZHES PA STE, THIG LE'I DBYE BA STE 'BYED BYED RLUNG SNGAGS KYI DE NYID GANG GIS SHES NAS, SGOM PA'I RNAL 'BYOR MCHOG GI SBYOR BAS SNYING KHA'I MDUD PA PHYE NAS, MYUR DU MCHOG GI DNGOS GRUB TU 'GRO BA LA 'GRO BA'I MGON POS BSTAN DU GSOL ZHES PA'O, ,DE SKAD ZHUS PA'I LAN GSUNGS PA NI, DE SKAD ZHUS NAS RDO RJE CAN, ,RDO RJE DBANG PHYUG LA YANG GSUNGS MCHOG TU GSANG BA'I BDAG NYID NI, ,GANG DU'ANG GSAL BAR MA GSUNGS PA, ,THIG LE'I DBYE BA DE YANG NI, ,NGA YIS BSHAD KYIS DE KHYOD NYON, ,SNYING GI PADMA'I SBUGS MKHA' LA, ,YE SHES RDO RJE RTAG TU BZHUGS, ,STENG 'OG YANG DAG BSTAN

NAS NI, ,SROG DANG THUR SEL RLUNG CHEN GNAS, ,DE LA'ANG DBYE BAR DKA' BA YI, ,DBUS SU MDUD PA GSUM GYIS DKRIS, ,DE YIS THUNG SEL BCOM BYAS PAS, ,STENG DU 'GRO BA THOB MI BYED, ,DES BCOM SLAR YANG RNAM LNGAR RGYU, ,SROG DANG THUNG SEL GYEN RGYU DANG, ,KHYAB BYED DANG NI MNYAM GNAS NYID, ,RTZE MO LNGA LAS RGYU BA NI, ,RTZA LNGA LA NI YANG DAG BRTEN, ,RGYAS DANG RNAM PAR RGYAS PA DANG, ,MYOS DANG LTUNG DANG MDZA' BO STE, ,DE DAG RTZA NI LNGAR SHES BYA, ,RDO RJE'I 'OG TU GSAL BAR KHYAB, ,STENG GI SROG GI DBUS NA YANG, ,RDO RJE'I LTE BA MKHA' DBYINGS 'GRO ,SROG CES BYA BA RLUNG CHEN PO, ,BYUNG NAS MDUD PA LA BRTEN PAS, ,BCOM NAS KYANG NI RNAM LNGAR RGYU, ,RTZE MO RNAMS LA RTZA LNGA NI, ,ZLA BA'I CHA DANG SNANG BA DANG, ,ZHES SOGS SNGAR DRANGS PA LTAR GSUNGS PA'O, ,DE LA RGYUD GZHAN GANG DU'ANG GSAL BAR MA GSUNGS PA, SHIN TU GSANG BA'I GNAS, ,RDOR BZLAS KYIS SNYING KHA'I RTZA MDUD 'BYED PA'I RNAL 'BYOR 'DI LA, DBYE BAR BYA RGYU'I MDUD PA NI, SNYING KHA'I RTZA 'KHOR GYI DBUS DH'U T'I'I RTZA SPUBS KYI NANG GI NAM MKHA' STONG PA LA, YE SHES RDO RJE MI SHIGS PA GNAS PA'I THAD SOR SHIN TU DBYE DKA' BA'I MDUD PA GSUM GYIS DKRIS PA DE'O, ,DE NI GA-YAS NAS RO MA DANG GA-YON NAS RKYANG MAS 'KHYUD PA'I MDUD PA GSUM GSUM STE DRUG YOD KYANG ,GNYIS KA THUN MONG DU GSUM MO, ,MDUD PA DES THUR SEL BKAG PAS STENG DU MI 'GRO BA NI, MDUD MTSAMS KYI DH'U T'I'I NANG NAS STENG DU MI THAR BA YIN GYI, ,SPYIR THUR SEL STENG DU 'GRO BA NI SNGAR BSHAD DO, ,DES BCOM RNAM LNGAR RGYU BA NI THUR

, ,SEL RLUNG LNGAR RGYU BA MIN GYI, MDUD PAS BKAG PA'I 'OG NAS RLUNG LNGA THUR DU RGYUB STE, SNGAR GYI YE SHES RDO RJE'I 'OG TU KHYAB PAR RGYU BA'O, ,DE YANG THUR SEL GYI RLUNG RNAMS 'OG TU 'DREN PAR RGYUD 'DI LAS GSUNGS PA LTAR YIN NO, ,SLAR YANG GI SGRAS NI RLUNG LNGA STENG DU RGYU BAR YANG BSTAN NO, ,SROG GI RLUNG LA SOGS PA LNGA NI RIM PA BZHIN DU RGYAS PA LA SOGS PA'I RTZA LNGA LAS RGYU'O, ,RDO RJE'I LTE BA'I STENG GI DBUS NA'ANG ,SROG GI RLUNG RTZA SBUBS KYI NAM MKHA'I DBYINGS NAS BYUNG NAS RNAM PA LNGAR RGYU'I ZHES SBYAR RO, ,MDUD PA LA BRTEN PAS BCOM PA NI, STENG GI SROG RLUNG YANG MDUD PA DES BKAG PAS, DE'I NANG NAS THUR DU 'GROR MI STER BA STE, DE NYID LAS, STENG MA RNAMS KYANG THUR DU 'GRO ,SROG GIS RAB TU BCOM NA YANG, ,DE DAG RNAMS KYANG SROG RTZA'I NANG, ,ZHUGS NAS THUR DU KHA BLTAS PA, ,DE DAG THUR DU MI 'GRO STE, ,MA RIG MDUD PAS BCINGS PAS NA, ,ZHES GSUNGS PA LTAR RO, ,SROG GI RGYU BA BCOM PA LA SROG GIS BCOM ZHES PA NI 'GYUR MA BDE BA'O, ,STENG GI RLUNG RNAMS THUR DU 'GRO MOD KYANG, MDUD PA'I MTSAMS KYI DH'U T'I'I NANG NAS 'OG TU MI 'GRO BAS THUR DU MI 'GRO BA'O, ,RGYU MTSAN NI MA RIG CES PAS STON PAS NA, ZHI BA 'OD KYI 'GYUR LAS, MA RIG MDUD PA'I 'KHRUL 'KHOR NI, ZHES PA MI LEGS SO, ,SROG 'DZIN STENG GI RTZA SBUBS NAS KLU LA SOGS PA'I RLUNG LNGA RGYU BA DANG, SROG 'DZIN GYIS STENG DU RLUNG RNAMS DBANG PO RNAMS KYI SGOR SPRO BAR YANG GSUNGS SO, ,'DIR RGYUD LAS, RNAM PAR SHES PA'I SHING RTA'I RLUNG RNAM SHES KYI BAG CHAGS DANG 'DRES NAS YUL LA ZHUGS

PA LAS RANG BZHIN RNAMS SKYED PA DANG, BAG CHAGS KYIS BSLAD PA'I DBANG GIS 'KHOR BAR 'KHYAMS PA YIN GYI, DE MA GTOGS PA'I 'KHOR BA MED CES GSUNGS PA'I RJES SU, DE PHYIR 'KHOR BA SPANG DON DU, ,THIG LE DBYE BA'I GO 'PHANG GSAL, ,SGOM PA LA NI RAB 'BAD KYIS, ,MA RIG GZHAN GYIS MI SHES PA, ,DBUS KYI MDUD PA DE YANG NI, ,DE PHYE NA NI DNGOS GRUB 'GYUR, ,ZHES 'KHOR BAR 'KHOR BA'I BAG CHAGS SBYANG BA'I PHYIR DU, ,SNYING KHA'I DH'U T'I BCINGS PA'I MA RIG PA'I SGO NGA'I SBUBS 'BYED BYED THIG LE'I DBYE BA ZHES PA RLUNG DANG SNGAGS KYI DE NYID BSGOM PAR GSUNGS PA NI, SNYING KHA'I MI SHIGS PA LA RNAM RTOG SKYED PA'I RLUNG SROG THUR GNYIS THIM PAR MA BYAS PAR DU 'OD GSAL RDZOGS PA MI 'CHAR LA, DE LA NI SNYING KHA'I RTZA MDUD DBYE DGOS, DE 'BYED PA NI SOGS KYI DE NYID KYIS 'BYED PA'I DON NO, ,DE LTAR RDOR 'PHRENG GI LE'U DRUG PA LAS, SNYING KHA'I RTZA MDUD DBYE DGOS PA DANG, SNGAGS KYI DE NYID KYIS DE PHYED NA ,RAL GRI RI LU MNGON SHES SOGS DANG, PHYAG RGYA CHEN PO'I DNGOS GRUB 'GRUB PA DANG, SNGAGS KYI DE NYID KYANG, H'UM HO: GNYIS RLUNG 'JUG GNYIS DANG SBYAR BA'I BZLAS PA LA BSHAD CING, DE YANG ZLA BA DRUG BYAS NA NGES PAR 'GRUB CES GSUNG SO, ,'O NA YI GE GNYIS KYI RDOR BZLAS KYIS RTZA MDUD 'BYED PA DE NYID KYI CHOS YIN NAM, ,YI GE GSUM KYI RDOR BZLAS KYI RANG YIN SNYAM NA, SNGAGS KYI DE NYID KYIS 'BYED PAR GSUNGS PA'I SNGAGS KYI DE NYID LA GNYIS YOD PA'I GCIG DRUG PAR GSUNGS LA, GNYIS PA LE'U BCO LNGA PAR GSUNGS TE, SKU GSUNG THUGS KYI RDO RJE RNAMS, ,SNGAGS NI GSUM GYI BZLAS

, ,BRJOD BYA, ,DE YIS MYUR DU DNGOS GRUB 'GYUR, ,RLUNG GI DE NYID PHA ROL PHYIN, ,ZHES DANG, SNGAGS KYI DE NYID BSTAN PA NI, ,DMIGS PA MED PA'I GO 'PHANG GSAL, ,RDO RJE SEMS DPA' NYID KYI RGYU, ,SNGAGS KYI YON TAN KUN DANG LDAN, , LUS NGAG YID KYI SDOM PA'O, ,DE NYID DE SKYES YE SHES MCHOG ,DE NYID KUN GYI DON BSDUS PA, ,SNGAGS KYI DE NYID BLA NA MED , ,ZLA DRUG BZLAS PAS 'GRUB PAR NI, ,'GYUR TE GZHAN DU MA YIN NO, ,ZHES YI GE GSUM GYI SNGAGS DANG , RLUNG GI DE NYID SNYING KHA'I PADMA NAS ZLO BA'I BZLAS PA ZLA BA DRUG BYAS PAS 'GRUB PAR SHIN TU GSAL BAR GSUNGS SO, ,DE'I PHYIR YI GE GNYIS DANG ,YI GE GSUM GYI RDOR BZLAS GNYIS KAS RTZA MDUD 'GROL BA RGYUD KYI DGONGS PAR GDON MI ZA'O, ,'BYED TSUL NI, DE NYID LAS, SGRA H'Um DANG THIG LE HO:'I MING DU BYAS, ,RLUNG GNYIS KYIS NI PHYE NAS NI, ,MA RIG MDUD PA 'BYED PAR BYED, ,CES GSUNGS TE, DPER NA SMYUG MA'I SBUBS 'GAGS PA LA THUR MA RING POS DE'I NANG DU 'BYUNG 'JUG BYAS PAS PHYED PA BZHIN DU, RLUNG 'BYUNG 'JUG GIS KYANG DE BZHIN DU 'BYED DO, ,DE NYID LAS, AA HAm DANG BRAL SKYES BU NI, ,RTZA BA CHAD PA'I SHING BZHIN NO, ,ZHES AA HAm GI NGES DON SHES PA DANG BRAL NA, RTZA BA CHAD PA DANG 'DRA BAR GSUNGS NAS, AA NI SROG GI RLUNG DU BSHAD, DE BZHIN THUR SEL HAm DU BRJOD, ,DE GNYIS GCIG TU GYUR PA NI, ,DE NI AA HAm ZHES BYAR GRAGS, ,ZHES GSUNGS TE, LUGS 'DIS NI SNYING KHA'I MI SHIGS BA'I GNAS SU SROG THUR GNYIS BSRE BA YIN NO, ,GNYIS PA NI, 'BRU GSUM GYI SNGAGS BTUB LA GNYIS LAS

DRANG DON GYI SNGAGS BTU BA NI, RDO RJE 'PHRENG BA'I LE'U BCO LNGA PA LAS, DBYANGS KYI DANG PO'I AA DANG, DBYANGS YIG LNGA PA AU YIG DANG ,KA TZA tA TA BA'I SDE TSAN GYI THA MA PA SDE'I MTHA' CAN MA YIG GSUM GYI, AA DANG AU LAS AO STE AU YIG MI MNGON PAR 'GYUR RO, ,DE LA MA YIG RJES SU NGA ROR SBYAR BAS AOm MO, ,DES NA RGYUD 'DI'I SKU GSUNG THUGS KYI SNYING PO'I LE'U LAS, AU'I DOD LA 'GYUR GSUM GA LAS AO 'BYUNG BA NI MA DAG PAS, 'GREL PAR AU YIG 'BYUNG BA DAG PA YIN NO, ,DBYANGS KYI THOG MA AA YIG GNYIS DANG ,AUshMA NA'I CHA STE DRO BA'I SDE CHEN GYI MTHA' MA HA DANG GSUM GYI DANG PO GNYIS NI, MTSUNGS 'DRA'I YI GE LA SNGA MA RING POR 'GYUR ZHING PHYI MA PHYIS PAS A'A RING PO GCIG GO ,HA YIG SROG MED NI TSEG DRAG GI GNAS SU 'JOG PAR 'GREL PAS BSHAD DE, SKABS GNYIS SU HA YIG GSUNGS SO, ,AUshMA NA'I CHA HA YIG LA DBYANGS DRUG PA A'U YIG GIS BRGYAN PAS H'U'O, ,DE LA PA SDE'I MTHA'I MA YIG KLAD KOR DU BYIN PAS H'Um NGO, ,'GREL PA'I GZHUNG LAS, AUshMA NA'I MTHA' CHA LDAN, ZHES PA'I CHAS ZLA TSES BSTAN PAR 'GREL BAR BSHAD DO, ,DE LTAR NA SPYOD BSDUS LAS, 'BRU GSUM GYI RE RE YANG YI GE GSUM GSUM LAS 'BYUNG BAR GSUNGS PA NI DE BZHIN DU BYA'O, ,NGES DON GYI SNGAGS BTU BA LA GSUM LAS, NGES DON GYI AOm YIG THU TSUL NI, RGYUD DE NYID LAS, AA NI CHOS 'KHOR PADMAR GNAS, ,RLUNG GI 'KHOR LO LA NI KHYAB, ,'DI NYID KHO NA RLUNG CHEN PO, ,SROG CES BYA BA THAMS CAD GSUNGS, ,ZHES AOm YIG GI YI GE GSUM GYI AA YIG GI NGES DON NI SROG 'DZIN LA

, ,BSHAD DO, ,'GREL BA'I 'GYUR LAS, SROG CES BYA BA THAMS CAD BSDUS, ZHES 'BYUNG ZHING ,DE'I DON DES RLUNG KUN BSDUS PA LA BSHAD DO, ,AOm NI LONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPYI GTZUG MTHAR, ,KHYAB PA GZI BRJID KYI NI LUS, ,ZHES AU YI GI NGES DON LONGS SPYOD KYI 'KHOR LO NAS BDE CHEN GYI 'KHOR LO'I BAR DU KHYAB PA, KHA DOG ME DANG NYI MA'I 'OD DANG 'DRA BA ,GZI BRJID RAB TU 'BAR BA'I LUS TE, NGO BO GYEN RGYU'I RLUNG DU BSTAN NO, ,ZHI BA 'OD DANG RVA DANG 'GREL BA'I 'GYUR LAS AU ZHES 'BYUNG BA DAG GO ,BDE CHEN 'KHOR LO ZHES BYAR GNAS, ,YI GE MA NI THIG LE TZAM, MTHO BA'I TSAD NI SOR BCU GNYIS, ,RGYAL PO'I GTZUG TOR GNAS NA GNAS NA GNAS, ,ZHES MA YIG GI NGES DON SMIN MTSAMS NAS YAR SOR BCU GNYIS GZHAL BA'I GTZUG TOR GYI GNAS NA GNAS PA'I BYANG SEMS THIG LER BSHAD DO, ,ZHI BA 'OD KYI 'GYUR LAS, MTHO GANG TSAD NI SOR BCU GNYIS, ,BRGAL BA'I GTZUG TOR NANG NA GNAS, ZHES 'BYUNG NGO, ,DRANG DON LA AOm YIG SPYI BOR 'GOD PA BZHIN DU NGES DON LA, SROG DANG GYEN RGYU DANG HAm GI THIG LE GSUM BDE CHEN GYI 'KHOR LO'I RTZA MDUD KYI NANG GI DH'U T'IR SDUD PA'O, ,NGES DON GYI A'A: YIG GI THU TSUL NI, YI GE AA NI SNGAR BSHAD ZIN, , SREG GI RLUNG NI MCHOG YIN NO, ,ZHES DANG ,AA NI CHOS 'KHOR PADMA LAS, ,MGRIN PAR YI GE AA NYIS 'GYUR, ,SROG NYID DANG NI THUR SEL BA, ,YI GE HA YIS KUN NAS NI, ,MGRIN PA'I DBUS NA GNAS PA BCINGS, ,ZHES SNYING KHA'I SROG 'DZIN DANG,

MGRIN PA'I GYEN RGYU GNYIS AA YIG NYIS 'GYUR A'A RING PO'I DON DANG, HA YIS MTSON PA'I DON THUR SEL GSUM, A'A: YIG MGRIN PAR 'GOD PA'I DOD LONGS SPYOD KYI 'KHOR LO'I RTZA MDUD KYI DH'U T'I'I NANG DU SDUD PAR GSUNGS SO, ,NGES DON GYI H'Um YIG THU TSUL NI, HA NI THUR SEL MING CAN RLUNG, ,BSHAD SGO GSANG BA'I DBUS NA GNAS, ,YI GE A'U NI STENG 'GRO'I RLUNG, ,MGRIN PA'I PADMA'I DBUS NA GNAS, ,YI GE MA NI SROG RLUNG YIN, ,DPRAL BAR RLUNG GI 'KHOR LO LA, ,DE DAG GCIG GYUR SNYING KHA LA, ,THUGS KYI SA BON DU NI BRJOD, ,CES HA'I DON THUR SEL DANG ,SNYING KHA NAS SMIN MTSAMS KYI RLUNG GI 'KHOR LO LA KHYAB PA'I SROG RLUNG MA'I DON DANG, A'U YIG GI DON STENG 'GRO 'AM GYEN RGYU'I RLUNG GSUM, H'Um YIG SNYING KHAR 'GOD PA BZHIN DU, CHOS KYI 'KHOR LO'I RTZA MDUD KYI DBUS KYI DH'U T'I'I NANG DU SDUD PAR GSUNGS TE, DE DAG GCIG GYUR ZHES PA GNYIS NI AOm DANG A'A :'I NGES DON RNAMS GCIG TU BYED PA LA'ANG SBYAR RO, ,DE LTAR YI GE GSUM GYI NGES DON BSHAD PAS NI 'KHOR LO GSUM GYI RTZA MDUD GSUM GROL BA'I DH'U T'I'I NANG DU SROG THUR DANG GYEN RGYU'I RLUNG RNAMS BSRES PA BSTAN TE, AOm A'A: H'Um GSUM GNAS GSUM DU BKOD NAS, SKU GSUNG THUGS GSUM BYIN GYIS RLOB PAR SNGAGS KYI GZHUNG TSAD LDAN DU MA NAS BSHAD PA'I NGES DON GYI YI GE GSUM GNAS GSUM DU BKOD NAS BYIN GYIS RLOB TSUL NI DE LTAR YIN NO, ,DE LTAR GSUNGS PA LA PHYAG NA RDO RJES, RDO RJE GSUM GYI YIG DON DANG, ,GNAS KYI DBYE BA RTOGS LAGS NA, ,'DI RNAMS DBUS NA BDAG PO GANG, ,JI LTA BU ZHIG GTZO BOS GSUNGS, ,ZHES YI GE GSUM

, ,SBYAR NAS 'BRU GSUM BYED PA'I NGES DON RLUNG RNAMS BSRE PA DANG, DE YANG LUS KYI RTZA 'KHOR GYI GNAS GANG DU BSRE PA RTOGS LAGS KYANG, GSUM PA 'DI RNAMS KYI DBUS NA STE NANG NA JI 'DRA BA CIG BDAG PO YIN PA GSUNGS SHIG CES DRIS SO, ,DE'I LAN NI, GSANG BA MCHOG TU GSANG BA YI, ,SBAS PA'I DON NI KHYOD 'DRI BA, ,RGYUD RNAMS KUN TU MA GSUNGS PA, ,RAB TU BSHAD KYIS MNYAN PAR GYIS, ,THUGS KYI SA BON BDAG PO STE, ,KUN GYI NANG NAS RNAM RTOG MED, ,GANG PHYIR GTZO BO GZHAN RNAMS NI, ,'GRIB DANG DE BZHIN 'PHROG PAR BYED, ,CES GSUNGS PA'O, ,DE LA SNYING MGRIN SPYI BO'I 'KHOR LO GSUM GYI RTZA MDUD GROL BA'I GNAS SU, SROG THUR LA SOGS PA'I RLUNG RNAMS BSRES PA 'DI GSUM GYI NANG NAS, GNAD 'DI CHE'O ZHES PA 'DI GSANG BA LAS KYANG CHES GSANG BA'I GNAS RGYUD GZHAN DU SBAS PA YIN PAS, DE BSHAD KYIS NYEN ZHES GSUNGS NAS, GSUM PO DE KUN GYI NANG NAS THUGS KYI SA BON H'Um YIG GI NGES DON SNYING KHA'I RTZA MDUD GROL BA'I DH'U T'I'I NANG DU RLUNG BSRE BA BDAG PO YIN TE, RGYU MTSAN GANG GI PHYIR NA, SNYING KHA'I RTZA MDUD GROL BA NI RNAM RTOG MED PA STE GCOD PAR BYED PA'I MCHOG YIN PA'I PHYIR TE, RLUNG MI GA-YO BAR GNAS PA LAS GZHAN PA KUN RTOG GA-YO BA'I RLUNG RNAMS 'GRIB PAR BYED PA DANG, 'PHROG PAR BYED PA'I GTZO BO YIN PA'I PHYIR RO, ,YANG NA, GTZO BO GZHAN NI, THUGS RDO RJE LAS GZHAN PA SKU RDO RJE DANG GSUNG RDO RJE STE, DE GNYIS KYI GNAS SU GYUR BA'I SPYI BO DANG MGRIN PA'I RTZA MDUD RNAMS NI, THUGS RDO RJE'I RTZA MDUD GROL BA DES 'JIG

PAR BYED PA NI 'GRIB PA DANG 'PHROG PAR BYED PA'I DON DU BYA STE, 'OG NAS SNYING KHA'I RTZA MDUD GROL NA DE'I STOBS KYIS MDUD PA GZHAN 'GROL BAR BSHAD PA'I GNAD KYIS SO, ,'GREL PAS YI GE GSUM GYI NANG NAS H'Um YIG GTZO BO YIN TE, CHOS THAMS CAD SEMS LA RAG LAS PA'I PHYIR RO, ,ZHES SOGS BSHAD PA NI YI GE GSUM GYI NGES DON LEGS PAR MA RNYED PA'I BSHAD PA'O, ,DE NAS, GSUM PA RNAL 'BYOR PA YIS RTOGS, ,RNAM RTOG MED PA RMAD BYUNG CHE, ,RLUNG RNAMS THAMS CAD 'GOG PAS NA, , SKYE BA DE NYID RTOGS PA'O, ,ZHES GSUNGS TE, GSUM PA NI, THUGS RDO RJE'I YIG DON SNYING KHA'I RTZA MDUD GROL BA'I GNAS SU RLUNG BCUG PA'O, ,RTOGS PA NI RNAL 'BYOR PA LA DE MNGON DU GYUR PA'O, ,DE'I TSE RNAM RTOG MED PA RMAD DU BYUNG BA STE NGO MTSAR BA'I LHAN CIG SKYES PA'I YE SHES SKYE ZHES SBYAR RO, ,DE NYID RTOGS PA NI RMAD BYUNG GI DON NO, ,RGYU MTSAN NI, RLUNG DANG RNAM PAR RTOG PA THAMS CAD 'GOG PA STE MI SHIGS PA LA SDUD NUS PA'I PHYIR RO, ,'DI NI SNGAR THUGS KYI SA BON BDAG POR BSHAD PA'I RGYU MTSAN GSAL DU BTANG BA YIN NO, ,DES NI KUN RTOG DANG DE GA-YO BA'I RLUNG THAMS CAD 'GOG PA LA SNYING KHAR RLUNG SDUD PA GNAD CHE BAR BSTAN PAS, RTZA 'KHOR GZHAN DU BSDUS PA LA DE TZAM GYI NUS PA MED PAR STON TE, SNYING KHAR SDUD PA GTZO BO YIN PA'I RGYU MTSAN STON PA'I GZHUNG YIN PA'I PHYIR RO, ,DE NAS, SPRUL PA CHOS KYI 'KHOR LO'I DBUS, ,'DI NI PAD MA GNYIS SU GSUNGS, ,DRUG CU RTZA BZHI BRGYAD 'DAB GNYIS, ,STENG DANG 'OG TU KHA BLTAS BZHIN, ,STENG 'OG YANG DAG BSTEN NAS NI, ,SROG DANG THUR SEL

, ,RGYU BAR BYED, ,DE GNYIS KHO NA RTOG BCAS PA'I, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO GNYIS, ,LA LA N'A DANG RA SA N'A, ,ZHES GSUNGS TE, RE BZHI'I 'DAB MA NI SPRUL PA'I 'KHOR LO LA YIN LA, BRGYAD KYI 'DAB MA NI CHOS KYI 'KHOR LO LA STE DE LTAR GNYIS SO, ,RKANG BA BZHI PA LA 'GREL PAR, ,DE DAG ZA MA TOG BZHIN GNAS, ,ZHES 'BYUNG BA LEGS LA, DE'I DON NI SNYING KHA'I PADMA KHA THUR LTA DANG, LTE BA'I PADMA KHA STENG DU LTA BAR SAM BHU tA LAS BSHAD PA LTAR GNAS PAS ZA MA TOG KHA SBYOR DANG 'DRA BAR GNAS SO, ,DE DAG GIS NI SNYING KHA DANG LTE BA'I RTZA 'KHOR GYI GNAS TSUL DANG, STENG 'OG TU GNAS PA'I SROG THUR GNYIS RTZA GNYIS LA RGYU BA NI RNAM RTOG SKYED PA'I RLUNG DU BSTAN NO, ,DE NAS, AA BA DH'U T'I MCHOG GI RTZA, ,DE GNYIS DBUS MA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHYAB, ,RNAL 'BYOR GANG THOB RTAG TU NI, SEMS CAN DON BYED NUS PAR 'GYUR, ,RLUNG GI RANG BZHIN BYE BRAG NI, ,BRGYA DANG BRGYAD LAS GANG RGYAL BA, ,DUS KUN TU NI RGYAL NAS GNAS, ,RNAL 'BYOR BYIS PAS ME SHES PA, ,SKAD CIG GCIG MNGON RDZOGS BYANG CHUB, ,DE YIS THOB PAR RGYUD 'DIR GSUNGS, ,ZHES GSUNGS TE, RTZA GNYIS KYI DBUS NA GNAS PA'I DH'U T'IR RLUNG TSUD NA RNAM RTOG GCOD PAS, RTZA DE GZHAN GNYIS LAS MCHOG DANG, DE 'DRA'I RNAL 'BYOR THOB PAS GZHAN GYI DON NUS SHING, RNAM RTOG BRGYA RTZA BRGYAD SKYED PA'I RLUNG LAS RGYAL BA DANG, DE YANG BSKYED RIM PAS MI SHES PA DANG, RLUNG GNYIS DH'U T'IR TSUD PA DE YIS SKAD

CIG LA STE, MYUR DU MNGON PAR BYANG CHUB PA 'OD GSAL 'THOB PAR GSUNGS SO, ,RLUNG DH'U T'IR 'JUD PA LA THOG MAR BSKYED RIM MTHAR PHYUNG NAS, DE NAS RDO RJE BZLAS PA BYA DGOS PA'I RIM PA NI, DE YANG JI LTAR THOB PAR BYED, ,DE LA RIGS PA RU NI BRJOD, ,THOG MAR RNAL 'BYOR PA CHEN PO, ,BLO BZANG GIS NI ZHI GNAS BSGOM, ,BSKYED PA'I RIM PA'I SBYOR BA YIS, ,KHRO BO'I PHYAG RGYA BYAS NAS KYANG, ,DBANG PO YI NI SGO DGU LA, ,THAMS CAD DU NI KUN SDOM PA, ,H'Um BZLAS PA NI MTSUNGS MED BYA, ,MCHOG TU RGYUN MI 'CHAD PAR NI, ,ZLA BA DRUG TU BYAS NAS KYANG, ,DE RJES SKAD CIG DE LA 'THOB, ,CES SO, ,PHYAG RGYA NI BSKYED RIM PA'I LHA'I SKU PHYAG RGYA CHEN PO'O, ,KHRO BO'I PHYAG RGYA LA 'GREL PAR 'BAR BA'I PHYAG RGYA ZHES 'BYUNG STE, BSKYED RIM GYIS THA MAL GYI RNAM RTOG SREG PA'O; ;H'Um BZLAS NI RDOR BZLAS KYI PHYOGS GCIG SMOS PA'O, ,DES MIG LA SOGS PA'I SGO DGU NAS RLUNG NANG DU SDUD PA NI DBANG PO ZHES PA GNYIS SO, ,DE NAS, GANG PHYIR DE NI BZLAS BYAS NA, ,SNYING KHA'I PADMA'ANG STENG BLTAS 'JIG ,DE NAS GSANG BA'I PADMA YI, ,KHA SBYOR BA NI BYA NAS KYANG, ,RNAM PAR RTOG PA'I RLUNG GNYIS NI, ,DE NAS RNAM PAR BCAS NAS 'GRO, RNAM RTOG MED PA BDE BA STER, ,SNGAGS KYI DE NYID KYIS NI 'THOB, ,AA BA DH'U T'I'I RGYUN LA GNAS, ,SMIN DBUS RLUNG GIS PHYE BYAS NAS, ,DE THOB THOB BYAS DGA' BA NI, ,RGYUN DU 'CHAR ZHING MI ZAD PA, ,ZHES GSUNGS SO, ,RDOR BZLAS ZLA BA DRUG BYAS PAS SNYING KHA'I RTZA MDUD 'JIG TSUL NI RKANG PA DANG PO GNYIS KYIS STON NO, ,ZHI BA 'OD DANG RVA DANG 'GREL PA'I 'GYUR LAS, SNYING KHA'I PADMA STENG BLTAS 'GRO, ZHES

, ,'BYUNG LA, DAR MA BRTZON 'GRUS KYIS SNGAR BZHIN BSKYUR RO, ,'GREL BAS RTZA 'KHOR GNYIS KHA SBYOR DU GNAS PA'I KHA GAB BYE BA STENG BLTAS 'GRO'I DON DANG, GSANG BA'I PADMA SPRUL BA'I 'KHOR LO LA BYAS NAS BYE BA NI, ZA MA TOG BCINGS PA BZLOG PA LA BSHAD DE, SNGA MA DANG KHYAD MI SNANG NGO, ,SNYING KHA DANG LTE BA'I RTZA 'KHOR GNYIS DANG PO KHA THUR LTA DANG, GNYIS PA KHA GYEN LTAR YOD PA YIN GYI, KHA SBYAR NAS YOD PA MIN PAS, DE GNYIS SO SOR 'BYED PA MIN NO, ,RGYUD 'DIR RTZA 'KHOR DRUG BSHAD PAR GSANG GNAS KYI 'KHOR LO MA BYUNG YANG, LKOG MA SNYING KHA LTE BA DANG, ,GSANG BA'I PADMARA 'GRO 'ONG STON, ,ZHES PA'I SKABS SU LTE BA LAS LOGS SU GSANG BA'I PADMA BSHAD PAS, DES SPRUL PA'I 'KHOR LO STON PA MIN NO, ,RGYUD 'DIR RDOR BZLAS KYIS MDUD PA 'BYED PA DANG, MDUD PA 'JIG PA DANG, MDUD PA 'JOMS PAR BSHAD CING, 'DIR YANG RDOR BZLAS BYAS PAS MDUD PA 'JIG TSUL STON PA YIN PAS, SNYING KHA'I PADMA 'JIG PA NI DE'I RTZA MDUD 'GROL BA'O, ,STENG BLTAS 'JIG PA NI LTE BA'I MDUD PA'O, ,SNYING KHA'I RTZA MDUD 'GROL BA'I SKABS SU 'CHI RIM BZHIN DU 'BYUNG DGOS SHING, MAN SNYE LAS, 'PHO BA SBYONG BA'I DUS SU SNYING KHA'I PADMA GYEN DU LDOG PA YANG YANG BYED PAR BSHAD LA, PHYAG CHEN THIG LE LAS, LTE BA'I RTZA BAR SROG RLUNG NI, ,SKAD CIG TZAM YANG MI BYED NA, ,GANG ZHIG PADMA KHA SPUB 'DI, ,SKAD CIG GIS NI GYEN DU 'GYUR, ,ZHES GSUNGS BAS SNYING KHA'I PADMA GYEN DU LOG PA DGOS PA 'DRA'O, ,LTE BA LA GSAL KHA MI SNANG

ZHING, RGYUD DER YANG SNYING KHA'I GNAS LA BSNGAGS PAS, SNYING KHA'I PADMA'I LTE BA 'AM YANG NA GRAGS PA LTAR RO, ,DPE KHA CIG LAS, SKAD CIG TZAM 'DOR MI BYED NA, ZHES 'BYUNG BA LTAR SROG RLUNG DER BCINGS PA DE BRTAN NA ZHES PA'O, ,GSANG BA'I PADMA'I KHA SBYOR YANG RO RKYANG GIS DBU MA LA KHA SBYAR BA'I MDUD PA'O, ,SNYING KHA'I RTZA MDUD GROL BAS LTE BA DANG GSANG GNAS KYI RTZA MDUD 'GROL BAR 'DIR BSTAN LA, SMIN DBUS RLUNG GIS PHYE BYAS NAS, ZHES PAS RLUNG GI 'KHOR LO'I RTZA MDUD 'BYED PAR BSTAN PAS NA, RTZA MDUD GZHAN THAMS CAD DES 'BYED PA YIN NO, ,RTZA MDUD GROL BA NA SROG THUR GNYIS RTZA GZHAN LA RGYU BA RNAM PAR BCAD NAS, DH'U T'I GCIG PU'I RGYUN LA GNAS PAR BYAS PAS, RNAM RTOG MED PA'I BDE BA CHEN PO RGYUN DU 'BYUNG BA NI SNGAGS KYI DE NYID RDOR BZLAS KYIS BYED PAR GSUNGS SO, ,BSHAD PA DE RNAMS NI RDO RJE 'PHRENG BAR, SNGAGS KYI DE NYID GCIG PUS 'GRUB, ,CES YANG YANG GSUNGS PA BZHIN DU, 'PHAGS PA YAB SRAS KYIS KYANG RLUNG DNGOS SU SGOM PA'I RNAL 'BYOR GZHAN MA BSHAD PAR, RDO RJE BZLAS PA NYID BSHAD PA LA NGES PA CHEN PO STER BA'I THABS MED MI RUNG DU SNANG BAS RGYAS PAR BSHAD PA YIN NO, ,GSUM PA LA GNYIS, SNYING KHAR MI SHIGS PA BSGOMS PAS NYAMS MYONG JI LTAR SKYE BA DANG, SROG RTZOL LHAG MA BSGOMS PAS NYAMS MYONG JI LTAR SKYE BA BSHAD PA'O, ,DANG PO NI, SNGAR BSHAD PA LTAR SNYING KHAR RLUNG BSDUS PA LAS 'OD GSAL 'CHAR BAR BSHAD LA, 'OD GSAL DU 'JUG PA'I SNGON DU SA CHU LA THIM PA

, ,SOGS KYI THIM RIM LAS, SMIG RGYU LA SOGS PA'I MTSAN MA LNGA 'BYUNG BAR SGRON GSAL LAS GSUNGS SO, ,DE NI DON GYI 'OD GSAL LA 'JUG PA'I SKABS KHO NAR MA ZAD, RLUNG DH'U T'IR BSDUS TE THIM NAS STONG PA BZHI 'CHAR BA'I SKABS THAMS CAD DU YIN PAS, SNYING KHAR MI SHIGS PA BSGOMS PA LAS MTSAN MA LNGA 'BYUNG BAR GSUNGS TE, ZHAL LUNG LAS, SEMS NI THIG LER GZHAG PAR BYA, ,RANG GI DBANG PO DER GZUNG NA, ,SA YI DKYIL 'KHOR CHU LA ZHUGS, , CHU DE ME LA DE RJES ZHUGS, ,ME YANG RLUNG LA RAB TU ZHUGS, ,RLUNG YANG SEMS LA ZHUGS PAR 'GYUR, ,SEMS NI GNYIS MED YE SHES SU, ,CUNG ZAD ZHUGS PAS RTAGS GNAS PA, ,SMIG RGYU 'DRA DANG DU BA DANG, ,MAR ME MKHA' SNANG RANG 'DRA BA, ,SPRIN MED NAM MKHA' LTAR SNANG BA'I, ,MTSAN MA LNGA PO 'BYUNG BAR 'GYUR, ,RDO RJE SEMS DPA' ZHUGS PHYIR RO, ,ZHES PA DANG, KU KU RI PAS KYANG, SHIN TU 'BAD PA'I BSAM PA YIS, ,DBYIBS KYI THIG LE NYID LA BLTA, ,DE LA YANG NI ZHUGS NAS NI, ,MTSAN MA LNGA'AM BRGYAD 'BYUNG NGO, ,DE NAS 'OD GSAL GNAS PAR 'GYUR, ,ZHAG DANG ZLA BA LO LA SOGS, ,JI SRID 'DOD KYI BAR DU GNAS, ,SEMS CAN DON SOGS BYA BA KUN, ,'BAD PA MED PAR LHUN GYIS 'GRUB, , CES GSUNGS SO, ,MTSAN MA LNGA NI SMIG RGYU SOGS LNGA YIN LA, BRGYAD NI ZLA NYI MUN PA BZHIN SNANG BA GSUM BSNAN PA'O, ,PHYIN CI LOG GI SA LA SOGS PA LDOG TU RUNG BA DANG, CUNG ZAD LOG PA DANG, GTAN NAS LOG PA'I RTAGS GSUM YOD PAR SMAN ZHABS

KYIS BSHAD DE, RTAGS 'DI RNAMS LA RIM PA MANG PO ZHIG YOD PA SHES DGOS SO, ,RTAGS 'DI RNAMS SNGA MA LAS PHYI MA GSAL DU SONG BA LA SMIG RGYU SOGS DANG 'DRA BAR GSUNGS KYI, DE RNAMS DANG 'DRA BA'I SNANG BA 'CHAR BA MIN ZHES PA DANG, KHA CIG RTAGS CAN GYI SHES PA BRTAN GA-YO'I TSAD YIN ZHES PA DANG, KHA CIG DU BA SOGS DANG 'DRA BA'I SNANG BA 'CHAR BA LA BZHED PA GSUM BYUNG BA NI, PHYI MA NYID LEGS PA YIN NO, ,DE YANG ZLA NYI MUN PA BZHIN SNANG BA NI, SNANG MCHED THOB GSUM GYI RANG DUS YIN LA, SPRIN MED NAm MKHA' BZHIN SNANG BA NI THAMS CAD STONG PA'I DUS YIN ZHING, SMIG RGYU DANG 'DRA BA SOGS NI STONG PA BZHI'I YE SHES RGYUD LA SKYE BA'I SNGA LTAS KYI RTAGS SO, ,DE LA RGYUD SDE RNAMS LAS LTAN CIG SKYES PA'I DGA' BA DANG, THAMS CAD STONG PA'I 'OD GSAL LA MTHA' YAS PA'I BSNGAGS PA MDZAD PA NI, SNGAR BSHAD PA BZHIN BDE STONG DBYER MED DU SBYOR BA'I TSUL LA MKHAS PAS SBYAR BA'I BDE STONG SBYAR BA YIN NO, ,DE 'DRA BA'I BDE BA KHYAD PAR CAN THOG MAR 'DREN PA LA NI, GA-YAS GA-YON GYI RLUNG DH'U T'IR BSDUS NAS THIM PA CIG NGES PAR DGOS SO, , DE LA NI LUS LA GNAD DU BSNUN PA'I THABS PHYI NANG GI SROG RTZOL GYI LAM RLUNG DNGOS SU SGOM PA DANG, THIG LE'I RNAL 'BYOR SOGS MED NA STONG PA NYID KYI LTA BA PHU THAG CHED CING, DE SKYONG BA'I TSUL PHYIN CI MA LOG PA SHES NAS, YUN JI TZAM BSKYANGS KYANG SKYED PAR MI NUS PAS, LUS LA GNAD DU BSNUN PA'I THABS TSAD LDAN GYI GZHUNG LAS 'BYUNG BA RNAMS NGES PAR SGOM DGOS SO, ,DE BSGOMS PA NA, BSGOMS PA DE PHYIN CI MA LOG PAR GNAD DU 'GRO 'DOD PA CIG YIN NA NI, LHAN CIG SKYES PA'I DGA' BA'AM, THAMS CAD STONG PA'I YE

, ,SHES SKYE BA'I SNGA LTAS RTAGS RNAMS NGES PAR 'CHAR TE, RTAGS DE RNAMS LA BSNGAGS PA GSUNGS PA YANG DE'I GNAD KYIS YIN NO, ,'ON KYANG SEMS MI RTOG PAR BZHAG PA TZAM ZHIG BSKYANGS PA LA YANG, RTAGS DE RNAMS 'DRA MO BYAS PA RNAMS 'CHAR BAS, LUS LA GNAD DU BSNUN PA'I THABS BSGOMS PA LAS 'CHAR BA'I RTAGS RNAMS DANG, KHYAD PAR LEGS PAR PHYED PA SHIN TU DKA' BAS, MKHAS PAR BYA'O, ,LUS LA GNAD DU BSNUN PA LAS 'CHAR BA'I RTAGS LA YANG, DBANG PO'I SGO RNAMS NAS PHYIR HA CANG GA-YO BA'I RLUNG CUNG ZAD NANG DU LDOG PAR RTZOM PA DANG, CUNG ZAD LOG PA DANG, DBU MAR CUNG ZAD TSUD PA LA SOGS PA'I RTAGS NAS BZUNG STE, LAM MTHON POR SONG BA'I SKABS KYI LDOG PA DANG, LOG RTAGS KHYAD PAR CAN DU GYUR BA'I RIM PA DU MA, ZHIG YOD PAS, LTAR SNANG GI RTAGS KYI STENG DU YANG DAG GI PHAN YON BSHAD PA THAMS CAD TSANG 'DUG SNYAM DU BZUNG NAS CHOG SHES MI BYA BA DANG, YANG DAG GI RTAGS YIN KYANG SNA RTZE RNYED TZAM NAS CHOG SHES MI BYA BAR GONG 'OG GI RIM PA RNAMS LEGS PAR SHES NAS, GONG MA'I KHYAD PAR 'TSOL DGOS PA YIN NO, ,TSUL DE DAG LEGS PAR SHES NA RJE BTZUN GYI ZHAL LUNG DANG, KLU SGRUB ZHABS DANG, KU KU RI BA DANG, DRIL BU ZHABS LA SOGS PA'I GRUB CHEN GYI GZHUNG MANG PO LAS, RDZOGS RIM GYI SKABS SU, RLUNG DANG THIG LE DANG YI GE LA DMIGS PA SOGS KYI LUS LA GNAD DU BSNUN PA'I THABS BSHAD PA DANG, SNYING KHAR THIG LE BSGOMS NA NGES PAR YE SHES SKYE ZHES DANG, YE SHES 'BAR BAR THE TSOM MED, ,CES SOGS GSUNGS PA RNAMS LA, RMAD DU BYUNG

BA'I NGES PA RNYED NAS, DE DAG LA SNYING NAS SGRUB PA SNYING POR BYED PA 'BYUNG GI ,DE LTAR MI GO BA'I RNAM DPYOD DMAN PA, RGYUD SDE'I GNAD GRUB CHEN GYI GDAMS PAS MA RTOGS PA RNAMS KYIS NI, RDZOGS RIM NI STONG NYID NYI TSE SGOM PA YIN PA LA, 'DI DAG NAS MTSAN BCAS KYI TING NGE 'DZIN NYID MANG DU BSTAN PAS NA, RDZOGS RIM MCHOG MIN NO SNYAM DU BZUNG NAS, LAM LTAR SNANG LA SGRUB PA SNYING POR BYED PAR 'GYUR RO, ,DES NA STONG NYID PHYIN CI MA LOG PA SHIN TU RTOGS DKA' ZHING, BDE BA THUN MONG MA YIN PA YANG RGYUD SDE DANG GRUB CHEN GYI GZHUNG SHIN TU BRLING BAS PHRA MO NAS RTOGS DKA' BAS, BDE STONG SBYOR BA LA CHES SHIN TU DKA' BAR SNANG MOD KYANG, DE DAG GI GNAD RAGS PA SHES NAS, THABS KHYAD PAR CAN RNAMS LA PHYIN CI LOG TU MA BZUNG BAR DE DAG LA GOMS PAR BYAS PA'I MTHUS, BDE BA CHEN PO LEGS PAR DRANGS TE DE RKYANG PA SGOM PA YANG SHIN TU NGO MTSAR BA'I TING NGE 'DZIN YIN TE, ZAB PAR 'DOD PA GZHAN DANG MI 'DRA'O, ,MTSAN MA LNGA PA SPRIN MED GYI NAM MKHA' BZHIN DU SNANG BA LA NI, LUS LA GNANG DU BSNUN PA'I GDAMS PA BSGOMS PA DANG, DE LTA MIN PAR TING NGE 'DZIN RTZE GCIG PA TZAM BSGOMS PA LAS 'CHAR BA GNYIS, RGYUD SDE'I GNAD LA MI MKHAS PAS DBYE BAR SHIN TU DKA' LA, RGYUD SDE NAS GSUNGS PA LA'ANG, RGYUD GZHAN NAS RLUNG CUNG ZAD NANG DU LDOG PA'I SKABS SU 'BYUNG BAR YANG BSHAD MOD KYANG, 'DIR NI STONG PA BZHI'I THA MA THAMS CAD STONG PA 'OD GSAL GYI DUS YIN PAS, DE'I SNGA ROL TU, ZLA NYI MUN PA BZHIN DU 'CHAR BA'I SNANG MCHED THOB GSUM 'GRO DGOS SHING, DE YANG DH'U T'IR THIM NAS 'ONG BA YIN PAS DON MI GCIG GO ,

, ,RTAGS DANG RTAGS CAN BRGYAD PA RNAMS KHRIGS CHAGS SU 'ONG BA'I NGES PA MED CES MAR LUGS PA 'GA' ZHIG ZER MOD KYANG, GZHUNG RNAMS KYI DGONGS PA NI NGES CAN DU 'CHAR BA YIN TE, RLUNG 'DU LUGS GNAD DU SONG BA RNAMS LA YANG DE LTAR 'CHAR BAR SNANG NGO, ,SNYING KHAR MI SHIGS PA SGOM PA'I GNAD LEGS PAR SHES NAS RING DU GOMS PA LAS STONG PA BZHI'I YE SHES THOG MAR SKYE BA NAS SEMS DBEN RJES MTHUN PA YIN PAS, DE'I SGO NAS DE'I MING BDAGS SU RUNG YANG MTSAN NYID PA NI MIN NO, ,'DI LA'ANG LUGS MTHUN GYI STONG PA BZHI DANG LUGS LDOG GI STONG PA BZHI 'CHAR BA GNYIS SNGA MA LAS PHYI MA CUNG DKA'O, ,DE'I STONG PA BZHI LA NI JI TZAM GNAS GNAS KYI BAR DU GZHAG DGOS LA, LANGS PA'I CHE NI SNGAR BZHIN RTEN GSAL BTAB NAS THIG LE NYID LA DMIGS PA YIN TE, KU KU RI PAS, TING 'DZIN DE LAS LANGS PA'I TSE, ,GZHAN NI BSAM PAR MI BYA STE, ,THIG LE GCIG PU RTAG TU GZUNG, ,ZHES GSUNGS PA LTAR RO, ,THABS DES LAN CIG RLUNG DH'U T'IR BSDUS TE, THIM PA LAS STONG PA BZHI SKYED NUS PA BYUNG NA, DE NAS THIG LE LA DMIGS PA NA, RLUNG SDUD PAR SHIN TU SLA BAS YUN RING PO MI DGOS PAR RLUNG 'DUS NAS STONG PA BZHI DRANG BAR NUS SO, ,LUS KYI GNAD CHE SAR THIG LE SOGS LA DMIGS PA GTOD PA'I SEMS 'DZIN NYID KYIS, RLUNG DH'U T'IR BSDUS NAS LHAN SKYES KYI YE SHES SKYED PA 'DI NI SHIN TU NGO MTSAR BA'I GNAS MKHAS PA YID 'PHROG PA CIG SNANG BAS, RLUNG SBYOR GYI GNAD LEGS PAR MI SHES PAR BTZAN THABS SU RLUNG BSDUS PA DANG NUS PA CHE CHUNG DANG

BRTAN MI BRTAN SHIN TU KHYAD CHE BA SOGS KYI YON TAN RNAMS SHES PAR BYA ZHING, SEMS 'DZIN GZHAN RNAMS KYIS BSGRUN DU MED PA'ANG SHES PAR GYIS SHIG ,GNYIS PA LA GSUM, RDOR BZLAS BYAS PAS ZLA BA SO SO LA MYONG BA SKYE LUGS DANG, RDOR BZLAS KYIS RLUNG DH'U T'IR THIM PAR BYED PA DANG, GTUM MO 'BAR BAR BYED TSUL LO, ,DANG PO NI, BSKYED RIM PHRA RAGS MTHAR PHYIN CING, LUS DBEN LA BSLABS PA DES, ZLA BA DANG PO LA RDOR BZLAS BYED TSUL NI, RDOR 'PHRENG LAS, THOG MAR 'BYUNG DANG RDUB PA RNAMS, ,NYI KHRI DANG NI TSIG STONG DANG, ,DE BZHIN GRANGS NI BRGYA PHRAG DRUG ,NYIN DANG MTSAN MOR NGES PA NI, ,JI SRID GRANGS NI THOB PA'I GNAS, ,NYIN ZHAG NYI SHU RTZA BDUN DU, ,GRANGS NI RJES SU SBYOR BA YIS, ,GRANGS NI RAB TU BRTAGS PA YIN, ,ZHES GSUNGS TE, PHYI MA LA ZHI BA 'OD KYI 'GYUR LAS, GRANGS NI YANG DANG YANG DU BRTAG ,CES 'BYUNG NGO, ,ZHAG GCIG LA 'BYUNG RDUB GNYIS LA GCIG TU BYAS PA'I NYI KHRI CHIG STONG DRUG BRGYA'I RLUNG RGYU BA DE, NYIN MTSAN GNYIS LA RLUNG JI TZAM RGYU BA'I GRANGS KYI NGES PA JI SRID THOB PA DE SRID DU ZHAG NYER BDUN DU, YANG YANG BGRANG BAR GSUNGS PA 'DIS NI GNAS PA'I CHA MA GTOGS PA, NYIN MTSAN SO SO'I RLUNG GI THOB SKAL GANG YOD DE LAS MA CHAD MA LHAG PAR CHA SNYOMS PAR BYED PAR BSTAN NO, ,DUS TSOD SO SO'I RLUNG RNAMS CHA SNYOMS NA LUS KYI 'BYUNG BA CHEN PO RNAMS CHA SNYOMS LA, DE BYUNG NA LUS LA BRTEN NAS SKYE BA'I YON TAN RNAMS BSKYED PAR SLA BA'I DGOS PA YOD DO, ,ZLA BA GNYIS PA LA BYED TSUL NI, DE NAS RJES 'GRO ZLOS PAR 'GYUR, ,THUN MTSAMS SO SOR SROG RNAMS DANG, ,RTZOL

, ,BA RU NI BRTAG PA STE, ,NYIS STONG BDUN BRGYA'I GRANGS KYIS NI, ,YANG DAG PAR NI NGES GZUNG BYED, ,YONGS SU GCOD PA'I RNAM PA YIS, ,NYIN ZHAG NYI SHU RTZA BDUN LA, ,'KHOR LO BZHI YI DBYE BA YIS, ,NYIN DANG MTSAN DU NGES PAR NI, ,ZHES ZLA BA GNYIS PA LA THUN TSOD BRGYAD KYI RE RE LA RLUNG NYIS STONG BDUN BRGYA RE RGYU BA'I TSUL GYIS CHA SNYOMS PAR BYED DE, SNGA MA BYA SLA LA, 'DI BYA DKA'O, ,'GREL PAS THUN TSOD RE'I RLUNG DGU BRGYA PA PHRAG GCIG LA 'JUG GNAS LDANG GSUM GYIS BSGYUR BAS, NYIS STONG BDUN BRGYAR 'CHAD PA NI MI LEGS TE, DE LTA NA ZHAG GCIG LA RLUNG DGU BRGYA PA NYER BZHI BSHAD PA MI 'THAD PAR 'GYUR TE, THUN TSOD BRGYAD LAS MED PA'I PHYIR RO, ,NYER BDUN LA NGES PAR BYED CES SBYAR ZHING, 'KHOR LO BZHI LAS 'BYUNG BA'I RLUNG BZHI LA RDOR BZLAS BYAS PA YIS NGES PAR BYED PA'O, ,ZLA BA GSUM PA LA BYED TSUL NI, DE NAS GNAS PA'I 'BAD PA YIS, ,THA DAD DU NI RAB TU BRTAG ,RTZA YI 'KHOR LOR RGYU BA YIS, ,'BYUNG DANG RDUB PAR NGES PAR NI, ,NGES PAR BZUNG BA'I SBYOR BA LAS, ,RTZA YI 'KHOR LO DPYAD PAR BYA, ,DE NI 'KHOR LO RTZA DBYE BAS, ,NYIN ZHAG NYI SHU RTZA BDUN LA, ,ZHES THUN TSOD KYI RLUNG SNYOMS PA DE NAS, RLUNG RGYU BA'I GNAS RTZA 'KHOR LA, 'BYUNG RDUB KYI RLUNG RGYU BA NGES PAR BYED PA'I THABS KYIS, RTZA 'KHOR RNAMS THA DAD DU DPYAD PA ZHAG NYER BDUN LA BYA BAR GSUNGS TE, RTZA 'KHOR GYI RTZA RNAMS SO SOR GSAL POR MTHONG BA'O, ,ZLA BA BZHI PA LA BYED TSUL NI, DE NAS MTSAN NYID YANG DAG NI, ,GNAS KYI DBYE BAS BRTAG PAR BYA, ,GNAS NI SO SOR RNAM BRTAGS

RNAMS, ,BRGYA DANG BRGYAD NI LHAG PAR RGYU, ,RNAM RTOG MED PA SBYOR BA MCHOG ,RTOG PA SPANGS PA'I BDAG NYID CAN, ,DNGOS PO KUN GYI RANG BZHIN BDAG ,BRGYA DANG BRGYAD NI LHAG PAR RGYU, ,'DI NI YANG DAG RNAL 'BYOR MCHOG ,NYIN ZHAG NYI SHU RTZA BDUN GYI, , MTSAN NYID SGOM PA'I RNAL 'BYOR PA, ,JI LTAR GNAS PA RAB BSGOMS PAS, ,ZHES RLUNG GI GNAS RTZA RNAMS SO SOR NGES NAS, JI LTAR GNAS PA'I RLUNG GI MTSAN NYID SGOM PA'I RNAL 'BYOR PAS, ZLA BA BZHI PA LA RTZA NANG NAS RGYU BA'I RLUNG BRGYA RTZA BRGYAD RNAMS MTHONG NAS NGES PAR BYED PAR GSUNGS SO, ,DNGOS PO KUN GYI RANG BZHIN RNAM RTOG SPANGS PA'I 'OD GSAL DU 'JUG PA'I THABS RNAM RTOG GCOD PAR BYED PA'I RDOR BZLAS KYI RNAL 'BYOR MCHOG TU STON PA NI, RNAM RTOG CES PA GSUM DANG, 'DI NI ZHES PA GCIG GO ,ZLA BA LNGA PA LA BYED TSUL NI, RTOG DANG BCAS PA'I RNAL 'BYOR PAS, ,DE LAS RNAL 'BYOR LOG NAS NI, ,MI RTOG PA YI RLUNG CHEN PO, ,RTZA YI 'KHOR LOR RNAM PAR RGYU, ,DE NAS NYON MONGS KUN SBYOR LAS, ,NGES PA LAS NI DON DAM PA, ,NYIN ZHAG NYI SHU RTZA BDUN LA, ,LAS DANG PO YI SBYOR BA YIS, ,LOG PAR BLO DANG LDAN PAS BSAM, ,ZHES GSUNGS TE, ZHI BA 'OD KYIS, BLO DANG LDAN PA LOG PA LAS, ,ZHES BSGYUR RO, ,ZLA BA LNGA PA LA RDOR BZLAS MTHAR PHYIN PA LA BLTOS NAS LAS DANG PO BAR BZHAG PA'I RLUNG GI RNAL 'BYOR RNAMS KYIS, BLO DANG LDAN PA'I RNAL 'BYOR PA KUN RTOG RLUNG DANG BCAS PA LAS LOG NAS RNAM RTOG MED PA 'DREN PA'I RLUNG CHEN PO RTZA 'KHOR DU RGYU BAR BYED DO, ,'DI NI MI SHIGS PA'I GNAS SU RLUNG

, ,LDOG PAR RTZOM PA'I SKABS SO, ,RLUNG GI DON DAM PA STE DE KHO NA NYID NGES PA LAS, NYON MONGS KYI KUN SBYOR GYI GA-YO BA LAS LOG CES RNAM PAR SBYAR RO, ,ZLA BA DRUG PA LA BYED TSUL NI, DE NAS RNAM DAG DE DAG KYANG, ,YANG DAG RNAL 'BYOR STOBS KYIS NI, SROG DANG RTZOL BA'I RNAM RTOG RNAMS, ,KUN NAS RAB TU SPANGS NAS NI, ,RLUNG GI DE KHO NA NYID RGYU, ,RNAL 'BYOR MCHOG NI BSGOM PAR BYA, ,GNYIS MED MCHOG GI RNAL 'BYOR GYIS, ,NYIN ZHAG NYI SHU RTZA BDUN LA, ,RLUNG GI DE KHO NA NYID BRTEN, ,GA-YENG BA'I SEMS NI DAG PAR 'GYUR, ,ZHES ZLA BA DRUG PA LA RLUNG GI DE NYID KYI RGYU LA BRTEN PA CAN GYI RDOR BZLAS BSGOMS PA'I STOBS KYIS, SROG DANG RTZOL BA'I RLUNG DANG KUN RTOG RNAMS SPANGS NAS, RTOG PA YUL LA GA-YENG BA'I SEMS DAG PAR 'GYUR BAR GSUNGS SO, ,DE DAG LA NI BGRANG BA DANG, RJES SU 'GRO BA DANG, GNAS KYI DBYE BA'I RTOG PA DANG, DUS KYI DBYE BA'I RTOG PA DANG, RLUNG LDOG PA DANG, YONGS DAG CES PA'I THA SNYAD KYIS GSUNGS SO, ,RDOR BZLAS ZLA BA DRUG BYAS PA'I MTHAR SNYING KHA'I RTZA MDUD RDZOGS PAR GROL BA NI, DBANG PO SHIN TU RNON PO'I GDUL BYA LA DGONGS SO, ,RGYUD 'DIR SKABS MANG POR RLUNG 'BYUNG 'JUG GNYIS MIN PA GNAS PA MA BSHAD PA LA, 'GREL PA MKHAN DAG ,'GRO 'ONG STON, ZHES PA LA, 'GRO BA DANG MI 'GRO BA ZHES GDON, ZHES 'CHAD MOD KYANG, 'JUG DANG GNAS DANG LDANG BA YI, ,RDZOGS PA'I RIM PA'I RNAL 'BYOR DANG, ,ZHES PAS GSAL BAR GSUNGS SO, ,RJE 'GOS KYIS, RLUNG RAGS PA LA BSLABS PA MTHAR PHYIN PA'I TSAD NI, RGYU BA

GSAL BA STE KHA DOG GI RNAM PA DBANG PO'I MNGON SUM DU GSAL BA DANG, GRANGS KYI RNAM PA LA LOG PA DANG 'KHRUL PA MED PAR GSAL BA DANG, YI GE 'BRU GSUM GYI RNAM PA'I SGRA'I RANG BZHIN DU GSAL BA DANG, GNAS DANG PHRA RAGS KYI RANG BZHIN DANG, MYUR BUL DANG LCI YANG GI RNAM PA GSAL BA'O, ,MTHAR PHYIN PA'I RTAGS NI, NAD GLO BUR BA MI 'GYUR BA'O, ,PHRA BA'I RLUNG LA BSLABS PA MTHAR PHYIN PA'I TSAD NI, PHYI'I STONG GSUM GYI RLUNG BA SPU'I BU GAR BCUG NAS LUS KYI NANG DU SHONG BAR BYED PA DANG, NANG GI RLUNG THAMS CAD PHYIR PHYUNG NAS STONG GSUM GANG BAR BYED PA'I PHYI NANG BSRE BAR NUS PA DANG, PHYI'I RLUNG GIS REG PA TZAM GYIS BDE BA DANG REG PA YANG BA GNYIS 'BYUNG NGO, ,YAN LAG GI RLUNG LA BSLABS PA MTHAR PHYIN PA'I TSAD NI, DBANG PO SO SO'I SGOR DBANG SHES SPO NUS PA DANG, GNOD PA MED PAR BSDAM PAR NUS PA NI, RLUNG ME SA CHU'I RLUNG BZHI RGYU BA'I DUS SU PHYI ROL TU MA BTANG PAR NANG DU BSDAMS NA, RIM PA BZHIN DU GNOD PA MED PAR NAM MKHA' LA 'PHUR BA DANG, PHYI ROL GYI GRANG BA'I GNOD PA MED PA DANG, GYAD LA SOGS PA'I GNOD PAS SGUL BAR MI NUS PA DANG, ME LA SOGS PA'I GNOD PA MED PAR 'GYUR BA MNGON SHES CAN GYI LUGS YIN GSUNG NGO, ,GNYIS PA NI, SNGAR BSHAD PA BZHIN DU RLUNG SNGAGS DBYER MED DU SBYAR BA'I BZLAS PA BYAS PA NA, ,YID NGO NA RLUNG GI GDANGS RNAMS YI GE GSUM DU GRAGS PA LA BLO'I MOS PA TZAM MIN PAR YID 'GYUR BA'I NYAMS DRAG PO SKYE BA YIN TE, DPER NA BSKYED RIM PAS DANG POR LHAR MOS NAS BSGOMS PA GOMS

, ,PA'I MTHAR, BLOS CHED DU BCOS MI DGOS PAR RANG GIS LHA'I NGA RGYAL DU 'GYUR BA BZHIN NO, ,DE LTAR SONG BA NA RLUNG SNGAGS THA DAD PA'I SNANG BA DANG ZHAN PA GNYIS KA GCOD NUS PA YIN LA, DE YANG DH'U T'I'I DBUS KYI THAD NAS 'BYUNG 'JUG GNAS GSUM GYI BZLAS PA BYAS PAS, RLUNG SEMS 'JUG PA GCIG PA'I GNAD KYIS DH'U T'I NAS RGYU BAR BYED NUS TE, 'DI LA YANG DANG POR CHED DU BCOS NAS DER 'BYUNG 'JUG BYA DGOS LA, DE GOMS PA NA RDOR BZLAS KYI RKYEN GYIS RLUNG DER TSUD PA MTSAN NYID PA 'BYUNG NGO, ,DE'I RTAGS NI, RDOR BZLAS MA BYAS PA'I DUS SU SNA BUG GA-YAS GA-YON RE RE BAR RGYU BA NA, RDOR BZLAS BYAS PA'I TSE RING POR MI THOGS PAR RLUNG MNYAM RGYUR NGES CAN DU THENGS KYIN 'DUG NA, RDOR BZLAS KYIS DER RLUNG TSUD PA TZAM YIN NO, ,'DI NI 'OG SGO DANG SNYING KHA'I PHRA MO SGOM PA LA YANG SHES PAR BYA'O, ,DE LTAR RLUNG DH'U T'IR 'DZUD NUS PA TZAM YOD KYANG, YUN RING PO MI 'ONG BAR GA-YAS GA-YON RER 'PHO BA NI GOMS PA CHUNG BA'I SKYON NO, ,DE LTAR TSUD NAS DE'I NANG NAS 'BYUNG 'JUG BYED PA SNGAR BSHAD PA BZHIN GOMS PAR BYAS NA, CUNG ZAD TZAM RES SNYING KHA'I RTZA MDUD KHAD KYIS KHAD KYIS LHOD DU SONG NAS, MTHAR RTZA MDUD 'GROL NUS SO, ,GAL TE SNYING KHA'I GNAD LA BRTEN PA'I DH'U T'I'I NANG GI RDOR BZLAS KYIS RLUNG DH'U T'IR 'DZUD PA DANG, RTZA MDUD LHOD DU 'GRO BA YOD DU CHUG KYANG, RLUNG DH'U T'IR 'GAG PA RDOR BZLAS KYIS MI NUS TE, RDOR BZLAS KYIS RLUNG PHYI NANG DU 'GRO BA MI 'GOG PAR RANG SOR 'JOG PA'I PHYIR RO, ,

DES NA RLUNG NANG DU KHA SBYAR BYAS TE BZUNG NAS 'BYUNG 'JUG 'GOG PA CIG MED NA, RDOR BZLAS KYIS RLUNG DH'U T'IR THIM PA BYED MI NUS SO SNYAM NA, 'DI 'DRA BA'I DOGS PA NI RDZOGS RIM PHYOGS RE BAS TSIM NAS, SPYIR TSAD LDAN GYI GZHUNG LAS BSHAD PA'I THIG LE'I RNAL 'BYOR SOGS KYIS RLUNG JI LTAR SDUD PA MA GO ZHING, KHYAD PAR DU RDOR BZLAS LA RTZAL DU BTON NAS DE'I GNAD KUN 'CHAD PA 'DUS PA'I SKOR MI SHES PA RNAMS LA 'BYUNG BA NI BDEN NO, ,'ON KYANG DE'I SKYON NI MED DE, SNGAR BSHAD PA LTAR 'JUG GNAS LDANG GSUM TSAD MNYAM DU BYED PA'I RDOR BZLAS LA GOMS PA NA, MTSAMS SHIG NAS CHED DU GNAS PA MA BYAS KYANG, RANG SHUGS KYIS RLUNG GNAS BA CIG 'ONG NGO, ,DE YANG RING DU RING DU 'GRO ZHING, DE'I TSE PHYI NANG DU 'BYUNG RDUB BYED PA CHED DU MA BKAG KYANG THUNG NGU THUNG DU 'GRO BAS, DANG POR SBYOR BA NA LDANG 'JUG RANG DGA' BA'I TSAD LAS RING BA'I GNAS PA CHED DU BYA MI DGOS SO, ,DE NAS SLAR YANG RDOR BZLAS LA 'BAD PA NA RLUNG PHYI NANG DU RGYU BA YE MED PAR NANG DU GNAS PAR 'GYUR RO, ,DE LTAR YANG DGONGS PA LUNG STON LAS, BRDA YIS DE NYID GSUM GNAS PA, ,RANG BZHIN BZLAS PA'I MTSAN NYID DO, ,MING MED BRJOD DU MED PA STE, ,BYANG CHUB SEMS MCHOG 'DI YIN NO, ,GSUM PO DE NYID GCIG GYUR PA, ,'GRO BA MED CING 'ONG BA MED, ,CES MING TSIG GI NGO BOR BRJOD DU MED PA'I RANG BZHIN GYI BZLAS PA RLUNG SNGAGS KYI DE NYID DBYER MED PAR SBYOR BA'I BYANG CHUB KYI SEMS RLUNG LA BZLAS PA BYAS PA'I MTHAR, 'JUG GNAS LDANG GSUM

, ,SO SOR MED PAR RO GCIG TU 'GYUR LA, DE'I TSE RLUNG PHYIR 'GRO BA DANG NANG DU 'ONG BA MED PAR GSUNGS SO, ,RGYUD DER, BYANG CHUB SEMS NI RLUNG 'GYUR ZHING, ,ZHES GSUNGS PAS BYANG SEMS NI 'DIR RLUNG YIN NO, ,RGYUD DER 'JUG GNAS LDANG BA'I RLUNG GI DE NYID GSUM RO GCIG TU 'GYUR BAR GSUNGS PAS, GZHAN RNAMS KYI DON YANG DE BZHIN NO, ,RDO RJE 'PHRENG BA LAS KYANG, RDO RJE BZLAS PA RAB SBYOR BAS, RANG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,CES RDOR BZLAS KYIS RLUNG GI RGYU BA GCOD PAR GSUNGS SHING, DBANG PO YI NI SGO DGU LA, ,THAMS CAD DU NI KUN SDOM PA'I, ,H'Um BZLAS PA NI MTSUNGS MED BYA, ,ZHES RDOR BZLAS KYIS STENG 'OG GI SNA BUG LA SOGS PA'I SGO KUN NAS RLUNG PHYIR MI RGYU BAR NANG DU SDOM PAR GSUNGS SO, ,DE RNAMS KYI DON, ZHAL LUNG LAS KYANG, DE LA H'Um GIS DBYUNG BA DANG, ,AOm GYIS SDUD DANG A'A: YIS GNAS, ,DE LA DE NYID RAB BZUNG BAS, ,'JUG DANG GNAS DANG LDANG BA LAS, ,GROL BA'I YE SHES RNYED 'GYUR BA'I, ,SOM NYI YID GNYIS MA BYED CIG ,CES RDOR BZLAS BYAS PAS LDANG 'JUG GNAS GSUM DANG BRAL BA'I RLUNG THIM PA LAS YE SHES RNYED PA LA SOM NYI DANG YID GNYIS MA BYED CIG CES SHIN TU GSAL BAR GSUNGS SO, ,'O NA YI GE GNYIS KYI RDOR BZLAS KYIS RLUNG NANG DU THIM PA JI LTAR BYED SNYAM NA, DE GOMS PAS RLUNG DH'U T'IR 'DZUD PA DANG, RTZA MDUD 'GROL BA NI YI GE GSUM DANG 'DRA LA, DE'I TSE RLUNG GIS RANG GI RTZA BA'I GNAS SU 'GRO BA'I LAM RNYED

NAS, RANG GNAS SU 'JUG PAR 'GYUR TE 'CHI RIM BZHIN NO, ,RGYUD NAS RDOR BZLAS GNYIS BSHAD KYANG, 'PHAGS PA YAB SRAS KYIS YI GE GSUM GYI RDOR BZLAS BKOD PA NI MTSON PA TZAM MO, ,ZHAL LUNG LAS, 'JUG LDANG GNYIS SU MA ZAD GNAS PA LAS KYANG GROL BAR GSUNGS PAS, DANG POR LDANG 'JUG GI RGYU BA LOG NAS NANG DU GNAS PA DANG, DE NAS GNAS PA YANG THIM PA DGOS SO, ,'BYUNG 'JUG GI BZLAS PA BYAS PAS RLUNG MI RGYU BA 'DI LA, BYING BA'I DBANG DU SONG NAS MI RGYU BA CIG KYANG YOD PAS KHYAD PAR PHYED PAR BYA'O, ,SNA BUG GI RGYU BA LOG NAS RLUNG NANG DU GNAS KYANG MA THIM NA LUS GANG BA LTA BU YANG 'BYUNG LA, THIM PAR 'GYUR BA'I CHE ZHI BAR 'GYUR RO, ,SNGAR BSHAD PA LTAR RLUNG DH'U T'IR TSUD PA'I RTAGS NGES PA CAN 'BYUNG ZHING, RANG SHUGS KYIS RLUNG NANG DU RING DU GNAS PA BYUNG BA'I TSE THIM NA DH'U T'IR THIM PAS, STONG PA RNAMS BSHAD PA BZHIN 'CHAR LA, DE 'DRA BA MIN PA'I SKABS SU NANG DU THIM PA BYUNG YANG, DH'U T'IR THIM PA MIN PAS STONG PA RNAMS BSHAD PA BZHIN MI 'ONG NGO, ,SNYING KHA'I MI SHIGS PA DNGOS LA RLUNG THIM PA LA NI DE'I RTZA MDUD LHOD POR SONG BA DGOS PAS, DE'I SNGON DU SNYING KHAR SDUD PA'I THABS KYIS BSDUS TE DH'U T'IR THIM PA NI, DE DANG NYE BA'I DH'U T'IR THIM PA YIN GYI DER THIM PA MIN NO, ,DE BZHIN DU RLUNG DH'U T'IR TSUD PA BYUNG YANG RTZA MDUD KYI GNAS KYI DH'U T'I NAS 'GRO 'ONG BYED MI NUS SO, ,RDO RJE 'PHRENG BA LAS, CUNG ZAD CUNG ZAD RTZOL BRAL BAS, ,ZHES RLUNG 'BYUNG 'JUG LA RTZOL BA CHEN PO MI BYA BAR GSUNGS

, ,SHING, ZHAL LUNG LAS KYANG, NANG DU GNAS PAR BYED PA'I TSE DAL BU DAL BUS GZUNG BAR GSUNGS PAS, RLUNG LDANG 'JUG GNAS GSUM LA DAL BUS RDOR BZLAS BYED PA DES, RLUNG 'GAG PA SOGS CUNG 'GOR YANG, LUS KYI KHAMS RNAMS MI 'KHRUG CING CHA SNYOMS TSABS CHE BAS, LUS LA GNAD DU BSNUN PA LAS SKYE DGOS PA'I YON TAN RNAMS SKYE BA GZHAN DANG MI 'DRA'O, ,DE'I PHYIR STONG PA RNAMS 'DREN PA LA SHIN TU STOBS CHE BA DANG, STONG PA LAN CIG DRANGS PA'I MTSAMS NAS BOGS JE CHER 'GRO SLA BA DANG, BDE BA DANG DROD LA SOGS PA SHIN TU BRTAN PA'I DGOS PA CHE'O, ,DES NA BDE DROD 'BAR BA LA SOGS PA'I MYONG BA SNA ZIN BYUNG NA BROD PA SKYES NAS, DGE SBYOR SKYONG NUS PA LA SOGS PA'I DGOS PA MTHONG NAS, DRAG PO'I SKYONG LUGS SOGS BYED NA'ANG, DGOS PA DE GRUB GRUB KYI BAR BYAS NAS, YANG GZHUNG NAS GSUNGS PA BZHIN BYAS NA DGA'O, ,'DI YANG RDOR BZLAS KYI RLUNG SBYOR DANG, THIG LE SOGS LA DMIGS PA GTAD NAS SKYONG BA LA CUNG DRAG KYANG, RLUNG KHA SBYOR SGOM PA LTA BU LA BTZAN SBYOR BYAS NA DUS MA YIN PAR 'CHI BA'I RGYUR GSUNGS PAS, CUNG MYUR BA RE'I YON TAN SNANG MOD KYANG, MTSAMS ZIN PA LA MKHAS PAR BYA'O, ,SNYING KHA'I THIG LE BSGOMS PA LAS RTAGS RNAMS 'CHAR BAR KU KU RI PAS GSUNGS PA SNGAR DRANGS PA NI, RDOR BZLAS KYI RTAGS SU YANG BZHED PAS, 'DI LA YANG SMIG RGYU LA SOGS PA'I RTAGS RNAMS 'CHAR RO, ,SEMS DBEN DNGOS KYI STONG PA RNAMS SNYING KHA'I

RTZA MDUD LEGS PAR MA GROL BAR DU MI THOB KYANG, SEMS DBEN RJES MTHUN PA'I STONG PA RNAMS NI DMA' MO NAS KYANG NGES PAR 'ONG BAR SNANG BAS, LEGS PAR BYED PAR BYA STE, DE RNAMS MA PHYED NA, DMA' MO NAS RDOR BZLAS KYIS STONG PA RNAMS DRANGS PA'I STONG PA GSUM SEMS DBEN DNGOS DANG, STONG PA BZHI PA RIM PA BZHI PA'I 'OD GSAL DANG, DE GNYIS KYI MTHAR LHA'I SKUR LANGS PA GNYIS RIM PA GSUM PA'I SGYU LUS DANG, RIM PA LNGA PA'I ZUNG 'JUG GI SKUR BZUNG NAS, DE DAG GI YON TAN GANG YANG MA THOB BZHIN DU THOB PA'I MNGON PA'I NGA RGYAL BYED PAS, SNGAR MA THOB PA'I GONG MA'I KHYAD PAR RNAMS 'TSOL BA LAS NYAMS SHING, THOB PA'I YON TAN RNAMS KYANG KHYAD PAR DU MI 'GYUR BA'I PHYIR DANG, KHA CIG LA BDAG GIS LAM 'DI LTA BU THOB PA LA, DE THOB NA 'OD ZER BA'I YON TAN GANG YANG MI SNANG BAS, DE LTAR BSHAD PA RNAMS TSIG TZAM MO SNYAM PA'I LOG LTA YANG SKYE BA'I PHYIR DANG, KHA CIG NI YAB SRAS KYI GZHUNG RNAMS KYI TSIG ZIN LA SEMS DBEN MA THOB GONG DU, LAM GYI STONG PA RNAMS 'CHAR BA CHER MA BSHAD PA LA BRTEN NAS, DE'I BAR DU LAM GYI STONG PA RNAMS MI 'CHAR SNYAM NAS, DE RNAMS SKYED PA'I THABS LA MA 'BAD PAS DON CHEN PO LAS NYAMS PAR 'GYUR BA'I PHYIR RO, ,DES NA RDZOGS RIM BSGOMS PAS RLUNG DH'U T'IR THIM PA LAS BYUNG BA'I DGA' BZHI DANG, STONG PA BZHI SKYE BA LAM MTHEN POR GZHAG MI DGOS PAS, DE RNAMS SKYED PA'I DON DU 'BAD PAS SNGAR BSHAD PA

, ,LTAR RLUNG THIM PA LAS STONG PA GSUM DPE'I 'OD GSAL DANG BCAS PA SHAR BA NA, LTA BA DRAN PAR BYAS NAS JI SRID GNAS KYI BAR DU BZHAG LA, RLUNG GA-YOS NAS DE LAS LA'ANGS PA NA, SLAR YANG RDOR BZLAS SOGS KYIS RLUNG SDUD PA'I THABS SGOM PA SPEL TE BYA'O, ,GSUM PA NI, GAL TE RLUNG DH'U T'IR 'DZUD PA DANG, BTZUD PA DE DER THIM PA RDOR BZLAS KYIS NUS SU CHUG KYANG, 'DIS GTUM MO BSKUL NAS BYANG SEMS ZHU BAR BYED MI NUS NA, 'DI LAS BDE STONG SBYOR BA MED PAR 'GYUR LA, NUS NA NI DE'I TSUL BRJOD PAR GYIS SHIG CE NA, DE LA SNGAR RDO RJE 'PHRENG BA LAS, 'DIS BDE BA CHEN PO 'DREN PAR BSHAD PA'I BDE CHEN NI, SPYI BO'I BYANG SEMS ZHU BA'I BDE BA YIN LA, DE 'JU BA LA NI 'DIS LTE BA'I GTUM MO SBAR BA DGOS PA SHIN TU BDEN NO, ,DE'I TSUL NI RDO RJE 'PHRENG BA LAS GANG PHYIR MKHA' 'GRO RNAMS SDUD PA, ,DE PHYIR BSDUS PA'I MKHA' 'GROR BRJOD, ,LTE BA'I DBUS NA RTAG BZHUGS PA, ,NYI MA STONG DANG MTSUNGS PA'I 'OD, ,YE SHES CHEN PO'I ME BYUNG BAS, ,KUN RTOG THAMS CAD 'JOMS PAR BYED, ,'CHAR BAS PHUNG PO'I RNAM RTOG NI, ,BSREG BYAS BAR CHAD MED PA'I LUS, ,DE RJES KHAMS KYI RNAM RTOG NI, ,BSDUS NAS SLAR YANG RANG BZHIN GYIS, ,GZUNG DANG 'DZIN PA'I RNAM RTOG NI, ,DE RJES DE NI SLAR YANG SDUD, ,DE LTAR GANG LA PHYE LEB BZHIN, ,'CHING BA THAMS CAD SREG PAR BYED, ,RLUNG GI DE NYID MNGON SBYOR BAS, ,SNGAGS KYI DE NYID RIG PA YIS, ,RNAM PAR RTOG PA TZAM YANG NI, ,SREG PA TZAM

DU THE TSOM MED, ,CES GSUNGS SO, ,DE'I RKANG PA DANG PO BZHIS LTE BA'I GTUM MO'I NGO BO BSTAN PA LA, DE MKHA' 'GRO MA THAMS CAD 'DUS PA'I NGO BOR GSUNGS PA NI, SAM BHU tAR DE BDAG MED MA DANG, DPYID THIG TU DE PHAG MO'I NGO BOR GSUNGS PA LTAR YIN TE, DE GNYIS NI GOO RI LA SOGS PA DANG, RAB GTUM MA LA SOGS PA'I RNAL 'BYOR MA THAMS CAD 'DUS PA'I NGO BO YIN PA'I PHYIR TE, DE YANG MTSON PA TZAM MO, ,GTUM MO DMAR CHA'I RDUL DE MKHA' 'GRO MA THAMS CAD BSDUS PA'I NGO BOR STON PA'I DON NI, RIG MA RNAMS KYI BYA BA NI, RNAL 'BYOR PA LA BDE BA CHEN PO 'DREN PA YIN LA, DE NI GTUM MO 'BAR BAS SGRUB PA'I SGO NAS YIN NO, ,DE NAS RKANG PA GNYIS KYIS GTUM MO 'BAR BAS KUN RTOG SREG PA SPYIR BSTAN LA, DE NAS GNYIS DANG PHYED DANG GNYIS DANG, PHYED DANG GSUM GYIS RIM PA BZHIN DU PHUNG PO'I DANG, KHAMS KYI DANG, GZUNG 'DZIN GYI RNAM RTOG SDUD PAR GSUNGS TE, SDUD PA NI SREG PA'AM 'JOMS PA'O, ,BAR CHAD MED PA NI YANG DANG YANG DU'AM RGYUN DU'I DON YIN LA, LUS NI LUS LA BSREGS ZHES PA'O, ,DE NAS GNYIS KYIS RNAM RTOG SREG PA'I DPE DON SBYOR BA'O, ,DE NAS GNYIS KYIS NI GTUM MO SBAR NAS RNAM RTOG SREG PA DE YANG, RLUNG GI DE NYID LDANG 'JUG GNYIS SAM, LDANG 'JUG GNAS PA GSUM DANG, SNGAGS KYI DE NYID YI GE GNYIS SAM GSUM GYI SBYOR BA RIG PA YIS BYED PAR BSHAD DE, RDOR BZLAS KYIS DE LTAR BYED PA'I DON NO, ,DE NAS GNYIS KYIS RNAM RTOG PHRA BA YANG SREG PAR THE TSOM MED PAR GSUNGS SHING, YANG DE

, ,NYID LAS, RLUNG GI DE NYID YANG DAG BRTEN, ,YI GE H'Um GIS BSKUL NAS NI, ,ME YI 'KHOR LO RAB SAD BYED, ,CES RLUNG GI DE NYID LA BRTEN PA'I SNGAGS KYI DE NYID KYIS GTUM MO SAD PAR BYED PAR GSUNGS TE, H'Um NI YI GE GNYIS DANG GSUM GYI RDOR BZLAS KYI PHYOGS GCIG SMOS PA'O, ,'GYUR GZHAN LAS SNGAGS KYI LUS KYI SBYOR BA YIS, ,ZHES 'BYUNG ZHING, 'GREL PAR DE'I DON BSKYED RIM SGOM PA LA BSHAD PAS, RGYA GAR GYI DPE LA'ANG MI MTHUN PA GNYIS YOD PAR GSAL YANG, DAR MA BRTZON 'GRUS KYI 'GYUR LA SNGA MA BZHIN 'BYUNG BA LEGS SO, ,RLUNG JI 'DRA ZHIG GA-YOS PAS GTUM MO SPOR BA NI ZHAL LUNG LAS, SDOM BRTZON GZHU DBYIBS GA-YO BA YIS, ,SUM MDOR YE SHES ME 'BAR BAS, ,KHAMS ZHU NAS NI, ZHES SUM MDOR GNAS PA'I GZHU DBYIBS TE RLUNG GA-YOS PAS GTUM MO SPOR BAR GSUNGS LA, DE NI THUR SEL LO, ,PHYAG CHEN THIG LE LAS KYANG, LTE BA'I GNAS NA TSUL YOD PA, ,TSUL GYI MTHA' NA GSANG PAD DO, ,DE RU RANG 'BAR GYI NI RLUNG, ,BSKOR BA BYAS NAS NGAL BSO STE, ,DBANG PO GNYIS SHING SBYOR BA YIS, ,RLUNG GIS ME NI SBAR BA'O, ,ZHES GSANG GNAS KYI PADMA NA GNAS PA'I RLUNG GIS GTUM MO SPOR BAR GSUNGS SO, ,THUR SEL GA-YO LUGS KHYAD PAR BA CIG GIS GTUM MO SPOR NA, GA-YO BA DE GANG GIS BYED CE NA, SAM BHU tA LAS, THAB KHUNG LTE BA'I DKYIL 'KHOR DU, ,LAS KYI RLUNG GIS BSKYOD PA YIS, ,TSANGS PA'I ME NI SUM MDOR 'BAR, ,ZHES GSUNGS PA LA, MAN SNYER YID MNYAM

PAR BZHAG PA'I BYA BA DANG DBANG PO GNYIS SBYOR BA'I BYA BA'I LAS KYIS BSKUL BA'I RLUNG GIS SPOR BAR BSHAD DE, DANG PO NI, LUS LA GNAD DU BSNUN PA'I RLUNG DANG THIG LE SOGS SGOM PA'O, ,GNYIS PA NI, DBANG PO GNYIS SHING ZHES GSUNGS PA'O, , SPAR RGYU'I ME RDUL GYI NGO BO'I KHRAG NI LUS KYI CHA MANG PO NA GNAS KYANG, GTZO BO NI AA THUNG GIS MTSON PA'I LTE BA'I KHRAG DANG, KshA YIG GIS MTSON PA'I TSANGS PA'I ME ZHES PA LTE 'OG GIS GSANG GNAS NA GNAS PA GNYIS TE, DE YANG DH'U T'I'I NANG NA GNAS PA'O, ,DE SPOR BA'I THUR SEL YANG DH'U T'I'I NANG DU ZHUGS MA ZHUGS GNYIS LAS GTZO BO NI DANG PO STE, RDOR 'PHRENG LAS, GA-YON PA BYANG CHUB ZLA BA 'BAB, ,GA-YAS PA KHRAG DANG NYI MA 'BAB, ,SHES BYA DBUS SU RLUNG RGYU BA, ,ME SAD BYED PAR SHES PAR BYA, ,ZHES RTZA DBUS MA NAS RLUNG RGYU BAS GTUM MO'I ME SAD PAR BYED PAR GSUNGS PAS, RDOR BZLAS KYIS RLUNG DBU MAR BTZUD PA'I MTSAMS NAS GTUM MO KHYAD PAR BA'I DROD CUNG ZAD 'BAR LA, DE 'PHEL BA NA SPYI BO'I BYANG SEMS 'JU STE, PHYAG CHEN THIG LER, DE YI ME 'BAR YANG DAG GIS, ,BDE CHEN 'KHOR LO BZHU BAR 'GYUR, ,BZHU BAS RTZA NI THAMS CAD LAS, ,MCHOG GI BDUD RTZI 'DZAG PA'O, ,ZHES SO, ,'DI LA 'BAR 'DZAG SGOM PA LA NI, RLUNG DH'U T'IR MA TSUD KYANG GTUM MO 'BAR NAS BYANG SEMS 'JU BA MANG DU 'ONG LA, DE LTAR MI SGOM PA'I RLUNG DANG THIG LE SOGS SGOM PA LA YANG RLUNG DH'U T'IR TSUD PA DANG DER THIM PA MA BYUNG BA'I SNGON NAS GTUM MO 'BAR BA DANG, BYANG SEMS ZHU BA SOGS 'ONG ZHING,

, ,DBANG PO GNYIS SBYOR BA PHAL PA LA YANG DE LTAR 'BYUNG STE, DE RNAMS LA NI BYANG SEMS ZHU BA JI LTAR SHAS CHE BA TZAM GYIS MI 'PHO BAR BZUNG DKA' LA, RLUNG DH'U T'IR THIM PA LAS BYUNG BA YIN NA NI GZUNG BAR SHIN TU SLA'O, , DROD 'BAR BA LA YANG BYANG SEMS ZHU NUS PA DANG, MI NUS PA GNYIS YOD CING, 'JU NUS PA'I DROD LA'ANG RLUNG DH'U T'IR TSUD MA TSUD DANG, TSUD PA LA YANG THIM MA THIM GNYIS YOD PA DANG, BDE BA YANG RLUNG LAS RUNG RKYANG PA'I BDE BAR SONG ZHING ZHU BDER MA SONG BA DANG, ZHU BDE LA YANG RIM PA MANG PO 'ONG BA RNAMS LEGS PAR PHYED PA LA MKHAS PAR BYA'O, ,THUR SEL GYIS THOG MAR GTUM MO'I GTZO BO SPOR BA NA GSANG GNAS DANG LTE BA'I ME GNYIS SPOR BA YIN LA, THUR SEL 'OG SGO GNYIS SU STENG GI SNA BUG BZHIN DU 'BYUNG 'JUG BYED PAS DE DH'U T'IR TSUD PA DANG, BTZUD PA DE STENG GI SNA SGOR RGYU BA'I SROG RLUNG 'BYUNG 'JUG MI BYED PAR THIM PA BZHIN DU, 'OG SGOR 'BYUNG 'JUG MI BYED PAR THIM PA BYUNG NA NI GTUM MO 'BAR STOBS CHE BAS BYANG SEMS ZHU STOBS KYANG CHE'O, ,DE YANG LAN CIG DE 'DRA BA CIG BYUNG YANG SLAR YANG RLUNG LANGS NAS 'BYUNG 'JUG BYED PA SPEL MAR 'ONG BA DU MA CIG 'ONG BAS, LAN CIG THIM NA 'JIG RTEN LAS 'DAS PA'I LAM GYIS SA BON SPANGS PA BZHIN DU SLAR MI SKYE BA MIN NO, ,RDOR BZLAS KYIS DBANG PO'I SGO DGU GA NAS RLUNG NANG DU SDOM PAR RDO RJE 'PHRENG BA LAS BSHAD PAS, STENG GI SNA SGO'I 'BYUNG 'JUG 'GOG PAR MA ZAD, 'OG GI SNA SGE'I 'BYUNG

'JUG KYANG 'GOG PA YIN NO, ,'DI YANG LUS KYI RTZOL BA DRAG POS YAR LA THEN NAS BYED PA LA, RLUNG DE 'GAG PA CUNG MYUR YANG GNAD DU MI 'GRO BAS, RDOR BZLAS LTA BU'I 'JAM PO'I SBYOR BAS RGYU BA 'GOG NUS NA BZANG STE, RLUNG KHA SBYOR 'DZIN NA'ANG DE LTAR SHES PAR BYA'O, ,GAL TE THUR SEL 'OG GI SNA SGO GNYIS SU 'BYUNG 'JUG BYED NA DE LA STENG GI SNA SGO BZHIN DU 'BYUNG 'JUG GI BZLAS PA BYAR RUNG NGAM SNYAM NA, 'DI LA BOD KYI BLA MA RNAMS KYI MAN NGAG LAS 'OG SGO 'BYED 'DZUMS KYI SBYOR PAS BDE BA SKYED PA MDZAD DE, 'DI LA 'BYUNG 'JUG GI BZLAS PA'I MING MA BTAGS KYANG, DPYOD SHES NA DON NI STENG SGOR BYED PA DANG 'DRA'O, ,TSUL 'DI NI JO BO RJE'I CHOS KYI GLU LAS, NYI MA ZLA BA'I 'GRO BA 'JOMS, ,GZHAN DU NAM MKHA' CHEN PO'I SGOR, , BE RAm PA NI 'JUG MI 'GYUR, ,'BYED DANG 'DZUM PA'I SBYOR B YIS, ,DRAG MO DE NI BSKUL BAR BYA, ,SANGS RGYAS LNGA NI LHA MO BZHI, ,YANG DANG YANG DU BSREG PAR BYA, ,PHYOGS BCU'I DPA' BO RNAL 'BYOR MA, ,'DUS NAS DZA LAN DHA RAR THIM, ,PADMA BZHI LA THIG LE BZHI, ,BDE BA BCU DRUG SKYE BAR 'GYUR, ,RANG SNANG YE SHES GZUGS CAN GYI, ,PAD MA'I LTE BA'I DBUS NA GNAS, ,NOR BU'I RTZE MOR GNAS PA'I TSE, ,MAR ME LTA BUR MYA NGAN 'DA', ,GANG TSE NOR BU'I RTZE MO DER, ,MYA NGAN 'DA' BA DE YI TSE, ,BDAG GZHAN LA SOGS RNAM RTOG TSOGS, ,NGAS NI CI YANG MA MTHONG NGO, ,NYI MA ZLA BA GZA' YIS ZIN PA NA, ,YID DANG BE Rm PA NI 'GRO BA MED, ,RNAM RTOG MA LUS ZHU ZHING THIM PA'I TSE, ,SEMS NI DBYINGS KYI NGANG DU GYUR PA YIN, ,

, ,ZHES RLUNG DH'U T'IR 'DZUD PA'I THABS KHYAD PAR CAN DU GSUNGS SO, ,DON 'DI PHYAG CHEN THIG LE LAS KYANG GSUNGS TE, 'DZUMS PA DANG NI 'BYED PA YIS, ,RLUNG GIS ME NI KHONG DU CHUD, ,YANG DAG PA YI DBANG PO'I SHING, ,DE YIS GTUM MO 'BAR BA'O, ,RNAM PAR RTOG PA'I PHUNG PO'I GZUGS, ,THAMS CAD LUS NI SREG PA'O, ,DE YI ME 'BAR YANG DAG GIS, ,ZHES SNGAR LTAR GSUNGS SO, ,'DIS CHU'I LAM NAS 'BYUNG 'JUG GI BZLAS PA YANG SHES PAR NUS LA, STENG GI RDOR BZLAS NYID KYIS DON 'DI GNYIS KA 'GRUB MOD KYANG, 'OG GI PHYOGS SU THUR SEL LA DMIGS KYIS BKAR NAS DBANG DU BYA BAR 'DOD NA, MAN NGAG GI GZHI SNGAR YOD PA THOB PA LA BRTEN NAS BYA'O, ,THUR SEL BTZAN THABS SU BZLOG PA BYAS NA, DRI CHEN DANG DRI CHU SDOM PA SOGS KYI DGAG BYA CHE LA, MAN NGAG GI GNAD LA MKHAS PA'I 'JAM SBYOR BYAS NAS RGYU BA LOG NA, BSHAD GCI NYUNG BA DANG, YANG YANG 'DOR MI DGOS SHING, DE LA YANG MI BDE BA CUNG ZAD TZAM YANG MED PA DANG, GTUM ME 'BAR STOBS SHIN TU CHE BAS BDE BA PHUL CHE BA DANG, KHAMS ZHU BA JI LTAR SHAS CHE YANG 'PHO BA'I ZON MI DGOS PA SOGS KYI RTAGS RNAMS 'BYUNG NGO, ,'O NA RDOR BZLAS DANG SNYING KHA'I MI SHIGS PA SGOM PA SOGS KYIS GTUM MO 'BAR NAS BYANG SEMS ZHU BA NA, RNAL 'BYOR MA'I RGYUD NAS BSHAD PA BZHIN NOR BU'I BAR DU PHAB NAS, DE LA BRTEN PA'I DGA' BA BZHI SKYED DAM, YANG NA STOD SMAD NAS SNYING KHAR BSDUS TE STONG PA BZHI SKYED CE NA, 'DI NI SEMS DBEN GYI SKABS SU BSHAD

PAR BYA'O, ,'DI NA MANG POS RLUNG 'GOG PA SOGS KYI SBYOR BA DRAG PO BYAS PA NA CUNG MYUR BAR MTHONG ZHING, SBYOR BA 'JAM RTZUB LAS 'PHRAL DANG PHUGS KYI YON TAN JI LTAR SKYE BA'I KHYAD PAR LEGS PAR MA PHYED PAS, LUS LA GNAD DU BSNUN PA'I THABS RNAMS BYED PHYIN CHAD DRAG PO NYID KYIS BYA DGOS PAR BZUNG NAS SGOM MO, ,DE LA NI, KHA CIG GIS NI GEGS SHIN TU CHE BAR MTHONG NAS, DE RNAMS SGOM PA LAS LDOG LA, GZHAN DAG GIS NI GEGS SHIN TU CHE YANG, SEL THABS LA MKHAS PAR BYAS NAS SGOM DGOS PAR 'DOD DO, ,GEGS SEL TSUL NI, KHA CIG NA RE, RLUNG 'DUS NAS ZHI MA NYAN PAR ZUG BSKYED PA NA, BU GA MANG PO'I SBYOR BA BSGOMS NAS DE DAG PHYIR LA 'DON PAR BYED LA, GZHAN MANG POS NI, THABS GZHAN GYIS RLUNG 'DUS PA'I ZUG ZHI BAR BYED DO, ,DE LA KHA CIG NA RE, RLUNG 'DU BA'I PHYIR DU 'BAD NAS 'DUS PA'I TSE DE DBU MAR 'JUG THABS MI BYED PAR ZHI BAR BYED NA 'BAD PA DON MED YIN PAS GDAMS NGAG MED DO ZHES SMRA ZHING, RANG GI LUGS KYIS NI LONGS SPYOD KYI RLABS GNYIS 'TSIR BA'I THABS KYI SBYOR BAS DBU MAR BCUG NAS, ZUG ZHI BAR BYED PA NYID LA BSNGAGS PAR BYED DO, ,KUN KYANG DANG POR SGOM PA'I SBYOR BA DRAG PO LA MTHUN PAR SNANG NGO, ,DE LA RTZA RLUNG SOGS LA DRIL NAS BSGOMS PHYIN CHAD SROG 'PHROG PA'AM 'PHROG TU NYE BA'I GEGS CHEN PO 'BYUNG BAR NGES PA MA YIN TE, DE NI DANG PO'I SKYONG TSUL LEGS PAR BDAR SHA MA CHOD PA'I SKYON YIN GYI, SHES PA LA DE TZAM MI 'BYUNG BA'I PHYIR RO, ,DES NA DANG PO'I SKYOR TSUL LEGS PAR SHES NAS

