*, ,RIM LNGA BSDUS PA'I ZIN BRIS,
, ,BLA MA RJE BTZUN RNAMS LA PHYAG 'TSAL LO, ,DE LA SPYIR MAR PA LHO BRAG PAS RJE N'A RO PA'I DRUNG DU, LAN MANG DU BYON NAS GDAMS NGAG RGYA TSAR ZHUS LA, KHYAD PAR BAR PA BYON PA'I TSE GDAMS NGAG KHYAD PAR CAN BZHI GNANG STE, KYE RDO RJE LA BRTEN NAS STONG NYID SPAR ZIN GYI GDAMS NGAG BYA BA GTUM MO BSGOM PA'I GDAMS NGAG DANG, MAH'A MA YA'I RGYUD LA BRTEN NAS RLUNG KHA SBYAR BSGOM PA'I MAN NGAG BYA BA THIG LE DKAR DMAR BSGOM PA'I THABS DANG, GDAN BZHI'I RGYUD LA BRTEN NAS 'PHO BA GRONG 'JUG GI GDAMS NGAG DANG, DPAL GSANG BA 'DUS PA LA BRTEN NAS RIM LNGA GDAN RDZOGS KYI KHRID RNAMS SO, ,DE LA PHYI MA'I DEN GTAN LA 'BEBS PA RJE N'A RO PAS MDZAD PA'I RDO RJE'I TSIG SGRAM RIM PA LNGA BSDUS PA GSAL BA ZHES BYA BA 'DI YIN NO, ,'DI LA GNYIS TE, GDAMS NGAG GI CHE BA DANG, GDAMS PA DNGOS SO, ,DANG PO NI, SANGS RGYAS KUN GYI GSANG BA CHE, ,RIM PA LNGA LA GNAS PA PO, , ZHES TE, DUS GSUM GYI SANGS RGYAS KUN GYI BGROD PA GCIG PA'I LAM GSANG BA BAS KYANG CHES GSANG BA 'CHAD PAR 'GYUR BA'I RIM PA LNGA PO 'DI NYID YIN NO, ,GNYIS PA LA GZHI LAM 'BRAS GSUM MDOR BSTAN PA DANG, RGYAS
, ,PAR BSHAD PA'O, ,DANG PO NI, DNGOS PO'I GNAS LUGS LAM DANG NI, ,'BRAS BU SKYE BA'I RIM PA'O, ,ZHES TE, GZHI RDO RJE LUS KYI CHAGS TSUL DANG, DE LA BRTEN PA'I SEMS KYI CHAGS TSUL GTAN LA DBAB PA DANG, LUS LA GNAD DU BSNUN PA LA BRTEN NAS LAM JI LTAR BGROD PA'I RIM PA DANG, 'BRAS BU ZUNG 'JUG GI BAR DU JI LTAR SKYE BA'I RIM PA RNAMS SO, ,GNYIS PA LA GZHI LUS SEMS KYI GNAS TSUL DANG, LAM BGROD PA'I RIM PA DANG, 'BRAS BU SKYE BA'I TSUL LO, ,DANG PO LA, LUS SEMS SO SO BA'I GNAS LUGS DANG, THUN MONG BA'I GNAS LUGS DANG, LUS KYI GNAS LUGS BYE BRAG TU BSHAD PA'O, ,DANG PO NI, DNGOS PO'I GNAS LUGS GNYIS YIN TE, ,SEMS DANG LUS KYI GNAS THABS LAS, ,RAGS DANG PHRA DANG SHIN TU PHRA, ,ZHES PA SO SOR SBYAR TE, LUS KYI GNAS LUGS RAGS PA RTEN BRTEN PA'I LHA SKUR 'CHAR BA'I GZHI LUS KYI PHUNG KHAMS SKYE MCHED TZAM DANG, PHRA BA RTZA JI LTAR SKYE BA'I GO RIM DANG, GRANGS NGES DANG, GNAS TSUL DANG, DE'I NANG NAS RLUNG JI LTAR RGYU BA'I TSUL DANG, DE LA BRTEN NAS THIG LE DKAR DMAR GYI 'DU 'PHROD BYED TSUL SOGS SO, ,SHIN TU PHRA BA NI, SEMS DANG 'BRAL DU MI RUNG BA'I 'OD GSAL GYI
RLUNG SHIN TU PHRA BA'O, ,SEMS KYI GNAS LUGS RAGS PA NI, RANG BZHIN BRGYAD CU'I RNAM PAR RTOG PA RNAMS DANG, PHRA BA NI GZHI DUS KYI SNANG BA GSUM DANG, SHIN TU PHRA BA NI GZHI'I 'OD GSAL LO, ,YANG NA BSRE BA DRUG GI SKABS SU BSHAD PA LTAR RNAM SMIN GYI LUS DA LTAR GYI CHE 'DI'I LUS DANG BAG CHAGS KYI LUS RMI LAM GYI DUS KYI DANG, YID KYI LUS BAR DO'I LUS RNAMS LA RAGS PA DANG, PHRA BA DANG SHIN TU PHRA BAR BYAS NAS LUS RTEN GYI DBANG GIS DE LA BRTEN PA'I SEMS GSUM GYI PHRA RAGS KYANG DBYE BAR BYA'O, , GNYIS PA NI, THUN MONG DBYER MED RIM SHES BYA, ,ZHES TE, THA MAL PA NAS SANGS RGYAS KYI BAR DU 'BRAL DU MI RUNG PA'I RLUNG SEMS PHRA BA'I MTHAR THUG PA'O, ,GSUM PA LA LUS KYI 'KHOR LO BZHI'I CHAGS TSUL BSHAD PA DANG, GTZO BO SNYING KHA'I 'KHOR LO BYE BRAG TU BSHAD PA DANG, LUS KYI CHAGS TSUL SHES PA'I PHAN YON NO, ,DANG PO NI, GNYID DANG RMI LAM SNYOMS 'JUG PA, ,THA MAL LUS DANG RNAM PA BZHI, ,'KHOR LO BZHI YI BDAG NYID KYI, ,RTZA DANG THIG LE SEMS SHES PAS, ,LUS DANG DUS RLUNG YUL GYI NI, ,GNAD NI BZHI RU SHES PAR BYA, ,ZHES TE, DE LA SPYIR LUS KYI GNAD GANG DU RTZA'I 'KHOR LO JI LTAR GNAS PA DANG, THIG LE DANG DE LA BRTEN PA'I SEMS DUS NAM GYI TSE 'KHOR LO GANG DU GNAS PA'I TSUL SHES PAR BYA STE, RMI LAM MA BYUNG GONG GI GNYID KYI DUS SU SEMS KYI RTEN DU GYUR PA'I THIG LE SNYING GA'I 'KHOR LO'I LTE BAR GNAS LA, RMI LAM GYI DUS SU THIG LE DE MGRIN PA'I 'KHOR LO'I LTE BA DANG, PHO MO SNYOMS 'JUG BYED PA'I DUS SU BDE CHEN GYI 'KHOR LO'I LTE BA DANG, DE LAS GZHAN
, ,PA'I LUS THA MAL PA'I DUS SU SPRUL PA'I 'KHOR LO'I LTE BAR GNAS SO, ,GNYIS PA NI, DRAN PA SNA TSOGS RTOG PA RNAMS, ,SEMS LAS YANG DAG BYUNG BAS NA, ,RNAM SHES SROG NI 'DU BA'I RTEN, ,SNYING KHAR SNGAGS KYI 'KHOR LO BSGOM, ,ZHES TE, 'KHOR LO BZHI PO DE DAG LAS KYANG SNYING GA'I 'KHOR LO'I LTE BA NYID GTZO BO YIN PAS DE'I DBUS SU MI SHIGS PA'I THIG LE DANG, 'DAB MA RNAMS LA DBYANGS GSAL GYI YI GE GSAL BTAB NAS BSGOM PAR BYA STE, GNAS DE NYID SROG DE RLUNG DANG SEMS GNYIS THOG MAR NYID MTSAMS SBYOR BA'I DUS 'DU BA DANG, MTHAR 'CHI BA'I TSE YANG GNAS DE NAS LUS 'DOR BA'I PHYIR RO, ,DE LTA BU'I RTEN YIN PAS GTZO BOR GNAS DER BSGOM DGOS PA'I RGYU MTSAN NI, SNYING GA'I MI SHIGS PA'I 'KHOR LO LA BRTEN NAS RLUNG GI SEMS GSUM RIM GYIS GA-YO BA LA BRTEN NAS YUL SNA TSOGS DRAN PA'I RANG BZHIN BRGYAD CU'I RTOG PA RNAMS 'BYUNG LA, DE LA BRTEN NAS 'KHOR BAR 'KHOR BAR 'GYUR BAS SO, ,DE LA KHA CIG GIS, 'KHOR LO BZHI PO'I 'DAB MA LA MI PHYED MA LA SOGS PA'I RTZA SUM CU RTZA GNYIS KYI BRGYAD BRGYAD SBYAR NAS 'KHOR LO RE LA RTZA 'DAB BRGYAD BRGYAD LAS MED LA 'DAB MA DRUG CU RTZA BZHI SOGS BSHAD PA NI, 'DAB MA'I KYOG BGRANGS PA YIN TE, DE'ANG LTE BA'I RTZA 'DAB RE RE LA KYOG BRGYAD BRGYAD DANG, MGRIN PA'I LA GNYIS GNYIS DANG, SPYI BO'I LA BZHI BZHI YOD PA YIN NO, ,ZHES ZER BA NI RNAM PA THAMS CAD DU BYAR MI RUNG STE, RO RKYANG DBU MA GSUM YANG RTZA SO GNYIS KYI GRANGS SU GTOGS
LA, DE DAG LA 'DAB MAR BYAS NA 'DAB MA GANG LA BRTEN PA'I GZHI MED PAR 'GYUR BAS SO, ,YANG MA RGYUD KYI LUGS LA SPRUL PA'I 'KHOR LO GTZO BO YIN LA, PHA RGYUD PA'I LUGS LA SNYING GA'I 'KHOR LO GTZO BO YIN NO, ,ZHES ZER BA'ANG NGES PA MED DE, LUS THOG MAR CHAGS PA'I GZHI SO SOR 'DOD PA LA BYED NA RNAM PA THAMS CAD DU MI RUNG LA, THOG MAR LUS LA GNAD DU BSNUN PA'I RNAL 'BYOR BSGOM PA LA BYED NA'ANG NGES PA MED DE, NAG PO SPYOD PA'I RIM PA BZHI PA DANG, DRIL BU PA'I RIM PA LNGA DANG, KU KU RI PA'I MAH'A MA YA'I GDAMS NGAG RNAMS SU SNYING GA'I 'KHOR LO GTZO BOR MDZAD PA DANG, DUS 'KHOR NAS LTE BA LA BSHAD PA NI SROG THUR BSRE BA LA SHES 'DOD ZHUGS NAS DE BSRE BA'I GNAS NI LTE BA NA YOD PAS YIN LA, dO MA BI HE RU KA YAB SRAS KYIS, LTE BA'I 'KHOR LO LA MDZAD PA NI, GTUM MO LA RTZAL DU 'DON BZHED PA YIN NO, ,GSANG BA 'DUS PA'I LUGS GNYIS KAS SNYING GA GTZO BOR BZHED PAR 'DRA'O, ,GSUM PA NI, GZHI LAM 'BRAS BU RAB SHES PAS, ,LUS DBEN SNGAGS DANG SEMS GSUM GYIS, ,SGYU MA MNGON PAR BYANG CHUB PAS, ,ZUNG 'JUG RIM PA SHES PAR 'GYUR, ,ZHES TE, GZHI RDO RJE LUS KYI GNAS LUGS LEGS PAR SHES NAS DE'I GTZO BO SNYING GA'I MI SHIGS PA'I THIG LE LA BRTEN NAS RDO RJE'I BZLAS PA BYAS PAS KHAMS RAGS PA RNAMS PHRA BA LA THIM RLUNG YANG RAGS PA SEMS GSUM LA THIM ZHING, SNANG BA 'OD GSAL DU SDUD PA'I SEMS DBEN GYI RTOGS PA SKYE TSUL DANG DE LAS STONG PA GSUM LUGS LDOG TU SHAR BA'I MTHAR SGYU MA'I SKU 'GRUB TSUL DANG
, ,SGYU MA LA BRTEN NAS 'OD GSAL MNGON DU BYED PA'I TSUL DANG, LUGS LDOG TU SHAR BA'I STENG PA BZHI'I MTHAR ZUNG 'JUG TU LDANG BA'I RIM PA RNAMS PHYIN CI MA LOG PAR SHES PAR 'GYUR RO, ,GNYIS PA LAM BGROD PA'I RIM PA LA, SNYING GAR 'KHOR LO BSGOM PA DANG, DE LA YI GE JI LTAR DGOD PA DANG, BKOD NAS RDO RJE'I BZLAS PA BYA BA'O, ,DANG PO NI, SNGAGS KYI ZHES PA'I RKANG PA BZHI STE, SNYING GA CHOS KYI 'KHOR LO'I LTE BA LA BRTEN PA'I 'DAB MA BRGYAD PA'I PHYI DANG NANG DANG GSANG BA'I TSUL GYIS SUM RIM DU BSAMS TE, PAD 'DAB BRIS PA LTA BU MA YIN GYI, RTZA'I 'DAB MA SBUBS CAN NO, ,GNYIS PA NI, PHYI RIM ZHES PA RKANG PA BRGYAD DE, RTZA 'DAB BRGYAD PA SUM RIM YOD PA'I 'DAB MA PHYI MA'I SHAR GYI RTZA SBUBS KYI NANG DU YI GE BSGRIGS PA'I TSUL GYIS AA A'A DANG, LHO'I RTZA 'DAB LA AI A'I DANG, NUB TU AU A'U DANG, BYANG DU AE AEE DANG, SHAR LHOR AO, LHO NUB TU AOO, NUB BYANG DU Am, BYANG SHAR DU AA: YI GE THAMS CAD KHA DOG DKAR PO THIG LES BRGYAN PA BSAM MO, ,'DAB MA BAR PA'I SHAR DU KA'I SDE TSAN GYI YI GE LNGA, DE BZHIN DU LHOR CE SDE, NUB TU tA SDE, BYANG DU TA SDE, SHAR LHOR PA SDE, LHO NUB TU MTHAR GNAS KYI YI GE BZHI, NUB BYANG DU DRO BA'I YI GE BZHI, BYANG SHAR DU BA MCHU CAN DANG, LCE RTZA CAN NAM, YANG NA KLA PLA SHLA RNAMS BKOD PAR BYA'O,, YI GE THAMS CAD KHA DOG DMAR PO THIG LES BRGYAN PA'O, ,'DAB MA NANG MA'I SHAR DU Ri, LHOR R'i, NUB TU Li, BYANG DU L'i, KHA DOG NAG PO THIG LES BRGYAN PA DANG, RIM PA GSUM GA'I YI GE THAMS CAD, BA MO 'DZAG PA'I RNAM PA CAN DU BSAM MO, ,
