*, ,DPAL GSANG BA 'DUS PA'I DKYIL 'KHOR GYI CHO GA'I NGAG 'DON LHAN THABS BZHUGS SO,,
, ,BLA MA DAM PA RNAMS LA PHYAG 'TSAL LO, ,DPAL GSANG BA 'DUS PA'I DKYIL 'KHOR GYI CHO GA'I NGAG 'DON GYI LHAN THABS NI, MI MNGON PA LAS SLONG BA'I SKABS SU, YID KYI ROL PA DRI MED ZLA 'DRAS BSGRUBS ZHES PA NAS, SEMS NI BYANG CHUB DAM PAR BSKYED PAR BGYI, ZHES PA'I BAR BRJOD, SH'U N+YA T'AS STONG PAR SBYANGS, STONG PA'I NGANG LAS, SNA TSOGS PADMA DANG NYI MA'I STENG DU H'Um LAS RDO RJE, DE YONGS SU GYUR PA LAS RANG NYID RDO RJE 'CHANG SNGON PO RDO RJE SEMS DPA'I DBU RGYAN CAN SNGO DKAR DMAR PA'I ZHAL GSUM PHYAG DRUG GI GA-YAS RDO RJE 'KHOR LO PADMA GA-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN MTSAN BZANG PO SO GNYIS DANG DPE BYAD BZANG PO BRGYAD CUS BRGYAN PA, REG BYA RDO RJE MA SNGON MO MI BSKYOD PA'I DBU RGYAN CAN CES PA NAS, 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PA, DE'I SPYI BOR AOm MGRIN PAR A'A: THUGS KAR H'Um THUGS KA'I H'Um LAS 'OD ZER 'PHROS PAS, BSGOMS PA DANG 'DRA BA'I YE SHES SEMS DPA' SPYAN DRANGS, DZA: H'Um BA HO: GNYIS SU MED PAR GYUR, NANG MCHOD DANG NYER SPYOD SGRUB THABS LTAR BYIN GYIS BRLABS LA, AOm SARBA TA TH'A GA TA AARGHAm P'U DZA ME GHA SA MU DRA SPHA RA nA SA MA YA SHR'I YE A'A: H'Um GIS MCHOD ?
, ,YON DANG, DE BZHIN DU ZHABS BSIL NAS ROL MO'I BAR GYIS MCHOD LA, BADZRA DHRIKA AOm A'A: H'Um ZHES NANG MCHOD DBUL, DUS GSUM RDO RJE'I THUGS YIN SRID DANG MTHAR GYUR GANG, ,ZHI ZHING SGRIB MED DAG PA NAM MKHA'I NGO BO NYID, ,SANGS RGYAS RNAM BRGYAS BYANG CHUB DBANG PHYUG RDO RJE CAN, ,DE LA LUS NGAG YID KYIS RTAG TU PHYAG 'TSAL LO, ,ZHES PAS BSTOD, RANG GI THUGS KA'I H'Um GI 'OD ZER GYIS ZHING SKYONG 'KHOR BCAS SPYAN DRANGS, MCHOD GTOR SGRUB THABS LTAR BYIN GYIS BRLABS LA, AOm AA K'A RO'I SNGAGS LAN GSUM BRJOD DE PHUL NAS, AOm A'A: KshE TRA P'A LA SA BA RE W'A RA AARGHAm PRA T'I TZTSA H'Um SV'A H'A ZHES MCHOD YON DANG, DE BZHIN DU ZHABS BSIL NAS ROL MO'I BAR GYIS MCHOD NAS, AOm KshE TRA P'A LA SA PA RI W'A RA AOm A'A: H'Um ZHES NANG MCHOD PHUL NAS, GANG DAG 'DIR GNAS SOGS LAN GSUM BRJOD, ZHING SKYONG 'KHOR BCAS RANG GNAS SU GSHEGS PAR GYUR, GNANG BA NOD TSUL NI, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS MI BSKYOD PA'I DKYIL 'KHOR SPYAN DRANGS, CHU GNYIS NAS ROL MO'I BAR SNGAR RDO RJE 'CHANG GI SKABS BZHIN PHUL, BDAG GIS DPAL GSANG BA 'DUS PA'I DKYIL 'KHOR GYI CHO GA BGYID PA GEGS MED PAR
'GRUB PAR MDZAD DU GSOL, ,RIG PA 'DZIN PA CI DGA' BAR GYIS SHIG CES GNANG BA BYIN PAR GYUR, AOm BH'U KHAm SA GZHI NAM MKHA'I RANG BZHIN STONG PA NYID DU GYUR, CES DANG, AOm A'A: ZHES SOGS KYI RJES SU RDO RJE GSUM GYIS SA'I NYES SKYON THAMS CAD SBYANGS SHING BSRUNGS PAR GYUR CES DANG, BLTA BA'I TSE SHAR DU BLTAS NAS GA-YON BRKYANGS BYAS LA LAG PA (SA GZHI ZHES PA 'OG MA GNYIS LA'ANG SBYAR,) GNYIS THUGS KAR RDOR DRIL BZUNGS NAS BSNOL LA, BADZRA SATVA ZLOS SHING ME MTSAMS SU BLTAS TE GA-YON DU ME MTSAMS MTHONG GI BAR DU LUS GCU ZHING SLAR YANG GA-YAS SU DE LTAR BYAS LA, SNA TSOGS PA'I CHOS THAMS CAD STONG PA NYID DANG RO GCIG PA'I RANG BZHIN CAN DU GYUR CES DANG, SGRUB THABS BSGOM TSUL NI, SNGON 'GRO'I GTOR MA MCHOD BSTOD KYI BAR YAN CHAD BSGOM MO, ,SPRO BA BSKYED PA'I RJES SU GNANG BA NOD PA'I SKABS BZHIN SPYAN DRANGS LA, MCHOD YON GYI RJES SU ME TOG NAS ROL MO'I BAR SNGAR BZHIN PHUL NAS, LHA SO GNYIS KYI MTSAN SNGAGS LA AOm A'A: H'Um BTAGS LA NANG MCHOD DBUL, GSOL GDAB KYI TSE MCHOD PA BYIN GYIS BRLABS, CHU GNYIS NAS ROL MO'I BAR SNGAR RDO RJE 'CHANG GI SKABS BZHIN PHUL LA, BADZRA DHRI KA AOm A'A: H'Um ZHES NANG MCHOD PHUL LA, MI BSKYOD RDO RJE (BDAG NYID KYI LCE H'Um LAS BYUNG BA'I RDO RJER GYUR, MA LUS PHYOGS NA ZHES SOGS) ZHES PA NAS GSANG BA'I DBYANGS LA PHYAG 'TSAL LO ZHES PA'I BAR RNAMS SGO BZHI'I SLOB DPON GYIS PHYOGS GCIG TU BYA ZHING, DE NAS SHAR GYI SLOB DPON 'GRANGS TE
, ,MAndAL PHUL NAS, RANG NYID SKAD CIG GIS RNAM SNANG DKAR PO DKAR NAG DMAR BA'I ZHAL GSUM PHYAG DRUG GI GA-YAS 'KHOR LO RDO RJE PADMA DKAR PO GA-YON DRIL BU RIN CHEN RAL GRI 'DZIN PA, NAM MKHAR GNAS PA'I DE BZHIN GSHEGS PA RNAMS DANG LHAN CIG TU GSOL BA GDAB PA NI, DE BZHIN GSHEGS PA KUN ZHI BA ZHES PA'I SHO LO KA GCIG GIS GSOL BA GDAB, DE BZHIN DU LHO NUB BYANG GI SLOB DPON RNAMS KYIS RIM PA BZHIN, RANG NYID RIN 'BYUNG DU GSAL GDAB PA SOGS SNGAR BZHIN BYAS LA GSOL BA GDAB PA SO SO BA DANG, SHO LO KA THA MA KUN GYIS THUN MONG DU BYA, PHYAG 'TSAL BA'I TSE GZHI BCA' SNGON DU BTANG NAS MNYAM PA'I RKANG STABS BYAS LA PHYAG BYA'O, ,SEMS CAN MA RIG PA'I MUN PAS BSGRIBS SHING BDUD KYI DBANG DU SONG BA RNAMS KYI BDUD BSAL BA'I PHYIR DU, RANG NYID GTZO BO LAS BYE BA'I ZHE SDANG RDO RJE GNYIS PA 'KHOR KHRO BO'I TSOGS DPAG TU MED PAS BSKOR BA'I MIG GA-YAS PA MA LAS NYI MA GA-YON PA tA LAS ZLA BA MIG 'BRAS H'Um LAS DUS MTHA'I ME LTAR 'BAR BA LAS, KHRO BO'I RDO RJE PHYOGS BCUR SPROS PAS BGAGS THAMS CAD BCOM PAR GYUR, DE NAS BLTAS TE GA-YON BRKYANGS BYAS LA, GA-YON DRIL BU SNYING GAR BZUNGS, GA-YAS BRKYANGS TE RDO RJE DANG BCAS PA'I SDIGS MDZUB BRKYANGS NAS ME MTSAMS SU BLTAS NAS LUS GA-YON DU ME MTSAMS MTHONG GI BAR DU GCU ZHING, (KRO DH'A dIthdA H'I) LAG PA GA-YAS GA-YON PHYOGS SU KHYER RO, ,SLAR YANG GA-YON SNGAR BZHIN BRKYANGS LA GA-YAS
