*, ,RGYAL BAS BYIN DANG SH'ANTI PA'I GSANG 'DUS KYI 'GREL PA DANG 'DUL BA BYIN GYI SGYU 'PHRUL DKYIL CHOG GI ZIN BRIS BZHUGS SO, ,
, ,RGYAL BAS BYIN GYIS MDZAD PA'I GSANG 'DUS LE'U DANG PO'I 'GREL PAR, DE'I PHYIR THAMS CAD DU BYANG CHUB DON DU GNYER BAR 'DOD PA RNAMS KYIS, THABS DANG SHES RAB KYI BDAG NYID BDE BA CHEN PO'I NGO BO BSKYED PA DES BCOM LDAN 'DAS KYI BDAG NYID RDO RJE 'DZIN PA'I NGO BOR 'GYUR RO, ,DE SKAD DU'ANG BCO BRGYAD PA LAS, DPAL LDAN SANGS RGYAS KUN GYI BDAG ,RDO RJE 'CHANG BA CHEN PO'I GNAS, ,SANGS RGYAS KUN GYI THABS PHYUNG BA, ,DE NI CHOS RNAMS CHOS NYID DO, ,ZHES GSUNGS SO, ,RDO RJE RTZE MO LAS KYANG, GANG ZHIG SANGS RGYAS YE SHES KUN, ,BYANG CHUB SEMS KYIS BSTAN PA GANG, ,DE 'DIR RDO RJE 'DZIN RGYAL PO, ,DE BZHIN NYID KYANG MI 'GYUR BA, ,ZHES GSUNGS SO, ,DE'I PHYIR PHA ROL TU PHYIN PA'I TSUL GYIS KYANG, BRGYUD NAS BYANG CHUB SGRUB PAR BYED PA RDO RJE 'DZIN PA'I NGO BO'I SGRUB THABS 'DIR 'JUG PAR SHES PAR BYA'O, ,BYA BA DANG SPYOD PA'I RGYUD LAS KYANG, BDE BA BSGRUB PAR BYA BA YIN TE, DE LA RIG PA 'DZIN PA LA SOGS PA'I DNGOS GRUB BSGRUB PA NYE BAR BSTAN PA'I PHYIR RO, ,'ON KYANG DE NI SGRO BTAGS PA LAS BYUNG BA YIN PA'I PHYIR, DUS RING POR GNAS PA MA YIN NO, ,'DI LTAR PHYI ROL TU MNGON PAR ZHEN PAS BSLAD PA'I YID KYIS BRIS SKU LA SOGS PA'I LHA'I STOBS KYIS DNGOS GRUB RDZOGS NAS BDE BAR 'GYUR RO, ,RNAL 'BYOR GYI RGYUD LAS KYANG KHYAD PAR YID 'DI YIN TE,
, ,DE'I RNAL 'BYOR PA RNAMS RANG GI LHA'I RNAL 'BYOR SNGON DU SONG BA'I BRIS SKU LA SOGS PA LA DMIGS NAS, 'DRI BA'I DNGOS GRUB SGRUB PAR BYED DO, ,DE SKAD DU'ANG, DPAL MCHOG DANG PO LAS, RAS LA BCOM LDAN 'DAS PHYAG NA RDO RJE SNYEMS PA'I TSUL DU BRIS TE, DE'I MDUN DU PHYAG RGYA CHEN PO LA GNAS NAS, 'BUM BZLAS TE, ZLA BA NYA LA 'BUM GYIS RDO RJE SEMS DPA' NYID 'THOB PAR 'GYUR RO, ,ZHES BYA BA LA SOGS PA GSUNGS SO, ,RNAL 'BYOR BLA MAR YANG DAM PA'I BDE BA BSGRUB PAR BYA BAR 'DOD DO, ,'ON KYANG 'DIR DE'I GTZO BO DNGOS SU MA BSHAD DO, ,DPAL GSANG BA 'DUS PA 'DIR NI SGRUB PAR BYED NUS PA THABS DANG SHES RAB GNYIS SU MED PA'I RNAL 'BYOR GYI MAN NGAG LAS, MCHOG GI SKYES BU'I DON LA MKHO BA ZAG PA MED