The Steps of the Four Secret Practices

*, ,RJE BTZUN TZONG KHA PA CHEN PO'I BKA' 'BUM LAS RNAL 'BYOR BZHI RIM BZHUGS SO, ,

, ,NA MO BADZRA BHEE RA W'A YA, GRUB THOB KYI 'KHOR LOS SGYUR BA'I MTHU STOBS LA MNGA' BRNYES PA, GRUB CHEN DPAL 'DZIN GYI RNAL 'BYOR BZHI'I DE KHO NA NYID CES BYA BA LAS, RNAL 'BYOR RNAM PA BZHIR BSHAD DE, DBYIBS DANG SNGAGS DANG DAM TSIG DANG, ,RNAM DAG YE SHES ZHES BYA BAS, ,SRID PA'I 'CHING BA LAS GROL 'GYUR, ,ZHES GSUNGS SO, ,DANG PO NI, DE NYID LAS, RIM PA'AM YANG NA CIG CAR DU, , SANGS RGYAS RJES DRAN BSGOM PAR BYA, ,GONG BUR GNAS PA'I BDAG GIR GNAS, ,LUS 'DI GSHIN RJE DPA' BO'O, ,'DI NI BEM PO MA YIN LA, ,SHA DANG KHRAG KYANG DE MA YIN, ,BDEN MIN BRDZUN PA MA YIN NO, ,THA MAL MA YIN YE SHES SKU, ,DVANGS SHING GSAL LA RNYOG PA MED, ,PHUN TSOGS YON TAN KUN YIN TE, ,'DI NI BDAG LAS THA DAD MIN, ,SPANGS SHING BSNAN DU CUNG ZAD MED, ,MA 'KHRUL BLA MA'I BKA' DRIN GYIS, ,GDOD NAS GRUB PA ZHES BYA STE, ,LUS CAN KUN GYIS DE MTHONG DANG, ,GANG GIS THOS DANG DRAN TZAM GYIS, ,BSAM BA RDZOGS MDZAD ZUNG 'JUG SKU, ,ZHES DANG, SGYU MA LTA BU'I TING 'DZIN GYIS, ,RMI LAM JI BZHIN

, ,GOMS PAR BYED, ,BAR MA'I SRID PA RAB SBYOR BAS, ,BDE GSHEGS PA YI DNGOS GRUB THOB, ,DBYIBS KYI RIM PA'I RNAL 'BYOR RO, ,ZHES DANG, GNYIS PA NI, LUS CAN KUN GYI STON GYUR PAS, , RLUNG ZHES BYA BAS LAS KUN BYED, ,'DI NI RNAM SHES BZHON PA STE, ,SRID DANG RNAM GROL THOB BYED PA'I, ,ZHES DANG, DAG PA'I SBYOR BAS DAG BYA STE, ,DGUG PA'I SBYOR BAS DGUG PAR BYA, ,ZHI BA YIS NI ZHI BA NYID, , RENGS PA'I SBYOR BAS MI GA-YO BA'O, ,ZHES DANG, SMIG RGYU DU BA LA SOGS LNGA, ,SKAD CIG GIS NI 'CHAR BAR 'GYUR, ,ZHES DANG, RLUNG GIS GA-YO BA 'KHOR BA STE, ,MI GA-YO BAS NI MYA NGAN LAS, ,SNYING GI CHU SKYES DBUS SON PAS, ,MI GNAS MYA NGAN 'DAS PA THOB, ,RNAL 'BYOR PAS NI MNYAM PAR BZHAG ,NANG PAR BYA ROG MI GRAG PAR, ,'BYUNG GNAS 'BYUNG BA'I RLUNG GANG YIN, ,STONG PHRAG GCIG TU BGRANG BAR BYA, ,SGRUB POS SGRA DANG BRAL BAR NI, ,'BUM PHRAG GCIG GIS RDZOGS PA NA, ,TSE ZAD PA YANG LO LNGA RU, ,'TSO BA 'DI LA THE TSOM MED, ,SNYING GI H'Um YIG DKAR PO LAS, ,YUL SOGS DMIGS PAS MI PHYED PAS, ,RLUNG GI SBYOR BA

SGOM BYED NA, ,MNGON PAR SHES PA LNGA THOB 'GYUR, ,ZHES DANG SKABS 'DIR, RNAM SHES GONG DU 'PHO BA NI, ,'CHI BA'I DUS LA BABS PA'I TSE, ,BU GA RNAMS SU SON PA YI, ,YI GE SEMS KYIS DGUG PAR BYA, ,ZHES SOGS SAm PU tA DANG, GSUNG JI LTA BA BZHIN DU RGYAS PAR GSUNGS SO, ,GSUM PA NI, SHES RAB THABS KYI PHYAG RGYA LAS, ,BLA MA'I MAN NGAG RIM PA YIS, ,SRID PA'I SDUG BSNGAL GZHOM 'DOD BAS, ,MI 'GYUR BDE BA BSGOM PAR BYA, ,RNAL 'BYOR MA YI MTSAN NYID NI, ,RIGS NI RNAM PA BZHI RU BSHAD, ,RTZA RTZI KA NI PADMA CAN, ,PHAG MO GLANG PO CAN DU 'GYUR, ,RDO RJE DBYANGS CAN DUNG CAN MA, ,GOO R'I RI MO CAN YIN TE, ,RIGS NI BZHI YI MTSAN NYID RNAMS, ,MKHAS PAS DE LTAR SHES PAR BYA, ,PADMA CAN GYI MTSAN NYID NI, ,BZHIN NI KUN NAS ZLUM PA STE, ,SNA NI DZA BA'I ME TOG MTSUNGS, ,RUS SBAL RGYAB 'DRA SEN MO DMAR, ,NU MA MKHREGS SHING 'JAM PA STE, ,RKANG MTHIL MNYAM GNAS BRANG YANG MDZES, ,BA SPU 'KHYIL ZHING DANG PA'I SKAD, ,RI MO GSUM CAN CHU SKYES MCHOG ,PADMA'I DRI LDAN GLANG CHEN 'GROS, ,PADMA'I 'DAB LTAR REG NA 'JAM, ,PADMA'I BYED PAS STON BYA STE, ,PADMA CAN GYI DNGOS GRUB 'GYUR, ,GLANG PO CAN ZHES BYA BA NI, ,SNA GA-YON GA-YAS SU 'KHYIL BA DANG, ,'DOD PAS MYOS SHING 'DOD PAR SRED, ,CHANG GI DRI LDAN BYIN PA SBOM, ,LUS NI SBOM LA MI SRUN PA, ,BZHAD KYI GDANGS CAN NGA RO CHE, ,GLU DANG ROL MO LA DGA' BA, ,BYED PA BCINGS PA'I SBYOR BA YIS, ,GLANG PO CAN GYI MCHOG SGRUB BYED, ,DUNG CAN MA NI ZHES BYA BA'I, ,

, ,HA CANG SKEM MIN SBOM PO MIN, ,SKRA RING SNA YANG CUNG ZAD RING, ,RGYU MA NA RA KA 'BRAS LTAR, ,ZHO DANG 'O MA'I TSOGS LA DGA', ,BYA ROG SKAD CAN MO YI BU, ,BA GLANG LCE LTAR RTZUB PA STE, ,GH'A HA RI TI'I BCING BAS BCINGS, , RI MO CAN YANG BSHAD PAR BYA, ,SHIN TU KHRO ZHING NGO TSA SPANGS, ,RTAG TU RTZOD PA LA DGA' ZHING, ,LUS THUNG DE YI BRANG YANG MDZES, ,SA LI'I 'BRAS LTAR NU MA ZAB, ,BYIN PA PHRA ZHING RKANG LAG NYAL, ,GSUS PA SBOM ZHING MCHU YANG 'PHYANG, , SHA YI DRI LDAN PHUG RON SKAD, ,DE NI RI MO CAN ZHES BYA, ,BI LA THA YIS BCING PA YIS, ,RI MO CAN GYI DNGOS GRUB 'GYUR, ,BCU DRUG LON MA SKAL BZANG MA, ,GZUGS BZANG LANG TSE PHUN SUM TSOGS, ,DANG PO LEGS PAR SBYANG BA DANG, , DBANG BSKUR NAS NI BSGRUBS PA TZA, ,SKU GSUNG THUGS DANG RDO RJE NI, ,DPRAL BA LA SOGS RNAMS LA DGOD, ,SV'A H'A GSANG BA GTZUG TOR DU'O, ,DE NAS PADMA RDO RJE SBYAR, ,A'A: YIG PADMA 'DAB BRGYAD LA, ,A'A: YIG ZE'U 'BRUR RAB TU BRTAG ,H'Um GIS RDO RJE RTZE LNGA PA'I, ,NOR BU AOm LAS BYUNG BA LA, ,PHAt KYI SGO LA RAB TU BRTAG ,DE LTAR RDO RJE PADMAR BCAS, ,BHA GAR LINGGA BZHAG NAS NI, ,BYANG CHUB SEMS NI SPRO MI BYA, ,RNAL 'BYOR PAS NI H'Um PHAt BSAM, ,BHA GAR RDO RJE 'DZIN PAR BYED, ,KHAMS GSUM PO NI MA LUS PA, ,SANGS RGYAS NGO BOR BSGOM PAR BYA, ,RGYU MTHUN LA SOGS RAB DBYE NAS, ,SHIN TU RNAL 'BYOR BSGOM PAR BYA, ,RDO RJE DBYINGS KYI DBANG PHYUG MA'I, ,RTZA NI NYE BAR BTZAL BYA STE, ,