GSAL BYED PHYI RIM LA 'GOD PA MI 'THAD DE, YI GE SUM RIM DU BKOD PA NI, SNANG MCHED THOB GSUM GYI LAM SKYE BA LA PHAN DGOS LA, DBYANGS YIG GIS SHES RAB SNANG BA MTSON PAS PHYI RIM DU 'THAD PA'I PHYIR RO, ,KHA CIG DANG POR RDOR BZLAS BYAS NAS DE'I RJES SU YI GE 'GOD PA'ANG MI 'THAD DE, YI GE BKOD NAS DE'I NANG NAS RDOR BZLAS BYA DGOS PA YIN NO, ,SNYING GA'I LTE BA'I DBUS SU THIG LE PHYED MAN CHAD DMAR ZHING STOD DKAR BA YUNGS KAR GYI 'BRU TSOD TZAM BSAMS NAS, DE'I NANG DU SPUS BRIS PA LTA BU'I AA THUNG KHA DOG NAG PO 'OD ZER LNGA'I BDAG NYID CAN BSAM PAR BYA STE, DES NI PHRA BA'I RLUNG SEMS MTSON LA, THIG LES NI RLUNG SEMS THOG MAR GANG DU 'JUG PA'I RTEN MTSON PA YIN NO, ,'KHOR LO DE DAG GI NANG NAS KYANG SNYING GA'I 'KHOR LO GTZO BO YIN PA'I RGYU MTSAN NI GZHI SKYE SHI BAR DO GSUM 'BRAS BU SKU GSUM DANG JI LTA BA BZHIN DU SBYAR NAS BSKYED RDZOGS GNYIS KA'I SKABS SU BSGOM PA 'DI YAB SRAS LNGA GA'I BZHED PA LAM GYI RKANG GI GTZO BO YIN PAR SHES PAR BYA BA DANG, DE LTAR SHES NAS SNYING GA'I 'KHOR LO GTZO BOR 'GYUR BA'I TSUL LO, ,DANG PO NI, RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,ZHES THA MAL PA LA BAR DO 'BYUNG BA'I DOD LA RNAL 'BYOR PA LA LONGS SPYOD RDZOGS PA'I SKU 'BYUNG BAR GSUNGS PA DANG, SPYOD BSDUS SU'ANG RMI LAM GYI DPES SGYU LUS MTSON PAR BYAS NAS GSUNGS PA DANG, RNAM GZHAG RIM PAR YANG, BAR DO LONGS SKU DANG SBYAR NAS GSUNGS PA'I GNAD KYIS DE'I GONG GI 'CHI BA CHOS SKU DANG SBYOR BA DANG, 'OG GI SKYE BA
, ,SPRUL SKU DANG SBYOR BAR SHUGS KYIS SHES PA DANG, MDOR BYAS SU, LHAG MOS 'OD GSAL DU 'JUG PA'I SKABS SU, MYA NGAN 'DAS BCAS KUN STONG DANG, ,CHOS KYI SKUR YANG BSHAD PA YIN, ,ZHES 'CHI BA CHOS SKU DANG SBYAR NAS GSUNGS SHING, DANG PO'I MGON PO BAR DO DANG SBYAR NAS SKYE BA LEN PA'I DOD DE NYID SPRUL SKUR BSGYUR BAR GSUNGS PA'I PHYIR DANG, SPYOD BSDUS SU'ANG, JI LTAR PHYOGS BCUR BZHUGS PA'I RGYAL DBANG PO, ,DE YI SKU LA RKANG RUS SHA MED KYANG, ,SEMS CAN PHAN PHYIR KHAMS LA 'JUG MDZAD CING, ,SPRUL PA'I SKU YI BYA BA MDZAD PA YIN, ,ZHES SKYE BA SPRUL SKU DANG SBYAR NAS GSUNGS PA'I PHYIR DANG, RGYAS PAR RNAM GZHAG RIM PA LAS 'CHI BA DANG BAR DO CHOS LONGS GNYIS DANG, SKYE BA SPRUL SKU DANG SBYAR NAS GSUNGS SO, ,BLA MA SNGA MA KHA CIG GI GDAMS NGAG LAS, SKYE SHI BAR DO GSUM SKU GSUM DU BYED PA'I THA SNYAD SNANG YANG 'CHI BA CHOS SKUR BYED PA'I TSE 'CHI BA MTSAN NYID BA ZHIG GZHIR BZHAG GI DBANG DU MDZAD PA NI LAM GYI RKANG STOR BA YIN TE, GDUL BYA'I GTZO BO NI RIN PO CHE LTA BU'I GANG ZAG TSE DE LA 'TSANG RGYA BA'I DBANG DU BYAS PA YIN LA, DES NI 'CHI BA MTSAN NYID PA MA BYUNG BA'I GONG DU SKYE SHI BAR DO GSUM DANG RNAM PA 'DRA BA'I SKU GSUM GYI GO 'PHANG MNGON DU BYED PA'I PHYIR RO, ,DES NA, DAM TSIG KHU BYUNG CHO GA BZHIN, ,'BRAS BU 'DOD PAS BTUNG BAR BYA, ,DE BZHIN GSHEGS PA'I TSOGS BSAD NA, ,DNGOS GRUB RAB MCHOG THOB PAR 'GYUR, ,ZHES SOGS KYI DON, LE LO CAN BAR DOR 'TSANG RGYA BA KHO NA LA SBYOR BA NI, PHYIN CI LOG TU
SHES PAR BYA'O, ,DES NA SBYANG GZHI GANG ZAG GCIG GI RGYUD KYI SKYE SHI BAR DO TSAN PA GCIG SBYONG BA LA BSKYED RDZOGS GNYIS KA'I SKABS SU SBYANG GZHI GSUM DANG, 'BRAS BU'I SKU GSUM DANG, RNAM PA RJES SU MTHUN PA'I LAM BSGOM PAR BYA STE, DE LA DANG POR BSKYED RIM GYI SKABS SU, DNGOS PO MED PAS BSGOM PA MED, ,CES PA NI, TSIGS BCAD 'DI YIS RGYU MI RGYU'I BDAG NYID CAN RNAMS STONG PAR BSGOM, ,ZHES GSUNGS PA LTAR, SRUNG 'KHOR 'OD GSAL DU SDUD PA'I DUS SU BCUD KYANG STONG PAR BSGOM DGOS MOD KYI, GTZO BO NI SNOD ZHIG PA DANG CHOS MTHUN BSGOM PA YIN NO, ,DE NAS RTEN GZHAL YAS KHANG BSGOM PA NI, SNOD CHAGS PA DANG CHOS MTHUN PAR BSGOM PA YIN LA, DE NAS BCUD CHAGS PA'I THOG MA BSKAL PA DANG PO'I MI BRDZUS TE SKYES PA DANG CHOS MTHUN PAR LHAG MOS KYI LHA BSGOM PA YIN NO, ,DE NAS BSKAL PA DANG PO'I MI RIM GYIS SHI BA DANG CHOS MTHUN PAR LHAG MOS 'OD GSAL DU SDUD PA NI, SBYANG GZHI LA BLTOS TE 'CHI BA DANG, 'BRAS BU LA BLTOS TE CHOS SKU DANG RJES SU MTHUN PAR BSGOM PA YIN LA, DE'ANG SNGAR DRANGS PA'I DAM TSIG KHU BYUNG CHO GA BZHIN ZHES SOGS SO, ,MDO BSRE LAS, PHUNG SOGS 'OD GSAL DU BSDUS PA'I SKABS LA SBYAR BA DANG, SPYOD BSDUS SU SPYOD PA LA SBYAR ZHING, SGRON GSAL DU, LE LO CAN BAR DOR 'TSANG RGYA BA DANG, RNAM GZHAG RIM PAR, PHUNG SOGS DON DAM PA'I DKYIL 'KHOR DU BZHUGS PA LA SBYAR BAS KUN LA SBYAR DU RUNG BA YIN NO, ,LHAG MOS KYI SKABS 'DIR NI RNAL 'BYOR PA'I PHUNG SOGS DANG, LHA GNYIS KA
, ,'OD GSAL DU 'JUG RGYU YIN PAS LHA 'OD GSAL DU SDUD PA'I DUS SU RANG GI PHUNG SOGS 'OD GSAL DU ZHUGS PA'I DON LEGS PAR DRAN PAR BYA STE, 'DI NI RIM PA GNYIS PA'I SKABS KYI SGYU LUS DANG ZUNG 'JUG MNGON DU BYED PA'I GONG DU STONG PA GSUM DANG, GZHI'I YE SHES BSGOM PA'I DUS SU SA CHU LA THIM PA SOGS KYI RDZOGS RIM SKYE BA'I RGYUD SMIN BYED YIN PA'I PHYIR RO, ,SKABS 'DIR PHUNG SOGS LNGA RIM GYIS THIM PAR BSHAD PA DANG, RIM PA GNYIS PA'I SKABS SU SA CHU LA THIM PA SOGS BSHAD PA NI, RNAM SNANG DANG, RIN 'BYUNG DANG, 'OD DPAG MED DANG, DON YOD GRUB PA DANG, MI BSKYOD PA'I RIGS SU GTOGS PA'I BSGOM RGYU RNAMS RIM PA BZHIN DU SA DANG CHU DANG ME DANG RLUNG DANG RNAM SHES KYI KHAMS LNGAR 'DUS PAR GSUNGS PAS PHUNG SOGS LHA SO GNYIS SU BSGOMS PAS NI KHAMS LNGA SBYANGS NAS DE DAG 'OD GSAL DU RIM GYIS 'JUG PA'I DON NO, ,'OD GSAL DU BCUG PA DE BRTAN PAR BYA BA'I DON DU SNGAGS BRJOD PAR YANG GSUNGS SHING, RNAM GZHAG RIM PAR, AOm ZHES PA NI GCIG DANG LDAN, ZHES PA NAS, DRUG PA AA Hm ZHES SU BRJOD, ,CES PA'I BAR RKANG PA DRUG GIS SNGAGS TSAN PA DRUG TU BCAD LA, DE LTAR DE BZHIN GSHEGS PA DRUG ,SKYE BO MCHOG LA BSTAN PA YIN,, ZHES PAS NI, DRUG PO DE RIGS DRUG YIN PAR BSTAN ZHING, SNGAR BSHAD PA LTAR DANG PO LNGAS RIGS LNGA 'OD GSAL DU ZHUGS PAR BSTAN PA LA, DRUG PA NI, 'OD GSAL DU ZHUGS PA DE NYID, RDO RJE 'CHANG DU NGA RGYAL BYA BA DANG, DRUG PA'ANG 'OD
GSAL DU 'JUG RGYUR YANG GZUNG STE, GTZO BO RDO RJE 'CHANG 'OD GSAL DU GZHUG PAR BYA BA YIN PA'I PHYIR RO, ,GTZO BO 'OD GSAL DU 'JUG PA'I TSE, MGO BO NAS NI RKANG PA'I BAR, ,JI SRID SNYING GAR PHYIN GYI BAR, ,ZHES GSUNGS PA LTAR, GTZO BO RDO RJE 'CHANG GI ZHABS NAS RIM GYIS THUGS KA'I BAR 'OD GSAL DU BSDUS, DE NAS DBU NAS 'OD GSAL DU BSDUS NAS MTHAR THUG GI BAR DU BSDUS PAR BSAM STE, SBYANG GZHI THA MAL PA 'CHI BA'I TSE LUS KYI STOD SMAD NAS DROD BSDUS NAS THA MAR SNYING GNAS 'CHI 'PHO BA'I PHYIR DANG, BSKYED RDZOGS GNYIS KA'I SKABS SU, 'OD GSAL DU 'JUG PA DE DANG RJES SU MTHUN PAR BSGOM PA YIN PA'I PHYIR RO, ,'OD GSAL GYI NGANG NAS MNGON BYANG LNGA'I SGO NAS DANG PO'I MGON PO BSGOM PA DANG, DE SPRUL SKUR BSGYUR BA NI BAR DO DANG, SKYE BA DANG CHOS MTHUN PAR BSGOM PA YIN NO, ,PHYAG RGYA 'DU BYA BA'I SKABS SU MDO BSRE LAS, JI LTAR BCOM LDAN 'DAS KYIS BYANG CHUB KYI GO 'PHANG NI 'DOD CHAGS LAS SKYE BA RAB TU BSTAN PA'I PHYIR, LE'U DANG POR 'DOD CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS PAR MDZAD PA DE BZHIN DU BSKYED BZHIN PA LA GNAS PAS KYANG DANG POR SBYOR BA BYA STE, ZHES GSUNGS PA'I BYANG CHUB KYI GO 'PHANG NI SNGAR BSHAD PA LTAR, SKYE SHI BAR DO GSUM DANG CHOS MTHUN PAR BSGOS PA'I 'BRAS BU SKU GSUM YIN LA, DE 'DOD CHAGS LAS SKYE BAR BSTAN PA'I DON NI, SA CHU SOGS RIM GYIS THIM NAS 'OD GSAL DU 'JUG PA LA RDZOGS RIM GYI SKABS SU PHYI'I RKYEN PHYAG RGYA DANG NANG GI RKYEN RLUNG GNYIS YOD PAS DE'I RGYUD SMIN PAR BYED PA
, ,LA BSKYED RIM PAS KYANG PHYAG RGYA 'DUS BYAS NAS MKHA' GSANG BYIN GYIS BRLAB PA SOGS BSGOM DGOS PAR GSUNGS PA YIN NO, ,PHYI NANG GI RKYEN GNYIS NI LE'U DANG PO'I GZUNGS DKYIL SPRUL PA'I SKABS SU, DGONGS PA LUNG STON LAS, DE NAS DE BZHIN GSHEGS KUN DANG, ,DE BZHIN BYANG CHUB SEMS DPA' RNAMS, ,DE BZHIN GSHEGS PA'I BDAG PO DE, ,BRNYES PA'I PHYIR NI ZHUGS PAR GYUR, ,SROG DANG THUR SEL GYEN RGYU DANG, ,KHYAB DANG MNYAM GNAS ZHES BSHAD DANG, ,KLU DANG RUS SBAL RTZANGS PA DANG, ,LHA SBYIN DANG NI GZHU LAS RGYAL, ,DE DAG BDAG GZUGS BUD MED DU, ,SLAR YANG SPRUL PAR MDZAD PA YIN, ,ZHES LE'U DANG PO LAS DE BZHIN GSHEGS PA RDO RJE RNAM PAR SNANG MDZAD CHEN PO 'DOD CHAGS CHEN PO'I TSUL GYI TING NGE 'DZIN LA SNYOMS PAR ZHUGS NAS SNGAR SPRUL PA'I DE BZHIN GSHEGS PA THAMS CAD NYID KYI SKU LA ZHUGS PAR MDZAD NAS SLAR YANG BUD MED KYI GZUGS SU SPRUL NAS SKU LA BYUNG BAR GYUR TE, GSHEGS MA BZHI DANG, RDO RJE MA LNGA STE, DGU BYUNG BA'I LHA MO DGU RLUNG DGU DANG SBYAR BAR MDZAD PA'I DON NI, LHA MO'I GZUGS SU SPRUL BA NI SEMS DBEN GYI RTOGS PA BSKYED PA LA SOGS PA'I PHYI'I RKYEN STON PA YIN LA, DE DAG RLUNG DANG SBYAR BA NI RDOR BZLAS LA BRTEN NAS NANG GI RKYEN RLUNG LAS RUNG DU BYED PA'I THABS STON PA YIN NO, ,GNYIS PA SNYING GA'I 'KHOR LO GTZO BOR GYUR PA'I TSUL NI, 'CHI BA'I DUS KYI PHUNG SOGS RIM GYIS BSDUS NAS 'CHI BA'I 'OD GSAL MNGON DU BYA