PA'I RANG BZHIN RDO RJE 'DZIN PA CHEN PO NYID RDZOGS PA'I PHYIR, THUN MONG MA YIN PA'I RGYU'I GTZO BO NYE BAR BSTAN PA 'DI NI BLA NA MED PA'O, ,JI LTAR RJES SU BSGRUB PAR NUS PAR 'GYUR ZHE NA, BRJOD PAR BYA STE RANG GI YUL LA NYE BAR LONGS SPYOD PA LEGS PAR GOMS PA DANG, JI LTAR 'DOD PA BZHIN DU SPYOD PA RNAMS LA NI 'DIR MA BKAG STE, SNGAGS LA SOGS PAS LEGS PAR SBYANGS PA'I DUG LA NYE BAR LONGS SPYOD PA BZHIN PHAN PA'I 'BRAS BU SKYED PAR BYED PA'I PHYIR RO, ,DE SKAD DU'ANG BDUN PA LAS, DKA' THUB SDOM PA MI BZANG PAS, ,BSTEN KYANG 'GRUB PAR
MI 'GYUR TE, ,'DOD PA'I LONGS SPYOD THAMS CAD LA, ,BRTEN NA MYUR DU 'GRUB PAR 'GYUR, ,ZHES GSUNGS SO, ,SNYIM PA'I ME TOG GI LE'U DGU PA LAS, DON DAM PA'ANG RNAM PA GSUM STE, DE BZHIN NYID NI DON DAM PA'O, ,SGRUB PA DON DAM PA NI YANG DAG PA'I YE SHES SO, ,THOB PAR BYA BA DON DAM PA NI MYA NGAN LAS 'DAS PA STE, JI SKAD DU DBUS DANG MTHA' RNAM PAR 'BYED PA LAS, BRTAG PA DANG NI SHES PA DANG, ,DE BZHIN BRJOD PA RAGS PA YIN, ,ZHES BYA BA DANG, DON DANG THOB DANG SGRUB PA DANG, DON DAM RNAM PA GSUM DU 'DOD, ,CES BSHAD PA LTA BU'O, ,DE LA RDO RJE'I DAM TSIG 'DI DANG, DE LAS GZHAN PA'I SNGAGS THAMS CAD NI BRJOD PA'I KUN RDZOB YIN TE YANG DAG PA LA SO SOR RTOG PA'I BDAG NYID CAN NYID YIN PA'I PHYIR RO, ,YANG DAG PA LA SO SOR RTOG PA'ANG RNAM PAR RTOG PA MA YIN ZHING, RNAM PAR MI RTOG PA'ANG MA YIN NO, ,CI'I PHYIR RNAM PAR RTOG PA MA YIN ZHE NA, RNAM PAR MI RTOG PA SKYE BA DANG RJES SU MTHUN PA NYID KYI PHYIR RO, ,CI'I PHYIR RNAM PAR MI RTOG PA MA YIN ZHE NA, YANG DAG PA'I DON LA RNAM PAR RTOG PA'I PHYIR RO, ,RNAM PAR MI RTOG PA NYID LAS KYANG RNAM PAR MI RTOG PA SKYE BA MA YIN TE, BYIS PA RNAMS LA DE MED PA'I PHYIR RO, ,THA MAL PA'I RNAM PAR RTOG PA LAS KYANG SKYE BA MA YIN TE, DE NI DE'I GNYEN PO NYID YIN PA'I PHYIR RO, ,'ON KYANG YANG DAG PA'I DON NYID LA MNYAM PAR 'JOG PA'I YID KYIS SO SOR RTOG PA RNAMS DE SGOM PA'I RJES SU 'GRO BAS 'BAD RTZOL MED PAR CHOS KYI DBYINGS SPROS PA MED PA LA SEMS MNYAM PAR BZHAG PAR 'GYUR
