*, ,KHRO BCU'I ZIN BRIS BZHUGS SO,,
, ,KHRO BCU BSGOM NA DBUS KYI H'Um MDZAD ZHU BA LAS CHOS 'BYUNG BSGOM PAR GNYIS MED RDO RJES BSHAD, DKYIL CHOG LAS RDO RJE SEMS DPA' LAS BYUNG BAR BSHAD DO, ,BDUD RTZI 'OD DANG, MCHO SKYES KYI MNGON RTOGS DANG, 'KHRUL SPANG DANG, YAN LAG DRUG PA LAS GANG LAS BSKYED PA MA BSHAD DO, ,CHOS 'BYUNG NI DKAR POR BSHAD, DAR SNA TSOGS PADMA DANG, DE'I LTE BAR SNA TSOGS RDO RJE'O, ,PADMA BSGOM PA SLOB DPON 'DI'I GZHUNG RNAMS SU MA BYUNG YANG, YAN LAG MED PA'I RDO RJE DANG, 'KHRUL SPONG DANG, GNYIS MED RDO RJE'I SGRUB THABS LAS 'BYUNG BA LTAR BYA'O, ,SNA TSOGS RDO RJE'I LTE BAR 'BYUNG BA BSGOM PA LA, SA NAS RIM PA BZHIN BSGOM PAR BDUD RTZI 'OD DANG MTSO SKYES DANG, SH'ANTI PAS BSHAD KYANG, 'DIR RLUNG NAS RIM PA BZHIN DU BYED DE, YAN LAG MED PA'I RDO RJES KYANG BSHAD DO, ,DE'ANG GUR LAS, NAM MKHA'I DBYINGS KYI DBUS GNAS PAR, ,RDO RJE'I DKYIL 'KHOR BSGOM PAR BYA, ,RDO RJE'I DKYIL 'KHOR DBUS GNAS PAR, ,'OD KYI DKYIL 'KHOR BSGOM PAR BYA, ,ME YI DKYIL 'KHOR DBUS GNAS PAR, ,YANG NI CHU NI BSGOM PAR BYA, ,CHU YI DKYIL 'KHOR DBUS GNAS PAR, ,BRTUL ZHUGS CAN GYIS DBANG CHEN BSGOM, ,ZHES GSUNGS PA'I DON NO, ,SA'I STENG DU 'KHOR LO BSGOM PA YAN LAG MED PA DANG, dOm BHI BA DANG, MTSO SKYES SOGS KYIS MA GSUNGS KYANG, YAN LAG DRUG PA LAS BSHAD PA LTAR BYA DGOS TE,
, ,GUR LAS, RNAM PAR SNANG MDZAD RGYAL PO CHE, ,SPRO BA DANG NI BSDU BA'I LUS, ,CHOS KYI DBYINGS KYI YI GES BSKYED, ,DES NI SANGS RGYAS GNAS DGOD BYA, ,ZHES GSUNGS PAS RNAM SNANG BSKYED PA'I, YANG NA 'KHOR LO BSKYED PAR BYA'O, ,GUR LAS, DBANG CHEN DKYIL 'KHOR STENG DU NI, ,BDAG NYID KYANG NI BSGOM PAR BYA, ,BHR'Um LAS GNAS NI BSAMS NAS SU, ,ZHES GSUNGS PA'I DON NI, YAN LAG DRUG PA LAS, BHR'Um LAS 'KHOR LO'I STENG DU BDAG ,BAR MA SKYE BA'I BSAM GTAN BYA, ,ZHES BSHAD PA LTAR KU MU tI LAS KYANG 'BYUNG BA LTAR BYA'O, ,BDAG NYID BSGOM PAR BYA, ZHES GSUNGS PA'I DON NI, YAN LAG MED PA'I RDO RJES DE'I STENG DU RNAM PAR SHES PA SGYU MA LTA BU NYID DU BTAGS PA'O, ,ZHES DANG, MTSO SKYES KYI SGRUB THABS LAS, DE'I STENG DU RNAM PAR SHES PA GNAS PAR BLTA'O, ,ZHES DANG, BDUD RTZI 'OD