Notes on the Step of the Practice of the Unsurpassable Thought

*, ,DGONGS PA BLA NA MED PA'I RIM PA'I ZIN BRIS, ,

, ,RJE BTZUN DAM PA DMIGS PA MED PA'I THUGS RJE CHEN PO DANG LDAN PA RNAMS KYI ZHABS LA DUS THAMS CAD DU GUS PAS PHYAG 'TSAL LO, ,RGYAL BA THAMS CAD KYI MKHYEN PA'I YE SHES THAMS CAD GCIG TU BSDUS PA'I NGO BO BCOM LDAN 'DAS 'JAM PA'I DBYANGS DANG, DBANG PHYUG BRGYAD DANG LDAN PA'I RDO RJE 'CHANG CHEN PO MGON PO GLU SGRUB YAB SRAS KYI ZHABS LA GUS PA CHEN POS SKYABS SU MCHI'O, ,MAN NGAG GI MTHAR THUG DGONGS PA BLA NA MED PA'I RIM PA LA GSUM, MTSAN GYI DON, GZHUNG GI DON, MJUG GI DON NO, ,DANG PO NI, AA NU TAT RA NI BLA NA MED PA'O, ,SANDHI NI DGONGS PA'O, ,AA TI NI ZHES BYA BA'O, ,AA PA RA NI GZHAN NO, ,N'A MA NI MING NGO, ,SARBA BI SHUDDHA NI THAMS CAD RNAM PAR DAG PA'O, ,KRA MA NI RIM PA'O, ,DPAL RDO RJE SEMS DPA' LA PHYAG 'TSAL BA NI LO TZ'A BAS BKOD PA'O, ,GNYIS PA LA BZHI, RTZOM PA LA 'JUG PA'I YAN LAG ,YAN LAG CAN GYI GDAMS PA DNGOS, GDAMS PA BSHAD PA'I SNOD KYI KHYAD PAR, 'CHAD PA PO'I GANG ZAG GI KHYAD PAR RO, ,DANG PO LA GSUM, PHYAG 'TSAL BA DANG, DE NYID NGES DON DU BSGRUB PA

, ,DANG, RTZOM PAR DAM BCA' BA'O, ,DANG PO NI, PHYAG 'TSAL 'DUD CING PHYAG 'TSAL 'DUD, ,PHYAG 'TSAL PHYAG 'TSAL PHYAG 'TSAL 'DUD, ,JI LTAR BSTOD CING PHYAG 'TSAL BA, ,ZHES PHYAG 'TSAL BA'I TSIG DRUG GSUNGS PA'I DANG PO NI, RDO RJE 'CHANG CHEN PO KHYOD LA PHYAG 'TSAL ZHES PA'O, ,DE NAS LNGAS NI RNAM SNANG LA SOGS PA LNGA'I RANG BZHIN RDO RJE 'CHANG DE NYID LA PHYAG 'TSAL BA STON NO, ,JI LTAR BSTOD CES PA NI PHYAG 'TSAL BA DE NYID BSTOD PA LAS MA 'DAS PAR STON PA'I DON DU LAKshM'IS BSHAD DO, ,CHAG 'GYUR LAS, KHYOD LA PHYAG 'TSAL KHYOD LA 'DUD, ,KHYOD LA PHYAG 'TSAL PHYAG 'TSAL 'DUD, ,JI BZHIN BSTOD CING KHYOD LA 'DUD, ,CES PHYAG 'TSAL BA GSUM DANG 'DUD PA GSUM STE DRUG TU BSGYUR LA SNGA MA LTAR NA PHYAG 'TSAL BA DRUG DANG 'DUD GSUM BYUNG NGO, ,PHYAG 'TSAL BA DANG 'DUD PA DON GCIG LA, PHYAG 'TSAL BA DRUG TU BYED PAR SNANG BAS 'GYUR PHYI MA LEGS PAR MNGON NO, ,DE KHO NA NYID JI LTA BA DE BZHIN DU ZHUGS PA'I BSTOD PA YIN NO, ,ZHES PAS PHYAG 'TSAL BA DANG BSTOD PA GNYIS 'DIR DON GCIG TU BSTAN PA'I SGO NAS PHYAG 'TSAL BA'I 'TSAL TSUL STON

PA YIN NO, ,GNYIS PA NI, DON DAM PAR NA GANG LA BSTOD PA DANG PHYAG 'TSAL BA'I YUL DANG, GANG GIS BSTOD PA DANG PHYAG 'TSAL BA PO'I RTEN DANG JI LTAR DU BSTOD CING PHYAG 'TSAL BA'I TSUL GSUM MA GRUB LA DE'I PHYIR NGES DON GYI PHYAG 'TSAL BA NI 'KHOR GSUM MI DMIGS PA YIN PA'I PHYIR, RNAL 'BYOR PA RANG GIS RANG GI YANG DAG PA STE DE KHO NA NYID JI LTA BA BZHIN MTHONG BA'I YE SHES GANG YIN PA DE NI SKABS 'DIR PHYAG GA MCHOG YIN PA'I PHYIR, RTZOM PA POS KYANG DE LTA BU'I PHYAG MDZAD CES PA'I DON NO, ,DE'I DPE NI JI LTAR CHU LA ZHES PA GNYIS TE, 'KHOR GSUM GYI GNYIS SNANG PHRA MO YANG DAG PA'I DON TO, ,CHAG 'GYUR LAS, RANG GIS RANG GI YANG DAG MTHONG, ,YE SHES GANG YIN 'DIR PHYAG YIN, ,ZHES BSGYUR BA LTAR BDE'O, ,RANG GIS RANG GI YE SHES NI, ,LEGS MTHONG GANG YIN 'DIR PHYAG YIN, ,ZHES BSGYUR BA'I DON LA, LAKshM'IS RANG RIG PA NI YE SHES SU MA GRUB PAS YE SHES MED PA NYID DU BSHAD DE, YE SHES NI DZNY'A NA STE, DE LA DZNY'A NI RTOGS PA'I DON DANG, NA NI BKAG PA'I DON NO, ,DES NI RNAL 'BYOR SPYOD PA'I PHYOGS BZHI BKAG GO ,ZHES 'CHAD DO, GIS RANG SHES PA DZANY'I DON YIN LA, DE NAS BKAG PAS RANG GIS RANG RIG PA MED CES PAR SONG SNYAM DU BSAMS SO, ,SGRON GSAL LAS, DZANY'A NI RTOGS PA DANG, NA NI DGAG TSIG TU BYAS NAS RTOGS PA DANG BRAL BA DZNY'A NA'I DON DU BSHAD DO, ,RGYA DPE LA YANG, 'GYUR GNYIS KA LTAR YOD PAR SNANG LA, PHYI MA LTAR YOD NA RANG GIS RANG GI YE SHES MTHONG BA'I DON YE SHES KYI DE KHO NA NYID YE SHES KYIS MTHONG BA'I DON DU BSHAD

, ,DGOS KYI, RANG RIG BKAG PA'I DON DU BYAS NA GZHUNG LA MI 'GRIG GO ,GANG ZAG GANG GIS PHYAG MDZAD PA NI 'CHAD PAR 'GYUR LA, DGOS PA NI SNGAR DANG 'DRA'O, ,RDO RJE BZLAS PA'I RIM PAR GSUNGS PA LTAR, RNAL 'BYOR RGYUD KYI RJES 'BRANGS NAS, ,SEMS DMIGS RIM PA BSHAD PAR BYA, ,ZHES PA DON LA THOB MOD KYANG, 'DIR MA MDZAD PA NI SNGA MA LA DPAGS NAS GO BAR NUS TE, DPAL LDAN 'DUS PA'I RGYUD DU NI, ZHES SOGS KYI GSUNG LAS SO, ,GSUM PA NI, 'ON KYANG KUN MKHYEN MA THOB BAR, ,DE NI NYE BAR DMIGS MI 'GYUR, ,MUN NAG RAB RIB KYIS KHENGS PA, ,DRIN GYIS SNANG BA THOB PAR 'GYUR, ,ZHES PA LA LAKshM'IS, CHOS SKU RANG BZHIN GYIS GRUB NA BSGOM CI DGOS SHE NA, 'ON KYANG STE CHOS SKU RANG BZHIN GYIS GRUB PA KHYAD BDEN MOD KYANG KUN MKHYEN TE RDO RJE SLOB DPON LA MAN NGAG MA THOB PAR DE KHO NA NYID DE NI MNGON SUM DU NYE BAR DMIGS PAR MI 'GYUR TE, 'DE'I RANG BZHIN MI SHES PA'I PHYIR RO, ,DPER NA MUN NAG GIS PA'I KHANG PAR KHANG BDAG GI MAR ME'I DRIN GYIS DE'I BUM PA SOGS MTHONG BA DE BZHIN DU, BLA MA'I DRIN GYIS DE KHO NA NYID SNGAR MI GSAL BA PHYIS GSAL BAR 'GYUR GYI DES BSKYED PA NI MIN PAS BSGOM PAR RIGS SO ZHES 'CHAD DO, ,DE'I LTAR NA SNGA MA'I RTZOD PA'O, ,CHAG 'GYUR LAS, GANG YANG KUN MKHYEN RTOGS MIN PAS, ,DE NI NYE BAR DMIGS MI 'GYUR, ,MUN NAG RAB RIB KYIS KHENGS PA, ,DRIN GYIS SNANG BA THOB PAR BYA, ,ZHES 'BYUNG NGO, ,'DI NI SPYOD BSDUS LAS SEMS DBEN LA SLOB 'DOD PAS JI LTAR BSLAB PAR BYA BA DRIS PA'I LAN DU, ,DE BZHIN

GSHEGS PA THAMS CAD KYI YANG DAG PAR BSTAN PA LAS KHA PHYIR PHYOGS PA'I YUL MIN PA, SHIN TU ZAB PA MCHOG TU RTOGS PAR DKA' BAS SANGS RGYAS RNAMS KYI SPYOD YUL DRIS PA LEGS SO, ,DGE BA'I BSHES GNYEN MNYES PAR BYAS NAS RANG GI SEMS KYI NGO BO NYID BTZAL BAR BYA'O, ,ZHES GSUNGS PA DANG MTHUN PAR BSHAD NA LEGS SO, ,DE LA SNGAR RANG GIS RANG GI ZHES PA'I SKABS SU RANG GI SEMS KYI YANG DAG PA'I DON CHU LA CHU BZHAG PA BZHIN DU MTHONG BAR GSUNGS PA DE JI LTAR YIN SNYAM NA, SEMS KYI DE KHO NA NYID GANG YANG KUN MKHYEN SANGS RGYAS RTOGS PA STE THOB PA RNAMS KYI MAN NGAG GI RJES SU 'BRANGS PA MIN PAR GZHAN GYIS NYE BAR DMIGS PAR MI 'GYUR BA DE NI, GZHAN LA MA RIGS PA'I MUN NAG GIS BSGRIBS NAS SHES PAR MI 'GYUR BAS, BLA MA'I DRIN GYIS MUN PA DE SEL BA'I SNANG BA THOB PAR BYA'O, ,ZHES BSHAD PAR DAM BCAS PA'O, ,DE LTAR SBYOR NA BRTZAM PAR DAM BCA' RU BYA'O, ,GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, RDO RJE BZLAS PA'I RIM PAR, RDO RJE BZLAS GNAS RNAL 'BYOR BA, ,SEMS LA DMIGS PA THOB PAR 'GYUR, ,ZHES PA'I SEMS DMIGS SAM SEMS DBEN GYI YE SHES DE GANG ZHES PA DANG, YANG RIM PA DANG POR, YE SHES GSUM GYI DBYE BA YIS, ,SEMS TZAM LA NI NGES PAR SBYAR, ,ZHES PA'I YE SHES GSUM GYI DBYE BA DE GANG ZHE NA, DANG PO STONG PA DANG, GNYIS PA SHIN TU STONG PA DANG, GSUM PA STONG PA CHEN PO DANG, BZHI PA THAMS CAD STONG PA STE BZHI'O, ,DE BZHI'I BYE BRAG STE MI 'DRA BA'I KHYAD PAR NI RGYU DANG 'BRAS

, ,BU'I SGO NAS SHES PAR BYA'O, ,DANG POR SKYE BA'I STONG PA NI SHES RAB DANG, DE LAS SKYES PA'I SHIN TU STONG PA NI THABS YIN LA, DE GNYIS MNYAM PAR SBYOR BA LAS SKYE BA'I STONG CHEN NI NYER THOB RDZOGS PA'O, ,MNYAM PAR SBYOR TSUL NI, SHES RAB CHAGS BRAL DANG THABS CHAGS PA GNYIS CHAGS PA YOD MED GNYIS SU 'CHAD PA YIN LA, NYER THOB NI CHAGS PA BAR MA YIN PAS HA CANG CHAGS PA DANG BRAL BA DANG, HA CANG CHAGS PA'I MU GNYIS SPANGS NAS CHA MNYAM DU GNAS PA'O, , NYER THOB RDZOGS PA LAS NI DE LAS THAMS CAD STONG PA 'OD GSAL GYI SEMS SKYE'O, ,DE LTAR STONG PA BZHI RGYU 'BRAS KYI RIM PA'I SGO NAS RNAM PAR DAG PA 'OD GSAL DU 'GYUR BA NI, STONG PA GSUM MNYAM PAR SBYOR BA'I NYER THOB LAS 'OD GSAL GYI GO 'PHANG BLA NA MED PA THOB PAR 'GYUR BA YIN NO, ,STONG PA GSUM MNYAM PAR SBYOR BA LA NI RNAM SHES GSUM MNYAM PAR SBYOR BA ZHES KYANG BYA'O, ,RIM PA DANG POR RTZA RGYUD DU MDOR BSTAN PA DANG, DE BSHAD RGYUD KYIS RGYAS PAR BSHAD PA'I TSUL GNYIS GSUNGS PA LTAR, RIM PA 'DI LA'ANG DE LTAR 'CHAD DAM MI 'CHAD SNYAM NA, RIM PA PHYI MA BZHI LA DE LTAR GSAL BAR MA BSHAD KYANG SHES PAR NUS TE, RTZA RGYUD KYI LE'U DRUG PA LAS, SEMS LA DMIGS PA BDAG MED PA, ,ZHES SOGS KYIS MDO TZAM DU MI GSAL BAR BSTAN LA, DE BSHAD PA'I RGYUD GANG GIS 'CHAD PA NI SPYOD BSDUS LAS, DPAL YE SHES RDO RJE KUN LAS BTUS PA LA SOGS PA BSHAD PA'I RGYUD KYI RJES SU 'BRANGS NAS RNAM PAR SHES PA GSUM GYI RANG BZHIN GYI SNANG BA

RTOGS PAR BYA'O, ,ZHES GSUNGS TE, KUN LAS BTUS LAS GSUNGS PA SPYOD BSDUS SU DRANGS PA NI SNGAR DRANGS ZIN TO, ,SOGS KYI SGRAS BSDUS PA RDO RJE PHRENG BAR BSHAD PA DANG, GNYIS MED RNAM RGYAL LAS KYANG GSUNGS TE SNGAR DRANGS SO, ,RNAM SHES GSUM GYI RANG BZHIN GYI SNANG BA NI SPYOD BSDUS LAS, RGYUD DE'I RJES SU 'BRANGS NAS RNAM PAR SHES PA GSUM GYI YANG DAG PA JI LTA BA YONGS SU SHES PAR BYA'O, ,ZHES GSUNGS PA LTAR YIN GYI RANG BZHIN BRGYAD CU LA RANG BZHIN DU MI BYA'O, ,GNYIS PA NI, 'DIR SPYOD BSDUS LAS, RANG GI SEMS KYI NGO BO NYID RTOGS PAR BYA DGOS PA'I RGYU MTSAN DANG, SEMS DE'I NGANG TSUL MDOR JI LTAR GSUNGS PA DANG, DE'I RANG BZHIN RNAL 'BYOR CHEN PO'I RGYUD LA BRTEN NAS RTOGS PAR BYA DGOS PA DANG, RGYUD KYI DON SEMS GSUM DANG RANG BZHIN RNAMS BSHAD PA DANG, DE JI BZHIN DU SHES PA'I PHAN YON DANG, MA SHES PA'I NYES DMIGS BSTAN PA STE DRUG GIS 'CHAD DO, ,DE LA DANG PO NI, DE NYID BSDUS PA LAS RIGS KYI BU MNYAM PAR BZHAG PAS RANG GI SEMS SO SOR RTOGS SHIG ,CES PA DANG, RNAM SNANG MNGON BYANG LAS, BYANG CHUB NI RANG GI SEMS YANG DAG PA JI LTA BA BZHIN DU SHES PA'O, ,ZHES PA DANG, SDE SNOD GSUM GYI TSUL LAS KYANG, GDUL DKA' BA'I SEMS BTUL NA BDUD KYI 'CHING BA LAS GROL BAR GSUNGS PAS, RANG GI SEMS KYI DE KHO NA NYID JI LTA BU ZHIG YIN PA BTZAL BAR BYA DGOS SO, ,'DI DAG GIS NI RGYA GAR BA DANG BOD KHA CIG SEMS DBEN GYI YE SHES NI CHOS CAN SEMS KYI NGANG TSUL RIG PA YIN GYI CHOS NYID NI MIN TE, GZHAN