, ,RO, ,SPROS PA MED PA DE LA RNAM PAR MI RTOG PA'I YE SHES ZHES BYA'O, ,DE SKAD DU'ANG RNAM PAR MI RTOG PAR 'JUG PA'I GZUNGS LAS, DE'ANG YANG DAG PAR SBYOR BA DE DANG BSTEN PAS RJES SU 'GRO'O, ,BSGOMS PAS RJES SU 'GRO'O, ,MANG DU BYAS PAS RJES SU 'GRO'O, ,YANG DAG PA'I YID LA BYED PAS RJES SU 'GRO BAS NA MNGON PAR 'DU BYED PA MED CING LHUN GYIS GRUB PAS RNAM PAR MI RTOG PA'I DBYINGS LA REG STE ZHES GSUNGS PA DANG, TSAD MA RNAM PAR NGES PA LAS KYANG, BSAM PA'I RANG BZHIN CAN NYID KYI SHES RAB LA GOMS PAR BYAS NA DON DAM PA'I YE SHES 'KHRUL PAS DBEN PA, DRI MA MED PA, 'JIG PA MED PA MNGON SUM DU BYED PAR 'GYUR RO ZHES BSHAD DO, ,DE BAS NA BCOM LDAN 'DAS KYIS GSUNGS PA'I YANG DAG PA LA SO SOR RTOG PA NYID KYIS RNAM PAR MI RTOG PA BYANG CHUB RTOGS PAR 'DOD PA RNAMS KYIS BSTEN PAR BYA'O ZHES BYA BA NI GRUB PA'I MTHA' YIN NO, ,ZHES SO, ,LE'U BCO BRGYAD PA LAS, GNYIS NI RNAL 'BYOR RNAM PA GNYIS SO, ,DE LTAR RANG GI LHA LA SOGS PA YONGS SU GYUR PA LAS, NYIN RE BZHIN YONGS SU BSKYED PA NI BSKYED PA STE, DE LA GNAS PA NA BSKYED PA'O, ,RDZOGS PA NI KUN TU SPYOD PA STE, THABS GSUM GYIS 'BRAS BU RTOGS NAS, THABS GONG MA BZHI PA'I SGOM PA BRTAN POR GYUR PAS DNGOS PO THAMS CAD LA CI RIGS PAR SKYES SHING RDZOGS PAR SKAD CIG RE RE ZHING MTHONG BAR 'GYUR BA KUN TU SPYOD PA'I DON NI RDZOGS PA'O, ,RDZOGS PA DE NYID LAS DANG PO BAS KYANG, LHAG PAR MAS PAS DMIGS PA NI RDZOGS PA'I RIM PA'O, ,DE LTAR RIM PA GNYIS LA BRTEN NAS BSHAD
PA YIN GYI, RIM PA GCIG GIS NI MA YIN NO ZHES SO, ,YANG LE'U BCO BRGYAD PA LAS, NYE BAR BSGRUB PAS NI RNAM PAR MI RTOG PA'I DBYINGS SU 'JUG GO ,SGRUB PAS NI DE NYID RNAM PAR DAG PA'I MTHAR THUG PA'I BYANG CHUB SEMS DPAR RO, ,SGRUB PA CHEN POS NI DE BZHIN GSHEGS PAR RO, ,DE SKAD DU'ANG, DE LTAR BYE BRAG RTOGS BYAS NAS, ,DNGOS GRUB MCHOG NI BSGRUB PAR BYA, ,GZHAN DU BSKAL PA STONG DU NI, ,SANGS RGYAS SKYOB PA RNAMS KYIS KYANG, ,DNGOS GRUB MCHOG NI ZHI BA DAG ,'GRUB PA 'BYUNG BAR MI 'GYUR RO, , ZHES GSUNGS SO, ,DE BAS NA BSNYEN PA LA SOGS PA'I THABS MA LUS PAS RIM GYIS BYANG CHUB THOB PAR 'GYUR RO ZHES BYA BA 'DI NI GNAS PA YIN NO, ,RNAL 'BYOR RDO RJE CAN KUN GYI, ,BKA' NI JI LTAR BSGO BA BGYI, ,ZHES ZHUS PA'I RIM PA'I DON DANG, KHA BSKANG BA'I DON DE'I LAN NI, LAS DANG ZHES BYA BA LA