STE, MTHAR LUS 'DOR SA SNYING GA DANG, THOG MAR RNAM SHES GANG DU 'JUG PA'ANG SNYING GA YIN LA, DE DANG RJES SU MTHUN PAR RNAL 'BYOR PAS LAM DUS KYI STONG PA BZHI'I YE SHES MNGON DU BYED PA YIN LA, DE MNGON DU BYED PA'I RKYEN GYI GTZO BO YANG PHYI'I PHYAG RGYA LA BRTEN PA DANG, NANG GI RLUNG LAS RUNG DU BYED PA GNYIS SO, ,PHYI MA NI RDO RJE'I BZLAS PA NYID KYI SGO NAS YIN LA DE NI SNYING GA'I MI SHIGS PA'I THIG LE LA BRTEN NAS BYED PA YIN TE 'CHAD PAR 'GYUR RO, ,DE LA BLA MA SNGA MA KHA CIG GIS 'BYUNG 'JUG LA BRTEN PA'I RDOR BZLAS RTAGS LNGA SHAR GYI BAR DU BYAS NAS H'Um GIS 'OG RLUNG SNYING GA'I THIG LE LA YAR THEN, AOm GYIS STENG RLUNG MAR BSNAN NAS SNYING GA'I LTE BAR RLUNG KHA SBYOR BSGOM PA RDOR BZLAS DNGOS DANG, SNGA MA DE'I YAN LAG TZAM DU 'DAD PA NI KLU SGRUB YAB SRAS KYI DGONGS PA MA YIN TE, MING RDOR BZLAS SU BTAGS KYANG DON BUM PA CAN DU SONG BAS RDOR BZLAS GCIG PUS SEMS DBEN GYI RTOGS PA BSKYED NUS PAS DE MTSAN NYID TSANG BAR BSGOMS NA BUM PA CAN DANG, LUS KYIS TSIGS LA BRTEN NAS DGA' BZHI'I DOGS PA BSKYED PA'I TSUL LA SOGS PA RNAMS BYA MI DGOS PAR RTZA RGYUD DANG, BSHAD RGYUD RDO RJE PHRENG BA RNAMS SU RGYAS PAR GSUNGS PA'I PHYIR RO, ,SEMS DBEN GYI RTOGS PA BSKYED PA'I TSUL YANG DANG POR RDOR BZLAS 'BYUNG 'JUG LA BRTEN PA NYI SHU RTZA SHAS RE TZAM BYAS NAS DE'I RJES SU SNGAR BSHAD PA'I RTZA 'DAB THA MA YI GE DANG BCAS PA LA RLUNG KHA SBYAR BYAS NAS SEMS BZUNG STE SNANG BA'I YE SHES BSKYED PA DANG, YANG 'BYUNG 'JUG
, ,SNGON DU BTANG NAS RTZA 'DAB BAR PA YI GE DANG BCAS PA LA SEMS BZUNG NAS MCHED PA'I YE SHES BSKYED TSUL SOGS MDZAD KYANG KHA SBYAR BSGOM PA MIN NO, ,YANG RJE 'GOS KYIS, 'KHOR LO'I LTE BAR Am YIG DANG, AA TSEG DRAG CAN DANG, AA THUNG LA BRTEN NAS RIM PA BZHIN DU SEMS GSUM GYI RTOGS PA BSKYED PA'I TSUL DANG, RIM LNGA'I 'GREL PA NOR BU'I PHRENG BA DANG, KHA CHE LAKshM'IS MDZAD PA DANG, RTZA RGYUD KYI BSHAD PA ZUNG 'JUG GSAL BA DANG, BSHAD RGYUD RDO RJE 'PHRENG BA'I 'GREL PA MDZAD PA AA LAM KA KA LA SHA RNAMS KYIS LTE BAR THOG MAR RTZA 'KHOR 'DAB MA BRGYAD PA BSGOMS NAS SEMS DBEN GYI RTOGS PA BSKYED TSUL CUNG ZAD BSHAD KYANG GSAL ZHING MTHA' CHOD PAR MA BSHAD DO, ,DES NA SEMS DBEN GYI RTOGS PA BSKYED PA'I NANG GI RKYEN GYI GTZO BOR RDOR BZLAS NYID YIN PAS DE LA SNYING GAR SNGAGS KYI 'KHOR LO BSGOM PA DANG, DE LA BRTEN NAS RDOR BZLAS BYED PA'I TSUL GNYIS KYIS SHES PAR BYA'O, ,DANG PO NI, RTZA GSAL 'DEBS PA'AM MA BTAB YANG RUNG, SNYING GA'I 'KHOR LO'I RTZA 'DAB SUM RIM YI GE DANG BCAS PA GSAL BTAB CING, DE TZAM MI GSAL NA SNYING GA'I 'KHOR LO'I LTE BA LUS KYI GNAD GANG NA YOD PA DE'I SA TSIGS MA 'CHOL BAR SHES PAR BYAS LA, DE'I NANG DU MI SHIGS PA'I THIG LE SNGAR BSHAD PA LTAR BSGOM MO, ,GNYIS PA LA, RDOR BZLAS DNGOS DANG, DE LA BRTEN NAS SEMS DBEN GYI RTOGS PA JI LTAR SKYE BA'I TSUL LO, ,DANG PO NI, RTZA RGYUD LAS
RIN CHEN KHA DOG SNA LNGA PA, ,YUNGS KAR GYI NI 'BRU TSOD TZAM, ,SNA YI RTZE MOR NAN TAN DU, ,RNAL 'BYOR GYIS NI RTAG TU BSGOM, ,RIN CHEN BRTAN PAR GYUR NAS SPRO, ,MA BRTAN BAR DU YONG MI SPRO, ,SANGS RGYAS 'BAR BA 'DRA BA'I 'OD, ,MCHOG RAB SPRIN RNAMS SPRO BAR BYA, ,ZHES GSUNGS PA LA YIG DON NI SPYI DON DU 'DUS PAR DGONGS NAS BSHAD PA LOGS SU MA MDZAD LA, SPYI DON LA, BSKYED RIM PA'I GDONG GI SNA RTZER PHYAG MTSAN PHRA MO BSGOM PA'I RNAL 'BYOR BSHAD LA, SBAS DON LA, GSANG GNAS KYI SNA RTZER THIG LE PHRA MO BSGOM PA'I 'DOD CHAGS CHOS SBAS BSHAD CING MTHAR THUG GI BSHAD PA LA RDO RJE'I BZLAS PA BYED TSUL BSHAD DO, ,DE LA BLA MA SNGA MA DAG ,RDOR BZLAS MTHAR THUG TU BZHAG PA MED PAS SEMS DBEN BSKYED PA'I GONG GI RDOR BZLAS MA YIN GYI ZUNG 'JUG THOB NAS LAS TSOGS SGRUB PA'I SKABS KYI RDOR BZLAS YIN LA, MTHAR THUG TU BSHAD PA NI, BZLAS PA BYED PA PO'I ZUNG 'JUG GI SKU LA DGONGS SO ZHES GSUNG YANG, SKABS 'DI, SEMS DBEN GYI RGYUR GYUR PA'I RDOR BZLAS BYED TSUL PHYIN CI MA LOG PAR BSTAN PA LA 'CHAD MA SHES NA RDOR BZLAS KYI GNAD MTHA' DAG NYAMS PAR 'GYUR RO, ,MTHAR THUG TU BSHAD PA NI, DE'I 'BRAS BU 'OD GSAL LEGS PAR BSGRUB PA LA DGONGS SO, ,DES NA RGYUD DE'I 'GREL PAR, RIN PO CHE NI, RLUNG KHA DOG LNGA DE BZHIN GSHEGS PA'I BDAG NYID CAN SNYING GA'I MI SHIGS PA'I THIG LE STE, RIN PO CHE SANGS RGYAS 'BRAS BUR YOD PAS 'BRAS BU'I MING GI RGYU BSTAN PA YIN LA, YUNGS
, ,KAR GYI 'BRU TSOD TZAM NI, THIG LE'I GZUGS CAN DE THIG LE DKAR DMAR KHA SBYAR BA'I DBUS NA AA THUNG GNAS PA'O, ,SNA'I RTZE MO NI, SNYING GA'I PADMA'I LTE BA'O, ,NAN TAN ZHEN PA'AM 'BAD PAS 'JUG GNAS LDANG GSUM GYI RNAL 'BYOR GYIS RTAG PAR NYIN MTSAN DU BSGOM PAR BYA'O, ,BRTAN PAR GYUR NAS SPRO BA NI, ,SPYI DON DANG SBAS DON GYI SKABS SU DANG POR BRTAN PA THOB NAS DE'I RJES SU SPRO BSDU LA SLOB PA LA BSHAD KYANG, 'DIR NI BRTAN PA NI MI SHIGS PA'I THIG LE YIN LA, DE LAS 'OD ZER SNA LNGA'I RLUNG SPRO BSDU BYED PA YIN NO, ,BRTAN PAR MA GYUR ZHES PA NI, MI SHIGS PA'I THIG LE'I DE KHO NA NYID LEGS PAR KHONG DU CHUD PAR RDOR BZLAS 'DI BYA'I BRTAN PA KHONG DU CHUD PAR MA GYUR PAS BYAS KYANG 'BRAS BU CHUNG BAR BSTAN NO, ,SPRO BA'I TSUL NI, SANGS RGYAS 'BAR BA NI 'OD ZER RNAM PA LNGA'O, ,DE DANG 'DRA BA'I 'OD NI DKYIL 'KHOR BZHI STE, GA-YAS PA NAS 'BYUNG BA'I PADMA MGON PO'I RGYU BA SOGS SO, ,DE DAG GI DON MDOR BSDU NA, DANG POR PADMA MGON PO'I RGYU BA LTA BU LA RDOR BZLAS BYED PA'I TSE AOm GYI RANG SGRA CAN DU NANG DU 'JUG PA'I TSE SNYING GA'I MI SHIGS PA'I THIG LE PHUG NAS DE'I NANG DU ZHUGS PAR BSAM ZHING, DE RDZOGS PA NGANG AA'I SGRA GRAGS PAR BSAM ZHING, THIG LE DE NYID LA DMIGS NAS SEMS CUNG ZAD RE GZUNG NGO, ,PHYIR 'BYUNG BA'I TSE THIG LE DE NYID KYI NANG NAS H'Um GI RANG SGRA CAN DU 'BYUNG BAR BSAMS NAS RDOR BZLAS BYA'O, ,YANG SNGAR DRANGS PA LTAR LE'U GSUM PA NAS
NAM MKHA'I DBYINGS KYI DBUS GNAS PAR, ,ZLA BA'I DKYIL 'KHOR BRI BAR BYA, ,GSAL BA'I DKYIL 'KHOR DBUS GNAS PAR, ,'KHOR LO'I DKYIL 'KHOR BSGOM PAR BYA, ,ZHES SOGS LA, DRANG NGES KYI BSHAD PA GNYIS BYAS NAS, DRANG DON LA BSKYED RIM GYI MNGON BYANG LNGAS DANG PO'I MGON PO BSKYED PA LA SBYAR NAS NAM MKHA'I DBYINGS NI LHAG MOS 'OD GSAL DU BSDUS PA DANG, DER ZLA BA LAS BYANG CHUB PA DANG, ZLA BA'I STENG DU PHYAG MTSAN LAS BYANG CHUB PA NI, RNAM SNANG LA 'KHOR LO BSGOM PA SOGS RIGS LNGA KA'I DANG PO'I MGON PO BSKYED TSUL BSTAN NO, ,DE NYID NGES DON GYI BSHAD PA'I TSE NAM MKHA'I DBYINGS NI SNYING GA'I LTE BA'I KHONG STONG DANG, DE'I DBUS SU GNAS PA'I ZLA BA'I DKYIL 'KHOR NI MI SHIGS PA'I THIG LE BRI BAR BYA BA NI SHES PAR BYA'O, ,MI SHIGS PA DE LAS BYUNG BA'I 'KHOR LO'I DKYIL 'KHOR NI CHU KLUNG DKAR PO MI BSKYOD PA'I RGYU BA'O, ,DE BZHIN DU MGON PO GZHAN GSUM GYI RGYU BA LA YANG DNGOS SU SBYAR NAS MI SHIGS PA'I THIG LE NYID LAS LDANG BA NI 'JUG PA'I RIM PAS RDOR BZLAS BYA'O, , GNYIS PA NI, SEMS DBEN GYI RTOGS PA BSKYED PA LA KHAMS RIGS PA PHRA BA LA THIM, PHRA BA RLUNG YANG NAM MKHA' LA 'JA' YAL BA LTAR RNAM SHES LA THIM PA'I RNAM PA CAN DU BSGOM DGOS PA MA YIN NAM, SNYING GA'I MI SHIGS PA'I THIG LE LA DKYIL 'KHOR BZHI'I RLUNG 'JUG LDANG BYED PA'I TSUL LEGS PAR KHONG DU CHUD NAS RDOR BZLAS BYAS PA TZAM GYIS SEMS DBEN GYI RTOGS PA DNGOS SU SKYED PA LA JI LTAR PHAN SNYAM NA, BSHAD PAR BYA STE, BSHAD RGYUD RDO RJE 'PHRENG BA'I LE'U DRUG PA NAS, DE NAS