LAS, RLUNG GI DKYIL 'KHOR NANG GNAS PAR, ,BDAG KYANG BSAM PAR BYA BA STE, ,AE WAm NYID DU BDAG DANG NI, ,'DRES PAR GYUR PA 'KHOR LO YIN, ,ZHES SO, ,'DI'I DON LA BOD KYI SNGA MA KHA CIG HO YIG GNYIS KYI BAR DU TSUD PA'I YI GE GSUM BAR SNANG LA YOD PA, 'BYUNG BZHI 'KHOR DANG BCAS PA LA ZHUGS PAR 'DOD, KHA CIG SNGAR STONG PA LAS LDANG BA'I DUS SU, NAM MKHAR N'A DA'AM, H'Um MAM, YI GE LNGA BZHAG PA LAS THIG LE DKAR PO GCIG CHAD NAS 'KHOR LO'I LTE BAR ZHUGS PA LA 'DOD DO, ,SH'ANTI PAS SGOM PA PO YANG DE'I TSE 'JIG
RTEN LAS 'DAS PA'I YE SHES KHYAB PAR BYED PA DE NYID KHO NAS GNAS SO, ,ZHES SNGAR STONG NYID BSGOM PA'I SEMS DE NYID KYIS SGOM PA PO DANG, DES BSGOM PA'I 'BYUNG BZHI LA KHYAB PAR BYED PA'I DON DU BSHAD DO, ,AA BA DH'U T'I PA GNYIS MED RDO RJE'I SGRUB THABS LAS, SNA TSOGS RDO RJE LA RTEN 'BREL LAS SKYES PA'I SEMS TZAM 'BYUNG BA CHEN PO ZHU BA LAS, ZHES SNGAR GYI 'BYUNG BZHI'ANG SEMS TZAM DU BSGOM PA LA BSHAD DO, ,BSHAD RGYUD KYI DGONGS PA NI, 'BYUNG BZHI DANG GZHAL YAS KHANG BSKYED PA RNAMS RANG GI SEMS SGYU MA TZAM GYI NGO BOR SHES PA'I PHYIR YIN LA, DES NA GZHAL YAS KHANG GDAN BCAS BSKYED ZIN PA'I PHO BRANG DE NGA'O SNYAM DU NGA RGYAL 'JOG PAR GSUNGS SO, ,DE'ANG SNGAR GYI STONG NYID BSGOM PA 'CHI SRID KYI 'OD GSAL DANG 'DRA LA, DE LAS LDANG BA NAS BZUNG STE, YI GE LNGA YUM GYI MNGAL DU ZHUGS NAS MA ZHU TSUN, BAR DO'I SKABS DANG SBYAR DGOS PAS, 'BYUNG BZHI 'KHOR LO DANG BCAS PA BSKYED PA RANG GI RNAM SHES KYI NGO BOR STON PA NA, SHES PA DE BAR DO'I RNAM SHES DANG SBYAR DGOS PAS, SRID PA BAR MA BSAM PAR BYA, ,ZHES GSUNGS KYI, DER YI GE LNGA 'JUG PA MIN NO, ,BDAG GI RNAM SHES AE WAm NYID DU 'DRES PAR MI THUB ZLA BA'I BDAG MED MA'I SGRUB THABS LAS KYANG BSHAD PA'I DON NI, AE NI RTEN CHOS 'BYUNG DANG, WAm NI BRTEN PA GZHAN LNGA YIN LA, SNGA MA DER PHYI MA LNGA DANG RANG GI RNAM SHES 'DRES PA'I DON NO, ,GUR LAS SNGAR DRANGS PA LTAR BHR'Um LAS RNAM SNANG BSKYED NAS, DE LAS GZHAL YAS KHANG BSKYED PAR GSUNGS PAS, DE DANG BHR'Um LAS SAM, BHR'Um LAS 'KHOR LO BSKYED PA LAS BSKYED