BYED PA BCINGS PA'I SBYAR BA YIS, ,RNAL 'BYOR PAS NI JI SRID DU, ,BYANG SEMS 'BYIN PAR MI BYED PA, ,GANG TSE CHU YI RI MO LTAR, ,DE TSE 'THOB 'GYUR RGYUN MI 'CHAD, ,DGA' BA LAS SKYES BDE GZHAN CI, ,DNGOS GRUB KUN GYI GTER GYUR PA'I, ,BYANG CHUB SEMS NI LHUNG GYUR NA, ,PHUNG PO RNAM SHES BRGYAL BA LA, ,MA SMAD DNGOS GRUB GA LA YOD, ,MKHA' KHAMS RDO RJE'I KUN SBYOR DANG, ,REG BCAS KYI NI RMAD BYUNG CHE, ,BDE BA SKYED PAR BYED PA GANG, ,DE NI MCHOG DGA' BYED PA PO, , DGA' BRAL GYI NI DBUS DAG TU, ,MTSON PA DE NI BSTAN PAR BYA, ,PADMA'I NAM MKHAR RDO RJE YI, ,LTE BAS MNAN PA'I GNAS DAG TU, ,RDO RJE SKYIL KRUNG DAG GIS SEMS, ,NOR BU'I NANG DU SON BLTA ZHING, ,YE SHES SBYOR BA GANG YIN PA, ,YE SHES NGO BO ZHES BYA STE, ,CHAGS PA MA YIN CHAGS BRAL MIN, ,DBU MAR DMIGS PAR MI 'GYUR RO, ,GANG TSE RNAL 'BYOR YE SHES MTHONG, ,BDE LA GNAS BYA 'GYUR MI BYA, ,THUN NAM YANG NA NYIN GCIG GAM, ,ZLA PHYED ZLA BA LO DANG NI, ,BSKAL PA BSKAL PA STONG DU YANG, ,YE SHES MNGON SBYOR GYIS GNAS BYA, ,BYIN GYIS RLOB PA'I SBYOR BA STE, ,'DI NI SHIN TU RNAL 'BYOR RO, ,ZHES GSUNGS SO, ,BZHI PA NI, MKHA' 'GRO'I PHO BRANG CHU SKYES DBUS, ,THABS DANG SHES RAB SBYOR BA YI, , KHAMS GSUM RGYU DANG MI RGYU'I DON, ,RNAL 'BYOR CHEN POS NGAL BSO BYAS, ,LTE BA'I DBUS SON DPA' BO LAS, ,SPRO DANG SDUD PA'I SBYOR BA YIS, ,JI LTAR DBUGS RLUNG ME LONG LA, ,JI LTAR THIM PAR BLTA BAR BYA, ,LTE BA'I CHU SKYES

, ,PADMO'I DBUS, ,YUNGS KAR TZAM DU BRTAN BYAS NAS, ,'OD GSAL YE SHES NYID DU 'GYUR, ,RTAG PA MA YIN CHAD PA MIN, ,BDAG MIN GZHAN YANG MA YIN LA, ,SRID MIN MYA NGAN 'DAS PA MIN, ,THOG MA DBUS MTHA' RNAM PAR SPANGS, ,'OD GSAL BA LAS DE BSAMS NA, ,DE LAS RDO RJE 'DZIN PAR 'GYUR, ,ZHES SO, ,RNAL 'BYOR BZHI'I RGYU 'BRAS KYI RIM PA LAS ZUNG 'JUG 'GRUB LUGS NI, RNAL 'BYOR BZHI'I RIM PA LAS, GANG SKYES YE SHES SEMS DPA' CHE, ,THABS DANG SHES RAB RANG GI DNGOS, ,ME LONG NANG GI GZUGS BRNYAN BZHIN, ,'JIG RTEN KHYAB CING GSAL BAR SNANG, ,MI 'GYUR MCHOG GI BDE BA CHE, ,STONG PA SNYING RJE DBYER MED PA, ,PHUN SUM TSOGS PA'I 'BYUNG GNAS CHA, ,YE SHES CHEN PO 'GRUB 'GYUR RO, ,ZHES GSUNGS SO, ,GNYIS PA THUN MONG MA YIN PA SNGAGS KYI SPYOD PA LA SLOB PA'I RIM PA LA, LAM SGOM PA SNOD RUNG DU SGRUB PA DANG, LAM BSGOM PA DNGOS, DANG PO LA, GANG GIS SNOD RUNG DU SGRUB PAR BYED PA SLOB DPON GYIS MTSAN NYID DANG, GANG SNOD RUNG DU BYA BA SLOB MA'I MTSAN NYID, DES JI LTAR SNOD RUNG DU BYED PA'I TSUL LO, ,DANG PO NI, RAB 'BRING THA MA GSUM LAS, THA MA YANG DBANG THOB CING DAM TSIG DANG SDOM PA LA GNAS PA, BSKYED RIM TSIG SPYI LA MA LAS PAR DON SPYI LEGS PAR SHAR BA, SNGAGS KYI BSNYEN TSAD BZHI 'BUM SOGS DANG, DE'I BCU CHA'I SBYIN SREG BYAS BA, DKYIL 'KHOR CHO GA RAG LAS PA

LA MKHAS PA'O, ,SBYIN SREG YONGS RDZOGS BCU CHAM GRUB NA'ANG, MAR KHU LDUG THEBS RE DANG, YAM SHING RE LA RE RER BGRANGS PAS 'GRUB GSUNGS, GNYIS PA LA YANG, THA MA BLA MA DANG DAM TSIG DANG SDOM PA 'DZIN NUS PA'O, ,GSUM PA LA, DBANG BSKUR NAS RGYUD SMIN PAR BYA BA DANG, RGYUD SMIN NAS DAM TSIG DANG SDOM PA DAG PAR BYA BA'O, ,DANG PO LA, SNGAGS KYI THEG PA'I SGOR 'JUG PA LA DBANG BSKUR THOB DGOS PAR BSTAN PA, ,RGYUD SDE SO SO'I DBANG GI KHYAD PAR, DKYIL 'KHOR DU 'JUG CING DBANG BSKUR THOB TSUL, DE'I TSE DAM TSIG DANG SDOM PA JI LTAR THOB PA'O, ,DANG PO NI, BYA SPYOD SOGS KYI SNGAGS MTSAN NYID THEG PAR DRANGS PA YOD MOD, DE LA DBANG MI DGOS PA NI, LHA SGOM PA DANG MA 'BREL BAS SO, ,DES NA LHA SGOM PA DANG 'BREL BA'I SNGAGS BZLA BA LA NI DES PAR DBANG THOB DGOS LA, SNGAGS GZHAN LA NGES PA MED PAS NA, RDO RJE THEG PA'I SGOR 'JUG PA LA DBANG BSKUR NGES PAR THOB DGOS SO, ,GNYIS PA NI, BYA RGYUD LA CHU DBANG DANG COD PAN GYI DBANG YOD CING, GONG MA MED LA, SPYOD RGYUD LA DE'I STENG DU RDO RJE DANG DRIL BU DANG MING GI DBANG NGO, ,RNAL 'BYOR RGYUD LA DE DANG RDO RJE SLOB DPON GYI DBANG NGO, ,DE LA MING PHYAG RGYA'I DBANG ZHES 'BYUNG LA, BUM DBANG ZHES NI MI 'BYUNG NGO, ,BLA MED LA DBANG BZHI YONGS SU RDZOGS PA'O, ,GSUM PA LA DKYIL 'KHOR DU GZHUG PA DANG, DBANG BSKUR BA GNYIS LAS, RGYUD SDE GZHAN GSUM LA NI, DKYIL 'KHOR DU GZHUG PA TZAM BYA, DBANG BSKUR DU