SNYING GAR BZHAG STE GA-YAS SU SNGAR BZHIN GCU'O, ,DBANG LDAN NAS KHA NANG DU PHYOGS TE BKA' BSGO LAN GSUM BYAS PA'I RJES SU KHRO BO'I TSOGS DPAG TU MED PA 'PHROS BGEGS THAMS CAD BSKRAD PAR GYUR, NA MA: SA MANTA K'A YA W'A KA CITTA BADZRA n'Am, NA MO BADZRA KRO DH'A YA, MAH'A DAm shtO tA KA tA BHEE RA W'A YA, A'A SI MU SA L'A, PA RA SHU P'A SHA HAST'A YA, AOm BADZRA AA MRi TA KUndA LI, KHA KHA KH'A HI KH'A HI, HU LU HU LU, TIshthA TIshthA, BANDHA BANDHA, HA NA HA NA, DA HA DA HA, GARDZA GARDZA, BI SPHO t'A YA BI SPHO? t'A YA, SARBA BIGHN'AN BI N'A YA KA N'ANA, MAH'A GA nA PA TI, DZ'I BI TA AANTA KA R'A YA SV'A H'A, ZHES PA BGEGS MTHAR BYED KYI PHRENG SNGAGS BZLAS NAS, DKYIL 'KHOR SA GZHI YANG DBANG CHEN GYI GSER GYI SA GZHI LA THUG GI BAR DU H'Um LAS BYUNG BA'I RDO RJE'I RANG BZHIN DU GYUR CES DANG, KHA SBYOR GYI TSE SLOB DPON NANG NAS KHA PHYIR BLTAS LA BYA'O, ,BDAG BSKYED CES PA'I BSGRUB TSUL NI, SH'U N+YA T'AS STONG PAR GYUR, STONG PA'I NGANG LAS H'Um LAS BYUNG BA'I NYI MA'I DKYIL 'KHOR GYI STENG DU H'Um LAS RDO RJE DE YONGS SU GYUR PA LAS, RANG NYID ZHE SDANG RDO RJE SKU MDOG MTHING NAG CES PA NAS 'OD DMAR PO 'BAR ZHING 'KHRUG PA'I DBUS NA YAB RDO RJE'I SKYIL MO KRUNG GIS BZHUGS PAR GYUR, DE'I THUGS KAR SNA TSOGS PADMA DANG ZLA BA'I GDAN LA YE SHES SEMS DPA' SKU MDOG DMAR PO ZHES PA NAS, TING NGE 'DZIN SEMS DPA' H'Um YIG MTHING GA ,DE'I SPYI BOR AOm, MGRIN PAR A'A: THUGS KAR H'Um THUGS KA'I H'Um LAS 'OD ZER 'PHROS PAS RANG BZHIN GYI
, ,GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, RANG GI RIGS BDAG YAB YUM GYI BYANG CHUB KYI SEMS KYIS DBANG BSKUR, PHYOGS BCU RNAMS SU SNA TSOGS PADMA DANG NYI MA'I GDAN RE RE, YAB YUM SNYOMS PAR ZHUGS PA'I THUGS KA'I TING NGE 'DZIN SEMS DPA'I 'OD ZER GYIS KHRO BO BCU SPYAN DRANGS ZHAL NAS ZHUGS, RDO RJE'I LAM NAS YUM GYI PADMAR ZHU BA'I THIG LE BCU H'Um RING PO BCUR GYUR BA NI, GSHIN RJE'I GSHED NAG PO RNAM SNANG GI DBU RGYAN CAN CES PA NAS RANG GI THUGS KAR DRANGS, YA M'ANTA KRITA THUGS KA NAS PHYIR PHYUNG SHAR GYI GDAN LA GA-YON BRKYANGS KYIS 'KHOD, DE BZHIN DU GNOD MDZES KYI BAR PHYUNG LA, KHRO BO BCU PO THAMS CAD KYANG ZHES PA NAS BZHUGS PAR GYUR CES DANG, MCHOD PA BYIN GYIS BRLABS TE, AOm A'A: BADZRA MAH'A KRO DHA R'A DZ'A SA PA RI W'A RA AARGHAm PRA T'I TZTSA H'Um SV'A H'A ZHES DANG, DE BZHIN DU ZHABS BSIL NAS ROL MO'I BAR GYIS MCHOD LA, AOm BADZRA MAH'A KRO DHA R'A DZ'A SA PA RI W'A RA AOm A'A: H'Um ZHES NANG MCHOD DBUL, GTZO BO LA MI BSKYOD RDO RJE ZHES SOGS SHO LO KA GCIG DANG KHRO BO BCU LA GTI MUG NYES PA ZHES SOGS KYIS BSTOD, PHUR BU BSGRUB TSUL NI AOm A'A: BIGHNAN TA KRITA H'Um ZHES PAS PHUR BU RNAMS BSANGS, SH'U N+YA T'AS PHUR BU RNAMS STONG PA NYID DU GYUR STONG PA'I NGANG LAS H'Um BCU LAS SNA TSOGS RDO RJE BCU, DE ('DOD CHAGS RDO RJE CHOS BCAS GANG) RNAMS YONGS SU GYUR
PA LAS KHRO BO RDO RJE PHUR BU STOD BDUD RTZI 'KHYIL PA SNGON PO SNGO DKAR DMAR BA'I ZHAL GSUM ZHES PA NAS, LTE BA MAN CHAD MDUNG RTZE GCIG PA'I DBYIBS CAN GYI PHUR BU ME DPUNG RAB TU 'BAR BA BCUR GYUR, DE RNAMS KYI SPYI BOR AOm MGRIN PAR A'A: THUGS KAR H'Um THUGS KA'I H'Um LAS 'OD ZER 'PHROS PAS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS DZA: H'Um BAm HO: GNYIS SU MED PAR GYUR, RANG GI RIGS BDAG DON GRUB YAB YUM GYI BYANG CHUB KYI SEMS KYIS DBANG BSKUR, THO BA BSANGS LA SH'U N+YA T'AS RDO RJE'I THO BA STONG PA NYID DU GYUR STONG PA'I NGANG LAS H'Um LAS RDO RJE DE YONGS SU GYUR PA LAS, RDO RJE'I THO BA ME RAB TU 'BAR BAR GYUR, MCHOD PA KHRO BCU LTAR PHUL LA, RDO RJE BDUD RTZI RGYAL PO CHE, ,RDO RJE PHUR BU RAB TU 'BAR, ,ME STAG 'BAR BA 'DRA BA YI, ,PHYOGS BCU'I DKYIL 'KHOR GDAB PAR MDZOD, ,CES BSTOD, GNOD MDZES LA BKA' BSGO BA'I TSE LANGS TE, AOm SUm BHA NI SUm BHA H'Um PHAt CES SOGS SNGAGS TSAN BZHI PHYOGS BZHIR BRJOD CING SE GOL GDAB, GHA GHA ZHES SOGS KYIS PHUR BU BTZUGS LA MUNGGA RAS BRDUNGS PA'I RJES SU GNOD MDZES KYI PHYAG MTSAN RDO RJE LCAGS KYU DE RDO RJE THO BA ME RAB TU 'BAR BAR GYUR PAS, DBANG LDAN NAS BRTZAMS TE RIM PA BZHIN DU PHUR BU RNAMS KYI SPYI BO NAS BRDUNGS PAS ZHES SOGS DANG, KHRO BO DANG PHUR BU LAS RDO RJE'I ME 'OD RAB TU 'BAR BA PHYOGS BCUR 'PHROS PAS BGEGS LHAG MA RNAMS KYANG RING DU BROS PA DANG ZHES PA (STENG 'OG DANG KHOR YUG CHEN PO'I BAR DU 'GRO BA RNAMS,)
, ,NAS BGEGS DANG BRAL BAR GYUR CES DANG, SEMS CAN THAMS CAD LA BDE BA SGRUB PA LHUR LEN PA'I BSAM PAS BDAG GIS BLA NA MED PA'I BYANG CHUB BSGRUB PAR BYA'O, ,BDAG LA DNGOS GRUB MCHOG STZAL LAGS ZHES SOGS BRJOD NAS KHRO BO BCU RANG BZHIN GYI GNAS SU GSHEGS PAR GYUR, LAS THIG BSKYED PA'I TSE SNGAR LHA'I RNAL 'BYOR BSGOMS PA'I CHO GA'I RGYUN GCIG YIN NA RANG NYID ZHE SDANG RDO RJER GSAL GDAB MIN NA ZHE SDANG RDO RJE CHO GA GSUM GYIS BSKYED, GNAS GSUM BYIN GYIS BRLABS YE SHES PA GZHUG ,DBANG BSKUR MCHOD PA'I BAR RNAMS BYA STE 'OG GI SKABS GZHAN DU YANG DE LTAR SHES PAR BYA'O, ,LAS THIG BSANGS SBYANGS LA STONG PA'I NGANG LAS H'Um LAS SNA TSOGS RDO RJE DE YONGS SU GYUR PA LAS BDUD RTZI 'KHYIL PA SNGON PO ZHES PA NAS DGRA STA 'DZIN PA, DE'I SPYI BOR AOm MGRIN PAR A'A: THUGS KAR H'Um, DE NAS YE SHES PA SPYAN DRANGS PA NAS DBANG BSKUR BA'I BAR SNGAR PHUR BU'I SKABS BZHIN BYA'O, ,MCHOD PA BSANGS SBYANGS LA, AOm A'A: BIGHN'AN TA KRI TA AARGHm PRA T'I TZTSA H'Um SV'A H'A ZHES SOGS KYIS CHU GNYIS NAS ROL MO'I BAR DANG, NAD MCHOD KYIS MCHOD, RDO RJE BDUD RTZI KHRO BO CHE, ,'OD ZER 'PHRO BA RAB TU 'KHRUG ,DRAG PO'I 'KHOR LO RAB 'BAR 'DRA, ,'JIGS PA DAG KYANG 'JIGS PAR BYED, ,CES PAS BSTOD, MIG GNYIS MA DANG tA LAS NYI MA DANG ZLA BA SER POR GYUR CES DANG, (BADZRA dIshtI MA tA) MCHOD BSKYED CES PA'I MCHOD
