*, ,GSANG BA 'DUS PA'I YIG CHUNG NYER GCIG SOGS BZHUGS SO, ,
, ,ZAB MO RDO RJE'I RNAL 'BYOR LA 'JUG PA'I LAM BSTAN PA ZHES BYA BA, RJE BTZUN BLA MA RDO RJE 'CHANG GI ZHABS KYI PADMO LA GUS PA CHEN POS PHYAG 'TSAL ZHING SKYABS SU MCHI'O, ,DMIGS MED THUGS RJES BSKYOD PA'I RNAM ROL GYIS, ,MA NOR RGYAL BA'I LAM BZANG GSAL MDZAD PA, ,RNAL 'BYOR DBANG PHYUG RJE BTZUN BLA MA YI, ,ZHABS KYI PADMOR SPYI BOS PHYAG BGYID DO, ,RDO RJE 'CHANG GI THUGS BCUD MTHAR THUG PA, ,BLA MA'I ZHAL GYI GDAMS PA GNAD KYI MCHOG ,SNGON MED YI GER BRIS LA MKHA' 'GRO YIS, ,BU LTAR BRTZER DGONGS BYIN GYIS BRLAB TU GSOL, ,DE YANG BDAG CAG GI BLA MA RJE BTZUN RIN PO CHE 'DI NI, CHES DPAG PAR DKA' BA'I BLO GROS KYI STOBS KYIS, MDO RGYUD THAMS CAD LA DRI MA MED PA'I RIGS PAS LEGS PAR DPYAD CING, PHRA ZHING CHES ZHIB PAR TSAD MA GSUM GYIS SGRO 'DOGS LHAG MA MED PAR BCAD PA DANG, 'JAM PA'I DBYANGS KYIS MNGON SUM DU DBANG BSKUR ZHING, ZAB PA DANG RGYA CHE BA'I CHOS KYI SGO MTHA' YAS PA NYIN RE BZHIN DU GSAN PAS 'KHRUL PA'I DRI MA MA LUS PAR SPANGS PA DANG, SA RA HA DANG
, ,KLU SGRUB DANG SHA WA RI DANG L'U AI PA LA SOGS PA'I GRUB PA'I DBANG PHYUG RNAMS KYIS MNGON SUM DU BYIN GYIS BRLABS SHING, ZHING SKYONG GI MKHA' 'GRO MA SPRIN LTAR DBANG DU 'DUS PAS PHYI NANG GI RTEN 'BREL MA LUS PAR 'GRIG PA DANG, LHAN CIG SKYES PA'I YE SHES MNGON DU MDZAD PAS RDO RJE'I RNAL 'BYOR YAN LAG DANG BCAS PA LA NYAMS MYONG TSAD MAS THE TSOM MA LUS PAR SPANGS PA DANG, DKYIL 'KHOR GYI BDAG PO NYID KYIS AA TI SHA 'DAS NAS BOD DU RDO RJE THEG PA'I LAM GYI GNAD MA LUS PA RTOGS PA GZHAN MA BYUNG BAS, DE KHYOD KYIS 'DI'I BDAG PO GYIS SHIG CES, RDO RJE THEG PA'I BSTAN PA GTAD PAS RANG NYID CHOS KYI RGYAL POR GYUR TE KHYAD PAR LNGA DANG LDAN PA YIN LA, RJE 'DIS RANG NYID LAM GANG NAS RDO RJE 'CHANG GI SAR GSHEGS SHING GDUL BYA SKAL BA DANG LDAN PA DAG KYANG LAM DE NAS 'KHRID PAR MDZAD PA'I SROL THUN MONG MA YIN PA'I GTZO BO NI, RGYAL BA'I GSUNG RAB THAMS CAD KYI MTHAR THUG PA'I YANG RTZE DPAL GSANG BA 'DUS PA DANG, MA RGYUD THAMS CAD KYI GTZO BO DANG SNYING POR GYUR PA BYIN RLABS KYI GTER DPAL 'KHOR LO SDOM PA GNYIS YIN NO, ,
SGO GNYIS PO 'DI RE RES KYANG DNGOS GRUB RNAM GNYIS BDE BLAG TU SBYIN MOD KYIS, RJE BLA MA'I BZHED PA GNYIS KA ZUNG 'BREL DU NYAMS SU BLANGS NA BSKYED RDZOGS GNYIS KA'I SKABS SU MCHOG TU GAL CHE BA'I GNAD KHYAD PAR CAN YOD PAS CI NAS KYANG ZUNG 'BREL DU NYAMS SU LEN PA YIN NO, ,DE LA RJE RIN PO CHE 'DI NYID KYI GSUNG GI MAN NGAG GI GNAD LA SHIN TU MKHAS SHING, RANG NYID LAM SROL MA NYAMS PAR SGRUB PA SNYING POR BYED PA'I BLA MAS LAM 'DI'I SGO NAS SLOB MA JI LTAR BKRI BA DANG, SLOB MAS TSUL JI LTAR 'JUG PAR BYA SNYAM NA, SLOB MA NI THEG PA THUN MONG GI LAM GYI RIM PAS RGYUD SBYANGS PAS TSE 'DI LA MA CHAGS SHING, BYANG CHUB DON GNYER GYI BSAM PA LA MYONG BA SNA ZIN SKYES PA, STONG PA NYID KYI LTA BA LA NGES PA RNYED CING, ZAB MO RDO RJE THEG PA LA MOS PA YOD PA STE, DE YANG GSANG SNGAGS SHES LO ZER BA DANG, DBANG DANG, KHRID BRGYUD LA SOGS PA THOB BO ZHES MING TZAM DON DU GNYER BA MIN PA ZHIG DGOS TE, DE 'DRA BA NI YUN THUNG LA THOB RGYA CHE BA ZHIG DGOS PAS, MANG DU NYAN KYANG CI'ANG MI SHES PA ZHIG 'ONG ZHING, DES MI SHES BZHIN DU SLOB MA SDUD PA GTZO BOR BYAS NAS BSHAD PAS, CHOS GANG ZAB ZAB THAMS CAD CAL COL DU SONG NAS DAR BA TZAM GYIS BSTAN PA LA GNOD PA ZHIG 'ONG BA YIN, RTOG GE DANG PHYI'I BSHAD CHOS LA HA CANG GTZO BOR MI 'DZIN PA ZHIG GAL CHE STE, DE LA GTZO BOR ZHEN PA DES, GAL CHUNG SNGAGS LA BYAS NAS NYA PA'I LAG TU NOR BU RIN PO CHE SHOR BA 'DRA BA ZHIG 'ONG, KHYAD PAR DE
, ,'DRA BA DES SKYES BU GANG MANG BA DANG SNOD DU MI RUNG BA'I MDUN DU BSKYED RDZOGS KYI GNAD ZAB MO THAMS CAD GANG SHES BGRO GLENG DU KHYER NAS, GSANG SNGAGS DANG SKU GSUM GYI RTZOD PA LA GSANG SGROG 'ONG MI 'ONG GI KHYAD PAR BLO YUL NA CI YANG MED PA ZHIG 'ONG BAS, GSANG SNGAGS 'DRE LA GTAD PA 'DRA BA ZHIG 'ONG, GZHAN YANG RTOG GE DANG PHYI'I THOS PAS DREGS SHING NGA RGYAL DE LA GTZO BOR ZHEN PA NI LAN CIG SNGAGS LA ZHUGS KYANG YUN RING DU DON DU GNYER BA'I SKAL BA MED PAS, GDAMS PA RDZOGS PAR MA THOB KYANG KHYAD DU BSAD NAS 'GRO, CHOS THAMS CAD LA RAGS PA RTZE BTOGS RA RTZVA ZA BA 'DRA BA ZHIG MIN PA, GDAMS NGAG GI GNAD PHRA MO NAS RTZAD GCOD MI SHES, GANG SHES SMRA BA LA DGA' BA LHUR LEN GYIS NYAMS SU LEN MI SHES, NGA RGYAL GYIS BLA MA BSTEN MI MKHAS PA DAM TSIG LA CI YANG MI SEMS PA ZHIG 'ONG BA YIN, DE LA DGONGS NAS, RGYUD RDO RJE MKHA' 'GRO LAS, KHRO DANG BCAS SHING RTOG GER GUS, ,NA SO DAG NI YOL BA DANG, , GANG YANG DGE SLONG DNGOS GNAS DANG, ,ZHEN DANG CHAGS PAS BCINGS PA LA, ,RIN THANG MED PA'I RIN CHEN NI, ,DE LA BSHAD PAR MI BYA'O, ,ZHES DANG, DE'I 'GREL PAR, KHRO DANG BCAS ZHES BYA BA NI, SPRO THUNG BA DANG GNOD PAR SEMS PA STE, BYAS PA DRIN DU MI GZO BA'O, ,RTOG GER GUS ZHES BYA BA NI, TSAD MA'I BSTAN BCOS LA GUS PA'AM, 'JIG RTEN PA'I BSTAN BCOS DON DU GNYER BA'O, ,NA SO DAG NI YOL BA DANG, ZHES BYA BA NI, LUS RNYING PA STE KHU BA 'DZIN MI NUS PA'O, ,ZHEN
DANG CHAGS PAS BCINGS PA LA, ZHES PA'I ZHEN PA NI SER SNA CHE BA'O, ,CHAGS PAS BCINGS PA NI, MA NING STE DE DAG LA BSTAN PAR MI BYA'O, ,ZHES GSUNGS TE, DE YANG SNGAGS LA MOS PA DANG, 'DUN PA SHUGS DRAG CING KHENGS PA CHUNG BA'I STENG DU TSAD MA DANG, RIGS PA LA MKHAS PA NI MCHOG TU STON PA YIN GYI SKYON GA LA YIN, RTOG GE DANG PHYI'I THOS PAS SEMS PHROGS SHING SNGAGS LA GTZO BOR MI 'DZIN PA SNOD MIN PAR BSTAN PA YIN LA, RGAN PO SNOD DU MI RUNG BAR BSTAN PA NI, LAM 'DI NYAMS SU LEN PA LA LUS KYI KHU BA'I NUS PA MA ZAD PA GAL CHE BAR STON TE, 'DI SHIN TU GNAD CHE'O, ,DES NA GZHON DUS THOS PA BYAS NAS RGAN SONG BA DANG NYAMS LEN BYED DO, ,ZHES ZER BA NI LAM 'DI'I DGAG BYA'I GTZO BO YIN NO, ,GANG YANG DGE SLONG DNGOS GNAS LA ZHES PA LA, ,'GREL PAR DNGOS SU BSHAD PA MA BYUNG YANG GSANG DBANG DNGOS DBANG DU BSKUR BA LTA BU LA NI RIN PO CHE LTA BU'I GANG ZAG MCHOG 'GA' ZHIG LA DGE SLONG YIN YANG DANG PO NAS DNGOS DBANG BSKUR BA'I SKABS YOD KYI, DE MA GTOGS PA'I NUS PA MA THOB PA'I DGE SLONG LA GSANG DBANG SOGS DNGOS DBANG DU BSKUR MI RUNG ZHES PA'I DON YIN GYI, SPYIR DGE SLONG SNGAGS BLA MED KYI LAM STON PA'I SNOD DU MI RUNG ZHES STON PA MIN TE, SNGAGS KYI GDUL BYA LA SO THAR GYI SDOM PA MCHOG DANG LDAN PA RTEN MCHOG TU DUS 'KHOR SOGS RGYUD SDE DU MA NAS GSUNGS SO, ,GZHAN YANG BLA MA LNGA BCU PA SOGS NAS BSHAD PA'I MTSAN NYID DANG LDAN PA'I SLOB MA MDUN DU 'ONGS TE
, ,LAM 'DI'I CHA LAG DANG BCAS PA YONGS SU RDZOGS PA'I BKA' DRIN ZHU BA'I GSOL BA 'DEBS PAR BYED NA, DE LA RIGS GNYIS TE GO BA YONGS SU RDZOGS PA DON DU GNYER BA DANG, MYONG BA SKYES NAS BSKYED RDZOGS KYI LAM SNA ZIN PA DON DU GNYER BA'O, ,DANG PO NI, THOG MAR BLA MA LNGA BCU PA RTZA LTUNG DANG SBOM PO'I BSRUNG MTSAMS LEGS PAR SHES KYI BAR DU TSIG BZUNG BSHAD PA NYAN NAS, SNGAR DBANG MA THOB PA'AM THOB KYANG DAM TSIG GSO BA'I PHYIR DU DBANG BZHI YONGS SU RDZOGS PA DBANG DON 'PHROD NGES PA GO RIMS MA 'CHOL BAR BLANG BAR BYA STE, DE YANG RDUL TSON NAM RAS BRIS KYI DKYIL 'KHOR DU DBANG BSKUR BA SNGON DU MA SONG BAR, LUS DKYIL GYI DBANG MI BSKUR NA, BUM DBANG MA BSKUR BA LA DBANG GONG MA BSKUR BA LTA CI SMOS, DBANG THOB NAS DAM TSIG DANG SDOM PA LA THUN DRUG GI SDOM SEMS MA CHAG CING, PHYIR BCOS DANG BSRUNG SDOM LA 'BAD PA'I NGANG NAS, BLO MCHOG GIS GSANG SNGAGS LAM RIM DANG, BLO ZHAN PAS KHO BOS SBYAR BA'I RGYUD SDE SPYI'I RNAM GZHAG RNAMS LEGS PAR NYAN CING SBYANGS NAS SNGAGS DANG PHAR PHYIN GYI LAM GYI KHYAD PAR RGYUD SDE BZHI DANG, RGYUD MA RGYUD KYI LAM GYI KHYAD PAR, SMIN BYED DBANG DANG LAM RIM PA GNYIS, SA LAM DANG, SPYOD PA BYED TSUL, NYON MONGS LAM DU BYED TSUL DANG, 'BRAS BU MNGON DU 'GYUR TSUL SOGS KYI SNGAGS SPYI'I RNAM GZHAG RAGS PA LEGS PAR CHAGS PA ZHIG BYA, DE MED NA SNGAGS LA MOS PA
SKAD BYAS KYANG, GZHAN GYIS GA-YAM LA RGYUGS SHIG MIN PA SNGAGS ZAB MI ZAB KYI RNAM DBYE LTA CI SMOS, MUN RDO 'PHEN PA DANG 'DRA BA ZHIG 'ONG BA YIN NO, ,DE NAS THOG MAR GSANG 'DUS DANG, DE NAS BDE MCHOG GI SGRUB THABS DKYIL CHOG THIG SBYIN SREG SOGS CHA LAG DANG BCAS PA LA ZHIB PAR SBYANGS, DE YANG GSANG 'DUS LA SNGON DU GO BA CHAGS NA GZHAN RNAMS LA GO BA 'BAD MED DU 'CHAGS, DE LAS BZLOG NA DE TZAM DU PHAN CHUNG BAR YOD PAS, SNGON LA 'DUS PA LA KHRID PA YIN, DES 'DUS PA'I BSKYED RIM LA RJE BLA MAS MDZAD PA'I RNAM GZHAG RIM PA'I t'IKKA DANG, KHO BOS SBYAR BA'I BSKYED RIM GYI RNAM BSHAD RGYAS PA SOGS ZHIB PAR NYAN CING SBYANGS NAS, KUN GYI GZHI MA BSKYED RIM LA SBYANG GZHI SBYONG BYED DANG, 'BRAS BU'I CHOS MTHUN, RDZOGS RIM GANG GI SMIN BYED DU GANG 'GYUR BA SOGS KYI GO BA LEGS PAR CHAGS PA ZHIG BYAS, DE NAS BSKYED RIM LA SEMS 'DZIN TSUL GO BA LEGS PAR LONGS PA'I BSKYED RIM GYI KHRID BYA, DE NAS GDAN RDZOGS KYI KHRID SLA CHOS SU MA SONG BAR LEGS PAR KHRID NAS BSGOM TSUL RAGS PA SHES SHING, BSKYED TSUL GYIS PHYOGS MTHONG YOD PA RIM LNGA SPYI DANG SO SO'I GO BA RAGS PA LEGS PAR CHAGS PA ZHIG KHRID KYI SKABS SU 'ONG DGOS PAS, DA MA BYUNG BAR DU CHOS DANG ZANG ZING GI 'BREL PA GZHAN CUNG ZAD MED PAR 'BUR LA BTAB NAS KHRID DGOS PA YIN, DE YANG LUS DBEN GYI PHRA MO BSGOM PA DANG RDOR BZLAS GNYIS LA DMIGS PA RE RE LA MA MTHA' ZLA BA PHYED RE'AM, RING NA KHRID DKYUS MA LA'ANG
, ,DMIGS PA RE LA ZHAG NYER GCIG TZAM 'JOG PA MDZAD, DE NAS MI SHIGS PA BSGOM PA DANG, RMI LAM GYI SKOR RNAMS RING BAR 'JOG ,GZHAN RNAMS DUS SKABS DANG SBYOR, DE LTAR 'KHRID RDZOGS NAS NGES PAR RIM LNGA GSAL SGRON GSUNG BA PHYAG LEN YIN CING, MI NYAN KA MED DU YOD PAS LEGS PAR NYAN CING, ZHIB TU LTA BA DANG SEMS PA SOGS KYI SGO NAS 'DUS PA'I LAM GYI GO BA LEGS PAR CHAGS PA ZHIG BYA, DE YANG 'DUS PA'I BSKYED RDZOGS KYI GO BA LEGS PAR CHAGS PA'I SGO NAS STONG PA BZHI LAS SGYU MA'I SKU BSGRUB TSUL LEGS PAR SHES PA ZHIG DANG, DE'ANG 'OD GSAL GYIS SBYANGS PAS ZUNG 'JUG GI SKU BSGRUB TSUL MTHA' CHOD PAR MA SHES NA, TSE GCIG LA SANGS RGYAS BSGRUB PA'I TSUL JI LTAR BYED PA'I LAM GYI PHYOGS MTHONG TZAM YANG 'ONG SA MED PAS, 'DI LA SBYANG BA GAL CHE BA YIN, DE NAS BLO GROS KYIS LCOGS PA TZAM YOD NA, NGES PAR 'DUS PA'I RGYUD LA GO BA CHAGS NGES PA SBYANGS SHING, DE NAS BDE MCHOG GI SGRUB THABS KYI RNAM BSHAD CHEN MO RJE BLA MA NYID KYIS MDZAD PA LEGS PAR NYAN NAS, BSKYED RIM GYI GO BA CHAGS PA DANG BSKYED RIM GYI KHRID BYED, DE NAS LO DRIL GYI KHRID RJE NYID KYIS MDZAD PA DANG, NAG PO PA'I RDZOGS RIM GYI DPYID THIG LA YI GE MDZAD PA MED NA'ANG, RJE NYID LA LEGS PAR THOB PA'I GSUNG GI STENG NAS BDE MCHOG GI RDZOGS RIM SO SO'I GRUB CHEN GYI DGONGS PA LTAR SKYONG TSUL DANG, GO BA'I RNAM GZHAG LEGS PAR CHAGS KYI BAR DU KHRID BYA, DE NAS BDE
MCHOG GI RGYUD LA LEGS PAR SBYANGS, DE YANG BSKYED RDZOGS LA SNGON DU GO BA MA CHAGS NA RGYUD TSAR JI TZAM NYAN YANG YAM ME BA ZHIG LAS 'ONG SA MED PAS GO RIMS KYI PHYAG BZHES DE YE MA 'CHOL BA DGOS SHING, RDZOGS RIM GYI KHRID THAMS CAD LA TSOGS 'KHOR RGYAS PA DANG, GDAN RDZOGS KYI SKABS SU KHRID KYI 'GO 'DZUGS PA NA BLA MA LA MCHOD PA RGYAS PAR BSHAM, BYIN GYIS BRLABS TE, BLA MA RDO RJE 'CHANG DU BSKYED PA LA MCHOD CING BSTOD DE GTOR MA DANG MAndAL RGYAS PAR PHUL NAS GSOL BA GDAB PA DANG, SGYU LUS DANG 'OD GSAL GYI DMIGS PA LA SLOB PA NA'ANG DE LTAR BYAS TE, RIM LNGA NAS 'BYUNG BA'I SGYU LUS DANG 'OD GSAL GYI RANG RANG GI THUN MONG MIN PA'I BSTOD PA GSOL GDAB DANG BCAS PA BYED PA DANG, 'DUS PA'I RGYUD KYI CHOS KYI THOG MTHA' GNYIS SU JI LTAR BYA BA'I CHO GA RJE NYID KYIS YI GE LOGS SU MDZAD PA LTAR BYED PA DANG, RGYUD MCHOD KYI TSOGS 'KHOR RGYAS PA DANG, BDE MCHOG GI RGYUD KYI THOG MAR MCHOD PA GSOL GDAB KYI BAR DU TSOGS 'KHOR RGYAS PA DANG, MTHAR GTANG RAG GI MCHOD GTOR DANG BSTOD PA SOGS RGYAS PAR BYED PA'I PHYAG LEN RNAMS SLA CHOS DANG PHYI GSHOL DU YE MA LUS PA GAL CHE BA YIN, BDE MCHOG GI RGYUD KYI SKABS SU SNGAGS BTU BYED NA TSOGS 'KHOR KHYAD PAR CAN BYAS NAS SNGAGS BTU'I RJES GNANG DANG SBREL NAS MDZAD PA PHYAG LEN YIN, GAL CHE BA RANG LA MIN PA RGYUD GSUNG RES KYIS MI MDZAD, DRIL BU RIM LNGA'I BLA MA SNGA MA'I PHYAG BZHES KYI BYIN RLABS DE YANG GAL CHE BA LA MDZAD, DE DAG GIS 'DUS PA
, ,DANG BDE MCHOG GI LAM GYI SLOB MA JI LTAR BKRI BA'I TSUL DKYUS MA DE BRJOD PA YIN NO, ,DA NI SLAB MA CHE 'DI LA LTAS PA MED PAR SGRUB PA SNYING POR BYAS TE, BSKYED RDZOGS KYI LAM SNA ZIN PA DON DU GNYER BA ZHIG BLA MAS JI LTAR BKRI BA'I TSUL BRJOD PAR BYA STE, DE YANG BLO NUS CHE CHUNG GI RGYUD LA SBYANGS PA BYED MI BYED SKABS DANG SBYAR BA MA GTOGS SNGAR BSHAD PA'I RIM PA JI LTA BA BZHIN DU SNGON DU BTANG NA LEGS, DE NAS BLA MAS RIM GNYIS KYI NYAMS LAN THAMS CAD LA KHRID DU BYAS NAS DMIGS PA THAMS CAD LA RANG RANG GI MYONG BA SNA ZIN RE MA SKYES KYI BAR DU, MA SKYES PA BSKYED TSUL, SKYES PA BOGS 'BYIN TSUL, GEGS SEL TSUL SOGS MAN NGAG GI GNANG LA MKHAS PAS LEGS PAR 'KHRID PA YIN NO, ,DMAR KHRID CES PA SMAN PA'I SLOB DPON GYIS SLOB MA LA MI'I RO KHA PHYE NAS DON LNGA SNOD DRUG GI CHAGS TSUL SOGS RE RE NAS DNGOS SU BSTAN NAS KHRID PA LTAR 'DI LTAR BSGOMS NA 'DI BZHIN 'BYUNG NGO ZHES PA'I LUNG STON PA TZAM MIN PAR, DNGOS SU MA SKYES KYI BAR DU BLA MAS LAG KHRID BYAS NAS KHRID PA LA ZER BA YIN, DE YANG SGRUB PA SNYING POR BYAS NAS CHE 'DIR RTOGS PA SKYE BAR 'DOD NA, BLA MA'I BSTEN TSUL SOGS LA DA LTA NYAMS LEN BYA RGYU GAL CHE BA'I GNAD MANG DU YOD PAS, DE RNAMS KHO BOS YIG CHUNG DU BKOD PA LTAR SHES PAR BYAS NAS LAG LEN LA SBYOR BA GAL CHE BA YIN, DE NAS DAM TSIG GI SKOR LA, DAM TSIG GI RDO RJE'I BSGOM BZLAS DANG, RDO RJE MKHA' 'GRO'I SBYIN SREG SOGS RJE
NYID KYIS RTZA LTUNG GI RNAM BSHAD DU DE RNAMS BYA'O ZHES GSUNGS PA LAS DNGOS SU BKOD PA DANG, GZHAN YANG ZHAL LAS BYUNG BA'I GNAD CHE BA KHA YAR YOD PA RNAMS DA LTA NAR MA DANG, SKABS SU BAG LEN LA SBYOR BA MI RUNG BA YIN PAS YI GER LOGS SU BKOD PA LTAR SHES PAR BYAS NAS, 'PHRAL DU LAG LEN LA SBYAR BAR BYA'O, ,DE NAS LAM BSKYED RDZOGS GANG NYAMS SU LEN KYANG THOG MAR LTA BA MTHAR THUG PA DE LEGS PAR NGES NAS, SKYONG TSUL GYI GNANG LA MKHAS PA ZHIG DGOS TE, DE MED NA BSKYED RDZOGS GANG NYAMS SU BLANGS KYANG THABS RKYANG PA'I NYAMS LEN DU SONG NAS, THABS SHES ZUNG 'BREL GYI NYAMS LAN CHA TZAM ZHIG KYANG MI 'BYUNG ZHING, BSKYED RDZOGS GANG LA YANG 'KHOR BA'I RTZA BA GCOD PA'I GNYEN PO GTAN NAS MA 'DRES PA ZHIG 'ONG BAS, THOG MAR LTA BA TSOL BA DANG, DE YANG THOG MAR DBU TSAD KYI RIGS PA LA SBYANGS PA YIN NA CUNG ZAD KHRID SLA YANG, MA SBYANGS PA LA LTA BA'I NGES PA 'DREN TSUL JI LTAR BYA BA DANG, SKYONG BA NA'ANG BLA MED DANG PHAR PHYIN GYI THEG PA'I LTA BA SKYONG TSUL YE MI 'DRA ZHING, ZHI LHAG GI GO RIMS DANG LTA BA BSKYANGS PA'I BYED LAS SOGS LA KHYAD PAR SHIN TU CHE BA DANG, RDZOGS RIM DANG PHAR PHYIN GYI THEG PA BA LA STONG NYID MNGON SUM DU RTOGS PA MYUR BUL GYI KHYAD PAR, NYI ZLA'I 'GROS DANG, BA LANG GI 'GROS LAS KYANG SHIN TU CHE BA YOD PA'I TSUL DANG, DE LTAR 'ONG BA'I RGYU MTSAN GYIS GNAD SHIN TU ZAB PA DANG, DE'I RGYU MTSAN GYIS MTSAMS MED PA LNGA GA DANG, MI DGE BA BCU CHEN PO'I CHEN PO RNAMS GRANGS TSANG BA DANG, CHOS SPONG BA DANG, DGE
, ,SLONG GI PHAM PA BZHI CHAR SPYOD PA RNAMS KYANG LAM 'DIS TSE 'DI NYID LA 'TSANG RGYA BA'I GNAD LA SOGS PA MANG PO ZHIG SHES DGOS PA YIN, DE DAG LTA BA'I YI GER SHES PAR BYA'O, ,DE NAS BSKYED RIM LA BRTAN PA RJES MTHUN PA THOB NAS BSGOMS NAS RDZOGS RIM KYANG RJES MTHUN PA TZAM SKYE LA, BSKYED RIM MTHAR PHYIN NAS BSGOMS NA, RDZOGS RIM KYANG RGYUD SDE DANG GRUB CHEN GYIS BSHAD PA JI 'DRA BA'I MTSAN NYID TSANG BA SKYE BA YIN CING, RGYUD DANG GRUB CHEN GYIS BSHAD PA'I RDZOGS RIM RJES MTHUN PA TZAM SKYES NA'ANG, BOD LA RDZOGS RIM 'GANGS CHEN BSKYED PAR GRAGS PA PHAL CHE BA'I RTOGS PAS BSGRUN PAR MI NUS SHING, SKYE BA GTAN GYI MDUN MA GRUB PA YIN NO, ,GANG LTAR YANG RDZOGS RIM GYI SNGON DU BSKYED RIM LA MYONG BA SNA ZIN MA SKYES BAR DU SBYONG BA GNAD SHIN TU CHE BA YIN, DE YANG BSKYED RIM LA GSAL SNANG DANG NGA RGYAL BRTAN PO BSGRUB TSUL RAGS PA TZAM ZHIG ,RJE NYID KYI GSUNG RAB RNAMS LAS BSTAN MOD KYI, RE RE NAS RIM CAN DU 'KHRID TSUL ZHIB PAR NGES PA DANG, DE DAG GI SKABS SU BLO'I RIGS SO SO LA BLTOS PA'I 'KHRID TSUL MI 'DRA BA DGOS PA RNAMS ZHIB TU NGES DGOS PAR YOD PAS BSKYED RIM GYI YI GER BLTA BAR BYA'O, ,BSKYED RDZOGS GANG GI SKABS SU TING NGE 'DZIN RNAL MA SKYE BA'I GEGS KYI GTZO BO NI BYING RGOD GNYIS YIN PAS, 'DI GCOD PA'I TSUL LA GZHUNG CHEN MO RNAMS NAS 'BYUNG BA'I BYING RGOD KYI GNYEN PO DANG DRAN SHES BSTEN TSUL SOGS KYI 'GAL SPONG GI RNAM GZHAG RGYAS PA LAM RIM DU RJE NYID KYIS RGYAS PAR
GSUNGS PA LTAR BSKYED RIM SOGS KYI SKABS SU YANG SHES PAR BYAS NAS BYING RGOD GTZAD PA YIN MOD, 'ON KYANG BYING RGOD SHIN TU SHAS CHE BA LA THOG MAR BYING RGOD BTZAN THABS SU GCOD PA'I MAN NGAG ZAB MO DANG, BYING RGOD SKYE BA'I RGYU DANG SPYOD LAM SPONG TSUL SOGS SHIN TU GAL CHE BA'I MAN NGAG DAG LOGS SU SHES PAR BYA DGOS SO, ,LUS LA GNAD DU BSNUN NAS RDZOGS PA'I RIM PA BSGOM PA LA NI LUS KYI BYED BCINGS DANG, 'KHRUL 'KHOR DANG, SPYOD LAM LA SOGS PA'I GNAD ZHIB BAR NGAS NAS, LAG LEN LA GDAB PA GAL CHE BA YIN PAS DE DAG GI RNAM PAR BZHAG PA YANG LUS KYI BYED BCINGS BSTAN PA LAS SHES PAR BYA'O, ,KHYAD PAR DU YANG LUS LA GNAD DU BSNUN PA LAS LHAG GI SKYES PA'I YE SHES BSGRUB PAR 'DOD PA DAG GIS THOG MAR GANG LA GNANG DU BSNUN PA'I GZHI GNAS PA RTZA, GA-YO BA RLUNG, BKOD PA BYANG CHUB KYI SEMS RNAMS KYI DANG POR GRUB TSUL, DE LTAR RTZA PHRA RAGS RNAMS LUS KYI GNAS GANG NA TSUL JI LTAR GNAS PA, RLUNG RNAMS GNAS GANG DU GNAS NAS DUS GANG GI TSE GANG NAS GANG DU JI LTAR RGYU ZHING LAS GANG BYED PA, KHAMS DKAR DMAR GTZO BO DANG PHAL PA'I KHYAD PAR DE DAG GNAS GANG NA GNAS SHING 'PHEL 'GRIB SOGS JI LTAR BYED PA'I RNAM GZHAG RNAMS BLUN PO'I RANG BZOS MA BSLAD CING, RGYUD DANG GRUB CHEN GYI DGONGS PA JI LTA BA BZHIN DU BLA MA'I MAN NGAG GIS LEGS PAR THAG CHOD NGES SU GO BA ZHIG MED MI RUNG YIN LA DE YANG RJE NYID KYIS RDO RJE THEG PA'I LAM GYI RIM PAR RTZA BA'I RNAM GZHAG
, ,RAGS PA TZAM ZHIG MDZAD KYANG, GZHAN GSUNG RAB GANG DU YANG DNGOS SU ZHIB PAR MDZAD PA MED CING, ZHAL LAS ZHIB TU GSUNGS PA RNAMS LEGS PAR NGES DGOS PA YOD LA, RLUNG GI RNAM GZHAG ZHIB PAR RIM LNGA GSAL SGRON DU GSUNGS MOD KYI, GSUNG RAB BRLING PAS BLO ZHAN PA KHA CIG GIS CUNG ZAD RTOGS DKA' BA KHA CIG DANG, DA DUNG ZHIB CHA NGES DGOS PA CUNG ZAD YOD LA, KHAMS DKAR DMAR GYI RNAM GZHAG NI RDZOGS RIM GYI YI GE RNAMS SU CI RIGS GSUNGS MOD KYI, DA DUNG KHYAD PAR NGES DGOS PA'ANG MANG PO ZHIG YOD KYI, DE LA BRTEN NAS SNYING GAR SEMS DPA' SUM BRTZEGS BYED PA'I GNAD DANG SPYI BO, MGRIN PA, SNYING GA GSUM DU SKU GSUNG THUGS KYI RDO RJE GSUM 'GOD PA'I GNAD LA SOGS PA CHES ZAB MO MANG PO ZHIG SHES DGOS PA YOD DE, DE DAG GI GNAS PA RTZA'I GSAL BYED GA-YO BA RLUNG GSAL BYED, BKOD PA BYANG CHUB KYI SEMS KYI GSAL BYED RNAMS LAS ZHIB PAR NGES PAR BYA'O, ,DE LTAR SHES PA TZAM GYIS PHAN THOGS SHING, MA SHES NA NYAMS LEN KYI GTZO BO DAG MI RNYED PA'I GNAS DE DAG LEGS PAR SHES DGOS PA SNGON DU BTANG NAS DE'I RJES SU LUS LA GNAD DU BSNUN PA'I RNAL 'BYOR ZAB MO SGOM PA LUS LA GNAD DU BSNUN ZHES PA'I DON NI, LUS KYI GNAD CHE SAR DMIGS PAS BSNUN NAS BSGOM PA LA ZER BA YIN CING, DE YANG RTZA'I GNAD GANG NA GNAD CHE BA GANG YOD DE DAG LA GNAD DU BSNUN TSUL JI LTAR BYAS NA YON TAN GANG SKYES, GNAD DU BSNUN NAS BSGOMS PAS RGYUD LA THOG MA DANG BAR DANG, THA MAR GANG SKYE BA'I RIM PA JI LTAR 'BYUNG,
DE YANG RLUNG 'DU MI 'DU, 'DU LUGS LEGS NYES 'DOD PA BZHIN DU 'DU BA'I PHYI NANG GI RTAGS, 'DU BA'I TSUL JI LTAR BYED 'DU LUGS LEGS PA LA YON TAN SKYE TSUL, NYES PA LA SKYON SKYE TSUL, DE DAG LA BOGS 'DON DANG GEGS SEL JI LTAR BYA TSUL, KHYAD PAR RLUNG AA WA DH'U T'IR 'DUS PA LAS GTUM MO 'BAR TSUL KHYAD PAR CAN DANG, KHYAD PAR CAN MIN PA'I RNAM DBYE DE LAS KHAMS 'JUB KHYAD PAR CAN DANG KHYAD PAR CAN MIN PA JI LTAR 'BYUNG BA, YAS BABS DANG MAS BRTAN GYI DGA' BA'I RIM PA MANG PO DANG, KHYAD PAR YAS BABS KYI DGA' BZHI THOG MAR 'DREN NUS PA'I MTSAMS NAS MAS BRTAN RANG GI NGANG GIS 'DREN MI THUB PAS, DANG POR CHED DU BSTAD NAS MAS BRTAN BSKYED DGOS SHING, DE BYANG BA DANG RANG GIS NGAG GIS 'DREN THUB PAS THOG MAR CHED DU BSTAD NAS MAS BRTAN BSKYED PA'I MAN NGAG DANG, PA RGYUD MA RGYUD KYI MAN NGAG SO SO LAS BSKYED PA'I DGA' BZHI'I KHYAD PAR SHIN TU CHE BA SOGS KYI GO BA TZAM MIN PAR RIM LNGA'I MAN NGAG LAS SNYING GAR STONG PA BZHI 'CHAR NUS PA'I MTSAMS NAS MA RGYUD KYI DGA' BZHI DE'ANG JI LTAR 'DOD PA BZHIN 'DREN NUS SO ZHES RJE RIN PO CHES MDZAD PA'I RDZOGS RIM GYI YI GE LAS GSUNGS PA LTAR LAG LEN LA SBYOR TSUL GYI MAN NGAG GI GNAD DANG, DE DAG GI SKABS SU RLUNG GI GEGS BYUNG NA SNGAR BZHIN DU MAN NGAG BSGOMS PA LAS RLUNG LA SOGS PA'I GEGS CHEN POR SONG BA ZHIG MDUN DU 'ONGS NAS MAN NGAG LA DON GNYER SKYES PA RANG GIS KHRID DGOS PA BYUNG NA RANG RE'I DMIGS PA SKYONG TSUL LA GEGS CHEN PO MI 'BYUNG NGE BYAS PAS MI CHOG GI ,SNGAR GEGS CHEN PO BYUNG ZIN MA THON PA DE STON NAS
, ,'KHRID DGOS PAS GEGS SEL TSUL LA SHIN TU MKHAS DGOS TE, RJE NYID KYI DRUNG DU'ANG GZHAN DU GEGS CHEN POR GYUR PA MAN NGAG BSTAN PA TZAM GYIS GROL BA MANG DU BYUNG NGO, ,DE LTAR GE BA TSOL LUGS MA NOR BA TZAM GYIS MI CHOG GI ,TSE 'DIR LAM RGYUD LA SKYE BA'I BLO RTZE GTOD NA NI, DMIGS PA PHRA RAGS BSGOM TSUL BOGS 'DON GEGS SEL DANG BCAS PA THAMS CAD LAG LEN LA 'GEL BA NA THE TSOM MI SKYE BA'I LEGS PAR BYANG BA ZHIG DGOS SO, ,DE BAS NA RJE NYID KYI GSUNG RAB MANG LA GO BA 'TSOL LUGS MTHA' DAG PA GSUNGS MOD KYI, LAG LEN LA SBYOR TSUL PHRA ZHIB 'GA' ZHIG DANG ZAB MO'I GNAD MANG PO ZHIG ZHAL LAS RAG LAS BYAS TE DNGOS SU YI GER MA BKOD PA MANG PO ZHIG YOD DE, LTA NA'ANG BDAG GIS BRJED PAS 'JIGS TE, BLA MA LA GSOL BA BTAB NAS YIG CHUNG THOR BU BRIS PA LA, MA RGYUD NAS 'BYUNG BA RNAMS KYI RDZOGS RIM GANG LA RTZAL DU 'DON PA'I GNAD LUS KYI GSANG GNAS DANG, LTE BAR GTUM MO LA GNAD DU BSNUN PAS DGA' BZHI YAS BABS DANG MAS BRTAN JI LTAR BSKYED PA LA GNAD CHE BA'I YI GE 'DUS PA'I RDZOGS RIM LA GTZO BOR SNYING GAR GNAD DU BSNUN PA LAS STONG PA BZHI BSKYED DE, DE'I MTHAR SGYU MA'I SKUR LDANG BA LA RDO RJE'I BZLAS PA'I GNAD KYI YIG CHUNG, SEMS DBEN DANG SGYU LUS KYI GNAD KYI YIG CHUNG, RLUNG GI 'DU RTAGS LAGS NYES DANG 'DUS PA LAS NYAMS MYONG SKYE BA'I RIM PA SOGS BSTAN PA'I GNAD KYI YIG CHUNG, SGYU LUS KYI GDAMS NGAG GI YAN LAG BSRA BA'I SKOR LA GNYID 'OD GSAL DANG BSRE BA, RMI
LAM SGYU LUS DANG BSRE BA, SAD PA SPRUL SKU DANG BSRE BA GSUM RLUNG STOBS DANG 'DUN PA'I STOBS KYI BSRE BA GANG BYED KYANG MCHOG TU GCES SHING, GDAN RDZOGS KYI KHRID YIG DANG RIM LNGA GSAL SGRON GNYIS KAR RMI LAM RLUNG DANG 'DUN PA'I STOBS KYIS 'DZIN PA GNYIS KA LA RMI LAM GYI LUS SGYU MA'I SKUR LDANG LUGS KHYAD PAR CAN ZHIG SNANG MOD BLA MAS ZHIB TU BSTAN PAR BYA STE, DE NI RMI LAM GYI GDAMS NGAG GI YANG SNYING PO YIN LA, KHYAD PAR DU RMI LAM LA BRTEN NAS PAR DO SGYU BA ZIN PA'I THABS BLA NA MED PA YIN NO, ,ZHES DANG GDAN RDZOGS KYI KHRID YIG LAS BSRE BA GSUM GYI RNAM GZHAG LA DA DUNG BLA MAS ZHIB TU BSHAD DGOS PA 'GA' ZHIG YOD DO ZHES SOGS KYI GDAMS NGAG ZAB MO ZHAL SHES DGOS PA'I KHUNGS BSTAN PA TZAM MDZAD PA DE BRJED THO LTA BUR BRIS PA SHIN TU GCES PA BSRE BA'I YIG CHUNG GTZO BOR MA RGYUD NAS GSUNGS PA 'PHO BA'I SKOR LA, RJE NYID KYIS MDZAD PA'I 'PHO BA'I YI GE NA CUNG MI GSAL ZHING, ZHAL LAS BYUNG BA'I DMIGS PA'I GNAD CUNG ZAD DAG BRIS PA 'PHO BA'I YIG CHUNG DE THAMS CAD SKABS SU NYE BAR MKHO BA RLUNG GI GEGS SEL BA DANG, THIG LE'I GEGS SEL BA STE GEGS SEL GYI YIG CHUNG GNYIS, RNAM GSUM RIGS DBYE'I YIG CHUNG, ,SNGAGS BLA MED LA LAM RIM GANG GI SKABS SU'ANG MCHOG TU BSNGAGS PA PHYAG RGYA'I LAM YIN LA RJE NYID KYIS PHYAG RGYA SROG RTZOL DU 'GRO BA'I GNAD CHE BA YANG YANG GSUNGS PA, DE'I GNAD RNAMS ZHIB PAR BRIS PA, PHYAG RGYA BZHI'I LAM GSAL BAR BYED PA'I YIG CHUNG DE DAG GI SKABS SU CI RIGS PAR NYE BAR MKHO BA'I THOR BU CI RIGS YI
, ,GER BRIS PA'I YIG CHUNG STE, DE LTAR BKOD PA'I YIG CHUNG THOR BU DAG LAS BSTAN PA THOG MAR BLA MA BSTEN TSUL DANG DAM TSIG DANG SDOM PA DAG BAR BYED TSUL LA NYAMS 'OG TU TSUD BA'I LAG LEN BYED PA GZHIR BYAS, LTA BA SKYOD TSUL GYI GNAD LA MKHAS PAS BSKYED RIM RDZOGS RIM LA LEGS PAR 'KHRID, MAN NGAG 'DI DAG GANG DANG GANG DU SBYOR DGOS PA DE DANG DER SBYAR TE BOGS DON CING GEGS BSAL NAS 'KHRID PAS NGES PAR LAM SNA ZIN PAR 'GYUR BA GDON MI ZAB BA YIN NO, ,DE YANG BOD LA GRAGS PA'I GDAMS NGAG JI LTAR ZAB PA DAG LA YANG NYAMS LEN GYI GNAD RGYUD SDE DANG GRUB CHEN GYI GZHUNG DANG BSTUN NAS LEGS PAR DPYAD NA PHYIN CI LOG TU SONG BA DANG, GNAD 'PHYUGS PA RANG MANG, LHAG PAR ZHU BDE LHAN CIG SKYES PA'I YE SHES BSKYED PA'I GDAMS NGAG LA GO BA CHAGS PA DANG, SGYU LUS DANG 'OD GSAL LAS ZUNG 'JUG GI SKU BSGRUB PA'I GO BA PHYOGS MTHONG TZAM CHAGS PA YANG NYUNG BA'I TSOD DU 'DUG ,DE'I GNAD KYIS SGRUB PA SNYING POR BYED PA JI 'DRA ZHIG LA YANG RGYUD SDE DANG MTHUN PA'I NYAMS RTOGS KHYAD PAR CAN SKYES PA BOD 'DIR SHIN TU NYUNG, RANG RE'I RJE RIN PO CHE'I GDAMS PA'I GNAD THAMS CAD LEGS PAR SHES SHING, LAM SPYI'I GO BA LEGS PAR CHAGS PA ZHIG GIS TSE 'DI LA BLTOS PA MED PAR KHA BSHAD DANG RNAM GA-YENG GIS YID MA PHROGS PAR BYAS TE, SNGON GYI BLA MA MING LA DANG RGOD TSANG PA LA SOGS PA'I MANG PO ZHIG GI PHYED TZAM GYI SGRUB PA SNYING POR BYAS NA RGYUD SDE DANG MTHUN PA'I LAM RGYUD LA SKYES PA,
RGYA GAR GYI GRUB CHEN 'DRA BA 'ONG BA LA THE TSOM MED PA YIN, DE LTAR MAN NGAG GI YIG CHUNG NYI SHU 'JUG PA'I LAM LA BSTAN PA'I DKAR CHAG YIG CHUNG NYER GCIG PO 'DI NI BDAG NYID NYAMS LEN LA SGRUB PA SNYING POR BYED 'DOD PA'I YID KYI RE BA PHYI NANG GI BAR DU GCOD PAS MA BCAD NA, NYE BAR MKHO BA'I GTZO BO DAG BRJED PAS 'JIGS PA DANG, SKAL BA DANG LDAN PA SGRUB PA LHUR LEN PAR 'DOD PA TZAM BYUNG SRID NA'ANG 'KHRID TSUL ZHIB TU NGES PAS PHAN GDEGS PA DANG, KHO BO CAG DUS KYI PHO NYAS KHRID PAR GYUR NA, RJE RIN PO CHE'I GSUNG NGAG RDO RJE 'CHANG GI ZHAL GYI BDUD RTZI 'DI DAG GANGS RI'I KHROD DU LHAG MA MED BAR 'GYUR DU DOGS PAS 'JIGS SHING MAN NGAG GI GNAD DANG GO BA 'TSOL LUGS KYI CHES GNAD ZAB PA ZHAL LAS SHES PAR BYA BA MANG DU YOD PA DAG KHO BOS DUS PHYIS RJE NYID KYI ZHABS DRUNG DU SLAR YANG SNYING NAS GSOL BA BTAB CING GSER GYI MAndAL TSOGS KYI 'KHOR LO LA SOGS LA 'BAD CING THUGS BRTZE BA CHEN POS NYE BAR GZIGS NAS ZLA BA BCU'I RING LA, NYIN MO RGYUD SDE DANG GZHUNG CHEN PO RNAMS KYI BSHAD PA DANG MTSAN RE ZHING BSKYED RDZOGS KYI MAN NGAG GI GNAD RGYUN MA CHAD PAR STZAL PA DAG YID LA GCAGS PAR BGYIS SHING, KHYAD PAR ZHAL LAS SHES PAR BYA BA'I GNAD ZHIB CING MANG BAR GSUNGS PA DAG ZUR PHRA MO TZAM YANG MA NYAMS PAR DUS DE NYID NAS LO DRUG GI BAR YANG YANG YID LA SHAR BA DANG SEMS PAS MA BRJED PAR BYAS NAS, LO BDUN PA LA BAB PA NA RJE NYID LA GSOL BA MANG DU BTAB CING MKHA' 'GRO CHOS SKYONG LA MCHOD GTOR PHUL NAS GSOL BA