, ,MI RUNG BA'I GDUL BYA MI 'BYUNG LA, RNAL 'BYOR GYI RGYUD LA NI, RGYUD MA SMIN PA DANG, SMIN PA'I DBANG GNYIS LAS, DANG PO NI, DKYIL 'KHOR DU GZHUG PA TZAM BYAR RUNG GIS, DBANG BSKUR DU MI RUNG NGO, ,DE YANG DKYIL 'KHOR DU GZHUG CING MTHONG NA ZHES 'BYUNG BAS, GZHUG MTHONG LA PHYI NANG GNYIS LAS, PHYI GZHUG PHYI MTHONG NI, LHA NGO SPROD PA TZAM YIN PAS, DE TZAM RUNG LA, NANG GZHUG NANG MTHONG NI, YE SHES PA 'BEBS PA YIN PAS DE PHAN CHAD MI RUNG NGO, ,SMIN PA LA YANG, THUN MONG MA YIN PA'I SDOM PA 'DZIN NUS PA DANG, MI NUS PA GNYIS LAS, PHYI MA LA NI THUN MONG BA'I SDOM PA 'DZIN DU BCUG NAS, SLOB MA'I DBANG BSKUR LA, 'DI YANG LHA SGOM, SNGAGS BZLAS RGYUD NYAN PA SOGS LA DBANG GIS, GZHAN LA DBANG BSKUR BA SOGS LA MI DBANG NGO, ,DANG PO LA NI RDO RJE SLOB DPON GYI DBANG YANG BSKUR RO, ,BZHI PA LA SDOM PA THOB PA'I DUS DANG, DBANG BSKUR BA'I TSUL LO, ,GZHAN DBANG BSKUR MA THOB BAR DU SDOM PA 'DZIN DU BCUG NA YANG, MI SKYE BAR 'DOD PA MI RIGS TE, STA GON DANG DNGOS GZHI GANG RUNG GI DUS SU SDOM PA 'DZIN DU BCUG PA DE THOB PAS, SDOM PA SKYE BA DANG DBANG BSKUR GYI CHO GA RDZOGS PA LA BLTOS GTAN MI DGOS SO, ,RGYUD SDE 'OG MA GNYIS LA THUN MONG MA YIN PA'I SDOM PA YOD MED DPYAD PAR BYA ZHING, GONG MA GNYIS LA RIGS LNGA'I SDOM PA 'BA' ZHIG YOD LA, MTSAN NYID THEG PA DANG THUN MONG BA'I BYANG CHUB SEMS DPA'I SDOM PA NI KUN GYIS GZUNG DGOS SHING, SO THAR SDOM PA'I SNOD RUNG

YIN NA DE YANG NGES PAR BLANG DGOS SO, ,RGYUD SDE 'OG MA'I DBANG BSKUR MA THOB NA GONG MA'I THOB KYANG 'OG MA'I DBANG BSKUR BYAR MI RUNG ZHING, DE'I RGYUD NYAN PA DANG LUNG THOB NA, RJES GNANG DANG 'CHAD PA SOGS NI RUNG NGO, ,'OG MA THOB KYANG GONG MA MA THOB NA DE'I RGYUD BLTA BA DANG NYAN PA SOGS KYANG MI RUNG NA DBANG BSKUR BA LTA CI SMOS, DBANG GANG SNGON DU MA SONG NA, RJES GNANG TZAM LEN DU MI RUNG NA, DBANG BYAR MI RUNG BA YANG DE DANG 'DRA'O, ,GNYIS PA RGYUD SMIN NAS DAM TSIG DANG SDOM PA DAG PAR BYA BA LA, DNGOS GRUB THAMS CAD 'BYUNG BA'I RTZA BA DGE BA'I BSHES GNYEN BSTEN TSUL DANG, DNGOS GRUB THAMS CAD 'PHROG PA'I RGYU DAM TSIG NYAMS PA SPANG BA'O, ,DANG PO NI, BLA MA LNGA BCU PA LAS SHES PAR BYA ZHING, GNYIS PA LA RGYUD SDE GZHAN NAS BSHAD PA'I DAM TSIG DANG SDOM PA DAG PAR BYA BA'I TSUL DANG, BLA MED NAS BSHAD PA'I TSUL GNYIS SO, ,DANG PO NI, SPYIR SDOM PA GONG MA GNYIS RTZA BA'I LTUNG BAS NYAMS NA SLAR LEN PA MA GTOGS GSO BA'I THABS GZHAN MED LA, DE YANG DAM TSIG DANG SDOM PA ME NYAMS PAR SRUNG BAR BYED PA LA YANG, MA BSRUNGS PA'I NYES DMIGS DANG, BSRUNGS PA'I PHAN YON BSAM DGOS PAS NYES DMIGS NI, DZNY'A NA BO DHIS 'PHAGS PA THAMS CAD SPANGS PA RANG LA 'KHU BA DNGOS GRUB THAMS CAD LAS RGYAB KYIS PHYOGS PA GA-YO CAN SHING RUL LTA BU, ZHES SOGS GSUNGS LA, GZHAN DAG LAS KYANG BSKAL PA GRANGS MED GSUM DU SPYI TSUGS SU MNAR MED DU SDOD CING

, ,BSKAL PA 'JIG PA NI YANG DMYAL BA GZHAN DU 'PHO ZHING, SDOM PA NYAMS PA'I GANG ZAG GIS MCHOD PA PHUL KYANG MCHOD YUL MI 'BYON CING, MCHOD GTOR MI BZHES PA DANG, DMYAL BA GZHAN GYI SDUG BSNGAL BSDOMS KYANG DE'I SDUG BSNGAL BYE BA'I CHAR YANG MI PHOD PA SOGS SO, ,PHAN YON NI, MCHOG GI DNGOS GRUB TSE 'DI DANG PHYI MA DANG BAR DO DANG, GSANG SNGAGS LA 'JUG PA LAS GSUM TSUN DANG, DUS 'KHOR DANG RDO RJE RTZE MO LA BDUN DANG, BI BH'U TI TZANDRAS, MA BSGOMS PA YANG LTUNG MED NA, ,SKYE BA BCU DRUG DAG NA THOB, ,SOGS SO, ,DAM TSIG DANG SDOM PA DAG PAR BYED PA LA MI MTHUN PA'I PHYOGS RTZA BA'I LTUNG BA NGO SHES DGOS PAS, DE LA BYA SPYOD GNYIS LA BLA MA GZHAN DAG NA RE, SPYOD PA'I RGYUD NI BZHIR NGES TE, JO BOS MDZAD PAR GRAGS PA'I DAM TSIG BSDUS PAR, RTZA BA'I LTUNG BA MANG PO BSHAD PA'I BCU BZHI'I TSAN BZUR PA BSHAD PA 'DI LA DGONGS SRID PA DANG, RNAM SNANG MNGON BYANG LAS, MI DGE BA BCU'I LAS KYI LAM GYIS SDOM PA NYAMS PA DANG, RTZA BA NAS GCOD PA DANG, BYANG CHUB SEMS DPA' KHYIM PAS BU DANG CHUNG MA BCAS BZHIN DU LTUNG BAR MI 'GYUR BA BSHAD DU GSOL, ZHES 'BYUNG BAS, MI DGE BA BCU DANG BYANG CHUB SEMS GTONG SOGS BZHI STE BCU BZHIR NGES LA, BYA RGYUD NA PHAL CHER SUM CU YIN TE, DAM TSIG BSDUS PA'I SUM CU'I BCU TSAN PA ZUR BA 'BYUNG BA DANG, LEGS GRUB KYI RGYUD LAS KYANG 'BYUNG