PA NI, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS MI BSKYOD PA'I DKYIL 'KHOR SPYAN DRANGS, ZHABS BSIL DOR BA'I MCHOD YON NAS ROL MO'I BAR GYIS SNGAR RDO RJE 'CHANG GI SKABS LTAR MCHOD, MI BSKYOD RDO RJE ZHES SOGS TSIGS BCAD GCIG GIS BSTOD, BSKYED CES PA NI, SLOB MA SKAD CIG GIS RNAM SNANG DKAR PO DKAR NAG DMAR BA'I ZHES PA NAS, RAL GRI 'DZIN PA ZHES DANG, MIG GNYIS DZA: DZA: LAS NYI MA DANG ZLA BA 'OD ZER SER PO CAN DU GYUR, TSANGS THIG DANG PO BTAB PA'I RJES SU RKANG MTHIL GNYIS SU H'Um H'Um LAS RDO RJE 'BAR BA ZHES DANG, SGO DBYE ZHES PA NI, MIG GNYIS HI: HI: LAS (PHYOGS THAMS CAD RANG BZHIN MED PAR MNYAM PA NYID DO, ,BDAG DANG SLOB MA'I) NYI MA DANG ZLA BA SER PO CAN GYI LHA'I SKU SGYU MA LTA BUR GYUR CES BRJOD CING DKYIL 'KHOR GYI NANG NAS SHAR DU PHYOGS TE GA-YON BRKYANGS BYAS LA, LAG PA RDO RJE KHU TSUR GNYIS DKUR BKAN TE BZHAG LA KHRO BO'I LTA BAS BLTAS TE HI: HI: ZHES BRJOD CING, GA-YON DANG GA-YAS SU 'GYING BA RE BYAS LA HI: HI: ZHES SHAR GYI SGO DBYE, SGO GZHAN GSUM YANG DE LTAR BYA'O, ,PHUR BU BSANGS SBYANGS LA H'Um LAS BYUNG BA'I SENG LDANG GI PHUR BU STENG RDO RJE RTZE LNGA PA 'OG RDO RJE RTZE GCIG PA'I RNAM PA CAN DU GYUR CES DANG, GTOR MA SGRUB THABS BZHIN BYIN GYIS BRLABS LA AOm A'A: BIGHNAN TA KRITA H'Um SARBA DUshtA NA CES SOGS LAN GSUM GYIS PHUL NAS, CHU GNYIS ROL MO'I BAR NANG MCHOD DANG BCAS
, ,pa sngar bzhin mchod nas, bdag la dngos grub mchog STZOL LAG ZHES SOGS KYIS THIG SKUD KYI YE SHES PA GSHEGS DAM TSIG PA RANG LA THIM PAR GYUR CES BRJOD, SA'I LHA MO'I SKABS SU DGUG GDAB SOGS NI, RANG NYID ZHE SDANG RDO RJER GSAL BA'I THUGS KA'I H'Um GI 'OD ZER GYIS SPYAN DRANGS PA'I GNOD MDZES SNGON PO MI BSKYOD PA'I ZHES PA NAS RAL GRI 'DZIN PA MDUN DU 'DUG STA BKA' NOD PA LA, AOm SUm BHA NI ZHES SOGS DANG, PHYOGS MTSAMS RNAMS SU H'Um RING PO LAS GRUB PA'I KHRON PA 'BRUB KHUNG GI RNAM PA CAN RNAMS SU BCUG PAR GYUR, RANG GI THUGS KA'I H'Um LAS SPROS PA'I KHRO BO RDO RJE PHUR BU STOD BDUD RTZI 'KHYIL BA SNGON PO ZHES PA NAS GNOD MDZES KYI PHYAG MTSAN RDO RJE LCAGS KYU DE RDO RJE THO BA ME 'BAR BAR GYUR PAS DBANG LDAN NAS BRTZAMS TE RIM PA BZHIN PHUR BU'I SPYI BO NAS BRDUNGS PAS ZHES SOGS DANG ,GNOD MDZES RANG BZHIN GYI GNAS SU, (DON GRUB KYI DBU RGYAN) GSHEGS, t'KKI H'Um DZA: PHYI ROL TU LCAGS KYI RDO RJE'I RA BA ZHES PA NAS YE SHES KYI ME RAB TU 'PHRO BA DANG, DKYIL 'KHOR GYI SA GZHI YANG RDO RJE'I SA GZHIR GYUR, SA'I LHA MO BSKYED PA'I TSE DKYIL 'KHOR GYI DBUS SU BAm LAS BYUNG BA'I SA'I LHA MO SER MO ZHES PA DANG, GSER GYI BUM PA BSNAMS PA PADMA'I GDAN LA BZHUGS PA ZHES SOGS DANG, BSRES (BDAG NYID KYI LAG PA GA-YAS PAR SOGS, RDO RJE DANG BCAS PA'I SOR MO'I RTZE MO SA LA BSNUN PA'I SGRA DANG) ZHES PA'I SKABS SU 'DRES NAS ZHES PA NAS STZOL CIG CES GSUNG BAR
GYUR CES DANG, GSOL GDAB KYI SKABS SU DKYIL 'KHOR BRI ZHES GSOL BA BTAB PAS DE LTAR GYIS SHIG CES PA NAS GNAS PAR GYUR CES DANG, BSDAMS ZHES PA'I SKABS SU RDO RJE BSDAMS PA LAS ZHES PA NAS BYAS PAR GYUR CES PA DANG, LHA LHAG GNAS KYI SKABS SU LHA'I RNAL 'BYOR NI, SNGAN 'GRO'I GTOR MA NAS DANG PO SBYOR BA BSGOMS PA'I RJES LA MCHOD BSTOD BYAS PAS BSDUS PA'AM, YANG NA DKYIL 'KHOR RGYAL MCHOG GI MTHAR MCHOD BSTOD BYAS PAS RGYAS PA BYA'O, ,RTEN BSKYED TSUL NI AOm H'A: BI GHR'A NA TA KRITA H'Um GIS BSANGS LA, DNGAS PO MED PAS SGOM PA MED CES SOGS NAS BYANG PHYOGS PA RNAMS LA SNA TSOGS RDO RJE'I GDAN CES DANG, BRTEN PA BSKYED TSUL NI, GDAN DE RNAMS KYI STONG DU H'Um KHAm NAS H'Um BCUR GYUR, DE RNAMS YONGS SU'I GYUR PA LAS RDO RJE GNYIS ZHES PA NAS RDO RJES MTSAN PA'I DBYUG PA SNGON PO DANG NAG PO RDO RJE DANG RDO RJE DE RNAMS YONGS SU GYUR PA LAS, LHA SUM CU SO GNYIS SU GYUR PA NI, GDAN DBUS MA'I STENG DU ZHE SDANG RDO RJE SKU MDOG MTHING NAG MI BSKYOD PA'I DBU RGYAN CAN CES PA NAS GNOD MJES KYI BAR SGRUB THABS BZHIN BSKYED LA, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS BSGOMS PA'I DKYIL 'KHOR NAM MKHAR BTEG PA SPYAN DRANGS DZA: H'Um BAm HO: DAM TSIG PA'I RTEN DANG BRTEN (GA-YAS RDO RJE RTZE DGU PA) PA'I DKYIL 'KHOR LA YE SHES PA'I RTEN DANG BRTEN PA'I DKYIL 'KHOR DBYER MED DU THIM PAR GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYIS BYANG CHUB KYI SEMS KYI
, ,CHU RGYUN GYIS LHA SO SO LA DBANG BSKUR CES BRJOD, BUM PA LHAG GNAS LA MGUL CHINGS SKUD CES PA'I SKUD PA NI SRAD BU DKAR PO THA DAD BDUN GYIS BCING BAR BYA'O, ,BSKYED PA'I TSE BAm BAm LAS BYUNG BA'I RIN PO CHE'I BUM PA DKAR PO LTO BA CHE BA MGRIN PA RING BA MCHU 'PHYANG BA LA (AOm SARBA TA TH'A GA TA ARGHAm PRA T'ITZTSA H'Um SV'A H'A SOGS KYIS CHU BZHI THUN MONG DU DBUL, LHA YI ME TOG DAM PA 'DIS SOGS KYI RJES SU LHA RE RE'I MTSAN SNGAGS KYI RJES SU MCHOD SNGAGS RE RE SBYAR BA'I NYER SPYOD PHYAG RGYA'I RNAM PA SNGON PO SOGS ZHES SOGS 'DOD YON LNGA THUN MONG NANG MCHOD BSTOD PA), SOGS PA'I MTSAN NYID THAMS CAD DANG LDAN PAR GYUR , AOm T'A PTE ZHES PA NAS SV'A H'A LHA'I CHU BO GANGG'A DANG BUM PA'I CHU GNYIS DBYER MED PAR GYUR, RNAM RGYAL BUM PA'I NANG DU SNA TSOGS PADMA'I GDAN SUM CU RTZA GCIG CES SOGS LHA STA GON GYI SKABS LTAR ZHE SDANG RDO RJE NAS GNOD MDZES KYI BAR RNAMS CHO GA GSUM GYIS BSKYED LA, BUM PA'I MTSAN MA LNGA'I GNAS SU THUN MONG GI GDAN SNA TSOGS PADMA RE RE THUN MONG MIN PA'I GDAN NYI MA DANG ZLA BA DANG RIN PO CHE DANG PADMA DMAR PO DANG SNA TSOGS RDO RJE DE RNAMS KYI STENG DU H'Um AOm SV'A A'A: H'A RNAMS YONGS SU GYUR PA LAS, RDO RJE 'KHOR LO RIN PO CHE, PADMA DMAR PO SNA TSOGS RDO RJE DE RNAMS YONGS SU GYUR PA LAS, DE BZHIN GSHEGS PA LNGAR GYUR PA NI, ZHE SDANG RDO RJE SKU MDOG MTHING NAG CES (GA-YAS RDO RJE RTZE DGU PA) PA NAS RDO RJE'I SKYIL MO KRUNG GIS BZHUGS PA ZHES BRJOD LA YUM MED