, ,BSGOMS PAS GEGS CHEN PO MED PA CIG SHES NA MKHAS KYI, GEGS NAN GYIS BSKYED NAS ZHI BA'I THABS SHES KYANG MKHAS PA MIN NO, ,SBYOR BA 'JAM POS RLUNG BSDUS PA LA NI SPYIR GEGS CHUNG LA, DANG POR RLUNG MA BYANG BA'I TSE RLUNG 'DUS PA NA, ZUG CUNG ZAD RE SKYED PA'I SEL TSUL NI GZHAN DU BSHAD PAR BYA'O, ,DE YANG ZUG ZHI BA RKYANG BA'I CHA NAS MI BSAM GYI, PHYI MA RES RLUNG SDUD PA DKA' BAR MI 'GRO BA CIG DANG, DER MA ZAD SNGA MA RES KYI RLUNG BSDUS PA DES KYANG RLUNG DH'U T'IR SDUD PA LA PHAN PA'I SEL THABS SHIG SHES NA MKHAS PA YIN NO, ,DES NA LUGS SNGA MA GNYIS LTAR NA NI RLUNG 'DUS PA'I ZUG RDU ZHI BA 'ONG DU CHUG KYANG, SNGA MA RES RLUNG BSDUS PA DES DH'U T'IR TSUD PA LA PHAN PA NI MI SNANG NGO, ,LUGS GSUM PA'I SEL TSUL NI SBYOR BA DRAG POS BYED PHYIN CHAD DE LEGS MOD KYANG, RANG GI LUGS NI, SEL THABS KYANG 'JAM PO'I SBYOR BAS BYA DGOS KYI, DRAG PO'I SBYOR BAS MI BYED DO, ,DE LTAR RDO RJE BZLAS PA'I GNAD RGYAS PAR BSHAD PA NI, GDAMS NGAG RNAMS LA RDOR BZLAS BYED PA MANG BAR SNANG NA'ANG, GSANG 'DUS KYI SKOR RNAMS NAS RDOR BZLAS MTHA' DAG PAR 'CHAD PA BZHIN DU, RGYUD DANG BSTAN BCOS GZHAN NAS MI 'BYUNG LA, 'DUS PA'I LUGS KYIS LEGS PAR 'CHAD PA YANG DKON PAR SNANG BAS, 'PHAGS PA YAB SRAS KYIS RLUNG SBYOR GZHAN MA BSHAD PAR 'DI NYID BSHAD PA'I MTHA' CHOD PA'I DON DU YIN NO, ,GSUM PA SEMS DBEN THUGS RDO RJE'I TING NGE 'DZIN LA BSLAB PA LA LNGA, SEMS KYI NGO BO NYID

RTOGS PAR BYA DGOS PA'I RGYU MTSAN DANG, SEMS DE'I RANG TSUL GSUNG RAB LAS GSUNGS PA'I TSUL DANG, SEMS KYI RANG BZHIN RTOGS PA'I THABS KHYAD PAR CAN BLA MED KYI RGYUD YIN PAR BSTAN PA DANG, RGYUD KYI DON SNANG BA GSUM DANG RANG BZHIN RNAMS BSTAN PA DANG, DE JI BZHIN DU MA SHES PA'I NYES DMIGS DANG SHES PA'I PHAN YON BSTAN PA'O, ,DANG PO NI, SPYIR RDO RJE THEG PA LA GNAS PA DANG, KHYAD PAR DU RDO RJE BZLAS PA LA BSLABS SHING LOBS PA, SANGS RGYAS THOB PAR 'DOD PAS, RANG GI SEMS KYI NGO BO NYID JI LTAR YIN BTZAL BAR BYA DGOS TE, DE NYID BSDUS PA LAS, RIGS KYI BU MNYAM PAR BZHAG PAS RANG GI SEMS LA SO SOR RTOGS SHIG ,CES DANG, RNAM SNANG MNGON BYANG LAS KYANG, BYANG CHUB NI RANG GI SEMS YANG DAG PA JI LTA BA BZHIN YONGS SU SHES PA'O, ,ZHES DANG, SDE SNOD GSUM GYI TSUL LAS KYANG, GCIG PU 'GRO ZHING RING DU RGYU, ,LUS MED DBANG PO'I PHUG NA GNAS, ,GDUL BAR DKA' BA'I SEMS 'DUL BYED, ,BDUD KYI 'CHING BA LAS GROL 'GYUR, , ZHES GSUNGS PAS, SGYU LUS MNGON DU BYA BAR 'DOD PAS, RNAM GA-YENG DANG GNYID LA SOGS PA'I SGRIB PA LNGA PO THAMS CAD SPANGS TE, DE BZHIN GSHEGS PA THAMS CAD KYI MAN NGAG YANG DAG PAR THOB PA'I BLA MA MNYES PAR BYAS LA, YE SHES RDO RJE KUN LAS BTUS LA SOGS PA'I BSHAD RGYUD KYI RJES SU 'BRANGS NAS, RANG BZHIN GYI SNANG BA RNAM SHES GSUM RTOGS PAR BYA'O ZHES SPYOD BSDUS LAS GSUNGS SO, ,SEMS DBEN LA SLOB PAR 'DOD PAS, SEMS KYI NGO BO

, ,NYID 'TSOL DGOS PA'I RGYU MTSAN DU DRANGS PA'I LUNG GSUM GAS, SEMS KYI DE KHO NA NYID RTOGS DGOS PAR STON PAS, BOD DANG RGYA GAR BA KHA CIG GIS SEMS DBEN GYI YE SHES KYIS CHOS CAN GYI SEMS RIG PA YIN GYI, SEMS KYI CHOS NYID RIG PA MIN TE, RIG NA NI 'OD GSAL DANG KHYAD MED PAR 'GYUR RO, ,ZHES SMRA BA BKAG PA YIN NO, ,RIM PA BZHI PA'I 'OD GSAL GYI YE SHES KYIS SEMS KYI CHOS NYID MNGON SUM DU RTOGS KYI, SEMS DBEN GYIS CHOS NYID RIG KYANG MNGON DU MA GYUR PAS NA, KHYAD MED DU MI 'GYUR RO, ,MDO SDE'I LUNG DANG, RGYUD SDE 'OG MA GNYIS KYI LUNG SHES BYED DU DRANGS PA GSUM GYIS SEMS DBEN GYI YE SHES GSUM STON PA MIN KYANG, SEMS KYI CHOS NYID RTOGS DGOS PA'I RGYU MTSAN DU 'GRO'O, ,GNYIS PA NI, GAL TE SEMS KYI DE KHO NA NYID RTZAD GCOD DGOS NA, DE JI 'DRA BA ZHIG YIN SNYAM NA, 'DI LA SPYOD BSDUS SU PHAR PHYIN GYI THEG PA DANG, SNGAGS KYI THEG PA LAS GSUNGS TSUL GNYIS BSHAD PA'I DANG PO LA, LANG KAR GSHEGS PA DRANGS PA LAS, RANG GI SEMS KYIS SNANG BA GZUNG 'DZIN GYI RNAM RTOG SANGS RGYAS KYI SPYOD YUL SHES PAR 'DOD PAS SO, ,'DU 'DZI DANG GNYID LA SOGS PA'I SGRIB PA SPANG BAR BYA BA DANG, SEMS DANG YID DANG RNAM SHES GSUM SNOD BCUD KUN GYI RTZA BAR BSTAN NO, ,SPYOD BSDUS 'GYUR SNYING LAS, RNAM PAR RTOG PA'I SPYOD YUL, ZHES 'BYUNG YANG, CHAG GIS, RNAM PAR RTOG PA SANGS RGYAS KYI SPYOD YUL, ZHES

BSGYUR BA LEGS SO, ,BZANG SKYONG GIS ZHUS PA DRANGS PA LAS, RNAM PAR SHES PAS LUS LEN PA DANG, SKYE GNAS DMAN PA RNAMS SU ZHUGS KYANG, DE'I SKYON GYIS MI GOS PA DANG, RNAM SHES GANG DU 'PHO BA DER LAS KYI 'BRAS BU TSOR BA BDE SDUG KYANG 'PHO BA DANG, BDEN PA MA MTHONG BAS RNAM SHES MI SHES PAR BSTAN CING, DE DAG GI DON BSDUS PAR, DE LTAR NA RNAM PAR SHES PA NI KHA DOG MED PA, MTSAN MA MED PA, DBYIBS MED PA'I BDAG NYID CAN RANG RIG PA'I YE SHES TZAM DU THOG PA CHEN PO'I MDO SDE LAS BKA' STZAL TO, ,ZHES GSUNGS TE, SANGS RGYAS KYI SPYOD YUL ZHES PAS SEMS KYI CHOS NYID DANG, KUN GYI RTZA BAR BSTAN PAS CHOS CAN GYI NGANG TSUL DANG, SEMS SKYE GNAS SNA TSOGS SU ZHUGS KYANG DE'I CHOS NYID LA 'GYUR BA MED PA DANG, DON DE 'PHAGS PA MIN PAS MNGON SUM DU MI SHES PAR STON PAS, SEMS DE DON DAM PAR MTSAN MA THAMS CAD KYIS STONG LA, THA SNYAD DU KHA DOG DANG DBYIBS SU MED PA, RIG BYED GZHAN LA MI LTOS PA, RANG GIS YUL RIG PA'I SHES PA TZAM DU GSUNGS SO, ,RDO RJE THEG PA LAS GSUNGS TSUL YANG DE NYID LAS, SANGS RGYAS RNAMS KYI SPYOD YUL YONGS SU DRIS PA'I SEMS GANG YIN PA DE'I NGO BO NYID NI, RTZA BA MED PA, GNAS MED PA, GZHI MED PA, MTSAN MA MED PA DANG, DBYIBS DANG KHA DOG MED PA, DBANG PO LAS 'DAS PA, RTOG GE RNAMS KYI SPYOD YUL MA YIN PA'O, ,ZHES BCOM LDAN 'DAS KYIS RGYUD THAMS CAD BSTAN PA'I TSIG LAS GSUNGS PA'O, ,ZHES GSUNGS TE, SEMS

, ,DBEN LA JI LTAR BSLAB PA DRIS PA'I SEMS KYI DE KHO NA NYID PHAR PHYIN GYI THEG PA DANG THUN MONG BA'I DON YIN GYI, SEMS DBEN MIN NO, ,RIGS PA DRUG CU PA LAS KYANG, GNAS MED DMIGS PA YOD MA YIN, RTZA BA MED CING GNAS PA MED, ,MA RIG RGYU LAS SHIN TU 'BYUNG, ,THOG MA DBUS MTHA' RNAM PAR SPANGS, ,CHU SHING BZHIN DU SNYING PO MED, ,DRI ZA'I GRONG KHYAR 'DRA BA STE, ,RMONGS PA'I GRONG KHYER MI BZAD PA, ,'GRO BA SGYU MA BZHIN DU SNANG, ,ZHES GSUNGS LA, DE'I 'GREL PAR, GNAS NI MIG LA SOGS PA'I SKYE MCHED DRUG DANG, DMIGS PA NI CHOS THAMS CAD DANG, RTZA BA NI SA BON GYI TSUL GYIS RGYU'I RKYEN TE, RTEN 'BREL YIN PA'I RGYU MTSAN GYIS RANG BZHIN GYIS YOD PA MIN PA SGYU MA BZHIN DU GSUNGS SO, ,GZHI MED PA NI DMIGS PA MED PA'O, ,GSUM PA NI, SPYOD BSDUS LAS, 'DUS PA LA SOGS PA'I RNAL 'BYOR CHEN PO'I RGYUD LA MA ZHUGS PAR, BSKAL PA GANG G'A'I RLUNG GI BYE MA SNYED DANG MNYAM PA SNYED KYI BSKAL PA THAMS CAD KYIS KYANG, RANG GI SEMS KYI YANG DAG PA JI LTA BA NYID SHES PAR MI NUS SHING, KUN RDZOB KYI BDEN PA MTHONG BAR MI 'GYUR RO, ,ZHES GSUNGS SO, ,DES NI BLA MED LA MA ZHUGS BAR DU GZHI'I LTA BA GTAN LA MI PHEBS PAR STON PA MIN PA NI BSHAD ZIN LA, GTAN LA PHEBS KYANG DE BSGOMS PAS MNGON DU MI 'GYUR BA YANG MIN TE, PHAR PHYIN GYI THEG PAS 'PHAGS PA'I SA THOB MI NUS PA TSAD LDAN SUS KYANG MA BSHAD LA, DE

THOB NA CHOS NYID MNGON SUM DU MA RTOGS PA 'GAL BA'I PHYIR RO, ,SEMS KYI CHOS NYID MTHAR THUG PA CHOS KYI SKU LA DGONGS NAS GSUNGS PA YANG MIN TE, SEMS DBEN GYI SKABS SU SEMS KYI YANG DAG PA'I DON RTOGS PA LA DPYOD PA'I SKABS YIN PA'I PHYIR TE, KUN RDZOB KYI BDEN PA MTHONG PAR MI NUS ZHES GSUNGS PAS KYANG SHES SO, ,DES NA SEMS KYI DE KHO NA NYID RTOGS PA'I YUL CAN GYI GTZO BO NI LHAN CIG SKYES PA'I BDE BA YIN LA, YE SHES DES YUL DE RTOGS PA LA BLA MED KYI SGOR MA ZHUGS NA, PHAR PHYIN DANG RGYUD SDE 'OG MA GANG GI SGOR ZHUGS KYANG MI THOB PA'I DON NO, ,LAM GZHAN GYIS BSKAL PA GRANGS MED MANG POS 'THOB DGOS PA'I GO 'PHANG, BLA MED KYI LAM GYIS TSE GCIG LA 'GRUB PA'I MYUR KHYAD KHYAD PAR CAN NI, LHAN SKYES KYI BDE BA CHEN POS DE KHO NA NYID KYI DON NGES NAS SGOM PA YIN TE, SAM BHU tA LAS, DE PHYIR DE RGYAS CI ZHIG BYA, ,MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG 'THOB PA, ,GANG GIS DAM PA'I BDE BAS KHYOD, ,SKYE BA 'DIR NI THOB PAR 'GYUR, ,ZHES GSUNGS SO, ,NYON SGRIB ZAD PA TZAM NI NYAN THOS KHA CIG GIS KYANG TSE GSUM LA NUS SHING, DE KHO NA NYID KYI DON MNGON SUM DU RTOGS PA YANG THEG PA GNYIS THUN MONG BA YIN PAS, STONG PA NYID MNGON SUM DU RTOGS PA MYUR BA'I SGO NAS 'KHOR BA LAS GROL BA MYUR BA TZAM NI 'DIR MYUR KHYAD MIN NO, ,DE'I PHYIR SHES SGRIB ZAD PA SHIN TU MYUR BA CIG LAM 'DI LA DGOS SO, ,DE LA

, ,PHAR PHYIN GYI THEG PA LTAR NA TSOGS MTHA' YAS PA'I GSAL BA'I DBYE BA MI 'DRA BA MTHA' YAS PA LA SLOB PA'I THABS KYI CHA MED NA, STONG NYID KYI LTA BA PHU DAG PAR RTOGS NAS JI TZAM GOMS KYANG 'KHOR BA LAS GROL BA MA GTOGS PA, SHES SGRIB ZAD PAR MI NUS PAS, THEG PA CHEN PO PA RNAMS KYIS, DE 'DRA BA'I TSOGS MTHA' YAS PA LA DUS RING POR SLOB PA NI, STONG NYID RTOGS PA'I RTOGS PA DE SHES SGRIB ZAD BYED DU SKYED PA'I CHED YIN NO, ,BLA MED KYI LAM DU PHA ROL TU PHYIN PA BA BZHIN DU TSOGS KYI GSAL BA'I DBYE BA MI 'DRA BA MTHA' YAS PA LA MI SLOB KYANG, LHAN SKYES KYI BDE BAS STONG NYID DU THAG CHOD PA'I DON BSGOMS NA SHIN TU MYUR BAR GSUNGS PA NA, YUL CAN KHYAD PAR CAN BDE BA CHEN PO'I GNAD KYIS STONG NYID KYI RTOGS PA GNYIS SNANG 'KHRUL PA'I BAG CHAGS KYI SHES SGRIB SBYONG BA LA CHES SHIN TU MYUR BAR GO NUS SO, ,DES NA LAM 'DI'I DBANG DANG RIM PA DANG PO 'KHOR DANG BCAS PA LA, LAM GZHAN LAS KHYAD PAR DU 'PHAGS PA'I BSNGAGS PA CHEN PO GSUNGS PA RNAMS KYANG, BDE STONG SBYOR BA'I LAM GYI SNOD RUNG DU SGRUB PA DANG, DE RDZOGS PAR SKYE BA'I SMIN BYED DU SONG BA'I CHA NAS YIN GYI RANG DBANG DU MIN NO, ,BDE STONG SBYOR BA'I LAM MYUR KHYAD MCHOG TU 'GRUB PA NI, DE'I STENG NAS BSOD NAMS KYI TSOGS KYI GSAL BA'I DBYE BA MI 'DRA BA MTHA' YAS PA'I DOD THUB NGO SHES PA'I SANGS RGYAS KYI GZUGS SKU SGRUB PA'I RGYU THUN MONG MA YIN PA CIG SGRUB SHES PA LA RAG

LAS LA, DE YANG SGYU MA'I SKU LAS GZHAN DU MED PAS, STONG PHYOGS BDE BA CHEN PO'I RDZOGS RIM DANG, SNANG PHYOGS SGYU MA'I SKU'I RDZOGS RIM GNYIS LA MI MKHAS KYI BAR DU RGYUD GNYIS KYI GNAD RDZOGS PAR MI RNYED DO, ,'DUS PA LAS, SNGON BYUNG BA NA BRJOD KYIS MI LANG BA'I YANG BRJOD KYIS MI LANG BA'I SANGS RGYAS KYI ZHING GI RDUL RAB TU PHRA BA DANG MNYAM PA'I BSKAL PA 'DAS PA NA, SANGS RGYAS MAR ME MDZAD 'DAS PA NAS, SANGS RGYAS 'OD SRUNGS KYI BAR DU GSANG CHEN 'DI MA GSUNGS PA'I RGYU MTSAN DU, DE'I DUS NA SEMS CAN RNAMS LA GSANG CHEN GYI DON BSHAD PA'I SKAL BA MED PA'I PHYIR RO, ,ZHES BSHAD CING, 'ON KYANG GANG G'A'I KLUNG GI BYE MA SNYED KYI BSKAL PAR BYANG SEMS RNAMS KYIS 'BAD CING BTZAL YANG MI THOB PA'I BYANG CHUB DE, 'DUS PA LA DGA' BA'I BYANG SEMS KYIS TSE 'DI NYID LA 'THOB PAR GSUNGS PA'I RGYU MTSAN GYI DON NI, SGRON GSAL LAS, DUS DE SRID KYI BAR DU SEMS CAN DMAN PA LA LHAG PAR MOS SHING, SBYIN PA DANG TSUL KHRIMS LA SOGS PA 'DOD CHAGS DANG BRAL BA'I CHOS KYIS 'DUL BA, ZAB MO BSTAN PAS SKRAG PA'I YID DANG LDAN PA YIN TE, DE BAS NA SKAL BA MED PAS, DE'I TSE GSANG BA CHEN PO'I DON BSHAD PA MA GSUNGS SO, ,DUS 'DIR NI SEMS CAN 'DOD CHAGS LA SPYOD CING SNYIGS MA LNGA BDO BA'I 'GRO BA RNAMS KYI MOS PA MKHYEN NAS BYON TE, DE BZHIN GSHEGS PA 'BA' ZHIG GIS GSUNGS PA YIN NO, ,ZHES GSUNGS PA YANG BDE BA CHEN PO 'DREN PA'I PHYI'I

, ,THABS LA MOS PA YOD MED KYI DBANG GIS YIN TE, STONG PA DANG BDE BA PHU THUG TSOD BA'I THABS KYIS BDE STONG SBYOR BAS, TSE 'DIR BYANG CHUB STER BA LA SKRAG PA YIN GYI, STONG NYID RKYANG PA LA SKRAG PA MIN NO, ,THABS LA MKHAS PA'I CHAGS CAN GYI KUN SPYOD LA SKRAG PA'I RGYU NI, 'DOD CHAGS CHUNG BA YANG YIN MOD KYANG, GTZO BO NI, 'BRAS BU SANGS RGYAS KYI YON TAN MTHA' YAS PAS DE LA DUS DANG TSOGS KYI GSAL BA'I DBYE BA MI 'DRA BA MTHA' YAS PA 'TSAM GYI, DE MIN PA MI 'TSAM PAR MTHONG BA DANG, SA CHEN PO LA GNAS PA YON TAN GYI GTER CHEN PO RNAMS KYIS KYANG DUS SHIN TU RING POR THOGS NA, DUS SHIN TU THUNG BA'I CHE RE RE LA 'GRUB PA NI, GDUL BYA 'GA' ZHIG DRANG BA'I PHYIR YIN GYI, SGRA JI BZHIN PA MIN NO SNYAM PA YIN NO, ,LAM 'DI DANG STONG NYID LA DAD CHE BA LA YANG SKYON YON GYI PHYOGS SU 'GRO BA GNYIS YOD PA YANG PHYED DGOS LA, LAM GNYIS KA'I RNAM GZHAG LEGS PAR CHAGS TE SGRUB BYED KHYAD PAR CAN MTHONG NAS, MOS PA SHUGS DRAG POS LAM 'DI'I RIGS KYI NUS PA THUN MONG MA YIN PA BRTAN PAR 'JOG PA SHIN TU GAL CHE'O, ,SEMS DBEN GYI YE SHES KYIS SEMS KYI DE KHO NA NYID RTOGS PA DANG, KUN RDZOB SGYU LUS MNGON DU BYED PA LAM GZHAN DU SHIN TU RNYED DGA' BAR BSTAN PA NI, SNGAR GYI SROG RTZOL GSUM BSGOMS PAS DRANGS PA'I BDE BA CHEN PO'I SEMS DBEN GYIS, SEMS KYI DE KHO NA NYID BSGOMS NAS SGYU MA'I SKU SGRUB PA

THUN MONG MA YIN PA'I LAM DU BSTAN PAR BZHED NAS YIN NO, ,'DUS PA LA SOGS PA'I RNAL 'BYOR CHEN PO'I RGYUD LA MA ZHUGS BAR BSKAL PA DU MAR YANG, KUN RDZOB KYI BDEN PA MTHONG BAR MA 'GYUR BAR GSUNGS PAS NI, KUN RDZOB SGYU LUS NI SNANG LA RANG BZHIN MED PA RTOGS PA'I TING NGE 'DZIN DU 'DOD PA DANG, LHA'I SKU SNANG LA RANG BZHIN MED PA TZAM LA 'DOD PA RNAMS BKAG PA YIN NO, ,LAM GZHAN RNAMS MTHAR TSUL 'DIR GZHOL MI GZHOL DANG, DE'I RGYU MTSAN RNAMS NI 'CHAD PAR 'GYUR RO, ,BZHI PA LA GSUM, SNANG BA BSHAD PA DANG, RANG BZHIN BSHAD PA DANG, SNANG BA'I YE SHES SKYED TSUL BSHAD PA'O, ,DANG PO LA GNYIS, SNANG BA GSUM GYI MING GI RNAM GRANGS DANG, SNANG BA GSUM SO SO'I MTSAN NYID BSHAD PA'O, , DANG PO NI, SPYOD BSDUS LAS, RNAM PAR SHES PA GSUM GYI MING GI RNAM GRANGS LA, PHAR PHYIN GYI THEG CHEN DANG THUN MONG BA UDANG, RDO RJE THEG PA NYID LA GRAGS PA'I THUN MONG MA YIN PA GNYIS GSUNGS PA'I DANG PO NI, STON PAS THABS DANG SHES RAB CES GSAL BAR BSTAN PA'I SHUGS KYIS, MA NING GI BRDA MI GSAL BA YANG 'PHANGS TE DE GSUM DANG, SEMS DANG, YID DANG, RNAM PAR SHES PA GSUM DANG, KUN BRTAGS DANG, GZHAN DBANG DANG, YONGS GRUB GSUM DANG, 'DOD CHAGS DANG, ZHE SDANG DANG, GTI MUG GSUM DANG, NGO BO NYID GSUM ZHES BYA BA LA SOGS PA'I RNAM GRANGS SO, ,DE LA, THABS NI MCHED PA DANG, SHES RAB NI SNANG BA DANG, MA NING DE GNYIS 'DUS PA NI NYER THOB YIN TE, SNANG BA NI BDE STONG

, ,GNYIS KYI NANG NAS STONG PA'I BLO SHAS CHE LA, MCHED PA NI DE LAS BZLOG CING, NYER THOB NI DE GNYIS CHA MNYAM PAS DE SKAD CES BYA'I, THABS SHES DANG DE GNYIS 'DUS PA GANG YIN THAMS CAD DE GSUM DU STON PA MIN NO, , DE YANG LAM GYI SNANG BA GSUM GYI DBANG DU BYAS LA, DE DANG CHA 'DRA BA'I SGO NAS GZHI'I SNANG BA GSUM LA YANG THA SNYAD DE LTAR BYA'O, ,SNANG BA LA SEMS DANG, MCHED PA LA YID DANG ,NYER THOB LA RNAM PAR SHES PA ZHES PA YANG, SEMS YID RNAM SHES GSUM GANG YIN DE GSUM DU STON PA'ANG MIN LA, SNANG BA GSUM 'GAL BA BZHIN DU SEMS YID RNAM SHES GSUM 'GAL BAR BZHED PA YANG MIN NO, ,GZHUNG GZHAN DU SEMS KUN GZHI DANG, YID NYON YID DANG, RNAM SHES 'JUG SHES DRUG TU BSHAD PA LA BRTEN NAS SNANG BA 'JUG SHES DANG, MCHED PA NYON YID DANG, NYER THOB KUN GZHIR 'CHANG PA YANG SNANG MOD KYANG, 'THAD PAR MA MTHONG STE, MCHED THOB GNYIS KUN GZHI DANG NYON YID YIN PAR 'DOD NA NI, TSOGS DRUG LAS NGO BO THA DAD PA'I KUN GZHI DANG NYON YID GNYIS SO SKYES MNGON GYUR DU NGES MI NUS PA BZHIN DU, DE GNYIS KYANG DE LTAR THAL BA DANG, SNANG BA'I DMIGS RNAM BSHAD PA DANG DE GNYIS KYI DMIGS RNAM SHIN TU MI MTHUN PA DANG, SNANG BA RNAMS PHYI NANG GI SROG RTZOL GYI LAM GYIS GSAR DU SKYED PAR BSHAD PAR MANG DU BSHAD PA RNAMS DANG 'GAL BAR 'GYUR LA, KUN GZHI SOGS KYI MING 'JUG PA'I RGYU MTSAN RE YOD PA LA 'DOD NA NI, DE YANG MA BSHAD PAS

MI 'THAD DO, ,'O NA JI LTAR YIN SNYAM NA, GSUNG RAB LAS SEMS YID RNAM SHES GSUM SPYIR KUN BYANG GI CHOS KUN GYI RTZA BAR GSUNGS PA LA, 'DIR KUN BYANG GI CHOS KUN GYI RTZA BAR 'GYUR BA'I SEMS YID RNAM SHES GSUM KHYAD PAR BA CIG BSTAN PAR BZHED NAS SNANG BA GSUM LA DE GSUM GYI THA SNYAD MDZAD PA YIN TE, YE SHES RDO RJE KUN LAS BTUS SPYOD BSDUS SU DRANGS PA LAS, RNAM PAR SHES PA NI 'OD GSAL BA LAS BYUNG BA'O, ,DE NYID NI SEMS DANG YID CES BYA STE, KUN NAS NYON MONGS PA DANG RNAM PAR BYANG BA'I BDAG NYID CAN GYI CHOS THAMS CAD NI DE'I RTZA BA CAN YIN NO, ,ZHES DANG, RDO RJE 'PHRENG BA LAS KYANG, SNANG BA GSUM GYI MTSAN NYID CAN, ,GANG 'DIR RNAM SHES GSUM THOB PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES SO, ,SNANG BA GSUM GA LA RNAM SHES ZHES GSUNGS PA NI ,SEMS DANG YID LA'ANG 'DRA BAS, SNANG GSUM RE RE LA'ANG DE GSUM GA'I THA SNYAD 'THOB LA, DE GSUM DANG SNANG GSUM SO SOR SBYAR BA NI YID KYI SHES PA'I RIGS 'DRA SNGA PHYIR 'BYUNG BA GSUM LA BZHAG GO ,SGRA'I DON NI, BSAGS PAS NA SEMS DANG, RTEN DU GYUR PAS NA YID DANG, BRTEN PAR GYUR PAS NA RNAM SHES ZHES GSUNGS PA LTAR YIN LA, DE NI SNANG BA GSUM PO'I SEMS RE RE LA'ANG TSANG ZHING, SHAS CHE CHUNG YANG MED PAS, DES TSIG DE'I SGO NAS SO SOR BYA BAR MI NUS SO, ,RIM LNGA LAS, SNANG BA GZHAN DBANG DANG, MCHED PA KUN BRTAGS DANG ,NYER THOB LA YONGS GRUB TU GSUNGS LA,

, ,DE LTAR BSHAD PA NI GZUNG 'DZIN GNYIS RGYANGS CHAD DU SNANG BA'I SNANG GZHI NI GZHAN DBANG DANG, DE LTAR SNANG BA LA BRTEN NAS GZUNG 'DZIN RDZAS THA DAD PAR SGRO BTAGS PA KUN BRTAGS DANG, 'GYUR BA MED PA'I YONGS GRUB DU BYAS PA'I NGOR, KUN BRTAGS DANG GNYIS SNANG GNYIS KAS DBEN PA BZHIN DU STONG PA RNAMS KYI THOG MA'I GZHI SNANG BA DANG ,DE LA BRTEN NAS MCHED PA 'BYUNG BA DANG, NYER THOB KYI TSE SNGA MA GNYIS KA LOG NAS THABS SHES MNYAM PAR 'JUG PA'I CHOS MTHUN LA BRTEN NAS YIN NAM SNYAM STE DPYAD PAR BYA'O, ,SNANG BA LA ZHE SDANG DANG, MCHED PA LA 'DOD CHAGS DANG, NYAR THOB LA GTI MUG GI MING GIS GSUNGS PA NI, BDE BA CHUNG BA DANG, CHE BA DANG, BAR MAR 'JUG PA'I SGO NAS YIN TE, LAM DANG BZHI'I DUS NI SNGAR BZHIN NO, ,NGO BO NYID GSUM GYI MING NI MTSAN NYID GSUM SNGAR BSHAD ZIN PAS DE MIN NO, ,DES NA STONG PHYOGS DANG, SNANG PHYOGS DANG, GNYIS KA MNYAM PA'I NGO BO NYID CES SBYAR LA SNGAR BZHIN DU BYA'O, ,PHAR PHYIN GYI THEG PA NAS SNANG BA GSUM LA MING DE LTAR BTAGS PA MED PAS, GDAGS BYA'I MING THUN MONG BA YIN GYI, MING GIS SNANG BA GSUM LA MING DE LTAR BTAGS PA THUN MONG BA MIN NO, ,GNYIS PA NI, SNANG BA DANG SNANG BA MCHED PA DANG, SNANG BA THOB PA DANG, STONG PA DANG, SHIN TU STONG PA DANG, STONG PA CHEN PO DANG, SEMS DANG SEMS LAS BYUNG BA DANG MA RIG PA DANG, 'DOD CHAGS DANG BRAL BA DANG 'DOD CHAGS DANG 'DOD CHAGS PAR MA ZHES GSUNGS

SHING, AOm ZHES PA DAG GI SGO LA BRTEN PA'I SA BON BRTAN PAR BYED PA'I RGYU STE, MOS PA CHUNG BA'I SEMS CAN RNAMS KYIS DE BZHIN GSHEGS PAS DGONGS TE GSUNGS PA RTOGS PAR MI 'GYUR BAS, DE ZLA BA'I DKYIL 'KHOR GYI GZUGS SO ZHES DMIGS PAR BYED CING, PAD MA'AM, BUD MED KYI GZUGS SAM, GA-YON PA'I MING DAM, MTSAN MO'I MING DANG, 'JAM PO'I DNGOS POR SEMS KYI KUN RDZOB KYI GZUGS GSAL BA'O, ,ZHES DANG, A'A: ZHES PA NGAG GI SGO LA BRTEN PA'I SA BON BRTAN PAR BYED PA'I RGYU STE, MOS PA CHUNG BA'I SEMS CAN RNAMS KYIS DE BZHIN GSHEGS PAS DGONGS TE GSUNGS PA RTOGS PAR MI 'GYUR BAS, NYI MA'I DKYIL 'KHOR LA BRTAN NAS DMIGS PAR BYED CING, RDO RJE RTZE LNGA PA'AM, RIN PO CHE 'AM, NYIN MO'AM, SKYES PA'I GZUGS SAM, GA-YAS PA ZHES BYA BA'AM, RTZUB PA'I RNAM PA NI SEMS LAS BYUNG BA'I KUN RDZOB KYI GZUGS SO, ,ZHES DANG ,NGAG GI SA BON LA BRTEN PA'I SGO YONGS SU GRUB PA ZHES BYA BA 'DI NI SNANG BA THOB PA, ZHES GSUNGS LA, CHAG 'GYUR LAS, NGAG GI SA BON AA LA BRTEN PA'I, ZHES 'BYUNG NGO, ,DE LA SNANG BA GSUM THIM PA RIM PA BZHIN DU STONG PA GSUM YIN ZHES PA DANG, STONG PA GSUM SNANG BA GSUM GYI CHOS NYID LA BYAS NAS SNANG BA GSUM LA MI BYED PA YANG MI 'THAD DE, SPYOD BSDUS LAS SNANG BA GSUM NYID STONG PA GSUM DU GSUNGS PA'I PHYIR DANG, DE NYID YE SHAS RDO RJE KUN LAS BTUS LAS KYANG GSAL BA'I PHYIR RO, ,DES NA SNANG BA GSUM NI KUN RTOG GA-YO BA'I RLUNG THIM NAS ZLA 'OD LTA BUR SNANG BA'I SGO NAS SNANG BA ZHES

, ,BYA LA, DE NYID KUN RTOG BRGYAD CU RLUNG DANG BCAS PAS STONG PAS STONG PA DANG, NYI 'OD BZHIN DU CHES GSAL BA'I SGO NAS SNANG BA MCHED PA DANG, SNANG BA RLUNG DANG BCAS PAS STONG PAS SHIN TU STONG PA DANG, THUN MTSAMS KYI SMAG BZHIN DU SHIN TU MI GSAL BAR SNANG ZHING 'OD GSAL DANG NYE BAS SNANG BA NYER THOB DANG, MCHED PA RLUNG DANG BCAS PAS STONG PAS STONG PA CHEN PO DANG, MI GSAL BAS MA RIG PA ZHES KYANG BTAGS TE, NYER THOB KYI PHYOGS GCIG GI MING NGO, ,NGAG GI SGO NI NGAG 'BYUNG BA'I LAM STE, DE LA BRTEN NAS SKYES PA'I SA BON NI YI GE GSUM MO, ,BRTAN PAR BYED PA'I RGYU NI DE GSUM GYI THA SNYAD KYIS YE SHES GSUM NGES PAR BYED PA'O, ,RIM LNGA LAS KYANG, GA-YON PA'I MING YANG DE NYID DO, ,ZLA BA'I DKYIL 'KHOR PADMA CAN, ,BRTAN PAR BYA BA'I RGYUR GYUR PA, ,DANG PO'I YI GE THIG LER BCAS, ,ZHES DANG, DE BZHIN DU NI RDO RJE'I MING, ,THIG LE GNYIS KYIS BRGYAN PA YI, ,CHA RU DE NYID SHES PAR BYA, ,ZHES GSUNGS PAS SNANG BA RNAMS YI GE DE DAG GI MING GI BRDAS MTSON PA'I DON NO, ,MOS PA CHUNG BAS ZLA NYI LA BRTEN NAS DMIGS PAR BYED PA NI, SEMS DBEN THOB PA'I RDZOGS RIM PAS YE SHES GSUM LAS SGYU MA'I SKU BSKYED PA LTAR BYED MI NUS PA'I BSKYED RIM PAS, SNANG BA'I DOD ZLA BA DANG, MCHED PA'I DOD RDO RJE SOGS PHYAG MTSAN DANG, SNANG MCHED KYI SEMS SEMS BYUNG GNYIS MNYAM PAR SBYOR BA'I NYER THOB KYI DOD, ZLA BA DANG RDO RJE SOGS MNYAM PAR SBYAR BA LAS LHA'I SKU SKYED PA'I DON YIN TE, RIM LNGA LAS, SHES RAB NGO BO NYID 'DI NI, ,

ZLA BA'I DKYIL 'KHOR DAG TU BRTAGS, ,SEMS NYID RANG GIS MTHONG GYUR TE, ,RANG NYID ZLA BA'I GZUGS BZHIN NO, ,DE NAS ZLA BA LA DMIGS PA, ,RDO RJE MTSAN MA RAB TU BRTAG ,'DI NI RDO RJE LA SOGS PA, ,RNAL 'BYOR PA YI THABS MTSON BYED, ,ZLA BA RDO RJE SOGS MNYAM SBYOR, ,SEMS DANG SEMS BYUNG 'DUS PA STE, ,SHES RAB THABS SU 'DUS PA LAS, ,LHA YI GZUGS SU 'BYUNG BAR 'GYUR, ,ZHES GSUNGS TE, RKANG PA LNGA PA LA CHAG 'GYUR LAS, ZLA BA RDZOGS PA DMIGS DE NAS, ZHES 'BYUNG BA LEGS SO, ,SNANG BA DANG PO GNYIS LA ZLA NYI DANG NYIN MTSAN GYI SGRAS BSTAN PA NI, NAM MKHA' LA NYI 'OD DANG ZLA 'OD KYIS KHYAB PA BZHIN DU SNANG BA'O, ,PADMA DANG RDO RJE DANG, BUD MED DANG SKYES PA DANG, GA-YON DANG GA-YAS PAS BSTAN PA NI THABS SHES KYI CHA NAS SO, ,'JAM PA DANG RTZUB PA ZHES PA NI BDE BA DMAN MI DMAN NAM, YUL SNANG RGYAS MI RGYAS SO, ,KUN RDZOB KYI GZUGS ZHES PA NI YE SHES GNYIS MTSON BYED KYI ZLA BA SOGS NI BCOS MA'I MTSAN NYID YIN PA'O, ,SNANG BA NYER THOB NI, MA NING DANG, NYIN MTSAN GNYIS KYI MTSAMS DANG, GA-YAS GA-YON GYI DBUS DANG, 'JAM RTZUB GNYIS KYI BAR MA DANG, THABS SHES GNYIS 'DRES PA DANG, ZLA BA DANG NYIN MTSAN SOGS 'DUS PA'I MING GIS MTSON NO, ,GNYIS PA NI, SPYOD BSDUS LAS, YE SHES RDO RJE KUN LAS BTUS LAS SNANG BA GSUM GYI MTSAN NYID MDOR BSDUS NAS GSUNGS PA DE, BLA MA'I MAN NGAG GIS BSTAN PAR BYA'O, ,ZHES GSUNGS PA LA, SNANG BA'I MTSAN NYID GANG ZHE NA, RNAM PA MED PA'I RANG BZHIN

, ,LUS DANG NGAG MED PA STE, JI LTAR STON GYI DUS SU NAM MKHA' DRI MA MED PA LA, ZLA BA'I DKYIL 'KHOR GYI 'OD ZER SNANG BAR BYED PAS KHYAB PAR BYED PA DE BZHIN DU, RANG BZHIN GYIS GSAL BA'I RNAM PAR DNGOS PO MA LUS PA THAMS CAD LA DMIGS PAS NA, 'DI NI DON DAM PA'I BYANG CHUB KYI SEMS SHES RAB KYI SNANG BA STONG PA DANG PO STE, ZHES DANG, SNANG BA MCHED PA'I MTSAN NYID GANG ZHE NA, DE YANG GZUNG BA DANG 'DZIN PA DANG BRAL BA'I GZUGS CAN, LUS DANG NGAG MED PA STE, JI LTAR STON GYI DUS SU NYI MA'I 'OD ZER GYIS KHYAB PA BZHIN DU, SHIN TU GSAL ZHING DRI MA MED PA'I NGO BO NYID DU DNGOS PO MA LUS PA DMIGS PA, BYANG CHUB KYI SEMS KUN TU BZANG PO GNYIS PA STE, RIM PA GNYIS PA SHIN TU STONG PA'I MTSAN NYID CAN, ZHES DANG, SNANG BA THOB PA GANG ZHE NA, DE BZHIN DU NAM MKHA'I MTSAN NYID DNGOS PO MED PA'I GZUGS CAN, LUS DANG NGAG MED PA STE, JI LTAR MTSAMS KYI SMAG LA BAB PA'I NGO BOR KHYAB PA, PHRA ZHING BDAG MED PA, SROG DANG RTZOL BA MI RGYU BAS RGYU BA MED PA STE, , SEMS MED PA DANG, MI GA-YO BA DANG, ZHES GSUNGS SO, ,LUGS 'DI LA STONG PA BZHI LEGS PAR GTAN LA PHEBS PA CIG SHIN TU GAL CHE LA, DE YANG RTZA RGYUD DANG, BSHAD RGYUD GZHAN BZHI LAS NI, DE RNAMS KYI MING TZAM LAN MANG DU BYUNG YANG, NGOS 'DZIN SHIN TU MI GSAL LA, YE SHES RDO RJE KUN LAS BTUS LAS MA RIG PA MUN PA DANG, SEMS BYUNG NYI 'OD DANG, SEMS ZLA 'OD BZHIN DU SNANG ZHES PA TZAM LAS GZHAN NGOS 'DZIN MA BYUNG NGO, ,YAB SRAS GZHAN BZHI'I GZHUNG DU YANG NGOS 'DZIN SHIN TU MI

GSAL BAS, SPYOD BSDUS NYID LA BRTEN NAS SHES DGOS SO, ,YE SHES RDO RJE KUN LAS BTUS LAS NI 'CHI BA'I 'OD GSAL LAS LUGS LDOG GI RIM PA'I STONG PA GSUM BSHAD LA, SPYOD BSDUS KYIS NI LAM DUS KYI STONG PA RNAMS THUN MONG DU BSHAD DO, ,DE LA STONG PA BZHI NI NAM MKHA' GA-YA' DAG GI DPES MTSON NAS STEN PA LA, DBYAR GYI CHAR GYIS SA'I RDUL BAR SNANG LA LDANG BA LEGS PAR MNAN PA DANG, SPRIN GYI SGRIB BYED DANG BRAL BA GNYIS TSOGS PA MANG DU 'BYUNG BA STON GYI DUS YIN PAS, STON GYI NAM MKHA' DPER BZUNG NGO, ,DE'I NAM MKHA' GA-YA' DAG PA LA NI NYIN PAR NYI 'OD KYIS KHYAB PA DANG, NAM SROD NAS SROD KYI SMAG 'THUG PO MA SANGS KYI BAR GYI THUN MTSAMS LA SMAG NAG PO 'THUG POS KHYAB PA DANG, DE SANGS PA'I 'OG TU ZLA 'OD SHAR NAS THO RANGS LA MA SLEB PA'I BAR DU ZLA 'OD KYIS KHYAB PA DANG, ZLA 'OD KYANG YAL NYI 'OD KYIS KYANG MA SLEBS PA'I THO RANGS KYI DUS NAM MKHA'I RANG MDOG JI BZHIN DU MI THON PA'I RGYU GSUM DANG BRAL BA'I SKABS SHIG STE BZHI YOD DO, ,DE LA PHYI MA NI STONG PA BZHI PA THAMS CAD STONG PA'I DPE YIN PAS RE ZHIG BZHAG LA, DPE SNGA MA GSUM GYI DANG PO NI MCHED PA DANG, GNYIS PA NI THOB PA DANG, GSUM PA NI SNANG BA DANG DPE DON DU SBYAR TE, YE SHES GSUM PO DE SHAR BA'I DUS SU NAM MKHA' GSUM PO DE DANG 'DRA BA'I NYAMS SHIG 'CHAR BA'O, ,GSUM PA'I SKABS SU, DNGOS PO MED PA'I GZUGS CAN, ZHES PA LA, CHAG 'GYUR LAS, RNAM PA MED PA'I RANG BZHIN ZHES DANG PO DANG MTHUN PAR BSGYUR BA LEGS LA, DE NI BAR PA LA, GZUNG 'DZIN

, ,DANG BRAL BA ZHES GSUNGS PA DANG DON GCIG GO ,DE YANG SNGAR BSHAD PA'I SNAD TSUL GSUM BZHIN 'CHAR BA MA GTOGS PA, GNYIS SNANG RAGS PA GZHAN RNAMS DE'I NGOR NUB PA'I DON NO, ,GSUM GA LA, LUS DANG NGAG MED PA ZHES PA NI, DE'I TSE LUS KYI GA-YO 'GUL DANG NGAG GI SMRA BRJOD LOG PA'O, ,JI LTAR NAS, BZHIN DU'I BAR NI BSHAD ZIN LA, NAM MKHA'I MTSAN NYID CES PA SMAG GIS NAM MKHA' LA KHYAB PA BZHIN DU ZHES SBYAR RO, ,RANG BZHIN GYIS GSAL BA'I RNAM PAR DMIGS ZHES PA NI, YUL SNANG DE GSAL POR BYUNG BA YIN LA, SHIN TU GSAL ZHES PA NI SNGA MA LAS KYANG CHES GSAL BA'O, ,DNGOS PO MA LUS PA LA DMIGS ZHES PA NI YUL SNANG DES PHYOGS MTSAMS KUN TU KHYAB PA'I DON YIN TE, DMIGS PA RGYA CHE CHUNG NI CI RIGS SU 'ONG NGO, ,DON DAM PA'I BYANG CHUB KYI SEMS DNGOS NI, LAM DUS KYI BDE STONG SBYOR BA'I YE SHES YIN TE, DE LTAR MIN PA'I LAM DANG GZHI DUS LA'ANG NYE BAR BTAGS NAS SO, ,NYER THOB DRAN MED DU SONG BA LA NI BDE STONG SBYOR BA MI 'ONG YANG, SPYIR NYER THOB LA DE MED PA MIN NO, ,PHRA BA NI RTOGS DKA' BA DANG, BDAG MED PA NI RANG BZHIN MED PA'I RNAM PA CAN TE, SROG RTZOL MI RGYU BA NI RLUNG 'BYUNG 'JUG MI BYED PA STE, DE RNAMS KYANG GSUM GA LA YOD MOD KYANG, NYER THOB LA SHAS CHE BAS SMOS SO, ,SEMS MED PA LA CHAG 'GYUR DU, DRAN PA MED PA NYID KYIS MI GA-YO BA'I TING NGE 'DZIN, ZHES 'BYUNG BA BDE'O, ,DE LTAR NA KUN RTOG GA-YO BA'I RLUNG THIM PA NA MAR ME 'BAR BA LTA BU'I RTAGS 'CHAR LA, DE'I RJES

SU 'CHAR BA'I SNANG BA NI, STON GYI NAM MKHA' GA-YA' DAG PA'I TSE MTSAN MO ZLA BA SHAR BA'I 'OD KYIS KHYAB PA'I NAM MKHA' BZHIN DU SHIN TU DANGS SHING STONG SANG DE BA LA, 'OD KYI SNANG BA DKAR PO'I RNAM PA CIG 'CHAR LA, DE MA GTOGS PA'I GNYIS SNANG RAGS PA GANG YANG MI 'CHAR RO, ,DPER NA, NAM MKHA' LA ZLA 'OD KYIS KHYAB KYANG, DES NAM MKHA' MI SGRIB PAR MTHONG BA BZHIN DU, 'DIR YANG 'OD SNANG DKAR PO'I RNAM PA SHAR BA DES NAM MKHA' DAG PA LTA BU'I STONG GSAL DE MI SGRIB PAR 'CHAR BA YIN NO, ,DE NAS SNANG BA DE BSDUS PA'I 'OG TU, SNANG BA MCHED PA SHAR BA NA, STON GYI NAM MKHA' GA-YA' DAG LA NYI 'OD KYIS KHYAB PA BZHIN DU, SNGA MA LAS KYANG CHES DANGS PA'I STONG SANG DE BA LA DMAR PO'AM, DMAR SER GYI RNAM PA 'CHAR TE, LHAG MA NI SNGA MA BZHIN NO, ,DE NAS SNANG BA DE YANG BSDUS PA'I 'OG TU NYER THOB SHAR BA NA, RLUNG 'GAG PA CHER SONG BAS YUL SNANG NI, STONG SNANG LA MTSAMS KYI SMAG GIS KHYAB PA 'DRA BA'I NAG PO'I RNAM PA 'CHAR LA, YUL CAN GYI DRAN PA NYAMS NAS DRAN MED DU 'GRO STE, SKYON CAN GYI DRAN PA NYAMS PA MIN NO, ,DE RNAMS NI 'CHI BA'I DUS SU RDZOGS PAR 'CHAR LA, GNYID KYI DUS SU SNA BUG GI RGYU BA MI LDOG PAS CHA 'DRA TZAM 'CHAR RO, ,LAM DUS SU NI SNYING KHA'I DH'U T'IR RLUNG BTZUD NAS THIM PA LA MTSAN NYID RNAMS TSANG BAR 'CHAR LA, GZHAN DU THIM PA LA DE'I TSOD TZAM MI 'CHAR RO, ,DE GSUM LA YANG GOMS PA SHAS CHE CHUNG DANG, RLUNG 'DU PHUL DANG, THIM PA SHAS CHE CHUNG GI DBANG GIS YUL SNANG RGYA CHE CHUNG DANG, SRAB 'THUG DANG, GNAS YUN RING THUNG SOGS MI 'DRA BA DU MA ZHIG 'BYUNG NGO, ,RLUNG

, ,SGOM PA SOGS KYI SKABS SU SNANG BA DANG PO GNYIS SNGON DU MA SHAR BAR, NAG THOM GYIS 'GRO BA'I DRAN MED 'ONG BA NI NYER THOB MIN NO, ,DE 'DRA BA'I STONG PA GSUM NI SGYU LUS THOB NAS DON GYI 'OD GSAL MNGON DU MA BYAS BAR DANG, DON GYI 'OD GSAL LAS LUGS LDOG TU LANGS PA'I SKABS DANG, SLOB PA'I ZUNG 'JUG THOB NAS MI SLOB PA'I ZUNG 'JUG MA THOB PA'I BAR DU YANG 'BYUNG MOD KYANG, SEMS DBEN MIN PA DE BZHIN DU, SEMS DBEN MA THOB PA'I GONG DU YANG STONG PA GSUM GYI YE SHES 'BYUNG BA YIN PAS, STONG PA GSUM GYI YE SHES DANG, SEMS DBEN GYI STONG PA'I YE SHES KYI KHYAB CHE CHUNG RNAMS PHYED PAR BYA'O, ,BOD SNGA MA 'GA' ZHIG DBANG SHES LA SOGS PA RTOG MED KYI SHES PA THAMS CAD SNANG BA GSUM GANG RUNG DU SMRA STE, 'DI LTAR SHES PA DES YUL DANG POR BZUNG BA NI SNANG BA DANG, DE NAS YUL GYI KHYAD PAR MTHONG BA GSAL DU SONG BA MA CHED PA DANG, MTHAR MI GSAL BA 'GAG PA LA PHYOGS PA NYER THOB TU 'DOD DO, ,'DI NI, RTZA BA DANG BSHAD PA'I RGYUD DANG, 'PHAGS PA YAB SRAS KYI GZHUNG GANG NAS KYANG MA BSHAD LA, SPYOD BSDUS LAS, SNANG BA GSUM GYI MTSAN NYID SNGAR BZHIN BSHAD PA DANG YANG 'GAL BAR SNANG NGO, ,DE LA SNGAR SEMS YID RNAM SHES GSUM DANG, MTSAN NYID GSUM LA SOGS PA SNANG BA GSUM GYI RNAM GRANGS SU GSUNGS PA NI, SNANG BA GSUM LA DE DAG GI SGRA 'JUG PA'I RGYU MTSAN RE YOD PA'I SGO NAS YIN GYI, DE RNAMS THAMS CAD SNANG BA GSUM DU STON PA MIN TE, YIN NA NI, RANG BZHIN BRGYAD CU YANG SNANG BAR 'GYUR BA SOGS KYI GNOD PA MANG NGO, ,'O NA, RIM LNGA LAS, MTSAN

MO NYIN MO MTSAMS BDAG NYID, ,SNANG DANG SNANG BA MCHED PA DANG, ,DE BZHIN SNANG BA NYER THOB PA'O, ,SEMS NI RNAM PA GSUM BSHAD NAS, ,DE YI SGRUB PA BRJOD PAR BYA, ,RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, ,CES PHRA MO'I RLUNG DANG 'DRES PA'I RNAM SHES MIG LA SOGS PA'I DBANG PO'I SGO NAS BYUNG NAS, YUL LA DMIGS PA RNAMS SNANG BA GSUM DU BSHAD PA JI LTAR YIN SNYAM NA, DE'I DON NI, SEMS GSUM BSHAD ZIN NAS GSUM PO DE'I SGRUB PA BRJOD CES PA LA, SPYOD BSDUS LO CHEN GYIS BSGYUR BA DANG CHAG 'GYUR LAS, DE'I GZHI NI ZHES 'BYUNG STE, SEMS GSUM GYI RTEN RLUNG BSHAD PAR BYA ZHES PA'I DON NO, ,DE YANG SEMS GSUM RLUNG DANG 'DRIS GYUR NAS TE, 'DRES TE RLUNG GIS GA-YOS PA LAS DBANG PO RNAMS KYI SGO NAS YUL LA DMIGS PA'I SHES PA DANG, RANG BZHIN RNAMS SKYED CES PA'I DON YIN TE, LUNG DE'I MJUG NYID NAS, GANG TSE SNANG BA LDAN GYUR PA,, RLUNG GI BZHON PAR GYUR PA YIN, ,DE TSE RANG BZHIN DE THAMS CAD, ,MA LUS LUS PA MED PAR 'BYUNG, ,RLUNG NI GANG DANG GAR GNAS PA, ,RANG BZHIN DE DANG DE RJES SPYOD, ,CES 'BYUNG BA SNGAR DRANGS PA DANG BCAS PA SPYOD BSDUS SU DRANGS NAS, DE DAG GI DON BSDUS PA NA, DE BAS NA KHAMS PHRA BAR 'JUG PA LAS, SKAD CIG DANG, THANG CIG DANG, YUD TZAM DANG, MIG 'DZUMS DANG, THAL MO BRDABS PAR SNANG BA GA-YO'O, ,DE NAS SKAD CIG DANG, THAD CIG DANG, YUD TZAM DANG ,MIG 'DZUMS

, ,DANG, THAL MO BRDABS PA LAS RANG BZHIN RNAMS RJES SU SPYOD PAR 'GYUR RO, ,ZHES GSUNGS PA'I PHYIR TE, DE RNAMS KYANG SKYE BA BLANGS PA'I DUS SU LUGS LDOG TU STONG PA GSUM SHAR BA LAS RIM GYIS BRGYUD NAS SKYES PA DANG, GNYID KYI STONG PA RNAMS LAS YANG YANG BSRE BA'I DON YIN GYI, 'JUG SHES RNAMS DANG RANG BZHIN GYI RTOG PA RNAMS NAM SKYE RES KYIS, STONG PA GSUM LAS DNGOS SU SKYE BAR STON PA MIN NO, ,SHES PA LA RTOG PA YOD MED GNYIS SU KHA TSON CHOD KYANG, SNANG BA DANG RANG BZHIN GYI RTOG PA GNYIS SU KHA TSON CHOD MI DGOS PAS, DBANG SHES RNAMS SNANG BA MIN YANG RANG BZHIN YIN MI DGOS SO, ,GNYIS PA NI, SNANG BA RNAMS DE LTAR YIN NA, RANG BZHIN BRGYAD CU'I RTOG PA RNAMS SNANG BA'I RANG BZHIN DU 'GRO TSUL DANG, SNANG BA LAS RANG BZHIN RNAMS SKYE TSUL JI LTAR YIN ZHE NA, SNANG BA DANG PO'I RANG BZHIN SO GSUM NI, RIM LNGA LAS, DE YI RANG BZHIN 'PHRO GSAL BA, ,DA NI RAB TU BSHAD PAR BYA, ,CHAGS BRAL DANG NI BAR MA NYID, ,DE BZHIN DU NI CHEN PO DAG ,YID LA 'GRO ZHING 'ONG BA DANG, ,MYA NGAN LA SOGS GSUM DE BZHIN, ,ZHI DANG RNAM RTOG 'JIGS PA DANG, ,'JIGS PA BAR MA SHIN TU 'JIGS, ,SRED DANG SRED PA BAR MA DANG, ,SHIN TU SRED DANG NYER LEN PA, ,MI DAG BKRES DANG SKOM NYID DANG, ,TSOR DANG TSOR BA BAR MA DANG, ,SHIN TU TSOR BA'I SKAD CIG DANG, ,RIG PA PO DANG RIG 'DZIN BZHI, ,SO SOR RTOG DANG NGO TSA SHES, ,SNYING RJE DANG NI BRTZE BA GSUM, ,DOGS DANG BSAGS PA NYID DANG NI, ,PHRAG

DOG CES NI BYA BAR GRAGS, ,RANG BZHIN SUM CU RTZA GSUM GANG, ,LUS CAN RNAMS KYIS RANG RIG STE, ,ZHES GSUNGS SO, ,DE LA CHAGS BRAL NI YUL MI 'DOD PA'I RNAM PA CAN YIN LA, DE LA SHAS CHE CHUNG 'BRING GSUM MO, ,YID LA STE YID KYI 'GRO BA NI PHYI'I YUL LA PHAR 'GRO BA DANG, 'ONG BA NI NANG GI YUL LA TSUR 'JUG PA'O, ,'DI KUN GYI SPYIR SBYAR ZHES 'GOS LUGS PA RNAMS BZHED DO, ,MYA NGAN NI YUL YID DU 'ONG BA DANG BRAL BA'I SEMS KYI GDUNG BA STE CHE CHUNG GSUM MO, ,ZHI PA NI SEMS ZHI BAR GNAS PA LA DON GSAL LAS BSHAD, SNGA MA RNAMS SEMS RNAL DU 'DUG PA'I DAL BA LA 'CHAD DO, ,RNAM RTOG NI DON GSAL LAS RGOD PAR GNAS PA DANG, SNGA MA RNAMS SEMS RTZING BAR RTOG PA LA 'CHAD DO, ,'JIGS PA NI YID DU MI 'ONG BA DANG PHRAD NAS SEMS SKRAG PA DANG, SRED PA NI YUL LA ZHEN PA STE DE GNYIS LA YANG GSUM GSUM MO, ,LEN PA NI 'DOD YON GYI YUL RNAMS LA KUN TU 'DZIN PA'O, ,MI DGE BA NI DGE BA'I LAS LA YID GNYIS ZA BAR DON GSAL DANG, RANG GI SEMS YI GSOD PAR SNGA MA RNAMS KYIS SO, ,'DI LA MI SHIS PA ZHES KYANG BSGYUR RO, ,BKRES PA NI ZAS DANG, SKOM PA NI BTUNG BA 'DOD PA LA SNGA MA RNAMS BZHED DO, ,CHAG 'GYUR LAS BKRES SKOM GNYIS GCIG TU BSDUS MOD KYANG, SNGA MA LTAR BDE'O, ,TSOR BA NI BDE SDUG BTANG SNYOMS GSUM YIN LA, DE LA YANG YUL GYI SGO NAS CHE CHUNG GSUM MO, ,RIG PA PO DANG, RIG PAR BYED PA DANG, RIG BYA'I LAS TE DE GSUM LA RTOG PA GSUM MO, ,SO SOR RTOG PA NI RIGS PA DANG MI RIGS PA DPYOD PA'O, ,NGO TSA SHES

, ,PA NI RANG NGAM CHOS RGYU MTSAN DU BYAS NAS KHA NA MA THO BA LA 'DZEM PA'O, ,SNYING RJE NI SDUG BSNGAL DANG BRAL BAR 'DOD PA'O, ,BRTZE BA NI DMIGS BYA YONGS SU SRUNG BA DANG SDUG PA DANG PHRAD PAR 'DOD PA STE GSUM MO, ,DOGS PA NI YI 'PHRIG PA'I SEMS NGES PAR MI GNAS PA'O, ,BSAGS PA NI YO BYAD SDUD PA'I SEMS SO, ,PHRAG DOG NI GZHAN GYI PHUN TSOGS LA SEMS 'KHRUG PA'O, ,DON GSAL DANG, CHAG 'GYUR LAS, SER SNA ZHES 'BYUNG YANG, RIM LNGA DANG,, SPYOD BSDUS 'GYUR SNYING LAS PHRAG DOG TU BSGYUR BA LEGS SO, ,RANG BZHIN BZHI BCU NI, RIM LNGA LAS, CHAGS DANG ZHEN DANG DE BZHIN DGA', ,DGA' BA BAR MA SHIN TU DGA', ,RANGS DANG SHIN TU MGU BA DANG, ,NGO MTSAR DE BZHIN RGOD PA DANG; ;TSIM DANG DE BZHIN 'KHYUD PA DANG, ,'O BYED DE BZHIN 'JIB PA DANG, ,BRTAN DANG BRTZON DANG NGA RGYAL DANG, ,BYA DANG DBROG DANG STOBS DANG NI, ,SPRO DANG LHAN CIG SKYES NYID DANG, ,DE BZHIN LHAN CIG SKYES BAR MA, ,SHIN TU LHAN CIG SKYES DANG DRAG ,RNAM PAR SGEG DANG ZHE 'GRAS NYID, ,DGE DANG TSIG GSAL BDEN PA DANG, ,MI BDEN PA DANG DE BZHIN NGES, ,NYE BAR MI LEN SBYIN PA PO, ,SKUL DANG DE BZHIN DPA' BO DANG, ,NGO TSA MED DANG SGYU DANG GDUG ,MI SRUN PA DANG GYA GYU NYID; ;MTSAN NYID BZHI BCU GANG YIN PA, ,SHIN TU STONG PA'I SKAD CIG STE, ,ZHES GSUNGS PA'O, ,CHAGS PA NI MA THOB PA'I YUL LA YID CHAGS PA'O, ,ZHEN PA NI THOB PA'I YUL LA YID CHAGS PA'O, ,YID DU 'ONG BA MTHONG NAS SEMS

DGA' BA LA CHE CHUNG 'BRING GSUM MO, ,RANGS PA NI 'DOD DON GRUB PAS BDE BA'I SEMS SO, ,RAB TU MGU BA NI DE'I RNAM PA'I SEMS KYIS YANG DANG YANG DU MYONG BA'O, ,NGO MTSAR NI GTAM SNA TSOGS PAS CI 'DI YIN NAM MIN SNYAM DU THE TSOM ZA BA LA DON GSAL GYIS BSHAD KYANG, SNGA MA RNAMS SNGAR MA BYUNG BA'I DON LA SEMS PA MTHONG BA LA 'CHAD PA LTAR RO, ,RGOD PA NI YID 'ONG MTHONG BAS SEMS GA-YANG BA'O, ,TSIM PA NI BDE BA'I RNAM PA MYONG BA LA DON GSAL GYIS BSHAD KYANG; ;YUL DES NGOMS PA'I RTOG PA'O, ,'KHYUD PA DANG, 'O BYED PA DANG, 'JIB PA NI DE RNAMS BYA BAR 'DOD PA'I SEMS SO, ,BRTAN PA NI RGYUD MI 'GYUR BA'I SEMS SO, ,BRTZON PA NI DGE BA LA GZHOL BA'O, ,NGA RGYAL NI MTHONG BAR SEMS PA'O, ,BYA BA'AM LAS NI RTAG TU BYED PA'I BYA BA RDZOGS PAR BYED PA'O, ,DBROG PA NI NOR 'PHROG PAR 'DOD PA'O, ,STOBS NI GZHAN GYI DPUNG 'JOMS PAR 'DOD PA'O, ,SPRO BA NI DGE BA'I LAM LA GOMS PAR BYED PA'I SEMS SO, ,LHAN CIG SKYES ZHES PA LA, DE'I SKAD DED SA HA DZA ZHES PA RGYA DPE LA MED CING, SA HA SA ZHES PA YOD DE BSGYUR NA TSAM TSOM MAM DKA' BA LA SBYOR BA ZHES PAR 'GYUR ZHES SNGON GYI MKHAS PA DAG GSUNG STE, 'GREL PA DON GSAL LAS TSAM TSOM MED CES 'DON CING, DE'I DON DREGS PA'I DBANG GIS MI DGE BA SPYOD PA LA 'CHAD DO, ,SPYOD BSDUS 'GYUR RNYING LAS DKA' BA LA SBYOR BA ZHES 'BYUNG LA CHAG GIS RIM LNGAR NUS PA DANG, SPYOD BSDUS SU TSAM TSOM MED PAR BSGYUR RO, ,

, ,SNGON GYI MKHAS PA DAG YUL LA 'BAD PAS SBYOR BA CHUNG 'BRING CHE GSUM LA 'CHAD DO, ,DRAG PA NI RGYU MED PAR YANG DAM PA RNAMS DANG RTZOD 'DOD PA'O, ,SGEG PA NI YID 'ONG MTHONG BAS 'GYING BA'AM RTZE BAR 'DOD PA'O, ,ZHE 'GRAS PA NI 'KHON DU 'DZIN PA'I SEMS SO, ,DGE BA NI DE'I LAS RTZOL BAR 'DOD PA DANG, TSIG GSAL BA DANG BDEN PA NI GZHAN GYIS GO BAR DANG, 'DU SHAS MA BSGYUR BAR SMRA 'DOD PA'O, ,MI BDEN PA NI 'DU SHES BSGYUR TE SMRA 'DOD PA'O, ,NGES PA NI YI DAM SHIN TU BRTAN PA'O, ,NYE BAR MI LEN PA NI YUL YONGS SU 'DZIN PAR MI 'DOD PA'O, ,SPYIN PA PO NI BDOG PA GTONG BAR 'DOD PA'O, ,SKUL BA NI GZHAN LE LO CAN SKUL BAR 'DOD PA'O, ,DPA' BO NI NYON MONGS SOGS KYI DGRA LAS RGYAL BAR 'DOD PA'O, ,NGO TSA MED PA NI BDAG GAM CHOS KYI DBANG DU BYAS NAS MI 'DZOM PAR MI DGE BA LA 'JUG PA'O, ,SGYU NI BCOS MAS GZHAN SLU BA'O, ,SGRIN DANG ZHES 'BYUNG BA LTAR NI BAG RNO BA'I SEMS SO ZHES ZER RO, ,GDUG PA NI LTA BA NGAN PA LA BYANG BA'O, , MI SRUN PA NI GZHAN LA MTHO 'TSAM PA'O, ,GYA GYU NI MI DRANG BA'O, ,RKANG PA THA MA GNYIS LA CHAG 'GYUR LAS, RANG BZHIN BZHI BCU'I SKAD CIG RNAMS, ,SHIN TU STONG PA LAS SKYES TE, ,ZHES 'BYUNG NGO, ,RANG BZHIN BDUN NI, RIM LNGA LAS, CHAGS PA BAR MA'I SKAD CIG DANG, ,BRJED NGAS PA DANG 'KHRUL PA DANG, ,MI SMRA GYUR DANG SKYO BA DANG, ,LE LO DE BZHIN THE TSOM STE, ,ZHES GSUNGS SO, ,BRJED NGAS NI DRAN PA NYAMS PA'O, ,'KHRUL PA NI SMIG RGYU LA CHUR 'DZIN SOGS DANG, MI SMRA BA NI SMRA SNYING

MI 'DOD PA DANG, SKYO BA NI YID SUN PA DANG, LE LO NI DGE BA LA MI SPRO BA STE, GZHAN GNYIS NI GO BAR ZAD DO, ,RTOG PA TSAN PA GSUM PO 'DI NI, YUL HA CANG 'DOD PA DANG, HA CANG MI 'DOD PA DANG, BAR MA GSUM GYI SGO NAS 'JUG PA'I RIGS GSUM DU 'DU BA'I SGO NAS BSHAD RGYU 'DRA BA CIG SNANG NA'ANG, 'GREL PA DON GSAL DANG, SNGA MA RNAMS KYIS BSHAD PA LA BRTEN NAS SNGAR BZHIN BSHAD DO, ,'GREL PA NOR BU'I 'PHRENG BAR 'DI'I RTOG PA RNAMS SEMS BYUNG NGA GCIG GI GANG GI NANG DU 'DU BA'I TSUL BSHAD SNANG NA'ANG YID CHAS MI THOB PAR SNANG BAS MA BKOD DO, ,DE 'DRA BA'I RTOG PA TSAN GSUM SNANG BA GSUM GYI RANG BZHIN DU SPYOD BSDUS LAS GSUNGS PA LA, RANG BZHIN GYI SKAD DOD SVA BH'A BA NI 'BYUNG BA DANG, RANG BZHIN DANG, DNGOS PO LA 'JUG PAS, 'BYUNG BA'I DON DU DRANG DU YANG YOD MOD KYANG, SPYOD BSDUS LAS MDOR BSTAN DU, RANG BZHIN NI, ZHES GSUNGS SHING, DON BSDUR MTSAN NYID SO GSUM DANG BZHI BCU'O ZHES DANG, DE'I RANG BZHIN GYI MTSAN NYID BDUN PO 'DI DAG GO, ZHES SNANG BA GSUM GYI MTSAN NYID DU YANG GSUNGS SO, ,LAG SMIS RANG BZHIN GYI DON DE'I BDAG NYID YIN PA DANG, DON GSAL LAS DE'I KHONGS SU GTOGS PA LA 'CHAD PA MI 'THAD DE, 'PHAGS PA LHA'I BDAG BYIN BRLABS LAS, SA YI KHAMS NI CHU LA THIM, CHU NI ME LA THIM PAR 'GYUR, ,ME NI PHRA BA'I KHAMS LA'O, , RLUNG NI SEMS LA THIM PAR 'GYUR, ,SEMS NI SEMS LAS BYUNG LA THIM, ,SEMS LAS BYUNG BAM RIG PAR, ,DE YANG 'OD GSAL BAR 'GRO'O, ,ZHES SEMS SNANG BA SKYES PA'I SNGON DU RLUNG THIM PAR GSUNGS LA, DE NI KUN RTOG GA-YO BYED KYI RLUNG YIN PA'I PHYIR

, ,DE'I DUS SU KUN RTOGS KYANG THIM DGOS PA'I PHYIR DANG, SNANG BA DANG RANG BZHIN GNYIS NI CHES SHIN TU MI MTHUN PA'I PHYIR RO, ,SKYE RIM GYI SKABS SU YANG YE SHES RDO RJE KUN LAS BTUS LAS, SNANG BA GSUM SKYES PA'I 'OG TU RANG BZHIN GYI RTOG PA RNAMS SKYE BAR GSUNGS SHING, LAS MTHA' RNAM 'BYED LAS KYANG, STONG PA GSUM SKYES PA'I 'OG TU RANG BZHIN BRGYA DRUG CU SKYE BAR GSUNGS LA, RANG BZHIN TSAN PA DANG PO SNANG BA'I YE SHES KYI RGYU CAN TE 'BRAS BUR GSUNGS PA NI, RANG BZHIN TSAN PA GZHAN GNYIS LA'ANG 'DRA BAS NA, DE'I DPE KHA CIG LAS, RANG BZHIN BDUN MA RIG PA'I DUS SU 'BYUNG BAR BSHAD PA NI DPE MA DAG PA'O, ,RLUNG SNANG BA LA THIM PAR GSUNGS LA, SNANG BA SKYES PA'I SNGON DU SNANG BA MED PAS DE LA THIM PA MI RUNG NGO SNYAM NA, DE LTA NA SNANG MCHED THOB GSUM DANG 'OD GSAL RNAMS LA'ANG DE LTAR GSUNGS PAS, PHYI MA SKYES PA'I 'OG TU SNGA MA THIM DGOS PAS DE RNAMS RGYU 'DRAS MIN PA DANG, SNGA PHYI'I RIM PA BZHAG TU MED PAR 'GYUR NA, DE NI 'DOD PAR MI NUS TE, RIM LNGA LAS, STONG NYID SHIN TU STONG PA DANG, ,GSUM PA STONG PA CHEN PO DANG, ,BZHI PA THAMS CAD STONG PA NI, ,RGYU DANG 'BRAS BU'I BYE BRAG GO ,ZHES GSUNGS PA'I PHYIR RO, , DES NA SNGA MA PHYI MA LA THIM ZHES PA NI SNGA MA'I NUS PA BSDUS NAS MI GSAL DU SONG BA NA, PHYI MA LA NUS PA 'PHOS PA 'DRA BA CIG BYUNG BA LA DER BTAGS PA TZAM MO, ,DE'I PHYIR THIM PA'I DUS SU DANG POR RANG BZHIN SO GSUM 'GAG

DA NAS SNANG BA SKYE, DE RJES RANG BZHIN BZHI BCU 'GAG ,DE NAS MCHED PA SKYE ZHES SOGS 'DOD PA DANG, YANG DA LTAR 'DOD BZHIN DU RANG BZHIN DANG SNANG BA GNYIS MTSUNGS LDAN DU 'DOD PA DANG, SKYE BA'I DUS SU DANG PO NYER THOB SKYE, DE NAS DE LAS RANG BZHIN BDUN SKYE ZHES SOGS SMRA BA'O, ,DE LA SNANG BA LAS RANG BZHIN 'BYUNG BAR SPYOD BSDUS LAS GSUNGS PA NI SNGAR DRANGS SHING, RIM LNGA CHOG 'GYUR LAS KYANG, RANG BZHIN SO GSUM DE NI SNGAR SNANG BA GSUM GYI MTSAN NYID BSHAD PA LTAR NGO BO THA MI DAD MIN GYI, BYA ROG GIS KHANG BZANG MTSON PA LTAR NGO BO THA DAD PA'I MTSON BYED LA MTSAN NYID DU GSUNGS PA'O, ,DE YANG SPYOD BSDUS LAS, DE BZHIN DU RNAM PAR SHES PA SNANG BA YANG GZUGS MED PA LA, 'DOD CHAGS DANG 'DOD CHAGS DANG BRAL BA DANG 'DOD CHAGS BAR MA LA SOGS PA'I RANG BZHIN RNAMS LA RJES SU DPAG PAR BYA BA'O, ,ZHES RANG BZHIN GYIS SNANG BA RJES SU DPOG PAR GSUNGS PAS SNANG BA'I MTSON BYED DO, ,DPOG LUGS NI, RANG BZHIN GYI RTOG PA LA SHAS CHE CHUNG BAR MA GSUM SNANG BAS, DE RNAMS SKYED PA'I SNANG BA RLUNG GI BZHON PA CAN LA YANG, GA-YO BA SHAS CHE CHUNG BAR

, ,MA GSUM YOD PAR DPOG GO ,DE LTAR NA RNAM RTOG GA-YO BA SHAS CHUNG BA BDUN GANG RUNG GI RTOG PA NI, SNANG BA RLUNG GI BZHON PA CAN GYI GA-YO BA SHAS CHUNG BA'I LAG RJES YIN PAS NYER THOB KYI 'BRAS BUR BZHAG STE, GZHAN GNYIS LA'ANG DE'I RIGS BA SBYAR RO, ,LAM BSGOMS STOBS KYIS YE SHES GSUM 'DREN NUS PA'I RNAL 'BYOR PAS NI, DE GSUM MNGON GYUR DU NGES NUS PAS RTAGS LAS RJES SU DPOG PA MIN NO, ,DE'I PHYIR RANG BZHIN GYIS SNANG BA RJES SU DPAG DGOS BA NI DE 'DRA MIN PA'I GANG ZAG LA YIN PAS, DBANG SHES THAMS CAD SNANG BA GSUM GANG RUNG DU 'DOD PA MI 'THAD DE, DBANG SHES NI RTAGS LAS DPAG MI DGOS PAR MNGON SUM DU NGES PA'I PHYIR RO, ,GANG ZAG THA MAL PAS NI SKYE 'CHI LA SOGS PA'I DUS SU SNANG BA GSUM 'OD GSAL DANG BCAS PA NYAMS SU MYONG YANG, DE LA MNGON SUM GYI STOBS KYIS NGES PA 'DREN MI NUS SO, ,RANG BZHIN BRGYA DRUG CU NI NYIN MTSAN RE RE LA BRGYAD CU PA RE SPYOD PA'I SGO NAS PHYE BA YIN LA, RDO RJE 'PHRENG BA LAS, RLUNG BRGYA RTZA BRGYAD KYIS BSKYOD PA'I KUN RTOG BRGYA RTZA BRGYAD DU YANG BSHAD DO, ,DE LTAR NA GZHI LA KUN RTOG GA-YO BA'I RLUNG THIM MA THIM GNYIS LAS MA THIM PA NI RANG BZHIN RNAMS 'BYUNG BA'I DUS YIN ZHING, THIM PA LA SNANG BA GSUM GYI RLUNG THIM MA THIM GNYIS LAS MA THIM LA NI STONG PA GSUM GYI DUS YIN LA, THIM PA NI 'OD GSAL 'CHAR BA'I DUS SO, ,LAM DUS SU YANG DE JI BZHIN DU SKYED PA YIN TE, STONG PA BZHI DANG KUN RTOG RNAMS KYI THIM RIM DANG, SKYE RIM

GTAN LA PHAB PA'I DGOS PA YANG DE YIN NO, ,DE 'DRA BA NI 'DUS PA'I RTZA BSHAD KYI SKOR NAS 'BYUNG BA'I DON, YAB SRAS KYIS BKRAL BA LTAR GZHAN NA MI GSAL LA, DE LA YANG SANGS RGYAS THAMS CAD KYI MAN NGAG ,RANG GI BLA MA KLU SGRUB KYI DRIN GYI BSTAN PAR SPYOD BSDUS LAS BSNGAGS PA NI, 'OD GSAL DANG SGYU MA'I SKU THUN MONG MA YIN PA SGRUB TSUL NI 'DI SHES PA LA RAG LAS PA'I GNAD KYIS YIN NO, ,GSUM PA LA GNYIS, LUGS SO SO BA RNAM PAR BZHAG PA DANG, DE DAG LAS 'THAD PA'I PHYOGS RNAM PAR DGOD PA'O, ,DANG PO NI, LAG SMI DANG SKAL LDAN GRAGS PA SOGS KYIS, LTE BAR 'KHOR LO RTZIBS BRGYAD PA'I LTE BAR AOm BKOD NAS DES SPROS PA'I AOm A'A: H'Um GSUM SPYI BO DANG MGRIN PA DANG SNYING KHAR BKOD NAS, DE NAS AOm LAS 'OD GZER DKAR PO 'PHROS PAS AOm BKUG STE, LTE BA'I YI GE LA BSTIMS NAS, DER SEMS RTZE GCIG TU GNAS PAR BYAS NAS, SNANG BA'I YE SHES SKYED PA DANG, DE BZHIN DU 'KHOR LO'I LTE BAR A'A: DMAR PO DANG, THIG LE TZAM DMIGS TE, DE'I 'OD ZER DMAR PO DANG, NAG POS A'A: DANG H'Um GNYIS RIM PA BZHIN DU BKUG NAS LTE BAR THIM PAR BYAS PA LA RTZE GCIG TU DMIGS NAS, SNANG BA MCHED PA DANG NYER THOB KYI YE SHES BSKYED, DE NAS THIG LE DANG 'KHOR LO YANG LTE BA'I NAM MKHA' LA THIM PAR BSGOMS PAS, RTAGS LNGA SNGON DU 'GRO BA'I 'OD GSAL SKYE BAR BSHAD DE, YE SHES DANG PO GNYIS KYI RNAM GRANGS SU AO DANG A'A: GSUNGS PA DANG, NYER THOG KYI SKABS SU, SA BON THIG LER LDAN MIN LA, ,RLUNG GI SGO NAS

, ,'BYUNG BA MIN, GANG ZHIG SNANG BA THOB PA NI, ,YONGS SU RDZOGS PA'I MTSAN NYID DO, ,ZHES RIM LNGA LAS GSUNGS PA'I MAN NGAG TU BYED DE, 'DI NI SNGAGS KYI RIM PA'I THABS KYIS SEMS DBEN SKYED PA'O, ,PHYAG RGYA'I RIM PAS SKYED PA NI, RIM LNGAR GSUNGS PA LTAR TE, DE LAS STONG PA RNAMS SKYE TSUL NI SNGAR BSHAD ZIN NO, ,RJE 'GOS KYIS, NAG PO DAM TSIG RDO RJE'I LUGS DANG, BTZUN MO CAN GYI LUGS GNYIS KYI SEMS DBEN SKYED THABS GNYIS BSHAD PA'I DANG PO LA, 'OG SGO'I LAM NI LAS RGYA LA BRTEN PA DANG, STENG SGO NI SPYI BOR HAm, MGRIN PAR Am, SNYING KHAR AA BSGOMS PA'I 'OD KYI SPRO BSDUS NANG GI BYANG CHUB KYI SEMS RANG SHUGS SU ZHU BA'I BDE BA CHE CHUNG 'BRENG GSUM SKYES PA YIS, RANG BZHIN PHRA RAGS GSUM 'GAGS PA'I BDE STONG LA GOMS PAR BYA STE, DE NI SNGAR GYI MKHAS PAS SGRUB PA'I RGYUD TSOD DE YIN ZHES 'CHAD DO SKAD CES BSHAD CING, DE YANG A'ARYA DE BA'I LUNG ZHIG DRANGS NAS DE'I DON DU BSHAD DO, ,LUNG DRANGS PA DANG DE'I BSHAD PA BYAS PA GNYIS YE MI MTHUN PAR SNANG LA, 'CHAD DE SKAD CES MA RANGS PA LTAR YANG SNANG STE, BLA MA DAM TSIG RDO RJE'I GSUNG BGROS LAS BYUNG BA CIG BKOD PAR MNGON TE, DE LTA 'DUG PA'I 'PHAGS PA LHA'I GZHUNG GANG NA'ANG MI SNANG NGO, ,LUGS GNYIS PA LA NI, LAS RGYA LA BRTEN NAS SKYED PA MA GTOGS PA, YI GE SGOM PA SOGS MI SNANG ZHING, 'GOS KYI SLOB MA RNGOG YE SHES SENG GE SOGS KYIS

KYANG PHYI MA BZHIN DU BSHAD DO, ,'GOS KYI BSHAD SROL 'DZIN PA GZHAN KHA CIG NI, BTZUN MO CAN GYI LUGS KYIS 'OG SGO LA BRTEN PA SNGAR DANG 'DRA, STENG SGO LA BRTEN PA NI, RDOR BZLAS KYIS RLUNG LAS SU RUNG BA CIG GIS SNYING KHAR ZLA BA'I STENG DU PADMA LA Am BSAMS LA, DE LAS 'OD ZER SHIN TU PHRA BA ZLA BA LTAR DKAR LA BSIL BA RTZA DBU MA NAS ZHUGS NAS, SPYI BO'I HAm BSKUL BAS HAm LAS BYANG SEMS DKAR TZA RA RA Am LA BABS PAS, Am JE GSAL JE GSAL DU GYUR PA LAS, MTHAR SEMS BDE BA ZLA BA LTAR GSAL BA'I SNANG BA'I YE SHES SKYE'O, ,DE BZHIN DU SNYING KHAR NYI MA'I STENG DU RDO RJE'I LTE BA LA A'A: DANG, GDAN GANG LA YANG MA BRTEN PA'I AA RKYANG ZHIG BSAMS LA, NYI MA LTAR TSA BA'I 'OD ZER DANG, 'OD ZER NAG PO SHIN TU PHRA BA DBU MA NAS GTONG BA SOGS SNGAR BZHIN BYAS PAS YE SHES PHYI MA GNYIS SKYED PA YIN NO, ,'GOS KYI BLA MA SA RA HAS SPRO BSDU MI BYED PAR YI GE GSUM LA DMIGS PA LAS YE SHES GSUM SKYE BAR BZHED DO, ,DE RNAMS KYANG ZLA NYE DANG YI GE SOGS YE SHES RNAMS KYI RNAM GRANGS SU BSHAD PA'I MAN NGAG TU 'DOD LA, BLA MA MNGON SHES CAN NI DE RNAMS DE DAG GI MANG GI RNAM GRANGS SU BSHAD PA TZAM YIN GYI DE LTAR SGOM PA STON PA MIN PAR BZHED CES ZER RO, ,'DI NI 'GOS KYI STONG THUN DANG BSTUN NA BTZUN MO CAN GYI BZHED PAR MI 'GRIG GO ,N'A RO PA'I MAN NGAG RJE MAR BA LAS BRGYUD PA GSER SDINGS PAS MDZAD PA LTAR NA, 'KHOR LO YOD MED GNYIS LAS, YOD PA'I 'GOD TSUL NI SNGAR BZHIN TE, RDOR BZLAS KYI

, ,DUS SU 'KHOR LO MI SDUD LA, SEMS DMIGS KYI DUS SU SDUD DO, ,SEMS DMIGS LA SLOB PA'I SKABS SU STENG 'OG GI RLUNG KHA SBYAR 'DZIN PA NI, MAN NGAG CHE BA BZHI DANG, CHUNG BA GSUM GA NAS BSHAD LA, DE YANG SNYING KHAR 'DZIN PAR DON LNGA MAR BSHAD DO, ,RLUNG BZUNG NAS PAD 'DAB PHYI MA'I YI GE LA DMIGS NAS BSGOMS PAS STONG PA DANG PO DANG, DE NAS PHYI MA BAR MA LA BSDUS NAS BAR MA LA DMIGS NAS BSGOMS PAS SHIN TU STONG PA DANG, DE NAS DE YANG NANG MA'I YI GE BZHI LA BSDUS NAS, DE LA DMIGS TE BSGOMS PAS STONG PA CHEN PO SKYE BAR YANG BSHAD LA, YANG DANG PO NAS PAD 'DAB DANG PO THIM PAR BYED PA DANG, DANG PO LA DMIGS NAS ZLA 'OD LTAR DKAR POR SNANG BA'I RTAGS CAN BYUNG ZIN PA'I 'OG TU, PAD 'DAB DANG PO GNYIS PA LA BSTIMS NAS BSGOMS PAS, RANG BZHIN SO GSUM 'GAG CES PA DANG PAD 'DAB PHYI MA'I YI GE LA DMIGS DUS SU LHA SKU DE LA BSDUS NA LEGS ZHES PA DANG, YANG STONG PA GSUM BSKYED PA'I 'OG TU LHA SKU DBUS KYI THIG LE LA SDUD ZER BA DANG, PAD 'DAB DANG PO'I YI GE LAS 'OD SPROS PAS SNOD BCUD SBYANGS PA DE K'A LI LA SDUD KYANG ZER, YANG A'A LI LA SDUD ZER BA SOGS MI MTHUN PA DU MA ZHIG SNANG YANG, 'DOD PA DNGOS GZHI SNGA MA LTAR YIN PAR MNGON NO, ,DE GSUM LA RIM PA BZHIN BYANG SEMS RDO RJE'I RTZA BA DANG RKED PA DANG RDO RJE'I BUM PAR SLEB PA TZAM GYI BDE NYAMS 'BYUNG BAR 'KHOR LO CAN DANG DON BZHI MAR BSHAD

LA, DON LNGA MAR DANG PO LA BYANG SEMS GNAS NAS GA-YOS PA TZAM GYI BDE BA 'BYUNG ZER YANG SNGA MA GNYIS DANG MTHUN PAR 'ONG RGYU YIN NO, ,'KHOR LO CAN DU RDOR BZLAS SNGON DU BTANG NAS RLUNG KHA SBYOR 'DZIN PA SPEL MAR BYED PAR BSHAD LA, DE DAG LA RTAGS DANG RTAGS CAN 'CHAR LUGS RNAMS KYANG MI MTHUN PA DU MA ZHIG 'DUG STE MA BRIS SO, ,'KHOR LO MED PA LA GSUM LAS, DANG PO LAS NI, RANG LHAR GSAL BA'I THUGS KAR 'OD ME LONG TZAM ZHIG GI DBUS SU, THIG LE AA THUNG GIS MTSAN PA CIG SGOM, DE NAS RDOR BZLAS BYED PA SNGAR DANG 'DRA BA LA, SEMS DMIGS NI RLUNG STENG 'OG KHA SBYAR BZUNG STE LHA SKU DANG, 'OD DANG, THIG LE DANG, AA THUNG RNAMS SNGA MA PHYI MA LA BSDUS NAS BSGOMS PAS STONG PA GSUM SKYE BAR BSHAD DO, ,'DI LA 'KHOR LO MED PA ZER BA NI SPYI MING SGOS LA BTAGS PA'O, ,RIM LNGA SEMS DPA' SUM BRTZEGS LAS, RANG DAM TSIG SEMS DPAR GSAL BA'I THUGS KAR YE SHES SEMS DPA' MTHE BONG TZAM ZHIG DANG, DE'I THUGS KAR RDO RJE YUNGS 'BRU TZAM GYI LTE BAR TING NGE 'DZIN SEMS DPA' H'Um MTHING NAG SPUS BRIS PA TZAM ZHIG BSGOMS NAS, RDOR BZLAS SNGAR DANG 'DRA BA LA, SEMS DMIGS NI, RLUNG KHA SBYAR BZUNG NAS SEMS DPA' GNYIS DANG RDO RJE DANG H'Um YIG RNAMS SNGA MA PHYI MA LA BSDUS NAS BSGOMS PAS STONG PA GSUM SKYE BAR BSHAD DO, ,RIM LNGA CIG CAR BA LAS, RANG LHAR GSAL BA'I THUGS KAR PADMA DMAR PO 'DAB MA BZHI PA'I LTE BAR THIG LE DKAR PO AA THUNG NAG PO DANG BCAS PA CIG BSGOMS

, ,NAS, RDOR BZLAS BYED PA SNGAR DANG 'DRA BA LA, SEMS DMIGS NI, LHA SKU DANG PAD 'DAB DANG THIG LE LA SEMS GTAD PA NA STONG PA GSUM SKYE BAR BSHAD CING, LHA SKU DANG PAD 'DAB DANG THIG LE DANG AA THUNG RNAMS SNGA MA PHYI MA LA BSDU BAR BSHAD KYANG, DE'I THIM RIM LA STONG PA GSUM MA BZHAG PA NI, NOR PA YIN PAR SNGA MA GNYIS KYI GNAD KYIS KYANG SHES PAS, THIM RIM GSUM LA STONG PA GSUM SKYE BA SNGA MA RNAMS DANG MTHUN PAR BYA'O, ,'DI RNAMS LA SMIG RGYU LA SOGS PA'I RTAGS LNGA BYUNG BYUNG BAR DU RDOR BZLAS BYED PA DGONGS PAR SNANG STE LEGS SO, ,GDAMS NGAG RGYAS BSDUS DE DAG GI LUGS KYIS NI, SEMS SBEN SKYED PA LA RLUNG KHA SPYAR 'DZIN PA DANG, DMIGS PA'I SDUD RIM CIG STE GNYIS TSIGS NAS BYED PA YIN NO, ,SEMS DBEN LAS RGYA LA BRTEN NAS SKYED PAR RIM LNGAR BSHAD PA LA, RIM LNGA BSDUS PA DANG, GSER SDINGS PA'I MAN NGAG LAS DE GSAL BAR MI 'BYUNG YANG, PHYAG CHEN LAS RGYAL BRTEN NAS SPYIR BDE BA SKYED TSUL GYI GDAMS PA CIG SNANG BA DER MNGON NO, ,MAR LUGS PA GZHAN KHA CIG NI, RLUNG KHA SBYOR MI 'DZIN PAR YI GE TSAN PA GSUM LA DMIGS NAS, RIM PA BZHIN RDOR BZLAS BYAS PAS RTOG PA TSAN PA GSUM SPYONG BA DANG, YE SHES GSUM SKYE BAR 'DOD DO, ,N'A RO PA'I MAN NGAG NAG TSO LA BRGYUD PA LAS NI, SEMS KYI GNAS LUGS BDE BAS GROGS BYAS NAS RTOGS DGOS PA LA GNYIS LAS, CHAGS CAN 'OG SGO LA BRTEN PA NI, LAS RGYA LA BRTEN PA YIN LA, CHAGS

BRAL STENG SGO LA BRTEN PA LA, YI GA'I 'PHRENG BA DANG, YI GE TZAM DANG, YI GE MED PAR YANG BDE BSKYED PA GSUM GYI DANG PO'I DBANG DU BYAS NA, SNYING KHA'I YI GE TSAN GSUM LAS SPROS PA'I 'OD ZER KYIS, SPYI BO'I Hm BZHU BAS SNYING GA KHENGS PAR BSGOM ZHING, BDE BA SKYES PA NA RLUNG BAG RE 'DZIN PAR BSHAD PA MA GTOGS PA, SNGON DU RLUNG KHA SBYOR 'DZIN PA DANG, SDUD RIM GYI DMIGS PA MI SNANG NGO, ,GNYIS PA LA GNYIS, LUGS DE RNAMS JI LTAR YIN RNAM PAR DPYAD PA DANG, GNAS PA'I PHYOGS RNAM PAR BZHAG PA'O, ,DANG PO NI, RLUNG THOG MAR DH'U T'IR BSDUS NAS THIM PA LA LUS KYI GNAD NGES PA CAN DGOS KYANG, RDOR BZLAS LA SOGS PA'I LUS LA GNAD DU BSNUN PA'I THABS BSGOMS NAS, RLUNG DH'U T'IR BTZUD PA THIM PA LAS STONG PA BZHI DANG, DGA' BA SKYED PA LA BYANG BA CIG GIS DMIGS PA CI 'DRA ZHIG LA DMIGS NAS SEMS ZIN PA NA RLUNG 'DUS TE, NYAMS DE RNAMS CI RIGS PAR SKYE BA CIG SNANG NGO, ,DE NI SNGA MA'I SHUGS KYIS BYUNG BA YIN GYI, PHYI MA'I DMIGS PA DA'I LAG RJES YIN PAR MA NGES SO, ,NGES NA RDOR BZLAS LA LEGS PAR BSLABS NAS, LOBS PA CIG GIS SNGAR BSHAD PA'I DMIGS PA RNAMS BZUNG BAS, NYAMS DE RNAMS SKYES BYUNG NA RGYU MTSAN DES GDAMS NGAG DE GZHUNG DE DAG GI DON YIN PAR SGRUB MI NUS SO, ,RIM LNGA DANG SPYOD BSDUS LAS, SNANG BA GSUM GYI RNAM GRANGS SU YI GE GSUM DANG ZLA NYI RDO RJE SOGS BSHAD PA NI, RDZOGS RIM GYI SNANG BA GSUM LA MING DE DAG GIS BTAGS PA DANG, SNANG BA GSUM GYI

, ,YE SHES SKYED MI NUS PA'I BSKYED RIM GYI SKABS SU DE DAG TU MOS NAS SGOM ZHES PA'I DON YIN PAS, RDZOGS RIM PAS ZLA NYI SOGS LA YI GE BKOD NAS BSGOMS PAS YE SHES DE DAG SKYED PA DON MIN PAR BLA MA MNGON SHES CAN BZHED PA LTAR LEGS SO, ,GAL TE SKYED PA YIN DU CHUG NA'ANG SNYING KHAR BYA DGOS KYI, LTE BAR BYED PA NI LUGS 'DI'I GNAD MA RTOGS PA'O, ,SNANG BA'I YE SHES DANG MCHED PA LAS 'BYUNG ZHES PA YANG, DA RNAMS LAS RANG BZHIN RNAMS 'BYUNG BAR STON GYI, YI GE SOGS BSGOMS PAS YE SHES RNAMS 'BYUNG BAR STON PA MIN NO, ,YI GE DANG 'OD GZER GYI KHA DOG DKAR DMAR NAG GSUM BSGOMS PA'I SHUGS BRGYAB NAS YUL SNANG KHA DOG DE GSUM GYI RNAM PAR 'CHAR BA BYUNG YANG, GZHUNG NAS BSHAD PA'I KHA DOG GI RNAM PA 'CHAR TSUL MIN NO, ,RIM LNGA BSDUS PA LAS, YI GE TSAN GSUM RIM PA BZHIN DU SNANG MCHED THOB GSUM GYI MTSON BYED DU BSHAD KYANG, YI GE BKOD PA DE DAG GI THAD DU SEMS BZUNG BAS YE SHES SKYE BAR STON MI DGOS LA, DE NYID LAS, MNYAM PA NYID DU SEMS BSNGAMS TE, ,MNYAM GZHAG 'KHOR LO'I LTE BA YI, ,YE SHES MNYAM PAR MTHONG GYUR PA, ,NYE BAR THOB PA STONG PA CHE, ,ZHES 'KHOR LO LA BKOD PA'I YI GE LA DMIGS PA'I SEMS YUL GZHAN DU GA-YENG BA BSNGAMS TE, SEMS YI GE LA ZHUGS PA LTA BU'I MNYAM PA NYID DU BYAS TE, MNYAM BAR BZHAG PA GOMS BA LAS,

'KHOR LO'I LTE BA'I MI SHIGS PA AA THUNG DANG BCAS PA LA SEMS ZHUGS NAS, RO MNYAM DU SONG BA LAS STONG PA CHEN PO SKYE BAR GSUNGS PA DANG YANG MI MTHUN NO, ,DES NA 'KHOR LO SDUD NA'ANG YI GE LA GSAL SNANG BRTAN PO RNYED PA'I MTSAMS NAS, DANG POR PHYI MA LA DMIGS, DE NAS BAR MA LA BSDUS TE DE LA DANG, DE NAS NANG MA LA BSDUS TE DE LA DANG, DE NAS MI SHIGS PA LA BSDUS NAS DE LA DMIGS PA GOMS PAR BYED, YANG YI GE RNAMS SNGAR BZHIN BKOD NAS DE LTAR BYED PA SPEL BA LA GOMS NA DH'U T'IR 'DU BA MYUR BA YIN GYI, DH'U T'I'I NANG DU SDUD PA MI BYED PAR PHYI ROL TU GOMS KYANG STONG PA'I LAM RNAMS MTSAN NYID PA MI 'CHAR TE, DE DAG NI DH'U T'IR BSDUS TE THIM PA LAS 'BYUNG BA'I PHYIR RO, ,RIM LNGA BSDUS PA LAS KYANG, YI GE RNAMS SGOM PA DANG RDOR BZLAS MA GTOGS PA RLUNG KHA SBYOR 'DZIN PA MA BSHAD DO, ,RDO RJE 'PHRENG BA LAS, SNGAGS KYI DE NYID GCIG PUS 'GRUB, CES MANG DU GSUNGS PA YANG DE'I GNAD RDZOGS PAR SHES NAS BSGOMS NA, RLUNG SBYOR GZHAN GROGS SU MED KYANG 'GRUB CES PA'I DON YIN NO, ,'DI YANG RDOR BZLAS KYI GNAD RDZOGS PAR MA RTOGS PAR RLUNG KHA SBYOR 'DZIN PA CIG MED NA, RDOR BZLAS KYIS RLUNG DH'U T'IR THIM PA SOGS BYED MI NUS SNYAM NAS, KHA SBYOR 'DZIN NA GDAMS NGAG 'DI'I GNAD MI RTOGS PAR SNANG BAS DE LTAR BSHAD KYI, SPYIR RDOR BZLAS SGOM MKHAN GYIS RLUNG KHA SBYOR BZUNG NA SKYON DU 'GYUR ZHES PA NI MIN NO, ,'DIR KHA