, ,DU NA 'OD GSAL DANG KHYAD MED PAR 'GYUR RO, ,ZHES 'CHAD PA BKAG PA YIN TE, LUNG BAR PAS NI SEMS KYI DE KHO NA NYID RIG PA LA GSAL BAR BSHAD CING, LUNG DANG POS KYANG, BYANG SEMS DON GRUB MI GA-YO BA'I TING NGE 'DZIN LAS BSLANG BA LA SEMS KYI CHOS NYID MNGON SUM DU BYED PA'I PHYIR BSKUL BA YIN PA'I PHYIR DANG, LUNG GSUM PA'I DON KYANG SEMS KYI GNAS LUGS MA RTOGS NA BDUD KYI 'CHING BA BCAD MI NUS PA'I PHYIR RO, ,SEMS DBEN GYI SKABS SU NI SEMS KYI CHOS NYID RTOGS KYANG MNGON DU MA GYUR LA, 'OD GSAL GYI SKABS SU NI MNGON DU GYUR PA YIN PAS ZLOS PAR MI 'GYUR RO, ,DES NA SGYU MA LTA BU'I TING NGE 'DZIN MNGON SUM DU BYA BAR 'DOD PAS RNAM GA-YENG DANG SGRIB PA LNGA PO SPANGS TE BSHAD RGYUD KYI RJES SU 'BRANGS NAS RNAM SHES GSUM GYI RANG BZHIN RTOGS PAR BYA'O, GNYIS PA NI, SEMS DE'I NGANG TSUL PHA ROL TU PHYIN PA'I THEG PA NAS GSUNGS TSUL LA GNYIS LAS, DANG PO LANG GSHEGS NAS GSUNGS TSUL NI, BYANG SEMS CHEN POS RANG GI SEMS SNANG BA GZUNG 'DZIN GYI RNAM RTOG ,SANGS RGYAS KYI SPYOD YUL SHES PAR 'DOD PAS 'DU 'DZI DANG GNYID LA SOGS PA'I SGRIB PA SPANG BAR BYA'O, ,ZHES GSUNGS TE, TSIG DANG POS CHOS CAN GYI SEMS DANG, SANGS RGYAS KYI SPYOD YUL ZHES PAS DE'I CHOS NYID BSTAN TO, ,DE NAS RNAM SHES GSUM NI DNGOS PO THAMS CAD KYI RGYUR GYUR PAS MDOR BSTAN NAS, 'DI LTA STE NAS 'JIG PA STE ZHES PA'I BAR GYIS RGYAS PAR BSHAD LA, MDOR NA KHAMS GSUM

PA'I DBANG PO'I SPYOD YUL RNAMS NI RNAM PAR SHES PA'O ZHES PAS DON BSDUS TE SNGAR RNAM SHES GSUM DNGOS PO THAMS CAD KYI RGYUR GYUR PA'I DON YIN GYI KHAMS GSUM THAMS CAD RNAM SHES SU STON PA MIN NO, ,BZANG SKYONG GIS ZHUS PA LAS GSUNGS TSUL NI, RNAM SHES LUS KYI 'KHRUL 'KHOR GYI RTEN SNA TSOGS LA BRTEN NAS 'JUG PA DANG, DES LUS LEN PAS BYED PA PO DANG, DE NYID CHOS KYI DBYINGS KYI RANG BZHIN CAN YIN PAS MI ZAD PA DANG, SNGON GYI GNAS DRAN PAS BLO PHUN SUM TSOGS PA DANG, NYI 'OD DRI BZANG NGAN LA 'BAB KYANG DRI DES GOS PA MED CING NGAN PA BOR TE MI 'GRO BA BZHIN DU, RNAM SHES KYANG KHYI DANG PHAG LA SOGS PA'I SKYE BA 'DZIN KYANG DE'I SKYON GYIS MA GOS PAR GSUNGS SO, ,DE NAS SMAN CHEN GYIS RNAM SHES LUS LAS 'PHOS PA'I RANG BZHIN ZHUS PA'I LAN DU, AA MRA LA SOGS PA'I SA BON LA RO GANG YOD PA DE 'BRAS BU LA 'PHO BA BZHIN DU, SA BON LTA BU'I RNAM SHES KYANG 'BRAS BU DANG 'DRA BA'I 'GRO BA GANG DU 'PHO BA DER LAS GNYIS DANG TSOR BA DANG DRAN PA YANG 'PHO'O ZHES GSUNGS SO, ,DE LTAR NA RNAM SHES NI KHA DOG DANG DBYIBS DANG MTSAN MA DANG BDAG NYID MED PA, RANG RIG PA TZAM DU BKA' STZAL LO ZHES LHAS GSUNGS TE, RANG RIG PA TZAM ZHES PA'I TZAM GYI SGRAS NI, RNAM SHES KYI DBANG GIS 'BYUNG BA MA GTOGS PA SNOD BCUD GUD DU GRUB GRUB PA GCOD DO, ,BDAG NYID MED PA NI RANG BZHIN MED PA'O, ,DE MDO DE GNYIS KYIS BSTAN TSUL NI, RTEN 'BREL GYI SGO NAS BSTAN PA'O, ,'GYUR RNYING LAS, GZHAN YANG ZHES 'BYUNG YANG, 'GYUR GSAR LAS DE LTA NA'ANG ZHES PA LEGS TE, PHAR PHYIN GYI

, ,MDO SDE LAS SEMS RANG BZHIN MED PAR BSHAD KYANG, RNAL 'BYOR CHEN PO'I RGYUD LAM ZHUGS BAR DU RANG GI SEMS KYI YANG DAG PA JI LTA BA BZHIN SHES MI NUS PAR BSHAD DE, SEMS KYI YANG DAG PA MNGON DU GYUR PA TZAM LA DE MI DGOS KYANG CHOS KYI SKU MNGON DU GYUR PA LA ZER BA YIN NO, ,YANG NA SGYU LUS MNGON DU BYED NUS PA'I SEMS DBEN GYIS RANG GI SEMS KYI DE NYID RTOGS PA LA BYA'O, ,'DIS NI RGYUD SDE 'OG MA PA DANG PHAR PHYIN RKYANG PAS 'TSANG RGYA MI NUS PAR STON TO, ,RGYUD DE LAS RDO RJE'I TSIG BSHAD PA ZHES PA NI KUN LAS BTUS LAS 'DUS PA'I RDO RJE'I TSIG BSHAD PA'O, ,GSUM PA LA GSUM, SNANG BA BSHAD PA, RANG BZHIN BSHAD PA, DE LA RTZOD PA SPANG BA'O, ,DANG PO LA GNYIS, RNAM SHES GSUM GYI MING GI RNAM GRANGS DANG, STONG PA GSUM GYI YE SHES BSTAN PA'O, ,DANG PO NI, STON PAS THABS DANG SHES RAB CES PA'I GSUNG GSAL BA'I THA SNYAD 'DI NI, DGONGS PA'I GSUNG GIS MA NING GI TSIG GI BRDA MI GSAL BA STE, NYE BAR THOB PA'I YE SHES KYANG NGO, ,ZHES CHAG GIS BSGYUR TE, SHES RAB DANG THABS ZHES BUD MED DANG SKYES PA'I BRDAS GSAL BAR GSUNGS PA'I SHUGS KYIS MA NING GI BRDA MI GSAL BA YANG 'PHANGS PA'I DON NO, ,MING GI RNAM GRANGS 'DI GSUM SNGAGS NAS YIN NO, ,'DIR 'GYUR RNYING LAS 'BYUNG BA MI LEGS PAR SNANG NGO, ,THEG PA THUN MONG BA LA GRAGS PA'I RNAM GRANGS NI SEMS YID RNAM SHES GSUM DANG, KUN BRTAGS GZHAN DBANG YONGS GRUB GSUM DANG, CHAGS

SDANG GTI MUG GSUM DANG, NGO BO NYID GSUM LA SOGS PA'I, ,MING 'DI DAG PHAR PHYIN DU'ANG GRAGS PAS THUN MONG ZHES BYA'I MING 'DI RNAMS SNANG MCHED THOB GSUM LA 'JUG PA THUN MONG BAR STON PA MIN NO, ,NGO BO NYID GSUM NI SNANG BA STONG PA GNYIS KA'I NGO BO NYID GSUM YIN NAM BRTAG GO ,RDO RJE THEG PAR BSHAD PA'I MING GI RNAM GRANGS NI, SNANG MCHED THOB GSUM DANG, STONG PA GSUM DANG, SEMS SEMS BYUNG MA RIG PA DANG, CHAGS PA CHAGS BRAL BAR MA'O, ,DE LA SEMS YID RNAM SHES GSUM DANG STONG PA GSUM DANG SEMS SEMS BYUNG MA RIG PA GSUM DANG GZHAN DBANG KUN BRTAGS YONGS GRUB GSUM DANG, CHAGS SDANG GTI MUG GSUM DANG, CHAGS BRAL CHAGS PA BAR MA GSUM DANG, SNANG MCHED THOB GSUM RIM PA BZHIN DU SBYAR RO, ,'CHI BA'I 'OD GSAL MYONG BA'I SEMS NI 'CHI SEMS YIN LA, DE'I SNGA ROL TU SNANG MCHED THOB GSUM 'ONG ZHING, DE GSUM LA SEMS YID RNAM SHES KYI THA SNYAD 'DOGS PAS SEMS YID RNAM SHES GSUM GYI SEMS KUN GZHI LA BYAS NAS DE KHO NA 'CHI SEMS SU 'DOD PA DANG MI MTHUN NO, ,DE RNAMS PHAL MO CHE DE GSUM LA THA SNYAD DE DAG 'JUG PA'I RGYU MTSAN PHYOGS RE YOD PA'I SGO NAS KUN BRTAGS SOGS SU BSHAD PA YIN GYI MING DE DAG GI DON THAMS CAD DE GSUM YIN PAR STON PA MIN NA, ,GNYIS PA NI, DE NI STONG PA GSUM GYI RANG GI MTSAN NYID SO SO RANG GIS RIG PAR BYA BA'I NGO BO NI NGAG GI SGO LA BRTEN NAS BSTAN PAR BYA STE, STON PAS SEMS NI KHA DOG DANG DBYIBS MED PA NAM MKHA'I MTSAN NYID CAN NO, ,ZHES PA

, ,DANG, SNANG BA'I MTSAN NYID DANG RJES SU MYONG BA'I MTSAN NYID KYIS SO SOR RTOGS PAR BYA'O, ,ZHES GSUNGS PA'I DANG PO STON PA LA SNANG BA'I MTSAN NYID NI, RNAM PA MED PA'I RANG BZHIN LUS DANG NGAG MED PA STE, STON GYI NAM MKHA' DRI MA MED PA LA ZLA BA'I 'OD ZER GYIS KHYAB PA BZHIN DU, GSAL BA'I RANG BZHIN GYI RNAM PAR DNGOS PO MA LUS PA RNAMS DMIGS PAS SNANG BA'O, ,'DI NI DON DAM BYANG CHUB KYI SEMS SHES RAB KYI RANG BZHIN STONG PA DANG PO STE, Am ZHES PA NGAG GI SGO LA BRTEN PA'I SA BON BRTEN PAR BYED PA'I RGYU, MOS PA CHUNG BAS DGONGS TE GSUNGS PA MI RTOGS PAS ZLA BA'I GZUGS SU DMIGS PAR BYED CING, PADMA'AM BUD MED DAM GA-YON PA'AM MTSAN MO'I MING NGAM, 'JAM PA'I NGO BOR SEMS KYI KUN RDZOB KYI GZUGS GSAL BA'O, ,SNANG BA MCHED PA'I MTSAN NYID NI, DE YANG GZUNG 'DZIN DANG BRAL BA RNAM PA MED PA'I RANG BZHIN LUS DANG NGAG MED PA STE, STON KA'I NAM MKHA' LA NYI 'OD KYIS KHYAB PA BZHIN DU, SHIN TU GSAL ZHING DRI MA MED PA'I NGO BO NYID DNGOS PO MA LUS PA DMIGS PA, BYANG CHUB KYI SEMS KUN TU BZANG PO RIM PA GNYIS PA SHIN TU STONG PA'I MTSAN NYID CAN, A'A: ZHES PA NGAG GI SGO LA BRTEN PA'I SA BON BRTAN PAR BYED PA'I RGYU STE, MOS PA CHUNG BAS DGONGS TE GSUNGS PA MI RTOGS PAS, NYI MA LA BRTEN NAS DMIGS PAR BYED CING, RDO RJE RTZE LNGA PA'AM, RIN PO CHE'AM, NYIN MO'AM, SKYES PA'I GZUGS SAM, GA-YAS PA ZHES PA DANG, RTZUB PA'I RNAM PA NI SEMS LAS BYUNG BA'I KUN RDZOB KYI GZUGS SO, ,

SNANG BA NYER THOB KYI MTSAN NYID NI, DE BZHIN DU NAM MKHA'I MTSAN NYID DNGOS PO MED PA'I GZUGS CAN, LUS DANG NGAG MED PA STE, MTSAMS KYI SMAG LA BAB PA'I NAM MKHA' BZHIN DU PHRA ZHING BDAG MED PA, SROG DANG RTZOL BA MI RGYU BAS RGYU BA MED PA, SEMS MED PA MI GA-YO BA NGAG GI SA BON LA BRTEN NAS GNAS PA'I SGO YONGS SU GRUB PA ZHES PA 'DI NI NYER THOB MA RIG PA'I MTSAN NYID CAN STONG PA CHEN PO'O, ,DE LA DNGOS PO MED PA'I GZUGS CAN NI CHAG GIS RNAM PA MED PA'I RANG BZHIN DU BSGYUR BA LEGS LA, GSUM GA LA DE GNYIS LTAR GSUNGS PA NI, BAR PA LA GZUNG 'DZIN DANG BRAL BA ZHES GSUNGS PA'I DON TE GNYIS SNANG RAGS PA'I RNAM PA DANG BRAL BA'O, ,LUS NGAG MED PA GSUM GA LA GSUNGS PA NI, YE SHES DE'I DON? DE GNYIS KYI SNANG BA MED PA'O, ,NAM MKHA'I MTSAN NYID CES PA NI, GSUM GA ZLA 'OD DANG NYI 'OD DANG SMAG GIS KHYAB PA'I NAM MKHA' BZHIN DU SNANG BA'O, ,DNGOS PO MA LUS PA DMIGS PA ZHES PA NI YUL DU GANG SNANG THAMS CAD SNGA MA BZHIN DU SNANG BA'O, ,'DI GSUM GA DON DAM BYANG CHUB KYI SEMS KYI NGO BOR SKYE BA'I DUS SU RLUNG RANG BZHIN LA THIM NAS RANG BZHIN LOG PA'I RJES SU SKYE BAS SNA BUG NAS SROG RTZOL RGYU BA MED KYANG GSUM PA LA KHYAD PAR DU SMOS PA NI DE GSUM GYI NANG NAS KYANG RLUNG GI GA-YO BA PHRA RU SONG BA LA DGONGS SO, ,GSUM PA LA CHAG GIS, NGAG GI SA BON AA LA BRTEN PA'I SGO YONGS SU GRUB, CES BSGYUR LA, DE GSUM GYI NGAG GI SGO LA BRTEN PA NI NGAG GI SGO NAS BRJOD PA'I YI GE GSUM MO, ,DE'I SA BON NI RGYU STE RLUNG NGO, ,DE BRTAN PAR BYED PA'I RGYU NI YI ?