SOGS PA GSUNGS PA LA, DRAG SHUL GYI LAS DANG RJES SU MTHUN PA GANG GIS SBYOR BA'I LE'U BCU GSUM PA LAS GSUNGS TE, ZHES DANG, GAL TE 'DI LTAR RE ZHIG SANGS RGYAS NYID SGRUB PA CHEN PO NYID KYIS THOB PAR 'GYUR NA, DE NYID KYIS CHOG MOD GZHAN GSUM POS CI ZHIG BYA ZHE NA, BYANG CHUB SEMS DPA' RNAMS SANGS RGYAS KYI SA LA 'JUG PA'I CHED KYI SBYAR BA GANG YIN PA DE NYID KYIS CHOG NA, MOS PAS SPYOD PA'I SA LA SOGS PAS BCUR GTOGS PA'I SBYOR BA GZHAN GYIS CI ZHIG BYA ZHES CI'I PHYIR MI 'DOD, YANG NA SA SNGA MAR GTOGS PA'I SBYOR BA MED PAR SBYOR BA PHYI MA PHYI MAR BYED PAR NUS PA MA YIN TE, RIM PA NI NGES PA'I PHYIR RO, ,BYED PA 'DI GANG YIN PA DE NYID NI MA YIN NO, ,'O NA CI ZHIG YIN
, ,ZHE NA, DE'I GZUGS BRNYAN TZAM YIN TE, DE'I GZUGS BRNYAN NI DE'I BYA BA BYED PA MA YIN NO, ,DE BAS DE RNAMS 'BRAS BU MED PA MA YIN NO SNYAM NA, DE BZHIN DU BSNYEN PA LA SOGS PA LA'ANG SNGA MA SNGA MA MED PAR NYE BAR SGRUB PA LA SOGS PA MI BYED PA GANG YIN PA NI GZUGS BRNYAN TZAM YIN GYI DE NYID NI MA YIN PA DE LTAR NA, DE LAS 'BRAS BU 'GRUB PA MA YIN NO, ,DE BAS NA GCIG KYANG DON BYED PA MA YIN NO, ,'O NA JI LTAR NA SGRUB PA CHEN PO LAS SANGS RGYAS NYID DU 'GYUR RO ZHES BRJOD CE NA, GSUM PO DAG LAS RIM GYIS RTOGS PA'I SA LA GNAS PA DES MTHAR THUG PA THOB PAR BYED PA'I PHYIR RO, ,YID KYIS CHOS GANG DAG GOMS PAS BOGS PHYIN PAR GYUR PA DE DAG SHIN TU GOMS PAR BYAS PA NA, RAB KYI MTHAR THUG PA THOB PAR 'GYUR BA SRID DE, BRAM ZE GTZANG MAR SPYOD PA RNAMS THOD PA CAN LA DGA' BA BZHIN NO, ,BDAG CAG LTA BU'I SNYING RJE DANG SHES RAB LA SOGS PA'ANG DE LTA BUR GYUR PA'O ZHES BYA BA NI RANG BZHIN GYI GTAN TSIGS SO, ,DE BAS NA 'DI NI RANG GI RGYUD DANG RIGS MTHUN PA RNAMS LA SNYING RJE LA SOGS PA RAB KYI MTHAR THUG PA SRID PAR RJES SU DPOG PA YIN TE, DE NYID KYIS DE RNAMS SANGS RGYAS KYI CHOS RNAMS DANG BYANG CHUB TU 'GYUR BA SRID PA'ANG RJES SU DPAG GO ,'GYUR BA DE'ANG NYAN THOS DANG, PHA ROL TU PHYIN PA'I SDUG BSNGAL DANG, DKA' THUB KYI RNAM PA THAMS CAD KYIS PHA ROL TU PHYIN PA RNAMS GOMS PAR BYAS, BSKAL PA GRANGS MED PA GSUM DU BSGRUBS PAS SO, ,RNAL 'BYOR GYI RGYUD KYIS NI SNGAGS DANG PHYAG RGYA LA SOGS PA'I THABS DPAG TU MED PAS,