, ,SBYOR 'DZIN NA SNYING KHA'I BUM PA CAN BYA DGOS LA, DE NI SDOM 'BYUNG LAS GSUNGS SHING, RLUNG SBYOR THOG MAR SGOM PA LA SNYING KHA'I BUM PA CAN GEGS CHE ZHES PA NI, DE'I RNAL 'BYOR LA MI MKHAS PA'I GTAM YIN GYI, SHES NA NI GEGS CHE BA MIN NO, ,'KHOR LO CAN GYI RLUNG SDUD RIM BSHAD PA DES 'KHOR LO MED PA GSUM GYI SDUD RIM YANG SHES PAR BYA'O, ,YI GE BKOD PA'I THAD SOR YE SHES GSUM SKYE BAR MA NGES KYANG, SPYI BO NAS NOR BU'I BAR DU BYANG SEMS BABS PA'I RIM PA LAS, STONG PA RNAMS SKYE BA MA BZHAG PAR, SNYING KHAR SDUD RIM GYI RIM PA LAS STONG PA RNAMS SKYE BAR MAR LUGS KYI GDAMS NGAG LAS 'BYUNG BA NI, RNAM SHES SROG NI 'DU BA'I RTEN, ,SNYING KHAR SNGAGS KYI 'KHOR LO BSGOM, ,ZHES PA'I RTZA TSIG GI GNAD YIN ZHING, YAB SRAS KYI GDAMS PA'I YANG GNAD BLA NA MED PAR SNANG NGO, ,SA CHU ME RLUNG RNAM SHES LNGA SNGA MA PHYI MA LA THIM PA LAS, SMIG RGYU NAS MAR ME LTAR 'BAR BA'I BAR GYI RTAGS BZHI 'CHAR BAR SGRON GSAL LAS GSUNGS LA, RLUNG THIM PA NA SNANG BA SKYE BAR SNGAR BSHAD ZIN PAS, SNANG BA GSUM GYI DUS SU RTAGS DE RNAMS LA SOGS PA MANG PO 'CHAR ZHES PA NI DON MIN PAS, RIM LNGA BSDUS PA LAS, DANG PO SMI RGYU LTA BU'I NYAMS, ,'OD ZER LNGA DANG BCAS PA 'CHAR, ,GNYIS PA ZLA SNANG LTA BU STE, ,GSUM PA NYI MA'I 'OD KYIS 'KHRIGS, ,MTSAMS SNANG LAS NI THOB PA STE, ,ZHES SPYOD BSDUS BZHIN BSHAD PA DE BZHIN DU 'DOD PAR BYA'O, ,

SMIG RGYU MA GTOGS PA RTAGS GSUM MA BSHAD PA NI BSDUS PA YIN LA, RGYAS PAR NA RGYUD PHYI MA BZHIN DANG, DE SKABS GANG DU 'BYUNG BA SGRON GSAL BZHIN SHES PAR BYA'O, ,MDOR NA SNGAR GYI LUGS SO SO BA RNAMS KYIS SEMS DBEN GYI SKABS 'DIR YI GE SGOM PA SOGS KYI DMIGS PA GSAR DU MI BSNAN KYANG, LUS DBEN SNGON DU BTANG NAS, NGAG DBEN RDOR BZLAS KYIS SPYIR STONG PA BZHI JI TZAM ZHIG 'DREN THUB MI THUB MI DPYOD PAR, SEMS DBEN 'DREN THABS KYI DMIGS PA GSAR DU SNON PA NI MI LEGS TE, SEMS DBEN 'DREN PA'I NANG GI LUS LA GNAD DU BSNUN PA'I GTZO BO DOR NAS, THABS PHRA MO RNAMS 'CHAD PAR SNANG BA'I PHYIR RO, ,NAG TSO NAS BRGYUD PA'I MAN NGAG NAS 'BYUNG BA'I DMIGS PAS BDE BA SKYED THABS DANG, DE'I RIGS SNGAR BSHAD PA RNAMS KYANG, BDE BA SKYE MYUR BA'I DGOS PA MTHONG NAS BYAS PAR SNANG YANG, GZHUNG GI DON DU MA MTHONG NGO, ,GNYIS PA LA GNYIS, PHYI NANG GI RKYEN LAS YE SHES RNAMS SKYE TSUL DANG, DE'I BDE STONG SBYOR TSUL SOGS BSHAD PA'O, ,DANG PO NI, RIM LNGA LAS, RDO RJE BZLAS GNAS RNAL 'BYOR PA, ,SEMS LA DMIGS PA THOB PAR 'GYUR, ,ZHES RDOR BZLAS KYIS SEMS DBEN GYI STONG PA 'DREN PAR GSUNGS KYANG, JI LTAR 'DREN MI GSAL LO, ,SPYOD BSDUS LAS KYANG, NGAG DBEN LA GNAS NAS SEMS DBEN 'THOB PA DANG, NGAG DBEN MED NA SEMS DBEN MI SKYE BAR GSUNGS KYANG, SKABS DER DE LAS SEMS DBEN JI LTAR SKYE MI GSAL LO, ,'ON KYANG,

, ,NGAG DBEN RGYAS BSHAD KYI SKABS SU GANG DU 'JUG PA SOGS GSUM BSHAD PA DANG, MTHAR RLUNG RNAMS MI SHIGS PAR ZHUGS NAS 'OD GSAL 'CHAR BAR GSUNGS PA RNAMS LA DPYOD SHES NA, RDOR BZLAS KYIS RLUNG RNAMS MI SHIGS PA LA BSDUS TE THIM PA LAS STONG PA RNAMS 'CHAR BA GO NUS TE, 'DI NI BSHAD ZIN TO, ,RDO RJE 'PHRENG BA LAS KYANG, RDO RJE BZLAS PA RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, , SEMS LA DMIGS PA THOB PAR 'GYUR, ,ZHES RDOR BZLAS KYIS RLUNG GI RGYU BA BKAG PA'I SGO NAS SEMS DBEN GYI STONG PA RNAMS SKYED PA GSAL BAR MANG DU GSUNGS SO, ,RDOR BZLAS KYIS SPYIR STONG PA RNAMS 'DREN TSUL NI BSHAD ZIN LA, KHYAD PAR DU SEMS DBEN GYI STONG PA 'DREN PA'I MTSAMS NI, SNYING KHA'I RTZA MDUD LEGS PAR GROL NAS, RLUNG RNAMS SNYING KHA'I MI SHIGS PA LA SDUD NUS PA'I MTSAMS NAS YIN GYI, DE'I GONG DU MIN NO, ,'O NA MTSAMS DE NAS 'DREN PA LA SDUD RIM GYI DMIGS PA GZHAN DGOS SAM MI DGOS SHE NA, SNGAR LE'U GSUM PA'I SGRON GSAL DRANGS PA LAS, 'JUG PA DANG GNAS PA DANG LDANG BA DANG SDUD PA'I RNAL 'BYOR GYIS RTAG PAR NYIN MTSAN DU BSGOM PAR BYA'O, ,ZHES GSUNGS PA'I LDANG 'JUG GNAS GSUM GYI RNAL 'BYOR NI RDOR BZLAS YIN LA, SDUD PA'I RNAL 'BYOR NI RDOR BZLAS DANG MI SHIGS PAS STONG PA BZHI 'DREN NUS PA'I MTSAMS NAS BYA DGOS PAR MNGON NO, ,N'A RO

PA'I MAN NGAG LAS KYANG STONG PA RNAMS 'DREN PA LA SDUD PA'I RNAL 'BYOR RE 'BYUNG NGO, ,SDUD TSUL NI, DON LNGA MAR BSAM GTAN GNYIS KYIS NYAMS SU LEN PA YIN ZHES 'BYUNG BA LTAR RIL 'DZIN DANG RJES GZHIG GIS NYAMS SU BLANG BAR BYA STE, L'U AI PA'I SGRUB THABS KYI 'GREL PA LVA BA PAS MDZAD PAR NI, RJES GZHIG GIS SDUD PA RDZOGS RIM GYI DMA' MO NAS KYANG BSHAD LA, ZHAL LUNG LAS KYANG RJES GZHIG GIS SDUD PA SNYING KHAR MI SHIGS PA SDOM PA NAS BSHAD PA'I PHYIR DANG, DE 'DIR YANG MI RUNG BA'I KHYAD PAR MI SNANG BA'I PHYIR RO, ,N'A RO PA'I MAN NGAG NAG TSO NAS BRGYUD PA LAS KYANG, YI GE MED PAR YANG SEMS DBEN SKYED TSUL BSHAD LA, MAR LUGS KYI MAN NGAG BSDUS PA GSUM LA YANG SNGAGS 'KHOR GYI YI GE MI SNANG BAS, LUGS DE LA YANG SNGAGS 'KHOR GYI YI GE MED MI RUNG MIN NO, ,GAL TE SROG RTZOL GSUM SGOM PA DANG, SDUD PA'I RNAL 'BYOR GYIS SEMS DBEN 'DREN THABS BYAS NA, DES CHOG GAM MI CHOG SNYAM NA, 'DI LA YE SHES RDO RJE KUN LAS BTUS LAS, RDO RJE DANG PADMA YANG DAG PAR SBYOR BA NI, SEMS DANG SEMS LAS BYUNG BA DAG GI THABS SU GYUR PA'O, ,SEMS DANG SEMS LAS BYUNG BA DAG MNYAM PAR SBYOR PA NI, BDE BA CHEN PO'I TING NGE 'DZIN GYI THABS SU GYUR PA'O, ,DE SGYU MA'I DPES NYE BAR MTSON TE, ZHES DANG, JI LTAR 'O MA DANG TIL DAG GI YANG DAG PA'I MNGON PAR 'DU BYAS PA MED PAR, MAR DANG TIL

, ,MAR MI 'BYUNG BA DE BZHIN DU, SNGAGS DANG PHYAG RGYAS MNGON DU MNGON PAR 'DU BYAS PA'I RDO RJE DANG, PADMA MNYAM PAR SBYAR BA MED PAR RNAM PAR SHES PA GSUM NYE BAR MTSON PAR MI NUS SO, ,BHA GA DANG LING GA YANG DAG PAR SBYOR MI NUS PA DES NI, BDE BA CHEN PO'I TING NGE 'DZIN MI RNYED DO, ,ZHES PHYAG RGYA DANG MNYAM PAR SBYAR BA LAS SNANG BA GSUM SKYE BA'I RJES 'GRO DANG, DE LOG NA DE GSUM LDOG PA'I LDOG PA GSUNGS SHING, YE SHES DE YANG BDE BA CHEN PO'I THABS SU GSUNGS PA'I BDE CHEN NI, SPYOD BSDUS LAS SGYU LUS SU GSUNGS PAS, SGYU LUS KYI SGRUB GZHI'I SEMS DBEN GYI YE SHES GSUM RDZOGS PAR SKYED PA LA PHYI'I PHYAG RGYA DGOS SO, ,DON DE NI RIM LNGA LAS KYANG, SGYU MA DAG NI THAMS CAD LAS, , BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR RA 'DI LAS MTSON PAR 'GYUR, ,'DOD CHAGS NYID DANG BCHAGS BRAL DANG, ,DE YI BAR TE GSUM PO NI, ,DBANG PO GNYIS NI MNYAM SBYOR BA'I, ,RDO RJE PADMA 'DUS LAS SO, ,ZHES GSUNGS SO, ,DES NA SEMS DBEN SKYED PA LA, CHAGS CAN DANG, CHAGS BRAL GYI BYE BRAG GIS, 'OG SGO DANG STENG SGO GNYIS SU BSHAD CES PA NI DON MIN NO, ,RIM LNGAR DE LTAR GSUNGS PA LA DGONGS NAS, SPYOD BSDUS LAS SEMS DBEN SKYED PA'I PHYI'I THABS 'DI MA GSUNGS SO, ,PHYAG RGYA LAS YE SHES GSUM MTSON PA 'DI, LAG SMIS DBANG GSUM PA'I DUS LA BSHAD PA NI, SPYIR DBANG GSUM PA'I DUS SU DE 'DRA ZHIG KYANG YOD MOD KYANG, 'DI NI SEMS DBEN

LA SLOB PA'I LAM GYI SKABS YIN NO, ,GAL TE GANG ZAG MTSAN NYID TSANG BA LA, DBANG GSUM PA DNGOS DBANG DU BSKUR BA RIM GNYIS KYI LAM SGOM PA'I SNGON DU SONG BA YIN NA, SKABS 'DIR LAS RGYA LA BRTEN NAS YE SHES GSUM MTSON PA DGOS SAM MI DGOS SHE NA, SNGAR DBANG BSKUR BA DER RLUNG DH'U T'IR THIM PA'I PHYI'I SROG RTZOL GYI SGO NAS DGA' BA BZHI MTSON PA YOD MOD KYANG, 'DIR NI SROG RTZOL GSUM BSGOMS NAS NUS PA LEGS PAR RNYED PA NA BYED PA YIN PAS, SNGAR LAS CHES KHYAD PAR DU 'PHAGS PA'I SEMS DBEN GYI YE SHES GSUM SKYED PAS, SLAR YANG 'DIR MTSON MI DGOS PA MIN NO, ,'O NA 'DIR LAS RGYA LA BRTEN NAS YE SHES GSUM SKYED PA DE, BYANG SEMS SPYI BO NAS ZHU BA GSANG GNAS RTAGS KYI RTZE'I BAR DU PHAB PA LAS SKYED PA YIN NAM, 'ON TE BYANG SEMS ZHU BA RNAMS LUS KYI STOD SMAD NAS SNYING KHAR SDUD PA YIN ZHE NA, SGRON GSAL LAS, PHYAG RGYA DANG SBYAR BA LAS BYANG SEMS ZHU BA RDO RJE'I LAM DU PHAB NAS DKYIL 'KHOR RGYAL MCHOG SKYED PAR BSHAD KYANG, , GZHUNG GZHAN NAS BSHAD PA LTAR BYANG SEMS ZHU BAS LUS KYI GNAS 'DIR SLEB PA NA, DGA' BA DANG STONG PA 'DI SKYE GSAL BAR BSHAD PA YAB SRAS LNGA'I GZHUNG NA MI SNANG NGO, ,'ON KYANG RLUNG THIM PAS SEMS SNANG BA DANG, SEMS THIM PAS SEMS BYUNG MCHED BA DANG, SEMS BYUNG THIM PAS NYER THOB DANG, DE THIM PAS 'OD GSAL 'CHAR BAR BSHAD LA, SPYOD BSDUS LAS, RDO RJE DANG PADMA SNYOMS PAR ZHUGS PA LAS SPYI BO NAS BRTZAMS TE, RTZA BDUN KHRI NYIS STONG LAS BYANG SEMS

, ,'JU BAS CHAGS PA DANG, CHAGS BRAL DANG, CHAGS PA BAR MA'I RIM GYIS 'BAB BO, ,ZHES BYANG SEMS ZHU BA'I DBANG GIS KYANG YE SHES GSUM SKYE BAR BSHAD PAS, RLUNG GI THIM RIM DANG, BYANG SEMS ZHU BA BAB PA GNYIS KYI DBANG GIS STONG PA BZHI 'CHAR RO, ,DE LA LUGS 'DI'I RLUNG THIM PA'I GNAS KHYAD PAR CAN NI SNYING KHA'I DH'U T'I'I NANG YIN PAR BSHAD ZIN LA, 'CHAD PAR YANG 'GYUR RO, ,DE LTA NA RDOR BZLAS LA SOGS PAS GTUM MO SBAR TE, BYANG SEMS BZHU BA GANG DU BSDUS PA LAS STONG PA RNAMS 'CHAR BA'I GNAS KYANG SNYING KHA YIN NO, ,'DI YANG BYANG SEMS BZHUS PA GSANG GNAS KYI SNA RTZE'I BAR DU 'BEBS PA DANG, DE LAS GYEN DU SPYI GTZUG BAR DU LDOG PA'I LUGS 'BYUNG DANG, LUGS LDOG GI DGA' BA BZHI SKYED MI NUS PA MIN MOD KYANG, DE LA SLOB PA LUS DBEN DU BSHAD ZIN PA LTAR YIN PAS, 'DIR NI 'CHI RIM DANG MTHUN TSABS SHIN TU CHE BA'I STONG PA BZHI 'DREN PAS, SNYING KHAR RLUNG TSUR 'DU BA'I RIM PA DANG, DE NAS PHYIR LA 'GYES PA'I RIM PA LAS BYUNG BA'I LUGS MTHUN DANG LUGS SDOG GI STONG PA BZHI SKYED PA YIN NO, ,NANG GI SROL RTZOL SGOM PA'I THABS KYIS JI LTAR BYED PA DE LTAR, PHYI'I PHYAG RGYA DANG MNYAM PAR SBYOR BA LA BRTEN NAS KYANG, RLUNG DANG BYANG SEMS GNYIS LUS KYI STOD SMAD NAS SNYING KHAR SDUD PA YIN TE, SPYOD BSDUS LAS, RANG GI PHYAG RGYA DANG LHAN CIG RIL POR 'DZIN PA'AM, GZHIG PA'I RIM GYIS DON DAM PA'I BDEN PA LA 'JUG GO ,DES PHYI'I PHYAG RGYA DANG SNYOMS PAR ZHUGS NAS,

STONG PA BZHI'I RIM GYIS DON DAM PAR 'JUG PA LA YANG BSAM GTAN GNYIS GANG RUNG GIS SDUD PA'I RNAL 'BYOR BYED PAR GSUNGS SHING, DE NI SNYING KHAR SDUD PA YIN LA, SNGAR SNYING KHA'I SDUD RIM LA GOMS PA BRTEN NA PHYAG RGYA DANG MNYAM PAR SBYOR BA'I TSE BSAM GTAN GNYIS KYI RNAL 'BYOR BYAS PA NA, PHYI'I PHYAG RGYA DANG SNYOMS PAR ZHUGS PA YANG SNYING KHAR RLUNG SEMS 'DU BA'I RKYEN DU 'GYUR BA'I PHYIR RO, ,RDOR BZLAS KYIS GTUM MO SBAR NAS BYANG SEMS ZHU BA STOD SMAD NAS SNYING KHAR BSDUS PA LAS STONG PA RNAMS 'CHAR BA NI, RDOR BZLAS MTHAR MA PHYIN KYANG, DES SNYING KHAR RLUNG BSDUS PA'I THIM RIM LAS STONG PA RNAMS SKYED NUS PA'I MTSAMS NAS KYANG SHES NUS LA, DE LTAR NA PHYI'I PHYAG RGYA'I RKYEN GYIS BYANG SEMS ZHU BA YANG, STOD SMAD NAS SNYING KHAR SDUD PA'I RKYEN DU 'GYUR BA DANG, DE LAS STONG PA RNAMS SKYE BA LEGS PAR GO NUS SO, ,'DIS NI YE SHES KYI PHYAG RGYA DANG SNYOMS PAR ZHUGS PAS KYANG RLUNG DANG BYANG SEMS SNYING KHAR SDUD PA YANG SHES PAR BYA'O, ,RLUNG DANG BYANG SEMS SNYING KHAR BSDUS PA'I THIM RIM LAS STONG PA RNAMS SKYED NUS NA, YAS BABS DANG MAS BRTAN GYI DGA' BA RNAMS DANG, SNYING KHAR 'DU BA DANG PHYIR LA 'GYES PA'I RIM PA LAS STONG PA KHYAD PAR CAN RNAMS 'DREN PA GNYIS GANG BYED KYANG NUS SO, ,YAB SRAS KYI RJES 'BRANG GZHAN 'GA' ZHIG GIS, SPYIR BYANG SEMS ZHU BA BAB PA LAS BYUNG BA'I STONG PA RNAMS DANG, KHYAD PAR DU PHYI'I PHYAG RGYA DANG SBYAR BA LAS BYUNG BA'I STONG PA GANG YIN THAMS CAD, SPYI

, ,BO NAS GSANG GNAS KYI SNA RTZE'I BAR DU BABS PA DANG, DE NAS SPYI GTZUG TU LOG PA GANG RUNG GI DGA' BZHIR 'CHAD PA LTAR BYAS NA, LUGS 'DI'I STONG PA BZHI KHYAD PAR CAN SKYED PA'I GNAD MI ZIN PA YIN TE, DE RNAMS KYANG BAR DO BZHIN DU SGYU MA'I SKU SGRUB PA DANG, DE LA 'CHI RIM JI MA JI BZHIN DU STONG PA RNAMS SKYED DGOS PA LA SOGS PA LEGS PAR GTAN LA MA PHEBS PA'I SKYON NO, ,'DIR RIM LNGA LAS, GANG ZHIG CHU SKYES RDO RJE SBYOR, ,KUN RDZOB TU YANG MED GYUR NA, ,LAN CIG TZAM ZHIG MYONG NAS KYANG, ,RNAL 'BYOR STOBS KYIS 'GRUB PAR 'GYUR, ,YE SHES 'JUG PA'I NGO BO YIS, ,DBYE BA JI BZHIN SHES BYAS LA, ,RANG BZHIN DE NYID SLAR YANG NI, ,RTAG TU RNAL 'BYOR PAS MTSON BYA; ;ZHES GSUNGS PA'I DON LA, DON GSAL LAS, BSLAB PA 'DZIN PA DANG, MA NING GIS KUN RDZOB TU YANG DBANG PO GNYIS SBYOR BA MED NA, MNYAM PAR BZHAG PA GSAL BA LAS YE SHES GSUM SKYED CES BSHAD PA DON MIN NO; ;DAM TSIG RDO RJES DBANG GI DUS SLU LAN CIG MYONG NA, NANG GI RNAL 'BYOR GYI STOBS KYIS 'GRUB PAR BSHAD DE, ZLA 'OD DANG, LAG SMI'I BZHED PA YANG DE DANG 'DRA'O, ,RJE 'GOS KYIS 'BYOR PA CAN RGYUN DU PHYI'I PHYAG RGYA LA BRTEN PA LTAR MA 'BYOR NA YANG, LAN CIG DNGOS LA MTSON NAS, PHYIS DE LAS GZHAN LA SLOB PA BTZUN MO CAN GYI LUGS SU 'CHAD DE GZHUNG GI DON NO, ,KUN RDZOB TU ZHES PA KHA CIG GIS GRAGS PA LTAR MED PA LA 'DOD KYANG, GDONG

GI SNA RTZE LA KUN RDZOB KYI SNA RTZE ZHES GSUNGS PA LTAR, KUN RDZOB PA'I CHU SKYES DANG RDO RJE SBYOR BA RGYUN LDAN PA MED NA'ANG LAN CIG MYONG BAS KYANG, DE LA BRTEN NAS YE RGYA SOGS LA GOMS PAR BYAS NA SEMS DBEN SKYED NUS PA'I DON NO, ,GAL TE PHYI'I PHYAG RGYA LA BRTEN PA RDOR BZLAS MTHAR PHYIN PA'I MTSAMS NAS YIN NA, GSANG BA GRUB PA LAS, LAS KYI PHYAG RGYA MNYAM LDAN PAS, ,RDO RJE PADMA MNYAM SBYOR BA, ,BDEN PA GSUNG BAS MNGON SUM DU, ,'DI 'DRA'I SGOM PA GANG GSUNGS PA, ,DANG PO'I LAS CAN SEMS CAN LA, ,LAS KYI PHYAG RGYA GANG SPANGS NAS, ,BYANG CHUB SEMS NI RAB STON PA, ,GZHAN GYIS MTSON PAS MI MTHONG STE, ,DANG PO'I LAS PAS RIG PAR BYA, ,ZHES GSUNGS PA DANG RIM LNGA GNYIS 'GAL BAR 'GYUR TE, DE LAS NI LAS DANG PO PA LA PHYI'I PHYAG RGYA'I THABS SPANGS NA THABS GZHAN GYIS MTSON DU MED PAS, DES MTSON DGOS PAR GSUNGS LA, LAS DANG PO PA NI, NANG GI SROG RTZOL BSGOMS STOBS KYIS RLUNG DH'U T'IR 'JUD MI NUS PA'I RNAL 'BYOR PA YIN PAS SO SNYAM NA, MI 'GAL TE, RIM LNGAR BSHAD PA NI SEMS DBEN GYI YE SHES GSUM SKYED PA LA DGONGS LA, GSANG BA GRUB PA'I DGONG PA NI DGA' BZHI'I LHAN SKYES SKYED PA LA DGONGS PA'I PHYIR RO, ,DE 'DRA'I LAS DANG PO PA'I MTSAN NYID DU GSUNGS PA'I MTSAN NYID TSANG BA'I RTEN NI SHIN TU DKON LA, YUL YANG DE DANG 'DRA BAS LAS DANG PO PA ZHES GSUNGS PA LA 'KHRUL BAR MI

, ,BYA'O, ,RTEN DE LA BDE BA'I RTEN GSANG GNAS BAR DU 'DREN THABS GZHAN YANG SNANG MOD KYANG, SNGAR BSHAD PA'I THABS DE SPANGS NA GZHAN GYIS MI MTSON PA NI, RLUNG DH'U T'IR 'DZUD PA'I THABS SU 'GRO BA LA DGONGS LA, DE'I RGYU MTSAN YANG RDO RJE 'PHRENG BA DANG PHYAG CHEN THIG LE DANG ZHAL LUNG RNAMS SBYAR NA CUNG ZAD NGES MOD KYANG, MTHA' CHOD PAR NGES PA SHIN TU DKA'O, ,RTEN DES LHAN SKYES MA MTSON BAR DU MI 'PHO BAR 'DZIN NUS PA'I THABS NI RLUNG LDOG PA DANG, PHAGS YIG SOGS SGOM PA'O, ,GAL TE RDO RJE MKHA' 'GRO DANG, GSHED DMAR GYI RGYUD LE'U BCO BRGYAD PA DANG, MI GA-YO BA BLA MED KYI RGYUD LA SOGS PAR, RDZAS KYIS SA BON RANGS THABS MANG DU GSUNGS PAS, PHYI'I PHYAG RGYA LA BRTEN PA LA RLUNG LDOG PA MI DGOS SO SNYAM NA, DE LTAR GSUNGS PA NI SPYIR BYANG SEMS MI 'PHO BAR BYA BA'I DON YIN LA, PHYI'I PHYAG RGYA'I SKABS LA SBYOR NA NI, LHAN SKYES MTSON ZIN PA'I 'OG TU BYANG SEMS LHUNG NA LCES BLANG BAR GSUNGS PA LTA BU LA YANG, BYANG SEMS MI 'PHO BAR BYA BA'I CHED DU YIN GYI, RLUNG DH'U T'IR TSUD NAS THIM PAR MI NUS PA LA GSUNGS PA MIN LA, RDOR BZLAS SOGS BSGOMS PA'I STOBS KYIS RLUNG DH'U T'IR THIM NUS PA LA YANG GSUNGS PA MIN NO, , 'DI NA MANG POS MI 'PHO BAR 'DZIN NUS NA SKYON MED CING, YON TAN CHEN PO SKYED PAR 'DOD MOD KYANG, DE KHO NA NYID PHU THAG CHOD PAR DES PA'I STONG NYID KYI LTA BA DANG SBYOR RGYU MED NA, BDE BA SKYED PA'I DGOS PA LOG PAS, NGAN 'GRO MI ZAD

BA'I RGYUR GSUNGS PA SHIN TU MANG STE, TSIG MANG DU DOGS PAS MA BRIS SO, ,STONG NYID KYI LTA BA DE 'DRA BA YOD PA TZAM GYIS KYANG MI CHOG PAR MTSAN NYID GZHAN DU MA ZHIG TSANG BA DGOS PA RNAMS ZHIB TU RTOGS DGOS SO, ,YUL GYI DBANG DU BYAS NA, SPYIR LHAN SKYES DANG, ZHING SKYES DANG, SNGAGS SKYES KYI RNAL 'BYOR MA GSUM GSUNGS SHIG GTZO CHER PHYI MA LA SPYAN MA LA SOGS PA'I RIGS CAN GYI PADMA CAN DANG, DUNG CAN MA DANG, GLANG PO CAN MA DANG, RI DVAGS CAN MA BZHIR GSUNGS SHING, DE RNAMS SO SO'I LUS DANG BSAM PA DANG, LUS KYI SPYI DANG BYE BRAG GI MTSAN NYID LA SOGS PA NI ZHAL LUNG DANG, SDOM 'BYUNG SOGS LAS SHES PAR BYA'O, ,NANG GI SROG RTZOL LA LA RTZA 'KHOR SO SOR GNAD DU BSNUN CHUL LAS, YON TAN GYI KHYAD PAR 'CHAR TSUL MANG DU 'DUG PA BZHIN DU, PHYI'I SROG RTZOL LA'ANG DE LTAR YOD DO, ,LAS DANG PO PA KHYAD PAR CAN LA THABS DES MTSON DGOS PA'I RGYU MTSAN NI, BSKYED RIM GYI SKABS SU BDE STONG DE DRAN PAR BYAS TE BSKYANGS PAS, RDZOGS RIM GYI RTOGS PA SKYE PA'I DGE RTZA SMIN BYED KHYAD PAR CAN DU 'GYUR BA DANG, RDZOGS RIM GYI LUS LA GNAD DU BSNUN PA'I THABS RNAMS SGOM PA NA RLUNG 'DU BAR SHIN TU SLA BA SOGS KYI DGOS PA MANG NGO, ,GNYIS PA NI, DE LTAR PHYI'I PHYAG RGYAL BRTEN PA LA NI THABS DE LAS SKYES PA'I BDE BA DANG, STONG PA PHYA THAG CHOD PAR BYAS NAS SBYOR DGOS LA, RDOR BZLAS SOGS BSGOMS PAS DRANGS PA'I BDE BA YANG, STONG NYID KYI LTA BA LEGS PO YOD NA DE DANG SBYAR NAS

, ,SGOM DGOS SO, ,'DI LA RGYUD GZHAN LAS DGA' BA BZHI SKYED PA NA DGA' BA DANG PO GSUM DANG, STONG PA SBYOR BA CHE RAM ? BSHAD LA, BZHI PA LHAN SKYES DANG SBYOR BA MANG NGO, ,'DIR NI SNGAR BSHAD PA LTAR SEMS DBEN SEMS KYI DE KHO NA NYID RTOGS BYED DU SKYED PA YIN PAS, STONG PA BZHI KA'I SKABS SU BDE STONG SBYOR BA YIN NO, ,YE SHES GSUM GYI BDE BA DANG STONG PA MA SBYAR NA BDAG MED LA MA DMIGS PAS, SPROS BRAL GYI RNAM PA MI 'CHAR BA'I PHYIR DKAR DMAR NAG GSUM KYI SNANG BA NYID 'CHAR RO, ,DE GSUM GYI BDE STONG SBYAR BA NA LTA BA'I NGES SHES KYI NGOR YUL YUL CAN RGYANGS TSAD KYI SNANG BA GSUM LDOG DGOS PAS, SNANG BA GSUM BLO DE LA 'CHAR YANG NGES PA'I LDOG PA'I NGOR MI 'CHAR TE, DPER NA RTOG PA LA 'PHAGS PA'I MNYAM BZHAG SPROS BRAL GYI RNAM PA 'CHAR BA NA, NGES NGOR GNYIS SNANG NUB PA'I RNAM PA CAN DU 'CHAR YANG, SPYIR RTOG PA DE LA GNYIS SNANG NUB PA MIN PA BZHIN NO, ,GAL TE NYER THOB MUN PA'I RNAM PA CAN GYI DRAN MED DE SANGS MA THAG ,THO RANGS KYI NAM MKHA' GA-YA' DAG LTA BU'I STONG PA 'CHAR BA DMA' MO NAS KYANG 'ONG BA YIN NA, SEMS DBEN GYI SKABS SU YE SHES GSUM SKYE TSUL BSTAN GYI, THAMS CAD STONG PA MI STON PA CI YIN SNYAM NA, BDEN TE, DE NI SGYU LUS MAN CHAD DU DON GYI 'OD GSAL GYI YE SHES MI SKYE BA LA DGONGS NAS, STONG PA GSUM DU BSHAD KYI, DPE'I 'OD GSAL MI SKYE BA MIN NO, ,'O NA YE SHES GSUM DU BYAS PA'I TSE DPE'I 'OD

GSAL GANG DU SDUD SNYAM NA, NYER THOB TU SDUD DE, 'DI LTAR NYER THOB KYI DANG POR MUN PA LTA BU'I RNAM PA CAN DRAN PA MA NYAMS PA CIG DANG BAR DU DRAN MED DU SONG BA CIG DANG, MTHAR DRAN MED SANGS NAS SLOD BYED KYI RKYEN GSUM DANG BRAL BA'I NAM MKHA' GA-YAS DAG 'DRA BA CIG 'ONG NGO, ,DPE'I 'OD GSAL THAMS CAD STONG PAR BYAS NAS STONG PAR BYAS NAS STONG PA BZHI BYED NA, DANG PO GNYIS STONG CHEN DU BYA'O, ,SPYIR STONG PA DANG PO GSUM LA RLUNG 'GAG PHUL JI TZAM CHE BA TZAM GYIS, 'OD GSAL DRANGS SHING MI RTOG LA 'THUG PA YUN RING NGO, KHYAD PAR DU NYER THOB DRAN MED KYI SKABS SU DRAN PA NYAMS PHUL CHE BA TZAM GYIS SEMS YUL GZHAN LA GA-YENG BA'I NUS PA LOG NAS 'OD GSAL NYID LA 'JUG PA CIG 'DREN TE, SPYOD BSDUS LAS, MA RIG PA LCAGS KYU LTA BU DE NYID KYIS RNAM PAR SHES PA GANG LA YANG 'DRE BAR MI BYED DE, 'OD GSAL BA NYID MNGON PAR 'DU BYED CING, DRI MA MED PA'I NGO BO NYID DO, , ZHES GSUNGS SO, ,'OD GSAL SHAR BA'I TSE NI, STONG NYID KYI LTA BA DRAN NAS DE KHO NA NYID KYI DON LA RTZE GCIG TU 'JOG PA MA GTOGS PA, YUL GZHAN DANG YANG YID LA MI BYED PAR RLUNG GIS RNAM SHES MA GA-YOS PA DE SRID DU 'JOG DGOS TI, SPYOD BSDUS LAS, RNAM PAR SHES PA MI GA-YO BA DE SRID DU GNYID LOG NAS 'OD GSAL BA LA BLTA STE, ZHES GSUNGS TE, GNYID KYI 'OD GSAL LA GSUNGS PA NI MTSON PA TZAM MO, ,RANG GI YID KYI SHES PA BDE BA CHEN PO'I NGO BOR BSKYED NA NI, DE NAS BDAG MED PA'I DON DRAN PAR BYAS PA NYID KYIS BDE STONG YUL

, ,YUL CAN DU SBYOR BA 'GRUB PAS, DE'I SBYOR TSUL LOGS PA MI DGOS SO, ,JI SKAD BSHAD PA'I YE SHES GSUM GYI BDE STONG SBYOR BA NI DBEN GZHI'I SEMS YIN LA, DE MTSAN MAR 'DZIN PA DANG, BDE BA CHEN PO'I NGO BOR MA SON PA LAS LDOG PA NI DBEN PA'I DON NO, ,STONG PA RNAMS KYI RNAM GZHAG SEMS DBEN GYI SKABS SU BSHAD PA 'DI RNAMS NI GONG 'OG GI SKABS GZHAN DU'ANG SHES PAR BYA'O, ,LNGA PA NI, DE LTAR BSHAD PA'I RGYUD LA BRTEN NAS RANG BZHIN BRGYAD CU DANG, SNANG BA GSUM GYI DBANG DU BYAS TE, RANG GI SEMS YANG DAG PA JI LTA BA BZHIN DU MA RTOGS PAS, NGA DANG NGA YIR 'DZIN PA LAS BYUNG BA'I LAS DANG NYON MONGS PAS, DAR GYI BU BZHIN DU BCINGS NAS, SNGON BSAGS PA'I LAS GNYIS KYI 'BRAS BU MYONG BA'I MTHAR, DON DAM PA 'CHI BA'I 'OD GSAL DU 'JUG PA'I RIM GYIS PHUNG PO RNYID PA SPANGS TE, CHOS KYI DBYINGS 'CHI BA'I 'OD GSAL GYI RGYU MTHUN PA STE 'BRAS BU RLUNG SEMS TZAM GYI BAR DO'I LUS BLANGS NAS, LAS GNYIS GANG YANG RUNG BAS BSKUL NAS 'GRO BA LNGAR ZO CHUN GYI 'KHRUL 'KHOR GYI TSUL GYIS, YANG DANG YANG DU NYID MTSAMS SBYOR ZHING 'KHOR BA'I SDUG BSNGAL MYONG BAR 'GYUR RO, ,RANG BZHIN DANG SNANG BA GSUM GYI RIM GYIS SEMS DBEN RTOGS PA'I YE SHES CAN NI, LUGS MTHUN GYI TSE DGE MI DGE RANG BZHIN GYI RTOG PA RNAMS GA-YO BA'I RLUNG THIM PAS, STONG PA RNAMS RIM GYIS SHAR NAS 'OD GSAL DU 'JUG

PA DANG, LUGS LDOG GI TSE SNANG BA'I RLUNG CHER GA-YOS PA LA BRTEN NAS RANG BZHIN GA-YO BAR RTOGS PA DANG, BDAG LA BYIN BRLABS KYI SGRO LA PHYOGS PAR BYAS NAS GROL BAR 'GYUR BAR SPYOD BSDUS LAS GSUNGS SO, ,DON BSDU NA, BDAG 'DZIN 'KHOR BAR 'KHOR BYED DANG, SHES SGRIB KYI BAG CHAGS 'JOG BYED DU SHES NAS, DE'I YUL SUN PHYUNG BA'I BDAG MED KYI LTA BA PHYA THAG GCOD PA DANG, DE BDE BA CHEN PO'I NGO BOR MA SKYED NA YE SHES CHOS SKU'I THUN MONG MA YIN PA'I RGYU MA TSANG BAR MTHONG NAS, KUN RTOG GA-YO BA'I RLUNG THIM PAR BYAS PA LAS BDE BA SKYED PA DANG, BDE BA DE YANG RLUNG RNAMS 'CHI RIM BZHIN DU THIM PA LAS BYUNG BA'I STONG PA BZHI'I NGO BOR MA SKYED NA, LONGS SKU'I RGYU THUN MONG MA YIN PA BAR DO BZHIN DU SGRUB PA'I SGYU MA'I SKU MI TZANG BAR MTHONG NAS, DE 'DRA BA'I RIM PAS SEMS DBEN SKYED PAR BYED PA'O, ,'DIS NI SNGAR LAM 'DIR MA ZHUGS NA BSKAL PA MTHA' YAS PAR YANG SEMS KYI DE KHO NA NYID RTOGS PA'I RTOGS PA THUN MONG PA MI RNYED PA DANG, KUN RDZOB SGYU MA'I SKU MNGON DU BYED MI NUS PAR GSUNGS PA DE NYID BSHAD PA YIN NO, ,GNYIS PA BDEN PA GNYIS KYI RDZOGS RIM LA GNYIS, BDEN GNYIS SO SO BA'I RDZOGS RIM DANG, BDEN GNYIS DBYER MED KYI RDZOGS RIM MO, ,DANG PO LA GNYIS, KUN RDZOB SGYU MA'I RDZOGS RIM DANG, DON DAM 'OD GSAL GYI RDZOGS RIM MO, ,DANG PO LA GNYIS, SGYU LUS KYI GDAMS PA DNGOS DANG, DE DANG 'BREL BA'I GDAMS PA BSHAD PA'O, ,DANG PO LA GNYIS, NYAN PA PO JI 'DRA BA ZHIG GIS

, ,JI LTAR BYA BA DANG, 'CHAD PA POS BSHAD PA'I RIM PA'O, ,DANG PO NI, RIM LNGAR, SLOB MA CHOS BZHI DANG LDAN PAS, SGYU LUS KYA GDAMS NGAG THOB PAR BYA BA'I PHYIR DU, BLA MA LA BSTOD PA SNGON DU BTANG NAS GSOL BA GDAB PAR GSUNGS SO, ,CHOS BZHI'I DANG PO NI, BSKYED RIM GYI RJES SU 'BRANGS NAS DBANG BSKUR BA THOB PA STE, DBANG BSKUR BA THOB NAS , BSKYED RIM GYI RJES SU 'BRANGS PA STE DE LA BSLABS PA'O, ,GNYIS PA NI, RGYUD RNAM PA BZHI'I DGONGS PA SHES PA'I SHES RAB DANG LDAN PA STE, RGYUD SDE BZHI LA SBYANGS PA'I SHES RAB DANG LDAN PO'O, ,GSUM PA NI, DBEN PA GSUM GYI THOS PA 'DZIN PA STE, RDO RJE GSUM GYI LAM LA LEGS PAR BSLABS PA'O, BZHI PA NI, BDEN GNYIS LA LHAG PAR MOS PA STE, BDEN GNYIS SO SO BA DANG, DBYER MED ZUNG 'JUG GI RDZOGS RIM LA MOS PA SHIN TU BRTAN PA'O, ,DE 'DRA BA DES DANG POR BLA MA RING DU MNYES PAR BYA, MNYES PA'I 'OG TU, TSOGS KYI MCHOD PA DANG, LO BCU DRUG MA BLA MA LA PHUL NAS, KHONG STONG KHYOD KYI SKU LA MED, ,CES SOGS KYIS BSTOD PA'I 'OG TU, KUN MKHYEN YE SHES PHUNG PO CAN, ,ZHES SOGS KYIS GSOL BA GDAB BO, ,'DIR RIM LNGA 'GYUR RNYING LAS, SGYU LUS KYI MAN NGAG THOB PA'I 'OG TU 'PHRENG BA LA SOGS PA'I DBANG DGU GSANG DBANG DANG BCAS PA THOB NAS, BSTOD PA DANG, GSOL BA GDAB PAR GSUNGS MOD KYANG, CHAG 'GYUR LAS, SGYU LUS KYI MAN NGAG THOB PA'I PHYIR DU, DBANG DGU DANG BCAS PA'I GSANG DBANG THOB NAS,

BSTOD PA SOGS BYA BAR BSGYUR BA LEGS TE, LAG SMI'I 'GREL PAR YANG DON DE BZHIN DU BSHAD DO, ,SNGA MA RNAMS DBEN PA GSUM GYI THOS PA 'DZIN PAS GSANG DBANG ZHU BA GZHUNG SNGA MAS BSTAN PAR BZUNG NAS, BUM DBANG RDZOGS PAR THOB NA DBANG GONG MA MA THOB KYANG, DBEN GSUM BSGOMS PAS CHOG PAR 'DOD PA NI MI RIGS PA CHE STE, RDZOGS RIM GYI SNOD RUNG DU SGRUB PA'I DBANG GONG MA MA THOB PA LA RDZOGS RIM GYI GSANG BA BSTAN DU RI MUNG BA'I PHYIR DANG, GZHUNG GI DON YANG DBEN GSUM GYI THOS PA 'DZIN PAS, SGYU LUS KYI GDAMS NGAG GI DON DU BSTOD PA DANG GSOL BA GDAB CES PA'I DON DU SNANG BA'I PHYIR RO, ,DE LTA BA YIN NA DBEN GSUM GYI THOS PA 'DZIN PA DES, DBANG DGU DANG BCAS PA'I GSANG DBANG THOB NAS GSOL BA GDAB PAR GSUNGS PAS, 'PHRENG BA LA SOGS PA'I DBANG SNGON DU MA BSKUR BAR YANG DBEN GSUM BSGOM DU RUNG BA'I HA CANG THAL BA'I SKYON DU 'GYUR BA'I PHYIR RO, ,GSANG DBANG THOB NA SGYU LUS KYI SNOD DU RUNG BAR N'A RO PAS BSHAD PA NI GZHUNG 'DI'I DON NO, ,DBANG RDZOGS PA SNGON DU THOB PAS KYANG GDAMS PA 'DI ZHU BA NA, BLA MA MNYES PA SOGS GSUM BYAS NA, BSTOD PA DANG GSOL BA GDAB PAR BYA STE, DE NI DBANG DANG GDAMS NGAG ZHU BA GNYIS KA'I THUN MONG BA YIN PA'I PHYIR RO, ,DE LTAR GSOL BA BTAB NAS, SLOB MAS BLA MA LA SGYU LUS KYI GDAMS PA 'DRI TSUL NI, SPYOD BSDUS SU BSHAD PA LTAR SHES DGOS LA, DE YANG DE NYID LAS, BSKYED PA'I RIM PA NAS BRTZAMS

, ,TE, LUS RNAM PAR DBEN PA'I MTHAR THUG PA'I BAR DU, RDO RJE GSUM LA SOGS PAS KYANG MTSAN NYID LA LHAG PAR MOS PA TZAM LAGS TE, DE BAS NA LUS RNAM PAR DBEN PA LA LHA'I GZUGS MED DE, LUS NI RDUL PHRA RAB BSAGS PA TZAM YIN PA'I PHYIR RO, ,NGAG RNAM PAR DBEN PA MTHAR THUG PA YANG 'JUG PA LA SOGS PA'I RIM GYIS RDO RJE BZLAS PA TZAM YONGS SU SHES PA STE, DE LA YANG LHA'I RNAM PA MED DE, SGRA RNAMS NI BRAG CHA LTA BU YIN PA'I PHYIR RO, ,SEMS RNAM PAR DBEN PA'I MTHAR THUG PA YANG RANG BZHIN GYI SNANG BA TZAM YONGS SU SHES PA TZAM DU ZAD PAS, DER YANG RNAM PA THAMS CAD KYI MCHOG DANG LDAN PA'I LHA'I SKU'I NGO BO RNYED PAR MI 'GYUR TE, SEMS NI SNANG BA TZAM YIN PA'I PHYIR RO, ,RIGS PA 'DIS NI KUN RDZOB LA BRTEN NAS GNAS PA RNYED PAR MI 'GYUR RO, ,DE BAS NA YE SHES TZAM GYIS LHA NYID DU SKYED PA SLOB DPON GYI ZHAL SNAG NAS LAS RTOGS PAR BGYED PAR 'TSAL LO, ,ZHES SO, ,'DI LTAR 'DRI BA NI, BSKYED RIM GYI SKABS NAS BZUNG STE, THA MAL GYI SNANG ZHEN THAMS CAD 'OD GSAL DU SBYANGS PA'I NGANG NAS, RANG GI SEMS LHA'I SKUR SKYED PA CIG BSHAD SNANG BA LA RNAM DPYOD CAN GYIS DPYAD PA'I CHE LAM GYI MTSAMS SHIG NAS, MOS BLO TZAM MIN PAR, YE SHES TZAM LAS LHA'I SKUR SKYE BA CIG DGOS PA 'DUG PA LA, BSKYED RIM GYI THOG MA NAS BZUNG STE, SEMS DBEN RDZOGS KYI BAR DU DE MA BYUNG BA'I RIGS PA'AM, CHUL

'DIS NA, SKABS DE DAG TU KUN RDZOB SKYU MA'I SKU LA BRTEN NAS DE'I TING NGE 'DZIN LA GNAS PA MI RNYED DO, ,RGYU MTSAN DE NAS NA MOS PA YID BYED KYIS LHAR SKYED PA TZAM MIN PAR, YE SHES TZAM GYIS SGYU MA'I SKU NYID DU SKYED PA BLA MA'I ZHAL SNGA NAS RTOGS PAR BGYID DGOS ZHES ZHUS SO, ,RGYU MTSAN DE RNAMS RIM PA BZHIN SGRUB PA NI BSKYED RIM GYI THOG MA NAS BZUNG STE, GSANG CHEN RIGS GCIG LA THUG PA'I BAR DU, SKU RDO RJE SOGS GSUM DANG, SOGS KYIS BSDUS PA RIGS LNGA DANG, BRGYA LA SOGS PA'I LHA'I SKU LA LHAG PAR MOS PA'I MOS PA YID BYED TZAM GYIS SKYED PA DE BAS NA, LUS DBEN LA SGYU LUS KYI LHA'I SKU MED DE, LUS NI RDUL PHRA RAB BSAGS PA TZAM YIN PA'I PHYIR ZHES PA'I DON NI, BLOS LHA'I SKUR MOS KYANG DON GYI SONG TSOD LA, LHA'I GZUGS SU NGA RGYAL BYED PA'I GZHI'I GZUGS NI RDUL PHRA RAB BSAGS PA'I 'BYUNG BA DANG, 'BYUNG 'GYUR GYI LUS SNGA MA DE TZAM DU ZAD PA'I PHYIR ZHES PA'O, ,DE DAG GIS NI SGYU LUS KYI LHA'I SKU DE LA MOS PA YID BYED TZAM GYIS LHAR SKYES PA MIN PA CIG DANG, RNAL 'BYOR PAS NGA RGYAL BYED GZHI'I LHA'I GZUGS DE LUS RAGS PA'I GZUGS LUS MIN PA CIG DGOS PAR BSTAN NO, ,DER MA ZAD , NGAG DBEN MTHAR PHYIN PA'I BAR DU YANG SGYU LUS KYI LHA'I RNAM PA STE SKU MED DE, YANG GI SGRAS DER YANG SNGAR LTAR MOS PA TZAM GYIS LHAR BSKYED PA LAS MED PA'I PHYIR RO ZHES STON NO, ,'O NA RDOR BZLAS KYIS CI ZHIG BYED SNYAM NA, 'JUG GNAS LDANG GSUM GYI RIM

, ,PAS RDOR BZLAS KYI GZHI RLUNG CHES LAS RUNG DU GTAN LA 'BEBS PA'I SGO NAS SGRA RNAMS BRAG CHA LTA BUR SHES PAR BYED PA TZAM MO, ,SPYOD BSDUS LAS GO RIM GYI SKABS SU RDOR BZLAS KYIS SROG RTZOL SHIS PAR BSHAD CING, RDO RJE 'PHRENG BA LAS KYANG, DES RLUNG GI MTSAN NYID SHES PAR BYED PAR GSUNGS SO, ,TZAM GYI SGRAS SKABS DER MOS PA YID BYED TZAM MIN PAR LHA'I SKU SKYED PA GCOD PA'O, ,SEMS DBEN MTHAR PHYIN PA'I BAR DU YANG MTSAN DPE'I RNAM PA THAMS CAD KYI MCHOG DANG LDAN PA'I SGYU LUS KYI LHA'I SKU MI RNYED DE, YANG GI SGRAS RGYU MTSAN SNGA MA SDUD PA NI SNGAR LTAR RO, ,'O NA DES CI ZHIG BYED SNYAM NA, RANG BZHIN GYI SNANG BA NI SNANG BA'I MING DANG, SNANG BA'I RANG BZHIN RTOG PA'I MING DU SHES DGOS PAS, RANG BZHIN GYI SNANG BA STONG PA GSUM TZAM SHES PAR ZAD DE, SKABS DER NI RNAL 'BYOR PAS RANG GI SEMS NI KUN RTOG GIS STONG PA'I SNANG BA TZAM DU SHES PAR BYED PA'I PHYIR RO, ,SNGON GYI 'DUS PA BA KHA CIG ,LHA'I SKU MED PA ZUNG 'JUG GI LHA'I SKU MED PA LA 'CHAD PA NI SKABS DON MA SHES PA YIN LA, RGYU MTSAN PHYI MA GSUM LUS NGAG YID GSUM LA LHA SKU MED PA'I SGRUB BYED DU 'CHAD PA DANG, KUN RDZOB BCOS MA'I YID RTOG BCAS KYIS DBEN GSUM DU BSGOMS PA LA BRTEN NAS ZUNG 'JUG GI SKU MI RNYED CES PA YANG DON DU MA MTHONG NGO, ,CHAG 'GYUR LAS, KUN RDZOB LA MA BRTEN PAR ZHES 'BYUNG MOD KYANG 'GYUR SNGA MA LTAR LEGS SO, ,SPYOD BSDUS KYI

DRI BA 'DI RNAMS KYI DON MTHA' CHOD PAR MA GO NA, LUGS DAM PA 'DI'I SGYU LUS KYI GNANG STON PA'I LAN GYI DON RNAMS KYANG MI RTOGS PAS LEGS PAR SHES PAR BYA'O, ,GNYIS PA LA GNYIS, SGYU LUS DNGOS KYI SNGON DU JI LTAR BSHAD PA DANG, SGYU LUS KYI RIM PA NYID BSHAD PA'O, ,DANG PO NI, SGYU LUS STON PAR GSOL BA 'DEBS PA THOS PA'I BLA MAS SLOB MA LA SNYING RJE BSKYED NAS STON PA NA, GDAMS PA 'DI BLA MA'I ZHAL GYI GDAMS PA LAS GZHAN DU MI RNYED PA NI, RIM LNGA LAS, BDAG BYIN BRLAB PA'I RIM SHES PA, ,KUN RDZOB BDEN PAR BSTAN PA STE, ,DE NI BLA MA'I DRIN DAG GIS, ,THOB PAR 'GYUR GYI GZHAN DU MIN, ,ZHES GSUNGS LA, SPYOD BSDUS LAS KYANG, LHA'I DE KHO NA NYID BSAM GYIS MI KHYAB PA, SANGS RGYAS THAMS CAD KYIS BSHAD PA, BLA MA BRGYUD PA'I RIM PA LAS 'ONGS PA, SA BCU'I DBANG PHYUG RNAMS KYI'ANG YUL MA YIN PA DE NGAS KHONG DU CHUD PAR BYA'O, ,ZHES DANG, BDAG BYIN BRLABS LAS KYANG, RMI LAM SGYU MA LTA BU'I CHOS, SANGS RGYAS PA KUN SMRA BA NI, ,BDEN YANG DES NI SHES PA MIN, ,BDAG BYIN BRLAB LAS KHA PHYIR BLTAS, ,RNAM SHES RLUNG DANG LDAN PA YI, ,YID KYI RANG BZHIN GZHU 'DRA BA, ,RANG GI YE SHES DES MA MTHONG, ,SGYU MA'I DPE LA RMONGS GYUR PAS BSKAL PA DPAG TU MED PAR NI, ,THOS PA'I PHA ROL PHYIN PAS KYANG, ,BLA MA'I BKA' MED SGYU MA NI, ,MNGON SUM BYA BAR MI NUS SO, ,DE PHYIR SANGS RGYAS 'BRAS 'DOD PAS, ,NGA RGYAL YONGS SU BTANG BYAS LA, ,RDO RJE THEG PA LA ZHON

, ,NAS, ,'BANG PAS BLA MA MNYES PAR BYA, ,ZHES SO, ,SA BCU ZHES SOGS KYI DON NI, SPYOD BSDUS DANG RIM LNGAR SEMS DBEN THOB NAS BCU PA LA GNAS PAR GSUNGS PA LTAR NA, SKABS DER DE MNGON DU BYA MI NUS PA'O, , PHAR PHYIN GYI THEG PA'I SA BCU PA LA BYED NA RANG GI LAM GYI SA DE MNGON DU BYA BAR MI NUS PA'O, ,SGRON GSAL LAS KYANG, YONGS SU DAG PA'I LHA'I RNAL 'BYOR YANG RTOG PA THAMS CAD LAS 'DAS PA, SO SO RANG GIS RIG PA, SANGS RGYAS RNAMS KYIS SPYOD YUL, PHUNG PO RIN PO CHE'I ZA MA TOG GI NANG NA GNAS PA, YOD PA DANG MED PA'I PHYOGS DANG BRAL BA, YI GE'I RJES SU 'BRANG BA RNAMS DANG, RTOG GE BA RNAMS KYI YUL MA YIN PA, BLA MA'I MAN NGAG 'BA' ZHIG LAS SHES PAR BYA BA STE, ZHES RGYUD KYI DON MTHA' DRUG GIS LEGS PAR MA BSHAD PAR, SGRA JI BZHIN PA'I YI GE'I RJES SU 'BRANG BA RNAMS KYI YUL MIN PA'I DAG PA'I SGYU MA'I SKU, BLA MA'I MAN NGAG 'BA' ZHIG LAS SHES DGOS PAR GSUNGS SHING, DE 'DRA BA DE MGON PO KLU SGRUB KYI ZHAL SNGA NAS 'CHAD PAR GSUNGS SO, ,DAG PA'I SGYU MA'I SKU BLA MA'I MAN NGAG NYID LAS RTOGS DGOS PA NI RIM PA GSUM PA'I SGYU MA'I SKU LA YANG 'DRA'O, ,SGYU MA'I SKU BLA MA'I MAN NGAG 'BA' ZHIG LAS SHES DGOS PA'I MAN NGAG GI MTHAR THUG PA NI, RIM LNGA DANG SPYOD BSDUS GNYIS YIN LA, SRAS RNAMS KYI MAN NGAG GZHAN LAS KYANG CUNG ZAD 'BYUNG NGO, ,DE YANG RIM LNGAR MI GSAL BA SPYOD BSDUS SU GSAL BAR STON PAS SPYOD BSDUS LAS

RTOGS DGOS SO, ,GZHUNG DE DAG GIS MA ZIN PA'I ZHIB CHA MANG PO YANG YOD MOD KYANG, GTZO BO'I DON NI DE DAG NAS ZIN PA RNAMS YIN PAS, GZHUNG GIS BSTAN TSOD KYI DON LEGS PAR GO NA, MAN NGAG GI GNAD 'GANGS CHE BA RNAMS MI 'PHYUG LA, DE DAG LA 'BAD PA YUN RING DU MA BYAS PAR MAN NGAG PHRA MO GZHAN LA 'BAD NA NI, BLA MA'I MAN NGAG LAS SHAS DGOS PAR GSUNGS PA'I MAN NGAG GI GNAD KYI PHYOGS MTHONG YANG 'OD SNYAM PA MI SNANG NGO, ,'ON KYANG GDAMS NGAG CHE CHUNG RNAMS SBYAR NAS DPYOD SHES NA, KHYAD PAR SHIN TU CHE BAS DE DAG KYANG DGOS SO, ,SNGAGS KYI DKA' GNAS PHAL CHE BA BLA MA'I MAN NGAG LA LTOS DGOS PAR GSUNGS PA'I NANG NAS, SGYU LUS KYI GDAMS PA BLA MA'I MAN NGAG LA LTOS PA NI, GZHAN DANG YE MI 'DRA BA'I LTOS TSABS SHIN TU CHE BA ZHIG SNANG NGO, ,GAL TE BLA MA'I MAN NGAG 'BA' ZHIG LAS RTOGS DGOS ZHES PA DE'I RTOGS PA'I PHAN YON DANG, MA RTOGS PA'I NYES DMIGS JI 'DRA ZHIG SNYAM NA, RIM LNGA LAS, BDAG LA BYIN GYIS BRLAB PA'I RIM, ,GANG GIS RNYED PAR MA GYUR PA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,BDAG LA BYIN BRLAB RIM THOB PA, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR THOB PAR 'GYUR, ,ZHES GSUNGS SO, ,SKU 'DI'I SGRUB TSUL BLA MA LAS MA RNYED NA GANG GI PHYIR DU NGAL BA BYAS PA'I DON SANGS RGYAS MI 'GRUB PA DANG, 'DI SHES TE BSGRUBS PAS GRUB NA TSE DE LA NGES PAR 'TSANG

, ,RGYA BAR GSUNGS PA LTAR YIN NO, ,TSE GCIG GIS SANGS RGYAS 'GRUB PA'I MYUR KHYAD MCHOG LA BDE STONG DBYER MED KYI LAM DANG, SGYU MA'I SKU GNYIS LAS PHYI MA CHES RTOGS DKA' LA, DE YANG LUGS MCHOG TU GYUR PA 'DI NAS RTZED BCAD NAS GZHAN LA 'KHYER SHES DGOS SO, ,GNYIS PA LA GNYIS, SGYU LUS KYI MAN NGAG GI GZHI JI LTAR BTING BA DANG, DE LA BRTEN NAS SGYU LUS SGRUB PA'I TSUL BSHAD PA'O, ,DANG PO NI, SGYU LUS SGRUB PA LA 'DI SGRUB PA'I GZHI LA JI LTAR GNAS PA SHES DGOS LA, DE YANG RIM LNGA LAS, 'GRO KUN RANG DBANG MED PA STE, ,RANG DBANG DU NI 'BYUNG MA YIN, ,DE YI RGYU NI 'OD GSAL BA, ,'OD GSAL THAMS CAD STONG PA'O, ,SEMS GANG GIS NI BYIS PA RNAMS, ,'KHOR BA'I 'CHING BAS BCINGS GYUR PA, ,SEMS DE NYID KYIS RNAL 'BYOR PA, ,BDER GSHEGS GNAS SU 'GRO BAR 'GYUR, ,'DIR NI GANG YANG SKYE BA MED, ,GANG YANG 'CHI BA YOD MA YIN, ,SEMS KYI RANG BZHIN RNAM GNAS PA, ,'KHOR BA NYID NI SHES PAR BYA, ,ZHES GSUNGS SO, ,TSIGS BCAD DANG POS NI SEMS CAN RNAMS 'CHI BA'I 'OD GSAL SNGON DU SONG BA LA MA LTOS PAR RANG DBANG DU MI 'BYUNG BAS, 'OD GSAL THAMS CAD STONG PA LAS SKYE BAR BSTAN NO, ,TSIGS BCAD GNYIS PAS NI 'CHI BA'I 'OD GSAL GYI RLUNG SEMS GANG GI DBANG GIS SEMS CAN SKYE BA BLANGS TE, 'KHOR BAR 'KHOR BA'I RLUNG SEMS DE NYID THABS MKHAS PA'I RNAL 'BYOR PA LA SGYU MA'I SKUR SHAR NAS 'TSANG RGYA BAR BSTAN NO, ,TSIGS

BCAD DE'I DON RIM LNGA'I 'GREL BYED RNAMS KYIS GZHAN DU BSHAD MOD KYANG, BSHAD PA SNGA MA DE'I DON YIN PA NI SPYOD BSDUS LAS, SO SO SKYE BO'I 'KHOR BA'I RGYU SRID PA BAR DO DE MAN NGAG DANG LDAN PA LA SGYU LUS SU 'GYUR BAR GSUNGS PAS SHES SO, , TSIGS BCAD GSUM PAS NI RLUNG SEMS KYI RANG BZHIN TZAM ZHIG LAS MA GTOGS PA'I SKYE 'CHI BYED PA PO MED PAS DE TZAM ZHIG 'KHOR BAR 'KHOR BAR BSTAN NO, ,BDAG BYIN BRLABS LAS SGYU LUS KYI SGRUB GZHI STON PA NA, SA LA SOGS PA'I 'BYUNG BA DANG, ,DE BZHIN STONG PA BZHI PO DAG ,SKYE DANG 'JIG PA'I RGYU DAG TU, ,DNGOS PO BRGYAD PO SHES PAR BYA, ,'OD GSAL BA LAS STONG PA CHE, ,DE LAS THABS NI YANG DAG 'BYUNG, ,DE LAS SHES RAB SKYE BAR 'GYUR, ,DE LAS RLUNG NI 'BYUNG BAR 'GYUR, ,RLUNG LAS ME NI YANG DAG 'BYUNG, ,ME LAS CHU NI KUN TU 'BYUNG, ,CHU LAS SA NI SKYE BAR 'GYUR, ,SEMS CAN SKYE BA 'DI LTA BU, ,ZHES DANG, DE NAS, SA YI KHAMS NI CHU LA THIM, ZHES PA NAS, SRID PA GSUM PO 'DI LTAR 'GAB, ,CES SNGAR DRANGS PA BZHIN GSUNGS NAS, 'DI LTAR THOG MA MED DUS NAS, ,SRID PA'I 'KHOR LOR 'JUG PAR 'GYUR, ,SGYU MA LTA BU'I TING 'DZIN GYIS, ,JI SRID BDAG NYID MA MTHONG BA, ,GANG PHYIR SGYU MA RANG RIG PAS, ,RTOG GE PA YI SPYOD YUL MIN, ,RANG GI LUS LA GNAS NA YANG, ,BSOD NAMS CHUNG BAS MI RNYED DO, ,ZHES GSUNGS PAS KYANG SGYU LUS KYI SGRUB GZHI GSAL BAR BSTAN NO, ,JI SRID DU SGYU MA LTA BU'I TING NGE 'DZIN GYIS RANG GI BDAG NYID MA MTHONG BA DE SRID DU, SRID PA'I 'KHOR LOR 'JUG CES

, ,GSUNGS PA'I 'KHOR BAR 'JUG PA 'DI LA, 'KHOR BAR 'KHYAMS PA DANG, 'KHOR BA'I BAG CHAGS RGYUN MI 'CHAD DU 'JUG PA GNYIS SO, ,DANG PO LDOG PA LA SGYU MA LTA BU'I TING NGE 'DZIN DGOS PA NI, SNGAGS DANG PHAR PHYIN THUN MONG BA'I SGYU MA LTA BU'I TING NGE 'DZIN NO, ,PHYI MA LDOG PA LA DGOS PA'I SGYU MA LTA BU'I TING NGE 'DZIN LA YANG THUN MONG YIN MIN GNYIS DANG, THUN MONG MIN PA LA YANG BDE STONG SBYAR PA DANG, SGYU LUS GNYIS YOD KYANG 'DIR NI PHYI MA'O, ,SGYU LUS KYI SGRUB GZHI 'CHAD PA'I SKABS SU RLUNG SEMS TZAM LAS DON GZHAN PA'I 'KHOR MKHAN GYI GANG ZAG MED PAR GSUNGS PA NI, GANG ZAG TU THA SNYAD BTAGS PA'I BTAGS DON RLUNG SEMS MA YIN KYANG, DE 'DOGS PA'I GZHI SEMS CAN GYI GNYUG MA'I LUS NGOS GZUNG BAR BZHED PA YIN NO, ,RDO RJE 'PHRENG BA LAS KYANG, SNYING POR GYUR PA RANG SROG LAS, ,KHAMS GSUM NA NI GZHAN MED DE, ,SGYU MA RLUNG GIS KHAMS GSUM PA, ,RMI LAM RMI BA BZHIN DU MTHONG ZHES SEMS CAN RNAMS KYI SNYING POR GYUR PA RANG RANG GI SROG STE RLUNG LAS GZHAN PA'I KHAMS GSUM PA'I LUS GZHAN MED PAS, RLUNG GIS BSGRUBS PA'I KHAMS GSUM PA'I SGYU MA'I LUS NI RMI LAM GYI LUS BZHIN DU GSUNGS SO, ,'DIR TSIG ZIN LA SHAS CHER SGYU MA'I LHA SKU GANG LAS SGRUB PA'I SGRUB GZHI BSTAN MOD KYANG, SKU DE LA'ANG SBYAR DU RUNG BAS, SGRON GSAL LAS RLUNG SEMS TZAM LAS SGYU MA'I LHA SKU SKYED PA'I KHUNGS SU DRANGS SO, ,DES NA RDO RJE 'PHRENG BA LAS, SKYE DANG GNAS

DANG 'JIG PA DANG, ,SRID PA BAR MAR GNAS PA STE, ,JI SRID 'JIG RTEN GYIS BRTAGS PA, ,SEMS KYI RLUNG GI RNAM 'PHRUL LO, ,ZHES 'GRO BA RNAMS KYI SKYE 'CHI GNAS GSUM DANG BAR DE RNAMS RLUNG SEMS TZAM GYI RNAM 'PHRUL DU GSUNGS PA DANG, DGONGS PA LUNG STON LAS KYANG, 'DU SHES CAN DANG 'DU SHES MED, ,SEMS CAN DU BTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,MA RTOGS PA YI SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG SONG BAS, ,KHYI DANG CE SPYANG GLANG PO DANG, ,SEMS DE LTAR YANG 'GRO BAR 'GYUR, ,ZHES SOGS KYIS RLANG DANG SEMS GNYIS 'GRO BA SNA TSOGS PAR 'GRO BAR GSUNGS TE, 'GO BA THAMS CAD RLUNG SEMS KYI LUS TZAM DU BSTAN PA NI, SEMS CAN GYI THA SNYAD 'DOGS PA'I GZHIR GYUR PA'I GNYUG MA'I LUS NI, RLUNG SEMS TZAM GYI LUS SU ZAD POS DE LAS NGO BO THA DAD PA'I GNYUG MA'I LUS MED PAR STON PA YIN GYI, PHYI ROL MED PA DANG, RNAM SMIN GYI LUS DGUS PA RNAMS SEMS CAN GYI LUS MIN ZHES STON PA MIN NO, ,'DI LTAR SEMS CAN GYI LUS NI GNYIS TE, GNAS SKABS PA DANG, GNYUG MA BA'I LUS SO, ,DE'I DANG PO NI, RLUNG SEMS TZAM GYI LUS LAS GZHAN PA'I RNAM SMIN GYI 'BYUNG LUS RIGS PA LA SOGS PA'I LUS SO, ,GNYIS PA NI, RLUNG SEMS TZAM LAS GRUB PA'I LUS SO, ,LUS RAGS PA NI DANG PO MNGAL DU NYID MTSAMS SBYAR BA LA SOGS PA'I SKABS SU MA SKYES KYANG, SEMS CAN GYI LUS MED PA MIN LA, DE BZHIN DU SHI BA'I

, ,TSE 'BYUNG LUS RAGS PA DOR YANG, SEMS CAN GYI LUS MI LDOG PAS GNYUG MA'I LUS MIN TE, CHU LA TSA BA BZHIN NO, ,RLUNG SEMS KYI LUS NI, GNAS SKABS DE RNAMS THAMS CAD DU YANG MI LDOG PAS GNYUG MA'I LUS TE, CHU LA GSHER BA BZHIN NO, ,DE LTA GZUGS LUS RAGS PA'I SKABS SU YANG GNYUG MA'I LUS NI RLUNG SEMS TZAM ZHIG GI LUS YIN PAS, LUS RAGS PA NI DE'I GNAS KHANG DANG 'DRA'O, ,DE LTAR GSUNGS PA LA DGOS PA GZHAN YANG YOD MOD KYANG, GTZO BO NI SGYU MA'I LHA SKU GANG LAS SGRUB PA'I GZHI GNYUG MA'I LUS NGOS 'DZIN PA'I PHYIR YIN NO, ,DE'I SEMS NI DBANG SHES MIN GYI, YID KYI RNAM SHES TZAM ZHIG DANG, RLUNG YANG, RTZA BA'I RLUNG GZHAN BZHI DANG, YAN LAG GI RLUNG LNGA MIN GYI, SROG 'DZIN DANG, DE LA YANG PHRA RAGS GNYIS LAS PHRA BA'O, ,DE TZAM LAS GRUB PA'I GZHI DUS KYI SEMS CAN GYI LUS RKANG LAG LA SOGS PA'I RNAM PA CAN NI BAR DO DANG, RMI LAM GYI LUS LOGS SU SNANG BA RNAMS SO, ,RKANG LAG SOGS KYI RNAM PA CAN DU MI SNANG BA'I DE TZAM LAS GRUB PA'I LUS NI SNGAR BSHAD PA LTAR RO, ,SGRUB GZHI DE YOD PA LA DGONGS NAS RANG GI LUS LA GNAS NA'ANG ZHES GSUNGS SO, ,DE LTA'I RNAM SHES KYI RTEN LA 'BYUNG LUS SHIN TU RAGS PA'I GZUGS LUS DANG, PHRA BA'I RLUNG GI LUS GNYIS YOD KYANG, RGYUD GNYIS SU MI 'GYUR BA DANG, RIGS PA'I LUS KYI GO SA SPANGS NAS PHRA BA'I LUS GNAS MI DGOS PA DANG, GANG ZAG TU THA SNYAD 'DOGS PA'I GZHI'I GTZO BO RLUNG SEMS

GNYIS YIN MOD KYANG RAGS PA'I LUS KYANG DA'I RTEN DU MI 'GAL BA SOGS SHES PAR BYA'O, ,GNYIS PA LA GSUM, YAB SRAS GNYIS KYI GZHUNG LAS JI LTAR 'BYUNG BA BSHAD PA DANG, SGRUB TSUL SHIN TU GSAL BA YON TAN DANG BCAS PA BSHAD PA DANG, BLA MA RNAMS KYI MAN NGAG LAS 'BYUNG BA BSHAD PA'O, ,DANG PO NI, SGYU MA'I SKU'I SGRUB GZHI GZHI LA GNAS TSUL DE LTAR YIN NA, LAM GYI SKABS SU SGRUB GZHI DE JI 'DRA BA ZHIG TU BSKYED NAS SGRUB PA YIN SNYAM NA, RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS ZHES DE LA BSHAD, ,DE BAS 'DI LTAR 'GRO BA KUN, ,SGYU MA LTA BUR 'DIR BSHAD DE, ,SGYU MA LTA BU'I TING 'DZIN GNAS, ,THAMS CAD DE DANG 'OD BAR MTHONG, ,ZHES SO, ,CHAG 'GYUR LAS, RLUNG DANG YANG DAG LDAN PA YI, ,RNAM SHES GSUM PO DE NYID SLAR, ,ZHES 'BYUNG BA BDE'O, ,DE LA TSIGS BCAD DANG POS NI PHYI NANG GI SROG RTZOL BSGOMS PA'I THABS LAS, SGRUB GZHI'I YID KYI SHES PA SEMS DBEN GYI SNANG MCHED THOB GSUM DU BSKYED PA'I SEMS DANG, DE'I BZHON PA'I RLUNG GNYIS RNAL 'BYOR PA'I LUS SU 'BYUNG BA NI SGYU LUS SU GSUNGS LA, SLAR YANG ZHES PA NI RNAL 'BYOR PA DE DANG POR SKYE BA BLANGS PA'I DUS SU RLUNG SEMS KYI LUS BLANGS PAR MA ZAD CES PA'I DON NO, ,DE NAS TSIG RKANG GNYIS KYIS NI SGYU MA'I SKU SGRUB TSUL DE LTAR BYED PA DE BAS NA, BLA NA MED PA'I THEG PA 'DIR 'GRO BA KUN SGYU MA LTA BUR BSHAD PA LA PHAR PHYIN GYI THEG PA DANG, RGYUD

, ,SDE 'OG MA DANG, BSKYED RIM PA DANG THUN MONG DU MA GYUR PA'I SGYU MA'I DON CIG YOD DO ZHES BSTAN NO, ,SGYU MA LTAR BSHAD PA NI, RDO RJE MKHA' 'GRO LAS, ME LONG GI NI GZUGS BRNYAN DANG, ,RMI LAM SGYU MA CHU BUR DANG, ,MIG 'PHRUL MTSUNGS PAR GANG GIS MTHONG, ,DE NI GTZO BO YIN PAR BSHAD, ,CES GSUNGS PA RIM LNGAR BKOD PA 'DRA BA RNAMS YIN TE, 'DIS NI BLA MED KYI RGYUD GZHAN DU YANG JI LTAR BSHAD PA RNAMS KYI DON THUN MONG MA YIN PA 'DIR BSHAD PA BZHIN DU BYA DGOS PAR BSTAN NO, ,DE NAS RKANG PA GNYIS KYIS NI, SGYU LUS GRUB PA'I RNAL 'BYOR PAS SEMS CAN THAMS CAD KYANG DE DANG 'DRA BAR MTHONG BA NI, SNGAR BSHAD PA LTAR DE DAG GI GNYUG MA'I LUS RNAMS DE LTAR MTHONG BA'O, , SNOD THAMS CAD KYANG RANG GI SGYU LUS DANG 'DRA BAR MTHONG BA NI, DE THAMS CAD KYANG RLUNG DANG SEMS KYI RNAM 'PHRUL DU MTHONG BA'O, ,SPYOD BSDUS LAS GSUNGS TSUL NI, RANG GI SEMS YANG DAG PA JI LTA BA BZHIN YONGS SU SHES PA ZHES BYA BA PHUNG PO DANG, KHAMS DANG SKYE MCHED RNAMS LA YANG MED PA, YE SHES TZAM DU YONGS SU SNANG BA TZAM GYIS MTSAN THAMS CAD DANG LDAN PA'I LHA'I SKUR BZUNG BA DE YANG, SGYU MA DANG RMI LAM LA SOGS PA'I DPE RNAM PA BCU GNYIS KYIS NYE BAR MTSON PA 'DI NI, SANGS RGYAS RNAMS KYI YID KYI RANG BZHIN GYI SKU YIN NO, ,ZHES GSUNGS PA LTAR RO, ,SEMS JI BZHIN DU SHES PA NI SEMS DBEN DANG, PHUNG KHAMS SKYE MCHED LA MED PA NI, SEMS DBEN GYI RLUNG SEMS TZAM MA

GTEGS PA'I LUS GZHAN LAS SGYU MA'I SKU SGRUB PA MED PA'O, ,TZAM SNGA MAS KUN RTOG DANG, PHYI MAS PHUNG PO RAGS PA LAS SGRUB PA GCOD DE, SEMS DBEN GYI YE SHES TZAM LAS MTSAN DPE DANG LDAN PA'I SGYU MA'I SKU DPE BCU GNYIS KYIS MTSON PA SGRUB CES PA'O, ,DE LA DRI BA MDZAD PA NI, RTEN PA'I LUS MED PAR SEMS KYI RANG BZHIN YANG MED LA, SEMS MED PAR YANG LUS DMIGS SU MED DO ZHES LUNG GI TSIG LAS GSUNGS NA, JI LTAR NA SEMS 'BA' ZHIG TZAM GYIS PHYAG DANG ZHABS LA SOGS PA MTSAN THAMS CAD DANG LDAN PA'I LHA'I SKU RDZOGS PAR 'GYUR, DMIGS PA'I LTA BA CAN RNAMS NI LUNG DANG RTOGS PA MED PAR YID CHES PAR MI 'GYUR RO, ,DE BAS NA DE RNAMS DMIGS SU MED PA'I LHA'I DE KHO NA NYID BDE BLAG TU MNGON SUM DU BYA BA'I THABS, BCOM LDAN 'DAS RDO RJE SLOB DPON STON PAS BSHAD DU GSOL, ,ZHES PA'O, ,SNGAR YE SHES TZAM LAS MTSAN THAMS CAD DANG LDAN PA'I LHA'I SKU 'GRUB PAR BSHAD PA'I TZAM GYI SGRAS SEMS MIN PA'I DNGOS KYI RGYU GZHAN BCAD PAR GO NAS, SEMS TZAM GYIS PHYAG ZHABS LA SOGS PA DANG LDAN PA'I LHA'I SKU RDZOGS PAR MI 'THAD DE, GSUNG RAB LAS, RTEN GYI LUS DANG BRTEN PA'I SEMS GNYIS GCIG MED PAR CIG SHOS MED PAR GSUNGS PA'I PHYIR RO, ,DMIGS PA'I LTA BA STE THE TSOM CAN GYI RTOG LDAN NI LUNG DANG RTOGS PA STE RIGS PA MED PAR THE TSOM CHOD PA'I YID CHES KYI NGES PA THOB PAR MI 'GYUR BAS NA, DMIGS SU MED PA STE MTSAN MA MED

, ,BA'I LHA'I DE NYID SGYU MA'I SKU MNGON DU BYED THABS THE TSOM CHOD PA BSTAN DU GSOL ZHES PA'O, ,DE'I LAN DU, GANG MDO SDE LA SOGS PA'I TSUL LA ZHUGS PA DANG, BSKYED PA'I RIM PA LA GNAS PA'I SGOM PA PO RNAMS KYANG, CHOS THAMS CAD SGYU MA LTA BU DANG, RMI LAM LTA BU DANG, GZUGS BRNYAN LTA BU ZHES DPER BRJOD CING LHAG PAR MOS KYANG, DE RNAMS DPES BDAG LA BYIN GYIS BRLAB PA'I MAN NGAG YE SHES TZAM GYIS YID KYI RANG BZHIN GYI LHA'I SKU RDZOGS PAR 'GYUR BA SHES PAR MI 'GYUR RO, ,DE BAS NA NGES RNAL 'BYOR GYI RGYUD KYI RJES SU 'BRANGS NAS, RDO RJE SEMS DPA' RDZOGS PAR 'GYUR BA'I RGYU DANG RKYEN KHYOD LA KHONG DU CHUD PAR BYA'O, ,ZHES GSUNGS SO, ,DE LA MDO SDE LA SOGS PA LA ZHUGS PAS CHOS THAMS CAD SGYU MA LTA BUR BRJOD CING, DON YID LA BYED PAS MOS PAR BYAS KYANG, SGYU LUS BDAG BYIN BRLABS MI SHES PAR GSUNGS PAS NI, DBU MA NAS BSHAD PA'I BRDZUN PA SGYU MA LTA BU'I DON PHU THAG CHOD PAR GO ZHING, DE BSGOMS PAS BDEN ZHEN DANG BRAL BA BYUNG BA RNAMS SGYU LUS SU NGO SPROD PA BKAG PA YIN LA, DE 'DRA BA DE YANG SPYI DON GYI SGYU MA'I TING NGE 'DZIN YIN MOD KYANG, SBAS DON GYI SGYU LUS RIM PA GSUM PA DANG, MTHAR THUG GI SGYU MA'I SKU RIM PA LNGA PAR BSHAD PA'I DON MED DE, ,BSKYED RIM SGO MA PA PO RNAMS KYIS CHOS THAMS CAD SGYU MA LTA BUR MOS KYANG, DES KYANG SGYU LUS BDAG BYIN BRLABS KYI MAN NGAG MI SHES PAR GSUNGS PAS, LHA'I

SKU SNANG LA RANG BZHIN MED PA'I DON LA GNAS PA'I ZHEN MED SGYU LUS BDAG BYIN BRLAB TU NGO SPROD PA YANG BKAG PA YIN NO, ,BLA MED KYI BSKYED RIM DU DVANGS LA SHIN TU GSAL BA 'JA' TSON BZHIN DU THOGS PA MED PAR SNANG BA'I TING NGE 'DZIN SHIN TU BRTAN PA DANG, DE'I TSE STONG PA NYID KYI LTA BA DANG 'BREL BA'I BDEN ZHEN DANG BRAL BA DU MA ZHIG 'BYUNG YANG, DE TZAM GYIS BDAG BYIN BRLABS SGYU LUS KYI MAN NGAG YE SHES TZAM GYIS LHA'I SKU RDZOGS PAR 'GYUR BA MI SHES PAR GSUNGS PA LAS NI, RGYUD SDE 'OG MA GSUM DU DE'I GDAMS NGAG MI RNYED PA LTA SMOS KYANG CI DGOS, DE RNAMS LEGS PAR GO NA ME LONG LA LHA'I SKU SHAR BA LA SEMS GTAD DE BZUNG NAS, MTHAR DE RANG GI LUS LA THIM PAR BSGOMS PAS, GSAL BA DANG DVANGS PA DE TZAM ZHIG BYUNG BA LA MNYAM PAR BZHAG PA'I TSE ZHEN MED BYUNG BA BDAG BYIN BRLABS KYI SGYU LUS DNGOS GZHIR 'DZIN PA'I 'KHRUL PA RNAMS LHAG MA MED PAR LDOG PAR 'GYUR RO, ,DE LTAR LHA'I SKU SGOM PA DANG BRAL BA'I BRDZUN PA SGYU MA LTA BU'I RTOGS PA DANG, DE LHA'I SKU DANG 'BREL BAR BSGOM PA'I BSKYED RIM PA'I LHA SKU DANG, DER MA ZAD RDZOGS RIM PA'I BDE BA CHEN PO RNYED PA'I DBEN GSUM GYI SKABS KYI LHA'I SKU YANG, BDAG BYIN BRLABS KYI SGYU LUS MIN PAR BSTAN NAS, GANG LA BRTEN NA DE'I MAN NGAG SHES PAR 'GYUR BA'I RNAL 'BYOR GYI RGYUD CES PA NI DPAL 'DUS PA RTZA BSHAD LA SOGS PA'I RGYUD DO, ,SGYU LUS RDO RJE 'CHANG GI SKU RDZOGS PA'I RGYU RKYEN KHONG DU CHUD PAR BYED TSUL NI,

, ,DE NYID LAS, BDEN PAR NA SEMS NI DBYIBS DANG KHA DOG DANG BRAL BA SNANG BA TZAM, NAM MKHA' DANG MNYAM PA'I NGO BO NYID DON DAM PA'I BDEN PA DANG 'DRA BAR REG PAR DKA' BA'O, ,DE LTA MOD KYI SNANG BA TZAM GYI SNANG BA GSUM PO RLUNG LA BRTEN PAR GYUR PA DANG, THUN MONG DU GYUR PAS YANG BA STE, DES NA RLUNG GIS RNAM PAR SHES PA BCINGS PA YIN NO, ,DE NAS SHES RAB DANG, THABS KYI SNANG BA GNYIS 'OD ZER DANG BCAS SHING, SNA TSOGS PA YON TAN THAMS CAD DANG LDAN PA SGYU MA LTA BU'I LHA'I SKU 'BYUNG BAR 'GYUR RO, ,'DI'I BZHON PA GANG YIN ZHE NA, RLUNG ZHES BYA BA STE SEMS RDO RJE GANG YIN PA RTA LTA BU LA ZHON NAS GANG DU 'DOD PA DER 'PHO BAR 'GYUR RO, ,ZHES GSUNGS PA'O, ,DE'I 'GREL PAR YANG DAG PAR NA, ZHES 'BYUNG ZHING, SGYU MA LTA BU'I RGYU RKYEN DON DAM PAR GRUB PO ZHE NA, SEMS DON DAM PAR MA GRUB KYANG KUN RDZOB TU SNANG BA GSUM, RLUNG DANG LHAN CIG TU GYUR PAS NA RLUNG GIS RNAM SHES BCINGS PA STE, 'KHYAM DU BCUG CES ZER BA NI BDEN GNYIS KYI SGO NAS LAN BTAB PAS, SNGAR GYI DOGS PA CHOD PA LA CI YANG MI PHAN ZHING, RLUNG GIS 'KHYAM DU BCUG PA 'BREL MED KYI LAN YIN PAS SNYING PO MED DO, ,DES NA SEMS KHA DOG DANG DBYIBS DANG BRAL BA DANG, NAM MKHA' DANG MNYAM PA STE 'DRA BAR LUS CAN MIN PA DANG, DON DAM BDEN PA DANG 'DRA BAR REG PA STE RTOGS DKA' BA, BDEN PAR NA STE BDEN NO ZHES PA'I DON TE, SEMS DBEN GYI SKABS SU YANG DE DANG 'DRA BAR GSUNGS PAS SHES SO, ,SEMS LUS CAN MIN PA DE LTA MOD

KYANG SEMS DBEN KYI SNANG BA GSUM PO RLUNG LA BRTEN PA DES NA, RLUNG GIS RNAM SHES BCINGS PA STE BZUNG BA YIN NA, ,'GYUR RNYING PHAL CHE BA LAS SNGAR BZHIN 'BYUNG LA, KHA CIG LAS, THUN MONG DU GYUR NAS YANG 'DRE BA STE, ZHES DANG, CHAG 'GYUR LAS, SNANG BA GSUM PO RLUNG YANG KHAMS SU GYUR PA DE RTEN TE YANG BA'O, ,ZHES 'BYUNG NGO, ,SNGA MA'I DON, RLUNG DANG RNAM SHES 'DRES PAS RLUNG YANG BA BZHIN DU, SHES PA YANG YANG BAR 'GYUR ZHES KHA CIG ZER YANG, YANG BA'I DON 'BYUNG BA GZHAN LAS SHIN TU PHRA BAR BYAS NAS RNAM SHES DANG 'DRER RUNG BA'I THUN MONG GI CHOS LA BSHAD NA, SPYOD BSDUS KYI SEMS DBEN GYI SKABS DANG 'GRIG GO ,RLUNG SEMS GNYIS 'DRES PA DE NAS SHES RAB SNANG BA DANG, THABS MCHED PA GNYIS RLUNG 'OD ZER LNGA DANG BCAS PA LAS, PHYAG ZHABS LA SOGS PA'I MTSAN GYI YON TAN DANG LDAN PA'I SGYU MA'I LHA SKU 'BYUNG NGO, ,DE DAG GI DON BSDUS NA, RLUNG MED PA'I SEMS RKYANG PA YIN NA DE LAS ZHAL PHYAG SOGS DANG LDAN PA'I LHA'I SKU MI 'GRUB KYANG, 'OD ZER LNGA PA'I RLUNG DANG SEMS GNYIS NGO BO GCIG TU YOD PAS, LHA'I GZUGS 'GRUB PA LA SKYON MED CES PA'O, ,'DIS NI LHA'I RNAM PAR SNANG BA'I SHES PA RKYANG PA YIN NA, GZUGS SNANG YOD KYANG, DES SGYU MA'I SKU DNGOS SU MI 'GRUB PAR BSTEN NO, ,SHES RAB DANG THABS GNYIS ZHES GSUNGS KYANG, SNGON NYID DU SNANG BA GSUM GA BSHAD PAS, SGYU MA'I SKU'I SGRUB GZHI NI RIM LNGA DANG 'DRA'O, ,RGYU DANG RKYEN ZHES PA LA, SGYU LUS GRUB PA'I THUGS KYI NYER LEN GYI RGYU NI SEMS SNGA MA DANG, LHAN

, ,CIG BYED PA'I RKYEN NI RLUNG YIN LA, DE'I SKU'I NYER LEN NI RLUNG DANG, SEMS SNGA MA NI LHAN CIG BYED RKYEN NO, ,YE SHES GSUM GYI THUGS RDO RJE RANG GI BZHON PA RLUNG RTA LTA BU ZHON NAS GANG DU 'DOD PA DER 'PHO ZHES PA NI, SEMS DBEN GYI RLUNG SEMS GNYIS KYI GNYUG MA'I LUS LAS SGYU MA'I SKU 'GRUB PA'I DUS SU, LUS RAGS PA LAS LOGS SU BYE NAS LUS KYI PHYI ROL LAM, NANG GANG DU 'DOD PA DER 'GRO BA'I DON NO, ,DON 'DI SPYOD BSDUS LAS, RNAM SHES 'PHO BA'I MDO LAS KYANG GSAL BAR GSUNGS TE, ZHES MDO DE LAS SHI BA'I MJUG THOGS SU GRUB PA'I BAR DO'I RKANG LAG LA SOGS PA NI, CHU'I NANG DU BYUNG BA'I MI'I GRIB MA DANG 'DRA BA DANG, DE LA GRANG DRO DANG BDE SDUG DANG NGAL DUB LA SOGS PA DANG, SHA LA SOGS PA MED CING, KHAMS KYIS GZHIG MI NUS PA DANG 'DRA BAR GSUNGS LA, CHAG 'GYUR LAS, RNAM PAR SHES PA 'DI THOG MAR 'PHO BA'I LUS KYI KHOG PA SPANGS NAS GZHAN GZUGS KYI RNAM PA LTA BUR 'GYUR RO, ,ZHES GSUNGS PA RNAMS DRANGS PA'I 'OG TU, DE LTAR BYIS PA SO SO'I SKYE BO'I SRID PA BAR MA ZHES BYA BA 'KHOR BA'I RGYUR 'GYUR RO, ,ZHES SOGS SNGAR DRANGS PA BZHIN DU GSUNGS SO, ,MDO DES SGYU LUS GSAL BAR BSTAN PA MIN YANG, RLUNG SEMS TZAM LAS YAN LAG LA SOGS PA TSANG PA'I LUS SU GRUB PA DANG, PHUNG PO RNYING PA LAS LOGS SU BYE BA SOGS SGYU LUS GTAN LA 'BEBS PA'I DPER SHIN TU GSAL BA DANG, THABS DANG MI LDAN PA LA BAR DOR 'ONG RGYU'I RLUNG SEMS DE, THABS LA

MKHAS PA LA SGYU MA'I LHA SKUR 'CHAR BA LA DGONGS NAS MDO DES GSAL BAR BSTAN ZHES GSUNGS SO, ,RNAM SNANG MNGON BYANG LAS, 'JA' TSON LTA BU'I SKU DAG NI, ,DE NYID BSGOMS PAS THOB PAR 'GYUR, ,ZHES GSUNGS PA SPYOD BSDUS SU SGYU LUS KYI SKABS SU DRANGS PAS KYANG, SGYU LUS SGRUB TSUL MA BSTAN KYANG, SPYIR DE KHO NA NYID KYI DON BSGOMS NA 'JA' TSON LTA BU'I SKU 'GRUB PA GRUB NA, BYE BRAG TU SEMS DBEN GYI DE KHO NA NYID BSGOMS NA YANG 'JA' TSON LTA BU'I SGYU LUS 'GRUB PAR YANG 'GRUB DGOS PA'I PHYIR NA DRANG DU RUNG NGO, ,GNYIS PA NI, DE LTAR SGYU LUS 'GRUB PA LA NI, BSGOMS STOBS KYIS LUS PHRA RAGS GNYIS SO SOR 'BYED NUS PA CIG DGOS SO, ,DE YANG RNAM SHES GONG DU 'PHO BA DANG, GZHAN GYI GRONG DU 'JUG PA'I RNAL 'BYOR GYIS DE GNYIS SO SOR 'BYED PA NI, SAM BHU tA'I DON NA MAN NGAG SNYE MAR BSHAD PA LTAR BUM PA CAN LA SOGS PA'I RLUNG SBYOR SNGON DU BYANG BAR BYAS NAS, RNAM SHES KYI GNAS SNYING KHA NAS RLUNG GI BZHON PA CAN GYI RNAM SHES 'DON PA'I DMIGS PA YANG DANG YANG DU BYED PA YIN LA, 'DIR NI DE LTAR MI BYED KYI, THABS KHYAD PAR CAN GZHAN GYIS BYED DO, ,DE YANG DPER NA, SA CHU LA THIM PA NAS, 'CHI BA'I 'OD GSAL GYI BAR GYI 'CHI RIM RNAMS BYUNG NA, RIM PA DE RNAMS RAGS PA DANG GNYUG MA'I LUS GNYIS SO SOR 'BYED BYED DU NGANG GIS 'GRO BA DE BZHIN DU, RDOR BZLAS SOGS PHYI NANG GI SROG RTZOL SGOM PA SEMS DBEN GYI SNGON DU 'GRO DGOS PA RNAMS MTHAR PHYIN TE, SA CHU LA THIM PA SOGS 'CHI RIM JI

, ,BZHIN DU BSKYED PA'I SGO NAS SEMS DBEN RDZOGS PAR BSKYED PA DE NYID KYIS LUS GNYIS SO SOR PHYE NAS, STONG PA RNAMS KYI RLUNG SEMS TZAM LAS BDAG BYIN BRLABS KYI SGYU MA'I SKU SGRUB PAR BYED DO, ,BDAG NI NGA'O SNYAM PA'I THA SNYAD 'DOGS PA'I GZHIR GYUR PA'I RLUNG SEMS SO, ,DE NYID RDO RJE 'CHANG GI SKUR BSKYED PA NI BYIN GYIS BRLABS PA'O, ,GRONG 'JUG NUS PAS RLUNG SEMS KYI LUS LOGS SU BYE BA NA RANG NYID RDO RJE 'CHANG GI SKUR MOS PA YID BYED KYIS BSKYED PA DANG KHYAD PAR SHIN TU CHE STE, 'DI NI MOS BLO TZAM MIN PAR RLUNG SEMS NYING LHA'I SKUR SKYES PA YIN PAS, BSGOMS PA NA SEMS DE'I RNAM PAR SNANG BA TZAM GYI LHA SKU DANG MI 'DRA'O, ,SLOB PA'I ZUNG 'JUG GI SGYU MA'I SKU THOB PHYIN CHAD NAS DE'I RIGS 'DRA MI 'CHAD PAS DNGOS PO LA GNAS PA ZHES BYA LA, RDO RJE'I SKU ZHES PA'I MTSAN NYID KYANG TSANG NGO, ,RIM PA GSUM PA'I SGYU LUS NI DON GYI 'OD GSAL MNGON DU GYUR PA NA DAG NAS 'GRO BAS, RDO RJE'I SKU ZHES GSUNGS KYANG DE'I MTSAN NYID MA TSANG BAS, SNGA MA LTAR MI GNAS PA LA BSAMS NAS RNAL 'BYOR BA'I BSAM NGO NA GNAS PA'I YE SHES KYI SKU ZHES BRJOD NA 'GAL BA MED DO, ,'ON KYANG DNGOS DANG RJES MTHUN PA SO SOR MA PHYE BA'I RIM PA GSUM PA'I SGYU LUS KYI THA SNYED BYED NA MA GTOGS PA, YID NGO RKYANG PAR LUS RAGS PA LAS LOGS SU BYE BAR SNANG BA'I LHA SKU NI BDAG BYIN BRLABS KYI SGYU LUS DNGOS YIN PAR MI GZUNG NGO, ,SEMS DBEN GYI SNANG BA GSUM GYI RLUNG SEMS LAS SGYU MA'I SKU SGRUB CES BSHAD PA MA GTOGS

PA, LUGS MTHUN DANG LUGS LDOG GI STONG PA RNAMS KYI MTSAMS GANG DU SGYU MA'I SKU SGRUB PA YAB SRAS LNGA'I GZHUNG NAS MI GSAL LO, ,LAG SMI SOGS KYIS, 'OD GSAL GYI NGANG NAS CHU LAS NYA BZHIN DU CIG CAR DU RDO RJE 'CHANG GI SKUR LANGS PA NI CIG CAR GYI RIM PA DANG, 'OD GSAL LAS NYER THOB DANG, DE LAS MCHED PA DANG, DE LAS SNANG BAR SONG BA'I MTSAMS NAS RDO RJE 'CHANG GI SKUR LANGS PA NI, NYER THOB LA SOGS PA'I RIM PA'I THABS ZHES BSHAD DO, ,RANG GI LUGS NI ZUNG 'JU GI SKABS SU 'CHAD PAR 'GYUR RO, ,LUS RNYING PA LAS LOGS SU BYA BA LA, LUS RNYING BA'I GO SA SPANGS NAS GNAS DGOS BAS MA KHYAB PA NI SNGAR BSHAD PA DANG, SGRON GSAL LAS DAG PA'I SGYU MA'I SKU PHUNG PO'I ZA MA TOG NA GNAS PAR GSUNGS PA SOGS KYIS KYANG SHES SO, ,SEMS DBEN THOB PA'I RNAL 'BYOR BAS PHUNG PO PHRA RAGS GNYIS KA GNAS GYUR BA'I TSUL GYIS SGYU MA'I SKU SGRUB NA NI, YAB SRAS KYI GZHUNG RNAMS LAS RLUNG SEMS TZAM LAS SGYU MA'I SKU SGRUB PAR BSHAD PA MI RIGS TE, DPER NA SNAL MA KUN LAS SNAM BU SGRUB PA LA, DE'I NANG NAS SNAL MA NYAG MA GNYIS DMIGS KYIS BKAR NAS DE LAS SNAM BU SGRUB CES BSHAD DU MI RUNG BA BZHIN NO, ,DANG PO SGRUB PA'I TSE STONG PA RNAMS KYI RLUNG SEMS LAS SGRUB DGOS PA YIN KYANG, GRUB NAS GNAS PA'I TSE NI SNANG MCHED THOB GSUM GYI YE SHES MNGON GYUR DU MED PA'I TSE YANG SGYU MA'I SKU YOD PA'I SKABS MANG BAS, DE GSUM LOG PA NA SGYU MA'I SKU LDOG PA DANG, PHYI MA YOD PA'I