, ,SHES DE DAG GI SGO NAS RLUNG KUN NAS GA-YO BA 'GOG PA'O, ,MOS PA CHUNG BA NI BLO'I MTHU CHUNG BA LAS DANG PO PA'I RNAL 'BYOR PA BSKYED RIM PA'O, ,DGONGS TE GSUNGS PA NI SGRA 'GAL BA ZLA NYI LA SOGS PA'I SGO NAS YE SHES GSUM BRJOD PA'O, ,DES DE MI RTOGS PA NA LUNG LA BRTEN NAS MI SHES PA MIN GYI MNGON DU BYED MI NUS PA'O, ,DES ZLA BA SOGS LA DE DAG TU MOS NAS BSGOMS PAS MTHAR YE SHES RNAMS MNGON DU BYED NUS PAR 'GYUR BA'O, ,KUN RDZOB KYI GZUGS ZHES PA NI ZLA NYI LA SOGS PA'I DON RNAMS SNANG BA RNAMS KYI KUN RDZOB PA'I NGANG TSUL DU STON PA MIN TE, SNGAR NAM MKHA' GSUM BZHIN DU BSHAD PA NI SNANG BA GSUM GYI DON DAM PA'I NGANG TSUL YIN PAS DE LAS RNAM PAR DBYE BA'I PHYIR DU'O, ,'DI NI GTZO BO RDOR BZLAS MTHAR PHYIN PA'I 'OG TU YE SHES GSUM GYI SKYE TSUL YIN TE, 'CHI BA LA SOGS PA'I GZHI DUS SU YANG 'DI DANG RJES SU MTHUN PA SKYE'O, ,GNYIS PA NI, YE SHES RE RE 'BYUNG BA LA RANG BZHIN 'BYUNG BA RNAM PAR GZHAG PAR BYA STE ZHES GSUNGS PA'I YE SHES NI SNGAR BSHAD PA DE RNAMS MIN GYI SPYIR SNANG BA GSUM GYI YE SHES ZHES PA'AM SHES PA LA BYA'O, ,DE LA SHES RAB KYI YE SHES RANG BZHIN CHAGS BRAL GSUM DANG, YID KYI 'GRO 'ANG GCIG DANG, MYA NGAN GSUM DANG, ZHI BA DANG RNAM PAR RTOG PA GNYIS DANG, 'JIGS PA GSUM DANG, NYE BAR LEN PA DANG MI SHES PA GNYIS DANG, TSOR BA GSUM DANG, BKRES SKOM DANG RIG PA'I BYA BYED LAS GSUM DANG, SO SOR RTOG PA DANG NGO TSA SHES PA DANG, SNYING RJE

DANG BRTZE BA GSUM DANG, DGOS PA DANG SDUD PA'AM SOG PA DANG PHRAG DOG GO ,DE LA YUL YID 'ONG MI 'ONG BAR MA GSUM DU NGES PAS, DE GSUM LA DMIGS NAS 'DOD PA'I RNAM PA CAN DANG, MI 'DOD PA'I RNAM PA CAN DANG, DE GNYIS KA'ANG MED PAR BTANG SNYOMS PA'I RNAM PA CAN DU 'JUG PA'I RTOG PA'ANG GSUM DU NGES SO, ,DE'I RGYU RTOG MED KYI SNANG BA'ANG YUL GSUM LA DMIGS PA GSUM MO, ,DE 'ANG YUL LA 'DOD CHAGS LOG PA'I SGO NAS NI DANG PO GSUM MO, ,YUL LA 'JUG TSUL GYI SGO NAS NI 'GRO BA SPRO BA DANG 'ONG BA SDUD PA'O, ,SEMS KHRAL GYI SGO NAS NI MYA NGAN GSUM MO, ,ZHI BA NI DGA' BA ZHI BA'O, ,RNAM PAR RTOG PA NI MI 'DOD PA'I RNAM PAR RTOG PA'O, ,MI 'DOD PA SKYED PA'I SGO NAS NI 'JIGS PA GSUM MO, ,SRED PA GSUM NI DGA' BA'I RNAM PA CAN MIN GYI YUL DE LA GDUNG BA LA SRED PA ZHES BTAGS PAS 'OG MA'I 'DOD CHAGS GSUM DANG MI 'DRA'O, ,NYE BAR LEN PA NI GNOD PA'I BSAM PA LOG PA'O, ,MI DGE BA'AM MI SHES PA NI DE LA DMIGS NAS MI 'DOD PAR LTA BA'O, ,TSOR BA GSUM NI GDUNG PA'I TSOR BA'O, ,RIG PA PO LA SOGS PA'ANG YID DU MI 'ONG BA'I DBANG DU BYAS PA LA RTOG PA'O, ,NGO TSA SHES PA NI NGO TSA NAS MI 'DOD PA'O, ,SO SOR RTOG PA NI KHON 'DZIN YANG YANG DRAN PA'O, ,SNYING RJE NI DES YID MI BDE BA BSKYED PA'O, ,BRTZE BA GSUM NI NYAM THAG PA'I RNAM PA CAN NO, ,SDUD PA NI YUL LAS PHYIR PHYOGS PA'O, ,SER SNA ZHES BSGYUR YANG PHRAG DOG TU BSGYUR BA LEGS SO, ,'DIS BZHI BCU DANG BDUN LA YANG RIGS PA SBYAR RO, ,RANG BZHIN BRGYAD CU PO LA NYIN MTSAN GYIS PHYE NA BRGYA DRUG CU STE SGONG SKYES

, ,LA SOGS PAS KYANG SPYOD DO, ,DE NAS RANG BZHIN BRGYAD CU RANG GZHAN GYI RGYUD LA RGYU BA NGES NA, LUNG GIS JI LTAR BSHAD PA BSTAN DU GSOL, ZHES PA'I LAN DU, 'DUS PA PHYI MA'I SNGAGS KYI NGES TSIG DRANGS SO, ,SNGAR DRANGS PA LTAR YE SHES RDO RJE KUN LAS BTUS SU GSAL BAR SNANG MOD KYANG, RGYUD PHYI MA DRANGS PA NI, SNGAGS KYI NGES TSIG YID SKYOB KYI YID DE DBANG PO DRUG DANG YUL DRUG GI RKYEN GYIS BYUNG BA'I YID LA GSUNGS PAS YID DE TSOGS DRUG GI SHES PA LA GSAL BAR BSHAD CING, DE DRUG GA GANG SKYABS PA'I YID YIN PA'I PHYIR GANG LAS SKYOB PA'I YID DU DGOS SO, ,YANG NA SNGAGS KYI SPYOD PA BYAS NAS YID SKYOB PA'I SKABS SU GSUNGS PAS RANG BZHIN LA GO NUS TE, SPYOD PA'I DGOS PA NI KUN RTOG GCOD PA'I CHED YIN PA'I PHYIR RO, ,RANG BZHIN BRGYAD CU LAS, NYON MONGS PA DGU BCU RTZA BRGYAD 'BYUNG BA NI MDZOD NAS BSHAD PA LTAR MTHONG SPANG GYA BRGYAD DANG, SGOM SPANG BCUR BSHAD PA'O, ,LTA NGAN RE GNYIS SOGS 'BYUNG BA NI TSANGS PA'I DRA BA LAS GSUNGS PA LTAR RO, ,GSUM PA GNYIS, RTZOD PA DANG, DE'I LAN NO, ,DANG PO NI, STONG PA'I YE SHES NI ZLA BA'I SNANG BA LTA BU STONG PA TZAM MO, ,ZHES SOGS KYIS BSTAN TE SNGAR DRANGS ZIN TO, ,GONG DU YE SHES GSUM GYI NGOS 'DZIN NAM MKHA' LTA BUR GSUNGS PA DANG DE DAG LAS RANG BZHIN GYI RTOG PA RNAMS 'BYUNG BAR BSHAD PA GNYIS LA 'GAL BA 'DZIN PA'O, ,MEL TSE BYED CES PA NI SPRO BAR BYED CES PA DANG SEMS PA MED PAR BYED CES PA NI SDUD PAR BYED PA 'DRI BA'O, ,DE'I LAN NI, NAM MKHA' LTA BU YIN KYANG SNANG BA DANG BCAS PA YIN PAS GA-YO BYED KYI RLUNG

DANG BCAS PA'O, ,DES NA RLUNG GIS RIM GYIS GA-YOS PA LA BRTEN NAS RTOG PA RNAMS 'BYUNG NGO ZHES PA'O, ,RNAM SHES NI GZUGS SU MA GRUB LA, NANG GI RLUNG PHRA BA'ANG GA-YOS PA'I BYA BA TZAM GYI GZUGS SHIN TU PHRA BA MA GTOGS PA GZUGS SU MED PAS SHES PA DANG 'DRES NAS BYA BA THAMS CAD RDZOGS PAR BYED DO, ,DE'I SHES BYED DU RANG RIG TZAM GYI ZHES SOGS DRANGS SO, ,DE'I RKANG PA DANG PO GNYIS NI PHYOGS SNGA'I RTAGS SO, ,'ON KYANG ZHES PA NI KHYAB PA MED PAR STON TE, DE LA DBYE BA YOD CES PA NI GSUM DU BSHAD CES PA'I BAR GYIS SO, ,DBYE BA YOD TSUL NI, NYIN MTSAN DANG MTSAMS KYIS TE GNYIS SNANG DANG BCAS PAR RO, ,DES NA GA-YO BYED KYI RLUNG YOD PA NI, DE'I GZHI NI ZHES SOGS KYIS STON TE SEMS DE'I BZHON PAR GYUR PAS RTEN NI GZHI'O, ,RLUNG RNAMS ZHES PA NAS DMIGS PAR 'GYUR ZHES PA'I BAR GYIS NI SNANG BA RLUNG GIS BSKYOD NAS YUL LA 'JUG TSUL STON NO, ,GANG TSE NAS DE DANG DE RJES SPYOD CES PA'I BAR GYIS NI DE LAS RANG BZHIN 'BYUNG TSUL STON TO, ,'O NA SNANG BA GSUM RJES DPAG GIS DPOG PAR GSUNGS PA CI YIN SNYAM NA, SNANG BAS RANG BZHIN MA SKYED PA'I SKABS DE NGES DKA' BAS PHAL CHE BA LA DGONGS KYI MNGON DU MI 'GYUR BA MIN TE, DPES SHES SO, ,SHES PA LA RLUNG 'JUG PA LAS SKAD CIG THANG CIG SOGS KYI TSAD TZAM DU SNANG BA GA-YO LA, DE NAS DE RNAMS KYI TSAD DU RANG BZHIN RNAMS MYONG BAR 'GYUR RO, ,SEMS PA'AM DRAN PA MED PA NI MA RIG PA STE DE LA THUG GI BAR DU SDUD PA NI RLUNG DANG RTOG PA THIM PA'I RIM PAS SO, ,PHAN YON DANG NYES DMIGS NI GO SLA'O, ,GNYIS PA LA LNGA, SNANG BA DANG RANG BZHIN GTAN LA DBAB

, ,PA DANG, STONG PA BZHI LAS LHA'I SKU SKYED TSUL DANG, 'OD GSAL LHAN CIG SKYES PA'I YE SHES DANG, LAM 'DIS BGROD PA'I SA'I RNAM GZHAG DANG, RTOGS PA BOGS 'DON PA'I SPYOD PA BYA BA'O, ,DANG PO LA BZHI, SNANG BA GSUM DANG RANG BZHIN GYI MTSAN NYID BSTAN PA DANG, STONG PA GSUM GYI YE SHES SKYED TSUL DANG, DE LA BRTEN NAS RANG BZHIN RNAMS 'OD GSAL DU 'JUG TSUL DANG, DE LTAR MA SHES PA DANG SHES PA'I SKYON YON BSTAN PA'O, ,DANG PO LA GSUM, SNANG BA DANG DE'I RANG BZHIN BSTAN PA DANG, DE GNYIS 'BYUNG BA'I DUS TSOD, SNANG BA LAS RANG BZHIN SKYE BA MI 'GAL BA'I TSUL LO, ,DANG PO LA GSUM, SNANG BA DANG DE'I RANG BZHIN, SNANG BA MCHED PA DANG DE'I RANG BZHIN, SNANG BA NYER THOB DANG DE'I RANG BZHIN NO, , DANG PO LA GSUM, SNANG BA'I NGO BO DANG, RANG BZHIN GYI DBYE BA DANG, KUN RDZOB PA'I SNANG BA LAS DE RNAMS 'BYUNG BAR BSTAN PA'O, ,DANG PO NI, SNANG BAR BYED PAS SNANG BA STE 'JUG SHES DANG PO DANG, YID DGA' BAR SNANG BAS SNANG BA'I YE SHES KYANG SNANG BA'O, ,STONG PA NI RANG BZHIN SO GSUM MI DMIGS PA'I PHYIR RO, ,SHES RAB NI DE NYID KHYAD PAR GYI YE SHES YIN PA'I PHYIR RO, ,SEMS NI DE NYID YUL THAMS CAD RTOGS PAS SO, ,GZHAN DBANG NI SNGAGS DANG PHYAG RGYA'I RGYU RKYEN LAS BYUNG BA'I PHYIR RO, ,ZHES LAKshM'IS BSHAD DO, ,GNYIS PA NI, DE YI RANG BZHIN 'PHROG GSAL BA, ZHES PA NI, RANG BZHIN SUM CU RTZA GSUM GANG, ,LUS CAN RNAMS KYI RANG RIG BYA, ,ZHES PA'I BAR GYIS STON TE, RTAGS LA MA BRTEN PAR MYONG

STOBS KYIS NGES PAS NA RANG GIS RIG PAR BYA'O, ,'DI'I 'GREL PAR SHIN TU TSER BA'I SKAD CIG DANG, ZHES DANG, DOGS DANG BSAM PA NYID DANG NI, ,ZHES BSGYUR RO, ,GSUM PA NI, LAKshM'IS NI, RNAM GRANGS KYI SGO NAS SNGAGS KYI RIM PA LA BRTEN TE, SNANG BA'I YE SHES 'BYUNG BA STON PAR BYED DE, RANG BZHIN 'DI RNAMS KUN RDZOB KYI GZUGS GSAL PO LA BRTEN TE, SPYI BO NAS BYANG CHUB KYI SEMS KYI ZLA BA SHAR ZHING 'DZAG PAS MTSAN MO'O, ,SHES RAB KYI RANG BZHIN YIN PAS BUD MAD DO, ,DMAN PA'I BDE BA DMIGS PAS 'JAM PO'O, ,RTZA GA-YON PA'I RLUNG LA ZHON PA'I RNAM SHES LAS 'BYUNG BAS GA-YON PA'O, ,BYANG CHUB KYI SEMS KYI ZLA BA'I DKYIL 'KHOR 'BYUNG BAS ZLA BA'I DKYIL 'KHOR RO, ,PADMAS MTSON PA'I SHES RAB KYI RANG BZHIN YIN PAS PADMA'O, ,LAS DANG PO PAS JI LTA BA BZHIN MI RTOGS PAS PAD ZLA'I STENG DU Am BKOD NAS BSGOMS NA ZLA 'OD DANG 'DRA BA'I SNANG BA'I YE SHES 'CHAR RO, ,RDZOGS RIM PAS NI SNGAR BSHAD PA'I RTZIBS BRGYAD PA'I 'KHOR LO KHO NA PADMA 'DAB BRGYAD DANG, DER GNAS PA'I BYANG CHUB KYI SEMS ZLA BA STE, DER YANG RTZA'I GZUGS SU Am RANG BZHIN GYIS GRUB PA LAS 'OD ZER SPROS TE AOm YIG GIS 'JUG PA'I RLUNG BKUG NAS BCUG LA RANG BZHIN DANG BCAS PA'I 'JUG SHES DAG NA ZLA 'OD DANG 'DRA BA'I SNANG BA'I YE SHES 'CHAR RO ZHES 'CHAD DE, BSTAN PAR BYA BA ZHES PA GNYIS KYIS BSTAN PAR 'DOD DO, ,SNANG BA'I YE SHES YANG DAG 'BYUNG, ,ZHES PA'I DON NI RANG BZHIN SO GSUM DE LAS BYUNG BA'I DON DU SNANG GI YE SHES DANG PO SNGAGS KYI RIM PA LAS BYUNG BA'I DON MIN LA, SPYOD BSDUS LAS,

, ,MTSAN MO LA SOGS PA RNAMS SNANG BA'I MING DU GSUNGS PA DANG MI MTHUN NO, ,'GYUR YANG CHAG GIS SNANG BA'I YE SHES LAS BYUNG BA, ,ZHES PA LEGS SO, ,DES NA MTSAN MO NI MTSAMS KYI SMAG GI MUN PA 'THUG PO SANGS NAS SKYE RING GI 'OD KYIS MA SLEB PA'I BAR GYI ZLA 'OD PHOG PA'I NAM MKHA' DANG 'DRA BAS MTSAN MO DANG, GA-YON PA SHES RAB TU BSHAD PAS GA-YON PA DANG, SHES RAB KYI NGO BO YIN PA'I BUD MED DANG, ZHAN PA'I RNAM PA CAN YIN PAS 'JAM PO DANG, ZLA BAR MOS PAR BYED PA DANG ZLA 'OD DANG 'DRA BAS ZLA DKYIL DANG, PADMAR MOS PAS PADMA ZHES BYA'O, ,YI GE'I DBANG DU BYAS NA AA YIG THIG LE CAN DU MOS PAS DER BSHAD DO, ,BSHAD MA THAG PA'I SNGAGS RIM DANG, MAN NGAG GZHAN LAS SNYING KHAR 'KHOR LO LA YI GE BKOD PA YANG 'PHAGS SKOR GYI KHUNGS THUB LNGA'I GZHUNG LAS MI 'BYUNG NGO, ,GNYIS PA LA GSUM, SNANG BA MCHED PA'I NGO BO, DE'I RANG BZHIN GYI DBYE BA, KUN RDZOB PA'I MCHED PA LAS DE RNAMS 'BYUNG BAR BSTAN PA'O, ,DANG PO NI, LAKIshM'IS SNGA MA LAS YID DGA' BA LHAG PAS SNANG BA MCHED PA DANG, RANG BZHIN BZHI BCU MI DMIGS PAS SHIN TU STONG PA DANG, NYON YID 'GRO BA'I RGYU YIN PAS THABS SAM, YANG NA RTZA GA-YAS LA GNAS PA'I RNAM SHES LAS 'BYUNG BAS THABS DANG, NANG GI BDAG NYID YIN PAS DON LAS MI SKYE BA'I PHYIR KUN BRTAGS DANG, BDAG TU LTA BA LA SOGS PA'I SEMS BYUNG BZHI'I RANG BZHIN YIN PAS SEMS BYUNG NGO ZHES 'CHAD DO, ,GNYIS PA NI, CHAGS DANG ZHEN PA DE BZHIN DGA', ,ZHES PA NAS, RANG