SNGAGS KYI LHA RNAMS KYIS BYIN GYIS BRLAB BDE BA DANG, BDE BAR SPYOD PAS RING PO MI THOGS PAR TSE 'DI NYID LA RAB TU DGA' BA'I SA THOB NAS TSE BCU DRUG GIS 'TSANG RGYA BAR 'GYUR BA NYID DO, ,GSANG BA 'DUS PA NI RGYUD RNAMS KYI BLA MA'I BLA MA STE, TSE 'DI NYID LA BYANG CHUB THOB PAR 'GYUR BA'I THABS KYI PHUL DU PHYIN PA YIN PAR GSUNGS TE, 'DI LTAR 'DIR SNGAGS KYI LHA THAMS CAD KYIS BYIN GYIS BRLAB PAR 'GYUR BA'I RGYUR YAN LAG DRUG GI TING NGE 'DZIN DBANG DU BYED DO, ,ZHES SO, ,SGYU 'PHRUL CHEN MO'I DKYIL CHOG 'DUL BA BYIN GYIS MDZAD PA LAS, RDO RJE 'CHANG GI RNAM PA'I SEMS 'DI 'DRA BA GZUNG BA DANG, 'DZIN PA'I RNAM PA DANG BRAL BA'I LUS DANG NGAG GI RANG BZHIN GYIS LAS GANG CI'ANG RUNG BA DE DAG NI, PHYAG RGYA DANG SNGAGS KYI RNAM PA YIN NO, ,ZHES DE BZHIN GSHEGS PA RNAMS KYIS GSUNGS SO, ,GZUNG BA LA SOGS PA'I RNAM PA DANG BRAL BA NYID KYANG, DE'I DUS NA DE LA SNANG BA MED PA'I PHYIR RO, ,'DI LTAR GANG SNANG BA DE KHO NA YANG DAG PA'I THA SNYAD KYI LAM LA 'JUG PA YIN NO, ,JI LTAR SEMS YONGS SU GSAL BA'I NGO BO BDE BAR MYONG BA DE'I DUS NA SDUG BSNGAL NI MA YIN LA, RNAM PAR RIG BYED KYANG THAMS CAD DU SNANG BA YIN NO, ,'DI LTAR YANG BEM PO RANG GSAL BA NYID YIN NA, BEM PO NYID DU MI RIGS PA'I PHYIR RO, ,LOG PA YIN NA'ANG GSAL BA MI DMIGS PA'I PHYIR TE, DE'I DUS NA RANG GSAL BA BZHIN MGON PO'I RNAM PA BDE BA CHEN PO'I NGO BO DE, RNAL 'BYOR MA LA SOGS PA'I GZUGS SU SNANG BA MA GTOGS PA GSAL BA'I NGO BO GZHAN SNANG BA NI MED GAL TE KA BA'I GSAL BA BZHIN DU RNAL 'BYOR MA RNAMS KYI SNANG BA'ANG YIN NO ZHE
, ,NA, 'DI NI THA DAD PA MED KYANG MTHONG STE NAM MKHA'I RANG BZHIN LTA BU'O, ,GZHAN YANG DUS MNYAM PA NA'ANG CIG CAR DMIGS PA'I PHYIR, GA-YAS GA-YON GYI RVA LTA BU YIN NA CI GANG GI GZUNG BA'I 'DZIN PA YIN, DUS THA DAD PA NA'ANG GCIG SNANG BZHIN PA NA GZHAN MI DMIGS PA'I PHYIR NA'ANG GZUNG BA DANG 'DZIN PA'I DNGOS PO MED DO, ,MGU BA DANG YID SAD PA LA SOGS PA NANG GI RNAM PA YIN LA BDE BA LA SOGS PA'I NGO BO DANG SNGON PO LA SOGS PA NI PHYI ROL GYI GZUNG BA YIN NO, ,ZHES SO, ,BRJOD PAR BYA BA NI MA YIN TE, MNGON SUM GYIS PHYI ROL DANG NANG