, ,DUS SU SNGA MA YONG PAS KHYAB PA YANG MIN NO, ,'PHEN PA JI 'DRA BA ZHIG GIS SGYU LUS SGRUB PA'I TSUL NI, YAB SRAS KYI GZHUNG GZHAN NAS MI GSAL BAS, SPYOD BSDUS LAS, BAR DOR 'TSANG RGYA BA'I SKABS SU 'OD GSAL DU ZHUGS TE THA MAL PA'I PHUNG PO BOR NAS, BDAG LA BYIN GYIS BRLAB PA'I RIM GYIS LDANG BAR BYA'O SNYAM PA'I 'PHEN PA GTONG BAR BSHAD PA'I RIGS PA SBYOR SHES DGOS SO, ,'DI NI SGYU LUS RJES MTHUN PA RNAMS LA YANG SBYAR BAR BYA'O, , DE 'DRA BA'I SKU DE NI YE SHES RDO RJE KUN LAS BTUS PAS SGYU MA'I DPE BCU GNYIS KYIS MTSON PAR GSUNGS LA, BCU GNYIS NI, SGYU MA DANG, CHU ZLA DANG, MIG YOR DANG, SMIG RGYU DANG, RMI LAM DANG, BRAG CHA DANG, DRI ZA'I GRONG KHYER DANG, MIG 'PHRUL DANG, 'JA' TSON DANG, GLOG DANG, CHU'I CHU BUR DANG, ME LONG GI GZUGS BRNYAN NO, ,SGYU MA DPER BLANGS PA GCIG LAS MED KYANG SGYU MA'I DPE BCU GNYIS ZHES GSUNGS PA NI, DPE'I THOG MAS GZHAN RNAMS KYANG MTSON PA'AM SGYU MA'I LUS KYI DPE YIN PA LA DGONGS SO, ,DE LA RLUNG SEMS TZAM LAS RDO RJE 'CHANG GI SKUR BA SKYED PA NA, YAN LAG DANG NYING LAG TSANG YANG RLUNG SEMS TZAM LAS MED PAS SGYU MA'I MI LTA BU'O, ,GAR YANG KHYAB PA NI CHU ZLA LTA BU'O, ,SHA RUS LA SOGS PA DANG BRAL BAS MIG YOR TE MI'I GRIB MA'I LUS LTA BU'O, ,SKAD CIG GIS GA-YO BA NI SMIG RGYU LTA BU'O, ,RLUNG SEMS TZAM LAS GRUB PA'I LUS YIN PA NI RMI LAM DU LUS RAGS PA LAS ZUR DU BYE BA'I RMI LAM GYI LUS LTA BU'O, ,

RNAM SMIN GYI LUS DANG RGYUD GCIG TU GTOGS KYANG GZHAN DU SNANG BA NI BRAG CHA LTA BU'O, ,SKU DE'I RTEN DANG BRTEN PA'I DKYIL 'KHOR PA NI DRI ZA'I GRONG KHYER LTA BU'O, ,GCIG YIN KYANG DU MAR SNANG BA NI MIG 'PHRUL LTA BU'O, ,SKU'I KHA DOG RNAM PA LNGA THOGS PA MED CING MA 'DRES PAR SNANG BA NI 'JA' TSON LTA BU'O, ,RNAM SMIN GYI LUS KYI PHUNG PO'I NANG NA GNAS PA NI SPRIN GYI GSEB NA GLOG 'GYU BA LTA BU'O, ,STONG PA'I NGANG NAS THOL GYIS BZHENGS PA NI SHIN TU DVANGS PA'I CHU LAS CHU BUR RDOL BA LTA BU'O, ,YAN LAG DANG NYING LAG THAMS CAD YONGS SU RDZOGS PA NI ME LONG LA RDO RJE 'CHANG GI GZUGS BRNYAN SHAR PA LTA BU'O, ,DE RNAMS NI SLOB PA'I SGYU MA'I SKU MTSON TSUL YIN GYI, MI SLOB PA'I SGYU MA'I SKU MTSON PA LA SBYOR BA'I TSE DPE DRUG PA DANG BCU PA NI DE'I SKABS DANG MTHUN PAR SBYAR RO, ,BDAG BYIN BRLABS LAS GRIB MA ZHES PA NI MIG YOR GYI DON YIN LA, MIG 'PHRUL GYI DOD LA SPRIN 'BYUNG NGO, ,MTSAN GYI RNAM GRANGS NI, BDAG BYIN BRLAB CES DE BSHAD DE, ,SGYU MAR BSTAN PA'I MTSAN NYID KYIS, ,'DI NYID NGES PAR MTSON PA STE, ,KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,RDO RJE'I SKU YANG DE NYID YIN, ,RDO RJE SEMS DPA' BDAG NYED TSE, ,ZHES GSUNGS PA LTAR RO, ,SGYU MA'I SKU DE THOB PA'I YON TAN NI, TSE DE LA NGES PAR 'TSANG RGYA BAR GSUNGS SHING, YANG RIM LNGA LAS, GTZO BO BDE BA KUN RANG BZHIN, ,SEMS DPA' CHEN PO 'GRO DER BZHUGS, ,GNAS DANG GOS

, ,DANG ZAS LA SOGS, ,MKHA' LA SKAD CIG DAG GIS RNYED, ,SRID PA GCOD PAR 'GYUR BA DANG, ,'GRO NA RAB MCHOG STON PAR 'GYUR, ,LHA DANG BCAS PA KUN GYIS MCHOD, ,YANG DANG YANG DU PHYAG BYED 'GYUR, ,ZHES GSUNGS PA RNAMS DANG, SPYOD BSDUS LAS, SANGS RGYAS KYI DBANG BSKUR BA 'THOB PAR GSUNGS SO, ,RTZA BA'I RGYUD LAS KYANG, LUS DANG NGAG SEMS RDO RJE LA, ,RDO RJE 'JAM PA RAB TU BSGOM, ,LUS DANG NGAG SEMS LA SPROS PAS, ,RDO RJE 'JAM PA 'DRA BAR 'GYUR, ,DPAG TSAD BRGYA YI KHYON TZAM DU, ,RDO RJE 'BAR BA'I 'OD DAG GIS, ,RGYAN RNAMS KUN GYIS BRGYAN PA YI, ,DGA' BA'I BDAG NYID SNANG BAR 'GYUR, ,TSANGS PA DRAG PO LA SOGS LHAS, ,NAM YANG MTHONG BAR MI NUS SO, ,ZHES GSUNGS PA LA SGRON GSAL LAS, RDO RJE 'JAM PA NI YID KYI RANG BZHIN GYI SGYU MA'I SKU DANG, DE RANG GI LUS NGAG YID GSUM LA SGOM PAR MA ZAD, KHAMS GSUM PA'I LUS NGAG YID GSUM LA SPROS NAS BSGOMS PAS RDO RJE 'JAM PA DANG 'DRA BAR 'GYUR BA DANG, DPAG TSAD BRGYA'I KHYON TZAM DU RGYA CHE BA'I TSAD DANG GRANGS MED PA'I 'JIG RTEN GYI KHAMS RDO RJE 'BAR BA STE RANG GI SKU'I 'OD KYIS SNANG BAR BYED PA DANG, MTSAN SO GNYIS LA SOGS PA'I RGYAN GYIS BRGYAN PA DANG, DE 'DRA BA'I YE SHES KYI SKU BRNYES PA DE, TSANGS PA LA SOGS PA'I LHA RNAMS KYIS KYANG NAM YANG MI MTHONG NA GZHAN GYIS LTA CI SMOS TE, PHYIR MI LDOG PA'I SPYOD YUL YIN PA'I PHYIR RO, ,'JAM DPAL GYI PHYAG RGYA CHEN PO DE NI SO SO SKYE BO RNAMS

KYIS MI MTHONG ZHING MI REG PAS NA, TING NGE 'DZIN 'DI NI MI SNANG BA ZHES BYA'O, ,ZHES BSHAD DO, ,'DI'I MJUG NYID DU SGYU MA'I RANG BZHIN GYI SKU 'DI NYID 'OD GSAL BAS RNAM PAR SBYANGS PAS BSGRUB PAR BYA BA'I PHYIR, ZHES KYANG GSUNGS SHING, 'DI BSAM GTAN GNYIS KYIS 'OD GSAL DU 'JUG PAR BSHAD LA, ZUNG 'JUG GI SGYU MA'I SKU BSAM GTAN GNYIS KYIS 'OD GSAL DU 'JUG PA MA BSHAD PAS, RIM PA GSUM PA'I SGYU MA'I SKU YIN NO, ,'DI LA GNAS PAS 'PHAGS PA'I SA MA THOB PA 'CHAD BAR MI 'GYUR BAS, 'DIR SO SKYE RNAMS KYIS MI MTHONG ZHES GSUNGS PA NI KHO RANG LAS GZHAN PA YIN LA, DE YANG TSANGS PA LA SOGS PAS MI MTHONG BAR SNGAR BSHAD PA BZHIN YIN PAS, SGYU LUS MA THOB PA'I SO SKYES MI MTHONG BA'O, ,YON TAN 'DI DAG GI PHYOGS TZAM YANG MED PA'I TING NGE 'DZIN 'GA' ZHIG LA, YE SHES KYI SKU'I SGYU LUS DNGOS THOB PAR NGO SPRAD NAS DBUGS 'BYIN PA NI SKU 'DI 'GRUB PA'I SA MTSAMS DANG, SKU 'DI 'GRUB TSUL DANG, SGRUB PA LA YON TAN CI YOD MA SHES PA'I SKYON NO, ,BSKYED RIM PA'I SNGAGS KYI SKU DANG, RDZOGS RIM PA'I YE SHES KYI SKU'I LHA SKYED TSUL GNYIS GZHUNG GZHAN NAS MI GSAL BAS, RDZOGS RIM PA'I SKABS KYI LHA SKYED TSUL BSHAD PA THAMS CAD KYANG BSKYED RIM DU LUGS GZHAN 'DZIN PA MANG POS 'DOD CING, LUGS 'DI LA SBYANGS PA RNAMS KYIS KYANG LHA SKU GNYIS KYI RNAM DBYE BYAS KYANG, DE RNAMS KYI RNAM DBYE LEGS PAR PHYED PA SHIN TU DKON PAR MTHONG BAS, CHES

, ,SHIN TU GSANG BA'I GNAS 'DI MA NUB NA SNYAM PA'I GSAL BAR BYAS SA, ,GSUM PA LA GNYIS, MAN NGAG LAS JI LTAR 'BYUNG BA DANG, DE'I DON GZHUNG LA SBYAR TE BSHAD PA'O, ,DANG PO NI, MAR LUGS KYI GDAMS PA GSER SDINGS PAS MDZAD PA LAS, SGYU LUS DNGOS GZHI'I NGOS 'DZIN 'BYUNG TSUL NI, DON BZHI MA LAS, SGYU LUS NI, 'PHAGS PA YAB SRAS KYIS SGYU MA SNANG LA RANG BZHIN MED PA DANG, LUS LHA'I SKU LA BZHED PAS, LHA SKU SNANG LA RANG BZHIN MED PA CIG YIN, DE 'BYUNG BA'I RGYU NI, BSKYED RIM GYI LHA SKU BSGOMS PA DANG, BSKYED RIM LHA SKUR 'DZIN PA'I ZHEN PA STONG PA GSUM GYIS SBYANGS PA LAS, BAR MA CHAD DU CHU LAS CHU BUR RDOL BA'AM, CHU KLUNG DVANGS PA LAS NYA 'PHAR BA LTAR THABS SHES KYI LHA SKU YER TE 'CHAR BA YIN, DE YANG MA NING GI YI GE BZHI MI SHIGS PA'I THIG LE LA THIM PAS THIG LE LHA SKUR 'CHAR BA YIN TE, YUM GYIS STONG PA MTSON, YAB KYIS SNANG BA MTSON, PHAN TSUN ZHAL SBYAR BAS SNANG STONG GI RO BDE BAR SHAR BA'O, AA THUNG SHAD LTA BU DE 'OD ZER LNGA DANG LDAN PAR GNAS PA DE, RLUNG SEMS KYI LUS YIN PAS DE LA BSDUS NAS BSGOM, SGYU LUS KYI LHA SKU DE YANG CHOS 'BYUNG PHYI DKAR LA NANG DMAR BA'I NANG DU SGOM PA YIN ZHES BSHAD DO, ,'KHOR LO CAN DU YANG, PADMA NANG MA DBUS KYI MI SHIGS PA'I THIG LE LA BSDUS PA'I THIG LE LHA YAB YUM GYI SKUR SHAR BA ME LONG GI GZUGS BRNYAN LTA BUR SGOM PA YIN ZHES BSHAD CING, RIM LNGA GDAN RDZOGS LAS, THIG LE LA SEMS GTAD NAS

SGOM PA SLOB PA'I 'OD GSAL DANG, 'JOG PA'I TSE THEG LE STONG PA LAS LHA SKUR LANGS TE SPYOD LAM BYA, ZHES PA NI LUGS DE'I MAN NGAG CHE BA GNYIS DANG CHUNG BA RNAMS DANG YANG MI MTHUN PA'I NOR PA'O, ,DON LNGA MA LAS, AA SHAD LTA BU 'OD ZER LNGA LDAN DU GNAS PA DE, DNGOS PO'I GNAS LUGS RLUNG SEMS KYI LUS YIN PAS, DE LA SEMS BSDUS NAS SGOM PA YIN, DE DNGOS 'DZIN DANG BRAL BAS YOD PA MIN, RANG BZHIN MED BZHIN DU SNANG BAS MED PA MIN PA DES SGYU MA NGOS 'DZIN, LUS LHA SKU LA 'PHAGS PA LHAS BSHAD PAS, LHA SKU GSAL STONG SNANG LA RANG BZHIN MED PA NGOS BZUNG DANG BRAL BA DE SGYU LUS SU BYAS SO, ,DE SGYU MA'I DPE BCU GNYIS KYIS MTSON PAR GSUNGS PAS, ME LONG GI GZUGS BRNYAN SOGS DANG 'DRA BA DE NGOS ZIN NA SGYU LUS NGOS ZIN PA YIN ZHES BSHAD DO, ,DER SGYU LUS DNGOS MI SHIGS PA'I THIG LE LA BYED CES 'BYUNG YANG, THIG LE LHA SKUR LANGS PA LA BYED PAR DE NYID LAS SHES SO, ,DES NI MAN NGAG CHUNG BA GNYIS LAS, AA THUNG DANG H'Um YIG SGYU LUS SU BSHAD PA YANG SHES PAR BYA'O, ,DON LNGA MA LAS, SGYU LUS NYAMS SU LEN PA LA SGYU MA'I MNYAM GZHAG DANG, SGYU MA'I RNAM THAR GNYIS KYI DANG PO NI, GNAS KHANG LA SHAR NUB TU SKAR KHUNG GDOD CING MTHONGS BZHAG ,RGYA SKYEGS KYI CHUS ZANGS GANG BA'I STENG NA RAL GRI 'PHYANG BA DANG, MDUN DU ME LONG BZHAG PA LA RAS BRIS KYI RDOR SEMS KYI SKU'I GZUGS BRNYAN SHAR BA LA SEMS GTAD NAS BSGOM ,DE LA BDEN ZHE NA

, ,MI 'ONG BAS SGYU MA NGOS 'DZIN PA YIN, 'DI BSKYED RIM LA SBYONG BA'I GDAMS PA YIN GSUNG, ZHES 'CHAD DE, RIM LNGA LAS, RDO RJE SEMS DPA' LEGS BRIS PA, ,ZHES SOGS GSUNGS PA'I DON DU 'DOD DO, ,DE LA BRTEN NAS BDEN ZHEN 'GOG TSUL NI, GSER SDINGS PA'I SGYU MA SUM RGYUD KYI MAN NGAG LAS, MNYAM GZHAG DANG, RMI LAM DANG, BAR DO SGYU MA GSUM BSHAD PA'I DANG PO LA, SGYU MA GZUNG, SBYANG GCIG TU BYED PA GSUM GYI DANG PO NI, ME LONG LA LHA SKU SHAR BA DE LA BSTOD SMAD BYAS PAS DGA' MI DGA' DANG, CHAGS SDANG 'DUG MI 'DUG BRTAG DE MI 'DUG PA DANG MDUN DU PHYUNG STE, DE GA LTAR GSAL GDAB, YANG BSTOD SMAD BYAS LA CHAGS SDANG 'DUG MI 'DUG BLTA, DE MI 'DUG PA DANG RANG LA BSTIMS NAS, RANG NYID LHA'I SKU SGYU MA LTA BUR BSGOM LA, RANG LA BSTOD PA DANG, GA-YAS NAS TZAN DAN GYI LDE GUS BYUG PA DANG, NOR LA SOGS PA 'BUL BA LA DGA' ZHING CHAGS PA MED PAR BYA, RANG LA SMOD PA DANG, GA-YON NAS STE 'US GZHOG PA DANG, NOR LA SOGS PA 'PHROG BA LA YANG MI DGA' BA DANG SDANG BA MED PAR BYA ZHES 'CHAD DO, ,LUGS 'DI'I MAN NGAG 'DZIN PA KHA CIG ,MNYAM GZHAG SGYU MA'I THA SNYAD SOR BZHAG NAS, DE SGOM PA'I TSUL NI, LUS GNAD DANG LTA STANGS DAM POS SEMS GA-YO MED DU BZHAG PAS SEMS ZIN, DE ZIN PAS RLUNG ZIN, DE LAS NYAMS SKYE STE, SA, CHU, ME, RLUNG, SEMS, SEMS BYUNG, MA RIG PA, THAMS CAD STONG PA RNAMS, SNGA MA PHYI MA LA THIM PAS,

SMIG RGYU NAS MUN NAG GI RNAM PA LTA BU'I BAR RNAMS 'BYUNG, DE NAS THAMS CAD STONG PA SPRIN MED PA'I NAM MKHA' LTA BU, DE NAS LUGS LDOG TU SNANG BA GSUM SHAR BA'I SEMS GSUM RLUNG DANG BCAS PA LAS, SGYU MA'I LHA SKU LA SOGS PA'I NYAMS KYI GSAL SNANG DPAG TU MED PA CIG SKYE'O, ,DE LTAR BSGOMS KYANG SKYED CHER MA BYUNG NA SPOGS CHOG NI, RGYAS PA DON LNGA MA LTAR RAM, DE TZAM MI 'GRUB NA ME LONG GI NANG DU LHA'I SKU SHAR BA'I THUGS KAR RTZE GCIG TU GTAD NAS BSGOMS PAS DANG PO GZUGS BRNYAN GSAL BA SNANG BA, DE NAS GZUGS BRNYAN LOGS SU CHAD PA LTAR SNAD BA MCHED PA, DE NAS DE MI GSAL BAR NAG THIB STE SONG BA NYER THOB, DE NAS THAMS CAD DVANGS PA NAM MKHA' LTA BU'I NGANG NAS SNGAR BSHAD PA BZHIN NYAMS SNA TSOGS SKYE ZER RO, ,DE LA SNGA MA NI, SNGAR DRI MED 'OD DANG, BDE MCHOG BSTOD 'GREL DRANGS PA LAS, SOR SDUD KYIS NAM MKHA' LA SNA TSOGS PA'I NYAMS SNANG MTHONG BA RNAMS BDAG BYIN BRLABS SU BSHAD PA DANG, 'DI PA'I SGYU LUS KYI BDAG BYIN BRLABS GNYIS DON GCIG TU BZUNG NAS BYAS PAR SNANG NGO, ,SPOGS CHOG NI, BOD SNGA MA 'GA' ZHIG GIS YUL GANG LA YANG BLTAS PA NA, THOG MAR GSAL BA SNANG BA, DE NAS DE PHRA RU SONG BA MCHED PA, THA MAR MI GSAL BAR 'GAG PA LA PHYOGS PA NYER THOB TU BSHAD PA LA BRTEN NAS BYAS PAR SNANG NGO, ,SGYU MA'I RNAM THAR LA SLOB PA LA, DON LNGA MAR NYIN MO SAD DUS SU SBYONG BA DANG, MTSAN MO RMI LAM DU SBYONG BA GNYIS BSHAD PA'I DANG

, ,PO NI, LHA SKU GSAL BA'I NGANG NAS MGRIN PAR BDE STONG GI NYAMS KYIS RLUNG SEMS DRIL NAS BSGOMS PAS, SROG RTZOL GNAD DU TSUD PA'I NYAMS SKYE, DE LAS SGYU MA'I RNAM THAR 'BYUNG, GNYID LA RMI LAM 'ONG LA 'DI LA MI 'ONG BAS MI 'DRA, 'JIG RTEN LAS 'DAS PA'I RNAM THAR NI, 'OG MIN DU PHYIN NAS BLA MAS BYIN GYIS BRLABS PA DANG, SPRUL SKU MANG PO MTHONG ZHING CHOS NYAN PA SOGS 'BYUNG NGO, ,'JIG RTEN PA'I RNAM THAR LA SLOB PA NI, SUM CU RTZA GSUM DANG, DGA' LDAN DANG, 'OG MIN LA SOGS PA LTA BA DANG, DER PHYIN PA DANG, LHA'I BU DANG BU MOS MCHOD PA DANG, DE 'DRA BA LAS THIG LE 'DZIN PA DANG, CHO 'PHRUL SNA TSOGS STON PA 'BYUNG ZER TE, RNAM THAR DE RNAMS RTZOM PA'I 'DUN PA BTANG NAS, MGRIN PAR BUM PA CAN BSGOMS PA LAS, RMI LAM NA 'BYUNG BA BZHIN DU DE RNAMS 'BYUNG BAR 'DOD PA'O, ,MNYAM GZHAG SGYU MA'I GDAMS PA LAS, SNYING KHA'I THIG LE AA SHAD DANG BCAS PA LA DMIGS PA GTAD NAS RLUNG KHA SBYOR BSGOMS PAS, NAM MKHA' LA 'GRO BA SOGS KYI NYAMS SKYES NA SGYU MA'I RNAM THAR SKYES PA YIN LA, DE LA DGA' BA DANG RLOM PA SOGS MED PAR, DAM GROG DANG GA-YANG SA SOGS LA THOG MA ME PA STONG THAL THAL SBYONG BAR BSHAD DO, ,DON BZHI MAR LHA SKUR GSAL BA'I MDZOD SPU SOGS NAS 'OD ZER SPROS PAS RGYAL BA LA MCHOD PA DANG, SEMS CAN LA GANG 'DUL GYI SKU BSTAN NAS SGRIB GNYIS SBYANGS TE 'OD ZER RANG LA SDUD PA DANG,

LHA SKUR BYAS PA RNAMS 'ONG DU BZHUS NAS, BSAM GTAN GNYIS KYIS RANG LA BSDUS PA LA BRTEN NAS, SNGAR BSHAD PA BZHIN GYI RNAM THAR RNAMS 'BYUNG BAR BSHAD DO, ,GNYIS PA NI, DON LNGA MA DANG, DON BZHI MAR AA THUNG 'OD ZER LNGA LDAN DE, DNGOS PO'I GNAS LUGS RLUNG SEMS KYI LUS YIN ZHES PA NI, BSGOMS PA'I YID NGOR SNANG BA'I AA YIG GI GZUGS DE TZAM LA BYED DU MI RUNG BAS, DES MTSON PA'I SROG 'DZIN PHRA BA DANG, DE LA ZHEN PA'I YID KYI SHES PA'I RLUNG SEMS GNYUG MA'I LUS YIN LA, DE YANG STONG PA RNAMS SHAR BA'I BDE STONG GI NYAMS LAS, GZHAN GYIS BAR MA BCAD PAR SGYU MA'I SKU SKYED CES BSHAD PAS, STONG PA GSUM GYI RLUNG SEMS LAS GZHAN GYIS BAR MA BCAD PAR SGYU MA'I SKU SKYED PA'I DON YIN PAS, THIG LE LHA SKUR SHAR BA SGYU LUS SU BSHAD PA DANG, THIG LE DANG YIG 'BRU SGYU LUS SU BSHAD PA'I GDAMS NGAG GI ZHE 'DOD NI DE DAG GIS MTSON PA'I DON GNYUG MA'I RLUNG SEMS KYI LUS LAS SGYU LUS SKYED PA'I DON DU GZUNG GI ,YID NGOR THIG LE DANG YI GER SNANG BA YONGS SU 'GYUR NAS LHA SKUR SKYED PA TZAM NI SGYU LUS SU MI BYA'O, ,DE LTAR BYAS NA RIM LNGA BSDUS PA LAS, SNGAGS KYI 'KHOR LO BKOD NAS RDOR BZLAS BYA BAR BSHAD PA'I MJUG THOGS SU, THA MAL RNAM RTOG BAG CHAGS RNAMS, ,SNGAGS NYID SEMS SU DMIGS PA'O, ,LUS DAG PAS NI RTOG PA DAG ,RLUNG DAG PAS NI DRI MED 'GYUR, ,RLUNG DAG PAS NI YE SHES KYI, ,KUN RDZOB SGYU MA MNGON DU BYED, ,CES SNGAGS

, ,'KHOR SGOM PA SNGON DU BTANG BA CAN GYI RDOR BZLAS KYIS, RLUNG DAG PAR BYAS NAS SGYU MA'I SKU SKYED TSUL BSTAN NO, ,DE LA 'KHOR LO'I 'DAB MA LA BKOD PA'I SNGAGS KYI YI GE'I GZUGS RNAMS NI THA MAL GYI RNAM RTOG BRGYAD CU'I SEMS DANG, DE GA-YO BA'I RLUNG GI MTSON BYED DO, ,MTSON BYED KYI YI GE'I LUS TE GZUGS RNAMS RIM PA BZHIN BSDUS TE SBYANGS PA LAS KUN RTOG RLUNG DANG BCAS PA 'DAG LA, KUN RTOG GA-YO BA'I RLUNG DAG PA LAS NI, YE SHES KYI SKU KUN RDZOB SGYU MA'I LUS MNGON DU BYED PA'I DON NO, ,YANG DE NYID LAS, RLUNG SEMS TZAM LAS BYUNG BA YI, ,SGYU MA'I LUS NI SNANG BAR BCAS, ,ZHES KYANG BSHAD PAS, KUN RTOG BRGYAD CU RLUNG DANG BCAS PA DAG PA'I RLUNG SEMS TZAM LAS SGYU LUS 'GRUB PAR BSHAD PA DANG YANG MTHUN NO, ,TSUL DE RTZA BSHAD KYI RGYUD DANG, YAB SRAS KYI GZHUNG RNAMS DANG BSTUN NA'ANG DON DU SNANG NGO, ,YANG SGYU LUS SGYU MA'I DPE BCU GNYIS KYIS MTSON PA LA, DPE DON GYI CHOS MTHUN 'GA' ZHIG BSHAD NAS, DE NGOS ZIN NA SGYU LUS NGOS ZIN PA YIN ZHES DPE DON GYI CHOS MTHUN NGES PA NYID SGYU LUS GTAN LA 'BEBS BYED DU 'CHAD PA LEGS PAR SNANG NA'ANG BSKYED RIM SGOM PA MI GSAL NA DE GSAL BA'I BOGS 'BYIN BYED DU BSHAD PA'I MAN NGAG RNAMS, SGYU LUS KYI SKABS SU RIM LNGAR, RDO RJE SEMS DPA' LEGS BRIS PA, ,ZHES SOGS GSUNGS PA'I DON DU BYAS NAS, ME LONG DU SHAR BA'I GZUGS BRNYAN LA DMIGS NAS SGOM PA DANG, DE NAS DE BLOS BTON NAS BAR DU BZHAG LA, DE

MTHAR RANG LA BSTIMS PA'I BDAG BSKYED KYI LHA SKU LA SGYU LUS SU BYED PA NI, RANG GIS SNGAR STONG PA'I YE SHES KYI BDE STONG GI NYAMS LAS, GZHAN GYIS BAR MA BCAD PAR SGYU MA'I SKU SKYED CES PA DANG 'GAL ZHING, GZHUNG TSAD LDAN KUN DANG YANG MI MTHUN LA, RANG GI RTZA TSIG DANG YANG 'GAL BAR SNANG NGO, ,BLA MA MAR PA LA RGYUD RE RE'I GDAMS NGAG LA'ANG, BLA MA DU MA ZHIG GI MAN NGAG MI 'DRA BA DU MA ZHIG 'DUG PAS, THAMS CAD N'A RO PA'I GDAMS NGAG YIN PA'I NGES PA MED DO, ,'O NA RIM LNGA LAS, DNGOS DANG DNGOS MIN LAS GROL BA, ,RDO RJE SEMS DPA' LEGS BRIS PA, ,ME LONG DRI MA MED PA LA, ,GZUGS BRNYAN GSAL BAR SNANG DANG MTSUNGS, ,RNAM PA KUN GYI MCHOG LDAN ZHING, ,SKU NI BLTA BAS MI NGOMS PA, ,SLOB MA BZANG PO DE LA BSTAN, ,BDAG BYIN BRLABS ZHES DE BSHAD DO, ,ZHES GSUNGS PA'I DON JI LTAR YIN ZHE NA, DE NI MTHA' GNYIS DANG BRAL BA'I RDO RJE 'CHANG GI SKU JI 'DRA BA BRIS PA'I BRIS SKU ME LONG GA-YA' DAG PA LA SHAR TE, GSAL BAR SNANG BA DANG MTSUNGS PA'I SKU DE NI, MTSAN GYI RNAM PA KUN GYI MCHOG DANG LDAN PA DANG, BLTA BAS CHOG MI SHES PA YIN NO ZHES, ME LONG GI GZUGS BRNYAN DANG SGYU MA'I SKU GNYIS DPE DON DU SBYAR NAS, SLOB MA LA BSTAN PA'I DON DE LA BDAG BYIN GYIS BRLABS ZHES BSHAD DO ZHES PA'I DON YIN GYI, ME LONG DU SHAR BA LA DMIGS NAS SGOM PA DANG, DE NAS BLOS BTON TE RANG LA BSDUS PA'I LHA SKU SGYU LUS SU STON PA MIN NO, ,DE LTA MIN NA DPE GZHAN RNAMS LA'ANG DE DANG 'DRA BAR BYA DGOS PAR 'GYUR RO, ,DPE BCU GNYIS LAS,

, ,RIM LNGAR DPE GSUM GSUNGS PA'I GZUGS BRNYAN NI, RDO RJE 'CHANG GI SKU BRIS PA'I GZUGS BRNYAN YIN GYI, GZUGS BRNYAN PHAL PA RNAMS MIN TE, SKU'I CHA RNAMS CIG CAR DU RDZOGS PA'I DPE'O, ,'JA'I DPAS NI THOGS PA MED PA LA KHA DOG MA 'DRES PA'O, ,CHU ZLA'I DPES NI, SGYU LUS GCIG NYID KYIS GDUL BYA DANG MTHUN PAR SPRUL PA DU MA 'GYED NUS PA'O, ,BDAG BYIN BRLABS LAS, DE DAG GIS NI SKU BSGOM MO, ,ZHES DPE GSUM PO DES SGYU MA'I SKU SGOM PAR GSUNGS PA NI, DE DAG GIS MTSON TE NGES PAR BYAS NAS SGOM PA'I DON NO, ,ME LONG GI GZUGS BRNYAN LA DMIGS NAS SGOM PA'I SGYU LUS SGRUB PA'I TSUL GNYIS LTAR NA, DE SGRUB PA LA BSKYED RIM DANG DBEN GSUM MTHAR PHYIN PA DGOS DON MED DO, ,DRI MED 'OD LA SOGS PAR, SOR SDUD KYI NYAMS KYI SNANG BA BDAG BYIN BRLABS SU BSHAD PA LA BRTEN NAS SGYU LUS SU SMRAN NI, SMIG RGYU NAS SGRA GCAN LTAR NAG POR SNANG BA'I BAR BRGYAD KA SGYU LUS SU 'DOD DGOS KYI, DE'I MTHAR LUGS LDOG TU LANGS PA'I MTHAR LHA'I SKU SHAR BA KHO NA LA SGYU LUS SU 'CHAD PA MI RIGS SO, ,DUS 'KHOR LAS SMIG RGYU SOGS KYI RTAGS RNAMS SOR SDUD KYI SKABS SU GSUNGS PA NI, DBANG PO'I RLUNG RNAMS YUL THA MAL PA LA 'JUG PA LDOG TU NYE BAR SONG BA DANG, NANG DU LDOG PA'I DUS KYI RTAGS YIN ZHING, SEMS DBEN SOGS KYI SKABS SU 'CHAR PA'I SMIG RGYU SOGS BZHI NI, ,STONG PA BZHI DE'I MJUG THOGS SU 'CHAR BA'I RTAGS YIN LA, DE LA NI RLUNG DH'U T'IR TSUD NAS THIM PA DGOS

PA LAN MANG DU BSHAD ZIN TO, ,DE BAS NA SOR SDUD KYI SKABS SU ZLA NYI SGRA GCAN GYI RNAM PA MTHONG PA DANG, STONG PA GSUM GYI ZLA 'OD SOGS KYANG DON GCIG TU 'ONGS MED DO, ,MDOR NA, RDOR BZLAS MTHAR PHYIN PAS, SEMS DBEN GYI STONG PA RNAMS SKYED PA'I DUS SU KUN RTOG DANG DE GA-YO BA'I RLUNG THIM PA NA, DBANG SHES RNAMS DE'I SNGA NAS KYANG THIM NAS 'GRO BA'I RNAM GZHAG LEGS PAR SHES NA, SGYU LUS SGRUB PA'I TSE MIG GIS BLTAS NAS SGOM PA 'ONG NGAM SNYAM PA'I DOGS PA MI SKYE'O, ,SPYIR RJES THOB TU GANG SNAR BRDZUN PA'I SGYU MAR 'CHAR BA LA NI, DBEN GSUM DANG SGYU LUS KYI SKABS SU BDE BA CHEN PO DRANGS PA NA, STONG PA PHU THAG CHED PA DANG SBYAR NAS SGOM PA NYID LA NAN TAN DU BYA RGYU YIN GYI, RJES KYI SKABS SU GZUGS BRNYAN LA DGA' MI DGA' 'DUG MI 'DUG RTOG PA SOGS KYIS BDEN ZHEN 'GOG PA 'GANGS CHUNG NGO, ,'DI YANG PHYI NANG GI CHOS LA BDEN 'DZIN GYI DMIGS GTAD MA LUS PA BSHIG PA'I RIG SHES KYIS NGES PA RNYED NA, DE'I 'OG TU YUL SNANG SGYU MAR RANG SHUGS SU 'CHAR PA'I TSUL DBU MA'I RIGS PA LEGS PAR SHES PA LA RAG LAS SO, ,RIM LNGAR SGYU LUS THOB PAS BYA BA GANG LA 'JUG KYANG THAMS CAD SGYU MA BZHIN DU BLTA BAR GSUNGS PA NI, PHAR PHYIN DANG THUN MONG BA'I SGYU MAR LTA BA YOD MOD KYANG, THUN MONG MA YIN PA'I SGYU MA SEMS CAN THAMS CAD KYI GNYUG MA'I LUS RLUNG SEMS TZAM DU ZAD PAR LTA BA SOGS SNGAR BSHAD PA BZHIN YIN NO, ,RLUNG BSGOMS PAS SHIN TU BYANG BAR GYUR PA NA, ZHING KHAMS SOGS KYI YUL SNANG

, ,GANG 'CHAR BAR 'DOD PA LA DE'I 'PHEN PA SNGON DU BTANG NAS, RLUNG KHA SBYOR BZUNG NA, SNANG BA DE DANG DE RNAMS SGYU MA BZHIN DU 'CHAR MOD KYANG, 'PHAGS SKOR DU DE LTAR BYAS NAS SGOM PA LA BSHAD PA MA BYUNG NGO, ,SGYU MA SGOM PA'I SKABS SU BSAM GTAN GNYIS KYI YUL SNANG SDUD PA YANG MA BSHAD CING, DON LA THOB RGYU YANG MED DO, ,GNYIS PA DE DANG 'BREL BA'I GDAMS PA BSHAD PA LA GNYIS, GDAMS PA'I KHUNGS BSHAD PA'I SKABS DANG BCAS PA DANG, GNYID DANG RMI LAM LA SOGS PA'I GDAMS PA DNGOS BSHAD PA'O, ,DANG PO NI, LUGS 'DI LA GNYID DANG RMI LAM GYI GDAMS PA DANG, 'CHI KA DANG BAR DO'I GDAMS PA BSHAD PA 'DI RNAMS, RGYUD DANG YAB SRAS KYI GZHUNG GANG LA BRTEN PA YIN SNYAM NA, 'DI LA RJE 'GOS KYIS NI, BAR DOR 'TSANG RGYA BA LA 'CHI BA DANG BSRE BA DANG, BAR DO DANG BSRE BA GNYIS BSHAD, SKYE BA BRGYUD NAS 'TSANG RGYA BA LA GNYID DANG BSRE BA BSHAD DE, RMI LAM DANG BSRE BA 'DI'I MAN NGAG LA MA BYUNG NGO, ,TSE 'DIR 'TSANG RGYA BA LA BSRE BA DE DAG MA BSHAD CING, DE RNAMS KYANG SPYOD BSDUS KYI GZHUNG DRANGS NAS BSHAD DO, ,N'A RO PA'I MAN NGAG NAG TSO NAS BRGYUD PA LA BSRE BA 'DI RNAMS MA BYUNG LA, MAR PA NAS BRGYUD PA LA DE BZHI KA'I GDAMS PA MANG DU BYUNG ZHING, TSE 'DIR 'TSANG RGYA BA LA GNYID DANG RMI LAM DANG BSRE BA DANG, BAR DOR 'TSANG RGYA BA LA DE GNYID DANG 'CHI BA DANG, BAR DO DANG BSRE BA DANG, SKYE BA BRGYUD NAS 'TSANG RGYA BA LA DE BZHI KA BSHAD DO, ,GZHUNG 'DIS BSTAN PA PHYOGS TZAM SMOS PA MA GTOd

PA GSAL BAR SBYAR BA MI SNANG NGO, ,RIM LNGA BSDUS PA LAS, RMI LAM LUS NI RNAM SBYANG PHYIR, ,SGYU MAR MTSON PA'I DUS GANG LAS, ,YUL SNANG KUN RDZOB GANG MTHONG BA, ,KUN RDZOB SGYU MA'I RIM PA'O, ,ZHES DANG, RMI LAM SGYU MA GCIG TU SBYANG, ,ZHES PAS RMI LAM GYI GDAMS PA DANG, BAR DO RNAM GSUM BSRE BAR BYA, ,ZHES DANG, SNGAR DRANGS PA LTAR NYIN ZHAG GCIG DANG, SRID PA SKYE 'CHI'I RIM PA DANG SBYAR LA RIM LNGA BSGOM ZHES PAS GNYID DANG BSRE BA DANG, 'CHI BA DANG BAR DO DANG BSRE BA'I GDAMS PA MDO TZAM DU BSTAN NO, ,MGON PO KLU'I GZHUNG LAS NI RIM LNGAR SGYU LUS LA BAR DOR BSHAD PA DE, DE GNYIS BSRES PAR BSHAD DU RUNG BA TZAM MA GTOGS PA, BSRE BA RNAMS TSIG ZIN LA MI GSAL LO, ,KLU BYANG GIS, RDZOGS RIM LA 'CHI RIM E BZHIN DU SBYAR BA MA GTOGS PA, BAR DO DANG SBYOR BA DANG, GNYID DANG RMI LAM DANG SBYAR BA MED LA, BSKYED RIM LA SKYE 'CHI BAR DO GSUM DANG SBYAR NAS GSUNGS SO, ,ZLA BA GRAGS PAS, BAR DOR 'TSANG RGYA BA'I 'CHI BA DANG BAR DO DANG, BSRE BA BSHAD LA, LE'U BCO LNGA BAR CHOS THAMS CAD RMI LAM LTA BUR BSHAD PA'I SKABS SU, RMI LAM DANG SAD PA'I SKABS KYI CHOS RNAMS BDEN MED DU MNYAM PA'I SHES BYED DU SPYOD BSDUS KYI LUNG DRANGS PA MA GTOGS PA, GNYID DANG RMI LAM DANG BSRE BA DNGOS SU MA BSHAD PAS, LUGS 'DI LA LE'U BCO LNGA PA'I RMI LAM LTA BUR BSHAD PAS RMI LAM 'DZIN PA SOGS KYI GDAMS PA BSTAN PAR 'DOD PA NI DON MIN NO, ,DES NA, GNYID DANG STONG PA BZHI BSRE BAR BSHAD PA NI, SPYOD BSDUS MA GTOGS PA YAB SRAS GZHAN

, ,GANG GI GZHUNG NA'ANG MED DO, ,SPYOD BSDUS LAS NI, DE NAS SKYE BA GCIG NAS GCIG TU GOMS PAS, BDAG MED PA'I CHOS LA BSLABS PAS RNAM PAR BSRES PA'I SBYAR BA KHONG DU CHUD NAS, RANG BZHIN GYI SNANG BA DANG GCIG TU 'DRE BAR BYA STE, RIM PA 'DIS DON DAM PA'I BDEN PA LA DMIGS PAR BYA'O, ,DE'I RIM PA NI 'DI YIN TE, PHUNG PO LA SOGS PA NI KHAMS PHRA BA LA GZHUG GO ,KHAMS PHRA BA NI YANG SEMS LA GZHUG GO ,SEMS NI YANG SEMS PA LA GZHUG GO ,SEMS PA NI YANG MA RIG PA LA GZHUG STE, DE LTAR SBYAR NAS GNYID LOG PAR BYED DO, ,DE LA DUS 'DIR NI SEMS DANG SEMS PA MA RIG PA LA ZHUGS PA'I SKAD CIG LA DRAN PA BRJED PA'O, ,PHYIS NI BRJED PA YANG MED PA'I YE SHES KYI NGO BO NYID NI 'OD GSAL BA'O, ,YANG GROL BA NA RLUNG GIS RANG BZHIN RNYED DE, GANG GI RMI LAM GZHAN DAG 'BYUNG BA NI, JI SRID DU RNAM PAR SHES PA MI GA-YO BA DE SRID DU GNYID LOG NAS 'OD GSAL BA LA BLTA STE, DE NI SO SO RANG GIS RIG PA'I LUS DANG NGAG DANG SEMS DANG BRAL BA'I DON DAM PA'I BDEN PA NANG GI MNGON PAR BYANG CHUB PA ZHES BYA'O, ,RIM PA 'DIS LUS KYI DKYIL 'KHOR LA GNAS PA'I DE BZHIN GSHEGS PA'I TSOGS RNAMS GSAD PAR BYA ZHING, DE BZHIN NYID LA GZHUG PAR BYAS NA, SKAL PA BZANG PO'I DNGOS GRUB THOB PAR 'GYUR TE, SPROS PA DANG BCAS PA DANG, SPROS PA MED PA'I SPYOD PA LA LTOS PA MED PAR SHIN TU MYUR BAR 'DIR RANG GI GZUGS YONGS SU BRJE BAR 'GYUR RO ZHES BYA BA'I DON TE, ZHES GSUNGS

SO, ,CHAG 'GYUR LAS, ,RLUNG GIS RANG BZHIN GA-YOS TE GAL TE RMI LAM GZHAN DAG MA BYUNG NA ZHES 'BYUNG BA BDE'O, ,LUNG DE'I MJUG THOGS SU, DON 'DI NYID DGONGS PA LUNG BSTAN PA ZHES BYA BA RNAL 'BYOR CHEN PO'I RGYUD LAS, GZUGS SOGS NANG GI CHOS RNAMS NI, ,MTHONG BA LHAG MTHONG ZHES BRJOD LA, ,MI BSKYOD LA SOGS GRANGS BZHIN DU, ,BRTAGS PA DAG NI ZHI GNAS BYA, ,'DI DAG DNGOS PO MED GYUR PA'I, ,DE BZHIN NYID NI ZHI BAR BSHAD, ,DE BZHIN NYID KYI DKYIL 'KHOR DU, ,RNAL 'BYOR PA YIS SANGS RGYAS GZHUG ,CES GSUNGS PA DANG, ZHES GSUNGS SO, ,DE LTAR GNYID STONG PA BZHI'I TING NGE 'DZIN GYI NGO BOR SKYED PA PO NI SHIN TU SPROS MED KYI SPYOD PA LA SPYOD PA'I RNAL 'BYOR PAR GSUNGS SHING, ,RTEN DES GNYID LOG PA DANG SANG PA'I DUS KYI STONG PA BZHI SKYED TSUL GNYIS SU BYAS NAS DANG PO'I SKYED TSUL STON PA MA YIN GYI, ,DES STONG PA BZHI SKYED PA NA DE LTAR SKYED PAR GSUNGS SO, ,DE YANG SPYOD BSDUS LAS, ,RIM PA 'DIS BHU SU KU TZAM GYI SPYOD PA LA SBYOD DO, ,ZHES BZA' BTUNG DANG BSHAD GCI 'DOR BA'I SKOR GYI BYA BA TZAM ZHIG BYED KYI, DE MA GTOGS PA GNYID LOG NAS 'OD GSAL NYID BSGOM PAR BSHAD DE, 'DIS GNYID LOG PA LAS MA GTOGS PA'I 'OD GSAL SGOM PA MED PAR BSHAD PA 'DI'I GNAD SHES NA, BSRE BA GZHAN RNAMS KYI GNAD MTHAR THUG PA YANG SHES PAR 'GYUR RO, ,'O NA, DGONGS PA LUNG STON GYI LUNG NGES RNAL 'BYOR PAS SANGS RGYAS TE PHUNG SOGS DE BZHIN NYID KYI DKYIL 'KHOR 'OD GSAL DU 'JUG PA STON MOD KYANG, GNYID KYI STONG PA

, ,BZHI'I RIM GYIS PHUNG SOGS 'OD GSAL DU 'JUG PA'I SHES BYED DU JI LTAR 'GRA SNYAM NA, GNYID STONG PA BZHI'I NGO BOR RNAL 'BYOR PAS SKYED PA NI RGYUD TSIG LA DNGOS SU MI GSAL YANG, 'PHAGS PA LHAS KLU'I MAN NGAG GIS GSAL BAR MDZAD PAS SHES LA, DE LTA NA, DE 'DRA BA'I 'OD GSAL DU 'JUG TSUL DE LA DGONGS PA LUNG STON NAS PHUNG SOGS 'OD GSAL DU GZHUG PAR GSUNGS PA'I DON YANG TSANG BAS SHES BYED DU 'GRO STE, DPER NA LTO LDIR BA BUM PA'I MTSAN NYID DU STON PA'I TSIG DES, MU MEN GYI LTO LDIR BA BUM PA YIN NO ZHES KHYAD PAR GYI GZHI DE DANG LTO LDIR BA GNYIS SBREL NAS DNGOS SU MA BSTAN KYANG, KHYAD GZHI DE LA DES BSTAN PA'I LTO LDIR BA NZHIN NO, ,DE NZHIN GSHEGS PA'I TSOGS BSAD NA SKAL BA BZANG PO'I DNGOS GRUB THOB PAR 'GYUR ZHES GSUNGS PA NI, ,RTZA RGYUD LAS, DE BZHIN GSHEGS PA'I TSOGS BSAD NA, ,DNGOS GRUB RAB MCHOG THOB PAR 'GYUR, ,ZHES PA DANG KHYAD MED PAS, ,LUNG DE YANG MTSAN NYID MTSUNGS PA'I SGO NAS GNYID KYI 'OD GSAL SBYAR DU RUNG STE, 'PHAGS PA LHA'I MAN NGAG LA BRTEN NAS GNYID KYI 'OD GSAL RGYUD KYI GZHUNG GANG LA BRTEN SMOS PA DES GZHAN YANG RTOGS PAR BYA'O, ,DE 'DRA BA'I GNYID KYI 'OD GSAL 'DZIN PA NI TSE DE LA 'TSANG RGYA BA'I SPYOD PAR SNANG BAS, GNYID DANG 'OD GSAL BSRE BA'I GDAMS PA'I MCHOG NI GANG ZAG RAB TSE 'DIR 'TSANG RGYA BA LA DGONGS PA YIN MOD KYANG, BAR DOR 'TSANG RGYA BA DANG, SKYE BA BRGYUD NAS 'TSANG RGYA BA LA YANG DE DGOS PA NI BLA MA RNAMS KYI MAN

NGAG LAS 'BYUNG BA BZHIN YIN TE, MAN NGAG LAS DE LTAR BSHAD PA DANG, DE LA BRTEN NAS GNYID KYI STONG PA BZHI SKYED PA'I TSUL MA BYUNG NA, SPYOD BSDUS LAS SHIN TU SPROS MED KYI SPYOD PA BYED MKHAN GYIS DE LTAR BYED PAR GSUNGS PA MTHONG BA NA, GANG ZAG DE'I SGOS CHOS YIN PAR GO NAS, ,DA LTA'I GANG ZAG GIS DE DAG SGOM PA DOR BAS DON CHEN PO LAS NYAMS PAR 'GYUR RO, ,SPYOD BSDUS LAS GSUNGS PA'I GNYID DANG STONG PA BZHI BSRE TSUL DE BZHIN DU 'OG MA'I GANG ZAG GIS MI NUS KYANG, ,GNYID DANG STONG PA BZHI BSRE BA'I TING DE 'ZHIN SPYI TZAM PA SKYED MI NUS PA MIN PAS, ,LAM GYI KHYAD PAR RNAMS LEGS PAR PHYED DGOS SO, ,DES NA SPYOD BSDUS KYI KHUNGS DE GANG ZAG DA LTAR BA RNAMS KYIS KYANG GNYID KYI STONG PA RNAMS 'DZIN PA LA SBYAR SA YOD DO, , 'O NA RMI LAM GYI GDAMS PA LA KHUNGS GANG YOD CE NA, DE LA YANG RGYUD DANG, YAB SRAS KYI GZHUNG GZHAN NA GSAL BAR MED PAS, SPYOD BSDUS LAS SHES DGOS TE, JI SKAD DU, CI'I PHYIR YUN RING POR GNYID LOG NAS, CI'I PHYIR LUS KYI KHOG PA BOR TE RMI LAM DU SUM CU RTZA GSUM PA'I GNAS SAM, YUL PHYOGS GZHAN DAG TU SONG NAS 'DOD PA'I YON TAN LNGA NYAMS SU MYONG STE, ,YANG LUS 'DIR 'ONGS NAS, CI'I PHYIR RMI LAM DGE BA DANG MI BA MTHONG BA'I 'BRAS BU THOB PAR 'GYUR, DE BZHIN DU GNYID LOG PA'AM, GNYID MA LOG PA'I GNAS SKABS DAG CI THA DAD PAR MCHIS SAM 'ON TE MA MCHIS, ZHES RMI LAM LA DRI BA MDZAD DO, ,CI'I PHYIR YUN RING POR GNYID LOG CES PA NI, RMI LAM MA SHAR BA'I GNYID YUN RING PO'I RGYU DRIS PA'O, ,

, ,CI'I PHYIR LUS KYI KHOG PA BOR TE ZHES SOGS KYI DON NI, SNGAR LTAR GNYID LOG PA'I RJES DE NAS RMI LAM SHAR BA'I DUS SU, PHUNG PO'I KHOG PA SNGAR YOD 'DI LAS RMI LAM GYI LUS LOGS SU BYE NAS, YUL PHYOGS GZHAN DU SONG NAS YANG LUS SNGA MA 'DIR 'ONG BA DE CI'I PHYIR 'ONG ZHES SLAR DE LA 'JUG PA'I RGYU DRIS SO, ,CHAG 'GYUR LAS, RMI LAM DU DBANG PO MTHA' DAG GIS SUM CU RTZA GSUM GYI GNAS SAM, ZHES 'BYUNG BA LTAR NA, RMI LAM GYI LUS LOGS SU BYE BA DE LA DBANG PO RTEN BCAS TSANG BAR SNANG BA'I DON NO, ,CI'I PHYIR RMI LAM DGE BA DANG ZHES SOGS KYI DON NI, RMI LAM DU MTHONG BA'I LTAS BZANG NGAN GYI 'BRAS BU SAD DUS SU MYONG BA'I RGYU CI YIN ZHES DRIS SO, ,GNYID LOG SAD LA THA DAD YOD DAM MED CES PA NI, RMI LAM BRDZUN LA SAD PA'I YUL SNANG RNAMS BDEN PA'I KHYAD PAR YOD MED DRIS PA'O, ,DE'I LAN DU, THOG MA MED PA'I RANG BZHIN CAN GYI LUS LA DNGOS POR BLTAS NAS 'DZIN PA RNAMS KYI THE TSOM BSAL BA'I PHYIR DANG, BDAG LA BYIN GYIS BRLAB PA BSHAD PA RNAM PAR GSAL BAR BYA BA'I PHYIR, RMI LAM GYI MTSAN NYID YONGS SU 'DRI BAR BYED PA LEGS SO LEGS SO, ,DE BAS NA RMI LAM GYI SGO NAS GZUGS BRNYAN DU BSHAD PA'I LHA'I SKU THAMS CAD KYI SO SO RANG RIG PAR GYUR BA, RGYUD DANG MDO SDE RNAMS KYI RJES SU 'BRANGS NAS RAB TU RTOGS PAR BYA YIS, RTZE GCIG PA'I SEMS KYIS NYON CIG ,PHUNG PO KHAMS DANG SKYE MCHAD DBANG SOGS PA, ,SHES PA GNYIS PO DE 'DIR RAB 'DUS NAS, ,STONG CHAN GYUR PAS GANG ZHIG GNYID LOG PA, ,

RLUNG GI SHUGS KYIS RMI LAM MTHONG BAR 'GYUR, ,RMI LAM SAD LA BYE BRAG GZHAN MED PAR, ,KUN TU RTOG PAS RMI LAM 'BRAS 'DOD PA, ,'GRO BA NYIN MTSAN NYE BAR GNYID LOG CING, ,SA 'THUG GYUR PAS RAB TU RING GNYID LOG ,'BRAS BU MA SMIN BYAS PA'I LAS RNAMS KYIS, ,SKYE 'DIR RLUNG NI SNGAR YANG 'JUG PAR 'GYUR, ,'BRAS BU SMIN PAR GYUR NA RLUNG 'DI NYID, ,'JIG RTEN 'CHI BA GZHAN DU MYUR 'GROR 'GYUR, ,JI LTAR PHYOGS BCUR BZHUGS PA'I RGYAL DBANG PO, ,DE YI SKU LA RKANG RUS SHA MED KYANG, ,SEMS CAN PHAN PHYIR KHAMS LA 'JUG MDZAD CING, ,SPRUL PA'I SKU YIS BYA BA MDZAD PA YIN, ,RIM PA DE NYID GNYID LOG SAD PA'I SEMS, ,'BRAS BU 'DOD PA'I RNAM RTOG DRA BA CAN, ,DE BAS CHOS KUN RMI LAM LTA BU STE, ,BDEN DANG BRDZUN PA DAG KYANG YOD MA YIN, ,ZHES BYA'O, ,ZHES GSUNGS SO, ,DE LA LUS LA DNGOS POR BLTAS NAS 'DZIN PA RNAMS KYI THE TSOM ZHES PA NA, DA LTA'I LUS LA PHRA RAGS KYI LUS GNYIS YOD PA SO SOR MA RTOGS PAR, RAGS PA'I LUS TZAM ZHIG LUS KYI DNGOS POR BZUNG NAS, RTEN 'DI LA BRTEN NAS 'JA' TSON LTA BU'I SGYU MA'I SKU 'GRUB PAR NUS SAM MI NUS SNYAM PA'I THE TSOM BSAL BA'I PHYIR RO, ,CHAG 'GYUR LAS, GZUGS BRNYAN LTA BU ZHES 'BYUNG NGO, ,RMI LAM GYI DPE'I SGO NAS RGYUD SDES RTOGS PAR BYED PA NI, PHUNG PO ZHES PA NAS, SAD PA'I SEMS ZHES PA'I BAR GYIS YIN LA, MDO SDES RTOGS PAR BYED PA NI, RMI LAM RANG SAD PA LA BDEN BRDZUN GYI KHYAD PAR MED PAR LAS KYI SGRIB PA RNAM PAR DAG PA'I MDO DRANGS NAS BSHAD PA'O, ,

, ,RGYUD KYIS RTOGS PAR BYED PA NI, RTZA RGYUD DANG, YI SHES RDO RJE KUN LAS BTUS GNYIS DRANGS NAS SGYU LUS STON PA'O, ,RKANG PA DANG PO'I DON NI, RDO RJE 'PHRENG BA LAS GSUNGS PA LTAR, PHUNG PO DANG PO BZHI DANG, SA LA SOGS PA'I KHAMS BZHI DANG, YUL GYI SKYE MCHED BZHI DANG, MIG SOGS KYI DBANG PO BZHI DANG, SOGS KYI SGRAS BSDUS PA DE DAG GI LHAG MA RNAMS SO, ,DE RNAMS LUS 'DIR 'DUS PA NI, SHES PA YUL LA 'JUG PA RANG DBANG MED PAR RIM GYIS 'DUS PA'O, ,DE LTAR 'DUS PA LAS SNANG BA DANG, MCHED PA SKYE BA NI SHES PA GNYIS SO, ,DE GNYIS KYANG SNGA MA PHYI MA LA 'DUS NAS NYER THOB TU THIM PA NI STONG PA CHEN POR GYUR PAS GNYID 'THUG LOG PA'O, ,SA 'THUG PA NI, 'DUS PA'I BSHAD RGYUD LHA MO BZHIS ZHUS LAS, DKYIL 'KHOR BZHI LUS LA 'GOD PA NA SNYING KHAR SA BSHAD CING, RGYUD GZHAN LAS KYANG SNYING KHA SAR BSHAD PAS, SNYING KHAR RLUNG 'DUS PA 'THUG PA YIN LA, DE'I MTHUS RMI LAM MI 'CHAR BAR GNYID RING DU 'BYUNG BA'O, ,DE RNAMS KYIS NI SPYIR GNYID DU 'GRO BA'I RGYU DANG, BYE BRAG TU GNYID YUN RING BA'I RGYU GSUNGS SO, ,RLUNG GI SHUGS KYIS RMI LAM MTHONG BA NYER THOB DRAN MED SANGS MA THAG GNYID KYI 'OD GSAL 'CHAR LA, DE GROL BA NA RMI LAM 'CHAR BA STE, 'DIR 'OD GSAL DE NYER THOB TU BSDUS SO, ,'GRO BA ZHES PAR 'GYUR RNYING LTAR NA GNYID LA SBYAR RGYU YIN ZHING, CHAG 'GYUR LAS, SKYE BO NYIN MTSAN RMI LAM NYA BAR 'BYUNG, ,ZHES 'BYUNG NGO, ,RLUNG NI ZHES PA NI, RLUNG SEMS TZAM LAS GRUB PA'I RMI LAM GYI LUS YUL GZHAN

DU PHYIN PA YIN TE DRI BA'I GNAD KYIS SHES SO, ,'BRAS BU SMIN MA SMIN NI, RLUNG SEMS DE LUS RAGS PA 'DI DANG 'BRAL MI 'BRAL GYI LAS KYI NUS PA ZAD MI ZAD DO, ,DES NA DE MA ZAD PAS SLAR YANG 'DIR 'JUG CES SLAR 'JUG PA'I RGYU GSUNGS SO, ,DRI BA GSUM PA'I LAN NI, RMI LAM GYI LUS LOGS SU BYE BA LUS SNGA MA'I 'JUG PAR BSTAN PA'I RGYUD GCIG PAS GO BAR DUS SO, ,RMI LAM SAD LA ZHES PA GNYIS DANG, 'BRAS BU 'DOD PA ZHES PA GSUM GYIS NI RMI LAM DANG SAD PA GNYIS LA BDEN BRDZUN GYI KHYAD PAR MED PAR BSTAN NO, ,CHAG 'GYUR LAS, CHOS RNAMS DE KUN RMI LAM LTA BU STE, ,ZHES 'BYUNG NGO, ,JI LTAR ZHES PA LNGAS LONGS SKU LA SHA RUS LA SOGS PA MED KYANG, SEMS CAN GYIS MTHONG BA'I DON DU KHAMS RAGS PA'I LUS LA ZHUGS NAS, SPRUL PA'I SKUS SEMS CAN GYI DON GYI BYA BA MDZAD PA DE LTA BU'I RIM PAS, GNYID LOG DUS YUL GZHAN DU SONG BA'I RMI LAM GYI LUS DANG, SAD PA LA NYE BA'I SNGAR GYI LUS LA 'JUG PA SHAS PAR BYA BAR BSTAN NO, ,DES NI RMI LAM GYI LUS LONGS SKU DANG 'DRA BAS SGYU LUS SHES PAR BYA BA DANG, LUS DE RAGS PA'I LUS LA ZHUGS PA SPRUL SKU DANG 'DRA BAS, SGYU LUS LONGS SKUS RAGS PA'I SPRUL SKU BZUNG BA SHES PAR BYA BAR BSTAN NO, ,CHAG 'GYUR LAS, DE LTA'I RIM PAS GNYID LOG SAD PA'I SEMS, ,ZHES 'BYUNG NGO, ,DES NA SGYU LUS KYI SNGON DU 'GRO BA'I STONG PA GSUM NI, RMI LAM GYI SNGON DU 'GRO BA'I GNYID KYI STONG PA GSUM GYIS MTSON PA

, ,DANG; SGYU MA'I SKU DNGOS NI RMI LAM GYI LUS KYIS MTSON PA DANG, RMI LAM GYI MJUG TU SGYU MA'I SKUS SPRUL PA'I SKU BZUNG BAS MTSON PAS NA, DPE BCU GNYIS KYI NANG NAS RMI LAM GYI DPE NI SGYU LUS MTSON PA LA MTSUNGS PA MED PAR 'PHAGS PA LHA'I MAN NGAG LAS SHES PAR GYIS SHIG ,DPE GZHAN LA DPE DON GYI CHOS MTHUN SBYAR NAS SGYU LUS LA NGES PA SKYED PA'I GO BA TZAM MA GTOGS PA, DPE NYID KYI STENG NAS MTSON BYED DPE'I SGYU LUS LAM GYI NGO BOR BSKYED RGYU MED MOD KYANG, RMI LAM LA NI DE YOD PAS KYANG MCHOG TU GYUR PA YIN NO, ,DE YANG RMI LAM GYI SNGON DU BYUNG BA'I GNYID KYI STONG PA BZHI RNAL 'BYOR PAS TING NGE 'DZIN GYI NGO BOR SKYED PAR BSTAN PA NI, GNYID 'OD GSAL DANG BSRE BA'I GDAMS PA YIN LA, DE LTA NA DE'I MTHAR 'BYUNG BA'I RMI LAM GYI LUS SGYU LUS DANG BSRE BA'I GDAMS PAR 'OS MED KYI RIGS PAS SHES TE, BSKYAD RIM PA DANG RDZOGS RIM PA LA LAM GYI SKU GSUM GSUM BSHAD PA DANG, SBYANG GZHI'I SKU GSUM BSHAD PA'I GNAD KYIS KYANG NGES PAR SHES SO, ,DES NA LUGS MCHOG TU GYUR PA 'DI'I RMI LAM GYI GDAMS NGAG 'ONG TSUL NI DE LTAR YIN LA, TSUL DE YANG GANG ZAG GSUM GA LA DGOS PA YIN NO, ,GNYIS MED RNAL RGYAL BRDZUS MA LAS, RLUNG DANG BCAS PA'I 'PHO BA GNAS, ,'GRO BA KUN GYI MGRIN PAR SKYES, ,YI GE AOm BCAS GNAS PA NYID, ,AA NU TA RA BRJOD PA GANG, ,GZUNG ZHING BSGYUR DANG SPEL BA DANG, SGYU MAR DRAN DANG RGYAS BTAB PAS, ,GNYIS PA BSAM GTAN LAM DU 'GYUR, ,ZHES RMI LAM GZUNG BA

SOGS KYANG BSHAD MOD KYANG YID CHAS PAR DKA'O, ,'CHE BA DANG, BAR DO GNYIS DANG BSRE BA NI, BAR DOR 'CHANG RGYA BA LA SPYOD BSDUS SOGS LAS BSHAD LA, DE LA BRTEN NAS SKYE BA BRGYUD NAS 'TSANG RGYA BA LA YANG SBYAR DU RUNG STE GNYID DANG BSRE BA BZHIN NO, , 'DI GNYID DANG RMI LAM RGYUD LA SOGS PA'I KHUNGS LA BRTEN LUGS KYANG SNGA MAS DPAG PAR NUS SO, ,DE LTAR NA MAR PA'I KHYAD CHOS BSRE BA'I GDAMS PA 'DI RNAMS 'PHAGS PA YAB SRAS KYI MAN NGAG GI GZHUNG LA GTUGS NAS LEGS PAR 'CHAD SHES NA KHYAD CHOS BLA NA MED PAR SNANG NGO, ,DE LTAR NA RMI LAM LA BRTEN NAS MTSON BYED DPE'I SGYU MA SGYU LUS KYI SKABS SU SPYOD BSDUS LAS GSUNGS PA'I DBANG DU BYAS NA RMI LAM GYI GDAMS PA RNAMS SGYU LUS KYI SKABS SU 'BREL BAS, GNYID KYI STONG PA RNAMS 'DZIN PA'I GDAMS PA YANG SKABS DER 'BREL LO, ,DON GYI DBANG DU BYAS NA SAD DUS SU STONG PA BZHI MA MTHA' ZHIG 'DREN NUS PA'I MTSAMS NAS GNYID KYI STONG PA LA 'JUG CING, DE'I RJES SU RMI LAM GYI GDAMS PA RNAMS SGOM PAS, LUS DBEN GYI SKABS DANG NGAG DBEN DANG, SEMS DBEN GYI SKABS RNAMS SU YANG 'BYUNG NGO, ,'CHI BA DANG BAR DO DNGOS DANG BSRE BA NI DE DAG GI SKABS YIN LA, DE GNYIS DANG MTHUN PAR SKYED PA LA YANG DE GNYIS DANG BSRE BA'I THA SNYAD BYED PAS, DE NI SAD DUS DANG GNYID DUS CI RIGS SU 'ONG NGO, ,GNYIS PA LA GNYIS, GNYID DANG RMI LAM DANG BSRE BA BSHAD PA DANG, 'CHI BA DANG BAR DO DANG BSRE BA BSHAD PA'O, ,DANG PO LA GNYIS, GNYID DANG BSRE BA DANG, RMI LAM DANG BSRE BA'O, ,DANG PO NI, SBYANG BZHI LA DANG POR

, ,RMI LAM MED PA'I GNYID KYI STONG PA RNAMS 'BYUNG, DE RJES RMI LAM 'BYUNG BA'I GO RIM NGES PA BZHIN DU, LAM DUS SU YANG DANG POR GNYID DANG 'OD GSAL BSRE BA SGOM, DE'I RJES SU RMI LAM DANG SGYU LUS BSRE BA'I RIM PA NGES SNYAM NA MA MA NGES 'DI LA MAR LUGS PA PHYI MA KHA CIG ,RIM LNGA LAS SGYU LUS RIM PA GSUM PA DANG, 'OD GSAL RIM PA BZHI BAR GSUNGS PA LA BSAMS NAS, BSRE BA GNYIS KHA PHRAL TE RMI LAM GYI SGYU MA SGOM PA RIM PA GSUM PA DANG, GNYID KYI 'OD GSAL SGOM PA RIM PA BZHI PA'I SKABS SU BYED MOD KYANG, DON LNGA MA LAS, THOG MA'I GNYID KYI DUS SU STONG PA BZHI BZUNG NAS DE'I MTHAR RMI LAM GYI LONGS SKUR LDANG BAR BSHAD PA NYID LEGS PA YIN TE, RMI LAM GYI GDAMS NGAG GI SNYING PO NI RMI LAM GYI LUS LONGS SKUR LDANG BA YIN LA, DE LA NI SNGON DU STONG PA RNAMS BSKYED DGOS PA'I PHYIR DANG, SBYANG GZHI GNYID DANG RMI LAM GYI RIM PA DANG YANG SHIN TU MTHUN PA'I PHYIR DANG, RIM PA GSUM PA'I SGYU LUS LA YANG SNGON DU SEMS DBEN GYI STONG PA RNAMS 'GRO DGOS SHING, ZUNG 'JUG GI SGYU MA'I SKU LA YANG 'OD GSAL GYI STONG PA SNGON DU 'GRO DGOS PA'I PHYIR DANG, 'CHI BA'I STONG PA LAS BAR DO 'BYUNG BA DANG, LHAG MOS 'OD GSAL DU BSDUS PA LAS DANG PO'I MGON PO SKYED PA SOGS THAMS CAD KYI GO RIM DE LTAR YIN PA'I PHYIR RO, ,DES NA GNYID KYI 'OD GSAL ZHES PA'I 'OD GSAL GYI MING YOD KYANG, SGYU LUS MAN CHAD DU DPE'I 'OD GSAL MED PA MIN PA NI SNGAR BSHAD ZIN TO, ,GAL TE RMI LAM GYI SGYU MA SGOM PA'I SNGON DU GNYID KYI 'OD GSAL

'DZIN PA YIN NA JI LTAR 'DZIN SNYAM NA, 'DI LA SPYIR GNYID TING NGE 'DZIN GYI NGO BOR SKYE BA LA TSUL GNYIS YOD DE, 'DI LTAR MTSAN NYID KYI THEG PA CHE CHUNG DANG, SNGAGS DANG PHAR PHYIN GYI THEG PA THUNG MONG BA'I ZHI GNAS KYI TING 'DZIN BRTAN PO RNYED NA, GNYID TING NGE 'DZIN DU SKYED PA'I RTZOL BA CHED DU MA BYAS KYANG, GNYID DU 'GRO KHAR SAD DUS KYI TING NGE 'DZIN MNGON DU GYUR NAS DE'I 'PHRO LA GNYID DU SONG BA NA, THA MAL BA'I GNYID MED PAR TING NGE 'DZIN DU MAR GYIS 'GRO BA CIG DANG, YANG GNYID DU 'GRO BA'I TSE RLUNG DH'A T'IR TSUD PA'I STOBS KYIS SNIG RGYU LA SOGS PA'I RTAGS BZHI 'CHAR BA'I MTHAR, ZLA 'OD LTAR SNANG BA SOGS KYI STONG PA GSUM SNGON DU SHAR NAS, DE NAS SPRIN MED PA'I NAM MKHA' GA-YA' DAG BZHIN DU GNYID 'OD GSAL GYI NGO BOR SKYE BA GNYIS YOD DE, ,DE'I SNGA MA LA NI SMIG RGYU SOGS KYI RTAGS BZHI DANG, ZLA 'OD SOGS KYI SNANG BA GSUM SNGON DU MI 'CHAR BAR STONG SANG NGE BA'I DVANGS SHING GSAL BA CIG 'CHAR MOD KYANG, GNYID KYI 'OD GSAL GYI DON MED LA, DE 'DRA BA DE SKYED PA LA YANG SNGAGS NAS BSHAD PA'I GNYID KYI 'OD GSAL 'DZIN THABS RNAMS KYANG MI DGOS PAS, DE SKYED PA LA THEG PA 'DIR 'JUG MI DGOS SO, ,DES NA 'DIR GNYID KYI 'OD GSAL SKYED PA NI PHYI MA LTAR RLUNG DH'U T'IR TSUD NAS THIM PA'I STOBS KYIS SKYED PA YIN NO, ,DE'I PHYIR SAD DUS SU LUS LA GNAD DU BSNUN PA'I GDAMS PA BSGOMS NAS, STONG PA BZHI MA MTHA' CIG SKYED NUS PA'I MTSAMS NAS, DE NAS STONG PA DE RNAMS GNYID KYI STONG PA RNAMS DANG BSRE BA YIN TE, DE LTA MA YIN NA GNYID DANG BSRE

, , 'DOD KYANG BSRE RGYU MED PA'I PHYIR RO, ,DE LA GNYID KYI SKABS SU SHES CHER SNA BUG GI 'BYUNG 'JUG PHRA MO ZHIG MI LDOG PAS, 'BYUNG 'JUG PHRA MO YANG CHAD NAS DH'U T'IR THIM PA'I STONG PA JI BZHIN PA GNYID KYI GZHI'I STONG PA LA MED MOD KYANG, STONG PA BZHI MED PA MIN LA, DE YANG RMI LAM MA SHAR TSUN CHAD KYI GNYID DANG, SHAR BA'I GNYID GNYIS LA'ANG RLUNG SNYING KHAR 'DUS TSABS CHE CHUNG DANG, RAGS PA THIM MA THIM KHYAD CHE'O, ,SAD DUS KYI STONG PA DANG GNYID DUS KYI STONG PA RNAMS BSRE NUS PA'I RNAL 'BYOR PAS, GNYID KYI STONG PA SKYED PA'I DUS SU NI SNA BUG GI RGYU BA PHRA MO YANG LOG NAS DH'U T'IR THIM PA 'ONG DGOS SO, ,DE 'DRA BA LA NI GNYID DU 'GRO BAR RTZOM PA NA, THOG MAR SMIG RGYU LA SOGS PA'I RTAGS BZHI GO RIM NGES CAN DU MA SHAR YANG, DE NAS BYANG BA NA KHRIGS CHAGS SU NGES PAR 'CHAR RO, ,DES NA STONG PA GSUM RIM PA NGES CAN DU SHAR BA SNGON DU MA SONG BA'I GNYID TING NGE 'DZIN GYI NGO BOR SKYES PA NI GNYID KYI 'OD GSAL MIN TE, THAMS CAD STONG PA 'OD GSAL 'CHAR BA LA STONG PA DANG, SHIN TU STONG PA DANG, STONG CHEN GSUM NGES PAR SNGON DU 'GRO DGOS PA'I PHYIR TE, RGYU 'BRAS YIN PA'I PHYIR RO, ,DES NA MAR LUGS KYI 'OD GSAL BTZAN THABS KYI MAN NGAG LAS, ZLA BA GCIG TU MTSAMS BCAD NAS, SNYING KHAR PADMA 'DAB MA BZHI PA'I LTE BAR THIG LE DKAR DMAR BKOD PA LA DMIGS NAS GNYID KYI STONG PA 'DZIN PAR BSHAD PA YANG, DMIGS PA DE LA ZLA BA GCIG TU DRIL NAS NYIN MTSAN KUN TU RGYUN LDAN DU BSGOMS NA,

RLUNG 'DU BA SLA BA 'GA' ZHIG LA 'ONG BA YOD DE, DE NI SNYING KHAR MI SHIGS PA SGOM PA'I SROG RTZOL LO, ,DE LA YANG SNGON DU SAD DUS SU STONG PA BZHI 'DREN NUS NAS DE NAS GNYID DANG BSRE BA YIN GYI, NYIN MTSAN GZHAN DU MA BSGOMS PAR GNYID DU 'GRO BA TZAM DU BSGOMS PAS 'ONG BA MIN NO, ,'DI LA YANG GNYID DU 'GRO KHAR DMIGS PA GTAD NAS YANG YANG BSGOMS NA GZHI DUS KYI GNYID KYI STONG PA NGOS ZIN TZAM ZHIG 'ONG DU CHUG KYANG, RLUNG THIM PA'I STONG PA RNAMS MTSAN NYID PA 'CHAR MI THUB BO, ,DAN LNGA MAR, RMI LAM DANG BSRE BA'I SNGON DU GNYID KYI STONG PA 'DZIN PA LA AA NU TA RA MGRIN PAR 'GOD PA DANG, MES MTSON GYIS MGRIN PAR SGOM PAR BZHED, MTSUR STON SNYING KHAR SGOM PAR BZHED PA LA, 'OD GSAL SGOM NA SNYING KHA DANG, RMI LAM GYI SGYU LUS SGOM NA MGRIN PAR SGOM PA YIN, 'DAB MA'I YI GE BZHI LA DMIGS NAS DE RE RE DANG STONG PA RE RE 'DZIN PA SBYOR BAR BSHAD DO, ,DE LA RMI LAM DANG BSRE BA'I SNGAR GNYID KYI STONG PA RNAMS 'DZIN PA LEGS LA, DE LTAR SBREL NAS 'DZIN NA PADMA THIG LE DANG BCAS PA MTSUR STON BZHAD PA LTAR SNYING KHAR SGOM RGYU YIN PAS, MGRIN PAR SGOM PA MI LEGS SO, ,'OD GSAL SGOM NA SNYING KHA DANG 'BREL BA NYID KYIS SNYING KHAR SGOM DGOS PA YIN NO, ,RLUNG THIM PA'I MTHUS RMI LAM GYI BSRE BA LA 'JUG MI NUS PAR 'DUN PA'I STOBS KYIS RMI LAM 'DZIN PA LA, MGRIN PAR SGOM PA 'BREL BA'I KHYAD PHYED DGOS PAR SNANG NGO, ,AA NU TA RA SGOM PA GNYIS MED RNAM RGYAL GYI RGYUD YIN ZER BAR BSHAD PA LTAR, RGYA GAR BA 'GA' ZHIG KYANG

, ,'DOD PA YIN DU CHUG KYANG, N'A RO PA'I GDAMS PAS SNYING KHAR SNGAGS 'KHOR SGOM PA BYED PA LA, 'DIS MA GRUB PA YI GE DE BZHIS BYA RGYU MI SNANG NGO, ,DES NA GNYID KYI 'OD GSAL 'DZIN PA NA MAR LUGS KYI GDAMS NGAG LAS, SNYING KHAR THIG LE DKAR DMAR LA DMIGS NAS SGOM PA NYID LEGS SO, ,DE NI SNYING KHA'I SNGAGS 'KHOR GYI DBUS KYI MI SHIGS PA LA SEMS GTOD PAR SNANG LA, DE LAS RGYAS SU GTONG 'DOD NA SNGAGS 'KHOR BKOD NAS SDUD PA SOGS SNGAR BSHAD PA BZHIN BYA'O, ,RIM LNGA GDAN RDZOGS LAS, SNYING KHAR YI GE BZHI DBUS KYI THIG LE DANG BCAS PA LA DMIGS NAS, RDO RJE BZLAS PA BYAS TE, GNYID KYI 'OD GSAL 'DZIN PAR BSHAD PA'I YI GE BZHI DGOD DGOS MI DGOS BSHAD ZIN LA, SNYING KHA'I THIG LE LA DMIGS NAS RDOR BZLAS BYAS TE GNYID KYI 'OD GSAL 'DZIN PA NI RMAD DU BYUNG BA'I GDAMS PA YIN TE, DGONGS PA LUNG STON GYI DON YIN PA'I PHYIR RO, ,DGONGS PA LUNG STON LAS, DKYIL 'KHOR BZHI'I RLUNG GI BZLAS PA BSHAD PA'I MTHAR, BCO BRGYAD DAG TU YANG DAG BSHAD, ,DE YANG 'DI DAG NYID LA GNAS, ,JI LTAR 'O MA KHYAB PAR NI, ,MAR GSAR GNAS PAR GYUR PA YIN, ,DE BZHIN GOS DKAR LA SOGS LA, ,ZHI BA NYID NI DE GNAS SO, ,ZHES PA'I MJUG TU, GZUGS SOGS NANG GI CHOS RNAMS NI, ZHES PA NAS, SANGS RGYAS GZHUG ,CES PA'I BAR 'BYUNG ZHING DE'I MJUG TU, RNAL 'BYOR PA YI DBUGS RNGUB 'BYUNG, ,SBYOR BA'I DE NYID GCIG PA NYID, ,SHES RAB THABS LA GNAS NAS NI, ,SNGAGS KYI

YAN LAG MA NYAMS BZLAS, ,BYA BA THAMS CAD NYID DU YANG, ,RNAL 'BYOR RIG PAS NYAL SOGS LA, ,MING MED BRJOD DU MED PA DANG, ,DUS GSUM 'DAS PA RTAG TU BZLA, ,ZHES GSUNGS SO, ,DE'I DANG PO DRUG GIS STONG NYID BCO BRGYAD KYI NGO BO'I 'OD GSAL GOS DKAR SOGS KYI RDOR BZLAS LA 'O MA LAS MAR GSAR 'BYUNG BA LTAR GNAS PAR GSUNGS PAS, RDOR BZLAS KYIS STONG PA BZHI 'DREN PAR BSHAD DO, ,GZUGS SOGS ZHES PA NAS, SANGS RGYAS GZHUG GI BAR GYIS PHUNG SOGS 'OD GSAL DU GZHUG PAR BSHAD PA'I DON GNYID KYI 'OD GSAL LA YANG YOD PA NI BSHAD ZIN TO, ,RNAL 'BYOR ZHES PA BZHIS NI RLUNG SNGAGS DBYER MED DU SBYOR BA'I BZLAS PA BYA BA DANG, DE NAS BZHIS NI BZLAS PA DE YANG NYAL BA'I DUS SU YANG BYA BAR BSTAN NO, ,DE LTAR NA MTSAN MO NYAL BA'I DUS SU RDOR BZLAS BYAS PAS STONG PA BZHI 'DREN PAR BSTAN LA, DE YANG GNYID KYI 'OD GSAL RDOR BZLAS KYIS 'DREN PA'I DON YIN PA'I PHYIR RO, ,MDOR NA SAD DUS SU STONG PA BZHI GANG GIS 'DREN PA'I THABS DES, GNYID DU 'GRO BA'I DUS SU YANG STONG PA BZHI DRANGS DRANGS NAS BSRE DGOS LA, SAD DUS KYI THABS MCHOG TU GYUR PA NI, SNYING KHAR MI SHIGS PA'I THIG LE SGOM PA DANG, RDOR BZLAS YIN PA'I PHYIR TE SNGAR MANG DU BSHAD ZIN TO, ,DE 'DRA BA'I GNYID KYI 'OD GSAL 'DZIN THABS GNYIS RJE MAR PA'I MAN NGAG LAS 'BYUNG BA NI, RTZA BSHAD KYI RGYUD DANG, YAB SRAS KYI DGONGS PA BLA NA MED PA'I GDAMS PAR SHES DGOS TE, MAN NGAG KHA 'THOR BA PHAN TSUN DU 'DRES PA RNAMS KYANG PHYED PA GAL

, ,CHE'O, ,'DI SHES NA SPYOD BSDUS LAS GNYID STONG PA BZHI'I NGO BOR 'CHAR BA NI GSUNGS NA, GNYID KYI 'OD GSAL 'DZIN PA'I THABS GANG DU GSUNGS SAM SNYAM DU DOGS PA SKYE BA'I THE TSOM LEGS PAR GCOD NUS SO, ,SPYIR LAM GANG LA YANG GZHI LA YOD YOD PA CIG THABS MKHAS KYIS LAM DU SLONG SHES NA MYUR BA YIN PAS, GNYID KYI DUS 'DIR YANG RLUNG RANG SHUGS KYIS 'DUS NAS STONG PA SKYED PA CIG GZHI LA YOD PA DE, BSRE BA'I GDAMS NGAG GIS LAM DU SLONG SHES NA SHIN TU MYUR RO, ,GZHI LA STONG PA RNAMS YOD KYANG STONG PA HA CANG SHAS CHEN PO MED PA DANG, GNYID KYIS DRAN PA NYAMS TSABS CHE BAS LAM DU MA BSLANGS BAR DU NGO SHES PA'I NGES SHES 'DREN MI NUS SO, ,'DI LA DRAN PA'I MTHU NYAMS PA YE MED NA GNYID KYANG MI 'ONG LA, DRAN PA NYAMS TSABS CHE NA GNYID KYI STONG PA BZHI NGES MI NUS PAS, GNYID DU YANG 'GRO LA, STONG PA LA NGES PA DRANG MI NUS PA'I DRAN PA NYAMS PA YANG MIN PA CIG GDAMS NGAG GIS BYA DGOS SO, ,DE LA GNYID MA BYUNG NAS DGE SBYOR 'DI'I GEGS BYED PA NI SHIN TU SHAS CHUNG LA, DE DANG, GNYID BYUNG NAS 'THUG DRAGS PA'I SEL TSUL NI MAN NGAG RNAMS LAS KYANG MANG DU 'BYUNG LA, DAR MA BSHAD PA'I SEL THABS KYANG YOD DO, ,SRAB 'THUG RAN PA'I GNYID KYI STONG PA SHAR BA'I MTHAR 'OD GSAL GYI TSE LTA BA DRAN PAR BYAS NAS RING DU SKYONG DGOS PA LAS, MYUR DU SAD PA DANG, MYUR DU RMI LAM SHAR BA DE'I BAR CHAD DU SONG NA, DE'I SEL TSUL GYI GZHI 'DINGS PA CIG 'CHAD PAR 'GYUR RO, ,RNAL 'BYOR PAS RLUNG DH'U T'IR TSUD NAS THIM PA LAS

DGA' BA BZHI DANG, STANG PA BZHI SKYED NUS KYANG, 'DI LTA BU'I BSRE BA'I GDAMS NGAG MI SHES NA NYAMS MYONG BSKYED PA DE RNAMS GNYID DANG BSRES NAS BSGOMS PAS, TSE 'DIR LAM GYI RTOGS PA KHYAD ZHUGS NAS 'GRO BA DANG, 'DIR MCHOG MI 'THOB PAR 'CHI BA'I DUS BYED NA, 'CHI BA'I STONG PA BZHI LAM DU BYAS PA NYID KYIS 'CHI BA'I SDUG BSNGAL GYIS MI 'JIGS PA TZAM DU MA ZA ZAD, LAM GYI RTOGS PA KHYAD ZHUGS PAR 'GRO BA MI SHES PAS BSRE BA'I GDAMS PA LA MKHAS PAR BYA STE, DE LEGS PAR SHES NA DE TZAM MI NUS PAS KYANG YANG YANG YID LA BYAS NA RMAD DU BYUNG BA'I BAG CHAGS BRTAN PO 'JOG PA'I PHYIR RO, ,DE LTAR NA GNYID TING NGE 'DZIN GYI NGO BOR SKYED MI NUS PA LA GZHI DUS KYI GNYID KYI STONG PA CHA MTHUN PA NGES NUS MI NUS GNYIS DANG, SKYED NUS PA LA YANG GNYID KYI STONG PA RNAMS KYI NGO BOR SKYE MI SKYE GNYIS DANG, DE LTAR SKYE BA'I THABS LA YANG DAG PA DANG, LTAR SNANG BA GNYIS LAGS PAR BSHAD PA 'DI NI, GNYID KYI 'OD GSAL 'DZIN PA'I GDAMS NGAG GI GNAD MI 'PHYUG PA'I GO BA RAGS BA 'CHAGS PA'I THABS YIN NO, ,LHAG MA RNAMS ZHIB PAR NI GZHAN DU BSHAD PAR BYA'O, ,GNYIS PA NI, DE LTAR RLUNG STOBS KYIS RMI LAM ZIN NAS GNYID KYI STONG PA DANG BSRE NUS PA DES, GNYID KYI STONG PA RNAMS RIM PA BZHIN SHAR BA NA, GNYID KYI SNANG BA LA SOGS PA 'DI DANG 'DI YIN NO ZHES NGES NUS PAS, GNYID KYI 'OD GSAL GYI 'OG TU RMI LAM 'CHAR BA'I TSUL SHES PA'I SGO NAS, GNYID KYI STONG PA DANG RMI LAM 'CHAR BA'I SA MTSAMS LEGS PAR PHYED PAR 'GYUR LA, DE LA RMI LAM LA

, ,RMI LAM DU NGO SHES PA'I THABS GZHAN MI DGOS PAS, GNYID KYI 'OD GSAL 'DZIN PA'I THABS LAS MA GTOGS PA'I RMI LAM 'DZIN THABS GZHAN 'PHAGS PA LHAS KYANG MA GSUNGS SO, ,DE LTAR RMI LAM RLUNG STOBS KYIS 'DZIN PAR MI NUS PAS RMI LAM 'DZIN PA NI, SNGON DU GNYID KYI STONG PA BZHI NGES PA'I SGO NAS RMI LAM 'DZIN MI NUS PAS, DE 'DZIN PA'I THABS GZHAN MAN NGAG RNAMS LAS BSHAD DO, ,'DI LA LAM BSGOMS PA LA MA LTOS PAR GZHI DUS NYID NAS, RMI LAM LA RMI LAM DU NGO SHES BA YANG MANG PO LA 'ONG LA, NYIN PAR BYA BA GANG LA 'DUN PA DRAG PO THUR THUR 'ONG BA DE PHAL CHER RMI LAM DU YANG 'ONG NGO, ,DE'I GNAD KYIS RMI LAM LA RMI LAM YIN PAR SHES PA TZAM ZHIG BSKYED BKA' BA YANG MIN LA, NYIN PAR GYI 'DUN PA DRAG PO SKYONG BA NYID RMI LAM 'DZIN PA LA YANG BSNGAGS PA YIN NO, ,'DI LA GNYID MED NAS RMI LAM MI 'ONG NGA YANG ZHAG SBREL BA SRID MOD KYANG, DES RMI LAM DANG BSRA BA'I DGE SBYOR GYI GAGS BYED PA SHAS CHUNG NGO, ,GNYID BYUNG BA LA GNYID 'THUG DRAGS NAS RMI LAM MA BYUNG BA DANG, NYIN PAR SEMS GNAS 'BA' ZHIG LA GOMS DRAGS PA 'GA' ZHIG LA RMI LAM MI 'BYUNG BA DANG, BYUNG YANG SAD PA'I TSE BSHAD MI SHES PA 'BYUNG BA SRID MOD KYANG, DE SHAS CHUNG LA, GAL TE DE 'DRA BYUNG NA SEL THABS KYANG MAN NGAG RNAMS LAS 'BYUNG BA LTAR DANG, DE'I RIGS PA SBYOR SHES NA SLA'O, ,DE LTAR GNYID MI 'ONG BA YANG MIN LA, DE BYUNG YANG RMI LAM MI 'ONG BA YANG MIN PAS RMI LAM 'DZIN PA LA, NYIN PAR DA LTAR GYI SNANG BA RNAMS

RMI LAM YIN PAR 'DUG SNYAM PA DANG, KHYAD PAR DU RMI LAM LA RMI LAM DU NGO SHES PAR BYA'O SNYAM PA'I 'PHEN PA MANG DU BTANG BA'I BAG CHAGS BZHAG PA RMI LAM GYI SKABS SU SAD PA CIG GAL CHE'O, ,DE LA NI RMI LAM MANG PO DANG RGYUN RANG BYUNG YANG GSAL PO MA BYUNG NA BAG CHAGS DE SAD MI NUS PAS, RMI LAM GSAL PO 'ONG BA GAL CHE'O, ,DE YANG DANG PO NAS RMI LAM GSAL BA YIN NA 'DZIN PA SLA LA, MI GSAL NA GSAL BA'I THABS DGOS SO, ,DE NI NYAL KHAR MGRIN PA DANG SMIN MTSAMS SOGS SU THIG LE LA SEMS GTOD PA SOGS YIN NO, ,RMI LAM ZIN MA THAG GAM, ZIN NAS RING DU MA LON PAR SAD NAS RMI LAM DANG BSRE BA'I DGE SBYOR GYI GEGS BYED PA LA NI, RMI LAM RGYUN RING BA'I THABS SHES DGOS LA, DE LA MANG DU BSHAD MOD KYANG, GTZO BO NI RGYUD GZHAN LAS, SNYING KHA DANG NOR BUR GNAS PA'I THIG LES GNYID 'THUG GI SKABS DANG, MGRIN PA DANG LTE 'OG GI GSANG GNAS KYI THIG LES RMI LAM DANG, DPRAL BA DANG LTE BA'I THIG LAS SAD PA'I GNAS SKABS SKYED PAR GSUNGS PA LA BRTEN NAS, GNYID DU 'GRO BA'I TSE SNYING KHA DANG NOR BUR RLUNG 'DU TSABS CHE BA LA BRTEN NAS RMI LAM MED PA'I GNYID 'BYUNG ZHING, DE DER GNAS PA'I RING LA DE LTAR GNAS PA DANG, DE GNYIS SU RLUNG 'DUD PA CUNG ZHIG KYES NAS MGRIN PA DANG GSANG GNAS SU SONG STE 'DUS PA LAS RMI LAM 'BYUNG ZHING, DE DER GNAS PA RING NA RMI LAM RING LA, THUNG NA THUNG BA DANG, DE GNYIS SU 'DUS PA CUNG ZHIG GYES NAS GNAS GZHAN GNYIS SU PHYIN PA NA SANG NAS 'GRO BA SHES TE, DE'I STENG

, ,NAS SAD 'BYAM GCOD TSUL SHES NA GNAD DU 'GRO STE, GNYID KYI 'OD GSAL ZIN NAS RING DU MI GNAS PA GNAS PA'I THABS KYANG DES SHES PAR BYA'O, ,BLA MA MAR PA'I GDAMS NGAG RNAMS LAS GNYID KYI 'OD GSAL 'DZIN PA'I GNAD SNYING KHA DANG, RMI LAM 'DZIN PA'I GNAD MGRIN PA STE, GNYID DUS KYI GNAD GNYIS DANG, SAD DUS SU GTUM MO SGOM PA NA LTE BAR SGOM PA GNAD CHE BAR BSHAD PA NI, SNGAR BSHAD PA DE DAG LA BRTEN NAS SHES DGOS SO, ,RMI LAM 'DZIN PA'I GNAD MGRIN PAR CHE BA NI, RLUNG STOBS KYIS 'DZIN MI NUS PA'I RMI LAM 'DZIN MI NUS PA'I RMI LAM 'DZIN PA LA DGONGS SO, ,SNYOMS 'JUG GI DUS SU SPYI BO'I THIG LE LA SEMS GTOD PA STE, SAD DUS KYI GNAD GNYIS BSHAD DO, ,'DUN PA'I STOBS KYIS RMI LAM 'DZIN PA DES, RMI LAM GYI SNGON DU GNYID KYI STONG PA RNAMS NGES MI NUS KYANG, RMI LAM ZIN PA SOGS BRTAN ZHING BYANG BA YOD NA, RMI LAM GYI SKABS DER GNYID KYI STONG PA BZHI 'DZIN PA'I GDAMS PA KHYAD PAR CAN ZHIG KYANG MAR LUGS LA YOD DO, ,DE NUS NA NI GNYID KYI SKABS SU DE RING DU GOMS PA BRTAN PAR BYAS PAS SAD DUS KYI RLUNG SDUD SLA PAR SONG NAS, SAD DUS KYI STONG PA BZHI 'DREN PA LA TSUR PHAN STOBS CHE BA CIG KYANG YOD DE, 'DI NI SNGAR BSHAD PA'I DMIGS BSAL DU SHES PAR BYA'O, ,DE LTAR NA RAB RLUNG STOBS KYIS GNYID KYI STONG PA BZHI THOG MAR BSKYED NAS, DE NAS RMI LAM GYI LONGS SKUR LDANG BA'AM, THA MA YANG BSHAD MA THAG PA'I THABS KYIS GNYID KYI STONG PA RNAMS

BSKYED NAS, RMI LAM GYI LUS LONGS SKUR LDANG BA'I RMI LAM DANG BSRA BA'I GDAMS NGAG CIG MI SHES NA, RMI LAM GYI GDAMS PA RNAMS KYI SNYING PO DAM PA YOD PA MA YIN NO, ,GNYID CHOS SKU'I NGANG LAS RMI LAM GYI LUS LONGS SKUR LDANG BA'I TSUL DANG, DE BYUNG NA BAR DO DANG BSRE BA THE TSOM MED PAR NUS ZHES PA NI, MAR LUGS KYI GDAMS NGAG DON LNGA MA NYID NAS 'BYUNG LA, GNAD KYANG SHIN TU CHE NA'ANG, PHYI MA RNAMS KYIS RTOG PA ZHIB TU MI 'JUG PAR 'JUG CING, ZHUGS KYANG LDANG LUGS THUN MONG MA YIN PA GNYIS YOD PA DANG, KHYAD PAR DU RMI LAM DANG BSRA BA'I GDAMS PAS BAR DO DANG BSRE BA LA THUN MONG MA YIN PA'I NGAS PA STER LUGS YOD PA RNAMS RTOGS PAR SHIN TU DKA'O, ,RMI LAM DANG BSRE BA'I GDAMS NGAG RNAMS KYI MCHAG DAM PA NI DE YIN LA, KHYAD PAR PHAL PA NI SPRUL BSGYUR DANG, DAG MA DAG GI YUL SNANG BLTA BA SOGS MAN NGAG LAS 'BYUNG BA RNAMS YIN NO, ,DAG MA DAG GI YUL SNANG LTA BA NI RLUNG DH'U T'IR THIM STOBS KYIS RMI LAM ZIN PA MIN PA'I RMI LAM ZIN PA GZHAN GYIS BYED PA NI, MTHONG NYAMS BZANG BA RNAMS LA SAD DUS SU ZHING KHAMS DANG LHA LA SOGS PA'I RNAM PA DU MA SHAR YANG, DE DAG DNGOS MIN GYI, DE DAG DANG CHA 'DRA BA'I RNAM PA TZAM SHAR BA YIN PA DE BZHIN DU, DAG PA'I ZHING LA SOGS PA DANG CHA 'DRA BA'I RNAM PA TZAM SHAR BA YIN GYI DNGOS MIN NO, ,'DI'I SHES BYED KYI LUNG NI DA LTAR GYI SANGS RGYAS MNGON SUM DU BZHUGS PA'I TING NGE 'DZIN LA SOGS PA NAS GSUNGS MOD KYANG, TSIG

, ,MANGS SU DOGS NAS MA BRIS SO, ,RLUNG GI STOBS KYIS RMI LAM ZIN PA'I YUL SNANG LTA BA SOGS KYANG SNGA MA DANG KHYAD PAR SHIN TU CHE MOD KYANG, BSRE BA'I NUS PA STOBS CAN DU MTSAMS MTHO RAB CIG TU MA SLOBS BAR DU, DAG PA'I ZHING GI RTEN DANG BRTEN PA RNAMS KYI RNAM PA TZAM YIN PA NI SNGAR DANG 'DRA'O, ,DES NA SNGA PHYI LUNG STON PA SOGS LA YANG MI SLU BA 'GA' RE 'ONG MOD KYANG, SLU BA YANG DU MA ZHIG 'ONG BAS, MTHA' GCIG TU YID BRTEN DKA'O, ,RLUNG STOBS KYIS RMI LAM ZIN PA LA GOMS PA BRTAN PA LA NI, MTSAMS SHIG NAS 'DAS MA 'ONGS LUNG STON PA SOGS MI SLU BAR 'GYUR BA'I THABS KHYAD PAR CAN CIG YOD PAR SNANG NGO, ,RMI LAM DANG BSRE BA GTZO BO MA YIN PA'I KHYAD PAR 'DI RNAMS GZHUNG CHED LDAN CHE BA RNAMS NAS BSHAD PA MI GSAL YANG, DA LTAR GYI GANG ZAG RNAMS LA PHAN THOGS PAR SNANG NGO, ,DE LTAR RMI LAM RLUNG STOBS KYIS 'DZIN PA NI GTZO BO YIN PAS TSUL DE LA 'BAD DGOS LA, DE LA 'BAD KYANG SKYE SHIN TU DKA' BAR SNANG NA, 'DZIN TSUL GZHAN GYI SGO NAS ZIN PAR BYAS LA, DE NAS DE LA BRTEN NAS RLUNG STOBS KYIS 'DZIN PA LA 'BAD PAR BYA'I ,DE TZAM GYIS CHOG SHES MI BYA'O, ,RMI LAM DANG BSRE BA'I GDAMS PA THUN MONG MA YIN PA RNAMS MI SHES NA, SAD DUS KYI MTSON BYED DPE'I SGYU LUS KYI RTOGS PA RNAMS SGRUB MI SHES PA'AM, SHES KYANG RTOGS PA DE KHYAD ZHUGS PAR MI 'GYUR BA DANG, MCHOG MI 'GRUB PAR 'CHI BA LA BAR DO DANG BSRE TSUL KHYAD PAR CAN RNAMS MI SHES PAS, 'DI