BZHIN BZHI BCU GANG YIN PA, ,SHIN TU STONG PA'I SKAD CIG STE, ,ZHES PA'I BAR GYIS GSUNGS SO, ,CHAG 'GYUR LAS, RANG BZHIN BZHI BCU'I SKAD CIG RNAMS, ,SHIN TU STONG PA LAS SKYES TE, ,ZHES 'BYUNG NGO, ,GSUM PA NI, NYIN MO ZHES SOGS TE SNGA MA LA DBAGS NAS SHES PAR BYA'O, ,LAKIshM'IS 'DIR YANG RANG BZHIN RNAMS NYIN MO LA SOGS PA'I MING GIS BSHAD CING, LAS DANG PO PAS NYI MA LA GNAS PA'I A'A: YIG SGOM PA DANG, RDZOGS RIM PAS NYI ZLAS MTSAN PA'I CHOS 'KHOR GYI DBUS SU A'A: YIG LAS 'OD ZER SPROS PA'I GNAS PA'I RLUNG GI NGO BO A'A: YIG BKUG NAS BCUG PAS NYON YID 'KHOR BCAS LDOG PAS, NYI 'OD DANG 'DRA BA'I MCHED PA'I YE SHES SKYE BAR 'CHAD MOD KYANG, MI 'THAD PAR BSHAD ZIN TO, ,GSUM PA NI, LAKIshM'IS KUN GZHI LDOG PAS STONG CHEN DANG SHES RAB DANG THABS KYI YE SHES NUB PA'I BRGYAL BA LTA BU YIN PAS SNANG BA THOB PA DANG, DE'I 'OG TU 'OD GSAL 'CHAR BAS 'OD GSAL DANG NYE BAR RAM DE'I GAM NA THOB PAS NYER THOB DANG, YE SHES SNGA MA GNYIS NUB PAS YONGS GRUB STE, SNGA MA DANG NI RTAG TU BRAL, ,DE NI YONGS SU GRUB PAR BRJOD, ,CES 'BYUNG NGO, ,ZHES 'CHAD DO, ,LUNG DE NI SUM CU PAR SNGA MA KUN BRTAGS KYIS GZHAN DBANG STONG PA'I STONG PA YONGS GRUB TU 'CHAD PA YIN PAS, 'DIR 'BREL RGYU MED LA, SNANG BA GSUM 'JUG SHES DANG NYON YID DANG KUN GZHIR 'CHAD CING, STONG PA GSUM DE GSUM GYIS STONG PAR 'DIS BSHAD PA NI, SNANG BA GSUM SEMS YID RNAM SHES GSUM DU BSHAD PA LA BRTEN PAR SNANG YANG LEGS PAR MA MTHONG NGO, ,THIG LE GNYIS KYIS BRGYAN PA YI, ,CHA NYID

, ,DU YANG SHES PAR BYA, ,ZHES YI GE DE YE SHES KYI MING GI RNAM GRANGS SU BSHAD PAS SNGAGS KYI RIM PA LA SBYOR BA MI 'GRIG GO, GNYIS PA NI, CHAGS PA BAR MA'I SKAD CIG DANG, ,ZHES PA NAS, MA RIG PA YI SKAD CIG BDUN, ,PHRA MO'I RNAL 'BYOR PAS SHES BYA, ,ZHES PA'I BAR GYIS GSUNGS SO, ,MA RIG PA'I SKAD CIG NI DE'I RANG BZHIN NO, ,GSUM PA NI, SA BON THIG LER LDAN MIN LA, ,RLUNG GI SGO NAS 'BYUNG BA MIN, ,GANG ZHIG SNANG BA THOB PA DE, ,YONGS SU RDZOGS PA'I MTSAN NYID DO, ,ZHES GSUNGS TE, SA BON NI AA'O, ,THIG LE LDAN PA NI RJES SU NGA ROR LDAN PA DANG TSEG DRAG TU LDAN PA SNGAR BSHAD PA GNYIS SO, ,DE MIN PA NI, AA YIG RKYANG PA'O, ,RLUNG GI SGO NI SNA BUG GO, DE NAS 'BYUNG BA MIN PA NI 'DI'I SROG RTZOL MI RGYU BAR BSHAD PA'O, ,GSUM PA LA GSUM, NYER THOB KYI NGO BO DANG, RANG BZHIN GYI DBYE BA DANG, NYER THOB KYI DON BSHAD PA'O, ,DANG PO NI, GANG ZHIG CES PAS NI SNANG BA NYER THOB KYI DON SNANG BA YONGS SU RDZOGS PA LA BSHAD PAS SNANG BA NI SNANG BA THOG MAR THOB PA DANG, MCHED PA NI SNANG BA BAR DU 'PHEL PA DANG, NYER THOB NI THA MAR YONGS SU RDZOGS PAR BSTAN TE SNANG BA NI SNGAR BSHAD PA BZHIN NAM MKHA' LTA BUR SNANG BA'O, ,RDZOGS PA'I DON SNANG BA DAG PA NI 'OD GSAL GYI SKABS YIN PAS, 'DIR NI NAM MKHA' LTAR SNANG BA DE SHIN TU PHRA BAR SONG STE MI RTOG PA 'THUG PAR STON NO, ,DE NI LAM GYIS YE SHES GSUM BSKYED PA DANG 'CHI BA DANG BRGYAL BA'I SKABS KYI SNANG BA GSUM YIN PAS SNANG BA GSUM PO THAMS CAD KYI MIN MO, ,'DIR RNAM GRANGS LHAG MA SKYES PA DANG BUD MED LA BLTOS PA'I MA NING DANG NYIN MTSAN LA BLTOS PA'I THUN MTSAMS

DANG, GA-YAS GA-YON LA BLTOS PA'I DBUS DANG, 'JAM RTZUB LA BLTOS PA'I BAR MA DANG, THABS SHES LA BLTOS PA'I DE GNYIS 'DRES PA DANG, GDAN DANG PHYAG MTSAN LA BLTOS PA'I DE GNYIS 'DRES PA RNAMS KYANG SHES PAR BYA'O, ,GNYIS PA NI, RANG BZHIN ZHES SOGS TE, RANG BZHIN PHRA MO BRGYA DRUG CU PO 'DI RNAMS NI RLUNG LA ZHON PA ZHES PA LTAR NA RNAM SHES DANG RLUNG GI BZHON PA'I RGYU YIS ZHES PA LTAR NA RLUNG GI DBANG GIS NYIN DANG MTSAN LA 'BYUNG NGO, ,DE'I TSE YUN TSAD JI TZAM LA 'BYUNG NA, SKAD CIG SOGS TE DE LNGA RE RE'I YUN TSAD TZAM DU 'BYUNG BA MTSON PAR BYA'O, ,LAKIshM'IS DE LTAR MI SHES NA DUS GANG LA RANG BZHIN TSAN PA GSUM GANG 'CHAR MI SHES PAS 'CHOL PAR 'GYUR RO, ,DES NA THABS GANG GIS RANG BZHIN GANG MI SNANG BAR BYA SNYAM DU THE TSOM ZA BAS NAM YANG 'OD GSAL LA 'JUG PAR MI 'GYUR BA DANG, MTSON PAR YANG YID MA GTAD PA DANG BSKYED RIM PAS YID GTAD KYANG MI SHES PAS PHRA BAR GSUNGS PAR 'CHAD DO, ,SPYOD BSDUS LAS SNANG BA GSUM YANG RLUNG GIS GA-YOS PA NA SKAD CIG SOGS KYI YUN TSAD DU 'JUG PAR BSHAD PAS GNYIS KA MTSON DGOS SO, ,BSHAD RGYUD RDOR PHRENG LAS, RLUNG MTSON PA CHU TSOD DRUG CU NAS SKAD CIG SOGS KYI BAR DU BYAS NAS DE NAS 'OD GSAL DU 'JUG PAR BSHAD DO, ,GSUM PA NI, LAKshM'IS RANG BZHIN MED PA LA YE SHES DANG RNAM SHES KYI DBYE BA JI LTAR BYED SNYAM PA LA, RANG RIG CES SOGS GSUNGS TE, RKANG PA DANG POS RNAL 'BYOR SPYOD PA'I DBU MA'I PHYOGS BZHAG LA, DE DANG RNAL 'BYOR SPYOD PA'I KHYAD PAR NI RKANG PA GNYIS PAS BSTAN TE, MTSAN NYID NI SKYE GNAS 'JIG PA STE DE RNAMS MED PA'O, ,'ON KYANG KUN RDZOB TU DBYE BA YOD PA NI DE'I DBYE BA

, ,YOD DE ZHES SOGS KYIS STON PAR BSHAD DO, ,'DI NI SPYOD BSDUS DANG MI MTHUN PAS SPYOD BSDUS LTAR BSHAD DGOS LA, DE'ANG RKANG PA DANG PO GNYIS KYIS YE SHES GSUM NI NAM MKHA' BZHIN DU MTSAN NYID DE GZUNG 'DZIN GYI RNAM PA MED PA'O, ,RANG RIG TZAM ZHES PA'I TZAM GYI SGRAS KYANG DE GCOD DO, ,RANG RIG NI RNAL 'BYOR PA RANG RANG GIS RIG PAR BYA BA'O, ,YE SHES GSUM GYI NGO BO DE LTAR GNAS NA YE SHES GSUM LAS RANG BZHIN GYI KUN RTOG SKYE BA MI 'THAD DO SNYAM PA STE, 'DI NI LAM DUS LA RTZOD NA DE 'DRA BA'I SEMS DBEN GYI YE SHES SKYES KYANG SLAR YANG RANG BZHIN GYI KUN RTOG DA DUNG SKYE BAS DE'I 'GAL BA SPONG DGOS LA, GZHI DUS LA RTZOD NA 'CHI BA'I TSE SEMS CAN RNAMS LA STONG PA GSUM DE LTAR SKYE NA DE RNAMS LAS KUN RTOG SKYE BA MI 'THAD SNYAM PA'O, ,'ON KYANG NI STONG PA GSUM DE LTAR SKYE'ANG DE RNAMS LAS KUN RTOG SKYE BA MI 'GAL ZHES PA'O, ,DE STON PA NI DE'I DBYE BA YOD DE ZHES PA NI YE SHES GSUM DU DBYER YOD CES PA MIN GYI GNYIS SNANG GI DBYE BA YOD PA'I DON TE, SPYOD BSDUS LAS, 'ON KYANG SNANG BA DANG BCAS PA YIN LA ZHES PA'I DON NO, ,DE NI NYIN MO ZHES SOGS KYIS STON TE NYIN MO LA SOGS PA GSUM GYI SNANG BA BZHIN DU DBYER YOD PA'O, ,GNYIS SNANG DANG BCAS PA DE NI RLUNG GIS GA-YO BA YIN PAS DE'I GZHI NI BRJOD PAR BYA ZHES SOGS GSUNGS SO, ,DE YANG SDUD RIM GYI TSE MIN GYI SKYE RIM GYI TSE NA'O, ,DE LTAR RLUNG GIS RIM GYIS GA-YOS PA NA GZUNG 'DZIN GYI RNAM PA MED PA'I NAM MKHA' LTA BU DE YI GNAS SKABS DOR NAS, SNANG BA GZHAN GSUM GYI NGO BOR SKYE LA DE LAS RANG BZHIN RNAMS

SKYE BAS 'GAL BA MED DO, ,MDOR NA STONG PA GSUM NAM MKHA' LTA BU'I GNAS SKABS DE MA DOR NA DE LAS DNGOS SU KUN RTOG SKYE BA 'GAL YANG, DE RNAMS RLUNG GIS RIM GYIS BSKYOD NAS SNANG BA GZHAN GSUM BSKYED PAS SNANG BA GSUM LAS KUN RTOG SKYE BA MI 'GAL BA'I DON TO, ,DE LTAR MA BYAS NA STONG PA GSUM GYI YE SHES NAM MKHA' LTA BU'I SNGON ROL DU KUN RTOG GA-YO BA'I RLUNG THIM PAR GSUNGS KUN RTOG GA-YO BA'I RLUNG SNGA ROL TU MA SONG BAR KUN RTOG SKYE BA'I SKYON YOD PAS 'GAL BA SPONG MI NUS SO, ,SNANG BA GZHAN GSUM SKYE BA NI RLUNG RNAMS ZHES PA NAS DMIGS PAR BYED CES PA'I BAR GYIS GSUNGS TE, DBANG PO'I LAM ZHES PA NI DBANG PO SGO LNGA KHO NA MIN GYI YID DBANG YANG GZUNG DGOS SO, ,DE NAS DE LAS RANG BZHIN SKYES TSUL NI, GANG TSE NAS 'BYUNG ZHES PA'I BAR GYIS BSTAN TE, 'DIR CHAG GIS, ? DANG MA NGAS SO SOR 'BYUNG, ,ZHES BSGYUR BA LEGS PAS NGES PA NI RNAM SHES GSUM PO RANG RANG GI RANG BZHIN TSAN PA GSUM PA'O, ,MA NGES PA NI SNANG BA LAS KYANG RANG BZHIN BZHI BCU DANG BDUN GYI CHA 'BYUNG BA'O, ,RLUNG NI ZHES PA'I RKANG PA GNYIS NI RANG BZHIN GA-YO BYED PA'I ? RLUNG GANG NA GNAS PA DE DANG DE'I RJES SU RANG BZHIN RNAMS SKYE ZHES PA'O, ,JI SRID RLUNG NI MI RGYU DANG, ,SNANG BA MI GA-YOR MI GYUR PA, ,ZHES 'DON PA LTAR NA JI SRID DU RLUNG MI 'BYUNG BAR MA GYUR NA DE SRID DU RANG BZHIN GYI SNANG BA MI GA-YO BAR MA GYUR PA STE BRTAN PAR MI 'GYUR RO, DGAG PA'I SGRA NI BYA ROG GI MIG BZHIN DU TSIG RKANG GNYIS DANG SBYAR BAR BYA'O, ,ZHES LAKshM'IS BSHAD DE, DE'I LTAR NA TSIG RKANG GONG MA GNYIS DANG SBYAR RO, ,CHAG GIS, JI SRID RLUNG NI RGYU BA YIS, ,SNANG BA MI GA-YOR MA GYUR ZHING, ,SNANG BA GNYIS KYI RGYUR GYUR BA'I

, ,BDAG NYID NGO BO RNAM RTOG PA, ,GNYIS KA'I YAN LAG CAN NYID GANG, ,SNANG BA NYE BAR THOB PAR 'GYUR, ,ZHES BSGYUR BA LTAR NA, JI SRID CES PA'I ZLAS DRANGS PA'I DE SRID CES PA'ANG 'DON DGOS LA, DE'ANG MA GYUR ZHES PA'I MTHAR RO, ,DE LTAR NA JI SRID DE GANG NAS BRTZAMS NAS RNAM SHES KYI BZHON PA'I RLUNG NI RGYU BA STE GA-YO BA YIS, NAM MKHA' LTA BU'I SNANG BA GSUM MI GA-YO BAR MA GYUR PA STE GA-YOS PAR GYUR PA DE NAS BZUNG STE, KUN RTOG DNGOS SU SKYE BA'I SHES RAB DANG THABS KYI SNANG BA GNYIS KYI RGYUR 'GYUR RO, ,SU ZHIG CE NA, RLUNG GIS BSKYOD PAS GA-YOS ZHES PA'I SNANG BA STE SNGAR BSHAD PA'I NAM MKHA' LTA BU'I SNANG BA GSUM MO, ,DE LTAR GYUR PAS SNANG BA DANG PO GNYIS DANG SNANG BA NYE BAR THOB PA 'BYUNG BAR 'GYUR RO, ,DE RNAMS KYANG JI LTA BU SNYAM NA, BDAG NYID DE RLUNG GI RANG GI NGO BO RNAM PAR RTOG PA STE RNAM RTOG LDAN PA DE GNYIS KA'I YAN LAG STE RGYUR GYUR PA CAN GANG YIN PA STE KUN RTOG GI RLUNG DANG KUN RTOG GNYIS SKYED PA'O, ,LAKshM'IS, SNANG BA GNYIS NI RGYUR GYUR PAS, ,BDAG GI DNGOS PO RNAM PAR BRTAGS, ,JI LTAR SNANG BA THOB PA LTAR, ,GNYIS KA'I YAN LAG NYID DU 'GYUR, ,ZHES BTON NAS, SNGAGS DANG PHYAG RGYA'I RIM PA GNYIS LAS BYUNG BA'I SNANG BA'I YE SHES GNYIS RGYUR GYUR PAS TE GANG LA DE GNYIS YOD PA DE NI BDAG GI DNGOS POR RNAM PAR BRTAGS PA STE NYER THOB BO, ,'DI NYID THABS SHES KYI YE SHES GNYIS KA 'DRES PAS GNYIS KA'I YAN LAG TU 'GYUR TE, DPER NA SA PHYOGS GCIG LA CHU'I RGYUN GNYIS 'DRES PA LTA BU'O ZHES 'CHAD DO,,

GNYIS PA NI, SGYU MA ZHES PA NAS, RNAL 'BYOR PAS MTSON BYA ZHES GSUNGS TE, RKANG PA DANG PO BZHIS YE SHES GSUM GYI DBYE BA BUD MED LAS MTSON DGOS PA DANG, DE NAS BZHIS MING GI DBYE BAS YE SHES GSUM BSTAN ZHING BUD MED LAS MTSON TSUL GSAL BAR STON NO, ,DE NAS RKANG PA DRUG GIS PHYI'I MNYAM SBYOR NI NANG GI THABS SHES MNYAM PAR SBYOR BA'I CHED DANG, PHYI NANG GI MNYAM SBYOR GNYIS KAS NYER THOB BSKYED PAR BSHAD DE, YE SHES GSUM GYI DBYE BA MTSON TSUL BSHAD PA'O, ,DE NAS RKANG PA BZHIS DBANG PO GNYIS SBYOR GYI BYA BA RGYUN LDAN DU MED KYANG, LAN CIG MTSON PAS KYANG 'GRUB PA'I TSUL STON NO, ,DE NAS BZHIS, SNGAR PHYAG RGYA LAS MTSON PA'I DON DE NYID RGYUN LDAN DU BSGOMS PAS DE KHO NA NYID MTSON PAR BYA BAR BSTAN TO, ,LAS KYI PHYAG RGYA LAS YE SHES MTSON NAS DE'I DON SGOM PAR BYED PA'I YE SHES GSUM MTSON PA DE DBANG DUS SU YIN NAM LAM DUS SU YIN, DANG PO LTAR NA RIM PA GSUM PA LAS, BSKYED PA'I RIM PA'I RJES SU 'BRANG BAS DBANG BSKUR BA THOB CING, RGYUD RNAM PA BZHI'I DGONGS PA SHES PA, LUS DANG NGAG DANG YID RNAM PAR DBEN PA'I THOS PA 'DZIN PA, ZHES DE 'DRA BA DES SGYU LUS KYI GDAMS NGAG GI DON DU GSANG DBANG ZHU BAR GSUNGS PAS, SEMS DBEN SGOM PA LA DBANG GSUM PA THOB DGOS NA, SGYU LUS KYI GDAMS NGAG NYAN PA'I DUS SU GSANG DBANG BSKUR MI DGOS PAR 'GYUR BA DANG, 'OD GSAL GYI GDAMS NGAG NYAN PA'I SKABS SU'ANG DBANG GSUM PA BSKUR MI DGOS PA LAS, DE BSKUR BAR RIM PA BZHI BAR BSHAD PA'I PHYIR RO, ,GZHAN YANG LAM MA BSGOMS PA'I GONG DU DBANG RGYUN GCIG LA BZHI