, ,BTAB STE DPAL RI BO MDANGS CAN GYI DGON PAR RDO RJE 'DZIN PA DGE LEGS DPAL BZANG POS YI GER BRIS PA YIN NO, ,ZHAL LAS SHES PAR BYA BA'I GNAD 'DI DAG RJE NYID KYIS BKA' RGYAS DAM DU BTAB PAS SNYING NAS SGRUB PA SNYING POR BYED PA'I SKAL LDAN GSANG BDE GNYIS KYI BSKYED RDZOGS KYI GZHUNG KHRID RJE NYID KYI KHRID YIG STENG NAS LEGS PAR THOB PA, BSHAD PA TZAM LA SNYING POR 'DZIN PA MIN PA NAN GYIS DON DU GNYER ZHING GUS PAS GSOL BA 'DEBS PA DAG MIN PA LA BSTAN PAR MI BYA'O, ,DE'I PHYIR LHAd PA'I CHOS SRUNG DAG GIS CHOS 'DI'I BYA RA MA GA-YEL BAR MDZOD CIG ,ZAB MO RDO RJE'I RNAL 'BYOR LA 'JUG PA'I LAM BSTAN PA ZHES BYA BA DKAR CHAG THO'I YIG CHUNG, SA MA YA MU KHA, 'DIS KYANG BSTAN PA RIN PO CHE RGYAS PAR BYED NUS PAR GYUR CIG , ` ,,RAB 'BYAMS RGYAL BA KUN GYI THUGS KYI BCUD, ,DRI MED MKHA' 'GRO BYE BA'I GSANG BA'I MDZOD, ,RTZA BSHAD SHIN TU SBYOR BA'I RNAL 'BYOR MCHOG , GRUB CHEN TZONG KHA PA YI MAN NGAG BRJOD, ,DE'ANG DAM TSIG DANG SDOM PA LAS MI 'DA' BA'I THABS BSHAD PAR BYA BA LA GNYIS LAS, DAM TSIG RDO RJE'I BZLAS PA'I GNAD DANG, ZA BYED MKHA' 'GRO'I SBYIN SREG GI SGO NAS SO, ,DANG PO NI, RANG YI DAM DU GSAL PA'I THUGS KAR SNA TSOGS PADMA DANG ZLA BA'I DKYIL 'KHOR GYI STENG DU, HA LAS RAL GRI'I CHANG ZUNGS LA HAS MTSAN PA DE YONGS SU GYUR PA LAS, DAM TSIG GI RDO RJE SKU MDOG LJANG GU LJANG NAG DKAR BA'I ZHAL GSUM PHYAG DRUG GI
DANG PO GNYIS KYIS RANG 'DRA'I YUM LA 'KHYUD CING, LHAG MA GA-YAS GNYIS RDO RJE DANG RAL GRI, GA-YON GNYIS DRIL BU DANG PADMA 'DZIN PA YAB YUM GNYIS KA'ANG RIN PO CHE'I RGYAN SNA TSOGS KYIS BRGYAN PA DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS PAS, RIGS LNGA 'KHOR DANG BCAS PA SPYAN DRANGS, MCHOD PAS MCHOD, DE BZHIN GSHEGS PA RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS YE SHES KYI BDUD RTZIS GANG PA'I BUM PAS, AOm SARBA TA TH'A GA TA AA BHI shE KA TA SA MA YA SHRI YI H'Um, ZHES RANG GI SPYI BO NAS DBANG BSKUR BAS, DAM TSIG RDO RJE'I LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI BOR GNAS PA YONGS SU GYUR PA LAS YAB LA MI BSKYOD PA DANG YUM LA DON GRUB KYIS DBU BRGYAN, DE'I THUGS KAR ZLA BA'I STENG DU SNA TSOGS RDO RJE'I LTE BAR HA LJANG GU'I BDUD RTZI'I RGYUN PHRA MO 'DZAG PA DE'I MTHAR, AOm A'A: PRA DZNY'A DHRi KA HA H'Um ZHES PAS BSKOR BAR DMIGS LA BDUD RTZI'I RGYUN DE SNA TSOGS RDO RJE'I RVA'I BU GA NAS RIM GYIS BYUNG NAS LUS THAMS CAD GANG, ZAG MED KYI BDE BA MYONG BAS DAM TSIG NYAMS PA THAMS CAD BA SPU'I BU GA NAS NAG NYIL NYIL THON PAR BSAMS LA, NGAG TU GONG GI SNGAGS DE BZLA, BZLAS PA TSAR BA DANG, BDAG NI MI SHES RMONGS PA YIS,,
, ,ZHES SOGS BYA'O, ,GNYIS PA RDO RJE MKHA' 'GRO'I SBYIN SREG BYA TSUL NI, RANG GI MDUN DU ME RDOG PO DU BA MED PA SNOD DU BZHAG LA, AOm A'A: BIGHNAm TA KRiT H'Um, ZHES SOGS RANG GI SNGAGS KYIS BSANGS, AOm SH'U N+YA T'A DZNY'A NA BADZRA SVA BH'A WA A'ATMA KO NYAHAm, STONG PAR GYUR, STONG PA'I NGANG LAS YE SHES KYI ME DMAR PO GRU GSUM PA RAB TU 'BAR BAR GYUR, DE'I DBUS SU SNA TSOGS PADMA DANG NYI MA'I STENG DU H'Um MTHING NAG DE YONGS SU GYUR PA LAS ZA BYED RDO RJE MKHA' 'GRO SKU MDOG MTHING NAG ZHAL GCIG PHYAG GNYIS KYIS H'Um MDZOD KYI PHYAG RGYA 'CHING BAS RDO RJE DANG DRIL BU 'DZIN PA, DBU SKRA KHAM SER GYEN DU BRDZES PA, ZHAL RAB TU GDANGS PA LTO BA 'PHYANG BA YAN LAG RAGS PA GA-YAS BRKYANG GIS BZHUGS PA, DE'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, AOm BADZRA d'A KA SA PA RI W'A RA ARGHAm PRA T'I TZTSA H'Um SV'A H'A, ZHES SOGS KYIS MCHOD, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS PAS DBANG GI LHA RNAMS SPYAN DRANGS, AOm PANYTZA K'U LA SA PA RI W'A RA ARGHAm PRA T'I TZTSA H'Um SV'A H'A, ZHES SOGS KYIS MCHOD, DE BZHIN GSHEGS PA RNAMS KYIS 'DI LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS BDUD RTZIS GANG BA'I BUM PA THOGS TE, AOm SARBA TA TH'A GA TA AA BHI shE KA TA SA MA YA SHR'I YE A'A: H'Um, ZHES DBANG BSKUR BAS LUS
THAMS CAD GANG, CHU'I LHAG MA SPYI GTZUG TU 'KHYIL BA YONGS SU GYUR PA LAS MI BSKYOD PAS DBU BRGYAN PAR GYUR, AOm BADZRA d'A KA ZHES SOGS KYIS MCHOD, AOm A'A: H'Um GIS NANG MCHOD PHUL, DE NAS GSANG GNAS SU YAm LAS RLUNG GI DKYIL 'KHOR SNGON PO GZHU LTA BU DANG, LTE BAR RAm LAS ME'I DKYIL 'KHOR DMAR PO GRU GSUM PA BSGOM, SNYING GAR YI GE PAm NAG PO DE LAS 'OD ZER NAG PO LCAGS KYU LTA BUS LUS KYI STOD SMAD THAMS CAD KHYAB PAR 'PHROS PAS, RANG GI SDIG SGRIB DANG DAM TSIG NYAMS CHAGS THAMS CAD 'OD ZER NAG PO'I RNAM PAR BSDUS NAS PAm LA THIM PA DANG MNYAM DU GSANG GNAS KYI RLUNG GA-YOS LTE BA'I ME SBAR BAS, PAm DE NAG NA RA RA MGRIN PA NAS YAR BRGYUD DE, SNA'I RTZER SLEB PA NA SDIG PA RVA CHEN GYI GZUGS SU GYUR PA RLUNG PHYIR RGYU BA DANG MNYAM DU THON NAS, SNA'I SGOR SNOD KYI NANG DU TIL JI TZAM 'DOD PA BZUNG LA, DE RNAMS DANG DBYER MED DU GYUR PAR BSAM, RLUNG PHYIR BUS LAG PA GNYIS KYIS MTHEB SRIN SBYAR BA'I TIL ME LA BSREG CING, AOm BADZRA d'A KA KHA KHA KH'A HI KH'A HI, SARBA P'A PAm DE HA NA BHA SMI KU RU H'Um PHAt PHAt SV'A H'A, ZHES TIL MER DOR BA'I GRANGS DANG MNYAM PAR BRJOD, DE NAS SNGAR BZHIN MCHOD NAS, YIG BRGYA 'DON, MA RNYED YONGS SU MA SHES BRJOD, YE SHES PA RANG BZHIN GYI GNAS SU GSHEGS, DAM TSIG PA ME 'BAR BA'I RNAM PAR GYUR, ME MA 'DAS KYI BAR DU MI REG CING, SHI BA DANG THAL BA 'GOM LAM MI 'CHOR BA'I SA PHYOGS SAM CHUR DOR BAR BYA'O, ,RJE RIN PO
, ,CHE SHAR TZONG KHA PA'I ZHAL GDAMS THUN MONG MIN PA'I ZAB CHOS BLA NA MED PA RJE NYID KYIS GSUNGS PA BZHIN YI GER BKOD PA'O, ,MKHAS GRUB RJE'I ZIN BRIS,, ` ,,BZHI PA LTA BA'I YIG CHUNG LA GSUM, ZHI GNAS DANG, LHAG MTHONG DANG, ZHI LHAG ZUNG 'BREL LO, ,DANG PO LA, ZHI GNAS KYI SKABS SU BYING RGOD BTZAN THABS SU GCOD PA'I MAN NGAG NI, TSUL GNAS GRU RDZINGS RIG PA'I SKYA BA 'DZIN, ,DED DPON BSHES GNYEN MCHOG GI ZHABS BTUD NAS, ,NYID KYI THUGS BCUD ZHAL GYI GDAMS PA MCHOG ,LEGS PAR BKOD LA SRUNG MAS GROGS MDZOD CIG ,DE LA ZHI GNAS KYI MTSAN NYID DANG, RGYU TSOGS BSTEN PA'I RIM PA LA SOGS PA RNAMS MTHA' DAG PAR BYANG CHUB LAM GYI RIM PAR SHES PAR BYA LA, 'DIR NI DE DAG GI SKABS SU MED DU MI RUNG BA'I ZHAL SHES DAG BRI BAR BYA'O, ,DE YANG ZHI LHAG GI SKABS SU BYING RGOD GCOD PA SHIN TU GAL CHE BAS, BYING RGOD BCAN THABS SU SEL TSUL NI, BYING RGOD SHES CHUNG ZHING LAN RE TZAM LAS MI 'BYUNG NA, SKABS GZHAN NAS 'BYUNG BA LTAR DRAN SHES BSTEN TSUL LA MKHAS PAS SEL LA, BYIN RGOD SHIN TU SHAS CHE ZHING YANG YANG 'BYUNG BA LA NI 'DI LTAR BYING BA DANG RMUGS PA YANG YANG BYUNG NA, RANG GI SEMS DANG NAM MKHA' STONG GSAL GNYIS DBYER MED DU BSRES NAS SEMS GZUNG BA DANG, SEMS GSAL LA DVANGS SHING DMIGS PA LA 'DOD PA BZHIN DU GNAS PA GNYIS 'ONG BA YIN NO, ,RGOD PA NI RLUNG SBYOR BYAS TE NANG DU BZUNG BAS
SEMS KYANG GNAS SHING, RIG PA DVANGS SNYIGS PHYED PA 'ONG BA YIN NO, ,BYING RGOD BTZAN THABS SU GCOD PA'I ZHAL SHES SO, ,GANG LA 'JOG PA'I DMIGS PA DANG, JI LTAR 'JOG PA'I TSUL DANG, DMIGS PA BSGOMS PAS MYONG BA SKYE TSUL DANG, BYING RGOD PHRA RAGS KYI DBYE BA DANG, KHYAD PAR RNAMS SHAS PAR BYA DGOS SO, ,GNYIS PA LHAG MTHONG LA GNAD BZHI DANG, TSAD MA BZHI LDAN DU SKYONG TSUL NI, THOG MAR DGAG BYA DE'I TSAD 'CHAR TSUL NI, THOG MAR BLO LHAN SKYES LA NGA TZAM DE JI LTAR 'CHAR BA BLTA, DE NGES NAS NGA TZAM DE NGA'O SNYAM PA'I BLO LA JI LTAR SNANG BA BLTA, SNANG TSUL NGES NAS NGA'O SNYAM PA'I BLO 'DIS NGA DE JI LTAR BZUNG BA BYED PA DE LA YANG SNGON LA SNANG BA'I 'CHAR TSUL DANG, DE NAS ZHEN PA'I 'CHAR TSUL GNYIS LA RIM PA BZHIN THA DAD DU GNYEN PO BSTEN DGOS SO, ,LTA TSUL YANG NGA'O SNYAM PA'I BLO MA SHOR BAR BYAS NAS, BLO GZHAN ZHIG GIS ZUR NAS BLTA DGOS PA YIN TE, DE LTAR BLTAS PA NA THOG MAR PHUNG PO 'CHAR BA DANG MI 'CHAR BA GNYIS DANG, 'CHAR BA LA YANG NGA DE PHUNG PO'I DKYIL NA GNAS PA 'CHAR BA DANG, PHUNG PO LAS GZHAN LAS 'CHAR BA DANG, MI 'CHAR BA LA YANG CI MED KYI STONG SANG DE BA LTA BU DANG, KHA DOG DANG GZUGS KYI RNAM PA LTA BU 'CHAR BA NI 'CHAR TSUL RNAM DAG MIN NO, ,DES NA BLO LHAN SKYES 'DI LA NGA DE YUL GANG LA YANG BLTOS PA MED PA 'DRA BA'I RANG NGOS NAS LHANG NGE BA CIG 'CHAR LA, DE NYID THA SNYAD HRANG NGE BA DANG, PHOB PHOB PA DANG, NUS LHANG NGE BA DANG, LAM ME DANG, GANG LA SBYAR YANG 'CHAR BA 'DRA BA ZHIG 'ONG
, ,NGO, ,SNANG BA DE YANG YUN THUNG BAS BRANG TZAM RE MI 'CHAR RO, ,DE YANG BLO DE DANG MNYAM DU SNGON NAS GRUB GRUB PA CIG DRAN PA LTAR DU 'CHAR RO, ,'CHAR TSUL DE LA YANG PHUNG PO DANG GCIG DANG THA DAD GNYIS KA'I 'CHAR TSUL 'BYUNG NGO,, DE YANG NGA NA ZHES PA DANG, NGA'I LAG PA NA ZHES PA LTA BU'O, ,LHAN SKYES KYI SNANG BA DE MA DOR BAR NGA BYA BA BYED DO, ,ZHES PA LTA BU'I NGAR ZHEN PA YIN NO, ,NGA'O SNYAM PA'I BLO NI, NGA 'GRO NGA SDOD SNYAM PA RNAMS SO, ,DE LTAR 'CHAR TSUL NGES NAS DE LTAR GRUB NA PHUNG PO DANG GCIG DANG THA DAD DANG GANG RUNG LAS MI 'DA'I BA'I TSUL DANG, GCIG DANG THA DAD GNYIS KA LA GNOD PA 'ONG BA'I TSUL BSAM PA STE, NGA SNANG BA DE LTAR GRUB PA MI 'DUG PAR LHANG GIS NGES PA NA, NGES SHES LHANG LHANG BA BAR MA CHAD DU SKYONG BA NI SKYONG TSUL GYI GNAD DAM PA'O, ,DE'I TSE YANG DGAG BYA GSAR DU GSAL BTAB NAS DE LTAR DU MED MOD SNYAM DU BYED PA MIN TE, DANG POR DGAG BYA GSAL BTAB NAS, DE LTAR MED PAR NGES PA LHANG GIS SKYES PA'I MED DGAG DE NYID LA RTZE GCIG TU 'JOG PA'O, ,DE LA GNAD BZHIR BYAS NAS, DANG PO DGAG BYA NGES PA, GNYIS PA KHYAB PA NGES PA, GSUM PA CHOS NGES PA, BZHI PA BSGRUB BYA NGES PA DANG BZHI YIN LA, TSAD MA BZHIR BYAS NA, DGAG BYA'I 'CHAR TSUL NGES PA'I TSAD MA, GCIG DANG THA DAD GANG RUNG NGES PA'I CHOD MA, GCIG TU MA GRUB PAR NGES PA'I TSAD MA, THA DAD DU MA GRUB PAR NGES PA'I TSAD MA DANG BZHI'O, ,DE LA BOGS 'DON PA NI, MNYAM RJES KYI SKYONG TSUL GNYIS LA MKHAS PAS 'DON PA YIN, GEGS SEL LA GNAD
DANG PO'I CHAD MA NGES NA MI 'BYUNG YANG, BDAG CHAD KYIS DOGS PA'I 'JIGS PA NI, RJES THOB KYI SNANG BA SKYON MED 'DI GAS SEL NUS SO, ,STONG NYID RGYANG CHAD DU BSGOMS NA BDEN GRUB KYI RTAG LTA BSGOMS PAR 'GYUR BAS BLO DANG BSRES NAS DBYER MED DU BSGOM MO, ,NGA YI BA'I 'CHAR TSUL NI, NGA YI'O SNYAM DU BLO SPYI 'DI'I 'CHAR TSUL NGA YI'O SNYAM DU BSAMS NA, BLO DE DANG MNYAM DU LING CHAD DU CHAR CHAR BA 'DRA BA ZHIG 'CHAR LA, DE NYID SNANG BA LTAR DU GRUB NA MIG RNA SOGS DANG GCIG DANG THA DAD GANG RUNG DU GRUB PAR NGES LA, GCIG TU GRUB NA THA DAD GTAN MED DU 'GYUR BAS, MIG GIS KYANG SGRA THOS PAR 'GYUR BA DANG, RNA BAS KYANG GZUGS MTHONG BA SOGS SU 'GYUR RO, ,THA DAD DU GRUB NA NGA'I SNYAM PA'I BLO DE NYID KYIS YUL LA LONGS SPYOD PA DANG, NGA YI BA RNAMS KYI BDE BA BSGRUB BYA MIN PAR 'GYUR BAS DE LTAR NGES PA DRANGS NAS SKYED TSUL SNGAR LTAR BYED PA YIN NO, ,DE NAS SHES PA'I 'CHAR TSUL LA BLTAS TE, DE LA YUL RANG DBANG DU SPYOD PA 'DRA BA'I TSUGS THUB TU 'CHAR RO, ,DE'I NGES PA 'DREN TSUL DANG, SKYONG TSUL, MNYAM RJES SOGS THAMS CAD SNGAR DANG 'DRA'O, ,DE NAS RANG RGYUD KYIS BSDUS PA'I PHUNG PO'I STENG DU GTAN LA PHAB STE BSGOM MO, ,DE NAS GANG ZAG GZHAN DANG, RGYUD KYIS MA BSDUS PA'I CHOS THAMS CAD KYI STENG DU BSGOM MO, , DE'I 'CHAR TSUL NI, KA BA LTA BU DE SNGAR NAS GRUB GRUB PA 'DRA BA BRTAN TSUGS PA'I RNAM PAR 'CHAR RO, ,THA SNYAD DU YOD PAR BSHAD PA NI MING TZAM ZHIG YOD PA YIN LA, RIGS PAS MED PAR BSGRUB PA NI, BLO MA RIG PAS YUL RNAMS RANG
, ,DBANG DU BZUNG BA LTAR DU MED PAR BSGRUB PA YIN NO, ,TZONG KHA PA YI RING LUGS GSAL MDZAD CHOS KYI RJE, ,MKHAS GRUB LEGS BSHAD 'OD DKAR RGYAS PA DES, ,GANG GI BLO MUN BSAL BA'I MTHUS BYUNG BA, ,ZHAL SHES GNAD KYI THIMS YIG BRIS PA 'DIS, ,'GRO BA'I SNYING GI MUN PA SEL GYUR CIG ,'DI GNYIS GCUNG CHOS RGYAL BA'I ZIN BRIS, GSUM PA ZHI LHAG ZUNG 'BREL GYI SKABS 'DIR, DBU MA'I LTA BA BSGOM TSUL LA LNGA STE, THEG PA GZHAN GYI YUL CAN KHYAD PAR CAN GYI DE KHO NA NYID BSGOM TSUL, DE KHO NA NYID MNGON SUM DU RTOGS NAS BSGOM TSUL, ZHI GNAS DNGOS LA BRTEN NAS LHAG MTHONG DNGOS BSGOM TSUL, ZHI GNAS RJES MTHUN PA LA BRTEN NAS LHAG MTHONG RJES MTHUN PA BSGOM TSUL, LAS DANG PO PAS LTA BA LA MYONG BA 'DON PA'I BSGOM TSUL LO, ,DANG PO NI, LUd 'DIR DE KHO NA NYID LA MNYAM PAR 'JOG PA'I TSE, DPYAD BSGOM 'JOG PA'I ZHAR LA NGES PA'I LTA BA 'DZIN STANGS LA MA 'JOG CIG ,GNYIS PA'I TSE, DPYAD DON NGES PA'I TSE YUL YUL CAN GNYIS RO GCIG TU NGES KYANG, CHOS NYID KYI SNANG CHA YUL DU MA BYED CIG ,GSUM PA'I TSE, DPYAD DON NGES PA DANG LHAN CIG TU SHIN SBYANGS GNYIS THOB PAS GNAS PA 'DREN CING, GNAS PA'I NGANG NAS SO SOR DPYOD NUS PAS MNYAM GZHAG NA GNAS PA DANG, JI LTA BA'I DON SO SOR 'BYED PA'I SHES RAB GNYIS ZUNG 'BREL DU YOD PA CHA SO SOR PHYED PAR MDZOD CIG ,BZHI PA'I TSE, DPYAD DON NGES PA NA GNAS CHA 'DREN PA ZHI GNAS SU GRUB PA'I MTHU YIN KYANG, DE GTZO BOR MI 'DZIN PAR
YANG DANG YANG DU DPYAD NAS DPYAD DON LA NGES SHES DANG, DPYAD MTHAR 'JOG PA GNYIS MNYAM POR BSGRUB PA MDZAD CIG ,LNGA PA'I TSE, MYONG BA THON PA'I RIG SHES KYI NGES NGOR YONGS GCOD KYI NGES PA DGAG PAR GYIS SHIG ,('DI MKHAS GRUB RJE'I ZIN BRIS), LNGA PA BSKYAD RIM GYI KHRID YIG NI, RDO RJE 'CHANG DBANG GANG DE'I BRTZE BA YIS, ,ROL BA'I BSHES GNYEN TSUL BZUNG THEG MCHOG MGON, ,RJE BTZUN BLA MA'I ZHABS LA MGOS PHYAG 'TSAL, ,BRTE BA'I THUGS KYIS RTAG PAR GZIGS SU GSOL, ,DE LA 'DIR LAM RIM PA GNYIS TSUL BZHIN DU NYAMS SU LAN PA'I GANG ZAG GIS DMIGS PA YID LA BYED PA'I GNAD MAN NGAG TU BSHAD PAR BYA'O, ,DE LA THOG MAR SNGON 'GRO GTOR MA'I GNAD NI, RANG ZHE SDANG RDO RJER BSKYED NAS MDUN DU THOD PA YANGS SHING RGYA CHE BA ZHIG GI NANG DU SHA LNGA BDUD RTZI LTAR BYIN GYIS BRLABS TE ZAG PA MED PA'I YE SHAS KYI BDUD RTZIR BSAMS NAS, PHYOGS SKYONG 'KHOR DANG BCAS PA RANG GI PHYOGS MTSAMS SU BKUG STE, RANG GI THUGS KA NAS MCHOD PA'I LHA MO THOD PA THOGS PA DPAG TU MED PA SPROS TE, RANG GI MDUN GYI BDUD RTZE DE NAS THOD PAS BCUS TE SO SOR MDUN DU MCHOD PAS LNGAGS 'OD KYI SBU GUS DRANGS TE BZHES PAR BSAM MO, ,DKYIL 'KHOR PA'I LHA LA 'BUL BA'ANG DMIGS PA 'DRA BA LA, KHYAD PAR RANG GI MDUN DU LHA TSOGS GSAL 'DEBS PA YIN NO,, ` SRUNG 'KHOR GYI GNAD NI, GCOD PA'I 'KHOR LO RTZIBS THAMS CAD SPU GRI'I SO LTAR RNO BA, NYI GDAN LA CUNG
, ,ZAD MA REG PAR MGYOGS PAR 'KHOR BA, DE'I DBUS SU GZHAL YAS KHANG BSGOMS NA SHIN TU LEGS SHING, GTOR MGRON BSKYED PA'I SKABS KYI RIG PA SBYAR NA YANG THOB PA YIN NO, ,DE YANG SRUNG 'KHOR GRUB TZAM NAS 'BRUB KHUNG DANG PHUR BU SOGS KYANG GSAL BTAB, GNAS GSUM GYI YI GE GSUM LAS RDO RJE DKAR DMAR MTHING GSUM BYUNG BAS LUS RDO RJE'I RANG BZHIN DU BSGOM MO, ,SGO GSUM BYIN RLABS DANG SEMS DPA' GSUM BRTZEGS KYI CHE SNGA PHYIR THUGS KAR H'Um YIG GNYIS BYUNG YANG, THA DAD DU MOS PA MA GTOGS H'Um YIG GCIG GIS CHOG PA YIN NO, , ` YUL CAN BDE BAS STONG PA BSGOMS PA'I GNAD NI, BSKYED RIM GYI SKABS SU GTZO BOR YID BDE YIN PAS DES STONG PA SNGAR NGES ZIN DE LA RTZE GCIG TU 'JOG PA'O, ,DE LA GNYIS SNANG GI BAR DU CHOD NA SDUD RIM GYI DMIGS PA BYAS NAS SNGAR LTAR 'JOG PA YIN NO, ,DE LA NGA RGYAL 'JOG PA'I GNAD NI, THA MAL GYI PHUNG PO DANG NGA GNYIS NGA'I ? SNYAM PA'I BLOS MING DON GCIG TU BZUNG NAS ZHEN PAS 'KHOR BAR 'KHOR BA LTAR, YUL STONG PA NYID LA GDAGS GZHIR BYAS NAS BTAGS CHOS SU MING DON GCIG TU BZUNG BAS BDEN 'DZIN SPANGS NAS CHOS SKU'I RGYUR 'GYUR BA YIN NO, , ` GZUNG RNAM LHAR 'CHAR TSUL GYI GNAD NI, GZUNG RGYU NI YUL STONG PA NYID DANG, GZUNG GZHI NI STONG NYID RTOGS PA'I SHES RAB BO, ,RNAM PA LHAR 'CHAR TSUL NI, NGO BO BDE STONG DBYER MED KYI YE SHES NYID YIN PA LA, RNAM PA LHA
DANG GZHAL YAS KHANG DU GRUB PAR BSGOM PA'O,, ` LHAG MOS LUS LA BSDUS NAS DE LTAR THIM PAR BSGOM PA NI, DE GNAS DE NYID DU PHAR LUS KYI NANG DU THIM PAR BSGOM PA DANG, 'CHI BA'I TSE LTA BU NI CHOS SKUR THIM PAR BSAM PA'O, ,DANG PO'I MGON PO RANG NYID MI BSKYOD PA LA 'JUG PA NI GO SA MA 'PHOS PAR DBUS KYI GDAN LA GNAS PA'I NGANG NAS 'JUG PA YIN LA, DE NAS SKU DE RTEN DANG BRTEN PA'I DKYIL 'KHOR DU BSKYED PA NI, LUS KYI CHA SHAS DE DANG DER GYUR PA LAS BSKYED PAR MOS PA MA GTOGS, RNAM PA BSDUS NAS DER GYUR PAR BSAM PA MIN NO, ,LUS KYI GNAS RNAMS SU LHA BSGOM PA YANG GOS GCIG TU LHA MANG PO BSGOM PA 'CHAR DKA' NA, GSANG 'DUS 'JAM RDOR NAS GSUNGS PA LTAR GNAS THA DAD DU BSGOMS KYANG RUNG NGO, ,RIGS BDAG YAB YUM LAS BDUD RTZI'I RGYUN BABS PAS, SEMS DPA' GSUM TSIM ZHING YID BDE DPAG TU MED PA SKYES PAR YANG YANG BSAM PA GNAD CHE'O,, ` RIG MA 'BYIN PA'I GNAD NI, THEG MAR SNYING GNAS SME SHA CAN LA SOGS PA RANG RIGS KYI MI MO'I RNAM PA CAN YID LA GCAGS PA'I BU MO'I RNAM PA CAN ZHIG PHYUNG STE, DE NYID BSANGS SBYANGS NAS REG BYA RDO RJE MAR BSKYED PA'O,, ` PHAt YIG GI GNAD NI, DBU CAN GYI PHAt YIG KHA DOG SER PO LTA BU'I MGO NANG DU BLTA BA 'OD KYI RNAM PAR BSGOM MO, ,DE NAS PHAt NGAG TU BRJOD PA DANG MNYAM DU SPYI BO NAS BYANG SEMS BAB PA DANG, PHYIR 'PHO BA DGAG PA DANG, DMIGS PA YUM GYI PADMAR 'BEBS PA DANG BYA BA GSUM BYED DO, ,DANG PO SBYOR BA LAS MI BYED NA YUM GYI PADMA'AM
, ,RDO RJE'I RTZE GANG RUNG DU THIG LE PHAB PA LAS LHA SPROS NAS MDZAD PA MDZAD PA SBYAR DGOS SO, ,RDO RJE DANG PADMA'I NANG 'OD ZER LNGAS GANG BAR BSGOM PA NI, RVA DBUS MA'I AOm YIG DE LAS 'OD ZER LNGA BYUNG STE, LUS KYI RTZA THAMS CAD DANG PADMA'I NANG GANG BAR BSGOM PA YIN NO, ,AOm YIG NI RVA DBUS MA'I SBOM GYI CHA'I DBUS SU 'GOD LA, PHAt YIG NI RVA DBUS MA'I RTZER 'GOD PA YIN NO,, ` NGA RGYAL 'JOG PA'I GNAD NI, BDE STONG DBYER MED LA SNGAR LTAR NGA RGYAL BZHAG NAS DE NYID LA RANG NYID RDO RJE 'CHANG DNGOS YIN PA DANG, DKYIL 'KHOR THAMS CAD DE'I RNAM 'PHRUL DU BLTAS TE THA MI DAD DU BZUNG NGO,, ` GSAL SNANG 'DON PA'I GNAD NI, RTEN DANG BRTEN PA'I DKYIL 'KHOR THAMS CAD LAM GYIS GSAL BTAB NAS SHES PA SPYI DE LA BZUNG STE CHA SHAS PHRA MO GCIG GIS RE RE NAS GSAL SNANG 'DON PA YIN NO, , ` PHRA MO'I GNAD NI, RANG GI RDO RJE'I KHA'I PHAt YIG DE NYI GDAN DU GYUR TE, DE'I STENG DU THIG LE SNGON PO YUNGS 'BRU TZAM ZHIG BYUNG STE PHAB NAS BSGOM PA DANG, MTHAR THIG LE YAR DRANGS NYI GDAN PHAt DU BSGYUR RE, ,DE'I STENG GI SNA RTZER YANG NYI GDAN LA RDO RJE SNGON PO NAS 'BRU TZAM DANG, DE BRTAN PA NA DE LAS GCIG DANG, DE NAS DE'I RTZE LAS GCIG STE JE MANG DU BTANG, MTHAR SNYING GAR BSDU'O, ,DE DAG NI DMIGS PA YID LA BYED PA'I GNAD BSKYED RIM GYI SKABS SU MED DU MI RUNG BA'I ZHAL SHES DAG YIN NO, ,DA DUNG LUS DKYIL SGOM PA SOGS ZHIB CHA BLA MA'I ZHAL LA BLTOS SO,,SA MA YA KHA THAM,, ,,
<< ` >> ? BLA MA DAM PA RNAMS LA PHYAG 'TSAL LO, ,DRUG PA RDZOGS RIM GYI KHRID YIG LA GNYIS, SPYI DANG GSAL BA'I DBYE BA'O, ,DANG PO LA GSUM, DMIGS RIM, LAG RJES, NYER MKHO BSTAN PA'O, ,DANG PO NI, RDZOGS RIM GYI GNAD CUNG ZAD CIG BRJOD NA, BDE BA CHEN PO'I LAM GYI GZHI YIN LA, DE RDZOGS RIM NAS BSGRUB PA YIN PA LA, DE BSGRUB PA'I THABS 'DIR PHRA MO LAS MA BSHAD KYANG, MA RGYUD KYI GTUM MO YANG BSGOMS NA KHYAD PAR DU 'GYUR BA YIN NO, , SROG RTZOL GSUM GYI SKABS SU SEMS DPA' GSUM BRTZEGS BSGOM DGOS PAS, DE'I BYED TSUL NI, RANG NYID DAM TSIG SEMS DPA' RDO RJE 'CHANG DU SKAD CIG GIS LANGS PA'I SNYING GA'I RTZA MDUD KYI DBUS SU DH'U T'I'I NANG GI MI SHIGS PA'I THIG LE'I DBUS SU YE SHES SEMS DPA' SKU MDOG DKAR PO 'OD KYI RANG BZHIN CAN SHIN TU PHRA BA DANG, DE'I THUGS KAR TING NGE 'DZIN SEMS DPA' AA THUNG SHAD KYI RNAM PA CAN NGO BO RLUNG SEMS KYI RANG BZHIN KHA DOG SNGON PO ZHIG BSGOMS NAS, DE LAS 'BYUNG 'JUG BYED BA'I RDO RJE BZLAS PA DANG, DE NYID LA SEMS 'DZIN PA'I SNGAGS 'KHOR BSGOM PA RNAMS BYED PA YIN NO, ,MTHAR YANG RIL 'RDZIN DANG RJES GZHIG GI RIM PA'I DMIGS PA'I SDUD RIM RE DANG SBREL NA LEGS SO, ,BSKYED RIM NI RDZOGS RIM GYI SMIN BYED DU BSGOM PA YIN PAS, LUS DBEN NAS BZUNG STE ZUNG 'JUG GI BAR THAMS CAD DU RANG RDO RJE 'CHANG DU LANGS PA NA, RTEN DANG BRTEN PA'I DKYIL 'KHOR THAMS CAD YONGS RDZOGS SU LDANG DGOS PA YIN NO,, ` PHYAG
, ,RGYA LA BRTEN NAS RLUNG DBU MAR 'JUG PA'I SROG RTZOL NI, PHYAG RGYA'I MTSAN NYID DANG LDAN PA LA SNYOMS PAR 'JUG BZHIN PA'I TSE, DH'U T'I'I MAR SNAR DMIGS PA GTAD PAS, YAB YUM GNYIS KYI RLUNG DANG BYANG SEMS 'DUS PA RNAMS KYI DH'U T'I'I MAS SNA PHYE NAS BTZAN THABS SU DBU MA'I NANG DU 'JUG PA YIN NO, ,DE NYID SNYING GAR DMIGS PA GTAD DE SDUD RIM DANG SBRAGS NA 'OD GSAL SKYE BA'I THABS KYANG MCHOG TU 'GYUR BA YIN NO, ,GNYID KYI SKABS SU DE LTAR BYAS NA YANG 'OD GSAL BTZAN THABS SU 'DZIN PA'I GDAMS PA MCHOG YIN NO, ,KHYAB BYED KYI RLUNG 'DI RLUNG GZHAN LAS BSDU DKA' ZHING, 'DI RDZOGS PAR MA THIM NA SEMS DBEN GYI 'OD GSAL MTSAN NYID PA MI 'BYUNG BAS, RLUNG CUNG ZAD SDUD NUS PA NAS 'DI'I SDUD RIM RE YANG NGES PAR BYED DGOS SO, ,LUS DBEN RJES MTHUN PA THOB NAS RIL 'DZIN DANG RJES GZHIG GI DMIGS PA'I SDUD RIM RE DANG SBRAGS NAS NYAMS SU BLANGS NA RLUNG 'DU BA SLA BA DANG GNYID DU 'GRO BA'I GNAD YOD DO,, ` RDOR BZLAS KYI GNAD NI, 'KHOR LO'I SDUD RIM RE BYAS TE MI SHIGS PA LA SDUD, MI SHIGS PA YE SHES SEMS DPA' LA SDUD, YE SHES SEMS DPA' AA THUNG LA BSDUS TE RTZE GCIG TU DE NYID LA SEMS BZUNG BZHIN DU YI GE GSUM GYI RDOR BZLAS BYED PA THUN MONG MA YIN PA'I GNAD DO, ,SDUD RIM DE LTA BU DANG PHYAG RGYA LA BRTEN PA GNYIS TSOGS KYI SEMS DBEN BSKYED PA NI SEMS DBEN GYI GDAMS PA'O,, ` SEMS DBEN RJES MTHUN PA THOB NAS SGYU MA'I SKUR LDANG CHUL GYI GNAD
KHYAD PAR CAN NI, 'OD GSAL LAS LDANG BA NA, SNYING KHA'I KHAMS DKAR DMAR GYI DBUS KYI YE SHES SEMS DPA' SKU MDOG DKAR PO RDO RJE 'CHANG GI RNAM PA CAN DE NYID LA SEMS KHRIG GIS GTAD DE THIG LE 'OG MA GDAN DANG STENG MA GOS KYI RNAM PAR BYAS NAS LUS 'DI LAS PHYI ROL TU 'PHEN PA'I DBANG GIS SKAD CIG TZAM GYIS GRUB PA YIN NO, ,SLAR YANG LUS LA 'JUG PA NA SNGAR GYI YE SHES SEMS DPA'I TSUL GYIS SNYING GAR 'JUG PA YIN NO, ,GNAD KHYAD PAR CAN GYI ZHAL SHES SO,, ` 'DI LTAR 'JUG PA DANG BAR DE'I BSRE BA'I SKYE BA SPRUL SKU DANG BSRE BA NI, PHA MA'I KHU KHRAG DANG, GNYID KYI SKABS SU RMI LAM GYI LUS KHYAD PAR BA PHUNG PO RNYING PA LA 'JUG PA RNAMS SPRUL SKU DANG BSRE BA YIN PAS, SKYE GNAS KYI KHU KHRAG DANG RANG GI PHUNG PO MI BSKYOD PAR BSKYED NAS SPRUL SKU BZUNG BA'I BSAM PAS 'JUG DGOS PA YIN LA, RDO RJE 'CHANG DU BSKYED PA MIN NO, ,DE LTAR LANGS PA'I SGYU LUS RDO RJE 'CHANG GI SKU DE NI, SKU MDOG DKAR PO 'ONG BA YIN TE SKU DE'I SGRUB GZHI SROG 'DZIN GYI RLUNG SHIN TU PHRA BA DE KHA DOG DKAR POR YOD PA YIN NO, ,DON GYI 'OD GSAL THOG MA MNGON DU BYED PA'I MTSAMS NI, SKU GSUNG THUGS KYI SEMS DPA' GSUM BRTZEGS BYAS PA'I MA DAG PA'I SGYU LUS DE DAG NAS YE SHES SEMS DPA' DANG TING NGE 'DZIN SEMS DPA'I N'A DA YANG 'OD GSAL DU DAG PA NA THOB PA YIN NO, ` 'PHO BA NI GTZO BOR MA RGYUD NAS 'BYUNG YANG, PHA RGYUD LA'ANG LAM GYI YAN LAG TU NGES PAR DGOS PAS, DE'I DMIGS PA'I GNAD NI SNGAGS 'KHOR RGYAS BSDUS SOGS GANG BYED KYANG 'DI DGOS TE, DMIGS PA BZUNG
, ,BA NA SNYING GA'I YI GE RNAMS GYEN DU BSGYUR BA DANG, SNYING GA'I RTZA 'KHOR YANG THUR MA LA SOGS PAS RGYU MA SOGS KYI PHYI NANG BSGYUR BA LTAR DU DBU MA'I NANG NAS GYEN LA BSGYUR TE, DE'I RTZER YI GE DE RNAMS DED PA'I RNAM PAR BSGOM, SLAR YANG PHYIR BSGYUR TE SNGAR LTAR 'JOG PA DE GNAD DAM PA'O, ,DE LTAR BYAS PAS RTZA RNAMS MNYEN POR SONG STE SBYANGS PA MTHAR PHYIN PA NA, DNGOS SU DE LTAR NUS PA 'BYUNG NGO,, ` ,,STONG NYID BSGOM PA'I GNAD NI, BYANG CHUB KYI SEMS BCOS MA MIN PA ZHIG BSKYED DE, DE NAS RIG PAS LEGS PAR DPYOD LTA BA PHU THAG CHOD PA DE LA NGES PA DRANGS NAS YUN RING DU MNYAM PAR BZHAG PA DE LA LUS LA GNAD DU BSNUN PA'I THABS BSGOMS PAS, ,RDZOGS RIM GYI BDE BA MA MTHA' ZHIG RNYED PA NAS SNGAR LTAR DPYAD PA MI BYED PAR SNGAR GYI NGES SHES SHUGS DRAG DE DRAN PAR BYAS TE SEMS BDE BA'I NGO BOR SONG BA DES RTZE GCIG TU RANG BZHIN MED PA'I DON DE LA MNYAM PAR BZHAG PAS STONG PA NYID LA BOGS THON NAS SNGAR LAS KYANG NGES PA SHUGS CHE BA DANG, BDAG 'DZIN GYI GNYEN POR NUS PA MTHU CAN DU SONG NAS GNYIS SNANG LDOG PA YIN NO, ,DES NA LAM 'DI LA THOG MAR 'KHOR BA MTHA' DAG LA GTING NAS ZHEN PA LOG STE, 'KHOR BA'I PHUN TSOGS JI 'DRA BA ZHIG LA YANG BTZON DONG LTAR DU MTHONG BA'I NGES 'BYUNG GI BSAM PA DRAG PO ZHIG DANG, DE YANG RANG NYID GCIG PU'I PHYIR MA YIN PAR SEMS CAN THAMS CAD SDUG BSNGAL DU MAS MNAR BA LA, SNYING THAG PA NAS MA BZOD PAS DE NYID 'DON PA LA SKAD CIG KYANG YENGS LONG
MED PAR RINGS PA'I BLO BCOS MIN ZHIG DGOS PA YIN NO, ,DE'I PHYIR THOG MAR GANG KHAS BLANGS PA'I BSRUNG SDOM LA 'BAD NAS DAM TSIG DANG SDOM PA RNAM PAR DAG PA ZHIG BYA, DE NAS BYANG CHUB KYI SEMS BCOS MIN ZHIG MED NA THEG PA CHEN PO'I LAM DU MI 'GYUR BAS DE LA 'BAD PAR BYA'O, ,BDAG MED KYI LTA BA RNAM DAG CIG MED NA 'KHOR BA LAS KYANG MI THAR BAS STONG NYID KYI LTA LTUN BA PHU THAG CHOD PA ZHIG BYA, DE LTAR BYAS TE THABS ZAB MO 'DI LTA BU'I LAM DANG SBRAGS NAS LUS LONGS SPYOD LA LTOS PA MED PAR BRTZON PA CHEN POS CHU BA'I RGYUN BZHIN DU NYAMS SU BLANGS NA 'KHOR BA'I SDUG BSNGAL GYI CHU BO CHEN PO BSKAMS TE RANG GZHAN GYI DON GRUB TU 'BYUNG BA'I GO 'PHANG YANG MYUR DU 'GRUB PAR GDON MI ZA BA YIN NO, ,'DI DAG NI LAM GYI 'GAG SDOM CHE BA RNAMS KYI DMIGS PA'I GNAD 'GA' ZHIG BSDUS PA'I MAN NGAG THUN MONG MIN PA'I ZHAL SHES MED MI RUNG BA'I SROG DAG YIN NO, ,RNAM 'DREN SKU BZHI'I GO 'PHANG MCHOG BRNYES NAS, ,GDUL BYA'I BLO MUN MA LUS SEL MDZAD PA, ,CHOS KYI RGYAL PO MKHAS GRUB DGE LEGS DPAL, ,GANG DE'I GSUNG DAG BDUD RTZIS LUS 'TSO BA, ,DAD PA'I DBANG POS SKAL BZANG SKYE BO'I NGOR, ,ZHAL SHES GDAMS PA MA NOR TSANG BAR BRIS, ,DES NI GNAS GSUM MKHA' 'GRO'I TSOGS RNAMS KYIS, ,GA-YEL BA MED PAR RJES SU 'DZIN GYUR CIG, ('DI GNYIS CHOS RJE BA SO BA'I ZIN BRIS YIN, SROG THUR PHRA BA BSRE TSUL SOGS GNAD RNAMS BLA MA'I ZHAL LAS SHES),, ` ,,GNYIS PA DE'I LAG RJES RLUNG GI 'DU RTAGS LEGS NYES DANG, 'DUS PA LAS NYAMS MYONG SKYE BA'I RIM PA BSTAN PA'I GNAD KYI YIG CHUNG NI,
, ,RJE BTZUN BLA MA RNAMS LA PHYAG 'TSAL LO, ,'DIR LUS DBEN GYI SKABS SU 'JOG GEGS BYUNG NA, DH'U T'I'I MAR SNAR DMIGS PA GTAD NAS, DH'U T'I'I DBUS SU DMIGS PA SPO, DES MA SEL NA GSANG BA'I RTZER SPO, DES KYANG MA SEL NA LTE BA'I RTZAR SPO BA DANG LUS DBEN GYI PHRA THIG BSGOM PA'I SMIN BYED DU BSKYED RIM PA'I PHRA THIG BSGOM PA YIN GSUNG NGO, ,NGAG DBEN GYI SKABS SU RNAL 'BYOR PAS KHYAB BYED KYI RLUNG LA YANG RDOR BZLAS BYED PAS, KHYAB BYED KYI RLUNG 'DU BAR BYA BA'I CHED YIN CING, 'DUS PA'I LUS DBEN DANG NGAG DBEN GYI DOD, MA RGYUD PA'I GTUM MO'I RNAL 'BYOR YIN, DE YANG PHYI'I GTUM MO SHA LPAGS KYI BAR DANG, RO MA'I NANG NAS NANG GI GTUM MO, ,RTZA GZHAN RNAMS KYI NANG NAS GSANG BA'I GTUM MO DH'U T'I'I NANG NAS 'BAR BA BZHIN DKAR CHA YANG PHYI SHA LPAGS KYI BAR DANG, RKYANG MA NAS NANG RTZA GZHAN RNAMS NAS GSANG BA DH'U T'I'I NANG NAS 'BAB PA YIN GSUNGS SO, ,SEMS DBEN GYI SKABS SU SEMS DBEN RDZOGS PAR SKYE BA NGES PAR SPYOD PA LA BLTOS PA'I DGOS PA KHYAB BYED KYI RLUNG BSDUS PA YIN, 'DUS PA'I SEMS DBEN GYI DOD MA RGYUD LA DGA' BZHI BSKYED PA YIN PAS, 'DI LA ZHAL SHES MANG PO YOD GSUNG, PHYI'I PHYAG RGYA LO GRANGS BCU GNYIS MA LA BSNGAGS PA DE DUS GTUM MO PHAL PA MA NYAMS PA'I RGYU MTSAN GYIS YIN, SPYOD PA LA BRTEN NAS KHYAB BYED KYI RLUNG SDUD PA'I RGYU MTSAN, DE'I RKYEN GYIS BDE BA KHYAD PAR CAN BSKYED, DES RLUNG SEMS 'JUG PA GCIG PA'I GNAD KYIS RLUNG SEMS MA LUS PAR 'DU BA YIN GSUNG, DE YANG LUS DBEN DANG NGAG DBEN
GYI SKABS SU SGOM STOBS KYIS SKYE BAS, DE LA NGES PAR BLTOS MI DGOS, BRTAN PA BYUNG NA SHIN TU STOBS CHE ZHING, 'DI'I DGOS PA RDZOGS RIM GYI RTOGS PA SNGAR MED GSAR DU SKYE BA'I PHYIR YIN, SEMS DBEN DANG SGYU LUS SU BRTEN PA'I DGOS PA, RTOGS PA GONG NAS GONG DU 'GYUR BA'I PHYIR YIN, DE'I GONG 'OD ZUNG DU BRTEN PA'I DGOS PA, SPANG BYA SPONG BA LA NUS PA MTHU CAN DU BYED PA'I PHYIR YIN GSUNG NGO, ,YANG LUS DBEN GYI PHRA THIG GI SKABS SU BDE BA KHO NA 'DREN PA YIN, DE LA BRTEN NAS STONG NYID NGES ZIN DRAN PAR BYAS NAS SBYOR, RIG PAS DPYAD PA MA BYED, BYAS NA SLAR YANG RTOG PA'I SPRO BSDU LAS RLUNG LANGS NAS GEGS SU 'GRO BA YIN GSUNG NGO,, ` GSUM PA DE DAG GI SKABS SU CI RIGS PAR NYA BAR MKHO BA'I THOR BU CI RIGS YI GAR BRIS PA'I YIG CHUNG NI, YANG LUS DBEN GYI SKABS SU, PHRA MO LA DMIGS PA THUN 'KHYONGS PA BRTAN PO BYUNG KYANG, RLUNG 'GAG TU MA 'DOD PA SOGS BYUNG BA'I ZHAL SHAS NI, LUS KYI RTZA STONG PHRAG BDUN CU BO SOG SBUBS LTAR GYUR PA DMIGS RTEN LA ZUG PA'I NANG NAS RLUNG RNAMS THIM PAR BSGOM, 'DIS GEGS SEL ZHING BOGS 'DON PA YIN, 'DI DMIGS PA GTOD PA'I GNAS GZHAN LA YANG GEGS BYUNG NA, DMIGS PA 'DI GA BYED GSUNG NGO, ,YAS BABS MAS BRTAN GYI DGA' BZHI'I SKABS SU, MAS BRTEN GYI LHAN SKYES MTSAN NYID RDZOGS PA SPYI BOR BRTAN PA LA NI, RLUNG GI DE NYID SNGON DU SONG BAS SNYING GA'I RTZA MDUD SOGS MA LUS PAR GROL BA'I MTSAMS NAS RNAL 'BYOR PAS 'BAD PA MED PAR YUD TZAM GYIS BYED NUS GSUNG