, ,GZHAN YANG BSHAD KYIS NYON, ,THIG LE'I DBYE BA BLA NA MED, ,'JIG RTEN THIG LE'I DBYES DBEN NA, ,'KHOR BAR YANG DANG YANG DU 'KHOR, ,ZHES RDOR BZLAS BYED PA'I GZHI THIG LE GSUM GYI DBYE BA DANG, GTZO BO MI SHIGS PA'I THIG LE MA SHES PA'I NYES DMIGS 'KHOR BAR 'KHOR BAR BSTAN NAS, MDZOD SPU'I DBUS NA GNAS PA NI, ,THIG LE RLUNG DU YANG DAG BSHAD, ,SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ,RLUNG GI DE NYID RIG PA DE, ,KHYAD PAR DBYE BA'I SBYOR BA YIS, ,SBYOR BA DE YANG MI RIG GO ,ZHES RTZA MDUD 'BYED PA'I THABS MI SHES PAS 'KHOR LA, DE GANG GIS 'BYED NA, SNGAGS KYI DE NYID RDOR BZLAS KYIS 'BYED PAR BSTAN NO, ,RLUNG SNGAGS KYI DE KHO NA NYID SHES PA'I PHAN YON NI, THIG LE'I DBYE BA RIGS BCAS PA, ,GANG SHES MYUR DU RNAL 'BYOR MCHOG ,SBYOR BAS MDUD PA 'BYED PAR BYED, ,KHAMS GSUM PA YI 'GRO BA 'DI, ,MYUR DU DNGOS GRUB MCHOG TU 'GRO, ZHES THIG LE'I DBYE BA RIG PAS TE, THABS DANG BCAS PA GOMS PAS RTZA MDUD 'BYED CING DE LAS THAR PA THOB PAR 'GYUR BAS, RTZA MDUD KYI GTZO BO GANG NA YOD PA DANG, GANG GIS 'BYED PA'I TSUL LA SOGS PA RDO RJE 'CHANG GIS PHYAG NA RDO RJE LA GSUNGS PA NI, SNYING GI PADMA'I SBUBS MKHA' LA, ,YE SHES RDO RJE RTAG TU BZHUGS, ,STENG 'OG YANG DAG BRTEN NAS NI, ,SROG DANG THUR SEL RLUNG CHEN GNAS, ,DE YANG DBYE BA DKA' BA YI, ,DBUS SU MDUD PA GSUM GYIS DKRIS, ,DE YIS THUR SEL BCOM BYAS PAS, ,STENG DU 'GRO BA THOB MI BYED, ,DES BCOM SLAR
YANG RNAM LNGAR RGYU, ,SROG DANG THUR SEL GYEN RGYU DANG, ,KHYAB BYED DANG NI MNYAM GNAS NYID, ,RTZE MO LNGA LAS RGYU BA NI, ,RTZA LNGA LA NI YANG DAG BRTEN, ,RGYAS DANG RNAM PAR RGYAS PA DANG, ,MYOS DANG LTUNG DANG MDZA' BO STE, ,DE DAG RTZA NI LNGAR SHES BYA, ,RDO RJE 'OG TU GSAL BAR KHYAB, ,CES SNYING GI PADMA'I SBUBS SNYING GA'I 'KHOR LO'I LTE BA'I NANG GI KHONG STONG CUNG ZAD YOD PA'O, ,YE SHES RDO RJE NI, MI SHIGS PA'I THIG LE'O, ,DER RO RKYANG GNYIS KYI MDUD PA GSUM GSUM GYIS DKRIS NAS SROG RLUNG DBU MA'I NANG NAS THUR LA 'GRO BA DANG, THUR SEL DE'I NANG NAS GYEN DU 'GRO BA'I BYA BA BCOM NAS, MDUD PA DE'I STOD SMAD DU RDO RJE'I RVA LTA BU RTZA LNGA LNGA YOD PA'I NANG NAS RLUNG RNAMS RGYU BA YIN NO, ,MDUD PA DE LA MING DU MA RIG PA'I MDUD PA ZHES BYA'O, ,MDOR BSDUS NA, 'KHOR BA BSKYED PA'I RGYU'I GTZO BO GANG ZAG DANG CHOS KYI BDAG 'DZIN NI, SNGAGS DANG PHA ROL TU PHYIN PA'I THEG PA GNYIS KAS THUN MONG DU SHES PAR BYA BA YIN LA, 'KHOR BA SKYED PA'I LHAN CIG BYED RKYEN GYI GTZO BO RANG BZHIN BRGYAD CU'I RTOG PA GA-YO BAR BYED PA'I RLUNG NI SKABS 'DIR SHES PAR BYA BA YIN NO, ,RLUNG SEMS KYI RANG GNAS NI, DANG PO 'JUG PA DANG MTHAR SDUD PA'I SNYING GNYID YIN LA, DE YANG RTZA MDUD KYIS BCINGS PA'I DBANG GIS RANG GNAS SU SNYEGS MA BYUNG BAR RO RKYANG LA SOGS PA'I SGO RNAMS NAS BRGYUS NAS RANG BZHIN GYI RTOG PA RNAMS BSKYED DE, 'KHOR BAR 'KHOR LA, SNGAR BSHAD PA LTAR RDO RJE'I BZLAS PA LA GOMS PAS DBYE BAR DKA' BA'I SNYING GA'I RTZA MDUD PHYED NAS RLUNG THAMS CAD RANG GNAS SU THIM ZHING RANG BZHIN
, ,GA-YO BA'I RLUNG RNAMS KYANG NYE BAR ZHI NAS SEMS KUN RDZOB PA'I MA BCOS PA'I NGO BO STONG PA BZHI RIM GYIS MNGON DU 'GYUR BAS RDO RJE'I BZLAS PA LA BRTEN NAS SEMS DBEN SKYE BA'I GO RIM LEGS PAR GRUB PA YIN NO, ,DES NA SNGAR BSHAD PA LTA BU'I RDO RJE'I BZLAS PA SHES NA BUM PA CAN LA SOGS PA BSGOM MI DGOS TE, RDO RJE PHRENG BAR, PHRENG BA MI DGOS BSGOM MI DGOS, ,BYA BA MI DGOS DGAG MI DGOS, ,SNGAGS KYI DE NYID GCIG PU YIS, ,YANG DAG RDZOGS PA'I SANGS RGYAS 'THOB, ,CES GSUNGS SHING, DE BZHIN DU PHYAG RGYA BZHI'I DBYE BA DANG, 'KHOR LO BZHI'I DBYE BAS DGA' BA BZHI 'BYED PA SOGS KYANG 'DIR MI DGOS TE, PHYAG RGYA CHEN PO'I GO 'PHANG GSAL, ,SNGAGS KYI DE NYID GCIG PUS 'THOB, , CES GSUNGS SO, ,SNGAGS KYI DE NYID NI RDO RJE'I BZLAS PA STE, DE MI SHES PAR SNGAGS BSGRUB PA NI RGYA MTSO'I PHA ROL 'GRO'I 'DOD PA'I MIS LAM MI 'DRI BA DANG, CHU BSRUBS PA LAS MAR MI 'BYUNG BA LTAR GSUNGS SO, ,SNYING GAR SNGAGS KYI 'KHOR LO BSGOM PA'I TSUL, BLA MA SNGA MA RNAMS DE LTAR BZHED LA, MAR LUGS PA RNAMS KYI GDAMS NGAG GI RTZA BA RIM LNGA BSDUS PA GSAL BA'I DGONGS PA 'DI LTAR SEMS TE, YI GE KA NAS HA YI BAR, ,KshA NI SPANGS PA BZHI BCAS PA, ,ZHES 'BYUNG BAS, KshA SPANGS PA'I GSAL BYED SO GSUM LA SNA LDAN GYI YI GE LNGA YOD DE, NGA NYA NA nA MA'O, ,DE LA MA NI, BCU GNYIS YI GE THIG LER BCAS, ,ZHES 'BYUNG BA'I DBYANGS BCU GNYIS KYI THIG LE'I THOB SKAL LA BTAGS NAS GSAL
BYED SO GNYIS PO SNYING GA'I RTZA 'DAB BAR PA BRGYAD PO RE RE'I NANG DU BZHI BZHI 'GOD DE, BYANG SHAR GYI RTZA 'DAB LA SNGAR BSHAD PA'I SBAS PA'I YI GE BZHIR THA SNYAD BYAS PA DANG, LCE RTZA CAN GYI YI GE DOR NAS SNA LDAN GYI YI GE LHAG MA BZHI BKOD LA LHAG MA RNAMS SNGAR LTAR DGOD DO, ,RDOR BZLAS BYED PA'I TSE SNYING GA'I MI SHIGS PA'I THIG LE'I DBUS NAS PHUG STE THUR SEL GYI GNAS SOGS NAS 'GRO 'ONG BYAS KYANG 'GAL BA CHER MED MOD KYI 'ON KYANG MGON PO BZHI KA'I RLUNG MI SHIGS PA'I THIG LE NYID NAS SPRO BA DANG BSDU BA BYA ZHING, RLUNG SHIN TU RTZUB POS THIG LE 'BUGS PA LTA BU MA YIN PAR RLUNG LHOD CING DAL BUS NANG DU BCUG PA'I TSE'ANG BYE MA LA CHU LTAR MI SHIGS PA'I THIG LE LA THIM PAR BSAM ZHING, PHYIR 'BYUNG BA'I TSE'ANG DAL BUS BYUNG BAR BSAMS NA GEGS NYUNG ZHING, 'BYUNG 'JUG GNYIS YUN TSAD MNYAM PAR BYAS NAS GNAS PA DE LAS CUNG ZAD RING BAR THIG LE NYID LA SEMS BZUNG NGO, ,LUS KYI GNAD RNAMS KYANG HA CANG GRIMS PA HA CANG LHOD PA MA YIN PAR RAN PAR BYA'O, ,RLUNG 'DU PHUL CHE NA DBUS KYI THIG LE NYID LA THUN MTSAMS KYI SKABS SU YANG SEMS BZUNG LA, 'DU PHUL CHUNG BA RNAMS KYIS RTZA 'DAB KYI YI GE RNAMS LA RIM GYIS THUN MTSAMS KYI SKABS SU SEMS BZUNG STE, DANG POR PHYI RIM GYI AA LA SEMS BZUNG DE NAS AI LA SEMS 'DZIN PA LTA BU'O, ,RTZA 'KHOR RNAMS KYI NANG NAS SNYING GA'I RTZA 'KHOR DANG DE'I LTE BA'I MI SHIGS PA'I THIG LE LA BRTEN NAS RDOR BZLAS BYED PA'I GTZO BOR 'GYUR BA'I TSUL NI, RDO RJE PHRENG BA'I LE'U NYER GCIG PA LAS KYANG GSUNGS TE, DE YANG RDO RJE GSUM
, ,GYI YIG DON BSHAD PA DANG, DE GSUM GYI NANG NAS GTZO BO GANG YIN DRIS LAN GYIS RGYAS PAR GTAN LA PHAB PA DANG GNYIS KYIS SHES PAR BYA'O, ,DANG PO NI, AOm NI SKU YI RDO RJE YI, ,SNYING PO RGYU NI YANG DAG BSHAD, ,YI GE AA NI YI GE AO, ,YI GE MA ZHES BYA BA GSUM, ,AA NI CHOS 'KHOR PADMAR GNAS, ,RLUNG GI 'KHOR LO LA NI KHYAB, ,'DI NYID KHO NAR RLUNG CHEN PO, ,SROG CES BYA BA THAMS CAD GSUNGS, ,ZHES DANG, AO NI LONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPYI GTZUG MTHAR, ,KHYAB PA GZI BRJID KYI NI LUS, ,ZHES DANG, YI GE MA NI THIG LE TZAM, ,MTHO BA'I TSAD NI SOR BCU GNYIS, ,RGYAL PO'I GTZUG TOR GNAS NA GNAS, ,ZHES GSUNGS TE, AOm LA AA DANG AO DANG MA GSUM BTUS KYANG AO NI YI GE MA DAG PAR MNGON PAS AU THU BAR BYA'O, ,DE LA YI GE GSUM BSDOMS NAS AOm DU 'GYUR BA TZAM SGRA PA RNAMS KYIS KYANG SHES KYANG DES MTSON DON MI SHES PAS DES NA YI GE AA NI SNYING GA'I PADMA'I LTE BAR GNAS PA'I SROG RLUNG YIN NA, RLUNG GI 'KHOR LO LA KHYAB PA NI, DE NAS BZUNG STE SMIN DBUS RLUNG GI 'KHOR LO 'DAB MA DRUG PA'I LTE BAR GNAS PA'I BAR GYI SROG RLUNG MTSON PA YIN NO, ,AU NI LONGS SPYOD KYI 'KHOR LO'I LTE BAR GNAS PA'I GYEN RGYU'I RLUNG YIN LA, DE YANG DE NAS BZUNG STE SPYI GTZUG GI MTHA' MAN CHAD KYI BAR NA GNAS PA MTSON DON TE NYI MA DANG ZLA BA'I 'OD DANG 'DRA BAR KHA DOG DMAR PO GZI BRJID 'BAR BA'O, ,MA NI BDE CHEN GYI 'KHOR LO'I LTE BA NA GNAS PA'I THIG LE DKAR PO STE, AA
DANG AU MTSAMS SBYAR BAS AOR 'GYUR LA DE LA MA RJES SU NGA ROR BCAS PA'I AOm GYIS SPYI BO BDE CHEN GYI 'KHOR LO SROG DANG GYEN RGYU'I RLUNG THIG LE DANG GCIG TU 'CHINGS PA MTSON PA YIN NO, ,GSUNG RDO RJE'I YIG DON NI, YI GE AA NI YE SHES CHE, ,GSUNG GI RDO RJE'I SNYING PO MCHOG ,AA GNYIS DANG NI YI GE MCHOG ,RING POR BYAS TE DBYE BA GSUM, ,ZHES DANG, AA NI CHOS 'KHOR PADMA LAS, ,MGRIN PAR YI GE AA NYIS 'GYUR, ,SROG YIG DANG NI THUR SEL BA, ,YI GE HA YIS KUN NAS NI, ,MGRIN PA'I DBUS NA GNAS PA BCINGS, ,ZHES GSUNGS PA AA GNYIS DANG HA GSUM BTUS TE AA DANG POS NI SNYING GA'I SROG RLUNG MI SHIGS PA MTSON LA AA GNYIS PAS DE NAS BZUNG STE SROG RLUNG TZAM ZHIG MGRIN PA'I BAR DU GNAS PA MTSON LA, YI GE HAS SROG RLUNG LONGS SPYOD KYI 'KHOR LO'I LTE BAR 'CHINGS PA MTSON PAS AAS NI LONGS SPYOD KYI 'KHOR LO'I LTE BAR RLUNG 'CHINGS PA MTSON NO, ,THUGS RDO RJE'I YIG DON NI, HA DANG DE BZHIN YI GE AU, ,DE BZHIN YI GE MA DANG GSUM, ,ZHES DANG, HA NI THUR SEL MING CAN RLUNG, ,BSHANG SGO GSANG BA'I DBUS NA GNAS, ,YI GE AU NI STENG 'GRO RLUNG, ,MGRIN PA'I PADMA'I DBUS NA GNAS, ,YI GE MA NI SROG RLUNG YIN, ,DPRAL BAR RLUNG GI 'KHOR LO LA, ,DE DAG GCIG GYUR SNYING GA LAS, ,THUGS KYI SA BON DU NI BRJOD, , CES GSUNGS PA LA, YI GE GSUM GYI HA NI 'DOMS NA GNAS PA'I THUR SEL GYI RLUNG DANG, AU NI GYEN RGYU DANG, MA NI SROG RLUNG STE DE DAG BSDOMS PAS NI SROG THUR SNYING GA'I LTE BAR 'DRES PA MTSON NO, ,GNYIS PA LA PHYAG NA RDO RJES, RDO RJE