, ,KA BSKUR NAS YE SHES GSUM MTSON NA, MTSAMS DE NAS SEMS DBEN BSGOMS PAS CHOG PAR 'GYUR LA, DE 'DOD NA SPYOD BSDUS LAS NGAG DBEN LA LOBS PA'I RJES SU SEMS DBEN LA SLOB PA'I GO RIM NGES PA BSHAD PA DANG 'GAL LO, ,MI CHOG NA DE'I RGYU MTSAN SMRA DGOS NA RNYED PA'ANG MIN NO, ,YANG 'DI SNGAR PHYAG RGYA LAS DGA' BA BZHI MTSON ZIN PA ZHIG YIN NA NI, LAN CIG TZAM ZHIG MYONG BAS KYANG, ,ZHES GSUNGS PA MI RIGS LA, MIN NA NI DANG PO SBYOR BA'I SKABS SU DNGOS DANG YE SHES KYI PHYAG RGYA GDAM NGA CAN DU GSUNGS PAS DER DNGOS LAS MTSON NA RTZOD PA SNGA MA BZHIN 'JUG PAR 'GYUR RO, ,'DI NI LAM DUS SU YIN PAR 'DOD PA LA YANG KLAN KA'O, ,DES NA 'DI DAG GI DON BSHAD PAR GYIS SHIG CE NA, DE LA RIM PA GSUM BSKYED PA'I RIM PA'I RJES SU 'BRANG BAS DBANG THOB PA DBEN PA GSUM GYI THOS PA 'DZIN CING DES SGYU LUS KYI GDAMS NGAG GI DON DU GSANG DBANG ZHU BAR GSUNGS PAS, SEMS DBEN BSGOM PA DES GSANG DBANG MI THOB PAR MI 'GYUR TE, GZHAN DU NA PHRENG BA DANG CHU LA SOGS PA'I DBANG DGU DANG BCAS PA'I GSANG DBANG BSKUR BAR DER GSUNGS PAS, THUN MONG GI DBANG DGU'ANG MA THOB PAR 'GYUR BA DANG, 'OD GSAL GYI GDAMS NGAG ZHU BA'I TSE'ANG, BLA MAS PHYAG RGYA DANG SBYAR BA LAS BYUNG BA'I BYANG CHUB KYI SEMS BUM PA LA SOGS PAR BZHAG PAR GSUNGS PA DE GSANG DBANG BSKUR BA'I CHAD YIN PAS, DE'I NGA ROL SGYU LUS KYI DUS SU GSANG DBANG MA THOB PAR 'GYUR RO, ,BSKYED RIM GYI SNOD RUNG DU SGRUB PA'I BUM DBANG LAS MA THOB NA, RDZOGS RIM BSHAD DU MI RUNG BAS

NGAG DBEN DANG SEMS DBEN GYI THOS PA 'DZIN PAR MI 'GYUR BAS, DE GNYIS KYI SNGON DU GSANG DBANG NGES PAR 'GRO DGOS SO, ,'O NA BSKYED PA'I RIM PA'I RJES SU 'BRANG BAS DBANG BSKUR BA THOB CING ZHES GSUNGS PA CI YIN SNYAM NA, DE NI BSKYED RIM GYI SNOD RUNG DU SGRUB PA'I DBANG THOB STE BSKYED RIM LA BSLABS NAS DBEN PA GSUM GYI MAN NGAG LA BSLAB PA ZHIG GIS SGYU LUS KYI GDAMS NGAG GI DON DU GSOL BA GDAB PAR GSUNGS PA'O, ,SPYOD BSDUS LAS 'OD GSAL GYI SKABS SU YANG, THUN MONG GI DBANG DGU DBANG ? BSKUR BAR GSUNGS TE, GSANG DBANG LA THUN MONG GI DBANG DGU DANG BCAS PA'I GSANG DBANG BSKUR NAS ZHES PA DANG, DBANG GSUM PA LA GSANG DBANG DANG THUN MONG GI DBANG DGU DANG BCAS PAR GSUNGS PA NI, BUM DBANG SNGON DU MA SONG BA'I GSANG DBANG DANG, DE GNYIS KA SNGON DU MA SONG BA'I DBANG GSUM PA BSKUR DU MI RUNG BA'I DON YIN NO, ,'OD GSAL LA RIM PA BZHI PAR DBANG GSUM PA ZUR TZAM LAS MI GSAL YANG, SPYOD BSDUS SU SLOB MA LA PHYAG RGYA GTAD PAR GSUNGS PAS DE LA'ANG GSANG DBANG ? TZAM DU 'DOD PA MI 'THAD DO, ,DE LTAR NA SEMS DBEN BSGOMS PA LA SNGON DU DBANG GSUM PA BSKUR MI DGOS PAS DBANG GI DUS MIN PAS LAM GYI DUS SO, ,DE'ANG BSKYED RIM GYI DUS SU YANG PHYI'I PHYAG RGYA LAS DGA' BA RNAMS MTSON PA YOD KYANG, 'DIR NI YE SHES GSUM MTSON PA'I NANG GI RKYEN RDOR BZLAS 'BYONGS PA'I TSE, PHYI'I RKYEN LAS MTSON PA YIN PAS SNGA MA DANG KHYAD PAR SHIN TU CHE'O, ,DE'I PHYIR LAM BSGOM PA'I SNGA ROL NAS DBANG TSANG BAR BSKUR BA'I TSE DBANG GSUM PA DNGOS DBANG DU BSKUR NA'ANG

, ,DGA' BA RNAMS SKYE MOD KYANG SEMS DBEN GYI YE SHES MIN PAS DE BSGOMS PAS CHOG KYANG, DBEN PA GNYIS KYI GO RIM 'KHRUGS PA'I SKYON MED DO, ,'O NA PHYAG RGYA LA BRTEN NAS DGA' BA BZHI SKYE BAR GZHUNG DU MA NAS BSHAD LA, DGA' BA BZHI'ANG SNANG MCHED THOB GSUM DANG 'OD GSAL YIN PAR PHYAG RGYA CHEN PO THIG LE LAS BSHAD PAS, 'DIR YE SHES MTSON PAR BSHAD NAS STONG PA BZHI PA'I YE SHES MTSON PAR MA BSHAD PA MI 'THAD DO SNYAM NA, THOG MAR DBANG GI DUS SU PHYAG RGYA LAS DGA' BA BZHI SKYE BAR GSUNGS PA'I LHAN SKYES KYI 'OD GSAL NI, MTSON BYED DPE'I LHAN SKYES DANG 'OD GSAL YIN LA, 'DIR SKYE BAR MA BSHAD PA NI MTSON BYA DON GYI LHAN SKYES DANG 'OD GSAL LA DGONGS PAS SKYON MED DO, ,GAL TE DGA' BA BZHI DANG STONG PA BZHI'I YE SHES DON GCIG NA, KYEE RDO RJE LAS, CHAGS PA MCHOG DGA' DANG, CHAGS BRAL KHYAD DGA' DANG, DBUS MA DGA' BA LA BSHAD CING, 'DIR CHAGS BRAL STONG PA DANG PO DANG, CHAGS PA STONG PA GNYIS PA DANG, DBUS MA STONG PA GSUM PA LA BSHAD PA JI LTAR YIN ZHE NA, GZHAN DU DGA' BA GSUM PA CHAGS BRAL DU BSHAD PA NI, DE'I DUS SU BDE BA DON GNYER GYI CHAGS PA LOG PA LA YIN TE DGA' BRAL ZHES PA'I DON YANG DE NYID DO, ,DE'I PHYIR MCHOG DGA' LAS BDE BA CHER SONG BAS KHYAD PAR GYI DGA' BA ZHES GSUNGS LA, DGA' BA DON GNYER GYI SRED PA LOG PAS DGA' BRAL ZHES KYANG BSHAD PA 'THAD DO, ,DE LTA MA YIN NA DGA' BRAL GYI DGA' BA ZHES PA 'GAL BA'I TSIG TU 'GYUR RO, ,KYEE RDO RJE LAS, GSUM PA 'DOD CHAGS

'JIG PA STE, ZHES GSUNGS PA'I DON YANG DE YIN TA, DE NI STONG PA GSUM PA LA YANG CHENG NGO, ,'DIR STONG PA DANG PO CHAGS BRAL DU BSHAD PA NI BDE BA DMAN PA LA DGAG SGRA SBYAR BA YIN GYI DGA' BA DON GNYER GYI CHAGS PA LOG PA MIN NO, ,CHAGS BRAL GNYIS GSUNGS BA'I CHAGS PA BRAL LUGS MI 'DRA'O, ,GZHAN DU, DBUS MA DGA' BA TZAM NYID DE, ,ZHES DGA' BA DANG PO DBUS MAR BSHAD PA NI, SH'ANTI PA GSUNG BA LTAR MI 'OL LE BA LAS MED PA LA MI 'BRING ZHES ZER BA LTAR, DGA' BA ZHAN PA'I MING YIN LA, 'DIR STONG PA GSUM PA DBUS MAR 'CHAD PA NI THABS DANG SHES RAB GNYIS CHA SNYOMS PA'I DON NO, ,'O NA 'DIR STONG PA GSUM LAS MI MTSON PAR BSHAD PA RNAMS LA, DPE'I LHAN SKYES GANG DU SDUD SNYAM NA, NYER THOB LA STOD SMAD GNYIS SU BYAS NAS STOD KHYAD DGA' DANG SMAD LHAN SKYES SU BYA'O, ,NYER THOB RTOG PA'I RGYU BA PHAL MO CHE 'GAGS PA'I DRAN MED DU SONG BA KHO NA LA BYED NA, SEMS DBEN GYI SKABS SU'ANG DE SANGS PA'I RJES SU NAM MKHA' SPRIN MED PA 'DRA BA'I 'OD GSAL CHA MTHUN PA 'CHAR BA DE LUGS LDOG GI 'CHAR TSUL MIN GYI LUGS 'BYUNG GI RIM PA YIN PAS, SNANG MCHED GNYIS SU MI 'DU ZHING STONG PA GSUM LAS MI BYED PA'I TSE DE 'OD GSAL MIN PAS STONG PA BZHI GANG YANG MIN PAR 'GYUR NA DE YANG MI RIGS PAS, SNANG BA NYER THOB TU SDUD DE DA DUNG 'CHAD PAR 'GYUR RO, ,LUGS LDOG GI DGA' BA BZHI SKYE BA'I GNAS NI, BSHAD RGYUD RDOR PHRENG LAS, SPRUL PA'I 'KHOR LOR DGA' BA DANG, ,MCHOG DGA' CHOS KYI 'KHOR LOR GNAS, ,LONGS SPYOD BRAL BA'I DGA' BA DANG, ,LHAN CIG SKYES DANG BDE BA CHE, ,LUGS

, ,LDOG RIM PA ZHES NI GSUNGS, ,ZHES GSUNGS TE, RDO RJE'I RTZE NAS LTE BA'I 'KHOR LOR MA SLEB TSUN CHAD DU DGA' BA SKYE STE, DE BZHIN DU GZHAN GSUM LA YANG SBYAR RO, ,LUGS 'BYUNG GI DGA' BA BZHI SKYE TSUL YANG DE NYID LAS DE RJES LUGS 'BYUNG BSHAD BYA STE, ,BDE CHEN 'KHOR LOR SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LOR MCHOG DGA' DANG, ,BRAL DGA' CHOS KYI 'KHOR LOR GNAS, ,SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES GSUNGS TE, SPYI GTZUG NAS MGRIN PAR MA SLEB BAR DU DGA' BA SKYE STE, GZHAN GSUM LA'ANG DE BZHIN DU SBYAR RO, ,DGA' BA BZHI PO DE NYID SKAD CIG BZHI DANG SBYOR BA'ANG, DE NYID LAS, BLTA DANG 'GUGS DANG DE BZHIN BRDA, ,KHA LA TZUMBHA BYED PA YI, ,DGA' BA NYAMS SU MYONG BAR BYED, ,RNAM PA SNA TSOGS MTSAN NYID DO, ,RNAL 'BYOR RNAL 'BYOR MA MCHOG TU, ,DE BZHIN SGRA LA 'DZIN PA DANG, ,RDO RJE PADMAR BZHAG NAS NI, ,NYAMS MYONG SKABS NI SKAD CIG MCHOG ,RNAM SMIN SKAD CIG CES BYA NYID, ,DE NYID RGYUN NI RNAM PAR SHES, ,LTE BA'I DBUS NA RAB GSAL NAS, ,GTUM MO YANG NI RNAM RTOG 'JOMS, ,BDE BA CHEN PO'I 'KHOR LO CHE, ,MCHOG GI CHA NI ZHU BAR BYED, ,BRAL DGA' NYAMS SU MYONG BA NA, ,RNAM 'JOMS SKAD CIG MTSAN NYID DO, ,DE LAS RO GCIG MTSAN NYID NI, ,RTZA NI GCIG GI RGYUD LA BRTEN, ,BDE BA CHEN PO'I GO 'PHANG ZHI, ,LHAN CIG SKYES PA'I MTSAN NYID NI, ,BDE BA MTSAN NYID BRAL SKAD CIG ,GSUNGS PA MCHOG TU RMAD DU BYUNG, ,ZHES GSUNGS TE, RNAM 'JOMS NI RNAM PAR NYID PA'O, ,

LUGS LDOG GI DGA' BA BZHI DANG SKAD CIG BZHI SBYOR BA YANG DE NYID LAS, RLUNG GI DE NYID SNGON SONG NAS, ,DE NYID STENG DU RGYU BAR NI, ,RNAL 'BYOR PAS NI SGRUB PAR BYED, ,DE LAS SPRUL PA'I 'KHOR LOR NI, ,DGA' BA ZHES BYAR RNAM PAR SHES, ,BDE BA KUN GYI KUN NAS RTEN, , RNAM PA SNA TSOGS SKAD KYIS GSUNGS, ,STONG NYID KUN GYI GZHI YI MCHOG ,CHOS KYI 'KHOR LO DE LAS STENG, ,RNAL 'BYOR PA YI BSGRUB BYA BA, ,NYAMS SU MYONG BA MCHOG DGA' STE, ,RNAM SMIN SKAD CIG MTSAN NYID DO, ,LONGS SPYOD 'KHOR LO DE LAS NI, ,STENG DU BYED PA'I SKAD CIG MA, ,NYAMS MYONG BRAL BA'I DGA' BA NI, ,RNAM 'JOMS SKAD CIG MTSAN NYID DO, ,BDE BA CHEN PO'I 'KHOR LO CHE, ,DE THOB MTSAN NYID SKAD CIG MA, ,LHAN CIG SKYES DGA' NYAMS MYONG BA, ,MTSAN NYID DANG BRAL SKAD CIG GO ,ZHES GSUNGS SO, ,DE NI RNAL 'BYOR MA'I RGYUD THAMS CAD DANG THUN MONG PA YIN LA, 'PHAGS SKOR GYI BSHAD PA RNAMS NAS STONG PA BZHI SKYE TSUL RTZA 'KHOR GYI GNAS KYIS MA BZHAG PAR, NANG GI RLUNG DANG RANG BZHIN GYI RTOG PA RNAMS THIM PAS SEMS STONG PA DANG, DE SEMS BYUNG LA THIM PAS SHIN TU STONG PA DANG, DE MA RIG PA LA THIM PAS STONG PA CHEN PO DANG, DE 'OD GSAL DU THIM PAS 'OD GSAL SKYE BAR GSUNGS PAS, SNGA MA LAS SKYE DKA' BA YIN NO, ,DE LTAR PHYI'I PHYAG RGYA LA BRTEN NAS SEMS DBEN GYI YE SHES BSKYED PA'I THABS 'DI NI, RGYUD PHYI MAR, GOD BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,CES GSUNGS PA'I DON SGRON GSAL LAS, RANG GI GSANG BA'I RDO RJE'I BU GA LAS PHYUNG NAS PHYAG RGYA'I PADMA'I SNA RTZER THIG LE'I GZUGS SU BSGOM PAR BSHAD PA DE DANG SBYAR NA