GI YIN NO, ,ZHES BYA BAR NI MI NUS TE, MNGON SUM NI RNAM PAR RTOG PA MED PA'I PHYIR RO, ,DE'I RJES LAS THOB PA'I RNAM PAR RTOG PA'I YUL DNGOS PO MED PA YIN PA'I PHYIR RO, ,RJES SU DPAG PA LA'ANG KHYAB PA MA GRUB BO, ,DE BAS NA LNGA'I BDAG NYID KYI DKYIL 'KHOR GYI 'KHOR LO'I YE SHES DE NI GCIG NYID DANG DU MA NYID DANG, THA DAD PA DANG, THA MI DAD PA DANG, DNGOS PO DANG, DNGOS PO MED PA LA SOGS PA'I KUN TU RTOG PA MA LUS PAS STONGS PA'I PHYIR, RNAM PAR RTOG PA MED PA GZUNG BA LA SOGS PA'I RNAM PA DANG BRAL BA GSANG BA'I NGO BO YIN NO, ,BDE BA'I BDAG NYID KYI RGYU LAS SKYES PA'I PHYIR BDE BA'I RANG BZHIN GNYIS MED PAR SNANG BA NYAMS SU MYONG BZHIN PA BDAG DANG BDAG GIR 'DZIN PA'I MTSAN NYID 'KHOR BA DANG 'GAL BA YONGS SU NYAMS PA MED PA'I CHOS YIN TE, 'TSE BA MED PA YANG DAG PA'I DON GYI RANG BZHIN YIN PA'I PHYIR, BLO DE'I PHYOGS SU 'DZIN PAS NA MNGON SUM DU BYA BA YIN NO, ,'GAL
BA'ANG GANG DANG LHAN CIG TZAM YANG DMIGS PA DE NI SHIN TU GOMS PA'I DBANG GI GNYEN POS RANG GI MI MTHUN PA RTZAD NAS 'BYIN PA KHO NA YIN NO, ,GANG YANG SHIN TU GOMS PA DE BSGOMS PA'I STOBS KYIS GSAL BAR NYE BAR 'GRO STE, 'DOD PA DANG MYA NGAN LA SOGS PAR KHYAB PA GRUB CING RANG BZHIN GYI MI MTHUN PHYOGS PA THA MAL PA'I NGA RGYAL DANG, THA MAL PA'I RNAM PAR RTOG PA DAG RTZAD NAS GDON PAR GRUB PA YIN NA, ,RNAM PA MED PA'I SHES PA NI RMI LAM DU'ANG NYAMS SU MYONG BA MA GRUB PA'I PHYIR, 'GA'I YANG GNYEN PO NYID MA YIN NO, ,PHA ROL TU PHYIN PA'I TSUL GYIS LTA BA LA'ANG SGYU MA LTA BU BDAG MED PA'I LTA BA DANG LDAN NA'ANG SBYIN PA LA SOGS PA THA MAL PA'I RNAM PAR RTOG PA'I GNYEN PO YIN MOD KYI, DE LTA NA'ANG THA MAL PA'I RNAM PAR MI 'GYUR LA, THA MAL PA'I RNAM PAR RTOG PA DANG THA MAL PA'I RNAM PA GNYIS KA NI SPANG BAR BYA BA YIN NO, ,GAL TE SBYIN PA LA SOGS PA LAS LONGS SPYOD CHEN PO LA SOGS PA NYID DANG, SBYIN PA LA SOGS PA'I RNAM PAR SMIN PA'I 'BRAS BU LAS SKYES BU CHEN PO'I MTSAN SUM CU RTZA GNYIS DANG, DPE BYAD BZANG PO BRGYAD CU'I BDAG NYID KYI SKU 'GRUB PAR 'GYUR BA YIN NO ZHE NA, DE DAG NI MNGON SUM DANG RJES SU DPAG PA DAG GI LAS DANG DE DAG GI 'BRAS BU NYE BAR LONGS SPYOD PA'I MTSAN NYID 'DI YIN NO, ,DE DAG GIS NI SKYES BU CHEN PO'I MTSAN 'DI DAG YIN NO ZHES 'GRUB PA MA YIN NO, ,YANG SGOM PA'I STOBS KYIS NI DUS MNYAM PAR YO BYAD PHUN SUM TSOGS PA THAMS CAD LA DMIGS PA'I MTSAN DANG DPE BYAD 'BAR BA'I SKU LA DMIGS PA DANG YANG DAG PAR RIG PA TZAM GYIS NGO BO DKYIL 'KHOR GYI 'KHOR