, ,'CHANG LA ZHUS PA NI, RDO RJE GSUM GYI YIG DON DANG, ,GNAS KYI DBYE BA RTOGS LAGS NA, ,'DI RNAMS DBUS NA BDAG PO GANG, ,JI LTA BU ZHIG GTZO BOR GSUNGS, ,ZHES RLUNG 'CHINGS PA TSAN PA GSUM GSUNGS PA'I GTZO BO GANG YIN ZHES PA'O, ,LAN LA, SNYING GA'I MI SHIGS PA'I RLUNG GTZO BO YIN PA'I RGYU MTSAN MDOR BSTAN PA DANG, RGYAS PAR BSHAD PA'O, ,DANG PO NI, RGYUD GZHAN GANG DU YANG MA GSUNGS PA 'DIR BSHAD PAR BYA BAS NYON CIG CES BSKUL NAS, THUGS KYI SA BON BDAG PO STE, ,KUN GYI NANG NAS RNAM RTOG MED, ,GANG PHYIR GTZO BO GZHAN RNAMS NI, ,'GRIB DANG DE BZHIN 'PHROGS PAR BYED, ,CES TE, DE DAG GI NANG NAS SNYING GAR SROG THUR 'DRES PA GTZO BO YIN TE, SNGAR BSHAD PA LTAR MI SHIGS PA'I THIG LE LA BRTEN NAS RDOR BZLAS BYA STE, SNYING GA'I RTZA MDUD GROL BA NA RNAM RTOG THAMS CAD 'JOMS PA'I PHYIR DANG, RTZA MDUD GZHAN RNAMS KYANG 'GRIB PA 'PHROGS PA STE GROL BAR 'GYUR BA'I PHYIR RO, ,GNYIS PA LA, 'KHOR BAR RKYEN GANG GIS 'KHOR BA DANG, RIGS PA'AM THABS GANG GROL BA'O, ,DANG PO NI, RNAM PAR RTOG PA'I RLUNG GNYIS NI, ,LUS KUN LA NI KHYAB PAR BYED, ,SNA YI BU GA LAS NI RGYU, ,LUS LA RTAG TU 'BYUNG BAR BYED, ,'GRO BA DRUG GI 'KHOR BA'I LAM, , ZHES TE, SNYING GA'I RTZA MDUD MA PHYED PA'I DBANG GIS RTOG PA'I RLUNG SROG THUR GNYIS SNYING GA'I DBU MA'I NANG DU 'DRE MA NUS PAR STENG 'OG GI RTZA SGO MTHA' YAS PA NAS BRGYUS NAS RANG BZHIN BRGYAD CU'I RTOG PA GA-YOS TE, DES LAS BSAGS
NAS 'GRO BA RIGS DRUG GI 'KHOR BAR 'KHOR BA YIN NO, ,GNYIS PA LA, RIGS PA MDOR BSTAN PA DANG, RGYAS PAR BSHAD PA'O, ,DANG PO NI, GSUM PA RNAL 'BYOR PA YIS RTOGS, ,RNAM RTOG MED PAR RMAD BYUNG CHE, ,RLUNG RNAMS THAMS CAD 'GOG PAS NA, ,SKYE BA DE NYID RTOGS PA'O, ,ZHES TE, GSUM PA THUGS RDO RJE'I MTSON DON RTOGS PA'I RNAL 'BYOR PAS RDOR BZLAS BYAS PAS RMAD DU BYUNG ZHING RTOG PA 'JOMS PAR BYED PA'I RNAL 'BYOR SKYE'O, ,GANG GIS NA RLUNG GI DE NYID RTOGS PAS SO, ,GANG NA SNYING GA'I DBU MA'I NANG DU SROG THUR BSRE BAR BYED PA'O, ,GNYIS PA LA, RLUNG 'GOG PA'I RIGS PA'AM, THABS RGYAS PAR BSHAD PA DANG, LAM GYI GO RIM DANG, RTZA MDUD GROL BA'I RTAGS SO, ,DANG PO NI, SPRUL PA CHOS KYI 'KHOR LO'I DBUS, ,'DIR NI PADMA GNYIS SU GSUNGS, ,DRUG CU RTZA BZHI BRGYAD 'DAB GNYIS, ,STENG DANG 'OG TU KHA BLTAS BZHIN, ,STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,DE 'DRA KHO NA RTOG BCAS PAS, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO STE, ,L'A LA NA DANG R'A SA NA, ,AA BA DH'U T'I MCHOG GI RTZA, ,DE 'DRA DBUS MA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHYAB, ,RNAL 'BYOR GANG 'THOB RTAG TU NI, ,SEMS CAN DON BYED NUS PAR 'GYUR, ,RLUNG GI RANG BZHIN BYE BRAG NI, ,BRGYA DANG BRGYAD LAS GANG RGYAL BA, ,DUS KUN TU NI RGYAL NAS GNAS, ,RNAL 'BYOR BYIS PA MI SHES PA, ,SKAD CIG GCIG MNGON RDZOGS BYANG CHUB, ,DE YIS THOB PAR RGYUD 'DIR GSUNGS, ,DE NI GANG TSE SKAD CIG 'THOB, ,DE NI SKAD CIG
, ,MCHOG TU GSUNGS, ,DE YANG JI LTAR 'THOB PAR BYED, ,DE LA RIGS PA RU NI BRJOD, ,CES GSUNGS TE, LTE BA'I RTZA 'DAB DRUG CU RTZA BZHI DANG SNYING GA'I CHOS 'KHOR GYI RTZA 'DAB BRGYAD PA GNYIS STENG DANG 'OG TU KHA BLTAS PA STE, ZA MA TOG BZHIN DU 'OG MA KHA GYEN LTA DANG GONG MA THUR LTAR GNAS PA'O, ,SNYING GA'I RTZA MDUD DE'I DBANG GIS SROG THUR GNYIS KYANG DE'I STENG 'OG GI RTZA RNAMS LA BRTEN NAS RGYU ZHING RANG BZHIN GA-YO BAR BYED PAS DE GNYIS LA RTOG BCAS KYI RLUNG ZHES BYA'O, ,SKU DANG GSUNG GI RTZA RO RKYANG GNYIS KYI THUGS KYI RTZA DBU MA GTZO BO YIN LA DE'I NANG DU RNAM RTOG GCOD PAR BYED PA'I 'OD GSAL GYI RLUNG RTAG TU RGYU BA STE GNAS PAR BYED LA, RDOR BZLAS KYI RNAL 'BYOR GYIS SNYING GA'I RTZA MDUD BSHIG NAS 'OD GSAL MNGON DU GYUR TE, RANG GZHAN GYI DON GNYIS 'GRUB PAR 'GYUR BA DANG, 'KHOR LO DRUG GI RTZA NANG DU MTSAN PHYED NAS NYIN PHYED DANG, DE NAS MTSAN PHYED KYI BAR DU RLUNG DGU DGU RGYU BA'I DBYE BAS PHYE BA'I RLUNG BRGYA RTZA BRGYAD LAS RGYAL BA STE SNYING GA'I DBU MA'I NANG DU BSDUS NAS GNAS SHING SKAD CIG DE NYID LA GZHI DUS KYI 'OD GSAL MNGON DU 'GYUR RO, ,GNYIS PA NI, THOG MAR RNAL 'BYOR PA CHEN PO, ,BLO BZANG GIS NI ZHI GNAS BSGOMS, ,BSKYED PA'I RIM PA'I SBYOR BA YIS, ,KHRO BO'I PHYAG RGYA BYAS NAS KYANG, , DBANG PO YI NI SGO DGU LA, ,THAMS CAD DU NI KUN BSDOMS PA, ,H'Um BZLAS PA NI MTSUNGS MED BYA, ,MCHOG TU RGYUN MI 'CHAD PAR NI, ,ZLA BA DRUG TU BYAS NAS KYANG, ,DE RJES SKAD CIG DE LA THOB, ,GANG PHYIR DE NI BZLAS BYAS NAS, ,SNYING GA'I PADMA'ANG
STENG BLTAS 'JIG ,DE NAS GSANG BA'I PADMA YI, ,KHA SBYOR BA NI BYE NAS KYANG, ,RNAM PAR RTOG PA'I RLUNG GNYIS NI, ,DE RNAMS RNAM PAR BCAD NAS 'GRO, ZHES GSUNGS TE, RTOGS PA DE DAG BSKYED PA'I GO RIM NI THOG MAR RNAL 'BYOR PAS ZHI GNAS TE BSKYED PA'I RIM PA LEGS PAR MTHAR PHYIN PAR BYAS PA'I KHRO BO'I PHYAG RGYA'AM 'BAR BA'I PHYAG RGYAS THA MAL PA'I SNANG ZHEN LEGS PAR BSREGS NAS DE NAS RDZOGS PA'I RIM PA BSGOM PAR BYA STE, LUS RNAM PAR DBEN PA MTHAR PHYIN PAR BYAS NAS DBANG PO'I SGO KUN TU RGYU BA'I RLUNG BCAD NAS SNYING GA'I DBU MA'I NANG DU GZHUG PAR BYA BA'I PHYIR DU SNGAR BSHAD PA LTAR RDO RJE'I BZLAS PA ZLA BA DRUG TU BYA LA DE BYAS NAS SNYING GA'I PADMA'I RTZA MDUD KYANG 'JIG PAR 'GYUR BA KHA STENG DU BLTAS PA'I SPRUL PA'I 'KHOR LO'I RTZA MDUD KYANG 'JIG CING GSANG BA'I PADMA'I RTZA MDUD DANG SMIN DBUS RLUNG GI 'KHOR LO'I RTZA MDUD SOGS BYE NAS RNAM PAR RTOG PA'I RLUNG SROG THUR GNYIS RO RKYANG NAS RGYU BA BCAD NAS RANG GI GNAS SNYING GA'I DBU MA'I NANG DU 'DU BAR 'GYUR LA, DE 'DUS PAS RANG BZHIN BRGYAD CU'I RTOG PA DANG BRAL NAS STONG PA BZHI'I RNAL 'BYOR SKYE BAR 'GYUR BA YIN NO, ,GSUM PA NI, RTZA MDUD 'GRO NAS RNAL 'BYOR PA DE LA LUS 'DAR BA DANG RNGUL DANG BA SPU LANGS PA DANG RTAG TU DGA' BA'I BSAM PA DANG, GDONG ZANGS KYI MDOG LTA BU DANG, KUN GYIS MTHONG NA DGA' BA DANG, BKRES SKOM GRANG DRO LA SOGS PA'I REG PAS MI GNOD PA DANG 'JIG RTEN GYI CHOS BRGYAD KYIS MI GOS PA LA SOGS PA'I RTAGS RNAMS 'BYUNG BAR 'GYUR RO, ,DE LA LUS DBEN MTHAR PHYIN PA'I GANG ZAG DES RDOR BZLAS
, ,BYED PA'I YUN TSAD ZLA BA DRUG BYAS NAS DE'I SKABS SU NYAMS MYONG MI 'DRA BA DRUG BSHAD RGYUD RDO RJE PHRENG BA LAS GSUNGS TE, DE LA MDOR BSTAN PA NI, BGRANG BA YI NI SBYOR BA YIS, ,BSGOM BYA RNAL 'BYOR MCHOG GIS RTOGS, BGRANG BYA DBUGS KYI DBYE BA YIS, ,DE BZHIN RLUNG NI SPYAD PAR BYA, ,GNAS KYI DBYE BA RTZA RNAMS NI, ,DUS KYI DBYE BA'I RTOG PA DANG, ,RLUNG RNAMS KYI NI LDOG PA DANG, ,RTOG PA DANG BCAS SPANGS PA STE, ,DE LTAR MDOR BSDUS RNAM DRUG GIS, ,'BYUNG DANG 'JUG PAR RJES SU DRAN, ,ZHES GSUNGS TE, CHOS MNGON PA LAS, DBUGS 'BYUNG DBUGS RNGUB LA DMIGS NAS, ,BGRANG DANG RJES 'GRO BZLAS PA DANG, ,BSGYUR MA DANG NI RTOG PA DANG, ,YONGS BRTAGS RNAM PA DRUG TU 'DOD, ,CES GSUNGS PA DANG CHA 'DRA BAR RNAM PA DRUG TU GSUNGS TE, GRANGS KYI DBYE BA CHA SNYOMS PA DANG RLUNG GI GNAS KYI NGES PA DANG, MTSAN NYID KYI NGES PA DANG, RLUNG LDOG PA'I DUS DANG, YONGS SU DAG PA'I BZLAS PA DRUG TU GSUNGS TE, GRANGS LA YANG NYI KHRI CHIG STONG DRUG BRGYA'I NGES PA DANG, THUN BRGYAD LA NYIS STONG BDUN BRGYA RE CHA SNYOMS PAR RGYU BA'I NGES PA'O, ,RGYAS PAR BSHAD PA LA DRUG GI DANG PO NYIN ZHAG GCIG LA 'BYUNG 'JUG BSDOMS PA LA RE RER BYAS PA'I NYI KHRI CHIG STONG DRUG BRGYA CHA SNYOMS PAR RGYU BA'I NGES PA NI, THOG MAR 'BYUNG DANG RNGUB PA RNAMS, ,NYI KHRI DANG NI CHIG STONG DANG, ,DE BZHIN GRANGS NI BRGYA PHRAG DRUG ,NYIN MO MTSAN MOR NGES PA NI, ,JI SRID GRANGS NI THOB PA'I GNAS, ,NYIN ZHAG NYI SHU RTZA BDUN DU, ,GRANGS NI RJES SU