, ,NGO, ,YAS BABS KYI DGA' BA SKYE BA LA, RTZA MDUD MA GROL YANG GTUM MO'I MES BZHUS NAS DGA' BZHI SKYE BA YIN, DPER NA RDZA'I GSHAM GAS PA'I NANG DU MAR 'KHYAGS PA YOD PA 'OG NAS ME SBAR BAS ZHU NAS 'DZAG PA BZHIN NO, ,ZHES GSUNGS NGO, BSKYED RIM PA'I LHA'I NGA RGYAL 'JOG PA'I NGA DE THA SNYAD PA'I NGA TZAM DE YIN GSUNG NGO, ,BSKYED RIM PA'I BZLAS PA'I SKABS SU TING NGE 'DZIN SEMS DPA' LA NGA RGYAL 'JOG PA YIN GSUNG NGO, ,GNYID 'THUG PO'I SKYABS SU 'DI GSAL 'CHAR BA'I THABS NI SNYING GAR RANG GI LUS SEMS 'OD KYI PHUNG POR BSGOM PA YIN GSUNG, GNYID DANG BSRE BA'I SKABS SU GZHI DUS KYI GNYID KYI STONG PA BZHI DANG, RMI LAM GYI LUS DANG, RMI LAM GYI SKABS KYI RNAM SMIN GYI LUS SOGS NI RIM PA BZHIN GZHI DUS KYI CHOS SKU, LONGS SKU, SPRUL SKU GSUM YIN, GNYID KYI STONG PA 'OD GSAL GYI NGO BOR SHAR BA DANG, DE'I MTSAMS NAS RDO RJE 'CHANG DU LANGS PA DANG, DE RNAM SMIN GYI LUS LA BSAMS BZHIN DU ZHUGS PA RNAMS NI RIM PA BZHIN DU GNYID KYI SKABS SU LAM DUS KYI CHOS SKU, LONGS SKU, SPRUL SKU GSUM YIN NO, ,GNYID 'THUG GI MTHAR RDO RJE 'CHANG GI SKUR LANGS PA'I RMI LAM GYI LUS DE RMI LAM GYI SKABS KYI LONGS SKUR BYAS PA 'DI LA GNYIS YOD KYANG, RMI LAM RLUNG STOBS KYIS ZIN PA LTA BU'I NUS PA MTHU CAN DU SONG BAS NI, RMI LAM GYI LUS DANG RNAM SMIN GYI LUS GNYIS SO SOR SNANG BA 'BYUNG LA, DE'I GONG DU DE GNYIS SO SOR MI SNANG YANG, RMI LAM GYI LUS RDO
RJE 'CHANG GI SKUR LANGS BA 'BYUNG NGO, ,DE BZHIN DU RMI LAM GYI SPRUL SKU YANG GNYIS YOD CING, DE NGOS ZIN PA ZHAL GYI GDAMS PA MED NA CUNG DKA' YANG, 'DIR RMI LAM GYI SKABS SAM SAD PAR SHES PA'I SKABS GNYIS KYANG GANG YIN YANG RUNG STE, RMI LAM GYI LUS RANG DGA' BA'I SNANG BA NI 'CHAR BAR 'DOD PAS MTSAMS DER SPRUL SKU RDO RJE 'CHANG DU BSGYUR BA'O, ,SPRUL SKU DE YANG LUS GNYIS SO SOR SNANG BA'I GANG ZAG YIN NA, BSKYED RIM GYI SKABS SU LONGS SKU SPRUL SKU LA ZHUGS PAR GSUNGS BA BZHIN DU BYAS PAS CHOG CING, DE'I SPRUL SKU NI DAM TSIG SEMS DPA'I DOD DANG, LONGS SKU NI YE SHES SEMS DPA'I DOD LTAR BYAS PAS KHYAB BO, ,GNYIS PA GSAL BA'I DBYE BA LA GSUM, RDOR BZLAS, SEMS DBEN, SGYU LUS KYI YIG CHUNG DO, ,DANG PO LA GNYIS, RDOR BZLAS KYI NGO BO DANG, DE'I KHYAD PAR RO, ,DANG PO NI, BLA MA RDO RJE 'CHANG LAN MO, RDOR BZLAS KYI GNAD GSAL BAR DRIL NA, DPER NA GZHAL YAS KHANG PA'I RGYA MTHONGS NAS RLUNG BYUNG NAS DRI MGO LA PHOG PA LTAR MI SHIGS PA'I THIG LE LA NGA RGYAL 'PHOS TE, RANG DANG THIG LE GNYIS SU MI SNANG BAR SLAR YANG BLO THIG LE RNAMS LHAN CIG TU BSKYED PA STE, SNYING GA'I RTZA 'KHOR GYI DBUS SU RTZA DE DAG DKAR PO 'OD DANG BCAS PA ZHIG DMIGS LA, DE THIG LE'I RNAM PAR GNAS PA LA RANG RNAMS DBU MA'I YAR SNA SOG SPUBS KYI 'PHRO 'DRA BA NAS ZHUGS PAS YAS MAR 'OD KYI RNAM PAR 'BYUNG, RANG THIG LER GNAS PA LA THIM, CUNG ZAD GNAS NAS DBU MA NAS YAR MDZOD SPU'I BAR SONG BAR BSGOM, THIG LE GSAL
, ,ZHING BRTAN PA'I NGANG NAS LDANG 'JUG GNAS GSUM GYI RLUNG GI RANG SGRA DE, AOm A'A: H'Um GSUM GYI SGRAR GRAGS PA LA RANG THIG LE'I RNAM PAR GNAS PAS YID GTAD NAS NYAN PA'I TSUL DU BSGOM PA YIN TE, DPER NA PHYI ROL NAS RLUNG BU GA SOGS LA PHOG PA NA SING ZER BA'I SGRA BYUNG YANG, DE RANG GIS BRJOD PA'I RNAM PA MI 'BYUNG ZHING, NYAN SHES KYIS TSOR BA'I RNAM PA YIN PA BZHIN NO GSUNG NGO, ,LDANG 'JUG GNAS PA RNAMS KYI TSE BDE BA'I RNAM PA DANG, DNGOS PO MED PA'I TSUL DU BYA ZHES ZHAL SHES SO, ,GNYIS PA RDOR BZLAS DE'I KHYAD PAR LA GNYIS, SNYING GA'I RTZA MDUD 'BYED PA'I RDOR BZLAS DANG, SROG THUR BSRE BA'I RDOR BZLAS SO, ,DANG PO NI, RDO RJE'I BZLAS PAS SNYING GA'I RTZA MDUD 'BYED PA'I MAN NGAG KHYAD PAR BA NI, STENG RLUNG AOm GYI GDANGS KYIS NANG DU 'JUG PA NA, SNYING GA'I RTZA 'KHOR GYI DBUS KYI MI SHIGS PA'I THIG LE DE MAR LA BUNG PA ZHIG BYAS TE, DER A'A: 'I GDANGS KYIS GNAS SHING, H'Um GI GDANGS KYIS PHYIR 'BYUNG BA DANG DUS MNYAM DU SNGAR GYI GNAS SU THIG LE DE NYID 'BYUNG BA'I DMIGS PA BYA'O, ,MAN NGAG 'DI RMI LAM 'DZIN PA'I SKABS SU'ANG BYA'O, ,GNYIS PA LA GNYIS, SNYING GAR SROG THUR RAGS PA BSRE BA'I RDOR BZLAS DANG, GNAS GZHAN DU SROG THUR RAGS PA BSRE BA'I RDOR BZLAS SO, ,DANG PO NI, STENG 'OG GI SNA SGO GNYIS NAS RLUNG NANG DU 'JUG PA DANG DUS MNYAM DU SNYING GAR GNAS PA DMIGS RTEN LA SIM PA'I TSUL GYI DUS MNYAM PHYIR 'GRO BA YANG DUS GCIG LA GYES PA YIN GSUNG, THUGS RDO RJE'I H'Um
LA GNAS PA BYAS NA TSE RING BA'I RTEN 'BRAL YOD GSUNG, GNYIS PA NI, DE BZHIN DU STENG RLUNG SNA BUG NAS AOm GYI GDANGS DANG, 'OG RLUNG YANG 'OG SGO GNYIS NAS AOm GYI GDANGS KYIS GSANG GNAS BAR DU DUS MNYAM DU 'JUG CING, GSANG GNAS KYI RTZA 'KHOR GYI DBUS SU A'A: 'I GDANGS KYIS DUS MNYAM DU GNAS PA DANG, PHYIR 'BYUNG BA NA H'Um GI GDANGS KYIS DUS MNYAM DU 'OG GI SGO GNYIS NAS PHYIR 'BYUNG BA DUS MNYAM RDOR BZLAS BYA'O, ,DE BZHIN DU LTE BA MGRIN PA SPYI BO RNAMS SU BYA STE, GNAS GZHAN DU SROG THUR BSRE BA'I ZHAL GYI GDAMS PA'O, ,MAN NGAG 'DI'I RDOR BZLAS YANG, RTZA 'KHOR GZHAN GYI DBUS SU RANG RANG GI THIG LE LA DMIGS NAS BYA'O,, (MKHAS GRUB RJE'I ZIN BRIS YIN,,) ` GNYIS PA SEMS DBEN LA GNYIS, SEMS DBEN RJES MTHUN PA'I SKABS SU DRAN PA GSUM LDAN DU BYA BA DANG, SEMS DBEN MTSAN NYID PA'I SKABS SU DRAN PA GSUM LDAN DU SKYOD TSUL LO, ,DANG PO NI, PHRA THIG DANG RDOR BZLAS KYI RLUNG 'DUS KYANG STONG PA BZHI GO RIMS NGAS MED DU 'CHAR NA CUNG PHAN CHUNG BAS, DE ME 'KHRUL BAR BYA BA NI, RTAGS BZHI DANG STONG PA BZHI 'CHAR BA'I GO RIMS MKHAS PAR BYAS NAS, SNANG BA SHAR BA NA 'DI SNANG BA YIN, 'DI'I SNGON DU SA CHU LA THIM PA LA SOGS PA'I RTAGS RNAMS SONG BA YIN, SNANG BA 'DI 'GAGS PA'I RJES SU SNANG BA MCHED PA 'CHAR BA YIN SNYAM DU YIN LA NGES PAR BYA'O, ,DES GZHAN GSUM LA'ANG RIGS 'GRE'O, ,'DI NI STONG PA BZHI MI 'KHRUL BAR BYA BA'I THEBS SO, ,'DI LA SKU MCHED GNYIS KYIS ZAN BRIS GNYIS GNANG YANG
, ,PHYI MA GSAL LA RGYAS PA LTAR BKOD DO, ,GNYIS PA SEMS DBEN MTSAN NYID PA LA GNYIS, SNANG MCHED THOB GSUM DPE'I 'OD GSAL DANG BCAS PA'I SKABS SU, DRAN PA GSUM LDAN DU BYA BA'I TSUL DANG, 'OD GSAL LAS SGYU MA'I SKUR LDANG BA'I DUS MTSAMS BSTAN PA'O, ,DANG PO NI, RDO RJE'I LUS LA GNAD DU BSNUN PA LAS, DANG POR SMIG RGYU LTA BU, DE NAS SRIN BU ME KHYER LTA BU, DE NAS MAR ME 'BAR BA LTA BU'I NYAMS 'CHAR ZHING, DE'I RJES SU STON GYI NAM MKHA' GA-YA' DAG PA LA ZLA BA'I 'OD KYIS KHYAB PA LTA BU'I SNANG BA'I YE SHES 'CHAR LA, DE'I DUS SU 'DI NI SNANG BA'I YE SHES SO SNYAM DU DRAN PA DANG, 'DI'I SNGON DU MAR ME LTA BU SONG BA YIN SNYAM DRAN PA DANG, 'DI'I RJES SU MCHED PA'I YE SHES STON GYI NAM MKHA' GA-YA' DAG PA LA NYI 'OD KYIS KHYAB PA LTA BU 'BYUNG SNYAM DU DRAN PA GSUM DANG LDAN PAR BYA ZHING, DE BZHIN DU MCHED PA'I YE SHES SHAR BA'I TSE, 'DI NI MCHED PA'I YE SHES SE SNYAM DU DRAN PA DANG, DE'I GONG DU SNANG BA'I YE SHES SONG BA LAS BYUNG BA'O SNYAM DU DRAN PA DANG, DE'I RJES SU NYER THOB NAM MKHA' GA-YA' DAG PA LA MTSAMS KYI MUN PAS KHYAB PA LTA BU 'BYUNG NGO SNYAM DU DRAN PA'I DRAN PA GSUM DANG LDAN PAR BYA ZHING, DE BZHIN DU NYER THOB SHAR BA'I CHE NAM MKHA' NYER THOB DUS SU NGES MI NUS KYANG, NYER THOB KYI STOD SMAD GNYIS SU 'DI NI NYER THOB BO SNYAM DU DRAN PA DANG, 'DI NI SNANG BA MCHED PA'I YE SHES SNGON DU SONG BA LAS 'BYUNG BA'O SNYAM DU DRAN PA DANG, 'DI'I RJES SU STON GYI
NAM MKHA' GA-YA' DAG PA SLOD BYED KYI RKYEN GSUM DANG BRAL BA'I 'OD GSAL 'BYUNG NGO SNYAM DU DRAN PA'I DRAN PA GSUM DANG LDAN PAR BYA ZHING, DE BZHIN DU 'OD GSAL SHAR BA'I TSE 'DI 'OD GSAL LO SNYAM DU DRAN PA DANG, 'DI NI NYER THOB SNGON DU SONG BA LAS BYUNG BA'O SNYAM DU DRAN PA DANG, 'DI'I RJES SU SGYU LUS 'GRUB BO SNYAM DU DRAN PA'I DRAN PA GSUM DANG LDAN PAR BYA'O, ,GNYIS PA NI, 'OD GSAL SHAR BA'I TSE STON GYI NAM MKHA' GA-YA' DAG LA ZLA 'OD DANG, NYI 'OD DANG, MTSAMS KYI MUN PA DANG BCAS PA'I SLOD BYED KYI RKYEN GSUM DANG BRAL BA'I NAM MKHA'I RANG MDOG JI LTA BA BZHIN DU THON PA'I STONG SANG DE BA GA-YO MED DU GNAS PA ZHIG 'ONG ZHING, DE'I NGANG NAS 'DIR PHRA THIG TZAM GYI CUNG ZAD GA-YO BA ZHIG 'ONG BAS, DE 'BYUNG BA'I TSE 'OD GSAL LAS LDANG BAR RTZOM PA YIN PAS MTSAMS DE NAS SGYU MA'I SKUR LDANG BAR BYA'O,, (SNANG MCHED THOB GSUM GYI ZHAL GDAMS CHAS SHIN TU ZAB PA'I BRJOD BYANG, MKHAS GRUB RJES MDZAD PA'O), ,GSUM PA LA GNYIS, SGYU LUS DNGOS DANG, DE DANG 'BREL BA'I GDAMS PA'O, ,DANG PO LA GNYIS, SGYU LUS KYI MTSUNGS LDAN LNGA DANG, KHYAD PAR LNGA LDAN NO, ,DANG PO NI, GNYID KYI 'BYUNG BA THIM RIM RNAMS KYI GNYID KYI 'OD GSAL LAS RMI LAM GYI LUS SU LANGS PA DANG, DE'ANG RLUNG SEMS TZAM LAS GRUB PA DANG, DER NGA RGYAL 'PHOS PA DANG, LUS RAGS PA LAS GO SA LOGS SU BYE BA DANG, SLAR YANG LUS RAGS PA LA 'JUG PA LTAR RIM PA BZHIN LAM DUS KYI 'BYUNG BA THIM RIM RNAMS KYI DPE'I 'OD GSAL LAS SGYU LUS SU LANGS PA DANG, DE'ANG RLUNG SEMS TZAM LAS GRUB PA DANG, DER NGA RGYAL 'PHOS
, ,PA DANG, LUS RAGS PA LAS GO SA LOGS SU BYE BA DANG, SLAR YANG LUS RAGS PA LA 'JUG PA DANG CHOS MTSUNGS PA YIN GSUNG NGO, ,GNYIS PA NI, GANG NAS LDANG BA GNAS KYI KHYAD PAR, RTZA 'KHOR GYI DBUS DH'U T'I'I NANG NAS DANG, DE'I YANG NANG THIG LE DKAR DMAR GA'U KHA SBYAR BA 'DRA BA'I NANG NAS LDANG, GANG LAS LDANG BA RGYU'I KHYAD PAR, THIG LE'I NANG GI SROG RLUNG SHIN TU PHRA BA DANG, RNAM SHES SHIN TU PHRA BA LAS LDANG, THOG MED NAS KYI THIG LE SHIN TU PHRA BA YANG YOD GSUNG, GANG GIS LDANG BA RTEN GYI KHYAD PAR, SGYU MA'I SKUR NGES PAR LDANG BAR BYA'O SNYAM PA'I 'PHEN PA DRAG POS LDANG, GANG GI TSE LDANG BA DUS KYI KHYAD PAR, KUN RTOG GA-YO BA'I RLUNG DANG SEMS SNANG BA GSUM RIM GYIS THIM PA'I DPE'I 'OD GSAL LA JI TZAM GNAS KYI BAR BZHAG PA'I MTHAR LDANG BAR RTZOM PA NI, DPER NA GZHOD PA LA SOGS PA CHUS BKANG BA NA, RLUNG MA LANGS PAR MER RE SDOD LA, RLUNG CUNG ZAD LANGS PA DANG THA MA NAS ZED ZED DAM BAN BUN BYUNG NA LDANG BAR RTZOM PA BZHIN DPE'I 'OD GSAL LAS LDANG BAR RTZOM PA'O, ,DES SGYU MA'I SKU LAS LDANG BAR RTZOM PA YANG RIGS 'GRE GSUNG NGO, ,GANG GI NGO BOR LDANG BA 'BRAS BU'I KHYAD PAR, DANG PO'I MGON PO SKU MDOG DKAR PO MTSAN DPES BRGYAN PA, THUGS BDE STONG GNYIS SU MED PA'I NGO BOR LDANG BA YIN ZHES RJE BTZUN TZONG KHA PA CHEN PO GSUNG NGO, ,ZHAR LA GZHAN NAS 'BYUNG BA'I STONG GZUGS KYI SKU NGES PA LNGA LDAN SOGS SHES DGOS SO, ,GNYIS PA LA GNYIS, THUN MONG DANG THUN MONG MA YIN PA'O, ,DANG PO NI, SGYU LUS SKABS
SHIN TU GCES PA'I GDAMS PA SEMS DPA' GSUM BRTZEGS SU BYA BA LA, GZHI DUS KYI SEMS DPA' GSUM BRTZEGS, LAM DUS KYI SEMS DPA' GSUM BRTZEGS, 'BRAS DUS KYI SEMS DPA' GSUM BRTZEGS TE GSUM TSAN GSUM DU YOD DO, , GZHI DUS KYI SEMS DPA' GSUM BRTZEGS NI, DE LTAR GYI LUS RAGS PA 'DI DAM TSIG SEMS DPA', DE'I SNYING GA'I DANG POR CHAGS PA'I THIG LE DKAR DMAR NI YE SHES SEMS DPA', DE'I NANG GI SROG 'DZIN SHIN TU PHRA BA NI TING NGE 'DZIN SEMS DPA', SHIN TU PHRA BA'I SEMS DE'I BZHON PA DANG BCAS PA NI SGYU LUS KYI SGRUB GZHI YIN NO, ,LAM DUS LA BSKYED RIM DANG RDZOGS RIM GNYIS LAS BSKYED RIM NI GO SLA LA, RDZOGS RIM NI STONG PA BZHI'I MTHAR SHIN TU PHRA BA'I RLUNG SEMS LAS, SGYU LUS DNGOS SAM RJES MTHUN PAR LANGS NAS SLAR YANG PHUNG PO RNYING PA'I SNYING GAR ZHUGS PA NI YE SHES SEMS DPA', DE LTAR LDANG BA DANG ZHUGS PAR BYED PA'I SEMS NI TING NGE 'DZIN SEMS DPA', DAM TSIG SEMS DPA' NI SNGAR BZHIN NO, ,'BRAS DUS KYI SEMS DPA' GSUM BRTZEGS NI, DON GYI 'OD GSAL GYI MTHAR RLUNG SEMS TZAM LAS KHA SBYOR YAN LAG BDUN LDAN GYI SKUR BZHANGS PA DES, MCHOG GI SPRUL SKU LA SOGS PA GZUGS RAGS PA BZUNG BA'AM GZHAN DON DU 'GYUR BAR GZIGS NAS SLAR YANG PHUNG PO RNYING PA'I THUGS KAR YE SHES SEMS DPA'I RNAM PAR ZHUGS PA NI YE SHES SEMS DPA', DE'I LHAN SKYES KYI YE SHES NI TING NGE 'DZIN SEMS DPA', SPRUL SKU GSAR PA'I PHUNG PO RNYING PA NI DAM TSIG SEMS DPA', GRUB CHEN SA RA
, ,HA NI PHUNG PO RNYING PA LA ZHUGS PA YIN GSUNG,, ('DI RNAMS LA SKU MCHED GNYIS KYIS ZIN BRIS GNYIS SNANG YANG, GNAD RNAMS PHYI MA GSAL LA RGYAS PAR SNANG BAS BKOD PA YIN NO,) ` ,, GNYIS PA THUN MONG MA YIN PA'I SEMS DPA' DGU BRTZEGS KYI GNAD RNAMS BLA MA'I ZHAL GYI DKYIL 'KHOR 'BA' ZHIG LAS SHES DGOS SO, ,GNYIS PA LA BSTAN BSHAD GNYIS LAS, DANG PO NI, RMI LAM BTZAN THABS SU 'DZIN PA'I MAN NGAG NI, RMI LAM 'DZIN PA'I 'DUN PA LEGS PAR SBYANGS PA'I MTSAMS NAS GNYID LOG PA'I TSE, GROGS RMI LAM 'DZIN PA'I TSOD LA MKHAS PA ZHIG GIS RMI LAM YIN NO, ,RMI LAM LA RMI LAM DU NGO SHES PAR GYIS LA, DGE SBYAR 'DI LTA BU GYIS SHIG CES RNA KHUNG DU DANG POR SGRA CHUNG DU SGROG ,GNYID MI SAD PA'I GDENG RNYED PA'I MTSAMS NAS CUNG CHE BAR SGROG ,DE THOS PAS RGYEN BYAS NAS RMI LAM NGO SHES, ,DE LTAR DO SHES NAS NYIN PAR GANG LA BYANG BA'I DGE SBYOR RNAMS SKYONG, DANG PO MA GOMS BAR DU GNYID MYUR DU SAD 'ONG BAS, DE LA NI SNYING GA'AM NOR BU'I DBUS SU THIG LE NAG PO SRAN MA TZAM ZHIG LA SEMS BZUNG, YANG SNGAR BZHIN DGE SBYOR SKYONG, KHYAD PAR RMI LAM LONGS SKUR LDANG BA LA BSLAB PAR BYA'O, ,DE LTAR BYAS PAS RMI LAM MYUR DU ZIN PA DANG, SAD 'BYAMS GCOD PA'I GDAMS PA GNYIS SNANG NGO, ,GSANG 'DUS MAR LUGS KYI GDAMS DAG GI SNYING PO BLA NA MED PA 'DI'I GNAD RNAMS ZHIB TU DA DUNG BLA MA'I ZHAL LAS SHES DGOS SHING, LAG LEN NI GROGS KHYAD
PAR CAN LA BLTOS DGOS SO, ,GNYIS PA RGYAS PAR BSHAD PA LA GNYIS, RMI LAM MI 'KHRUL BA'I THABS LA RLUNG BYANG BA'I GNAD NI, BSRE BA'I SKABS SU GNYID DANG RMI LAM RLUNG STOBS KYIS ZIN NA RANG STOBS CHE ZHING, RMI LAM RNAMS PHAL CHER 'KHRUL MED 'ONG BA'I RGYU MTSAN, SAD DUS SU SNYING GA'I SDUD RIM LEGS PAR SBYANGS NAS RLUNG 'DUS PA DANG, GNYID DUS DANG RMI LAM GYI DUS SNYING GAR RLUNG LEGS PAR 'DUS PA'I DUS SU LKOG GYUR GTAN LA PHEBS PA'I BAG CHAGS RNAMS KYANG 'DUS PA'I GNAD KYIS YIN GSUNG NGO, ,GDAN RDZOGS DANG CHOS DRUG GI KHRID YIG TU GNAD GZHAN 'GA' ZHIG LA BRTEN NAS RMI LAM MI 'KHRUL BAR BYA BA'I THABS KHYAD PAR CAN ZHIG KYANG YOD PAR SNANG NGO ZHES GSUNGS PA NI ZHAL LAS SHES DGOS SO, ,GNYID KYI 'OD GSAL DANG RMI LAM RLUNG STOBS KYIS ZIN NA, 'CHI BA'I 'OD GSAL DANG BAR DO RLUNG STOBS KYIS ZIN PAS KHYAB, DE BZHIN DU GNYID KYI 'OD GSAL DANG RMI LAM 'DUN PAS ZIN NA, 'CHI BA'I 'OD GSAL DANG BAR DO 'DUN PAS ZIN PAS KHYAB CING, SMIG RGYU SOGS KYI RTAGS RNAMS NGAS PAR 'KHRUL MED 'CHAR NA RLUNG STOBS KYIS GNYID KYI 'OD GSAL SOGS ZIN PAS KHYAB PA YIN PAS RMI LAM GYI BSRE BA 'DI DAG BAR DO DANG BSRE BA'I TSOD 'DZIN 'KHRUL MED YIN GSUNG NGO, , DE'I THABS KYANG ZHAG 'GA' GNYID BCAG NAS NYIN PAR SNYING GA'I SDUD RIM LA SBYANGS, MTSAN MO GNYID LOG KHAR SNYING GA'I SDUD RIM DANG, RDOR BZLAS DANG, BSAM GTAN GNYIS KYI SDUD RIM GYIS GNYID DU BTANG BAS LAN CIG LA MI 'CHAR YANG
, ,THANGS GNYIS GSUM BYAS PAS NGES PAR RTAGS 'CHAR RO GSUNG NGO, ,RMI LAM DU 'DUN PAS ZIN NAS RLUNG STOBS KYIS ZIN PA'I MAN NGAG NI, RMI LAM 'DUN PAS ZIN PA DANG SNYING GA'I SDUD RIM RDOR BZLAS SOGS BYAS PAS, GNYID KYI 'OD GSAL SOGS RLUNG STOBS KYIS ZIN PAS THABS MKHAS KHYAD PAR CAN YIN NO GSUNG NGO, ,GNYID DANG RMI LAM ZIN DUS KYI GNYID KYI 'OD GSAL LA JI TZAM GNAS KYI BAR BZHAG ,DE LAS LDANG BAR RTZOM PA NA 'PHEN PA BTANG NAS LONGS SKUR LDANG, DE LAS SAD PAR RTZOM PA NA SNYING GA'I SDUD RIM SOGS BYAS NAS GNYID KYI 'OD GSAL DU GTONG BA 'KHOR MAR BYED PA NI, GNYID DANG RMI LAM GYI DGE SBYOR GYI GTZO BO YIN GSUNG, SPRUL SKU DANG BSRE BA'I SKABS SU RLUNG STOBS KYIS BAR DO LONGS SKU ZIN PA LA MI DGOS KYANG, 'DUN PAS BAR DO ZIN PA'I DUS SU 'PHO BA DGOS PA YIN GSUNG, DE'I MAN NGAG NI, GZHAN RNAMS MI DGOS, BAR DO'I LUS DE BSAM GTAN GNYIS KYIS 'OD GSAL DU BCUG NAS, RNAM SHES BZHON PA DANG BCAS PA DE MKHA' SPYOD 'OG MIN SOGS SNGAGS SPYOD PA'I LUS RTEN KHYAD PAR CAN DU 'PHO BA'O GSUNG NGO, ,RMI LAM RLUNG DANG 'DUN PA GANG GIS ZIN KYANG, LONGS SKU DE LAS LDANG BAR RTZOM PA NA, 'PHEN PA BTANG NAS RNAM SMIN GYI LUS SPRUL SKU MI BSKYOD PA SOGS SU LDANG BAR BYED CING, DE LAS PHRA BA NI RMI LAM GYI LONGS SKU LAS RMI LAM GYI LUS RANG DGA' BAR LDANG BAR RTZOM PA NA, 'PHEN PA BTANG NAS SPRUL SKU MI BSKYOD PA'AM RDO RJE 'CHANG DU LDANG, DE LAS LDANG BAR RTZOM PA NA 'PHEN PA BTANG NAS RLUNG STOBS KYIS
ZIN NA, RNAM SMIN GYI LUS DANG RMI LAM GNYIS PO SO SOR SNANG BAS, RNAM SMIN GYI LUS SPRUL SKU MI BSKYOD PA'AM RDO RJE 'CHANG SOGS KYI THUGS KAR YE SHES SEMS DPA'I TSUL GYIS 'JUG PA YIN GSUNG NGO,, ` ,,RJE BTZUN DAM PA RNAMS LA PHYAG 'TSAL LO, ,SAD DUS KYI 'OD GSAL DANG, GNYID DUS KYI 'OD GSAL DANG, 'CHI DUS KYI 'OD GSAL LAS SGYU MA'I SKUR LDANG BA'I TSE SHIN TU PHRA BA'I RLUNG SEMS DE RNAM SMIN GYI PHUNG PO RNYING PA 'DI LAS LOGS SU BYE STE, GSANG 'DUS KYI SKABS SU DANG PO'I MGON PO'I SKUR LDANG BAR BYA STE, DES MTSON NAS RDO RJE 'JIGS BYED SOGS LA'ANG DE DAG RANG RANG GI SKABS KYI RIM PA BZHIN BAR DO LONGS SKUR 'KHYER BA'I LAM KHYER YIN ZHING, 'DIR YANG SGYU LUS LONGS SKUR LDANG BA YIN PA'I PHYIR RO, ,'OD GSAL LAS SGYU MA'I SKUR LDANG BA'I TSE RNAM SMIN GYI LUS LAS GO SA LOGS SU BYE NAS LDANG BA DANG, CHU LAS NYA LDANG BA'I TSUL GNYIS GSUNGS KYANG SNGA MA GDAMS NGAG GI MCHOG YIN LA, DE YANG RNAM SMIN GYI LUS LAS LOGS SU BYE NAS LONGS SKUR LDANG ZHING, LONGS SKU DE YANG RNAM SMIN GYI PHUNG PO LA TSUR 'JUG PA NI SPRUL SKUR LDANG BA YIN NO,, ('DI RNAMS MKHAS GRUB RJE'I ZIN BRIS YIN,,) ` ,,DE LTAR RDZOGS RIM GYI SPYI'I YIG CHUNG GSUM, SO SO'I YIG CHUNG GSUM STE DRUG GIS BCU GCIG PA'I BAR DU BRJOD NAS, BCU GNYIS PA SGYU LUS KYI YAN LAG BSRE BA'I YIG CHUNG LA GNYIS, BSRE BA DGU'I RNAM GZHAG DANG, SHIN TU GCES PA'I GDAMS NGAG ZAB MO'I ZHAL SHES RNAMS ZHIB TU BSHAD PA'O, ,
, ,DANG PO LA GNYIS, SKU GSUM DUS GSUM DANG SBYAR BA DANG, DUS GSUM SKU GSUM DANG SBYAR BA'O, ,DANG PO NI, BCOM LDAN 'DAS KHYAB BDAG RDO RJE 'CHANG CHEN PO LA PHYAG 'TSAL LO, ,BSRE BA'I GDAMS NGAG LA, LAM DUS KYI SKU GSUM DANG BSRE BA LA GSUM STE, 'DI LTAR LAM DUS KYI CHOS SKU DANG BSRE BA DANG, LAM DUS KYI LONGS SKU DANG BSRE BA DANG, LAM DUS KYI SPRUL SKU DANG BSRE BA'O, ,DANG PO LA GSUM, GNYID SAD DUS CHOS SKU DANG BSRE BA DANG, GNYID KYI DUS CHOS SKU DANG BSRE BA, 'CHI BA'I DUS CHOS SKU DANG BSRE BA'O, ,DANG PO NI, DANG POR LUS KYI GNAD CHE SAR GNAD DU BSNUN PA LA BRTEN NAS STONG PA BZHI BSKYED PA'I 'OD GSAL STONG PA BZHI PA SHAR BA'I DUS NA LTA THOG TU BZHAG NAS BSGOM PA YIN LA, GNAD DU BSNUN PA LA YANG SGO GSUM STE, 'OG SGOR NOR BU'I DBUS SAM, NOR BU'I RTZE DH'U T'I'I MER SNAR RDZAS KYI THIG LE PHRA MO BSGOMS PA LA BRTEN NAS DE BRTAN PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS, SMIG RGYU LA SOGS PA'I RTAGS BZHI PO SNGON DU 'CHAR ZHING, DE'I 'OG TU STONG PA DANG, SHIN TU STONG PA DANG, STONG PA CHEN PO ZHES BYA BA, MING GZHAN SNANG BA DANG, MCHED PA DANG, NYER THOB CES BYA BA GSUM SHAR BA'I MTHAR, THAMS CAD STONG PA ZHES BYA BA'I 'OD GSAL CHEN PO SHAR BA NI SGO DANG PO'O, ,GZHAN YANG SNYING GA'I SNA RTZER MI SHIGS PA'I SNGAGS KYI THIG LA BSGOMS PA LA BRTEN NAS, DE BRTEN PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS, SMIG RGYU LA SOGS PA'I RTAGS BZHI PO SNGON DU 'CHAR ZHING, DE'I
'OG TU STONG PA DANG, SHIN TU STONG PA DANG, STONG PA CHEN PO ZHES BYA, MING GZHAN SNANG BA DANG, MCHED PA DANG, NYER THOB CES BYA BA GSUM SHAR BA'I MTHAR, THAMS CAD STONG PA ZHES BYA BA'I 'OD GSAL CHEN PO SHAR BA NI SGO GNYIS PA'O, ,YANG GDONG GI SNA RTZER 'OD KYI THIG LE ZHES BYA BA RLUNG 'OD ZER LNGA PA SNA BUG NAS RGYU BA'AM 'JUG LDANG GNAS GSUM MA BCOS PA RDO RJE GSUM GYI RANG GDANGS SU SHAR BAR BSGOM ZHING, DE YANG DH'U T'I NAS BYED PAR MOS PA'I RDO RJE'I BZLAS PA BSGOMS PA'I MTHAR, RO RKYANG GI RLUNG DH'U T'IR ZHUGS SHING THIM PA LA BRTEN NAS, DANG PO SMIG RGYU LTA BU DANG, GNYIS PA DU BA LTA BU DANG, GSUM PA ME KHYER LTA BU DANG, BZHI PA MAR ME 'BAR BA LTA BU'I NYAMS 'BYUNG STE, RIM PA BZHIN SA CHU LA THIM PA DANG, CHU ME LA THIM PA DANG, ME RLUNG LA THIM PA DANG, RLUNG RNAM SHES KYI SNANG BA DANG PO LA THIM PA LAS 'BYUNG NGO, ,DE NAS STONG PA DANG PO'I DUS SU SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA ZLA BA'I 'OD ZER GYIS KHYAB PA LTA BU'I DKAR LAM KYI SNANG BA 'BYUNG, DE NAS SNANG BA DE YANG RIM GYIS BSDUS NAS, SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA NYI MA'I 'OD ZER GYIS KHYAB PA LTA BU'I DMAR LAM GYI SNANG BA 'BYUNG, DE NAS SNANG BA DE YANG RIM GYIS BSDUS NAS, SNANG BA GZHAN GANG YANG MI 'CHAR BAR YUL DU GANG SNANG BA THAMS CAD MTSAN MO SROD KYI NAM MKHA' DRI MA MED PA LA MTSAMS KYI SMAG GIS KHYAB PA LTA BU'I NAG LAM GYI SNANG BA 'BYUNG, DE'I STOD SMAD LA DRAN PA MI NYAMS
, ,SHING, BAR DU RLUNG THIM PA'I MTHUS DRAN PA CHES NYAMS PA 'BYUNG NGO, ,DE NAS SNANG BA DE YANG RIM GYIS BSDUS NAS MTSAN MO THO RANGS KYI NAM MKHA' ZLA NYI'I SMAG GI 'OD DANG BRAL BA'I NAM MKHA'I RANG MDOG JI LTA BA BZHIN DU 'OD GSAL MTHA' DBUS MED PA SHIN TU DVANGS PA'I NYAMS 'CHAR RO, ,DE DAG GI BSHAD PA RNAMS KYI SNGA MA RNAMS LA'ANG SHES PAR BYA'O, ,DE NI SGO GSUM PA'O,, ` ,,GNYIS PA GNYID KYI DUS CHOS SKU DANG BSRE BA'I TSUL NI, GONG GI SGO GSUM PO GANG RUNG ZHIG GIS STONG PA BZHI DRANG NUS PA'I MTSAMS NAS, MTSAN MO GNYID DU 'GRO KHAR SNYING GAR MI SHIGS PA'I THIG LE BSGOM PA DANG, RDO RJE BZLAS PA GNYIS PO GANG RUNG NYAMS SU BLANGS PA LA BRTEN NAS SNGAR BSHAD PA'I RTAGS BZHI DANG STONG PA BZHI 'CHAR ZHING, DE'I MTHAR 'OD GSAL SHAR BA'I DUS SU LTA THOG TU BZHAG NAS BSGOM PA YIN TE, SPYIR GZHI DUS LA GNYID DU 'GRO BA'I DUS SU RLUNG SNYING GAR RANG SHUGS KYIS 'DUS PA LA BRTEN NAS, STONG PA BZHI 'OD GSAL SPYI TZAM PA ZHIG 'CHAR BA YOD LA, DE SHES NAS GNYID KYI 'OD GSAL 'DZIN PA'I MAN NGAG NYAMS SU BLANGS NA, STONG PA BZHI 'CHAR BA'I GNAD YOD, DE YANG GNYID KYI DUS SU RMI LAM MI 'CHAR BA DANG, SHAR BA'I DUS GNYIS LAS, RMI LAM MI 'CHAR BA'I DUS SU GNYID KYI 'OD GSAL 'DZIN PA YIN LA, DE GNYID DU SONG BA'I THUN STOD KYI SKABS YIN NO, ,GSUM PA NI, 'CHI BA'I DUS SU 'CHAR BA'I 'OD GSAL CHOS SKU DANG BSRE BA'I TSUL NI, DA LTAR GYI DUS SU GNYID SAD DUS DANG
GNYID KYI DUS SU SNGAR BSHAD PA BZHIN DU 'OD GSAL CHOS SKU DANG BSRE BA ZHIG GIS 'CHI BA'I DUS SU SA CHU LA THIM PA SOGS KYI RTAGS DANG PO SHAR BA'I DUS SU SNYING GAR MI SHIGS PA'I THIG LE BSGOM PA DANG, SNYING GA'I DH'U T'I'I DBUS NAS RLUNG LDANG 'JUG GNAS GSUM GYI RDO RJE'I BZLAS PA BYAS NA, GZHI DUS KYI 'CHI BA'I DUS SU SNYING GAR RLUNG RANG SHUGS KYIS 'DU BA YOD PA'I GNAD KYIS SNGAR BSHAD PA'I RTAGS RNAMS DANG, STONG PA BZHI SNGAR BSHAD PA BZHIN DU 'CHAR LA, DE LA 'CHI BA'I TSE STONG PA BZHI RANG SHUGS KYIS 'CHAR BA'I 'OD GSAL NI MA'I 'OD GSAL YIN LA, SNGAR GNYID SAD PA DANG, GNYID DUS SU BSGOMS PA'I 'OD GSAL NI BU'I 'OD GSAL YIN CING, DE GNYIS LAS 'CHI BA'I 'OD GSAL GYI DUS SU 'DRES PA LA 'OD GSAL MA BU 'DRES ZHES ZER BA YIN NO, ,GNYIS PA LAM DUS KYI LONGS SKU DANG BSRE BA LA GSUM STE, ,GNYID SAD DUS KYI SGYU MA'I LONGS SKU DANG BSRE BA, ,GNYID KYI DUS SU RMI LAM SHAR BA'I RMI LAM GYI SGYU LUS LONGS SKU DANG BSRE BA, 'CHI BA 'OD GSAL GYI MTHAR BAR DO DNGOS SAM BAR DO RJES MTHUN PA'I SGYU LUS LONGS SKU DANG BSRE BA'O, ,DANG PO NI, SNGAR BSHAD PA'I SGO GANG RUNG ZHIG GI 'OD GSAL GYI TING NGE 'DZIN SKYES PA'I RJES LA 'BAD PA BSKYED NAS 'OD GSAL LA JI TZAM GNAS SU MNYAM PAR 'JOG, ,SPAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS CHU DVANGS PA LAS NYA LDANG BA'I TSUL DU 'OD GSAL GYI NGANG LAS SKU DER DKRONG
, ,GIS LANGS TE, SGYU MA'I SKU DE LA SEMS BZUNG JI TZAM GNAS KYI BAR MNYAM PAR 'JOG PA'O, ,GNYIS PA GNYID KYI DUS SU RMI LAM SHAR BA'I TSE RMI LAM GYI SGYU LUS DANG BSRE BA NI SNGAR BSHAD PA LTAR GYI GNYID KYI 'OD GSAL SHAR BA'I TSE, 'BAD NAS JI TZAM GNAS SU MNYAM PAR BZHAG, SNGAR RLUNG THIM PA LAS LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I TSE RMI LAM PHAL PA GZHAN DU MA SHOR BAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LAS NYA LDANG BA'I TSUL DU 'OD GSAL GYI NGANG LAS SKU DER DKROD GIS LNGAS TE, SGYU MA'I SKU DE LA SEMS GZUNG LA JI SRID GNAS KYI BAR LA MNYAM PAR 'JOG PA'O, ,GSUM PA 'CHI BA 'OD GSAL GYI MTHAR BAR DO DNGOS SAM BAR DO RJES MTHUN PA'I SGYU LUS LONGS SKU DANG BSRE BA NI, SNGAR BSHAD PA LTAR GYI 'CHI BA'I DUS SU 'OD GSAL MA BU BSRES NAS 'BAD DE 'OD GSAL LA JI TZAM GNAS KYI BAR LA MNYAM PAR 'JOG PA'O, ,SNGAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR BAR DO PHAL PA'I LUS SU MI LDANG BAR DANG PO'I MGON PO YAB YUM GYI SKUR LDANG BAR BYA'O SNYAM DU 'PHEN PA BTANG NAS, CHU DVANGS PA LAS NYA LDANG BA'I TSUL DU 'OD GSAL GYI NGANG NAS SKU DER DKRONG GIS LDANG NGO, ,SGYU MA'I SKU DE LA SEMS GZUNG STE JI TZAM GNAS KYI BAR DU MNYAM PAR 'JOG PA'O, ,'DI LA GNYIS YOD DE, SGYU MA'I LONGS SKU SGOM PA TZAM MIN PAR GZHAN LA BAR DO 'GRUB PA'I SKABS SU RANG GI LUS DON STENG NAS SNGAR BSHAD PA'I SGYU MA'I SKUR
BSKYED PA YIN NO, ,BAR DOR MCHOG 'GRUB PA YIN NO, ,DE LTAR MA NUS PAR BAR DO RANG DGA' BA'I LUS BLANGS PA YIN KYANG, YID KYI NGOR BAR DO'I LUS THA MAL PA'I SNANG BA RE ZHIG MI 'CHAR BAR DANG PO'I MGON PO YAB YUM DU SHAR BA'I LONGS SKU'I BSRE BA BYUNG NA'ANG KHYAD SHIN TU CHE BA YIN NO, ,GSUM PA LAM DUS KYI SPRUL SKU DANG BSRE BA LA GSUM LAS DANG PO GNYID SAD PA'I DUS SU LAM DUS KYI SPRUL SKU DANG BSRE BA NI, SNGAR BSHAD PA LTAR GNYID SAD DUS KYI 'OD GSAL GYI NGANG LAS SGYU MA'I SKUR RNAM SMIN GYI LUS LAS LOGS SU BYE STE, SGYU MA'I TING NGE 'DZIN BSGOMS PA'I MTHAR RNAM SMIN GYI PHUNG PO 'DI LA ZHUGS TE, RNAM SMIN GYI PHUNG PO MI BSKYOD PAR GSAL BA'I THUGS KAR YE SHES SEMS DPA'I TSUL GYIS GNAS PA'O, ,'DI NI 'BRAS BU'I LONGS SKUS MA DAG PA'I SEMS CAN GYI MIG LAM DU MA GYUR PA DE'I MTHUS, SGYU 'PHRUL CHEN MO LTA BU'I MNGAL DU LUS RAGS PA'I SKYE BA BZUNG NAS SPRUL PA'I SKU DE SEMS CAN MA DAG PAS KYANG MTHONG BA DANG 'DRA BAR LAM DUS KYI SGYU MA'I LONGS SKU SEMS CAN GZHAN GYI SHA'I MIG GIS MI MTHONG BA DE RAGS PA'I LUS SU ZHUGS NAS, DES BZUNG BA'I MI BSKYOD PAR SNANG BA'I RAGS PA'I LUS SHA'I MIG GI YUL DU GYUR PA LA SPRUL SKU ZHES THA SNYAD DU BTAGS PA DANG, YANG SGYU MA'I LONGS SKU DES RAGS PA'I SKU SEMS CAN GZHAN GYI SHA'I MIG GIS MTHONG BAR SPRUL PA LA SPRUL SKU ZHES THA SNYAD BYED PA'O, ,GNYIS PA GNYID DU SONG BA'I RMI LAM 'CHAR BA'I DUS SU RMI LAM SPRUL SKU DANG BSRE BA'I TSUL NI, SNGAR BSHAD PA BZHIN GNYID KYI 'OD GSAL GYI NGANG NAS LONGS SKUR LANGS TE, SGYU MA LTA BU'I TING NGE 'DZIN
, ,BSGOMS PA'I MTHAR SNGAR GYI RNAM SMIN GYI LUS LA ZHUGS TE SNYING GAR YE SHES SEMS DPA'I TSUL GYIS GNAS PA DANG, LONGS SKU DE RAGS PA'I SPRUL SKUR SPRUL PA NI SPRUL SKU DANG BSRE BA ZHES BYA BA DE'I GO DON SNGAR BSHAD PA LTAR RO, , GSUM PA 'CHI BA 'OD GSAL GYI MTHAR SPRUL SKU DANG BSRE BA'I TSUL NI, 'CHI BA'I 'OD GSAL SNGAR LTAR BSGOMS PA ZHIG GIS 'CHI BA'I 'OD GSAL GYI MTHAR LONGS SKUR LANGS, SGYU MA LTA BU'I TING NGE 'DZIN BSGOMS PA'I RJES SU GANG 'DOD PA'I SKYE GNAS KHYAD PAR CAN DU SKYE BA'I 'PHEN PA BTANG NAS, SKYE GNAS GANG YIN PA DER BAR DOR SHI BA'I STONG PA BZHI SNGAR BSGOMS PA'I LAM DANG BSRES NAS SKYE BA LEN PA LA SPRUL SKU DANG BSRE BA ZHES BYA STE, DE'I DON YANG GONG LTAR RO, ,DE LTAR SNGAR BSHAD PA LTAR GYI RLUNG GI NUS PA THOB NA SHIN TU LEGS PAS DE LTAR BYA LA, DE LTA BU MA THOB NA'ANG DA LTAR GYI DUS SU 'CHI BA'I DUS KYI RTAGS BZHI DANG STONG PA BZHI 'CHAR BA RNAMS YID LA DRAN PA BYA STE, YANG YANG BSGOM PAR BYA ZHING, 'OD GSAL GYI MTHAR BAR DO 'GRUB PA'I DUS SU BAR DO LONGS SKUR LDANG BA SOGS YANG DANG YANG DU BSGOM PAR BYA ZHING, DA GZOD 'CHI BA'I DUS KYI CHE RTAGS BZHI DANG, STONG PA BZHI 'CHAR BA RNAMS NGOS ZIN PA LA SOGS PA KHYAD PAR SHIN TU CHE BAR MNGON NO, ,'DI NI BSRE BA'I MAN NGAG GI GNAD BSDUS PA'I YIG CHUNG MKHAS GRUB RJES ZIN BRIS MDZAD PA'O,, ` ,,GNYIS PA NI, RJE BTZUN BLA MA RNAMS LA PHYAG 'TSAL LO, ,'DIR BSRE BA DGU'I GDAMS PA STON PAR BYED PA LA DON GSUM STE, SAD DUS SU SKU GSUM DANG BSRE BA,