PA BSKYED, RNAM SNANG DKAR PO ZHES PA NAS DON GRUB LJANG GU ZHES PA'I BAR RNAMS BSKYED LA, LAS BUM GYI NANG DANG MTSAN MA'I GNAS SU SNA TSOGS PADMA DANG NYI MA'I GDAN RE RE DE GNYIS KYI STENG DU H'Um H'Um LAS SNA TSOGS RDO RJE GNYIS, DE GNYIS YONGS SU GYUR BA LAS BGEGS MTHAR BYED GNYIS SU GYUR PA NI, SKU MDOG SNGON PO DON GRUB KYI DBU RGYAN CAN CES PA NAS DGRA STA 'DZIN PA RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS YE SHES KYI 'KHOR LO'I LHA SUM CU RTZA GSUM DANG, MTSAN MA'I LHA'I YE SHES PA RNAMS SPYAN DRANGS, SNGAR RDO RJE 'CHANG GI SKABS LTAR CHU GNYIS NAS ROL MO'I BAR GYIS MCHOD LA, DZA: H'Um BAm HO: YE SHES PA'I 'KHOR LO'I LHA SUM CU RTZA GSUM DANG MTSAN MA'I LHA'I YE SHES PA RNAMS RANG RANG GI DAM TSIG PA DANG GNYIS SU MED PAR GYUR, SNGA MA LTAR DBANG BSKUR, BZLAS PA'I TSE BSGRUB GROGS KYIS PAD KER BYAS NAS RDO RJE'I PHRENG BA GTAD LA, SLOB DPON GYIS KYANG PAD KOR BYAS TE BLANGS LA DUNG CHOS KYI BZLAS PA'I MTHAR YE SHES KYI BDUD RTZI ZHES PA NAS RANG BZHIN DU GYUR CES DANG, BZLAS (AOm SARBA TA TH'A GA TA AARGHAm PRA T'I TZTSA H'Um SOGS KYIS MCHOD), BYA'I SNGAGS KYIS BSKOR BA'I GTZO BO YAB YUM GYI THUGS KA'I H'Um DANG KHAm LAS LHA'I TSOGS 'PHROS 'GRO BA'I DON BYAS SLAR 'DUS TE THUGS KA'I H'Um DANG KHAm LA THIM PA'I SPRO BA DANG BSDU BA'I MDZAD PA CAN DU GYUR CES GTZO BO'I BZLAS PA BYA, DE BZHIN DU LAS BUM GYI BZLAS PA'I BAR LA SBYAR RO, ,(MCHOD YON ME TOG PHUL
, ,TE, (BUM PA RNAMS SPOS KYIS BDUG PA SOGS DANG, JI LTAR DKYIL 'KHOR GYI BYA BA MA ZIN GYI BAR DU BGEGS RNAM PAR BZLOG PA'I 'PHRIN LAS MDZOD CIG ),GTOR MA SGRUB THABS LTAR BYIN GYIS BRLABS LA, LHA RNAMS KYI LJAGS H'Um LAS BYUNG BA'I RDO RJE RTZE GCIG PA DMAR PO 'OD KYI SBU GU CAN DU GYUR CES DANG, CHU BZHI NAS KU RU SV'A H'A ZHES PA'I BAR SGRUB THABS NAS 'BYUNG BA LTAR PHUL BA'I RJES SU, ZHAL BSIL NAS ROL MO'I BAR DANG NANG MCHOD KYIS MCHOD PA RNAMS KYANG SGRUB THABS LTAR BYA'O, ,BSTOD PA'I RJES SU LHA RNAMS CHAGS PA CHEN PO'I MES ZHU NAS ZHES PA NAS RO GCIG TU GYUR, MTSAN MA'I LHA RNAMS KYANG ZHU NAS LHA RANG RANG GI SA BON NAM PHYAG MTSAN GYI RNAM PAR GYUR CES DANG, LHA LA GSOL BA GDAB PA'I (MI BSKYED RDO RJE SOGS DANG, RDO RJE BDUD RTZI KHRO BO CHE SOGS KYIS) TSE SPYAN DRANGS MI DGOS LA, SPRO BA BSKYED PA'I RJES SU SNGAR BZHIN MCHOD PA PHUL LA, SNYAN MNAN PA SOGS SNGAR BZHIN BYAS PA'I RJES SU BDAG NYID KYI LCE H'Um LAS BYUNG BA'I RDO RJER GYUR NAS, STA GON GYI LHA DANG NAM MKHAR GNAS PA'I DE BZHIN GSHEGS PA RNAMS LA GSOL BA GDAB PA NI, THUGS RJE YI NI ZHES PA NAS MDZAD PAR 'OS, ZHES GSOL BA BTAB PAS DGYES BZHIN DU SNANG BA BYIN PAR GYUR CES DANG, SLOB MA STA GON GYI SKABS SU SLOB MA'I GNAS GSUM BYIN GYIS BLABS PA'I RJES SU ME TOG 'BUL BA'I TSE PUshPAm PRA T'I TZTSA H'Um ZHES SOGS KYI SNGAGS BRJOD, ('DEGS PA'I PHYAG RGYA BYAS LA, STA GON GYI DKYIL 'KHOR NAM MKHA' LA BZHUGS PAR GYUR, DE LA DE NUB NAS
MCHOD PA MA CHAD PA BYA, NANG PAR SNGA BAR LANGS TE MCHOD PA DANG, TSOM BU MTHA' NAS BSDU BA SOGS BYAS LA, RANG NYID SGRUB THABS RDZOGS PA'AM ZHE SDANG RDO RJER CHOG GSUM GYIS BSKYED PA GANG RUNG GIS YE THIG 'DU BYA BA NI), YE THIG GI SDOMS NI, BSKOR BSGYUR GNYIS BSKYED BTANG BZUNG LTA, ,GSOL GDAB DGUG SGRIL BYUG BKOD BZHAG ,MCHOD BSRUNG MIG GTOR BZLAS MDZES MCHOD, ,PHYOGS MIG BTANG BZUNG NAM MKHAR GDAB, ,LTA ZHES PA NI NAM MKHAR BZHUGS SU GSOL BA'I ZHES PA NAS 'OD ZER LNGA'I RANG BZHIN DU GYUR CES DANG, DGUG CES PA LA 'BAR BA'I LTA STANGS ZHES PA NAS SO SO LA THIM PAR GYUR CES DANG, BKOD CES PA NI, THIG SKUD KYI NANG GI MTHA' GNYIS DANG DBUS SU AOm A'A: H'Um GIS MTSAN PAR GYUR CES DANG, NAM MKHAR GDAB CES PA LA THIG GI SGRAS SEMS CAN DON DU ZHES PA NAS THIG SKUD LA THIM PAR GYUR CES DANG, SA LA GDAB PA'I TSE NGO BO YE SHES LA ZHES PA NAS THIM PAR GYUR ZHES BRJOD DO, ,GTOR MA NI AOm A'A: BDZRA DHRIKA H'Um DZI NA DZI KA CES PA NAS KU RU SV'A H'A ZHES PA'I BAR GYIS PHUL LA, CHU GNYIS NAS NANG MCHOD KYI BAR GYIS MCHOD, GSHEGS PA'I TSE YE SHES, (BDAG LA DNGOS GRUB MCHOG STZAL SOGS, NAM MKHAR BZHUGS PA'I RGYAL BA RNAMS KYI THUGS KAR), KYI THIG SKUD CES PA NAS GSHEGS SHING DAM TSIG PA RANG LA THIM PAR GYUR CES BRJOD DO, ,TSON BYIN GYIS BRLAB PA NI TSON SO SO LA H'Um LA SOGS PA'I SA BON SO SO BRIS LA LHA BSKYED DO, ,DGUG PA NI, 'BAR BA'I LTA STANGS
, ,LCAGS KYU LTA BUS NAM MKHAR GNAS PA'I RIGS LNGA'I THUGS KAR H'Um AOm SV'A A'A: H'A LAS GRUB PA'I YE SHES KYI TSON BKUG NAS DAM TSIG PA SO SO DANG RO GCIG TU GYUR (RDUL TSON SNGON PO H'Um LAS MI BSKYOD PA ZHES BA NAS DON GRUB KYI NGO BOR GYUR, NAM MKHAR BZHUGS SU GSOL BA'I DE BZHIN GSHEGS PA LNGA'I THUGS KAR H'Um AOm SV'A H'A: H'Um LAS GRUB PA'I YE SHES KYI TSON 'OD ZER GYI RANG BZHIN CAN DU GNAS PA DANG, RANG GI MIG GNYIS DZA: DZA: LAS ZHES PA NAS SHI DZA), CES DANG, MCHOD CES PA NI, ME TOG NAS ROL MO'I BAR RNAMS SNGAR RDO RJE 'CHANG GI SKABS BZHIN PHUL, BRIS ZIN PA NA MCHOD GTOR YE THIG GI SKABS LTAR PHUL NAS YE SHES PA NAM MKHA'I DE BZHIN GSHEGS PA LNGA'I (MIG GNYIS HI: HI: LA SOGS, RDUL TSON RNAMS LA YANG HE YIG GIS MTSAN PAR GYUR), THUGS KAR GSHEGS PAR GYUR, DKYIL 'KHOR BSGRUB PA'I SKABS SU GDAN DE RNAMS KYI (YE SHES KYI TSON CES PA NAS YE THIG BZHIN), STENG DU ZHES PA NAS, AOm A'A: H'Um H'Um BCUR GYUR, DE RNAMS YONGS SU GYUR PA LAS RDO RJE 'KHOR LO RIN PO CHE, PADMA, RAL GRI, SPYAN RDO RJE PDAMA, AUdPAL, ME LONG, PA WING, DRI'I DUNG CHOS, RO'I SNOD, KLU SHING GI ME TOG SDONG BU DANG BCAS PA 'KHOR LOS MTSAN PA, 'KHOR LO, RIN PO CHE GNYIS, PADMA GNYIS, RAL GRI GNYIS, THO BA RDO RJES MTSAN PA'I DBYUG PA, PADMA, SNA TSOGS RDO RJE, RAL GRI, ZHAGS PA, RAL GRI DANG, RAL GRI, GTZUG TOR GYI MTSAN