ZHES GSUNG NGO, ,DE NI TSIG DON GNYIS KA'I SGO NAS RNAM SNANG MNGON BYANG GI DGONGS PAR MI RUNG STE, DGE BCU'I RANG BZHIN GYI SDOM PA ZHES 'BYUNG GIS, MI DGE BA ZHES PA TSIG MA DAG PA'I PHYIR DRI BA'I SKABS YIN GYI, LAN GYI SKABS MIN PA'I PHYIR DANG, DE'I LAN DU BYANG CHUB SEMS GTONG SOGS BZHI KHO NA SDOM PA RTZOD MED DU GSUNGS PA'I PHYIR, MI DGE BA BCU RTZA LTUNG YIN NA DRI BA GNYIS PA'I SKABS SU, DGE BSNYEN GYI BSLAB PA'I GZHI RTZA BA GCIG DANG, LOG LTA LNGA PO SPONG BA LA GNAS PA'I BYANG CHUB SEMS DPA' LA LAS LAM KHA CIG GNANG BAR BSHAD PAR MI RIGS PAR 'GYUR TE, DES NA SDOM PA GANG GI LUGS LA YANG RANG RANG GI RTZA LTUNG GNANG BA'I SKABS MI SRID PA'I PHYIR, DES NA SPYOD RGYUD LA NI BZHIR NGES SHING, BYA RGYUD LA YANG BLA MA RJE BTZUN PAS GSUNGS PA LTAR BZHI POR PHAL CHER NGES SAM BRTAG DGOS LA, DAM TSIG BSDUS PA NI JO BOS MDZAD MA MDZAD THE TSOM ZA ZHING 'GAL BA MTHONG BAS SHES BYED DU MI RUNG NGO, ,RNAL 'BYOR RGYUD LA RTZA LTUNG BCU BZHIR NGES LA, DE'I NGOS 'DZIN KHA CIG RIGS LNGA'I SDOM TSIG NAS DKON MCHOG GSUM RDO RJE DRIL BU SLOB DPON DU GZUNG BA GSUM, SBYIN PA RNAM BZHI, PHYI NANG GSANG GSUM, MCHOD PA 'BUL BA DANG BCU BZHI'I LDOG PHYOGS LAS 'DZIN PA SOGS BYUNG YANG, DON NI DPAL MCHOG NAS BSHAD PA'I BYANG CHUB SEMS 'DOR DANG, MTSAN MA LA SMOD PA DANG, CHOS LA SMOD PA DANG, DKA' THUB KYIS GDUNG BA DANG, RDO RJE DRIL BU PHYAG RGYA SPONG BA GSUM DANG, SLOB

, ,DPON LA SMOD PA STE BRGYAD, RTZE MO NAS DKON MCHOG GSUM LA DAD PA GTONG BA LA BSHAD, SGYU 'PHRUL DRA BA NAS, RDO RJE SPUN LA GSHE BA DANG, GDUG LA BYAMS PA DANG, SEMS CAN LA BYAMS PA SPONG BA LA BSHAD, DE NYID BSDUS PA LAS BSHAD PA'I GSANG SGROGS DANG, BDE GSHEGS BKA' LAS 'DAS PA STE BCU BZHI PO YIN LA, YANG BLA MED KYI RTZA LTUNG BCU BZHI NAS, DANG PO BRGYAD DANG, BCU PA NI THUN MONG MA YIN PA, LNGA NI SKYABS 'GRO 'DOR BA DANG, RDO RJE DRIL BU PHYAG RGYA GSUM 'DOR BA DANG, MTSAN MA SMOD PA DANG LNGA'O, ,GNYIS PA LA LTUNG BA BSKYED PA'I RTEN NGOS GZUNG BA DANG, LTUNG BA'I RIGS BSDU BA'O, ,DANG PO NI, BLA MED KYI DBANG DANG, ,SDOM PA THOB LA MA NYAMS PA BSAM PA RANG BZHIN DU GNAS PA'O, ,GNYIS PA LA PHAM PA'I SDE TSAN DANG, SBOM PO'I SDE TSAN NAM, RTZA BA DANG YAN LAG GI NYES PA GNYIS SO, ,DANG PO LA, GZHUNG GI MTSAN DON DANG, MTSAN CAN GYI GZHUNG BSHAD PA'O, ,GNYIS PA LA, BSHAD PA LA 'JUG PA'I BYA BA DANG, BSHAD PA NYID NYE BAR 'GOD PA DANG, BSHAD PA MTHAR PHYIN PA'I BYA BA'O, ,DANG PO LA, MCHOD BRJOD DANG, BRTZAM PAR DAM BCA' BA GNYIS SO, ,DANG PO NI, KUN NAS DANG BA'I YUL LA DUS KUN TU DANG BA ZHES ZER TE DANG BA RTAGS SO, ,ZHABS KYI PADMOR 'DUD PA NI, DNGOS SU MED KYANG GUS PAS 'DUD DO, ,GNYIS PA NI, BRJOD BYA DANG RANG BZO'I NYES PA SPANG BA DANG, DGOS PA RNAMS KYIS SHES PAR BYA'O, ,GNYIS PA BSHAD PA

NYID NYE BAR 'GOD PA LA, RTZA BA'I LTUNG BAS MI GOS PAR BYED PA'I THABS DANG, GOS NA PHYIR 'CHOS PAR BYED PA'I THABS GNYIS SO, ,DANG PO LA, RTZA BA'I LTUNG BA NGOS GZUNG BA DANG, DE LA BSRUNG 'DOD BSKYED PA DANG, BSRUNG TSUL DNGOS SO, ,DANG PO LA BCU YOD PA'I DANG PO LA, DNGOS DANG, PHYOGS MTHUN GNYIS PO, ,DANG PO LA, LTUNG BA'I TSANG 'DOGS DANG, LTUNG BAR 'GYUR BA'I TSUL GNYIS SO, ,DANG PO NI, GSHIN RJE'I GSHED DMAR GYI RGYUD LE'U BCO BRGYAD PA DANG, GUR GYI LE'U BCO LNGA PA NAS SMAD PA'I RTZA LTUNG ZHES DANG, DUS 'KHOR NAS THUGS DKRUGS PA'I RTZA LTUNG DANG, 'DIR BRNYES PA, ZHES SOGS SO, ,GNYIS PA LA GZHAN LUGS 'GOD PA DANG, 'THAD PHYOGS RNAM PAR BZHAG PA'O, , DANG PO NI, RGYA CHER 'GREL NAS GSUNGS PA SOGS DANG, D'A RI KA PAS YAN LAG DRUG RNAM PAR BZHAG PA STE, BLA MA DAM PAR SHES PA, MI DGYES PAR SHES PA, NYON MONGS PAS KUN NAS BLANGS NAS BYAS PA, RANG DON MIN PAR NYES PA BYED PA PO SLOB MA'I DON DU BSAMS NAS, SLOB MAS NYES PA BYED PA LA MI DGYES PA'O, ,BLA MA MI DGYES PA LA MI DGYES PAR SHES PA NI, MI DGYES KYANG BLA YI SNYAM PA DGOS KYI DE LTAR SHES KYANG, NYON MONGS SHES CHEN POS ZIL GYIS MNAN NAS DBANG MED LA NI RTZA BA'I LTUNG BA MED DO, ,RANG DON LHUR LEN KYANG GZHAN DON DANG 'DRES NA RTZA BA'I LTUNG BA MED PAS GZHAN DON MA YIN CES ZUR DU SMOS SO, ,SLAR SBYANG BSAM PA NI, 'GYOD PA TZAM GYIS MI CHOG GI