GNYID DUS SU SKU GSUM BSRE BA, 'CHI DUS SU SKU GSUM DANG BSRE BA'O, ,DANG PO LA GSUM, SAD DUS KYI 'OD GSAL CHOS SKU DANG BSRE BA, SAD DUS KYI SGYU LUS LONGS SKU DANG BSRE BA, SAD DUS KYI LONGS SKU LAS LANGS PA SPRUL SKU DANG BSRE BA'O, ,DANG PO NI, RDO RJE'I LUS LA GNAD DU BSNUN PA LA BRTEN NAS, RLUNG SNYING GA'I DH'U T'IR ZHUGS GNAS THIM GSUM BYAS PA LAS, SMIG RGYU DANG DU BA LA SOGS PA'I RTAGS RNAMS 'CHAR ZHING, DE'I RJES SU SNANG BA MCHED PA NYER THOB 'OD GSAL RNAMS 'CHAR LA, DE RNAMS KYI DUS SU LTA BA DRAN PAR BYED CING, KHYAD PAR 'OD GSAL GYI DUS SU BDE STONG DBYER MED SBYAR NAS SGOM PAR BYED PA NI, SAD DUS KYI 'OD GSAL CHOS SKU DANG BSRE BAR BYED PA YIN NO, ,GNYIS PA NI, GONG DU BSHAD PA LTAR GYI 'OD GSAL CHOS SKU DANG BSRES PA DE LAS LDANG BAR RTZOM PA NA, SHIN TU PHRA BA'I RLUNG SEMS LAS GRUB PA'I SGYU LUS DE RNAM SMIN GYI PHUNG PO RNYING PA LAS GO SA LOGS SU BYE STE, GSANG 'DUS KYI SKABS SU YIN NA, LONGS SKU DANG PO'I MGON PO 'JA' TSON LTA BU'I SKUR SKAD CIG GIS LDANG BA NI SAD DUS KYI SGYU MA LONGS SKU DANG BSRE BA YIN NO, ,GSUM PA NI, GONG DU BSHAD PA LTAR GYI SGYU MA'I SKU LAS LDANG BAR RTZOM PA NA, RNAM SMIN GYI LUS 'DI SPRUL SKU RDO RJE SEMS DPA'I SKUR LDANG BA GONG DU BSHAD PA LTAR GYI SHIN TU PHRA BA'I RLUNG SEMS TZAM LAS GRUB PA'I LONGS SKU DE SPRUL SKU'I THUGS KAR YE SHES SEMS DPA'I TSUL GYIS BZHUGS PA'I SPRUL SKUR LDANG BA NI, SAD DUS KYI SPRUL SKU DANG BSRE BA STE DE LTAR NA SAD DUS KYI BSRE BA SKOR GSUM MO, ,GNYIS PA
, ,GNYID DUS KYI BSRE BA LA GSUM, GNYID KYI 'OD GSAL CHOS SKU DANG BSRE BA, RMI LAM LONGS SKU DANG BSRE BA, SAD PA SPRUL SKU DANG BSRE BA'O, ,DANG PO NI, SAD DUS KYI SNYING GAR ZHUGS GNAS THIM GSUM BYED PA LA GOMS PA'I GANG ZAG GIS GNYID DU 'GRO KHAR RLUNG SDUD PA'I DMIGS PA BYAS PAS GNYID DU 'GRO BA'I TSE YAN LAG GI RLUNG RNAMS RANG SHUGS KYIS SNYING GAR 'DU BAS 'DU TSABS GZHAN LAS CHE BA ZHIG 'ONG ZHING ,DE'I STOBS KYIS GNYID DU 'GRO BA NA SNANG MCHED THOB GSUM 'OD GSAL DANG BCAS PA YONGS SU RDZOGS PAR 'CHAR LA, DE DAG GI 'OD GSAL GYI DUS SU STONG NYID KYI LTA BA DRAN PAR BYAS NAS DE'I 'OD GSAL LA CI TZAM GNAS KYI BAR 'JOG PA NI, GNYID KYI 'OD GSAL CHOS SKU DANG BSRE BA'O, ,GNYIS PA NI, GONG DU BSHAD PA LTAR GYI GNYID KYI 'OD GSAL LAS LDANG BAR RTZOM PA NA RMI LAM 'CHAR BAS DE'I DUS SU RMI LAM GYI LUS DE RNAM SMIN GYI LUS LAS LOGS SU BYE STE, LONGS SKU DANG PO'I MGON PO 'JA' TSON LTA BU'I SKUR SKAD CIG GIS LANGS TE, JI TZAM GNAS KYI BAR SGYU MA LTA BU'I TING NGE 'DZIN LA MNYAM PAR 'JOG PA NI RMI LAM LONGS SKU DANG BSRE BA'O, ,GSUM PA NI, GONG DU BSHAD PA LTAR GYI SGYU MA LTA BU'I TING NGE 'DZIN LAS LDANG BAR RTZOM PA NA, RNAM SMIN GYI LUS SPRUL SKU RDO RJE SEMS DPA' DANG RDO RJE 'CHANG GANG RUNG GI SKUR BSGOMS LA, DE'I THUGS KAR RMI LAM GYI LONGS SKU DE YE SHES SEMS DPA'I TSUL GYIS BZHUGS PAR BSGOMS PA'I SPRUL SKUR LDANG BA NI, SAD PA SPRUL SKU DANG BSRE BA'O, ,DE LTAR GNYID DUS KYI BSRE BA SKOR GSUM MO, ,
GSUM PA 'CHI BA'I DUS SU SKU GSUM DANG BSRE BA LA GSUM, 'CHI BA'I 'OD GSAL CHOS SKU DANG BSRE BA, BAR DO LONGS SKU DANG BSRE BA, SKYE BA SPRUL SKU DANG BSRE BA'O, ,DANG PO NI, 'DZAM BU GLING PA'I MI KHAMS DRUG LDAN ZHIG RIM GYIS 'CHI BA'I TSE SNYING GAR RANG SHUGS KYIS RLUNG RNAMS 'DU BA'I STOBS KYIS SNANG MCHED THOB GSUM 'OD GSAL DANG BCAS PA YONGS SU RDZOGS PAR 'CHAR ZHING, DUS DER 'CHAR BA'I 'OD GSAL NI MA'I 'OD GSAL YIN LA, SNYING GA LA SOGS PA'I GNAS RNAMS SU GNAD DU BSNUN PA LA BRTEN NAS SNANG MCHED THOB GSUM 'OD GSAL DANG BCAS PA SHAR BA NI BU'I 'OD GSAL YIN CING, 'CHI BA'I TSE RLUNG SDUD PAR RTZOM PA NA SNYING GA'I SDUD RIM LEGS PAR BSGOMS TE 'OD GSAL MA BU LEGS PAR BSRA BA'I 'OD GSAL SHAR BA'I TSE LTA THOG TU LEGS PAR BZHAG STE, DE'I 'OD GSAL JI TZAM GNAS GNAS KYI BAR DU MNYAM PAR 'JOG PA NI, 'CHI BA'I 'OD GSAL CHOS SKU DANG BSRE BA'O, ,GNYIS PA NI, GONG DU BSHAD PA LTAR GYI 'CHI BA'I 'OD GSAL DE LAS LANGS NAS BAR DO 'CHAR BAR RTZOM PA NA, BAR DO'I LUS DE SHIN TU PHRA BA'I RLUNG SEMS TZAM LAS GRUB PA'I LONGS SKU DANG PO'I MGON PO'AM RDO RJE 'CHANG GANG RUNG GI SKU 'JA' TSON LTA BU'I SKUR LDANG BAR BYA'O, ,'DI THA MAL PA LA BAR DO RANG DGA' BA 'ONG BA'I DOD LA SGYU MA'I LONGS SPYOD RDZOGS SKUR LDANG BA YIN PAS, DE NI BAR DO LONGS SKU DANG BSRE BA YIN NO, ,GSUM PA NI, MNGAL DU SKYE BA LEN PAR RTZOM PA NA SKYE BA LEN RGYU'I RNAM SMIN GYI LUS SPRUL SKU RDO RJE SEMS DPA'I SKUR BSGOMS PA'I DBUS SU SHIN TU PHRA BA'I RLUNG SEMS
, ,TZAM LAS GRUB PA'I LONGS SKU DE NYID BZHUGS PAR BSGOM STE, SKYE GNAS SU SKYE BA LEN PA NI SKYE BA SPRUL SKU DANG BSRE BA YIN TE, DE LTAR 'CHI BA'I DUS KYI BSRE BA SKOR GSUM MO, ,DE LTAR BSRE BA RNAMS KYI SKABS SU LONGS SKU DANG PO'I MGON POR LDANG BA'I DGOS PA NI, BSKYED RIM GYI SKABS KYI BAR DO'I SBYONG BYED BAR DO LONGS SKUR 'KHYER BA'I LAM KHYER DANG PO'I MGON PO YIN NO, ,BSKYED RIM GYI SKABS KYI SKYE BA SPRUL SKUR 'KHYER BA'I LAM KHYER DANG, SKYE BA SBYONG BYED SPRUL SKU RDOR SEMS YIN PAS SPRUL SKU DANG BSRE BA'I RDO RJE SEMS DPA'I SKUR LDANG DGOS PA'I RGYU MTSAN DE LTAR YIN PAR SHES PAR BYA'O, ,BSRE BA SKOR DGU'I GDAMS PA 'DI, ,DAM TSIG SDOM PA LDAN PA YI, ,SKAL LDAN SLOB MA MA GTOGS PA, , DE LAS GZHAN DU CUNG ZAD TZAM, ,BSTAN CING SBYIN PAR BYA BA MIN, ,DE BAS SNYING LTAR GCES PAR BZUNG, ,(DE LTAR BSRE BA SKOR DGU'I GDAMS PA'I YIG CHUNG GSAL BAR MKHAS GRUB RJES MDZAD PA'O,,) ` ,,GNYIS PA SHIN TU GCES PA'I GDAMS NGAG ZAB MO ZHAL BZHES RNAMS ZHIB TU BSHAD PA LA GNYIS, RGYAS PAR BSHAD PA DANG, DE'I DON BSDUS PA'O, ,DANG PO NI, RGYAL BA KHYAB BDAG RDO RJE 'CHANG CHEN PO DANG DBYER MA MCHIS PA'I DPAL LDAN BLA MA DAM PA'I ZHABS LA GUS PA CHEN POS PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU BZUNG DU GSOL, ,RDO RJE 'CHANG DBANG THUGS KYI BANG MDZOD LAS, ,MNGON PAR DBANG BSKUR DPAL LDAN BLA MA'I ZHABS, ,SNYING NAS 'DUD DO THUGS RJE'I
LCAGS KYU YIS, ,BDAG DANG DAM TSIG LDAN PA'I SLOB MA RNAMS, ,'JIGS RUNG 'KHOR BA'I BTZON RA LAS BSGRAL NAS, ,BDE CHEN THAR PA'I GNAS SU DRANG DU GSOL, ,'DIR RGYUD SDE BLA NA MED PA'I DGONGS PA'I GNAD MTHAR THUG PA, RDO RJE 'CHANG CHEN PO'I THUGS KYI BCUD PHYUNG BA, GRUB CHEN RNAMS KYI NYE LAM, RNAL 'BYOR PA'I BLO'I GDENG 'CHA' SA, BSRE BA SKOR GSUM GYI GDAMS NGAG ,DPAL LDAN BLA MA DAM PA'I ZHAL GYI BDUD RTZI NYAMS KYIS DOGS NAS GNAD BSGRIL NAS BRJOD PAR BYA STE, DE YANG TSE 'DI'I LUS 'GRUB PA NA BAR DO'I SHIN TU PHRA BA'I RLUNG SEMS DE NYID PHA MA'I KHU KHRAG GI DVANGS MA GNYIS KYI DBUS SU 'JUG CING, DE NAS KHU KHRAG GIS DVANGS MA GNYIS KYI DBUS NA SHIN TU PHRA BA'I RLUNG SEMS BCUG PA DE SNYING GA'I DBU MA'I NANG DU BCUG NAS SNYING GA'I RTZA 'KHOR CHAGS SHING, DE NAS RTZA YAR MAR DU GYES PA'I NANG NAS RGYU BA'I RLUNG RAGS PA RNAMS DANG, DE LA ZHON PA'I RANG BZHIN BRGYAD CU'I RTOG PA RAGS PA RNAMS SKYE LA, DE'I TSE SHIN TU PHRA BA'I RLUNG SEMS KYIS BYA BA MI BYED CING, 'CHI BA'I TSE SA'I KHAMS THIM PA NA SMIG RGYU LTA BU'I SNANG BA 'CHAR, DE'I RJES SU CHU'I KHAMS THIM PA NA DU BA LTA BU'I SNANG BA 'CHAR, DE'I RJES SU MA'I KHAMS THIM PA NA SRIN BU ME KHYER LTA BU'I SNANG BA 'CHAR, DE'I RJES SU RLUNG RAGS PA THIM 'GRO BA NA MAR ME 'BAR BA LTA BU'I SNANG BA 'CHAR, DE'I RJES SU RANG BZHIN GYI RTOG PA'I BZHON PAR GYUR PA'I RLUNG RAGS PA 'DI DBU MA'I NANG DU THIM PA NA, KHA DANG SNA BUG NAS RGYU BA 'GAGS 'GRO ZHING, PHYI DBUGS CHAD PA ZHES ZER, DE'I TSE MIG GIS GZUGS MI
, ,MTHONG, RNA BAS SGRA MI THOS, SNAS DRI MI TSOR, LCES RO MI MYONG, LUS KYIS REG BYA MI TSOR ZHING, YID NGOR STON GYI NAM MKHA' GA-YA' DAG PA LTA BU'I STONG SANG LA ZLA 'OD KYIS KHYAB PA LTA BU'I DKAR LAM GYI SNANG BA 'CHAR, DE LA SNANG BA ZHES ZER, DE'I RJES SU STON GYI NAM MKHA' GA-YA' DAG PA LTA BU'I STONG SANG LA, NYI MA'I 'OD KYIS KHYAB PA LTA BU'I DMAR LAM GYI SNANG BA 'CHAR, DE LA MCHED PA ZHES ZER, DE'I RJES SU STON GYI NAM MKHA' GA-YA' DAG PA LTA BU'I STONG SANG LA, MTSAMS KYI MUN PAS KHYAB PA LTA BU'I NAG LAM GYI SNANG BA 'CHAR BA DE NYID NYER THOB KYI STOD YIN, DE NAS BRGYAL BA LTA BU'I DRAN MED DU SONG BA DE NYID NYER THOB KYI SMAD YIN, SNANG BA MCHED PA NYER THOB GSUM GA'I SKABS SU RTOG PA GZHAN PHYI ROL GYI YUL GANG LA YANG MI 'PHRO BA ZHIG 'ONG, DE'I RJES SU BRGYAL BA LTA BU'I NGANG NAS DRAN PA RNYED PA NA, STON GYI NAM MKHA' GA-YA' DAG PA LTA BU'I STONG SANG 'BA' ZHIG MA GTOGS GZHAN GANG GI'ANG SNANG BA NUB PA ZHIG 'ONG BA DE LA 'CHI BA 'OD GSAL ZHES ZER, DE LA THA MAL PA'I MI RNAMS ZHAG GSUM GYI BAR DU GNAS DE NAS RTAGS 'ONG, LUS NAD KYIS LEGS PAR MNAR NAS ZUNGS ZAD DRAGS PA LA ZHAG DU MA SONG YANG DRI MA 'ONG BA MA GTOGS KHAMS DKAR DMAR GYI RTAGS MI YONG BA YANG SRID, RNAL 'BYOR PAS 'OD GSAL LA JI TZAM 'JOG NUS KYI BAR DU CHOS SKU DANG BSRES NAS 'JOG PA LA, RTOGS PA MTHO DMA'I DBANG GIS 'JOG PA'I ZHAG GRANGS MANG NYUNG SNA TSOGS 'BYUNG, DE NAS THA MAL PA 'CHI BA 'OD
GSAL GYI STONG SANG LA GNAS PA DE LAS, SEMS CUNG ZAD GA-YO BAR RTZOM PA NA SHIN TU PHRA BA'I RLUNG SEMS DE NYID SNYING GA'I KHAMS DKAR DMAR GYI DBUS NAS THON NAS LUS 'DI BOR TE, BAR DO'I LUS SU GRUB PA YIN, DE DANG DUS MNYAM DU SNYING GA'I KHAMS DKAR PO THUR DU BABS NAS RTAGS KYI RTZER PHYIR 'BYUNG, KHAMS DMAR PO GYEN DU SONG NAS STENG GI SNA SGO NAS PHYIR 'BYUNG, DE'I TSE SHIN TU PHRA BA'I RLUNG SEMS DE BAR DE'I LUS SU GRUB PA DANG DUS MNYAM DU DANG PO NYER THOB KYI SNANG BA NAG LAM PA DE 'CHAR, DE'I RJES SU MCHED PA'I SNANG BA DMAR LAM PA DE 'CHAR, DE'I RJES SU SNANG BA DKAR LAM PA DE 'CHAR, DE'I RJES SU RTOG PA RAGS PA GA-YOS NAS BAR DE'I GNAS SKABS KYI YUL SNA TSOGS KYI SNANG BA SHAR NAS YID DU 'ONG MI 'ONG GI CHAGS SDANG GI RTOG PA SNA TSOGS 'BYUNG, DE NAS DRI DANG SKYE GNAS 'TSEL BA LA RGYUG CING, DE'I TSE PHA MA NYAL PO BYED PA MTHONG NAS, PHOR SKYE BA YIN NA MA LA CHAGS PA'I DBANG GIS 'KHYUD PA'I SNANG BA 'BYUNG, MOR SKYE BA YIN NA PHA LA CHAGS PA'I DBANG GIS 'KHYUD PA'I SNANG BA 'BYUNG ZHING, 'KHYUD PA NA LAS KYI DBANG GIS PHA MA'I LUS MI MNGON PAR MTSAN MA TZAM ZHIG MTHONG LA, DE LA ZHE SDANG SKYES PAS 'CHI RKYEN BYAS NAS BAR DO SHI BA'I SNANG MCHED THOB GSUM 'OD GSAL DANG BCAS PA SNGAR LUS RAGS PA 'DI 'DOR BA'I SKABS SU 'BYUNG TSUL BSHAD PA RNAMS DANG 'DRA BA LA DE LAS YUN THUNG BA RE 'CHAR, BAR DO SHI BA'I 'OD GSAL DE LAS SEMS GZHAN DU 'PHRO BA DANG DUS MNYAM DU SHIN TU PHRA BA'I RLUNG SEMS DE PHA MA'I KHU KHRAG GI DVANGS MA GNYIS
, ,KYI DBUS SU ZHUGS PA'I TSE YID NGOR NYER THOB KYI SNANG BA 'CHAR, DE NAS SEMS CUNG ZAD RAGS SU SONG NAS MCHED PA'I SNANG BA 'CHAR, DE NAS SEMS CUNG ZAD RAGS SU SONG NAS SNANG BA'I SKABS KYI DKAR LAM 'CHAR, DE NAS KHU KHRAG PHAL PA RNAMS LAS RTZA KHAMS RNAMS 'GRUB PA DANG, RANG BZHIN BRGYAD CU'I RTOG PA SKYE TSUL SNGAR BSHAD PA LTAR YIN NO, ,DE LTAR GZHI DUS KYI SNANG MCHED THOB GSUM 'OD GSAL DANG BCAS PA 'BYUNG TSUL DANG, BAR DO 'GRUB TSUL, SKYE BA LEN TSUL RNAMS LEGS PAR MA GO NA BSRE BA'I GZHI GTOR BAS CUNG ZAD CIG ZHIB PAR BRJOD DO, ,LAM DUS KYI SNANG MCHED THOB GSUM 'OD GSAL DANG BCAS PA 'BYUNG TSUL NI, 'DIR RDZOGS RIM GYI DMIGS PA PHAL CHER RLUNG DBU MAR ZHUGS GNAS THIM GSUM BYAS PA LA BRTEN NAS SNANG MCHED THOB GSUM 'OD GSAL DANG BCAS PA BSKYED PA DANG, DE LA BRTEN NAS SGYU LUS DANG, SKABS GZHAN DU STONG GZUGS KYI SKU BSGRUB PA'I PHYIR YIN LA, RLUNG DBU MAR 'JUG PA'I THABS LA PHYI'I RKYEN LAS KYI PHYAG RGYA LA BRTEN NAS 'JUG PA DANG, NANG GI RKYEN RANG GI LUS LA DMIGS PA'I GNAD DU BSNUN PA LAS 'JUG PA'I THABS GNYIS LAS, LAS KYI PHYAG RGYA LA BRTEN NAS 'JUG PA'I TSUL LA PHYAG RGYA'I MTSAN NYID BRTAG THABS, DE 'KHOR BA LA ZHEN PA LOG NAS THAR PA THOB 'DOD KYI BLO BCOS MA MA YIN PA BSKYED DE, BYAMS SNYING RJE BYANG CHUB KYI SEMS BSKYED, DBANG BSKUR DAM TSIG DANG LDAN PA LA GDAMS NGAG GI GNAD RNAMS LEGS PAR BSLABS NAS, BSTEN PA'I THABS
SROG RTZOL DU 'GYUR BA'I GDAMS NGAG GI GNAD RNAMS LEGS PAR SHES NA LAM BGROD PA'I THABS MCHOG TU GYUR PA YIN KYANG, GNAD CUNG ZAD 'PHYUGS SHING, YAN LAG MA TSANG NA THAR MED KYI DMYAL BAR 'PHEN PAS, GDAMS NGAG GI GNAD YIG CHUNG LOGS SU BKOD PA LAS SHES DGOS SO, ,RANG GI LUS LA DMIGS PA'I GNAD DU BSNUN PA LA BRTEN NAS RLUNG DBU MAR 'JUG PA'I THABS LA, RMI LAM RMI LAM DU NGO SHES PA'I MAN NGAG GIS RLUNG DBU MAR BCUG NAS 'OD GSAL 'DZIN PA'I THABS RJE NYID KYI KHRID YIG TU GSAL BAR BKOD PA'I SNYING GA'I SNGAGS 'KHOR GSUM GSAL BTAB NAS SDUD RIM BSGOM PA DANG, RIL 'DZIN DANG RJES GZHIG GI BSAM GTAN SGOM TSUL TZAM MIN PA'I BTZAN THABS SU RLUNG SEMS DBU MAR SDUD PA'I MAN NGAG TSOGS CHUNG LA 'GRUB SLA BA'I ZHAL SHES GZHAN YANG YOD DO, ,NYIN PAR DMIGS PAS GNAD DU BSNUN NAS RLUNG DBU MAR 'JUG THABS RGYAS PAR RJE NYID KYI KHRID YIG RNAMS NAS GSAL BA LTAR RTZA DBU MA'I YAR SNA MAR SNA GNYIS GNYIS DANG, DBU MA LA RE RKYANG GI MDUD PAS BSDAMS PA'I MTSAMS NAS RTZA 'DAB GYES PA'I RTZA 'KHOR GTZO BO DRUG STE, DE YANG SPYI BO, MGRIN PA, SNYING GA ,LTE BA, GSANG GNAS, NOR BU'I DBUS KYI RTZA 'KHOR RNAMS SO, ,DE DAG GI LTE BA RNAMS SU DMIGS PA LEGS PAR GTAD PAS SEMS LEGS PAR ZIN PA NA, RLUNG SEMS 'JUG PA GCIG PAS DER RLUNG 'DUS NAS THIM PA LA BRTEN NAS, SMIG RGYU, DU BA, MKHA' SNANG, ME KHYER, MAR ME 'BAR BA, SNANG MCHED THOB GSUM 'OD GSAL DANG BCAS PA SNGAR 'CHI
, ,DUS SU 'BYUNG BAR BSHAD PA RNAMS DANG, GSAL MI GSAL SOGS JI LTA BA BZHIN 'DRA BA DANG PO NYID NAS MI 'BYUNG YANG DE RNAMS 'CHI DUS KYI DE RNAMS DANG RNAM PA 'DRA BA TZAM DANG, SMIG RGYU NAS 'OD GSAL GYI BAR GO RIMS 'DRA BA 'BYUNG LA, RLUNG DBU MAR 'JUG PA YANG YANG BSGOMS PAS RLUNG DBU MAR 'DU BA DANG, THIM PA PHUL JE CHER SONG BA TZAM GYIS RTOG PA RAGS PA 'GAGS PA'ANG PHUL JE CHER SONG NAS RDZOGS RIM GYI RTOGS PA MTHON POR SONG BA'I TSE, SNYING GA'I RTZA MDUD MA LUS PA GROL BA'I MTSAMS NAS, PHYAG RGYA LA BRTEN PA DANG, BSAM GTAN GNYIS BSGOMS PAS, SNANG BA, MCHED PA, NYER THOB, 'OD GSAL RNAMS SNGAR BSHAD PA'I 'CHI DUS KYI JI LTA BA BZHIN 'BYUNG LA, DE TZAM NAS LAS KYI PHYAG RGYA LA MA BRTEN NA TSE 'DIR 'CHI DUS KYI 'OD GSAL DANG RNAM PA JI LTA BA BZHIN MTSUNGS PA MI 'BYUNG NGO, ,RLUNG DBU MAR THIM PA'I SNANG MCHED THOB GSUM 'OD GSAL RNAMS JI TZAM STOBS CHE BA TZAM GYIS DE CHOS SKU DANG BSRE BA'I BDE STONG GI YE SHES STOBS CHE, SNANG MCHED THOB GSUM 'OD GSAL RNAMS GZHI LAM GYI SKABS SU 'BYUNG TSUL LEGS PAR MA GO NA BSRE BA'I GZHI GTOR NAS SHES MI NUS PAS, RJE YAB SRAS KYI GSUNG RAB NA RGYAS PAR YOD PA RNAMS NYUNG NGUR DRIL, GSUNG RAB NA MI GSAL BA'I TSUL GYIS RTOGS DKA' BAR YOD PA RNAMS GSAL BAR STON NAS GZHI LAM GYI RNAM GZHAG GAL CHE BA RNAMS RTOGS SLA BAR BRJOD PA YIN NO, ,DE LTAR BZHI LAM GYI SKABS KYI SNANG MCHED THOB GSUM 'OD GSAL SOGS SHAR BA NA SKU GSUM DANG
BSRE BA'I TSUL BRJOD PAR BYAS TE, DE YANG BSDUS NA CHOS SKU DANG BSRE BA, LONGS SKU DANG BSRE BA, SPRUL SKU DANG BSRE BA GSUM DU 'DUS PAS BSRE BA GSUM ZHES ZER, SO SOR PHYE NA 'CHI RTAGS MA SHAR GONG GI TSE 'DI'I NYIN PAR GYI LAM DUS SU SKU GSUM DANG BSRE BA GSUM, GNYID KYI GNAS SKABS SU SKU GSUM DANG BSRE BA GSUM, DE LTAR GOMS PA LA BRTEN NAS 'CHI DUS SU SKU GSUM DANG BSRE BA GSUM RNAMS SU 'GYUR BAS BSRE BA DGU'I GDAMS PA ZHES KYANG BYA'O, ,DANG PO LA LAM DUS KYI SKU GSUM DANG BSRE BA'I TSUL NI, GONG DU BSHAD PA'I THABS RNAMS LA BRTEN NAS RLUNG DBU MAR 'JUG NUS PA'I GANG ZAG GIS PHYI LAS KYI PHYAG RGYA LA BRTEN PA'AM RMI LAM ZIN NAS 'OD GSAL BTZAN THABS SU 'DZIN PA'I GDAMS PA'AM, NYIN PAR RTZA DBU MA'I GNAS RNAMS SU DMIGS PA GTOD PA'I GDAMS PA RNAMS GANG YANG RUNG BA NYAMS SU BLANGS PAS RLUNG DBU MAR ZHUGS GNAS THIM GSUM BYAS PA NA, SNGAR BSHAD PA LTAR SNANG MCHED THOB GSUM 'OD GSAL DANG BCAS PA 'CHAR ZHING, DE DANG DUS MNYAM DU RLUNG DBU MA'I NANG DU ZHUGS PA'I DRED 'BAR BA'I STOBS KYIS SPYI BO NAS BYANG SEMS DKAR PO ZHU BA DBU MA'I NANG NAS BABS PA NA SEMS BDE BA'I NGO BOR MER GYIS 'GRO BAS, DES SNGAR NAS LTA BA PHU THAG CHOD PA BCOL BA DE'I STENG DU 'JOG GO , DE 'JOG TSUL LA KHA CIG BDE BA'I NGO BO LA CHER BLTAS PAS GANG DU'ANG BZUNG DU MED PAR SONG BA NA, DE'I STENG DU 'JOG PA YIN ZER BA DANG, DA LTAR BYAS PAS BDE BA LA ZHEN PA KHEGS KYI MA BYAS NA, ZHEN PA SKYE ZER BA NI BLA MED KYI LAM GYI BDE STONG
, ,SBYOR BA'I GNAD MA GO BA'I PHYIN CI LOG YIN PAS MI RUNG STE, BDE BA RANG YAL LA GTONG BA YIN NA DANG PO NAS BDE BA LA 'BAD PAS BSGRUB DON MED CING, BDE BA LA ZHEN PA SKYE ZER BA YANG BDE STONG SBYOR TSUL GYI GNAD MA RTOGS PA'I RTAGS YIN NO, ,DES NA PHYI NANG GI RTAGS LA BRTEN NAS YID KYI SHES PA BDE BA'I NGO BOR MER SONG BA DES CHOS THAMS CAD YUL STENG NAS GRUB RGYU RDUL TZAM YANG MED SNYAM DU 'DZIN PA YIN LA, DE LTAR BYAS PA NA BDE BA JI TZAM STOBS CHE BA TZAM GYIS YUL GZHAN LA RTOG PA 'PHRO BA KHEGS NAS, LTA BA'I 'DZIN STANGS DE 'BA' ZHIG GI NGANG DU LHOD 'GRO BAS BDE BA JI TZAM STOBS CHE BA TZAM GYIS STONG NYID RTOGS PA'I 'DZIN STANGS STOBS CHER 'GRO BA YIN GYI ZHEN PA SKYE BA MIN PAS BLOS ZHIB PAR LEGS PAR RTAGS NAS LTA BA RNAM DAG DANG SBYAR BA'I BSGOM TSUL SHES NA 'DI 'BA' ZHIG GIS GDON MI ZA BAR 'KHOR BA LAS GROL BAR 'GYUR LA, RLUNG DBU MAR ZHUGS PA'I ZHU BDE SKYES KYANG STONG NYID KYI LTA BA RNAM DAG MED PA'AM, YOD KYANG BDE STONG SBYOR MI SHES NA DON DU 'GYUR DKA' ZHING, LTA BA LOG PA DANG SBYAR NA NGAN 'GROR 'KHRID DO, ,DES NA CHOS SKU DANG BSRE ZHES PA YANG BDE STONG GI THUGS GNYIS SNANG SPROS PA'I SNANG BA MA LUS PA 'GAGS NAS BDE STONG GI YE SHES KYI NGO BOR GNAS PA DE LA CHOS SKU ZHES ZER BA YIN PAS, 'DIR YANG SNGAGS KYI THABS RNAMS LA BRTEN NAS GNYIS SNANG GI RTOG PA RAGS PA RNAMS 'GAGS NAS SEMS BDE STONG GI NGO BOR GNAS PA DE CHOS SKU DANG RNAM PA MTHUN PA YIN PAS, DE LTAR MNYAM PAR
BZHAG PA LA CHOS SKU DANG BSRE BA ZHES BSHAD PA YIN NO, ,DE LTAR GO BA LEGS PAR DMIGS PHYED PAR BYAS NAS, NYAMS SU LEN TSUL GYI DMIGS PA DRIL NAS BSTAN NA, THOG MAR BLA MA'I RNAL 'BYOR BSGOMS NAS BDAG GI LAM GYI RTOGS PA SKU GSUM DANG BSRE NUS PAR BYIN GYIS RLOB TU GSOL, ZHES SNYING THAG PA NAS GSOL BA DRAG PO BTAB, DE'I RJES SU DMIGS PA LA BZHAG PAS RLUNG 'DU BA DANG, THIM PA'I RTAGS RNAMS 'BYUNG BA NGOS ZIN PAR BYED DGOS SNYAM PA'I 'PHEN PA ZHIG BTANG NAS LAS KYI PHYAG RGYA LA BRTEN PA'AM, RMI LAM GYI SKABS KYI 'OD GSAL BTZAN THABS SU 'DZIN PA'I GDAMS NGAG NYIN PAR RTZA DBU MA'I NANG GI GNAS THAMS CAD DU DMIGS PA GTOD PA SOGS KYI THABS GANG YANG RUNG BA LA BRTEN NAS RLUNG DBU MAR ZHUGS PA'I RTAGS MNYAM RGYUNGS CAN DANG, GNAS PA'I RTAGS SNA BUG GI RGYU BA CHAD PA DANG, LTO BA MI 'GUL BAR SNANG BA SOGS DE MA THAG 'DREN NUS PAS THIM PA'I RTAGS NI SMIG RGYU NAS 'OD GSAL GYI BAR RNAMS RIM PA BZHIN SHAR BA NA RTAGS RNAMS SHES SHING, DRAN PA MA NYAMS PAR BYAS NAS BDE STONG GI NGANG LA MNYAM PAR BZHAG ,DE'I MTHAR RDO RJE 'CHANG GI SKUR LDANG DGOS SNYAM PA'I 'PHEN PA BTANG NAS, DE'I RJES SU SMIG RGYU SOGS SHAR BA NA SA RLUNG SOGS THIM PA'I RTAGS SU NGO SHES PAR BYAS NAS BDE STONG GI NGANG DU 'JOG ,KHYAD PAR DU SNANG MCHED THOB GSUM GYI SNANG BA SNGAR BSHAD PA LTAR SHAR BA NA NGO SHES PAR BYAS TE, 'DI SNANG BA YIN, 'DI'I RJES SU MCHED PA 'CHAR, DE NGO SHES PAR BYAS NAS BDE STONG LA 'JOG
, ,SNYAM PA BYAS NAS DE'I RJES SU YID KYI SHES PA DBU MA'I NANG NAS KHAMS DKAR PA 'BAB PA'I BDE BA'I NGO BOR MER SONG YOD PAS, CHOS THAMS CAD RANG NGOS NAS GRUB PA RDUL TZAM YANG MED SNYAM PA'I NGANG DU LHANG NGE BZHAG NAS CHES SKU'I NGO BOR SONG SNYAM PA BYAS NAS RTZE GCIG TU 'JOG ,DE'I RJES SU MCHED PA SHAR BA NA'ANG DRAN PA BSTEN TSUL RIGS 'GRO, BSRE TSUL SNGAR LTAR DANG 'DRA, KHYAD PAR NYER THOB KYI NAG LAM GYI SNANG BA SHAR BA NA 'DI'I RJES SU DRAN MED DU BRGYAL BA 'BYUNG BAS, DE SANGS NAS 'OD GSAL SHAR BA NA CIS KYANG NGO SHES PAR BYAS TE, CHOS SKU DANG BSRE DGOS SNYAM PA'I 'DUN PA BTANG NAS NYER THOB KYI DRAN MED DE SANGS NAS 'OD GSAL GYI SNANG BA STON GYI NAM MKHA' GA-YA' DAG LTA BU'I STONG SANG 'BA' ZHIG GI SNANG BA SHAR BA 'BYUNG BA NA, SNGAR SHES PA BDE BA'I NGO BOR GYUR PA DES LTA BA DRAN PA'I 'DZIN STANGS LHANG NGE BA DE LA 'JOG PA DANG, CHOS SKU'I NGO BOR SONG SNYAM PA'I BLO SHUGS CAN BYAS NAS JI TZAM 'JOG NUS KYI BAR LA 'JOG ,DE LAS SEMS CUNG ZAD GA-YO BAR RTZOM PA NA SNYING GA'I MI SHIGS PA'I THIG LE LA SEMS KHRIG GE GTAD PAS SHIN TU PHRA BA'I RLUNG SEMS DE SNYING GA'I KHAMS DKAR DMAR GYI THIG LE DE KHA GSHAG BYE BA'I NANG NAS PHYI ROL TU RGYANGS TE 'THON, RDO RJE 'CHANG GI SKUR LAM STE GRUB PAR BSGOM ZHING, DE'I TSE DNGOS GNAS LA RDO RJE 'CHANG GI SKUR MA SONG YANG RANG GI YID NGOR RDO RJE 'CHANG GI SKU'I RNAM PAR SHAR BA DE LA JI TZAM 'JOG NUS KYI BAR LA 'JOG PA NI, LAM DUS KYI SGYU LUS RJES MTHUN PA LONGS SKU DANG BSRE BA ZHES
BYA'O, ,RANG RDO RJE 'CHANG GI SKU'I RNAM PAR GNAS PA DE LAS SLAR RANG GI LUS RAGS PA 'DI RDO RJE 'CHANG GI SKUR BSGOMS NAS, DE LA RANG YE SHES SEMS DPA'I TSUL GYIS 'JUG PA NI, RDO RJE 'CHANG CHEN POS GDUL BYA'I DON DU KHAMS RAGS PA'I LUS BZUNG NAS, SPRUL SKU SH'AKYA THUB PA LA SOGS PA'I SKU'I RNAM PAR BSTAN PA DANG RNAM PA MTHUN PAS SPRUL SKU DANG BSRE BA ZHES BYA'O, ,RLUNG DBU MAR ZHUGS PA NAS BSRE TSUL 'DI LTAR 'BAD NAS RTZE GCIG TU GOMS PAR BYAS PA DANG, KHYAD PAR SNYING GAR GNAD DU BSNUN PA SOGS KYI SNYING GA'I RTZA MDUD MA LUS PAR GROL BA NA PHYAG RGYA LA BRTEN PA'I RLUNG DBU MAR 'DUS PA RNAMS SNYING GAR THIM PA'I PHUL CHE CHUNG DANG, GNYIS SNANG RAGS PA 'GAGS PA'I STOBS CHE CHUNG 'CHI BA 'OD GSAL DANG KHYAD PAR CUNG ZAD KYANG MED PA LA SEMS ZHU BA DE'I NGO BOR SKYES PA 'BYUNG STE, DE'I TSE SNGAR LTAR BDE STONG GI TING NGE 'DZIN LA 'JOG PA'I CHOS SKU DANG BSRE BA NI SEMS DBEN GYI DPE'I 'OD GSAL MTHAR PHYIN PA ZHES BYA ZHING, DE LTA BU'I 'OD GSAL THOB NAS DE LAS SEMS GA-YO BAR RTZOM PA NA, SNGAR LTAR RDO RJE 'CHANG GI SKUR LANGS NAS SHIN TU PHRA BA'I RLUNG SEMS DE NYID DNGOS GNAS LA RDO RJE 'CHANG GI SKU 'GRUB PA 'BYUNG STE, DPER NA 'CHI BA 'OD GSAL GYI MTHAR SHIN TU PHRA BA'I RLUNG SEMS DE NYID BAR DO'I LUS SU DNGOS GNAS LA GRUB PA BZHIN NO, ,DE LTAR RDO RJE 'CHANG GI SKU DNGOS GNAS LA GRUB PA DE LA MA DAG PA'I SGYU MA'I LUS ZHES BYA ZHING, DE LTAR RDO RJE 'CHANG GI SKU'I RNAM PAR GRUB PA DES RANG GI LUS 'DI RDO RJE 'CHANG GI SKU'I RNAM PAR GRUB PA DES RANG GI LUS 'DI RDO RJE 'CHANG GI SKUR
, ,BSGOMS NAS DE'I SNYING GAR YE SHES SEMS DPA'I TSUL GYIS BZHUGS PA NI SPRUL SKU DANG BSRE BA YIN NO, ,NYIN PAR LAM DUS KYI SKU GSUM DANG BSRE BA'I TSUL BSHAD ZIN NAS GNYID CHOS SKU DANG BSRE BA, RMI LAM LONGS SKU DANG BSRE BA, SAD BA SPRUL SKU DANG BSRE BA GSUM, DANG PO GNYID CHOS SKU DANG BSRE BA NI, RLUNG DBU MAR 'JUG PA'I GANG ZAG GIS GNYID DU 'GRO BA'I TSE SNYING GA'I DBUS KYI MI SHIGS PA'I THIG LE LA DMIGS PA GTAD PAS GNYID DU 'GRO BA DANG MNYAM DU SNYING GA'I RTZA DBU MA'I NANG DU RLUNG 'DU PHUL SNGAR BAS CHE BA 'BYUNG BAS SNANG MCHED THONG GSUM 'OD GSAL DANG BCAS PA SNGAR BZHIN DU SHAR BA NA, CHOS SKU DANG BSRE BA'I TSUL SNGAR BZHIN DU BYAS LA, GNYID KYI 'OD GSAL GYI NGANG NAS RMI LAM 'CHAR BA RTZOM PA NA SNYING GA'I DBUS NAS SHIN TU PHRA BA'I RLUNG SEMS DE NYID RDO RJE 'CHANG GI SKUR LDANG BA'I TSUL SNGAR BZHIN BYAS PA NI RMI LAM LONGS SKU DANG BSRE BA ZHES BYA'O, ,RLUNG DBU MAR 'JUG MI NUS PA'I GANG ZAG GIS NI 'DUN PA'I STOBS KYIS LEGS PAR DRAN PA BSTEN NAS GNYID KYI 'OD GSAL MTSAN NYID TSANG BA 'DZIN MI NUS KYANG, SMIG RGYU NAS SNANG MCHED THOB GSUM GYI BAR GYI SNANG BA 'DRA RUNG, GO RIMS 'CHOL BA THO RE BA DANG, RMI LAM MED PA'I GSAL LE BA DANG, MTHAR GNYID SAD RGYU YOD PA DE LTA BU LA YUN RE 'GA' GNAS NUS PA 'BYUNG STE, RLUNG DBU MAR ZHUGS PA'I SNANG MCHED THOB GSUM 'OD GSAL DANG BCAS PA MI 'DRA BAS, DE DAG GI SKABS SU DBU MA NAS KHAMS DKAR PO 'BAB PA'I BDE BA MI 'BYUNG LA,
DPER NA RLUNG DBU MAR ZHUGS PA LTA BU'I BDE STONG SBYOR RGYU MI 'ONG NA'ANG 'DUN PA'I STOBS KYIS 'OD GSAL 'DZIN PA LA SHAR BA'I SNANG BA DE DAG GI SKABS SU'ANG STONG PA NYID KYI LTA BA LA GZHAG PAR BYA'O, ,DE 'DUN PA'I STOBS KYIS 'DZIN PA DES GNYID KYI 'OD GSAL LAS RMI LAM GYI LUS RDO RJE 'CHANG GI SKUR LDANG MI NUS PAS, RMI LAM SHAR BA NA RMI LAM DU NGO SHES NAS RDO RJE 'CHANG GI SKUR BSGOM PA NI, 'DUN PA'I STOBS KYIS RMI LAM LONGS SKU DANG BSRE BA YIN NO, ,RMI LAM GYI LUS RDO RJE 'CHANG GI SKUR 'OD GSAL GYI NGANG LAS LANGS PA DANG, RMI LAM ZIN NAS RDO RJE 'CHANG GI SKUR 'OD GSAL GYI NGANG LAS LANGS PA DANG, RMI LAM ZIN NAS RDO RJE 'CHANG GI SKUR BSGOM PA GNYIS KAS GNYID SAD YONG NA, RANG GI LUS 'DI RDO RJE 'CHANG GI SKUR BSGOMS NAS DE LA RANG YE SHES SEMS DPA'I TSUL GYIS ZHUGS PAR BSGOM PA NI SAD PA SPRUL SKU DANG BSRE BA ZHES BYA'O, ,GZHI DUS KYI SKYE SHI BAR DO GSUM SKU GSUM DANG BSRE BA LA 'CHI BA CHOS SKUR BSRE BA, BAR DO LONGS SKUR BSRE BA, SKYE BA SPRUL SKUR BSRE BA GSUM, 'DI DAG GI NYAMS SU LEN TSUL NI, TSE 'DI'I NOR LONGS SPYOD THAMS CAD DGE PHYOGS SU BTANG, 'KHOR GA-YOG NYE 'BREL THAMS CAD LA 'DI RNAMS THAMS CAD SKYE BA SNGON MA NAS 'GROGS YONGS PA MIN, SKYE BA SNGON MA'I NYE 'BREL LONGS SPYOD SOGS 'DI LAS LHAG PA YOD DE, THAMS CAD BZHAG NAS RANG GCIG PUR 'ONG DGOS BYUNG, DER MA ZAD TSE RABS THAMS CAD DU LUS LONGS SPYOD NYE 'BREL THAMS CAD BZHAG PHYIN, BDAG GCIG PUR MA ZAD SEMS CAN
, ,THAMS CAD DE 'DRA SHA STAG YIN PAS, NYE 'BREL 'KHOR GA-YOG 'DI RNAMS THAMS CAD KHO RANG RNAMS KYANG RANG DBANG MED PAR 'GYES DGOS, 'DI RNAMS LA ZHEN CHAGS BYED PA'I DON MED SNYAM PA BYAS NAS TSE 'DI'I PHYOGS LA ZHEN CHAGS MED PAR BYAS, 'DI LTAR RANG DBANG MED PAR SKYE RGA NA 'CHI'I SDUG BSNGAL 'DI THAMS CAD YUL STENG NAS GRUB PA GANG YANG MED PA LA, YUL STENG NAS GRUB PAR BZUNG NAS ZHEN CHAGS BYAS PA 'DIS LAN 'DUG PAS GNYIS SNANG RAGS PA 'GAGS PA'I SNANG MCHED THOB GSUM 'OD GSAL DANG BCAS BA SHAR BA NA, BDE STONG GNYIS SU MED PA'I CHOS SKU'I NGANG DU BSRE PAR BYA'O SNYAM DU 'DUN PA DRAG PO BTANG NAS GSANG SNGAGS KYI DAM TSIG DANG 'GAL BA'I NYES PA BYAS PA RNAMS LA 'GYOD PA DRAG PO BSKYED DE, ,BLA MED KYI DBANG MTSAN NYID TSANG BA GZHAN LA ZHU BA'AM RANG GIS BDAG 'JUG BLANGS PAS SNGAGS KYI SDOM LDAN DU BYAS TE, BLA MA'I RNAL 'BYOR BSGOMS NAS BDAG GIS 'CHI BA 'OD GSAL CHOS SKU DANG BSRE NUS PAR BYIN GYIS BRLAB TU GSOL, BAR DO LONGS SKU DANG BSRE NUS PAR BYIN GYIS BRLAB TU GSOL, SKYE BA SPRUL SKU DANG BSRE NUS PAR BYIN GYIS BRLAB TU GSOL SNYAM PA'I GSOL BA DRAG TU BTAB, DE NAS RANG YI DAM GANG YIN GYI NGA RGYAL BRTAN PA DANG DMIGS PA GSAL BAR BYAS TE, SMIG RGYU NAS 'OD GSAL GYI BAR RIM PA BZHIN DU SHAR BA NA NGO SHES PAR BYAS TE, BDE STONG GI YE SHES LA RTZE GCIG TU MNYAM PAR 'JOG CING, KHYAD PAR SNANG MCHED THOB GSUM 'OD GSAL DANG BCAS PA SHAR BA NA STONG NYID KYI LTA BA