MA, ZHAGS PA, DE RNAMS YONGS SU GYUR PA LAS ZHES DANG, YUM BSKYED PA'I TSE RANG GI THUGS KA NAS RANG RIGS KYI RIG MA PHYUNG LA STONG PAR GYUR, STONG PA'I NGANG LAS AOm A'A: KHAm H'Um LAS GOS KHA DOG SNA TSOGS PA DE YONGS SU GYUR PA LAS ZHES DANG, AOm ZHES PA (RIM GYIS LHA SUM CU SO GCIG TU GYUR PA NI) NAS DZA: DZA: 'OG MIN NAS SPYAN DRANGS PA'I DE BZHIN GSHEGS PA RNAMS DAM TSIG PA RNAMS DANG GNYIS SU MED PAR GYUR, RANG GI THUGS KA'I H'Um SNGON PO'I 'OD ZER LCAd KYU'I RNAM PA CAN GYIS NAM MKHAR BTEG PA'I LHA STA GON GYI DKYIL 'KHOR SPYAN DRANGS, GONG LTAR 'DOD YON LNGAS MCHOD, DZA: H'UM BAM HO: RANG RANG SO SO'I DAM TSIG PA DANG GNYIS SU MED PAR GYUR, CES BRJOD DO, ,MDUN BSKYED BSGRUB TSUL GZHAN BSAM GTAN GYI SGRUB MCHOD KYI SKABS LTAR SHES PAR BYA'O, ,PHYI ROL PA'I GTOR MA'I SKABS SU, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS KHRO BO BCU DANG PHYOGS SKYONG BCO LNGA 'KHOR DANG BCAS PA SPYAN DRANGS TE, PHYI NANG GI PHYOGS MTSAMS RNAMS (MCHOD PA, AOm A'A: BADZRA DHRIK BDZRA SATVA SPARSHA BADZRA SOGS KYIS GTZO BO YAB YUM RIGS BDAG DE BZHIN GSHEGS PA BZHI LA SDE TSAN GCIG ,LHA MO BRGYAD, BYANG SEMS BRGYAD, KHRO BO BCU RNAMS LA SDE TSAN RE RE LA CHU BZHI NAS MCHOD PA'I NGA RGYAL YAN RE RE, THUN MONG DU NA BZA' RGYAN GDUGS BUM PA NGA RGYAL BSKOR BA BSTOD PA GNYIS RGYUN BSHAGS SDOM BZUNG GNYIS BZLAS GTOR SOGS BYA'O), ,SU GNAS PA NI, NANG GI SHAR DU GSHIN RJE'I GSHED NAG PO ZHES PA NAS 'OG TU
, ,GNED MDZES ZHES SOGS DANG, PHYI'I SHAR DU RDO RJE MTSON CHA SER PO ZHES PA NAS YIG BRGYA BRJOD PA'I BAR RNAMS SGRUB THABS BZHIN BYAS LA, KHYAD PAR NI NYER SPYOD 'BUL BA'I TSE AOm A'A: BDZRA MA H'A KO DHA R'A DZ'A SA PA RI W'A RA PUshPAm PRA T'I TZTSA ZHES SOGS KYIS NANG MCHOD DANG BCAS PA DBUL LO, ,JI SRID DU DKYIL 'KHOR GYI BYA BA RNAMS MA RDZOGS PA DE SRID DU BGEGS RNAM PAR BZLOG PA'I 'PHRIN LAS MDZOD CIG CES GSOL BA GDAB, KHRO BO SOd PHYOGS SU BKOD NAS NYI MA GZHAN LA GTOR MA 'BUM BA'I TSE KHRO BO SOGS SPYAN DRANG MI DGOS PAS (PHYI NANG GI PHYOGS MTSAMS RNAMS SU 'KHOD NAS) GSAL GDAB PO, ,PHYI ROL PA'I GTOR MA PHUL NAS NANG DU SLEBS PA DANG, RANG NYID SKAD CIG GIS H'Um MDZAD SNGON PO ZHAL GCIG PHYAG GNYIS H'Um MDZAD KYI PHYAG RGYA 'CHING BA GA-YON BRKYANGS PA'I STABS KYIS BZHUGS PA RDO RJE SHUGS KYI 'JUG PAS DKYIL 'KHOR GYI NANG DU ZHUGS PAR GYUR, SKOR BA BYED PA'I TSE AOm SUm BHA NI ZHES PA NAS BIDY'A R'A DZ'A H'Um H'Um PHAt PHAt CES PA'I BAR BRJOD DE SHAR SGO NAS, AOm CHOG TU BDE BA'I SEMS NI ROL PAR LDAN, ,SGEG PA'I PHYAG GIS BCOM LDAN 'DAS LA 'DUD, ,DZA: H'UM BAm HE: HI HI HI HI HI, MGON PO SNYIM PA'I ME TOG BZHES SU GSOL, ,CES PAS ME TOG PHUL, PHYAG 'TSAL BA'I TSE PRA NA MA MI SOGS BRJOD, DKYIL 'KHOR (BDAG DANG SEMS CAN THAMS CAD LA DNGOS GRUB KYI BKA' DRIN STZOL CIG ),DU 'JUG PA'I SKABS KYI CHOS 'JUG ZIN PA'I 'OG
TU RANG NYID RNAM SNANG DKAR PO ZHES PA NAS RAL GRI 'DZIN PA DE'I THUGS KAR RDO RJE LA GNAS PA'I NYI MA'I STENG DU H'Um NAG PO ZHES SOGS DANG, SANGS RGYAS BYANG CHUB YI DKYIS BZUNG ZHES THUN MONG GI SDOM PA BZUNGS PA'I RJES SU SANGS RGYAS DANG BYANG CHUB SEMS DPA' THAMS CAD CES PA NAS MYA NGAN 'DAS LA DGOD CES PA'I BAR GYIS THUN MONG MIN PA'I (YI GE GSUM GYI 'OD ZER GYIS ZHES SOGS), SDOM PA BZUNGS, SEMS BSKYED PA'I TSE SEMS CAN THAMS CAD KYI DON DU ZHES PA NAS SMON PA'I SEMS KUN RDZOB PA DE NYID SNYING GAR ZLA BA'I DKYIL 'KHOR YONGS SU RDZOGS PA'I RNAM PAR GYUR CES DANG, CHOS THAMS CAD CES PA NAS RANG GI SEMS RO GCIG TU GYUR PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PA CAN DU GYUR CES SOGS DANG, SHAR SGO NAS PHYAG 'TSAL BA'I TSE RANG YI DAM, SLOB MA MI BSKYOD PAR GYUR AOm ZHES SOGS DANG, PHYAG ZIN PA'I RJES SU DE BZHIN GSHEGS PA THAMS CAD LA MCHOD PA DANG PHYAG CES PA NAS BYIN GYIS RLOBS SHIG CES SHAR SGO NAS GSOL BA GDAB PAS RGYAL BA THAMS CAD LA MCHOD PA DANG BSNYEN BKUN BA'I NUS PA CAN DU BYIN GYIS BRLABS PAR GYUR CES DANG, DE BZHIN DU PHYAG GZHAN NAMS KYI SKABS SU YANG JI LTAR RIGS PAR BYA'O, ,YE SHES DBAB PA'I TSE SLOB MA MNGON BYANG LNGAS BSKYED TSUL NI, SH'U N+YA T'A SA STONG PAR GYUR, STONG PA'I NGANG LAS AOm LAS BYUNG BA'I ZLA BA'I DKYIL 'KHOR GYI STENG DU, A'A: LAS BYUNG BA'I PADMA
, ,DMAR PO A'A: SA MTSAN PA DE YONGS SU GYUR PA LAS 'OD DPAG MED DMAR PO MI BSKYOD PA'I DBU RGYAN CAN CES PA NAS GA-YON GNYIS RIN PO CHE DANG RAL GRI 'DZIN PA, GA-YON BRKYANGS KYI STABS KYIS BZHUGS PA DE'I SPYI BOR HA ZHES SOGS DANG, RDO RJE GSUM LUS KYI NANG DU THIM PAS SPYI BO NAS RKANG MTHIL GYI BAR KHONG STONG DU GYUR, RKANG PA'I 'OG TU YAm LAS ZHES PA NAS LUS THAMS CAD SBYANGS NAS YE SHES SEMS DPA'I NGO BO RANG GI RNAM PAR SHES PA 'OD GSAL DU ZHUGS, 'OD GSAL GYI NGANG LAS RANG NYID 'OD DPAG MED YI GE GSUM DANG BCAS PAR BZHENGS PA'I SNYING GAR H'Um LAS RDO RJE SEMS DPA' SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PAS RANG 'DRA BA'I YUM REG BYA RDO RJE MA LA 'KHYUD PA, MGRIN PAR A'A: LAS 'OD DPAG MED DMAR PO ZHAL GCIG PHYAG GNYIS KYIS PADMA DANG DRIL BU 'DZIN PAS RANG 'DRA BA'I YUM GOS DKAR MO LA 'KHYUD PA ZHES DANG, DZHE'I 'OD ZER GYIS BSKUL BAS ZHES PA NAS LUS GANG BAR GYUR, 'DI KHYOD DAM TSIG RDO RJE STE ZHES PA DANG, SPOGS CHOG GI TSE RDO RJE 'CHANG MNGON BYANG LNGAS BSKYED TSUL NI, SH'U N+YA T'AS STONG PAR GYUR, STONG PA'I NGANG LAS AOm LAS BYUNG BA'I ZLA BA'I DKYIL 'KHOR GYI STENG DU AOm A'A: H'Um GI YI GE GSUM YONGS SU GYUR PA LAS RDO RJE AOm A'A: H'Um GIS MTSAN PA, DE YONGS SU GYUR PA LAS RDO RJE 'CHANG SNGON PO SNGO DKAR DMAR BA'I ZHAL GSUM ZHES PA NAS, GA-YON DRIL BU RIN CHEN RAL GRI 'DZIN PA DE YONGS SU