, ,DE MA THAG TU BSHAGS PA BYED 'DOD DO, ,GNYIS PA LA, GANG LA BRTEN NAS LTUNG BAR 'GYUR BA'I YUL, DE LA BRTEN NAS LTUNG BAR 'GYUR TSUL, DE'I RGYU MTSAN NO, ,DANG PO LA, SLOB DPON GYI MTSAN NYID, DBYE BA, DOGS GCOD DO, ,DANG PO NI, GSANG SNGAGS RDO RJE THEG PA DANG SBREL BA'I SGO NAS SLOB DPON DU SONG BA'O, ,GNYIS PA NI, DBANG BSKUR, RGYUD BSHAD, MAN NGAG SBYIN PA DANG GSUM MO, ,GSUM PA LA RGYUD LA BRTEN PA DANG, GRANGS LA BRTEN PA, TSAD LA BRTEN PA'I DOGS GCOD DO, ,DANG PO NI, SLOB DPON TE, BLA MED KYI SGO NAS SBREL BA KHO NA YAN LAG TU DGOS SAM, ZHE NA, MI DGOS TE, RGYUD SDE BZHI PO GANG RUNG ZHIG 'BREL BAS KYANG 'GYUR RO, ,GNYIS PA NI, GSUM LDAN DGOS SAM SNYAM, ZHE NA, RGYUD BSHAD PA GCIG PUS KYANG 'GYUR RO, ,GSUM PA NI, RGYUD RDZOGS PAR BSHAD PA LA SOGS PA DGOS SAM, ZHE NA, MI DGOS TE, SPYIR SLOB DPON GYI DBYE BA, DAM CHOS LAG PAR SBYIN PA DANG, 'CHAD BYED MAN NGAG STON PA DANG, DBANG BSKUR BA DANG LAS BYED PA'O, ,ZHES GSUNGS PA DE LA RGYUD TSIG RE TZAM 'CHAD PA DANG, KLOG PA SBYIN PA DANG, LHA BSGOM PA SNA RE TZAM GYI MAN NGAG SBYIN PA DANG, RIG PA'I DBANG TZAM BSKUR BA DANG, LAS BYED PA'I BRIS THIG SNA RE DANG, PHYAG RGYA SNA RE TZAM BSLABS PAS KYANG 'GYUR RO, ,GNYIS PA NI, DE LA CI ZHIG BYAS BAS RTZA BA'I LTUNG BAR 'GYUR, ZHE NA, MA GUS PA DANG, SMAD PA DANG, BRNYAS PA'O, ,DE'I TSAD NI, SGO GSUM GUS PA'I SGO NAS BSNYEN BKUR BA'I ZHING GONG

MAR 'DZIN PA'I KHUR BOR BA'O, ,GSUM PA RGYU MTSAN NI, DNGOS GRUB THAMS CAD RDO RJE SLOB DPON GYI RJES SU 'BRANG BAR GSUNGS PA DE BAS NA STE DE'I PHYIR RO, ,GAL TE SNGAR GSANG SNGAGS DANG 'BREL BA'I SLOB DPON GANG YANG RUNG BA RTZA BA'I LTUNG BA'I YUL DU BSTAN PAS DE DAG KUN LAS DNGOS GRUB THOB PA'I NGES PA MED PA'I PHYIR, RGYU MTSAN MI RIGS PA DANG, SLOB DPON SH'ANTI PA SOGS KYIS DBANG BSKUR THOB PA NYID RDO RJE SLOB DPON DU GSUNGS SHING, BLA MA LNGA BCU PA LAS SLOB DPON GYI MTSAN NYID BRTAN CING DUL BA SOGS BCU BZHIR GSUNGS PA DANG 'GAL, ZHE NA, DBANG THOB PA GTZO BOR DGONGS PA DANG, MTSAN NYID YONGS SU MA RDZOGS NA KHA NA MA THOB LCI BA YIN GYI, RTZA LTUNG DU 'GYUR MI 'GYUR GYI KHYAD PAR MED DO, ,YUL GYI STENG NAS NGES PA MED KYANG, SKYON MI SEMS YON TAN 'BA' ZHIG SEMS PA SOGS BLA MA BSTEN TSUL LEGS NA, BLA MA GANG YANG RUNG BA LAS KYANG DNGOS GRUB 'BYUNG BAS SLOB DPON KUN GYI STENG DU RGYU MTSAN DE MA GRUB PA'I NYES PA MED DO, ,GNYIS PA PHYOGS MTHUN NI, SPYIR CHOS SMRA TZAM DANG, KHYAD PAR MTSAN NYID THEG PA'I SGO NAS 'BREL BA'I SLOB DPON SOGS LA BRNYAS NA YANG BSHAGS BYA'I NYES PAR 'GYUR BAS SNGA MA 'DAG NGES SU SBYANGS SHING, PHYI MA 'PHRO CHAD NGES SU BSDAM PAR BYA'O, ,GNYIS PA LA, DNGOS DANG, PHYOGS MTHUN NO, ,DANG PO LA, MING 'DOGS DANG, LTUNG BAR 'GYUR TSUL LO, ,DANG PO NI, DUS 'KHOR NAS BLA MA'I BKA' BCAG PA ZHES DANG, GZHAN RNAMS LAS BDE GSHEGS BKA' LAS 'DAS ZHES 'BYUNG NGO, ,GNYIS PA LA DUS 'KHOR GYI

, ,'GREL PAR D'A RI KA PAS SNGAR BSHAD PA LTAR, YAN LAG DRUG LAS GNYIS PA'I THAD DU BKA' BCAG PA ZHES SOGS, SNGAGS SPYI'I DBANG DU BYAS NA, BDE BAR GSHEGS PA'I BKA' YIN PA, DE LA DER SHES BZHIN DU LOG PAR RANG NYID KYIS SPYOD CING GZHAN LA STON PA, KHYAD DU GSOD PA, SLAR SBYANG BA'I BSAM PA MED PA STE, MDOR NA BKA' TSIG DON GANG RUNG YIN PA LA, DER SHES SHING KHYAD DU GSOD CING, SLAR SBYANG BA'I BSAM PA MED PA'O, ,DE'I DUS SU BKAR MA GRAGS KYANG, SNGAR GYI 'DU BYED MA NYAMS NA YANG NGO, ,GNYIS PA PHYOGS MTHUN NI, DGONGS 'GREL GYI BSTAN BCOS SOGS SO, ,GSUM PA LA YANG DNGOS DANG, PHYOGS MTHUN NO, ,DANG PO LA LTUNG BA'I MING 'DOGS DANG, 'GYUR TSUL LO, ,DANG PO NI, SPUN LA KHROS PA DANG, KHROS NAS BSGO BA BCAG CES SOGS SO, ,GNYIS PA LA GNYIS LAS, LUGS 'GOD PA NI, RGYA CHER 'GREL SOGS TE, D'A RI KA PAS, GROGS DAM PA YIN PA, DER SHES PA, DES BSGO BA BCAG PA, DE YANG KHROS NAS BCAG PA, RANG DON LHUR LEN PA, GZHAN DON MA YIN PA, SLAR SBYANG PA'I BSAM PA MED PA, RDO RJE SPUN SDOM LDAN YIN PA RNAMS SO, ,GNYIS PA 'THAD PHYOGS NI, BLA MA GCIG DANG DBANG BSKUR GCIG GIS 'BREL BA'I RDO RJE SPUN YIN PA LA, KHROS NAS DE'I SKYON BRJOD CING, DES GO BA, DE YANG SDOM LDAN YIN PA, SLAR SBYANG BA'I BSAM PA MED PA, RDO RJE SPUN DU SHES PA'AM, THE TSOM ZA BA'O, ,GNYIS PA LA PHYOGS MTHUN NI, SDOM PA DANG

MI LDAN PA'I RDO RJE SPUN LA NI, YAN LAG MA TSANG BA'I BSHAGS BYA DANG, MTSAN NYID THEG PA KHO NA'I SGO NAS 'BREL YANG PHYOGS MTHUN NO, ,BZHI PA LA GNYIS, MING 'DOGS DANG, RTZA LTUNG DU 'GYUR TSUL LO, ,DANG PO NI, KUN MTHUN CING, GNYIS PA LA, LUGS 'GOD PA SNGAR LTAR DANG, D'A RI KA PAS, SEMS CAN GANG YANG RUNG BA ZHIG LA KHROS PAS ZHAG GCIG GI KHONGS SU DE LA BYAMS PA MTSAMS SBYOR BA MA NUS NA, BYAMS PA SPONG BAR 'GYUR ZHES GSUNGS SO, , 'THAD PHYOGS NI, SEMS CAN GANG RUNG ZHIG LA BDE BA DANG BRAL BAR GYUR CIG SNYAM PA'AM, 'DI'I DON NAM YANG NGAS MI BYED SNYAM PA'I BLO DE SKYES MA THAG TU RTZA LTUNG DU 'GYUR RO, ,PHYOGS MTHUN NI, SHIN TU SDUG CING NYON MONGS PA LA PHAN 'DOGS NUS BZHIN DU YAL BAR 'DOR BA DANG, TSAD MED SGOM PA LA MI SLOB PA'O, ,LTA BA LA DNGOS DANG, PHYOGS MTHUN NO, DANG PO NI, MING 'DOGS PHAL CHER MTHUN NO, ,GNYIS PA 'GYUR TSUL LA, LUGS BKOD PA NI, RGYA CHER 'GREL SOGS TE, D'A RI KA PAS MI 'GYUR BA'I RANG BZHIN SHES PA, 'GYUR BA'I BDE BA DANG DU LEN 'DOD CING, DBANG PO LAS THON PA, LEGS PAR 'DZIN PA, GSAL BAR YOD PA, 'GYOD PA MED PA, GSANG DBANG SOGS GSUM GYI DON MA YIN PA DANG LNGA, 'THAD PA'I PHYOGS NI, KUN TU 'DOR BA YAN LAG SNGA MA LTAR TSANG BA DANG, SMON SEMS KYI NGO BO 'DOR BA DANG, SEMS CAN LA GA-YO SGYUS SPYOD PA YANG CHU TSOD DRUG CU 'DAS NA 'GYUR RO, ,PHYOGS MTHUN NI, DE LAS GZHAN PA'I BSLAB BYA LA GA-YEL BA'O, ,DRUG PA LA GNYIS