, ,PA RNAMS RGYAS BSDUS SO, ,GZHAL YAS KHANG NI SPYI DANG 'DRA LA DUR KHROD DANG BCAS PA'O, ,NANG DU PAm LAS PADMA 'DAB BRGYAD BSKYED DE, 'DI YAN LAG MED PAS SNA TSOGS PADMAR BSHAD, GNYIS MED RDO RJES DMAR POR BSHAD KYANG SNGA MA LTAR BYA'O, ,PADMA'I LTE BAR TSANGS PA SOGS BZHI'O, ,'DI BZHI BDUD BZHIR 'JOG TSUL NI, TSANGS PA PHUNG PO'I, DBANG PO LHA'I BU'I, NYE DBANG KHYAB 'JUG NYON MONGS PA'I, DRAG PO DBANG PHYUG 'CHI BDAG GI BDUD DU GNYIS MED RDO RJES BSHAD DO, ,YAN LAG MED PAS, BDUD BZHI RNAMS NI THAMS CAD KYI, ,SNYING LA NYI MA'I DKYIL 'KHOR RO, ,ZHES GSUNGS LA, YAN LAG DRUG PA LAS, NYI MA'I DKYIL 'KHOR LA GNAS PA, ,BDUD BZHI YIS NI RNAM PAR BRGYAN, ,ZHES PA LTAR NA NYI MA'I STENG DU BDUD KYI GDAN NO, ,KU MU tI LAS, BDUD BZHI YI NI RNAM PAR MNAN, ,ZHES KYANG 'BYUNG NGO, ,GNYIS MED RDO RJES SNGA MA BZHIN BYAS SO, ,GDAN DBUS MA'I STENG DU DBYANGS GSAL 'GOD PA LA, NYIS 'GYUR DU BYED MI BYED BDUD RTZI 'OD DANG, YAN LAG DRUG PA DANG, PHYI MA'I LE'U LNGA BA'I 'GREL PA LAS MI GSAL YANG, BRTAG PA DANG PO'I LE'U BRGYAD PA'I KU MU tI LAS, RJES SU MTHUN MI MTHUN GNYIS GNYIS BYA BAR BSHAD LA, GSAL BYED BZHI BCU LA GANG SNON MA BSHAD DO, ,YAN LAG MED PA DANG, GNYIS MED RDO RJES KYANG, DE LTAR BSHAD CING, SNGA MAS KshA SPANGS PA'I GSAL BYED SO GSUM LA, DHA DA BHA YA RA LA WA STE BDUN SNON NO, ,PHYI MAS GSAL BYED SO BZHI'I STENG DU, DHA DA dHA dA YA LA DRUG BSNAN NO, ,MAN SNYE LAS, SO BZHI'I STENG DU, dA DHA YA RA LA WA DRUG SNON
NO, ,DE'ANG DBYANGS DKAR PO DANG, GSAL BYED DMAR PO DANG, DBYANGS NANG DANG GSAL BYED PHYI RU 'GOD PAR DPAL 'BRAS RDO RJE DANG, DBYANGS 'OG DANG GSAL BYED STENG DU 'GOD PAR SMAN ZHABS KYIS BSHAD DO, ,DANG PO'I LE'U BRGYAD PA LAS, PHYI NAS BDUD LAS RGYAL BAS MNAN ZHES GSUNGS PA DANG MTHUN NO, ,DANG PO DBYANGS YIG LAS ZLA BA BSKYED PA'I 'OG TU, DE'I STENG DU GSAL BYED BKOD PA LAS DKYIL 'KHOR GNYIS PA BSKYED PA'ANG BSHAD DO, ,ZLA NYI'I BAR DU H'Um DANG Am LAS GRI GUG DANG THOD PA LA SA BON GYIS MTSAN PA, MTSO SKYES DANG SH'ANTI PA SOGS MANG POS BSHAD LA YAN LAG DRUG PAR THOD PA DANG RDO RJE DANG, PHYI MA'I LE'U LNGA PA'I KU MU tI LAS, RIGS BDAG DANG THOD PA ZHES BSHAD DO, ,BOD KYI BLA MA SNGA MA 