GYUR PA LAS ZHE SDANG RDO RJE SKU MDOG MTHING NAG CES PA NAS 'OD DMAR PO 'BAR ZHING 'KHRUG PA'I DBUS NA RDO RJE'I SKYIL MO KRUNG GIS BZHUGS PA, DE'I THUGS KAR H'Um LAS RDO RJE SEMS DPA' SNGON PO ZHES PA NAS, SPYI BOR HA LAS RNAM SNANG DKAR PO ZHAL GCIG PHYAG GNYIS 'KHOR LO DANG DRIL BU 'DZIN PAS RANG 'DRA BA'I YUM SPYAN MA LA 'KHYUD PA, YAN LAG THAMS CAD LA A'A: DMAR PO 'OD ZER DANG BCAS PA, DE'I 'OD ZER GYIS ZHE SDANG RDO RJE'I RDO RJE GSUM GYI YE SHES CHEN PO BSKUL BAS ZHES PA NAS, 'OD ZER CHAR LTAR 'BAB PAR GYUR A'A BE SHA ZHES SOGS DANG, YE SHES PHAB PA GSHEGS PA'I RJES SU SPYI BOR AOm MGRIN PAR A'A: THUGS KAR H'Um ZHES DANG LAS THAMS CAD PA BRJOD, BDAG 'JUG GI TSE AOm BADZRA A'A BE SHA ZHES SOGS KYI RJES SU YIG BRGYA BRJOD DO, ,SNGAR GYI ZHE SDANG RDO RJE YUM MED PA BSKYED DO, ,ME TOG DOR BA'I SNGA ROL TU LUS DKYIL DGOD PA'I TSE RNAM SNANG DKAR PO MI BSKYOD PA'I DBU RGYAN CAN CES PA NAS GA-YON DRIL BU RIN CHEN RAL GRI 'DZIN PA ZHES PA NAS, DE'I THUGS KAR H'Um LAS MI BSKYOD PA SPYI BOR AOm LAS RNAM SNANG ZHES PA NAS RKANG MTHIL GNYIS SU H'Um LAS GNOD MDZES RGYAL PO MI BSKYOD PA NAS GNOD MDZES KYI BAR GYI LHA RNAMS RANG GI PHUNG PO DANG KHAMS DANG DBANG PO DANG YUL DANG YAN LAG RNAMS DANG DBYER MED PAR GYUR CES DANG, ME TOG DOR BA'I TSE RANG NYID DKYIL 'KHOR GYI NANG DU ZHUGS GTZO BO 'KHOR BCAS KYI MDUN NA GNAS PAR GYUR TIshthA BADZRA ZHES SOGS DANG, DKYIL 'KHOR STON PA'I
, ,TSE SGOM SPANG GI SA BON SPANGS PAS DRA BA DANG, MNGON GYUR SPANGS PAS DRA BA PHYED PA ZHES DANG, BRTEN PA LHA STON PA'I TSE DBUS SU ZHE SDANG RDO RJE SHAR DU RNAM SNANG ZHES PA NAS 'OG TU GNOD MDZES RGYAL PO ZHES DANG, LUS DKYIL STON PA'I TSE PHUNG PO LNGA'I RANG BZHIN DU ZHES PA NAS GSHIN RJE'I DGRA SOGS BSTAN PAR BYA ZHES PA'I BAR BRJOD, DBANG GI DNGOS GZHI'I SKABS SU NANG DBANG BSKUR BA'I TSE RANG NYID BDAG 'JUG LEN PA YIN NA, BSANGS BA'I RJES SU BLA MA DANG GTZO BO THA MI DANG PA'I THUGS KA'I H'Um GI 'OD ZER GYIS RANG NYID DRANGS PA ZHAL NAS ZHUGS, SKU'I DBYIBS BRGYUD RDO RJE'I LAM NAS YUM GYI PADMAR 'THON PA SKAD CIG GIS STONG PAR GYUR, STONG PA'I NGANG LAS H'Um LAS RDO RJE H'Um GIS MTSAN PA DE YONGS SU GYUR PA LAS MI BSKYOD PA MTHING NAG NAG DKAR DMAR BA'I ZHAL GSUM ZHES PA NAS, GA-YON DRIL BU RIN CHEN RAL GRI 'DZIN PA, M'A MA K'I SNGON MO ZHAL GSUM ZHES PA NAS GA-YON DRIL BU RIN CHEN RAL GRI 'DZIN PAS 'KHYUD PA, BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES BA SPYAN DRANGS GNYIS SU MED PAR GYUR, BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS PHYOGS BCU NA ZHES PA NAS SPYAN DRANGS, AOm SARBA TA TH'A GA TA ARGHAm ZHES SOGS DANG, 'DI DANG DBANG DNGOS GZHI'I SKABS KYI 'OG NAS 'BYUNG BA'I MCHOD PA RNAMS SNGAR RDO RJE 'CHANG GI MCHOD PA'I SKABS BZHIN CHU (BZHUGS PA'I RGYAL BA YAB YUM MDUN GYI SOGS),
GNYIS NAS ROL MO'I BAR DBUL LO, ,STZAL DU GSOL NAM MKHA'I RGYAL BA YAB YUM RNAMS ZHES PA NAS RDO RJE'I LAM NAS BYUNG BA'I BYANG CHUB KYI SEMS KYIS RANG MI BSKYOD PAR BYAS PA LA DBANG BSKUR TE, YUM GYI PADMA NAS PHYUNG DKYIL 'KHOR GYI SHAR DU KHRUS DKYIL GRU BZHI SGO BZHI PA PHYI NAS RIM PA BZHIN DKAR DMAR NAG PA'I RTZIG PA RIM PA GSUM DANG LDAN PA 'PHAR MA GNYIS DANG LDAN PA'I DBUS SU SNA TSOGS PADMA 'DAB MA BRGYAD PA'I DBUS SU RDO RJE NAG PO SHAR DU 'KHOR LO DKAR PO, LHOR RIN CHEN SER PO NUB TU PADMA DMAR PO BYANG DU RAL GRI LJANG GUS MTSAN PA, DE'I STENG DU SHING STAN LA GNAS PA'I SNA TSOGS PADMA'I STENG DU 'KHOD PAR GYUR, DBANG RDZAS BUM CHU BSKYED PA'I SKABS SU AOm A'A: BIGHN'AN TA KRITA H'Um, AOm SH'U N+YA T'A DZNY'A NA BADZRA SVA BH'A WA A'ADMA KONYHAm BUM CHU STONG PA NYID DU GYUR, STONG PA'I NGANG LAS H'Um LAS RDO RJE H'Um GIS MTSAN PA ZHES SNGAR BZHIN BSKYED LA, KHYAD PAR 'DIR YAB YUM GNYIS RIGS BDAG DANG BCAS PA BSKYED DE, ,RIG PA'I DBANG 'OG MA RNAMS KYI SKABS SU'ANG DE LTAR SHES PAR BYA'O, ,BLA MA DANG THA MI DAD PA'I GTZO BO YAB YUM SNYOMS PAR ZHUGS PA'I BYANG CHUB KYI SEMS KYI 'OD ZER GYIS RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, GNYIS SU MED PAR GYUR, RANG GA RIGS BDAG YAB YUM GYI BYANG CHUB KYI SEMS KYIS DBANG BSKUR CES DANG, MCHOD PA'I RJES SU MI BSKYOD PA YAB YUM ZHU BA LAS BYUNG BA'I CHUR GYUR, BLA MA DANG THA MI DAD PA'I GTZO BO YAB YUM SNYOMS
, ,PAR ZHUGS PA'I BYANG CHUB KYI SEMS KYI 'OD ZER GYIS RGYAL BA YAB YUM 'KHOR BCAS THAMS CAD RANG LA DBANG BSKUR BA'I PHYIR DU BSKUL TE, SPYAN DRANGS PA RNAMS NAM MKHAR 'KHOD NAS BSGRUBS PA'I DKYIL 'KHOR BA RNAMS KYIS DBANG BSKUR BA'I DGONGS PA MDZAD CES PA NAS PHYOGS MTSAMS SU 'KHOD NAS BGEGS BSKRAD PAR GYUR CES DANG, AOm A'A: ZHES PA NAS SU RA TA STVAm AA HAm ZHES DBANG BSKUR BAS ZHES SOGS DANG, DBANG LHA BSTIMS PA'I SKABS, BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS ZHAS PA NAS RANG GI BA SPU'I SGO NAS THIM PAR GYUR CES DANG, CHU DBANG GI DAG PA'I RJES SU BRGYAN CING GLU BLANG BA DANG BSKOR BA RNAMS BYA'O, ,'DI LAS GZHAN RNAMS KYI SKABS SU BRGYAN CING GLU BLANG BA SOGS MI DGOS, RIG PA'I DBANG THA MA BZHI'I NANG DBANG BSKUR BA'I RJES SU YUM GYI PADMA NAS PHYUNG RANG GNAS SU 'KHOD PAR GYUR CES DANG, RIG PA'I DBANG 'OG MA RNAMS KYI SKABS SU SHIS PA RNAMS MA BRJOD KYANG CHOG PAS PHYOGS MTSAMS SU 'KHOD NAS BGEGS BSKRAD PAR GYUR, DBANG BSKUR RDO RJE CHEN PO STE ZHES SOGS DANG, SHIS PA BRJOD NAS, DBU RGYAN GYI DBANG GI TSE BKRA SHIS GANG ZHIG MA LUS RIN CHEN RIGS DANG LDAN CES SOGS RANG RANG GI PHYOGS KYI TSIGS BCAD RE RE BRJOD, (SA BON TRAm HR'I: A'A: LAS BYUNG BA'I DRIL BU STONG PA NYID DU GYUR, STONG PA'I NGANG LAS KHAm LA SOGS, 'OG MA RNAMS LA'ANG DBANG RDZAS KYI YE SHES PA DANG, DBANG LHA BSKYED PA BUM DBANG BZHIN, 'OG MA RNAMS KYI BUM CHU'I SNGAGS KYI MTHA'I SV'A H'A MED PAR H'Um GI GONG DU