RNAM DAG GI STENG DU BZHAG NAS CHOS SKU'I NGO BOR SONG SNYAM PA'I 'DZIN STANGS DRAG PO BYAS NAS RTZE GCIG TU 'JOG PA SOGS SNGAR LTAR BYED PA YIN, 'CHI BA CHOS SKU DANG BSRE BA'I TSUL YIN NO, ,DE YANG BSRE MKHAN GYI RNAL 'BYOR BA TSE 'DI'I SNGAR NAS SNYING GA'I RTZA MDUD LHAG MA MA LUS PAR GROL NAS SPYOD PA MA GRUB PA DANG, DE TZAM MA THOB KYANG NGAG DBEN MAN CHAD KYI RLUNG DBU MAR THIM PA'I RTAGS RNAMS RDZOGS PA NAS LUS DBEN THOG MAR GRUB PA YAN CHAD DANG, 'CHI BA'I SNGON DU RLUNG DBU MAR GTAN NAS 'JUG MA THUB KYANG MAN NGAG LA MKHAS SHING YID LA GCAGS PA'I GANG ZAG GSUM YOD LA, GSUM PO DE BAR DO LONGS SKUR LDANG TSUL MI 'DRA BA GSUM 'BYUNG STE, GANG ZAG DANG PO DES 'CHI BA 'OD GSAL, DPE'I 'OD GSAL GYI NGO BOR BSKYED NUS PAS DE LAS LDANG BA SHIN TU PHRA BA'I RLUNG SEMS DE LAS BAR DO 'BYUNG BA'I DOD LA RDO RJE 'CHANG GI SKUR DNGOS GNAS LA LANGS NAS DE'I RTEN LA SANGS RGYA BA YIN NO, ,GANG ZAG GNYIS PA DES 'CHI BA 'OD GSAL BDE STONG GI TING NGE 'DZIN KHYAD PAR CAN GYI NGO BOR BSKYED NAS, DE LAS LDANG BA NA SHIN TU PHRA BA'I RLUNG SEMS DNGOS GNAS LA RDO RJE 'CHANG GI SKUR MA SONG YANG RANG GI YID NGOR RDO RJE 'CHANG GI SKU'I RNAM PAR KHRIG STE LANGS PA'I SNANG BA 'BYUNG NGO, ,GANG ZAG GSUM PAS 'CHI BA 'OD GSAL GYI TSE STONG NYID GYI LTA BA RNAM DAG LA 'JOG NUS KYANG, DE LTAR LDANG BA NA RDO RJE 'CHANG GI SKUR RANG GI SNANG NGOR YANG LDANG MI NUS PAR BAR DO RANG DGA' BA'I LUS SU GRUB NAS, BAR DO LA BAR DOR NGO SHES PA NA BAR DO'I LUS DE RDO RJE 'CHANG GI SKUR SGOM PA YIN LA, DE DAG NI
, ,GANG ZAG DE RNAMS KYIS BAR DO LONGS SKU DANG BSRE BA YIN NO, ,DES NA YID NGOR RDO RJE 'CHANG GI SKUR LANGS PA'I GANG ZAG DE DANG, BAR DO NGO SHES NAS RDO RJE 'CHANG GI SKUR BSGOM PA GNYIS KYIS BAR DO'I SNANG BA THAMS CAD NGO BO BDE STONG GI YE SHES LA RNAM PAR RDO RJE 'CHANG GI RNAM PAR SHAR BA'I LHA'I NGO BOR BSGOMS NAS SKYE GNAS SOGS THAMS CAD LA CHAGS SDANG ZHEN PA BKAG STE GANG DU SKYE BA LEN PA'I MNGAL DE GZHAL YAS KHANG DANG, DER MI BSKYOD PA NAM MKHA'I KHAMS GANG BA 'DUS NAS GCIG TU 'DRES PA'I DBUS SU BZHUGS PAR MOS NAS SKYE GNAS SU ZHUGS, BAR DO 'CHI BA'I SNANG MCHED THOB GSUM 'OD GSAL DANG BCAS PA SHAR BA NA, SNGAR LTAR CHOS SKU DANG BSRE ZHING DE LAS LUGS LDOG GI SNANG MCHED THOB GSUM 'OD GSAL DANG BCAS PA 'CHAR BAR RTZOM PA NA MNGAL DU ZHUGS ZIN PAS, DE'I TSE SPRUL SKU RDOR SEMS KYI RNAM PAR LANGS TE LHA'I NGA RGYAL GYIS GNAS PA NI SKYE BA SPRUL SKU DANG BSRE BA ZHES BYA'O, ,DE YANG TSE 'DIR RLUNG DBU MAR BCUG NAS CHOS SKU DANG BSRE NUS PA'I GANG ZAG GIS 'CHI BA 'OD GSAL LAS BAR DOR RDO RJE 'CHANG GI SKUR YID NGOR LANGS TE, RANG 'DOD NA MKHA' SPYOD LA SOGS PA'I GNAS SU 'PHO BAR NUS LA, SNGAR BSHAD PA LTAR SKYE BA SPRUL SKU DANG BSRE BA'I GDAMS NGAG GI MI'I SKYE GNAS SU 'JUG NA'ANG SNGAGS 'GRUB PA'I RTEN KHYAD PAR CAN DU GDON MI ZA BAR SKYES NAS TSE 'DI LA LAM GYI RTOGS PA KHYAD PAR CAN BSKYED DE, DE NAS SKYE BA MANG POR MI THOGS PAR RDO RJE 'CHANG GI GO 'PHANG THOB BO, ,TSE 'DIR RLUNG DBU MAR ZHUGS PA'I RTAGS
MA THOB KYANG SKYE SHI BAR DO GSUM DANG, SKU GSUM BSRE TSUL GYI GO BA LEGS PAR CHAGS NAS 'CHI KHAR DAM TSIG DANG SDOM PA SOR BCUG STE, ,BLA MA'I MAN NGAG GI SGO NAS 'DUN PAS BSRE BA'I GANG ZAG SNGAR BSHAD PA'I THA MA DES KYANG 'DUN PA'I STOBS KYIS SNGAR BZHIN BSRES PAS SNGAGS 'GRUB PA'I RTEN DU SKYES TE, SNGAGS KYI LAM MA NOR BAR STON PA'I BSHES GNYEN DANG PRAD NAS GDAMS NGAG PHYIN CI MA LOG PAR THOB STE RTOGS PA KHYAD PAR CAN BSKYED PAS, DE NAS NGAN SONG DU SKYE BA MI SRID PAR SKYE BA THAMS CAD DU SNGAGS 'GRUB PA'I RTEN 'BA' ZHIG TU SKYE LA, DE YANG SKYE BA SNGA MA LAS PHYI MA PHYI MA RTOGS PA GONG NAS GONG DU 'GRUB PA'I SGO NAS MYUR DU SANGS RGYA BAR GDON MI ZA'O, ,GAL TE GDAMS NGAG DANG LDAN PA'I GANG ZAG LA SNANG MCHED THOB GSUM RIM GYIS 'BYUNG BA MIN PA'I GA-YANG DU LHUNG BA SOGS GLO BUR DU 'CHI DGOS PA BYUNG NA, TSE 'DI LA ZHEN CHAGS RBAD BCAD NAS SNANG BA 'DI THAMS CAD YUL STENG NAS GRUB RGYU RDUL TZAM MED SNYAM PA'I LTA BA'I STENG DU BZHAG BAR DO GRUB PA'I TSE BSRE TSUL SNGAR LTAR BYED, DE LTAR BYAS BAS GDON MI ZA BAR NGAN 'GRO LAS THAR RO, ,DE LTAR BDAG GI DAD PA'I LCAGS KYU YIS, ,DPAL LDAN BLA MA'I THUGS KYI BANG MDZOD LAS, ,MAN NGAG YID BZHIN NOR BU'I TSOGS BLANGS TE, ,BRTZON PAS NYAMS PA MED PA'I BYA DOR BYAS SKAL BZANG THEG PA MCHOG GI RIGS LDAN ZHING, ,RNAM DPYOD DAM TSIG LDAN PA'I SLOB MA YIS, ,MCHOG TU DAD PA'I GSUNG GIS BSKUL BA'I NGOR, ,RDO RJE 'DZIN PA CHOS SKU RGYAL MTSAN GYIS, ,LHAG BSAM DAG PA'I SEMS KYIS SBYAR PA LA, ,GNAS GSUM
, ,MKHA' 'GRO'I TSOGS RNAMS BZOD PAR MDZOD, ,RAB DKAR DGE BA'I MTHU YIS 'GRO BA KUN, ,SKYE SHI BAR DO'I GA-YANG SA LAS GROL NAS, ,RNAM MKHYEN THAR PA'I KHANG BZANG NYAMS DGA' BAR, ,ZAG MED BDE PA'I DPAL LA SPYOD PAR SHOG ,('DI CHOS RJE BA SO BA'I ZIN BRIS SO,,) ` ,,GNYIS PA NI, RGYAL BA KHYAB BDAG RDO RJE 'CHANG DANG DBYER MA MCHIS PA'I DPAL LDAN BLA MA DAM PA'I ZHABS LA GUS PA CHEN POS PHYAG 'TSAL ZHING SKYABS SU MCHI'O, BRTZE BA CHEN POS 'BRAL BA MED PAR RJES SU BZUNG DU GSOL, RGYUD SDE BLA NA MED PA'I ZAB PA'I GNAD MTHAR THUG PA BSRE BA'I MAN NGAG GI GNAD ZHIB PAR GZHAN DU BRJOD PA NI, RJE BTZUN TZONG KHA PA YAB SRAS KYI GSUNG RAB KYI DGONGS PA'I GNAD DRIL BA ZHAL GYI MAN NGAG GIS LEGS PAR BRGYAN TE GSAL BAR BRJOD PA YIN PAS, DER BSHAD PA LTAR GZHI LAM GYI SKABS KYI SNANG MCHED THOB GSUM 'OD GSAL DANG BCAS PA 'CHAR TSUL DANG, GZHI DUS KYI BAR DO DANG SKYE BA LEN TSUL LA SOGS PA GZHI'I GO BA LEGS PAR CHAGS PA'I GANG ZAG LA NYAMS SU LEN TSUL GYI GNAD 'GAG DRIL BA LAG TU BLANG BDE BAR BRJOD NA, GZHI DUS KYI SKU GSUM DANG BSRE BA, LAM DUS KYI SKU GSUM DANG BSRE BA, GNYING DUS KYI SKU GSUM DANG BSRE BA, THAMS CAD KYANG RLUNG STOBS KYIS BSRE BA, 'DUN PA'I STOBS KYIS BSRE BA GNYIS SU 'DUS SHING, DANG PO RLUNG STOBS KYIS BSRE BA'I TSUL NI, RLUNG DBU MAR 'JUG NUS PA'I GANG ZAG GI RLUNG DBU MAR ZHUGS GNAS THIM GSUM BYAS PA LA BRTEN NAS
SNANG MCHED THOB GSUM 'OD GSAL DANG BCAS PA SHAR BA'I CHE DBU MA'I NANG DU RLUNG ZHUGS PA'I DROD 'BAR BA'I STOBS KYIS KHAMS DKAR PO ZHU BA DBU MA'I NANG NAS 'BAB PAS SEMS BDE BA'I NGO BOR MER SONG BA DES, CHOS THAMS CAD RANG NGOS NAS GRUB PA RDUL TZAM YANG MED PA'I STONG PA NYID YIN SNYAM DU BLO THAG RBAD BCAD PA'I 'DZIN STANGS LHANG NGE BA DE LA BZHAG NAS CHOS SKU'I NGO BOR SONG SNYAM PA BYED, KHYAD PAR 'OD GSAL GYI SKABS SU BDE STONG GI NGANG DU 'JOG CI THUB BYED PA CHOS SKU DANG BSRE BA YIN NO, ,DE NAS 'OD GSAL LAS SEMS GA-YO BAR RTZOM PA NA SNYING GA'I MI SHIGS PA'I THIG LE LA SEMS GTAD PAS RANG GI SEMS DANG SHIN TU PHRA BA'I RLUNG SEMS GNYIS 'KHRUG STE 'DRES PA DANG SNYING GA'I KHAMS DKAR DMAR GYI THIG LE DE KHA GSHAG STE BYE BA'I NANG NAS, SHIN TU PHRA BA'I RLUNG SEMS DE RGYANG STE THON NAS RANG GI LUS 'DI LAS PHYI ROL TU RDO RJE 'CHANG GI SKUR LANGS PAR BSGOM PA NI LONGS SKU DANG BSRE BA YIN LA, DE YANG RLUNG THIM PA'I 'OD GSAL THOB TZAM NAS RDO RJE 'CHANG GI SKUR DNGOS GNAS LA LDANG MI NUS KYANG YID DOR LDANG BA YIN, DE LTAR RTZE GCIG TU GOMS PAR BYAS PAS TSE 'DIR SEMS DBEN GYI DPE'I 'OD GSAL RDZOGS PAR THOB PA'I RNAL 'BYOR PA DES SNGAR LTAR BSRES PAS RDO RJE 'CHANG GI SKUR DNGOS GNAS LA LDANG NUS LA, BAR DOR MCHOG 'GRUB PA'I GANG ZAG GIS KYANG 'CHI BA 'OD GSAL DPE'I 'OD GSAL GYI NGO BOR GRUB NAS, DE'I MTHAR RDO RJE 'CHANG GI SKUR LDANG LUGS SNGAR LTAR BYAS PAS BAR DO GRUB PA'I DOD PA RDO RJE 'CHANG GI SKU 'GRUB STE DE'I RGYUN LA
, ,SANGS RGYA BA YIN NO, ,SNGAR GYI YID NGOR RDO RJE 'CHANG GI SKUR LANGS PA DES KYANG SNGAR RANG GI PHUNG PO 'DI RDO RJE 'CHANG GI SKUR BSGOMS NAS DE LAS YE SHES SEMS DPA'I TSUL GYIS 'JUG PA NI SPRUL SKU DANG BSRE BA YIN NO, , GZHI LAM THAMS CAD KYI SKABS SU RLUNG DBU MAR 'JUG NUS PA'I GANG ZAG GIS BSRE TSUL 'DI KHO NAR NGES LA, GNYID KYI SKABS SU BSRE BA YANG GNYID DU 'GRO BA'I TSE SNYING GAR DMIGS PA GTAD PA DE'I TSE DBANG SHES LNGA'I BZHON PA'I RLUNG RNAMS SNYING GA'I RTZA 'DAB KYI NANG DU GNYID KYI RKYEN GYIS RANG SHUGS KYIS 'DU BA'I GNAD KYIS RLUNG DBU MAR 'DU PHUL NYIN BAR LAS CHE BA ZHIG 'ONG BAS, SNANG MCHED THOB GSUM 'OD GSAL DANG BCAS PA NYIN PAR LAS GSAL BAR 'CHAR ZHING, DE'I TSE CHOS SKU DANG BSRE BA SNGAR LTAR BYED LA, GNYID KYI 'OD GSAL LAS SEMS GA-YOS NAS RMI LAM 'CHAR BAR RTZOM PA NA, RMI LAM GYI LUS RDO RJE 'CHANG GI SKUR LDANG BA'I TSUL DANG, DE NAS RANG GI LUS LA 'JUG TSUL SNGAR LTAR BYED PA YIN NO, ,RLUNG DBU MAR 'JUG MI NUS PA'I GANG ZAG GIS 'DUN PA'I STOBS KYIS BSRE BA LA, GNYID KYI SKABS SU BSRE TSUL DANG, 'CHI BA'I TSE BSRE TSUL GNYIS, DANG PO NI, RLUNG DBU MAR 'JUG MI NUS PA'I GANG ZAG GIS 'DUN PA'I STOBS KYIS GNYID KYI 'OD GSAL 'DZIN 'DOD PAS GNYID DU 'GRO BA'I TSE, SNANG MCHED THOB GSUM 'OD GSAL DANG BCAS PA 'BYUNG BA CIS KYANG THIM PAR BYED DGOS SNYAM PA'I 'DUN PA NYIN PAR GYI SKABS SU YANG YANG DRAG PO GTAD NAS, GNYID LA 'GRO KHAR BLA MA'I RNAL 'BYOR BSGOMS
LA, BDAG GIS GNYID KYI 'OD GSAL 'DZIN NUS PAR BYIN GYIS BRLAB TU GSOL SNYAM PA'I GSOL 'DEBS DRAG PO BTAB STE, SNANG MCHED THOB GSUM SOGS BYUNG BAR RIG PAR BYED DGOS SNYAM PA'I DRAN PA LEGS PAR BSTEN NAS NYAL BAS, SMIG RGYU NAS 'OD GSAL GYI BAR RDZOGS PA'I GO RIMS MA 'PHYUGS PA MI 'CHAR YANG, SMIG RGYU, DU BA, MKHA' SNANG, MAR ME, NYI ZLA SOGS KYI SNANG BA RLUNG DH'U T'IR THIM PA LA BRTEN NAS 'BYUNG BA'I SNANG BA DANG 'DRA RUNG BA GO RIMS 'CHOL BA SNA TSOGS 'CHAR BA SRID LA, DE'I TSE STONG PA NYID KYI LTA BA RNAM DAG GI STENG DU SNGAR LTAR 'JOG PA NI CHOS SKU DANG BSRE BA YIN NO, ,RMI LAM 'DUN PA'I STOBS KYIS BSRE BA'I TSUL NI, NYIN PAR GNYID DU 'GRO KHA YIN CHAD DA LTA'I SNANG BA 'DI THAMS CAD RMI LAM YIN, NGAS RMI LAM LA RMI LAM DU NGO SHES PAR BYED DGOS SNYAM PA'I DRAN PA RGYUN DU BSTEN PAS RMI LAM SHAR BA NA, RMI LAM DU NGO SHES PAR 'BYUNG LA, DE'I RMI LAM GYI LUS RDO RJE 'CHANG DU BSGOM PA NI, RMI LAM 'DUN PA'I STOBS KYIS LONGS SKU DANG BSRE BA YIN LA, DE'I TSE RLUNG DBU MAR SDUD PA'I GDAMS NGAG BSGOM PA NI, RMI LAM GYI DGE SBYOR GYI GTZO BO YIN LA, DE LTA BU'I GDAMS NGAG MI SHES NA STONG NYID KYI LTA BA RNAM DAG GI STENG DU 'JOG PA NI, 'OG MA RNAMS DANG THUN MONG BA YIN NO, ,DE NAS GNYID SAD PAR RTZOM PA NA RANG GI LUS 'DI RDO RJE 'CHANG GI SKUR BSGOM PA NAS, DE LA YE SHES SEMS DPA'I TSUL GYIS ZHUGS PAR BSGOMS NAS LDANG BA NI SAD PA SPRUL SKU DANG BSRE BA YIN NO, ,'CHI BA'I TSE 'DUN PA'I STOBS KYIS
, ,BSRE TSUL NI, TSE 'DIR RLUNG DBU MAR 'JUG PA'I NUS PA MA THOB KYANG 'CHI BA'I TSE SMIG RGYU NAS 'OD GSAL GYI BAR 'BYUNG TSUL RNAMS LEGS PAR NGES NAS, YANG YANG YID LA BYAS PA'I GOMS PA SHUGS CAN YOD PA'I GANG ZAG GIS 'CHI BAR THAG CHOD PA NA, LONGS SPYOD THAMS CAD DGE PHYOGS SU BTANG, LUS DANG NYE 'BREL SOGS TSE 'DI'I SNANG BA GANG LA YANG ZHEN CHAGS MED PAR BYAS, DBANG MTSAN NYID DANG LDAN PAS SNGAGS SDOM SOR CHUD, BLA MA'I RNAL 'BYOR BSGOMS NAS GSOL BA DRAG PO BTAB, DE NAS SNGAR BLA MAS PHOG PA'I GDAMS NGAG GI DMIGS PA YID LA GSAL BTAB, RANG LHAG BSGOMS NAS SMIG RGYU, DU BA, MKHA' SNANG, ME KHYER, MAR ME 'BAR BA, SNANG MCHED THOB GSUM 'OD GSAL DANG BCAS PA'I SNANG BA RIM GYIS SHAR BA NA, CHOS SKU DANG BSRE BA'I TSUL SNGAR BSHAD PA LTAR BYAS NAS RTZE GCIG TU 'JOG PA NI, 'DUN PA'I STOBS KYIS CHOS SKU DANG BSRE BA YIN NO, ,DE YANG SPYIR 'CHI BA CHOS SKU DANG BSRE BA'I GDAMS NGAG RNAM PA GSUM STE, TSE 'DIR SNGAR NAS SNYING GA'I RTZA MDUD LHAG MA MA LUS PAR GROL NAS SPYOD PA MA GRUB PA DANG DE TZAM GYI RTOG PA MA THOB KYANG NGAG DBEN MAN CHAD KYI RLUNG DBU MAR THIM PA'I RTAGS RNAMS GRUB PA DANG, 'CHI BA'I SNGON DU RLUNG DBU MAR GTAN NAS 'JUG MA THUB PA'I GANG ZAG GSUM YOD PA LAS, GSUM PO DES BAR DO LONGS SKUR LDANG TSUL MI 'DRA BA GSUM 'BYUNG STE, GANG ZAG DANG PO DES 'CHI BA 'OD GSAL DPE'I 'OD GSAL DU BSKYED NUS PAS DE LAS LDANG BA NA,
SHIN TU PHRA BA'I RLUNG SEMS DE LAS BAR DO 'BYUNG BA'I DOD LA RDO RJE 'CHANG GI SKUR DNGOS GNAS LA LANGS NAS, DE'I RGYUN LA SANGS RGYA BA YIN NO, ,GANG ZAG GNYIS PA DES 'CHI BA 'OD GSAL BDE STONG GI TING NGE 'DZIN KHYAD PAR CAN GYI NGO BOR BSKYED NAS, DE LAS LDANG BA NA SHIN TU PHRA BA'I RLUNG SEMS DNGOS GNAS LA RDO RJE 'CHANG GI SKUR MA GRUB KYANG, RANG GI YID NGOR RDO RJE 'CHANG GI SKU'I RNAM PAR KHRIG STE LANGS PA'I SNANG BA 'BYUNG NGO, ,GANG ZAG GSUM PAS 'CHI BA'I 'OD GSAL GYI TSE STONG NYID KYI LTA BA RNAM DAG LA 'JOG NUS KYANG, DE LTAR LDANG BA NA RDO RJE 'CHANG GI SKUR RANG LA SNANG BA'I LDANG TSUL KYANG MI NUS PAS, BAR DO RANG DGA' BA'I LUS GRUB NAS BAR DO LA BAR DOR NGO SHES PA NA, BAR DO'I LUS 'DI RDO RJE 'CHANG GI SKUR BSGOM PA YIN LA, DE DAG NI GANG ZAG DE RNAMS KYI BAR DO LONGS SKU DANG BSRE BA YIN NO, ,DE NAS YID NGOR RDO RJE 'CHANG GI SKUR LANGS PA DANG, BAR DO NGO SHES NAS RDO RJE 'CHANG GI SKUR BSGOM PA GNYIS KYIS BAR DO'I SNANG BA THAMS CAD BDE STONG GI YE SHES LA RNAM PA RDO RJE 'CHANG GI RNAM PAR SHAR BA'I LHA'I NGO BOR BSGOMS NAS, SKYE GNAS SOGS THAMS CAD LA CHAGS SDANG DANG ZHEN PA BKAG STE, GANG DU SKYE BA'I PHA MA RDO RJE 'CHANG YAB YUM DU BSGOMS NAS DE LA RANG YE SHES SEMS DPA'I TSUL DU 'JUG PA NI SKYE BA SPRUL SKU DANG BSRE BA ZHES BYA'O, ,DE LTAR TSE 'DIR RLUNG DBU MAR BCUG NAS CHOS SKU DANG BSRE NUS PA'I GANG ZAG GIS 'CHI BA 'OD GSAL LAS BAR DOR RDO RJE 'CHANG GI SKUR YID NGOR LANGS TE, RANG 'DOD NA MKHA' SPYOD LA SOGS PA'I GNAS SU 'PHO BAR NUS LA,
, ,SNGAR BSHAD PA LTAR SKYE BA SPRUL SKU DANG BSRE BA'I GDAMS NGAG GIS MI'I SKYE GNAS SU 'JUG NA'ANG SNGAGS BSGRUB PA'I RTEN KHYAD PAR CAN DU GDON MI ZA BAR SKYES NAS TSE DE LA LAM GYI RTOGS PA KHYAD PAR CAN BSKYED DE, DE NAS SKYE BA MANG PO MI THOGS PAR RDO RJE 'CHANG GI GO 'PHANG THOB BO, ,TSE 'DIR RLUNG DBU MAR ZHUGS PA'I RTOGS PA MA THOB KYANG, SKYE SHI BAR DO GSUM SKU GSUM DANG BSRE TSUL GYI GO BA LEGS PAR CHAGS NAS, 'CHI KHAR DAM TSIG DANG SDOM PA SOR BCUG STE BLA MA'I MAN NGAG GI SGO NAS 'DUN PA'I BSRE BA'I GDAMS NGAG SNGAR BSHAD PA'I THA MA DES KYANG 'DUN PA'I STOBS KYIS SNGAR BZHIN BSRES PAS, SNGAGS GRUB PA'I RTEN DU SKYES TE SNGAGS KYI LAM MA NOR BAR STON PA'I BSHES GNYEN DANG PHRAD NAS GDAMS NGAG PHYIN CI MA LOG PA THOB STE RTOGS PA KHYAD PAR CAN BSKYED PAS, DE NAS NGAN SONG DU 'GRO BA MI SRID PA'I PHYIR, SKYE BA THAMS CAD DU SNGAGS GRUB PA'I RTEN 'BA' ZHIG TU SKYE LA, DE YANG SKYE BA SNGA MA SNGA MA LAS PHYI MA PHYI MA RTOGS PA GONG NAS GONG DU 'GYUR BA'I SGO NAS MYUR DU SANGS RGYA BAR GDON MI ZA'O, ,GAL TE GDAMS NGAG DANG LDAN PA'I GANG ZAG LA SNANG MCHED THOB GSUM SOGS RIM GYIS 'BYUNG BA MIN PA'I GA-YANG DU LHUNG BA SOGS KYIS GLO BUR DU 'CHI DGOS PA BYUNG NA, TSE 'DI LA SRED PA RBAD BCAD NAS SNANG BA 'DI THAMS CAD YUL STENG NAS GRUB RGYU MED SNYAM PA'I BDAG MED PA'I STENG DU BZHAG NAS BAR DO GRUB PA'I TSE BSRE TSUL SNGAR
LTAR BYED, DE LTAR BYAS PAS GDON MI ZA BAR NGAN 'GRO LAS THAR RO,, ` DE LTAR BDAG GI DAD PA'I LCAGS KYU YIS, ,DPAL LDAN BLA MA'I THUGS KYI BANG MDZOD LAS, ,MAN NGAG YID BZHIN NOR BU'I TSOGS BLANGS TE, ,BRTZON PAS NYAMS PA MED PA'I BYI DOR BYAS, ,SKAL BZANG THEG PA MCHOG GI RIGS LDAN ZHING, ,RNAM DPYOD DAM TSIG LDAN PA'I SLOB MA YIS, ,MCHOG TU DAD PA'I GSUNG GIS BSKUL BA'I NGOR, ,RDO RJE 'DZIN PA CHOS KYI RGYAL MTSAN GYIS, ,LHAG BSAM DAG PA'I SEMS KYIS SBYAR BA LA, ,GNAS GSUM MKHA' 'GRO'I TSOGS KYIS BZOD PAR MDZOD, ,RAB DKAR DGE BA'I MTHU YIS 'GRO BA KUN, ,SKYE SHI BAR DO'I GA-YANG SA LAS GROL NAS, ,RNAM MKHYEN THAR PA'I KHANG BZANG NYAMS DGA' BAR, ,ZAG MED BDE BA'I DPAL LA SPYOD PAR SHOG ,RJE BTZUN MAR PA LHO BRAG PA'I GDAMS PA BSRE 'PHO'I GDAMS PA'I GNAD MA LUS PA, RJE BTZUN 'JAM DPAL DBYANGS DANG GRUB CHEN GYIS BYIN GYIS BRLABS PA LA BRTEN NAS, RJE BTZUN TZONG KHA PAS RNYED PA'I TSUL GSANG BA'I RNAM PAR THAR PA NAS 'BYUNG NA'ANG RJE YAB SRAS RNAMS KYI GSUNG RAB RNAMS SU BSHAD PA RGYAS PAR BKOD PA LA BRTEN NAS GO BA'I SPYI LEGS PAR CHAGS THUB PA YOD MOD, NYAMS LEN LA DRIL BA'I TSE GDAMS NGAG GI GNAD ZHIB CHA ZHAL LAS SHES DGOS PA RNAMS GSAL BAR STON TE, BSRE BA'I TSUL BDAG GIS RGYAS PAR BKOD PA LAS, SLAR YANG LAG TU BLANG BA'I PHYIR NYUNG NGUR BSDUS NAS SBYAR BA'I DGE BAS, BDAG DANG DAM TSIG LDAN
, ,PA'I SLOB MA'I TSOGS RNAMS SKYE BA 'DI'I 'OG ROL TU MKHA' SPYOD DANG, RIG PA 'DZIN PA'I SKYE GNAS SU SKYE BAR GYUR CIG ,SA MA YA MU KHm, 'DIS KYANG BSTAN PA RGYAS PAR GYUR CIG ,('DI YANG CHOS RJE BA SO BA'I ZIN BRIS SO,,) ` ,,BCU GSUM PA 'PHO PA'I YIG CHUNG LA GNYIS, RTZA BA DANG YAN LAG GO ,DANG PO NI, RJE BTZUN DAM PA RNAMS LA PHYAG 'TSAL LO, ,'PHO BA'I RNAL 'BYOR GYI YI GE BKOD PA'I SKABS SU SNYING GA CHOS KYI 'KHOR LO'I DBUS KYI DH'U T'I'I NANG DU SROG 'DZIN GYI RLUNG GI NGO BO RLUNG GI DKYIL 'KHOR GZHU GDUNGS PA LTA BU THUR DU LTA BA'I DKYIL NAS RANG GI RNAM SHES KYI NGO BO H'Um YIG MGO THUR DU LTA BA, H'Um GI KLAD KOR GYI 'OG TU RNAM SHES KYI BZHON PAR GYUR PA'I RLUNG MTSON BYED YUm YIG GNYIS MGO THUR DU BSTAN TE GSHIBS PA'I YUm GYI ZHABS KYU GNYIS KYI BAR DU H'Um YIG KLAD KOR CHUD TZAM BYED CING, YUm GNYIS PO DE'I BAR DU H'Um YIG MGO THUR DU BLTA BA CHUD PAR BYED, H'Um YIG GI ZHABS KYU'I STENG DU RNAM SHES KYI BZHON PA'I RLUNG GI NGO BO YUm YIG GNYIS MGO THUR DU LTA BA'I YUm GNYIS KYI KLAD KOR GYI BAR DU H'Um GI ZHABS KYU CHUD TZAM BYED CING, YUM GNYIS PO DE'I BAR DU KA YIG MGO THUR DU LTA BA CHUD PAR BYED DO, ,DE LTAR BYAS PAS 'PHO KHRID CHEN MO DANG, RJE BTZUN TZONG KHA PA CHEN PO'I BSRE 'PHO'I MAN NGAG DANG, MAN NGAG SNYE MA RNAMS DANG MI 'GAL ZHING, DGONGS PA GCIG PA'I DES PA BDE BLAG TU STER BAR 'GYUR ZHING, 'PHO KHRID CHEN MO'I SKABS DANG,
MAN NGAG SNYE MAR YUm GYI BAR DU HAm BKOD CES PA'I DON YANG KHONG DU CHUD PAR 'GYUR RO, ,'PHO BA'I SKABS KYI YUM YIG GNYIS KA MGO GYEN LTA BYED PA'I DON H'Um YIG GI MGO PHYOGS LA STENG DU BYAS NAS DE LTAR BYA LA, GYEN DU LTA ZHES GSUNGS PA YIN CING, H'Um DANG MGO BO LTA PHYOGS MI 'DRA BA MIN NO, ,SROG 'DZIN GYI RLUNG MTSON BYED KYI DKYIL 'KHOR GZHU GDUNGS PA LTA BU'I DBUS SU BSGOM ZHES PA'I DON SHEL DVANGS PA'I PHRENG BA'I DKYIL NAS YAR PHRENG THAG YOD PA LTAR BSGOM PA MAN NGAG YIN NO, ,SNYING GAR YI GE LNGA ZHES DNGOS SU GSUNGS SHING, 'DIR YI GE BDUN DU BYED PA MI 'GAL TE, STENG GI YUm GNYIS PO NGO BO GCIG DANG, 'OG GI YUm GNYIS PO NGO BO GCIG PAS SKYON MED DO, ,MAN NGAG 'DI DANG MI LDAN PAR, , 'PHO BA'I NYAMS LEN BYED PA KUN, ,SMIG RGYU'I CHU LA 'THUNG DANG MTSUNGS, ,DE BAS 'DI LA GCES PAR BZUNG, ,('PHO BA'I MAN NGAG SHIN TU GCES PA'I YIG CHUNG MKHAS GRUB RJES ZIN BRIS MDZAD PA BKA' RGYA DAM PAR YOD DO,,) ` ,,GNYIS PA DE'I YAN LAG RGYAS PAR BSHAD PA NI, DRUG PA RDO RJE 'CHANG GI NGO BO RJE BTZUN BLA MA DMIGS PA MED PA'I THUGS RJE CHEN PO DANG LDAN PA'I ZHABS LA PHYAG 'TSAL LO, ,BRTZE BA CHEN POS DUS THAMS CAD DU BZUNG DU GSOL, 'PHO BA BSDUS TE NYAMS SU BLANG TSUL NI, DA LTA NAS SGOM PAR BYED TSUL DANG, DUS THA MAR LAS LA SBYOR TSUL GNYIS, DANG PO NI, RANG YI DAM LHA GANG YIN DU BSGOM, LUS KYI DBUS DRANG PO NAS RTZA DBU MA THAL MAR STENG 'OG TU YOD PA'I SNYING GA'I RTZA 'KHOR GYI DH'U T'I'I
, ,NANG NA RANG GI RNAM SHES KYI NGO BO H'Um YIG SNGON PO MGO THUR DU BLTAS PA, DE'I MGO BO'I 'OG TU YUm YIG SNGON PO MGO THUR DU BLTAS PA GNYIS KYI MJUG MA'I H'Um YIG MGO BO GA-YAS GA-YON NAS BRTEN PA, DE'I 'OG TU KA YIG SNGON PO MGO THUR DU BLTAS PA'I MJUG MA YUm YIG GNYIS KYIS MJUG MAS GA-YAS GA-YON NAS BRTEN PA, H'Um GI ZHABS KYU'I STENG DU'ANG YUm YIG SNGON PO MGO THUR DU BLTAS PA GNYIS KYIS H'Um GI ZHABS KYU'I GA-YAS GA-YON NAS BRTEN PA, DE'I STENG DU HAm YIG SNGON PO MGO THUR DU BLTAS PA'I MGO BO YUm YIG GNYIS KYI MJUG MAS GA-YAS GA-YON NAS BRTEN PA GSAL BTAB, RANG GI SHES PA DBUS KYI H'Um YIG DANG DBYER MED DU BYAS NAS SPYI BO TSANGS BUG GI BAR GYI DBU MA'I NANG MAR ME BTEG PA BZHIN GSAL SING NGE MTHONG BAR MOS, TSANGS BUG GI NANG NA HAm YIG DKAR PO MGO THUR DU BLTAS PAS BKAG PAR BSGOM, DE NAS RLUNG PHYIR 'GRO BA NA SNYING GA'I YI GE THAMS CAD MGO GYEN DU LTA BA DANG MNYAM DU SNGAR GYI YI GE BRTZEGS PA'I RIM PA DE 'GYUR NAS SNGAR 'OG NA GNAS PA'I KA YIG SNGON DU 'GRO, DE'I RJES SU 'OG GI YUm YIG GNYIS, DE'I RJES SU DBUS KYI H'Um, DE'I RJES SU STENG GI YUm YIG GNYIS, DE'I RJES SU STENG GI HAm YIG GNYIS 'GRO BA'I TSUL GYIS RLUNG GIS BDAS NAS TSANGS BUG GI HAm YIG LA REG PA TZAM DU THAL MAR 'GRO BAR BSGOM, RLUNG NANG DU 'JUG PA NA YI GE RNAMS MGO MJUG BSGYUR NAS SNGAR SNYING GAR GNAS PA'I RIM PA BZHIN DU BYAS TE, RLUNG GIS THUR DU BDAS NAS SNYING GA'I RTZA 'KHOR GYI DBUS SU 'ONGS,
DE LTAR 'BYUNG 'JUG DANG BSTUN NAS STENG 'OG TU 'GRO 'ONG BYED BA BAR MA CHAD PA CI TZAM NUS NUS KYI BAR BSGOM, SPYI GTZUG ZA BA DANG 'PHRIG PA SOGS BYUNG NA LEGS PO 'BYONGS PA YIN PAS, NUS PA MI NYAMS SHING BRTAN PA THOB PA'I PHYIR DE NAS KYANG RGYUN LDAN DU BSGOM DGOS SO, ,GONG GI YI GE RNAMS TSANG BAR BSGOM MA NUS NA SNYING GA'I DBUS SU H'Um YIG GCIG PU BSGOM, DE DANG SHES PA BSRES NAS SNGAR LTAR SBYONG BA YIN NO, ,LAS LA SBYOR BA NI, DUS LA BAB PA'I TSE LUS LONGS SPYOD LA CHAGS ZHEN SPANGS, SPYI GTZUG GI HAm YIG GSAL, SPYI BOR BLA MA RDO RJE 'CHANG GI RNAM PA CAN DU BSGOM, GSOL PA DRAG TU BTAB, RANG GI SHES PA H'Um DANG BSRES, HIG NYER GCIG BRJOD PA DANG SHES PA H'Um DANG BSRES PA DE DBU MA'I NANG NAS GYEN DU SONG STE, TSANGS BUG SKAR KHUNG KHA BYE BA 'DRA BA DE NAS THAL MAR THON TE BLA MA'I THUGS KAR THIM PAS, CHOS SKU'I NGANG DU DBYER MED DU 'DRES PAR BSGOM, DE LTAR BYAS PAS MKHA' SPYOD LA SOGS PA'I GNAS SU 'GRO BAR GDON MI ZA'O, ,BLO MCHOG TU GYUR PAS NI RIGS DRUG GI GNAS SO SOR 'PHO BA'I SGO DGUR YI GE BKOD NAS, 'GOG PA'I RNAL 'BYOR GYIS SGO DE DAG NAS RGYU BA'I RLUNG RENGS PAR BYED PA DANG, LTE BAR BUM PA CAN GYI RNAL 'BYOR GYIS RLUNG DH'U T'IR 'JUG PA LA 'BAD NAS, DE'I RJES SU LTE BA'I BUM PA CAN GYI RLUNG DH'U T'IR ZHUGS PA'I LHAN SKYES KYI YE SHES DE LAS LDANG BAR RTZOM PA NA, DH'U T'I'I DBUS KYI GTUM MO'I ME SHIN TU PHRA ZHING RNO BA GYEN DU SONG STE, SNYING GA'I DH'U T'I'I NANG GI YI GE RNAMS LA
, ,PHOG PAS YI GE RNAMS SNGAR BSHAD PA BZHIN MGO GYEN DU LDOG PA DANG MNYAM DU SNYING GA'I RTZA 'DAB RNAMS GDUGS KHA SPUB PA LTA BU'I DBYIBS SU YOD PA DE GYEN DU LDOG NAS, GDUGS KHA GYEN DU BSTAN PA LTA BUR BSGOM ZHING, YI GE RNAMS THUR DU BABS TE SNYING GAR SLEB MA THAG SNGAR BZHIN RTZA 'DAB KHA THUR LTAS SU SONG BAR BSGOM PA YIN NO, ,SGO DGU'I YI GE 'GOD TSUL KHRID YIG CHEN MO GSER GYI SGO 'BYED DU MDZAD PA LTAR YIN CING, CHOS RJE SH'AKA YES PA LA GNANG BA'I YIG CHUNG DU STENG 'OG TU YUm YIG RE RE LAS MA GSUNGS SHING, YI GE 'GA' ZHIG MGO GYEN BSTAN DANG, KHA DOG DKAR POR MDZAD KYANG PHYIS KHRID YIG CHEN MOR SNGAR BZHIN DU MDZAD PA, MKHAS GRUB THAMS CAD MKHYEN PA NAS BRGYUD PA DANG, JI GDAN BSOD NAMS LHUN GRUB NAS BRGYUD PA GNYIS KA YIG CHUNG BDUN DANG, 'GOD TSUL SNGAR LTAR MDZAD PA YIN CING, YIG CHAR MI GSAL BA BLA MAS BSTAN DGOS PA'I ZHAL SHES NI RTZA 'KHOR LDOG PA DANG, YI GE LDOG PA'I TSUL YIN LA, RTZA 'KHOR LDOG PA'I TSUL NI, GDUGS PHYI NANG BSGYUR BA BZHIN BLA 'OG BSGYUR BA MIN GYIS, DMIGS PA SNGAR BZHIN BYAS PA NA RTZA 'KHOR GYI LTE BA LA 'OG NAS 'ONG BA'I RLUNG 'PHOG PA'I SHUGS KYIS DAR GYI SHAM BU GYEN DU BTEG PA BZHIN BSGOM PA YIN LA, 'CHI BA'I DUS SU'ANG SNYING GAR RLUNG 'DUS PA NA RTZA 'DAB GYEN LA PHYOGS TSUL DE BZHIN DU 'ONG BA YIN NO, ,YI GE LDOG PA'I TSUL NI, DBYUG PA MGO MJUG BSGYUR BA LTAR SONG BAR BSGOM PA DANG, KHA CIG THANG SKU'I
ZHAL KHEBS BSGRIL BA LTAR 'OG NAS RIM PA BZHIN BSGRIL NAS, STENG 'OG BSGYUR BAR BSGOM PA RNAMS NI DON MA GO BAR BLOS BTAGS KYIS TSOD 'JOG PA YIN PAS MI RUNG NGO, ,DES NA YI GE DE DAG GI PHYI ROL TU RLUNG PHOG PAS ZHVA RLUNG GIS KHYER BA LTAR SONG BA MA YIN GYI, DH'U T'I'I NANG NAS GYEN DU 'ONGS PA'I RLUNG DE YI GE DE DAG GI NANG DU ZHUGS PAS RE RE ZHING PHYI NANG LOG STE RLUNG DANG LHAN CIG TU STENG DU SONG BAS, DAR GYI SBU GU'I NANG DU DBYUG PA BRDZANGS NAS PHYI NANG LOG BA NA 'OG NA GANG YOD PA DE DA BYUG PA'I RTZE LA BLANGS TE STENG DU 'ONG LA, SNGAR STENG NA GANG YOD PA DE DAG 'OG MAR 'GYUR BA BZHIN NO, ,DE BZHIN DU 'OG TU 'JUG PA NA'ANG RLUNG SNA BUG NAS NANG DU 'JUG BA NA'ANG, RLUNG GIS KA YIG GI RTZE NAS SNGAR BZHIN LDOG PAS KA YIG PHYI NANG LOG PA BZHIN MGO THUR DU BSTAN NAS RLUNG GIS RTZE LA SNGON DU KHYER TE, GZHAN RNAMS RE RE NAS LDOG PAS SNYING GAR BKOD PA'I RIM PA BZHIN BYAS NAS SNYING GAR SLEB PA NA DE'I SHUGS KYIS RTZA 'DAB RNAMS KYANG KHA THUR DU LTA BA YIN NO, ,BLA MA'I MAN NGAG LAS SHES DGOS PA 'DI RNAMS MA GTOGS YIG CHAR GSAL BA KHO NA YIN GYI, 'DI DAG LAS GZHAN PA'I MAN NGAG GZHAN GYI 'KHRID LUGS SNA RE TZAM MTHONG BA DANG THOS PA 'DIR BSRE BA DANG, PHO TSOD KYIS SBYAR BA'I YI GE MANG DU BYAS NAS RJE TZONG KHA PA'I ZHAL SHES YIN NO ZHES SMRA BA NI, RNYED PA DANG BKUR STI SGRUB PA'I PHYIR LUGS MI MTHUN PA RNAMS GCIG TU BSRES PAS 'CHOL MA'I BU LTA BU'I GDAMS NGAG GIS GZHAN RNAMS SLU BAR BYED PA YIN PAS, BLO GROS DANG LDAN PA YANG DAG PA'I
, ,LAM DON DU GNYER PA RNAMS KYIS RING DU DOR TE LAM BZANG PO LA 'JUG PAR BYA'O,, ` MAN NGAG YID BZHIN NOR BU 'DI, ,DAD PA'I RGYAL MTSAN RTZER BKOD PAS, ,RDO RJE'I TSE LA DBANG THOB NAS, ,BSAM BZHIN DAG PA'I GNAS BGROD SHOG ,(GCUNG CHOS RGYAL BA'I ZIN BRIS SO),, ` ,,BCU BZHI PA BOGS 'DON LA MDOR BSTAN RGYAS BSHAD GNYIS LAS, DANG PO NI, RJE BTZUN BLA MA RDO RJE 'CHANG DANG DBYER MA MCHIS PA DANG DPA' BO MKHA' 'GRO'I TSOGS LA PHYAG 'TSAL LO, ,DNGOS GRUB RGYA MTSO 'DU BAR MDZOD, LUS DBEN GYI SKABS SU DMIGS RTEN GSAL PO BYUNG YANG, RLUNG JI LTA BA BZHIN 'DU MA 'DOD NA RTZA'I SBUBS THAMS CAD NAS RLUNG SPOS RENG GI DUD PA'I RNAM PA CAN, STOD SMAD THAMS CAD NAS DMIGS PAS BKUG STE, DMIGS RTEN LA THIM PA YANG YANG BYAS PAS MYUR DU GNAS DER 'DUS NAS RTAGS RNAMS 'CHAR BA'I RLUNG GI BOGS 'DON KHYAD PAR BA YIN NO, ,LUS DBEN SOGS GANG GI SKABS SU 'ANG SEMS RMUGS PA DANG BYING BA SOGS BYUNG NA RTZA'I NANG THAMS CAD DANG KHYAD PAR DBU MA'I NANG DU SGRON ME SHIN TU GSAL BA'I 'OD KYIS KHYAB PA LTA BUR 'TSOR ZHING DVANGS PA BSGOM PAR BYA'O, ,'DI GSAL BA'I BOGS 'DON YIN NO, ,DMIGS PA GSAL YANG BDE NYAMS CHUNG NA RTZA'I NANG THAMS CAD BYANG SEMS SKAR MA SHAR BA LTA BUS GANG BA, BDE BA CHEN PO'I NGO BOR ZHU BA RNAMS DBU MA LA PHYOGS PAR RGYUG PA, KHYAD PAR SPYI BO'I HAm ZHU BA DGA' BZHI'I RIM PAS 'ONGS PA DANG 'GROGS TE NOR BU'I RTZER SLEBS
PAS, LHAN CIG SKYES PA'I DGA' BA MYONG BAR BSAM PA NI RLUNG 'DU ZHING BDE BA'I BOGS 'DON PA YIN NO, ,GNYIS PA NI, GSHED SKAR SOGS RDZOGS RIM GZHAN GYI SKABS SU'ANG, DMIGS RTEN THIG LE SOGS GSAL BTAB NAS DE'I RJES SU SEMS THIG LE LA THIM PA'I TSUL GYIS BCUG NAS, 'DZIN PA'I TSUL LA MKHAS PAR BYAS TE RTZE GCIG TU BSGOMS PAS RTAGS BZHI DANG STANG PA BZHI 'CHAR ZHING DE DANG DUS MNYAM DU DGA' BA BZHI YANG 'DI DAG GI SKABS SU STOBS CHE BAR 'BYUNG MOD, 'ON KYANG DMIGS PA GSAL NYAMS CHUNG BA DANG, BDE BA SHAS CHUNG BA BOGS 'DON PA'I ZHAL SHES NI, RANG YI DAM DU GSAL BTAB PA'I LTE BA DANG, GSANG GNAS SOGS SU DMIGS PA GTOD PA DANG, PHRA MO BSGOM PA SOGS RANG RANG GI DMIGS RTEN 'OD ZER 'PHRO BA 'TSER BA ME 'BAR LA KHAD ? PA'I RNAM PAR BSGOMS LA, ,DE NAS YUM GYI DH'U T'I'I NANG NAS RLUNG SHIN TU PHRA BA RTA RNGA LTA BU ZHIG SNGO KHYUG STE BYUNG BAS DMIGS RTEN LA 'PHOG PAS, DMIGS RTEN DE LAS ME LCE PHRA MO SHIN TU 'TSER BA ZHIG 'THON PA'I 'OD ZER DH'U T'I'I NANG NAS YAR SONG BAS, LUS KYI NANG DH'U T'I'I RTZA 'KHOR THAMS CAD DANG DE LAS GYES PA'I RTZA SO SO'I NANG THAMS CAD MUN KHUNG DU MAR ME BTEG PA BZHIN DU GSAL BAR BSGOMS PAS, DMIGS PA SHIN TU GSAL NYAMS CHE BAR 'GYUR, BDE BA CHEN PO BSKYED PA'I BOGS ? 'DON NI GZHAN SNGAR LTAR 'DRA BA LA YUM GYI GSANG GNAS NAS RLUNG GONG LTAR BYUNG NAS, RANG GANG DU DMIGS PA GTAD PA'I THIG LE DANG YI GA SOGS ME 'BAR LA KHAD PA SHIN TU 'TSER BA DE LA PHOB ?