SBYAR BA YIS, ,GRANGS NI RAB TU BRTAGS PA YIN, ,ZHES GSUNGS TE, SNGAR BSHAD PA LTAR RDOR BZLAS BYAS PA'I MTHUS LUS KYI 'BYUNG BA LEGS PAR CHA BSNYOMS NAS NYIN MTSAN MNYAM PA'I DBANG DU BYAS NA NYIN PAR RLUNG KHRI BRGYAD STONG DANG, MTSAN MO YANG DE TZAM RE RGYU BA NYIN MTSAN CHA SNYOMS PA DANG, SNGAR RES 'GA' ZHAG GCIG LA NYI KHRI CHIG STONG DRUG BRGYA RGYU YANG DUS KUN TU MA NGES LA 'DI NAS NAM LANGS NAS NAM LANGS KYI BAR LA NGES PAR GRANGS DE TZAM RE RGYU BA'I SGO NAS LUS CHA SNYOMS PA'I LAG RJES 'JOG PA YIN TE, DUS 'KHOR LAS, BTZAS NAS RING POR MA LON PA NAS RTZA GNYIS GNYIS SKEMS PAR 'GYUR BAR BSHAD PA SOGS KYANG SKABS 'DI NAS SOR CHUD PAR 'GYUR BA LTA BU'O, ,DE LA SPYIR LUS LA GNAD DU BSNUN PA'I SGO NAS TING NGE 'DZIN SKYE BA MCHOG TU 'GYUR BA'I TSUL 'OG MA RNAMS LA'ANG YOD DE, THUN MONG BA'I ZHI GNAS KYI SKABS SU, DANG POR SEMS SHIN SBYANG SKYE LA, DE NAS LUS SHIN SBYANGS SKYE STE, DER NI ZHI GNAS MTSAN NYID PA SKYES BA DANG RJES SU MTHUN PA'I RLUNG LAS RUNG SKYES NAS ZHI GNAS 'GRUB PAR 'GYUR BA YIN NO, ,DE BZHIN DU RGYUD SDE 'OG MA GSUM GYI SKABS SU'ANG RLUNG LAS RUNG DU BYAS PA'I SGO NAS TING NGE 'DZIN KHYAD PAR CAN SKYE BA DANG, BSKYED RIM GYI SKABS SU YANG, PHRA MO'I RNAL 'BYOR BRTAN PAR BSGOMS PAS RLUNG LAS RUNG SKYES NAS TING NGE 'DZIN KHYAD PAR CAN SKYE LA, RDZOGS RIM GYI SKABS SU NI LUS LA GNAD DU BSNUN PA'I SGO NAS NGES PAR LAM SGRUB DGOS PA YIN NO, ,GNYIS PA THUN TSED BRGYAD KYI SGO NAS RLUNG GI GRANGS KYI NGES PA NI, THUN MTSAMS KYI NI RAB DBYE PAS, ,DE NAS 'RJES
, ,'GRO BZLAS PA NI, ,THUN TSOD SO SOR SROG RNAMS DANG, ,SROG DANG RTZOL BA BRTAG PA STE, ,NYIS STONG BDUN BRGYA'I GRANGS KYIS NI, ,YANG DAG PAR NI NGES BZUNG BYED, ,YONGS SU GCOD PA'I RNAM PA YIS, ,NYIN ZHAG NYI SHU RTZA BDUN LA, ,ZHES GSUNGS TE, DRUG KA ZHAG NYER BDUN RES BYED PAR 'DRA LA, SKABS 'DIR YANG, RDOR BZLAS BYAS PAS NYIN ZHAG GCIG LA THUN TSOD BRGYAD DU BYAS PA'I THUN RE LA NYIS STONG BDUN BRGYA RE CHA SNYOMS PAR RGYU BA'I LAG RJES 'JOG PA YIN TE, SNGAR NI DE LTA BU'I NGES PA MED PAR RES 'JOG TU RGYU BA YIN NO, ,'GREL PAS PADMA MGON PO'I RGYU BA LTA BU GCIG LA DGU BRGYA PA PHRAG GCIG YOD LA DE LA 'BYUNG 'JUG GNAS GSUM DU PHYE BAS NYIS STONG BDUN BRGYA YIN NO, ,ZHES ZER BA NI DON MA YIN TE, DE NI ZHAG GCIG LA THUN PHYED PA NYER BZHIR PHYE BA'I DBANG DU BYAS LA, 'DIR NI THUN BRGYAD DU BYAS NAS DE'I THUN RE LA NYIS STONG BDUN BRGYA RE RGYU BAR GSUNGS PA'I PHYIR RO, ,GSUM PA RLUNG RGYU BA'I GNAS KYI NGO BO JI LTA BA BZHIN DU RTOGS PA'I NYAMS MYONG SKYE TSUL NI, 'KHOR LO BZHI YI DBYE BA YIS, ,NYIN DANG MTSAN DU NGES PAR NI, ,DE NAS GNAS PA 'BAD PA YIS, ,THA DAD DU NI RAB TU BRTAG ,RTZA YI 'KHOR LO RGYU BA YIS, ,'BYUNG DANG RNGUB PA NGES PAR NI, ,NGES PAR GZUNG BA'I SBYOR BA LAS, ,RTZA YI 'KHOR LO SPYAD PAR BYA, ,DE NI 'KHOR LO RTZA DBYE BAS, ,NYIN ZHAG NYI SHU RTZA BDUN LA, ,ZHES GSUNGS TE, ZHAG NYER BDUN GSUM PA'I SKABS SU RLUNG RGYU BA'I GNAS RTZA'I 'KHOR LO RNAMS KYI 'DAB MA DANG SKYED PA DANG RTZA MDUD JI LTAR YOD PA RNAMS MYONG BA'I RNAM PAS JI LTA BA BZHIN
DU RTOGS PA'O, ,BZHI PA RLUNG RANG GI MTSAN NYID JI LTA BA BZHIN DU RTOGS PA'I RTOGS PA SKYED TSUL NI, DE NAS MTSAN NYID YANG DAG NI, ,GNAS KYI DBYE BAS BRTAG PAR BYA, ,GNAS NI SO SOR RNAM BRTAGS RNAMS, ,BRGYA DANG BRGYAD NI LHAG PAR RGYU,, RNAM RTOG MED PA SBYOR BA MCHOG ,RTOG PA SPANGS PA'I BDAG NYID CAN, ,DNGOS PO KUN GYI RANG BZHIN BDAG ,BRGYA DANG BRGYAD NI LHAG PAR RGYU, ,'DI NI YANG DAG RNAL 'BYOR MCHOG ,NYIN ZHAG NYI SHU RTZA BDUN GYIS, ,MTSAN NYID BSGOMS PA'I RNAL 'BYOR PA, ,JI LTAR GNAS PA RAB BSGOMS PAS, ,ZHES GSUNGS TE, ZHAG NYER BDUN PA BZHI PA'I SKABS SU, 'KHOR LO BZHI DANG SMIN DBUS RLUNG GI 'KHOR LO 'DAB MA DRUG PA DANG, MGRIN PA'I 'OG GI ME'I 'KHOR LO 'DAB MA GSUM PA DANG DRUG PO RE RE MTSAN PHYED PHYED NAS NYIN PHYED KYI BAR DU RLUNG DGU DGU BRGYUS PAS DGU DRUG LNGA BCU RTZA BZHI DANG DE BZHIN DU NYIN PHYED NAS MTSAN PHYED KYI BAR YANG RGYU BA'I SGO NAS PHYE BA'I RLUNG GI MTSAN NYID JI LTA BA BZHIN DU MTHONG BA STE, SNGAR RANG GA BA'I DUS SU RTZA DANG RLUNG GI KHA DOG SOGS MTHONG BA LTA BUR SNANG BA NI NYAMS TZAM YIN GYI MYONG BA'I RNAM PAS JI LTA BA BZHIN DU MTHONG BA MA YIN NO, ,LNGA PA RLUNG LDOG PA'I DUS NI, RTOG PA BCES BDAG RNAL 'BYOR PAS, ,DE LA RNAL 'BYOR LOG NAS NI, ,MI RTOG PA YI RLUNG CHEN PO, ,RTZA YI 'KHOR LOR RNAM PAR RGYU, ,DE THOB NAS NI LOG PA DANG, ,DE NAS NYON MONGS KUN SBYOR LAS, ,NGES PA LAS NI DON DAM PA, ,NYIN ZHAG NYI SHU RTZA BDUN LA, ,LAS DANG PO YI SBYOR BA YIS, ,LOG PAR BLO DANG LDAN PAS
, ,BSGOM, ,ZHES GSUNGS TE, ZHAG NYER BDUN LNGA PA'I SKABS SU, RTZA GZHAN RNAMS NAS RLUNG RGYU BA LDOG PA'I MGO RTZOM ZHING DBU MA'I NANG DU 'JUG PAR BYED PA'O, ,DE YANG GTZO BO SNYING GA'I RTZA MDUD KYI NANG DU 'JUG PA RTZOM PAS TE, 'DI NI RLUNG LDOG PA'I DUS KHYAD PAR CAN NO, ,MA RGYUD SOGS NAS BSHAD PA LTAR GTUM MO BSGOMS PAS DGA' BZHI'I RTOGS PA BSKYED PA'I TSUL DANG SKABS 'DIR YANG SEMS DBEN GYI RTOGS PA SKYES BA'I GONG DU SNYING GA'I MI SHIGS PA'I THIG LE LA SEMS GZUNG BA'I STOBS KYIS RLUNG DBU MAR BSDUS TE RTAGS LNGA SHAR NAS SEMS DBEN DANG RNAM PA 'DRA BA'I RTOGS PA SKYES KYANG SEMS DBEN DU MI BZUNG STE, SEMS DBEN NI NGES PAR SNYING GA'I RTZA MDUD GROL NAS DER RLUNG THIM PA LA BLTOS PA'I PHYIR RO, ,DES NA 'DI'I SKABS KYI STONG PA BZHI LA DGA' BZHIS KHYAB KYANG DGA' BZHI LA 'DIS MA KHYAB BO, ,DRUG PA YONGS SU DAG PA'I BZLAS PA NI, DE NAS RNAM DAG DE DAG KYANG, ,YANG DAG RNAL 'BYOR STOBS KYIS NI, ,SROG DANG RTZOL BA'I RNAL 'BYOR RNAMS, ,KUN NAS RAB TU SPANGS NAS NI, ,RLUNG GI DE NYID KHO NA'I RGYU, ,RNAL 'BYOR MCHOG NI BSGOM PAR BYA, ,GNYIS MED MCHOG GI RNAL 'BYOR GYIS, ,NYIN ZHAG NYI SHU RTZA BDUN LA, ,ZHES GSUNGS TE, ZHAG NYER BDUN PA DRUG PA'I SKABS SU SNYING GA'I RTZA MDUD GROL NAS RLUNG THAMS CAD DER 'DUS NAS SA CHU LA THIM PA SOGS KYI RTAGS RNAMS SKYES TE, SEMS DBEN GYI RTOGS PA SKYE BAR 'GYUR RO, ,ZHAG NYER BDUN PA DRUG PA 'DI'I SKABS SU RDOR BZLAS MA BYAS KYANG SNGAR MDOR BSTAN GYI SKABS SU RNAM PA DRUG GIS 'BYUNG 'JUG BYED PAR
BSHAD PA DANG MI 'GAL TE, DE NI THA MA DANG BCAS PA'I DUS DANG PO LNGA'I SKABS SU RDOR BZLAS BYED PAS RNAM PA DRUG CES SMOS SO, ,RTZA MDUD GRAL NAS MI SHIGS PA'I THIG LE DKAR DMAR YANG KHA BYE BAR 'GYUR RO, ,DE LA RDOR BZLAS BYAS PA'I MTHAR RLUNG SDUD PA'I RIM PA SHES DGOS TE, LE'U GSUM PA'I PHRA MO'I RNAL 'BYOR STON PA'I THAD DU SGRON GSAL LO CHEN GYIS BSGYUR BA'I DAG PA DANG PA TSAB KYIS BSGYUR BA LAS, 'JUG PA DANG GNAS PA DANG LDANG BA DANG SDUD PA'I RNAL 'BYOR ZHES BZHIR GSUNGS PA'I SDUD PAR BSHAD PA DANG, DE BZHIN DU LE'U DRUG PA DANG RGYUD PHYI MA'I SROG NI THIG LER GYUR PAR BZHAG ,CES PA'I 'GREL PA SGRON GSAL RNAMS KYI DGONGS PA DANG KHYAD PAR RLUNG SDUD PA'I RIM PA LHA MO BZHIS ZHUS LAS GSUNGS PA NGES PAR SHES DGOS SO, ,YANG NA DPAL N'A RO PAS MDZAD PA'I RIM LNGA BSDUS PA GSAL BA'I DON TSAN SO SOR GCOD TSUL 'DI LTAR SHES PAR BYA STE, GDAMS PA'I CHE BA DANG, GDAMS PA DNGOS SO, ,DANG PO LA, SANGS RGYAS KUN GYI GSANG BA CHE, ,RIM PA LNGA LA GNAS PA PO, ,ZHES PA'I RKANG PA GNYIS KYIS MDOR BSTAN NAS DE'I RGYAS BSHAD 'OG NAS, BYANG CHUB SEMS LDAN BLA MA DANG, ZHES PA NAS, MCHOG THOB SKUS NI GZHAN DON BYED, ,CES PA'I BAR DANG, YI GE'I DON DANG SPYI YI DON, ,ZHES PA NAS, STAN CIG STENG DU SBYAR TE BSHAD, ,CES PA'I BAR RNAMS KYIS 'CHAD DO, ,DE YANG YE SHES RDO RJE KUN LAS BTUS PA'I DGONGS PA SGRON GSAL DU BSHAD PA LTAR DPAL GSANG BA 'DUS PA MDO SDE DANG, RGYUD SDE KUN GYI SNOD DANG RTZA BAR BSGRUBS PA'I SGO NAS
, ,CHE BA 'CHAD DE, DE'ANG DE DAG KUN RGYUD 'DIR 'DUS PAR STON PA YIN LA, BSDUS TSUL BLA MA SNGA MA KHA CIG PHYI'I NANG DU GSANG BA 'DUS PA LA 'CHAD PA NI MI 'THAD DE, MDO RGYUD DE DAG GIS BRJOD PA'I DON GYI GSANG BA KUN RGYUD 'DIR BRJOD BYAR STON PA MIN NO, ,DAS NA 'DIR BSTAN PA'I RIM GNYIS KYI LAM DANG, RDZOGS RIM GYI YANG LAM RIM PA LNGA POS GZHAN NAS BSTAN PA'I LAM GYI DGOS PA MTHA' DAG LHAG DANG BCAS PA SGRUB NUS PA NI 'DUS PA'I DON YIN TE, 'CHAD PAR 'GYUR RO, ,DPER NA NYAN THOS KYI LAM GYI BYED PA NYON SGRIB ZAD PAR SPONG BA SOGS LAM 'DIS LHAG DANG BCAS PA 'GRUB PA BZHIN NO, ,SBYOR BA YAN LAG DRUG LAM RIM PA LNGAR 'DUS PA'I TSUL LA BLA MA SNGA MA KHA CIG ,GZHAN LUGS 'GOG PA DANG, RANG LUGS 'JOG PA'I TSUL 'DI LTAR MDZAD, SLOB DPON AA BHA Y'AS SOR SDUD DANG, BSAM GTAN BSKYED RIM DU BSDUS PA MI 'THAD DE, RGYUD PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THUN MONG BA NI RDO RJE BZHI, ,MCHOG NI YAN LAG DRUG GIS SO, ,ZHES BSKYED RIM THUN MONG GI DNGOS GRUB SGRUB BYED DANG, SBYOR BA YAN LAG DRUG MCHOG SGRUB BYED DU SO SOR BSHAD PA'I PHYIR, YANG KLAN GYIS, SOR SDUD SPYOD PA DANG, BSAM GTAN LUS DBEN LA SBYOR BA YANG MI 'THAD DE, RDZOGS RIM GYI SPYOD PA LAM MTHON PO'I SKABS SU BYED PA YIN PAS THOG MAR 'CHAD PA MI 'THAD LA, RGYUD PHYI MA LAS, SHES DANG SHES BYA BYUNG ZAD PA'I, ,RANG SEMS LNGA PAR SHES PAR BYA, ,ZHES BSAM GTAN GYI