, ,LO'I RNAM PAR SEMS GSAL BAR SNANG BA NYID NYE BAR 'GRO BA CAN CI STE MI 'GRUB, DON 'DI NI BLA MA'I ZHAL SNGA NAS KYANG GSUNGS TE, GZUGS SKU CHOS KYI SKU YIN SGOM BYED PA, ,KVA YI NGES PAR BYANG CHUB THOB PA YIN, ,CHOS SKU RGYAL BA'I BSAM GTAN GYIS 'THOB NA, ,GZUGS KYI SKU LA CI STE SGOM MI BYED, ,GAL TE, GZUGS SKU BSOD NAMS TSOGS KYIS 'THOB NA YANG, ,DE NI YUN RING DUS GZHAN DMAN PA STE, ,'BRAS BU'I KHYAD PAR RGYU YI KHYAD PAR LAS, ,SKU GSUM DUS MNYAM PAR NI SNANG BA YIN, ,ZHES SO, ,YANG NA BDAG GI GZUGS GANG DAG 'DZIN PAR LHAG PAR SGRO BTAGS PA LA SOGS PA'I RGYU DE DAG LAS SBYIN PA LA SOGS PAS 'BYUNG BA NI DE KHO NA NYID DU BDAG MED PA DANG LDAN PA YIN MOD KYI DE LTA NA'ANG SRID PA'I SDUG BSNGAL DANG LHAN CIG 'GAL BA MED DE, GANG GI PHYIR 'DIR SBYIN PA LA SOGS PA YOD KYANG, DE THA MAL PA'I RANG GI NGO BO LAS BYUNG BA SRID PA'I SDUG BSNGAL BZLOG PAR MI 'GYUR RO, ,DGONGS PA NI 'DI YIN TE, RE ZHIG SEMS CAN DU LTA BAS SBYIN PA LA SOGS PA NI THA MAL PA'I RNAM PAR RTOG PA SRID PA'I SDUG BSNGAL DANG 'GAL BAR MI 'GYUR TE, BDAG MED PA'I LTA BA DANG LDAN YANG SBYIN PA LA SOGS PA DANG DNGOS SU 'GAL BA MED LA, BDAG MED PA'I LTA BA KHO NA DANG NI DNGOS SU 'GAL BA YIN NO, ,DE LTAR YANG SANGS RGYAS YE SHES KYI ZHAL SNGA NAS, THA MAL PA YI RANG GI GZUGS KYIS NI, ,BDAG MED LDAN YANG SBYIN PA LA SOGS PAS, ,'GAL BA DAG NI YOD MIN GANG GI PHYIR, ,'DI NI BDEN YANG DER NI BZLOG MI 'GYUR, ZHES GSUNGS SO, ,
MCHOG TU DGA' BA BDE BA'I RGYUR NI MI 'GYUR TE, BTANG SNYOMS KYI RANG BZHIN YIN PA'I PHYIR RO, ,DKA' BA BRGYA PHRAG GIS BSTEN CING 'KHRUG PA RDZOGS PA'I BYANG CHUB KYANG BSKAL PA MI NYUNG BAS THOB PAR BYA BA YIN TE, DES NA PHA ROL TU PHYIN PA'I TSUL NI SKYES BU MCHOG GI DON GYI LAM GYI RGYU LEGS PA MA YIN NO, ,DKYIL 'KHOR GYI 'KHOR LO'I RNAM PA'I SEMS 'DI NI DNGOS PO KHO NAR 'KHOR BA'I SDUG