, ,KYI, DNGOS LA MING 'DOGS DANG, 'GYUR TSUL LO, ,DANG PO PHAL CHER 'DRA LA, GNYIS PA LUGS BKOD LTAR YIN LA, D'A RI KA PAS, SNGAGS PA DBYER MED PA'I PHA ROL TU PHYIN PA YIN LA, ZHE SDANG LA GNAS NAS SKYON SMRAS PA, GZHAN 'DUL BA'I DON MA YIN PA, DE LA LEGS PAR 'DZIN PA, 'GYOD PA MED PA DANG LNGA'O, ,'THAD PHYOGS NI, NYAN THOS THEG PA SOGS DANG, DAM PA'I CHOS SPONG BA DANG, PHAR PHYIN THEG CHEN LA ZHE SDANG GIS SMOD PA NI KUN GYI LUGS LA 'GYUR ZHING, CI 'PHROS NI, SNGAGS DANG PHAR PHYIN THEG PA LA 'DUN PA'I GANG ZAG GI 'DUN PA DE, DGOS PA KHYAD PAR CAN MED PAR LOG PAR 'DOD NAS SKYON BRJOD NA, 'DUN PA MA LOG KYANG 'GYUR BA SHES PAR BYA'O, ,PHYOGS MTHUN NI, NYON MONGS PAS KUN NAS BSLANGS NAS MU STEGS KYI GRUB MTHA' LA SMAD NA'ANG NYES BYAS SU 'GYUR ZHING, NYAN THOS KYI THEG PA LA THEG CHEN LA BLTOS MED DU DMAN PA'I SKYON BRJOD NA, YAN LAG MA TSANG BA'I BSHAGS BYAR 'GYUR RO, , BDUN PA LA DNGOS DANG, PHYOGS MTHUN NO, ,DANG PO LA, MING 'DOGS DANG, ,LTUNG BAR 'GYUR TSUL LO, ,DANG PO NI, DE NYID SKAL MED SGROGS, ZHES DANG, MA SMIN PA LA GSANG BA SGROGS, ,ZHES SOGS, GNYIS PA LA LUGS 'GOD PA NI, SNGAR LTAR RO, ,D'A RI KA PAS, GSANG BA BSGRAGS NA MA DAD PA SKYE BA LA DBANG THOB MA THOB GNYIS SU NGES PAS, MA THOB PA LA DBANG DANG 'BREL BA'I BSKYED RDZOGS KYI CHA SHAS GANG RUNG ZHIG BSGRAGS NAS PHA ROL MA DAD PA SKYES NA DNGOS GZHIR

'GYUR LA, SPYI 'GRO YANG DE KHO NA LTAR YIN LA, DBANG THOB PA LA NI, DGOS PA KHYAD PAR CAN MED PAR GSANG CHEN BDE BA CHEN POR BSGRAGS PA KHO NA LAS 'BYUNG BAR BZHED CING, DE MA YIN PA BSGRAGS NA YAN LAG MA CHAD BA'I BSHAGS BYAR BZHED DO, , PHYOGS MTHUN NI, GSANG BA'I RDZAS GZHAL YAS KHANG BSTAN PA SOGS DANG, SNOD MIN LA MTSAN NYID THEG PA BSTAN PA SOGS SO, ,BRGYAD BA LA YANG, DNGOS PO DANG, PHYOGS MTHUN NO, ,DANG PO LA, MING 'DOGS DANG, LTUNG BAR 'GYUR TSUL LO, ,DANG PO NI, NYON MONGS SHING LTUNG BA ZHES DANG, SMOD PA ZHES SOGS SO, ,GNYIS PA NI, LUGS 'GOD SNGAR LTAR RO, ,D'A RI KA PAS, PHUNG PO LNGA'I RANG BZHIN DU SHES PA DE DKA' THUB KYIS GDUNGS PA LA MED PAR SHES PA LA, BDAG NYID GSOD PAR BRTZAMS NA SEMS BSKYED MA THAG TU RTZA LTUNG DU 'GYUR ZHING, GDUNG BAR BYED NA NAM BYAS PA DE'I TSE 'GYUR BAR BZHED LA, LHA'I RANG BZHIN DU SHES PA NI, DE LTAR GSANG SNGAGS LAS BSHAD PA GO TZAM MO, ,GDUNG BA NI, ZAS GCOD PA SOGS SO, ,NAG PO PAS CHED DU BSAMS TE ZAS GCOD PA SOGS KYI LTUNG BAR BYED PA DANG, SH'ANTI PAS, RGYUD DON GYI GNAD MA GO BA NA, BDAG SNOD DU MI RUNG BA'O, ,SNYAM NAS ZHUM ZHING SMOD PA DANG, SDOM 'BYUNG 'GREL PAR PHUNG PO LNGA NI, MI GTZANG ZHING SDUG BSNGAL BA YIN PAS, DE LAS LOG PAR GTZANG BA DANG, BDE BA'I SANGS RGYAS KYI RANG BZHIN DU SGOM DU MI RUNG ZHES SMOD PA LA BZHED DO, ,DGU PA LA, DNGOS DANG, PHYOGS MTHUN NO, ,

, ,GNYIS PA 'OG TU 'CHAD CING, DANG PO LA MING 'DOGS DANG, 'GYUR TSUL LO, ,DANG PO NI, CHOS RNAMS SUN DBYUNG ZHES SOGS DANG, RANG BZHIN DAG PA SOM NYI ZA BA SOGS SO, ,GNYIS PA NI RANG BZHIN STONG PA NYID LA SOM NYI ZA BAS TE YID MA CHES PA DE RGYU MTSAN DU BYAS NAS 'DOR ZHING, SPROS BCAS KYI CHOS DANG DU LEN PA'O, ,BCU PA LA, DNGOS DANG, PHYOGS MTHUN NO, ,GNYIS PA 'OG TU 'CHAD CING, DANG PO LA, MING 'DOGS NI, ,GDUG LA BYAMS PA SOGS SO, ,'BYUNG TSUL NI, D'A RI KA PAS, RGYU'I BYAMS PA ZHES PAS TE, DAM TSIG SOGS KYI GTZO BO GZHAN NGOR BSRUNG PA LTAR BYED LA, LKOG TU MI DGE BA BYED CING MI 'DZEMS PA LA MDZAD LA, SPYIR NI, GDUG PA'I TSAD BSTAN PA 'JIG CING BLA MA DKON MCHOG GSUM GYI DGRA BYED PA LA LUS NGAG GIS PHAN 'DOGS SHING 'GROGS 'DRIS BYED PA'O, ,SBYOR BAS SPONG BA YIN GYI, BSAM PAS BYAMS PA SPANGS NA RTZA LTUNG DU 'GYUR RO, ,BCU GCIG PA LA, DNGOS DANG, PHYOGS MTHUN NO, ,DANG PO LA, MING 'DOGS DANG, 'GYUR TSUL LO, ,DANG PO NI, CHOS LA TSAD GZUNG DANG, TSAD GZHAG MI BYA STE, ZHES SOGS SO, ,GNYIS PA LA, LUGS 'GOD PA DANG, 'THAD PHYOGS SO, ,DANG PO NI, STONG PA LA BDEN PAR 'DZIN PA SOGS DANG, D'A RI KA PAS, DE KHO NA NYID DANG DBYER MED PA'I BDE BA CHEN PO'I GDAMS NGAG SBYIN PA NI, GZHAN 'DUL BA'I DON MIN PAR RTOG PA BYAS NAS DANG DU LEN PA LA BZHED DO, ,GNYIS PA 'THAD