SKABS SU BSHAD PA'I YON TAN DE DAG LUS DBEN LA MED PAS SO, ,SGRON GSAL GYI DON BSDUS KYI 'GREL PA MDZAD PA PO KU M'A RA R'A DZAS, SOR BSAM GNYIS SEMS DBEN DANG, DON GCIG TU BYED PA YANG MI 'THAD DE, SGYU LUS DANG, DON GCIG TU 'CHAD PAR 'GYUR RO, ,DES NA DUS 'KHOR NAS BSHAD PA'I SBYOR BA YAN LAG DRUG DANG, RGYUD PHYI MA NAS BSHAD PA GNYIS DON GCIG CING DE DANG 'PHAGS PA YAB SRAS KYI BZHED PA'I RIM PA LNGA PO DON GCIG YIN TE, DUS 'KHOR NAS SOR BSAM LA KUN RDZOB BDEN PA ZHES PA DANG, BDAG LA BYIN GYIS BRLAB PA ZHES BSHAD CING, SLOB DPON 'PHAGS PAS SGYU LUS LA MING DE LTAR BSHAD PA GNYIS DON GCIG CING SROG RTZOL DANG NGAG DBEN GNYIS DANG, 'DZIN PA DANG 'OD GSAL GNYIS DANG, TING NGE 'DZIN DANG ZUNG 'JUG GNYIS DON GCIG LA, RJES DRAN LA KHA PHYIR BLTAS BSDUS PA'I STONG GZUGS LHA SKUR SHAR BA DANG, NANG BLTAS BSDUS PA'I DGA' BZHI'I RTOGS PA SKYE BA'I TSUL GNYIS YOD PA'I PHYI MA SEMS DBEN DANG DON GCIG PA YIN GSUNG NGO, ,DE LA DPYAD PAR BYA STE, RGYUD PHYI MA'I TSIG GIS MCHOG DANG THUN MONG GI DNGOS GRUB BSGRUB PA'I LAM GNYIS SO SOR BSHAD KYANG, 'GAL BAR YANG MA BSHAD PAS SLOB DPON AA BHA Y'A LA GNOD BYED DU MI 'GYUR LA, SOR BSAM BSKYED RIM DU SDUD PA'I TSUL 'JAM DPAL ZHAL LUNG LAS KYANG GSUNGS PAS PHYOGS DE NAS BSHAD PA YANG RGYUD KYI DON DU NGES PAR 'GRO STE, RDO RJE'I TSIG RE RES KYANG DON MI 'DRA BA MTHA' YAS PA STON LA, SHING RTA CHEN PO RNAMS KYIS KYANG GDUL BYA'I
, ,BSAM PA LA BLOS NAS DON GYI PHYOGS RE RTZAL DU BTON NAS 'CHAD PA YIN GYI, DON DE TZAM DU ZAD PA NI MIN NO, ,GLAN LA BRJOD PA'I GNOD BYED DE'ANG MI 'THAD DE, SKYE BA'I RIM PA DANG, BSHAD PA'I RIM PA GCIG TU KHAS MA BLANGS PA'I PHYIR DANG, DE LTA NA RANG NYID LA YANG GNOD PA DU MA 'BAB PAR 'GYUR RO, ,YANG GNYIS SNANG MTHA' DAG ZAD PA NI RANG NYID SOR BSAM DANG DON GCIG TU ZHAL GYIS BZHES PA'I SGYU LUS KYI SKABS NA'ANG MED PA'I PHYIR DANG, GNYIS SNANG RAGS PA LOG PA NI LUS DBEN GYI DUS SU'ANG 'BYUNG BAS GNOD BYED DU MI 'GYUR RO, ,LUGS GSUM PA LA GNOD BYED BKOD PA'I RGYU MTSAN DE'ANG MI 'THAD DE, 'CHAD PAR 'GYUR RO, ,'PHAGS LUGS DANG SEMS 'GREL GYI SBYOR BA YAN LAG DRUG DON GCIG TU 'DOD PA'ANG MI 'THAD DE, RGYUD PHYI MA LAS, DBANG PO BCU PO RNAMS KYIS KYANG, ,RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PAS ZHES BSHAD DO, ,ZHES 'BYUNG BA'I SOR SDUD KYI DON SLOB DPON ZLA BA GRAGS PAS, DBANG PO YUL LA 'JUG RES KYIS LHAN CIG SKYES PA'I BDE BA NYID GZUGS SOGS KYI RNAM PAR SHAR BA SHES PAR BYAS NAS DBANG PO YUL 'DZIN PA LA 'JUG PAS YANG DANG YANG DU LEN PA SOR SDUD DU BSHAD LA, DUS 'KHOR 'GRAL PA LAS, GZUGS SOGS THA MAL PA LA 'JUG PA SPANGS NAS STONG GZUGS LA 'JUG PAS SOR SPONG GI DON DU BSHAD PA'I PHYIR DANG, SGYU LUS KYANG DON GCIG TU 'DOD PA'ANG MI 'THAD DE, SOR BSAM SROG RTZOL GYI RGYU
YIN ZHING SGYU LUS SROG RTZOL RDO RJE'I BZLAS PA MTHAR PHYIN NAS 'BYUNG ZHING RANG NYID KYIS KYANG DE LTAR ZHAL GYIS BZHES PA DANG 'GAL BA DANG, SGYU LUS KYI RGYUR GYUR PAS SEMS DBEN RJES DRAN GYI SKABS SU RANG NYID KYIS BZHAG PA DANG 'GAL BA DANG, SGYU LUS RLUNG SEMS TZAM GYIS BSGRUBS PA'I SKU YIN ZHING SOR BSAM GYI SKABS SU RLUNG GI RNAL 'BYOR DE TZAM DU MI BSGOM PAS DON GCIG TU 'DOD PA MI 'THAD DO, ,LUGS DE GNYIS KYI SROG RTZOL DANG RDOR BZLAS DON GCIG TU 'DOD PA'ANG MI 'THAD DE, DUS 'KHOR LAS, BUM PA CAN GTZO BOR BSHAD LA, 'PHAGS SKOR GYI KHUNGS THUB NAS SNA RTZE GSUM DU THIG LE GSUM BSGOM PA'I SKABS KYI SROG RTZOL MA GTOGS BUM PA CAN BSHAD PA MED PA'I PHYIR RO, ,'DZIN PA DANG 'OD GSAL YANG DON MI GCIG STE, SNGA MA NI SROG RTZOL GYI RLUNG DBU MAR CHUD PAR BYAS PA DE NYID DBU MAR 'DZIN CING STONG NYID MNGON SUM DU MA RTOGS PA'I DUS SU 'BYUNG PA YIN LA PHYI MA NI STONG NYID MNGON SUM DU RTOGS PA YIN PAS SO, ,DES NA RGYUD PHYI MA'I SBYOR BA YAN LAG DRUG DANG LAM RIM PA LNGA DON GCIG TU SLOB DPON ZLA BA GRAGS PA BZHED DE, DE YANG SOR BSAM DANG, LUS DBEN DON GCIG PA YIN TE, LUS RNAM PAR DBEN PA'I LHAN CIG SKYES PA'I BDE BA NYID SNANG BA MA BSGYUR BAR THA MAL PA'I RNAM PAR SHAR BA SOR SDUD DANG, LHA'I RNAM BAR SHAR BA BSAM GTAN YIN PAS SO, ,RDOR BZLAS BYE BRAG DANG SROG RTZOL SPYI YIN ZHING RGYUD PHYI MA NAS BSHAD PA'I SROG RTZOL DON GCIG LA, 'DZIN PA DANG 'OD GSAL YANG DON GCIG GO, SEMS DBEN 'OD GSAL MNGON DU 'GYUR BA'I RTAGS BSTAN PAS
, ,SHES PA MA GTOGS RGYUD PHYI MAS DNGOS SU MA BSDUS SHING RJES DRAN 'OD GSAL LAS LUGS LDOG TU SHAR BA'I STONG PA GSUM YIN PAS ZUNG 'JUG TU 'DUS SHING TING NGE 'DZIN ZUNG 'JUG DANG DON GCIG LA SGYU LUS ZUNG 'JUG DANG MTSAN NYID MTSUNGS PAS GO NAS PAR DGONGS NAS RGYUD PHYI MAS DNGOS SU MA BSDUS SO, ,DES NA LAM RIM PA LNGAR DUS 'KHOR NAS BSHAD PA'I SBYOR BA YAN LAG DRUG 'DUS PAR BSHAD PA NI SNGAR BSHAD PA LTAR LAM DE DAG GI BYED PA 'DUS PA'I DON YIN TE, 'DI LTAR SOR BSAM DBU MA'I LAM SBYONG BYED DU DE NAS BSHAD LA, DE YANG SOR SDUD RTAGS BCU GCIG SGRUB BYED DANG, BSAM GTAN BRTAN BYED YIN PAS RTAGS BCU GCIG RDZOGS NAS SROG RTZOL BSGOM PA LA 'JUG PA YIN GYI STONG GZUGS LA MI TSE 'DRIL BA NI RGYUD KYI DON LOG PAR BZUNG BA'O, ,SROG RTZOL GYIS RLUNG DBU MAR 'JUG PAR BYED CING 'DZIN PAS DER 'DZIN PAR BYED PA YIN LA, LUS DBEN DANG NGAG DBYEN NYIS KYIS DE DAG GI BYED LAS LHAG DANG BCAS PA SGRUB PA YIN TE, LUS DBEN GYIS THAMS CAD BDE BA'I ROR SHAR BAR BSGOMS PAS RTOG PA NANG DU SDUD CING DBANG PO'I SGO RNAMS DANG GA-YAS GA-YON NAS RLUNG RGYU BA 'GOG PA'I MGO RTZOM PAR BYED LA, RDOR BZLAS KYIS SNYING GA'I RTZA MA DUD BSHIG NA RLUNG THAMS CAD DER BSDUS TE STONG PA BZHI'I YE SHES SKYED PAR BYED PA YIN LA, 'PHAGS LUGS KYI STONG BA BZHI'I SNGON DU DUS 'KHOR NAS SROG RTZOL DANG 'DZIN PA'I YAN LAG GIS BSGRUB PAR BSHAD PA'I DGA' BZHI'I RTOGS PA YANG DE DANG MTSAN NYID MTSUNGS PA
SKYE BAS SO, ,SLOB DPON NAG PO PAS BSHAD PA'I RIM PA BZHI 'DUS PA'I TSUL LA, RIM PA BZHI NI SHES BYED RGYUD KYI RIM PA DANG, SNGAGS KYI RIM PA DANG, YE SHES KYI RIM PA DANG, GSANG BA'I RIM PA'O, ,DANG PO NI, LUS SEMS KYI CHAGS TSUL GTAN LA 'BEBS PA YIN LA, GNYIS PA NI LUS LA GNAD DU BSNUN PA'I RNAL 'BYOR 'KHOR LO BZHIR SNGAGS KYI 'KHOR LO BSGOM TSUL SOGS DANG, GSUM PA NI, DE LA BRTEN NAS DGA' BZHI'I RTOGS PA SKYE BA'I TSUL DANG, BZHI PA NI, 'BRAS BU MNGON DU 'GYUR BA'I TSUL TE, DE DAG KYANG BSHAD RGYUD RDO RJE PHRENG BA NAS RDO RJE LUS KYI MTSAN NYID BSHAD PA SOGS SU 'DUS SO, ,PHYAG RGYA BZHI YANG 'DIR 'DUS TE, LAS KYI PHYAG RGYA GRAGS PA'I BUD MED DANG, DAM TSIG GI PHYAG RGYA BSGOMS PA'I LHA MO DANG, CHOS KYI PHYAG RGYA SNGAGS 'KHOR BSGOM PA SOGS DANG, PHYAG RGYA CHEN PO'I LHA SKU BSGOM BA SOGS TE, 'DUS TSUL GO SLA'O, ,DBANG BZHI'I LAM 'DUS PA'I TSUL NI, BUM DBANG GI LAM BSKYED RIM STE, DE NI RIM PA DANG POR BLA MED KYI RGYUD KUN NAS BSHAD PA'I BSKYED RIM GYI BYED LAS MTHA' DAG 'DUS LA, GSANG DBANG GI LAM DBEN GSUM SGYU LUS DANG BCAS PA DANG, DBANG SUM PA'I LAM 'OD GSAL DANG, BZHI PA'I LAM ZUNG 'JUG TU RGYUD GZHAN NAS BSHAD PA'I DBANG ZHI'I LAM MTHA' DAG GI DOGS PA YANG 'DUS SO, ,BUM DBANG SPRUL SKU SGRUB BYED DANG, GSANG DBANG GIS LONGS SKU DANG, GSUM PAS CHOS SKU DANG, BZHI PAS BDE BA CHEN PO'I SKU SGRUB TSUL SOGS KYANG 'DIR 'DUS LA, MNGON BYANG LNGA LAS BSKYED PA'I TSUL DANG, BYANG CHUB PHYOGS CHOS MDO DON NI, YIG
