*, ,LHAG PA YI NI LHA GCIG NYID CES PA'I DON BSHAD PA BZHUGS SO,,
, ,RDO RJE MKHA' 'GRO'I 'GREL PA LAS, LHAG PA YI NI LHA GCIG NYID CES BYA BA LA, LUS LA LHAG PAR BYIN GYIS RLOB PAS NA, LHAG PA YIN LA, nA'I RANG GI RKYEN CAN DU BYAS PAS GSAL ZHING RIG PA DANG SPRUL PA RGYAS PAR BYED PAS NA LHA STE, ZHAL DANG PHYAG LA SOGS PA'I RNAM PAR BYUNG BA KUN RDZOB KYI BDEN PAR SHES PAR BYA'O, ,GCIG NYID CES BYA BA NI, CHOS KYI DBYINGS RANG BZHIN DON DAM PA'I BDEN PA STE, DE LTAR NA KUN RDZOB DANG DON DAM PA DBYER MED PA'I RANG BZHIN, DE BZHIN GSHEGS PA THAMS CAD KYI BLA MAR GYUR PAS LHAG PA'I DON NYID DU BLTA BAR BYA'O, ZHES DANG, BDAG NYID KHO NA STONG PA NYID DANG SNYING RJE DBYER MED PA'I BYANG CHUB KYI RANG BZHIN GYI LHA'I GZUGS SU RDZOGS PAR BYA'O, ,ZHES BYA BA'I DON TO, ,DE NYID KYI PHYIR BYANG CHUB KYI SEMS SNGON DU 'GRO BA'I LHA'I GZUGS BSGOM PAR BSTAN TO, ,ZHES DANG, 'DI YIS NI ZHES BYA BA BSTAN MA THAG PA'I PHYAG RGYA 'DIS SO, ,PHYAG DANG ZHAL LA SOGS PA'I KUN RDZOB KYI PHYAG RGYA DANG MNYAM PAR SBYOR BA GANG LA YOD PA DE LA DE SKAD CES BYA'O, ,RNAL 'BYOR PA DES CI ZHIG BYA ZHE NA, SA GSUM MA LUS PAR BZA' BAR BYA ZHES BYA BA STE, SKU LA SOGS PA'I THA MAL PA'I GZUGS BZLOG PAR BYA ZHES BYA BA'I DON TO, ,STONG PA NYID KYI BSAM GTAN
, ,'BA' ZHIG GIS JI LTAR YANG BYANG CHUB 'GRUB PA MED PAR BSTAN PA'I PHYIR, GZHAN DU ZHES BYA BA LA SOGS PA GSUNGS TE, GZHAN DU ZHES BYA BA NI, STONG PA NYID 'BA' ZHIG GIS SO, ,SBYOR BA MA TSANG BA ZHES BYA BA NI SNANG BA LAS 'DAS PA'O, ,'DA' ZHES BYA BA NI, BDAG GI DON TZAM YANG MED PAR MYA NGAN LAS 'DAS PA'O, ,JI LTA BU ZHE NA, MAR ME LTA BU STE, JI LTAR MAR ME MAR GYI RGYUN GYIS NAM MKHA'I NGOS SU GSAL ZHING 'BAR BA LAS, GANG GI TSE MAR GYI RGYUN ZAD PA DE'I TSE, DE NYID DU ZAD CING GTUGS PAR GYUR PAS, BDAG NYID KYANG MI SNANG NA GZHAN SNANG BAR BYED PA LTA CI SMOS, DE BZHIN DU STONG PA NYID 'BA' ZHIG GI TING NGE 'DZIN YANG BLTA BAR BYA'O, ,ZHES DANG, YANG NA SKAD CIG TZAM GYIS RI RAB KYI RTZE MOR RDO RJE RIN PO CHE BRTZEGS PA'I KHANG BUR BDAG NYID BCOM LDAN 'DAS RDO RJE SEMS DPAR BSKYED PA'I RIM PAS BSGOM PAR BYA'O, ,CI DE'ANG RANG BZHIN GYIS GRUB PA ZHIG GAM, 'ON TE MA YIN ZHE NA, 'DIR DE DAG RANG GI SEMS RNAM PAR DAG PA NYID KYI SNANG BA YIN PAS, 'O MA LA MAR LTAR GRUB PA BSGRUB PAR BYA'I, CHU LA MAR LTAR MA GRUB PA NI 'GRUB PAR MI 'GYUR RO, ,DE'ANG CHU'I RNYOG PA NOR BUS SBYANG BA LTAR, BSKYED PA'I RIM PAS BDAG NYID SNGON DU SBYANGS NAS RDZOGS PAR BYA STE, RANG BZHIN GYIS RNAM PAR DAG PA YIN PA'I PHYIR RO, ,GZHAN DU SBYANG BA MA BYAS NA'ANG
'KHOR BA NYID YIN PAS RNAM PAR DAG PA'I 'BRAS BU SPRUL PAR MI NUS LA, RANG BZHIN GYIS MA DAG PA'ANG CHOS 'GAL BA'I PHYIR MA YIN NO, ,RGYU DANG 'BRAS BU NI RJES SU MTHUN PA NYID KYIS NI, DAG PAS RNAM PAR DAG PA BSGRUB PAR BYA'O, ,ZHES MAN NGAG LAS SHES PAR BYA'O, ,RJES SU MTHUN PA'ANG RJES SU BYED PA YIN TE, RGYU'ANG 'BRAS BUR 'DOD PA DANG RJES SU MTHUN PA YIN NA, SA LU'I MYU GU LAS SA LU'I SA BON LTAR GDON MI ZA BAR BSKYED NUS KYI, GZHAN DU KO TRA PA'I MYU GU LA SA LU'I SA BON LTAR NUS PA YOD PA MA YIN NO, ,'BRAS BU'ANG RGYUR 'DOD PA DANG RJES SU MTHUN NA SKYE BAR 'GYUR GYI, GZHAN DU DE DAG HA CANG THAL CHAS PAR 'GYUR RO, ,DE LTAR NA 'O MA'I YON TAN DKAR BA LTAR RNAM PA GRUB PA DE DAG YANG DANG YANG GOMS PAS GLO BUR BA'I DRI MA BZLOG STE, GNYUG MA DE NYID GSAL BAR GYUR PAR DGONGS SO, ,,MANGGA LAm,,