, ,NAS, DE LAS ME LCE PHRA MO SHIN TU RNO BA ZHIG RBAD CHAD NAS DBU MA'I NANG NAS YAR SONG BA'I 'OD KYIS RTZA SBUBS THAMS CAD GSAL BA'I NANG BYIN PO NAS THIG LE DKAR PO SRAN MA TZAM DANG, YUNGS KAR TZAM GNAS PA THAMS CAD NAS SKAR MA DANG ZLA BA SHAR BA BZHIN SONG STE MTHONG BAS BDE MER BYUNG BAR BSAMS SHING, ME PHRA MO DE SKAR MDA' 'PHANGS PA BZHIN DU DBU MA'I NANG NAS GYEN DU SONG STE SPYI BO'I RTZA 'KHOR GYI DBUS SU HAm YIG DKAR PO BYANG CHUB KYI SEMS KYI RANG BZHIN MGO THUR DU LTA BA DE LA PHOG PAS, 'O RGYAL PHUG PA BZHIN DE'I NANG DU THIM SONG NAS HAm YIG LAS KYANG BYANG SEMS DKAR PO SHAR RA RA BABS PAS, DMIGS RTEN SHIN TU 'TSER BA DE LA PHOG PAS BDE MER BYUNG BA DANG, ME'I STENG NA MAR GYI THIG PA LHUNG BA BZHIN DU SLAR ME 'BAR PA'I STENG DU BYANG SEMS 'BA PAS BDE BA MI BZOD PA 'DRA BA SKYES PAR BSGOM ZHING, 'DZAG PA'I GEGS BYUNG GI DOGS PA MED PA 'DI LTA' YANG YANG BSGOM PA DANG, DMIGS RTEN RNAMS KYANG BYANG SEMS 'DZAG LA KHAD PA'I RNAM PAR BSGOM, (RJE RIN PO CHE'I ZHAL GYI GDAMS PA MKHAS GRUB RJES ZIN BRIS MDZAD PA'O),, ` ,,BCO LNGA PA GEGS SEL LA GNYIS, RLUNG GI GEGS SEL, THIG LE'I GEGS SEL BA'O, ,DANG PO LA GSUM, LUS DBEN GYI GEGS SEL, NGAG DBEN GYI GEGS SEL, DBEN GSUM BSKYED RIM DANG BCAS PA'I GEGS SEL LO, ,DANG PO NI, RJE BTZUN BLA MA DAM PA RDO RJE 'CHANG DANG DBYER MA MCHIS PA DANG, DBA' BO MKHA' 'GRO'I TSOGS LA
PHYAG 'TSAL LO, ,DNGOS GRUB RGYA MTSO 'DU BAR MDZOD, LUS DBEN GYI SKABS SU DMIGS PA GSAL PO BYUNG NA'ANG RLUNG JI BZHIN 'DU MA 'DOD NA, GSANG GNAS, LTE BA, SNYING GA, MGRIN PA, SPYI BO'I RTZA 'DAB RNAMS DBU MA LA ZUG PA'I NANG NAS RLUNG RNAMS NA BUN RGYUG PA LTAR BSDUS NAS 'OG SGO'I PHRA MO LA THIM ZHING, DH'U T'I'I MAR SNA NAS KYANG RO RKYANG GI NANG NAS KYANG DE LTAR BYUNG STE THIM PAS, RDO TSAN LA KHA BA BABS PA LTAR SIB SIB THIM PA'I MOS PA YANG YANG BYAS PAS MYUR DU GNAS DER 'DUS NAS RTAGS RNAMS 'CHAR BAS, 'DI'I BOGS 'DON CING GEGS SEL BAR YANG 'GRO, DE LTAR BSGOMS PAS RLUNG 'DUS KYANG LUS KYI GNAS GANG YANG RUNG BAR NAD BSKYED NA, GANG NAS DE NAS NAD KHA DOG SNGO DMAR GYI RNAM PA CAN, RLUNG DANG LHAN CIG TU BKUG STE, DMIGS RTEN LA THIM PAR BYAS NA NAD SEL ZHING RLUNG 'DU SLA RU 'GRO, RLUNG PHYIR THON PA'I RNAM PA BYUNG BA DANG, NAD BSKYED PA KUN LA BSKYAR BZHIN BYA, RLUNG NANG DU 'JUG PA'I RTAGS BYUNG NA SBYOR BA 'JAM LA DMIGS PA RNO BAR BYAS LA SKYONG, RLUNG PAGS MTSAMS SU ZHUGS TE KHOL BUR SKRANGS NAS NA NA, GANG NA SA DER BDE BA'I NGO BOR LTA BA DANG, GROGS GCIG DANG RANG GNYIS KAS NA SA DER SEMS GZUNG LA GNYIS KAS RLUNG DUS MNYAM DU BZUNG LA GROGS KYIS NA SA DER NYED RLUNG MI THUB NA DUS MNYAM DU BTANG NGO, ,GNYIS PA NI, SNYING GA'I ZUG DE SROG 'DZIN SNYING GAR RENGS PA SHAS CHE BAS, GO LDOG PA'I SBYOR BA ZHES BYA BA SNYING MGO THUR DU BSTAN NAS YOD PA DE BSAM PAS GYEN DU BSLANGS LA, SNYING PADMA KHA BYE
, ,BA LTAR GSHAG GIS GYES PAR BSAMS LA, CHU SER DANG RLUNG THON PAR BSAM, DE NAS SHES PA MI BZHUR BAR CHA LE BZHAG DES SEL, DES MA ZHI NA BSREG PA'I SBYOR BA BYA BA STE, LTE BAR GTUM MO'I YE SHES KYI ME SBAR TE, DE YANG CHE BA TSA BA BSREG PA'I RNAM PA 'BAR BA DES LUS THAMS CAD GANG STE SNYING THAL BAR BUN GYIS TSIG PAR BSAMS LA, THUN CI RIGS PAR BZHAG PAS ZHI'O, ,DES MA SEL NA SNYING PHYUNG ZHING SBA BA'I SBYOR BA BYA STE, SNYING SROG RTZA DANG BCAS PA DMAR RTZAR GYIS PHYUNG NAS NAM MKHA'I MTHAR BSKYUR BA 'AM, SA 'OG RIM PA DGU'I 'OG TU SBA BAR BSAMS PAS NGES PAR 'PHRAL DU ZHI'O, ,AEL STONG NA BA DE GYEN RGYU MGRIN PAR RENGS PA SHAS CHE BAS GTZO BO GSUM GYI SBYOR BA BYA STE, MGRIN PA NYI MAR BSTAN LA GANG NA BA'I THAD DER LAG PA ME'AM NYI MA LA BSROS LA DES MNAN ZIN DAL GYIS BCAG ,DES SKRANGS PO DNGOS SU ZHI BA DANG, DROD MA SKYAS PA DANG, CHU SER MA GA-YOS PA STE TSAD DE GSUM LAS 'DAS NA SKYON DU 'GYUR RO, ,DES ZHI'O, ,PHA BA RLUNG GIS KHANGS PA LTA BU MA BDE BA YOD NA MNYAM GNAS LTE BAR RENGS PA SHAS CHE BAS DE BSAL BA NI, SHING RING GI RTA LA BSKYON PAR BYA STE, RTZIG PA GNYIS KYI BAR DU SHING RING PO LDEM PA ZHIG BTANG LA, DE LA RAS SAM SNAM BU ZHIG GIS DKRIS TE, GSUS PA LHAN GYIS GLAN TE RKANG LAG BZHI THANGS KYIS BRGYANGS LA DRAG TU PHAR BSTAN TSUR BSTAN BYA ZHING, GSUS PA SHING GIS MNYE, DE NAS GSUS PA LA DRIL BA YANG YANG BYA, DE GNYIS SPEL MAR BYA, RLUNG KHA NANG
NAS SGRA BCAS SU BTANG PA'AM SHUGS BSKYED DE BTANG BAS THUN GSUM MAM PHYED GNYIS KYIS RKYEN LAS GROL LO, ,DE'I TSE KHA NAS LBU BA'AM SNA NAS CHU SNGON PO ZHIG 'BYUNG BA'AM MA BYUNG YANG ZHI'O, ,RO STOD SBOS PA DE LA LUS GCER GYI SBYOR BA ZHES PA TZOG PUR LAG PA GNYIS KYIS 'KHYUD DE NA BA'I PHYOGS 'OG TU BCUG STE SBRID BER GYIS BTANG, DE NAS 'OG RLUNG BSKUM, DE NAS STENG RLUNG MNAN LA KHA SBYAR, DE NAS YANG LUS SNGAR LTAR BYAS NAS MI NA BA NGES 'OG TU BCUG NAS RLUNG KHA SBYAR, DE LTAR RE MOS BYAS PAS ZHI'O,, ` GSUM PA NI, RJE BTZUN BLA MA DAM PA RNAMS LA PHYAG 'TSAL LO, ,DMIGS PA BSGOM PA'I SKABS SU MKHRIS PA LA SOGS PA'I TSA BA'I SKYON GYIS MGO BO NA BAR GYUR NA, RANG GI THOD PA'I NANG DU ZLA PA'I DKYIL 'KHOR DKAR PO BSIL BA'I RANG BZHIN CAN, DE'I 'OG PHYOGS KYI DBUS SU AOm YIG DKAR PO MGO THUR DU BLTA BA 'OD ZER DKAR PO DANG BDUD RTZI'I RGYUN DKAR PO BSIL BA'I RANG BZHIN BABS PA DE LAS 'OD ZER DANG BDUD RTZI'I RGYUN DKAR PO 'PHROS PAS, RANG GI LUS KYI NANG THAMS CAD GANG STE 'DI RNAMS KYI BSIL SANGS KYIS SONG BA DANG BDUD RTZI'I RGYUN RNAMS KYI LUS BDE MER TE SONG BAR BSGOM MO, ,DE LTAR BSGOMS PAS MGO BO NA BA LA SOGS PA'I GEGS RNAMS SEL ZHING, LUS LA BDE BA SKYE BA'I GEGS SEL BA DANG, DMIGS PA SOGS LA BOGS THON PA DUS MNYAM DU 'BYUNG NGO, ,YANG 'OG SGO'I PHRA THIG DANG SNYING GAR MI SHIGS PA LA SOGS PA BSGOM PA'I SKABS SU STOD SMAD DU RLUNG LA SOGS PA'I RKYEN GYIS NAD GZER
, ,DRAG PO'I NAD BYUNG NA, GANG NA BA DE NYID NAS RLUNG DANG SDONGS TE SPOS RING GI DUD PA BZHIN SNGO PHYUR GYIS BYUNG NAS 'OG SGO'I PHRA THIG BSGOM PA'I SKABS YIN NA 'OG SGO'I PHRA MO LA THIM, MI SHIGS PA'I THIG LE BSGOM PA'I SKABS YIN NA MI SHIGS PA'I THIG LE LA YANG YANG THIM PA BSAM PAR BYA ZHING, GANG NA BA'I GNAS DER BDE BA'I RANG BZHIN DU MER GYIS SONG BAR BSGOM MO, ,LUS KYI STOD SMAD GANG DU ZUG GZER GLO BUR DU BYUNG YANG 'DI LTAR LAN MANG DU BSGOMS PAS GEGS SEL ZHING DMIGS PA BOGS THON PAR 'GYUR RO, ,RDZOGS RIM GYI RLUNG SDUD PA'I SKABS SU GEGS SEL TSUL 'DI LTAR BYAS NA GEGS SEL DANG DMIGS PA SOGS LA BOGS THON PA MNYAM DU 'BYUNG NGO, ,DE BZHIN MIN PAR RDZOGS RIM GYI RLUNG SDUD PA'I GEGS SEL RO STOD NA BA DANG MGO BO NA BA SOGS BYUNG BA'I TSE, MGO BO RO STOD KHROL TSEGS LTA BUR BSGOMS NAS NAD RNAMS RNAG KHRAG GI RNAM PAR PHYIR LA THON PAR BSGOM PA NI, NAD ZHI THUB PA TZAM BYUNG YANG SNGAR RLUNG NANG DU 'BAD PAS BSDUS PA RNAMS PHYIR LA THON PAR 'GRO PAS, DUS PHYIS RLUNG SDUD PA SHIN TU DKA' BAR SONG NAS RLUNG MI THUB PA DE LTA BU'I GEGS SEL NI SPANG BAR BYA'O, ,YANG RDZOGS RIM BSGOM PA'I SKABS SU RLUNG 'DU MA THUB PAR MGO BO GZER LA 'KHYOM PA LA SOGS PA'I NAD BYUNG BA DANG, BRGYAL BA BOG PA LA SOGS RLUNG LA BRTEN PA'I GEGS MANG PO 'BYUNG BAS DE RNAMS SEL BA'I THABS NI, RLUNG MNYAM RGYU NANG DU NGES CAN DU SONG BA'I SKABS SU LTE BAR RLUNG ZHIG
BZUNG NAS MGRIN PAR BTZAN THABS SU BRGYAG PA LAG LEN BZHIN DU BYED PA LAN 'GA' ZUNG BYAS PAS, GONG DU BSHAD PA LTAR GYI GEGS RNAMS SEL BAR 'GYUR ZHING, RLUNG NANG DU 'DUS PA'I RTAGS KYI MTHONG SNANG MANG PO 'BYUNG BAR SNANG NGO, ,PHRA MO BSGOMS PA'I SKABS SU CHU 'GAGS PA LA SOGS PA'I NAD BYUNG NA 'OG SGO'I RDOR BZLAS BYA'O, ,DE BZHIN DU BYAS PAS GEGS SEL ZHING DMIGS PA BOGS THON PAR 'GYUR, GNYIS PA THIG LE'I GEGS SEL LA GNYIS, THUN MONG DANG THUN MONG MA YIN PA'O,, DANG PO NI, BYANG SEMS 'DZAG PA BTZAN THABS SU 'GEG PA NI, RKANG PA GA-YON PA'I RTING PAS RDO RJE'I RTZA BA BSDAMS SHES PA SPYI BO'I HAm LA GTAD, MIG DANG LCE GYEN LA LOG ,RGYU MA SGAL TSIGS LA SBYAR, LAG PA GNYIS SNYING GAR BSNOL, YAN LAG GI SOR MO BSKUM, NGAG TU H'Um RING PO RDUB PA'I TSUL DU DRAG TU BRJOD, YANG GCIG LA STONG RLUNG DRAG TU MNAN, 'OG RLUNG GLONG LA BZHAG ,DPER NA RIL BA ZHABS ZAGS CAN BZHIN NO GSUNG, RMI LAM DU 'DZAG PA NI, NYIN PAR SROG LA BAB KYANG BYANG SEMS MI 'TSOR BAR BYA SNYAM PA'I 'PHEN PA GAL CHE GSUNG, KHYAD PAR NYAL KHA'I 'PHEN PA DANG, RDO RJE RKYEN DANG MI 'PHRAD PAR BYA'O, ,MA TSOR BAR 'JAG PA LA NI, BYA SPYOD NAS BSHAD PA'I SRUNG SKUD KYI THABS KYIS KYANG THUB GSUNG NGO,, 'DI LA SKU MCHED GNYIS KYI ZIN BRIS SNANG YANG PHYI MA LTAR BKOD PA YIN, GNYIS PA THUN MONG MA YIN PA'I GEGS SEL RDZOGS RIM GYI KHRID YIG CHUNG BA'I MGO NA YOD DO,, ` ,,BCU DRUG PA RNAM GSUM RIGS
, ,DBYE'I YIG CHUNG LA, BSDUS RGYAS GNYIS LAS, DANG PO NI, RJE BTZUN DAM PA RNAMS LA PHYAG 'TSAL LO, ,RNAM GSUM RIGS DBYE'I GDAMS PA NI, BSGOMS PAS LHA RANG GI ZHAL MTHONG BA DANG, RTZA NANG DU RLUNG ZHUGS NAS LHA MTHONG BA DANG, GDON GYIS SPRUL NAS LHA'I GZUGS MTHONG BA DANG, RIGS GSUM 'BYUNG BAS GANG YIN BRTAG PA NI, LUS GNAD RDO RJE'I SKYIL KRUNG LAG PA MNYAM GZHAG SOGS RNAM SNANG GI CHOS BDUN LEGS PAR BYAS TE, SMIN MTSAMS KYI KHRO BO'I SPYAN DBUS MA YOD PA, DBU MA'I YAR SNA'I BUG PA'I THAD DU MIG GNYIS GYEN DU LTA STANGS GCIG TU DRIL TE DE GNYIS KYI THAD NAS LHA MTHONG BA DE LA BLTAS PAS, DON GYI LHA YIN NA RANG GIS LHA DE LA CHES CHER BLTAS PAS JE GSAL DU 'GRO LA, RTZA RLUNG LA BRTEN NAS LHA MTHONG BA YIN NA BLTAS PAS BLTAS PA DE GA RANG DU GNAS TE 'GYUR LDOG MI THONGS PA ZHIG 'ONG, GDON GYIS SPRUL PA'I LHA GZUGS YIN NA BLTAS PA DANG GTAD MED DU YAL NAS 'GRO BA YIN, ('DI MKHAS GRUB RJE'I ZIN BRIS YIN),, ` ,,GNYIS PA RGYAS PA NI, LAM BSGOM PA THAMS CAD KYI SKABS SU RANG RGYUD LA LHAS BYIN GYIS BRLAB PA DANG, BSGOM PA'I NYAMS SNANG DANG, GEGS KYI BAR CHAD KYI MTSAN MA GSUM GYI RIGS 'DI LTAR DBYE BAR BYA STE, LHA BSGOM PA DANG BZLAS PA LA SOGS PA'I SKABS SU DE BZHIN GSHEGS PA'I SKU GSUNG THUGS KYI MTSAN MA LA SOGS PA BYUNG NA, RTZA AA WA DH'U T'I'I YAR SNA RANG GI SMIN MTSAMS KYI DKYIL DBUS
KHRO BO RNAMS KYI SPYAN DBUS MA 'ONG SA DER RAG DUNG GI KHA LTAR GDANGS PA LA, MIG GNYIS DRIL TE DH'U T'I'I YAR SNA NAS MTSAN MA GANG YIN PA DE LA BLTAS PA DANG, DMIGS PA BSGOMS PA'I STOBS KYI NYAMS YIN NA SNGAR LAS SHIN TU GSAL ZHING SNUM LA 'OD DANG LDAN PAR 'GYUR RO, ,DE LA MA CHAGS PAR SGYU MA LTA BUR RGYAS BTAB LA SGOM, 'OD ZER SNA LNGA 'PHRO ZHING SNGAR LTAR DU GNAS NA LHAS RANG RGYUD BYIN GYIS RLOB PA'I RTAGS YIN PAS RDO RJE BSDU BA'I SNGAGS DANG PHYAG RGYAS SKU DE RANG LA BSTIM ZHING GSOL BA BTAB, DE LA BLTAS PAS SKU RDZOGS PA'I MTSAN MA ME 'OD NYAMS SHING SNGAR GYI DA YAL NAS 'GRO BAR SNANG NA BGEGS KYI BAR CHAD KYI MTSAN MA YIN PAS SRUNG 'KHOR THUN MONG BA DANG THUN MONG MA YIN PA BSGOM ZHING, MTSAMS DAM DU BCAD LA CHOS SKYONG LA GTOR MA PHUL, BSKAD BSHAGS MANG DU BYAS LA, DGE SBYOR SNGAR LAS KYANG 'JUR DU GTONG BA YIN NO, ,SLAR YANG YANG YANG 'ONG NA SNGAR LTAR BYAS LA BLTAS PAS YAL 'GRO BA'I 'GO RTZOM PA NA, RANG GI SNYING GA NAS KHRO BO GSHIN RJE GSHED 'JIG RTEN GSUM ZA BAR NUS PA SKU LAS ME 'OD 'PHRO BA'I GRI GUG DANG THOD PA 'DZIN PA DU MA SPROS TE CHAR BABS PA BZHIN DU DE LA BSTIM PAS BYA SGRO MES TSIG PA LTAR BSREGS PAR BSAMS LA TSAR BCAD, KHRO BO RNAMS RANG LA BSDU, SNGAR LTAR SRUNG 'KHOR BSGOM ZHING DGE SBYOR LA DRIL BAR BYA'O, ,DGE SBYOR GANG GI SKABS SU'ANG MED DU MI RUNG BA'I ZHAL GYI GDAMS PA'O, ,SKU MCHOD GNYIS KYI ZIN BRIS GNYIS SNANG YANG PHYI MA GSAL
, ,LA RGYAS PAR SNANG BAS BKOD DO, ,MTSAN MA SNGON MA GNYIS KYI NGOS 'DZIN LA SNGA PHYI MI 'DRA BAR SNANG YANG PHYI MA BTZAN NO,, ` ,,BCU BDUN PA PHYAG RGYA SROG RTZOL LA LNGA, RNAL 'BYOR BZHI RIM NAS GSUNGS TSUL, GSANG 'DUS RGYUD 'GREL NAS GSUNGS TSUL, RDO RJE GUR NAS GSUNGS TSUL, BLA MA'I MAN NGAG GIS BSTAN TSUL, DON BSDUS TE NYAMS SU BLANGS PA'O, ,DANG PO NI, BLA MA RDO RJE 'CHANG GI ZHABS LA GUS PAS PHYAG 'TSAL LO, ,'DIR RGYUD SDE NAS LAN CIG MA YIN PAR GSUNGS PAS PHYAG RGYA SROG RTZOL GYI GNAD MTHAR THUG PA, RJE BTZUN BLA MA'I MAN NGAG THUN MONG MA YIN PA GSANG BA LAS KYANG CHES GSANG BA'I GNAD RNAMS BRJED BYANG DU BRO BAR 'TSAL NA, BLA MA DANG YI DAM MKHA' 'GRO CHOS SKYONG RNAMS KYIS GNANG BA MDZAD NAS BDE BA MCHOG GI DNGOS GRUB STZAL DU GSOL, DE YANG LAS RGYA LA BRTEN PA'I DGOS PA NI, DE BSTEN PAS SROG DBU MAR ZHUGS NAS YAS BABS DANG MAS BRTAN GYI DGA' BA SKYED PA'I CHED YIN NO,, DES NA THABS KYI MCHOG 'DI BSHAD PA LA GSUM, LAS RGYA'I MTSAN NYID DANG, SROG RTZOL DU GTONG BA'I MAN NGAG DNGOS, THABS DE LA BRTEN NAS DGA' BZHI BSKYED CING DES BDE STONG SBYOR TSUL LO, ,DANG PO NI, RNAL 'BYOR BZHI'I RIM PAR GSUNGS PA'I PADMA CAN LA SOGS PA'I DON NI, RTZA'I DBYIBS MI 'DRA BA BZHI'I SGO NAS BRTAG PA YIN LA, DE YANG DH'U T'I'I MAR SNA'I DBANG DU BYAS PA YIN CING, DE RNAMS JI BZHIN YOD PA NI YAR SNA KUN RDZOB KYI SNA SOGS KYIS MTSON PAR BYED DO, ,DES NA
GLANG PO CAN GYI RTZA'I MAR SNA NI RTZA'I SNA GA-YON NAS CUNG ZAD GA-YAS SU 'KHYIL BA'I RNAM PAR YOD LA, DE'I RTAGS RTZA DE'I YAR SNA PHYOGS KYIS BUD MED DE'I SNA GA-YAS SU 'KHYIL BA'I RNAM PA CAN SOGS LAS RGYA DE GLANG PO CAN GYI RIGS SU GTOGS PA YIN NO, , DUNG CAN MA NI DUNG DKAR GYI KHA LTA BUR 'KHYIL ZHING SBUB LA RING BA SOGS SHIG YOD PAS DE'I RTAGS LA RTZA'I YAR SNA PHYOGS KYI SKRA DANG SNA YANG RING BA SOGS LAS DUNG CAN MA'I RIGS SU GTOGS PA YIN PAR SHES PAR BYA'O, ,RI DVAGS CAN MA NI RTZA DE'I MAR SNA RI DVAGS GLA BA'I LTE BA 'DRA BA KHA BTZUM ZHING BCINGS PA'I GOR BU'I RNAM PA CAN DU YOD PAS RTZA DE'I KHA SHIN TU 'TSOL DKA' BAS DE NI RNAL 'BYOR PA'I SEN MOS BTZAL DGOS PA SOGS GSUNGS SO, ,MAR SNA DE'I RTAGS LA YAR SNA'I PHYOGS KYE SNA LA RI MO YOD LA, DER MA ZAD LUS GZHAN LAS SBOM PA SOGS YIN NO, ,PADMA CAN GYI MAR SNA ME TOG PADMA'I DBYIBS CAN YOD PAS, RTZA DE'I KHA SHIN TU BTZAL SLA ZHING 'BYED PAR SLABS, PHYAG RGYA MCHOG TU GSUNGS PA YIN NO, ,DE'I RTZA DE MAR SNA DE LTAR YOD PAS, YAR SNA'I PHYOGS DE LA NI DZA BA'I ME TOG LTA BUR GSUNGS PA YIN NO, ,DE LTAR PHYAG RGYA BZHI'I RTZA LA MI 'DRA BA DE LTAR YOD PA'I SGO NAS, PADMA CAN SOGS SU BZHAG PA'I DON NI, RANG GI BLA MA KHO NA'I MAN NGAG YIN PAS RANG KHO NA'I SNYING LA BCAD RGYU YIN GSUNG, DE'I RGYU MTSAN CHAGS LAM LA SHIN TU MKHAS PAR GRAGS PA'I BOD KYI BLA MA THAMS CAD KYIS RGYUD NAS GSUNGS PA'I PHYAG RGYA'I RIGS BZHI'I KHYAD PAR NI, SNA GA-YON NAS GA-YAS SU 'KHYIL BA DANG, ZHES SOGS KYI RTZA'I DBYIBS LA BRTAd
, ,PA'I DON LA BLO KHA MA PHYOGS SHING RTZA LA MI 'DRA BA BZHI YOD PA'I GNAD MI RTOGS PA SHA STAG YIN PAS, PHYOGS 'DI LA KHA BO JI LTAR CHE YANG MKHAS PAS BZHAD GAD KYI GNAS 'BA' ZHIG YIN GSUNG NGO, ,GNYIS PA SROG RTZOL DU GTONG BA'I THABS DNGOS NI, RDO RJE DBYINGS KYI DBANG PHYUG MA'I, ,RTZA NI NYE BAR BTZAL BYAS TE, ,BYED PA BCINGS PA'I SBYOR BA YIS, ,ZHES PAS BSTAN LA, DE'I RDO RJE DBYINGS KYI DBANG PHYUG MA'I RTZA NI BUD MED KYI DH'U T'I YIN LA, NYE BAR BTZAL ZHES PA NI, RNAL 'BYOR PAS RTZA DE'I MAR SNA BTZAL BAR BYAS LA, DE YANG BYA ROG GDONG ZHES PA NI 'JIG RTEN PA LA BYA LER GRAGS PA DE LA ZER ZHING, DBU MA'I MAR SNA'I RTZA DE 'DI'I DBUS NAS 'BYUNG NGO, ,DE LA SKYES PA'I DH'U T'I SBOM ZHING THUNG BAR GNAS PAS NOR BU LAS PHYIR NAR NAS 'ONG BA MI SRID LA, BUD MED KYI DH'U T'I PHRA ZHING RING BAS BYA ROG GDONG LAS PHYIR NAR NAS 'ONG BA'I SKABS YOD PAS, SNYOMS 'JUG GI CHE BUD MED KYI RTZA DE RNAL 'BYOR PA'I RTZA'I MAR SNA'I NANG DU 'JUG PAS SBYOR BA BYED PA YIN NO, ,DE'I PHYIR DU PHYAG RGYA'I DH'U T'I'I RIGS MI 'DRA BA BZHI'I GNAS TSUL SHES NAS TSOL BA DANG, KHA 'BYED PA'I MAN NGAG GI YE SHES KYI RTZA SAD PAR BYA, DE NAS PHYAG RGYA'I RTZA DE RANG GI RTZA'I NANG DU BCUG NAS BYED PA DAM DU BCINGS PA'I SBYOR BA BYA, DE LTAR BYAS PAS PHYAG RGYA'I RTZA NANG NAS RLUNG 'BYUNG STE, RANG GI RTZA'I NANG DU SLEBS PA NA SNYOMS 'JUG GI BDE BA LA SOGS PAS GANG BAS KYANG LHAG PA'I BDE BA SKYE LA, RLUNG DE RANG GI DH'U T'I'I NANG BRGYUD PAS RANG GI THUR SAL GYI RLUNG GYEN DU LDOG STE, PHYAG
RGYA'I RLUNG DES SNA 'DREN BYAS NAS DBU MAR ZHUGS SHING BRGYUS PAS KHRAG 'BAR NAS, SPYI BO'I HAm YIG ZHU ZHING BYANG SEMS DH'A T'I'I MAR SNAR SLEBS PA NA PHYAG RGYA'I YANG KHU BA BZHU NAS DH'A T'I'I LAM NAS BYUNG BA RANG GI RTZA'I NANG DU PHRAD PA NA, THABS SHES ZUNG DU 'BREL BA'I GNAD KYIS SNGA MA'I BDE BA BAS KYANG CHES CHE BA ZHIG 'BYUNG ZHING, DE NAS MAN NGAG GIS GYEN DU LDOG PA'I SBYOR BA BYAS PAS THIG LE DE LTE BAR SLEBS PA NA RGYU MTHUN GYI TSUL GYI DGA' BA, SNYING GAR SLEBS PA NA RNAM SMIN GYI TSUL GYI MCHOG DGA', MGRIN PAR SLEBS PA NA SKYES BU BYED PA'I TSUL GYI KHYAD DGA', GTZUG TOR DU SLEBS PA NA DRI MA DANG BRAL BA'I TSUL GYI LHAN SKYES KYI DGA' BA DE SHIN TU RNAL 'BYOR BSGOM PAR BYA'O, ,GSUM PA BDE STONG SBYOR TSUL NI, BDE BA DE 'DRA BAS YAS BABS DANG MAS BRTAN GYI DGA' BA BZHI SKYES PA'I TSE, DBU MA'I LTA BA MTHAR THUG PA DANG SBYAR NAS BSKYANGS PAS SRID PA'I SDUG BSNGAL BCOM PAR BYED DO, ,GZHAN YANG RDO RJE'I LTE BAR PADMA GNAS PA DANG, SKYIL KRUNG ZHES BA'I DON YANG YUM GYI RTZA'I MAR SNA NANG DU BCUG PA'I NGES DON GYI RDO RJE'I SKYIL KRUNG GA-YAS GA-YON GNYIS KYI RO RKYANG GI RLUNG DBU MA'I NANG DU ZHUGS PA 'BYUNG ZHING, DE'I CHE RNAL 'BYOR PAS SEMS NOR BU'I NANG GI DH'U T'I'I NANG DU SON PA LAS YE SHES KYI NGO BO LHAN SKYES 'BYUNG NGO, ,DE DAG DGA' BA GZHAN GSUM YANG YIN NO, ,YANG PADMA CAN GYI BGROD TSUL NI, PADMA'I BYED PA ZHES PA PHAL PA LTAR STENG NAS BGROD PA'O, ,GLANG PO CAN GYI BGROD TSUL NI, DUD 'GRO STER RGYAB NAS BGROD PA'O, ,DUNG CAN MA'I BGROD TSUL NI, GHA HA RA
, ,TI'I SBYOR PA ZHES BYA BA, RKANG PA GNYIS PHRAG PA LA BKAL TE 'OG NAS BGROD PA'O, ,RI DVAGS CAN GYI BGROD TSUL NI, BI LA SA'I BCINGS PA ZHES BYA BA RDO RJE SEMS DPA' LTAR SKYIL KRUNG BYAS LA BGROD PAR BYA'O, ,RTAGS KYI RTZE GNYIS MI 'BRAL BAR BYED PA NI SHIN TU GAL CHE LA, DE NI SHIN TU RNAL 'BYOR PAS LAG PAS BYED DGOS PAR RGYUD LAS BSHAD DO, ,(RJE BTZUN TZONG KHA PA CHEN PO'I ZHAL GYI GDAMS PA'O,,) ` ,GNYIS PA NI, KHAMS GSUM DAG GI LAM MCHOG NA, ,BUD MED JI SNYED YOD PA RNAMS, ,CHO GA BZHIN DU SPYAD PAR BYA, ,GSUNG GI RDO RJE MI SMOD DO, ,ZHES PA'I SKABS SU NGAG GI RO 'DZIN GYI BYA BAS BSKYOD LA ZHES RTZA GSUM PO DE LCES BSKYOD PAR GSUNGS LA, GLUS BSKUL BA LAS BZHENGS PA'I SKABS SU RTZA SBUBS GSUM SOR MO GSUM GYIS BSKYOD CING ZHES SOR MOS BSKYOD PA DANG GNYIS BSHAD DO, ,'DI LA RDO RJE MKHA' 'GRO LAS, CHAGS PA SRA BA DANG RGAN PA SOGS LA NI, SOR MO RING PO GSUM SPRUL MGO LTAR BYAS NAS DRUD PAR BYA BA DANG, GZHON CING CHAGS PA MNYEN PA RNAMS LA NI 'OD DANG LDAN PA'I BYANG CHUB KYI SEMS 'BAB PA'I RTZAR RDO RJE'I THUR MAS PHUG STE BSKYED PAR GSUNGS SO, ,YUL SO SOR MDZAD PA NI SOR MO'I BYED PA LA DGONGS SO, ,DKYIL CHOG RDO RJE PHRENG BA LAS, MDZUB ME DANG LCE'I RTZE MO LA YI GE HR'I: DMAR PO BKOD PA RTZA BSKUL BAR BSHAD PA LTAR NA, YUL GCIG LA SOR MO DANG LCE RTZE GNYIS KAS BSKUL PA NI SOR MO GCIG GI KHYAD PAR
RO, ,DUS JI TZAM DU BSKUL BA NI, PA TSAB KYI 'GYUR LAS, RO 'DZIN BYA BDAG GIS MA PHYIN GYI BAR DU BSKYED PAR BYA ZHING ZHES 'BYUNG BA LTAR NA, HR'I: SA YUM GYI DBU MA'I MAR SNA BYE NAS BDUD RTZI 'DZAG PA MA BYUNG GI BAR DU'O, ,RDO RJE MKHA' 'GRO LAS, YUM LAS SID CES PA'I SNGAGS MA BYUNG GI BAR DU DRUD PAR GSUNGS LA, DE NI YUM DES CHED DU BYAS NAS SNGAGS DE BTON PA MIN PAR RANG SHUGS KYIS SNGAGS DE ZLOS PA 'BYUNG NGO, ,DE YANG RDO RJE MKHA' 'GRO LAS, DE LTAR SGRUB PA POS YANG DANG YANG DU BSKUL BA'I SNYING 'DAR BA DANG, DGA' BAS SMYOS SHING BYANG SEMS KYI RGYUN PHRA MO 'DZAG LA, NGO TSA BA LA SOGS PA DANG BRAL TE, BA SPU LANGS SHING SHIN TU CHAGS PAS BLTA ZHING 'KHYUD PA DANG NU MA NU BAR 'GYUR ZHING SID CES ZER BA DANG, DES GSUNGS PA LTAR YIN LA, DE RNAMS NI SOR MO DANG LCES BSKUL BA'I RTZA KHA BYE BA'I RTAGS YIN NO, ,SEMS KYI RDUL PHRA MO'I CHU NI BYANG CHUB KYI SEMS KUNDA LTA BU'I CHU'O, ,GSUM PA NI, RDO RJE GUR LAS KYANG, RDO RJE SOR MO'I RAB SBYOR GYIS, RDO RJE'I SA GZHI RAB BSKUL TE, ,RDO RJE SEMS SU RAB PHYUNG LA, ,RDO RJE'I LCE YIS BZA' BAR BYA, ,PHYI NANG DE YI BDE LDAN DU, ,RDO RJE SEMS DPA' RAB BCUG STE, ,RDO RJE BCINGS PA'I SBYOR BA YIS, ,RDO RJE MCHOD PA RAB TU BRTZAM, ,ZHES GSUNGS TE, RDO RJE SA GZHI NI GSANG GNAS KYI RDO RJE'I RTEN YUM GYI PADMA'O, ,RDO RJE SEMS SU ZHES PA NI KUN DA LTA BU'O, ,PHYI NAS ZHES PA NI RTZA SAD PAR BYAS PA'I RJES SU'O, ,RDO RJE SEMS DPA' ZHES PA M'A MAK'I'I GSANG PA'AM GSANG BA'I RDO RLE'O, ,RDO RJE BCINGS PA NI RTZA GNYIS M
, ,'BRAL BAR BCINGS PA'O, ,'DOD PA'I BSTAN BCOS RNAMS LAS PADMA CAN DANG DUNG CAN MA LA SOGS PA'I BUD MED KYI MTSAN NYID STON PAR YOD PAR SNANG NA'ANG, MAN NGAG 'DI NI DE DAG TU GTAN MED PAR SHES PAR BYA'O, ,'DI MTHA' GCOD NAS GDAN DRANGS PA YIN NO,, ` ,,BZHI PA NI, BLA MA DAM PA'I ZHABS LA GUS PAS PHYAG 'TSAL LO, ,DE LA 'DIR PHYI ROL GYI PHYAG RGYA DANG SNYOMS PAR ZHUGS PAS, SROG RTZOL DU 'GRO PA'I TSUL ZHAS PA DA LTAR GYI GANG ZAG LA DNGOS SU MI DGOS PA SHAS CHE YANG DE'I GO BA CHAGS NA BSKYED RIM SGOM PA SOGS KYI SKABS SU YE RGYA LA BRTEN PA LA PHAN YON CHE BAS NYE BAR MKHO BA YIN NA, ,DE YANG SPYIR BLA MED KYI RGYUD SDE RNAMS NAS LAS RGYAL LO GRANGS BCU GNYIS MA NAS SUM CU MA'I BAR GSUNGS PA NI, DE GNYIS LAS RGAN PA DANG GZHON PAS RANG GI RTZA SAD PAR MI NUS SAM, NUS KYANG THABS KYI RTZA SAD PA'I RKYEN DU 'GRO MI NUS PA'I SGO NAS SPANG DGOS PA YIN CING, 'DI LA RNAL 'BYOR MA TING NGE 'DZIN KHYAD PAR CAN RGYUD LA MNGA' BA SEGS NI MA NGES SO, ,'O NA RTZA SAD THABS JI LTAR BYA SNYAM NA DE NI RNAL 'BYOR PA KHYAD PAR CAN LAS RGYA DANG SNYOMS PAR 'JUG PA'I TSE, MDZUB MO DANG LCE LA YI GE 'GOD PA SOGS KYI SBYOR BA GZHAN NAS GSUNGS PA LTAR BYA'O, ,DE LTAR RTZA DBU MA SAD PA'I PHYAG RGYA'I THABS DANG SNYOMS PAR 'JUG PA NA, PHYAG RGYA'I RTZA SAD PA'I RKYEN DES THABS KYI RTZA AA WA DH'U T'I SAD PAR 'GYUR LA, DE SAD NA RO RKYANG GNYIS KHA ZUM 'GRO BA CHOS NYID YIN CING, DBU MA SAD PA'I NANG DU THUR SEL ZHUGS, DES
GTUM MO SBAR BA SOGS KYI RKYEN GYIS LHAN SKYES 'CHAR RO, ,'DI NI RGYUD DON YIN PAR DA LTA NYAMS BZANG BAS GANG ZAG 'GA' ZHIG GI YE RGYA LA BRTEN PA'I TSE THOG MAR YUM GYI RTZA NAS RLUNG CHUR BYUNG NAS RANG GI RDO RJE'I BU GAR ZHUGS PA SNYAM BYED PA 'BYUNG BAR SNANG BAS KYANG SHES SO GSUNG, DES NI YAB YUM GYI SNA RTZE GNYIS PHRAD MTSAMS SU THIG LE PHRA MO BSGOM PA YANG SNA RTZE GNYIS SAD PA'I CHED DU YIN NO, ,'O NA LAS RGYA LA BRTEN PA SNYING GA'I SDUD RIM DU 'GRO TSUL JI LTAR YIN ZHE NA, DE NI RIL 'DZIN DANG RJES GZHIG GI BSAM GTAN GNYIS DANG, SNYING GA'I SDUD RIM GYI DMIGS PA DANG, RDOR BZLAS DANG, GSANG BA'I SNA RTZER RDZAS KYI THIG LE'I SROG RTZOL DANG, SNYING GAR SDUD RIM RNAMS SKABS DER BYED PA'I STOBS KYIS YIN NO, ,(RJE BTZUN TZONG KHA PA CHEN PA'I ZHAL GYI GDAMS PA, MKHAS GRUB RJES ZIN BRIS MDZAD PA'O),, ` ,,LNGA PA NI, RJE BTZUN BLA MA DAM PA RNAMS LA PHYAG 'TSAL LO, ,PHYAG RGYA SROG RTZOL DU 'GRO BA'I GDAMS PA NI, RIG MA MTSAN NYID DANG LDAN PA BTZAL LA, DE'I RJES SU RDO RJE DBYINGS KYI DBANG PHYUG MA'I RTZA TSOL BA LA RANG GI MDZUB MO LA HR'I: BKOD NAS RTZA MNYAD CING BTZAL TE RNYED PA NA BDE BA SKYE ZHING RTZA PHYIR 'DON NAS RING DU 'GRO BA DANG 'GRENG NAS 'ONG LA, KHA NAS SID KYI SKRA BYUNG BA DANG, LCE RTZES RTZA DE BTZAL ZHING BSKUL BA NA RTZA DE'I KHA BYE 'ONG LA, DI NAS SNYOMS PAR 'JUG CING, RDO RJE DBYIBS KYI DBANG PHYUG MA'I RTZA DE RANG GI NOR BU'I NANG NA RTZA DBU MA'I MAR SNA YOD PAS, DE'I RTZE DANG, RDO RJE DBYINGS KYI DBANG PHYUG MA'I RTZA'I RTZE GNYIS PHROD PAR BYA STE, RTZA DE'I RTZE MO NOR BU'I DBUS KYI RTZA 'KHOR GYI
, ,DH'U T'I'I NANG NA ZHUGS PAS, RANG GI DBU MA'I MAR SNA KHA BYE NAS DBU MAR RLUNG ZHUGS PAS RO RKYANG GI RTZA GNYIS SU RLUNG RGYU BA 'GAGS TE LHAN CIG SKYES PA'I YE SHES RANG DANG, PHYAG RGYA GNYIS KYI RGYUD LA SKYE BAR 'GYUR RO, ,PHYAG RGYA SROG RTZEL DU 'GRO BA'I ZHAL GDAMS SO, ,DA DUNG PHYAG RGYA'I MTSAN NYID DBYE BA, BRTAG THABS, BRTEN TSUL, BRTEN PA LAS YE SHES SKYE TSUL, BDE STONG SBYOR TSUL, BOGS 'DON DU 'GYUR TSUL SOGS BLA MA'I ZHAL LAS SHES DGOS SO, ,LUS LA GNAD DU BSNUN NAS RDZOGS PA'I RIM PA BSGOM PA LA NI, LUS KYI BYED BCINGS DANG, 'KHRUL 'KHOR DANG, SPYOD LAM LA SOGS PA'I GNAD ZHIB PAR NGES NAS LUS KYI BYED BCINGS BSTAN PA LAS SHES PAR BYA ZHING SKABS 'DIR SBYAR BAR BYA'O, ,'DIR MA RGYUD THAMS CAD KYI GTZO BO BDE DGYES GNYIS KYI RDZOGS RIM GRUB CHEN NAG PO SPYOD PAS BKRAL BA'I DPYID KYI THIG LE LA GNYIS, RDO RJE'I LUS KYI GNAS TSUL, DE LA GNAD DU BSNUN NAS RDZOGS RIM BSGOM PA'I TSUL LO, ,DANG PO LA GSUM, GNAS PA RTZA'I GSAL BYED, GA-YO BA RLUNG GI GSAL BYED, BKOD PA BYANG CHUB KYI SEMS KYI GSAL BYED DO, DANG PO NI, ` BLA MA RNAMS LA PHYAG 'TSAL LO, ,DE LA 'DIR RDZOGS RIM DU 'JOG PAR BYED PA LA, STONG NYID TZAM GYIS 'JOG MI NUS TE, STONG NYID RTOGS PA THEG DMAN LA YANG YOD PA'I PHYIR RO, ,STONG NYID DANG LHA'I RNAL 'BYOR YOD PA TZAM GYIS KYANG RDZOGS RIM DU 'JOG MI NUS TE, DE NI RGYUD SDE 'OG MA GSUM LA'ANG YOD PA'I PHYIR RO, ,DE GNYIS KYI STENG DU RLUNG GI RNAL 'BYOR
BSNAN PAS KYANG DER 'JOG MI NUS TE, STONG PA DANG LHA'I RNAL 'BYOR RLUNG GI RNAL 'BYOR DANG GSUM GA RGYUD SDE 'OG MA GSUM LA YOD PA'I PHYIR RO, ,DES NA 'DIR LUS LA GNAD DU BSNUN PA'I BOGS 'DON PA'I STONG NYID RTOGS PA RDZOGS RIM DU 'DOD PA YIN LA, DE LA LUS KYI GNAD RTZA DANG RLUNG DANG THIG LE RNAMS KYI GNAS TSUL SHES DGOS PAS, THOG MAR RTZA'I GNAS TSUL CUNG ZAD BRJOD PAR BYA STE, DE LA MTSAN NYID THEG PA NAS DGA' BO MNGAL 'JUG GI MDOR, LUS KYI GA-YAS GA-YON GNYIS, MDUN RGYAB GNYIS TE BZHIR RTZA NYI KHRI NYI KHRI STE, LUS LA RTZA BRGYAD KHRI YOD PAR BSHAD LA, SNGAGS KYI THEG PA NAS LUS LA RTZA BDUN KHRI NYIS STONG YOD PAR BSHAD, DE DAG GI NANG NAS KYANG RTZA BRGYA NYI SHU NI RTZA'I GTZO BO YIN TE, RLUNG DANG RNAM PAR SHES PA'I RTEN BYAD PA'I PHYIR RO, ,DE'I NANG NAS RTZA NYI SHU RTZA BZHI NI GTZO BO YIN TE, SKRA DANG SEN MO SO LA SOGS PA'I RGYU BYED PA'I PHYIR, DE LA BRGYA NYI SHU NI SPYI BO'I RTZA 'DAB SO GNYIS, MGRIN PA'I BCU DRUG ,SNYING GAR BRGYAD, LTE BA'I DRUG CU RTZA BZHI RNAMS YIN NA, ,NYAR BZHI NI 'OG NAS 'CHAD PA'I SNYING GA'I RTZA 'DAB BRGYAD LA GSUM GSUM DU GYES PA'I SKU GSUNG THUGS KYI RTZA BRGYAD GSUM NYI SHU RTZA BZHI PO DE YIN NO, ,DE LA YANG RO RKYANG DBU MA GSUM GTZO BO YIN TE, RTZA GZHAN RNAMS DE LAS SKYE DGOS PA'I PHYIR RO, ,DE LA MNGAL DU DANG POR CHAGS PA'I TSE SNYING GA'I LTE BA LA RO RKYANG DBU MA GSUM, SHAR DANG LHO'I RTZA 'DAB MA GNYIS LA RIM PA LTAR GSUM SKOR MA DANG 'DOD MA STE LNGA DUS MNYAM DU CHAGS SO, ,DE NAS NUB TU KHYIM MA, BYANG DU GTUM
, ,MO DBU MA DANG LHAN CIG TU BDUD BRAL MA STE GSUM CHAGS SO, ,SNYING GAR DANG POR CHAGS PA'I RTZA BRGYAD NI DE RNAMS YIN NO, ,PHYOGS KYI RTZA BZHI NI, RO RKYANG GNYIS DBU MA LA NANG DU BUG PA BRTOL BA'I TSUL GYI RTZA BA ZUG NAS YOD DO,,DE YANG MTSAMS KYI RTZA BZHI NI PHYOGS KYI RTZA BZHI LAS GYIS PA YIN LA, DE YANG DPER BRJOD NA SHAR GYI GSUM SKOR MA LAS SHAR LHO MTSAMS KYI RTZA DE GYES PA YIN LA, MTSAMS KYI RTZA GZHAN GSUM NI RIM PA LTAR LHO'I 'DOD MA DANG, NUB KYI KHYIM MA, BYANG GI GTUM MA GSUM LAS GYIS PA YIN NO, ,DES NA SNYING GA'I RTZA 'DAB BRGYAD NI, GSUM SKOR MA SOGS PHYOGS KYI RTZA 'DAB BZHI DANG, DE LAS GYES PA'I MTSAMS KYI RTZA BZHI STE BRGYAD PO DE YIN PAS, SNYING GAR DANG POR CHAGS PA'I RTZA BRGYAD DANG MI GCIG GO ,RTZA BRGYAD PO DE LAS SKU GSUNG THUGS KYI RTZA 'DAB GSUM GSUM GYES PAS BRGYAD GSUM NYI SHU RTZA BZHI YIN NO, ,NYER BZHI PO DE'I STENG DU SNYING GAR DANG POR CHAGS PA'I RTZA BRGYAD BSNAN PAS DE LA BYANG SEMS 'BAB PA'I RTZA SO GNYIS ZHES THA SNYAD BYED PA YIN NO, ,NYER BZHI PO DE LA GSUM GSUM DU GYES PA'I BDUN CU RTZA GNYIS SU 'GYUR BA YIN NO, ,DE YANG SKU GSUNG THUGS SAM THIM PA DANG, LONGS SPYOD DANG, BDAG PO GSUM GYI SGO NAS 'BYED PA YIN NO, ,BDUN CU RTZA GNYIS PO DE LA RE RE LAS STONG STONG DU GYIS PAS RTZA STONG PHRAG BDUN CU RTZA GNYIS 'ONG BA YIN NO, ,DE YANG RO RKYANG GSUM KYI GNAS TSUL CUNG ZAD BRJOD NA, RO RKYANG GNYIS KYIS DBU MA LA LCAGS SGROG GI TSUL DU 'KHYUD NAS YOD LA,
DE YANG DBU MA DBUS NA YOD CING, DE'I NANG NAS MUN PA DANG KHU KHRAG DANG RLUNG 'BYUNG BAS NA SNYING STOBS RDUL MUN GSUM GYI NANG NAS MUN PA'I RTZA DANG, SKYES PA BUD MED MA NING GSUM LAS MA NING GI RTZA DANG, NYI ZLA SGRA GCAN GSUM GYI NANG NAS SGRA GCAN GYI RTZA ZHES BYA'O, ,DBU MA'I GA-YAS NA ROM GNAS SHING, DE'I NANG NAS KHU BA CUNG ZAD DANG 'DRES PA'I KHRAG SHAS CHER 'BAB PO, ,DE'I KHA NI STENG GI PHYOGS NA YOD DE STENG 'OG GNYIS KA LA BUG PA YOD PA LA, STENG GI PHYOGS KHO NA LA KHA YOD ZER BA'I RGYU MTSAN NI, KHRAG PHYIR 'PHEN PA DANG NAD DU SDUD PA'I BYA BA STENG PHYOGS KYI MGRIN PA NAS BYED CING, 'OG GI BU GA NAS MI BYED PAS DE'I DON YIN NO,,RKYANG MA NI DBU MA'I GA-YON NA YOD CING, KHRAG DANG CUNG ZAD 'DRES PA'I KHU PA SHAS CHER 'BAB BO, ,DE LA ZLA BA DANG, SKYES PA DANG, SNYING STOBS DANG, THABS KYI RTZA ZHES BYA STE, KHU BA GTZO BOR 'BAB PA'I CHA NAS YIN PA 'DRA'O, ,RO MA LA NYI MA DANG BUD MED DANG, RDUL DANG, SHES RAB KYI RTZA ZHES BYA STE, KHRAG GTZO BOR 'BAB PA'I SGO NAS YIN PA 'DRA'O, ,DE LA RO RKYANG DBU SKYES PA DANG, SNYING STOBS DANG, THABS KYI RTZA ZHES BYA STE, KHU BA GTZO BOR 'BAB PA'I CHA NAS YIN PA 'DRA'O, ,RO MA LA NYI MA DANG BUD MED DANG, RDUL DANG, SHES RAB KYI RTZA ZHES BYA STE, KHRAG GTZO BOR 'BAB PA'I SGO NAS YIN PA 'DRA'O, ,DE LA RO RKYANG DBU MA GSUM NI SPYI BO NAS SUM MDO'I BAR DU YOD LA, DE NAS GSUM DU GYES TE RO RKYANG DBU MA GSUM GYI TSAN GCIG RKANG MTHIL BAR DU 'GRO LA, TSAN GCIG NOR BU'I RTZE'I BAR DU 'GRO BAS RKANG PA GNYIS DANG NOR BU GSUM GA LA RTZA GSUM YOD PA 'DRA BA YIN NO, ,RKYANG MA'I STENG 'OG GNYIS KA LA BUG PA YOD PA 'DRA BA LA LTE BA KHO NA LA KHA YOD CES PA NI KHU BA PHYIR 'PHEN PA DANG, NANG DU 'DZIN PA GNYIS KA LTE BA NAS BYED PAS DE'I CHA NAS YIN NO, ,DE YANG LTE BA YAN CHAD KYI DBANG DU BYAS PA
, ,YIN LA, LTE BA MAN CHAD DU RKYANG MA DBUS SU YOD CING DRI CHEN 'BAB LA, DBU MA GA-YON NA YOD CING KHU BA 'BAB, RO MA GA-YAS NA YOD CING GCI BA 'BAB, SDOM 'BYUNG LAS, RO MA 'BYUNG BA'I LAM DU BSHAD, RKYANG MA 'JUG PA'I LAM DU BSHAD PA NI SHES PA'I YUL 'DZIN PA'I DUS SU RO MA'I NANG NAS RLUNG DANG BSDONGS NAS PHYIR DON TE YUL 'DZIN CING, YUL ZIN NAS RLUNG DANG LHAN CIG TU RKYANG MA'I NANG NAS 'JUG PA YIN NO, ,RTZA 'KHOR BZHIR BYANG SEMS 'BAB PA'I CHA NAS DGA' PO BZHI'AM, BCU DRUG TU 'GYUR TSUL NI, GTUM MO BSGOMS PAS DMAR CHA 'PHEL TE BYANG SEMS ZHU BA SPYI BO NAS 'BAB PA NAS BZUNG STE, MGRIN PAR SLEB SLEB KYI BAR LA DGA' BA BZHI'I NANG NAS DGA' BA DANG, DGA' BA DE LA YANG DGA' BA'I DGA' BA DANG, DGA' BA'I MCHOG DGA' DANG, DGA' BA'I KHYAD PAR GYI DGA' BA DANG, DGA' BA'I LHAN SKYES KYI DGA' BA YOD PAS DE DAG KYANG SKYE'O, ,DE BZHIN DU BYANG SEMS MGRIN PA NAS 'BAB PA NAS BZUNG STE SNYING GAR SLEB SLEB KYI BAR NI, DGA' BA'I NANG NAS MCHOG DGA' DANG, DE LA YANG DGA' BA BZHI YOD PAS DE DAG KYANG SKYE'O, ,SNYING GA NAS 'BAB PA NAS BZUNG STE LTE BAR SLEB SLEB KYI BAR NI, KHYAD PAR GYI DGA' BA DANG, DE LA YANG DGA' BA BZHI YOD PA RNAMS SKYE'O, ,LTE BA NAS 'BAB PA NAS BZUNG STE, NOR BU'I RTZER SLEB SLEB KYI BAR NI, LHAN SKYES KYI DGA' BA DANG, DE LA YANG DGA' BA BZHI YOD PA RNAMS SKYE'O, ,DE YANG GRAGS TSOD LA RTZA 'KHOR BZHIR GRAGS SHING, ZHIB TU BYAS NA RTZA