A'A: BCUG NAS AOm GYI 'OG TU NI DKYIL CHOG BZHIN MI 'DUG GO) ,KHYAD PAR DBU RGYAN GYI DBANG GI SKABS SU PHYOGS MTSAMS SU 'KHOD NAS BGEGS BSKRAD PAR GYUR, AOm BADZRA DH'A T'I ZHES SOGS DANG, DBANG RDZAS DBU RGYAN BSKYED PA'I TSE YUM M'A MA K'I SNGON MO RIN 'BYUNG GI DBU RGYAN CAN CES PA NAS GA-YAS NOR BU 'KHOR LO AUTPAL LA SNGO DMAR ZHES DANG, RIG PA'I DBANG 'OG MA RNAMS KYI DAG PA BRJOD PA'I TSE, DE LTAR BUM DBANG DGU LAS RIN CHEN 'BYUNG LDAN COD PAN GYI DBANG THOB CES SOGS SBYAR RO, ,MIG PHYE BA'I RJES SU RAB RIB RGYAL BA RNAMS KYIS BSAL, ,MA RIG PA'I ZHES PA NAS PHYE BAR GYUR CES DANG, SLOB DPON GYI DBANG LA, PHYAG MTSAN GYI DBANG BSKUR BA'I TSE RANG DANG 'KHOR LO RNAM SNANG DU GYUR, RNAM PAR SNANG MDZAD ZHU BA (RANG GI MIG GNYIS SU YI GE PRAm RA RE), LAS BYUNG BA'I 'KHOR LO SEMS CAN KUN LA ZHES DANG, DHARMA TZAKRA (AA LAS BYUNG BA'I ME LONG DU GYUR), ZHES BRJOD DE DBANG BSKUR BAS DE BZHIN GSHEGS PA'I RIGS KYI 'KHOR LO BSKOR BA'I 'KHOR LO BSGYUR BAR DBANG BSKUR ZHES DANG, GZHAN GSUM LA'ANG DES RIGS BSGRES LA SHES PAR BYA'O, ,DE BZHIN GSHEGS PA'I RIGS ZHES PA'I RIM PA LTAR RIN PO CHE'I RIGS DANG, PADMA'I RIGS DANG, LAS KYI RIGS DANG ZHES PAS (RGYAL DU) BRJE'O, ,YUM (BAR GYUR) GYI MKHA' GSANG BSKYED PA'I SKABS SU H'Um LAS RDO RJE H'Um GIS MTSAN PA DE YONGS SU GYUR PA LAS RDO RJE 'CHANG DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PA, RDO RJE DBYINGS KYI DBANG PHYUG MA DKAR
, ,MO RDO RJE DANG DRIL BU 'DZIN PA LA 'KHYUD PA ZHES DANG, PADMA NAS PHYUNG STE DKYIL 'KHOR GYI SHAR DU KHRUS KYI DKYIL 'KHOR GRU BZHI ZHES PA NAS BYANG DU RAL GRI LJANG GUS MTSAN PA LA GNAS PA'I, SENGGE'I KHRI'I STENG DU SNA TSOGS PADMA DANG ZLA BA'I GDAN LA 'KHOD CES DANG, RDO RJE'I DAM TSIG SBYIN PA'I SKABS SU STONG PA NYID DANG DBYER MED PA'I ZHES PA NAS DE DRAN PA'I DON DU RDO RJE 'DZIN PAR BYED PA'I RDO RJE'I DE KHO NA NYID KYI SGO NAS ZUNGS SHIG CES DANG, DRIL BU'I DAM TSIG GI SKABS SU CHOS THAMS CAD RANG BZHIN MED PA'I SGRA DRIL BUS SGROGS PAR SEMS PA'I SGO NAS DRIL BU 'DZIN PAR BYED PA'I DRIL BU'I DE KHO NA NYID KYI SGO NAS ZUNGS SHIG CES DANG, PHYAG RGYA'I DAM TSIG GI SKABS SU RDO RJE SEMS DPA'I RNAL 'BYOR DANG LDAN PAS YE SHES KYI PHYAG RGYA 'DU BYAS NAS ZHES PA NAS DNGOS GRUB THAMS CAD BSGRUB PAR BYA'O, ,ZHES PA NAS, CHU DBANG BSKUR BA'I TSE BLA MA DANG GTZO BO THA MI DAD PA'I THUGS KA'I TING NGE 'DZIN SEMS DPA'I 'OD ZER GYIS DBANG GI LHA RNAMS SPYAN DRANGS TE RANG GI SNYING GA LA SOGS PA'I GNAS RNAMS SU 'KHOD PA NI, SNYING GAR MI BSKYOD PA SPYI BOR RNAM SNANG ZHES PA NAS RKANG MTHIL GNYIS SU GNOD MDZES RGYAL PO ,MI BSKYOD PA NAS GNOD MDZES KYI BAR GYI LHA RNAMS RANG GI PHUNG PO DANG KHAMS DANG, DBANG PA DANG YUL DANG YAN LAG RNAMS DANG DBYER MED BAR GYUR CES DANG, SNGAGS KYI DBANG BSKUR BA'I SKABS SU RANG ZHE SDANG RDO RJE SEMS DPA' SUM RTZEGS CAN DU GYUR, BLA MA DANG GTZO BO THA MI DAD PA ZHE SDANG RDO RJER GYUR PA'I THUGS KAR SNA TSOGS PADMA DANG ZLA BA'I GDAN LA, YE SHES SEMS DPA' SKU MDOG DMAR PO ZHES PA NAS RDO
RJE SNGON PO'I LTE BA'I NANG DU TING NGE 'DZIN SEMS DPA'I H'Um YIG SNGON PO'I MTHAR, AOm ZHES PA NAS SV'A H'A RNAMS GA-YAS SKOR DU GNAS PAR GYUR CES DANG, RJES ZLOS LAN GSUM BYAS PA'I RJES SU SNGAGS KYI 'PHRENG BA BLA MA'I THUGS KA NAS BRGYUD CES PA NAS MTHA' SKOR NA GNAS PAR GYUR CES DANG, PHRENG SOGS BLANG BA'I SKABS SU ('DIR H'Um SOGS SA BON LNGA KA 'DUG), RANG NYID RNAM SNANG DU GYUR PHRENG BA LA SOGS ZHES DANG, RDO RJE BRTUL ZHUGS KYI SKABS SU RANG NYID MI BSKYOD PAR GYUR H'Um LAS BYUNG BA'I RDO RJE 'DI DE ZHES DANG, GSANG DBANG LA GNYIS BSKYED CES SOGS KYI SKABS SU RANG RNAM SNANG DKAR PO DKAR NAG DMAR BA'I ZHAL GSUM ZHES PA NAS RAL GRI 'DZIN PAR GYUR, BLA MA DANG GTZO BO THA MI DAD PA ZHE SDANG RDO RJE SEMS DPA' SUM BRTZEGS CAN DU GYUR, SH'U N+YA T'AS RIG MA STONG PAR GYUR, STONG PA'I NGANG LAS KHAm LAS RDO RJE DE YONGS SU GYUR BA LAS, REG BYA RDO RJE MA SNGON MO MI BSKYOD PA'I DBU RGYAN CAN CES PA NAS 'DOD PA'I YON TAN LNGA'I DGA' BAS ROL PA, DE'I SPYI GTZUG NAS SKRA MTSAMS KYI BAR DU AOm DKAR PO LAS RNAM SNANG DKAR PO ZHES PA NAS LTE BA NAS BRLA'I RTZA BA'I BAR DU H'A LJANG GU LAS DON GRUB CES SOGS DANG, YAB KYI GSANG GNAS MI DMIGS PA'I NGANG LAS ZHES PA NAS LAS LA GNAS PA'I BAR SGRUB THABS BZHIN BYAS LA, KHYAD PAR NI, MI BSKYOD PAR GYUR H'Um SNYOMS PAR 'JUG PA'I LAS LA GNAS PAR BYAS PA'I SBYOR MTSAMS NAS 'PHROS PA'I 'OD ZER GYI ZHES PA NAS, BLA MA DANG GTZO BO THA MI DAD PA'I SKU'I DKYIL 'KHOR LA GNAS PA RNAMS GTZO BO'I THUGS KAR BSDUS PA
, ,CHAGS PA CHEN PO'I MES ZHU STE ZHES PA NAS LHA RNAMS ZHU BA'I THIG LER GYUR CES DANG, GSANG RDZAS LCE THOG TU BZHAG PA'I TSE SANGS RGYAS THAMS CAD ZHU BA 'DUS PA'I NGO BOS RANG GI LUS LA ZHES PA NAS, MI GA-YO BA'I BSAM PAS MYANGS AA HO MH'A SU KHA ZHES PA DANG, GSANG DBANG TZAM GYI RDZAS BSGRUB PA'I SKABS SU AOm A'A: H'Um ZHES BRJOD LA SGRUB THABS NAS 'BYUNG BA'I GTOR MA LTAR BYIN GYIS BRLABS, 'DI'I SKABS KYI SHIS BRJOD SLOB MA LA BYED PA YIN NO, , GSANG DBANG TZAM BSKUR ZIN PA'I 'OG TU BLA MA YAB YUM GYI BYANG SEMS DKAR DMAR MYANGS PAS BDE BA SKYES PA DANG BDE BA DES STONG PA NGES PA'I BDE STONG DBYER MED DU SBYAR BA DE GSANG BA'I DBANG GI NGO BO YIN LA, DE'I MTHUS RANG LHAR BSGOMS PA'I LHA SKU SGYU MA DANG, 'JA' TSON BZHIN DU 'CHAR ZHING, DA LTA LHA'I SKU 'JA' TSON DANG, SGYU MA BZHIN DU SNANG BA 'DI DANG 'DRA BA'I SGYU MA'I SKU 'GRUB PAR 'GYUR RO, ,ZHES BRJOD DO, ,GZHAN LA DBANG BSKUR BA'I CHE DE LTAR BLA MA YAB YUM GYI BYANG SEMS DKAR DMAR LCES MYANGS PA RTZA'I SBUBS RNAMS SU PHYIN PA NA ZHES PA NAS, LHA SKU SGYU MA DANG 'JA' TSON LTA BUR NGES DGOS PAS KHYED KYIS LUS LA GNAD DU BSNUN PA'I GDAMS NGAG GIS RLUNG SHIN TU DUL BAR SBYANGS PA NA ZHES PA'I BAR DANG, DE'I MTHUS ZHES PA NAS 'GRUB PAR 'GYUR RO, ,ZHES BRJOD DO, ,SHES RAB YE SHES KYI DBANG LA RIG MA GTAD PA'I SKABS SU BYIN GYIS BRLAB PA NI, GSANG DBANG GI SKABS LTAR STONG PAR SBYANGS NAS GNAS LNGAR RIGS LNGA BSKYED PA'I BAR SNGAR BZHIN BYA'O, ,RIG MA