LA YANG MKHAS PAR BYA DGOS PA SOGS NI SNGAR BSHAD PA BZHIN NO, ,RMI LAM ZIN PA LA GZHI DANG, LAM GYI DUS GNYIS DANG, PHYI MA LA THEG PA GZHAN DANG THUN MONG BA DANG THUN MONG MA YIN PA GNYIS DANG, DE'I PHYI MA LA'ANG GTZO BO DANG PHAL PA GNYIS LA SOGS PA RNAMS LA GO BA CHAGS NA, RMI LAM DANG SGYU LUS BSRE BA'I DNGOS DANG ZHAR BYUNG GI DON LA SOGS PA RNAMS LEGS PAR PHYED NAS, MAN NGAG GI GNAD RAGS PA MI 'PHYUG GO ,BSRE BA 'DI'I YANG MA BSHAD PA LHAG MA'I ZHING CHA RNAMS GZHAN DU BSHAD PAR BYA'O, ,GNYIS PA LA GSUM, BAR DOR 'CHANG RGYA BA'I BSRE TSUL DANG, SKYE BA BRGYUD NAS 'TSANG RGYA BA'I BSRE TSUL DANG, BSRE BA RNAMS KYI DBYE BSDU BSTAN PA'O, ,DANG PO NI, SPYIR GZHI'I 'CHI RIM DANG, BAR DO 'GRUB PA'I RIM PA DANG, SKYE SRID LEN PA'I RIM PA BZHIN DU LAM SKYED PA LA SKYE 'CHI BAR DO GSUM SKU GSUM DU 'KHYER BA ZHES PA DANG, SKYE 'CHI BAR DO GSUM DANG BSRE BA ZHES PA'I THA SNYAD BYED DO, ,DE LTAR NA TSE 'DI DANG BAR DO DANG SKYE BA BRGYUD NAS 'TSANG RGYA BA GSUM GA LA BSRE BA GSUM GYI LAM 'JOG CING, LAM YANG BSKYED RDZOGS GNYIS KA LA 'JOG GO ,'CHI BA DNGOS DANG 'OD GSAL BSRE BA NI, SPYOD BSDUS DANG SGRON GSAL LAS BAR DOR 'TSANG RGYA BA LA BSHAD DO, ,'O NA GANG ZAG DE TSE 'DIR LAM GYI RTOGS PA JI TZAM ZHIG THOB PA YIN SNYAM NA, SPYOD BSDUS LAS, BDEN PA MTHONG BA DANG, RDZOGS RIM RTOGS PA DANG, DE KHO NA NYID SHES PA ZHES GSUNGS LA, SGRON GSAL LAS, RDZOGS PA'I GO RIM RTOGS PA , ZHES GSUNGS SO, ,DE NI 'GOS LUGS PA RNAMS ZUNG

, ,'JUG THOB LAM GOMS PA LA 'CHAD CING, DE YANG SKYE BA SPANGS LA 'CHI BA MA SPANGS PA YIN ZHES GSUNG NGO, ,RIM PA GSUM PA LAS, SGYU LUS THOB NA TSE DE NYID LA NGES PAR 'TSANG RGYA BAR GSUNGS SHING, RIM PA GNYIS PA LAS KYANG, MNGON PAR BYANG CHUB LEGS THOB NAS, ,GTZANG MA'I GNAS SU NYE BAR 'GRO ,SANGS RGYAS ZHING NA MI LDOG PAS, ,TSE 'DI NYID KYIS THAMS CAD MKHYEN, ,ZHES RIM PA BZHI PA THOB NA TSA 'DI NYID KYIS 'TSANG RGYA BAR GSUNGS PAS, BAR DOR 'TSANG RGYA BAS SGYU LUS DANG 'OD GSAL THOB PA MA YIN NO, ,YANG RIM PA BZHI PA THOB NAS SNANG BA GSUM RNAM PAR DAG PAR GSUNGS PAS, CHOS NYID MNGON SUM DU RTOGS PA YIN LA, RGYUD BLA MA LAS, 'PHAGS PAS 'CHI DANG RGA BA DANG, ,NA BA'I SDUG BSNGAL RTZAD NAS SPANGS, ,LAS DANG NYON MONGS DBANG GIS SKYE, ,DE LA DE MED PHYIR DE MED, ,CES PHAR PHYIN GYI THEG CHEN 'PHAGS PAS KYANG LAS DBANG GIS 'CHI BA SPANGS PAR GSUNGS NA, SNGAGS KYI THEG CHEN 'PHAGS PAS DE SPANGS PA LTA CI SMOS, 'DI NI LAS DBANG GIS 'CHI BA SPANGS PA YANG MIN NO, ,YANG SPYOD BSDUS LAS, 'DI LA GNYIS BSHAD PA'I GCIG NI SPYOD PA BYED PA'I YO BYAD MA 'BYOR BAR GSUNGS LA, SGYU LUS THOB PA NA ZAS DANG GOS LA SOGS PA MKHA' LAS SKAD CIG GIS RNYED CES GSUNGS PAS KYANG GNOD CING, SA RAB DGA' THOB NAS YO BYAD KYIS MI PHONGS PAR BYANG SA LAS GSUNGS PAS, THEG CHEN 'PHAGS PA YO BYAD KYIS PHONGS PA MI SRID PAS KYANG GNOD PA'I PHYIR RIM PA THA MA GNYIS THOB PA MIN NO, ,DES NA BDEN PA MTHONG BA

ZHES GSUNGS PA'I DON NI RDOR BZLAS MTHAR PHYIN NAS SEMS DBEN GYI YE SHES KYIS DE KHO NA NYID RTAGS PA LA BYA STE, DE KHO NA NYID MTHONG NA MNGON SUM DU MTHONG BAS MA KHYAB PA'I PHYIR RO, ,'DI YANG SPYOD BSDUS LAS, KHA CIG ZHING LAS DANG TSONG DANG BSNYEN BKUR LA SOGS PAS GA-YENGS PAS, SPYOD PA BYED RGYU MA BYUNG BA DANG, GZHAN DAG 'BYOR PA MA TSANG BAS RGYUD LAS GSUNGS PA LTAR GYI CHO GA RDZOGS PAR BYA MA NUS PAS, SPYOD PA BYED PA MA BYUNG BAS BAR DOR 'TSANG RGYA BAR BSHAD PA'I SHUGS KYIS, SPYOD PA BYED PA BYUNG NA CHE 'DIR 'TSANG RGYA BAR BSTAN PAS NA, RDZOGS RIM GYI SKABS KYI SPYOD PA BYA RAN PA CIG TU GSAL LA, DE LA NI MA MTHA' YANG SEMS DBEN NGES PAR THOB DGOS SO, ,'DIS SPYOD PA NI BYA RAN LA, SGYU LUS NI MA THOB PAS NA, ,SGYU LUS 'GRUB PA'I DON DU SPYOD PA BYA DGOS PAR SHES LA, DE LTAR BYAS NA RDO RJE 'PHRENG BA LAS, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA, ,LAS KYI LUS NI YONGS SPANGS NAS, ,RDO RJE'I SKU NI THOB PAR 'GYUR, ,ZHES GSUNGS PA YANG LEGS PAR DRANGS PAR 'GYUR RO, ,DE 'DRA BA DES TSE 'DIR SPYOD PA BYED PA MA BYUNG NA TSE 'DIR 'TSANG MI RGYA BAR GSUNGS PAS, TSE 'DIR 'TSANG RGYA NA SPYOD PA NGES PAR BYA DGOS PA DANG, 'DI'I SGYU LUS 'GRUB PA'I THABS KYI SPYOD PA'I DOD TSE 'DI'I STONG PA BZHI DANG, 'CHI BA'I STONG PA BZHI GCIG TU BYAS PAS BYED PAR YANG BSTAN NO, DES NA 'PHO BA DANG GRONG 'JUG GI RNAL 'BYOR GYIS BYED PA LTAR, SPYIR BSGOMS STOBS KYIS, RAGS PA DANG GNYUG MA'I LUS GNYIS SER 'PHRAL BA LA SPYOD PA MI DGOS KYANG, SNYING KHAR

, ,RLUNG SEMS BSDUS NAS THIM PA'I RIM PA LAS STONG PA BZHI BSKYED BA'I TING NGE 'DZIN LA GOMS PAR BYAS PAS LUS GNYIS SO SOR 'BYED PA DANG, PHYE BA'I GNYUG MA'I LUS DE YANG MTSAN KUN GYIS BRGYAN PA'I SGYU LUS RDO RJE 'CHANG GI SKUR SKYE BA NI SHIN TU BSGRUB DKA' BAS DE'I DON DU SPYOD PA BYA DGOS SO, ,DE 'DRA BA DES 'CHI BA DANG BSRE BA LA NI 'CHI BA DON DAM PA'I BDEN PA DANG BSRE BA'I 'PHEN PA GTONG BA TZAM LAS SPYOD BSDUS SU MA GSUNGS LA, 'GOS LUGS PA RNAMS, 'CHI BA'I TSE RDOR BZLAS BYAS NAS BSRE BAR BZHED PA NYID SHIN TU LEGS TE, SNYING KHA'I MI SHIGS PA LA DMIGS PA DANG, BSAM GTAN GNYIS KYIS SDUD PA'I THABS KYANG YIN NO, ,DE LTAR BYED PA DE LA NI TING NGE 'DZIN GYIS DRANGS PA'I SA CHU LA THIM PA SOGS KYI THIM RIM NYID, 'CHI BA'I SDUD RIM DU SONG BA MA GTOGS PA, 'CHI BA'I RIM PA GZHAN MED DO, ,DES KYANG 'CHI BA'I 'OD GSAL GYI DUS SU SDE KHO NA NYID KYI DON MNGON SUM DU RTOGS PA NI MA YIN TE, DE YAN CHAD DU SGYU LUS MA GRUB PA'I PHYIR DANG, DON GYI 'OD GSAL MNGON DU BYED PA'I RTEN LA SGYU MA'I LUS GRUB PA NGES PAR DGOS PA'I PHYIR TE, RIM LNGA LAS, BDAG BYIN BRLAB PA'I TING 'DZIN DANG, ,DE BZHIN 'OD GSAL BA YI GNAS, ,RGYU DANG 'BRAS BU'I KHYAD PAR GYIS, ,BDEN PA GNYIS SU BSTAN PA YIN, ,BDAG BYIN BRLAB PA'I RIM GYIS NI, ,'OD GSAL BA NI THOB PAR 'GYUR, ,ZHES DANG, SPYOD BSDUS LAS KYANG, KUN RDZOB KYI BDEN PA RTOGS PA DANG BRAL BAS NI, DON DAM PA'I BDEN PA MNGON SUM DU BYA BAR MI NUS

SO, ,ZHES GSUNGS PA'I PHYIR DANG, SPYOD BSDUS LAS, 'DIS SKYE BA NI KUN RDZOB KYI BDEN PA'O ZHES 'PHEN PA GTONG PAR GSUNGS PA'I KUN RDZOB BDEN PA NI RIM PA GSUM PA'I SGYU LUS YIN LA, SGRON GSAL LAS KYANG, DE'I TSE 'GRO BA'I RGYUD NYID DU DUS BYAS NAS LANGS TE SGYU MA LTA BU'I TING NGE 'DZIN MNGON SUM DU BYED DO, ,ZHES GSUNGS PA'I PHYIR DANG, DON GYI 'OD GSAL SNGON DU SONG BA'I SGYU MA'I SKU YANG MIN PA'I PHYIR RO, ,SGYU MA'I SKU MNGON DU BYED TSUL NI, SNGON DU BAR DO MTSAN NYID PAR LANGS NAS, DE'I RJES SU BYED PA MIN GYI, 'CHI BA'I 'OD GAL GYI RLUNG SEMS DE NYID SGYU MA'I SKUR SKYE BA YIN TE, GZHAN LA BAR DOR 'GRO RGYU'I RLUNG SEMS DE 'DI LA SGYU LUS RDO RJE 'CHANG GI SKUR 'BYUNG BA'O, ,'DI LA KHA CIG ,DANG POR BAR DO MTSAN NYID PA GRUB NAS, DE NAS BSGOMS PAS BAR DO'I LUS GNAS GYUR NAS, ZUNG 'JUG GI SKUR 'GYUR BAR 'DOD PA DANG, GZHAN DAG ,BAR DO GRUB PA NA RANG RDO RJE 'CHANG GI SKUR SGOM PA LA 'DOD PA RNAMS NI SGYU LUS 'GRUB TSUL LEGS PAR MA SHES PA'I SKYON YIN NO, ,SPYOD BSDUS LAS, 'CHI BAR 'GYUR PA NI DON DAM PA'I BDEN PA YIN LA, SKYE BA NI KUN RDZOB KYI BDEN PA'O ZHES YANG DAG PAR MNGON PAR RTOGS NAS, BRGYA LAM NA 'OD GSAL BAR ZHUGS NAS THA MAL PA'I PHUNG PO BOR NAS BDAG LA BYIN GYIS BRLAB PA'I RIM GYIS LDANG BAR BYA'O ZHES BRTAN PA'I SEMS BSKYED DE, DE YID LA BYED PAS GNAS PAR BYED NA, DE SKYE BA GZHAN DU YID LA BYED PA DE 'DOR BAR MI 'GYUR TE, DE BAS NA THAMS CAD MKHYEN PAR 'GYUR RO, ,DE BAS NA, BSAM PA GANG DANG GANG GIS NI, ,

, ,MI RNAMS YID NI YANG DAG SBYOR, ,DES NA DE YI RANG BZHIN 'GYUR, ,SNA TSOGS NOR BU JI BZHIN NO, ,ZHES GSUNGS SO, ,ZHES 'CHI BA'I DUS SU BDEN GNYIS LA 'PHEN PA BTANG BA DE BZHIN DU 'GRUB PAR LUNG GIS BSGRUBS LA, 'DI LA SKYE SRID DU SKYE BA NI MED PAS, SKYE BA ZHES PA NI GANG ZAG GZHAN LA BAR DOR 'ONG RGYU'I RLUNG SEMS LA, KUN RDZOB SGYU MA'I SKUR LDANG BAR BYA'O SNYAM PA'I 'PHEN PA GTONG BA YIN ZHING, BTANG BA LTAR YANG 'GRUB PAR GSUNGS PAS, 'OD GSAL GYI RLUNG SEMS NYID BAR DOR MI SKYE BAR, KUN RDZOB SGYU LUS RDO RJE 'CHANG GI SKUR SKYE BAR GDON MI ZA BAR 'DOD DGOS SO, ,'O NA 'DI LA BAR DO MI 'DUG PAS BAR DOR 'TSANG RGYA BA ZHES BYAR MI RUNG RO ZHE NA, DE LTA NA, LHAG MOS 'OD GSAL DU BSDUS PA LA 'OD GSAL DU ZHUGS PA MED CING, MNGON BYANG LNGAS DANG PO'I MGON PO SKYED PA LA RDO RJE 'CHANG MED PAS, DE DAG LA YANG THA SNYAD DE DAG MI BYED PAR 'GYUR TE, DE 'DRA'I RIGS MANG NGO, ,DES NA SHI BA'I 'OD GSAL GYI MTHAR BAR DO JI BZHIN DU, RLUNG SEMS TZAM LAS BSKYED NAS 'TSANG RGYA BA LA, BAR DOR 'TSANG RGYA BA ZHES THA SNYAD BYED PA MI 'GAL LO, ,SHI BA'I 'OD GSAL GYI MTHAR BAR DO MTSAN NYID PA GRUB NAS, DE'I RJES SU LAM BSGOMS NAS BAR DOR 'TSANG RGYA BAR 'DOD PA NI, LUGS 'DI DANG ZHAL LUNG GNYIS KA DANG MI MTHUN NO, ,DE LTAR SHI BA'I 'OD GAL GYI MTHAR RIM PA GSUM PA'I SGYU LUS SGRUB PA DE'I GNAD KYIS KYANG, GANG ZAG 'DI 'CHI BA'I 'OD GSAL GYI DUS SU DE KHO NA NYID MNGON SUM DU RTOGS PA MIN PAS, 'DIS

SGYU LUS GRUB PA'I RJES SU RTEN DE LA RIM PA THA MA GNYIS BSGRUBS NAS 'TSANG RGYA'O, ,SGYU LUS SGRUB TSUL 'DIS NI, TSE 'DIR 'TSANG RGYA BA'I SGYU LUS SGRUB TSUL LA YANG NGES PA CHEN PO STER RO, ,'ON KYANG 'DI LA SNGAR YOD KYI LUS RAGS P[A DANG 'BREL LA, TSE 'DIR 'TSANG RGYA BA LA DE'I NGES PA MED DO, ,DE 'DRA BA LA NI, BAR DO'I TSE TSAD ZHAG ZHE DGU LAS MI THUB PA YANG RTZI DON MED CING, SANGS RGYAS RNAMS KYI SPYAN SNGAR BGROD NAS GDAMS NGAG NYAN NUS PA YANG YIN NO, ,ZHAL LUNG LAS, RANG BYIN BRLABS KYI RIM PA RNAL 'BYOR PA BYA BAS BSKAL PA 'GA' ZHIG LA BSHAD PAR BYA, ,ZHES GSUNGS NAS, BLA MA MNYES PAR BYAS NAS, DBANG DANG DAM TSIG DANG SDOM PA RNAMS LEGS PAR THOB PA, BLA MA'I ZHAL LAS RNYED PA'I DE BZHIN NYID RAB TU THOB CING, GSANG BA DANG MCHOG TU GSANG BA RIG PAS, JI SKAD BSHAD PA'I BYA BAS SGOM MA NUS NA, DE KHO NA NYID RIM PA 'DIS BSGOM PAR BYA'O ZHES DER GSUNGS PA LTAR GYI 'PHO BA'I MAN NGAG YANG YANG BSGOMS NA BSAM PA DE YI RKYEN GYIS NI, BDAG SEMS DBYINGS SU ZHUGS PA'I TSE, , GSAL ZHING RAB DGA' MKHA' 'DRA RTOGS, ,DE NAS RDZU 'PHRUL SHUGS LDAN PA, ,LO LNGA LON PA'I BYIS PA'I GZUGS, ,'GRUB TSE DPE MED BDE RDZOGS RTOGS, ,DE NAS SKYE GNAS GZHAN DU NI, ,'PHEN PAR BYED TSE SPRUL PA'I GZUGS, ,YANG DAG TU NI RTOGS PAR 'GYUR, ,DE LTA BAS NA SEMS CAN GYI, ,BSAM PA GANG DANG GANG DAG GIS, ,MI RNAMS YID NI YANG DAG SBYOR, ,DE DANG DE NI MDO BZHIN DU, ,SNA TSOGS NOR BU LTA BUR 'GYUR, ,CHOS SKU RAB DGA' MKHA' MNYAM PA, ,SHI DANG BRGYAL DANG GNYID

, ,LOG DANG, GLA LA DANG 'KHRIG DUS SKAD CIG TZAM, ,MYONG BAR 'GYUR BA RAB BSGOMS NA, ,LUS CAN RNAMS KYI YID NI SBYONG, ,ZHES GSUNGS TE, BDAG GI SEMS DBYINGS SU ZHUGS PA NI 'CHI BA'I 'OD GSAL DU ZHUGS PA STE, DE'I DUS SU DE KHO NA NYID RTOGS SO, ,BYIS PA'I GZUGS 'GRUB PA'I TSE ZHES PA NI GZHAN LA BAR SRID 'GRUB PA'I DUS SO, ,DE'I TSE DPE MED BDE RDZOGS RTOGS PA NI LONGS SKU THOB PA SNGAR BSHAD PA LTAR RO, ,GZHAN GYI SKYE SRID LEN PA'I DUS SU 'DI'I SPRUL SKU THOB PA STE, LAM GYI SKU GNYIS SO, ,PHYI MA 'DI SPYOD BSDUS LAS MA GSUNGS KYANG KHA BSKANG STE, SGYU LUS SGRUB PA DES SHA'I MIG GI YUL DU MTHONG BA'I SPRUL PA'I SKU 'DZIN NUS PA'O, ,DE LTA BAS NA ZHES SOGS NI SPYOD BSDUS DANG 'DRA'O, , CHOS SKU ZHES PA LNGAS NI GZHI'I SKABS SNGAR BZHI'I 'OD GSAL 'CHAR BA DE LAM DU BSLANG BAR BSTAN NO, ,GZHAN LA BAR DO 'GRUB PA'I TSE 'DI LA LONGS SKU 'GRUB PA 'DI NI, BAR DO MTSAN NYID PA MI LEN PAR SGYU MA'I SKUR SKYE BA'O, ,YANG DE NYID LAS, GAL TE SKU GSUM MA GRUB NA, ,RIG PA 'DZIN PA'I GTZOR 'GYUR TE, ,RIM GYIS PHYAG RGYA CHEN PO 'GRUB, ,CES DE LTAR LAM GYI SKU GSUM MA GRUB NA SNGAGS SPYOD PA'I RTEN KHYAD PAR CAN RIG 'DZIN GYI GTZO BO'I LUS 'GRUB PAR GSUNGS KYI SKU GSUM MA GRUB PA DES BAR DOR LAM SGOM TSUL NI MA BSHAD DO, ,RTEN DE YANG YANG SRID GZHAN DU SKYE BA LEN MI DGOS PAR SANGS RGYAS KYI ZHING DU SKYE BA ZHIG TU MNGON NO, ,GNYIS PA NI, RTZA BSHAD KYI RGYUD DANG YAB SRAS KYI GZHUNG LAS SKYE BA

BRGYUD NAS 'TSANG RGYA BAS 'CHI BA DANG BAR DO DANG BSRE TSUL GSAL POR MA BSHAD KYANG, SPYOD BSDUS DANG SGRON GSAL GYI BSHAD PA DES MTSON NAS BSRE BA DE GNYIS BYAR RUNG BAS, LUGS 'DI LA BLA MA RNAMS KYI MAN NGAG LAS DE LTAR BSHAD PA YANG LEGS PA YIN STE, GNYID DANG RMI LAM DANG BSRE BA DANG 'DRA'O, ,DE LA 'CHI BA DNGOS DANG BSRE BA LA DA LTA RTOGS PA CI TZAM YOD PA ZHIG DGOS SHE NA, 'DI LA, DBANG LEGS PAR THOB NAS DAM TSIG DANG SDOM PA BSRUNG BA GZHIR BYAS NAS, BSKYED RIM SGOM PA GZHIR 'JOG PA NI, TSE 'DI DANG BAR DO DANG SKYE BA BRGYUD NAS 'TSANG RGYA BA GSUM GA LA GAL SHIN TU CHE'O, ,DES LUS LA GNAD DU BSNUN PA'I THABS BSGOMS PAS RLUNG DH'U T'IR BSDUS TE THIM PA LAS BYUNG BA'I STONG PA BZHI BSKYED PA BRTAN PA DANG, DE YANG BDAG MED PA'I DON LEGS PAR RTOGS PA'I LTA BA DANG SBYOR NUS PA YIN NA, 'CHI BA'I STONG PA RNAMS DANG BSRE NUS SHING, 'CHI BA'I 'OD GSAL GYI DUS SU LTA BA DRAN NA DE KHO NA NYID KYI DON RTOGS PA YANG YIN LA, LTA BA MED PAR SNGA MA YOD PA YIN NA'ANG 'CHI BA'I STONG PA DANG BSRE NUS MOD KYANG, DE'I TSE DE KHO NA NYID RTOGS PA NI MIN TE, TSUL GNYIS YOD DO, ,SNGA MA LTAR BSRE NUS NA DE'I TSE GNYIS SNANG RAGS PA'I SPROS PA GCOD PHUL SHIN TU CHE BA ZHIG 'ONG BAS, DE KHO NA NYID KYI DON RTOGS PA CHES SHIN TU KHYAD ZHUGS PA ZHIG SKYE'O, ,PHYI MA LTAR YIN NA'ANG KHYAD SHIN TU CHE'O, ,DE TZAM GYI NUS PA MA THOB PAS NI 'CHI DUS SU 'ONG BA'I RIM PA RNAMS DA LTA NAS YANG YANG YID LA DRAN TE RGYUN LDAN DU GOMS NA, GOMS

, ,PA'I SHUGS KYIS 'CHI KHAR DRAN THUB NAS 'CHI BA'I STONG PA RNAMS NGOS ZIN PA 'BYUNG BAR MNGON TE, TSE 'DIR GANG LA YID GOMS PA SHAS CHE BA DE NYID 'CHI KHAR YANG RJES SU 'JUG PAR RNAL 'BYOR SPYOD PA'I SA LAS KYANG GSUNGS PA'I PHYIR RO, ,'DI LA YANG LTA BA DANG 'BREL MA 'BREL GNYIS KYI DBANG GIS GZHI'I 'OD GSAL NGOS ZIN PA LA DE KHO NA NYID RTOGS MA RTOGS GNYIS SU 'GYUR RO, ,'DI RNAMS LA YANG 'CHI BA'I DUS KYI MAN NGAG NI, SA CHU LA THIM PA SOGS KYI THIM RIM LAS, SMIG RGYU NAS MAR ME LTAR 'BAR BA'I BAR RNAMS YID LA BYED PA DANG, DE NAS STONG PA GSUM GYI MAN NGAG RNAMS DRAN PAR BYA BA DANG, STONG PA RNAMS LAM GYIS 'DREN THABS SROG RTZOL GNYIS DANG BSAM GTAN GNYIS KYI MAN NGAG SGOM PA'O, ,L'U A'I PA'I SGRUB THABS LAS, SEMS NI NGAL BSO RNAL 'BYOR PA, ,MYANG 'DAS BSTAN PA MA YIN NYID, ,'PHO DUS RNAL 'BYOR RNAMS NI DPAL, ,KHRAG 'THUNG SOGS PA RNAL 'BYOR MA, ,ME TOG SNA TSOGS LAG THOGS SHING, ,SNA TSOGS RGYAL MTSAN BA DAN CAN, ,SIL SNYAN SGRA NI SNA TSOGS DANG, ,GLU YI NYER SPYOD SNA TSOGS KYIS, ,'CHI BA ZHES NI RNAM RTOG STE, ,MKHA' SPYOD GNAS SU 'KHRID PAR BYED, ,CES GSUNGS PA'I DON RNAL 'BYOR PA RNAMS 'PHO BA STE 'CHI DUS SU DPA' BO DANG DPA' MO PHYAG NA MTSON RDZAS SNA TSOGS PA THOGS PA RNAMS BYON NAS, MKHA' SPYOD GNAS SU 'KHRID PA STE 'OD GSAL DU 'JUG PAR BYED CES LVA BA PA'I 'GREL PA SOGS 'GREL PA GSUM LAS BSHAD PAS, PHYI

NAS KYANG DE LTA BU'I RKYEN GYIS 'OD GSAL DU 'JUG THABS MDZAD PAR GSUNGS SO, ,RKANG PA DANG PO DANG GNYIS PA'I DON NI, MYANG 'DAS TE 'CHI BA DON DAM PA MIN GYI, KHYIM NAS KHYIM DU 'GRO BA LTAR SEMS NGAL BSO BA TZAM MO ZHES KYANG BSHAD DO, ,'DI BDE MCHOG LAS GSUNGS PA NI MTSON PA TZAM YIN PAS, DAM TSIG DANG SDOM PA DAG PAR BYED CING, BLA MA LA GUS PA, LHAG PA'I LHA'I BSKYED RIM, YI DAM DU SGOM PA'I GUS PA SHUGS DRAG PA RNAMS LA, RANG RANG GI LHAG PA'I LHAS 'CHI BA'I TSE RJES SU 'DZIN PA'I MTHONG CHOS KYI PHAN YON NO, ,GAL TE SHI BA'I 'OD GSAL GYI MTHAR SGYU MA'I SKU MA GRUB PAR BAR DO MTSAN NYID PAR SHOR BA DE BAR DOR 'TSANG MI RGYA NA, RIM LNGA BSDUS PA LAS, 'OD GSAL GNAS THOB MNGON SANGS RGYAS, ,BRTZON 'GRUS CAN NI TSE 'DI NYID, ,LE LO CAN NI 'CHI KHA STE, ,THA MA SRID PA BAR MA DOR, ,MCHOG THOB SKUS NI GZHAN DON BYED, ,CES BSHAD PA JI LTAR YIN ZHE NA, DE NI, 'OD GSAL RTOGS NAS 'TSANG RGYA BA'I 'OD GSAL DE RAB KYIS TSE 'DIR RTOGS, 'BRING GIS 'CHI BA'I 'OD GSAL GYI DUS SU RTOGS, THA MAS BAR DOR RTOGS NAS MCHOG 'THOB CES PA'I DON YIN GYI, 'CHI BA'I 'OD GSAL GYI DUS NYID DU 'TSANG RGYA BA DANG, BAR DO DNGOS NYID DU 'TSANG RGYA BAR STON PA MA YIN TE, THA MA NI SKYE BA BRGYUD NAS 'TSANG RGYA BA LA BYA DGOS PA'I PHYIR RO, ,BAR DO DANG BSRE BA NI, 'CHI BA DANG BSRE NUS PA BYUNG NA, BAR DO LA YANG SNGAR BSHAD PA LTAR GYI 'PHEN PA'I DBANG GIS BSRE NUS PA 'BYUNG STE, 'ON KYANG DE LA NI BAR DO MTSAN NYID PA 'GRUB PA LA RANG LHA'I SKUR MOS PA YID BYED KYIS

, ,SKYED PA'O, ,BAR DO ZIN PA'I THABS KHYAD PAR CAN NI, SAD DUS DANG, GNYID KYI STONG PA BZHI BSGOMS STOBS KYIS LEGS PAR SKYED NUS NAS, DE'I RJES SU MTSON BYED DPE'I SGYU LUS SKYED PA'I GDAMS NGAG YIN LA, DE TZAM GYI NUS PA MED PAR RMI LAM 'DUN PAS ZIN NA YANG THABS LEGS PO ZHIG YOD DO, ,DE RNAMS MED NA 'CHI BA'I MAN NGAG YID LA BYED DUS SU SHI BA'I MTHAR BAR DO 'GRUB TSUL RNAMS DANG, SGYU MA'I SKU'I RNAM PA SGOM PA RNAMS YID LA BYED PA LA GOMS DGOS SO, ,GSUM PA NI, RIM LNGA BSDUS PA LAS, BAR DO RNAM GSUM BSRE BAR BYA, ,ZHES BSHAD PAS NI DES MTSON NAS 'CHI BA GSUM DANG, SKYE BA GSUM BSRE BA YANG GO DGOS LA, BSRE BA 'DI RNAMS KYI THA SNYAD GSAL BOR YAB SRAS KYI GZHUNG NAS MA BYUNG YANG DON NI YOD DO, ,BAR DO GSUM NI, SRID PA BAR DO DANG, RMI LAM GYI BAR DO MTHUN LA, MAR LUGS PA MANG POS, SKYE SHI BAR DO ZHES THA SNYAD BTAGS PA'I DON SNGAR SKYES NAS DA GZOD MA SHI BAR GYI DA LTAR GYI PHUNG PO 'DI LA BYED MOD KYANG, GZHI'I BAR DO GNYIS DANG, LAM GYI BAR DO GCIG STE GSUM DU BYAS NA YAB SRAS KYI GZHUNG DANG MTHUN NO, ,DE YANG, RIM LNGAR SGYU LUS LA BAR DOR GSUNGS PA LTA BU YIN TE, 'DI LA DNGOS DANG RJES MTHUN PA GNYIS YOD DO, ,'CHI BA GSUM NI YONGS SU GRAGS PA'I 'CHI BA DANG, RMI LAM GYI LUS BAR DOR BSHAD PA'I GNAD KYIS DE'I SNGA ROL GYI GNYID KYI STONG PA RNAMS LA GNYID KYI 'CHI BAR BYAS PA DANG, RDZOGS RIM DU STONG PA BZHI 'CHI RIM BZHIN DU BSKYED

PA'I LAM GYI 'CHI BA STE, GZHI'I 'CHI BA GNYIS DANG LAM GYI 'CHI BA GCIG GO ,SKYE BA GSUM NI, SRID PA BAR DOS MNGAL DU SKYE BA BZUNG BA'I SKYE BA DANG, RMI LAM GYI BAR DOS PHUNG PO RAGS PA LA SLAR ZHUGS PA'I SAD DUS KYI SKYE BA DANG, SGYU LUS KYI BAR DOS PHUNG PO RAGS PA BZUNG BA'I SKYE BA STE, GZHI'I SKYE BA GNYIS DANG, LAM GYI SKYE BA GCIG GO ,DE'I DANG PO GSUM NI, BAR DO LONGS SKU'I BSRE BA STE SGYU LUS KYI BSRE BA'O, ,BAR PA GSUM NI, 'CHI BA CHOS SKU'I BSRE BA STE 'OD GSAL GYI BSRE BA'O, ,THA MA GSUM NI SKYE BA SPRUL SKU'I BSRE BA'O, ,DE RNAMS LA NI, BSDU NA BSRE BA SKOR GSUM ZHES KYANG BYA LA, PHYE NA BSRE BA RNAM PA DGU ZHES KYANG BYA'O, ,'DIR RIM LNGA BSDUS PA LAS, GTUM MO'I RNAL 'BYOR RLUNG GIS TE, ,SEMS DMIGS BDE BA CHEN PO'O, ,RMI LAM SGYU MA GCIG TU SBYANG, ,BAR DO RNAM GSUM BSRE BAR BYA, ,NYON MONGS YE SHES LAM DU 'GYUR, ,LAM MYUR GCOD PA 'PHO BA STE, ,GRONG DU 'JUG PA YAN LAG GO ,ZHES BSHAD PA LA BRTEN NAS, GSER SDINGS PAS KYANG 'DUS PA'I MAN NGAG GI SKOR DU GTUM MO SGOM PA RIM LNGA DANG SBYAR BA DANG, 'PHO BA DANG GRONG 'JUG RNAMS KYI MAN NGAG KYANG MDZAD DO, ,RIM LNGA BSDUS PAR BSHAD PA NI RNAL 'BYOR MA'I RGYUD NAS GSUNGS PA'I GTUM MO SGOM PA LA, PHA RGYUD KYI RIM LNGA'I DOD GANG YIN BSTAN PAR BZHED PA YIN LA, DE LTAR MDZAD PA YANG RGYUD GNYIS KA'I LAM KUN RIM LNGA DNGOS SAM, DE'I DOD RTZIS GNYIS SU 'DU BAR BSTAN PA'I PHYIR DU'O, ,DE LTAR BYAS NA RDOR BZLAS KYI RLUNG GIS SEMS DBEN 'DREN PA'I DOD NI

, ,GTUM MO'I RNAL 'BYOR NYID DO, ,SEMS DBEN GYI DOD NI, GTUM MO BSGOMS PA LA BRTEN NAS RLUNG DH'U T'IR TSUD PA THIM PA LAS BYUNG BA'I BDE BA CHEN PO STE DGA' BA BZHI'O, ,DE GNYIS NI RNAL 'BYOR MA'I RGYUD NYID NAS 'BYUNG NGO, ,DE LA PHA RGYUD KYI SGYU LUS DANG, 'OD GSAL DANG, ZUNG 'JUG BSNAN PAS RIM PA LNGA BYED PA GZHUNG DE'I DON YIN GYI, DE LAS GZHAN DU 'CHAD PA NI DON MIN NO, ,RMI LAM DANG SGYU MA GCIG TU SBYAR ZHES PA NI, RMI LAM GYI GDAMS NGAG RNAMS SGYU LUS KYI GDAMS NGAG TU SDUD PA'O, ,BAR DO ZHES PAS NI SGYU LUS KYI BSRE BA GSUM BSTAN LA, GZHI DUS KYI BAR DO GNYIS LAM GYI BAR DO DANG BSRE BA 'DI NYID NI, MA DAG PA DAG PAR SGYUR BYED YIN PAS NYON MONGS ZHES PA GCIG GO ,'DI DANG BAR DOR MCHOG MA THOB NA SKYE BA GZHAN DU SNGAGS SPYOD PA'I RTEN KHYAD PAR CAN BSGRUBS NAS, LAM 'GYANG BAR MI BYED PA NI 'PHO BA YIN LA, 'PHO BA'I YAN LAG KHYAD PAR CAN CIG LA GRONG 'JUG TU BYED DO, ,DE GNYIS NI RNAL 'BYOR MA'I RGYUD RNAMS LAS GSAL LO, , YANG NA, TSE 'DIR RANG GI LUS RTEN DANG, GZHAN GYI LUS RTEN BZANG NGAN BRJES NAS, LAM MYUR DU GCOD PA'I YAN LAG NI GRONG 'JUG GO ,'DI GNYIS 'DIR BSHAD PA NI PHA RGYUD LA DE GNYIS SNON CIG CES PA'AM, DE YANG NA PHA RGYUD KYI MTSON BYED DPE'I SGYU LUS SKYED NUS PA'I MTSAMS NAS, GRONG 'JUG GI GDAMS NGAG BSGOMS NA NUS PA THOB PA KHYAD PAR CAN CIG YOD PAS DE RTOGS PA'I PHYIR YANG YIN NO, ,BSRE BA RNAM PA DGU'I BSRE TSUL MANG PO ZHIG NI BSHAD ZIN LA, SHIN TU RTOGS DKA' BA'I

GNAD 'GA' ZHIG SNANG BA NI ZUR DU GTAN LA DBAB DGOS PAR SNANG NGO, ,GNYIS PA DON DAM 'OD GSAL GYI RDZOGS RIM LA GNYIS, RIM LNGA DANG SPYOD BSDUS SU GSUNGS PA'I DON BSHAD PA DANG, RGYUD PHYI MAR 'DZIN PA'I YAN LAG GSUNGS PA'I DON BSHAD PA'O, DANG PO LA GSUM, GO RIM NGES TSUL SNOD RUNG DU BYA BA DANG BCAS PA DANG, DE LA 'OD GSAL GYI GDAMS NGAG BSHAD PA DANG, RIM PA DE LAM GZHAN GYI MTHAR YANG 'ONG TSUL LO, ,DANG PO NI, SNGAR GO RIM NGES PA'I SKABS SU BSHAD PA LTAR, SGYU LUS KUN RDZOB BDEN PA SNGON DU MA BSKYED NA 'DI'I 'OD GSAL MNGON DU BYA MI NUS PAR GSUNGS PA'I RGYU MTSAN GANG YIN SNYAM NA, SPYIR 'PHAGS PA YAB SRAS KYI LUGS KYIS CHOS KYI BDAG MED PA'I DE KHO NA NYID KYI DON MNGON SUM DU RTOGS PA NI NYAN RANG 'PHAGS PA DANG YANG THUN MONG BA YIN NA, PHAR PHYIN GYI THEG PA'I SA RAB TU DGA' BAR DON DAM DE MNGON SUM DU 'GYUR PA LTA SMOS KYANG CI DGOS, SGYU LUS SGRUB PA NI SNGAGS BLA MED KYI KHYAD PAR GYI CHOS THUN MONG MA YIN PA YIN PAS, DON DAM BDEN PA'I 'OD GSAL MNGON SUM DU RTOGS PA TZAM ZHIG LA SNGON DU SGYU LUS SKYED DGOS PAR MI 'DOD DO, ,DES NA LHAN CIG SKYES PA'I BDE BAS DE KHO NA NYID KYI DON SHIN TU PHRA BA MNGON SUM DU RTOGS PA DON GYI 'OD GSAL LA, SNGON DU SGYU LUS SGRUB DGOS PAR BZHED DE, ZHIB TU 'CHAD PAR 'GYUR RO, ,DE LA THEG PA GZHAN GYI LUGS KYIS, YE SHES CHOS SKU'I RGYU'I GTZO BO STONG NYID RTOGS PAS GZUGS SKU'I LHAN CIG BYED RKYEN BYED PA DANG, GZUGS SKU'I RGYU'I GTZO BO BSOD NAMS KYI TSOGS MTHA' YAS PA RNAMS KYIS

, ,CHOS SKU'I LHAN CIG BYED RKYEN BYED PA YOD KYANG, RGYU'I GTZO BO GNYIS NGO BO DBYER MED KYI THABS SHES SU BYAS NAS, DE LA MNYAM GZHAG TU GCIG BSGRIL BYAS NAS LAM BGROD PA MED LA, THEG PA BLA NA MED PA 'DIR BDE STONG PHYIN CI MA LOG PAR SBYOR BA DANG, DE YANG SGYU MA'I SKU DANG NGO BO GCIG TU SBYOR BA BSHAD ZIN CING, BYANG CHUB TU SEMS BSKYED NAS SPYOD PA PHYIN DRUG LA SLOB PA'I LAM GYI SPYI TZAM ZHIG MTSUNGS KYANG, BSOD NAMS KYI TSOGS KYI GSAL BA'I DBYE BA MTHA' YAS PA LA RE RE NAS SLOB TSUL NI MI 'DRA BA DANG, DE YANG STONG NYID KYI RTOGS PA SHES SGRIB SPYOD PA LA NUS PA RIM GYIS KHYAD PAR CAN DU 'GYUR BA'I DON DU YIN PA YANG SNGAR BSHAD ZIN TO, ,DE'I GNAD KYIS, THEG DMAN GYI MYUR SHOS KYIS TSE GSUM GYIS NYON MONGS SA BON DANG BCAS PA ZAD PAR BYED LA, PHAR PHYIN GYI THEG CHEN DU CHOS NYID MNGON SUM DU RTOGS PA'I SA RAB TU DGA' BA 'THOB PA LA DUS DU MA ZHIG THOGS PA DANG, NYON SGRIB SA BRGYAD PAR ZAD PAR GSUNGS PA SOGS KYI DUS RING THUNG SHIN TU KHYAD CHE BAR GYUR LA, NYON MONGS CHED DU SPONG MI SPONG SOGS KYI KHYAD PAR YANG MANG DU GSUNGS SO, ,DES NA LAM 'DIR YANG LHAN CIG SKYES PA'I BDE BAS, DE KHO NA NYID MNGON SUM DU RTOGS PA TZAM GYI YE SHES SKYED PA'I PHYIR DU SGYU LUS SKYED PA MIN GYI, DON GYI 'OD GSAL GYI YE SHES KYIS SHES SGRIB SBYONG BA LA NUS PA KHYAD PAR CAN DU 'GYUR BA'I DON DU YIN TE, GZUGS SKU'I THUN MONG MA YIN PA'I RGYU'I GTZO BO YIN PA'I PHYIR RO, ,LHAN SKYES

KYI BDE BAS STONG NYID YUL DU BYAS PA LA, YUL CAN GYI SGO NAS SHES SGRIB SPYOD PA LA NUS PA KHYAD PAR CAN DU SKYE BA'I SGO CIG KYANG YOD MOD KYANG, THEG PA GZHAN GYI BSOD NAMS KYI TSOGS MTHA' YAS PA'I DOD NI, RDZOGS RIM GYI SKABS 'DIR RGYU MA'I SKU YIN BAS, DE GNYIS SPREL SHES PA GNAD MTHAR THUG PA YIN NO, ,DE LTAR NA YE SHES CHOS SKU'I RGYU'I GTZO BO DE SHES SGRIB SBYONG BA LA NUS PA KHYAD PAR CAN DU 'GRO BA'I DON DU GZUGS SKU'I RGYU SGRUB PAR 'DRA MOD KYANG, SKU GNYIS KYI RGYU'I GTZO BO GANG LA BYED PA KHYAD PAR SHIN TU CHE BA YIN TE, DES NI THEG PA GZHAN LAS RNAMS SU MTSAN GYIS BRGYAN PA'I LUS THOB KYANG, RTEN DES MNYAM GZHAG TU STONG NYID SGOM PA GCIG PU BYAS PA NA, DE LAS SANGS RGYAS RNAMS KYIS BSLANG NAS, RJES THOB TU TSOGS RGYA CHEN PO LA 'JUG LA, 'DIR SGYU MA'I SKU GRUB PA NA DE LTAR BYA MI DGOS PA'I KHYAD PAR YANG SHES PAR NUS SO, GO RIM NGES PA'I RGYU MTSAN 'DI RNAMS NI, THEG PA GZHAN DANG, RGYUD SDE GZHAN DANG, RGYUD SDE GNYIS KYI LAM BGROD PA'I RNAM GZHAG SPYI DANG, DE DAG GI GNAD PHRA BA LA TSIM MI SLA BAR RING DU 'DRIS PA DGOS SHING, SHIN TU RTOGS DKA' BA'I RGYU MTSAN GYIS, SGYU LUS LA SGYU 'DZIN GYI DRI MA ZHIG YOD PA SBYONG BA LA 'OD GSAL DU 'JUG DGOS PA YIN NO ZHES SOGS LTAR SNANG MANG DU BYUNG NGO, ,DES NA RIM PA BZHI PA LAS, 'DI NI RANG BYUNG BCOM LDAN 'DAS, ,GCIG PU BDAG NYID CHE BA'I LHA, ,MAN NGAG RNAMS NI RAB STER BAS, ,RDO RJE SLOB DPON DE BAS LHAG ,DE NI YANG DAG MNYES BYAS TE, ,LO 'AM YANG NA ZLA BA LA, ,BLA MA DE NI MNYES BYAS LA, ,CI NUS PAS NI

, ,MCHOD PAR BYA, ,CI 'BYOR BA YI PHYAG RGYA NI, ,LEGS PAR BSLABS LA DBUL BYA ZHING, ,TSOGS KYI DKYIL 'KHOR DBUS SU NI, ,CHO GA JI BZHIN MCHOD PAR BYA, ,ZHES 'DI'I MAN NGAG STER BA'I RGYU MTSAN GYIS, BLA MA SANGS RGYAS LAS LHAG PAR BLTA BA DANG, YUN RING POR MNYES PAR BYA BA DANG, DE'I RJES SU GSANG BA DANG, DE LAS GZHAN PA'I MCHOD PAS 'DI STON PA'I BLA MA LA MCHOD PAR GSUNGS SO, ,SPYOD BSDUS LAS KYANG, BLA MA'I ZHAL GDAMS MED PAR 'OD GSAL MI RTOGS PA DANG, STON BYED KYI RGYU DANG BSTAN PA'I 'BRAS BU GNYIS GNAS TSUL DBYER MED PAR STON PA'I BLA MA'I LUNG THOB NAS, BLA MA MCHOD PA SNGAR BZHIN BYA BAR GSUNGS TE, 'DI YANG DBANG GI DON DU GSUNGS MOD KYANG, GDAMS NGAG DANG GNYIS KA LA 'DRA'O, ,'DI RNAMS YID KYIS SPRUL TE BYED PA YANG, LAM KHYAD PAR CAN LA RTEN 'BREL 'GRIG PA'I RGYUR BSNGAGS PA YANG SHES PAR BYA'O, ,DE'I RJES SU BLA MAS DBANG DGU SNGON DU 'GRO BA'I GSANG DBANG DANG DBANG GSUM PA BSKUR BAR RIM LNGA DANG SPYOD BSDUS LAS GSUNGS PA NI, 'DI'I SNOD RUNG DU SGRUB PA'I DBANG LAN CIG SNGAR THOB NA, SNOD RUNG DU SGRUB PA LA GNYIS PA MI DGOS SO, ,DBANG MTSAN PHYED NA BSKUR BA'I THO RANGS KYI DUS SU SLOB MAS BLA MA LA MCHOD PA DANG BSTONG PAS MNYES PAR BYA BAR RIM PA BZHI PA LAS GSUNGS PA'I MCHOD PA NI SNGAR DANG 'DRA LA, BSTOD PA NI, KHAMS GSUM LAS NI RNAM GROL ZHING, ,ZHES SOGS TSIGS BCAD PHYED DANG LNGAS BSTOD PA'I 'OG TU, LAS DANG SKYE LAS RNAM GROL ZHING, ,ZHES SOGS TSIGS BCAD GSUM

GYIS BLA MA LA SLOB MAS BSKUL PAR GSUNGS SO, ,SGYU LUS DANG 'OD GSAL GYI SKABS SU SKABS DE'I GDAMS NGAG DANG MTHUN PAR BLA MA LA BSTOD PA DANG, GSOL BA GDAB PAR GSUNGS PA 'DI'I RIGS PA RIM PA LHAG MA RNAMS LA'ANG SBYAR NAS, BLA MA'I RNAL 'BYOR SGOM PA DANG, TSUL DE RNAMS KYIS GSOL BA 'DEBS PAR BZHED PA NI LEGS PAS, GDAMS NGAG NYAN DUS KHO NAR MA ZAD, SKABS GZHAN DU YANG TSUL DES GSOL PA GDAB PAR BYA'O, ,DES NA SPYIR THEG PA KUN DANG, KHYAD PAR DU THEG PA 'DI LA BLA MA'I DAM TSIG MA NYAMS PAR BYA BA DANG, SANGS RGYAS SU BLTAS PA'I SGO NAS MCHOD DE, MNYES PA THAMS CAD KYIS MNYES PAR BYED CING, MI MNYES PA SPONG BA LA 'BAD PA NI GNAD DAM PAR SNANG NGO, ,GNYIS PA LA GSUM, PHYI NANG GI MNGON PAR BYANG CHUB PA GNYIS BSHAD PA DANG, DE MNGON DU BYED PA'I THABS BSAM GTAN GNYIS BSHAD PA DANG, MING GI RNAM GRANGS CHED BRJOD DANG BCAS PA BSHAD PA'O, ,DANG PO LA GNYIS, DNGOS KYI DON DANG, RTZOD PA SPONG BA'O, ,DANG PO NI, DE LTAR GSOL BA 'DEBS PA'I SLOB MA LA SNYING RJE BSKYED NAS 'CHAD PA NI, RIM PA BZHI PA LAS, MTSAN MO SNANG BA'I CHA STE GSAL BA NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS KYIS LAN CIG MIN PAR 'GRO ,MTSAN MIN NYIN PAR MA YIN MTSAMS MIN GANG ZHIG RANG BZHIN RNAMS DANG RNAM BRAL BA, ,DE NI BYANG CHUB SKAD CIG YIN PAR BLA MA MCHOG BZHED RNAL 'BYOR PA NYID YUL, ,MTSAMS KYI MTHA' NI 'JIG MIN

, ,MUN NAG TSOGS NI MA LUS GANG DU 'DAS PA DANG, ,JI SRID NYI MA MA SHAR SKAD CIG 'DIR NI DRI MED YANG DAG MTHA' RU BSHAD, ,SLOB DPON MCHOG NI RAB RIB BRAL BAS SLOB MA LA NI PHYI ROL BYANG CHUB BSTAN, ,NANG GI BDE BA RNYOG BRAL SANGS RGYAS BYANG CHUB SKAD CIG DAG GIS THOB PAR 'GYUR, ,ZHES PHYI NANG GI BYANG CHUB GNYIS GSUNGS SO, ,CHAG 'GYUR LAS, DE DAG RANG GI RANG BZHIN RNAMS DANG LAN CIG MIN PAR LDAN, ,ZHES DANG, MUN PA'I MTHA' NI RNAM PAR ZAD CING MTSAMS KYI GZI BRJID MA LUS GANG DU 'DAS GYUR CIG ,JI SRID NYI MA MA SHAR SKAD CIG DRI MA MED PA 'DI LA YANG DAG MTHA' NI BSTAN, ,ZHES 'BYUNG NGO, ,SPYOD BSDUS LAS KYANG, MNGON PAR BYANG CHUB PA LA GNYIS LAS, PHYI'I MNGON BYANG NI, THO RANGS KYI THUN MTSAMS SU MA RIG PA'I SNANG BA 'DAS NAS, JI SRID NYI MA GSAL BAR MA GYUR PA STE, 'DI LA NI 'OD GSAL THAMS CAD STONG PA'O, ,ZHES BSHAD PA'I DON NI RIM LNGA LAS, THOB PA DANG SNANG BA'I MTSAN GYIS DUS GNYIS 'DAS SHING, NYI MA MA SHAR BA'I BAR LA BSHAD PA'I THO RANGS SO, ,NYI MA SHAR BA NA SNANG BA MCHED PA DANG, NYI MA NUB PA'I MTSAMS SU MA RIG PA DANG, ZLA BA SHAR BA'I TSE SNANG BA'O, ,ZHES BSHAD NAS, NANG GI MNGON BYANG STON PA NA, DANG POR SMIG RGYU LTA BU LA 'OD ZER LNGA'I TSOGS DANG LDAN PAR MTHONG NGO, ,GNYIS PA NI SNANG BA STE ZLA BA'I 'OD ZER LTA BU'O, ,GSUM PA NI SNANG BA MCHED PA STE NYI MA'I 'OD ZER LTA BU'O, ,BZHI PA NI SNANG BA THOB PA STE MUN PA LTA BU'O, ,DE NAS MUN PA DANG BRAL BA'I SKAD CIG LA 'OD

GSAL BA STE SHIN TU GSAL BA RTAG TU SNANG BA'I MTSAN NYID CAN, DON DAM PA'I BDEN PA'I RANG GI MTSAN NYID YE SHES KYI MIG GIS MTHONG BA, ZHES GSUNGS SO, ,'DIR SLOB MA LA, BLA MAS PHYI NANG GI BYANG CHUB PA GNYIS STON PA'I DANG PO NI, PHYI'I ZHAG GCIG LA CHA BZHIR BYAS NAS STONG PA BZHI BSHAD PA SOR BZHAG TU BYED NA, STONG PA BZHI PA BYANG CHUB KYI SKAD CIG YIN PA DANG, RNAL 'BYOR PA NYID KYI YUL YIN PA SOGS MI 'THAD LA, DE'I DUS KYI NAM MKHA' BZHI DPER BYAS NAS STONG PA BZHI STON PA LA BYED NA NI, NANG GI STONG PA BZHI YANG DE LTAR YIN PAS PHYI NANG GI KHYAD PAR DBYE MI NUS TE, NANG GI SKABS SU YANG ZLA NYI DANG MUN PA DPER BKOD NAS BSTAN PA'I PHYIR RO, ,DUS BZHIR STONG PA BZHI'I YE SHES SKYE BA LA BYED NA, DUS DE BZHI RE RE'I DUS LA STONG PA BZHI DUS GCIG LA SKYE BA MED PAR 'GYUR BAS, PHYI NANG GI BYANG CHUB GNYIS KYI KHYAD PAR GANG NAS 'BYED PA YIN SNYAM NA, 'DI LA RJE 'GOS KYIS, N'A RO PA'I BZHED PA DANG, BTZUN MO CAN DANG, NAG PO DAM TSIG RDO RJE GNYIS KYI BZHED PA STE LUGS GNYIS BKOD PA'I DANG PO NI, ZHAG GCIG GI CHA BZHI STONG PA BZHIR BSHAD PA NI, CHOS NYID KYI DPE DANG DUS DANG RTAGS DANG MTSON BYED YIN PAS DRANG DON TE PHYI'I MNGON BYANG NGO, ,NGES DON NI NANG GI MNGON BYANG YIN TE, LAS RGYA DANG SNYOMS PAR ZHUGS PAS BYANG SEMS RDO RJE'I RTZA BA DANG, RKED PA DANG, RDO RJE'I BUM PAR SLEB PA NA, BDE BA DE GSUM LA STONG PAS RGYAS BTAB STE BSGOMS PA NA, LAM GYI SNANG BA GSUM DANG, THIG LE GNYIS SHOR GNYIS GNAS KYI DUS SU NGO BO NYID KYI RTOG PA LOG PA'I BDE BA'I YE SHES NA THAMS

, ,CAD STONG PA 'OD GSAL LO, ,GNYIS PA NI, PHYI'I DPE BZHIS DGAG BYA GLA BUR BA'I RTOG PA DANG BRAL BA BZHI'I CHA NAS MTSON PA NI PHYI'I BYANG CHUB DANG, BSAM GTAN GNYIS KYIS SGYU MA 'OD GSAL DU BCUG PA'I NYAMS MYONG GI CHA NAS BSTAN PA NI NANG GI MNGON BYANG DU BSHAD DO, ,LAG SMIS NI, ZHAG GCIG GI CHA STONG PA BZHIR BSHAD PA NI, DE DAG GI MING CAN GYI NANG GI STONG PA BZHI LA 'DOD CING, LAS KYI PHYAG RGYA LA BRTEN PA'I STONG PA BZHI PA DANG, YE SHES KYI PHYAG RGYA LA BRTEN PA'AM, SMIG RGYU LA SOGS PA'I MTSAN MA LNGA'I RIM GYIS THOB PA'I STONG PA BZHI PA NI NANG GI MNGON BYANG DU BSHAD DO, ,'GREL PA ZLA 'OD DANG, DON GSAL DANG, DAM TSIG RDO RJE'I 'GREL PA DANG, THUB PA DPAL GYIS KYANG, PHYI'I SKABS SU BSHAD PA'I STONG PA BZHI NANG GI STONG PA BZHI LA BSHAD CING, PHYI NANG GI KHYAD PAR GSAL BAR MA PHYE'O, ,SNGAR BSHAD PA LTAR DPYAD NA NI, PHYI NANG GI KHYAD PAR PHYE BA DE RNAMS KYIS LAN MI THEBS SHING, KHYAD PAR MA PHYE BA RNAMS KYI BSHAD PAS KYANG LAN THEBS PAR MI SNANG LA, GNAS 'DI SHIN TU RTOGS DKA' ZHING, GAL YANG CHE BAR SNANG BAS DPYAD DGOS SO, ,DE YANG LE'U BCO LNGA PA'I SGRON GSAL LAS GSUNGS PA LA BRTEN NAS SHES DGOS PAS, RTZA RGYUD LAS, BRAM ZE RGYAL RIGS RJE'U RIGS DANG, ,DMANGS RIGS LAS BYUNG BU MO NI, ,RDO RJE CHOS BDAG BSGRUB PAR BYA, ,'DI NI GSANG BA THOB BYED PA'O, ,RDO RJE NYI MA NUB NAS NI, ,SGRUB PA KUN TU BRTZAM PAR BYA, ,SKYA RENGS 'CHAR BA'I DUS SU NI, ,BSGOM PA MCHOG GIS 'GRUB PAR 'GYUR, ,ZHES GSUNGS LA, DE'I DON

'GREL PAS 'DI LTAR BSHAD DE, RDZOGS RIM PAS PHYAG RGYA MO RIGS BZHI LAS GANG RUNG ZHIG BLANGS LA, DE LA BRTEN NAS RDO RJE LTAR MI PHYED PA'I CHOS NI RDZOGS RIM GYI RNAL 'BYOR TE, DE'I BDAG NYID NI DE RTOGS PA DANG LDAN PA'I SGRUB PA PO RDO RJE GSANG BA STE RDO RJE 'CHANG THOB PAR BYED PA BSGRUB PAR BYA'O, ,DE YANG MNGON PAR BYANG CHUB PA'I RIM PAS RDZOGS PAR BYA DGOS LA, DE'I THABS NI RDO RJE ZHES PA BZHIS STON NO, ,DE LA PHYI NANG GI BYANG CHUB PA'I RIM PA GNYIS LAS DANG PO LTAR BSHAD NA, RDO RJE NYI MA NI NYI MA DNGOS SO, ,NUB NAS TE NYI MA DMAR THAG CHAD PA'I THUN MTSAMS KYI DUS 'DAS PA NA, YO BYAD CI RNYED PAS BLA MA MNYES PAR BYA'O, ,DE NAS BLA MA'I DRIN GYIS MTSAN PHYED NA DBANG BSKUR BA THOB NAS, SKYA RENGS 'CHAR BA'I DUS SU STE SNANG BA MTSON PA'I MTSAN MO'I CHA 'DAS NAS, NYI MA MA SHAR BA'I DUS SU MNGON PAR BYANG CHUB PA'I RIM PA LUNG PHOG PAS KYANG 'GRUB PAR 'GYUR BA STE, RNAM PAR DAG PAR 'GYUR TE, 'DI NI PHYI'I MNGON BYANG GI RIM PA'O, ,NANG GI MNGON BYANG GI RIM PA LTAR BSHAD NA, RDO RJE NYI MA STE THABS KYI YE SHES SNYOMS PAR 'JUG PA'I MTSAN NYID BYUNG NAS, NUB PA STE SHES RAB KYI NGO BO NYID BYUNG NAS 'GAGS PA'O, ,DE LTAR SNANG MCHED GNYIS NUB NAS NI 'OD GSAL GYI SGRUB BYED NYER THOB KUN TU BRTZAM PAR BYA BA STE 'BYUNG NGO, ,SKYA RENGS 'CHAR BA NI MA RIG PA STE, DE 'DAS PA'I DUS SU SGRUB PA POS STONG PA GSUM GYI RGYU DANG RKYEN GYIS, BSGOM PA MCHOG STE 'OD GSAL MNGON SUM DU BYED LA, DES PHYAG RGYA CHEN PO 'GRUB PAR 'GYUR RO, ,ZHES BSHAD DE, PHYAG RGYA CHEN PO NI ZUNG

, ,'JUG GO ,'DI 'OD GSAL MNGON SUM DU RTOGS PAR BYED PA LA GSUNGS PAS, PHYI NANG GI BYANG CHUB PA GNYIS NI DON GYI 'OD GSAL LA BYA'O, ,DE MNGON DU 'GYUR BA'I NYE RGYU'I SKABS SU PHYI'I PHYAG RGYA LA BRTEN PA NI TSIGS BCAD DANG PO'I DON NO, ,BRTEN TSUL NI, MTSAN PHYED NA BLA MAS LAS RGYAL BRTEN PA'I DNGOS DBANG BSKUR TE, 'OD GSAL MTSON PAR BYED PA'O, ,DE NAS THO RANGS 'OD GSAL SGOM TSUL DANG, DE'I 'OG TU ZUNG 'JUG SGRUB LUGS KYI GDAMS NGAG PHOG PAS DON GYI 'OD GSAL 'THOB CING, DE'I 'OG TU ZUNG 'JUG 'GRUB PA'O, ,DE LTAR NA, DON GYI 'OD GSAL MNGON DU 'GYUR BA THO RANGS KYI DUS KHYAD PAR CAN LA LTOS PA'I SGO NAS PHYI'I MNGON BYANG ZHES BYA LA, DE YANG NANG GI STONG PA BZHI'I RIM GYIS MNGON DU BYAS PA'I CHA NAS NANG GI MNGON BYANG ZHES BYA'O, ,DE'I PHYIR ZHAG GCIG GI DUS TSIGS GZHAN GSUM STONG PA GSUM DU BYAS PA NI, SNGAR SEMS DBEN DU BSHAD PA LTAR DE'I DUS KYI NAM MKHA'I DPES MTSON PA YIN KYANG, PHYI NANG GI KHYAD PAR DBYE MI NUS PA'I SKYON MED DO, ,MI SLOB BA'I ZUNG 'JUG KYANG SPYOD BSDUS DANG RIM LNGAR THO RANGS KYI DUS SU 'THOB PAR GSUNGS SO, ,GNYIS PA NI, RIM LNGA DANG SPYOD BSDUS LAS, SGYU LUS GRUB CING 'OD GSAL DON DU GNYER BA DE LA, MTSAN PHYED NA DBANG BSKUR BA'I THO RANGS BYANG CHUB PA GNYIS DANG, BSAM GTAN GNYIS KYI MAN NGAG STON PAR GSUNGS PA DE, THO RANGS DE NYID LA DON GYI 'OD GSAL SKYED NUS PA YIN NAM MIN, MIN NA NI SNGAR BSHAD PA'I SGRON GSAL DANG 'GAL LO, ,YIN

NA NI DE 'DRA BA'I NUS PA MA THOB GONG DU, 'OD GSAL GYI GDAMS NGAG BSTAN DU MI RUNG BAR 'GYUR BAS, SGYU LUS MA THOB PA'I GONG DU DBANG BZHI KA RDZOGS PAR THOB KYANG, RGYUD MTHA' DRUG DANG TSUL BZHIS BSHAD PA'I RDZOGS RIM RDZOGS PAR NYAN DU MI RUNG BAR 'GYUR RO, ,RUNG NA NI SGYU LUS MTHAR PHYIN PAS 'OD GSAL GYI GDAMS NGAG NYAN PA'I TSUL SNGAR LTAR BSHAD PA'I DGONGS PA GANG YIN BRJOD CIG CE NA, BSHAD PAR BYA STE, RIM LNGA DANG SPYOD BSDUS SU GSUNGS PA DE LA DANG PO SNOD RUNG DU SGRUB PA'I SKABS GCIG DANG, SGYU LUS THOB NAS DE LTAR NUS PA'I SKABS GCIG STA GNYIS YOD CING, SGRON GSAL LAS GSUNGS PA PHYI MA LA DGONGS KYI, DE LTAR GSUNGS PA KUN GYI DBANG DU BYAS PA MIN NO, ,SLOB MA MTSAN NYID DANG LDAN PAS, SNOD RUNG GI DBANG RDZOGS PAR THOB PA LA RGYUD RDZOGS PAR BSHAD NAS GO BA SKYED PA SNGON DU BTANG YANG, LAM THAD KA THAD KA'I MNGON PAR RTOGS PA RGYUD LA LEGS PAR BSKYED PA'I BLA MA MTSAN NYID DANG LDAN PAS, SLOB MA'I RGYUD LA LAM RIM GYIS BSKYED PA'I GDAMS NGAG 'CHAD PA LA, SLOB MA NGES DA DUNG YANG SHIN TU LTOS DGOS PAS, SNGAR 'OD GSAL GYI GDAMS NGAG BSHAD KYANG 'DIR YANG BSHAD MI DGOS PA GA LA YIN, DES NA SGYU LUS GRUB PA'I SLOB MA YANG MTHA' YAS MOD KYANG, DE'I BLA MAR 'OS PA YANG DE LAS CHES MTHA' YAS PAS, DA LTAR GYI DPON SLOB NYID KYI RTZIS KYIS MI CHOG GO ,SGYU LUS THOB MA THAG PAS KYANG ZHAG GCIG GI KHONGS SU DON GYI 'OD GSAL SKYED MI NUS TE,

, ,YE SHES RDO RJE KUN LAS BTUS LAS, BCOM LDAN 'DAS STONG PA GSUM 'OD GSAL BA'I MTHAR JI LTAR 'GYUR BA LAGS, BCOM LDAN 'DAS KYIS BKA' STZAL PA, JI LTAR MES SHING BSREGS TE THAL BAR 'GYUR BA DE BZHIN DU, 'OD GSAL BAR SHES RAB KYI YE SHES YUN RING POS RNAM PAR SBYONG BAR BYED DO, ,JI LTAR TA LA'I LO MA THAL BAR BYED PA DE BZHIN DU, ,THABS KYI YE SHES RNAM PAR SBYONG BAR BYED DO, ,JI LTAR RAS BAL GYI 'DAB MA BSREGS PA BZHIN DU SNANG BA THOB PA'I YE SHES MCHOG TU MYUR BA RNAM PAR SBYONG BAR BYED DO, ,ZHES MTHAR THUG GI 'OD GSAL GYI SKABS SU GSUNGS PA'I PHYIR DANG, RIM LNGA LAS KYANG, LO'AM YANG NA ZLA BA LA, ,BLA MA DE NI MNYES BYAS NAS; ;ZHES GSUNGS PA'I PHYIR RO, ,DE'I PHYIR SGYU LUS THOB PAS KYANG BLA MAS LAS 'OD GSAL GYI GDAMS NGAG MNYAN NAS, BSAM GTAN GNYIS KYIS 'OD GSAL DU 'JUG THABS MANG DU BSGOMS PA'I MTHAR, SGRON GSAL LAS GSUNGS PA BZHIN DU BYED PA YIN TE, LHAN SKYES KYI BDE BAS DE KHO NA NYID KYI DON MNGON SUM DU RTOGS PA'I DON GYI 'OD GSAL DU SONG BA DANG, DER MA SONG BA'I DPE'I 'OD GSAL GYI MTSAN NYID RNAMS LEGS PAR KHONG DU CHUD NAS KHYAD PAR BYED PA DGOS SO, , GNYIS PA NI, SNGAR BSHAD PA LTAR SGYU LUS LEGS PAR GRUB PA DES NA DON GYI 'OD GSAL RGYUD LA BSKYED PA'I PHYIR DU 'BAD DGOS LA, DE LA NI DON GYI 'OD GSAL MNGON DU 'GYUR BA'I DUS SU PHYI NANG GI BYANG CHUB PA GNYIS 'BYUNG TSUL DANG, DE'I

SNGON DU RIL POR 'DZIN PA DANG, RJES SU GZHIG PA'I BSAM GTAN GNYIS SGOM TSUL BSTAN DGOS PA'I SNGA MA NI BSHAD ZIN PAS, 'DIR NI BSAM GTAN GNYIS BSHAD PAR BYA'O, ,DE YANG RIM PA BZHI PA LAS, MAN NGAG THOB PA'I SLOB MA YIS, ,DE NAS RNAL 'BYOR RNAM GNYIS BSLAB, ,RIL POR 'DZIN PA'I RIM PA DANG, ,DE BZHIN RJES SU GZHIG PA'O, ,MGO BO NAS NI RKANG BA'I BAR, ,JI SRID SNYING KHAR PHYIN PA'I BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,RGYU BA DANG NI MA RGYUD NYID, ,DANG PO 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,DBUGS KYI RLUNG NI ME LONG LA, ,JI LTAR KUN TU THIM 'GYUR BA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, , CES GSUNGS SO, ,SPYOD BSDUS LAS KYANG, DE LTAR THAMS CAD STONG PA NYID MNGON SUM DU BYAS NAS, RIM PA 'DIS BSAM GTAN RNAM PA GNYIS LA DMIGS PAR BYED DO, ,DE'I RIM PA NI 'DI YIN TE, CHU BO 'AM STENG KA'I CHU NI DRI MED DAG LA GONG BU GNAS PA LTAR, ,DE BZHIN DE LA RIM GYIS RJES SU 'JIG PAR BYED PAR RNAL 'BYOR PAS NI RTAG TU BSAM, ,ME LONG LA NI RLUNG DAG RIM GYIS ZAD PAR BYED PA BZHIN DU'ANG BLTA BYA STE, ,RIL POR 'DZIN LA'ANG BYA BA'I RIM PA 'DIR NI DE BZHIN YANG DAG BRTAG ,CES GSUNGS SO, ,DE LA STONG PA BZHI PA MNGON SUM DU BYAS PA DANG BSAM GTAN GNYIS LA DMIGS PAR BYED CES PA NI, BSHAD ZIN PA'I MTHAR BYANG CHUB PA GNYIS DANG, BSAM GTAN GNYIS RTOGS PA LA GSUNGS SHING, MAN NGAG THOB PA'I SLOB MA ZHES

, ,PA GNYIS KYIS KYANG MAN NGAG THOB CING BSLABS PA LA GSUNGS PA LTAR RO, ,DE LA RIL 'DZIN NI, RANG GI MGO NAS MAR SDUD PA DANG, RKANG PA NAS YAR SDUD PA'I MTHA' GNYIS KA SNYING KHA YIN PA NI SNYING KHAR PHYIN GYI BAR ZHES PA'O, ,NAG PO PAS, MGO BO NAS RKANG PA'I BAR RNAMS SNYING KHA'I SA BON DAG, DE THIG LE DANG, DE STONG PAR SDUD PA LA BSHAD DO, ,DE LTAR SNYING KHAR BSDUS NAS RNAL 'BYOR PA YANG DAG PA'I MTHA' 'OD GSAL DU 'JUG GO ,DE'I DPA NI, DBUGS KYI ZHES PA BZHIS STON TE, ME LONG LA HAS BTAB PA'I KHA RLANGS DE MTHA' KUN NAS DE'I DBUS SU 'DU BA LTAR, RANG GI LUS KYI STENG 'OD DANG RGYAB MDUN DANG GA-YAS GA-YON KUN NAS SNYING KHA'I DBUS SU SDUD PA'O, ,RJES GZHIG NI, DANG POR SNOD BCUD 'OD GSAL DU BSDUS PA DE'I RJES SU RANG NYID 'OD GSAL DU SDUD PA'O, ,BDAG NYID DE BZHIN ZHES PA NI, NAG PO PAS, RIL 'DZIN BZHIN DU BYED PAR BSHAD PA LEGS SO, ,YANG DAG YANG DU ZHES PA NI DE GNYIS LAN DU MAR DGOS PA'I DON NO, ,RJES GZHIG GI DPE NI, LTENG KA'I CHU LA KHA PA'I GONG DU LTA BU GNAS PA DE RIM GYIS ZHU BA'O, ,'DI LA CHA GA 'GYUR LAS, THIGS PA ZHES 'BYUNG YANG 'GYUR RNYING BDE'O, ,RANG GI PHUNG PO RIM GYIS 'JIG PA GNYIS KA LA YOD KYANG, SNGON DU SNOD BCUD GZHAN BSDUS PA YOD MED KYI KHYAD PAR TZAM MO, ,RJES GZHIG GI SGRA DON NI BSHAD PA LTAR YIN LA, RIL PO NI RANG GI LUS DANG, DE STONG PA NYID KYIS 'DZIN PA NI RIL 'DZIN GYI DON DU AA BH-YAS BSHAD DE, LUS 'OD GSAL DU BCUG STE 'DZIN

PA'O; ;BSAM GTAN GNYIS KYIS SDUD PA'I GNAS MTHAR THUG PA SNYING KHAR BYAS NA SDON GYI 'OD GSAL MNGON DU BYED PA 'DI NI 'PHAGS PA YAB SRAS KYI ZHED PA RMAD DU BYUNG BA YIN TE, 'DI'I RGYU MTSAN SNGAR MANG DU BSHAD ZIN PA LTAR SHES DGOS SO; ;SDUD RIM GYI DMIGS PA 'DI LA DNGOS SU RLUNG SDUD PA GSAL BAR MA BSHAD KYANG, DMIGS PA DE BYAS NAS DON LA RLUNG GI SDUD RIM BLA NA MED PAR 'GRO BA YANG SHES PAR GYIS SHIG ,'DI YANG LHA MO BZHIS ZHUS LAS, RTAG TU SNYING GI DBUS GNAS PA, ,'OD ZER CHEN PO 'BAR BA CAN, ,JI SNYED DGU YI BAR DU NI, ,DPRAL BA LA GNAS RKANG MTHIL BAR, ,THIG LE DE KHO NAR BSDUS TE, ,LTE BA'I DBUS SU RNAM PAR GNAS, ,ZHES DPRAL BA STE MGO NAS RKANG MTHIG GYI BAR RNAMS SNYING KHA'I THIG LE DE NYID BSDUS NAS, SNYING KHA'I PADMA'I LTE BAR GNAS PAR BYA BAR GSUNGS PA'I DON YIN NO, ,DES NA NGAG DBEN GYI SKABS SU SROG RTZOL SGOM PA GSUM GA SNYING KHAR RLUNG DANG BYANG SEMS BSDUS NAS STONG PA BZHI 'DREN PA'I THABS YIN PA SHES DGOS SHING, DE LA GOMS PA'I MTHUS SKABS 'DIR DMIGS PA'I SDUD RIM GYIS KYANG RLUNG DANG BYANG SEMS SNYING KHAR BSDUS NAS 'OD GSAL DU 'JUG PAR BYED PAS, SGYU LUS PAS 'OD GSAL DU 'JUG PA'I THABS SGOM PA LA BSAM GTAN GNYIS GSUNGS PA'I RGYU MTSAN NI DE YIN NO, ,DER MA ZAD, PHYI'I PHYAG RGYA DANG RNYOMS PAR 'JUG PA DGONGS PAR YANG YE SHES RDO RJE KUN LAS BTUS LAS GSUNGS TE, DE'I BYED LAS KYANG DE DANG 'DRA'O, ,BSAM GTAN GNYIS KYIS SGYU LUS 'OD GSAL DU

, ,'JUG PAR GSUNGS PA YANG; RLUNG SEMS SNYING KHAR BSDUS TE STONG PA BZHI YANG DANG YANG DU BSKYED DE GOMS PAR BYAS PA LAS, DON GYI 'OD GSAL MNGON DU GYUR PA'I TSE SGYU LUS KYANG DAG NAS 'GRO BA'I DON NI, ,SGYU LUS PAS BSAM GTAN GNYIS SGOM PA LA, MAR LUGS PA RNAMS KYIS, RDO RJE GSUM GYI SEMS DPA' SUM RTZEG BSGOM PA MA BSHAD KYANG, 'GOS LUGS KYI MAN NGAG LA, DE GSUM SGOM PA LE'U BCU GCIG PA RTZA 'GREL GYI DON DU BZHED PA NI, RGYUD 'GREL NA BZHUGS PA MAN NGAG TU THON PA YIN PAS SHIN TU LEGS SO, ,DE YANG RTZA RGYUD LAS, SANGS RGYAS DKYIL 'KHOR DBUS GNAS PAR, ,BDAG GI LUS LA SNANG MDZAD BZHAG ,SNYING KHAR YI GE AOm BSAMS LA, ,SNGAGS LA RNAM PAR SHES PA BSGOM, ,'GAG PA'I RDO RJE SEMS NYID DU, ,GANG TSE DE LA SKYE 'GYUR NA, ,SANGS RGYAS KUN GYI MCHOG 'DZIN PA, ,YID BZHIN DPAL LDAN LTA BUR 'GYUR, ,SANGS RGYAS DKYIL 'KHOR DBUS GNAS PAR, ,RDO RJE MI BSKYOD RAB TU BSGOM, ,SNYING KHAR YI GE H'Um BSGOM NAS, ,SEMS NI THIG LER GYUR PAR BZHAG ,SANGS RGYAS DKYIL 'KHOR DBUS GNAS PAR, ,TSE DPAG MED PA RAB TU BSGOM, ,SNYING KHAR YI GE A'A: BSAMS TE, ,RDO RJE THIG LER GYUR BAR BZHAG ,'DI DE DAM TSIG MCHOG GI MCHOG ,RDO RJE MI PHYED GSUM BSGOM PA, ,'GOG PA'I DAM TSIG YE SHES TE, ,SANGS RGYAS DNGOS GRUB THOB 'GYUR BA'O, ,ZHES GSUNGS SO, ,DE LA SANGS RGYAS NI, BUDDHA KHONG DU CHUD PA LA'O, ,ZHES 'BYUNG BA LTAR RTOGS PAR BYA BA SHES BYA'I DKYIL

'KHOR TE KHAMS GSUM PA'I LUS NGAG YIN DO, ,DE'I DBUS NI DE RNAMS KYI NGO BO NYID DO, ,DER GNAS PA NI RANG GI LUS NGAG YID GSUM GYI NGO BOR MOS PA'O, ,SNANG MDZAD BZHAG PA DANG MI SKYOD PA DANG CHE DPAG MED SGOM PA NI, LUGS NYIS DBYER MED DU BYAS PA RNAM SNANG DANG, SEMS GNYIS DBYER MED DU BYAS PA MI BSKYOD PA DANG, NGAG GNYIS DBYER MED DU BYAS PA 'OD DPAG MED DU SGOM PA'O, ,DE LTAR DAM TSIG SEMS DPA' GSUM BSGOMS PA'I THUGS KAR AOm DANG A'A: DANG H'Um GSUM SGOM PA NI YE SHES SEMS DPA'O, ,SNGAGS TE AOm LA, RNAM PAR SHES PA STE TING NGE 'DZIN SEMS DPA' THIG LE DANG, H'Um LA TING NGE 'DZIN SEMS DPA' RANG GI SEMS THIG LER GYUR PA DANG, A'A: LA TING NGE 'DZIN SEMS DPA' RDO RJE RANG GI SEMS THIG LER GYUR PA BZHAG GO ,DE LTAR SGOM PA'I RNAL 'BYOR PAS RANG GI SEMS 'GOG PA'I RDO RJE 'OD GSAL GYI DBUS SU TSUD PAS, THIG LER SGOM PA YANG SPANGS NAS GANG GI TSE 'OD GSAL GYI MTHAR THUG PAR SKYE BAR 'GYUR BA DE'I TSE, SANGS RGYAS KUN GYI MCHOG 'DZIN PA STE SGRUB PAR 'GYUR ZHING, BSAM PA THAMS CAD RDZOGS PAR BYED PA'I YID BZHIN GYI NOR BU DANG, TSOGS GNYIS KYI DPAL DANG LDAN PA LTA BUR 'GYUR RO, ,SEMS CAN THAMS CAD KYI LUS DANG NGAG DANG YID KYI RDO RJE GSUM DANG, RANG GI LUS NGAG YID GSUM DBYER MI PHYED PAR SGOM PA 'DI NI, DAM TSIG MCHOG BSKYED RIM LAS MCHOG TU GYUR PAS, 'GOG PA'I DAM TSIG 'OD GSAL 'DZIN PA'I MAN NGAG GANG GIS SHES PA'I YE SHES SKYED PA'O, ,DES NI SANGS RGYAS TE PHUNG

, ,PO RNAMS KYI DNGOS GRUB NI, THA MAL BA'I LUS DANG BRAL NAS, ZAB CING RGYA CHE BA'I YE SHES KYI LUS, THOB PAR 'GYUR BA'O ZHES SGRON GSAL LAS BSHAD DO, ,'DI NI SGYU LUS THOB PAS RANG GI LUS NGAG YID GSUM 'OD GSAL DU GZHUG PA'I DON DU, DANG POR SKU RDO RJE DANG, DE NAS GSUNG RDO RJE DANG, DE NAS THUGS RDO RJE'I SEMS DPA' SUM RTZEG TU BSGOMS NAS, SEMS DPA' SNGA MA GNYIS SU MA ZAD, TING NGE 'DZIN SEMS DPA' THIG LAR SGOM PA YANG DAG PAR BYAS NAS 'OD GSAL DU 'JUG PAR BYED PA'O, ,TING NGE 'DZIN SEMS DPA' THIG LE GSUM NI AA THUNG DANG, 'JOG SA'I GNAS NI GRU GSUM GYI THIG LE RNAMS KYI NANG YIN PA DANG GOS LUGS PA RNAMS BZHED DO, ,DE'I 'OG TU RGYUD LAS, RDO RJE NAM MKHA'I DBYINGS GNAS PAR, ZHES SOGS KYIS RDO RJE GSUM SGOM PAR BSHAD PA RJES GZHIG DANG, SNGA MA RIL 'DZIN LA KHA CIG SBYOR MOD KYANG, SNGA MA'I DON DE NYID RNAM PA GZHAN GYIS PHYI MAS GSAL BAR BYED PAR GSUNGS PAS, SNGA MA NYID LA RIL RIL 'DZIN DANG RJES GZHIG GNYIS SU DBYE'O, ,DE'I SGOM TSUL NI, THUGS KA'I SA BON GANG YIN LAS 'OD ZER SPROS PAS, DAM TSIG SEMS DPA'I MGO BO NAS YAS RIM DANG, RKANG MTHIL NAS MAS RIM GYIS SNYING KHA'I YE SHES SEMS DPA' LA BSDU, YE SHES SEMS DPA' RNAMS KYANG RIM GYIS TING NGE 'DZIN SEMS DPA' MI SHIGS PA'I THIG LE AA THUNG LA BSDU ZHING, DE YANG 'OD GSAL DU BSDUS PA LA SEMS GA-YO MED DU 'DZIN PA NI BSAM GTAN GNYIS KA

LA 'DRA'O, ,RJES GZHIG GIS SNGON DU RANG MA GTOGS PA'I SNOD BCUD GZHAN 'OD GSAL DU SDUD TSUL NI, SGRON GSAL LAS, RGYU BA DANG MI RGYU BA RNAMS LA YI GE KHAM NAM MKHAR BYED PAS RJES SU GZHIG PA'I RIM GYIS DNGOS PO MED PAR BYAS LA, BDAG NYID KYANG RIM GYIS ZHUGS PA DE BYAS NA, RDO RJE YE SHES NAM MKHA' DANG MNYAM PAR 'GYUR ZHING, SEMS DPA' GSUM GYI BDAG NYID CAN GCIG TU 'GYUR RO, ,KHAM ZHES PA NI 'OD GSAL BA'O, ,ZHES GSUNGS PA LTAR RO, ,PA TSAB DANG CHAG GIS BSGYUR BA LAS, RJES GZHIG GIS THAMS CAD SNANG MED DU BYED PA DANG, DE RANG LA RIM GYIS GZHUG PAR BSHAD PAS, RANG GI SNYING KHA'I SA BON LAS SPROS PA'I 'OD ZER GYIS SNOD BCUD THAMS CAD 'OD DU BZHUS PA'I 'OD PHUNG RIM GYIS RANG LA BCUG STE SNANG MED DU BYA'O, ,SPYIR AOm YI GE SPYI BO DANG, A'A: YIG MGRIN PAR SGOM PA YIN KYANG, 'DIR NI YI GE GSUM GA SNYING KHAR SGOM PAR GSUNGS PA'I RGYU MTSAN NA SNGAR BSHAD PA LTAR YIN PAS, LAG SMI SOGS KYIS, LTE BAR BKOD PA'I 'KHOR LO'O LTA BA'I YI GE LAS LTE BAR SPRO BSDU BYED PA NI DON MIN NO, ,'DI'I PHAN YON LA THA MAL PA'I LUS DANG BRAL BA'I YE SHES KYI SKU THOB PAR GSUNGS PA NI, THA MAL PA'I LUS DANG SO SOR BYA BA'I SGYU LUS KYI YE SHES KYI SKU ZHIG THOB KYANG, THA MAL PA'I LUS DANG BRAL BA'I ZUNG 'JUG GI RDO RJE'I SKU SNGAR MA THOB PA THOB PAS 'GAL BA MED DO, ,RIM LNGA LAS, SGYU MA LTA BU'I TING NGE 'DZIN, ,YANG DAG MTHAS NI RNAM PAR SBYANG, ,ZHES DANG, SPYOD BSDUS LAS KYANG, KUN RDZOB KYI BDEN PA YANG DON DAM PA'I BDEN PAS

, ,RNAM PAR SBYANGS NAS, ZHES GSUNGS SHING, SGRON GSAL LAS KYANG, SGYU MA'I SKU BSAM GTAN GNYIS KYIS 'OD GSAL DU 'JUG PAR BSHAD PA DANG, 'DIR RDO RJE GSUM GYI SKUR BSGOMS PA DE 'OD GSAL DU 'JUG PA 'GAL TE, SGYU LUS NI RDO RJE 'CHANG GI SKU YIN PA'I PHYIR SNYAM DU MI BSAMS TE, SGYU LUS GRUB PA'I SKU DE LONGS SKU DE LONGS SKU RDO RJE 'CHANG GI SKUR GNAS PA YIN KYANG, DES RDO RJE GSUM GYI SPRUL SKUR BSGOMS NAS 'OD GSAL DU YANG YANG BSDUS PA GOMS PA LAS, DON GYI 'OD GSAL MNGON DU GYUR PA'I TSE SGYU MA'I SKU YANG NAM MKHA' LA 'JA' YAL BA LTAR 'GYUR BA'I PHYIR RO, ,DE YANG DON GYI 'OD GSAL GYIS SBYANGS PA'I RLUNG GIS BSGRUBS PA'I SKU NI, DON GYI 'OD GSAL MNGON DU GYUR PA'I TSE YANG MI LDOG LA, DPE'I 'OD GSAL GYIS SBYANGS PA'I RLUNG GIS BSGRUBS PA NI DE DANG MI 'DRA BA'I KHYAD PAR RO, ,'DIR BSAM GTAN GNYIS DANG, PHYAG RGYA LA BRTEN NAS YANG DANG YANG DU STONG PA BZHI PA'I TSE BDE BA DANG, YIN LUGS PHU THAG CHOD PA'I STONG PA GNYIS YUL YUL CAN DU SBYAR NAS SGOM PA MA BYAS PAR, RLUNG SEMS BSDUS PA'I RIM PA TZAM LAS 'ONGS PA'I STONG PA BZHI JI TZAM GOMS PAR BYAS KYANG DON GYI 'OD GSAL MNGON DU 'GYUR MI SRID PAS, MKHAS PA'I BDE STONG SBYOR TSUL DGOS LA, DE LA YANG GNYIS SNANG REGS PA DAG PA'I THO RANGS KYI NAM MKHA' GA-YA' DAG LTA BU DU MA ZHIG SHAR YANG, GNYIS SNANG SHIN TU PHRA BA RNAMS MI LDOG CING, YUL CAN GYI BDE BA DANG YUL DE KHO NA NYID KYI DON GNYIS RO GCIG TU SONG BA'I STONG NYID MNGON SUM DU RTOGS PA MA BYUNG

BAR DU SGYU MA'I SKU 'OD GSAL DU DAG PA MIN PA RNAMS LEGS PAR PHYED DGOS SO, ,DE RNAMS LEGS PAR MA PHYED NA SEMS DBEN DU YANG MA SLEB PA'I DMA' MO NAS STONG PA GSUM SHAR BA RNAMS SEMS DBEN DNGOS DANG, DE'I MTHAR YID NGOR LHA SKUR LANGS PA'I DVANGS SHING SHIN TU GSAL BA 'JA' TSON LTAR SNANG BA'I SKUR BYUNG BA SGYU LUS DNGOS DANG, DE NAS DE BSAM GTAN GNYIS BSGOMS PAS DAG NAS SONG BA'I NAM MKHA' GA-YA' DAG LTA BU 'DI'O SNYAM DU ZHEN PA MNGON GYUR BA'I DMIGS GTAD ZHIG PA BRTAN PO BYUNG BA 'OD GSAL DNGOS DANG, DE'I MTHAR LHA'I SKUR LANGS PA ZUNG 'JUG DNGOS SU 'DZIN PA 'ONG BA YIN NO, ,DE RNAMS KYANG SEMS DBEN LA SOGS PA'I RIM PA BZHI RJES MTHUN PAR BSDUS NAS, DNGOS BTAGS SO SOR MA PHYE BAR DE DAG GI THA SNYAD TZAM BYED NA RUNG MOD KYANG, RIM LNGA'I RIM PA BZHI PA DNGOS YIN PAR 'DZIN NA, MAN NGAG GI MTHAR THUG RIM LNGA DANG SPYOD BSDUS KYI LDE MIG GIS, RTZA BSHAD KYI RGYUD KYI GNAD YE MA KHROL BA YIN NO, ,DES NA RTZA BA DANG BSHAD PA'I RGYUD DANG, YAB SRAS KYI GZHUNG RNAMS LAS NI, SHAS CHER GDUL BYA'I GTZO BO RIN PO CHE LTA BU'I GANG ZAG GI DBANG DU MDZAD NAS, DES LAM SNGA MA MTHAR 'BYIN TSUL DANG, DE LA LOBS NAS PHYI MA LA 'JUG TSUL STON PAS, DE'I RGYUD LA JI LTAR SKYE BA'I TSUL LEGS PAR SHES DGOS SO, ,DE NAS DE 'DRA BA'I NUS PA MED PA'I GANG ZAG GZHAN BZHI DANG, KHYAD PAR DU DA LTAR GYI GANG ZAG RNAMS KYIS BSGOMS PA LA SNGA MA'I LAM DANG RJES MTHUN PA JI LTAR SKYE BA'I TSUL RNAMS LEGS PAR DBYE

, ,DGOS KYI, RIM LNGA RJES MTHUN PA'I RTOGS PA GANG SKYES THAMS CAD RIM LNGA'I LAM MTSAN NYID PA DANG GCIG TU MI GZUNG NGO, ,DE LTAR BSAM GTAN GNYIS KYIS GOMS PAR BYAS PA LAS, DON GYI 'OD GSAL MNGON DU 'GYUR BA DANG CHES NYE BAR SONG BA'I MTSAN MA LEGS PAR RNYED PA NA, MTSAN PHYED KYI DBANG DANG THO RANGS MAN NGAG BSTAN PAS DON GYI 'OD GSAL MNGON DU 'GYUR RO, ,GSUM PA NI, LHAN SKYES KYI BDE BAS DE KHO NA NYID KYI DON MNGON SUM DU RTOGS PA'I DON GYI 'OD GSAL DE'I MTSAN GYI RNAM GRANGS NI 'OD GSAL BA DANG, THAMS CAD STONG PA SOGS MANG PO ZHIG DANG, LE'U GNYIS PAR DE BZHIN GSHEGS PA DRUG GIS BYANG CHUB KYI SEMS GSUNGS PA DANG, BLA MED KYI RGYUD GZHAN LAS, YAN LAG KUN BSGOMS RNAM 'DAS SHING, ,RTOG PA'I RNAM RTOG SPANGS NAS KYANG, ,GUG KYED THIG LE LAS 'DAS PA, ,'DI NI DKYIL 'KHOR MCHOG YIN NO, ,ZHES SOGS TE, MDOR NA, CHOS PHUNG BRGYAD KHRI BZHI STONG GI SGRA'I DON DKA' BA DANG, MTSAN NGES PA MED PA'I TSIG 'DI DAG NI, DON DAM PA'I BDEN PA LA BRTEN PAR GRAGS SO, ,ZHES SPYOD BSDUS LAS GSUNGS PA RNAMS YIN TE, DE LTAR BSTAN PA NI MING SO SO LA DON THA DAD PAR MNGON PAR ZHEN PA'I MNGON ZHEN BSAL BA'I PHYIR RO, ,RIM PA GNYIS PA LAS KYANG, SNA TSOGS MDO DANG RGYUD RNAMS SU, ,DE NYID GANG ZHIG NYER BSTAN PA, ,THAMS CAD STONG GNAS 'DI NYID LAS, ,DER NI GZHAN DAG MA GSUNGS SO, ,ZHES MDO RGYUD RNAMS SU DE KHO NA NYID KYI DON GANG

BSTAN THAMS CAD KYIS, THAMS CAD STONG PA 'OD GSAL LAS GZHAN MA GSUNGS PAR BSHAD DO, ,DE LTAR GSUNGS PA'I DON NI, BDE BA CHEN PO'I YE SHES MA BSTAN KYANG, DE KHO NA NYID KYI DON BSTAN PA SHIN TU MANG BAS, LHAN SKYES KYI BDE BAS DE KHO NA NYID RTOGS PA'I 'OD GSAL DE THAMS CAD DU BSTAN PA MIN NO, ,'ON KYANG YE SHES DE'I YUL GYI DON DAM 'OD GSAL DANG, BDE BA CHEN PO LAS GZHAN PA'I YUL CAN GYI YE SHES KYIS DE KHO NA NYID RTOGS PA'I 'OD GSAL BSTAN PA NI, PHA ROL TU PHYIN PA'I PHYOGS KYI DE KHO NA NYID STON PA'I MDO SDE KUN DANG, RGYUD SDE 'OG MA RNAMS KYIS KYANG BSTAN PA LA DGONGS SO, ,DE 'DRA BA'I 'OD GSAL NI SPYI DON GYI 'OD GSAL YIN LA, BDE BA CHEN POS DE KHO NA NYID RTOGS PA NI SBAS DON DANG, MTHAR THUG GI 'OD GSAL CI RIGS SU 'DU BAS, DE KHO NA NYID KYI DON DANG RO GCIG TU ZHUGS PA'I YE SHES LA, RDZOGS RIM GYI YE SHES YIN MIN GNYIS YOD DO, ,DE LTAR BYANG CHUB PA RNAM PA GNYIS DANG, DE'I THABS BSAM GTAN GNYIS KYI GDAMS NGAG DANG, 'OD GSAL GYI MING GI RNAM GRANGS LA THE TSOM CHOD PAS, DE LTAR STON PA'I BLA MA DANG CHOS LA DMIGS PA'I CHED BRJOD SLOB MAS BYED TSUL NI, BZHIN RAB TU DVANGS SHING THAL MO SBYAR NAS, AE MA HO SANGS RGYAS AE MA HO CHOS, ,CHOS BSHAD PA NI NGO MTSAR CHE, ,YANG DAG DON NI DAG PA'I DON, ,BYANG CHUB SEMS LA PHYAG 'TSAL LO, ,ZHES LE'U GNYIS PA LAS GSUNGS PA LTAR BRJOD PA'O, ,AE MA HO GNYIS NI RIM PA BZHIN DU KUN RDZOB DANG DON DAM PA'I BDEN PA'I SGO NAS BSTOD

, ,PA'O, ,RKANG PA GNYIS PA'I DON NI BDEN GNYIS ZUNG 'JUG BSTAN PA'I SGO NAS BSTOD PA'O, ,YANG DAG DON NI 'OD GSAL DANG, DES DAG PA'I DON NI YONGS SU DAG PA'I LHA'I SKU STE, DE 'DRA BA'I YON TAN DANG LDAN PA'I RDO RJE 'CHANG CHEN PO KHYOD LA PHYAG 'TSAL LO ZHES PA'I DON NO, ,'DI 'DRA BA NI RIM PA GZHAN GYI CHOS BSHAD PA'I MTHAR YANG BYED PA'I MTSON BYED DO, ,GSUM PA NI, 'OD GSAL GYI GDAMS NGAG BSTAN PA'I MJUG TU SPYOD BSDUS LAS, RIM PA 'DI NYID KYIS BCOM LDAN 'DAS DPAL SH'AKYA THUB PA LA DE BZHIN GSHEGS PA THAMS CAD KYIS, SE GOL GYI SGRAS BSKUL BAR GYUR PAS, ME GA-YO BA'I TING NGE 'DZIN LAS BZHENGS TE, BYANG CHUB KYI SHING DRUNG LA BZHUGS NAS, NAM PHYED KYI DUS SU 'OD GSAL BA MNGON DU MDZAD DO, SGYU MA LTA BU'I TING NGE 'DZIN LAS BZHENGS NAS, 'GRO BA RNAMS LA CHOS STON PAR MDZAD PA YIN NO, ,DE NAS BRTZAMS TE DAM PA'I CHOS JI SRID DU GNAS PA DE SRID DU BLA MA'I KHA NAS BLA MA'I KHAR BRGYUD PA YIN NO, ,ZHES GSUNGS SO, ,CHAG 'GYUR LAS, SGYU MA LTA BU'I TING NGE 'DZIN GYIS BZHENGS NAS, GDUL BYA'I SKYE BO RNAMS LA CHOS KYI 'KHOR LO RAB TU BSKOR BA YIN NO, ,ZHES 'BYUNG NGO, ,RIM PA 'DI NYID CES PA NI, SPYOD BSDUS SU SNGAR MTSAN PHYED NA DBANG BSKUR NAS, THO RANGS GDAMS NGAG BSTAN PA LA BYA STE, DE'I GONG DE MA THAG TU, SHES RAB DANG YE SHES KYI DBANG BSKUR BA SBYIN PAR BYA'O, ,ZHES GSUNGS PA LA SNYEG NA'ANG DON NI 'DRA'O, ,RIM PA GNYIS PA LAS KYANG, DE BAS 'OD GSAL DAG PA LAS, ,YE SHES GSUNGS NI 'BYUNG

'GYUR TE, ,SUM CU RTZA GNYIS MTSAN 'CHANG ZHING, ,DPE BYAD BZANG PO BRGYAD CUR LDAN, ,RNAM PA KUN GYI MCHOG LDAN PA, ,THAMS CAD MKHYEN PAR DE NAS 'GYUR, ,ZHIS SNGAGS BLA MED PA RANG GI LAM GYIS 'TSANG RGYA TSUL BSTAN PA'I 'OG TU, DE SKAD DU RGYA CHER ROL PA'I MDO LAS, SH'AKYA THUB PA DE BZHIN GSHEGS, ,MNGON PAR BYANG CHUB 'DI BZHED NAS, ,STONG PA CHEN POS SANGS RGYAS NYID, ,THOB PAR BYA ZHES MNGON PAR DGONGS, ,NE RNYDZA ? NA'I CHU 'GRAM DU, ,MI GA-YO TING 'DZIN LA BZHUGS LA, , DE TSE RGYAL BA MKHA' RDO RJE, ,TIL GYI GANG BU GANG BZHIN BZHUGS, ,RGYAL BA'I SRAS LA SE GOL DANG, ,DE LA DBYANGS GCIG GIS GSUNGS PA, ,BSAM GTAN 'DI NI RNAM DAG MIN, ,'DIS NI MTHAR THUG MI THOB STE, ,NAM MKHA'I NGOS LTAR MCHOG GYUR PA, ,'OD GSAL BA NI DE DMIGS SHIG ,'OD GSAL BA YI GNAS THOB NAS, ,RAB DGA'I GZUGS SU SKYE BAR 'GYUR, ,DE TSE RAB DGA' RDO RJE SKU, ,KUN GYI DBANG PHYUG THOB PAR 'GYUR, ,'DI LTAR SGRA DE GSAN PA DANG, ,DE NAS TING 'DZIN MI GA-YO BTANG 'DI LTAR NAM PHYED DUS SU NI, ,RGYAL BA'I SRAS KYIS DE NYID DMIGS, ,ZHES DANG, THAMS CAD STONG PA RMAD PO CHE, ,DVANGS SHING GSAL BA'I YE SHES CHE, ,BLA MA NYID KYI DRIN GYIS NI, ,DE NAS DE NI GSAL MTHONG 'GYUR, ,ZHES DANG, RDO RJE LTA BU'I TING 'DZIN GYIS, ,SKYA RINGS 'CHAR BA'I DUS SU NI, ,CHU ZLA DANG NI SMIG RGYU SOGS, ,SGYU MA'I YON TAN RNAMS KYIS BRGYAN, ,BYANG CHUB SNYING POR BZHUGS NAS NI, ,DE NI BDUD RNAMS 'JOMS PAR MDZAD, ,SH'AKYA'I MGON POS YANG DAG PA'I, ,YE SHES BLA