, ,DON DANG SPYI DON GNYIS DANG, SNANG BA SEMS KYI SBAS PA 'DOD CHAGS CHOS KYI SBAS PA, KUN RDZOB SGYU MA'I SBAS PA STE SBAS PA GSUM DANG MTHAR THUG DANG BCAS PA STE MDOR NA SGRA SNA TSOGS KYIS BSTAN PA'I LAM GYI BYED LAS MTHA' DAG 'DUS PA'I DON NO, ,MA RGYUD NAS BSHAD PA'I GTUM MO'I RNAL 'BYOR BSGOMS PAS LHAN CIG SKYES PA'I BDE BA BSKYED TSUL DANG, RMI LAM DANG SGYU MA GCIG TU SBYONG PA'I TSUL DANG, BAR DO GSUM BSRE TSUL DANG, GDAN BZHI NAS BSHAD PA'I 'PHO BA DANG, GRONG 'JUG GI YAN LAG RNAMS KYANG 'DIR 'DUS SO, ,DE LTAR NA 'DU BA'I GZHI GSANG BA 'DUS PA 'DIR MDO RGYUD MTHA' DAG GI DON 'DUS PA'I 'BRAS BU NI BRTZON 'GRUS CAN GYIS TSE 'DI NYID LA 'OD GSAL THOB NAS 'TSANG RGYA LA, LE LO CAN GYIS 'CHI KHAR 'OD GSAL THOB NAS 'TSANG RGYA BA DANG, THA MAS BAR DOR 'OD GSAL THOB NAS 'TSANG RGYA ZHING GZHAN GYI DON BYED PA'O, ,GANG ZAG DE DAG GI LAM KHYER NI YI GE'I DON DANG ZHES SOGS KYIS TON TE, MTHAR SKYE SHI BAR DO GSUM SKU GSUM DU LAM DU KHYER BA DANG, DE LTAR NYIN ZHAG GCIG LA'ANG GNYID KYI SKABS KYI STONG PA BZHI BSGOM PA CHOS SKU LAM BYED DANG, DE LAS RMI LAM GYI LUS LHA'I SKUR LDANG BA LONGS SKU LAM BYED DANG, DE NAS GNYID SAD NAS DA DUNG DE'I SHUGS MA YAL BA'I BAR SPRUL SKU LAM BYED SOGS SO, ,GNYI SPA GDAMS PA DNGOS LAM MDOR BSTAN PA NI, DNGOS PO'I GNAS LUGS ZHES PA'I RKANG PA GNYIS SO, ,RGYAS PAR BSHAD PA LA, GZHI DNGOS PO'I GNAS LUGS DANG, LAM BGROD PA'I RIM PA DANG,
'BRAS BU MNGON DU BYED PA'I TSUL LO, ,DANG PO LA GSUM GYI DANG PO LUS SEMS SO SO BA'I GNAS LUGS NI, DNGOS PO'I GNAS LUGS GNYIS YIN ZHES PA'I RKANG PA GSUM STE, BSHAD PA SNGA MA LTAR RO, ,GNYIS PA THUN MONG BA'I GNAS LUGS NI, THUN MONG DBYER MED RIM SHES BYA, ,ZHES PAS TE, SEMS PHRA BA GZHI DUS KYI STONG PA BZHI DANG, LUS PHRA BA DE'I BZHON PA RLUNG NGO, ,GSUM PA LUS KYI GNAS LUGS BYE BRAG TU BSHAD PA NI, GNYID DANG ZHES PA'I RKANG PA DRUG STE, BSHAD PA SNGA MA LTAR RO, , GNAD BZHI NI 'KHRUL 'KHOR GYI GZHI LUS KYI GNAD DANG, YE SHES SKYE BA DUS KYI GNAD DANG, 'JUG LDOG NGES PAR RLUNG GI GNAD DANG, DMIGS PA YUL GYI GNAD RNAMS SO, ,MAR LUGS PA SNGA MA KHA CIG GIS, BSGOM PA YUL GYI GNAD SHES PAR BYA BA'I PHYIR DU LUS DNGOS PO'I GNAS THABS DANG, BSGOM RGYU DON GYI GNAD SHES PAR BYA BA'I PHYIR SEMS DNGOS PO'I GNAS THABS GNYIS SU BSDUS PA NI, LUS LA GNAD DU BSNUN PAS SEMS LA BDE BA SKYES TE, DES STONG PA YUL DU BYAS PA'I BDE STONG SBYOR BA'I DON 'CHAD 'DOD PAR GSAL LO, ,DE LA SPYIR SNGAGS MTSAN NYID GNYIS KAS GTAN LA DBAB RGYU'I 'KHOR BA'I RGYU'I GTZO BO NGOS BZUNG NAS DE 'JUG LDOG BYED PA'I TSUL DANG, SNGAGS KYI THEG PAR THUN MONG MA YIN PAR GTAN LA 'BEBS PA'I 'KHOR BA BSKYED PA'I LHAN CIG BYED RKYEN GYI GTZO BO GZHI DUS KYI RANG BZHIN GA-YO BYED KYI RLUNG NGO SHES PAR BYAS NAS DANG POR LUS PHRA BA 'OD GSAL GYI BZHON PA'I RLUNG DANG, SEMS PHRA BA 'OD GSAL DANG, DE LAS RLUNG CHE 'BRING CHUNG GSUM DU GA-YOS PAS SNANG
, ,MCHED THOB GSUM SKYE TSUL DANG, DE LAS RANG BZHIN BRGYAD CU'I RTOG PA SKYES NAS DES LAS BSAGS TE 'KHOR BAR 'KHOR TSUL DANG, DE DAG LDOG BA LA LUS LA GNAD DU BSNUN NAS RLUNG LAS RUNG DU BYED DGOS PA'I TSUL MTHA' CHOD PAR SHES PAR BYAS NAS DE'I RJES SU LUS LA GNAD DU BSNUN PA'I 'KHOR LO BZHI'I DBYE BA SOGS LA 'JUG PAR BYA'I SNGA MA MA RTOGS PAR PHYI MA LA 'JUG BLO BYAS KYANG SNGAGS KYI THUN MONG MA YIN PA'I GNAD MI RTOGS SO, ,GNYIS PA LAM BGROD PA'I RIM PA LA, LUS LA GNAD DU BSNUN PA'I GNAD DAM PA SNYING GA YIN PAR BSTAN PA DANG, DE LA GNAD DU BSNUN PA'I RIM PA'O, ,DANG PO LA DNGOS DANG, GZHI LAM 'BRAS GSUM SHES PA'I PHAN YON NO, ,DANG PO NI, DRAN PA SNA TSOGS ZHES PA'I RKANG PA BZHI DANG, GNYIS PA NI GZHI LAM ZHES PA'I RKANG PA BZHI'O, ,GNYIS PA DE LA GNAD DU BSNUN PA'I RIM PA LA, RDOR BZLAS BYED PA'I RTEN SNYING GAR SNGAGS KYI 'KHOR LO BSGOM PA DANG, DE LA BRTEN NAS RDOR BZLAS BYED PA'I TSUL DANG, BYAS NAS NYAMS MYONG SKYE BA'I RIM PA'O, ,DANG PO LA, RTEN PHYI NANG GSANG BA'I PAD 'DAB SUM RIM GYI BSAM GTAN DANG, BRTEN PA DER DBYANGS GSAL GYI YI GE 'GOD PA'I RIM PA'O, ,DANG PO NI, SNGAGS KYI YI GE'I 'KHOR LO NI, ZHES SOGS TE, 'DIR TSAN PA GSUM DU BSTAN PA DANG, 'OG TU DBYANGS NI PHYI RIM ZHES SOGS BSTAN PA MI ZLOS TE, 'DIR NI DBYANGS GSAL GYI YI GE SUM RIM DU 'GOD DGOS PA DANG, SNYING GA'I DBUS SU MI SHIGS PA'I THIG LE BKOD NAS DE LAS MGON PO BZHI'I RLUNG
SPRO BSDU BYED PA'I RDOR BZLAS BSTAN LA 'OG TU YI GE LA DMIGS NAS BSGOMS BAS RLUNG SDUD PA'I RIM PA LAS SEMS GSUM GYI RTOGS PA SKYE TSUL BSTAN PA YIN NO, ,THA MAL RNAM RTOG BAG CHAGS NI RTOG PA'ANG YIN LA BAG CHAGS KYANG YIN PAS RNAM RTOG BAG CHAGS TE, RANG BZHIN GYI RTOG PA RNAMS SO, ,DE NYID YI GE'I RNAM PAR SHAR BA BSGOMS PAS MTHAR YI GE'I GZUGS DAG PAS RANG BZHIN GYI RTOG PA RNAMS KYANG DAG PAR 'GYUR LA, DE NAS GA-YO BYED RLUNG DAG PAS PHRA BA'I RLUNG SEMS LAS GRUB PA'I SGYU LUS DANG, RIM PA PHYI MA GSUM THOB PAR 'GYUR RO, ,RNAM SHES NI KUN RDZOB BDEN PA YIN LA, YE SHES NI DON DAM PA'I BDEN PA STE, BDEN GNYIS SBYOR BA'I ZUNG 'JUG THOB NAS LAS TSOGS MTHA' DAG 'GRUB PAR 'GYUR BA'O, ,RTAGS RNAMS ZHES SOGS KYIS 'OD GSAL MNGON DU 'GYUR BA'I RTAGS 'CHAR TSUL STON TE, DE DAG KYANG 'CHAR DUS DANG, RDZOGS DUS GNYIS GNYIS SU SHES PAR BYA'O, ,GNYIS PA NI, NAM MKHA'I DKYIL 'KHOR ZHES SOGS TE, SNYING GAR PADMA DMAR PO 'DAB MA BRGYAD PA BSAMS LA DE'I DBUS SU NAM MKHA'I DKYIL 'KHOR TE 'OD GSAL LAS BYUNG BA'I GSAL BA'I DKYIL 'KHOR MI SHIGS PA'I THIG LE YUNGS KAR GYI 'BRU TSOD TZAM THIG LE DKAR DMAR KHA SBYAR GYI DBUS NA AA THUNG SHAD KYI RNAM PA LTA BU KHA DOG NAG PO BSGOMS LA 'DAB MA BAR MA LA GSAL BYED SO BZHI THA MA SPANGS PA DANG, MA YIG DBYANGS BCU GNYIS KYI THIG LER BKOD PAS GSAL BYED SO GNYIS YOD LA, DE DAG SHAR GYI PAD 'DAB LA KA'I SDE TSAN GYI YI GE
, ,DANG PO BZHI DANG, DE NAS BRTZAMS TE RIM PA BZHIN DU PHYOGS MTSAMS KYI 'DAB MA RNAMS LA TZA SDE DANG, tA SDE DANG, TA SDE DANG, PA SDE DANG, MA YIG MA GTOGS PA'I SDE PA DANG PO BZHI'I MTHAR BYUNG BA'I SNA LDAN GYI YI GE BZHI DANG, MTHAR GNAS DANG, DRO BA'I YI GE STE 'DAB MA RE LA YI GE BZHI BZHI 'GOD DO, ,BZHI BCAS ZHES PA NI SNA LDAN GYI YI GE DANG PO BZHI'O, ,'DAB MA PHYI RIM LA SHAR NAS BRTZAMS TE PHYOGS BZHIR AA RING THUNG DANG, AI RING THUNG DANG, AU RING THUNG DANG, AE RING THUNG DANG, YI GE GNYIS GNYIS BKOD NAS SHAR LHO NAS BRTZAMS TE MTSAMS BZHIR AO RING THUNG, AAm AA: STE YI GE RE RE 'DOD DO, ,'DAB MA NANG MA'I SHAR NAS BRTZAMS TE PHYOGS BZHIR RI8M PA BZHIN DU Ri R'i Li L'i BZHI BKOD NAS YI TE PHYI MA KHA DOG DKAR PO DANG, BAR MA DMAR PO DANG, NANG MA NAG POR BSAMS TE DE DAG LA SEMS BZUNG NAS BSGOMS PAS, RLUNG SDUD PA'I RIM PA GSUM LAS DKAR LAM DANG, DMAR LAM DANG, NAG LAM DANG SEMS GSUM SKYE MI DGOS PA YOD LA, YI GE THAMS CAD KYANG BA MO 'DZAG PA LTA BU DANG, BDE BA'I NGO BOR BSAM ZHING YI GE RNAMS KYANG RIM GYIS BZUNG NAS MTHAR SNYING GA'I MI SHIGS PA LA SEMS BZUNG NGO, ,RIM PA LNGA LDAN NI YI GE RIM PA GSUM DANG, DBUS KYI AA THUNG DANG, THIG LE KHA SBYAR GCIG TU BYAS PA RNAMS SO, ,AE WAm NI SKABS 'DIR PHA MA GNYIS LAS THOB PA'I SNYING GA'I DBUS KYI MI SHIGS PA'I THIG LE DKAR DMAR GNYIS YIN LA MTHAR 'CHI BA'I TSE'ANG PHUNG SOGS PHRA RAGS RNAMS
DE LA THIM NAS 'CHI 'PHO BA THOG MAR SKYE BA'I TSE'ANG DER BAR DE'I RNAM SHES ZHUGS NAS DE LAS RIM GYIS PHUNG SOGS 'GRUB PA DANG, RDOR BZLAS BYED PA'I CHE'ANG DE NYID LAS RLUNG SPRO BSDU BYED PAS SDUD CING SPRO BAR MDZAD PA ZHES SO, ,MNYAM PA NYID DU SEMS BSDAMS TE,, ZHES SOGS NI SEMS GZHAN DU 'PHRO BA BSDAMS NAS 'KHOR LO'I LTE BA'I THIG LE LA SEMS RO MNYAM DU 'DRES PAR MOS NAS MNYAM PAR BZHAG PA LAS MTHAR RO MNYAM PAR MTHONG BA'I NYER THOB KYI YE SHES SKYES NAS DE LAS 'OD GSAL MNGON DU 'GYUR BA'I RIM PA RNAMS 'BYUNG NGO, ,MAR LUGS PA'I BLA MA SNGA MA RNAMS KYIS RDOR BZLAS KYI SNGON DU SNGAGS 'KHOR 'GOD PA DANG MI 'GOD PA'I TSUL GNYIS BSHAD CING, KHA CIG GIS RDOR BZLAS KYI SKABS SU MI SHIGS PA'I THIG LE'ANG MA BKOD PA NI LUS LA GNAD DU BSNUN PA'I RNAL 'BYOR DU MI 'GYUR TE, PHA ROL PHYIN PA'I THEG PA NAS BSHAD PA'I DBUGS 'BYUNG RNGUB BA GRANG BA DANG KHYAD PAR MED PAR 'GYUR BAS SO, ,DES NA MA RGYUD NAS BSHAD PA'I BUM PA CAN BSGOMS PA DANG, BYA RGYU BSAM GTAN PHYI MA NAS BSHAD PA'I RLUNG KHA SBYOR BSGOMS PA RNAMS LEGS PAR PHYED PAR BYA ZHING MNGON PA NAS BSHAD PA'I 'BYUNG 'JUG BGRANG BA DANG RDOR BZLAS GNYIS KYANG LEGS PAR PHYED PAR BYA'O, ,DE BZHIN DU SHIN SBYANGS SOGS KYI BDE BA DANG, ZHU BDE'I BDE BA'ANG MA 'DRES PA LA 'BAD PAR BYA'O, , GNYIS PA DE LA BRTEN NAS RDOR BZLAS BYED PA'I TSUL NI, ,SARBA MANGGA LAm,, ,,