'KHOR BDUN YOD DE, DE YANG BZHI PO DE'I STENG DU GTZUG TOR NA RTZA 'DAB BZHI, GSANG GNAS LA RTZA 'DAB SO GNYIS, NOR BU'I DBUS NA RTZA 'DAB BRGYAD YOD PA'I RTZA 'KHOR GSUM STE BDUN NO, ,'KHOR LO DE DAG GI LTE BA LA RO RKYANG GNYIS GANG RUNG GCIG GIS STENG DANG, GCIG GIS 'OG NAS 'KHYUD YOD CING, DE YANG DE GNYIS KYI BAR NA DE GNYIS KYIS MA SLEBS PA'I STONG PA CUNG ZAD RE YOD DE, DE YANG SNYING GA'I DBU MA'I NANG NA RNAM SHES DANG LHAN CIG TU SKYES PA'I RLUNG YOD LA, DE LA YE SHES KYI RLUNG MI SHIGS PA'I THIG LE ZHES KYANG ZER RO, ,KHU KHRAG GNYIS KYANG YOD CING, DE LA RTZA MDUD KYI THAD KYI DBU MA'I NANG NA YOD DO, ,LUS ZUNGS BCU DRUG GI NANG NAS KHU KHRAG GTZO BO YIN CING GZHAN RNAMS DE'I RNAM 'GYUR YIN LA, DE YANG DANG POR MNGAL DU CHAGS DUS KHU KHRAG SNYING GA NA YOD LA, DE NAS KHU BA STENG GI PHYOGS SU SONG STE GTZO BOR SPYI BO NA GNAS, DE YANG NAM DGOS PA NA SKYE BA YIN GYI, SNOD DU CHU BLUG PA'I TSUL GYIS YOD PA MIN NO, ,KHRAG 'OG TU SONG STE GTZO BOR LTE BAR GNAS LA GTUM MO 'BAR BA DANG THIG LE 'DZAG PA'I DMIGS PA LTE BA SOGS LA GTOD PA'I RGYU MTSAN DE YIN NO, ,RTZA DE DAG TU BYANG SEMS DKAR DMAR DANG RLUNG JI LTAR RGYU BA'I TSUL NI, RTZA STONG PHRAG BDUN CU RTZA GNYIS PO DE LA, STONG PHRAG NYER BZHI TSAN PA GSUM DU YOD LA, DE'I TSAN GCIG NAS KHU BA, CHAN GCIG NAS KHRAG, TSAN GCIG NAS RLUNG 'BAB PAS RTZA STONG PHRAG BDUN CU RTZA GNYIS LAS KHU KHRAG RLUNG GSUM 'BAB TSUL DE YIN NO, ,YANG DE'I GYES GZHI'I RTZA BDUN CU RTZA GNYIS LA YANG RTZA NYER BZHI TSAN PA GSUM YOD PAS, GSUM PO DE LA YANG KHU
, ,KHRAG RLUNG GSUM 'BAB TSUL SNGA MA DANG 'DRA LA, BDUN CU RTZA GNYIS PO DE'I GYES GZHI'I RTZA NYER BZHI PO DE LA YANG BRGYAD TSAN GSUM YOD PAS GSUM PO DE LA YANG KHU KHRAG RLUNG GSUM GYI 'BAB TSUL SNGA MA DANG 'DRA'O, ,RTZA NYER BZHI PO DE'I GYES GZHI'I SNYING GA'I RTZA 'DAB BRGYAD LA NI, BSHAD GCI GNYIS, KHU KHRAG GNYIS, BAD KAN TE BDUD RTZI LNGA 'BAB BO, ,BRGYAD PO'I GYES GZHI RO RKYANG DBU MA GSUM YIN LA, DE DAG GI 'BAB TSUL NI SNGAR BSHAD ZIN TO, ,RTZA RNAMS BSDUS NA STONG PHRAG BDUN CU RTZA GNYIS PO DE RTZA BDUN CU RTZA GNYIS SU 'DU LA, DE YANG NYER BZHIR 'DU'O, ,DE SNYING GA'I RTZA 'DAB BRGYAD DU 'DU, BRGYAD BO DE'ANG RO RKYANG DBU MA GSUM DU 'DU'O, ,RO RKYANG GNYIS KYANG DBU MAR 'DU BA YIN NO, ,YANG GYES TSUL NI GONG LTAR RO, ,LHA GTZO BO LAS SPRO BSDU BYED TSU NI, SNYING GA'I RTZA DANG RLUNG LAS PHYOGS KYI RTZA DANG RLUNG RNAMS SPRO BSDU BYED PA DE LA DPE BYAS PA BSGOM PA YIN NO, ,YANG SNYING GA'I RTZA ZHES PA NI SROG RTZA YIN LA, RTZA DE YANG SGAL TSIGS KYI NANG TZAM NA SGAL TSIGS LA BRTEN NAS GNAS PA YIN NO, ,DE LA RO RKYANG DBU MA GSUM BRTEN NAS YOD DE, DE'I MGO BO GRU GSUM DU YOD LA, MGRIN PAR GZHON NU MA'I NU MA 'DRA BA DANG, SNYING GAR BA YI MIG 'DRA BA DANG, LTE BAR PADMA 'DRA BA DANG, GSANG GNAS NA RDO RJE 'DRA BA DANG, NOR BU'I RTZE NA ZAR MA'I ME TOd DANG DE'I PHYI DBYIBS 'DRA'O, ,DES NA RTZA DANG RLUNG GANG YIN KYANG SNYING GA NA YOD DE ZHES PA NI NU MA GNYIS KYI BAR GYI THAD DRANG SKAL TSIGS KYI NANG TZAM NA YOD PA LA GO DGOS SO, ,SNGAR BSHAD PA'I BYANG SEMS 'BAB PA'I RTZA SO GNYIS PO DE SPYI BO'I RTZA 'DAB MIN TE, DE'I NANG
NA SNYING GA'I RTZA 'DAB BRGYAD 'DUG PA'I PHYIR, SO GNYIS PO DE BDE MCHOG GI LHA MO DANG SBYAR NA RO RKYANG DBU MA GSUM NI RDO RJE PHAG MO DANG, SKU GSUNG THUGS KYI RTZA NYER BZHI NI 'KHOR LO GSUM GYI LHA MO NYER BZHI DANG, GSUM SKOR MA SOGS PHYOGS KYI RTZA NI SA CHU ME RLUNG 'BYUNG BA'I RTZA YIN PAS, BDE CHEN 'KHOR LO'I LHA MO BZHI DANG SBYOR BA YIN LA, SGO MTSAMS MA BRGYAD LA RTZA DANG SBYOR RGYU MED PA 'DRA GSUNG, SNYING GA'I DBU MA'I NANG GI H'Um RING PO NI BDE MCHOG DANG, SKU GSUNG THUGS KYI RTZA NYER BZHI'I NANG GI KHAMS NYER BZHI NI, 'KHOR LO GSUM GYI DPA' BO NYER BZHI DANG SBYOR RO, ,DE YANG BDUD BRAL MA LAS 'CHI BA'I DUS MA GTOGS GZHI DUS SU BYANG SEMS MI 'BAB PAS DE LHA DANG MI SBYOR RO, ,DE LA BDUD ZER BA'I RGYU MTSAN NI RANG GZHAN GNYIS KAR BYANG SEMS 'BAB PA 'GOG PA'O, ,DE YANG GZHI DUS SU SEMS CAN THA MAL PA LA 'CHI DUS SU MA GTOGS DE'I NANG NAS BYANG SEMS MI 'BAB KYANG LAM DUS SA MTHON POR SONG BA'I TSE 'CHI BA'I GONG NAS KYANG DE'I NANG NAS BYANG SEMS 'BAB PA'O, ,RTZA SO GNYIS KYI TSE BDUD BRAL MA MA GTOGS SO GCIG PO DE BDAG MED MA LHA MO BCO LNGA DANG YANG SBYOR BA YIN TE, GTZO BO LA RTZA GSUM, 'KHOR BCU BZHI LA RTZA GNYIS GNYIS TE NGES SO GCIG THIM MO, ,LHA MO DE DAG BSKYED PA'I YI GE NI, A'A: TSEG DRAG CAN MA GTOGS PA'I DBYANGS LHAG MA BCO LNGA YIN NO, ,RLUNG DANG GTUM MO'I RNAL 'BYOR LA BRTEN NAS LTE BA'I KHRAG DANG, SPYI BO'I BYANG SEMS YAR MAR DU 'GRO BA SRID KYI SNYING GA'I RTZA MDUD KYI DBU MA'I NANG GI BYANG SEMS DKAR DMAR GNYIS DANG, LHAN SKYES KYI RLUNG
, ,RNAMS 'CHI BA'I TSE MA GTOGS 'PHO 'JUG MI BYED PA YIN NO, ,RDZOGS RIM GYI RTAGS PA RNAL MA ZHIG RGYUD LA SKYE BAR 'DOD NA DE LA 'CHI BA'I DUS KYI RLUNG GI 'BYUNG BA SDUD RIM SHES DGOS SO, ,DE LA BSKYED RIM SHES DGOS PAS, DE NI THAMS CAD STONG PA STE 'CHI BA'I 'OD GSAL LAS, STONG PA NYER THOB DRI ZA BAR SRID SKYE BA'I SEMS 'BYUNG, DE LAS THABS MCHED PA STE, BAR DO DRI DANG GNAS LA 'DOD PA'I SEMS 'BYUNG, DE LAS SHES RANG SNANG BA STE, MNGAL DU SKYE BA 'DZIN PA'I SEMS 'BYUNG, DE NAS MNGAL DU NYID MTSAMS SBYAR MA THAG 'BYUNG BA BZHI GA YOD MOD, 'ON KYANG 'BYUNG BA RAGS PA SKYE BA'I DBANG DU BYAS NA, DANG PO RLUNG ME CHU SA RNAMS RIM PAR LTAR 'BYUNG ZHING, DE'I RJES NAS GZUGS SOGS PHUNG PO RNAMS DANG, MIG SOGS SKYE MCHED RNAMS 'BYUNG LA, DE NAS RANG BZHIN BRGYAD CU'I RTOG PA RNAMS 'BYUNG NGO, ,DE LA NYIN MTSAN GYI DBYE BA GNYIS KYIS PHYE BAS BRGYA DRUG CU YIN NO, ,SDUD RIM DUS SU SA CHU LA THIM, CHU MEL THIM, ME RLUNG LA THIM, RLUNG SEMS LA THIM, SEMS SNANG BA LA, DE MCHED PA LA, DE NYER THOB LA, DE THAMS CAD STONG PA 'OD GSAL LA THIM, DE NI 'CHI BA'I 'OD GSAL LAM, 'CHI BA DNGOS YIN NO, ,DE YANG SA CHU LA THIM ZHES BRJOD KYANG SA KHAMS YE MED DU SONG BA NI MIN LA, SAS SHES PA'I RTEN MI BYED PA LA SA CHU LA THIM ZHAS BRJOD PA YIN NO, ,CHU ME LA THIM CHUL SOGS KYANG DE DANG 'DRA'O, ,RLUNG RNAM SHES LA THIM ZHES PA SNA SGOR RGYU BA'I RLUNG RAGS PAS SHES PA'I RTEN MI BYED
PA'AM, ,YANG NA RLUNG RAGS PA DE SNYING GA'I RTZA MDUD KYI DBUS KYI DH'U T'I'I NANG GI LHAN SKYES KYI RLUNG PHRA BA LA THIM PA'O, ,DE'I DUS NA RLUNG RAGS PAS SHES PA'I RTEN MI BYAD KYANG LHAN SKYES KYI RLUNG PHRA MAS SHES PA'I RTEN BYED PA YIN NO, ,RLUNG PHRA BA GCIG PUS SHES PA'I RTEN BYED KYI RAGS PAS MI BYED PA'I DUS NI, RLUNG SEMS SNANG BA LA THIM NAS STONG CHEN 'OD GSAL LA THIM PA'I BAR DU'O, ,DE NAS 'OD GSAL LAM 'CHI BA'I 'OD GSAL LAS STONG CHEN NYER THOB DRI ZA'I SEMS BAR DO SOGS 'BYUNG BA SNGAR DANG 'DRA'O, ,DES NA GZHI DUS SU RTZA DANG RLUNG DANG 'BYUNG BA RNAMS DANG POR CHAGS PA SNYING GNAS CHAGS LA, MTHAR SDUD PA YANG SNYING GAR SDUD PA DANG 'DRA BAR LAM BSKYED RIM GYI SKABS SU SNYING GA'I TING NGE 'DZIN SEMS DPA' LA SPRO BSDU MANG DU BYAS TE BSGOMS PAS, RDZOGS RIM GYI SKABS SU 'CHI DUS KYI 'BYUNG BA SDUD PA DGUG MI DGOS PAR DE'I GONG DU TING NGE 'DZIN GYI MTHUS 'BYUNG BA RNAMS RIM GYIS BSDUS NAS GNYIS SNANG DANG BRAL BA'I 'OD GSAL SKYE BA YIN NO, ,DES BLA MED KYI RGYUD SDE DU MA NAS BSKYED RIM GYI SKABS SU GZHI DUS KYI SKYI SHI BAR DO GSUM DANG SBYAR NAS BSGOM DGOS PA MANG DU GSUNGS PA YANG, RDZOGS RIM GYI SKABS SU BOGS 'DON TSUL GZHAN DANG YE MI 'DRA BA LA DGONGS PA YIN NO, ,YANG RTZA RLUNG THIG LE MANG DU GSUNGS PA'I DGOS PA NI, 'CHI BA'I TSE LTE BA'I DMAR CHA YAR 'GRO, SPYI BO'I DKAR CHA MAR 'ONGS PA'I 'DU 'PHROD LA BRTEN NAS GNYIS SNANG DANG BRAL BA'I 'OD GSAL MNGON DU 'GYUR LA, DE YANG GNYIS SNANG 'GAGS PA TZAM LA 'OD GSAL
, ,DU BTAGS PA YIN GYI, MTSAN NYID PA NI MIN NO, ,DE DANG 'DRA BAR LAM DUS SU RLUNG DANG LTE BA'I GTUM MO'I RNAL 'BYOR LA BRTEN NAS DMAR PO DANG, DKAR PO'I 'DU 'PHROD BYED PA YOD CING, 'DU 'PHROD BYUNG DUS GNYIS SNANG RAGS PA 'GAGS PAS DE'I DUS SU STONG NYID KYI NGES SHES GSAL BTAB NAS GZHAN DANG MI 'DRA BA'I STONG NYID RTOGS PA LA BOGS 'ONG BAS DE LA DGONGS NAS BSHAD PA YIN NA, ,RTZA NYER BZHI DANG, BDUN CU RTZA GNYIS DANG, STONG PHRAG BDUN CU RTZA GNYIS LA SKU GSUNG THUGS SAM, LUS NGAG YID GSUM LA SOGS PA GSUM GSUM 'BYED PA DANG, GSUM DU GRANGS NGES PA NI RTZA DE DAG GI NANG NAS 'BAB PA'I RDZAS LA BYANG SEMS DKAR DMAR GNYIS DANG RLUNG GSUM DU NGES PAS DE'I GNAD YIN NO, , GZHI DUS SU RTZA DANG RLUNG CHAGS PA'I RIM PA'AM, SEMS CAN SKYE BA'I RIM PA DANG MTHUN PAR BSKYED RIM GYI SKABS SU LHA SKU BSGOMS PAS, RDZOGS RIM GYI SKABS SU TING NGE 'DZIN GYI MTHUS 'BYUNG BA BSDUS NAS GNYIS SNANG DANG BRAL BA'I 'OD GSAL LA MNYAM PAR BZHAG PA'I RJES SU DE LAS LANGS MA THAG KHO NAR 'JA' LUS LAS GRUB PA'I LHA SKUR LDANG BA YIN LA, DE NI 'BRAS DUS KYI GZUGS SKU GNYIS KYI NYER LEN GYI RGYU BYED DO, ,DES NA BSKYED RIM GYI SKABS KHO NAR LHA'I SKU BSGOM LA, RDZOGS RIM GYI SKABS SU LHA SKU YE MI SGOM NA RDZOGS RIM GYI SKABS SU GZUGS SKU GNYIS KYI THUN MANG MIN PA'I NYER LEN GYI RGYU MED PAR THAL PA'I SKYON YOD PAS SKABS DER YANG LHA SKU NGES PAR BSGOM DGOS SO, ,RLUNG
CHAGS TSUL NI, MNGAL DU NYID MTSAMS SBYAR NAS SNYING GA'I RTZA MDUD CHAGS PA'I TSE DE'I NANG GI LHAN SKYES KYI RLUNG LAS SNA SGOR RGYU BA'I SROG 'DZIN GYI RLUNG SKYE LA, RLUNG DE GNYIS KA'ANG SROG 'DZIN GYI RLUNG YIN NO, ,DE'I TSE SEMS CAN GYI LUS NYA'I RNAM PA LTA BAR YOD PAR, RGYUD RDO RJE 'PHRENG BAR BSHAD, DE YANG MNGAL DU ZHUGS PA'I ZLA BA DANG PO'I DUS KYI SKYE TSUL YIN NO, ,ZLA BA GNYIS PA'I TSE SROG 'DZIN GYI RLUNG LAS THUR SEL GYI RLUNG SKYE LA, SROG 'DZIN GYI RTZA BA'I GNAS NI SNYING GA YIN CING, THUR SEL KYI RTZA BA'I GNAS NI GSANG GNAS YIN NO, ,DE'I TSE LAG PA GNYIS RKANG PA GNYIS TE BZHI MGO DANG BCAS PA'I 'BUR BU LNGA DOD PAS LUS RUS SBAL GYI RNAM PA LTA BU YOD DO, ,ZLA BA GSUM PA LA THUR SEL GYI RLUNG LAS MNYAM GNAS KYI RLUNG SKYE LA, DE'I RTZA BA'I GNAS NI LTE BA YIN NO, ,DE'I YAN LAG LNGA CHANG BA LA CUNG ZAD RGUR POR YOD PAS PHAG RGOD KYI RNAM PA LTA BUR YOD DO, ,ZLA BA BZHI PA LA MNYAM GNAS KYI RLUNG LAS GYEN RGYU'I RLUNG SKYE LA, DE'I RTZA BA'I GNAS NI MGRIN PA YIN NO, ,DE'I TSE STOD CUNG ZAD RGYAS PA SENG GE'I RNAM PAR YOD DO, ,ZLA BA LNGA PA LA GYEN RGYU'I RLUNG LAS KHYAB BYED KYI RLUNG SKYE LA, DE'I RTZA BA'I GNAS NI TSIGS CHEN BCU GNYIS YIN NO, ,ZLA BA DRUG PA LA MIG GI SGOR 'BYUNG BA'I RLUNG KLU ZHES BYA BA SKYE LA 'BYUNG BAS SKYE, ZLA BA BDUN PA LA RNA BA'I SGOR 'BYUNG BA'I RLUNG RUS SBAL DANG, 'BYUNG BA CHU SKYE, ZLA BA BRGYAD PA LA SNA'I SGOR RGYU BA'I RLUNG RTZANGS PA DANG, 'BYUNG BA ME SKYE, ZLA BA DGU BA LA LCE LA RGYU BA'I RLUNG LHA SBYIN DANG 'BYUNG BRLUNG SKYE,
, ,ZLA BA BCU PA LA LUS LA RGYU BA'I RLUNG GZHU LAS RGYAL DANG 'BYUNG BA NAM MKHA'I KHAMS TE, LUS KYI BUG PA DANG SBUBS RNAMS 'BYUNG, YAN LAG GI RLUNG LNGA PO DE DAG GTZO CHER SROG 'DZIN GYI RLUNG YIN LA, RLUNG GZHAN BZHI PO DE DAG KYANG DBANG PO'I SGO RNAMS LA RGYU BA SRID DO, ,SROG 'DZIN GYIS CHE GNAS PA DANG, SNA SGO LA RGYU BA'I LAS BYED LA, THUR SEL GYIS BSHANG GCI THUR DU 'DREN PA'I BYA BA BYED, MNYAM GNAS KYIS ZAS KYI DVANGS MA MA LUS PA LUS LA 'GREM PA'I BYA BA BYED, DVANGS SNYIGS 'BYED MKHAN NI LTE BA'I GTUM MO'I MES BYED, GYEN RGYUS ZAS LA MYANG BA DANG SMRA BA SOGS DANG RLUNG GZHAN RNAMS GYEN DU 'GRO BA'I BYA BA BYED DO, ,KHYAB BYED KYIS LUS KYI NANG GI RLUNG GZHAN RNAMS LA KHYAB PA DANG, 'GRO BA SOGS KYI BYA BA BYED DO, ,THUR SEL, SROG 'DZIN, GYEN RGYU, MNYAM GNAS BZHI NI RIM PA BZHIN SA CHU ME RLUNG BZHI DANG, RDO RJE MGON PO, RIN CHEN MGON PO, PADMA MGON PO, LAS KYI MGON PO BZHI'I RLUNG YIN LA, DE YANG MGON PO RE RE'I RLUNG RGYU BA NA, DGU BRGYA PA PHRAG RE RA RGYU LA, DE LA 'BYUNG BA CHE CHUNG GI DBANG DU BYAS NA 'BYUNG BA CHE BA'I RLUNG YIN LA, DE LA NYIS BRGYA NYER LNGA PA TSAN PA BZHIR BYAS LA, TSAN PA RE RE LA GOS DKAR MO LA SOGS PA LHA MO BZHI'I RLUNG YIN CING, LHA MO'I RLUNG LA 'BYUNG CHUNG GI RLUNG ZER, DES NA MGON PO RE RE'I RLUNG RGYU BA NA, LHA MO BZHI BZHI'I RLUNG RGYU BAS 'BYUNG BA CHE BA'I RLUNG RE RE RGYU BA NA, 'BYUNG BA CHUNG BA'I RLUNG BZHI BZHI RGYU BA YIN NO, ,MGON PO BZHI'I RLUNG GI KHYAD PAR NI, PADMA MGON PO'I RLUNG RGYU BA'I TSE
YANG KHA DOG RNAM PA LNGA'I RLUNG RGYU LA, DE'I TSE DMAR POS GZHAN BZHI LA KHYAB PAR RGYU BA YIN NO, ,DE BZHIN DU RIN CHEN MGON PO, RDO RJE MGON PO, LAS KYI MGON PO RNAMS LA YANG, SER PO DANG, DKAR PO DANG, LJANG GU RNAMS GTZO CHE ZHING, GZHAN PHAL PA'I TSUL GYIS RGYU BA YIN NO, ,DE YANG LHA MO BZHI'I RLUNG RGYU BA'I TSUL NI, ME GOS DKAR MO'I RLUNG RGYU BA'I TSE NI, SNA BUG GA-YAS PA LTA BU'I DBANG DU BYAS NA, DMAR PO DBUS, GA-YON PA LJANG GU ,'OG LA DKAR PO, SER PO STENG DANG, SNGON PO GA-YAS LA RGYU BA YIN NO, ,DES MTSON NAS ME'I RLUNG RGYU BA'I TSE LJANG GU DBUS DANG, ME'I SA RGYU BA'I CHE SER PO DBUS DANG, ME'I CHU RGYU BA'I TSE DKAR PO DBUS SU RGYU BA YIN NO, ,YANG MGON PO BZHI'I RLUNG RGYU BA'I TSE SNA BUG GA-YAS PA LTA BU ZHIG GI GA-YAS GA-YON LA RGYU ZHES BLA MA KHA CIG GSUNG BA MI 'THAD PAS, PADMA MGON PO LTA BU SNA BUG GA-YAS KHO NA DANG, LAS KYI MGON PO GA-YON KHO NA DANG, RIN CHEN MGON PO GNYIS KA NAS DRAG TU RGYU ZHING, RDO RJE MGON PO GNYIS KA NAS DAL PAR RGYU BA YIN NO, ,DE LA GSANG BA 'DUS PA'I LUGS KYI NYIN ZHAG PHRUGS GCIG LA THUN BCU GNYIS, THUN PHYED PA NYER BZHI, THUN PHYED PA RE RE LA MGON PO RE RE'I RLUNG DGU BRGYA PA PHRAG RE RE RGYU LA, DGU BRGYA PA RE RE LA LHA MO BZHI BZHI'I RLUNG RGYU BA DE 'BYUNG CHEN GYI DKYIL 'KHOR NYER BZHI, DE RE RE LA 'BYUNG CHUNG GI DKYIL 'KHOR BZHI BZHIR PHYE BAS 'BYUNG CHUNG GI DKYIL 'KHOR DGU BCU RTZA DRUG RGYU BA YIN NO, ,'DI PA'I LUGS KYI 'PHO BA NYER BZHIR BYED PA YIN TE, 'PHO BA'I DON NI SNA BUG
, ,GA-YAS NAS GA-YON DU 'PHO BA LTA BU MIN LA, 'DI NI DGU BRGYA PA RE RE SONG BA NA 'PHO 'JUG BYED PA'I PHYIR RO, ,DBUGS NYI KHRI CHIG STONG DRUG BRGYA RGYU BA NI MGON PO BZHI'I RLUNG KHO NA YIN LA, KHYAB BYED KYI RLUNG NI 'CHI TSE MA GTOGS MI RGYU ZHING, DE'I TSE YANG CI TZAM RGYU BA'I NGES PA MI SNANG ZHING, MAN NGAG SNYE MA LAS, RGYA GAR BA'I BLA MA SNGA RABS RNAMS KYI MAN NGAG LAS, LHA MO GCIG GIS RLUNG NYIS BRGYA NYAR LNGA RTZA SO GNYIS NAS 'BAB PA'I TSE, BDUD BRAL MA'I NANG NAS DBUGS BDUN BRGYA LHAG TZAM ZHIG 'BAB PAR BSHAD LA, DE LTAR BDUD BRAL MA'I NANG DU 'CHI BA'I GONG NAS RLUNG 'BAB PA DANG, KHYAB BYED KYI RLUNG 'CHI BA'I GONG NAS RGYU BA 'DRA BA ZHIG 'BYUNG LA, 'ON KYANG MAN NGAG DE YID CHES PA'I GNAS SU KHAS LEN PA'I NGES PA MI SNANG NGO, ,KHYAB BYED KYI RLUNG NI 'BYUNG BA NAM MKHA'I RLUNG YIN LA, SA RLUNG DANG, CHU RLUNG DANG, ME RLUNG DANG, RLUNG GI RLUNG RNAMS RGYU BA'I TSUL NI, RIM PA LTAR THAD KA DANG, 'OG DANG, STENG DANG, GYEN SOGS LA RGYU BA YIN NO, ,MA RGYUD NAS GSUNGS PA'I RTZA 'DAB NAS RGYU TSUL NI, PHYI'I DBANG DU BYAS NA NYIN ZHAG GCIG LA DBYU GU DRUG CU RE BZHI YOD LA, DE DANG MTHUN PAR GANG ZAG GCIG LA NYIN ZHAG GCIG LA LTE BA'I 'DAB MA NAS DBYU GU DRUG CU RE BZHI'I RLUNG RGYU LA, DBYU GU RE LA RLUNG SUM BRGYA SUM CU SO PHYED DANG BRGYAD BRGYAD YOD DE, YANG NYIN ZHAG GCIG LA CHU TSOD SO GNYIS YOD LA, DE DANG MTHUN PAR CHU TSOD SO GNYIS KYI RLUNG SPYI BO'I RTZA 'DAB LA RGYU LA, CHU TSED RE LA RLUNG DRUG BRGYA DANG BDUN
CU RTZA LNGA YOD DO, ,YANG NYIN ZHAG GCIG LA 'PHO BA BCU DRUG YOD PA DANG MTHUN PAR 'PHO BA BCU DRUG GI RLUNG MGRIN PA'I RTZA 'DAB NAS RGYU LA, 'PHO BA RE RE'I RLUNG LA STONG DANG PHYED DANG BZHI BRGYA RE YOD CING, YANG NYIN ZHAG GCIG LA THUN TSOD BRGYAD YOD PA DANG MTHUN PAR SNYING GA'I RTZA 'DAB NAS THUN TSOD BRGYAD KYI RLUNG RGYU LA, THUN TSOD RE RE LA RLUNG NYIS STONG BDUN BRGYA RE YOD LA, 'DI DAG KYANG GANG ZAG GCIG GI NYIN ZHAG GCIG GI RLUNG NYI KHRI CHIG STONG DRUG BRGYA RGYU BA'I TSUL YIN CING, DE YANG 'KHOR LO BZHI PO RE RE NAS NYI KHRI CHIG STONG DRUG BRGYA SNGA PHYI MA YIN PAR DUS MNYAM DU RGYU BA YIN NO, ,DE YANG LTE BA'I 'DAB MA GNYIS NAS RLUNG RGYU BA RDZOGS PA'I TSE, SPYI BO'I 'DAB MA GCIG NAS GNYIS LA 'PHO, SPYI BO'I 'DAB MA GNYIS NAS RGYU BA RDZOGS PA'I TSE MGRIN PA'I 'DAB MA GCIG NAS GNYIS PAR 'PHO LA, MGRIN PA'I 'DAB MA GNYIS NAS RGYU BA RDZOGS PA'I TSE SNYING GA'I 'DAB MA GCIG NAS GNYIS PAR 'PHO BA YIN NO, ,DE LTAR RTZA RLUNG THIG LE BSHAD PA'I DGOS PA NI, DE DAG GI GNAS TSUL THINGS NAS DE LA GNAD DU BSNUN PAS STONG PA DANG BDE BA DBYER MED PA'I RDZOGS RIM GYI RTOGS PA SKYE BA'I DGOS PA YOD LA, STONG PA NI YUL LA BYED PA DANG, YUL CAN LA BYED PA GNYIS LAS, 'DI NI SH'ANTI PAS BSHAD PA LTAR YUL BDAG MED PA LTA BU YIN LA, BDE BDE LA RNAM PA MANG DU YOD DE, MTSAN NYID THEG PA NAS BSHAD PA'I LUS SEMS SHIN SBYANGS KYI BDE BA DANG, DBUGS BGRANGS PA LA BRTEN NAS SKYES PA'I ZHI GNAS KYI BDE BA DANG, RGYUD SDE 'OG MA NAS BSHAD PA'I SROG BKAG
, ,PA'I RLUNG SBYOR GYI BDE BA SEMS NI 'DIR DON DU GNYER BYA MA YIN LA, 'O NA GANG YIN SNYAM NA, DGA' BA BZHI'I NANG NAS LHAN SKYES KYI DGA' BA YIN LA, DE YANG RLUNG LA RDOR BZLAS DANG, GTUM MO'I ME DMIGS BYAS PA'I STOBS KYIS LTE BA'I DMAR CHA 'PHEL NAS SPYI BO'I BYANG SEMS ZHU STE, LUS SHES KYI 'KHOR DU TSOR BA BDE BA SKYE LA, DES DE MA THAG RKYEN BYAS NAS YID LA DGA' BA'I BDE BA SKYE LA, DGA' BA DES STONG NYID YUL DU BYAS SHING BZUNG NAS DE DANG STONG NYID GNYIS NI NAM MKHA' LA NAM MKHA' LTA BUR SBYOR BA'I TSE, BDE STONG DBYER MED PA'I ZUNG DU 'JUG PA'I RDZOGS RIM ZHES BYA'O, ,YANG SNGAGS KYI SKABS SU STONG PA DANG SNYING RJE DBYER MED CES BSHAD PA'I STONG PA NI CHOS SKU'I NYER LEN GYI RGYUR GYUR PA'I STONG NYID RTOGS PA'I SHES RAB YIN LA, SNYING RJE NI SEMS CAN SDUG BSNGAL DANG BRAL NA SNYAM PA'I SNYING RJE KHO NA LA MI BYED KYI, GZUGS SKU'I NYER LEN GYI RGYUR GYUR PA'I THABS SNYING RJE YIN NO, ,DES NA SEMS KYI RTAN THIG LE YIN PAS RJE MAR PA NAS BRGYUD PA RNAMS LA NYIN ZHAG GCIG LA GNYID DU SONG MA SONG GNYIS SU NGES LA, GNYID DU SONG BA LA RMI LAM YOD MED GNYIS LAS, RMI LAM MED PA'I GNYID 'THUG GI DUS SU SEMS KYI RTEN BYANG SEMS DKAR DMAR SNYING GA NA GNAS PAS SNYING GAR SEMS 'DZIN LA, RMI LAM RMIS PA'I DUS SU DE GNYIS MGRIN PAR GNAS PAS MGRIN PAR SEMS 'DZIN LA, GNYID DU MA SONG BA'I DUS SU LTE BAR GNAS PAS DER SEMS 'DZIN LA, PHO MO SBYOR BA BYED PA'I
CHE DE GNYIS SPYI BO NA GNAS ZHES BRJOD DO, ,DUS 'KHAR BA'I LUGS LA DANG PO GNYIS SNGA MA DANG 'DRA LA, PHYI MA GNYIS LDOG STE BSHAD DO, ,GNYIS PA LA GNYIS, RDZOGS RIM SPYI'I RNAM GZHAG MDO TZAM DU BSTAN PA DANG, SKABS SU BAB PA'I DMIGS PA NGOS BZUNG BA'O, ,DANG PO NI, SPYIR SNGAGS KYI LUGS LA RAB TSE 'DI DANG, 'BRING BAR DO, THA MA SKYE BA BRGYUD NAS 'TSANG RGYA BA GSUM LAS, DANG PO NI GSANG 'DUS 'PHAGS LUGS PA DANG BSTUN NA DANG POR SEMS BSKYED BYANG SEMS KYI SDOM PA BZUNG NAS SPYOD PA PHAR PHYIN DRUG LA BSLAB PA SOGS LAM THUN MONG BAS RGYUD LEGS PAR SBYANGS NAS, DES DBANG BSKUR BA MTSAN NYID DANG LDAN PA THOB PAR BYAS TE, RTZA LTUNG DANG SBOM PO SOGS KYI DAM TSIG DANG SDOM PA DAG PAS RGYUD DAG PAR BYAS, DE NAS PHRA THIG GI BAR BSKYED RIM BRTAN PAR BYAS, DE NAS RDO RJE GSUM GYI RDZOGS RIM RNAMS RGYUD NAS BSHAD PA BZHIN THOB PAR BYAS LA, DE NAS RLUNG SEMS SHIN TU PHRA BA LA BRTEN NAS SGYU LUS RDO RJE 'CHANG GI SKUR LANGS TE, 'OD GSAL MNGON DU BYAS LA SLOB PA DANG MI SLOB PA'I ZUNG 'JUG MNGON DU BYED DO, ,GNYIS PA NI, SEMS DBEN LA GSUM LAS, SEMS SNANG BA'I YE SHES MAN CHAD KYI BSKYED RDZOGS KYI YON TAN RNAMS MTSAN NYID DANG LDAN PA RNAMS THOB DGOS LA, SNANG BA NYER THOB NI MA THONG DGOS SHING, SNANG BA MCHED PA NI THOB MA THOB GANG YIN KYANG DE'I TSE SPYOD PA BYED PA'I MTHUN RKYEN MA 'DZOM PA'AM, YANG ZHING LAS SOGS KYI BREL BA'I DBANG GIS SPYOD PA BYED RGYU MA BYUNG BAR 'CHI BA'I TSE DES SPYOD PA'I DOD
, ,THUB PAR BYED PA NI, 'DIR DPE KHA CIG LAS, N'A DA'I GNAD KYIS 'CHI BA'I GONG DU TING NGE 'DZIN GYI MTHUS 'BYUNG BA SDUD MI THUB LA, DE MA THUB NA SNANG BA NYER THOB KYI YE SHES MNGON DU MI 'GYUR BAS, DE 'CHI KHAR MNGON DU 'GYUR BA'I CHED DU 'CHI KHAR 'BYUNG BA SDUD PA'I TSE MAN NGAG NAS BSHAD PA'I 'BYUNG BA SDUD LUGS KYI DMIGS PA RNAMS BSKYANGS PAS SHI ZIN PA'I TSOD TZAM NA SNANG BA NYER THOB MNGON DU BYED CING, BAR DOR SKYES PA'I TSOD TZAM NA SGYU LUS THOB CING, DE NAS RTEN DE LA 'OD GSAL ZUNG 'JUG MNGON DU BYED DO, ,ZHES 'BYUNG NGO, 'BYUNG BA SDUD PA'I TSE MAN NGAG GI 'OD GSAL MNGON DU BYAS LA, DE'I MTHAR LONGS SKUR LANGS DE'I 'OD GSAL DANG ZUNG 'JUG MNGON DU BYED DO, , GSUM PA NI, TSE 'DI LA BLA MED KYI DKYIL 'KHOR GANG YANG RUNG BAR DBANG BSKUR MTSAN NYID DANG LDAN PA THOB PAS, DAM TSIG DANG SDOM PA DAG PAR BYAS PA CIG NGES PAR YAN LAG TU DGOS LA, BSKYED RIM DANG LUS DBEN RNAMS RGYUD LA SKYES MA SKYES GANG YIN KYANG RUNG SKYE BA BCU DRUG TSUN LA 'TSANG RGYA BA YIN NO, ,'DI LA SEMS DBEN GYI RTOG PA STONG PA GSUM GANG YANG MA SKYES PA DGOS TE, SKYES NA 'DI LA 'TSANG RGYA BA'AM YANG NA BAR DOR 'TSANG RGYA BA'I PHYIR RO, , YANG RJE MAR PA NAS BRGYUD PA RNAMS KYI LUGS LA BSKYED RIM BRTAN PA GZHIR BZHAG NAS, RLUNG GTUM MO SPYOD PA GSUM MTHAR PHYIN NA TSE 'DI LA 'TSANG RGYA, DE LTAR MA NUS NA DA GZOD 'CHI BA'I 'OD GSAL ZIN PA'I DON DU DA LTA GNYID
'THUG DANG GNYID KYI STONG PA BSRES NAS BSGOM, DE LEGS PO ZHIG BYUNG NA DA GZOD 'CHI TZA NA THA MAL GYI 'CHI BA RANG DGA' BAR MI 'GRO BAR, 'OD GSAL GZUNG NAS 'CHI BA CHOS SKUR 'KHYER THUB LA, DA GZOD BAR DO ZIN PA'I DON DU DA LTA DANG POR RMI LAM GYI MAN NGAG LA SBYANGS NAS RMI LAM BZUNG LA, DE ZIN PA'I TSE BAR DO'I MAN NGAG DANG BSRES NAS BSGOMS PAS, DA GZOD BAR DO ZIN TE SBYANGS PAS THA MAL GYI BAR DO RANG DGA' BAR MI 'CHOR BAR LONGS SKUR 'KHYER SHES, DE DUS PHAN THOGS PA YIN NO, ,DA LTA BSKYED RIM LA SBYANGS NA BAR DO'I SNANG BA THAMS CAD LHA SKUR 'CHAR ZHING, DE'I GNAD KYIS CHAGS SDANG KHEGS NAS MNGAL SKYES LTA BU'I SKYE SGO KHEGS NAS, SKYE GNAS SU SKYE BA MI LEN PAR, BAR DO'I RTEN DE LA LAM LHAG MA RNAMS BSGOMS TE 'TSANG RGYA BA YIN LA, BAR DOR 'TSANG RGYA MI NUS PAR SKYE GNAS GANG YANG RUNG BA ZHIG TU SKYE BA BRGYUD NAS 'TSANG RGYA DGOS PA DE NI 'PHO BA DANG GRONG 'JUG GI GDAMS NGAG SGOM PA YIN LA, 'DI NI RGYUD KYEE RDO RJE SOGS KYI DGONGS PA YIN GSUNG NGO, ,'DI NI GDAMS NGAG LEGS PO PHAN CHE BA ZHIG SNANG NGO, ,'ON KYANG BAR DOR SNANG BA LHA SKUR SHAR BAS MNGAL SKYES KHEGS SLA CHUG KYANG, SKYE GNAS GZHAN GSUM AE KHEGS YIN GSUNG NGO, ,DE YANG RNAL 'BYOR BLA MED KYI RDZOGS RIM GYI GNAD DAM GTZO BO NI, SPYI BO'I BYANG SEMS 'BAB PA LAS BYUNG BA'I LHAN SKYES KYI DGA' BA DANG, STONG NYID DBYER MED KYI TING NGE 'DZIN YIN PAR BRAM ZE CHEN PO SA RA HA LA SOGS PA'I RGYA GAR GYI MKHAS GRUB
, ,KHUNGS MA THAMS CAD ZHAL MTHUN LA, SPYI BO'I BYANG SEMS ZHU BA'I THABS SU RLUNG SBYOR DANG ME DMIGS SOGS MANG PO ZHIG GSUNGS KYANG, DE THAMS CAD GTUM MOR 'DU BA YIN NO, ,DE YANG SBYOR DRUG GI LUGS KYI NI, SOR BSAM GNYIS KYIS RTZA DBU MA'I LAM SBYANGS NAS, SROG RTZOL GYI RLUNG DBU MAR 'JUG CING 'DZIN PAS CHUD PA DE BRTEN PAR BYED LA, RJES DRAN GYI DUS SU RLUNG GI MTHUS SPYI BO'I BYANG SEMS ZHU NAS MI 'GYUR BA'I BDE BA SKYE LA, DE NAM SKYES PA NAS TING NGE 'DZIN GYI YAN LAG THOB PA YIN LA, DE NAS MI 'GYUR BA'I BDE BA NYI KHRI CHIG STONG DRUG BRGYA RDZOGS MA THAG TU 'TSANG RGYA BA YIN NO, ,GSANG 'DUS 'PHAGS LUGS PA'I LUGS NI, NGAG DBEN RDOR BZLAS MTHAR PHYIN PA'I STOBS KYIS SPYI BO'I BYANG SEMS ZHU NAS LHAN SKYES KYI DGA' BA SKYE LA, DGA' BA DES STONG NYID YUL DU BZUNG BA LA, BDE STONG DBYER MED ZER BA MA GTOGS STONG PA LA BDE BAS RGYAS BTAB PA DANG, BDE BA LA STONG PAS RGYAS BTAB PA LTA BU'I BDE STONG DBYER MED KYI DON MIN NO, ,DE LA LHAN SKYES KYI BDE BA SKYE BA LA SPYI BO'I BYANG SEMS ZHU DGOS PAS THIG LE DKAR PO ZHU RGYU YIN LA, DE ZHU BA LA LTE BA'I DMAR CHA 'BAR DGOS, DE YANG RLUNG GIS SBAR DGOS TE THIG LE DKAR DMAR DANG RLUNG GNAS PA'I GZHI NI RTZA YIN PAS, RDZOGS RIM GYI SKABS SU RTZA RLUNG THIG LE RNAMS ZHIB PAR 'CHAD PA'I RGYU MTSAN DE YIN NO, ,DE YANG DBU MA MI BSKYOD PA'I RTZA YIN PAS KHA DOG SNGON POR YOD LA, RO MA 'OD DPAG MED KYI RTZA YIN PAS KHA DOG DMAR PO DANG, RKYANG MA RNAM SNANG GI RTZA YIN PAS DKAR PO,
DE YANG SPYIR BTANG NGO, ,DMIGS BSAL LA GTUM MO 'BAR BA'I TSE NA GANG DU 'BAR BA'I RTZA RNAMS TIL MAR GYI MAR ME'I MDOG LTA BUR YOD DO, ,DE YANG SNYING KHA'I RTZA MDUD KYI NANG GI RTZA DBU MA'I 'OG PHYOGS KYI BU GA NI KHA BYE BA CHU SHING GI ME TOG LTA BU ZHIG YOD DO, ,RTZA MDUD KYI NANG GI RTZA DBU MA'I NANG GI H'Um NI KHYAD PAR LNGA DANG LDAN PA YIN TE, MI MTHUN PA'I RTOG PA 'JOMS PA'I DPA' BO, 'DOD PA SGRUB PA LA GZHAN GYIS MI SHIGS PA DANG, GTUM MO LA BRTEN NAS BDE BA SKYE BAS SA BON DANG, BYANG SEMS 'DZAG PA DANG, TSAD YUNGS 'BRU TZAM YOD PA YIN NO, ,BDAG MED MA DE AA THUNG NI, RGOD MA KHA'I ME ZHES BRJOD KYANG GLING BZHI PO RANG RANG GI LHO PHYOGS KYI LCAGS RI NAG PO'I 'OG GI MES CHU SKEM PA DANG 'DRA BAR LTE BA'I DMAR CHA 'BAR BA NAS SPYI BO'I BYANG SEMS ZHU BAR LHAN SKYES KYI DGA' BA SKYES PA'I TSE GZUNG 'DZIN GYI RNAM RTOG GCOD PA YIN NO, ,LTE BA SOGS SU AA THUNG SOGS BSGOM PA'I RGYU MTSAN NI, N'A RO PAn CHEN GYI SLOB MA KHA CIG ,SPYI BO NAS BYANG SEMS 'BAB PA'I TSE, DE NAS 'BAB PA'I BYANG SEMS LA CHA BZHIR BGOS PA'I CHA GCIG MGRIN PAR 'BAB PA'I TSE BSKAMS SHING MGRIN PAR CHA GSUM YOD PAS, DE DANG BSTUN NAS MGRIN PA'I A'A: LA RING CHA GSUM 'GYUR DANG, SNYING GAR 'BAB PA'I TSE NA CHA GSUM DU BGOS PA'I CHA GCIG BSKAMS PAS SNYING KHA'I H'Um LA RING CHA GNYIS DANG LDAN PA DANG, LTE BAR SLEBS PA'I TSE NA CHA GNYIS PO'I CHA GCIG BSKAMS PAS LTE BA'I AA LA RING CHA MI 'ONG BA'I RGYU MTSAN DE YIN NO GSUNG NGO, ,SLOB DPON AA BHA YAS NANG
, ,GI SGRA 'DON LUGS LA BRTAGS NAS BYED DO, ,GSANG GNAS NAS RLUNG STOD LA 'GRO BA'I TSE LTE BAR SLEBS PA NA AA THUNG GI SGRA SGROG PA DANG, SNYING GAR SLEBS PA NA H'Um RING CHA GNYIS KYI SGRA SGROG PA DANG, MGRIN PAR SLEBS PA NA AOm LA RING CHA GSUM DANG LDAN PA'I SGRA SGROG PAS DE'I CHA NAS LTE BAR AA THUNG, SNYING GAR H'Um RING PO, MGRIN PAR AOm RING CHA GSUM DANG LDAN PAR BSTAN PA'I DON DE YIN NO, ,MDOR BSDU NA SMAD NAS SONG BA'I RLUNG DE LTE BAR AA THUNG GI YUN DANG, SNYING GAR H'Um GI SGRA SGROG PA'I TSE AA THUNG NYIS 'GYUR GYI YUN DANG, MGRIN PAR AOm GYI SGRA SGROG DUS AA THUNG GSUM 'GYUR GYI YUN YOD PAS H'Um LA RING CHA GNYIS DANG, AOm LA RING CHA GSUM YOD DO,, ` GNYIS PA SKABS SU BAB PA'I DMIGS PA NGOS BZUNG BA NI, BSKYED RIM MTHAR PHYIN NAS RDZOGS RIM BSGOM PA DANG, THUN BZHI'I TSE NA GSUM LA BSKYED RIM GCIG LA RDZOGS RIM BSGOM PA DANG, BSKYED RIM THUN BZHIR BSGOMS PA'I THUN RE RE'I MTHAR, RDZOGS RIM SGOM PA DANG GSUM LAS, 'DIR THA MA'I LUGS YIN LA, DE YANG DANG POR LHA GANG YIN GYI MNGON RTOGS BSGOMS NAS, DE RJES BLA MA'I RNAL 'BYOR BSGOM ZHING, BLA MA LA GSOL BA BRGYA RTZA TZAM RE 'DEBS LA, DE NAS SPYI GTZUG NAS LTE BA'I BAR GYI RTZA GSUM PO'I GNAS TSUL DANG KHA DOG RNAMS GSAL 'DEBS SHING, LTE BA NA RTZA DMAR PO 'DAB MA BRGYAD PA GDUGS KHA GYEN DU BSTAN PA LTA BU, SNYING GA NA RTZA DKAR PO 'DAB MA BRGYAD PA GDUGS KHA SPUB PA LTA BU, MGRIN PA NA RTZA DMAR PO 'DAB MA BCU DRUG PA GDUGS KHA GYEN LA
BSTAN PA LTA BU, SPYI BO NA KHA DOG SNA TSOGS PA'I RTZA 'DAB SO GNYIS PA GDUGS KHA SPUB PA LTA BU GSAL BTAB NAS, LTE BA'I RTZA MDUD NANG DU ZLA BA'I GDAN GYI STENG DU AA DMAR PO MGO GYEN LA BLTA BA, SNYING GA'I RTZA MDUD NANG DU ZLA BA'I STENG DU H'Um SNGON PO MGO THUR DU BSTAN PA, MGRIN PA'I RTZA MDUD NANG DU ZLA BA'I STENG DU AOm DMAR PO MGO GYEN DU BSTAN PA, SPYI BO'I RTZA 'DAB NANG DU ZLA BA'I STENG DU HA DKAR PO MGO THUR DU BSTAN PA RNAMS BSGOMS LA, GTZO CHER LTE BA'I AA THUNG LA SEMS 'DZIN PA YIN NO, ,YI GE GZHAN GSUM LA YANG SEMS CUNG ZAD RE 'DZIN NO, ,GONG GI RTZA'I KHA DOG BSHAD PA DE RNAMS 'DAB MA RNAMS KYI KHA DOG YIN NO, ,YANG BSGOMS PA'I TSE RTZA MDUD CUNG ZAD GROL BA'AM, LHOD DE SONG BAR BSAMS NAS RTZA MDUD DE DAG GI NANG DU YI GE DE DAG BSGOM PA YIN NO, ,RTZA 'KHOR BZHI PO DE DAG KYANG BSDU NA RO RKYANG DBU MA GSUM DU 'DU, RTZA 'KHOR GYI YI GE BZHI PO YANG BSDU NA, AE WAm GYI YI GE GNYIS SU 'DU LA, DE YANG AE LA YI GE GNYIS LAS, THABS KYI RTZA NI SPYI BO'I RTZA, SHES RAB KYI RTZA NI LTA BA'I RTZA 'KHOR YIN CING, DE GNYIS KYANG DBYIBS GRU GSUM GYI RNAM PAR YOD DO, ,WAm GYI RTZA LA GNYIS LAS, THABS KYI RTZA NI MGRIN PA'I RTZA SHES RAB KYI RTZA NI SNYING GA'I RTZA 'KHOR YIN LA, DE GNYIS KYI DBYIBS KYANG GDUGS LTAR YOD DO, ,RTZA 'DAB DE DAG LA YI GE 'GOD TSUL NI, RGYAS PAR BLOS MI LCOGS NA GONG DU BSHAD PA LTAR GYI RTZA 'KHOR BZHI PO DE'I LTE BA LA YI GE BZHI 'GOD LA, RGYAS PA BLOS LCOGS NA LTE BA'I RTZA 'DAB BRGYAD LA SDE TSAN BRGYAD KYI YI GE RNAMS 'GOD PA YIN TE, SPYIR LTE BA LA RTZA MDUD
, ,KYI PHYI ROL LA RTZA 'DAB BZHI DANG, DE'I PHYI ROL TU 'DAB MA BRGYAD, DE'I PHYI ROL TU DUS 'KHOR BA'I LUGS KYI 'DAB MA BCU GNYIS, RGYUD GZHAN GYI LUGS LA 'DAB MA BCU DRUG ,DE'I PHYI ROL TU 'DAB MA RE BZHI RNAMS YOD PA LAS, 'DAB MA GZHAN DANG RO RKYANG GNYIS BTANG SNYOMS SU BZHAG LA, BAR MA 'DAB MA BRGYAD BYAS LA BRGYAD PO DE DAG THAMS CAD KYANG RTZA DBU MA LA ZUG PAR BSGOMS LA, 'DAB MA RNAMS LA YI GE 'GOD PA'I TSE SKABS GANG DU YANG GA-YAS SKOR DANG, PHYOGS KYI DANG PO SHAR DANG, MTSAMS KYI DANG PO BYANG SHAR NAS BYED PA'I SKABS 'DIR SHES DGOS SHING, DE YANG PHYOGS KYI YI GE RNAMS SNGON DANG, MTSAMS KYI YI GE RNAMS RTING LA 'GOD DGOS LA, DE YANG LTE BA'I SHAR LHO, NUB BYANG BZHI LA RIM PA BZHIN NO, ,AA'I SDE TSAN DBYANGS YIG BCU DRUG DANG, KA SDE DANG, TZA SDE DANG, tA SDE RNAMS BKOD NAS, BYANG SHAR, SHAR LHO, LHO NUB, NUB BYANG STE, MTSAMS BZHIR RIM PA BZHIN DU, TA SDE DANG, PA SDE DANG, YA SDE DANG SHA SDE RNAMS BKOD DO, ,SDE TSAN DE RNAMS ZHIB PAR BKOD MI NUS NA PHYOGS BZHI DANG MTSAMS BZHI LA RIM PA LTAR, AA KA TZA tA RNAMS DANG, TA PA YA SHA STE BRGYAD 'GOD DO, ,SNYING GA'I RTZA 'DAB KYI PHYOGS BZHI DANG, MTSAMS BZHI LA RIM PA LTAR AA AI AU AE RNAMS DANG, YA RA LA WA STE THUNG DU BRGYAD 'GOD DO, ,MGRIN PA'I RTZA 'DAB BCU DRUG LA SNYING GA'I YI GE BRGYAD PO RING CHA CAN, SHAR NAS BRTZAMS TE PHYOGS BZHI DANG, MTSAMS BZHI LA RIM PA LTAR