PHYOGS NI, CHOS BDAG MED PA'I LTA BA RNYED NAS LTA BA LA MI SBYOR BAR MTSAN BCAS KYIS NYIN ZHAG 'DAS NA 'GYUR RO, ,DE YANG ZHAG GCIG GI NANG DU LAN CIG DRAN PAS CHOG LA, LTA BA MA RNYED NA RTZA LTUNG 'DI MI 'BYUNG NGO, ,GNYIS PA PHYOGS MTHUN NI, LTA BA RNYED NA CHOS SPYOD GZHAN RNAMS LTA BAS RGYAS MI 'DEBS PA DANG, GANG ZAG GI BDAG MED PA'I LTA BA TZAM RNYED NAS MI SKYONG BA SOGS SO, ,BCU GNYIS PA LA, DNGOS DANG, PHYOGS MTHUN NO, ,DNGOS LA MING 'DOGS DANG, 'GYUR TSUL LO, ,DANG PO NI, SEMS CAN BSLU BA DANG LDAN PA ZHES SOGS SO, ,GNYIS PA LA, LUGS 'GOD PA NI, RGYA CHER 'GREL SOGS SO, ,D'A RI KA PAS, RNAL 'BYOR PA THEG PA GSUM GYIS BSDUS PA'I ZHI LHAG GI RNAL 'BYOR DANG LDAN PA'I NGANG TSUL CAN LA, PHRAG DOG GIS SKYON BRJOD PA DE'AM, SEMS DPA' GZHAN GANG RUNG LA GO BAR BYAS PA LA BZHED DO, ,GNYIS PA 'THAD PHYOGS NI, SNGA MA DE DANG RNAL 'BYOR PA DE LA DAD PA'I SEMS CAN GYIS DAD PA, DGOS PA KHYAD PAR CAN MED PAR SUN DBYUNG BA'I CHED DU DAD YUL GYI SKYON BRJOD PAS, DAD PA MA LOG KYANG, DAD PA POS GO BA TZAM GYIS 'GYUR RO, ,GNYIS PA PHYOGS MTHUN NI, MA DAD PA'I NGOR BRJOD PA DANG, DAD PA SUN DBYUNG 'DOD MED KYANG, RANG BZHIN DAG 'KHYAL PAS BRJOD PA SOGS SO, ,BCU GSUM PA NI, DNGOS DANG, PHYOGS MTHUN GNYIS KYIS RIG PAR BYA'O, ,DANG PO LA GNYIS LAS, DANG PO NI, JI LTAR RNYED PA'I DAM TSIG BSTAN PA SOGS SO, ,GNYIS PA NI DPA' BO'I STON MO'AM, TSOGS

, ,KYI 'KHOR LO'I DUS SU DER DGOS PA'I BZA' BTUNG GI RDZAS KHYAD PAR CAN, DAM TSIG CAN GYIS BSTABS PA NA DANG DU MI LEN PA'O, ,GNYIS PA 'THAD PHYOGS NI, BYIN GYIS MA BRLABS PA'I RDZAS DANG DU MA BLANGS PA SOGS SO, , BCU BZHI PA LA, DNGOS DANG, PHYOGS MTHUN NO, ,DANG PO LA, MING 'DOGS NI, PHYAG RGYA LA SMAD PA SOGS SO, ,'GYUR TSUL DGOS PA KHYAD PAR CAN MED PAR BUD MED TZAM LA SMOD PA'O, ,GNYIS PA PHYOGS MTHUN NI, GZHAN LA SMAD PA'O, ,BCU BZHI PO'I BSDU BA NI, RANG LA CHOS STON PA'I BLA MA LA DMIGS NAS LOG PAR BSGRUB PA DANG CHOS SGRUB PA'I GROGS DANG, NYAMS SU BLANGS PA'I CHOS LA DMIGS NAS, LOG PAR SGRUB PA DANG GSUM DU 'DUS TE, KHA NA MA THO BA'I SGO GANG CHAGS PA LA BCAS PA STE, DE YANG DKON MCHOG GSUM LA DMIGS NAS LOG PAR SGRUB PAR 'DUS SO, ,DANG PO NI, RTZA LTUNG DANG PO'O, ,GNYIS PA NI, YANG DAG PA'I GROGS LA LOG PAR SGRUB PA DANG, PHYIN CI LOG GI GROGS LA MDZA' BAR BYED PA GNYIS SU NGES LA, DE LA DANG PO NI, GSUM PA DANG BCU GNYIS PA'O, ,GNYIS PA NI, BCU PA'O, ,GSUM PA NI LUNG GI CHOS DANG, BSGRUB PA'I CHOS LA DMIGS PAR 'DUS LA, DANG PO LA, RANG BZOS CHOS LA KHYAD DU GSOD PA DANG, THEG PA GSUM GYI CHOS SMOD PA DANG, BSKRAG BYA MIN PA'I GSANG CHOS BSGRAGS PA'I DBANG DU BYAS PA, GNYIS PA DRUG PA BDUN PA'O, ,GNYIS PA BSGRUB PA'I CHOS LA DMIGS PA LA, LAM GYI RTEN DANG, NGO BO DANG, YAN LAG LA DMIGS PAR 'DUS LA, DANG PO NI, GTZO BO SEMS LA

BSKYED PA YIN PAS, DE LA CHED DU BYA BA GANG GI DON DU SEMS BSKYED PA'I SEMS CAN DANG, RANG GI NGO BO DMIGS PA'I DBANG DU BYAS PA, BZHI PA DANG LNGA PA'O, ,LAM GYI NGO BO BSKYED RDZOGS GNYIS SU 'DUS PAS, DANG PO LA DMIGS NAS LOG PAR SGRUB PA BRGYAD PA DANG, GNYIS PA LA BDE STONG GNYIS SU NGES PAS, STONG PA LA DMIGS NAS LOG PAR SGRUB PA DANG, DGU PA DANG BCU GCIG PA'I CHED, BDE BA LA DMIGS PA YANG BCU GCIG PA'I CHED DO, ,GSUM PA LAM GYI YAN LAG LA LAM SGRUB PA'I GZHI DANG, GROGS SO, ,DANG PO LA DMIGS NAS LOG SGRUB BCU GSUM PA DANG, GNYIS PA LA DMIGS PA BCU BZHI PA'O, ,GNYIS PA BSRUNG 'DOD BSKYED PA NI, PHAN YON DANG NYES DMIGS SEMS PA STE, SNGAGS PAS ZHES PA RKANG PA DRUG GIS STON TE, PHAN YON GSANG SNGAGS BLA NA MED PA'I DBANG THOB CING, DAM TSIG DANG SDOM PA DANG LDAN PA'I SNGAGS PA DAM TSIG BCU BZHI PO 'DI DAG MI NYAMS PAR BSRUNG ZHING NYAMS PA SPANGS NA NI, THUN MONG GI DNGOS GRUB ZHI RGYAS DBANG DRAG GI LAS 'GRUB PA DANG, MIG SMAN RIL BU'I DNGOS GRUB SOGS DANG, THUN MONG MA YIN PA'I DNGOS GRUB PHYAG RGYA CHEN PO'I GO 'PHANG BRNYES SHING THOB PAR 'GYUR RO, ,NYES DMIGS NI, BCU BZHI PO DE DAG TSUL BZHIN DU GSUNGS PA LAS GZHAN DU KHAS BLANGS PA YIN PAR BTANG STE, MA BSRUNGS NA DAM TSIG NYAMS PAR 'GYUR TE, NYAMS PA DE NYID BDUD DANG SRIN PO SOGS KYIS BZUNGS NAS, TSE 'DIR NAD DANG, SROG 'PHROG PA SOGS, MI 'DOD PA DPAG TU MED PA SKYED PAR