, ,LEGS TE, RDO RJE PHRENG BAR, GSANG BA'I SNA RTZER RDZAS KYI THIG LE BSGOM PA'I SKABS SU, RTZA RNAMS KUN TU DBAB PA DANG, ,BYANG CHUB SEMS NI BRTAN BYAS PA, ,RDO RJE'I RTZE DANG PADMA'I RTZER, ,RLUNG GIS BZUNG BA'I SKAD CIG LA, ,AEm GYI YI GE'I SBYOR BA DANG, ,SU KshIMA SNGAGS KYI SBYOR BA YIS, ,RNAL 'BYOR MCHOG GIS THOB PAR BYED, ,CES GSUNGS PA DANG MTHUN PA'I PHYIR RO, ,BYANG CHUB KYI SEMS BRTAN PAR BYAS PA NI, THABS 'OG MA GNYIS KYIS BYAS PA'O, ,DANG PO NI RLUNG GIS BZUNG BA STE SROG DANG RTZOL BA MNYAM PAR SBYOR BA DANG H'Um PHAt 'GOD PAR YANG GSUNGS SO, ,GNYIS PA NI 'GREL PA'I 'GYUR LAS, RKAN LA YI GE'I SBYOR BA DANG, ,KshMIM ? SNGAGS KYI SBYOR BA YIS, ,ZHES 'BYUNG LA, RKAN NI CHOS 'BYUNG GI DBUS SU SHIN TU RING BA'I RTZA'I NGO BO DANG, DE LA RDEBS PA'I SBYOR BA NI SHIN TU DAM PAR BRDABS PA DANG, SNGAGS DE RDO RJE'I RTZER BSGOM PAR 'GREL PAS BSHAD DE, DE'I LTAR NA, RKAN LA RDEBS PA'I SBYOR BA DANG, ZHES PA THOB BO, ,DE LTAR NA SNA RTZER GONG BU'I GZUGS KYIS BSGOM PA NI SNGAR BSHAD PA BZHIN DU RTZA PHRAD PA'I NANG DU 'DZIN PA'O, ,LAKshM'I SA NI, 'DI'I YE SHES GSUM MTSON PA DBANG GI SKABS LA SBYOR ZHING, JI SKAD BSHAD PA'I BYA BA NI GDAN BZHIR BSHAD PA'I BYED PA LA SBYOR RO, ,YE SHES GNYIS MNYAM PAR SBYOR BA DNGOS NI NYER THOB YIN PAS, YE SHES GNYIS SNGA PHYIR 'BREL BAR BSKYED PA DANG, JI SKAD BSHAD PA'I DBANG PO GNYIS SBYOR GYI BYA BA'AM BYED PAS, NYER THOB THOB PAR BYA BA'I DON NO, ,KUN RDZOB TU ZHES PA NI CHU SKYES DANG RDO RJE'I DON DON DAM

PA MIN GYI KUN RDZOB PA'O ZHES PA'I DON TE, STENG GI SNA LA KUN RDZOB PA'I SNA RTZER ZHES BSHAD PA LTAR RO, ,RNAL 'BYOR STOBS NI YE SHES KYI PHYAG RGYA LA BRTEN PA'I RNAL 'BYOR RO, ,RAB DBYE NI SNANG BA GSUM DANG RANG BZHIN BRGYAD CU'I DBYE BA'O, ,DE SHES PAR BYED PA NI PHYAG RGYA LA BRTEN NAS SO, ,YE SHES 'JUG PA NI YE SHES GSUM RIM GYIS 'JUG PA'O, ,RANG BZHIN DE NYID NI DE KHO NA NYID KYI DON YE SHES GSUM GYIS MTSON PAR BYED PA LA BYA'I RANG BZHIN BRGYAD CU LA MI BYA'O, ,GSUM PA NI, JI LTAR ZHES SOGS TE, RANG BZHIN RNAMS THIM PA'I RIM GYIS 'OD GSAL DU GZHUG PA'I DON TO, ,BZHI PA NI, DE RNAMS ZHES PA NAS GROL BAR 'GYUR ZHES PA'I BAR TE GO BAR ZAD DO, ,GNYIS PA LA GNYIS, BSKYED RIM PAS STONG PA GSUM LAS LHA'I SKU BSKYED TSUL DANG, RDZOGS RIM PAS STONG PA BZHI LAS LHA'I SKU BSKYED TSUL LO, ,DANG PO NI, SHES RAB CES SOGS TE, BSKYED RIM PAS ZLA BA BSGOM PA NI SHES RAB STE SNANG BA DANG, RDO RJE SOGS BSGOM PA NI THABS DANG, DE RNAMS MNYAM PAR SBYOR BA NI NYER THOB KYI MTSON BYED DANG, DE LAS LHA'I GZUGS 'BYUNG BA 'DI'I MTSON BYED YIN ZHES PA MA GSUNGS KYANG, SGYU MA'I SKU'I MTSON BYED DO, ,DE LA PHYAG RGYA BZHIS RGYAS BTAB PA NI SKU GSUNG THUGS DANG TING NGE 'DZIN SEMS DPA'I PHYAG RGYA BZHI'AM, YANG NA LHA MO BZHIS RGYAS BTAB PA'AM, BSKOR BA'O ZHES LAKshMIS BSHAD KYANG, SKU GSUNG THUGS 'PHRIN LAS BZHI LA BYA'O, ,'DUS PA LA SOGS PA'I RGYUD NAS BSHAD PA BZHIN DU DE LTAR BSGOM PA NI LAS DANG PO PA'O, ,'DI 'PHAGS LUGS PA RANG LA ZLA BA GDAN DU BYED CING PHYAG MTSAN DANG 'DRES PA MI BYED KYANG DE DANG 'DUS PA

, ,LA BYA'O, ,RGYUD GZHAN LA NI MNGON BYANG LNGAS BSKYED PA LA 'DI LTAR DU GSAL LO, ,'DI SKABS 'DIR BSHAD PA NI BSKYED RIM PAS DE LTAR BSGOM PA DE SEMS DBEN GYI YE SHES BSKYED NAS SGYU MA'I SKU SGRUB PA'I RGYUD SMIN BYED DU BSTAN PA'I PHYIR RO, ,DE LTAR MOS NAS BYA DGOS PA'I DBANG DU BYAS NAS STONG PA GSUM LAS LHA'I SKU BSKYED PA ZHES BYAS KYI DNGOS SU NI MIN NO, ,GNYIS PA NI, DA NI ZHES PA NAS SPYOD YUL MIN GYI BAR GYIS SNANG BA GSUM DAG PA'I THAMS CAD STONG PA 'OD GSAL LAS DANG, 'OD GSAL ZHES PA NAS DE NAS 'GYUR, ZHES PA'I BAR GYIS NI DE LAS ZUNG 'JUG GI SKU BSGRUB TSUL BSTAN TO, ,GSUM PA LA BZHI, PHAR PHYIN GYI THEG PA'I MTHAR YANG 'OD GSAL GYI LAM LA BLTOS DGOS PA DANG, 'OD GSAL GYI DE NYID RNYED NA SMAD PA'I GANG ZAG GIS KYANG 'TSANG RGYA NUS PA DANG, 'OD GSAL GYI DE NYID GSUNG RAB LAS GSUNGS TSUL DANG, DE NYID DE DANG MI LDAN NA GZHAN GYIS 'TSANG RGYA MI NUS PAR BSTAN PA'O, ,DANG PO NI, 'OD GSAL MNGON DU BYAS NAS 'TSANG RGYA BAR BSTAN PA DE BZHIN DU PHA ROL TU PHYIN PA'I LAM GYI MTHAR YANG DE LA BRTEN NAS 'TSANG RGYA BA BSHAD PAR BYA'O, ,THEG CHEN GYI MDO RGYA CHER ROL PAR ZHES PA NI NEE NRAYDZA NA'I CHU 'GRAM DU MI GA-YO BA'I BSAM GTAN LA BZHUGS PA DE NAS BSHAD PAR STON GYI 'OD GSAL LA BRTEN NAS 'TSANG RGYA TSUL DER BSTAN ZHES PA NI MIN NO, ,SH'AKYA THUB PAS ZHES PA NI SANGS RGYAS PA'I SNGON ROL NAS MTSAN DE LTAR BTAGS SO, ,STONG PA CHEN POS 'TSANG RGYA BAR DGONGS ZHES PA NI DE'I DUS KYI MI GA-YO BA'I BSAM GTAN LA SNGAGS KYI 'OD

GSAL MIN PAS STONG CHEN ZHES ZER GYI MDO DER STONG CHEN DU BSHAD PA'ANG MIN LA, STONG CHEN GANG YIN THAMS CAD DE KHO NA NYID MNGON DU MA GYUR PA LA'ANG MI GZUNG NGO, ,DE LTAR CHU BO DE'I 'GRAM DU MI GA-YO BA'I BSAM GTAN GYIS 'TSANG RGYA BAR BYA'O SNYAM DU DGONGS NAS BZHUGS PA RGYA CHER ROL PA LAS BSTAN GYI, SANGS RGYAS RNAMS BYON NAS BSKUL BA MDO DER GSUNGS PA MIN NO, ,DE NAS NAM MKHA' GANG BA'I RGYAL BA RNAMS KYIS SE GOL GTOGS TE SAD PAR BYAS NAS GSUNG GCIG GIS GSUNGS PA NI, DE NYID BSDUS PA'I RGYUD NAS 'BYUNG NGO, ,BSAM GTAN 'DI NI RNAM DAG MIN, ,ZHES PA NI, BAG CHAGS PHRA MO DAG BYED MIN, ,ZHES PA'I DON YIN GYI LAM MA NOR BA MIN ZHES PA MIN NO, ,DE'I PHYIR 'DI KHO NAS MTHAR THUG THOB BYED KYANG MIN NO, ,DES NA NAM MKHA'I NGOS LTAR MCHOG TU GYUR PA'I 'OD GSAL LA DMIGS SHIG ,DE LTAR NA, 'OD GSAL BA YI GNAS THOB NAS, ,RAB DGA'I GZUGS SU SKYE BAR 'GYUR, ,DE TSE RAB DGA' RDO RJE'I SKU, ,KUN GYI DBANG PHYUG THOB PAR 'GYUR, ,ZHES DBYANGS GCIG GIS BSKUL TE, RAB DGA'I GZUGS NI ZUNG 'JUG GI SKU'O, ,KUN GYI DBANG PHYUG NI DBANG PHYUG BRGYAD LDAN GYI GO 'PHANG NGO, ,SPYOD BSDUS LAS KYANG RIM PA 'DI NYID KYIS DPAL BCOM LDAN 'DAS SH'AKYA SENG GE LA DE BZHIN GSHEGS PA THAMS CAD KYIS SE GOL GYI SGRAS BSKUL BAR GYUR BAS MI GA-YO BA'I TING NGE 'DZIN LAS BZHENGS TE, BYANG CHUB KYI SHING DRUNG DU BZHUGS TE MTSAN PHYED KYI DUS SU 'OD GSAL MNGON SUM DU MDZAD NAS, SGYU MA LTA BU'I TING NGE 'DZIN GYIS BZHENGS NAS GDUL BYA RNAMS LA CHOS KYI 'KHOR LO RAB TU BSKOR BA YIN NO, ,ZHES GSUNGS SO, ,'DIS KYANG BSKUL SA SH'AKYA THUB PA LA

, ,GSUNGS PAS RIM PA GNYIS PA DANG DGONGS PA GCIG PAS BYANG CHUB KYI SHING DRUNG YANG RDO RJE GDAN GYI BYANG CHUB KYI SHING DRUNG YIN NO, ,'DI LA KO SA LA'I RGYAN LAS RNAM SMIN GYI LUS NEE RNYDZA NA'I CHU 'GRAM DU BZHAG NAS YID KYI LUS KYIS 'OG MIN DU PHYIN NAS MNGON BYANG LNGA BSGOMS TE 'TSANG RGYA BAR BSHAD PA LTAR YID MI 'DOD LA, DE NYID SNANG BAR SH'AKYA THUB BSKAL PA MANG PO'I SNGON NAS SANGS RGYAS PAR GSUNGS PAS LUGS DE DE DANG 'GAL BAS RNAL 'BYOR RGYUD NAS SANGS RGYAS RNAMS KYIS BSKUL BA'I BYANG SEMS DON GRUB NI 'OG MIN GYI LHA'I RTEN CAN PA DANG, 'OG MIN GYI BYANG CHUB SHING DRUNG DU SANGS RGYAS PAR 'DOD PA LTAR YANG MI 'DOD DO, ,SH'AKYA THUB 'DOD KHAMS SU 'TSANG RGYA BA'I TSUL STON PA TZAM YIN GYI DE'I SNGON NAS SANGS RGYAS PA YIN MOD KYANG, 'DOD KHAMS SU 'TSANG RGYA BA'I TSUL BSTAN PA'I TSE'ANG SNGAR LTAR BSKUL BA'I TSUL BSTAN PA MI 'GAL LA, DES KYANG PHAR PHYIN GYI THEG PA'I LAM GYI MTHAR SNGAGS KYI 'OD GSAL GYI LAM LA BRTEN NAS 'TSANG RGYA DGOS PAR STON PAS, 'OG MIN DU 'TSANG RGYA BA LA'ANG DE LTAR DGOS SO, ,'DI LA NI SNGAGS KYI LAM GZHAN MI DGOS KYI DBANG GSUM PA DANG BZHI PA BSKUR BA LA BRTEN NAS NAM PHYED KYI DUS SU 'OD GSAL MTSON PAR BYAS NAS THO RANGS SANGS RGYAS PA YIN NO, ,PHAR PHYIN GYI THEG PA BAS MTHAR SNGAGS LA 'JUG PA'I MTSAMS NI 'DIR BSHAD PA LTAR SA BCU PA SRID PA THA MA BA'I SKABS DANG, 'JUG TSUL YANG RANG GI LAM DOR NAS ZHUGS PA MIN GYI RANG GI LAM LA SNON PA CUNG ZAD BTAB PA DANG, LAM YANG GSANG DBANG DANG DE MAN CHAD KYI LAM DANG DBANG BSKUR MIN GYI

DBANG GSUM PA DANG BZHI PA BSKUR BA DANG, DUS KYANG DER NAM PHYED ZHUGS PA'I THO RANGS SANGS RGYAS PA YIN PAS DUS RING PO MI DGOS SO, ,LAM GZHAN GYI DOD LA NI PHAR PHYIN GYI THEG PAS RGYUN MTHA' BAR DU BGROD PA'I LAM DES BYAS PA YIN NO, ,RTZE MOR GRANGS MED GSUM GYIS SA'I MTHAR PHYIN NAS MNGON BYANG LNGA BSGOMS TE SANGS RGYAS PAR GSUNGS PA'ANG 'DI LA DGONGS SO, ,DE SKAD SMRA DE GSAN NAS NI, ZHES PA NAS 'OD GSAL BA NI RNAM DAG 'CHANG, ,ZHES PA'I BAR GYIS TING NGE 'DZIN SNGA MA BTANG NAS 'OD GSAL BSGOMS PAS 'OD GSAL THOB PAR BSTAN TO, ,DE NAS CHU ZLA SMIG RGYU LA SOGS PA, ZHES PA NAS, DES NI BDUD RNAMS 'JOMS PAR MDZAD, ,CES PA'I BAR GYIS 'OD GSAL LA BRTEN NAS ZUNG 'JUG GI SKU GRUB STE BYANG CHUB KYI SHING DRUNG DU BDUD 'JOMS PAR MDZAD PAR BSTAN NO, ,DE NAS SH'AKYA'I MGON POS YANG DAG PA'I, ,ZHES PA NAS, DE NYID 'DIR NI RAB STON MDZAD, ,CES PA'I BAR GYIS SANGS RGYAS NAS DE NYID DE GZHAN LA STON PAR GSUNGS SO, ,DE NYID YE SHES ZHES GSUNGS PAS, MNGON RDZOGS BYANG CHUB BSTAN PA YIN, , ZHES PAS NI, BSTAN PA'I DE NYID CES PA DE 'OD GSAL BSTAN PA YIN PAR BSHAD DO, ,GNYIS PA NI, MTSAMS MED PA ZHES GSUNGS TE, MTSAMS MED BYAS PA DANG BSOD NAMS KYI BSAGS PA DMAN PAS KYANG, BLA MA'I DRIN GYIS DE KHO NA NYID THOB NA 'TSANG RGYA'O, ,CHAG GIS YID BZHIN NOR DANG 'DRA BA MCHOG ,CES BSGYUR RO, ,GSUM PA NI, 'DOD CHAGS MIN ZHING, ZHES GSUNGS TE, SNANG MCHED THOB GSUM SPANGS PA'I 'OD GSAL LO, ,STONG PA MA YIN ZHES SOGS NI, RNAM PAR SHES PA RNAMS SAM RANG BZHIN

, ,RNAMS ZHES PAS BSHAD PAR LAKshM'IS SO, ,SANGS RGYAS THAMS CAD MNYAM SBYOR LA, ,'DI NYID LTAR NI RAB STON TO, ,YE SHES GSUM BRAL DE NYID GANG, ,DGONGS PA YIS NI GSUNGS PA YIN, ,ZHES GSUNGS TE, SANGS RGYAS THAMS CAD KYI RGYUD LAS SNANG BA SOGS DANG BRAL BA'I YE SHES DGONGS PA'I NGAG GIS RGYAL BAS GSUNGS TE, DE'ANG 'DI NYID DE GZHAN NI MA YIN NO, ,DE NI GSANG BA MCHOG GIS DGYES PA NA, ,THAMS CAD BDAG NYID RTAG TU GNAS, ,SANGS RGYAS KUN DNGOS SEMS DPA' STE, ,RDO RJE SEMS DPA' BDE BA MCHOG ,CES GSUNGS PA'O, ,DE'I DGONGS BSHAD KYI DON NI GSANG BA DANG MCHOG DANG DGYES PA GSUM SNANG MCHED THOB GSUM DANG, DE RU GNAS PA LA AA BYIN PAS MI GNAS PAR SHES PAR BYA'O, ,THAMS CAD BDAG NYID NI RANG GI NGO BO STE RTAG TU GNAS PA NI RJES SU 'JUG PA'O, ,SANGS RGYAS KUN NI PHUNG PO LNGA'O, ,DE'I NGO BO NI DE RNAMS LA KHYAB PAR BYED PA'O, ,SEMS DPA' NI SNOD KYI 'JIG RTEN TE DE'I RANG BZHIN YIN PAS SEMS DPA'O, ,MI PHYED PAS RDO RJE DANG RTAG TU GNAS PAS SEMS DPA'ANG YIN TE CHOS KYI SKU'O, ,BDE BA MCHOG NI 'OD GSAL GYI DE NYID DO ZHES LAKshM'IS BSHAD DO, ,DE NYID DPAL LDAN 'DUS PAR NI ZHES PA BZHI NI LE'U GNYIS PA LAS RIGS DRUG GI BYANG CHUB KYI SEMS RE RE GSUNGS PAS KYANG 'OD GSAL BSTAN ZHES PA'O, ,DER TSIGS BCAD DANG PO TSUL BZHIS BSHAD KYANG DE'I SBAS DON DANG MTHAR THUG GIS DE KHO NA NYID BSTAN LA, LHAG MA LNGAS DGONGS MIN GYIS DE KHO NA NYID BSTAN PAR LAKshM'IS SO, ,'DOD CHAGS LA SOGS ZHES PA BZHIS NI DPAL