BSNGAL MA LUS PA DANG 'GAL BA MCHOG TU DGA' BA BDE BA TSOGS MED CING BDE BA'I THABS MYUR BAS NA RGYU YIN TE, 'DI KHO NA LAM GYI BDE BA YIN PAR RIGS PA'I PHYIR NA RTOG PA DANG LDAN PAS STON PAR BYA BA YIN NO, ,GAL TE 'O NA DE LTA NA NI SBYIN PA LA SOGS PA 'BRAS BU MED PA NYID YIN NO ZHE NA, DA NI DKA' BAS BSTEN PAR BYA STE, 'GRO BA'I DON BYA BA KHO NA DGONGS PA'O 'DI LTAR YANG DANG PO KHO NAR 'GRO BA'I SDUG BSNGAL NYE BAR ZHI BAR BYA BA'I DON DU, 'GRO BA SDUG BSNGAL BAR GYUR PA LA LTA BAS BYANG CHUB KYI SEMS SMON PA DANG 'JUG PA'I MING CAN RNAM PA GNYIS BSKYED PA'I SNYING RJE KHO NAS RGYU MED PAR MCHOG TU MNYAS GSHIN PA DAG GIS 'JUG PA NI RANG GI DGOS PA MA YIN NO, ,DES TING NGE 'DZIN GYI GNAS SKABS NA SPRO BA DANG BSDU BA'I TSUL GYIS BYED CING TING NGE 'DZIN LAS LANGS PA NA CHOS DANG ZANG ZING LA SOGS PA DMIGS PA MED PA'I SBYOR BA BYED PA LA SOGS PA'I GNAS SKABS NA YID BZHIN GYI NOR BU'I TSUL GYIS SBYIN PA LA SOGS PA SEMS CAN GYI DON BYED PA NI DGOS PA GTZO BO YIN TE, DE BZHIN GSHEGS PA NYID NI ZHAR LA 'BYUNG BA YIN NO, ,JI SRID THA DAD PAR ZHEN PA 'KHOR BAR ZHEN PA DE SRID DU DGE BA BCU'I LAS KYI LAM DANG DE'I CIG SHOS SPANG BA DANG DKYIL 'KHOR LA
, ,SOGS PA BYA BA DANG MCHOD RTEN LA PHYAG BYA BA DANG, MCHOD RTEN GYI LAS LA SOGS PA LA NGES PAR NAN TAN DU BYA'O, ,GZHAN YANG RIGS PA DANG LDAN PA'I PHYIR DANG SKYES BU'I DON GTZO BO BSLU BA MED PAR BCOM LDAN 'DAS KYIS GSUNGS PA DANG 'BREL BA'I PHYIR RO, ,DE BZHIN DU RGYAN LAS KYANG, GAL TE GNYIS MED LA BRTEN NAS, ,'JIG RTEN PHA ROL ZLOG BYED NA, ,'DI LA'ANG GYIS SHIG MIN ZHE NA, ,'DI ZHES BYA BA NYID GNAS SO, ,GAL TE GNYIS MOD KYIS MGU YOD, ,THAMS CAD DU NI GROL BAR 'GYUR, ,THA SNYAD DU NI 'JUG CE NA, ,'JIG RTEN PHA ROL KYANG SOMS SHIG ,CES GSUNGS SO, ,BLA MA'I ZHAL SNGA NAS KYANG, JI SRID DU NI THA SNYAD YOD, ,SDIG PA SPANG ZHING BSOD NAMS TSOGS BSAG GYIS ZHES GSUNGS SO, ,DE NAS TING NGE 'DZIN DE LAS LANGS LA RANG DANG GZHAN HE RU KA'I RNAM PA LTA BUR SEMS SHING, GA-YEL BA MED PA'I YID KYIS BSOD SNYAMS DANG MNYAN PA DANG BSHAD PA LA SOGS PA BYA'O ZHES SO,, ,,'DI YANG RJE NYID KYIS ZIN BRIS SU GNANG BA'O,, MANGGA LAm,, ,