, ,'GYUR ZHING, SDUG BSNGAL SNA TSOGS MYONG BAR 'GYUR LA, SHI MA THAG MGO 'THUR DU BLTAS TE DMYAL BAR SKYE BAR 'GYUR RO, ,GSUM PA BSRUNG TSUL DNGOS NI, DE BAS ZHES PA RKANG PA GNYIS TE, BSRUNG NA PHAN YON DPAG TU MED CING, MA BSRUNGS NA NYES PA THAMS CAD 'BYUNG BA DE BAS NYES PA'I SGO THAMS CAD PHYIN CI LOG GI NGA RGYAL BCOMS NAS BDAG NYID DRAN PA DANG SHES BZHIN DANG, BAG YOD NYE BAR BZHAG NAS, BSGRIMS TE BSRUNG BA'I TSUL SHES PAR BYA'O,, GNYIS PA NYAMS NA PHYIR BCOS PA'I THABS NI, MNYAM PAR ZHES SOGS RKANG PA GNYIS SO, ,GAL TE RTZA BA'I LTUNG BA BYUNG STE NYAMS NA, YID PHYIR MA YENGS PAR RTZE GCIG TU MNYAM PAR BZHAG PAS, BLA MA LA GUS PA CI YOD SGRUGS ? NAS, MCHOD 'BUL RGYA CHEN PO BYAS LA, SKYABS 'GRO NAS BRTZAMS TE, THUN MONG MA YIN PA SNGAGS KYI SDOM PA BDAG LEGS SU 'DOD CING, PHAN PAR 'DOD PA'I SNGAGS PAS 'BAD PA CHEN PO'I SGO NAS GZUNG BAR BYA'O, ,GSUM PA BSHAD PA MTHAR PHYIN PA'I BYA BA NI, RDO RJE ZHES SOGS SO, ,RDO RJE THEG PA GSANG SNGAGS KYI THEG PA TZAM LA 'JUG KYANG, 'DIR NI BLA NA MED PA'O, ,DA NI DE RNAMS LA SEMS BSRUNG BA'I TSUL BRJOD PAR BYA'O, ,DE RIGS BSDU BA'I SKABS NAS 'BYUNG BA BZHIN GYI LTUNG BA 'BYUNG BA'I YUL RNAMS DRAN PAR BYAS LA, RTZA LTUNG DANG PO LAS SEMS BSRUNG BA'I TSUL NI, GUS PA BSGRUB PA DANG, MNYES PA BSGRUB PA DANG, BKA' BSGRUB PA DANG GSUM, DANG PO LA SKYON MI RTOG PA DANG,

YON TAN CAN DU 'DZIN PA'I BLO BSKYED PA GNYIS, DANG PO LA SKYON DU RTOG 'DOD KYI BLO DGAG PA DANG, SKYON CAN DU 'DZIN PA'I BLO SKYES NA DANG DU MI LEN PAR GNYEN PO BSTEN NAS DGAG PA'O, ,GNYIS PA NI, MA MTHA' KHO NA NYID LA YON TAN DU BZUNG BAS CI ZHIG BYA DON MED DO SNYAM PA TZAM NAS DGAG GO ,GNYIS PA NI, BSAM PAS MNYES PA BSGRUB PA'I KHUR MA DOR BA DANG, SBYOR BAS MNYES PA BSGRUB PA NUS BZHIN YAL BAR 'DOR BA DGAG PA DANG, CHOS DANG MI LDAN PA'AM, BSGRUB PAR MI NUS PA YIN NA, MYUR DU BSHAD SBYANG BYA BA LA 'BAD PAR BYA'O, ,BKA' BSGRUB PA LA YANG DE BZHIN DU RIG PAR BYA'O, ,'DI RNAMS KYI MAN NGAG NI, 'DI YIN TE, DE BZHIN GSHEGS PA THAMS CAD BLA MA LA RAG LAS PA DANG, DE YANG YON TAN DU BZUNG BA DANG, SKYON CAN DU RTOG PA'I BLO 'DOR BA DANG, MNYES PA BSGRUB PA DANG, BKA' BZHIN BSGRUB PA LA DNGOS GRUB 'BYUNG LA, LOG PAS NI, RGUD PA 'PHEL BAS, BDAG LEGS SU 'DOD PA DE DAG GIS GONG DU SMOS PA'I PHAN YON DANG, NYES DMIGS BSAMS LA CHOS KYIS 'BREL BA'I DGE BA'I BSHES GNYEN RNAMS LA GONG DU SMOS PA'I SEMS BSRUNG TSUL LA 'BAD PAR BYA'O, ,'DI LA 'BAD NA LHUNG BA DANG PO KHEGS SO, ,CHOS LA RANG BZO DANG, KHYAD GSOD BYED 'DOD BKAG NA, NYES PA GNYIS PA KHEGS SO, ,CHOS SMRA BA TZAM LA SKYON BRJOD 'DOD DANG, RDO RJE SPUN GYI CHOS LDAN GYI BGO BA RANG LA CHED DU GTAD PA GCOD 'DOD DANG, SKYON

, ,BRJOD 'DOD DANG, PHA ROL PO GANG YANG RUNG BA LA KHRO BA BKAG NA, LTUNG BA GSUM PA DANG, BZHI PA'I PHYED KHEGS SO, ,CHOS DANG CHOS SMRA BA'I GANG ZAG LA SKYON BRJOD 'DOD DANG, DE LA DANG PO NAS MI MOS PA MED PA'AM, MOS PA'I GANG ZAG GIS MOS PA MA GO NAS MI DGA' BAR BYA 'DOD BKAG NA, BCU GNYIS PA DANG DRUG PA KHEGS SO, ,BLA MA LA GNOD PA BYED PA SOGS PHYIN CI LOG GI GROGS LA MDZA' BSHES BYED 'DOD BKAG NA, BCU PA KHEGS SO,, PHA ROL PO SEMS CAN GANG YANG RUNG BA LA GTAN PHAN MI 'DOGS SNYAM PA BKAG NA, BZHI PA'I PHYED KHEGS SO, ,DGOS PA KHYAD PAR CAN MED PAR KUN DA LUS LAS 'BYIN 'DOD DANG, SANGS RGYAS THOB PAR MI BYA'O SNYAM PA BKAG NA, LNGA PA KHEGS SO, ,SNOD DU MA GYUR PA'I SEMS CAN LA GONG DU SMOS PA'I GSANG BA BSGRAGS 'DOD BKAG NA BDUN PA KHEGS SO, ,BDAG LUS GSANG SNGAGS SPYOD PAR MI NUS SNYAM PA'I ZHUM PA DANG, RGYU MTSAN 'GA' ZHIG GIS PHUNG PO LHAR BSGOM PA MI 'THAD SNYAM PA DANG, DGOS PA KHYAD PAR CAN MED PAR LUS GDUNG BAR BYED 'DOD BKAG NA, BRGYAD PA KHEGS SO, ,STONG NYID SPANGS NAS SPROS BCAS DANG DU LEN 'DOD BKAG NA, DGU PA KHEGS SO, ,CHOS DANG GANG ZAG GI BDAG MED GANG RUNG GI LTA BA RNYED PA'I GANG ZAG GIS, DGE SBYOR GYI THOG MTHA' DES RGYAS 'DEBS PA DANG, BDE BA CHEN PO'I MAN NGAG BSTAN PA DANG DU BLANGS NA, BCU GCIG PA KHEGS SO, ,DBU MAR SOGS, DGOS PA KHYAD PAR CAN YOD PA'I

SKABS SU, DE DANG 'BREL BA'I DAM TSIG GI RDZAS GZHAN GYIS BSTEN NA, LEN PA SOGS KYI SGO NAS TSUL BZHIN BSTEN PAS, BCU GSUM PA KHEGS SO, ,PHA ROL PO GANG YANG RUNG BA LA SKYON BRJOD BKAG NA, BCU BZHI PA PHYOGS MTHUN DANG BCAS PA KHEGS SO,, ,,'DIR 'BAD NGAL BAS DGE BA GANG BSGRUBS DES, ,TSE RABS KUN TU RJE BTZUN BLA MA YI, ,GSUNG GI 'OD KYIS BLO GROS SMIN BYAS NAS, ,RDO RJE 'CHANG GI GO 'PHANG MYUR THOB SHOG ,DE MA THOB KYI GNAS SKABS THAMS CAD DU, ,LUS CAN KUN MKHYEN BSGRUB PA LAM GYI MCHOG ,BLA MED RDO RJE THEG PA'I SGOR ZHUGS NAS, ,BSLAB GZHI BCAS PA MIG BZHIN BSRUNG BAR SHOG , ,,