, ,MED LEGS THOB NAS, ,'GRO BA BSKYAB CING PHAN PA'I PHYIR, ,DE NYID 'DIR NI STON PAR MDZAD, ,CES PHA ROL TU PHYIN PA'I THEG CHEN PA'I LAM GYI MTHAR BLA MED KYI LAM GYIS 'TSANG RGYA TSUL GSUNGS SO, ,CHAG 'GYUR LAS, 'OD GSAL DAG PA DE LAS NI, ,ZHES DANG, DE BZHIN DU YANG THEG PA CHEN PO'I MDO, ,ZHES 'BYUNG BA'I PHYI MA KHYAD PAR DU LEGS TE, RANG GI LAM GYIS 'DE GSAL DANG ZUNG 'JUG GI SGO NAS 'TSANG RGYA BA DE BZHIN DU, LAM GZHAN GYI MTHAR YANG THABS DES 'TSANG RGYA BA STON PA'I DON YIN GYI, SNGAR BSTAN PA'I SHES BYED DU 'GOD PA MIN PA'I PHYIR RO, ,SH'AKYA THUB PA ZHES PA DRUG GIS NI, SH'AKYA THUB PAS STONG PA CHEN POS 'TSANG RGYA BAR BZHED NAS, NE RANYDZA NA'I CHU 'GRAM DU MI GA-YO BA'I TING NGE 'DZIN LA BZHUGS ZHES BSTAN TO, DE TZAM ZHIG RGYA CHER ROL PA LAS GSUNGS KYI, LHAG MA, DE TSE RGYAL BA MKHA' RDO RJE, ,ZHES SOGS MDO DE LAS GSUNGS PAR STON PA MIN NO, ,STONG CHEN NI RIM LNGA'I 'GREL BYED 'GA' ZHIG NYER THOB LA 'CHAD MOD KYANG, MDO DER BSAM GTAN BZHI PA'I TING NGE 'DZIN MKHA' KHYAB LA BZHUGS PAR GSUNGS PA DE NYID LA BYAS NA LEGS LA, DE LA MI GA-YO BA'I TING NGE 'DZIN KYANG ZER RO, ,SPYOD BSDUS SU SH'AKYA THUB PA LA BSKUL ZHES PA TZAM LAS MA BYUNG YANG, DE TSE ZHES PA BZHIS CHU 'GRAM DU BZHUGS PA LA BSKUL BAR BSHAD DO, ,DE NYID BSDUS PAR, BYANG SEMS DON GRUB BYANG CHUB KYI SHING DRUNG DU BZHUGS PA LA, DE BZHIN GSHEGS PA RNAMS KYIS BSKUL ZHES PA MA GTOGS PA, 'OG MIN DANG 'DOD KHAMS

GANG YIN MI GSAL BA LA, RDO RJE RTZE MO LAS, 'OG MIN STUG PO BKAD PA YIN PAR BSHAD DO, ,DBYANGS KYIS BSKUL TSUL NI, BSAM GTAN 'DI NI ZHES PA BZHIS, BSAM GTAN SNGA MAS SGRIB PA MA LUS PAR DAG PAR BYED MI NUS PAS, MTHAR THUG GI GO 'PHANG MI 'THOB PAS 'OD GSAL MNGON DU GYIS SHIG CES BSKUL LA, DE NAS BZHIS DBANG PHYUG BRGYAD LDAN GYI ZUNG 'JUG RDO RJE 'CHANG GI GO 'PHANG MNGON DU BYED PAR BSKUL TE, BSKUL BAR 'GRO TSUL CHAG 'GYUR GSAL LO, ,DBYANGS KYIS BSKUL BA NI DE NYID BSDUS PAR, DE BZHIN GSHEGS PA THAMS CAD KYI DE KHO NA NYID MA RTOGS PAR DKA' BA SPYAD PAS 'TSANG RGYA BAR BYA SNYAM MAM, ZHES GSUNGS PA MA GTOGS PA 'DIR GSUNGS PA'I BSKUL TSUL DANG, BSKUL NAS 'BRAS BU MNGON DU BYA TSUL RNAMS, DE NYID BSDUS PA DANG RTZE MO RNAMS NA MED PAS, 'DI NA BLA MED KYI RGYUD GZHAN CIG NA BZHUGS PA BKOD PAR SNANG NGO, ,'DI LTAR ZHES PA BZHI DANG, SPYOD BSDUS LAS, MI GA-YO ZHES PA NAS, MNGON DU MDZAD DE ZHES GSUNGS PA GNYIS DON GCIG TU BSHAD DGOS PAS, CHU 'GRAM DU BZHUGS PA LA BSKUL TE DE LAS BZHENGS PA'I 'OG TU BYANG CHUB KYI SHING DRUNG DU BZHUGS PA LA MTSAN PHYED NA, PHYAG RGYA LA BRTEN TE DBANG BSKUR BAS 'OD GSAL MNGON SUM DU MDZAD PA'O, ,THAMS CAD STONG PA ZHES PA BZHIS DE NYID DMIGS ZHES PA GSAL DU BTANG NGO, ,RDO RJE LTA BU ZHES PA BZHIS THO RANGS MI SLOB PA'I ZUNG 'JUG GI SKU THOB PA DANG, BYANG CHUB CES PA GNYIS KYIS BDUD BCOM PA DANG, SH'AKYA ZHES PA BZHIS 'BRAS BU THOB NAS DE NYID GZHAN LA BSTAN PAR GSUNGS,

, ,SO, ,LAS MTHA' RNAM 'BYED LAS KYANG, BSKAL PA MTHA' YAS RNAMS SU YANG, ,MGO DANG RIN CHEN SOGS SBYIN PAS, SNANG BA RNAM PAR MA DAG PHYIR, ,BYANG CHUB 'BRAS BU THOB MI 'GYUR, ,MTHA' YAS BSKAL PA RNAMS SU YANG, ,DE BZHIN TSUL KHRIMS BZOD SOGS KYIS, ,ZHES PA'I MJUG TU SNGAR BZHIN DANG, MTHA' YAS BSKAL PA RNAMS SU YANG, ,SNGAGS KYI SKU YI TING 'DZIN GYIS, ,ZHES PA'I MJUG TU YANG SNGAR BZHIN GSUNGS NAS, SNANG BA GSUM PO DAG PA NI, ,THAMS CAD MKHYEN NYID THE TSOM MED, ,CES GSUNGS SO, ,DE LA TSIGS BCAD DANG PO GNYIS KYIS PHAR PHYIN GYI THEG PA DANG, DE NAS TSIGS BCAD GCIG GIS BSKYED RIM TZAM DANG, RGYUD SDE 'OG MA GSUM GYI LAM GYIS SNANG BA GSUM DAG PAR BYED MI NUS PAS, BLA MED BYANG CHUB MI THOB PAR GSUNGS PA'I DGONGS PA NI, SNANG BA GSUM GYI SKABS SU GNYIS SNANG GI 'KHRUL BA YOD LA, DE GNYIS SNANG 'KHRUL PA'I BAG CHAGS MA LUS PAR MA DAG PAR DU GTAN NAS LDOG PA MED DO, ,DES NA DE GTAN LDOG PA'I TSUL GYIS SBYONG BA LA, LHAN SKYES KYI BDE BAS DE KHO NA NYID KYI DON RTOGS NAS SGOM PA DGOS SHING, DE YANG BLA MED KYI THEG PA LAS GZHAN NA MED PA'I DON NO, ,GROL BA'I THIG LE LAS KYANG, CI PHYIR SH'AKYA THUB PA YIS, ,GRANGS MED BAR DU TSOGS BSAGS KYANG, ,'DI DON MA RTOGS NE RANYDZAR, ,CI YANG MA YIN TING 'DZIN GNAS, ,DE TSE BDE GSHEGS KUN GYIS KYANG, ,THAL BYUNG BLO CAN DE BZLOG STE, ,NAM MKHA'I DKYIL LTAR RNAM DAG PA'I, ,ZAB GSAL DRI MED RAB BSTAN TO, ,NAM

PHYED DUS SU BRGYAL BA LTAR, ,DE NYID BSGOMS PAS THO RANGS DUS, ,SKAD CIG GIS NI YANG DAG RTOGS, ,ZHES SOGS KYIS SNGA MA GNYIS DANG MTHUN PAR GSUNGS SO, ,CI YANG MA YIN PA NI THAL BYUNG GI STONG NYID DANG, LHAN CIG BYED PA'I SLOB DPON GYIS BYIN GYIS BRLABS NAS BRGYAL BA LTAR DE NYID THOB PAR 'GREL PAR BSHAD DE, SLOB DPON NI RIG MAR BSHAD DO, ,MAN NGAG SNYE MAR YANG, MCHOG TU MTHAR THUG PA NA'ANG NGES PAR THABS 'DI LA LTOS SO ZHES BRJOD PAR BYA STE, DPER NA NAM MKHAR BZHUGS PA'I RDZOGS PA'I SANGS RGYAS RNAMS KYIS GNANG BA'I SHES RAB KYI DBANG LAS, SH'AKYA'I MGON PO BYANG CHUB KYI SHING DRUNG DU BZHUGS PA BYANG CHUB THOB PA'I CHED DU MTSAN PHYED NA LTOS PA BZHIN DANG, JI LTAR YANG BCOM LDAN 'DAS 'DI KHO NAS, RDO RJE SNYING PO LA THIG LE MCHOG MA LAS DBANG BSKUR BA BYIN PA BZHIN NO, ,ZHES PA SHIN TU RGYAS PAS CHOG STE, MAN NGAG RIG PA RNAMS KYIS KHYAD PAR 'DI YONGS SU GSAL BAR RNAM PAR SHES PAR 'GYUR RO, ,ZHES GSUNGS SO, ,KYE RDO RJE LAS, 'BAR BA'I 'PHRENG BA 'KHRUGS PA YI, ,DKYIL 'KHOR RAB TU BZHENGS NAS NI, ,RDO RJE SNYING PO DBANG SBYIN PHYIR, ,THIG LE MCHOG NI BKUG PA NYID, ,CES GSUNGS PA NI, SA BCU PA'I BYANG SEMS LA DNGOS KYI RIG MA LA BRTEN NAS DBANG BSKUR BA'I KHUNGS SO, ,GAL TE PHA ROL TU PHYIN PA'I THEG PA CHEN POR GZUGS KHAMS KYI 'OG MIN DU SNGON DU SANGS MA RGYAS PAR, 'DOD PA KHAMS SU SANGS RGYAS KYI MDZAD PA MI STON PAR GSUNGS SHING, SH'AKYA'I MGON PO BSKAL PA MANG PO'I SNGON DU SANGS RGYAS PAR YANG GSUNGS LA, RNAM

, ,GZHAG RIM PAR YANG SKYE BA GCIG GIS THOGS PA'I BYANG SEMS KYIS LONGS SKUS MI RNAMS KYI DON MDZAD PAR MI SPYOD PAS SPRUL BA'I SKU 'DZIN PA'I DON DU MA'I MNGAL DU 'JUG PA BSTAN PAR BSHAD PAS, RGYA CHER ROL PA LAS GSUNGS PA'I DKA' BA SPYOD PA'I MDZAD PA SOGS STON PA'I SNGON DU SH'AKYA THUB PA SANGS RGYAS ZIN PAS, DE PHAR PHYIN GYI LAM GYI MJUG TU SNGAGS KYI LAM GYIS SANGS RGYAS PA CHU 'GRAM DU DKA' BA SPYAD PA'I MDZAD PA MDZAD PA'I 'OG TU YIN PAR GSUNGS PA 'DI JI LTAR YIN ZHE NA, BSHAD PAR BYA STE, PHAR PHYIN GYI THEG PA'I LAM GYI MTHA' DANG POR 'OG MIN DU LONGS SKU'I RTEN LA 'TSANG RGYA BA'I SRID PA THA MA PA DANG, YANG 'DOD PA KHAMS SU SPRUL SKUR 'TSANG RGYA BA'I SRID PA THA MA PA GNYIS KA'I DUS SU, SNGAR BSHAD PA LTAR BSKUL NAS 'TSANG RGYA BA DNGOS DANG, 'TSANG RGYA TSUL STON PA YIN NO, ,DE'I PHYIR PHYI MA NI SNGAR SANGS MA RGYAS PA GSAR DU 'TSANG RGYA BA MIN KYANG, DE LTAR BSTAN PA DES SPYIR PHAR PHYIN GYI THEG PA'I SA BCU PA BA SRID PA THA MA PA'I RTEN DES, SNGAGS KYI LAM RGYUD LA BSKYED NAS 'TSANG RGYA DGOS PAR STON PA YIN NO, ,RDO RJE 'PHRENG BA'I 'GREL PAR, BYANG SEMS DON GRUB LA, SANGS RGYAS RNAMS KYIS DKYIL 'KHOR SPRUL NAS STA GON DANG, DBANG BZHI BSKUR NAS, TING NGE 'DZIN GSUM DANG, RIGS BRGYA'I LUS DBEN DANG, RIM PA LNGA'I MAN NGAG BSTAN PA LA BRTEN NAS NAM PHYED NA SANGS RGYAS, THO RANGS BDUD BCOM PAR BSHAD PA'I PHYI MA NI, RIM LNGA DANG SPYOD BSDUS GNYIS KA DANG 'GAL ZHING, SNGA MA RNAMS

KYANG; 'OD GSAL DANG ZUNG 'JUG GI MAN NGAG LAS GZHAN MA GSUNGS PA DANG 'GAL LO, ,'GOS LUGS PA RNAMS, PHA ROL TU PHYIN PA'I LAM GYIS SA BCU PA'I BAR DU BGROD BA DES BSKYED RIM NAS BRTZAMS TE, SEMS DBEN GYI BAR RGYUD LA SKYED PA'I DAD THUB PA YIN TE, RIM LNGAR, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,SNANG BA GSUM PO THOB PA DAG ,SA BCU LA NI RAB TU GNAS, ,ZHES GSUNGS PA'I PHYIR RO, ,DES NA PHAR PHYIN GYI SRID PA THA MA PA DES SGYU LUS NAS BSGOMS PAS CHOG PAS, SROD LA GSANG DBANG BSKUR SGYU LUS MNGON DU BYAS, NAM PHYED DBANG GSUM PA BSKUR 'OD GSAL MNGON DU BYAS, THO RANGS DBANG BZHI PA BSKUR MI SLOB PA'I ZUNG 'JUG MNGON DU BYAS TE MTSAN GCIG TZAM GYIS SANGS RGYAS PAR BZHED DO, ,DE LA PHAR PHYIN GYI THEG PA'I MTHAR SNGAGS LA 'JUG MTSAMS NI SA BCU PA NAS YIN LA, DE LA YANG SKYE BA GCIG GIS THOGS PA DANG, SRID PA THA MA PA GNYIS LAS PHYI MA YIN TE, MTSAN MO GCIG LA 'TSANG RGYA BAR GSUNGS PAS SHES SO, ,'JUG TSUL NI, RANG GI LAM DOR NAS ZHUGS PA MIN GYI, LAM DE LA SNGAGS KYI LAM GYI SNON PA BTAB PA'O, ,SNON PA NI, BSKYED RIM NAS BRTZAMS TE SEMS DBEN GYI BAR 'DIR SKYED MI DGOS PA NI 'GOS LUGS PA RNAMS BZHED PA LTAR YIN LA, RIM PA GSUM PA'I SGYU LUS KYANG MI DGOS PA'I RGYU MTSAN NI, DANG PO NAS BLA MED LA ZHUGS PA'I GANG ZAG GIS, 'OD GSAL MNGON DU BYED PA LA SGYU LUS SNGON DU SGRUB DGOS PA'I RGYU MTSAN BSTAN PAS

, ,SHES PAR NUS SO, ,DBANG GSUM PA BSKUR BAS NI BZHI PA BSKUR BAR YANG MTSON PAS, DBANG NI DE GNYIS SO, ,DBANG GSUM PA BSKUR BA NA SNGON DU SNANG MCHED THOB GSUM DANG, DE NAS NYER THOB 'OD GSAL DU ZHUGS TE GNYIS SNANG PHRA MO YANG DAG NAS, DON GYI LHAN SKYES MNGON DU 'GYUR RO, ,RGYAL SRAS 'DIS SA DANG PO NAS CHOS NYID MNGON SUM DU RTOGS MOD KYANG, LHAN CIG SKYES PA'I BDE BA CHEN POS STONG NYID MNGON SUM DU RTOGS PA SNGAR MED PAS, 'DIR SKYED PA YIN NO, , DE NAS DE'I DON BSGOMS PAS THO RANGS SGYU MA'I TING NGE 'DZIN CHU ZLA SOGS SGYU MA'I DPES MTSON PA'I SKU 'GRUB PAR GSUNGS PA NI, DON GYI 'OD GSAL LHAN CIG SKYES PA'I YE SHES DANG, DE'I BZHON PA'I RLUNG TZAM LAS MI SLOB PA'I ZUNG 'JUG YONGS SU DAG PA'I SGYU MA'I SKU 'GRUB PA'O, ,PHAR PHYIN GYI THEG PAR SA DANG PO NAS MTSAN GYIS BRGYAN PA'I LUS 'THOB PA DANG, DE SA RNAMS LA JE BZANG DU SONG BA'I MTHAR, DE'I LUGS KYIS SLOB PA'I MTSAN MTHAR THUG PA THOB KYANG, BLA MED KYI LUGS KYIS DE TZAM LAS MI SLOB PA'I GZUGS SKU MI SGRUB PA'I RGYU MTSAN GYIS, DE'I SNGON DU SKU DE GANG LAS SGRUB PA'I SGRUB GZHI THUN MONG MA YIN PA'I 'OD GSAL GYI YE SHES RLUNG DANG BCAS PA BSKYED PA 'DI SHES NA, RIM PA GSUM PA DANG SLOB PA'I ZUNG 'JUG GI SKABS SU RNAM SMIN GYI LUS RAGS PA LAS SGYU MA'I SKU SGRUB MI SGRUB LEGS PAR SHES SO, ,DES NI LHAN SKYES KYI BDE BA CHEN POS DE KHO NA NYID KYI DON MNGON SUM DU RTOGS PA MA BSGOMS PAR DU, SHES SGRIB RDZOGS PAR SPANGS PA'I CHOS KYI SKU MI 'THOB PA DANG, DON

GYI 'OD GSAL GYIS SBYANGS PA'I RLUNG SEMS TZAM LAS SGYU MA'I SKU MA BSGRUBS PAR DU, MI SLOB PA'I GZUGS KYI SKU MI THOB PAR BSTAN PAS, BDE STONG SBYOR BA DANG SGYU MA'I SKU SGRUB PA NI, BLA NA MED PA'I THEG PA'I SNYING PO MTHAR THUG PA DANG, SKU GNYIS KYI THUN MONG MA YIN PA'I RGYU GNYIS DE GNYIS YIN PAR BSTAN TO, ,'DI LA DBANG GSUM PA'I PHYAG RGYA LA BRTEN NAS SGOM PA DE NYID KYIS, SPYOD PA'I DOD THUB NAS, SPYOD PA GSUM GZHAN LA SLOB MI DGOS PA'I RGYU MTSAN YANG RGYU MTSAN SNGA MAS SHES PAR NUS SO; ;DE LTAR NA BUM DBANG DANG GSANG DBANG SNGON DU MA BSKUR BA DBANG THA MA GNYIS BSKUR BA DANG, RIM PA GSUM PA'I SGYU LUS MAN CHAD SNGON DU MA BSKYED PAR RIM PA THA MA GNYIS NAS SKYED PA 'DI NI DMIGS BSAL DU SHES PAR BYA RGYU YIN PAS, SNGAR RIM PA GNYIS KYI GO RIM DANG GRANGS NGES BSTAN PA DANG, SNGAGS KYI LAM LA 'DOD PA'I RTEN CAN PA DANG, DBANG PO GNYIS SBYOR GYI CHAGS CAN SOGS DGOS PAR BSHAD PA NI, DANG PO NAS BLA MED KYI LAM DU 'JUG PA'I RIGS NGES PA'I DBANG DU BYAS PA YIN LA, 'DOD LHA LA SOGS PA LA KUN TA LTA BU'I BYANG CHUB KYI SEMS 'BYUNG BA MED PA SOGS GSUNGS PA NI, 'DOD LHA DANG GZUGS KHAMS KYI LHA THA MAL PA LA DGONGS KYI, BYANG SEMS SRID PA THA MA PA LTA BU'I RTEN KHYAD PAR CAN LA DGONGS PA MIN NO, ,MTHAR THUG THEG PA GSUM GYI RIGS NGES PA MI 'DOD KYANG, GNAS SKABS KYI RIGS GSUM NGES PA 'DOD PA BZHIN DU, PHA ROL TU PHYIN PA'I THEG PA LA MTHAR BLA MED DU 'JUG KYANG SA BCU PA TSUN CHOD DU RANG GI LAM DU RIGS NGES

, ,BA 'ONG BA MI 'GAL LO, ,DGRA BCOM PA DANG PHYIR MI 'ONG ZAS GOS LA CHAGS PA DANG BRAL YANG, ZAS GOS 'DOD PA'I DON GNYER YOD PA LTAR, SA BCU PA BA LTA BU NYON MONGS ZAD PAS DBANG PO GNYIS SBYOR GYI BDE BA LA SRED PA ZAD KYANG, BDE BA DE DON DU GNYER BA'I 'DOD PA SKYE BA MI 'GAL TE, DE LTA MA YIN NA, PHYI ROL PAS 'DOD PA YOD NA CHAGS PA YOD PAR BZUNG NAS, NGAG SMRA BAS CHAGS CAN DU DPOG PA MI KHEGS PAR 'GYUR RO, ,LUNG RNAM 'BYED LAS, 'DOD PA LA CHAGS PA DANG BRAL MA BRAL GYI DBANG PO LAS SU RUNG BA'I RGYU SO SOR GSUNGS PAS NA, 'DOD YON LA SRED PA ZAD PA PHYAG RGYA LA BRTEN PAR MI RUNG NGO ZHES SMRA BA NI SNGAGS DANG PHA ROL TU PHYIN PA GNYIS KA LA MANG DU THOS PA DANG MI LDAN PA'I GTAM MO, ,PHAR PHYIN GYI THEG PAS GRANGS MED GSUM BGROD PA'I MTHAR SNGAGS KYI LAM LA BRTEN NAS SANGS RGYAS PA'I BCU GCIG KUN TU 'OD KYIS DANG, DANG PO NAS SNGAGS KYI THEG PAR ZHUGS TE TSE GCIG LA SANGS RGYAS PA'I KUN TU 'OD KYIS GNYIS LA MCHOG DMAN CUNG ZAD KYANG MED KYANG, LAM GNYIS KYI KHYAD PAR DON MED DU MI 'GYUR TE, NYE RING GI KHYAD PAR CHEN PO BYUNG BA'I PHYIR DANG, PHAR PHYIN LA LAM GZHAN BSNAN DGOS PA BYUNG BA'I PHYIR RO, ,DE 'DRA BA DE MTHAR BLA MED KYI LAM LA BRTEN YANG ,BSKAL PA GRANGS MED KYIS SANGS RGYAS THOB PA YANG MI 'GAL TE, DES RDZOGS PA'I SANGS RGYAS DNGOS SU 'THOB PA LA, GRANGS MED GSUM GYI MTHAR LAM DE BSNAN DGOS PA'I PHYIR RO, ,RDO RJE RTZE MO LAS KYANG, SNGON GYUR 'DAS

PA'I DUS SU NI, ,BYANG CHUB SEMS NI YONGS 'DZIN CING, ,THABS DANG SHES RAB LDAN PA YI, ,BYANG CHUB SEMS DPAR GYUR PA NA, ,SPRO BA CHEN PO NGO MTSAR CHE, ,DKA' BA DPAG TU MED PA SPYAD, ,GO RIM BZHIN DU DE YIS NI, ,DBANG BSKUR BAR DU LEGS THOB 'GYUR, ,SHES RAB CHEN POS SA MTHAR PHYIN, ,GOS KYI DBANG NI THOB GYUR NAS, ,'OG MIN STUG PO NYAMS DGA' BAR, ,BLO GROS CHEN PO BZHUGS PAR GYUR, ,ZHES SLOB PA'I SA'I MTHAR PHYIN TE BYANG CHUB KYI SHING DRUNG DU BZHUGS PA LA SANGS RGYAS RNAMS KYIS BSKUL TE, MNGON BYANG LNGA BSGOMS NAS SANGS RGYAS PAR BSHAD DO, ,YANG DE NYID LAS, BSKAL BA GRANGS MED GSUM DAG GIS, ,SBYIN DANG SBYIN PA'I 'BRAS BZANG DANG, ,MKHA' MTSUNGS RIN CHEN THOB BYED PA, ,NOR BU RIN CHEN DBANG BSKUR YIN, ,BSKAL PA GRANGS MED GSUM DU NI, ,GZHAN GYI DKA' BA SPYAD PA DANG, ,BRTZON 'GRUS KYIS NI 'BRAS GRUB PA, ,RDO RJE LAS NI DBANG BSKUR YIN, ,ZHES DANG, GSANG BA BZHI YI DBANG BSKUR BAS, ,RDZOGS SANGS RGYAS KYI BYANG CHUB THOB, ,DE NAS MING GI DBANG BSKUR BAS, ,THUB DE RNAM PAR SNANG MDZAD GYUR, ,ZHES RDO RJE SEMS DPA' DANG, RDO RJE CHOS DANG, RDO RJE RIN CHEN DANG, RDO RJE LAS KYI DBANG BSKUR BAS, RIM PA BZHIN DU NGO BO NYID KYI SKU DANG, LONGS SKU DANG, MTSAN DPE DANG, SPRUL PA'I SKU THOB STE SANGS RGYAS PAR BSHAD CING, DE YANG SNGAR GYI BYANG SEMS DE YIN LA, LAM DE DAG KYANG BSKAL PA GRANGS MED DU BSGRUBS PAR BSHAD DE, BLA MED KYI LUGS KYIS DANG PO NAS RANG GI LAM DU ZHUGS PA'I RIN PO CHE LTA BUS TSE

, ,GCIG LA 'TSANG RGYA BA DANG, PHA ROL TU PHYIN PA'I LAM GYI MTHAR SNGAGS LAM GYI BSNON PA BTAB PA GNYIS BSHAD PA BZHIN DU, YO GA BA'I LUGS KYIS RANG LAM DANG, GZHAN LAM SO SOR PHYE NAS, SNGAR BSHAD PA DE PHA ROL TU PHYIN PA'I LAM LA SBYAR BA MI SNANG ZHING, RANG GI LAM GYI MTHAR 'TSANG RGYA TSUL LOGS PA YANG GSAL BAR MI SNANG BA'I PHYIR, SNGAR BSHAD PA'I SA'I MTHAR PHYIN PA NA SANGS RGYAS KYIS BSKUL NAS 'TSANG RGYA BAR BSHAD PA LA SOGS PA RNAMS, RANG GI LAM DE'I LUGS YIN NYAM STE, LEGS PAR DPYAD PAR BYA'O, ,BLA MED KYI RGYUD LTAR NA SNGAR BSHAD PA'I LAM GYI SNON PA GNYIS PO DE RGYUD LA MA SKYED NA 'TSANG RGYA MI NUS SHING DE GNYIS KYANG RGYUD SDE 'OG MA GSUM GYI LAM LA MED PAS, RGYUD SDE GZHAN GSUM GYI LAM DU ZHUGS PA LA YANG BSNAN DGOS SO, ,SA'I MTHAR PHYIN PA NA ZLA BA DANG RDO RJE SOGS KYI MNGON BYANG LNGA LA BRTEN NAS 'TSANG RGYA BAR RGYUD GNYIS LAS GSUNGS PA'I DGONGS GZHI NI, RIM LNGA LAS, BSKYED RIM PAS ZLA BA DANG RDO RJE LA SOGS PAS SNGAGS KYI SKU SKYED PA'I DOD, RDZOGS RIM PAS STONG PA BZHI LAS YONGS SU DAG PA'I LHA'I SKU SKYED PAR GSUNGS PA LA BYA DGOS PA 'DRA'O, ,DE LTAR BYAS NA GANG LA BSAMS NAS GSUNGS BA'I DGONGS GZHI'I DON DE RNAL 'BYOR BLA NA MED PA'I LAM THUN MONG MA YIN PA YIN KYANG, DE LA BSAMS NAS SGRA GZHAN GYIS BSTAN PA'I SGRAS ZIN GYI DON RGYUD SDE 'OG MA'I LAM LA 'ONG BA MI 'GAL BA YIN TE, 'DI'I SKABS MANG PO ZHIG TU GSUNG RAB 'GREL

PA LA SHIN TU MKHO BA ZHIG SNANG NGO, ,LAM GZHAN GYI MTHAR LUGS 'DI'I RDZOGS RIM GYI GTZO BO RNAMS 'ONG TSUL DPYOD PA 'DI NI RANG GI LAM GYI KHYAD CHOS KYI GTZO BO RNAMS LA NGES PA THUN MONG MA YIN PA RNYED PA DANG, DE LA BRTEN NAS LAM 'DI'I RIGS KYI NUS PA NGES PAR BYAS PAS LAM GZHAN DU MI LDOG PA'I THABS RMAD DU BYUNG BA'I RGYUR SNANG ZHING, RTOGS KYANG SHIN TU DKA' BAR SNANG BAS BSHAD PA YIN NO, ,GNYIS PA NI, RIM LNGAR RIM PA BZHI PA 'OD GSAL MNGON PAR BYANG CHUB PA'I RIM PA BSHAD PA 'DI, RGYUD PHYI MAR YAN LAG DRUG GI 'DZIN PA'I YAN LAG TU GSUNGS PA NI, RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,SEMS NI 'GOG PA'I RDO RJER 'GYUR, ,MTSAN MA NYER 'DZIN 'BYUNG BAR 'GYUR, ,MTSAN MA'I KHAMS NI RNAM PA LNGAR, ,BYANG CHUB RDO RJES GSUNGS PA YIN, ,SMIG RGYU 'DRA BA DANG PO STE, ,DU BA LTA BU GNYIS PA YIN, ,MKHA' SNANG 'DRA BA GSUM PA YIN, ,ME MAR LTAR 'BAR BZHI PA'O, ,SPRIN MED NAM MKHA' LTA BU NI, , RTAG TU SNANG BA LNGA BA'O, ,BRTAN GYUR RDO RJE'I LAM NAS NI, ,NAM MKHA'I KHAMS SU SPRO BAR BYA, ,ZHES PA'O, ,SGRON GSAL LO CHEN GYIS BSGYUR BA LAS, RKANG BA DANG PO GNYIS KYI BSHAD PA RDZOGS MA THAG ,'DI NI 'DZIN PA ZHES BYA BA YAN LAG BZHI PA'O, ,ZHES 'BYUNG ZHING, PA TSAB KYI 'GYUR YANG DE DANG 'DRA'O, ,'GOS 'GYUR LAS RANG DBANG NAS, SPRO BAR BYA ZHES PA'I BAR GYI BSHAD PA RDZOGS MA THAG ,DE DAG NI 'DZIN PA'I YAN LAG CES BYA BA STE BZHI PA'O, ,ZHES GZHUNG DE RNAMS THAMS CAD 'DZIN PA'I YAN

, ,LAG GI GZHUNG DU MDZAD PA BZHIN DU, ,CHAG 'GYUR LAS KYANG 'BYUNG NGO, ,DE LTAR RGYA DPE LA GNYIS YOD PAR SNANG YANG, 'GOS 'GYUR LTAR LEGS PA NI 'GREL PA'I BSHAD PAS SHES SO, ,RANG NI GZUGS LA SOGS PA'I YUL DANG DBANG PO NI MIG LA SOGS PA STE DE GNYIS DGAG PA STE THIM NAS, DE'I 'OG TU RIN CHEN TE SEMS SROG RLUNG DANG BCAS PA BKAG CING NUB PAR GYUR PA'I GZUNG BA NI 'DZIN BA STE YANG DAG PA'I MTHA' 'OD GSAL LO, ,SEMS RLUNG DANG BCAS PA THIM PA NI SEMS GSUM RIM GYIS THIM PA'O, ,DBANG PO DANG YUL THIM PA YANG 'CHI RIM BZHIN DU THIM PA'O, ,BDUD RTZI GSANG BA LAS, RANG DBANG ZHES PAS GZUNG 'DZIN DU ZHEN PAS 'KHOR BAR 'KHOR BA'I SEMS DBEN MA RTOGS PA'I SKYON DANG, SEMS GZUNG 'DZIN GYIS DBEN PAR SHES NA SANGS RGYAS KYI YE SHES RIN PO CHE BSKYED PAS RIN CHEN ZHES PAS THA MAL PA LAS DBEN PA DANG, DGAG PA YI, GZUNG BA 'DZIN PA YIN PAR BSHAD, ,CES PAS RDO RJE DANG PADMA SNYOMS PAR ZHUGS PAS RDO RJE'I RTZA BA DANG RKED PA DANG RTZE MOR BYANG SEMS SLEBS PA LAS BYUNG BA'I SNANG BA GSUM GYIS RNAL 'BYOR PA LAS DBEN PA'I SEMS DBEN BSTAN ZHES PA NI DON DU MA MTHONG NGO, ,'GOG PA'I RDO RJE NI 'OD GSAL DANG, SEMS DER GYUR PA NI DER SONG BA'O, ,DER 'JUG PA LA SMIG RGYU LA SOGS PA'I MTSAN MA RNAMS KYI NYE BAR 'DZIN PA STE MTSAN MAR SNANG BA 'BYUNG BA STE SKYE BAR 'GYUR RO, ,MTSAN MAR SNANG BA DE NI RNAM PA LNGAR GSUNGS TE, SMIG RGYU NAS MKHA' SNANG LTAR SNANG BA GSUM NI SA CHU ME RLUNG BZHI SNGA MA PHYI MA LA

THIM PA LAS 'BYUNG NGO, ,MKHA' SNANG NI PA TSAB KYIS ME KHYER GYI RNAM PA LTA BU ZHES BSGYUR BA LTAR YIN GYI, NAM MKHA' CHANG CHUNG MTHONG BA LA 'DOD PA NI MI 'THAD DO, ,KHAMS PHRA BA KUN TU SNANG BA GSUM DU SONG BA LAS MAR ME LTAR SNANG BA 'BYUNG BAR SGRON GSAL LAS GSUNGS PA'I KHAMS PHRA BA NI, RANG BZHIN GYI RTOG PA CHER GA-YOS PA'I RLUNG YIN LA, DE THIM PA NA MAR ME RLUNG GIS MA BSKYOD PA LTA BU'I SNANG BA 'BYUNG NGO, ,SPYOD BSDUS LAS, PHUNG PO LA SOGS PA NI KHAMS PHRA BA LA GZHUG GO ,KHAMS PHRA BA NI SEMS LA GZHUG GO ,ZHES GSUNGS PA'I DANG PO NI, SA NAS RLUNG GI BAR SNGA MA PHYI MA LA THIM PA'O, ,PHYI MAS KHAMS PHRA BA SEMS LA 'JUG PAR BSHAD PA DANG, SGRON GSAL LAS KHAMS PHRA BA SNANG BA GSUM LA 'JUG PAR BSHAD PA GNYIS MI 'GAL TE, SNGA MA NI RAGS PA YIN LA, PHYI MA NI ZHIB TU PHYE BA'I RNAM GZHAG YIN PA'I PHYIR TE, DPER NA RNAM SHES GSUM SO SOR MA PHYE BAR 'OD GSAL DU 'JUG PAS LAS MTHA' RNAM 'BYED DANG, RDO RJE 'PHRENG BA LAS GSUNGS PA DANG, SPYOD BSDUS SU SO SOR PHYE NAS NYER THOB 'OD GSAL DU SDUD PAR BSHAD PA BZHIN NO, ,'GYUR RNYING PHAL CHE BA LAS RANG BZHIN KUN TU SNANG BA THIM PA LAS SPRIN MED PA'I NAM MKHA' DANG 'DRA ZHING, RTAG TU SNANG BA 'OD GSAL BA TZAM DU GYUR PA NI LNGA PA'O, ,ZHES GSUNGS LA, DPE KHA CIG DANG, 'GYUR KHA CIG LAS, KUN TU SNANG BA LA THIM, ZHES 'BYUNG YANG, SNGA MA DAG PA YIN TE, 'OD GSAL 'CHAR BA LA SNANG BA GSUM GA THIM DGOS PA'I PHYIR RO, ,SGRON GSAL LAS DE LTAR GSUNGS PA NI BSDUS PA YIN LA, PHYE NA

, ,BDAG BYIN BRLABS DANG, SPYOD BSDUS LAS GSUNGS PA BZHIN DU, SEMS SEMS BYUNG LA DANG, SEMS BYUNG SEMS PA NYER THOB LA DANG, NYER THOB 'OD GSAL DU THIM PAR BSHAD DGOS SHING, SNANG BA GSUM GYI DUS KYI 'CHAR TSUL YANG SPYOD BSDUS LAS, GNYIS PA NI SNANG BA STE ZLA BA'I 'OD ZER LTA BU'O, ,ZHES SOGS GSUNGS PA SNGAR DRANGS PA BZHIN DU BYA'O, ,SPYOD BSDUS LAS, DANG POR SMIG RGYU LTA BU LA 'OD ZER LNGA'I TSOGS DANG LDAN PAR MTHONG NGO, ,ZHES GSUNGS SHING, DU BA SOGS GSUM MA BSHAD PA NI BSDUS PA STE, RGYAS PAR NI RGYUD PHYI MA DANG SGRON GSAL LAS GSUNGS PA BZHIN MTSAN MA BZHI KA DGOS SO, ,MTSAN MA LNGA PO DE DAG GIS MYA NGAN LAS 'DAS PA DON GYI 'OD GSAL THOB PAR 'GYUR RO, ,SA CHU LA THIM PA SOGS KYI SHES BYED DU SGRON GSAL DU LAS MTHA' RNAM 'BYED DRANGS PA NI, DE NYID LAS, SNGON NI JI LTAR 'ONGS PA BZHIN, ,RIM PA 'DI YIS THIM 'GYUR TE, ,DANG POR SA NI CHU LA 'JUG ,CHU NI ME LA THIM 'GYUR ZHING, ,ME NI RLUNG LA THIM PAR 'GYUR, ,RLUNG NI RNAM PAR SHES LA 'JUG ,RNAM SHES 'DZIN PAR GSHEGS NAS SU, ,'OD GSAL BAR NI DE NAS ZHUGS, ,DE LAS DRI ZA NYID GYUR NAS, ,LAS KYIS BSKUL BAS SKYE BAR 'GYUR, ,DE LTAR SKYE BA STONG RNAMS SU, ,SKYES SHING SKYES NAS YANG DANG YANG, ,RANG BZHIN BSKOR ZHING KUN TU 'KHRUL, ,RTOG GE RNAMS KYI YUL MIN PA, ,SNANG BA YONGS SU SHES PA NI, ,'GRO BAS MA RNYED BAR DU'O, ,ZHES DRANGS PA

NI KLU BYANG GI GZHUNG YIN GYI, LAS MTHA' RNAM 'BYED KYI MDO LA SKAL LDAN GRAGS PA 'CHAD PA MIN NO, ,RNAM SHES 'OD GSAL DU 'JUG PA NI KUN TU SNANG BA 'OD GSAL DU THIM PA YIN GYI, DE LA RANG BZHIN THIM PA MIN NO, ,'DIS GZHI'I 'CHI RIM BSTAN KYANG DE DANG LAM GYI 'OD GSAL DU 'JUG PA GNYIS SMIG RGYU BZHIN DU 'CHAR BA SOGS 'DRA BAS, BAR DOR 'TSANG RGYA BA LA SMIG RGYU'I RNAM PA SOGS SU 'CHAR ZHING, TSE 'DIR 'OD GSAL DU 'JUG RIM LA RTAGS CAN GYI SHES PA BRTAN MI BRTAN GYI TSAD SMIG RGYU SOGS LNGA DANG 'DRA BA YIN PA'I KHYAD PAR DANG, SPYOD BSDUS SU GSUNGS PA BRTAN MI BRTAN GYI TSAD DANG, SGRON GSAL LAS GSUNGS PA SMIG RGYU SOGS KYI RNAM PA CAN DU 'CHAR BA'I KHYAD PAR 'DOD PA DANG, ZHAL LUNG GI 'GREL PAR MTSAN MA BZHI SNGA MA LAS PHYI MA GSAL DU SONG BA YIN GYI, DE RNAMS DANG 'DRA BA MIN ZHES PA RNAMS MI LEGS SO, ,RTAGS 'DI RNAMS PHYIN LOG GI SA'I KHAMS LA SOGS PA DANG, DBANG PO'I RLUNG NANG DU LDOG TU RUNG BA DANG, LDOG BZHIN PA DANG, LOG PA'I DUS SU 'BYUNG LA, DE LA'ANG GZHI DUS DANG LAM GYI DUS DANG, PHYI MA LA'ANG LUS DBEN SOGS GONG 'OG MANG POR 'ONG BAR GSUNGS PA RNAMS SO SOR PHYED PAR BYA'O, ,DE YANG KUN RTOG GA-YO BA'I RLUNG THIM PA NA MAR ME LTAR SNANG BA 'CHAR LA, SNANG BA'I YE SHES KYI DUS SU ZLA 'OD LTAR SNANG BA YIN PAS, DE GNYIS RIM CAN DANG, LUGS MTHUN GYI TSE SNANG BA'I YE SHES NAS 'OD GSAL GYI BAR DANG, LUGS LDOG GI TSE 'OD GSAL NAS SNANG BA'I BAR DU SMIG RGYU SOGS

, ,BZHI NI 'CHAR BAS SNGA MA'I TSE SNANG BA'I GONG DU DANG, PHYI MA'I TSE SNANG BA'I 'OG TU 'CHAR BA YIN NO, ,SKABS 'DIR NI BSAM GTAN GNYIS KYIS YANG DANG YANG DU BSDUS NAS SEMS BZUNG BA'I TSE 'BYUNG YANG, RIL 'DZIN GSUM SO SOR BSDUS PA LA RTAGS SO SOR SBYOR BA DANG, RIL 'DZIN RE RE'I SEMS DPA' GSUM SO SOR BSDUS PA LA RTAGS SO SOR SBYAR BA NI MI LEGS SO, ,DPE'I 'OD GSAL GYI SKABS SU DE'I NGOR NAM MKHA' GA-YA' DAG LTA BU'I GZUNG RNAM 'CHAR GYI, DON GYI 'OD GSAL GYI SKABS SU NI GNYIS SNANG PHRA MO YANG NUB NAS SPROS PA'I DRI MA MED PA LA NAM MKHA' DPER BLANGS KYI, RNAM PA DE 'DRA ZHIG 'CHAR BA MIN NO, ,LAM GYI STONG PA GSUM GYI YE SHES MTSAN NYID PA SKYE BA NA, YUL DU GANG SNANG GI DMIGS PA LA PHYOGS RER MA CHAD PAR ZLA 'OD SOGS BZHIN DU SNANG BA YIN GYI, KOR LE RER ZLA 'OD SOGS BZHIN DU SNANG BA NI STONG PA GSUM GYI YE SHES KYI DUS SU 'CHAR BA'I ZLA 'OD SOGS BZHIN DU SNANG BA MIN NO, ,ZLA 'OD LTAR SNANG BA BSDUS MA THAG NYI 'OD LTAR SNANG BA'I MCHED PA SKYE BA'I NGES PA MED PAS DE GNYIS KYI BAR DU GNAS PA 'ONG LA, DE LA YANG NAM MKHA' GA-YA' DAG BZHIN DU 'CHAR BA 'ONG BAS DE DANG STONG PA BZHI PA'I 'CHAR TSUL LA NI KHYAD PAR CHE'O, ,RDO RJE'I LAM GYIS TE 'DA' BAR MI BYA BA'I MTSAN MA LNGA'I RIM GYIS 'OD GSAL DU 'JUG PAS, BRTAN PA STA RNAM PAR DAG PA NI NAM MKHA' STE 'JIG RTEN GYI KHAMS RNAMS SU SPRO BA STE, CHOS KYI SKU'I TSUL GYIS KHYAB

PAR BYA'O ZHES CHAG 'GYUR LTAR BSHAD PAR BYA'O, ,'JIG RTEN GYI KHAMS SU SPRO BA'I DON NI SNOD BCUD KUN GYI CHOS NYID LA BLOS KHYAB PAR BYED PA'I DON NO, ,MTSAN MA LNGA'I GO RIM NI 'DA' BAR MI BYA BAR GSUNGS PAS, DANG PO'I DUS GCIG GNYIS SU MA NGES PA CUNG ZAD SRID KYANG, LUGS MTHUN LUGS MI MTHUN GYI STONG PA RNAMS SGOM LEGS PAR SHES NA NGES PAR KHRIGS CHAGS SU 'CHAR BA YIN NO, ,'DIR GTZO BOR DON GYI 'OD GSAL LA SBYAR RGYU YIN KYANG, DER MA SLAB TSUN CHAD LA DPE'I 'OD GSAL YANG DANG YANG DU GOMS PAR BYED DGOS LA, BSHAD PA 'DI RNAMS LAM 'OG MA'I SKABS SU YANG SHES PAR BYA'O, ,BDEN GNYIS DBYER MED KYI RDZOGS RIM LA GNYIS, RIM LNGA DANG SPYOD BSDUS LAS 'BYUNG BA'I DON BSHAD PA DANG, RGYUD PHYI MA LAS 'BYUNG BA'I YAN LAG GNYIS BSHAD PA'O, ,DANG PO LA GNYIS, DRI BA DANG, LAN NO, ,DANG PO NI, SPYOD BSDUS LAS, BCOM LDAN 'DAS JI LTAR NA DON DAM PA'I BDEN PA LA ZHUGS TE, DNGOS PO MED PAR GYUR NAS LDANG BAR BGYID, 'DIR MNGON DU PHYOGS PA NYAMS SU MYONG BA NI GANG ZHIG LAGS, MI LDOG PAR GYUR PA NA GANG ZHIG LEGS, THAR PA'I DON NI GANG ZHIG LEGS, CI'I PHYIR NA GROL BAR 'GYUR, GROL BA NI SU ZHIG LAGS, ZHES ZUNG 'JUG GI RIM PA GTAN LA DBAB PA'I PHYIR DU DRI BA DUG MDZAD DO, ,DE'I DANG PO NI, RIM PA GSUM PA'I SGYU LUS DON DAM BDEN PAR ZHUGS TE DAG PAR GYUR NAS SLAR YANG 'OD GSAL LAS LDANG BAR BGYID PA'I RIM PA JI LTAR LAGS ZHES PA'O, ,GNYIS

, ,PA NI, BLA NA MED PA'I THEG PA 'DIR SA DANG PO LA SOGS PA'I RIM PAS MNGON DU PHYOGS PA NYAMS SU MYONG BA STE, 'BRAS BU LA MNGON DU PHYOGS NAS BGROD PA'I LAM NYAMS SU MYONG BA SKYE BA'I RIM PA JI LTAR LAGS ZHES PA'O, CHAG 'GYUR LAS, 'DIR BDE BA DAM PA NYAMS SU MYONG PAR 'GYUR BA NI GANG ZHIG LAGS, ZHES 'BYUNG YANG SNGA MA LTAR BDE'O, ,GSUM PA NI, 'KHOR BAR MI LDOG PA DANG LDOG PAR 'GYUR PA'I SA MTSAMS NI GANG ZHIG LAGS ZHES PA'O, ,BZHI PA NI, GANG LAS THAR BA'I THAR PA'I DON NI GANG ZHIG LAGS ZHES PA'O, ,LNGA PA NI, DE LTAR THAR PA'AM GROL PAR 'GYUR BA'I RGYU MTSAN CI'I PHYIR ZHES RGYU MTSAN 'DI 'DRI BA'O, ,DRUG PA NI, GROL BA PO NI SU ZHIG LAGS ZHES GANG ZAG GI NGO PO 'DRI BA'O, ,CHAG 'GYUR LAS, PHYI MA GNYIS MED PAR, GANG LAS GROL BAR 'GYUR ZHES 'BYUNG YANG 'GYUR RNYING LTAR LEGS SO, ,GNYIS PA NI, RDO RJE SLOB DPON GYIS SMRAS PA, SEMS CAN CHEN PO LEGS SO LEGS SO, ,'OD GSAL LAS LDANG BA'I RIM PA, DE BZHIN GSHEGS PA'I MAN NGAG LAS KHA PHYIR LTAS PA RNAMS KYI YUL MA YIN PA, DPAL GSANG BA 'DUS PA'I RJES SU 'BRANGS NAS KHONG DU CHUD PAR BYA YIS, RTZE GCIG PA'I YID KYIS NYON CIG ,CES MNYAN PAR BYA BAR GDAMS NAS DRIS PA'I DON 'CHAD PA LA BZHI, DRI BA GNYIS PA'I LAN, DRI BA GSUM PA DANG LNGA PA'I LAN, DRI BA DANG PO'I LAN, BZHI PA DANG DRUG PA'I LAN 'PHROS DANG BCAS PA'O, ,DANG PO NI, RDO RJE THEG PA 'DI LA BSKYED RIM LA BSLABS NAS

SA BRGYAD PA 'THOB STE, JI SRID RDZOGS RIM MA THOB PA DE SRED DU DA DUNG DGE BA'I BSHES GNYEN MNYES PAR BYA'O, ,SKU DANG GSUNG DANG THUGS MNGON PAR RTOGS NAS, SA BCU THOB PA, SGYU MA LTA BU'I TING NGE 'DZIN SO SOR THOB CING, SGYU MA LTA BU'I TING 'DZIN YANG DAG PAR RTOGS NAS, SNANG BA GSUM RNAM PAR DAG PA'I 'OD GSAL SO SOR THOB STE, SNANG BA MED PA'I 'OD GSAL LAS LANGS NAS, ZUNG 'JUG LA GNAS PA'I RIM GYIS, SANGS RGYAS KYI BYA BA MNGON SUM DU BYAS NAS, RDO RJE LTA BU'I TING NGE 'DZIN GYI YON TAN THAMS CAD KYIS BRGYAN NAS GNAS PAR 'GYUR RO, ,ZHES SPYOD BSDUS LAS BSHAD DO, ,CHAG 'GYUR LAS, LUS NGAG SEMS RNAM PAR DBEN PA MNGON PAR RTOGS NAS KYANG SA BCU THOB STE, SGYU MA LTA BU'I TING NGE 'DZIN SO SOR THOB BO, ,ZHES DANG, SANGS RGYAS KYI SKU MNGON SUM DU BYAS NAS, ZHES 'BYUNG BAS NI 'GYUR SNGA MA GSAL DU BTANG NGO, ,SA BCU ZHES PA TZAM MA GTOGS PA SA'I MING 'DOGS DANG, MING GI DON GANG YANG YAB SRAS KYI GZHUNG NAS MA BYUNG LA, RDO RJE 'PHRENG BA LAS BUM DBANG BCU GCIG DANG, DBANG GONG MA GSUM STE BCU BZHI PO LA, DBANG BSKUR RE RE SA RE'O, ,ZHES SA BCU BZHI'I GRANGS TZAM MA GTOGS PA, SA RE RE'I MING DANG DON GANG YANG MA BYUNG ZHING, DGONGS PA LUNG STON DU, SANGS RGYAS RNAMS KYIS GANG BSTEN PA, ,SAR GYUR DE NI BCU GSUM PA, ZHES GSUNGS PA MA GTOGS PA SA BCU GSUM GYI MING DON GANG YANG MA GSUNGS TE, RTZA RGYUD DANG BSHAD RGYUD GZHAN NAS KYANG MA GSUNGS SO, ,DE'I GNAD

, ,KYIS MI MTHUN PA BYUNG STE, SPYOD BSDUS KYI 'GREL PA LAS, GANG TSE THA MA'I DROD GYUR NAS, ,BZOD PA CHOS MCHOG DBANG DU NI, ,RAB 'BRING SBYOR BA BCU GNYIS TE, ,RAB TU DGA' BA BCU GSUM PA'O, ,ZHES DANG, RAB TU DGA' NAS CHOS KYI SPRIN, ,GANG GI RJES LA THOB PA RNAMS, ,ZUNG 'JUG GIS NI SBYONG BAR BYED, ,CES BSHAD PA LTAR DROD RTZE BZOD MCHOG GI SBYOR LAM RE RE LA CHUNG 'BRING CHE GSUM DU BYAS PA LA SA BCU GNYIS, SA RAB TU DGA' BAS BCU GSUM PA DANG, RDOR BZLAS KYIS SA BRGYAD PA BZOD PA 'BRING DANG SEMS DBEN GYIS CHOS MCHOG CHUNG NGU'AM 'BRING, SGYU LUS KYIS CHOS MCHOG CHEN PO, ,'OD GSAL GYIS 'PHAGS PA'I SA BCU'I DANG PO RAB DGA' SBYOR LAM GYIS SA BCU GNYIS LA BLTOS NA BCU GSUM PA 'THOB LA, ZUNG 'JUG NI SA THOB ZIN RNAMS SBYONG BAR BYED PA'O ZHES ZER TE, BSKYED RIM GYIS SA BDUN PA BAR BGROD PAR MNGON NO, ,LAG SMIS, SA BCU NI RAB DGA' SOGS LA BYAS NAS, BSKYED RIM LUS DBEN DANG BCAS PAS SA BRGYAD PA DANG, DON GYI SHUGS KYIS RDOR BZLAS KYIS SA DGU PA DANG, SNANG BA GSUM PO MTHONG BAS YE SHES DBANG DU GYUR PA'I PHYIR SA BCU PA 'THOB LA, SGYU LUS DE'I RJES THOB YIN PAS SA'I RIM PA MED PA'I PHYIR SA BCU PA KHO NA'O, ,'OD GSAL GYIS BCU GCIG KUN TU 'OD KYI SA 'THOB LA, ZUNG 'JUG DE'I RJES THOB YIN PAS SA BCU GCIG PA KHO NA'O, ,LAS DANG PO PA'I SA NI TSANGS PA'I GNAS LA SOGS PA BSGOMS PAS 'THOB LA, TSE DE NYID LA SANGS RGYAS THOB PA NI SA BCU GSUM PA'O ZHES ZER RO, ,'GREL PA ZLA 'OD LAS, RAB TU DGA' BA SOGS

KYI SA BCU LA BSHAD KYANG, SA RNAMS DANG SBYOR TSUL GSAL BAR MA BSHAD DO, ,SNGON GYI 'DUS PA BA MKHAS PA KHA CIG ,SA BCU NI RAB TU DGA' BA SOGS LA BYED LA, BSKYED RIM MTHAR PHYIN PA SOGS KYIS SA MI GA-YO BA DANG CHOS KYI SPRIN THOB PAR BSHAD PA'I DGONGS PA NI, SA DE DAG GI YON TAN RNAMS RDZOGS PA'I TSUL GYIS THOB PA MIN GYI, DE RNAMS KYI DOD THOB PA LA BZHED LA, BOD KYI MKHAS PA KHA CIG NI, RAB DGA' SOGS SA BCU'I STENG DU MNGON BRJOD BLA MA LAS, DPE MED PA DANG YE SHES LDAN, ,RDO RJE'I SA STE BCU GSUM PA, ,ZHES PA'I DON, AA BHY'AS PHAR PHYIN NAS BSHAD PA'I SA BCU PA LA, SA BCU PA TZAM, KHYAD PAR GYI LAM, BAR CHAD MED PA'I LAM GSUM DU YOD PA'I SA BCU PA NI SA BCU PA TZAM, KHYAD PAR GYI LAM NI DPE MED, BAR CHAD MED PA'I LAM NI YE SHES LDAN, KUN TU 'OD NI RDO RJE'I SA STE DE LTA BU'I SA BCU GSUM PA NI DGONGS PA LUNG STON NAS BSHAD PA'I SA BCU GSUM PA THAMS CAD STONG PA 'OD GSAL DU BZHED LA, SPYOD BSDUS KYI DGONGS PAS KYANG SGYU LUS SA BCU GCIG PA, 'OD GSAL BCU GNYIS PAR BSTAN ZHING, DE NYID MOS SPYOD NAS BGRANGS PA'I BCU GSUM PA DANG, RDO RJE 'PHRENG BA'I SA BCU GSUM PA YANG 'OD GSAL YIN PA RGYUD DE'I DGONGS PAR 'CHAD DE, LAM DE DAG GIS SA DE DAG DNGOS THOB PAR 'DOD PA'O, ,'DI'I LTAR NA ZUNG 'JUG SA BCU BZHI PAR BYA DGOS SO, ,DE LA PHAR PHYIN GYI THEG CHEN NAS 'PHAGS PA LA SLOB PA'I SA LA RAB DGA' SOGS BCU DANG, MI SLOB PA LA KUN TU 'OD DE BCU GCIG TU MANG DU GSUNGS SHING, SO SKYE LA MOS SPYOD KYI SA DANG LAS DANG PO PA'I SA YANG GSUNGS SO, ,SNGAGS NAS SA'I GRANGS BCU GNYIS DANG, BCU GSUM DANG,

, ,BCU BZHIR GSUNGS LA, MING 'DOGS NI, RDO RJE SNYING PO RGYAN GYI RGYUD LAS, KUN TU 'OD DANG, BDUD RTZI 'OD LA SOGS PA BCU GNYIS GSUNGS PA DANG, KYEE RDOR DANG SAM BHU tA LA SOGS PAR GNAS LA SOGS PA BCU GNYIS GSUNGS PA LTA BU MI MTHUN PA DANG, RAB DGA' SOGS BCUR BSHAD PA LTA BU MING 'DOGS MTHUN PA YANG YOD DO, ,DE LA NI MOS SPYOD KYI SA DANG KUN TU 'OD GNYIS DON GYI SHUGS KYIS GNAS PAR MAN SNYE SOGS LAS BSHAD DE, SNGA MA'I SA BCU GNYIS KYANG PHYI MA DANG 'DRA'AM SNYAM MO, ,BCU GSUM GYI MING 'DOGS MI 'DRA BA GSUM NI AA BHYA GSUNG PA LTAR YIN PAS DE RNAMS 'PHAGS PA'I SAR SNANG BAS DE LA MOS SPYOD BSNAN NA, RDO RJE'I SA NI BCU BZHI PA'O, ,DES NA SA'I GRANGS PHAR PHYIN LAS MANG YANG, BCU GCIG KUN TU 'OD LAS GONG MA'I SA 'DOD PA MIN NO, ,RTZA RGYUD LAS, SA BCU DAG LA GNAS PA YI, ,BYANG CHUB SEMS DPA' DE 'GYUR RO, ,ZHES ZUNG 'JUG GI SKABS SU GSUNGS PA'I DON SGRON GSAL LAS, SA BCU NI 'OD ZER BCU STA DE LA RAB TU GNAS PA'O, , ZHES GSUNGS PA YANG YOD MOD KYANG, SNGAR BSHAD PA'I SA BCU NI RAB DGA' SOGS BCU LA BYA'O, ,BSKYED RIM GYIS SA BRGYAD PA DANG, RDOR BZLAS KYIS KYANG SA BRGYAD PA 'THOB PAR GSUNGS PA'I DANG PO NI SA BRGYAD PA THOB MA THAG PA DANG SBYAR LA, GNYIS PA NI PHAR PHYIN GYI SA BRGYAD PA DANG, DES MTSON NAS SA DGU PA DANG SBYOR BA YANG SHES PAR BYA STE, RDZOGS RIM GYI LUS DBEN RDOR BZLAS KYI KHONGS SU BSDUS PA LA DGONGS SO, ,RIM LNGA LAS, SNANG BA GSUM PO MTHONG BAS SA BCU PA LA

GNAS PAR BSHAD CING, SPYOD BSDUS LAS SKU GSUNG THUGS MNGON PAR RTOGS NAS SA BCU THOB PAR GSUNGS PA GNYIS, LE'U DRUG PA'I SGRON GSAL LAS SKU GSUNG THUGS GSUM SNANG MCHED THOB GSUM DU BSHAD PA BZHIN DON GCIG TU BYAS NAS, SEMS DBEN DANG SA BCU PA SBYAR RO, ,SNANG BA GSUM MTHONG BAS BCU PA DANG SBYAR BA'I 'GREL PAR NAG PO PAS, BDAG BYIN BRLABS THOB PA LA BSHAD PA NI, SEMS DBEN LA BRTEN NAS SGYU LUS THOB PA LA BYAS NA, DE SA BCU PA DANG SBYOR BA SPYOD BSDUS KYI DON YIN NO, ,DE NI PHAR PHYIN GYI SA BCU PA'I STOD DANG SBYAR BA'O, ,SA BCU PA'I SMAD LA 'OD GSAL DANG SLOB PA'I ZUNG 'JUG 'JOG PA NI, PHA ROL TU PHYIN PA'I SA BCU PA BA LA BLA MED KYI LAM BSNAN LUGS SNGAR BSHAD PAS SHES PAS, MI SLOB PA'I ZUNG 'JUG BCU GCIG KUN TU 'OD LA 'JOG PAR YANG SHES SO, ,RGYUD GNYIS LAS 'OD GSAL SA BCU GSUM PAR BSHAD PA YANG, MOS SPYOD KYI SA LA BLTOS NAS YIN LA, DES SLOB PA'I ZUNG 'JUG KYANG MTSON NO, ,GAL TE SA'I SBYOR TSUL DE LTAR YIN NA, BSKYED RIM LA SOGS PA RANG RANG GI SKABS KYI LAM DE MTHAR PHYIN PA NA, RAB DGA' SOGS SA DE DAG GI YON TAN RDZOGS PAR THOB PA YIN NAM, YANG NA DBANG BSKUR BCU BZHIS RE RE DANG SBYAR BA DANG, SGRUB THABS TSAR GCIG LAM LNGA DANG SBYAR BA DANG, LHAG MOS 'OD GSAL DU SDUD PA SOGS SKU GSUM DANG SBYAR BA LTAR, 'DRA BA'I CHOS MTHUN RE'I SGO NAS SBYAR BA YIN SNYAM NA, RIM PA GSUM PA'I SGYU LUS THOB KYANG 'OD GSAL MNGON DU MI BYED NA, NYON MONGS KYI DBANG GIS 'KHOR BAR LDOG PAR GSUNGS PAS, LAM DE'I RANG GI SKABS MTHAR

, ,PHYIN PA TZAM GYIS SA BCU PAR MA ZAD, 'PHAGS PA'I SA THOB PA YANG MIN PAS SBYAR TSUL DE RNAMS NI RAB DGA' SOGS KYI SA'I YON TAN RDZOGS PA'I TSUL GYIS THOB PA MIN TE, BSKYED RIM MTHAR PHYIN PAS SA MI GA-YO BA DNGOS THOB PAR 'JOG PA SOGS LA GNOD PA GZHAN YANG DU MA ZHIG SNANG NGO, ,DES NA PHA ROL TU PHYIN PA'I THEG PAS SA BCU PA'I BAR DU BGROD PA DES, LAM 'DI'I BSKYED RIM NAS SGYU LUS KYI BAR BGROD PA'I DAD THUB PAR BSHAD PA LTAR, THEG PA 'DI'I LAM DE DAG GIS KYANG 'TSANG RGYA BA LA THEG PA GZHAN GYIS SA DE'I BAR DU BGROD PA'I DOD THUB PAS, DE RNAMS THOB PAS SA BCU'I BAR DU THOB PAR GSUNGS KYI, LAM PHAN TSUN GYI YON TAN JI MA JI BZHIN MTSUNGS PAR THOB PA MI DGOS SO, ,DE YANG RDZOGS RIM GYI RTOGS PA YONGS SU RDZOGS PAR SKYE BA'I SMIN BYED BSKYED RIM YIN PAS, DE'I THA MA YONGS SU SMIN PA NI SA BRGYAD PA THOB MA THAG PA DANG, SMIN PAR BYED PA'I SNGA MA RNAMS SA BDUN DANG SBYAR GYI, BSKYED RIM GYI KHYAD PAR 'DI SA BDUN GYI 'DI'O ZHES MA SBYAR RO, ,BSKYED RIM MTHAR PHYIN PA NA THA MAL DU RNAM PAR MI RTOG PA'I TING NGE 'DZIN SHIN TU BRTAN PO LA 'DOD DGUR 'JUG NUS SHING, SNOD BCUD KYI ZHING GZHAL YAS KHANG DANG LHAR SNANG BA'I YONGS SU DAG PA THOB PAS KYANG SA BRGYAD PA DANG MTSUNGS SO, ,DE SNGON DU BTANG STE LUS DBEN LA BRTEN NAS NGAG DBEN SBYANGS PA NA, SPYOD BSDUS LAS GSUNGS PA LTAR MI SKYE BA'I CHOS LA BZOD PA YANG CI RIGS PAR THOB CING, NGAG GI RTZA BA RLUNG DAG PAR BYAS NAS DE LA DBANG THOB PA NI, SA DGU PAR CHOS STON PA'I NGAG RNAM PAR DAG PA'I YE SHES LA DBANG BA DANG 'DRA'O, ,

NGAG DBEN MTHAR PHYIN PA LA BRTEN NAS BSGRUBS PA'I SEMS DBEN GYI RLUNG SEMS LAS SGYU MA'I SKU SGRUB CING, SANGS RGYAS RNAMS LA DBANG BSKUR BA 'THOB PA NI, SA BCU PAR LAS LA DBANG BA THOB PAS, DMAN PA'I LUS KYI RGYU'I LAS KYI BAG CHAGS NGAN PA RNAMS LUS PHUN SUM TSOGS PA'I RGYUR SGYUR BA DANG 'OD ZER CHEN PO'I DBANG BSKUR THOB PA DANG 'DRA STE, THA MAL PA'I LUS KYI RGYU'I RLUNG SEMS LONGS SKU'I RGYUR BSGYUR BAS SO, ,SA BCU PAR STONG NYID KYI RTOGS PA SGRIB PA 'JOMS PA LA NUS PA MTHU LDAN DU 'GRO BA'I RGYU LAM GYI TSOGS RNAMS RDZOGS SHING RANG GI LAM LA GSAR DU BSLAB TU MED PA LTAR SGYU LUS THOB PA LA BRTEN NAS 'OD GSAL DU 'JUG PA DANG, DE'I RJES SU ZUNG 'JUG 'GRUB PA YANG DE DANG 'DRA BAS DE RNAMS SA BCU PA DANG SBYAR RO, ,CHOS NYID MNGON SUM DU RTOGS MA RTOGS LA 'PHAGS PA'I SA THOB MA THOB KYI SGO NAS SO SKYE DANG, 'PHAGS PA'I LAM GNYIS SU 'BYED CING, SO SKYE'I LAM LA TSOGS SBYOR GNYIS BYED PA DANG SBYOR NA, LAM THUN MONG BA NAS BZUNG STE, BSGOMS STOBS KYIS RLUNG DH'U T'IR BTZUD PA THIM PAS STONG PA DNGOS SU 'DREN MI NUS PA DE SRID DU TSOGS KYI LAM DANG, DE NUS PA NAS BDE BAS DE KHO NA NYID MNGON SUM DU MA RTOGS PA'I SGYU LUS TSUN CHAD SBYOR LAM DANG, DON GYI 'OD GSAL NAS, ZUNG 'JUG MA THOB PAR MTHONG LAM SA RAB TU DGA' BA DANG, SLOB PA'I ZUNG 'JUG NAS, MI SLOB PA'I ZUNG 'JUG MA THOB PAR SGOM LAM SA DGU DANG SBYAR RO, ,GNYIS PA NI, SGYU LUS THOB PA RNAMS KYIS DON DAM BDEN PA MNGON PAR MA RTOGS PA DE SRID DU PHYIR LDOG GO ,DE'I RGYU MTSAN, JI SRID DU SNANG BA GSUM GYIS DAG PA DE SRID

, ,DU RNAM SHES KYI KUN RTOG GO ,DE JI SRID PA DE SRID DU NYON MONGS KYI BAG CHAGS KYI RGYUN DANG, DES NI YANG SRID PAR 'GYUR BA YIN LA, ZHES SPYOD BSDUS LAS BSHAD DO, ,MNGON PAR MA RTOGS PA NI MNGON SUM DU MA RTOGS PA'O, ,DE LTAR MA RTOGS NA NYON MONGS KYI SA BON 'GA' YANG ZAD PAR SPONG MI NUS PAS, NYON MONGS KYI DBANG GIS SKYE BA MA SPANGS PA NI, NYON MONGS KYI BAG CHAGS KYI RGYUN GYIS YANG SRID PAR 'GYUR BAR GSUNGS PA'I DON TE, DE'I BAG CHAGS NI, NYON MONGS KYI SA BON YIN GYI, SHES SGRIB TU BZHAG PA'I BAG CHAGS MIN NO, ,SGYU LUS THOB NA TSE DE LA 'TSANG RGYA BAR NGES PAS, LAS DBANG GIS SLAR 'KHOR BAR SKYE BA MIN KYANG, DE KHO NA NYID MNGON SUM DU MA RTOGS NA ZHES BRTAG PA MTHA' BZUNG MDZAD PA YIN TE, DPER NA, ZAS GTZANG GI SRAS DON GRUB NI RAB TU MA BYUNG NA 'KHOR LOS SGYUR RGYAL DU 'GYUR BAR GSUNGS PA BZHIN NO, ,DES NI RIM PA BZHI PA MA THOB PAR DU DE KHO NA NYID KYI DON MNGON SUM DU MA RTOGS PAR BSTAN PAS, SKABS DER SNANG BA GSUM DAG PA NI GNYIS SNANG PHRA MO YANG DAG NAS, YE SHES DE KHO NA NYID LA CHU LA CHU BZHAG PA BZHIN DU RO GCIG TU ZHUGS PA'O, ,SNGAR BSHAD PA'I 'PHRO NAS SPYOD BSDUS LAS, GANG SEMS PA GZHAN DAG DANG BRAL BA DE NI RNAM PAR DAG PA'I GNAS TE, ZHES GSUNGS SHING, DE'I SHES BYED DU, DPAL MCHOG DANG PO LAS DUG GSUM DAG PA'I GNAS BYANG SEMS KYI GNAS SU GSUNGS PA DANG, SLOB DPON KAM PA LAS, NANG GI BDAG NYID SGRUB PA'I THABS SU SGRA'I RANG BZHIN SBOM PO DANG, SEMS PA'AM BSAM PA'I RANG BZHIN

PHRA BA DANG, SEMS PA'AM BSAM PA DANG BRAL BA RNAL 'BYOR PA'I MCHOG GI GNAS SU GSUNGS PA DRANGS SO, ,CHAG 'GYUR LAS, GANG BSAM PA THAMS CAD DANG BRAL BA DE NI, ZHES 'BYUNG LA, DE'I DON NI SNANG BA GSUM DAG PA'I 'OD GSAL TE, DE NI NYON MONGS KYI SA BON 'GA' ZHIG DAG PA'I GNAS YIN PAS, DE THOB NAS LAS NYON GYI DBANG GIS YANG SRID PAR MI 'GYUR BAS 'KHOR BAR MI LDOG PA'O, ,THEG DMAN GYIS, STONG NYID MNGON SUM DU RTOGS KYANG, DGRA BCOM PA MA THOB BAR DU LAS NYON GYI DBANG GIS SKYE BA MI LDOG LA, THEG CHEN PA DE KHO NA NYID MNGON SUM DU RTOGS NAS LAS NYON GYI DBANG GIS SKYE 'CHI LDOG PA NI THEG CHEN PA GNYIS KA 'DRA'O, ,RIM PA GNYIS PAR BSKYED RIM GYIS SA BRGYAD PA DANG, SNANG BA GSUM GYIS SA BCU PA THOB PAR GSUNGS PA'I MJUG TU, MNGON RDZOGS BYANG CHUB LEGS THOB NAS, ,DAG PA'I GNAS NI NYE BAR RTOGS, ,PHYIR MI LDOG PA SKYE BA 'DIR, ,SANGS RGYAS ZHING DU THAMS CAD MKHYEN, ,ZHES 'OD GSAL NAS PHYIR MI LDOG PAR BSTAN PAS, DE'I GONG DU PHYIR LDOG PA 'PHEN LA, DAG PA'I GNAS NI, SNGAR BSHAD PA BZHIN YIN PAS, GZHUNG 'DI CHAG GIS BSGYUR BA LEGS TE, 'GYUR RNYING NI SNGAR DRANGS ZIN NO, ,'O NA THEG PA 'DIR DE KHO NA NYID MNGON SUM DU RTOGS PA'I MTSAMS NAS LAS NYON GYI DBANG GIS SKYE BA LAS GROL BA'I RGYU MTSAN GANG SNYAM NA, KAM PA LA'I LUNG DRANGS PA'I MJUG THOGS SU, GANG RIGS PA 'DIS MNGON PAR BYANG CHUB PA'I RIM PA 'DIS 'OD GSAL BA YANG DAG PAR THOB PAR GYUR PA DE'I LUS DANG NGAG DANG SEMS DRI MA MED PA'I

, ,NGO BO NYID THAMS CAD STONG PA NYID YIN PAS, RNAM PAR SHES PA GSUM RNAM PAR DAG PA'I SHES RAB KYI PHA ROL TU PHYIN PA'I NGO BO NYID LA NI, SEMS PA MED CING SMRA BA MED PA GANG YIN PA 'DI NI MYA NGAN LAS 'DAS PA'I KHAMS TE, GZUGS MED PA RIG PAR DKA' BA, LAS DANG SKYE BA LAS RNAM PAR GROL BA, NYI MA DANG ZLA BA DANG ME DANG NOR BU'I 'OD KYI NGO BO NYID BZHIN DU SHIN TU GSAL BA'O, ,ZHES PA 'DIS RGYU MTSAN BSTAN NO, ,'DI LTAR RIGS PA 'DIS ZHES PA NI, SNANG BA GSUM 'OD GSAL DU 'JUG PA'I THABS KYI TSUL LO, ,DE NI SGYU LUS GRUB PAS BSAM GTAN GNYIS DANG PHYI'I PHYAG RGYA LA BRTEN NAS 'OD GSAL DU 'JUG PA'I THABS BYAS PA'O, ,DES NI BSOD NAMS KYI TSOGS MTHA' YAS PA'I DOD THUB PA'I SGYU LUS DANG, YUL CAN KHYAD PAR CAN BDE BA CHEN POS DE KHO NA NYID MNGON SUM DU RTOGS PA YIN PAS, LAM DES NYON MONGS KYI DBANG GIS SRID PAR SKYE BA 'GOG NUS PAR BSTAN TE, THEG DMAN GYIS STONG NYID MNGON SUM DU RTOGS PA DANG GNYIS RTOGS BYA'I DE KHO NA NYID LA KHYAD MED KYANG, YUL CAN GYI NUS PA CHES LHAG PA'I DON NO, ,DE LTAR BYAS NA PHAR PHYIN GYI THEG CHEN MTHONG LAM PA DANG, THEG DMAN MTHONG LAM PA GNYIS KYANG DE KHO NA NYID MNGON DU GYUR PA LA KHYAD MED KYANG, THEG CHEN PA LA DE BYUNG NAS LAS DBANG GIS 'KHOR BAR LDOG PA 'GOG NUS PA DANG, YON TAN BRGYA PHRAG BCU GNYIS SOGS 'BYUNG LA, THEG DMAN PA LA MI 'BYUNG BA NI, TSOGS DANG MOS SPYOD KYI SAR MTHA' YAS PA'I BSOD NAMS KYI TSOGS LA

BSLABS MA BSLABS KYI DBANG GIS, RTOGS PA DE NUS PA DE LTA BUR SKYE MI SKYE BYUNG BA YIN LA, STONG NYID MNGON SUM DU RTOGS PA MYUR BUL KHYAD CHE BAR BYUNG YANG, DE THOB PA'I YON TAN NI NAM MKHA' DANG LAG MTHIL LTAR 'GYUR BA YIN PAS, THEG CHEN PAS NYAN THOS LTAR MYUR POR DE KHO NA NYID MNGON SUM DU MI BYED PA'I RGYU MTSAN YANG SHES PAR GYIS SHIG ,'DIR NI DE KHO NA NYID MNGON SUM DU RTOGS PA CHES SHIN TU MYUR BA YANG YIN LA, MYUR BA TZAM DU MA ZAD, DE LA YON TAN GYI TSOGS KYANG THEG CHEN GZHAN LAS KHYAD PAR DU 'PHAGS PAR 'THOB PAS, LAM 'DI RMAD DU BYUNG BA YIN NO, ,LAM 'DI DANG LAM GZHAN GNYIS SHES SGRIB SPONG BA LA BSKAL BA GRANGS MED DANG, SNYIGS DUS KYI TSE GCIG GI KHYAD PAR BYUNG BA BZHIN DU, NYON SGRIB ZAD PAR BYED PA LA YANG MYUR BUL GYIS KHYAD PAR SHIN TU CHE'O, ,DE YANG LAM GZHAN LA MED PA'I SGRIB PA SPONG BA LA NUS PA LHAG PA'I KHYAD PAR GYI CHOS MCHOG TU GYUR PA RNAMS YOD PA'I GNAD KYIS GZHAN NAS 'BYUNG BA LTAR MTHONG LAM DU KUN BRTAGS DANG, LHAN SKYES SPONG BA SGOMS LAM NAS BYA DGOS PA'I RNAM GZHAG MTHUN MI DGOS SO, ,DE BZHIN DU PHAR PHYIN LTAR NA THEG DMAN PA NYON MONGS SPONG BA MYUR YANG, THEG CHEN GYIS MYUR DU MI SPONG BA'I KHYAD PAR YOD MOD KYANG, 'DIR NI LHAN SKYES KYI BDE STONG SBYAR BA SHAS CHER SGOM NUS PA'I MTSAMS NAS, DES DE NYID LA DRIL TE SGOM PAR BYED PAS, LAM GZHAN DANG MI 'DRA BA'I TSUL BSHAD ZIN PA LTAR YIN PAS, NYON MONGS CHES SHIN TU MYUR BAR ZAD PAR BYED PA DE YANG THEG CHEN PA GZHAN DANG MI 'DRA'O, ,DE'I PHYIR RIM PA BZHI

, ,PA'I 'OD GSAL GYIS YE SHES KYIS NYON MONGS KYI SA BON SPONG BAR GSUNGS PA DANG, ZUNG 'JUG THOB PA LA ZAG PA MED PAS NYON MONGS PA'I BAG CHAGS THAMS CAD LAS GROL BA ZHES PA'I YON TAN GSUNGS PA'I BAG CHAGS NI NYON MONGS KYI SA BON YIN LA, DE YANG KUN BRTAGS KYI NYON MONGS TZAM LA MI BYA'I, LHAN SKYES KYI NYON MONGS KYANG YIN NO, ,LUGS GZHAN GYIS SHES SGRIB TU BSHAD PA'I CHOS KYI BDAG 'DZIN DANG, DER MA ZAD, DE LAS PHRA BA'I CHOS KYI BDAG 'DZIN LHAN SKYES KYANG NYON MONGS YIN PA 'PHAGS PA YAB SRAS KYI DGONGS PA YIN LA, DE YANG RGYAS PAR DRANG NGES RNAM PAR 'BYED PA LA SOGS PAR GTAN LA PHAB ZIN TO, ,GSUM PA NI, RIM PA BZHI PA'I DON GYI 'OD GSAL DU ZHUGS PA'I TSE SNGAR GYI SGYU LUS KYANG DAG NAS MED PA LAS, SLAR YANG ZUNG 'JUG GI SKUR LDANG TSUL JI LTAR BYED CE NA, SPYOD BSDUS LAS, DON GYI 'OD GSAL LAS NYER THOB DANG, DE LAS NYI 'OD TSA BA LTA BU'I MCHED PA DANG, DE LAS ZLA 'OD BSIL BA LTA BU'I SNANG BA 'BYUNG BAR GSUNGS PA'I MTHAR, DE BAS NA STONG PA NYID GZHI GCIG TU GYUR PA'I SNANG BA'I TSOGS NAM MKHA' SNANG BA LTA BUS, 'JIG RTEN GYI KHAMS THAMS CAD SNANG BAR BYAS TE, KHAMS PHRA BA DANG LHAN CIG PA GRIB MA DANG 'DRA BAR GCAD DU MED PA DANG, GZHIG TU MED PA'I RDO RJE'I SKU'I NGO BO NYID, 'PHO BA MED CING ZAG PA MED PAS NYON MONGS PA'I BAG CHAGS THAMS CAD LAS RNAM PAR GROL BA, 'DOD PA TZAM GYIS DBANG DU GYUR PA THOB PA, CHU LAS NYA LTA BU'AM, MYUR BAR GNYID LOG CING SAD PA BZHIN DU, MCHOG TU DGA' BA'I LUS

KYI NGO BO NYID KYI GZUGS 'BYUNG BAR GYUR PA'I GZUGS KYI BDAG NYID CAN GYI MING NI RDO RJE 'CHANG CHEN PO ZHES BYA'O, ,'KHOR BA'I 'CHING BA LAS NGES PAR GROL BAS NA THAR PA ZHES BYA'O, ,ZHES GSUNGS SO, ,RTZA RGYUD LE'U DGU PA LAS GTZUB SHING GTZUBS PA LAS ME 'BYUNG YANG, ME DE LAG PA SOGS LA SO SOR BTZAL NA MED PA DPER BYAS NAS, DE BZHIN DU DE BZHIN GSHEGS PA THAMS CAD KYI RDO RJE'I DAM TSIG 'GRO BA DANG 'ONG BA LA SOGS PA RJES SU RIG PAR BYA'O, ,ZHES PA'I 'GREL BA SGRON GSAL LAS, DES 'OD GSAL LAS RDO RJE'I SKU SKYED PA'I THABS THEG PA GZHAN DANG THUN MONG MA YIN PA STON PAR GSUNGS SHING, DE BZHIN GSHEGS PA THAMS CAD NI THAMS CAD STONG PA DANG, RDO RJE NI CHEN PO STONG PA DANG, DAM TSIG NI SHIN TU STONG PA DANG, GSUM PO DE'I RJES SU RIG PAR BYA BA NI STONG PA DANG, STONG PA GSUM GYI RIM GYIS DON DAM BDEN PAR 'GRO BA NI 'GRO BA DANG, LUGS LDOG TU STONG PA GSUM DU 'ONG BA NI 'ONG BA DANG, SOGS KYIS NI RDZOGS PA'I SKABS SU 'JUG LDANG GI 'GRO 'ONG MED PAR BSTEN PAR BSHAD DE, ZUNG 'JUG 'GRUB PA'I SKABS SU LUGS LDOG TU STONG PA GSUM 'CHAR BA DANG, MI SLOB PA'I SKABS SU STONG PA BZHI LUGS MTHUN DANG LUGS LDOG TU 'GRO 'ONG MI BYED PAR BSTAN NO, ,RIM PA GNYIS PA LAS KYANG, ZUNG 'JUG 'GRUB PA'I SKABS SU 'OD GSAL LAS YE SHES GSUM 'BYUNG BAR BSHAD PA'I LUNG NI SNGAR DRANGS ZIN TO, ,'DIR RIM PA BZHI PA'I DON GYI 'OD GSAL LAS LANGS MA THAG TU ZUNG 'JUG GI SKU 'GRUB BAM MI 'GRUB, DANG PO LTAR NA SNGAR DRANGS PA LTAR ZUNG 'JUG

, ,'GRUB PA'I SKABS SU 'OD GSAL LAS LUGS LDOG TU STONG PA GSUM 'BYUNG BAR GSUNGS PA DANG 'GAL TE, LUGS LDOG TU BYUNG BA'I STONG PA GSUM GYI RLUNG SEMS LAS ZUNG 'JUG GI SKU MI 'GRUB NA, DE LTAR BSHAD PA'I DON MED PA'I PHYIR RO, ,RIM PA GSUM PA LAS SNANG BA GSUM RLUNG DANG BCAS PA LAS SGYU LUS SGRUB PAR BSHAD PA YANG MI 'THAD DE, DE SGRUB PA'I RGYUR SNANG BA GSUM DGOS LA 'DI LA MI DGOS PA'I KHYAD PAR MI 'THAD PA'I PHYIR RO, ,GNYIS PA LTAR NA RIM PA BZHI BA'I DON GYI 'OD GSAL LAS LANGS MA THAG MI SGRUB PAR LUGS LDOG GI STONG PA GSUM SHAR ZIN NAS SGRUB NA, STONG PA DANG PO'I RLUNG SEMS TZAM LAS SGRUB DGOS PAS, STONG PA GSUM LAS SGRUB ZER BA'I DON GANG YIN, SPYOD BSDUS LAS STONG PA BZHI GCIG TU GYUR PA ZHES GSUNGS PA'I DON YANG MED PAR 'GYUR BA DANG, SNANG BA DANG PO'I DUS DANG DE'I DE MA THAG GNYIS KAR DON GYI 'OD GSAL MED PAS ZUNG 'JUG THOB PA MI 'THAD PA DANG, 'CHI BA'I 'OD GSAL LAS GZHAN GYIS BAR MCHOD PAR BAR DO 'GRUB PA'I SBYANG GZHI'I RIM PA DANG YANG 'GAL LO, ,SNANG BA THA MA NAS SLAR YANG 'DI GSAL DU ZHUGS PA'I DUS SU ZUNG 'JUG 'GRUB PAR 'DOD NA NI, RIM LNGAR, YANG DAG MTHA' LAS LANGS NAS NI, ,GNYIS MED YE SHES THOB PAR 'GYUR, ZHES PA DANG GZHAN YANG SPYOD BSDUS DANG SGRON GSAL LAS 'OD GSAL LAS LANGS NAS ZUNG 'JUG 'GRUB PAR MANG DU GSUNGS PA DANG 'GAL LA, DE LAS LANGS NAS YIN NA NI SNGAR BZHIN GYI SKYON DU 'GYUR RO, ,DES NA 'OD GSAL LAS ZUNG 'JUG

GI SKU 'GRUB MTSAMS 'DI JI LTAR YIN BRJOD PAR BYA'O ZHE NA, DPAL 'DUS PA'I BRJOD BYA'I GTZO BO ZUNG 'JUG LEGS PAR RTOGS PA LA, THOG MAR SLOB PA'I ZUNG 'JUG 'GRUB LUGS DPYIS PHYIN PAR RTOGS DGOS LA, DE LA NI DOGS PA DE 'DRA BA RNAMS BKOD NAS, MTHA' GZHAN DU SRID PA'I DOGS PA BCAD NAS DES DGOS PA NI SHIN TU LEGS SO, ,'DI LA YAB SRAS KYI RJES 'BRANG RIM LNGA SOGS KYI 'GREL BYED RNAMS KYIS NI DE LTAR MTHA' BCAD PA MI SNANG LA, RJE 'GOS KYIS SNGAR GSUNGS PA'I LUGS LDOG GI STONG PA RNAMS BSHAD PA LA BRTEN NAS 'OD GSAL LAS LUGS LDOG TU SHAR BA'I SNANG BA GSUM RLUNG DANG BCAS PA LAS ZUNG 'JUG GI SKU 'GRUB PAR BSHAD PA DANG, LAG SMIS LUGS LDOG TU SHAR BA'I STONG PA LAS SGYU LUS SGRUB PA'I TSUL CIG BSHAD PA LTAR, BDAG GIS KYANG GZHUNG GZHAN DU TSUL DE BKOD DO, ,'ON KYANG DKA' BA'I GNAS 'DI ZHIB TU MTHA' BCAD NA, RIM LNGA LAS, RANG BZHIN BCAS 'OD DE DANG DE, ,RNAM SHES RLUNG DANG LDAN PA YI, ,BDAG BYIN BRLAB PA'I RIM GYIS KYANG, ,SEMS CAN DON DU'ANG LAN 'GA' 'GYUR, ,JI LTAR DANG BA'I CHU KLUNG LAS, ,NYA DAG MYUR DU LDANG BAR 'GYUR, ,DE BZHIN THAMS CAD STONG GSAL LAS, ,SGYU 'PHRUL DRA BA 'BYUNG BAR BSHAD, ,CES SKU 'DI YANG RLUNG SEMS TZAM LAS BDAG BYIN BRLABS KYI RIM PAS 'BYUNG BA DANG, CHU KLUNG DANGS PA DANG 'DRA BA'I 'OD GSAL LAS, NYA GLO BUR DU 'PHAR BA DANG 'DRA BA'I DAG PA'I SGYU MA'I SKU 'BYUNG BAR BSHAD PA'I DPE DON NI, 'OD GSAL LAS GZHAN GYIS BAR MCHOD

, ,PAR BYUNG BA LA 'GRIG GO ,SPYOD BSDUS LAS, GNYID LOG PA LAS MYUR DU SAD PA'I DPE GSUNGS PA'I GNYID NI 'OD GSAL GYI DPE DANG, SAD PA NI DE LAS ZUNG 'JUG GI SKU 'BYUNG BA'I DPE YIN TE, DE LA'ANG BAR MA CHAD PA 'GRIG LA, STONG PA BZHI GCIG TU GYUR PA YANG LUGS MTHUN GYI TSE SNGA MA PHYI MA LA THIM NAS, MTHAR 'OD GSAL DU GCIG TU SONG BA'I DON LA 'GRIG GI ,LUGS LDOG LA MI 'GRIG PA DANG, SPYAD GZHI'I RIM PA LA 'CHI BA'I 'OD GSAL GYI DE MA THAG NYER THOB GRUB PA DANG MNYAM DU BAR DE 'GRUB PA DANG SHIN TU MTHUN PAS, RIM PA BZHI PA'I DON GYI 'OD GSAL LAS LANGS MA THAG ZUNG 'JUG GI SKU GRUB MOD KYANG, 'OD GSAL LAS NYER THOB SOGS SNGAR BZHIN SKYE BA'ANG MI 'GAL BAS, ZUNG 'JUG 'GRUB PA'I SKABS SU LUGS LDOG TU STONG PA GSUM 'BYUNG BAR GSUNGS KYANG, DE LAS SKU DE SGRUB PA'I PHYIR DU GSUNGS PA MIN NO, ,GAL TE ZUNG 'JUG NI DON GYI 'OD GSAL GYI THUGS DANG, DAG PA'I SGYU MA'I SKU GNYIS DUS GCIG TU TSOGS PA MA YIN NAM, RIM PA BZHI PA'I 'OD GSAL LAS LANGS MA THAG DAG PA'I SGYU MA'I SKU GRUB TU CHUG KYANG, DE'I DUS NA 'OD GSAL GYI YE SHES DNGOS SU MED PAS ZUNG 'JUG TU JI LTAR BZHAG CE NA, BDEN TE 'DI LA NI RIM LNGAR ZUNG DU 'JUG TSUL MANG DU GSUNGS PA RNAMS SHES DGOS LA, DE YANG, 'KHOR BA DANG NI MYA NGAN 'DAS, RTOG PA GNYIS PO SPANGS PAS NA, ,GANG DU DNGOS PO GCIG GYUR BA, ,ZUNG DU 'JUG CES DE LA BSHAD, ,CES PA NAS, GZUGS CAN DANG NI GZUGS MED CES, ,RTOG PA GNYIS PO SNGANGS PAS NA, ,GANG

ZHIG ZHI RTOGS RNAL 'BYOR DBANG, ,DE NI ZUNG 'JUG THOB PA'O, ,ZHES PA'I BAR GYIS ZUNG 'JUG NYER GCIG BSHAD DO, ,'DI LA, RIL BOR 'DZIN DANG, ,ZHES PA'I TSIGS BCAD KYIS ZUNG 'JUG GNYIS DANG, MNYAM GZHAG DANG, ZHES PA'I TSIGS BCAD KYIS ZUNG 'JUG GNYIS BSTAN PAR BYAS NAS, ZUNG 'JUG NYER GSUM DU BYED NA'ANG BYAR RUNG NGO, ,DE LTAR BSHAD PA'I ZUNG 'JUG GI GTZO BO NI, CHAG 'GYUR LAS, DE NYID SHES PAS RIM PA BZHIN, ,RANG BYIN BRLAB DANG 'OD GSAL SHES, ,DE DAG KHO NA 'DUS PA GANG, , 'DI NI ZUNG 'JUG RIM PA'O, ,ZHES RANG BYIN BRLAB DANG 'OD GSAL GNYIS ZUNG DANG, DE GNYIS 'DUS PA ZUNG 'JUG TU BSHAD PA DANG, KUN RDZOB DANG NI DON DAM GYI, ,RNAM DBYE SO SOR SHES NAS NI, ,GANG DU YANG DAG 'DRES GYUR PA, ,ZUNG DU 'JUG PAR DE BSHAD DO, ,ZHES KUN RDZOB DANG DON DAM GNYIS ZUNG DANG, DE GNYIS 'DRES PA ZUNG 'JUG TU GSUNGS PA 'DI YIN NO, ,DE LA DON GYI 'OD GSAL MA THOB GANG DU RLUNG 'OD ZER LNGA LAS BSGRUBS PA'I SGYU MA'I SKU YOD DU SU, SEMS DON DAM BDEN PA DANG RO GCIG TU SONG BA'I 'OD GSAL MED LA, ZUNG 'JUG MA THOB PA'I GONG DU BDE BA'I SEMS DON DAM DANG RO GCIG TU SONG BA'I 'OD GSAL YOD DUS SU, LUS SGYU MA'I SKUR SONG BA'I KUN RDZOB MED PAS RES 'JOG TU GYUR PA'I PHYIR ZUNG 'JUG MED DO, ,NAM ZHIG LUS RANG BYIN BRLAB CES PA KUN RDZOB SGYU MA'I SKU'I MTHAR SON PA DANG, SEMS 'OD GSAL ZHES PA DON DAM BDEN PA'I MTHAR SON PA GNYIS DUS GCIG TU RGYUD GCIG LA TSOGS PA NA RES 'JOG MED PAR MNYAM DU 'DUS PAS NA ZUNG 'JUG THOB BO, ,DE 'DRA BA'I ZUNG

, ,'JUG GI GTZO BO DANG POR THOB PA NA DE GNYIS DUS GCIG TU TSOGS PA DGOS MOD KYANG, ZUNG 'JUG TU 'JOG TSUL GZHAN YANG YOD PAS, ZUNG 'JUG THOB PA GANG YIN LA 'JOG TSUL DES ZUNG 'JUG TU GZHAG MI DGOS SO, ,ZUNG 'JUG GI SKAD DOD YU GA NA DVA'I YU GA NI ZUNG NA DVA NI GNYIS MA YIN PA STE, YA KHYAL GNYIS RES 'JOG GI TSUL GYIS GNYIS MIN PAR DUS GCIG TU TSOGS PA NI SNGAR BSHAD PA'I ZUNG 'JUG GO ,'DI NI LUGS LDOG GI SNANG BA THA MA LAS LANGS PA'I 'OG TU SLAR YANG 'OD GSAL DU ZHUGS PA'I TSE 'THOB PO, ,'KHOR 'DAS LA SOGS PA'I GNYIS CHOS RNAMS LA GNYIS KYI KUN RTOG SPANGS NAS, RTOG PA DES MI PHYED PA'I GNYIS MED DU SONG BA'I ZUNG 'JUG RIM LNGAR MANG DU GSUNGS PA NI, SNGA MA LAS 'JOG TSUL GZHAN GYIS ZUNG 'JUG TU 'JOG PA'O, ,RTOG PA DE RNAMS DE KHO NA NYID KYI DON MNGON SUM DU RTOGS PA'I DOR NYE BAR ZHI BA LA BYED NA, RIM PA BZHI PA'I 'OD GSAL GYI DUS NAS THOB ZIN PAS, DE SNGON DU SONG BA LA BRTEN NAS ZUNG 'JUG 'DI SGRUB DGOS PAR GSUNGS PA MI 'THAD DO, ,RTOG PA GANG YIN THAMS CAD ZAD PAR SPANGS PA LA BYED NA MI SLOB PA'I ZUNG 'JUG MA THOB BAR DU DE MI 'THOB PAS SLOB PA'I ZUNG 'JUG LA DE MI 'GRIG GO ,DES NA GANG ZAG DANG CHOS LA DMIGS NAS BDEN PAR ZHEN PA'I RTOG PA THAMS CAD SA BON DANG BCAS PA SPANGS PA'I GNYIS SU MED PA'I YE SHES NI 'DIR ZUNG 'JUG GO ,'O NA BZUNG 'JUG 'DI'I RIM PA BZHI PA'I DON GYI 'OD GSAL THOG MAR MNGON DU GYUR PA LAS LANGS PA'I DE MA THAG

'GRUB PA YIN PAS, DON GYI 'OD GSAL THUN GCIG GIS LHAN SKYES KYI NYON MONGS THAMS CAD 'JOMS PA'I NUS PA JI LTAR RNYED CE NA, DON GYI 'OD GSAL GYI YE SHES DE LTAR SGRIB PA SPONG BA LA NUS PA MTHU CAN DU SKYE BA'I RGYU NI, SGYU LUS DANG DE'I SKABS SU SPYOD PA SPYAD NAS DPE'I 'OD GSAL MANG DU BSGOMS PA'I MTHUS YIN TE, DE YANG RIM PA BZHI PA'I DUS SU MA SPANGS LA, SLOB PA'I ZUNG 'JUG THOG MAR THOB PA'I DUS SU LHAN SKYES KYI NYON MONGS SPANGS PAR 'JOG GO ,DE 'DRA BA'I 'OD GSAL MNGON DU GYUR PA NA, YUN RING PO'I BAR DU MNYAM PAR 'JOG NUS PAS, KHYEM PA CIG LAS MED PA MIN TE, DE'I GONG DU DPE'I 'OD GSAL LA YANG YUN RING POR 'JOG NUS NA DON GYI 'OD GSAL LA LTA SMOS KYANG CI DGOS PA'I PHYIR RO, ,ZHAL LUNG LAS KYANG, 'DOD CHAGS CHAGS BRAL BAR MA MI DMIGS YE SHES LHA NI SKAD CIG DE RU GSAL, ,CHU TSOD BRGYAD DAM NYIN GCIG DANG NI ZLA BA GCIG TU 'AM, LO GCIG BSKAL PA'AM BSKAL PA STONG DU YE SHES DE MYONG BYA, ,ZHES LHAN CIG SKYES PA'I YE SHES SGOM PA'I YUN GANG ZAG GI NUS PA CHE CHUNG GI RIM PA DANG MTHUN PAR GSUNGS SO, ,DES NA RIM LNGA BSDUS PA LAS KYANG, 'OD GSAL BA YI GNAS THOB PAS, ,'KHOR BA LAS NI BRGAL BAR 'GYUR, ,THUN GCIG GAM NI NYIN GCIG GAM, ,ZLA BA ZLA KHYED LO YI DUS, ,BSKAL PA'AM BSKAL PA STONG DU YANG, ,SKAD CIG RE RER GNAS PA NI, ,YE SHES SBYOR BA RTAG TU 'GYUR, ,ZHES BSHAD PA YANG LEGS PAR BSHAD PA YIN NO, ,SPYOD BSDUS LAS STONG PA BZHI GCIG