'GOD CING, DE YANG DANG POR SHAR GYI 'DAB MA LA 'GOD, LHAG MA RNAMS RTZA RE RE BAR SKABS SU BZHAG NAS 'GOD DO, ,SPYI BO'I RTZA 'DAB SO GNYIS LA DBYANGS YIG BCU DRUG 'GOD, DE YANG SHAR LA AA THUNG BKOD NAS DE NAS RTZA LHAG MA RNAMS RTZA RE RE BAR SKABS SU BZHAG NAS 'GOD PA SNGAR DANG 'DRA'O, ,'DAB MA'I RTZA RNAMS KYI YI GE'I KHA DOG NI, RANG RANG GI LTE BA'I YI GE'I KHA DOG DANG 'DRA ZHING, YI GE THAMS CAD KYANG ZLA PHYED THIG LE N'A DA DANG BCAS PA YIN LA, DE DAG KYANG BA MO LTA BU'I BDUD RTZI 'DZAG PA'I RNAM PA CAN SGOM DGOS PA YIN NO, ,RTZA MDUD RNAMS KYI YI GE BSGOMS PA'I DGOS PA NI RTZA MDUD 'GROL BA'I CHED YIN CING, 'DAB MA'I YI GE BSGOMS PA'I DGOS PA NI, 'DAB MA'I RLUNG SEMS DBU MAR 'DU BA'I DGOS PA YOD DO, ,GSAL BYED KYI YI GE RNAMS 'GOD PA'I DUS SU KshA YIG 'GOD, MGO PHRENG LNGA BCU'I DAG PA SBYOR BA'I TSE KshA DANG BCAS PA'I GSAL BYED SO BZHI DANG, DBYANGS BCU DRUG DANG SBYOR BA YIN NO, ,RTZA NANG NAS DBYANGS RNAMS KHA GYEN LTA, GSAL BYED RNAMS THUR LTAR BSHAD PA NI, RO RKYANG DBU MA GSUM GYI NANG GI YI GE YIN GYI 'DAB MA'I YI GE MIN NO, ,'DAB MA RNAMS LA YI GE 'GOD TSUL NI, SHAR GYI 'DAB MA LTA BU'I DBANG DU BYAS NA SHAR GYI 'DAB MA'I PHYI'I PHYOGS NAS RIM PA LTAR YOD DO, ,DE'I PHYI'I THA MA NA AA YOD DO, ,DE'I MDUN A'A: RING CHA CAN YOD CING, DES DBYANGS KYI YI GE GZHAN RNAMS LA'ANG 'GOD TSUL RIGS 'GREL, 'DAB MA GZHAN RNAMS LA KA SDE SOGS SDE TSAN GZHAN GYI YI GE RNAMS KYANG PHYI NAS NANG
, ,PHYOGS LA RIM PA LTAR 'GOD PA YIN NO, ,DE YANG YI GE LANGS PA'I RNAM PA CAN GDONG LTE BA'I YI GE LA BSTAN PA'I TSUL GYIS 'GOD DGOS SO, ,'DAB MA'I YI GE RNAMS LA ZLA GDAN MA BSHAD PAS MI DGOS SHING, YI GE RNAMS GTZO CHE CHUNG MA GTOGS PA DBYANGS GSAL 'DRES MA YIN LA, DBYANGS RNAMS ZLA PHYED, THIG LE N'A DA RNAMS GSAL BYED YIN NO, ,DE YANG LTE BA'I YI GE RNAMS KYI DBANG DU BYAS NA DBUS KYI AAm NI DBYANGS SHAS CHE ZHING GSAL BYED SHAS CHUNG, SHAR GYI 'DAB MA'I YI GE MA GTOGS PHYOGS KYI YI GE RNAMS LA DBYANGS YIG MED PAS, 'DAB MA RNAMS DBYANGS SHAS CHUNG ZHING GSAL BYED SHAS CHE'O, ,SNYING GA'I RTZA MDUD KYI DBUS KYI H'Um YIG NI GSAL BYED SHAS CHE LA, MGRIN PA'I RTZA 'DAB KYI DBUS KYI AOm YIG NI DBYANGS SHAS CHE ZHING, DE GNYIS KYI 'DAB MA'I YI GE RNAMS NI DBYANGS GSAL CHA MNYAM PA'O, ,SPYI BO'I RTZA MDUD KYI DBUS KYI YI GE HAm NI GSAL BYED SHAS CHE, DE'I 'DAB MA'I YI GE RNAMS NI DBYANGS SHAS CHE BA YIN NO, ,DE YANG DBYANGS RNAMS KYIS BYANG SEMS DKAR PO DANG, GSAL BYED RNAMS KYIS BYANG SEMS DMAR PO MTSON NO, ,'DAB MA'I YI GE RNAMS GSAL GDAB NAS DE LA SEMS ZIN NA NI LEGS LA, MA ZIN KYANG 'KHOR LO BZHI'I DBUS KYI YI GE BZHI PO SHIN TU PHRA BA YUNGS KAR 'BRING PO'I CHED TZAM LA SEMS ZIN NAS GNAS CHA CUNG ZAD RNYED NA DES CHOG PAS, DE RNYED RNYED DU BSGOMS LA YI GE LA GSAL SNANG SHAR BA NA DMIGS PA SPO RAN GSUNG, DE RNYED NA THIG LE
LA DMIGS PA SPO DGOS PA YIN NO, ,YI GE PHRA MO SGOM PA NI THIG LE'I DMIGS RTEN RNYED PA'I CHED YIN PA'I PHYIR RO, ,THIG LE LA SEMS ZIN PA'I DUS SU 'DI LTAR BYA STE, SNGAR GYI DMIGS PA RNAMS RIM PA LTAR GSAL BTAB LA, DE NAS SUM MDO NAS LAS KYI RLUNG GA-YOS PAS LTE BA'I AAm LAS ME SBAR TE SPYI BO'I 'KHOR LO'I BAR DU RTZA DBU MA'I NANG NA YAR SONG STE, ME'I 'OD KYIS SPYI BO'I RTZA 'DAB KYI YI GE RNAMS ZHU NAS 'KHOR LO'I LTE BAR 'DUS SHING HAm YIG ZHU NAS THIG LER GYUR PA DE RIM GYIS MGRIN PAR BABS TE, DE'I 'OD KYIS MGRIN PA'I YI GE RNAMS ZHU NAS THIG LE DE NYID LA THIM PA YANG MGRIN PA NAS BABS TE SNYING GAR SLEBS PA NA, DE'I 'OD KYIS SNYING GA'I YI GE RNAMS ZHU NAS THIG LE DE NYID LA THIM, YANG SNYING GA NAS BABS TE LTE BAR SLEBS PA NA DE'I 'OD KYIS LTE BA'I YI GE RNAMS ZHU NAS THIG LE DE NYID LA THIM PAR BSAMS LA, DMIGS PA 'DZIN PA'I TSE THIG LE DE NYID SEMS DANG THIG LE RLUNG GSUM 'DUS PA YIN SNYAM PA'I MOS PA SNGON BTANG ZHING, BDE STONG DBYER MED DE'I NGO BO YIN SNYAM DU BSAMS NAS LTE BA'I RTZA MDUD NANG DU THIG LE DKAR LA DMAR BA'I MDANGS CHAGS PA YUNGS KAR 'BRING PO'I TSAD TZAM KHO NA LA SEMS 'DZIN NO, ,DMIGS RTEN 'CHAR PHYIN CHAD YUNGS KAR 'BRING PO'I TSAD TZAM KHO NA LA SEMS 'DZIN GYI DE LAS CHE BA DANG CHUNG BA GANG LA YANG MI 'DZIN NO, ,DMIGS RTEN PHRA MO 'CHAR MA THUB NA GANG THUB LA SEMS 'DZIN NO, ,DMIGS RTEN PHRA MO SHAR NAS DE LA SEMS CUNG ZAD ZIN PA'I TSE DMIGS
, ,PA 'DI MNAN NAS BSGOM PA YIN NO, ,DE YANG RANG GI SEMS THIG LE PHRA MO DE'I NANG DU THIM PA'I MOS PA BYAS NAS THIG LE DE NYID LA SEMS 'DZIN, ,DE LTAR BSGOMS PAS RANG GI SEMS DANG THIG LE GNYIS KYI BAR NA GNYIS SNANG PHRA MO TZAM YANG MED PAR THIG LE LA THIM PA'I NYAMS SNANG SHAR BA'I TSE, THIG LE LA DMIGS PA'I DGOS PA GRUB PAS DMIGS PA SPO RAN PA YIN NO, ,YANG DE'I DUS SU DMIGS PA GONG MA RNAMS BSGOMS PAS SEMS THIG LE LA THIM PA'I NYAMS MA SHAR YANG GONG GI DMIGS PA RNAMS BSGOMS PA'I RJES SU THIG LE LA SEMS 'DZIN PA'I DUS KYI SUM GNYIS SAM, PHYED TZAM DU THUN RE RE LTAR RLUNG LA DMIGS NAS BSGOM PA YIN TE, DE'I SGOM TSUL NI, RANG GI GZHOGS GA-YAS GA-YON DANG, STENG 'OG GI RLUNG RNAMS LTE BA'I 'OG GI SUM MDOR BSDUS NAS 'DUS MA THAG TU RLUNG DE RNAMS DBU MA'I NANG DU SLEBS TZAM NAS ME LANG LA HAS BTAB PA LTAR YAL BA'I DMIGS PA YANG YANG BYED DO, ,DA LTAR BSGOMS PA'I DGOS PA NI, RTZA LAM SBYONG BA DANG, RLUNG LA BRTEN PA'I GEGS RNAMS MI 'BYUNG ZHING, MNYAM PAR BZHAG PA'I DUS SU SNA BUG TU RGYU BA'I RLUNG 'DI DAG 'GAGS NAS 'GRO ZHING, DE'I 'GAGS TSUL NI, DANG PO TING NGE 'DZIN LA MNYAM PAR BZHAG PA'I CHE DBUGS GNYIS GSUM RGYU BA'I YUN TZAM DU SNA SGOR MI RGYU BA YIN LA, DE NAS GOMS PA JE CHER SONG NAS RLUNG SNA SGOR MI RGYU BA'I YUN DE RING DU RING DU SONG NAS DA GZOD SNGA DRO RE TZAM SNA SGOR MI RGYU BA 'BYUNG NGO, ,DE YANG DANG POR RLUNG 'GAGS PA'I CHE SNA BUG GI RLUNG LOG NAS RLUNG GIS GROD PA GANG BA'I
SNANG BA 'BYUNG LA, DE NAS GROD PA GANG BA'I SNANG BA LOG NAS SNA SGOR RLUNG RGYU NA RLUNG 'GAGS TSUL RNAL MA MIN LA, GROD PA'I NANG GI RLUNG DE ME LONG LA HAS BTAB PA LTAR YAL NAS RLUNG SNE SGER MI RGYU NA RLUNG DBU MAR CHUD PA YIN LA, RLUNG DE YANG RTZA BA'I RLUNG LNGA'I NANG NAS THUR SEL GYI RLUNG YIN NO, ,DE NAS GSAR RNYING GNYIS YOD PA'I RNYING PA RNAMS YAL NAS 'GRO BAS RTZA DBU MA'I NANG DU MI 'GRO ZHING, RLUNG SNA SGOR RGYU BA LOG PA DANG, LTA BA'I 'OG GI RTZA DBU MA'I SBUBS KHA BYE BA DUS MNYAM DU 'ONG ZHING, RTZA KHA BYE BA DE'I NANG NAS THUR SEL GYI RLUNG GSAR PA SKYES NAS DES LTE BA'I ME SBAR NAS ME DES SPYI BO'I BYANG SEMS ZHU BA YIN NO, ,RLUNG DE'I DBYIBS NI GZHU'I DBYIBS LTAR YOD, DE LTAR RTZA DANG RLUNG DANG THIG LE'I BSHAD PA MANG DU BYAS KYANG MTHAR GTUGS PA NI TING NGE 'DZIN GYI MTHUS STENG GI SNA SGOR RGYU BA'I RLUNG LOG NAS, DE MA THAG TU LTE BA'I 'OG GI RTZA DBU MA'I KHA BYE NAS DE'I NANG NAS RLUNG GSAR PA SKYES TE, RTZA DBU MA'I RLUNG DES RTZA DBU MA'I NANG GI LTE BA'I ME SBAR BA'AM, LTE BA'I KHRAG 'PHEL NAS SPYI GTZUG BAR DU SONG BAS RTZA DBU MA'I NANG GI SPYI BO'I BYANG SEMS ZHU NAS 'KHOR LO'I GNAS RNAMS SU BAB PA RIM PA LTAR DGA' BZHI'I RTOG PA RGYUD RNAMS NAS BSHAD PA BZHIN SKYE BA YIN PAS, RTZA GZHAN GYI NANG GI KHRAG 'PHEL BAS RTZA GZHAN GYI BYANG SEMS ZHU BA'I BDE BA SKYE BA YOD MOD, 'DIR NI GTZO BOR RTZA DBU MA'I NANG GI RLUNG GIS ME SBAR, DES SPYI BO'I BYANG SEMS ZHU DGOS PA YIN NO, ,DES NA RGYUD PHAL CHER SNA SGO'I RLUNG RGYU BA LOG MA THAG TU RTZA DBU MA'I NANG DU RLUNG SONG NAS DES ME SBAR BA YAN MTHUN LA, SNA SGOR RLUNG RGYU BA LOG PA'I THABS
, ,SU DUS 'KHOR BAS BUM PA CAN BSGOM, GSANG 'DUS PAS RDOR BZLAS BYED, BDE DGYES PAS GTZO BOR YI GE DANG THIG LE DANG ME LA SEMS 'DZIN PA SOGS GONG DU BSHAD PA 'DI RNAMS BYED DO, ,SNA SGO'I RLUNG RGYU BA LOG NAS GONG DU BSHAD PA'I RLUNG 'GAGS PA'I MTHUS, RDO RJE'I NANG GI DBU MA ZHAR BA DE KHA BYE SBUBS CAN DU BYAS, DE'I NANG NAS SKYES PA'I THUR SEL GYI RLUNG GSAR PA SUM MDOR SONG STE, KshA YIG GIS MTSON PA'I ME DANG 'DRES THIM STE BSKUL BAS BYANG SEMS ZHU NAS YAS BABS DANG MAS BRTAN GYI DGA' BZHI DMIGS PHYED PAR BYAS NAS SKYONG DGOS PA YIN NO, ,SNA SGO'I RLUNG RGYU BA LOG PA NI, RTZA DBU MA'I NANG DU RLUNG SONG NAS LTE BA'I ME 'BAR BA'I RTAGS YIN LA, SNA SGOR RLUNG RGYU BA'I TSE LTE BA'I ME 'BAR BA'I 'PHRO CHOD PA'I RTAGS YIN NO, ,DE NAS DMIGS PA SNGA MA RNAMS BSTAN PA 'DI LTAR BSGOM PAR BYA STE, GONG GI DMIGS PA THUN RE RE LA MA CHAG PAR BSKYANGS PA'I NGANG NAS DMIGS PA DE DAG GI MTHUS SNA SGOR RLUNG RGYU BA 'GAGS PA'I MOS PA BYAS LA, SUM MDO NAS RTZA DBU MA'I NANG GI RLUNG GA-YOS PA'I MTHUS SHEL GYI KONG BU'I NANG NAS MAR ME PHRA MO 'BAR BA LTAR THIG LE LAS ME'AM 'OD ZER GYI RE KHA PHRA MO KHA DOG DMAR SER, REG BYA SHIN TU TSA BA LA TSAD SOR GNYIS NAS BZHI'I BAR GANG MOS BYAS LA, ME KHYAD PAR DE LTA BU DANG LDAN PA SKYES PA'I DMIGS PA BYAS TE, SNGAR GYI THIG LE ME DANG BCAS PA LA SEMS 'DZIN PA YIN NO, ,DE CUNG ZAD BRTAN PA NA LTE BA'I ME PHRA MO DE SPYI BO'I BAR DU SONG BA'I DMIGS PA BYAS LA, ME DES SPYI BO'I BYANG SEMS BZHU NAS
RTZA DBU MA'I NANG RTZA 'KHOR RNAMS KYI LTE BAR RIM PA LTAR BABS NAS, LTE BA'I RTZA 'KHOR GYI DBUS KYI SNGAR GYI THIG LE LA THIM PA'I MOS PA BYAS NAS, YANG SNGAR GYI THIG LE ME DANG BCAS PA LA SEMS 'DZIN NO, ,DE CUNG ZAD BRTAN PA NA YAR 'GRO BA'I ME DE CUNG ZAD SBOM DU SONG BA'I DMIGS PA BYED DO, ,YANG DE'I SKABS SU MAR ME GCIG GIS MDZAD DU MA SNANG BAR BYED PA LTAR, LTE BA'I ME DE RTZA 'KHOR RNAMS KYI LTE BAR SONG BA'I TSE DE'I 'OD KYIS RTZA 'DAB RNAMS KYI NANG GSAL BA'I DMIGS PA BYED CING, BLOS LCOGS NAS RTZA STONG PHRAG BDUN CU RTZA GNYIS PO THAMS CAD ME'I 'OD KYIS GSAL BAR BYAS PA'I DMIGS PA YANG DANG YANG DU BSGOM MO, ,DE LTAR BSGOMS PA NA NYAMS SNANG LA BRTEN NAS LKOG GYUR CI RIGS LUNG BSTAN THUB PA 'BYUNG LA, 'ON KYANG MNGON SHES MIN GSUNG, DE NAS DMIGS PA DE DAG BRTAN PA NA 'DI LTAR BSGOM PAR BYA STE, RANG GI LTE BA'I ME DE YAR LA SPYI BO'I BAR LA SONG, DE NAS SMIN MTSAMS BAR DU 'ONGS NAS 'BYUNG BA'I LAM RANG GI SNA BUG GA-YAS PA NAS THON TE, PHYOGS BCU'I BYANG SEMS DANG NYAN RANG DANG SEMS CAN THAMS CAD LA PHOG PAS DE THAMS CAD KYANG SANGS RGYAS SU GYUR PA'I MOS PA BYAS LA, DE NAS DE RNAMS DANG SNGAR SANGS RGYAS ZIN PA'I SANGS RGYAS RNAMS KYI SNA BUG GA-YON PA DE NAS ME DE SONG BAS SMIN MTSAMS NAS SPYI BO'I BAR DU SLEBS NAS, DE NAS MGRIN PA DANG, SNYING GA DANG, LTE BAR SONG STE LTE BA'I THIG LE DKAR PO DRANGS TE SPYI BO'I BAR DU YAR BYUNG, DE NAS MAR SMIN MTSAMS BAR DU 'ONGS NAS SNA BUG GA-YAS NAS THON TE, RANG GI 'JUG PA'I LAM SNA
, ,BUG GA-YON NAS ZHUGS, SMIN MTSAMS NAS SPYI BO'I BAR DU SONG STE, DE NAS MAR LTE BA'I BAR DU BABS PAS SNGAR MES GDUNGS PA'I TSA BA GSOS TE, SNGAR GYI RTZA MDUD KYI THIG LE LA THIM PA'I MOS PA YANG YANG BYAS LA, YANG SNGAR GYI THIG LE ME DANG BCAS PA LA SEMS 'DZIN NO, ,MDOR NA GONG DU BSHAD PA'I DMIGS PA ZIN PA'I RTAGS DE DAG BYUNG NA RAB LA, MA BYUNG NA'ANG DMIGS PA SNGA MA CUNG ZAD BRTAN PA NA DMIGS PA RTING MA LA PHOG LA, DMIGS PA DE RNAMS 'DRIL BA'I TSE RANG RANG GI RTAGS MA RDZOGS KYI BAR DU RGYUN BSRINGS NAS NYI MA RE RE BZHIN BSKYED RIM THUN BZHI'I MTHA' LA BSGOM PA YIN NO, ,DE LTAR BSGOMS PAS LTE BA'I ME 'BAR TE, SPYI BO'I BYANG SEMS ZHU BA GOMS PA RAB TU GYUR PA'I TSE SPYI BO'I BYANG SEMS ZHU BA DE NYID KYIS LTE BA'I ME 'BAR BA'I RKYEN BYED PAS, DE NAS ME DMIGS SOGS LA BLTOS MI DGOS PAR 'BAR 'DZAG 'KHOR MA 'BYUNG BA YIN NO, ,SPYI BO'I BYANG SEMS CHU KHAMS YIN PAS LTE BA'I ME DANG GNYIS GCIG GIS GCIG 'PHEL BA'I GROGS BYED PA MI 'THAD DAM SNYAM NA, LTE BA'I ME ZER KYANG NGO BO KHRAG YIN PAS LTE BA'I DMAR CHAS GTZO BOR DROD BSKYED CING, SPYI BO'I DKAR CHAS GTZO BOR BDE BA BSKYED LA CHU KHAMS GCIG GIS GCIG GI GROGS BYED PA LA 'GAL BA MED DO, ,DE NAS SPYI BO'I BYANG SEMS LTE BAR SLEB PA'I TSE BSIL BAR 'GYUR ZHES BSHAD KYANG, BSIL BA'I DON DROD CHUNG NGU SONG BA LA BYED NA DON 'GANGS CHEN 'PHYUGS PAS DE LA MI BYA BAR BSIL
BA'I DON, SPYI BO'I BYANG SEMS KYIS LTE BA'I ME TSIM PA LA BYA'O,, ` DMIGS PA DE DAG BSGOMS PA'I 'BRAS BU DGA' BZHI NGOS BZUNG BA LA GNYIS LAS, RANG BZHIN BRGYAD CU'I RTOG PA 'GAGS RIM DANG BSTUN NAS DGA' BZHI NGOS 'DZIN PA NI, RDZOGS RIM GYI YANG RE MTHOR SLEB PA'I DGA' BZHI NGOS 'DZIN TSUL YIN PAS RE ZHIG 'DIR MI 'CHAD LA, DE NA 'DIR GNAS KYI SGO NAS DGA' BZHI NGOS 'DZIN PA YIN TE, DE YANG BUM CAN DANG RDOR BZLAS DANG THIG LE'I RNAL 'BYOR ME DMIGS DANG BCAS PA GANG RUNG GI MTHUS RLUNG SNA SGOR RGYU BA LOG CING, LUS KYI NANG GANG BA LTA BUR SNANG BA'I NANG GI RLUNG ME LONG LA HAS BTAB PA BZHIN DU YAL TE 'GAGS PA'I MTHUS, SUM MDO'I RLUNG GIS LTE BA'I ME SBAR ZHES SPYIR BTANG LA RAGS PA TZAM BRJOD KYANG, ZHIB TU BSHAD PA'I RLUNG DE 'GAGS PA'I MTHUS RDO RJE'I NANG GI RTZA DBU MA ZHAR BA KHA BYE NAS SBUBS CAN DU BYAS LA, DE'I NANG NAS SKYES PA'I THUR SEL GYI RLUNG GSAR PA SUM MDOR SONG STE, KAshA YIG GIS MTSON PA'I ME SBAR TE, DE DUS SU RLUNG DE DANG ME 'DRES PA LA THIM ZHES BSHAD DO, ,DE NAS SUM MDO'I ME DES LTE BA'I Am YIG GIS MTSON PA'I ME SBAR NAS ME LCE SPYI BO'I BAR DU SONG STE SPYI BO'I BYANG SEMS ZHU NAS DKAR CHAS MGRIN PA'I 'KHOR LO'I DBUS SU SLEB PA'I BAR GYI DGA' BA NI, DGA' BA BZHI'I NANG NAS DGA' BA SKYES PA YIN NO, ,DE NAS MGRIN PA'I RTZA 'KHOR GYI DBUS KYI LTE BA'I 'OG TZAM NAS BZUNG STE, SNYING GA'I RTZA 'KHOR GYI DBUS SU DKAR CHAS SLEB PA'I BAR NI MCHOG DGA' SKYE DUS YIN NO, ,SNYING GA'I RTZA 'KHOR GYI
, ,DBUS KYI LTE BA'I 'OG TZAM NAS BZUNG STE, LTE BA'I 'KHOR LO'I DBUS SU DKAR CHAS SLEB PA'I BAR LA KHYAD PAR GYI DGA' BA SKYE'O, ,LTE BA'I 'KHOR LO'I DBUS KYI 'OG TZAM NAS BZUNG STE, RDO RJE NOR BU'I DBUS SU SLEBS TE PHYIR MA 'PHOS KYI BAR LA LHAN SKYES KYI DGA' BA SKYE'O, ,ZLA BA LA DKAR CHA 'PHEL BA CHA BCO LNGA, DKAR CHA RDZOGS NAS NAG CHA LA MA SLEB KYI BAR GYI CHA GCIG DANG BCAS PAS CHA BCU DRUG YOD PA DANG MTHUN PAR SPYI BO NAS NOR BU'I RTZE MO'I BAR GYI BYANG SEMS DKAR PO CHA BCU DRUG YOD PAS, BCU DRUG PO DE LA BRTEN PA'I DGA' BA'AM BDE BA YANG CHA BCU DRUG YOD DO, ,CHA BCU DRUG YOD TSUL NI SPYI BO NAS MGRIN PA'I BAR LA CHA MNYAM BZHIR BGOS NAS STENG NAS RIM PA LTAR BZHI CHA RE'I DUS SU DGA' BA'I DGA' BA SKYE BA LA SOGS PA 'OG MA RNAMS LA YANG CHA BGO TSUL DANG, DGA' BA GZHAN GSUM GYI SKYE TSUL YANG DES RIGS 'GRO'O, ,YANG NYI MAS KHYIM BCU GNYIS BGROD PA DANG MTHUN PAR SPYI BO NAS MGRIN PA'I BAR DANG, MGRIN PA NAS SNYING GA'I BAR DANG, SNYING GNAS LTE BA'I BAR DANG, LTE BA NAS NOR BU'I RTZE MO'I BAR DE DAG LA CHA GSUM GSUM DU BGOS NAS GNAS BCU GNYIS PO DE DAG TU RIM PA LTAR DMAR CHAS SLEBS PA NA, DMAR CHA BCU GNYIS LA BRTEN PA'I BDE BA'AM DGA' BA BCU GNYIS SKYE'O, ,DGA' BA BCU DRUG DANG DGA' BA BCU GNYIS KYI KHYAD PAR RNAMS NYAMS MYONG GI STENG NAS PHYED PA DGOS GSUNG, YAS BABS KYI DGA' BA'I SKABS SU SPYI BO'I BYANG SEMS DKAR PO NAR MAR 'DZAG
PA'I NGES BA MED KYANG SPYI BO NAS 'ONGS PA'I BYANG SEMS DES ZHOR LA RTZA NANG GI BYANG SEMS GZHAN RNAMS KYANG DRANGS NAS 'BAB PAS GNAS 'OG MAR SLEB KYIN DGA' BDE CHER 'GRO BA YIN NO, ,MAS BRTAN GYI DGA' BA'I SKABS SU GNAS 'OG MA NAS GONG MAR SLEB KYIN DGA' BDE CHER 'GRO BA YIN LA, DE YANG LHAN SKYES KYI DGA' BA LA DGA' BA BZHIR PHYE BA'I DGA' BA NI 'OG MA NAS RIM PA LTAR NOR BU'I RTZE MO NAS YAR 'ONGS NAS LTE BAR SLEB PA'I TSE LHAN SKYES KYI DGA' BA'I DGA' BA DANG, DES SNYING GAR SLEB PA'I TSE LHAN SKYES KYI DGA' BA'I MCHOG DGA' DANG, DES MGRIN PAR SLEB PA'I TSE LHAN SKYES KYI DGA' BA'I KHYAD DGA' DANG, DE NAS SPYI BO'I 'KHOR LO'I DBUS SU SLEB PA'I TSE LHAN SKYES KYI DGA' BA'I LHAN CIG SKYES DGA' SKYE'O, ,DE NAS MAS BRTAN LA LHAN SKYES MA GTOGS PA'I DGA' BA MI SRID CING, YAS BABS LAS GZHAN PA'I DMIGS PA ZUR GCIG GIS MAS BRTAN GYI DGA' BA SKYE DGOS SO, ,RLUNG SBYOR 'KHRUL 'KHOR SOGS MA BYAS KYANG ME'I DMIGS PA BYAS PA NYID KYIS RTZA SBYONG NUS PAS GEGS MI 'BYUNG BA YIN NO, ,RLUNG BUM PA CAN BSGOM PA SOGS MA BYAS KYANG THIG LE LA SEMS ZIN NAS STENG 'OG GI SNA SGO LA RGYU BA'I RLUNG 'GAGS PA'I MTHUS THIG LE 'DZAG MED DU 'CHING NUS PA YIN CING, GONG GI DMIGS PA DE RNAMS BDE MCHOG DANG KYEE RDOR GYI MNGON RTOGS DANG SBREL NAS BSGOMS NA BOGS CHE BA YIN NO, ,DGA' BA BZHI'I NANG NAS LHAN SKYES KYI DGA' BA SKYES PA'I TSE DE DANG STONG NYID SBYAR NAS BSGOM PA
, ,YIN CING, LHAN SKYES DE YANG YAS BABS KYI SKABS SU GNAS DMA' BA TZAM GYIS BDE BA CHE ZHING, MAS BRTAN GYI SKABS SU GNAS MTHO BA TZAM GYIS DGA' BDE CHER 'GRO BAS STONG NYID SGOM DUS DANG LHAN SKYES DUS GO BAS DMIGS PHYED PO BYAS NAS SKYONG DGOS PA YIN NO, ,RLUNG 'GAGS DUS SU DBU MAR 'DU BA'I BSHAD PA YANG GRUB CHEN 'GA' RES BYAS PA YOD PAS 'DAB MA'I NANG GI LAS RLUNG RNAMS DBU MAR SONG BA'I TSE, DBU MA'I NANG DU SLEBS TZAM NAS YAL BA'I DMIGS PA BYAS NAS KYANG 'GAL BA MED CING, YANG DBU MA'I PHYI ROL TU 'GAGS PA BYAS PA'I LUGS KYANG YOD KYANG DE GNYIS GANG MOS KYIS CHOG GSUNG NGO, ,'DI NI PHAG LO'I DGUN NAS SNEL PAS BTEG NAS SE RA CHOS SDINGS SU BZHUGS DUS, BLA MA RIN PO CHE BLO BZANG GRAGS PA'I ZHAL SNGA NAS, MA RGYUD KYI RDZOGS RIM DPYID THIG 'DI 'KHOR BRGYA TZAM LA GNANG DUS MI BSKYOD RDO RJES ZIN BRIS SU BKOD PA YIN NO,, ` ,,DE LTAR DKAR CHAG THO'I YIG CHUNG, DAM TSIG RDO RJE, RDO RJE MKHA' 'GRO, LTA BA'I YIG CHUNG, RDZOGS RIM LA DMIGS RIM, LAG RJES NYER MKHO, SPYI'I YIG CHUNG GSUM, RDOR BZLAS, SEMS DBAN, SGYU LUS TE, SO SO'I YIG CHUNG GSUM STE BCU GCIG ,BSRE 'PHO GNYIS, BOGS 'DON DANG GEGS SEL GNYIS, RNAM GSUM RAB DBYE DANG, PHYAG RGYA SROG RTZOL TE BCU BDUN, DE'I STENG DU GSAL BYED GSUM DANG NYI SHU, MA RGYUD KYI RDZOGS RIM, GTUM MO LA BRTEN NAS DGA' BZHI
'DREN TSUL SOGS LA GNAD CHE BA'I YIG CHUNG STE DE LTAR NYI SHU RTZA GCIG GO ,MA RGYUD YANG NA RDZOGS RIM GYI YIG CHUNG GSAL BYED GSUM GYI NANG DU BSDUS NAS RDZOGS RIM GYI SNGON 'GRO, LUS KYI BYED BCINGS BRTEN PA'I YIG CHUNG, BOGS 'DON GEGS SEL NANG DU BSDUS NAS GEGS SEL LA RLUNG GI GEGS SEL, THIG LE'I GEGS SEL GNYIS SU BYAS NAS NYER GCIG TU BYED PA YANG YOD DO,, ` ,,LUS DKYIL GYI YIG CHUNG SOGS BSKYED RIM GYI NYER MKHO 'GA' NI, THOG MAR BSKYED RIM PA'I GO BA RAGS PA TZAM ZHIG NI 'DI YIN LA, DE LA STONG NYID BSGOM TSUL, CHOS SKU LA NGA RGYAL 'JOG TSUL, STONG PA'I NGANG NAS LHA SKU BSGOM TSUL, LHA LA NGA RGYAL 'JOG TSUL DANG BZHI LAS, DANG PO NI, LTA KHRID LTAR GYI RIG PA RGYAS PA MI BYED PAR RTAGS GANG YANG RUNG BA TZAM ZHIG LA BRTEN NAS STONG NYID LA NGES PA SHUGS DRAG 'DREN PAR BYED DGOS SHING, 'DZIN STANGS KYI SHED CHUNG NGU SONG NA DPYAD PA PHRA MO LA BRTEN NAS BLO'I SHUGS DRAG PO 'DREN PAR BYA'O, ,DNGOS PO MED PAS ZHES SOGS KYI YIG DON DANG SPYI DON DRAN PA SHIN TU GAL CHE, GNYIS PA NI, YUL STONG PA NYID DANG YUL CAN YE SHES GNYIS GNYIS SNANG PHRA MOS KYANG BAR MA CHOD PAR CHU LA CHU BZHAG PA BZHIN DU SONG BA'I MOS PA RTZE GCIG TU BYED PA YIN CING, 'DI 'DRA BA'I MOS PA YID BYED KYI CHOS SKU NI RDZOGS RIM GYI SKABS SU CHOS SKU'I RTOGS PA SKYE BA'I DGE RTZA SMIN BYED DU 'GRO TSUL LA'ANG SHES PAR BYA'O, ,GSUM PA NI, STONG PA'I NGANG LAS ZHES PA'I GO DONE
, ,NI, GONG GI DMIGS PA MA SHOR BA'I NGANG NAS LHA'I SKUR LANGS DGOS PA YIN NO, ,DPER NA SHEL GONG SHIN TU DVANGS PA LA RAS KHA DOG SNA TSOGS PAS NYE BA NA, SHEL DE'I DVANGS CHA MA SHOR BA'I NGANG NAS RAS DE'I GZUGS SNA TSOGS PA SHEL DE'I NANG DU 'CHAR BA BZHIN DU RANG GI SEMS STONG NYID DANG GNYIS SNANG PHRA MOS KYANG MA CHOD PAR SONG SNYAM PA'I 'DZIN STANGS SHUGS DRAG DE MA SHOR BA'I NGANG NAS, RANG NYID ZHAL GSUM PHYAG DRUG PA'I RNAM PA CAN GYI LHA'I SKUR BSGOM DGOS SO, ,BZHI PA'I GNAD NI, BYING RGOD KYI DBANG DU MA SONG BA LA 'BAD SNYAM PA'I 'PHEN PA DRAG PO GTONG BA MA GTOGS PA'I DMIGS PA'I SKABS SU YANG DANG YANG DU BYED RGOD KYI DBANG DU SONG MA SONG RTOG PA DANG, RTAGS LA BRTEN PA'I DPYAD PA MANG DU MI BYA'O, ,DE LTAR BYAS NAS SEMS GZHAN DU MI YAN CING, SKABS 'DIR ZHI GNAS BSGRUB PAR BYA'O, ,RIG PA'I DPYAD PA CUNG ZAD BYED PA NA YANG LHA'I ZHAL PHYAG RGYAN LA SOGS PA LA BYED PA YIN NO, ,CHOS THAMS CAD RANG BZHIN GYIS MED PA'I DAM BCA' NGES PA'I NGES SHES SHUGS DRAG GI NGANG NAS LHA'I SKUR GSAL BA GNYIS TSOGS SU DGOS PA NI, ZAB GSAL GNYIS MED BSGOMS PA BZHIN NO, ,GNYIS SU MED PA'I DON NGO BO THA DAD DU MED PA YIN NO, ,BYING BA DANG RMUGS PA GNYIS MI GCIG PA'I SEMS BYUNG SO SO BA YIN, RMUGS PA NI GTI MUG GI CHAR GTOGS PA'I SEMS BYUNG RGYA YAN PA LAS SU MI RUNG BA YIN LA, BYING BA NI DMIGS PA MI GSAL BA'I 'DZIN STANGS CAN
DVANGS CHA YOD PA TZAM GYIS MI PHAN NO, ,RGOD PA NI YUL YID 'ONG SOGS LA 'PHRO ZHING RGYUG PAR BYED PA'I 'DOD CHAGS KYI CHAR GTOGS PA'I SEMS BYUNG NGO, ,'PHRO BA NI DMIGS PA'I YUL DE LAS GZHAN PA'I YUL LA 'PHRO BA'I SEMS BYUNG STE PHYI MA GNYIS KYANG SO SO BA YIN NO, ,DRAN PA NI DMIGS PA GANG YIN DE LA SEMS MA YENGS PAR RTZE GCIG TU 'DZIN PA'I MTSAN NYID CAN YIN CING, SHES BZHIN NI DMIGS PA'I TSE BYING RGOD GANG RUNG SKYES MA THAG TU NGO SHES PAR BYED PA'I SEMS BYUNG NGO, ,LHAG MOS LUS LA SDUD PA'I TSE RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS LUS KYI MDUN RGYAB THAMS CAD LAS CIG CAR DU 'PHROS PAS, RNAM SNANG NAS GNOD MDZES KYI BAR GYI LHA RNAMS SPYAN DRANGS NAS LUS KYI GNAS DE DANG DER DBANG PO LA SOGS PA DANG NGO BO DBYER MED DU MOS PAR BYA'O, ,LHAG MOS 'OD GSAL DU SDUD PA'I TSE RNAM SNANG NAS GTZO BO'I BAR RNAMS BDE STONG DBYER MED KYI NGO BOR GNYIS SNANG PHRA MOS KYANG BAR MA CHOD PAR THIM PA'I MOS PA SHUGS DRAG DGOS SO, ,DE NAS SH'U N+YA T'I'I SKABS SU RIG PAS DPYAD PA MI BYED PAR GANG SNANG CHOS SKU LA NGA RGYAL BZHAG PA'I NGANG NAS, GDAN DBUS MA'I STENG DU H'Um LAS NYI MA'I DKYIL 'KHOR SOGS BSKYED CING, RDO RJE RTZE LNGA PA'I LTE BA'I NANG DU AOm DKAR PO, A'A: DMAR PO, H'Um SNGON PO GSUM STENG NAS STENG DU BRTZEGS PA YIN NO, ,DE LAS DANG PO'I MGON POR LDANG BA'I TSE NGAS SEMS CAN GYI DON DU LONGS SPYOD RDZOGS PA'I
, ,SKUR LDANG BAR BYA'O SNYAM PA'I 'PHEN PA DRAG PO GTANG BAR BYA'O, ,SPRUL SKU RDOR SEMS SU LDANG BA'I TSE NGAS SEMS CAN GYI DON DU KHAMS RAGS PA'I SPRUL SKU GZUNG BAR BYA'O SNYAM PA'I 'PHEN PA DRAG PO DGOS SO, ,LUS DKYIL GYI GTZO BO MI BSKYOD PA YIN PAS GTZO BO DANG KHRO BO BCU LA SNA TSOGS PADMA DANG NYI MA'I GDAN LHA GZHAN RNAMS LA YANG SNA TSOGS PADMA GONG DU BSHAD PA LTAR LHA RANG RANG GI GDAN BSKYED DGOS SO, ,SPYI GTZUG NAS SKRA MTSAMS KYI MA MTHA' YAN LA RNAM SNANG BSKYED DGOS PAS, THOD PA'I DBUS SPYI BO BDE CHEN 'KHOR LO YOD PA'I GNAS DER RNAM SNANG BSGOM PA YIN CING, RTZA 'KHOR GYI NANG DU BSGOM PA NI MA YIN NO, ,DE LTA BU'I GNAS SU RNAM SNANG BSGOMS PAS NI, RDZOGS RIM GYI SMIN BYED KHYAD PAR CAN DU 'GRO BA YIN PAS TSUL 'DI GZHAN LA'ANG SHES PAR BYA'O, ,MGRIN PA'I GNAS DRANG PO NA RTZA 'KHOR YOD CING, DE'I THAD DU 'OD DPAG MED DANG, BYANG KHOG GI DBUS SNYING GA'I THAD CUNG ZAD RGYAB PHYOGS LA NYE BA NA MI BSKYOD PA DANG, SNYING GA'I MA MTHA'I DBUS CUNG ZAD RGYAB LA NYE BAR RIN 'BYUNG, TSANG RA DANG BRLA GNYIS KYI DBUS KYI SUM MDO GRU GSUM GYI GNAS SU DON GRUB RIN 'BYUNG GI MDUN PHYOGS SU SPYAN MA, MI BSKYOD PA DANG 'OD DPAG MED GNYIS KYI MDUN PHYOGS SU M'A MA K'I DANG GOS DKAR MO GNYIS BSKYED, SMIN MTSAMS KYI THAD KYI THOD PA'I NANG DU RLUNG GI RTZA 'DAB YOD PAS DER SGROL MA RNAM SNANG LAS CUNG ZAD MTHO BAR BYED DGOS SO, ,RIGS LNGA'I SKU NI LHA GZHAN RNAMS KYI SKU LAS CUNG ZAD CHE BA DGOS SO, ,LHA ZHI BA RNAMS
LAS 'OD ZER RNAM PA LNGA 'PHRO BA DANG, KHRO BO BCU LAS 'OD ZER ME 'OD LTA BU STONG GSUM KHYAB PAR 'PHRO BA RNAMS KYANG ZER BA 'DUG PA DANG, SPRUL SKU RDOR SEMS KYI SKU LAS 'OD ZER THOGS RDUGS MED PAR 'PHRO BAR BSAM, MIG 'BRAS GNYIS KYI DBUS SU SA SNYING DANG GZUGS RDO RJE MA PHYAG DANG PO GNYIS YAB LA 'KHYUD PA, ME LONG DMAR PO NGES GNYIS PA STONG GSUM THAMS CAD 'CHAR THUB PA LTA BU DANG, RNA BA GNYIS KYI RTZA BAR PHYAG RDOR DANG SGRA RDO RJE MA PI WAm SNGON PO 'DZIN PA, DE'I SGRA PHRA MO TZAM GYIS KYANG STONG GSUm THAMS CAD KHYAB PAR BYED NUS PA SNYAM BYED PA RANG GI YID LA BDE BA DPAG TU MED PA STER BAR BYED PA DANG, SKYE MCHED KYI LHA RNAMS YID LA DRAN PA TZAM GYIS DGA' BA BSAM GYIS MI KHYAB PA BSKYED PAR BSAM, RANG NYID KHA SHAR LA BLTAS PA'I TSE RNA BA GA-YAS KYI PHYAG RDOR KHA LHO DANG, GA-YON PA'I PHYAG RDOR ZHAL BYANG LA GZIGS SO, ,SNA BUG GNYIS KYI NANG DU NAM SNYING DANG DRI RDO RJE MA, LCE GA-YAS GA-YON GNYIS KYI DBUS YAR MAR GNYIS KYI NANG NAS CUNG ZAD RTZE PHYOGS LA NYE BAR 'JIG RTEN DBANG PHYUG DANG RO RDO RJE MA SGOM ZHING, DE YANG RLUNG RGYU BA'I RTZA'I GONG DER SGOM ZHING, GZHAN LA YANG CI RIGS SU SHES DGOS SO, ,'JAM DBYANGS M'A MA K'I'I STENG DANG, YE SHES SEMS DPA' MI BSKYOD PA'I STENG NGAM DE'I RGYAB TU'AM 'JAM DBYANGS KYI STENG TZAM DU BSGOMS KYANG RUNG, DE'I THUGS KAR TING NGE 'DZIN SEMS DPA' NI H'Um YIG SNGON PO SPUS BRIS PA LTA BU SHIN TU PHRA BA 'OD ZER 'PHRO BA DANG, STONG NYID NGES PA'I 'DZIN STANGS CAN DU RANG GI SEMS 'DRES PA LTAR DU CI NUS SU SBYANG BA GAL CHE, RDO RJE NOR BU'I DBUS RTZA MDUD YOD PA'I
, ,GONG DER SGRIB SEL DANG REG BYA RDO RJE MA BSGOM, RDO RJE'I BUG PA PHYOGS LA NYE BAR REG BYA RDO RJE MA BSGOMS PAS RDO RJE'I SGOR ZHES BTAGS PA YIN PAS RNA BA SOGS LA SHES PAR BYA'O, ,RDO RJE'I RTZA BAR BDUD RTZI 'KHYIL PA DANG, RNAM SNANG GI STENG DU BYAMS PA, DE'I STENG GTZUG TOR GYI NANG DU 'KHOR LO SGYUR RGYAL ZHAL RGYAB LA GZIGS SHING NAM MKHA' LA GZIGS PA ME 'OD RAB TU 'BAR BA 'PHRO BAR BSAMS NA STENG GDON GYIS MI TSUGS PA'I DGOS PA YOD DO, ,GNOD MDZES SOGS LA'ANG SHES DGOS SO, ,RTA MGRIN KHA'I SGOR BSGOM PAR GSUNGS PA DON LA GNAS LA LCE'I RTZA BAR BSGOM PA YIN NO, ,TSIGS SUM BRGYA DANG DRUG CU LA KUN BZANG DE SNYED BSGOM ZHING, THA MAL GYI TSIGS 'DI YONGS SU GYUR PA LAS LHA DER BSGOM, LAG PA GA-YAS LA GSHIN RJE GSHED, SEN MO LA YAR DBU BSTAN PAR BSGOM ZHING, GA-YON LA'ANG DES MTSUNGS SO, ,DPUNG PA GA-YAS PA'I TSIGS KYI TSUN NAS NANG TZAM DU MI GA-YO BA ZHAL MDUN LA LTA BA, GA-YON LA'ANG DES MTSUNGS SO, ,PUS MA GA-YAS LA DBYUG SNGON CAN DBU YAR LTA, ZHAL MDUN LTA, GA-YON LA'ANG DES MTSUNGS SO, ,RKANG MTHIL GNYIS SU GNOD MDZES SKU SKYIL KRUNG BYAS PA'I DBU LONG BU PHYOGS LA BLTA'O, ,SPYI BOR AOm DKAR PO LAS 'OD ZER DPAG TU MED PA RNAMS 'PHROS PAS, SPYAN MA'I TSOGS NAM MKHA' GANG BA SPROS PAS, RNAM SNANG GI TSOGS SPYAN MA DANG SNYOMS PAR SBYOR BA'I MDUN NA GNAS PA, RDO RJE'I GUR DANG, BLA BRE'I 'OG THOG GI STENG DU SPYAN DRANGS TE, DE RNAMS
SNYOMS PAR ZHUGS PA'I 'OD ZER SNGON PO SOGS BYA'O, ,GZHAN LA'ANG MTSUNGS SO, ,RDO KHAB LEN, MGRON BU BU MA, SBRANG SMYON LA SBYAR NAS SPYI BOR BLUG NA 'PHO BA'I MAN NGAG SHIN TU ZAB PA YIN ZER BA'ANG 'DUG ,TING NGE 'DZIN SEMS DPA' NI DPE DON GYI 'OD GSAL GNYIS KYI NGES DON, YE SHES SEMS DPA' NI DAG MA DAG GI SGYU MA'I SKU'I NGES DON DANG, DAM TSIG SEMS DPA' NI SPRUL SKU'I MTSON DON NO, ,DE NAS RIG MA 'DU BYA BA DANG, LHA 'GAD PA SOGS NI SNGAR DANG MTSUNGS SO, ,RAL PA PHYED BCINGS SU BYAS PA NI SKRA'I PHYED NAS BSDUS TE LCEG BU BYA ZHING, DE LHAG RGYAB LA 'PHYANG BA'O, ,GTZO BOS GTZUG TOR BCINGS PA'I DON NI, PROG ZHU TSAN PA GSUM BCINGS PA'I PROG ZHU'I RIN PO CHE'I RGYAN RE RES KYANG 'OD KYIS 'JIG RTEN GYI KHAMS MTHA' DAG SNANG BAR BYED NUS PAR BSAM, RDO RJE DANG PADMA 'DU BYA BA NI, H'Um LAS RDO RJE RTZE LNGA PA AOm RING POS MTSAN PA YIN LA, RVA DBUS MA NI NOR BU YIN NO, ,AOm DE'I KHA DOG DKAR PO NI, BYANG CHUB KYI SEMS DKAR PO DE MTSON, MGO NOR BU'I BUG PA'I PHYOGS SU BSTAN PA NI, BYANG SEMS THUR DU BAB PA DE MTSON, PADMA'I DBYIBS NI PHYAL PHYAL DU MI BYED PAR SBUG PO YIN, ZE'U 'BRU LA A'A: BSGOM BYA LA BYED DO, ,A'A: NI MGO NANG DU BLTA'O, ,A'A: TSEG DRAG CAN DMAR POS NI YUM GYI RAKTA DMAR PO DE MTSON CING, PADMA'I 'DAB MA RNAMS NI 'BREL BA YIN NO, ,RIN 'BYUNG GI NGA RGYAL DU 'PHOS TE DNGOS KYI RIG MAS BYA BA JI LTAR BYED PA LTAR MA MCHU 'JIB PA, 'O BYED PA, DAM DU 'KHYUD PA DANG, GTZO BO'I SPYAN
, ,SNA RTZE LA PHAB STE, YUM GYI 'DZUM PA'I NYAMS DANG, SPYAN ZUR GYIS BLTA BA LA GZIGS PA DANG, GTZO BO'I GA-YAS ZHAL GYIS YUM GYI GA-YON ZHAL LA BLTA BA DANG, GA-YON ZHAL GYIS GA-YAS ZHAL LA BLTA BA LA SOGS CHAGS PA'I NYAMS LA BRTEN NAS BYANG SEMS MA ZHU BAR YANG SNYOMS 'JUG GI SNGON DU STONG NYID KYI 'DZIN STANGS KYI NGANG NAS BDE BA DPAG MED BSKYED PA'I MOS PA BYAS NAS RING DU SBYANGS NA, SKABS 'DIR YANG BDE STONG GYI NYAMS CHEN PO BSKYED PA YOD DE, ,DE NAS NGA RGYAL 'PHOS TE H'Um RING PO GLU RU BRJOD PAR BYA'O, ,H'Um NI BDE BA CHEN PO'I YE SHES KYI MTSON DON YIN PAS NGAG TU BRJOD PA'I DGOS PA YANG SKABS 'DIR BDE BA CHEN PO'I YE SHES BSKYED PAR BYA'O SNYAM DU DRAN PA'I CHED YIN LA, SNYOMS 'JUG GI TSE CHOS GSUM GYI SGO NAS BYED DGOS TE, RANG DANG RIG MA LHAR GSAL BA DANG, SNYOMS 'JUG 'DI LTA BU THABS DAM PA'O SNYAM PA DANG, BDE BA CHEN PO LHAN CIG SKYES PA'I YE SHES RGYUN DU BSKYED PAR BYA'O SNYAM PA'I SGO NAS BYED DGOS TE, DE YANG H'Um RDO RJE LA BKOD PA MED KYANG NGAG TU BRJOD PA DANG, RDO RJE H'Um LAS BSKYED PA'I SGO NAS THUGS RDO RJE MTSON, AOm GYIS SKU RDO RJE, A'A: SA GSUNG RDO RJE MTSON PAS SKU GSUNG THUGS KYI RDO RJE GSUM DBYER MI PHYED PA MTSON NO, ,RDO RJE DANG PADMA PHAN TSUN BSRUB PA'I BYA BA BYED PA'I TSE H'Um NGAG TU BRJOD PA YIN, DON GRUB KYI NGA RGYAL DU 'PHOS NAS RDO RJE'I BU GA PHAt SER POS BKAG PA'I DMIGS PA BYA, DE YANG KHAMS PHYIR 'PHO BA NI THUR SEL GYI RLUNG GI
BYED PA YIN LA, THUR SEL GYI RLUNG PHYIR 'PHO BA NANG DU 'GOG CING RENGS PAR BYED PA LA, PHAt SER PO MGO NANG DU BSTAN PA BSGOMS PA LA RTEN 'BREL KHYAD PAR CAN YOD PA YIN NO, ,DE YANG RDZOGS RIM GYI SKABS MA GTOGS 'DIR RLUNG LA DMIGS NAS MI SGOM PAR DE MTSON BYED KYI PHAt SER PO BSGOM PA YIN, MTSON PA'I RGYU MTSAN YANG THUR SEL GYI RANG MDOG SER PO DANG, SA DE KHAMS BZHI'I NANG NAS SER PO YIN PA'I SGO NAS BSTAN PAS NI THUR SEL GYI RLUNG NANG DU RENGS PAR BYED PA MTSAN NO, ,RTEN 'BRAL DE RNAMS LA BRTEN NAS KHAMS PHYIR MI 'PHO BAR NANG DU 'DZIN NUS PA YIN TE, DE SKYED BAR BYED PA'I RLUNG GI NUS PA NANG DU RENGS PA'I PHYIR RO, ,BU GA PHAt KYIS 'GOG MI 'GOG GI DUS GNYIS LAS, MI 'GOG PA'I DUS NI LHA'I GSAL SNANG BRTAN PO BYUNG BA'I TSE LAS RGYA DANG YE RGYA GANG YIN KYANG SNYOMS 'JUG GI TSE NA RANG GI RIG MA'I DROD DANG PADMA'I RTZA GNYIS KYI MAR SNA PHRAD PA'I DMIGS PA BYAS PA LA BRTEN NAS, NANG DU SIM PA'I RNAM PA CAN GYI BDE BA DPAG TU MED PA SKYES PA'I MOS PA BYAS PA LA BRTEN NAS KHAMS ZHU NAS BAB PA NOR BU'I RTZER SLEB PA PHRAD PA'I TSE MI 'GOG GO ,BDE BA SKYES PA'I TSE STONG NYID NGES PA'I 'DZIN STANGS SHUGS DRAG NGANG NAS BDE STONG DBYER MED DU SBYAR, LTA BA RING DU BSGOM, DE NAS GONG BZHIN DU BDE STONG DBYER MED KYI NGANG NAS RTEN DANG BRTEN PA'I DKYIL 'KHOR GSAL BTAB LA, THAMS CAD DBYER MI PHYED PA'I NGO BOR MOS PA SHUGS DRAG BYED PA BSKYED RIM PA'I BDE STONG SBYOR LUGS KHYAD PAR CAN YIN NO, ,BSKYED RIM GYI SKABS SU YAB YUM
, ,GYI RDO RJE DANG PADMA'I NANG 'OD ZER LNGAS GANG BAR BSGOM PA NI, DON LA RDZOGS RIM GYI SKABS SU YAB YUM GYI DH'U T'I'I LAM NAS RLUNG 'OD ZER LNGA BSGOM PA NI THIG LE GONG BU'I GZUGS SU GYUR NAS GSANG GNAS SU 'BAB PA'I SMIN BYED KHYAD PAR CAN DU 'GYUR RO, ,SGRON GSAL LAS, RLUNG THIG LER 'GYUR ZHES GSUNGS PA LTAR MTHON PO ZHIG NAS YIN PA 'DUG GO ,LUS DKYIL GYI YIG CHUNG MAN CHAD 'DI YIG CHUNG NYER GCIG GI NANG DU GZHAN NAS KHA BKANG STE 'DIR PHYOGS GCIG TU BRIS PA YIN NO, ,MANGGA Lm, ,