MCHOG LAS GSUNGS PA DE DE BZHIN GSHEGS PA RNAMS KYIS THAMS CAD STONG PA BSTAN ZHES PA'O, ,SNA TSOGS MDO DANG RGYUD RNAMS SU, ,ZHES PA NAS, GZHAN 'DIR MNGON PAR BRJOD PA MIN ZHES PAS NI, MDO RGYUD KUN TU DE KHO NA NYID BSTAN PA THAMS CAD 'OD GSAL BSTAN PAR GSUNGS SO, ,CHOS KYI PHUNG PO ZHES PA BZHIS NI THAMS CAD STONG PA SNYING PO LAS KYANG CHES SNYING POR GSUNGS ZHES BSTAN TO, ,KHA CIG SNYING PO BSKYED RIM DANG DE LAS SNYING PO RDOR BZLAS DANG, DE LAS KYANG MCHOG NI RIM PA GNYIS PA'AM RIM PA BZHI PA'I DE NYID LA 'CHAD PA NI MI RIGS TE, CHOS PHUNG BRGYAD KHRI BZHI STONG LAS DE LTAR GSUNGS PA'I DON YIN LA, DE RANG NYID KYANG NYAN THOS KYI THEG PA'I SDE SNOD DU 'DOD PA'I PHYIR RO, ,THEG CHEN GYI CHOS PHUNG DGU KHRI DANG SNGAGS KYI 'BUM YIN ZHES ZER RO, ,GAL TE 'OD GSAL MDO RGYUD THAMS CAD KYI DE KHO NA NYID STON PAS BSTAN NA, DE NYID SNGAGS KYI RDZOGS RIM MTHAR THUG YIN PA DANG, MDO SDE DANG THUN MONG BA'I DON YIN PAS SPYI DON DU 'GYUR GYI MTHAR THUG GI DON DU MI 'GYUR BA DANG, THEG PA GZHAN DANG RGYUD SDE 'OG MAR MA BSTAN PAR GSUNGS PA DANG 'GAL PAR 'GYUR RO ZHE NA, 'DIR BSHAD PA'I 'OD GSAL DANG RNAL 'BYOR MA'I RGYUD KYI SKOR NAS GSUNGS PA'I LHAN CIG SKYES PA'I DGA' BA GNYIS NI DON GCIG LA, DE'ANG GSUNG RAB KYI SNYING PO SHES BYA'I GSHIS MTHAR THUG PA'I STONG NYID DANG, YUL CAN BDE BA CHEN PO GNYIS DBYER MED PAR ZHUGS PA'I YE SHES SO, ,DE'I PHYIR PHAR PHYIN GYI THEG PA DANG, RGYUD SDE 'OG MA LAS BDE BA CHEN PO DE MI STEN PAS 'OD GSAL LHAN CIG SKYES PA

, ,DE DAG TU MA BSTAN KYANG, YUL STONG PA NYID RTOGS PA'I SHES RAB LAM GYI SNYING POR GSUNGS PAS DE LA DGONGS NAS DE LTAR GSUNGS PAS SKYON MED DO, ,MDOR NA SHES BYA'I MTHAR THUG STONG PA NYID GSUNG RAB KUN TU BSHAD KYANG DE RTOGS PA'I YUL CAN GYI MTHAR THUG BDE BA CHEN PO SNGAGS BLA MED LAS GZHAN DU MA GSUNGS SHING DE GNYIS SBYAR BA'I LAM DE THABS DANG SHES RAB KYI PHYOGS KUN TSANG BA'I LAM GSUNG RAB THAMS CAD KYI SNYING PO BSDUS PA'I 'GAG SDOM MTHAR THUG PA YIN PAS DE LA SHIN TU BSNGAGS PA MDZAD PA YIN NO, ,DE LTAR BSNGAGS PA'I GTZO BO NI DON GYI LHAN SKYES KYI 'OD GSAL YIN MOD KYANG DPE'I LHAN SKYES KYANG DE'I RGYU THUN MONG MA YIN PA YIN PAS MANG DU BSNGAGS PA YIN NO, ,BZHI PA NI, RAL PA GCER PU MGO REG GAM, ,COD PAN 'DUS PA'I 'JUG PA SPONG, ,ZHES SOGS KYIS 'OD GSAL GYI DE NYID MED NA BRTUL ZHUGS DE RNAMS BZUNG NAS 'BAD KYANG GROL BA MI 'THOB CES BSTAN NO, ,RAL PA GCIG NI RIG PA'I BRTUL ZHUGS PA'O, ,GCER PU NI SPYOD PA'I BRTUL ZHUGS PA'O, MGO REG NI DGE SLONG DANG DGE TSUL LA SOGS PA'O, ,COD PAN NI BSLAB PA LNGA LA GNAS PA'I DGE BSNYEN GYI'O, ,'DUS PA SPONG 'JUG NI TSEM BU PA'I RNAL 'BYOR PA'O, ,ZHES LAKshM'IS BSHAD DO, ,GSUM PA NI, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,SNANG BA GSUM PO MTHONG BA DAG ,SA BCU PA LA RAB TU GNAS, ,ZHES PA'I DANG PO GNYIS KYIS NI BSKYED RIM GYIS SA BRGYAD PA THOB PA DANG, DE NAS GNYIS KYIS SEMS DBEN GYIS SA BCU PA LA GNAS PAR BSHAD DO, ,DE NAS, MNGON PAR

BYANG CHUB LEGS THOB NAS, ,DAG PA'I GNAS NI NYE BAR RTOGS, ,PHYIR MI LDOG PAR SKYE BA 'DIR, ,SANGS RGYAS ZHING DU THAMS CAD MKHYEN, ,ZHES GSUNGS SO, ,SPYOD BSDUS LAS KYANG SA BRGYAD PA DANG BCU PA 'THOB TSUL DE KHO NA BZHIN DU GSUNGS TE, SA GZHAN 'THOB TSUL GSAL BAR MA GSUNGS SO, ,DE LA 'DUS PA RTZA BSHAD KYI RGYUD RNAMS GZHAN NAS SA YI RIM PA GSAL BAR MA GSUNGS LA BSHAD RGYUD RDO RJE PHRENG BA LAS, BUM DBANG LA BCU GCIG TU BYAS TE DBANG GONG MA GSUM DANG BCAS PAS BCU BZHI LA DBANG BSKUR RE RE SA RE'O, ,ZHES DBANG RE RE DANG SA RE RE SBYAR BAS SA BCU BZHIR GSUNGS PA MA GTOGS PA SA'I MING DANG DON GANG YANG MA GSUNGS SO, ,DGONGS PA LUNG STON LAS, SANGS RGYAS RNAMS KYIS GANG BRTEN PA, ,SAR GYUR DE NI BCU GSUM PA, ,ZHES GSUNGS PA TZAM MA GTOGS PA SA YI MING DON DANG, GANG NAS BRTZAMS PA'I BCU GSUM PA YIN PA'I TSUL MA BSHAD LA LUNG DE SGRON GSAL LAS 'OD GSAL GYI LUNG DU DRANGS SO, ,GZHUNG 'DI DANG SPYOD BSDUS GNYIS SU'ANG SNGAR LTAR GSUNGS PA TZAM MA GTOGS PA SA'I MING DON DANG, GANG NAS BZUNG STE 'JOG PA SOGS MI GSAL BAS 'DI'I RJES 'BRANG RNAMS KYANG 'DOD PA DU MA ZHIG TU GYUR TO, ,'DI LTAR SPYOD BSDUS KYI 'GREL PA DANG, RIM LNGA'I 'GREL PA KHA CIG TU MOS SPYOD KYI SA SBYOR LAM BZHI GSUM BCU GNYIS LA SA BCU GNYIS SU BYAS TE, DE'I LTAR NA SA DANG PO NI DROD CHUNG NGU YIN PAS DE NAS SA'I THOG MA 'DZIN ZHING SA DANG PO RAB TU DGA' BA SA BCU GSUM PAR BYED PAR MNGON NO, ,RIM LNGA'I 'GREL PA MANG POS NI SA RAB TU DGA' BA SOGS KYI GRANGS LA BSHAD DO, ,

, ,SNGAGS KYI GZHUNG GZHAN RNAMS NAS GNAS LA SOGS PA BCU GNYIS SA BCU GNYIS SU BSHAD PA SOGS LA RAB DGA' SOGS BCU GCIG DANG MOS SPYOD KYI SA DANG BCU GNYIS BSHAD PA MANG BAS SA'I GRANGS NI PHA ROL TU PHYIN PA'I THEG PA LA GRAGS BA LTAR 'THAD DO, ,SA LHAG MA JI LTAR SBYOR BA LA LAKshM'IS, RDOR BZLAS KYIS SA DGU PA 'THOB PA NI SHUGS KYIS BSTAN LA, SGYU LUS NI SEMS DBEN GYI RJES THOB YIN PAS RNAM BCAS RNAM MED KYI DBYE BA YOD KYANG SA YI DBYE BA MED PAS DE GNYIS KAS SA BCU PA DANG, 'OD GSAL MNYAM GZHAG DANG ZUNG 'JUG DE'I RJES THOB YIN PAS DE GNYIS KAS BCU GCIG KUN TU 'OD 'THOB BO, ,DE NYID LAS DANG PO PA'I SA LA BLTOS NAS SA BCU GNYIS PA YIN NO, ,ZHES 'CHAD DO, , DBANG BSKUR RE RE SA RE RER BSHAD PA'I DON LA AA LAM KA KA LA SHAS, SLOB DPON DANG GSANG DBANG GNYIS KYIS SA BRGYAD DANG, SHES RAB YE SHES KYIS DGU PA DANG, BZHI PA'I DPES BCU PA DANG, DON GYIS BCU GCIG PA STE MOS SPYOD KYI SA LA BLTOS NAS BCU GNYIS PA'O, ,PHYAG RGYA CHEN PO MNGON DU BYED PAS NI BCU GSUM PA'O, ,YANG NA SLOB DPON GYI DBANG GIS SA BRGYAD PA DANG, GSANG DBANG GI RDO RJE BZLAS PA LA BRTEN NAS SA DGU PA DANG, SHES RAB YE SHES KYI DBANG GI SEMS DBEN GYIS SA BCU PA STE RANG BYIN RLABS KYANG DE NYID DO, ,DBANG BZHI PA'I MNGON PAR BYANG CHUB PA'I RIM PAS BCU GCIG PA STE MOS SPYOD KYI SA DANG BCAS PAS BCU GNYIS PA'O, ,ZUNG 'JUG GI RIM PAS BCU GSUM PA'O, ,ZHES 'CHAD DO, ,DE NI SA BCU BZHI DGOS PA LA BCU GSUM

LAS MA BYUNG BA DANG, BUM DBANG BCU GCIG RE RE DANG SBYAR RGYU LA SA BRGYAD LAS MA BYUNG BAS RGYUD DANG MI MTHUN PA'I BSHAD PA'O, ,DES NA 'PHAGS SKOR LNGA'I GZHUNG NAS SA'I SPYI GRANGS JI LTAR BYED MI GSAL YANG, BSHAD RGYUD RDOR PHRENG NAS GSUNGS PA LTAR BCU BZHIR BYA STE, DGONGS PA LUNG STON LAS 'OD GSAL BCU GSUM PAR GSUNGS PAS KYANG ZUNG 'JUG BCU BZHI PAR GO'O, ,SNGAR LTAR SA'I GRANGS GZHUNG GNYIS SU SMOS PA'I SHUGS KYIS NI RDOR BZLAS KYIS SA DGU PA DANG, SGYU LUS KYI SA BCU GCIG PA DANG, 'OD GSAL GYI SA BCU GNYIS PA DANG, ZUNG 'JUG GIS SA BCU GSUM PA 'THOB PAR BSTAN LA, DE NYID MOS SPYOD KYI SA LA BLTOS NAS BCU BZHI PA'O, ,GAL TE PHAR PHYIN GYI THEG PA'I SA'I GRANGS NI MOS SPYOD KYI SA DANG BCAS PA'I BCU GNYIS SAM, LAS DANG PO PA'I SA BSNAN NA BCU GSUM LAS MED PA LA BCU BZHIR JI LTAR BYED SNYAM NA, MNGON BRJOD BLA MAR, RAB DGA' SOGS BCU DANG, DE NAS DPE MED PA'I SA DANG, YE SHES LDAN GYI SA DANG, RDO RJE'I SA STE BCU GSUM BSHAD PA LA, MAN NGAG SNYE MAR SA BCU PA LA BCU PA THOB MA THAG PA DANG, KHYAD PAR GYI LAM DANG, BAR CHAD MED PA'I LAM GSUM DU PHYE NAS PHYI MA GNYIS DPE MED DANG YE SHES LDAN GYI SAR BSHAD PA LTAR, 'DIR YANG SA BCU PA LA GSUM DU BYAS NAS SEMS DBEN DANG SGYU LUS DANG 'OD GSAL GSUM DANG SBYAR RO, ,'O NA LAM DE DAG SA DE RNAMS DANG SBYOR BA'I TSUL JI LTAR YIN SNYAM NA, 'DI LA KHA CIG LAM DE DANG DE RNAMS MTHAR PHYIN PA NA SA DE DANG DE DAG DNGOS 'THOB PAS SGRA JI BZHIN PA'I SBYOR TSUL BYED DO, ,DE NI MI 'THAD DE, SPYOD BSDUS

, ,LAS, SGYU MA LTA BU'I TING NGE 'DZIN LA SNYOMS PAR ZHUGS PA RNAMS KYIS KYANG JI SRID DU DON DAM PA'I BDEN PA MNGON PAR RTOGS PA THOB PA MA YIN PA DE SRID DU PHYIR MI LDOG PAR MI 'GYUR RO, ,DE CI'I PHYIR ZHE NA, SNANG BA GSUM RNAM PAR MA DAG PA'O, ,JI SRID DU RNAM PAR SHES PA'I KUN TU RTOG PA DE SRID DU NI NYON MONGS PA'I BAG CHAGS KYI RGYUN NO, ,NYON MONGS PA'I BAG CHAGS KYI RGYUN LAS YANG SRID PA'O, ,ZHES SGYU LUS THOB KYANG 'OD GSAL MA THOB NA NYON MONGS KYI DBANG GIS 'KHOR BAR LDOG PAR GSUNGS PA'I PHYIR DANG, SA BCU PA CHOS KYI SPRIN THOB NA 'KHOR BAR LAS NYON GYI DBANG GIS SKYE MI SRID PA'I PHYIR RO, ,RIGS PA DES NI BSKYED RIM DANG RDOR BZLAS DANG SEMS DBEN MTHAR PHYIN PAS SA BRGYAD PA MI GA-YO BA SOGS GSUM THOB PA MI 'THAD PAR YANG SHES PAR BYA'O, ,YANG KHA CIG GIS SA DE RNAMS DNGOS SU THOB PA MIN GYI PHAR PHYIN GYI SA DE DAG DANG SNGAGS KYI LAM DE RNAMS RDZOGS PA'I SANGS RGYAS SU BGROD PA'I LAM GYI NUS PA MTSUNGS PA'I SGO NAS DE DAG THOB PAR BZHAG PA YIN NO, ,ZHES PA'ANG MI 'THAD DE, SNGAGS KYI LAM DE DAG GANG GI DBANG DU BYAS PA'I GDUL BYA'I GTZO BO RIN PO CHE LTA BU NI BSKYED RIM LA 'JUG PA NAS TSE DE LA SANGS RGYAS MNGON DU BYED NUS KYI, PHAR PHYIN GYI THEG PAR NI SA BCU PAS KYANG SKYE BA GCIG GI SA THOGS NA TSE GCIG LA SANGS RGYAS MNGON DU BYED MI NUS PA'I PHYIR SA BCU PA SRID PA THA MA PA KHO NA DANG NUS PA BSTUN NAS 'JOG DGOS PAR 'GYUR RO, ,'O NA JI LTAR YIN SNYAM NA, 'DI NI DBANG BSKUR RE RE SA RE RE DANG SBYAR BA DANG, YANG GZHUNG GZHAN LAS SBYOR BA TSOGS BSAGS