, ,TU GYUR PAR GSUNGS PA'I DON NI BSHAD ZIN TO, ,SNANG BA'I TSOGS ZHES PA NAS, SNANG BAR BYAS TE ZHES PA'I DON NI, 'OD GSAL GYI RLUNG SEMS LAS GRUB PA'I SKU'I 'OD ZER GYIS NYI MAS NAM MKHA'I KHYON SNANG BAR BYED PA BZHIN DU 'JIG RTEN GYI KHAMS BKANG BA'I, ,LE'U BCO LNGA PA'I SGRON GSAL LAS KYANG, SNGAR BSHAD PA LTAR THO RANGS DON GYI 'OD GSAL MNGON DU BYAS PA'I MJUG TU ZUNG 'JUG 'GRUB PA BSHAD PA'I SKABS SU RGYUD LAS, DPAG TSAD BRGYA'I KHYON TZAM DU 'OD KYIS SNANG BAR BYED PAR GSUNGS PA MTSON PA TZAM YIN PAS, STONG GSUM LA SOGS PA'I 'JIG RTEN DU 'OD KYIS SNANG BAR BYED PAR BSHAD DO, ,DER STOBS BCU LA SOGS PA THOB PAR GSUNGS PA NI SLOB PA'I ZUNG 'JUG LA RJES MTHUN PA DANG, MI SLOB PA LA DNGOS SU THOB PA SOGS CI RIGS PAR SBYAR TE, RIM LNGA DANG SPYOD BSDUS SU GSUNGS PA'I ZUNG 'JUG LA YANG DE GNYIS KA LA THUN MONG DANG SO SOR BSHAD DGOS PA YOD DO, ,'PHO BA MED PA NI SKU DE THOB NAS RIGS 'DRA MI 'CHAD PAR STON TE, RDO RJE'I SKU MTSAN NYID PA THOB PA'O, ,ZAG PA MED PA SOGS NI NYON MONGS THAMS CAD SPANGS PA'O, ,MI SLOB PA LA 'OD GSAL LAS LUGS LDOG TU STONG PA GSUM DU 'ONG BA MED PAR SGRON GSAL LAS GSUNGS SHING, 'DIR LUGS LDOG TU LANGS PA'I SKABS SU BSHAD PAS SLOB PA'I ZUNG 'JUG LA SBYAR RO, ,BZHI PA NI, GZUGS KYI BDAG NYID CAN GYI MING NI, ZHES PA LA CHAG 'GYUR LAS, GANG MING DANG GZUGS KYI BDAG NYID CAN RDO RJE 'CHANG CHEN PO, ,

ZHES 'BYUNG BA LTAR 'GREL PA ZLA 'OD LAS KYANG, MING PHUNG PO LHAG MA BZHI DANG, GZUGS GZUGS PHUNG LA BSHAD DO, ,DE YANG ZUNG 'JUG RDO RJE 'CHANG DE RLUNG SEMS TZAM GYI BDAG NYID DU BSTAN PAS, SNGAR GROL BA PO SU ZHIG YIN ZHES PA'I LAN NO, ,'KHOR BA ZHES SOGS NI 'CHING BYED NYON MONGS THAMS CAD SPANGS PA THAR PA'I DON DU BSHAD DE, THAR PA'I DON GANG YIN ZHES DRIS PA'I LAN NO, ,'DI RNAMS KYIS NI NYON MONGS SPANGS PA'I SPANGS PA YONGS SU RDZOGS PA SLOB PA'I ZUNG 'JUG THOG MAR THOB PA NAS YOD PAR BSTAN TO, ,ZUNG 'JUG GI SKU 'DI THOG MAR 'GRUB PA NA LUS SNGA MA LAS GO SA LOGS SU GNAS PA'I TSUL GYIS 'GRUB LA, ZUNG 'JUG GRUB PA 'DIS THA MAL PA'I MIG GI YUL DU 'GYUR BA'I SPRUL SKU 'DZIN PAR LE'U BCU GCIG PA'I SGRON GSAL LAS GSUNGS PA NI, SPRUL SKU 'DZIN TSUL GZHAN YANG YOD MOD KYANG, LUS SNGA MA LA ZHUGS PA'I SPRUL SKU 'DZIN PA BAR DOS MNGAL DU SKYE BA BZUNG NAS BTZAS PA'I TSE KUN GYIS MTHONG BA DANG 'DRA BA 'DI RTOGS DKA' BAS, DE'I STENG NAS SHES PAR BYA STE, LE'U DANG PO'I SGRON GSAL LAS, ZUNG 'JUG THOB PAS PHUNG PO LA SOGS PA LA ZHUGS PAS SPRUL SKU 'DZIN PAR GSUNGS PA'I DON YANG DE BZHIN TE, SGRON GSAL LAS, YONGS SU DAG PA'I LHA'I SKU PHUNG PO'I ZA MA TOG GI NANG NA GNAS PAR GSUNGS SHING, KLU BYANG GIS KYANG, YANG DAG MGON POS DE NYID NI, ,'BAD PAS SBAS NAS PHUNG PO YI, ,RIN CHEN ZA MA TOG TU BZHAG ,CES GSUNGS PA'I PHYIR RO, ,DES NA MGON

, ,PO KLU SGRUB LTA BU'I ZUNG 'JUG GI SKU PHYIR MI LDOG PA'I BYANG SEMS KYI SPYOD YUL DE THA MAL PAS MI MTHONG YANG, SKU SNGA MA NI THA MAL PAS KYANG MTHONG NGO, ,DE LTAR NA SGYU LUS KYANG DPE'I 'OD GSAL LAS LUGS LDOG TU LANGS PA'I MTHAR 'GRUB LA, SEMS GSUM LAS 'GRUB PAR GSUNGS PA NI, SNANG BA GZHAN GNYIS DANG NYER THOB KYI STOD DANG BAR LAS BRGYUD NAS GRUB CING, NYER THOB KYI SMAD LAS DNGOS SU 'GRUB PA DANG, LONGS SKU LUS SNGA MA LAS GO SA LOGS SU DANG POR 'GRUB PA DANG, DE NAS LUS SNGA MA LA ZHUGS PA'I SPRUL SKU 'DZIN TSUL YANG SNGAR BSHAD PA BZHIN DU SHES PAR BYA STE, 'DI LEGS PAR SHES NA SEMS DPA' SUM RTZEGS SGOM PA'I NGES DON LA NGES PA CHEN PO RNYED PA DANG, SGYU LUS PA DANG ZUNG 'JUG PAS LUS SNGA MA'I STENG NAS SPYOD PA BYED PA DANG, RDOR BZLAS KYIS LAS SGRUB PA SOGS THAMS CAD LA DOGS PA DU MA ZHIG CHOD PAR 'GYUR RO, ,ZUNG 'JUG LONGS SKU LA GNAS PAS SPRUL SKU'I DKYIL 'KHOR RGYAL MCHOG SGOM PA SOGS BYED PAR GSUNGS PA LA, LONGS SKU'I SNANG BA DAG NAS SGOM PA MIN PA DANG, DES 'OD GSAL MNGON DU BYAS PA NA YANG SKU DE DAG NAS 'GRO BA MIN TE, 'DI'I RIGS PA SGYU LUS PA DON GYI 'OD GSAL DU 'JUG PA'I SKABS MA GTOGS PA RNAMS SU YANG SHES PAR BYA'O, ,RIM LNGA DANG SPYOD BSDUS LAS ZUNG 'JUG THOB NAS RANG GI LAM LA GSAR DU BSLAB TU MED PAR GSUNGS MOD KYANG, BSLABS ZIN GOMS PAR MI BYED PA NI MIN TE, RIM LNGA LAS, ZUNG 'JUG GO 'PHANG LA GNAS PA'I, ,SLOB BZHIN PA YI RNAL 'BYOR CHE, ,ZUNG DU 'JUG PA BSGOMS GYUR

PAS, ,SPYOD PA'ANG DE DANG GNYIS SU MED, ,CES ZUNG 'JUG SGOM PA DANG DE LA GNAS NAS SPYOD PA BYED PAR GSUNGS SHING, KLU BYANG GIS KYANG, RNAM PAR RTOG MED ZAB PA STE, ,RGYA CHA SANGS RGYAS RNAMS KYI SKU, ,'DI NI BDEN PA GNYIS SU BSHAD, ,KUN RDZOB DANG NI DAM PA'I DON, ,PHYE STE SO SOR SHES NAS SU, ,DE NAS GCIG TU 'DRES BYAS PA'I, ,ZAD MED GO 'PHANG BSGOM PAR BYA, ,ZHES DANG, SNGAR DRANGS PA'I LUNG GI MJUG THOGS SU, DE'I PHYIR BLA MA'I ZHABS KYI NI, ,DRIN GYIS 'BAD PAS RTOGS BYA STE, ,DE NYID KYIS YID GSAL GYUR PAS, ,DE NAS SPYOD PA RAB TU BYA, ,ZHES GSUNGS SA, ,SLOB MI SLOB KYI ZUNG 'JUG GI MCHAN GYI RNAM GRANGS NI, SGYU 'PHRUL DRA BAS MNGON SANGS RGYAS PA DANG, 'KHOR BA'I RGYA MTSO'I PHA ROL TU SON PA DANG, BYA BA BYAS PA'I RNAL 'BYOR PA CHEN PO DANG, BDEN PA GNYIS KYI TSUL LA GNAS PA SOGS RIM LNGA DANG SPYOD BSDUS LAS RGYA CHER GSUNGS SO, ,GNYIS PA NA, DE LTAR RIM LNGA DANG SPYOD BSDUS LAS, ZUNG 'JUG SGRUB PA'I TSUL BSHAD PA DE NYID 'DUS PA PHYI MA LAS RJES DRAN DANG TING NGE 'DZIN GYI YAN LAG GNYIS KYI SGO NAS GSUNGS TE, JI SKAD DU, RJES DRAN GANG ZHIG RNAM BSGOM PA, ,DE DANG 'DRA BAR SPRO BAR BYA, ,RJES SU DRAN PA ZHAS BSHAD DO, ,SO SOR SNANG BA DE LAS SKYE, ,THABS DANG SHES RAB SNYOMS 'JUG PAS, ,DNGOS PO THAMS CAD MDOR BSDUS PA, ,GONG BU'I TSUL GYIS BSDUS NAS NI, ,DBUS SU GZUGS NI RNAM PAR BSGOM, ,YUD KYIS YI SHES RDZOGS BYED PA, ,TING NGE 'DZIN ZHES BTAGS PA YIN, ,ZHES GSUNGS SO, ,DE LTAR BDAG NYID 'OD GSAL BAR SONG BAR RNAM PAR

, ,BSGOM PA STE MNGON SUM DU BYAS NAS GANG SNGON RJES SU DRAN PA SMIG RGYU 'DRA BA LA SOGS PA'I RNAM PAS, YANG DAG PA'I MTHA' 'OD GSAL THOB PA DE DANG 'DRA BA STE DE NYID KYI RIM PAS, SPO BA STE BSKYED PAR BYA STE, BSHAD MA THAG PA DE DAG NI YAN LAG LNGA PA RJES SU DRAN PA ZHES BSHAD PA YIN PAR SHES PAR BYA'O, ,CHAG 'GYUR LAS, BSGOMS NAS GANG ZHIG RJES DRAN PA, ,DE DANG 'DRA BAR SPRO BAR BYA, ,RJES DRAN ZHES NI SHES BYA STE, ,ZHES BSGYUR BA NI 'GREL PA'I BSHAD PA DANG RIM PA MTHUN NO, , SNGAR LUGS MTHUN DU 'OD GSAL DU ZHUGS PA'I TSE SMIG RGYU SOGS KYI RNAM PAS ZHUGS PA BZHIN DU, LUGS LDOG GI TSE YANG RIM PA DE BZHIN DU LDANG BAR BSHAD PAS, 'OD GSAL LAS NYER THOB SKYE BA NAS BZUNG STE, SNANG BA'I 'OG TU MAR ME DANG, DE NAS ME KHYER DANG, DE NAS DU BA DANG, DE NAS SMIG RGYU LTA BU'I BAR RNAMS SKYE'O, ,SO SOR SNANG BA NI YANG DAG PAR 'DZIN PA STE, DE LAS RJES SU DRAN PA'I YAN LAG SKYE BAR 'GYUR GYI, GZHAN DU NI MA YIN NO, ,ZHES 'GYUR RNYING PA GNYIS LAS 'BYUNG BA LTAR CHAG 'GYUR LAS KYANG 'BYUNG LA, PA TSAB KYIS BSGYUR BA LAS, SO SOR SNANG BA DE LAS SKYE, ZHES GSUNGS PA LA, DE LAS TE RJES SU DRAN PA'I YAN LAG LAS YANG DAG PAR RIG PA STE YANG DAG PAR MYONG BA SKYE BAR 'GYUR GYI, ZHES 'BYUNG YANG, 'GYUR SNGA MA GSUM LTAR LEGS TE, RJES DRAN 'OD GSAL LAS SKYE BAR STON PA'I SKABS YIN PA'I PHYIR RO, ,RJES SU DRAN PA ZHES BSHAD DE, ZHES PA YAN GYIS RJES DRAN GYI YAN LAG RDZOGS PAS, 'DI RJES DRAN LAS ZUNG 'JUG SKYE BAR STON PA YIN NO SNYAM NA, DE NI

BSHAD PA'I RIM PA TZAM YIN GYI, DON GYI RIM PAR BYAS NA RKANG PA GSUM PA BZHI PA'I 'OG TU 'ONG NGO, ,DES NA RJES DRAN YANG DAG PAR RIG PA 'OD GSAL LAS SKYE BAR 'GYUR GYI, GZHAN DU MA YIN NO ZHES NAN TAN DU GSUNGS PA NI, 'OD GSAL DU 'JUG PA LA LUGS MTHUN DANG LUGS LDOG GNYIS YOD PA LA, RJES DRAN DE GNYIS GANG GI SKABS DANG SBYAR SNYAM PA LA, 'OD GSAL LAS LUGS LDOG TU LDANG BA'I RIM PA LA BSHAD DGOS KYI, DE LAS GZHAN LUGS MTHUN DANG SBYOR BA MIN NO ZHES NGES PAR BYA BA'I DON DU YIN PAS, SGRON GSAL GYI BSHAD PA 'DI SPYOD BSDUS DANG MTHUN PAR SHOD CIG ,THABS NI KUN RDZOB KYI BDEN PA DAG PA'I SGYU MA'I SKU'O, ,SHES RAB NI DON DAM PA'I BDEN PA LA GSUNGS KYANG DE DANG RO GCIG PA'I 'OD GSAL GYI YE SHES SO, ,SNYAMS PAR 'JUG PA NI NGO BOR DBYER MED DU SBYOR BA'O, ,DNGOS PO THAMS CAD NI BRTAN PA DANG GA-YO BA'O, ,DE MDOR BSDUS PA GONG BU'I TSUL GYIS TE LHA'I SKU PHYAG RGYA CHEN PO'I GZUGS KYIS GCIG TU BYAS NAS, SNOD BCUD DE'I DBUS SU ZUNG 'JUG RDO RJE 'CHANG GI GZUGS SU BSGOM PAR BYA'O, ,RIM PA 'DI NYID KYIS YUD KYIS TE, SKAD CIG TZAM GYIS YE SHES KYI SKU RDZOGS PAR BYED PA NI, TING NGE 'DZIN GYI YAN LAG DRUG PAR BSHAD DE, SGRON GSAL GYI DGONGS PA'O, ,BDEN GNYIS LA ZUNG DANG DE NGO BO DBYER MED DU SBYOR BA'I ZUNG 'JUG GI ZUNG 'JUG GI GTZO BO YIN TE, DES ZUNG 'JUG GZHAN YANG MTSON NO, ,SNOD BCUD THAMS CAD MDOR BSDUS PA ZUNG 'JUG GI SKU GCIG TU BYA TSUL NI, BRTAN GA-YO THAMS CAD KYI RTZA BA NI RLUNG DANG SEMS TZAM DU ZAD

, ,CING, DE YANG ZUNG 'JUG GI SKU GCIG TU BSKYED PA'O, ,RIM PA 'DI NYID CES PA NI 'OD GSAL LAS CHU LA NYA LDANG GI TSUL DU BZHENGS PA'O, ,SKAD CIG TZAM ZHES PA'I TZAM GYI SGRAS NI 'OD GSAL LAS GZHAN GYIS BAR CHOD PA GCOD DO, , 'DI'I ZUNG 'JUG GI TSUL NI BSHAD ZIN TO, ,'GREL PA'I BSHAD PA 'DI LTAR RTOGS PA NYID KYIS BDUD RTZI GSANG BA LA SOGS PAS RNAM PA GZHAN DU BSHAD PA MI 'THAD PAR RTOGS NUS PAS DE'I TSUL MA BSHAD DO, ,'DIR SGRON GSAL LAS, SGYU 'PHRUL DRA BA LAS BYIN GYIS BRLABS PA DANG, YONGS SU BRTAGS PA DANG, GZUGS YONGS SU RDZOGS PA'I LHA'I RNAL 'BYOR GSUM GSUNGS PA KHUNGS SU DRANGS PA'I DANG PO GNYIS NI, LHA'I SKUR DKRONGS BSKYED BYED PA DANG, SA BON LA SOGS PAS RIM GYIS SKYED PA DANG, ZUNG 'JUG GI SKU BSKYED PA'I YE SHES KYI SKU GSUM YIN LA, RGYUD 'DI KUN DGA' SNYING POS YO GAR BKRAL MOD KYANG, 'DIR DE MI 'DOD DE GSANG 'DUS BZHIN NO, ,DE'I DANG PO GNYIS NI SNGAR BSHAD PA LTAR MOS PA YID BYED TZAM GYIS LHA'I SKUR BSKYED PA YIN GYI, SGYU LUS GNYIS LTAR LHA'I SKUR SKYES PA MIN NO, ,PHYI MA NI GTZO BO DAG PA'I SGYU MA'I SKU YIN MOD KYANG, RIM PA GSUM PA'I SGYU MA'I SKU YANG YIN PAS, LHAN SKYES KYI BDE CHEN SGOM NUS PA'I RDZOGS RIM PAS LHA'I SKU DKRONGS BSKYED BYED PA THAMS CAD SNGAR BSHAD PA'I RGYUD GNYIS DANG DE DANG 'DRA BAR RGYUD GZHAN NAS YE SHES KYI SKU YUD KYIS RDZOGS PAR BYED PAR GSUNGS PA'I DON DU 'DOD PA NI LEGS PAR MI SNANG NGO, ,RNAM SNANG MNGON BYANG LAS LHA'I SKU DAG

MA DAG GNYIS GSUNGS PA KHUNGS SU MDZAD PA NI BLA MED LA GSUNGS PA'I SNGAGS KYI SKU DANG YE SHES KYI SKU GNYIS DAG PA DANG MA DAG PA'I LHA SKU YIN PA'I CHA NAS SAM, YANG NA DGONGS GZHI BLA MED KYI LHA'I SKU LA DGONGS NAS SPYOD RGYUD DU DE LTAR GSUNGS KYANG, RGYUD DER LHA SKU SGOM PA'I TSUL SGRAS ZIN GYI DON LAS MED PAR SNGAR BSHAD PA LTAR SHES PAR BYA'O, ,GSUM PA RIM PA GNYIS LA BOGS 'BYIN PA'I THABS SPYOD PA LA GNYIS, SPYOD PA SPYI'I RNAM PAR GZHAG PA DANG, BLA MED KYI SPYOD PA BYE BRAG TU BSHAD PA'O, ,DANG PO LA GNYIS, SPYOD PA SPYI'I RAB TU DBYE BA BSHAD PA DANG, SPYOD PA KHYAD PAR CAN LA LUNG DANG 'GAL BA SPANG BA'O, ,DANG PO NI, STON PAS DGA' LDAN NAS MI YUL DU BABS TE, RGYUD DANG GLENG GZHI LA SOGS PA BZHI BSTAN NAS CHAGS BRAL GYI SKUR SPRUL TE, DMAN PA LA MOS PA THEG DMAN PA RNAMS LA BDEN PA BZHI RTOGS PAR MDZAD CING, CHAGS BRAL GYI SPYOD PA DANG, RGYA CHEN PO LA MOS PA PHAR PHYIN GYI THEG PA BA RNAMS LA, RNAM SHES TSOGS BRGYAD LA SOGS PA STON PAS CHOS KYI BDAG MED RTOGS PAR MDZAD CING, SA DANG PHA ROL TU PHYIN PA'I SPYOD PA BSTAN TO, ,YANG 'KHOR LOS SGYUR BA'I GZUGS SU SPRUL NAS, ZAB MO LA LHAG PAR MOS PA RNAMS LA 'DOD CHAGS KYI SPYOD PAS SNGAR BSHAD PA'I BDAN PA GNYIS RTOGS PAR BYA BA'I BAR DU 'DOD CHAGS KYI CHOS KYI SPYOD PA BSTAN TO, ,'DOD YON LA CHAGS PA LAM DU MI BYED PAR THAR PA DANG THAMS CAD MKHYEN PAR BGROD PA'I LAM THAMS CAD CHAGS BRAL GYI SPYOD PA CAN YIN PAS, SPYOD BSDUS LAS, CHAGS BRAL GYI SPYOD PA THEG

, ,DMAN PA LA GSUNGS PA NI MTSON PA TZAM MO, ,RGYUD SDE 'OG MA GSUM LAS LAS RGYA DANG, BSGOMS PA'I LHA MO DANG MNYAM PAR SBYOR BA MA BSHAD KYANG, SPYIR MDUN DU BSGOMS PA'I LHA MO'I YUL LNGA LA DMIGS PA'I CHAGS PA LAM BYED TZAM ZHIG YOD PAS, DE DAG GI LAM YANG 'DOD YON LA CHAGS PA LAM BYED TZAM DU BSDU'O, ,THUN MONG MA YIN PA'I BDEN PA GNYIS KYI DON MA LUS PA YONGS SU SPYOD CING, BDE BA CHEN PO'I 'BRAS BU MCHOG LA DGA' BA'I GDUL BYA RNAMS LA, NYAN THOS DANG LDAN PA DANG, PHAR PHYIN GYI MDO SDE'I TSUL DANG LDAN PA'I CHAGS BRAL GYI SPYOD PA MA GSUNGS TE, DE DAG GIS 'DUL BA'I GDUL BYA NI 'DOD YON LA CHAGS PA LAM DU BYAS PA'I BDE BA CHEN PO'I RDZOGS RIM MA RTOGS PAS SBYANGS PA'I YON TAN BCU GNYIS LA SOGS PA SPYOD PA BYA DKA' BA RNAMS KYIS, DUS RING POS BYANG CHUB 'TSOL BAR BYED KYANG, MTHAR THUG PA'I BYANG CHUB LAM GZHAN LA MA BRTEN PAR THOB PAR MI NUS PA'I SPYOD PA CAN YIN PA'I PHYIR RO, ,DE BAS NA RDO RJE MKHA' 'GRO LAS, GANG ZHIG DGE SLONG DNGOS GNAS DANG, ,GANG YANG RTOG LA DGA' BA'I MI, ,GANG ZHIG RGAN POR GNAS GYUR PA, ,DE LA DE NYID MI BSTAN TO, ,ZHES GSUNGS TE CHAGS BRAL GYI LAM GYIS 'DUL BA'I RAB BYUNG NI CHAGS CAN GYI LAM LA MOS PAR MI NUS PA DANG, SA BON NYAMS PA'I RGAN PO NI BDE STONG SBYOR BA'I NUS PA MED PA DANG, PHYI ROL GYI RTOG GE LHUR LEN PA NI CHOS 'DI LA MI 'JUG PAS, LAM MCHOG GI SNOD MIN PAR BSHAD DO, ,

DE BAS NA 'BRAS BU KHYAD PAR CAN NI RGYU KHYAD PAR CAN LAS 'BYUNG BAS, 'BRAS BU'I SKABS KYI BDE BA CHEN PO YANG, RGYU'I SKABS SU 'DOD PA'I YON TAN LA SPYAD PA'I BDE BA KHYAD PAR CAN LAS 'GRUB PA DE LAS GZHAN DU SPYOD PA BYA DKA' BA RNAMS KYIS NI BDE BA CHEN PO'I SEMS RTZE GCIG PA MI 'THOB STE, ZHU BDE NI LUS RGYAS PA LAS 'BYUNG LA, SPYOD PA DE DAG GIS NI DBANG PO LNGA RTEN DANG BCAS PA'I LUS TSAR BCAD PA'I PHYIR RO, ,DE LTAR YANG RDO RJE MKHA' 'GRO LAS, SGYU MA LTA BU'I DNGOS DAG NI, , LONGS SPYOD KHYAD 'PHAGS SKYE 'GYUR BAR, ,BDE BA YONGS SU 'GYUR BZHIN PAS, ,'BRAS BU KHYAD 'PHAGS THOB 'GYUR BAR, ,CI YI PHYIR NA 'DOD MI BYA, ,BRTAN GA-YO'I DNGOS PO YOD MIN TE, ,'ON KYANG SNANG BA TZAM MTSAN NYID, ,SGOM PA KHYAD PAR CAN GANG ZHIG ,YID 'ONG BDE BA'I 'BRAS BU NI, ,BLA MED GSAL BA'I BLO YI MTHU, ,'BRAS BU DON GNYER RGYU BSGRUBS NA, ,DER NI LHA MO SU ZHIG 'GOG ,DE BAS 'BAD PA THAMS CAD KYIS, ,KUN TU 'GRO BA MCHOD PAR BYA, ,DKA' THUB SDOM PA MI BZAD PAS, , LUS NI SKAMS SHING SDUG BSNGAL 'GYUR, ,SDUG BSNGAL GYIS NI SEMS GA-YENGS NA, ,GA-YENGS PAS DNGOS GRUB GZHAN DU 'GYUR, ,LUS DANG SEMS NI BRTAN BYAS NA, ,BDE BA THAMS CAD BRTAN PAR 'GYUR, ,ZHES DANG, RTZA BA'I RGYUD LAS KYANG, DKA' THUB SDOM PA MI BZAD PA, ,BSTEN PAS 'GRUB PAR MI 'GYUR GYI, ,'DOD PA KUN LA LONGS SPYOD PAS, ,BSTEN NA MYUR DU 'GYUR BAR 'GYUR, ,ZHES GSUNGS SO, ,DKA' THUB NI LUS NGAL ZHING DUB PA'I SBYOR BAS GTZUG LAG KHANG LA SOGS PA SGRUB PA DANG SDOM PA

, ,NI SHING DRUNG PA LA SOGS PA SBYANGS PA'I YON TAN BCU GNYIS DANG, MI BZAD PA NI RI LA 'PHYONG ZHING MER 'JUG PA SOGS TE, DE RNAMS BSTEN PA'I GDUNGS BZHIN PAS BYANG CHUB MI 'GRUB PA NI, DE RNAMS KYIS LUS SKAMS PA STE RGUD PAS SDUG BSNGAL BAR 'GYUR LA, DES NI KUN DA LTA BU'I BYANG CHUB KYI SEMS NYAMS PAS, BDE BA CHEN PO'I TING NGE 'DZIN LAS GZHAN DU GA-YENGS PAS NA, TSE 'DIR DNGOS GRUB MCHOG MI 'GRUB BO, ,DPAL MCHOG DANG PO LAS SNGAR LTAR GSUNGS PA SPYOD BSDUS SU DRANGS PA'I DON NI, SPYIR BSHAD PA'AM SNGAR BSHAD PA LTAR LA DGONGS NAS GSUNGS PA'I DON DU BYA'I, SGRAS ZIN GYI DON LA DE LTAR MI BSHAD DO, ,YANG RTZA RGYUD LAS, LUS DANG NGAG DANG SEMS RNAMS NI, ,BDE BAR GNAS NA BYANG CHUB 'THOB, ,GZHAN DU DUS MIN 'CHI BA DANG, ,DMYAL BAS NGES PAR SREG PAR 'GYUR, ,ZHES GSUNGS PA'I SNGA MA GNYIS KYI DON PHYI MA GNYIS KYI SHUGS BSTAN GYIS BDE BAR SPYAD PA'I PHAN YON DANG, PHYI MA'I DNGOS BSTAN GYIS DKA' THUB KYI SPYOD PA BYED PA'I NYES DMIGS BSTAN NO, ,DE NI KHA CIG MU STEGS KYI DKA' THUB SPYAD PA'I NYES PAR 'CHAD, KHA CIG DBANG DANG DAM TSIG THOB CING, LAM 'DI'I DE NYID RTOGS NAS DE SPANGS TE DKA' SPYAD BYED NA RTZA LTUNG BRGYAD PA 'BYUNG BA'I NYES PAR 'CHAD DO, ,BLA MED KYI LAM GYIS TSE 'DIR BYANG CHUB STER BA NI, BDE STONG SBYOR BA LA RAG LAS LA, DE'I BDE BA NI RANG GI LUS KYI BYANG SEMS RGYAS PA LAS 'BYUNG ZHING, DE LA NI DBANG PO RTEN BCAS KYI RANG GI LUS RTAS PA DGOS TE, DE'I DON DU DBANG PO RNAMS KYIS YUL LNGA JI LTAR 'DOD PAR BSTEN

PA'I SPYOD PA GSUNGS, ,LE'U BCU BDUN PA'I SGRON GSAL LAS KYANG, DAM TSIG JI RNYED YOD PA KUN NI PADMA CAN LA SOGS PA'I BUD MED RNAMS SO, ,DE RNAMS RDO RJE GSUM GYI DAM TSIG GI STE, BDAG NYID KYI LUS DANG NGAG DANG YID KYI BYA BA RNAMS KYI MGU ZHING DGA' BAR BYA'O, ,THUGS KYI RDO RJE MI SMAD CES PA NI DE RNAMS KYI THUGS CHAGS PA DANG BRAL BAR MI BYA STE, LUS KYI RTZA BA SEMS YIN PA'I PHYIR DANG, BYANG CHUB SEMS KYI RTZA BA LUS YIN PA'I PHYIR RO ZHES DGONGS SO, ,ZHES PADMA CAN LA SOGS PA'I LUS LA BRTEN NAS RANG GI BYANG CHUB KYI SEMS 'PHEL LA, DE'I LUS KYI RTZA BA DE'I SEMS YIN PAS, DE'I SEMS SUN PHYUNG NA BDE BA CHEN PO'I RTZE BA'I RGYU LA GNOD PAS, BDE BA CHEN PO'I TING NGE 'DZIN 'PHEL BA'I GEGS BYED PAR DGONGS NAS, DE'I SEMS BSRUNG BAR GSUNGS TE, RTZA LTUNG BCU BZHI PA'I BCAS PA YANG DE LA DGONGS SO, ,RIGS PA DE NI RANG GI LUS GDUNG BAR MI BYED PAR RGYAS PAR BYED PA LA YANG 'DRA BAR SHES PAR BYA'O, ,SGRON GSAL 'GYUR GSAR GNYIS LAS, SEMS LUS KYI RTZA BA DANG, BYANG CHUB KYI SEMS KYI RTZA BA LUS SU BSHAD PA LEGS KYI, BZLOG NAS BSGYUR BA MI LEGS SO, ,DE LTAR NA PHYIN DRUG LA SPYOD PAR GSUNGS PA LTAR GANG LA BSLAB PA'I LAM LA SPYOD PAR GSUNGS PA YOD KYANG, 'DIR NI BDE BA CHEN PO'I RGYUR 'DOD YON LNGA LA RANG BZHIN SHES PA'I SGO NAS SPYOD PA LA SPYOD PA ZHES BYA'O, ,DE'I PHYIR 'DOD YON GYI SGO NAS SGO GSUM BDE BAR MI GNAS NA, SEMS RTZE GCIG PA MI 'THOB PA DANG, YID MNYAM PAR 'JOG PAR MI 'GYUR BAS, DE'I DON DU BDE BA'I SPYOD PA SPYAD

, ,DGOS PAR GSUNGS PA NI, SEMS RTZE GCIG PA'I MNYAM GZHAG BRTAN PA TZAM ZHIG BSGRUB PA LA MIN GYI, LHAN SKYES KYI BDE BA CHEN PO'I TING NGE 'DZIN BSGRUB PA'I PHYIR YIN NO, ,GNYIS PA LA GNYIS, SPYOD BSDUS LAS GSUNGS PA BKOD NAS DE'I DON BSHAD PA DANG, DE LA GZHAN GYI RTZOD PA SPANG BA'O, ,DANG PO NI, GAL TE 'DOD YON LNGA LA JI LTAR 'DOD PAR BSTEN PAS SANGS RGYAS 'GRUB PAR GSUNGS NA, 'DOD CHAGS ZHE SDANG GTI MUG GSUM, ,'DI DAG 'JIG RTEN DUG GSUM MO, ,ZHES 'DOD YON LNGA LA CHAGS PA SPANG BYA'I DUG TU GSUNGS PA DANG, 'DOD YON LNGA BSTEN PA NI NYON MONGS SKYE BA'I RGYUR GYUR PAS NGAN SONG GI RGYU YIN PAR 'DOD PA'I NYES DMIGS STON PA'I GSUNG RAB LAS BSHAD PA DANG JI LTAR MI 'GAL ZHE NA, 'DI'I LAN DU SPYOD BSDUS LAS, NYON MONGS PA RNAMS NI NYAN THOS LA SOGS PA DMIGS PAR LTA BA RNAMS KYI NYON MONGS PA'I RKYEN DU 'GYUR TE, NYON MONGS KYI NGO BO NYID MI SHES PA'I PHYIR RO, ,NGO BO NYID DE SHES NA NI BYANG CHUB KYI RGYUR 'GYUR RO, ,ZHES GSUNGS TE, DPAL MCHOG DANG PO LAS, 'DOD CHAGS ZHE SDANG GTI MUG GSUM, ,'DZIN PAS DUG TU 'GYUR BA YIN, ,DUG 'DI NYE BAR ZHI GYUR NA, ,DUG NI DUG MED BYAS PA YIN, ,BDUD RTZI RIM GYIS BSTEN NA NI, ,BDUD RTZI NYID DU 'GYUR BA YIN, , ZHES GSUNGS PA DANG, DKON BRTZEGS LAS, GRONG KHYER GYI LUD BUR SHING SOGS KYI ZHING LA PHAN PA BZHIN DU, BYANG SEMS KYI NYON MONGS KYI LUD KYANG 'TSANG RGYA BA LA PHAN PA DANG, SNGAGS DANG SMAN GYIS ZIN PA'I DUG GIS 'CHI MA NUS PA BZHIN

DU, THABS SHES KYIS ZIN PA'I NYON MONGS KYIS KYANG LOG PAR LTUNG BAR BYED MI NUS PA DANG, 'DUL BA DON YOD PAR GRUB PA'I RGYUD LAS KYANG, GANG GIS BLUN PO 'CHING 'GYUR BA, ,DE YIS MKHAS PA YONGS GROL ZHES, ,BYANG CHUB RNAM PAR BSGOMS NA NI, , 'DI DAG THAMS CAD PHYIN CI LOG ,GANG GIS RMONGS PA 'CHING 'GYUR ZHING, ,DU 'BOD MTHAR NI DE 'GYUR BA, ,DE NYID KYIS NI GREL 'GYUR ZHING, ,SHES RAB STOBS KYIS BDE BA 'THOB, ,CES GSUNGS TE, RIGS PA 'DIS NA KHYAD PAR CAN BSKUL BAR 'GYUR BA DANG, KHYAD PAR CAN GYI YONGS SU 'GYUR BAS KHYAD PAR CAN GYI 'BRAS BU YID DU 'ONG BA SKYED PA'I RGYUR ZHUGS PA'I BLA NA MED PA'I BDE BA CHEN PO'I 'BRAS BU THOB PAR BYA BA LA BSGRUB PA GZHAN MED DE, DE'I DON DU DE NYID KYIS BZA' BA DANG, GNAS PA LA SOGS PA BDE BA RNAMS KYIS YON TAN GYI DBANG PHYUG BRGYAD LA SOGS PA DANG LDAN PA'I THAMS CAD MKHYEN PA MNGON SUM DU BYED DO, ,SGYU MA BDE MCHOG LAS KYANG, DES NA BDE BAS BDE BA NYID, ,SANGS RGYAS THAMS CAD NYID THOB 'GYUR, ,ZHES BSHAD DO, ,NYON MONGS KYI RKYEN DU 'GYUR TE, ,ZHES PA LA, SPYOD BSDUS 'GYUR GSAR GNYIS LAS, NGAN 'GRO'I RGYUR 'GYUR TE, ZHES BSGYUR BA LEGS SO, ,DE LA YUL LNGA BSTEN PAS NYON MONGS SKYE LA, DE YANG NGAN 'GRO'I RGYUR 'GYUR ZHES BRTZAD PA LA, YUL BSTEN PA LAS SKYES PA'I NYON MONGS LA NYAN THOS LA SOGS PA DE KHO NA NYID MA RTOGS PA LA NGAN 'GRO'I RGYU DANG, RTOGS PA LA SANGS RGYAS KYI RGYUR 'GYUR BA GNYIS SU PHYE BA'I LAN MDZAD KYI, 'DOD YON BSTEN PA LAS NYON

, ,MONGS MI SKYED CES MA GSUNGS SO, ,SPYIR SNGAR BSHAD PA LTAR 'DOD YON LA CHAGS PA DANG BRAL BA LA YANG, ZAS GOS LA SOGS PA'I 'DOD YON LA DON GNYER 'BYUNG BA MI 'GAL BAS, 'DOD YON YID DU 'ONG MI 'ONG BAR MA GSUM LA DBANG PO LNGAS LONGS SPYAD PA TZAM DANG, YID KYI SHES PA LA 'DOD YON LA DON GNYER BYUNG BA TZAM GYIS NYON MONGS CAN DU 'GYUR BA MIN NO, ,'ON KYANG 'DIR NI GTZO BOR 'DOD YON LA CHAGS PA DANG MA BRAL BA'I DBANG DU MDZAD NAS STON LA, 'DOD YON GYI NANG NAS KYANG DBANG PO GNYIS SBYOR GYI CHAGS PA LAM DU BYED PA 'THAD MI 'THAD DPYOD PA YIN NO, ,'DOD PA LA CHAGS PA DANG MA BRAL ZHING DE KHO NA NYID RTOGS PA DANG MI LDAN PAS, 'DOD YON LA JI LTAR 'DOD PA BZHIN BSTEN NA NI, DE RNAMS LA CHAGS PA'I NYON MONGS KYANG SKYEL, DE DAG KYANG NGAN 'GRO'I RGYUR 'GYUR BAS, DES NI NYON MONGS GANG YANG THAR PA TZAM GYI RGYUR YANG SGYUR MI NUS PAS GNANG BA YANG MED DO, ,DE KHO NA NYID RTOGS PA DANG LDAN PA'I THEG DMAN PA LA YANG NYON MONGS GANG YANG BYANG CHUB KYI RGYUR BSGYUR NUS PA MED DE, DE LA NI DE LTAR SGYUR BA'I THABS KYI CHA PHAR PHYIN DANG, SNGAGS KYI THEG CHEN GNYIS LAS GSUNGS PA GANG YANG MED PA'I PHYIR DANG DE LTAR SGYUR BA YANG THABS SHES KHYAD PAR CAN GNYIS KA LA LTOS PA'I PHYIR RO, ,DES NI NYON MONGS KYI DE NYID SHES NA BYANG CHUB KYI RGYUR 'GYUR BAR GSUNGS PA NI, DE 'DRA BA CIG LA NYON MONGS BYANG CHUB KYI RGYUR 'GYUR BA CIG YOD PAR STON PA YIN GYI, DE KHO NA

NYID SHES PA GANG YIN THAMS CAD KYIS 'DOD YON BSTEN PA'I NYON MONGS BYANG CHUB KYI RGYUR 'GYUR BAR STON PA MIN TE, GZHAN DU NA DE LA STONG NYID KYI LTA BA MIN PA'I THABS KYI CHA DU MA ZHIG DGOS PAR GSUNGS PA RNAMS DON MED PAR 'GYUR BA'I PHYIR RO, ,DPAL MCHOG GI LUNG DRANGS PAS NI, NYON MONGS GSUM LA DUG DANG BDUD RTZIR 'GYUR BA GNYIS YOD PAR STON PAS, NYON MONGS GSUM MTHA' GCIG TU SPANG BYA'I DUG TU GSUNGS PA GANG ZAG KHA CIG LA YIN GYI, THAMS CAD LA MIN PAR STON NO, ,DKON BRTZEGS KYI LUNG SNGA MAS BYANG SEMS KYI NYON MONGS 'GA' ZHIG GIS SANGS RGYAS KYI CHOS SKYED PAR BSTAN PAS, NYON MONGS GANG YIN GYIS SANGS RGYAS THOB PA LA GEGS MI BYED PAR BSTAN LA, LUNG GNYIS PAS THABS SHES KHYAD PAR CAN GYIS ZIN PA'I NYON MONGS KYIS LOG PAR LTUNG BA NGAN 'GROR 'KHRID MI NUS PAR BSTAN PAS, THABS MI MKHAS PA LA MTHO RIS KYI GEGS BYED PA'I NYON MONGS KYIS, DE LAS BZLOG PA LA GEGS BYED MI NUS PAR BSTAN TO, ,DKON BRTZEGS KYI LUNG DON NI, PHAR PHYIN GYI BYANG SEMS KYIS SRID PAR SKYE BA'I RGYU'I NYON MONGS SRED PA SPONG NUS BZHIN DU CHED DU MI SPONG BAR 'JOG PAR GSUNGS PA'I NYON MONGS KYIS BYANG SEMS KYI SPYOD PA RLABS CHEN PO RNAMS RDZOGS NUS PA'I SKYE BA LEN PAS 'TSANG RGYA BA'I RGYUR GSUNGS SHING, YANG BRAM ZE'I KHYE'U SKAR MA LTA BU'I RTEN KHYAD PAR CAN LA 'DOD PA DANG DU MA BLANGS NA YUL DE 'CHI BA'I DGAG BYA DANG LDAN PA DANG, DANG DU BLANGS NA 'DOD PA BZHIN DGE BA LA GZUD,

, ,DU YOD PA'I DON DU LOG GA-YEM GNANG BA'I NYON MONGS LA GSUNGS PAS, DE 'DRA BA'I NYON MONGS BYANG CHUB KYI RGYUR BSGYUR BA DANG, LAM 'DIR CHAGS PA LAM DU BYED LUGS NI RNAM PA THAMS CAD DU MI 'DRA'O, ,'ON KYANG THABS MKHAS KYIS ZIN PA'I NYON MONGS 'GA' ZHIG BYANG CHUB KYI RGYUR 'GYUR BA'I KHUNGS YIN PAS 'DOD YON BSTEN PA LAS NYON MONGS SKYE NA NGAN 'GROR 'KHRID PA DANG, BYANG CHUB KYI GEGS SU 'GYUR BA DANG, LUNG PHAN TSUN 'GAL BAR RTZOD PA'I SKYON SPONG BAR NUS SO, ,KHYIM BDAG DRAG SHUL CAN GYIS ZHUS PA LAS, KHYIM GYI 'DOD PA SPONG MA NUS PA LA BYANG SEMS KHYIM PA'I KUN SPYOD GSUNGS MOD KYANG, CHAGS CAN GYI THEG PAS LAM BGROD PA LA MI MOS PAS, 'DOD PA BSTEN PA LA NYES DMIGS KYI 'DU SHES KYIS 'JUG PAR BYA BAR GSUNGS PAS, BLA MED KYI LAM GYIS 'DUL BA'I CHAGS CAN DANG MI 'DRA'O, ,RNAL 'BYOR GYI RGYUD DPAL MCHOG GI LUNG GIS KYANG, RANG LUS KYI BYANG SEMS 'PHEL BA'I DON DANG, GZHAN LUS LA BRTEN NAS RANG GI BYANG SEMS 'PHEL BA'I THABS SU THABS MKHAS KYIS ZIN PA'I 'DOD YON BSTEN PA'I CHAGS PA LAM BYED LA SKYON MED PAR MI STON KYANG SPYIR NYON MONGS GSUM LAM DU BYA NUS PA CIG YOD PAR STON PA YIN PAS DRANG DU RUNG NGO, ,'O NA 'DOD CHAGS LA GNANG BA YOD DU CHUG KYANG ZHE SDANG DANG GTI MUG LA GNANG BA JI LTAR YOD SNYAM NA, BSAD BSKRAD LA SOGS PA'I DRAG PO'I LAS RNAMS BYED PA NA RGYU'I KUN SLONG GI DUS SU ZHE SDANG MED KYANG DUS KYI KUN SLONG GI SKABS SU

RTZUB PA'I SEMS BSKYED PAR GSUNGS PA DANG, THOG MAR BSRUNG 'KHOR BSGOM PA SOGS KYI SKABS SU YANG, RGYU'I KUN SLONG GI SKABS SU SNYING RJE BSKYED KYANG DUS KYI KUN SLONG GI SKABS SU BGEGS LA GNOD SEMS BSKYED PA SOGS BSHAD PA'I ZHE SDANG DANG DE'I CHAR GTOGS 'GA' ZHIG GNANG BA YOD LA, CHAGS SDANG GANG YIN KYANG NYON MONGS CAN GYI GTI MUG DANG MTSUNGS LDAN DU 'BYUNG BAS, NYON MONGS GZHAN GNANG BA'I ZHAR BYUNG GI SGO NAS GNANG GI, GTI MUG LA SGOS SU GNANG BA MIN NO, ,GANG GIS ZHES PA NI SPYIR 'DOD YON LA CHAGS PA DANG, KHYAD PAR DU DBANG PO GNYIS SBYOR GYI CHAGS PA GANG GIS BLUN PO STE, DE KHO NA NYID KYI DON LA RMONGS PA 'KHOR BAR 'CHING ZHING, DU 'BOD LA SOGS PA'I DMYAL BAR 'GRO BA'I CHAGS PA DE NYID KYIS NI THABS LA MKHAS PA DE KHO NA NYID RTOGS PA'I SHES RAB KYI STOBS KYIS BDE BA CHEN POR GROL BAR 'GYUR BAS BDE STONG GI BYANG CHUB KYI SEMS BSGOMS PA NA THABS MI MKHAS PA LA 'CHING RGYUR 'GRO BA THABS MKHAS PA LA GRAL RGYUR 'GRO'O, ,KYEE RDO RJE LAS KYANG, CHAGS PAS 'JIG RTEN 'CHING 'GYUR BA, ,'DOD CHAGS KYIS NI RNAM GROL 'GYUR, ,ZHES GSUNGS SO, ,DES NA 'DOD YON LA CHAGS PA'I NYON MONGS NYID LA 'CHING GROL GYI RGYU GNYIS SU YOD PAS, RDO RJE 'PHRENG BA LAS, BYA DANG BYA MIN RNAM SPANGS TE, ,BKAG PA DAG KYANG BYED PAS NA, ,PADMA LA NI 'DAM GYIS BZHIN, ,NGO BO NYID SHES GOS MI 'GYUR, ,ZHES GSUNGS PA YANG 'DOD YON LA CHAGS PA YOD KYANG, DA'I SKYON GYIS MI RDZI BA LA MI GOS ZHES BYA'I, CHAGS PA MI 'BYUNG BAR STON PA MIN NO, ,'O NA THAG PA

, ,GZHAN GYI NYON MONGS BYANG CHUB KYI RGYUR BYED TSUL SNGAR LTAR DANG, RGYUD SDE GZHAN GYIS CHAGS PA LAM BYED MNYAM PAR MI SBYOR BA'I BSGOMS PA'I LHA MO'I YUL LNGA LA DMIGS PA'I CHAGS PA TZAM ZHIG LAM DU BYED PA YIN NA, BLA MED KYI 'DOD YON LA CHAGS PA LAM BYED JI LTAR YIN SNYAM NA, DE KHO NA NYID PHU THAG CHOD PA'I DON ZHU BDE'I LHAN SKYES KYI YE SHES KYIS SGOM PA'I LAM GYI THUN MONG MA YIN PA'I YON TAN LEGS PAR MTHONG BA'I GUS PA DRAG POS YID DRANGS PAS, DE KHO NA NYID SGOM PA'I PHYIR DU BDE BA CHEN PO SKYED PAR 'DOD LA DE SKYED PA'I THABS SU PHYI'I PHYAG RGYA DANG, YE SHES KYI PHYAG RGYA DANG MNYAM PAR SBYOR BA'I 'DOD YON LA CHAGS PA LAM DU BYED PA YIN LA, DE TZAM DU MA ZAD SGYU MA'I SKU SGRUB PA'I PHYIR DU YANG YIN TE, 'DI RNAMS SNGAR MANG DU BSHAD ZIN TO, ,STONG NYID SGOM PA'I YUL CAN KHYAD PAR CAN SKYED PA'I DON DU 'DOD YON LA CHAGS PA LAM DU BYED PA NI BLA MED LAS GZHAN DU YOD PA MIN NO, ,RIGS PA 'DIS ZHES SOGS NI PA TSAB KYI 'GYUR LAS, TSUL 'DIS SGRO 'DOGS KHYAD PAR CAN DANG, ZHES 'BYUNG BA DE KHO NA NYID GRUB PA DANG YANG MTHUN LA, DON NI YUL DANG RTEN LHAR BSKYED PA SOGS SO, ,GNAS PA NI GNAS SU BSGYUR BA LEGS LA, SOGS KYIS SPYOD LAM YANG BSDU'O, ,PHYI NANG GI LUS LA GNAD DU BSNUN PA'I THABS KYIS BYANG SEMS ZHU BA LAS NI, NANG GI DON LUS KYI REG BYA KHYAD PAR CAN SKYE LA, DES DMIGS PA'I RKYEN BYAS PAS LUS KYI SHES PA'I TSOR BA BDE BA KHYAD PAR CAN SKYE'O, ,DES DE MA THAG RKYEN BYAS PA

LAS YID KYI SHES PA PHUL DU BYUNG BA'I BDE BA'I NGO BOR SKYED DO, ,DE'I TSE DE KHO NA NYID KYI DON NGES PAR BYAS PA DRAN PAR BYAS PA NYID KYIS BDE STONG SBYAR BAR 'GYUR BAS, YID BDE BA'I NGO BOR BSKYED PA'I THABS KYIS STONG NYID BSGOM PAR GSUNGS PA NA, RNAM DPYOD CAN GYIS NI DE LA BRTEN NAS STONG NYID LA KHYAD MED KYANG, YUL CAN KHYAD PAR CAN GYI SGO NAS LAM 'DI'I GNAD RTOGS PAR 'GYUR RO, ,DBANG SHES DANG YID SHES KYI BDE BA SKYED PA'I RIM PA DE NI, RIGS PA'I DBANG PHYUG GIS, 'GA' TSE CHAGS SAGS RGYAS SOGS KYIS, ,'PHEL BA BDE SDUG LAS SKYES YIN, ,DE YANG KHAMS SNYOMS LA SOGS PA, ,NANG GI DON NI NYE BA LAS, ,ZHES DANG, NANG DON KHYAD PAR LAS SKYES PA'I, ,BLOS NI 'GYUR BAR BYED PHYIR RO, ,ZHES GSUNGS PA'I RIGS PA LAS SHES SO, ,DE'I PHYIR YID BDE BA CHEN PO'I NGO BOR GYUR PA'I DE MA THAG RKYEN LAS KYANG, DBANG PO'I SHES PA RNAMS BDE BA'I NGO BOR SKYE BA YANG SHES PAR BYA'O, ,GNYIS PA NI, GAL TE SPYOD BSDUS LAS, NYAN THOS LA SOGS PA DMIGS PAR LTA BA ZHES DANG, RGYA CHEN PO LA MOS PA LA CHOS KYI BDAG MED RTOGS PAR MDZAD, CES GSUNGS PAS, CHOS KYI BDAG MED RTOGS PA THAG DMAN LA YOD PAR GSUNGS PA DANG 'GAL BAR 'GYUR RO ZHE NA, NYAN THOS LA DE KHO NA NYID RTOGS MA RTOGS GNYIS YOD PAS DMIGS PAR LTA BA'I NYAN THOS ZHES DMIGS KYIS BKAR NAS GSUNGS LA, 'PHAGS PAS, MTSAN MA MED PA MA RTOGS PAR, ,KHYOD KYIS THAR PA MED PAR GSUNGS, ,DE PHYIR DE NI THEG CHEN LAS, ,

, ,KHYOD KYIS TSANG BAR BSTAN PA LAGS, ,ZHES GSUNGS PA 'JUG 'GREL DU DRANGS NAS BSHAD PA LTAR SDE SNOD GNYIS KAR CHOS KYI BDAG MED BSHAD KYANG THEG CHEN DU RGYAS PAR BSHAD PA LA DGONGS NAS, CHOS KYI BDAG MED RTOGS PAR MDZAD PA THEG CHEN LA GSUNGS SO, ,DE BZHIN DU BYANG CHUB SEMS 'GREL LAS KYANG, PHAN PAR BZHED PA RNAMS KYIS NI, ,GZUGS DANG TSOR BA 'DU SHES DANG, ,'DU BYED RNAM SHES PHUNG PO LNGA, ,DE LTAR NYAN THOS RNAMS LA GSUNGS, ,RKANG GNYIS MCHOG GIS RTAG TU YANG, ,GZUGS NI DBU BA BRDOS 'DRAR GSUNGS, ,TSOR BA CHU YI CHU LBUR 'DRA, ,'DU SHES SMIG RGYU DANG MTSUNGS SHING, ,'DU BYED CHU SHING DANG 'DRA BA, ,RNAM SHES SGYU MA LTA BU ZHES, ,PHUNG PO BSTAN PA DE LTA BU, ,BYANG CHUB SEMS DPA' RNAMS LA BSHAD, ,CES GSUNGS PA YANG DPE DE DAG GIS PHUNG PO RANG BZHIN MED PAR BYANG SEMS LA BSHAD PA MANG BA BZHIN DU, THEG DMAN GYI SDE SNOD DU LAN DU MAR MA GSUNGS PA LA DGONGS KYI, DPE DE LNGA DANG 'DRA BAR THEG DMAN LA YE MA BSTAN PA MIN TE, 'JUG 'GREL DU NYAN THOS LA BSTAN PA'I MDO DRANGS PA LAS, PHUNG PO LNGA DPE DE LNGA DANG 'DRA BAR GSUNGS PA'I PHYIR RO, ,RANG BZHIN MED PA'I STONG NYID RTOGS PA THEG DMAN LA MED PA DE'I LUGS YIN NA, DE NYID LAS, GANG DAG STONG NYID MI SHES PA, ,DE DAG THAR PA STEN MA YIN, ,'GRO DRUG SRID PA'I BTZON RAR NI, ,RMONGS PA DE DAG 'KHOR BAR 'GYUR, ,ZHES GSUNGS PA MI RIGS TE, SRID PA'I BTZON RA LAS GROL BA

THEG DMAN LA YOD PA'I PHYIR RO, ,DE BZHIN DU SPYOD BSDUS LAS, RGYA CHEN PO LA CHOS PA LA STON PAS RNAM SHES TSOGS BRGYAD LA SOGS PA RTOGS PAR MDZAD PAR GSUNGS PA YANG, MDO SDE LAS GSUNGS PAR BSTAN PA TZAM YIN GYI, RANG LUGS LA TSEGS DRUG LAS NGO BO THA DAD PA'I KUN GZHI MI BZHED DE, GSANG 'DUS 'PHAGS LUGS LTAR NA 'CHI BA'I 'OD GSAL THAMS CAD STONG PA'I SEMS 'CHI SEMS DANG, DE LAS LUGS LDOG TU LANGS PA'I NYER THOB KYI SEMS SKYE SEMS YIN LA, DE GNYIS KUN GZHI LA MI RUNG BA DANG, BYANG CHUB SEMS 'GREL LAS, KUN GZHI RNAM SHES PA'I MING TZAM ZHIG GSUNGS PA YANG, YID KYI RNAM SHES KUN BYANG GI CHOS KUN GYI GZHI DANG RTZA BAR GSUNGS PA'I DON DU, YE SHES RDO RJE KUN LAS BTUS KYI RNAM BSHAD DU RGYAS PAR BSHAD ZIN TO, ,GAL TE 'DOD YON LA CHAGS PA RGYUR BYAS PA'I PHYAG RGYA LA BRTEN PA'I BDE BAS, DE KHO NA NYID KYI DON BSGOMS PA DES NYON MONGS THAMS CAD ZAD PAR BYED DAM MI BYED, GNYIS PA LTAR NA STONG PA NYID KYI RTOGS PA RAB KYI MTHAR THUG PAR 'GRO BA DANG, NYON MONGS 'GA' ZHIG MI ZAD PA NI 'GAL BA YIN TE, DES NI BDEN PAR 'DZIN PA THAMS CAD ZAD PAR BYED PAS, RGYU MA RIG PA'I BDEN 'DZIN ZAD NA 'BRAS BU CHAGS SOGS MI LDOG PA MI RUNG BA'I PHYIR DANG, NYON MONGS THAMS CAD MA ZAD NA THAR PA THOB PA 'GAL BA'I PHYIR RO, ,DANG PO LTAR NA 'DOD CHAGS ZAD BYED KYI LAM GYI RGYUR 'DOD CHAGS DGOS NA, SNANG BA YANG MUN PA'I RGYUR HA CANG THAL BA'I PHYIR

, ,DANG, LAM DES BDEN 'DZIN GYI MA RIG PA RTZAD NAS SPONG BA DANG, DE'I RGYU CHAGS PAS BYED PA YANG 'GAL TE, RGYU RTZA BA NAS ZAD PAR BYED PA'I RGYU DE'I 'BRAS BUS BYED PA 'GAL BA'I PHYIR DANG, NYON MONGS GZHAN THAMS CAD NI BDEN 'DZIN GYI MA RIG BAS SKYED PAR BYED PA'I PHYIR RO, ,'DI GZHAN DU RGYAS PAR BSHAD ZIN TO, ,GZHAN YANG CHAGS PA LAM DU BYAS PAR 'DOD PA'I SKABS KYI CHAGS PA DE, DGE BA'I CHOS GZHAN ZHIG LA CHAGS PA'I MING BTAGS PA TZAM YIN NA NI, SPYOD BSDUS LAS, NYON MONGS GZHI BYAS LA BYANG CHUB KYI RGYUR 'GYUR MI 'GYUR GNYIS SHES BYED DANG BCAS PAS BSGRUBS PA DANG 'GAL ZHING, GANG ZAG GZHAN LA CHAGS PA DES NGAN 'GRO'I RGYU BYED PAR GSUNGS PA YANG MI RIGS LA, DGE BA'I CHOS NGAN 'GRO'I RGYUR MI 'GRO BAR BYANG CHUB KYI RGYUR SGYUR BA LA, THEG PA GZHAN LAS KHYAD BAR DU 'PHAGS PA'I THABS MKHAS KYANG CI ZHIG YOD, CHAGS PA DNGOS YIN NA NI DE LAM DU BYAS PA'I TSUL BRJOD DGOS TE, 'DIS NYON MONGS 'DI 'DRA ZHIG GI GNYEN PO BYAS SO ZHES 'DZIN STANGS MI MTHUN PA'I SGO NAS GNOD BYA DANG GNOD BYED DU SONG BA BRJOD MI NUS PA'I PHYIR RO, ,DES NA BLA MED KYI THEG PA'I THABS MKHAS NI DAD PAR BYA BA TZAM DU ZAD DO SNYAM NA, BRJOD PAR BYA STE, PHYOGS GNYIS PA NI MI 'DOD LA, DANG PO LTAR 'DOD DO, ,'ON KYANG BRJOD PA'I SKYON MED TSUL NI, PHYAG RGYA BSTEN PA'I BDE BAS DE KHO NA NYID KYI DON BSGOMS PAS NYON MONGS ZAD PAR BYED CES PA NI,

NYON MONGS GZHAN THAMS CAD KYI RGYU MA RIG PA ZAD PAR BYED LA, DE LOG PA NA NYON MONGS THAMS CAD LDOG PA'I DON YIN GYI, 'DOD YON LA CHAGS PA'I 'DOD CHAGS KYI 'DZIN STANGS DANG DNGOS SU 'GAL BA'I LAM BSGOM PA'I SGO NAS DE SPONG BA MIN PAS SKYON MED DO, ,RGYU BDEN 'DZIN KYANG SLOB PA'I ZUNG 'JUG MA THONG BAR DU MI 'DZAD PAS, BDEN 'DZIN DANG 'DZIN STANGS DNGOS SU 'GAL BA'I LAM SGOM PA DANG, 'DOD YON LA CHAGS PA LAM BYED GNYIS RE ZHIG GI BAR DU RGYUD GCIG LA 'JUG PA'ANG MI 'GAL LO, ,'DOD YON LA CHAGS PA DANG MA BRAL BAS 'DOD BZHIN DU 'DOD YON KHYAD PAR BA BSTEN PA NI, 'DOD PA LA CHAGS PA DANG PHYAG RGYA BSTEN PA LAS BYUNG BA'I BDE BA GNYIS RGYU 'BRAS YIN KYANG, GNAS SKABS PA'I RGYU 'BRAS YIN PAS CHAGS PA DE SNGON DU MA SONG NA DE 'DRA BA'I BDE BA DE LDOG KYANG, PHYAG RGYA LA LTOS PA'I BDE BA TZAM MI LDOG STE, DPER NA 'O MAR SBANGS PA'I SKYU RU RA RO DANG RA CAN NI 'O MA MED NA MI 'BYUNG YANG SKYU RU RA CAM MI LDOG PA BZHIN NO, ,BLA MED KYI THEG PA 'DIR NYON MONGS ZAD PA LA YANG DBANG PO GNYIS SBYOR GYI 'DOD YON LONGS SPYOD PA YOD PAR NI SNGAR BSGRUBS ZIN TO, ,SAM BHU tA'I RGYUD PHYI MA LAS, 'DOD CHAGS NI RANG DANG 'DZIN STANGS 'GAL BA MI SDUG PA BSGOMS PAS LDOG DGOS ZHES PA'I LAN DU, 'DOD CHAGS KYI BDAG NYID DU BYED PA NA 'DOD CHAGS DANG BRAL BA YIN NO, ,DE BZHIN DU GSUNGS PA, BCOM LDAN 'DAS RIGS KYI BU AE MA HO SANGS RGYAS KYI 'DOD CHAGS NI RNYOG PA MED PA STE, 'DOD CHAGS KYIS 'DOD CHAGS DANG

, ,BRAL BA BCOM NAS, BDE BA THAMS CAD SBYIN PAR BYED DO, ,ZHES GSUNGS SHING, RGYUN DU ZHUGS PAS KYANG 'DOD PA SPYOD PAS RANG BZHIN GYI KHA NA MA THO BA MIN PA DANG, KE TA KA'I ME TOG SPOS KYI GLANG POS ZOS PA'I BRUN GLA RTZI LA SOGS PAR 'GYUR LA, GLANG PO PHAL PAS ZOS PA'I BRUN LCI BAR 'GYUR BA BZHIN DU, 'DOD CHAGS LA SOGS PA'I NYON MONGS KYANG RGYUD RNAM PAR DAG PA'I KHYAD PAR LAS 'BRAS BU KHYAD PAR DU 'PHAGS PA SKYED PAR BSHAD DE, SLOB DPON ZHI BA 'TSOS KYANG DE KHO NA NYID GRUB PA LAS DE'I DON GSAL BAR BSHAD DO, ,DE BAS NA CHAGS PA DNGOS MIN PA LA DE'I MING GIS BTAGS PA MIN NO, ,'DOD YON GYI CHAGS PA LAM BYED LA 'JUG PA NA'ANG RGYU'I KUN SLONG GI DUS SU NI BYANG CHUB KYI SEMS DANG, LHAN CIG SKYES PA'I YE SHES KYIS YID PHROGS PA'I BSAM PAS, DE SKYED PA'I DON DU DMIGS NAS 'JUG PAS, NYON MONGS DANG MI 'GRE LA, DE'I DBANG GIS LUS NGAG DGE MI DGER 'GYUR GYI GZHAN DU MIN PAS, DE LA BSAMS NAS 'DI'I LAS LA 'JUG PA NI NYON MONGS PA'I BSAM PA MED PAR BDAG SGRUB PA SOGS LAS BSHAD KYI, DUS KYI KUN SLONG GI SKABS LA DGONGS PA MIN NO, ,DE 'DRA BA'I CHAGS PA DE LAM DU BYAS PA NI, DES NYON MONGS GZHAN LA 'DZIN STANGS 'GAL BA'I SGO NAS GNOD PA NI MIN NO, ,'O NA CI ZHE NA, RTEN KHYAD PAR CAN DES, 'DOD CHAGS DES NGAN 'GROR 'KHRID PA SOGS KYI NYES DMIGS ZIL GYIS GNON PA DANG, LAM GONG MA'I YON TAN MYUR DU SKYED BYED DU SGYUR BA'I SGO NAS LAM

DU BYED DO, ,DE LA DANG PO NI, THEG PA THUN MONG BA'I BYANG CHUB KYI SEMS GNYIS BRTAN PA DANG, RNAM PAR DAG PA'I DBANG GIS SNOD DU BYAS SHING DAM TSIG DANG SDOM PA TSUL BZHIN DU SRUNG BA DANG, BDAG MED PA'I LTA BA PHU THAG CHOD PA'I DON 'DRIS PAR BYAS PAS SGYU MA LTA BU'I MOS PA BRTAN PA DANG, YUL DANG RTEN GNYIS 'KHOR GSUM MI DMIGS PA'I NGANG NAS LHA'I SKU PHYAG RGYA CHEN POR BSKYED NAS, SNGAGS DANG PHYAG RGYAS BYIN GYIS BRLABS PA'I MOS PA BRTAN PA SOGS KYI MTHUS BYED DO, ,YUL LA YANG MI DGE BA BCU SDOM PA DANG, DBANG GIS RGYUD SBYANGS SHING DAM TSIG DANG SDOM PA TSUL BZHIN DU SRUNG BA DANG, RIM PA DANG PO'I TING NGE 'DZIN LA BYANG ZHING 'DOD PA'I SGYU RTZAL GYI BSTAN BCOS LA MKHAS PA SOGS MANG PO ZHIG YOD DO, ,GNYIS PA NI, CHAGS PA DES DRANGS PA'I BDE BA SKYES PA'I SEMS MA RTOG PAR GNAS PA TZAM LA STONG NYID SGOM PAR BTAGS PAS MI TSIG GI ,BDAG MED PA'I DON LEGS PAR PHU THAG CHOD PA'I LTA THOG TU, BDE BA CHEN PO'I SEMS BZHAG NAS SGOM PA'I LHAN CIG SKYES PA'I YE SHES BSGOMS PAS BYANG CHUB MYUR DU STER BA'O, ,DE LA YANG PHYAG RGYA'I RKYEN GYIS BYANG SEMS ZHU BA THABS GZHAN GYIS MI 'PHO BAR BYAS PAS MI CHOG GI ,DE'I SBYOR BAS RO RKYANG GI RLUNG DANG POR DH'U T'IR BTZUD NAS THIM PA LAS BYUNG BA'I LHAN SKYES DGOS PAS, LHAN SKYES KYI BDE BA'I THABS SU KUN TA LTA BU'I BYANG SEMS ZHU BA RLUNG THIM PAS 'DZIN PA DGOS SO, ,DE 'DRA BA'I CHAGS PA LAM BYED LA NI 'DOD CHAGS DANG 'DZIN STANGS DNGOS SU 'GAL BA'I LAM MI SDUG PA BSGOM PA MED

, ,KYANG; MTHAR 'DOD CHAGS ZAD PAR 'GYUR TE, DE'I RTZA BA'I RGYU DANG 'DZIN STANGS DNGOS SU 'GAL BA'I TSAD MA'I RJES SU 'BRANG BA'I LAM YIN PA'I PHYIR RO, ,'KHOR 'DAS MA LUS PA'I RANG BZHIN STONG NYID SHES PA'I STONG PA DANG SBYOR RGYU MED PAR, DBANG PO GNYIS SBYOR LAS BYANG SEMS MI 'PHO BA TZAM GYI BDE BA SGRUB PA NI, SRID PA'I RTZA BA BDEN 'DZIN GYI MA RIG PA LA CI YANG MI GNOD PAS, BDE BA DE JI TZAM SPYAD PA BZHIN BDEN 'DZIN DES DRANGS PA'I SRED PA JE 'PHEL DU 'GRO BAS, SKOM SRED CAN GYIS SMIG RGYU LA CHUR 'DU SHES NAS ZHUGS PA DANG 'DRA BAS DE 'DRA BA NI SMAD LA, SNGAR BSHAD PA LTAR GYI BDE STONG SBYOR NUS PA LA NI THABS DE MED NAS GSUM GYI 'GRO BA'I RE BA SKONG BA'I SANGS RGYAS MYUR DU MI 'THOB PAS MYUR LAM GYI SGO NAS BSNGAGS PA MDZAD DE, SA RA HAS, MA LUS RANG BZHIN GANG GIS MI SHES PA, ,KUN TU RU'I SKABS SU BDE CHEN SGRUB PA NI, ,JI LTAR SKOM PAS SMIG RGYU RNYED PA BZHIN, ,SKOM NAS 'CHI YANG NAM MKHA'I CHU RNYED DAM, ,RDO RJE PADMA GNYIS KYI BAR GNAS PA, ,BDE BA GANG GIS RNAM PAR ROL PA NI, ,CI STE DE BSTEN NUS PA MED PAS NA, ,SA GSUM RE BA GANG GIS RDZOGS PAR 'GYUR, ,ZHES GSUNGS SO, ,DE KHO NA NYID GRUB PAR RGYUD DRANGS PA LAS, LEGS BRTAGS SHIN TU DPYAD NAS NI, ,MKHAS PA RNAMS NI 'JUG BYA YI, ,GZHAN DU MER NI 'JUG PA YIS, ,BCU DRUG CHAR YANG MI PHOD DO, ,DE NYID DE NYID KYIS SHES NAS, ,GANG ZHIG LHA MO LA BRTEN PA, ,DE 'GRUB 'GYUR GYI GZHAN DU NI, ,DMYAL BA CHEN POR LTUNG

BAR 'GYUR, ,ZHES DANG, GSANG BA GRUB PA LAS KYANG, DE NYID RIN CHEN RNAM DAG BDAG ,GNYES PA THAMS CAD RNAM SPANGS PA, ,THABS BZANG PO NI RNAM SPANGS NAS, ,'GAL BA'I DAM TSIG LA SOGS PA, ,GZHAN DU GANG ZHIG SGRUB 'GYUR BA, ,DE NI DU 'BOD SOGS PAR 'TSED, ,JI LTAR ME NI 'BAR 'GYUR BA, ,DER NI RTZVA SHING PHUNG PO DAG ,BCUG NA THAL BA NYID DU 'GYUR, ,MYU GU SAGS PA'ANG 'BYUNG MI 'GYUR, ,DE BZHIN DE NYID MED BZHIN DU, ,NGO MTSAR CHE BA LTAR BYED PA, ,JI SRID NAM MKHA' GNAS PA'I BAR, ,SHI BA'I 'OG TU DMYAL BAR 'GRO ,ZHES MKHAS PAS LEGS PAR ZHIB TU BRTAGS NAS 'JUG PAR BYA DGOS PA DANG, SPROS PA THAMS CAD SPANGS PA'I DE KHO NA NYID KYI DON LEGS PAR GTAN LA 'BEBS PA LA MKHAS PAR MA BYAS PAR, 'DOD YON GYI CHAGS PA SPYI DANG, KHYAD PAR BA RNAMS LAM DU BYED PA LA NYES DMIGS SHIN TU LCI BA GSUNGS NA'ANG, NGES PA'I DON GYI ZAB MO'I LUNG DON KLU SGRUB LA SOGS PA'I RIGS LAM PHRA MO LA LEGS PAR SBYANGS NAS GTAN LA PHEBS PA CHES DKON PA'I GNAD KYIS GNAS 'DI LA PHYOGS 'DI'I SNGAGS PAR 'DOD PA RNAMS RNAM GZHAG CHAGS PA SHIN TU NYUNG BAR SNANG BAS RNAM DPYOD CAN GYIS NI, THABS DANG SHES RAB GRUB PA LAS, SEMS NI BYANG CHUB NGO BOR BZHAG NAS YUL GYI NI, ,BDE LA DGA' BAS CHE 'DI NYID LA 'GRUB PAR 'GYUR, ,RANG BZHIN GYIS NI MA LUS 'DI DAG RNAM DAG STE, ,THA MAL YUL RNAMS BDAG MED SGYU MA LTA BU DANG, ,MIG 'PHRUL DANG NI MIG YOR DAG

, ,DANG MTSUNGS PA STE, ,GNAS MIN RTOG PA'I THA SNYAD DAG LAS RNAM PAR GROL, ,GANG TSE SKYES BU DAM PA RGYA CHEN BSAM PA DANG, ,'DZIN PA MED PA'I SEMS NI KUN TU RTOGS 'GYUR PA, ,DE TSE LHAN CIG SKYES PA'I RTOGS PAS ZIL MNAN NAS, ,YUL 'DI RNAMS KYI NUS PAS 'CHING BAR NUS MA YIN, ,ZHES 'DOD PA'I YUL LONGS SPYAD PA LAS BYUNG BA'I ZHU BA'I BDE BA DANG, CHOS THAMS CAD LA RANG GI MTSAN NYID KYIS GRUB PA RDUL TZAM YANG MED KYANG, BYA BYED THAMS CAD 'THAD PA RMI LAM DANG SGYU MA LTA BU'I TSUL GYIS BDEN PA GNYIS PHYIN CI MA LOG PAR NGES PA'I SGO NAS, BDE STONG SBYAR BA'I LHAN SKYES KYI YE SHES KYIS THABS MKHAS PA DANG MI LDAN PA RNAMS LA 'JIGS PA CHEN PO 'DREN PA'I YUL RNAMS ZIL GYIS GNON PAR GSUNGS PA BZHIN DU PHRA ZHING MDZANGS LA YANGS PA'I BLO GROS KYIS BDE BA DANG STONG PA SBYOR BA'I LHAN CIG SKYES PA'I YE SHES SKYED PA'I THABS LA RGYUN MI 'CHAD PAR BRTAG PAR BYA'O, ,GNYIS PA BLA MED KYI SPYOD PA BYE BRAG TU BSHAD PA LA GSUM, SPYOD PA'I RNAM DBYE GSUNGS TSUL, SPYOD PA GSUM SO SO'I MTSAN NYID, SPYOD PA LA SLOB PA'I CHO GA'O, ,DANG PO NI, RTZA RGYUD KYI LE'U LNGA PA DANG, BDUN PA'I MTSAN GYI SKABS SU, RIM PA BZHIN KUN TU SPYOD PA MCHOG DANG, SNGAGS SPYOD PA MCHOG CES GSUNGS PA'I DON SGRON GSAL LAS, RANG GZHAN GYI DON KUN SGRUB PA'I SPYOD PA PHUL DU BYUNG BA DANG, SNGAGS ZLOS PA PO'I SPYOD PA GSUM LA BSHAD DO, ,SNGA MA YANG SPYOD PA GSUM GYI SPYI MING

NGO; ;LE'U DGU PA LAS, BYANG SEMS DANG DE BZHIN GSHEGS PA'I SPYOD PA GNYIS GSUNGS PA'I DON SGRON GSAL LAS, 'JIG RTEN DANG 'GAL LAM MI 'GAL YANG RUNG, GANG DANG GANG GIS SEMS CAN GYI DON RDZOGS PAR 'GYUR BA'I RNAM PA DE DANG DES, SNGAGS PA RNAMS CI NUS PAR RAB TU 'JUG PA NI DANG PO DANG, RIN PO CHE LTA BU'I SNGAGS PAS RDZOGS RIM RTOGS NAS MNYAM PAR MA BZHAG PA'I SBYOR BA'I SPYOD PAS TSE 'DI NYID LA RANG GI NGO BO BRJE BA'I SPYOD PA NI GNYIS PAR BSHAD DO, ,DE'I DANG PO NI BYANG SEMS KYI SPYOD PA SPYI DANG, GNYIS PA NI RDZOGS RIM LA GSUNGS PA NI MTSON PA TZAM DANG, RIN PO CHE LTA BU'I GANG ZAG NI GTZO BO YIN PA LA DGONGS PAS, BLA MED KYI 'DOD YON LA SPYOD PA'I SPYOD PA KHYAD PAR CAN THAMS CAD DO; ;LE'U BCU DRUG PA LAS, RIG PA'I BRTUL ZHUGS YANG DAG PAR LAN PA'I SPYOD PA ZHES GSUNGS PA'I DON NI SGRON GSAL LAS, RANG DANG RIG MA LHA'I 'DRA 'BAG TU CHA LUGS BSGYUR NAS SPYOD PA BYED PA LA BSHAD DO, ,LE'U DRUG PA'I 'GREL PAR SPYOD PA GSUM GYI MCHOG NI, LONGS SPYOD PA DANG GROL BA'I SPYOD PAR 'GYUR RNYING GNYIS DANG PA TSAB KYI 'GYUR LAS 'BYUNG YANG, CHAGS GYUR LAS, SPYOD PA DE RNAMS KYI MCHOG NI BHU SU KU'I SPYOD PA'O, ,ZHES BSGYUR BA LTAR LEGS PAS SPYOD PA GZHAN STON PA MIN NO, ,RGYUD PHYI MA LAS KUN TU SPYOD PA DANG, SNGAGS KYI SPYOD PA GNYIS GSUNGS PA'I DANG PO NI SPYOD PA GSUM GYI SPYI MING YIN LA, GNYIS PA NI LE'U BCU BDUN PAR BSHAD PA'I 'JIG RTEN PA DANG 'JIG RTEN LAS 'DAS PA'I DAM

, ,TSIG DANG SDOM PA BSRUNG BA YIN NO, ,'DOD CHAGS LAS BYUNG BA'I BYANG SEMS KYI SPYOD PA LA, SPROS BCAS DANG SPROS MED DANG SHIN TU SPROS MED GSUM GYI DBYE BA SPYOD BSDUS LAS GSUNGS TE, RIM PA GNYIS PA DANG SGRON GSAL LAS KYANG GSUM DU BSHAD DO, ,GANG LA SPYOD PA'I 'DOD YON GYI GTZO BO NI RIG MA'I 'DOD YON YIN LA, DE LA NI DNGOS KYI RIG MA DANG, BSGOMS PA'I YE SHES KYI PHYAG RGYA'I RIG MA GNYIS SO, ,DE'I DANG PO LA SPYOD PA LA SPYOD PA DANG PO GNYIS DANG, GNYIS PA LA SPYOD PA LA SPYOD PA GSUM PA BZHAG GO ,DE LA YANG SPYOD BSDUS DANG RIM PA GNYIS PA LAS RDZOGS RIM PA'I SPYOD PA GSUM GSUNGS PA NI MTSON PA TZAM YIN PAS, RIM GNYIS RE RE LA'ANG SPYOD PA GSUM GSUM YOD DO, ,LE'U BCU PA'I SGRON GSAL LAS, MCHOG SGRUB PA DANG THA MAL BA LA GNAS SHING, SPROS PA DANG BCAS PA LA SOGS PA'I SPYOD PA GSUM LA GOMS PA NYAMS 'OG TU CHUD PA'I RNAL 'BYOR PAS GANG GI TSE DNGOS GRUB RNYED PAR MA GYUR NA, DE'I TSE RANG GI LHA LA SNYING PO BSKUL BAR BYA'O, ,ZHES GSUNGS PA LTAR RO, ,'DIS NI RIM GNYIS KYI SPYOD PA NI, RANG RANG GI SKABS KYI DNGOS GRUB SGRUB PA'I PHYIR DU BYED PA DANG, DES KYANG MA GRUB NA RIM GNYIS SO SO'I SNYING PO BSKUL BAR GSUNGS SO, ,LE'U BDUN PA'I 'GREL PAR SPYI DON GYI SPYOD PA SPROS BCAS DANG, SPAS DON GYI SPYOD PA SPROS MED DANG, MTHAR THUG GI SPYOD PA SHIN TU SPROS MED DU GSUNGS PA NI SPYOD PA LA 'JUG PA'I SKOM BSAM LA DGONGS KYI, SPYI DON GYI SPYOD PA LA SPYOD PA GZHAN MI BZHED

PA MIN TE, LE'U BCO LNGA PA'I 'GREL PAR, BSKYED RIM PA'I DE BZHIN GSHEGS PA LNGA'I SPROS MED KYI SPYOD PA GSUNGS PA'I PHYIR DANG, SHIN TU SPROS MED KYANG SGOM BSAM GYI SGO NAS BSKYED RIM PA LA MI 'JOG KYANG BYA BA LA SOGS PA'I SHIN TU SPROS MED BZHAG TU YOD PA'I PHYIR RO, ,SPYIR 'DOD YON LA CHAGS PA LAM BYED KYI SPYOD PA LA GNYIS TE, RIM PA GNYIS SGOM PA'I SNOD RUNG DU BYED PA'I DBANG GI DUS DANG, SNOD DU RUNG NAS LAM SGOM PA'I DUS KYI SPYOD PA'O, ,PHYI MA LA YANG GNYIS TE, LAM MA SKYES PA SKYED PA'I PHYIR DU SPYOD PA DANG, SKYES ZIN GYI LAM LA BOGS 'BYIN PA'I PHYIR DU SPYOD PA'O, ,DE'I DANG PO NI LAM THOG MAR SGOM PA NAS BZUNG STE, MI SLOB PA'I GO 'PHANG MA THOB KYI BAR DU 'JUG STE, MDOR BYAS LAS, 'DOD PA LNGA NI YONGS SPANGS NAS; ;DKA' THUB KYIS KYANG MA GDUNGS PAS, ,RNAL 'BYOR RGYUD KYI RJES 'BANGS LA, ,BDE BAS BYANG CHUB BSGRUB PAR BYA, ,ZHES BSKYED RIM LA 'JUG PA NAS DE LTAR BYA BAR GSUNGS PA'I PHYIR RO, ,GNYIS PA LA NAG PO DAM TSIG RDO RJES NI BSKYED RIM PHRA RAGS MTHAR PHYIN NAS, THUN MONG GI DNGOS GRUB SGRUB PA'I BOGS 'BYIN PA DANG, DBEN PA GSUM BDEN PA GNYIS KYI RDZOGS RIM DANG BCAS PA GRUB NAS, MCHOG GI DNGOS GRUB 'GRUB PA LA BOGS 'BYIN PA'I SKABS GNYIS LAS MED PAS, DUS GNYIS SU SPYOD PA BYED ZER RO, ,BTZUN MO CAN NI, RANG BZHIN SNANG BA'I DBYE SHES NAS, ,ZHES SOGS LA BRTEN NAS SGYU LUS THOB NAS DANG, SLOB PA'I ZUNG 'JUG THOB PA NAS SPYOD PA BYED PAS, RDZOGS RIM LA SPYOD PA BYED PA'I SKABS GNYIS TE,

, ,SPYIR GSUM DU BZHED DO, ,RANG GI LUGS NI RIM PA GNYIS LA BOGS 'BYIN PA'I SPYOD PA BYED PA'I SKABS BZHI STE, 'DI LTAR BSKYED RIM GYI SKABS SNGAR LTAR DANG, RDZOGS RIM LA SEMS DBEN THOB NAS SGYU LUS 'GRUB PA'I DON DU SPYOD PA BYED DGOS PA NI SNGAR BSGRUBS ZIN TO, ,SGYU LUS THOB NAS NI THOB BYA SLOB PA'I ZUNG 'JUG THOB PA'I PHYIR DANG, SPANG BYA NYON MONGS ZAD PA'I PHYIR DU SPYOD PA BYA DGOS PA NI, LE'U BCU DRUG PAR RIGS GSUM GYI SPROS MED KYI SPYOD PA SPYAD PA'I PHAN YON GYI SKABS SU 'GREL PAR, RDO RJE GSUM GYI YE SHES 'BYUNG, ,ZHES PA STE, SKU RDO RJE LA SOGS PAS RDO RJE'I SKU LA SOGS PAR SKYED PAR BYED PA'O, ,SANGS RGYAS BYANG CHUB NI DON DAM PA'I BDEN PA'O, ,DER RAB TU 'JUG PA NI THOB PA STE, 'OD GSAL BAS RNAM PAR DAG PA'I YE SHES KYI SKU THOB PAR BYED PA'O, ,ZHES 'OD GSAL GYIS SBYANGS PA'I YE SHES KYI SKU THOB PAR BYED PA PHAN YON DU BSHAD LA, ZUNG 'JUG THOB NAS SGYU MA'I SKU 'OD GSAL GYIS DAG PAR BYED PA MED PA'I PHYIR RO, ,SLOB PA'I ZUNG 'JUG THOB NAS SPYOD PA BYED PA NI, RIM LNGA DANG KLU BYANG GI LUNG SNGAR DRANGS PA RNAMS KYIS SHES PAR NUS LA, SPYOD BSDUS LAS, SPYOD PA BYED PA'I SGRUB PA PO KUN RDZOB KYI BDEN PAR RTOGS PAR BSHAD PAS KYANG SHES TE, DE NI RIM PA GSUM PA DANG LNGA PA'I KUN RDZOB SGYU MA'I SKU'I RTEN GNYIS KA DANG SBYAR RO, ,GZHAN YANG SPYOD BSDUS LAS, DE LA BRTUL ZHUGS KYI SPYOD PA MED PAR THOG MA MED PA'I NYON MONGS PA'I BAG CHAGS ZAD PAR BYA BA

NI MI NUS SO, ,ZHES GSUNGS PAS NYON MONGS KYI BAG CHAGS DNGOS SHES SGRIB MA LUS PA NI, BRTUL ZHUGS KYI SPYOD PA MED PAR ZAD MI NUS LA, TSE 'DI NYID LA DE ZAD PA YANG SPYOD PA DE MED PAR MI NUS SO, ,NYON MONGS KYI SA BON LA BAG CHAGS SU BTAGS PA CHES MYUR BAR ZAD PA YANG DE LA RAG LAS PAS, SLOB PA DANG MI SLOB PA'I ZUNG 'JUG GI DON DU SPYOD PA GNYIS BYA DGOS PAR SHES SO, ,GAL TE DBANG GI DUS NAS BZUNG STE 'DOD YON LA CHAGS PA LAM BYED YOD NA, SPYOD PA GSUM GYI GTZO BO YANG DE TZAM DU ZAD PAS, DE RNAMS LAS LOGS SU SPYOD PA SPYAD KYANG CI DGOS SNYAM NA, DE LA RDZOGS RIM PA'I BOGS 'BYIN GYI SPYOD PA NI TSA 'DIR BYANG CHUB THOB PA'I PHYIR YIN TE, RIM PA GNYIS PA LAS, RANG BZHIN SNANG BA'I DBYE SHES SHING, ,DE NYID BZHI PA LA BRTEN LA, ,GANG ZHIG RNAM GSUM LA MI SLOB, ,DES NI 'BRAS BU MYUR THOB MIN, ,JI LTAR SHING LA MI GNAS PA, ,MA GTZUBS PAR DU 'BYUNG MI 'GYUR, ,DE BZHIN BYANG CHUB BSLAB BRAL BAS, ,TSE 'DI NYID LA 'BYUNG MI 'GYUR, ,ZHES GSUNGS SHING, SPYOD BSDUS DANG SGRON GSAL LAS KYANG, SPYOD PA BYAS PAS TSE 'DI NYID LA MCHOG 'GRUB PAR BSHAD DO, ,DE'I TSUL NI RLUNG GI RNAL 'BYOR MTHAR PHYIN PA'I DBANG GIS YE SHES GSUM SKYED NUS PA NA, PHYI'I PHYAG RGYA GROGS SU MED NA SEMS DBEN GYI YE SHES MTSAN NYID TSANG BA BSKYED MI NUS PAS, DE'I DON DU BSTEN PA NI SNGAR BSHAD ZIN TO, ,DE LTA NA NANG GI LUS LA GNAD DU BSNUN PA'I MTHUS RLUNG SDUD PA DANG, GTUM MO 'BAR NAS BYANG SEMS

, ,BZHU BA'I NUS PA MTHAR SON KYANG, DE 'DRA BA LA DA DUNG PHYAG RGYA'I SGO NAS DE RNAMS LA KHYAD PAR CHEN PO THOB PA'I SGO NAS, DE KHO NA NYID KYI RTOGS PA RAB TU GYUR PAR BGROD PA'I RIM PA YOD PAR GSAL LO, ,DE'I PHYIR NANG GI LUS LA GNAD DU BSNUN PA'I THABS KYI NUS PA MTHAR SON PA NA, PHYAG RGYA'I 'DOD YON LONGS SPYOD PA YAN LAG DANG BCAS PA NYID LA DRIL NAS DE KHO NA NYID SGOM PA NI, RDZOGS RIM GYI BOGS 'BYIN GYI SPYOD PA LA SPYOD PA'I DON NO, ,JI LTAR NANG GI 'KHOR LO RNAMS LA GNAD DU BSNUN PA LAS BDE BA'I KHYAD PAR DU MA 'BYUNG BA LTAR PHYAG RGYA'I NGO BO DANG GRANGS DANG, 'GRO BA'I KHYAD PAR DANG NUS PA CHE CHUNG GI BYE BRAG LAS KYANG, RNAL 'BYOR PA LA BDE BA'I KHYAD PAR SNA TSOGS PA SKYE LA, DE'I TSE DES STONG NYID SGOM PA'I RTOGS PA KHYAD ZHUGS PAR 'GRO TSUL YANG DU MAR SHES PAR BYA'O, ,GAL TE 'DI'I SPYOD PA MA BYAS PAR THUN MONG GI DNGOS GRUB MI 'GRUB NA, RGYUD SDE 'OG MA GSUM LAS THUN MONG GI DNGOS GRUB MTHA' YAS PA CIG DE LAS BSTAN PA'I LAM GYIS SGRUB PAR BSHAD PA DANG 'GAL LA, THUN MONG GI DNGOS GRUB KYI DON DU YIN DU CHUG KYANG, SPYOD PA DE SPYAD PAS DE 'GRUB LA PHAN LUGS JI LTAR YIN SNYAM NA, THUN MONG GI DNGOS GRUB PHRAN CHAGS MANG PO 'GRUB PA LA STONG NYID SGOM PA MI DGOS KYANG, RGYUD SDE 'OG MAR BYUNG BA'I DNGOS GRUB KHYAD PAR CAN MANG PO 'GRUB PA LA STONG NYID SGOM PAR BSHAD DE, KHA CIG NI DE MED NA MI 'GRUB LA, KHA CIG NI DE'I RTOGS PA YOD NA 'GRUB SLA BA'O, ,BLA MED KYI BSKYED

RIM PAS THUN MONG GI DNGOS GRUB SGRUB PA LA NI SNGA MAS MI 'GRUB PA MANG PO YOD LA, THUN MONG GI DNGOS GRUB KYI MTHAR THUG PA RNAMS DANG, GZHAN MANG PO YANG DBANG PO GSUM GYI RIM PAS ZHAG BDUN DANG, ZLA PHYED DANG, ZLA BA GCIG GAM, PHYED DANG GNYIS TSUN LA 'GRUB PAR GSUNGS PA LTA BU DUS SHIN TU NYE BA LA BDE BLAG TU 'GRUB PA'I THABS SU SPYOD PA BYED PA YIN TE, BSKYED RIM MTHAR PHYIN PA NA REG MTHONG GI MTSAN MA RNYED PAS GSANG GNAS KYI SGOR PHAGS YIG SGOM PA SOGS KYIS KYANG BYANG SEMS 'PHO BA DGAG NUS LA, PHYAG RGYA DANG SBYOR BA LAS BDE BA BSKYED DE, DES STONG NYID BSGOMS PAS NUS PA KHYAD PAR CAN SKYES NA DNGOS GRUB 'GRUB PAR SLA'O, ,DE TZAM GYIS BDE STONG SGOM PA BSKYED RIM GYI LAM LA'ANG YOD PAR NI SNGAR BSHAD ZIN TO, ,GAL TE GANG ZAG KHA CIG GIS BSKYED RIM PHRA MO MTHAR PHYIN PA NA RLUNG DH'U T'IR TSUD PA'ANG SRID BA DANG, PHYI'I PHYAG RGYA DANG SBYOR BA SROG RTZOL DU 'GRO BA'I GNAD SHES PAS, DE LA BRTEN NAS KYANG RLUNG DH'U T'IR THIM PA'I DGA' BA BZHI BSKYED PAR NUS NA NI, DE GNYIS BSKYED RIM GYI SKABS SU BYUNG YANG LAM DU 'JOG NA RDZOGS RIM GYI LAM DU BYA DGOS TE, LAM SGOM PA'I SNGON DU DBANG GI SKABS SU DE LTA BU BYUNG BA'I LHAN SKYES RDZOGS RIM DU ? ZHAL LUNG LAS BSHAD PA BZHIN NO, ,BSKYED RIM GYI SKABS SU THUN MONG GI DNGOS GRUB KYI DON DU SPYOD PA BYED PA 'DI RIN PO CHE LTA BU'I GANG ZAG MCHOG MIN GYI, PAD DKAR LA SOGS PA'I GANG ZAG DBANG PO DMAN PA THUN MONG GI

, ,DNGOS GRUB KYIS YID DRANGS PA 'GA' ZHIG YIN NO, ,GNYIS PA NI, 'DOD CHAGS LAS BYUNG BA'I BYANG CHUB KYI SPYOD PA RNAM PA GSUM GSUNGS NA, SPYOD PA DE RNAMS RGYUD GANG LAS GSUNGS PA DANG, SO SO'I MTSAN NYID JI LTAR YIN ZHE NA, SPYOD BSDUS LAS, DE BZHIN GSHEGS PA DANG RDO RJE 'CHANG GI DBUGS DBYUNG JI SKAD BSTAN PA'I DE BZHIN GSHEGS PA THAMS CAD KYI AA RA LI RGYAS PA NI SPROS BCAS DANG, RTAG TU KHYAB PA LAS DGONGS PA'I DBANG DU 'GA' ZHIG LA ROL PA NI SPROS MED DANG, 'DU 'DZI THAMS CAD SPANGS NAS BSAM GTAN GYI ZAS 'BA' ZHIG GIS GNAS PA ZHIG YE SHES KYI PHYAG RGYA DANG SNYOMS PAR 'JUG PAS GOMS PAR BYAD PA NI SHIN TU SPROS MED KYI SPYOD PA DANG, SHING DANG TA LA'I LO MA DANG RAS BAL GSUM CHIG PAS THAL BAR 'GRO BA LA KHYAD PAR MED PA BZHIN DU, SPYOD PA GSUM CHAR GYIS KYANG RDO RJE 'CHANG GI GO 'PHANG 'GRUB PA DANG, CHUNG 'BRING CHEN PO'I DBYE BA DANG, NA TSOD DANG MTHUN PAR SPYOD PA GSUM LA SLOB PAR BSHAD DO, ,DE LA MNYAM SBYOR LAS, RIGS LNGAS SEMS CAN 'DUL BA'I DBUGS DBYUNG LNGA GSUNGS PA NI DBUGS DBYUNG DANG PO DANG, RDO RJE SEMS DPAS SEMS CAN 'DUL BA'I DBUGS DBYUNG GSUNGS PA NI DBUGS DBYUNG GNYIS PA'O, ,'DI LA BRTEN NAS SNGA MA RNAMS SPYOD PA'I CHO GA'I SKABS SU GTZO BO 'PHO BA DRUG LAS MED PAR BZHED DO, ,JI SKAD DU BSTAN PA NI DBUGS DBYUNG DRUG GI SKABS SU AA RA LI RGYAS PA MED KYANG, SPYIR MNYAM SBYOR LAS BSHAD PA'I DON TE, AA RA LI NI RTZED MO'AM

ROL PAR BSGYUR RO, ,DE NI SPYOD BSDUS LAS GSUNGS PA'I PHYAG RGYA DANG DE'I LAN LA SOGS PA YANG YIN LA, SGRUB PA PO LA LAS DE NYID BSDUS PA LA SOGS PA'I RGYUD LAS GSUNGS PA'I LAG PA'I PHYAG RGYA DANG GLU'I MCHOD PA DANG, STANGS STABS KYI TSUL DANG, ZLOS GAR DANG GAR LA SOGS PA'I SBYOR BA LA BRTZON PA DANG, KHA CIG DPAL MCHOG LA SOGS PA'I RGYUD NAS BSHAD PA'I SKYIL KRUNG GI 'DUG STENGS DANG, GAR GYI NYAMS DGU LA SOGS PA'I SPYOD PA BYED PA YANG SPROS PA'I SPYOD PAR SPYOD BSDUS LAS BSHAD DO, ,DES NA SPROS MED KYI SPYOD PA NI SPYIR BTANG LA BYA BA DE RNAMS RTAG TU BYA DGOS PA YIN KYANG, DGOS PA'I DBANG GIS RES 'GA' DE RNAMS BZHAG NAS BYED PA'O, ,'ON KYANG 'DI LA GNAS KHANG KHYAD PAR CAN GDAN DANG BCAS PA DANG, CHO GA SGRUB PA'I GROGS DANG, DE DAG GI CHAS 'BAG DANG BZA' BTUNG SOGS KYI SPROS PA MANG PO ZHIG YOD PA RNAMS KYANG, SHIN TU SPROS MED PA LA 'JOG PAS DE LA NI BYA BA'I SPROS PA SHIN TU CHUNG NGO, ,DPE GSUM GYIS NI SPYOD PA GSUM GYI RA RES KYANG 'BRAS BU 'GRUB PAS GSUM GA LA SPYAD MI DGOS PA BSTAN NO, ,SNGA MA RNAMS SHING LA SOGS PA GSUM LA 'CHIG DKA' SLA YOD PA BZHIN DU SPYOD PA GSUM GYIS 'GRUB DKA' SLA YOD PAR 'CHAD DO, ,CHUNG 'BRING CHEN PO NI KHA CIG YO BYAD CHE 'BRING CHUNG GSUM DANG, SHES RAB CHUNG 'BRING CHE GSUM LA 'CHAD LA, LA LA 'DOD CHAGS CHE 'BRING CHUNG GSUM LA 'CHAD KYANG, YO BYAD CHE 'BRING CHUNG GSUM DANG, NA TSOD CHUNG 'BRING CHE GSUM DANG, SPROS PA LA DGA'

, ,PA'I BSAM PA CHE 'BRING CHUNG GSUM GYI DBANG DU BYAS PA'O, ,YO BYAD MA 'BYOR BA NI SGYU LUS THOB NAS MIN PAS DE'I SNGON GYI SPYOD PA BYED PA'I DBANG DU BYAS PA'O, ,DE 'DRA BA'I SPYOD PA DANG PO NI MNYAM SBYOR LAS GSUNGS LA, 'DUS PA LAS SPYOD PA PHYI MA GNYIS 'BA' ZHIG GSUNGS PAR NI SPYOD BSDUS LAS BSHAD DO, ,RNAL 'BYOR RGYUD NAS BSTAN PA'I PHYAG RGYA SOGS BLA MED KYI SPYOD PA BYED PAS DPYAD PA NA SPYOD PA DANG POR GSUNGS KYI, RGYUD DE DAG GI DBANG DU BYAS PA MIN NO, ,SNGAR BSHAD PA'I BYA BA'I SPROS PA RGYAS PA RNAMS 'DUS PAR MA GSUNGS PA LA DGONGS NAS, 'DUS PA LA SPYOD PA THA MA GNYIS 'BA' ZHIG BSTAN PAR GSUNGS LA, SGRON GSAL LAS 'DUS PA'I GZHUNG GIS SPYOD PA DANG PO BSTAN PAR GSUNGS PA NI, SPROS BCAS PAS JI LTAR 'DOD PA BZHIN 'DOD PA LA SPYOD PA DANG, BSKYED RIM PAS SPROS BCAS KYI SPYOD PA LA 'JUG PA'I SGOM BSAM TZAM ZHIG BSTAN PA YIN PAS MI 'GAL LO, ,SPYOD BSDUS LAS 'BYOR PA MA TSANG BAS MNYAM SBYOR LAS GSUNGS PA'I SPROS BCAS KYI SPYOD PA DANG RTAG TU BYA MA NUS NA, RGYUD DE LAS, NYIN RE'AM YANG NA ZLA RE'AM, ,YANG NA DE BZHIN LO RER NI, ,JI BZHIN BYIN GYIS BRLABS NAS KYANG, ,SANGS RGYAS BDE MCHOG GAR BYA'O, , ZHES GSUNGS PA LTAR SPYOD PA PHYI MA GNYIS BYA BAR BSHAD PA NI, DUS PHYI MA GNYIS SU BYED PA NI SPYOD PA PHYI MA GNYIS BSTAN LA, CHAG 'GYUR LAS, JI LTAR 'GRUB PA NYID KYIS KYANG, ,ZHES 'BYUNG BA LTAR 'BYOR BAS JI LTAR 'GRUB PA DE LTAR