'GA' ZHIG H'Um LAS SNA TSOGS RDO RJES MTSAN PA'I THOD PA LA BZHED DE, YAN LAG MED PAS, SNA TSOGS RDO RJE DANG THOD PA DANG GRI GUG GSUM BSHAD PA DANG MTHUN PA 'DRA'O, ,ZLA NYI SA BON RNAMS GCIG TU 'DRES PA LAS YAB YUM GYI SKU RDZOGS PAR BYA'O, ,DE'ANG ZLA BA ME LONG LTA BU DANG, NYI MA MNYAM NYID DANG, SA BON DANG PHYAG MTSAN SO SOR RTOG PA DANG, GCIG TU 'DRES PA BYA BA NAN TAN DANG, SKU RDZOGS PA CHOS DBYINGS YE SHES TE, DANG PO'I LE'U BRGYAD PA LAS, ZLA BA ME LONG YE SHES LDAN, ,BDUN GYI BDUN PA MNYAM NYID LDAN, ,RANG LHA'I SA BON PHYAG MTSAN NI, ,SO SOR RTOG PAR BRJOD PAR BYA, ,THAMS CAD GCIG GYUR NAN TAN NYID, ,RDZOGS PA CHOS DBYINGS DAG PA STE, ,MKHAS PAS CHO GA GSUNGS PA YIS, ,RNAM PA LNGA PO BSGOM PA NYID, ,CES DANG, KHA SBYOR LAS KYANG NGO, ,
, ,DKYIL 'KHOR GNYIS PA ZLA BAR BYED PA GZHUNG MANG PO LAS 'BYUNG STE, BDE MCHOG DANG YE SHES ZHABS LUGS KYI 'DUS PA DANG, DPAL 'DZIN GYI GZHUNG DU'O, ,ZLA BA GNYIS PA NI DMAR POR BSHAD DO, ,ZLA BA GNYIS NI KHA SBYOR GYI BDE MCHOG GI SKABS SU BSHAD DE, SDOM 'BYUNG GI'ANG DGONGS PA'O, ,BYA BA NAN TAN GYI SKABS SU 'OD ZER SPROS NAS SEMS CAN GYI RGYUD SBYANGS SLAR SDUD PA 'DI LA'ANG MANG POS MDZAD PA LTAR LEGS SO, ,RGYU RDO RJE 'DZIN PA'I KHA DOG NI, PHYI MA'I LE'U LNGA PA LAS, KHA DOG NAG PO 'JIGS PA PO, ZHES GSUNGS PA LTAR, YAN LAG MED PA, MTSO SKYES, SH'ANTI PA SOGS DU MA ZHIG GIS MDZAD LA, DKAR POR MI THUB ZLA BA DANG, DPAL 'DZIN GNYIS KYIS MDZAD DO, ,'DIR DE BZHIN DU BYED PA'I LUGS KYIS, RTZA ZHAL DKAR, GA-YAS SNGO, ZHAL LHAG MA'I KHA DOG DANG, ZHAL PHYAG DANG ZHABS KYI GRANGS LA SOGS PA DANG, YUM NI 'DRA BAR BYA'O, ,'DIR TING NGE 'DZIN GSUM GYI DBANG DU BYAS NA, RGYU'I YAB YUM RDZOGS PA DANG PO SBYOR BAR GNYIS MED RDO RJES BSHAD DO, ,DE NAS MKHA' GSANG BYIN GYIS BRLABS TE SNYOMS PAR ZHUGS PA'I DGA' BA'I SGRAS SPYAN DRANGS PA, ZHU BA'I THIG LE LAS SA BON BRGYAD DANG, DE LAS LHA MO BRGYAD YUM GYI PADMAR BSKYED LA DBYUNG STE, KU MU tI LAS, SA BON BRGYAD KYIS LHA MO DBYUNG ZHES PA LTAR LEGS PAS, YAN LAG DRUG PA LAS, LHA MO'I SA BON DBYUNG BA'O, ,ZHES PA 'GYUR GYIS MA THON PA'O,, ,SARBA MANGGA LAm,, ,,