TSOGS LAM DANG, YE SHES KYI TSOGS SGOM PA NAS BAR SRID KYI YI GE MA ZHUGS TSUN CHAD SBYOR LAM DANG, ZHUGS NAS 'BRAS BU RDO RJE 'DZIN PA MA RDZOGS KYI BAR MTHONG SGOM DANG, DE RDZOGS NAS MI SLOB LAM DU BZHAG PA DANG, YANG TING NGE 'DZIN GSUM SKU GSUM DANG MTHONG SGOM MI SLOB LAM GSUM DANG SBYAR BA DANG, LHAG MOS 'OD GSAL DU SDUD PA CHOS SKU DANG, DANG PO'I MGON PO SKYED PA LONGS SKU DANG, SPRUL SKUR BSGYUR BA SPRUL SKU DANG SBYAR PA DANG, DE BZHIN DU GNAS LA SOGS PA BCU GNYIS SA BCU GNYIS DANG SBYOR BA RNAMS DANG SBYOR LUGS 'DRA BA YIN TE, DE DAG DANG SBYOR BA'I CHOS MTHUN KHYAD PAR CAN RE YOD PAS DE LA DGONGS NAS YIN NO, ,'O NA 'DIR CHOS MTHUN KHYAD PAR CAN JI LTA BU YOD SNYAM NA, SA RAB TU DGA' BA NAS BRGYAD PA MI GA-YO BA'I BAR DU BSKYED PAS ZHING RNAM PAR DAG PA LA DBANG BA'I TING NGE 'DZIN THOB PA BZHIN DU, BSKYED RIM GYI THOG MA NAS BRTZAMS TE PHRA THIG MTHAR PHYIN PHYIN GYI BAR DU RGYUD LA BSKYED PAS, SNOD BCUD LA THA MAL GYI SNANG ZHEN LOG NAS SNOD THAMS CAD GZHAL YAS KHANG DANG BCUD THAMS CAD LHA PHO MO'I RNAM PAR SNANG BA'I TING NGE 'DZIN BRTAN PO RNYED PA'I PHYIR SA BRGYAD PA THOB PA DANG 'DRA BAS DE THOB PAR GSUNGS SO, ,YANG SA DGU PAR SO SO YANG DAG PAR RIG PA BZHI THOB PAS CHOS STON PA'I YE SHES LA DBANG THOB PA BZHIN DU RDO RJE BZLAS PA MTHAR PHYIN PA NA NGAG GI RTZA BA'I RLUNG DBANG DU 'DUS NAS NGAG RNAM PAR DAG PAR 'GYUR BAS DE THOB PA NAS DGU PA THOB PAR GSUNGS SO, ,SA BCU PA THOB MA THAG PA NAS LUS NGAN PA'I RGYU'I LAS KYI BAG CHAGS DMAN PA THAMS CAD KYANG BZANG POR BSGYUR BA LA DBANG THOB

, ,PA BZHIN DU SEMS DBEN RDZOGS PA NA 'GRO BA NGAN PA'I RGYUR GYUR PA'I RLUNG SEMS GNYIS SGYU MA LTA BU'I RDO RJE SEMS DPA'I SKUR BSGYUR NUS PAS DE THOB PA NA SA BCU PA THOB PAR GSUNGS SO, ,SA BCU PA'I KHYAD PAR GYI LAM LA GNAS PA SKYE BA GCIG GIS THOGS PA DES LUS DE TZAM ZHIG DOR BAS 'TSANG RGYA BA BZHIN DU, RLUNG SEMS TZAM LAS GRUB PA'I RDO RJE 'CHANG GI RNAM PA CAN GYI SKU GRUB PA DES KYANG RANG GI RNAM SMIN GYI LUS DE DOR BA TZAM GYIS ZUNG 'JUG GI SKUR 'TSANG RGYA BAS DE THOB PA LA SA BCU PA SKYE BA GCIG GIS THOGS PA'I SA THOB PA ZHES BYA'O, ,SA BCU PA'I BAR CHAD MED LAM LA GNAS PA DES RANG GI PHYI LOGS DE MA THAG TU 'TSANG RGYA BA BZHIN DU 'OD GSAL DU ZHUGS PA DES KYANG RANG GI DE MA THAG TU LUGS LDOG GI SNANG BA RLUNG DANG BCAS PA LAS ZUNG 'JUG GI SKUR 'GYUR BAS, DE THOB PA LA SA BCU PA'I BAR CHAD MED LAM GYI SA THOB PAR GSUNGS SO, ,RGYUN MTHA'I PHYI LOGS SU SANGS RGYAS PA DES MI SLOB PA'I LAM THOB PA BZHIN DU, ZUNG 'JUG GI SKU GRUB PA DES KYANG, ZUNG 'JUG TING NGE 'DZIN LA GNAS NAS, SLAR ZHING GANG LA'ANG MI SLOB PO, ,ZHES GSUNGS PA BZHIN DU, LAM GYI RIM PA LA GSAR DU BSLAB TU MED PA'I GO 'PHANG THOB NAS YONGS SU RDZOGS PA'I RNAL 'BYOR PAR GYUR PAS, DE THOB PA LA SANGS RGYAS KYIS KUN TU 'OD THOB PA ZHES GSUNGS SO, ,MNGON RDZOGS BYANG CHUB NI 'OD GSAL LO, ,DAG PA'I GNAS THOB PA LA, GTZANG MA'I GNAS SU NYE BAR 'GRO, ZHES BSHAD KYANG, SNGA MA LEGS TE NYON MONGS DAG PA'I GNAS TE RGYU'O, ,PHYIR

MI LDOG PA NI DE THOB NAS 'KHOR BAR MI LDOG PA'O, ,SKYE BA 'DIR THAMS CAD MKHYEN PA THOB PA NI SRID PA THA MA PAR STON NO, ,BZHI PA NI, CHOS KYI 'BYUNG GNAS NAS 'DIR SLOB BO, ,ZHES PA'I BAR GYIS STON TE, CHOS 'BYUNG NI STOBS LA SOGS PA'I YON TAN GYI CHOS 'BYUNG BA STE MNGON PAR BYANG CHUB PA 'OD GSAL LO, ,DE LA BRTEN NAS CHAGS SOGS KYI RIM PA RGYA CHEN POS CHOS KYI DBYINGS MNGON PAR BYANG CHUB PA STE RTOGS PAR BYED DO, ,YO BYAD JI LTAR RNYED PA'I SPYOD PA BYED PA POS, MNGON PAR RTOGS PAR GANG GYUR PA DE LA BLA NA MED PAR MNGON PAR BYANG CHUB PA'I SPYOD PA SPROS BCAS LA SOGS PA GSUM GYIS 'DIR SLOB BA, ,DE NAS GZOD NAS ZHES PA BZHIS SPYOD PA MI DGOS PAR RTZOD DE DE BZHIN NYID GDOD NAS GRUB PA'I DON RTOG MED NI RTOG PA'I KUN SPYOD LAS MI 'BYUNG NGO SNYAM PA'O, ,'DIR GDOD NAS GRUB PA'I RANG BZHIN CAN, NGO BO NYID KYIS DE GRUB NA, ,BSLAB PA'I SBYOR BAS CI ZHIG BYA, ,RTOG LAS DE BZHIN NYID MI SKYE, ,ZHES BSGYUR BA LEGS SO, ,DE NAS GANG ZHIG CES PA BZHIS SPYOD PA MI BYED NA YE SHES MI 'PHEL BAS 'PHEL BA'I DON DU SLOB PAR BSTAN NO, ,DE NAS RANG BZHIN SNANG BA'I ZHES BA BZHIS SPYOD PA LA BSLABS NA BYANG CHUB MYUR BAR BSHAD DE, 'DI'I RKANG PA GSUM PA DANG DANG PO GNYIS KYIS 'OD GSAL THOB NAS SPYOD PA BYED PAR BSHAD CING, RDO RJE PHRENG BAR RANG BZHIN SNANG BA'I DBYE BA SHES NAS SPYOD PA BYA BAR GSUNGS PA'I DGONGS PA 'ANG BSHAD DO, ,JI LTAR ZHES PA BZHIS SPYOD PA MA SPYAD NA BYANG CHUB MI 'THOB PA DPE DANG BCAS PA GSUNGS SO, ,GSUM PA LA SNOD MIN NI GANG ZHIG CES PA TSIGS SU BCAD PA GNYIS KYIS STON TE, RKANG PA BZHI PA NI, CHAG GIS, KUN MKHYEN YANG DAG THOB MI 'GYUR, ,ZHES SOGS DMAN PA ZHES BSGYUR BA LEGS

, ,SO, ,DE LTAR RANG BZHIN NGAN GYUR ZHES PA BZHIS NI DE DRUNG DU MI GZHAG PAR BSTAN NO, ,SNOD DU GYUR PA NI YON TAN MCHOG LDAN ZHES PA BZHIS BSTAN TO, ,SNOD DU GYUR PA NI YON TAN MCHOG LDAN ZHES PA BZHIS BSTAN TO, ,BZHI PA LA RGYUD MANG DU THOS KYANG DE KHO NA NYID KYI MAN NGAG MA THOB NA 'CHAD PAR MI 'OS PA NI RGYUD NI ZHES PA BZHIS BSTAN NO, ,'DIR 'GYUR RNYING LEGS SO, ,MAN NGAG THOB KYANG MANG DU THOS PA MED NA'ANG 'CHAD PA POR MI 'OS PA NI, GZHAN YANG, SKAL PA DANG LDAN GYUR ZHING DE NYID MAN NGAG THOB, ,GANG YANG BLO GROS BLUN ZHING DON GYI SBYOR LA NUS PA MED, ,GZHAN PHAN BYA BA'I BLO YIS STON PA LA NI RAB 'JUG PA, ,TSIG GI YON TAN RNAM PAR DMAN PA DE YANG BRNYAS PAR 'GYUR, ,ZHES PAS BSTAN TE 'DI LAKshM'I'I 'GREL PAR MA BYUNG NGO, ,RGYUD MANG DU THOS PA DANG DE KHO NA NYID KYI MAN NGAG THOB NAS MAN NGAG STON PAR 'OS PA NI RGYUD NI ZHES PA BZHIS BSTAN TO, ,GNAS DRUG SHES PA NI MTHA' DRUG GI SGO NAS RGYUD BSHAD NUS PA LA BSHAD DO, ,GSUM PA NI, 'PHAGS PA RDO RJE CAN GYI DRIN GYIS RGYUD RNAMS MANG PO THOS, ZHES PA BZHIS JI LTAR BRTZAMS PA DANG, RTZOM PA PO DANG, DE'I DGE BA BSNGO BA BSTAN TO, ,'PHAGS PA RDO RJE CAN GYI DRIN NI RMI LAM DU RDO RJE 'CHANG CHEN POS RJES SU BZUNG BA'I DRIN GYIS ZHES DANG, SH'AKYA BSHES GNYEN NI, SLOB DPON GYI RAB BYUNG GI MTSAN YIN LA, DNGOS GRUB KYI MTSAN NI KLU SGRUB CES PA'O, ,ZHES RANG LUGS DANG, GZHAN DAG SLOB DPON NYID KYI SLOB MA SH'AKYA BSHES GNYEN TE, SLOB DPON NYID KYIS MDZAD PA'I RAB TU BYED PA LA SLOB MA'I MING 'JOG PA NI SHIN TU DGYES PA'I PHYIR RO, ,

DE'I LUGS LTAR NA 'PHAGS PA RDO RJE CAN NI KLU SGRUB BO ZHES GZHAN LUGS 'CHAD DO, ,'DI LA RGYA GAR DU YANG AA BHA Y'A KAR LA SOGS PA MANG POS NI, 'PHAGS PA'I SLOB MA SH'AKYA BSHES GNYEN GYIS MDZAD PAR BZHED LA, LAKshM'IS LA SOGS PA 'GA' ZHIG GIS NI, SLOB DPON NYID KYIS MDZAD ZER RO, ,'DI LTAR DU GO STE MNGON PAR BYANG CHUB PA'I RIM PA LAS, BZHI PA MNGON RDZOGS BYANG CHUB PA'I, ,RIM PA 'DI NI BDAG GIS BSHAD, ,CES GSUNGS SHING, ZUNG 'JUG GI RIM PA LAS KYANG, MCHOG GYUR RIM PA LNGA PO NI, ZHES GSUNGS PAS, SLOB DPON NYID KYIS RIM PA LNGA MDZAD PA YIN NO, ,BSDUS PA'I RIM PA MDOR BYAS LA RIM PA GCIG DANG, RDZOGS RIM LA RIM PA BZHI YIN PAS 'OD GSAL RIM PA BZHI PA DANG, RIM PA LNGA MDZAD PA YIN NO SNYAM NA, DE NI MA YIN TE, RDO RJE BZLAS PA DANG, BDAG BYIN RLABS DANG, MNGON PAR BYANG CHUB PA'I RIM PA GSUM LA BRTZAMS PA'I DGE RTZA BSNGO BA MA MDZAD PAR ZUNG 'JUG RDZOGS PA'I MTHAR, MCHOG GYUR RIM PA LNGA PO NI, ,BSHAD LAS BSOD NAMS GANG THOB PAS, ,ZUNG DU 'JUG PA'I TING NGE 'DZIN, ,'DI YIS 'JIG RTEN ROL PAR SHOG ,CES RIM PA LNGA KA BRTZAMS PA'I DGE BA BSNGO BA RIM PA THA MAR MDZAD LA, MDOR BYAS LAS DGE RTZA BSNGO BA MDZAD PA'I PHYIR RO, ,DES NA RDZOGS RIM RIM PA LNGA MDZAD PAR GSAL LO, ,'O NA RIM PA GNYIS PA'I MJUG TU BRTZAMS PA'I DGE RTZA BSNGO BA MDZAD PAS DE SLOB DPON GYIS MDZAD PA MA YIN LA, DE MIN PA'I RDZOGS RIM GYI RIM PA GZHAN YANG SLOB DPON GYIS MA MDZAD PAS, RDZOGS RIM GYI RIM PA LNGA JI LTAR 'THAD SNYAM NA SNGAR BSHAD PA'I RGYU MTSAN DANG, SPYOD BSDUS SU RIM

, ,PA GNYIS PA NAS LUNG LAN GNYIS DRANGS PAS DGONGS PA BLA NA MED PA'I RIM PA 'DI 'PHAGS PAS MDZAD PA YIN NO, ,'ON KYANG 'DI LA BSNGO BA ZUR DU MDZAD PA DANG, 'PHAGS PA'I DRIN GYIS RGYUD MANG DU THOS NAS SH'AKYA BSHES GNYEN GYIS BRTZAMS PAR GSUNGS PAS 'PHAGS PAS MDZAD PA'I GSHAM LA SH'AKYA BSHES GNYEN GYIS MDZAD PA ZHIG BTAGS NAS GZHUNG ZUR DU MA BYAS PA ZHIG YIN PAR SNANG NGO, ,'O NA DE GNYIS KYI MTSAMS SO SOR GZUNG NUS SAM MI NUS SHE NA, ZHIB TU DPYAD NA SO SOR GZUNG NUS PAR MNGON TE, SRID PA'I GZEB LAS GROL BAR 'GYUR, ZHES PA YAN CHAD KYIS SNANG BA GSUM DANG, RANG BZHIN GTAN LA 'BEBS PA DANG, STONG PA GSUM GYI YE SHES BSKYED TSUL DANG, DE MA RTOGS PA'I NYES DMIGS DANG, RTOGS PA'I PHAN YON RNAMS BSTAN 'DUG LA, DE TZAM GYIS SEMS DBEN GYI GNAD RNAMS RDZOGS NAS SNANG BAS DE YAN CHAD SLOB DPON GYIS MDZAD PAR MNGON NO, ,DE NAS BSKYED RIM PAS SNANG MCHED THOB GSUM LA ZLA BA RDO RJE SOGS SU MOS NAS LHA BSKYED TSUL DANG, RDZOGS RIM PAS STONG PA BZHI'I MTHAR LUGS LDOG GI SNANG BA GSUM LA LHA'I SKU BSKYED TSUL BSTAN PA MAN CHAD SH'AKYA BSHES GNYEN GYIS MDZAD PAR MNGON TE, SLOB DPON GYIS NI RDZOGS RIM PAS 'OD GSAL GYI MTHAR LHA'I SKU BSKYED TSUL RIM PA BZHI PAR, JI LTAR CHU KLUNG DANG PA LA, , ZHES SOGS KYIS BSHAD PA'I PHYIR DANG, 'DAS PA DANG NI MA 'ONGS DANG, ,ZHES SOGS SNGAR RIM PA DANG POR BSHAD ZIN PA'I PHYIR RO, ,MDOR NA, SLOB DPON GYI YIN NA RIM PA GNYIS PA 'DIR 'OD GSAL RGYAS PAR STON PAR MI RIGS TE, RANG GI SKABS DOR

NAS SKABS GZHAN DU BSHAD PA'I PHYIR RO, ,SH'AKYA BSHES GNYEN GYI YIN NA MDOR BSTAN GYI SKABS SU STONG PA BZHI PA BYUNG BAS DE RGYAS PAR 'CHAD PAR SBYAR NA 'GRIG GO ,BLA NA MED PA'I DGONGS PA ZHES BYA BA'I DGONGS PA NI RTOGS PA'I DON NO, ,BLA NA MED PA NI SEMS DBEN GYI DE KHO NA NYID RTOGS PA DE LAM GZHAN LAS PHUL DU BYUNG BA'O, ,'DI NI SLOB DPON GYIS BTAGS PA'I MING DU MNGON TE SPYOD BSDUS LAS, DE BZHIN DU SMOS PA'O, ,THAMS CAD NI SNANG BA GSUM DANG, GRANG BZHIN RNAMS SO, ,RNAM PAR DAG PA NI 'OD GSAL TE 'DI NI SLOB DPON SH'AKYA BSHES GNYEN GYIS BTAGS PA'I MING DU MNGON NO, ,DGONGS PA BLA NA MED PA'I RIM PA BSHAD ZIN TO, ,MANGGA LAm, ,