BYA BAR BSHAD PAS KYANG, SPYOD PA PHYI MA GNYIS BSTAN PAR DGONGS PA'O, ,'DI'I SPYOD PA PHYI MA GNYIS DANG, 'DUS PA'I SPYOD PA GNYIS GCIG TU MI GZUNG NGO, ,'DIR SNGA MA RNAMS BSAM PA'I SGO NAS SPYOD PA GSUM DU 'JOG PA LA GNYIS SU BZHED DE, 'DOD 'JUG GI BSAM PA DANG, RTEN SLOB KYI BSAM PA'O, ,DANG PO NI BRKAM CHAGS SHAS CHE BAS DBANG PO KHO NA'I NGOR DANG, DE DANG TING NGE 'DZIN GNYIS KA'I NGOR DANG, TING NGE 'DZIN 'BA' ZHIG GI NGOR BYAS NAS JI LTAR 'DOD 'DOD DU 'DOD YIN LA SPYOD PA'I BSAM PAS 'JUG PA GSUM NI RIM PA BZHIN SPROS BCAS DANG SPROS MED DANG, SHIN TU SPROS MER GSUM GYI 'JUG BSAM DU 'CHAD DE, RTZA RGYUD LE'U BDUN PA LAS, 'DOD PA'I LONGS SPYOD THAMS CAD LA, ,JI LTAR 'DOD PAR BSTEN NA NI, ,DE LTA BU YI SBYOR BA YIS, ,SANGS RGYAS MYUR DU THOB PAR 'GYUR, ,'DOD PA'I LONGS SPYOD THAMS CAD NI, ,JI LTAR 'DOD PAR BSTEN BYA STE, ,RANG GI LHA YI SBYOR BA YIS, ,BDAG DANG GZHAN LA'ANG MCHOD PAR BYA, ,ZHES DANG, SLONGS MO ZA ZHING MI BZLA STE, , SLONG LA'ANG DGA' BAR MI BYA'O, ,'DOD PA KUN LA LONGS SPYOD CING, ,SNGAGS KYI YAN LAG MA NYAMS BZLAS, ,ZHES GSUNGS PA'I DANG PO'I DON RNAL 'BYOR PAS DBANG PO DANG MTHUN PAR JI LTAR 'DOD PAR BSTEN BAS SPROS BCAS KYI SPYOD PA LA SPYOD PA DANG, GNYIS PA'I DON SPROS MED KYI DBANG DU BYAS NAS RANG GI 'DOD PA DANG MTHUN PAR JI LTAR BDE BA MYONG BA'I 'DOD YON LNGAS RANG GI RANG BZHIN GYI TING NGE 'DZIN GYIS RANG DANG GZHAN LA MCHOD CING TSIM PAR BYED PA DANG, GSUM PA'I DON

, ,SLONG MO ZA BA NI MTSON PA TZAM STE SLONG DU 'GRO BA DANG 'DRA BAR TSOL BA LA SOGS PA LA 'JUG PAS KYANG BZLAS PAR MI BYA'O, ,SLONG BA LA MA CHAGS PAR MA ZAD ZAS LA MA ZHEN PAR JI TZAM GYIS LUS GNAS PA DE TZAM GYIS CHOG SHES PAS SHIN TU SPROS MED KYI SPYOD PA SPYAD PAR BYA'O, ,ZHES SGRON GSAL LAS BSHAD PA'I DON DU BZHED DE, SNGA MA LA DBANG PO DANG MTHUN PAR SPYOD CES 'BYUNG BA LA BRTEN NAS, GANG GI DON DU SPYOD PA'I BSAM PA GSUM BYAS PA'O, , 'DIR GTZO BO GNYIS MED ZUNG 'JUG BDE BA CHEN PO'I YE SHES KYI DON DU DMIGS NAS 'DOD YON LA 'JUG PA NI, SPYOD PA GSUM GA LA 'DRA BAR SNGAR BSHAD CING, RTZA BA'I RGYUD LAS KYANG, CHAGS CAN YE SHES 'DOD PA YIS, ,RTAG TU 'DOD PA'I YON TAN BSTEN, ,ZHES GSUNGS PAS KYANG SHES PAS DBANG PO KHO NA'I SPYOD PA MIN NO, ,GANG LA SPYAD PAS BYANG CHUB KYI SEMS SNGAR MED GSAR DU SKYE BA DANG, MI NYAMS PAR GNAS PA DANG, GONG DU 'PHEL BA'I THABS SU GYUR PA'I 'DOD YON YIN NA NI, 'DOD BZHIN DU 'GOG PA MIN PAR DBANG PO DANG RANG GI 'DOD PA DANG MTHUN PAR LONGS SPYOD PA NI SPYOD PA GSUM GA LA 'DRA BAS 'DOD PA ZHES PA'I TSIG RKANG PA GNYIS GNYIS DANG, 'DOD PA KUN LA LONGS SPYOD CING, ZHES 'DRA BAR GSUNGS TE, DE LTA NA'ANG ZLOS PAR MI 'GYUR BAR BSTAN PA'I PHYIR, TSUL DES SPYOD PA GSUM SPYOD PA STON PAR GSUNGS SO, ,SLONG LA ZHAS SOGS KYIS NI KHA ZAS LA LHAG PAR SRED NAS 'TSOL SGRUB KYI BYA BAS GA-YENGS

NAS LAM SGOM PA'I BAR CHAD DU 'GYUR BA 'GOG GI ,'DOD YON LA RANG BZHIN SHES PA'I SGO NAS RGYUN DU BSTEN PA 'GOG PA MIN PAS LUS GNAS PAR 'GYUR BA TZAM GYIS CHOG SHES PAS ZHES PA NI KHAMS RGYAS PA LA MI GNOD PA'I LUS GNAS PA YIN GYI, SROG 'TSO BA TZAM LA ZER BA MIN NO, ,TSUL DE SPYOD PA GSUM PA'I KHYAD CHOS MIN PA NI LE'U BCU DRUG PA'I SPROS MED KYI KHA ZAS BSTEN PA'I SKABS LAS KYANG SHES LA, SROG 'TSO TZAM LA MI BYED PA NI, SPYIR 'DOD YON RTAG TU BSTEN PAR GSUNGS PA'I DGOS PA LA DPYAD PAS KYANG SHES SO, ,RTEN SLOB KYI BSAM PA NI SNGA MA RNAMS DBANG PO LNGAS 'DOD YON LNGA BSTEN CING, SPYOD PA DANG PO'I SKABS SU LHAR SLOB PA DANG, GNYIS PA LA SEMS TZAM DU SLOB PA DANG, GSUM PA LA STONG PA NYID DU SLOB PA'I SGOM BSAM LA 'CHAD DE, LE'U BDUN PA'I SGRON GSAL LAS, 'DOD YON LA LONGS SPYOD PA LA SPYI DANG SBAS PA DANG, MTHAR THUG GSUM DU BSHAD PA SPYOD PA GSUM DANG SBYAR BA'I DON DU BZHED DO, ,LAM GYI SKABS NI RIM PA BZHIN DRAN PA GCIG PA NAS SGRUB PA LAS DANG PO PA'I BAR DANG, LUS DBEN NAS SGYU MA'I BAR DANG, 'OD GSAL DANG ZUNG 'JUG GI SKABS LA MDZAD DO, ,SPROS BCAS KYI SPYOD PA LA SLOB PAS, 'DOD YON LA 'JUG PA'I SGOM BSAM 'DOD YON LHAR SGOM PA LA, GZUGS NAS REG BYA'I BAR LNGA RNAM SNANG NAS MI BSKYOD PA'I BAR DU BSGOMS NAS RANG RIGS KYI LHA LA 'BUL BA DANG, YUL LNGA RE RE LA MCHOG DMAN

, ,'BRING GSUM YOD PA KUN LHAR SGOM PA LA 'DRA YANG, MCHOG LNGAS MCHOD PA DANG, YANG NA SPYAN LA SOGS PA'I LHA MO DANG, YANG NA RDO RJE MA LNGAR SGOM PA DANG, THAMS CAD KYANG RDO RJE 'CHANG GI LONGS SPYOD DU BLTAS NAS LONGS SPYOD PAR SGRON GSAL LAS GSUNGS SO, ,DE LTAR TSUL GSUM GSUNGS PA NI, CHAGS CAN YE SHES 'DOD PAS SPYOD LAM KUN TU 'DOD YON BSTEN PA DES CI ZHIG BYA ZHE NA, ZHES DRIS PA'I LAN DU, ,BYANG CHUB SEMS DPA' MNYES PAR BYA, ,BYANG CHUB NYI MA CHAGS PAR BYA, ,ZHES GSUNGS PA'I DON BYANG SEMS TE MIG SOGS TE MIG SOGS KYI DBANG PO RNAMS MNYES PAR BYAS LA, DES BYANG CHUB 'BYUNG BZHI DANG, NYI MA PHUNG PO LNGA TSIM PAR BYA BAR SGRON GSAL LAS GSUNGS PAS, RANG GI DBANG PO DANG 'BYUNG BA DANG PHUNG PO LNGA RGYAS PAR BYA BA'I DON DU YIN NO, ,RANG RIGS KYI LHA LA 'BUL BA NI RNAM SNANG SOGS KYIS GTZO BO BYAS PA YIN GYI DE KHO NA MIN NO, ,SGOM PA'I CHA YUL GANG YIN LHAR SGOM YANG, DNGOS SU LONGS SPYOD PA'I TSE YUL YID DU 'ONG BA BSTEN NA DBANG PO RTEN BCAS RGYAS PA LTAR, YUL GZHAN GYIS MI RGYAS PA LA DGONGS NAS MCHOG GI MCHOD PAR GSUNGS SO, ,YUL LNGA SPYAN SOGS BZHIR BSGOMS NA M'A MA K'I RDO RJE DANG RIN PO CHE'I RIGS GNYIS 'DZIN PAS, SKRA DANG REG BYA GNYIS KA DER BSGOM MO, ,DE LTAR GSUM BSHAD KYANG 'DOD YON GYI GTZO BO NI SHES RAB KYI 'DOD YON YIN PAS PHYI MA GNYIS GTZO BOR BSGOM MO, ,'DI NYAMS SU

LEN TSUL NI LE'U BDUN PA LAS, GZUGS SGRA RO LA SOGS PA LA, ,RTAG TU SEMS NI SBYAR BAR BYA, ,'DI NI SANGS RGYAS THAMS CAD KYI, ,GSANG BA'I SNYING PO BSDUS PA'O, ,ZHES GSUNGS SHING SGRON GSAL LAS KYANG YUL LHAR SGOM PA DE LA NYIN MTSAN RTAG TU SEMS KYI MNGON PAR 'DU BYED PA BSKYED PAR BYA BA DANG, 'DI NI SANGS RGYAS KYI GO 'PHANG THOB PAR BYED PA'I THABS SBA BAR BYA BA YIN PAS SNYING PO BSDUS PA YIN PAR BSHAD PAS, YUL LNGA LHAR BSGOMS NAS, LHA RNAMS KYI GZUGS LTA BA SOGS BYED PA LA SGOS SU RGYUN LDAN DU BSGOMS NAS MYONG BA BRTAN PA CIG SNGON DU BSKYED DGOS SO, ,DE YANG PHYI NANG GI GZUGS KYI SKYE MCHED THAMS CAD YONGS SU GYUR PA LAS, GZUGS RDO RJE MA LAG PA'I PADMA 'JAM PAS ME LONG BZUNG NAS ZHI BA'I MIG GIS BLTA ZHING MU TIG GI CHUN PO 'PHYANG BA NU MA RGYAS SHING 'BUR LA BAR DOG PA, GOS CUNG ZAD GROL ZHING RO SMAD MDZES PA STON PA BSAMS NAS, DE'I GZUGS LA RGYUN DU BLTAS PA LAS BDE BA CHEN PO BYUNG BAR BSAM MO, ,DE BZHIN DU SGRA RNAMS SGRA RDO RJE MA GLU SNYAN PA LEN CING PI WANG GI SGRA SGROG PAR BSKYED PA DANG, DRI RNAMS DRI RDO RJE MA GAR BYED CING NOR BU'I SNOD DU GUR KUM DANG AA KA RU DANG, TZANDAN SBRUL GYI SNYING PO DANG, GA BUR LA SOGS PA'I DRIS BKANG BA PHYOGS BCUR DRI BZANG POS KHYAB PAR BYED PAR BSKYED PA DANG, RO RNAMS RO RDO RJE MA GSER DNGUL LA SOGS PA'I RIN PO CHE'I SNOD RO SNA TSOGS PAS GANG BA DANG LHA'I BDUD RTZIS BKANG BA BZUNG BAR BSKYED PA DANG, REG

, ,BYA RNAMS REG BYA RDO RJE MA MTSAN THAMS CAD KYIS BRGYAN PA, KHRO GNYER GSUM GYIS MDZES PA, RKED PA SHIN TU PHRA BA LTE BA YANGS SHING GA-YAS SU 'KHYIL BA RE SMAD DANG 'DOMS STUG PA, 'GROS DAL ZHING SGEG PA, THAMS CAD KYANG BZHIN 'DZUM ZHING CHAGS PA'I MIG GIS BLTA BAR BSKYED NAS, SGRA DRI RO LA LONGS SPYOD PA DANG, PHAN TSUN 'KHYUD DE REG BYA LA SPYAD PAS BDE BA CHEN PO RGYAS PAR BSAM MO, ,SGOM TSUL DE RNAMS NI SPYAN MA LA SOGS PA LA YANG SBYAR LA, RNAM SNANG LA NI GZUGS SHIN TU MDZES PA DANG, BAR PA GSUM LA'ANG PHYAG MTSAN SNGA MA LTAR DANG, LNGA PAS GOS MCHOG GI REG BYA BZUNG BAR SGOM DGOS SAM DPYAD PAR BYA'O, ,DE RNAMS RE RE LA'ANG RIGS MTHUN MANG POR SGOM PA YANG RUNG NGAM SNYAM MO, ,DE LTAR GOMS PA NA THOG MAR YID LA BDE BA SKYE LA, DE RIM GYIS BRGYUD NAS DBANG PO RTEN BCAS KYI LUS KYANG RGYAS PAR 'GYUR TE, RIGS PA'I DBANG PHYUG GIS, 'DI 'GYUR NA NI DE DAG KYANG, ,'GYUR BA DAG TU MTHONG BA YIN, ,ZHES GSUNGS PA LTAR SEMS SHIN TU BDE BA NA LUS MDANGS BZANG BAR MTHONG ZHING, TING NGE 'DZIN LUS KYI 'BYUNG BA RGYAS PA'I RGYAS 'BYUNG GI RGYUR GSUNGS PA'I PHYIR RO, ,DE 'DRA BAS LUS RGYAS NA NI BYANG CHUB KYI SEMS KUN DA LTA BU 'PHEL NAS, ZHU BDE'I TING NGE 'DZIN 'PHEL BAR 'GYUR LA, DES STONG NYID BSGOMS PAS RDZOGS RIM GYI RTOGS PA MCHOG RNAMS RDZOGS PAR SKYED PA'I DGE RTZA SMIN PAR 'GYUR RO, ,DE 'DRA BA'I TING NGE 'DZIN BRTAN NA DBANG POS

YUL LNGA LA DNGOS SU LONGS SPYOD PA'I TSE SNGAR BSGOMS PA LTAR GYI TING NGE 'DZIN MNGON DU 'GYUR BAS, BDE CHEN GYI MI MTHUN PHYOGS KYI THA MAL GYI YID BYED SDOM PAS, LAM 'DI'I LUGS KYI DBANG PO'I SGO SDOM PA'I TSUL KHRIMS MCHOG TU GSUNGS SO, ,'DI NI THOG MAR LAM SGOM PA NAS BZUNG STE LUS LA GNAD DU BSNUN PA BSGOM STOBS KYIS RLUNG DH'U T'IR THIM PAS STONG PA RNAMS 'DREN MI NUS TSUN CHAD KYIS 'DOD YON LA SPYOD PA'I SGOM BSAM YIN LA, DE YANG BSGOMS STOBS KYIS RLUNG DH'U T'IR THIM PA LAS BYUNG BA'I BDE STONG SBYAR BAS, MTSAN 'DZIN GYI SPROS PA ZIL GYIS GNON PA LTAR MI NUS PAS SPROS BCAS KYI BSAM PA ZHES BYA'O, ,BSKYED RIM PA LA SGOM BSAM GYI SGO NAS SPYOD PA PHYI MA GNYIS MED KYANG, YUL DANG BYA BA LA SOGS PA'I SPROS PA CHE CHUNG GI SGO NAS SPYOD PA GSUM YOD DO, ,GDAMS PA 'DI NI BSKYED RIM THOG MAR SGOM PA NAS BYA DGOS LA, LAS DANG PO PA LA SHIN TU GAL CHE'O, ,SGOM STOBS KYIS RLUNG THIM PA'I STONG PA RNAMS 'DREN NUS PA NAS BZUNG STE, RIM PA BZHI PA'I 'OD GSAL MA THOB TSUN CHAD DU SNGAR MNYAM GZHAG GI STONG PA RNAMS DRAN NAS, RJES KYI SKABS SU RANG RDO RJE 'CHANG DU BSKYED PA DANG, 'DOD YON LA SPYOD PA GNYIS KA LA STONG PA GSUM GYIS RGYAS BTAB NAS, RDO RJE 'CHANG LA 'BUL BA'I TSUL GYIS LONGS SPYOD PA NI SNGA MA LA BLTOS NA MTSAN GYI SPROS PA CHUNG LA DE KHO NA NYID MNGON SUM DU RTOGS PA MIN PAS, SPROS MED KYI SPYOD PA LA SLOB PA'I SGOM BSAM MO, ,DE YANG SGOM BSAM GYI SGO NAS SPROS

, ,BCAS DANG, SHIN TU SPROS MED KYI SPYOD PA GNYIS MED KYANG, BYA BA LA SOGS PA'I SGO NAS YOD PAS SPYOD PA GSUM YOD DO, ,SLOB PA'I ZUNG 'JUG THOB PA NAS BZUNG STE MI SLOB PA'I ZUNG 'JUG MA THOB PA'I BAR DU, RJES KYI SKABS SU 'DOD YON LA SPYOD PA NA DE KHO NA NYID MNGON SUM DU RTOGS PA DRAN NAS RGYAS BTAB STE SPYOD PA NI BDEN ZHEN GYI MTSAN 'DZIN GYI SPROS PA'I SA BON LAS GROL BAS SHIN TU SPROS MED PA'I SGOM BSAM MO, ,'DI DANG SNGA MA GNYIS LA'ANG 'DOD YON LHAR 'CHAR BA'I SGOM BSAM NI YOD DO, ,'DI LA SGOM BSAM GYI SGO NAS SPYOD PA SNGA MA GNYIS MED KYANG, BYA BA LA SOGS PA'I SGO NAS 'JOG PA NI SNGAR DANG 'DRA'O, ,GSUM PA LA GNYIS, SPROS BCAS DANG SPROS MED KYI SPYOD PA SGRUB TSUL DANG, SHIN TU SPROS MED KYI SPYOD PA SGRUB TSUL LO, ,DANG PO LA GNYIS, THUN MONG BA'I CHO GA DANG, SO SO'I CHO GA'O, ,DANG PO NI, SPYOD PA GNYIS GANG DU SGRUB PA'I GNAS NI, MNYAM SBYOR SPYOD BSDUS SU DRANGS PA 'GYUR RNYING LAS, YANG NA SRID PA GSUM DAG GAM, SKYED MOS TSAL LA SOGS PAR SGRUB, ,CES DANG, PA TSAB KYIS BSGYUR BA LAS, SA GSUM RANG GI SKYED MOS TSAL, ,ZHES 'BYUNG YANG, CHAG 'GYUR LAS, GNAS SAM YANG NA RANG GI NI, ,SKYED MOS TSAL LA SOGS PAR SGRUB, ,CES DANG, RGYUD LOGS SU BSGYUR BA LAS, YANG NA BDAG GI GNAS DAG GAM, ,SKYED MOS TSUL LA SOGS PAR SGRUB, ,CES 'BYUNG BAS, RANG GI GNAS KHANG NGAM SKYED MOS TSAL LA SOGS PA YID DANG RJES SU MTHUN PA'I GNAS SKAL BA NGAN PA

RNAMS DANG BRAL BAR SGRUB BO, ,DER KHANG PA 'DU BYA TSUL NI, SO PHAG LAS BYAS PA'I LHA'I KHANG PA SUM BRTZEGS, GRU BZHI SGO BZHI RTA BABS BZHI DANG LDAN PA, RIN PO CHES SPRAS PA LA SOGS PA RGYAN RNAM PA SNA TSOGS DANG LDAN PA BYA'O, ,YANG NA SA'I KHANG PA RA BA BRTAN PA RGYAN SNA TSOGS DANG LDAN PA BYA'O, ,DE GNYIS KHANG PA MCHOG DMAN YIN KYANG SUM PA RTZEGS BYED LUGS 'DRA BAS, PHYI MA SA PHUG SUM RIM BRUS PA MIN NO, ,DER MCHOD PAS BRGYAN PA'I RIM PA NI, 'OG KHANG DU TSANG MANG BA RNAMS DANG, BAR KHANG DU PI WANG DANG GLU DANG ROL MO LA SOGS PA'I YO BYAD BZHAG ,STENG KHANG DU SNGAR BSHAD PA'I RIN PO CHE'I RGYAN DANG, DRIL BU RNGA YAB BLA RE SOGS KYIS BRGYAN TE, DPAL SNA TSOGS SKAL PA BZANG PO MCHOG GI RNAL 'BYOR MA RNAMS DANG RNAL 'BYOR PA RNAMS 'DU BA'I GNAS SO, ,DE YAN CHAD SPYOD PA GNYIS 'DRA'O, ,DER SPROS BCAS KYI SPYOD PA YIN NA, LHA NI NYI SHU GTZO BO DANG NYER GCIG GI GDAN SNA TSOGS PADMA RAS KYIS GA-YOGS PA DE TZAM ZHIG BSHAM, SPROS MED YIN NA TSOGS KYI GRANGS DANG MNYAM PA BYA STE, RNAL 'BYOR PHO MO CHA LUGS BSGYUR BA NI, MNYAM SBYOR LAS BSHAD PA BZHIN DU 'DUS PA NAS KYANG GSUNGS TE, LE'U BCU DRUG PA LAS, , SKU GSUNG THUGS KYI RDO RJE RNAMS, ,LUS DANG NGAG SEMS SGOM PA NI, ,RANG TSUL NYID KYIS DE BYA STE, ,DE LTAR DNGOS GRUB THOB PAR 'GYUR, ,ZHES GSUNGS SHING, DE'I 'GREL PAR, RANG TSUL TE CHA LUGS BSGYUR BA NYID KYIS BYA'I SGOM PA TZAM

, ,GYIS NI MA YIN NO, ,ZHES RDO RJE GSUM GYI RNAL 'BYOR PAS RIG PA BRTUL ZHUGS KYI SPYOD PA BYED PA NA RANG DANG PHYAG RGYA GNYIS KA LA DE LTAR BSHAD DO, ,'BAG GI RGYU NI, SPYOD BSDUS LO TSAN DANG PA TSAB KYIS BSGYUR BA DANG, MNYAM SBYOR LEGS SU BSGYUR BA LAS, KHAMS KYI RANG BZHIN DANG SROG DANG RTZA LAS BYUNG BA ZHES 'BYUNG BA'I PHYI MA NI, CHAG GIS SROG CHAGS RTZA BA LAS BYUNG BA ZHES BSGYUR BA LEGS PAS, GSER DNGUL LA SOGS PA'I RIN PO CHE'I KHAMS DANG, MI RUS LA SOGS PA SROG CHAGS LAS BYUNG BA DANG, SHING GI RTZA BA SOGS LAS BYAS PA'I 'BAG BYA STE, SGRON GSAL LAS KYANG, SHING LA SOGS PA LAS BYA BAR BSHAD DO, ,BZO'I RNAM PA NI LUGS SU BLUG PA DANG, 'BUR DU BRKOS PA DANG, BRDUNGS PAS MNGON PAS 'DU BYAS PA DANG, BRIS PA GANG YANG RUNG NGO, ,DE YANG ZHAL PHYAG SOGS DANG SKU MDOG DANG PHYAG MTSAN RNAMS LHA JI LTA BA BZHIN BYA'O, ,SPYOD BSDUS 'GYUR RNYING DANG CHAG 'GYUR LAS, , RANG GI LHA LA MNGON PHYOGS PA'I, ,GRUB PA'I PHYAG RGYAS RAB TU BSKOR, ,ZHES PA LTAR NA 'DI'I RIG MA LA 'GRUB PA'I PHYAG RGYA MA DGOS PAR BSHAD KYANG, PA TSAB KYIS, RANG GI LHA YI 'BAG RNAMS KYIS, ,DNGOS GRUB PHYAG RGYA MA 'BYUNG BA, ZHES GSUNGS PA LTAR RANG GI LHA'I 'BAG GIS CHAS BSGYUR BA'I PHYAG RGYA MA DNGOS GRUB 'BYUNG BAS BSKOR BA'I DON TE, MNYAM SBYOR LOGS SU BSGYUR BA LAS KYANG, RANG GI LHA YI CHA LUGS SU, ,BSGRUB PA'I PHYAG RGYAS RAB TU BYA, ,

ZHES 'BYUNG BA LTAR RO, ,SPYOD BSDUS 'GYUR RNYING LAS, LUGS MA'AM YANG NA 'BUR DANG NI, ,MNGON PAR 'DU BYAS LEGS BRIS PA, ,RNAM PA SNA TSOGS GZUGS BRNYAN NI, ,MTSAN MA'I PHYAG RGYA RAB TU BRTAG ,ZHES 'BYUNG ZHING, MTSAN MA'I PHYAG RGYA'I DON 'DI 'BAG LA 'CHAD PA MIN TE, RGYUD DU MTSAN MA'I PHYAG RGYA PHYAG MTSAN LA GSAL BAR BSHAD PAS SO, ,DES NA PA TSAB KYIS, RNAM PA SNA TSOGS GZUGS BRNYAN DANG, ,ZHES BCAD NAS BSGYUR BA LEGS SO, ,SPYOD BSDUS 'GYUR RNYING LAS, RANG GI LHA DANG LDAN PA YI, ,BUD MED DAG NI LEGS BSLABS PA, ,SKAL BZANG RANG GI PHYAG RGYAS MTSAN, ,TSOGS KYI DKYIL 'KHOR BRTAG PAR BYA, ,ZHES 'BYUNG BA'I DANG PO'I DON NI RGYUD LOGS SU BSGYUR BA LAS, RANG GI LHA DANG 'DRA BA YI, ,ZHES 'BYUNG BA LTAR YIN LA, 'DRA TSUL NI PA TSAB KYIS, RANG GI LHA YI 'BAG RNAMS KYIS, ,BUD MED LAGS BSGRUBS, ZHES PA LTAR GO BAR BYA STE, 'ON KYANG LEGS BSLABS SU BSGYUR BA NYID LEGS SO, ,DKYIL 'KHOR PA'I LHA GRANGS KYI CHA LUGS SU BSGYUR BA'I RNAL 'BYOR PHO MO GNAS RNAMS SU BKOD PA 'DI LA TSOGS KYI DKYIL 'KHOR ZHES ZER LA, MNYAM SBYOR RTZA RGYUD DU 'DIR SLOB MA DBANG BSKUR BA YANG GSUNGS SO, ,'DI YANG DKYIL 'KHOR GYI DBUS SU SPYOD PA BYED MKHAN GYI RNAL 'BYOR PA DANG, DE'I RIM PA DANG PO'I SHAR LHO NUB BYANG BZHIR RIM PA BZHIN DU BUD MED BZHI NI, BDE MCHOG SGYU MA DANG, AE MA HO BDE BA DANG, SGRON MA DANG, SHA SHI STE LHA MO BZHI'I RNAM PAR 'KHOD DO, ,PHYI MA NI CHAG GIS RI BONG CAN MAR BSGYUR RO, ,DE DAG NI LHAN

, ,CIG SPYOD PA'I BUD MED DO, ,DE'I SHAR LHO NAS GA-YAS SKOR GYI MTSAMS BZHIR RIM PA BZHIN DU BUD MED BZHI NI, SANGS RGYAS KYI BYANG CHUB MA DANG, CHOS KYI 'KHOR LO MA DANG, KHAMS GSUM RNAM RGYAL MA DANG, 'DOD PA'I LCAGS KYU MA STE LHA MO BZHI'I RNAM PAR 'KHOD DO, ,DE'I PHYI ROL RIM PA GNYIS PA'I ME NAS GA-YAS SKOR GYI MTSAMS BZHIN DU BUD MED BZHI NI, GLING BU MA DANG, RGYUD MANGS MA DANG, RGYUD GCIG MA DANG, RGYUD STUG PO MA STE LHA MO BZHI'I RNAM PAR 'KHOD DO, ,PHYI MA GSUM NI PI WANG MA DANG, RNGA ZLUM MA DANG, RDZA RNGA MAR MNYAM SBYOR GYI PHYAG RGYA'I SKABS LAS SHES SO, ,DE'I PHYI ROL RIM PA GSUM PA'I ME NAS GA-YAS SKOR GYI MTSAMS BZHIR RIM PA BZHIN DU BUD MED BZHI NI, RDO RJE ME TOG MA DANG, RDO RJE BDUG PA MA DANG, RDO RJE MAR ME MA DANG, RDO RJE BYUG PA MA'I RNAM PAS ME TOG DANG, SPOS KHANG DANG, MAR ME MCHOG DANG, DRIS GANG BA'I DUNG PHOR THOGS NAS 'KHOD DO, ,RIM PA GSUM PA'I SHAR LHO NAS GA-YAS SKOR GYI SGO BZHIR RIM PA BZHIN DU BUD MED BZHI NI RTA GDONG MA DANG, RDO RJE PHAG GDONG MA DANG, RDO RJE SNANG BA MA DANG, THAL BA RAB TU 'JIG PA'I RO LANGS MA'I RNAM PAS GNAS SO, ,DE NI SHI NAS THAL BAR SONG BA YANG 'TSO BAR BYED PA'I DON NO, , LHAG MA BCU DRUG NI RJES SU SPYOD PA'I BUD MED DU DON GYIS SHES SO, ,LE'U BCO LNGA PA'I SGRON GSAL LAS, BSKYED RIM PA'I SPROS MED KYI SPYOD PA'I SKABS SU DKYIL 'KHOR GYI CHO GAS DKYIL 'KHOR BYA BAR GSUNGS LA, DE NI RJE 'GOS

KYI BZHED PAS DKYIL 'KHOR CHU TSON GYIS LEGS PAR 'DRI BA LA MDZAD PA LEGS SO, ,'DUS PA'I SPROS MED PA YIN NA 'DUS PA'I DKYIL 'KHOR CHU TSON GYIS BRIS LA, TSOGS MANG NYUNG DANG BSTUN PA'I 'DRA 'BAG GIS CHAS 'JUG BYA STE, LHA RANG RANG GI GNAS SU DGOD DO, ,GNYIS PA LA GNYIS, SPROS BCAS KYI CHO GA DANG, SPROS MED KYI CHO GA'O, ,DANG PO NI, 'PHAGS PA YAB SRAS KYIS GSANG 'DUS PAS SPROS BCAS SPROS MED KYI CHO GA 'DI LTAR BYED PA NI GSAL BAR MA GSUNGS MOD KYANG, 'DUS PA'I SGO NAS SPROS BCAS KYI SPYOD PA BYED PA NI BZHED DO, ,DE BYED NA JI LTAR BYED PA LA KHA CIG MNYAM SBYOR NAS BSHAD PA'I LHA MO NYI SHU'I STENG DU LHA MO GNYIS KYI RNAL 'BYOR PHO MO CHAS SU ZHUGS PA BSNAN NAS BYED CES GSUNG MOD KYANG, SPYOD BSDUS LAS, RIGS GCIG TU GTOGS PA'I SLOB MA DANG LHAN CIG TU BYED PAR GSUNGS PAS, MNYAM SBYOR DANG 'DUS PA'I DKYIL 'KHOR SO SO BA GNYIS KYI CHO GA THUN MONG DU MIN NO, ,DES NA 'DUS PA'I LUGS KYIS SPROS BCAS KYI SPYOD PA BYED NA TSOGS KYI DKYIL 'KHOR NI 'DUS PA'I LHA GRANGS DANG MNYAM PA LA RGYUD GZHAN NAS BSHAD PA'I PHYAG RGYA DANG, PHYAG RGYA'I LAN LA SOGS PA'I SPROS PA RNAMS BSNAN NAS BYA DGOS SO, ,MNYAM SBYOR LTAR BYED NA NI, RIM PA GNYIS KYI RNAL 'BYOR PA RNAMS DANG LHAN CIG TU, DON DAM BDEN PA LA DMIGS PA'I STONG NYID BSGOMS NAS, DE NAS 'BYUNG BA RIM RTZEG RI RAB KYI BAR DANG, DE'I RTZE MOR PADMA DANG SNA TSOGS RDO RJE'I SA'I CHA SKYED PA'I STENG DU, RDO RJE RTZE MO CAN GYI GZHAL

, ,YAS KHANG GDAN BCAS KYI BAR MTSAN NYID RDZOGS PAR BSKYED, DE NAS RDO RJE SEMS DPA' SOGS GTZO BO GANG YIN DU BDAG LA BYIN GYIS BRLAB PA'I RIM PAS BSKYED DE, DKYIL 'KHOR GYI GTZO BO'I TSUL GYIS 'DUG NAS 'KHOR SKYED PA NA, BUD MED NYI SHU LHA MO DE DANG DE'I NGO BOR BSKYED CING, DE DAG GIS KYANG RANG RANG DE BZHIN DU BSKYED, SPYOD BSDUS KYI TSIG ZIN LA DE TZAM ZHIG LAS MI 'DUG KYANG SNGON DU BSRUNG 'KHOR SGOM PA DANG, YE SHES PA GZHUG PA SOGS KYANG KHA BSKANG DGOS PAR MNGON NO, ,DE NAS 'DOD YON LA SPYOD PA NI, TING NGE 'DZIN YANG DAG PA'I TSUL GYI BDAG NYID CAN DRAN PA SNGON DU BTANG STE, RANG GI SKU'I DKYIL 'KHOR LA GNAS PA'I DE BZHIN GSHEGS PA THAMS CAD TSIM PAR BYA'O, ,SNYAM DU BSAM NAS, THOG MAR GZUGS DANG SGRA DANG DRI'I YUL GSUM LA SPYOD DO, ,DE NAS RO LA SPYOD PA NA KHA ZAS RNAMS SBYANG BA DANG RTOGS PA DANG SBAR BA SOGS BYAS NAS, NANG GI THAB KHUNG RANG BZHIN GYIS GRUB PA DRAN TE, TING NGE 'DZIN SEMS DPA'I ZHAL DU SREG RDZAS DBUL BA'I BSAM PAS BZA' STE, DES NI BDE BAR 'JU ZHING BCUD LEN DU YANG 'GYUR RO, ,DE LTAR BZA' BTUNG GIS SKU RDO RJE LUS KYI PHUNG KHAMS SOGS TSIM PAR BYAS NAS, MTHAR REG BYA LA SPYOD PA'I TSUL NI, LHAN CIG SPYOD PA DANG RJES SU SPYOD PA'I LHA MO NYI SHU'I NANG NAS, 'DOD PA'I SGYU RTZAL LA MKHAS PA JI LTAR 'DOD PA'I PHYAG RGYA ZHIG BLANGS TE PANG DU BZHAG ,'DI LA BRTEN NAS PHYAG RGYA CHEN PO'I DNGOS GRUB RDZOGS

PAR BYA'O SNYAM DU MOS PA BRTAN PO BSKYED NAS, 'KHYUD PA NAS RTZA BSKUL BA LA SOGS PA'I BAR BYAS NAS, RANG RIGS KYI SKYIL KRUNG BCAS LA SNYOMS 'JUG GI LAS LA GNAS PAR BYA'O, ,'DIR SPYOD BSDUS LAS, DE BZHIN GSHEGS PA DANG RDO RJE DANG RIN PO CHE DANG PADMA DANG LAS KYI SKYIL KRUNG LA SOGS PA BYA BAR GSUNGS TE, GTZO BO SO SOR 'PHO BA'I LUGS SO, ,DE NAS RDO RJE DANG PADMA BSRUBS PA LAS PHUNG PO LA SOGS PA'I NGO BO NYID KYI DE BZHIN GSHEGS PA THAMS CAD SPYI BO NAS BRTZAMS TE RTZA BDUN KHRI NYIS STONG LAS, RI GZAR LAS CHU RGYUN LTAR A'A LI DANG K'A LI'I BYANG SEMS ZHU NAS, 'DOD CHAGS DANG BRAL BA SNANG BA DANG, 'DOD CHAGS MCHED PA DANG, 'DOD CHAGS BAR MA NYER THOB BSKYED PA'I RIM GYIS 'BAB CING, MTHAR THAMS CAD STONG PA 'OD GSAL SHER PHYIN GYI NGO BO, RNAL 'BYOR PA SO SOS RANG GIS RIG PAR BYED DO, ,'DI NI GTZO CHER MNYAM SBYOR GYI LUGS LTAR 'CHAD PA YIN PAS, BYANG SEMS SPYI BO NAS NOR BU'I RTZE BAR DU PHAB PA'I DGA' GZHI MYONG BA LA BSHAD DE, 'ON KYANG DE'I LUGS LA'ANG 'OG NAS 'CHAD PA LTAR GYI SNYING KHA'I SDUD RIM LAS STONG PA BZHI SKYED PA MED PA'ANG MIN NO, ,'DIR MCHOG THOB PA'I RNAL 'BYOR PAS RIGS DRUG GI SGO NAS TSOGS KYI DKYIL 'KHOR DE NYID DU TSAR BCAD DANG RJES 'DZIN GYI 'PHRIN LAS MDZAD PAR GSUNGS PA NI, PHAL CHER SLOB PA'I ZUNG 'JUG THOB PA NAS YIN TE, 'PHRIN LAS DE NI MNYAM SBYOR LAS GSUNGS SO, ,DE LTAR PHYAG RGYA LA BRTEN NAS LHAN SKYES BSKYED PA BSKYANGS

, ,BA'I MTHAR, DE LAS LANGS BA NA BDE BA CHEN PO'I NGO BO'I GTZO BO NI, RANG GZHAN GYI DON GYI CHOS MYUR DU 'BYUNG BA'I AA RA LI CHEN PO'I ROL PA'I NGO BO NYID RAB TU BSTAN PA'I PHYIR, SANGS RGYAS KYI ROL MO'I GAR MDZAD PA'I RIM PA NI, RNAL 'BYOR MA RNAMS DANG LHAN CIG TU GTZO BOS PHYAG RGYA STON PA DANG, RIG MAS PHYAG RGYA DE'I LAN STON PA DANG, DE BZHIN DU PHYAG DANG PHYAG GI LAN DANG, MCHOD PA DANG MCHOD PA'I LAN DANG, GAR DANG GAR GYI LAN DANG, GLU DANG GLU'I LAN DANG, LUS KYI BRDA DANG NGAG GI BRDAS THA SNYAD DU BYED DO, ,SPYOD BSDUS LAS PHYI MA GNYIS BSHAD PA LAS, PHYAG DANG PHYAG GI LAN DANG, MCHOD PA DANG MCHOD PA'I LAN CUNG ZAD BSTAN PA MA GTOGS PA, GZHAN RNAMS MA GSUNGS TE RGYUD GZHAN LAS SHES DGOS SO, ,DE LTAR BYED PA'I DGOS PA NI, SPYOD BSDUS LAS, THUGS GZHAN DU MI 'GYUR BA DANG, PHAN TSUN RAB TU DGA' BAR BYA BA'I PHYIR YIN PAR GSUNGS TE, BDE BA CHEN PO LAS SEMS GZHAN DU MI GA-YO BA DANG, PHAN TSUN GYI BDE BA 'PHEL BA'I DON DU YIN NO, ,'DOD YON SPYOD PA LA BRTEN NAS MNYAM GZHAG TU LHAN SKYES SGOM PA DANG, DE LAS LANGS PA'I RJES THOB TU SNGAR BSHAD PA'I SGOM BSAM GYIS PHYAG RGYA LA SOGS PA'I SPROS PA DU MA'I SGO NAS 'DOD YON LA SPYOD PA NYIN MTSAN KUN TU SPYOD DO, ,GSANG 'DUS PA'I LUGS KYIS SPROS BCAS KYI SPYOD PA BYED NA, LHA SO GNYIS DANG GRANGS MNYAM GYI RNAL 'BYOR PHO MO CHA LUGS BSGYUR BA SO GNYIS GDAN SO GCIG LA LHA'I GNAS JI LTA BAR 'KHOD NAS,

RIM GNYIS KYI SGRUB THABS DANG MTHUN PAR BSGOMS PA'I MTHAR, 'DOD YON LNGA LA SNGAR LTAR LONGS SPYOD PA'I 'OG TU, PHYAG RGYA DANG DE'I LAN LA SOGS PA'I BYA BA'I SPRES PA BSNAN PA'O, ,CHO GA'I TSUL NI 'CHAD PAR 'GYUR RO, ,GNYIS PA NI, SPYOD BSDUS LAS, SPRED MED KYI SPYOD PA LA 'BYOR BAS MA LCOGS NAS BSDUS PA'I DKYIL 'KHOR RDZOGS PAR BYA MA NUS NA, PHYAG RGYA MA LNGA DANG LHAN CIG TU DE KHO NA NYID RNAM PA LNGAS KYANG SPROS MED KYI SPYOD PA BYA BA DANG, DE YANG MED NA PHYAG RGYA MA GCIG DANG YANG LHAN CIG TU SPROS MED KYI SPYOD PA BYA BAR GSUNGS PAS, 'BYOR BAS LCOGS NA BSDUS PA'I DKYIL 'KHOR RDZOGS PAR BYED PA'I SPROS MED KYI SPYOD PA DANG TSUL GSUM GSUNGS SO, ,DE NAS BSDUS PA'I DKYIL 'KHOR RDZOGS PAR BYED MI NUS PA NI LHA GRANGS DANG MNYAM PA'I RNAL 'BYOR PHO MO'I CHAS 'JUG SOGS KYI YO BYAD TSANG MA TSANG YIN GYI, DKYIL 'KHOR RDZOGS PAR SGOM PA CHO GA BYED MI BYED NI MIN NO, ,LE'U BCO LNGA PA'I SGRON GSAL LAS, MI BSKYOD PA'I RNAL 'BYOR PAS RANG GI PHYAG RGYA DANG LHAN CIG TU SPROS MED KYI SPYOD PA BYAD PA'I SKABS SU, MI BSKYOD PA'I DKYIL 'KHOR BSGOMS PA'I DKYIL 'KHOR GYI LHA RNAMS KYIS DKYIL 'KHOR BRGYAN PAR BYA BAR GSUNGS PAS KYANG, DKYIL 'KHOR PA'I LHA RDZOGS PAR SGOM PA NI SPROS MED KYI SPYOD PA GSUM GA LA 'DRA'O, ,DE LTAR DKYIL 'KHOR CHU TSON GYIS BRIS PAR SNA TSOGS PADMA RAS KYIS GA-YOGS PA SE GCIG LHA GNAS SU SHOM PA DANG, DER LHA'I 'DRA 'BAG GI CHAS SU ZHUGS PA'I RNAL 'BYOR

, ,PA NYER GSUM DANG RNAL 'BYOR MA DGU 'KHOD PA NI SPROS MED RGYAS PA'O, ,SPROS MED 'BRING GSANG BA LNGA'I DE KHO NA NYID KYI SPYOD PA NI, LE'U BCO LNGA PA'I SGRON GSAL RTZA 'GREL LAS, GDAN DBUS MA LA SGRUB PA PO RDO RJE 'CHANG DU SGOM PA DANG, SPYAN MA LA SOGS PA'I GNAS BZHIR SNGAGS DANG RGYUD LEGS PAR BSLABS PA'I BUD MED SPYAN MA LA SOGS PA'I NGO BOR BRTAGS PA BZHI NYIN MTSAN DU BZHAG PAR GSUNGS LA, SPYOD BSDUS LAS, BUD MED BZHI GZUGS RDO RJE MA LA SOGS PA BZHI'I RNAM PAS MTSAMS BZHI DANG, BUD MED GCIG REG RDO RJE MA'I RNAM PAS RANG GI PANG NA GNAS PAR GSUNGS TE, BUD MED LNGA LAS MED NA DE GNYIS GDAM PA CAN DU MNGON NO, ,LE'U BCU DRUG PA LAS, RIGS GSUM GYI RNAL 'BYOR PAS, SPYAN MA DANG, M'A MA K'I DANG, GOS DKAR MOS BYA BAR BSHAD PA'I GZHUNG SPYOD BSDUS SU PHYAG RGYA GCIG PA'I SPROS MED KYI KHUNGS SU DRANGS PAS, DE LA NI GTZO BO'I PHYAG RGYA REG RDO RJE MA KHO NAR BSKYED PAR MA NGES TE, 'DI NA SPROS MED GZHAN GNYIS LA'ANG SHES PAR BYA'O, ,DES NA SPROS MED 'BRING PO BYED NA DKYIL 'KHOR GYI DBUS DANG NANG GI GRVA BZHIR SNA TSOGS PADMA RAS KYIS GA-YOGS PA LNGA'AM, YANG NA RIM PA GNYIS PA'I GRVA BZHIR TE GDAN LNGA DANG, CHA LUGS BSGYUR BA DRUG DANG, SPROS MED BSDUS PA BYED NA GDAN DANG CHA LUGS BSGYUR BA GNYIS GNYIS BYA'O, ,DE NAS CHO GA'I RIM PA DNGOS NI, SPYOD BSDUS LAS, DER RDO RJE NOR BU'I RTZE MO CAN GYI GZHAL YAS KHANG BSKYED DE, PHYI ROL GYI PHYAG RGYA MNGON

PAR SBYANGS LA, RIGS GCIG TU GTOGS PA'I SLOB MA DANG LHAN CIG TU PHYAG RGYA CHEN PO BSGRUB PAR BYA'O, ,DE'I RIM PA NI DANG PO KHO NAR DON DAM PA'I BDEN PA LA DMIGS NAS, BDAG LA BYIN GYIS BRLAB PA'I RIM PAS LANGS LA, MI BSKYOD PA PHYUNG STE RJES SU BCUG NAS DKYIL 'KHOR GYI BDAG PO NYID DU GNAS LA ZHES GSUNGS SHING, 'KHOR SKYED TSUL NI SPYOD BSDUS PA TSAB KYIS BSGYUR BA LAS, DE NAS RNAM PAR SNANG MDZAD LA SOGS PA'I DKYIL 'KHOR PA'I LHA, THA MAL PA'I RNAM PAR RTOG PA BSAL TE MI PHYED PA'I 'KHOR RANG GI LUS KYI DKYIL 'KHOR GYI YAN LAG TU GYUR PA RNAMS SU MOS PA BYAS NAS, DKYIL 'KHOR GYI 'KHOR LO MTHA' DAG MNYES PAR BYA STE ZHES 'BYUNG BA GSAL LO, ,DE NAS RANG GI PHYAG RGYA DANG LHAN CIG RIL POR 'DZIN PA DANG, RJES SU GZHIG PA'I RIM PAS DON DAM BDEN PA LA 'JUG GO, ,DE NAS SPYAN LA SOGS PA'I LHA MO RNAMS KYIS, RDO RJE'I SEMS KHYOD CES SOGS KYI TSIGS BCAD KYIS BSKUL BAS, BDAG BYIN BRLABS KYI RIM PAS SKAD CIG GIS LANGS NAS, MCHOG TU DGA' BA'I RO MYANG BA'I PHYIR GAR GYI NYAMS DGUS DANG POR GZUGS SGRA DRI RO BZHI DANG, DE NAS SME SHA CAN LA SOGS PA'I PHYAG RGYA GANG RUNG BZUNG NAS SNYOMS PAR ZHUGS TE REG BYA LA SPYOD PAR GSUNGS SO, ,DER DANG PO SBYOR BA'I CHO GA JI TZAM ZHIG BYA BA ZHIB TU MI GSAL BA LA, RJE 'GOS KYI BZHED PAS BSRUNG 'KHOR NAS BZUNG STE, DANG PO SBYOR BA RDZOGS PAR SGOM PAR BZHED CING, BTZUN MO CAN DANG SPRIN SHUGS CAN GYI BZHED PAS, BSKYED RIM PAS CHO GA GSUM BSKYED SOGS SGRUB THABS BZHIN DU

, ,BYED LA, RDZOGS RIM PAS SKAD CIG GIS BSKYED PAR BZHED DO, ,GZHUNG GZHAN NAS BSKYED RIM MTHAR PHYIN PAS BDAG BSKYED KYI SKOR RNAMS DKRONGS BSKYED BYED PAR BSHAD PA YANG YOD DO, ,SPYOD BSDUS LAS GSUNGS TSOD LA NI, RDO RJE 'CHANG DANG MI BSKYOD PA'I SGRUB PA PO GNYIS KA RUNG LA, SPYIR NA RIGS DRUG GI SGO NAS GTZO BO BYED PA YANG YOD DE RIM PA GNYIS KA LA 'DRA'O, ,RI RAB KYI RTZE MOR GZHAL YAS KHANG SKYED PA NI SNGAR MA RGYUD KYI SKABS SU BSHAD KYI 'DIR MI DGOS SO, ,SKABS 'DI'I BSKYED RIM PAS NI DANG PO SBYOR BA'I SKABS DANG, DKYIL 'KHOR RGYAL MCHOG GI MTHAR 'OD GSAL DU 'JUG PA DANG, DE LAS LANGS NAS DNGOS KYI RIG MA LA BRTEN PA'I SKABS GSUM GAR YANG DGA' BZHI'I RIM GYIS LHAN SKYES KHYAD PAR CAN BSKYED NUS PAS BSKYED RIM GYI SKABS GZHAN DANG MI 'DRA'O, ,DKYIL 'KHOR RGYAL MCHOG NI DNGOS KYI RIG MA DANG SNYOMS PAR ZHUGS PA LAS YUM GYI PADMAR RTEN DANG BRTEN PA'I DKYIL 'KHOR BSKYED LA, MI BSKYOD PA PHYUNG STE SPROS PA SOGS KYI MTHAR RANG LA BCUG PAS ZHE SDANG RDO RJER BSGYUR PA NI RIGS GNYIS KYI DBANG DU BYAS LA GZHAN GTZO BO SO SO DANG MTHUN PAR BYA'O, ,RNAM SNANG NAS GNOD MDZES KYI BAR RNAMS BYUNG BA SOGS BYAS NAS RANG GI 'KHOR GYI RNAL 'BYOR PHO MO SO GCIG LA BSTIM NAS DE RNAMS DANG DBYER MED PAR MOS PAR BYA'O, ,RANG GI 'KHOR NI LHA'I RNAL 'BYOR BSGOMS PAS THA MAL PA'I NGA RGYAL BSAL TE RTOG PA DES MI PHYED PA'O, ,RANG GI LUS DKYIL GYI YAN LAG TU GYUR PA'I DON NI, 'KHOR DE

RNAMS RANG GI LUS KYI YAN LAG STE CHA SHAS PHUNG PO SOGS KYI RANG BZHIN DU MOS PAR BYA BA YIN TE, RANG DANG 'KHOR GNYIS KAS DE BZHIN DU BSGOM MO, ,PHYAG RGYA LNGA PA DANG GCIG PA LA NI DNGOS SU YOD PA RNAMS DE LA BSTIM, MED PA RNAMS PHYUNG NAS RANG RANG GI GNAS SU DGOD DE GZHAN 'DRA'O, ,DKYIL 'KHOR GYI 'KHOR LO MTHA' DAG MNYES PAR BYAS ZHES PA LA, CHAG 'GYUR LAS, RJES SU CHAGS PAR BYAS ZHES KYANG 'BYUNG LA, DE'I DON NI DKYIL 'KHOR RGYAL MCHOG ZIN PA DANG, DNGOS KYI RIG MA DANG SNYOMS PAR ZHUGS PAS LHA RNAMS MNYES PAR BYED PA YIN TE, LHA RNAMS RANG GI LUS KYI CHA SHAS YIN PA'I SGO NAS SO, ,SNYOMS 'JUG BYAS NAS 'OD GSAL DU 'JUG PA LA DE TZAM DU MA ZAD, BSAM GTAN GNYIS KYIS RNAL 'BYOR SGOM PA SNON PA NI SNYING KHAR RLUNG SEMS BSDUS PA'I SGO NAS STONG PA BZHI SKYED PA'I DON YIN TE SNGAR BSHAD PA LTAR RO, ,DE NI RDZOGS RIM PA NYID LA SBYAR TE SNYOMS 'JUG GI SKABS GZHAN LA'ANG SHES PAR BYA'O, ,'OD GSAL DU ZHUGS PA LA GLUS BSKUL BA NI SPROS MED RGYAS PA DANG, NANG GI GRVAR SPYAN SOGS BZHIR SGOM PA'I BUD MED BZHI YOD NA DNGOS SU GLUS BSKUL RDO RJE MA LNGAR SGOM PA DANG PHYAG RGYA GCIG PA NYID YIN NA MOS PAR BYA BA'AM, YANG NA SNGA MA LA LHA MO BZHIS SKABS 'DIR SPYAN SOGS KYI NGA RGYAL BZUNG NAS BSKUL BA YANG RUNG BAR MNGON NO, ,DE LAS BZHENGS PA NA YUL DANG PO BZHI'I BZANG NGAN 'BRING GSUM LA LONGS SPYOD PAR GSUNGS PA NI, LAM GYI MTSAMS 'DI TZAM NAS YUL DMAN PA RNAMS KYANG NANG GI BDE

, ,BA'I GROGS SU 'GRO BA LA DGONGS PAR MNGON NO, ,RDZOGS RIM PA'I SKABS GSUM LAS SEMS DBEN GYI LAM GYI THOG MA THOB NAS SGYU LUS KYI DON DU SPYOD PA BYED NA, YI GE DANG PHYAG MTSAN SOGS LAS MI SKYED PAR YUD TZAM GYIS BSKYED DO, ,GZHAL YAS KHANG GI GONG DU YE SHES KYIS BSKYED PA DANG, LHAG MOS 'OD GSAL DU SDUD PA'I SKABS SU NI RLUNG THIM PA'I MTHUS SDUD PA YIN TE, SGYU LUS PA DANG SLOB PA'I ZUNG 'JUG THOB PAS KYANG DE LTAR BYED DE NUS PA CHE CHUNG GI KHYAD PAR NI CHE'O, ,STONG PA'I NGANG LAS DANG PO'I MGON PO'I SKUR LDANG BA NI SEMS DBEN PA YIN NA, RIM PA GSUM PA'I SGYU LUS RJES MTHUN PAR RLUNG SEMS LAS LDANG BAR NUS LA, SGYU LUS PA YIN NA DON GYI, 'OD GSAL MNGON DU MA BYAS BAR DU STONG PAR 'JUG PA'I TSE YANG SGYU LUS DAG NAS MI 'GRO LA, LDANG BA NA SEMS DPE'I 'OD GSAL LAS LDANG BA YIN GYI LUS GSAR DU LDANG BA MIN NO, ,ZUNG 'JUG THOB NAS NI SGYU MA'I SKU'I RIGS 'DRA RGYUN MI 'CHAD PAS, SEMS KYI STENG NAS 'OD GSAL DU ZHUGS PA DANG LDANG BA BYA'I SGYU LUS KYI STENG NAS MIN NO, ,DES NA DE GNYIS LAS 'OD GSAL LAS LANGS PA NA, RANG GI SKU SNGAR YOD GSAL 'DEBS PA'I TSUL GYIS YID LA BYA'O, ,SPRUL SKU 'DZIN PA NI LUS RAGS PA LAS LOG SU BYE BA SLAR DE LA ZHUGS NAS LUS RAGS PA SPRUL SKUR SKYED PA'O, ,DE SGYU LUS RJES MTHUN PA THOB PAS KYANG RANG GI YID NGOR DNGOS DANG 'DRA BA CIG BYA NUS SO, ,BSHAD PA DE DAG GI DANG PO SBYOR BA'I SKABS

DANG DKYIL 'KHOR RGYAL MCHOG GI MTHAR RIG MA DANG SNYOMS PAR ZHUGS NAS LHAN SKYES BSKYED PA DANG, DE LAS LDANG BA SOGS KYANG SHES PAR BYA'O, ,LE'U BCU BDUN PA'I 'GREL PAR GLUS BSKUL NAS BZHENGS PA'I 'OG TU, RNAM SNANG LA SOGS PA RIGS BZHI'I NGA RGYAL 'DZIN PAS, SPYAN MA SOGS BZHI KA DANG SNYOMS 'JUG MDZAD PAR BSHAD PA BZHIN DU, 'DIR YANG BYA DGOS PAR MNGON TE RIM PA GNYIS KA LA 'DRA'O, ,DE NI LHA MO DE BZHI GTZO BO'I LHAN CIG SPYOD PA'I BUD MED DU BYED PA DANG YANG MTHUN NO, ,RJES SU SPYOD PA'I BUD MED RNAMS KYANG GTZO BO'I RIG MAR 'GYUR BAS GZUGS RDO RJE SOGS LA'ANG SPYOD PAR MNGON NO, ,DE'I RGYU MTSAN GYIS SPROS MED KYI SPYOD PA 'BRING DANG BSDUS PA LA YANG RIG MA'I 'KHOR GYI GRANGS KYI SGO NAS BZHAG GI SKYES PA'I GRANGS KYIS MA BZHAG GO ,SPYOD BSDUS LAS SME SHA CAN GYI BU MO SOGS LNGA GANG RUNG LA BRTEN NAS BYA BAR GSUNGS PA NI, RDZOGS RIM PA LA RIGS KYI NGES PA MED PA'I DBANG DU BYAS KYI, BSKYED RIM PA LA NI RANG RIGS KYI PHYAG RGYA BSHAD DO, ,RIGS GNYIS GANG YIN KYANG SPYOD PA'I DNGOS GZHI NI, RANG GI SKABS KYI PHYAG RGYA DANG SNYOMS PAR ZHUGS NAS LHAN SKYES KYI DGA' BA BSKYED DE BDE STONG SBYAR NAS BSGOM PA YIN GYI, BSKYED RIM PAS SNGAGS KYI SKU DANG, SGYU LUS LAS SGYU MA'I SKU LA GTZO BOR SGOM PA MIN NO, ,SPYOD PA'I CHO GA 'DI ZHAG GCIG LA GRANGS JI TZAM BYA BA MI GSAL YANG, LE'U BCU DRUG PA RTZA 'GREL LAS SPYOD PA'I SKABS SU RIG MA DANG SNYOMS PAR 'JUG PA'I GSANG MCHOD DUS BZHIR BYA BAR

, ,GSUNGS PAS THUN BZHIR BYA'O, ,MNYAM SBYOR NAS TSOGS KYI DKYIL 'KHOR LA BRTEN NAS TSOGS 'KHOR GYI CHOG LO RA DANG ZLA BA RE LA LAN RE BYED PAR GSUNGS PA SPYOD BSDUS LAS, SPYOD PA PHYI MA GNYIS LA GSUNGS PA NI, SPYOD PA BYED PA'I SA TSIGS BZHIR BSHAD PA'I SKABS KYI SPYOD PA MIN PAS, LUNG DE LA BRTEN NAS RIM GNYIS KYI LAM MTHON POR SLEBS PA'I SPYOD PA LA, DUS KYI SPROS PA YOD MED 'CHAD PA NI DON MIN NO, ,REG BYA LA SPYAD PA'I RJES SU SPROS BCAS BYED NA, PHYAG RGYA DANG DE'I LAN LA SOGS PA RANG RANG GI SGOM BSAM GYI SGO NAS BYED KYI SPROS MED PAS NI MI BYED DO, ,DES NA SPYOD BSDUS 'GYUR RNYING LAS, 'DIR AA RA LI RDZOGS PAR BYED CES PA, PA TSAB KYIS AA RA LI SGRUB PAR BYED CES PAR BSGYUR BA LEGS SO, ,SHA LNGA DANG BDUD RTZI LNGA SBYANG PA SOGS BYAS NAS PHYOGS DBEN PAR BZA' BAR GSUNGS PA NI, RIM GNYIS KYI SPYOD PA KUN LA 'DRA'O, ,PHYAG RGYA MI BCING PA DANG BRI BA DANG MAndAL 'BUL BA'I DKYIL 'KHOR MED PA DANG, PHYI'I THAB KHUNG GI SBYIN SREG MI BYED PA DANG, TSA TSA 'DEBS PA SOGS MCHOD RTEN GYI LAS MI BYA BA DANG, GLEGS BAM MI KLAG PA DANG, LUS KYI NGAL DUB SPANG BA DANG, RAS RIS DANG RDO SHING GI SKU GZUGS LA PHYAG MI BYA BA DANG, NYAN RANG LA SKYABS SU MI 'GRO BA DANG, TSES GRANGS SOGS LA LTOS PAR MI BYED DE 'DI THAMS CAD NANG GI BDAG NYID KHO NAS RDZOGS PAR BYED DO ZHES SPYOD BSDUS LAS GSUNGS PA NI, RDZOGS RIM PA'I SPYOD PA'I SKABS YIN LA, SPYOD PA'I SKABS SU PHYAG RGYA 'CHING

BA DANG, DKYIL 'KHOR 'DRI BA SOGS NI MA GTOGS SO, ,'DUS PA DANG RGYUD GZHAN MANG PO DANG GSANG BA GRUB PA DANG DHO HA SOGS NAS KYANG DE LTAR MI BYA BAR BSHAD PA LA 'KHRUL NAS, THOG MAR LAS DANG PO PA'I SKABS NAS KYANG, DBANG PO RNON PO CIG CAR BAS DE DAG MI BYED CING, DE LTAR BYED PA DBANG RTUL RIM GYIS DBANG BYED PA MANG PO BYUNG SNANG NGO, ,GNYIS PA NI, RTEN GANG GIS BYED PA LA SHIN TU SPROS MED KYI SPYOD PA 'DI, BTZUN MO CAN NI RDZOGS RIM PA KHO NAS BYED PAR BSHAD, NAG PO PAS RIM PA GNYIS GAS BYED GSUNGS PA'I PHYI MA LEGS PAR RJE 'GOS BZHED PA LTAR BYA'O, ,GNAS NI RGYUD LAS RNAM PAR DBEN PA'I RI BO DANG CHU NGOGS DANG 'BAB CHU'I GNAS DANG DUR KHROD LA SOGS PAR BYA BAR GSUNGS PA BZHIN TE, 'DI LA KHANG PA GSUM BRTZEGS SOGS MI SGRUB BO, ,KHA ZAS SGRUB PA'I GROGS NI GNOD SBYIN MO MNGAG GZHUG MA SOGS SGRUB PA'AM YANG NA SGRUB GROGS MCHOG GAM, TSOGS CHEN PO LAS KHA ZAS SGRUB PA'O, ,PHYI MA NI PA TSAB KYIS BLON PO LAS 'BRAS CHAN TZAM BSGRUBS NAS ZHES BSGYUR TE, BLON PO SOGS KYI 'BYOR LDAN GYIS SBYIN BDAG BYED PA'O, ,GNOD SBYIN MO MNGAG GZHUG TU SGRUB NUS NA SPROS BCAS SAM, SPROS MED KYI SPYOD PA GANG RUNG ZHIG BYED PA'I 'BYOR PA 'ONG BAS, 'DI YO BYAD MA 'BYOR NAS BYED PA KHO NAR MA NGES SO, ,BSAM PA'I KHYAD PAR NI BZHI LAS DANG PO NI, RE ZHIG THOG MAR SGRUB PA POS THOG MA MED PA'I 'KHOR BA'I SDUG BSNGAL DRAN PAR BYAS NAS MYANG 'DAS KYI BDE BA 'DOD PAS 'DU 'DZI THAMS CAD SPANG BAR BYA STE, THA NA RGYAL SRID KYI

, ,DBANG PHYUG LA YANG SDUG BSNGAL GYI 'DU SHES BSGOM PAR BYA'O, ,GNYIS PA NI 'GYUR GSAR GNYIS LAS, DNGOS PO TIL 'BRU TZAM LA YANG YANG SU 'DZIN PA'I BLO DOR BAR BYA'O, ,ZHAS BSGYUR BA LEGS PAS YO BYAD TIL TZAm YANG BSAGS TE MI 'DZIN PA LA BYA'I, BDEN ZHEN GYI DNGOS 'DZIN MI BYED PA LA MI BYA'O, ,GSUM PA NI DON DAM PA'I BDEN PA 'OD GSAL SGOM PA LA DAD PAS LUS SROG LA YANG LTOS PA MED PAR BYA'O, ,BZHI PA NI 'JIG RTEN PA'I DNGOS GRUB PHRA MO DANG, GRUB PA CHEN PO BRGYAD LA YANG DON GNYER MI BYA STE, RNAM PAR GA-YENG BA DANG PHYIR LDOG PAR 'GYUR BA'I PHYIR RO, ,BSKYED RIM PA SPYOD PA BYED PA LA BYANG CHUB KYI SEMS MTSAN NYID TSANG BA YOD PAS, SPYIR SANGS RGYAS THOB 'DOD YOD MOD KYANG, BSKYED RIM MTHAR PHYIN PA'I 'OG TU RDZOGS RIM GYI LAM RNAMS MI BSKYED PAR THUN MONG GI DNGOS GRUB KYIS YID DRANGS NAS SPYOD PA BYED PA YIN PAS, BSAM PA GNYIS PA MA GTOGS PA GSUM NI RDZOGS RIM PA LA SBYAR RO, ,PHYAG RGYA'I KHYAD PAR NI SPYOD BSDUS LAS, DE BAS NA PHYI ROL GYI BUD MED SPANGS NAS SNYING KHAR GNAS PA'I YE SHES KYI PHYAG RGYA DANG LHAN CIG SNYOMS PAR 'JUG PAS SHIN TU MYUR BAR RDO RJE 'CHANG THOB PAR BYA'O SNYAM DU DMIGS TE, GCIG PU KHO NAR SPYAD PA BYA BAR GSUNGS PA'I YE SHES KYI PHYAG RGYA'O, ,YE RGYA NI BSKYED RIM PAS SNYING KHA NAS DBYIBS KYI LHA MO 'BYIN, RDZOGS RIM PAS STONG NYID SGOM PA NYID LA YE RGYA DANG SNYOMS PAR 'JUG PA ZER, ZHES BTZUN MO CAN GSUNG

YANG, RDZOGS RIM PAS KYANG LHA MO'I RNAM PA CAN DANG SNYOMS PAR 'JUG PA YIN NO, ,LE'U LNGA PA'I SGRON GSAL LAS, DNGOS KYI PHYAG RGYA MA RNYED NA, SANGS RGYAS KYI YUM SHER PHYIN RANG GI SNYING LA GNAS PA PHYUNG NAS, DE DANG LHAN CIG SNYOMS 'JUG BYED PA SHES BYED DANG BCAS PAS BSGRUBS LA, LE'U BCU DRUG PA LAS, BSAM GTAN YIG GSUM RDO RJE CAN, ,RANG GI PHYAG RGYA SEMS KYIS BSAM, ,DE LTAS SANGS RGYAS KUN MKHYEN PA, ,MNYES PAR 'GYUR BA GDON MI ZA, , ZHES GSUNGS PA'I 'GREL PAR GZHUNG DES YI RGYA DANG LHAN CIG SPYOD PA BYED PA BSTAN LA, YIG GSUM RDO RJE CAN GYI BSAM GTAN PA STE RNAM SNANG SOGS RDO RJE GSUM GYI RNAL 'BYOR PA PHYI ROL GYI BUD MED RNAMS LA LTOS PA MED PA RNAMS LA, RANG GI PHYAG RGYA SNYING LA GNAS PA'I RDO RJE DBYINGS PHYUG MA SBYIN PAR GSUNGS SO, ,DE LTAR PHYI ROL GYI BUD MED MA RNYED NA YE RGYA LA BRTAN PAR BSHAD PA NI, YE RGYAS PHYI'I BUD MED BSTEN PA LTAR GYI BDE BA CHEM PO'I TING NGE 'DZIN BSKYED MI NUS PA YIN LA, PHYI'I BUD MED RNYED KYANG DE SPANGS NAS YE RGYA LA BRTEN PAR GSUNGS PA NI SNGA MA LAS BZLOG PA LA DGONGS SO, ,DE YANG LE'U BCU BDUN PA'I SGRON GSAL 'GYUR GSAR GNYIS LAS, YE SHES KYI PHYAG RGYA DANG SNYOMS PAR 'JUG PA LA SEMS BRTEN PA MED PA RNAMS KYIS PHYI ROL GYI PHYAG RGYA LA BRTEN PAR GSUNGS PA LTAR RO, ,SGRON GSAL 'GYUR RNYING LAS, SEMS BRTAN PA THOB PAS PHYI'I PHYAG RGYA LA BRTEN PA ZHES 'BYUNG YANG 'GYUR SNGA MA BDE'O, ,DE 'DRA BA NI GANG ZAG GI

, ,RIGS KYI KHYAD PAR DANG, LAM THOG MAR SGOM PA NAS YE SHES KYI PHYAG RGYA LA SLOB TSUL GYI KHYAD PAR CIG YIN PA 'DRA'O, ,'DI LA BSKYED RIM PAS NI SPROS PA GZHAN 'DOR MOD KYANG, CHO GA'I RIM PA NI 'DRA BAR MNGON PAS, DKYIL 'KHOR RGYAL MCHOG RDZOGS PA DANG YE RGYA DANG SNYOMS PAR ZHUGS TE, DGA' BZHI'I RIM GYIS LHAN SKYES KYI DGA' BA BSKYED DE BDE STONG SGOM MO, ,DE LA BSGOMS PA'I LHA MO'I GLUS BSKUL NAS BZHENGS TE, KHA ZAS DANG RIG MA'I 'DOD YON LA RANG GIS SGOM BSAM GYIS LONGS SPYOD DO, ,RDZOGS RIM GYI SKABS GSUM DU NI SGRUB THABS KYI CHO GA'I RIM PA CI RIGS PA LA BRTEN NAS YE RGYA DANG SNYOMS PAR ZHUGS PA NA NANG GI RLUNG GI RNAL 'BYOR MTHAR SON PAS GROGS BYAS PA'I MTHUS, GNYIS SNANG GI SPROS PA MANG PO BCAD NAS STONG PA BZHI KHYAD PAR CAN MNGON DU BYED DO, ,DE LA YANG RLUNG SEMS GNYIS SNYING KHAR BSDUS PA'I SDUD RIM DANG BYANG SEMS RDO RJE'I RTZER PHAB PA LAS STONG PA BZHI BSKYED PA GANG BYED KYANG NUS MOD KYANG, GTZO BOR NI SNGA MA BYED DO, ,'DIR SPYOD BSDUS LAS, PHUNG PO LA SOGS PA KHAMS PHRA BA RLUNG LA 'JUG PA DANG, DE SEMS LA DANG, DE SEMS BYUNG LA DANG, DE MA RIG PA LA 'JUG PA DANG, DE'I RJES SU 'OD GSAL SGOM PAR BSHAD PA NI 'DIR YE SHES KYI PHYAG RGYA LA BRTEN NAS BYED LA, SPYOD PA GZHAN LA NI DNGOS KYI PHYAG RGYA LA BRTEN NAS BYED DE 'DRA'O, ,'ON KYANG 'DIR GNYID KYI 'OD GSAL NYID SKYONG BAR BSHAD PA NI RDZOGS RIM PA'I SPYOD PA'I SKABS YIN LA, DE YANG 'DIS 'OD GSAL NAM

SGOM RES KYIS GNYID KYI 'OD GSAL DANG BSRES TE SGOM PA'I DON DU SNANG GI, SKABS GZHAN LTAR SAD DUS SU GNYID DANG MA BSRES PA'I 'OD GSAL DANG, GNYID DUS SU DE DANG BSRES PA'I 'OD GSAL SGOM TSUL SO SOR BYED PA'I DON MIN TE, 'DI NI BSRE BA'I GNAD MTHA' DAG PAR RTOGS NA SHES SO, , 'DI RIM GNYIS KYI SPYOD PA BYED PAS NYAMS SU LEN PA NA DGA' BA BZHI DANG STONG PA BZHI'I MCHOG DMAN GYI KHYAD MA GTOGS PA, GNYIS KAS MNYAM GZHAG TU YE RGYA DANG MNYAM PAR SBYAR BA LA BRTEN NAS LHAN SKYES DANG 'OD GSAL NYID SKYONG, DE LA GNAS MA NUS NAS LANGS PA NA SLAR YANG PHYAG RGYA DE LA BRTEN NAS SNGAR LTAR SGOM PA SPEL BAR BYED DO, ,'DI NI BRTZON 'GRUS SHIN TU DRAG LA SPROS PA LA MI DGA' BAS LHAN SKYES SGOM PA LA SHIN TU DAD PA CHE BA'I SGO NAS SNGAR LTAR SPYOD PAS, BHU SU KU'I SPYOD PA ZHES GSUNGS TE, ZA NYAL 'CHAG PA'I SPYOD PA CAN YIN PA'I PHYIR RO, ,'DI LTAR YI GE DANG PO LA BHUNYDZA NA ZHES YI GE BSNAN PA'I NGES TSIG GIS BSHAD NA ZAS ZA BA DANG, SU TA NA ZHES SBYAR TE, BSHAD NA GNYID LOG PA DANG, KU tI SA RA ZHES SBYAR TE, BSHAD NA GSHANG GCI'I PHYIR 'GRO BA'I 'CHAG PA STE, 'DU SHES DE GSUm TZAM MA GTOGS PA 'DU 'DZI SPANGS SHING LUS DANG TSOR BA DANG YUL DANG DBANG PO GANG LA YANG MI SEMS PAR GNYID DANG 'OD GSAL BSRES PA NYID SKYONG BAR BYED PA'O, ,KHA CIG BHUKTA ZHES SBYAR NA ZA BA DANG ZHES 'CHAD DO, ,DE 'DRA BA'I RDZOGS RIM PA'I SPYOD PAS NI RANG GI NGO BO BRJE BA'I SGYU LUS DANG, SLOB PA'I ZUNG 'JUG GI RDO RJE'I SKU DANG, MI SLOB PA'I ZUNG 'JUG GI RDO RJE'I SKU, SPYOD PA GZHAN GNYIS LA LTOS PA MED PAR MYUR DU 'THOB PAR BYED PAS, LE'U DRUG PA'I 'GREL PAR BHU SU KU'I SPYOD PA SPYOD PA RNAMS KYI MCHOG TU GSUNGS SO, ,'DIR SPYOD BSDUS LAS, SHIN TU SPROS MED KYI

, ,SPYOD PA SMYON PA'I BRTUL ZHUGS KYI MDO LAS GSUNGS PA'I RIM PAS KYANG BSHAD PAR BYA'O, ,ZHES MANG DU DRANGS PA NI, RDO RJE SNYING PO RGYAN GYI RGYUD KYI LE'U BCU DRUG PA NAS 'BYUNG NGO, ,'DI LA SPYOD BSDUS 'GYUR GSAR GNYIS LAS BSHAD PA'I RGYUD LAS GSUNGS PA'I TSUL DANG RIM PAS SMYON PA'I BRTUL ZHUGS KYIS KYANG SHIN TU SPROS MED LA SPYAD PAR BYA ZHES 'BYUNG YANG, LO CHEN GYIS SMYON PA'I BRTUL ZHUGS BSHAD PA'I MDO ZHES BSGYUR BA LEGS TE, LE'U DER BRTUL ZHUGS KYI SPYOD PA BSTAN LA, DE YANG SMYON PA'I BRTUL ZHUGS SU GSUNGS PAS, BSHAD CES PA NI SMYON PA'I BRTUL ZHUGS BSHAD CES PA'I DON YIN GYI 'DUS PA'I BSHAD RGYUD DU STON PA MIN PA'I PHYIR RO, ,RGYUD DE DANG 'DUS PA GNYIS KAR SPYOD PA BYAS PAS ZLA BA DRUG GIS 'GRUB PAR GSUNGS PA'I BSGRUB BYA NI SANGS RGYAS KYI GO 'PHANG YIN PAS, DE NI BSKYED RIM PA'I SPYOD PA MIN NO, ,SPYOD BSDUS LAS, SPYOD PA GSUM LA ZLA PHYED DAM, ZLA BA GCIG GAM ZLA BA DRUG TU BSLABS PAS PHYAG RGYA CHEN PO'I DNGOS GRUB KYI MTSAN MA GZUGS PHRA BA DANG REG PA YANG BA SOGS BRGYAD DANG, RGYUD KYI LE'U BCO LNGA PA LAS GSUNGS PA'I RMI LTAS RNAMS 'BYUNG BAR GSUNGS SO, ,ZLA BA DRUG TSUN CHAD DU SNGON LA MTSAN MA DE DAG BYUNG NAS 'GRUB PA'O, ,DE LA SKU'I DBANG PHYUG LA SOGS PA'I DBANG PHYUG BRGYAD NI MCHOG GI DNGOS GRUB YIN LA, CHAG 'GYUR LAS, GZUGS PHRA BA DANG REG PA YANG, ,KHYAB PA YANG DAG THOB PA NYID, ,RAB TU GSAL BA NYID BRTAN PA, ,DBANG

PHYUG NYID DANG 'DOD DGUR 'GYUR, ,ZHES 'BYUNG BA BRGYAD NI, DBANG PHYUG GI YON TAN BRGYAD CES BYA'I, DBANG PHYUG BRGYAD NI MIN NO, ,DE'I DON SNGA MA RNAMS KYIS BSHAD PA NI, DBANG PHYUG GI YON TAN BRGYAD KYI BSHAD PA MA MTHONG BAR SNANG BAS, SPYAN RAS GZIGS BRTUL ZHUGS KYIS DBANG PHYUG GI YON TAN BRGYAD BSHAD PA DANG SBYAR BAR BYA'O, ,DE LA DBANG PHYUG GIS SEMS CAN GYI 'JIG RTEN SKYE 'JIG BYED PA PHRA BA DANG, SNOD KYI 'JIG RTEN SKYE 'JIG BYED PA YANG BA DANG, DE GNYIS KA SKYE 'JIG BYED PA BDAG POR GYUR PA YIN LA, 'DIR NI RNAL 'BYOR PAS DE RNAMS SPRUL PA DANG SDUD PAR BYED NUS PA'O, ,PHYI MA NI YANG DAG PAR 'THOB PAS BSTAN NO, ,YID KYIS GANG BSAMS PAR PHYIN PA NI GAR YANG KHYAB PAS BSTAN NO, ,'BYUNG PO KUN GYIS MCHOD PAR BYA BA NI 'OD DANG GZI BRJID KYIS GZHAN RNAMS ZIL GYIS GNON PA'I RAB TU GSAL BA'AM SNANG BAS BSTAN NO, ,SEMS CAN RNAMS LA TSAR BCAD DANG RJES 'DZIN GYI DBANG YOD PA NI DBANG DU GYUR PA'O, ,YON TAN LA 'DOD DGUR DBANG BSGYUR BA NI 'DOD DGUR LDAN PA'O, ,GANG THOB PAR 'DOD PA'I DON DE LTAR THOB NUS PA NI DGA' MGUR GNAS PA STE DE NI BRTEN PAS BSTAN NO, ,ZLA BA DRUG TSUN GYIS MCHOG 'GRUB PA 'DI NI SLOB PA'I ZUNG 'JUG THOB PA YIN NO, ,SNGAR BSHAD PA'I SKABS BZHIR SPYOD PA BYED PAS NI RANG GI 'BRAS BU MA GRUB PAR DU BYED PAS DUS KYI SPROS PA YOD MED NI DE LA MI RTZI'O, ,RIM GNYIS PAS DE LTAR SPYOD PA BYAS KYANG RANG RANG GI SKABS KYI 'BRAS BU MYUR DU MA GRUB NA, RIM GNYIS SO SO'I SNYING

, ,PO BSKUL TSUL NI, LE'U BCU PA'I RGYUD 'GREL DANG N'A RO PA'I RGYUD PHYI MA'I 'GREL PA LAS SHES PAR BYA'O, ,BZHI PA LAM BSGOMS PA'I MTHAR 'BRAS BU MNGON DU BYED TSUL NI, SGRON GSAL LAS, DGOS PA YANG NI BSHAD BYA STE, ,ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,SANGS RGYAS KYANG NI MCHOG YIN NO, ,ZHES GSUNGS PA LTAR SANGS RGYAS NI RAB BO, ,GRUB PA CHEN PO BRGYAD NI 'BRING NGO, ,ZHI RGYAS DBANG DRAG GI 'PHRIN LAS NI THA MA'O, , GRUB PA BRGYAD NI, YE SHES RDO RJE KUN LAS BTUS LAS, SNGAGS DANG SMAN DANG SBYIN SREG DANG PHYE MA DANG, MIG SMAN DANG RKANG MGYOGS LA SOGS PA DNGOS GRUB CHEN PO BRGYAD CES DRUG SMOS NAS GNYIS DNGOS SU MA BSTAN NO, ,LHA MO BZHIS ZHUS LAS, RDZAS BRGYAD YAN LAG SGRUB PA BSHAD, ,RI LU MIG SMAN DNGOS GRUB DANG, ,SA 'OG RAL GRI'I DNGOS GRUB DANG, ,NAM MKHAR 'PHUR DANG MI SNANG DANG, ,SHI BA MED DANG NAD 'JOMS SO, ,ZHES GSUNGS LA, RDO RJE GUR LAS, MIG SMAN DANG NI RKANG MGYOGS DANG, ,RAL GRI DANG NI SA 'OG 'GRUB, ,RI LU DANG NI MKHA' SPYOD NYID, ,MI SNANG BA DANG BCUD KYIS LEN, ,ZHES GSUNGS SO, ,'BRAS BU PHYI MA GNYIS NI THUN MONG GI DNGOS GRUB YIN PAS BSDU NA MCHOG THUN MONG GNYIS YIN TE, RGYUD PHYI MA LAS, MI SNANG LA SOGS DNGOS GRUB NI, ,THA MAL PA ZHES BSHAD PA YIN, ,SANGS RGYAS NYID 'GRUB SANGS RGYAS KYIS, ,DNGOS GRUB MCHOG CES GSUNGS PA YIN, ,ZHES SO, ,BSKYED RIM DANG DE'I SPYOD PA LA BSLABS PA'I

MTHAR THUN MONG GI DNGOS GRUB 'GRUB TSUL NI, RGYUD 'GREL MNYAN PA LAS SHES PAR BYA'O, ,RDZOGS RIM GYI LAM DANG DE'I SPYOD PA LA BSLABS PA'I MTHAR MI SLOB PA'I ZUNG 'JUG 'GRUB LUGS NI, SNGAR BSHAD PA LTAR PHYI NANG GI BYANG CHUB PA GNYIS KYI SGO NAS THO RANGS 'OD GSAL MNGON DU BYAS PA NA, CHOS KYI SKU MTHAR THUG PA MNGON DU GYUR PA'I TSE SLOB PA'I ZUNG 'JUG SGYU MA'I SKU MI SLOB PA'I ZUNG 'JUG GI SKUR 'GYUR ZHING, 'KHOR BA JI SRID PAR SKU DE GNYIS LAS MI GA-YO BAR BZHUGS SO, , DE 'DRA BA'I DAG PA GNYIS LDAN GYI YUL GYI 'OD GSAL NI, 'DUS MA BYAS PA'I CHOS KYI SKU DANG, YUL CAN GYI 'OD GSAL NI YE SHES CHOS KYI SKU DANG, BDE BA CHEN PO'I SKU ZHES KYANG BYA'O, ,DE'I RTEN GZUGS KYI SKU RLUNG SEMS TZAM LAS GRUB PA NI LONGS SKU YIN LA, SKU DE GNYIS NGO BO GCIG LA LDOG PA THA DAD TZAM YIN PAS GZUGS SKU DE LA GNYIS SU MED PA'I YE SHES KYI SKU ZHES LAN DU MAR GSUNGS PAS, GZUGS SKU SANGS RGYAS KYI SAS MA BSDUS PAR GDUL BYA'I RGYUD KYIS BSDUS PA DANG, SHES PA LAS NGO THA DAD PA'I BAMS POR 'DOD PA DANG, 'BRAS BU'I SKABS SU YE SHES MED PA SOGS 'PHAGS PA YAB SRAS KYI BZHED PAR SMRA BA NI LEGS PAR SMRAS PA MIN PAR SHES PAR BYA'O, ,DE 'DRA BA'I ZUNG 'JUG GI SKU DES MCHOG GI SPRUL PA'I SKU LA SOGS PA'I SPRUL PA DU MA ZHIG MDZAD LA, SPRUL SKU'I ZUNG 'JUG CIG KYANG BYAS NAS ZUNG 'JUG GI SKU LA SKU GNYIS KYI RNAM GZHAG BYAS NA LEGS PAR GO'O, ,SNGAGS KYI GZHUNG GZHAN NAS YE SHES KYI RTEN GYI GZUGS SKU SPRUL SKU DANG, THUGS

, ,CHOS SKU DANG, GSUNG LONGS SKUR BSHAD PA YANG YOD MOD KYANG, YAB SRAS KYI BZHED PA NI SNGAR LTAR RO, ,SNGAR BSHAD PA LTAR LAM GZHAN GYI MTHAR SNGAGS KYI LAM KHYAD PAR CAN BSNAN NAS, 'OG MIN DU 'TSANG RGYA BA NI BLA MED KYI SANGS RGYAS SU BZHED MOD KYANG, THOG MA NAS BLA MED KYI LAM DU ZHUGS NAS TSE GCIG LA THOB PA'I SANGS RGYAS DE 'DOD PA'I RTEN LA 'TSANG RGYA BAR BSHAD PA DANG MI 'GAL TE, BLA MED KYI LUGS KYIS SANGS RGYAS SU 'JOG PA DANG BLA MED KYI LAM LA THOG MA NAS ZHUGS NAS SANGS RGYAS PA GNYIS DON MI GCIG PA'I PHYIR RO, ,SANGS RGYAS 'DI GNYIS KYI CHOS GZUGS KYI SKU 'GRUB LUGS KYI KHYAD PAR PHRA BA NI SNGAR BSHAD PA LAS SHES PAR NUS SO, ,MI'I RTEN GYIS SGYU MA'I SKU THOB PA'I SGYU LUS KYI GANG ZAG DE'I RTEN LA 'TSANG RGYA BA NI MI'I RTEN LA 'TSANG RGYA BA NYID YIN PA RTOGS PAR SLA LA, MI'I RTEN CAN GYI RNAL 'BYOR PAS SKU TSE BTANG BA NA BAR DO 'ONG BA'I DOD LA SGYU MA'I SKU GRUB NAS RTEN DE LA 'TSANG RGYA BA'I RTEN NI, 'GRO BA DRUG TU MA GTOGS KYANG 'GAL BA MED DE, DPER NA BAR DO 'GRO BA DRUG TU MA GTOGS PAR BSHAD KYANG, PHYIR MI 'ONG BAR DOR 'DA' BAS RTEN DE LA DGRA BCOM 'THOB PA BZHIN NO, ,DE 'DRA BA'I LAM BSGOMS NAS SANGS RGYAS PA'I LONGS SKU NI YAN LAG BDUN LDAN DU BZHUGS LA, SPRUL SKU LA NGES PA MED DO, ,DE'I PHYIR LONGS SKU KHA SBYOR GYI YAN LAG NI LHAN CIG SPYOD PA LA SOGS PA'I RIG MA'I 'KHOR DU MA DANG MNYAM PAR SBYOR BAS ROL PA'I BDE BA CHEN PO BSTER BAR MDZAD PAR

GSUNGS PAS, 'BRAS BU DE DANG MTHUN PAR LAM DUS SU LANG 'DOD YON LA ROL PA'I TSUL GYIS BDE BA CHEN PO KUN NAS RGYAS PAR MDZAD DO, ,'BRAS BU'I SKABS SU BRGAL LAN GYIS GTAN LA DBAB DGOS PA, GZHAN YANG MANG DU SNANG MOD KYANG, CHES DGA' BA'I GNAS RNAMS NI 'DIR BSHAD LA, THEG CHEN GNYIS KYI THUN MONG GI RNAM GZHAG GI DKA' GNAS NI GZHAN LAS SHES PAR NUS PA DANG MANGS PAS 'JIGS NAS MA BRIS SO, ,DE LTAR GSUNG RAB KUN GYI MTHAR THUG ,'JIG RTEN GSUM GYI RIN PO CHE GCIG PU, DPAL GSANG BA 'DUS PA ZHES NYI ZLA LTAR GRAGS PA'I RGYUD KYI RGYAL PO CHEN PO GSUNG RAB KYI NGES DON MTHAR THUG PA STON PAR LUNG BSTAN PA'I MGON PO KLU SGRUB YAB SRAS KYIS DON MNGON DU GYUR NAS NYID KYIS GZIGS PA BZHIN BKRAL BA, DPAL RIM PA LNGA PA'I GNAD KYI DON THAMS CAD YONGS SU RDZOGS PA GSAL BAR BSHAD PA 'DRA NI, GANG LAS KHYAD PAR DU 'PHAGS PA'I LAM DANG, GRUB PA'I MTHA' 'OG MA RNAMS LEGS PAR MI SHES NA, DE LAS KHYAD PAR DU 'PHAGS PA'I LAM DANG GRUB PA'I MTHA' GONG MA'I KHYAD PAR GYI CHOS THUN MONG MA YIN PA PHRA MO RNAMS MI SHES SHING, KHYAD PAR DU NGES PA'I DON MTHAR THUG PA ZAB MO STONG PA NYID DANG, NGES DON GYI GSUNG RAB DANG, MGON PO KLU SGRUB KYI RIGS PA'I LAM SHIN TU PHRA BA RNAMS LA LEGS PAR SBYANGS PA'I RNAM DPYOD KYIS JI LTA BA BZHIN MA RNYED NA, THAR PA DANG THAMS CAD MKHYEN PAR 'GROD PA'I LAM SPYI'I GNAD MI RNYED CING, BYE BRAG TU GNYIS SU MED PA'I RGYUD GNYIS KYI BRJOD BYA'I SNYING PO, BDE

, ,STONG SBYAR NAS NYAMS SU LEN PA'I LHAN CIG SKYES PA'I YE SHES LEGS PAR NGOS MI ZIN PAS DE LA MOS KYANG DAD PA TZAM DU ZAD PAR MTHONG NAS, RANG GZHAN GYI SDE PA DANG, RANG SDE THEG PA CHE CHUNG DANG, SNGAGS DANG PHAR PHYIN GYI THEG PA GNYIS DANG, RDO RJE THEG PA'I RGYUD SDE BZHI'I GZHUNG RNAMS LA LEGS PAR SBYANGS SHING, DE YANG SO SO'I LAM GYI LUS RDZOGS PA'I RIM PAS SLOB MA JI LTAR BKRI BA'I TSUL RANG RANG GI MAN NGAG GIS BRGYAN PA, STONG NYID GTAN LA 'BEBS PA DANG, PHEBS NAS JI LTAR SGOM PA'I TSUL DANG, SNGAR BSHAD PA'I 'DUS PA LUGS SO SO'I 'CHAD TSUL DANG, 'PHAGS SKAR GYI RGYA GZHUNG BOD DU 'GYUR TSAD KUN DANG, DE'I MAN NGAG RNAMS LA YANG SGRUB PA LHUR LEN PA'I TSUL GYIS RING DU 'DRIS PAR BYAS PA'I SGO NAS, RTZA BA'I RGYUD DANG BSHAD PA'I RGYUD RNAMS LEGS PAR SHAN SBYAR TE, GSOL BA RING DU BTAB PAS GZHUNG RTZOM PAR GNANG BA'I MTSAN MA KHYAD PAR CAN YANG RNYED NAS, 'PHAGS SGOR GYI 'DUS PA'I LUGS SHIN TU NYAMS 'DUG PA LEGS PAR SOS NAS YUN RING DU MI NYAMS PAR GNAS PAR GYUR CIG SNYAM PA'I BSAM PA DAG PAS BGYIS SO, ,SKYE DGU'I BLO MUN SEL BA'I SGRON ME MCHOG ,LEGS BSHAD RIN CHEN KUN GYI 'BYUNG GNAS GCIG , ZLA MED STON PA SMRA BA'I GTZUG GI RGYAN, ,KHYAB BDAG DPAL LDAN RDO RJE 'CHANG DBANG GIS, ,RNAL 'BYOR BLA MED RGYUD SDE BYE BA PHRAG ,GNYIS KYIS LHAG PA'I DUNG PHYUR PHRAG GNYIS GSUNGS, DES NI SA SKYONG KHROD NA 'KHOR BSGYUR BZHIN, ,RAB BYAMS

RGYUD SDE'I 'KHOR GYIS YONGS SU BSKOR, ,GSUNG RAB RIN CHEN GLING LA DBANG BSGYUR ZHING, ,RGYAL SRAS STONG GI RE BA KUN NAS SKONG, ,GSUNG RAB KUN GYI RTZE MOR GANG SON PA, ,DE NI RGYUD RGYAL DPAL LDAN 'DUS PA'O, ,DE YI LAM GYIS SA YI MTHAR SON PA, ,GRUB MCHOG KLU SGRUB ZHABS KYIS LEGS BKRAL BA'I, ,DGONGS PA SKONG BYED LHA DANG KLU YI BLO, ,SH'AKYA MI TRA ZLA BA GRAGS PA YIS, ,LEGS PAR BSHAD PA'I SNYING PO RIM LNGA LA, ,MA RTOGS LOG RTOG MUN PA KUN SEL BA'I, ,RIM LNGA'I GNAD DON KUN GSAL SGRON ME MCHOG ,LEGS BSHAD GSAR PA'I DGA' STON 'DI BRTZAMS SO, ,GSUNG RAB SPYI DANG KHYAD PAR 'PHAGS PA'I LUGS, ,CHES CHER NYAMS NAS RING ZHIG LON PAS NA, ,RGYUD DON DPAG DKA' JI BZHIN PHYED PA YI, ,BSAM GTAN BDE LA ROL PA CHES DKA' MOD, ,'ON KYANG RNAM DKAR LAS KYI BYED POS RNAM DPYOD BGO BSKAL LHAG BYIN PAS, ,MKHAS PA DU MA'I BLO GROS KHYON YANGS GANG GI RNAM DPYOD GRVA GCIG NA, ,DOG PA MED PAR NGAL GSO BYED PA'I RNAM DPYOD NOR GYIS PHYUG PA YI, ,DAM PA RNAMS LA SNGON MED LEGS BSHAD DUS MTHA' 'DIR YANG MI 'BYUNG MIN, ,TSUL 'DIR 'BAD PAS RING DU 'DRIS BYAS TE, ,ZHIB TU LEGS PAR BRTAGS NAS RAB SBYAR MOD, ,BDAG BLO DMAN ZHING RGYUD DON DPAG PAR DKA', ,DE SLAD GANG ZHIG BDAG GIS NONGS PA LA, ,BYIS PA CHUNG NGUS SMRAS PA'I 'KHRUL PA LA'ANG, ,BRTZE BA'I PHA MAS 'TSAR DU 'DZIN PA BZHIN, ,DE BZHIN MI BSKYOD RDO RJE'I LHA TSOGS DANG, ,DBANG GYUR SKYE BO RNAMS KYIS MDZAD DU GSOL, ,

, ,RANG GZHAN GRUB MTHA' MI KHAS PHYOGS RES TSIM, ,RIGS LAM PHRA MOR NGAL BA MA BSTEN ZHING, ,GZHUNG LUGS GDAMS PAR MA SHAR SKYE BO DES, ,RING NAS NYAMS PA'I LAM GYI GNAD 'BYED PA, ,BYIS PA 'GA' ZHIG RDOR BA'I STEGS BU LA, ,'DZOGS NAS NYI MA 'DZIN LA 'BAD PA BZHIN, ,DE NI BSAM PA BZANG TZAM KHO NAR ZAD, ,DE PHYIR RNAM DPYOD CAN RNAMS 'BAD PAR RIGS, ,GANG GI 'PHRIN LAS GZEGS MA'I CHA SHAS TZAM, ,SNYING LA ZHUGS PA YIS KYANG RNYED DKA' BA, , SHIN TU SDAS DON LHANG NGER GSAL MDZAD PA, ,RJE BTZUN MKHYEN PA'I GTER DES BDAG SKYONGS SHIG ,'DOD LDAN SNYING LA SMIN LEGS GZUGS KYIS BZHIN, ,GANG ZHIG MTHONG ZHING DE DON BSAMS PA NA, ,MKHAS PA'I YID NI RAB TU 'PHROG BYED PA'I, ,GZHUNG 'DIR 'BAD LAS BDAG GIS DKAR PO'I LAS, ,JI SNYED BSAGS PA DE YIS 'GRO KUN GYIS, ,SHIN TU DBYE BAR DKA' BA RGYUD SDE'I GNAD, ,JI BZHIN LEGS PAR RTOGS NAS DE YI DON, ,BSGRUBS PAS RDO RJE 'DZIN PA'I SAR BGROD SHOG ,JI SRID GLING GI PADMA 'DAB BRGYAD KYI, ,ZE'U 'BRUR LHUN PO GNAS PA DE SRID DU, ,LEGS BSHAD 'DIS KYANG SKAL BZANG 'GRO BA LA, ,LAM GYI MTHAR THUG RING DU GSAL BYED SHOG ,BDAG KYANG DENG NAS TSE RABS THAMS CAD DU, ,LAM GYI MTHAR THUG 'DI DANG MI 'BRAL ZHING, ,LEGS TSOGS KUN GYI RTZA BA ZLA MED PA, ,BSHES GNYEN DAM PA RTAG TU MNYES BYED SHOG ,CES RGYUD KYI RGYAL PO DPAL GSANG BA 'DUS PA'I SNYING PO ZAB MO RIM PA LNGA'I

GNAD KYI DON THAMS CAD RAB TU GSAL BAR BYED PA'I SGRON ME ZHES BYA BA 'DI NI LAM 'DI LA SGRUB PA SNYING POR BYED PA'I DGE BA'I BSHES GNYEN DU MAS, RIM PA LNGA'I LAM GYI GNAD RNAMS RGYAS LA GSAL BA CIG YI GER 'GOD PAR ZHU ZHES YANG DANG YANG DU GSOL BA BTAB PA'I DON DU, RJE BTZUN DAM PA KHYUNG PO LHAS PA DANG, RJE BTZUN DAM PA KU MA RA MA TI LA SOGS PA'I BLA MA DAM PA RNAMS KYI ZHABS KYI RDUL SPYI BOS LEN PA, DPAL GSANG BA 'DUS PA'I RNAL 'BYOR PA MANG DU THOS PA'I DGE SLONG SHAR TZONG KHA PA BLO BZANG GRAGS PA'I DPAL GYIS 'GROG RI BO CHE DGA' LDAN RNAM PAR RGYAL BA'I GLING DU SBYAR BA'I YI GE BA PA NI DKA' BZHI 'DZIN PA'I GSANG 'DUS PA RIN CHEN DPAL LO,, MANGGA LAm ,,