LA MCHOD PA'I RJES SU SHIS BRJOD NI, BKRA SHIS GANG ZHIG CES SOGS BRJOD DO, ,RIG MA DANG SLOB MA LA ME TOG DOR, SLOB MA (DE NAS RIG MA DES DPA' BO BU NI ZHES SOGS 'DRI BA LA, KHU KHRAG LA SOGS ZHES BRJOD PAS RIG MA DE DGYES NAS SKRA GROL GOS DANG BRAL BAR BYAS NAS RANG GI CHU SKYES PHYE NAS GSAL BAR STON CING AE MA SOGS, ~ RANG RDO RJE 'DZIN PA GNYIS PA DANG RIG MA LA GDUGS DANG RGYAL MTSAN DANG RDA YAB DANG PHRANG BA DANG TZAN DAN LA SOGS PAS MCHOD CING ROL MO'I SGRA SKAD SNA TSOGS PA DANG BKRA SHIS KYI DBYANGS KYI SHIS PA BRJOD PAR GYUR), BSKYED CES PA'I SKABS SU RANG ZHE SDANG RDO RJE MTHING NAG MI BSKYOD PA'I DBU RGYAN CAN CES PA NAS RAL GRI 'DZIN PA ZHES SOGS DANG, DE'I SPYI BOR AOm MGRIN PAR A'A: THUGS KAR H'Um THUGS KA'I H'Um LAS 'OD ZER 'PHROS PAS RANG BZHAN GYI GNAS NAS BSGOMS PA DANG 'DRA BA'I YE SHES PA SPYAN DRANGS GNYIS SU MED PAR GYUR, RANG GI RIGS BDAG YAB YUM GYI BYANG CHUB KYI SEMS KYI DBANG BSKUR CES DANG, RDO RJE PADMA SNGAR BZHIN 'DU BYAS PA'I RJES SU RANG NYID RIN 'BYUNG DU GYUR, AOm SARBA TA TH'A GA TA ZHES SOGS NAS RANG NYID MA BSKYOD PAR GYUR H'Um SNYOMS PAR 'JUG PA'I LAS LA GNAS PAR BYAS PAS MCHOG TU DGA' BA'I BDE BA THOB PAR GYUR, RANG DANG BLA MA DANG GTZO BO THA MI DAD PA DANG RANG GI THUGS KA'I H'Um GI 'OD ZER GYIS SPYAN DRANGS PA'I RGYAL BA YAB YUM RANG GI LUS LA THIM, BYANG CHUB KYI SEMS RDO RJE'I RTZA BAR SLEBS PA NA SNANG BA, RDO RJE'I DBUS SU SLEBS PA NA MCHED PA, NOR BU'I DBUS SU SLEBS PA NA NYE THOB, NOR BU'I RTZE MOR SLEBS PA NA LHAN CIG SKYES PA'I DGA' BA MNGON DU BYAS ZHES DANG, DGYES BRJOD CES PA'I SKABS SU DE NAS LHA MO DE NAS LHA MO DE DGYES NAS BHA DZA BHAKshA ZHES GSUNG ZHING
, ,RKANG PA GA-YON PA BDAG GI MGOL BZHAG NAS, DE RING ZHES PA NAS BU YIS SPYOD CES DANG, DAG PA BRJOD PA'I SKABS SU KHYOD KYIS DKYIL 'KHOR BZHI LAS BHA GA'I DKYIL 'KHOR DU ZHES SOGS DANG, DBANG BZHI PA LA DBANG DON NGO SPRAD TSUL NI, DBANG GSUM PA THOB PA'I SKABS SU RANG DANG RIG MA GNYIS KYI LUS ZHES PA NAS DE NI THOB BYA DON GYI DBANG BZHI PA YIN NO, ,DNGOS PO THAMS CAD DANG BRAL BA ZHES SOGS KYI TSIGS BCAD BRJOD DO, ,GZHAN LA DBANG BSKUR BA'I TSE 'DIR DBANG BZHI PA BSKUR BA NI, 'DI'I BAR THAMS CAD LA MTHA' BRJOD CING DON BSHAD DO, ,DAG PA BRJOD PA'I TSE KHYOD KYIS DKYIL 'KHOR BZHI LAS DON DAM BYANG CHUB KYI DKYIL 'KHOR DU ZHES DANG, DBANG BZHI PA'I SDOMS NI, YON DBUL GSOL GDAB SLOB MA LA, ,SHES RAB YE SHES DPER BYAS NAS, ,MTHAR THUG ZUNG 'JUG 'BRAS BU'I DBANG, ,NGES PAR BYAS LA DAG PA SBYIN, ,MJUG GI CHO GA LA, MCHOD PA'I SKABS SU CHU BZHI NYER (DE NAS DBANG BZHI RDZOGS PAR THOB PA'I YON DU MAndAL DBUL LO), ,SPYOD LNGA ROL MO DANG BCAS PA 'DOD YON LNGA NANG MCHOD RNAMS DBUL ZHING, MI BSKYOD RDO RJE ZHES SOGS DANG, GANG ZHIG GZUGS DANG ZHES SOGS KYIS BSTOD, PHYOGS KYI MCHOD GTOR CES PA NI, SNGAR PHYOGS MTSAMS SU BKOD PA'I KHRO BO BCU PHYOGS SKYONG DANG BCAS PA LA, SNGAR PHYI ROL GYI GTOR MA'I SKABS SU BSHAD PA'I CHO GAS MCHOD GTOR DBUL LO, ,YANG NA MCHOD PA NI, SA CHOG GI SKABS KYI PHUR BU BSGRUB PA'I RJES LTAR PHYI NANG GI MCHOD PA GNYIS DBUL LO, ,NANG DU PHYAG 'TSAL BA'I TSE PRA NA MA MI SOGS BRJOD,
GTZO BO LA CHU GNYIS NAS NYER SPYOD LNGA ROL MO DANG BCAS PA'I BAR SNGAR RDO RJE 'CHANG GI SKABS BZHIN DBUL LO, ,DE NAS DGE BA BSNGO BAS TE SMON LAM BTAB, GSHEGS GSOL GYI SKABS SU YE SHES PA GSHEGS ZHES PA NAS DAM TSIG PA RNAMS RANG GI SNYING GA LA SOGS PA'I GNAS RNAMS SU 'KHOD PA NI, SNYING GAR MI BSKYOD PA SPYI BOR RNAM SNANG ZHES PA NAS RKANG MTHIL GNYIS SU GNOD MDZES RGYAL PO MI BSKYOD PA NAS GNOD MDZES KYI BAR ZHES SOGS SNGAR ME TOG DOR BA'I LUS DKYIL GYI SKABS BZHIN BRJOD DO, ,RANG YAB YUM SNYOMS PAR ZHUGS ZHES PA NAS SNOD THAMS CAD GZHAL YAS KHANG DU GYUR CES DANG, RDUL TSON KHYER BA'I BUM CHUS KHANG PA SOGS LA BSANG GTOR BYAS NAS SHIS BRJOD BYA'O, ,PHUR BU BKRUS PA'I TSE BGEGS RNAMS SOS TE SANGS RGYAS PAR GYUR CES DANG, PHUR BU'I LHA GSHEGS PA'I TSE BDAG LA DNGOS GRUB MCHOG STZOL LAGS ZHES SOGS BRJOD, PHUR BU SO SO'I GNAS SU BZHAG PA'I RJES SU PHYOGS MTSAMS SU BKOD PA'I KHRO BO BCU DANG PHYOGS SKYONG 'KHOR BCAS LA MCHOD GTOR SNGAR LTAR PHUL LA, KHRO BO RANG LA BSDU NA AOm YI GA SHUDDHA SOGS BRJOD DE, ,SBYIN SREG MCHOD BSTOD MCHOD GTOR BYA, ,PHYAG MCHOD SMON LAM BSKOR DANG BZHI, ,BZOD GSOL GSOL GDAB GSHEGS GSOL BSDU, ,TSON BSDU CHU DOR GTOR SHIS BRJOD, ,DBYUNG BKKRU DGANG GSHEGS BZHAG BSANG BZHAG ,GTOR MCHOD BSDU DANG GSHEGS SU GSOL, ,MJUG CHOG SDOMS SU BSDUS PA'O, ,BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS RANG
, ,NYID DRANGS PA ZHAL NAS ZHUGS ZHES SOGS KYI TSIG CI RIGS RANG NYID BDAG 'JUG LEN PA'I DBANG DU BYAS PA YIN PAS, GZHAN LA DBANG BSKUR BA'I TSE RANG DANG GTZO BO THA MI DAD PA'I THUGS KA'I H'Um GI 'OD ZER GYIS, SLOB MA DRANGS LA ZHES SOGS JI LTAR RIGS PAR BSGYUR RO, ,MANGGA LAm, BHA WA NTU,, ,, (SHAR TZONG KHA PA THAMS CAD MKHYEN PA CHOS KYI RJE SLOB DPON RIN PO CHE BLO BZANG GRAGS PA'I DPAL ZHES 'JIG RTEN NA NYI ZLA LTAR GRAGS PA DE'I ZHAL SNGA NAS KYI GSUNG BGROS JI LTA BA BZHIN, 'DUL BA PA'I MING CAN GRAGS PA RGYAL BA'I GLING DU BRIS PA'O),, SARBA MANGGA LAm,, ,,